Wylie

e-texts based on the ACIP/ALL Input

@337བ ་བརྒྱན་པར་བྱ། །དད་པའི་ནོར་དང་ཚུལ་ཁྲིམས་ནོར། །ཁྲེལ་ཡོད་ངོ་ཚ་ཤེས་པའི་ནོར། །ཐོས་པའིནོར་དང་གཏོང་པའི་ནོར། །ཤེས་རབ་ཉིད་ཀྱི་ནོར་བདུན་པོ། །ནོར་གྱི་རྣམ་པ་འདི་དག་ནི། །མི་བྲད་པ་ཡི་གཏེར་བདུན་ཏེ། །མི་མ ་ཡིན་ལ་བརྗོད་མི་བྱ། །རྟག་ཏུ་འདུ་འཇི་སྤང་བྱ་ཞིང། །དགོན་པ་ལ་ནི་གནས་པར་བྱ། །འཁྱལ་པའི་ཚིགས་རྣམས་སྤང་བྱ་ཞིང། །ངག་རྣམས་རྟག་ཏུ་བསྡམ་པར་བྱ། །བླ་མ་མཁན་པོ་མཐོང་བའི་ཆོ། །བུས་པས་རིམ་གྲོ་བསྐོང་བར་བྱ།། ་གང་ཟག་ཆོས་ཀྱི་མིག་ཅན་དང། །ལས་དང་པོ་པའི་སེམས་ཅན་ལ། །སྟོན་པའི་འདུ་ཤེས་བསྐྱེད་པར་བྱ། །སེམས་ཅན་ཐམས་ཅད་མཐོང་བའི་ཚོ། །ཕ་མ་བུ་ཆེའི་འདུ་ཤེས་བསྐྱེད། །སྡིག་པའི་གྲོགས་པོ་སྤང་བྱ་ཞིང། །དགེ་བའི ་བཤེས་གཉེན་བསྟེན་པར་བྱ། །སྡང་དང་མི་བདེའི་ས་སྤང་ཞིང། །གང་དུ་བདེ་བར་འགྲོ་བར་བྱ། །གང་ལ་ཆགས་པ་སྤང་བྱ་ཞིང། །ཆགས་བ་མེད་པར་གནས་པར་བྱ། །ཆགས་པས་བདེ་འགྲོ་མི་ཐོབ་ཅིང། །ཐར་པའི་སྲོག་ཀྱང ་གཅོད་པར་བྱེད། །གང་དུ་དགེ་བའི་ཆོས་མཐོང་བ། །དེར་ནི་རྟག་ཏུ་འབད་པར་བྱ། །ཐོག་མ་བ་རྩམས་པ་གང་ཡིན་པ། །དང་པོ་དེ་ཉིད་བསྒྲུབ་བྱ་སྟེ། །དེ་ལྟ་ན་ནི་ཀུན་ལེགས་བྱས། །གཞན་དུ་གཉིས་ཀ་འགྲུབ་མི་འགྱུར། །རྟག ་ཏུ་སྡིག་ལ་དགའ་བྲལ་བྱ། །གང་དུ་མཐོ་བའི་སེམས་འབྱུང་ཚེ། །དེ་ཚོ་ང་རྒྱལ་བཅག་བྱ་ཞིང། །བླ་མའི་གདམས་ངག་དྲན་པར་བྱ། །ཞུམ་པའི་སེམས་ནི་བྱུང་བའི་ཆེ། །སེམས་ཀྱི་གཟངས་ནི་བསྟོད་པར་བྱ། །རྟག་ཏུ་སྟོང་ཉིད ་བསྒོམ་པར་བྱ། །གང་དུ་ཆགས་སྡང་བ་ཡུལ་བྱུང་ཆེ། །སྒྱུ་མ་སྤྲུལ་པ་བཞིན་དུ་བལྟ། །མི་སྙན་ཚིག་རྣམས་ཐོས་པའི་ཚོ། །བྲག་ཅ་བཞིན་དུ་བལྟ་བར་བྱ། །ལུས་ལ་གནོད་པ་བྱུང་བའི་ཚེ། །སྔོན་གྱི་ལས་སུ་བལྟ་བར་བྱ། །བས ་མཛའ་དགོན་པར་རབ་གནས་ཤིང། །རི་དགས་ཤི་བའི་རོ་བཞིན་དུ། །བདག་གི་བདག་ཉིད་སྦ་བྱ་ཞིང། །ཆགས་པ་མེད་པར་གནས་པར་བྱ། །རྟག་ཏུ་ཡི་དམ་བརྟན་བྱ་ཞིང། །ལེ་ལོ་རྙོག་པའི་སེམS ་བྱུང་ཚེ། །དེ་ཚེ་བདག་ལ་བརྔན་བགྲང་ཞིང། །བརྟུལ་ཞུགས་སྙིང་པོ་དྲན་པར་བྱ། །གལ་ཏེ་གཞན་དག་མཐོང་བའི་ཚེ། །ཞི་དེས་གསོང་པོར་སྨྲ་བ་དང། །ཁྲོ་ཉེར་དོ་འཛིན་སྤང་བྱ་ཞིང། །རྟག་ཏུ་འཛུམ་ཞིང་གནས་པར་བྱ།། ་རྟག་ཏུ་གཞན་དག་མཐོང་བའི་ཚེ། །སེར་སྣ་མེད་ཅིང་སྦྱིན་ལ་དགའ་། །རྟག་ཏུ་ཕྲག་དོག་སྤང་བར་བྱ། །གཞན་གྱི་སེམས་ནི་བསྲུང་བའི་ཕྱིར། །རྩོད་པ་ཐམས་ཅད་སྤང་བྱ་ཞིང། །རྟག་ཏུ་བཟོད་དང་ལྡན་པར་བྱ། །ངོ་དགའ་མེད་ཅིང ་གསང་འགྲོགས་མེད། །རྟགས་ཏུ་ཟུངས་ནི་ཐུབ་པར་བྱ། །གཞན་ལ་བརྙས་པ་སྤང་བྱ་ཞིང། །གུས་པའི་ཚུལ་གྱིས་གནས་པར་བྱ། །གཞན་ལ་གདམས་ངན་བྱེད་པའི་ཚེ། །སྙིང་རྗེ་ཕན་སེམས་ལྡན་པར་བྱ། །ཆོས་ལ་སྐུར་པ ་གདབ་མི་བྱ། །གང་མོས་འདི་ལ་འདུན་པར་བྱ། །ཆོས་སྤྱོད་རྣམ་བཅུ་སྒོ་ནས་ནི། །ཉིན་མཚན་མེད་པར་འབད་པར་བྱ། །མང་པོའི་ནང་དུ་དག་ལ་བརྟག་།གཅིག་པུ་འདུག་ན་སེམས་ལ་བརྟག་།དུས་གསུམ་དགེ་རྩ་ཅི་བསགས་པ། །བླ ་མེད་བྱང་ཆུབ་ཆེན་པོར་བསྔོ། །བསོད་ནམས་སེམས་ཅན་རྣམས་ལ་བདག། །རྟག་ཏུ་ཡན་ལག་བདུན་པ་ཡི། །སྨོན་ལམ་ཆེན་པོ་གདབ་པར་བྱ། །དེ་ལྟར་བྱས་ན་བསོད་ནམས་དང། །ཚོགས་ཆེན་གཉིས་ཀྱང་རྫོགས་འགྱུར་ཏེ།། ་སྒྲིབ་པ་གཉིས་ཀྱང་ཟད་པར་འགྱུར། །མི་ལུས་ཐོབ་པའི་དོན་ཡོད་པས། །བླ་མེད་བྱང་ཆུབ་ཐོབ་པར་འགྱུར། །རྒྱ་གར་གྱི་མཁན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། །བྱང་ཆུབ་སེམས་དཔའ་ཨི་ནོར་བུའི་ཕྲེང་བ་རྫོགས་སོ།། །། ་