བོད་ཡིག

e-texts based on the ACIP/ALL Input

@337b brgyan par bya/ /dad pa'i nor dang tshul khrims nor/ /khrel yod ngo tsha shes pa'i nor/ /thos pa'inor dang gtong pa'i nor/ /shes rab nyid kyi nor bdun po/ /nor gyi rnam pa 'di dag ni/ /mi brad pa yi gter bdun te/ /mi ma yin la brjod mi bya/ /rtag tu 'du 'ji spang bya zhing/ /dgon pa la ni gnas par bya/ /'khyal pa'i tshigs rnams spang bya zhing/ /ngag rnams rtag tu bsdam par bya/ /bla ma mkhan po mthong ba'i cho/ /bus pas rim gro bskong bar bya// gang zag chos kyi mig can dang/ /las dang po pa'i sems can la/ /ston pa'i 'du shes bskyed par bya/ /sems can thams cad mthong ba'i tsho/ /pha ma bu che'i 'du shes bskyed/ /sdig pa'i grogs po spang bya zhing/ /dge ba'i bshes gnyen bsten par bya/ /sdang dang mi bde'i sa spang zhing/ /gang du bde bar 'gro bar bya/ /gang la chags pa spang bya zhing/ /chags ba med par gnas par bya/ /chags pas bde 'gro mi thob cing/ /thar pa'i srog kyang gcod par byed/ /gang du dge ba'i chos mthong ba/ /der ni rtag tu 'bad par bya/ /thog ma ba rtsams pa gang yin pa/ /dang po de nyid bsgrub bya ste/ /de lta na ni kun legs byas/ /gzhan du gnyis ka 'grub mi 'gyur/ /rtag tu sdig la dga' bral bya/ /gang du mtho ba'i sems 'byung tshe/ /de tsho nga rgyal bcag bya zhing/ /bla ma'i gdams ngag dran par bya/ /zhum pa'i sems ni byung ba'i che/ /sems kyi gzangs ni bstod par bya/ /rtag tu stong nyid bsgom par bya/ /gang du chags sdang ba yul byung che/ /sgyu ma sprul pa bzhin du blta/ /mi snyan tshig rnams thos pa'i tsho/ /brag ca bzhin du blta bar bya/ /lus la gnod pa byung ba'i tshe/ /sngon gyi las su blta bar bya/ /bas mdza' dgon par rab gnas shing/ /ri dags shi ba'i ro bzhin du/ /bdag gi bdag nyid sba bya zhing/ /chags pa med par gnas par bya/ /rtag tu yi dam brtan bya zhing/ /le lo rnyog pa'i semS byung tshe/ /de tshe bdag la brngan bgrang zhing/ /brtul zhugs snying po dran par bya/ /gal te gzhan dag mthong ba'i tshe/ /zhi des gsong por smra ba dang/ /khro nyer do 'dzin spang bya zhing/ /rtag tu 'dzum zhing gnas par bya// rtag tu gzhan dag mthong ba'i tshe/ /ser sna med cing sbyin la dga' / /rtag tu phrag dog spang bar bya/ /gzhan gyi sems ni bsrung ba'i phyir/ /rtsod pa thams cad spang bya zhing/ /rtag tu bzod dang ldan par bya/ /ngo dga' med cing gsang 'grogs med/ /rtags tu zungs ni thub par bya/ /gzhan la brnyas pa spang bya zhing/ /gus pa'i tshul gyis gnas par bya/ /gzhan la gdams ngan byed pa'i tshe/ /snying rje phan sems ldan par bya/ /chos la skur pa gdab mi bya/ /gang mos 'di la 'dun par bya/ /chos spyod rnam bcu sgo nas ni/ /nyin mtshan med par 'bad par bya/ /mang po'i nang du dag la brtag /gcig pu 'dug na sems la brtag /dus gsum dge rtsa ci bsags pa/ /bla med byang chub chen por bsngo/ /bsod nams sems can rnams la bdag/ /rtag tu yan lag bdun pa yi/ /smon lam chen po gdab par bya/ /de ltar byas na bsod nams dang/ /tshogs chen gnyis kyang rdzogs 'gyur te// sgrib pa gnyis kyang zad par 'gyur/ /mi lus thob pa'i don yod pas/ /bla med byang chub thob par 'gyur/ /rgya gar gyi mkhan po dpal mar me mdzad ye shes kyis mdzad pa/ /byang chub sems dpa' i nor bu'i phreng ba rdzogs so// //