Wylie

e-texts based on the ACIP/ALL Input

*། (།དཔལ་གཤིན་རྗེ་གཤེད་ནག་པོའི་མངོན་པར་རྟོགས་པའི་རིམ་པ་སློབ་དཔོན་དཔལ་རྡོ་རྗེའི་བློས་མཛད་པ་བཞུགས་སོ།།)་རྒྱ་གར་སྐད་དུ། ཀྲིཥྞ་ཡ་མ་རི་ཨ་བྷི་ས་མ་མ་ཀྲ་མ། བོད་སྐད་དུ། གཤིན་རྗེ་གཤེད་ནག་པོའི་མངོན་པར་རྟོགས་པའི་རིམ་པ། བཅོམ་ལྡན་འདས ་གཤིན་རྗེ་གཤེད་ལ་ཕྱག་འཚལ་ལོ། །གུས་པས་བླ་མ་དང་ནི་གཤིན་རྗེ་གཤེད་ནག་རྡོ་རྗེ་ནི། །ཉིད་མཚུངས་དང་འདུས་བདེ་བས་ཡོངས་གང་གཞན་གྱི་དོན་འཇུག་པ། །རྡོ་རྗེ་རལ་གྲི་འཁོར་ལོ་ཆུ་སྐྱེས་གྲི་གུག་ཐོད་པ་ཕྱག་ན་བསྣམས། །ཞལ་གསུམ་པ་ལ་འཇིགས ་བ་སེལ་མཛད་དེ་ལ་ཕྱག་འཚལ་ལོ། །དུས་དགྲ་ནག་པོ་སྒྲུབ་པ་ཉིད། །གང་ཞིག་འདོད་ནས་དེ་ཉིད་རིག་།དབང་བསྐུར་ལ་སོགས་ཐོབ་པ་དག་།དེ་ཡི་བསྡོམ་པའི་རིམ་པ་འདི། །བྱིས་པས་བདེ་བར་རྟོགས་ཕྱིར་དང། །མཚུངས་པ་རྣམས་ཀྱིས་དྲན་ཕྱིར་དང། ་གོང་མ་བྱིས་པའི་ཚིག་དག་ལ། །དགུ་བསྐྱེད་ཕྱིར་བྲི་བར་བྱ། །སྦྱིན་དང་ཚུལ་ཁྲིམས་ལ་སོགས་ལྡན། །སེམས་ཅན་དོན་དགའ་བློ་དང་ལྡན་ཁྱམས་པ་ལ་སོགས་ཡོན་ཏན་རྫོགས། །དད་དང་ཐོས་པས་རྣམ་བརྒྱན་པས། །དང་པོར་གདོང་ལ་སོགས་བཀྲུ་བ། །སྙིང་རྗེའི ་བདག་ཉིད་སྔོན་དུ་བྱ། །དབེན་པོའི་གནས་སུ་བཙམ་བྱ་སྟེ། །དུར་ཁྲོད་ལ་སོགས་བདེ་གནས་ལ། །འདུག་ནས་སྟིང་གར་པདྨ་དང། །ཤིན་ཏུ་འོད་གསལ་ཟླ་བ་བལྟ། །ཡ་ཡིག་སྔོན་པོ་འོད་མཛེས་པ། །སེམས་ཅན་འབྱོར་པའི་དོན་བྱེད་བལྟ། །ནམ་མཁའ་ཨི་ཁམས ་ནི་ཀུན་གང་བའི། །བླ་མ་དང་ནི་རྫོགས་སངས་བསྒོམ། །ལུས་ཀྱི་བསྐྱོད་པ་བྱས་ནས་ནི། །དེ་རྣམས་དམིགས་ནས་ཕྱག་ཀྱང་བྱ། །ཙར་ཙི་ཀ་སོགས་ཀྱིས་མཆོད་པ། །བྱས་ལ་སྡིག་པ་བཤགས་པའང་བྱ། །ལུས་དང་ངག་དང་ཡིད ་ཀྱིས་སྡིག་།བགྱིས་དང་བགྱིད་དུ་སྩལ་བ་དང། །གང་ཡང་རྗེས་སུ་ཡི་རང་བ། །དེ་ནི་མགོན་ལ་དུས་གསུམ་བཤགས། །རྫོགས་སངས་རྒྱས་དང་དེ་ཡི་སྲས། །འཕགས་པ་རྣམས་ཀྱིས་བསགས་པ་ཡི། །བསོད་ནམས་ཀུན་ལ་རྗེས་ཡི་རང། །དམ་པའི ་ཆོས་དང་ཚོགས་མཆོག་བཅས། །རྫོགས་སངས་རྒྱས་ལ་སྐྱབས་སུ་མཆི། །ཡོན་ཏན་རྒྱ་མཚོ་ཁྱོད་རྣམས་ལ། །བདག་གིས་ལུས་ནི་དབུལ་བར་བགྱིས། །དམ་པའི་ཆོས་ཀུན་སྟོན་མཛད་པའི། །སྒྲ་ཡིས་མཛེས་པས་ཁྱེད་བཞུགས་གསོལ། །ཡང་དག ་རྫོགས་སངས་སྲས་བཅས་པའི། །སྦྱིན་པ་ལ་སོགས་ངོ་བོ་ལ། །སྐུ་གསུམ་ཡེ་ཤེས་ཐོབ་བྱའི་ཕྱིར། །རབ་ཏུ་དགའ་བས་གནས་པར་བགྱི། །སེམས་ཅན་དོན་ཕྱིར་ཡང་དག་རྫོགས། །བྱང་ཆུབ་སེམས་ནི་བསྐྱེད་པར་བགྱི། ་དགེ་བ་ཡང་དག་གང་བསགས་པ། །བྱང་ཆུབ་ཏུ་ནི་བསྔོ་བར་བགྱི། །དཔལ་ལྡན་གཤིན་རྗེ་གཤེད་གྱུར་ནས། །བདག་གིས་འགྲོ་ལ་ཕན་བགྱིའོ་ཞེས། །སྨོན་ལམ་དེ་ལྟར་བཏབ་ནས་ནི། །དེ་ནས་བློ་ཡིས་གཤེགས་སུ་གསོལ། །སྙིང་རྗེས་ཆོ་ག ་བཞིན་བལྟས་ནས། །སྣ་ཚོགས་སྟོང་པར་རྣམ་པར་བསམ། །ངོ་བོ་ཉིད་དང་བྲལ་བའི་ཕྱིར། །རྒྱུ་ཉིད་ཀྱི་ནི་མཚན་མ་མེད། །རྣམ་པར་རྟོག་པ་སྤངས་པའི་ཕྱིར། །སྨོན་པ་ཉིད་ཀྱང་རྣམ་པར་སྤངས། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། སེམས་དེ ་བརྟན་པར་བྱས་ནས་ནི། །རཾ་ལས་བྱུང་བའི་ཉི་མ་ལ། །ཧཱུཾ་ལས་བྱུང་བའི་མདོག་སྔོན་པོ། །འོད་ཟེར་འཕྲོ་བས་ཀུན་བསྐོར་བའི། །རྡོ་རྗེ་ཀུན་ནས་རྩེ་ལྔ་པ། །བསྲུང་བའི་དོན་དུ་བསྒོམ་པར་བྱ། །རྡོ་རྗེ་ས་ཡི་དཀྱིལ་འཁོར་དང། །ར་བ་གུར་ཡང་དེ་བཞིན་ནོ། ། ་སངས་རྒྱས་ཞིང་ནི་རྣམ་སྦྱད་ཕྱིར། །ཡང་དག་བསྒོམ་པ་ཡང་བརྩམ་བྱ། །དེ་ལ་སྣ་ཚོགས་པད་ཟླ་བས། །རྡོ་རྗེ་བཟང་པོའི་ལུས་བྱུང་བའི། །ཆོས་འབྱུང་དཀར་པོ་གྲུ་གསུམ་པའི། །ནང་དུ་སྣ་ཚོགས་པད་རྡོ་རྗེ། །གྱེན་འགྲེང་མཁའ་མཉམ་བསྒོམ་པར་བྱ། །དེ ་ནང་དུ་ནི་དཀྱིལ་འཁོར་ཡང། །བྲུཾ་ཡིག་འཁོར་ལོ་ལས་བྱུང་བའི། །རྟག་པའི་ཡན་ལག་ལས་བྱུང་བ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་མཛེས་པར་བརྒྱན། །དོ་ཤལ་སེ་མོ་དོ་ཡིས་མཛེས། །བ་དན་རྩེ་མོ་སྣ་ཚོགས་པ། །རླུང ་གིས་བསྐྱོད་པའི་དྲིལ་བུར་ལྡན། །སྣ་ཚོགས་རྡོ་རྗེས་རྣམ་པར་མནན། །ཟླ་བ་ཉི་མ་རྒྱལ་བའི་གདན། །ཤར་གྱི་ཕྱོགས་ནི་དཀར་པོ་ཆེ། །ལྷོ་ཕྱོགས་སེར་པོ་ཡང་དག་ལྡན། །ནུབ་ཀྱི་ཆ་ནི་དམར་པོ་སྟེ། །བྱང་ཕྱོགས་མར་ཀཏ་ལྟ་བུའོ། །དབང་ལྡན་སྔོན་པོའི ་མདོག་འདྲ་བ། །དབུས་ཀྱི་ཆ་ནི་བསྒོམ་པར་བྱ། །འདི་བཞིན་སྣ་ཚོགས་རྡོ་རྗེ་དང། །རྩིག་ངོས་སྟེང་གཡོགས་ཀྱང་བསྒོམ་བྱ། །རྣམ་པ་ལྔ་ནི་རྣམ་བསྒོམ་ལ། །སངས་རྒྱས་གཟུགས་ནི་བསྒོམ་པར་བྱ། །དཔལ་ལྡན་རྡོ་རྗེ་འཆང་ཉིད་དེ། །རྣམ་པ་ལྔ་ཡིན ་གཤིན་རྗེ་རྣམས། །འཇིགས་བྱེད་སངས་རྒྱས་གཟུགས་ཤེས་གྲགས། །དེ་ཡི་དབྱེ་བ་བཤད་པར་བྱ། །སྣ་ཚོགས་གདན་གྱི་ལྟེ་བ་ལ། །པདྨ་ཟླ་བ་དབྱངས་ཡིག་ཟུང། །དེ་ལས་ཟླ་བ་ཀ་སོགས་པ། །ཌ་ཌཧ་ད་དྷ་ཡ་ལ་ཡང་བསྣན་པ་གཉིས་འགྱུར ་ལས་བྱུང་བ། །ཟླ་བ་དམར་པོ་བསྒོམ་པར་བྱ། །འདི་དག་ཡོངས་སུ་རྫོགས་པ་ནི། །མེ་ལོང་ལྟ་བུའི་ཡེ་ཤེས་བརྗོད། །དེ་དག་གཅིག་གྱུར་མཉམ་པ་ཉིད། །དེར་སྐྱེས་ཧཱུཾ་ནི་སོ་སོར་རྟོག་།བྱ་བ་ནན་ཏན་ལྡན་ཡེ་ཤེས། །དེ་ལས་སྐྱེས་པའི་རྡོ་རྗེའོ། །ཉི་མའི ་མདངས་ལྡན་ནོར་བུ་འདྲ། །ས་བོན་དང་བཅས་འོད་ཟེར་འཁྲུག་།ོཾ་བཛྲ་ཨཱཏྨ་ཀོ་ཧཾ། ཞེས་བྱ་བས་ང་རྒྱལ་བྱའོ། །དེ་ལས་སྐྱ་རེངས་དང་པོའི་མདོག་ཅན་ཐུབ་པའི་ཚོགས་ཀྱིས་མཛེས་པ་ཉིད་མཚུངས་ཀྱིས་འཁྱུད་སྐུ། །སྒེག་དང་ཁྲོ་བོའི་གཟུགས ་ཅན་བདེ་བ་མཆོག་གི་རང་བཞིན་དཀར་དང་སྔོ་དང་དམར་བའི་ཞལ་གཡོན་བརྐྱང་བ་ཡིས་གནས་པ་འབར་བའི་རལ་གྲི་རྡོ་རྗེ་གྲི་གུག་གསོར་མཛད་ཅིང། །འཁོར་ལོ་ཆུ་སྐྱེས་སྣོད་ནི་འོད་ཟེར་འཕྲོ་བ་གཡས་དང་གཡོན་པའི་ཕྱག་ན་བསྣམས། །ཆོས ་དབྱིངས་ཡེ་ཤེས་ངོ་བོ་ནི། །རྡོ་རྗེ་འཆང་གི་བདག་ཉིད་གང། །རྣམ་པ་ལྔ་ཡི་ངོ་བོ་ཉིད། །རྣལ་འབྱོར་ཞེས་ནི་བརྗོད་པ་ཡིན། །འདི་ནི་རྣལ་འབྱོར་རོ། །འདོད་ཆགས་ཆེན་པོས་འདུལ་བ་ཡི། །འགྲོ་བ་གསུམ་ལ་གཟིགས་ནས་ཀྱང། །རང ་སྙིང་ཡེ་ཤེས་འོད་འཕྲོས་པས། །སྣ་ཚོགས་སངས་རྒྱས་གཟུགས་སུ་བྱ། །དགའ་བ་དེ་དམ་པའི་གཟུགས་ཀྱིས་ནི། །རང་གི་ལུས་ལ་མཉམ་པར་གཞུག་།ཀུན་རྟོག་ཐམས་ཅད་སྤངས་པ་ཡི། །ལོངས་སྤྱོད་རྫོགས་པར་བདག་ཉིད་བསྒོམ། ། ་དེ་ལྟར་སྔགས་མཆོག་ཡི་གེ་གསུམ། །དམར་པོ་ཧོ་གཉིས་ཀྱིས་བརྟེན་པ། །ཇི་ལྟར་སྐར་མདའའཕོ་བ་བཞིན། །བྱང་ཆུབ་སེམས་ནི་དེ་ནས་གཞུག་།སྙིང་རྗེ་ཆགས་པའི་སེམས་ཉིད་ཀྱིས། །རྡོ་རྗེ་འཆང་ཉིད་དང་ཡང་ཞུ། །ཙར་ཙི ་ཀ་སོགས་བྱམས་སོགས་པས། །འཁོར་ལོའི་གཙོ་བོ་སྐུལ་བར་བྱེད། །སྙིང་རྗེས་ཁྲོས་པའི་དད་སྒྲོལ་བཞེངས། །ཁམས་གསུམ་ཀུན་གྱི་གཏི་མུག་གསོལ། །དད་སྒྲོལ་རྩོལ་མེད་མ་བཞུགས་བཞེངས། །བདུད་འདི་དག་ལས་རྒྱལ་བར་མཛོད། །འཇིག་རྟེན ་མགོན་པོས་སྟོང་ཉིད་ཅི་སྟེ་བཞུགས། །དང་སྒྲོལ་འཇིག་རྟེན་བསོད་ནམས་ཀྱིས་བཞེངས་ཤིག་།བྱང་ཆུབ་འདོད་པའི་འཇིག་རྟེན་མགྲོན་པོས་ནས། །ཇི་ལྟར་སྟོང་པ་ཉིད་ནི་སེམས་པར་བྱེད། །བསྐུལ་ནས་ཁུ་བ་དེར་ཐིམ་པར། །དེ་ལ་རྗེས་སུ་ཆགས ་པར་གྱུར། །དེ་ལྷེའི་གླུ་ཡི་ངོ་ཉིད་དུ། །དེ་ལ་རྒུད་པ་ལྟར་བསམས་ནས། །ཁུ་བའི་གཟུགས་ནི་ཡོངས་གྱུར་ཏེ། །ཡཾ་སྔོན་ཉི་མ་ལས་བྱུང་བ། །ཁྲོ་བོ་སྔོན་པོ་འཕྲོ་བར་བཅས། །རུས་པའི་རྒྱན་གྱིས་རྣམ་པར་བརྒྱན། །རྭ་རྣོན་འབར་ཞིང་སྤུ་སེར་སྐྱ། །རྨིག ་པས་བརྐོ་ཞིང་འཇིགས་སྦྱིན་པའི། །མ་ཧེ་ཡི་ནི་རྒྱབ་གནས་པའི། །རྡོ་རྗེ་སྔོན་པོ་འོད་དང་བཅས། །ས་བོན་བཅས་པ་དེའི་འོད་ཀྱིས། །མ་འོངས་ལས་དགྲ་འཇིགས་བྱས་ནས། །བདག་ཉིད་ལ་ནི་ཡང་དག་ཞུགས། །འཇིགས་པ་ཆེན་པོ་འང་འཇིགས་བྱེད ་པ། །མ་ཧེའི་རྡོ་རྗེ་རྣམ་བསྒོམས་ནས། །དཀྱིལ་འཁོར་གཙོ་བོ་བསྒོམ་པར་བྱ། །འཇིག་རྟེན་གསུམ་གྱི་བདུད་དཀྱིལ་འཁོར། །འོད་ཟེར་དྲག་པོ་སྤྲོས་པས་སྐྲོད། །དྲག་པོ་མུན་འདྲ་གཟུགས་དྲག་པོ། །ལྕེ་འདྲིལ་བ་ལ་འོད་འབྱིན་པ། །སྨར་སྨིན་མ་མགོ ་སྐྱེས་སེར། །གཡོན་བརྐྱང་བ་ཡི་གནས་པ་ཡིས། །གཤིན་རྗེ་དྲན་པ་མེད་པར་བྱེད། །རྩ་བའི་ཞལ་ནི་ནག་པོ་སྟེ། །གཡས་པ་ཟླ་བའི་འོད་འདྲ་བ། །གཡོན་པ་ཁྲག་དང་འདྲ་བར་བཤད། །རྡོ་རྗེའི་རྒྱན་གྱིས་རྣམ་པར་བརྒྱན། །ཐུང་ཞིང་གསུས་པར་འཕྱང་ལ ་སྤོམ། །མགོ་བོའི་ཕྲེང་བ་རྣམ་པར་འཕྱང། །གཡས་དང་གཡོན་གྱིས་ཕྱག་དག་ལ། །ཐོད་པ་དང་ནི་གྲི་གུག་བསྣམས། །ཉིད་མཚུངས་ཤེས་རབ་ཀྱིས་འཁྱུད་ཅིང། །བདེ་བར་འཇོམས་འཇུག་གཞན་དོན་འདོད། །གཡས་པའི་ཕྱག་ནི་ལྷག་མ་ལ། རྡོ་རྗེ་རལ་གྲི་འབར? ་བསྣམས། །འཁོར་ལོ་ཆུ་སྐྱེས་གཡོན་དག་ལ། །སྦྲུལ་གྱི་དབང་པོས་བརྒྱན་དུ་བྱས། །སྦྲུལ་རྒྱལ་སྔོན་པོ་དགའ་བོ་ཡིས། །སྐྲ་བཅིངས་ཤིན་ཏུ་འཇིགས་པར་བྱེད། །ཏཀྵ་ཀ་ཀླུ་དམར་པོ་ཡིས། །རྣ་ཆ་གདུབ་ཀོར་བྱས་པས་འཇིགས། །རིགས་ལྡན་ཁྲ་བོ་དཔུང ་བརྒྱན་ཏེ། །དུད་སྐྱོང་ཞེས་བྱའི་ཀླུ་དེ་ནི། །སེར་པོ་ལག་པའི་གདུ་བུ་བྱས། །པདྨ་དཀར་པོས་དོ་ཤལ་བྱས། །ཀར་ཀོ་ཊ་ནི་ལྗང་ཁུ་སྟེ། །སེ་རལ་ག་རུ་བྱས་པས་མཛེས། །བདུད་རྩིའི་མདོག་དང་འདྲ་བ་ཡི། །ནེར་རྒྱས་བུས་ནི་སྐར་རགས་བྱས། །པདྨའི་རྩ་བ་ལྟར ་དཀར་མདོག་།པདྨ་ཆེན་པོ་རྐད་གདུབ་ཡིན། །ཀུན་ཀྱང་ཕུཊ་སྒྲ་དྲག་པོ་སྒྲོགས། །ལྕེ་གཉིས་འཆེ་བའི་ཕྲེང་བ་ཅན། །དེ་ལྟར་འཁོར་བ་མྱ་ངན་འདས། །གཤིན་རྗེ་འདུལ་བའི་གཟུགས་སུ་ཤེས། །རྣམ་པར་རྟོག་པ་སྤངས་པའི་ཕྱིར། །སྔགས་ཀྱིས་ཡང་དག་བྱིན ་གྱིས་བརླབས། །ོཾ་དྷརྨ་དྷཱ་ཏུ་སྭ་བྷཱ་བ་ཨཱཏྨ་ཀོ་ཧཾ་ཞེས་བྱ་བ་ནི་རྗེས་སུ་རྣལ་འབྱོར་རོ། །རང་སྙིང་ས་བོན་འོད་ཀྱིས་བཀུག་།ཡང་དག་རྫོགས་སངས་མཁའ་ཁྱབ་པ། །ཀུན་ཏུ་ཁ་ནས་གཞུག་པར་བྱ། །བདེ་བ་མྱོང་བས་སྙིང་གར་གཞུ། །བྱས་ནས་བློ་ལྡན་ཁུ་བ་དེ།། ་རྡོ་རྗེ་ལམ་ནས་སྤྲོ་བར་བྱ། །ཉིད་མཚུངས་པདྨའི་ནང་དུ་གནས། །ས་བོན་ངོ་བོ་ལྡན་བྱས་ཏེ། །ས་བོན་ལས་བྱུང་འཁོར་ལོ་མཆོག་།ས་བོན་ཀུན་གྱི་བྱིན་བརླབ་ལ། །མེ་སྟག་ཚོགས་ཀྱིས་གསལ་གྱུར་པ། །བློ་ལྡན་ཆོ་ག་བཞིན་དུ་བསྒོམ། །དཀྱིལ་དུ ་?་སྔོན་ལས་བྱུང་བ། །བསྟན་པའི་མཚན་ལྡན་འཁོར་ལོ་ཅན། །ཤར་དུ་ཀྵེ་དང་འཁོར་ལོས་བྱུང། །རྟག་པ་ཕྱག་དྲུག་དཀར་པོའོ། །གཡས་ན་འཁོར་ལོ་རལ་གྲི་ཕྱག་།གཡོན་ན་རིན་ཆེན་ཆུ་སྐྱེས་འཛིན། །ལྷོ་རུ་མ་དང་རིན་ཆེན་ལས། །བྱུང་བ་རིན་ཆེན ་འབྱུང་ལྡན་ཏེ། །གཙོ་མ་གསེར་གྱི་མདོག་འདྲ་བ། གཡས་རིན་ཆེན་རལ་གྲི་བསྣམས། །ཕྱག་གཡོན་འཁོར་ལོ་ཆུ་སྐྱེས་སོ། །ནུབ་ཏུ་འདོད་ཆགས་རྡོ་རྗེ་ཅན། །མེ་དང་པདྨ་ལས་བྱུང་བ། །པདྨ་རཱ་ག་འདྲ་བའི་མདོག་།པདྨ་རལ་གྲི་བདེ?་ཆེན ་དང། །འཁོར་ལོ་གཡས་གཡོན་ཕྱག་ན་དགོད། །ད་དང་རལ་གྲི་ལས་བྱུང་བ། །ལྗང་གུ་ཕྲག་དོག་གཤིན་རྗེ་གཤེད། གཡས་ན་རལ་གྲི་འཁོར་ལོ་བསྣམས། །མཛེས་པ་ནོར་བུ་པདྨ་ག-ཡོན། །ཁྲོ་བོའི་གཟུགས་ཅན་ཐམས་ཅད་ཀྱང། །ཞེ་སྡང ་གཤིན་རྗེ་མཚན་ཉིད་འདྲ། །དེ་དག་རྩ་བའི་ཕྱག་གཉིས་ལ། །གྲི་གུག་དང་ནི་ཐོད་པ་བསམ། །རང་གི་ཤེས་རབ་ལུས་ངག་དང། །བདེ་བའི་ངོ་བོར་གཉིས་མེད་དུ་གྱུར། །ཉི་མའི་དཀྱིལ་འཁོར་མཉམ་པར་གནོན། །རྟག་པ་ཟླ་བའི་དཀྱིལ་འཁོར་ལ། །རྡོ་རྗེ ་རྩིབས་ཀྱི་ཙར་གནས་པ། །སེམས་ཅན་དོན་མཛད་བསྒོམ་པར་བྱ། །ཤར་སྒོར་ཡ་དང་ཐོ་བ་ལས། །བྱུང་བ་སྔོན་པོའི་གཟུགས་ཅན་ཏེ། །གཡས་ན་ཐོ་བ་རལ་གྲི་འཛིན། །ནོར་བུ་མཆོག་དང་པདྨ་ག-ཡོན། །ཐོ་བ་ཞེ་སྡང་གཤིན་རྗེ་གཤེད་འདྲ། །ཏསྩི ་དང་དབྱུག་པ་ལས་གྱུར་ཡོད་པ། །དབྱུག་པ་གཤིན་གཤེད་མདོག་དཀར་པོའོ། །དབྱུག་པ་རལ་གྲི་པད་འཁོར་ལོ། །ནུབ་ཏུ་པདྨ་གཤིན་རྗེ་གཤེད། །ཎི་ལས་འདོད་ཆགས་མཐར་བྱེད་འདྲ། །བྱང་དུ་རལ་གྲི་གཤིན་རྗེ་གཤེད། །ར་ལས་ཕྲག་དོག་མཐར་བྱེད ་མཚུངས། །ཆུ་སྐྱེས་སྔོན་པོའི་ཁྱད་པར་གྱིས། །བསྒྱུར་བ་ལྟ་ཆུང་ལ་འཇིགས་བྱིན། །ཀུན་ཀྱང་སྤྲུལ་གྱིས་རྣམ་པར་བརྒྱན། །རྣམ་འཇིག་དགོད་པས་འཇིགས་བྱེད་པ། །སྐུ་ནི་འབར་ཞིང་གྱེན་དུ་འགྲེང། །ཉི་མའི་དཀྱིལ་འཁོར་ལ་གནས་པ་ཆེ་བ ་གཙིགས་ཤིང་འཇིགས་པའི་ཞལ། །གྲི་གུག་ཐོད་པ་འཛིན་པར་མཛད། །སྣ་ཚོགས་རྡོ་རྗེའི་མཚམས་བཞི་རུ། །དེ་བཞིན་ལྷ་མོ་ཟླ་བར་གནས། །ཤར་ལྷོར་ཛ་དང་འཁོར་ལོ་ལས། །ལྷ་མོ་རྡོ་རྗེ་ཙར་ཙི་ཀ་།སྐེམ་མོ་དཀར་མོ་ཚར་ཁྲོ་བ། །གཏི་མུག་གཤིན ་རྗེ་གཤེད་དང་མཚུངས། །ལྷོ་ནུབ་མཚམས་སུ་ས་དང་ནི། །རྡོ་རྗེ་ལས་བྱུང་རྡོ་རྗེ་ཕག་།ཁྲོ་ཞིང་ཕག་གི་གདོང་པ་ཅན། །ཞེ་སྡང་གཤིན་རྗེ་གཤེད་དང་མཚུངས། །ནུབ་དང་བྱང་གི་མཚམས་སུ་ནི། །རབ་ཏུ་ཞི་བའི་དབྱངས་ཅན་མ། །རོ་ལས་བྱུང?་བཅས་? ་དམར། །འདོད་ཆགས་གཤིན་རྗེ་གཤེད་དང་མཚུངས། །བྱང་ཤར་མཚམས་སུ་རུ་ལས་ནི། །གཽ་རཱི་ལྗང་གུ་འཇིགས་བྱེད་མ། །ཕྲག་དོག་གཤིན་རྗེ་གཤེད་དང་མཚུངས། །སྔོན་པོའི་གཡས་པ་དཀར་པོ་སྟེ། །དཀར་པོའི་གཡས་པ་སྔོན་པོ་ཡན། །དེ་དག ་ཞལ་གཡོན་དམར་པོའོ། །གཞན་གྱི་སྔོ་དང་དཀར་བའོ། །མཚམས་བཞིར་ཎ་ཡོ་ནི་རཱ་ལས། །དཀྱིལ་འཁོར་མཚམས་སུ་ཐོད་པའོ། །ཇི་ལྟར་རང་རང་སྔགས་བསྟན་པ། །བསྐྱེད་ལ་བློ་ལྡན་གྱིས་སྤྲོ་བྱ། །ཏྲཱཾ(རྒྱུད་འགྲེལ་འཁོར་བདག་པོ་བསྐུལ་བར་བྱ། །སྦྲུལ་བ་དཔག་མེད་སྤྲོ་བྱས་ལ། །སེམས་ཅན་དོན་ནི་མཆོག་བྱས་ནས། །རྣམ་པ་ཀུན་གྱིས་རང་ལུས་ལ། །ཁྲོ་བོ་དཔའ་བོ་གཞུག་པར་བྱ། །ཤར་དུ་ཛི་ན་ཛི་ཀ་ཅེས་པས། །རྨོངས་བས་རྨོངས་པ་མཐར་བྱེད་པ། །རྩིབས ་རྩའི་སྣ་ཚོགས་པདྨ་དང། །ཟླ་བ་ལ་ནི་དེ་བཞིན་བཞག་།རཏཎ་དྷྲིཀ་ཅེས་བྱ་བ་ཡིས། །ལྷོ་རྩིབས་རྩ་བར་པད་ཉི་ལ། །ཕྲ་མ་ཞེས་བྱ་བཀུག་ནས་ནི། །ཆོ་ག་བཞིན་དུ་བཞག་པར་བྱ། །ཱ་རོ་ལིཀ་ཅེས་པ་སྔགས་ཀྱིས། །འདོད་ཆགས་གཤིན་རྗེ་འཇིགས ་བྱེད་ལ། །ནུབ་ཏུ་པདྨ་ཉི་མ་ལ། །ཆོ་ག་ཡིས་ནི་རྣམ་པར་བསམ། །དེ་ཉིད་པྲཛྙཱ་དྷྲིཀ། ཅེས་པས། །ཕྲག་དོག་ནག་པོ་འཇིགས་བྱེད་པ། །བྱང་དུ་པདྨ་འོད་རྣོ་ལ། །ཆོ་ག་བཞིན་དུ་བཞག་པར་བྱ། །མུད་ག་ར་དྷྲིཀ་དེ་ཉིད་ཀྱིས། །ཤར་སྒོ་པདྨ་ཉི་མ་ལ། །ཐོ་བ ་མཐར་བྱེད་འཇིགས་བྱེད་པ། །མཁས་པས་ཆོ་ག་བཞིན་དུ་བསམ། །ད་ཎ་ཌ་དྷྲིཀ་གི་སྔགས་ཀྱིས་ནི། །ལྷོ་ཡི་ཕྱོགས་སྒོར་གནས་པ་ཡི། །དབྱུག་པ་གདུལ་དཀའ་གཤིན་རྗེའི་དགྲ་།སྣ་ཚོགས་པདྨ་ཉི་མར་དགོད། །པདྨ་དྷྲིཀ་ཅེས་བྱ་བ་འདིས། །པདྨ་གཤིན ་རྗེ་གཅོད་བྱེད་པ། །ནུབ་སྒོར་པདྨ་ཉི་མ་ལ། །སྟོབས་ཆེན་ཁྲོ་བོ་བསྒོམ་པར་བྱ། །ཁཌག་དྷྲིཀ་གི་དེ་ཉིད་ཀྱིས། །རལ་གྲི་གཤིན་རྗེ་ཟད་བྱེད་པ། །བྱང་དུ་པདྨ་ཉི་མ་ལ། །བདུད་ཚར་གཅེད་པ་བསམ་པར་བྱ། །སྣ་ཚོགས་རྡོ་རྗེའི ་མཚམས་བཞི་རུ། །འདི་ལྟར་ལྷོ་མ་མཆོག་ཞི་བསྒོམ། །ཤར་ལྷོ་མཚམས་ཀྱི་བར་ནི་ལྷ་མོ་ནི། །སྐེམ་མོ་ཁྲོ་ལ་འོད་བཟང་མ། །མོ་ཧ་ར་ཏིའི་སྔགས་ཀྱིས་ནི། །སྣ་ཚོགས་པདྨ་ཟླ་བར་གནས། །དེ་ཡི་ནུབ་ཏུ་རིགས་མཆོག་མ། །རྡོ་རྗེ་ཕག་མོ་ཞེས་བྱ་བ། ་དྭེ་ཥ་ར་ཏིའི་སྔགས་ཀྱིས་ནི། །པདྨ་ཟླ་བར་མཁས་པས་དགོད། །དེ་ཡི་བྱང་གི་མཚམས་སུ་ནི། །རཱ་ག་ར་ཏིའི་གསང་སྔགས་ཀྱིས། །པདྨ་ཟླ་བར་དབྱངས་ཅན་དགོད། །དེ་ཡི་ཤར་དུ་གཽ་རཱི་མ། །པད་ཟླར་བཛྲ་ར་ཏི་ཡིས། །ཕྱག་འཚལ་པས་ནི ་འདི་དག་བརྒྱན། །དཀྱིལ་འཁོར་ཕྱི་ཡི་མཚམས་བཞི་རུ། །དེ་ཉིད་གསུམ་གྱི་ཐོད་པ་སྟེ། །དེ་ལྟར་དཀྱིལ་འཁོར་དམ་པ་སྤྲོ། །བདེ་བ་དང་བཅས་བསྟན་པར་བྱ། །འཁོར་ལོ་སྔ་མ་དེར་ཐིམ་པར། །མཉམ་པར་གཞག་པས་ལྟ་བར་བྱ། །འདི་ནི ་ཤིན་ཏུ་རྣལ་འབྱོར་རོ། །ནག་པོ་གཤིན་རྗེ་འཇིགས་བྱེད་ཀྱི། །དཀྱིལ་འཁོར་པ་ཡི་ངོ་བོ་ཉིད། །ལུས་དང་མིག་སོགས་ལྷ་རྣམས་ཀྱིས། །མངོན་པར་བྱིན་གྱིས་བརླབ་པར་བྱ། །འཁོར་ལོ་ཀྵི་ལས་གཏི་མུག་མཚུངས། །ཅུང་ཞིག་ཁྲོ་བ ་མིག་ལ་སྟེ། །རྡོ་རྗེ་མིག་གི་མཁས་པས་བསྒོམ། །རྣ་བར་ཛི་དང་རྡོ་རྗེ་ལས། །ནག་པོ་རྡོ་རྗེ་དང་མཚུངས་པ། །སྣ་ལ་ཁཾ་དང་རིན་ཆེན་ལས། །ཕྲ་མ་དང་མཚུངས་ཟླ་བ་ལ། །ལྕེ་ལ་གཾ་དང་པདྨ་ལས། །པདྨ་རི་བོང་ཅན་ལ་བསམ། །འདོད་ཆགས ་དང་མཚུངས་ཀཾ་རལ་གྲི། པདྨ་རི་བོང་ཅན་བཞུགས་སྐུ། །རྡོ་རྗེ་ཕྲག་དོག་གཤིན་གཤེད་ཚུངས། །ལུས་ཤེས་བྱ་བ་དཔྲལ་བ་པའོ། །སཾ་དང་རྡོ་རྗེས་ལྟེ་བའི་སྟེང། །རྡོ་རྗེ་འཆང་འདྲ་རྡོ་རྗེའི་ཐུགས། སྒེག་དང་ཁྲོ་བོའི་གཟུགས་ཅན་ནོ། །ཡན ་ལག་དྲུག་ལ་དགོད་པ་འདི། །མངོན་ཤེས་དོན་ནི་སྒྲུབ་ཕྱིར་བཤད། །སྙིང་གར་ཧཱུཾ་དང་རྡོ་རྗེ་ལས། །གཤིན་རྗེ་འཇོམས་པའི་ཐུགས་རྡོ་རྗེ། །མདོག་དང་མཚོན་ཆར་ཡང་དག་ལྡན། །མགྲིན་པར་ཨཱ་དང་པདྨ་ལས། །འདོད་ཆགས་གཤིན་རྗེ་གཤེད་འདྲ་བ། །དག ་གི་རྡོ་རྗེ་བསམ་པར་བྱ། །མགོ་བོར་ཨོཾ་དང་འཁོར་ལོ་ལས། སྐུ་ཡི་འཁོར་ལོ་འདྲ་བ་ལུས། །ཕྱག་དང་སྐུ་མདོག་མཚོན་ཆས་ལྡན། །རྡོ་རྗེ་སྐུ་མཆོག་དེ་ཉིད་གསུམ། །བསྐྱེད་ལ་ནམ་མཁའ་ཨི་དཀྱིལ་གནས་པའི། །སངས་རྒྱས་མཆོག་ལ་སྔགས་ཀྱིས་ནི། །བྱིན་གྱིས ་བརླབ་བ་དག་ཀྱང་བྱ། །ོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱཏྨ་ཀེ་ཧཾ། ཨོཾ་སརྦ་ཏ་ཐཱ་ག་ཏ་བཱཀབཛྲ་སྭ་བྷཱ་བ་ཨཱཏྨ་ཀོ་ཧཾ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱཏྨ་ཀོ་ཧཾ། རང་སྙིང་ས་བོན་འོད་ཟེར་གྱིས། །ཕྱོགས་བཞུགས་སངས་རྒྱས་སྲས་དང་བཅས། ་བཀུག་ནས་མདུན་དུ་ལྟ་བར་བྱ། །དེ་དག་ལས་ནི་སྤྲོས་པ་ཡི། །ཟླ་འདྲ་ཙར་ཙི་ཀ་སོགས་ཀྱིས། །བཟུང་བའི་བུམ་པ་དག་གིས་ནི། །དེ་དག་བཀྲ་ཤིས་གླུ་ལ་སོགས། །ངར་དིར་དབྱངས་ཀྱང་ཡང་བྱས་ལ། །བདག་ཉིད་དམ་ནི་གཞན་དག་ཀྱང། །དབང་བསྐུར ་བ་ནི་བསམ་པར་བྱ། །གཤིན་རྗེ་གཤེད་ནག་མགོ་ལའོ། །བདག་ཉིད་མགོ་ལ་རྡོ་རྗེ་འཆང། །རང་སྙིང་ས་བོན་འོད་ཟེར་གྱིས། །ཡེ་ཤེས་འཁོར་ལོ་སྤྱན་དྲངས་ལ། །རང་གི་མདུན་དུ་བལྟ་བར་བྱ། །ཁྲོ་བོས་བགེགས་རྣམས་ཚར་བཅད་བསྲུང། །ཡོན་ཆབ ་ཞབས་བསིལ་སོགས་ཕུལ་ལ། །ོཾ་མུད་ག་ར་ཛ(རྒྱུད་འགྲེལ་ཞལ་དུ་གཞུག་།སྙིང་གར་ཞུ་བར་བྱས་པར་བལྟ། །རྡོ་རྗེ་ལམ་ནས་རྗེས་བྱུང་ནས། །རང་གི་རིག་པའི་དབང་དཀྱིལ་དུ། །ཟླ་བ་ལས་བྱུང་ལྷ་མོའི་ཚོགས། །མེ་ཏོག་ཕྲེང་བ་སྣ་ཚོགས་སོགས། །ལག་པའི་སྣོད་དུ་བཟུང་བྱས་པ། །དེ་དག་སྒེག་དང་བཅས་པར ་མཆོད། །མཆོད་པའི་གླུ་ནི་ཡིད་འཕྲོག་པ། །བསྒྱུར་བ་རྣམ་པ་སྣ་ཚོགས་པ། །བདེ་བ་ཆེན་པོ་གསལ་བར་བྱེད། །། ཀྱེ་ཀྱེ་གཤེན་རྗེ་གཤེད་ནག་པོ། །སྲིན་པོའི་གཟུགས་ཅན་རང་བཞིན་ཁྱོད། །བདག་གིས་མཐོང་ན་ཤིན་ཏུ ་འཇིགས། །ཁྲོས་པའི་རང་བཞིན་འདི་ཐོང་མཛོད། །མི་དང་ས་འོག་རྒྱ་མཚོར་བཅས། །ཁྱོད་ཀྱི་གར་གྱིས་གཡོས་པར་མཛོད། །ཉྫ་ནག་པོ་བཅག་འདྲ་བའི། །ཁྲོ་བོས་རོ་ལངས་བཞིན་གར་མཛོད། །རྣམ་པ་སྣ་ཚོགས་གཟུགས་སྤྲུལ་ཅིང། །མདངས་གནག ་ཚད་ནི་ཐུང་བ་ལ། །བདེ་ཆེན་ངོ་བོས་གར་མཛོད་ཅེས། །རྡོ་རྗེ་དབྱངས་ཅན་མ་གསོལ་འདེབས། །ཧྲཱི(རྒྱུད་འགྲེལ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོ་ཧཾ། སྒྲ་ཡི་ཚོགས་རྣམས་ཐམས་ཅད་ནི། །བྲག་ཅ་འདྲ་བར་བལྟ་བྱས་ནས། དཀྱིལ་འཁོར་བས་ནི་གཙོ་བོ་བསྟོད། །དེས་ཀྱང་དེ་དག་དེ་བཞིན་ནོ། །གཤིན་རྗེ་གཤེད་པོར་བ་འཇིགས་པ། །གཏི་མུག་རྡོ་རྗེའི་ངོ་བོ ་ཁྱོད། །སྟོན་པ་སངས་རྒྱས་ཀུན་རང་བཞིན། །རྡོ་རྗེ་སྐུ་ལ་ཕྱག་འཚལ་བསྟོད། །ཕྱུང་བར་བསམས་ལ། །ོཾ་བཛྲ་ཀཱི་ལ་ཡ་བཛྲ་མུངྒ་ར་ཀོ་ཊ་ཡ་ཧཱུཾ་ཕཊ་ཞེས་བརྗོད་དོ། །ོཾ་བཛྲོ་ཏྲཱི་ལ་ཡ་ཞེས་བྱ་བའི་སྔགས་དང་ཕུར་བུ་ཕྱུང་བར་བསམས་པས། །ཕྱོགས ་སྐྱོང་ཐམས་ཅད་གཤིན་རྗེ་གཤེད་དུ་གྱུར་པར་བསམས་ཏེ། །དེ་རྣམས་ལ་ཨོཾ་ཨིནྡྲ་ཡ་ཧྲཱི(རྒྱུད་འགྲེལ་ཕཊ། བ་སུ་དྷ་ར་ཡེ་ཕཊ། བེ་མ་ཅི་ཏྲཱ་ཡ་སཱ། སརྦ་བྷུ་ཏེ་བྷཡོ་ཧ། ཧཱ་ཧཱ་ཧཱ་ཧཱི་ཧཱི་ཧཱི་ཧཱུཾ་ཧཱུཾ་ཧཱུཾ། ཕེཾ་ཕེཾ་ཕེཾ་སྭཱཧཱ། ཞེས་བྱ་བའི་སྔགས་ཀྱིས་གཏོར་མ་ཕུལ་ནས། །ཁྱེད་ཀྱིས་བདག་གི་སྨོན་ལམ་ཐམས་ཅད་གྲུབ་པའི་གྲོགས་མཛད་ཅིག་ཅེས་བརྗོད་ལ་སརྦ་དེ་བཱ་དི་མ: ་ཞེས་བརྗོད་པས་འབྱུང་པོ་ཐམས་ཅད་སླར་བཏང་བར་བསམ་མོ། །དེ་ནས་བདག་གི་དགེ་བ་འདིས་བདག་མྱུར་དུ་འཇམ་དཔལ་གཤིན་རྗེ་གཤེད་ཁྲོ་བོ་ཆེན་པོར་གྱུར་ཅིག་ཅེས་སྨོན་ལམ་བཏབ་ལ། །སྔར་བསྐྱེད་པའི་གནས་ལ་སོགས་པ་ཇེ་ཆུང་འདུས་ནས་བདག ་ཉིད་ཀྱི་བར་དུ་མི་སྣང་བར་བསམས་པ་གཤེགས་པ་ཆེན་པོ་ཞེས་བྱ་སྟེ། ཨོཾ་མཉྫུ་ཤྲཱི་ས་མ་ཡ། མ་ནུ་བཱ་ལ་ཡ། མཉྫུ་ཤྲཱིཏྭེ་ནོ་པ་ཏིཥཔ་དྲི་ཌཧོ་མེ་བྷ་བ། སུ་ཏོ་ཥྱ་ཡོ་མ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱ་ཡོ་མེ་བྷ་ག་སརྦ་སིདྡྷི་མམེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏ ་ཏཾ་ཤྲེ་ཡ(རྒྱུད་འགྲེལ་བཞིན་པའི་ལས་ཀྱི་ཆོ་ག་བྱས་པས་ནི། །ཞི་བ་ལ་སོགས་པ་དངོས་གྲུབ་བཅུ་པོ་གང་ཡང་རུང་བ་འགྲུབ་པར་འགྱུར་རོ། །ཕལ་ཆེ་ཟླ་གསང་ནག་རྒྱུད་ལ་བརྟེན་ནས། །ཁྲོ་ཆེན་འཇམ་དཔལ་གཤིན་རྗེ་གཤེད་པོ་ཡི། །སྒྲུབ་ཐབས་ཇི་བཞིན་བྱས་པའི་དགེ་བ་འདིས།། ་འགྲོ་ཀུན་མྱུར་དུ་གཤིན་རྗེ་གཤེད་གྱུར་ཅིག་།འཇམ་དཔལ་གཤིན་རྗེ་གཤེད་ཁྲོ་བོ་ཆེན་པོའི་སྒྲུབ་ཐབས། །སློབ་དཔོན་མཁས་པ་ཆེན་པོ་དཔལ་རྡོ་རྗེའི་བློས་མཛད་པ་རྫོགས་སོ།། །།བཅོམ་ལྡན་འདས་གཤིན་རྗེ་གཤེད་ལ་ཕྱག་འཚལ ་