<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1615: gshin rje gshed nag po'i mngon par rtogs pa'i rim pa<br><table><tr><td>
<input type="button" onclick="location.href='tcompletep.php?id=N1615&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1615&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1615&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">*/ (/dpal gshin rje gshed nag po'i mngon par rtogs pa'i rim pa slob dpon dpal rdo rje'i blos mdzad pa bzhugs so//) rgya gar skad du/ kriSh+Na ya ma ri a b+hi sa ma ma kra ma/ bod skad du/ gshin rje gshed nag po'i mngon par rtogs pa'i rim pa/ bcom ldan 'das
 gshin rje gshed la phyag 'tshal lo/ /gus pas bla ma dang ni gshin rje gshed nag rdo rje ni/ /nyid mtshungs dang 'dus bde bas yongs gang gzhan gyi don 'jug pa/ /rdo rje ral gri 'khor lo chu skyes gri gug thod pa phyag na bsnams/ /zhal gsum pa la 'jigs
 ba sel mdzad de la phyag 'tshal lo/ /dus dgra nag po sgrub pa nyid/ /gang zhig 'dod nas de nyid rig /dbang bskur la sogs thob pa dag /de yi bsdom pa'i rim pa 'di/ /byis pas bde bar rtogs phyir dang/ /mtshungs pa rnams kyis dran phyir dang/
 gong ma byis pa'i tshig dag la/ /dgu bskyed phyir bri bar bya/ /sbyin dang tshul khrims la sogs ldan/ /sems can don dga' blo dang ldan khyams pa la sogs yon tan rdzogs/ /dad dang thos pas rnam brgyan pas/ /dang por gdong la sogs bkru ba/ /snying rje'i
 bdag nyid sngon du bya/ /dben po'i gnas su btsam bya ste/ /dur khrod la sogs bde gnas la/ /'dug nas sting gar pad+ma dang/ /shin tu 'od gsal zla ba blta/ /ya yig sngon po 'od mdzes pa/ /sems can 'byor pa'i don byed blta/ /nam mkha' i khams
 ni kun gang ba'i/ /bla ma dang ni rdzogs sangs bsgom/ /lus kyi bskyod pa byas nas ni/ /de rnams dmigs nas phyag kyang bya/ /tsar tsi ka sogs kyis mchod pa/ /byas la sdig pa bshags pa'ang bya/ /lus dang ngag dang yid
 kyis sdig /bgyis dang bgyid du stsal ba dang/ /gang yang rjes su yi rang ba/ /de ni mgon la dus gsum bshags/ /rdzogs sangs rgyas dang de yi sras/ /'phags pa rnams kyis bsags pa yi/ /bsod nams kun la rjes yi rang/ /dam pa'i
 chos dang tshogs mchog bcas/ /rdzogs sangs rgyas la skyabs su mchi/ /yon tan rgya mtsho khyod rnams la/ /bdag gis lus ni dbul bar bgyis/ /dam pa'i chos kun ston mdzad pa'i/ /sgra yis mdzes pas khyed bzhugs gsol/ /yang dag
 rdzogs sangs sras bcas pa'i/ /sbyin pa la sogs ngo bo la/ /sku gsum ye shes thob bya'i phyir/ /rab tu dga' bas gnas par bgyi/ /sems can don phyir yang dag rdzogs/ /byang chub sems ni bskyed par bgyi/
 dge ba yang dag gang bsags pa/ /byang chub tu ni bsngo bar bgyi/ /dpal ldan gshin rje gshed gyur nas/ /bdag gis 'gro la phan bgyi'o zhes/ /smon lam de ltar btab nas ni/ /de nas blo yis gshegs su gsol/ /snying rjes cho ga
 bzhin bltas nas/ /sna tshogs stong par rnam par bsam/ /ngo bo nyid dang bral ba'i phyir/ /rgyu nyid kyi ni mtshan ma med/ /rnam par rtog pa spangs pa'i phyir/ /smon pa nyid kyang rnam par spangs/ /oM shU n+ya tA dz+nyA na badzra swa b+hA ba At+ma ko haM/ sems de
 brtan par byas nas ni/ /raM las byung ba'i nyi ma la/ /hUM las byung ba'i mdog sngon po/ /'od zer 'phro bas kun bskor ba'i/ /rdo rje kun nas rtse lnga pa/ /bsrung ba'i don du bsgom par bya/ /rdo rje sa yi dkyil 'khor dang/ /ra ba gur yang de bzhin no/ /
 sangs rgyas zhing ni rnam sbyad phyir/ /yang dag bsgom pa yang brtsam bya/ /de la sna tshogs pad zla bas/ /rdo rje bzang po'i lus byung ba'i/ /chos 'byung dkar po gru gsum pa'i/ /nang du sna tshogs pad rdo rje/ /gyen 'greng mkha' mnyam bsgom par bya/ /de
 nang du ni dkyil 'khor yang/ /bruM yig 'khor lo las byung ba'i/ /rtag pa'i yan lag las byung ba/ /gru bzhi pa la sgo bzhi pa/ /rta babs bzhi yis mdzes par brgyan/ /do shal se mo do yis mdzes/ /ba dan rtse mo sna tshogs pa/ /rlung
 gis bskyod pa'i dril bur ldan/ /sna tshogs rdo rjes rnam par mnan/ /zla ba nyi ma rgyal ba'i gdan/ /shar gyi phyogs ni dkar po che/ /lho phyogs ser po yang dag ldan/ /nub kyi cha ni dmar po ste/ /byang phyogs mar kata lta bu'o/ /dbang ldan sngon po'i
 mdog 'dra ba/ /dbus kyi cha ni bsgom par bya/ /'di bzhin sna tshogs rdo rje dang/ /rtsig ngos steng g.yogs kyang bsgom bya/ /rnam pa lnga ni rnam bsgom la/ /sangs rgyas gzugs ni bsgom par bya/ /dpal ldan rdo rje 'chang nyid de/ /rnam pa lnga yin
 gshin rje rnams/ /'jigs byed sangs rgyas gzugs shes grags/ /de yi dbye ba bshad par bya/ /sna tshogs gdan gyi lte ba la/ /pad+ma zla ba dbyangs yig zung/ /de las zla ba ka sogs pa/ /Da Dha da d+ha ya la yang bsnan pa gnyis 'gyur
 las byung ba/ /zla ba dmar po bsgom par bya/ /'di dag yongs su rdzogs pa ni/ /me long lta bu'i ye shes brjod/ /de dag gcig gyur mnyam pa nyid/ /der skyes hUM ni so sor rtog /bya ba nan tan ldan ye shes/ /de las skyes pa'i rdo rje'o/ /nyi ma'i
 mdangs ldan nor bu 'dra/ /sa bon dang bcas 'od zer 'khrug /oM badzra At+ma ko haM/ zhes bya bas nga rgyal bya'o/ /de las skya rengs dang po'i mdog can thub pa'i tshogs kyis mdzes pa nyid mtshungs kyis 'khyud sku/ /sgeg dang khro bo'i gzugs
 can bde ba mchog gi rang bzhin dkar dang sngo dang dmar ba'i zhal g.yon brkyang ba yis gnas pa 'bar ba'i ral gri rdo rje gri gug gsor mdzad cing/ /'khor lo chu skyes snod ni 'od zer 'phro ba g.yas dang g.yon pa'i phyag na bsnams/ /chos
 dbyings ye shes ngo bo ni/ /rdo rje 'chang gi bdag nyid gang/ /rnam pa lnga yi ngo bo nyid/ /rnal 'byor zhes ni brjod pa yin/ /'di ni rnal 'byor ro/ /'dod chags chen pos 'dul ba yi/ /'gro ba gsum la gzigs nas kyang/ /rang
 snying ye shes 'od 'phros pas/ /sna tshogs sangs rgyas gzugs su bya/ /dga' ba de dam pa'i gzugs kyis ni/ /rang gi lus la mnyam par gzhug /kun rtog thams cad spangs pa yi/ /longs spyod rdzogs par bdag nyid bsgom/ /
 de ltar sngags mchog yi ge gsum/ /dmar po ho gnyis kyis brten pa/ /ji ltar skar mda''pho ba bzhin/ /byang chub sems ni de nas gzhug /snying rje chags pa'i sems nyid kyis/ /rdo rje 'chang nyid dang yang zhu/ /tsar tsi
 ka sogs byams sogs pas/ /'khor lo'i gtso bo skul bar byed/ /snying rjes khros pa'i dad sgrol bzhengs/ /khams gsum kun gyi gti mug gsol/ /dad sgrol rtsol med ma bzhugs bzhengs/ /bdud 'di dag las rgyal bar mdzod/ /'jig rten
 mgon pos stong nyid ci ste bzhugs/ /dang sgrol 'jig rten bsod nams kyis bzhengs shig /byang chub 'dod pa'i 'jig rten mgron pos nas/ /ji ltar stong pa nyid ni sems par byed/ /bskul nas khu ba der thim par/ /de la rjes su chags
 par gyur/ /de lhe'i glu yi ngo nyid du/ /de la rgud pa ltar bsams nas/ /khu ba'i gzugs ni yongs gyur te/ /yaM sngon nyi ma las byung ba/ /khro bo sngon po 'phro bar bcas/ /rus pa'i rgyan gyis rnam par brgyan/ /rwa rnon 'bar zhing spu ser skya/ /rmig
 pas brko zhing 'jigs sbyin pa'i/ /ma he yi ni rgyab gnas pa'i/ /rdo rje sngon po 'od dang bcas/ /sa bon bcas pa de'i 'od kyis/ /ma 'ongs las dgra 'jigs byas nas/ /bdag nyid la ni yang dag zhugs/ /'jigs pa chen po 'ang 'jigs byed
 pa/ /ma he'i rdo rje rnam bsgoms nas/ /dkyil 'khor gtso bo bsgom par bya/ /'jig rten gsum gyi bdud dkyil 'khor/ /'od zer drag po spros pas skrod/ /drag po mun 'dra gzugs drag po/ /lce 'dril ba la 'od 'byin pa/ /smar smin ma mgo
 skyes ser/ /g.yon brkyang ba yi gnas pa yis/ /gshin rje dran pa med par byed/ /rtsa ba'i zhal ni nag po ste/ /g.yas pa zla ba'i 'od 'dra ba/ /g.yon pa khrag dang 'dra bar bshad/ /rdo rje'i rgyan gyis rnam par brgyan/ /thung zhing gsus par 'phyang la
 spom/ /mgo bo'i phreng ba rnam par 'phyang/ /g.yas dang g.yon gyis phyag dag la/ /thod pa dang ni gri gug bsnams/ /nyid mtshungs shes rab kyis 'khyud cing/ /bde bar 'joms 'jug gzhan don 'dod/ /g.yas pa'i phyag ni lhag ma la/ rdo rje ral gri 'bar?
 bsnams/ /'khor lo chu skyes g.yon dag la/ /sbrul gyi dbang pos brgyan du byas/ /sbrul rgyal sngon po dga' bo yis/ /skra bcings shin tu 'jigs par byed/ /tak+Sha ka klu dmar po yis/ /rna cha gdub kor byas pas 'jigs/ /rigs ldan khra bo dpung
 brgyan te/ /dud skyong zhes bya'i klu de ni/ /ser po lag pa'i gdu bu byas/ /pad+ma dkar pos do shal byas/ /kar ko Ta ni ljang khu ste/ /se ral ga ru byas pas mdzes/ /bdud rtsi'i mdog dang 'dra ba yi/ /ner rgyas bus ni skar rags byas/ /pad+ma'i rtsa ba ltar
 dkar mdog /pad+ma chen po rkad gdub yin/ /kun kyang phuT sgra drag po sgrogs/ /lce gnyis 'che ba'i phreng ba can/ /de ltar 'khor ba mya ngan 'das/ /gshin rje 'dul ba'i gzugs su shes/ /rnam par rtog pa spangs pa'i phyir/ /sngags kyis yang dag byin
 gyis brlabs/ /oM d+harma d+hA tu swa b+hA ba At+ma ko haM zhes bya ba ni rjes su rnal 'byor ro/ /rang snying sa bon 'od kyis bkug /yang dag rdzogs sangs mkha' khyab pa/ /kun tu kha nas gzhug par bya/ /bde ba myong bas snying gar gzhu/ /byas nas blo ldan khu ba de//
 rdo rje lam nas spro bar bya/ /nyid mtshungs pad+ma'i nang du gnas/ /sa bon ngo bo ldan byas te/ /sa bon las byung 'khor lo mchog /sa bon kun gyi byin brlab la/ /me stag tshogs kyis gsal gyur pa/ /blo ldan cho ga bzhin du bsgom/ /dkyil du
 ? sngon las byung ba/ /bstan pa'i mtshan ldan 'khor lo can/ /shar du k+She dang 'khor los byung/ /rtag pa phyag drug dkar po'o/ /g.yas na 'khor lo ral gri phyag /g.yon na rin chen chu skyes 'dzin/ /lho ru ma dang rin chen las/ /byung ba rin chen
 'byung ldan te/ /gtso ma gser gyi mdog 'dra ba/ g.yas rin chen ral gri bsnams/ /phyag g.yon 'khor lo chu skyes so/ /nub tu 'dod chags rdo rje can/ /me dang pad+ma las byung ba/ /pad+ma rA ga 'dra ba'i mdog /pad+ma ral gri bde? chen
 dang/ /'khor lo g.yas g.yon phyag na dgod/ /da dang ral gri las byung ba/ /ljang gu phrag dog gshin rje gshed/ g.yas na ral gri 'khor lo bsnams/ /mdzes pa nor bu pad+ma ga-yon/ /khro bo'i gzugs can thams cad kyang/ /zhe sdang
 gshin rje mtshan nyid 'dra/ /de dag rtsa ba'i phyag gnyis la/ /gri gug dang ni thod pa bsam/ /rang gi shes rab lus ngag dang/ /bde ba'i ngo bor gnyis med du gyur/ /nyi ma'i dkyil 'khor mnyam par gnon/ /rtag pa zla ba'i dkyil 'khor la/ /rdo rje
 rtsibs kyi tsar gnas pa/ /sems can don mdzad bsgom par bya/ /shar sgor ya dang tho ba las/ /byung ba sngon po'i gzugs can te/ /g.yas na tho ba ral gri 'dzin/ /nor bu mchog dang pad+ma ga-yon/ /tho ba zhe sdang gshin rje gshed 'dra/ /tstsi
 dang dbyug pa las gyur yod pa/ /dbyug pa gshin gshed mdog dkar po'o/ /dbyug pa ral gri pad 'khor lo/ /nub tu pad+ma gshin rje gshed/ /Ni las 'dod chags mthar byed 'dra/ /byang du ral gri gshin rje gshed/ /ra las phrag dog mthar byed
 mtshungs/ /chu skyes sngon po'i khyad par gyis/ /bsgyur ba lta chung la 'jigs byin/ /kun kyang sprul gyis rnam par brgyan/ /rnam 'jig dgod pas 'jigs byed pa/ /sku ni 'bar zhing gyen du 'greng/ /nyi ma'i dkyil 'khor la gnas pa che ba
 gtsigs shing 'jigs pa'i zhal/ /gri gug thod pa 'dzin par mdzad/ /sna tshogs rdo rje'i mtshams bzhi ru/ /de bzhin lha mo zla bar gnas/ /shar lhor dza dang 'khor lo las/ /lha mo rdo rje tsar tsi ka /skem mo dkar mo tshar khro ba/ /gti mug gshin
 rje gshed dang mtshungs/ /lho nub mtshams su sa dang ni/ /rdo rje las byung rdo rje phag /khro zhing phag gi gdong pa can/ /zhe sdang gshin rje gshed dang mtshungs/ /nub dang byang gi mtshams su ni/ /rab tu zhi ba'i dbyangs can ma/ /ro las byung? bcas ?
 dmar/ /'dod chags gshin rje gshed dang mtshungs/ /byang shar mtshams su ru las ni/ /gau rI ljang gu 'jigs byed ma/ /phrag dog gshin rje gshed dang mtshungs/ /sngon po'i g.yas pa dkar po ste/ /dkar po'i g.yas pa sngon po yan/ /de dag
 zhal g.yon dmar po'o/ /gzhan gyi sngo dang dkar ba'o/ /mtshams bzhir Na yo ni rA las/ /dkyil 'khor mtshams su thod pa'o/ /ji ltar rang rang sngags bstan pa/ /bskyed la blo ldan gyis spro bya/ /trAM(rgyud 'grel 'khor bdag po bskul bar bya/ /sbrul ba dpag med spro byas la/ /sems can don ni mchog byas nas/ /rnam pa kun gyis rang lus la/ /khro bo dpa' bo gzhug par bya/ /shar du dzi na dzi ka ces pas/ /rmongs bas rmongs pa mthar byed pa/ /rtsibs
 rtsa'i sna tshogs pad+ma dang/ /zla ba la ni de bzhin bzhag /ratNa d+h+rika ces bya ba yis/ /lho rtsibs rtsa bar pad nyi la/ /phra ma zhes bya bkug nas ni/ /cho ga bzhin du bzhag par bya/ /A ro lika ces pa sngags kyis/ /'dod chags gshin rje 'jigs
 byed la/ /nub tu pad+ma nyi ma la/ /cho ga yis ni rnam par bsam/ /de nyid pradz+nyA d+h+rika/ ces pas/ /phrag dog nag po 'jigs byed pa/ /byang du pad+ma 'od rno la/ /cho ga bzhin du bzhag par bya/ /mud ga ra d+h+rika de nyid kyis/ /shar sgo pad+ma nyi ma la/ /tho ba
 mthar byed 'jigs byed pa/ /mkhas pas cho ga bzhin du bsam/ /da Na Da d+h+rika gi sngags kyis ni/ /lho yi phyogs sgor gnas pa yi/ /dbyug pa gdul dka' gshin rje'i dgra /sna tshogs pad+ma nyi mar dgod/ /pad+ma d+h+rika ces bya ba 'dis/ /pad+ma gshin
 rje gcod byed pa/ /nub sgor pad+ma nyi ma la/ /stobs chen khro bo bsgom par bya/ /khaDga d+h+rika gi de nyid kyis/ /ral gri gshin rje zad byed pa/ /byang du pad+ma nyi ma la/ /bdud tshar gced pa bsam par bya/ /sna tshogs rdo rje'i
 mtshams bzhi ru/ /'di ltar lho ma mchog zhi bsgom/ /shar lho mtshams kyi bar ni lha mo ni/ /skem mo khro la 'od bzang ma/ /mo ha ra ti'i sngags kyis ni/ /sna tshogs pad+ma zla bar gnas/ /de yi nub tu rigs mchog ma/ /rdo rje phag mo zhes bya ba/
 dwe Sha ra ti'i sngags kyis ni/ /pad+ma zla bar mkhas pas dgod/ /de yi byang gi mtshams su ni/ /rA ga ra ti'i gsang sngags kyis/ /pad+ma zla bar dbyangs can dgod/ /de yi shar du gau rI ma/ /pad zlar badzra ra ti yis/ /phyag 'tshal pas ni
 'di dag brgyan/ /dkyil 'khor phyi yi mtshams bzhi ru/ /de nyid gsum gyi thod pa ste/ /de ltar dkyil 'khor dam pa spro/ /bde ba dang bcas bstan par bya/ /'khor lo snga ma der thim par/ /mnyam par gzhag pas lta bar bya/ /'di ni
 shin tu rnal 'byor ro/ /nag po gshin rje 'jigs byed kyi/ /dkyil 'khor pa yi ngo bo nyid/ /lus dang mig sogs lha rnams kyis/ /mngon par byin gyis brlab par bya/ /'khor lo k+Shi las gti mug mtshungs/ /cung zhig khro ba
 mig la ste/ /rdo rje mig gi mkhas pas bsgom/ /rna bar dzi dang rdo rje las/ /nag po rdo rje dang mtshungs pa/ /sna la khaM dang rin chen las/ /phra ma dang mtshungs zla ba la/ /lce la gaM dang pad+ma las/ /pad+ma ri bong can la bsam/ /'dod chags
 dang mtshungs kaM ral gri/ pad+ma ri bong can bzhugs sku/ /rdo rje phrag dog gshin gshed tshungs/ /lus shes bya ba dpral ba pa'o/ /saM dang rdo rjes lte ba'i steng/ /rdo rje 'chang 'dra rdo rje'i thugs/ sgeg dang khro bo'i gzugs can no/ /yan
 lag drug la dgod pa 'di/ /mngon shes don ni sgrub phyir bshad/ /snying gar hUM dang rdo rje las/ /gshin rje 'joms pa'i thugs rdo rje/ /mdog dang mtshon char yang dag ldan/ /mgrin par A dang pad+ma las/ /'dod chags gshin rje gshed 'dra ba/ /dag
 gi rdo rje bsam par bya/ /mgo bor oM dang 'khor lo las/ sku yi 'khor lo 'dra ba lus/ /phyag dang sku mdog mtshon chas ldan/ /rdo rje sku mchog de nyid gsum/ /bskyed la nam mkha' i dkyil gnas pa'i/ /sangs rgyas mchog la sngags kyis ni/ /byin gyis
 brlab ba dag kyang bya/ /oM sarba ta thA ga ta tsit+ta badzra swa b+hA ba At+ma ke haM/ oM sarba ta thA ga ta bAkbadzra swa b+hA ba At+ma ko haM/ oM sarba ta thA ga ta kA ya badzra swa b+hA ba At+ma ko haM/ rang snying sa bon 'od zer gyis/ /phyogs bzhugs sangs rgyas sras dang bcas/
 bkug nas mdun du lta bar bya/ /de dag las ni spros pa yi/ /zla 'dra tsar tsi ka sogs kyis/ /bzung ba'i bum pa dag gis ni/ /de dag bkra shis glu la sogs/ /ngar dir dbyangs kyang yang byas la/ /bdag nyid dam ni gzhan dag kyang/ /dbang bskur
 ba ni bsam par bya/ /gshin rje gshed nag mgo la'o/ /bdag nyid mgo la rdo rje 'chang/ /rang snying sa bon 'od zer gyis/ /ye shes 'khor lo spyan drangs la/ /rang gi mdun du blta bar bya/ /khro bos bgegs rnams tshar bcad bsrung/ /yon chab
 zhabs bsil sogs phul la/ /oM mud ga ra dza(rgyud 'grel zhal du gzhug /snying gar zhu bar byas par blta/ /rdo rje lam nas rjes byung nas/ /rang gi rig pa'i dbang dkyil du/ /zla ba las byung lha mo'i tshogs/ /me tog phreng ba sna tshogs sogs/ /lag pa'i snod du bzung byas pa/ /de dag sgeg dang bcas par
 mchod/ /mchod pa'i glu ni yid 'phrog pa/ /bsgyur ba rnam pa sna tshogs pa/ /bde ba chen po gsal bar byed/ /a/ kye kye gshen rje gshed nag po/ /srin po'i gzugs can rang bzhin khyod/ /bdag gis mthong na shin tu
 'jigs/ /khros pa'i rang bzhin 'di thong mdzod/ /mi dang sa 'og rgya mtshor bcas/ /khyod kyi gar gyis g.yos par mdzod/ /any+dza nag po bcag 'dra ba'i/ /khro bos ro langs bzhin gar mdzod/ /rnam pa sna tshogs gzugs sprul cing/ /mdangs gnag
 tshad ni thung ba la/ /bde chen ngo bos gar mdzod ces/ /rdo rje dbyangs can ma gsol 'debs/ /h+rI(rgyud 'grel sarba ta thA ga ta pU dza badzra swa b+hA ba At+ma ko haM/ sgra yi tshogs rnams thams cad ni/ /brag ca 'dra bar blta byas nas/ dkyil 'khor bas ni gtso bo bstod/ /des kyang de dag de bzhin no/ /gshin rje gshed por ba 'jigs pa/ /gti mug rdo rje'i ngo bo
 khyod/ /ston pa sangs rgyas kun rang bzhin/ /rdo rje sku la phyag 'tshal bstod/ /phyung bar bsams la/ /oM badzra kI la ya badzra mung+ga ra ko Ta ya hUM phaT zhes brjod do/ /oM badzro trI la ya zhes bya ba'i sngags dang phur bu phyung bar bsams pas/ /phyogs
 skyong thams cad gshin rje gshed du gyur par bsams te/ /de rnams la oM in+d+ra ya h+rI(rgyud 'grel phaT/ ba su d+ha ra ye phaT/ be ma ci trA ya sA/ sarba b+hu te b+hyo ha/ hA hA hA hI hI hI hUM hUM hUM/ pheM pheM pheM swAhA/ zhes bya ba'i sngags kyis gtor ma phul nas/ /khyed kyis bdag gi smon lam thams cad grub pa'i grogs mdzad cig ces brjod la sarba de bA di ma:
 zhes brjod pas 'byung po thams cad slar btang bar bsam mo/ /de nas bdag gi dge ba 'dis bdag myur du 'jam dpal gshin rje gshed khro bo chen por gyur cig ces smon lam btab la/ /sngar bskyed pa'i gnas la sogs pa je chung 'dus nas bdag
 nyid kyi bar du mi snang bar bsams pa gshegs pa chen po zhes bya ste/ oM many+dzu sh+rI sa ma ya/ ma nu bA la ya/ many+dzu sh+rItwe no pa tiShpa dri Dho me b+ha ba/ su to Sh+ya yo ma b+ha ba/ a nu rak+to me b+ha ba/ su po Sh+ya yo me b+ha ga sarba sid+d+hi mme pra yats+tsha/ sarba karma su tsa me tsita
 taM sh+re ya(rgyud 'grel bzhin pa'i las kyi cho ga byas pas ni/ /zhi ba la sogs pa dngos grub bcu po gang yang rung ba 'grub par 'gyur ro/ /phal che zla gsang nag rgyud la brten nas/ /khro chen 'jam dpal gshin rje gshed po yi/ /sgrub thabs ji bzhin byas pa'i dge ba 'dis//
 'gro kun myur du gshin rje gshed gyur cig /'jam dpal gshin rje gshed khro bo chen po'i sgrub thabs/ /slob dpon mkhas pa chen po dpal rdo rje'i blos mdzad pa rdzogs so// //bcom ldan 'das gshin rje gshed la phyag 'tshal