Wylie

e-texts based on the ACIP/ALL Input

འབྱོར་པ་བསོད་སྙོམས་པ་པྲཛྙཱ་ཤཱི་ཛྙཱ་ན་ཀཱིརྟིས་རང་འགྱུར་དུ་མཛད་པའོ།། །། !། །རྒྱ་གར་སྐད་དུ། མུངྒ་ར་ཀྲོ་དྷ་ཡ་མཱ་རི་སཱ་དྷ་ནཾ་ནཱ་མ། བོད་སྐད་དུ། ཁྲོ་བོ་ཐོ་བ་གཤིན་རྗེ་གཤེད་ཀྱི་སྒྲུབ་ཐབས་ཞེས་བྱ ་བ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ིནྡྲ་ནཱི་ལའི་འོད་མངའ་ཞིང། །འཇིག་ཚོགས་བདུད་ལས་རྣམ་རྒྱལ་ནི། །མཐར་བྱེད་ཆེ་ལ་ཕྱག་འཚལ་ཏེ། །དེ་ཡི་སྒྲུབ་ཐབས་བཤད་པར་བྱ། །སྐད་ཅིག་ལྷ་ཡི་རྣལ་འབྱོར་གནས། །སྐྱེས་པའི་འོད་ཀྱིས ་འགྲོ་བ་སྦྱངས། །འཁོར་ལོ་ཆེན་པོ་སྤྱན་དྲངས་ནས། །རྣམ་དག་དགུ་ཡི་ཚོགས་བསག་བྱ། །བྱམས་དང་སྙིང་རྗེ་དགའ་བཏང་སྙོམས། །ཚངས་པའི་རྒྱུན་དང་ལྡན་པ་ཡི། །སྟོང་པ་ཆེན་པོ་བསྒོམ་པར་བྱ། །བདུད་ཀྱི་ཕྱོགས་རྣམས་འཇིགས་བྱེད་ཕྱིར། །བསྲུང ་བའི་འཁོར་ལོ་བསྒོམ་པར་བྱ། །ཆུ་སྐྱེས་ཉི་མའི་སྟེང་ཉིད་དུ། ། ལས་རྡོ་རྗེ་ཐོ་བ་ནི། །རྩེ་མོ་ཉི་ཤུར་ལྡན་པ་ཡི། །ལྟེ་བར་ས་བོན་རབ་བཞག་ནས། །སྤྲོ་བསྡུ་བྱས་ནས་ང་རྒྱལ་བསམ། །ོཾ་སརྦ་བུདྡྷ་བཛྲ་སྭ་བྷཱ་བ་ཨཱཏྨ་ཀོ་ཧཾ། གྱུར་པས་ཐོ་བ ་གཤིན་རྗེ་གཤེད་དུ་བསྒོམ། །སྐུ་མདོག་སྔོན་པོ་འཇིགས་ཆེན་པོ། །རང་གི་རིག་མས་འཁྱུད་ཅིང་མཛས། །གཡས་གཡོན་ཞལ་ནི་དཀར་དང་དམར། །གྲི་གུག་ཐོ་བ་རལ་གྲི་དང། །ཐོད་པ་འཁོར་ལོ་རིན་ཆེན་མཛེས། །སྟག་གི་པགས་པ་ཤམ་ཐབས ་སུ། །མནབས་ཤིང་གཡས་བསྐུམ་གཡོན་བརྐྱང་བ། །ཀླུ་དང་དུར་ཁྲོད་འཁྲུགས་པས་བརྒྱན། །མཆེ་གཙིགས་སྤྱན་དགུར་འཇིགས་པའི་མདངས། །མེ་དཔུང་དཀྱིལ་དུ་གནས་པ་བསྒོམ། །སྐུ་གསུམ་ཐུགས་དང་སྐྱེ་མཆེད་དྲུག་།རྡོ་རྗེ་གསལ་བར་བསྐྱེད ་བར་བྱ། །དབང་རྟགས་གཤིན་རྗེ་གཤེད་ཀྱིས་བརྒྱན། །ཡི་འབྲུ་བཞི་ཡིས་དགུག་གཞུག་བྱ། །བུ་ག་ཆེན་པོ་སྤྲོས་པས་མཆོད། །རྡོ་རྗེ་དྲིལ་བུ་ལྡན་པས་བསྟོད། །ཧཱུཾ་ཧཱུཾ་རྡོ་རྗེ་སྟོབས་པོ་ཆེ། །རབ་འཇིགས་མི་མཐུན་ཟད་མཛད་པ། །རྡོ་རྗེ་སྐུ་དབྱེར་མེད་པའི ་ལྷ། །ཐོ་བ་རྡོ་རྗེ་ཕྱག་འཚལ་བསྟོད། །སྒྲོན་མ་འོ་མར་ལྡན་པ་ཡིས། །ཁ་ཡི་བུ་ག་དག་པར་བསམ། །སངས་རྒྱས་རྣམས་ཀྱི་ཐུགས་བསྐུལ་བས། །འགྲོ་བ་མ་ལུས་སྦྱང་བར་བྱ། །སྔགས་ཀྱི་རྒྱལ་པོ་རྗེས་དྲན་པས། །ཁྲི་དང་འབུམ་དུ་བཟླས་པར་བྱ། །ོཾ་མུདྒ་ར ་དྷིཀ་ཧཱུཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཕྱག་རྒྱ་བཀྲོལ་ནས་ངལ་སོབ?། །གཅིག་དང་དུ་མ་ལས་གྲོལ་བ། །རང་བཞིན་མེད་པའི་སྙིང་པོ་ཙམ། །ཆོས་ཀུན་གྱི་ནི་བདག་པོ་ཅན། །སེམས་ཀྱི་བསྐལ་པར་བསྒོམ་པར་བྱ། །བདག་གིས་རྒྱུ་དང་བླ་མ་ལས། །། ་རྙེད་པའི་དྲིན་འདི་ཐོབ་པ་དེས། །སྐུལ་ནས་སྒྲུབ་ཐབས་འདི་བྱས་པས། །ཐམས་ཅད་འབྲས་བུ་མངོན་རྙེད་ཤོག་།ཁྲོ་བོ་ཐོགས་གཤིན་རྗེ་གཤེད་ཀྱི་སྒྲུབ་ཐབས་ཞེས་བྱ་བ། རྒྱ་གར་གྱི་མཁན་པོ་མར་མེ་མཛད་ཀྱིས་མཛད་པ་རྫོགས་སོ།། །། ་