བོད་ཡིག

e-texts based on the ACIP/ALL Input

'byor pa bsod snyoms pa pradz+nyA shI dz+nyA na kIrtis rang 'gyur du mdzad pa'o// // !/ /rgya gar skad du/ mung+ga ra kro d+ha ya mA ri sA d+ha naM nA ma/ bod skad du/ khro bo tho ba gshin rje gshed kyi sgrub thabs zhes bya ba/ /dpal rdo rje sems dpa' la phyag 'tshal lo/ /in+d+ra nI la'i 'od mnga' zhing/ /'jig tshogs bdud las rnam rgyal ni/ /mthar byed che la phyag 'tshal te/ /de yi sgrub thabs bshad par bya/ /skad cig lha yi rnal 'byor gnas/ /skyes pa'i 'od kyis 'gro ba sbyangs/ /'khor lo chen po spyan drangs nas/ /rnam dag dgu yi tshogs bsag bya/ /byams dang snying rje dga' btang snyoms/ /tshangs pa'i rgyun dang ldan pa yi/ /stong pa chen po bsgom par bya/ /bdud kyi phyogs rnams 'jigs byed phyir/ /bsrung ba'i 'khor lo bsgom par bya/ /chu skyes nyi ma'i steng nyid du/ /a las rdo rje tho ba ni/ /rtse mo nyi shur ldan pa yi/ /lte bar sa bon rab bzhag nas/ /spro bsdu byas nas nga rgyal bsam/ /oM sarba bud+d+ha badzra swa b+hA ba At+ma ko haM/ gyur pas tho ba gshin rje gshed du bsgom/ /sku mdog sngon po 'jigs chen po/ /rang gi rig mas 'khyud cing mdzas/ /g.yas g.yon zhal ni dkar dang dmar/ /gri gug tho ba ral gri dang/ /thod pa 'khor lo rin chen mdzes/ /stag gi pags pa sham thabs su/ /mnabs shing g.yas bskum g.yon brkyang ba/ /klu dang dur khrod 'khrugs pas brgyan/ /mche gtsigs spyan dgur 'jigs pa'i mdangs/ /me dpung dkyil du gnas pa bsgom/ /sku gsum thugs dang skye mched drug /rdo rje gsal bar bskyed bar bya/ /dbang rtags gshin rje gshed kyis brgyan/ /yi 'bru bzhi yis dgug gzhug bya/ /bu ga chen po spros pas mchod/ /rdo rje dril bu ldan pas bstod/ /hUM hUM rdo rje stobs po che/ /rab 'jigs mi mthun zad mdzad pa/ /rdo rje sku dbyer med pa'i lha/ /tho ba rdo rje phyag 'tshal bstod/ /sgron ma 'o mar ldan pa yis/ /kha yi bu ga dag par bsam/ /sangs rgyas rnams kyi thugs bskul bas/ /'gro ba ma lus sbyang bar bya/ /sngags kyi rgyal po rjes dran pas/ /khri dang 'bum du bzlas par bya/ /oM mud+ga ra d+hika hUM hUM hUM phaT phaT swA hA/ phyag rgya bkrol nas ngal sob?/ /gcig dang du ma las grol ba/ /rang bzhin med pa'i snying po tsam/ /chos kun gyi ni bdag po can/ /sems kyi bskal par bsgom par bya/ /bdag gis rgyu dang bla ma las/ // rnyed pa'i drin 'di thob pa des/ /skul nas sgrub thabs 'di byas pas/ /thams cad 'bras bu mngon rnyed shog /khro bo thogs gshin rje gshed kyi sgrub thabs zhes bya ba/ rgya gar gyi mkhan po mar me mdzad kyis mdzad pa rdzogs so// //