Wylie

e-texts based on the ACIP/ALL Input

མདོར་བསྡུས་པའི་བསྟོད་པ་རྫོགས་སོ།། །།པཎྜི་ཏ་ངག་གི་དབང་ཕྱུག་དང། གློག་ཀྱ་ལོ་ཙ་བས་བསྒྱུར་བའོ།། །།འགྲོ་ཀུན་སངས་རྒྱས་འཐོབ་པར་ཤོག། །།ཡེ་ཤེས་དབབ་པའི་ཚོག་བཞུགས་སོ། ། ་རྒྱ་གར་སྐད་དུ། ཛྙཱ་ནཱ་བེ་ཤ་བི་དྷི། བོད་སྐད་དུ། ཡེ་ཤེས་དབབ་པའི་ཆོ་ག་།རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །ལྷན་ཅིག་སྐྱེས་པ་བདག་ཉིད་མཆོག་།རྡོ་རྗེ་ཕག་མོ་དཔལ་བཏུད་ནས། །དེ་ཚེ་ཡིད་ཆེས་བྱེད་པ་ཡི། །ཡེ་ཤེས ་དབབ་པའི་ཆོ་ག་བཤད། །དྲི་དང་མེ་ཏོག་བརྒྱན་པ་ཡི། །དབེན་པའི་ཕྱོགས་སུ་བཞུགས་ནས་སུ། །གནས་བདག་རྣལ་འབྱོར་སྲུང་དོན་དུ། །ཧཱུཾ་ཕཊ་བརྗོད་པར་བྱ་བ་ཡིན། །དེ་ནས་སྔགས་པ་མཉམ་གཞག་ནས། །བདེ་བའི་སྟན་ལ་འདུག་ནས ་ནི། །ལྷ་མོའི་སྔགས་ཀྱིས་ཆོ་ག་བཞིན། །གོ་ཆ་ཡན་ལག་ལ་དགོད་བྱ། །རྩེ་མོ་བརྒྱད་པ་དབབ་བྱ་སྟེ། །མདུན་དུ་དཀྱིལ་འཁོར་དམར་པོ་ནི། ་མེ་ཏོག་དམར་པོ་དང་ལྡན་པས། །དག་པའི་སྔགས་ནི་བརྗོད་པར་བྱ། །དེ་ནས་གླང་པོ་ཆེ་ཡི་རྒྱབ། །འཁར་བའི་སྣོད་མཉམ་པའི་ངོས་ལ། །ལྷ་མོའི་སྔགས་མཆོག་དམ་པ་ཡི། །ལག་པ་གཡོན་པས་བྲི་བར་བྱ། །དེ་ལ་ཁ་ར་ལ་སོགས ་སྔགས། །ལྷ་མོ་རྣམས་ཕྱོགས་མན་ངག་བཞིན། །དབུས་སུ་རྡོ་རྗེ་རྣལ་འབྱོར་མ། །ཐོད་པའི་ནང་དུ་ལེགས་པར་བྲི། །སྔགས་ཀྱི་ཕྱི་རོལ་གཡུང་དྲུང་དམ། །སྣ་ཚོགས་རྡོ་རྗེ་སྐོར་པར་བྱ། །རྡོ་རྗེ་འཛིན་པའི་སྟེང་སུ་ནི། །སྔར་བཤད་སྣོད་ནི་གསལ་བར ་བཞག་།མཆོད་ཡོན་སོགས་ཕུལ་གློ་བཟང་གིས། །ཛ:ཧཱུཾ་བཾ་ཧོ:བརྗོད་པས་འདིར། །ལྷ་མོའི་འཁོར་ལོ་བཀུག་ནས་སུ། །བཅུག་སྟེ་བཅིང་ཞིང་དགེ་བར་བྱ། །དེ་ནས་བདུད་རྩི་དང་སྒྲོན་མ། །འདོད་པའི་ཡོན་དང་བཅས་པའི། །མཆོད་པ་ལྔ་ཡིས ་རྣམ་ཀུན་ཏུ། །ལྷ་མོ་འཁོར་ལོ་མཆོད་པར་བྱ། །ཉིན་རེའི་མཐུན་མཚམས་སོ་སོ་ལ། །ཇི་སྐད་བཤད་པའི་མཆོད་པ་བྱ། །དེ་ལྟར་མ་ལྕོགས་ཀྱང་མར་ངོའི། །ཚེས་བཅུ་འཁོར་ལོ་རྟག་ཏུ་མཆོད། །ལེགས་པར་བྲིས་པའི་གསང་སྔགས་ནི། །མཉམ ་གཞག་རྡོ་རྗེའི་ཚིག་གིས་བཟླས། །གཞོན་ནུ་མ་འམ་རྣལ་འབྱོར་མ། །ཆོག་བཟང་པོས་བསྟོད་པར་བྱ། །འདི་ནི་ཕྱི་རོལ་དང་གསང་བའི་མཆོད་པའི་ཆོ་གའོ།། །།སྤྲུལ་པའི་ཤིང་རྟའི་ཡན་ལག་ལ། །སྲོག་བྲལ་བླང་སྟེ་གཏུམ ་འོད་ཅན། །དེར་ནི་ཕག་གདོང་སྙིང་རྗེའི་བདག་།རྐང་ཀེ་ལི་ཀིང་ཤུ་ཀའི་འོད། །རྣམ་པར་འཕྲོ་བའི་འོད་ཕྲེང་ཅན། །རྡོ་རྗེས་བརྒྱུས་པའི་ཐོང་ཕྲེང་གིས། །མགོར་བཅིངས་ཁྲག་འཛག་མགོ་ཕྲེང་བརྒྱན། །ཕྱག་གཡས་གྲི་གུག་བསྣམས་པ་སྟེ། །སྡིག། ་སྒྲིབ་མ་ལུས་འཇོམས་པར་བྱེད། །ཁྲག་གིས་བཀང་བའི་ཐོད་པ་ནི། །གཡོན་པའི་ཕྱག་ན་འཛིན་པར་མཛད། །ཕྱོགས་ཀྱི་གོས་ཅན་དགའ་ཆེན་པོ། །ལུས་བཟང་བཅུ་དྲུག་ལོ་ལོན་པ། །སྤྱན་གསུམ་མགོ་སྐྱེས་གྲོལ་བ་འཕྱང། །སྐྱིལ་ཀྲུང་ཕྱེད ་པའི་གང་དང་ལྡན། །སྒེག་བ་ལ་སོགས་རོར་བཅས་པ། །ཕྱག་རྒྱ་ལྔ་ཡི་རྣམ་པར་བརྒྱན། །ཕྱོགས་རྣམས་ཀུན་ཏུ་མཁའ་འགྲོ་མ། །ཚོགས་འཕྲོ་བ་ཡིས་གང་བ་ཡིས། །རྡོ་རྗེ་ཕག་མོ་བསྒོམ་པར་བྱ། །ཡེ་ཤེས ་བཀུག་སྟེ་དེར་བཅུག་ནས། །བཅིངས་ཏེ་དགྱེས་པར་བྱས་ནས་སུ། །མཁས་པས་ཡིད་ལས་བྱུང་བ་ཡི། །མཆོད་པ་དེ་ལ་ཆོ་ག་བཞིན། །མཆོད་པ་བྱ་སྟེ་དེ་ནས་ཡང། །དེ་ཡི་ནུ་མའི་བར་དུ་ནི། །ཆུ་སྐྱེས་བྱུ་རུ་ལྟ་བུ་ཡི། །ཁ་ཕྱེ་རྒྱས་པར་གྱུར ་པ་ནི། །རང་བཞིན་མེད་པ་བདག་མེད་མཆོག་།མཛེས་དགའ་བསྐྱེད་པར་བྱེད་པའོ། །མཐུར་བལྟས་རོ་ཆེན་པོ་དང་ལྡན། །འོད་ཟེར་གསལ་བས་བསྐོར་བ་ནི། །སྣ་རྩེར་མིག་གཏད་བསྒོམ་པར་བྱ། །སོ་ཡི་ཕུར་པའི་མཉེན་པོ་ནི། །སྤྲུལ ་པར་མེ་ཏོག་དམར་པོ་ལ། །པདྨ་རཱ་ག་ལྟར་འོད་དམར། །མྱུར་དུ་འཁོར་བ་བསྒོམ་པར་བྱ། །དེ་ནས་སྔར་བཤད་དེ་དེ་ཡིས། །འཁོར་བས་རེག་པས་འཁོར་བར་སྦ། །བསྒོམས་ཏེ་བསྒོམས་པའི་བདག་ཉིད་ཅན། །བདེ་བའི་རྒྱུན་ཏུ་ནུབ་བལྟས ་ཏེ། །དེ་ལྟར་རྟག་ཏུ་སྒོམ་བྱེད་པས། །མགོན་པོ་དང་བཅས་བདག་ཉིད་ཆེ། །ཕྱག་རྒྱ་ཆེན་པོའི་དངོས་གྲུབ་ནི། །འགྲུབ་འགྱུར་འདི་ལ་ཐེ་ཚོམ་མེད། །ལྡང་བར་འདོད་ན་མཁར་གནས་པའི། །བླ་མ་ལྷ་མོའི་ཕྱག་འཚལ་ནས། །མུ:ནས ་བརྗོད་དེ་ལངས་ནས་སུ། །ཆོ་ག་དེ་ཉིད་རིག་པས་བྱ། །འདི་ནི་བསྒོམ་པའི་ཆོ་གའོ།། །།མཎྜལ་བྲིས་མ་བྱེད་པ་ཡི། །སློབ་མས་གསོལ་བཏབ་བསྔགས་པའི་ས། །ཆོ་ག་ཚངས་བར་ཚེས་བཅུའི་ཚེ། །དེ་དག་རྗེས་སུ་གཟུང་བར ་བྱ། །རྣལ་འབྱོར་མ་ཡི་འཁོར་ལོ་སྔར། །མཆོད་པ་ཆོ་ག་བཞིན་མཆོད་ཅིང། །སྔར་བསྟན་རྣལ་འབྱོར་མཆོག་བྱས་ནས། །སློབ་མའི་དྲུང་དུ་འགྲོ་བར་བྱ། །མཎྜལ་བྱེད་པའི་སློབ་མ་ནི། །ཡོན་ཕུལ་འགྲེང་སྟེ་གནས་ནས་སུ། །མེ་ཏོག་ཕྲེང ་བ་འཛིན་པ་ལ། །མགོན་པོ་ཅན་གྱིས་བལྟ་བར་བྱ། །དེ་ནས་ཇི་སྐད་གསུང་བ་བཞིན་ནོ། །སློབ་མ་བཞི་ཡི་འཁོར་ལོར་བསམ། །མེ་ཏོག་ཆང་དང་བཅས་པ་ཡིས། །ལྷ་མོ་ཡང་དང་ཡང་དུ་མཆོད། །ལྷ་མོ་གསང་སྔགས་བཟླས་ནས་སུ། །ལག ་པ་སྤོས་ཐོགས་བརྡེག་པར་བྱ། །ཚངས་པའི་དང་པོ་ལ་སོགས་ཅན། །བདེན་པ་ལན་གསུམ་བརྗོད་པའི་མཐར། །རི་དགྲ་གྲི་གུག་གདོན་པར་བྱ། །ལྟུང་བྱེད་མོ་ཡི་ཆུང་མ་ནི། །ཕྱིས་ནས་རིམ་པ་བཞིན་དུ་བཟླས། །ཇི་སྲིད་བབ་པར་མ་གྱུར་པར།། ་སྔགས་དེ་དག་ནི་བསྒོམས་པར་བྱ། །ཡེ་ཤེས་བབས་ནས་སློབ་མ་ནི། །བ་སྤུ་ལྡང་ཞིང་འདར་དང་འགྱེལ། །གལ་ཏེ་ཆོ་ག་བཞིན་བྲིས་ན། །དགེ་མ?་དགེ་དེས་སྟོན་པར་འགྱུར། །རང་གི་རང་བཞིན་དུ་གནས་ན། །དེ་ནས་ལྷ་མོ་བསྒོམ་པར་བྱ། །ལྷ་མོའི ་སྔགས་དང་མཆོད་པ་དང། །ལྷན་ཅིག་སྐྱེས་བདག་དེ་ཉིད་བཤད། །བློ་བཟང་ཡེ་ཤེས་བབས་པ་ཡིས། །དེ་ཡི་མོད་ལ་ཡིད་ཆེས་པ། །དེ་ལ་བསྟན་གྱིས་གུས་དམན་པའི། །སློབ་མ་ལ་ནི་ནམ་ཡང་མིན། །འདི་ནི་སློབ་མ་རྗེས་སུ་གཟུང་བའི་ཆོ་གའོ།། །། ་ལྷ་མོ་གང་གིས་མཆོད་པ་དང། །ཆོ་ག་བཞིན་དུ་དེ་ཡི་སྔགས། །བྲིས་བ་དེ་ཨི་ནུས་པ་ཀུན། །ཀུན་ནས་གདོན་ལས་བཟློག་པ་ཡིན། །ཡེ་ཤེས་དབབ་པའི་ཆོ་ག་འདིས། །ཡིད་རང་གིས་ནི་ཡང་དག་མཐོང། །ཉེས་པ་ཐམས་ཅད་འཇོམས་བྱེད་པ་།འདི་ནི ་འབད་པས་བདག་གིས་བྲིས། །ཡེ་ཤེས་དབབ་པའི་ཆོ་ག་འབད་པ་ཡིས། །བདག་གིས་ལས་བྱ་བ་སྐྱེས་པའི་དགེ་བ་གང། །དེ་ཡིས་མྱུར་དུ་ཡང་དག་ཡེ་ཤེས་ཅན། །བདེ་གཤེགས་འགྲོ་བ་རྣམས་ཀྱིས་ཐོབ་པར་ཤོག་།ཡེ་ཤེས་དབབ་པའི་ཆོ་ག ་རྫོགས་སོ།། །།བཀྲ་ཤིས། །*། །རྣལ་འབྱོར་མའི་གསང་བའི་སྦྱིན་སྲེག་ཆོ་ག་བཞུགས་སོ། །བཅོམ་ལྡན་འདས་དཔལ་འཇམ་པའི་རྡོ་རྗེ་ལ་ཕྱག་འཚལ་ལོ། །དང་པོ་རེ་ཞིག་དཔལ་རྡོ་རྗེ་རྣལ་འབྱོར་མའི་དགོངས་པས་འཇིག་རྟེན་དང་འཇིག་རྟེན ་