བོད་ཡིག

e-texts based on the ACIP/ALL Input

mdor bsdus pa'i bstod pa rdzogs so// //paN+Di ta ngag gi dbang phyug dang/ glog kya lo tsa bas bsgyur ba'o// //'gro kun sangs rgyas 'thob par shog/ //ye shes dbab pa'i tshog bzhugs so/ / rgya gar skad du/ dz+nyA nA be sha bi d+hi/ bod skad du/ ye shes dbab pa'i cho ga /rdo rje rnal 'byor ma la phyag 'tshal lo/ /lhan cig skyes pa bdag nyid mchog /rdo rje phag mo dpal btud nas/ /de tshe yid ches byed pa yi/ /ye shes dbab pa'i cho ga bshad/ /dri dang me tog brgyan pa yi/ /dben pa'i phyogs su bzhugs nas su/ /gnas bdag rnal 'byor srung don du/ /hUM phaT brjod par bya ba yin/ /de nas sngags pa mnyam gzhag nas/ /bde ba'i stan la 'dug nas ni/ /lha mo'i sngags kyis cho ga bzhin/ /go cha yan lag la dgod bya/ /rtse mo brgyad pa dbab bya ste/ /mdun du dkyil 'khor dmar po ni/ me tog dmar po dang ldan pas/ /dag pa'i sngags ni brjod par bya/ /de nas glang po che yi rgyab/ /'khar ba'i snod mnyam pa'i ngos la/ /lha mo'i sngags mchog dam pa yi/ /lag pa g.yon pas bri bar bya/ /de la kha ra la sogs sngags/ /lha mo rnams phyogs man ngag bzhin/ /dbus su rdo rje rnal 'byor ma/ /thod pa'i nang du legs par bri/ /sngags kyi phyi rol g.yung drung dam/ /sna tshogs rdo rje skor par bya/ /rdo rje 'dzin pa'i steng su ni/ /sngar bshad snod ni gsal bar bzhag /mchod yon sogs phul glo bzang gis/ /dza:hUM baM ho:brjod pas 'dir/ /lha mo'i 'khor lo bkug nas su/ /bcug ste bcing zhing dge bar bya/ /de nas bdud rtsi dang sgron ma/ /'dod pa'i yon dang bcas pa'i/ /mchod pa lnga yis rnam kun tu/ /lha mo 'khor lo mchod par bya/ /nyin re'i mthun mtshams so so la/ /ji skad bshad pa'i mchod pa bya/ /de ltar ma lcogs kyang mar ngo'i/ /tshes bcu 'khor lo rtag tu mchod/ /legs par bris pa'i gsang sngags ni/ /mnyam gzhag rdo rje'i tshig gis bzlas/ /gzhon nu ma 'am rnal 'byor ma/ /chog bzang pos bstod par bya/ /'di ni phyi rol dang gsang ba'i mchod pa'i cho ga'o// //sprul pa'i shing rta'i yan lag la/ /srog bral blang ste gtum 'od can/ /der ni phag gdong snying rje'i bdag /rkang ke li king shu ka'i 'od/ /rnam par 'phro ba'i 'od phreng can/ /rdo rjes brgyus pa'i thong phreng gis/ /mgor bcings khrag 'dzag mgo phreng brgyan/ /phyag g.yas gri gug bsnams pa ste/ /sdig/ sgrib ma lus 'joms par byed/ /khrag gis bkang ba'i thod pa ni/ /g.yon pa'i phyag na 'dzin par mdzad/ /phyogs kyi gos can dga' chen po/ /lus bzang bcu drug lo lon pa/ /spyan gsum mgo skyes grol ba 'phyang/ /skyil krung phyed pa'i gang dang ldan/ /sgeg ba la sogs ror bcas pa/ /phyag rgya lnga yi rnam par brgyan/ /phyogs rnams kun tu mkha' 'gro ma/ /tshogs 'phro ba yis gang ba yis/ /rdo rje phag mo bsgom par bya/ /ye shes bkug ste der bcug nas/ /bcings te dgyes par byas nas su/ /mkhas pas yid las byung ba yi/ /mchod pa de la cho ga bzhin/ /mchod pa bya ste de nas yang/ /de yi nu ma'i bar du ni/ /chu skyes byu ru lta bu yi/ /kha phye rgyas par gyur pa ni/ /rang bzhin med pa bdag med mchog /mdzes dga' bskyed par byed pa'o/ /mthur bltas ro chen po dang ldan/ /'od zer gsal bas bskor ba ni/ /sna rtser mig gtad bsgom par bya/ /so yi phur pa'i mnyen po ni/ /sprul par me tog dmar po la/ /pad+ma rA ga ltar 'od dmar/ /myur du 'khor ba bsgom par bya/ /de nas sngar bshad de de yis/ /'khor bas reg pas 'khor bar sba/ /bsgoms te bsgoms pa'i bdag nyid can/ /bde ba'i rgyun tu nub bltas te/ /de ltar rtag tu sgom byed pas/ /mgon po dang bcas bdag nyid che/ /phyag rgya chen po'i dngos grub ni/ /'grub 'gyur 'di la the tshom med/ /ldang bar 'dod na mkhar gnas pa'i/ /bla ma lha mo'i phyag 'tshal nas/ /mu:nas brjod de langs nas su/ /cho ga de nyid rig pas bya/ /'di ni bsgom pa'i cho ga'o// //maN+Dal bris ma byed pa yi/ /slob mas gsol btab bsngags pa'i sa/ /cho ga tshangs bar tshes bcu'i tshe/ /de dag rjes su gzung bar bya/ /rnal 'byor ma yi 'khor lo sngar/ /mchod pa cho ga bzhin mchod cing/ /sngar bstan rnal 'byor mchog byas nas/ /slob ma'i drung du 'gro bar bya/ /maN+Dal byed pa'i slob ma ni/ /yon phul 'greng ste gnas nas su/ /me tog phreng ba 'dzin pa la/ /mgon po can gyis blta bar bya/ /de nas ji skad gsung ba bzhin no/ /slob ma bzhi yi 'khor lor bsam/ /me tog chang dang bcas pa yis/ /lha mo yang dang yang du mchod/ /lha mo gsang sngags bzlas nas su/ /lag pa spos thogs brdeg par bya/ /tshangs pa'i dang po la sogs can/ /bden pa lan gsum brjod pa'i mthar/ /ri dgra gri gug gdon par bya/ /ltung byed mo yi chung ma ni/ /phyis nas rim pa bzhin du bzlas/ /ji srid bab par ma gyur par// sngags de dag ni bsgoms par bya/ /ye shes babs nas slob ma ni/ /ba spu ldang zhing 'dar dang 'gyel/ /gal te cho ga bzhin bris na/ /dge ma? dge des ston par 'gyur/ /rang gi rang bzhin du gnas na/ /de nas lha mo bsgom par bya/ /lha mo'i sngags dang mchod pa dang/ /lhan cig skyes bdag de nyid bshad/ /blo bzang ye shes babs pa yis/ /de yi mod la yid ches pa/ /de la bstan gyis gus dman pa'i/ /slob ma la ni nam yang min/ /'di ni slob ma rjes su gzung ba'i cho ga'o// // lha mo gang gis mchod pa dang/ /cho ga bzhin du de yi sngags/ /bris ba de i nus pa kun/ /kun nas gdon las bzlog pa yin/ /ye shes dbab pa'i cho ga 'dis/ /yid rang gis ni yang dag mthong/ /nyes pa thams cad 'joms byed pa /'di ni 'bad pas bdag gis bris/ /ye shes dbab pa'i cho ga 'bad pa yis/ /bdag gis las bya ba skyes pa'i dge ba gang/ /de yis myur du yang dag ye shes can/ /bde gshegs 'gro ba rnams kyis thob par shog /ye shes dbab pa'i cho ga rdzogs so// //bkra shis/ /*/ /rnal 'byor ma'i gsang ba'i sbyin sreg cho ga bzhugs so/ /bcom ldan 'das dpal 'jam pa'i rdo rje la phyag 'tshal lo/ /dang po re zhig dpal rdo rje rnal 'byor ma'i dgongs pas 'jig rten dang 'jig rten