| Wylie | e-texts produced with BDRC’s OCR application |
ཟེ་འབྲལ་ལ#། རྒྱ་གར་སྐད་དུ། ཥཊ་ཨ~ཾ་ག་ཡོ་ག་ནཱ་མ་ནཱི་ཀ། བོད་སྐད་དུ། སྦྱོར་བ་ཡན་ལག་དྲུག་པ་ཞེས་བྱ་བའི་འགྲེལ་པ། དཔལ་རྡོ་རྗེ་སེམས་དཔའ་ལ་ཕྱག་འཚལོ།། དབང་པོ་རྣམས་དང ་དབང་པོ་རྣམས་ཀྱི་ཡུལ་གཉི་གའི་དབང་པོ་སྟེ། དབང་པོ་བཅུ་པོ་ཡུལ་དང་ཡུལ་ཅན་རྣམས་ཀྱི་རང་གི་འཇུག་པ་ནི། ཇི་ལྟར་རང་ཉིད་ཀྱི་གཟུང་བ་དང་། འཛིན་པོའི་རང་བཞིན་གྱིས་འཇུག་པ་ནི་རང་གི་འཇུག་པའོ།། དེར་གནས་པས་རང་གི ་འཇུག་གནས་སོ།། ཐམས་ཅད་དུ་ནི་དམན་པ་དང་། བར་མ་དང་། མཆོག་གོ་བྱེ་བྲག་གིས་སོ་འདོད་པ་སོ་སོར་སྡུད་པས་ན་ཞེས་བྱ་བ་ནི་འདོད་ཅིང་ཆགས་པར་བྱ་བ་ཡིན་པས་ན། འདོད་པ་སྟེ་གཟུགས་ལ་སོགས་པའོ།། དེ་རྣམས་ལ་ནི ་དབང་པོ་རྣམས་ཀྱིས་གང་སོ་སོར་ཡང་དང་ཡང་སྡུད་པ་ཞེས་བྱ་སྟེ། ཡན་ལག་དང་པོའི་བཤད་པའོ།། སོ་སོར་སྡུད་པ་རྣམ་པར་སྦྱང་བར་བྱ་བའི་དོན་དུ་ཡན་ལག་གཉིས་པ་བསྟན་པའི་ཕྱིར་འདོད་པ་ལྔ་ནི་ཞེས་བྱ་བྱ་ལ་སོགས་པ ་གསུངས་ཏེ། འདོད་པ་ལྔ་ནི་དབང་པོ་ལྔའི་ཡུལ་དུ་གྱུར་པ་གཟུགས་ལ་སྩོགས་པ་ནི་མདོར་བསྡུས་ནས་ཏེ། དབང་པོ་རྣམས་དང་གཱ་ཅིག་ཏུ་གྱུར་ནས་སྷོ།། སངས་རྒྱ་སྐུ་ལྔ་ནི་མིག་ལ་སོགས་པ་སྟེ། དེ་རྣམས་ཀྱི་སྦྱོར་བ་ནི་ཡང་ད། ་པར་སྦྱོར་བས་སངས་རྒྱས་ལྔ་རུ་སྦྱོར་བ་ཡིས་ཏེ། དེ་བས་ན་གཟུགས་ལ་སོགས་པ་རྣམས་ཀྱང་སངས་རྒྱས་ཡིན་ནོ།། དེ་ལྟར་གྱུར་པའི་ཡོངས་སུ་དག་པའི་བརྟག་པ་དེ་ཉིད་བསམ་གཏན་ཞེས་བཤད་དོ།། དེ་ཡང་རྟོག་པ་ལ་སོགས ་པའི་དབྱེ་བས་རྣམ་པ་ལྔར་འགྱུར་ཏེ། རྟོག་དང་ཞེས་བྱ་བ་ལ་སོགས་པ་ནི་དེའི་དབྱེ་བ་བཤད་པའོ།། དབང་པོ་དང་། ཡུལ་དང་། དབང་པོའི་ཤེས་པ་ནི་གསང་བ་གསུམ་སྟེ། དབང་པོ་ལྔ་དང་། དབང་པོའི་ཤེས་པ་དང་། དེའི་ཡུལ་རྣམས་ནི་དེ ་བཞིན་གཤེགས་པ་རྣམ་པ་ལྔའི་བདག་ཉིད་ཡིན་ནོ།། ཞེས་གང་རྟོག་པ་དེ་ནི་རྟོག་པའོ།། དེ་ཉིད་ལ་རྣམ་པར་དཔྱོད་པ་ནི་གནས་པ་ལ་དཔྱོད་པའོ།། དེ་ལྟར་དཔྱང་ནས་དེ་ཁོ་ན་ཉིད་ལ་འཇུག་པ་ལ་མངོན་པར་ཕྱོགས་པས་གང་ཡིད་བདེ ་བའི་མཚན་ཉིད་ཅན་དེ་ནི་དགའ་བ་ལ་རེག་པའོ།། དེ་ཁོ་ན་ཉིད་ལ་མངོན་པར་ཞུགས་པས་ལུས་ཤིན་ཏུ་སྦྱངས་པ་ལ་སོགས་པའི་མཚན་ཉིད་ཅན་གྱི་བྱུང་བ་གང་ཐོབ་པ་དེ་ནི་བདེ་བས་བསླུས་པའོ།། དེ་ལྟར་སྦྱངས་པ་ལས་རབ་ཀྱི་མཿ ་ཐུག་པར་སོན་པའི་ཕྱིར་ཤེས་པ་སྟེ། མིག་ལ་སོགས་པ་དྲུག་གི་འཇུག་པའི་རྣམ་པར་ཤེས་པ་དང་། ཤེས་བྱ་སྟེ་གཟུགས་ལ་སོགས་པ་ནས་ཆོས་ཀྱི་ཁམས་ཀྱི་བར་དུ་འབྱུང་བ་ནི་ཤེས་བྱ་བྱུང་བའོ།། དེའི་ཟད་པ་ནི་སེམས་ཀྱི ་གཟུང་བ་དང་འཛིན་པོ་སྟོང་པ་ཉིད་དེ། དེ་བས་ན་ཡེ་ཤེས་ཀྱི་མཚན་ཉིད་ཅན་གྱི་སེམས་རྩེ་གཅིག་པ་ལ་ནི་རང་སེམས་ཞེས་བྱའོ།། དེ་ལྟ་བུའི་སེམས་དེ་ནི་སངས་རྒྱས་ཀུན་དངོས་ཞི་བ་སྟེ། སྣང་བ་ཙམ་དང་ཐམས་ཅད་སྟོང་པར་གཅིག ་ཏུ་མཐར་ཐུག་པར་འབྱུང་བར་འགྱུར་ཏེ། ཡན་ལག་གཉིས་པའི་དབྱེ་བ་རྣམ་པ་ལྔའོ།། ཡེ་ཤེས་ལྔའི་ཞེས་བྱ་བ་ལ་སོགས་པའི་ཡེ་ཤེས་ལྔའི་རང་བཞིན་གྱིས་དབུགས་ཏེ། ཡང་དེ་ཉིད་སི་ལ་སོགས་པའི་བདག་ཉིད་དུ་རང་གི་རྡོ་རྗེ ་བུ་ག་ནས་བྱུང་ནས་པདྨའི་སྣའི་རྩེ་མོར་གོང་བུའི་གཟུགས་ཀྱིས་ཏེ། བྱང་ཆུབ་ཀྱི་སེམས་ཀྱི་ཐིག་ལེའི་གཟུགས་ཀྱིས་བསྒོམ་པར་བྱའོ།། དེ་ཉིད་གྱེན་དུ་འགྲོ་བའི་དབུགས་ནི་ཁ་དོག་སྣ་ལྔ་པ་སྟེ། དེ་བཞིན ་གཤེགས་པ་ལྔའི་བདག་ཉིད་ཅན་ནོ།། དེ་ཉིད་ཀྱིས་ན་རིན་པོ་ཆེའོ།། སྲོག་ནི་འཚོ་བའོ།། རྩོལ་ཞིང་རིང་དུ་སྤྲོས་པ་གང་ཡིན་པ་དེ་ནི་སྲོག་དང་རྩོལ་བ་ཞེས་བྱར་བཤད་ཅེས་བྱ་བར་ཤེས་པར་བྱ་སྟེ། དེ་ཉིད་དུ་འཇུག་པ་ལ་སོགས་པའི ་ངོ་བོ་ཉིད་ཀྱིས་ཉིན་དང་མཚན་དུ་ཟློས་པར་གྱུར་པའི་ཕྱིར་རོ།། རང་སྔགས་སྙིང་གར་བསམས་ཏེ། རང་གི་སྙིང་གའི་པདྨ་ལ་བསམས་ནས་སྲོག་ནི་ཐིག་ལེར་གྱུར་པར་བཞག་ཅེས་བྱ་བ་མི་ཤིག་གཏོགས་པར་དགོད་པ་སྟེ་ཡན ་ལག་གསུམ་པའོ།། རང་ནི་གཟུགས་ལ་སོགས་པའོ།། དབང་པོ་ནི་མིག་ལ་སོགས་པ་སྟེ། དེ་ལ་དབང་པོ་ཉིས་དགག་ཅིང་ངེས་པར་ཐིམ་ནས་དེའི་འོག་ཏུ་ཡུལ་དང་དབང་པོའི་སྤྲིན་དུ་གྱུར་པའི་རིན་པོ་ཆེ་སྟེ། སེམས་ཀྱི་རིན ་པོ་ཆེ་སྲོག་དང་རྩོལ་བ་དང་བཅས་པར་བཀླག་ཅིང་ནུབ་པར་གྱུར་པའི་གཟུང་བ་གང་ཡིན་པར་བཤད་དེ། དེ་ཡང་གང་ཞེ་ན། ཡང་དག་པའི་མཐའ་ཞེས་བྱ་བ་སྟེ། སེམས་ནི་འགོག་པའི་རྡོ་རྗེར་འགྱུར།། མཚན་མར་ཉེར་འཛིན ་འབྱུང་བར་འགྱུར་ཞེས་བྱ་བ་ལ། འགོག་པའི་རྡོ་རྗེ་ནི་འོད་གསལ་བའོ།། དེར་གྱུར་པ་ནི་སེམས་དེར་གྱུར་པའོ།། མཚན་མ་རྣམས་ཀྱི་ཉེ་བར་འཛིན་པ་ནི་མཚན་མར་ཉེར་འཛིན་ཏེ། མཚན་མར་སྣང་བའོ།། འབྱུང་བར་གྱུར་པ་ནི་སྐྱེ་བར ་འགྱུར་བའོ།། མཚན་མའི་ཁམས་ནི་རྣམ་པ་ལྔར།། བྱང་ཆུབ་རྡོ་རྗེས་གསུངས་པ་ཡིན།། ཞེས་བྱ་བ་ནི་ས་ཆུ་ལ་ཐིམ་པར་གྱུར་པ་ལས་སྨིག་རྒྱུ་དང་འདྲ་བར་སྣང་བར་གྱུར་པ་ནི་མཚན་མ་དང་པའོ།། དེ་བཞིན་དུ་ཆུ་མི་ཐིམ་པར་གྱུར་པ་ལས ་དུ་བ་ལྟ་བུ་སྟེ་གཉིས་པའོ།། མེ་རླུང་ལ་ཐིམ་པར་གྱུར་པ་ལས། ནམ་མཁའ་སྣང་བར་གྱུར་པ་ལྟ་བུ་སྟེ་གསུམ་པའོ།། ཁམས་ཕྲ་བ་ཀུན་ཏུ་སྣང་བ་གསུམ་དུ་སོང་བ་ལས་མར་མེ་ལྟར་སྣང་བའི་ཚོགས་ཀྱི་ངོ་བོ་ཉིད་ནི་བཞི་པའོ།། ་རང་བཞིན་ཀུན་ཏུ་སྣང་བ་ལ་ཐིམ་པར་གྱུར་པ་ལས་སྤྲིན་མེད་པའི་ནམཁའ་དང་འདྲ་ཞིང་རྟག་ཏུ་སྣང་བ་འོད་གསལ་བ་ཙམ་དུ་གྱུར་པ་ནི་ལྔ་པའོ།། མཚན་མར་ལྔ་པོ་དེ་དག་གིས་མྱ་ངན་ལས་འདས་པ་ཐོབ་པར་འགྱུར་རོ།། ། ་དེ་ཡང་ཇི་སྐད་དུ་ལས་ཀྱི་མཐའ་རྣམ་པར་འབྱེད་པ་ལས།། དང་པོས་ནི་ཆུ་ལ་ཐིམ།། ཆུ་ཡང་མེ་ལ་ཐིམ་པར་གྱུར།། མེ་ནི་རླུང་ལ་ཐིམ་འགྱུར་ཞིང་།། རླུང་ཡང་རྣམ་པར་ཤེས་ལ་འཇུག། རྣམ་ཤེས་གཟུང་བ་དེ་ཉིད་ནི། འོད་གསལ ་བར་ཡང་འཇུག་པ་ཡིན། ཞེས་གསུངས་པས་སོ།། བརྟན་པར་གྱུར་ཅིང་རྣམ་པར་དག་པར་གྱུར་ནས། རྡོ་རྗེ་ལམ་ནས་མདོའི་བར་མི་བྱ་བའི་མཚན་མ་ལྔའི་རིམ་གྱི་འོད་གསལ་བར་འཇུག་པས་ན་མཁའི་ཁམས་ཏེ་འཇིག་རྟེན ་གྱི་ཁམས་སུ་སྤྲོ་བར་བྱ་ཞིང་ཆོས་ཀྱི་སྐུའི་ཚུལ་གྱིས་ཁྱབ་པར་བྱའོ།། དེ་དག་ནི་འཛིན་པའི་ཡན་ལག་ཅེས་བྱ་སྟེ་བཞི་པའོ།། དེ་ལྟར་བྱ་སྟེ་བཞི་པའོ།། དེ་ལྟར་བདག་ཉིད་འོད་གསལ་བར་སོང་བར་རྣམ་པར་བསྒོམ་ཞིང་མངོན་སུམ ་དུ་བྱས་ནས། གང་སྔོན་རྗེས་སུ་དྲན་པ་སྨིག་རྒྱུ་འདྲ་བ་ལ་སོགས་པའི་རྣམ་པས་ཡང་དག་པའི་མཐའ་ཐོབ་པ་དེ་དང་འདྲ་ཞིང་། དེ་ཉིད་ཀྱི་རིམ་གྱིས་སྤྲོ་བར་བྱ་ཞིང་བསྐྱེད་པར་བྱ་སྟེ། བཤད་མ་ཐག་པ་དེ་དག་ནི་རྗེས ་སུ་དྲན་པ་ཞེས་བཤད་པ་ཡིན་པར་ཤེས་ཤིང་ཁོང་དུ་ཆུད་པར་བྱའོ།། སོ་སོར་སྣང་བ་དེ་ལ་སྒྲ་ཞེས་བྱ་བ་ལ། སོ་སོར་སྣང་བ་ནི་ཡང་དག་པར་རིག་པ་སྟེ། དེ་ལ་རྗེས་སུ་དྲན་པའི་ཡན་ལག་སྐྱེ་བར་འགྱུར་གྱི་གཞན་དུ་ནི་མ་ཡིན་ནོ།། བྲུ ་དང་ཞེས་བྱ་བ་ལ་སོགས་པ་ལ། ཐབས་དང་ཤེས་རབ་སྙོམས་པར་འཇུག་པ་སྟེ། ཀུན་རྫོབ་དང་དོན་དམ་པའི་བདེན་པའི་སྦྱོར་བས་དངོས་པོ་ཐམས་ཅད་དེ་རྒྱུ་བ་དང་། མྦྷ་རྒྱུ་བས་གནས་པོ་ཁོང་བུའི་ཚུལ་གྱིས་ཏེ། ཕྱག་རྒྱ་ཆེན་པོའི ་གཟུགས་ཀྱིས་གཅིག་ཏུ་བྱས་ནས་རྒྱུ་བ་དང་། མི་རྒྱུ་བ་དེའི་དབུས་སུ་ཟུང་དུ་འཇུག་པའི་བདག་ཉིད་ཅན་རྡོ་རྗེ་འཆང་ཆེན་པོའི་གཟུགས་རྣམ་པར་བསྒོམ་པར་བྱའོ།། རིམ་པ་འདི་ཉིད་ཀྱི་ཕུད་ཀྱིས་ཞེས་པ་སྟེ། སྐད་ཅིག་ཙམ་གྱིས ་སོ།། ཡེ་ཤེས་རྫོགས་པར་བྱེད་པ་ཞེས་པ་སྟེ། ཡེ་ཤེས་ཀྱི་སྒྱུ་རྫོགས་པར་བྱེད་པ་ནི་ཏིང་ངེ་འཛིན་ཏེ། ཡན་ལག་དྲུག་པ་ཡིན་པར་བཤད་དོ།། དཔལ་སྒྱུ་འཕྲུལ་དྲ་བ་ལས་ཀྱང་ལྷ་བསྐྱེད་པའི་དབྱེ་བ་འདི་ཉིད་གསྩལ་པར་གསུངས ་ཏེ། རྣལ་འབྱོར་རྣམ་གསུམ་ཤེས་བྱ་སྟེ། བྱིན་གྱིས་བརླབས་དང་ཡོངས་བརྟགས་དང་། གཟུགས་ཉིད་ཡོངསུ་རྫོགས་པ་སྟེ།། རྣལ་འབྱོར་སངས་རྒྱས་རྣམས་ཀྱི་བསྔགས།། སྔགས་ཀྱིས་བྱིན་བརླབས་ང་རྒྱལ་པོ་སྐྱེད།། རྣལ་འབྱོར་བྱིན་བརླབས་ཡིན ་གསུངས།། བྱང་ཆུབ་སེམས་ནི་དག་པ་དང་།། གསང་སྔགས་ས་བོན་སྐྱེ་བ་ཆེ།། ཕྱག་རྒྱའི་ཚོགསུ་བརྟག་པ་ཡིས།། རིམ་གྱིས་གཟུགས་ནི་རྫོགས་བྱས་པ།། དེ་ནི་བརྟགས་པར་བརྗོད་པ་སྟེ།། རྣལ་འབྱོར་ཆོ་ག་ཡིན་པར་གསུངས།། སྡུད་དང་སྤྲོ་བར་བྱས་པ་ལས ་རྣམ་པའི་མཆོག་ཀུན་ལྡན་པ་དག། སྐད་ཅིག་ཡེ་ཤེས་ཀྱིས་རྫོགས་པ།། རྫོགས་པའི་རྣལ་འབྱོར་ཞེས་བཤད་དོ།། ཞེས་བྱ་བ་དང་། རྣམ་པར་སྣང་མཛད་མངོན་པར་བྱང་ཆུབ་པ་ལས་ཀྱང་།། ལྷའི་རྣལ་འབྱོར་རྣམ་པ་གཉིས་སྟོན་ཏེ། གསང་བའི་བདག་པོ་ལྷའི ་གཟུགས་ཀྱང་རྣམ་པ་གཉིས་ཏེ། ཡོངསུ་དག་པ་དང་། ཡོངསུ་མ་དག་པའོ།། དེ་ལ་ཡོངསསུ་དག་པ་ནི་རྟོག་པའི་ངོ་བོ་སྟེ། མཚན་མ་ཐམས་ཅད་དང་བྲལ་བའོ།། ཡོངསུ་མ་དག་པ་ནི་མཚན་མ་དང་བཅས་པའི་གཟུགས་ཏེ། ཁ་དོག་དང་དབྱིབ་སོ།། དེ་ལ་ལྷ ་གཟུགས་རྣམ་པ་གཉིས་འགྲུབ་པར་འགྱུར་ཏེ། མཚན་མ་དང་བཅས་པས་ནི་མཚན་མེ་དང་བཅས་པའོ།། མཚན་མ་མེད་པས་ནི་མཚན་མ་དང་བཅས་པའི་དངོས་གྲུབ་ཀྱང་འབྱུང་བར་འགྱུར་རོ།། མཚན་མར་བཅས་པས་མཚོན་བཅས་ཀྱིས།། ་དངོས་གྲུབ་རྒྱལ་བ་དམ་པ་བཞེད།། མཚན་མ་མེད་ལ་གནས་པས་ནི།། མཚན་མ་ཅན་ཡང་འགྲུབ་ཏུ་རུང་།། དེ་བས་རྣམ་པ་ཐམས་ཅད་དུ།། མཚན་མ་མེད་པ་བསྟན་པར་བྱ།། ཞེས་བྱ་སྟེ་དགོངས་པས་བཤད་པའོ།། སྦྱོར་བ་ཡན་ལག་དྲུག ་བ་ཞེས་བྱ་བའི་འགྲེལ་པ་སློབ་དཔོན་ཆེན་པོ་ཟླ་བ་གྲགས་པས་མཛད་པ་རྫོགས་སོ།། ། རྒྱ་གར་གྱི་མཁན་པོ་ཨཱ་ཙིརྱ་བྲདྡྷ་ཀ་ར་ཝརྨྨ་དང་། ཞུས་ཆེན་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་པོ་ཙས་ཏེ་གཏན་ལ་ཕབ ་