| བོད་ཡིག | e-texts produced with BDRC’s OCR application |
ze 'bral la#/ rgya gar skad du/ ShaT a~M ga yo ga nA ma nI ka/ bod skad du/ sbyor ba yan lag drug pa zhes bya ba'i 'grel pa/ dpal rdo rje sems dpa' la phyag 'tshalo// dbang po rnams dang dbang po rnams kyi yul gnyi ga'i dbang po ste/ dbang po bcu po yul dang yul can rnams kyi rang gi 'jug pa ni/ ji ltar rang nyid kyi gzung ba dang / 'dzin po'i rang bzhin gyis 'jug pa ni rang gi 'jug pa'o// der gnas pas rang gi 'jug gnas so// thams cad du ni dman pa dang / bar ma dang / mchog go bye brag gis so 'dod pa so sor sdud pas na zhes bya ba ni 'dod cing chags par bya ba yin pas na/ 'dod pa ste gzugs la sogs pa'o// de rnams la ni dbang po rnams kyis gang so sor yang dang yang sdud pa zhes bya ste/ yan lag dang po'i bshad pa'o// so sor sdud pa rnam par sbyang bar bya ba'i don du yan lag gnyis pa bstan pa'i phyir 'dod pa lnga ni zhes bya bya la sogs pa gsungs te/ 'dod pa lnga ni dbang po lnga'i yul du gyur pa gzugs la stsogs pa ni mdor bsdus nas te/ dbang po rnams dang gA cig tu gyur nas s+ho// sangs rgya sku lnga ni mig la sogs pa ste/ de rnams kyi sbyor ba ni yang da/ par sbyor bas sangs rgyas lnga ru sbyor ba yis te/ de bas na gzugs la sogs pa rnams kyang sangs rgyas yin no// de ltar gyur pa'i yongs su dag pa'i brtag pa de nyid bsam gtan zhes bshad do// de yang rtog pa la sogs pa'i dbye bas rnam pa lngar 'gyur te/ rtog dang zhes bya ba la sogs pa ni de'i dbye ba bshad pa'o// dbang po dang / yul dang / dbang po'i shes pa ni gsang ba gsum ste/ dbang po lnga dang / dbang po'i shes pa dang / de'i yul rnams ni de bzhin gshegs pa rnam pa lnga'i bdag nyid yin no// zhes gang rtog pa de ni rtog pa'o// de nyid la rnam par dpyod pa ni gnas pa la dpyod pa'o// de ltar dpyang nas de kho na nyid la 'jug pa la mngon par phyogs pas gang yid bde ba'i mtshan nyid can de ni dga' ba la reg pa'o// de kho na nyid la mngon par zhugs pas lus shin tu sbyangs pa la sogs pa'i mtshan nyid can gyi byung ba gang thob pa de ni bde bas bslus pa'o// de ltar sbyangs pa las rab kyi maH thug par son pa'i phyir shes pa ste/ mig la sogs pa drug gi 'jug pa'i rnam par shes pa dang / shes bya ste gzugs la sogs pa nas chos kyi khams kyi bar du 'byung ba ni shes bya byung ba'o// de'i zad pa ni sems kyi gzung ba dang 'dzin po stong pa nyid de/ de bas na ye shes kyi mtshan nyid can gyi sems rtse gcig pa la ni rang sems zhes bya'o// de lta bu'i sems de ni sangs rgyas kun dngos zhi ba ste/ snang ba tsam dang thams cad stong par gcig tu mthar thug par 'byung bar 'gyur te/ yan lag gnyis pa'i dbye ba rnam pa lnga'o// ye shes lnga'i zhes bya ba la sogs pa'i ye shes lnga'i rang bzhin gyis dbugs te/ yang de nyid si la sogs pa'i bdag nyid du rang gi rdo rje bu ga nas byung nas pad+ma'i sna'i rtse mor gong bu'i gzugs kyis te/ byang chub kyi sems kyi thig le'i gzugs kyis bsgom par bya'o// de nyid gyen du 'gro ba'i dbugs ni kha dog sna lnga pa ste/ de bzhin gshegs pa lnga'i bdag nyid can no// de nyid kyis na rin po che'o// srog ni 'tsho ba'o// rtsol zhing ring du spros pa gang yin pa de ni srog dang rtsol ba zhes byar bshad ces bya bar shes par bya ste/ de nyid du 'jug pa la sogs pa'i ngo bo nyid kyis nyin dang mtshan du zlos par gyur pa'i phyir ro// rang sngags snying gar bsams te/ rang gi snying ga'i pad+ma la bsams nas srog ni thig ler gyur par bzhag ces bya ba mi shig gtogs par dgod pa ste yan lag gsum pa'o// rang ni gzugs la sogs pa'o// dbang po ni mig la sogs pa ste/ de la dbang po nyis dgag cing nges par thim nas de'i 'og tu yul dang dbang po'i sprin du gyur pa'i rin po che ste/ sems kyi rin po che srog dang rtsol ba dang bcas par bklag cing nub par gyur pa'i gzung ba gang yin par bshad de/ de yang gang zhe na/ yang dag pa'i mtha' zhes bya ba ste/ sems ni 'gog pa'i rdo rjer 'gyur// mtshan mar nyer 'dzin 'byung bar 'gyur zhes bya ba la/ 'gog pa'i rdo rje ni 'od gsal ba'o// der gyur pa ni sems der gyur pa'o// mtshan ma rnams kyi nye bar 'dzin pa ni mtshan mar nyer 'dzin te/ mtshan mar snang ba'o// 'byung bar gyur pa ni skye bar 'gyur ba'o// mtshan ma'i khams ni rnam pa lngar// byang chub rdo rjes gsungs pa yin// zhes bya ba ni sa chu la thim par gyur pa las smig rgyu dang 'dra bar snang bar gyur pa ni mtshan ma dang pa'o// de bzhin du chu mi thim par gyur pa las du ba lta bu ste gnyis pa'o// me rlung la thim par gyur pa las/ nam mkha' snang bar gyur pa lta bu ste gsum pa'o// khams phra ba kun tu snang ba gsum du song ba las mar me ltar snang ba'i tshogs kyi ngo bo nyid ni bzhi pa'o// rang bzhin kun tu snang ba la thim par gyur pa las sprin med pa'i namakha' dang 'dra zhing rtag tu snang ba 'od gsal ba tsam du gyur pa ni lnga pa'o// mtshan mar lnga po de dag gis mya ngan las 'das pa thob par 'gyur ro// / de yang ji skad du las kyi mtha' rnam par 'byed pa las// dang pos ni chu la thim// chu yang me la thim par gyur// me ni rlung la thim 'gyur zhing // rlung yang rnam par shes la 'jug/ rnam shes gzung ba de nyid ni/ 'od gsal bar yang 'jug pa yin/ zhes gsungs pas so// brtan par gyur cing rnam par dag par gyur nas/ rdo rje lam nas mdo'i bar mi bya ba'i mtshan ma lnga'i rim gyi 'od gsal bar 'jug pas na mkha'i khams te 'jig rten gyi khams su spro bar bya zhing chos kyi sku'i tshul gyis khyab par bya'o// de dag ni 'dzin pa'i yan lag ces bya ste bzhi pa'o// de ltar bya ste bzhi pa'o// de ltar bdag nyid 'od gsal bar song bar rnam par bsgom zhing mngon sum du byas nas/ gang sngon rjes su dran pa smig rgyu 'dra ba la sogs pa'i rnam pas yang dag pa'i mtha' thob pa de dang 'dra zhing / de nyid kyi rim gyis spro bar bya zhing bskyed par bya ste/ bshad ma thag pa de dag ni rjes su dran pa zhes bshad pa yin par shes shing khong du chud par bya'o// so sor snang ba de la sgra zhes bya ba la/ so sor snang ba ni yang dag par rig pa ste/ de la rjes su dran pa'i yan lag skye bar 'gyur gyi gzhan du ni ma yin no// bru dang zhes bya ba la sogs pa la/ thabs dang shes rab snyoms par 'jug pa ste/ kun rdzob dang don dam pa'i bden pa'i sbyor bas dngos po thams cad de rgyu ba dang / m+b+ha rgyu bas gnas po khong bu'i tshul gyis te/ phyag rgya chen po'i gzugs kyis gcig tu byas nas rgyu ba dang / mi rgyu ba de'i dbus su zung du 'jug pa'i bdag nyid can rdo rje 'chang chen po'i gzugs rnam par bsgom par bya'o// rim pa 'di nyid kyi phud kyis zhes pa ste/ skad cig tsam gyis so// ye shes rdzogs par byed pa zhes pa ste/ ye shes kyi sgyu rdzogs par byed pa ni ting nge 'dzin te/ yan lag drug pa yin par bshad do// dpal sgyu 'phrul dra ba las kyang lha bskyed pa'i dbye ba 'di nyid gastsal par gsungs te/ rnal 'byor rnam gsum shes bya ste/ byin gyis brlabs dang yongs brtags dang / gzugs nyid yongasu rdzogs pa ste// rnal 'byor sangs rgyas rnams kyi bsngags// sngags kyis byin brlabs nga rgyal po skyed// rnal 'byor byin brlabs yin gsungs// byang chub sems ni dag pa dang // gsang sngags sa bon skye ba che// phyag rgya'i tshogasu brtag pa yis// rim gyis gzugs ni rdzogs byas pa// de ni brtags par brjod pa ste// rnal 'byor cho ga yin par gsungs// sdud dang spro bar byas pa las rnam pa'i mchog kun ldan pa dag/ skad cig ye shes kyis rdzogs pa// rdzogs pa'i rnal 'byor zhes bshad do// zhes bya ba dang / rnam par snang mdzad mngon par byang chub pa las kyang // lha'i rnal 'byor rnam pa gnyis ston te/ gsang ba'i bdag po lha'i gzugs kyang rnam pa gnyis te/ yongasu dag pa dang / yongasu ma dag pa'o// de la yongasasu dag pa ni rtog pa'i ngo bo ste/ mtshan ma thams cad dang bral ba'o// yongasu ma dag pa ni mtshan ma dang bcas pa'i gzugs te/ kha dog dang dbyib so// de la lha gzugs rnam pa gnyis 'grub par 'gyur te/ mtshan ma dang bcas pas ni mtshan me dang bcas pa'o// mtshan ma med pas ni mtshan ma dang bcas pa'i dngos grub kyang 'byung bar 'gyur ro// mtshan mar bcas pas mtshon bcas kyis// dngos grub rgyal ba dam pa bzhed// mtshan ma med la gnas pas ni// mtshan ma can yang 'grub tu rung // de bas rnam pa thams cad du// mtshan ma med pa bstan par bya// zhes bya ste dgongs pas bshad pa'o// sbyor ba yan lag drug ba zhes bya ba'i 'grel pa slob dpon chen po zla ba grags pas mdzad pa rdzogs so// / rgya gar gyi mkhan po A tsir+ya brad+d+ha ka ra war+m+ma dang / zhus chen lo tsA ba dge slong rin chen bzang pos bsgyur cing po tsas te gtan la phab