| Wylie | e-texts produced with BDRC’s OCR application |
རྒྱ་གར་སྐད་དུ། ན་བ་ཤློ་ཀ་བོད་སྐད་དུ།། ཚིགས ་སུ་བཅད་པ་དགུ་པ། བཅོམ་ལྡན་འདས་མ་འཕགས་མ ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ།། དགེ་བའི་རིན་ཆེན་འབྱུང་གནས་གང་།། ཤེས་རབ་ཕ་རོལ ་ཕྱིན་བྱང་ཆུབ།། ཐམས་ཅད་ཕ་རོལ་ཕྱིན་མ་དེར།། དེ་རང་ཉིད་ཀྱི་རྣམ་པར་གནས།། སྤྲོས་པ་མེད་ཅིང་སྣང་བ་མེད།། ཀུན་གཞི་མེད ་ཅིང་རྣམ་རྟོག་མེད།། རང་བཞིན་མེད་ཅིང་རབ་ཏུ་ཕྲ།། སྒྲ་དང་ཐིག་ལེ་རྣམ་པར་སྤངས།། སངས་རྒྱས་ཐམས་ཅད་འབྱུང་བའི་མཆོག། ་ཤེས་རབ་ཕ་རོལ་ཕྱིན་མ་ཡུམ།། རང་བཞིན་དེ་ཡིས་མ་དམིགས་ནི།། ཀུན་མཁྱེན་ཡིས་སྤྱད་ཡུལོ།། ཡང་དག་ཤེས་རབ་ཕ་རོལ་ཕྱིན།། གང་ཞིག་སྒོམ་པར་བྱེད་འདོད་པ།། ཚིགས་བཅད་དགུ་ཡིས་དོན ་ལ་ངེས།། བསམ་པར་བྱ་བ་བསྡུས་པའོ།། ལས་ཀྱི་མཐུ་ལས་ཡང་དག་བྱུང་།། སྐྱེ་མཆེད་དྲུག་གི་མཚན་ཉིད་མེད།། སླར་ཡང་འབྱུང་བ་ཞེས་བརྗེད་པ།། མིག་ཡཽར་ལྟ་བུར་བརྗོད་པ་ཡིན།། སྤྲུལ་པའི་གྲོང ་ཁྱེར་གང་དེ་བཞིན།། སྤྲུལ་པར་རྣམ་པར་བལྟ་བར་བྱ།། ལས་ཀྱི་སྤྲུལ་པའི་འགྲོ་བ་ཡིས།། ངོ་བོ་གང་ཡིན་དེ་བཞི་ནི།། གང་ལས་ཆོས་བསྟན་པ་ཡི་སྒྲ།། འགའ་ཞིག་ཐོས་པའི་སྤྱད་ཡུའོ།། བྲག་ཆ་ལྟ་བུར ་ཐམས་ཅད་དུ།། རབ་ཏུ་རྨད་བྱུང་ཐོས་མ་ཐོས།། བསྣམས་དང་མྱང་དང་གང་ཡང་ནི།། རེག་པའི་ལུས་ལ་རོལ་པ་ཡིས།། འདི་དག་རྨི་ལམ་ལྟ་བུ་སྟེ།། ཐམས་ཅད་དམིགས་པ་ཡོད་མ་ཡིན།། ་མི་གང་སྒྱུ་མའི་འཁྲུལ་འཁོར་བཞིན།། ཐ་དད་བསམ་པས་བྱེད་པོ་ཡི།། དཔག་མེད་ལུས་ཀྱིས་འཁྲུལ་འཁོར་གང་།། བསམ་པས་བྱེད་པ་དེ་བཞིན་ནོ།། སྣ་ཚོགས་ཉེ་བར་དམིགས་གང་ཡང་།། སྐད ་ཅིག་སོ་སོར་ཡང་དག་འབྱུང་།། འདི་དག་སྨིག་རྒྱུ་ལྟ་བུ་གང་།། ཚིགས་བཅད་དགུ་ཡིས་དོན་ལ་ངེས།། མཐོང་བ་ཉམས་པས་མཚན་ཉིད་བྲལ།། གཟུགས་བརྙན་ལྟ་བུར་གཟུང་བར་བྱ།། ཐོག་མེད་སེམས་ལས་ཀུན་ཏུ་འབྱུང་།། དེ་རྣམ ་པ་དང་རྣམ་པར་ཤེས།། ཕན་ཚུན་དུ་ནི་གཟུགས་བརྙན་བཞིན།། བསམས་པས་དང་བའི་རྒྱུད་ལ་གང་།། ཡེ་ཤེས་དབང་པོ་ཡང་དག་འབྱུང་།། ལྟེང་གའི་ཟླ་བ་ལྟ་བུར་གང་།། དེ་བཞིན་མངོན་སུམ་ཡོད་མ་ཡིན།། རྣལ་འབྱོར་པས་ཀྱང་ཡེ ་ཤེས་གང་།། དེ་ཡང་ནམ་མཁའ་མཚན་ཉིད་དོ།། དེ་ཕྱིར་ཤེས་དང་ཤེས་བྱ་གུང་།། ཐམས་ཅད་ནམ་མཁའི་མཚན་ཉིད་དེ།། རང་བཞིན་རྣམས་ལ་གནས་མེད་པ།། དེ་ཉིད་དེ་ལྟར་བསམ་པར་བྱ།། བྱང་ཆུབ་སྨོན་པའི་སེམས་ལས་ནི།། ཡེ ་ཤེས་མཆོག་ནི་འབྱུང་བར་འགྱུར།། ཀུན་ཏུ་རྟོག་པ་ཐམས་ཅད་སྤངས།། འདི་དེ་མཆོག་ཏུ་ཤེས་པར་བྱ།། གང་དུ་རྣལ་འབྱོར་པ་གནས་པ།། མངོན་སུམ་ཀུན་མཁྱེན་བཅོམ་ལྡན་འགྱུར།། ཚིགས་སུ་བཅད་པ་དགུ་པ་ཞེས་བྱ་བ།། ་དཔལ་ལ་བ་པའི་ཞབས་ཀྱིས་མཛད་པ་རྫོགས་སོ།། ཁ་ཆེའི་པཎྜི་ཏ་ཆེན་པོ་སུ་མ་ནི་ཤྲྀ་། བོད་ཀྱི་ལོ་ཙཱ་བ་དགེ་སློང་རིན་ཆེན་གྲུབ་ཀྱིས་བསྒྱུར་བའོ།། ། རྒྱ་གར་སྐད་དུ། ཨཱརྱས་པྟ་ཤྭ ་