བོད་ཡིག

e-texts produced with BDRC’s OCR application

rgya gar skad du/ na ba sh+lo ka bod skad du// tshigs su bcad pa dgu pa/ bcom ldan 'das ma 'phags ma shes rab kyi pha rol tu phyin pa la phyag 'tshal lo// dge ba'i rin chen 'byung gnas gang // shes rab pha rol phyin byang chub// thams cad pha rol phyin ma der// de rang nyid kyi rnam par gnas// spros pa med cing snang ba med// kun gzhi med cing rnam rtog med// rang bzhin med cing rab tu phra// sgra dang thig le rnam par spangs// sangs rgyas thams cad 'byung ba'i mchog/ shes rab pha rol phyin ma yum// rang bzhin de yis ma dmigs ni// kun mkhyen yis spyad yulo// yang dag shes rab pha rol phyin// gang zhig sgom par byed 'dod pa// tshigs bcad dgu yis don la nges// bsam par bya ba bsdus pa'o// las kyi mthu las yang dag byung // skye mched drug gi mtshan nyid med// slar yang 'byung ba zhes brjed pa// mig yaur lta bur brjod pa yin// sprul pa'i grong khyer gang de bzhin// sprul par rnam par blta bar bya// las kyi sprul pa'i 'gro ba yis// ngo bo gang yin de bzhi ni// gang las chos bstan pa yi sgra// 'ga' zhig thos pa'i spyad yu'o// brag cha lta bur thams cad du// rab tu rmad byung thos ma thos// bsnams dang myang dang gang yang ni// reg pa'i lus la rol pa yis// 'di dag rmi lam lta bu ste// thams cad dmigs pa yod ma yin// mi gang sgyu ma'i 'khrul 'khor bzhin// tha dad bsam pas byed po yi// dpag med lus kyis 'khrul 'khor gang // bsam pas byed pa de bzhin no// sna tshogs nye bar dmigs gang yang // skad cig so sor yang dag 'byung // 'di dag smig rgyu lta bu gang // tshigs bcad dgu yis don la nges// mthong ba nyams pas mtshan nyid bral// gzugs brnyan lta bur gzung bar bya// thog med sems las kun tu 'byung // de rnam pa dang rnam par shes// phan tshun du ni gzugs brnyan bzhin// bsams pas dang ba'i rgyud la gang // ye shes dbang po yang dag 'byung // lteng ga'i zla ba lta bur gang // de bzhin mngon sum yod ma yin// rnal 'byor pas kyang ye shes gang // de yang nam mkha' mtshan nyid do// de phyir shes dang shes bya gung // thams cad nam mkha'i mtshan nyid de// rang bzhin rnams la gnas med pa// de nyid de ltar bsam par bya// byang chub smon pa'i sems las ni// ye shes mchog ni 'byung bar 'gyur// kun tu rtog pa thams cad spangs// 'di de mchog tu shes par bya// gang du rnal 'byor pa gnas pa// mngon sum kun mkhyen bcom ldan 'gyur// tshigs su bcad pa dgu pa zhes bya ba// dpal la ba pa'i zhabs kyis mdzad pa rdzogs so// kha che'i paN+Di ta chen po su ma ni shr-i / bod kyi lo tsA ba dge slong rin chen grub kyis bsgyur ba'o// / rgya gar skad du/ Ar+yas p+ta shwa