| Wylie | e-texts produced with BDRC’s OCR application |
རྒྱ་གར་སྐད་དུ། ཨཱརྱ་མཉྫུ་ཤྲཱི་ནཱ་མ་སཾ་གྷི་ཏི། བི་དྷི་སུ་ཏྲ་བིནྣི་ཏ། བོད་སྐད་དུ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་ཆོ་ག་མདོ་དང་བསྲེས་པ། འཕགས་པ་འཇམ་དཔལ་ཡེ་ཤེས་སེམས་དཔའ་ལ ་ཕྱག་འཚལོ།། ཡེ་ཤེས་སྐུ་ཅན་གཙུག་གི་ནོར་བུ་མཚན།། སངས་རྒྱས་གཟུགས་ཀྱི་ཚུལ་གནས་ཀུན་ལ་ཁྱབ།། ལམ་མཆོག་དམ་པ་སྟོན་པ་སྨན་པའི་མཆོག། སྡུག་བསྔལ་བདུད་འདུལ་འཇམ་མགོན་ཕྱག་འཚལ་ཏེ།། མཚན་བརྗོད ་བདུད་མཛོད་ཤིན་ཏུ་རྟོགས་དཀའ་བ།། བདག་བློ་མུན་པས་དགྲོལ་བར་མི་ནུས་ཀྱང་།། དད་པས་ཕྱོགས་བཟུང་ཐིགས་པས་ནོར་བུ་གཅིག། ལུང་དང་མན་ངག་དག་ལ་བརྟན་པ་བཤད།། ཐག་པ་རྣམས་ཀྱི་གཞིར་འགྱུར་བ།། དུས་གསུཾ ་རྣམས་ཀྱི་ལམ་མཆོག་འདི།། དཀྱིལ་འཁོར་ཆེན་པོའི་ཚུལ་དང་ནི།། སློབ་དཔོན་རྣམས་ཀྱི་དགོངས་པ་ཡིས།། ཐེག་པ་སྣ་ཚོགས་ཐབས་ཚུལ་གྱིས།། དཔག་བསམ་ཤིང་ཚན་འདིར་ཕྱོགས་ཙམ།། ཡེ་ཤེས་ལུས་ཅན་འཇམ་དཔལ ་གཅིག་པུར་གྲུབ།། མདོ་དང་བསྲེས་པའི་མཆོག་རིམ་པ་སྟེ།། དེ་ལ་དང་པོ་སྒྲུབ་པ་པོ་རིགས་དང་ལྡན་པའི་མཚན་ཉིད་བསྟན་པའི་ཕྱིར་ཡིན། གཞན་ཡང་དམ་ཚིག་ཇི་ལྟ་བ་བཞིན་སྟོན་ཅེས་པ་མཚན་ཉིད་དང་ལྡན་པ་དང་། དབང་ཐོབ ་པར་སྟོན་ཏོ།། གཞན་ཡང་གསང་སྔགས་རིག་སྔགས་འཆང་བའི་རིགས་ཞེས་པ་དང་། བདེན་པར་སྨྲ་ཞིང་ཚིག་མི་འགྱུར།། ཇི་སྐད་སྨྲས་པ་དེ་བཞིན་བྱེད།། ཅེས་པས་སྒྲུབ་པའི་སྣོད་དུ་རུང་བར་བསྟན།། ཡོན་ཏན་ལས་རི་དང་ཆུ་ཀླུ ་དང་། ནགས་ཚང་ཚིང་ན་འདུག་ཀྱང་རུང་། ཞེས་པ་དང་གནས་རིག་པ་དང་ལྡན་པའི་ཡིད་དགའ་བ་སྟོན་ཏོ།། བཟང་ངན་ཤེས་ཤིང་དུས་ཤེས་ལ། ཞེས་པས། བསྒྲུབ་དུས་གཟའ་དང་རྒྱུ་སྐར་དང་། ཉི་མ་ཤིས་པ་ལ་བྱ་བའི་རིམ་པ་བསྟན ་ཏོ།། དཔལ་ལྡན་འབྱོར་པ་ཕུན་སུམ་ཚོགས།། ཞེས་པས་བསྒྲུབ་པའི་རྫ་སུ་དོན་དམ་རབ་ཏུ་གནས་པར་བྱ་བ་དང་། མཎྜལ་གསུམ་དང་མེ་ཏོག་དང་། དྲིའི་བྱུལ་པ་དང་མཆོད་བྱའི་ཁྱད་པར་མང་པོ་དང་། བློ་བརྟན་པ་དང་ཡོ་བྱད་དང་། ཚོགས་པར་བྱ་བའི ་རིམ་པ་བདམེ་ཏོ།། ཡོན་ཏན་ལས་མ་རུངས་པ་འདུལ་བའི་རྒྱལ་པོ་ཞེས་པ་དང་། གཤིན་རྗེ་གཤེད་པོ་བགེགས་ཀྱི་རྒྱལ་ཞེས་པས་མཚམས་ཀྱི་རིམ་པ། ཧཱུཾ་མཚན་མ་ལས་ཁྲོ་བོའི་རྒྱལ་པོ་གཤིན་རྗེའི་གཤེས་མདོག་ནག་པ་ཞལ་གཅིག ་པ་ཕྱག་གཉིས་པ། ཐོང་དབྱུག་དང་སྡིགས་མཛུབ་བྱེད་པ། སྦྲུལ་དང་ཐོད་པས་བརྒྱན་པ་བསྐྱེད་ལ། ཡ་མཱནྟ་ཀ་ཧཱུཾ་ཞེས་པ་དང་། མིག་ཏུ་མ་དང་ཊ་བཀོད་དེ། འོད་ཟེར་གྱི་རྡོ་རྗེའི་རཱ་བ་དང་། དྲ་བ་བྱ་བར་བསྟན་ཏོ།། སྙིང་རྗེ་ཆེན་པོའི་བློ་ཡི་མཆོག ་ཅེས་པ་དང་། ཕན་འདོགས་སེམས་ཅན་མཉེས་གཤིན་པ། ཞེས་པས། སེམས་ཅན་གྱི་དོན་དུ་བདག་གིས་འཇམ་དཔལ་ཐོབ་པར་བྱའོ་ཞེས་སེམས་བསྐྱེད་པར་སྟོན་ཏོ།། གཉིས་མེད་གཉིས་སུ་མེད་པར་སྟོན་ཅེས་པ། ཨ་ནི་ཡིག་འབྲུ་ཀུན ་གྱི་མཆོག། ཅེས་པས་ཐོགས་པ་མེད་པའི་བྱང་ཆུབ་ཀྱི་སེམས་ཐབས་དང་ཤེས་རབ་ཀྱི་བརྡར་གྱུར་པའི་སྙིང་ཀར་ཡེ་ཤེས་སེམས་དཔའ་བསམ་པར་བྱ་བ་སྟོན་ཏོ།། བླ་མ་གསང་སྔགས་ཆེ་བའི་མཆོག། ཅེས་པ་དང་། མཆོད་འོས་བསྟོད་འོས ་ཕྱག་གིས་གནས།། རྟག་ཏུ་རིམ་གྲོ་བྱ་བའི་འོས།། བཀུར་འོས་རྗེད་པར་བྱ་བའི་མཆོག། ཕྱག་བྱར་འོས་པ་བླ་མའི་བདག་ཅེས་པ་འདི་སྟོན་ཏོ།། བདག་གི་སྙིང་ཀར་ཨ་དང་ཧཱུཾ་བསམས་ཏེ། དེ་ལས་འོད་འཕྲོས་པས་བླ་མ་དང་། དཀོན་མཆོག་གསུམ ་རྗེ་བཙུན་འཇམ་དཔལ་དང་། དཀྱིལ་འཁོར་གྱི་ལྷ་རྣམས་སྤྱན་དྲངས་ནས། བདག་གིས་བལྟས་ཏེ། ལུས་ཀྱི་བཀོད་པ་ཡན་ལག་གསུམ་བསྐོར་བ་བྱས་ཏེ་ཕྱག་བྱས་ལ་བསྟོང་ངོ་།། བུམ་པ་བཟང་པོ་ཆེ་བའི་མཆོག། ཅེས་པ་དང་། དཔག ་བསམ་ཤིང་ཆེན་རྒྱས་པ་སྟེ། ཞེས་པས་མཆོད་པའི་ཁྱད་པར་ན་མཁའ་ལྟར་མཉམ་པར་བསྒྲུབས་ལ། སྙིང་ཁའི་ལྷ་མོས་དབུལ་ལོ་ཞེས་སྟོན་ཏོ།། སྦྱིན་བདག་ཆེན་པོའི་གཙོ་སྟེ།། ཚུལ་ཁྲིམས་ཆེན་པོ་འཆང་བའི་མཆོག། བཟོད་ཆེན་འཆང ་བ་སྟོན་པ་པོ།། བརྩོན་འགྲུས་ཆེན་པོ་བརྟུལ་བ་ཡིན།། ཞེས་པ་འདིས་སྟོན་ཏེ། སྔགས་ངང་ཕྱག་རྒྱ་དང་ལྡན་པས། བདག་གི་སྙིང་ཀ་ནས་ལྷ་མོ་བཞི་སྤྲོས་ཏེ། གནས་པ་རྣམ་པ་གསུམ་དུ་མཆོད་པར་བྱའོ།། དེ་བས་ན་དབུགས་འབྱིན་ཆེན་པོ ་དགའ་སྟོན་ཆེ།། དགའ་ཆེན་རོལ་མོ་ཆེན་པོ་སྟེ།། བཀུར་སྟི་རིམ་གྲོ་ཕུན་སུམ་ཚེགས་ཞེས་པས་སྟོན་ཏོ།། བསམ་གཏན་ཆེན་པོ་ཏིང་འཛིན་གནས།། ཞེས་བྱ་བ་དང་། སྨོན་ལམ་ཡེ་ཤེས་རྒྱ་མཚོ་སྟེ། ཞེས་བྱ་བ་དང་། བྱང་ཆུབ་ཡན་ལག་མེ ་ཏོག་སྤོས་ཞེས་བྱ་བས། ཕྱིའི་ལྷ་མོ་བཞི་སྟེ་སྙིང་ཁ་ནས་གོང་གི་ཚུལ་དུ་སྔགས་དང་ཕྱག་རྒྱ་དང་བཅས་པས་གནས་སུ་འབུ་ལོ།། མཆོད་པ་ཆེན་པོ་འདོད་ཆགས་ཆེ།། ཞེས་པ་ནས། དགའ་བ་ཆེན་པོ་མགུ་བ་ཆེ་ཞེས་པའི་བར་གྱིས། གསང་བ ་བཞི་མཆོག་ཏུ་གསང་བ་བཞིས་བསྟན་ཏོ།། ཨོཾ་རྡོ་རྗེ་སེམས་དཔའ་བསྡུས་པ་ན། རྡོ་རྗེ་རིན་ཆེན་བླ་ན་མེད།། རྡོ་རྗེ་ཆོས་ཀྱི་གྲུ་བླངས་པས། རྡོ་རྗེ་ལས་ཀུན་བྱེད་པའོ།། ཞེས་བྱ་བ་འདིའི་རྐང་པ་དང་། གསང་བའི་མཆོད་པའི་དུས་སུ་སྒེག་མོ་ལ ་སོགས་པ་དང་། རིམ་པ་བཞིན་དུ་རྐང་པ་བཞི་དང་གླུ་བླང་བར་བྱའོ།། གཞན་ཡང་མཆོག་ཏུ་གསང་བའི་མཆོད་པ་དང་། ཆགས་པ་ལ་སོགས་པས་དབུལོ།། རྒྱས་པར་མ་ཕྱེའོ།། ཞེས་བསྟན་ཏོ།། དེ་ནས་འདུད་ཉི་ཤུས་བསྟོད་དེ། ཡང་ན་ནི་ཐམས་ཅད ་ཀྱང་བསྟོད་པར་ཤེས་པར་བྱའོ།། དེ་ནས་སྡོམ་པ་བཟུང་བའི་མཐོར་ཡང་དེ་ཉིད་ཀྱིས་ཤེས་པར་བྱའོ།། བྱམས་པ་དང་སྙིང་རྗེ་ནི་ཤིན་ཏུ་གསལ་བར་སྟོན་པས། ཚད་མེད་པོ་བཞི་བསྒོམས་ཞེས་སོ།། རྣམ་པར་མི་རྟོག་དབྱིངས་མི་ཟད་།། ཡང་དག་བདག ་མེད་དེ་བཞིན་ཉིད།། ཡང་དོག་མཐའ་དེ་ཡི་གེ་མེད།། ཆོས་དབྱིངས་དམ་པ་ཟད་མིན་བདག། ནོས་པས་དེའི་དོན་སྒོམ་པ་ནི།། རང་བཞིན་དག་པའི་སྔགས་བརྗོད་དོ།། ཕྱི་དང་ནང་གི་དངོས་པོ་སྟོང་པར་བསྒོམ་ཞེས་སྟོན་ཏོ།། སྤྱོང་ཉིད་དམར་འདོད་པ་ཁྲོ་ཁྱོད ་པའི་དོད་མ་སྤངས་པ་སྟེ། ཞེས་པས་པདྨའི་སྟེང་ན་དངོས་གཞི་ལོས་ལངས་ཏེ། དང་པོ་དམ་ཚིག་སེམས་དཔའ་སྒོམ་པ་དང་། ཆོས་ཀྱི་འབྱུང་ནས། དེའི་ཐ་མ་འོད་ཟེར་ལྔས་བསྐོར་བའི་ནང་དུ། པདྨ་ཟླ་བའི་སྟེང་ན་མུ་ད་མར་སྐྱེའི།། དེ་བཞིན་གཤེགས། ་པའི་ཕྲེང་བར་འགྱུར་བ་ལས། སྤྲིན་དཀར་དག་པ་བཞིན་དུ་དཀར།། འོད་བཟང་སྟོན་ཀའི་ཟླ་བའི་འོད།། ཉི་མ་ཤར་ཀའི་དཀྱིལ་ལྟར་མཛེས།། སེན་མོའི་འོད་ནི་ཤིན་ཏུ་དམར།། ཅོད་པན་བཟང་པོ་ཐོན་ཀའི་རྩེ།། སྐྲ་མཆོག་མཐོན་ཀ་ཆེན་པོ་ཅམ ་ཟུར་ཟུང་ལྔ་བ་མེ་ཏོག་ཐོད།། རྒྱུན་ཀུན་གྱིས་ནི་རྣམ་པར་བརྒྱན།། སྡུག་གུ་འཇིག་རྟེན་གསུམ་ན་མཛེས།། ཤེས་རབ་རལ་གྲི་མདའ་ག་ཟུ་ཐོགས།། རྡོ་རྗེ་དཀྱིལ་ཀླུང་རྫོགས་སངས་རྒྱས།། དཔྲལ་ལྡན་སྒེག་དང་བསྲེགས་པར་ལྡན།། སུམ་ཅུ ་གཉིས་མཚན་འཆང་བ།། ཉོན་མོངས་གཡུལ་དུ་གཅིག་དཔའ་བ།། ཞེས་བྱ་བ་ལ་སོགས་པ་རྣམས་ཀྱིས།། རྗེ་བཙུན་གྱི་སྐུ་སྤྲུལ་པའི་ཆ་ལུགས་བསྟན་པ་ཡིན།། །། ཕྱག་རྒྱ་བཞི་ཡི་དོན་བསྟན་པ་ཞེས་བྱ་བས།། ཡུམ་བཞིའི་ཕྱག ་རྒྱ་སྐུ་འཕྲོ་འདུ་དང་བཅས་པས་བྱིན་གྱིས་བརླབ་པར་བསྟན་ཏོ།། ཕྱོགས་བཅུར་སྤྲུལ་པ་སྣ་ཚོགས་འགྱེད།། ཅེས་པ་སངས་རྒྱས་དང་བྱང་ཆུབ་སེམས་དཔའ་དང་། ཁྲོ་བོ་དང་ལྷ་མོ་རྣམས་ཐུགས་ཀར་སྤྲོས་ཞེས་པའོ།། དེ་ནས་མདུན་དུ་པདྨ ་དང་ཟླ་བ་ལ།། ཡེ་ཤེས་སེམས་དཔའ་སྤྱན་དྲངས་ཏེ། དབང་བསྐུར་བ་དང་མཆོད་པ་དང་། བསྟོད་པ་གོང་བཞིན་དུ་བྱས་ཏེ། ཡེ་ཤེས་སེམས་དཔའ་བལྟས་ལ་དགུག་ཅིང་རང་གི་ལུས་ལ་བསྒོམས་ཞེས་པས་གཉིས་སུ་མེད་པར་བྱ ་རྡོ་རྗེ་རིན་ཆེན་དབང་བསྐུར་དཔལ།། སངས་རྒྱས་ལྔ་བདག་ཅོད་པན་ཅན།། ཞེས་པས་སྙིང་ཀའི་འོད་ཀྱིས་བསྐུལ་ཏེ། བུམ་པའི་ཆུས་དབང་བསྐུར་བས་རིགས་ལྔའི་དབུ་རྒྱན་དང་ལྡན་ཞེས་བསྟན་ཏོ།། སྤྲུལ་པའི་འཁོར་ལོ་སྣ་ཚོགས་འཆང་།། ་ཞེས་པས་རྡོ་རྗེ་འཁོར་ལོའི་ཕྱག་རྒྱ་བཅས་ལ། སྔགས་དང་བཅས་པས། དཀྱིལ་འཁོར་གྱི་ཚུལ་དུ་སངས་རྒྱས་ཐམས་ཅད་སྦྲུལ་ལ་ཞེས་སྟོན་ཏོ།། དེའི་དོན་ནི་འོག་ནས་འཆད་དོ།། བདག་རིགས་གཞན་རིགས་ཐམས་ཅད་པས།། ཤེས་དང ་ཤེས་བྱའི་བདག་པོ་མཆོག། ཅེས་པ་ཐམས་ཅད་སེམས་ཀྱི་སྤྲུལ་པར་ཤེས་པར་དུའོ།། དེ་ལྟར་རྫོགས་པ་དང་། གསང་སྔགས་ཟློས་པ་དང་། མཚན་ཀློག་པར་བྱས་ཏེ། དེ་ལྟར་ཡོན་ཏན་བརྗོད་པ་ལས་ཀྱང་། རིགས་ཀྱི ་བུའམ་རིགས་ཀྱི་བུ་མོ་གསང་སྔགས་ཀྱི་སྒོའི་སྤྱད་པ་སྤྱོད་པ་གང་ལ་ལ། བཅོམ་ལྡན་འདས་ཡེ་ཤེས་སེམས་དཔའ་ཐམས་ཅད་སྐུ་གཉིས་མེད་པའི་དོན་དམ་པའི་མིང་ཡང་དག་པར་བརྗོད་པའི་མིང་ནི། གཙུག་གི་ནོར་བུ་འདི་ཐམས ་ཅད་ཡོངསུ་རྫོགས་པ་དང་། མ་ཉམས་ཤིང་ལྷག་ཆད་མེད་པར་ཚིགསུ་བཅད་པའི་ཚིག་དང་ཡིག་འབྲུ་འདི་དག་ཉིད་ཀྱི་ཉིན་གཅིག་བཞིན་དུས་གསུམ་དུ་འཆང་བ་འམ། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང ་དམ་ཚིག་ཇི་ལྟ་བ་བཞིན་དུ་སྟོན་པ་དང་། མིང་གི་དོན་གང་ཡང་རུང་བ་རེ་རེ་ནས་ཀྱང་འཇམ་དཔལ་ཡེ་ཤེས་སེམས་དཔའི་སྐུ་ལ་དམིགས་ཏེ་ཞེས་བྱ་བ་དང་། སེམས་རྩེ་གཅིག་ཏུ་བསྒོམ་པ་དེ་ལ་ནི་ཞེས་བྱ་བ་ལ་སོགས་པ་དང་། གཞན་ཡང ་ཡོན་ཏན་ལས། ཉིན་རེ་བཞིན་དུ་དུས་གསུམ་དུ་མཉམ་པར་ཡིད་མ་དུ་ལན་གསུམ་འདོན་ཏམ། གླེགས་བམཱ་དུ་བྱས་པ་ལ་ཀློག་ཅིང་བརྗོད་ལ། བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའི་གཟུགས་བརྙན་ལ་དམིགས ་ཤིང་། གཟུགས་དང་གཉིས་སུ་མཐུན་པར་བསམ་གཏན་དུ་བྱེད་པ་ནི། འདུལ་བའི་དབང་གི་ཕྱིར་རིང་པོ་མི་ཐོགས་པར་དེ་ཉིད་དུ་སྤྲུལ་པའི་གཟུགས་ཀྱི་ལུས་མཐོང་བར་འགྱུར་རོ་ཞེས་བྱ་བའི་དོན་འདི་ཡིན་ཏེ། མཚན ་ཉིད་ཀྱི་ཆོ་ག་རྫོགས་ཤིང་། དམིགས་པ་ཡུན་རིང་དུ་གནས་པ་དེས། རྡོ་རྗེ་འཁོར་ལོའི་ཕྱག་རྒྱ་བཅས་ལ། མཉྫུ་ཤྲཱི་ཧཱུཾ་ཨོཾ་ཝཱ་གི་ཤྭ་རི་མུཾ། མཎྜལ་ཙཀྲ་ཧཱུཾ། དེ་བཞིན་གཤེགས་པ་ཐམས་ཅད་འཕགས་པ་འཇམ་དཔལ་གྱི་རྣམ་པར ་སྤྲུལ་ལ། ཕྱག་སྔོན་དུ་འགྲོ་བས་མཆོད་པ་ལ་སོགས་པས་བདག་གི་ལུས་དེ་དང་མཉམ་པར་སྤྲུལ་ཏེ། མཚན་གྱི་དོན་རེ་རེ་ནས་བསྟོད་ན། ཡོན་ཏན་གྱི་རྣམ་པ་འདི་ལྟར་སྨོས་པས་བདག་གཞན་དཔག་ཏུ་མེད་པར་འབྱུང་བར ་འགྱུར་རོ།། མདོར་ན་ཐམས་ཅད་མཁྱེན་པ་ཉིད་རིང་པོར་མི་ཐོགས་པར་དམ་པས་བསྔགས་པ་ཐོབ་པར་དམ་པས་བསྔགས་པ་ཐབ་པར་འགྱུར་རོ།། དམ་པ་བརྒྱུད་པའི་བླ་མ་བདུད་རྩི་འཐུང་།། འགྲོ་བ་སྡུག་བསྔལ་ནད་ཀྱིས ་གཟིར་འགྱུར་ལ།། དུས་གསུམ་སངས་རྒྱས་རྣམས་ཀྱི་བསྟོད་ཚིག་འདི།། སྨན་པའི་རྒྱལ་པོ་བཞིན་དུ་བདག་གིས་བཤད།། འཕྲོད་པའི་སྨན་བཞིན་ཀུན་ལ་ཕན་འགྱུར་ནས།། མི་རྟོག་ཡེ་ཤེས་འཆི་མེད་ཐོབ་པར་ཤོག། ་འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་མདོའི་དོན་མདོར་བསྡུས་པའི་ཆོ་ག། སློབ་དཔོན་འཇམ་དཔལ་བཤེས་གཉེན་གྱིས་མཛད་པ། སྒྱུ་འཕྲུལ་དྲ་བའི་རྒྱུད་ལེའུ་ཁྲི་དྲུག་སྟོང་པ་ལས།། རྡོ་རྗེ ་གྲུ་གར་བླངས་པའི་ལེའུའི་སྒྲུབ་ཐབས་མདོ་དང་བསྲེས་པ་རྫོགས་སོ།། ་