<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
GT1423: 'phags pa 'jam dpal gyi mtshan yang dag par brjod pa'i cho ga mdo dang bsres pa<br><table><tr><td>
<input type="button" onclick="location.href='tcompletep.php?id=GT1423&coll=TG&volcur=0';" value="show page break" />
<td width=150><td>
<input type="button" onclick="location.href='tcompletel.php?id=GT1423&coll=TG&volcur=0';" value="show line break" />

<td width=150><td>
<a href="tcompleteu.php?coll=TG&id=GT1423&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rgya gar skad du/ Ar+ya many+dzu shrI nA ma saM g+hi ti/ bi d+hi su tra bin+ni ta/ bod skad du/ 'phags pa 'jam dpal gyi mtshan yang dag par brjod pa'i cho ga mdo dang bsres pa/ 'phags pa 'jam dpal ye shes sems dpa' la
 phyag 'tshalo// ye shes sku can gtsug gi nor bu mtshan// sangs rgyas gzugs kyi tshul gnas kun la khyab// lam mchog dam pa ston pa sman pa'i mchog/ sdug bsngal bdud 'dul 'jam mgon phyag 'tshal te// mtshan brjod
 bdud mdzod shin tu rtogs dka' ba// bdag blo mun pas dgrol bar mi nus kyang // dad pas phyogs bzung thigs pas nor bu gcig/ lung dang man ngag dag la brtan pa bshad// thag pa rnams kyi gzhir 'gyur ba// dus gsuM
 rnams kyi lam mchog 'di// dkyil 'khor chen po'i tshul dang ni// slob dpon rnams kyi dgongs pa yis// theg pa sna tshogs thabs tshul gyis// dpag bsam shing tshan 'dir phyogs tsam// ye shes lus can 'jam dpal
 gcig pur grub// mdo dang bsres pa'i mchog rim pa ste// de la dang po sgrub pa po rigs dang ldan pa'i mtshan nyid bstan pa'i phyir yin/ gzhan yang dam tshig ji lta ba bzhin ston ces pa mtshan nyid dang ldan pa dang / dbang thob
 par ston to// gzhan yang gsang sngags rig sngags 'chang ba'i rigs zhes pa dang / bden par smra zhing tshig mi 'gyur// ji skad smras pa de bzhin byed// ces pas sgrub pa'i snod du rung bar bstan// yon tan las ri dang chu klu
 dang / nags tshang tshing na 'dug kyang rung / zhes pa dang gnas rig pa dang ldan pa'i yid dga' ba ston to// bzang ngan shes shing dus shes la/ zhes pas/ bsgrub dus gza' dang rgyu skar dang / nyi ma shis pa la bya ba'i rim pa bstan
 to// dpal ldan 'byor pa phun sum tshogs// zhes pas bsgrub pa'i rdza su don dam rab tu gnas par bya ba dang / maN+Dal gsum dang me tog dang / dri'i byul pa dang mchod bya'i khyad par mang po dang / blo brtan pa dang yo byad dang / tshogs par bya ba'i
 rim pa bdame to// yon tan las ma rungs pa 'dul ba'i rgyal po zhes pa dang / gshin rje gshed po bgegs kyi rgyal zhes pas mtshams kyi rim pa/ hUM mtshan ma las khro bo'i rgyal po gshin rje'i gshes mdog nag pa zhal gcig
 pa phyag gnyis pa/ thong dbyug dang sdigs mdzub byed pa/ sbrul dang thod pas brgyan pa bskyed la/ ya mAn+ta ka hUM zhes pa dang / mig tu ma dang Ta bkod de/ 'od zer gyi rdo rje'i rA ba dang / dra ba bya bar bstan to// snying rje chen po'i blo yi mchog
 ces pa dang / phan 'dogs sems can mnyes gshin pa/ zhes pas/ sems can gyi don du bdag gis 'jam dpal thob par bya'o zhes sems bskyed par ston to// gnyis med gnyis su med par ston ces pa/ a ni yig 'bru kun
 gyi mchog/ ces pas thogs pa med pa'i byang chub kyi sems thabs dang shes rab kyi brdar gyur pa'i snying kar ye shes sems dpa' bsam par bya ba ston to// bla ma gsang sngags che ba'i mchog/ ces pa dang / mchod 'os bstod 'os
 phyag gis gnas// rtag tu rim gro bya ba'i 'os// bkur 'os rjed par bya ba'i mchog/ phyag byar 'os pa bla ma'i bdag ces pa 'di ston to// bdag gi snying kar a dang hUM bsams te/ de las 'od 'phros pas bla ma dang / dkon mchog gsum
 rje btsun 'jam dpal dang / dkyil 'khor gyi lha rnams spyan drangs nas/ bdag gis bltas te/ lus kyi bkod pa yan lag gsum bskor ba byas te phyag byas la bstong ngo // bum pa bzang po che ba'i mchog/ ces pa dang / dpag
 bsam shing chen rgyas pa ste/ zhes pas mchod pa'i khyad par na mkha' ltar mnyam par bsgrubs la/ snying kha'i lha mos dbul lo zhes ston to// sbyin bdag chen po'i gtso ste// tshul khrims chen po 'chang ba'i mchog/ bzod chen 'chang
 ba ston pa po// brtson 'grus chen po brtul ba yin// zhes pa 'dis ston te/ sngags ngang phyag rgya dang ldan pas/ bdag gi snying ka nas lha mo bzhi spros te/ gnas pa rnam pa gsum du mchod par bya'o// de bas na dbugs 'byin chen po
 dga' ston che// dga' chen rol mo chen po ste// bkur sti rim gro phun sum tshegs zhes pas ston to// bsam gtan chen po ting 'dzin gnas// zhes bya ba dang / smon lam ye shes rgya mtsho ste/ zhes bya ba dang / byang chub yan lag me
 tog spos zhes bya bas/ phyi'i lha mo bzhi ste snying kha nas gong gi tshul du sngags dang phyag rgya dang bcas pas gnas su 'bu lo// mchod pa chen po 'dod chags che// zhes pa nas/ dga' ba chen po mgu ba che zhes pa'i bar gyis/ gsang ba
 bzhi mchog tu gsang ba bzhis bstan to// oM rdo rje sems dpa' bsdus pa na/ rdo rje rin chen bla na med// rdo rje chos kyi gru blangs pas/ rdo rje las kun byed pa'o// zhes bya ba 'di'i rkang pa dang / gsang ba'i mchod pa'i dus su sgeg mo la
 sogs pa dang / rim pa bzhin du rkang pa bzhi dang glu blang bar bya'o// gzhan yang mchog tu gsang ba'i mchod pa dang / chags pa la sogs pas dbulo// rgyas par ma phye'o// zhes bstan to// de nas 'dud nyi shus bstod de/ yang na ni thams cad
 kyang bstod par shes par bya'o// de nas sdom pa bzung ba'i mthor yang de nyid kyis shes par bya'o// byams pa dang snying rje ni shin tu gsal bar ston pas/ tshad med po bzhi bsgoms zhes so// rnam par mi rtog dbyings mi zad // yang dag bdag
 med de bzhin nyid// yang dog mtha' de yi ge med// chos dbyings dam pa zad min bdag/ nos pas de'i don sgom pa ni// rang bzhin dag pa'i sngags brjod do// phyi dang nang gi dngos po stong par bsgom zhes ston to// spyong nyid dmar 'dod pa khro khyod
 pa'i dod ma spangs pa ste/ zhes pas pad+ma'i steng na dngos gzhi los langs te/ dang po dam tshig sems dpa' sgom pa dang / chos kyi 'byung nas/ de'i tha ma 'od zer lngas bskor ba'i nang du/ pad+ma zla ba'i steng na mu da mar skye'i// de bzhin gshegs/
 pa'i phreng bar 'gyur ba las/ sprin dkar dag pa bzhin du dkar// 'od bzang ston ka'i zla ba'i 'od// nyi ma shar ka'i dkyil ltar mdzes// sen mo'i 'od ni shin tu dmar// cod pan bzang po thon ka'i rtse// skra mchog mthon ka chen po cam
 zur zung lnga ba me tog thod// rgyun kun gyis ni rnam par brgyan// sdug gu 'jig rten gsum na mdzes// shes rab ral gri mda' ga zu thogs// rdo rje dkyil klung rdzogs sangs rgyas// dpral ldan sgeg dang bsregs par ldan// sum cu
 gnyis mtshan 'chang ba// nyon mongs g.yul du gcig dpa' ba// zhes bya ba la sogs pa rnams kyis// rje btsun gyi sku sprul pa'i cha lugs bstan pa yin// // phyag rgya bzhi yi don bstan pa zhes bya bas// yum bzhi'i phyag
 rgya sku 'phro 'du dang bcas pas byin gyis brlab par bstan to// phyogs bcur sprul pa sna tshogs 'gyed// ces pa sangs rgyas dang byang chub sems dpa' dang / khro bo dang lha mo rnams thugs kar spros zhes pa'o// de nas mdun du pad+ma
 dang zla ba la// ye shes sems dpa' spyan drangs te/ dbang bskur ba dang mchod pa dang / bstod pa gong bzhin du byas te/ ye shes sems dpa' bltas la dgug cing rang gi lus la bsgoms zhes pas gnyis su med par bya
 rdo rje rin chen dbang bskur dpal// sangs rgyas lnga bdag cod pan can// zhes pas snying ka'i 'od kyis bskul te/ bum pa'i chus dbang bskur bas rigs lnga'i dbu rgyan dang ldan zhes bstan to// sprul pa'i 'khor lo sna tshogs 'chang //
 zhes pas rdo rje 'khor lo'i phyag rgya bcas la/ sngags dang bcas pas/ dkyil 'khor gyi tshul du sangs rgyas thams cad sbrul la zhes ston to// de'i don ni 'og nas 'chad do// bdag rigs gzhan rigs thams cad pas// shes dang
 shes bya'i bdag po mchog/ ces pa thams cad sems kyi sprul par shes par du'o// de ltar rdzogs pa dang / gsang sngags zlos pa dang / mtshan klog par byas te/ de ltar yon tan brjod pa las kyang / rigs kyi
 bu'am rigs kyi bu mo gsang sngags kyi sgo'i spyad pa spyod pa gang la la/ bcom ldan 'das ye shes sems dpa' thams cad sku gnyis med pa'i don dam pa'i ming yang dag par brjod pa'i ming ni/ gtsug gi nor bu 'di thams
 cad yongasu rdzogs pa dang / ma nyams shing lhag chad med par tshigasu bcad pa'i tshig dang yig 'bru 'di dag nyid kyi nyin gcig bzhin dus gsum du 'chang ba 'am/ klog pa dang / kun chub par byed pa dang / gzhan dag la yang
 dam tshig ji lta ba bzhin du ston pa dang / ming gi don gang yang rung ba re re nas kyang 'jam dpal ye shes sems dpa'i sku la dmigs te zhes bya ba dang / sems rtse gcig tu bsgom pa de la ni zhes bya ba la sogs pa dang / gzhan yang
 yon tan las/ nyin re bzhin du dus gsum du mnyam par yid ma du lan gsum 'don tam/ glegs bamA du byas pa la klog cing brjod la/ bcom ldan 'das 'jam dpal ye shes sems dpa'i gzugs brnyan la dmigs
 shing / gzugs dang gnyis su mthun par bsam gtan du byed pa ni/ 'dul ba'i dbang gi phyir ring po mi thogs par de nyid du sprul pa'i gzugs kyi lus mthong bar 'gyur ro zhes bya ba'i don 'di yin te/ mtshan
 nyid kyi cho ga rdzogs shing / dmigs pa yun ring du gnas pa des/ rdo rje 'khor lo'i phyag rgya bcas la/ many+dzu shrI hUM oM wA gi shwa ri muM/ maN+Dal tsakra hUM/ de bzhin gshegs pa thams cad 'phags pa 'jam dpal gyi rnam par
 sprul la/ phyag sngon du 'gro bas mchod pa la sogs pas bdag gi lus de dang mnyam par sprul te/ mtshan gyi don re re nas bstod na/ yon tan gyi rnam pa 'di ltar smos pas bdag gzhan dpag tu med par 'byung bar
 'gyur ro// mdor na thams cad mkhyen pa nyid ring por mi thogs par dam pas bsngags pa thob par dam pas bsngags pa thab par 'gyur ro// dam pa brgyud pa'i bla ma bdud rtsi 'thung // 'gro ba sdug bsngal nad kyis
 gzir 'gyur la// dus gsum sangs rgyas rnams kyi bstod tshig 'di// sman pa'i rgyal po bzhin du bdag gis bshad// 'phrod pa'i sman bzhin kun la phan 'gyur nas// mi rtog ye shes 'chi med thob par shog/
 'phags pa 'jam dpal gyi mtshan yang dag par brjod pa'i mdo'i don mdor bsdus pa'i cho ga/ slob dpon 'jam dpal bshes gnyen gyis mdzad pa/ sgyu 'phrul dra ba'i rgyud le'u khri drug stong pa las// rdo rje
 gru gar blangs pa'i le'u'i sgrub thabs mdo dang bsres pa rdzogs so//