| Wylie | e-texts produced with BDRC’s OCR application |
རྒྱ་གར་སྐད་དུ། ཨ་དཱ་ཡ་སིདྡྷི་སཱ་དྷ་ན་ནཱ་མ། བོད་སྐད་དུ། གཉིས་སུ་མེད་པར་གྲུབ་པའི་སྒྲུབ་ཐབས་ཞེས་བྱ་བ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། མགོན་པོའི་རང་བཞིན་གསལ་བ་ནི།། ཁམས་གསུམ་ལས ་བྱུང་ཐམས་ཅད་མཁྱེན།། རྡོ་རྗེ་ཆེ་ལ་མགོས་ཕྱག་འཚལ།། དགོས་པའི་དོན་གྱི་འབྲས་བུ་འབྱིན།། ཡུལ་དུས་ཚེས་དང་གཟའ་སྐར་དང་།། དཀྱིལ་འཁོར་བརྟག་པ་མི་དགོས་པའི།། རྡོ་རྗེ་སེམས་དཔའི་སྒྲུབ་ཐབས་བཤད།། བསྡུས་ཏེ་སྒྲུབ་པ་སྒྲུབ་པའི ་ཆོག། དམ་བཅས་དཀའ་ཐུབ་སྨྱུང་བ་དང་།། སྙིང་པོ་བསྒོམ་པ་སྨྲ་བ་ལ།། འདི་ཉིད་མེད་པར་གྱུར་ན་ནི།། བསྐལ་བ་འབུམ་ཕྲག་བརྒྱར་མི་འགྱུར།། ཆེ་ཆུང་ས་བོན་ལ་སོགས་ཚོགས།། སྣ་ཡི་ནང་ནས་འབྱུང་བ་དང་།། སྔགས་པ་རྟག་ཏུ་མཆོད ་པ་བྱེད།། བདག་ཉིད་དེ་ཉིད་བསྒོམས་ཏེ་མཆོད།། མ་དང་སྲིང་མོ་བུ་མོ་དང་།། དེ་བཞིན་ཚ་མོ་ཉིད་དང་ནི།། ཤེས་རབ་ཐབས་སུ་བྱ་བ་སྟེ།། རྣལ་འབྱོར་པས་ནི་རྟག་ཏུ་མཆོད།། ཡན་ལག་གཅིག་མེད་རིགས་ངན་དང་།། གཟོ་བོ་ཁྱི་ཤ་ཅན་སོགས་ཀྱི།། ་བུ་མོ་རྟག་ཏུ་མཆོད་པར་བྱ།། ཡེ་ཤེས་རྡོ་རྗེ་བསྒོམ་པ་ཆེ།། དེ་ཁོ་ན་ཉིད་ཀྱི་སྔགས་ཀྱི་འབྲས་བུ་ནི་འདི་ཡི་ནོ།། ཨོཾ་ཨཱཿཧཱུཾ། ཇི་ལྟར་སེམས་ཅན་འཆིང་བ་ནི།། དྲག་པོའི་ལས་ཀྱི་སེམས་ཅན་རྣམས།། ཐབས་ཀྱི་འཁོར་བ་དག་ལས་གྲོལ།། དམ? ་ཚིག་ཉིན་མཚན་རྟག་ཏུ་ནི།། རིགས་ལྔ་ལས་བྱུང་བཟང་པོ་དང་།། གསལ་བའི་ཚོགས་ཀྱིས་མཆོད་པ་བྱེད།། འོ་མ་འབབ་པས་སྣ་ཚོགས་འབྱུང་།། སྔགས་པ་རབ་དགའི་མིག་གིས་ནི།། རྟག་ཏུ་མིག་གི་མདངས་ཕྱུང་སྟེ།། ཡང་དག་སེམས་ནི ་བརྟན་པོ་ཡིས།། ཡེ་ཤེས་རྒྱ་མཚོ་སྒོམ་པར་བྱེད།། ཇི་ལྟར་གཡོ་དང་མི་གཡོ་བ།། ཁམས་གསུམ་ཐམས་ཅད་མཱ་ལུས་པ།། ཐམས་ཅད་དེ་ཉིད་རྣལ་འབྱོར་ནི།། རྡོ་རྗེ་འཛིན་པ་ཉིད་དུ་མཐོང་།། གཞན་དུ་ཁ་ཅིག ་སྨྲ་བ་དང་།། མཚན་མའི་བྱེ་བྲག་འདུག་པ་ལ།། དེ་ལ་བརྙས་པར་མི་བྱ་སྟེ།། རྡོ་རྗེ་སེམས་དཔའི་རྫུ་འཕྲུལ་ཉིད།། ཐམས་ཅད་མཉམ་པ་ཉིད་གནས་ཏེ།། མ་ལུས་དངོས་པོ་མེད་པ་ནི།། སྔགས་པཱ་རྟག་ཏུ་སྐོམ་པར་བྱེད།། ཕུང་པོའི་རང་བཞིན་དྲུག་པ ་ཉིད། དྲི་དང་གོས་དང་མེ་ཏོག་སོགས།། སྤོས་དང་ལྷ་བཤོས་དེ་བཞིན་དུ།། གླུ་དང་རོལ་མོ་གར་སོགས་ཀྱི།། ཐབས་ཀྱི་བདག་པོ་དགའ་བར་འགྲོ། དཀའ་ཐུབ་ངན་པས་གཟིར་མི་བྱ།། སྐྱེང་བ་ཡིས་ནི་ལས་མི་བྱ།། ཁྲུས་དང་གཙང་སྦྲ་མི་བྱ་སྟེ།། ་བློ་གྲོས་ཆུང་ངུའི་སྤྱོད་མི་བྱ།། ལུགས་མཱ་ལ་སོགས་ཕྱག་མི་བྱ།། ས་ཤིང་རྡོ་སོགས་དེ་བཞིན་ནོ།། བདག་གི་ལུས་ལ་རྒྱུན་ཏུ་མཆོད།། རྟག་ཏུ་སེམས་གཅིག་ཁོ་ནས་མཆོད།། སྦྲང་བུ་བསྲེ་བའི་སྐྱུགས་པ་ཡིས།། ཆེ་ཆུང་ཚོགས་ཀྱི་སྦྱང་བར་བྱ།། ་གསལ་བ་ལྔ་དང་ལྗོན་པར་བྱེད།། རྡོ་རྗེ་འཛིན་པ་མཆོད་པར་བྱེད།། བུད་མེད་རང་བྱུང་མེ་ཏོག་ནི།། བྱང་ཆུབ་སེམས་དང་ལྡན་པར་བྱ།། རྟག་ཏུ་ལྷ་མོ་མཆོད་པར་བྱ།། ཕུང་པོའི་ངོ་ཉིད་བསྒོམ་པར་བྱེད།། གཞན་གྱི་ནོར་དག་དབྲོག་པར་བྱ།། གཞན་རྒྱུ ་བུད་མེད་རྒྱུ་བར་བྱ།། རྫུན་གྱི་ཚིག་ཀྱང་སྨྲ་བར་བྱ།། སངས་རྒྱས་ཐམས་ཅད་གསད་པར་བྱ།། རྡོ་སོགས་མཆོད་རྟེན་མི་བྱེ་སྟེ།། གླེགས་བམ་དག་ཀྱང་བཀླག་མོ་བྱ།། རྨི་ལམ་ཙམ་དུ་དཀྱིལ་འཁོར་ནི།། ལུས་ཀྱི་བྱ་བར་མི་བྱའོ།། ཐམས་ཅད་དག་ནི ་ཀུན་ལ་ཡང་།། རྟོག་པ་དག་ནི་མི་བྱ་སྟེ།། རྡོ་རྗེ་སེམས་དཔའི་བདག་ཉིད་དུ།། དངོས་པོ་མ་ལུས་གྱུར་པར་བསམ།། སྔགས་པ་འགྲོ་དང་འདུག་པ་དང་།། དེ་བཞིན་ཟ་དང་མི་ཟ་དང་།། འཐུང་དང་མི་འཐུང་བ་དག་ལ།། སེམས་ནི་རྟོག་པར་མི ་བྱའོ།། རྣམ་པར་སྣང་མཛད་བྱུང་བ་ལ།། སེམས་ཅན་ཐམས་ཅད་ཡན་ལག་ཏུ།། མཁས་པས་སེམས་ཅན་ཀུན་བླངས་ཏེ།། དངོས་གྲུབ་རྒྱུར་ནི་བཟའ་བར་བྱ།། ཐམས་ཅད་རིགས་ནས་བྱུང་བ་ཡི།། བུད་མེད་དག་ལ་བརྟག་མི་བྱ།། དེ་ཉིད་བཅོམ ་ལྡན་ཕ་རོལ་ཕྱིན།། ཀུན་རྫོ་བོ་ཙམ་གྱིས་གཟུགས་ཉིད་དོ།། ཚེས་གྲངས་སྐུར་མ་མི་དགོས་ཏེ།། སྨྱུང་བར་ཡང་ནི་གནས་མི་བྱ།། གཉིས་མེད་ཡེ་ཤེས་ལྡན་པ་ཡི།། བདེ་བར་གཤེགས་པའི་དངོས་གྲུབ་འགྱུར།། མང་པོ་སྨྲས་ཏེ་ཅི་ཞིག་བྱ།། ་ཇི་ལྟ་ཇི་ལྟར་མཐོང་བ་དག། དེ་དག་ཐམས་ཅད་རྣལ་འབྱོར་གྱིས།། མཐོང་ཞིང་རིག་པས་ཤེས་པར་བྱ།། བ་ལང་རྟ་བོང་རྔ་མོ་དང་།། བ་དང་ཁྱི་ལས་བྱུང་བ་ལས།། གསལ་བར་ཆེ་བ་བསྲེས་བྱས་ཏེ།། རྣལ་འབྱོར་མཁྱེན་པས་རྟག་ཏུ་བཟའ།། ་གཅིག་ལ་ཆགས་པར་མི་བྱ་སྟེ།། གང་ཡང་བླང་དོར་མི་བྱའོ།། རྣལ་འབྱོར་མཉམ་པའི་སེམས་ཀྱིས་ནི།། འཁོར་བའི་རྒྱ་མཚོ་རྒལ་བར་བྱེད།། འབྱུང་དང་འདུག་དང་འགྲོ་བ་དང་།། ཀུན་གྱིས་མང་པོ་སྤྲོས་པ་དང་།། དེ་དག་མེད་ན་འཁོར ་བ་མེད།། སྐྱེ་བ་དང་ནི་འབྱུང་བ་མེད།། བཅོམ་ལྡན་རྡོ་རྗེ་ཉི་མས་ནི།། ཤེས་རབ་མཚན་མོས་བཤད་པ་སྟེ།། དེ་འདྲའི་རྣལ་འབྱོར་བསྒོམ་བྱེད་ན།། མྱུར་དུ་དངོས་གྲུབ་ཐོབ་པར་བྱེད།། ཐམས་ཅད་སེམས་ཀྱི་ཆོས་ཉིད་ནི།། དངོས་པོར་མ་གྲུབ ་བརྟག་དཀའ་བ།། དེ་ཉིད་སློབ་དཔོན་ཞལ་ནས་ནི།། ཐོབ་པར་འགྱུར་བར་ཐེ་ཚོམ་མེད།། མི་གནས་མྱ་ངན་འདས་པ་ཡིན།། མཚན་མ་མེད་པ་གནས་ནི་མེད།། དྲི་ཤེས་བྱང་ཆུབ་མཆོག་ཏུ་འགྲོ། དེ་ལྟར་ཤེས་པའི་རྣལ་འབྱོར་ནི།། བློ་ཅན་རྟག་ཏུ་བརླབ ་པར་བྱ།། དེ་ཉིད་འགྲུབ་པར་ཐེ་ཚོམ་མེད།། བསོད་ནམས་མེད་པའང་འགྲུབ་པར་འགྱུར།། ཁམས་གསུམ་ན་ནི་སློབ་དཔོན་ལས།། ཆེ་བར་གྱུར་པ་གཞན་མེད་ན།། དེ་ཉིད་ཀྱིས་ནི་བཀའི་དྲིན་གྱིས།། དངོས་གྲུབ་མང་པོ་ཐོབ་པར་འགྱུར།། དེ་ཉིད་རྡོ་རྗེ་སེམས ་དཔའ་ཉིད།། སངས་རྒྱས་ཐམས་ཅད་ཕྱག་ཀྱང་འཚལ།། སློབ་དཔོན་མཆོད་པ་བླ་ན་མེད།། ཅི་ཙམ་ནུས་པས་མཆོད་པར་བྱ།། དེ་ནི་དེ་བཞིན་གཤེགས་པ་ཉིད།། སེམས་ཅན་རྣམས་ཀྱི་དོན་གྱི་ཕྱིར།། གཟུགས་སུ་སྣང་བ་ཀུན་རྫོབ་སྟེ།། རྣལ་འབྱོར་བདག་ཉིད ་གདན་ལ་བཞུགས།། འཆི་བདག་དེ་ནི་རྟག་པ་ཆེ།། ཐམས་ཅད་མ་ལུས་སྟོང་པ་ཉིད།། རང་གི་རྟོག་པས་མི་སྣང་ལ།། གཞན་དག་དེ་ལ་དགའ་བར་བྱེད།། གཉི་སུ་མེད་པར་གྲུབ་པའི་སྒྲུབ་ཐབས་ཞེས་བྱ་བ་འདི་ནི་ཨུ་རྒྱན་གྱི་ཆེ་བ་རྣལ་འབྱོར་གདན་གྱི་སྒྲུབ་པའི་ལྷ་ནི ་གནས་ནས་བྱུང་བ་བཅོམ་ལྡན་འདས་མ་ལཀྵྨཱིའི་ཞལ་སྟ་ནས་བྱུང་བ་རྫོག་སོ།། ། རྒྱ་གར་སྐད་དུ། ཤྲཱི་ཨོ་ཊི་ཡན་བི་ནི་གུཧྞ་མཧཱ་གུ་ཧྱ་ཏརྫྫ་ཨུ་པ་རེ་ཤ། བོད་སྐད་དུ། དཔལ་ཨུརྒྷན་ནས་བྱུང་བ་གསང་བ་ཆེན་པོ་དེ་ཁོ་ན་ཉིད་ཀྱི་མན་ངག། དཔལ ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཐུགས་རྗེ་ཆེན་པོ་ལ་ཕྱག་འཚལ་ལོ།། ལུས་གནས་ཆ་ཤས་བཅས་པར་རྟོགས།། ངེས་འབྱུང་དེ་བཞིན་མ་ཤེས་མེད།། ཆ་ཤས་ཅན་དང་མ་མེད་པ།། ཤེས་ནས་འདི་གྲོལ་ཐེ་ཚོམ་མེད།། དངོས་པོ་ཐམས་ཅད་མཉམ་པ ་ཉིད། མྱུར་དུ་འཇུག་པར་དཀའ་བ་ཉིད།། དཔེ་དང་གཏན་ཚིགས་རྣམ་པར་སྤངས།། རང་བཞིན་གྱིས་ནི་འོད་གསལ་ཞིང་།། གཟུགས་མ་རུ་ནི་གནས་པ་སྟེ།། དཔྱད་པའི་ཡུལ་ལས་འདས་པ་ཡིན།། རྩོད་མེད་ཞི་བ་མཚོན་ཆ་མེད།། ངེས་པའི་ཆོས་ཀྱི་དབྱིངས་ལ་གནས ་བསྐུལ་བ་མེད་ཅིང་རྒྱུ་བ་མེད།། ཤིན་ཏུ་སྟོང་ཞིང་རྡུལ་མེད་པ།། སྒྲ་ལས་འདས་ཤིང་ཡོན་ཏན་སྤངས།། དངོས་པོ་ཀུན་གྱི་རང་བཞིན་གནས།། གང་ཞིག་འགྲོ་ལ་རྣམ་གནས་པ།། དེ་ནི་སངས་རྒྱས་སྐུ་རུ་བརྟགས།། དཔེ་མེད་བརྟག་པ་མེད་པ་རུ།། མཁས ་པས་མ་ལུས་བསྒོམ་པར་བྱ།། མ་བརྟག་པར་ནི་གང་རྟོག་པ།། དེ་ཡིས་ཐམས་ཅད་བརྟགས་པ་ཡིན།། རྟོག་པ་བདེ་དང་སྡུག་བསྔལ་འཁོར།། ང་ཡི་རྒྱུད་དུ་གསལ་མ་བྱས།། ཤས་ཉེན་ཅན་ལ་དེ་ཡི་ཆོས།། སོ་སོ་རུ་ནི་བསྟན་པ་ཡིན།། ཉོན་མོངས་སྒྲིབ་པ ་མེད་པ་དང་།། ལས་རྣམས་ཐམས་ཅད་རྣམ་པར་སྤངས།། དེ་ཉིད་འདིར་ནི་རབ་ཤེས་ན།། སྲིད་པའི་རྟོག་ལས་རྣམ་གྲོལ་འགྱུར།། དངོས་རྣམ་རང་བཞིན་དག་པ་ལ།། རང་བཞིན་ཉིད་དུ་རྟོག་བྱེད་པ།། དེ་ཡི་དོན་དམ་ཤེས་མིན་ཏེ།། ལས་ཀྱི་ཞགས་པས ་བཅིངས་པ་ཡིན།། ཁ་ཅིག་དཀྱིལ་འཁོར་ལས་བྱེད་ཡིན།། ཁ་ཅིག་འགྱིང་ཞིང་གསང་སྔགས་བཟློས།། ཁ་ཅིག་དག་ནི་གསང་སྔགས་འཆང་།། ཁ་ཅིག་སྦྱིན་སྲེག་མཆོད་སྦྱིན་བྱེད།། ཁ་ཅིག་ང་རྒྱལ་གྱིས་ནི་གནས།། ཁ་ཅིག་འདོད་ཆགས་ཞེ་སྡང་བསྟེན།། དེ ་