བོད་ཡིག

e-texts produced with BDRC’s OCR application

rgya gar skad du/ a dA ya sid+d+hi sA d+ha na nA ma/ bod skad du/ gnyis su med par grub pa'i sgrub thabs zhes bya ba/ 'jam dpal gzhon nur gyur pa la phyag 'tshal lo// mgon po'i rang bzhin gsal ba ni// khams gsum las byung thams cad mkhyen// rdo rje che la mgos phyag 'tshal// dgos pa'i don gyi 'bras bu 'byin// yul dus tshes dang gza' skar dang // dkyil 'khor brtag pa mi dgos pa'i// rdo rje sems dpa'i sgrub thabs bshad// bsdus te sgrub pa sgrub pa'i chog/ dam bcas dka' thub smyung ba dang // snying po bsgom pa smra ba la// 'di nyid med par gyur na ni// bskal ba 'bum phrag brgyar mi 'gyur// che chung sa bon la sogs tshogs// sna yi nang nas 'byung ba dang // sngags pa rtag tu mchod pa byed// bdag nyid de nyid bsgoms te mchod// ma dang sring mo bu mo dang // de bzhin tsha mo nyid dang ni// shes rab thabs su bya ba ste// rnal 'byor pas ni rtag tu mchod// yan lag gcig med rigs ngan dang // gzo bo khyi sha can sogs kyi// bu mo rtag tu mchod par bya// ye shes rdo rje bsgom pa che// de kho na nyid kyi sngags kyi 'bras bu ni 'di yi no// oM AHhUM/ ji ltar sems can 'ching ba ni// drag po'i las kyi sems can rnams// thabs kyi 'khor ba dag las grol// dma? tshig nyin mtshan rtag tu ni// rigs lnga las byung bzang po dang // gsal ba'i tshogs kyis mchod pa byed// 'o ma 'bab pas sna tshogs 'byung // sngags pa rab dga'i mig gis ni// rtag tu mig gi mdangs phyung ste// yang dag sems ni brtan po yis// ye shes rgya mtsho sgom par byed// ji ltar g.yo dang mi g.yo ba// khams gsum thams cad mA lus pa// thams cad de nyid rnal 'byor ni// rdo rje 'dzin pa nyid du mthong // gzhan du kha cig smra ba dang // mtshan ma'i bye brag 'dug pa la// de la brnyas par mi bya ste// rdo rje sems dpa'i rdzu 'phrul nyid// thams cad mnyam pa nyid gnas te// ma lus dngos po med pa ni// sngags pA rtag tu skom par byed// phung po'i rang bzhin drug pa nyid/ dri dang gos dang me tog sogs// spos dang lha bshos de bzhin du// glu dang rol mo gar sogs kyi// thabs kyi bdag po dga' bar 'gro/ dka' thub ngan pas gzir mi bya// skyeng ba yis ni las mi bya// khrus dang gtsang sbra mi bya ste// blo gros chung ngu'i spyod mi bya// lugs mA la sogs phyag mi bya// sa shing rdo sogs de bzhin no// bdag gi lus la rgyun tu mchod// rtag tu sems gcig kho nas mchod// sbrang bu bsre ba'i skyugs pa yis// che chung tshogs kyi sbyang bar bya// gsal ba lnga dang ljon par byed// rdo rje 'dzin pa mchod par byed// bud med rang byung me tog ni// byang chub sems dang ldan par bya// rtag tu lha mo mchod par bya// phung po'i ngo nyid bsgom par byed// gzhan gyi nor dag dbrog par bya// gzhan rgyu bud med rgyu bar bya// rdzun gyi tshig kyang smra bar bya// sangs rgyas thams cad gsad par bya// rdo sogs mchod rten mi bye ste// glegs bam dag kyang bklag mo bya// rmi lam tsam du dkyil 'khor ni// lus kyi bya bar mi bya'o// thams cad dag ni kun la yang // rtog pa dag ni mi bya ste// rdo rje sems dpa'i bdag nyid du// dngos po ma lus gyur par bsam// sngags pa 'gro dang 'dug pa dang // de bzhin za dang mi za dang // 'thung dang mi 'thung ba dag la// sems ni rtog par mi bya'o// rnam par snang mdzad byung ba la// sems can thams cad yan lag tu// mkhas pas sems can kun blangs te// dngos grub rgyur ni bza' bar bya// thams cad rigs nas byung ba yi// bud med dag la brtag mi bya// de nyid bcom ldan pha rol phyin// kun rdzo bo tsam gyis gzugs nyid do// tshes grangs skur ma mi dgos te// smyung bar yang ni gnas mi bya// gnyis med ye shes ldan pa yi// bde bar gshegs pa'i dngos grub 'gyur// mang po smras te ci zhig bya// ji lta ji ltar mthong ba dag/ de dag thams cad rnal 'byor gyis// mthong zhing rig pas shes par bya// ba lang rta bong rnga mo dang // ba dang khyi las byung ba las// gsal bar che ba bsres byas te// rnal 'byor mkhyen pas rtag tu bza'// gcig la chags par mi bya ste// gang yang blang dor mi bya'o// rnal 'byor mnyam pa'i sems kyis ni// 'khor ba'i rgya mtsho rgal bar byed// 'byung dang 'dug dang 'gro ba dang // kun gyis mang po spros pa dang // de dag med na 'khor ba med// skye ba dang ni 'byung ba med// bcom ldan rdo rje nyi mas ni// shes rab mtshan mos bshad pa ste// de 'dra'i rnal 'byor bsgom byed na// myur du dngos grub thob par byed// thams cad sems kyi chos nyid ni// dngos por ma grub brtag dka' ba// de nyid slob dpon zhal nas ni// thob par 'gyur bar the tshom med// mi gnas mya ngan 'das pa yin// mtshan ma med pa gnas ni med// dri shes byang chub mchog tu 'gro/ de ltar shes pa'i rnal 'byor ni// blo can rtag tu brlab par bya// de nyid 'grub par the tshom med// bsod nams med pa'ang 'grub par 'gyur// khams gsum na ni slob dpon las// che bar gyur pa gzhan med na// de nyid kyis ni bka'i drin gyis// dngos grub mang po thob par 'gyur// de nyid rdo rje sems dpa' nyid// sangs rgyas thams cad phyag kyang 'tshal// slob dpon mchod pa bla na med// ci tsam nus pas mchod par bya// de ni de bzhin gshegs pa nyid// sems can rnams kyi don gyi phyir// gzugs su snang ba kun rdzob ste// rnal 'byor bdag nyid gdan la bzhugs// 'chi bdag de ni rtag pa che// thams cad ma lus stong pa nyid// rang gi rtog pas mi snang la// gzhan dag de la dga' bar byed// gnyi su med par grub pa'i sgrub thabs zhes bya ba 'di ni u rgyan gyi che ba rnal 'byor gdan gyi sgrub pa'i lha ni gnas nas byung ba bcom ldan 'das ma lak+Sh+mI'i zhal sta nas byung ba rdzog so// / rgya gar skad du/ shrI o Ti yan bi ni guh+Na mahA gu h+ya tar+dz+dza u pa re sha/ bod skad du/ dpal ur+g+han nas byung ba gsang ba chen po de kho na nyid kyi man ngag/ dpal rdo rje sems dpa' la phyag 'tshal lo// thugs rje chen po la phyag 'tshal lo// lus gnas cha shas bcas par rtogs// nges 'byung de bzhin ma shes med// cha shas can dang ma med pa// shes nas 'di grol the tshom med// dngos po thams cad mnyam pa nyid/ myur du 'jug par dka' ba nyid// dpe dang gtan tshigs rnam par spangs// rang bzhin gyis ni 'od gsal zhing // gzugs ma ru ni gnas pa ste// dpyad pa'i yul las 'das pa yin// rtsod med zhi ba mtshon cha med// nges pa'i chos kyi dbyings la gnas bskul ba med cing rgyu ba med// shin tu stong zhing rdul med pa// sgra las 'das shing yon tan spangs// dngos po kun gyi rang bzhin gnas// gang zhig 'gro la rnam gnas pa// de ni sangs rgyas sku ru brtags// dpe med brtag pa med pa ru// mkhas pas ma lus bsgom par bya// ma brtag par ni gang rtog pa// de yis thams cad brtags pa yin// rtog pa bde dang sdug bsngal 'khor// nga yi rgyud du gsal ma byas// shas nyen can la de yi chos// so so ru ni bstan pa yin// nyon mongs sgrib pa med pa dang // las rnams thams cad rnam par spangs// de nyid 'dir ni rab shes na// srid pa'i rtog las rnam grol 'gyur// dngos rnam rang bzhin dag pa la// rang bzhin nyid du rtog byed pa// de yi don dam shes min te// las kyi zhags pas bcings pa yin// kha cig dkyil 'khor las byed yin// kha cig 'gying zhing gsang sngags bzlos// kha cig dag ni gsang sngags 'chang // kha cig sbyin sreg mchod sbyin byed// kha cig nga rgyal gyis ni gnas// kha cig 'dod chags zhe sdang bsten// de