| Wylie | e-texts produced with BDRC’s OCR application |
རྒྱ་གར་སྐད་དུ། སེ་ཀོད་དེ་ཤ། བོང་སྐད་དུ།། དབང་མདོར་བསན། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཟླ་བ་བཟང་པོས་གསོལ་པ། སྟོན་པ་དབང་བསྐུར་རྣམ་བདུན་དང་། རྣམ ་གསུམ་དེ་བཞིན་བླ་ན་མེད། ། འཇིག་རྟེན་འདས་པའི་དངོས་གྲུབ་ཕྱིར།། མདོར་བསྡུས་པ་ཡིས་བདག་ལ་གསུངས།། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་ཟླ་བས་ཡང་བསྲུང་ང།། རྣམ་པ་བདུན ་དང་རྣམ་གསུམ་མཆོག། རྩ་ཡི་ཀུན་སྤྱོད་རྩོལ་བ་ནི།། མདོར་བསྟན་པ་ཡིས་ཁྱོད་ལ་བཤད།། ཆུང་ངུ་མདོར་བསྟན་རྣམ་གསུམ་དང་།། རྒྱས་པར་བཤད་པ་རྣམ་གསུམ་འགྱུར།། རབ་ཏུ་མདོར་བསྟན་མདོར་བསྟན་ཆེ ་རབ་ཏུ་རྒྱས་པར་བཤད་པ་གཞན། ། མདོར་བསྟན་རྒྱས་པར་བཤད་པ་ཉིད།། རྒྱུད་ཡང་དག་པར་བསྡུས་པ་བརྗོད།། རབ་ཏུ་མདོར་བསྟན་རྒྱས་བཤད་པ།། བཀའ་འགྲེལ་ཚིག་ནི་འབྱེད་པའོ།། མདོར་བསྟན་ཆེན་པོ་རྒྱས ་བར་བཤད་པ་ཉིད། ། འགྲེལ་བཤད་ཐམས་ཅད་དོན་སྔོན་བྱེད།། དེ་ནི་མངོན་ཤོས་ཐོབ་རྣམས་ཀྱིས།། བྱ་ཡི་མཁས་རྣམས་ཀྱིས་མིན་ཉིད།། དེ་ལྟར་མཐའ་དྲུག་རྣམས་ཀྱིས་དག། རྡོ་རྗེའི་རྣལ་འབྱོར་རྣམ་བཞི་དང་། ་རྫོགས་པའི་བྱང་ཆུབ་བཞི་རྣམས་དང་།། ཕུང་ཁམས་སྐྱེ་མཆེད་རིགས་དྲུག་རྣམས།། དག་པ་འཇིག་རྟེན་ཁམས་ལ་སོགས།། ལེའུ་ལྔ་ཡི་གཞུང་རྣམས་ཀྱིས།། བདེན་གཉིས་དང་པོའི་སངས་རྒྱས་འགྱུར།། དུས ་ཀྱི་འཁོར་ལོ་མངོན་རྗོད་བྱེད། ། དང་པོར་དབང་བསྐུར་བདུན་པོ་གང་།། བྱིས་པ་རྣམས་ནི་གཞུག་པའི་ཕྱིར།། རྣམ་གསུམ་འཇིག་རྟེན་ཀུན་བགྱིས། དམ་པའི་དོན་གྱིས་བཞི་པའོ།། བདེན་པ་གཉིས་ཀྱི་ཆོས་རྣམས་ཀྱི། ་རྡོ་རྗེ་ཅན་བདག་གིས་བསྟན་པ།། འཇིག་རྟེན་ཀུན་རྫོབ་བདེན་པ་དང་།། དམ་པའི་དོན་གྱི་བདེན་པས་སོ།། ཆུ་དང་ཅོད་པན་དང་དབྱངས་དག། རྡོ་རྗེ་དྲིལ་བུ་བརྟུལ་ཞུགས་ཆེ།། མིང་དང་རྗེས་གནང་ཡང་དག་ལྡན་།། ་དབང་བསྐུར་རྣམ་བདུན་མི་ཡི་བདག། ལུས་ངག་སེམས་ནི་ལེགས་དག་པ།། མངོན་པར་དབང་བསྐུར་གཉིས་གཉིས་སོ།། རྗེས་གནང་ཡེ་ཤེས་ཡང་དག་དག། གཞན་པ་ཁམས་སོགས་དག་པ་ལས།། ཆུ་ནི ་ཁམས་ཀྱི་དག་པ་སྟེ། ། ཅོད་པན་ཕུང་པོ་རྣམ་སྐྱོང་བྱེད།། དར་དབྱངས་ཕ་རོལ་ཕྱིན་པ་དག། རྡོ་རྗེ་དྲིལ་བུ་མི་འགྱུར་ཆེ།། སངས་རྒྱས་སྐར་རྒྱུན་མི་འཆད་པ།། ཉི་ཟླ་གཅིག་ཏུ་དག་པར་བྱེད།། ཡུལ་དང་དབང་པོ་ལེགས ་དག་པ། འཕོ་མེད་རྡོ་རྗེའི་བརྟུལ་ཞུགས་འགྱུར།། མིང་ནི་བྱམས་སོགས་ཡང་དག་དག། རྗེས་གནང་སངས་རྒྱས་ཉིད་དག་བྱེད།། དབང་བསྐུར་བདུན་པོ་འདི་རྣམས་ཡིན།། དཀྱིལ་འཁོར་བཞེངས་ནས་སྦྱིན་པར་བྱ།། ་བུམ་པ་གསང་བའི་དབང་བསྐུར་དང་།། ཤེས་རབ་ཡེ་ཤེས་མངོན་རྗོད་པ།། སླར་ཡང་ཤེས་རབ་ཆེན་པོ་ཉིད།། དེ་ཡི་ཡེ་ཤེས་མངོན་རྗོད་བྱེད།། འགྱུར་དང་འགྱུར་དང་དེ་ནས་འཛག། དེ་ནས་གཞན་ཡང་མི་འཇོག ་པའོ། ། ལུས་ངག་སེམས་ནི་ལོགས་དག་པས།། དབང་བསྐུར་གསུམ་པོ་རིམ་པ་ཡིས།། བཞི་པ་ཡེ་ཤེས་ཡང་དག་དག། ལུས་ངག་སེམས་ནི་དག་པར་བྱེད།། བྱིས་པ་དང་མ་དེ་ནས་རྒན།། བཞི་པ་སྐྱེ་དགུའི་བདག ་པོའོ། ། ཤེས་རབ་ནུ་མར་ཡན་ལག་ནི།། རེག་པས་བྱང་ཆུབ་སེམས་འཕོའི་བདེ།། འོ་མ་འཛིན་པས་དབང་བསྐུར་བ།། གང་ལས་བདེ་ཐོབ་དེ་བྱིས་པའོ།། ཡུན་རིང་གསང་བར་སྤྲོས་ལས་སྐྱེས།། བྱང་ཆུབ་སེམས་ནི་འཕོ ་བའི་བདེ། ། གསང་བའི་དབང་བསྐུར་གསུམ་པ་ནི།། གང་ལས་བདེ་ཐོབ་དེ་དར་མ།། ཡུན་རིང་གསང་བར་སྤྲོས་ལས་སྐྱེས།། རྡོ་རྗེའི་རྩེ་མོར་གཡོ་བའི་བདེ།། ཤེས་རབ་ཡེ་ཤེས་དབང་བསྐུར་བ།། གང་ལས ་གཡོ་བའི་བགྲོད་དེ་རྒན། ། ཕྱག་རྒྱ་ཆེན་པོ་རྗེས་ཆགས་ལས།། སྐྱེས་པ་གཡོ་མེད་བདེ་བ་ནི།། ཤེས་རབ་ཆེན་པོའི་དབང་བསྐུར་བ།། གང་ལས་གཡོ་མེད་རྟོགས་པ་དེ།། སྐྱེ་དགུའི་བདག་པོར་རྣམ་ཤེས་བྱ།། ་སྐྱོབ་པ་ཐམས་ཅད་སྐྱེད་མཛད་པ།། རྡོ་རྗེ་སེམས་དཔའ་སེམས་དཔའ་ཆེ།། བྱང་སེམས་གཉིས་མེད་མི་འགྱུར་བ།། འདི་ནི་དམ་ཚིག་སེམས་དཔར་འགྱུར།། རྡོ་རྗེའི་རྣལ་འབྱོར་རྣམ་པ་བཞི།། དུས ་ཀྱི་འཁོར་ལོ་འདིར་བཤད་པ། ། རྣལ་འབྱོར་པ་ཡི་ཐར་སྟེར་བྱེད།། འདི་ཉིད་ཀྱི་ནི་སྒྲུབ་པ་བྱ།། རབ་གསལ་བསམ་གྱིས་མི་ཁྱབ་པའི།། དུ་སོགས་མཚན་མ་དེ་རྣམས་ཀྱི།། ཤེས་རབ་གཟུགས་བརྙན་ནམ་མཁའ ་མཉམ། ། ཡོད་དང་མེད་ལས་རྣམ་པར་འདས།། རང་གི་སེམས་ཀྱི་རྐྱེན་གྱི་དོན།། རྡུལ་ཕྲན་ལས་སྐྱེས་ཚོགས་པ་རྣམས།། ཀུན་ནས་ཡོངས་སུ་དོར་བ་ཡིས།། དུ་བ་སྨིག་རྒྱུ་མཁའ་སྣང་དང་།། སྒྲོན་མ་འབར ་བ་ཟླ་ཉི་མ། ། མུན་ཅན་ཆ་དང་ཐིག་ལེ་ཆེ།། སྣ་ཚོགས་གཟུགས་བརྙན་འོད་གསལ་བ།། བཀབ་དང་མ་བཀབ་མིག་དག་གིས།། སྟོང་པར་འདི་ནི་རྗེས་བརྟགས་མིན།། རྨི་ལམ་བཞིན་དུ་གཟུགས་མཐོང་འགྱུར།། ་རྟག་ཏུ་གཟུགས་དེ་བསྒོམ་པར་བྱ།། དངོས་མེད་གཟུགས་ལ་སྐོམ་པ་དེ།། རྣལ་འབྱོར་པ་ཡི་བསྒོམ་མ་ཡིན།། དངོས་པོ་དངོས་མེད་སེམས་ཀྱི་མིན།། སྟོང་པར་མ་བརྟགས་མཐོང་ཕྱིར་རོ།། ཇི་ལྟར་བྲ་ཕབ། ་མེ་ལོང་ལ།། གཞོན་ནུ་མས་མཐོང་དངོས་མེད་སྐྱེས།། དེ་བཞིན་འདས་དང་མ་འོངས་ཆོས།། མཁའ་ལ་དེ་ཉིད་རྣལ་འབྱོར་པས།། འདི་ལས་དངོས་པོ་དངོས་མེད་འགྱུར།། དངོས་པོ་སྟོང་པའི་དོན་མཐོང་ཕྱིར།། ་དངོས་པོ་དངོས་མེད་དོན་ཡོད་པ།། སྒྱུ་མ་རྨི་ལམ་མིག་འཕྲུལ་བཞིན།། མེད་པའི་ཆོས་ཅན་དག་ལ་ཆོས།། སྐྱེ་བ་འདི་ནི་རབ་ཏུ་འབྱུང་།། ཡིད་བཞིན་ནོར་ལྟར་མཐའ་ཡས་པའི།། སེམས་ཅན་བསམ་པ་ཡོངས ་རྫོགས་བྱེད། ། པྲ་ཕབ་པ་ཡི་གཞོན་ནུ་མས།། མ་མཐོང་བ་ཡི་རྐུན་པོ་མཐོང་།། ཉི་ཚེ་བ་ཡི་མིག་དག་གི། སོང་ནས་སྒྲུབ་པ་པོ་ཡིས་མཐོང་།། གལ་ཏེ་ཡོད་པའི་གཟུགས་མཐོང་ན།། རང་གི་གདོང་པ་ཅིས་མི ་མཐོང་། ། གལ་ཏེ་མེད་པའི་གཟུགས་མཐོང་ན།། རི་བོང་རཱ་ནི་ཇི་ལྟར་མིན།། གཞན་གྱི་མིག་གིས་མི་མཐོང་ཞིང་།། རང་གི་མིག་གིས་མཐོང་མིན་པ།། སྐྱེ་བ་མེད་པ་མཐོང་བ་ནི།། གཞོན་ནུ་མ་ཡི་བུ་ཇི་བཞིན།། གཟུགས ་བརྙན་མཐོང་ན་དེ་ནས་ནི། ། བར་མ་ཆད་པར་སྲོག་རྩོལ་བྱ།། སྟེང་འོག་རྩཝ་གསུམ་པོ་རྣམས་ལ།། ལུས་ངག་སེམས་ནི་འགོག་པ་ལས།། ཟླ་ཉི་སྒྲ་གཅན་བཤང་གཅི་དང་།། ཁུ་བ་འབབ་པའི་ལམ་རྣམས་སུ།། ཆུ་མེ ་སྟོང་པས་རླུང་དང་། ། ཡེ་ཤེས་ཁམས་རྣམས་སྐྱེད་རྣམས་ལ།། གང་ཞིག་ཟླ་ཉི་མུན་ཅན་དང་།། བཤང་གཅི་ཁུ་བ་འབབ་མ་རྣམས།། སྲོག་དང་ཐུར་སེལ་རིམ་པ་ཡིས།། ལུས་ངག་སེམས་ཀྱི་རྩ་རྣམས་སོ།། ཟླ་བ ་ཐབས་ཀྱི་སྐུ་ཡིན་ཏེ། ། ཉིན་མོར་བྱེད་པ་ཤེས་རབ་གསུང་།། ཤེས་རབ་སྐུ་ནི་བཤང་བའི་རྩ།། གཅི་བ་འབབ་མ་གཙོ་བོའི་གསུང་།། སྟེང་འོག་ཐུགས་ཀྱི་རྩ་གཉིས་དག། མུན་ཅན་ཁུ་བ་འབབ་མའོ།། ཐབས་ཀྱི་ཐུགས ་ནི་མུན་པ་ཅན། ། ཁུ་བ་འབབ་མ་ཤེས་རབ་ཀྱི།། སྟེང་འོག་རིགས་དྲུག་འདི་རྣམས་ནི།། སྐུ་གསུང་ཐུགས་ཀྱི་རྣལ་འབྱོར་ལས།། ཤེས་རབ་ཐབས་དངོས་ཡན་ལག་གིས།། ལུས་ཅན་ཀུན་ལ་ཡང་དག་གནས།། མཆི ་ལྷས་ལུས་ངག་རྩ་དག་ལ། ། སྟེང་འོག་ལྷག་པའི་རླུང་རྣམས་ཀྱིས།། མུན་ཅན་ཁུ་བ་འབབ་མ་ལ།། སྐྱེ་བ་དང་ནི་འཆི་བ་གནས།། སྐྱེ་དང་འཆི་དང་འཁྲིག་པ་ཡི།། དུས་སུ་ཁུ་བ་འབབ་པའོ།། མུན་ཅན་མ་ཡང་སྟེང་དུ ་འབབ། ། ཉི་མའི་འཕོ་བ་མཉམ་པ་ལ།། དུས་སྦྱོར་འཆར་བའི་མངོན་མཚམས་སུ།། དབུ་མ་ནས་ནི་མཉམ་པ་འབབ།། རྐང་པ་དང་བཅས་ལྔ་བཅུ་དྲུག། འབྱུང་དང་འཇུག་པའོ་མི་ཡི་བདག། བདུན་བཅུ་རྩ་ལྔས་ལྷག ་པ་ཡི། ། དྲུག་བརྒྱ་ཉིན་དང་མཚན་ལའོ།། དྲུག་བརྒྱ་རྣམས་ཀྱིས་ལྷག་པ་ཡི་སྟོང་ཕྲག་ཉི་ཤུ་རྩ་གཅིག་པོའི།། འདི་ཡིས་དམན་པ་གང་དེ་རྣམས།། གཡོན་དང་བཅས་པའི་རྩར་འབབ་པོ།། ཕྱོགས་གསུམ་དང་བཅས ་ལོ་གསུམ་རྣམས། ། ལོ་བརྒྱ་རྣམས་ལས་དབུ་མའོ།། སྟེང་དུ་གཡོན་གཡས་ཟླ་ཉི་མ།། བརྐྱང་མ་ལུག་དང་སེར་སྐྱ་གཞན།། ཆུ་དང་མེ་ཡི་རང་བཞིན་ཅན།། པད་མ་རིན་ཆེན་འཛིན་པ་འདོད།། འོག་ཏུ ་བཤང་གཅི་འབབ་པ་དག། ས་དང་རླུང་གི་རང་བཞིན་ཅན།། དབུ་མའི་རྩ་དང་གཡོན་པ་ཡང་།། འཁོར་ལོ་རལ་གྲི་འཛིན་པར་འདོད།། སྟེང་དང་འོག་ཏུ་དབུ་མ་གཡས།། སྒྲ་གཅན་ཁུ་བ་རབ་འབབ་པ།། སྟོང་པ་ཡེ་ཤེས་རང ་བཞིན་ཅན། ། རྡོ་རྗེ་རྡོ་རྗེ་འཛིན་པར་འདོད།། ཟླ་བའི་ལམ་གྱིས་བཤང་བའི་རྩ།། ཉི་མས་གཅི་བ་འབབ་པ་སྟེ།། སྐྱེ་འཆི་མཉམ་པ་ཆགས་པ་ལ།། སྒྲ་གཅན་ཁུ་བ་རབ་ཏུ་འབབ།། ལྟེ་བའི་སྟེང་དུ་ཀུན་འདར་མ།། གང་དེ་ཡིད ་བཟང་མུན་པ་འབབ། ། འོག་ཏུ་ཁུ་བ་འབབ་གང་དེ།། མཁའ་འགྲོ་གདོང་དང་དུད་ཅན་མ།། ལྟེ་བའི་ཆུ་སྐྱེས་སྙིང་མགྲིན་དང་།། དཔྲལ་བ་གཙུག་ཏོར་འདམ་སྐྱེས་ལ།། ས་ཆུ་མེ་རླུང་སྟོང་པ་རྣམས།། རབ་ཏུ་འབབ་པ་སྡུད་པ་ཡིས།། ་འབྱུང་འགྱུར་དེ་ནི་འཇུག་པ་དག། སྐྱེད་པས་འཇུག་སྟེ་ས་ལའོ།། ལྟེ་བ་ནས་ནི་ལྟེ་བའི་དབུས།། ཨ་བ་དྷཱུ་ཏཱིར་འགྲོ་དང་འོད།། ལྟེ་གསད་ནོར་བུའི་ཆུ་སྐྱེས་ལ།། ལུས་ངག་སེམས་རྣམས་འབབ་པ་ནི།། འབྱུང་དང་དེ་ནི་འཇུག་པ ་དག། སྡུད་དང་སྐྱེད་པའི་རང་བཞིན་ཅན།། དུང་ཅན་སྐྱེ་བོ་ཐམས་ཅད་ཀྱི།། ཐུར་སེལ་རླུང་ནི་འབབ་པའོ།། འདི་རྣམས་བུད་མེད་བདེ་བ་ལས།། ཁུ་བ་ཁྲག་འབབ་དུས་དག་ཏུ།། ཤེས་རབ་ཐབས་དངོས་ཡན་ལག་གིས།། སྟེང་དུ ་གཡས་དང་གཡོན་ངག་དང་། ། འོག་ཏུ་བཤང་གཅི་འབབ་པ་དང་།། རྡུལ་དང་ཁུ་བ་འབབ་པ་དག། རྡུལ་འབབ་ཕྱིར་ཏེ་གཏུམ་མོ་སྟེ།། ཁུ་བ་འབབ་བྱིར་མཁའ་འགྲོ་གདོང་།། སྟེང་དུ་བརྗོད་དུས་བུད་མེད་ཀྱི།། གཡུང་མོ་སྐྱེས་བུའི ་ཀུན་འདར་མ། ། རྣམ་ཤེས་ལ་སོགས་དཀྱིལ་འཁོར་ལྔ།། རྟག་ཏུ་གཡོན་པའི་རྩ་ལའོ།། ས་སོགས་གཡས་པའི་རྩ་ལ་སྟེ།། དབུས་སུ་དྲུག་པ་འབབ་པའོ།། ལྟེ་བའི་པད་མའི་འདབ་མ་ལ།། དཀྱིལ་འཁོར་དྲུག་བཅུ་རྣམས ་རིམ་བཞིན། ། གཡོན་དང་གཡས་པའི་དུས་སྦྱོར་ནི།། ལུས་སོགས་གླང་ལ་སོགས་པ་ལ།། རྩ་བ་གཡོན་དང་དེ་ནས་གཡས།། སྟེང་དང་དབུས་སུ་རིམ་པས་རླུང་།། ས་སོགས་དཀྱིལ་འཁོར་རེ་རེ་ཞིང་། ་དབྱུག་གུས་སྡུག་དགཔའོ། མ་པས་ནུ་ཆོད་འབབ་པ་ནི།། དྲུག་བཅུ་དང་བཅས་སུམ་བརྒྱའི་དབུགས།། བཅུ་ཕྱུག་བཅཝོ་བརྒྱང་དབུགས་དེ་རྣམས།། ཆུ་ཅོད་ལྟར་ནི་འབབ་པའོ།། ཆུ་ཅོད་དྲུག་བཅུ་ཉིད་མཚན་དུ།། ལུས ་ལ་དཀྱིལ་འཁོར་རྣམས་ཞེས་པའོ། ། འདབ་མའི་དབུས་དང་དེ་ནས་ཤར།། གཡས་གཡོན་གཞན་དུ་རིམ་པ་ཡིས།། གཡོན་དེར་རྟག་ཏུ་ནམ་མཁའ་སོགས།། གཡས་པར་ས་སོགས་གཞན་ལས་སོ།། གཡོན ་པར་རྣམ་ཤེས་སོགས་འབྱུང་བ། ། གཡས་པར་ས་སོགས་སྡུད་པའོ།། ནུབ་དང་ཤར་དུ་འཛིན་མ་རླུང་།། ཕན་ཚུན་ཤེས་རབ་ཐབས་ཡིན་ཏེ།། མཐེ་བོང་མིང་མེད་དག་གིས་ནི།། གང་ཕྱིར་ཁ་ལ་དབང་བསྒྱུར་བ། ་གཡས་དང་གཡོན་དུ་མེ་དང་ཆུ།། ཕན་ཚུན་ཤེས་རབ་ཐབས་ཡིན་ཏེ།། གུང་མོ་འཛུབ་མོ་གཉིས་དག་གིས།། གང་ཕྱིར་རལ་གྲིར་འགྱུར་བའོ།། ཟླ་ཕྱེད་རྣམ་པའི་ཕྱག་རྒྱ་ནི།། མཆེ་བ་གྲི་གུག་མཐེ་ཆུང་སྟེ།། སྟོང་པ་མི ་འགྱུར་སྟེང་འོག་ཏུ། ། ཕན་ཚུན་ཐབས་དང་ཤེས་རབ་པོ།། དཀྱིལ་འཁོར་བཅུ་པོ་ཡང་དག་སྦྱོར།། སོར་མོ་རྣམས་ནི་ཕན་ཚུན་དུ།། མགོ་བོར་ལག་འཐིལ་སྦྱར་བ་ལ།། གྲི་གུག་དང་བཅས་རྩེ་གཅིག་གོ།། དབུ་མའི་རྩལ་མཉམ ་པ་སྟེ། ། སྐྱེང་དང་སྡུད་པའི་བྱེད་པ་པོ།། ཕུང་པོ་ཁམས་དང་རྡོ་རྗེ་གསུམ།། གཅིག་ཉིད་དབུ་མར་སོན་པ་ནའོ།། ཟླ་བ་ཉི་མའི་རྩ་འགགས་ནས། བཤང་བ་གཙོ་བའི་རྩ་འགག་གོ།། སྒྲ་གཅན་རྩ་ནི་འགགས་པ་ན།། འོག་ཏུ་ཁྲུ ་བ་འབབ་འགག་འགྱུར། ། སྐྱེད་དང་སྡུད་པའི་བྱེད་པ་ཅན།། འདི་རྣམས་གྲོལ་ན་གྲོལ་བར་འགྱུར།། སྲོག་དང་ཐུར་སེལ་ལམ་གསུམ་གྱིས།། འདི་ནི་རྩ་ཡི་ཀུན་སྤྱོད་དོ།། ། གཡོན་པ་འམ་ནི་གཡས་པ་ལ།། མཚན་མོ ་གཅིག་དང་དེ་བཞིན་ལྔར། ། ལྷག་པའི་རླུང་ནི་རབ་འབབ་པ།། དེ་ལས་ལོ་གསུམ་ན་འཆིའོ།། གཡས་པ་ཉི་མའི་འཆི་ལྟས་ལ།། ལྔ་དང་ཕྱོགས་ཚེས་ཉི་ཤུ་དང་།། དེ་ཉིད་གཅིག་ལྷག་གཞན་རིམ ་པས། ། ཉིན་ཞག། སུམ་བཅུ་གསུམ་རྒྱུན།། གསུམ་གཉིས་གཅིག་ལོ་ཟླ་བ་ནི།། དྲུག་གསུམ་ཟུང་ཟླ་ཉིན་ཞག་ཚེས།། ཕྱོགས་ལྔ་ཡོན་ཏན་གཉིས་གཅིག་གིས།། ལུས་ཅན་རྣམས་ཀྱི་ཚེ་འགྲོའོ།། རྩ་བ་ནས་གཅིག ་ལྷག་པ་ཡིས། ། གཡོན་པར་ཟླ་བའི་རྒྱུ་བར་འགྱུར།། ཉན་ཟླ་ཉིན་ཞག་ཟླ་བ་དག། ཉིན་ཞག་གསུམ་རྣམས་ཟླ་བ་གསུམ།། ཉིན་ལ་འཆི་ལྟས་ཟླ་བར་དག། འཕེལ་འགྲིབ་དེ་ནས་འདི་དག་ལ།། དབུ་མའི་འཆི་བའི་རྒྱུ་བ ་ནི། ལོ་བརྒྱ་ཡོངས་སུ་རྫོགས་པ་ཡིས།། མཉམ་དང་མི་མཉམ་ཉིན་ཞག་རྣམས།། སྐྱེ་བར་སྐྱེས་པའི་དཀྱིལ་འཁོར་གྱིས།། དེ་རྒྱུ་གཡས་དང་གཡོན་ལ་ཡང་།། ཕྱོགས་གཉིས་རྣམ་པར་མཉམ་པ་ལས།། གཞན་དུ་འཆི ་བར་མི་འགྱུར་ཏེ། ། ཕྱོགས་གཉིས་ཡང་དག་གནས་པ་ན།། གཡས་དང་གཡོན་པའི་ཀུན་སྤྱོད་དང་།། དཀྱིལ་འཁོར་ལྔ་རྣམས་འབབ་པའི་ཕྱིར།། འཆི་ལྟས་མཚན་ཉིད་ཤེས་ནས་ནི།། སྲོག་ནི་ཐིག་ལེར་གཞུག་པར་བྱ།། ཨ ་བདྷཱུ་ཏཱིའི་ཞབས་བརྟེན་ནས། ། མཆོག་ཏུ་མི་འགྱུར་བསྒོམ་པར་བྱ།། རྟག་ཏུ་རྡོ་རྗེ་བསླང་བར་བྱ།། ཟླ་ཉིའི་བགྲོད་པ་འཇོམས་པ་ལས།། གཞན་དུ་ཀུན་འདར་ཡན་ལག་ལ།། སྲོག་གི་རླུང་ནི་འཇུག་པ་མེད།། འོག་ཏུའང་དུང་ཅན ་མཐུར་སེལ། ། དེ་མ་ཞུགས་ལས་འཆི་བའོ།། འཆི་ལྟས་སླུ་བ་རྣལ་འབྱོར་པའི།། འདི་ནི་དགའ་བ་རྣམས་ཀྱིས་འགྱུར།། མགོ་བོའི་པད་མ་གཙུག། ཏོར་ལས།། ཁུ་བ་འོངས་པ་དགའ་བ་སྟེ།། འགྲིན་པ་སྙིང་ཁར་མཆོག་དག ་འོ། ། དགའ་བྲལ་དགའ་བ་དེ་ནས་འགྱུར།། སྣ་ཚོགས་དགའ་བ་ལྟེ་བ་དང་།། གསང་བའི་པད་མར་གང་འོངས་པའོ།། གསང་གནས་རྡོ་རྗེ་ནོར་བུའི་བར།། ལྷན་པཅིག་སྐྱེས་དགའ་མི་འཕོབ།། རབ་གནས་མྱ་ངན་འདས་པ ་མིན། ཆགས་ཆེན་མི་འགྱུར་ཁྱབ་བདག་གོ། འདོད་ཆགས་བྲལ་ལས་འཕོ་མེད་བདེ།། དེ་ནི་མྱ་ངན་འདས་རབ་གནས།། ཁུ་བ་ཟླ་འཆར་གཙུག་ཏོར་དུ།། རྫོགས་པ་གསང་བའི་མཚོ་སྐྱེས་ལ།། བཅུ་དྲུག་ཆ་གང་དེ་ནོར ་བུའི་པད་མར་རྡོ་རྗེའི་རྩེ་མོར་གནས། ། དེ་སྟེང་འཕོ་བའི་དུས་སུ་འགྱུར།། ནག་པོའི་ཚེས་གཅིག་འོངས་པ་ན།། འདོད་ཆགས་བྲལ་བས་གནམ་སྟོང་ལ།། ཉི་མ་མཛོད་སྤུའི་གནས་སུ་འགྲོ།། དེའི་ཆ་ཤས་བཅུ་དྲུག་མ ་གཙུག་ཏོར་པད་མར་སོན་པའོ། ། ཟླ་བ་ཉམས་པ་ཞེས་བརྗོད་དེ།། ཆགས་པའི་བདེ་ལ་ཆགས་བྲལ་ཕྱིར།། ལུས་ཅན་ཐམས་ཅད་འཆི་བ་ན།། ཟླ་བ་བདུད་རྩི་འོག་ཏུ་འགྲོ།། སྟེང་དུ་ཉི་མ་རྡུལ་སྒྲ་གཅན།། རྣམ་ཤེས ་དངོས་པོའི་མཚན་ཉིད་ལ། ། དེ་ཕྱིར་ཟླ་བ་བདུད་རྩི་ནི།། སྟེང་དུ་བགྲོད་བྱ་མི་ཡི་བདག། འོག་ཏུ་ཉི་མ་རྡུལ་སྒྲ་གཅན།། རྣམ་ཤེས་འགྱུར་མེད་བདེ་བ་ལ།། སངས་རྒྱས་ཀུན་གྱི་མཛོད་སྤུ་ཡི།། པད་མར་ཟླ་བ་བདུད་རྩི་ཉ།། ་ཉི་རྡུལ་གནམ་སྟོང་གསང་བར་ཏེ།། གཙུག་ཏོར་ནོར་བུར་དེ་དག་གོ། ཞེས་པ་སྟོན་པའི་རྡོ་རྗེའི་ཚིག། ལུས་ཅན་ཀུན་གྱི་ཕྱིན་ཅི་ལོག། རབ་གནས་མྱ་ངན་འདས་པ་མིན།། ཁམས་རྣམས་ཕྱིན་ཅི་ལོག་ཏུ་འགྱུར།། ནོར ་བུར་ཐུགས་དང་གསང་བར་གསུང་། ། ལྟེ་བར་སྐུ་སྟེ་བདེ་ཆེན་ལས།། ཆོས་དང་ལོངས་སྤྱོད་རྫོགས་སྤྲུལ་པ།། འདི་རྣམས་དག་པའི་སྐུ་ལས་སྤྲོ།། ཐབས་ཀྱི་འོག་ཏུ་རྒྱལ་པོའི་དབང་།། ཤེས་རབ་ཀྱི་ནི་སྟེང་དུ་འགྱུར།། ་འདི་ཡི་དཔྲལ་བར་སྐུ་རྡོ་རྗེ།། མགྲིན་སྙིང་ལྟེ་བའི་འདམ་སྐྱེས་ལ།། གསུང་ཐུགས་ཡེ་ཤེས་རྡོ་རྗེ་རྣམས།། སྤྲུལ་པ་ལ་སོགས་འདི་རྣམས་སྤྲོ།། ཕུང་པོ་ཁམས་རྣམས་སྤྲོ་བ་ནི།། སྒྲིབ་པ་མེད་པའི་བདེ་བ་ལས།། ལས ་ཀྱི་ཕྱག་རྒྱའི་སྙོམས་འཇུག་དང་། ། ཡེ་ཤེས་ཕྱག་རྒྱའི་དམིགས་པ་དང་།། ཕྱག་རྒྱ་ཆེན་པོ་གཅིག་སྦྱོར་བས།། མི་འགྱུར་བ་དེ་འཕེལ་བར་འགྱུར།། འཕེལ་བའི་འཕེལ་བར་འགྱུར་བ་མེད།། ཉམས་པའི་ཉམས་པ་ཉིད ་ཀྱང་མེད་ལ་ནུབ་པ་དེ་ཡི་ནུབ་པ་མེད། ། འཆར་བ་ཡི་ནི་འཆར་བ་མེད།། རབ་ཏུ་གསལ་བའི་རབ་གསལ་མེད།། བཀབ་པའི་བཀབ་པ་ཡང་མེད་དོ།། སྐྱེ་བའི་སྐྱེ་བར་འགྱུར་ཉིད་མེད།། འཆི་བའི་འཆི་བ་ཡང་མེད ་དོ། གྲོལ་བའི་གྲོལ་བར་འགྱུར་བའང་མེད།། མི་གནས་པ་ཡི་མི་གནས་མེད།། དངོས་པོ་མེད་པའི་དངོས་མེད་མེད།། དངོས་པོའི་དངོས་པོ་ཉིད་ཀྱང་མེད།། འགྱུར་བའི་འགྱུར་བར་འགྱུར་བའང་མེད།། མི་འགྱུར་བའི་ཡང་མི་འགྱུར ་མེད། རང་བཞིན་མེད་པའི་ཆོས་རྣམས་ཀྱི།། སྐྱེ་འཇིག་སྒྱུ་མ་དེ་བཞིན་ནོ།། འབྱུང་རྣམས་འཇིག་པར་འགྱུར་མིན་ཏེ།། རང་བཞིན་ཉིད་ཀྱིས་སྐྱེ་མི་འགྱུར།། སྣ་ཚོགས་འདི་ནི་རང་བཞིན་མེད།། དངོས་པོ་དངོས་མེད་མཚན་ཉིད ་གཅིགས་རང་གི་ཤེས་རབ་ལ་འཁྱུད་སེམས། ། རྡོ་རྗེ་ནོར་བུའི་པད་མར་སོན།། དེར་སོན་ཟླ་བ་གཡོ་བ་དང་།། མི་གཡོ་བ་དང་མི་འགྱུར་བསྒོམ།། ལུས་ངག་སེམས་ཀྱི་རྩ་རྣམས་སུ།། སྐུ་གསུང་ཐུགས་རྣམས་བསྒོམ་པ ་སྟེ། རྡོ་རྗེ་གསུམ་རྣམས་ལེགས་བསྡུས་པ།། ཡེ་ཤེས་དུང་ཅན་མར་བསྒོམ་པའོ།། ཤེས་རབ་ཆགས་པས་ཞུ་བ་ཡི།། ཐིག་ལེ་རིམ་པས་མགོ་བོ་ལས།། རྫོགས་པའི་གནས་སུ་ཞུགས་རྣམས་ཀྱང་།། འཆིང་བ ་དམ་པའི་དོན་གྱིས་སོ། ། ཇི་ལྟར་ཟླ་ཤར་རིམ་པ་ཡིས།། ཆ་རྣམས་ཀྱིས་ནི་རྫོགས་པར་འགྱུར།། གྲིབ་མ་ཉམས་པ་རྫོགས་པ་སྟེ།། ཟླ་བ་ཆད་དང་རྫོགས་པ་མིན།། དེ་བཞིན་ཡེ་ཤེས་ཤར་རིམ་པས།། ས་རྣམས་ཀྱིས་ནི་རྫོགས ་པར་འགྱུར། ། ཉོན་མོངས་ལ་སོགས་ཉམས་པ་རྫོགས།། ཡེ་ཤེས་ཚད་དང་རྫོགས་པ་མིན།། ཇི་ལྟར་རི་བོང་མཚན་མས་དབུས།། རྫོགས་པར་རི་བོང་ཅན་མི་གནས།། དེ་བཞིན་འགྱུར་མེད་བདེ་བར་སེམས།། འཁོར་བའི ་བག་ཆགས་མཚན་མ་ཡིས། ། སྐྱེད་དང་རབ་ཏུ་ཉམས་པའི་ཕྱོགས།། དཀར་པོ་ནག་པོ་རབ་ཏུ་གནས།། དེ་དག་དབུས་སུ་རྫོགས་པ་གང་།། དེ་ནི་རྫོགས་པར་མི་གནས་སོ།། སྐད་ཅིག་གཅིག་མངོན་རྫོགས་སངས་རྒྱས།། ་རྫོགས་པ་ལ་ནི་གཡོ་མི་འགྱུར།། གང་ཚེ་རྡོ་རྗེ་ནོར་བུར་སེམས། དེར་སྐད་ཅིག་ཐམས་ཅད་རྫོགས།། དཀར་པོའི་ཕྱོགས་ལ་འདི་མི་གནས།། ངེས་འགའ་དཀར་མིན་ལ་མི་འགྲོ།། ཕྱོགས་གཉིས་པོ་ཡི་དབུས་གནས་པ། ་རྫོགས་པ་ལ་གནས་གཉིས་སུ་མེད།། གཙུག་ཏོར་ལས་ནི་ཤར་པ་དེའི།། རྡོ་རྗེ་ནིང་དཔུང་རྫོགས་པར་འགྱུར།། དེ་ཆགས་བྲལ་ལས་ཆ་ཉམས་པ།། རྡོ་རྗེ་ལས་ཉམས་ལ་རབ་རྫོགས།། སླར་ཡང་གཙུག་ཏོར་དུ་ཤར་བ།། སླར་ཡང ་རྡོ་རྗེ་ནོང་བྱང་རྫོགས། ། དེ་ཆགས་བྲལ་བས་ཆ་ཉམས་པ།། ལུས་ཅན་ཡེ་ཤེས་ཉམས་པ་མིན།། འདི་ཡི་བདེ་བ་ཆེ་རང་བཞིན།། རྫོགས་པའི་སྒྲ་ཡིས་བརྗོད་པར་བྱ།། དངོས་པོ་བར་མ་གཞན་ཐམས་ཅད།། འབྱུང་དང་སྲུད ་པའི་རྒྱུ་ཡིན་ནོ། ། སྲིད་ལས་མྱ་ངན་འདས་པར་འགྲོ།། དེ་ལས་སླར་ཡང་སྲིད་པར་འོང་།། རང་ཕྱོགས་ངག་ལས་ཟླ་བཞིན་དང་།། བགྲོད་པ་དག་ལས་སྣང་བྱེད་བཞིན།། རྫོགས་པར་མི་གཡོ་བ་འདི་ནི།། ས་རྣམས་ཀྱིས་ནི ་ཡོངས་རྫོགས་ཉིད། ། ཉི་ཁྲི་བརྒྱད་གཉིས་བརྒྱ་ཡི་དབུགས།། འགྱུར་མེད་སྐད་ཅིག་ཟོས་རྣམས་ཀྱིས།། ཕྱོགས་གཉིས་ཡང་དག་གནོན་པ་ནི།། ས་རྣམས་ཀྱིས་ནི་ཡོངས་སུ་རྫོགས།། བདེན་དོན་རྣམ་པ་བཅུ་གཉིས་པ ་རྣམ་པ་བཅུ་དྲུག་འགྱུར་བ་མེད། ། རྣམ་པ་བཅུ་གཉིས་ས་རྣམས་ཀྱིས།། རྫོགས་པ་གཉིས་སུ་མེད་པ་མཆོག། ཆ་ཤས་རྣམས་ཀྱིས་རྫོགས་པའི་སེམས།། རྣམ་པ་བཅུ་དྲུག་མི་འགྱུར་བ།། དོན་གཅིག་གཉིས་སུ་མེད ་པ་ཆོས་དམ་པའི་དོན་ཏེ་འཇིག་པ་མེད། ། རྫོགས་པའི་གནས་སྐབས་སོན་པའི་སེམས།། ཀུན་ནས་རབ་ཏུ་རྫོགས་པའོ།། ཆགས་བྲལ་དང་པོ་ཆགས་པ་ཆེ།། རྡོ་རྗེ་ལུས་མཽང་མི་འགྱུར་རོ།། ཡོངས་སུ་རྫོགས་པ་ཕྱོགས ་གཉིས་ཀྱིས་བག་ཆགས་རྣམས་ཀྱིས་མི་འཁྲུད་པའོ། ། ཇི་ལྟར་ཆུ་བོའི་ཆུ་ཞུགས་པ།། དེ་ནི་རྒྱ་མཚོར་ཆུང་མཚུངས་པ།། དེ་བཞིན་དངོས་པོའི་ཚིགས་འདི་དེ།། འགྱུར་བ་མེད་པར་འགྱུར་མེད་མཚུངས།། ཇི་ལྟར་ཁམས་ཀྱི ་ཚོགས་པ་འདི། ། ཟོས་པ་ལས་ནི་རོ་ཉིད་འགྱུར།། ས་བོན་རང་བཞིན་ས་བོན་གྱིས།། འབྲས་བུའི་དུས་སུ་ང་རྒྱལ་སྤངས།། དེ་ལྟར་དངོས་པོའི་ཚོགས་པ་ཡང་།། མཆོག་ཏུ་མི་འགྱུར་ཟོས་པ་ཡིས།། ་མཆོག་ཏུ་མི་འགྱུར་བ་ཉིད་འགྱུར།། རྣམ་པ་ཐམས་ཅད་རང་བཞིན་འཛིན།། མཆེ་བའི་ཚོར་བ་སྡུག་བསྔལ་ནི།། དུག་རྫོགས་གནས་སྐབས་གྱུར་པ་ན།། རྨ་ལ་རིག་མིན་གཞན་དུ་མིན།། ཡུལ་དང་དབང་པོའི་སྒོ་རྣམས ་ཀྱིས། ། དེ་བཞིན་རྣལ་འབྱོར་དམ་པའི་བདེ།། སེམས་རྫོགས་ཆར་གྱུར་ན་རྡོ་རྗེ།། ནོར་བུར་རིག་མནི་གཞན་དུ་མིན།། ཡུལ་རྣམས་དབང་པོའི་སྒོ་རྣམས་ཀྱིས།། ཇི་ལྟར་རོ་ཆེན་ལྕགས་རྣམས་ཀྱིས།། ཕྱོགས་གཅིག ་ཡང་དག་གནས་པ་ནི། ། ལྕགས་ལ་དྲག་པོའི་མེས་གདུངས་ན།། ཀུན་ནས་ཀུན་དུ་འབིགས་པར་བྱེད།། དེ་བཞིན་ཉིད་དུ་འགྱུར་མེད་བདེ།། ཕྱོགས་གཅིག་ཡང་དག་གནས་པ་ཡང་།། སེམས་ལ་འདོད་པའི་མེས ་གདུངས་ནས། ། ཀུན་ནས་ཀུན་དུ་འབིགས་པར་བྱེད།། ཇི་ལྟར་ཕུག་པའི་ལྕགས་རྣམས་ནི།། འགའ་ཞིག་ཏུ་ཡང་དྲི་མ་མེད།། དེ་བཞིན་དུ་ནི་ཕུག་པའི་སེམས།། འགའ་ཞིག་ཏུ་ཡང་བག་ཆགས་མེད།། ལྕགས་ནི ་གསེར་ཉིད་དུ་གྱུར་པ། ། མེ་ཡིས་དྲི་མ་མེད་པར་འགྱུར།། དེ་བཞིན་ཡང་དང་ཡང་དུ་སེམས།། འདོད་ཆགས་མེ་ཡིས་དྲི་མ་མེད།། ཇི་ལྟར་ནོར་བུ་ཆེ་རེག་ལས།། རྡོ་ན་རབ་ཏུ་འབར་བར་འགྱུར།། དེ་བཞིན་འགྱུར་མེད། ་བདེ་རེག་ལས།། སེམས་ནི་བདེ་བ་ཉིད་དུ་འགྱུར།། འདི་ནི་མང་པོ་བརྗོད་པས་ཅི།། འཇིག་རྟེན་ཀུན་རྫོབ་བདེན་པ་ཡིས།། ལྕགས་རྣམས་རབ་ཏུ་འབིགས་བྱེད་པ།། རོ་ཡི་མཐུ་ནི་བརྟག་བྱ་མིན།། ཅི་ཞིག་སླར་ཡང་དོན ་དམ་པས། ། གློ་བུར་དྲི་མས་གཡོགས་པ་ཡིས།། སེམས་ནི་རབ་ཏུ་འབིགས་བྱེད་པ།། ཡེ་ཤེས་མཐུ་ནི་བརྟག་བྱ་མིན།། སེམས་ལ་གློ་བུར་དྲི་མ་མེད།། སེམས་ལས་ཡུན་རིང་དུས་ཅན་མིན།། སེམས་མེད་པར་ནི་སྐྱེ ་བ་མེད། སེམས་ལ་མི་ཟང་གནས་པ་མིན།། གལ་ཏེ་འདི་ཉིད་གློ་བུར་བ།། དེ་ཚེ་སྔོན་དུ་སེམས་དྲི་མེད།། གལ་ཏེ་སེམས་ལ་དུས་རིང་ཅན།། དེ་ཚེ་དེ་ནི་ཅི་ལས་སྐྱེ།། གལ་ཏེ་སེམས་མེད་པར་སྐྱེ་ན།། དེ་ཚེ་ནམ་མཁའི་མེ ་ཏོག་མཚུངས། ། གལ་ཏེ་སེམས་ལ་རྟག་ཏུ་གནས།། དེ་ཚེ་ཀུན་ཏུ་ཐར་པ་མིན།། ཇི་ལྟར་ཟངས་ཀྱི་དྲི་མ་ནི།། རོ་ཡི་སྦྱོར་བས་ཉམས་པར་འགྱུར།། དེ་ཡི་ཡོད་ཉིད་ཉམས་པ་མེད།། དྲི་མེད་ཉིད་ཀྱིས་ཡང་དག་གནས།། ། ་དེ་བཞིན་སེམས་ཀྱི་དྲི་མ་ནི།། སྟོང་ཉིད་སྦྱོར་བས་རྣམ་ཉམས་འགྱུར།། དེ་ཡི་ཡེ་ཤེས་ཉིད་ཉམས་མེད།། དྲི་མེད་ཉིད་ཀྱིས་ཡང་དག་གནས།། ཇི་ལྟར་བཅུད་ཀྱིས་ཕུག་པའི་ལྕགས།། ལྕགས་ཉིད་དུ་ནི་རྗེས་འགྲོ ་མིན། ། དེ་བཞིན་བདེ་བས་ཕུག་པའི་སེམས།། སྡུག་བསྔལ་ཉིད་དུ་རྗེས་འགྲོ་མ་ནི།། ཆགས་བྲལ་ལས་གཞན་སྡིག་པ་མེད།། བདེ་བ་ལས་གཞན་བསོད་ནམས་མེད།། དེ་ཕྱིར་འགྱུར་མེད་བདེ་བར་ལེགས།། ་མི་བདག་རྟག་ཏུ་གནས་པར་བྱ།། གཞོན་ནུ་མ་ཡི་དགའ་བ་ནི།། མེད་པེར་བདེ་བ་སྨྲ་མི་ནུས།། ལང་ཚོའི་དགའ་བ་ཐོབ་པ་ན།། བདེ་བ་ཆེན་པོ་རང་གིས་རིག། དེ་བཞིན་ཏིང་འཛིན་དང་བྲལ་བའི།། བདེ་བ་སྨྲ་བར་ནུས ་མ་ཡིན། ། འགྱུར་མེད་ཏིད་འཛིན་ཐོབ་པ་ན།། རྣལ་འབྱོར་པ་ཡིས་རང་རིག་འགྱུར།། འགྱུར་མེད་ལས་སྐྱེས་བདེ་རིག་པ།། ཐམས་ཅད་མཁྱེན་ལ་འང་ཐེ་ཚོམ་ཟ།། དེ་ལྟ་ན་ཡང་ཡིད་བདེ་མིན།། ཆགས་བྲལ་ཉིད་དུ་མི ་བྱའོ། ། འཕོས་པ་ལས་ནི་ཆགས་བྲལ་འགྱུར།། ཆགས་བྲལ་ལས་ནི་སྡུག་བསྔལ་འགྱུར།། སྡུག་བསྔལ་སྐྱེས་བུའི་ཁམས་ཟད་བྱེད།། ཟད་པ་ལས་ནི་འཆི་བར་བརྗོད།། ཤི་ལས་སླར་ཡང་དེ་རྣམས་ཀྱི།། སྲིད་པའོ། ་སྲིད་ལས་སླར་འཆི་འཕོ།། དེ་ལྟར་སེམས་ཅན་གྱི་སྲིད་པ།། ཆགས་བྲལ་ལས་འབྱུང་གཞན་དུ་མིན།། དེ་ཕྱིར་འབད་པ་ཐམས་ཅད་ཀྱིས།། འཕོ་བའི་ཆགས་པ་རྣམ་པར་སྤང་།། གང་གིས་འགྱུར་མེད་བདེ་བར་འགྱུར།། ་རྣལ་འབྱོར་འཁོར་བར་བཅིངས་པ་ཡིས།། འདོད་ལྡན་ཡང་ནི་ཆགས་བྲལ་བར།། འདོད་པའི་བསྟན་བཅོས་སུ་མི་འདོད།། བདག་གི་བརྗོད་པའི་ཆུང་ངུ་སླར།། རྣལ་འབྱོར་བཅིས་སྡུག་བསྔལ་འདོད།། ཁུ་བ་མི ་འགྱུར་རང་བཞིན་གྱིས། ། མཆོག་ཏུ་མི་འགྱུར་བསྒྲུབ་པར་བྱ།། རྟེན་ནི་འཕོ་བ་ཐོབ་པ་ན།། བརྟེན་པའི་འདོད་ཆགས་བྲལ་བ་ཉིད།། རྟེན་དང་བརྟེན་པ་ལེགས་རྫོགས་པ།། ཇི་སྲིད་འགྱུར་མེད་ཉིད་དུ་འགྲོ།། སེམས་ཀྱི་འགྱུར། ་མེད་ཉིད་ཐོབ་ན།། རྟེན་དང་བརྟེན་པའི་མཚན་ཉིད་མེད།། འགྱུར་མེད་ལས་བྱུང་སྐུ་ཡི་ནི།། མཛོད་སྤུའི་འཁོར་ལོར་སོན་པའི་ཡང་།། ཨཱ་ལི་ཀཱ་ལི་མཉམ་སྦྱོར་བ།། ཧཱུ~ཾ་ཡིག་མི་འདོད་མི་ཡི་བདག། སྟོང་པ་ལས་བྱུང་གཟུགས ་བརྙན་རྒྱུ། ། མི་འགྱུར་ལས་སྐྱེས་བདེ་བ་འབྲས།། རྒྱུ་ནི་འབྲས་བུས་རྒྱས་བཏབ་པ།། འབྲས་བུ་རྒྱ་ཡིས་རྒྱས་བཏབ་པའོ།། སྟོང་ཉིད་གཟུགས་བརྙན་འཛིན་པ་རྒྱུ།། སྙིང་རྗེ་འགྱུར་མེད་འཛིན་པ་འབྲས།། སྟོང་ཉིད་སྙིང ་རྗེ་དབྱེར་མེད་པ། ། བྱང་ཆུབ་སེམས་ནི་མི་འཕོ་བའོ།། མྱ་ངན་འདས་པ་བྲལ་བའི་གཟུགས།། འཁོར་བ་ལས་འདས་མི་འགྱུར་བ།། དེ་དག་སྦྱོར་བ་གཉིས་མེད་མཆོག། རྟག་དང་ཆད་ལས་ངེས་པར་གྲོལ།། དངོས་མེད་ལས ་བྱུང་མཚན་ཉིད་ཕྱིར། ། གཟུགས་ནི་དངོས་པོ་མེད་པ་མིན།། དངོས་པོ་ལས་བྱུང་མཚན་ཉིད་ཕྱིར།། འགྱུར་བ་མེད་པ་དངོས་པོ་མིན།། དངོས་པོ་དངོས་ཉིད་ཡང་དག་སྦྱོར།། རྡོ་རྗེའི་རྣལ་འབྱོར་གཉིས་མེད་མཚེ།། གཟུགས་དང་། ་གཟུགས་མིན་རྣམ་པར་གྲོལ།། པྲ་ཕབ་མེ་ལོང་ལ་བཞིན་ནོ།། གཟུགས་ནི་སྲིད་པར་མི་འོང་སྟེ།། འགྱུར་མེད་མྱ་ངན་འདས་མི་འགྲོ།། ཕན་ཚུན་འཁྱུད་བ་ཞི་བ་སྟེ།། མ་ནིང་གི་ནི་གོ་འཕང་མཆོག། ཤེས་རབ་རྒྱུ་ལས་མ ་བྱུང་ཞིང་། ། ཤེས་རབ་རྒྱུ་ལས་བྱུང་བ་འབྲས།། ཤེས་རབ་རྒྱུ་ལས་མ་སྐྱེས་ཕྱིར།། ཤེས་རབ་ལས་སྐྱེས་རྒྱུ་སྐྱེས་མིན།། དེ་ཕྱིར་ཡེ་ཤེས་རྒྱུ་སྐྱེས་མིན།། ཤེས་རབ་ཡེ་ཤེས་བླ་ན་མེད།། འབྲས་བུ་རྒྱུ་ཡིས་གཞན་དང་གཞན།། ་ཕན་ཚུན་དུ་ནི་རྒྱས་བཏབ་མེད།། རྒྱུ་དང་འབྲས་བུ་ཐམས་ཅད་གང་།། དེ་ནི་རྟེན་ཅིང་འབྲེལ་པར་འབྱུང་།། ཕན་ཚུན་རྒྱ་ཡིས་བཏབ་པའི་གཟུགས།། སྐྱེ་མིན་མྱ་ངན་འདས་པ་འང་མིན།། ཤེས་རབ་ཀུན་ནས་མྱ་ངན་འདས།། སྐྱེ་བ ་མཆོག་ཏུ་འགྱུར་བ་མེད། ། རྒྱུ་དང་འབྲས་བུ་རྣམ་དེས་གྲོལ།། ཕན་ཚུན་དུ་ནི་རྒྱས་བཏབ་མེད།། མ་སྐྱེས་པ་དང་མ་འགགས་པའི།། ཤེས་བྱ་གང་ཞིག་འདིར་མཐོང་བ།། དེ་ནི་རང་སེམས་གཞན་མ་ཡིན།། ཕྱི་ཡི་ཤེས་བྱ་རྣམ ་འབྱེད་ཕྱིར། ། དེ་ཕྱིར་བདག་གིས་བདག་ཉིད་ལ།། འགར་ཡང་རྒྱས་གདབ་ནུས་མ་ཡིན།། རལ་གྲི་ཆེན་པོ་བདག་ཉིད་ལ།། བདག་ཉིད་སོ་ཡིས་གཅོད་དམ་ཅི།། མོ་གཤམ་བུ་མོ་དང་འགྲོགས་པས།། རྨི་ལམ་དུ་ནི་བདེ་འགྱུར ་ལྟར། ནམ་མཁའ་ལས་བྱུང་གཟུགས་བརྙན་ནི།། བསྟེན་པས་བདག་ལ་དེ་བཞིན་ནོ།། ཤེས་རབ་མ་ཡིན་ཐབས་ཀྱང་མིན།། འདི་ནི་ལྷན་སྐྱེས་ཤེས་རབ་བཅས།། ཀུན་ནས་བདེ་བ་རྫོགས་པ་ལས།། སྒྲིབ་པ་ཐམས་ཅད་སྤངས ་བ་སྟེ། ། ནམ་མཁའ་བཞིན་དུ་གོས་པ་མེད།། ཡུལ་དང་དབང་པོ་སྤངས་པ་ནི།། ཀུན་ནས་འབྱུང་པོ་ཀུན་ལ་གནས།། གཅད་དུ་མེད་པ་དབྱེ་བ་སྤངས།། རང་བྱུང་རྡོ་རྗེ་སེམས་དཔའ་ནི།། དོན་ཆེན་མཆོག་ཏུ་མི་འགྱུར་བ།། འདོད ་ཆགས་ཆེན་པོ་སེམས་དཔའ་ཆེ། ། སེམས་ཅན་ཐམས་ཅད་དགའ་བར་བྱེད།། བྱང་ཆུབ་སེམས་དཔའ་ཞེ་སྡང་ཆེ།། ཉོན་མོངས་ཟད་པ་དགྲ་ཆེན་པོ།། དམ་ཚིག་སེམས་དཔའ་གཏི་མུག་ཆེ།། གཏི་མུག་བློ་སྟེ་གཏི་མུག་སེལ།། རྡོ་རྗེའི ་རྣལ་འབྱོར་ཁྲོ་བ་ཆེ། ། ལྷ་མིན་ཁྲོ་བོ་དགྲ་ཆེན་པོ།། དུས་ཀྱི་འཁོར་ལོ་ཆགས་པ་ཆེ།། འཕོ་བའི་ཆགས་པ་སེལ་བར་བྱེད།། རྡོ་རྗེ་མི་ཕྱེད་ཅེས་པར་བརྗོད།། འདིར་ནི་དོན་ཆེན་བཅོམ་ལྡན་འདས།། སེམས་དཔའ་སྲིད་གསུམ ་གཅིག་པ་ཉིད། ། མཆོག་ཏུ་མི་འགྱུར་བརྗོད་པར་བྱ།། མཆོག་ཏུ་མི་འགྱུར་བདེ་བ་རྫོགས།། ས་རྣམས་ཡོངས་སུ་རྫོགས་པ་ཡིས།། འདོད་ཆགས་ཆེན་པོ་སེམས་དཔའ་ཆེ།། སེམས་ཅན་ཐམས་ཅད་དགའ་བར་བྱེད།། བྱང ་ཆུབ་ལ་གནས་སེམས་དཔའ་ནི། ། མི་གཡོ་དེ་ཕྱིར་བྱང་ཆུབ་སེམས།། ཉོན་མོངས་ལ་སོགས་ཞེ་སྡང་ཚོགས།། ཞེ་སྡང་ཆེན་པོ་དགྲ་ཆེ་བ།། དམ་ཚིག་ཟླ་བ་བདུད་རྩི་ཡི།། ཁུ་བ་འཕོ་མེད་དེ་ཟ་བ།། དམ་ཚིག་སེམས ་དཔའོ་རིགས་པ་འདིས། ། གཏི་མུག་བློ་སྟེ་གཏི་མུག་སེལ།། རྡོ་རྗེ་ཐམས་ཅད་གཅིག་པ་ཉིད།། ཤེས་རབ་སྐུ་དང་མི་འགྱུར་བཅས།། ཁྲོ་བོ་ཆེན་པོ་དགྲ་ཆེན་པོ།། ཁྲོ་བོའི་གཟུགས་ཅན་བདུད་རྣམས་ཀྱི།། འགྱུར་མེད་བདེ་བ་ཆེ ་ཐབས་ལས། ། ནམ་ཡང་སེམས་ཅན་དོན་མི་འདོར།། སེམས་ཅན་གྲོལ་ནས་ཆགས་ཆེན་པོ།། འགྱུར་བའི་ཆགས་པ་སེལ་བར་བྱེད།། འདི་རྣམས་རྣམ་པ་དྲུག་ཏུ་བརྗོད།། མི་འགྱུར་ཡེ་ཤེས་ཚོར་བ་དང་།། རྣམ་ཤེས་གཟུགས ་དད་འདུ་བྱེད་དང་། ། འདུ་ཤེས་དེ་རྣམས་ཕུང་པོའི་རིགས།། ཡེ་ཤེས་མེ་དང་ནམ་མཁའ་ས།། རླུང་ཆུ་རྣམས་ཀྱི་རིམ་པ་བཞིན།། ཡིད་མིག་རྣ་བ་ལུས་དང་སྣ།། ལྕེ་རྣམས་ཀྱི་ཡང་དེ་བཞིན་ཉིད།། སྒྲ་རེ་ཆོས་ཀྱི་དབྱིངས་དང་དྲི།། ། ་རེག་བྱ་ཁ་དོག་རྣམས་ཀྱི་ཡང་།། ཁྲོ་བོའི་རྒྱལ་པོ་གདོང་དྲུག་འཇིགས།། རིགས་དྲུག་རྣམས་ཀྱི་ཡོངས་དག་པ།། ལུས་དང་གསང་བ་དབང་པོ་སེམས།། རྟག་ཏུ་དཀྱིལ་འཁོར་རྣམ་པ་གསུམ།། ཤེས་རབ་ཐབས་ཀྱི་རྡོ་རྗེ ་གསུམ། ། རྡོ་རྗེ་སེམས་དཔའ་ཉིད་དུ་འགྱུར།། འདི་ནི་དབང་གི་སྒྲུབ་ཐབས་ཏེ།། མཆོག་ཏུ་མི་འགྱུར་སྒྲུབ་པའི་ཐབས།། རྩ་དང་རིགས་དང་ཡང་དག་ལྡན།། ཟླ་བ་མདོར་བསྟན་པ་ཡིས་བཤད།། ཅེས་པ་འཇིག་རྟེན ་ཁམས་ཀྱི་ལེའུར་ལེའུ་ལྔ་པ་མཆོག་ཏུ་མི་འགྱུར་བའི་དབང་གི་སྒྲུབ་ཐབས་མདོར་བསྟན་པ་རྫོགས་སྷོ། ། འདི་ནི་ཁ་ཆེའི་པཎ་ཌི་ཏ་སོ་མ་ནཱ་ཐ་དད་། བོད་ཀྱི་ལོ་ཙྪ་བ་འབྲོ་དགེ་སློང་ཤེས་རབ་གྲགས་པས་བསྒྱུར་ཞིང་ཞུས་ཏེ། ་གཏན་ལ་ཕབ་པ་ལས།། སླར་ཡང་རིན་ཆེན་རྒྱལ་མཚན་གྱིས་དཔལ་ནཱ་རོ་པའི་འགྲེལ་བཤད་དང་མཐུན་པར་བསྒྱུར་ཅིང་ཞུས་ཏེ་དག་པར་བྱས་པའོ།། ་