བོད་ཡིག

e-texts produced with BDRC’s OCR application

rgya gar skad du/ se kod de sha/ bong skad du// dbang mdor bsan/ dpal rdo rje sems dpa' la phyag 'tshal lo// zla ba bzang pos gsol pa/ ston pa dbang bskur rnam bdun dang / rnam gsum de bzhin bla na med/ / 'jig rten 'das pa'i dngos grub phyir// mdor bsdus pa yis bdag la gsungs// bcom ldan 'das kyis bka' stsal pa// nyon cig zla bas yang bsrung nga// rnam pa bdun dang rnam gsum mchog/ rtsa yi kun spyod rtsol ba ni// mdor bstan pa yis khyod la bshad// chung ngu mdor bstan rnam gsum dang // rgyas par bshad pa rnam gsum 'gyur// rab tu mdor bstan mdor bstan che rab tu rgyas par bshad pa gzhan/ / mdor bstan rgyas par bshad pa nyid// rgyud yang dag par bsdus pa brjod// rab tu mdor bstan rgyas bshad pa// bka' 'grel tshig ni 'byed pa'o// mdor bstan chen po rgyas bar bshad pa nyid/ / 'grel bshad thams cad don sngon byed// de ni mngon shos thob rnams kyis// bya yi mkhas rnams kyis min nyid// de ltar mtha' drug rnams kyis dag/ rdo rje'i rnal 'byor rnam bzhi dang / rdzogs pa'i byang chub bzhi rnams dang // phung khams skye mched rigs drug rnams// dag pa 'jig rten khams la sogs// le'u lnga yi gzhung rnams kyis// bden gnyis dang po'i sangs rgyas 'gyur// dus kyi 'khor lo mngon rjod byed/ / dang por dbang bskur bdun po gang // byis pa rnams ni gzhug pa'i phyir// rnam gsum 'jig rten kun bgyis/ dam pa'i don gyis bzhi pa'o// bden pa gnyis kyi chos rnams kyi/ rdo rje can bdag gis bstan pa// 'jig rten kun rdzob bden pa dang // dam pa'i don gyi bden pas so// chu dang cod pan dang dbyangs dag/ rdo rje dril bu brtul zhugs che// ming dang rjes gnang yang dag ldan // dbang bskur rnam bdun mi yi bdag/ lus ngag sems ni legs dag pa// mngon par dbang bskur gnyis gnyis so// rjes gnang ye shes yang dag dag/ gzhan pa khams sogs dag pa las// chu ni khams kyi dag pa ste/ / cod pan phung po rnam skyong byed// dar dbyangs pha rol phyin pa dag/ rdo rje dril bu mi 'gyur che// sangs rgyas skar rgyun mi 'chad pa// nyi zla gcig tu dag par byed// yul dang dbang po legs dag pa/ 'pho med rdo rje'i brtul zhugs 'gyur// ming ni byams sogs yang dag dag/ rjes gnang sangs rgyas nyid dag byed// dbang bskur bdun po 'di rnams yin// dkyil 'khor bzhengs nas sbyin par bya// bum pa gsang ba'i dbang bskur dang // shes rab ye shes mngon rjod pa// slar yang shes rab chen po nyid// de yi ye shes mngon rjod byed// 'gyur dang 'gyur dang de nas 'dzag/ de nas gzhan yang mi 'jog pa'o/ / lus ngag sems ni logs dag pas// dbang bskur gsum po rim pa yis// bzhi pa ye shes yang dag dag/ lus ngag sems ni dag par byed// byis pa dang ma de nas rgan// bzhi pa skye dgu'i bdag po'o/ / shes rab nu mar yan lag ni// reg pas byang chub sems 'pho'i bde// 'o ma 'dzin pas dbang bskur ba// gang las bde thob de byis pa'o// yun ring gsang bar spros las skyes// byang chub sems ni 'pho ba'i bde/ / gsang ba'i dbang bskur gsum pa ni// gang las bde thob de dar ma// yun ring gsang bar spros las skyes// rdo rje'i rtse mor g.yo ba'i bde// shes rab ye shes dbang bskur ba// gang las g.yo ba'i bgrod de rgan/ / phyag rgya chen po rjes chags las// skyes pa g.yo med bde ba ni// shes rab chen po'i dbang bskur ba// gang las g.yo med rtogs pa de// skye dgu'i bdag por rnam shes bya// skyob pa thams cad skyed mdzad pa// rdo rje sems dpa' sems dpa' che// byang sems gnyis med mi 'gyur ba// 'di ni dam tshig sems dpar 'gyur// rdo rje'i rnal 'byor rnam pa bzhi// dus kyi 'khor lo 'dir bshad pa/ / rnal 'byor pa yi thar ster byed// 'di nyid kyi ni sgrub pa bya// rab gsal bsam gyis mi khyab pa'i// du sogs mtshan ma de rnams kyi// shes rab gzugs brnyan nam mkha' mnyam/ / yod dang med las rnam par 'das// rang gi sems kyi rkyen gyi don// rdul phran las skyes tshogs pa rnams// kun nas yongs su dor ba yis// du ba smig rgyu mkha' snang dang // sgron ma 'bar ba zla nyi ma/ / mun can cha dang thig le che// sna tshogs gzugs brnyan 'od gsal ba// bkab dang ma bkab mig dag gis// stong par 'di ni rjes brtags min// rmi lam bzhin du gzugs mthong 'gyur// rtag tu gzugs de bsgom par bya// dngos med gzugs la skom pa de// rnal 'byor pa yi bsgom ma yin// dngos po dngos med sems kyi min// stong par ma brtags mthong phyir ro// ji ltar bra phab/ me long la// gzhon nu mas mthong dngos med skyes// de bzhin 'das dang ma 'ongs chos// mkha' la de nyid rnal 'byor pas// 'di las dngos po dngos med 'gyur// dngos po stong pa'i don mthong phyir// dngos po dngos med don yod pa// sgyu ma rmi lam mig 'phrul bzhin// med pa'i chos can dag la chos// skye ba 'di ni rab tu 'byung // yid bzhin nor ltar mtha' yas pa'i// sems can bsam pa yongs rdzogs byed/ / pra phab pa yi gzhon nu mas// ma mthong ba yi rkun po mthong // nyi tshe ba yi mig dag gi/ song nas sgrub pa po yis mthong // gal te yod pa'i gzugs mthong na// rang gi gdong pa cis mi mthong / / gal te med pa'i gzugs mthong na// ri bong rA ni ji ltar min// gzhan gyi mig gis mi mthong zhing // rang gi mig gis mthong min pa// skye ba med pa mthong ba ni// gzhon nu ma yi bu ji bzhin// gzugs brnyan mthong na de nas ni/ / bar ma chad par srog rtsol bya// steng 'og rtswa gsum po rnams la// lus ngag sems ni 'gog pa las// zla nyi sgra gcan bshang gci dang // khu ba 'bab pa'i lam rnams su// chu me stong pas rlung dang / / ye shes khams rnams skyed rnams la// gang zhig zla nyi mun can dang // bshang gci khu ba 'bab ma rnams// srog dang thur sel rim pa yis// lus ngag sems kyi rtsa rnams so// zla ba thabs kyi sku yin te/ / nyin mor byed pa shes rab gsung // shes rab sku ni bshang ba'i rtsa// gci ba 'bab ma gtso bo'i gsung // steng 'og thugs kyi rtsa gnyis dag/ mun can khu ba 'bab ma'o// thabs kyi thugs ni mun pa can/ / khu ba 'bab ma shes rab kyi// steng 'og rigs drug 'di rnams ni// sku gsung thugs kyi rnal 'byor las// shes rab thabs dngos yan lag gis// lus can kun la yang dag gnas// mchi lhas lus ngag rtsa dag la/ / steng 'og lhag pa'i rlung rnams kyis// mun can khu ba 'bab ma la// skye ba dang ni 'chi ba gnas// skye dang 'chi dang 'khrig pa yi// dus su khu ba 'bab pa'o// mun can ma yang steng du 'bab/ / nyi ma'i 'pho ba mnyam pa la// dus sbyor 'char ba'i mngon mtshams su// dbu ma nas ni mnyam pa 'bab// rkang pa dang bcas lnga bcu drug/ 'byung dang 'jug pa'o mi yi bdag/ bdun bcu rtsa lngas lhag pa yi/ / drug brgya nyin dang mtshan la'o// drug brgya rnams kyis lhag pa yi stong phrag nyi shu rtsa gcig po'i// 'di yis dman pa gang de rnams// g.yon dang bcas pa'i rtsar 'bab po// phyogs gsum dang bcas lo gsum rnams/ / lo brgya rnams las dbu ma'o// steng du g.yon g.yas zla nyi ma// brkyang ma lug dang ser skya gzhan// chu dang me yi rang bzhin can// pad ma rin chen 'dzin pa 'dod// 'og tu bshang gci 'bab pa dag/ sa dang rlung gi rang bzhin can// dbu ma'i rtsa dang g.yon pa yang // 'khor lo ral gri 'dzin par 'dod// steng dang 'og tu dbu ma g.yas// sgra gcan khu ba rab 'bab pa// stong pa ye shes rang bzhin can/ / rdo rje rdo rje 'dzin par 'dod// zla ba'i lam gyis bshang ba'i rtsa// nyi mas gci ba 'bab pa ste// skye 'chi mnyam pa chags pa la// sgra gcan khu ba rab tu 'bab// lte ba'i steng du kun 'dar ma// gang de yid bzang mun pa 'bab/ / 'og tu khu ba 'bab gang de// mkha' 'gro gdong dang dud can ma// lte ba'i chu skyes snying mgrin dang // dpral ba gtsug tor 'dam skyes la// sa chu me rlung stong pa rnams// rab tu 'bab pa sdud pa yis// 'byung 'gyur de ni 'jug pa dag/ skyed pas 'jug ste sa la'o// lte ba nas ni lte ba'i dbus// a ba d+hU tIr 'gro dang 'od// lte gsad nor bu'i chu skyes la// lus ngag sems rnams 'bab pa ni// 'byung dang de ni 'jug pa dag/ sdud dang skyed pa'i rang bzhin can// dung can skye bo thams cad kyi// thur sel rlung ni 'bab pa'o// 'di rnams bud med bde ba las// khu ba khrag 'bab dus dag tu// shes rab thabs dngos yan lag gis// steng du g.yas dang g.yon ngag dang / / 'og tu bshang gci 'bab pa dang // rdul dang khu ba 'bab pa dag/ rdul 'bab phyir te gtum mo ste// khu ba 'bab byir mkha' 'gro gdong // steng du brjod dus bud med kyi// g.yung mo skyes bu'i kun 'dar ma/ / rnam shes la sogs dkyil 'khor lnga// rtag tu g.yon pa'i rtsa la'o// sa sogs g.yas pa'i rtsa la ste// dbus su drug pa 'bab pa'o// lte ba'i pad ma'i 'dab ma la// dkyil 'khor drug bcu rnams rim bzhin/ / g.yon dang g.yas pa'i dus sbyor ni// lus sogs glang la sogs pa la// rtsa ba g.yon dang de nas g.yas// steng dang dbus su rim pas rlung // sa sogs dkyil 'khor re re zhing / dbyug gus sdug dgapa'o/ ma pas nu chod 'bab pa ni// drug bcu dang bcas sum brgya'i dbugs// bcu phyug bcwo brgyang dbugs de rnams// chu cod ltar ni 'bab pa'o// chu cod drug bcu nyid mtshan du// lus la dkyil 'khor rnams zhes pa'o/ / 'dab ma'i dbus dang de nas shar// g.yas g.yon gzhan du rim pa yis// g.yon der rtag tu nam mkha' sogs// g.yas par sa sogs gzhan las so// g.yon par rnam shes sogs 'byung ba/ / g.yas par sa sogs sdud pa'o// nub dang shar du 'dzin ma rlung // phan tshun shes rab thabs yin te// mthe bong ming med dag gis ni// gang phyir kha la dbang bsgyur ba/ g.yas dang g.yon du me dang chu// phan tshun shes rab thabs yin te// gung mo 'dzub mo gnyis dag gis// gang phyir ral grir 'gyur ba'o// zla phyed rnam pa'i phyag rgya ni// mche ba gri gug mthe chung ste// stong pa mi 'gyur steng 'og tu/ / phan tshun thabs dang shes rab po// dkyil 'khor bcu po yang dag sbyor// sor mo rnams ni phan tshun du// mgo bor lag 'thil sbyar ba la// gri gug dang bcas rtse gcig go// dbu ma'i rtsal mnyam pa ste/ / skyeng dang sdud pa'i byed pa po// phung po khams dang rdo rje gsum// gcig nyid dbu mar son pa na'o// zla ba nyi ma'i rtsa 'gags nas/ bshang ba gtso ba'i rtsa 'gag go// sgra gcan rtsa ni 'gags pa na// 'og tu khru ba 'bab 'gag 'gyur/ / skyed dang sdud pa'i byed pa can// 'di rnams grol na grol bar 'gyur// srog dang thur sel lam gsum gyis// 'di ni rtsa yi kun spyod do// / g.yon pa 'am ni g.yas pa la// mtshan mo gcig dang de bzhin lngar/ / lhag pa'i rlung ni rab 'bab pa// de las lo gsum na 'chi'o// g.yas pa nyi ma'i 'chi ltas la// lnga dang phyogs tshes nyi shu dang // de nyid gcig lhag gzhan rim pas/ / nyin zhag/ sum bcu gsum rgyun// gsum gnyis gcig lo zla ba ni// drug gsum zung zla nyin zhag tshes// phyogs lnga yon tan gnyis gcig gis// lus can rnams kyi tshe 'gro'o// rtsa ba nas gcig lhag pa yis/ / g.yon par zla ba'i rgyu bar 'gyur// nyan zla nyin zhag zla ba dag/ nyin zhag gsum rnams zla ba gsum// nyin la 'chi ltas zla bar dag/ 'phel 'grib de nas 'di dag la// dbu ma'i 'chi ba'i rgyu ba ni/ lo brgya yongs su rdzogs pa yis// mnyam dang mi mnyam nyin zhag rnams// skye bar skyes pa'i dkyil 'khor gyis// de rgyu g.yas dang g.yon la yang // phyogs gnyis rnam par mnyam pa las// gzhan du 'chi bar mi 'gyur te/ / phyogs gnyis yang dag gnas pa na// g.yas dang g.yon pa'i kun spyod dang // dkyil 'khor lnga rnams 'bab pa'i phyir// 'chi ltas mtshan nyid shes nas ni// srog ni thig ler gzhug par bya// a bad+hU tI'i zhabs brten nas/ / mchog tu mi 'gyur bsgom par bya// rtag tu rdo rje bslang bar bya// zla nyi'i bgrod pa 'joms pa las// gzhan du kun 'dar yan lag la// srog gi rlung ni 'jug pa med// 'og tu'ang dung can mthur sel/ / de ma zhugs las 'chi ba'o// 'chi ltas slu ba rnal 'byor pa'i// 'di ni dga' ba rnams kyis 'gyur// mgo bo'i pad ma gtsug/ tor las// khu ba 'ongs pa dga' ba ste// 'grin pa snying khar mchog dag 'o/ / dga' bral dga' ba de nas 'gyur// sna tshogs dga' ba lte ba dang // gsang ba'i pad mar gang 'ongs pa'o// gsang gnas rdo rje nor bu'i bar// lhan pacig skyes dga' mi 'phob// rab gnas mya ngan 'das pa min/ chags chen mi 'gyur khyab bdag go/ 'dod chags bral las 'pho med bde// de ni mya ngan 'das rab gnas// khu ba zla 'char gtsug tor du// rdzogs pa gsang ba'i mtsho skyes la// bcu drug cha gang de nor bu'i pad mar rdo rje'i rtse mor gnas/ / de steng 'pho ba'i dus su 'gyur// nag po'i tshes gcig 'ongs pa na// 'dod chags bral bas gnam stong la// nyi ma mdzod spu'i gnas su 'gro// de'i cha shas bcu drug ma gtsug tor pad mar son pa'o/ / zla ba nyams pa zhes brjod de// chags pa'i bde la chags bral phyir// lus can thams cad 'chi ba na// zla ba bdud rtsi 'og tu 'gro// steng du nyi ma rdul sgra gcan// rnam shes dngos po'i mtshan nyid la/ / de phyir zla ba bdud rtsi ni// steng du bgrod bya mi yi bdag/ 'og tu nyi ma rdul sgra gcan// rnam shes 'gyur med bde ba la// sangs rgyas kun gyi mdzod spu yi// pad mar zla ba bdud rtsi nya// nyi rdul gnam stong gsang bar te// gtsug tor nor bur de dag go/ zhes pa ston pa'i rdo rje'i tshig/ lus can kun gyi phyin ci log/ rab gnas mya ngan 'das pa min// khams rnams phyin ci log tu 'gyur// nor bur thugs dang gsang bar gsung / / lte bar sku ste bde chen las// chos dang longs spyod rdzogs sprul pa// 'di rnams dag pa'i sku las spro// thabs kyi 'og tu rgyal po'i dbang // shes rab kyi ni steng du 'gyur// 'di yi dpral bar sku rdo rje// mgrin snying lte ba'i 'dam skyes la// gsung thugs ye shes rdo rje rnams// sprul pa la sogs 'di rnams spro// phung po khams rnams spro ba ni// sgrib pa med pa'i bde ba las// las kyi phyag rgya'i snyoms 'jug dang / / ye shes phyag rgya'i dmigs pa dang // phyag rgya chen po gcig sbyor bas// mi 'gyur ba de 'phel bar 'gyur// 'phel ba'i 'phel bar 'gyur ba med// nyams pa'i nyams pa nyid kyang med la nub pa de yi nub pa med/ / 'char ba yi ni 'char ba med// rab tu gsal ba'i rab gsal med// bkab pa'i bkab pa yang med do// skye ba'i skye bar 'gyur nyid med// 'chi ba'i 'chi ba yang med do/ grol ba'i grol bar 'gyur ba'ang med// mi gnas pa yi mi gnas med// dngos po med pa'i dngos med med// dngos po'i dngos po nyid kyang med// 'gyur ba'i 'gyur bar 'gyur ba'ang med// mi 'gyur ba'i yang mi 'gyur med/ rang bzhin med pa'i chos rnams kyi// skye 'jig sgyu ma de bzhin no// 'byung rnams 'jig par 'gyur min te// rang bzhin nyid kyis skye mi 'gyur// sna tshogs 'di ni rang bzhin med// dngos po dngos med mtshan nyid gcigs rang gi shes rab la 'khyud sems/ / rdo rje nor bu'i pad mar son// der son zla ba g.yo ba dang // mi g.yo ba dang mi 'gyur bsgom// lus ngag sems kyi rtsa rnams su// sku gsung thugs rnams bsgom pa ste/ rdo rje gsum rnams legs bsdus pa// ye shes dung can mar bsgom pa'o// shes rab chags pas zhu ba yi// thig le rim pas mgo bo las// rdzogs pa'i gnas su zhugs rnams kyang // 'ching ba dam pa'i don gyis so/ / ji ltar zla shar rim pa yis// cha rnams kyis ni rdzogs par 'gyur// grib ma nyams pa rdzogs pa ste// zla ba chad dang rdzogs pa min// de bzhin ye shes shar rim pas// sa rnams kyis ni rdzogs par 'gyur/ / nyon mongs la sogs nyams pa rdzogs// ye shes tshad dang rdzogs pa min// ji ltar ri bong mtshan mas dbus// rdzogs par ri bong can mi gnas// de bzhin 'gyur med bde bar sems// 'khor ba'i bag chags mtshan ma yis/ / skyed dang rab tu nyams pa'i phyogs// dkar po nag po rab tu gnas// de dag dbus su rdzogs pa gang // de ni rdzogs par mi gnas so// skad cig gcig mngon rdzogs sangs rgyas// rdzogs pa la ni g.yo mi 'gyur// gang tshe rdo rje nor bur sems/ der skad cig thams cad rdzogs// dkar po'i phyogs la 'di mi gnas// nges 'ga' dkar min la mi 'gro// phyogs gnyis po yi dbus gnas pa/ rdzogs pa la gnas gnyis su med// gtsug tor las ni shar pa de'i// rdo rje ning dpung rdzogs par 'gyur// de chags bral las cha nyams pa// rdo rje las nyams la rab rdzogs// slar yang gtsug tor du shar ba// slar yang rdo rje nong byang rdzogs/ / de chags bral bas cha nyams pa// lus can ye shes nyams pa min// 'di yi bde ba che rang bzhin// rdzogs pa'i sgra yis brjod par bya// dngos po bar ma gzhan thams cad// 'byung dang srud pa'i rgyu yin no/ / srid las mya ngan 'das par 'gro// de las slar yang srid par 'ong // rang phyogs ngag las zla bzhin dang // bgrod pa dag las snang byed bzhin// rdzogs par mi g.yo ba 'di ni// sa rnams kyis ni yongs rdzogs nyid/ / nyi khri brgyad gnyis brgya yi dbugs// 'gyur med skad cig zos rnams kyis// phyogs gnyis yang dag gnon pa ni// sa rnams kyis ni yongs su rdzogs// bden don rnam pa bcu gnyis pa rnam pa bcu drug 'gyur ba med/ / rnam pa bcu gnyis sa rnams kyis// rdzogs pa gnyis su med pa mchog/ cha shas rnams kyis rdzogs pa'i sems// rnam pa bcu drug mi 'gyur ba// don gcig gnyis su med pa chos dam pa'i don te 'jig pa med/ / rdzogs pa'i gnas skabs son pa'i sems// kun nas rab tu rdzogs pa'o// chags bral dang po chags pa che// rdo rje lus maung mi 'gyur ro// yongs su rdzogs pa phyogs gnyis kyis bag chags rnams kyis mi 'khrud pa'o/ / ji ltar chu bo'i chu zhugs pa// de ni rgya mtshor chung mtshungs pa// de bzhin dngos po'i tshigs 'di de// 'gyur ba med par 'gyur med mtshungs// ji ltar khams kyi tshogs pa 'di/ / zos pa las ni ro nyid 'gyur// sa bon rang bzhin sa bon gyis// 'bras bu'i dus su nga rgyal spangs// de ltar dngos po'i tshogs pa yang // mchog tu mi 'gyur zos pa yis// mchog tu mi 'gyur ba nyid 'gyur// rnam pa thams cad rang bzhin 'dzin// mche ba'i tshor ba sdug bsngal ni// dug rdzogs gnas skabs gyur pa na// rma la rig min gzhan du min// yul dang dbang po'i sgo rnams kyis/ / de bzhin rnal 'byor dam pa'i bde// sems rdzogs char gyur na rdo rje// nor bur rig mni gzhan du min// yul rnams dbang po'i sgo rnams kyis// ji ltar ro chen lcags rnams kyis// phyogs gcig yang dag gnas pa ni/ / lcags la drag po'i mes gdungs na// kun nas kun du 'bigs par byed// de bzhin nyid du 'gyur med bde// phyogs gcig yang dag gnas pa yang // sems la 'dod pa'i mes gdungs nas/ / kun nas kun du 'bigs par byed// ji ltar phug pa'i lcags rnams ni// 'ga' zhig tu yang dri ma med// de bzhin du ni phug pa'i sems// 'ga' zhig tu yang bag chags med// lcags ni gser nyid du gyur pa/ / me yis dri ma med par 'gyur// de bzhin yang dang yang du sems// 'dod chags me yis dri ma med// ji ltar nor bu che reg las// rdo na rab tu 'bar bar 'gyur// de bzhin 'gyur med/ bde reg las// sems ni bde ba nyid du 'gyur// 'di ni mang po brjod pas ci// 'jig rten kun rdzob bden pa yis// lcags rnams rab tu 'bigs byed pa// ro yi mthu ni brtag bya min// ci zhig slar yang don dam pas/ / glo bur dri mas g.yogs pa yis// sems ni rab tu 'bigs byed pa// ye shes mthu ni brtag bya min// sems la glo bur dri ma med// sems las yun ring dus can min// sems med par ni skye ba med/ sems la mi zang gnas pa min// gal te 'di nyid glo bur ba// de tshe sngon du sems dri med// gal te sems la dus ring can// de tshe de ni ci las skye// gal te sems med par skye na// de tshe nam mkha'i me tog mtshungs/ / gal te sems la rtag tu gnas// de tshe kun tu thar pa min// ji ltar zangs kyi dri ma ni// ro yi sbyor bas nyams par 'gyur// de yi yod nyid nyams pa med// dri med nyid kyis yang dag gnas// / de bzhin sems kyi dri ma ni// stong nyid sbyor bas rnam nyams 'gyur// de yi ye shes nyid nyams med// dri med nyid kyis yang dag gnas// ji ltar bcud kyis phug pa'i lcags// lcags nyid du ni rjes 'gro min/ / de bzhin bde bas phug pa'i sems// sdug bsngal nyid du rjes 'gro ma ni// chags bral las gzhan sdig pa med// bde ba las gzhan bsod nams med// de phyir 'gyur med bde bar legs// mi bdag rtag tu gnas par bya// gzhon nu ma yi dga' ba ni// med per bde ba smra mi nus// lang tsho'i dga' ba thob pa na// bde ba chen po rang gis rig/ de bzhin ting 'dzin dang bral ba'i// bde ba smra bar nus ma yin/ / 'gyur med tid 'dzin thob pa na// rnal 'byor pa yis rang rig 'gyur// 'gyur med las skyes bde rig pa// thams cad mkhyen la 'ang the tshom za// de lta na yang yid bde min// chags bral nyid du mi bya'o/ / 'phos pa las ni chags bral 'gyur// chags bral las ni sdug bsngal 'gyur// sdug bsngal skyes bu'i khams zad byed// zad pa las ni 'chi bar brjod// shi las slar yang de rnams kyi// srid pa'o/ srid las slar 'chi 'pho// de ltar sems can gyi srid pa// chags bral las 'byung gzhan du min// de phyir 'bad pa thams cad kyis// 'pho ba'i chags pa rnam par spang // gang gis 'gyur med bde bar 'gyur// rnal 'byor 'khor bar bcings pa yis// 'dod ldan yang ni chags bral bar// 'dod pa'i bstan bcos su mi 'dod// bdag gi brjod pa'i chung ngu slar// rnal 'byor bcis sdug bsngal 'dod// khu ba mi 'gyur rang bzhin gyis/ / mchog tu mi 'gyur bsgrub par bya// rten ni 'pho ba thob pa na// brten pa'i 'dod chags bral ba nyid// rten dang brten pa legs rdzogs pa// ji srid 'gyur med nyid du 'gro// sems kyi 'gyur/ med nyid thob na// rten dang brten pa'i mtshan nyid med// 'gyur med las byung sku yi ni// mdzod spu'i 'khor lor son pa'i yang // A li kA li mnyam sbyor ba// hU~M yig mi 'dod mi yi bdag/ stong pa las byung gzugs brnyan rgyu/ / mi 'gyur las skyes bde ba 'bras// rgyu ni 'bras bus rgyas btab pa// 'bras bu rgya yis rgyas btab pa'o// stong nyid gzugs brnyan 'dzin pa rgyu// snying rje 'gyur med 'dzin pa 'bras// stong nyid snying rje dbyer med pa/ / byang chub sems ni mi 'pho ba'o// mya ngan 'das pa bral ba'i gzugs// 'khor ba las 'das mi 'gyur ba// de dag sbyor ba gnyis med mchog/ rtag dang chad las nges par grol// dngos med las byung mtshan nyid phyir/ / gzugs ni dngos po med pa min// dngos po las byung mtshan nyid phyir// 'gyur ba med pa dngos po min// dngos po dngos nyid yang dag sbyor// rdo rje'i rnal 'byor gnyis med mtshe// gzugs dang / gzugs min rnam par grol// pra phab me long la bzhin no// gzugs ni srid par mi 'ong ste// 'gyur med mya ngan 'das mi 'gro// phan tshun 'khyud ba zhi ba ste// ma ning gi ni go 'phang mchog/ shes rab rgyu las ma byung zhing / / shes rab rgyu las byung ba 'bras// shes rab rgyu las ma skyes phyir// shes rab las skyes rgyu skyes min// de phyir ye shes rgyu skyes min// shes rab ye shes bla na med// 'bras bu rgyu yis gzhan dang gzhan// phan tshun du ni rgyas btab med// rgyu dang 'bras bu thams cad gang // de ni rten cing 'brel par 'byung // phan tshun rgya yis btab pa'i gzugs// skye min mya ngan 'das pa 'ang min// shes rab kun nas mya ngan 'das// skye ba mchog tu 'gyur ba med/ / rgyu dang 'bras bu rnam des grol// phan tshun du ni rgyas btab med// ma skyes pa dang ma 'gags pa'i// shes bya gang zhig 'dir mthong ba// de ni rang sems gzhan ma yin// phyi yi shes bya rnam 'byed phyir/ / de phyir bdag gis bdag nyid la// 'gar yang rgyas gdab nus ma yin// ral gri chen po bdag nyid la// bdag nyid so yis gcod dam ci// mo gsham bu mo dang 'grogs pas// rmi lam du ni bde 'gyur ltar/ nam mkha' las byung gzugs brnyan ni// bsten pas bdag la de bzhin no// shes rab ma yin thabs kyang min// 'di ni lhan skyes shes rab bcas// kun nas bde ba rdzogs pa las// sgrib pa thams cad spangs ba ste/ / nam mkha' bzhin du gos pa med// yul dang dbang po spangs pa ni// kun nas 'byung po kun la gnas// gcad du med pa dbye ba spangs// rang byung rdo rje sems dpa' ni// don chen mchog tu mi 'gyur ba// 'dod chags chen po sems dpa' che/ / sems can thams cad dga' bar byed// byang chub sems dpa' zhe sdang che// nyon mongs zad pa dgra chen po// dam tshig sems dpa' gti mug che// gti mug blo ste gti mug sel// rdo rje'i rnal 'byor khro ba che/ / lha min khro bo dgra chen po// dus kyi 'khor lo chags pa che// 'pho ba'i chags pa sel bar byed// rdo rje mi phyed ces par brjod// 'dir ni don chen bcom ldan 'das// sems dpa' srid gsum gcig pa nyid/ / mchog tu mi 'gyur brjod par bya// mchog tu mi 'gyur bde ba rdzogs// sa rnams yongs su rdzogs pa yis// 'dod chags chen po sems dpa' che// sems can thams cad dga' bar byed// byang chub la gnas sems dpa' ni/ / mi g.yo de phyir byang chub sems// nyon mongs la sogs zhe sdang tshogs// zhe sdang chen po dgra che ba// dam tshig zla ba bdud rtsi yi// khu ba 'pho med de za ba// dam tshig sems dpa'o rigs pa 'dis/ / gti mug blo ste gti mug sel// rdo rje thams cad gcig pa nyid// shes rab sku dang mi 'gyur bcas// khro bo chen po dgra chen po// khro bo'i gzugs can bdud rnams kyi// 'gyur med bde ba che thabs las/ / nam yang sems can don mi 'dor// sems can grol nas chags chen po// 'gyur ba'i chags pa sel bar byed// 'di rnams rnam pa drug tu brjod// mi 'gyur ye shes tshor ba dang // rnam shes gzugs dad 'du byed dang / / 'du shes de rnams phung po'i rigs// ye shes me dang nam mkha' sa// rlung chu rnams kyi rim pa bzhin// yid mig rna ba lus dang sna// lce rnams kyi yang de bzhin nyid// sgra re chos kyi dbyings dang dri// / reg bya kha dog rnams kyi yang // khro bo'i rgyal po gdong drug 'jigs// rigs drug rnams kyi yongs dag pa// lus dang gsang ba dbang po sems// rtag tu dkyil 'khor rnam pa gsum// shes rab thabs kyi rdo rje gsum/ / rdo rje sems dpa' nyid du 'gyur// 'di ni dbang gi sgrub thabs te// mchog tu mi 'gyur sgrub pa'i thabs// rtsa dang rigs dang yang dag ldan// zla ba mdor bstan pa yis bshad// ces pa 'jig rten khams kyi le'ur le'u lnga pa mchog tu mi 'gyur ba'i dbang gi sgrub thabs mdor bstan pa rdzogs s+ho/ / 'di ni kha che'i paN Di ta so ma nA tha dad / bod kyi lo ts+tsha ba 'bro dge slong shes rab grags pas bsgyur zhing zhus te/ gtan la phab pa las// slar yang rin chen rgyal mtshan gyis dpal nA ro pa'i 'grel bshad dang mthun par bsgyur cing zhus te dag par byas pa'o//