| Wylie | e-texts produced with BDRC’s OCR application |
text in 2 volumes
volume 1 (ki) - volume 2 (ki) -
རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ནཱ་ཐ་གྷཱ་ཡ་ཙིཏྟ་ཙཀྲ་སིདྡྷི་མ་ཧཱ་ཧི་ཏ་ཏནྟྲ། བོད་སྐད་དུ། དཔལ་མགོན་པོ་ནག་པོ་གསང་བ་སྙིང་གི་འཁོར་ལོ་དངོས་གྲུབ་ཆེན་པོ་འབྱུང་བའི་རྒྱུད། བཅོམ་ལྡན་འདས་རྡོ་རྗེ
་གཏུམ་པོ་གཟི་བྱིན་ཅན་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་གཏུམ་པོ་རྔམས་པའི་རྒྱལ་པོ་ཉིད། ལྕང་ལོ་ཅན་གྱི་གནས་མཆོག་ལྷུན་གྱིས་གྲུབ་པའི་ཕོ་བྲང་ཆེན
་པོ། བྱང་ཆུབ་སེམས་དཔའ་དུ་མ་དང་བཅས་པ་ཁྲོ་བོ་རྔམ་པའི་རོལ་པ་དང་། འཇིག་རྟེན་གྱི་དྲེགས་པ་ཅན་ཕོ་མོ་དམོད་པའི་མཚོན་ཆ་ཅན་དང་། ལྷ་དང་མཁའ་འགྲོ་མ་མང་པོ་འདུས་པའི་དབུས་ན། ཆོས་ཉིད་ལས
་སྐུ་བཞེངས་ཏེ། དྲེགས་པ་ཅན་འདུལ་བའི་ཏིང་ངེ་འཛིན་ལ་བཞུགས་ཏེ། དེའི་ཚེ་དེའི་དུས་ན། བཅོམ་ལྡན་འདས་དཔལ་མགོན་པོ་ནག་པོ་ཞེས་བྱ་བ། གསང་བའི་ཡུམ་དང་བཅས་པ། སྤྲུལ་པའི་སྲོག་གཤེད་དང་ཕོ
་ཉའི་ལས་མཁན་དང་། སྒྲོལ་གིང་ཤན་པ་ཕོ་མོ་དང་བཅས་པ་དེ་ཉིད་དུ་ལྷགས་ཏེ་རང་རྟགས་སྲོག་གི་སྙིང་པོ། གདུག་པའི་དམོད་པའི་མཚོན་ཆ་ཅན། རྡོ་རྗེ་གཏུམ་པོ་ལ་མདོངས་གསོལ་དུ་ཕུལ་ལོ།། སྨྲས་པ། ཏདྱ་ཐཱ།
་ཨོཾ་ཤྲཱི་མ་ཧཱ་ཀཱ་ལ་ཏྲི་ཡཾ་ཛཿཛཿ། དགྲ་བོ་མཱ་ར་ཡ་ནན། མཱ་ར་ཡ་སོད། ནག་པོ་དགྲ་བོའི་ཤ་རྒྱུད་སྙིང་འདི་ཐོན་ཐོན། བདུད་པོ་དགྲ་བོའི་སྲོག་ལ་ཛཿཛཿ། ནག་པོ་དགྲ་བོའི་བླ་རྩ་ལ་ཛཿཛཿ། ནག་པོ་དགྲ་བོའི་སྙིང་རྩ་ལ
་ཛཿཛཿ། ནག་པོ་དགྲ་བོའི་ཀླད་པའི་རྩ་ལ་ཛཿཛཿ། ནག་པོ་དགྲ་བོའི་སྙིང་རྒྱུད་དབུགས་ལ་ཛཿཛཿ། ནག་པོ་དགྲ་བོའི་རྩ་རྒྱུད་སྲོག་ལ་ཛཿཛཿ། ཙ་དིཔྟ་ཙཀྲ་ནི་ཧཱཾ། མ་དཱིཔྟ་ཙཀྲ་ནི་ཧཱུཾ། བམ་ནི་ར་ཧཱུཾ་བྷྱོ། མ་མ་ཚོ་ལས་ལ
་གྲོ།། ཧ་ལ་ཧ་ལ་ཧཱུཾ་ཕཊ། ཅེས་རྒྱན་གྱི་དམོད་པར་ཕུལ་ལོ།། མགོན་པོ་གསང་བ་སྙིང་གི་འཁོར་ལོ་ནག་པོའི་རྒྱུད་ལས། གླེང་གཞི་དང་སྔགས་སྟོན་པའི་ལེའུ་སྟེ་དང་པའོ།། །། དེ་ནས་དཔལ་མགོན་པོ་ཆེན་པོ
་རྣམ་ཐོས་སྲས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མ་ཧཱ་ཀཱ་ལ་ཁྲོས་པ་ཞེས།། ཀཱ་ལ་འོད་འབར་དྲག་ཤུལ་ཅན།། འཇིགས་བྱེད་ཁྲོས་པའི་གཟིགས་མདངས་ཅན།། སྒྲོལ་བྱེད་ཤན་པ་རླུང་གི།
་ཤུགས།། རྣམ་པར་ཀུན་གྱི་མགོན་གྱུར་པའི།། བསྙེན་ཅིང་བསྒྲུབ་ན་ཇི་ལྟར་སྒྲུབ།། བསད་ཅིང་ལུས་སྲོག་དབྱེ་བ་དང་།། ལྟས་ངན་ཆོ་འཕྲུལ་དབབ་པ་དང་།། དྲག་པོ་ཤུགས་ཀྱིས་བསྒྲལ་བ་དང་།། ལོ་རྟོག་འཇོམས
་པ་ལ་སོགས་པ།། ལས་རིམ་རྫོགས་པ་ཇི་ལྟ་བུ།། ཞེས་གསོལ་པས། རྡོ་རྗེ་གཏུམ་པོས་འདི་སྐད་ཅེས་གསུངས་སོ།། མ་ཧཱ་ཀཱ་ལ་མཐུ་རྩལ་ཅན།། ལེགས་ལྡན་ནག་པོ་འཇིགས་པའི་སྐུ།། བདུད་འདུལ་རྣམས་ཀྱི་དབང
་ཕྱུག་སྟེ།། རྣལ་འབྱོར་ཀུན་གྱི་དགྲ་བླ་ཡིན།། རིག་འཛིན་ཀུན་གྱི་སྲོག་ཤིང་ཡིན།། གསང་བའི་ཡུམ་དང་སྤྲུལ་པར་བཅས།། རི་གསུམ་རྩེ་འདུས་དབེན་པའི་སར།། ནགས་ཚལ་རྩུབ་མོ་གཅན་གཟན།
་འགྲིམས།། ཡིད་འོང་གནས་སུ་མཎྜལ་བཤམ།། གྲུ་གསུམ་མཐིང་ནག་ཟླ་གམ་བསྟན།། ཟླུམ་པོ་ཐོད་པ་བདུན་གྱིས་བསྐོར།། གྲུ་ཆད་སྒོ་བཞི་རྡོ་རྗེས་ནི།། དབུས་སུ་གྲུ་གསུམ་བསྣོལ་མ་ལ།། འབྲུབ་གནས་བཞི
་དང་ལྡན་པར་བྱ།། གའུ་སྟེང་འོག་འཁོར་ལོའི་བར།། ཙིཏྟ་སྲོག་རྩ་དམིགས་པ་གཞུག། ཁ་སྤྲད་སྐྲ་ཤད་ཟག་པས་བཅིངས།། སྟེང་དུ་དགྲ་བཤོས་ནག་པོ་བཞག། ལུག་ནག་པགས་པ་ཙ་ཀ་ལི།། མདའ་ནག་དར་གྱིས
་བརྒྱན་པ་དགོད།། ཕོ་རྫས་དུག་དང་མོ་རྫས་ཁྲག། ཚོགས་པོའི་དགྲ་བའི་ཐུན་ཡང་བཅའ།། མོན་མོ་ཆེན་པོའི་ཐོད་པ་རུ།། གནག་པའི་དགྲ་བགེགས་བཅས་ལ་བཞག། ཟླུམ་པོའི་ཐོད་པ་རེ་རེ་ལ།། དུག་ཤིང་ཕུར་བུ
་རེ་རེ་དགོད།། གྲུ་ཆད་ལ་སོགས་མཎྜལ་ཏེ།། མཐུན་པའི་དམ་རྫས་འདི་དག་དགྲམ།། ཤ་སྣ་ལྔ་དང་བདུད་རྩི་ལྔ།། དཀར་གསུམ་མངར་གསུམ་མེ་ཏོག་སྤོས།། ཆང་དང་ལ་ཕུག་ཙནྡན་རྣམས།། ཞལ་ཟས་རྣམ་པ་སྔ
་ཚོགས་དགྲམ།། མཚན་ལྡན་ཐོད་པར་རཀྟ་དང་།། གཏོར་མ་བཤམས་ལ་དབུལ་བར་བྱ།། དེ་ནས་བདག་ཉིད་སྐད་ཅིག་གིས།། ཕྱག་ན་རྡོ་རྗེར་གསལ་བྱས་ནས།། ཐུགས་ཀའི་ས་བོན་འོད་འཕྲོས་པས།། ཁྲོ་བོ་མང
་པོས་གཟིར་བསྐྲད་ནས།། གཞལ་མེད་ཁང་དག་བསམ་དབུས་སུ།། བླ་མ་ཡི་དམ་དཀྱིལ་འཁོར་ཚོགས།། བསོད་ནམས་ཚོགས་རྫོགས་སྟོང་ཉིད་ལས།། ཧཱུཾ་ལས་བདག་ཉིད་ཁྲོ་བོའི་མདུན།། མ་ཧཱ་ཀཱ་ལ་འཇིགས་བྱེད
་ཆེ།། སྐུ་མདོག་ནག་པོ་མུན་པའི་མདངས། ཞལ་གཅིག་ཕྱག་ནི་གཉིས་པ་སྟེ། སྐུ་ལ་མཐའ་བེར་བརྩེགས་པ་གསོལ།། ཆིབས་སུ་དཔའ་བོ་སྟག་ལ་བཅིབས།། ཕྱག་ན་ཙནྡན་བིང་ཆེན་བསྣམས།། དོམ་དང་དྲེད་ཀྱིས་སྨྲ
་འདྲེན་ཅིང་།། ལྕགས་ཀྱི་བྱ་ཁྲ་ཕྱི་ནས་འབྲངས།། ཅེ་སྤྱང་ནག་པོ་ཁྲག་རྗེས་གཅོད།། སྲོག་གཅོད་ཁྲོ་བོ་འཇིགས་པའི་སྐུ།། སྤུ་གྲི་མི་སྙིང་ཐོགས་པ་དང་། ཏྲི་ཤཱུལ་རྒྱལ་མཚན་དུང་འབུད་དང་།། གསོད་བྱེད་མོས་པ
་བདུན་དང་བཅས།། སྤྱན་དྲང་མཆོད་དང་བཟླས་བརྗོད་ཅིང་།། དེ་ཚེ་མཚན་རྟགས་བྱུང་བ་དང་།། སྒྲ་དང་འོད་དང་མོན་ནག་དང་། བནྡེ་ནག་པོ་སློབ་དཔོན་དང་། མི་ནག་ལ་སོགས་བྱུང་བ་དང་།། དངོས་སུ་སྐུ་ཡང
་སྟོན་པར་འགྱུར།། དཔལ་མགོན་པོ་ནག་པོ་གསང་བ་སྙིང་གི་འཁོར་ལོ་ནག་པོའི་རྒྱུད་ལས། བསྙེན་ཅིང་བསྒྲུབ་པ་སྟེ་རྟོག་པ་གཉིས་པའོ།། །། དེ་ནས་རྡོ་རྗེ་གཏུམ་པོ་ཡིས།། བསད་པའི་སྦྱོར་བ་བཤད་པར
་བྱ།། བམ་ཆེན་མོ་ཡི་ཐོད་པ་རུ།། ཚྭ་བ་གསུམ་དང་ལྕི་བ་དང་།། སྐྲ་དང་དྲི་མ་རྐང་རྗེས་དང་།། གྲོག་མཁར་ས་དང་དར་ཁྲག་གིས།། དབང་པོ་ཚང་བའི་འདྲ་འབག་བྱ།། གུ་གུལ་རྒྱ་ཚིལ་དུད་པས་བདུག། ཐོད་པ
་སྔགས་ཀྱི་འཁོར་ལོར་གཏུམ།། གདུག་པའི་རེ་བས་ཁ་བཅད་ལ།། བསད་པའི་སྔགས་ལ་འཇུག་པར་བྱ།། སྲོད་དང་ཐོ་རངས་གུང་གཉིས་ལ།། མདའ་རེ་ཐུན་རེ་སྔགས་རེ་སྤྲུགས།། ལས་རྫོགས་ཕུར
་གདབ་གྲིས་གཏུབ་ལ།། དར་ནག་གཏུམ་ལ་དཀར་ནག་གིས།། མཚན་ངན་ཐོད་པར་བཅུག་ནས་ནི།། ཀ་རྟེན་ལྷ་ཡི་ཁང་པའམ།། གདུག་པ་གནས་པའི་ས་རུ་མནན།། ཨོཾ་ཤྲཱི་མ་ཧཱ་ཀཱ་ལ་ཏྲི་ཡཾ་ཛཿཛཿ། དགྲ་བོ་ཆེ་གེ་མཱ
་ར་ཡ་ཧཱུཾ་ཕཊ། ཨོཾ་ཤྲཱི་ཆེ་གེ་མོ་ཀཱི་ལ་ཡ། ཀི་ཏི་ཀཱི་ལ་ཡ། མུ་ཀ་ཀཱི་ལ་ཡ། ཧྲི་ཧྲི་དམ་ཀཱི་ལ་ཡ། པ་ཏ་ཀཱི་ལ་ཡ། ཨོཾ་ཙཎྜ་མ་ཧཱ་རོ་ཥ་ཎ་དེ་ཝ། ཏདྱ་ཐཱ། ཆེ་གེ་མོ་མཱ་ར་ཡ་ཧཱུཾ་ཕཊ། ཕུར་པ་གདབ་དང་མནན་པའི
་སྔགས།། བརྗོད་དང་དམོད་པ་དྲག་ཏུ་གདབ།། དཔལ་མགོན་པོ་ནག་པོ་གསང་བ་སྙིང་གི་འཁོར་ལོའི་རྒྱུད་ལས། བསད་པའི་སྦྱོར་བ་བསྟན་པའི་ལེའུ་སྟེ་རྟོག་པ་གསུམ་པའོ།། །། དེ་ནས་རྡོ་རྗེ་གཏུམ་པོ
་ཡིས།། སྤྲུལ་པའི་ངེས་པ་བཤད་པར་བྱ།། གྲི་རྒོད་ཟོད་པ་བམ་རིལ་དུ།། ཕྲངས་གསུམ་དང་མཉན་ས་གཉིས།། ནང་དུ་མིང་རུས་སྔགས་བྲིས་ལ།། ཁ་མིག་དུག་དང་ཁྲག་གིས་བྱ།། གནས་ཁང་སྦས་ན་སྒྲ་འབྱིན
་འཐབས།། གཞན་ཡང་ཝ་སྦྲེལ་བྱི་ལ་སོགས།། ཤ་ཁྲག་གཟུགས་བྱས་རང་རང་རྫོགས།། གཅན་གཟན་གདུག་པ་སྒྲ་འབྱིན་ཅིང་།། གནས་ཁང་འཇིག་དང་གྲོང་ཁྱེར་བསྐོར།། ཁྲ་དང་འུག་པ་སྲིན་བྱ་དང་།། ཀང་ཀ་ཏི
་པ་མཛད་ལ་སོགས།། ཤ་ཁྲག་སྤུ་ལ་གཟུགས་བྱས་སྦ།། འདབ་ཆགས་བྱ་གཅན་ཁུ་འདེབས་དང་།། འཐབ་དང་སྡེར་འཛིངས་གནས་ཁང་འབབ།། ཉ་སྦྲུལ་གདུག་པ་ཀླུ་གནས་ས།། ཤ་ཁྲག་བསྲེས་ཏེ་གཟུགས་བྱས
་སྦ།། ས་བདག་ཀླུ་ཡི་ཆོ་འཕྲུལ་འབེབས།། ངན་སྔགས་ཁྲི་ཕྲག་གསུམ་རྫོགས་ནས།། སྦྱོར་བ་སྨིན་པའི་དུས་ཆེན་ལ།། གྲོང་ཁྱེར་ཕྱོགས་བཅུར་ཆོ་འཕྲུལ་འབབས།། ཨོཾ་ཤྲཱི་མ་ཧཱ་ཀཱ་ལ་ཏྲི་ཡཾ་ཛཿཛཿ། ཆེ་གེ་མོ་ཀ་པཱ་ལི
་རྒྱས།། ཧལ་ཧལ་དུ་ལིང་ཧལ་ཕོ་བ། པི་ཤ་རྩེ་རླུང་སིང་། ཁྲམ་ཁྲམ་དུ་ལིང་ཧས་ཕོབ། ལིང་ལིང་པུ་ཏ་དུན་ཤམ་དུན་ལིང་ཧས་ཕོ་བ། ན་ག་བྷ་ནུ་ག་དུ་ལིང་ཧས་ཕོ་བ། རྩ་བ་དམིགས་པ་མི་དང་པོ།། སྔགས་ཀྱི་སྦྱོར་བ
་བསྡེབས་པས་འགྲུབ།། དཔལ་མགོན་པོ་ནག་པོ་གསང་བ་སྙིང་ཏིག་གི་འཁོར་ལོ་ནག་པོའི་རྒྱུད་ལས། ལྷས་ངན་ཀྱི་ལེའུ་སྟེ་རྟོག་པ་བཞི་པའོ།། །། དེ་ནས་རྡོ་རྗེ་གཏུམ་པོ་ཡིས།། ལོ་ཏོག་འཇོམས་པའི་ལས
་བཤད་པ།། དྲག་པོའི་མི་ཤེས་ཟོད་པ་རུ།། ཡུལ་ལྷ་ཡུལ་མི་སེར་བསྲུང་ལོ།། ཞིང་ཁང་ས་ལ་ལིངྒ་བྱ།། ཐོད་པར་བྲུབ་ལ་ཐུན་གྱིས་གཏེམས།། རྟོལ་ཁྲག་རྟ་ཡི་ཁྲག་དང་ནི།། བ་མར་ཡུགས་སའི་འོ་མ་དང་། ར
་དུག་སྤྱང་དུག་དྲག་པོའི་ཐུན།། ཉུང་དཀར་ཉུང་ནག་སྐེ་ཚེ་བརྡེག། དྲག་སྔགས་སྦྱོར་བ་རྫོགས་པ་དང་།། ཕྱེད་སྦ་ཕྱེད་བསྲེགས་ལྷག་མ་གཏོར།། ལོ་ཏོག་འབྲས་བུ་བརླག་པའི་ཕྱིར།། སྐྱི་འདང་འཁྱགས
་པ་རོ་ལྟར་སྤུངས།། ཨོཾ་ཤྲཱི་མ་ཧཱ་ཀ་ལ་ཏྲི་ཡཾ་ཛཿཛཿ། རཱ་ཧུ་ལ་ཡ་མ་སྙིང་། རཀྵ་དེ་སི་བེ།། དེ་ཝ་ཨ་ཙ་ཡཾ་ཏྲི་ཡ་ན་ག། ཏྲིག་ནན་ཉག་སྥཱར་ཡ་ཛ་ལ་རཾ་ཐིབས་འདུས། འུར་འུར་ཁྲོ་ཁྲོ་ཧྲིལ་ཧྲི་ལ་ཡཾ་ཡཾ་ཤར
་ཤར་ནལ་ན་ལ་སེར་བ་དྲག་ཏུ་ཕོབ། གཟའ་བདུད་སྲིན་པོ་ལྟ་ཀླུ་བཙན།། རང་རང་སྔགས་ཀྱིས་འདབས་བསྐུལ་ནས།། འབྲས་བུ་ལོ་ཏོག་འཇོམས་པར་བྱེད།། མགོན་པོ་གསང་བ་སྙིང་གི་འཁོར་ལོའི་རྒྱུད
་ལས།། སར་བ་དབབ་པའི་ལེའུ་སྟེ་རྟོག་པ་ལྔ་པའོ།། །། དེ་ནས་རྡོ་རྗེ་གཏུམ་པོ་ཡིས།། ཁྱད་པར་དྲག་པོ་བསྒྲལ་བའི་ལས།། འཁོར་ལོ་ཐུན་བྲབ་ལས་ཀྱི་གཙོ།། ཤི་ས་ཨར་ལ་གཏད་པ་དང་།། མ་གྲུབ་སྤོགས
་པའི་ལས་མཐབ་ནི།། རྣལ་མ་ཟློག་པ་ལྟོ་དཀྲུག་པ།། རྒྱ་ཤོག་རྒྱུ་ལ་འཁོར་ལོ་བྲི།། མུ་ཁྱུད་གསུམ་པ་བཅུ་བདུན་རྩིབས།། སྡིག་པའམ་སྦྲུལ་གྱི་ཁོངས་སུ་བྲི།། གཅན་གཟན་ཁྲག་དང་སྲི་ཅན་ཁྲག། མི་དང་རྟ་ཡི་ཁྲག
་ཏུ་སྦྱར།། རྒྱུ་རྐྱེན་དྲུག་ལ་ལིངྒ་བྱ།། གྲི་རྒོད་ཟོས་པའི་ནང་དུའོ།། ཉུང་དཀར་ཉུང་ནག་སྐེ་ཚེ་ཁྲག། ཐུན་གྱི་རྫས་སུ་རབ་ཏུ་བསྔགས།། དྲག་སྔགས་མདའ་དང་བཅས་ཤིང་བསྲེག། ཁྲི་གསུམ་སྔགས་ཀྱི་བར་དུ
་སྤངས།། འཁོར་ལོ་རྩང་ཁར་བར་སྣང་ལྡིང་།། བརྒྱ་བརྒྱ་རྫོགས་ནས་སྔགས་ཐུན་བྲབ།། དགོངས་དང་ཐོ་རངས་སྲོད་དང་གུང་།། མོན་པ་དང་བཅས་དྲག་སྔགས་སྦྲེལ།། རྫོགས་ནས་འཁོར་ལོ་ལིངྒ་ཀུན།། ཤ་ཟ་གིང
་ནི་རྩ་འམ་ནི།། ཡང་ནི་ལྷ་ཁང་རྙིང་པར་མནན།། དེ་ཡིས་བརླག་པར་ཡང་དག་བཤད།། གལ་ཏེ་ལས་ལ་མཐུ་མེད་ན།། བཟློག་ཅིང་དཀྲུག་པ་རྣལ་མ་བྱ།། ཐོད་པ་མུན་པའི་འོད་ཁུང་ངམ།། གདུག་པ་གནས་པའི་ས
་རུ་མནན།། དེ་ཡིས་ལས་ཀུན་འགྲུབ་པར་འགྱུར།། ཡ་བག་ཤ་ཡ་ཡིན་པས་ན།། ཀུན་ལ་བྱ་བར་མ་གསུངས་སོ།། ཨཽ་ཤྲཱི་མ་ཧ་ཀཱ་ལ་ཏྲི་ཡཾ་ཛཿཛཿ། དགྲ་བོ་མཱ་ར་ཡ་ཛཿ། དགྲ་བོའི་སྲོག་ལ་མྱོགས།། ཙིཏྟ
་ཁས།། རཀྟ་ཐིབས་ཧཱུཾ་ལི་མཱ་ར་ཡ་རྦད།། དགྲ་བོ་མཱ་ར་ཡ་ཧཱུཾ་ལི་ཡ་ལི།། རཀྟ་ཐིབས་ཙིཏྟ་ཁས། སྲོག་ལ་མྱོག་ལ་རྦད། དགྲ་བོ་མཱ་ར་ཡ་སྲོག་ལ་མྱོག། ཧཱུཾ་ལིང་ཡཾ་ལིང་རཀྟ་ཐིབས་རྦད། ངན་སྔགས་སྐྱེ་བ་རྒྱུན་གཅོད
་དེ།། ཁྱད་པར་མཆོག་གི་ལས་སུ་བཤད། མགོན་པོ་གསང་བ་སྙིང་གི་འཁོར་ལོ་ནག་པོའི་རྒྱུད་ལས། ཁྱད་པར་གསང་བའི་ལས་བསྟན་པའི་ལེའུ་སྟེ་རྟོག་པ་དྲུག་པའོ།། །། དེ་ནས་རྡོ་རྗེ་གཏུམ་པོ་ཡིས།། རྡོ་རྗེ
་དྲག་པོ་འཇིགས་པ་ཆེ།། མགོན་པོ་ནག་པོར་མཚན་གསོལ་བ།། ལས་ལ་ཕྲིན་ལས་འདི་ཡིས་བསྐུལ།། ཧཱུཾ།། ཆེ་བཙན་དཔེ་མེད་མགོན་པོ་ནག་པོ་ནི།། སྐུ་ལ་དར་ནག་འཇོལ་བེར་གསོལ།། དབུ་ལ་སྦྲུལ་གྱི་རལ་པ
་ཅན།། མི་ཡི་ཐོད་པས་དབུ་ལ་བརྒྱན།། གདོང་མིག་དམར་ལ་མཆེ་བ་གཙིགས།། སྟག་གི་སྨ་ར་མེ་ལྟར་འབར།། སྙན་ཆ་མགུར་ཆུ་མི་ཐོད་དམར།། གསེར་ཀ་རིན་ཆེན་སྐུ་ཡི་རྒྱན།། ཞབས་ལ་ལྷྭམ་ཏི་ལྷམ་པོ
་@། ཆེ།། ཆིབས་སུ་དཔའ་བོ་སྟག་ལ་བཅིབས།། ཕྱག་ན་ཙནྡན་བིང་ཆེན་བསྣམས།། གསོར་ཞིང་ཀླད་པའི་རྒྱས་སུ་འདེབས།། སོང་ཞིག་ཁོང་གི་སྙིང་ཕྱུང་ཞིག། ལྷ་ཆེན་མགོན་པོ་ནག་པོ་ཁྱོད།། ང་ལ་སྡང
་བའི་དགྲ་བོ་འདི།། མྱུར་དུ་སོད་ལ་རྣམ་པར་རྒྱོབ།། སྒྲོ་རུ་ཆུག་ལ་འབོག་ཏུ་ཆུག། ལྷ་ཆེན་མགོན་པོ་ནག་པོ་དང་།། ལྷ་མོ་ནག་མོ་གཉིས་སུ་མེད།། ལྷ་མོ་ནག་མོ་གཤེགས་སུ་གསོལ།། ལྷ་མོ་ནག་མོ་ཆེན་པོ་སྟེ། སྐུ
་མདོག་དམག་ནག་རལ་པ་ཅན།། གཡས་ན་བདུད་ཀྱི་ཁྲམ་ཤིང་བསྣམས།། གཡོན་ན་ནད་ཀྱི་རྐྱལ་པ་ཐོགས།། ཆིབས་སུ་དྲེའུ་རྟ་རྐང་གསུམ་ཆིབས།། དྲ་བ་དགུ་ཡི་ཧེ་ལེ་བཀལ།། ཁྱོད་ཀྱི་ཐུགས་དམ་དུས་ལ
་བབ།། སྐུ་ཡི་སྤྲུལ་པའི་ལས་མཁན་ནི།། མུན་པ་ནག་པོ་གཏུམ་བག་ཅན།། སྐུ་མདོག་ནག་པོ་མུན་པའི་མདངས།། ཏྲི་ཤཱུ་ལ་ཡི་རྩེ་མོ་ལ།། མི་རོ་དམར་པོའི་རྒྱལ་མཚན་ཕྱར།། དར་ནག་རུ་མཚོན་ཆེན་པོ་ཡིས།། ལྷ
་སྲིན་སྡེ་བརྒྱད་དམག་དཔུང་སྡུད།། མགོན་པོ་ནག་པོ་ལས་ལ་བྷྱོ།། གསུང་གི་སྤྲུལ་པའི་ལས་མཁན་ནི།། མོན་པ་ནག་པོ་འཇིགས་པའི་སྐུ།། སྐུ་མདོག་དམར་ནག་འཇིགས་པ་ལ།། མ་ཧེའི་རྭ་དུང་ཆེན་པོ་ཡིས།། སྣང
་སྲིད་ལྷ་འདྲེ་སྒྲ་ཡིས་འབོད། གཏུམ་ཆེན་ནག་པོ་ལས་ལ་བྷྱོ།། ཐུགས་ཀྱི་སྤྲུལ་པའི་ལས་མཁན་ནི།། ལྕགས་ཀྱི་མུན་པ་གསོད་བྱེད་དེ།། སྐུ་མདོག་སྔོ་ནག་རྔམ་པའི་ཞལ།། ལག་ན་སྤུ་གྲི་ཙིཏྟ་བསྣམས།། སྤུ་གྲིའི་དགྲ
་བོའི་ཁོང་གཤེགས་ནས།། ཙིཏྟ་ཕྱུང་ནས་གཙོ་ལ་སྟོབ།། བདུད་ཀྱི་མོས་པ་ནག་པོ་བདུད།། བདུད་ནག་འབུམ་གྱི་སྣ་དྲངས་ནས།། ཉམས་པའི་དགྲ་ཡུལ་དམག་གིས་འགེངས།། ལྷོ་ཕྱོགས་གཤིན་རྗེ་ཆེན་པོ
་བརྒྱད།། ཁྱོད་ཀྱི་འཁོར་དང་གཡོག་ཡིན་པས།། གཅན་གཟན་མང་པོ་ཕོ་ཉར་འགྱེད།། བྱང་ཕྱོགས་གནོད་སྦྱིན་ཆེན་པོ་བརྒྱད།། ལྕགས་ཀྱི་བྱ་ཁྲ་འཇིགས་པར་སྤྲུལ།། ཉམས་པའི་ཤ་དང་རུས་པ་འདྲལ།། དུར་ཁྲོད
་གནས་ཀྱི་མ་མོ་བརྒྱད།། བྷྱོ་དང་ཛ་ཡི་སྒྲ་སྒྲོགས་ཤིང་།། ཉམས་པའི་དགྲ་ལ་ཟོར་ཐུན་འབེབས།། ལྷན་ཆེན་མགོན་པོ་ནག་པོ་སྟེ།། མ་ཧཱ་ཀ་ལ་མཐུ་རྩལ་ཅན།། བསྟན་པ་འཇིག་པའི་དགྲ་བོ་འདི།། དཀོན་མཆོག
་གསུམ་གྱི་སྐུ་དགྲ་ཡིན།། རྣལ་འབྱོར་ཡོངས་ཀྱི་སྤྱི་དགྲ་ཡིན།། སྔགས་འཆང་བདག་ལ་བརྙས་བཙུགས་སོ།། སྲུང་མ་ཁྱོད་ལ་ཕོད་བཙུགས་སོ།། ཞེས་དྲག་ཏུ་བསྐུལ་བར་བྱའོ།། དེ་ནས་ཡང་དག་ངེས་གསུངས
་པ།། གསང་བ་མཆོག་གི་སྒྲུབ་པ་སྟེ། ཆོས་སྐྱོང་མགོན་པོ་དཔལ་མགོན་མཆོག། ཨོཾ་ནི་ཡེ་ཤེས་ལྔ་ཡི་དངོས།། རྡོ་རྗེ་འཛིན་པའི་ངོ་བོ་ཉིད།། ཤྲཱི་ནི་བདག་གཞན་ཡོངས་ཀྱི་དཔལ།། མགོན་གྱུར་དཔལ་འབར་ཆེན་པོ
་ཉིད།། མ་ཧཱ་ཆེ་བཙན་དཔེ་མེད་དེ།། ཀཱ་ལ་འོད་འབར་དྲག་ཤུལ་ཅན།། ཏྲི་ཞེས་སྒྲོལ་གིང་ཤན་པ་བསྐུལ།། ཡཾ་ནི་དྲག་པོ་རླུང་གི་ཤུགས།། ཛཿཉིད་དགུགས་པའི་ལྕགས་ཀྱུ་ཡིན།། དམིགས་པ་གང་ཡིན་དགུག་པ
་སྟེ།། གསང་བ་མཆོག་གི་བདག་པོ་ལ།། ཁམས་གསུམ་མཐུ་ཆེན་བདག་པོ་སྟེ།། མ་ཧཱ་ཀཱ་ལ་ཁྱོད་ལ་འདུད།། གང་དག་གསང་བའི་སྙིང་པོ་ལ།། མོས་སམ་ཡིད་ལ་བྱེད་པ་ཡིས།། ཁམས་གསུམ་དབང
་དུ་སྡུད་པ་དང་།། སྲིད་གསུམ་ཟིལ་གྱིས་གནན་པ་དང་།། མེ་དང་རྒྱལ་པོ་ཆུ་དང་དུག། མ་རུངས་གཅན་གཟན་ལ་སོགས་པ།། འཇིགས་པ་ཆེ་ལས་ཡོངས་སུ་ཐར།། ཚེ་དང་དབང་ཐང་ལ་སོགས་པ།། ལོངས་སྤྱོད
་འཕེལ་ཞིང་དབུལ་བ་སེལ།། དཔག་བསམ་ལྗོན་བཞིན་རྒྱས་པ་དང་།། ནད་དང་སྡུག་བསྔལ་རབ་ཞི་ནས།། འཇིག་རྟེན་མི་ནུབ་རྒྱལ་མཚན་དུ།། གྲགས་པ་ཆེན་པོ་བླ་མེད་འགྱུར།། མགོན་པོ་གསང་བ་སྙིང་གི་འཁོར
་ལོ་ནག་པོའི་རྒྱུད་ལས། མགོན་པོ་ལ་ཕྲིན་ལས་བཅོལ་བ་དང་། བསྟོད་པ་དང་ཡོན་ཏན་བསྟན་པའི་ལེའུ་སྟེ་རྟོག་པ་བདུན་པའོ།། །། མགོན་པོ་ནག་པོ་མོ་རྒྱུད་གསང་བ་དངོས་གྲུབ་འབྱུང་བ་ཞེས་བྱ་བ། བོད
་ཀྱི་བརྗེ་ཁྲི་བཅན་རྡོ་རྗེ་ལ་གཏད་པའོ།། ས་མ་ཡ། རྒྱ་རྒྱ་རྒྱ། ཀ་ཟག་ཀྱ། རྒྱ་རྒྱ་རྫོགས་སོ།། །། དེ་ནས་གནོད་སྦྱིན་ཆེན་པོ་རྣམ་ཐོས་སྲས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མ་ཧཱ་ཀ་ལ
་ཁྲོས་པ་ཆེ།། རྣལ་འབྱོར་ཀུན་གྱི་མགོན་གྱུར་པ།། ཉིད་ཀྱི་སྒྲུབ་པ་དེ་ལྟར་ན།། སྤྲུལ་པ་སྲོག་གཤེད་ལས་མཁན་དེ།། སྒྲོལ་བྱེད་ཤན་པའི་ལས་མཁན་གང་།། རྡོ་རྗེ་གཏུམ་པོས་བཀའ་སྩལ་པ།། མ་ཧཱ་ཀ་ལ་འོད་འབར
་བ།། རྣལ་འབྱོར་ཀུན་གྱི་དགྲ་བླ་ཡིན།། དེ་ཡི་ལས་མཁན་མོན་པ་དང་།། ལས་ཀྱི་མ་བདུན་ཕོ་ཉ་མངག། ལས་ཀྱི་མཐའ་རུ་བཞག་པ་ཡིན།། ལྕགས་ཀྱི་མུན་པ་ཁྲག་འཐུང་ནི།། ནག་པོ་སྤྱི་རིང་སོལ་དུམ་འདྲ།། རི
་ནག་བྲག་ནག་ལོགས་ལ་བསྔགས།། བྱ་རོག་རྟ་རོག་མོན་ནག་ཁྲག། གཡག་རྒོད་བྲག་ནག་ས་ལ་སྦར།། གྲུ་གསུམ་མཐིང་ནག་ཁྱི་ནག་མགོ། ཡང་ན་མོན་ནག་རབས་ཆད་ཐོད།། ཨ་མུ་ཀ་ཡི་གཟུགས་ད
་བཅས།། དར་ནག་གུར་དབུ་ཐུན་གྱིས་བསད།། གདུག་པའི་དྲག་སྔགས་འདི་དག་བཟླས།། དུན་དུ་ཏྲག་དུ་ཐུམ་བྷ་ཏི་སྲོག་བྲེང་བྲེང་དུན་ཏྲི་ཛཿ། བདུད་པོ་དགྲ་བོའི་སྲོག་ལ་ཛཿཛཿ། ཨོཾ་སཻ་ར་ཕྲུམ་ཕྲུམ་ལ་ག་རེ་ཁས
་ཧེ། སླད་ནི་སླད་ནེ་དགྲ་བོའི་སྲོག་ཙ་ལེ་ཙ་ལེ་མཱ་ར་ཙ་ཧཱུཾ་ཛཿཧཱུཾ་ཛཿ། མཱ་ར་ཡ་རྦད། བྲོར་བཏེགས་ཕུར་གདབ་གྲིས་གཏུབ་ལ།། མུན་པའི་གླིང་དུ་གནན་པར་བྱ།། མགོན་པོ་གསང་བ་སྙིང་གི་འཁོར་ལོའི་རྒྱུད་ལས།།
་ལྕགས་ཀྱི་མོས་པ་སྤྱི་རིང་མངག་པ་ལས། ཕྱི་མའི་རྟོག་པ་བརྒྱད་པའོ།། །། དེ་ནས་རྡོ་རྗེ་གཏུམ་པོ་ཡིས།། སྲོག་གཅོད་མོས་པ་སྙིང་འབྱིན་ཏེ།། དཀར་པོ་པྲ་སངས་མངག་པར་བྱ།། དར་དཀར་ནས་སམ་རྒྱ་ཤོག
་ལ།། ལྷ་ཁང་རྙིང་པའི་ཀ་རྟེན་ས།། ཅོང་ཟི་ཧ་ཤིག་རྒྱ་ཚྭ་དང་།། ར་དཀར་རྟ་དང་བྱ་དཀར་ཁྲག། བསྲེས་ཏེ་ལྟེ་བར་འཁོར་ལོ་བཅའ།། འབྲུབ་གནས་ཨེ་གཏིང་གའུ་བཅའ།། དར་དཀར་གུར་ཕུབ་དྲག་སྔགས
་བཟླས།། རྫོགས་དང་འཁོར་ལོ་གའུར་བཅས།། ལྷ་ཡི་ཁང་པར་སྦས་པར་བྱ།། སྒྲོ་འབོག་ནད་ཀྱིས་ངེས་པར་ན།། མྱུར་དུ་བརླག་པར་ངས་བཤད་དོ།། རཱ་ཙ་ཙ་པ་ལ་ཨ་ཤུག་མེ་རཱ་ཙ་སྲོག་ལ་ཧྲི་ཧྲི། ཨུད
་མད་བྱ་སངས་ལ་ཤམ་ཤམ་ཙི་ཏྲ་ཧ་ལ་ཡང་ཏི་པར་རྦད།། ཁྲི་གསུམ་མངགས་ལ་བར་ཆད་སྤངས།། མགོན་པོ་གསང་བ་སྙིང་གི་འཁོར་ལོའི་རྒྱུད་ལས།། དུང་གི་མོས་པ་སྲོག་གཅོད་སྤུ་གྲི་མངག་པའི་ལེའུ་ལས། ཕྱི
་མའི་རྟོག་པ་སྟེ་དགུ་པའོ།། །། དེ་ནས་རྡོ་རྗེ་གཏུམ་པོ་ཡིས།། མོན་མོ་ལྕགས་ཀྱུ་མངག་པ་སྟེ།། རྡོ་རྗེ་སྡེར་ཅན་གཏུམ་མོ་ཁྲོས།། མངག་པའི་ཕོ་ཉ་ལས་མཁན་མོ།། དུར་ཁྲོད་གནས་སུ་བསྒྲུབ་པར་བྱ།། སླེ
་ཤ་འབྲུ་ནག་དུག་གཏོར་རྟེན།། ལས་ཀྱི་ཐོད་པ་མཚན་ངན་དུ།། ཨ་མུ་ཀ་ཡི་གཟུགས་དང་བཅས།། དམེ་ཁྲག་དུག་སྣ་གཉན་མཚོའི་ཆུ།། སྔགས་ཏེ་ཐུན་གྱིས་ཡོངས་པར་བསྣུན།། ལས་རྫོགས་ལིངྒ་སྐུད་པས
་དྲིལ།། མ་མོའི་གཟུགས་ཀྱི་ཞབས་འོག་གཞུག། ཀླུ་མོ་ནག་མོ་གནས་སར་མནན།། མ་ཏྲག་རཀྟ་ནག་མོ་ཏིང་ལམ་བྷྱོ། ནག་མོ་དུན་སྙིང་ལས་ལ་བྷྱོ།། མུན་རགྣ་ཙ་མུར་ཁ་ལ་བྷྱོ། ཁྲག་འཐུང་ཁོལ་བ་མཚན་རྟགས
་ཡིན།། རླངས་དང་མདོག་འགྱུར་རྟགས་ཡིན་པས།། དགྲ་ལ་ཟོར་འཕོང་བརྣག་པར་བྱ།། མགོན་པོ་གསང་བ་སྙིང་གི་འཁོར་ལོ་ནག་པོའི་རྒྱུད་ལས།། ཁྲག་འཐུང་མོན་མོ་ལས་ལ་མངག་པའི་ལེའུ་སྟེ། ལས་ཀྱི་ཕྱི་མའི
་རྟོག་པ་བཅུ་པའོ།། །། དེ་ནས་རྡོ་རྗེ་གཏུམ་པོ་ཡིས།། གདུག་པ་མོས་པ་གཟེར་འདེབས་ཀྱི།། དྲག་སྔགས་དམ་པ་བཤད་པར་བྱ།། ཀླུ་གཉེན་གདུག་པའི་དབེན་གནས་སུ།། དེ་ཡི་ས་ལ་མཎྜལ་བྱ།། དྲི་སྤོས་སྨན
་གྱིས་ཆག་ཆག་གདབ།། གཉེན་ར་དགུ་ཡི་ཤིང་སྣ་ལ།། འོངས་ར་བོང་ཡང་བྱས་ཏེ་རྟེན་དུ་གཟུགས།། སྦལ་པའི་ལྟོ་བར་འཁོར་ལོ་བྲི།། སྦལ་ནག་ཁྲག་དང་སྦྲུལ་དང་ནི།། བ་དམར་རཀྟ་མཛེ་ཁྲག་ལ།། ཐུན
་དང་འཁོར་ལོ་བྲི་བར་བྱ།། དཀར་གཏོར་ཀླུ་སྨན་སྣ་ཚོགས་བསག། གདུག་པ་ཀླུ་ཡི་གཟུགས་བྱས་ལ།། གདུག་པ་གནས་སར་དེ་ཡིས་མནན།། དེ་ཡི་གསང་སྔགས་འདི་དག་གོ། ནཱ་ག་ཧུ་ཏི་ནཱ་ག་དུ་རུ་ཧ་ནཱ་ག་དུ་ལེ་ཧེ
་འདུས་ས་མ་ཡ།། དགྲ་བོའི་རྩ་ལ་ཧ་ལ་རོ་ག་ནན།། ཛ་ལ་ནི་ཛ་ལ་ནི་ཤུ་ཁྲམ་མྱགས་ཐིབ་ལ།། ལ་བཙས་ཕ་ལོང་རྔ་བ་དྲུག། དར་མདའ་ཟའུ་བཤོས་བུ་རྟེན།། སྲོག་སྙིང་རྫོགས་དང་དགྲ་བོའི་གནས།། དེ་ཉིད་མཐོང
་ངམ་ཕྱོགས་ཀྱི་རིར།། ཁ་བསྟན་སྤྲུལ་པ་དཔག་མེད་དབབ།། ལས་ནི་སྲོག་ལ་ཤན་པ་འགྱེད།། དེ་ཡི་གསང་སྔགས་འདི་དག་གོ། བཛྲ་ཏྲ་པ་དུ་ཁ་ཐུམ་ཏྲི་ཛ་ཛཿ། རཱུ་པ་སརྦ་གུ་ཡཾ་ཀ་ས་ལི་ཏི་རྒྱལ་ཧ་ལ་ཧལ་དུ་ལིང་ཧས
་ཕོ་བ་ཡ།། ཞེས་གསུངས་སོ།། དཔལ་མགོན་པོ་ནག་པོ་གསང་བ་སྙིང་གི་འཁོར་ལོའི་རྒྱུད་ལས། མོན་པ་གཏུམ་བག་ཅན་ལས་ལ་མངག་པའི་ལེའུ་སྟེ། ལས་ཀྱི་ཕྱི་མའི་རྟོག་པ་བཅུ་གསུམ་པའོ།། །། དེ་ནས་རྡོ
་རྗེ་གཏུམ་པོ་ཡིས།། ལས་ཀྱི་མ་བདུན་མངག་པ་ཐུན་གྱིས་སྦྱོར་བ་བཤད།། རབས་ཆད་ཐོད་པ་དྲི་མ་སྤངས།། ནང་དུ་ཁྲག་དང་དུག་ཆུས་དགང་། གྲུ་གསུམ་སྦགས་མའི་ནང་རལ་དུ།། སྟེང་ན་ཨ་མུ་ཀ
་ཡེ་གཟུགས།། ཁྲག་ལ་དུག་གི་ཐུན་བརྡེག་པ།། ཉུང་དཀར་ཉུང་ནག་སྐེ་ཚེས་བརྡེག། ལིངྒ་ཐུན་བྲབ་གནན་པ་བྱ།། ཁྲག་ཐོར་དགྲ་ཡི་གནས་ལ་འཕངས།། དེ་ཡི་དྲག་སྔགས་འདི་དག་གོ། ཏྲག་རཀྵ་ཧ་ལ་དགྲ་བོ་མཱ་ར
་ཛཿ།། ཙ་ཐུན་མཱ་ར་ཡ་ཐུན་སོད།། ཤ་ཐུན་སོད། མཱ་ར་ཐུན་སོད། རུ་རུ་ནག་མོ་མཱ་ར་ཡ་ཐུན་སོད། མ་མ་མུཀྟི་འགྲི་ན་ཐུན་སོད། མ་མ་ཀ་ཐུན་ཏེ་ཀ་སོད། མ་མ་རྦད་ཐུན་མཱ་ར་ཡ་ཐུན་སོད། ཤག་ཤག་རག་མོ་ཐུན
་མུགས་མཱ་ར་ཡ་ཐུན་སོད། མགོན་པོ་གསང་བ་སྙིང་གི་འཁོར་ལོ་ནག་པོའི་རྒྱུད་ལས། གཅན་གྱི་མ་བདུན་གྱི་གསད་པ་སྟེ། ལས་ཕྱི་མའི་རྟོག་པ་བཅུ་བཞི་པའོ།། །། དེ་ནས་གནོད་སྦྱིན་ཆེན་པོ་རྣམ་ཐོས་སྲས
་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མགོན་པོ་ནག་པོ་ཞེས་བྱ་བ།། མཚན་དོན་ངོ་བོ་གང་ལ་བྱ།། བསྒྲུབ་པའི་ཚུལ་ནི་ཇི་ལྟ་བུ།། ལས་ཀྱི་བྱེ་བྲག་བསྟན་པ་གང་།། རྫོགས་པར་འཁོར་ལ་བཤད་པར
་མཛོད།། རྡོ་རྗེ་གཏུམ་པོས་གང་གསུངས་པ།། མགོན་པོ་ནག་པོ་ཞེས་བྱ་བ།། རྣལ་འབྱོར་ཀུན་གྱི་མགོན་གྱུར་ཡིན།། ངོ་བོ་ཡེ་ཤེས་སྤྲུལ་པ་ལས།། ཡེ་ཤེས་སྐུ་སྟེ་རྡོ་རྗེ་ཆེ།། དེ་ལས་སྤྲུལ་པ་དཔལ་འབར་བ།། དམ
་ཆོས་བསྲུང་བའི་སྲུང་མ་སྟེ།། རྡོ་རྗེ་སྙིང་པོས་ལུང་བསྟན་ནས།། བསྟན་པ་དེ་ལ་མངོན་སངས་རྒྱས།། ལས་ཀྱི་ཕོ་ཉ་མངག་པས་ཏེ།། བདུད་རྒྱལ་ལ་སོགས་འཇིགས་པའི་འཁོར།། ལས་ཀྱི་མགོན་པོ་ཞེས་སུ
་བཤད།། བསྒྲུབ་པ་རྣལ་འབྱོར་དབང་ཕྱུག་གིས།། བསྟན་པའི་བླ་སྲིད་ཉེར་བཞག་སྟེ།། དཀོན་མཆོག་བླ་མའི་དོན་དུ་བསྒྲུབ།། རྩ་བའི་སྔགས་ལ་ནན་ཏན་བྱ།། དེ་རྫོགས་གའུ་ལས་ལ་སྦྱོར།། དེ་རྟགས་སྔོན་དུ་འོང་བ
་ཡིན།། གལ་ཏེ་ལས་འགོར་དམ་ཚིག་བཤགས།། ལས་མཐའ་འཁོར་ལོ་དྲག་པོས་བྱ།། བཟློག་དག་དཀྲུག་པ་དྲོད་མེད་སྤངས།། དཔའ་བོ་གཅིག་པ་བསྒྲུབ་པ་ནི།། སྤུ་གྲི་སྙིང་གི་འཁོར་ལོ་ཡིན།། གའུ་འཁོར་ལོར
་སྒྲུབ་པ་ནི།། ནག་པོ་སྙིང་ཆོས་ཅན་ཞེས་བྱ།། གའུ་གསང་བ་ཨེ་རུང་བསད།། ལས་ཀྱི་མོན་གསུམ་ལྟོ་སྡེབས་པས།། གསང་བ་སྙིང་གཅིག་བསྒྲུབ་པ་ཡིན།། ལས་ཀ་གང་བྱེད་དྲེགས་པའི་སྔགས།། མགོན་པོའི་རྩ
་སྔགས་དེ་ལ་གདགས།། མཐའ་རུ་ལས་སྦྱོར་གང་ཡིན་བྱ།། ཡི་གེ་རྨད་བྱུང་གསང་བའི་རྒྱུད།། དམ་ཚིག་ལྡན་ཞིང་ལྟ་བ་རྟོགས།། དབང་ཐོབ་རྒྱུན་དུ་བླ་མ་འཁུར།། དེ་ལ་ནུས་པ་དཔག་མེད་དེ།། རྡོ་རྗེ་སྙིང་པོ་ངས
་གསུངས་སོ།། ཞེས་རྡོ་རྗེ་སྙིང་པོས་གསང་བའི་བདག་པོ་ལ་གསུངས་ཏེ། འདུས་པའི་འཁོར་རྣམས་ཐམས་ཅད་རྗེས་སུ་ཡི་རངས་ཏེ། མངོན་པར་བསྟོད་དོ།། མགོན་པོ་གསང་བ་སྙིང་གི་འཁོར་ལོ་ལས། འཁོར་ལ
་གདམས་པའི་ལེའུ་སྟེ་བཅོ་ལྔ་པའོ།། །། དངོས་གྲུབ་ཆེན་པོ་འབྱུང་བ་ཞེས་བྱ་བའི་རྒྱུད་རྫོགས་སོ།། །། ས་མ་ཡ། ན་ར་ཀན། ལོ་ཙཱ་བ་གནུབས་སངས་རྒྱས་ཡེ་ཤེས་ཀྱིས་བསྒྱུར་ཅིང
་ཞུས་ཏེ་གཏན་ལ་ཕབ་པའོ།། །།
་