བོད་ཡིག

e-texts produced with BDRC’s OCR application

text in 2 volumes

volume 1 (ki) - volume 2 (ki) -

rgya gar skad du/ shrI ma hA kA la nA tha g+hA ya tsit+ta tsakra sid+d+hi ma hA hi ta tan+t+ra/ bod skad du/ dpal mgon po nag po gsang ba snying gi 'khor lo dngos grub chen po 'byung ba'i rgyud/ bcom ldan 'das rdo rje gtum po gzi byin can la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje gtum po rngams pa'i rgyal po nyid/ lcang lo can gyi gnas mchog lhun gyis grub pa'i pho brang chen po/ byang chub sems dpa' du ma dang bcas pa khro bo rngam pa'i rol pa dang / 'jig rten gyi dregs pa can pho mo dmod pa'i mtshon cha can dang / lha dang mkha' 'gro ma mang po 'dus pa'i dbus na/ chos nyid las sku bzhengs te/ dregs pa can 'dul ba'i ting nge 'dzin la bzhugs te/ de'i tshe de'i dus na/ bcom ldan 'das dpal mgon po nag po zhes bya ba/ gsang ba'i yum dang bcas pa/ sprul pa'i srog gshed dang pho nya'i las mkhan dang / sgrol ging shan pa pho mo dang bcas pa de nyid du lhags te rang rtags srog gi snying po/ gdug pa'i dmod pa'i mtshon cha can/ rdo rje gtum po la mdongs gsol du phul lo// smras pa/ tad+ya thA/ oM shrI ma hA kA la tri yaM dzaHdzaH/ dgra bo mA ra ya nan/ mA ra ya sod/ nag po dgra bo'i sha rgyud snying 'di thon thon/ bdud po dgra bo'i srog la dzaHdzaH/ nag po dgra bo'i bla rtsa la dzaHdzaH/ nag po dgra bo'i snying rtsa la dzaHdzaH/ nag po dgra bo'i klad pa'i rtsa la dzaHdzaH/ nag po dgra bo'i snying rgyud dbugs la dzaHdzaH/ nag po dgra bo'i rtsa rgyud srog la dzaHdzaH/ tsa dip+ta tsakra ni hAM/ ma dIp+ta tsakra ni hUM/ bam ni ra hUM b+h+yo/ ma ma tsho las la gro// ha la ha la hUM phaT/ ces rgyan gyi dmod par phul lo// mgon po gsang ba snying gi 'khor lo nag po'i rgyud las/ gleng gzhi dang sngags ston pa'i le'u ste dang pa'o// // de nas dpal mgon po chen po rnam thos sras kyis bcom ldan 'das la 'di skad ces gsol to// ma hA kA la khros pa zhes// kA la 'od 'bar drag shul can// 'jigs byed khros pa'i gzigs mdangs can// sgrol byed shan pa rlung gi/ shugs// rnam par kun gyi mgon gyur pa'i// bsnyen cing bsgrub na ji ltar sgrub// bsad cing lus srog dbye ba dang // ltas ngan cho 'phrul dbab pa dang // drag po shugs kyis bsgral ba dang // lo rtog 'joms pa la sogs pa// las rim rdzogs pa ji lta bu// zhes gsol pas/ rdo rje gtum pos 'di skad ces gsungs so// ma hA kA la mthu rtsal can// legs ldan nag po 'jigs pa'i sku// bdud 'dul rnams kyi dbang phyug ste// rnal 'byor kun gyi dgra bla yin// rig 'dzin kun gyi srog shing yin// gsang ba'i yum dang sprul par bcas// ri gsum rtse 'dus dben pa'i sar// nags tshal rtsub mo gcan gzan/ 'grims// yid 'ong gnas su maN+Dal bsham// gru gsum mthing nag zla gam bstan// zlum po thod pa bdun gyis bskor// gru chad sgo bzhi rdo rjes ni// dbus su gru gsum bsnol ma la// 'brub gnas bzhi dang ldan par bya// ga'u steng 'og 'khor lo'i bar// tsit+ta srog rtsa dmigs pa gzhug/ kha sprad skra shad zag pas bcings// steng du dgra bshos nag po bzhag/ lug nag pags pa tsa ka li// mda' nag dar gyis brgyan pa dgod// pho rdzas dug dang mo rdzas khrag/ tshogs po'i dgra ba'i thun yang bca'// mon mo chen po'i thod pa ru// gnag pa'i dgra bgegs bcas la bzhag/ zlum po'i thod pa re re la// dug shing phur bu re re dgod// gru chad la sogs maN+Dal te// mthun pa'i dam rdzas 'di dag dgram// sha sna lnga dang bdud rtsi lnga// dkar gsum mngar gsum me tog spos// chang dang la phug tsan+dan rnams// zhal zas rnam pa snga tshogs dgram// mtshan ldan thod par rak+ta dang // gtor ma bshams la dbul bar bya// de nas bdag nyid skad cig gis// phyag na rdo rjer gsal byas nas// thugs ka'i sa bon 'od 'phros pas// khro bo mang pos gzir bskrad nas// gzhal med khang dag bsam dbus su// bla ma yi dam dkyil 'khor tshogs// bsod nams tshogs rdzogs stong nyid las// hUM las bdag nyid khro bo'i mdun// ma hA kA la 'jigs byed che// sku mdog nag po mun pa'i mdangs/ zhal gcig phyag ni gnyis pa ste/ sku la mtha' ber brtsegs pa gsol// chibs su dpa' bo stag la bcibs// phyag na tsan+dan bing chen bsnams// dom dang dred kyis smra 'dren cing // lcags kyi bya khra phyi nas 'brangs// ce spyang nag po khrag rjes gcod// srog gcod khro bo 'jigs pa'i sku// spu gri mi snying thogs pa dang / tri shUl rgyal mtshan dung 'bud dang // gsod byed mos pa bdun dang bcas// spyan drang mchod dang bzlas brjod cing // de tshe mtshan rtags byung ba dang // sgra dang 'od dang mon nag dang / ban+de nag po slob dpon dang / mi nag la sogs byung ba dang // dngos su sku yang ston par 'gyur// dpal mgon po nag po gsang ba snying gi 'khor lo nag po'i rgyud las/ bsnyen cing bsgrub pa ste rtog pa gnyis pa'o// // de nas rdo rje gtum po yis// bsad pa'i sbyor ba bshad par bya// bam chen mo yi thod pa ru// tshwa ba gsum dang lci ba dang // skra dang dri ma rkang rjes dang // grog mkhar sa dang dar khrag gis// dbang po tshang ba'i 'dra 'bag bya// gu gul rgya tshil dud pas bdug/ thod pa sngags kyi 'khor lor gtum// gdug pa'i re bas kha bcad la// bsad pa'i sngags la 'jug par bya// srod dang tho rangs gung gnyis la// mda' re thun re sngags re sprugs// las rdzogs phur gdab gris gtub la// dar nag gtum la dkar nag gis// mtshan ngan thod par bcug nas ni// ka rten lha yi khang pa'am// gdug pa gnas pa'i sa ru mnan// oM shrI ma hA kA la tri yaM dzaHdzaH/ dgra bo che ge mA ra ya hUM phaT/ oM shrI che ge mo kI la ya/ ki ti kI la ya/ mu ka kI la ya/ hri hri dam kI la ya/ pa ta kI la ya/ oM tsaN+Da ma hA ro Sha Na de wa/ tad+ya thA/ che ge mo mA ra ya hUM phaT/ phur pa gdab dang mnan pa'i sngags// brjod dang dmod pa drag tu gdab// dpal mgon po nag po gsang ba snying gi 'khor lo'i rgyud las/ bsad pa'i sbyor ba bstan pa'i le'u ste rtog pa gsum pa'o// // de nas rdo rje gtum po yis// sprul pa'i nges pa bshad par bya// gri rgod zod pa bam ril du// phrangs gsum dang mnyan sa gnyis// nang du ming rus sngags bris la// kha mig dug dang khrag gis bya// gnas khang sbas na sgra 'byin 'thabs// gzhan yang wa sbrel byi la sogs// sha khrag gzugs byas rang rang rdzogs// gcan gzan gdug pa sgra 'byin cing // gnas khang 'jig dang grong khyer bskor// khra dang 'ug pa srin bya dang // kang ka ti pa mdzad la sogs// sha khrag spu la gzugs byas sba// 'dab chags bya gcan khu 'debs dang // 'thab dang sder 'dzings gnas khang 'bab// nya sbrul gdug pa klu gnas sa// sha khrag bsres te gzugs byas sba// sa bdag klu yi cho 'phrul 'bebs// ngan sngags khri phrag gsum rdzogs nas// sbyor ba smin pa'i dus chen la// grong khyer phyogs bcur cho 'phrul 'babs// oM shrI ma hA kA la tri yaM dzaHdzaH/ che ge mo ka pA li rgyas// hal hal du ling hal pho ba/ pi sha rtse rlung sing / khram khram du ling has phob/ ling ling pu ta dun sham dun ling has pho ba/ na ga b+ha nu ga du ling has pho ba/ rtsa ba dmigs pa mi dang po// sngags kyi sbyor ba bsdebs pas 'grub// dpal mgon po nag po gsang ba snying tig gi 'khor lo nag po'i rgyud las/ lhas ngan kyi le'u ste rtog pa bzhi pa'o// // de nas rdo rje gtum po yis// lo tog 'joms pa'i las bshad pa// drag po'i mi shes zod pa ru// yul lha yul mi ser bsrung lo// zhing khang sa la ling+ga bya// thod par brub la thun gyis gtems// rtol khrag rta yi khrag dang ni// ba mar yugs sa'i 'o ma dang / ra dug spyang dug drag po'i thun// nyung dkar nyung nag ske tshe brdeg/ drag sngags sbyor ba rdzogs pa dang // phyed sba phyed bsregs lhag ma gtor// lo tog 'bras bu brlag pa'i phyir// skyi 'dang 'khyags pa ro ltar spungs// oM shrI ma hA ka la tri yaM dzaHdzaH/ rA hu la ya ma snying / rak+Sha de si be// de wa a tsa yaM tri ya na ga/ trig nan nyag s+phAr ya dza la raM thibs 'dus/ 'ur 'ur khro khro hril hri la yaM yaM shar shar nal na la ser ba drag tu phob/ gza' bdud srin po lta klu btsan// rang rang sngags kyis 'dabs bskul nas// 'bras bu lo tog 'joms par byed// mgon po gsang ba snying gi 'khor lo'i rgyud las// sar ba dbab pa'i le'u ste rtog pa lnga pa'o// // de nas rdo rje gtum po yis// khyad par drag po bsgral ba'i las// 'khor lo thun brab las kyi gtso// shi sa ar la gtad pa dang // ma grub spogs pa'i las mthab ni// rnal ma zlog pa lto dkrug pa// rgya shog rgyu la 'khor lo bri// mu khyud gsum pa bcu bdun rtsibs// sdig pa'am sbrul gyi khongs su bri// gcan gzan khrag dang sri can khrag/ mi dang rta yi khrag tu sbyar// rgyu rkyen drug la ling+ga bya// gri rgod zos pa'i nang du'o// nyung dkar nyung nag ske tshe khrag/ thun gyi rdzas su rab tu bsngags// drag sngags mda' dang bcas shing bsreg/ khri gsum sngags kyi bar du spangs// 'khor lo rtsang khar bar snang lding // brgya brgya rdzogs nas sngags thun brab// dgongs dang tho rangs srod dang gung // mon pa dang bcas drag sngags sbrel// rdzogs nas 'khor lo ling+ga kun// sha za ging ni rtsa 'am ni// yang ni lha khang rnying par mnan// de yis brlag par yang dag bshad// gal te las la mthu med na// bzlog cing dkrug pa rnal ma bya// thod pa mun pa'i 'od khung ngam// gdug pa gnas pa'i sa ru mnan// de yis las kun 'grub par 'gyur// ya bag sha ya yin pas na// kun la bya bar ma gsungs so// au shrI ma ha kA la tri yaM dzaHdzaH/ dgra bo mA ra ya dzaH/ dgra bo'i srog la myogs// tsit+ta khas// rak+ta thibs hUM li mA ra ya rbad// dgra bo mA ra ya hUM li ya li// rak+ta thibs tsit+ta khas/ srog la myog la rbad/ dgra bo mA ra ya srog la myog/ hUM ling yaM ling rak+ta thibs rbad/ ngan sngags skye ba rgyun gcod de// khyad par mchog gi las su bshad/ mgon po gsang ba snying gi 'khor lo nag po'i rgyud las/ khyad par gsang ba'i las bstan pa'i le'u ste rtog pa drug pa'o// // de nas rdo rje gtum po yis// rdo rje drag po 'jigs pa che// mgon po nag por mtshan gsol ba// las la phrin las 'di yis bskul// hUM// che btsan dpe med mgon po nag po ni// sku la dar nag 'jol ber gsol// dbu la sbrul gyi ral pa can// mi yi thod pas dbu la brgyan// gdong mig dmar la mche ba gtsigs// stag gi sma ra me ltar 'bar// snyan cha mgur chu mi thod dmar// gser ka rin chen sku yi rgyan// zhabs la l+h+wam ti lham po @/ che// chibs su dpa' bo stag la bcibs// phyag na tsan+dan bing chen bsnams// gsor zhing klad pa'i rgyas su 'debs// song zhig khong gi snying phyung zhig/ lha chen mgon po nag po khyod// nga la sdang ba'i dgra bo 'di// myur du sod la rnam par rgyob// sgro ru chug la 'bog tu chug/ lha chen mgon po nag po dang // lha mo nag mo gnyis su med// lha mo nag mo gshegs su gsol// lha mo nag mo chen po ste/ sku mdog dmag nag ral pa can// g.yas na bdud kyi khram shing bsnams// g.yon na nad kyi rkyal pa thogs// chibs su dre'u rta rkang gsum chibs// dra ba dgu yi he le bkal// khyod kyi thugs dam dus la bab// sku yi sprul pa'i las mkhan ni// mun pa nag po gtum bag can// sku mdog nag po mun pa'i mdangs// tri shU la yi rtse mo la// mi ro dmar po'i rgyal mtshan phyar// dar nag ru mtshon chen po yis// lha srin sde brgyad dmag dpung sdud// mgon po nag po las la b+h+yo// gsung gi sprul pa'i las mkhan ni// mon pa nag po 'jigs pa'i sku// sku mdog dmar nag 'jigs pa la// ma he'i rwa dung chen po yis// snang srid lha 'dre sgra yis 'bod/ gtum chen nag po las la b+h+yo// thugs kyi sprul pa'i las mkhan ni// lcags kyi mun pa gsod byed de// sku mdog sngo nag rngam pa'i zhal// lag na spu gri tsit+ta bsnams// spu gri'i dgra bo'i khong gshegs nas// tsit+ta phyung nas gtso la stob// bdud kyi mos pa nag po bdud// bdud nag 'bum gyi sna drangs nas// nyams pa'i dgra yul dmag gis 'gengs// lho phyogs gshin rje chen po brgyad// khyod kyi 'khor dang g.yog yin pas// gcan gzan mang po pho nyar 'gyed// byang phyogs gnod sbyin chen po brgyad// lcags kyi bya khra 'jigs par sprul// nyams pa'i sha dang rus pa 'dral// dur khrod gnas kyi ma mo brgyad// b+h+yo dang dza yi sgra sgrogs shing // nyams pa'i dgra la zor thun 'bebs// lhan chen mgon po nag po ste// ma hA ka la mthu rtsal can// bstan pa 'jig pa'i dgra bo 'di// dkon mchog gsum gyi sku dgra yin// rnal 'byor yongs kyi spyi dgra yin// sngags 'chang bdag la brnyas btsugs so// srung ma khyod la phod btsugs so// zhes drag tu bskul bar bya'o// de nas yang dag nges gsungs pa// gsang ba mchog gi sgrub pa ste/ chos skyong mgon po dpal mgon mchog/ oM ni ye shes lnga yi dngos// rdo rje 'dzin pa'i ngo bo nyid// shrI ni bdag gzhan yongs kyi dpal// mgon gyur dpal 'bar chen po nyid// ma hA che btsan dpe med de// kA la 'od 'bar drag shul can// tri zhes sgrol ging shan pa bskul// yaM ni drag po rlung gi shugs// dzaHnyid dgugs pa'i lcags kyu yin// dmigs pa gang yin dgug pa ste// gsang ba mchog gi bdag po la// khams gsum mthu chen bdag po ste// ma hA kA la khyod la 'dud// gang dag gsang ba'i snying po la// mos sam yid la byed pa yis// khams gsum dbang du sdud pa dang // srid gsum zil gyis gnan pa dang // me dang rgyal po chu dang dug/ ma rungs gcan gzan la sogs pa// 'jigs pa che las yongs su thar// tshe dang dbang thang la sogs pa// longs spyod 'phel zhing dbul ba sel// dpag bsam ljon bzhin rgyas pa dang // nad dang sdug bsngal rab zhi nas// 'jig rten mi nub rgyal mtshan du// grags pa chen po bla med 'gyur// mgon po gsang ba snying gi 'khor lo nag po'i rgyud las/ mgon po la phrin las bcol ba dang / bstod pa dang yon tan bstan pa'i le'u ste rtog pa bdun pa'o// // mgon po nag po mo rgyud gsang ba dngos grub 'byung ba zhes bya ba/ bod kyi brje khri bcan rdo rje la gtad pa'o// sa ma ya/ rgya rgya rgya/ ka zag kya/ rgya rgya rdzogs so// // de nas gnod sbyin chen po rnam thos sras kyis bcom ldan 'das la 'di skad ces gsol to// ma hA ka la khros pa che// rnal 'byor kun gyi mgon gyur pa// nyid kyi sgrub pa de ltar na// sprul pa srog gshed las mkhan de// sgrol byed shan pa'i las mkhan gang // rdo rje gtum pos bka' stsal pa// ma hA ka la 'od 'bar ba// rnal 'byor kun gyi dgra bla yin// de yi las mkhan mon pa dang // las kyi ma bdun pho nya mngag/ las kyi mtha' ru bzhag pa yin// lcags kyi mun pa khrag 'thung ni// nag po spyi ring sol dum 'dra// ri nag brag nag logs la bsngags// bya rog rta rog mon nag khrag/ g.yag rgod brag nag sa la sbar// gru gsum mthing nag khyi nag mgo/ yang na mon nag rabs chad thod// a mu ka yi gzugs da bcas// dar nag gur dbu thun gyis bsad// gdug pa'i drag sngags 'di dag bzlas// dun du trag du thum b+ha ti srog breng breng dun tri dzaH/ bdud po dgra bo'i srog la dzaHdzaH/ oM sai ra phrum phrum la ga re khas he/ slad ni slad ne dgra bo'i srog tsa le tsa le mA ra tsa hUM dzaHhUM dzaH/ mA ra ya rbad/ bror btegs phur gdab gris gtub la// mun pa'i gling du gnan par bya// mgon po gsang ba snying gi 'khor lo'i rgyud las// lcags kyi mos pa spyi ring mngag pa las/ phyi ma'i rtog pa brgyad pa'o// // de nas rdo rje gtum po yis// srog gcod mos pa snying 'byin te// dkar po pra sangs mngag par bya// dar dkar nas sam rgya shog la// lha khang rnying pa'i ka rten sa// cong zi ha shig rgya tshwa dang // ra dkar rta dang bya dkar khrag/ bsres te lte bar 'khor lo bca'// 'brub gnas e gting ga'u bca'// dar dkar gur phub drag sngags bzlas// rdzogs dang 'khor lo ga'ur bcas// lha yi khang par sbas par bya// sgro 'bog nad kyis nges par na// myur du brlag par ngas bshad do// rA tsa tsa pa la a shug me rA tsa srog la hri hri/ ud mad bya sangs la sham sham tsi tra ha la yang ti par rbad// khri gsum mngags la bar chad spangs// mgon po gsang ba snying gi 'khor lo'i rgyud las// dung gi mos pa srog gcod spu gri mngag pa'i le'u las/ phyi ma'i rtog pa ste dgu pa'o// // de nas rdo rje gtum po yis// mon mo lcags kyu mngag pa ste// rdo rje sder can gtum mo khros// mngag pa'i pho nya las mkhan mo// dur khrod gnas su bsgrub par bya// sle sha 'bru nag dug gtor rten// las kyi thod pa mtshan ngan du// a mu ka yi gzugs dang bcas// dme khrag dug sna gnyan mtsho'i chu// sngags te thun gyis yongs par bsnun// las rdzogs ling+ga skud pas dril// ma mo'i gzugs kyi zhabs 'og gzhug/ klu mo nag mo gnas sar mnan// ma trag rak+ta nag mo ting lam b+h+yo/ nag mo dun snying las la b+h+yo// mun rag+na tsa mur kha la b+h+yo/ khrag 'thung khol ba mtshan rtags yin// rlangs dang mdog 'gyur rtags yin pas// dgra la zor 'phong brnag par bya// mgon po gsang ba snying gi 'khor lo nag po'i rgyud las// khrag 'thung mon mo las la mngag pa'i le'u ste/ las kyi phyi ma'i rtog pa bcu pa'o// // de nas rdo rje gtum po yis// gdug pa mos pa gzer 'debs kyi// drag sngags dam pa bshad par bya// klu gnyen gdug pa'i dben gnas su// de yi sa la maN+Dal bya// dri spos sman gyis chag chag gdab// gnyen ra dgu yi shing sna la// 'ongs ra bong yang byas te rten du gzugs// sbal pa'i lto bar 'khor lo bri// sbal nag khrag dang sbrul dang ni// ba dmar rak+ta mdze khrag la// thun dang 'khor lo bri bar bya// dkar gtor klu sman sna tshogs bsag/ gdug pa klu yi gzugs byas la// gdug pa gnas sar de yis mnan// de yi gsang sngags 'di dag go/ nA ga hu ti nA ga du ru ha nA ga du le he 'dus sa ma ya// dgra bo'i rtsa la ha la ro ga nan// dza la ni dza la ni shu khram myags thib la// la btsas pha long rnga ba drug/ dar mda' za'u bshos bu rten// srog snying rdzogs dang dgra bo'i gnas// de nyid mthong ngam phyogs kyi rir// kha bstan sprul pa dpag med dbab// las ni srog la shan pa 'gyed// de yi gsang sngags 'di dag go/ badz+ra tra pa du kha thum tri dza dzaH/ rU pa sarba gu yaM ka sa li ti rgyal ha la hal du ling has pho ba ya// zhes gsungs so// dpal mgon po nag po gsang ba snying gi 'khor lo'i rgyud las/ mon pa gtum bag can las la mngag pa'i le'u ste/ las kyi phyi ma'i rtog pa bcu gsum pa'o// // de nas rdo rje gtum po yis// las kyi ma bdun mngag pa thun gyis sbyor ba bshad// rabs chad thod pa dri ma spangs// nang du khrag dang dug chus dgang / gru gsum sbags ma'i nang ral du// steng na a mu ka ye gzugs// khrag la dug gi thun brdeg pa// nyung dkar nyung nag ske tshes brdeg/ ling+ga thun brab gnan pa bya// khrag thor dgra yi gnas la 'phangs// de yi drag sngags 'di dag go/ trag rak+Sha ha la dgra bo mA ra dzaH// tsa thun mA ra ya thun sod// sha thun sod/ mA ra thun sod/ ru ru nag mo mA ra ya thun sod/ ma ma muk+ti 'gri na thun sod/ ma ma ka thun te ka sod/ ma ma rbad thun mA ra ya thun sod/ shag shag rag mo thun mugs mA ra ya thun sod/ mgon po gsang ba snying gi 'khor lo nag po'i rgyud las/ gcan gyi ma bdun gyi gsad pa ste/ las phyi ma'i rtog pa bcu bzhi pa'o// // de nas gnod sbyin chen po rnam thos sras kyis bcom ldan 'das la 'di skad ces gsol to// mgon po nag po zhes bya ba// mtshan don ngo bo gang la bya// bsgrub pa'i tshul ni ji lta bu// las kyi bye brag bstan pa gang // rdzogs par 'khor la bshad par mdzod// rdo rje gtum pos gang gsungs pa// mgon po nag po zhes bya ba// rnal 'byor kun gyi mgon gyur yin// ngo bo ye shes sprul pa las// ye shes sku ste rdo rje che// de las sprul pa dpal 'bar ba// dam chos bsrung ba'i srung ma ste// rdo rje snying pos lung bstan nas// bstan pa de la mngon sangs rgyas// las kyi pho nya mngag pas te// bdud rgyal la sogs 'jigs pa'i 'khor// las kyi mgon po zhes su bshad// bsgrub pa rnal 'byor dbang phyug gis// bstan pa'i bla srid nyer bzhag ste// dkon mchog bla ma'i don du bsgrub// rtsa ba'i sngags la nan tan bya// de rdzogs ga'u las la sbyor// de rtags sngon du 'ong ba yin// gal te las 'gor dam tshig bshags// las mtha' 'khor lo drag pos bya// bzlog dag dkrug pa drod med spangs// dpa' bo gcig pa bsgrub pa ni// spu gri snying gi 'khor lo yin// ga'u 'khor lor sgrub pa ni// nag po snying chos can zhes bya// ga'u gsang ba e rung bsad// las kyi mon gsum lto sdebs pas// gsang ba snying gcig bsgrub pa yin// las ka gang byed dregs pa'i sngags// mgon po'i rtsa sngags de la gdags// mtha' ru las sbyor gang yin bya// yi ge rmad byung gsang ba'i rgyud// dam tshig ldan zhing lta ba rtogs// dbang thob rgyun du bla ma 'khur// de la nus pa dpag med de// rdo rje snying po ngas gsungs so// zhes rdo rje snying pos gsang ba'i bdag po la gsungs te/ 'dus pa'i 'khor rnams thams cad rjes su yi rangs te/ mngon par bstod do// mgon po gsang ba snying gi 'khor lo las/ 'khor la gdams pa'i le'u ste bco lnga pa'o// // dngos grub chen po 'byung ba zhes bya ba'i rgyud rdzogs so// // sa ma ya/ na ra kan/ lo tsA ba gnubs sangs rgyas ye shes kyis bsgyur cing zhus te gtan la phab pa'o// //