Wylie

e-texts produced with BDRC’s OCR application

རྒྱ་གར་སྐད་དུ། ཤྲཱི་ཧ་ཡ་གྲཱི་བ་ཀརྨ་ཏནྟྲ། བོད་སྐད་དུ། དཔལ་རྟ་མགྲིན་ལས་རྒྱུད། བཅོམ་ལྡན་འདས་རྟ་མགྲིན་དབང་གི་སྐུ་ལ་ཕྱག་འཚལ་ལོ།། འདི་སྐད་དག་གིས་ཐོས་པའི་དུས་གཅིག་ན། བཅོམ ་ལྡན་འདས་པདྨ་རིགས་ཀྱི་སངས་རྒྱས། ཤིན་ཏུ་རྣམ་པར་དག་པའི་ཁམས་ན། བྱང་ཆུབ་སེམས་དཔའི་ཚོགས་དང་། ཁྲོ་བོ་དང་ཁྲོ་མོ་དང་། སྤྲུལ་པ་དང་ཡང་སྦྲུལ་དང་། ནམ་མཁའ་ལྡིང་གི་ཚོགས་ལ་སོགས་པ་རྣམས ་དང་ལྷན་ཅིག་ཏུ་བཞུགས་སོ།། དེའི་ཚེ་ནམ་མཁའ་ལྡིང་གི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གར་གྱི་དབང་ཕྱུག་བཅོམ་ལྡན་འདས།། བདེ་གཤེགས་ཁྲོ་རྒྱལ་མཐུ་སྟོབས་ཅན།། པདྨ་དབང ་གི་རྒྱུད་ཆེན་པོ།། བདག་ཅག་རྣམས་ལ་བཤད་དུ་གསོལ།། ཞེས་ཞུས་སོ།། དེ་ནས་ཁྲོ་རྒྱལ་གར་དབང་གིས།། མི་རྟོག་ཏིང་འཛིན་སྙོམས་ཞུགས་ཏེ།། འཁོར་རྣམས་མ་ལུས་བྱིན་བརླབས་ཤིང་།། རྟ་མགྲིན་དབང་གི ་སྐུར་བཞེངས་ཏེ།། དབང་གི་རྟ་སྐད་ཟེངས་གསུམ་གྱིས།། ཁམས་གསུམ་ཐམས་ཅད་དབང་བསྡུས་ཤིང་།། སྲིད་གསུམ་ཐམས་ཅད་ཟིལ་གྱིས་མནན།། བགེགས་རྣམས་མ་ལུས་བཏུལ་ནས་ཀྱང་།། ཀླུ་རྣམས་མ་ལུས ་ཚར་བཅད་དེ།། ནམ་མཁའ་ལྡིང་ལ་བཀའ་སྩལ་པ།། མཁའ་ལྡིང་རྒྱལ་པོ་ག་རུ་ཎ།། རྩེ་གཅིག་ཡིད་ཀྱིས་ཁྱོད་ཉོན་ཅིག། དབང་གི་རྒྱུད་ཆེན་བསྟན་པར་བྱ།། ཞེས་བཀའ་སྩལ་ཏོ།། དཔལ་རྟ་མགྲིན་གྱི་རྒྱུད་ལས།། ་གླེང་གཞིའི་ལེའུ་སྟེ་དང་པོའོ།། །། དེ་ནས་མཁའ་ལྡིང་རྒྱལ་པོ་ཡིས།། བཅོམ་ལྡན་འདས་ལ་འདི་སྐད་ཞུས།། ཨེ་མ་ཧོ་བཅོམ་ལྡན་གར་གྱི་བདག། པདྨ་དབང་གི་རྒུད་ཆེན་པོ།། བདག་གཞན་རྣམས་ཀྱི་དོན ་གྱི་ཕྱིར།། བསྙེན་དང་བསྒྲུབ་དང་ལས་སྦྱོར་དང་།། རྟགས་དང་དམ་ཚིག་ལས་ཚོགས་དང་།། དབང་དང་སྦྱིན་སྲེག་མནན་པ་དང་།། བསྲུང་དབབ་བཅད་འཁྲུལ་བྲི་བ་བསྟོད།། མཐར་ཟུག་བལྟ་བའི་དོན་རྣམས ་ཀུན།། ངེས་པར་མགོན་པོས་བཤད་དུ་གསོལ།། ཞེས་ཆེད་དུ་གླེང་ངོ་།། དེ་ནས་བཅོམ་ལྡན་འདས་ཁྲོ་བོའི་རྒྱལ།། འབྱུང་པོ་མ་ཐུལ་འདུལ་བྱེད་པའི།། གསང་སྔགས་རྒྱལ་པོ་འདི་ཡིས་ནི།། བར་ཆོད་བསྲུང་དང་སྐྲོད ་པར་བྱེད།། ཨོཾ་པདྨཱནྟ་ཀྲིཏ་ཧ་ཡ་གྲཱི་བ་བཛྲ་མ་ཧཱ་ཀྲོ་དྷ་ཏྲཱཾ། སརྦ་ནཱ་ག་ཨུ་ཙ་ཏ་ཡ་ཕཊ་ཕཊ། བཛྲ་ཁཌྒ་ཏིཥྛ་ཀི་ལ་ཡ། བཛྲ་ཛྭ་ལ་རཾ་ཕཊ་ཕཊ་ཕཊ། དེ་སྐད་གསུངས་པས་འཇིག་རྟེན་ཁམས།། ཐམས་ཅད་མ་ལུས་དབང ་བསྡུས་ཤིང་།། གྷ་མ་ཕྱོགས་པ་བརྒྱལ་ཞིང་བགས།། འབྱུང་པོ་མ་ལུས་སྡོད་པར་བྱེད།། བཟུང་དང་མཚམས་ཀྱི་ལས་ཡིན་ནོ།། ཞེས་གསུངས་སོ།། གླེང་སློང་བའི་དོན་ནུས་པའི་ལེའུ་མེ་གཉིས་པའོ།། ། དེ་ནས ་མཁའ་ལྡིང་རྒྱལ་པོ་ཡིས།། བསྙེན་བསླབ་གསང་བའི་ལས་རྣམས་ཞུས།། བཅོམ་ལྡན་འདས་ཀྱིས་བཀའ་སྩལ་པ།། དབང་ཐོབ་དམ་ཚིག་དང་ལྡན་པས།། ཐོག་མར་ཡིད་འཐད་གཞུང་མཐུན་གནས།། མཆོད་སྦྱིན ་གཏོར་མ་སྩོགས་བྱས་ཏེ།། མཎྜལ་སྟེང་དུ་མཆོད་པའི་རྫས།། དུར་ཁྲོད་མེ་ཁྲག་མཚམས་བཅད་དོ།། མ་སྐྱེས་དབྱིངས་ལས་ཐུགས་རྗེར་བསྒོམ།། ཧྲཱིཿལས་དབང་ཆེན་ཡུམ་ལྔ་རྫོགས།། བྷྲཱུཾ་ལས་དུར་ཁྲོད ་གཞལ་ཡས་ཁང་།། ཉི་ཟླ་པདྨ་ཆུ་བདག་སྟེང་།། ཁྲོ་རྒྱལ་ཀུན་ལས་བརྗིད་པའི་སྐུ།། དམར་ནག་ཞལ་གསུམ་ཕྱག་དྲུག་སྟེ།། གཡས་དཀར་གཡོན་དམར་རྟ་མགོ་ལྗང་།། ལྕགས་སྒྲོག་རལ་གྲི་དགྲ་སྟ་བྱར།། པདྨ ་གཤོལ་དང་ཐོ་བ་བསྣམས།། ཞབས་བཞི་དོར་སྟབས་བརྐྱང་བསྐུམ་བགྲད།། ཨེ་ཀ་དམར་ནག་ཆས་ཀྱིས་བརྒྱན།། ཁ་ཊྭཱཾ་ཟོད་རློན་ཡབ་ལ་སྟོབ།། ཡབ་ཡུམ་གཉིས་མེད་བྱིན་རླབས་ལས།། ཕོ་ཉ་བྱི་ལ་ཕུ་ཤུད ་མགོ། དམར་ནག་ལྕགས་ཀྱུ་ཕུར་པ་འཛིན།། དབྱིངས་ནས་སྤྱན་དྲང་བཞུགས་བརྟན་ཕྱག། སྨན་ར་ཀ་གཏོར་མ་ལ་སོགས་མཆོད།། ཐུགས་ཀའི་ཏིང་འཛིན་གསལ་བྱས་ཏེ།། བསྙེན་སྔགས་བཟླས་ཏེ་བཅོལ་སྔགས ་གདགས།། དུས་དང་གྲངས་དང་མཚན་མ་རྟགས།། བསྒྲུབ་པ་བྱ་བའི་རིམ་པ་ནི།། དུར་ཁྲོད་དབེན་པའི་གནས་དག་ཏུ།། སྔོན་དུ་འགྲོ་བའི་ལས་རྫོགས་ནས།། དཀྱིལ་འཁོར་ཟླ་གམ་ཁྱམས་སྒོར་བཅས།། སྨན་རག ་གཏོར་མ་རྫས་རྣམས་བསགས།། སྔོན་བཞིན་དཀྱིལ་འཁོར་བསྐྱེད་སྤྱན་དྲངས།། མཆོད་བསྟོད་བསྒྲུབ་པའི་བཟླས་པ་བྱ།། དམར་ནག་གྲུ་གསུམ་པར་ཁྱམས་བཅས།། དབུས་སུ་ཕུར་བསྒོ་ལ་ཡང་དགོད།། རོ་རས ་དག་ལ་འཁོར་ལོ་ནི།། མཁས་པས་རེའུ་མིག་མཚན་མར་བཅས།། ཐུན་དང་རྫས་ལ་སོགས་བྱས་ཏེ།། ཆོ་ག་གཞུང་བསྲང་བསད་སྔགས་བཟླས།། ཐུན་གྱིས་བྲབ་ཅིང་གཟིར་བྱས་ནས།། ཐ་མར་མནན་བསྲེག་ལས ་ཀྱིས་བསྐུལ།། ཡང་ན་ལིངྒ་དག་ལའོ།། དཔལ་རྟ་མགྲིན་གྱི་རྒྱུད་ལས།། བསྙེན་བསྒྲུབ་ལས་སྦྱོར་བསྟན་པའི་ལེའུ་སྟེ་གསུམ་པའོ།། །། དེ་ནས་དབང་གི་རྒྱལ་པོ་ཡིས།། དཀྱིལ་འཁོར་དབང་གི་རིམ་པ ་ཞུས།། བཅོམ་ལྡན་དབང་གིས་བཀའ་སྩལ་པ།། བསྙེན་བསྒྲུབ་མཐར་ཕྱིན་སློབ་དཔོན་གྱིས།། གང་ཡང་རུང་བའི་གནས་སུ་ནི།། མཚམས་བཅད་ས་ཡི་ཆོ་ག་བྱ།། སྟེགས་བུ་གྲུ་བཞིའི་སྟེང་དུ་ནི།། བུམ་པ་ལ་སོགས ་མཆོད་རྫས་དགྲམ།། སྔོན་དུ་འགྲོ་བའི་ལས་རྣམས་བྱ།། ཏིང་འཛིན་རྣམ་གསུམ་གཞལ་ཡས་ཁང་།། པདྨ་དབང་གི་ལྷར་བསྐྱེད་ཅིང་།། སྤྱན་དྲང་ལ་སོགས་རྫོགས་བྱས་ནས།། བསྙེན་དང་ཕྲིན་ལས་རྫོགས་པར ་བྱ།། དཀྱིལ་འཁོར་བསླུ་ཞིང་ཆག་ཆག་གདབ།། རྟ་མཆོག་དྲི་ཡི་ཐིག་ལེ་བྱ།། བསྐྱེད་དང་སྤྱན་འདྲེན་མཆོད་རྫོགས་ནས།། སློབ་མ་ཁྲུས་བྱས་གསོལ་གདབ་བཀྲུ།། སོ་ཤིང་ཆོས་བཤད་སྲུང་སྐུད་གདགས།། ཀུ་ཤ ་གཏད་ལ་རྨི་ལམ་བརྟག། དེ་ནས་ཐིག་གདབ་ཚོན་བྲིས་ཏེ།། རྒྱན་དང་མཆོད་རྫས་སྒྲུབ་རྫས་དགོད།། ཏིང་འཛིན་དཀྱིལ་འཁོར་ལས་གཞུང་བསྲང་།། གནས་སུ་ལྷ་རྣམས་བསྐྱེད་བྱས་ནས།། སློབ་མ་འཇུག་པའི་རིམ ་པ་བྱ།། དབང་བཞི་པོ་ཡང་བསྐུར་བར་བྱ།། མ་སྨིན་པ་རྣམས་སྨིན་པར་བྱེད།། ཕྱིན་ཆད་འཁོར་བར་ལྡོག་མི་འགྱུར།། དཔལ་རྟ་མགྲིན་གྱི་རྒྱུད་ལས། དབང་བསྐུར་བའི་ལེའུ་སྟེ་བཞི ་པའོ།། །། དེ་ནས་མཁའ་ལྡིང་རྒྱལ་པོ་ཡིས།། གསང་སྔགས་གསང་བའི་དོན་རྣམས་ཞུས།། པདྨ་དབང་གིས་བཀའ་སྩལ་པ།། ཧྲཱི་པདྨནྟ་ཀྲྀ་ཏ་ཧ་ཡ་གྲཱི་བ་ཨེ་ཀ་ཛ་ཏི་ཧུ་ལུ་ཧུ་ལུ། ཧྲཱིཿཔདྨཱནྟ་ཀྲྀ་ཏ་ཧཱུཾ་ཧཱུཾ་ཕཊ། ་ཧྲཱིཿཔདྨཱནྟ་ཀྲྀ་ཏ་དེ་མ་དྷ་རི་ཧ་ཡ་གྲཱི་བ་ཨེ་ཀ་ཛ་ཏི་ཧུ་ལུ་ཧུ་ལུ་ཛ་ཛ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཨེ། ཛ་ཏི་ཧུ་ལུ་ཧུ་ལུ་ཧཱུཾ་ཕཊ། ཨོཾ་པདྨཱནྟ་ཀྲྀ་ཏ་ཏ་ཡ་གྲཱི་བ་ཆེ་གེ་མོ་ཀཱི་ལ་ཡ་ཀཱི་ལ་ཡ། མཱ་ར་ཡ་མཱ་ར་ཡ། གཏུབས་གཏུབས ་སོད་སོད། ཧ་ན་ཧ་ན། ད་ཧ་ད་ཧ། པ་ཙ་པ་ཙ་ཧཱུཾ་ཕཊ། ཧྲཱིཿཔདྨཱནྟ་ཀྲྀ་ཏ་དེ་མ་ཧ་ཡ་གྲཱི་བ་ཨེ་ཀ་ཙ་ཏི་ཧུ་ལུ་ཧུ་ལུ་ཧཱུཾ་ཛ་ཛ། ནཱ་ག་ལི་བཛྲ་ཀཱི་ལ་ཡ་མཱ་ར་ཡ་མཱ་ར་ཡ་ཧཱུཾ་ཕཊ། ཧྲཱིཿནཱ་ག་ཙཀྲ་མཱ་ར་ལ་ཧཱུཾ་ཕཊ། ཧྲཱིཿཔདྨཱནྟ་ཀྲྀ་ཏ་ཧ ་ཡ་གྲཱི་བ་ཆེ་གེ་མོའི་ཙཏྟ་ཛ་ལ་རཾ་མཱ་ར་ཡ་ཕཊ། ཧྲཱིཿཔདྨཱནྟ་ཀྲི་ཏ་ཧ་ཡ་གྲཱི་བ་ཆེ་གེ་མོ་ཤིནྟིཾ་ཀུ་རུ་སྭཱ་ཧཱ། ཧྲཱི་ནི་ག་སྟམ་བྷ་ཡ་ནན། སྣི་པདྨཱནྟ་ཀྲྀཏ་ཧ་ཡ་གྲཱི་བ་ཨེ་ཀ་ཛ་ཏི་ཧུ་ལུ་ཧུ་ལུ་ཆེ་གེ་མོ་ཀི་ལི་ཀི་ལ་ཡ། མཱ་ར་ཡ་མ་ར་ཡ ་ཧཱུཾ་ཕཊ། ཤག་ཏི་ཚལ་པ་ཚལ་པ་ཧཱུཾ་ཕཊ། ཧ་ཧ་ན་ར་ཐཱ་ཡི་ཧཱུཾ་ཕཊ། མཱ་ར་ཡ་མཱ་ར་ཡ། ནཱ་ཤ་ཡ་ནཱ་ཤ་ཡ། ཚལ་པ་ཚལ་པ། ཙྪིནྣ་ཙྪིནྡ་ཧཱུཾ་ཕཊ། ཨུ་ཙ་ཏ་ཡ་ཨུ་ཙ་ཏ་ཡ་ཧཱུཾ་ཕཊ། རཀྵ་རཀྵ་ཧཱུཾ་ཕཊ། ན་ག་མ་ལ་ནི་ཏྲི་པྲ་དུ་ནཱ ་ག་མ་ལ་ཤིག་སྭཱ་ཧ། ཨ་ནི་ལ་དུ་ནི་སྭཱ་ཧཱ། ཤྲི་ཏྲི་ཨ་ཏྲི་ནན། ཨ་ནུ་ཏྲི་སུ་ནན། ཨ་ཏྲི་སུ་ཏྲི་ནན། ནཱ་ག་ཨ་ལི་ཀི་ལི་ནན། ཤུ་ལི་གུ་ལི་ནན། ཤུ་ལི་བྱི་དུ་ནན། ཧོ་ལུ་མ་ནཱ་ག་ཏ་ལི་ནན། ཧོ་ལུ་མ་ཧཱུཾ་ཧཱུཾ་ཧཱུཾ། ཨ་ཨ་ཨ། ཏྲི་མི ་པ་ནུ་ཎི་ཧཱུཾ། ཨོཾ་ཏྲི་དུ་ཏྲི་ནན། ཨེ་ནཱ་ག་སོ་ཧྲི་ཧཱུཾ། ཨོཾ་ཏ་ཐཱ་ཨོཾ། ཏ་ཐཱ་བཛྲ་ཧཱུཾ་ཕཊ། ཨོཾ་ག་རུ་ཎ་ཧཾ་ས་ཧེ་ཙ་ལེ་ཙ་ལེ་སྭཱ་ཧཱ། ཧྲཱིཿཔདྨཱནྟ་ཀྲྀ་ཏ་ཤཱནྟི་པུཥྚི་བ་ཤང་མཱ་ར་ཡ་སརྦ་བིགྷྣཱཾ་ཤ་ཧཱུཾ་ཧཱུཾ་ཧཱུཾ་ཕཊ། ཨོཾ་ག་རུ་ཙ་ལེ་ཙ་ལེ་ཧཱུཾ་ཕཊ། ་ཨོད་ཀང་ཨོད་ཀང་། ཁྱུང་ག་རུ་ཎ་ཁྱུང་ག་རུ་ཎ། ཤ་མ་ར་བྱིད་ཟུམ་བཛྲ་མ་ཧཱ་ཀྲོ་ཏ་ཧཱུཾ་ཕཊ། དཔལ་རྟ་མགྲིན་གྱི་རྒྱུད་ལས། གསང་སྔགས་བསྟན་པའི་ལེའུ་སྟེ་ལྔ་པའོ།། །། དེ་ནས་མཁའ་ལྡིང་རྒྱལ་པོ ་ཡིས།། བསྙེན་བསྒྲུབ་ལས་སྦྱོར་ལ་སོགས་པའི།། རྟགས་དང་མཚན་མའི་རིམ་པ་ཞུས།། བཅོམ་ལྡན་འདས་ཀྱིས་བཀའ་སྩལ་པ།། གྲུབ་པའི་རྟགས་དང་མཚན་མ་ནི།། སྐུ་གསུང་ཐུགས་ཀྱི་རྟེན་སོགས་དང་།། མཆོད ་དང་བསྐོར་བ་བྱེད་ལ་སོགས།། སྔོན་ཆད་མ་མཐོང་ཡུལ་ཁམས་ན།། ཉི་ཤར་མཆོད་རྟེན་གྲོང་ཁྱེར་རྣམས།། ཉམས་དགའི་གནས་སོགས་དུ་མ་མཐོང་།། གྲུབ་རྟགས་རི་བོའི་རྩེར་ཕྱིན་དང་།། མཁའ་ལ་འཕུར་དང ་མཁའ་ལྡིང་བྱ།། རྒྱ་མཚོའི་གཏིང་ནས་ལྟོ་འགྲོ་ལེན།། སྦལ་ལྕོང་སྡིག་པ་རྩངས་པ་སོགས།། གསོད་དང་སྐམས་དང་ཤི་གྱུར་བ།། གདུག་པའི་གཟུགས་རྣམས་མ་ལུས་ཀུན།། བདག་གི་འཁོལ་ཞིང་འདུས་པར ་བྱེད།། བསད་པའི་ལས་ལ་སྦྱོར་བའི་ཚེ།། གང་ལ་དམིགས་པ་ཁུགས་ནས་ཀྱང་།། གསོད་གཅོད་ལས་རྣམས་བྱེད་པ་དང་།། ཀླུ་གཉེན་ས་གདག་གདོན་ཚོགས་རྣམས།། ངེས་པར་དབང་དུ་འདུས་པ ་དང་།། མངོན་སྤྱོད་དྲག་པོས་ཚར་གཅོད་དང་།། བཟང་རྟགས་མཚན་མ་ཀུན་ཀྱང་འབྱུང་།། འཇུག་པའི་རྟགས་ནི་རྨི་ལམ་དུ།། ཆོ་འཕྲུལ་སྣ་ཚོགས་ཅིར་ཡང་སྟོན།། སྐྱེས་པ་བུད་མེད་བཙུན་ཆེན་དང་།། ལྷ་ཁང་ཆུ་དང ་སྦྲུལ་ལ་སོགས།། སེམས་ཅན་སྣ་ཚོགས་བདག་ལ་འཚེ།། སྙིང་མི་དགའ་ལ་ཉམས་དམའ་དང་།། རྫུ་འཕྲུལ་སྣ་ཚོགས་སྟོན་པར་བྱེད།། ཞུགས་པའི་རྟགས་ནི་ལུས་ལ་ཡང་།། ཤ་འཕྲིག་ལ་སོགས་མཛེ་ཡི། ་ནད།། མཚན་རྟགས་གསལ་ཞིང་རྨི་ལམ་ངན།། གནོད་པའི་ས་རུ་འདུག་པ་དང་།། སེམས་ཅན་ཀུན་གྱི་སྙིང་བརྩེ་བ།། གང་གནོད་ཆོ་འཕྲུལ་དངོས་སུ་འབྱུང་།། ཡི་དྭགས་འབྱུང་པོ་ཞུགས་པ་དང་།། རྟགས་དང་མཚན ་མ་རྫུ་འཕྲུལ་རྣམས།། རྨི་ལམ་ལ་སོགས་ངན་པ་འབྱུང་།། ཞུགས་ནས་ཐོན་པའི་མཚན་ཉིད་ནི།། རྣག་ཁྲག་ཕྱི་རུ་ཐོན་པ་དང་།། གཞན་དུ་འཚོང་དང་བཙོན་ལས་ཐར།། ཡིད་དགའ་ཏིང་འཛིན་གསལ་བ ་དང་།། སྐུ་གསུང་ཐུགས་ཀྱི་མཚན་མ་རྣམས།། རྙེད་དང་མཁའ་ལས་མེ་ཏོག་འབབ།། འོད་དང་འཇའ་ཚོན་འཇམ་པའི་སྒྲ།། བཟང་བའི་རྟགས་རྣམས་སྟོན་པར་བྱེད།། དཔལ་རྟ་མགྲིན་གྱི་ལས་རྒྱུད་ལས། རྟགས་དང ་མཚན་མ་བསྟན་པའི་ལེའུ་སྟེ་དྲུག་པའོ།། །། དེ་ནས་མཁའ་ལྡིང་རྒྱལ་པོ་ཡིས།། མནན་དང་སྦྱིན་སྲེག་བསྐྲད་པ་ཡིས།། ཚར་གཅོད་པ་ཡི་དོན་རྣམས་ཞུས།། རྟ་མགྲིན་དཔལ་གྱིས་བཀའ་སྩལ་པ།། རྒྱས་པའི ་སྦྱིན་སྲེག་ཆེན་པོ་ནི།། དཀྱིལ་འཁོར་འདོམ་གང་གྲུ་བཞི་པ།། ཨེ་སྟེ་གྲུ་གསུམ་ཉི་ཤུ་གཅིག། ཁྲག་དང་དུག་གིས་ཞལ་བ་བྱ།། གདུག་པ་ཧོམ་གྱི་ཤིང་བརྩིགས་ཏེ།། མཆོད་རྫས་བསྲེག་རྫས་འབྲུ་དང་དྲུག། ཤ་དང ་ཁྲག་དང་མར་ནག་སོགས།། ཐམས་ཅད་ཚོགས་པར་བྱས་ནས་ཀྱང་།། ཕྲིན་ལས་གཞུང་བསྲང་ཐབ་ཁུང་ནང་།། མེ་ལྷ་ཨག་ནེ་རཱ་ཛ་ལ།། མཆོད་བསྟོད་རྫོགས་པར་བྱས་ནས་ཀྱང་།། ལྟོ་བར་ལྷ་བསྐྱེད་སྦྱིན་སྲེག ་དབུལ།། ཕྲིན་ལས་བྱ་བ་རྣམས་སྐབས་སྦྱར།། ཐུན་ལ་སོགས་པ་ཅི་རིགས་བྱ།། བསྡུས་པ་ཐབ་ཁུང་བུད་ཤིང་བརྩིག། བསྲེག་རྫས་ལ་སོགས་འབྱོར་ཚོགས་བྱ།། ཟབ་བསྐྱེད་མེ་དམར་ལྷར་བསྐྱེད་ནས།། ཆོ་ག་གཞུང ་བསྲང་མཆོད་བསྟོད་ནས།། མཇུག་ཏུ་ཐུན་དང་བྲོ་བརྡུངས་ཏེ།། ཐལ་བ་རྒྱ་གྲམ་ལམ་དུ་འཕྱར།། མནན་པ་དགྲ་བགེགས་རྣམ་གསུམ་ལས།། དགྲ་བོ་ཀླུ་ལ་གཏད་པ་དང་།། བགེགས་ལ་ཟོད་པར་གཟུགས་བཅུག ་སྟེ།། མནན་ནས་རྟ་གདོང་བྲོ་ཡིས་བརྡུང་།། ཡང་ན་གང་གནོད་གཟུགས་བྲིས་མནན།། བསྐྲད་པའི་འཁྲུལ་འཁོར་བསྐོར་ནས་ཀྱང་།། རི་རྩེ་ཆུ་གཞུང་རླུང་ལ་བསྐུར།། འབྱུང་པོ་རེངས་པའི་འཁོར་ལོ་ནི།། རྩང་ལ ་བརྒྱངས་ལ་སྤྲད་པར་བྱ།། དཔལ་རྟ་མགྲིན་གྱི་ལས་རྒྱུད་ལས།། མནན་སྲེག་སྐྲོད་ཅིང་རེངས་པར་བྱེད་པའི་ལེའུ་སྟེ་བདུན་པའོ།། །། དེ་ནས་མཁའ་ལྡིང་རྒྱལ་པོ་ཡིས།། ལས་རྣམས་རབ་ཏུ་བྱེད ་པའི་དོན།། གར་དབང་ཉིད་ལ་རབ་ཏུ་ཞུས།། དབང་ཕྱུག་གར་གྱིས་བཀའ་སྩལ་པ།། རྗེས་འཇུག་རྣལ་འབྱོར་སྒྲུབ་པ་པོས།། བསྙེན་པ་བསྒྲུབ་པ་མཐར་ཕྱིན་ནས།། ལས་ནི་གང་བྱས་འགྲུབ་པར་བྱེད།། དབབ་བཅད ་གཉིས་ཀྱི་ལས་རྣམས་ནི།། གང་ཡང་རུང་བའི་ཡུལ་ཁམས་སུ།། མཆོད་དང་སྦྱིན་གཏོང་རྒྱ་ཆེར་བྱ།། ཕུར་བུ་བཅུ་སྔགས་བྲིས་ལ་གདགས།། རབ་གནས་བྱིན་བརླབ་མཆོད་བྱས་ཏེ།། ཉུང་དཀར་རྫས་ལྔ་དག་ལ ་བསྔགས།། ཕྱོགས་བཅུར་གསེར་སྐྱེམས་གཏོར་མ་གཏང་།། ཕུར་བུ་བཅུ་དང་ཐོ་ཡིས་བསྐོར།། རང་ཉིད་ལྷར་བསྒོམ་སྡིགས་མཛུབ་བསྒྲེང་།། སྔགས་བཟླས་རྫས་ཀྱིས་གཏོར་བར་བྱ།། གཞན་ཡང་གཏོར་མ་ཐུན་རྫས ་བསག། ལྷ་བསྐྱེད་ཡུལ་གྱི་ལྷ་ཀླུ་མཆོད།། བསྙེན་དང་བསྒྲུབ་སྔགས་མཇུག་ལ་ཡང་།། ནཱ་ག་རཱ་ཛ་ཆེ་ཕོབ་ཅེས།། ཞི་དྲག་གཉིས་ཀྱིས་དབབ་པར་བྱ།། དམ་ཚིག་ལྡན་པའི་རྣལ་འབྱོར་པས།། རས་སམ་གྲོ་གའི་ཤུན་པ ་ལ།། སྲུང་བའི་འཁོར་ལོ་སྔགས་དང་བཅས།། མཎྜལ་སྟེང་གཞག་བྱིན་གྱིས་བརླབ།། མཆོད་བསྟོད་བྱས་ལ་ལུས་ལ་གདགས།། ཡང་ན་ཚོན་སྐུད་སྣ་ལྔ་ལ།། སྔགས་བཟླས་མདུད་པ་བྱས་ནས་ཀྱང་།། བྱིན་བརླབ ་སྐྱབས་འགྲོ་བྱ་ཞིང་གདགས།། རས་སམ་འཁར་གཞོང་ནང་དག་ཏུ།། ཀླུ་གཟུགས་སྣ་ཚོགས་བཅུག་ནས་ནི།། སྨན་དང་གཏོར་མ་བྱིན་བརླབ་དབུལ།། བཀའ་བསྒོ་བྱས་ཏེ་སྦས་གྱུར་ན།། ཀླུ་ནད་ཀུན་ལས་ཐར་པར ་བྱེད།། གང་ཡང་རུང་བའི་མཐུན་རྫས་དང་།། གཏོར་མ་དག་གིས་མཆོད་བྱས་ཏེ།། གནས་སྐབས་གང་བྱེད་ལས་བཅོལ་ཞིང་།། དབང་བསྐུར་ཟིལ་མནན་བསྟོད་བྱས་ནས།། ཐ་མ་ལས་ལ་གཟུད་པར་བྱ།། ཏིང་འཛིན ་གཞལ་ཡས་ལྷ་བསྐྱེད་ནས།། སྤྱན་དྲང་མཆོད་བསྟོད་རྫོགས་བྱས་ནས།། མེ་ཡི་རྣལ་འབྱོར་རྫོགས་བྱས་ནས།། སྔགས་བཟླས་གང་འདོད་བསྲེག་པར་བྱེད།། རིན་པོ་ཆེ་ཡི་བུམ་པའི་ནང་།། ཚེ་ཆང་རྫས་དང་སྨན་བླུག ་སྟེ།། མཎྜལ་སྟེང་གཞག་བྱིན་གྱིས་བརླབ།། འཇིག་རྟེན་ཁམས་ཀྱི་ཚེ་བཀུག་ནས།། སྔགས་བཟླས་བསྟོད་ཅིང་བསྟིམ་པར་བྱ།། ལས་རྣམས་དབང་དུ་བསྡུ་བ་ལ།། རང་ཉིད་སྔགས་བཟླས་ལྷ་བསྒོམས་ཏེ།། གཏོར་མ ་སྔགས་བཟླས་རྫས་རྣམས་བསག། སེང་ལྡེང་ཕུར་བ་བྱིན་བརླབས་ལ།། ཐ་མ་ལས་ལ་སྦྱར་བྱས་ན།། གང་ལ་བྱ་བ་དབང་དུ་འགྱུར།། དཔལ་རྟ་མགྲིན་གྱི་ལས་རྒྱུད་ལས། ལས་སྣ་ཚོགས་བསྟན་པའི་ལེའུ་སྟེ་བརྒྱད ་པའོ།། །། དེ་ནས་མཁའ་ལྡིང་རྒྱལ་པོ་ཡིས།། དམ་ཚིག་བལྟ་བའི་དོན་རྣམས་ཞུས།། བཅོམ་ལྡན་འདས་ཀྱིས་བཀའ་སྩལ་པ།། སྤྱིར་ན་ལས་རྣམས་ཐམས་ཅད་ལ།། བསྙེན་བསྒྲུབ་ལས་རྣམས་ཐམས་ཅད ་ཀུན།། དམ་ཚིག་སྡོམ་པ་མེད་ན་མི་འགྲུབ་པས།། དེ་བས་དམ་ཚིག་ཚུལ་བཞིན་བསྲུང་།། དངོས་གྲུབ་གཉིས་དང་བྱིན་རླབས་ཀྱང་།། རྩ་བ་ཡན་ལག་བསྲུངས་ལས་འབྱུང་།། བླ་མ་བཀུར་དང་ལུས ་ངག་ཡིད།། སྒོ་གསུམ་རྒྱུན་དུ་ཉམས་མི་བྱ།། ཤེས་བཞིན་ལྡན་པས་མཉེས་པའི་ཐབ།། བག་ཡོད་གནས་པས་འགལ་མི་བྱ།། ལྷ་དང་སྔགས་ལ་སོགས་པ་དང་།། སྤྱི་དང་བྱེ་བྲག་དམ་ཚིག་དང་།། ཐུན་བཞིའི་རྣལ ་འབྱོར་ཉམས་མི་བྱ།། སེམས་ཅན་རྣམས་ལ་བྱམས་པ་བསྐྱེད།། སྙིང་རྗེའི་བསམ་པ་རྒྱུད་དུ་བསྐྱེད།། བླ་མ་མཆོད་ལ་ཉམས་མི་བྱ།། རྫས་དང་མཆོད་པ་ཆག་ཉམས་མེད།། ཡིད་གཉིས་ཐེ་ཚོམ་རྣམ་པར་སྤང་།། ང ་ལ་རློམ་སེམས་ཕྲག་དོག་དང་།། དུག་གསུམ་ཉོན་མོངས་འཇོམས་པར་བྱེད།། ལེ་ལོ་སྙོམས་ལས་དོར་བྱས་ཏེ།། བརྩོན་འགྲུས་ཕ་རོལ་ཕྱིན་རྫོགས་ཤིང་།། མདོར་ན་དགེ་བཅུ་དང་དུ་བླངས།། གསང་སྔགས་ལྟ་སྤྱོད ་ཟུང་དུ་འབྲེལ།། བསྙེན་བསྒྲུབ་གཞུང་བསྲང་ལས་ངན་དོར།། གསང་སྔགས་དམ་ཚིག་གཞུང་བཞིན་བསྲུང་།། ལྟ་བས་ཟག་བཅད་གདེང་དུ་བཅའ།། འཁོར་བ་མྱ་ངན་འདས་པའི་ཆོས།། མ་ལུས་རིག་པ་བྱང་ཆུབ ་སེམས།། སྐྱེ་འགག་མེད་པའི་མཐའ་ལས་གྲོལ།། རྣམ་རྟོག་ཆོས་དབྱིངས་ངང་དུ་གཞི་ལ།། མ་སྤངས་ཆོས་ཉིད་གཟུང་འཛིན་མེད།། ཡེ་ནས་རང་བྱུང་ཆོས་ཉིད་སྐུ།། མཚན་མའི་སྤྲོས་པ་ཡེ་སངས་རྒྱས།། མཁའ་ལྟར ་ཁྱབ་པའི་ཐུགས་རྗེ་ཡིས།། འཁོར་བའི་སྡུག་བསྔལ་ཉོན་མོངས་རྣམས།། ཐམས་ཅད་མ་ལུས་འཇོམས་མཛད་མ།། བདེ་ཆེན་ཟུང་དུ་གཞོམ་མཛད་མ།། ཕྱོགས་རིས་མེད་པ་སྙོམས་མཛད་མ།། དཔལ་རྟ་མགྲིན་གྱི ་ལས་རྒྱུད་ལས། དམ་ཚིག་དང་བལྟ་བའི་ལེའུ་སྟེ་དགུ་པའོ།། །། དེ་ནས་མཁའ་ལྡིང་རྒྱལ་པོ་ཡིས།། བསྡུས་པའི་ཚིགས་རྣམས་ཀུན་གྱིས་ཀྱང་།། ཁྲོ་རྒྱལ་དབང་ལ་འདི་སྐད་བསྟོད།། ཧཱུཾ།། བཅོམ་ལྡན་དཔལ ་ཆེན་པདྨ་ཧེ་རུ་ཀ། ནུབ་ཕྱོགས་སྣང་བ་མཐའ་ཡས་ཞིང་ཁམས་ནས།། དབང་གི་རྒྱལ་པོ་ཟླ་གམ་གདེངས་པ་ལ།། དཔལ་མཆོག་ཧ་ཡ་གྲཱི་བ་དབང་གི་ལྷ།། དབུ་གསུམ་ཕྱག་དྲུག་ཞབས་བཞི་བརྐྱང་བསྐུམ ་བཞུགས།། དབུ་གཙུག་རྟ་མགོ་ལྗང་གུ་ཙེ་རེ་རེ།། སྤྱན་དགུ་གཟིགས་ནས་སྡང་མིག་འོད་ལམ་ལམ།། སྨིན་མཚམས་ཤངས་དབྲག་ཁྲོ་གཏེར་གློག་ལྟར་འགྱུ།། རྡོག་མ་ལེ་བརྒན་དབང་གི་མེ་དཔུང་འབར།། དཔྲལ་བ ་ཞུར་པོ་བྱམས་པའི་ཉི་མ་ཤར།། ཤངས་ནས་རླུང་འབྱུང་རྡོ་རྗེའི་ཚུབས་ནག་འཁྱིལ།། ལྗགས་འདྲིལ་མཆེ་གཙིགས་མེ་སྟག་འོད་སྟོང་འཕྲོ།། བསྐལ་པའི་མེ་སྟོང་འབར་བའི་ཀློང་ན་བཞུགས།། སྤྲུལ་པའི་དབུ་རྒྱན་མང ་པོ་སྐར་ལྟར་འཁྲུགས།། རྡོ་རྗེ་གནམ་ལྕགས་འབར་བའི་ཐོག་ཐོག་འཕེན།། དབུགས་ཀྱིས་རྔུབས་པས་ཁམས་གསུམ་དབང་དུ་སྡུད།། ཨེ་ཀ་ཛ་ཏི་གསང་བའི་ཡུམ་དང་འཁྲིལ།། ཡོན་ཏན་བརྗོད་མི་ལང་ལ་ཕྱག ་འཚལ་བསྟོད།། ཅེས་བསྟོད་དོ།། དཔལ་གཙོ་བོ་ལ་བསྟོད་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་གར་དབང་གིས།། འཁོར་གནས་ཚོགས་ལ་འདི་སྐད་གསུངས།། པདྨ་གར་གྱི་དབང ་ཕྱུག་ཆེའི།། པདྨ་རིགས་ཀྱི་རྒྱུད་མཆོག་འདི།། ནོར་བུ་ལྟ་བུར་དགོས་འདོད་འབྱུང་།། སྐུ་གསུང་ཐུགས་དང་ཡོན་ཏན་དང་།། ཕྲིན་ལས་ཕུན་སུམ་ཚོགས་པ་སྟེ།། ཀླུ་གཉེན་འབྱུང་པོ་འདུལ་བ་དང་།། ཐུན་མོང་མཆོག ་གི་དངོས་གྲུབ་གཏེར།། ཡོན་ཏན་བྱིན་རླབས་བརྗོད་མི་ལང་།། དེ་ལྟར་སྟོན་པའི་རྒྱུད་འདི་ཡང་།། ཁྱེད་རྣམས་ཀུན་གྱིས་འདི་ཟུང་ཞིང་།། བསྟན་པའི་སྙིང་པོ་ཐུབ་པར་སྲུངས།། ཞེས་གསུངས་སོ།། དེ་ནས་ནམ ་མཁའ་ལྡིང་གི་ཚོགས་དང་།། བྱང་ཆུབ་སེམས་དཔའ་རྣམས་དང་འཁོར་དང་བཅས་པ་རྗེས་སུ་ཡི་རངས་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ཡོངས་སུ་གཏད་པའི་ལེའུ་སྟེ་བཅུ་གཅིག ་པའོ།། །། དཔལ་རྟ་མགྲིན་གྱི་ལས་རྒྱུད་ལས་ཚོགས་དང་བཅས་པ་རྫོགས་སོ།། །། སློབ་དཔོན་པདྨ་དང་། ངན་ལམ་རྒྱལ་བ་མཆོག་དབྱངས་ཀྱིས་བསྒྱུར་བའོ།། །། བར་འདིར་རྟ་མགྲིན་གསང་རྒྱུད་ཅེས ་པ་ཤོག་བུ་བཅུ་སྐོར་ལེའུ་ཉེར་ལྔ་པ་ཞིག་འདུག་ཀྱང་ཡིག་ནོར་རྒྱུན་འཕྲུགས་ཁོ་ནས་དཔྱད་མ་བཟོད་པས་བཞག། ་