བོད་ཡིག

e-texts produced with BDRC’s OCR application

rgya gar skad du/ shrI ha ya grI ba karma tan+t+ra/ bod skad du/ dpal rta mgrin las rgyud/ bcom ldan 'das rta mgrin dbang gi sku la phyag 'tshal lo// 'di skad dag gis thos pa'i dus gcig na/ bcom ldan 'das pad+ma rigs kyi sangs rgyas/ shin tu rnam par dag pa'i khams na/ byang chub sems dpa'i tshogs dang / khro bo dang khro mo dang / sprul pa dang yang sbrul dang / nam mkha' lding gi tshogs la sogs pa rnams dang lhan cig tu bzhugs so// de'i tshe nam mkha' lding gi rgyal pos/ bcom ldan 'das la 'di skad ces gsol to// gar gyi dbang phyug bcom ldan 'das// bde gshegs khro rgyal mthu stobs can// pad+ma dbang gi rgyud chen po// bdag cag rnams la bshad du gsol// zhes zhus so// de nas khro rgyal gar dbang gis// mi rtog ting 'dzin snyoms zhugs te// 'khor rnams ma lus byin brlabs shing // rta mgrin dbang gi skur bzhengs te// dbang gi rta skad zengs gsum gyis// khams gsum thams cad dbang bsdus shing // srid gsum thams cad zil gyis mnan// bgegs rnams ma lus btul nas kyang // klu rnams ma lus tshar bcad de// nam mkha' lding la bka' stsal pa// mkha' lding rgyal po ga ru Na// rtse gcig yid kyis khyod nyon cig/ dbang gi rgyud chen bstan par bya// zhes bka' stsal to// dpal rta mgrin gyi rgyud las// gleng gzhi'i le'u ste dang po'o// // de nas mkha' lding rgyal po yis// bcom ldan 'das la 'di skad zhus// e ma ho bcom ldan gar gyi bdag/ pad+ma dbang gi rgud chen po// bdag gzhan rnams kyi don gyi phyir// bsnyen dang bsgrub dang las sbyor dang // rtags dang dam tshig las tshogs dang // dbang dang sbyin sreg mnan pa dang // bsrung dbab bcad 'khrul bri ba bstod// mthar zug blta ba'i don rnams kun// nges par mgon pos bshad du gsol// zhes ched du gleng ngo // de nas bcom ldan 'das khro bo'i rgyal// 'byung po ma thul 'dul byed pa'i// gsang sngags rgyal po 'di yis ni// bar chod bsrung dang skrod par byed// oM pad+mAn+ta krita ha ya grI ba badz+ra ma hA kro d+ha trAM/ sarba nA ga u tsa ta ya phaT phaT/ badz+ra khaD+ga tiSh+Tha ki la ya/ badz+ra dz+wa la raM phaT phaT phaT/ de skad gsungs pas 'jig rten khams// thams cad ma lus dbang bsdus shing // g+ha ma phyogs pa brgyal zhing bags// 'byung po ma lus sdod par byed// bzung dang mtshams kyi las yin no// zhes gsungs so// gleng slong ba'i don nus pa'i le'u me gnyis pa'o// / de nas mkha' lding rgyal po yis// bsnyen bslab gsang ba'i las rnams zhus// bcom ldan 'das kyis bka' stsal pa// dbang thob dam tshig dang ldan pas// thog mar yid 'thad gzhung mthun gnas// mchod sbyin gtor ma stsogs byas te// maN+Dal steng du mchod pa'i rdzas// dur khrod me khrag mtshams bcad do// ma skyes dbyings las thugs rjer bsgom// hrIHlas dbang chen yum lnga rdzogs// b+h+rUM las dur khrod gzhal yas khang // nyi zla pad+ma chu bdag steng // khro rgyal kun las brjid pa'i sku// dmar nag zhal gsum phyag drug ste// g.yas dkar g.yon dmar rta mgo ljang // lcags sgrog ral gri dgra sta byar// pad+ma gshol dang tho ba bsnams// zhabs bzhi dor stabs brkyang bskum bgrad// e ka dmar nag chas kyis brgyan// kha T+wAM zod rlon yab la stob// yab yum gnyis med byin rlabs las// pho nya byi la phu shud mgo/ dmar nag lcags kyu phur pa 'dzin// dbyings nas spyan drang bzhugs brtan phyag/ sman ra ka gtor ma la sogs mchod// thugs ka'i ting 'dzin gsal byas te// bsnyen sngags bzlas te bcol sngags gdags// dus dang grangs dang mtshan ma rtags// bsgrub pa bya ba'i rim pa ni// dur khrod dben pa'i gnas dag tu// sngon du 'gro ba'i las rdzogs nas// dkyil 'khor zla gam khyams sgor bcas// sman rag gtor ma rdzas rnams bsags// sngon bzhin dkyil 'khor bskyed spyan drangs// mchod bstod bsgrub pa'i bzlas pa bya// dmar nag gru gsum par khyams bcas// dbus su phur bsgo la yang dgod// ro ras dag la 'khor lo ni// mkhas pas re'u mig mtshan mar bcas// thun dang rdzas la sogs byas te// cho ga gzhung bsrang bsad sngags bzlas// thun gyis brab cing gzir byas nas// tha mar mnan bsreg las kyis bskul// yang na ling+ga dag la'o// dpal rta mgrin gyi rgyud las// bsnyen bsgrub las sbyor bstan pa'i le'u ste gsum pa'o// // de nas dbang gi rgyal po yis// dkyil 'khor dbang gi rim pa zhus// bcom ldan dbang gis bka' stsal pa// bsnyen bsgrub mthar phyin slob dpon gyis// gang yang rung ba'i gnas su ni// mtshams bcad sa yi cho ga bya// stegs bu gru bzhi'i steng du ni// bum pa la sogs mchod rdzas dgram// sngon du 'gro ba'i las rnams bya// ting 'dzin rnam gsum gzhal yas khang // pad+ma dbang gi lhar bskyed cing // spyan drang la sogs rdzogs byas nas// bsnyen dang phrin las rdzogs par bya// dkyil 'khor bslu zhing chag chag gdab// rta mchog dri yi thig le bya// bskyed dang spyan 'dren mchod rdzogs nas// slob ma khrus byas gsol gdab bkru// so shing chos bshad srung skud gdags// ku sha gtad la rmi lam brtag/ de nas thig gdab tshon bris te// rgyan dang mchod rdzas sgrub rdzas dgod// ting 'dzin dkyil 'khor las gzhung bsrang // gnas su lha rnams bskyed byas nas// slob ma 'jug pa'i rim pa bya// dbang bzhi po yang bskur bar bya// ma smin pa rnams smin par byed// phyin chad 'khor bar ldog mi 'gyur// dpal rta mgrin gyi rgyud las/ dbang bskur ba'i le'u ste bzhi pa'o// // de nas mkha' lding rgyal po yis// gsang sngags gsang ba'i don rnams zhus// pad+ma dbang gis bka' stsal pa// hrI pad+man+ta kr-i ta ha ya grI ba e ka dza ti hu lu hu lu/ hrIHpad+mAn+ta kr-i ta hUM hUM phaT/ hrIHpad+mAn+ta kr-i ta de ma d+ha ri ha ya grI ba e ka dza ti hu lu hu lu dza dza/ oM badz+ra kro d+ha ha ya grI ba e/ dza ti hu lu hu lu hUM phaT/ oM pad+mAn+ta kr-i ta ta ya grI ba che ge mo kI la ya kI la ya/ mA ra ya mA ra ya/ gtubs gtubs sod sod/ ha na ha na/ da ha da ha/ pa tsa pa tsa hUM phaT/ hrIHpad+mAn+ta kr-i ta de ma ha ya grI ba e ka tsa ti hu lu hu lu hUM dza dza/ nA ga li badz+ra kI la ya mA ra ya mA ra ya hUM phaT/ hrIHnA ga tsakra mA ra la hUM phaT/ hrIHpad+mAn+ta kr-i ta ha ya grI ba che ge mo'i tsat+ta dza la raM mA ra ya phaT/ hrIHpad+mAn+ta kri ta ha ya grI ba che ge mo shin+tiM ku ru swA hA/ hrI ni ga stam b+ha ya nan/ sni pad+mAn+ta kr-ita ha ya grI ba e ka dza ti hu lu hu lu che ge mo ki li ki la ya/ mA ra ya ma ra ya hUM phaT/ shag ti tshal pa tshal pa hUM phaT/ ha ha na ra thA yi hUM phaT/ mA ra ya mA ra ya/ nA sha ya nA sha ya/ tshal pa tshal pa/ ts+tshin+na ts+tshin+da hUM phaT/ u tsa ta ya u tsa ta ya hUM phaT/ rak+Sha rak+Sha hUM phaT/ na ga ma la ni tri pra du nA ga ma la shig swA ha/ a ni la du ni swA hA/ shri tri a tri nan/ a nu tri su nan/ a tri su tri nan/ nA ga a li ki li nan/ shu li gu li nan/ shu li byi du nan/ ho lu ma nA ga ta li nan/ ho lu ma hUM hUM hUM/ a a a/ tri mi pa nu Ni hUM/ oM tri du tri nan/ e nA ga so hri hUM/ oM ta thA oM/ ta thA badz+ra hUM phaT/ oM ga ru Na haM sa he tsa le tsa le swA hA/ hrIHpad+mAn+ta kr-i ta shAn+ti puSh+Ti ba shang mA ra ya sarba big+h+nAM sha hUM hUM hUM phaT/ oM ga ru tsa le tsa le hUM phaT/ od kang od kang / khyung ga ru Na khyung ga ru Na/ sha ma ra byid zum badz+ra ma hA kro ta hUM phaT/ dpal rta mgrin gyi rgyud las/ gsang sngags bstan pa'i le'u ste lnga pa'o// // de nas mkha' lding rgyal po yis// bsnyen bsgrub las sbyor la sogs pa'i// rtags dang mtshan ma'i rim pa zhus// bcom ldan 'das kyis bka' stsal pa// grub pa'i rtags dang mtshan ma ni// sku gsung thugs kyi rten sogs dang // mchod dang bskor ba byed la sogs// sngon chad ma mthong yul khams na// nyi shar mchod rten grong khyer rnams// nyams dga'i gnas sogs du ma mthong // grub rtags ri bo'i rtser phyin dang // mkha' la 'phur dang mkha' lding bya// rgya mtsho'i gting nas lto 'gro len// sbal lcong sdig pa rtsangs pa sogs// gsod dang skams dang shi gyur ba// gdug pa'i gzugs rnams ma lus kun// bdag gi 'khol zhing 'dus par byed// bsad pa'i las la sbyor ba'i tshe// gang la dmigs pa khugs nas kyang // gsod gcod las rnams byed pa dang // klu gnyen sa gdag gdon tshogs rnams// nges par dbang du 'dus pa dang // mngon spyod drag pos tshar gcod dang // bzang rtags mtshan ma kun kyang 'byung // 'jug pa'i rtags ni rmi lam du// cho 'phrul sna tshogs cir yang ston// skyes pa bud med btsun chen dang // lha khang chu dang sbrul la sogs// sems can sna tshogs bdag la 'tshe// snying mi dga' la nyams dma' dang // rdzu 'phrul sna tshogs ston par byed// zhugs pa'i rtags ni lus la yang // sha 'phrig la sogs mdze yi/ nad// mtshan rtags gsal zhing rmi lam ngan// gnod pa'i sa ru 'dug pa dang // sems can kun gyi snying brtse ba// gang gnod cho 'phrul dngos su 'byung // yi dwags 'byung po zhugs pa dang // rtags dang mtshan ma rdzu 'phrul rnams// rmi lam la sogs ngan pa 'byung // zhugs nas thon pa'i mtshan nyid ni// rnag khrag phyi ru thon pa dang // gzhan du 'tshong dang btson las thar// yid dga' ting 'dzin gsal ba dang // sku gsung thugs kyi mtshan ma rnams// rnyed dang mkha' las me tog 'bab// 'od dang 'ja' tshon 'jam pa'i sgra// bzang ba'i rtags rnams ston par byed// dpal rta mgrin gyi las rgyud las/ rtags dang mtshan ma bstan pa'i le'u ste drug pa'o// // de nas mkha' lding rgyal po yis// mnan dang sbyin sreg bskrad pa yis// tshar gcod pa yi don rnams zhus// rta mgrin dpal gyis bka' stsal pa// rgyas pa'i sbyin sreg chen po ni// dkyil 'khor 'dom gang gru bzhi pa// e ste gru gsum nyi shu gcig/ khrag dang dug gis zhal ba bya// gdug pa hom gyi shing brtsigs te// mchod rdzas bsreg rdzas 'bru dang drug/ sha dang khrag dang mar nag sogs// thams cad tshogs par byas nas kyang // phrin las gzhung bsrang thab khung nang // me lha ag ne rA dza la// mchod bstod rdzogs par byas nas kyang // lto bar lha bskyed sbyin sreg dbul// phrin las bya ba rnams skabs sbyar// thun la sogs pa ci rigs bya// bsdus pa thab khung bud shing brtsig/ bsreg rdzas la sogs 'byor tshogs bya// zab bskyed me dmar lhar bskyed nas// cho ga gzhung bsrang mchod bstod nas// mjug tu thun dang bro brdungs te// thal ba rgya gram lam du 'phyar// mnan pa dgra bgegs rnam gsum las// dgra bo klu la gtad pa dang // bgegs la zod par gzugs bcug ste// mnan nas rta gdong bro yis brdung // yang na gang gnod gzugs bris mnan// bskrad pa'i 'khrul 'khor bskor nas kyang // ri rtse chu gzhung rlung la bskur// 'byung po rengs pa'i 'khor lo ni// rtsang la brgyangs la sprad par bya// dpal rta mgrin gyi las rgyud las// mnan sreg skrod cing rengs par byed pa'i le'u ste bdun pa'o// // de nas mkha' lding rgyal po yis// las rnams rab tu byed pa'i don// gar dbang nyid la rab tu zhus// dbang phyug gar gyis bka' stsal pa// rjes 'jug rnal 'byor sgrub pa pos// bsnyen pa bsgrub pa mthar phyin nas// las ni gang byas 'grub par byed// dbab bcad gnyis kyi las rnams ni// gang yang rung ba'i yul khams su// mchod dang sbyin gtong rgya cher bya// phur bu bcu sngags bris la gdags// rab gnas byin brlab mchod byas te// nyung dkar rdzas lnga dag la bsngags// phyogs bcur gser skyems gtor ma gtang // phur bu bcu dang tho yis bskor// rang nyid lhar bsgom sdigs mdzub bsgreng // sngags bzlas rdzas kyis gtor bar bya// gzhan yang gtor ma thun rdzas bsag/ lha bskyed yul gyi lha klu mchod// bsnyen dang bsgrub sngags mjug la yang // nA ga rA dza che phob ces// zhi drag gnyis kyis dbab par bya// dam tshig ldan pa'i rnal 'byor pas// ras sam gro ga'i shun pa la// srung ba'i 'khor lo sngags dang bcas// maN+Dal steng gzhag byin gyis brlab// mchod bstod byas la lus la gdags// yang na tshon skud sna lnga la// sngags bzlas mdud pa byas nas kyang // byin brlab skyabs 'gro bya zhing gdags// ras sam 'khar gzhong nang dag tu// klu gzugs sna tshogs bcug nas ni// sman dang gtor ma byin brlab dbul// bka' bsgo byas te sbas gyur na// klu nad kun las thar par byed// gang yang rung ba'i mthun rdzas dang // gtor ma dag gis mchod byas te// gnas skabs gang byed las bcol zhing // dbang bskur zil mnan bstod byas nas// tha ma las la gzud par bya// ting 'dzin gzhal yas lha bskyed nas// spyan drang mchod bstod rdzogs byas nas// me yi rnal 'byor rdzogs byas nas// sngags bzlas gang 'dod bsreg par byed// rin po che yi bum pa'i nang // tshe chang rdzas dang sman blug ste// maN+Dal steng gzhag byin gyis brlab// 'jig rten khams kyi tshe bkug nas// sngags bzlas bstod cing bstim par bya// las rnams dbang du bsdu ba la// rang nyid sngags bzlas lha bsgoms te// gtor ma sngags bzlas rdzas rnams bsag/ seng ldeng phur ba byin brlabs la// tha ma las la sbyar byas na// gang la bya ba dbang du 'gyur// dpal rta mgrin gyi las rgyud las/ las sna tshogs bstan pa'i le'u ste brgyad pa'o// // de nas mkha' lding rgyal po yis// dam tshig blta ba'i don rnams zhus// bcom ldan 'das kyis bka' stsal pa// spyir na las rnams thams cad la// bsnyen bsgrub las rnams thams cad kun// dam tshig sdom pa med na mi 'grub pas// de bas dam tshig tshul bzhin bsrung // dngos grub gnyis dang byin rlabs kyang // rtsa ba yan lag bsrungs las 'byung // bla ma bkur dang lus ngag yid// sgo gsum rgyun du nyams mi bya// shes bzhin ldan pas mnyes pa'i thab// bag yod gnas pas 'gal mi bya// lha dang sngags la sogs pa dang // spyi dang bye brag dam tshig dang // thun bzhi'i rnal 'byor nyams mi bya// sems can rnams la byams pa bskyed// snying rje'i bsam pa rgyud du bskyed// bla ma mchod la nyams mi bya// rdzas dang mchod pa chag nyams med// yid gnyis the tshom rnam par spang // nga la rlom sems phrag dog dang // dug gsum nyon mongs 'joms par byed// le lo snyoms las dor byas te// brtson 'grus pha rol phyin rdzogs shing // mdor na dge bcu dang du blangs// gsang sngags lta spyod zung du 'brel// bsnyen bsgrub gzhung bsrang las ngan dor// gsang sngags dam tshig gzhung bzhin bsrung // lta bas zag bcad gdeng du bca'// 'khor ba mya ngan 'das pa'i chos// ma lus rig pa byang chub sems// skye 'gag med pa'i mtha' las grol// rnam rtog chos dbyings ngang du gzhi la// ma spangs chos nyid gzung 'dzin med// ye nas rang byung chos nyid sku// mtshan ma'i spros pa ye sangs rgyas// mkha' ltar khyab pa'i thugs rje yis// 'khor ba'i sdug bsngal nyon mongs rnams// thams cad ma lus 'joms mdzad ma// bde chen zung du gzhom mdzad ma// phyogs ris med pa snyoms mdzad ma// dpal rta mgrin gyi las rgyud las/ dam tshig dang blta ba'i le'u ste dgu pa'o// // de nas mkha' lding rgyal po yis// bsdus pa'i tshigs rnams kun gyis kyang // khro rgyal dbang la 'di skad bstod// hUM// bcom ldan dpal chen pad+ma he ru ka/ nub phyogs snang ba mtha' yas zhing khams nas// dbang gi rgyal po zla gam gdengs pa la// dpal mchog ha ya grI ba dbang gi lha// dbu gsum phyag drug zhabs bzhi brkyang bskum bzhugs// dbu gtsug rta mgo ljang gu tse re re// spyan dgu gzigs nas sdang mig 'od lam lam// smin mtshams shangs dbrag khro gter glog ltar 'gyu// rdog ma le brgan dbang gi me dpung 'bar// dpral ba zhur po byams pa'i nyi ma shar// shangs nas rlung 'byung rdo rje'i tshubs nag 'khyil// ljags 'dril mche gtsigs me stag 'od stong 'phro// bskal pa'i me stong 'bar ba'i klong na bzhugs// sprul pa'i dbu rgyan mang po skar ltar 'khrugs// rdo rje gnam lcags 'bar ba'i thog thog 'phen// dbugs kyis rngubs pas khams gsum dbang du sdud// e ka dza ti gsang ba'i yum dang 'khril// yon tan brjod mi lang la phyag 'tshal bstod// ces bstod do// dpal gtso bo la bstod pa'i le'u ste bcu pa'o// // de nas bcom ldan gar dbang gis// 'khor gnas tshogs la 'di skad gsungs// pad+ma gar gyi dbang phyug che'i// pad+ma rigs kyi rgyud mchog 'di// nor bu lta bur dgos 'dod 'byung // sku gsung thugs dang yon tan dang // phrin las phun sum tshogs pa ste// klu gnyen 'byung po 'dul ba dang // thun mong mchog gi dngos grub gter// yon tan byin rlabs brjod mi lang // de ltar ston pa'i rgyud 'di yang // khyed rnams kun gyis 'di zung zhing // bstan pa'i snying po thub par srungs// zhes gsungs so// de nas nam mkha' lding gi tshogs dang // byang chub sems dpa' rnams dang 'khor dang bcas pa rjes su yi rangs ste/ bcom ldan 'das kyis gsungs pa la mngon par bstod do// yongs su gtad pa'i le'u ste bcu gcig pa'o// // dpal rta mgrin gyi las rgyud las tshogs dang bcas pa rdzogs so// // slob dpon pad+ma dang / ngan lam rgyal ba mchog dbyangs kyis bsgyur ba'o// // bar 'dir rta mgrin gsang rgyud ces pa shog bu bcu skor le'u nyer lnga pa zhig 'dug kyang yig nor rgyun 'phrugs kho nas dpyad ma bzod pas bzhag/