| Wylie | e-texts produced with BDRC’s OCR application |
རྒྱ་གར་སྐད་དུ། ཤྲི་ཨཱ་ཡུཿཔ་ཏི་ར་ཀ་ལ་ཏནྟ། ཨེ་མནྟ་ཏཱ་ཏ་ཛི་བིན་རཱ་ག་ཀ་སོ་རི་ནཱ་མ། བོད་སྐད་དུ། དཔལ་ཚེ་བདག་ནག་པོའི་རྒྱུད། དྲག་སྔགས་ཀྱི་དེ་ཁོ་ན་སྲོག་དམར་ལེན་གྱི་སྤུ་གྲི་ཞེས་བྱ་བ། དཔལ་ཆེ ་བདག་ནག་པོ་བདེ་བ་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཆོས་ཉིད་ཀྱི་ཕོ་བྲང་ན། ཁྱབ་གདལ་ཆེན་པོའི་གནས་ཞེ་སྡང་ཆེན་པོ་རྣམ་པར་དག་པའི་གཞལ ་ཡས་ན། འཁོར་དུ་མ་འདུས་པའི་ནང་ནས། རྡོ་རྗེ་ཡོངས་སུ་འཛིན་པ་དང་། བདེ་བའི་ཡེ་ཤེས་ཅན་དང་། བགྲོད་པ་ཕྱིན་ཅི་མ་ལོག་པ་དང་། ལམ་ཉེ་བར་འཛིན་པ་དང་། གར་དགུའི་ཆོས་ཀྱི་ཕྱག་རྒྱ་འབར་བའི་རྣམ ་པ་དང་། ལམ་ལས་གོལ་བའི་རྫུ་འཕྲུལ་ཅན་རྣམས་དང་ཐབས་ཅིག་ཏུ་ཞེ་སྡང་ཆེན་པོ་འདུལ་བའི་ཏིང་ངེ་འཛིན་ལ་རྔམ་པར་བཞུགས་སོ།། དེ་ནས་འཇིག་རྟེན་གསུམ་གྱི་ཕྱོགས་བཅུ་གཡོས་པར་གྱུར་ཏེ། འཁོར ་རྣམས་རྒྱལ་བ་རྒྱ་མཚོའི་ཚོགས། འཇིགས་ཤིང་སྐྲག་ནས་བརྒྱལ་ལ་ཁད་དོ།། འཁོར་དེའི་ནང་ནས་རིག་པའི་སྟོབས་ཅན་ལོངས་ཏེ་གསོལ་པ།། བཅོམ་ལྡན་འདས་འདུས་པའི་ཚོགས་རྣམས་འཁོར་དུ་མཆི། འཁོར ་ལ་ཐུགས་རྗེ་མ་ཆུང་མཛོད།། མགོ་ལུས་སྙིང་ཡང་འགས་པ་སྙམ།། གདུང་བའི་ཤུགས་ཀྱིས་ཉེ་བར་མཛོད།། ཅེས་གསོལ་ཏོ།། དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ་དགྱེས་པའི་ང་རོ་འདི་སྟོན ་ཏོ།། ཐུགས་པར་བཤ། ཨ་ཨེ་ཧ་ཧ་ཡཱ་ག་ཤ་དེ་པ་ཏི་སུ་མ་ར་རཾ་རཾ་ཞེས་བསྒྲགས་སོ།། འཁོར་ཐམས་ཅད་རང་རང་གི་ཡིད་རང་བཞིན་གྱི་མེ་རུ་འབར་ནས་ཚིག་ཅིང་བརླག་ལ་ཁད་དོ།། དེ་ནས་བཅོམ་ལྡན ་འདས་ཀྱིས་འཁོར་དེ་དག་གི་རང་རང་གི་རང་བཞིན་མཐོང་ངོ་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ཚེ་བདག་ནག་པོས། ཉིད་ཀྱི་སྲོག་གི་སྙིང་པོ་དེ་ཁོ་ན་ཉིད་ཡང་ནས་ཡང་དུ་རྣམ་པར་བསྒྲགས་སོ།། ཨེ ་ཨེ་ཨེ་ཨེ་ཞེས་བརྗོད་པས་ཆོས་ཐམས་ཅད་རང་བཞིན་མེད་པ་མ་སྐྱེས་པ།། འདུས་མ་བྱས་པ། ནམ་མཁའ་ལྟ་བུར་རང་གྲོལ་བའོ།། དེ་ལ་ཆོས་ཐམས་ཅད་འབྱུང་ཞིང་ཡེ་ཤེས་རང་ལ་གནས་སོ།། དེ་ལ་ཆོས་ཐམས ་ཅད་དྲག་པོའི་གཏུམ་རྔམ་འབར་བས་ཡེ་ཤེས་ཐིག་ལེའི་ངང་དུ་རང་བཅོམ་མོ།། དེ་ལ་ཆོས་ཐམས་ཅད་ཞེ་སྡང་འབར་བའི་མེ་ཡིས་རྟོག་འཛིན་ཐམས་ཅད་བསྲེགས་ཏེ་རང་སྐམ་ནས་ཡེ་ཤེས་རང་གསལ་ལོ།། དེ་ལས ་འཁོར་ཐམས་ཅད་ཡེ་ཤེས་སྐྱེས་ཏེ་རང་རང་གི་སྲོག་གི་སྙིང་པོ་ཐམས་ཅད་མདོངས་གསོལ་དུ་ཕུལ་ལོ།། དེ་ལ་ཐུགས་ཀྱི་སྤྲུལ་པ་ཚེ་བདག་ནག་པོ་མགོ་དགུ་པ་ཡིས། ཀ་ཞེས་ཞེས་རྔམ་པར་བསྒྲགས་པས་ཕྲིན ་ལས་ཐམས་ཅད་ལྷུན་གྱིས་གྲུབ་ཅིང་ཡོངས་སུ་རྫོགས་པར་གྱུར་ཏོ། དེ་ནས་ཡུམ་གསོད་བྱེད་ཀྱི་རྒྱལ་མོས་མྱགས་ཤེས་ཕུལ་བས། ལོག་པའི་སྲོག་དབང་དུ་འདུས་ནས་ཡེ་ཤེས་ཀྱི་ཐིག་ལེར་གསལ་བའོ།། ཕྱག་ན་རྡོ། ་རྗེས་རྔུབས་ཤེས་ཕུལ་བས་ཡེ་ཤེས་ཆེན་པོའི་མེས་ཁྲག་དང་བག་ཆགས་བསྐམས་ནས་ཕྱག་རྒྱ་བརྟན་པར་རང་གསལ་བའོ།། རུས་སྦལ་གྱི་རྒྱལ་པོས་མུགས་ཤེས་བསྒྲགས་པས། འགྲོ་བ་རྨོངས་པའི་སྲོག་བསྡུས་ཏེ། ་བླ་དང་ཚེ་སྲོག་བཅངས་ཏེ་ཆོས་ཉིད་དུ་རང་གྲོལ་བའོ།། ཡ་མ་རཱ་ཙ་ས་ཡ་ཞེས་པས། རང་གི་ལས་ཀྱི་རླུང་གིས་ལྷ་དང་ལུས་སྲོག་ཕྲོགས་ནས། ཡེ་ཤེས་བླ་མའི་སར་བགྲོད་པའོ།། བྱ་ཁྱུང་གི་རྒྱལ་པོས་ཤག་ཅེས་པས། ་གདུག་པའི་དུག་རླངས་ཐམས་ཅད་བཅོམ་ནས། ཉེ་བར་བགྲོད་པ་ཐོབ་པའོ།། ལས་ཀྱི་ཚེ་བདག་ནག་པོས་དུན་ཞེས་ཕུལ་བས། སྲིད་པའི་སྲོག་རྟེན་ཞི་ནས་འོད་དམར་ནག་འཐིབས་པ་ཕྲོགས་ནས། ཀུན་ཏུ་བཟང་པོ ་བདེ་བ་ཆེན་པོར་རང་གྲོལ་བའོ།། དེ་ནས་མོན་པ་སེང་གེའི་མགོ་ཅན་གྱིས། སྲོག་ལ་བཻ་རཾ་ཁ་ཟུམ་ཡཾ་ཡཾ་རྦད། ཅེས་ཕུལ་བས། སྲོག་གི་རྟེན་གཞི་གཅོད་པར་འགྱུར་རོ།། དེ་ནས་མོན་པ་སྟག་གི་མགོ་ཅན་གྱིས། སྲོག ་ལ་ཧྲིལ་མྱགས་ཟུམ་ཤག་རྦད། ཅེས་ཕུལ་བས། དྲངས་མ་བཞི་ཡིས་རང་རང་གཅོད་པར་གྱུར་ཏོ།། མོན་པ་དྲེད་ཀྱི་མགོ་ཅན་གྱིས། སྲོག་ལ་གཟིར་ཟུམས་རཾ་ཐུན་རྦད། ཅེས་ཕུལ་བས། སྲོག་གི་དྲངས་སྙིགས་ཕྱེད་པ ་གྱུར་ཏོ། མོན་པ་ཁྱུང་གི་མགོ་ཅན་གྱིས། སྲོག་ལ་མཱ་ར་ཡ་ཐུན་རྦད། ཅེས་ཕུལ་བས། སྲོག་གི་བླ་མཚོ་བསྐམས་པར་གྱུར་ཏོ།། བདུད་ཀྱི་སྲོག་གཤེད་ཆེན་པོ་བཞིས། སྲོག་ལ་ཧྲི་ཤག་རྦད། ཙིཏྟ་བྲེང་ཤག་ཛ། སྲོག ་ལ་ཐུན་རྨུགས་ཙིཏྟ་བྲེང་ཤག་ཛ། བྱེར་ཧུར་ཐུམས་ཛ། སྲོག་ལ་ཐུན་གཟེར་ཤག་རྦད། ཙིཏྟ་བྲེང་ཤག་ཛ། ཞེས་ཕུལ་བས། ཚོགས་དྲུག་རྟེན་ལས་འཕོས་པར་གྱུར་ཏོ།། དེ་ནས་སྲིད་པའི་ལྷ་གདོན་དྲག ་པོ་རྣམས་ཀྱིས། སྲོག་ལ་མཱ་ར་ཡ་རྦད། ཙིཏྟ་བྲེང་ཤག་ཐུམས་ཛ། ཞེས་ཕུལ་བས། ཚོགས་བརྒྱད་སྒོ་འགགས་པར་འགྱུར་རོ། དེ་ནས་རྨུའི་རྒྱལ་པོས། སྲོག་ལ་ཧུར་ཐུམ་རྦད། ཙིཏྟ་བྲེང་ཤག་ཛ། ཞེས་ཕུལ་བས། ་བསོད་ནམས་ཆེ་བའི་ལུས་སྲོག་དང་བྲལ་བར་གྱུར་ཏོ།། དེ་ནས་བཙན་གྱི་རྒྱལ་པོ་རྣམས་ཀྱིས། སྲོག་ལ་ཐུམས་ཤག་རྦད། ཙིཏྟ་ཧུར་བྲེང་ཛ། ཞེས་ཕུལ་བས། ལུས་ཀྱི་འབྱུང་བ་དཀྲུགས་ཏེ་འཕོ་བར་གྱུར་ཏོ།། དེ་ནས ་རྒྱལ་པོ་སྡེ་བཞིས་སྲོག་ལ་བྲེང་བྲེང་རྦད། ནི་སྲོག་ཏུམ་ཏུམ་རྦད། ཁཾ་ཤག་རྩ་ལ་རྦད། སྲོག་ལ་མྱོགས་རྦད། ཁྱེར་བྱུང་མུགས། ཏི་ལིང་ཤག་ལིང་ཛ། ཞེས་ཕུལ་བས། རྒྱུ་བདུན་གེགས་སུ་སྐྱེས་པར་གྱུར་ཏོ།། དེ་ནས ་བདུད་ཀྱི་རྒྱ་དམག་འབུམ་སྡེས། སྲོག་རྩ་ཁྲག་ཏིང་སྙིང་ཕྱུང་ཐུམས་རི་ལ་རཾ་ཤག་རྦད། ནི་སྲོག་ཧུར་ཐུམས་ཛ། ཞེས་ཕུལ་བས་ནང་ཁྲོལ་སྨད་ལྔ་གཏུབས་པར་གྱུར་ཏོ།། དེ་ནས་སྲིན་པོ་ཕོ་མོས། ཨེ་བཾ་རཾ་ཁྲྀ་ཤིག་ཙིཏྟ ་རྔུབས། དགྲ་བོའི་སྲོག་ལ་ཐུན་རྨུགས་ལིང་ཤག་རྦད། ཅེས་ཕུལ་བས། བླ་དང་རྣམ་ཤེས་གགས། འགག། པས་འཕོའོ།། དེ་ནས་མ་མོའི་ཚོགས་འབུམ་སྡེས། སྲོག་ལ་ཧུར་ལོང་རྦད། ཙིཏྟ་ཁྲག་ཐིབས། ཧུར་ཐུམས ་ཛ། ཞེས་ཕུལ་བས། རྣམ་ཤེས་རྟེན་ལས་འཕོ་བར་གྱུར་ཏོ།། ཡང་མ་མོ་རྣམས་ཀྱིས། སྲོག་ལ་བཾ་རི་ལ་རཾ་ཤག་རྦད། ཙིཏྟ་བྱེར་ཐུམ་ཧུར་ཐུམས་ཛ། ཞེས་ཕུལ་བས་རིམས་དལ་ཡམས་ཀྱི་ནད་འབེབས་པར་གྱུར་ཏོ།། དེ ་ནས་གདུག་པ་གསུམ་གྱི་ཚོགས་ཀྱིས། སྲོག་ལ་བཾ་རིལ་རཾ་ཤག་རྦད། ཙིཥྞ་བྲེང་ཧུར་ཟུམས་ཛ། ཞེས་ཕུལ་བས། གདུག་པའི་སྤུ་གྲིས་ལུས་སྲོག་གཅོད་པར་གྱུར་ཏོ།། དེ་ནས་སྡེ་བརྒྱད་གཟའ་དང་ལྷ་སྲིན་གྱིས། ཕྲེཾ་ཕྲེཾ། ་ཤར་ཤར། ཧྲིལ་ནཱ་ག་སྙིང་གཟེར། རྒུད་ཡཾ་ཐུན་ཡཾ་ཧྲིལ་ཤག་བྷྱོ།། ཞེས་ཕུལ་བས་སྲོག་དབུགས་དང་ལོ་ཏོག་རྩི་བཅུད་ཐམས་ཅད་བཅད་དེ་འཕོ་བའོ།། དེ་ནས་སྟོབས་ཅན་རྣམས་ཀྱི་མཐུ་དྲིལ་ཏེ། སྲོག་ལ་རྦད་ཟུམ ་རིལ་རྦད། རྩ་ཁྲག་ཙིཏྟ་ཕྱུང་། ནརྀ་སྲོག་ཧུར་ཐུམས་ཛ། ཞེས་ཕུལ་བས། རྩ་དང་སྲོག་ཟུངས་བཅད་དེ་འཕོ་བའོ།། དྲེགས་པ་ཅན་ཐམས་ཅད་ཀྱི་མཐུ་སྟོབས་དྲིལ་ཏེ། སྙིང་གཟེར་སྦུར་ནན་ཧ་ལ་ཧ་ལ་ཙ་མ་རི་ཕྱུང་། ཨེ ་ཧུར་ཐུམས་ཛ། ཁམས་ཤག་རྦད། ཅེས་ཕུལ་བས། རང་གི་མཐུས་གཟིར་བ་དང་། དུག་དབྱུང་བ་དང་། སྲོག་དབྲོག་པ་དང་། སྦྱོར་བ་བཅད་པའོ།། དེ་ནས་འཁོར་དེ་དག་རབ་ཏུ་འདུས་ནས། དགྱེས་པའི་མདངས ་རྙེད་པར་འགྱུར་རོ།། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། ཨེ་ཧེ་ཧེ་ཧེ་ཨེ་ཧུར་ཐུམས་ཛ། ཞེས་སྒྲ་བསྒྲགས་པས། ཉེ་བར་ལས་ལ་བརྩོན་པའི་ཚུལ་གྱིས་རང་རང་གི་ཤེས་པའི་རྒྱུད་ལ་འདུས་ཏེ་ཐིམ ་པས། བདུད་དང་གཤེད་རང་གི་རྒྱུད་ལས་ལྡང་ཞིང་། རང་གཅོད་ཀྱི་མཚོན་ཆ་བསྐུལ་བས། རྩ་དང་སྲོག་ཟུངས་རང་གཤེད་གཅོད་ཅིང་། ཁྲག་དང་བག་ཆགས་རང་སྐྱེས་ཏེ། ཟོད་པར་སྙིང་པོ་དང་སྲོག ་སྡུད་པའོ།། དཔལ་ཚེ་བདག་ནག་པོ་སྲོག་དམར་ལེན་གྱི་རྒྱུད་ལས། གླེང་གཞི་རྩ་བའི་ལེའུ་སྟེ་དང་པོའོ།། །། དེ་ནས་འཁོར་རྡོ་རྗེ་སྙིང་པོས་བཅོམ་ལྡན་འདས་ལ་གསོལ་པ། རྒྱལ་བ་ཀུན་གྱི་རང་བཞིན ་དངོས།། གསང་སྔགས་ངོ་བོ་དེ་ཉིད་ལགས།། འཇིག་རྟེན་འདས་དང་འཇིག་རྟེན་པའི།། དྲེགས་པའི་མཐུ་རྩལ་ལྡན་པ་ཀུན།། སྲོག་སྙིང་དབུལ་ཞིང་ལས་ལ་གཉེར།། བཀའ་བཞིན་ཉེ་བ་ཇི་ལྟ་བུ།། ལྷུན་གྲུབ་ཟིལ ་གནོན་ཕྱག་རྒྱ་བསྟན།། གཉེན་པོ་གང་ཕྱིར་བརྗིད་པའི་སྐུ།། དྲག་པོས་གདུལ་བྱ་གང་ལགས་པ།། འཁོར་ལ་རྒྱས་པར་བཤད་དུ་གསོལ།། ཞེས་གསོལ་པས། བཅོམ་ལྡན་འདས་ཀྱིས་དྲི་བ་གསུམ་གྱི་དོན་རྒྱས་པར ་བཤད་དོ།། བསྐལ་པ་རྫོགས་ལྡན་བྱ་བ་ལ།། རིགས་ལས་གོལ་བའི་ཁྲོ་བོ་ལ།། ནག་པོ་འཐོམ་བྱེད་བདུད་ཀྱི་གཙོ།། སྲིད་པའི་མངའ་བདག་ཁྲག་སྐྱུགས་གཅོད།། རྩུབ་ཁྲོ་སྲོག་གཅོད་གིང་གི་གཙོ།། ཞེ་སྡང་གདུག་པ ་གདུག་ཁྲོའི་གཙོ།། ཕུང་བྱེད་ནག་པོ་ཚེ་ཡི་བདག། འབྱུང་བ་བཞི་ཡི་རྔམ་འོག་ན།། བརྒྱད་གཉིས་དྲུག་གཉིས་བཞི་དབུས་ན།། ལུས་ཆེན་ཡན་ལག་རགས་ལ་རྔམ།། སྐྲ་དང་ཁ་སྤུ་ཨག་ཚོམ་རྩུབ།། སྟོད་སྨད་སྲིན་པའི ་རློན་གྱི་ཤུན།། མགོ་དང་སྙིང་གི་ཕྲེང་བས་བརྒྱན།། མཚོན་ཆ་མེ་རླུང་དུག་གི་མཚོན།། ཐོགས་ནས་རྣམ་བཞིའི་འཁོར་ལ་འཚེ། མྱུར་དུ་གསོད་ཅིང་ཤ་རློན་ཟ།། མངལ་དུ་འཚུབ་ཅིང་རཀྟ་འཛག། ཐོད་རུས་འབྲུ་མར ་དཀྲུགས་ཤིང་འཐུངས། དེད་དཔོན་བཞི་ཡི་འཁོར་ལ་རྦོད།། ཆགས་པའི་རྒྱ་མཚོ་མྱོས་པར་བྱེད།། གདུག་པའི་མེ་ཡིས་རང་རྒྱུད་བསྲེག། དེ་ལྟ་བུ་ཡི་སྡེ་བཞིའི་གཙོ།། རཱ་ཏྲ་ནག་པོ་ཆེ་ཡི་བདག། དེ་ཡི་བསྟན་པ་གཏིང ་ནས་དཀྲུགས།། རྣམ་བཞིའི་འཁོར་ལ་འཚེ་བར་བྱེད།། འགྲོ་བ་མ་ལུས་བསྡུས་ཤིང་གསོད།། དེ་ཡང་ཇི་ལྟ་བུ་ཞེ་ན།། བདེ་བའི་དབང་ཕྱུག་དེད་དཔོན་ཞེས།། རིགས་ཀྱི་བདག་པོར་གྲགས་པ་ཅིག། གསང་སྔགས་དེ ་ཉིད་རིས་སུ་ཕྱེ།། བརྡའ་དོན་མ་གྲོལ་ལྷུག་པར་སྤྱད།། བགྲོད་པ་མ་ཐོབ་དཔེ་ལས་མཚོན།། རང་ཉམས་མ་རྙེད་བརྐམ་ཆགས་སྤྱད།། རིགས་ངན་མོ་ལ་གྲོགས་སུ་སྤྱོད།། ཤ་ཆེན་ཀེང་རུས་རྒྱན་ལ་རོལ།། གསང ་སྔགས་བཀའ་བསྒོ་ལོག་པ་ཡིས།། དུས་མ་ཡིན་པར་ཚེ་འཕོས་ནས།། ན་རག་རྡོ་རྗེ་དམྱལ་བར་ལྟུང་།། བཞི་བརྒྱ་མཐའ་རུ་སྡུག་བསྔལ་མྱོང་།། ཆད་ལས་རྒལ་ཏེ་བདེ་བས་བྲེལ།། བསྐལ་པ་བཞི་ནས་བརྒྱད་གཉིས ་འཁོར།། ཚ་གྲང་གནས་ནས་བསྐལ་པ་བཞིར།། འཁོར་ཞིང་སྡུག་བསྔལ་ཟད་མཐའ་རུ།། ཉི་ཚེ་ཉེ་འཁོར་ཁ་འཁོར་ནས།། བསྐལ་པ་གཉིས་སུ་སྡུག་ཅིང་འཁྱམས།། དེ་མཐར་ཕྱི་ནང་སྒྲིབ་པའི་གནས།། གཟུགས་ཆེ ་སྐེ་དང་ཡན་ལག་ཕྲ།། རྣག་ཁྲག་ངན་སྐྱུགས་ལྕགས་ཐུམ་མིད།། བསྐལ་པ་གཅིག་ཏུ་སྡུག་ཅིང་འཁྱམས།། དེ་མཐར་རྫུ་འཕྲུལ་དྲག་པོའི་གནས།། ལྕགས་མཁར་བཅུ་གཉིས་བརྒྱད་གཉིས་འོབས།། ཟོད ་མཁར་བཞི་དབུས་ཤ་ཁྲག་ཟ།། རྔམ་པའི་ང་རོས་འཁོར་རྣམས་མངགས།། དེ་ལྟར་རྣམ་སྨིན་མང་བསགས་པས།། གནས་སུ་རཱུ་ཏྲ་ནག་པོར་སྨིན།། དེ་ཡིས་འཇིག་རྟེན་ཕུང་བྱེད་ན།། རྒྱལ་བ་ཀུན་གྱི་ཐུགས་རྒྱུད ་ནས།། བྱིན་རླབས་མཐུ་རྩལ་སྟོབས་འགྲན་ཏེ།། ནག་པོ་དེ་ཉིད་འདུལ་བའི་ཕྱིར།། སངས་རྒྱས་ཆོ་འཕྲུལ་སྣ་ཚོགས་མཛད།། སྟོང་པའི་རང་བཞིན་དེ་སྟོང་ཀྱང་།། སྟོང་པས་ནག་པོ་སྡེ་མ་སྟོངས།། སངས་རྒྱས་རྡུལ ་སྙེད་ཞིང་ཁམས་འདོད།། ནག་པོའི་ཤ་ཁྲག་རྔམ་ཞིང་རོལ།། དེས་མ་བསྐྱོད་ཕྱིར་སྟོབས་ཆེན་གསུམ།། ཡ་མ་བཛྲ་ཧ་ལའི་སྐུ།། རང་རང་ལག་ཆ་ཆ་བྱད་འཁོར།། སྔགས་ཚིག་དྲག་པོ་རྔམ་བཟླས་ནས།། ནག་པོ་ཚེ་ཡི ་བདག་པོ་ལ།། ལུས་ངག་སྐོང་ཕྱིར་མེ་རླུང་སྦྲུལ།། ནད་དང་མཚོན་ཆའི་ཆར་ཕབ་ནས།། ནག་པོ་འཁོར་བཅས་དགའ་མགུ་ནས།། ཤ་ཁྲག་རོ་དང་བདུད་རྩིར་འགྱུར།། མངའ་བརྙེས་སྡེ་ལས་རྒྱལ་ལ་ཁད།། དེས ་མ་ཐུལ་ནས་ཁྲོ་བོར་བྱ། ཁྲོ་བོ་སྨེ་བ་བརྩེགས་པ་ཡིས།། རྡོ་རྗེ་སྲིན་པོ་འཁོར་དང་བཅས།། ནག་པོ་བསྒྲལ་ལ་བཟའ་བར་རྔམས།། གསང་སྔགས་གདུག་པའི་ང་རོར་བཏོན།། ཡེ་ཤེས་མེ་ཡིས་སྲས་མཆོག་སྦྲུལ།། ཚེ ་བདག་དྲག་པོ་གཤིན་རྗེ་ཡིས།། ཀཱི་ལ་ཙིཏྟའི་དཀྱིལ་དུ་བཟའ།། བཏབ་པས་སྨེ་བརྩེགས་དེ་ཉིད་རྒྱལ།། རྡོ་རྗེ་སྲིན་པོའི་འཁོར་བརླགས་ནས།། ནག་པོ་དྲེགས་པའི་ཚེ་བཀྲག་ཕྲོགས།། སངས་རྒྱས་རྫུ་འཕྲུལ་ཞི་བར ་བྱས།། དེས་མ་ཐུལ་ཏེ་དགོངས་པ་བསྡུས།། གསང་སྔགས་ངོ་བོ་དེ་ཁོ་ན།། དྭངས་མ་ཆེན་པོ་ལྔ་ཡི་དངོས།། ཡེ་ཤེས་ལྔ་ཉིད་དེ་རྟོགས་པའི།། རིགས་ལྔའི་གཙོ་བོ་སྤྱི་ཡི་གཟུགས།། ཀ་ལ་མཐིང་ནག་བརྗིད་པའི ་སྐུ།། ཟིལ་གནོན་ཕྱག་རྒྱ་ཆེན་པོ་ཉིད།། སྟོང་ཉིད་མ་སྐྱེས་འགག་མེད་པའི།། ལྷུན་གྲུབ་ཡེ་ཤེས་ཐམས་ཅད་མཁྱེན།། ལྷུན་པོ་རི་རབ་བརྟན་ལྟར་བརྗིད།། རྣམ་པར་དབུ་གསུམ་སྐུ་གསུང་ཐུགས།། རྒྱུད་དྲུག་འཁོར་བ ་བསྒྲལ་བའི་རྟགས།། ཕ་རོལ་ཕྱིན་ཕྱག་ཡེ་ཤེས་དྲུག། སྐྱེ་བ་རྣམ་བཞི་དག་པའི་རྟགས།། ཚད་མེད་ཞབས་བཞི་རྫུ་འཕྲུལ་རྐང་།། སྲ་བྱེད་བརྟན་པས་ཐམས་ཅད་གནོན།། མཉེན་བྱེད་བསྐྱིལ་ཞིང་སྡུད་པའི ་དབང་།། གསལ་བྱེད་ཁྲག་ཆུ་བག་ཆགས་བསྲེགས།། གཡེང་བྱེད་རྐྱེན་མེད་རང་ཤུགས་ལྡན།། སྣང་བྱེད་གོ་འབྱེད་ཁེབས་འོག་ཆུད།། རྒྱུ་རྐྱེན་ཟབས་ལ་རག་མ་ལུས།། བདེ་བ་ཆོས་སྐུ་སྟོང་བདག་མེད།། སྟོང་ལས ་ཀུན་སྐྱེས་བསམ་དཔག་དཀའ།། ནག་པོ་འདུལ་ཕྱིར་སྣ་ཚོགས་སྦྲུལ།། ཡ་མ་བཛྲ་ཁྱམས་ཁང་ཁྱུང་།། དེ་བཞིན་གཉིས་ལྡན་སེང་གེ་སྟག། གདུག་པའི་ཡེ་ཤེས་ཁྲོ་ཆུང་འབར།། ཚུལ་དགུ་ཆས་དགུ་རྒྱན་དགུ ་དང་།། གར་དགུ་སྟབས་དགུ་རྔམ་སྒྲ་དགུ།། ཐོད་སྦྲུལ་རིན་པོ་ཆེ་ལ་སོགས།། གསོད་བྱེད་ཁྲག་སྐྱུག་ཚོགས་ཀུན་གནོན།། འཁོར་ལོ་རལ་གྲི་རྡོ་རྗེ་འཕེན།། བེ་ཅོན་གཏུན་ཤིང་སྡིགས་འཛུབ ་བརྡེག། ནག་པོ་གེལ་པ་བསྒྱེལ་ཏེ་མནན།། ཕྱི་ནང་གཤེད་འཁོར་འཆི་བདག་ཚོགས།། ཡང་སྦྲུལ་དྲུག་ཁྲི་དྲུག་སྟོང་བཅས།། རྔམ་ཞིང་དྲེགས་པའི་འགྱིང་སྟབས་ཀྱིས།། ནག་པོ་འཁོར་བཅས་གདན་དུ་བཏིང་།། ནག། ་པོ་བརྒྱལ་སངས་འདར་ཞིང་སླེབ།། ཟིལ་གནོན་ཕྱག་རྒྱའི་གདན་དུ་གསོལ།། འཁོར་རྣམས་དབང་བསྡུས་མདངས་དང་ཕྲལ།། འཁོར་དུ་ལས་ཀྱི་སྒྲིབ་པ་སྦྱངས།། སྣམ་ནས་སླར་བཏོན་བྲན་ཁོལ་བསྐོས།། སྲོག་གི ་སྙིང་པོ་རང་དབང་བསྡུས།། ནག་པོས་རྔམ་པའི་སྨེ་ཛགས་བཏོན།། བདག་ཅག་རྒྱལ་བའི་འཁོར་ལགས་ཀྱིས།། འཁོར་ལ་ཐུགས་རྗེ་མ་ཆུང་མཛོད།། བཀའ་ལ་ཐོགས་ཤིག་བཀའ་བཞིན་འགྱིད།། ཅི་བཅོལ་ལས ་རྣམས་བཀའ་བཞིན་ཉན།། ཞེས་གསོལ་ཏོ།། དེ་ཕྱིར་རྒྱུད་འདི་དྲག་ཆགས་བཤད།། ཅེས་འཁོར་ལ་རྒྱས་པར་གསུངས་སོ།། དྲགས་སྔགས་ཀྱི་དེ་ཁོ་ན་ཉིད་སྲོག་དམར་ལེན་སྤུ་གྲི་ལས་དྲེགས་པ་ཅན་བཏུལ་བའི་ལེའུ ་སྟེ་གཉིས་པའོ།། བླན་བལྡནཿ། དེ་ནས་འཁོར་གྱི་ནང་ནས་རྡོ་རྗེ་འཛིན་པ་སྟན་ལས་ལངས་ནས། བཅོམ་ལྡན་འདས་ལ་གསོལ་པ། ཀྱེ་ཧོ་བཅོམ་ལྡན་ཁྲག་འཐུང་དཔལ།། ལས་རྣམས་ཀུན་གྱི་རྩ་བ་རུ།། བརྣག ་པའི་རྒྱལ་པོ་དམར་ལེན་ལ།། རྩ་བ་དག་དང་མན་ངག་གི། ལས་ཀྱི་རྣམ་གྲངས་བཤད་དུ་གསོལ།། ཞེས་གསོལ་པས།། བཅོམ་ལྡན་འདས་ཀྱིས་སྙིང་པོ་དོན་གྱི་མན་ངག་རྒྱས་པ་བཤད་དོ།། དམར་ལེན་དོན་གྱི་མན ་ངག་ལས།། རྩ་བ་རྣམ་པ་གཉིས་སུ་བཤད།། ཐུན་མོང་དང་ནི་ཁྱད་པར་རོ།། ཐུན་མོང་སྦྱོར་བ་རྣམ་པ་ལྔ།། འབྲུ་བཞིའི་སྦྱོར་བ་དྲུག་གཉིས་བཞི།། ཀུན་འབྱུང་རྩ་བ་བརྒྱད་གཉིས་གཅིག། གབ་པའི་སྦྱོར་བ་བཞི ་གཉིས་ལྡན།། གསད་གཟིར་གནན་གཟིར་བསྲུང་དང་དབབ།། བསྲེག་དང་སྲོག་དབྲོག་དཔྲལ་བར་ཤིས།། ཡན་ལག་སྡིག་པའི་ཕག་མོ་གཉིས།། སྐྱེ་བ་རླུང་བཤིག་རང་བདུད་འཕེལ།། རྣལ་མར་སྤོག་དང་ཚེར ་སྤོགས་དཀྲུག། འཕོ་ཚུལ་གཉིས་ལྡན་བདེ་བ་གཅིག། ཡེ་ཤེས་རིག་པ་རང་རྩལ་བགྲོད།། ཀུན་གྱི་མཐའ་རུ་འབྱུང་བ་དཀྲུག། ཐུན་མོང་ཕུང་བྱེད་སྡིག་པ་འཇོམས།། འབྱུང་བ་གནམ་བསྟན་གཉིས་ལྡན་པ།། མ་སྦྱངས ་དག་པའི་ཚུལ་དུ་བགྲོད། ཁྱད་པར་ལས་རིམ་གསུམ་གཉིས་གཅིག། ཕྱེ་བའི་རིམ་པ་བདེ་དང་ལྡན། ཁྱབ་གསལ་སྤོགས་མེད་བདེ་དང་ལྡན།། སྙིང་པོ་མཆོག་གི་རྩ་བར་གསུངས།། གཉེན་པོས་འཕེན་ཅིང་གཅོད་པར ་བསྐུལ།། སྤུ་གྲིའི་ལས་སུ་གཅོད་ཅིང་སྡུད།། རང་གྲུབ་བདུད་གཤེད་འཆི་བདག་ལྡང་།། རང་གསལ་བསྐུལ་བས་ཡ་ཡིས་བསྐྱོད།། ཐུགས་རྗེ་ཤུགས་སྒྲོལ་ཐར་པའི་ལམ།། བདེ་བའི་ཡེ་ཤེས་རང་ཉིད ་ལྡན།། ཕྱག་རྒྱ་རང་གསལ་བགྲོད་ཐོབ་མེད།། འགག་མེད་སྙིང་པོ་མཆོག་ཉིད་གསལ།། བདེན་པ་གཉིས་མེད་ཆོས་སྐུར་གཅིག། ཐམས་ཅད་འཇོམས་སྒྲོལ་བདེ་ཆེན་ཉིད།། ཉིད་ལས་གཞན་དུ་བཙལ ་ཡང་མེད།། གསེར་བུག་སྙིང་པོ་རང་བསྟན་ཡིན།། ཀུན་ཐུབ་སྙིང་པོ་ལས་དབང་འཇོམས།། སྲོག་ཅེས་བྱ་བ་འཕོ་བར་བྱེད།། གཉིས་མེད་རིག་པ་ལྷ་རུ་གསལ།། སྲིན་མོ་ལས་ཀྱི་མཐའ་རུ་འཕོ།། སྦྱོར་བ་ལྷན་ཅིག ་ལྔའམ་གསུམ།། རྒྱལ་བའི་བཀའ་ཐུབ་རྒྱལ་མཐེབ་མངག། རང་ཉིད་ཆེ་བའི་གནས་ལ་གནས།། ལོ་ཐོག་གཞོམ་པའི་ལས་གསུམ་གྱིས།། འབྲས་བུ་མེད་པར་འཆང་སྒྲོལ་བགྲོད།། བསྲུང་བའི་རྒྱལ་པོ་གཅིག ་ཏུ་དྲིལ།། ཉེ་བའི་དབང་པོ་རང་གནས་གཟིར།། དུག་དང་སྦྱོར་བ་བྱད་གཞུག་འབྱིན།། ལས་དང་སྦྱོར་བ་གཤོག་ཅིང་གཅོད།། ཙིཏྟའི་དཀྱིལ་ནས་རྣམ་ཤེས་འཕྲོག། ལུས་མེད་དབང་པོ་ཡིད་ཀྱིས་འཇོམས།། དེ་མེད ་སྦྱོར་བ་ཡུག་པ་བརྐྱང་།། རང་གཤེད་རང་བདུད་རང་ལ་ལྡང་།། རང་རྒྱུད་རང་གནས་གསུམ་གཉིས་གཅིག། གནས་དང་སློང་དང་རྐྱེན་དང་གཅོད།། འཕོ་དང་བགྲོད་དང་སྲོག་སྡུད་བཅས།། ལས་དེ་ཆོས་ཉིད་རང ་གྲོལ་ཡིན།། མཐའ་རུ་ལྷུན་གྲུབ་བསྲེག་དང་སྦྱར།། ནམ་མཁའ་བར་སྣང་ས་གཞི་ལ།། བསྲེག་མནན་གཅོད་པའི་འཁོར་ལོ་བཅའ།། མངག་དང་གཟིར་དང་བསྟབ་དང་དབུལ།། ལས་གཉེར་གཏད་མཐར་ཟོར་དང ་མནན།། རང་གི་ཡེ་ཤེས་གསལ་ཞིང་འབར།། མེ་དང་ཚ་བ་བསྲེག་ཅིང་བདོ།། སྦྱོར་བ་མངོན་དུ་གསད་དང་འཕོ།། དཀར་ནག་ལས་དེ་གབ་སྦས་གསང་།། ལས་ཚོགས་རྒྱས་པ་ལྷུན་གྱིས་གྲུབ།། རྒྱུད་ཀྱི་རང་བཞིན ་བདུན་ནམ་གཅིག། སྐུ་དང་གསུང་དང་ཐུགས་ཀྱི་རྒྱུད།། བལྟ་སྤྱོད་འཁོར་ལོ་དམ་ཚིག་དབང་།། ལས་རིམ་སྦྱོར་བ་འབྲེལ་བཅས་ཡིན།། གཞི་ལམ་འབྲས་བུ་ལྷུན་གྲུབ་གཅིག། ཕྱི་ནང་གསང་བ་བཤད་པའི ་མཐའ།། ཀུན་འདུས་རིག་པའི་མཚོན་ཆར་བཤད།། སྲོག་དམར་ལེན་སྤུ་གྲིའི་རྒྱུད་ལས། དངོས་གཞི་བསྟན་པའི་ལེའུ་སྟེ་གསུམ་པའོ།། ཌཱ་རྣམནཿ།། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས་རྒྱུད ་ཀྱི་དོན་འདི་རྒྱས་པར་བཤད་དོ།། མ་བྱུང་མ་སྐྱེས་ཡེ་ཤེས་སྐུ།། འགག་མེད་བདེ་ཆེན་ཁྱབ་གསལ་སྐུ།། ལྷུན་གྲུབ་སྤྲོས་བྲལ་ཕྱག་རྒྱའི་སྐུ། ཁྱབ་གདལ་ཐིག་ལེ་ཉག་གཅིག་སྐུ།། མ་འགགས་ཀུན་གསལ་སྤང་བླང ་མེད།། སྣ་ཚོགས་རོལ་པ་བྱ་བཙལ་བྲལ།། ནམ་མཁའ་ཡོངས་ལ་མདུང་བསྐོར་བ།། སངས་རྒྱས་མཛད་པ་ཁོ་ཟག་ཆད།། གནས་པ་རང་རྒྱུད་དྲུག་དང་ལྡན།། སུམ་ཅུ་གཉིས་རྩིབས་བདེ་ཆེན་གནས།། འབྲུ་བཞི་ཡན ་ལག་འཕོ་དང་བཅས།། འབྲུ་དྲུག་ལོངས་སྤྱོད་གསལ་དག་འབར།། བརྒྱད་དབུས་བཞི་ལྡན་ཆོས་འཁོར་ལོ།། ལམ་ཉིད་དོན་ལྡན་འབྲས་བུར་སྨིན།། བཅུ་དྲུག་བཞི་ལྡན་སྤྲུལ་པའི་གནས།། བཞི་རྩིབས་གསལ་བ་རྫོབ ་ལ་གནས།། དྲུག་རྩིབས་འཁོར་ལོ་མདོ་གསུམ་འཛིན།། རང་བདུད་རང་གཤེད་མཉམ་པའི་དོན།། བདེ་བའི་རྒྱལ་པོ་རང་གསལ་ཡིན།། སྤྱོད་པ་ལས་ཀྱི་འཁོར་ལོ་མཚོན།། ལྔ་བརྒྱད་ཕྲལ་ནས་སུམ་ཅུ ་གཉིས།། དེ་དག་རང་རྒྱུད་གནས་པ་ཡིན།། གནས་པའི་འཁོར་ལོ་ཐོད་པར་བཅའ།། ཐོད་པར་སྙིང་པོ་བཅུད་སྡུད་བྱེད།། ལས་དང་སྲོག་དང་བླ་སྡུད་ལ། ཁྱམས་ཁང་གཤེད་ཀྱི་གསང་མཛོད་ཡིན།། རིག་པ་སྲོག་ཏུ ་བགྲོད་བྱས་ལ།། དཔའ་བོ་གྲི་མོ་ལང་ཚོ་ལ།། སྦྱངས་པ་གསུམ་དང་ལྷ་བགོད་ལ།། སྔགས་ཀྱི་དྲོད་ལྡན་བརྟུལ་ཞུགས་བླང་།། དེ་བཞིན་རྒྱལ་རིགས་ཉིད་ལ་བསྔགས།། བཅུ་གཉིས་བཅུ་དྲུག་བར་ལ་བརྟག། གོང ་བཞིན་བརྟགས་ལ་བརྟུལ་ཞུགས་བླང་།། རྐྱེན་གསུམ་རང་རྒྱུད་དྲུག་བཀོད་ལ།། སྦྱང་བསྲེགས་དབབ་བསྐྱིལ་ཐིག་ལེར་གསལ།། སྨེ་བ་དོན་དང་མཉམ་སྦྱར་ལ།། བརྟུལ་ཞུགས་རྣམ་གསུམ་ལོངས་སྤྱོད་ལྡན།། སྐྱེ་བ ་མེད་པའི་དབྱིངས་སུ་སྒྲོལ།། སྤྱི་དང་ཁྱད་པར་ཡན་ལག་གསུམ།། བསྲུང་དང་མ་བསྲུངས་བདེ་དང་སྡུག། བདེ་ཆེན་ན་རག་དོང་སྤུག་གི། ལས་ཀྱི་རིམ་པ་འདི་ལྟ་སྟེ།། རྩ་བ་ཀུན་འབྱུང་འཁོར་ལོ་ནི།། གསང་ཆེན ་མཆོག་ཏུ་དྲིལ་བའོ།། ཡང་གསང་སྦྱོར་བ་དྲུག་གཉིས་ལྔ། གོལ་དང་སྨིན་པའི་ལས་ཀྱང་།། བརྡ་དོན་དྲིལ་བ་མ་ཡིན་པས།། ཧ་ལ་ནག་པོ་སྦྲུལ་འཛིན་ལྟར།། སྦྱོར་བ་བཅུ་བདུན་དག་དང་ལྡན།། དོན་གཉིས་མངོན་དུ་སྤྱོད་པ ་ཡིས།། བླ་ཆེན་སྤྲུལ་པ་ཡང་སྦྲུལ་ཆགས།། རྟགས་མེད་ཀུན་འབྱུང་དྲུག་དང་ལྡན།། འབྲས་བུ་འཇོམས་པའི་ལས་བཞི་ཡིན།། ཆུ་དྲིལ་ཟོར་འཕང་དུ་བས་གཟིར།། ཆུ་རྒོད་གནམ་ཐོག་རི་ལྟར་འབེབས།། དམར་ལེན ་སྔགས་ཀྱི་མཐུ་བསྡུས་ནས།། ལས་ཀྱི་འཁྲུལ་འཁོར་མཚོན་ཆར་འབེབས།། སྙིང་པོ་ཀུན་གྱི་མཐུ་དྲིལ་ནས།། འབྲུ་བརྒྱད་དམོད་པའི་ལུས་དང་སྦྱར།། རིགས་སོགས་ལས་དབང་གནོད་པའི་གདོན།། སྔགས་ཀྱི་བརྡེག ་པ་དྲུག་དང་ལྡན།། ལྟར་འཇུག་ཕྱིར་འབྱུང་ཞེན་པ་ཞེ་སྡང་གཞི་ཡང་བཞི།། ཀུན་འབྱུང་རྟག་མེད་ཁོང་ནས་ལྡན།། གང་རུང་མཚོན་ཆ་ཁ་སྦྱར་བཅའ།། བརྗོད་པ་སྐབས་དང་སྦྱར་ལ་སྤྱད།། འོག་ལ་རྗེས་གཅོད་བསྲེག་པ ་བརྡེག། ཀུན་འཇོམས་སྦྱོར་བའི་རྒྱལ་པོ་ཡིན།། གྲུ་བཞི་ཆ་མཉམ་རུས་སྦལ་ལྟོར།། ཡེ་ཤེས་ལྔ་ཡི་ཐིག་དྲངས་ལ།། མགོ་དང་མཇུག་མར་ཐིག་རྐང་གདབ།། དེ་བཞིན་ལྷོ་གཉིས་ཐིག་རྐང་དྲང་།། ཐིག་བཞི་རྒྱ་གྲམ ་ལེགས་པར་གདབ།། ལྟོ་བར་འཁོར་ལོ་བཅུ་གཉིས་བཅའ།། ཐིག་བསྐོར་རིམ་པ་གསུམ་དུ་བསྐོར།། དབུས་སུ་གྲུ་གསུམ་རྒྱ་གྲམ་ལྡན།། བྱང་ཁོག་སྟོད་ཀྱི་འཁོར་ལོ་གཉིས།། རྩིབས་བཅུར་བླ་ཆེན་སྤྲུལ་པའི ་སྔགས།། གཡས་པའི་རྩིབས་ཆེན་བཅུ་བཞི་ལ།། ཡང་སྦྲུལ་འཇོམས་པའི་སྤུ་གྲི་གནས། གཡོན་པའི་རྩིབས་ཆེན་བཅུ་བཞི་ལ།། ཆགས་སྡང་འཇོམས་པའི་སྤུ་གྲི་གནས།། དེ་བཞིན་བསྐྱེད་པའི་འཁྲུལ་མིག ་བཞིར།། བཅུ་གཉིས་རྩིབས་འགྱུར་རྟགས་མེད་དང་།། ཀུན་འབྱུང་སྔགས་ཀྱི་གཅོད་པ་དགོད།། དེ་ཡིས་བསད་པ་མཆོག་ལ་སྦྱར།། གཡས་གཡོན་བབ་ལྔའི་བཅོ་ལྔའི་རྩིབས་ཀྱང་རྟགས་བདུན་ལ།། སྲུང ་བའི་རྟགས་མེད་ཀུན་འབྱུང་བཀོད།། ལྟེ་བ་སྨད་ཀྱི་འཁོར་ལོ་བཞིར།། རྩིབས་བདུན་དེ་བཞིན་རྩིབས་དགུ་བཅུ།། བཅུ་གཅིག་རྩིབས་དང་ལྡན་པ་ལ།། མི་འཁོར་འཁོར་འཇུག་དེན་པ་ལ།། བརྡེག་པའི་དྲག་སྔགས ་ཚན་རེ་གནས།། ཡན་ལག་ལོ་ཏོག་འཇོམས་པ་བཞི།། ཀུན་ལ་རྒྱ་གྲམ་རྩ་བའི་སྔགས།། ལག་གཡས་བཅུ་དྲུག་སྤོགས་དང་གཟིར།། ལག་གཡོན་རྩིབས་དགུ་གཟིར་བའི་སྔགས།། རྐང་གཡས་རྩིབས་བཅུ་ཐབས་ཀྱི ་སྔགས།། རྐང་གཡོན་བཅོ་བརྒྱད་དུ་སལ་འཇོམས།། ཆུ་རྒོད་འཁྱགས་པ་རི་ལྟར་འབེབས།། འོག་ལ་རྗེས་གཅོད་འཁོར་ལོ་བསྲེག། རྒྱ་གྲམ་ཡང་ལོག་བཅུ་གཉིས་ལ།། རྩ་བ་བརྒྱད་དང་བཅུ་གཉིས་བསྲེག། གདུག ་པའི་སྔགས་དང་རྫས་བསྲེག་ལྡན།། བླ་ཆེན་བཞི་དང་ཆགས་ལྡང་བཞི།། མི་མཐུན་འཁོར་ལོ་ཁ་སྦྱར་བསྔགས།། སྤྲུལ་པ་ཡང་སྦྲུལ་ཁ་སྦྱོར་བརྡེག། ཀུན་འབྱུང་རྟགས་མེད་དེ་བཞིན་བསྡེབས།། རུས་སྦལ་ལྟོ་བར ་བསད་ལ་སྦྱར།། ཆུ་དྲིལ་གཟིར་བའི་འཁོར་ལོ་སྦྱར།། ཟོར་དང་དུ་བ་ཁ་སྦྱོར་ལ།། དབབ་དང་བསྲུང་བ་རུས་སྦལ་ཡང་།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས། ཀུན་འབྱུང་རྩ་བའི་སྔགས ་འདི་བཏོན་ཏོ།། སྲོག་ལ་བྲི་ཤག་རྦད།། ཙིཏྟ་བྲེང་ཤག་ཛ། སྲོག་ལ་ཐུན་རྨུགས་ཟད། དགྲ་བོའི་སྲོག་ལ་ཐུན་ཤག་ཟད། ནརི་ཙིཥྞ་བྲེང་བྲེང་ཧུར་ཟུམས་ཛ། སྲོག་ལ་ཐུན་གཟིར་ཤག་རྦད། ཙིཥྞ་བྲེང་ཤག་ཛ། སྲོག་ལ་ཡཾ ་ཡཾ་རྦད། ནརྀ་ཙིཏྟ་བྲེང་ཤག་ཛ། སྲོག་ལ་མཱ་ར་ཡ་རྦད། ནརྀ་ཙིཏྟ་ཧུར་བྲེང་ཛ། ཙིཏྟ་གཟིར་ནན། སྲོག་ལ་མྱོགས་རྩལ་རྦད། ཡཾ་ཡཾ་ཧུ་ར་ཙིཏྟ་ཁམ་ཤག་རྩ་ལ་མྱགས་ཧབ་ཏང་ཧབ་ཏང་རོ་མྱགས་ཛ། ཀྲིང་ཀྲིང་ཧི་ནན། ཡལ ་ཡལ་ཙིཏྟ་རྦད། ཧ་ལ་ཧ་ལ་ཙ་མ་རི་ཁམ་ཤག་རྦད། ཧ་ལ་ཧ་ལ་ཡཾ་ཡཾ་ཙིཏྟ་བྲེང་བྲེང་དུན་དུན་ཛ། དེ་བ་ཛ་དུན་ས། ནཱ་ག་སྙིང་གཟེར་ཐུན་པྲྀ་པྲྀ། ཧྲིལ་དྲིལ། ཤར་ཤར་ཕོབ། ནཱ་ག་ཛ་ཡཾ། སྙིང་གཟེར་ཤར་ཕྲོཾ་ཕོབ། ཛ ་ཡཾ་ཕྲེཾ་ཤར་ཧྲིལ་ཁཾ་ཤར་ཧྲིལ་ཕོབ། ནཱ་ག་ཨུ་ནན་ཛ་ཡཾ་ཕོབ་ཡ་ཧྲི་ད་ཡ་ཕོ་བ། ར་མི་ཙིཏྟ་ཁཾ་ཤག་སྲོག་ལ་ཧུར་ཐུམས་ཡཾ་ཁཾ་ཤག་རཾ་ཐུན་ཙིཏྟ་རཾ། ངེས་པའི་དོན་དང་ལྡན་པའི་གདེང་།། ཉམས་རྟགས་ཕྱི་སྟེ་སྤྱོད་ཡུལ ་མིན།། དེ་ཡི་ལས་ཐིག་རྫོགས་པར་བཤད། རརྒ་པྲ་ཊ་ཀཿ། དེ་ནས་བཅོམ་ལྡན་འདས་ཀྱིས་གབ་པ་ཐུགས་ཀྱི་ལས་འདི་བཤད་དོ།། དམར་ལེན་སྔགས་ཀྱི་དམོད་པ་ལ།། དགུ་གསུམ་གང་རུང་ཐོད་པ་བྱ།། འཁོར ་ལོ་རིམ་པ་བཞིན་དུ་བསྐོར།། དབུས་ཀྱི་འཁོར་ཡུག་ཕོ་བྲང་དུ།། བདེ་བའི་རྒྱལ་པོ་ནམ་འཁའི་འབྲུ།། ཕྱི་རིམ་པར་ཁྱམས་འཁོར་ལོ་བརྒྱད།། མུ་ཁྱུད་རིམ་པ་གསུམ་དུ་བསྐོར།། ཀུན་གྱི་དབུས་སུ་རྒྱ་གྲམ་ལྡན།། ཕྲལ ་ལ་རྩ་བའི་འབྲུ་བརྒྱད་དགོད།། གཉིས་པ་ས་ཁམས་དྲུག་གཉིས་རྩིབས།། མནན་པ་སྟོབས་ཀྱི་འབྲུ་ཡི་དགང་།། མེ་ཁམས་དེ་བཞིན་བསྲེག་པས་དགང་།། ཆུ་ཁམས་དེ་བཞིན་ལོ་ཏོག་འཇོམས།། རླུང ་ཁམས་བཅུ་གཉིས་བསད་ལ་ཤིས།། འདེགས་དང་དྲོད་མཚམས་ཐམས་ཅད་གཟིར།། གཡེང་དང་དྲོད་མཚམས་འབྲས་བུ་སྲུན།། དྲོད་དང་ཆུ་མཚམས་རྣམ་ཤེས་ཕྲོགས།། གཡེང་དང་འདེགས་མཚམས་གདུག་པ ་གཟིར།། ཀུན་ཀྱང་རུས་སྦལ་ཁ་སྦྱར་ལ།། ལྔ་ན་ལས་རྫོགས་གདུག་པར་གཏད།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས། དྲག་སྔགས་འདི་བཏོན་ཏོ།། ཨེ་མྱགས་ཡ་རྔུབས་མུག་ཤག་ཀ་དུན།། ་དགྲ་བོའི་སྲོག་ལ་མཱ་ར་ཡ་རྦད། ནརྀ་ཧུར་ཐུམས་ཛ། དགྲ་བོའི་སྲོག་ལ་ཐུན་གཟིར་སྦུར་ནན།། དགྲ་བོའི་སྲོག་ལ་རཾ་ཐུན་ཙིཏྟ་རྦད། ཁ་རཾ་ཛ་ལ་རཾ། ནཱ་ག་ཨུ་ནན་སྙིང་གཟེར་ཕྲོམ་ཤག་ཁམ་ཧྲིལ་ཕོབ་ཡཱ། སརྦ་ཨུ ་ནན། ཐུམ་རིལ་སྦུར་ནན་ཤ་ཏྲུཾ་འདྲིད་ཕྱུང་རྦད། སརྦ་ཤ་ཏྲུཾ་སྟམྦྷ་ཡ་ན་ཤ་ཡ་ནན་རྦད། ཙིཏྟ་བྲེང་བྲེང་རྩ་ལ་དུན་དུན། སྲོག་ཧུར་ཐུམས་ཛ། ས་ནཱ་ག་ཧ་ལ་ཧ་ལ་ཡཾ་ཡཾ་སྙིང་གཟེར་སྦུར་ནན། ཕྲལ་ལ་ལས་ཀྱི་སྐབས་སུ ་བཅའ།། དམན་པ་ལས་ཀྱི་སྦྱར་བ་བཤད།། གཞན་ཡང་ཡན་ལག་ལས་གསུངས་པ།། རྣོ་མྱུར་ཕོ་མོའི་ལྟོ་བ་རུ།། ཡེ་ཤེས་ཐིག་ལེའི་ངང་ལས་འཆར།། འཕེན་དང་སློང་བ་དབུགས་ཀྱི་རྟ།། མཚོན་ཆ་མུ་ཁྱུད་ལྔ་དང ་ལྡན།། དབུས་སུ་གྲུ་གསུམ་རྒྱ་གྲམ་ཕྱི།། བཅུ་གཉིས་རྩིབས་བསྣོལ་བར་ཁྱམས་ཟླུམ།། དབུས་སུ་གྲུ་གསུམ་བརྣག་པ་བསྟན།། གཉིས་པ་རྒྱ་གྲམ་རྩ་བའི་སྔགས།། བཅུ་གཉིས་ཕྱི་ནང་གསད་པའི ་འབྲུ།། བར་འཁྱམས་ལྟོ་སྦྱོར་སྒྲུབ་པའི་སྔགས།། ཁ་སྦྱོར་བཅས་ལ་དོང་རྩར་མནན།། སྔགས་ཀྱི་ཡན་ལག་སྤོགས་པ་ཡིན།། གདུག་པའི་ཀླུ་ལ་གཏད་པར་བྱ།། དགྲ་བོའི་སྲོག་ལ་ཧུར་ཐུམས་རྦད། ཙིཏྟ་བྲེང་ཤག ་ཛ།། ཛ་ཤག་བྲེང་ཏ་ཙི་ཏ་ཐུམས་ཧུར་དགྲ་བོའི་སྲོག་རྦད། དགྲ་བོའི་སྲོག་ལ་ཐུམས་ཙིཏྟ་ཧུར་བྲེང་ཛ་ཤག་རྦད། བརྣག་པ་རྣོ་མྱུར་སྟོབས་དཔག་མེད།། ཡན་ལག་རྣོ་དཔལ་མཚོན་ཆ་ཡིན།། གཞན་ཡང་ཕུང་བྱེད ་སྡིག་པའི་ལས།། ལས་ཀྱི་རིམ་པ་སྔར་བཞིན་ལས།། ཁྱད་པར་ལྷ་སྲིན་དཀྲུག་པའི་ལས།། སྡིག་པ་ཆེན་པོའི་ལྟོ་བ་རུ།། མུ་ཁྱུད་རིམ་པ་ལྔ་དང་ལྡན།། རྒྱ་གྲམ་བཅུ་གཉིས་རྩིབས་དང་ཁྱམས།། ལྷ་སྲིན་ལྟོ་དཀྲུག་ལས ་ཀྱི་མཆོག། རྩ་བའི་སྔགས་དང་སྤུ་གྲི་དགོད།། ཁ་སྦྱོར་དུག་ཆུ་ཚ་བར་ལྡན།། སྔགས་བཟླས་གདུག་པའི་ཀླུ་ལ་གཏད།། དྲག་སྔགས་སྦྱོར་བ་དྲིལ་བ་བརྡེག། ཡ་རྔུབས་ཨེ་ཤག་དུན་མྱགས་ཀ་རྨུགས།། དགྲ་བོའི་སྲོག ་ལ་ཤག་བྲེང་ཛ། ཙིཏྟ་ཧུར་ཐུམས་རྦད། སྦྱོར་བ་གང་བརྩམ་མཐའ་རུ་བསྔགས།། སྤོགས་པ་དྲག་པོའི་ལས་སུ་བཤད།། འབྲུ་བཞི་ལས་ཀྱི་རིམ་པ་ནི།། དུར་ཁྲོད་དབེན་པའི་བདེ་གནས་སུ།། རང་སེམས་དབེན་པའི ་མཚམས་བཅད་ལ།། དུར་ཁྲོད་རྒྱུ་ལ་ཟོད་པ་བྱ།། མུ་ཁྱུད་བཞི་དང་ལྡན་པར་བསྐོར།། ལྟེ་བ་གྲུ་གསུམ་མཱ་ར་ནརྀ།། གཉིས་པ་རྡོ་རྗེ་རྒྱ་གྲམ་ལ།། ཡེ་ཤེས་སྤྲུལ་པ་ལས་བདག་ཡུམ།། གསང་བའི་སྙིང་པོ ་འབྲུ་བཞི་དགོད།། གསུམ་པ་འཁོར་ལོ་རྩིབས་བརྒྱད་ལ།། མཚན་མ་གཅོད་པའི་སྤུ་གྲི་དགོད།། ཕྱི་ཡི་རྩིབས་བཅུའི་རྩེ་མོ་ན།། ཉི་མ་གཅོད་པའི་འབྲུ་བཅུ་དགོད།། མཚོན་ཆ་བསྣོལ་མའི་བར་དུ་མིང་།། སྲིད་པའི ་རུས་སྦལ་ལྟོ་བར་བཅའ།། སྔགས་བཟླས་ཀླུ་ལ་གནོད་པ་མནན།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས་དྲག་སྔགས་དྲིལ་བ་འདི་བཏོན་ཏོ།། ཨེ་དུན་ཀ་ཡཾ་དགྲ་བོའི་སྲོག་ལ་བྲེང་བྲེང་རྦད།། ་ནརྀ་སྲོག་ལ་དུན་དུན་རྦད། ཁཾ་ཤག་རྩ་ལ་རྦད། སྲོག་ལ་མྱོགས་རྦད། ཁྱེར་ཕྱུང་མུག་ཏི་ལིང་ཤག་ལིང་ཛ། ཉིན་གསུམ་མཚན་གསུམ་སྦྱོར་བ་བརྩམ།། འབྲུ་བཞི་རྩ་བཞི་གཅོད་པར་བཤད།། གཞན་ཡང་ལོག་ཏོག ་གཞོམ་པ་ནི།། ལྷ་ཟོར་གཟིར་གསུམ་དྲིལ་ལ་དབབ།། གཅན་ཟན་དར་མའི་ཐོད་པ་ལ།། གདུག་པ་གསུམ་གྱི་ཁྲག་གིས་བསྐུ།། ཁྲག་གསུམ་དུག་སྣ་སྔོ་སྣར་བཅས།། སྦྱོར་བ་སྦལ་པའི་གསོབ་ཏུ་བཅའ།། ཡུལ་དབུས ་གདུག་པའི་རྟེན་ལ་གཞུག། བཅོ་ལྔ་དགུ་གསུམ་བཞི་ལ་བརྩམ།། མདུང་གང་དམར་ཟག་ས་སྲོས་དབབ།། ལྷ་སྲིན་འབྱུང་བ་དཀྲུགས་ལ་དབབ།། ཨེ་ཡཾ་ཀ་དུན་སྲོག་གཟིར་ཏྲིག་ནན། རཾ་ཤར་ཡཾ་ཕོབ་དྲིལ་ཕྲེཾ་བྷྱོ།། ་སྤོགས་པ་མེད་པའི་ལས་སུ་བཤད།། གཞན་ཡང་ཐོག་རྒོད་དྲག་པོའི་ལས།། ཉེ་བར་གནམ་ཐོག་དྲིལ་འབེབས་པ།། འུག་སྒོང་སྦྲུལ་ཤུན་མིང་བཅས་དང་།། གསེར་སོགས་རྒོད་སྙིང་མདའ་དང་དར།། མེ་ལོང་གྲི ་རྒོད་ཐོད་སྤོས་སྨན།། སུམ་བསྒྲིལ་དྲག་པོ་གཅིག་བསྡེབས་པས།། གཞུང་འཕེན་གནད་འཕེན་གནད་ལ་དབབ།། འབུམ་ཕྲག་བཟླས་ལ་བརྒྱ་བར་བསྟིམ།། གོང་གི་དུས་ཚོད་ཉེར་བར་འཕང་།། གནམ་ཐོག་ཆེན་པོའི ་ལས་ཀྱི་མཆོག། ཀ་ཡཾ་ཨེ་དུན་ཕྲེཾ་ཤར་སིང་བཀྲོལ། དྲལ་ཆེམས་ཡཾ་རཾ་ཁས་བྷྱོ་མཱ་ར་ཡ་རྦད།། བདེ་བའི་རྒྱལ་པོ་སྦྱོར་བའི་མཆོག། རིག་པའི་ཀློང་ནས་འཕེན་ཅིང་འཇོམས།། གཞན་ཡང་ལྟས་ངན་དབབ་པའི ་ལས།། བྱ་དང་གཅན་གཟན་ཐོད་ཆེན་ལ།། ལྟས་ངན་ཁྲག་གིས་ཁ་མིག་བྱ།། བརྣག་པའི་མཁར་དང་མིང་རུས་བྲིས།། བདུན་ཁྲི་བདུན་སྟོང་བསྐོར་རེ་ཐུན།། ཚེས་དང་ཟ་མ་སྐར་མ་ནི།། ནག་པོ་སྨེ་བ་གཅིག་ལ ་གཏད།། ཐེམ་འོག་འགྲམ་བྲེས་ལམ་དུ་མནན།། དགྲ་བོ་སརྦ་ཡེངས་དུམ་ལིང་། ཧབ་ཕོབ་ནན།། དྲག་སྔགས་ལས་ཀྱི་རྒྱལ་པོ་མངག། གཞན་ཡང་སྲུང་བའི་ལས་འདི་གསུངས།། དུར་ཁྲོད་རས་སམ་ཤོག་གུ ་ལ།། སྦྱོར་བ་ལྔ་དང་ཚ་བ་དུག། ལས་ཀྱི་འཁོར་ལོ་མུ་ཁྱུད་བཞི།། དབུས་སུ་གྲུ་གསུམ་ཟླ་གམ་གསུམ།། ཕྱི་རིམ་རྒྱ་གྲམ་ར་བཞིན་ལྡན།། ཡང་ལོགས་མུ་ཁྱུད་ཟླུམ་པོ་ཆུ།། ཐ་མ་རྩིབས་ཆེན་བཅུ་གཉིས་ལྡན།། སྲིད ་པའི་ཁྱམས་ཁང་ལྟོ་བར་བཅའ།། གནས་ཤིང་དགོད་པ་འདི་ལྟ་སྟེ།། གྲུ་གསུམ་གང་འདོད་སྙིང་པོ་མིང་།། ཟླ་གམ་གསུམ་ལ་སྟོང་པའི་མིང་།། རྒྱ་གྲམ་རྩ་བའི་འབྲུ་བཞི་དགོད།། མུ་ཁྱུད་རྦོད་གཏོང ་གདུག་པའི་མིང་།། བཅུ་གཉིས་རྩིབས་ལ་སྤུ་གྲི་སྦྱར། ཁ་སྦྱར་དར་དང་སྔོན་དམར་བསྡམ།། དུར་མ་གྲུ་གསུམ་ལིངྒ་མནག། ཕྱག་རྒྱ་ཟིལ་གནོན་གསལ་བྱས་ལ།། ཞག་ལྔ་བསྐུལ་ཞིང་མཆོག་ཕུར་གདབ།། ནད་པ ་བདུག་ལ་ཕྱིང་པས་དགབ།། ཐོན་ནས་བཀའ་རྟེན་གཉེན་སར་མནན།། གནོད་པ་ཀུན་གྱི་སྦྱོར་བ་གཅོད།། དྲག་སྔགས་སྦྱོར་བ་ལས་ཚོགས་བརྒྱད།། སརྦ་ཙིཏྟ་རོ་མྱགས་ཁ་ཐམ། འདྲིད་ཕྱུང་ཤག་རྦད་སྲོག་ལ་བྲེང ་ཤག་དུན། དུན་ཨེ་རཾ་ཧུར་ཐུམ་ཛཿཛཿས་ནཱ་ག་སྙིང་གཟེར་སྦུར་ནན། ཁཾ་ཤག་རྩ་ལ་རྦད་ས་ནཱ་ག་ཛཿས་ནཱ་ག་ཐུམ། ས་ན་ག་རྦད། ས་ན་ག་ཙིཏྟ་རོ་མྱགས་ཁ་ཐུམས། འདྲིད་ཕྱུང་ཤག་རྦད། སྲོག་ལ་ཧུར་ཐུམས་རྦད། ་ཁཾ་ཛ་ལ་རཾ། ཨ་རྦ་ཤ་ཏྲུཾ་ནན། འདྲིད་ཡཾ་བཟློག་སྦུར་ནན་ཏྲིག་ནན། ཨེ་ཀ་ཡཾ་ཤིག་འདྲིད་ཕྱུང་། ཁཾ་ཤག་ཏྲིག་ནན། སྦུར་ནན། སརྦ་ཤ་ཏྲུཾ་སྟམྦྷ་ཡ་ན་ཤ་ཡ་ནན་ཕཊ། ལས་རྣམས་རྒྱས་པའི་རིམ་པ་ནི།། ཆེ་བ་དྲིལ་བའི ་ལས་ཚོགས་འདི།། ཐུན་མོང་སྤྱོད་པའི་ལས་སུ་བཤད།། སྲོག་དམར་ལེན་སྤུ་གྲིའི་རྒྱུད་ལས་ཐུན་མོང་གི་ལས་བཤད་པའི་ལེའུ་སྟེ་བཞི་པའོ།། ། ཨ་པྲ་མ་ཤཿ། དེ་ནས་བཅོམ་ལྡན་འདས་ཀྱིས་ཁྱད་པར་གྱི་སྦྱོར ་བའི་ལས་འདི་གསུངས་སོ།། བརྡའ་དོན་ཐབས་ཀྱིས་དགྲོལ་བའི་ལས།། བ་དང་འོ་མ་ཞོ་དང་མར།། ཞུན་མར་སྣུམ་གྱི་སྙིང་པོ་བཅུད།། སྙིང་པོ་ལ་སོགས་བཞི་གཉིས་ལྡན།། ཡེངས་མེད་བསྟན་པ་བགྲོད་པའི ་སྟོབས།། དམར་ལེན་སྔགས་ཀྱི་སྙིང་ཕྱུང་ཡིན།། གོང་མཐུན་རྒྱུ་ལས་འཁོར་ལོ་བཅའ།། དཔའ་བརྟུལ་དྲག་པོའི་སྟོབས་ཀྱིས་སྤྱད།། གདུག་བྱེད་ཕག་མོའི་ལྟོ་བ་རུ།། སྲིད་པའི་ཁྱམས་ཁང་སྲོག་སྡུད་བཅའ།། ཁྱམས ་ཁང་ལྟོ་ན་བརྣག་པའི་གཟུགས།། སྤྱི་གཙུག་སྙིང་གར་མཚོན་ཆ་བཅའ།། མུ་ཁྱུད་བཞི་དབུས་མིང་རུས་བྲི།། ཕྱི་རིམ་རྒྱ་གྲམ་རྩ་བའི་སྔགས།། ཡང་ལོགས་བཅུ་གཉིས་སྤུ་གྲི་མཚོན།། མུ་ཁྱུད་མིང་རུས་ལྟོ་སྦྱར། ་བསད།། རུས་སྦལ་ལྟོ་ན་མཚོན་ཆའི་རྩིབས།། རྩེ་མོ་ནང་བསྟན་སྤུ་གྲི་བཟློག། ཕག་མོའི་ལུས་ལ་མནན་པའི་སྔགས།། འབྲུ་བཞི་སྲོག་དང་ཨ་མུ་ཀ། བསྐྱོད་པའི་ཡན་ལག་དབུགས་ལ་ཞོན།། དོན་གཉིས་བསྡུས་ལ ་སྦྱོར་བ་བྱ། ཁ་སྦྱོར་དུར་མ་བརྣག་པའི་གཟུགས།། ཆུ་རྐྱེན་དྲུག་ཅུས་རྒྱས་ཅང་ཙོག་པུར་བཞག། སྙིང་གར་མཆོག་ཕུར་ཡ་མས་གདབ།། བསྒོམ་བསྐུལ་དྲག་སྔགས་བསྣོལ་མར་བརྡེག། རབ་ཀྱི་རྐང་ཟོན་བསྣོལ་མར ་གཅོད།། འབྲིང་གི་བཅུ་བར་བསྣོལ་མར་བརྡེག། དམན་པས་བརྒྱ་བར་བསྣོལ་མར་གཅོད།། དུག་ལྔ་སྐུ་ལྔ་ཡེ་ཤེས་ལྔ།། གསང་ལམ་སྒོ་དགུ་རྩ་ལམ་བསྡུག། བདེ་བའི་ཡེ་ཤེས་རང་ལ་གསལ།། འཕོ་བ ་གསུམ་གྱི་བརྡ་དང་སྦྱར།། དམར་ནག་རྟོག་པའི་ཁྲག་དཀྱིལ་ནས།། བསྡུ་བའི་ཡི་གེ་གསུམ་གྱིས་འཕྲོག། ཙ་ནའི་འབྲས་བུས་རྟེན་ལ་ཐིམ།། ཐོད་པར་སྙིང་པོ་བཅུད་སྡུད་བྱ།། ཀླུ་ལ་བཅུད་པར་འགྲན ་ཟླར་གཏད།། གཞན་དུ་བཅུད་དང་སྤུ་གྲི་སྦྱར།། ཡི་གེ་བྱིན་ཅན་སྟེང་དུ་བརྟག་བཏབ་ཀྱང་།། ཕྱག་རྒྱ་ཆོས་སྐུ་སྤྲུལ་བསམ་ཡས།། ཐོབ་ཅིང་བགྲོད་པ་སྔགས་ཀྱི་སྟོབས།། དེ་ནས་བཅོམ་ལྡན་འདས་ཉིད་ཀྱི།། སྐུ ་གསུང་ཐུགས་རྡོ་རྗེ་ལས། མཆོག་གི་དྲག་སྔགས་འདི་བཏོན་ཏོ།། སྲོག་ལ་རྩ་ཁྲག་སྙིང་ཐུམས་རིལ་ནན་རི་ཤག་རྦད། ནརྀ་སྲོག་ཧུར་ཐུམས་ཛ། བསད་པའི་སྦྱོར་བ་དྲག་པོའི་ལས།། ཉེ་བར་གཅིག་དྲིལ་བསྡེབ ་པའོ།། གཞན་ཡང་གབ་སྦས་བརྣག་པའི་ལས།། རྒྱལ་བློན་སྟོབས་ཅན་ཡུལ་སྲུང་ལ།། རྟེན་གྱི་གཟུགས་བརྙན་རྒྱ་ཤོག་ལ།། ཕག་མོ་དང་ནི་སྡིག་པའི་ལྟོ་བ་རུ།། མུ་ཁྱུད་རིམ་པ་བཞི་བཞིར་བསྐོར།། དབུས་སུ་ལིངྒ ་ལུས་ལ་བཅའ།། ནརྀ་དང་རྒྱ་གྲམ་རྩིབས་བཅུ་དྲུག། རྩ་བ་སྤུ་གྲི་མིང་རུས་ཁམས།། འཆས་ལ་ལིངྒའི་སྟེང་དུ་བརྣག། ཉིན་ཞག་ཕྲུགས་གཅིག་གསུམ་དུ་བརྣག། མཚོན་ཆའི་བརྡེག་ཐབས་སྔ་མ་བཞིན།། རྔམ་ཚིག་ལུས ་བསྐྱོད་ལུ་མར་གཏད།། དྲག་སྔགས་སྦྱོར་བ་འདི་ལྟ་སྟེ།། དགྲ་བོའི་སྲོག་ལ་ཧུར་ལོང་རྦད།། ནརྀ་རྩ་ཁྲག་ཐིབས་ཧུར་ཐུམས་ཛ།། མིང་དང་གཟུགས་ཀྱིས་རིམས་དལ་འབེབས།། རྒྱལ་བའི་ཡེ་ཤེས་བརྣག་རྣམ་མང་ཡང་པར ་བཤད།། གཞན་ཡང་མཛེ་རིམས་དབབ་པའི་ལས།། སྦལ་པའི་ལྟོ་བར་བརྣག་པའི་གཟུགས།། སྙིང་གར་ནརྀ་ཛ་ཡ་མཱ་ར་ཡ་རྦད།། བཀོད་ལ་མཛེ་ཅན་ཁྲག་གིས་བསྐུ།། དཀར་ནག་གདུག་པ་ལྟོ་སྦྱར་ལ།། སྡིག་པ་ཕག ་མོའི་ལྟོ་བ་རུ།། མུ་ཁྱུད་བཞི་བཞི་རྒྱ་གྲམ་རྩིབས།། གོང་བཞིན་བཀོད་ལ་ཁ་སྦྱར་བཅའ།། ཀླུ་ནག་སྡིག་པའི་སྙིང་གར་གཏད།། དྲག་སྔགས་འབུམ་ཚོ་དགུ་རུ་སྦྱར།། དེ་ཡིས་མཛེ་རིམས་ཡམས་སུ་འབབས།། ཐོད་པ ་མཛེ་ཅན་དམར་ཆོད་ལ།། སྤོས་ཆེན་གུ་གུལ་བདུད་རྩིས་བསང་།། དྲག་སྔགས་སྦྱོར་བ་གཉིས་སུ་བསྡེབ།། ཨེ་ག་ཙ་ཐུན་ཁྲག་ཡཾ་རྔུབས་ཤིག། སྲོག་ལ་བཾ་རི་ལ་རཾ་ཤག་རྦད། ཛ་ནཱ་ག་ཛི་ལ་བཾ་ཧུར་ཐུམས་ཛ། ནརྀ་ཛ་ལ་ཛི ་བཾ་ཙིཏྟ་ཁས། ནཱ་ག་རཾ་བཾ་ནན། ཛ་ལ་འབར་བའི་ལས་སུ་བཤད།། གཞན་ཡང་ལོ་ཏོག་འཇོམས་པའི་ལས།། ཉེ་བར་སྤོགས་མེད་གཅིག་ཏུ་དྲིལ།། སྡེ་བརྒྱད་ཀུན་གྱི་མཐུ་བསྡུས་ནས།། ཐོད་པ་གསུམ་ལ་མིང་གཟུགས ་ཡུལ།། སྦྱོར་བ་བསྡུས་ལ་གཏའ་མ་གཞུག་ཁྲག་དང་ཕུར་པ་མོན་ཟོད་དུ།། སྔགས་བསྟིམ་འབུམ་རྫོགས་དབབ་པ་བརྩམ།། དུག་ཁྲག་བྱ་ཕག་གསུར་ཆེན་བྲུན།། དུ་བས་གཟུགས་གཟིར་ལྕགས་ཕུར་གདབ།། རང ་ཉིད་ཕྱག་རྒྱ་ཟིལ་གནོན་བསྒོམ།། དྲག་སྔགས་སྦྱོར་བ་དྲིལ་ལ་བརྡེག། ཨེ་ཀ་ཡ་རྔུབས་ཤག་མུགས་རུ་མྱགས། ཕྲོམ་ཕྲེཾ་ཤར་ཤར། ཧྲི་ནཱ་ག་སྙིང་གཟེར་སྦུར་ཡཾ་ཐུན་ཡ་ཤག་ཧྲིལ་བྷྱོ། ཁྱད་པར་གདུག་པའི་རྟེན་ལ ་གཟེར།། ལྔ་བཅན་བསྟན་ལ་ཟེ་བྲང་གཟིར།། འཇིག་རྟེན་ལོག་རྟོག་འཇོམས་པར་བཤད།། སྲོག་དམར་ལེན་གྱི་རྒྱུད་ལས། ཁྱད་པར་གྱི་ལེའུ་སྟེ་ལྔ་པའོ།། །། ཨཿ། ཤ་མ་ལྡན།། ། དེ་ནས ་བཅོམ་ལྡན་འདས་ཀྱིས་སྙིང་པོ་མཆོག་ཉེ་བར་དྲིལ་བ་འདི་གསུངས་སོ།། འཇིག་རྟེན་དྲེགས་པའི་མཐུ་བསྡུས་ནས།། ནག་པོ་བདེ་བའི་འབྲུ་ལ་དྲིལ།། རྣོ་དཔལ་མཚོན་ཆའི་རྒྱལ་པོར་བཅའ།། སྔགས་ཀྱི་ལུས་ལ་སྤུ། ་གྲི་གདགས།། རང་གནད་ཕྱག་རྒྱ་འཇིག་ཅིང་འཕོ།། སྔགས་པ་བོན་པོ་རིགས་མེད་ལ།། རང་བདུད་ཕྱག་ཆ་རང་བདུད་འབེབས།། དེ་ཡི་སྦྱོར་བ་རྒྱས་པ་ནི།། ཆོས་སྐུ་བདེ་བའི་རང་བཞིན་ལས།། བདེ་བའི་ཡེ་ཤེས ་རང་ཤར་བ།། བདེ་བའི་ཐིག་ལེ་མཉམ་པར་རྫོགས།། གནས་པའི་འཁོར་ལོ་བདེ་བས་འདེགས།། བདེ་བ་ཆེན་པོས་འཁྲུལ་པ་འཇོམས།། དགེ་བཅུ་མ་ཡེངས་མཚན་བརྗོད་པ།། བདུད་དང་གཤེད་མ་རླུང་ལས ་བསླང་།། གཟུགས་བརྟན་འཁོར་ལོ་མ་ཡིན་ཏེ།། གང་ཡིན་སྙིང་གི་འཁོར་ལོ་ལ།། དྲངས་མ་བཞི་ལ་གསང་གཤེད་བཞི།། རྩ་ཕྲན་བརྒྱད་ལ་ཕྱི་ནང་གཤེད།། མདུད་པ་བཞི་ལ་མཚོན་ཆའི་དཔལ།། རྩ་ཕྲན་ཡང ་ལོགས་འཆི་བདག་བདུད།། རྩ་སྒོ་གཞན་ཚོགས་བྷྱོ་རྦད་ནན།། འདུས་པ་གསུམ་ལ་ཡབ་ཡུམ་ཨེ།། དཀར་ནག་ཆགས་པ་རྟེན་གཞིའི་འབྲུ།། བསྐུལ་བས་རང་རྒྱུད་གཤེད་དུ་ལྡང་།། མ་ཡི་ཁོང་ནས་རྣམ་ཤེས ་འཕྲོག། འབྲུ་གསུམ་ལྕགས་སྡེར་འཛིངས་པའི་ཚུལ།། རྩ་དང་སྲོག་བཅད་ལུས་སྲོག་དབྱེ།། ཙིཏྟའི་དཀྱིལ་ནས་འབྲུ་གཅིག་སྤྲད་ཀྱང་འཕྲོག་ཅིང་སྡུད།། དེ་ཡིས་རང་གཤེད་རང་ལ་འབེབས།། དེ་བཞིན་ལུས་ཀྱི་འཁོར་ལོ ་ལ།། ཕུང་པོ་ལྔ་ལ་སྲོག་བདུད་གཤེད།། གཙོ་བོ་གསང་བའི་གཤེད་བཞི་ལྡང་།། རྣམ་ཤེས་ཚོགས་བརྒྱད་ཕྱི་ནང་གཤེད།། ཡུལ་བརྒྱད་དེ་བཞིན་གཤེད་མོ་བརྒྱད།། བཟླས་པའི་རྐྱེན་གྱི་རྒྱུད་ལས་ལྡང་།། སྐྱེ་མཆེད ་བཅུ་གཉིས་འཆི་བདག་བདུད། ཁམས་ཆེན་བཅོ་བརྒྱད་སྒྲོལ་གིང་བདུད།། ཡན་ལག་བཞི་ལ་བླ་རྐུན་བཞི།། སོ་དང་སྒལ་ཚིགས་ཤ་ཟའི་ཚོགས།། བཟླས་པའི་རྟ་བསྐྱོད་ཡི་གེ་བསྐུལ།། རང་གི་བདུད་པོ་རང་ལ ་དབབ།། གཤེད་རྒྱུད་ཕྱི་ཡི་བདུད་དུ་དབབ།། བྷྱོ་བཞི་གནད་ཀྱིས་གང་བསྒྲུབ་པའི།། མཁའ་འགྲོ་གཞན་ཚོགས་གཟན་ལ་འབེབས།། ཕྱི་རྒྱུད་བདུད་ཀྱི་འཁོར་ལོ་བཤད།། དེ་བཞིན་གཟུགས་བརྙན་འཁོར་ལོ ་ཡང་།། ཞེ་སྡང་སྡིག་པའི་ལྟོ་བ་དང་།། ཕྲག་དོག་བསེ་ཡི་སྦལ་པ་ལ།། ལྟོར་བར་སྔགས་པའི་གཟུགས་བྲིས་ལ།། སྙིང་གར་མུ་ཁྱུད་བཞི་རུ་བསྐོར།། རྒྱ་གྲམ་བཞི་དང་རྩིབས་བཅུ་དྲུག། མཚོན་ཆ་ཕྱི་ནང་བརྩེ་སྤྲད ་ལ།། མིང་རུས་སྙིང་པོ་རྟེན་ལ་བརྡེག། གཤིན་རྗེ་ལ་སོགས་གང་འགྲུབ་པའི།། རྣམ་ཤེས་འབྲུ་རེ་དབུས་སུ་འཕོ་བོབ་ཀྱང་།། མཆོད་རྟེན་ནག་པོའི་འོག་ཏུ་གནན།། ལས་འདི་གུ་ཧྱ་ཨ་ཏི་རྒྱ།། དེ་ནས་བཅོམ་ལྡན་འདས ་ཉིད་ཀྱི་སྐུ་གསུང་ཐུགས་རྡོ་རྗེ་ལས་རང་གཤེད་སྐུལ་བའི་དྲག་སྔགས་འདི་བཏོན་ཏོ།། སྲོག་ལ་རྦད། ཐུམས་རིལ་ཟད། རྩ་ཁྲག་ཙིཏྟ་ཕྱུང་། ནརྀ་སྲོག་ལ་ཧུར་ཐམས་ཛ། བོད་པ་དངོས་ཨ་མུ་ཀ། རྣམ་ཤེས ་འབྲུ་རེ་དབུས་སུ་དགོད།། བདུད་དང་གཤེད་པོ་རང་ལས་ལྡང་།། ཧོ་ཕན་སྲོག་འཛིན་ལས་སུ་བཤད།། སྲོག་དམར་ལེན་སྤུ་གྲིའི་རྒྱུད་ལས་རང་གཤེད་རང་ལ་འབེབས་པའི་ལེའུ་སྟེ་དྲུག་པའོ།། ཏ་ཨཉྫཿ།། དེ་ནས ་བཅོམ་ལྡན་འདས་ཀྱིས་སྲིན་མོ་ལྕགས་ཟག་མགོ་དགུ་མའི་སྦྱོར་བ་འདི་གསུངས་སོ།། རྒྱལ་བའི་བཀའ་ལས་འདས་པ་དང་།། མཚམས་མེད་ལྔ་ལ་སྤྱོད་པ་དང་།། དགོན་པའི་གནས་སུ་ཕྲ་མ་དང་།། དམ་ཆོས་དགེ ་བཅུ་སྨོད་པ་དང་།། བདེན་པའི་དོན་ལ་ལོག་ལྟ་སྤྱོད།། དེ་ཚེ་སྔགས་ཀྱི་དམོད་པ་བོར།། རྟེན་གསུམ་སྔགས་ཀྱི་འཁོར་ལོ་བཅའ།། ལུས་སྲོག་གནམ་ཐོག་འབྲས་བུ་འཇོམས།། རྒྱ་ཤོག་དར་རམ་རོ་རས་ལ།། ཕག་མོ ་སྡིག་པའི་ལྟོ་བ་རུ།། ཐིག་བཞི་བརྣག་པའི་སྙིང་གར་བསྐོར།། གྲུ་གསུམ་རྒྱ་གྲམ་རྩེ་མོ་དགུ།། དེ་བཞིན་ནང་དུ་རྩེ་བསྟན་དགུ།། རྒྱ་གྲམ་ཨེ་གྲངས་རྩ་བ་བརྒྱད།། མཚོན་ཆའི་རྩེ་ལ་སྤུ་གྲིའི་སོ།། ཕྱི་ནང་མཚོན་ཆ ་བསྣོལ་མར་དགོད།། དབུས་དང་མཚམས་སུ་བརྣག་པའི་གཟུགས་མིང་ཡང་། ཁ་སྦྱོར་ཚོན་སྐུད་དོང་རྩར་བརྣག། རང་ཉིད་ཆེ་བའི་ང་རྒྱལ་ནས།། མདུན་ན་ལྕགས་ཐག་མགོ་དགུ་མ།། དབུ་དགུ་སྟེང་མ་བྱ་ཡི ་དབུ།། དུར་བྱ་ཁྲ་དང་བཞད་ཀྱི་དབུ།། ནང་ཁྲོལ་གློ་སྙིང་ཟ་ཞིང་རྔམ།། བར་གྱི་དབུ་གསུམ་དུད་འགྲོའི་དབུ།། དོམ་དང་དྲེད་དང་ཆུ་སྲིན་དབུ།། རྩ་གཅད་ཁྲག་དང་ནང་ཁྲོལ་ཟ།། རྩ་བའི་དབུ་གསུམ་ཁྲོ་མོའི ་དབུ།། གཡས་དཀར་གཡོན་དམར་དབུས་མཐིང་ལ།། མཆེ་བ་ཟང་ཡག་མི་རོ་ཟ།། སྤྱན་ནས་ཁྲག་འཛག་དུག་རླངས་ཤངས།། སྐུ་སྟོད་ཞིང་ལྤགས་ཐོད་པ་སྦྲུལ།། སྐུ་སྨད་རེ་ལྡེ་དྲིལ་བུ་ཁྲག། གཡས་དགུ ་མངོན་བསྒྲལ་སྙིང་ཁྲག་འཛིན།། གཡོན་པ་དགུ་ན་ཐོད་ཟོར་བསྐྱོད།། སྟག་དང་སྦྱང་ཀི་བ་གླང་མོན།། དྲེད་མོ་སྣརེལ་མ་ཁྱི་དང་ཕག། འཐོམ་ནག་གཡས་པ་དུག་ཁྲག་ཟོར།། ཞབས་བརྒྱད་དྲེགས་པའི་སྙིང་གར ་བརྫིས།། འགྲོ་བ་བསྒྲལ་ཕྱིར་གར་སྟབས་འགྱིང་།། སྐྲ་དང་ཁ་སྤུ་མེ་རུ་འབར།། དེ་ལ་བཀའ་བསྒོ་བསྐུལ་ཞིང་མངག། དགུ་བསྐོར་ཐུན་གྱིས་མངགས་པ་ཡི།། ལས་གྲུབ་མཐའ་རུ་གཟིར་ལ་མནན།། བྲག་དམར་སྲིན ་མོའི་སྒྲོམ་དུ་གཏད།། དུས་བཞི་ལས་ཀྱི་ཁ་གསོ་བྱ།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས་རྣོ་མྱུར་སྤུ་གྲིའི་དྲག་སྔགས་འདི་བཏོན་ཏོ།། ཨེ་བེ་རཾ་ཁྲི་ཤིག་ཙིནྡྲ་རྔུབས། དགྲ་བོའི་སྲོག་ལ་ཐུན ་རྨུགས་ལིང་ཤག་རྦད། སྟོབས་ཅན་ཐམས་ཅད་ཉེ་བར་འཇོམས།། རྣོ་མྱུར་ལས་ཀྱི་བརྣག་པར་བཤད།། གཞན་ཡང་ལོ་ཏོག་གཞོམ་པའི་ལས།། དམེ་ཐོད་ནང་དུ་མེ་ལོང་བསར།། གསེར་དངུལ་ཟངས་ལྕགས་རྡོ་ནག ་@བཞག། ར་དམར་ནལ་བུ་ཁྱི་ནག་སྙིང་།། སྟེང་དུ་གླིང་བཞི་རྩིབས་བརྒྱད་དགབ།། དེ་སྟེང་སྲིན་མོ་མགོ་དགུའི་སྐུ།། མཐིང་ནག་དར་གྱིས་བཀབ་ལ་བཟླས། ཁྲག་སྣ་གསུམ་དང་དུག་བསྲེས་ལ།། ལིངྒ ་མིང་བྱང་གཡག་རུ་གཞུག། སྨྱུག་མ་ཚིགས་གསུམ་སྨིན་པ་ལ།། ལྟས་ངན་སྒྲོ་ཡིས་བསྒྲོན་ལ་བཞག། ཞག་ལྔའི་བར་དུ་དྲག་སྔགས་བཟླས།། གསེར་མདེའུ་ཞུ་ཞིང་འཕན་ཆད་ན།། མདའ་བཅས་བླུག་ལ་དགྲ་ལ ་བརྡེག། སྲིན་མོ་དྲག་ཏུ་བསྐུལ་ལ་འཕང་།། དྲག་སྔགས་སྦྱོར་བ་བརྟུལ་ཞུགས་བསྐྲད་ལ་ཡང་བསྟིམས།། ཨེ་བཾ་རཾ་ཁྲྀ་ཤིག་ཙིཏྟ་རྔུབས། ཧུ་ར་ཏོག་ཕྲེཾ་ཤར་ཛ། ལཾ་རཾ་སྨ་ཤ་ཧྲིལ་ཧུར་ཁཾ་ཤོ་ཡེངས་ཕྲེཾ་ཤར་སེང་ཁྲོལ་བྷྱོ།། ་གནམ་ཐོག་ཆེན་པོ་དབབ་པའི་ལས།། ཉེ་བར་གྱུར་པའི་སྦྱོར་བ་བཤད།། གཞན་ཡང་སྲིན་མོ་གཡེལ་བ་ན།། གྲོག་མཁར་རྒྱ་ཚིལ་ས་དམར་ལ།། བོང་བུའི་བདུད་རྩིས་ལེགས་སྤྲས་ལ།། སྲིན་མོ་མགོ་དགུའི་གཟུགས ་བརྟན་བཅའ།། སྙིང་གར་གྲུ་གསུམ་སྙིང་པོ་གཞུག། དྲག་སྔགས་བཟློག་ལ་སྟོབས་ཀྱིས་གཟིར།། སྲིན་མོ་བོས་ལ་ཁྲག་གིས་བྲན།། ཕུར་པས་བསྡིགས་ལ་དབང་དུ་བསྡུས།། སྲིན་མོ་བཀའ་ནན་ཞབས་འོག ་གཞུག། གཟིར་བའི་སྔགས་འདིས་ཁྲི་རུ་བྲབ།། ཕུར་པ་འདྲིལ་ལ་བེ་ཅོན་བརྡུང་།། ཨེ་ཀ་ཡ་མ་བཾ་རཾ་ཁྲྀ་ཤིག་ཙིཏྟ་རྔུབས། ཡ་མ་རག་ཤ་ཧུར་ཐུམས་ཛ། དུན་དུན་ཏྲིག་ནན། དེ་ཡིས་མ་མོ་དབང་དུ་བསྡུས།། རང ་དབང་མེད་པར་ལས་ལ་མངག། སྔགས་དང་བདུད་རྩིས་སྲིན་མོ་གསོ།། ལིངྒ་མིང་རུས་བརྣག་པར་གཞུག། ཞག་གསུམ་ཐུན་བྲབ་རོ་ཁུང་མནན།། འབྱུང་བ་དཀྲུགས་ལ་གནམ་ས་སྦྱར།། དྲག་སྔགས་བརྒྱ་པར་ཐུན་དུ ་བྲང་།། ལུས་སྲོག་ཙིཏྟའི་སྒོ་ཕྱེ་ནས།། ལྷ་དང་རང་སྔགས་བདུད་དུ་འབེབས།། ཤ་ལྤགས་གོ་ཆ་བྲལ་ནས་བཤིག། རྩ་དང་སྲོག་ཟུངས་བཅད་ནས་སྐེམས།། ཚེ་སྲོག་དྭངས་སྙིགས་ཕྱེ་ནས་སྡུད།། བརྣག་པའི་ལས་ཀྱི ་མཐའ་རུ་ཕྱིན།། དྲག་སྔགས་སྦྱོར་བ་བསྐུལ་ལ་བརྡེག། ཨེ་ཁྲྀ་བཾ་རྔུབས་རཾ་ཏ་ཙིཏྟ་ཁྲྀ། དགྲ་བོའི་སྲོག་ལ་མཱ་ར་རྦད། ཧུར་ཐུམ་ཛ། ཀུན་གྱི་མཐའ་རུ་འདི་སྦྱར་ན།། བརྣག་པའི་ལུས་སྲོག་འབྱེད་པ་ཡིན།། སྲོག་དམར ་ལེན་སྤུ་གྲིའི་རྒྱུད་ལས་སྲིན་མོ་ཤེལ་གྱི་དམོད་པའི་ལེའུ་སྟེ་བདུན་པའོ།། སཱ་ཤ་སྟུཿནཱཀྱང་\ུ0f7f།། དེ་ནས་ཡང་བཅོམ་ལྡན་འདས་ཀྱིས་སྲུང་བ་ཐམས་ཅད་ཀྱི་མཆོག་ཏུ་དྲིལ་བ་འདི་གསུངས་སོ།། ཐབས་ལྡན་བདེ་བའི ་སྙིང་པོ་མཆོག། བྱིན་རླབས་ཀུན་འདུས་དྲག་པོའི་བརྡ།། ལྷུན་གྱིས་གྲུབ་པའི་ངང་ཉིད་ལས།། ཟིལ་གནོན་ཕྱག་རྒྱ་སྔགས་ཀྱི་མཆོག། སྙིང་པོ་སྲོག་དང་བརྡ་མི་སྦྱར།། ཙིཏྟའི་དཀྱིལ་ནས་འབྲུ་གཅིག་འཕྲོག། དུག ་རླངས་ཞེན་པའི་སྟོབས་དང་དབྱུང་།། ལས་དང་སྦྱོར་བ་ནུས་པ་གཅོད།། སྤྱི་དང་སྒོས་སྲོག་རང་གནད་འཕྲོག། རྟེན་གྱི་མཚོན་ཆ་གནས་སུ་དབབ།། ཕག་མོ་སྡིག་པའི་ལྟོ་བ་རུ།། མུ་ཁྱུད་གསུམ་བསྐོར་རྒྱ ་གྲམ་ཨེ།། ཉི་ཤུ་གཉིས་རྩིབས་གདུག་པར་ལྡན།། གྲུ་གསུམ་གང་གནོད་གཟུགས་དང་མིང་།། རྒྱ་གྲམ་དེ་བཞིན་རྩ་བའི་སྔགས།། མཚམས་དང་གསང་མཛོད་རེའུ་མིག། ཉི་ཤུ་གཉིས་ལ་སྤུ་གྲིའི ་སོ།། ལྟོ་སྦྱར་ཕག་ཐོད་དུག་ཁྲག་བརྣག། ཞག་གསུམ་སྔགས་བཟླས་བསྲེག་ལ་མནན།། གང་འདོད་མིང་དང་སྙིང་པོ་བསྡེབ།། གཟིར་དང་དུག་དབྱུང་སྲོག་འཕྲོག་གཅོད།། སྦྱི་སྲོག་སྒོས་སྲོག་འབྲུ་གསུམ ་དབྲོག། འབྲུ་གསུམ་མཐའ་རུ་སྦྱོར་བ་གཅོད།། འདི་མེད་ལས་སོགས་ཡུག་པ་བརྐྱང་།། འདི་དེ་བདེ་དང་སྨིན་པའི་མཆོག། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས་སྲུང་བའི་མཆོག་ཏུ་དྲིལ་བའི ་དྲག་སྔགས་འདི་བཏོན་ཏོ།། ཨེ་མྱགས་ཡ་རྔུབས་མུག་ཤག་ཀ་དུན། སྙིང་གཟེར་སྦྱར་ནན། ཧ་ལ་ཧ་ལ་ཙ་མ་རི་ཕྱུང་། ཨེ་ཧུར་ཐུམས་ཛ། ཁཾ་ཤག་རྦད། ཤྲཱི་བཛྲ་ཀྲོ་ཏ། ཨཽ་ཡ་མ་ཡ། དུན་ཏིང་གི་ལ་ཡ། མ་མ་རུ་ལུ་རུ ་ལུ་མ། ཏི་ར་ཏི་ཀ་དུ། རུ་ཏྲ་ད། དུན་ཏིང་མེ། དེ་བ་ཨ། རཀྐ་ར། རཀྵོ་མ། རུ་ཏྲ་ནརྀ། ཡཀྵ་ཀྵ། ཡ་ཀ་མོ་ཀྵ། རཱ་ཙ་ཙ། མུན་མུན་པ། བཛྲ་སཱ་དྷཱ་ཏྲི། ཧཾ་ཤཾ་ཏྲི། རུ་ཏི་རུ། ས་ནཱ་ག་པུ། ཛ་ཡ་ཛཿར་ཏི་ར། ཡ་རུ་སྟ་སྟ། པྲ་ཏི ་ཡ་སྟི། རྩ་བ་སྤུ་གྲི་རྣོ་དཔལ་མཚོན།། བགྲོད་པའི་ཕྱག་རྒྱ་སྟོབས་མེད་ན།། རང་གཅོད་འཆིང་བའི་རྒྱུ་རུ་འགྱུར།། སྟོབས་ལྡན་བགྲོད་པའི་གདེང་ལྡན་ན།། རྣོ་མྱུར་སྦྱོར་བ་ཀུན་འཇོམས་ཡིན།། རྩ་བ་བཅུ་གཉིས ་དམར་ལེན་མཚོན།། ལས་ཀྱི་མཆོད་ཆེན་རང་བསྟན་ཤིས།། མཐའ་རུ་བདུག་བྲན་བུམ་པས་སྦྱང་།། ཕྱི་ནང་ནད་བཀྲུས་ཡེ་ཤེས་ཆུས།། ཕྱག་རྒྱ་གཅིག་པས་ནུས་པ་བསྐྱེད།། དྲག་པོའི་རང་བཞིན་བཙན་ཐབས ་གཟིར།། འཆི་མེད་དུས་ཀྱི་སྦྱོར་བ་འཇོམས།། འདི་ནི་སྲུང་བ་ཀུན་གྱི་མཆོག། རྒྱལ་བའི་ཐིག་ལེ་འདུས་པར་བཤད།། དེ་ནས་བཅོམ་ལྡན་འདས་ཀྱིས་སྦྱོར་བའི་མཆོག་ཏུ་གསང་བ་འདི་གསུངས་སོ།། སྨེ་གསུམ ་ཚ་ཆུས་རྒྱུ་བྱུགས་ལ།། གདུག་པའི་མེ་ལ་བདུག་ལ་བཅའ།། དུག་དང་བསེ་ཡི་སྡིག་སྦལ་གཉིས།། ལྟེ་བར་བརྣག་པའི་དབང་པོ་དགོད།། སྙིང་གར་མུ་ཁྱུད་བཞིས་བསྐོར་ལ།། གྲུ་གསུམ་ཟླ་གམ་རྒྱ་གྲམ ་རྩིབས།། གདུག་པའི་ར་བས་དེ་བཞིན་གདམས།། གྲི་སྐུད་མཛེ་ཡམས་མཆེ་བའི་མཚོན།། རྒྱ་གྲམ་གབ་སྦས་རྩ་བའི་སྔགས།། དྲུག་གཉིས་ནང་ལྡན་གསོད་པའི་མཚོན།། ཞེ་སྡང་བཞི་སྟོར་མནན་གཟིར ་བརྒྱད།། དབུས་དང་ར་འུག་མིང་རུས་ཁམས།། ཟླ་ཁམ་ལྷ་དང་སྲུང་བའི་མིང་།། རྩིབས་མཚན་མཚོན་ཆ་གནོད་པའི་མིང་།། དུག་ཁྲག་ཚ་བའི་སྟོབས་བསྐུས་ལ། ཁ་སྦྱར་ཐོད་ཆེན་རྒྱ་གྲམ་ཨེ།། གྲུ་གསུམ་མིང་རུས ་གདུག་པའི་སྲོག། བརྟེན་དྲུག་ས་སྤྱད་སོར་བརྒྱད་དོད།། ཐོད་པར་བསྡུས་ལ་འབྲུབ་ཁང་རྩང་།། སྐྱེ་བའི་རྩང་ལ་མཐིང་ནག་དགབ།། རང་ལུས་ཕྱག་རྒྱར་གསལ་བྱས་ལ།། ཞེ་སྡང་ཀུན་ཁྲོ་ཁམས་གསུམ་སྒྲོལ།། སྡང ་དང་གནོད་བྱེད་མིང་རུས་དབྱེ།། ཞག་གསུམ་རྔམ་ཚིག་དྲག་པོས་བསྐུལ།། དབུགས་ཀྱི་རྟ་བསྐྱོད་ཡུལ་ལ་འཕང་།། གསང་སྒོ་བུ་ག་རྟེན་ལ་འཇུག། དཀར་ནག་རྒྱུ་ལ་ཡི་གེ་བསླང་།། སྲོག་བདུད་མཚོན ་ཆ་རང་གཤེད་བསྐུལ།། སྔགས་ཀྱི་དབབ་ཀྱིས་སྲོག་ཟུངས་གཅོད།། འོད་འཕྲོས་ཁྲག་དང་བག་ཆགས་སྐྱེམས།། དྭངས་མའི་ཐིག་ལེས་གཉིས་མེད་གྲོལ།། ཙིཏྟ་ཁྲག་སྦལ་ཙ་ནའི་འབྲུ།། རྣོ་མྱུར་མཐུ་གསུམ་འབྲུ་ཡིས ་འཕྲོག། ཀུན་གྱི་རྣམ་ཤེས་རྟེན་ལ་རྦད།། འཁོར་ལོ་ཐོད་པ་གཟིར་ལ་བཅའ།། འདྲའི་སྡིག་སྔལ། སྦལ། ལྟོ་བར་གཞུག། གཉེན་སར་སྲོག་གཟིར་ཕོ་ཉས་དགུག། ཟོད་སྟེང་རྩང་ཕུར་དགུ་ཐོག་དབང་།། ལས་ཚོགས ་དམིགས་པ་གོ་བ་བཞིན།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས་སྒྲོལ་བ་དྲག་པོའི་སྔགས་འདི་བཏོན་ཏོ།། ཨོཾ་ཡཾ་རཾ་བཾ་ཁྲི་ཤིག་བེ་དུན། དགྲ་བོའི་སྲོག་ལ་ཟུམ་རིལ་རྩ་རྦད། ཙིཏྟ་རྦད ་ཧུར་ཐུམས་ཛ། སྲོག་ལ་ཤ་ཏྲུཾ་སྟམྦྷ་ཡ་ནན། སྦྱོར་བ་ཀུན་གྱི་རྒྱལ་པོ་འདི།། གབ་སྦས་མཐར་ཟུག་ཙིཏྟར་བསྟིམ།། མ་རིག་གནད་མཐའི་སྦྱོར་བ་ཡིན།། སྲོག་དམར་ལེན་གྱི་རྒྱུད་ལས་ཁྱད་པར་རྣམ་པ་གཉིས་ཀྱི་ལེའུ ་སྟེ་བརྒྱད་པའོ།། གྱ་རྒ་ཐཿ།། དེ་ནས་ཡང་བཅོམ་ལྡན་འདས་ཀྱིས་ཕྲིན་ལས་ཐམས་ཅད་ཀྱི་རྗེས་གཅོད་དུ་སྦྱིན་བསྲེག་གི་སྦྱོར་བ་འདི་གསུངས་སོ།། མནྡལ་ཕུངས་དུག་ཆུ་ཡིས།། ཚད་དང་ལྡན་པ་བརྩིག་པར ་བྱ།། དུག་དང་ཚ་བ་ཁྲག་གི་བྱུག། ཕུང་ས་གྲོག་མཁར་རོ་བསྲེགས་ས།། སྨེ་བ་དང་བཅས་ཟབ་ཁུང་བཅའ།། རྒྱས་པའི་སྟེང་དུ་ཞི་བའི་ཟབ།། དེ་སྟེང་དབང་སྟེ་ཁ་ཁྱེར་རོ།། དང་པོ་མཐོ་གང་མཛུབ་ཀྱིས་དམན།། ཀུན ་སྟེངས་ཨེ་ཡི་ཟབ་ཁུང་ལ། ཁྲུ་གང་ཁ་ཁྱེར་གསུམ་དུ་བཅའ།། ཐོད་པ་མེ་རི་རྩང་དང་ལྡན།། ཟླ་གམ་རྒྱ་གྲམ་རྩིབས་བཅུ་དྲུག། མཚོན་ཆ་སྔོན་པོ་རེ་ཁ་དམར།། ཐ་མ་མེ་འོད་ཟོད་པ་བཅུ།། ཕུར་པ་བཅུ་དང་ལྡན་པར ་བཅའ།། ལིངྒའི་སྙིང་གར་ཁྲུ་གང་ཤིང་།། ཡམ་ཤིང་ལྕང་མ་སེ་བ་སྐྱེར།། དྲག་པོའི་ཤིང་དང་གདུག་རྩུབ་དྲག། འོ་མ་སྦྲང་དང་བུ་རམ་འབྲས།། གུར་གུམ་གླ་རྩི་གྷི་ཧཾ་མཚལ།། ཤ་ཆེན་རྟ་སྦྲུལ་ཉ་སྦལ་ཤ།། ཉུང་དཀར ་ཏིལ་ནག་གྲི་བོའི་ཁྲག་ཁྱི་ཕག་སྤྱང་ཚིལ་ཤ་སྣ་ཆང་།། དུག་གི་རིལ་བུ་བརྒྱ་མིང་སྦྱར།། བདག་ལུས་ཧོམ་ཁུང་བུམ་པ་ལ།། ལྷུན་གྱིས་གྲུབ་པའི་སྐུ་གསལ་བྱ།། ཐབ་ཁུང་མདུན་དུ་མེ་ལྷ་སེར།། མེ་དར་གུན་ཕྲེང ་གཡས་གཡོན་ན།། བཀའ་སྡོད་མངག་ན་ལས་བྱེད་པའོ།། བླ་རྐུན་ཀུན་བླང་ཡང་རྒུན་བསླང་ཐུན་གཟིར་དབབ།། མཚོན་བརྡེག་སྟབས་ལ་མེ་ལ་དབུལ།། ལན་གྲང་བརྒྱའམ་ཉི་ཤུ་གཅིག། ཉིན་དང་མཚན་གྱི་གུང་ལ ་བརྩམ།། རྫས་རྒོད་བདུག་ལ་ཕྱིང་པས་དགབ།། ཁྲུས་དང་ལྷ་རུ་ཉེ་བར་སྦྱར།། རྩང་ཕུར་བསྐོར་ལ་ཆགས་པ་དཔྲལ།། ཐུན་དབབ་མཐའ་རུ་ཐལ་འཇིམ་འཕང་།། གང་བརྩམ་ལས་ཀྱི་མཐའ་རུ་གདགས།། རྣམ ་བཞིའི་ལས་དེ་ལྷུན་གྱིས་གྲུབ།། ལྷ་སྤྱོད་དམན་པས་འཆིང་བར་འགྱུར།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས་གསང་སྔགས་འདི་བཏོན་ཏོ།། སྭཱ་ཧཱ་སྭ་སྟི་ཡ་ཤཱནྟི། བ་ཤཾ་ཧྲི་ཡ། ་པུཥྚི་བ་ར། མཱ་ར་ཡ་རྦད། ལས་འདི་བྱ་བ་ཀུན་དང་ལྡན།། བསྲེག་པའི་ལས་ཏེ་སྙིང་པོའི་མཆོག། སྲོག་དམར་ལེན་སྤུ་གྲིའི་རྒྱུད་ལས་བརྣག་པའི་རྗེས་གཅོད་པའི་ལེའུ་སྟེ་དགུ་པའོ།། རྫཿམྲས།། ། དེ་ནས་བཅོམ་ལྡན ་འདས་ཀྱིས་ལས་ཐམས་ཅད་ཀྱི་ཁ་གསོ་འདི་གསུངས་སོ།། མོན་ནམ་གྲི་བོའི་ཐོད་པ་རུ།། ལིངྒའི་མིང་རུས་ཁྲག་སྣ་བརྣག། ཐོད་པ་དུག་ཆུ་དཔའ་བོའི་དོན།། ཞག་གསུམ་ཐུན་བྲབ་བརྒྱ་པ་རྒྱས་བསྟིམ།། དམོད་པའི ་རྔམ་ཚིག་བསྐྱོད་པས་དབབ།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས་གསང་སྔགས་འདི་བཏོན་ཏོ།། དགྲ་བོའི་སྲོག་པ་བཾ་རིལ་ཁ་ཐུན་ཡཾ་རྦད། དགྲ་བོའི་སྲོག་ལ་ཐུན་ཤག་རྦད། དགྲ་བོའི ་སྲོག་ལ་གཟེར་ཐུན་རཾ་ཐུན་རྦད། དགྲ་བོའི་སྲོག་ལ་མཱ་ར་ཡ་ཐུན་ཟད། སྐྱ་རེངས་བརྣག་པའི་ཡུལ་ལ་འཕང་།། ཚ་ཚ་དགུ་གླིང་གྱུར་ལ་དབབ།། རྒྱུ་སྲོག་དྲག་པོའི་སྦྱོར་བ་བྱ།། སྲོག་དམར་ལེན་སྤུ་གྲིའི་རྒྱུད་ལས ་བསྐྱོད་པ་ཟོར་གྱི་ལེའུ་སྟེ་བཅུ་པའོ།། བཐ་ཐཿ།། ། དེ་ནས་བཅོམ་ལྡན་འདས་ཀྱིས་བདེ་བའི་ཡེ་ཤེས་རང་ཡང་འཆར་བའི་དོན་འདི་གསུངས་སོ།། བདེ་བའི་གནས་ལ་རང་གནས་པ།། ལུས་སེམས་བག་དལ་མཉམ ་གནས་ལ།། མ་ཡེངས་མ་བསྐྱོད་རང་སར་གནས།། སྒྲ་མེད་བརྗོད་བྲལ་ཚིག་བྲལ་སྟོང་།། རང་སེམས་མ་བཅོས་གཉུག་མར་གནས།། བློ་ཞན་གཟུང་བའི་རིམ་པ་ཡིས།། ལུས་ལ་སེམས་འཕྲོག་ཡེ་ཤེས་ཏེ།། མ་བསྐྱོད ་མ་བསླད་སྤྲོས་མེད་པ།། མ་བཅོས་ཆོས་ཀུན་ལྷུག་པར་གནས།། བདེ་བ་རང་ཉམས་བརྟན་པ་ཡིན།། ཆོས་དབྱིངས་བསྐྱོད་དུ་མེད་པའི་ངང་།། རང་བྱུང་རྒྱལ་པོ་བདེ་ཆེན་ཉིད།། སངས་རྒྱས་ཀུན་པས་སྔར་སངས ་རྒྱས།། ཡིན་པ་མེད་པར་ཁྱབ་གསལ་བ།། སྣང་བ་ཆོས་སྐུ་ལྷུན་གྲུབ་ཡངས།། བྱུང་ཚོར་ཡེ་ཤེས་རང་རིག་གསལ།། བྱ་མེད་བགྲོད་ཐབས་བསམ་ཡས་པ།། རྟག་ཆེན་མི་འགྱུར་སྟོང་པ་ཉིད།། སྐྱེ་མེད་རྣམ་དག་ཀུན་གྱི ་དངོས།། བདེ་ཆེན་ཉིད་ལས་གཞན་མེད་པའོ།། སྲོག་དམར་ལེན་སྤུ་གྲིའི་རྒྱུད་ལས་བསམ་གཏད་རང་གྲོལ་གྱི་ལེའུ་སྟེ་བཅུ་གཅིག་པའོ།། ཟས་ཕཊཿ།། དེ་ནས་རིག་པ་ཁྱད་པར་ཅན་གྱིས་སྟན་ལས་ལངས་ནས ་བཅོམ་ལྡན་འདས་ལ་གསོལ་པ། སྙིང་པོ་དོན་གྱི་རྒྱུད་འདི་ལ་བཤད་པའི་ཡན་ལག་དུ་དང་ལྡན། ཆེ་བའི་ཡོན་ཏན་གང་ལྟར་ལགས།། བདེ་བ་ཆེན་པོས་བཤད་དུ་གསོལ།། ཞེས་ཞུས་པས་བཅོམ་ལྡན་འདས་ཁྲག ་འཐུང་གི་རྒྱལ་པོ་བདེ་བ་ཆེན་པོ་དེས། ཆོས་ཉིད་ཁོ་ནའི་བྱིན་རླབས་ལས།། ཡན་ལག་དང་པོ་རྒྱས་པར་གསུངས་སོ།། རྒྱུད་ཀྱི་རང་བཞིན་དགོས་འབྲེལ་ཡིན།། འབྲེལ་བ་རང་བྱུང་རང་རིག ་ལས།། འབྲས་བུ་སངས་རྒྱས་ལམ་གྱིས་འབྲེལ།། ལམ་ཞེས་བྱ་བ་གཉིས་ཡིན་ཏེ།། ཞི་བ་བྱང་ཆུབ་ལམ་གསུམ་དང་།། དམོད་པ་དྲག་པོའི་ལམ་ཉིད་དོ།། དེ་དག་བཤད་པ་གསུམ་དུ་རིག། འཁོར་བ ་རང་གྲོལ་མན་ངག་དང་།། གནས་པ་རང་རྒྱུད་མན་ངག་དང་།། བདེ་བ་ཁ་སྦྱོར་མན་ངག་གོ།། དང་པོ་བཤད་པ་འདི་ལྟ་སྟེ།། བདག་ཉིད་ཟིལ་གནོན་ལྷུན་གྱིས་གྲུབ།། ཕུང་པོ་དེ་ཉིད་གཙོ་བོ་གཤེད།། གསང་བདག ་ཡ་མ་རུས་སྦལ་ཁྱུང་།། འབྱུང་བ་གསུམ་ལྔ་ཤེས་རབ་གསལ།། རྣམ་ཤེས་ཕྱི་ནང་གཤེད་བརྒྱད་གྲུབ།། སྐྱེ་མཆེད་བཅུ་གཉིས་འཆི་བདག་བདུད།། ཁམས་ལ་གྱིང་ཆེན་བཅོ་བརྒྱད་རྫོགས།། ཡན་ལག་བདུད་ཀྱི་ཕོཉ ་བཞི།། སོ་དང་སྒལ་ཚིགས་ཤ་ཟའི་ཚོགས།། འཛིན་པ་རང་གྲོལ་ལམ་གཅིག་འགྲུབ།། རང་བྱུང་ཡེ་ཤེས་ཡེ་སངས་རྒྱས།། གཉིས་དོན་རྒྱས་བཤད་ཆེ་བའི་ངང་།། སྙིང་ལ་ཆོས་ཀྱི་འཁོར་ལོ་ཉིད།། དྭངས་མ་བཞི་ཉིད ་སི་རི་བརྒྱད།། དྲུག། བརྒྱད། གཉིས་བཅུ་དྲུག་ཡ་མའི་ཀློང་།། གཤེད་བདག་ཡབ་ཡུམ་གསང་གཤེད་པའི།། བརྒྱད་ལ་ཕྱི་ནང་གཤེད་ཀྱི་ཚོགས།། གཞན་ལ་འཆི་བདག་ཀི་ཀང་ཚོགས།། ལྷུན་གྲུབ་སངས་རྒྱས་རང ་ལས་འཆར།། སྐྱེ་མེད་རྣམ་དག་སྟོང་པ་ཉིད།། ཡེ་ཤེས་རང་གསལ་ཆེ་སངས་རྒྱས།། བདེ་བ་ཆེན་པོའི་དོན་རྒྱས་པ།། ཐབས་དང་ཤེས་རབ་མཉམ་རྫོགས་པའི།། རིག་པ་བདེ་བ་གསལ་སྦྱངས་ལ།། རྐྱེན་གསུམ་རང ་སྡུད་གནས་སྦྱངས་བསྲེགས།། བདེ་བའི་ཡེ་ཤེས་འོད་དུ་འཕྲོ།། གཉིས་སྤྲད་རུ་བཟློག་ཁམས་ལྔས་སྦྱངས།། དགའ་བཞི་བདེ་སྐྱེས་བགྲོད་པ་ཐོབ།། ཉི་ཟླ་ཐིག་ལེ་མཉམ་པའི་སྐུ།། སངས་རྒྱས་སྤྱི་གཟུགས་སྟོང་པའི ་མཆོག། གེ་སར་ལྷུན་གྲུབ་འཁོར་རྣམས་རྫོགས།། བྱང་ཆུབ་མྱུ་གུ་བདེ་སངས་རྒྱས།། གནས་གསུམ་མཉམ་ཉིད་གཅིག་ཏུ་གནས།། འདོད་ཆགས་ཆེན་པོའི་ཚུལ་གྱིས་སུ།། ཡེ་ཤེས་འཁོར་ལོ་བདེ་བ་བསྡུ།། ཡོངས་སུ ་གྱུར་ནས་བདེ་ཆེན་སྐུ།། གྲུབ་པར་བྱ་བའི་ཡུལ་ལ་གཟུད།། ཡོངས་སུ་གྱུར་པའི་ཆོས་སྐུར་གནས།། ཞི་བ་བྱང་ཆུབ་ལམ་དུ་བཤད།། དམོད་པ་དྲག་པོས་གྲོལ་བ་ནི།། ཕུང་པོ་རྣམ་ཤེས་གསོད་པའི་གཤེད། ཁམས་དང ་སྐྱེ་མཆེད་འཆི་བདག་བདུད།། ཙིཏྟ་སྔགས་ཚོགས་མཚོན་ཆ་མེད།། ཆགས་པས་རང་བདུད་བསླུ་བའི་གཤེད།། མ་ལུས་ཀུན་གྱི་སྡིག་པ་བགོས།། ཉེ་བར་གྱུར་པའི་ཡན་ལག་ཡིན།། ཞིང་བཅུའི་སྲོག་དང་རྣམ་ཤེས ་སྡུད།། ཐུགས་རྗེ་རྒྱུན་གྱི་སྒྲོལ་བ་ཡིན།། རྟོག་པ་གནས་སྦྱངས་སྔགས་ཀྱི་འོད།། མངོན་པར་སངས་རྒྱས་བདེ་བའི་མཆོག། མཐའ་གསུམ་གཅིག་གི་ངང་དུ་བཤད།། སྲོག་དམར་ལེན་སྤུ་གྲིའི་རྒྱུད་ལས་རྒྱུད་ཀྱི་དོན ་བཤད་པའི་ལེའུ་སྟེ་བཅུ་གཉིས་པའོ།། སྲརྦཿཐཿ།། དེ་ནས་བཅོམ་ལྡན་འདས་ཀྱིས་ཡོན་ཏན་ལྷུན་གྱིས་གྲུབ་པའི་རྒྱུད་འདི་གསུངས་སོ།། སྣང་སྲིད་ཕོ་བྲང་གདལ་བ་ལ།། ལྷུན་གྲུབ་སངས་རྒྱས་ཀུན་འདུས ་པས།། བདེ་བ་ཆེན་པོའི་ངང་ལ་གནས།། ཡེ་ཤེས་འོད་ཀྱི་གང་བུ་ལས།། འཕོ་བ་ཐབས་ཀྱིས་གར་བསྒྱུར་བས།། རྟོག་འཛིན་རང་གྲོལ་བདེ་སངས་རྒྱས།། སྦྱོར་བ་སྣ་ཚོགས་རོལ་པར་འདུས། ཁྲོ་བོའི ་གར་དགུ་ཚུལ་དགུ་འབར།། རྒྱན་དགུ་ཆས་དགུ་བདེ་བ་གཅིག། ནམ་མཁའ་རྒྱ་མཚོ་རིན་ཆེན་མེ།། ས་གཞི་རི་རབ་ཀུན་མཉམ་རྫོགས།། རྒྱུ་མེད་འབྲས་བུ་ཡེ་སངས་རྒྱས།། སེམས་ཅན་སངས་རྒྱས་གཉིས་མེད ་གྲོལ།། རྐྱེན་མེད་ལས་ཚོགས་བསམ་དཔག་དཀའ།། རང་སྔགས་དབུགས་རྒྱུན་ལས་ལ་སློང་།། རྟེན་མེད་དམོད་པ་བསྐུལ་བས་འཕོ།། ཆོས་ཉིད་ཕོ་བྲང་བདེ་བས་མནན།། རྟེན་ཅན་རང་ལས་བདུད་གནད ་བསླང་།། གསུམ་གྱིས་སྲོག་བསྡུས་པར་སྣང་དགག། སྦྱོར་བ་ཐུན་མོང་འཁོར་ལོ་རྫས།། ས་ཡི་དམིགས་དྲུག་རྟེན་ལ་མནན།། རྟེན་དྲུག་གནས་པས་བདེ་ཆེན་བགྲོད།། བདེ་བའི་རྒྱལ་པོ་རང་ལ་འཆར།། སྦྱོར་སྒྲོལ་བྱ། ་བ་ཀུན་སྤྱད་ཀྱང་།། འབྲས་བུ་ཡེ་ནས་སངས་རྒྱས་ཉིད།། འདོད་ཆགས་བདེ་བ་ཆེན་པོར་གནས།། ཡེ་ཤེས་འཁོར་ལོ་ཡོངས་རྫོགས་སྡུད།། རྡོ་རྗེ་གསང་བའི་ལམ་ལས་དྲང་།། གཉིས་མེད་བྱ་བ་མོ་ལ ་གཟུད།། འདོད་ཆགས་ཉིད་ནི་ཡེ་ཤེས་ཏེ།། ཕྱག་རྒྱ་བསྟེན་པས་རང་གྲོལ་བའོ།། བསྐུལ་བའི་རྐྱེན་དང་དེ་ཉིད་ལས།། བདེ་བའི་རོ་ཡིས་གང་ཞིང་འབར།། གཉིས་སུ་མེད་པས་མཉམ་སྦྱར་བས།། དབུགས་དང་ཚོར ་བཞེན་ཆགས་བྲལ།། ཆོས་སྐུ་འགག་མེད་ལྷུན་གྱིས་གྲུབ།། སྲོག་མེད་སྲོག་ཀྱང་གཅད་དུ་མེད།། སྲོག་ཉིད་ཡེ་ནས་རྒྱུན་མི་འཆད།། མ་གཡོས་གཡོས་མེད་གཡོ་བ་མེད།། མ་སྦྱངས་སྦྱང་བ་མེད་པའི་མཆོག། ཟིལ ་གྱིས་གནོན་པའི་ས་རུ་བསྟན།། ས་ནི་སྲ་བྱེད་རྡོ་རྗེའི་ས།། སྲོག་ཅེས་བྱ་བ་འཁྲུལ་པ་སྟེ།། འགྱུར་བ་མེད་པར་ལྷུན་གྱིས་གྲུབ།། མ་བཙལ་བགྲོད་ཐབས་མེད་པའི་སར།། ཐིག་ལེ་གཅིག་གི་ངང་ཉིད་ལས།། བདེ་ལམ ་འཇོག་པོ་བརྒྱད་ལྡན་པའོ།། རང་ཉིད་ལྷུན་གྱིས་གྲུབ་པའི་སྐུ།། དབུ་གསུམ་ཕྱག་དྲུག་ཞབས་བཞིར་བགྲད། ཁམས་གསུམ་རྣམ་ཐར་སྐུ་གསུང་ཐུགས།། མཚན་མ་དག་ནས་འབྲས་བུ་གྲོལ།། ཕ་རོལ་ཕྱིན་དྲུག་རྣམ ་དག་ཕྱིར།། རིགས་དྲུག་མངོན་པར་སངས་རྒྱས་གྲོལ།། ཞབས་བཞི་སྐྱེ་མཆེད་རྣམ་དག་ནས།། ཚད་མེད་བཞི་དང་རྫུ་འཕྲུལ་རྐང་།། སྐུ་ཆེན་རྔམས་པས་ཕུང་པོའི་བདུད།། བཅོམ་ནས་ཡེ་ཤེས་ལྷུན་གྱིས ་གྲུབ།། འབྲས་བུ་ཆོས་ཉིད་རྣམ་དག་གྲོལ།། ཕྱག་རྒྱ་ཚུལ་དགུ་ཆས་དགུ་ཡིས།། ཆགས་སྡང་ལྔ་དང་སྐྱེ་མཆེད་བཞི།། མཚན་དང་དཔེ་བྱད་གནས་སུ་གྲོལ།། ངོ་བོ་ཉིད་དུ་ཡེ་སངས་རྒྱས།། ཡོན་ཏན་འཕེལ་འགྲིབ་མེད ་པར་བཤད།། སྲོག་དམར་ལེན་སྤུ་གྲིའི་རྒྱུད་ལས་ཡོན་ཏན་ཆེ་བའི་ལེའུ་སྟེ་བཅུ་གསུམ་པའོ།། སྭ་ནཐཿ།། དེ་ནས་བཅོམ་ལྡན་འདས་ཀྱིས་འཁོར་ལ་གདམས་པ་འདི་གསུངས་སོ།། ཨེ་མ་ཧོ་ཆོས་སྐུ་བྱང་ཆུབ ་སེམས།། ལྷུན་གྲུབ་གདལ་བའི་ཕོ་བྲང་ནས།། ཡེ་ཤེས་ཐིག་ལེ་རྫོགས་པའི་སྐུ།། སྣ་ཚོགས་སྣང་ལ་ངོས་གཟུང་མེད།། ཨེ་མ་རང་བྱུང་སྐྱེ་འགག་དབེན།། གནས་མེད་འགྱུར་བ་མེད་པ་ལས།། ལས་ཀྱི ་སྦྱོར་བ་དུ་མ་ཀུན།། སྣང་སྟོང་གཉིས་མེད་ལྷུན་གྱིས་གྲུབ།། ཨེ་མ་འཁོར་གྱི་དམ་ཅན་ཀུན།། ང་ཡི་བཀའ་རྒྱུད་དམ་པ་ཟུང་།། ང་ཡང་དམ་ལས་མི་གཡེལ་བསྲུང་།། གྲོལ་བས་རང་བྱུང་ལྷུན་གྱིས་གྲུབ།། ཨེ་མ་གབ ་སྦས་གསང་བའི་དོན།། རིག་པས་བགྲོད་པའི་བདེ་བ་ཐོབ།། རྨོངས་པས་རང་འཆིང་འཁོར་བར་འཁྱོམས།། བགྲོད་པའི་རྩ་ལས་ཡང་དག་འབྱུང་།། དོན་ནི་རྣམ་པ་གསུམ་དུ་བསྡེབ།། སྤྱི་དང་ཐུན་མོང་ཁྱད་པར ་རོ།། སྤྱི་ལ་གསུམ་དུ་ཡང་དག་སྟེ།། ལུས་དང་སྤུ་གྲི་འདོད་པས་བསྡེབ།། གཟིར་བཟློག་རང་བསྲུང་གཟན་ལ་དབབ།། དང་སྲོག་གཤེད་རྩ་སྲོག་ལུས་འབྱེད།། གཟིར་དང་སྲོག་དབྲོག་སྦྱོར་བ་བཅད།། གཉིས་པ་ཐུན ་མོང་ལས་འདི་དག། བསྒྲུབ་པ་རྒྱུན་དང་གསད་པ་དང་།། དྲག་པོ་གང་སྦྱོར་དབུ་རུ་བཏོན།། སྔགས་དང་འཁོར་ལོ་མན་ངག་བསྡེབ།། གསུམ་པ་མན་ངག་དྲག་པོ་ཉིད།། བཅུ་གཉིས་ལུས་ལ་དམར་ལེན་པོ།། བསྡེབས ་པས་ཀུན་འཇོམ་ཤིས་པའི་མཆོག། འབྲུ་བརྒྱད་ལུས་ལས་དྲག་པོའི་སོ།། བསྡེབས་པས་རྣོ་དཔལ་ཡུལ་ལ་གཅོད།། འབྲུ་བཞི་ལུས་ལ་བརྒྱད་སྤུ་གྲི།། བཏགས་པས་རྣོ་མྱུར་རང་གཅོད་ཡིན།། མཆོག་དང་ཕག་མོ་ཉེ ་བར་བསྡེབ།། སྲིན་མོ་དམ་སྲི་རང་གཅོད་གཉིས།། མཚོན་ཆ་བསྣོལ་མར་བསྡེབ་ན་རབ།། གསང་སྔགས་ངོ་བོ་འཁོར་ལ་གདམས།། བསྲུང་བའི་མཆོག་དང་གསད་པའི་མཆོག། བསྐྱེད་པ་ཐུན་གྱི་དྲག་སྔགས ་བསྡེབ།། ཉིན་དང་མཚན་མོའི་མཚམས་སུ་བྱ།། དོན་གཉིས་དངོས་སུ་འགྲུབ་པར་གསུངས།། འཁོར་གྱི་ཚོགས་རྣམས་ང་ལ་ཉོན།། རྒྱུད་རྒྱལ་དྲག་པོ་སྤུ་གྲི་འདི།། འདས་དང་ད་ལྟར་མ་འོངས་པའི།། སངས་རྒྱས ་སེམས་དཔའི་ཆོས་སྲུང་ཀུན།། དམ་ཚིག་དཀའ་ཐུབ་སྡོམ་ལ་གནས།། ཏིང་འཛིན་དྲག་པོ་རྔམ་པར་ངེས།། ཡེ་ཤེས་རིག་པའི་ཕོ་བྲང་ནས།། བདེ་བའི་ཐིག་ལེ་རྩོལ་དང་བྲལ།། དབང་ཕྱུག་མངའ་བརྙེས་རོལ་པའི ་རྒྱ།། མཚོན་ཆ་མེ་རླུང་སྟོབས་དཔག་མེད།། དེ་ཡིས་ཐམས་ཅད་འཇོམས་ཤིང་འཕོ།། ཡེ་ཤེས་ཆེན་པོའི་ཕྱག་རྒྱ་ཡིན།། ང་ཡི་རྒྱུད་རྒྱལ་སྤུ་གྲི་འདི།། གསང་བ་ཀུན་གྱི་སྙིང་པོ་གདམས།། གསང་བའི་གསང་བརྡུད་ཡང ་གསང་གཏེར།། ཡང་གསང་མཆོག་གསང་སྙིང་པོའི་དོན།། རྩ་བ་བཤད་པ་རྩ་རི་བཀའ།། དགོངས་དོན་སྤུ་གྲིའི་མཐར་ཟུག་རྒྱུད།། འདིར་འདུས་ཀམ་པ་ཀྱི་བ་ལྕགས།། སྤུ་གྲི་ཐོག་མདའ་གནམ་ལྕགས་གཟེར།། སྐྱི ་འདང་རི་བོ་རྦབ་ཆེན་དུག། ཆེན་པོ་ལྔ་ལྟར་ཀུན་འགྲུབ་འདི།། ཉེ་བའི་འཁོར་ལ་གདམ་པ་ཟུང་།། ང་ཡི་གསང་རྒྱུད་སྤུ་གྲི་འདི།། བགྲོད་པ་གསུམ་ཐོབ་རང་ཤུགས་ཐོབ།། སྐྱེ་མེད་རྩོལ་བྲལ་རྒྱུད་ལ་ལྡན།། ཡེ་གྲུབ ་བརྗོད་པས་གསང་ལམ་གྲུབ།། དཀར་ནག་མཚམས་ནས་ཐིམ་ཞིང་བགྲོད།། གནད་ཀྱི་ཡི་གེ་རང་རྒྱུད་སློང་།། རྩ་སྲོག་དབུགས་རྒྱུན་གཅོད་པར་བྱེད།། ལས་དབང་ཁྲག་དང་བག་ཆགས ་སྐྱེམས།། དྭངས་སྙིགས་བྱེ་ནས་གསང་སྒོར་བགྲོད།། ཡེ་ཤེས་བདེ་བའི་ཐིག་ལེ་སྐུ།། སངས་རྒྱས་ས་ལ་ཡེ་སངས་རྒྱས།། སྙིགས་མ་བག་ཆགས་ཙ་ནའི་འབྲུ། ཁྲག་སྦལ་དང་བཅས་དཀར་ནག་ནས།། ཡི་གེ་གསུམ་གྱི ་གནད་ཀྱིས་འཕྲོག། ཐོད་པ་གསང་མཛོད་རྟེན་ལ་སྡུད།། དམ་པའི་འཁོར་རྣམས་ལེགས་པར་ཟུང་།། བཅོམ་ལྡན་འདས་ཀྱིས་གསུངས་པ་ལ་འཁོར་ཐམས་ཅད་རྗེས་སུ་ཡི་རངས་ཏེ་མངོན་པར་བསྟོད་དོ།། དཔལ་ཆེན ་ནག་པོའི་རྒྱུད་དྲག་སྔགས་དེ་ཁོ་ན་ཉིད། སྲོག་དམར་ལེན་སྤུ་གྲི་ལས།། འཁོར་ལ་གཏད་པའི་ལེའུ་སྟེ་བཅུ་བཞི་པའོ།། །། སྙིང་པོའི་རྒྱུད་ཆེན་པོ་རྫོགས་སོ།། །། ་