བོད་ཡིག

e-texts produced with BDRC’s OCR application

rgya gar skad du/ shri A yuHpa ti ra ka la tan+ta/ e man+ta tA ta dzi bin rA ga ka so ri nA ma/ bod skad du/ dpal tshe bdag nag po'i rgyud/ drag sngags kyi de kho na srog dmar len gyi spu gri zhes bya ba/ dpal che bdag nag po bde ba chen po la phyag 'tshal lo// 'di skad bdag gis thos pa'i dus gcig na/ bcom ldan 'das chos nyid kyi pho brang na/ khyab gdal chen po'i gnas zhe sdang chen po rnam par dag pa'i gzhal yas na/ 'khor du ma 'dus pa'i nang nas/ rdo rje yongs su 'dzin pa dang / bde ba'i ye shes can dang / bgrod pa phyin ci ma log pa dang / lam nye bar 'dzin pa dang / gar dgu'i chos kyi phyag rgya 'bar ba'i rnam pa dang / lam las gol ba'i rdzu 'phrul can rnams dang thabs cig tu zhe sdang chen po 'dul ba'i ting nge 'dzin la rngam par bzhugs so// de nas 'jig rten gsum gyi phyogs bcu g.yos par gyur te/ 'khor rnams rgyal ba rgya mtsho'i tshogs/ 'jigs shing skrag nas brgyal la khad do// 'khor de'i nang nas rig pa'i stobs can longs te gsol pa// bcom ldan 'das 'dus pa'i tshogs rnams 'khor du mchi/ 'khor la thugs rje ma chung mdzod// mgo lus snying yang 'gas pa snyam// gdung ba'i shugs kyis nye bar mdzod// ces gsol to// de nas bcom ldan 'das ting nge 'dzin de las bzhengs te dgyes pa'i nga ro 'di ston to// thugs par bsha/ a e ha ha yA ga sha de pa ti su ma ra raM raM zhes bsgrags so// 'khor thams cad rang rang gi yid rang bzhin gyi me ru 'bar nas tshig cing brlag la khad do// de nas bcom ldan 'das kyis 'khor de dag gi rang rang gi rang bzhin mthong ngo / bcom ldan 'das dpal khrag 'thung gi rgyal po tshe bdag nag pos/ nyid kyi srog gi snying po de kho na nyid yang nas yang du rnam par bsgrags so// e e e e zhes brjod pas chos thams cad rang bzhin med pa ma skyes pa// 'dus ma byas pa/ nam mkha' lta bur rang grol ba'o// de la chos thams cad 'byung zhing ye shes rang la gnas so// de la chos thams cad drag po'i gtum rngam 'bar bas ye shes thig le'i ngang du rang bcom mo// de la chos thams cad zhe sdang 'bar ba'i me yis rtog 'dzin thams cad bsregs te rang skam nas ye shes rang gsal lo// de las 'khor thams cad ye shes skyes te rang rang gi srog gi snying po thams cad mdongs gsol du phul lo// de la thugs kyi sprul pa tshe bdag nag po mgo dgu pa yis/ ka zhes zhes rngam par bsgrags pas phrin las thams cad lhun gyis grub cing yongs su rdzogs par gyur to/ de nas yum gsod byed kyi rgyal mos myags shes phul bas/ log pa'i srog dbang du 'dus nas ye shes kyi thig ler gsal ba'o// phyag na rdo/ rjes rngubs shes phul bas ye shes chen po'i mes khrag dang bag chags bskams nas phyag rgya brtan par rang gsal ba'o// rus sbal gyi rgyal pos mugs shes bsgrags pas/ 'gro ba rmongs pa'i srog bsdus te/ bla dang tshe srog bcangs te chos nyid du rang grol ba'o// ya ma rA tsa sa ya zhes pas/ rang gi las kyi rlung gis lha dang lus srog phrogs nas/ ye shes bla ma'i sar bgrod pa'o// bya khyung gi rgyal pos shag ces pas/ gdug pa'i dug rlangs thams cad bcom nas/ nye bar bgrod pa thob pa'o// las kyi tshe bdag nag pos dun zhes phul bas/ srid pa'i srog rten zhi nas 'od dmar nag 'thibs pa phrogs nas/ kun tu bzang po bde ba chen por rang grol ba'o// de nas mon pa seng ge'i mgo can gyis/ srog la bai raM kha zum yaM yaM rbad/ ces phul bas/ srog gi rten gzhi gcod par 'gyur ro// de nas mon pa stag gi mgo can gyis/ srog la hril myags zum shag rbad/ ces phul bas/ drangs ma bzhi yis rang rang gcod par gyur to// mon pa dred kyi mgo can gyis/ srog la gzir zums raM thun rbad/ ces phul bas/ srog gi drangs snyigs phyed pa gyur to/ mon pa khyung gi mgo can gyis/ srog la mA ra ya thun rbad/ ces phul bas/ srog gi bla mtsho bskams par gyur to// bdud kyi srog gshed chen po bzhis/ srog la hri shag rbad/ tsit+ta breng shag dza/ srog la thun rmugs tsit+ta breng shag dza/ byer hur thums dza/ srog la thun gzer shag rbad/ tsit+ta breng shag dza/ zhes phul bas/ tshogs drug rten las 'phos par gyur to// de nas srid pa'i lha gdon drag po rnams kyis/ srog la mA ra ya rbad/ tsit+ta breng shag thums dza/ zhes phul bas/ tshogs brgyad sgo 'gags par 'gyur ro/ de nas rmu'i rgyal pos/ srog la hur thum rbad/ tsit+ta breng shag dza/ zhes phul bas/ bsod nams che ba'i lus srog dang bral bar gyur to// de nas btsan gyi rgyal po rnams kyis/ srog la thums shag rbad/ tsit+ta hur breng dza/ zhes phul bas/ lus kyi 'byung ba dkrugs te 'pho bar gyur to// de nas rgyal po sde bzhis srog la breng breng rbad/ ni srog tum tum rbad/ khaM shag rtsa la rbad/ srog la myogs rbad/ khyer byung mugs/ ti ling shag ling dza/ zhes phul bas/ rgyu bdun gegs su skyes par gyur to// de nas bdud kyi rgya dmag 'bum sdes/ srog rtsa khrag ting snying phyung thums ri la raM shag rbad/ ni srog hur thums dza/ zhes phul bas nang khrol smad lnga gtubs par gyur to// de nas srin po pho mos/ e baM raM khr-i shig tsit+ta rngubs/ dgra bo'i srog la thun rmugs ling shag rbad/ ces phul bas/ bla dang rnam shes gags/ 'gag/ pas 'pho'o// de nas ma mo'i tshogs 'bum sdes/ srog la hur long rbad/ tsit+ta khrag thibs/ hur thums dza/ zhes phul bas/ rnam shes rten las 'pho bar gyur to// yang ma mo rnams kyis/ srog la baM ri la raM shag rbad/ tsit+ta byer thum hur thums dza/ zhes phul bas rims dal yams kyi nad 'bebs par gyur to// de nas gdug pa gsum gyi tshogs kyis/ srog la baM ril raM shag rbad/ tsiSh+Na breng hur zums dza/ zhes phul bas/ gdug pa'i spu gris lus srog gcod par gyur to// de nas sde brgyad gza' dang lha srin gyis/ phreM phreM/ shar shar/ hril nA ga snying gzer/ rgud yaM thun yaM hril shag b+h+yo// zhes phul bas srog dbugs dang lo tog rtsi bcud thams cad bcad de 'pho ba'o// de nas stobs can rnams kyi mthu dril te/ srog la rbad zum ril rbad/ rtsa khrag tsit+ta phyung / nr-i srog hur thums dza/ zhes phul bas/ rtsa dang srog zungs bcad de 'pho ba'o// dregs pa can thams cad kyi mthu stobs dril te/ snying gzer sbur nan ha la ha la tsa ma ri phyung / e hur thums dza/ khams shag rbad/ ces phul bas/ rang gi mthus gzir ba dang / dug dbyung ba dang / srog dbrog pa dang / sbyor ba bcad pa'o// de nas 'khor de dag rab tu 'dus nas/ dgyes pa'i mdangs rnyed par 'gyur ro// de nas bcom ldan 'das khrag 'thung gi rgyal po des/ e he he he e hur thums dza/ zhes sgra bsgrags pas/ nye bar las la brtson pa'i tshul gyis rang rang gi shes pa'i rgyud la 'dus te thim pas/ bdud dang gshed rang gi rgyud las ldang zhing / rang gcod kyi mtshon cha bskul bas/ rtsa dang srog zungs rang gshed gcod cing / khrag dang bag chags rang skyes te/ zod par snying po dang srog sdud pa'o// dpal tshe bdag nag po srog dmar len gyi rgyud las/ gleng gzhi rtsa ba'i le'u ste dang po'o// // de nas 'khor rdo rje snying pos bcom ldan 'das la gsol pa/ rgyal ba kun gyi rang bzhin dngos// gsang sngags ngo bo de nyid lags// 'jig rten 'das dang 'jig rten pa'i// dregs pa'i mthu rtsal ldan pa kun// srog snying dbul zhing las la gnyer// bka' bzhin nye ba ji lta bu// lhun grub zil gnon phyag rgya bstan// gnyen po gang phyir brjid pa'i sku// drag pos gdul bya gang lags pa// 'khor la rgyas par bshad du gsol// zhes gsol pas/ bcom ldan 'das kyis dri ba gsum gyi don rgyas par bshad do// bskal pa rdzogs ldan bya ba la// rigs las gol ba'i khro bo la// nag po 'thom byed bdud kyi gtso// srid pa'i mnga' bdag khrag skyugs gcod// rtsub khro srog gcod ging gi gtso// zhe sdang gdug pa gdug khro'i gtso// phung byed nag po tshe yi bdag/ 'byung ba bzhi yi rngam 'og na// brgyad gnyis drug gnyis bzhi dbus na// lus chen yan lag rags la rngam// skra dang kha spu ag tshom rtsub// stod smad srin pa'i rlon gyi shun// mgo dang snying gi phreng bas brgyan// mtshon cha me rlung dug gi mtshon// thogs nas rnam bzhi'i 'khor la 'tshe/ myur du gsod cing sha rlon za// mngal du 'tshub cing rak+ta 'dzag/ thod rus 'bru mar dkrugs shing 'thungs/ ded dpon bzhi yi 'khor la rbod// chags pa'i rgya mtsho myos par byed// gdug pa'i me yis rang rgyud bsreg/ de lta bu yi sde bzhi'i gtso// rA tra nag po che yi bdag/ de yi bstan pa gting nas dkrugs// rnam bzhi'i 'khor la 'tshe bar byed// 'gro ba ma lus bsdus shing gsod// de yang ji lta bu zhe na// bde ba'i dbang phyug ded dpon zhes// rigs kyi bdag por grags pa cig/ gsang sngags de nyid ris su phye// brda' don ma grol lhug par spyad// bgrod pa ma thob dpe las mtshon// rang nyams ma rnyed brkam chags spyad// rigs ngan mo la grogs su spyod// sha chen keng rus rgyan la rol// gsang sngags bka' bsgo log pa yis// dus ma yin par tshe 'phos nas// na rag rdo rje dmyal bar ltung // bzhi brgya mtha' ru sdug bsngal myong // chad las rgal te bde bas brel// bskal pa bzhi nas brgyad gnyis 'khor// tsha grang gnas nas bskal pa bzhir// 'khor zhing sdug bsngal zad mtha' ru// nyi tshe nye 'khor kha 'khor nas// bskal pa gnyis su sdug cing 'khyams// de mthar phyi nang sgrib pa'i gnas// gzugs che ske dang yan lag phra// rnag khrag ngan skyugs lcags thum mid// bskal pa gcig tu sdug cing 'khyams// de mthar rdzu 'phrul drag po'i gnas// lcags mkhar bcu gnyis brgyad gnyis 'obs// zod mkhar bzhi dbus sha khrag za// rngam pa'i nga ros 'khor rnams mngags// de ltar rnam smin mang bsags pas// gnas su rU tra nag por smin// de yis 'jig rten phung byed na// rgyal ba kun gyi thugs rgyud nas// byin rlabs mthu rtsal stobs 'gran te// nag po de nyid 'dul ba'i phyir// sangs rgyas cho 'phrul sna tshogs mdzad// stong pa'i rang bzhin de stong kyang // stong pas nag po sde ma stongs// sangs rgyas rdul snyed zhing khams 'dod// nag po'i sha khrag rngam zhing rol// des ma bskyod phyir stobs chen gsum// ya ma badz+ra ha la'i sku// rang rang lag cha cha byad 'khor// sngags tshig drag po rngam bzlas nas// nag po tshe yi bdag po la// lus ngag skong phyir me rlung sbrul// nad dang mtshon cha'i char phab nas// nag po 'khor bcas dga' mgu nas// sha khrag ro dang bdud rtsir 'gyur// mnga' brnyes sde las rgyal la khad// des ma thul nas khro bor bya/ khro bo sme ba brtsegs pa yis// rdo rje srin po 'khor dang bcas// nag po bsgral la bza' bar rngams// gsang sngags gdug pa'i nga ror bton// ye shes me yis sras mchog sbrul// tshe bdag drag po gshin rje yis// kI la tsit+ta'i dkyil du bza'// btab pas sme brtsegs de nyid rgyal// rdo rje srin po'i 'khor brlags nas// nag po dregs pa'i tshe bkrag phrogs// sangs rgyas rdzu 'phrul zhi bar byas// des ma thul te dgongs pa bsdus// gsang sngags ngo bo de kho na// dwangs ma chen po lnga yi dngos// ye shes lnga nyid de rtogs pa'i// rigs lnga'i gtso bo spyi yi gzugs// ka la mthing nag brjid pa'i sku// zil gnon phyag rgya chen po nyid// stong nyid ma skyes 'gag med pa'i// lhun grub ye shes thams cad mkhyen// lhun po ri rab brtan ltar brjid// rnam par dbu gsum sku gsung thugs// rgyud drug 'khor ba bsgral ba'i rtags// pha rol phyin phyag ye shes drug/ skye ba rnam bzhi dag pa'i rtags// tshad med zhabs bzhi rdzu 'phrul rkang // sra byed brtan pas thams cad gnon// mnyen byed bskyil zhing sdud pa'i dbang // gsal byed khrag chu bag chags bsregs// g.yeng byed rkyen med rang shugs ldan// snang byed go 'byed khebs 'og chud// rgyu rkyen zabs la rag ma lus// bde ba chos sku stong bdag med// stong las kun skyes bsam dpag dka'// nag po 'dul phyir sna tshogs sbrul// ya ma badz+ra khyams khang khyung // de bzhin gnyis ldan seng ge stag/ gdug pa'i ye shes khro chung 'bar// tshul dgu chas dgu rgyan dgu dang // gar dgu stabs dgu rngam sgra dgu// thod sbrul rin po che la sogs// gsod byed khrag skyug tshogs kun gnon// 'khor lo ral gri rdo rje 'phen// be con gtun shing sdigs 'dzub brdeg/ nag po gel pa bsgyel te mnan// phyi nang gshed 'khor 'chi bdag tshogs// yang sbrul drug khri drug stong bcas// rngam zhing dregs pa'i 'gying stabs kyis// nag po 'khor bcas gdan du bting // nag/ po brgyal sangs 'dar zhing sleb// zil gnon phyag rgya'i gdan du gsol// 'khor rnams dbang bsdus mdangs dang phral// 'khor du las kyi sgrib pa sbyangs// snam nas slar bton bran khol bskos// srog gi snying po rang dbang bsdus// nag pos rngam pa'i sme dzags bton// bdag cag rgyal ba'i 'khor lags kyis// 'khor la thugs rje ma chung mdzod// bka' la thogs shig bka' bzhin 'gyid// ci bcol las rnams bka' bzhin nyan// zhes gsol to// de phyir rgyud 'di drag chags bshad// ces 'khor la rgyas par gsungs so// drags sngags kyi de kho na nyid srog dmar len spu gri las dregs pa can btul ba'i le'u ste gnyis pa'o// blan bldanaH/ de nas 'khor gyi nang nas rdo rje 'dzin pa stan las langs nas/ bcom ldan 'das la gsol pa/ kye ho bcom ldan khrag 'thung dpal// las rnams kun gyi rtsa ba ru// brnag pa'i rgyal po dmar len la// rtsa ba dag dang man ngag gi/ las kyi rnam grangs bshad du gsol// zhes gsol pas// bcom ldan 'das kyis snying po don gyi man ngag rgyas pa bshad do// dmar len don gyi man ngag las// rtsa ba rnam pa gnyis su bshad// thun mong dang ni khyad par ro// thun mong sbyor ba rnam pa lnga// 'bru bzhi'i sbyor ba drug gnyis bzhi// kun 'byung rtsa ba brgyad gnyis gcig/ gab pa'i sbyor ba bzhi gnyis ldan// gsad gzir gnan gzir bsrung dang dbab// bsreg dang srog dbrog dpral bar shis// yan lag sdig pa'i phag mo gnyis// skye ba rlung bshig rang bdud 'phel// rnal mar spog dang tsher spogs dkrug/ 'pho tshul gnyis ldan bde ba gcig/ ye shes rig pa rang rtsal bgrod// kun gyi mtha' ru 'byung ba dkrug/ thun mong phung byed sdig pa 'joms// 'byung ba gnam bstan gnyis ldan pa// ma sbyangs dag pa'i tshul du bgrod/ khyad par las rim gsum gnyis gcig/ phye ba'i rim pa bde dang ldan/ khyab gsal spogs med bde dang ldan// snying po mchog gi rtsa bar gsungs// gnyen pos 'phen cing gcod par bskul// spu gri'i las su gcod cing sdud// rang grub bdud gshed 'chi bdag ldang // rang gsal bskul bas ya yis bskyod// thugs rje shugs sgrol thar pa'i lam// bde ba'i ye shes rang nyid ldan// phyag rgya rang gsal bgrod thob med// 'gag med snying po mchog nyid gsal// bden pa gnyis med chos skur gcig/ thams cad 'joms sgrol bde chen nyid// nyid las gzhan du btsal yang med// gser bug snying po rang bstan yin// kun thub snying po las dbang 'joms// srog ces bya ba 'pho bar byed// gnyis med rig pa lha ru gsal// srin mo las kyi mtha' ru 'pho// sbyor ba lhan cig lnga'am gsum// rgyal ba'i bka' thub rgyal mtheb mngag/ rang nyid che ba'i gnas la gnas// lo thog gzhom pa'i las gsum gyis// 'bras bu med par 'chang sgrol bgrod// bsrung ba'i rgyal po gcig tu dril// nye ba'i dbang po rang gnas gzir// dug dang sbyor ba byad gzhug 'byin// las dang sbyor ba gshog cing gcod// tsit+ta'i dkyil nas rnam shes 'phrog/ lus med dbang po yid kyis 'joms// de med sbyor ba yug pa brkyang // rang gshed rang bdud rang la ldang // rang rgyud rang gnas gsum gnyis gcig/ gnas dang slong dang rkyen dang gcod// 'pho dang bgrod dang srog sdud bcas// las de chos nyid rang grol yin// mtha' ru lhun grub bsreg dang sbyar// nam mkha' bar snang sa gzhi la// bsreg mnan gcod pa'i 'khor lo bca'// mngag dang gzir dang bstab dang dbul// las gnyer gtad mthar zor dang mnan// rang gi ye shes gsal zhing 'bar// me dang tsha ba bsreg cing bdo// sbyor ba mngon du gsad dang 'pho// dkar nag las de gab sbas gsang // las tshogs rgyas pa lhun gyis grub// rgyud kyi rang bzhin bdun nam gcig/ sku dang gsung dang thugs kyi rgyud// blta spyod 'khor lo dam tshig dbang // las rim sbyor ba 'brel bcas yin// gzhi lam 'bras bu lhun grub gcig/ phyi nang gsang ba bshad pa'i mtha'// kun 'dus rig pa'i mtshon char bshad// srog dmar len spu gri'i rgyud las/ dngos gzhi bstan pa'i le'u ste gsum pa'o// DA rnamanaH// de nas bcom ldan 'das khrag 'thung gi rgyal po des rgyud kyi don 'di rgyas par bshad do// ma byung ma skyes ye shes sku// 'gag med bde chen khyab gsal sku// lhun grub spros bral phyag rgya'i sku/ khyab gdal thig le nyag gcig sku// ma 'gags kun gsal spang blang med// sna tshogs rol pa bya btsal bral// nam mkha' yongs la mdung bskor ba// sangs rgyas mdzad pa kho zag chad// gnas pa rang rgyud drug dang ldan// sum cu gnyis rtsibs bde chen gnas// 'bru bzhi yan lag 'pho dang bcas// 'bru drug longs spyod gsal dag 'bar// brgyad dbus bzhi ldan chos 'khor lo// lam nyid don ldan 'bras bur smin// bcu drug bzhi ldan sprul pa'i gnas// bzhi rtsibs gsal ba rdzob la gnas// drug rtsibs 'khor lo mdo gsum 'dzin// rang bdud rang gshed mnyam pa'i don// bde ba'i rgyal po rang gsal yin// spyod pa las kyi 'khor lo mtshon// lnga brgyad phral nas sum cu gnyis// de dag rang rgyud gnas pa yin// gnas pa'i 'khor lo thod par bca'// thod par snying po bcud sdud byed// las dang srog dang bla sdud la/ khyams khang gshed kyi gsang mdzod yin// rig pa srog tu bgrod byas la// dpa' bo gri mo lang tsho la// sbyangs pa gsum dang lha bgod la// sngags kyi drod ldan brtul zhugs blang // de bzhin rgyal rigs nyid la bsngags// bcu gnyis bcu drug bar la brtag/ gong bzhin brtags la brtul zhugs blang // rkyen gsum rang rgyud drug bkod la// sbyang bsregs dbab bskyil thig ler gsal// sme ba don dang mnyam sbyar la// brtul zhugs rnam gsum longs spyod ldan// skye ba med pa'i dbyings su sgrol// spyi dang khyad par yan lag gsum// bsrung dang ma bsrungs bde dang sdug/ bde chen na rag dong spug gi/ las kyi rim pa 'di lta ste// rtsa ba kun 'byung 'khor lo ni// gsang chen mchog tu dril ba'o// yang gsang sbyor ba drug gnyis lnga/ gol dang smin pa'i las kyang // brda don dril ba ma yin pas// ha la nag po sbrul 'dzin ltar// sbyor ba bcu bdun dag dang ldan// don gnyis mngon du spyod pa yis// bla chen sprul pa yang sbrul chags// rtags med kun 'byung drug dang ldan// 'bras bu 'joms pa'i las bzhi yin// chu dril zor 'phang du bas gzir// chu rgod gnam thog ri ltar 'bebs// dmar len sngags kyi mthu bsdus nas// las kyi 'khrul 'khor mtshon char 'bebs// snying po kun gyi mthu dril nas// 'bru brgyad dmod pa'i lus dang sbyar// rigs sogs las dbang gnod pa'i gdon// sngags kyi brdeg pa drug dang ldan// ltar 'jug phyir 'byung zhen pa zhe sdang gzhi yang bzhi// kun 'byung rtag med khong nas ldan// gang rung mtshon cha kha sbyar bca'// brjod pa skabs dang sbyar la spyad// 'og la rjes gcod bsreg pa brdeg/ kun 'joms sbyor ba'i rgyal po yin// gru bzhi cha mnyam rus sbal ltor// ye shes lnga yi thig drangs la// mgo dang mjug mar thig rkang gdab// de bzhin lho gnyis thig rkang drang // thig bzhi rgya gram legs par gdab// lto bar 'khor lo bcu gnyis bca'// thig bskor rim pa gsum du bskor// dbus su gru gsum rgya gram ldan// byang khog stod kyi 'khor lo gnyis// rtsibs bcur bla chen sprul pa'i sngags// g.yas pa'i rtsibs chen bcu bzhi la// yang sbrul 'joms pa'i spu gri gnas/ g.yon pa'i rtsibs chen bcu bzhi la// chags sdang 'joms pa'i spu gri gnas// de bzhin bskyed pa'i 'khrul mig bzhir// bcu gnyis rtsibs 'gyur rtags med dang // kun 'byung sngags kyi gcod pa dgod// de yis bsad pa mchog la sbyar// g.yas g.yon bab lnga'i bco lnga'i rtsibs kyang rtags bdun la// srung ba'i rtags med kun 'byung bkod// lte ba smad kyi 'khor lo bzhir// rtsibs bdun de bzhin rtsibs dgu bcu// bcu gcig rtsibs dang ldan pa la// mi 'khor 'khor 'jug den pa la// brdeg pa'i drag sngags tshan re gnas// yan lag lo tog 'joms pa bzhi// kun la rgya gram rtsa ba'i sngags// lag g.yas bcu drug spogs dang gzir// lag g.yon rtsibs dgu gzir ba'i sngags// rkang g.yas rtsibs bcu thabs kyi sngags// rkang g.yon bco brgyad du sal 'joms// chu rgod 'khyags pa ri ltar 'bebs// 'og la rjes gcod 'khor lo bsreg/ rgya gram yang log bcu gnyis la// rtsa ba brgyad dang bcu gnyis bsreg/ gdug pa'i sngags dang rdzas bsreg ldan// bla chen bzhi dang chags ldang bzhi// mi mthun 'khor lo kha sbyar bsngags// sprul pa yang sbrul kha sbyor brdeg/ kun 'byung rtags med de bzhin bsdebs// rus sbal lto bar bsad la sbyar// chu dril gzir ba'i 'khor lo sbyar// zor dang du ba kha sbyor la// dbab dang bsrung ba rus sbal yang // de nas bcom ldan 'das nyid kyi sku gsung thugs rdo rje las/ kun 'byung rtsa ba'i sngags 'di bton to// srog la bri shag rbad// tsit+ta breng shag dza/ srog la thun rmugs zad/ dgra bo'i srog la thun shag zad/ nri tsiSh+Na breng breng hur zums dza/ srog la thun gzir shag rbad/ tsiSh+Na breng shag dza/ srog la yaM yaM rbad/ nr-i tsit+ta breng shag dza/ srog la mA ra ya rbad/ nr-i tsit+ta hur breng dza/ tsit+ta gzir nan/ srog la myogs rtsal rbad/ yaM yaM hu ra tsit+ta kham shag rtsa la myags hab tang hab tang ro myags dza/ kring kring hi nan/ yal yal tsit+ta rbad/ ha la ha la tsa ma ri kham shag rbad/ ha la ha la yaM yaM tsit+ta breng breng dun dun dza/ de ba dza dun sa/ nA ga snying gzer thun pr-i pr-i/ hril dril/ shar shar phob/ nA ga dza yaM/ snying gzer shar phroM phob/ dza yaM phreM shar hril khaM shar hril phob/ nA ga u nan dza yaM phob ya hri da ya pho ba/ ra mi tsit+ta khaM shag srog la hur thums yaM khaM shag raM thun tsit+ta raM/ nges pa'i don dang ldan pa'i gdeng // nyams rtags phyi ste spyod yul min// de yi las thig rdzogs par bshad/ rarga pra Ta kaH/ de nas bcom ldan 'das kyis gab pa thugs kyi las 'di bshad do// dmar len sngags kyi dmod pa la// dgu gsum gang rung thod pa bya// 'khor lo rim pa bzhin du bskor// dbus kyi 'khor yug pho brang du// bde ba'i rgyal po nam 'kha'i 'bru// phyi rim par khyams 'khor lo brgyad// mu khyud rim pa gsum du bskor// kun gyi dbus su rgya gram ldan// phral la rtsa ba'i 'bru brgyad dgod// gnyis pa sa khams drug gnyis rtsibs// mnan pa stobs kyi 'bru yi dgang // me khams de bzhin bsreg pas dgang // chu khams de bzhin lo tog 'joms// rlung khams bcu gnyis bsad la shis// 'degs dang drod mtshams thams cad gzir// g.yeng dang drod mtshams 'bras bu srun// drod dang chu mtshams rnam shes phrogs// g.yeng dang 'degs mtshams gdug pa gzir// kun kyang rus sbal kha sbyar la// lnga na las rdzogs gdug par gtad// de nas bcom ldan 'das nyid kyi sku gsung thugs rdo rje las/ drag sngags 'di bton to// e myags ya rngubs mug shag ka dun// dgra bo'i srog la mA ra ya rbad/ nr-i hur thums dza/ dgra bo'i srog la thun gzir sbur nan// dgra bo'i srog la raM thun tsit+ta rbad/ kha raM dza la raM/ nA ga u nan snying gzer phrom shag kham hril phob yA/ sarba u nan/ thum ril sbur nan sha truM 'drid phyung rbad/ sarba sha truM stam+b+ha ya na sha ya nan rbad/ tsit+ta breng breng rtsa la dun dun/ srog hur thums dza/ sa nA ga ha la ha la yaM yaM snying gzer sbur nan/ phral la las kyi skabs su bca'// dman pa las kyi sbyar ba bshad// gzhan yang yan lag las gsungs pa// rno myur pho mo'i lto ba ru// ye shes thig le'i ngang las 'char// 'phen dang slong ba dbugs kyi rta// mtshon cha mu khyud lnga dang ldan// dbus su gru gsum rgya gram phyi// bcu gnyis rtsibs bsnol bar khyams zlum// dbus su gru gsum brnag pa bstan// gnyis pa rgya gram rtsa ba'i sngags// bcu gnyis phyi nang gsad pa'i 'bru// bar 'khyams lto sbyor sgrub pa'i sngags// kha sbyor bcas la dong rtsar mnan// sngags kyi yan lag spogs pa yin// gdug pa'i klu la gtad par bya// dgra bo'i srog la hur thums rbad/ tsit+ta breng shag dza// dza shag breng ta tsi ta thums hur dgra bo'i srog rbad/ dgra bo'i srog la thums tsit+ta hur breng dza shag rbad/ brnag pa rno myur stobs dpag med// yan lag rno dpal mtshon cha yin// gzhan yang phung byed sdig pa'i las// las kyi rim pa sngar bzhin las// khyad par lha srin dkrug pa'i las// sdig pa chen po'i lto ba ru// mu khyud rim pa lnga dang ldan// rgya gram bcu gnyis rtsibs dang khyams// lha srin lto dkrug las kyi mchog/ rtsa ba'i sngags dang spu gri dgod// kha sbyor dug chu tsha bar ldan// sngags bzlas gdug pa'i klu la gtad// drag sngags sbyor ba dril ba brdeg/ ya rngubs e shag dun myags ka rmugs// dgra bo'i srog la shag breng dza/ tsit+ta hur thums rbad/ sbyor ba gang brtsam mtha' ru bsngags// spogs pa drag po'i las su bshad// 'bru bzhi las kyi rim pa ni// dur khrod dben pa'i bde gnas su// rang sems dben pa'i mtshams bcad la// dur khrod rgyu la zod pa bya// mu khyud bzhi dang ldan par bskor// lte ba gru gsum mA ra nr-i// gnyis pa rdo rje rgya gram la// ye shes sprul pa las bdag yum// gsang ba'i snying po 'bru bzhi dgod// gsum pa 'khor lo rtsibs brgyad la// mtshan ma gcod pa'i spu gri dgod// phyi yi rtsibs bcu'i rtse mo na// nyi ma gcod pa'i 'bru bcu dgod// mtshon cha bsnol ma'i bar du ming // srid pa'i rus sbal lto bar bca'// sngags bzlas klu la gnod pa mnan// de nas bcom ldan 'das nyid kyi sku gsung thugs rdo rje las drag sngags dril ba 'di bton to// e dun ka yaM dgra bo'i srog la breng breng rbad// nr-i srog la dun dun rbad/ khaM shag rtsa la rbad/ srog la myogs rbad/ khyer phyung mug ti ling shag ling dza/ nyin gsum mtshan gsum sbyor ba brtsam// 'bru bzhi rtsa bzhi gcod par bshad// gzhan yang log tog gzhom pa ni// lha zor gzir gsum dril la dbab// gcan zan dar ma'i thod pa la// gdug pa gsum gyi khrag gis bsku// khrag gsum dug sna sngo snar bcas// sbyor ba sbal pa'i gsob tu bca'// yul dbus gdug pa'i rten la gzhug/ bco lnga dgu gsum bzhi la brtsam// mdung gang dmar zag sa sros dbab// lha srin 'byung ba dkrugs la dbab// e yaM ka dun srog gzir trig nan/ raM shar yaM phob dril phreM b+h+yo// spogs pa med pa'i las su bshad// gzhan yang thog rgod drag po'i las// nye bar gnam thog dril 'bebs pa// 'ug sgong sbrul shun ming bcas dang // gser sogs rgod snying mda' dang dar// me long gri rgod thod spos sman// sum bsgril drag po gcig bsdebs pas// gzhung 'phen gnad 'phen gnad la dbab// 'bum phrag bzlas la brgya bar bstim// gong gi dus tshod nyer bar 'phang // gnam thog chen po'i las kyi mchog/ ka yaM e dun phreM shar sing bkrol/ dral chems yaM raM khas b+h+yo mA ra ya rbad// bde ba'i rgyal po sbyor ba'i mchog/ rig pa'i klong nas 'phen cing 'joms// gzhan yang ltas ngan dbab pa'i las// bya dang gcan gzan thod chen la// ltas ngan khrag gis kha mig bya// brnag pa'i mkhar dang ming rus bris// bdun khri bdun stong bskor re thun// tshes dang za ma skar ma ni// nag po sme ba gcig la gtad// them 'og 'gram bres lam du mnan// dgra bo sarba yengs dum ling / hab phob nan// drag sngags las kyi rgyal po mngag/ gzhan yang srung ba'i las 'di gsungs// dur khrod ras sam shog gu la// sbyor ba lnga dang tsha ba dug/ las kyi 'khor lo mu khyud bzhi// dbus su gru gsum zla gam gsum// phyi rim rgya gram ra bzhin ldan// yang logs mu khyud zlum po chu// tha ma rtsibs chen bcu gnyis ldan// srid pa'i khyams khang lto bar bca'// gnas shing dgod pa 'di lta ste// gru gsum gang 'dod snying po ming // zla gam gsum la stong pa'i ming // rgya gram rtsa ba'i 'bru bzhi dgod// mu khyud rbod gtong gdug pa'i ming // bcu gnyis rtsibs la spu gri sbyar/ kha sbyar dar dang sngon dmar bsdam// dur ma gru gsum ling+ga mnag/ phyag rgya zil gnon gsal byas la// zhag lnga bskul zhing mchog phur gdab// nad pa bdug la phying pas dgab// thon nas bka' rten gnyen sar mnan// gnod pa kun gyi sbyor ba gcod// drag sngags sbyor ba las tshogs brgyad// sarba tsit+ta ro myags kha tham/ 'drid phyung shag rbad srog la breng shag dun/ dun e raM hur thum dzaHdzaHsa nA ga snying gzer sbur nan/ khaM shag rtsa la rbad sa nA ga dzaHsa nA ga thum/ sa na ga rbad/ sa na ga tsit+ta ro myags kha thums/ 'drid phyung shag rbad/ srog la hur thums rbad/ khaM dza la raM/ a rba sha truM nan/ 'drid yaM bzlog sbur nan trig nan/ e ka yaM shig 'drid phyung / khaM shag trig nan/ sbur nan/ sarba sha truM stam+b+ha ya na sha ya nan phaT/ las rnams rgyas pa'i rim pa ni// che ba dril ba'i las tshogs 'di// thun mong spyod pa'i las su bshad// srog dmar len spu gri'i rgyud las thun mong gi las bshad pa'i le'u ste bzhi pa'o// / a pra ma shaH/ de nas bcom ldan 'das kyis khyad par gyi sbyor ba'i las 'di gsungs so// brda' don thabs kyis dgrol ba'i las// ba dang 'o ma zho dang mar// zhun mar snum gyi snying po bcud// snying po la sogs bzhi gnyis ldan// yengs med bstan pa bgrod pa'i stobs// dmar len sngags kyi snying phyung yin// gong mthun rgyu las 'khor lo bca'// dpa' brtul drag po'i stobs kyis spyad// gdug byed phag mo'i lto ba ru// srid pa'i khyams khang srog sdud bca'// khyams khang lto na brnag pa'i gzugs// spyi gtsug snying gar mtshon cha bca'// mu khyud bzhi dbus ming rus bri// phyi rim rgya gram rtsa ba'i sngags// yang logs bcu gnyis spu gri mtshon// mu khyud ming rus lto sbyar/ bsad// rus sbal lto na mtshon cha'i rtsibs// rtse mo nang bstan spu gri bzlog/ phag mo'i lus la mnan pa'i sngags// 'bru bzhi srog dang a mu ka/ bskyod pa'i yan lag dbugs la zhon// don gnyis bsdus la sbyor ba bya/ kha sbyor dur ma brnag pa'i gzugs// chu rkyen drug cus rgyas cang tsog pur bzhag/ snying gar mchog phur ya mas gdab// bsgom bskul drag sngags bsnol mar brdeg/ rab kyi rkang zon bsnol mar gcod// 'bring gi bcu bar bsnol mar brdeg/ dman pas brgya bar bsnol mar gcod// dug lnga sku lnga ye shes lnga// gsang lam sgo dgu rtsa lam bsdug/ bde ba'i ye shes rang la gsal// 'pho ba gsum gyi brda dang sbyar// dmar nag rtog pa'i khrag dkyil nas// bsdu ba'i yi ge gsum gyis 'phrog/ tsa na'i 'bras bus rten la thim// thod par snying po bcud sdud bya// klu la bcud par 'gran zlar gtad// gzhan du bcud dang spu gri sbyar// yi ge byin can steng du brtag btab kyang // phyag rgya chos sku sprul bsam yas// thob cing bgrod pa sngags kyi stobs// de nas bcom ldan 'das nyid kyi// sku gsung thugs rdo rje las/ mchog gi drag sngags 'di bton to// srog la rtsa khrag snying thums ril nan ri shag rbad/ nr-i srog hur thums dza/ bsad pa'i sbyor ba drag po'i las// nye bar gcig dril bsdeb pa'o// gzhan yang gab sbas brnag pa'i las// rgyal blon stobs can yul srung la// rten gyi gzugs brnyan rgya shog la// phag mo dang ni sdig pa'i lto ba ru// mu khyud rim pa bzhi bzhir bskor// dbus su ling+ga lus la bca'// nr-i dang rgya gram rtsibs bcu drug/ rtsa ba spu gri ming rus khams// 'chas la ling+ga'i steng du brnag/ nyin zhag phrugs gcig gsum du brnag/ mtshon cha'i brdeg thabs snga ma bzhin// rngam tshig lus bskyod lu mar gtad// drag sngags sbyor ba 'di lta ste// dgra bo'i srog la hur long rbad// nr-i rtsa khrag thibs hur thums dza// ming dang gzugs kyis rims dal 'bebs// rgyal ba'i ye shes brnag rnam mang yang par bshad// gzhan yang mdze rims dbab pa'i las// sbal pa'i lto bar brnag pa'i gzugs// snying gar nr-i dza ya mA ra ya rbad// bkod la mdze can khrag gis bsku// dkar nag gdug pa lto sbyar la// sdig pa phag mo'i lto ba ru// mu khyud bzhi bzhi rgya gram rtsibs// gong bzhin bkod la kha sbyar bca'// klu nag sdig pa'i snying gar gtad// drag sngags 'bum tsho dgu ru sbyar// de yis mdze rims yams su 'babs// thod pa mdze can dmar chod la// spos chen gu gul bdud rtsis bsang // drag sngags sbyor ba gnyis su bsdeb// e ga tsa thun khrag yaM rngubs shig/ srog la baM ri la raM shag rbad/ dza nA ga dzi la baM hur thums dza/ nr-i dza la dzi baM tsit+ta khas/ nA ga raM baM nan/ dza la 'bar ba'i las su bshad// gzhan yang lo tog 'joms pa'i las// nye bar spogs med gcig tu dril// sde brgyad kun gyi mthu bsdus nas// thod pa gsum la ming gzugs yul// sbyor ba bsdus la gta' ma gzhug khrag dang phur pa mon zod du// sngags bstim 'bum rdzogs dbab pa brtsam// dug khrag bya phag gsur chen brun// du bas gzugs gzir lcags phur gdab// rang nyid phyag rgya zil gnon bsgom// drag sngags sbyor ba dril la brdeg/ e ka ya rngubs shag mugs ru myags/ phrom phreM shar shar/ hri nA ga snying gzer sbur yaM thun ya shag hril b+h+yo/ khyad par gdug pa'i rten la gzer// lnga bcan bstan la ze brang gzir// 'jig rten log rtog 'joms par bshad// srog dmar len gyi rgyud las/ khyad par gyi le'u ste lnga pa'o// // aH/ sha ma ldan// / de nas bcom ldan 'das kyis snying po mchog nye bar dril ba 'di gsungs so// 'jig rten dregs pa'i mthu bsdus nas// nag po bde ba'i 'bru la dril// rno dpal mtshon cha'i rgyal por bca'// sngags kyi lus la spu/ gri gdags// rang gnad phyag rgya 'jig cing 'pho// sngags pa bon po rigs med la// rang bdud phyag cha rang bdud 'bebs// de yi sbyor ba rgyas pa ni// chos sku bde ba'i rang bzhin las// bde ba'i ye shes rang shar ba// bde ba'i thig le mnyam par rdzogs// gnas pa'i 'khor lo bde bas 'degs// bde ba chen pos 'khrul pa 'joms// dge bcu ma yengs mtshan brjod pa// bdud dang gshed ma rlung las bslang // gzugs brtan 'khor lo ma yin te// gang yin snying gi 'khor lo la// drangs ma bzhi la gsang gshed bzhi// rtsa phran brgyad la phyi nang gshed// mdud pa bzhi la mtshon cha'i dpal// rtsa phran yang logs 'chi bdag bdud// rtsa sgo gzhan tshogs b+h+yo rbad nan// 'dus pa gsum la yab yum e// dkar nag chags pa rten gzhi'i 'bru// bskul bas rang rgyud gshed du ldang // ma yi khong nas rnam shes 'phrog/ 'bru gsum lcags sder 'dzings pa'i tshul// rtsa dang srog bcad lus srog dbye// tsit+ta'i dkyil nas 'bru gcig sprad kyang 'phrog cing sdud// de yis rang gshed rang la 'bebs// de bzhin lus kyi 'khor lo la// phung po lnga la srog bdud gshed// gtso bo gsang ba'i gshed bzhi ldang // rnam shes tshogs brgyad phyi nang gshed// yul brgyad de bzhin gshed mo brgyad// bzlas pa'i rkyen gyi rgyud las ldang // skye mched bcu gnyis 'chi bdag bdud/ khams chen bco brgyad sgrol ging bdud// yan lag bzhi la bla rkun bzhi// so dang sgal tshigs sha za'i tshogs// bzlas pa'i rta bskyod yi ge bskul// rang gi bdud po rang la dbab// gshed rgyud phyi yi bdud du dbab// b+h+yo bzhi gnad kyis gang bsgrub pa'i// mkha' 'gro gzhan tshogs gzan la 'bebs// phyi rgyud bdud kyi 'khor lo bshad// de bzhin gzugs brnyan 'khor lo yang // zhe sdang sdig pa'i lto ba dang // phrag dog bse yi sbal pa la// ltor bar sngags pa'i gzugs bris la// snying gar mu khyud bzhi ru bskor// rgya gram bzhi dang rtsibs bcu drug/ mtshon cha phyi nang brtse sprad la// ming rus snying po rten la brdeg/ gshin rje la sogs gang 'grub pa'i// rnam shes 'bru re dbus su 'pho bob kyang // mchod rten nag po'i 'og tu gnan// las 'di gu h+ya a ti rgya// de nas bcom ldan 'das nyid kyi sku gsung thugs rdo rje las rang gshed skul ba'i drag sngags 'di bton to// srog la rbad/ thums ril zad/ rtsa khrag tsit+ta phyung / nr-i srog la hur thams dza/ bod pa dngos a mu ka/ rnam shes 'bru re dbus su dgod// bdud dang gshed po rang las ldang // ho phan srog 'dzin las su bshad// srog dmar len spu gri'i rgyud las rang gshed rang la 'bebs pa'i le'u ste drug pa'o// ta any+dzaH// de nas bcom ldan 'das kyis srin mo lcags zag mgo dgu ma'i sbyor ba 'di gsungs so// rgyal ba'i bka' las 'das pa dang // mtshams med lnga la spyod pa dang // dgon pa'i gnas su phra ma dang // dam chos dge bcu smod pa dang // bden pa'i don la log lta spyod// de tshe sngags kyi dmod pa bor// rten gsum sngags kyi 'khor lo bca'// lus srog gnam thog 'bras bu 'joms// rgya shog dar ram ro ras la// phag mo sdig pa'i lto ba ru// thig bzhi brnag pa'i snying gar bskor// gru gsum rgya gram rtse mo dgu// de bzhin nang du rtse bstan dgu// rgya gram e grangs rtsa ba brgyad// mtshon cha'i rtse la spu gri'i so// phyi nang mtshon cha bsnol mar dgod// dbus dang mtshams su brnag pa'i gzugs ming yang / kha sbyor tshon skud dong rtsar brnag/ rang nyid che ba'i nga rgyal nas// mdun na lcags thag mgo dgu ma// dbu dgu steng ma bya yi dbu// dur bya khra dang bzhad kyi dbu// nang khrol glo snying za zhing rngam// bar gyi dbu gsum dud 'gro'i dbu// dom dang dred dang chu srin dbu// rtsa gcad khrag dang nang khrol za// rtsa ba'i dbu gsum khro mo'i dbu// g.yas dkar g.yon dmar dbus mthing la// mche ba zang yag mi ro za// spyan nas khrag 'dzag dug rlangs shangs// sku stod zhing lpags thod pa sbrul// sku smad re lde dril bu khrag/ g.yas dgu mngon bsgral snying khrag 'dzin// g.yon pa dgu na thod zor bskyod// stag dang sbyang ki ba glang mon// dred mo snrel ma khyi dang phag/ 'thom nag g.yas pa dug khrag zor// zhabs brgyad dregs pa'i snying gar brdzis// 'gro ba bsgral phyir gar stabs 'gying // skra dang kha spu me ru 'bar// de la bka' bsgo bskul zhing mngag/ dgu bskor thun gyis mngags pa yi// las grub mtha' ru gzir la mnan// brag dmar srin mo'i sgrom du gtad// dus bzhi las kyi kha gso bya// de nas bcom ldan 'das nyid kyi sku gsung thugs rdo rje las rno myur spu gri'i drag sngags 'di bton to// e be raM khri shig tsin+d+ra rngubs/ dgra bo'i srog la thun rmugs ling shag rbad/ stobs can thams cad nye bar 'joms// rno myur las kyi brnag par bshad// gzhan yang lo tog gzhom pa'i las// dme thod nang du me long bsar// gser dngul zangs lcags rdo nag @bzhag/ ra dmar nal bu khyi nag snying // steng du gling bzhi rtsibs brgyad dgab// de steng srin mo mgo dgu'i sku// mthing nag dar gyis bkab la bzlas/ khrag sna gsum dang dug bsres la// ling+ga ming byang g.yag ru gzhug/ smyug ma tshigs gsum smin pa la// ltas ngan sgro yis bsgron la bzhag/ zhag lnga'i bar du drag sngags bzlas// gser mde'u zhu zhing 'phan chad na// mda' bcas blug la dgra la brdeg/ srin mo drag tu bskul la 'phang // drag sngags sbyor ba brtul zhugs bskrad la yang bstims// e baM raM khr-i shig tsit+ta rngubs/ hu ra tog phreM shar dza/ laM raM sma sha hril hur khaM sho yengs phreM shar seng khrol b+h+yo// gnam thog chen po dbab pa'i las// nye bar gyur pa'i sbyor ba bshad// gzhan yang srin mo g.yel ba na// grog mkhar rgya tshil sa dmar la// bong bu'i bdud rtsis legs spras la// srin mo mgo dgu'i gzugs brtan bca'// snying gar gru gsum snying po gzhug/ drag sngags bzlog la stobs kyis gzir// srin mo bos la khrag gis bran// phur pas bsdigs la dbang du bsdus// srin mo bka' nan zhabs 'og gzhug/ gzir ba'i sngags 'dis khri ru brab// phur pa 'dril la be con brdung // e ka ya ma baM raM khr-i shig tsit+ta rngubs/ ya ma rag sha hur thums dza/ dun dun trig nan/ de yis ma mo dbang du bsdus// rang dbang med par las la mngag/ sngags dang bdud rtsis srin mo gso// ling+ga ming rus brnag par gzhug/ zhag gsum thun brab ro khung mnan// 'byung ba dkrugs la gnam sa sbyar// drag sngags brgya par thun du brang // lus srog tsit+ta'i sgo phye nas// lha dang rang sngags bdud du 'bebs// sha lpags go cha bral nas bshig/ rtsa dang srog zungs bcad nas skems// tshe srog dwangs snyigs phye nas sdud// brnag pa'i las kyi mtha' ru phyin// drag sngags sbyor ba bskul la brdeg/ e khr-i baM rngubs raM ta tsit+ta khr-i/ dgra bo'i srog la mA ra rbad/ hur thum dza/ kun gyi mtha' ru 'di sbyar na// brnag pa'i lus srog 'byed pa yin// srog dmar len spu gri'i rgyud las srin mo shel gyi dmod pa'i le'u ste bdun pa'o// sA sha stuHnAkyang \u0f7f// de nas yang bcom ldan 'das kyis srung ba thams cad kyi mchog tu dril ba 'di gsungs so// thabs ldan bde ba'i snying po mchog/ byin rlabs kun 'dus drag po'i brda// lhun gyis grub pa'i ngang nyid las// zil gnon phyag rgya sngags kyi mchog/ snying po srog dang brda mi sbyar// tsit+ta'i dkyil nas 'bru gcig 'phrog/ dug rlangs zhen pa'i stobs dang dbyung // las dang sbyor ba nus pa gcod// spyi dang sgos srog rang gnad 'phrog/ rten gyi mtshon cha gnas su dbab// phag mo sdig pa'i lto ba ru// mu khyud gsum bskor rgya gram e// nyi shu gnyis rtsibs gdug par ldan// gru gsum gang gnod gzugs dang ming // rgya gram de bzhin rtsa ba'i sngags// mtshams dang gsang mdzod re'u mig/ nyi shu gnyis la spu gri'i so// lto sbyar phag thod dug khrag brnag/ zhag gsum sngags bzlas bsreg la mnan// gang 'dod ming dang snying po bsdeb// gzir dang dug dbyung srog 'phrog gcod// sbyi srog sgos srog 'bru gsum dbrog/ 'bru gsum mtha' ru sbyor ba gcod// 'di med las sogs yug pa brkyang // 'di de bde dang smin pa'i mchog/ de nas bcom ldan 'das nyid kyi sku gsung thugs rdo rje las srung ba'i mchog tu dril ba'i drag sngags 'di bton to// e myags ya rngubs mug shag ka dun/ snying gzer sbyar nan/ ha la ha la tsa ma ri phyung / e hur thums dza/ khaM shag rbad/ shrI badz+ra kro ta/ au ya ma ya/ dun ting gi la ya/ ma ma ru lu ru lu ma/ ti ra ti ka du/ ru tra da/ dun ting me/ de ba a/ rak+ka ra/ rak+Sho ma/ ru tra nr-i/ yak+Sha k+Sha/ ya ka mo k+Sha/ rA tsa tsa/ mun mun pa/ badz+ra sA d+hA tri/ haM shaM tri/ ru ti ru/ sa nA ga pu/ dza ya dzaHra ti ra/ ya ru sta sta/ pra ti ya sti/ rtsa ba spu gri rno dpal mtshon// bgrod pa'i phyag rgya stobs med na// rang gcod 'ching ba'i rgyu ru 'gyur// stobs ldan bgrod pa'i gdeng ldan na// rno myur sbyor ba kun 'joms yin// rtsa ba bcu gnyis dmar len mtshon// las kyi mchod chen rang bstan shis// mtha' ru bdug bran bum pas sbyang // phyi nang nad bkrus ye shes chus// phyag rgya gcig pas nus pa bskyed// drag po'i rang bzhin btsan thabs gzir// 'chi med dus kyi sbyor ba 'joms// 'di ni srung ba kun gyi mchog/ rgyal ba'i thig le 'dus par bshad// de nas bcom ldan 'das kyis sbyor ba'i mchog tu gsang ba 'di gsungs so// sme gsum tsha chus rgyu byugs la// gdug pa'i me la bdug la bca'// dug dang bse yi sdig sbal gnyis// lte bar brnag pa'i dbang po dgod// snying gar mu khyud bzhis bskor la// gru gsum zla gam rgya gram rtsibs// gdug pa'i ra bas de bzhin gdams// gri skud mdze yams mche ba'i mtshon// rgya gram gab sbas rtsa ba'i sngags// drug gnyis nang ldan gsod pa'i mtshon// zhe sdang bzhi stor mnan gzir brgyad// dbus dang ra 'ug ming rus khams// zla kham lha dang srung ba'i ming // rtsibs mtshan mtshon cha gnod pa'i ming // dug khrag tsha ba'i stobs bskus la/ kha sbyar thod chen rgya gram e// gru gsum ming rus gdug pa'i srog/ brten drug sa spyad sor brgyad dod// thod par bsdus la 'brub khang rtsang // skye ba'i rtsang la mthing nag dgab// rang lus phyag rgyar gsal byas la// zhe sdang kun khro khams gsum sgrol// sdang dang gnod byed ming rus dbye// zhag gsum rngam tshig drag pos bskul// dbugs kyi rta bskyod yul la 'phang // gsang sgo bu ga rten la 'jug/ dkar nag rgyu la yi ge bslang // srog bdud mtshon cha rang gshed bskul// sngags kyi dbab kyis srog zungs gcod// 'od 'phros khrag dang bag chags skyems// dwangs ma'i thig les gnyis med grol// tsit+ta khrag sbal tsa na'i 'bru// rno myur mthu gsum 'bru yis 'phrog/ kun gyi rnam shes rten la rbad// 'khor lo thod pa gzir la bca'// 'dra'i sdig sngal/ sbal/ lto bar gzhug/ gnyen sar srog gzir pho nyas dgug/ zod steng rtsang phur dgu thog dbang // las tshogs dmigs pa go ba bzhin// de nas bcom ldan 'das nyid kyi sku gsung thugs rdo rje las sgrol ba drag po'i sngags 'di bton to// oM yaM raM baM khri shig be dun/ dgra bo'i srog la zum ril rtsa rbad/ tsit+ta rbad hur thums dza/ srog la sha truM stam+b+ha ya nan/ sbyor ba kun gyi rgyal po 'di// gab sbas mthar zug tsit+tar bstim// ma rig gnad mtha'i sbyor ba yin// srog dmar len gyi rgyud las khyad par rnam pa gnyis kyi le'u ste brgyad pa'o// gya rga thaH// de nas yang bcom ldan 'das kyis phrin las thams cad kyi rjes gcod du sbyin bsreg gi sbyor ba 'di gsungs so// man+dal phungs dug chu yis// tshad dang ldan pa brtsig par bya// dug dang tsha ba khrag gi byug/ phung sa grog mkhar ro bsregs sa// sme ba dang bcas zab khung bca'// rgyas pa'i steng du zhi ba'i zab// de steng dbang ste kha khyer ro// dang po mtho gang mdzub kyis dman// kun stengs e yi zab khung la/ khru gang kha khyer gsum du bca'// thod pa me ri rtsang dang ldan// zla gam rgya gram rtsibs bcu drug/ mtshon cha sngon po re kha dmar// tha ma me 'od zod pa bcu// phur pa bcu dang ldan par bca'// ling+ga'i snying gar khru gang shing // yam shing lcang ma se ba skyer// drag po'i shing dang gdug rtsub drag/ 'o ma sbrang dang bu ram 'bras// gur gum gla rtsi g+hi haM mtshal// sha chen rta sbrul nya sbal sha// nyung dkar til nag gri bo'i khrag khyi phag spyang tshil sha sna chang // dug gi ril bu brgya ming sbyar// bdag lus hom khung bum pa la// lhun gyis grub pa'i sku gsal bya// thab khung mdun du me lha ser// me dar gun phreng g.yas g.yon na// bka' sdod mngag na las byed pa'o// bla rkun kun blang yang rgun bslang thun gzir dbab// mtshon brdeg stabs la me la dbul// lan grang brgya'am nyi shu gcig/ nyin dang mtshan gyi gung la brtsam// rdzas rgod bdug la phying pas dgab// khrus dang lha ru nye bar sbyar// rtsang phur bskor la chags pa dpral// thun dbab mtha' ru thal 'jim 'phang // gang brtsam las kyi mtha' ru gdags// rnam bzhi'i las de lhun gyis grub// lha spyod dman pas 'ching bar 'gyur// de nas bcom ldan 'das nyid kyi sku gsung thugs rdo rje las gsang sngags 'di bton to// swA hA swa sti ya shAn+ti/ ba shaM hri ya/ puSh+Ti ba ra/ mA ra ya rbad/ las 'di bya ba kun dang ldan// bsreg pa'i las te snying po'i mchog/ srog dmar len spu gri'i rgyud las brnag pa'i rjes gcod pa'i le'u ste dgu pa'o// rdzaHmras// / de nas bcom ldan 'das kyis las thams cad kyi kha gso 'di gsungs so// mon nam gri bo'i thod pa ru// ling+ga'i ming rus khrag sna brnag/ thod pa dug chu dpa' bo'i don// zhag gsum thun brab brgya pa rgyas bstim// dmod pa'i rngam tshig bskyod pas dbab// de nas bcom ldan 'das nyid kyi sku gsung thugs rdo rje las gsang sngags 'di bton to// dgra bo'i srog pa baM ril kha thun yaM rbad/ dgra bo'i srog la thun shag rbad/ dgra bo'i srog la gzer thun raM thun rbad/ dgra bo'i srog la mA ra ya thun zad/ skya rengs brnag pa'i yul la 'phang // tsha tsha dgu gling gyur la dbab// rgyu srog drag po'i sbyor ba bya// srog dmar len spu gri'i rgyud las bskyod pa zor gyi le'u ste bcu pa'o// batha thaH// / de nas bcom ldan 'das kyis bde ba'i ye shes rang yang 'char ba'i don 'di gsungs so// bde ba'i gnas la rang gnas pa// lus sems bag dal mnyam gnas la// ma yengs ma bskyod rang sar gnas// sgra med brjod bral tshig bral stong // rang sems ma bcos gnyug mar gnas// blo zhan gzung ba'i rim pa yis// lus la sems 'phrog ye shes te// ma bskyod ma bslad spros med pa// ma bcos chos kun lhug par gnas// bde ba rang nyams brtan pa yin// chos dbyings bskyod du med pa'i ngang // rang byung rgyal po bde chen nyid// sangs rgyas kun pas sngar sangs rgyas// yin pa med par khyab gsal ba// snang ba chos sku lhun grub yangs// byung tshor ye shes rang rig gsal// bya med bgrod thabs bsam yas pa// rtag chen mi 'gyur stong pa nyid// skye med rnam dag kun gyi dngos// bde chen nyid las gzhan med pa'o// srog dmar len spu gri'i rgyud las bsam gtad rang grol gyi le'u ste bcu gcig pa'o// zas phaTaH// de nas rig pa khyad par can gyis stan las langs nas bcom ldan 'das la gsol pa/ snying po don gyi rgyud 'di la bshad pa'i yan lag du dang ldan/ che ba'i yon tan gang ltar lags// bde ba chen pos bshad du gsol// zhes zhus pas bcom ldan 'das khrag 'thung gi rgyal po bde ba chen po des/ chos nyid kho na'i byin rlabs las// yan lag dang po rgyas par gsungs so// rgyud kyi rang bzhin dgos 'brel yin// 'brel ba rang byung rang rig las// 'bras bu sangs rgyas lam gyis 'brel// lam zhes bya ba gnyis yin te// zhi ba byang chub lam gsum dang // dmod pa drag po'i lam nyid do// de dag bshad pa gsum du rig/ 'khor ba rang grol man ngag dang // gnas pa rang rgyud man ngag dang // bde ba kha sbyor man ngag go// dang po bshad pa 'di lta ste// bdag nyid zil gnon lhun gyis grub// phung po de nyid gtso bo gshed// gsang bdag ya ma rus sbal khyung // 'byung ba gsum lnga shes rab gsal// rnam shes phyi nang gshed brgyad grub// skye mched bcu gnyis 'chi bdag bdud// khams la gying chen bco brgyad rdzogs// yan lag bdud kyi phonya bzhi// so dang sgal tshigs sha za'i tshogs// 'dzin pa rang grol lam gcig 'grub// rang byung ye shes ye sangs rgyas// gnyis don rgyas bshad che ba'i ngang // snying la chos kyi 'khor lo nyid// dwangs ma bzhi nyid si ri brgyad// drug/ brgyad/ gnyis bcu drug ya ma'i klong // gshed bdag yab yum gsang gshed pa'i// brgyad la phyi nang gshed kyi tshogs// gzhan la 'chi bdag ki kang tshogs// lhun grub sangs rgyas rang las 'char// skye med rnam dag stong pa nyid// ye shes rang gsal che sangs rgyas// bde ba chen po'i don rgyas pa// thabs dang shes rab mnyam rdzogs pa'i// rig pa bde ba gsal sbyangs la// rkyen gsum rang sdud gnas sbyangs bsregs// bde ba'i ye shes 'od du 'phro// gnyis sprad ru bzlog khams lngas sbyangs// dga' bzhi bde skyes bgrod pa thob// nyi zla thig le mnyam pa'i sku// sangs rgyas spyi gzugs stong pa'i mchog/ ge sar lhun grub 'khor rnams rdzogs// byang chub myu gu bde sangs rgyas// gnas gsum mnyam nyid gcig tu gnas// 'dod chags chen po'i tshul gyis su// ye shes 'khor lo bde ba bsdu// yongs su gyur nas bde chen sku// grub par bya ba'i yul la gzud// yongs su gyur pa'i chos skur gnas// zhi ba byang chub lam du bshad// dmod pa drag pos grol ba ni// phung po rnam shes gsod pa'i gshed/ khams dang skye mched 'chi bdag bdud// tsit+ta sngags tshogs mtshon cha med// chags pas rang bdud bslu ba'i gshed// ma lus kun gyi sdig pa bgos// nye bar gyur pa'i yan lag yin// zhing bcu'i srog dang rnam shes sdud// thugs rje rgyun gyi sgrol ba yin// rtog pa gnas sbyangs sngags kyi 'od// mngon par sangs rgyas bde ba'i mchog/ mtha' gsum gcig gi ngang du bshad// srog dmar len spu gri'i rgyud las rgyud kyi don bshad pa'i le'u ste bcu gnyis pa'o// srarbaHthaH// de nas bcom ldan 'das kyis yon tan lhun gyis grub pa'i rgyud 'di gsungs so// snang srid pho brang gdal ba la// lhun grub sangs rgyas kun 'dus pas// bde ba chen po'i ngang la gnas// ye shes 'od kyi gang bu las// 'pho ba thabs kyis gar bsgyur bas// rtog 'dzin rang grol bde sangs rgyas// sbyor ba sna tshogs rol par 'dus/ khro bo'i gar dgu tshul dgu 'bar// rgyan dgu chas dgu bde ba gcig/ nam mkha' rgya mtsho rin chen me// sa gzhi ri rab kun mnyam rdzogs// rgyu med 'bras bu ye sangs rgyas// sems can sangs rgyas gnyis med grol// rkyen med las tshogs bsam dpag dka'// rang sngags dbugs rgyun las la slong // rten med dmod pa bskul bas 'pho// chos nyid pho brang bde bas mnan// rten can rang las bdud gnad bslang // gsum gyis srog bsdus par snang dgag/ sbyor ba thun mong 'khor lo rdzas// sa yi dmigs drug rten la mnan// rten drug gnas pas bde chen bgrod// bde ba'i rgyal po rang la 'char// sbyor sgrol bya/ ba kun spyad kyang // 'bras bu ye nas sangs rgyas nyid// 'dod chags bde ba chen por gnas// ye shes 'khor lo yongs rdzogs sdud// rdo rje gsang ba'i lam las drang // gnyis med bya ba mo la gzud// 'dod chags nyid ni ye shes te// phyag rgya bsten pas rang grol ba'o// bskul ba'i rkyen dang de nyid las// bde ba'i ro yis gang zhing 'bar// gnyis su med pas mnyam sbyar bas// dbugs dang tshor bzhen chags bral// chos sku 'gag med lhun gyis grub// srog med srog kyang gcad du med// srog nyid ye nas rgyun mi 'chad// ma g.yos g.yos med g.yo ba med// ma sbyangs sbyang ba med pa'i mchog/ zil gyis gnon pa'i sa ru bstan// sa ni sra byed rdo rje'i sa// srog ces bya ba 'khrul pa ste// 'gyur ba med par lhun gyis grub// ma btsal bgrod thabs med pa'i sar// thig le gcig gi ngang nyid las// bde lam 'jog po brgyad ldan pa'o// rang nyid lhun gyis grub pa'i sku// dbu gsum phyag drug zhabs bzhir bgrad/ khams gsum rnam thar sku gsung thugs// mtshan ma dag nas 'bras bu grol// pha rol phyin drug rnam dag phyir// rigs drug mngon par sangs rgyas grol// zhabs bzhi skye mched rnam dag nas// tshad med bzhi dang rdzu 'phrul rkang // sku chen rngams pas phung po'i bdud// bcom nas ye shes lhun gyis grub// 'bras bu chos nyid rnam dag grol// phyag rgya tshul dgu chas dgu yis// chags sdang lnga dang skye mched bzhi// mtshan dang dpe byad gnas su grol// ngo bo nyid du ye sangs rgyas// yon tan 'phel 'grib med par bshad// srog dmar len spu gri'i rgyud las yon tan che ba'i le'u ste bcu gsum pa'o// swa nathaH// de nas bcom ldan 'das kyis 'khor la gdams pa 'di gsungs so// e ma ho chos sku byang chub sems// lhun grub gdal ba'i pho brang nas// ye shes thig le rdzogs pa'i sku// sna tshogs snang la ngos gzung med// e ma rang byung skye 'gag dben// gnas med 'gyur ba med pa las// las kyi sbyor ba du ma kun// snang stong gnyis med lhun gyis grub// e ma 'khor gyi dam can kun// nga yi bka' rgyud dam pa zung // nga yang dam las mi g.yel bsrung // grol bas rang byung lhun gyis grub// e ma gab sbas gsang ba'i don// rig pas bgrod pa'i bde ba thob// rmongs pas rang 'ching 'khor bar 'khyoms// bgrod pa'i rtsa las yang dag 'byung // don ni rnam pa gsum du bsdeb// spyi dang thun mong khyad par ro// spyi la gsum du yang dag ste// lus dang spu gri 'dod pas bsdeb// gzir bzlog rang bsrung gzan la dbab// dang srog gshed rtsa srog lus 'byed// gzir dang srog dbrog sbyor ba bcad// gnyis pa thun mong las 'di dag/ bsgrub pa rgyun dang gsad pa dang // drag po gang sbyor dbu ru bton// sngags dang 'khor lo man ngag bsdeb// gsum pa man ngag drag po nyid// bcu gnyis lus la dmar len po// bsdebs pas kun 'jom shis pa'i mchog/ 'bru brgyad lus las drag po'i so// bsdebs pas rno dpal yul la gcod// 'bru bzhi lus la brgyad spu gri// btags pas rno myur rang gcod yin// mchog dang phag mo nye bar bsdeb// srin mo dam sri rang gcod gnyis// mtshon cha bsnol mar bsdeb na rab// gsang sngags ngo bo 'khor la gdams// bsrung ba'i mchog dang gsad pa'i mchog/ bskyed pa thun gyi drag sngags bsdeb// nyin dang mtshan mo'i mtshams su bya// don gnyis dngos su 'grub par gsungs// 'khor gyi tshogs rnams nga la nyon// rgyud rgyal drag po spu gri 'di// 'das dang da ltar ma 'ongs pa'i// sangs rgyas sems dpa'i chos srung kun// dam tshig dka' thub sdom la gnas// ting 'dzin drag po rngam par nges// ye shes rig pa'i pho brang nas// bde ba'i thig le rtsol dang bral// dbang phyug mnga' brnyes rol pa'i rgya// mtshon cha me rlung stobs dpag med// de yis thams cad 'joms shing 'pho// ye shes chen po'i phyag rgya yin// nga yi rgyud rgyal spu gri 'di// gsang ba kun gyi snying po gdams// gsang ba'i gsang brdud yang gsang gter// yang gsang mchog gsang snying po'i don// rtsa ba bshad pa rtsa ri bka'// dgongs don spu gri'i mthar zug rgyud// 'dir 'dus kam pa kyi ba lcags// spu gri thog mda' gnam lcags gzer// skyi 'dang ri bo rbab chen dug/ chen po lnga ltar kun 'grub 'di// nye ba'i 'khor la gdam pa zung // nga yi gsang rgyud spu gri 'di// bgrod pa gsum thob rang shugs thob// skye med rtsol bral rgyud la ldan// ye grub brjod pas gsang lam grub// dkar nag mtshams nas thim zhing bgrod// gnad kyi yi ge rang rgyud slong // rtsa srog dbugs rgyun gcod par byed// las dbang khrag dang bag chags skyems// dwangs snyigs bye nas gsang sgor bgrod// ye shes bde ba'i thig le sku// sangs rgyas sa la ye sangs rgyas// snyigs ma bag chags tsa na'i 'bru/ khrag sbal dang bcas dkar nag nas// yi ge gsum gyi gnad kyis 'phrog/ thod pa gsang mdzod rten la sdud// dam pa'i 'khor rnams legs par zung // bcom ldan 'das kyis gsungs pa la 'khor thams cad rjes su yi rangs te mngon par bstod do// dpal chen nag po'i rgyud drag sngags de kho na nyid/ srog dmar len spu gri las// 'khor la gtad pa'i le'u ste bcu bzhi pa'o// // snying po'i rgyud chen po rdzogs so// //