<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
F67: <br><table><tr><td>
<input type="button" onclick="location.href='tcompleteup.php?id=F67&coll=F&volcur=0';" value="show page break" />
<td width=150><td>
<input type="button" onclick="location.href='tcompleteul.php?id=F67&coll=F&volcur=0';" value="show line break" />

<td width=150><td>
<a href="tcomplete.php?coll=F&id=F67&volcur=0" style=font-size:25px;">Wylie</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">@##། སངས་རྒྱས་དང་། བྱང
་ཆུབ་སེམས་དཔའ་ཐམས་ཅད་ལ་ཕྱག
་ལེ།། འདི་སྐད་བདག་གིས་ཐོས་པ་དུས་གཅིག
་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཀྱི་ཕུང་པོའི་རི་ལ། དགེ་སློང་གི
་དགེ་འདུན་ཆེན་པོ་ཐམས་ཅད་ཀྱང་ཡོན་ཏན་ཁྱད་པར་དུ་འཕགས་པ་ཕུན་སུམ་ཚོགས
་པ་སེང་གེའི་སྒྲ་སྒྲོགས་པ་སྟོང་དང་། བྱང་ཆུབ་སེམས་དཔའ་སེམས་དཔའ་ཆེན་པོ།
་དང་། ཐབས་གཅིག་ཏུ་བཞུགས་ཏེ། དེ་དག་ཐམས་ཅད་ཀྱང་གཟུངས་རབ་ཏུ
་ཐོབ་པ། སྤོབས་པ་ཐོགས་པ་མེད་པར་གྱུར་པ། མི་སྐྱེ་བའི
་ཆོས་ལ་བཟོད་པ་མངོན་སུམ་དུ་བྱས་པ། ཕྱིར་མི་ལྡོག་པ་ལ་གནས་པ་ཏིང་ངེ་འཛིན་རྣམས
་དང་ལྡན་པ། མངོན་པར་ཤེས་པས་རྣམ་པར་རྩེན་པ། སེམས་ཅན་གྱི་སེམས་ཀྱི་སྤྱོད་པ
་ཚུལ་རབ་ཏུ་རྟོགས་པ་ཤ་སྟག་འདི་ལྟ་སྟེ། བྱང་ཆུབ་སེམས་དཔའ་ཉི་མའི་རྒྱལ་མཚན་དང་།
་བྱང་ཆུབ་སེམས་དཔའ་ཟླ་བའི་རྒྱལ་མཚན་དང་། བྱང་ཆུབ་སེམས་དཔའ་ཀུན་ཏུ་འོད་དང་། བྱང་ཆུབ་སེམས་དཔའ
་ཟླ་བའི་རྒྱལ་པོ་དང་། བྱང་ཆུབ་སེམས་དཔའ་ཤིན་ཏུ་མཐོ་གསལ་དང་། བྱང་ཆུབ་སེམས་དཔའ་རྣམ་པར་སྣང་བྱེད
་དང་། བྱང་ཆུབ་སེམས་དཔའ་སེང་གེའི་བློ་གྲོས་དང་། བྱང་ཆུབ་སེམས་དཔའ་རིན་པོ་ཆེའི་ཡོན་ཏན་འོད་དང་། བྱང
་ཆུབ་སེམས་དཔའ་དོན་ཐམས་ཅད་གྲུབ་པ་དང་། བྱང་ཆུབ་སེམས་དཔའ་སྔོན་གྱི་རྐྱེན་དང་ལྡན་པ་དང་། བྱང་ཆུབ
་སེམས་དཔའ་སྨོན་ལམ་དང་སྤྱོད་པ་ཕུན་སུམ་ཚོགས་པ་དང་། བྱང་ཆུབ་སེམས་དཔའ་སྟོང་པའི་བློ་གྲོས་དང་། བྱང
་ཆུབ་སེམས་དཔའ་མཉམ་པའི་སེམས་དང་། བྱང་ཆུབ་སེམས་དཔའ་དགའ་སྲེད
་དང་། བྱང་ཆུབ་སེམས་དཔའ་འཁོར་ལོ་མོས་པ་དང་། བྱང་ཆུབ་སེམས་དཔའ་གཡུལ་ལས་རྣམ་པར་རྒྱལ་བ
་དང་། བྱང་ཆུབ་སེམས་དཔའ་བློ་གྲོས་སྤྱོད་པ་དང་། བྱང་ཆུབ་སེམས་དཔའ་གློག་ཐོབ་དང་། བྱང་ཆུབ་སེཾས
་དཔའ་རྣམ་པར་རྒྱལ་བའི་སྤོབས་པ་དང་། བྱང་ཆུབ་སེམས་དཔའ་སེང་གེའི་ང་རོ་དང་། བྱང་ཆུབ་སེམས་དཔའ་རབ
་ཏུ་དབྱངས་དང་། བྱང་ཆུབ་སེམས་དཔའ་སྲེད་མེད་དང་། བྱང་ཆུབ་སེམས་དཔའ་སྤྱོད་པ་སྦྱར་ལ་མཁས་པ་དང་།
་བྱང་ཆུབ་སེམས་དཔའ་རབ་ཏུ་ཞི་བའི་སྤྱོད་པ་ལ་སོགས་པ། བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ནི་གཙོ་བོར
་གྱུར་ཏོ།། གཞན་ཡང་བརྒྱ་བྱིན་ལྷའི་དབང་པོ་དང་། རྒྱལ་པོ་ཆེན་པོ་བཞི་དང་། འཇིག་རྟེན་གྱི་ཁམས་མི་མཇེད་ཀྱི་བདག་པོ
་ཚངས་པའི་རྒྱལ་པོ་དང་། མཐུ་ཆེན་པོ་དང་ལྡན་པའི་ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ན་མཁའ
་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ལ་སོགས་པའི་འཁོར་ཚད་མེད་པ་རྣམས་དང་ཡང་ཐབས་གཅིག་ཏུ་བཞུགས་སོ།།
་དེ་ནས་དེའི་ཚེ་བྱང་ཆུབ་སེམས་དཔའ་གློག་ཐོབ་ཅེས་བྱ་བ་འཁོར་མང་པོ་རབ་ཏུ་ཞི་ཞིང་ཡོངས་སུ་དགའ་བ་དག་འདུས་པར་གྱུར
་པ་མཐོང་བར་གྱུར་པ་དང་། སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་བཙུག་སྟེ།
་། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ
་ཏོ། བཅོམ་ལྡན་འདས་བདག་ལ་ཐེ་ཙོམ་ཆུང་ཟད་ཅིག་མཆིས་ཏེ། དེ་ཞུ་བར་འཚལ་ན། དེ་བཞིན་གཤེགས་པས་ཐུགས་རྗེས་གསན་ཅིང
་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་གློག་ཐོབ་ལ་བཀའ་སྩལ་པ། དེ་བཞིན་གཤེགས
་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཁྱོད་ལ་སྐབས་ཕྱེས། ཁྱོད་ཅི་དང་ཅི་འདོད་པ་དྲིས་ཤིག་དང་། ཁྱོད་ལ
་ཡང་དག་པར་བསྟན་པར་བྱའོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་གློག་ཐོབ་ཀྱིས་འདི་སྐད་ཅེས་གསོལ་ཏོ།།
་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཇི་ལྟ་བུ་ཞིག་དང་ལྡན་པར་གྱུར་ན། སེམས་ཅན་གྱི་རེ་བ་ཐམས
་ཅད་ཡོངསུ་རྫོགས་པར་བགྱིད་ཅིང་། སྐྱོན་རྣམས་ཀྱིས་གོས་པར་མི་འགྱུར་བ་དང་། དབང་པོ་དང་རང་བཞིན་ཇི་ལྟ་བ་བཞིན་དུ་ཐབས་མཁ
་པས་སེམས་ཅན་དེ་དག་དྲངས་ཏེ་ལུས་ཞིག་པའི་འོག་ཏུ་ངན་འགྲོ་རྣམས་སུ་ལྟུང་བར་མི་འགྱུར་ཅིང་། གདོན་མི་འཚལ་བར་མཉམ་པ་ཉིད་རྟོགས
་པར་འགྱུར་བ་དང་། འཇིག་རྟེན་ན་གནས་ཀྱང་། པདྨ་བཞིན་དུ་སྐྱོན་གྱིས་གོས་པར་མི་འགྱུར་བ་དང་། ཆོས་ཀྱི་དབྱིངས་ལས་མ་གཡོས་པར
་སངས་རྒྱས་ཀྱི་ཞིང་ཀུན་ཏུ་རྒྱུ་ཞིང་རྟག་པར་དེ་བཞིན་གཤེགས་པའི་སྐུ་མཐོང་བ་དང་བྲལ་བར་མི་འགྱུར་བ་དང་། རྣམ་པར་ཐར་པ་གསུམ་ལ་རབ་ཏུ་གན
་ཀྱང་། སྙོམས་པར་མི་འཇུག་པར་སེམས་ཅན་གྱི་མོས་པ་ཇི་ལྟ་བ་བཞིན་དུ། སངས་རྒྱས་ཀྱི་ཞིང་གི་བཀོད་པ་ཡོངས་སུ་སྦྱངས་ནས། སྐད་ཅིག་མ
་གཅིག་ལ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ལགས། དེ་ནས་བྱང་ཆུབ་སེམས་དཔའ
་སེམས་དཔའ་ཆེན་པོ་གློག་ཐོབ་ཀྱིས། བཅོམ་ལྡན་འདས་ཀྱི་སྨན་སྔར་ཚིགས་སུ་བཅད་དེ་ཞུ་བ་ཞུས་པ། བླ་ན་མ་མཆིས་མི་གཡེ་གཙོ།། མཁྱེན
་དང་གཟིགས་པ་ན་དམ་མཆིས།། མ་འདྲེས་ཆོས་ལ་བཞུགས་ནས་ན།། འཇིག་རྟེན་རྣམས་ས་པན་འག།
་ཅན་ཀུན་ལ་སྙོམས་པར་གཟིགས།། འཇིག་རྟེན་ཀུན་གྱི་མགོན་སྐྱབས་མཛད།། ལོག་ཞུགས་ཡང་དག་ལམ་བསྟན་ནས།། མཐར་ཐུག་དེ་ལ་དགོད
་པར་མཛད།། ཡོན་ཏན་མཆོག་ནི་རབ་བསྩོགས་པས།། རིན་ཆེན་སྣ་ཚོགས་ཕུང་པོ་འདྲ།། འཇིག་རྟེན་ཤེས་རབ་ཉི་མ་ཁྱོད།། ཁམས་གསུམ་མཆོད
་འོད་གཙོ་བོ་ལགས།། ཐེག་པ་མཆོག་ནི་བཀས་བཤད་ནས།། བྱང་ཆུབ་ལམ་ནི་རྫོགས་པར་མཛོད།། ཞལ་མཚན་ཟླ་བ་ཉ་བ་འདྲ།། ཞི་གནས་དག
་ནི་ཕུན་སུམ་ཚོགས།། ཉེ་ཞི་ཆོས་ནི་རབ་བསྟན་ནས།། ཉོན་མོངས་རྣམས་ནི་ཞི་བར་མཛད།། བྱང་ཆུབ་སྤྱོད་པ་བཀས་བཤད་ནས།། སེམས་ཅན
་རྣམས་ལ་ཕན་མཛད་གསོལ།། སངས་རྒྱས་ཞིང་དང་སྐུ་ཚེ་དང་།། གཟུག་སྐུ་དང་ནི་འཁོར་རྣམས་དང་།། འཕྲིན་ལས་གསུམ་དང་ཆོས་རྣམས་ཀྱང་།
་ཐམས་ཅད་ཀུན་ནི་རྣམ་པར་དག། བཅོམ་ལྡན་བྱང་ཆུབ་སེམས་དཔའ་ཡི།། རྣམ་དག་སྤོད་པ་བཀས་བཤད་གསོལ།། ཇི་ལྟར་བདུད་ནི་གདུལ
་བར་བགྱི།། ཇི་ལྟར་ཆོས་ནི་བསྟན་པར་བགྱི།། ཇི་ལྟར་དྲན་པ་ཉམས་མི་འགྱུར།། ཁྱོད་ཀྱི་བཀས་ནི་བཤད་དུ་དུ་གསོལ།། ཇི་ལྟར་དཔའ་བོ་བདག་གིས་ནི།། འཁོར་བ
་ཀུན་ཏུ་ཞུགས་གྱུར་ཀྱང་།། མཚན་ཉིད་གཅིག་ལ་གནས་བགྱིད་ཅིང་།། ཆོས་ལ་རྟག་ཏུ་གཡོ་མི་འགྱུར།། ཇི་ལྟར་སངས་རྒྱས་རྣམས་ལ་ནི།། སྟེན་ཅིང་མཆོད་པ་བགྱིས
་ནས་ནི།། རྟག་པར་སངས་རྒྱས་སྐུ་བལྟས་ཀྱང་།། མཐར་ནི་མཚན་མ་སྤོངས་འགྱུར་ལགས།། རྣམ་ཐར་གསུམ་པོ་མངོན་བགྱིས་ནས།། མཁའ་ལ་བྱ་ནི་འཕུར་བ་བཞིན།
་ཡོན་ཏན་ཕུན་ཚོགས་མ་གྱུར་པར།། ནམ་ཡང་མྱ་ངན་མི་འདའ་ལགས།། དབང་པོ་རང་བཞིན་མོས་རྟོགས་ནས།། འཇིགས་པ་མ་མཆིས་རྗེས་འབྲང་ཞིང་།། མངོན་པར
་ཞེན་པ་མ་མཆིས་པར།། སེམས་ཅན་དེ་དག་སྨིན་བགྱིད་ལགས།། སྔར་ནི་འཇིག་རྟེན་བདེ་བཏང་ནས།། སླད་ཀྱིས་དད་པའི་སེམས་བསྐྱེད་དེ།། ཡེ་ཤེས་གྱ་ནོམ་ཕུན
་ཚོགས་པས།། བླ་མེད་བྱང་ཆུབ་ཐོབ་འགྱུར་བ།། འདི་འདྲིའི་ཟབ་མོ་གྱ་ནོམ་དོན།། དེ་བཞིན་གཤེགས་པས་བླཤད་གསོལ།། དེ་ནས་བཅོམ་ལྡན་འདས་ཀྱིས།། བྱང་ཆུབ
་སེམས་དཔའ་སེམས་དཔའ་ཆེན་པོ་གློག་ཐོབ་ལ་བཀའ་སྩལ་པ། རིགས་ཀྱི་བུ་ཁྱོད་ཀྱིས་སེམས་ཅན་ཚད་མེད་པ་རྣམས་ལ། ཕན་ཞིང་བདེ་བར་བྱ་བ་དང་། ད་ལྟར་གྱི་ལྷ་དང་བཅས
་བའི་འཇིག་རྟེན་དང་། མ་འོངས་པའི་བྱང་ཆུབ་སེམས་དཔའ་རྣམས་ཡོངས་སུ་གཟུང་བའི་ཕྱིར།། དེ་བཞིན་གཤེགས་པ་ལ་དོན་འདི་ལྟ་བུ་ཞུས་པ་ལེགསོ་ལེགས་སོ།། དེའི་ཕྱིར
་གློག་ཐོབ་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་། ཁྱོད་ལ་ཡང་དག་པར་བསྟན་པར་བྱའོ།། བྱང་ཆུབ་སེམས་དཔའ་གློག་ཐོབ་ཀྱིས། བཅོམ
་ལྡན་འདས་དེ་བཞིན་དུ་ཐོས་པར་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་གཏེར་ཆེན་པོ་ཟད་མི
་ཤེས་པའི་གཏེར་དང་། ཀུན་ཏུ་ཟད་མི་ཤེས་པའི་གཏེར་དང་། མཐའ་མེད་པའི་གཏེར་རྣམ་པ་ལྔ་དང་ལྡན་ཏེ། བྱང་ཆུབ་སེམས་དཔའ་དེ་ལྟ་བུའི་གཏེར་ཕུན་སུམ་ཚོགས་པར་གྱུར་པས།
་དགུད་པ་རྣམས་གཏན་དུ་སྤོང་ཞིང་། གོང་དུ་བསྟན་པ་ལྟ་བུའི་ཡོན་ཏན་ཁྱད་པར་དུ་འཕགས་པ་ཡང་ཡོངས་སུ་རྫོགས་པར་བྱེད་ལ། ཚེགས་ཆུང་ངུས་མྱུར་ཏུ་བླ་ན་མེད་པ་ཡང་དག་པར་རྫོགས་པའི
་བྱང་ཆུབ་ཀྱང་ཐོབ་པར་འགྱུར་རོ།། \ུ0f7fརྞྞ་དྷརྩྩ91། ལྔ་གང་ཞེ་ན་འདི་ལྟ་སྟེ། འདོད་ཆགས་སྤྱོད་པའི་གཏེར་དང་། ཞེ་སྡང་སྤྱོད་པའི་གཏེར་དང་། གཏི་མུག་སྤྱོད་པའི་གཏེར་དང་། ཆ་མཉམ།
་པར་སྤྱོད་པའི་གཏེར་དང་། ཆོས་ཐམས་ཅད་ཀྱི་གཏེར་གང་ཡིན་པའོ།། གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འདོད་ཆགས་སྤྱོད་པའི་གཏེར་ཞེས་བྱ་བ་ཇི་ལྟ་བུ
་ཡིན་ཞེ་ན། འདི་ལྟ་སྟེ་སེམས་ཅན་རྣམས་ནི་འདོད་ཆགས་ཀྱི་སྤྱོད་པའི་རྗེས་སུ་མཐུན་ཞིང་། ཕྱིན་ཅི་ལོག་གིས་བཅིངས་པས། མཚན་མ་རྣམས་ཀྱི་རྗེས་སུ་གཟུགས་དང་། སྒྲ་དང་། དྲི་དང་། རོ་དང་།
་རེག་བྱ་དང་། ཆོས་ལ་སོགས་པའི་ཡུལ་དག་ལ། རྣམ་པ་སྣ་ཚོགས་སུ་རྣམ་པར་བརྟགས་ནས། བརྟན་པ་ཉིད་དུ་མངོན་པར་ཞེན་པ་དང་། བདེ་བ་ལ་ཆགས་ཤིང་མོས་པར་འགྱུར་བ་ཡིན་ལ།
་བྱང་ཆུབ་སེམས་དཔའ་ནི་སེམས་ཅན་དེ་དག་གི། སེམས་ཀྱི་སྤྱོད་པ་རྣམ་པ་ཚོགས་གང་ཡིན་པ་ཡང་དག་པ་ཇི་ལྟ་བ་བཞིན་དུ། རབ་ཏུ་ཤེས་པས་སེམས་ཅན་དེ་དག་གང་ལ་མོས་ཤིང་འདུན།
་དང་། སྤྱོད་ཡུལ་གང་ལ་ཆགས་ཤིང་། གོམས་པས་མཐུ་ཅན་དུ་གྱུར་པ་དང་། དད་པ་ཇི་ལྟ་བུ་དང་ཞིང་ཕུན་སུམ་ཚོགས་པར་གྱུར་པ་དང་། སྔོན་དགེ་བའི་རྩ་བ་ཇི་ལྟ་བུ་བསྐྱེད་པ་དང་།
་ཐེག་པ་གོང་ལ་གཞོལ་བར་བྱེད་པ་དང་། དགེ་བའི་རྩ་བ་ཇི་སྙེད་ཡོད་པ་དང་། ནམ་ཞིག་ན་ཡོངས་སུ་སྨིན་པར་འགྱུར་བ་ཡང་རབ་ཏུ་ཤེས་ཏེ། བྱང་ཆུབ་སེམས་དཔའ་ནི་སེམས་ཅན་དེ་དག
་གི་འདོད་པ་ཐམས་ཅད་ཡོངས་སུ་སྤང་བའི་ཕྱིར་དང་། དེ་དག་གི་དགེ་བའི་སེམས་རྟག་པར་རྒྱུན་མི་འཆད་པར་བྱ་བའི་ཕྱིར་ཤིན་ཏུ་ལགས་པར་བརྟགས་ནས། ཡོངས་སུ་གོས་པར་བྱེད་དོ།། །
་གློ་ག་ཐོབ་སེམས་ཅན་རྣམས་ཀྱི་དབང་པོ་དང་། སྤྱོད་པའི་བྱེ་བྲག་ནི་ཤིན་ཏུ་ཤེས་པར་དཀའ་བར་རིག་པར་བྱ་སྟེ། ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཀྱང་། རིག་པར
་མི་ནུས་ན། སོ་སོའི་སྐྱེ་བོ་དང་མུ་སྟེགས་ཅན་རྣམས་ལྟ་སྨོས་ཀྱང་ཅི་དགོས། གློག་ཐོབ་སེམས་ཅན་ཁ་ཅིག་ནི་འདོད་པ་རྣམས་ལ་མངོན་པར་ཞེན་པར་གྱུར་ཀྱང་། བླ་ན་མེད་པ
་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་དོ།། སེམས་ཅན་ཁ་ཅིག་ནི་འདོད་པའི་ཡུལ་ལ་རེག་པ་ཙམ་འམ། འདོད་པའི་སེམས་ཀྱིས་ཚིག་སྨྲ་པ་ཙམ་གྱིས།།
་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པ་ཡང་ཡོད་དོ།། སེམས་ཅན་ཁ་ཅིག་ནི་གཟུགས་སྡུ་གུ་དག་མཐོང་ནས། འདོད་ཆགས
་ཀྱི་སེམས་སྐྱེས་པ་ལ། བ་ན་མེད་པ་ཡང་དག་པར་གཟུགས་དེ་རྣམ་པར་འགྱུར་ཞིང་ཞིག་པར་མཐོང་བ་ཉིད་ཀྱིས་ཁོང་དུ་ཆུད་པར་གྱུར
་ནས། ཉ་འདོད་པའི་གདུང་བ་ཉེ་བར་ཞི་སྟེ། མི་རྟག་པར་ཤིན་ཏུ་ཡིད་ལ་བྱེད་པ་ཉིད་ཀྱིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད
་པ་ཡང་ཡོད་དོ།། སེམས་ཅན་ཁ་ཅིག་ནི་བུད་མེད་མཐོང་བ་ན། མངོན་པར་ཞེན་པ་སྐྱེས་པ་མེད་ཀྱང་།། ། ཕྱིས་ཡིད་ལ་དྲན་པའི་དབང་གིས། འདོད་ཆགས་ཀྱི
་སེམས་སྐྱེས་ནས། དེ་ཁ་དོག་དང་དབྱིབས་ཡིད་ལ་བྱས་ནས། རྗེས་སུ་ཆགས་པར་སྐྱེ་བར་འགྱུར་བ་ཡང་ཡོད་དོ།། སེམས་ཅན་ཁ་ཅིག་ནི་རྨི་ལམ་ན་གཟུགས
་ཡིད་དུ་འོང་བ་དག་མཐོང་བའི་དབང་གིས། འདོད་ཆགས་ཀྱི་མངོན་པར་ཞེན་པ་བསྐྱེད་ནས། ཡིད་ལ་བྱེད་ཅིང་ཡོངས་སུ་གཉེར་བར་བྱེད་པ་ཡང་ཡོད་དོ།། སེམས་ཅན་ཁ་ཅིག
་ནི་བུད་མེད་ཀྱི་སྒྲ་ཐོས་པ་ཙམ་གྱིས། འདོད་ཆགས་ཀྱི་སྲེད་སྐྱེད་པར་བྱེད་ལ། རེས་འགའ་ནི་མཐོང་བ་ཙམ་གྱིས་འདོད་ཆགས་ཀྱི་སེམས་དང་བྲལ་ནས། བླ་ན་མེད
་བ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པ་ཡོད་པོས། ད་ཕྱིར་ཀློག་ཐོང་བྱང་ཆུབ་སེམས་དཔའ་ནི་འདོད་ཆགས་ཀྱི་ནད་རྣམས་པ་སྣ་ཚོགས་གང་ཡིན་པ
་དང་། འདོད་ཆགས་ཀྱི་སླན་རྣམ་པོ་སྣ་ཚོགས་གང་ཡིན་པ་དེ་དག་ཐམས་ཅད་མཁས་པས་ལེགས་པ་ཁོང་དུ་ཆུད་ཀྱང་། ཆོས་ཀྱི་དབྱིངས་ལ་གཉིས་སུ་འཛིན་པའི་མཚན་མ་ཡང
་མེད་ལ། ཆོས་ཀྱི་དབྱིངས་ལ་རྨོངས་པར་འགྱུར་བའི་སེམས་ཅན་དེ་དག་ལ་ཡང་། སྙིང་རྗེ་ཆེན་པོ་བསྐྱེད་པར་བྱེད་དོ།། གློག་ཐོབ་འདོད་ཆགས་དང་། ཞེ་སྡང་དང་། གཏི
་མུག་ཅེས་བྱ་བ་དང་། ཆོས་དབྱིངས་ཀྱི་ཡེ་ཤེས་ཞེས་བྱ་བ་ཆུང་ཟད་ཀྱང་དམིགས་སུ་མེད་པས། བྱང་ཆུབ་སེམས་དཔའ་འདི་སྙམ་དུ། བདག་གིས་མཐོང་བ་ལྟར་ན། སེམས
་ཅན་རྣམས་ནི་མཚན་མ་མེད་པ་རང་བཞིན་གྱིས་སྟོང་ཞིང་། དབེན་པ་བཏགས་པ་ཙམ་དུ་རྣམ་པར་བཞག་པ། འཚོགས་ཤིང་འདུས་པའི་ཆོས་འདི་ལ། འདོད་ཆགས་དང་།
་ཞེ་སྡང་དང་། གཏི་མུག་སྐྱེད་པར་བྱེད་པས། བདག་གིས་འདི་དག་ཡང་དག་པར་ཇི་ལྟ་བ་བཞིན་དུ་སོ་སོར་བརྟགས་ནས། འདོད་ཆགས་ཀྱིས་རྨོངས་པར་གྱུར་པའི་སེམས
་ཅན་དེ་དག་གི་ཆེད་དུ་སྙིང་རྗེ་ཆེན་པོ་ལ་གོནས་ནས། སྔོན་གྱི་སྨོན་ལམ་ཡོངས་སུ་རྫོགས་པར་བྱའོ།། །། ཆོས་ཀྱི་དབྱིངས་ལས་མ་གཡོས
་པར་རྩོལ་བ་མེད་པའི། ཡེ་ཤེས་ཀྱིས་ཡོངས་སུ་སྨིན་པར་བྱའོ།། སྙམ་དུ་སེམས་སོ།། སྐྱེས་པ་གང་ཞིག་བུད་མེད་དག་ལ་ཡང་དག་པ་མ་ཡིན་པས། སྡུག
་པའི་འདུ་ཤེས་བསྐྱེད་ནས། འདོད་ཆགས་ལྕི་བ་སྐྱེས་པར་གྱུར་ན། བྱང་ཆུབ་སེམས་དཔའ་བུད་མེད་ཤིན་ཏུ་སྡུག་ཅིང་མཛེས་པ། གཟུགས་ཀྱི་མཚན
་ཁྱད་པར་དུ་འཇིགས་པ། རིན་ཆེན་པ་ཆེ་བརྒྱད་ཕྲེང་དང་ལྡན་པ་བརྒྱན་རྣམ་པོ་སྣ་ཚོགས་ཀྱིས། རབ་ཏུ་བརྒྱན་པས་ལྷའི་བུ་མ་དང་འདྲ
་བར་གྱུར་པ། དོན་མ་མཐོང་བ་དག་དུ་གྱུར་ནས། སེམས་ཅན་དེ་དག་གིས་ཅི་ལྟར་སྲེད་ཅིང་ཆགས་པ་དང་། ཤིན་ཏུ་མངོན་པར།
་ཞེན་པར་གྱུར་པ་ལ་སྟོན་པར་བྱེད་དོ།། དེ་དག་གི་ནུས་པ་དང་སྦྱར་ནས། ཐབས་ཀྱིས་འདོད་ཆགས་ཀྱི་དུག་མདའ་དབྱུང་བའི་ཆེད་དུ་རང་དབང་དུ་གྱུར་པའི་མཐུས་བུད་མེད་ཀྱི་གཟུགས
་སུ་བསྒྱུར་ཏེ། དེའི་མདུན་དུ་སྣང་བར་བྱས་ནས། ཆོས་བསྟན་པ་ཉིད་ཀྱིས་སེམས་ཅན་དེ་དག་ཆོས་ཀྱི་དབྱིངས་སུ་རྟོགས་པར་བྱ་སྟེ། མི་སྣང་བར་གྱུར་ཏོ།། བུད་མེད་གང་ཞིག
་སྐྱེས་པ་དག་ལ་འདོད་ཆགས་ཀྱི་སེམས་སྐྱེས་པར་གྱུར་ན། བྱང་ཆུབ་སེམས་དཔའ་སྐྱེས་པའི་ལུས་བསྟན་ནས། འདོད་ཆགས་ཀྱི་དུག་མདའ་དབྱུང་བའི་ཆེད་དུ་ཆོས་བསྟན་པ་ཉིད
་ཀྱིས་ཆོས་ཀྱི་དབྱིངས་ལ་ཞུགས་པར་བྱས་ནས་མི་སྣང་བར་བྱེད་དོ།། གློག་ཐོབ་འདོད་ཆགས་ཀྱི་སྤྱོད་པ་ཉི་ཁྲི་ཅིག་སྟོང་དང་། སྤྱོད་པ་གཞན་དེ་དག་གཏོགས་པར་བརྒྱད་ཁྲི་བཞི་སྟོང
་དུ་གྱུར་པ་དེ་དག་བྱང་ཆུབ་སེམས་དཔའ་རྩོལ་བ་མེད་པའི་ཡེ་ཤེས་ཀྱིས། ཆོས་ཀྱི་སྒོ་མོ་བྱེ་བ་སྟོང་ཕྲག་ཚད་མེད་པ་བསྐྱེད་དེ། སེམས་ཅན་ཁོང་དུ་ཆུད་པར་བྱས་ནས། ཐམས
་ཅད་རྣམ་པར་གྲོལ་བར་གྱུར་ཀྱང་། བདག་གིས་སེམས་ཅན་དེ་ལ་འདི་ལྟ་བུ་ཆོས་བསྟན་པའོ་སྙམ་དུ་སེམས་པ་ཡང་མེད་ལ། སེམས་ཅན་རྣམ་པར་གྲོལ་བར་གྱུར་པ་ཡང་མི་དམིག་སོ།། །
་གློག་ཐོབ་འདི་ལྟ་སྟེ་དཔེར་ན། རྒྱ་མཚོ་མ་དྲོས་པའི་ཀླུའི་རྒྱལ་པོ་ནི། ལས་ཀྱི་མཐུའི་དབང་གིས་དེའི་ཕོ་བྲང་གི་ནང་ནས། ཆུ་ཀླུང་ཆེན་པོ་བཞི་བྱུང་ནས། སེམས་ཅན་ཆུ་དང་སྐམ་ལ
་གནས་པ་དག། དབྱར་ཚ་བའི་དུས་ཀྱི་ཚེ། བསིལ་བའ་དང་རླན་གྱིས་མེ་ཏོག་དང་འབྲས་བུ་དག་རྒྱས་ཤིང་འབྲས་བུ་རྣམས་འཕེལ་བར་འགྱུར་ནས། སེམས་ཅན་མང་པོ་ཤིན་ཏུ
་བདེ་བར་བྱེད་ཀྱང་། ཀླུའི་རྒྱལ་པོ་དེ་དག་ཆུ་ཀླུང་བཞི་པོ་འདི་དག་ཕྱུང་ངོ་།། དབྱུང་བར་བྱའོ་སྙམ་དུ་མི་སེམས་མོད་ཀྱིས། འོན་ཀྱང་ཆུ་ཀླུང་བཞི་པོ་འདི་དག་འབབ་ཅིང་སེམས་ཅན
་རྣམས་ཉེ་བར་སྤྱོད་པར་བྱེད་དོ།། བྱང་ཆུབ་སེམས་དཔའ་ཡང་དེ་བཞིན་དུ། སྔོན་གྱི་སྨོན་ལམ་ཡོངས་སུ་རྫོགས་པར་གྱུར་པའི་དབང་གིས། རྩོལ་བའི་བྱེད་པའི་ཡེ་ཤེས་ཀྱི།།
་འཕགས་པའི་བདེན་པ་བཞི་བསྟན་ནས། འཁོར་བའི་ཡོངས་སུ་གདུང་བ་ཐམས་ཅད་བསལ་ཏེ། ལྷ་དང་མི་རྣམས་ལ། འཕགས་པའི་རྣམ་པར་གྲོལ་བའི་བདེ་བ
་སྨིན་པར་བྱེད་ཀྱང་། བྱང་ཆུབ་སེམས་དཔའ་དེ་བདག་གིས་ཆོས་བསྟན་ཏོ།། བསྟན་པར་བྱའོ་སྙམ་དུ་མི་སེམས་མོད་ཀྱི། འོན་ཀྱང་རང་གི་ངང་གིས་སྙིང་རྗེ་ཆེན་པོའི་བསམ
་པ་ལ་གནས་ནས། སེམས་ཅན་རྣམས་ལ་སོ་སོར་བརྟགས་སྟེ། ཅི་རིགས་པར་ཆོས་སྟོན་པར་བྱེད་དོ།། གཞན་ཡང་གློག་ཐོབ་འདི་ལྟ་སྟེ་དཔེར་ན། བརྒྱ་བྱིན་ལྷའི་དབང
་པོ་ལ་ལྷའི་བུ་མོ་ཁྲག་ཁྲིག་ཕྲག་བཅུ་གཉིས་ཡོད་པ་དེ་དག། བརྒྱ་བྱིན་ལྷའི་དབང་པོའི་རང་དབང་གི་མཐུའི་དབང་གིས་ལུས་མང་པོ་བསྟན་ནས། ལྷའི་བུ་མོ་དེ་དག་དང
་ལྷན་ཅིག་འདོད་པའི་བདེ་བ་ཡོངས་སུ་རྫོགས་པ་མྱོང་བས་དེ་དག་ས་སོ་ནས་འདི་སྙམ་དུ་བདག་གཅིག་པུ་ནི་དེང་ལྷའི་དབང་པོ་དང་ལྷན་གཅིག་བརྩེས་སོ་སྙམ་དུ་སེམས་ཅད་།
་ཡང་དག་པའི་ལྷའི་དབང་པོ་དེ་ལ་མངོན་པར་ཞེན་པར་གྱུར་པ་ཅི་ཡང་མེད་དོ།། བྱང་ཆུབ་སེམས་དཔའ་ཡང་དེ་བཞིན་དུ་སེམས་ཅན་གང
་ཡོངས་སུ་ཟླ་བའི་འོས་སུ་གྱུར་པ་དེ་དག་གི་བསམ་པ་ཇི་ལྟ་བ་བཞིན་དུ་ཡོངས་སུ་སྨིན་པར་བྱས་ཀྱང་། བྱང་ཆུབ་སེམས་དཔའ་ལ་མངོན་པར་ཞེན་པར་གྱུར་མེད་དོ།། གཞན
་ཡང་གློག་ཐོབ་འདི་ལྟ་སྟེ་དཔེར་ན། ཉི་མའི་དཀྱིལ་འཁོར་རོ་མཐོན་པོའི་རྩེ་ལ་ཤར་བའི་ཚེ། འོད་ཀྱིས་འཛམ་བུ་གླིང་ཀུན་ཏུ་སྣང་བར་བྱེད་པས་གང་དུ་སྣང་བར་བྱས་པའི་གནས
་དེ་དག་དུ་ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ་རྣམ་པ་སྣ་ཚོགས་རབ་ཏུ་སྟོན་པར་བྱེད་ཀྱང་། ཉི་མའི་དཀྱིལ་འཁོར་དེ་ནི་ཁ་དོག་གཅིག་པ། འོད་གཅིག
་པ་ཉིད་དེ། ཐ་དད་པའི་མཚན་མ་མེད་དོ།། བྱང་ཆུབ་སེམས་དཔའ་ཡང་དེ་བཞིན་དུ་ཤེས་རབ་ཀྱི་ཉི་མའི་དཀྱིལ་འཁོར་གྱིས་ཆོས་ཀྱི་དབྱིངས་སྣང་བར་བྱས་ནས། སེམས་ཅན་གྱི
་མངོན་པར་ཞེན་པའི་རིའི་རྩེ་མོ་དེ་དག་དུ་ཤར་པ་ན། དམིགས་པའི་མཚན་ཉིད་གཅིག་ཏུ་འདུག་ཅིང་། དེ་དག་གི་མོས་པ་ཇི་ལྟ་བ་བཞིན་དུ་ཆོས་སྟོན་པར་བྱེད་ཀྱང་། ཆོས་ཀྱི་དབྱིངས
་ལ་གྱུར་པའི་མཚན་ཉིད་མེད་དོ།། གློག་ཐོབ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འདོད་ཆགས་སྤྱོད་པའི་གཏེར་ཅེས་བྱའོ།། བྱང་ཆུབ་སེམས་དཔའ
་གང་གིས་གཏེར་འདི་ཐོབ་པར་གྱུར་ན། བསྐལ་པ་འམ་བསྐལ་པ་བྱས་ལྷག་པར་སེམས་ཅན་རྣམས་ཀྱི་མོས་པ་སྣ་ཚོགས་ཇི་ལྟ་བ་བཞིན་དུ་ལུས་ཚད་མེད་པ་བསྟན་ནས།
་ཚིག་རྣམ་པ་སྣ་ཚོགས་ཀྱིས་ཆོས་སྟོན་པར་བྱེད་ཀྱང་། ཆོས་ཀྱི་དབྱིངས་ལ་གཉིས་སུ་གྱུར་པའི་མཚན་ཉིད་མེད་དོ།། གཞན་ཡང་གློག་ཐོབ་འདི་ལྟ་སྟེ་དཔེར་ན། གསེར
་ཡང་དག་པ་ནི། འགར་བའི་ཐབས་མཁས་པའི་མཐུའི་དབང་གོས་མོས་པ་ཇི་ལྟ་བ་བཞིན་དུ་རྒྱུན་རྣམ་པ་སྣ་ཚོགས་སུ་བྱས་ཏེ། མཚན་ཉིད་ཐ་དད་པར་གྱུར་ཀྱང་།
་རང་བཞིན་ལ་ནི་ཐ་དད་པར་གྱུར་པ་ཅི་ཡང་མེད་དོ།། བྱང་ཆུབ་སེམས་དཔའ་ཡང་དེ་བཞིན་དུ་ཆོས་ཀྱི་དབྱིངས་ལ་ཤིན་ཏུ་ལེགས་པར་བརྟགས་ནས། སེམས་ཅན་མོས་པ
་རྣམ་པ་སྣ་ཚོགས་ཅི་ལྟ་བ་བཞིན་དུ་ལུས་ཚད་མེད་པ་དག་བསྟན་ནས། ཚིག་རྣམ་པ་སྣ་ཚོགས་ཀྱིས་ཆོས་སྟོན་པར་བྱེད་ཀྱང་། ཆོས་ཀྱི་དབྱིངས་ལ་ནི་གྱུར་པའི་མཚན་ཉིད
་མེད་དེ། འདི་ནི་རྟག་པར་ཆོས་ཀྱི་དབྱིངས་ལ་ཞུགས་པས་མཚན་ཉིད་གཅིག་ཏུ་གྱུར་པ་ཞེས་བྱའོ།། བྱང་ཆུབ་སེམས་དཔའ་གང་གིས་གཽཏེར་འདི་ལྟ་བུ་ཐོབ་པར་གྱུར་ན།
་སེམས་ཅན་གྱི་ཆེད་དུ་རྣམ་པ་སྣ་ཚོགས་ཀྱི་སྒོ་ནས་ཆོས་པར་སྟོན་པར་བྱེད་པས། དེ་བདག་གི་ཆོས་ཐོས་པའི་བདག་གིས་འཕགས་པའི་ནོར་ཕུན་སུམ་ཚོགས་པའི་དབང
་ཕྱུག་དང་ལྡན་པར་གྱུར་པས། འཁོར་བའི་དགུད་པ་དག་གཏན་ཏུ་ཡོངས་སུ་སྤོང་བར་བྱེད་དོ།། གཞན་ཡང་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ
་རྣམས་ཀྱི། ཞེ་སྡང་སྤྱོད་པའི་དབང་གིས་གཏེར་ཅེས་བྱ་བ་ཇི་ལྟ་བུ་ཞེ་ན། འདི་ལྟ་སྟེ་སེམས་ཅན་རྣམས་ནི་ང་རྒྱལ་དང་མཚུངས་པར་ལྡན་པ། བདག་དང་བདག་གིར
་འཛིན་པ་དང་བཅས་པ། བདག་དང་གཞན་གྱི་མཚན་མ་ལ་གནས་པས་ཡུན་རིང་པོ་ནས་བྱམས་པ་དང་། བཟོད་པ་མ་བསྒོམས
་པ་ལ་ཞེ་སྡང་གི་གདུང་བས་རང་གི་སེམས་བཤིག་པར་གྱུར་པ། སངས་རྒྱས་དང་། ཆོས་དང་། དགེ་འདུན་རྗེས་སུ་དྲན་པར་མ་གྱུར་པ། ཞེ་སྡང་གི་གདུག་པས་གཡོག་པ
་ཆོས་ཉིད་ལ་རྨོངས་པར་གྱུར་པ་ཡིན་ཡང་། བྱང་ཆུབ་སེམས་དཔའ་ནི་ཞེ་སྡང་མང་བའི་སེམས་ཅན་དེ་དག་ནམ་ཡང་གནོད་སེམས་དང་རྣམ་པར་འཚེ་བསྐྱེད་པར་བྱེད་ཀྱི།
་འདི་སྙམ་དུ་ཀྱེ་མ་སེམས་ཅན་འདི་དག་ནི་གཏི་མུག་གིས་རྨོངས་པས་ཆོས་རྣམས་བཟོད་མ་ཉིད་ནས་རབ་ཏུ་དབེན་ཞིང་ཞི་བ། དྲི་མ་དང་རྙོག་པ་མེད་པ། འདུམ་པ་མེད་པ། རྩོད
་པ་མེད་པ། རབ་ཏུ་དེན་པའི་ཆོས་ཉིད་ཕྱིན་ཅི་ལོག་དང་མཚངས་པར་ལྡན་པར་གྱུར་པའི་དབང་གིས་ཡང་དག་པ་མ་ཡིན་པའི་ཞེས་སྡང་དང་། མཁོན་ཏུ་འཛིན་པ་སྐྱེད་པར་གྱུར་ཏོ།
་སྙམ་དུ་སེམས་པ་ཁོ་ནར་ཟད་དོ།། དེ་སྙམ་དུ་བསམས་ནས་ཀྱང་སྙིང་རྗེ་ཆེན་པོ་ལ་གནས་ཏེ། རྟག་པར་བདག་ཉིད་ཀྱང་འགྱོད་ཅིང་བཤགས་པར་ཡང་བྱེད་ལ། གལ་ཏེ
་ལུས་ཀྱི་ཡན་ལག་དང་ཉིང་ལག་གཅོད་པ་ཞིག་ཡོད་ན་ཡང་ཞེ་སྡང་སྤྱོད་པའི་སེམས་ཅན་དེ་དག་གདུལ་བར་འདོད་པའི་ཕྱིར་བཟོད་པ་ལ་རབ་ཏུ་གནས་པར་བྱེད་དོ།།
་གལ་ཏེ་ཞེ་སྡང་སེམས་ཅན་ཚད་མེད་པ་དེ་དག་ཕན་ཚུན་གཅིག་ལ་གཅིག་རྒྱབ་ཀྱིས་ཕྱོགས་ཤིང་ཞེ་སྡང་དང་། འཁོན་ཏུ་འཛིན་པའི་ལས་ཡོངས་སུ་རྫོགས་པའི་དབང་གིས
་སྦྲུལ་གདུག་པ་ངན་འགྲོ་ལུས་སུ་ལྷུང་བར་གྱུར་པ་དག་ལ་ནི། བྱང་ཆུབ་སེམས་དཔའ་བཟོད་པ་ལ་རབ་ཏུ་གནས་པ་དེས་འདི་ལྟར་བྱམས་པ་དང་དྲན་པའི་སྟོབས་ཀྱིས
་སེམས་ཅན་དེ་དག་བཏུལ་ནས་ངན་འགྲོའི་རྣམ་པར་སྨིན་པ་ལེན་པར་འགྱུར་ཞིང་གདོན་མི་ཟ་བར་མཉམ་པ་ཉིད་རྟོགས་པར་བྱེད་པ་གང་ཡིན་པ་འདི་ནི། བྱང་ཆུབ་སེམས
་དཔའ་ཐབས་མཁས་པས་སེམས་ཅན་གྱི་ཞེ་སྡང་གི་སྤྱོད་པ་ཡོངས་སུ་བརྩལ་བ་ཞེས་བྱའོ།། གཞན་ཡང་གློག་ཐོབ་བྱང་ཆུབ་སེམས་དཔའ་ནི་གལ་ཏེ་སེམས་ཅན
་ཞེ་སྡང་ཅན་དག་མཐོང་བར་གྱུར་ན། འདི་སྙམ་དུ་ཆོས་ཐམས་ཅད་ནི་རང་བཞིན་གྱིས་རྣམ་པར་དག་པ་ཡིན་ན། ཀྱེ་མ་སེམས་ཅན་འདི་དག་ནི་ཞེ་སྡང་གི་རྗེས་སུ
་འབྲངས་ནས། ཡང་དག་པ་མ་ཡིན་པས་རྣམ་པར་རྟོག་པ་སྐྱེད་ནས་མཉམ་ཞིང་། རྩོད་པ་མེད་པའི་ཆོས་ཉིད་འདི་ལ་ཞེ་སྡང་གི་བསམ་པ་སྐྱེད་ནས། སེམས
་ཅན་འདི་དག་ཆོས་ཀྱི་དབྱིངས་ཉིད་མ་རྟོགས་པར་གྱུར་ཏོ།། གལ་ཏེ་སེམས་ཅན་འདི་དག་ཆོས་ཉིད་མཐོང་བར་གྱུར་ན་ནི། གཞན་དག་ལེ་གནོད་སེམས་སྐྱེད་པར་མི
་འགྱུར་བ་ཞིག་ན། ཆོས་ཀྱི་དབྱིངས་ཀྱི་ངོ་བོ་ཉིད་མ་རྟོགས་པས་དེའི་ཕྱིར། ཞེ་སྡང་སྐྱེད་པར་འགྱུར་རོ་ཞེས་བྱང་ཆུབ་སེམས་དཔའ་དེས་ཞེ་སྡང་མང་བའི་སེམས་ཅན
་དེ་དག་ལ། ལྷག་པར་སྙིང་བརྩེ་བ་བསྐྱེད་ནས་སྙིང་རྗེ་ཆེན་པོ་ལ་གནས་ཏེ། སྔོན་གྱི་སྨོན་ལམ་ཡོངས་སུ་རྫོགས་པར་བྱེད་ལ། རྩོལ་བ་མེད་པའི་ཡེ་ཤེས་ཀྱིས།
་སེམས་ཅན་གྱི་ཞེ་སྡང་གི་སྤྱོད་པ་རྣམ་པར་གཞིག་པའི་ཕྱིར། ཆོས་ཀྱི་སྒོ་མོ་རྣམ་པ་སྣ་ཚོགས་ཡང་དག་པར་སྟོན་པར་བྱེད་ཀྱང་།།
་བདག་གིས་སེམས་ཅན་གྱི་ཞེ་སྡང་བསལ་བའི་ཕྱིར་ཆོས་བསྟན་ཏོ་སྙམ་དུ་མི་སེམས་སོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ཆོས་ཀྱི་དབྱིངས་མཚན་ཉིད་ཤིན
་ཏུ་ལེགས་པར་རྟོགས་པའི་ཕྱིར་རོ།། འདི་ནི་བྱང་ཆུབ་སེམས་དཔའ་ཆོས་ཀྱི་དབྱིངས་དབྱེར་མེད་པའི་མཚན་ཉིད་ལ་གནས་ནས། ཉོན་མོངས་པའི་སྤྱོད་པ་རབ་ཏུ་བསྩལ་པ
་ཞེས་བྱའོ།། གློག་ཐོབ་འདི་ལྟ་སྟེ་དཔེར་ན། མུན་པ་བསལ་ནས་སྣང་བ་ཐོབ་པར་གྱུར་ཡང་མུན་པ་སེལ་བར་བྱེད་པ་མེད་དེ། འདི་ལྟར་མུན་པ་དང་སྣང་བའི་ངོ་བོ་ཉིད་ན་མཁའ
་དང་མཚུངས་ཤིང་དབྱེར་མེད་པ་ཡིན་ནོ།། དེ་བཞིན་དུ་བྱང་ཆུབ་སེམས་དཔའ་ཡང་ཆོས་ཀྱི་དབྱིངས་དབྱེར་མེད་པའི་ཡེ་ཤེས་དེ་ལ་བརྟན་ནས་ཐབས་མཁས་ཆོས་རབ་ཏུ་བསྟན་ཏེ།
་ཞེ་སྡང་སྤྱོད་པའི་སེམས་ཅན་རྣམ་པ་སྣ་ཚོགས་གདུལ་ཞིང་ཞི་བར་བྱེད་ཀྱང་། ཆོས་ཀྱི་དབྱིངས་ལ་ཐ་དད་དུ་གྱུར་པ་མེད་དོ།། གློག་ཐོབ་འདི་ལྟ་སྟེ་དཔེར་ན། ཉི་མའི་དཀྱིལ
་འཁོར་གྱིས་བསྡུས་པ་ཡིན་ནོ།། དེ་བཞིན་དུ་བྱང་ཆུབ་སེམས་དཔའ་ཡང་ཞེ་སྡང་གི་སྤྱོད་པ་གདུལ་ཞིང་བསལ་བའི་ཕྱིར། ཅི་ཙམ་དུ་ཚིག་བརྗོད་པ་ཐམས་ཅད་ཀྱི་ཆོས་ཀྱི
་འཁོར་ལོ་ཡན་ཡང་། ཆོས་ཀྱི་དབྱིངས་ལ་ནི་ཐ་དད་དུ་གྱུར་པ་མེད་དེ། འདི་ལྟར་ཞེ་སྡང་གི་སྤྱོད་པ་ཉིད་ཁྲི་ཅིག་སྟོང་དང་། སྤྱོད་པ་གཞན་གཏོགས་པར་བརྒྱད་ཁྲི་བཞི་སྟོང
་དུ་གྱུར་པ་དེ་དག་བྱང་ཆུབ་སེམས་དཔའ་སྩོལ་བ་མེད་པའི་ཡེ་ཤེས་ཡོངས་སུ་གྲུབ་པས་སེམས་ཅན་དེ་དག་གི། ཞེ་སྡང་གི་སྤྱོད་པ་རྣམ་པ་སྣ་ཚོགས་ཀྱི་རྗེས་སུ་སྟོན་པར
་བྱེད་ཀྱང་། བདག་གིས་སེམས་ཅན་ལ་ཆོས་བསྟན་ཏོ།། སྟོན་པར་གྱུར་ཏོ་སྙམ་དུ་སེམས་པ་མེད་དོ།། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཞེ
་སྡང་སྤྲོད་པའི་གཏེར་ཅེས་བྱའོ།། བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན། བསྐལ་པ་འམ་བསྐལ་པ་ལས་ལྷག་པར། སེམས་ཅན་གྱི་མོས་པ་རྣམ
་པ་སྣ་ཚོགས་ཀྱིས་རྗེས་སུ་ཚིག་འབྲུ་དང་ཡི་གེ་དང་བརྗོད་པ་རྣམ་པ་སྣ་ཚོགས་ཀྱི་ཐབས་མཁས་པས་ཆོས་སྟོན་པར་བྱེད་ཀྱང་། ཞེ་སྡང་གི་སྤྱོད་པའི་མཐའ་རྙེད་པར་མ་འགྱུར་ལ
་བྱང་ཆུབ་སེམས་དཔའ་དེའི་ཤེས་རབ་དང་། སྤོབས་པ་ཡང་གཏུགས་པར་མི་འགྱུར་ཏེ། འདི་ནི་བྱང་ཆུབ་སེམས་དཔའ་ཆོས་ཀྱི་དབྱིངས་དབྱེར་མེད་པའི་མཚན་ཉིད་ལེག་པར
་བཤད་པས་ཐོབ་པའི་ཞེ་སྡང་སྤྱོད་པའི་གཏེར་ཅེས་བྱའོ།། གཞན་ཡང་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཏི་མུག་སྤྱོད་པའི་གཏེར་ཅེས་བྱ་བ་ཅི
་ལྟ་བུ་ཞེ་ན། གྲོག་ཐོབ་བྱང་ཆུབ་སེམས་དཔའ་རྣམས་ཀྱི་སྤྱོད་པ་འདི་ལྟ་བུ་འདི་ནི་ཤིན་ཏུ་བྱ་དཀའ་བའི་དངོས་པོ་ཡིན་ཏེ། འདི་ལྟར་སེམས་ཅན་རྣམས་ཀྱི་ཉོན་མོངས་པའི་རྗེས
་འབྲང་བ། གཞན་ལ་གནོད་པ་བྱེད་པ། མ་རིགས་པའི་མངལ་གྱི་སྒོ་ངས་ཀུན་ཏུ་བཀྲིས་པ། དར་གྱི་སྲིན་བུ་བཞིན་དུ་བདག་ཉིད་བཅིངས་པས། ཆོས་ཀྱི་དབྱིངས་རྟོགས་པའི།
་ཐབས་མེད་པ། བྱ་བ་དག་ལ་ལེགས་པར་སོ་སོར་མི་རྟོག་པ། བདག་ཏུ་ལྟ་བ་ལ་མངོན་དུ་ཞེན་པ། ལམ་ལོག་པར་ཞུགས་པ། བུམ
་པའི་སྤྱོད་པ་ལ་གནས་པ། ངེས་པར་བྱང་བ་དགའ་བ་ཡིན་པས། འདི་ལྟ་བུ་ལ་སོགས་པས་རྨོངས་པར་གྱུར་པའི་སེམས་ཅན་དག་གི་ཆེད་དུ། དང་པོ་སེམས་བསྐྱེད་པ་ནས་སྦྱོར
་བ་ཆེན་པོ་བསྐྱེད་དེ། ངལ་བའི་སྡུག་བསྔལ་བ་ཡང་མེད། ལེ་ལོ་ཡང་མེད་པར་རྐྱེན་གང་དང་མོས་པ་གང་དང་ཆོས་བསྟན་པ་ཇི་ལྟ་བུ་ཞིག་གིས་སེམས་ཅན་འདི་དགེ་བྱང་ཆུབ
་སེམས་དཔའི་སྤྱོད་པ་ལ་བརྒྱུད་དེ། རྣམ་པར་གྲོལ་བ་ཐོབ་པར་གྱུར་སྙམ་དུ་སེམས་སྟེ། བྱང་ཆུབ་སེམས་དཔའ་སྔོན་ཆོས་ཀྱི་དབྱིངས་ལེགས་པར་སོ་སོར་བརྟགས་པ་ལ།
་རྩོལ་བ་མེད་པའི་ཡེ་ཤེས་ཀྱིས་སྙིང་རྗེ་ཆེན་པོ་ལ་གནས་ཏེ། སེམས་ཅན་དེ་དག་ཆོས་ཀྱི་དབྱིངས་ལ་རྨོངས་པར་གྱུར་པར་རིག་ནས། ཅི་ནས་ཅི་ལྕོགས་ཀྱིས་ཆོས་བསྟན་ནས
་རབ་ཏུ་གདུལ་བར་བྱེད་ཀྱང་། བདག་གིས་ཆོས་བསྟན་ཏོ།། སྟོན་ཏོ།། སྟོན་པར་འགྱུར་རོ་སྙམ་དུ་སེམས་པ་མེད་དོ།། འོན་ཀྱང་དེའི་སྔོན་གྱི་སྨོན་ལམ་གྱི་མཐུས། རྟེན
་ཅིང་འབྲེལ་པར་འབྱུང་བ་ལེགས་པར་སོ་སོར་བརྟགས་ནས། རང་གི་ངང་གིས་ཆོས་ཀྱི་སྒོ་མོ་བརྒྱ་སྟོང་དུ་མ་བསྟན་ཏེ། སེམས་ཅན་དེ་དག་གི་མ་རིག་པའི་ལས་ཀྱི་འདུ་བྱེད་བསལ
་ནས་རྣམ་པར་གྲོལ་བ་ཐོབ་པར་བྱེད་དོ།། གློག་ཐོབ་འདི་ལྟ་སྟེ་དཔེར་ན། སྨན་པ་བཟང་པོ་ནད་མང་པོ་གསོ་བ་ལ་མཁས་པ། སྔར་སྨན་དཔྱད་རྣམས་ཤིན་ཏུ་གོམས་པར་གྱུར་པ་ནི།
་ནད་ཀྱི་མཚན་མ་མཐོང་མ་ཐག་དུ་སྔགས་དང་སྨན་བཏང་བ་ཐམས་ཅད་རབ་ཏུ་རྟོགས་པར་གྱུར་པས་དེས་གསོས་པ་གང་ཡང་མི་གསོས་པ་མེད་དོ།། དེ་བཞིན་དུ་བྱང་ཆུབ་སེམས་དཔ
་ཡང་འདི་ལྟར་ཆོས་ཀྱི་དབྱིངས་ཤིན་ཏུ་ལེགས་པར་བརྟགས་པས། སྩོལ་བ་མེད་པའི་ཡེ་ཤེས་ཀྱིས།། གཏི་མུག་གི་སྤྱོད་པ་བསགས་པའི་སེམས་ཅན་དེ་དག་གི་དབང་པོ་དང་།
་རཏྣ་བཞིན་ཇི་ལྟ་བ་བཞིན་དུ། ཆོས་ཀྱི་སྒོ་མོ་བརྒྱ་སྟོང་དུ་མ་བསྟན་ནས། ཐམས་ཅད་རབ་ཏུ་གསལ་བར་རྟོགས་པར་བྱེད་དེ། གློག་ཐོབ་འདི་ནི་བྱང་ཆུབ་སེམས་དཔའ་སེམས
་དཔའ་ཆེན་པོ་རྣམས་ཀྱི་གཏི་མུག་སྤྱོད་པའི་གཏེར་ཅེས་བྱའོ།། བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན། རྟེན་ཅིང་འབྲེལ་པར་འབྱུང་བ་ལེགས་པར་སོ་སོར
་བརྟགས་ནས། གཏི་མུག་སྤྱོད་པའི་སེམས་ཅན་དེ་དག་གི་ཆེད་དུ། བསྐལ་པ་འམ་བསྐལ་པ་ལས་ལྷག་པར་དེ་དག་གི་རང་བཞིན་དང་། འདུན་པ་ཇི་ལྟ་བ་བཞིན་དུ།
་ཚིག་འབྲུ་དང་ཡི་གེ་དང་། བརྗོད་པ་རྣམ་པ་སྣ་ཚོགས་ཀྱི་ཐབས་མཁས་པས་ཆོས་སྟོན་པར་བྱེད་ཀྱང་། གཏི་མུག་སྤྱོད་པ་མཐའ་ཡང་རྙེད་པར་མི་འགྱུར་ལ། བྱང་ཆུབ
་སེམས་དཔའ་དེའི་ཤེས་རབ་དང་། སྤོབས་པ་ཡང་གཏུགས་པར་མི་འགྱུར་ཏེ། འདི་ནི་བྱང་ཆུབ་སེམས་དཔའ་ཆོས་ཐམས་ཅད་དབྱེར་མེད་པའི་མཚན་ཉིད་ལེགས་པར
་བཤད་པས་ཐོབ་པའི་གཏི་མུག་སྤྱོད་པའི་གཏེར་ཅེས་བྱའོ།། འདི་ལྟར་གཏི་མུག་སྤྱོད་པ་ཉི་ཁྲི་གཅིག་སྟོང་དང་། སྤྱོད་པ་གཞན་གཏོགས་པ་བརྒྱད་ཁྲི་བཞི་སྟོང་དུ
་གྱུར་པ་དེ་དག་བྱང་ཆུབ་སེམས་དཔའ་ཡོངས་སུ་སྤང་བའི་ཕྱིར། ཆོས་ཀྱི་སྒོམ་བརྒྱ་སྟོང་དུ་མ་རབ་ཏུ་ཕྱེ་ནས། ཡང་དག་པར་སྟོན།
་བ་གང་ཡིན་པ་དེ་ནི། བྱང་ཆུབ་སེམས་དཔའི་གཏི་མུག་སྤྱོད་པའི་གཏེར་ཅེས་བྱའོ།། གཞན་ཡང་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི།
་ཆ་མཉམ་པར་སྤྱོད་པའི་གཏེར་ཅེས་བྱ་བ་ཇི་ལྟ་བུ་ཡིན་ཞེ་ནོ། འདི་ལྟ་སྟེ་དཔེར་ན། མེ་ལོང་གི་དཀྱིལ་འཁོར་ཤིན་ཏུ་དག་ཅིང་ཡོངས་སུ་གསལ་བ། དྲི་མ་རྣམས་མེད་པ།
་ལམ་གྱི་བཞི་མདོར་བཞག་ན། གཟུགས་བརྙན་རྣམས་དེར་སྣང་ཞིང་འཕེལ་བ་དང་། འགྲིབ་པ་མེད་ཀྱང་མེ་ལོང་གི་དཀྱིལ་འཁོར་དེ་བདག་གི་གཟུགས་བསྟན་རྣམ་པ་སྣ
་ཚོགས་འདི་དག་སྟོན་པར་བྱེད་དོ་ཞེས་མི་སེམས་མོད་ཀྱི། འོན་ཀྱང་མེ་ལོང་གི་དཀྱིལ་འཁོར་དེ་ཤིན་ཏུ་བྱི་དོར་ལེགས་པར་བྱས་ནས་གཟུགས་བསྙེན་གྱི་རྣམ་པ་ཐམས་ཅད།།
་རང་གི་ངང་གིས་རབ་ཏུ་སྣང་བར་འགྱུར་རོ།། དེ་བཞིན་དུ་བྱང་ཆུབ་སེམས་དཔའ་ཡང་ཆོས་ཀྱི་དབྱིངས་ཀྱི་མེ་ལོང་གི་དཀྱིལ་འཁོར་ཤིན་ཏུ་ལེགས་པར་བྱི་དོར་བྱས་པས།།
་རྩོལ་བ་མེད་པའི་ཏིང་ངེ་འཛིན་ལ་གནས་ནས། སེམས་ཅན་རྣམས་ཀྱི་སེམས་ཀྱི་སྤྱོད་པའི་བྱེ་བྲག་ཇི་ལྟ་བ་བཞིན་དུ། ཆོས་ཀྱི་སྒོ་མོ་བརྒྱ་སྟོང་དུ་མ་རྣམ་པར་ཕྱེ་སྟེ།
་བསྟན་ནས། དེ་དག་ཐམས་ཅད་རབ་ཏུ་རྟོགས་ཤིང་རྣམ་པར་གྲོལ་བ་ཐོབ་པར་བྱས་ཀྱང་། ཆོས་ཀྱི་མཚན་མ་དང་སེམས་ཅན་གྱི་མཚན་མ་སྐྱེད་པར་མི་བྱེད་དོ།། དེ་ཅིའི
་ཕྱིར་ཞེ་ན། བྱང་ཆུབ་སེམས་དཔའ་དེས་ཆོས་ཀྱི་དབྱིངས་ཀྱི་མཚན་ཉིད་ཤིན་ཏུ་ལེགས་པར་རྟོགས་པའི་ཕྱིར་དང་། སྤྱོད་པ་བཞི་པོ་དེ་དག་དང་། མཚུངས་པར་ལྡན་པའི
་སེམས་ཅན་གང་ཡིན་པ་དེ་དག། ཡང་དག་པ་ཇི་ལྟ་བ་བཞིན་དུ་རབ་ཏུ་རྟོགས་པས། དེ་དག་གི་དབང་པོ་དང་རང་བཞིན་དུ་མྱོས་སྟོན་པར་བྱེད་ཀྱང་། ཆོས་ཀྱི་དབྱིངས་དང
་སེམས་ཅན་གྱི་ཁམས་ཡང་དག་པ་ཇི་ལྟ་བ་བཞིན་དུ་སོ་སོར་རྟོགས་པར་བྱས་པས་གཉིས་སུ་གྱུར་པའི་མཚན་ཉིད་ཀྱང་མེད་དོ། ཆོས་ཀྱི་དབྱིངས་དང་སེམས་ཅན་གྱི་ཁམ།
་ཇི་ལྟ་བ་དེ་དག་གཉིས་སུ་མེད་ཅིང་། ཐ་དད་པ་མེད་པ་མཐོང་བའི་ཕྱིར་རོ།། གློག་ཐོབ་འདི་ལྟ་སྟེ་དཔེར་ན། ན་མཁའ་ལ་ནི་ཐ་དད་པ་རྣམ་པ་སྣ་ཚོགས་ཀྱི་མཚན་མ
་ཡང་མེད་ལ། རྣམ་པར་བཞག་པ་ཡང་མེད་དོ།། དེ་བཞིན་དུ་བྱང་ཆུབ་སེམས་དཔའ་ཡང་། ཆོས་ཀྱི་དབྱིངས་ཤིན་ཏུ་ལེགས་པར་སོ་སོར་བརྟགས་ནས། ཆོས་ཐམས།
་ཅད་མཚན་ཉིད་གཅིག་ཏུ་འཇུག་པར་རྟོགས་པ་དང་། སྔོན་གྱི་སྨོན་ལམ་གྱིས་མཐུས་སེམས་ཅན་གྱི་སྤྱོད་པ་ཇི་ལྟ་བ་བཞིན་དུ་ཆོས་རྣམ་པ་སྣ་ཚོགས་སྟོན་པར་བྱེད་ཀྱང་།
་ཆོས་ཀྱི་དབྱིངས་ལ་ནི་ཐ་དད་དུ་གྱུར་པ་མེད་དོ།། གློག་ཐོབ་ཆུ་མཉམ་པའི་སྤྱོད་པ་འདི་ལ་ཉི་ཁྲི་གཅིག་སྟོང་ཡོད་པ་དང་། སྤྱོད་པ་གཞན་གཏོགས་པར་བརྒྱད་ཁྲི་བནི
་སྟོང་དུ་གྱུར་པ་དེ་དག་ཀྱང་། བྱང་ཆུབ་སེམས་དཔས་སོ་སོར་བརྟགས་ནས། ཐམས་ཅད་གསལ་བར་རྟོགས་པར་འགྱུར་ཏེ། འདི་ལྟ་སྟེ་དཔེར་ན། སྤར་པ་མཁས
་པ་ནད་དང་སྨན་གཏོང་བ་རབ་ཏུ་ཤེས་པ་བཞིན་དུ། སྩོལ་མེད་པའི་ཡེ་ཤེས་ཀྱིས་ཆོས་རྣམ་པ་སྣ་ཚོགས་སྟོན་པར་བྱེད་པ་གང
་ཡིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆ་མཉམ་པའི་སྤྱོད་པའི་གཏེར་ཅེས་བྱའོ།། བྱང་ཆུབ་སེམས་དཔའ་གང་གིས་གཏེར་འདི་ཐོབ་པར
་གྱུར་ན་སེམས་ཅན་རྣམས་ཀྱི་ཆེད་དུ། བསྐལ་པ་འམ་བསྐལ་པ་ལས་ལྷག་པར་དེ་དག་གི་མོས་པ་ཇི་ལྟ་བ་བཞིན་དུ་བརྗོད་པ་རྣམ་པ་སྣ་ཚོགས་ཀྱིས་ཐབས་མཁས་པས
་ཆོས་སྟོན་པར་བྱེད་ཀྱང་། སྤྱོད་པ་དེ་དག་གི་མཐའ་ཡང་རྙེད་པར་མི་འགྱུར་ལ། བྱང་ཆུབ་སེམས་དཔའ་དེའི་ཤེས་རབ་དང་། སྤོབས་པ་ཡང་གཏུགས་པར་མི་འགྱུར་ཏེ།
་འདི་ནི་བྱང་ཆུབ་སེམས་དཔའ་ཆོས་ཀྱི་དབྱིངས་དབྱེར་མེད་པའི་མཚན་ཉིད་ལེགས་པར་བཤད་པས་ཐོབ་པའི་ཆ་མཉམ་པའི་སྤྱོད་པའི་གཏེར་ཅེས་བྱའོ།། །
་། བམ་པོ་གཉིས་པའོ།། །། གཞན་ཡང་གློག་ཐོབ་བྱང་ཆུབ་སེམས་དཔའ་དེས་དེ་ལྟ་བུའི་ཡེ་ཤེས
་ཡོངས་སུ་རྫོགས་པར་གྱུར་པས་སེམས་ཅན་རྣམས་ཀྱི་དབང་པོ་དང་། སྤྱོད་པ་དང་། བསམ་པ་ཡང་ཐ་བས་མཁས་པས་རབ་ཏུ་རྟོགས་པས། གལ་ཏེ་འདོད་ཆགས
་མང་བའི་སེམས་ཅན་མཐོང་བར་གྱུར་ན། དེ་དག་རབ་ཏུ་གདུལ་ཞིང་། དེ་དག་གི་ནང་གསོ་བའི་ཕྱིར་སོ་སོའི་སྐྱེ་བོ་དང་མཐུན་པར་འདོད་པ་རྣམས་ལ་ཡོངས་སུ་སྤྱོད་པ་དང་།
་བུ་དང་ཆུ་མ་དང་ཁྱིམ་གྱི་སོ་མཆི་ཕུན་སུམ་ཚོགས་པ་སྟོན་པར་བྱེད་ཀྱང་། པད་མ་བཞིན་དུ་མགོས་ཤིང་མངོན་པར་ཞེན་པར་གྱུར་པ་མེད་དོ།། སེམས་ཅན་གང་གཏི་མུག་ཅིང
་བློ་དང་མི་ལྡན་པ་དེ་དག་ནི། བྱང་ཆུབ་སེམས་དཔའི་ཐབས་མཁས་པ་མི་ཤེས་པས་འདི་སྙམ་དུ་བློ་དང་ལྡན་པ་སུ་ཞིག། སོ་སོའི་སྐྱེ་བོ་དང་ཐ་མི་དད་པར། འདོད་པ་རྣམས
་ཉམས་སུ་ལེན་པར་བྱེད་ཅེས། བྱང་ཆུབ་སེམས་དཔའ་དེ་ལ་འདི་ནི། བྱང་ཆུབ་སྤངས་པ་ཡིན་ནོ་སྙམ་དུ་སེམས་པར་བྱེད་དེ། སེམས་ཅན་དེ་ལྟ་བུ་དེ་དག་ནི་སེམས
་མི་གཙང་བའི་ཕྱིར་ཞེ་སྡང་ཆེན་པོ་སྐྱེས་ནས་གུས་པར་མི་འགྱུར་བས་ལས་དེའི་དབང་གིས་ལུས་ཞིག་སྟེ་ཤི་བའི་འོག་ཏུ་སེམས་ཅན་དམྱལ་བ་ཆེན་པོར་ལྟུང་བར་འགྱུར་ཡང
་འདི་ལྟར། བྱང་ཆུབ་སེམས་དཔའ་ཤིན་ཏུ་གསང་བས་འདུལ་བའི་རྒྱ་དང་རྐྱེན་གྱིས་ཁ་ན་མ་ཐོ་བའི་རྣམ་པས་ཡོངས་སུ་ཟད་ནས། གདོན་མི་ཟ་བར་མཉམ་པ་ཉིད་ཐོབ་པ
་ལ་རབ་ཏུ་དགོད་པར་བྱེད་དོ།། གློག་ཐོབ་འདི་ལྟ་སྟེ་དཔེར་ན། མེ་རབ་ཏུ་འབར་བ་ནི། རྩཝ་དང་ཤིང་ཕྲད་པར་གྱུར་པ་ན། ཐམས་ཅད་རབ་ཏུ་འབར་ཞིང་། མེའི་ཕུང་པོ་ཉིད་དུ
་མངོན་པར་འགྲུབ་པར་འགྱུར་རོ།། དེ་བཞིན་དུ་བྱང་ཆུབ་སེམས་དཔའ་ཡང་ཡེ་ཤེས་ཀྱི་མེ་འབར་བར་འགྱུར་བ་ན། སེམས་ཅན་རྣམས་ཀྱི་འདོད་ཆགས་དང་། ཞེ་སྡ
་དང་། གཏི་མུག་དང་། དགེ་བ་དང་། མི་དགེ་བ་ཇི་སྙེད་པོ་དེ་དག་བྱང་ཆུབ་སེམས་དཔའ་དང་ལྷན་ཅིག་འགྲོགས་ཤིང་ཐམས་ཅད་རབ་ཏུ་འབར་ནས། ཤེས་རབ་ཉིད་དུ
་མངོན་པར་གྲུབ་པར་གྱུར་ཏེ། འདི་ནི་བྱང་ཆུབ་སེམས་དཔའི་མ་འདྲེས་པའི་ཆོས་ཤེས་བྱའོ།། གཞན་ཡང་འདི་ལྟ་སྟེ་དཔེར་ན།
་རིའི་རྒྱལ་པོ་རི་རབ་ཀྱི་མ་འདྲེས་པའི་མཚན་ཉིད་ནི། འདི་ལྟ་སྟེ་རིན་པོ་ཆེ་སྣ་བཞི་ལས་མངོན་པར་གྲུབ་པ་ཡིན་པས་སེམས་ཅན་རྣམས་ཀྱང་དེའི་རྗེས་སུ་ཁ་དོག་སྔོན་པོ
་དང་། སེར་པོ་དང་། དམར་པོ་དང་། དཀར་པོ་རྣམ་པ་སྣ་ཚོགས་ཀྱི་མཚན་ཉིད་དུ་འགྱུར་བར་བྱེད་དོ།། གལ་ཏེ་བཻ་དཱུརྱའི་ངོས་སུ་ཕྱིན་པ་ནི། ཐམས་ཅད་བཻ
་དཱུརྱའི་ཁ་དོག་གཅིག་པུ་ཉིད་དུ་འགྱུར་བར་བྱེད་དོ།། གསེར་གྱི་ཁ་དོག་གི་ངོས་སུ་ཕྱིན་ནེ་ནི་ཐམས་ཅད་ཁ་དོག་ཉིད་དུ་འགྱུར་བར་བྱེད་དོ།། དངུལ་དང་ཆུ་ཤེལ
་གྱི་ཁ་དོག་དུ་གྱུར་པ་ཡང་དེ་བཞིན་ནོ།། དེ་བཞིན་དུ་བྱང་ཆུབ་སེམས་དཔའ་ཡང་མ་འདྲེས་པའི་ཆོས་ཐོབ། སེམས་ཅན་རྣམས་ཀྱི་འདོད་ཚོགས་དང་། ཞེ་སྡང་དང་།
་གཏི་མུག་དང་། དགེ་བ་དང་། མི་དགེ་བ་ཇི་སྙེད་པ་དག་བྱང་ཆུབ་སེམས་དཔའི་ཐད་དུ་ཕྱིན་ཅིང་ལྷན་གཅིག་འགྲོགས་པར་གྱུར་ན། ཐམས་ཅད་བྱང་ཆུབ་སེམས་དཔའི
་ཡེ་ཤེས་ལ་འཇུག་པ་ཉིད་དུ་འགྱུར་བ་བྱེད་ཀྱང་དེའི་སེམས་མི་གཙང་ཞིང་། རང་གི་སྡིག་པའི་ལས་ཀྱི་དབང་གིས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་།
་གཤིན་རྗེའི་འཇིག་རྟེན་ཏུ་ལྟུང་བར་གྱུར་པས། འདི་ལྟར་བྱང་ཆུབ་སེམས་དཔའི་མ་འདྲེས་པའི་ཡོན་ཏན་དང་། སྨོན་ལམ་གྱི་སྟོབས་ཀྱི་ཁ་ན་མ་ཐོ་བའི་རྣམ་པར
་སྨིན་པ་ཟད་པའི་འོག་ཏུ། གདོན་མོ་ཟ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་བ་ལ་དགོད་པར་བྱེད་དོ།། གློག་ཐོབ་སྔོན་བྱུང་བ་འདས
་པའི་བསྐལ་པ་ཚད་མེད་དཔག་ཏུ་མེད་གྲངས་མེད་པ་ན། སྙིགས་པ་ལྔའི་དུས་ཀྱི་ཚེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས།
་རིགས་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པའི་སྐྱེས་བུའི་ཁ་ལོ་སྦྱར་བ། ལྷ་དང་མི་རྣམས་ཀྱི་སྟོན་པ་སངས་རྒྱས
་བཅོམ་ལྡན་འདས་རིན་པོ་ཆེའི་ཕུང་པོའི་ཡོན་ཏན་གྱི་སྒྲ་ཞེས་བྱ་བ་བྱུང་སྟེ། དེའི་ཚེ་སྐྱེ་དགུ་རྣམས་ཚེ་ལོ་བརྒྱ་ཉི་ཤུ་ཐུབ་པར་གྱུར་ཏེ། ད་ལྟ་ང་ཇི་ལྟ་བ་བཞིན་ནོ།། དེའི་ཚེ
་སེམས་ཅན་རྣམས་འདོད་ཆགས་དང་། ཞེ་སྡང་དང་། གཏི་མུག་ཤིན་ཏུ་ཆེ་བས། ཉོན་མོངས་པ་རྣམས་ཀྱི་ཟིལ་གྱིས་ནོན་པས། ཕ་མ་དང་ཕུ་ནུ་དང་གྲོགས་པོ་ཡིད་དང
་འགལ་བར་བྱེད་པ། མཁོན་པོ་དང་སློབ་དཔོན་གྱི་རྗེས་སུ་མི་འབྲང་བ། བྱས་པའི་དྲིན་མི་གཟོ་བ་རྟག་པར་གནོད་སེམས་དང་བཅས་པ། གཡོ་སྒྱུ་དང་རྐུན་བུའི་སེམས
་དང་ལྡན་པ། ཕན་ཚུན་གཅིག་ལ་གཅིག་གནོད་པར་བྱེད་པ། ཚུལ་བཞིན་མ་ཡིན་པར་སྤྱོད་པ་དང་། སངས་རྒྱས་དང་།། ཆོས་དང་། དགེ་འདུན་ལ་གུས་པ་མེད་པ།
་སེར་སྣས་ཟིལ་གྱིས་ནོན་པས། ཡི་དགས་ཆོས་སྤྱོད་པར་གྱུར་པའི་སེམས་ཅན་དེ་ལྟ་བུ་ཤ་སྟག་སངས་རྒྱས་ཀྱི་ཞིང་དེ་ན། གནས་པར་གྱུར་པས་ཤིན་ཏུ་གདུལ་དཀའ་བར
་གྱུར་ཏོ།། དེའི་ཚེ་བཅོམ་ལྡན་འདས་དེ་ཡང་། སྔོན་གྱི་སྨོན་ལམ་གྱི་མཐུས། དུས་ངན་པ་དེའི་ཚེ། བླ་ན་མེད་པ་ཡང་དག་པར་རྫོགས་པའི་བྱང
་ཆུབ་མངོན་པར་རྫོགས་པར་སངས་རྒྱས་པར་གྱུར་ཏེ། བཅོམ་ལྡན་འདས་དེ་ལ་ཉན་ཐོས་ཆེན་པོའི་ཚོགས་ནི་ཉི་ཁྲི་ཉི་སྟོང་མངའ་བར་གྱུར་ཏོ།། དེའི་ཚེ་དེའི་དུས་ན། རྒྱལ
་པོ་རྒྱ་ཆེར་བྱིན་པ་ཞེས་བྱ་བ་འཛམ་བུ་གླིང་ལ་དབང་བའི་དབང་ཕྱུག་དང་ལྡན་པ། སངས་རྒྱས་ཀྱི་བསྟན་པ་ལ་སེམས་ཤིན་ཏུ་དད་པར་གྱུར་པ་ཞིག་ཡོད་པ་དེས། དེ་བཞིན་གཤེགས
་བ་དེ་ཉན་ཐོས་ཀྱི་དགེ་འདུན་དང་བཅས་པར། དབྱར་ཟླ་བ་གསུམ་སྤྱན་དྲངས་ཏེ། མཆོད་པ་རྒྱ་ཆེར་བཤམས་ནས། མཆོད་ཅིང་རིམ་གྲོ་བྱས་སོ།། དེའི་དགེ་སློང་དྲི་མ་མེད
་པ་ཞེས་བྱ་བ་སྤོབས་པ་ཕུན་སུམ་ཚོགས་པ། ཆོས་སྟོན་པའི་ཐབས་མཁས་པས་འཁོར་མང་པོ་རྣམས་ཉན་པར་སྤྲོ་བ། སེམས་ཅན་ཡོངས་སུ་སྨིན་པར་བྱེད་པ་ལ་རྟག་པར
་ངལ་བ་མེད་པ། རེ་བ་མེད་པར་ཆོས་སྟོན་པ། མདོག་གསལ་ཞིང་གསོང་པོར་སྨྲ་བ། གཟུགས་དང་སྟོབས་ཕུན་སུམ་ཚོགས་པ། བྱང་བཞིན་སྡུག་ཅིང་མཛེས་པ་སེམས་ཅན
་རྣམས་ཀྱིས་མཐོང་བར་མོས་ཤིང་། རིམ་གྲོ་དང་། བཀུར་བསྟི་དང་། བླ་མར་བྱེད་ཅིང་བསྔགས་པ་བརྗོད་པ་ཞིག་ཡོད་དེ། དགེ་སློང་གསེར་བུ་དག་ཀྱང་རྟག་པར་དྲི་མ་མེད་པའི
་རྗེས་སུ་འབྲང་ཞིང་། རྒྱལ་པོའི་ཕོ་བྲང་འཁོར་དུ་འབྱུང་ཞིང་འཇུག་པ་དག་ལ་ཐོགས་པ་མེད་པར་གྱུར་པས་གོས་དང་། བཟའ་བ་དང་། གཏུང་བ་དང་། མལ་སྟན་དང་། ན་བའི
་གསོས་སྨན་རྣམ་པ་སྣ་ཚོགས་ཀྱིས་ཀྱང་རིམ་གྲོར་བྱས་པར་གྱུར་ཏོ།། དེའི་ཚེ་འཁོར་མང་པོ་དེ་ལས་དགེ་སློང་ཕལ་ཚེར་ལུས་ཀྱི་སྡོམ་པ་དང་། སེམས་ཀྱི་ཤེས་རབ་བསྒོམས་པ་མི།
་ཤེས་པ། སངས་རྒྱས་དང་། ཆོས་དང་། དགེ་འདུན་ལ་གུས་པ་མེད་པ། རྟག་པར་ལྟ་བ་དང་། ཆད་པར་ལྟ་བ་དང་། བདག་ཏུ་ལྟ་བ་ལ་སོགས་པ་དང་ལྡན་པ། སངས
་རྒྱས་ཀྱི་ཆོས་ལ་བསྐུར་པ་འདེབས་པ། རྣམ་པར་གཡེང་ཞིང་གདུལ་དཀའ་བ། དབང་པོ་རྣམས་མི་སྡོམ་པ། ཆོས་བཞིན་མ་ཡིན་པ་ལ་གནས་པ། དགེ་སློང་གི་ཚུལ་མེད་པར
་བདག་ཉིད་དགེ་སྦྱོང་དུ་ཁས་འཆེ་བ། ལུས་དང་ངག་དང་ཡིད་ཀྱི་ལས་ཐམས་ཅད་ལོག་པར་ཞུགས་པ་ཤ་སྟག་གནས་པར་གྱུར་ཏོ།། དེའི་ཚེ་བཅོམ་ལྡན་འདས་དེ་དབྱར་འདས་ནས
་ཡོངས་སུ་མྱ་ངན་ལས་འདས་པ་དང་། རྒྱལ་པོ་རྒྱ་ཆེར་སྦྱིན་པས། ཙན་དན་དམར་པོས་སྐུ་ཞུགས་ལ་བཞེན་ནས། མཆོད་པར་བྱས་ཏེ། རིང་སྲེལ་གྱི་མཆོད་རྟེན་ངོས་བཞི་ཀུན་ཏུ
་ཙན་དན་དམར་པོའི་མུ་ཁྱུད་ཀྱིས་བསྐོར་པ། པད་མ་གསེར་གྱི་ཁ་དོག་དང་ལྡན་པ་བྱེ་བ་ཕྲག་བརྒྱད་ཅུ་བརྩིགས་སོ།། དེའི་ཚེ་དགེ་སློང་དྲི་མ་མེད་པ་ནི། བཅོམ་ལྡན་འདས་དེས
་མང་དུ་ཐོས་པའི་མཆོག་ཏུ་ལུང་བསྟན་པས། དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་པའི་འོག་ཏུ་དམ་པའི་ཆོས་རྒྱ་ཆེར་སྤེལ་ཏེ། གྲོང་དང་། གྲོང་ཁྱེར་དང་། གྲོང་རྡལ
་གང་དུ་སོང་བ་དེར། སེམས་ཅན་བརྒྱ་སྟོང་ཚད་མེད་པ་སྙེད་ཡོངས་སུ་བཏུལ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་པར་གྱུར་ཏོ།། དེའི་ཚེ་དགེ་སློང་སྔ
་ཅན་མང་པོ་རྣལ་འབྱོར་ཁོང་དུ་མ་ཆུད་པ། རྟག་པར་ཕྲག་དོག་དང་བཅས་པ། བདུད་ཀྱིས་བསླུས་པ་རྣམས་རྒྱལ་པོ་དོག་ལ་བ་དེར་དོང་སྟེ། འདི།
་སྐད་དུ་རྒྱལ་པོས་བཀུར་བའི་དགེ་སློང་དྲི་མ་མེད་པ་ནི་རྒྱལ་པོའི་ཕོ་བྲང་དུ་བྱུང་ཞིང་འཇུག་པ་ལ་ཐགས་ཐོགས་མ་མཆིས་ཏེ། དགེ་སློང་འདི་འདོད་ཆགས་དང་བྲལ་བ་ཡང་མ་ལགས་ལ
་དུས་མ་ལགས་པར་ཟས་འཚལ་ཏེ། སྤོས་དང་འཕྲེང་བ་དག་གིས་ཀྱང་ལུས་བརྒྱན་པར་བགྱིད་པས། ཡང་དག་པར་ཚངས་པར་སྤྱོད་པ་མ་ལགས་པས། མཆོད་པ་མཛད་པའི
་མི་རིགས་སོ།། བདག་ཅག་ནི་དོན་འདིའི་སླད་དུ་འདིར་མཆིས་ནས། རྒྱལ་པོ་ལ་གསོལ་བ་ལགས་ཀྱིས། སླད་ཀྱིས་འགྱོད་པར་ཡང་མཛད་ཅིག། སངས་རྒྱས་ཀྱི་ཡང་དག
་པའི་བསྟན་པ་ལ་ཐུགས་མི་ཆེས་པ་ཡང་མི་སྐྱེད་དུ་གསོལ་ཞེས་སྨྲས་སོ།། དེའི་ཚེ་བདུད་སྡིག་ཅན་ཞེས་བྱ་བ་གཅིག་གིས་ཀྱང་བདག་ཉིད་དགེ་སློང་གི་གཟུགས་སུ་བསྒྱུར་ནས།
་རྒྱལ་པོ་དེ་ག་ལ་བ་དེར་སོང་སྟེ་སྔ་མ་བཞིན་སྨྲས་པ་དང་། དེའི་ཚེ་རྒྱལ་པོ་རྒྱ་ཆེར་བྱིན་པ་ཡང་། ཡང་ནས་ཡང་དུ་དེ་སྐད་ཅེས་སྨྲས་པ་ཐོས་ནས། འདི་སྙམ་དུ་དགེ་སློང་དྲི་མ
་མེད་པ་ནི་རབ་ཏུ་བརྩོན་ཞིང་བློ་དང་ལྡན་པས། བདག་གིས་བློ་མ་བཀུར་བ་ཡིན་ཏེ། དངོས་པོ་འདི་ལྟ་བུ་མེད་པ་ནི་གནས་མེད་དོ་སྙམ་པོ།། དེ་ནས་དེའི་ཚེ་བདུད་ཀྱི་འཁོར་རྣམས
་བར་སྣང་ལ་ལུས་ཕྱེད་བསྟན་ནས་རྒྱལ་པོ་ལ་ཚིགས་སུ་བཅད་དེ་སྨྲས་པ། རྒྱལ་པོ་བཟོ་ཡི་སྒྱུ་རྩལ་སློབས།། དུས་ཚོང་དག་ལ་མཁས་པར་གྱིས།། རྒྱལ་པོས་དེ་ནི་མ་ཤེས་ན།
་མི་རྒྱལ་རྟགས་དང་ལྡན་མ་ཡིན།། སངས་རྒྱས་ཉན་ཐོས་དགྲ་བཅོམ་པ།། ཡེ་ཤེས་ཆེན་པོ་ལྡན་པ་ཡི།། ཚིག་དག་ལ་ནི་མི་རྟེན་པར།། ཅིའི་ཕྱིར་ན་ཆེན་པོར་ལྟ།།
་དགེ་སློང་རྣམས་ནི་ཕན་གདགས་ཕྱིར།། ཁྱོད་ལ་བདེན་ཚིག་སྨྲས་པ་ཡིན།། ཆད་སྨྲ་ངན་འགྲོར་འགྲོ་བའི་མི།། ཡང་དག་ཚངས་སྤྱོད་མ་ཡིན་པས།། དེ་ནི་རྒྱལ་པོའི་ཕོ་བྲང
་དུ། བཙུན་མོ་དག་དང་ལྷན་ཅིག་རྩེ།། རྒྱལ་པོ་འཁོར་དང་བཅས་པ་ཡིས།། ལེགས་པར་རྟོགས་ལ་ཙོམ་སེམས།། རྒྱལ་པོས་དངོས་པོ་འདི་ཐོས་ནས།། སེམས་ལ
་སྐྲག་ཅིང་མྱ་ངན་སྐྱེས།། འཁོར་རྣམས་དང་ནི་ལྷན་གཅིག་ཏུ།། མྱུར་ཞིང་རིངས་པར་ཕོ་བྲང་འདོང་།། དེ་ཚེ་དྲི་མེད་ཕོ་བྲང་ནས།། ཆོས་རྣམས་རང་བཞིན་སྟོང་པ་དང་།།
་བདག་དང་སེམས་ཅན་མེད་པའི།། དམ་པའི་དོན་ནི་སྟོན་པར་བྱེད།། རྒྱལ་པོ་དམག་འཁོར་བཅས་པ་དག། ཐམས་ཅད་བདུད་ཀྱིས་བསླུས་པས་ན།། ཕོ་བྲང་ནང་གི་བཙུན
་མོ་རྣམས།། དགེ་སློང་ཡོངས་བསྐོར་མཐོང་བ་དང་། ཞེ་སྡང་གླང་ཆེན་མོས་པ་བཞིན།། གཤེད་མ་དག་ལ་རབ་བསྒོ་བ།། དགེ་སློང་ངའི་བཙུན་མོས་བསླུས།།
་སྡུག་བསྔལ་ཆོས་ཀྱི་ཆད་པས་ཆོད།། བློན་པོ་འཁོར་དང་བཅས་པ་རྣམས།། ཐམས་ཅད་བདུད་ཀྱིས་ཟིན་པས་ན།། དགེ་སློང་ཉེས་པ་མེད་པ་ལ།། སེམས
་ཀྱིས་གནོད་པ་བྱ་བར་བསམས།། གཤེད་མས་མཚོན་ཐོགས་འོངས་པ་དང་།། དྲི་མེད་སྙིང་བརྩེ་མཆི་མ་བྱུང་།། རྒྱལ་པོས་ཁྱོད་ནི་ཆོས་མིན་ན།། ཅིའི་ཕྱིར
་ན་མཆི་མ་བྱུང་།། དྲི་མེད་རྒྱལ་པོ་ལ་སྨྲས་པ།། དངོས་པོ་འདི་ནི་ཡིད་ཆེས་དཀའ།། རེ་ཤིག་སྐད་ཅིག་སྡོད་ཅིག་དང་། བདག་ལ།
་གསལ་བའི་དབང་ཡོད་དོ།། རྒྱལ་པོས་དགེ་སློང་ཚིག་ཐོས་ནས།། གཤེད་མ་དག་ལ་ཚིག་ཅིག་བསྒོ།། བདེན་པའི་དངོས་པོ་ཅི་ཞིག་ཡོད།། ཁྱོད་ཀྱིས་མྱུར་ཏུ་སྨྲ
་བའི་རིགས།། ལྷག་པའི་བསམ་པ་ལྡན་འགྱུར་ཞིང་།། སྙིང་རྗེ་འཇིག་རྟེན་ཕན་འདོགས་པས།། སོར་མོ་བཅུའི་ཐལ་སྦྱར་ཏེ།། བདེན་པའི་ཚིག་ནི་འདི་སྐད་སྨྲས།
་རྒྱལ་པོ་ཆེན་པོ་མཁྱེན་པར་མཛོད།། གལ་ཏེ་ཡང་དག་ཉེས་མེད་ན།། ས་འདི་རྣམས་པ་དྲུག་ཏུ་གཡོས།། མཁའ་ལས་མེ་ཏོག་ཆར་ཕོབ་ཤིག། དེ་སྐད་ཚིག་ནི་སྨྲས་མ
་ཐག། ས་ཆེན་རྣམ་པ་དྲག་ཏུ་གཡོས།། མཁའ་ལས་ལྷའི་མེ་ཏོག་བབས།། བདུད་འཁོར་མྱ་ངན་སྐྱེས་པར་གྱུར།། དེ་ཚེ་རྒྱལ་པོ་དང་བ་སྐྱེས།། རྐང་ལ་ཕྱག་བྱས
་བཟོད་པར་གསོལ།། བདག་ནི་དམྱལ་བར་ལྟུང་འགྱུར་ན།། མགོན་མེད་བདག་ལ་སྐྱབས་མཛོད་ཅིག། ཀྱི་ཧུད་སྡིག་པ་དེ་ཕྲད་པས།། གདུག་པའི་སེམས་ནི་སྐྱེས
་པར་གྱུར།། སྡིག་པའི་གྲོགས་པའི་རྗེས་འབྲང་བས།། མགོན་སྐྱབས་བྱེད་པ་སུ་ཡང་མེད།། སྟོན་པ་ཆེན་པོ་མ་གཏོགས་པར།། ཕྱོགས་བཅུར་བདག་གིས་མགོ
་བྱེད་མེད།། བདག་གིས་རྒྱལ་སྲིད་སྤངས་ནས་ནི།། ནམ་འཚོའི་བར་དུ་སྐྱོབསུ་མཆི།། དགེ་སློང་དེས་ནི་རྒྱལ་པོ་དང་།། གཡོག་འཁོར་བསམ་པ་རིག་གྱུར་ནས།།
་དཔ་པའི་ཆོས་ནི་རབ་ཏུ་བཤད།། རྒྱལ་པོས་ཐོས་ནས་དང་བ་ཐོབ།། འཁོར་ནི་བྱེ་བ་བརྒྱ་སྟོང་དང་།། རྒྱལ་སྲིད་སྤངས་ནས་རབ་ཏུ་བྱུང་།། སྤངས་པའི་སྡོམ་པ།
་བླངས་པས་ན།། གཞན་གྱིས་མགྲོན་གཉེར་ཡོད་མི་ལེན།། དེ་ཚེ་རྒྱལ་པོ་ཕོ་བྲང་ནས།། བཙུན་མོ་འཁོར་བཅས་བརྒྱད་ཁྲི་རྣམས།། དམ་པའི་དོན་ནི་ཐོས་པས
་ན། ཕྱིར་མི་ལྡོག་ལ་གནས་པར་འགྱུར།། རྒྱལ་པོས་སངས་རྒྱས་གསུངས་པ་བཞིན།། ལོ་ནི་ཉི་ཤུ་རྩ་བཞི་ཡི་བར།། ཉིན་མཚན་རྟག་པར་སྡིག་བཤགས་ཀྱང་།།
་འོན་ཀྱང་སྡིག་པའི་ལས་མ་བཟང་།། ལོ་ནི་བྱེ་མང་སྡུག་བསྔལ་མྱོང་།། སྡིག་ཟད་དེ་བཞིན་གཤེགས་དང་ཕྲད།། སྔོན་ནི་སྐྲག་པར་བྱས་པའི་རྒྱུས།། རྣམ་སྨིན
་ལྷག་མ་རྟག་པར་དམན།། མཐར་གྱིས་རྣལ་འབྱོར་རབ་བསྒོམས་ཏེ།། སངས་རྒྱས་བྱེ་བ་སྟོང་མཆོད་ནས།། སོ་སོར་ཞིང་ཁམས་གཞན་དག་ཏུ།། ཐམས་ཅད
་མངོན་པར་རྫོགས་སངས་རྒྱས།། ཐམས་ཅད་ཀུན་ཀྱང་མཚན་མཐུན་པས།། ཡོན་ཏན་གྲགས་པ་ཞེས་བྱར་འགྱུར།། དེ་ཚེ་རྒྱལ་པོ་རྒྱ་ཆེར་བྱིན།། དགེ་སློང་བྱམས
་བཟོད་དེ་ལ་ནི།། གདུག་པའི་སེམས་ནི་བསྐྱེད་པས་ན།། ལོ་ནི་བྱེ་བ་མང་པོར་ཡང་།། སྔོན་གྱི་སྡིག་ལས་མངོན་གྱུར།། ངུ་འབོད་ཆེན་པོར་ལྟུང་བར་གྱུར།།
་རྣམ་སྨིན་དེ་ནི་ཟད་ནས་ཀྱང་།། སླར་ཡང་མི་ལུས་ཐོབ་འགྱུར་ཏེ།། དེ་བཞིན་གཤེགས་པ་ཀུན་སྤྱན་ཕྲད།། རྟག་ཏུ་བསྙེན་བཀུར་རིམ་གྲོ་བྱས།། གཞན་ཡང
་སངས་རྒྱས་བྱེ་བ་ཕྲག། བརྒྱ་བཅུ་དག་ནི་རིམ་གྲོ་བྱས།། དེའི་འོག་ཏུ་སངས་རྒྱས་པ།། དེ་ནི་ང་བདག་ཉིད་ཡིན་ནོ།། ཆོས་སྨྲས
་ཉེས་པ་མེད་པ་ལ།། གནོད་པ་བྱས་པའི་དགེ་སློང་ནི།། མ་འོངས་མངོན་པར་ཚང་རྒྱ་བ།། བྱང་ཆུབ་སེམས་དཔའ་བྱམས་པ་ཡིན།། དེ་ཚེ་རྒྱལ་པོ་ཕོ་བྲང་ནང་།།
་བཙུན་མོ་འཁོར་ནི་བརྒྱད་ཁྲི་རྣམས།། ཤིན་ཏུ་དང་བས་དགེ་རྩས་བསྐྱེད།། སངས་རྒྱས་ཚད་མེད་རིམ་གྲོ་བྱས།། དེ་ལྟར་སྤྱོད་པ་རབ་བསྐྱེད་ནས།། སེམས་ཅན་ཕན
་བཏགས་སྨོན་ལམ་བཏབ།། སངས་རྒྱས་བྱེ་བ་སྟོང་མཆོད་ནས།། སོ་སོར་མངོན་པར་འཚང་ཡང་རྒྱ།། ངས་དེང་ཁྱེད་ལ་བསྒོ་བ་ནི།། ཐམས་ཅད་གནོད་སེམས
་མ་སྐྱེད་ཅིག། གང་ཞིག་བྱམས་བསྒོམས་སངས་རྒྱས་བསྔགས། 6། དེ་ལྟ་བས་ན་གློག་ཐོབ་སེམས་ཅན་རྣམས་ཀྱི་དབང་པོ་དང་། རང་བཞིན་དང་སྙམ་པ་དག་ལ། མི
་མཁས་པ་དག་གིས་དུས་ཐམས་ཅད་དུ། གནོད་སེམས་བསྐྱེད་པར་མི་བྱའོ།། གློག་ཐོབ་འདི་ལྟ་སྟེ་དཔེར་ན། རི་རྣམས་ཀྱི་ནང་ན་རི་རབ་མཆོག་ཏུ་གྱུར་པ་དེ་བཞིན་དུ།
་དེ་བཞིན་གཤེགས་པའི་ཡེ་ཤེས་ཀྱང་། ཡེ་ཤེས་རྣམས་ཀྱི་ནང་ན་མཆོག་དང་གཙོ་བོ་དང་། བླ་ན་མེད་པར་གྱུར་པ་ཡིན་ནོ།། འདི་ལྟ་སྟེ་དཔེར་ན། ཆུ་བོ་ཐམས་ཅད
་ཀྱི་ནང་ན་རྒྱ་མཚོ་མཆོག་ཏུ་གྱུར་པ་དེ་བཞིན་དུ། དེ་བཞིན་གཤེགས་པའི་ཡེ་ཤེས་ཀྱང་། ཡེ་ཤེས་ཀྱི་ནང་ན། མཆོག་ཏུ་ཟབ་ཅིང་རྒྱ་ཆེ་བར་གྱུར་པ་ཡིན་ནོ།། གཞན
་མྱུར་དུ་བྱང་ཆུབ་ཆེན་པོ་ཐོབ།
་ཡང་འདི་ལྟ་སྟེ་དཔེར་ན། རྒྱལ་པོ་རྣམས་ཀྱི་ནང་ན་འཁོར་ལོས་སྒྱུར་བའི་རྒྱལ་པོ་མཆོག་དང་གཙོ་བོ་དང་། བླ་མར་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང
་ཡེ་ཤེས་རྣམས་ཀྱི་ནང་ན་གོང་ན་མེད་པར་གྱུར་པ་ཡིན་ནོ།། གློག་ཐོབ་དེ་བཞིན་གཤེགས་པ་ནི། དེ་ལྟ་བུ་མཁྱེན་པ་དང་ལྡན་པའི་ཕྱིར་རོ།། སེམས་ཅན་ཐམས་ཅད་ཀྱི
་འདོད་ཆགས་དང་། ཞེ་སྡང་དང་། གཏི་མུག་སྤྱོད་པའི་སེམས་དང་། སེམས་ལས་བྱང་བ་འཇུག་ཅིང་འགྱུར་བ་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པས་རབ་ཏུ
་མཁྱེན་ཅིང་། སེ་གོལ་གཏོགས་པ་གཅིག་ལ། ཐམས་ཅད་ཡོངས་སུ་སྡུད་པར་མཛད་དོ།། གློག་ཐོབ་དེ་བཞིན་གཤེགས་པ་ནི་རྣམ་པ་ཐམས་ཅད་མཁྱེན་པ་ཉིད
་དང་ལྡན་པ་འདི་ལྟ་སྟེ་དཔེར་ན། སྐྱེས་བུ་མིག་དང་ལྡན་པས་རྩོལ་བ་ལ་མི་ལྟོས་རང་གི་ལག་མཐིལ་དུ་སྐྱུ་རུ་རའི་འབྲས་བུ་གསལ་བར་མཐོང་ཞིང་ཐེ་ཙོམ་མེད་པ་ལྟར། དེ
་བཞིན་གཤེགས་པ་ཡང་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཇི་སྙེད་པ་དག་རབ་ཏུ་མཁྱེན་པས། འཁོར་མང་པོའི་ནང་དུ་ཆོས་རྣམ་པ་སྣ་ཚོགས་ཡང་དག་པར་སྟོན་པ
་མཛད་དོ།། སངས་རྒྱས་ཀྱི་ཞིང་འཇིག་རྟེན་གྱི་ཁམས་ཚད་མེད་གྲངས་མེད་པ་དག་ན། འདོད་ཆགས་ཀྱི་སྤྱོད་པ་དང་མཚུངས་པར་ལྡན་པའི་སེམས་ཅན་རྣམས་འདོད་ཆགས་ཀྱིས།
་ཡོངས་སུ་གདུངས་ནས། ཉིན་མཚན་དུ་ཡིད་ལ་བྱེད་ཅིང་། དོན་མེད་པས་དུས་འདས་པར་བྱེད་པ་ཡང་ངེས་རབ་ཏུ་མཁྱེན་ཅིང་གཟིགས་སོ།། འདོད་ཆགས་ཀྱི་གདུང་བས
་ལུས་དང་ངག་གི་ལས་རྣམ་པ་སྣ་ཚོགས་སྤོང་བར་བྱེད་པ་དག་ཀྱང་། ངས་རབ་ཏུ་མཁྱེན་ཅིང་གཟིགས་སྷོ།། ཞེ་སྡང་སྤྱོད་པའི་སེམས་ཅན་ན
་སྡང་གིས་ཟིལ་གྱིས་ནོན་ནས། གཅིག་ལ་གཅིག་ཞེ་སྡང་གིས་ཕྲག་དོག་བྱེད་པ་དང་། གནོད་པ་བྱས་པའི་ཕྱིར་མནར་མེད་པའི་གནས་སུ་གྱུར་པ་དག་ཀྱང་། ངས་རབ་ཏུ་མཁྱེན
་ཅིང་གཟིགས་སོ།། གཏི་མུག་སྤྱོད་པ་དང་མཚུངས་པར་ལྡན་པའི་སེམས་ཅན་རྣམས་མྱ་རིག་པའི་མུན་ནག་གིས་བསྒྲིབས་ཤིང་། རྨོངས་པས་མངོན་པར་ཞེན་པ་དང་།
་ལོག་པར་ལྟ་བའི་རྗེས་སུ་འབྲང་བ་ལ་མོས་པར་འགྱུར་བ་དག་ངས་རབ་ཏུ་མཁྱེན་ཏོ།། འོས་སུ་འགྱུར་བ་དང་། འོས་སུ་མི་འགྱུར་བ་དང་། འཕེལ་ཞིང་རྩོལ་བ་དང་བཅས
་པ་དང་། ལྡོག་ཅིང་ཉམས་པར་གྱུར་པ་དང་། དེ་བཞིན་གཤེགས་པའི་ཐེག་པར་དགེ་བའི་རྩ་བ་བསྐྱེད་པ་དང་། རང་སངས་རྒྱས་ཀྱི་ཐེག་པར་དགེ་བའི་རྩ་བ་བསྐྱེད་པ་དང་།
་ཉན་ཐོས་ཀྱི་ཐེག་པར་དགེ་བའི་རྫ་བ་དྲུག་ཀྱང་ངས་རབ་ཏུ་མཁྱེན་ཏོ།། དེ་བཞིན་གཤེགས་པ་ནི་དེ་ལྟ་བུའི་མཁྱེན་པ་དང་ལྡན་པས་འཁོར་མང་པོའི་ནང་དུ་བཞུགས་ནས། སེམས
་ཅན་གྱི་སེམས་ཀྱི་སྤྱོད་པའི་བྱེ་བྲག་ཀྱང་རབ་ཏུ་མཁྱེན་པས། གལ་ཏེ་དུས་ལ་མ་བབ་པར་རིག་པར་གྱུར་ན་ནི་ཅང་མི་གསུང་ཞིང་། བཏང་སྙོམས་སུ་བཞག་ནས་སེམས
་ཅན་འདི་དག་ནི་ཆོས་ལ་རྨོངས་པར་གྱུར་པས། ཁོང་དུ་ཆུད་པར་མ་གྱུར་ཏེ་སེམས་དུ་དགོངས་སོ།། དེ་བཞིན་གཤེགས་པ་ནི་དབང་པོ་དང་སྟོབས་ཁྱད་དུ་འཕགས་པ། ཕུན་སུ།
་འཚོགས་ཤིང་། དུས་རབ་ཏུ་མཁྱེན་པའི་ཕྱིར། གདུལ་བའི་འོས་སུ་འགྱུར་བ་དང་། བསམ་པ་མཆོག་ཏུ་གྱུར་པ་དང་། ཚིག་ལེག་པར་ཉན་པར་གྱུར་པ་དག་ཀྱང་ངས་རབ་ཏུ་མཁྱེན
་ཏེ། དེ་ལྟར་མཁྱེན་པར་གྱུར་ནས་ཀྱང་། སེམས་ཅན་དེ་དག་ཡོངས་སུ་སྡུད་ཅིང་ཕན་འདོགས་པར་བྱེད་དོ།། དེ་ལྟ་བས་ན་གློག་ཐོབ་བྱང་ཆུབ་སེམས་དཔའ་ལས་དང་པོ་པ
་ཡང་དག་པའི་གནས་སྐབས་སུ་མ་ཞུགས་པ། སེམས་ཅན་རྣམས་ཀྱི་ལྷག་པའི་བསམ་པ་ལེག་པར་ཁོང་དུ་ཆུད་པར་འདོད་པ་དག་གིས། ཁྱིམ་ན་གནས་པ་འམ། རབ་ཏུ་བྱུང
་བ་ཡང་རུང་སྟེ། ཐམས་ཅད་ཀུན་ལ་སྨད་ཅིང་། གནོད་སེམས་བསྐྱེད་ནས་ཡུན་རིང་པོར་བདག་ཉིད་ལ་གནོད་པར་འགྱུར་བ་མི་བྱའོ།། དེའི་ཕྱིར་བྱང་ཆུབ་སེམས་དཔའ་དང་པོ་སེམས
་བསྐྱེད་པ་ནས། ཐེག་པ་ཆེན་པོ་ལ་གནས་པ་ཐམས་ཅད་ལ། སངས་རྒྱས་ཀྱི་འདུ་ཤེས་བསྐྱེད་པར་བྱའོ།། སེམས་ཅན་གཞན་དག་སྡིག་པ་མི་དགེ་བའི་ལས་བྱེད་པར་མཐོང
་ན་ཡང་གནོད་སེམས་བསྐྱེད་པར་མི་བྱའོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་རྟག་ཏུ་སེམས་ཅན་གང་རྣམ་པར་དཀར་ཞིང་། ཡོངས་སུ་དག་པའི་ཆོས་ལ་ཆུང་ཟད
་ཅིག་མཉན་པར་གྱུར་ན། ནམ་ཡང་ཡོངས་སུ་མྱ་ངན་ལས་འདའ་བར་འགྱུར་རོ་ཞེས་གསུངས་པས་སོ།། བྱང་ཆུབ་སེམས་དཔའ་ནི་གལ་ཏེ་འདོད་ཆགས་སྤྱོད་པའི་སེམས
་ཅན་མཐོང་བར་གྱུར་ན། སེམས་ཅན་འདི་དག་འདོད་ཆགས་ཀྱི་གདུང་བས་བསྲེགས་པར་གྱུར་པ་ཡང་དག་གི་ཉེས་པ་ཡིན་ནོ་སྙམ་དུ་སེམས་སོ།། བང་ཆབཞེ་སྡང་དང་གཏི
་། མུག་གི་ཡོངས་སུ་གདུང་བས་བསྲེགས་པར་གྱུར་པ་དེ་དག་མཐོང་ན་ཡང་འདི་དག་ཐམས་ཅད་ནི། བདག་གི་ཉེས་པ་ཡིན་ནོ་སྙམ་དུ་སེམས་སོ།།
་དེ་ཅིའི་ཕྱིར་ཞེ་ན། བདག་གིས་སེམས་ཅན་ཐམས་ཅད་ན་བའི་སྡུག་བསྔལ་དང་ལྡན་པར་གྱུར་པ་དག་མཐོང་བར་གྱུར་ན། སྨན་ཡོངས་སུ་བཙལ་ཏེ་ཐབས་མཁས་པས། ཡོངས་སུ།
་གསོ་བོའི་རིགས་པ་ལས། བདག་སེམས་ཅན་གྱི་ནང་བསལ་བར་ཡིད་དམ་བཅས་ན། དེ་ཡལ་བར་བོར་བ་འདི་ཉིད་བདག་གི་ཉེས་པ་ཡིན་ནོ་སྙམ་དུ་སེམས་སོ།། བྱང་ཆུབ་སེམས
་དཔའ་ནི་དེ་ལྟ་བུའི་བསམ་པ་དང་ལྡན་པས། བདག་ཉིད་ཀྱི་ཉེས་པ་ལ་ལྟ་ཞིང་། སེམས་ཅན་རྣམས་ལ་བྱམས་པའི་སེམས་བསྐྱེད་པར་བྱེད་དོ།། གལ་ཏེ་གསོད་པ་འམ།
་ལུས་ཀྱི་ཡན་ལག་དང་། ཉིང་ལག་གཅོད་ཅིང་གཏུབས་པ་ཞིག་དང་ཕྲད་པར་གྱུར་ན་ཡང་། ཕ་རོལ་གནོད་པ་བྱས་པ་དེ་དག་ལ། ལན་བྱ་སྙམ་པའི་བསམ་པ་མེད་དོ།། གློག
་ཐོབ་བྱང་ཆུབ་སེམས་དཔས་དེ་ལྟར་ཡང་དག་པར་སྒོམ་པ་ན། འདས་པའི་མི་དགེ་བའི་ལས་ཇི་སྙེད་པ་དག་ཀྱང་། གཏན་ཏུ་ཟད་ཅིང་མ་ལུས་པར་བྱང་བར་འགྱུར་ལ། མ་འོངས
་པའི་མི་དགེ་བ་རྣམས་ནི། ཡང་ལྡང་བར་མི་འགྱུར་རོ།། གློག་ཐོབ་སྔོར་བྱུང་བ་འདས་པའི་བསྐལ་པ་ཚད་མེད་གྲངས་མེད་པ་དེ་བཞིན་གཤེགས་པ་མར་མེ་མཛད་ཀྱི་ཡང་ཆེས་སྔ
་རོལ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མ
་པ་སྐྱེས་བུའི་ཁ་ལོ་སྦྱར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་མཆོག་ཏུ་སྐྱེས་པ་ཞེས་བྱ་བ་འཇིག་རྟེན་བྱུང་ངོ་།། འཇིག་རྟེན་གྱི་ཁམས་ནི་འོད་ཟེར
་ཅན་ཞེས་བྱ་སྟེ། རྒྱལ་པོའི་གྲོང་ཁྱེར་རབ་ཏུ་བདེ་ཞེས་བྱ་བའི་ཚལ་ན་བཞུགས་སོ།། དེའི་ཚེ་ན་ཤན་པ་འཇིགས་སུ་རུང་བ་ཞེས་བྱ་བ་ཁྲོ་གཏུམ་ཆེ་ཞིང་གསོད་པ་ལ་དགའ་བ། བཟོད
་པ་དང་། བྱམས་པའི་སེམས་མེད་པ། ལག་པ་ཁྲག་གིས་བསྐུས་པ། མཐོང་བ་ཐམས་ཅད་སྐྲག་པར་འགྱུར་བ་ཞིག་ཡོད་དེ། དེའི་ཚེ་ཤན་པ་དེས་གླང་ཞིག་ཁང་པའི་ནང་དུ་བཅིང།
་ཏེ། ནང་དུ་ཞུགས་ནས་གསད་པར་བྱས་པ་ལས། གླང་དེས་མཐོང་ནས་ཤིན་ཏུ་སྐྲག་པས་ཐག་པ་བཅད་དེ་བྲོས་ནས། དེ་བཞིན་གཤེགས་པ་མཆོག་ཏུ་བཞུགས་པའི་ཚལ་ག་ལ
་བ་དེར་སོང་ངོ་།། དེའི་ཚེ་ཤན་པ་དེ་ཡང་མཚོན་ཐོགས་ནས། ཕྱི་བཞིན་དུ་བསྙགས་པས། གླང་དེ་སྐྲག་པས་གཡང་ས་ཟབ་མོ་ཞིག་ཏུ་ལྷུང་བས། སྲོག་ཆད་པ་ལ་ཐུག་པ་ཙམ་དུ།
་ཞིང་སྡུག་བསྔལ་བས་སྒྲ་ཕྱུང་ངོ་།། དེའི་ཚེ་ཤན་པས་གླང་དེ་མཐོང་ནས། ཞེ་སྡང་ཆེས་སྐྱེས་ཏེ། ག་ཡང་ས་ཟབ་མོ་དེ་ཉིད་དུ་ཞགས་ནས། མཚོན་ཐོགས་ཏེ་བསད་པར་བྱས
་པ་ལས། མཚོན་མ་བཏབ་པའི་བར་སྐབས་དེར། དེའི་ཚེ་དེ་བཞིན་གཤེགས་པ་མཆོག་ཏུ་སྐྱེས་པ་ཚལ་དེར་འཁོར་མང་པོ་བརྒྱ་སྟོང་ཚད་མེད་པས་ཡོངས་སུ་བསྐོར་བ་དག་ལ།
་བརྟེན་ཅིང་འབྲེལ་པར་འབྱུང་བའི་ཆོས་ཀྱི་རྣམ་གྲངས་འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང
་དང་གཟུགས། མིང་དང་གཟུགས་ཀྱིས་རྐྱེན་གྱིས་སྐྱེ་མཆེད་དྲུག། སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི།
་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེས་པ། སྐྱེ་བའི་རྐྱེན་གྱིས་རྒ་ཤི་དང་མྱ་ངན་དང་། སྨྲ་སྔགས་འདོན་པ་དང་།
་སྡུག་བསྔལ་བ་དང་། འཁྲུག་པ་རྣམས་འབྱུང་བར་འགྱུར་ཏེ། དེ་ལྟར་ན་རྟེན་ཅིང་འབྲེལ་པར་འབྱུང་བ་འདི་དག་ཐམས་ཅད་ནི་སྡུག་བསྔལ་གྱི་ཕུང་པོ་ཆེན་པོ་འབའ་ཤིག་གོ་ཞེས་རྒྱ
་ཆེར་རྣམ་པར་ཕྱེ་སྟེ། སྟོན་པར་མཛད་པས། གློག་ཐོབ་རྟེན་ཅིང་འབྲེལ་བར་འབྱུང་བ་འདི་ལ། མ་རིག་པ་ཡང་འདུ་བྱེད་ལ་མི་སེམས་མི་རྟོག་ལ། འདུ་བྱེད་ཀྱང་མ་རིག་པ
་ལ་མི་སེམས་མི་རྟོག་གོ།། དེ་བཞིན་དུ་སྐྱེ་བས་ཡང་རྒ་ཤི་ལ་མི་སེམས་མི་རྟོག་ལ། རྒ་ཤི་ཡང་སྐྱེ་བ་ལ་མི་སེམས་མི་རྟོག་པས། དེ་ལྟར་ཆོས་ཐམས་ཅད་ནི། རང
་བཞིན་དམིགས་སུ་མེད་པས། མངོན་པར་འདུ་བྱ་བ་མེད་པ། དྲན་པ་མེད་པ། བདག་དང་བདག་གི་བྱ་མེད་པ། རང་བཞིན་གྱིས་རྣམ་པར་དག་པ། ཕན་ཚུན་གཅིག་གིས
་གཅིག་མི་རིགས་པ་ཡིན་ན། སོ་སོའི་སྐྱེ་བོ་རྣམས་འདི་ལྟ་བུའི་ཆོས་མ་ཐོས་པའི་ཕྱིར། གཟུགས་ནི་བདག་ཡིན་ནོ།། བདག་ནི་གཟུགས་རྣམས་དང་ལྡན་ནོ།། གཟུགས་ནི
་བདག་གི་ཡིན་ནོ་ཞེས་འཛིན་པར་བྱེད་དོ།། ཚོར་བ་དང་། འདུ་ཤེས་དང་། འབྲུ་བྱེད་དང་། རྣམ་པར་ཤེས་པའི་བར་ལ་ཡང་དེ་བཞིན་ནོ།། བདག་དང་བདག་གིར་འཛིན་པ
་ལ་མངོན་པར་ཞེན་པ་འདིའི་དབང་གིས་མ་རྟག་པ་ལ་རྟག་པར་འཛིན་པར་བྱེད་དེ།། སྡུག་བསྔལ་བ་ལ་བདེ་བར་འཛིན་པར་བྱེད། མི་སྡུག་པ་ལ་སྡུག་པ་ཉིད་དུ་འཛིན་པར་བྱེད།
་བདག་མེད་པ་ལ་བདག་ཏུ་འཛིན་ཅིང་། ཕྱིན་ཅི་ལོག་བཞི་སྐྱེད་པར་བྱེད་དོ།། ཕྱིན་ཅི་ལོག་ཏུ་ལྟ་བའི་ཕྱིར། མ་རིག་པས་རྨོངས་ནས་ཡང་དག་པར་ཚུལ་བཞིན་དུ་ཡིད་ལ་མི་བྱེད་ཅིང་།
་སེམས་ཀྱིས་རྗེས་སུ་མངོན་པར་ཞེན་པར་གྱུར་པས། སྲེད་པའི་སྲིད་པ་འཆིང་བ་གཅོད་པར་མི་ནུས་ཤིང་། འཁོར་བའི་འཁོར་བར་རྒྱུན་མི་འཆད་པར་འཁོར་གྱུར་པ་ཡིན་ནོ།། མཁས
་བ་དག་ནི་ཆོས་ཀྱི་དབྱིངས་ཀྱི་མཚན་ཉིད་ལ་ཤིན་ཏུ་ལེགས་པར་རྟོགས་པར་བྱེད་པའི་ཕྱིར། བདག་དང་། གང་ཟག་དང་། སེམས་ཅན་ཞེས་བྱ་བ་ནས་སྲོག་ཅེས་བྱ་བའི་བར་དུ་ཆུད
་ཟད་ཙམ་ཡང་ཡོད་པར་ཡང་དག་པར་རྗེས་སུ་མི་མཐོང་ལ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། གསོད་པ་དང་། གནོད་པར་བྱེད་པ་དག་ཀྱང་མི་དམིགས་སོ་ཞེས་གས
་པ་དང་། གློག་ཐོབ་དེའི་ཚེ་ཤན་པ་འཇིགས་སུ་རུང་བས་རྒྱང་ནས། དེ་བཞིན་གཤེགས་པས་ཆོས་བཤད་པའི་སྒྲ་ཐོས་ནས། གོ་བར་གྱུར་པས་དེ་མ་ཐག་ཏུ་གསོད་པའི་སེམས་ཉེ་བར་ཞི
་བར་གྱུར་ནས་མཚོན་ཆ་སྤངས་ཏེ། ག་ཡང་ས་ནས་བྱུང་ནས། བཅོམ་ལྡན་འདས་དེ་ག་ལ་བ་དེར་སོང་སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་གཏུགས་ནས། ཕྱག་བྱས
་ཏེ་ཕྱོགས་གཅིག་ཏུ་འདུག་ནས། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ནི་དེང་དེ་བཞིན་གཤེགས་པའི་བསྟན་པ་ལས་རབ་ཏུ་བྱུང་ནས་ལམ
་བསྒྲུབ་པར་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ནི་རིགས་སོ།། དགེ་སློང་ལེགས་པར
་འོངས་སམ་ཞེས་གསུངས་མ་ཐག་ཏུ། དགེ་སློང་གི་དངོས་པོར་བསྦྱར་ནས། རྫོགས་པར་བསྙེན་པར་གྱུར་ཏོ།། དེ་ནས་དེ་བཞིན་གཤེགས་པ་མཆོག་ཏུ་སྐྱེས་པ་དེའི
་ལྷག་པའི་བསམ་པ་ཐུགས་ཀྱིས་མཁྱེན་ནས། མཐར་གྱིས་ཡོངས་སུ་སྨིན་པར་མཛད་ཅིང་། བྱང་ཆུབ་སེམས་དཔའི་སྤྱོད་པ་རྣམས་རྒྱ་ཆེར་ཡང་དག་པར་བསྟན་པ
་འཇིགས་སུ་རུང་བས་ཐོས་པས་མི་སྐྱེ་བའི་ཆོས་ལ་བཟོད་པ་ཐོབ་ནས། སངས་རྒྱས་ཀྱི་བསྟན་པ་ལས་ཕྱིར་མི་ལྡོག་པ་ཐོབ་པར་གྱུར་ཏོ།། གླང་དེ་ཡང་དེ་བཞིན་གཤེགས
་པ་དེས་རྟེན་ཅིང་འབྲེལ་པར་འབྱུང་བའི་ཆོས་ཀྱི་ཚིག་སྟོན་པའི་གསུང་སྒྲ་ཤིན་ཏུ་གྱོ་ནོམ་པ་ཐོས་ནས། སེམས་ལ་རབ་ཏུ་དགའ་བ་སྐྱེས་ནས། ཤི་འཕོས་པའི་འོག་ཏུ་དགའ
་ལྡན་ལྷའི་གནས་སུ་སྐྱེས་ནས། ཐ་མར་བྱམས་པ་དང་ཕྲད་དེ། ཡང་དག་པའི་དད་པ་དང་ལྡན་པར་གྱུར་ཏོ།། གློག་ཐོབ་དེ་ལྟར་ན་སེམས་ཅན་རྣམས་ཀྱི་སྤྱོད་པ་ནི་ཤིན་ཏུ
་ཟབ་པ་དང་། རྣམ་པར་རིག་པར་དཀའ་ཞིང་ཤེས་པར་དཀའ་བ་ཡིན་ཏེ། དེའི་ཕྱིར་གློག་ཐོབ་བྱང་ཆུབ་སེམས་དཔའ་གང་གིས་བླ་ན་མེད་པ་ཡང་དག་པར་རྫོགས་པའི་བྱང
་ཆུབ་ཡོངས་སུ་གཉེར་བར་འདོད་པས། སེམས་ཅན་གྱི་དབང་པོ་དང་། སྤྱོད་པ་དག་ལ་ཤིན་ཏུ་མཁས་པར་བྱས་ནས། སེམས་ཅན་ཐམས་ཅད་ལ་མཉམ་པའི་སེམ་དང་།
་ཐོགས་པ་མེད་པའི་སེམས་ལ་རབ་ཏུ་གནས་ཏེ།། ཆོས་ཐམས་ཅད་ལ་རྟག་ཏུ་མངོན་པར་ཞེན་པ་མེད་པར་བྱའོ།། ཅི་བདོག་པ་རྣམས་ཡོངས་སུ་སྤངས་ཏེ། ཚུལ་ཁྲིམ
་རྣམ་པར་དག་པ་བསྒྲུབ་པར་བྱའོ།། བཟོད་པ་ལ་གནས་པར་བྱའོ།། བརྩོན་འགྲུས་ལ་བསྐྱེད་པར་བྱའོ།། བསམ་གཏན་དང་། ཏིང་ངེ་འཛིན་ལ་མཉམ་པར་བཞག
་པར་བྱའོ།། ཡང་དག་པ་ཇི་ལྟ་བ་བཞིན་དུ། ཆོས་ཐམས་ཅད་ཀྱི་ངོ་བོ་ཉིད་ལས་སོ་སོར་བརྟག་པར་བྱའོ།། གློག་ཐོབ་བྱང་ཆུབ་སེམས་དཔའ་གང་། ཆོས་དྲུག་པོ
་འདི་དག་ཡོངས་སུ་རྫོགས་པར་གྱུར་ན། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་བར་འགྱུར་རོ།། ཇི་ལྟར་ཡོངས་སུ
་རྫོགས་པར་བྱེད་ཅེ་ན། འདི་ལྟ་སྟེ་ཐམས་ཅད་མཁྱེན་པའི་ཡེ་ཤེས་ལ་བརྟེན་ནས། མངོན་པར་གྲུབ་པར་བྱེད་པའི་ཕྱིར་རོ།། གློག་ཐོབ་བྱང་ཆུབ་སེམས་དཔའ
་རྣམས་ཆོས་ཀྱི་གཏེར་གང་ཞེ་ན་འདི་ལྟ་སྟེ། བྱང་ཆུབ་སེམས་དཔའ་གཟུགས་ཐམས་ཅད་ཡང་དག་པ་ཇི་བ་བཞིན་དུ་རབ་ཏུ་རྟོགས་ཤིང་། བཟོད་མ་ཉེས་ནས་སྐྱེ་བ་མེད
་པ་དང་། རང་བཞིན་གྱིས་རྣམ་པར་དག་པར་མཐོང་བ་གང་ཡིན་པའོ།། བྱང་ཆུབ་སེམས་དཔའ་ནི་གཟུགས་ལ་མཁས་པ་ཐོབ་པའི་ཕྱིར། སོ་སོར་ཡང་དག་པར
་རིག་པ་བཞི་དང་ལྡན་པར་འགྱུར་རོ།། བཞི་གང་ཞེ་ན་འདི་ལྟ་སྟེ། དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པ་དང་། ངེས་པའི་ཚིག་སོ་སོ
་ཡང་དག་པར་རིག་པ་དང་། སྤོབས་པ་སོ་སོ་ཡང་དག་པར་རིག་པའོ།། དོན་སོ་སོ་ཡང་དག་པར་རིག་པ་ནི། གཟུགས་ཀྱི་དོན་རྣམས་ལ་ཐོགས་པ
་མེད་པར་འགྱུར་བའི་ཕྱིར་རོ།། གཟུགས་ཀྱི་དོན་གང་ཞེ་ན། འདི་ལྟ་སྟེ། དོན་དམ་པ་གང་ཡིན་པའོ།། དོན་དམ་པ་གང་ཞེ་ན་འདི་ལྟ་སྟེ། གཟུགས་དམིགས་སུ་མེད་པ་གང་ཡིན་པ་སྟེ།
་དོན་དམ་པ་ཡེ་ཤེས་འདི་ལྟ་བུ་དང་ལྡན་པ་གང་ཡིན་པ་དེ་ནི། དོན་སོ་སོ་ཡང་དག་པར་རིག་པ་ཞེས་བྱའོ།། ཆོས་སོ་སོ་ཡང་དག་པར་རིག་པ་ཞེས་བྱ་བ་ནི། གཟུགས་ཀྱི་ཆོས་རྣམས
་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་པ་གང་ཡིན་པ་དེ་ནི། ཆོས་སོ་སོ་ཡང་དག་པར་རིག་པ་ཞེས་བྱའོ།། ངེས་པའི་ཚིག་སོ་སོ་ཡང་དག་པར་རིག་པ་ནི། འདི་ལྟ་སྟེ་གཟུགས་རྣམ
་ལ་ཐོགས་པ་མེད་པའི་ཡེ་ཤེས་ཀྱི་ཐབས་མཁས་པས་ངེས་པའི་ཚིག་རྣམ་པ་སྣ་ཚོགས་ཀྱིས་རྣམ་པར་འབྱེད་པ་གང་ཡིན་དེ་ནི། ངེས་པའི་ཚིག་སོ་སོ་ཡང་དག་པར་རིག་པ་ཞེས་བྱའོ།། །
་སྤོབས་པ་སོ་སོ་ཡང་དག་པར་རིག་པ་ནི་འདི་ལྟ་སྟེ། གཟུགས་ཀྱི་ཆོས་རྣམས་སེམས་ཅན་གྱི་དབང་པོ་ཇི་ལྟ་བ་བཞིན་དུ་རྣམ་པར་ཕྱེ་སྟེ། སྟོན་པར་བྱེད་ཀྱང་། ཀུན་ནས་ཉོན་མོངས
་པ་མེད་ཅིང་མངོན་པར་ཞེན་པ་མེད་པ་གང་ཡིན་པ་དེ་ནི། སྤོབས་པ་སོ་སོ་ཡང་དག་པར་རིག་པ་ཞེས་བྱའོ།། བྱང་ཆུབ་སེམས་དཔའ་ནི་འདི་ལྟ་བུའི་ཡེ་ཤེས་དང་ལྡན་པས། གཟུགས
་ཀྱི་ཆོས་ལ་རྨོངས་ཤིང་མངོན་པར་ཞེན་པར་གྱུར་པའི་སེམས་ཅན་ཐམས་ཅད་ཀྱི། རང་བཞིན་དང་འདུན་པ་ཇི་ལྟ་བ་བཞིན་དུ། རྩོལ་བ་མེད་པའི་ཡེ་ཤེས་ཀྱིས་ཅི་རིགས་པར་ཆོས་སྟོན
་བར་བྱེད་ཀྱང་། ཆོས་ཀྱི་དབྱིངས་ལ་མཚན་ཉིད་གཉིས་སུ་གྱུར་པ་མེད་དེ། སྒྲ་དང་། དྲི་དང་། རོ་དང་། རེག་བྱ་དང་། ཆོས་ཀྱི་བར་ལ་ཡང་དེ་བཞིན་དུ་རྒྱས་པར་སྦྱར་རོ།། གློག་ཐོབ
་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཏེར་ཞེས་བྱའོ།། བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན། སྤྱོད་ཡུལ་རྣམས་ལ་རྨོངས
་པར་འགྱུར་བའི་སེམས་ཅན་དེ་ལྟ་བུ་དག་ཡོངས་སུ་གདུལ་བར་འདོད་པའི་ཕྱིར། དེ་དག་གི་མོས་པ་ཇི་ལྟ་བ་བཞིན་དུ་དེ་དག་རེ་རེ་ལ་ཡང་བསྐལ་པ་འམ། བསྐལ་པ་ལས་ལྷག
་པར་ཚིག་རྣམ་པ་སྣ་ཚོགས་ཀྱི། ཐབས་ལ་མཁས་པས་ཆོས་སྟོན་པར་བྱེད་ཀྱང་། དེ་དག་གི་མཐའ་ཡང་རྙེད་པར་མི་འགྱུར་ལ། བྱང་ཆུབ་སེམས་དཔའ་དེའི་ཤེས་རབ་ལ།
་ཡང་འགྲིབ་པ་མེད་ཅིང་ཆོས་ཀྱི་དབྱིངས་དང་མི་འབྲལ་བར་གཉིས་སུ་མེད་ཅིང་དབྱེར་མེད་པའི་རྗེས་སུ་འབྲང་བ་གང་ཡིན་པ་དེ་ནི། བྱང་ཆུབ་སེམས་དཔའ་ཐབས་མཁས
་པས་ཆོས་ཐམས་ཅད་དབྱེར་མེད་པའི་མཚན་ཉིད་བསྟན་པས་ཐོབ་པའི་ཆོས་ཀྱི་གཏེར་ཞེས་བྱའོ།། ཆོས་ཀྱི་གཏེར་འདིས་སེམས་ཅན་དག་ལ་ཅི་རིགས་པར་ཆོས་བསྟན་ནས།
་ཟད་མི་ཤེས་པའི་ཆོས་ཀྱི་གཏེར་ཕུན་སུམ་ཚོགས་པར་གྱུར་ཏེ། འཁོར་བའི་རྒུད་པ་གཏན་དུ་སྤོང་བ་གང་ཡིན་པ་འདི་ནི་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ
་རྣམས་ཀྱི་གཏེ་ཆེན་པོ་དང་། མི་ཟང་པའི་གཏེར་དང་། ཀུན་ཏུ་མི་ཟད་པའི་གཏོར་དང་། མཐོ་མེད་པའི་གཏེར་རྣམ་པ་ལྔ་ཞེས་བྱའོ།། བྱང་ནུབ་སེམས་དཔའ་གང་གཏེར་འདི་ལ
་དང་ལྡན་པར་གྱུར་ན། ཡོན་ཏན་ཁྱད་པར་དུ་འཕགས་པ་རྣམས་ཡོངས་སུ་རྫོགས་པར་འགྱུར་བའི་ཕྱིར། ཚེགས་ཆུ་དུས་མྱུར་དུ་བླ་ན་མེད་པ་ཡང
་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ།། ཆོས་ཀྱི་གཏེར་བསྟན་པའི་ཆོས་ཀྱི་རྣམ་གྲངས་འདི་བསྟན་པའི་ཚེ། བྱང་ཆུབ་སེམས་དཔའ
་གློག་ཐོབ་ནི་གཟུངས་རབ་ཏུ་ཐོབ་པར་གྱུར་ཏོ།། བྱང་ཆུབ་སེམས་དཔའ་ལྔ་བརྒྱ་ནི། གློག་གི་འོད་ཟེར་ཞེས་བྱ་བའི་ཏིང་ངེ་འཛིན་ཐོབ་པར་གྱུར་ཏོ།། ལྷའི་བུ་སུམ་ཁྲི་དྲུག་སྟོང་ནི། བླ་ན
་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་ཟླ་བའི་རྒྱལ་མཚན་གྱིས་འདི་སྐད་ཅེས་གསོལ་ཏོ།། །
་བཅོམ་ལྡན་འདས་ཀྱིས་ཇི་སྐད་དུ། རྩོལ་བ་མ་མཆིས་པའི་ཡེ་ཤེས་ཞེས་གང་གསུངས་པའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས
་དཔའ་གང་གིས་དགེ་བའི་ཆོས་རྣམས་ལ་ལུས་དང་སེམས་ཀྱི་རྗེས་སུ་འཐུན་པས་དམིགས་ཤིང་མངོན་པར་འདུ་བྱེད་པ་གང་ཡིན་པ་དེ་ནི་རྩོལ་བ་དང་བཅས་པ་ཞེས་བྱའོ།། བྱང་ཆུབ་སེཾས
་དཔའ་གང་ལུས་དང་སེམས་རབ་ཏུ་དུལ་བར་གྱུར་ནས། དྲན་པ་མེད་པ། གནས་པ་མེད་པ། རྣལ་འབྱོར་སྒོམ་པའི་མཚན་མ་དང་བྲལ་བར་གྱུར་པ་དང་། དེ་སྔོན་གྱི་སྨོན་ལམ་དང་།
་ཡེ་ཤེས་ཡོངས་སུ་རྫོགས་པར་གྱུར་པས། སངས་རྒྱས་ཀྱི་ཞིང་བྱེ་བ་སྟོང་ཕྲག་རྣམང་པོ་རྣམས། རྣམ་པ་སྣ་ཚོགས་སུ་སྟོན་པར་བྱེད་ཀྱང་། ཆོས་ཀྱི་དབྱིངས་ལས་གཡོ་བ་མེད་པ་དང་།
་ཅན་ཏུ་ཆོས་སོར་པར་བྱེང་ཅང་། ཆོས་ཀྱི་མ་ནམ་རླུང་ཟད་རྒྱམ་ཡང་མེད་པ་དང་། བསྡུ་བའི་དངོས་པ་བས་སེམས་ཅན་ཡོངས་སུ་སྲིན་པར་བྱས་པང་། སེམས་ཅན་གང་ཡང་།
་རྨོངས་སུ་བཟླས་པ་མེད་པ་དང་། སངས་རྒྱས་ཀྱི་ནོང་མས་ཅད་ཡོངས་སུ་སྤངས་ཀྱང་། སངས་རྒྱས་ཀྱི་ཞིང་ཡོངས་སུ་དག་པར་ཡང་དག་པར་རྗེས་སུ་མི་མཐོང་བ་དང་། རྟག་པ
་སངས་རྒྱས་རྣམས་རྗེས་སུ་དྲན་པར་བྱེད་ཀྱང་། གཟུགས་ཀྱི་མཚན་ཉིད་དུ་མི་ལྟ་བ་དང་། སངས་རྒྱས་ཀྱི་ཞིང་ཀུན་ཏུ་རྒྱུ་བར་བྱེད་ཀྱང་། ཆོས་ཀྱི་དབྱིངས་དང་མི་འབྲལ་བ་གང་ཡིན
་པ་འདི་ནི། བྱང་ཆུབ་སེམས་དཔའི་རྩོལ་བ་མེད་པའི་ཡེ་ཤེས་ཞེས་བྱའོ།། བྱང་ཆུབ་སེམས་དཔའ་རྣམས་ནི། འདི་ལྟ་བུའི་ཡེ་ཤེས་དང་ལྡན་པའི་ཕྱིར། སེམས་ཅན་ཐམས་ཅད
་ཀྱི་རེ་བ་ཡོངས་སུ་རྫོགས་པར་བྱས་ཀྱང་། གང་བྱས་པ་དེ་དག་ལ་མངོན་པར་ཞེན་པ་ཡང་མེད་དོ།། དེའི་ཚེ་བཅོམ་ལྡན་འདས་ཀྱིས་རྩོལ་བ་མེད་པའི་ཡེ་ཤེས་འདི་བསྟན་པ་ན།
་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་པར་གྱུར་ཏོ།། བརྒྱ་བྱིན་ལྷའི་དབང་པོ་ཡང་སུམ་ཅུ་རྩ་གསུམ་གྱི་ལྷ་རྣམས་དང་བཅས་པར་སྟེང་གི
་བར་སྣང་ལས་མེ་ཏོག་མན་ད་ར་བ་དང་། སུང་བ་ལ་དང་། ཀུ་མུ་ཏ་དང་། པད་མ་དང་། པུན་ད་རི་ཀ་དང་། ཙན་དན་གྱི་ཕྱེ་མའི་ཆར་མངོན་པར་བབ་སྟེ། བཅོམ་ལྡན་འདས་ལ་མངོན
་གཏོར་ཏོ།། ལྷའི་རྔ་རྣམས་ཀྱང་རང་སྒྲ་བྱུང་བར་གྱུར་ཏོ།། ངོ་མཚར་རྨད་དུ་བྱུང་བའི་སྣང་བ་ཆེན་པོས་ཀྱང་ཀུན་ཏུ་སྣང་བྱར་བྱས་ཏེ། སེམས་ཅན་གང་ལ་རེག་པར་གྱུར་པའི་དེའི་ལུས་ཀྱང་།
་ཤིན་ཏུ་བསིལ་བར་གྱུར་ཏོ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་གློག་ཐོབ་ལ་བཀའ་སྩལ་པ། གློག་ཐོབ་འདས་པའི་དེ་བཞིན།
་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འདིར་ཆོས་ཀྱི་རྣམ་གྲངས་འདི་ལྟ་བུ་གསུངས་སོ།། མ་བྱོན་པའི་དེ་བཞིན་གཤེགས་པ་རྣམས་འཇིག་རྟེན་དུ་བྱུང
་བའི་ཚེ་ཡང་། གནས་འདིར་ཆོས་ཀྱི་རྣམ་གྲངས་འདི་ལྟ་བུ་གསུངས་པར་འགྱུར་རོ།། འཇིག་རྟེན་གྱི་ཁམས་ཚད་མེད་གྲངས་མེད་པ་དག་ན། ད་ལྟར་བཞུགས་པའི་དེ་བཞིན་གཤེགས་པ
་རྣམས་ཀྱང་། ཆོས་ཀྱི་རྣམ་གྲངས་འདི་རྒྱུན་མི་འཆད་པར་མཛད་པའི་ཕྱིར་འོད་ཟེར་ཆེན་པོ་འགྱེད་པར་མཛད་དོ།། དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ། བླ་གོས་ཕྲག
་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
་བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། བདག་གིས་ཇི་ལྟར་ཡོངས་སུ་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཆོས་ཀྱི་རྣམ
་གྲངས་འདི་ནི་མི་ཟད་པའི་གཏེར་བསྟན་པ་ཞེས་བྱའོ།། ཆོས་ཐམས་ཅད་དབྱེར་མེད་པའི་མཚན་ཉིད་བསྟན་པ་ཞེས་ཀྱང་བྱ་སྟེ། ཁྱོད་ཀྱི་དེ་ལྟར་མིང་ཡོངས་སུ་གཟུང་བར་བྱའོ།། བཅོམ
་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་གློག་ཐོབ་དང་། ཚེ་དང་ལྡན་པ་ཀུན་དགའ་བོ་དང་། འཁོར་བཞི་པོ་རྣམས་དང་། ལྷ་དང་། མཽ་དང་། ལྷ་མ
་ཡིན་དང་། དྲི་ཟར་བཅས་པའི་འཇིག་རྟེན་ཐམས་ཅད། བཅོམ་ལྡན་འདས་ཀྱིས་གསུངས་པ་ལ་ཡིད་རངས་སྟེ། མངོན་པར་བསྟོད་དོ།། ། འཕགས་པ་དཀོན་མཆོག
་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས། མི་ཟད་པའི་གཏེར་བསྟན་པའི་ལེའུ་སྟེ།། འདུས་པ་ཉི་ཤུ་པ་རྫོགས་སྷོ།།
་