བོད་ཡིག

e-texts produced with BDRC’s OCR application

@##/ sangs rgyas dang / byang chub sems dpa' thams cad la phyag le// 'di skad bdag gis thos pa dus gcig na/ bcom ldan 'das rgyal po'i khab bya rgod kyi phung po'i ri la/ dge slong gi dge 'dun chen po thams cad kyang yon tan khyad par du 'phags pa phun sum tshogs pa seng ge'i sgra sgrogs pa stong dang / byang chub sems dpa' sems dpa' chen po/ dang / thabs gcig tu bzhugs te/ de dag thams cad kyang gzungs rab tu thob pa/ spobs pa thogs pa med par gyur pa/ mi skye ba'i chos la bzod pa mngon sum du byas pa/ phyir mi ldog pa la gnas pa ting nge 'dzin rnams dang ldan pa/ mngon par shes pas rnam par rtsen pa/ sems can gyi sems kyi spyod pa tshul rab tu rtogs pa sha stag 'di lta ste/ byang chub sems dpa' nyi ma'i rgyal mtshan dang / byang chub sems dpa' zla ba'i rgyal mtshan dang / byang chub sems dpa' kun tu 'od dang / byang chub sems dpa' zla ba'i rgyal po dang / byang chub sems dpa' shin tu mtho gsal dang / byang chub sems dpa' rnam par snang byed dang / byang chub sems dpa' seng ge'i blo gros dang / byang chub sems dpa' rin po che'i yon tan 'od dang / byang chub sems dpa' don thams cad grub pa dang / byang chub sems dpa' sngon gyi rkyen dang ldan pa dang / byang chub sems dpa' smon lam dang spyod pa phun sum tshogs pa dang / byang chub sems dpa' stong pa'i blo gros dang / byang chub sems dpa' mnyam pa'i sems dang / byang chub sems dpa' dga' sred dang / byang chub sems dpa' 'khor lo mos pa dang / byang chub sems dpa' g.yul las rnam par rgyal ba dang / byang chub sems dpa' blo gros spyod pa dang / byang chub sems dpa' glog thob dang / byang chub seMs dpa' rnam par rgyal ba'i spobs pa dang / byang chub sems dpa' seng ge'i nga ro dang / byang chub sems dpa' rab tu dbyangs dang / byang chub sems dpa' sred med dang / byang chub sems dpa' spyod pa sbyar la mkhas pa dang / byang chub sems dpa' rab tu zhi ba'i spyod pa la sogs pa/ byang chub sems dpa' sems dpa' chen po 'di dag ni gtso bor gyur to// gzhan yang brgya byin lha'i dbang po dang / rgyal po chen po bzhi dang / 'jig rten gyi khams mi mjed kyi bdag po tshangs pa'i rgyal po dang / mthu chen po dang ldan pa'i lha dang klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po la sogs pa'i 'khor tshad med pa rnams dang yang thabs gcig tu bzhugs so// de nas de'i tshe byang chub sems dpa' glog thob ces bya ba 'khor mang po rab tu zhi zhing yongs su dga' ba dag 'dus par gyur pa mthong bar gyur pa dang / stan las langs te/ bla gos phrag pa gcig tu gzar nas pus mo g.yas pa'i lha nga sa btsug ste/ / bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to/ bcom ldan 'das bdag la the tsom chung zad cig mchis te/ de zhu bar 'tshal na/ de bzhin gshegs pas thugs rjes gsan cing gnang bar mdzad du gsol/ de nas bcom ldan 'das kyis byang chub sems dpa' glog thob la bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas kyis khyod la skabs phyes/ khyod ci dang ci 'dod pa dris shig dang / khyod la yang dag par bstan par bya'o// de nas bcom ldan 'das la/ byang chub sems dpa' glog thob kyis 'di skad ces gsol to// bcom ldan 'das byang chub sems dpa' sems dpa' chen po chos ji lta bu zhig dang ldan par gyur na/ sems can gyi re ba thams cad yongasu rdzogs par bgyid cing / skyon rnams kyis gos par mi 'gyur ba dang / dbang po dang rang bzhin ji lta ba bzhin du thabs mkha pas sems can de dag drangs te lus zhig pa'i 'og tu ngan 'gro rnams su ltung bar mi 'gyur cing / gdon mi 'tshal bar mnyam pa nyid rtogs par 'gyur ba dang / 'jig rten na gnas kyang / pad+ma bzhin du skyon gyis gos par mi 'gyur ba dang / chos kyi dbyings las ma g.yos par sangs rgyas kyi zhing kun tu rgyu zhing rtag par de bzhin gshegs pa'i sku mthong ba dang bral bar mi 'gyur ba dang / rnam par thar pa gsum la rab tu gan kyang / snyoms par mi 'jug par sems can gyi mos pa ji lta ba bzhin du/ sangs rgyas kyi zhing gi bkod pa yongs su sbyangs nas/ skad cig ma gcig la myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de nas byang chub sems dpa' sems dpa' chen po glog thob kyis/ bcom ldan 'das kyi sman sngar tshigs su bcad de zhu ba zhus pa/ bla na ma mchis mi g.ye gtso// mkhyen dang gzigs pa na dam mchis// ma 'dres chos la bzhugs nas na// 'jig rten rnams sa pan 'ag/ can kun la snyoms par gzigs// 'jig rten kun gyi mgon skyabs mdzad// log zhugs yang dag lam bstan nas// mthar thug de la dgod par mdzad// yon tan mchog ni rab bstsogs pas// rin chen sna tshogs phung po 'dra// 'jig rten shes rab nyi ma khyod// khams gsum mchod 'od gtso bo lags// theg pa mchog ni bkas bshad nas// byang chub lam ni rdzogs par mdzod// zhal mtshan zla ba nya ba 'dra// zhi gnas dag ni phun sum tshogs// nye zhi chos ni rab bstan nas// nyon mongs rnams ni zhi bar mdzad// byang chub spyod pa bkas bshad nas// sems can rnams la phan mdzad gsol// sangs rgyas zhing dang sku tshe dang // gzug sku dang ni 'khor rnams dang // 'phrin las gsum dang chos rnams kyang / thams cad kun ni rnam par dag/ bcom ldan byang chub sems dpa' yi// rnam dag spod pa bkas bshad gsol// ji ltar bdud ni gdul bar bgyi// ji ltar chos ni bstan par bgyi// ji ltar dran pa nyams mi 'gyur// khyod kyi bkas ni bshad du du gsol// ji ltar dpa' bo bdag gis ni// 'khor ba kun tu zhugs gyur kyang // mtshan nyid gcig la gnas bgyid cing // chos la rtag tu g.yo mi 'gyur// ji ltar sangs rgyas rnams la ni// sten cing mchod pa bgyis nas ni// rtag par sangs rgyas sku bltas kyang // mthar ni mtshan ma spongs 'gyur lags// rnam thar gsum po mngon bgyis nas// mkha' la bya ni 'phur ba bzhin/ yon tan phun tshogs ma gyur par// nam yang mya ngan mi 'da' lags// dbang po rang bzhin mos rtogs nas// 'jigs pa ma mchis rjes 'brang zhing // mngon par zhen pa ma mchis par// sems can de dag smin bgyid lags// sngar ni 'jig rten bde btang nas// slad kyis dad pa'i sems bskyed de// ye shes gya nom phun tshogs pas// bla med byang chub thob 'gyur ba// 'di 'dri'i zab mo gya nom don// de bzhin gshegs pas blashad gsol// de nas bcom ldan 'das kyis// byang chub sems dpa' sems dpa' chen po glog thob la bka' stsal pa/ rigs kyi bu khyod kyis sems can tshad med pa rnams la/ phan zhing bde bar bya ba dang / da ltar gyi lha dang bcas ba'i 'jig rten dang / ma 'ongs pa'i byang chub sems dpa' rnams yongs su gzung ba'i phyir// de bzhin gshegs pa la don 'di lta bu zhus pa legaso legs so// de'i phyir glog thob shin tu legs par nyon la yid la zung shig dang / khyod la yang dag par bstan par bya'o// byang chub sems dpa' glog thob kyis/ bcom ldan 'das de bzhin du thos par 'tshal lo zhes gsol pa dang / bcom ldan 'das kyis bka' stsal pa/ glog thob byang chub sems dpa' sems dpa' chen po rnams ni gter chen po zad mi shes pa'i gter dang / kun tu zad mi shes pa'i gter dang / mtha' med pa'i gter rnam pa lnga dang ldan te/ byang chub sems dpa' de lta bu'i gter phun sum tshogs par gyur pas/ dgud pa rnams gtan du spong zhing / gong du bstan pa lta bu'i yon tan khyad par du 'phags pa yang yongs su rdzogs par byed la/ tshegs chung ngus myur tu bla na med pa yang dag par rdzogs pa'i byang chub kyang thob par 'gyur ro// \u0f7fr+N+Na d+har+ts+tsa91/ lnga gang zhe na 'di lta ste/ 'dod chags spyod pa'i gter dang / zhe sdang spyod pa'i gter dang / gti mug spyod pa'i gter dang / cha mnyam/ par spyod pa'i gter dang / chos thams cad kyi gter gang yin pa'o// glog thob byang chub sems dpa' sems dpa' chen po rnams kyi 'dod chags spyod pa'i gter zhes bya ba ji lta bu yin zhe na/ 'di lta ste sems can rnams ni 'dod chags kyi spyod pa'i rjes su mthun zhing / phyin ci log gis bcings pas/ mtshan ma rnams kyi rjes su gzugs dang / sgra dang / dri dang / ro dang / reg bya dang / chos la sogs pa'i yul dag la/ rnam pa sna tshogs su rnam par brtags nas/ brtan pa nyid du mngon par zhen pa dang / bde ba la chags shing mos par 'gyur ba yin la/ byang chub sems dpa' ni sems can de dag gi/ sems kyi spyod pa rnam pa tshogs gang yin pa yang dag pa ji lta ba bzhin du/ rab tu shes pas sems can de dag gang la mos shing 'dun/ dang / spyod yul gang la chags shing / goms pas mthu can du gyur pa dang / dad pa ji lta bu dang zhing phun sum tshogs par gyur pa dang / sngon dge ba'i rtsa ba ji lta bu bskyed pa dang / theg pa gong la gzhol bar byed pa dang / dge ba'i rtsa ba ji snyed yod pa dang / nam zhig na yongs su smin par 'gyur ba yang rab tu shes te/ byang chub sems dpa' ni sems can de dag gi 'dod pa thams cad yongs su spang ba'i phyir dang / de dag gi dge ba'i sems rtag par rgyun mi 'chad par bya ba'i phyir shin tu lags par brtags nas/ yongs su gos par byed do// / glo ga thob sems can rnams kyi dbang po dang / spyod pa'i bye brag ni shin tu shes par dka' bar rig par bya ste/ nyan thos dang / rang sangs rgyas thams cad kyis kyang / rig par mi nus na/ so so'i skye bo dang mu stegs can rnams lta smos kyang ci dgos/ glog thob sems can kha cig ni 'dod pa rnams la mngon par zhen par gyur kyang / bla na med pa yang dag par rdzogs pa'i byang chub yongs su smin par byed do// sems can kha cig ni 'dod pa'i yul la reg pa tsam 'am/ 'dod pa'i sems kyis tshig smra pa tsam gyis// bla na med pa yang dag par rdzogs pa'i byang chub yongs su smin par byed pa yang yod do// sems can kha cig ni gzugs sdu gu dag mthong nas/ 'dod chags kyi sems skyes pa la/ ba na med pa yang dag par gzugs de rnam par 'gyur zhing zhig par mthong ba nyid kyis khong du chud par gyur nas/ nya 'dod pa'i gdung ba nye bar zhi ste/ mi rtag par shin tu yid la byed pa nyid kyis/ bla na med pa yang dag par rdzogs pa'i byang chub yongs su smin par byed pa yang yod do// sems can kha cig ni bud med mthong ba na/ mngon par zhen pa skyes pa med kyang // / phyis yid la dran pa'i dbang gis/ 'dod chags kyi sems skyes nas/ de kha dog dang dbyibs yid la byas nas/ rjes su chags par skye bar 'gyur ba yang yod do// sems can kha cig ni rmi lam na gzugs yid du 'ong ba dag mthong ba'i dbang gis/ 'dod chags kyi mngon par zhen pa bskyed nas/ yid la byed cing yongs su gnyer bar byed pa yang yod do// sems can kha cig ni bud med kyi sgra thos pa tsam gyis/ 'dod chags kyi sred skyed par byed la/ res 'ga' ni mthong ba tsam gyis 'dod chags kyi sems dang bral nas/ bla na med ba yang dag par rdzogs pa'i byang chub yongs su smin par byed pa yod pos/ da phyir klog thong byang chub sems dpa' ni 'dod chags kyi nad rnams pa sna tshogs gang yin pa dang / 'dod chags kyi slan rnam po sna tshogs gang yin pa de dag thams cad mkhas pas legs pa khong du chud kyang / chos kyi dbyings la gnyis su 'dzin pa'i mtshan ma yang med la/ chos kyi dbyings la rmongs par 'gyur ba'i sems can de dag la yang / snying rje chen po bskyed par byed do// glog thob 'dod chags dang / zhe sdang dang / gti mug ces bya ba dang / chos dbyings kyi ye shes zhes bya ba chung zad kyang dmigs su med pas/ byang chub sems dpa' 'di snyam du/ bdag gis mthong ba ltar na/ sems can rnams ni mtshan ma med pa rang bzhin gyis stong zhing / dben pa btags pa tsam du rnam par bzhag pa/ 'tshogs shing 'dus pa'i chos 'di la/ 'dod chags dang / zhe sdang dang / gti mug skyed par byed pas/ bdag gis 'di dag yang dag par ji lta ba bzhin du so sor brtags nas/ 'dod chags kyis rmongs par gyur pa'i sems can de dag gi ched du snying rje chen po la gonas nas/ sngon gyi smon lam yongs su rdzogs par bya'o// // chos kyi dbyings las ma g.yos par rtsol ba med pa'i/ ye shes kyis yongs su smin par bya'o// snyam du sems so// skyes pa gang zhig bud med dag la yang dag pa ma yin pas/ sdug pa'i 'du shes bskyed nas/ 'dod chags lci ba skyes par gyur na/ byang chub sems dpa' bud med shin tu sdug cing mdzes pa/ gzugs kyi mtshan khyad par du 'jigs pa/ rin chen pa che brgyad phreng dang ldan pa brgyan rnam po sna tshogs kyis/ rab tu brgyan pas lha'i bu ma dang 'dra bar gyur pa/ don ma mthong ba dag du gyur nas/ sems can de dag gis ci ltar sred cing chags pa dang / shin tu mngon par/ zhen par gyur pa la ston par byed do// de dag gi nus pa dang sbyar nas/ thabs kyis 'dod chags kyi dug mda' dbyung ba'i ched du rang dbang du gyur pa'i mthus bud med kyi gzugs su bsgyur te/ de'i mdun du snang bar byas nas/ chos bstan pa nyid kyis sems can de dag chos kyi dbyings su rtogs par bya ste/ mi snang bar gyur to// bud med gang zhig skyes pa dag la 'dod chags kyi sems skyes par gyur na/ byang chub sems dpa' skyes pa'i lus bstan nas/ 'dod chags kyi dug mda' dbyung ba'i ched du chos bstan pa nyid kyis chos kyi dbyings la zhugs par byas nas mi snang bar byed do// glog thob 'dod chags kyi spyod pa nyi khri cig stong dang / spyod pa gzhan de dag gtogs par brgyad khri bzhi stong du gyur pa de dag byang chub sems dpa' rtsol ba med pa'i ye shes kyis/ chos kyi sgo mo bye ba stong phrag tshad med pa bskyed de/ sems can khong du chud par byas nas/ thams cad rnam par grol bar gyur kyang / bdag gis sems can de la 'di lta bu chos bstan pa'o snyam du sems pa yang med la/ sems can rnam par grol bar gyur pa yang mi dmig so// / glog thob 'di lta ste dper na/ rgya mtsho ma dros pa'i klu'i rgyal po ni/ las kyi mthu'i dbang gis de'i pho brang gi nang nas/ chu klung chen po bzhi byung nas/ sems can chu dang skam la gnas pa dag/ dbyar tsha ba'i dus kyi tshe/ bsil ba' dang rlan gyis me tog dang 'bras bu dag rgyas shing 'bras bu rnams 'phel bar 'gyur nas/ sems can mang po shin tu bde bar byed kyang / klu'i rgyal po de dag chu klung bzhi po 'di dag phyung ngo // dbyung bar bya'o snyam du mi sems mod kyis/ 'on kyang chu klung bzhi po 'di dag 'bab cing sems can rnams nye bar spyod par byed do// byang chub sems dpa' yang de bzhin du/ sngon gyi smon lam yongs su rdzogs par gyur pa'i dbang gis/ rtsol ba'i byed pa'i ye shes kyi// 'phags pa'i bden pa bzhi bstan nas/ 'khor ba'i yongs su gdung ba thams cad bsal te/ lha dang mi rnams la/ 'phags pa'i rnam par grol ba'i bde ba smin par byed kyang / byang chub sems dpa' de bdag gis chos bstan to// bstan par bya'o snyam du mi sems mod kyi/ 'on kyang rang gi ngang gis snying rje chen po'i bsam pa la gnas nas/ sems can rnams la so sor brtags ste/ ci rigs par chos ston par byed do// gzhan yang glog thob 'di lta ste dper na/ brgya byin lha'i dbang po la lha'i bu mo khrag khrig phrag bcu gnyis yod pa de dag/ brgya byin lha'i dbang po'i rang dbang gi mthu'i dbang gis lus mang po bstan nas/ lha'i bu mo de dag dang lhan cig 'dod pa'i bde ba yongs su rdzogs pa myong bas de dag sa so nas 'di snyam du bdag gcig pu ni deng lha'i dbang po dang lhan gcig brtses so snyam du sems cad / yang dag pa'i lha'i dbang po de la mngon par zhen par gyur pa ci yang med do// byang chub sems dpa' yang de bzhin du sems can gang yongs su zla ba'i 'os su gyur pa de dag gi bsam pa ji lta ba bzhin du yongs su smin par byas kyang / byang chub sems dpa' la mngon par zhen par gyur med do// gzhan yang glog thob 'di lta ste dper na/ nyi ma'i dkyil 'khor ro mthon po'i rtse la shar ba'i tshe/ 'od kyis 'dzam bu gling kun tu snang bar byed pas gang du snang bar byas pa'i gnas de dag du kha dog sngon po dang / ser po dang / dmar po dang / dkar po rnam pa sna tshogs rab tu ston par byed kyang / nyi ma'i dkyil 'khor de ni kha dog gcig pa/ 'od gcig pa nyid de/ tha dad pa'i mtshan ma med do// byang chub sems dpa' yang de bzhin du shes rab kyi nyi ma'i dkyil 'khor gyis chos kyi dbyings snang bar byas nas/ sems can gyi mngon par zhen pa'i ri'i rtse mo de dag du shar pa na/ dmigs pa'i mtshan nyid gcig tu 'dug cing / de dag gi mos pa ji lta ba bzhin du chos ston par byed kyang / chos kyi dbyings la gyur pa'i mtshan nyid med do// glog thob 'di ni byang chub sems dpa' sems dpa' chen po rnams kyi 'dod chags spyod pa'i gter ces bya'o// byang chub sems dpa' gang gis gter 'di thob par gyur na/ bskal pa 'am bskal pa byas lhag par sems can rnams kyi mos pa sna tshogs ji lta ba bzhin du lus tshad med pa bstan nas/ tshig rnam pa sna tshogs kyis chos ston par byed kyang / chos kyi dbyings la gnyis su gyur pa'i mtshan nyid med do// gzhan yang glog thob 'di lta ste dper na/ gser yang dag pa ni/ 'gar ba'i thabs mkhas pa'i mthu'i dbang gos mos pa ji lta ba bzhin du rgyun rnam pa sna tshogs su byas te/ mtshan nyid tha dad par gyur kyang / rang bzhin la ni tha dad par gyur pa ci yang med do// byang chub sems dpa' yang de bzhin du chos kyi dbyings la shin tu legs par brtags nas/ sems can mos pa rnam pa sna tshogs ci lta ba bzhin du lus tshad med pa dag bstan nas/ tshig rnam pa sna tshogs kyis chos ston par byed kyang / chos kyi dbyings la ni gyur pa'i mtshan nyid med de/ 'di ni rtag par chos kyi dbyings la zhugs pas mtshan nyid gcig tu gyur pa zhes bya'o// byang chub sems dpa' gang gis gauter 'di lta bu thob par gyur na/ sems can gyi ched du rnam pa sna tshogs kyi sgo nas chos par ston par byed pas/ de bdag gi chos thos pa'i bdag gis 'phags pa'i nor phun sum tshogs pa'i dbang phyug dang ldan par gyur pas/ 'khor ba'i dgud pa dag gtan tu yongs su spong bar byed do// gzhan yang glog thob byang chub sems dpa' sems dpa' chen po rnams kyi/ zhe sdang spyod pa'i dbang gis gter ces bya ba ji lta bu zhe na/ 'di lta ste sems can rnams ni nga rgyal dang mtshungs par ldan pa/ bdag dang bdag gir 'dzin pa dang bcas pa/ bdag dang gzhan gyi mtshan ma la gnas pas yun ring po nas byams pa dang / bzod pa ma bsgoms pa la zhe sdang gi gdung bas rang gi sems bshig par gyur pa/ sangs rgyas dang / chos dang / dge 'dun rjes su dran par ma gyur pa/ zhe sdang gi gdug pas g.yog pa chos nyid la rmongs par gyur pa yin yang / byang chub sems dpa' ni zhe sdang mang ba'i sems can de dag nam yang gnod sems dang rnam par 'tshe bskyed par byed kyi/ 'di snyam du kye ma sems can 'di dag ni gti mug gis rmongs pas chos rnams bzod ma nyid nas rab tu dben zhing zhi ba/ dri ma dang rnyog pa med pa/ 'dum pa med pa/ rtsod pa med pa/ rab tu den pa'i chos nyid phyin ci log dang mtshangs par ldan par gyur pa'i dbang gis yang dag pa ma yin pa'i zhes sdang dang / mkhon tu 'dzin pa skyed par gyur to/ snyam du sems pa kho nar zad do// de snyam du bsams nas kyang snying rje chen po la gnas te/ rtag par bdag nyid kyang 'gyod cing bshags par yang byed la/ gal te lus kyi yan lag dang nying lag gcod pa zhig yod na yang zhe sdang spyod pa'i sems can de dag gdul bar 'dod pa'i phyir bzod pa la rab tu gnas par byed do// gal te zhe sdang sems can tshad med pa de dag phan tshun gcig la gcig rgyab kyis phyogs shing zhe sdang dang / 'khon tu 'dzin pa'i las yongs su rdzogs pa'i dbang gis sbrul gdug pa ngan 'gro lus su lhung bar gyur pa dag la ni/ byang chub sems dpa' bzod pa la rab tu gnas pa des 'di ltar byams pa dang dran pa'i stobs kyis sems can de dag btul nas ngan 'gro'i rnam par smin pa len par 'gyur zhing gdon mi za bar mnyam pa nyid rtogs par byed pa gang yin pa 'di ni/ byang chub sems dpa' thabs mkhas pas sems can gyi zhe sdang gi spyod pa yongs su brtsal ba zhes bya'o// gzhan yang glog thob byang chub sems dpa' ni gal te sems can zhe sdang can dag mthong bar gyur na/ 'di snyam du chos thams cad ni rang bzhin gyis rnam par dag pa yin na/ kye ma sems can 'di dag ni zhe sdang gi rjes su 'brangs nas/ yang dag pa ma yin pas rnam par rtog pa skyed nas mnyam zhing / rtsod pa med pa'i chos nyid 'di la zhe sdang gi bsam pa skyed nas/ sems can 'di dag chos kyi dbyings nyid ma rtogs par gyur to// gal te sems can 'di dag chos nyid mthong bar gyur na ni/ gzhan dag le gnod sems skyed par mi 'gyur ba zhig na/ chos kyi dbyings kyi ngo bo nyid ma rtogs pas de'i phyir/ zhe sdang skyed par 'gyur ro zhes byang chub sems dpa' des zhe sdang mang ba'i sems can de dag la/ lhag par snying brtse ba bskyed nas snying rje chen po la gnas te/ sngon gyi smon lam yongs su rdzogs par byed la/ rtsol ba med pa'i ye shes kyis/ sems can gyi zhe sdang gi spyod pa rnam par gzhig pa'i phyir/ chos kyi sgo mo rnam pa sna tshogs yang dag par ston par byed kyang // bdag gis sems can gyi zhe sdang bsal ba'i phyir chos bstan to snyam du mi sems so// de ci'i phyir zhe na/ byang chub sems dpa' chos kyi dbyings mtshan nyid shin tu legs par rtogs pa'i phyir ro// 'di ni byang chub sems dpa' chos kyi dbyings dbyer med pa'i mtshan nyid la gnas nas/ nyon mongs pa'i spyod pa rab tu bstsal pa zhes bya'o// glog thob 'di lta ste dper na/ mun pa bsal nas snang ba thob par gyur yang mun pa sel bar byed pa med de/ 'di ltar mun pa dang snang ba'i ngo bo nyid na mkha' dang mtshungs shing dbyer med pa yin no// de bzhin du byang chub sems dpa' yang chos kyi dbyings dbyer med pa'i ye shes de la brtan nas thabs mkhas chos rab tu bstan te/ zhe sdang spyod pa'i sems can rnam pa sna tshogs gdul zhing zhi bar byed kyang / chos kyi dbyings la tha dad du gyur pa med do// glog thob 'di lta ste dper na/ nyi ma'i dkyil 'khor gyis bsdus pa yin no// de bzhin du byang chub sems dpa' yang zhe sdang gi spyod pa gdul zhing bsal ba'i phyir/ ci tsam du tshig brjod pa thams cad kyi chos kyi 'khor lo yan yang / chos kyi dbyings la ni tha dad du gyur pa med de/ 'di ltar zhe sdang gi spyod pa nyid khri cig stong dang / spyod pa gzhan gtogs par brgyad khri bzhi stong du gyur pa de dag byang chub sems dpa' stsol ba med pa'i ye shes yongs su grub pas sems can de dag gi/ zhe sdang gi spyod pa rnam pa sna tshogs kyi rjes su ston par byed kyang / bdag gis sems can la chos bstan to// ston par gyur to snyam du sems pa med do// 'di ni byang chub sems dpa' sems dpa' chen po rnams kyi zhe sdang sprod pa'i gter ces bya'o// byang chub sems dpa' gang gis gter 'di thob par gyur na/ bskal pa 'am bskal pa las lhag par/ sems can gyi mos pa rnam pa sna tshogs kyis rjes su tshig 'bru dang yi ge dang brjod pa rnam pa sna tshogs kyi thabs mkhas pas chos ston par byed kyang / zhe sdang gi spyod pa'i mtha' rnyed par ma 'gyur la byang chub sems dpa' de'i shes rab dang / spobs pa yang gtugs par mi 'gyur te/ 'di ni byang chub sems dpa' chos kyi dbyings dbyer med pa'i mtshan nyid leg par bshad pas thob pa'i zhe sdang spyod pa'i gter ces bya'o// gzhan yang glog thob byang chub sems dpa' sems dpa' chen po rnams kyi gti mug spyod pa'i gter ces bya ba ci lta bu zhe na/ grog thob byang chub sems dpa' rnams kyi spyod pa 'di lta bu 'di ni shin tu bya dka' ba'i dngos po yin te/ 'di ltar sems can rnams kyi nyon mongs pa'i rjes 'brang ba/ gzhan la gnod pa byed pa/ ma rigs pa'i mngal gyi sgo ngas kun tu bkris pa/ dar gyi srin bu bzhin du bdag nyid bcings pas/ chos kyi dbyings rtogs pa'i/ thabs med pa/ bya ba dag la legs par so sor mi rtog pa/ bdag tu lta ba la mngon du zhen pa/ lam log par zhugs pa/ bum pa'i spyod pa la gnas pa/ nges par byang ba dga' ba yin pas/ 'di lta bu la sogs pas rmongs par gyur pa'i sems can dag gi ched du/ dang po sems bskyed pa nas sbyor ba chen po bskyed de/ ngal ba'i sdug bsngal ba yang med/ le lo yang med par rkyen gang dang mos pa gang dang chos bstan pa ji lta bu zhig gis sems can 'di dge byang chub sems dpa'i spyod pa la brgyud de/ rnam par grol ba thob par gyur snyam du sems ste/ byang chub sems dpa' sngon chos kyi dbyings legs par so sor brtags pa la/ rtsol ba med pa'i ye shes kyis snying rje chen po la gnas te/ sems can de dag chos kyi dbyings la rmongs par gyur par rig nas/ ci nas ci lcogs kyis chos bstan nas rab tu gdul bar byed kyang / bdag gis chos bstan to// ston to// ston par 'gyur ro snyam du sems pa med do// 'on kyang de'i sngon gyi smon lam gyi mthus/ rten cing 'brel par 'byung ba legs par so sor brtags nas/ rang gi ngang gis chos kyi sgo mo brgya stong du ma bstan te/ sems can de dag gi ma rig pa'i las kyi 'du byed bsal nas rnam par grol ba thob par byed do// glog thob 'di lta ste dper na/ sman pa bzang po nad mang po gso ba la mkhas pa/ sngar sman dpyad rnams shin tu goms par gyur pa ni/ nad kyi mtshan ma mthong ma thag du sngags dang sman btang ba thams cad rab tu rtogs par gyur pas des gsos pa gang yang mi gsos pa med do// de bzhin du byang chub sems dpa yang 'di ltar chos kyi dbyings shin tu legs par brtags pas/ stsol ba med pa'i ye shes kyis// gti mug gi spyod pa bsags pa'i sems can de dag gi dbang po dang / rat+na bzhin ji lta ba bzhin du/ chos kyi sgo mo brgya stong du ma bstan nas/ thams cad rab tu gsal bar rtogs par byed de/ glog thob 'di ni byang chub sems dpa' sems dpa' chen po rnams kyi gti mug spyod pa'i gter ces bya'o// byang chub sems dpa' gang gis gter 'di thob par gyur na/ rten cing 'brel par 'byung ba legs par so sor brtags nas/ gti mug spyod pa'i sems can de dag gi ched du/ bskal pa 'am bskal pa las lhag par de dag gi rang bzhin dang / 'dun pa ji lta ba bzhin du/ tshig 'bru dang yi ge dang / brjod pa rnam pa sna tshogs kyi thabs mkhas pas chos ston par byed kyang / gti mug spyod pa mtha' yang rnyed par mi 'gyur la/ byang chub sems dpa' de'i shes rab dang / spobs pa yang gtugs par mi 'gyur te/ 'di ni byang chub sems dpa' chos thams cad dbyer med pa'i mtshan nyid legs par bshad pas thob pa'i gti mug spyod pa'i gter ces bya'o// 'di ltar gti mug spyod pa nyi khri gcig stong dang / spyod pa gzhan gtogs pa brgyad khri bzhi stong du gyur pa de dag byang chub sems dpa' yongs su spang ba'i phyir/ chos kyi sgom brgya stong du ma rab tu phye nas/ yang dag par ston/ ba gang yin pa de ni/ byang chub sems dpa'i gti mug spyod pa'i gter ces bya'o// gzhan yang glog thob byang chub sems dpa' sems dpa' chen po rnams kyi/ cha mnyam par spyod pa'i gter ces bya ba ji lta bu yin zhe no/ 'di lta ste dper na/ me long gi dkyil 'khor shin tu dag cing yongs su gsal ba/ dri ma rnams med pa/ lam gyi bzhi mdor bzhag na/ gzugs brnyan rnams der snang zhing 'phel ba dang / 'grib pa med kyang me long gi dkyil 'khor de bdag gi gzugs bstan rnam pa sna tshogs 'di dag ston par byed do zhes mi sems mod kyi/ 'on kyang me long gi dkyil 'khor de shin tu byi dor legs par byas nas gzugs bsnyen gyi rnam pa thams cad// rang gi ngang gis rab tu snang bar 'gyur ro// de bzhin du byang chub sems dpa' yang chos kyi dbyings kyi me long gi dkyil 'khor shin tu legs par byi dor byas pas// rtsol ba med pa'i ting nge 'dzin la gnas nas/ sems can rnams kyi sems kyi spyod pa'i bye brag ji lta ba bzhin du/ chos kyi sgo mo brgya stong du ma rnam par phye ste/ bstan nas/ de dag thams cad rab tu rtogs shing rnam par grol ba thob par byas kyang / chos kyi mtshan ma dang sems can gyi mtshan ma skyed par mi byed do// de ci'i phyir zhe na/ byang chub sems dpa' des chos kyi dbyings kyi mtshan nyid shin tu legs par rtogs pa'i phyir dang / spyod pa bzhi po de dag dang / mtshungs par ldan pa'i sems can gang yin pa de dag/ yang dag pa ji lta ba bzhin du rab tu rtogs pas/ de dag gi dbang po dang rang bzhin du myos ston par byed kyang / chos kyi dbyings dang sems can gyi khams yang dag pa ji lta ba bzhin du so sor rtogs par byas pas gnyis su gyur pa'i mtshan nyid kyang med do/ chos kyi dbyings dang sems can gyi kham/ ji lta ba de dag gnyis su med cing / tha dad pa med pa mthong ba'i phyir ro// glog thob 'di lta ste dper na/ na mkha' la ni tha dad pa rnam pa sna tshogs kyi mtshan ma yang med la/ rnam par bzhag pa yang med do// de bzhin du byang chub sems dpa' yang / chos kyi dbyings shin tu legs par so sor brtags nas/ chos thams/ cad mtshan nyid gcig tu 'jug par rtogs pa dang / sngon gyi smon lam gyis mthus sems can gyi spyod pa ji lta ba bzhin du chos rnam pa sna tshogs ston par byed kyang / chos kyi dbyings la ni tha dad du gyur pa med do// glog thob chu mnyam pa'i spyod pa 'di la nyi khri gcig stong yod pa dang / spyod pa gzhan gtogs par brgyad khri bani stong du gyur pa de dag kyang / byang chub sems dpas so sor brtags nas/ thams cad gsal bar rtogs par 'gyur te/ 'di lta ste dper na/ spar pa mkhas pa nad dang sman gtong ba rab tu shes pa bzhin du/ stsol med pa'i ye shes kyis chos rnam pa sna tshogs ston par byed pa gang yin pa 'di ni byang chub sems dpa' sems dpa' chen po rnams kyi cha mnyam pa'i spyod pa'i gter ces bya'o// byang chub sems dpa' gang gis gter 'di thob par gyur na sems can rnams kyi ched du/ bskal pa 'am bskal pa las lhag par de dag gi mos pa ji lta ba bzhin du brjod pa rnam pa sna tshogs kyis thabs mkhas pas chos ston par byed kyang / spyod pa de dag gi mtha' yang rnyed par mi 'gyur la/ byang chub sems dpa' de'i shes rab dang / spobs pa yang gtugs par mi 'gyur te/ 'di ni byang chub sems dpa' chos kyi dbyings dbyer med pa'i mtshan nyid legs par bshad pas thob pa'i cha mnyam pa'i spyod pa'i gter ces bya'o// / / bam po gnyis pa'o// // gzhan yang glog thob byang chub sems dpa' des de lta bu'i ye shes yongs su rdzogs par gyur pas sems can rnams kyi dbang po dang / spyod pa dang / bsam pa yang tha bas mkhas pas rab tu rtogs pas/ gal te 'dod chags mang ba'i sems can mthong bar gyur na/ de dag rab tu gdul zhing / de dag gi nang gso ba'i phyir so so'i skye bo dang mthun par 'dod pa rnams la yongs su spyod pa dang / bu dang chu ma dang khyim gyi so mchi phun sum tshogs pa ston par byed kyang / pad ma bzhin du mgos shing mngon par zhen par gyur pa med do// sems can gang gti mug cing blo dang mi ldan pa de dag ni/ byang chub sems dpa'i thabs mkhas pa mi shes pas 'di snyam du blo dang ldan pa su zhig/ so so'i skye bo dang tha mi dad par/ 'dod pa rnams nyams su len par byed ces/ byang chub sems dpa' de la 'di ni/ byang chub spangs pa yin no snyam du sems par byed de/ sems can de lta bu de dag ni sems mi gtsang ba'i phyir zhe sdang chen po skyes nas gus par mi 'gyur bas las de'i dbang gis lus zhig ste shi ba'i 'og tu sems can dmyal ba chen por ltung bar 'gyur yang 'di ltar/ byang chub sems dpa' shin tu gsang bas 'dul ba'i rgya dang rkyen gyis kha na ma tho ba'i rnam pas yongs su zad nas/ gdon mi za bar mnyam pa nyid thob pa la rab tu dgod par byed do// glog thob 'di lta ste dper na/ me rab tu 'bar ba ni/ rtswa dang shing phrad par gyur pa na/ thams cad rab tu 'bar zhing / me'i phung po nyid du mngon par 'grub par 'gyur ro// de bzhin du byang chub sems dpa' yang ye shes kyi me 'bar bar 'gyur ba na/ sems can rnams kyi 'dod chags dang / zhe sda dang / gti mug dang / dge ba dang / mi dge ba ji snyed po de dag byang chub sems dpa' dang lhan cig 'grogs shing thams cad rab tu 'bar nas/ shes rab nyid du mngon par grub par gyur te/ 'di ni byang chub sems dpa'i ma 'dres pa'i chos shes bya'o// gzhan yang 'di lta ste dper na/ ri'i rgyal po ri rab kyi ma 'dres pa'i mtshan nyid ni/ 'di lta ste rin po che sna bzhi las mngon par grub pa yin pas sems can rnams kyang de'i rjes su kha dog sngon po dang / ser po dang / dmar po dang / dkar po rnam pa sna tshogs kyi mtshan nyid du 'gyur bar byed do// gal te bai dUr+ya'i ngos su phyin pa ni/ thams cad bai dUr+ya'i kha dog gcig pu nyid du 'gyur bar byed do// gser gyi kha dog gi ngos su phyin ne ni thams cad kha dog nyid du 'gyur bar byed do// dngul dang chu shel gyi kha dog du gyur pa yang de bzhin no// de bzhin du byang chub sems dpa' yang ma 'dres pa'i chos thob/ sems can rnams kyi 'dod tshogs dang / zhe sdang dang / gti mug dang / dge ba dang / mi dge ba ji snyed pa dag byang chub sems dpa'i thad du phyin cing lhan gcig 'grogs par gyur na/ thams cad byang chub sems dpa'i ye shes la 'jug pa nyid du 'gyur ba byed kyang de'i sems mi gtsang zhing / rang gi sdig pa'i las kyi dbang gis sems can dmyal ba dang / dud 'gro'i skye gnas dang / gshin rje'i 'jig rten tu ltung bar gyur pas/ 'di ltar byang chub sems dpa'i ma 'dres pa'i yon tan dang / smon lam gyi stobs kyi kha na ma tho ba'i rnam par smin pa zad pa'i 'og tu/ gdon mo za bar bla na med pa yang dag par rdzogs pa'i byang chub thob par 'gyur ba la dgod par byed do// glog thob sngon byung ba 'das pa'i bskal pa tshad med dpag tu med grangs med pa na/ snyigs pa lnga'i dus kyi tshe/ de bzhin gshegs pa dgra bcom pa yang dag par rdzogs pa'i sangs rgyas/ rigs pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu'i kha lo sbyar ba/ lha dang mi rnams kyi ston pa sangs rgyas bcom ldan 'das rin po che'i phung po'i yon tan gyi sgra zhes bya ba byung ste/ de'i tshe skye dgu rnams tshe lo brgya nyi shu thub par gyur te/ da lta nga ji lta ba bzhin no// de'i tshe sems can rnams 'dod chags dang / zhe sdang dang / gti mug shin tu che bas/ nyon mongs pa rnams kyi zil gyis non pas/ pha ma dang phu nu dang grogs po yid dang 'gal bar byed pa/ mkhon po dang slob dpon gyi rjes su mi 'brang ba/ byas pa'i drin mi gzo ba rtag par gnod sems dang bcas pa/ g.yo sgyu dang rkun bu'i sems dang ldan pa/ phan tshun gcig la gcig gnod par byed pa/ tshul bzhin ma yin par spyod pa dang / sangs rgyas dang // chos dang / dge 'dun la gus pa med pa/ ser snas zil gyis non pas/ yi dgas chos spyod par gyur pa'i sems can de lta bu sha stag sangs rgyas kyi zhing de na/ gnas par gyur pas shin tu gdul dka' bar gyur to// de'i tshe bcom ldan 'das de yang / sngon gyi smon lam gyi mthus/ dus ngan pa de'i tshe/ bla na med pa yang dag par rdzogs pa'i byang chub mngon par rdzogs par sangs rgyas par gyur te/ bcom ldan 'das de la nyan thos chen po'i tshogs ni nyi khri nyi stong mnga' bar gyur to// de'i tshe de'i dus na/ rgyal po rgya cher byin pa zhes bya ba 'dzam bu gling la dbang ba'i dbang phyug dang ldan pa/ sangs rgyas kyi bstan pa la sems shin tu dad par gyur pa zhig yod pa des/ de bzhin gshegs ba de nyan thos kyi dge 'dun dang bcas par/ dbyar zla ba gsum spyan drangs te/ mchod pa rgya cher bshams nas/ mchod cing rim gro byas so// de'i dge slong dri ma med pa zhes bya ba spobs pa phun sum tshogs pa/ chos ston pa'i thabs mkhas pas 'khor mang po rnams nyan par spro ba/ sems can yongs su smin par byed pa la rtag par ngal ba med pa/ re ba med par chos ston pa/ mdog gsal zhing gsong por smra ba/ gzugs dang stobs phun sum tshogs pa/ byang bzhin sdug cing mdzes pa sems can rnams kyis mthong bar mos shing / rim gro dang / bkur bsti dang / bla mar byed cing bsngags pa brjod pa zhig yod de/ dge slong gser bu dag kyang rtag par dri ma med pa'i rjes su 'brang zhing / rgyal po'i pho brang 'khor du 'byung zhing 'jug pa dag la thogs pa med par gyur pas gos dang / bza' ba dang / gtung ba dang / mal stan dang / na ba'i gsos sman rnam pa sna tshogs kyis kyang rim gror byas par gyur to// de'i tshe 'khor mang po de las dge slong phal tsher lus kyi sdom pa dang / sems kyi shes rab bsgoms pa mi/ shes pa/ sangs rgyas dang / chos dang / dge 'dun la gus pa med pa/ rtag par lta ba dang / chad par lta ba dang / bdag tu lta ba la sogs pa dang ldan pa/ sangs rgyas kyi chos la bskur pa 'debs pa/ rnam par g.yeng zhing gdul dka' ba/ dbang po rnams mi sdom pa/ chos bzhin ma yin pa la gnas pa/ dge slong gi tshul med par bdag nyid dge sbyong du khas 'che ba/ lus dang ngag dang yid kyi las thams cad log par zhugs pa sha stag gnas par gyur to// de'i tshe bcom ldan 'das de dbyar 'das nas yongs su mya ngan las 'das pa dang / rgyal po rgya cher sbyin pas/ tsan dan dmar pos sku zhugs la bzhen nas/ mchod par byas te/ ring srel gyi mchod rten ngos bzhi kun tu tsan dan dmar po'i mu khyud kyis bskor pa/ pad ma gser gyi kha dog dang ldan pa bye ba phrag brgyad cu brtsigs so// de'i tshe dge slong dri ma med pa ni/ bcom ldan 'das des mang du thos pa'i mchog tu lung bstan pas/ de bzhin gshegs pa de yongs su mya ngan las 'das pa'i 'og tu dam pa'i chos rgya cher spel te/ grong dang / grong khyer dang / grong rdal gang du song ba der/ sems can brgya stong tshad med pa snyed yongs su btul nas/ bla na med pa yang dag par rdzogs pa'i byang chub la bkod par gyur to// de'i tshe dge slong snga can mang po rnal 'byor khong du ma chud pa/ rtag par phrag dog dang bcas pa/ bdud kyis bslus pa rnams rgyal po dog la ba der dong ste/ 'di/ skad du rgyal pos bkur ba'i dge slong dri ma med pa ni rgyal po'i pho brang du byung zhing 'jug pa la thags thogs ma mchis te/ dge slong 'di 'dod chags dang bral ba yang ma lags la dus ma lags par zas 'tshal te/ spos dang 'phreng ba dag gis kyang lus brgyan par bgyid pas/ yang dag par tshangs par spyod pa ma lags pas/ mchod pa mdzad pa'i mi rigs so// bdag cag ni don 'di'i slad du 'dir mchis nas/ rgyal po la gsol ba lags kyis/ slad kyis 'gyod par yang mdzad cig/ sangs rgyas kyi yang dag pa'i bstan pa la thugs mi ches pa yang mi skyed du gsol zhes smras so// de'i tshe bdud sdig can zhes bya ba gcig gis kyang bdag nyid dge slong gi gzugs su bsgyur nas/ rgyal po de ga la ba der song ste snga ma bzhin smras pa dang / de'i tshe rgyal po rgya cher byin pa yang / yang nas yang du de skad ces smras pa thos nas/ 'di snyam du dge slong dri ma med pa ni rab tu brtson zhing blo dang ldan pas/ bdag gis blo ma bkur ba yin te/ dngos po 'di lta bu med pa ni gnas med do snyam po// de nas de'i tshe bdud kyi 'khor rnams bar snang la lus phyed bstan nas rgyal po la tshigs su bcad de smras pa/ rgyal po bzo yi sgyu rtsal slobs// dus tshong dag la mkhas par gyis// rgyal pos de ni ma shes na/ mi rgyal rtags dang ldan ma yin// sangs rgyas nyan thos dgra bcom pa// ye shes chen po ldan pa yi// tshig dag la ni mi rten par// ci'i phyir na chen por lta// dge slong rnams ni phan gdags phyir// khyod la bden tshig smras pa yin// chad smra ngan 'gror 'gro ba'i mi// yang dag tshangs spyod ma yin pas// de ni rgyal po'i pho brang du/ btsun mo dag dang lhan cig rtse// rgyal po 'khor dang bcas pa yis// legs par rtogs la tsom sems// rgyal pos dngos po 'di thos nas// sems la skrag cing mya ngan skyes// 'khor rnams dang ni lhan gcig tu// myur zhing rings par pho brang 'dong // de tshe dri med pho brang nas// chos rnams rang bzhin stong pa dang // bdag dang sems can med pa'i// dam pa'i don ni ston par byed// rgyal po dmag 'khor bcas pa dag/ thams cad bdud kyis bslus pas na// pho brang nang gi btsun mo rnams// dge slong yongs bskor mthong ba dang / zhe sdang glang chen mos pa bzhin// gshed ma dag la rab bsgo ba// dge slong nga'i btsun mos bslus// sdug bsngal chos kyi chad pas chod// blon po 'khor dang bcas pa rnams// thams cad bdud kyis zin pas na// dge slong nyes pa med pa la// sems kyis gnod pa bya bar bsams// gshed mas mtshon thogs 'ongs pa dang // dri med snying brtse mchi ma byung // rgyal pos khyod ni chos min na// ci'i phyir na mchi ma byung // dri med rgyal po la smras pa// dngos po 'di ni yid ches dka'// re shig skad cig sdod cig dang / bdag la/ gsal ba'i dbang yod do// rgyal pos dge slong tshig thos nas// gshed ma dag la tshig cig bsgo// bden pa'i dngos po ci zhig yod// khyod kyis myur tu smra ba'i rigs// lhag pa'i bsam pa ldan 'gyur zhing // snying rje 'jig rten phan 'dogs pas// sor mo bcu'i thal sbyar te// bden pa'i tshig ni 'di skad smras/ rgyal po chen po mkhyen par mdzod// gal te yang dag nyes med na// sa 'di rnams pa drug tu g.yos// mkha' las me tog char phob shig/ de skad tshig ni smras ma thag/ sa chen rnam pa drag tu g.yos// mkha' las lha'i me tog babs// bdud 'khor mya ngan skyes par gyur// de tshe rgyal po dang ba skyes// rkang la phyag byas bzod par gsol// bdag ni dmyal bar ltung 'gyur na// mgon med bdag la skyabs mdzod cig/ kyi hud sdig pa de phrad pas// gdug pa'i sems ni skyes par gyur// sdig pa'i grogs pa'i rjes 'brang bas// mgon skyabs byed pa su yang med// ston pa chen po ma gtogs par// phyogs bcur bdag gis mgo byed med// bdag gis rgyal srid spangs nas ni// nam 'tsho'i bar du skyobasu mchi// dge slong des ni rgyal po dang // g.yog 'khor bsam pa rig gyur nas// dpa pa'i chos ni rab tu bshad// rgyal pos thos nas dang ba thob// 'khor ni bye ba brgya stong dang // rgyal srid spangs nas rab tu byung // spangs pa'i sdom pa/ blangs pas na// gzhan gyis mgron gnyer yod mi len// de tshe rgyal po pho brang nas// btsun mo 'khor bcas brgyad khri rnams// dam pa'i don ni thos pas na/ phyir mi ldog la gnas par 'gyur// rgyal pos sangs rgyas gsungs pa bzhin// lo ni nyi shu rtsa bzhi yi bar// nyin mtshan rtag par sdig bshags kyang // 'on kyang sdig pa'i las ma bzang // lo ni bye mang sdug bsngal myong // sdig zad de bzhin gshegs dang phrad// sngon ni skrag par byas pa'i rgyus// rnam smin lhag ma rtag par dman// mthar gyis rnal 'byor rab bsgoms te// sangs rgyas bye ba stong mchod nas// so sor zhing khams gzhan dag tu// thams cad mngon par rdzogs sangs rgyas// thams cad kun kyang mtshan mthun pas// yon tan grags pa zhes byar 'gyur// de tshe rgyal po rgya cher byin// dge slong byams bzod de la ni// gdug pa'i sems ni bskyed pas na// lo ni bye ba mang por yang // sngon gyi sdig las mngon gyur// ngu 'bod chen por ltung bar gyur// rnam smin de ni zad nas kyang // slar yang mi lus thob 'gyur te// de bzhin gshegs pa kun spyan phrad// rtag tu bsnyen bkur rim gro byas// gzhan yang sangs rgyas bye ba phrag/ brgya bcu dag ni rim gro byas// de'i 'og tu sangs rgyas pa// de ni nga bdag nyid yin no// chos smras nyes pa med pa la// gnod pa byas pa'i dge slong ni// ma 'ongs mngon par tshang rgya ba// byang chub sems dpa' byams pa yin// de tshe rgyal po pho brang nang // btsun mo 'khor ni brgyad khri rnams// shin tu dang bas dge rtsas bskyed// sangs rgyas tshad med rim gro byas// de ltar spyod pa rab bskyed nas// sems can phan btags smon lam btab// sangs rgyas bye ba stong mchod nas// so sor mngon par 'tshang yang rgya// ngas deng khyed la bsgo ba ni// thams cad gnod sems ma skyed cig/ gang zhig byams bsgoms sangs rgyas bsngags/ 6/ de lta bas na glog thob sems can rnams kyi dbang po dang / rang bzhin dang snyam pa dag la/ mi mkhas pa dag gis dus thams cad du/ gnod sems bskyed par mi bya'o// glog thob 'di lta ste dper na/ ri rnams kyi nang na ri rab mchog tu gyur pa de bzhin du/ de bzhin gshegs pa'i ye shes kyang / ye shes rnams kyi nang na mchog dang gtso bo dang / bla na med par gyur pa yin no// 'di lta ste dper na/ chu bo thams cad kyi nang na rgya mtsho mchog tu gyur pa de bzhin du/ de bzhin gshegs pa'i ye shes kyang / ye shes kyi nang na/ mchog tu zab cing rgya che bar gyur pa yin no// gzhan myur du byang chub chen po thob/ yang 'di lta ste dper na/ rgyal po rnams kyi nang na 'khor los sgyur ba'i rgyal po mchog dang gtso bo dang / bla mar gyur pa de bzhin du de bzhin gshegs pa'i ye shes kyang ye shes rnams kyi nang na gong na med par gyur pa yin no// glog thob de bzhin gshegs pa ni/ de lta bu mkhyen pa dang ldan pa'i phyir ro// sems can thams cad kyi 'dod chags dang / zhe sdang dang / gti mug spyod pa'i sems dang / sems las byang ba 'jug cing 'gyur ba ji snyed pa de dag thams cad de bzhin gshegs pas rab tu mkhyen cing / se gol gtogs pa gcig la/ thams cad yongs su sdud par mdzad do// glog thob de bzhin gshegs pa ni rnam pa thams cad mkhyen pa nyid dang ldan pa 'di lta ste dper na/ skyes bu mig dang ldan pas rtsol ba la mi ltos rang gi lag mthil du skyu ru ra'i 'bras bu gsal bar mthong zhing the tsom med pa ltar/ de bzhin gshegs pa yang sems can thams cad kyi sems kyi spyod pa ji snyed pa dag rab tu mkhyen pas/ 'khor mang po'i nang du chos rnam pa sna tshogs yang dag par ston pa mdzad do// sangs rgyas kyi zhing 'jig rten gyi khams tshad med grangs med pa dag na/ 'dod chags kyi spyod pa dang mtshungs par ldan pa'i sems can rnams 'dod chags kyis/ yongs su gdungs nas/ nyin mtshan du yid la byed cing / don med pas dus 'das par byed pa yang nges rab tu mkhyen cing gzigs so// 'dod chags kyi gdung bas lus dang ngag gi las rnam pa sna tshogs spong bar byed pa dag kyang / ngas rab tu mkhyen cing gzigs s+ho// zhe sdang spyod pa'i sems can na sdang gis zil gyis non nas/ gcig la gcig zhe sdang gis phrag dog byed pa dang / gnod pa byas pa'i phyir mnar med pa'i gnas su gyur pa dag kyang / ngas rab tu mkhyen cing gzigs so// gti mug spyod pa dang mtshungs par ldan pa'i sems can rnams mya rig pa'i mun nag gis bsgribs shing / rmongs pas mngon par zhen pa dang / log par lta ba'i rjes su 'brang ba la mos par 'gyur ba dag ngas rab tu mkhyen to// 'os su 'gyur ba dang / 'os su mi 'gyur ba dang / 'phel zhing rtsol ba dang bcas pa dang / ldog cing nyams par gyur pa dang / de bzhin gshegs pa'i theg par dge ba'i rtsa ba bskyed pa dang / rang sangs rgyas kyi theg par dge ba'i rtsa ba bskyed pa dang / nyan thos kyi theg par dge ba'i rdza ba drug kyang ngas rab tu mkhyen to// de bzhin gshegs pa ni de lta bu'i mkhyen pa dang ldan pas 'khor mang po'i nang du bzhugs nas/ sems can gyi sems kyi spyod pa'i bye brag kyang rab tu mkhyen pas/ gal te dus la ma bab par rig par gyur na ni cang mi gsung zhing / btang snyoms su bzhag nas sems can 'di dag ni chos la rmongs par gyur pas/ khong du chud par ma gyur te sems du dgongs so// de bzhin gshegs pa ni dbang po dang stobs khyad du 'phags pa/ phun su/ 'tshogs shing / dus rab tu mkhyen pa'i phyir/ gdul ba'i 'os su 'gyur ba dang / bsam pa mchog tu gyur pa dang / tshig leg par nyan par gyur pa dag kyang ngas rab tu mkhyen te/ de ltar mkhyen par gyur nas kyang / sems can de dag yongs su sdud cing phan 'dogs par byed do// de lta bas na glog thob byang chub sems dpa' las dang po pa yang dag pa'i gnas skabs su ma zhugs pa/ sems can rnams kyi lhag pa'i bsam pa leg par khong du chud par 'dod pa dag gis/ khyim na gnas pa 'am/ rab tu byung ba yang rung ste/ thams cad kun la smad cing / gnod sems bskyed nas yun ring por bdag nyid la gnod par 'gyur ba mi bya'o// de'i phyir byang chub sems dpa' dang po sems bskyed pa nas/ theg pa chen po la gnas pa thams cad la/ sangs rgyas kyi 'du shes bskyed par bya'o// sems can gzhan dag sdig pa mi dge ba'i las byed par mthong na yang gnod sems bskyed par mi bya'o// de ci'i phyir zhe na/ de bzhin gshegs pa rtag tu sems can gang rnam par dkar zhing / yongs su dag pa'i chos la chung zad cig mnyan par gyur na/ nam yang yongs su mya ngan las 'da' bar 'gyur ro zhes gsungs pas so// byang chub sems dpa' ni gal te 'dod chags spyod pa'i sems can mthong bar gyur na/ sems can 'di dag 'dod chags kyi gdung bas bsregs par gyur pa yang dag gi nyes pa yin no snyam du sems so// bang chabazhe sdang dang gti / mug gi yongs su gdung bas bsregs par gyur pa de dag mthong na yang 'di dag thams cad ni/ bdag gi nyes pa yin no snyam du sems so// de ci'i phyir zhe na/ bdag gis sems can thams cad na ba'i sdug bsngal dang ldan par gyur pa dag mthong bar gyur na/ sman yongs su btsal te thabs mkhas pas/ yongs su/ gso bo'i rigs pa las/ bdag sems can gyi nang bsal bar yid dam bcas na/ de yal bar bor ba 'di nyid bdag gi nyes pa yin no snyam du sems so// byang chub sems dpa' ni de lta bu'i bsam pa dang ldan pas/ bdag nyid kyi nyes pa la lta zhing / sems can rnams la byams pa'i sems bskyed par byed do// gal te gsod pa 'am/ lus kyi yan lag dang / nying lag gcod cing gtubs pa zhig dang phrad par gyur na yang / pha rol gnod pa byas pa de dag la/ lan bya snyam pa'i bsam pa med do// glog thob byang chub sems dpas de ltar yang dag par sgom pa na/ 'das pa'i mi dge ba'i las ji snyed pa dag kyang / gtan tu zad cing ma lus par byang bar 'gyur la/ ma 'ongs pa'i mi dge ba rnams ni/ yang ldang bar mi 'gyur ro// glog thob sngor byung ba 'das pa'i bskal pa tshad med grangs med pa de bzhin gshegs pa mar me mdzad kyi yang ches snga rol na/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ bla na ma pa skyes bu'i kha lo sbyar ba/ lha dang mi rnams kyi ston pa/ sangs rgyas bcom ldan 'das mchog tu skyes pa zhes bya ba 'jig rten byung ngo // 'jig rten gyi khams ni 'od zer can zhes bya ste/ rgyal po'i grong khyer rab tu bde zhes bya ba'i tshal na bzhugs so// de'i tshe na shan pa 'jigs su rung ba zhes bya ba khro gtum che zhing gsod pa la dga' ba/ bzod pa dang / byams pa'i sems med pa/ lag pa khrag gis bskus pa/ mthong ba thams cad skrag par 'gyur ba zhig yod de/ de'i tshe shan pa des glang zhig khang pa'i nang du bcing/ te/ nang du zhugs nas gsad par byas pa las/ glang des mthong nas shin tu skrag pas thag pa bcad de bros nas/ de bzhin gshegs pa mchog tu bzhugs pa'i tshal ga la ba der song ngo // de'i tshe shan pa de yang mtshon thogs nas/ phyi bzhin du bsnyags pas/ glang de skrag pas g.yang sa zab mo zhig tu lhung bas/ srog chad pa la thug pa tsam du/ zhing sdug bsngal bas sgra phyung ngo // de'i tshe shan pas glang de mthong nas/ zhe sdang ches skyes te/ ga yang sa zab mo de nyid du zhags nas/ mtshon thogs te bsad par byas pa las/ mtshon ma btab pa'i bar skabs der/ de'i tshe de bzhin gshegs pa mchog tu skyes pa tshal der 'khor mang po brgya stong tshad med pas yongs su bskor ba dag la/ brten cing 'brel par 'byung ba'i chos kyi rnam grangs 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyis rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i/ rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skyes pa/ skye ba'i rkyen gyis rga shi dang mya ngan dang / smra sngags 'don pa dang / sdug bsngal ba dang / 'khrug pa rnams 'byung bar 'gyur te/ de ltar na rten cing 'brel par 'byung ba 'di dag thams cad ni sdug bsngal gyi phung po chen po 'ba' shig go zhes rgya cher rnam par phye ste/ ston par mdzad pas/ glog thob rten cing 'brel bar 'byung ba 'di la/ ma rig pa yang 'du byed la mi sems mi rtog la/ 'du byed kyang ma rig pa la mi sems mi rtog go// de bzhin du skye bas yang rga shi la mi sems mi rtog la/ rga shi yang skye ba la mi sems mi rtog pas/ de ltar chos thams cad ni/ rang bzhin dmigs su med pas/ mngon par 'du bya ba med pa/ dran pa med pa/ bdag dang bdag gi bya med pa/ rang bzhin gyis rnam par dag pa/ phan tshun gcig gis gcig mi rigs pa yin na/ so so'i skye bo rnams 'di lta bu'i chos ma thos pa'i phyir/ gzugs ni bdag yin no// bdag ni gzugs rnams dang ldan no// gzugs ni bdag gi yin no zhes 'dzin par byed do// tshor ba dang / 'du shes dang / 'bru byed dang / rnam par shes pa'i bar la yang de bzhin no// bdag dang bdag gir 'dzin pa la mngon par zhen pa 'di'i dbang gis ma rtag pa la rtag par 'dzin par byed de// sdug bsngal ba la bde bar 'dzin par byed/ mi sdug pa la sdug pa nyid du 'dzin par byed/ bdag med pa la bdag tu 'dzin cing / phyin ci log bzhi skyed par byed do// phyin ci log tu lta ba'i phyir/ ma rig pas rmongs nas yang dag par tshul bzhin du yid la mi byed cing / sems kyis rjes su mngon par zhen par gyur pas/ sred pa'i srid pa 'ching ba gcod par mi nus shing / 'khor ba'i 'khor bar rgyun mi 'chad par 'khor gyur pa yin no// mkhas ba dag ni chos kyi dbyings kyi mtshan nyid la shin tu legs par rtogs par byed pa'i phyir/ bdag dang / gang zag dang / sems can zhes bya ba nas srog ces bya ba'i bar du chud zad tsam yang yod par yang dag par rjes su mi mthong la/ skye ba dang / rga ba dang / na ba dang / 'chi ba dang / gsod pa dang / gnod par byed pa dag kyang mi dmigs so zhes gas pa dang / glog thob de'i tshe shan pa 'jigs su rung bas rgyang nas/ de bzhin gshegs pas chos bshad pa'i sgra thos nas/ go bar gyur pas de ma thag tu gsod pa'i sems nye bar zhi bar gyur nas mtshon cha spangs te/ ga yang sa nas byung nas/ bcom ldan 'das de ga la ba der song ste/ bcom ldan 'das kyi zhabs gnyis la mgo bos gtugs nas/ phyag byas te phyogs gcig tu 'dug nas/ bcom ldan 'das de la 'di skad ces gsol to// bcom ldan 'das bdag ni deng de bzhin gshegs pa'i bstan pa las rab tu byung nas lam bsgrub par 'tshal lo zhes gsol pa dang / bcom ldan 'das kyis bka' stsal pa/ de ni rigs so// dge slong legs par 'ongs sam zhes gsungs ma thag tu/ dge slong gi dngos por basbyar nas/ rdzogs par bsnyen par gyur to// de nas de bzhin gshegs pa mchog tu skyes pa de'i lhag pa'i bsam pa thugs kyis mkhyen nas/ mthar gyis yongs su smin par mdzad cing / byang chub sems dpa'i spyod pa rnams rgya cher yang dag par bstan pa 'jigs su rung bas thos pas mi skye ba'i chos la bzod pa thob nas/ sangs rgyas kyi bstan pa las phyir mi ldog pa thob par gyur to// glang de yang de bzhin gshegs pa des rten cing 'brel par 'byung ba'i chos kyi tshig ston pa'i gsung sgra shin tu gyo nom pa thos nas/ sems la rab tu dga' ba skyes nas/ shi 'phos pa'i 'og tu dga' ldan lha'i gnas su skyes nas/ tha mar byams pa dang phrad de/ yang dag pa'i dad pa dang ldan par gyur to// glog thob de ltar na sems can rnams kyi spyod pa ni shin tu zab pa dang / rnam par rig par dka' zhing shes par dka' ba yin te/ de'i phyir glog thob byang chub sems dpa' gang gis bla na med pa yang dag par rdzogs pa'i byang chub yongs su gnyer bar 'dod pas/ sems can gyi dbang po dang / spyod pa dag la shin tu mkhas par byas nas/ sems can thams cad la mnyam pa'i sem dang / thogs pa med pa'i sems la rab tu gnas te// chos thams cad la rtag tu mngon par zhen pa med par bya'o// ci bdog pa rnams yongs su spangs te/ tshul khrim rnam par dag pa bsgrub par bya'o// bzod pa la gnas par bya'o// brtson 'grus la bskyed par bya'o// bsam gtan dang / ting nge 'dzin la mnyam par bzhag par bya'o// yang dag pa ji lta ba bzhin du/ chos thams cad kyi ngo bo nyid las so sor brtag par bya'o// glog thob byang chub sems dpa' gang / chos drug po 'di dag yongs su rdzogs par gyur na/ myur du bla na med pa yang dag par rdzogs pa'i byang chub mngon par rdzogs par 'tshang bar 'gyur ro// ji ltar yongs su rdzogs par byed ce na/ 'di lta ste thams cad mkhyen pa'i ye shes la brten nas/ mngon par grub par byed pa'i phyir ro// glog thob byang chub sems dpa' rnams chos kyi gter gang zhe na 'di lta ste/ byang chub sems dpa' gzugs thams cad yang dag pa ji ba bzhin du rab tu rtogs shing / bzod ma nyes nas skye ba med pa dang / rang bzhin gyis rnam par dag par mthong ba gang yin pa'o// byang chub sems dpa' ni gzugs la mkhas pa thob pa'i phyir/ so sor yang dag par rig pa bzhi dang ldan par 'gyur ro// bzhi gang zhe na 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// don so so yang dag par rig pa ni/ gzugs kyi don rnams la thogs pa med par 'gyur ba'i phyir ro// gzugs kyi don gang zhe na/ 'di lta ste/ don dam pa gang yin pa'o// don dam pa gang zhe na 'di lta ste/ gzugs dmigs su med pa gang yin pa ste/ don dam pa ye shes 'di lta bu dang ldan pa gang yin pa de ni/ don so so yang dag par rig pa zhes bya'o// chos so so yang dag par rig pa zhes bya ba ni/ gzugs kyi chos rnams yang dag par ji lta ba bzhin du rab tu shes pa gang yin pa de ni/ chos so so yang dag par rig pa zhes bya'o// nges pa'i tshig so so yang dag par rig pa ni/ 'di lta ste gzugs rnam la thogs pa med pa'i ye shes kyi thabs mkhas pas nges pa'i tshig rnam pa sna tshogs kyis rnam par 'byed pa gang yin de ni/ nges pa'i tshig so so yang dag par rig pa zhes bya'o// / spobs pa so so yang dag par rig pa ni 'di lta ste/ gzugs kyi chos rnams sems can gyi dbang po ji lta ba bzhin du rnam par phye ste/ ston par byed kyang / kun nas nyon mongs pa med cing mngon par zhen pa med pa gang yin pa de ni/ spobs pa so so yang dag par rig pa zhes bya'o// byang chub sems dpa' ni 'di lta bu'i ye shes dang ldan pas/ gzugs kyi chos la rmongs shing mngon par zhen par gyur pa'i sems can thams cad kyi/ rang bzhin dang 'dun pa ji lta ba bzhin du/ rtsol ba med pa'i ye shes kyis ci rigs par chos ston bar byed kyang / chos kyi dbyings la mtshan nyid gnyis su gyur pa med de/ sgra dang / dri dang / ro dang / reg bya dang / chos kyi bar la yang de bzhin du rgyas par sbyar ro// glog thob 'di ni byang chub sems dpa' sems dpa' chen po rnams kyi gter zhes bya'o// byang chub sems dpa' gang gis gter 'di thob par gyur na/ spyod yul rnams la rmongs par 'gyur ba'i sems can de lta bu dag yongs su gdul bar 'dod pa'i phyir/ de dag gi mos pa ji lta ba bzhin du de dag re re la yang bskal pa 'am/ bskal pa las lhag par tshig rnam pa sna tshogs kyi/ thabs la mkhas pas chos ston par byed kyang / de dag gi mtha' yang rnyed par mi 'gyur la/ byang chub sems dpa' de'i shes rab la/ yang 'grib pa med cing chos kyi dbyings dang mi 'bral bar gnyis su med cing dbyer med pa'i rjes su 'brang ba gang yin pa de ni/ byang chub sems dpa' thabs mkhas pas chos thams cad dbyer med pa'i mtshan nyid bstan pas thob pa'i chos kyi gter zhes bya'o// chos kyi gter 'dis sems can dag la ci rigs par chos bstan nas/ zad mi shes pa'i chos kyi gter phun sum tshogs par gyur te/ 'khor ba'i rgud pa gtan du spong ba gang yin pa 'di ni glog thob byang chub sems dpa' sems dpa' chen po rnams kyi gte chen po dang / mi zang pa'i gter dang / kun tu mi zad pa'i gtor dang / mtho med pa'i gter rnam pa lnga zhes bya'o// byang nub sems dpa' gang gter 'di la dang ldan par gyur na/ yon tan khyad par du 'phags pa rnams yongs su rdzogs par 'gyur ba'i phyir/ tshegs chu dus myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// chos kyi gter bstan pa'i chos kyi rnam grangs 'di bstan pa'i tshe/ byang chub sems dpa' glog thob ni gzungs rab tu thob par gyur to// byang chub sems dpa' lnga brgya ni/ glog gi 'od zer zhes bya ba'i ting nge 'dzin thob par gyur to// lha'i bu sum khri drug stong ni/ bla na med pa yang dag par rdzogs pa'i byang chub tu sems bskyed par gyur to// de nas bcom ldan 'das la/ byang chub sems dpa' zla ba'i rgyal mtshan gyis 'di skad ces gsol to// / bcom ldan 'das kyis ji skad du/ rtsol ba ma mchis pa'i ye shes zhes gang gsungs pa'i don ji lta bu lags/ bcom ldan 'das kyis bka' stsal pa/ byang chub sems dpa' gang gis dge ba'i chos rnams la lus dang sems kyi rjes su 'thun pas dmigs shing mngon par 'du byed pa gang yin pa de ni rtsol ba dang bcas pa zhes bya'o// byang chub seMs dpa' gang lus dang sems rab tu dul bar gyur nas/ dran pa med pa/ gnas pa med pa/ rnal 'byor sgom pa'i mtshan ma dang bral bar gyur pa dang / de sngon gyi smon lam dang / ye shes yongs su rdzogs par gyur pas/ sangs rgyas kyi zhing bye ba stong phrag rnamang po rnams/ rnam pa sna tshogs su ston par byed kyang / chos kyi dbyings las g.yo ba med pa dang / can tu chos sor par byeng cang / chos kyi ma nam rlung zad rgyam yang med pa dang / bsdu ba'i dngos pa bas sems can yongs su srin par byas pang / sems can gang yang / rmongs su bzlas pa med pa dang / sangs rgyas kyi nong mas cad yongs su spangs kyang / sangs rgyas kyi zhing yongs su dag par yang dag par rjes su mi mthong ba dang / rtag pa sangs rgyas rnams rjes su dran par byed kyang / gzugs kyi mtshan nyid du mi lta ba dang / sangs rgyas kyi zhing kun tu rgyu bar byed kyang / chos kyi dbyings dang mi 'bral ba gang yin pa 'di ni/ byang chub sems dpa'i rtsol ba med pa'i ye shes zhes bya'o// byang chub sems dpa' rnams ni/ 'di lta bu'i ye shes dang ldan pa'i phyir/ sems can thams cad kyi re ba yongs su rdzogs par byas kyang / gang byas pa de dag la mngon par zhen pa yang med do// de'i tshe bcom ldan 'das kyis rtsol ba med pa'i ye shes 'di bstan pa na/ stong gsum gyi stong chen po'i 'jig rten gyi khams 'di rnam pa drug tu g.yos par gyur to// brgya byin lha'i dbang po yang sum cu rtsa gsum gyi lha rnams dang bcas par steng gi bar snang las me tog man da ra ba dang / sung ba la dang / ku mu ta dang / pad ma dang / pun da ri ka dang / tsan dan gyi phye ma'i char mngon par bab ste/ bcom ldan 'das la mngon gtor to// lha'i rnga rnams kyang rang sgra byung bar gyur to// ngo mtshar rmad du byung ba'i snang ba chen pos kyang kun tu snang byar byas te/ sems can gang la reg par gyur pa'i de'i lus kyang / shin tu bsil bar gyur to// de nas bcom ldan 'das kyis byang chub sems dpa' glog thob la bka' stsal pa/ glog thob 'das pa'i de bzhin/ gshegs pa dgra bcom pa yang dag par rdzogs pa'i sangs rgyas rnams 'dir chos kyi rnam grangs 'di lta bu gsungs so// ma byon pa'i de bzhin gshegs pa rnams 'jig rten du byung ba'i tshe yang / gnas 'dir chos kyi rnam grangs 'di lta bu gsungs par 'gyur ro// 'jig rten gyi khams tshad med grangs med pa dag na/ da ltar bzhugs pa'i de bzhin gshegs pa rnams kyang / chos kyi rnam grangs 'di rgyun mi 'chad par mdzad pa'i phyir 'od zer chen po 'gyed par mdzad do// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ bdag gis ji ltar yongs su gzung bar bgyi/ bcom ldan 'das kyis bka' stsal pa/ kun dga' bo chos kyi rnam grangs 'di ni mi zad pa'i gter bstan pa zhes bya'o// chos thams cad dbyer med pa'i mtshan nyid bstan pa zhes kyang bya ste/ khyod kyi de ltar ming yongs su gzung bar bya'o// bcom ldan 'das kyis de skad ces bka' stsal nas/ byang chub sems dpa' glog thob dang / tshe dang ldan pa kun dga' bo dang / 'khor bzhi po rnams dang / lha dang / mau dang / lha ma yin dang / dri zar bcas pa'i 'jig rten thams cad/ bcom ldan 'das kyis gsungs pa la yid rangs ste/ mngon par bstod do// / 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ mi zad pa'i gter bstan pa'i le'u ste// 'dus pa nyi shu pa rdzogs s+ho//