བོད་ཡིག

e-texts produced with BDRC’s OCR application

bod kyi lo tsa ba dge slong shAkya ye shes kyis bsgyur cing zhus te gtan la phab pa'o// rgya gar skad du/ badz+ra sA ra li ma hA tan+t+ra rA dza nA ma/ bod skad du/ rdo rje A re li zhes bya ba'i rgyud kyi rgyal po chen po/ kye'i rdo rje la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi shes rab kyi pha rol tu phyin pa'i b+ha ga la bzhugs so// bcom ldan 'das kyis sangs rgyas dang // byang chub sems dpa' du ma dang / de bzhin gshegs pas gsol ba btab par rig cing / byang chub sems dpa' rnams kyis kyang mkhyen nas bde ba'i ting nge 'dzin las bzhengs te// phyag na rdo rje la 'di skad ces bka' stsal to// chu yis gdong ni bkrus nas ni// sman ni/ bza' bar byas nas su// bde ba'i spyan la 'dug nas ni// he ru ka ni rab bsgrub bya// rang gi snying khar re pa ni// sreg pa'i bskal pa ltar 'bar bsgom// de byung rdo rje nyi ma ni// 'bar ba'i 'phreng bas yang dag khyab// de yi steng du hUM nyid de// bskal pa'i mo ni lta bu nyid// de ni rdo rjer yang bsams nas// rdo rje las byung he ru ka/ bgegs ni chen po mnan nus ni// sru la thal bas byugs pa dang // phyag rgya lnga dang yang dag ldan// 'jigs pa yang ni 'jigs par mdzad// in+d+ra ni la'i 'od lta bu// dbu skra ser po stobs pa che gar dgu'i ro dang ldan pa ni// rol pa'i gar gyis gar mdzad cing // ri rab ri rgyal lhun po yang // sa yi 'og tu yang dag mnan// phyag tu rdo rje bsnams bsgoms nas// g.yon pas skyes pa'i thod pa ni// bdud rtsi lnga dang yang dag ldan// sha lnga yang dag ldan par bsgom// kun da dang ni zla ba dang // chu skyes do shal lta bur ni// kha T+wAM ga yis phrag pa brgyan// rdoH A ril las lha'i le'u ste dang po'o// // de nas phyag na rdo rje la sogs pa byang chub sems dpa' thams cad dang / dbang po la sogs pa rdo rje nam mkha' la gnas pa thams cad dang / glang po re'i rna ba la sogs pa zhing skyong ba thams cad dang / kun dar la sogs pa'i yi dgas thams cad dang / de dag la sogs pa sems can thams cad kyi chos nyan pa'i sbyor ba des/ de bzhin gshegs pa thams cad kyi bdag po rdo rje A ra li chen po la zhus pa/ bcom ldan 'das gtor ma'i sngags ji ltar lags/ bcom ldan 'das kyis bka'/ stsal pa// bder gshegs kun gyi ston pa yis// gtor ma'i las ni rab tu phye// phyag rgya yang ni khyad par du// 'dod pa'i don kun sgrub pa'o// rdo rje thal mo gyen phye nas// oM dz+wa la dz+wa la b+h+yo hUM phaT swA hA/ 'di nyid sngags ni chen po nyid// de bzhin du ni gtor ma'i sngags// las ni thams cad pa yi sngags// yin pa nyid du the tsom med// rdo rje A ra li las gtor ma'i le'u ste/ gnyis pa'o// // de nas bcom ldan 'das kyis ming yang dag par rab tu phye ba/ gdong ring sna ni mtho ba dang // de bzhin dpag bsam shing nyid dang // tshangs par spyod pa mang ba nyid// dam tshig 'dir ni dngos grub sbyin// glang po rta bong glang rnga mo// khyi las byung ba'i mar me dang // mar me chen po bsregs nas ni// tshangs spyod 'dzin pa mchod par bya// de nas sdom pa bka' stsal pa// khyod kyis srog chags gsad par bya// brdzun gyi tshig kyang smra bar bya// khyod kyis ma byin par yang long // gzhan gyi bud med bsten par gyis// ma dang sring mo nyid dang yang // bu mo sring mo'i bu mo ni// thabs dang shes rab cho ga yis// rnal 'byor rig pas rtag tu mchod// de nas dbang bskur bka' stsal pa// phyag rgya ldan pa'i slob dpon gyis// de la dbang bskur sbyin par bya// dbang bskur de yi phyi nas ni// de nyid 'di ni rab tu dbye// 'di nyid bde ba chen po ste// thams cad lus la rnam par gnas// 'di nyid ye shes chen po ste// mchog tu dga' ba'i rang bzhin can// de nas sbyin sreg bka' stsal pa// khru gang tsam pa'i tshad dang ni// khru byed sa la brko bar bya// rdul tshon dkar po ldan par ni// rnam par mkhas pas thab khrang bya// gsungs pa'i sngags kyis nges par ni// der ni sha sogs sbyin sreg bya// me ni lha yi spyan nyid de// 'dod pa'i don kun sgrub pa'o// de nas dkyil 'khor bka' stsal pa// gru bzhi pa la sgo bzhi pa// rta babs bzhi yis rnam par brgyan// ka ba brgyad dang yang dag ldan// mkhas pas dkyil 'khor bri bar bya// dur khrod sol ba so phag dang // ldong ros phye ma nyid dang yang // ljang ku yi yang phye ma nyid// dkyil 'khor la ni mkhas pas bsngags// dbus su// gsum la rdo rje bri// shar gyi sgo ru mgo chen po// lho ru rdo rje dril bu nyid// de bzhin nub tu dgra sta ste// byang du gri gug dge ba nyid// rdo rje dkyil 'khor du ni bri// chos don 'dod dang / thar pa la// dkyil 'khor 'di ni rab tu dbye// dkyil 'khor bzhengs par byas nas ni// der ni slob ma gzhug par bya// ras kyis gdong ni bcings nas ni// bkrol nas dkyil 'khor// bstan par bya// rdo rje mA ra li las las thams cad pa'i le'u gsum pa'o// / mngon par shes pa bka' stsal pa// lha yi mig dang rna ba dang // de bzhin gzhan sems shes pa nyid// sngon gyi gnas rjes dran pa dang // de bzhin rdzu 'phrul mngon shes nyid// he ru ka yi dbyibs bsgoms na// yo gi mngon shes lnga ru 'gyur// shin tu goms pa'i rnal 'byor gyis// he ru kar ni ngang gis 'gyur// bsam gtan las ni nus skyes nas// yid ni brtan nam g.yo ba'am ci// rang gi sems ni bskul ba'i phyir// klu ni sna tshogs len pa dang // de bzhin gar ni sna tshogs nyid// sna tshogs rim gro byed pa dang // lus la rgyan ni sna tshogs dang // de bzhin sna tshogs dga' ba yi// gzugs sgra de bzhin dri dang ni// ro dang reg bya yang dag brtsam// de nas las rgyas bka' stsal pa// re'u mig brgyad ni bris nas ni// rgyud kyi sngags ni rgyas par bya// las kyis dbye ba'i rab dbye bas// de bzhin zhi rgyas la sogs kyis// oM ni dbang ldan la ni mer// de bzhin bden bral nyid du la// rlung gi mtshams su hUM nyid de// shar du dzA ni rnam par gnas// lho ru dzA yi rnam pa nyid// nub tu b+h+yo yi rnam pa ste// byang du phaT kyi rnam pa yin// dbus su swA hA rnam par gnas// ngos gsum du ni bsgrub bya'i ming // rdo rje A ra li las le'u bzhi pa'o// de nas 'khor lo bri ba bka' stsal pa/ che ge mo 'di sod cig/ che ge mo 'di dbang du mdzod cig/ che ge mo rengs par mdzod cig/ che ge mo rmongs par mdzod cig che ge mo ma lus par gyis shig/ che ge mo lkugs par mdzod cig/ che ge mo khrug cig/ che ge mo skrod cig/ che ge mo la sdang bar mdzod cig/ che ge mo chings shig/ che ge mo ma ning du/ mdzod cig/ che ge mo sgur por mdzod cig/ ces sngags kyi rkang pa 'di rnam kyi ngos gnyis su bris te/ gro ga'i 'dab mar gur kum gyis bri bar bya zhing 'di dpung pa'i rtsa bar gdags par bya'o// dgug pa la ni zla mtshan zags pa'i ras la rgya skegs kyi khu bas bri bar bya'o// gsad pa la sogs pa'i las la dur khrod kyi sol ba dang / tsi tra ka yi khru ba dang / yungs mar dang / dug dang / ske tshe dang / lan tshwa dang / tsha ba gsum dang / ka na ka yi khu ba dang / rus pa'i sbu gus so// dgug pa la ni skyu ru ra'i tsher mas so// rmongs pa la ni d+hu d+hu ra ka'i shing gis so// rengs pa la ni pa Ta'i smyu gus so// ma lus pa la ni po de tse'i shing gi sbu gus bri bar bya'o// de nas rdo rje mchod pa bka' stsal pa/ bas mtha' dang ni dben pa dang bdag gi khyim gyi nang du yang // lo ni bcu gsum de bzhin du// lo ni bcu drug bu mo dang // nyi shu rtsa lnga ma mchod bya// ba dang de bzhin ma he dang // spre'u mo dang khyi mo dang // bong ma de bzhin rnga mo dang // sha ba dang ni ra ma nyid// phag dang ba men las byung ba// gzhan yang he ru ka mchod pa// 'grub pa nyid du the tshom med// nya dang zla ba 'pho ba yi// tshes ni mu stegs can gyis brtag/ dri ma gzhig par bya ba'i phyir// rnal 'byor pas ni myang bar bya// srog chags rnams ni gsad mi bya// brdzun gyi tshig ni smra mi bya// ma byin par ni blang mi bya// pha rol bud med bsten mi bya// nyin par nyal zhing mtshan mo lang // shin tu mnyam par bzhag pas 'dug/ sha chen dang ni rus pa dang // khrag ni chen po btung ba dang // khu chen yang dag bza' ba dang // de bzhin rnam snang chen po nyid// bram ze ma dang g.yung mo nyid// gar ma de bzhin btso blag ma// zod can ma dang ko lpags mkhan// gdol pa de bzhin phyag bdar ma// rtswa 'tshong ma dang / shan ma nyid// de bzhin kla klo la sogs dang // smig mkhan dang ni chang 'tshong ma// gzhan yang zla mtshan 'dzag pa nyid// ma dang sring mo bu mo dang // sring mo las byung bu mo nyid// gzhan gyi bu mo spang mi bya// rje'u rigs mngon dga' mi bya ste// bzod bya'i bu mo rtag spangs nas// bgrod min mkhas pas bsten par bya// rdo rje A ra li las le'u lnga pa'o// de nas dam tshig gi bag dbab pa bka' stsal pa/ nyan thos skal ba ngan pa la// bag ni dbab par mi bya zhing // de bzhin gcer bu thod dum dang // ral pa can ni thams cad la/ dam tshig bag ni dbab mi bya// snying rje yi ni bdag nyid can// gal te yin na bza' bar bya// grub kyang sa pa dam pa ni// sems can don byed skyes pa nyid// skal ba/ ngan pa zhes byar brjod// bram ze dam tshig rnam par snang // de nas slob ma'i dam tshig bka' stsal pa/ dul byed blo dang ldan pa dang / bzod ldan dal ba mi sbu ba// bla mar gus shing snying rje ldan// rgyud ni 'dir ni rab tu bsngags// de nas slob dpon gyi mtshan nyid bka' stsal pa/ sngags dang rgyud kyi sbyor ba shes// snying rje ldan zhing bstan bcos mkhas// de nyid bcu ni/ yongs su shes// dkyil 'khor bri ba'i las la mkhas// de nas thun tshod bzhi byin gyis brlab pa bka' bya/ ji ltar bsgom pa'i sbyor ba des// dang po thun tshod byin gyis brlab// des ni ji srid nyi phyed na// nyi ma phyed na thun gsum pa// dus dang bral nas nam byed na// thun chod byin brlabs rab tu grags// thun tshod byin brlabs rnal 'byor gyis// bdag gi rnal/ 'byor ldan pas 'grub// de nas bdag nyid kyi dkyil 'khor bka' stsal pa/ 'dod chags zhe sdang gti mug dang // phrag dog dang ni ser sna nyid// bcom ldan he ru ka la med// ya na rnam par dag pa nyid// de nas dam tshig bsgrub pa bka' stsal pa/ 'gegs dang btsugs pa'i shing la'am// ljon shing btags shing 'phyang ba dang // g.yul du mtshon gyis bsnun pa nyid/ bdag nyid rnal 'byor ldan pas bsgrub// de nas nang du mdzad pa bka' stsal pa/ btung ba rin po che yi chu// gang zhig bza' de don yod nyid// khrus ni dpag med rdo rje yis// dril sogs rim pa rnam snang mdzad// dam tshig chos kyi de bzhin spyad// btso ni gang zag mnyam pas ni// dam tshig ro ni 'di yis ni// gang zhig glu yi rang bzhin nyid// mkha' 'gro thams cad btsun mo me// bu ni 'jam dpal la sogs pa// khro bo yi ni bstar bkur ba// bdag nyid he ru ka ru 'gyur// brjod pa bzlas pa yang dag bshad// yan lag nyed sogs phyag rgya ste// lha yi rnal 'byor dmigs nas ni// gang zhig thams cad du ni gnas// mang du brjod pas ci zhig bya// gang zhig 'jig rten bya gnas pa// rdo rje sems dpa'i gnas thob phyir// rnam par bzlog pas bya ba nyid// ri dgas sho/ sogs bya ba ni// 'jig rten du ni mi shes pas// mchog tu rab tu bsngags 'gyur ba// rnam dag dag pa dam pa ni// de nyid thob pas rab tu spyod// de nas sdom pa bka' stsal pa/ dris bu gzung ba zhing // bdud rtsi mkhas pas bza' bar bya// rang gi phyag d+hA dge bsnyen cing // spyod pa 'da' ba nyid mi bya// de nas lha'i mchod pa bka' stsal pa/ chu krung chas cig mun bdag nyid lani mchod par bya// bdag gi sngags ni brjod par bya// me tog la sogs byin gyis brlab// rdo rje s+pha ra li las le'u drug pa'o// de nas pas snyoms kyi lhung bzed bka' stsal pa/ mkhas pas bru ba chag par ni// rigs bani ru ni sdong mos rgyu// chu bo'i 'gram du bza' bya zhing // gtsang sbra nyid ni rab tu dbye khyi la'i rkang pa tsam gyis ni// kham ni blo dang ldan pas blang // blo btab bza' bar mi bya zhing // mi sbar ba la rtag tu byung // g.yas su rab myos skye bo ni// g.yon nas bskor ba ru ni bya// nges pa med par khyim du gnas// 'grub 'gyur 'di la the tsom med// rdo rje shing gi stongs byas dang // de bzhin dril bu shing gi bdag/ he ru ka ni rab grub phyir// bzung nas rtag tu rgyu bar bya// de nas rdo rje gnod sbyin ma'i sgrub pa bka' stsal pa/ ser skya'i phru ma blang nas ni// sngags ni 'dis ni bzla bar bya// bsrung bar byas shing bskams byas nas/ de la gru gul bsre bar bya// mkhas pas gnod sbyin mo sngon du// des ni bdug pa sbyin par bya// shin tu mdzes shing gos mdzes pa// bris skur gnas pa legs grub phyir// 'di nyid kyi ni cho ga yis// gnod sbyin mo ni dgug par bya// bris sku nyid ni gnod sbyin mo// snga bar byin nas 'gro bar 'gyur// de yi rgyan rnams thams cad ni// gang zhig cung zad rgyan rnams kun// snga ba ru ni blang bar bya// gal te 'dod na mtshan mo la// me tog gis ni mchod par bya// de nas rdo rje ro langs kyi sgrub pa bka' stsal pa/ mchad rma med gang ba ni// legs par brtul zhugs can gyis bkru mar khu chen pos byugs pa dang // bdug pa chen pos bdug par bya// dkyil 'khor chen po'i shar phyogs su// mar khu chen po'i mar me dbul// nga yis khyod la ci gsungs pa'i/ la dkyil 'khor bzhengs par bya// yungs kar ro la brdeg bya zhing // sgra ni ri bor yang dag brjod// de la mkhas pas 'jigs mi bya// oM dz+wa la dz+wa la b+h+yo hU~M brjod par bya'o// des ni ci zhig sbyin zhes smra// sgrub pos de la blang bar bya// rkang byug dang ni migs sman nyid// ral gri dang ni sa 'og dang // ril bu mkha' la spyod pa nyid// thams cad sbyin par the tshom med// de nas tshogs kyi dkyil 'khor bka' stsal pa// gong gi bsam gtan byas nas ni// de la sngags ni bzla bar bya// rang gi he ru ka yi ni// rnal 'byor gyi ni bdag nyid du// tshogs kyi dkyil// 'khor 'grub par 'gyur// gtsang zhing dben pa'i sa phyogs dang // zhi zhing dge ba'i gnas su ni// rnal 'byor pa yis bza' bar bya// tshogs kyi dkyil 'khor 'di nyid du// dpal ldan he ru ka yi ni// A ra li zhes bya ba'i mtshan// za ba na ni gtam smra bya// ri yi rgyal po'i mgror gnas par// tshogs kyis dag po'i sems kyis bskor// de yang tshogs kyi dkyil 'khor 'dir// 'grub 'gyur gang phyir 'di nyid du// mchod pas grub par shes mi 'gyur// de yi btsun mo srung ba ni// gshin rje mthar byed du ni 'gyur// shes rab mthar byed dpung gi mgon// pad+ma mthar byed sku bsrungs bdag/ de yi bgegs kyi mthar byed ni// dmag dpon du ni brjod pa yin// 'dod pa'i rgyas po zhes bya ba// de yi gshed ma'i bad/ po nyid// dpal ldan dbyig pa sngon po ni// sgo srungs pa yi bdag po nyid// thams cad la ni dbang byed pa// zhar ba mi g.yo mgon po nyid// yi ge ba yi bdag po ni// de bzhin du ni stob po che 'ardo rje A ra li las le'u bdun pa'o// / de nas byang chub sems dpa' phyag na rdo rje la sogs pa thams cad gtam 'di thos nas srid pa'i sbyor ba kun tu bcad cing rnam par dag par gyur pa dadra // sdig pa zad cing nyon mongs pa bsregs par gyur to// de nas byang chub sems dpa' de dag gis tshig 'di skad ces gsol to// rdo rje mA ra li ni bcan 'grus che// sna tshogs e marmed dbyung ba// gang zhig bdag cag nyon mongs khebs// gang zhig bdag cag grub 'gyur ba// de nas byang chub sems dpa' de rnams rkang gnyis kyi mchon dab pa thob nas sangs rgyas kyi ngom pa sod par byed do// la lar rdzogs byang chub mdzad// kha cig tu ni dka' thub skyed// lha las babs pa'i sprul pa dang // de bzhin khab nas 'byung ba dang / chos kyi 'khor lo bskong ba dang // khacig tu ni rab byung byed// 'dul ba ljon par byed pa dang // mngon pa'i sems ni lhag pa'i sems// la lar sngags kyi bdag nyid 'chang // kha cig pa rol phyin pa'i tshul// kha cig bye brag smra ba'i lam// kha cig tu ni mdo sde pa// kha cig tu ni rnam shes nyid// kha cig tu ni dbu ma nyid// la lar dmyal ba chen por 'gro// la lar sems can rjes su skyong // sems can 'dul ba la bltas nas// snying rje'i bsam pas rol par bya// rdo rje A ra li las le'u brgyad pa'o// // de nas de bzhin gshegs pa thams cad dang // gang yang byang chub sems dpa' de dag gis las rnam par 'byed pa bstan par bya'o// gang zhig rgyud gang du dam tshig byed pa des ni 'jig rten gsum po kun gyis bstod par 'gyur ro// gang zhig rgyud de yis gang gi ro byed pa de ni srid par mdzes par 'gyur// gang zhig glu yis mchod byed na// des ni rtag tu sgra snyan 'gyur// gang phyir gang zhig mar me 'bul// de ni mig dang ldan par 'gyur// gang zhig gar gyis mchod byed pa// de ni rig 'dzin chen por 'gyur// gang zhig phyag 'tshal byed pa ni// de la skye bo phyag 'tshal 'gyur// gang zhig dri zhim 'bul ba ni// lus ni dri zhim ldan par 'gyur// gang zhig 'phreng ba bzang 'bul ba// de ni gser gyi 'phreng ldan 'gyur// gang zhig gos ni 'bul ba ni// des ni lha yi gos rnyed 'gyur// gang zhig mtshan tsam 'don pa dang // dad pa tsam yang rab byed pa// lhag par mos pa rab tu byed// gang zhig skye bo mchod byed pa// de rnams thams cad rnam dag pa'i// srid pa'i longs spyod rab tu bzad// rdo rje A ra li las yon tan rjes su bsngags pa'i le'u ste dgu pa'o// / de nas yang gang zhig de ltar rnam par dag pa'i sbyin pa byin pas de rkang gnyis/ kyi mchog tu 'gyur ro// de nas byang chub sems dpa' de dag dga' bas the tshom skyes te/ bcom ldan 'das la lan gsum bskor ba byas te nye bar 'dug ste zhus pa/ ji lta bu yi rnal 'byor bgyi/ bcom ldan 'das kyis bka' stsal pa// sbyin pa mtha' gsum yongs dag pa// he ru ka ni bsgom par bya// sbyin pa yang ni he ru ka/ gang la sbyin pa'ang de lta bu// sbyin pa 'di ni rab tu bsngags// sbyin pa 'di ni dpe tsam ste// tshul khrims la sogs 'di lta spyad// rgyud kyi rgyal po chen po rdo rje A ra li las de skad ces gsungs so// rdo rje A ra li las rnal 'byor ma'i gong na med pa zhes bya ba'i le'u ste bcu pa'o// // rdzogs so// // rgya gar gyi mkhan po ka ya s+tha pa ga ya d+ha ri'i zhal snga nas// bod kyi lo tsa ba dge slong shAkya ye shes kyis bsgyur zhus te gtan la phab pa'o// rgya gar skad du/ shrI tsa tur pI thA ma hA yo gi nI tan+t+ra rA dza nA ma bod