བོད་ཡིག

e-texts produced with BDRC’s OCR application

lots+tsha ba dge slong shAkya ye shes kyis bsgyur ba'o// @rgya gar skad du/ shrI rat+na mA le tAn+ta rA dza/ bod skad du/ dpal rin chen 'phreng ba'i rgyud kyi rgyal po// dpal bde ba chen po la phyag 'tshal lo// lha mos gsol pa rdo rje 'dzin// dpal ldan 'khor lo sdom pa ru// rin chen 'phreng ba'i don ma rtogs// khyed kyis bdag la bshad du gsol/ bcom ldan 'das kyis bka' stsal pa// nyon cig lha mo spyan bzang ring // dpal ldan 'khor lo sdom pa ru// ma gsungs nga yis khyod la bshad// rin po che ni rnam pa gsum// de yi 'phreng ba'ang rnam pa gsum// dang po snod kyi rin po che// gnyis pa bcud kyi rin po che// snod bcud gnyis dang rang bzhin bral// de ni rin chen gsum pa yin// lha mos gsol pa bcom ldan 'das// rnam pa gsum du/ gsungs pa las// de rnams rin chen ji ltar lags// de yi 'phreng ba ji ltar lags// de rnams su yi spyod yul lags// bcom ldan 'das kyis bka' stsal pa// dang po snod kyi rin po che// rnam pa lnga/ du shes par bya// ka ka ru ni dkar po che// mi bskyod pa yis byin brlabs te// dbyibs ni klagam lta bu la// rab ni ngang pa'i sgong tsam// 'di ni rin chen 'bar ba ste// ba dkar ra dkar lug dkang mog 'o ma bslu zhing spangs pa dang // mi bskyod pa la mchod par bya// de nas spyi bor gdags pa'o// mchod pa'i bye brag kun la bya// shar gyi gdon rnams thub pa dang // gang la yod pa de la skyob// 'bring ni gzhan skyes sbom po tsam// 'di ni rin chen dge ba ste// dngul chu rnam pa gnyis blugs la// rkyen gyi rdzas rnams tshang ba dang // kha yi nang du gzhug pa ste// ro ma'i 'khor lo lces mnan la// de nas dal gyis bskyod pa dang // gsang ba'i rdo rje'i sna rtse ru// bde ba chen po skyes tsam na// ro ma'i 'khor lor dog pa mnan// dper na sbrul gyi sha zos pa// mgo bo mnan pas phyi ru 'byung // de bzhin mnan pas byang chub sems// sna rtse las kyang gyen la ldog/ til dang til mar bzhin du gnas// khyad par bde ba gyen la ste// bde ba ster phyir rin po che// de yi phye ba du mar bshad// tha ma skyes pa'i khro mo tsam// e ran la sogs sman lnga dang // spyi bo'i gtsug tu btags gyur na// lus kyi gnyer ma zad par byed// de nas yang dag gnyis pa yang // be DUR+Ya ni sngon po ste// rin chen 'byung ldan byin brlabs te// dbyibs ni sogs ka lta bu ste// rab kyi tshad ni glang po'i mig/ 'di ni rin chen myu gu ste// ngang pa'i sgo nga ldong ros dang // spang sha ma dang gsum sbyar nas// de gdugs rna ba g.yas su gdags// lho yi gdon rnams thub par gsungs// gang la yod pa de la skyob// 'bring ni ngang pa'i sgo nga tsam// 'di ni rin chen e ran da// ga pur rak+ta dngul chu gsum// de yi nang blugs lce lkog tu// gyegyin thur gnyis ni sna dang 'jug/ de yis byang chub sems bzung ste// mgal me'i 'khor lo bzhin du gnas// tha ma bye'u sgong tshad tsam// a ru ra dang skyu ru ra// ba ru ra dang ldong ros rnams// bsres te lus la rab byugs te// 'di ni d+han d+ha kas pu ra// lus kyi srin bu 'byer bar byed// de nas yang dag gsum pa yang // pad+ma rA ga dmar po ste// dbyibs ni zlum po lta bu la// 'od dpag med kyis byin brlabs te// rab ni kar sha pa Na stong // gur kum ga pur lnga sbyar la// de la bsku zhing byug bya'o// lte ba'i dbus su bzhag la bcing // 'di ni rat+na ke ru ra// nub kyi gdon rnams thub par gsungs// 'bring ni kar sha pa Na ste/ 'di ni rat+na ka ra ste// mar dang sa le sbram dang lnga// bzo ru byas pa'i dngul chu rnams// de yi nang blugs lte bar mnan// 'di yis byang chub sems gzung ste// chu la chu bzhag ji bzhin no// tha ma kar sha ba/ Naste/ 'bras bu gsum dang ru rta dang // mar gi snying po dang sbyar te// spyi bo'i gtsug tu sba ba dang // 'di ni rat+na bde bas// skra dkar med par byed pa'o// de nas yang dag bzhi pa yang // de ni margad ljang ku ste/ dbyibs ni gru bzhi lta bu ste// don yod grub pas byin brlabs te// rab ni ba con dbyug pa tsam// 'di ni rat+na ga ga ni// rtsa ba lnga dang yan lag bcas// bskus la rna ba g.yon du gdags// 'di yis byang gi gdon rnams thub// 'bring ni bya mo'i sgong tsam// ma sna ba u ma de// gnyis kyi ga pur rak+ta yis// byugs la lte ba'i nang du gzug/ gapur si zla gnyis ka 'dzin// tha ma gzhan gyis skong tsam// ldong rom/ ser po gser dang gsum// man cha gcig ni byin nas ni// 'di ni e ru na ra ste// srin bu mi skye bde dang ldan// 'di ni rat+na san da ha// de nas yang dag lnga pa yang // kha dog dbyibs ni du mar snang // rnam par snang mdzad byin brlabs te// de rnams so so du ma byed// lha mos gsol pa bcom ldan 'das// ma 'ongs so so skye bo yis// rin chen gnas rnams gang nas btsal// rin chen me 'tshal ji ltar lags/ rin po che ni ji ltar brtag/ bcom ldan 'das kyis bka' stsal pa// rgya mtsho chen po'i phyi rol na// rin po che yi gling yod de// de yi gnas nas btsal bar bya// gzhan yang rin chen gnas rnams ni/ gser dngul la sogs rdo rnams ni// gser dngul kun na yod par gsungs// rin chen shes pa rnam pa lta// dang por rgyud rnams thams cad la// rmongs pa med pas shes pa dang // bla ma'i man ngag shes pas thob// gnyis pa rnal 'byor bcas pas shes// gsum pargyud kyi man ngag la// zhugs pa'i tshong dpon chen pos shes// bzhi pa yon tan kun ldan pa'i// rgyal po chen po des shes so// lnga pa rnal 'byor mkhas pa dang // rgyal po dang ni 'brel ba yi// gser mgar mkhas pas rtogs par 'gyur// lha mos gsol pa bcom ldan 'das// dang po'i man ngag ji ltar yin// gnyis pa rnal 'byor ji ltar lags// gsum pa rgyud ni ji ltar lags// bzhi pa'i yon tan ji ltar lags// lnga pa 'brel ba ji ltar lags// bcom ldan 'das kyis bka' stsal pa/ dadang po man ngag shes pa yang // rin chen ngo bo gcig nyid la// yon tan du mar shes pa ste// dper na rdzas kyi pha lam bzhin// chu la mi 'bying 'bigs la sogs// du ma shes pa man ngag yin// rnal 'byor shes pa rtse gcig ste// de yis thams cad shes pa yin// rgyud kyi don ni shes pa yi// tshong dpon de yis shes pa yin// sngags dang rgyud la sogs pa yi// yon tan kun ldan rgyal pos shes// rgyal po rnal 'byor dang 'brel ba'i// sa 'og gser gyi rlang pas shes// gser mgar de yis shes pa'o// brtag pa rnam pa gnyis yin te// mngon sum dang ni mtshan ma ste/ rdo rje pha lam la sogs dang // e ran d+ha la sogs pa yi// mngon sum gtan la phab pa yin// ma hA nI la la sogs pa// gdon rnams thub cing lha rnams skyob// dam tshig nyams pa gso ba dang // tshe rnams ring ba la sogs so// drang por gdon gyi mtshan ma ni// mkhas pas brtag cing shes par bya// de nas rten gyi mtshan ma la// de nyid cho ga tshul bzhin bya// de nas chu mig gtsang ma/ ru/ gtor ma btang la chu gtsang blang // gser dngul snod du chu blugs la// lha 'am klu 'am gnod sbyin sogs// mtshan ma gnyis kyi maN+Dal la// rnal 'byor pa yis gzhag par bya// gom pa gsum gyis gcad par bya// g.yon gyi maN+Dal thog tu ni// chu yi nang du me long gzhag/ phyi ru gtor ma cha gcig gzhag/ nang du yol ba dkar pos gcad// de ru tshogs dang bkra shis gzhag/ rnal 'byor yan lag khrus byas la// lha yi rnal 'byor rdzogs pa dang // khro bos drag tu mtshams gcad la// sbom po khro mo lha ru bsgom// de yis rin chen dang po gzung // de nas sor bzhi 'phyang du gzhug/ thub pa mi thub la sogs pa// mkhas pas brtags shing shes par bya// dbyibs dang kha dog rin po che// yon tan med pa ga la srid// dper na bu gcig skyes gyur na// pha med pa yang ga la srid// de bas mkhas pas brtag par bya// lha mos gsol pa bcom ldan 'das// gser dngul la sogs ji ltar lags// bcom ldan 'das kyis bka' stsal pa// gser ni rnam pa gnyis yin te/ rang bzhin dang ni bzor byas yin// rang bzhin gyis ni 'chi ba bslu// bzo byas pa ni rnam pa gnyis// gesar 'gyur gser gyi rgyan yin te// bdar ba'i lam ni srid lam 'gegs// lo dang / zla ba zla ba phyed// mkhas pas brtags shing shes par bya// dngul la sogs pa'ang de bzhin te// mdor na snang zhing srid pa'i rdzas// thams cad rin po che yin te// man ngag can gyis shes par 'gyur// de nas bcud kyi rin po che// lus kyi ri rab lhun po la// rin chen gser gyi dbye ba yang // thabs dang shes rab rin po che// shes rab rtsa yi rang bzhin te// thabs ni byang chub sems yin no// dmar dang dang ba shes rab ste// dkar dang dang ba thabs su gsungs// a ba d+hA tI rin chen las// thig le ru ma 'phreng ba yin// lha mos gsol pa bcom ldan 'das// a bad+hU tI dzi ltar/ lags// bcom ldan 'das kyis bka' stsal pa// a bad+hU tI'i rang bzhin las// steng du sgo lnga yang dag gnas// bar dang 'og tu'ang de bzhin te// bskyed dang rdzogs dang rang bzhin las// yin tan ston gyi mtshan nyid do// bde chen thig le haM yin no// oM dang A hUM haM dang bzhi// bde ba chen po'i 'khor lo ru// sku gsung thugs dang bde ba che// 'bar ba bzhi ru yang dag pa shad// sku gsung thugs dang bde ba che/ mgrin pa ru ni 'jug pa bzhi// snying kar yang ni 'dzag pa bzhi// sprul pa ru yang de bzhin te// chos kyi sku ni rin chen la// stong pa bcu drug 'phreng bar bshad// de nas shin tu gsang ba'i don// pad+ma rdo rje gnyis pa la/ a ba d+hU tI rin po che// a phaT e dang baM dang bzhi// gsang ba'i thig le bzhi ru bshad// a ni me long lta bu ste// phaT ni bya ba nan tan yin// e ni so sor rtog pa ste// baM ni mnyam nyid ye shes so// rin chen chos dbyings ye shes te// rnam par thar dang stong pa dang // mtshan dang de bzhin dpe byad rnams// a ni 'khor lo 'byung ba bzhi// phaT kyi gnas su ye shes lnga// e yi gnas su snyoms 'jug dag/ baM gi gnas su lnga bcu brgyad// de kho na ru shes par bya// k+Sha e e ta sa bon bzhi// yon tan skyon gyi mtshan nyid kyis// kun la khyab cing shes par bya// lha mos gsol pa bcom ldan 'das// 'di yis gdon rnams ji ltar thub// byang sems dgag pa ji ltar lags// skra dkar gnyer ma ji ltar zhi// bcom ldan 'das kyis bka' stsal pa// rnam par rtog pa gdon yin te// mtshan dang dpe byang spong ba dang // phung po/ lnga ni bdud rtsi lnga// skye mched de ni lnga ru 'gyur// khams rnams rten gyi ngo bo ste// de rnams rten rtsa'i ngo bo ste// rnam rtog spong phyir rin po che// byang chub sems dgag rim pa yang // g.yas brkyang bas ni thabs kyis te// g.yon gyis shes rab rtsa mdud dgag/ sa gas nam mkha' dgag par bya// zlum pos gsang ba'i sna rtser dgag/ la la nA dang ra sa nA// a ba d+hU tI'i nang chud pa// de ni nam mkha' zlum po ste// dper na/ sbrul gyi lce gnyis la// dug dang sman ni yod pa bzhin// gzhan yang 'dug stangs bye brag gis// dgag pa'i bye brag shes par bya// 'gag pa srog dang rtsol ba'i rten// de ltar dbus su gnas pa dang // rim nas rim par gyen la drang // skad cig nas bzung lo yi bar// skra dkar gnyer ma'i rang bzhin 'gag/ gang la brten pa de yi tshad// lha mos gsol pa bcom ldan 'das// dbus su gnas pa ji ltar lags// rim nas rim du ji ltar drang // bcom ldan 'das kyis bka' stsal pa// thabs zhes bya ba rtag pa'i mtha'// shes rab ces pa chad pa'i mtha'// snyoms par zhugs pa dbu ma'i don// g.yas kyi srog ni rtag pa'i mtha'// g.yon gyi rtsol ba chad pa'i mtha'// de gnyis gnas pa dbu ma'i don// ro ma rtag pa'i byang chub sems// brkyang ma khrag ni chad pa'o// kun d+har ma ru gang gnas pa// de ni dbu mar shes par bya mchog gi dga' ba rtag pa'i mtha'// bral ba'i dga' ba chad pa'i mtha'// lhan cig dga' ba dbu mar bshad// oM dang hUM ni mtha' gnyis te// A yi rnam pa dbu mar gnas// A li kA li mtha' gnyis te// ma ni yi ge dbu ma yin// skyes pa bud med mtha' gnyis te// ma ning gnyis su med par gsungs// 'di ni sgom pa zung du 'jug/ de ni gnas pa dbu ma'i don/ shes rab pha rol phyin pa ru// 'brel pa zung du 'jug par gsungs// bya ba'i rgyud dang rnal 'byor rgyud// snang ba zung du 'jug par gsungs// dpal ldan gsang ba 'dus pa ru// steng sgo dbugs la zung du 'jug/ shes rab rnal 'byor bla ma ru// sih+la ga pur zung du 'jug/ rim nas rim du dang ba yang // gsang ba'i 'khor lo a la ni// bde ba rdzogs pa'i tshad bstan pa// pad+ma rdo rje 'gas pa snyam// de ni/ yongs su rdzogs pa'i tshad// de nas gsang ba'i 'khor lo nas// bde chen 'khor lo'i bar du drang // dang por de ltar shes par bya// de ltar sems ni brtan 'gyur ni// bde ba chen po'i 'khor lo nas/ gsang ba'i sna rtse'i bar du drang // lha mos gsol pa bcom ldan 'das// bcud kyi rin chen gang na gnas// de ni shes pa su yis shes// de yi brtag pa ji ltar lags// bcom ldan 'das kyis bka' stsal pa// spyi bo tshangs pa'i bu gnas// gsang ba'i 'khor lo yan chad du// a ba d+hU tI'i tsan dan gnas// la la ras sbrul ltar gnas// gzhan rnams pa thag khug par gnas// 'di rnam rang bzhin kun la gnas// rtsa dang 'khor lo 'di rnams ni// de bzhin gshegs pa'i snying por gsungs// phyi yi rtsa dang nang gi rtsa// gsang ba de bzhin mthar thug ni// man ngag yod pas shes/ par gsungs// brtag pa rnam pa gnyis su bstan// dang po lus kyi brtag pa ste// gnyis pa dag tu shes par bya// lus la spyi dang bye brag gnyis// spu ni rlung gi rang bzhin te// yan lag zung na chu yi khams// yan lag rgyas pa sa yi khams// sman zheng chen me yi khams// sna tshogs du ma nam mkha'i khams// spyi ru dkar ba chu yi khams// dmar ba me ru shes par bya// ser ba de bzhin sa yi khams// sngon rlung du shes par bya// yang na rlung gi khams yin te// drod rnams chen me yi khams// brtan pa sa yi khams su gsungs// chu khams chen chu yi khams// de rnams kun ldan nam/ mkha'i khams// 'jug pa bde chen sa yin te// ldog pa sprul pa chu ru gsungs// rnal 'byor rgyud ni bye brag gis// sems kyi gnas pa shes par byed// shu kra rlung la si h+la me// sprul dang chos su sbyar ba yin// gzhan yang mkhas pas shes par bya// de nas bye brag gsungs pa yin// dbyibs dang kha dog mtshan ma gsum// kun la mkhas par shes par bya// dang por dbyibs kyi brtag pa yang // dpral ba'i dbyibs la rnam pa bzhi// gru bzhi zlum po zla gam dang // gru gsum du yang shes par bya// dkar po la sogs de dang 'dra// rna ba nas bzung rkang pa'i bar// kun la brtag cing shes par bya// skad ni phra dang sgom pa dang // ring du 'don dang thung ba dang // 'dar ba la sogs bye brag rnams// mkhas pas brtag cing shes par bya// rtags de brtag/ pa'i mtshan ma ni// rnam pa gsum du shes par bya// 'dod chags sku dang zhe sdang thugs// mun pa gsum du shes par bya// dang po 'dod chags dbye ba yang // yar ngo mar ngo mtshams dang gsum// dbyibs dang kha dog skad gsum la// mkhas pa 'dod pa skye ba brtag/ nyin par bzhi dang mtshan par bzhi// de bzhin skad cig thang cig rnams// mkhas pas brtag cing shes par bya// mig 'dzun ba spu ldang la sogs// dbyibs kyi 'dod pa skye ba dang // 'dod pa'i gzugs ldan cung zhig dmar// sna bug dkar la sogs pa dang // skad 'dar kha ni skam la sogs// 'dod pa skyes pa'i rtags su/ bshad// gzhan yang 'dod pa skyes pa'i rtags// kha dog dbyibs la brtag par bya// sra phyir 'dod pa sa yi rtags// chu la sogs pa de bzhin no// gsung dang thugs la'ang shes par bya// lha mos gsol ba bcom ldan 'das// 'dod chags zhes pa ji ltar lags// de yi chen po ji ltar lags// zhe sdang la sogs ji ltar lags// sku gsung thugs ni ji ltar lags// bcom ldan 'das kyis bka' stsal pa/ 'dod chags nyon mongs 'khor ba ste// gab pa'i gsang ba ma rtogs par// sbas pa'i gsang ba la zhen nas// srid pa'i sa bon mi zad par// dper na rgyud kyi mda' bzhin du// 'bras bu mnar med dmyal bar skye// chen po mi rtog rang bzhin te// 'bras bu gnyis med ye shes bskyed// 'dod chags zhes pa spang bya ste// de yi chen po gnyen por gsungs// 'dod chags zhes pa me tog ste// de yi chen po dri/ dang 'dra// gzhan yang bye brag shes par bya// zhe sdang la sogs gong dang 'dra// thams cad rten pa sku ru bstan// brjod pa dang bral gsung du bstan// rnam rtog bral ba thugs su shes// rnam rtog chung zhing gtong phod che// bla ma la gus snying rje che// gzhan yang bye brag kun shes pa// 'di la bstan gyi kun la gsang // bla ma yon tan kun ldan zhing // dbang dang man ngag 'brel shes dang // gsang ba'i don la ma rmongs shing // thugs rje chen po dang ldan pas// chos la ser sna med pa dang // gsal la gsong por smra ba dang // rigs bcas kun gyis bkur ba dang // las kyi phyag rgya 'chang ba dang / dam tshig dang ldan bla ma ste// 'di la bkur gyi thams cad la// bsnyen cing bkur bar bya ba min// de nas rin chen gsum pa ni// gnyis med lhan cig skyes pa ste// rtog bral spros pa med pa yin// de rtogs rin chen 'phreng ba'o// lha mos gsol pa bcom ldan 'das// gab pa zhes pa ji ltar lags// de yi 'bras bu ji ltar smin// sbas pa zhes pa ji ltar lags// de yi 'bras bu ji lta/ lags// bcom ldan 'das kyis bka' stsal pa// gab pa zhes pa ye shes te// sum cu rtsa bdun sku gsung thugs// chos dang longs spyod sprul sku gsung // dga' ba bzhi ru mdor bsdus pa/ dmigs pa'i rkyen ni gsang ba'o// bdun dang ldan phyir chen po yi// sum cu rtsa bdun la sogs pa'i// gnyen po stobs kyis ma zhugs pa// sbas pa pad+ma rdo rje gnyis// snyoms par zhugs na 'dod pa skye// 'di ni rkun mo ma rus pa// dper na ljon shing rtsa ba las// yalag me tog thams cad skyes// nyon mongs rtsa ba 'dod rags la// dug gsum la sogs thams cad de/ sbas pa'i gsang ba'i 'khor ba ste// gab pa mya ngan 'das par gsungs// 'khor ba mnar med dmyal ba dang // dur khrod brgyad po dregs pa can// snying rje med cing sha khrag za// shing rta'i 'khor lo/ bzhin du gnas// mya ngan 'das pa sku gsum sa// skyob pa mya ngan 'das gyur kyang // 'khor lo 'khor ba'i tshul du ni// tshogs kyi shugs kyi mthu yis su// sems can don la yang dag 'jug chos su spos bral nam mkha' bzhin// sku gnyis sprin dang char lta bu// sku gnyis sems can don mdzad pa// sems can las dang smon lam stobs// de yi stobs kyis snang ba las// yang dag/ nyid la snang rgyu med// sku gsung de nyid bzhi bcu'i don// dur khrod la sogs brda ru shes// sum cu rtsa gnyis chos sku'i brda// rgyan ni gzugs sku gnyis kyi brda// gzhan yang brda yi bye brag ni// sgom/ po gsang ba'i rdo rje'i brda// khro mo gsang ba'i pad+ma'i brda// sku dang drang ba yon tan skyon// mdzub mo le rten mthe'u chung ni// nga yi gan du tshur shog yin// mthe bong la brten mdzub mo bar// khyod kyi gan du 'ong gis yin// mthe bong mdzub gnyis zur gsum ni// b+ha ga rgyas sam dri ba yin// b+ha ga rgyas pa zlum por ston// bde ba'i gnas su 'du ba yang // srod dam na ma gung tho rangs gsum// mdzun tshigs dang po nas bzung nas// tha ma'i bar du brda yin no// sku gsung thugs kyi byin rlabs kyis// lan gsum bar du nan tan gnang // gzhan yang brda yi bye brag rnams// rgyud rnams kun tu ma gsum pa/ gnas ni thabs kyi 'dug stangs so// nye gnas shes rab 'dug par gsungs// zhing ni thabs kyi bza' ba'i tshogs// de bzhin shes rab nye ba'i zhing // 'du ba thabs ni 'ong ngo ste// shes rab 'ong banye 'du yin// tsAn+do thabs kyi star dang rgya na// shes rab de bzhin nyid tsAn+do// dur khrod thabs kyi rnam rtog bral// de bzhir shes rab nye dur khrod// gzhan yang badz+ra yi bye brag rnams// kha dog de bzhin dbyibs dang yang // yan lag tshul las shes par bya// de nas lha mo la sogs pas mchod pa sna tshogs pas mchod nas mi snang bar gyur to// dpal rin chen 'phreng ba'i rgyud kyi rgyal po chen po gsang ba yang gsang bste rang bzhin gyis gsang ba rdzogs so// rgya gar gyi mkhan po rin chen rdo rje dang / lo ts+tsha ba dge slong shAkya ye shes kyis bsgyur cing zhus te gtan la phab pa'o// slad kyis kyang dpe phyi mo la gtugs nas bcos pa'o// rgya gar skad du/ shrI ma hA sa ma ya dan+da rA dza nA ma/ bod skad du/ dpal dam/