བོད་ཡིག

e-texts produced with BDRC’s OCR application

gaN+DI'i dus kyi mdo rdzogs so// // rgya gar gyi mkhan po dI paM ka ra shrI dz+nyA na dang / lo tsa ba dge slong dge ba'i blo gros kyis bsgyur ba'o// / rgyu gar skad du/ A yuHya thA b+hU tA gra ta sU tre/ bode skad du/ tshe 'pho ba ji ltar 'gyur ba zhu ba'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das grong khyer chen po ser skyar khyim bdag thams cad 'dul ba'i dus la bab par gzigs nas/ de dag dad pa skye bar bya ba'i phyir/ 'khor lnga brgya dang bcas par gshegs pa las/ de'i tshe shAkya dga' skyes zhes bya ba dar la bab pa/ gnyen gyi skye bo thams cad la rab tu gces pa/ mi thams cad kyis bkur ba'i gnas su gyur pa zhig tshe 'phos pa'i phung po'i drung na/ de'i bu dang / chung ma dang / spun dang / g.yog 'khor rnams kyis rta'i tshogs dang / glang po che'i tshogs dang / gos dang / rgyan sna tshogs pa'ang bsags/ gser dngul dang / mu tig dang / shel la sogs pa rin po che sna tshogs kyang bsags/ bza' ba dang btung ba ro zhim po mngar ba sna tshogs po yang bsags te/ smre sngags 'don cing dga' skyes la gsol lo zhes mchod pa byed pa dang / rgyal po zas gtsang mas bsams pa/ ji ltar tshe 'phos pa mchod cing gsol ba dang / rjed pa ni bram ze dag gi smang las zer na/ 'di dag la sman pa dang / bde ba ci yod pa bcom ldan 'das la dri'o snyam nas/ bcom ldan 'das kyi drung du song nas phyag 'tshal te/ 'di skad ces gsol to// bcom ldan 'das sems can tshe 'phos pa ji ltar 'gyur ba'i don zhu bar 'tshal na/ skabs dbye bar ci ga nang / de skad ces gsol pa dang / bcom ldan 'das kyis bka' stsal pa/ kye rgyal po chen po ci dang ci bzhed pa zhus shig dang rgyal po chen po'i sems rangs par shad par bya'o// de skad ces bka' stsal pa dang / bcom ldan 'das la/ rgyal po chen pos 'di skad ces gsol to// bcom ldan 'das 'jig rten 'di nas tshe pha rol tu 'phos pa'i sems can rnams pha rol tu skye ba de/ lha rnams kyang lhar skye'am/ de bzhin du mi dang / dud 'gro dang / yi dgas dang / dmyal ba rnams kyang / mi dang / dud 'gro dang / yi dgas dang / dmyal ba rnams su tshe 'phos pa rigs mi 'dres par so sor skye'am/ bcom ldan 'das gzhan yang lha rnams tshe 'phos pa mi la sogs pa gzhan rnams su skye 'am/ de bzhin du mi dang / dud 'gro dang / yi dgas dang / dmyal ba rnams tshe 'phos na'ang lha la sogs pa gzhan rnams su'ang skye bar 'gyur/ bcom ldan 'das gzhan yang sems can thams cad 'di nas tshe 'phos nas/ ye med par gyur te/ me shi ba'i thal ba bzhin du gyur nas skye ba ye mchis sam/ bcom ldan 'das gzhan yang sems can thams cad 'di nas tshe 'phos nas/ pa dang / mes pho dang / yang mes la sogs pa thog ma med pa nas bzung ba'i bar du brgyud pa'i rigs 'thun pa rnams 'jig rten pha rol tu skye ba mi len par 'dir ci spyad pa bzhin 'grogs te gnas so zhes 'jig rten pa mchi na/ de ltar lags sam/ bcom ldan 'das gzhan yang 'di na phyag dregs rgyags pa rnams pha rol tu phyin yang phyug dregs rgyags par 'gyur ram/ 'di na dbul rgud nyam chung ba rnams pha rol tu'ang dbul rgud nyam chung bar 'gyur rama'on te de gnyis mi 'dra bar phan tshun bsnol mar 'gyur/ bcom ldan 'das gzhan yang 'di na rta dang / glang po che la sogs pa zhon pa dang / 'di na gos gyon pa dang / rgyan thogs pa dang / 'di na zas bza' ba dang / btung ba dang ldan pa rnams shi 'phos nas pha rol tu'ang de bzhin du zhon pa dang / gyon pa dang za zhing 'thung ngo zhes 'jig rten pa dag mchi na/ de ltar lags sam/ bcom ldan 'das gzhan yang 'di nas shi 'phos pa la pha ma 'am/ spun nam/ bul sogs pa nye ris rnams kyis bza' ba dang / btung ba nyung ngu gtad pa 'am bsngos pa'ang bskal pa mang po'i bar du zad par mi 'gyur bar za zhing 'thung ngo zhes 'jig rten pa dag mchi na/ de ltar lags sam/ bcom ldan 'das gzhan yang sems can 'di nas tshe 'phos pa la/ pha ma 'am/ spun nam/ bu la sogs pa la gtam byas te/ tshig ci smras pa dang / gzugs byud ci 'dra ba de dag tshe 'phos nas phyis pha ma 'am/ spun nam bu la sogs pa sngon tshe ma 'phos pa'i dus na gtam byas pa la sogs pa smra ba dang / gzugs byed dag ston te/ mthong ba dang thos pa yod ces 'jig rten pa dag mchi na de ltar lags sam/ de skad ces gsol pa dang / bcom ldan 'das kyis 'di skad ces bka' stsal to// kye rgyal po chen po shi 'phos nas lha rnams lhar skye ba la sogs pa 'dri ba ltar ma lags te/ lha rnams tshe 'phos pa'ang lhar skyes nas/ 'gro ba ris gzhan rnams su mi skyes pa lags pa nas/ de bzhir du mi la sogs pa 'gro ba gzhan rnams kyang tshe 'phos nas 'gro ba gzhan dang gzhan rnams su mi skye bar rang gi snga ma'i rigs rnams su skye ba lags na/ kye rgyal po chen po mi rnams dang po lha las gyur pa lags na/ ngan song gsum po rnams ni mi rnams kyis mi dge ba spyad pa las gyur pa lags pa'i phyir/ gang lha la sogs pa tshe 'phos pa de 'gro ba ris gzhan dang gzhan rnams su skye ba lags so// kye rgyal po chen po gzhan yang rgyal po chen pos 'dri ba ltar lags na ni/ da ltar gyi 'gro ba ris drug po rnams mang ba dang nyung ba rnams ji ltar yod pa bzhin du dus thams cad du de ltar 'gyur bar rigs na/ mi rnams las mi dge ba spyad pa mang ba'i rgyus ngan song gsum po rnams phyir zhing mang ba la gzigs/ kye rgyal po chen po gzhan yang da ltar gyi dgra bcom pa 'di dag ni mi las gyur pa lags na/ 'gro ba rigs so so ma 'dres par yang rigs so sor skye na mi rigs so// dgra bcom pa'i 'bras bu thob par yang // mi rigs so// kye rgyal po chen po de'i phyir na/ las dge ba dang mi dge ba'i dbang gis mtho ris dang ngan song la sogs par ris tha dad par skye bar 'gyur ro// kye rgyal po chen pos lha rnams tshe 'phos nas/ mi la sogs pa gzhan rnams su skye 'am/ zhes bya ba la sogs pa dris pa ni de de bzhin te/ de de ltar lags so// kye rgyal po chen po rgyal po chen pos sems can thams cad tshe 'phos nas ye shad par gyur te/ mau shi ba'i thal ba bzhin du skye ba ye ma mchis sam zhes gsungs pa ni de ltar ma lags te/ kye rgyal po chen po dper na sa bon yod na 'bras bu 'byung ste/ tshe 'di sa bon lta bu las tshe phyi ma 'bras bu lta bu yod do// kye rgyal po chen po nyi ma shar nas khad kyis nub ste/ smag tu gyur pa las yang nang par/ 'char ba bzhin du/ tshe 'di 'phos nas yang skye ba phyi ma len to// kye rgyal po chen po che 'phos nas phyi mar skye ba ye ma mchis na 'gro ba rnams zad par rigs so// kye rgyal po chen/ po phyi rol gyi rtswa dang shing rnams dus kyi dbang gis bskams pa de'ang phyir skye'o// de bzhin du sems can rnams las dang nyon mongs pa dus 'gyur ba dang 'dra ba'i dbang gis skye ba dang 'chi bar 'gyur ro// de'i phyir na rgyal po chen po tshe phyi ma nges par yod par mkhyen par mdzod cig/ kye rgyal po chen po rgyal po chen pos sems can thams cad 'di nas tshe 'phos nas pa dang / mes po dang / yang mes la sogs pa thog ma med pa nas bzung ba'i bar du/ gcig nas gcig tu brgyud pa'i rigs 'thun pa rnams 'jig rten pha rol na skye ba mi len par 'di na ci spyod pa bzhin 'grogs te gnas so zhes 'jig rten pa dag mchi na/ de ltar lags sam zhes gsungs pa ni/ kye rgyal po chen po 'di na pha dang bu la sogs pa gcig la gcig snang ba ni gzugs dngos po can gcig la gcig snang gi/ sems gcig gis gcig mthong ba ni ma yin te/ gzugs kyi phung po 'dir bzhag ste med na/ pha rol na sems gcig la gcig ji ltar snang ste 'grogs/ che 'phos pa'i pa dang mes po yang mes la sogs pa/ da ltar tshe ma 'bos pa'i bu tsha gzugs yod/ pas kyang mi mthong na/ pha rol na tshe 'phos pa'i lus med pas pa dang / mes po dang / yang mes la sogs pa gzugs med pa ji ltar mthong nas 'grogs/ kye rgyal po chen po gzhan yang 'di napa dang / bu dang / spun mang po 'grogs pa'i dus na/ yang gzugs so sor snang ba las ma gtogs pa/ rang gi sems kyang rang gis mi mthong na/ spad dang spun gyi sems gcig gis gcig/ ldag la mthong na/ che 'phos nas ji ltar mthong ste/ pha rol na spad dang / spun dang / mes po dang / yang mes la sogs pa ji ltar snang nas 'grogs/ kye rgyal po chen po thog ma med pa'i dus nade bas snga ba med pa'i mes po dang / da lta'i bu tsha rnams pha rol na 'grogs na/ da lta mi'i rus rigs dang / phyogs dang / rigs mi gcig pa tha dad pa mang po ji snyed pa rnams so so rang grar/ gyur pa rnams dang / gnas gang na 'dug pa dang / rus rigs gcig pa dang / skad dang cha lugs ma thos pa dang / ma mthong ba dag kyang thog ma mes po gcig las gyes pa yin na/ ltar spad dang / spun dang / mes po la sogs pa 'grogs mi 'grogs kyi bar mtshams su spun dang spad gang la bzung / dang po mes po nas bzung ste da ltar spun dang spad kyi bar du brgyud pa rnams kyang da ltar gyi spang dang spun 'dra bar so so na brtse zhing gdung bar 'dra na gang dang gang ni 'grogs/ gang gang ni mi 'grogs/ da ltar gyi mi rnams so so nas bdag cag gi mes po 'di yin no/ zhes phyogs dang ris bzung ste/ bdag cag 'di dang pha gcig gi bu'o zhes phyogs dang ris su bcas nas/ de dag gis mes po zhes so sor bzung de kun gyi yang pha dang / mes po dang yang mos dang / zhe mes nas/ dang po'i mes po la thug gi bar du brgyud pa ni da ltar so so na bdag cag gi mes po mes po zhes bzung ba yin na/ 'jig rten pa dag smra ba ltar 'di nas tshe 'phos nas skye ba mi len par pha rol na smad dang spun 'grogs na/ da ltar rus rigs dang / phyogs mi gcig pa dang / dgrar gyur pa kun kyang phyogs gcig nas 'grogs dgos so// kyi rgyal po chen po da ltar gyi tshe 'di gzugs can dngos por snang ba'ang mun pa dang / phag na 'dug pa dag gcig gis gcig mi mthong na tshe 'phos pa'i gzugs med kyis gcig gis gcig ji ltar mthong nas 'grogs par 'gyur/ kye rgyal po chen po da ltar gyi sems can gzugs dang ldan pas kyang mi mthong ba'i gnas yul mi gcig pa dang / gnas tha dad pa dag la rang gi gzugs snang bar ston mi nus na tshe 'pho sa nas ji ltar gzugs snang bar ston nus kye rgyal po chen po 'jig rten pa kha cig gis grags pa dang red pa dag btsal ba'i phyir bzlas pa'i gtam gyis gzhan slu bar byed pa la gnas par mi rigs so// kye rgyal po chen po rgyal po chen pos 'di na phyug dregs rgyags pa rnams pha rol tu'ang phyug dregs rgyags par 'gyur ram/ 'di na dbul rgud nyam chung ba rnams pha rol tu'ang dbul rgud nyam chung bar 'gyur ram 'on te de gnyis mi 'dra bar ban tshun bsnol bar 'gyur zhes 'dri ba gang yin pa de ni/ kye rgyal po chen po sems can rnams tshe ma 'phos pa'i skye ba 'di la'ang / la la skyes ma thag tu phyug dregs rgyags par gyur pa lasalo lnga bcu dang drug cu nas 'khogs pa'i bar du dbul rgud nyam chung ba'ang yod/ la la skyes gzhon dar ba'i tshe la dbul rgud pa las lo lnga bcu dang drug cu nas 'khogs pa'i bar du phyug dregs rgyags pa dag yod na/ tshe 'phos nas phyug dbul mi rtag pa lta ci smos/ kye rgyal po chen po dper na 'jig rten na rtswa dang shing la sogs pa dro ba dang brlan pa'i rkyen tshogs pa'i tshe ni/ lo ma dang 'dab ma rgyas par 'gyur la/ grang zhing brlan med pa'i rkyen kyis skams par 'gyur ba bzhin du sbyin pa la sogs pa'i rkyen gyis ni phyug dregs rgyags par 'gyur la/ rku 'phrog pa dang ser sna'i dbang gis ni dbul rgud par 'gyur ro// kye rgyal po chen po sbyin pa rgyun ma chad pas tshe rabs nas tshe rabs su phyug dregs rgyags pa'ang yod phyogs cha dang sbyin pa la 'gyod pa byas pas tshe 'ga' dang tshe stod smad la dbul rgud pa'ang yod/ dus thams cad du rku 'phrog ser sna dag la gnas pas/ tshe rabs nas tshe rabs su// dbul rgud pa'ang yod/ rku 'phrog dang ser snal 'gyod pa byas pas/ tshe 'ga' 'am/ tshe stong smad la phyug dregs pa'ang yod de/ kye rgyal po chen po sbyin pa'i rkyen gyis dbul chud/ pa'ang mi 'byung ngo // ser sna'i dbang gis phyug dregs pa'ang mi 'byung ngo // phyug dregs pa dang dbul rgud pa 'di gnyis tshe snga phyi la brje yang ma lags so// kye rgyal po chen po rgyal po chen pos 'di narta dang glang po che la sogs bzhon pa dang / 'di na gos gyon pa dang / 'di na zas bza' ba dang / btung ba dang ldan pa rnams tshe 'phos nas pha rol na yang de bzhin du zhon pa dang gyon pa dang / za zhing 'thung ngo zhes 'jig rten pa dag mchi na/ de ltar lags sam zhes 'dri ba na/ kye rgyal po chen po mi rnams tshe 'phos pa'i tshe/ las dge sdig gang spyad pa bzhin mtho ris dang ngan song dag tu skye ba len te/ rgyal po chen po 'jig rten pa dag mchi ba ltar ma lags so// tshe 'pho ba 'di'i cha lugs ltar snang ba na/ bar snang gi khams 'di na dri za'i 'jig rten gyi khams dpag tu med pa bsam gyis mi khyab pa mthar thug pa med pa yod de/ dri za 'chi ka'i sems la nye bar 'jug pa zhes bya ba'i rigs yod de/ des dri za zas 'tshal ba'i phyir tshe rabs snga ma'i lus dang / gos dang rgyan dang cha lugs lta bu dag sprul par byed de/ tshe 'phos pa de'i cha lugs dang gtam dag byed cing sprul pa ston pa'ang yod do// kye rgyal po chen po 'di la gzhan yang yod de/ dri zal ma gtogs pa gzhan yang gnod sbyin dang / sha za dang / 'byung po dang / yi dgas la sogs pas che 'phos pa'i pha'am/ bu'am/ spun la sogs pa bslu ba'i phyir/ mi ma yin pa des 'jig rten pa'i rdzu 'phrul gyis tshe 'phos pa'i gtam tshigs sa lam dang / lo rgyus dag shes par byas nas mi ma yin pa de'i byin gyis pha ma la sogs pas mthong ba dang / rmi lam du 'byung ba'ang yod do// kye rgyal po chen po 'di la gzhan yang yod de spang spun la sogs pa lun ring por lhan cig pa'i bag chags rtas pas mthong ba dang / rmi lam du snang ba'ang yod de dper na ma zhig gis da ltar tshe ma 'phos pa'i rang gi pa ma 'am/ spun zla 'am/ bran khol lam/ gzhan su'ang rung ba dag dang 'grogs pa dang / longs spyod kyi bde ba 'am/ dgra rkun dang / 'thab rtsod la sogs pas bde ba dang / sdug bsngal gang yang rung ba dag rmis na/ mi des rmis pa bzhin du/ gang rmis pa'i bama'am/ spun zla 'am/ bran khom lam gzhan su'ang rung ba rmi lam na snang ba der tshor ba yod na ni rmis pa de bden pa yin na/ de rmis pa'i pha ma 'am/ spun zla 'am/ bran khol lam gzha su'ang rung ba rmi lam du snang ba de bden par ji ltar gzung / kye rgyal po chen po che ma 'phos pa'ang gcig gis rmis pa gcig gis mi tshor na/ tshe 'phos pa'i rmis pa che 'phos pa de yin par ga la 'gyur te/ bag chags rtas pa yin no// kye rgyal po chen po bag chags lags pa'i dpe ni gzhan yang mchis te/ mi zhig sngon tshe stod la mchis pa'i mkhar dang khang pa dang / grong gang yin pa zhig bor te/ yul gzhan zhig tu tshe smad la 'dug pa na/ sngon gyi grong de'ang zhig ste/ sngon mi 'dra ba las mi des sngon gyi khang pa'i// dbyibs dang / rgya ci 'dra ba ma zhig pa ma 'grams pa rmis na/ grong dang khang pa de la sems yod na ni/ khang pa de'i sems snang du rung na/ khang pa dang / grong des rdo bem po yin na/ mi des rmis pa de ci'i phyir bag chags rtas pa ma yin/ de bzhin du tshe 'phos pa'i ngan rtags dang bcas pa'ang khang ba zhig pa rmis pa dang 'dra ste/ che 'phos pa'i sems kyang las gar 'thun par skye ba blangs zin na/ de snang du btub bam kye rgyal po chen po de'i phyir bag chags mthu rtas pa'i dbang gis che 'phos pa'i gtam tshigs dang / lugs mthong ba dang rmis pa yin no// de bzhin du ral gril sogs pa'i go mtshan thogs pa dang / gos dang / rgyan la sogs partson pa dang / rta dang glang po che la sogs bzhon par snang ba dang / rmi lam 'byung ba'ang bag chags snang ba yin te/ khang pa'i dpe bzhin du rig par bya'o// kye rgyal po chen po rgyal po chen pos 'di nas shi 'phos pa las pha ma 'am spun nam/ bu la sogs pa nye ris rnams kyis bza' ba dang / btung ba nyung ngu nyung ngur gtad pa dang / bsngon pa'ang bskal pa mang po'i bar du zad par mi 'gyur bar za zhing 'thung ngo zhes 'jig rten pa dag mchi na/ de ltar lags sam zhes 'dri ba ni/ kye rgyal po chen po gling bzhi pa nas stong gi 'jig rten gyi khams dang stong gnyis dang / stong gsum gyi khams dang 'jig rten gyi khams mtha' yas pa dpag tu med pa bsam gyis mi khyab pa thams cad na/ bza' ba dang btung ba nyung ngu nyung ngus dus thams cad dang / bskal pa mang por za ba'i sems can gzigs sam/ gsan nam/ kye rgyal po chen po yid bzhin gyi nor bu rin po che la ci bsams pa'i 'dod pa 'byung ba 'khor los sgyur ba'i rgyal po la yod pa'ang / sngon bskal pa mang por bsod nams kyi tshogs tshad med pa bsags pa las byung ba yin te/ gnam nas babs pa dang glo bur du byung ba ni ma yin na/ bza' ba dang btung ba nyung ngu de bskal pa mtha'i bar du ma zad pa de rigs lags sam/ kye rgyal po chen po tshe ma 'phos pa'i pha spang dang / spun gcig la gcig 'brel bar 'dzin pa phan par 'dod pa rnams/ da ltar ma shi ba lus dang ldan pa'ang gcig yul gzhan du song na/ de la pha ma 'am/ bu'am/ spun gang yang rung bas zas skom mang por sbyin no// gsol lo zhes bsngos pa'ang / yul gzhan du song ba'i rmi lam du'ang mi 'byung na/ dngos por za zhing 'thung ba lta ga la yod na/ tshe 'phos nas lus dang bral ba la/ bsngos shing gtad pa za zhing 'thung ba lta ga la yod/ kye rgyal po chen po tshe 'phos nas sems lus dang bral ba des/ bu dang spun la sogs pas gtad pa'i zas dang / skom bsngos pa can 'di dag sems dngos po med pa gzugs med pas ji ltar bdag po byed par 'gyur/ de ci'i phyir zhe na/ bza' ba dang bcas pa ni lus yod pa'i yan lag gi rtsol ba la rag lus na/ sems la lus kyi yan lag de'i rtsol ba yod dam/ rgyal po chen pos gsol pa/ bcom ldan 'das de ltar lags na/ tshe 'phos pa la 'di na phan 'dogs pa'i bza' btung dang / bzhon pa dang / gos dang / rgyan gtod pa 'di dag la don ma mchis pa lags sam/ bcom ldan 'das kyis bka' stsal pa/ rgyal po chen po tshe 'phos pa des las gang spyad pa'i rnam par smin pas 'gro ba ris tha dad pa gang du skye ba len pa de la/ mi dge ba dang mi 'brel ba'i bsod nams kyi tshogs su 'gyur ba'i las dge ba sna tshogs pas btang na mtho ris dang thar par yang skye la gal te skye ba blangs pa zhig la bsod nams su 'gyur ba'i las dge ba zhig btang na/ skye ba blangs pa des nor rnyed pa dang / le legs pa dang / 'dod pa'i longs spyod 'phel ba dang / 'gro ba gzhan thams cad kyis mchod cing bkun par 'gyur ba'i phan pa yod kyi tshe 'phos pa skye ba mi len par gshin gyi 'jig rten yod nas/ bza' btung dang / bzhon pa dang / gos dang / rgyan dag bdag po byed pa ni ma yin no// kye rgyal po chen po 'jig rten pa dag gang gis/ mthong ba dang / pha ma la sogs pas rmi lam du rmis te/ tshe 'phos pa la bsngos pas gshin de bza' btung gis mgu'o// bzhon pa zhon no// gos gon no// rgyan thogs so zhes smras na/ de ltar snang ba de'ang bza' btung gis mi mgu'o// zhon pa med do// gos mi gon no// rgyan mi thogs so zhes smra zhing / de ltar snang ba dag dri za 'chi ka'i sems la nye bar 'jug pa dang / mi ma yin pa dag gis de ltar snang bar byed pa yod do// kye rgyal po chen po rgyal po chen pos sems can dag 'di nas tshe 'pho ka na ba ma 'am/ spun nam/ bu la sogs pa la gtam byas pa dang / tshig ci smras pa dang / gzugs ci 'dra ba dag/ de tshe 'phos nas phyis pha ma dang spun nam bu la sogs pa la sngon tshem 'phos pa'i dus na gtam byas pa la sogs pa smra ba dang / gzugs byed ston te/ de lta bu mthong ba dang / ston pa'ang yod ces 'jig rten pa dag mchin de ltar lags sam ma lags zhes 'dri ba ni/ kye rgyal po chen po smra ba ni lus yod pa'i kha lce la brten nas smra ba lags na/ tshe 'phos pa'i lus ni 'dir bzhag na/ sems gzugs med pa de ji ltar smra/ de ste shi ba de la lus yod do zhes zer ba ni skye ba blangs pa yin te/ de la pha ma dgos pas gshin gyi 'jig rten yang med do// kye rgyal po chen po de lta bu'i tshe ma 'phos pa'i mtshan ma dang dan rtags dang bcas pa'i 'jig rten pa gang dag smra ba de ni/ dri za khyab byed ces bya ba'i rigs yod pas byed de/ dper na rlung chen pos thang dang glung yangs pa dag tu dus gcig tu rlung ldang ba bzhin du/ 'chi 'phos pa thams cad kyi sems la khyab par byed pa'i rigs dri za pi tsa na zhes bya ba dang / gnod sbyin smra 'dod kyi rigs dang / 'byung po bar hi na ti kun tu gtogs 'dod ces bya ba dag gis bsgrubs nas/ mi ma yin pa de dag gis shi ba des sngon gtam byas pa dang / cha lugs kyi ngan rtags dag 'jig rten pa dag bslu ba'i phyir ston cing smra ba dag yin no// de'i tshe lhas byin de na 'dug pas/ bcom ldan 'das kyis de skad ces gsungs pa de la yid mches nas/ bcom ldan 'das la 'di skad ces gsol to// go'u ta ma sems can tshe 'phos nas cir 'gyur ba'i ngan rtags pa rol na yod pa dang / med pa bka' stsal bde go'u ta mas thog ma su lags na dus nam gyi tshe mkhyen par mdzad/ gsan pa dang mkhyen par mdzad pa'i grogs po su lags/ de skad ces gsol ba dang / bcom ldan 'das kyis bka' stsal pa/ lhas byin ngas ni rang gi lus btang ba la sogs pa dka' ba mang po dag bskal pa grangs med par spyad de/ sgrib pa thams cad ni sbyangs tshogs chen po yang dag par bsags pas thams cad mkhyen pa'i ye shes thob ste/ 'das pa'i dus na sngon byung ba dang / da ltar gyi dus na phyogs bcu mtha' yas pa na shes bya gang dag ci yod pa dang / ma 'ongs pa'i dus na 'byung bar 'gyur ba'i shes bya thams cad la mi mkhyen par gyur pa gang yang med de/ dper na 'dzam bu'i gling 'dir nyi ma shar bde khang dang rim gyis shar ba ma yin te/ dus gcig tu gsal bar shar ba bzhin du shes bya thams cad skad cig gcig la mkhyen pa'i phyir dang / nga ni rnam pa thams cad mkhyen pa'i ye shes mnga' ba zhes bya'o// de skad ces bka' stsal pa la yang lhas byin yi dam ches nas thams cad mkhyen pa mnga' ba de tshad med pa'i phyir/ 'dzam bu'i gling 'di na shing gi ris tsan dan dang / p+lag sha dang / seng ldeng la sogs pa shing tha dad pa brgya stong bye ba dag bcad de/ so sor ba sregs nas thal ba'i phur ma byas nas rang gis mi nor bar bya ba'i phyir/ thal ba la shing gang dang gang gi ming yi ger brtags te/ bcom ldan 'das kyi drung du song nas/ bcom ldan 'das la 'di skad ces gsol to// bcom ldan 'das khyod la thams cad mkhyen pa'i ye shes mnga' na/ 'di shing gang gi thal ba/ 'di shing ga gi thal ba lags zhes thar chags su thal ba'i phur ma thams cad bstan pa las/ bcom ldan 'das kyis shing gang gis thal ba yin pa ma nor bar 'di ni tsan dan gyi thal ba'o// 'di ni blag shi'i thal ba'o// 'di ni seng ldeng gi thal ba'o zhes thal ba'i pur ma thams cad ma nor bar bshad pa las/ lhas byin bcom ldan 'das la rnam pa thams cad mkhyen pa'i ye shes mnga' bar yid ches par gyur to// tshe 'phos pa cir 'gyur ba gsungs pa bden par bsams nas/ bcom ldan 'das la 'di skad ces bstod do// bcom ldan 'das ni kun mkhyen lags// shing mang thal ba'i bye brag rnams// ma gzigs mags na nges par mkhyen// tshe 'pho cir 'gyur gsungs pa des// zhes bstod nas spobs pa med par gyur to// de'i tshe shAkya ming chen de na 'dug pas tshe 'phos pa cir 'gyur ba bka' stsal ba la yid mches nas/ bcom ldan 'das la 'di skad ces gsol to// bcom ldan 'das tshe 'phos pa'i sems can rnams cir 'gyur ba gsungs pa de mngon sum du gzigs sam/ 'on te gzhan zhig la gsan pa lags// de skad ces gsol ba dang bcom ldan 'das kyis bka' stsal pa/ ming chen nga'i sangs rgyas kyi spyan gyis mi gzigs pa ni 'jig rten na med de/ skyu ru ra rlon pa lag mthil du bzhag na/ lag pa'i bye brag thams cad gsal ba de bzhin du/ dus gsum gyi shes bya la ngas ma gzigs pa ci'ang mi mnga' ste/ thos pa la rten pa ni ma yin no// de skad ces bka' stsal pa dang shAkya ming chen gyis thams cad gzigs pa de/ bden brdzun nyams sad pa'i phyir/ ser skya'i grong khyer chen por song ste/ khyim ji snyed yod pa la 'bras kyi bur ma re re blangs te/ rang ga 'bras kyi phur ma gang la blangs pa ni mi nor bar bya ba'i phyir/ shAkya gang la blangs pa'i ming rnams bris te/ 'bras bur ma'i nang du bcug nas/ 'bras kyi bur ma glang po che'i khal longs pa gcig dang / bcom ldan 'das kyi spyan sngar song ste phyin pa dang / bcom ldan 'das la 'di skad ces gsol to// bcom ldan 'das bcom ldan 'das kyis sangs rgyas kyi spyan gyis mi gzigs pa ma mchis na/ 'bras kyi bur ma 'di dag mi dbye bar shAkya gang gang gi 'bras gang gang lags pa gzigs par mdzod cig ces gsol nasaglang ba rnan/ khal gyi 'bras kyi bur ma rnams drung du bzhag pa las bcom ldan 'das kyis 'bras kyi phur ma re re spangs shing 'di shAkya dgra byed kyi'o// 'di shAkya ka ya'i 'o// 'di shAkya 'dod sred kyi'o zhes bya ba la sogs pa 'bras bur ma re re la shAkya 'di'i 'o zhes ming ma nor bar rim par rdzogs par gsungs pa las bcom ldan 'das kyis sangs rgyas kyi spyan gyis thams cad gzigs pa la shAkya ming chen la sogs pa thams cad yid ches te/ bcom ldan 'das kyis tshe 'phos pa cir 'gyur ba bshad pa ni nges so snyam nas/ bcom ldan 'das la bstod pa/ sangs rgyas spyan gyis thams cad gzigs// 'jig rten pa ltar brdzun mi mnga'// shAkya'i grong khyer ji snyed pa'i// 'bras kyi phur ma ma nor mkhyen// sems can tshe 'phos pha rol no// ji ltar snang ba 'jig rten brdzun// bcom ldan 'das kyis gsungs pa meng // kun gzigs khyod la phyag 'tshal bstod// ces bstod/ nas spobs pa med de mi smra bar 'dug go// de nas yab rgyal po chen pos 'di skad ces gsol to// bcom ldan 'das sems can gang dag gis mtshams med pa la sogs pa'i las mi dge ba dag bgyis pas/ de'i rnam par smin pa mi bzad pa myong bar 'gyur ba dag gis ji ltar bgyis na bde ba thob par 'gyur ba bshad du gsol/ bcom ldan 'das kyis bka' stsal pa/ kye rgyal po chen po sems can gang dag gis mtshams med pa la sogs pa'i las mi dge ba byas pa dag gis sgyu med pa'i sems dang / rnam par smin pa/ la yid ches par byas te/ sems thag pa nas bshags na 'byung bar 'gyur ro// 'chi ba'i tshe mi dge ba sngar byas pa dag la 'gyod pa bskyed de/ sangs rgyas dang byang chub sems dpa' thams cad la phyag 'tshal zhing skyabs su gsol na sdig pa 'byung bar 'gyur ro// mtho ris su'ang skye bar 'gyur ro// tshe phyi ma med pa'i 'du shes bskyed par mi bya'o// skye ba len pa ni dbang phyug dang / 'dod rgyal dang / gyi na la sogs pa dag gis byed par mi blta'o// 'jig rten gyi bde ba dang 'khor ba thams cad la chags par mi bya'o// kye rgyal po chen po 'jig rten 'di nas pha rol tu 'pho ste/ skye ba len pa na rtag pa 'pho ba'ang ma yin no// chad pa 'gags te med pa'ang ma yin no// rgyu med pa'ang ma yin no// rgyu med pa las// byung ba'ang ma yin no// byed pa pos byas pa'ang ma yin te/ las dang nyon mongs pa rgyu rkyen tshogs pa las skye bar blta'o// rgyal po chen pos gsol pa/ bcom ldan 'das sems can rnams tshe 'phos nas skye ba len pa de/ de ltar rtag pa'ang mi 'pho// chad pa'ang ma lags rgyu rkyen med pa'ang ma lags byed pa pos kyang ma byas 'jig rten// pha rol tu skye ba'ang 'grub pa de rtogs par dka' na/ 'di la 'thun pa'i dpe mchis sam/ bcom ldan 'das kyis bka' stsal pa/ kye rgyal po chen po 'di la 'thun pa'i dpe brgyad yod de/ bla mas kha ton brjod pa slob mas shes pa'i dpe dang / mar me las mar me 'byung ba'i dpe dang / me long la gzugs brnyan 'byung ba'i dpe dang / rgya las rgya'i 'bur dang ri mo 'byung ba'i dpe dang / me shel las me 'byung ba'i depe dang / sa bon las myu gu 'byung ba'i dpe dang / sbyar zhes brjod pas 'gram chu ldang ba'i dpe dang / brag cha'i sgra rnams kyi dpes rtogs par bya ste/ kye rgyal po chen po dpe brgyad po 'di dag gis/ snga ma snga mas ni phyi ma rnams 'byung ba'ang yod pa ni rtag pa 'pho ba ma yin pa'i dpe'o// khyim bye ma ni snu ma snga ma rnams las 'byung bas/ rgyu med pa las 'byung ba 'byung ba ma yin pa'i dpe dang / chad pa 'gag pa ma yin pa'i dpe'o// kye rgyal po chen po gzhan yang dpe 'di dag ni/ rkyen gsum gsum tshogs pa las 'byung ste/ bla ma slob ma de gnyis dbang po rnams skyon med pa las kha ton 'byung zhing smra shes pa'o// mar dang / sdong bu dang // snod tshogs pa las mar me 'byung ngo // nam mkha' dang ba dang / gdong dang me long tshogs pa las gzugs brnyan 'byung ngo // rgya dang 'jim pa'i gro/ bu dang / skyes bu'i lag pa'i rtsol ba rnams tshogs pa las 'bur dang ri mo 'byung ngo // shel dang nyi ma'i 'od dang / rtswa shing tshogs pa las me 'byung ngo // sa bon dang sa gzhi dang brlan pa rnams tshogs pa las myu gu 'byung ngo // tshwa dang chung 'thung myong ba dang / sbyar zhes brjod pa las 'gram chu ldang ngo // mis brjod pa'i sgra dang sgra drag po gzhan med pa dang / ri brag rnams tshogs pa las brag cha 'byung ste/ de dag ni sems can skye ba ni byed pa pos ma byas te/ las dang nyon mongs pa'i rgyu rkyen gyis bskyed pa'od pe'o// kye rgyal po chen po / gzhan yang bla ma ni tshe 'di'i dpe'o// slob ma ni tshe pha rol gyi dpe'o// kha ton ni rnam par shes pa nying mtshams sbyor ba'i dpe'o// mar me snga ma ni tshe 'di'i dpe'o// phyi ma ni pha rol gyi dpe'o// mar me snga ma las bye ma byung ba snu ma yod pa ni rtag pa 'pho ba ma yin pa'i dpe'o// phyi mde snga ma las byung ba rgyu med pa las ma byung ba'i dpe'o// me long ni tshe 'di yod pa'i sgo nas phyi ma'ang yod la/ dngos po'ang mi 'pho zhing pha rol yang yod pa'i dpe'o// rgya ni 'dir las ci spyad pa 'thun par pha rol tu'ang skye ba len pa'i dpe'o// me shel ni 'gro ba'is mi 'dra ba nas mi 'dra bar skye ba'i dpe'o// sa bon ni 'gags nas med par mi 'gyur ba'i dpe'o// sbyar ni myong ba'i las kyis skye ba len pa'i dpe'o// sgra ni rgyu rkyen tshogs nas gnod pa'i rkyen gzhan med na skye ba len te/ gcig pa dang tha dad pa ma yin pa'i dpe'o// kye rgyal po chen po dpe brgyad po 'di tshang bar ma smos par 'ga' zhig bstan na dbang phyug dang 'dod rgyal dang / gyi na dang / rgyu med par smra ba dag gis dge sbyong go'u ta ma'i dpe 'di dag/ kha ton gyi dpe 'di ni phung po dang rnam par shes pa gnyis ma bral bar pa rol tu rnam par shes pa 'pho bar 'gyur zhes smra ba dgag pa'i phyir dpe lhag mo rnams bstan to// mar me'i dpe ni 'di dang pha rol gnyis kar phung po dus gcig yod do zer ba dgag pa'i phyir dpe lhag ma rnams bstan to// me long gi dpe ni 'dra ba'i dpe yin pas grum po las grum por skye/ dkar po las dkar por skye'o zhes zer ba dag dgag pa'i phyir dpe lhag ma rnams bstan to// rgya'i dpe ni lha 'phos pa lhar skye/ mi 'phos pa mir skye ba la skye ba la sogs pa nges pa'o zhes zer ba dag dgag pa'i phyir dpe lhag ma rnams bstan to// ma shel gyi dpe ni mi 'dra ba'i dpe yin pas dge bas ngan song dang mi dge bas mtho ris 'grub bo zhes zer ba dag dgag pa'i phyir dpe lhag ma rnams bstan to// sa bon gyi dpeni shes pa gcig las mang por 'phel lo zhes zer ba dag dgag pa'i phyir dpe lhag ma rnams bstan to// skyur gyi dpe ni myong ba'i dpe yin pas lha'i lo rgyus yod pa dag dge ba'i bsod nams ma byas kyang lhar skye'o// ngan song gi lo rgyus yod pa dag la mi dge ba ma byas kyang ngan song du skye'o zhes zer ba dag dgag pa'i phyir dpe lhag ma rnams bstan to// sgra'i dpe ni byed pa po'i dpe yin pas rgyu rkyen las ma byung ngo zhes zer ba dag dgag pa'i phyir dpe lhag ma rnams bstan to// de'i phyir dpe brgyad bstan to// kye rgyal po chen po che zhig ste pha rol tu skye ba med de/ chad pa dang 'gag pa'ang ma yin no// tshe 'di dang dngos po rtag pa ma nyams par pha rol tu 'pho ba'ang ma yin no// tshe 'di la ma rten par pha rol tu skye ba len pa'ang ma yin no// bdag gis skye ba 'di blang ngo zhes pa sams pas kyang skye ba mi len no// bdag gis dbang phyug chen po la sogs pa la bsten te mtho ris su skye bar bya'o snyam pas kyang ma yin no// bdag mtho ris dang ngan song gar 'dod par skye bar bya'o snyam pas kyang ma yin no// ci'ang ma byas te rgyu rkyen la brten mi dgos par skye'o snyam pas kyang ma yin no// phung po 'di zhig ste shi nas ci'ang med do zhes smra ba'ong ma yin no// 'dir tshe 'phos nas pha rol na gshin gyi khams su mu chags su mchis pas 'di na ci spyod byed de/ skye ba mi len zhes zer ba'ang ma yin no// tshe 'di'i rnam shes ma 'gags par rnam shes pas skye ba len zhes zer ba'ang ma yin no// 'di dang pha rol gnyis kar phung po dus gcig yod ces zer ba'ang ma yin no// grum po las grum por skye/ dkar po las dkar por skye zhes bya ba la sogs pa'ang ma yin no// lha tshe 'phos pa'ang lhar skye'o zhes zer ba'ang ma yin no// dge ba dang / ngan song dang / mi dge bas mtho ris 'grub zer ba'ang ma yin no// shes pa gcig las mang pa 'phel ba'ang ma yin no// dge ba ma byas kyang lhar skye ba dang / mi dge ba ma byas kyang ngan song du skye ba'ang ma yin no// skye ba ni byed pa pos byas pa'ang ma yin no// de dag ci'i phyir ma yin zhes kha ton gyi dpe la gang dag gis rnam par shes par shes pa 'di ma 'gagos par pha rol tu skye ba ler no zhes zer ba'i skyon bsal ba'i phyir sa bon gyi dpe bstan te/ sa bon de ma rul bar myu gu skye na ni/ bdag tu smra ba dag bden na/ sa bon de rul nas snga ma las gyur te/ mi 'dra bar gyur pa las myu gu skye'o// mar me'i dpe la gang gis mar me gcig las gtsog spar na gnyis ka yod pas/ 'di dang pha rol gnyis kar phung po dus gcig yod do zhes zer ba'i skyon bsal ba'i phyir sgra'i dpe bstan te/ brag cha ni mis ma brjod par sgra mi grag ste/ dus gcig tu mi 'byung bas phung po'ang dus gcig tu mi 'byung ngo // me long gi dpe la 'dra ba'i phyir/ grum po las grum por skye ba dag dgag pa'i phyir me shel gyi dpe bstan te/ me shel las de mi 'dra ba'i dpe 'byung ba'i phyir ro// rgya'i dpe ni lha tshe 'phos pa lhar skye mi tshe 'phos pa mir skye'o zhes zer ba bsal ba'i phyir kha ton gyi dpe bstan to// 'di'i dpe ni bla ma yin la pha rol gyi dpe ni slob ma yin te/ tha dad pas bla ma'ang slob sa ma yin slob ma'ang bla ma ma yin pa'i phyir ro// me shel gyi dpe ni mi 'dra ba'i dpe yin te/ dge bas ngan song ni mi dge bas mtho ris so zhes zer ba bsal ba'i phyir mar me'i dpe bstan te/ mar me las mar me mi 'dra ba byung gi/ mar me las mar me mi 'byung ba bzhin/ dge bas mtho rigs/ mi dge bas ngan song ni rigs pa'o// sa bon gyi dpel shes pa 'phel zhes zer ba dag dgag pa'i phyir rgya'i dpe bstan te/ rgya'i ri mo ci 'dra ba de las 'jig pa'i gong bu la'ang ri mo gzhan mi 'byung ba'i phyir ro// sgyur gyi dpe la gang dag gis lha'i lo rgyus myong ba dag dge ba ma byas kyang skye ba thams cad du lhar skye/ ngan song gi sdug bsngal myong ba dag mi dge ba ma byas kyang skye ba thams cad du ngan song du skye'o zhes zer ba dgag pa'i phyir me long gi dpe bstan te/ me long la bzhin ci 'dra ba snang ba bzhin du dge ba dang mi dge ba'i 'bras bu 'dra ba bsnol nas mi 'dra bar sbyor ba 'gal ba'i phyir ro// sgra'i dpe la ni byed pa pos byas pa ma yin te/ mis skad ma bsgrags par brag cha mi 'byung ba bzhin du/ byed pa pos ma byas par sems can rnams mi skye'o zhes zer ba de bsal ba'i phyir sgyur gyi dpe bstan te/ sngar 'thungs pa dang za myong ba'i phyir brjod pas 'gram chu ldang ba bzhin du/ las dang nyom mongs pa sngar spyad pa'i dbang gis phyis skye ba len no// kye rgyal po chen po sems can skye ba dang / 'jig rten 'di dang pha rol tu 'pho ba dang / ji ltar 'gyur ba dag ni de ltar mkhyen par mdzod cig/ bcom ldan 'das kyis de skad ces bka' stsal pa la 'khor 'dus pa thams cad yi rangs te mngon par bstod do// 'chi 'pho ba ji ltar 'gyur ba bstan pa'i mdo rdzogs so// // bstan pa snga dar ba'i tshe 'gyur ba la sa skad ga sa ra bcad kyis ma bcos pa'o// / @/