| བོད་ཡིག | e-texts produced with BDRC’s OCR application |
rgya gar skad du/ s+thi bi ro pa ni mar tra na/ bod skad du/ gnas brtan spyan drang ba thams cad mkhyen pa la phyag 'tshal lo// btsun pa rnams dgongs su gsol/ dgongs nas kyang shel dang / nor bu dang / dngul dang / ku mu da dang / kha ba'i phung po dang / zla ba'i zer dang sngon gyi chu dang / nam thang ba dang / pad+ma'i rtsa lag ltar dri ma med par mdzod la rlung gi stobs kyis shing gi lcug phran pa spyod pa dang / smig rgyu dang / sgyu ma dang rmi lam dang / klog dang / ta ga rta'i rdul dang bal glang gi phrug gu'i rna mchog dang sbrul gyi lce dang zil pa dang rgya mtsho bskyod pa'i rlabs ltar g.yo ba'i yid skad cig re re la'ang mi sdod par 'gro ba/ rtse gcig pa'i ting nge 'dzin gyi stobs kyis yud tsam zhig rgyu ba nang du dgag tu gsol/ smras pa ri gzar 'bab pa'i dba' rlabs 'gyur bas kyang // gang gi dba' rlabs 'gyur la bskrun med par// 'jig pa thogs med g.yo ba'i yid de ni// yud tsam rtse gcig mdzod cig btsun pa rnams// lha yi bu mo yid chad shugs byung skad cig zim mer byas pa'i mig/ ring zhing rdzi ldan bkra la 'od zer mig chags lta ba'i g.yo ba yis// gang gi thugs ni skye ba rgyun gcod rgyu las 'khrugs par ma gyur pa// bdud kyi dpung 'joms mkhas gcig thams cad mkhyen pa de la phyag mdzod cig/ skye ldan gang du brten nas dud 'gro'i skye gnas sems dan la ma zhi dang // yi dgas 'jig rten gnas su 'gro bar mi 'gyur sdug bsngal 'jig byed pa// 'khor ba dag na 'gro ba chen po rnams kyi grogs 'gyur 'phags gcig pu// zhi ba grong khyer sgor gzhol chos de la ni gus pabasten par mdzod// zhi ba'i bdag nyid gang zhig bde gshegs gsung rab mthar phyin 'byung smra zhing // gang la gus par cung zad tsam zhig byin yang sbyin pa 'phel 'gyur la// ye shes snang bas mun pa zang byas dge slong 'dun de la ni/ nyon mongs gcod pa'i ched du thams cad kyis kyang gus par phyag mdzod cig/ lcang lo rkun po'i sgra mang mgo la thogs shing dpung mgo gnyis yog la// rang gi 'od zer phyogs mthar 'phro ba/ rnams kyis 'jig rten kun 'gengs pa// lha dbang brgya byin cod par 'dud de tshangs la phyag bye gang yin de// byin nas dga' byas sems kyi ting 'dzin shin tu chen po'i 'bras bu yin/ rdo rje 'od 'phro 'phreng bas dpung rgyan 'dres nas mdzes gyur cing // lha la bka' stsol dbang po mtho ris skyong ba gang yin pa// de dag dge ba dag 'byung rnam smin 'gyur dus nyams dga'/ zhing / mngon par 'dod pa'i 'bras bu phun sum tshogs pa'i rgyu rnams yin// kha nas rgyags 'gyur dri zhim 'byung zhing mig gi mtha' dmar la// dbugs 'byung ngo shal g.yas pas nu ma 'bur la 'drung byed pa// sdug gu lhan cig nor bdag dga' tshal 'dug pa gang yin pa// de yang 'gro nyams dga' sbyin pa'i bdag nyid chen po yin// 'brug sgra sgrog cing sprin rnams chu ni kun tu len byed pa// rlabs 'byung dus na nor bu b+hu ru rung dang tsa phyis 'byung // rin chen gnas ni tshu la nyid kyi 'byor pas gang srung ba// der yang rgyu ni sbyin pa mchog ces thub pas bka stsal to// gang yang 'od zer rnams kyis mkha' la skar ma'i 'khor lo zil mnan cing // ku mu da mi rdzing yangs rnams su dpal ni rab tu rnam bye nas// glang po'i che ba'i dpal dang ldan zhing mtshan mo shin tu rab mdzes pa// de yang nges par sbyin pa nyid kyis 'bras bu ro bro mang po yin// ri rab rtse la shing rtas lam ka 'dug pa'i rin chen rdo gcog cing // rta yi rkang lag rnams kyi dgu tshig chu bo'i rlabs ni gcod byed la// bun pa bsal phyir nyi mas skar ma zil mnan lam me gang yin pa// de rgyu yid kyi ting nge 'dzin gyi bskyed pa'i sbyin par thub pas gsungs// rgyal mtshan rtser gtags rin chen 'od zer snang ba nam mkha' dmar gyur cing // rta rmig 'dor bas mkha' la sprin gyi 'dreng ba dag kyang 'dral byed la// rnga yab dkar pos g.yabs shing 'khor los sgyur ba song ba gang yin pa// 'dod pa'i 'bras bu de yang sbyin pas bsgrubs zhes thub pas bka' stsal to// gser gyi pad+ma'i rdul gyi phye mas dmar bris mtshor ni khrus byas te// de yi gnas 'dab bung sgra 'byin rnams su nyal ba'i bde rnyed nas// rig 'dzin chung ma lhan cig 'jigs med mkha' las 'gro ba gang yin pa// de yang ser sna 'jil zhing skyon med dga' ba'i sbyin pa'i gzi brjid yin// mA la yi ri rtse tsan dam grib mas bsil ba langs pa dang // 'bigs byed ri dang gangs dang lhun po'i ri dang mahA ri ri bo la// grub pa'i tshogs chen chung ma lham cig 'jigs bral dga' ba gang yin pa// 'dod pa'i 'bras bu tshe 'di'i snying po 'byor pa de yang gtong ba'i yin// bud med rkang gdub 'khrol bas 'grogs nas 'phur ba'i phug ron gnas pa yin// khang pa mngon po rnams dang 'bigs byed ri rtse 'gran pa'i ba glang dang // gsu/ dang rnga yab bud med g.yog 'khor ron chen gser dang rta rnams dang / bzang mdzes de dag kun kyang sngon gyi sbyin pa'i dge ba'i rnam sbyin yin// ban d+ha ka ltar rtsa dmar chu mchang gser snod bzang por legs blugs pa// longs 'dra a mra smin gas lta bur dri zhim ut+pal 'gying zhing ldem// na chung shin ma nas sgrogs dus kyis skyobs shing yams grangs mang 'grim pa// mchog tu dge ba de rgyu sbyin pa yin zhes blo gros dag pas gsungs// gser gyi ngag skad sked bcings snyan smra 'dzin zhing smin pa ya gcig spyod// mig yangs rngar thug dkar gnag 'byes la skra bgab me tog 'phreng dkrigs pa'i// na chung bzang po brla rgyas bdag nyid legs byas rnams kyis bran ltar byed// tshogs bsags 'bras de sbyin pa'i che ba nyid ces zas gtsang rgyal pos gsungs// de ltar lags pas bde bar gshegs pa'i gsung rab mtha' dag thugs su chud pa shin tu rgyas pa'i chu ltar gyur pa snying po dri ma med pa dang / lha'i skye bo'i klu'i gnas su gyur pa tshul khrims 'dren ma ma yin zhing rgya che ba'i chu dang ldan pa/ dge ba la rnam par rtog pa'i zla ba shar ba'i dbang gis/ ting nge 'dzin sna tshogs rgyas pa'i dus kyis rlabs kyis byang chub yan lag skyon med pa'i nor bu mang po kun tu g.yengs pa sems kyis bzhi la 'phags pa'i lam yan lag brgyad pa'i ri bo chen po rten pa/ 'bras bu'i bye brag thob pa/ gang zag chen po'i chu srin rgyu ba/ 'phags pa'i bden pa dang / yang dag par spong ba dang / rdzu 'phrul gyi rkang pa'i shing ljon pas mdzes par byas pa/ dran pa nye bar bzhag pa'i ngogs dang ldan pa/ sgrib pa'i ro mi gnas pa/ sbyangs pa'i yon tan goms pa/ dag pa'i mu tig gi nya phyis kyi log lus dang ldan pa/ mngon par rtogs pa'i chos nyid gting mi dpogs shing zab pa/ rgyun mi 'chad par klog pa dang kha ton byed pa'i sgra char 'byung ba/ 'phags pa'i dge slong dge 'dun gyi tshogs rgya chen po la bdag gsol ba 'tshal lo// 'di lta ste/ srid pa'i 'gro ba gcig nas gcig tu brgyud pa/ du ma nas dge ba'i sa bon btab pa bde bar gshegs pa'i bstan pa'i gzhal med 'ang gi sa gzhi gcig pur gyur pa bzod pa dang / nges pa dang / byams pa dang / tshul khrims dang / zos pa dang / zhi ba'i gnas/ bdag dang gzhan gyi gzhung gi don gyi de kho na ma lus par rtogs pa/ yongs su shes pa bsgoms pas dran pa nye bar gnas pa/ yang dag pa'i ye shes dang mthong bas/ log par lta ba'i rab rib bsal ba legs par brjod cing shis la rgya che ba'i ming dang ldan pa/ skye bo bla ma la bsnyen bkur byed pa dang / mngon du smra ba dang / phyag 'tshal ba la sogs pa'i tshul bzang po dang ldan zhing mdongs gsol bas snyan pa rnams bsnyad pa/ sngon gyi zla ba nya ba'i 'od zer dag pa lta bu'i yid 'byung ba sbyin bdag chen po che ba'i bdag nyid can ming 'dri zhes bya ba 'di ni/ khyim bdag legs sbyin dang / bzang ldan dang / btsun mo 'khor gyi blo dang / mu shi la dang / tra pu sa dang / go shi la dang / rta pa gar ni ka dang / mgon myed zas sbyin dang / drag po dang / nag pa dang / nam gru la sogs pa dang / gzhan yang bcom ldan 'das la yid dad pa gsal rgyal dang / tshangs pas sbyin dang / rgyal po shar pa'i bu dang / gtum po rab tu snang la sogs pa sa'i steng la dbang ba'i sbyin pa las byung ba'i legs par spyad pa'i rjes su slob ste/ lus dang / longs spyod dang / srog la sgyu ma dang / smig rgyu dang / dri za'i grong khyer dang / mgal me bskor ba dang / rmi lam dang / ri'i 'bab chu'i chu ltar g.yo bar rig nas/ stobs bcu mnga' bas gsungs pa'i tshigs su bcad pa dang / chos mngon pa dang / 'dul ba dang / mdo sde 'dzin cing / dge ba'i las kyi 'bras bu rnam par smin pa yod do zhes bsod nams kyi sa bon skyed pa'i rgyu/ 'khor ba'i bde ba phun sum tshogs pa'i gzhi skye bo ngan pas rnyed par dka' ba ser sna can gyi yid 'joms pasgrub pa na/ ston gyi zla ba dri ma med pa ltar dang ba'i// thugs mnga' ba srid pa'i nyon mongs pa'i sa bon gcod pa/ sems can thams cad du bsam pa mkhyen pa/ grags pa 'jig rten gsum du khyab pa bdud kyi bu mo steg pa rgyun gcod pa'i rgyuskyabs su 'os pa/ chos ston pa/ 'gro ba la dge ba'i phyir bya dka' ba'i 'phrin las rnams kyis chos thams cad thugs su chud pas rnam par sangs rgyas/ pa'i sangs rgyas nyi ma'i 'od zer gyi snang ba gsal bas reg nas pad+ma'i 'dab ma rgyas pa lngar ring zhing rdzi ma legs pa'i spyan dang ldan pa gnod sbyin gyi bdag po'i gtsug gi nor bu chen pos zhabs kyi sor mo kun tu bskor ba/ gser gyi mchod sdong ltar gsal ba bas/ sku la rdo rje dang / lcags kyu dang / pad+ma dang nya dang / rgyal mtshan dang / gdugs dang / 'khor lo la sogs pa'i mtshan rnams kyi mtshan mnga' ba pad+ma'i 'byung gnas rnams la snang ba mdzad pa'i 'od kyi 'phreng bas bye brag med par khyab par 'gengs pa bung ba'i tshogs ltar sngo ba'i gtsug tor gyi nang nas kun tu 'byung ba'i 'od kyi dra bas phyogs kyi dkyil 'khor ma lus par bkram par byas pa kha na ma tho ba med par zhugs pa 'phags pa'i bden pa ston pa zhi bar gzhol ba'i lam du 'dren pa 'jig rten sgrol ba mnyes ka shin pa'i gnyen gcig pu/ mu stegs can ngan pa'i rgol ba rnams kyis gsung dang khrugs dang / dga' ba dang / mthu/ la mi non pa zas gtsang ma'i sras yul rnams kun la sred pa 'byung ba'i rgyun skabs byed pa'i rgyu/ skye bo mkhas pa rnams ni sad par bya phyir shar gyur pa/ bag la 6 rab ri bsel ba ye shes snang ba'i mchog sa rnams mtha' dag snang ba phyogs rnams thams cad snang mdzad pa phyag dang zhabs dang dbu ni rab tu phyim zhing tshul khrims dang smon lam dag gis byang chub lam bzang yang dag bsgrubs gyur pa srid pa'i 'gro ba'i dug gi snye ma'i steng du lhung ba yi/ skye dgu rnams la kha na mtho med pa ston mdzad pa/ srid pa rnam pa gsum 'jig pa bcom ldan 'das stobs bcu'i stobs dang ldan pa mi 'jigs pa bzhi mnga' ba dpa' ba dang mthu' nam tho ba med pa mtshan dang dpe byad bzang pos brgyan bas sku brjid pa pha rol tu phyin pa drug dang dka' ba brgya phrag du dam pa'i chos dkon mchog bsgrubs pa brtsal ba tsam gyis sems can mtha' dag gi bsam pa thugs su chud pa/ thams cad mkhyen pa'i 'phags pa nyan thos kyi dge 'dun rab tu zhi ba dang / tshul khrims dang / thos pa dang / ting nge 'dzin dang / bzod pa dang / byams pa dang / sbyangs pa'i yon tan dang ldan pa nyon mongs pa'i rab rib dang ling tog ma lus par bsal ba 'khor ba'i rang bzhin rig pa dang / phyogs phyogs kyi gtsug lag khang dang / kun dga' ra ba dang / ri dang nags 'dab dang / khrad khrod dang / chu dang / ri sul dang / ga shes dang / ne'u gsing dang shing gi grib ma rnam pa sna tshogs la dgyes pa yul dang ljongs du ma la phan gdags pa stsol bar mdzad pa/ yang dag pa'i dran pa dang / ting nge 'dzin dang / dga' ba thob pa las mnyams pa/ phung po lnga spyir skad cig par yang dag par so sor rtog pa'i yid la byed par bskyed pa/ mdo dang / 'dul ba dang / chos mngon pa dang / skyes pa'i rabs dang / gleng gzhi dang / tshigs su bcad pa dang / rtogs pa brjod pa dang / de lta bu byung ba gtan la bab pa'i gtam gyis sems sbyangs pa rang gi lus dang / ngag dang yid kyi 'jug pa dran pa nye bar gnas par rgyu ba dbang po dang stobs dang / byang chub kyi yan lag dang bder ba dang / 'phags pa'i lam dang / dran pa nye bar gzhag pa bsgom pa goms pas dad pa thob pa dang / tshe rabs gzhan na bsag pa'i rnam par smin pas grub pa ji ltar 'byor par nus pa dang 'thun pa'i rtsom pas tshogs bsags pa/ phan yon lnga'i rgyu/ sems can thams cad gnas par byed pa/ 'jig rter pha rol tu bde ba thob par byed pa/ kha dog dang / dri dang / ro dang / reg pa dang ldan pa yid du 'ong ba gya nom pa'i bza' ba dang / bca' ba dang / bldag pa dang / brngub pa dang / gzhib pa la sogs pa zhal zas bsham par bya ba rnam pa sna tshogs zhal zas khyad par can gyis spun 'dren to// de la thog mar bcom ldan 'das shAkya thub pa yongs su rtsa ngan las ma 'das pa'i tshe/ gang dag ye shes kyi mes nyon mongs pa'i shing thams cad ma lus par bsregs pa/ gtong ba'i ngang tshul can gyi sbyin pa'i sa bon 'phel ba'i rgyur gyur pa/ phra ba gzigs pa mkhas pade khon la sgom pa 'di lta ste/ gnas brtan g+ha ra d+h+wa dza bsod snyoms len dang / 'phags pa sgra gcan 'dzin dang / sbyin byed dang / lam bstan pa dang / skyed bong dang / gser be'u dang / rtogs byed dang / rdo rje can gyi bu dang / 'phags pa bsrung ba'i klu dang / klu sde la sogs pa slob ma bstan pa gnas par bya ba'i phyir/ gnod par gyur kyang lus kyi khur khyer ba rnams dang / gzhan yang gang dag sum cu rtsa gsum pa'i skye ba la phan pa'i phyir/ gser gyi rdo leb chen po'i steng na 'dug pa'i rig sngags 'chang ma klu len pas glang po che yur ba bung ba'i pazlal 'dzab cing 'khod pa'i ma mdang ka'i rdzing gi chu dang ldan zhing / yal ga gsal ba'i steng na rin po che'i me tog gi 'phreng ba bres pa'i shing yongs su 'dus kyis kun tu mdzes par byas pa'i ri lhun po 'bab chu 'bab pa'i sa gzhi la 'khod pa rnams dang yang gang dag/ gser gyi rked nas bsil ba'i chu 'bang la// chu la zla ba'i gzugs brnyan 'byung 'gyur zhing // zla ba'i 'od kyis ku mud kha phye ste/ ku mudata tshal na skad snyan ngang pa gnas// dang mo mche'u na skra skad snyan pa 'byin// mtsho ngogs rma bya dgar bcas rgyags pa gnas// rma bya rgyags sgras ri sul snyan pa grags// ri sul ya la ga glags pas ri rtse 'khris// ri rtse stong rnams na ni sprin chags la// lang ling sprin gyi smin shong khra khro snang // sman shong skyes pa'i nor bu ldum du gsal// ldum bu las brul lhung ba'i me tog ldan// me tog rgyas pa'i dpag bsam shing tshal mdzes// mdzes pa'i lha mos gser gyi phag skad drud// gser gyi phag ska'i sgras ni bya 'drogs shing // byas chos shing thog rtsa las chad cing brul// rtsa 'phyang khu ba zag pa spos kyi dri// spos glang dbang po 'dreg zag dri rab zhim// dri rab zhim pa'i li shi ri 'khor mang // bal glang mo rgyags drag 'gro lang long gyur// bung ba'i khyu yis me tog zegs gyur cing // yal ga me tog rgyas pas gad pa dkar// shad 'chad pas nor bu'i dum bu snang // me tog mgo ldog thul bas rnam par bkra// nor bu sil ma mang pos ri zhol spras// me tog zegs pa'i shing gi yal gar gnas pa'i bung ba dga' bas 'phung rnams dang / zla ba 'deg ze dkar po ngang pa lta bus nye 'khor rdo ba chag chag btag// lhun po mtho ba'i mi 'jug/ pa gang dag rab tu zhi ba'i thugs kyis zhugs// dri dag dri med zla 'dra'i grag ldan 'di yi sbyin pa'i gnas la sten du gsol// rgya mtsho nye ba'i chu 'gram ri 'o ma la yA'i/ ringos tam la sbal mig 'thon pa yi 'brang ba can// sbrul ma 'khris pa tsan dan shing gi nags tshal na// bstan pa gang dag bzhugs par gyur pa de dag dang // nyi ma'i shing rta'i rtsig pas rno bcag cing // mi 'am ci mi phrugs kyi nyams dga' ba// ri sul mthon po dpag bsam nags mang dang // ri bka' rnams na gang dag bzhugs pa dang // shing gi me tog 'phrul bas dri zhim byas pa'i ser bu dad ldang zhim// nags na glang po dregs pa zags pas bsgom pa'i rin chen 'khri shing khyim// khyim la chags pa med pas bsten pa'i bsod nams chu grong gi/ gnya' shing 'dzin ri bya rgyags khyug gan pa na gang dag bzhugs pa dang / bal glang mo snyogs snang ba ro zo'i tshal// me tog ldan zhing ser bu ngad ldan pa// sa h+ya ri be ngo ngos yangs ba la// yongs dag thugs mnga' thub pa bzhugs dgu dang // pad+ma ut+pal rgyas pa 'byung ba'i gnas// nyin re nyi ma'i shing rtas rdo snad can// srid pa'i 'jigs bral rab tu yid 'ong ba// 'char ba'i ri steng gang dag bzhugs pa dang // ri yi rtse mos sngo sangs sprin thal sman ljongs can// dogs ldan chu bo na ra ma das na sul krus/ glang po che yi mche ba snyoms pas phyogs grogs pa yi ri// 'bigs byed rma bya rgyags gnas pa na bzhugs dgu dang // sna tshogs 'byung khung tshon gyi sa la bsgyur phug dang ldan zhing sprin kyang chags gyur la// ko lpags ldan pa gtsang ma'i chu yis ngogs kyis rdo ba mang po bkrus gyur cing // ngos la ba glang mjug ma mang po 'phyang zhing glog 'gyus snang byas pa// yongs 'dus ri rtse phrog na gcig pu sred dang bral ba gang dag bzhugs pa dang // yang gang dag shing dang 'khri shing rnam pa mang po 'dab chags par gnas pa/ ne'u gsing 'jam zhing sngo ba'i steng na rma bya'i khyu gar byed cing sgra snyan pa 'byin pa ri dgas kyi tshogs bag yangs su gnas pa'i sos bcad pa'i rtsa'i byu gu yod pa me tog gi dri zhim pos bsgos pas bser bu 'jam zhing bsil ba'i dad ldang ba'i nags 'dab rnams su gnas bcas te bzhugs pa rnams dang yang gang dag dus su rlabs 'byung ba'i chu'i dba'i rlabs kyis g.yengs pa'i na le sham dang / li shi dang la pa li'i 'bras bu sngon po mang po 'grigs pa'i tsan dan dang / a ka ru'i shing khrod na gnas pa'i sbrul mgo gdengs ka gdengs shing 'jigs su rung ba yod pa glang po che dregs pa dang bcas pa'i snas byu ru'i sdong 'u bsgyel ba dang ldan zhing / nyi ma'i 'od zer gyis reg pa'i dbang gis mu tig gis yod pa'i sa phyis 'bye ba'i log pas rnam par spras pa/ nye bar bral ba dang ldan pa/ nor mchog gis la grub pa'i chung ma'i skye bo gnas shing bya ba'i khyu dga' ste sgra 'byin bas glu len pa lta bu yod pa'i rgya mtsho'i gling dag na klu'i bdag pos lus chen pos sku dkris te/ gdengs ka'i gdugs kyis nyi ma'i 'od zer bsgribs shing bsam gtan mdzad pa rnams dang sman ljongs dag na phyogs kyi glang chen brang gis rdo ba khebs pa'i khyu 'khod cing 'khor bcas lan cig ma yin ro// ba'i gnod sbyin mo dag gnas gyur la// klu yi rgyal po mgo bos bstod de kha nas 'od 'bar 'byung bas shing 'bar shing // gangs ri te sa la ni blo gtsang gang dag zhal ton mdzad cing bzhugs pa dang // rgya mtsho'i rlabs kyis bshal ba'o ri 'gab ldan pa ma smad pa// ri bo man+dA ra la nyini byed tshun chad bzhugs// bzhugs shing cim phyed par 'gyur nas gang dag gzhan du bzhugs ba'i phyir// nor bus rtse mo bkram pa'i khor yug ri la sten pa dang // gang dag 'dri shing gzhon nus rdo bas khebs gyur pa'i// dbang chen rtse mo yid du 'ong bar bder gnas te// mkha' lding shugs kyis nang du klu rnams krugs pa yi// rgya mtsho ron chen gnas pa gzigs pa dang // ngang pa'i tshogs can shin tu gtsang ba drag 'bab can gyi chu yis ri bgab bkrus gyur cing / phyogs kyi glang pos bsgyel ba'i sa la ka yis rdo ba chen po 'khebs gyur la// gcan gzan dbang po ral pa 'khyil cing gsal bas dpung ba'i phyogs 'bar nyal bas gang gyur cing // sbal mig 'thon pa'i lcug mas 'khor ba grub pa ngal sos ri bo kron dzar gang gshegs dang / gang dag mun bsal khyad par can gyi blos/ shing ljon sna tshogs me tog/ rgyas gyur cing // ri dgas rgyu bas me'u gsing gzhon bsnad pa// gzi rdo nags rnams mi spong bzhugs pa dang // yang gang dag nub kyi ba lang spyod dang // shar gyi lus 'phags dang / dbyang gi sgra mi sun dang // gling gzhan dag na skyes pa'i lcug phran mdog sum zhing sngo la 'jam par mang pos sa gzhi kun tu khebs pa shing gi grib ma'i dkyil 'khor bsil ba dang 'chi shing gis 'khor cing ri dgas mang po gnas pa'i nags tshal de dang de dag na bzhugs pa rnams dang yul dar dang / gan da ra dang / gu zan dang / li dang / shi rig dang / bag ler bru sha dang / kha che dang / rgya yul dang / grong khyer zas 'dra dang / rdo 'jog zas 'dra dang / skyes pa'i grong khyer dang / phyogs mtshams dang kun ti ma la ba dang / srung byed dang / grong khyer dang / tsa tu ga dang / tsa ta dang / b+ha ru kad tsa dang / ko'u sham+bi dang / ser skya'i gnas dang mnyan yod dang mi thub pa dang grong khyer me tog dang ti ra dang / bcom parlag dang / grong khyer longs spyod dang / tsam pa dang / rgyal po'i khab dang dbang po'i brag phug dang / 'brog dang / ko'u na'i grong dang / kun dga'i grong dang / mchod rten gyi grong dang / 'khrul bcug gi grong dang / rnam par rgyal ba'i grong dang / yangs pa li dang / kha ra'i shing 'phel ba dang / 'phel byed dang / zangs kyis g.yogs dang / sngo sngogs 'dzin dang / ko sa la dang / in dra dang ka ling ga dang bar ba ra dang / ya na'i gling dang / sing ka la'i thob byer dang / gser gyi sa dang / ha ri ke la dang ba ro sha ka ta ha dang / mal ke ra dang / ba ne sa'i gling dang / shur pa ra dang / nim pa'i grong khyer dang / dpal gyi zhing dang / dngul chu'i gnas la sogs pa yul dang / cha byad dang / skad dang / gnas pa dang / cho ga dang / rigs dang / rus dang // tshul khrims dang / tshul khrims can du ma'i yul mi gnas pa'i yul gzhan dag na bzhugs pa rnams dang / gang dag sngon chad nyi zla'i 'od kyis// ma phog cing // she sha sbrul gyi lus kyi 'obs nas ri yi drung // de yi gtsug gi rin gi rin chen 'od kyis mun bsal ba'i// sa 'og tu ni ring por ma thogs shegs gyur dang // gang dag chu ltar sa la thogs med khye'u zul mdzad pa dang // gang dag sar gnas phyag gi rtse mos zla ba reg mdzad dang // gang dag bya ltar nam mkha' la ni shugs kyis rgyu mdzad cing // na bza' mtha' mas sprin mthar reg pas sprin ling 'jig mdzad dang // gang dag lha dang / klu dang / grub pa dang 'khor ba dang / tshogs rnams kyis rtag mchod pa'i// ri 'jig med dang / bung ba'i ri dang / rgyal bu rgyal byed kyi tshal dang / shar gyi ri bo dang / nub kyi ri bo dang / shi ri kun ba ta dang kun+da so ma dang ta ma sa'i tshal dang bsil tshal dang / lhas sbrul dang / 'jigs med ri dang / nags tshal chen po dang / tsher ma can gyi nags tshal dang byams pa'i ri dang chu srin gyis gsod cing kyi dang / ri nag po dang / gnas kyi ri dang / ser skya'i ri dang / me tog dang / ri dang tsan dan ri dang / klu'i po ri dang / tsan dan ri bo dang / tsher ma'i ri bo dang / lha yul 'bas dang / a nga sim d+ha dang / kun dga' stong ldan dang / ri bo'i rgyal mtshan dang / bzhi bkrus dang rang rig mtsho rten dang sa lu spungs ldan dang pho brang 'khor dpal yon can dang / bya rgod kyi phung po dang / ri dgas kyi nags dang ka sho da dang gtsug lag khang gsar ka ni sa ka sha hi la sogs pa cho 'phrul rmad du byung ba sna tshogs dang ldan pa rnams dang / dang ma ra dzi ka'i mchod rten du ma dang / sangs rgyas bzhi'i gdan khri yod pa bsod nams su 'gyur ba'i sa phyogs rgyun mi 'chad par klog pa dang / kha ton dang / bsam gtan dang / ting nge 'dzin dang / snyoms par 'jug pa dang / tshul bzhin yid la byed pas 'jug pa dag pa'i dgra bcom pa rnams bzhugs bzhugs pa/ chos gos dang / bsod snyoms dang / mal cha dang / na ba'i gsos sman yo byad dang / 'tshog chas rnams kyis legs par byas pa mtha' mthar ma chu'i gnas yod pa la nye bar spyod pas nyams dga' ba/ bde bar gshegs pa'i zhabs kyis bcags pas gtsang bar gyur pa'i sa gzhi can zhi ba thub pa'i skye bo gnas pa rnams la de kho na bsgoms pas yid kyi ting nge 'dzin bskyed pa/ tshe'i lhag ma gnas par mdzad pa rnams dang / gang dag glog 'gyu bya gar dag gis sku lus bkra byes sprin sdum 'drar gyur nas// bkres pa'i sdug bsngal snod gyur mda' rtse rnon po lta bu'i spu yis rab gang zhing // skom pas mig zhu me stag bcas pa'i me rnams kyis ni kun nas lus bskor ba'i// yi dgas gnam du lta ba rnams la thugs rjes steng nas char gyi rgyan 'bebs dang // rin chen bye ma'i 'phreng ba gya gyur dkrigs mtho la// dang khyubag yangs gnas shing lang long hal gyur cing // chu dang nye bar chu yi zer mas bsil gyur pa/ ma na sa yi mtsho gling bsam gtan mdzad dgu dang // gang dag mi ro mang po'i sha dang khrag gi ro brobs dga' bar gyur pa'i bya khwa'i tshogs kyis gang gyur pa'i sa phyogs mgo'i thod pags nas tshil thigs thigs zag pa'i snum gyis mched pa'i mes tshig cing rang gi me lces shing gcer pa bskams shing rnyis pa lag pa dang / rkang pa dang / so dang skra'i dum grugs kyis gang zhing zla ba dri ma med pa'i 'od lta bu'i keng rus kyi phung po yod la skad cig tu ro langs byung nas a la la a la zhes sgra 'byin cing / me stag dang bcas pa'i gad mo drag pos 'byung po 'khrugs shing skrag par gyur pa/ ce spyang me shis pa'i kha nas du ba dang bcas pa'i me lce 'byung ba'i dur khrod chen po dag na bud med kyi ro spos shing lto lgang nger gyur pa'i steng na 'dug cing dga' ba'i bya rgod kyi mchu dang sder mos brad cing lto'i nang na srin bu'i rigs rnams gnas pa/ ce spyang gi stobs kyi shugs kyis drangs pa'i nang khrol dri mi zhim pa'i dum bus 'khor la bya khra bkres pas mig gi sha brus pa dag la gzigs shing rtag tu mi sdug pa bsgoms te gang dag kha cig ro yi gnas mal dong nas ni// khrag dang sa chags dmar zhing rtsub pa'i sgra 'khyil dang // bya yi mchu dang sder mos mig rgo brus par yang // mi ro bror ba lus la gzigs par gyur pa dang // sgo dang srang bar la/ lar me 'bar me lce'i rtsem mang pos mgo rmongs shing // ral gri gtun dang rdobs bsnun cing brdungs nas skye bo khu co 'don gyur la// gshin rje'i pho nya snying brtse med pa sdod cig zer ba'i bzod rlag sgras gang ba'i// sems can dmyal ba rnams su'ang srog chags don phyir gang dag skad cig 'jug pa dang / gzhan yang sha ba ri mi'i dug mangs glang po che 'khrugs pa'i/ mdun logs na yal ga bregs pa'i sdong bu yod pa phyogs kyi bar nas rlung chen po langs pas 'od ma'i tshal bskyod nas 'khri shing gi dra ba dang 'jud pa las me byung ba'i me lces shing mchog sna tshogs tshig nas ri dgas dang phag rgod mchog mgyogs pa brgya dge skrag cing mgo rmongs pa yod pa shing lo mang po lhags shing rnyis pa can/ bsil ba'i grib ma sang seng med pa nyams dga' ba'i longs spyod yod pa/ nags kyi ma he dang phag rgod kyi me tog ut+pa la dang / pad+ma dang / ka ha ra bskyod pas chu dri zhim por gyur pa'i mtshe'u 'gram na shing la spre'u khyu gnas pa/ nye 'khor gyi ri las chu rlabs mi drag par 'bab pas 'khor nas ne'u gsing mod pa'i sa gzhi yod pa'i 'brog dag na/ zhi ba'i bdag nyid can/ 'chag pa dang / klog pa dang kha ton dang bsam gtan la mngon par brtson pa gang dag bag med pa'i gnas dang la bab pa yal bar mdzad pa rnams dang / ri bo'i rdo leb che zhing yangs la rab tu sdum pa 'dra gur cing // glog gi 'phreng bar mi rtogs yod la 'jar yis bkra ba'i bdag nyid can// chu bsil sprin chags rnams la chu 'bab zer phran chags pa'i ji ldan spyan bser bus na bza' g.yo ba gang dag nyi ma'i gung la bzhugs pa dang // de bzhin du rtag tu goms pa'i lam nas 'dong ba'i glang po'i khyu'i rmig rjes yod pa ga nags kyi ma he 'khrugs pa'i rwas grog 'khar chen po bshig pa'i shol gyi khung bu nas sbrul gyis lus phyed phyung ste/ nags kyi rlung 'gam pa yod pa snga tshal stug po dang / 'dam bu dang / shing / ka sha stug po'i khrod na/ stag zung du gnas pa can phag rgod kyi snas grogs pa'i glang sgang gi rtse ba 'dzings pa ral pa lter 'dug pa yod pa/ shing ni tsu lo'i me tog brul bas rdo ba rtswa dmar bar gyur pa yod pa/ gshong gi phyogs su ri dgas kyi khyu 'dam rdzab thogs pa yod pa shing lo dri sngon po stug por skyes pa mang po yod pa'i gsher sa'i chu dgur dag tu mngon par dgyes shing dge ba'i phyogs ston pa rnams dang rin po che'i 'od zer gyi chu rtsa dmar bar gyur la/ thugs bsam gtan la zhen pas dpag bsam gyi shing gi lcug ma'i rtse mos reg pa'i ri spos kyi ngang ldang gi sul na rtsol ba med pa gang dag bzhugs pa dang gang dag seng ge bsgyings pa yod pa ri dgas rgyu ba dang ldan pa dang / chu 'dus te 'bad pa yod pa/ g.yos pas steng gi rtse mo ldem pa'i sngangs kyis skar ma'i tshogs 'phags pa/ sa'i steng na lci ba lhun po lcug phran la la bya bzhin du bsgrimi mi dgos par zhabs kyi sor mo sa'i 'og gi rmang dang bcas par 'phen pa dag dang / ting nge 'dzin thob pa gang dag char pa'i chus rdol ba'i bug du ma nas nyi ma'i 'od zer byung ba/ zla ba la bu yod cing rmang rdo dang rtsig ngos shag shig tu gyur pa'i mtshams su brgya chags la/ sbrul gsob rlung gis gang ste/ lgang nger 'dug pa'i 'phreng ba rtag tu yod cing / nags kyi ri dgas kyi lces tsha sgo rdul can rtsub po bldags pas/ shing rtsa sang seng du gyur pa yod la/ rmig rmang du srin bu go de'i tshogs ring nas gnas par gyur cing / sre mo mgo bstod de phyogs su lta bas byi ba skrag pa yod la/ nang du rtswa sngon po stug po skyes pa'i 'jig pa'i drung gi gseb na bye ma leb rgyu ba yod cing / 'ug pa mang po sgra 'byin cing glu len pa lta bu yod pa'i grong stong sus kyang ting nge 'dzin ma byas pa rnams na/ ston pa'i bka' nan gyis bsgrub pa rnams dang / gzhan yang gang dag/ galag gi rmig pas rdo bcag yod cing sprim glengs ldan gyur la// mtha' mar sa ral dang thang shing skyes la chu bsil mi lebs 'dab yod cing // bsam gtan zhen pa'i glos na kha babab pas chos gos lci zhing zag gyur kyang // gangs ri dag gi ldong na 'gro ba shing gi drung du bzhugs par dgyes pa dang // nang na chu srin 'khrugs te g.yos pas nya rnams kun 'byer zhing // skom pas nyam chung gyur pa'i sprin btung kha yis chu 'thung la// gshong du 'khyil bar spu la dbugs phyung bas dba' rlabs rgyun 'chad pa'i// rgya mtsho la yang mtshan mo brtan pa gang dag 'chag mdzad pa// snod gyur bdag nyid thugs ldan gtsang ma'i lhung bzed phyag bsdams shing / bsod nams ldan pa'i sku lus na bza' chos gos rab g.yo ba// de dag sang gi gdugs ni gnam gyi gung du phyin pa na/ kaN+DI brdungs pa'i sgra snyan skad gsang grags pa'i tshe// bstan bcos/ sna tshogs kyi de kho na goms pa'i chu blugs pas mi shes pa'i sems kyi dri ma bkrus pa'i khams pa'i tshogs 'dus pa/ nyi ma shin tu mang po dang nas 'dres pa'i srid pa'i spros pa bcad pa bde bar gshegs pa'i gsung rab rin po che'i sbom du gyur pa/ dge ba'i chos bdud rtsi'i btung ba'i gzhi bro ye shes kyi gser ma rtogs pa bdar ba'i brdar rdo sngon por gyur pa legs par spyad pa stong gi tshogs bsags pas grags pa/ rgya che ba dang ldan pa/ sbyin bdag chen po bdag nyid chen po can ston gyi nam thang ba lta bu'i yid dang ldan pa ming 'di zhes bya ba 'di'i gan du/ ma he'i rwa ltar sngo zhing dri med mkha' las 'thung // gzi brjid kyis ni nyi ma'i 'od stong 'bor zhing mngon du rdzogs nas 'ong ba'i sprin ni dral nas su// skye bo phan phyir thub rnams sang 'dir gshegs su gsol// rgyun mi 'chad par ting nge 'dzin dang / klog pa dang / 'chang ba dang skye bo bla ma la sten par mngon du dga' ba'i blo gros dang ldan pa/ mya ngan las 'das pa'i lam gyi rjes su 'thun pa'i kha na ma tho ba med pa'i rig pa gsum rab tu sgrub pa/ nyon mongs pa las grol bar 'dod pa'i dge slong gang dag 'di na gnas pa/ 'dul ba'i cho ga la/ goms pa/ lus dang / ngag dang / mid kyi 'jug pa zhi ba dang ldan pa de dag kyang ma lus par ci bder do mod kyi mtshan mo zad par mdzod la 'di nyid du gnas par mdzod cig/ thub pa'i sras mo shes rab zhi dang dul bas brgyan pa'i dge slong ma// tha dad gling dang klu dang nags dang ring gnas spros pa'i bsam bral zhing // 'dod chags zhe sdang gti mug dri bral mchod 'os 'gro ba'i ma lta bu// de dag dgyes par mdzod la sbyin pa dag par bzhed pas sang 'dir spyon// phyag na rdo rje la sogs la gnod sbyin gtso bo dang // grub pa rnams dang gang dag lha ma yin dang klu rnams dang // sangs rgyas la ni rab tu dad pa'i lha mchog gang yin pa// de dag rnams kyang sbyin bdag 'di la phan phyir sang spyon cig/ lha dang / klu dang gnod sbyin dang / rig sngags 'chang dang / grub pa dang me 'am ci dang / nam mkha' lding la sogs pa 'byung po chen po rnams dang / stobs bcu mngara' ba'i bstan pa'i yon tan sgrub pa dang ldan pa rnams kyis kyang dam pa'i chos gnas par bya ba dang / sbyin bdag chen po bdag nyid che ba 'di snod bzang po la sbyar ba dang / sbyin pa chen po 'di la grogs bgyi bas/ nyid kyi dge ba'i yon tan bskyed pa la nan tan mdzod cig/ rgyun mi 'chad par bsrung ba dang / bskyab pa la brtson par mdzod cig/ yang dul ba dang / tshul khrim dang / thos pas shin tu che ba'i 'phags pa'i dge slong gi dge 'dun 'dus pa la ga sol ba 'tshal lo// lhun po las byung sbrul mgo lnga 'dra rdo rje ka na ka/ nya dang gdugs dang 'khor lo dag dang lcags kyu'i mtshan mnga' ba// pad+ma gser gyi dpal ldan phyag sor dra ba srab mos 'brel// sen mo 'od kyis khyab pa rgyal ba'i phyag gis bskyab par shog/ srid pa'i 'dod/ chags nyon mongs zhags pa bsal cing sred med la// chu yi chu gtor lta bur yon tan rnams kyi gnas gcig po// thub pa'i sras mchog dge 'dun bdag gis gus pa spyan drangs pas/ de ring dge ba gang bsags des ni byang chub thob gyur cig/ ji srid mkha' la 'od dro 'od kyis gsal ba rnam par snang byed cing // ri dgas rtags can 'od kyi rags pa'i dkyil 'khor ldan la 'char ba dang / rgya mtsho rgyas par gnas pa de srid lha dang lha min phyag byas pa'i// bde bar gshegs kyi bstan pa thogs pa med pa sa la gnas par shog/ gnas brtan spyan drangs pa rdzogs so// / A tsar+ya dzi na mi tra dang / ban+de ye shes sdes bsgyur te gtan la phab pa//