བོད་ཡིག

e-texts produced with BDRC’s OCR application

zhu chen gyi lo tsa ba dge slong 'gos chos grub kyis rgya'i dpe las bsgyur cing zhus te gtan la phab pa'o// // 'phags pa rgyal bu don grub kyi mdo// 'di skad bdag gis thos pa dus gcig na bcom ldan 'das mnyan du yod pa na rgyal bu 'dze ta'i tshal mgon med zas sbyin gyi kun dga' ra ba nu/ dge slong dang / dge slong ma dang / dge bsnyen pa dang / dge bsnyen ma grangs med pa dang thabs cig tu bzhugs so// de'i tshe bcom ldan 'das 'dzum pa mdzad nas/ zhal gyi sgo nas 'od zer kha dog sna lnga dang ldan pa bkye ba dang / tshe dang ldan pa kun dga' bo stan las langs te/ gos tshigs bcos nas thal mo sbyar te/ bcom ldan 'das la 'di skad ces gsol to// bdag gis sangs rgyas kyi zhabs 'bring lo nyi shu bgyis kyis bar du/ de 'dra bar bzhad pa ma mthong na/ bcom ldan 'das kyis sangs rgyas sngon 'das pa 'am/ ma byon pa 'am/ da ltar bzhugs pa'i sangs rgyas dgongs sam/ de ma lags pa la dgongs pa don bstan du gsolabacom ldan 'das kyis/ kun dga' bo la bkar/ stsal pa/ sangs rgyas 'das pa 'am/ ma 'ongs pa 'amad ltar bzhugs pa la dgongs pa ma yin gyimangon par dran pa nga sngon bskal pa grangs med pa'i pha rol na sbyin pa byin pa'i dngos po la dgongs te/ de'i tshe de'i dus na yul ya ba zhes bya bar rgyal po dge ba zhes bya ba drang po'i chos kyis yul gyi srid 'dzin te/ 'gro ba mang po skyong ba zhig byung ngo // rgyal po de la blon po ni bzhi stong zhig yod de/ rgyal phran drug cul dbang bskur ro// grong khyer chen po brgyad brgya dang / bal gyi glang po che lnga brgya yod de ga rgyal po la btsun mo nyi khri yod kyang / sras mi mnga' bas ri dang klung gi lha gnyan po la mchod 'brang byas nas/ btsun mo dam pa la sras mnga' bar gyur te/ btsun mo'i mal cha dang / zas dang / skom la sogs pa yo byad gdam zhing bzang por sbyar nas/ rgyal po nyid kyis rim gro byas te zla ba bcur tshang nas/ rgyal bu gcig bcas so// pho brang gi btsun mo nyi'i snyed kyang rgyal bu zhig btsas zhes thos nas thams cad dga' mgu rangs te/ nu zho'ang rang byung bas/ rgyal bu'i mtshan yang don grub ces btags so// rgyal bu la nu zho bsnun cing rim gro byed pa bzhi zhig bskos te/ gcig ni nu zho bsnun pa'i las byed/ gcig ni rgyal bu pang du khyer bar bskos/ gcig ni rgyal bu bkru ba'i las byed par bskos gcig ni rgyal bu rtser 'gro ba'i las su bskos so// de ltar bskos nas/ rgyal bu lo bcu drug lon pa dang / yig rtsis dang / 'phong rtsal dang / bzo dpyad dang / rol mo la sog/ pa gang yang mi shes pa med de/ thams cad kyang lobs/ rgyal po yab dang yum la yang lha btsun 'dra bar rim gro byed do// rgyal pos kyang rgyal bu'i pho brang logs shig tu brtsigs/ so// rgyal bu de chung nas sbyin pa la dga' nas/ mi la sogs te ri dwags dang / 'dab chags bya'i bar du sems can thams cad bde zhing skyid par dga' ste/ tshig tu yang gang mi shis/ pa gti mug can ni sbyin pa la mi dga' bas/ bdag gis bdag bslus te/ phan pa'i don med kyi/ mkhas pa shes rab can ni/ 'jig rten gnas kyang sbyin pa la yon tan cher mthong / ste/ sbyin pa byin pas snga ma 'das pa dang / ma byon pa dang / da ltar bzhugs pa'i sangs rgyas dang / rang sangs rgyas dang / 'phags pa dgra bcom pa thams cad kyis bstod cing bsngags par 'gyur ro zhes smras so// rgyal bu bags kyis cher skyes nas/ rgyal po zhig gi bu mo man te zhes bya ba mngar byad bzang la sdug pa/ dpe zla med pa/ gser dang / dngul dang / biDUr+ya dang / rin po che sna tshogs kyi rgyan brgyan pa gcig btsun mor blangs nas/ bu mi sring gnyis shig yod par gyur to// de nas rgyal bu de sbyin pa'i pha rol du phyin dra'i don sems pa la zhugs nas/ yab rgyal po la bdag ni rtse zhing ltar mchi zhes gsol pa dang / rgyal pos kyang de bzhin du gnang ngo // de nas rgyal bu pho brang nas byung ba dang / brgya byin lha'i dbang pos grong khyer gyi sgo lam srang dag na/ dbul 'phongs pa/ long ba/ 'on pa/ lkugs pa'i slong mo pa dag cig sprul nas sdod du bcug go/ rgyal bus de dag mthong ba dang / de ma thag tu phyir log nas pho brang du zhugs te/ mya ngan chen pos non nas/ mi dga' zhing 'dug pa la/ yab rgyal pos sras rgyal bu la 'di skad ces bsgo'o// rtse zhing ltad mo ltar btang na/ ci'i phyir mi dga' zhing mya ngan byed par gyur ces dris pa dang / rgyal bus/ yab rgyal po la 'di skad ces gsol to// bdag rtse zhing ltad mo bltar mchis pa las/ slongs mo pa long ba/ 'on pa/ lkugs pa mang po dang mjal bas mya ngan gyis non par gyur te/ nga yab rgyal po la gsol ba rnam pa gcig gsol na/ rgyal pos gnang ngam/ yang rgyal pos kyang rgyal bu khyod ci dang ci 'dod pa smos shig dang gnang bar bya'o zhes bsgo ba dang / rgyal bus yab rgyal po la 'di skad ces gsol to// bdag ni yab rgyal po la mnga' ba'i bang mdzod na rin po che mchis pa rnams grong khyer gyi sgo bzhi dang tshong dus su spungs te/ slongs mo pa thams cad la yid dang mi 'gal bar sbyin pa bgyid par 'tshal lo zhes gsol pa dang / rgyal pos sras rgyal bu khyod ci dang ci dga' ba yid dang mi 'gal bar gnang ngo zhes bsgo'o// de nas rgyal bus blon po rnams la bsgo nas nor dbyig rin po che'i rnams shing rtas bskyas te/ grong byer// gyi sgo bzhi dang tshong dus su spungs nas pha rol po 'dod pa bzhin sbyin pa byin pa dang / yul khams phyogs brgyad kun tu rgyal bu'i yon tan grags par gyur pas/ kha cig ni dpag chad brgya/ kha cig ni dpag tshad stong / kha cig ni dpag tshad khri'i pha rol nas lhags te/ kha zas dang skom 'dod pa la ni zas skom byin/ gang gos dang bgo ba 'dod pa la ni gos dang bgo ba byin gang gser dang / dngul dang / rin po che 'dod pa la yang ci 'dod pa bzhin yid dang mi 'gal bar gang yang mi gtong ba med do// de'i tshe de'i dus na dgra zlar gyur pa'i rgyal khams gcig cig yod pa des rgyal bu sbyin pa byin pa la dga' bas/ pha rol po ci 'dod pa bzhin yid dang mi 'gal bar yongs su gtong ngo zhes thos nas blon po rnams dang / mkhas pa blo dang ldan pa kun la sogs pa bsdus te/ 'di skad ces 'gros so// yul ya ba'i rgyal po la bal gyi glang po che pad+mo'i steng nas 'gro ba su ta ya zhes bya ba stobs dang ldan pa zhig yod de/ de dag na ma ngagra/ zla'i rgyal khams gzhan dang 'thab pa'i tshe/ bal gyi glang po che des rtag tu rgyal bar gyur pas na/ khyed las su zhig der song ste/ slong bar nus zhes bgros na/ blon po las gang yang 'gro nus pa ma byung ngo // de'i nang na bram ze mi brgyad cig gis rgyal po la 'di skad ces gsol to// bdag cag gis slong zhing mchi bar 'tshal na/ bdag cag gi tshogs dang brgyags sbyor cig ces gsol pa dang / rgyal pos de'i tshogs dang brgyags sbyar nas/ bram ze la 'di skad ces bsgo'o// gal te khyed kyis bal glang de khugs de 'ongs na/ bya dga' cher sbyin no zhes gtsigs byas so// de nas bram ze brgyad pos 'khar ba thogs te/ la lung bgrod nas yul ya ba gang na ba der song ngo // yul der phyin nas/ rgyal po'i sgor 'khar ba la skom tshugs bcas te/ rkang pa ya gcig gis 'greng zhing sdod do// de nas rgyal bu'i sgo srungs pho brang nang du song nas/ phyi rol na bram ze dag cig lhags te/ 'khar ba la skom tshugs bcas nas rkang pa ya gcig gis 'greng zhing sdod de/ bdag cag ni lam ring po nas ched du 'dir spong du 'ongs so zhes mchi'o// rgyal bus de skad ces smras pa thos nas rab tu dga' ste/ mod la phyi rol du byung nas bsus te phyag byas so// dper na pa dang bu phrad pa tsam du gcig la gcig gis spro ba'i tshig gis khyed gang phyogs nas 'ongs// lam du nyon ma mongs sam/ ci 'dod ni srong na rkang pa la gcig gis 'greng snying rjes so// bram ze brgyad pos rgyas pa bdag cag ni rgyal bu cod rgyun pa byin pa la rab tu dag rol po ci slong yang yid dang 'gal bar mi mdzad do zhes rgyal bu'i yon tan phyogs mtshams brgyad dang / yar ni steng gi gnam la thug/ mar ni sa'i mthil la thug pa man chad du grags pas ni/ khyod kyis sbyin pa'i yon tan ni bsam gyis mi khyab ste/ nye ring thams cad kyis bstod cing bsgrags pas/ gang yang ma thos pa 'am mi shes pa med de/ kun gyis brjod pa gang yang ma yin la/ da lta'i sras su gyur pas na/ lha ni ci smra yang brdzun pa ma yin te/ nga rgyal bus sbyin pa mi mdzad na bdag cag yid dang 'gal bar mdzod dam/ bdag cag ni rgyal bu las me tog pad+mo'i steng nas 'gro ba bal gyi glang po che slong du 'ongs so zhes smras pa dang / rgyal bus de dag bal glang gi lhas su khrid de/ bal gyi glang gzhan zhig byin no// bram ze brgyad pos smras pa/ bdag cag ni pad+mo'i steng nas 'gro ba'i ngal gyi glang po che su drA ya ni 'dod do// rgyal bus smras pa/ bal gyi glang po che 'don bdag gi yab rgyal po la gces shing gnang ba yin te/ bal glang 'di dang bdag tu tha mi dad par dgongs pas/ khyed la sbyin du mi rung ngo // gal nyi bdag gis khyed la byin na rgyal po'i dgongs pa dang 'gal bas/ gal te bal glang 'di'i rkyen gyis bdag yul 'di nas skrod par 'gyur ro zhes smras nas/ rgyal bu yang 'di snyam du bsams so// bdag sngon gyi dam bcas pa na/ pha rol po ci srong yang yid dang mi 'gal bar bya'o zhes dam bcas na/ da bdag gis sngar bsams pa las 'azlog ste/ sbyin pa 'di ma byin na ji ltar yang bla na med pa mnyam snyoms pa'i sbyin pa'i pha rol tu phyin pa rdzogs par 'gyur/ gal te sbyin pa 'di byin na/ bla na med mnyam snyoms pa'i skyon sems su 'gyur ro// snyam bsams nas/ rgyal bus 'di skad ces smras so// shin tu dka' ste de bzhin du sbyin par bya'o zhes smras nas/ drung na 'dug pa'i g.yog la bal gyi glang po che la gas rang / gyi rnam pa sad de/ myur du shog cig ces 'asgo pa dang / bal gyung khrid de 'ongs nas/ rgyal bus lag pa g.yon pas ni chu'i sdod thogs te/ bram ze'i lag pa bkrus/ byug pa gsas bas na dral blang gi wa~M thag nas bzung de/ bram ze brgyad po la byin pa dang / bram ze ba rgyad pos nu 'phrul smon lam gakhri'o// sngon+ya lam btab ma jug d+ha/ bal gyi mang po thugs te/ dga' bzhin phung // de nas rgyal bus/ bram ze de dag la yang 'di skad ces bsko'o// khyeng bung dun phyogs par song shis// gal se la ba rgyal khrim pas gyi bya/ ma gtang ste 'phrog tu 'ong ngo zhes bsgo ba dang / de'i tshe bram ze de dag gis de ma thag tu mgyogs su dong ngo // blon po rnams kyis rgyal bus bal gyi glang po che dgra zla la byin no zhes thos nas tham cad skrag ste/ khri las dbab tu lhung nas mya ngan gyis non te/ 'di snyab du yul 'di ni/ bal glang 'di la bltas na dgra zla gzhan la byin par gyur to snyam du bsams nas/ rgyal po ga la ba der song ste/ 'di skad ces gsol to// rgyal bus ni phyi'i dgra thub pa la glang rin chen pha rol gyi dgra zla la byin no zhes gsol pa dang / rgyal po yab yod yed por gyur pa las/ blon pos yang 'di skad ces gsol to// da ltar rgyal po la bal gyi glang po che 'di mnga' bas/ chab srid che ba lags te/ bal gyi glang po che de ni bal glang drug cu snyed kyi mthu stobs dang ldan pa lags na/ rgyal bus dgra la stsal te/ dgra zla 'tshal bas/ chab srid kyang stor du mchi na/ ji ltar mdzad pa'i rigs/ 'di rgyal bu rang nyams su sbyin pa byin pas bang mdzod kyang skyongs shing / yul gyi srid dang / btsun mo dang / sras kyi bar du sbyin pa bgyid par dogs so zhes gsol pa dang / rgyal pos de skad ces smras pa thos nas/ lhag par mi dga' bar gyur te/ blon po gzhan zhig bos nas/ blon po de la rgyal bus bal gyi glang po che dgra zla la byin pa bden nam zhes dris pa dag blon po des kyang byin pa bden no zhes gsol to// rgyal pos de skad smras ma thag tu/ cher dngangs nas/ gdan khri las lhung ste/ mi dran par brgyal bar gyur pa las/ chus gtor nas/ ring zhig lon pa dang / byis sangs par gyur/ btsun mo nyi khri snyed kyang thams cad/ mya ngan gyis non par gyur to// de nas rgyal po dang / blon po rnams 'dus nas/ nga rgyal bu de 'di la ji ltar bya zhes bgros pa dang / de'i nang na blon po gcig gis ni/ bal glang gi lhas su song ba ni/ rkang pa bcag pa'i rigs/ bal glang bzung ba na lag pa bcag pa'i rigs/ mig gis bal glang la bltas na yang / mig dbyung ba'i rigs zhes gsol/ cig gis ni mgo bcag pa'i rigs so zhes blon po rnams so so nas bgros te/ gsol ba'i tshig rgyal pos thos nas/ rab tu mi dga' zhing mya ngan gyis non te/ blon po rnams la 'di skad ces bsgo'o// nga'i bu 'di legs pa'i don la mos te/ sbyin pa la dga' ba yin na/ ji ltar mtho btsam zhing gzung bar bya/ de'i nang ni blon po gcig gis blon po snga ma rnams kyi bgros pa mi rung ngo zhes dpyas nas 'di skad ces gsol to// rgyal po la sras gcig pu zhig mngal ba la rab tu sdug cing gces pas rgyal bu rgyal chab lags na/ de la mthong tsam zhing gzung gdags bya ba'i sems bskyed pa ni mi rigs te/ bdag ni rgyal po chen po'i sras la gzung gdags bya bar mi gsol gyi/ rgyal bu 'di yul 'di nas spyugs te/ lo bcu gnyis kyi bar du dgon par spangs na/ smra bab cing ngo tsha bar 'gyur ro zhes gsol pa dang / rgyal pos kyang blon po chen po'i tshig mnyan to// de nas rgyal pos rgyal du rgyal/ tsha ba bkug ste/ 'di skad ces smras so// khyod kyis nga'i bal gyi glang po che dgra zla la byin pa bden nam zhes dris pa dang / rgyal bus gsol pa/ bdag gis stsal ba med do zhes gsol to/ rgyal pos smras pa/ rgyal bu khyod ci'i phyir nga la ma zhus par nga'i bal gyi glang po che dgra zla la byin zhes dris pa dang / rgyal bus/ rgyal po la 'di skad ces gsol to// sngar yang rgyal po/ dang dam bcas pa na/ sbyin pa ci sbyin na yang mi 'gal bar mdzad do zhes gsungs pa des rgyal po la ma zhus pa lags so// rgyal pos smras pa/ sngar dam bcas pa ni/ nor dbyig dang / rin po che la dbang bar byas na/ bal gyi glang po che ci gtogs/ rgyal bus gsol pa/ de dag thams cad rgyal po mnga' ba'i dkar lags na/ ci'i slad du 'di bkol te ma gtogs zhes gsungs/ rgyal pos/ rgyal bu rgyal tsha ba la smras pa/ khyod ri dan tig tu lo bcu gnyis spangs kyis/ yul 'di nas myur du byung ste song zhig/ rgyal bus/ rgyal po la gsol/ pa/ bdag rgyal po chen pos bka' stsal pa'i bka' mi gcog na/ da dung yang zhag bdun zhig sbyin pa bgyis te/ bdag gis bsam pa rdzogs nas/ yul 'di nas byung ste mchi bar 'tshal lo zhes gsol/ rgyal pos smras pa/ khyod kyis sbyin pa ma 'os par byas pas yul gyi bang mdzod kun stongs te/ nga'i bal glang rin po che yang med par byas pas khyod spangs pa yin te/ daphyir 'dug cing zhag bdud sbyin pa byar mi gnang gis/ myur du song zhig ces bsgo'o// rgyal bus gsol pa/ rgyal po chen po'i bka' bdag mi gcog ste/ rgyal po'i btsun mo nyi khri snyed kyang rgyal po gang na bder lhags nas/ rgyal bu rgyal cha ba zhag bdun zhig sbyin pa byin te/ yul nas mchi bar gsol pa rgyal pos kyang de bzhin du gnang ngo // de nas rgyal bu rgyal chab kyis so so bran g.yog mngags te/ phyogs bzhi nas nor rdzas 'dod pa rnams pho brang sgor 'dus shig/ nor zas thams cad ni rtag pa dang brtan du rung ba ma yin te/ mthar 'jig cing med pa'i chos can no zhes bsgo bas/ phyogs bzhi nas slong ba ba mang po lpags pa la rgyal bu rgyal chab kyis/ zas dang / skom dang / nor dang / rin po che rnams zhag bdun gyi bar du yid bzhin du byin nas/ dbul 'phongs pa rnams longs spyod dang ldan zhing / thams cad bde skyid par byas so// de nas rgyal du rgyal tshab kyis/ chung ma la smras pa/ bzhin bzangs longs la bdag ci zer ba nyon cig/ rgyal po chen pos ni bdag lo bcu gnyis kyi bar du ri ngan tig ces bya bar spangs so// chung mas rgyal bus smras pa'i tshig thos nas/ yid ces dngangs te/ ladra nas 'di skad ces smras so// rgyal bu la nyes pa ci zhig mchis na rgyal pos de ltar mdzad par gyur/ rgyal bus smras pa/ bdag gis sbyin pa ma 'os pa zhig byas// te/ rgyal po'i bang mdzod kyang stongs/ bal glang rin po che yang dgra zla la byin zhes rgyal po dang blon po rnams khros nas/ bdag spangs pa yin no// btsun mo man tes smras pa/ rgyal po'i yul du lo legs pa dang / rgyal po chen po dang / blon po dang / 'bangs kyi bar du bde skyid pa dang / longs spyod che bar smon lam legs par btab la/ bdag cag ri la sgom du 'dong ngo // rgyal bus smras pa/ bzhin bzangs ri ni 'jigs pa'i gnas yin te/ shin tu bya dka' ba bsam dgos la/ seng ge dang stag la sogs pa gcan gzan ma rungs pa yod pas/ rab tu 'jigs na khyod ni longs spyod mang ba yin pas/ khyod de lta bu bdag la bzod dam/ khyod pho brang gi nang na gos su ni phra ba dang 'jam pa gyon pa/ gnas su ni gur dang yol bas bskor ba na 'dug/ zas su ni ci la dga' ba bzhin zhim pa dang mngar ba la za na/ ri la ni stan du ni rtswa 'dings/ zas su ni 'bras bu zan/ khyod de la mos shing dga' ba ci zhig yod/ de ma yin pa gzhan yang rlung dang / char pa dang / 'brug dang / ser ba che zhing ba mo dang zil pas mi'i spu yang langs pa tsam du/ grang ba'i tshe nA ni grang rab la/ tsha ba'i tshe na ni cha rab ste/ shing gi gseb na 'dug pa'i gnas su yang mi rung na/ sa la gze ma dang / gseg ma dang / rdo ba yang mang zhing / sbrul gdug pa yang yod na/ khyod de lta bu dgu bzod dam/ man tes smras pa/ dag la gzhin nang / 'jam pa dang / gur dang / yol ba dang / mngar ba dang / zhim pas ci zhig bgyi/ rgyal bu dang bral zhing so sor mchi ba bdag mi bzod do// nam du'ang rgyal bu dang mi 'bral zhing ldan cig 'grogs par dga' 'o// rgyal po'i thog mar 'gro ba ni rgyal mtshan/ me'i thog mar 'gro ba ni dud pa/ chung ma'i thog mar 'gro ba ni khyim thab yin pas bdag ni rgyal bu la yid brtan te skya su mchi'o// rgyal bu ni bdag gi lha lags te/ rgyal bus phyogs bzhi nas 'dus pa'i sbyin pa byin pa'i cha/ bdag gis kyang rgyal bu'i grogs bgyid pas/ nga rgyal bu lam ring du 'gros las/ gal te pha rol po spong ba 'ongs te/ bdag gis de bzhin du grogs bgyi/ rgyal bus sbyin pa mdzad na/ bdag gi srog la bab kyang mi byar mi rung ngas/ the tsom mi mdzad du gsol/ rgyal bus smras pa/ bdag ni sbyin pa la dga' bas/ pha rol gyi sems mi bzlogs te/ pha rol pos bdag la gal te bu 'am khyod nyid slong ba 'ongs na yang bdag gis mi gtong ma nus so// ci ste bdag gis bsams pa khyod kyis de bzhin du ma byas na ni/ bdag gis dge ba'i sems 'khrugs par gyur pas/ 'gro ba mi rigs so// man tes smras pa/ rgyal bus sbyin pa mdzad pa ni/ 'jig rten gang na'ang 'di 'dra ba med pas/ yid bzhin du sbyin pa mdzad du gsol/ rgyal bus smras pa/ khyod de ltar nus na shin tu legs so// zhes rgyal bu dang btsun mo dang / sras gnyis dang bcas 'grogs te/ yum gang na ba der song nas da bdag cag mchi'o zhes mchi phyag byas nas/ yum la 'di skad ces gsol to// yum gyis skabs skabs su rgyal bu chen po la ci nas dkar po'i chos kyis yul gyi srid bde zhing 'bangs mang po skams las mi bcad par gros gdab par gsol lo// yum gyis rgyal bu 'gro'o zhes mchi phyag byas pa mthong nus/ lhag par mya ngan gyis gdus te/ drung na 'dug pa la 'di skad ces smras so// kho mo'i lus 'di ni rdo ba yin pa la/ snying ni rdo rje yin pa lta ste/ bdag gis rgyal po chen po'i rim gro bya ba la skyon ma byung na/ da kho mo'i bu gcig pu 'di dang bral te/ 'gro na ci'i phyir kho mo'i snying 'digs te shi bar ma gyur/ bu 'di kho mo'i khong pa na 'dug pa na/ skyed shing gi 'dab ma ltar cin mtshan cher skyes te/ da skyed rdzogs nas/ lo mo bor te song bas na/ btsun mo thams cad kyang bdag la snying tshim mo zhes brjod la @# pos kyang bkur bar mi 'gyur na/ gal te lha rnams kyis bdag gi smon lam bzhin mi 'gal bar mdzad na/ bdag gi bu phyir yul du 'khor bar shog cig ces smon lam btaba'o// nas rgyal du sun mo dang sras gnyis dang bcas te/ yab dang yum la mchi phyag byas te dong ngo // de'i tshe btsun mo nyi khris ni so so nas mu tig gi chun po re re brdzangs so// blon po chen no/ bzhi stong gis ni rin po che sna bdun las byas pa'i me tog dang pad+mo re re rgyal bu la brdzangs so// de nas rgyal bu pho brang nas byung ste/ grong khyer gyi byang sgor phyin nas/ rin po che sna bdun gyi me tog dang do shal yang ril gyis phyogs bzhi nas 'dus pa la ma lus par byin no// lung ba de na gnas pa'i mi mang po khri phrag du mas rgyal bu bskyal te/ de dag 'di skad ces gtam du brjod do// rgyal bu 'di ni shin tu dge ba/ yul gyi lha gnyen lta bu yin na/ ci'i phyir yab yum gyi sras rin po che 'di lam ring du spangs zhes mthong ba thams cad kyis 'phang so zhes smras so// de'i tshe rgyal bu grong khyer gyi phyi rol du skye shing gi drung na 'dug ste/ skyel ba'i mi rnams la 'di nas phyir deng zhig ces spro ba'i tshig smras pa dang / skye la skyel ba che chung thams cad mchi ma blags te ngus nas phyir dong ngo // de nas rgyal bus btsun mo dang sras gnyis shing rta'i nang du bzhag nas/ rgyal bu nyid kyis shing rta'i kha lo bsgyur te/ song ba las rgyangs chad par phyin te/ skye shing gi drung na ngal bso zhing 'dug pa las/ bram ze dag cig lhags nas/ rgyal bu la shing rta khrid pa'i rta bslangs so// rgyal bus slong ba la rta byin nas/ sras bu gnyis shing rta'i steng du bzhag ste/ btsun mos ni shing rta'i phyi nas phul rgyal bus ni mdun nas drangs te/ rkang pas shing rta 'dren cing song ba las/ ring po ma lon par yang bram ze zhig dang phrad nas/ shing rta bslangs pa dang / rgyal bus shing rta yang bram ze la byin no// de nas yang song ba las/ ring po ma lon par yang bram ze slong ba dang phrad nas rgyal bus de dag la 'di skad ces smras so// gal te bdag gis khyod la ma byin na ni/ chags shing ser sna byed par 'gyur na/ da ni bdag la nor zas zad de ci'ang med do zhes smras pa dang / bram ze na re/ nor rdzas med na lus la byon pa'i gos de nga la byin cig ces smras pa dang / rgyal bus lus la gyon pa'i gos rin po che yang skyong ba la byin te/ gos rnying pa zhig gyen te dong ba las/ ring po ma lon par bram ze yang slong ba zhig dang phrad nas/ rgyal bus btsun mo'i gos byin no// de nas yang dong ba las/ ring po ma lon par bram ze slong ba dang phrad nas rgyal bus sras gnyis kyi gos kyang byin no// de ltar rgyal bus ta dang / shing rta dang / nor rdzas dang / bgo ba'i gos kyi bar du ma lus pa zad par byin pa yang thog ma nas 'gyod pa'i sems sgra'i cag ma tsam mam ba sru tsam yang med do// rgyal bus ni sras bu khur du thogs/ btsun mos ni sras mo pang du khyer nas rkang pas song ya rgyal bu dang btsun mo dang sras gnyis kyis bar du dga' ba'i mdangs dang bcas te ka rig la ba der song ngo // ri dan tig ces bya bar yul ya ba nas lam so rab tu ring ste/ dpag tshad phrag stong zhig yod do// de ltar song song ba las/ 'brog dgon par phyin nas/ 'akres/ pa dang sgom pa'i sdug bsngal gyis nyen pa las sum cu rtsa gsum gnas kyi lha'i dbang pos 'brog dgon pa der/ grong khyer khyim bzang po tshong dus dang / lam srang yod pa/ rol mo dang / gos dang / bza' ba dang / btung ba dang ldan pa/ grong khyim de na mi dag gis rgyal bu bsu bdag sprul to// mi mang pos rgyal bu grong khyim du bsus te/ zas dang / skom dang / bde ba'i yo byad kyis bstabs pa dang / btsun mos rgyal bu la smras pa/ lam ring por bzod pas rab tu ngal/ da thal byung 'dug tu mi rung ngam/ rgyal bus smras pa/ yab rgyal pos bdag cag la ri ngan tig tu song zhig ces bka' stsal te/ da 'dir 'dug par gyur na/ yang rgyal po'i bka' dang 'gal bar 'gyur te/ bu sri zhu can ma yin no zhes gsungs nas grong khyer de nas byung ste mod la song ngo // de ltar song ba las/ ring po ma len parari ngan tig gi drung du phyin pa dang / ri de'i drung na chu chen po shin tu zab pa/ brgal bar mi thar pa zhig dang phrad do// de nas btsun mos rgyal bu la re zhig 'dir bsdad do// chu chen po bri nas brgal te 'dong ngo zhes smras pa dang / rgyal bus smras pa/ yab rgyal pos bdag cag la ri dan tig tu song zhes bka' stsal pas/ da 'dir 'dug par gyur na/ rgyal po'i bka' dang 'gul te/ bu sri zhu can ma yin no zhes smras pas/ rgyal bu de ma thag tu byams pan sems kyis ting nge 'dzin du zhugs pa dang / mod la chu'i nang nas ri chen po zhig byung nas chu'i rgyun bcad do// de nas rgyal bu dang btsun mo gos brdzes te/ chu brgal nas/ phar brgal ma thag turgyal bus yang 'di snyam du bsams so// thal byung song bar gyur na/ chu 'khyil ba 'dis sems can mang du 'chi ste/ grog skur mang po chus khyer bar 'gyur snyam bsams nas rgyal bu phyir chu la bltas te/ 'di skad ces smras so// chu khyod snga mkho bzhin du rgyun du 'bab cing gal te bdag 'dod pa zhig 'ongs na yang thar par byos shig ces spras ma thag tu chu yang snga mkho bzhin du 'bab par gyur to// de nas song ba las ri dan tig tu phyin nas/ rgyal bus ri de la bltas na/ ri de rang rong dang zang zed du 'dug la/ shing mang po rab tu rgyas shing / bya sna tshogs kyang snyan pa'i sgra 'byin/ 'bab chu dang / chu mig dang / mtshe'u dang / lteng kar ldan te/ chu ni mngar/ 'bras bu zhim/ chu bya dang / ngang dur dang / 'dzin mo dang / ri skegs la sogs pa bya rnam pa sna tshogs dag kyang gnas pa mthong nas rgyal bus btsun mo la yang 'di skad ces smras so// ri 'di la bltas na shing dang tshal gnam la reg pa tsam du skyes na yang 'arngas pa 'am/ bcad pa med pas/ chu mig zhim po la 'thung zhing / 'bras bu mngar ba za ste/ ri 'di la sgom pa dag yod pas/ 'dir gnas par bya'o// rgyal bu ri de la phyin pa dang / ri de la gnas pa'i 'dab chags bya dang / gcan gzan dang / ri dgas thams cad rab tu dga' nas rgyal bu bsus so// de'i tshe ri la sgom pa'i dge slong a tsu ta zhes bya ba lo lnga brgya lon pa/ yon tan mchog dang ldan pa zhig gnas te/ rgyal bu de'i drung du song nas phyag byas te phyogs gcig tu 'dug nasa'adi skad ces smras so// ri 'di la gang phyogs na 'bras bu dang chu mig bzang po ldan pa gnas su rung ba ci yod ces dris pa dang / a tsu das smras pa/ ri 'di gnas thams cad du bsod nams dang ldan pa'i sa gzhi yin pas gang du gnas kyang rung ste/ ri 'di ni shin tu dben pa'i gnas gtsang ma yin pas na/ ci rgyal bu khyod chung ma dang bu smad du bcas te chos slob tu 'ongs sam de la rgyal bus snga ma khom par/ btsun mo man tes smras pa/ dge slong la 'di skad ces smras so// btsun pa ri la lam bsgoms nas ji srid cig lon dge slong gis smras pa ka ri 'dir phyin nasalo bzhi brgya 'am/ lnga brgya tsam lon no// btsun mo man tes smras pa da dung bdag dang bdag gi bar du 'dzin na/ nam zhig la ma thob par 'gyur/ de srid/ du ri la gnas kyang rdo shing dang tha mi dad de/ bdag dang bdag gir mi 'dzin na/ gdod lam thob par 'gyur zhe'o// dge slong gis smras pa bdag gis yang dag/ par don de lta bu mi shes so// de nas rgyal bus dge slong la smras pa btsun pa yul ya ba'i rgyal bu rgyal tshab don grub ces bya ba thos sam/ dge slong gis smras pa/ bdag gis rgyun du thos kyi mthong ba ma yin no// rgyal bus smras pa bdag ni rgyal bu rgyal chab don grub ces bya ba yin no// dge slong gis rgyal bu khyod gar 'gro/ ci 'dod ces dris pa dang / rgyal bus smras pa/ bdag ni theg pa chen po'i lam 'dod do zhes smras so// dge slong gis smras pa/ rgyal bu'i yon tan dang sbyar na/ ring por mi thogs par theg pa chen po'i la mthob par 'gyur te/ rgyal bu tham med pa'i byang chub mngon par sangs rgyas pa na/ bdag ni nye gnas rdzu 'phrul gyi mchog tu gyur cig ces smras nas/ rgyal bu khrid de 'dug pa'i gnas bstan to// de nas dge slong gis chos bzhin du rgyal bu'i skra blangs nas/ mdud pa bor nas/ zas su ni shing gi 'bras bu shing thog za/ skom du ni chu mig 'thung ngo // de nas rgyal bus shing dang rtswa bsdus te/ bdag 'dug pa'i rtswa'i sbyi po chung du ma cig byas/ btsun ma man te bu ming sring gnyis 'dug pa'i skyil po re re yang byas so// de'i tshe na khye'u'i ming ni yi ra zhes bya ste lo bdun lon nas/ gos rang gyo ma nus te/ byi bzhin du 'gro'o// bu mo'i ming ni ge no yan zhes byaste/ lo drug lon pas/ ri dgas kyi 'gas pa son cing ba ma'i phyi bzhin 'gro'o// ri de la gnas pa'i gcan gzan dang / ngas dang / 'dab chags bya la sogs pa thams cad kyang rab tu dga' nas/ rgyal bu la rten cing gnas so// rgyal bu ri dwe la byin nas/ zhag gcig lon pa dang / sngon bskams pa'i chu mig dang / rdzing yang chus gang bar gyur/ skye shing bskams pa rnams kyang thams cad me tog dang 'dab ma skyes par gyur te/ srin bu gdug pa rnams kyang med par gyur nas/ gcan gzan gcig la gcig za ba yang so so nas rtswa la za bar gyur/ 'bras bu'i shing rnams kyang rgyas shing bzang por gyur/ bya sna tshogs snying rje'i skad kyi sgra skad snyan pa 'byin par gyur te/ btsun mo man tes ni shing gi 'bras bu dang / shing thog brda zhing rgyal bu la phul te/ sras mi sring gnyis kyang bstod do// sras bu mi sring gnyis ni skabs skabs su pha ma gnyis dang bral te/ ha cang yang mi ring ba'i chu mig gi 'gram dag tu gcan gzan nam/ ri dgas dag dung lhan cig rtse ste/ bar 'ga' zhag lon par yang rtse'o// phyis dus gzhan zhig na/ sras khye'u la ri seng ge la zhon pa las seng ge brgal nas/ rdab cig bsnun pas/ sras bu'i gdong pa cung zad snad de khrag byung ba las/ spre'u zhig gis shing gi lo ma blangs te/ gdong gi khrag phyis nas/ chu 'gram du khrid de khrag phyis pa yang rgyal bus rgyang ma nas mthong / de'i tshe yul ke'u le'u zhes bya bar bram ze dbul po zhig lo bzhi bcu lon nas chung ma blangs so// chung ma ni rab tu bzang zhing sdug la/ bram ze de ni rab tu mi sdug pa'i mtshan ma bcu gnyis rdzogs par yod de/ de'i lus mdog sol ba ltar gnag la/ gdong pa 'bur 'bur po gsum yod pa/ sna 'byor zhing mig gnyis shel ltar sngo ba/ gdeng gnyer ma can la/ ma mchu 'phyang ba / smra ba'i skad mi snyan pa/ gsus pa che la rkub 'bur ba/ rkang pa gnyis gyol ba/ mgo shub can la skra med pa 'dre ltar mi sdug pa zhig ste/ chung mas kyang mthong mi 'dod pa tsam du/ shi yang bla zhes rgyun du dmod mo byed pa zhig yod do// dus gzhan zhig na chung ma de chu chur song song ba las/ lam du khyog gzhon nu dag kha cig dang phrad nas/ khyo ga rnams kyis khyim thab kyi kha gzugs 'di 'dra'o zhes co 'dri zhing bgad nas/ khyod ni dpe med par bzang zhing sdug na/ ji ltar 'di 'dra ba'i chung ma byed nus zhes smras pa dang / chung mas khyog de dag la 'di skad ces smras so// rgan po'i mgo ni shing la ba mo chags pa khur skya ba de/ nang nub shi bar dga' na/ shir mi btub ji ltar bya zhes chu snod thogs nas/ phyir khyim du 'ongs te/ khyim thab la 'di skad ces smras so// bdag chu chur song song ba las/ lam du khyog gzhon nu dag cig dang phrang de/ de dag bdag la tsa 'dri zhing bgad pas/ da khyod kyis bkol ba'i bran yod na/ chu chu yang mi dgos te/ gzhan gyis dpyas par yang mi 'gyur ro// khyim thab kyis smras pa/ bdag cag ni shin tu yang dbul 'phongs pa yin na/ zan khol pa las rnyed par 'gyur/ chung mas smras pa gal te bdag gi phyir bran khol me btsal na/ bdag kyang 'gro ste/ khyod dang ldan cig mi gnas so// chung mas yang 'di skad ces smras so// kho mos thos na/ rgyal bu dor grub sbyin pa ma 'os par byin pas/ yab rgyal pos ringan tig ces bya bar spangs so// rgyal bu de la khye'u gcig dang / bu mo gcig yod ces grag gis/ khyod der slong du song zhig/ khyim thab kyis smras pa/ ri dan tig ces bya ba 'di nas dpag tshad drug stong lhag tsam gcig gis lam so yod lasngon la lung bgrod kyang ma myong na/ da ji ltar bgrod par bya/ chung mas smras pa/ bdag gi phyir bran khol mu btsal na/ bdag 'gegs te 'chi'o zhes smras pa dang / gnyis na kho bo ni gcig gis gsad kyang sla'o// khyod shi bar mi 'dod do zhes smras nas/ khyod kyis bdag slong du 'gro bar dang na/ kho bo'i brgyags dang dgos pa sbyor cig ces bsgo'o// chung mas smras pa/ da song zhig brgyad/ dang dgos pa yang med do zhes smras na/ bram zes brgyags rang sbyar te/ rkang pas lam du zhugs te song ngo // de nas bram ze yul la ba zhes bya ba ga la ba der song ste/ der phyin pa dang / rgyal po'i pho brang gi sgor 'ongs nas/ sgo srungs pa la rgyal bu don grub da ltar ga la 'dug ces dris pa dang / sgo srungs de pho brang gi nang du song nas/ rgyal po da ltar phyi rol na/ bram ze zhig rgyal bu don grub ga re zhes 'dri'o// rgyal pos rgyal bu ga re zhes smras pa'i tshig thos pa tsam gyis sems 'khrugs shing khros nas/ 'di snyam du 'di 'dra ba sha stag gi phyir/ nga'i sras spangs par gyur na/ da yang slong du 'ongs snyam bsams nas dpe 'di skad ces brjod par gyur to// dper na me ni rang bzhin gyis cha zhing 'bar ba yin na/ de'i steng du shing bsnan pa dang 'dra ste/ bdag kyang da ltar mya ngan gyis gdungs te me dang 'dra ba las/ da yang rgyal bu ga re zhes 'dri ba na me la shing gis bsnan pa dang 'dra'o// bram zes gsol pa/ bdag ni lam ring po nas 'ongs pa yang / rgyal bu rgyal tshab mi'i yid dang mi 'gal bar sbyin pa bgyid do zhes ming snyan pa steng du gnam la thug/ 'og tu chu mig gi gting la thug gi gting gi bar/ du grags pa/ bdag lam ring po nas re ba yod par 'ongs so// rgyal pos spras pa/ rgyal bu dor grub ni da ltar ri shin tu dben pa na gnas te/ rab tu dbul zhing ci'ang med du/ khyod la zhog sprin du yod/ bram zes spras pa/ rgyal bu la ci'ang med kyang bdag zad par dga' 'o zhes smras pa dang / rgyal pos kyang gzhas zhig la lam ston cig ces bsko'o// de nas bram ze song song ba las/ ngan tig gi ri drung du chu chen po zhig yod par phyin nas/ rgyal bu 'bal zhig bsams shing yid la byas pas/ chu'i pha rol tu phyin par gyur to// de nas bram ra/ ri der phyin nas/ thog mdzod pa zhig dang phrad do// rngon pa de la khyod ri de la rgyal bu don grub ces bya ba mthong ngam zhes dris pa dang / rngon pa des kyang rgyal bu sbyin pa la dga' bas bram ze 'di dag gi phyir ri la spangs par shes pas/ rngon pa des kyang bram ze bzung nas/ shing la bcangs te/ brdegs pas lus la rma yang byung ngo // rngon pas yang smras pa/ khyod rgyal bu dris te ci zhig bya/ mda' 'phang ngo zhes byas pa dang / bram ze de la 'di snyam du/ da ni 'dis bdag gsod yang dag na/ brdzun zhig bya'o snyam bsams nas/ rngon pa la khyod bdag la 'dri na ci nyes zhes smras so// de nas rngon pas/ 'o na ci zhig smra bar sems zhes dris pa dang / bram zes brdzun tshig 'di skad ces smras so// rgyal po yab rgyal bu mthong bar dga' bas// bdag 'dir rgyal bu phyir 'gugs su 'ongs so zhes smras ma thag turngon pas kyang bkrol te btang nas sngar ma rtogs te/ rgyus ma shes so zhes bzod pa gsol nas/ rgyal bu gang na 'dug 'i gnas bstan to// de nas bram ze de rgyal bu'i thad du phyin pa dang / rgyal bus kyang rgyang ma nas bram ze 'ongs pa mthong nas/ rab tu dga' ba'i sems skyes te/ bsus nas gus par phyag byas te/ khyod galas 'ong / lam du nyon mongs shing ngal bar ma gyur ta ma/ ci 'dod ces spro ba'i gtam byas so// bram zes smras pa/ bdag lam ring po nas 'ongs te/ lus thams cad rtse zhing ngal te/ bkres skom zhes smras pa dang / rgyal bus nang du khrid nas stan la 'dug tu bcug ste/ shing thog dang / shing gi 'bras bu dang / btung ba'i skom mdun du phab nas bram zes kyang skom 'thungs shing thog zos te/ thal byung rgyal bu la 'di skad ces smras so// bdag ni yul ke'u le'u zhes bya ba'i yul mi yin te/ snga zhig nas rgyal bu sbyin pa la dga' 'o zhes phyogs bcur grags shing thos pas/ bdag ni rgyal bu dbul 'phongs te/ rgyal bu la slong du 'ongs so// rgyal bus smras pa/ bdag la yod pa las khyod la ma byin na ni/ chags shing ser sna byed par yang 'gyur na/ bdag la ci bdog pa sngar btang bas da ni ci'ang sbyin du med do// bram zes smras pa/ de ltar nor rdzas sbyin du med na/ khyod kyi bu gnyis bdag rgan po'i bkol ba 'am/ bran du byin cig ces de bzhin du lan gaN+DI lan gsum gyi bar du smras nasargyal bus kyang khyod lam ring po nas 'ongs la/ bdag gis bu gnyis 'dod pa rab tu legs kyis sbyin no zhes smras so// de'i tshe na bu mi sring gnyis rtse song song ba las/ rgyal bus bos nas/ bu la 'di skad ces bsgo'o// bram ze 'di lam ring po nas bu khyed gnyis slong ngo zhes zer nas kho bos kyang sbyin pa yin gyis khyed gnyis 'di'i phyi bzhin song zhig ces bsgo ba dang bu gnyis rgyal bu'i mtshan du bros nas dra ste 'di skad ces smras so// bdag cag gis bram ze du ma mthong na 'di 'dra bdag cag gis ma mthong ste/ 'di bram ze ma lags kyi yang dag par yi dgas lags pas/ da bdag cag gi ma shing thog tshol du mchis pa las/ slar ma 'khor bar bdag cag gnyis yi dgas 'di'i zas su stsal na/ gdon mi 'tshal bar 'gum mo// bdag cag gi ma slar mchis te/ du dang ma mjal nA/ ji ltar ba dang be'u bral ba ltar ngu zhing cho nges 'debs te/ mi dga' ba'i mya ngan gyis gdungs par 'gyur ro// rgyal bus/ bu la bsgo ba/ kho bos sbyin par gnang bas bsdad du mi rung ste/ 'di bram ze yin gyis/ yi dgas ma yin pas/ mi zos kyis/ khyed gnyis 'di'i phyi bzhin song zhig / bram zeces smras pa/ bdag ni da chas te 'gro'o// gal te bu'i ma 'ongs na 'gror med de/ ma btang na rgyal bus bdag la byin pa'i dge ba'i sems bu'i mas zlog cing nyams par 'gyur du dogs so// rgyal bus smras pa/ bdag gis sbyin pa ci byas kyang thog ma nas ci la'ang 'gyod pa'i sems byung ma myong ngo // de nas rgyal bus chu snod thogs te/ bram ze'i lag par chu blugs nasabu gnyis kyi lag pa nas bzung ste/ bram ze la phul ba na/ sa yang rab tu g.yos so// bu gnyis bram ze'i phyi bzhin mchir ma btub nas/ phyir rgyal bu'i drung du 'ongs te/ pus mos la btsugs na pha rgyal bu la 'di skad ces gsol to// bdag cag gnyis kyis tshe rabs snga ma la mi dge ba'i sdig pa ci bgyis nas/ 'di lta bu'i sdug bsngal myong bar gyur/ bdag ni rgyal po'i rigs su skyes nas ci'i slad du pha rol po'i bran khol du gyur ces pha rgyal bu la sdig bshags nas/ 'di'i rgyu 'di'i rkyen gyis sdig pa byang zhing bsod nams skyes te/ gang nas gang du skyes kyang / 'di lta bu'i sdug bsngal dang phrad par ma gyur cig ces smras so// rgyal bus bu la smras pa/ 'jig rten mdza' zhing sdug go cog mthar bye bral bar gyur te/ thams cad mi rtag pas yid brtan du mi rung / kho bos nam bla na med pa'i mnyam snyoms pa'i byang chub thob pa na/ khyed thar pa'i don bya'o zhes bsgo'o// bu gnyis kyis yang yang rgyal bu la smras pa/ bus ni ma la mchi phyag bgyi ba lags na/ da gzhar yang mi phrad de/ ma'i ngo ma mthong ba yang / bdag cag gi sngon gyi sdig pa'i lnga kyis gdungs par zad na/ bdag cag gi ma ci'i phyir mya ngan gyis gdungs shing / sdug bsngal bar mi 'gyur zhes smre sngags 'don to// bram zes smras pa/ bdag rgas la nyam chung bas/ dus pa 'di gnyis bdag bor te/ ma'i thad du bros par gyur na/ bdag gis byar med par 'gyur gyis/ khyod kyis chings la bkris shig ces smras pa dang / rgyal bus kyang bu gnyis kyi lag ba bying ka log tu bzung ste bram ze nyid 'ching du bcug nas/ phying ka log tu bcings pa'i thag pa bram ze'i lag par byin te spel nas khrid do/ bu gnyis ni de ltar khrid kyang 'gror ma 'dub/ ste 'then pa las/ bram zes lhag thogs te/ ded nas gzhus pa'i lam du khrag phyung ba'ang sa la chal par gang ngo // rgyal bus de ltar mthong nas mtsham byung ste/ mchim sa la bo bas/ sa yang khol bar gyur to// rgyal bu dang / ri dgas dang / gcan gzan mang po thams cad kyis bu gnyis bskyal te/ mi snang bar gyur pa dang / gzod phyir log go// ri dgas dang gcan gzan la sogs pas rgyal bu bskyal te/ phyir rgyal bu dang rtse ba'i gnas su phyin nas/ snying rje'i skad phyung ste/ lus sa la rdebs shing 'gre'o// bram ze des lam du zhugs te song song ba las lam khar skye shing zhig yod pa la bu gnyis btags te 'dug go// de nas chas pa dang bu gnyis pha me dang phrad du re nas/ shing gi phag la 'dri zhing 'gror ma btub nas/ bram zes yang gzhus pa las/ bu gnyis kyis 'di skad ces smras so// bdag cag la ma rdeg cig/ bdag cag rang 'gro'o zhes gnam la yang bltas te/ yang 'di skad ces smras so// ri gnyen gyi lha dang / nags tshal gyi shing lha rnams bdag dag cung 'thugs brtse ba'i dgongs pa mi mnga' 'am/ bdag cag ni lam ring por gzhan gyi bran khol byed du 'gro ste/ ma dang bral bar gyur na/ bdag cag gi ma ri la shing thog tshol zhing brdar btang ste myur du bdag cag dang phrad par shog cig ces mi sbran nam zhes de skad smras pa dang / bu'i ma ri la 'dug pa'i rkang pa g.yon pa mthil g.ya' zhing g.yo ba dang / mig g.yon pa'ang 'gul/ mu ma gnyis nas nu zho'ang rang zag par gyur nas 'di snyam du 'di 'dra ba'i ltas ngan gna' nas ma byung na/ bdag gi bu gnyis la ye 'drog ma byung ngam snyam bsams nas shing thog gis ci zhig bya snyam ste/ shing thog brda ba'ang btang nas/ myur bar phyir gnas su 'gro bar chas so// de'i tshe sum cu rtsa gsum pa'i gnam gyi lha'i dbang pos rgyal bus gzhan la bu byin par shes nas btsun mos dge bar bsams pa'i sems/ kyi bar chad byed du dogs pas seng ge zhig tu sprul nas/ lam gyi srang du bsdad do// btsun mos/ seng ge la smras pa/ khyod ni gcan gzan gyi rgyal po// kho mo ni mi'i rgyal mo yin te/ ri la 'khod par 'dra na/ cung zad lam las byol te bdag thong zhig/ bdag la chung ngu ma shed ma bye ba gnyis shig yod de/ da tsam gyi bar du ci'ang ma zos pas/ bdag 'ong du re ste sdod do// seng ges kyang bram ze de rgyang ring du thal bar shes nas/ lam las byol te btsun mo btang ngo // btsun mo phyir gnas su 'ongs nas rgyal bu 'ba' zhig snang gi/ bu gnyis ma mthong bas/ bdag nyid 'jug pa'i spyil bung ba ltas na yang bu ma mthong bu gnyis 'dug pa'i skyil por bltas na yang bu ma mthong ste/ de nas bu rtse ba'i gnas chu 'gram du btsal na yang / mthong ngo // sngon bu dang rtse ba'i ri dgas shab dang / 2 sha dang / gnan gzan seng ge dang / spre'u la sogs te/ mdun nas lus sa la rdebs shing sgra 'byin la/ sngon rtse ba'i rdzing bu chu yang bskams par mthong nas/ phyir rgyal bu gang na ba der song ste phyin pa dang / rgyal bu la bdag gi bu gnyis ga re zhes dris na/ rgyal bu cang mi smra'o// btsun mos yang smras pa bdag nam shing thog thogs te phyir gnas su 'khor ba nas/ bdag gi bu gnyis rkyang nas rgyug cing mdun du bsus te/ brdeg 'chos na yang phyir langs te/ dkyu mchong zhing / a ma 'ongs a ma 'ongs so zhes 'bod do// bdag 'dug pa na gnyis ka g.yas g.yon na 'dug cing / phrag pa'am/ lus la rdul gos na yang 'phyi zhing sprug/ da bdag gi bu ga re ma mthong na/ gzhan la ma byin nam/ 'di ltar ma mthong bas/ bdag gi snying gas par 'gyur gyis/ bdag gi bu ga la 'dug myur du smros shig/ bdag myos par 'gyur ro zhes/ de ltar lan gnyis lan gsum gyi bar du dris kyang lan ma smras so// btsun mos yang smras pa/ lhag par sdug bsngal gyis gdungs te/ bu gnyis ma mthong ba lha tshod yod na/ rgyal bus lan ma ster bas lhag par myos shing 'khrugs par gyur to// rgyal bus smras pa/ yul ke'u le'u zhes bya ba nas/ bram ze zhig 'ongs te/ bdag gi bu gnyis bsnyungs/ pa las/ bdag gis byin no// btsun mos rgyal bus smras pa thos ma thag tu ri rdib pa ltar sa la 'gyel te/ 'gre zhing cho nges btab bo// rgyal bus smras pare zhig sdod cig/ khyod sngon// 'das pa'i dus na/ sangs rgyas mar me mdzad kyi tshe dam ji ltar bcas pa mi dran nam de'i tshe de'i dus na/ bdag ni bram ze'i bu gzhon nu zhes byakhyod ni bram ze'i bu mo su ta ri zhes bya ste/ khyod ni de'i tshe me tog pad+mo bdun zhig thogs bdag la dngul gyi dong tse lnga zhig yod de/ khyod las pad+mo lnga zhig nyos nasasangs rgyas la phul bar byas pa las khyod kyis pad+mo lhag ma gnyis po yang nga la byin te/ sangs rgyas la 'bul gyis smon lam du yang bdag skye ba pha rol tu rtag par khyod kyi chung mar shog cig ces smon lam btab pa las bdag de'i tshe khyod dang 'di skad ces dam ma bcas sam/ khyod bdag gir chung mar dga' na bdag gi yid dang 'gal bar ma byed cig/ bdag sbyin pa zhig byed/ pha ma gnyis ma gtogs// par gzhan sbyin yang / bdag gi yid bzhin du sbyin pa las 'gal bar ma byed cig ces dam bcas pa las de'i tshe khyod na re/ de bzhin du bya'o zhes ma zer ram da khyod kyi bu gnyis gzhan la sbyin pa la bdag gi dge ba'i sems dkrug tu yang ci zhig yod ces rgyal bus spras ma zag tu/ btsun mos thos pa tsam gyis sems dang yid kyi sngon gyi gnas dran/ ba'i mngon par shes pa tshor bar gyu te/ rgyal bu'i bsam pa myur du rdzogs par 'dod pas/ yid bzhin du sbyin pa la rjes su yi rang bar gyur to// de nas lha'i dbang po brgya byin rgyal bus sbyin pa byin pa ji ltar sems pa bsam pa'i phyir/ bram ze zhig tu sprul to// bram ze de'ang mi sdug pa rnam pa bcu gnyis dang ldan te/ rgyal bu ga la ba der song nas/ 'di skad ces smras so// rgyal bu khyod sbyin pa la dga' bas/ pha rol po'i yid dang 'gal bar mi byed ces grag ste/ bdag kyang ched du 'dir slong du 'ongs kyis khyod la btsun mo yod pa de bdag la byin ci// rgyal bus sbas pa/ shin tu legs te/ de bzhin du sbyin no zhes smras so// btsun mos sbas pa/ bdag kyang pha rol po la byin na/ rgyas bu'i g.yog sus bya rgyal bus sbas pa/ de khyod kyang sbyin pa ma byas na/ ji ltar yang bla na med pa mnyam snyoms pa'i byang chub thob par 'gyur/ de nas rgyal bus chu srong thogs te/ bram ze'i lag pa bkru ba'i phyiralag par chu thugs nas btsun mo'ang bram ze la phul lo// de ltar rgyal bu la 'gyod pa'i sems cung zad kyang med par brgya byin gyis rtogs nas/ lha rnams kyis bstod cing bsngags te/ gnam sa'ang cher g.yos so// de nas bram zes btsun mo khrid de/ gom pa bdun tsam du phyin pa dang / phyir log nas btsun mo 'di rgyal bu la phyir gdams kyis/ su la'ang ma byin cig ces smras so// rgyal bus slar smras pa/ ci'i phyir mi khrid mi 'dod dam/ ci mir skyes pa'i rlung ma'i nang na/ chung ma 'di ni shin tu 'ang bzang zhing mdzes te/ rgyal po'i bu mo yin la/ rgyal po de la bu mo 'di gcig pu las med de/ chung ma 'di ni bdag la chu gang che bas kha zas btso ba dang bsreg pa'ang lag dar te byed/ bza' ba dang / btung ba ngan kyang ngan ces mi 'khod de/ rtag tu 'grub che la/ byad bzhin yang bzang la mdzes pas/ khyod khyer na bdag dga' 'o zhes smras so// bram zes/ rgyal bu la smras pa/ ngadag ni bram ze ma yin gyi/ brgya byin lha'i dbang po yin te/ ched du khyod bgam pa'i phyir 'ongs pa yin no zhes phyir brgya byin gyi lus bzang por bsgyur nas/ khyed cir smon ces smras so// de nas btsun mos gus phyag 'tshal te/ smon lam rnam pa gsum zhig gsol te/ gang zhe na/ gcig tu bu khrid pa'i bram ze phyir yang bdag gi yul du phyin par gyur cig/ gnyis su na bdag gi bu gnyis bkres pa dang skom pas sdug bsngal bar ma gyur cig/ gsum du na rgyal bu dang bdag cag gnyis kyang bdag gi yul du myur du 'khor bar gyur cig ces smras pa dang / brgya byin lha'i dbang pos kyang de bzhin du grub par gyur cig ces smras so// rgyal bus sbas la/ bdag ni sems can thams cad skye ba dang / rga ba dang / na ba dang / 'chi ba'i sdug bsngal las stsol dar / gyur cig ces smon lam btab pa dang / brgya byin lha'i dbang pos smras pa/ smon lam 'di ni shin tu'ang rgya che ste/ bla na med pa yin no// gal te mtho ris su skye zhing nyi zla la dbang pang bdag por 'dod dam/ 'jig rten gyi rgyal por 'dod dam/ tshe ring zhing yun du gnas par 'dod na/ bdag gis sbyin dus kyis/ khyod kyis smras pa'i smon lam khams gsum las mchog tu 'das pa yin pas/ bdag gis nus pa ma yin no// rgyal bus smras pa/ da ltar re zhig mchog tu phyug por gyur te/ sngon du kyang lhag par rtag par sbyin pa byin zhing yang rgyal bo dang / blon po rnams dang bdag cag phrad par shog cig ces smras pa dang / brgya byin gyis smom pa bzhin du nges par grub par gyur cig ces smras ma thag tu mi sdang bar gyur to// yul ke'u le'u'i bram ze des byis pa gnyis khrid de khyim du 'ongs nu/ chung mas 'di skad du/ khyod ngo so 'di la byis 'khor te 'ongs pa lnga ngo mi tsha 'am/ byis pa 'di gnyis ni rgyal po'i gdung la gtogs pa yin na/ snying rje'i sems kyang med de/ 'di ltar btsogs brdegs shing / lus la rma dang rnag khrag gis btsog btsog sngar byas pa bzod dam zhes spro brgyang nas byis pa 'di gnyis chongs la bkol du rlung bakhri shog cig ces bsgo bdung / khyim thab kyang chung mas bsgo ba bzhin tshongs dus su song ba las/ brgya byin khwa'i dbang po sprul to// cong dus su/ 'ongs nas/ bram ze de la byis pa 'di ni shin tu rin che bas/ su'ang nyo mi nus so zhes smras so// byis pa de gnyis bkres shing skom pa las/ brgya byin gyis lha'i rdzu 'phrul gyis lha'i dri bsung sprul te/ byis pa gnyis kyi ba spu'i lung bu nas lto 'grangs par byas te/ brgya byin gyis bram ze'i sems kyang bsgyur nas/ yul ya bar phyin par byas so// yul de'i blon po dang yul mi thams cad kyis rgyal bu'i sras/ rgyal po chen po'i tsha bo yin par mi shes pa med pas/ yul mi thams cad mya ngan gyis gdungs te/ blon po la sogs pas bu 'di gnyis ga las 'ongs zhes dris pa dang / bram ze na re/ bdag gis bslangs te 'ongs pa la/ khyed kyis drir ci yod ces smras so// blon po rnams kyis smras pabadag cag gis yul du 'ongs pas na bdag cag gis 'dri bar rigs kyi/ mi 'dri ba ma yin no zhes blon po dang yul mi rnams kyis bgros te/ bram ze las bu gnyis dbrog par byas pa las/ de'i nang nas khyim bdag gis 'di skad ces gros btaba'o// 'di na rgyal bus sbyin par bsams te/ sbyin pa 'di la rgyal bus bsams pa'i yid dang 'gal zhing dbrog par mi rigs kyinyos na rgyal po chen po la gsol na/ rgyal po chen po nyid kyis rin gyis slu bar 'gyur ro zhes byas pa dang / thos snga ma btang nas/ blon po rnams kyis rgyal po la 'di skad ces gsol to// rgyal po chen po'i dpon po gnyis da ltar bram ze zhig 'tshong zhing mchis zhes gsol pa dang / rgyal pos tshig thos ma thag tu cher dngangs te bram ze dang bu gnyis pho brang nang du khrid de shog cig ces bsgo nas/ bu gnyis po bram ze nang du 'ongs pa'i tshe/ rgyal po dang / btsun mo dang / pho brang gi skyes dang / blon po rnams kyis bu gnyis mthong nas/ thams cad dbugs kyis brnangs pa tsam du ma ngus pa med do// de nas rgyal pos bram ze de la khyod kyis bu 'di gnyis ji ltar thob ces dris nas bram ze na re/ bdag gis rgyal bu la bslangs te thob bo zhes zer ro// rgyal pos byis pa gnyis 'ong bos te/ phang par blang snyam pa las bu gnyis 'ong du ma btub bo// de nas rgyal pos bu 'di gnyis rin ji tsam 'dod ces dris nabram zes smra ma 'om par khye'us 'di skad ces gsol to// bdag bu pho ni dngul gyi dong tse stong dang ba glang zhig ri'o// bu mo ni gser gyi drong ce spong dang bra bzhon nyis brgya ri'o zhes gsol ba dang / rgyal bas/ khye'u la 'di skad ces smras so// 'jig rten gyi chos kyis mi'i nang na po ni rin po che dbyig ltar rin che ba yin na/ ci'i phyir bu po ni rin chung / bu mo ni rin che bar 'dengs bu khye'us gsol ba/ pho brang gi slas lta bu rgyal po dang nye ba ma lags la/ ma rabs bran las slas su bzhes te/ de la thugs dgyes pas/ bkur zhing btsun par mdzad de/ rin po che'i gos skon zhing bza' ba dang btung ba ro brgya dang ldan pa bstabs nas/ sras gcig pu zhig mnga' ba ri la spangs te/ ya ba can pho brang gi slas dang rol cing / rol mo mdzad kyang sras la cung zad tsam yang dgongs pa'i thugs kyang ma mnga' bas de bas na bu po ni rin chung la bu mo ni rin che bar mngon no// rgyal pos de skad ces smras pa thos nas/ lhag par mi dga' ba'i mya ngan skyes te 'di skad du bdag ni rab tu gnong na/ khyed ci'i phyir kho bo'i phang du mi 'ong / khyed nga la mi dga' 'am/ 'on te bram zes 'jis zhes dris na/ byis pa na re/ bdag cag ni rgyal po chen po la mi dga' ba'am bram zes skrag pa'ang ma lags na/ thog ma rgyal po chen po'i tsha bo las da ltar mi'i bran khol du gyur pas/ gang na'ang mi'i bran khol rgyal po'i phang du 'dug pa'i chos med pas mi spobs so// rgyal pos de skad ces smras pa thos nas/ lhag par mya ngan gyis gdungs par gyur te/ mi dga' bar gyur nas/ bus gsol ba bzhin du bram ze la rin byin cig ces bsgo nas bu gnyis gdod rgyal po'i phang du blangs so// bu gnyis rgyal pos blangs nas / phyag gis bu gnyis kyi mgo nas byugs te/ 'di skad ces smras so// khyed ri la gnas pa na/ zas su ni ci za/ gos su ni ci gyon ces dris na/ bu gnyis na re zas su ni shing gi 'bras bu shing thog za/ gos su ni pags pa dang snam bu gyon te/ bya mang po dang rtse dga' bas/ mya ngan gyi sems med do zhes gsol to// de nas rgyal pos bram ze de la phyi rol du song zhig ces bsgo ba dang / bu gnyis kyis/ rgyal po la 'di skad ces gsol to// bram ze 'di rab tu bkres skom gyis nyen na/ de la kha zas kyis tshim par mdzad du gsol lo// rgyal pos smras pa/ khyed la mi dga' ba 'am/ khon du 'dzin pa med par/ phyir kha zas sbyin par sems bus smras pa/ bdag gi pha byang chub kyi lam la dga' bas/ nor rdzas kyis sbyin du med de bdag gi lus kyis slong ba la byin pa'ang bdag cag la dbang ba'i bdag po lags te/ 'dis bdag cag la bkol ba'i las tsam byed du ma bcug pa'ang / thog ma phas bsams pa ltar ma gyur te/ de snying rje'i sems tsam yang ma mchis te/ ltogs shing skom pa bzhin du 'dug pa 'di mig gis kyang su zhig gis bzod/ bdag gi pas ni bu'ang mi 'phangs par pha rol po la sbyin bskyed na/ rgyal po chen pos mi gcig gi kha zas tsam la ser sna mdzad dam zhes gsol pa dang / rgyal pos kyang bram ze de la kha zas kyis tshim par byin nas/ bram ze'ang rab tu dga' ste/ phyir bdag gis yul du song ngo // de nas rgyal pos rgyal bu 'gugs pa'i pho nya btang nasapho nya'ang de ma thag tu chas te/ rgyal bu ga la ba der song ngo // der phyin pa dang / chu zhig la ma thar nas/ pho nya des rgyal bu nyid yid la byas te/ bsams ma thag tu chu de las thar nas rgyal bu gang na bder byin te/ rgyal po'i bkas rgyal bu slar yul du gshegs su gsol zhes bsgo'o// rgyal bus/ pho nya la smras pa thog ma rgyal pos lo bcu gnyis kyi bar du ri la sgoms shig ces bsgo ste dadung lo gcig ma tshang bas da lo tshang nas bdag 'gro'o zhes bsgo'o// de nas pho nya'ang phyir log nas rgyal po la de bzhin du gsol ba las/ rgyal po nyid phyag dar te yi ge bris nas phyir rngo nyal bskur te/ 'di skad ces bsgo'o// khyod ni mi'i nang na mkhas pa shes rab can yin pas/ 'gro ba la'ang bzod cing / 'ong ba la'ang bzod pa yin na/ ci'i phyir khros te 'ong du mi bdub/ khyod dang lhan cig bza' ba dang btung ba btang dgos kyis myur du shog cig ces po la 'gugs su btang ngo // de nas pho nyas yi ge thogs te/ rgyal bu gang na ba der song nas byin padang / rgyal bu la yi ge phul lo// rgyal bus yi ge blangs nas yi ge la phyag 'tshal nas/ lan 'dun bskor ba byas te/ mod la phyir yul du 'gro bar chas so// de'i tsher de nas chas pa dang / ri de la gnas pa'i ri dgas dang gcan gzan la sogs pa rgyal bu 'gro'o zhes thos nas thams cad lus sa la brdabs nas sa la 'gre zhing ngu ba'i skad byung ngo // chu mig rnams kyang bskams te/ gcan gzan dang ri dgas kyi drug gu'ang mi nu/ 'dab chags bya mang po'ang snying rje'i skad kyis sgra byung ngo // de nas rgyal bu gos gyon nas btsur me dang 'grogs te phyir yul du song ba las/ dgra zla'i yul gyi rgyal pos rgyal bu phyir 'ongs so zhes thos nas/ bal gyi glang po che dkar po la gser gyi zhes bsdad de/ gser gyi snod du ni dngul gyi nye'us bkang dngul gyi snod du ni gser gyi nye'us bkang ba bshams nas rgyal bu bsu ba'i phyir nam mkha' la bstod de/ rgyal bu bsus nas rgyal po'i 'phrin du 'di skad ces gsol to// bdag ni mi shes pa'i dbang du gyur te/ rgyal bu las bal gyi glang po che bslangs pas/ de'i rkyen gyis rgyal du spangs par gyur pa 'gyod pas na makrol tshangs su gsol lo// nga rgyal bu slar gshegs zhes zos nas/ rab tu dga' ste/ bal gyi glang po che de nyid kyang slar phul zhing gser dngul gyi nye'u rnams kyang phul na/ 'di dag rnams kyang bzhes shing / nongs pa'i skyon rnams kyang sbyang bar gsol to// rgyal bus smras pa/ dper na mi zhig gis kha zas ro brgya dang ldan pa sbyar te/ pha rol po gcig la byin pa las/ mi des kha zas zos nas phyir sa la skyugs na/ phyir skyugs pa'i kha zas dri bsung dang ldan te/ bzar rung bar 'gyur/ ram/ bdag gis sbyin pa byas pa'ang skyugs pa dang 'dra bas phyir mi 'dod do// pho nya khyod bal gyi glang po che 'di la zhon la bdag gi yul du song zhig/ yul du khyod kyis rgyal po 'ad ltar bdag bsu zhing / spro ba'i tshig gis snyan par smras pa la rab tu dga' 'o zhes gsol cig ces bsgo ba dang / pho nya de'ang bal gyi glang po che la zhon te/ phyir bdag gis yul du song nas/ rgyal po la de bzhin du gsol ba las bral gyi glang po che de'i rkyen gyis 'thab pa'i dgra zla de gcig la gcig byams shing sdug pa'i sems su gyur te rgyal po dang yul mi thams cad tha na med pa'i mnyam snyoms pa'i sems bskyed par gyur to// de'i tshe rgyal po yab kyang bal gyi glang po che la bcibs te/ rgyal bu bsus so// rgyal bus mgo dang gdong gis phyag 'tshal nas/ rgyal po'i phyi bzhin phyir yul du song ste yul mi thams cad kyang rab tu dga' mgu rangs nas me tog dang / 'dug spos dang ba dan dang rgyal mtshan dang / bla dre la sogs pabs mchod pa bya ba'i phyir bshams te/ sa gzhi'ang spos chus chag chag btab nas bsdad do// rgyal bu pho brang gi nang du 'ongs nas/ yum gyi drung du phyin pa dang / mgo bos phyag 'tshal nas/ spo ba'i tshig gis spun gsol to// de nas rgyal pos rin po che'i bang mdzod thams cad rgyal bu la gtad de/ yid bzhin du sbyin pa byed du bcug nas/ sbyin pa snga ma bas kyang lhag par rgyun ma chad par sbyin pa byed du bcug pas/ mngon par sangs rgyas kyi byang chub thob par gyur to// bcom ldan 'das kyis kun dga' bo la bka' stsa pa/ ngas sngon gyi sbyin pa byas pa mngon du dran pa ni de lta bu yin no// de'i tshe de'i dus na/ rgyal bu don grub ces bya ba ni da lta rang nyid yin no// de'i tshe yab rgyal por gyur pa de ning ltar nga'i yab rgyal po zas gtsang ma yin no// de'i tshe yum du gyur pa de ni da ltar yum lha mdzes yin no// de'i tshe na btsun mor gyur pa de ni da ltar grags 'dzin ma nyid yin no// de'i tshe dge slong a tsu ta zhes bya ba da ltar mo'u 'gal gyi bu chen po yin no// de'i tshe brgya byin lha'i dbang por gyur pa de ni da ltar shA ri'i bu yin no// de'i tshe rngon par gyur pa ni da ltar kun dga' bo khyod yin no// de'i tshe khye'u yai ra zhes bya ba ming lhur nga'i sras skragacan 'dzin yin no// de'i tshe bu mor gyur pa de ni yum sru koR+Sha ta mi zhes bya ba yin no// de'i tshe brab ze slongs mo pa de ni da ltar lha sbyin nyid yin no// de'i tshe bram ze'i chung mar gyur pa de ni da ltar bram ze mo tsan tsam na yin no// de ltar mang shin tu byed dka' ba'ang grangs med/ dpag tu med/ dge ba'i las byas pa yang grangs med dpag tu med de/ de bas na mdo sde 'di dge slong dang bram ze la sogs pa la rgyas par ston cig/ byang chub sems dpa' sems dpa' chen pos sbyin pa byas pa'i sbyin pa'i pha rol tu phyin pa 'di lta bu dag yin no// 'phags pa rgyal bu don grub kyi mdo zhes bya ba'i bam po/ gcig rdzogs so// / sngon rgya las 'gyur ba'i brda rnying par 'dug/ bod skad du/ 'phags pa rgyal