| བོད་ཡིག | e-texts produced with BDRC’s OCR application |
tshangs pa'i dra ba'o// tshangs pa'i dra ba rdzogs so// rgya gar skad du/ tsan+da sU tra/ bod skad du/ zla ba'i mdo/ dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das yul tsam pa can na/ 'gro ba po'i rdzing bu'i 'gram na bzhugs te/ de'i tshe lha ma yin gyi dbang po sgra gcan gyis zla ba'i dkyil 'khor thams cad 'od kyis bka' bar 'gyur to// de nas zla ba'i dkyil 'khor na gnas pa'i lha gang yin pa de skrag cing sngangs la mi dga' bar gyur nas/ bcom ldan 'das ga la ba der song ste/ phyin nas bcom ldan 'das kyis zhabs la mgo bos phyag 'tshal te/ phyogs cig tu 'dug go// phyogs gcig tu/ 'dug nas/ lha des de'i tshe tshigs su bcad de gsol pa/ kun las rnam par rab 'grol ba'i// sangs rgyas dpa' bo khyod phyag 'tshal// gnod pa dag dang phrad gyur pa// bdag gi skyab ni mdzad par gsol// 'jig rten dag dgra bde gshegs dpal// zla ba skyabs su mchi lags kyis// sangs rgyas 'jig rten thugs brtse rnams// zla ba thar mdzod sgra gcan las/ bcom ldan 'das kyis bka' stsal pa// sgra gcan zla ba mun sel ba// nam mkha' dag las 'od byed cing // lam mer 'dug la dkar ba dang // rnam par dag pa'i 'od ldan pa// bar sna dag la ma bzung bar// skyes bgu'i sgron de myur du thong // de nas rings bzhin sgra gcan de// lus ni rdul cing skrag gyur la// nad pa bzhin du brtad pa yis// zla ba rnam par btong bar byed// de nas rnam par snang byed kyi bu chen pos lha ma yin dbang po sgra gcan/ rings pa las kyang rings par zla ba'i dkyil 'khor gtong ba mthong ngo // mthong nas/ kyang de'i tshe tshigs su bcad de smras pa/ ci yi phyir na sgra gcan khyod// lus kyang rdul zhing skrag gyur la// nad pa bzhin du brtad pa yis// rings par zla ba btong bar byed// sgra gcan gyis smras pa// sangs rgyas tshogs bcad 'di brjod pas// gal te zla ba ma btang na// bdag gi mgo bo tshal mdun 'gas// gson yang bde/ bar mi 'gyur ro// rnam par spangs kyi bu chen pos sbas pa// kye ma bden pa gzigs pa yi// sangs rgyas rnams ni 'byung ba med// de dag gis ni tshigs su bcas/ brjod na skab zla ba gtong // zla ba'i mdo rdzogs so// 'di dang thar pa lo tsas bsgyur ba de mdo gcig tu snang / @rgya gar skad du/