བོད་ཡིག

e-texts produced with BDRC’s OCR application

/ rgya gar skad du bud+d+ha a b+hi Shi ka ma nA ma sto tra ma/ bod skad du/ sangs rgyas dbang bskur ba zhes bya ba'i bstod pa/ thams cad mkhyen pa la phyag 'tshal lo// de nas bskal pa grangs med gsum// pha rol phyin rnams rdzogs pa yi// thub la lha rnams kyis gsol pas// mtho ris nas ni mi nang gshegs// nyi ma'i rigs te zla ba yi// sa yi bdag po zas gtsang dang // gtso mo sgyu 'phrul lha mo yi// mngal du nying mtshams sbyor bar mdzad// der ni rin chen khang gnas shing // lha yi mchog rnams bstod byed la// de la gsung ni mthon po yis// dam pa'i chos ni ston par mdzad// lha rnams thal mo sbyar byas te// dus gsum du ni der lta ba// rdul med mu tig 'phreng ba ni// baiDUR+Ya'i snod gnas 'dra// bdud rtsi rab sbyin gzugs can te/ de yis lha mo mdzes par gyur// zla bshin tu gsal pa 'am// mu tig 'o ma'i rgya ma rgyo'adra// 'byung po rnams ni dbugs brtsin cing // yid la ri ba'i ngan rdzogs mang // de ni 'dod pa stsol bste 'dod pa thams cad tshogs mdzad// skyed mos tshal ni lum bi nor// 'jig rten gtso mo song gyur te// sa bdag dang ni sras rnams dang // 'dun na 'don dang lhan cig tu// der ni mya ngan med pa yis// yal ga la 'jus brtul zhugs gnas// nam mkha' lha yi bu mo rnams// zla ba dang ni skar tshogs 'dra// skar ma rgyal la bab pa na// de sras rtsi ma'i logs nas ni// 'gro la phan pa mkhyen ba yis// nyi ma shar ba bzhin du byung // mtshan mchog yang dag rdzogs pa yis// gtso bo nyid kyi sku yi 'od// 'dzam bu'i chu bo'i gser 'dra yis// phyogs rnams rab tu snang bar gyur/ brgya byin ma ma'i cha byad can// smin ma bkod pas bzlog par mdzad// sa la gom pa bdun bor na// gter dang pad+mas brgyan par gyur// bdag gi skye ba tha ma ni// 'di la yang srid yod min zhes// snyan pa'i gsung ni bsgrags nas kyang // phyogs rnams kun tu gzigs par gyur// nyi zla rin chen bum pa las// dro grang chu yi rgyun gnyis ni/ dri ma med pa'i nam mkha' las// de yi dbul bab par gyur// bde gshegs 'gro ba'i bla ma ni// rin chen sna tshogs bkram pa yi// seng ge'i gdan ni mthon po la// dgyes pas der ni bzhugs par gyur// brgya byin gnas kyi chu bo dang // 'jug dogs las blangs lha yi chu// gser las byas pa'i bum pa yi// lha rnams kyis ni dbang bskur bstabs// lha yi gos dang 'phreng ba dang bstod pa la ni brtson pa yi// tshogs rnams du ma 'dus pa yis// lha yi tshal ni gang bar gyur// rnga sgra rnams kyi ca co yis// mkha' dbyings ma lus khyab par gyur// nam mkha' las/ ni me tog char// rgyun mi 'chad par bab par gyur// man+dar me tog cha la bkram pas// gtsang ma yi ni gnas ltar gyur// ga bur tsan dan phye ma yis// 'jig rten mgon la gtor bar gyur/ ri bo rgya mtshor bcas pa dag/ gar mkhan gyi ni gos ltar g.yos// bcud rnams sna tshogs 'dzin pa yis// sa dag rnam drug g.yos par gyur// bung ba rnams ni sgra sgrogs shing / dus rnams kun tu byung ba yi// shing rnams rang nyid 'dud pa dang // me tog rnams ni 'thor bar gyur// blon po rgan dang 'dun na 'don// bkra shis dag ni 'den par byed// sa dang mkha' dang grub pa dang // mi 'am ci dang lhan cig spyod// nags na gnas pa'i lha rnams dang // lha dang grub pa rig 'dzin mi// nang gi slas kyi bud med kyang / rab tu dga' bas gar yang byed// long bas mig dang 'on pas thos/ lkugs pa rnams ni sgra gsal dang / nang pa nad las thar pa dag skad cig der ni thob par gyur// ri dgas bya dang sdig sbrul dag/ phan tshun 'tshe bar 'dod pa yi// sems can thams cad da yi tshe// rtsod med 'tshe ba med par gyur/ tshe gang la'ang sdug bsngal dang // nyes spyod byung bar ma gyur to// 'gro ba 'di dag nad med cing // bde zhing lo yang legs par gyur// de tshe kun tu'ang mdun du ni// gcer rnams der ni byung bar gyur// de'i tshe srid gsum rgyas par ni// dga' zhing bde ba dag tu gyur/ rgyal ba dbang bskur bsod nams gang / bsod nams ldan pa'i sems kyis ni/ na par byed pa de dag la/ phun sum tshogs kun lag mthil gnas// tshe dang nang med dbang phyug dang // dga' zhing rgyas dang rgyal dang grags// rdzogs sangs yon tan sgrogs pa yi// dad pa'i myi yis thob par 'gyur// sangs rgyas dbang bskur ba zhes bya ba'i bstod pa rdzogs so// rgya gar gyi mkhan po bim la ka ra war ma dang // lo tsa ba ban d+he rin chen bzang pos bsgyur cing zhus pa/ gcig zhus//