| བོད་ཡིག | e-texts produced with BDRC’s OCR application |
sde 'di thos nas// dge slong thams cad gus bcas pas// chos la spyod pa nyid du gyis// klu'i rgyal po rnga sgra'i tshogs su bcad pa rdzogs so// @rgya gar skad du/ b+hik+Sha pra ri dzu sU tra nA ma/ bod skad du/ dge slong la rab tu gces pa'i mdo zhes bya ba// thams cad mkhyen pa la phyag 'tshal lo// 'di skad bdag gis thos pa dus gcig na/ bcom ldan 'das mnyan yod kyi grong khyer chen po pad+ma rgyas pa zhes bya ba'i gtsug lag khang na bzhugs te// de na dge slong gi dge 'dun 'khor stong phrag phyed dang gsum dang thabs cig go de nas de'i tshe bcom ldan 'das kyis mkhor 'dus pa de'i nang na/ 'phags pa nye bar 'khor zhes bya ba dbang po dul ba thos pa dang ldan pa shes rab zab pa/ bcom ldan 'das kyis legs par gsungs pa'i chos 'dul ba la lhag par mos shing mchog tu 'dzin par gnas pa rang gi stan las langs te/ bla gos phrag pa gcig tu gzar te pus mo g.yas pa'i lha nga sa la gcugs nas/ lag ba gnyis kyi thal mo snying kar sbyar ba byas 'dzum dmyal nas bcom ldan 'das la 'di skad ces gsol to// 'khor ba'i 'dam nas pad+ma ltar byung ba'i// / skyob mdzad ri bo lta bur mi bskyod thub pa'i sku// dpe byad rgyan gyis brgyan cing mtshan gyi me tog mdzes// blta bas mi ngoms rab mchog khyod la phyag 'tshal lo// khyod kyis bdag cag 'dir 'dus 'di dag la// dge slong 'ba' zhig gnas pas dge slong gi/ ngo bo dbye dang sgra 'jug ched bya ba// bzhi po 'di dag thub pas gsungs du gsol// de nas bcom ldan bde gshegs rab dgyes te// nye bar 'khor la spyan gzigs 'di skad gsungs// legs par nyon cig pu khyod nye bar 'khor// ngas ni khyod kyi sems rang ba phyi dang // dge slong rnams la phan byi de bshad do// dge slong zhes bya chos kyi rgyal mtshan te// dge slong zhes bya rdo rje'i srog shing yin// dge slong zhes bya sdug bsngal spangs pa ste// dge slong zhes bya rgyal ba'i sras po yin// dge slong zhes bya tshon mongs srog gcod de// dge slong zhes bya thar pa'i tshal 'gros/ dge slong rang gi ngo bo bsdams pa ste// rtsa ba ba ni sogs nyis brgya lnga bcu pa// ched du bya ba rnams dag tshul khrims yin// dbye ba ming gi dge slong gang yin dang // rtags tsam 'dzin dang pangs dge slong ste// sgra 'jug rnam par/ zang phyir dang // dge ba slong dang zas slong dang // zhi bar gnas dang lam zhugs dang // legs par 'tsho dang chags spangs dang // yid 'ong byir na dge slong ngo // dge slong zhes bya ba rgyan pa ste// rgyan spangs rgyan gyis legs par brgyam// chags spangs chags pa chen po spyad// byug pa khrus dang bza' ba dang // rgyan dang gos dang kha dog dang // rta dang glang po khyogs rtsigs kyis// banon pa bla med de yang bzhom// de dag 'byor pa dge slong ste// de dag mi 'byor dge slong min// de nas nye bar 'khor de yis// bcom ldan 'das la 'di skad gsol// ci de bde bar gshegs pa yis// skad kyis rtogs par dka' ba gsungs// de nyid bde bar gshegs pa yis// tshig gi mun pa tshig gis ni// mer mes gsal bar mdzad du gsol// bcom ldan 'das kyis bka' stsal pa// gser las sogs pa 'jig rten rgyan// rab tu spangs pas snying rje yi// rgyan gyi mchog gis brgyan par bya// 'jig rten ma yin bslabs pa yi// gos gyon gos mchog bzang po yin// ga pur la sogs ma yin pa'i// tshul khrims byug pa mchog gis byug/ dkar dmar la sogs ma yin gyi/ dad pa'i kha dog rnam par mdzes// 'jig rten ma yin brtson 'grus kyi// banon pa bla med mgyogs pa'i mchog/ bsam gtan chos spyod zas mchog ni// 'bras chan pas ni ro mchog ldan// dge 'dun tshogs kyi gnal yas khang / zhi gnas stan la rab tu spyod// de dag ldan zhing phyir mi ldog/ de ni yang dag dge slong yin// gtso bo gsum dang 'khor ltar ldan// drang srong snod bcas lakhar gsil ldan// lus pa/ yid gsum rnam par bsdams// rang gi spyod pa brtul zhugs brten// de yang yang dag dge slong yin// de gnyis thar pa'i grong khyer la// bsnyen pas thar pa bde ba'i mchog/ yang dag ma yin gnyis shos ni// lhung bzed la sogs rab 'bar bas/ dmyal bar khro chu lta bur mi/ brgal pa stong phrag bani ru 'am// la la'i tshul khrims bde ba ste/ la la'i tshul khrims sdug bsngal rgyu// tshul khrims ldan pa bde ba'i mchog/ tshul khrims 'tshal ba sdug bsngal yin// shin tu leg/ par tshul khrims gang // bsdams pas mi de mdzes pa'i gzugs// 'dul ba la ni nye bar gnas// tshul khrims bslab pa rang yid ches// mi de nyi ma gcig la yang // bsod nams phung po dpag med pa// sog cing sangs rgyas 'bras bu bskrun// rang gi rang la bslus 'debs shing // bslab pa dag la ma gnas shing // bde bar gshegs pa'i rgyal mtshan 'dzin// gzugs tsam la ni brten nas su// nga ni dge slong yin zer ba/ grang smon snar la rtag pa 'am// sbrum ma sbyar rtsi 'thung ba ltar// mi de nyi ma gcig la yang // sdig pa'i sa bon dpag med dang // rang la gnod pa sna tshogs pa// byed par 'gyur ba kho na yin// gang zhig bslab pa mi gnas shing // bde gshegs rgyal mtshan 'dzin pa bas// bslab pa mi gnas skad cig la// bzugs bor khyim par gnas pa bzang // bslab pa mi gnas rtag 'dzin pa// 'jig rten pa ni thams cad kyis// snying du sdug/ bar mi 'gyur zhig kun cicig gi ngan snod pas// dper na sdongs po bzang po la// yun ring yan lag 'khrug pa bzhin// mi de rtags tsam yun ring na// kha na ma tho'i gtam 'phel dang // sdig pa'i las rnams 'phel bar bshad// tshul khrims 'di ni bde ba'i mchog/ tshul khrims 'di ni thar pa'i lam// tshul khrims 'di ni yon tan zhing // tshul khrims 'di ni sangs rgyas rgyu// tshul khrims 'di ni mchog yin pas// mig gi 'bras bu bzhin du srungs// srog la bab kyang tshul khrims ni// gtong ba mi mkhas blun po yin// srog chad phyi mar skye ba ste// tshul khrims phyi nas de lta min// de bas nye bar 'khor sogs kyis// 'di nyid la ni brten par bzung // de skad ces/ bcom ldan 'das kyis bka' stsal te// nye bar 'khor la sogs pa dge slong de dag bcom ldan 'das kyis gsungs pa la mngon par bstod do// dge slong la rab tu gces pa zhes bya ba'i ming rdzogs so//