བོད་ཡིག

e-texts based on the ACIP/ALL Input

cing zhus te gtan la phab pa'o// //rgya gar skad du/ e ka bI ra sA d+ha naM nA ma/ bod skad du/ dpa' bo gcig pa'i sgrub thabs zhes bya ba/ dpal lhan cig skyes pa rang gi lha la phyag 'tshal lo/ /dang por sngags pas phyi nang gi dri ma dag par byas bstan bde ba la 'dug ste/ rang skad cig gis he ru kar bskyed pa'i snying ga'i hUM gi 'od kyis gdug pa thams cad zhi bar byas te/ 'od tshur 'dus pa las bsrung ba'i 'khor lo bsgom par bya'o/ /de nas tshangs pa'i gnas bzhi bsgom par bya ste/ sems can thams cad bde ba dang ldan par bya snyam pa'i byams pa dang/ sdug bsngal dang bral bar bya snyam pa'i snying rje dang/ he ru ka'i go 'phang la dgod par 'dod pa'i dga' ba dang/ 'jig rten dang 'jig rten las 'das pa'i dge ba'i rtsa ba ma lus pa la dgod par 'dod pa'i btang snyoms tshad med pa bsgom par bya'o/ /de nas dad pa dang gus pas mdun gyi nam mkha' la bla ma brgyud pa dang bcas pa dang/ sangs rgyas dang byang chub sems dpa' rnams bsams te/ de dag thams cad 'od kyi gong bu las/ dpal he ru kar gyur pa la mchod pa dang/ bstod pa dang/ sdig pa bshags pa dang/ sdom pa bzung? ba dang/ gsol ba gdab pa la sogs pa bya'o/ /de nas oM shU n+ya tA dz+nyA na badzra swa b+hA ba Ata ma ko haM/ zhes brjod pas stong pa nyid du bsam par bya'o/ /'byung ba rim brtsegs kyi ri rab kyi steng du pad+ma la nyi ma dang zla ba'i steng du hUM 'od zer lnga 'phro ba dang 'du ba rdo rje sems dpa' i rang bzhin can/ de yongs su gyur pa las bcom ldan 'das dpa' bo gcig pa sku mdog mthing gzhal gcig pa phyag gnyis pa rdo rje dril bu 'dzin pas yuM la 'khyud pa/ zhabs g.yas brkyang bas 'jigs byed mnan pa/ g.yon bskum pas dus mtshan mnan pa/ ral pa nag po gyen du g.yengs pa'i gcod ban can/ spyi gtsug gi nor bu dang sna tshogs rdo rje dang zla ba phyed pa'i dbu rgyan can/ mi bskyod pas dbu rgyan pa dang dbyangs kyi cod pan dang/ sgeg pa la sogs pa'i nyams dang ldan zhing shin tu sing bag dang ldan pa/ stag gis pags pas smod dkris shing/ mi mgo lnga bcus do shal byas pa/ phyag rgya drug par ldan par bsgom par bya'o/ /de'i spyan sngar yum bcom ldan 'das ma rdo rje phag mo sku mdog dmar mo zhal gcig phyag gnyis ma spyan gsum pa phyag g.yon na thod pa bsnams nas yab la 'khyud pa/ g.yas rdo rje dang sdigs mdzub byas nas gdug pa can skrag par byed pa/ skra grol ba gcer bu dum bu'i ska rags can/ mi mgo skam po'i phreng ba se ral khar 'phyang ba/ zhabs g.yas byin pa la 'khril zhing g.yon brkyang ba/ phyag rgya lnga dang ldan pa bde ba chen po'i bdag nyid can/ yab yum snang stong zung du 'jug pa bsgom par bya'o/ /de las lus skyo zhing sems dub na bskyed rim gyi bang las/ bla ma'i man ngag gis bzlas par bya'o/ /de yang he ru ka'i thugs ka nas ye shes sems dpa' / de'i thugs ka nas ting nge 'dzin sems dpa' i yi ge hUM sngon po la snying po'i sngags kyis bskor ba la sems gtad de bzlas par bya'o/ /oM h+rI: ha ha huM hUM phaT/ de las skyo bar gyur na khams gsum thams cad 'od kyi rang bzhin du byas te/ 'od zer yang rim gyis bsdus nas/ he ru ka yab yum la/ de snying ga'i hUM la hUM zhabs kyu nas nA da'i bar du bsdus la/ 'od gsal bsam gyis mi khyab pa'i ngang la ji srid gnas kyi bar du bsgom mo/ /de las kyang lus skyo sems du ba na/ 'od gsal las zung 'jug gi skur langs te/ snang la rang bzhin med pa/ me long gi gzugs brnyan lta bu/ kha dog dang bcas pa 'ja' tshon lta bu/ sgro skur dang bral ba chu zla lta bur langs te/ zung 'jug tu bsgom par bya'o/ /spyod lam dang thun mtshams kyi rnal 'byor dang ldan pas thun bzhir nyams su blang ngo// dpal bde mchog 'khor lo dpa' bo gcig pa'i sgrub thabs yul b+haM g+ha la slob dpon bsod snyoms pa/ dpal mar me mdzad ye shes kyis mdzad pa rdzogs so// //bod kyi lo tsa ba nag tsho tshul khrims rgyal bas bsgyur pa'o// //rgya gar skad du/ badzra A san badzra gI ti/ bod skad du/ rdo rje gdan gyi rdo rje'i glu/ 'jam dpal gzhon nur gyur pa la phyag 'tshal lo/ /dpal ldan rdo