བོད་ཡིག

e-texts based on the ACIP/ALL Input

bod kyi lo tsa ba mkhas pa mang po chos kyi dbang phyug gis bsgyur cing zhus te gtan la phab pa'o// //dpal 'khor lo sdom pa'i bsgrub thabs bzhugs/ /rgya gar skad du/ sh+rI tsakra saM ba ra sA d+ha naM ratna dI pa/ bod skad du/ dpal 'khor lo sdom pa'i sgrub thabs rin po che'i sgron ma/ dpal he ru ka la phyag 'tshal lo/ /gang zhig rnam dag kun tu rtogs yang mkha' 'dra'i chos sku dang dpe med phun tshogs bde bas rnam mdzes longs spyod rdzogs sku nyid/ sa rnams kun tu phan mdzad rab gsal sprul pa'i skur brjod gang/ bcom ldan rdo rje sems dpa' de yis khyed la bde legs shog /dang por re zhig rnal 'byor ba dpal 'khor lo sdom pa'i dbang bskur ba dang yang dag par ldan pas yid dang rjes su mthun zhing dben bar bde ba'i stan la 'dug ste/ dam tshig brten par byas nas rang gi snying gar nyi ma'i dkyil 'khor la hUM nag po bltas la bla ma'i man ngag ji bzhin pas sngags bkod pa'i lag pa g.yon pas dam tshig gi rdzas sbyangs shing blangs te/ zhal bzhi pa'i sngags kyis phyogs bzhi dang bdag tu byas pa la gtor ba dang yan lag la yang dgod par bya zhing bdag dang gnas dang rnal 'byor bsrung bar bya'o/ /de nas dri zhim po dang bcas pa'i chus mdun du maN+Dal byas te/ bdud rtsi lnga dang dam tshig can gyis byugs la/ de'i dbus su g.yon pa'i ming med kyis mnan te/ pu dza dang gtogs pa'i yi ge nyi shu rtsa bzhis rnam par dag pa dang/ gnas la sogs pa bcu'i ming can sa bcur mos pa brjod par bya'o/ /de'i rjes la dkyil 'khor de skad cig tsam gyis 'byung ba chen po bzhi la gnas pa'i ri rab kyi steng du/ gzhal yas khang dur khrod dang bcas pa bskyed de/ de'i nang du sna tshogs pad+ma'i ge sar la nyi ma'i steng du/ rang gi snying ga'i sa bon gyi 'od las 'phros? pa'i rdo rje 'dzin pa bltas te/ de yongs su gyur pa las bcom ldan 'das 'khor lo yongs su rdzogs pa dang bcas pa'i bdag nyid bcom ldan 'das ma dang snyoms par 'jug par blta bar bya'o/ /de'i 'og tu snying ga'i sa bon gyi 'od zer gyis? phreng ba rnams kyis 'khor lo bskul te/ nam mkha' i phyogs su gnas pa la mngon du phyogs nas mchod pa byas la/ sngags dang bcas pas dam tshig gi 'khor lo bcug nas/ ro mnyam par bya ba dang/ mchod ba rnams kyis mnyam par bya ste/ de yang rnam par byang ba'i lag pa g.yon pas yi ge gsum gyis sngags dkyil 'khor gyi dbus su/ dang po bcom ldan 'das nyid me tog la sogs pas mchod par bya'o/ /'di lta ste/ bcom ldan 'das kyis snying po dang/ nye ba'i snying po dang/ bcom ldan 'das ma'i snying po dang/ nye ba'i snying po nyid kyis bya'o/ /de bzhin du mkha' 'gro ma nas gshin rje 'joms ma la sogs pa'i mthar thug dpa' bo'i dbang phyug ma bcu gnyis man ngag bzhin du rang rang gi sngags kyi phyogs rnams su g.yon skor du dgod cing/ mtshams rnams su ni g.yas su bskor bas gnas ji lta ba bzhin de dag la mchod par bya'o/ /de nas yid las byung ba'i mchod pa lha mo bcu drug dang/ bdud rtsi dang/ te te dga' ba'i blus? nye bar mchod par bya'o/ /de bzhin lag pa g.yon pa'i mthil du pad+ma lnga pa lte ba dang bcas pa'i gzhing/ dpa' mo drug rnams la go rim bzhin du dmar mo dang/ sngon mo dang/ dkar mo dang/ ser mo dang/ ljang gu dang/ du ba'i mdog can rnams bkod la/ 'khor lo sgyur ba drug kyang dkar po dang/ skya bo dang/ ser po dang nag po dang dmar po dang/ /ljang gu rnams sngags kyi gzugs su phyogs ji lta ba bzhin du rang rang gi sngags kyis me tog dgod pa sngon du 'gro bas cho ga bzhin du mchod pa dbul bar bya'o/ /'khor lo de yang lag pa'i rgyab tu me long dang ba'i ? gnyis pa'i gzugs brnyan bzhin du gsal bar snang bar blta'o/ /de nas de'i dkyil 'khor gyi sngags rnams ni/ sa la sogs pa'i khams rnams kyi rang bzhin ltung byed ma dang/ rdo rje sems dpa' la sogs pa'i lha rnams kyi ngo bo nyid du lhag par mos par bya ste/ khu ba byin gyis brlabs pas bsang gtor byas la 'khor lo de nyid dpa' bo dpa' mo rnams kyis byin gyis brlabs pa'i dkyil 'khor 'khor lo gsum gyi rang bzhin du mos pa byas shing/ rkang pa brgyad pa'i sngags kyis me tog la sogs pas mchod par bya'o/ /de nas me tog phreng ba'i sngags brjod pa'i mthar dkyil 'khor du dor te snyim pas blangs nas phreng sngags sngon du brjod pas mgo bor dgod par bya'o/ /ye shes kyi 'khor lo de yang bdag nyid la bcug? par bsams nas yi ge brgya pas brtan par bya'o/ /de nas sdig pa bshags pa la sogs pa cho ga bcu gsum gyis rnam par dag par yang bya'o/ /de'i 'og tu bdag po rnams la bdud rtsi myang ba lta bu'i cho gas gtor ma sprin pa'ang shes par bya'o/ /gal te 'byor na rnal 'byor pa rnams 'dus te cho gas kyi 'khor lo bskor bar bya'o/ /de nas rdo rje dril bu 'dzin pas 'dud pa byas te sh+rI ni gnyis med ye shes te/ he ni rgyu sogs stong pa nyid/ /ru ni tshogs pa dang bral ba/ /ka ni gang duAng mi gnas nyid/ /he ru ka dpal dkyil 'khor gtso/ /rdo rje 'dzin mchog phyag 'tshal bstod/ /dpal ldan rdo rje mkha' 'gro ma// mkha' 'gro ma yi 'khor lo sgyur/ /ye shes lnga dang sku gsum nyid/ /'gro ba skye bas? phyag 'tshal bstod/ /ji snyed rdo rje mkha' 'gro ma/ /kun tu rtog pa 'ching gcod cing/ /'jig rten bya ba rab 'jug pa/ /de snyed rnams la phyag 'tshal bstong ces bya bas bstod par bya'o/ /cho ga'i bya ba ma tshang ba/ /rdzogs sangs rgyas dang lha rnams dang/ /de sras rnams dang tshangs la sogs/ /'jig rten skyong rnams bzong par gsol/ /zhes bya bas bzod par gsol ?/ /de nas lha mo tshad ma bam tshig tshad ma dang/ /nges gsungs tshig ni mchog tu tshad ma ste/ /bden pa 'di dag gis ni lha mo rnams/ /bdag la rjes su 'dzin pa'i rgyur gyur cig /ces smon lam gdab par bya ste/ 'di ni phyi rol gyi mchod pa'i cho ga'o/ /de nas nang gi rnal 'byor la brtson par 'dod pa'i sngaD pas/ yang snying ga'i sa bon gyi 'od zer phreng ba'i lcags kyus 'chang par 'gyur ba'i mtshan nyid can gyi bcom ldan 'das dkyil 'khor dang bcas pa bskul te/ nam mkha' la bltas phyag 'tshal ba dang/ mchod pa sngon du 'gro pas/ de'i spyan sngar sdig pa bshags pa la sogs pa bya ba ni/ thog med nas bsags sdig dang bag chags mthus/ /rnam smin sdug bsngal bskyed cing rtas gyur pa'i/ /sdig dang nyon mongs ji snyed? mchis gyur pa/ bcom ldan 'khor lo'i gtso la so sor bshags/ /'das dang ma byon de bzhin da lta'i dus/ /nyan thos rang rgyal byang chub sems dpa' dang/ /'bras bu gsang sngags sgrub pa lhur byed pa'i/ /dge ba mdzad pa kun la rjes yi rang/ /khyed 'dir mi 'gyur mkha' ltar rtag bzhugs la/ /dogs pa'i sa las sems can bsgral ba'i phyir/ /srid pa ji srid gzugs sku rnam gnyis su/ /mya ngan mi 'da' brtse bas gzhugs su gsol/ /'khor ba ji srid par du bzhugs nas kyang/ /sems can dman dang mchog dang bar ma la/ /gsang sngags rdo rje theg pa bla med pa'i/ /bde ba mchog gi 'khor lo bshad du gsol/ /lha mi rkang gnyis gtso bo thams cad mkhyen/ /dus gsum gshegs pa sangs rgyas ngo bo nyid/ /dus gsum dbyer med ye shes dpa' bo'i thugs/ /sangs rgyas gtso la gus bas skyabs su mchi/ /ngan 'gro srid pa'i nyon mongs dri sel ba/ /rnam ngag dus gsum dam chos ngo bo nyid/ /a li kA li ro gcig dpa' ma gsung/ /skyob pa'i chos la dang bas skyabs su mchi/ /sdig grog log par 'khrid las thar mdzad pa/ /dus gsum tshogs kyi dam pa'i rang bzhin dpal/ /tshogs gnyis rnal 'byor bde chen lha yi sku/ /dge 'dun che la yang dag skyabs su mchi/ /srid pa'i btson ngar bsdams pa'i nyam thag rnams/ /bde ba mchog gi sa la dgod pa'i phyir/ /bgrod pa kun kyang 'khor lo sdom pa yi/ /lam chen 'di la dga' bas bdag gnas so/ /bla na med pa'i byang chub sems// dam pa bdag gis bskyed bgyis te/ /sems can rnams kyi don gyi phyir/ /rdo rje 'khor lo rin chen dang/ /pad+ma dang ni las kyi rigs/ /ji bzhin ji snyed dam tshig sdom/ /bdag gis brtan por yang dag zung/ /nam yang brtson pa mi dor ro// de lta bas na myur du bdag /ma smin pa rnams smin pa dang/ /ma grel ba rnams dgrol bar bgyi/ /ma rgal ba rnams brgal ba dang/ /dbugs ma byung? rnams dbugs dbyung zhing/ /sems can mya ngan 'das la dgod/ /gnas dang nye zhing pa sogs bcu gnyis su/ /dam tshig brda dang bde spyod rol pa'i lam/ /de ring nas bzung rtag tu longs spyod cing/ /bde chen ye shes rol pas legs gnas shog /thabs dang shes rab snyoms 'jug rnam mi rtog /lus ngag yid 'dir gsang sngags dge spyad pa/ /'gro ba sdug bsngal me tshogs gzhi la slad du/ /ma lus bdag gis dngos grub mchog tu bsngo/ /zhes bya ba 'di dag gis so/ /de'i rjes la byams pa dang/ snying rje dang/ dga' ba dang/ btang snyoms tshad med pa tshangs pa'i gnas bzhi po dag bsgoms nas bdag nyid mi gnas pa'i mya ngan las 'das pa stong pa nyid kyi ting nge 'dzin la skad cig gis gnas bar bya'o/ /oM swa b+hA ba shud+d+ha(rgyud 'grel de nas ting nge 'dzin de pas langs nas 'gro ba sgyu ma lta bur bltas la/ sa bon gyi yi ge yaM raM baM laM suM yongs su gyur pa las/ gzhu dang gru gsum zlum po dang/ gru bzhi dang ni lhun po ste/ sngo dang dmar dang dkar dang ser/ /'byung chen bzhi'i dkyil 'khor bsgom/ /de steng rin chen bzhi'i rang bzhin/ /ri bo la gnas 'khor lo sprul/ /oM me di ni badzri b+hA ba badzra band+ha hUM la hUM oM badzra pra ka ra hUM baM hUM/ oM badzra pany+dza raM hUM paM hUM/ oM badzra bi tA naM hUM khaM hUM/ oM badzra sa ra dzA la traM saM traM/ oM badzra dzwa la a na lArka hUM hUM hUM zhes bya ba la sogs pa 'dis rdo rje'i sa la sogs pa drug sprul bar bya'o/ /de'i nang du ni sna tshogs pad+ma ge sar gyi steng du yA li kA li yongs su gyur pa las byung ba'i zla ba dang nyi ma kha sbyor gyi dbus su hUM rdo rje sems dpa' i bdag nyid 'od zer 'phro ba dang 'du ba'i bdag nyid can bsgoms la/ de dag yongs su gyur pa las bcom ldan 'das he ru ka gzhal yas khang dang bcas par bdag nyid yang dag par bsam mo/ /de la bcom ldan 'das ni nyi ma'i dkyil 'khor gyi steng du 'jigs byed dang dus mtshan gyi dpral ba dang nu mar g.yon bskum zhing g.yas brkyang bas bzhugs pa/ nam mkha' i mdog can sngon po dang ljang gu dang dmar po dang/ ser po'i zhal bzhi mnga' ba re re yang spyan gsum pa cung zad khro bo'i dang chul can/ thod pa lngas brgyan pa/ sku mnga' mgo bo rlon pa'i phreng ba brgya'i phreng kyis brgyan cing/ sna tshogs rdo rje dang zla ba phyed pas mtshan pa/ ral pa'i thor tshugs can/ sku la phyag rgya drug gis brgyan pa/ zhal mche ba gtsigs pas 'jigs par byed pa stag gi lpags pa'i sham thabs can/ sgeg pa la sogs pa'i nyams dang ldan pa/ rdo rje yan lag mas nye bar 'khyud pa dang/ phyag bcu gnyis spras pa ste/ rtsa ba'i gnyis kyis rdo rje dang/ /dril 'dzin bde chen ma nyid 'khyud/ /gnyis kyis glang chen lpags pa 'dzin/ /g.yas phyag gsum pa bzhi pa dang/ /lnga pa drug pa go rim bzhin/ /cang te'u dgra sta gri gug dang/ /rtse gsum rdo rje'i mdung bsnams pa'o/ /de bzhin g.yon phyag gsum pa yi/ /bzhi pa lnga pa drug rim ltar/ /kha TwAM thod pa rdo rje zhags/ /tshangs pa'i mgo bo mdzes 'dzin pa/ /brten cing 'brel 'byung rnam dag bdag /de'i mdun du bcom ldan 'das ma bsgom par bya ba ni sku mdog dmar po spyan gsum pa/ zhal gcig pa dum bu'i ske rags kyis brgyan cing/ kha TwAM gas brgyan pa'i thod pa 'dzin pa'i phyag g.yon pas mgul pa nas 'khyud pa dang/ rdo rje tshangs pa'i gri gug rab tu 'bar ba thogs pas steng du sdigs mdzub cher bsgreng pa/ phyin? pa gnyis kyis bcom ldan 'das kyi brla gnyis la dkris shing gshibs nas phan tshur bcugs pas 'khyud de bzhugs pa'i mtshan nyid rab tu gsal bar bsgom par bya'o/ /de nas shar gyi 'dab ma la mkha' 'gro ma mdog nag mo dang/ g.yon gyi 'dab ma la/ lA ma ljang gu dang/ nub kyi 'dab ma la dum skyes ma dmar mo dang/ g.yas kyi 'dab ma la gzugs can ma ser mo dang/ de bzhin du mtshams rnams su ni byang chub kyi sems kyi snod bzang po dag nya? ba'i 'dab ma shar la sogs pa bzhir ni/ /bwa gdong ma la sogs pa'i lha mo rnams mkha' 'gro ma bzhi po dag dang 'dra'o/ /mtshams bzhir ni gshin rje brtan ma la sogs pa ni phyed kyi mdog can du shes par bya'o/ /rnal 'byor ma de dag thams cad kyang zhal gcig phyag bzhi ma g.yas bskum nas g.yon brkyang ba'i zhabs kyis ro'i gdan la bzhugs pa/ gos dang bral ba phyag rgya lnga'i rgyan cha can thod pa rdo rje phreng bas spras pa'i dbu rab tu mdzes pa nyid dang/ mgo bo'i phreng bas brgyan cing thod pa dang/ kha TwAM ga dang gri gug dang cang te'u bsnams pa cung zad drag po'i mtshan nyid can du bsams par bya'o/ /de'i 'og tu de dag thams cad gyi lus dang ngag dang yid kyi las rnams 'khor lo dang pad+ma dang rdo rje lte ba la gnas ba'i sa bon oM A:hUM zhes pa 'di dgod de/ ji bzhin spro ba dang bsdu ba'i 'od kyis sbyor ba yongs su sbyang bar bya'o/ /de nas rdo rje go cha'i sngags kyis bcom ldan 'das la go bgo bar bya ste/ oM ha/ na ma hi/ swAhA hu/ bau ShaTa he/ hUM hUM ho/ phaT haM/ zhes bya ba'i 'khor lo sgyur ba drug gi ngo bo 'di dag gis snying ga dang/ spyi bo dang/ mgo bo dang/ phrag pa gnyis dang/ spyan gsum dang/ yan lag thams cad la bsrung bar bya'o/ /oM baM/ haM yoM/ h+riM? moM?/ h+reM h+riM/ hUM hUM/ phaT phaT/ ces bya ba dpa' bo drug gi ngo bo 'di dag ni/ bcom ldan 'das ma la go cha bgo bar bya'o/ /lte ba dang/ snying ga dang/ kha dang/ dpral pa dang/ spyi bo dang/ yan lag thams cad la'o/ /de nas snying ga'i sa bon gyi ? 'od ri mo'i lcags kyus ye shes gyi 'khor lo bkug ste/ dam tshig pa sngags sngon du 'gro bas bzhag par bya'o/ /bcom ldan 'das la dbang bskur ba'i don du gsol ba gdab par bya'o/ /de las spros pa'i bdud rtsi lngas gang ba'i rin po che'i bum pa 'dzin pa'i yum bzhi po dag gis/ ji ltar bltams pa tsam nyid la/ /de bzhin gshegs kun khrus gsol ba/ /lha yi chu ni dag pa yis/ /de bzhin bdag gis sku khrus gsol/ /oM sarba ta thA ga ta a d+hi She ga? sa ma ya sh+ri ye hUM/ zhes bsngags brjod pas dbang bskur bar bsam mo/ /chu de las byung ba'i rang gi rigs kyi lhas cod pan ji ltar rigs pa nye bar brgyan par bya'o/ /de'i rjes la snying ga'i sa bon gyi 'od zer gyis gzugs la sogs pa'i yul rnams dang/ bcom ldan 'das ma'i thugs ka 'am/ pad+ma'i ge sar la bsdus nas de las spros pa'i 'od zer lha mo rnams kyis dam tshig la sogs pa'i rdzas dkyil 'khor dang bcas pa'i bdag po la nye bar mchod par bya'o// de nas ma lus pa lha mo dang bcas pas bstod pa'i dbyangs brjod ba ni khyod ni ye shes rang bzhin bde ba chen/ khyod ni phan mdzad shin tu rol pa'i sku/ /khyod ni sa rnams ma lus nyer 'tsho ste/ /rnal 'byor ma'i tshogs bdag bde legs shog /bde chen der ni brtan g.yo'i 'jig rten ston/ /thugs rje sprul pas sems can sad mdzad cing/ sgyu ma'i rnam thar sprul pa don kun bsgrub/ /mgon po bde chen dpal ldan dgyes pas bzhengs zhes bya bas so/ /de'i rjes la mdun du rlung dang me'i dkyil 'khor gyi steng du/ mgo bo gsum la gnas pa'i a las byung ba'i thod pa'i steng du/ sa bon ji lta ba bzhin las skyes pa'i bdud rtsi lnga ste/ steng du oM blta'o/ /a las byung ba'i zla ba'i dkyil 'khor gyis kha bcad do/ /'og tu ni hUM las skyes pa'i rdo rje las/ /thams cad 'bar ba la sogs pa'i rim gyis bdud rtsir bsgyur te/ ye shes kyi bdud rtsi drang ba dang/ ro myang ba'i ngo bo nyid du yi ge gsum gyis byin gyis brlabs te/ hUM las byung ba'i rdo rje'i lces mtshan pas myang bar bya zhing 'phro ba'i sbyar bas lha mo'i tshogs kyang tshim par bya'o/ /de nas rdo rje pad+ma rnam par sbyangs pa'i bsdebs pa dga' i sgras dga' ba chen pos de bzhin gshegs pa'i rigs nang du zhal bcug ste/ zhu bar gyur pa nor bu'i ze 'bru'i 'bras bu'i thig le gnyis? kyi bdag nyid rdo rje sems dpa' i ngo bo nyid du gnas par byas la/ lhan cig skyes pa'i don la mngon du phyogs pas ting nge 'dzin du bya'o/ /kha sbyor dbus nas sa bon gnas/ thig le gnyis po mi 'gyur bar/ /rdo rje sems dpa' i ngo bo nyid rnal 'byor pas ? tu bsgom/ zhes ji skad gsungs pa bzhin no/ /A li kA li mdun bsams nas/ /rnal 'byor chen po ngal bso ste/ /zla ba'i dkyil 'khor yongs rdzogs la/ /lte dbus gnas su rnam par bsgom/ /yi ge go 'phang mchog gyur pa/ /de yi dbus su bsam par bya/ /de na sku gsungs thugs rdo rje'i/ /lha yi ngo bo nyid bsgom bya/ /de 'dir lus las 'das gyur kyang/ /sems nyid kyang ni ma yin no/ /bsam med bsam par bya ba'ang med/ /bsam pa de yang mi zhes so/ /sems dpa' yang ni bsam mi khyab/ /de nas gzungs ni thob par 'gyur/ /zhes gsungs pa'o/ /de'i rjes la snying ga'i sa bon gyi thig le nyi ma'i gzugs kyi steng du sngags kyi phreng ba shin tu phra mo mngon par bltas pa/ brtan pa'i sems kyis 'phro ba dang/ 'du ba'i rim pas man ngag ji lta ba bzhin du bzlas par bya'o/ /de la oM sh+rI he he ru ru kaM hUM hUM phaT/ badzra DA ki ni dzA la saM ba raM swAhA/ oM h+rI(rgyud 'grel snying po'o/ /oM sarbba bud d+hA DA ki nI ye badzra bar+Na nI ye hUM phaT swAhA/ oM badzra bai ro tsa nI ye huM hUM phaT swAhA/ lha mo'i snying po dang nye ba'i snying po'o/ /oM DA kinI ye huM hUM phaT/ oM lA me huM hUM phaT/ oM khaN+Da ro he huM hUM phaT/ oM rU pi NI ye huM hUM phaT/ oM kA kA sye hUM hUM phaT/ oM u lu kA sye huM hUM phaT/ oM shwA nA sye huM hUM phaT/ oM sU ka rA sye huM hUM phaT/ oM ya ma dA DhI ye huM hUM phaT/ oM ya ma dU tI ye huM hUM phaT/ oM ya ma daMSh+TI NI ye huM hUM phaT/ oM ya ma ma tha nI ye huM hUM phaT swAhA/ dpa' mo rnams kyi sngags so/ /oM na mo b+ha ga ba te wI re shA ya/ mahA kalpAg+hi saM ni b+hA ya/ dza TA ma ku Todka TA ya/ daM Sh+TA ka rA lo gra b+hI kha Na mu khA ya/ sa ha sra b+hu dza b+hA su rA ya/ pa ra shu pA sho dya ta shU la kha TwAM ga Dhi? ra Ne/ pyAg+h+ra? dzi? nAm+ba? ra dA rA ya/ mahA d+hum+bAnd+ha ka ra wa bu ShA ya/ rtsa ba'i sngags so/ /oM ka ra ka ra/ ku ru ku ru/ ban d+ha ban d+ha/ trA sa ya trA sa ya/ k+Sho b+ha ya k+Sho b+ha ya/ h+rauM? h+rauM?/ h+ra(rgyud 'grel da ha da ha/ pa tsa pa tsa/ b+hak+Sha b+hak+Sha/ ba sa ru d+hi rA nA mA lA ba lampi ni/ grih+Na grih+Na/ sa b+ha pA tA la ga ta b+hu dzaM gaM sarbaM bA/ tardza ya tardza ya/ A kaDDhya A kaDDhya/ h+riM h+riM/ dz+nyau dz+nyau/ k+Sh+mAM k+Sh+mAM/ hiM hiM/ hiM hiM/ hUM hUM/ ki li ki li/ si li si li/ tsi li tsi li/ d+hi li d+hi li/ hUM hUM phaT swAhA/ phreng sngags so// //de nas rnal 'byor pa kha lho phyogs su mngon par phyogs pas ji bzhin spyongs pa'i gtor ma sbyin pa ni/ mtshan mo skra grol gcar? bu yis/ /mthon po'i gnas su mchong brtson pas/ /bdag nyid lha yi nga rgyal gyis/ /rkang pa mnan cing gnas su blta/ /gsang bstod pheM gi sgra sgrogs shing/ /phyogs bcu'i 'jig rten khams bzhugs pa'i/ /dpa' bo rnal 'byor ma rnams 'gugs/ /nam mkha' i ngos la legs bzhugs bya/ /rdo rje thal mo gyen che la/ /dpa' bo rnal 'byor snyan gsan dbab/ /sngags kyis bskul bar byas na ni/ /de yi mod la byon par 'gyur/ /mdzub mo mdud byas gung mo nges par sbyar/ /mthe bong rdo rje brtan po rab tu sbyar/ /rgya 'di dpral ba'i dbus su nyer bzhag nas/ /bskor zhing bskor bas phan tshun kun tu bskor/ /g.yas brkyang ba yi sbyor ba yis/ /'bar ba'i phyag ni bcing bar bya/ /dam tshig gis ni kha bskang la/ /sngags ni 'di ltar rjes dran bya/ / oM a ral+li ho/ /dza:hUM baM ho:badzra DA ki ni sa ma ya stwaM dri sh+ya ho(rgyud 'grel yats+tshan+tu ya thi baM ya theShDaM? b+hUny+dza? tha/ pi? wa tha/ mA ti kra ma tha ma ma sarba karta la/ sat+su khaM bi shud d+ha ye sa hA yi kaM d+ha ban+tu hUM hUM hUM phaT swAhA/ nye bar sbyin pa'i sngags so/ /gang zhig rnal 'byor rnal 'byor ma'i/ /cho ga khyad par 'dod pa yang/ /'di skad bshad pa thams cad kun/ /rnal 'byor ma yis brngar? 'gyur te/ /dpal ldan rdo rje mkha' 'gro nyid/ /gtsor byas dkyil 'khor thams cad bya/ /zla ba phyed ngo'i tshes bcu ni/ /gnyis kar lha mo mchod par bya// gzhon nu ma dang rnal 'byor ma/ /rtag tu cho ga bzhin tshim bya/ /de nas sngags pa ldang bar 'dod mchod pa dang bstod pa sngon du 'gro bas/ /dkyil 'khor gyi man ngag ji lta ba shes pas yi ge brgya pa'i sngags bzlas pas bsdu bar bya'o// de nas bzod par gsol nas gshegs su gsol ba ni/ rdzogs sangs rgyas dang lha rnams dang/ /de sras rnams dang tshangs la sogs/ /'jig rten skyong rnams cho ga 'di/ /ma tshang ba rnams bzod par gsol/ /zhi dang bkra shis bde legs mdzod/ /gtso bo nus pa ma mchis shing/ /ma tshang ba dang lhag gyur pa/ /rnal 'byor gtso bo rjes gnang ste/ /nongs gyur gang de bzod par gsol/ /gsang sngags nyams dang bya ba nyams/ /cho ga nyams par gyur pa gang/ /mnga' bdag ma yi bkas gnang ste/ /'di ni lha mo bzod par gsol/ /lha mo tshad ma dam tshig tshad ma dang/ /des gsungs mchog tu tshad ma gang yin pa/ /bden pa de dag gis ni lha rnams 'dir/ /bdag la rjes su 'dzin pa'i rgyar gyur cig ces bya bas bzod par gsol lo/ /khyed kyis sems can don kun mdzad/ /sgrub la rjes mthun dngos grub stsol/ /sangs rgyas spyod yul gshegs gsol te/ /slar yang 'byon par mdzad du gsol/ /tshul khrims tsan dan phan lag byugs/ /bsam gtan bstod g.yogs kyis dkris shing/ /byang chub yan lag me tog bkram/ /ji ltar bde ba sbyad bar bya/ /oM badzra maN+Dal mu zhes bya pas dkyil 'khor bsdu bar bya'o/ /gang zhig rtag tu gus pas ni/ /rnal 'byor brtson la man ngag sbyin/ /goms pa bskyed pa de la ni/ /phyag rgya chen po 'grub par 'gyur/ /mchod sbyin dbang bskur sbyin sreg dang/ /tshogs kyi 'khor lo rab gnas sogs/ /zhing la sogs pa'i dngos grub stsol/ /ma lus dkyil 'khor 'dir grub byed/ /dang la ldan 'khor lo sdom 'byung man ngag gi /ji bzhin grub pa'i yan lag mdor? bsdus pa/ /mchog gyur sngags 'chang blo gros sgron rnams la/ /gsal byed rin chen sgron ma 'bar 'di yin/ /dge ba gang zhig bdag gis bsags thob? pa/ /dri med sngon zla lta bur dkar gsal gang/ /des ni 'jig rten sprin tshogs mun bsal te/ /snang ba ngo mtshar cig car 'od byed gyur/ /dpal ldan 'khor lo bde mchog gi sgrub thabs/ rin chen sgron ma zhes bya ba slob dpon mkhas pa mai tri pas mdzad pa rdzogs// //rgya gar gyi mkhan po badzra pA Ni'i zhal snga nas dang/ bod kyi lo tsA ba ba reg thos pa dags bsgyur cing zhus te gtan la pab pa'o/ /slad kyis dge ba'i bshes gnyen dam pa mkhas pa ba ri lo rtsa bas bcos shing gtan la bab pa las/ dus phyis kha cha'i paN+Di ta chen po bud d+ha sh+rI dz+nyA na'i bka' drin la brten nas/ gnubs lo tsa bas sgra don ji lta ba bzhin du gtan bab pa'o// //phyogs dus gnas skabs thams cad du/ bkra shis dang bde legs chen pos khyab par gyur cig/ //dpal 'khor lo sdom pa'i man ngag bzhugs// */ /rgya gar skad du/ sh+ri sam+ba ro pa de sha nA ma/ bod skad du/ dpal 'khor lo sdom pa'i