བོད་ཡིག

e-texts based on the ACIP/ALL Input

te gtan la phab pa/ // */ /rgya gar skad du/ e ka ? sA d+ha naM ?/ bod skad du/ dpa' po gcig pa'i sgrub thabs zhes bya ba/ dpal he ru ka la phyag 'tshal lo/ /dang por mal nas langs te/ kha la sogs pa dag par byas nas stan 'jam po la nye bar 'dug ste/ snying gar pa? las pad+ma dmar po 'dang ma brgyad pa bsgom par bya'o/ /de'i steng du ? las nyi ma'i dkyil 'khor bsams te/ de'i steng du yi ge huM mthing ba/ /de'i 'od zer gyis mdzun gyi bar snang la bla ma dang/ sangs rgyas dang/ byang chub sems dpa' dang/ lha mo rnams gsal bar dmigs te/ yid kyis mchod par bsam mo/ /'od zer de nyid kyis sems can thams cad la gsal bar bsams la tshad med pa bzhi bsgom par bya'o/ /de'i rjes la sngags 'dis chos thams cad stong pa nyid du mos par bya'o/ /oM swa b+hA ba shu d+d+ha(rgyud 'grel rdo rje rtse lnga pa'i tshang gzungs la yi ge hUM de sams te/ de'i 'od zer gyi khams gsum gyi sems can gyi sdig sgrib sbyangs te 'od zer bsdus ma thag tu/ rdo rje yongs su gyur pa las dpal he ru ka sku mdog nag po zhal gcig pa/ phyag gnyis pa/ phyag g.yon thed pa dang kha ? ga bsnams pa/ phyag g.yas pa rdo rje 'byar ba che ba gtsigs pa ral pa dang thod pa'i dbu rgyan can/ spyi gtsug gi 'khor lo dang/ rna rgyan dang/ mgu la brgyan dang/ bdu bu dang/ ska rags kyis brgyan pa/ mi mgo'i chun 'phyang/ skyil krung phred pa'i gar stabs can/ dpral ba dang/ mgrin pa dang/ snying gar/ oM A:hUM gis byin gyis brlabs pa/ rang dang 'dra ba'i shes rab kyis 'khyud ba/ thugs kar sna tshogs rdo rje'i steng du yi ge hUM bsgom par bya'o/ /de'i 'od zer gyis rang dang 'dra ba'i ye shes sems dpa' nam mkha' la bkug ste bdag nyid la bstim par bya'o/ /slar 'od zer gyis de bzhin gshegs pa bskul te/ bdag la dbang bskur ba dang/ mchod pa dang/ bstod par bsam mo/ /de nas bdud rtsi myang ba byas nas/ chos kyi sku 'di ltar dmigs bar bya'o/ /spyi ba dang mgrin pa dang/ snying ga dang/ lte bar bde ba chen po dang/ longs spyod dang/ chos dang/ sprul pa'i 'khor lo bsams te/ haM oM hUM aM ste/ de dag gi lte bar bsgom par bya'o/ /de nas srog dang rtsol ba sbyar nas aM las ye shes kyi me sbar la/ sngar bkod pa'i yi ge bsregs te/ haM las bdud rtsi'i thig le 'bab pa lta bar bsgom par bya'o/ /de la bstan zhing sems rtse gcig par byas la du ba la sogs pa'i rtags rnyed nas sprin med pa'i nam mkha' lta bu'i chos nyid mngon du bya'o/ /de lta bu la ji srid mi skyo ba'i bar du gnas par bya'o/ /ma goms pa'i dbang gis skyo bar gyur na/ sngon du bshad pa'i dpal he ru ka'i sku 'ja' tshon lta bu dmigs te ldang bar bya'o/ /de'i bzlas pa ni oM h+ri:ha ha hUM hUM phaT /ces pa 'di bzlas par bya'o/ /mchod pa lngas mchod la rang gi snying gar bsdu bar bya'o/ /dpa' bo gcig ba'i sgrub thabs/ slob dpon chen po DoM b+hi he ru kas mdzad pa rdzogs so// //rje dI baM ka ra'i zhal snga nas dang/ nag tsho tshul khrims rgyal bas bsgyur ro// //rgya gar skad du/ sh+rI ab+hi sa ma ya nA ma pany+tsi ka /bod skad du/ dpal mngon par rtogs pa zhes bya ba'i dka' 'grel/ bcom ldan 'das dpal he ru ka la phyag 'tshal lo/ /bde mchog