<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N955: dpal bde mchog 'khor lo'i sbyin sreg gi cho ga<br><table><tr><td>
<input type="button" onclick="location.href='tcompletep.php?id=N955&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N955&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N955&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">*/ (/dpal bde mchog 'khor lo'i sbyin sreg gi cho ga bzhugs/) //*/ /rgya gar skad du/ sh+rI tsakra sam+ba ra ho ma bid+hi/ bod skad du/ dpal bde mchog 'khor lo'i sbyin sreg gi cho ga/ bcom ldan 'das dpal rdo rje mkha' 'gro la phyag
 'tshal lo/ /sngo ser dmar po marga ta ljang gu'i sku 'chang spyan gsum can/ /dbang chen la sogs phyogs bzhi'i zhal snga shes rab dmar spyan gsum/ /phyag gnyis bgegs kyi lpags 'dzin rdo rje dril bu gnyis na 'chang/ /phyag gzhan phyag mtshan
 brgyad po 'dzin pa bde ba mchog gis bsrungs/ /thog mar bde mchog 'khor lo yi/ /rnal 'byor ma yi rgyud las ni/ /sems can rnams la phan gdags phyir/ /sbyin sreg rim pa bdag gis bshad/ /dkyil 'khor dag ni sgrub dus su/
 sbyin sreg gis ni tshim par byas/ /gsang sngags ma bzlas mi 'grub la/ /sbyin sreg ma byas 'bras mo 'byung/ /las rnams thams cad rab bsgrub phyir/ /sbyin sreg las rnams brtsam par bya/ /sbyin sreg las rnams med pa la/ /dngos grub
 'byung bar mi 'gyur ro/ /de bas 'di nga ni sngags pa yis/ /brtson pas sbyin sreg las rnams bya/ /bla med nang dang phyi yi ste/ /sbyin sreg dag ni gsum du 'dod/ /gzhan dag zhi ba la sogs pa/ /sbyin sreg dag ni bzhi ru 'dod/ /de la bla na med pa
 dang por brjod par bya ste/ rnam rtog med pa'i sems nyid ni/ /thab khung sgra yi mtshan ma dang/ /rnam dben me yi dbus su ni/ /gzugs la sogs pa'i phung po lnga/ /sems las byung ba ma lus pa'i/ /yam shing dag gi sreg blugs byas/ /
 gzugs la sogs pa'i 'byung ba rnams/ /yam shing du ni rab grags yin/ /pad+ma thab khung yin par bshad/ /rdo rje blugs gzar yin par grags/ /rtag tu sa bon sreg blugs kyis/ /bla med gnas ni thob par 'gyur/ /bla med rjes su sbyor ba yis//
 phung po pa'i rtsa rnams ni/ /bzhi po yang de ru son pa'o/ /bdud rtsi lnga 'bab pa de ni/ /mchod pa'i ngo bor gnas pa ste/ /de yi gzugs nyid dngos po yis/ /mchod pa bzhi zhes rnam par bshad/ /lus can snying gi nang du ni/ /sna rnam lnga ni
 rnam par gnas/ /sku gsung thugs kyi 'khor lo la/ /nyi shu rtsa bzhir yang dag brjod/ /gnas sogs bye ba la brten te/ /gnas dang gnas la rnam par gnas/ /spyi bor yang dag 'byung ba yi/ /rtsa rnams spyi bor skyes zhes dran/ /de yi
 nang na 'dren pa ni/ /rdul dang snying stobs mun pa'i tshul/ /pul+lIr rab gtum mo zhes dran/ /so dang sen mo 'bab par dran/ /dzA land+ha rar gtum mig ma/ /de bzhin skra dar ba spu 'bab/ /o Di ya na gnas chen por/ /'od ldan ma ni rnam
 par gnas/ /g.yas pa'i gnas la brten nas ni/ /pags pa'i dri ma 'dzin la gnas/ /arbu dang ni sna chen mo/ /mkha' 'gro ma ni sha zan bsam/ /gnas kyi 'dren pa mkha' 'gro ma/ /gnas bzhi ru ni yang dag
 bshad/ /gang zhig chu rgyas 'bab pa'i rtsa/ /go dA ba ri rnam dag gnas/ /de ni sra ba'i tshul gyis gnas/ /dpa' bo'i blo gros ma zhes bshad/ /rA me shwa ri'i rtsa gang zhig /de ni mi'u thung ma zhes grags/ /rus pa'i phreng ba rnams gnas
 pa/ sra ba yi ni dngos pos gnas/ /lha mo mkhar duAng gang zhig rtsa/ /'jam lus lang ka'i dbang phyug ma/ /de ni rtag tu mchin pa 'bab/ /kun gyi lus ni rtag par gnas/ /ma la bar ni shing grib mig /rgyal ba'i dbang phyug snying
 la gnas/ /mkha' 'gro 'jig rten ma mo rnams/ /nye ba'i gnas su yang dag bshad/ /thugs kyi 'khor lo mkha' spyod ma/ /gnas dang nye gnas yang dag gnas/ /mig 'bab pa yi rtsa gang zhig /'dod pa'i gzugs su rnam par gnas//
 gzugs ni mthong bar 'dod pa ste/ /e ra ba ti zhes byar bshad/ /o Ter mkhris pa 'bab pa'i rtsa/ /'jigs byed chen mo ru ni brjod/ /mkha' 'gro rnal 'byor ma mo dag /'di dag zhing du yang dag bshad/ /tri sha ku ner yang dag byung/ /rlung gi
 shugs ma 'gro bar bcas/ /char 'thung ma ni ko sa lar/ /rgyu ma'i phreng ba 'khrug lha rdzas/ /mkha' 'gro rnal 'byor ma mo dag /nye ba'i zhing du yang dag bshad/ /ljang lha ma ni ka ling+gar/ /logs su yang dag gnas pa'o/ /ltor gnas shin
 tu bzang mor nges/ /lam pA kar ni yongs su grags/ /mkha' 'gro rnal 'byor ma mo dag /mtshan ngo har ni rnam bshad pa'o/ /rta rna ma ni kAny+tsir gnas/ /bshad ba rtag tu 'bab pa'o/ /hi mA la yar bya gdong ma/ /mtshams mdza' i dbus su
 son pa'i ste/ /mkha' 'gro rnal 'byor ma mo dag /nye ba'i tshan do ha zhes bshad/ /gsung gi 'khor lo yang dag bshad/ /sa spyod pho nya rnam gnas pa'o/ /yi dags lhag gnas yang dag gnas/ /'khor lo shugs ma bad kan can/ /gang zhing
 rtag tu rnag 'bab pa/ /khyim gyi lhar ni yang dag gnas/ /mkha' 'gro dam pa'i dbang phyug ma/ /dum skyes ma zhes rnam par bshad/ /mkha' 'gro rnal 'byor ma mo dag /'du ba can du yang dag bshad/ /sau rAshtsa? ni dmar pos mnan/ /chang tshong
 ma ni mkha' 'gror 'dod/ /rdul ni 'bab par 'gyur ba'o rtsa?/ /gser gling du ni yang dag gnas/ /shin tu bzang lugs yang dag 'khrug /de yi 'khor lo go cha 'dod/ /mkha' 'gro rnal 'byor ma mo dag /nye ba'i 'du ba can rab smras/ /na? gar
 shin tu dpa' mo zhes/ /tshal can sbom po'i lus can ma/ /si nd+hur stobs chen ma zhes bya/ /mya ngam gyi ni mchi ma 'bab/ /mkha' 'gro rnal 'byor ma mo dag /'di dag dur khrod yang dag 'bab/ /mchil ma skam po 'bab pa gang/ mya ngan
 'khor los sgyur ma'o/ /ku lA tA ni brtson chen mo/ /phung po la sogs bud shing bsreg /ye shes me ni skyes gyur pas/ /phyi rol bsreg pa bdag med yin/ /dz+nyA na pA da pas bshad pa/ /sbyin sreg cho ga phyi rim pa/ /sems dang sems byung
 dag yin te/ /phung po la sogs bud shing bsreg /ye shes 'bar ba bla med 'dod/ /sems kyis ji tsam bsam pa dag /phyi rol sbyin sreg yin par 'dod/ /ye shes me la phung po la/ /yam shing sreg pa bla med yin/ /de nas yang nang
 gi brjod par bya ste/ /nyon mongs se ba zhi byed yin/ /ting nge 'dzin ni rgyas byed phyir/ /rang gi lha yi sbyor bas bdag /ji lta bar ni sems kyi bya/ /skye ba'i las las rnam grol zhing/ /tshe ni yang dag 'phel ba'i phyir/ /ci 'dod sreg blugs las
 bya ba/ /nang gi sbyin sreg dag tu bshad/ /ji ltar dus bzhi'i rim pa yis/ /sbyin sreg bzhi yang rab tu bshad/ /zhi ba dang ni rgyas pa dang/ /dbang dang mngon spyod shes par bya/ /sdig pa 'jig phyir zhi ba ste/ /bsod
 nams yongs 'dzin rgyas pa yin/ /chags pa bsgom phyir dbang 'gyur te/ /rtog pa zad phyir gsod pa yin/ /de nas yang phyi'i bshad par bya ste/ /rgyud so so las slob dpon tha dad pas sbyin sreg gi cho ga ji skad bshad pa bya/ 'di ni
 rnal 'byor ma'i rgyud las bstan te/ bdag gis 'khor lo sdom pa'i man ngag cung zad brjod par bya'o/ /de la thab khung ni/ sems can dbye bas mdza' yas te/ /rigs kyi dbye bas lnga ru 'gyur/ /las kyi dbye bas bzhi ru 'gyur/ /thab
 khung rnams ni de ltar bshad/ /zhi ba la ni zlum la dkar/ /rgyas la ser po dbang chen te/ /dbang la dmar po gru gsum pa/ /mngon spyod zla ba phyed pa yin/ /khru gang tshad nas brtsams nas ni/ /khru ni bcu drug pa yi bar/ /de'i phyed du
 bgos nas ni/ /rang gi tshad du bya ba yin/ /khru gar tshad kyis thab khung la/ /sor bzhi dor bar kha khyer sor bzhis gsod/ /khru phyed brkos la de bzhin du/ /thams cad la yang blta bya ste/ /kun kyang rang gi kha khyer du bya'o/ /thab khung gi
 dbus su rdo rje dang zangs gri bri'o/ /thab khung gi nang du phyogs bzhir kha TwAM ga dang de bzhin gshegs pa'i phyag mtshan rnams bri'o/ /kha khyer la pad+ma'i steng du zangs gri'i phreng ba/ thab kyi phyi rol du gru bzhi pa la sgo bzhi par dkyil 'khor
 gyi thig btab ste/ 'khor lo gsum gyi byin gyis brlabs la/ sgo bzhi dang ldan pa/ dur khrod brgyad dang bcas pa/ ji ltar 'khor lo gsum gyi dkyil 'khor gyi phyag mtshan bzhin du 'dir yang de ltar blta'o/ /shar gyi sgo la sogs
 par lcags kyu la sogs pas mtshan par bya'o/ /phyi'i dkyil 'khor la/ pad+ma nags kyi lcug ma dang/ /phreng ba dang ni spyi blugs danha?/ /yi dags pags pa mdung rtse gsum/ /zla ba byed pa rgyal mtshan dang/ /ral pa'i tshogs dang mig dang ni/ /
 'khor lo dung dang dbyug pa dang/ /ral gri bu ba dang mdung dang ni/ /dril bu ba dan rma bya dang/ /ra skyes lnga lnga byas nas ni/ /shar phyogs snam bu dag la bri/ /de ltar thab thams cad byas nas/ /las dang rjes su mthun pa'i kha khyer bya'o/ /zhi ba la
 ni rdo rjes mtshan pa'am/ 'khor los mtshan pa'o/ /rgyas pa la ni rin po ches mtshan pa/ dbang la ni pad+mas mtshan pa/ drag po la ni rtse gsum pas mtshan pa ste/ 'di ltar las rjes su mthun par rang rang gi mtshan mas mtshan pa'i kha khyer
 bya'o/ shar du zhi ba bya bar bshad/ /lho phyogs su ni rgyas pa ste/ /dbang gi las ni nub tu bshad/ /gsad pa byang du bya ba yin/ /ji ltar las dang rjes mthun par/ /rdul tshon gyis ni rdzogs par bri/ /yang na me tog dag kyang rung/ /thab khung dag kyang
 de ltar bya/ /yam shing bud shing rdzas la sogs/ /mtshan nyid me yi rtags rnams ni/ /gzhan du rgya cher bshad pas na/ /'dir ni bdag gis ma bsgrubs so/ /man ngag gcig pu'i rim pa dag /rnal 'byor gyi rgyud las grags pa rnams/ mdor
 bsdus nas ni nges par yang/ /ji tsam nus pa bshad par bya/ /de nas rdo rje slob dpon gyis lus khrus byas te/ dri zhim pos bdug la/ gur gum dang/ tsan dan dang/ thal ba bsres pas lus byugs te/ ji skad bshad pa'i rgyun bsgo par
 bya ste/ stag gi pags pa bgos shing/ phyag rgya lngas brgyan te/ na ra'i rus pa'i rgyan dang las sems can gyi don rtag tu bya'o/ /phyi rol bzlog tshul 'chang ba ni/ /de ni zhi sogs las rnams la/ /thugs ni zhi bar shes par bya/ /nyi mas
 gdungs pa'i rgya mtsho tsha/ /gangs ltar nang grang phyi rol tsha/ /thugs rje chen po'i khro bo yis/ /de bzhin 'gro ba tshul 'di gsungs/ /de lta bu'i las dang rjes su mthun par gos kyi bye brag bgo bar bya'o/ /de ni sgrub pa po'i
 las so/ /de nas rang gi lha'i nga rgyal bskyed de/ ji ltar bshad pa'i las dang rjes su mthun pa'i gzugs su byas la/ zhal bzhi pa dang sku gsung thugs kyi phur bu'i sngags dang/ de bzhin du gsal byed ni rak+Sha rak+Sha dang/ hUM gsum dang phaT ni brjod
 par gsang sngags de las khro bo la sogs pa spros te/ bgegs kyi tshogs thams cad bsreg par byas nas/ thal dang bgegs rnams bsregs te/ phyogs bcur byer bar bsam mo/ /de bzhin du g.yas brkyang ba la sogs pa'i stangs
 stabs kyang bya'o/ /'di ltar bgegs kyi tshogs rnams phur bu dang/ rdo rje dra ba dang ra ba la sogs pas thab khung gi thon khor bgegs par bya ste/ thab khung byin gyis brlabs par shes par bya'o/ /yi ge hUM dam rang gi lha'i tshogs kyi yi ge
 gang yang rung ba las dang rjes su mthun pa thab khung bskyed la/ de'i dbus su lte ba la yi ge re pha 'bar ba yongs su gyur pa las gru gsum par byas shing bsgoms la/ de'i grwa gsum la oM A:hUM yi ge gsum gyis 'dod pa dang/ gzugs dang/
 gzugs med pa'i khams gsum 'og dang sa bla mtho ris kyi gzugs pad+ma dang 'khor lo dang rdo rje gsum bskyed de/ dbus su re pha 'bar ba yongs su gyur pa mthong ba dang/ mtshan ma'i yi ge gsum dang/ re pha yongs su gyur pa las 'bar
 ba'i dbus su chu'i dkyil 'khor gnas pa la khams gsum gyi bdag po dpal khrag ba? 'thung bar spros te/ zhi ba'i don du pA ba ka'i me bsgoms la zhi ba'i gzugs can dkar po zhal cig pa/ phyag bzhi pa/ spyan gsum pa/ /ral pa'i
 cod pan can/ phyag g.yas pa gnyis na dbyug to dang/ (mi 'jigs pa/ g.yon pa gnyis) na bgrang phreng dang/ spyi blugs 'dzin pa/ rgyan dang gos dkar po bsnan nas? pa/ mchod phyir thogs 'chang ba/ lus thams cad la bdud rtsi dkar po'i rgyun 'bab pa/
 ral pa la mkha' 'gro ma gnas par bsgom mo/ /de bzhin bu rgyas pa la ni khyad par du mdog ser po'i rgyan can/ dbang chen gyi dkyil 'khor la gnas pa/ ye shes kyi sems can thams cad la mchog stsol ba/ stobs dang mdog dang
 dpal rdzogs par mdzad pa cod pan du bsgom mo/ /rim pa gzhan yang dbang dang dgug pa la 'dod pa'i me dmar po me'i dkyil 'khor la gnas pa/ gos dmar pos brgyan pa/ khaN+Da ro ha cod pan la gnas pa/ khyad par du g.yas g.yon
 na lcags kyu dang zhags pa 'dzin pa/ gzhan ni snga ma bzhin no/ /bsad pa la rlung gi dkyil 'khor la gnas pa mdog nag po 'jigs pa spyan zlum po hUM gi sa bon las skyes pa gos dang rgyan nag po mi rus kyis phreng bas brgyan pa/ zla phyed
 lta bur 'bar ba'i dbu skra gyen du brdzes pa/ gzugs can ma'i cod pan can/ /g.yas na ral gri 'dzin pa/ 'jigs byed chen po nag po 'bar ba las bya rgod dang khra la sogs pas/ nam mkha' khyab par bkug ste/ gang dang gang byas pa de
 zos par bsgom mo/ /rlung gi mes ni gsad pa la sogs pa las bya'o/ /me lha'i mtshan nyid do/ /de la zhib la ni 'o ma can gyi shing las byung ba'i me 'am/ rgyun bzhag gi me 'am/ bram ze tha ma'i mes bya'o/ /rgyas pa la ni rgyal po dang/
 blon po dang/ dgon pa dang/ rgyal rigs kyi khyim nas byung ba'i mes bya'o/ /dbang la ni smad 'tshor ma dang/ rje'u rigs kyi khyim nas byung ba'i mes bya'o/ /dgug pa ni gar mkhan dang/ rol mo pa dang/ lam du bus pa'i mes bya'o/ /gsod
 pa la ni rdo las byung ba'i me 'am/ gdol pa'i khyim nas byung ba'i mes bya'o/ /thams cad kyang dur khrod kyi me dang/ dur khrod kyi sol bar ldan par bya'o/ /me'i mtshan nyid do/ /de nas mchod yon snod gnyis ni/ /ma chag sdug
 cing mdzes pa la/ /chang ngam yang na sbyar ba'i chang/ /me tog ldan pas dgang bar bya/ /de la bdud rtsi lnga po yis/ /gnyis ka yang ni blugs par bya/ /yi ge bdun pa gcig pu dang/ /gnyis pa gnod mdzes rgyal po dag /gcig ni brgya rtsa brgyad
 pa ste/ /gnyis pa dag ni bzhi cha yin/ /gnas la legs par bzhag nas su/ /gos kyis bkab ste mchod par bya/ /mchod yon gyi snod kyi cho ga'o/ /sbyin sreg yo byad thams cad kun/ /bdag gis g.yas su dgod par bya/ /rdo rje de bzhin dril
 bu dang/ /mchod yon snod ni g.yon du bzhag /dgang gzar dang ni blugs gzar dang/ /mar ni mdun du bzhag par bya/ /thams cad kyang ni bsangs nas bzhag /'di ni rdzas bzhag pa'o/ /de nas phyi rol gyi me blangs la/ gnod mdzes kyi
 rgyal po'i gsang sngags kyis ku sha blangs te/ de'i chus lan gsum bsangs la/ rtswa sgam po gtsang ma dang bcas pas dag par byas te/ bdud rtsi lngas bsreg te thab khung du bzhag ste/ oM sh+rI he ru ka mahA badzra dzwa la dzwa la hUM hUM/ gsang sngags
 'di dang bcas par rlung g.yab kyis g.yabs te thab tu me sbar ro/ /de'i dbus su dam tshig sems dpa' i me sngar bshad pa'i rnam par bsams te/ ye shes sems dpa' i me sngags dang bcas pa'i phyag rgya 'dis spyan drangs te/ lag pa
 g.yas pa mi 'jigs par byas la/ mthe bong srin lag gi tshig la bkug pa'i thabs kyis spyan drang ngo/ /e hye hi mahA b+hu tadya ba ri Shi dwi dza satwa ma gri hi twa yu d+haM mahA ra smi a smri na si nan ni hi to b+ha ba/ oM he ru ka mahA badzra pA ba ka/ agna ye
 ma ma shAn+tiM ku ru swAhA/ zhi pa'i'o/ /oM he ru ka mahA badzra ma he n+d+ra/ agna ye ma ma puSh+TiM ku ru pau ShaT rgyas? pa'i'o/ /oM he ru ku mahA badzra kA ma a ka na ye ma ma a mu kaM ba sh+riM ku ru ho/ /dbang gi'o/ /oM he ru ka mahA badzra kro d+ha a ka na ye dza hi kro d+harma
 hUM a mu ka mA ya hUM phaT/ mngon sbyad? kyi'o/ /ma ?? pa dang 'thor 'thung dang nye reg byas te bkug la dam tshig gi me lha la gzhug go /de nas mchod yon gyi snod blangs la/ bdud rtsi lnga dang bsres te thugs ka nas zhabs bsil dbul lo//
 oM sh+rI he ru ka mahA badzra pu ba ra ??tkA ra pra tI hUM? swAhA/ de nas lag pa gnyis kyis lan gsum arg+ha 'di dbul te/ i mahA ma ma ya tat+ma grih+na sid+himme pra yats+tsha swAhA/ spyan drang ba'i cho ga'o/ /de nas 'khor lo gsum byin gyis brlab par bya ste/
 oM A:hUM mgo bo dang mgrin pa snying ka rnams su'o/ /de nas yan lag drug tu dgod par bya'o/ /de nas rdo rje sems ma la sogs pas yid kyis dbang bskur/ /lA sya sogs pa brgyad kyis yang dag par mchod de/ dar dpyangs dang phreng ba la
 sogs pa bcings te go bskon no/ /de nas me long dang sman la sogs pa khrus kyi yo byad dang/ dril bu dkrol zhing spos dang rdzas snga ma dang bcas pa la yi ge brgya pa bzlas te khrus bya'o/ /yi ge brgya pa ni 'di dag ste/ oM he ru ka badzra sa ma
 ya ma nu pA la ya zhes bya ba la sogs pa'o/ /de nas mkha' 'gro ma la sogs pa bzhi'i gsang sngags dang/ yi ge nyi shu rtsa gnyis kyi gsang sngags kyis btab pa'i bum pa lngas dbang bskur ro/ /zhi ba la ni mkha' 'gro ma'i gzugs
 can rnam par snang mdzad dbu rgyan du bsam mo/ /rgyas pa la ni lA ma'i tshul can rin chen 'byung ldan dbu rgyan du bsam mo/ /dbang la ni dum skyes ma'i tshul can snang ba mdza' yas dbu rgyan du bsam mo/ /gsad pa la ni gzugs can
 ma'i tshul can don yong thub pa dbu rgyan du bsam mo/ /ma lha'i zhal dang dgang gzar gyi kha la rang gi bdag po'i sa bon gyi yi ge dgod do/ /de nas oM DA ki ni dzi ni dzi ka swAhA/ 'dis mar la mngon par bsngags te/
 de bzhin du rgyas pa la yang lA ma dang rin chen 'byung ldan la sogs pa'i sngags kyis gdab bo/ /de ltar me 'bar bar shes nas thog mar blugs gzar gyi dgang blugs gsum/ oM sh+rI he ru ka dzwa la dzwa la hUM sngags 'di dang bcas par
 dbul lo/ /de nas me 'bar ba dang mdog dang sgra la sogs pa las bgegs med par shes nas/ bgegs thams cad bcing bar bya ba'i phyir phyogs bzhi nas ku sha dgram mo/ /oM a'i me ku sha shu b+ha dib bya/ su ra brahma pa bi ta tri
 na ratna tra ya ra ta hi b+hi pri thi bi dza garb+ha a big+h+naM ma ma shAn+ti dku? rban+tu swAhA/ 'di lta bu'i rim pas rtsa ba dang bcas par phyung ste/ mdog ljang gu'i mtshan nyid dang ldan pa zhi ba dang rgyas pa la sbyor ro/ /gzhan rnams la ni mnyam por bcad
 par bya'o/ /me'i rim pa ni shar ni shar gyi mdun nas/ lho ni lho'i mdun nas so/ /nub ni nub kyi mdun nas so/ /byang ni byang gi mdun nas so/ /me thab kyi sa phyogs kun tu zhal bzhi pa'i sngags kyis mchod yon gyi snod la
 bsngags te bsang ngo/ /de nas zhal bzhi pa'i sngags sam/ /baN+Da ro ha'i gsang sngags gang yang rung bas mda' dang tshon skud la btab ste/ mda' bzhi phyogs mtshams su btsugs la sna lnga'i skud pas yongs su bskor na rdo rje'i
 bcing ba byas par 'gyur ro/ /ku sha la sogs pa dgram pa'i cho ga'o/ /de nas me'i las dang/ rjes su mthun par dngul gyi snod dang/ pad+ma'i snod gang yang rung ba mdun du bsams te/ yang mchod yon dang zhabs bsil dang/
 'thor 'thung byin la dgang blugs dbul lo/ /de la rim pa ni 'di yin te/ pus mo gnyis kyi nang du lag pa bzhag ste/ lag pa g.yas pa rdo rje/ bu tshur gyis dgang gzar blangs la/ mthe bong dang mthe chung brtan par gzung ste/ sor mo lhag ma
 rnams su yu ba'i steng du bzhag la mar gyis yongs su bkang ba'i dgang blugs mdun nam gsum mam gcig me lha'i sngags kyis me lha'i zhal du dbul lo/ /oM he ru ka agna ye a mu ka sya shAn+ti ku ru swAhA/ de bzhin du thams cad la yang sbyar ro/
 de nas bsreg pa'i rim pa blta bar bya ste/ dang por dgang blugs dbul/ de nas yam shing ni 'od kyi dkyil 'khor du'o/ /mar ni zhal du'o/ /de nas til dang 'bras can dang/ zho phyag du'o/ /de nas ku sha dang rU rba'i myu gu ni spyi gtsug la'o/ /
 de nas nas dang gro dang 'bras dang mon sran gre'u rnams ni zhal lo/ /de bzhin du zhi ba'i rdzas la sogs pa rnams kyang de bzhin no/ /dri ni thugs kar ro/ /me tog ni dbu la'o/ /bdug spos ni 'od 'bar ba la'o/ /zhabs bsil ni zhabs la'o/ /
 mchod yon dang 'thor 'thung ni phyag la'o/ /mar me ni mdun du ste/ de dag ni rim pa'o/ /de nas sdig pa bsreg pa'i phyir dang por til gyi sbyin sreg bya ste/ oM sarba pA baM da ha na badzrA ya swAhA/ de nas rdzas thams cad gsang sngags gcig gis
 bya'o/ /oM badzra a na la mahA b+hu ta dzwa la ya sarbba b+hasmiM ku ru sarbba big+h+naM hUM phaT/ a mo ka sya shAn+ti dku ru swAhA/ yang na oM he ru kA ya bidma he baM dya rA dzA ya d+hi ma he tan+no bI ra pa ra dza ta ya ya hUM/ a mo ka sya shAn+tiM ku ru swAhA/ yang na rgyud gzhan las
 bshad pa so so'i spyi'i gsang sngags kyang rung ngo/ /oM badzra yadz+nyA ya swAhA/ yam shing gi'o/ /oM agna ye swAhA/ mar gyi'o/ /oM sarba pA paM da ha na badzrA ya 'di zhes bya ba/ pA baM da ha swAhA/ til dang yungs kar rnams kyi'o/ /oM
 satwa saM pa de swAhA/ zho dang zan gyi'o/ /oM a pra ti? ha ta? badzra ya swAhA/ ku ?ba'i'o/ /oM badzra A yu(rgyud 'grel swAhA/ 'bru'i'o/ /oM mahA bo lA ya swAhA/ ma sha'i'o/ /oM badzra puSh+Ta yo swAhA/ 'bras ma drug pa'i'o/ /oM mahA b+hi ba ya ba ye swAhA/ star ka dang/ gla gor zho sha dang/ dzA ti pha la rnams kyi'o/ /zhu ba'i rdzas lhag ma rnams kyi ni me'i rang gi
 gsang sngags rnams kyis sbyin sreg bya'o/ /u dum+ba ra'i shing gi yal ga la sogs lhag ma rnams la ni/ oM la sogs pa nas rang gi ming dang mthar swAhA bcas pa'i rim pas sbyin sreg bya'o/ /rdzas thams cad la bdud rtsi lnga dang bsres
 te sbyin sreg bya'o/ /thams cad de nas me la 'thor 'thung dang/ bsang gtor la sogs pa bya ba ste/ ye shes kyi me lha spyan drangs la/ snying ga nas yi ge hUM gis 'od zer gyis bskul nas nam mkha' las bkug ste/ las ma lus pa'i gzhi 'jig
 rten 'das pa'i ye shes kyi me lha ji skad bshad pa'i las kyi rgyan dang/ na bza' dang/ ji skad bshad pa'i mdog dang/ phyag ji ltar gnas pa'i dpal khrag 'thung gi gzugs byon pa dang/ de'i thugs kar ye shes sems dpa' i sa bon gyi
 'od zer rnams dang/ rang gi dam tshig gi phyag rgyas ye shes sems dpa' spyan drang ngo/ /khyud pa'i phyag rgya bcings la/ oM sh+rI badzra he ru ka e hye hi b+ha ga ban/ i ha bkya sa ma ye ma tsa pany+dza a mri ta arg+haM saM pra tits+tsha swa bu tsam bi
 tra si ta me/ 'dis thab khung g.yas kyi drung du bltas te/ oM sh+rI badzra he he ru ru kaM hUM hUM phaT DA ki nI dzA la saM ba raM swAhA/ zhabs bsil dang mchod yon dang/ 'thor 'thung dang/ lha bshos dang/ lA sya la sogs pas yang dag par mchod
 de/ rtsa ba'i sngags brgyad gyis bstod do/ /rdo rje bcings la lcags bya dang/ /zhags pa dang/ lcags sgrog dang/ dril bu rnams kyis dgug pa dang/ gzhug pa dang bcing ba dang/ dbang du bya'o/ /dri sh+ya dza:dza hUM baM ho(rgyud 'grel ya ho 'dis me'i dam tshig sems dpa' i zhal du thams cad kyi bdag nyid rab tu gzhug go /de ltar snga ma bzhin du me long gi thog tu khrus byas la dbang lnga gsol te/ dar dpyangs dang/ phreng ba bcings te/ ye shes sems dpa' 
 rang gi thugs khar mtshan ma'i dbus su rang gi zla chos kyi yi ge la dkyil 'khor ma lus pa drug cu rtsa gnyis kyi lha'i rang bzhin mthong ba la yang mchod yon phul te/ snga ma bzhin du sbyin sreg gi yo byad thams cad bsangs te/ de nas dgang
 gzar blangs la ji tsam nus pa'i dgang blugs me lha'i zhal du dbul lo/ /de bzhin du blugs gzar gyis stong ngam/ brgya rtsa brgyad dam/ phyed dam/ bzhi cha yang rung bsreg go /de nas yang dgang blugs gsum dbul te/ 'di ltar dkyil
 'khor ma lus pa kun la bcu cha'i sbyin sreg bya'o/ /thams cad la dgang blugs dang spos dang/ dril bu'i sgra dang yi ge brgya pa gsum mam gcig bzlas te/ me tog la sogs pa dag pa dbul lo/ /sbyin sreg gi yo byad thams cad kyis snga ma
 bzhin du sbyin sreg bya'o/ /dbyangs skyong gi sngags sam yi ge bdun pa 'am/ /rdo rje phag mo'i nye ba'i snying po'i gsang sngags gang yang rung ba las 'di zhes bya ba shAn+tiM ku ru swAhA/ zhes bya ba mthar gdags so/ /rgyas pa'i mthar ni puSh+Ti dku ru bau ShaT/
 dbang gi mthar ro/ /bsang pa'i mthar phaT/ yang dri zhim po las byung ba ci yang rung ste/ thams cad bdag gis kha zas la sogs pa 'byor pa'i don du sbyin sreg bya'o/ /de ltar mngon par 'dod pa'i sbyin sreg byas la dngos grub kyi phyir/ rgyud las 
 bshad pa'i rdzas? rnams kyis sbyin sreg bya'o/ /ba lang dang rta sha dang/ /shwa na'i shA dang khyim bya dag /dkyil 'khor gru gsum byas na ni/ /sangs rgyas nyid kyang nges par 'jig /phyir bzlog phreng ba'i gsang sngags kyis/ /
 zhi ba la sogs las rnams bya/ /rdo rje phag mo'i sngags gnyis kyis/ /dgug pa la sogs bya ba min/ /de nas ji ltar 'dod pa'i sbyin sreg byas pa'i mthar oM h+rI:ha ha huM hUM phaT/ nye ba'i snying po 'di gsum mam bdun nam nyi shu rtsa gcig mar
 gyi sreg blugs kyis spang la/ mchod yon dang zhabs bsil dang/ 'thor 'thung dang/ dril bu'i rol mo sda ma? bzhin du dbul lo/ /dgang blugs kyi mthar bde legs su dang rol mo dang/ bkra shis pa'i tshigs su bcad pa dbul lo/ /de nas
 bstod pa bya ste/ /mngon par 'dod pa'i dngos grub gsal la/ bzod par gsol lo/ /rdo rje bcing ba'i phyag rgya bcings la/ oM he ru ka mu:'dis steng du dgrol te/ oM khyed kyis sems can don kun mdzad/ ces pa la sogs pa brjod do/ /
 de nas oM kha kha khA hi zhes bya ba'i gsang sngags kyis nya dang sha dang/ chang dang/ zan dron la sogs pas yongs su gang ba'i gtor ma byin no/ /me'i dbus nas ye shes sems dpa' chos kyi dbyings su gyur te gshegs su gsol lo/ /de nas
 me la mchod yon la sogs pa phul te/ sbyin sreg gi yo byad lhag ma rnams kyang sbyin sreg bya'o/ /sreg blugs kyi mthar bsgrub bya bzung la dgang blugs dbul lo/ /mchod yon dang zhabs bsil dang bsang gtor yang bya/ sgrub pa po
 mngon par 'dod pa'i dngos grub kyang gsol te/ oM agna ye ya hi ya hi/ sarbbaM rtse kha ba ra a thaM tsa sa ti d+ha ma ga tsa ha phyag byug ces bya'o/ /spyan drang pa'i phyag rgya las mthe bong phyir bskyed pa'i me 'bar ba'i gzugs can du blta ba de
 gshegs su gsol te/ rang gi lha'i nga rgyal dang/ ldan pas phyogs skyod rnams la gtor ma sbyin no/ /rje btsun gyi yi ge brgya pa yang la ni bdun gyi bar du bzlas brjod bya'o// //oM badzra kI li kI la ya/ zhes bya bas phyogs kyi phur bu dang/ mnga' 
 rnams phyur la/ las thams cad pa'i chu'o me dang bcas pa/ khaN+Da ro ha'i drig? sngags kyis btab ste/ mthus byas la gzhag go /de nas lan gsum bsgong ba byas te/ glu der gang la sogs pa mdun du bya zhing ji ltar bde bar gnas par bya'o/ /
 dpal sdom rnal 'byor ma rgyud las/ /sbyin sreg rim pa byung ba 'dis/ /rnal 'byor pa ni rtag dga' ba'i/ /dngos grub myur du par shog/ /dpal he ru ka'i ming gi rgyud las/ dpal bde mchog 'khor lo'i sbyin sreg gi cho ga/ grub pa'i slob
 dpon tshin po nag po zhabs kyis mdzad pa rdzogs so// //rgya gar gyi mkhan po d+harmma b+ha dra dang/ zhu chen gyi lo tsa ba dge slong rig pa gzhon nus bsgyur cing zhus te gtan la phab pa'o// //