བོད་ཡིག

e-texts based on the ACIP/ALL Input

*/ (/dpal 'khor lo sdam pa'i dkyil 'khor gyi cho ga de kho na nyid la 'jug pa zhes bya ba bzhugs//) //rgya gar skad du/ sh+ri tsakra saM ba ra maN+Da la bi d+hi tat+tna ba ta ra nA ma/ bod skad du/ dpal 'khor lo sdom pa'i dkyil 'khor gyi cho ga de kho na nyid la 'jug po zhes bya ba/ dpal rdo rje sems dpa' la phyag 'tshal lo/ /srid las grol zhing yon tan mdza' yas dang ldan 'bras la nyer sbyor ba/ /rin chen sgron gyur bla ma mchog ste 'jig rten ston pa rdo rje sems/ /skyon bral zhabs la nyer btud 'gro la rnam brtses 'khor lo sdom pa yi/ /dkyil 'khor cher 'byung cho ga mchog ldan gyur pa de nyid la 'jug bshad/ /de nyid dbang bskur sngon 'gro bsam/ /gsol 'debs slob ma'i mtshan nyid dag /gnas lnga'i yon tan 'dzin pa 'am/ /dang po yis ni nges 'gro ba/ /theg gsum don las mi 'da' zhing/ /theg pa mchog la mngon dga' dang/ /slob dpon la ni rab dang cing/ /'gro la snying brtse bden par smra/ /mchog 'dod don la sbyor nus pa/ /rab dang snod du yongs shes nas/ /sku gsum po yi cho ga yis/ /dang por lha ni bsnyen bar bya/ /dpa' bo lha mo khri phrag gsum/ /stong phrag nyi shus 'khor lo gsum/ /phyi dang nang gi 'khor lo gnyis/ /stong phrag phyed dang drug tu bzlas/ /'bring ngam chung ngu'i tshul gnas na/ /dkyil 'khor dbang po 'bum du ste/ /de bzhin mkha' 'gro stong brag bcu/ /bzlas te lha rnams mnyes par bya/ /ye shes mchog la khri phrag ste/ /sbyin sreg mchog gis nye bar mchod/ /lha rnams mnyes par ma gyur na/ /sgrub po grub la ma brten cing/ /de yis 'gro ba gzung mi nus/ /de bas sngon du des bya ba/ /bsnyen pa gsum po rnam par spyad/ /'khor lo mchod sogs phun tshogs nas/ /maN+Dal me tog dang ldan pas/ /lan gsum du ni gsol ba yis/ /cho gas tshul bzhin bsgrub par bya/ /dpa' bo 'byor pa'i dus shes nas/ /brtser ldan yongs su dag ba'i blos/ /'jigs bral dpa' bo'i sems kyis ni/ /'gro ba bsgral zhes rnam bsams te/ /ri bo ri sul tshang tshing phug /sman ljongs rgya mtsho'i 'gram dang ni/ /gdod nas grub pa'i dud khrod dam/ /phun tshogs 'tshe ba med pa dang/ /dben zhing gang du yid 'jug pa/ /der ni dpal chen dkyil 'khor bri/ /dpal ldan khrag 'thung rnal 'byor gyis/ /zhing skyong gnas kyi bdag po dag /legs mchod khru gang gru bzhi pa'i/ /maN+Dal byas te me tog gtor/ /lha rnams bskyed de mchod pa dang/ /bstod sogs las kyi mthar thug par/ /byas nas gsol ba gdab par bya/ /dus gsum 'byung ba'i mgon po rnams/ /bdag la brtse bas dgongs su gsol/ /mgon po rgyal ba sras mchod cing/ /slob ma rnams la sman slad du/ /dpal ldan rdo rje he ru ka'i/ /dkyil 'khor dam pa 'drir 'tshal ba'i/ /dpa' bo rnal 'byor ma rnams kyis/ /bdag la byin rlabs mchog gnang mdzod/ /lan gsum du ni nges byas nas/ /dur khrod bdag po rnams bkug ste/ /me tog gtor ma'i mthar thug par/ / mchod nas gsol ba'i tshig dag ni/ /khams gsum gnas pa'i lha dang klu/ /gnod sbyin dri za lha ma yin/ /gang dag rdzu 'phrul che ldan zhing/ /'byung po bstan pa la dga' ba/ /bdag la dgongs par mdzad du gsol/ /sangs rgyas rnams la mchod pa dang/ /sems can kun la phan don du/ sa phyogs dge gnas 'di nyid du/ /dam pa'i dkyil 'khor cher 'byung ba/ /ji ltar bsams pa'i las byed na/ /khyod kyis bar chad ma byed par/ /dge ba'i grogs po ting du mdzod/ /de ltar khyed la bdag gis ni/ /don rnams gsol gyis ma bslu bar/ /rmi lam la sogs mtshan ma dang/ /legs nyes ltas rnams bstan du gsol/ /de ltar lan gsum gsol btab nas/ /sa sbyang pa ni brtsam par bya/ /zhi ba 'am drag po'i las byung ba/ /sbyin sreg dag ni byas pa 'am/ /las kyi chu yis gtor byas nas/ /dpa' bo las kyi rdo rje yis/ /dngos grub rnam pa gsum gyi phyir/ /pus mo 'am lte ba 'am lkog ma yi/ /mtshams nub bar du sa rkos la/ /sdong dum sol ba gseg ma dang/ /gyo mog rus pa phug ma thal/ /gos rul rdo dang phag gu rnams/ /bsal byas nas ni legs par brtag /zug rngu'i nyes pa thams cad ni/ /gal te dbyung bar ma nus nas/ /lag pas bya ba cing gsang sngags bzlas/ /de yi sbyang ba de yin te/ /zug rngu'i nyes pa skye mi 'gyur/ /chu 'am sas ni yongs brtags nas/ /ltas ngan pa ni spang bar bya/ /sman 'bru rin chen lnga bcug nas/ /dri yis chu dang rnams bsres pa'i/ /sas ni khud bu dgang bar bya/ /der ni 'thas par bcag byas nas/ /sngags pa rnams kyi dngos grub rgyu/ shar dang byang du gzhol bar bya/ / dbus su mtho bas rgya srid dam/ /rig pa 'dzin pa'i gnas dag thob/ /byang du mtho bas 'chi ba 'am/ /nor rnams nges par 'jigs par byed/ /ji ltar bshad pa'i shar mtho bas/ /myur du rigs rnams zad par byed/ /dbus su dma' bas grub med cing/ sgrub pa po ni 'joms dang ldan/ /de lta'i skyon rnams yongs spangs te/ /khru gang nas brtsams khru stong ngam/ /khru ni bcu gnyis dang ldan par/ /gru bzhi shin tu mdzes par bya/ /mchod pa'i sa dang ldan byas te/ /shin tu dog par mi bya'o/ /lci ba sa la ma lhung bas/ / dkyil 'khor sa ni legs par byug /dur khrod kyi ni thal ba dang/ /mi 'chi bcu phyed byas pas byug /me tog sil mas legs bkad ste/ /bdag nyid dpal ldan khrag 'thung gi /cha lugs legs par gnas byas nas/ /sems dpa' i skyil krung sbyor ba yis/ / dang por tshogs ni rab rdzogs pas/ /b+hu khaM zhes ni mngon brjod nas/ /sa ni nam mkha' bsam par bya/ /hUM lAM hUM las rdo rje yis/ /rnam bskyed rdo rje bsdams pa dag /bkan byas nas ni sngags 'di brjod/ /e me di ni badzra'i b+ha ba badzra band+ha hUM/ de nas bzlas pa'i mthar thug par/ /mkhas pa yis ni bsgom byas nas/ /rigs bzhi nga rgyal legs 'chang ba'i/ /rdo rje dril 'dzin las kyi bdag /gsol ba 'debs par dmigs byas te/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /mtshan rnams thams cad yang dag rdzogs/ /mtshan med thams cad rnam par spangs/ /kun tu bzang po sku yi mchog/ dkyil 'khor dam pa bshad du gsol/ zhi ba'i chos ni mchog las byung/ /ye shes spyod pa rnam sbyor ba/ /kun tu bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag pa dri ma med/ /kun bzangs thugs mchog kha lo sgyur/ /dkyil 'khor dam pa bshad du gsol/ /de ltar gsol ba'i tshig thos nas/ /rnam rgyal he ru kar byas te/ /mig gnyis ma dang Ta las byung/ /nyi ma zla ba rab bsgoms la/ /de dbus hUM las rdo rje che/ /nag po khro tshogs 'od 'gro bsam/ /rkang mthil a(rgyud 'grel rdo rje 'od zer dang ldan dgos/ /rdo rje dril bu kha TwaM 'dzin/ /dkyil 'khor nam mkhar bteg nas kyang/ /rdo rje lta ba dang bcas pas/ /byang shar gyi ni mtshams 'dug ste/ /rdo rje gsor bar mngon brtson pas/ /sku gsung thugs kyi rdo rje can/ /sangs rgyas dang du bdag la gson/ /nga ni dpal ldan he ru ka/ /bka' yi 'khor lo rab sbyor gyis/ /lha klu lha min gsang ba pa/ /rjed byed la sogs bgegs kyi tshogs/ /sa 'dir ma gnas gzhan du dengs/ /gal te bdag bsgoms 'das na/ /rdo rje khro bo bzhin 'bar ba'i/ /rdo rje rab tu 'bar ba 'dis/ /mgo ni tshal pa brgyar 'gas shing/ /'jigs par 'gyur bar gdon mi za/ /dpal ldan khrag 'thung nga ror ldan/ /lan gsum du ni brjod par bya/ /g.yas nas lan gsum bskor ba dang/ /hUM zhes bya ba rab brjod nas/ /rdo rje gom pas 'gro ba dang// shar dang lho dang nub dang byang/ /g.yon brkyang ba rang g.yas brkyang dang/ /zlum po dang ni sa ga rnams/ /lan gsum du ni bsgrims te bya/ /rdo rje khro mo dang ldan pas/ /goms stabs rnam pa brgyad du 'gyur/ /de nas dbus su 'ongs nas kyang/ /sor ni bcu gnyis dang ldan zhing/ /ser ldeng la sogs dri mar bskus/ /dar dmar me tog phreng btags pa'i/ /phur bu bcu ni byas nas kyang/ /bgegs dgrar byin brlabs zhal bzhi pas/ /dgug pas bka' yi 'khor lo spyad/ /dbang ldan la sogs phyogs bcur gdab// mdza' i dbyangs yig las byung ba'i/ /sa ni sna tshogs rdo rjer bya/ /rdo rje lta ba'i sbyor ba yis/ /ra ba dang ni dra ba bya/ /bdag nyid go chas rnam bsrungs nas/ /dpa' bo brtan par gnas pa bya/ /sa'i cho ga ste dang po'o// //de nas nang par sngar langs te// mchod pa kun dang rab ldan pas/ /rnal 'byor rnam par rdzogs dmigs te/ /dkyil 'khor dbus su 'dug nas ni// sa gnon pa'i phyag rgya yis/ /Tak+ki ni ni hUM dza(rgyud 'grel gser gyi bum par ldan/ /pad+ma dkar po la gnas shing/ /bdag la bka' nod lha mo lha/ /mchod yon zhal bsil sogs phul nas/ /spos snod rdo rje dril 'dzin pas/ /skyob pa sangs rgyas thams cad kyi/ /spyod pa'i tshul dang khyad par gyi/ /sa dang pha rol phyin pa la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi sde bcom pa/ /de bzhin bdag gi bdud sde las/ /rgyal bar byas te dkyil 'khor bri/ /lan gsum brjod pas rjes gnang ste/ /de nyid du ni thim par bsam/ /de nas ga bur la sogs dri yi chus/ /dkyil 'khor kun tu snyoms par byug /dri zhim dam tshig dang ldan pas/ /dbus su gru bzhir rang sngags kyis/ /de bzhin kun tu rab tu zlum/ /rang rang sngags kyi me tog dgod/ /rang sngags lha yi bdag nyid bsam/ /mar me la sogs mchod pa kun/ /lha yi grangs bzhin rnam bkod de/ /bcu las dman pa nyid mi bya/ /'bad de bskyed pa rdzogs gyur nas/ /'bar ba'i phyag rgya rab bcings te/ /rkang pa mnan cing steng du blta/ /gyen du beM gyi sgra sgrogs shing/ /phyogs rnams kun na bzhugs gyur pa'i/ dpa' po rnal 'byor ma rnams ni/ /spyan drangs dgug gzhug bcing ba dang/ /dbang du byas te byin gyis brlab/ /rang rang sngags kyi legs mchod nas/ /tha dad dam tshig dam tshig ches/ /mchod de rang rang gsang sngags bzlas// dgyes pa che la rnam bkod nas/ /sna tshogs mchod pas rab tu mchod/ /rdzas rnams thams cad bkod nas ni/ /lha rnams snyan gsan dbab par bya/ /g.yas pa spos snod rdo rje dang/ /g.yon pas dril 'dzin bus btsugs nas/ /he ru ka dpal bcom ldan 'das/ /rig sngags rgyal la phyag 'tshal lo/ /thus rje'i bdag nyid can rnams kyi/ /dkyil 'khor bdag ni bri bar 'tshal/ /slob ma rnams la brtse ba dang/ /khyed rnams la yang mchod pa'i phyir/ /bcom ldan bdag ni gus pa la/ /de ni gnang ba mdzad pa'i rigs/ /'gro ba'i 'khor lo don mdzad pa'i/ /sangs rgyas bdag la dgongs su gsol/ /byang chub sems dpa' dgra bcom dang/ /gang gzhan gsang sngags lha rnams dang/ /lha dang 'jig rten skyong ba dang/ /gang yang 'byung po mthu chen dang/ /sems can bstan la dga' ba rnams/ /sha dang rdo rje'i spyan mnga' ba/ /bdag la dgongs par mdzad du gsol/ /bdag ming 'di zhes bgyi ba yis/ /he ru ka 'byung dkyil 'khor ni/ /yo byad ci 'byor pas 'drin/ /der bdag slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab par mdzad du gsol/ /de ltar lan gsum gsol btab nas/ /ra ba dra ba la sogs pas/ /mtshams bcing ba ni brtan byas nas/ /g.yas kyis ci bder nyal te brtag /de nas bum pa bya ba ni/ /rin chen gser ram zangs la sogs/ /yang na sa yi khams las byung/ /mgrin mtho lto ba 'ang yangs pa dang/ /mchu 'phyang kha khyer dang ldan zhing/ /rtsa ba nag po la sogs med/ /tsan dan dkar pos legs bskus te/ /bsad bdug bgegs bskrad sngon 'gro bas/ /dri zhim pa yi chus bkang ste/ /'bras kyi so ba mon sran gre'u/ /nas dang gro dang til dag dang/ /mu tig gser dang rin chen dang/ /byu ru dngul ni dri ma med/ /bya g+h+ri ser g+h+ri ha sa dang/ /has de ba kar Ni ka/ me tog kha dog lnga po dang/ /ga dul gur kum tsan dan dang/ /tsan dan dmar po gla rtsi rnams/ /sngags bzlas nas ni blag par bya/ /kha dog lnga yis srad bu dang/ /mgrin pa gos zung mchog gis dkri/ /'dab bcas me tog 'bras ldan pa'i/ /lcug ma yis ni kha brgyan te/ /pad+ma'i dbus su rigs kyi mtshan/ rang rang bum pa brgyan par bya/ /me tog phreng sogs mdzes byas ti/ /brgyad ni sgo mtshams la dgod de/ /bum pa dgu pa dbus su bzhag /shar sgo yi ni g.yon logs su/ /las kun byed pa rab tu dgod/ /dri yi dung ni rnam rgyal te/ /rgyal ba'i steng du dgod par bya/ /rdo rje spyi bor rab bzhag nas/ /srad bu yis ni kun tu sprel/ /bsangs te stong pa'i rang bzhin las/ /bum las bum pa gzhal yas 'gyur/ /dang por sbyor bas lha bskyed la// las kun byed par las bdag nyid/ /dbang bskur mthar thug mchod de bzlas/ /bdud rtsi yi ni rnam rgyal dag /mthar ni rgyal sogs zhu bar bya/ /las kun byed pa bka' bsgo ste/ /brtan pa'i sems su gnas par bya/ /bum pa lhag par gnas pa'o/ / de nas slob ma rjes bzung pa/ /mtshan nyid bzang dang ldan gyur pa'i/ /mkhas pas slob ma gcig dag gam/ /gsum mam yang na lnga'am ni/ /bdun nam nyi shu rtsa lnga'i bar/ /zung du ma them yongs su bzung/ /de las lhag pa'i slob ma dag /yongs su gzung bar mi shes so/ /mdor na slob ma phan tshun du/ /nang mi gshin pa mi bzung ngo/ /tha ma sdom pa lngas gzung nas/ /gzhan rnams lam la gzung bar bya/ /bgegs la gtor ma sbyin byas te/ /zhal bzhi pa yi sngags bzlas shing/ /chang bu dman mar mes sbyang/ /gu gul yungs kar gyis bgegs bsal/ /til la sdig pa'i gzugs dmigs nas/ /oM badzra DA ka kha kha khA hi khA hi sarba pA paM ma ha b+hasmi ku ru swAhA/ zhes brjod g.yas dang g.yon pa yis/ /g.yas g.yon du ni yongs bskor nas/ /me dang chu la blugs par bya/ /las kun byed pas bkrus nas ni/ /bsam pa bzang la bzhag par bya/ /sngags kyi dngos grub don gnyer gang/ /'di na dkyil 'khor 'jug par byed/ /de las gzhan pa'i dngos grub 'dod/ / gzhan dag 'jig rten gzhan don gnyer/ /'jig rten pha rol don gnyer ba'i/ /dad pa mang du byed pa yis/ /blo ldan dkyil 'khor 'jug bya yis/ /tshe 'di'i 'bras bu 'dod mi bya/ /tshe 'di 'dod par gyur pa la/ /'jig rten pha rol don mi 'byung/ / 'jig rten pha rol don gnyer skyes/ /tshe 'di'i 'bras bu rab tu rgyas/ /slob dpon gyis ni rab tu brjod/ /bsdus byas rang gi lus nang du/ /sbyang bya khang skor maN+Dal bya/ /phul nas gsol ba 'dis btab bo/ /dga' chen khyod bdag ston pa las/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la gsol/ /byang chub sems kyang bdag la gsol/ /sangs rgyas chos dang dge 'dun te/ /skyabs gsum dag kyang bdag la gsol thar pa chen po'i grong mchog tu/ /mgon po bdag ni 'jug par 'tshal/ /de ltar lan gsum gsol ba dang/ /slob ma'i gtso bo la dmigs te/ /khu tshur theg pa chen po yi/ /khyod ni tshul chen snod yin te/ /gsang sngags spyod tshul cho ga ni/ /khyod la yang dag bstan par bya/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i rdzogs sangs rgyas/ /'gro la phan phyir bzhugs pa rnams/ /de dag kun gyis gsang sngags kyi/ /cho ga bzang po 'di mkhyen nas/ /dga' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med des/ /skyob pa shAkya seng ge yis/ /bdud sde shin tu mi bzad pa/ /dpung chen dag kyang de yis bcom/ /'jig rten mthun par gshegs nas su/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de nas slob ma thal sbyar te/ /gsum la skyabs 'gro nas brtsams nas/ /smon lam gyi ni bar du bya/ /rdo rje slob dpon sems dge bas// slob ma la ni tshig 'di brjod/ /gong nas gong du sdom pa ni/ /bu khyod kyis ni gzung bar bya/ /'khor ba las ni bsgral ba yis/ /thabs ni de las gzhan med pas/ /de bas 'bad pa thams cad kyis/ /sdom pa rtag tu bskyang bar gyis/ /des ni gnod pa rnams bsal nas/ /byang chub bde ba des thob 'gyur/ /slob ma sdom la gnas nus na/ /lag ni me tog 'dzin pa yis/ /dpa' bo'i spyan sngar dam bcas te/ /sangs rgyas sras bcas thams cad dang/ /dpa' bo rnal 'byor ma rnams kun/ /bdag la dgongs par mdzad du gsol/ /bdag ming 'di zhes bgyi ba ni/ /dus ni 'di nas gzung nas su/ /byang chub snying por mchis kyi bar/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med/ /dam pa bdag gis bskyed par gyi/ /sangs rgyas rnal 'byor sdom pa la/ /tshul khrims kyi ni bslab pa dang/ /dge ba'i chos ni sdus pa dang/ /sems can don byed tshul khrims gsum/ /bdag gis brtan par gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /ded nas brtsams te gzung bar bya/ /nam du yang ni mi spang ngo/ /rdo rje rigs mchog chen po yi/ /rdo rje dril bu phyag rgya dag /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs chen dag pa la/ /phyi dang gsang ba theg pa gsum/ /dam pa'i chos ni gzung par bgyi/ /las kyi rigs mchog chen po la/ /sgom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /bla na med pa'i byang chub sems/ /dam pa bdag gis bskyed bgyid nas/ /sems can kun gyi don gyi phyir/ /bdag gi sdom pa ma lus gzung/ /ma bsgral ba rnams bsgral bar bgyi/ /ma grol ba rnams bdag gis dgrol/ /dpugs ma phyin pa dbugs phyung ste/ /sems can mya ngan 'das la dgod/ /de ltar sdom pa gzung gnas pa'i/ /snying ga mgrin pa dpral ba ru/ /g.yas pa'i rdo rje khu tshul gyis/ /de yi thig le byas nas kyang/ /yi ge gsum gyis byin gyis brlab/ /las kun byed pas bsrungs nas ni/ /dus 'di nas ni gzung nas su/ /'khor ba'i nyes pas ma gos par/ /mchod pa thams cad dang ldan pas/ /dus kun tu ni bde bar mnos// rang rang sngags kyi me tog spos/ /mar me dri rnams dbul bar bya/ /so shing sor ni bcu gnyis pa/ /srin bus ma zos bug mthor med/ /drang zhing dri yi legs bsgos pa/ /skud dmar me tog phreng gis brgyan/ /las kun byed pa bzlas nas ni/ /shar ram byang shar kha bltas pa'i/ /slob ma la ni sbyin par bya/ /ma gas par bca' skyon dag nas/ /mdun du drang por dor bar bya/ /bdag la blta na mchog yin te/ /'greng na kha spyod thur du bltas/ /sa 'og des 'grub phyogs dang mtshams/ /rang rang gi ni lha zhes bya/ /dmar ram dmar ser tshad ldan pa'i/ /srung skud mdung pa gsum ldan pa/ /dbung pa la ni bcings te bsrung/ /de nas ngag gi skyon sel ba/ /sngags 'dis khyor chu lan gsum blung/ /oM h+rI:bi shud+d+ha(rgyud 'grel ya tUM/ de nas slob ma ? ? te/ /dga' bskyed spro ba'i chos bshar bya/ /'jig rten du ni kun mkhyen dag /u dum bA ra'i me tog bzhin/ /brgya lam na ni res 'ga' zhig /'byung 'gyur na yang mi 'byung ngo/ /gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan ma 'da' byed pa nus/ /bskal pa bye ba du ma ru/ /sdig pa byas par gyur pa gang/ /de kun dkyil 'khor 'di 'dra ba/ /mthong bas byang bar 'gyur lags na/ /grags pa mdza' yas sngags spyod pa'i/ /tshul la gnas pa smos ci dgos/ /skyob pa'i gsang sngags bzlas nas ni/ /go 'phang bla na med par 'gyur/ /gang dag mchod pa mchog 'di la/ /blo gros brtan zhing mi g.yo ba/ /de dag gi ni ngan 'gro'i rgyun/ /sdug bsngal kun 'byung rab tu bcad/ /bdag nyid chen po khyed rnams kyis so/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyi ni/ /bstan pa 'di la byed rnams kun/ /yongs su gzung ste skye bzhin par/ de phyir khyed rnams theg chen la/ /gsang ni rab tu skya bar 'gyur/ theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dod bas ni/ /rang 'byung bskal pa chen po bas/ /'jig rten thams cad mkhyen pa yi/ /de bzhin gshegs pa rnams su 'gyur/ /don bshad bsrung ba byas nas ni/ /sngags kyis sbyangs pa'i ku sha dag /stan dang sngas su sbyin par bya/ /rmi lam dge ba 'am mi dge ba/ /nang par nga la'ang rab tu zlos/ /sdig pa las kun byed pas gzhom/ /slob dpon la ni mi dge pa'i/ /ltas dag mthong na langs nas ni/ /zhing skyong mkha' 'gro thams cad la gtor ma cho ga bzhin du sbyin/ /yi ge brgya bas brtan byas shing/ /srung ba'i 'khor los kun tu spyod/ /dpa' bo'i zhal gyi sngags la sogs/ /thams cad kyang ni bzlas byas te/ /go chas bdag nyid bsrung ba dang/ /dpa' bo rnal 'byor ma rnams la/ /gsol btab rgyan sogs nga rgyal blang/ /me'i las la kun brtson pa/ /bgegs rnams thams cad zhi bar bya/ /lhag par gnas pa'i cho ga'o// //dpa' pos nang par sngar langs te/ /khrus byas shugs kyis brgya bcings la/ / gnas bcas lha ni nam mkhar dgod/ /bum sogs gdan la legs gzhag nas/ /zhal bzhi pas ni thams cad bsrung/ /dri zhim pa yi chus gtor nas/ /shes rab thabs kyi rang bzhin gyi/ /grogs dang lhan cig thig gdab bo/ /ma nyams ras pal gtsang ma las// rang gi shes rab lhan cig tu/ /kha dog lngar bcos srad bu bsgril/ /nyis 'gyur du ni tshad byas te/ /sgo yi nyi shu cha nyid do/ /ma snyoms pa ni rnam bsal te/ /grims dang mdud pa'i skyon bral ba/ /shar dang nub tu kha bltas pa'i/ /sgrub pa pos ni rab tu brkyang// ye shes lnga las byung ba yi/ /srad bu lnga lngar rnam phye te/ /rang nyid he ru kar byas pa'i/ /mig gnyis nyi zlar dza yi 'od/ /'bar ba'i lta bas ye shes dgug /gnyis med gnyis med gsang sngags kyis/ /lnga po legs par bsgril bar bya/ /pad+ma'i snod du bzhag nas kyang/ /sangs rgyas kun gyi mkha' 'gro dang/ /dpal chen snying po yongs bzlas nas/ /mchod de spos ni dbul bar bya/ /khrag chen gyis ni spangs pa yi/ /sum sgril skud pa tshad ldan pa/ /bdud rtsi tsan dan dkar po yis/ /legs par byugs te thog gdab bya/ /oM badzra sa ma ya sU tra mA ti kra ma hUM/ sngags des thig skud legs btang la/ /grogs kyis dza gsum mngon brjod nas/ /skud pa rab tu brkyang bar bya/ /shar dang nub tu kha bltas la/ /g.yon pa'i rdo rje khu tshur gyis/ /lte ba yi ni phyogs gzung nas slob dpon rdo rje dang bcas shing/ /dang por tshangs pa'i thig gdab po/ /ltas ngan byung na dngos mi 'grub/ /chad pas slob dpon 'chi 'gyur zhing/ /ring 'thung khyer na nad kyis 'debs/ /phyogs 'khrugs slob ma nyon mongs 'gyur/ /de bas 'debs pa thams cad kyis/ rab tu bsgrims te gdab par bya/ /byang dang lho yi sgor gnas te/ /tshangs thig gnyis pa gdab par bya/ /ma lus 'jig rten khams bzhugs pa'i/ /sangs rgyas la sogs khyed rnams kyis/ /'gro don mdzad pa'i dus yin te/ /thig gri sgras ni bskul bar bsam/ / g.yon nas bskor ba'i sbyor ba yis/ /rnam pa kun tu thig gdab bya/ /mtshams kyi cha ni g.yas su ste/ /me dang rlung gi phyogs gnas nas/ /mtshams kyi thig ni yang dag brtsam/ /srin po 'byung po'i phyogs 'dug nas/ /gnyis pa yang ni de bzhin no/ /me yi mtshams nas byang du blta/ /shar gyi thig ni gdab par bya/ rlung nas lho ru kha bltas te/ /nub tu srad bus gdab par bya'o/ /slob dpon rlung nas shar du blta/ /byang du thig ni yang dag bri/ /me nas nub phyogs kha bltas pas/ /lho yi thig kyang de bzhin no/ /ye shes thig ni brgyad kyis rjes/ /mtshan nyid bzang po rnams bsams nas/ /cha ni rnam par dbye bar bya/ /tshangs pa'i thig ni ngos re ru/ /re re lngar bya nyi shur gdab/ /pho brang la gnyis ge sar gcig /gsum gsum gyis ni 'khor lo rnams/ /ka ba rdo rje gri gug rdo rje phreng/ / pad+ma 'khor lo re re bya/ /gcig gis phyi yi khyams yin te/ /bsdus pa'i tshul la pad+ma dag /pho brang gi ni nyis 'gyur te/ /thams cad snga ma lta bur shes/ /sgo ni 'khor lo'i brgyad char 'dod/ /sgo khyud khyams dang 'dra ba yis/ /mkhas pas cha yi byed du bya/ / rtsig pa dang ni ba ku li/ /shir Sha ka ni de yi phyed/ /dgu yis rta babs ka bar bcas/ /mdzes par tshon gyi sa bya ste/ /tshon gyi sa yi nyis 'gyur du/ /phyi rol 'od kyi dkyil 'khor bya/ /'khor lo de yi phyi rol du/ /shing la sogs pa'i dur khrod bya/ /nye 'khor mchod pa'i sar byas te/ /ye shes thig ni de nas kyang/ /thig gi rim pa'o// //rin chen nam ni khams chen nam/ /'bras sogs khams kyi legs sbyangs dang/ /yang na sa 'am thal ba 'am/ /lo ma rnams kyis bri bya ste/ /kha dog lnga po thams cad ni/ phyag rgya drug pa dang ldan bya/ /thig las ji ltar 'byung ba bzhin/ /lnga po lnga ni rnam sprul te/ /mtshon ni rab tu gnas par bya/ /dpa' bos dbus kyi sar gnas te/ /shar du kha bltas g.yon pa yi/ /khu tshur gyis ni gzung nas su// bden pa brjod cing bri bar bya/ /'di ni me long dag pa ste/ /sems can khams ni sgrol byed pa/ /dpal ldan bde chen rgyal po ste/ /de bzhin gshegs pa kun gyi gnas/ /oM badzra tsitra sa ma ye hUM/ lan lnga ru ni brjod par bya/ /sor ni bcu gnyis tshad ldan par// drang zhing mtho la snyoms pa dang/ /nas gang gi ni ma 'dres pas/ ri mo kun tu bri bar bya/ /sbom pos nad bskyed phra bas ni/ /nor rnams rab tu brlag par byed/ /'dres pa yis ni rims 'byung zhing/ /yo bas rnam 'gras chad pa yis/ /slob dpon dang ni slob ma dag /'chi ba nyid du shes par bya/ /de nas tshad dang ldan pa ru/ /rab tu 'bad de bri bar bya/ /rim pas dkar po ser po dang/ /de bzhin du ni dmar dang ljang/ /nag po nang du shes bya ste/ /shar phyogs su ni sngon po che/ /lho ni ser te nub ni dmar/ /byang du ljang gus rnam par mdzes/ /lte ba dmar zhing ge sar ser/ /sna tshogs mdog par gri gug sngo/ /ljang gu dkar dang dmar ba yi/ /gzhi la sngo dmar dkar ba yi/ /'khor lo gsum ni legs par bri/ /khyams ni shel 'dra 'dra ba'i sa/ /bai DUrya ltar sngo bsangs nyid/ /gser ram rnam lngas ba ku li/ /shirSha ka ni dkar po ste/ /rta babs kha dog sna tshogs nyid/ /rdo rje 'od sogs pad+ma bzhin/ /rin chen 'phreng dang nyi zla dang/ /rnga ma dar dang 'phan la sogs/ /rgyan ni sna tshogs bri bar bya/ /khyams la gzugs sogs mchod pa ni/ /bzhi bcu ru ni tshang bar dgod/ /rdo rje gri gug gri gug dang/ /bum pa dkar po pad snod ldan/ /dbus kyi pho brang dag la dgod/ /rdo rje pad+ma 'khor lo dag /gri gug dang ni ldan bya zhing/ /mthar ni gri gug yang dag dgod/ /'od kyi dkyil 'khor dang ldan pas/ /rnam pa kun tu mdzes par bya/ /slob dpon gyi ni las mthong nas/ /'di dag kun tu spyad par rigs/ /rdul tshon gyi rim par phye ba ste bdun pa'o// //rdo rje lha'i 'dzin dpa' bo yis/ /lan gsum du ni yongs bskor nas/ /dkyil 'khor skyon rnams legs brtags te/ /yi ge brgyas ni kun tu sbyang/ /rgyan rnams kyis ni mdzes byas pa'i/ /rgyal dang kun byed bum pa dag /shar sgo'i g.yas g.yon dag tu dgod/ /sgo dang mtshams su brgyad po ste/ /rdo rje ra ba'i phyi rol tu/ /mgo gas skyer 'gyur bas mi dgod do/ /ma dag pa ni de las gzhan/ /me tog spos dang mar me dang/ /dri dang bza' ba rol mo dang/ /gos dang ku sha rgyan la sogs/ /nye 'khor du ni dgod par bya/ /chang dang sha rlon gtor ma dang/ /'du ba yi ni rdzas rnams kun/ de yi phyi rol dag tu bzhag /ngar dang bla re gdugs dang ni/ /rgyal mtshan rnams kyis gnas brgyan te/ /khrag 'thung cha lugs 'dzin pa yi/ /sgo bsrung bzhi ni bzhag par bya/ /bdag nyid brtul zhugs gnas byas te/ /nub kyi sa la mngon phyogs nas/ /cho ga rab tu rdzogs par spyad/ /g.yon gyi srin lag rtse mo yis/ /dam tshig drug po legs sbyar bas/ /bsangs te lha nyid rnam par bsam/ /nam mkha' i lha rnams phab nas kyang/ /ye shes dkyil 'khor spyan drangs te/ /drug po ro gcig gyur par bya/ /go cha tshogs kyis byin brlab nas/ /sngon bzhin lha rnams sbyang byas te/ /he ru ka sogs mchod byas nas/ /dpa' bo gnyis med sngags kyis mchod/ /sangs rgyas mkha' 'gro kA ka sogs/ /bum sogs lha rnams thams cad la/ /brgya rtsa brgyad du nye bar gnas/ /rig byed dang ni me lha'i bar/ /thabs dang shes rab yi ge dag /lha yi grangs dang mnyam par bzlas/ /mthar ni myos byed kyis mchod nas/ /slob dpon bdag nyid 'jug par bya/ /dang po phyag ni sngon 'gro bas/ /sems bskyed nas ni rjes gnang mthar/ /dbang ni rim pa bzhin blangs te/ /slob ma gnyug par byed bdag nyid/ /bden pa'i byin brlabs brjod par bya/ /oM nam mkha' skye ba mtshan ldan phyir/ /thog ma tha ma med pa'i mchog /sems dpa' i rdo rje che rang bzhin/ /rdo rje sems dpar bdag grub mdzod/ /dngos grub chen po kun gyis mchog /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag 'gyur mdzod/ /nyes pa med la rtag pa khyod/ /'dod chags kun gyi rjes chags pas/ /'dod chags chen po dga' ba che/ / bcom ldan de nyid kyis 'grub mdzod/ /shin tu dag pa kun gyi mchog /gdod nas grol ba de bzhin gshegs/ /kun tu bzang po kun bdag nyid/ /byang chub sems dpa' bdag grub mdzod/ /kun mchog dngos grub chen po ste/ /dbang phyug chen po rgyal mchog gis/ /grub pa'i rdo rje cher bstod pa/ /rdo rje snyems par bdag mdzod cig /sems can kun gyi yid khyab pa/ /sems can kun gyi snying la bzhugs/ /sems can kun gyi yab gyur nyid/ /'dod mchog dam tshig mchog gyur pa'i/ / bden pa gang gis ye shes mchog /shes rab thabs dag dkyil 'khor yin/ /bden pa de yis mgon bdag la/ /khyed kyi 'dod pa rab rdzogs mdzod/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu byung/ /de bzhin nyid las nges par skyes/ /bden pa 'di yis dkyil 'khor du/ /gzugs brnyan gsal bar slob ma ni/ /kun gyis dri med mthod bar shog /lan gsum du ni rab brjod nas/ /slob ma 'jug pa'i las rnams bya/ /de nas las kyi rdo rje yis/ /kun byed bum pas bkrus nas kyang/ /gos dmar gyis ni gdong yang dag pa/ /dkyil 'khor me tog lag 'dzin pas/ /sdom pa rab tu gzung nas su/ /oM sh+rI he ru kA ya/ padmi he/ bidyA rA dzA ya/ b+ha ma ha swAhA/ sngags de yis ni gdab par gsol/ /sangs rgyas kun gyi rang bzhin sku/ /slob dpon la ni skyabs su mchi/ /gtso bo 'khor dang bcas pa yis/ /lha rnams la ni phyag 'tshal lo/ /thar pa chen po'i grong mchog tu/ /mgon po bdag ni gzhug par 'tshal/ /gsum brjod grogs kyi nang du 'da' / /bu khyod su yin ci la dga' / /skal bzang bde chen gnas la zhes/ /dris lan yongs su spyad par bya/ /yon gyi mchog ni blang byas te/ /snying kar rdo rje rab bzhag nas/ /oM yo gatsit+ta utpA da yA mi/ su ra ta sa ma ya stwaM/ sid+d+hiM badzra ya thA su khaM/ de ltar byang chub sems bskyed nas/ /nye bar spyod pa bzhin bya ste/ /deng khyod de bzhin gshegs pa thams cad kyis byin gyis brlabs kyis/ de bzhin gshegs pa thams cad kyi mchog tu gsang ba 'dis/ khyod kyis dkyil 'khor du ma zhugs pa rnams la smra bar mi bya zhing ma dad pa rnams la yang ma yin no/ /sku gsung thugs kyi phyag byas nas/ /'bru lnga yis ni gzhug par bya/ /lan gsum bskor ba byas nas kyang/ /lha dang tha dad med bdag gis// sgo sogs drung na 'khor pa la/ /dam tshig yongs su sgrag par bya/ /deng khyod dpa' bo dang rnal 'byor ma thams cad kyi rigs su zhugs kyis/ ngas khyod la ye shes gang gi de bzhin gshegs pa thams cad kyi dngos grub kyang thob na dngos grub gzhan lta smos kyang ci dgos te/ de lta bu'i ye shes bskyed par bya yis/ /khyod kyis dkyil 'khor ma mthong ba'i mdun du brjod par mi bya ste/ dam tshig nyams par gyur ta re/ /snying kar rdo rje rab bzhag ste/ /he ru ka dpal der khyod kyi/ /snying la yang dag zhugs par gyur/ / gal te tshul 'di smras na ni/ /de ma thag tu dral te gshegs/ /thod pa'i bdud rtsi legs sbyangs te/ /'di ni khyod kyi dmyal ba'i chu/ /dam tshig nyams na sreg par byed/ /dam tshig bsrungs na dngos grub ni/ /rdo rje bdud rtsi yis 'grug /oM badzra u da ka Tha Tha Tha/ deng nas brtsams te/ khyod kyi dpal he ru ka nga yin gyis/ /ngas 'di gyis shig ces bsgro ba gang yin pa de khyod kyis bya dgos te/ nga la brnyas par ma byed cig /mi bde ba ma spangs par tshe'i dus byas nas dmyal bar lhung gyur ta re/ zhes dam tshig bstan par bya'o/ /sbyang byas slob mas dpa' bo la/ /ye shes don phyir gsol ba gdag /dpa' bo dang rnal 'byor ma thams cad kyis byin gyis rlabs la/ dpal he ru ka'i ye shes bdag la dbab tu gsol/ de ltar lan gsum gsol byas nas/ /dur khrod zla tshan ldan ras dang/ /byi ba'i sdug pa dam tshig dang/ /thang chu yi dags kha las byung/ /dur khrod me la gdung bar bya/ /'od kyi lha rnams yongs bskul zhing/ /rlung me dzhai(rgyud 'grel yo gi ni badzra A be sha ya/ ta Sha ya/ ra ra ra ra tsa la la tsa la la hUM ha A dz+nye:rdo rje dril bu Da ma ru/ /bsgyings dang bcas par bsgrag par bya/ /mtshan ma nye bar mi gnas na/ /oM tiSh+Tha mahA kro d+ha A be sha ya hUM/ oM sh+rI he ru kA ye bidma he bidyA rA dzA ra d+hi ma he swAhA/ sngags des dpa' bo bskul bar bya/ /ltas rnams thams cad shes byas nas/ /smra la lce ni byin rlabs te/ /dge sogs don rnams dri bar bya/ /tiSh+Tha badzras brtan byas nas/ /snying po'i dkyil 'khor 'di ru ni/ /bdag gis slob ma gzhug par bgyi/ /lha yi rigs kyi rim pa dag /bsod nams ji bzhin de bzhin shog /'dis ni dngos grub gang thob dang/ /rigs ni gang gi snod du 'gyur/ /'di yi bsod nams ci yod las/ /dkyil 'khor 'dir ni de bzhin shog /oM sarba ta thA ga ta ku la bi sho d+ha ni swAhA/ pra tIts+tsha badzra ho/ /sngags des bltos pa med par dor/ /rigs kyis bltas na yongs shes nas/ /oM pra ti grih+Na swa mi maM/ satwa mahA ba la/ sngags des spyi bor sbyin bya ste/ /oM he ru ka dpal deng khyod kyi/ /mig 'byed par ni brtson par mdzod/ /phye bas thams cad mthong 'gyur te/ /rdo rje mig ni bla na med/ /oM badzra ni tra a ga ha ra pa laM hI:/ gdong g.yog rab tu dgrol bar bya/ /dkyil 'khor bzang po 'di la ltos/ /de ni dad pa rab tu bskyed/ /khyod ni rnal 'byor ma rig skyes/ /sngags dang phyag rgyas byin gyis brlabs/ /'gro ba phun sum tshogs kun dang/ /grub kun khyod la mngon du gyur/ /dam tshig thams cad bskyang ba dang/ /sngags kyi dngos grub brtson par gyis/ /me tog gang du lhung la sogs/ /lha rnams gnas dang bcas pa dag /byang sgo nas brtsams thams cad bstan/ /slob ma 'jug pa'i cho ga'o// //dkyil 'khor byas te yul 'khor ram/ /rta dang glang po sogs phul nas/ /he ru ka dpal dbang bskur ba/ /'gro ba skyob mdzad gzi brjid can/ /ji ltar yon tan 'byung gnas gtso/ /de bzhin bdag la deng stsol cig /lan gsum du ni gsol btab nas/ /sngags kyi phreng bas dbang bskur zhing/ /mi bskyod bsam gtan gsum rdzogs nas/ /dpa' bo rdo rje dril 'dzin pas/ /shar sgo'i bum pa gnyis thog nas/ /bkra shis bum pa sngon 'gro bas/ /dbang bskur rdo rje chen po ni/ /khams gsum kun gyis phyag byas pa/ /gsang gsum gnas las byung ba yi/ /sangs rgyas kun gyi rab sbyin pa'o/ /oM badzra a b+hi Shiny+tsa/ bum pa brgyad kyi sngags bzlas te/ /lha rnams lus la legs bcug nas/ /mchod de dag pa sbyin par bya/ /rin chen bsam gtan yongs rdzogs nas/ /sangs rgyas kun gyi rgyal srid che/ /dbu rgyan rin chen dam pa ste/ /rin chen kun gyi mchog byed pas/ /rdzogs sangs rgyas su dbang bskur ro/ /oM sarba bud+d+hA DA ki nI ye badzra war+Na ni ye huM hUM phaT swAhA/ a b+hi Shiny+tsa sngar bzhin thams cad spyad par bya/ / chos kyi rnal 'byor rab ldan pas/ /rdo rje cho ga bzhin bskyed nas/ /chos kyi gzugs kyi slob ma la/ /sangs rgyas kun gyi rdo rje dbang/ /de ring khyod la bskur bar bya/ /sangs rgyas nyid du rab bsgrub phyir/ /rdo rje 'di ni khyod kyis long/ /badzra a b+hi Shiny+tsa g.yas par rdo rje rab bzhag nas/ /nang gi dbang bskur rin chen mchog byin nas/ /dag pa rab tu brjod par bya/ /don yod bsam gtan dang ldan pas/ /rdo rje dril bu sbyin par bya/ /sangs rgyas kun gyi dril bu'i dbang/ /de ring khyod la bskur bar bya/ / sangs rgyas nyid du rab bsgrub phyir/ /dril bu 'di ni khyod kyi me long/ /g.yon du nges par gtad byas nas/ /rdo rje dril bu legs 'khyud nas/ /rdo rje bdag po brtan bya'i phyir/ /sngags 'di rab tu brjod par bya/ /oM badzra a d+hi pa ti twaM/ a b+hi Shiny+tsa maM/ tiSh+Tha badzra sa ma ya stwaM/ brtan byas nas ni yang dag smra/ /rtag pa'i bsam gtan kun byas te/ /spyi bor rdo rje dril bzhag nas/ /rdo rje ming gi dbang bskur bas/ /rtag pa'i rdo rje rab zhugs te/ /mi shigs rdo rje ming ldan pas/ /bu khyod de ring dbang bskur ro/ /oM badzra satwa twaM/ a b+hi Shiny+tsa maM/ badzra nA ma a b+hi She ka ta:/ rang rig las byung ming rnams ni/ /dpal dang rdo rje sgra ldan par/ /slob dpon gyis ni lan gsum bod/ /dag pa dang bcas rab tu brjod/ /de ltar slob ma'i dbang thob nas/ /rgyud rnams thos shing man ngag thog/ las rnams shes te ston nus na/ /rdo rje slob dpon nyid bya'i phyir/ /tshig 'dis gsol ba gdab par bya/ /mi ldog 'khor lo dbang bskur ba/ /dpa' bo chen pos bdag la gsol/ /'gro ba mtshan ma med byed pa/ /de ni da 'dir bshad du gsol/ /bdag dang gzhan gyi don bya'i phyir/ /rdo rje slob dpon dbang bskur ba/ /thugs rje can khyod bka' drin gyis/ /de ring bdag la stsal du gsol/ /yon phul nas ni lan gsum brjod/ /seng ge rdo rje 'khor lo yi/ /khri la gdugs dang mchod bcas 'dug /rdo rje rigs kyi dam tshig mchog /gsum ni legs par gzung bar bya/ /hUM las byung ba'i rdo rje ni/ /dpa' bo rnal 'byor ldan la sbyin/ /'di de sangs rgyas thams cad de/ /he ru ka dpal lag na gnas/ /khyod kyis kyang ni rtag tu gzung/ /he ru ka dpal brtul zhugs brtan/ /oM sarba ta thA ga ta sid+d+hi badzra sa ma ya/ tiSh+Tha e Sha twaM d+ha ra yA ni hI:hi hi hi hi hUM/ sngags de slob ma'i lag tu gtad/ /thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdag /bcom ldan 'das dpal mchog dang po'i skyes bu'o/ /oM mahA badzra hUM/ dril bu a las sar bskyed de/ /'di de sangs rgyas thams cad kyi/ /shes rab dbyangs kyi rjes 'gror bshad/ /khyod kyis kyang ni rtag tu bcad/ /byang chub mchog tu rgyal ba bzhed/ /tshig des dril bu sbyin pa bya/ srid pa ngo bo nyid kyis dag /rang bzhin gyis ni dngos med byis/ /rang bzhin dag pa'i sems ldan pa/ /srid pa'i mchog tu byed par 'gyur/ /oM badzra g+haN+Ta A:sngags des rab tu dkrol bar bya/ /he ru ka dpal brtan byas te/ /yid kyi lus su brtan byed pa// dam tshig phyag rgyar grags pa yi/ /skur ni nye bar gnas kyis la/ /phyag rgya rtag tu brtan par gyis/ /de nas dpa' bo mchod de yis/ /dus gsum sangs rgyas thams cad kyis/ /dbang bskur bar ni rab dmigs la/ /rdo rje dril bu legs 'khyud nas/ /rdo rje cha dang dril bu che/ /zung shig rdo rje'i byin brlabs nas/ /de ring rdo rje slob dpon gyur/ /slob ma'i tshogs rnams bsdu bar bgyi/ /de ltar dam tshig brtan bya ste/ /rjes su gnang ba sbyin par bya/ /kha TwAM ga dang Da ma ru/ /kha TwAM ga ni lha'i sku/ /shes rab DA ma ru yi sgra/ /kha TwAM rdo rje dang bcas shing/ /dril bu sil sil sgra sgrogs pa/ /tshangs pa'i skur thogs rnal 'byor bdag /kha TwAM ga dang rnal 'byor snod/ /dpa' bo chen po blang bar gyis/ /spyod pa'i rjes su gnang ba'o/ /deng nas brtsams te rdzogs sangs rgyas/ /sras dang bcas pa rnam rol cing// rdo rje snyems ma'i rnal 'byor gyis/ /dga' ston bde ba'i mchod pa gyis/ /sgra sgeg pa'o/ /sgeg dang bcas pa'i phreng ba 'phang/ /sangs rgyas thams cad mchod par bya/ /de ni bcom ldan bral mi 'gyur/ /phreng ba de yi rgyan yin no/ /oM phreng ba'o/ /lus can kun la dam chos kyi/ /khyod kyis glu ni blang bar gyis/ /de yis bde gshegs dngos grub kyis/ /bde ba myur du myong bar 'gyur/ /gI glu'i'o/ /de nyid thal mo gang gyis ni/ /sangs rgyas thams cad chags par bya/ /sangs rgyas 'dul ba'i phrin las kyis/ /gang mkhan tshul du bsgyur bar gyis/ /ho/ gar ro/ /rdzogs sangs rgyas la spos phul bas/ /brtul zhugs bzang pos legs tshim gyis/ /lus can bde gshegs cha lugs su/ /ye shes kyis ni tshim par gyis/ /Ad? bdug pa'o/ / sangs rgyas rnams la me tog gtor/ /byang chub yan lag chogs gyur nas/ /mtshan dang dpe byad ldan par ni/ /bde gshegs sku ni thob par gyis/ /b+h+ruM me tog go /sems can ma rig ldongs pa la/ /chos kyi me ni legs spar? nas/ /rdo rje chos dang 'dra ba ru/ /chos kyi rnam par 'bar bar gyis/ /pre mar me'o/ /khyod kyis rgyal la dril phul bas/ /tshul khrims ting 'dzin shes rab dang/ /rnam grol ye shes mthong ba yi/ /byang chub lus can rnams la bsgos/ /dri'o/ /ji ltar mig mkhan rgyal po yis/ 'jig rten ling tog bsal ba ltar/ /bu khyod kyi ni mi shes pa'i/ /rab rib rgyal ba rnams kyi bsal/ /rgyal rnams kyis ni thur mas so/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ / rgyu dang las las kun tu byung/ /rang bzhin med cing gnas med pa/ /de ltar chos rnams shes gyis la/ /sems can don ni mnyam med byos/ /'on kyang sangs rgyas sras su skye/ /me long rab tu bstan par bya/ /a yis sbyangs pa'i dril bu ni/ /rna ba'i drung du bsgrags par bya/ /thams cad nam mkha' i mtshan nyid de/ /nam mkha' la ni mtshan nyid med/ /nam mkha' dang ni mnyam sbyor bas/ /kun mchog mnyam pa nyid du gsal/ /ho yis sbyangs pa'i mda' gzhu dang/ slob ma'i lag tu byin nas ni/ /phyogs bzhir 'phen pa'i tshul byed la/ /de bzhin gshegs pa thams cad rjes su chags par gyis shig ces bsgo'o/ /rdo rje sems dpa' rab brjod pa'i/ /me long slob ma la bstan nas/ /rdo rje sems dpa' me lang ltar/ /dag cing gsal la rnyog pa med// bu khyod kyis ni snying la bzhugs/ /rdo rje sems dpa' rang nyid gtso/ /tshig nges rang bdag shes par bya/ /zhi rgyas dbang dang dgug pa dang/ /bskred pa dang ni gsad la sogs/ /pham dang tshar gcad byed pa yi/ /las rnams khyod kyis sgrub par gyis/ /ral gri sa 'og mig sman dang/ /rkang mgyogs bcung len mkha' la 'gro/ /mi snang la sogs grub pa'i tshogs/ /ci dga' bar ni sgrub par gyis/ /lus dang srog la ltos med bkra/ dam tshig sdom pa kun bsrungs te/ /nyin dang mtshan mo lan gsum du/ /don ldan rtag tu bzla ba bya/ dgun zla 'bring po las brtsams te/ /zla ba re re mngon bya ba/ /'khor lor gnyis med tshul gnas pa/ /tshe bcu la ni de rab mchod/ /rkang pas 'khor lo lag g.yas dung/ /lag gnyis po ti dril byin nas/ /de nas brtsams te sems bskyed pa/ /tsam gyis chos kyi 'khor lo bskor/ /khyod kyi the tshom dog med par/ /yid gnyis med pa'i sems kyis su/ /chos kyi dung ni bla med pa/ /dri med kun tu gang bar gyis/ /gsang sngags sbyong tshul cho ga rnams/ /skye bo yongs la rtag tu shod/ /de ltar byas na sangs rgyas la/ / phan 'dogs drin du gzo zhes bya/ /rdo rje 'dzin pa de kun kyang/ /khyed la rtag tu bsrung bar mdzad/ /de ring rdo rje slob dpon 'gyur/ /sngags dang rgyud ni 'dzin gyur pas/ /sangs rgyas byang chub sems rnams dang/ /lha rnams kun gyis mthun par gsungs/ /sems can kun la rjes brtse bas/ /khyod kyis dkyil 'khor cho ga bzhin/ /nan tan bskyed de bri bar bya/ /sgrub pa po rnams rgyud la sbyor/ /'khor lo rdo rje sogs byin nas/ /sems can kun la phan pa'i phyir/ /'jig rten khams ni thams cad du/ /ji ltar tshogs ni 'dul 'gyur ba/ /chos kyi 'khor lo rab tu ?/ /rdo rje rin chen pad+ma dang/ /las kyi 'khor lo rab tu brjod/ /shar gyi sgo drung rab gnas pa'i/ /lus ni sa la phab pa'i phyag /byas te mgo bo ma bteg par/ /sngags dang rgyud rnams 'dzin gyur pa'i/ /slob ma 'di ni phul ba lags/ /las kyi rdo rjes rab bslang nas/ /gdugs ni gzhan du byas nas kyang/ /dpa' bo chos gos 'dzin pa dang/ /mchog gam mi 'jigs sbyin pa yis/ /shAkya'i gzugs su rab dmigs te/ /oM 'dir ni khyod la ngas lung bstan/ /rdo rje slob dpon de bzhin gshegs/ /srid pa shin tu dag pa'i phyir/ /srid dang ngan 'gro rnams las bton/ /kye cho ga mo zhes bya ba'i de bzhin gshegs pa grub pas gsum gyi bdag por 'gyur ro/ /gang la tshig 'dir lung bstan pa/ /de la sangs rgyas byang chub sems/ /'khor dang bcas pa mgrin gcig tu/ /byang chub chen por lung ston te/ /phyag rgya sngags 'di'i mthu yin zhes/ /slob ma dad pa rab tu bskyed/ /de nas slob ma gzengs bstod de/ /mchog gsang dkyil 'khor dam pa 'dir/ /zhugs pa dang ni mthong ba yis/ /sdig pa kun las rnam grol nas/ /de ring khyed rnams bde bar gnas/ /bde chen theg pa 'dis ni/ /phyin chad 'chi ba yod min te/ /mi thub tshugs pa yod min pas/ /cis kyang ma 'jigs dga' bar gyis/ /srid pa shin tu dag pa'i phyir/ /srid pa'i sdug bsngal las khyod 'das/ /gang zhig skyes pa tsam gyis ni/ /sangs rgyas nyid du dogs med pa'i/ /byang chub sems ni spang mi bya/ /dam chos smad par mi bya ste/ /nam yang bor bar mi rung ngo/ / ma shes pa 'am rmongs pa la/ /gsang ba de nyid bstan mi bya/ /rdo rje dril bu phyag rgya yang/ /sangs rgyas kun dang mtshungs gyur pa'i/ /slob dpon smad par mi bya ste/ /rang bdag yongs su spangs pa yi/ /dka' thub kyis ni gdung mi bya/ /ji ltar bde bar bde gzung nas/ /'di ni ma 'ongs rdzogs sangs rgyas/ /slob dpon gyis ni brjod thos nas/ /slob ma gus par zhabs btud de/ /gtso bos ji ltar bka' stsal ba/ /de dag thams cad bdag gis bgyi/ /bsgo ba thams cad khas blangs nas/ /shin tu gus bar 'dug pa la/ /shar sgo yi ni phyogs nyid nas/ /de nyid rab tu bstan par bya/ /thams cad dngos po gcig nyid du/ /sprul sku'i mdzad pa rdzogs gyur pa/ /dur khrod yin te lus su dag /ye shes snang bas kun khyab cing/ /bdud bcom 'od dang rdo rje ldan/ /mi mnyam med pa zur bzhi pa/ /'phags pa'i bden pa ngos bzhi nyid/ /dran nas dbang po sgo bzhi ste/ /bsam gtan rnams kyi rta babs nyid/ /tshon sna lnga po sangs rgyas te/ /dge ba'i spyod pa shirSha ka /dra sogs byang chub yan lag bdun/ /ba dan dril bu gsung rab sgra/ /ting nge 'dzin gyi kha khyer te/ /gzungs ni 'dod pa'i lha mo'o/ /pad+ma 'dam gyis ma gos te/ /gcod byed 'khor lo rnams yin no/ /ye shes thugs dang gsung gi sku'i/ /'khor lo bskor ba phreng ba bzhin/ /rnam thar brgyad kyi ka ba ste/ /sna tshogs chos 'khor rgyal po'i gnas/ / 'khor lo gdugs kyi rnam par mdzes/ /chos kyi dbyings su ro gcig phyir/ /rtse mo rdo rjes brgyan pa nyid/ /ji ltar lha yi dag pa ni/ /longs spyod chos sku lta bur shes/ /de nyid mthong ba'i slob ma yis/ /maN+Dal mchod pa rnams phul nas/ /dga' bde yis ni gnas par bya// de nas gsang ba'i dbang gi phyir/ /mdog dmar maN+Dal legs phul nas/ /sman dang khams kyi rin chen dag /ji ltar 'byong pa dbul bar bya/ /'dod pas nye bar mnyes byas pa'i/ /phyag rgya mchog ni nyer brtags nas/ /gdong bcing dra ba'i phyi rol nas/ /gus pas gsol ba gdab par bya/ /bcom ldan zhi ba chen po kye/ /rdo rje sbyor las yang dag byung/ /mi phyed phyag rgyar rab tu bsgrubs/ /rdo rje rnal 'byor las byung ba/ /bdag nyid chen po khyod bzhin du/ /gtso bos bdag kyang mdzad du gsol/ /'khor ba'i 'dam gyi tshogs nang du/ /bying ba skyabs med bdag la skyobs/ /lan gsum du ni gsol btab nas/ /thal sbyor kha sgor 'dug pa la/ /slob dpon phyag rgyar ldan pa yis/ /rnal 'byor brtan par dmigs nas ni/ /ji srid thig le ldan ba ru/ /snyoms bar zhugs te chos bdag la/ /byang chub rdo rje sangs rgyas la/ /dbang chen dbang bskur stsal pa bzhin/ /bzang po byang chub sems kyis ni/ /de ring bu khyod dbang bskur ro/ /tshig des lce la bzhag par bya/ /phyag rgyas kyang ni de bzhin te/ /yang na tshig gis las kyis ni// grol ba'i bdag nyid byin par bya/ /a ho su kha zhes brjod nas/ /lus kun bde bas gang bar bya/ /dag pa yang ni rab tu brjod/ /de nas maN+Dal phyag byas nas/ /nor bu rin chen kun gyi mchog /sngon bzhin gsol ba btab nas ni/ /rdo rje'i bdag nyid byas pa la/ /srung ba dag ni byas nas kyang/ /lag par lag pa legs byin te/ /spyi bo nas ni gzung nas su/ /dga' ster gnas tshe lha mo 'di/ /sna tshogs gzugs ldan yid 'ong ma/ /zung zhig zung zhig sems dpa' che/ /gzung nas mchod pa rab tu bya/ /thabs gzhan sangs rgyas mi rnyed do/ /'gro ba gsum ni dag byed pa/ /de bas khyod kyis 'di dang ni/ /nam yang 'bral bar mi bya'o/ /'di ni sangs rgyas thams cad kyi/ /rig pa'i brtul zhugs bla na med/ /blun po gang gis 'di spangs na/ /de la mchog gi bde ba med/ /slob dpon gyis ni brjod pa dang/ /skra bshig gos dang bral byas nas/ /bshad gtsi dag ni za ba dang/ /khrag dang khu ba de bzhin te/ /sha chen bsten par bu spro 'am/ /bud med rnams la gus pa dang/ /b+ha ga'i pad+mar 'o byed pa/ /bu khyod ji ltar dga' ba smros/ /de ltar phyag rgyas brjod thos nas/ /lha mo ci phyir bdag mi spro/ /khu khrag la sogs bza' ba dang/ /bud med rnams la rtag gus shing/ /b+ha ga'i pad+mar 'o bgyid do/ /pad+ma rab tu rgyas byas shing/ /dri zhim pas ni kha phye ste/ /slob ma la ni mngon bltas nas/ /e ma nga yi pad+ma 'di// bde ba kun dang yang dag ldan/ /ji ste cho ga bzhin bsten na/ /de yi mdun na nga gnas te/ /sangs rgyas bsnyen pa la sogs pa'i/ /khyab thams cad pad+mas byed/ /bde chen rgyal po rang nyid ni/ /'di nyid du ni yang dag gnas/ /b+hany+dza mok+Sha ho/ /rang gi lha yi sbyor ba yis/ /rdo rje pad+ma legs sbyangs nas/ /bla mas cho ga brjod byas te/ /sbyor stangs drug po'i mngon 'gro bas/ /bra bas ye shes bskyed par bya/ /ye shes thig le brtan pa dang/ /dam tshig 'di yang bsgrag par bya/ /mtshan ldan bud med mthong ba dang/ /g.yon nas lan gsum bskor byas te/ /thal sbyar nas ni gsol ba gdab/ /'dod chags bral ba lta bu yi/ /khams gsum na ni sdig med pas/ /de bas 'dod la chags bral bar/ /nam du yang naM mi bya'o/ /mahA sa ma ya hUM phaT/ de nas tshul bzhin gnas pa la/ /dag pa yang ni rab tu brjod/ /'bras bu rnams ni phul nas kyang/ /zhabs la spyi bos phyag byas te/ /khyod zhabs pad+ma'i bka' drin gyis/ /gtso bo dbang bskur rnam gsum thob/ /de ring rin chen bzhi pa yang/ /bdag la bka' drin rab tu stsol/ /slob mas lan gsum brjod thos nas/ /go rim rab tu brjod byas te/ /rin chen tshig gis dbang bskur nas/ /'di yis rab tu bstan par bya/ /'di ni rang nyid mdzes pa ste/ /phyi rol yul ni rnam spangs pa/ /rig 'di bor nas de las ni/ /gzhan pa'i thabs kyis sangs rgyas med/ /rig ma brtul zhugs spyod gcig pu/ /brtul zhugs rnams kyis bla ma'i bla/ /mtshan med bsam gyis mi khyab pa/ /'di la rtag tu gnas par gyis/ /de nas dag pa rab tu brjod/ /lam gyi dam tshig 'di yang sbyin/ /khyod kyi srog chags bsad par bya/ /gzhan gyi bud med rnams spyad nas// ma byin par yang khyod kyis long/ /thams cad la yang rdzun tshig smros/ /bde ba'i don gyis spro bzhin gnas/ /dkyil 'khor nyi ma shar bar bya/ /legs par gshegs su gsol bar bya/ /bum pa la sogs rdzas rnams kun/ /ci bde bar ni gnas par bya/ /de bas rtog pa thams cad kyis/ /dge 'dun rnams ni mchod par bya/ /byis pa rnams kyang tshim pa dang/ /skye bo kun la cung zad sbyin/ /de nas dam tshig la gnas pa'i/ /sbyor ba legs par khong chud par/ /slob dpon las ni rab tu blang/ / bsrung dang brten pa bza' ba shis/ /dam tshig 'di ni bla na med/ /de la 'bad pas bcol brtsol bya/ /de yis 'bras bu rab rdzogs byed/ /dbang bskur ba rim par phye ba ste/ gsum pa'o// //dkyil 'khor gyi ni las rnams dang/ /las kyi dngos grub thams cad la/ /sbyin sreg dang ni bral gyur na/ /'bras bu 'byung bar mi 'gyur bas/ /de bas thams cad dngos grub rgyur/ /las chen brgyad dam bcu gnyis kyis/ /sbyin sreg yang dag cho ga ni/ /rnam pa kun tu spyad par bya/ /las dang mthun pa'i sa gzhi 'am/ /de yi sa ni yongs bkang ste/ /thab khung mtshan dang ldan par brtag /zhi ba dkar zhing khru gang tshad/ /zlum po pad+ma bde phreng ldan/ /rgyas la khru do ser po ste/ /gru bzhi 'khor lo pad+ma'i phreng/ /dbang la zur gsum kha dog dmar/ /khru gang mda' yi phreng bas mdzes/ /dgu pa nyi shu lcags kyus mtshan/ /dmar zhing zur gsum 'od dang ldan/ /bsad pa bcu gnyis zla gam ste/ /nag po gri gug phreng bas spras/ /dbye ba khru gang ral grir ldan/ /zur lnga pa la kha dog gnag /rmongs pa la drug rengs la brgyad/ / sbrul dang lcags sgrog mtshan mar bcas/ /ser po sum cu drug cu'i bdag /dbye ba ji bzhin bskrad pa la/ /rengs bzhin phur bus gdab pa shes/ /dgug pa'i cho gas tsha ba bskyed/ /dug 'joms pa la zhi ba spyad/ /las kun byed la yang de bzhin/ /rigs lnga'i mtshan ma yang dag dgod/ /thab khung de dag kun gyi ni/ /phyed phyed thabs su brkos nas kyang/ /bcu gnyis cha ni phyir bkye de/ /drug cha steng du brtsig par bya/ /dkar dang dmar dang nag po ste/ /khru do la sogs phyi rol nas/ /rta babs sgo dang ldan pa ru/ /thabs kyi dbyigs bzhin bskor byas la/ /sgo ni 'dod pa'i phyogs su bstan/ /thab khung 'dra bar gdan byas te/ /g.yon dang g.yas su mchod yon dang/ /gzar bu'i stan yang de bzhin no/ /yang na rdul tshon cho gas spyad/ /zhi dang rgyas la 'o ma can/ /dbang dang dgug pa seng ldeng sogs// rengs rmongs kha dang po skabs so/ /gsang ba la ni tsher ma'i shing/ /tsan dan sgron shing a ka ru/ /dri zhim 'o ma dang ldan pa/ /las kun byed la bsngags ba ste/ /thab kyi dbyibs bzhin brtsig par bya/ /rang gi las las 'byung ba yi/ /yam shing sor ni bcu gnyis sogs/ /ji ltar rigs par kun tu spyad/ /zhi rgyas bram ze'i khyim las skyes/ /dge 'dun khyim las byung ba'ang rung/ /bskrad sdang tha ma'i las byung ba/ /dbang dgug rgyal rigs khyim las te/ /smad 'tshong ma dang rje'u rigs dang/ /gar mkhan las kyang rab tu brtag /rengs rmongs rje'u rigs rab tu rmongs/ /gsang la gtum byed yugs sa'i khyim/ /rdo 'am lcags las skyes pa'ang rung/ /yam shing legs par bsregs nas su/ /oM dzwa la dzwa la hUM/ /zhes pas/ /me ni las kyi phyogs nas skrar/ /bsang ste me'i lha bskyed bya/ /las kun byed la dur ba'i mdog /zhal gcig mig ser gos ljang ser/ /kham nag thor tshugs mi bskyod 'dzin/ /rdo rje bgrang phreng dril pad ldan/ /zhi la dkar zhing pad dkar dang/ /shel phreng spyi blugs chu spyod 'dzin/ /rgyas la dkar ser 'khor lo dang/ /mu tig phreng pad spyi blugs 'dzin/ /gsang la mdog gnag rus pas brgyan/ /don yod pas ni dbu rgyan cing/ /gri gug rtse gsum thod pa dang/ /kha TwAM ga ni g.yon na 'dzin/ /bskrad sdang? ral gri rtse gsum g.yas/ /thod pa khaTwAM g.yon pa na/ /dbang la mdog dmar mda' dang ni/ /rin chen gzhu dang me long 'dzin/ /'dod chags rin chen 'byung ldan 'chang/ /dgug pa lcags kyu rin chen dang/ /rdo rje zhags pa me long nyid/ /rmongs la mdog ser sprul dbyug dang/ /'khor lo tho ba rnam snang bskur/ /rengs la lcags sgrog tho ba dang/ /'khor lo phur bu ni bza' zer/ /rigs mthun las kyi sa bon las/ /thab khung dbus su bskyed nas kyang/ /sngags 'dis bdag po spyan drang bya/ /oM tshur spyon tshur spyon 'byung po che/ /lha yi drang srong bram ze mchog /sreg blugs zhal zas bzhes slad du/ /chen po 'bar ba'i stan la bzhugs/ /badzra d+ha ra Adz+nyA pa la ti swAhA/ bsangs te dgug gzhug bcing sogs bya/ /oM dang swAhA bar gnas pas/ /mchod yon me tog la sogs pa/ bzhi yi snod du dbul bar bya/ /mchod sogs rdzas rnams thams cad ni/ /zhi rgyas dri zhim dkar ba nyid/ /dbang dgug dri zhim dmar ba'i rdzas/ /bsang bskrad dbye la dri nga nag /rengs rmongs ser zhing rtsib? pa/ /zhi la 'o ma rgyas la zho/ /dbang la mngar dmar dgug pa la/ /til mar rab tu shis pa yin/ /gsad la mchin pa bskrad la sha /rmongs la sran chung rengs pa la/ /nya dang ca na ka nyid shis/ /zhi la lhor gnas srin por rgyas/ /chu la gsad pa bskrad dbye rlung/ /dbang la nor sbyin dbang ldan dgug /me la rengs pa shar du rmongs/ /zhi la nyi ma zla ba rgyas/ /gsad sdang bskrad la spen ba ste/ /pa ba sangs kyis dbang du gyur/ /dgug la phur bu lag la rmongs/ /rengs la mig dmar dus kyi me/ /las rnams thams cad byed par gsungs/ /dngul lam gser ram zangs sam lcags// ra gan mi rus las byung ba'o/ /mchod sbyin snod ni legs par brtag /dgang gzar blugs gzar yu ba khru/ /sor drug rdo rje rin chen bcas/ /gru bzhi sor bzhi lte ba zlum/ /sor gnyis sor gcig rdo rje mdzes/ /pad 'dab mthe bong lto ba'i tshad/ /sor bzhi rtse gsum mthe chung chung/ /cho ga mthong bas shes par bya/ /sboms su mthe bo'i tshang byas nas/ /rang rang gi ni dris bsgos te/ /shin tu dag pa'i bdag nyid bya/ /shes rab thabs kyi rang bzhin gyis/ /nam du yang ni bral mi bya/ /rang rang gi ni thab khung dang/ /dbyibs 'dra de yi mtshan med bcas/ /so so'i las la de yang shing/ /mthe ngos mtheb chung mnan pa dang/ /sor mo lnga ni legs gzhibs pa'i/ /g.yas dang g.yon gyi lag pa 'am/ /ci bde bar yang spyad par gsungs/ /sbyar 'os bar rtsi gzar bu ste/ /gzhan rnams kun bu lag pas so/ /'jigs sogs g.yeng ba phyir bsal te/ /sems ni las gang sgrub pa yis/ /bsam gtan la ni rtse gcig pas/ /me ni 'bar ba yongs shes nas/ /oM agna ye swAhA/ sngags des mar gyi sreg blugs dag /gsum mam lnga 'am bdun du dbul/ /me yi ltas ni yongs shes shing/ /bgegs bsal me la sreg blugs dngul/ /oM badzra a na la ma hA b+hu te dzwa la ye/ sarba b+hismaM ku ru sarba big+h+naM hUM phaT/ a mu ka sya shAM ti ku ru swAhA/ yam shing legs par dbul bar bya/ /oM sarba pA paM da ha na badzra ya/ sarba bA paM shan+tiM ku ru swAhA/ til ni sdig pa zhi phyir dbul/ /yungs kar 'bras chan zho dang zan/ /ku sha dUrba nas dang gro/ /'bras dang ma sha so bar bcas/ /shing tog me tog la sogs pa/ /sngar bzhin sngags kyis dbul bar bya/ /kun byed la sogs 'jam pa yi/ / las la 'di shis gsad sogs bzhin/ /las mthar so so'i sngags shes nas/ /so so'i 'dug stangs la sogs pa/ /mkhas pas man ngag ltar shes nas/ /cho ga kun tu spyad par bya/ /chang dang sha? rlon bdud rtsi dag /kun la rab tu sbyar bar bya/ /me ni rab tu tshim byas nas/ /mchod de rab tu bsang byas nas/ /'bar ba'i bdag nyid bsam par bya/ /ji skad bshad pa'i cho ga yis/ /dpal ldan khrag 'thung sogs bskyed nas/ /las kyi rgyan sogs dang ldan pa'i/ /ye shes me ni spyan drangs te/ /zhabs bsil mchod yon 'thor 'thung sbyar/ /me tog bshos kyis mthar thug par/ /dang por rdzogs par spyad de mchod/ /de nas pus mo'i nang chud par/ /lag gnyis rdo rje khu tshur gyis/ /gzar bu legs par gzung byas la/ /lan bdun du ni dgang blugs dbul/ /de nas rtsa ba'i snying po yis// stong nas nyi shu gcig gi bar/ /ci nus par ni dbul bar bya/ /de nas nang gi mchod pa dang/ /dgang blugs gsum ni dbul bar bya/ /'joms ma yi ni mthar thug par/ /thams cad la yang bdun bdun te/ /sna tshogs mchod pas kun mchod nas/ /yi ge bdun pa'i sngags kyis ni/ /dgang blugs bdun du phul nas kyang/ /rol mo rnams ni brdung ba dang/ /me tog dor zhing bkra shis brjod/ /bstod de 'dod pa'i don blangs nas/ /bzod pa gsol te dpa' bo dag /oM dang kri to ba la sogs/ /mu:yi yi ges gshegs su gsol/ /de nas bsangs te sngar bzhin du/ /rang 'dod las la me yi lha/ /lan bdun du ni mchod par bya/ /dgang blugs dag par phul nas kyang/ /mchod bstod gsol ba la sogs byas/ las bcol gtor ma rab tu sbyin/ /gshegs te bdag nyid bsrung bar bya/ /dngos grub kyi ni las rnams la/ /rgyud la ji skad bshad pa yi/ /rdzas dang rang gi sngags shes nas/ /sbyin sreg rab tu spyad par bya/ /sbyin sreg gi rim par phye ba'o// // gzhan yang rdo rje slob dpon gyi/ /las kyi cho ga rnams phye ba/ /rab tu gnas pa'i cho ga mchog /'byor pa shes nas bya bar gsungs/ /lha mtshams rgyal la sogs pa yi/ /gza' dang skar ma yongs brtags te/ /bzang pos dad pas mngon bris pa'i/ /mnyam pa tshad ldan nag nag med/ /lhag chad 'khrul pa spangs pa yi/ /sku gzugs la sogs legs bltas nas/ /yid 'ong bgegs bral sa gzhi la/ /dkyil 'khor gyi ni tshad ldan par/ /khru gang gru bzhi byas nas kyang// bla bre gdugs dang me tog phreng/ /dung dang rnga chen sog pas brgyan/ /ser po'i gos kyis legs g.yog te/ /sngon bzhin du ni spyad par bya/ /dngos sam yang na gzugs brnyan la/ /ba yi rnam lngas legs bskus te/ /dur ba'i phon gyis rab tu blud/ /'bru mar gyis ni bskus nas su/ /shing shun ma sha la sogs phyes/ /sku ni rab tu phyi bar bya/ /skyu ru la sogs bdag chal lngas/ /bkrus shing shis pa yang brjod nas/ /oM sarba ta thA ga ta kA yaM bi sho d+ha ne badzra swAhA/ sngags de rab tu brjod byas nas/ /phyi dang nang gi khrus bya'o/ /phyis de dri yis phyug nas su/ /mchod pa kun gyis rab mchod nas/ /snying mgrin ma tshogs ma dpung gtsug tu/ /nye reg dag ni sbyin bya ste/ /sngon bzhin snyan gsan dbab par bya/ /steng sogs gcig gsum bzhi 'am ni/ /lnga yis rang lha'i bdag nyid bsam/ /sgra rnams gsung gi rdo rje ste/ /lha khang mchod rten sogs sku nyid/ /rdo rje phur bu la sogs thugs/ /mang po de yi cho ga dag /sgrub pos gang zhig mi shes na/ /rdo rje 'chang chen bdag nyid bya/ /phyogs rnams kun na bzhugs pa yi/ /mgon po rab bskul dgug sogs bya/ /dbang bskur mchod pa'i mthar byas nas/ /de yi snying po brgya rtsa brgyad/ /ma yengs dga' ba'i sems kyis bzlas/ /de nas gshegs te rab tu bsrung/ /rdzing dang khron pa la sogs pa/ /mdog dkar chu lha'i bdag nyid de /srang dang zam pa ri la sogs/ /mdog ser so so'i lhar bskyed bya/ /rdo dang sa gzhi la sogs pa/ /sa yi lha mo yongs shes bya/ /gnod sbyin sogs gzugs rang nyid shis/ /mchod la sogs pa rang rang tshul/ /mkhas pas yang dag shes par bya/ /lan mang du ni byur bsal ba/ /rab gnas la ni yongs su bsngags/ /de ltar lhag par gnas byas nas/ /snga dro yi ni dus mchog la/ /mchod sogs 'byor pa kun ldan pas/ /dpa' bos rnal 'byor rdzogs byas te/ /mchod de lha la gangs par gsol/ /snga ma bzhin du kun spyad nas/ /me tog phreng ba yongs btags te/ /rgyas pa'i phyir ni sbyin sreg dbul/ /me long la ni khrus byas te/ /gser gyis thur ma g.yas thogs nas/ /oM tsak+Shu tsak+Shu sa man+ta tsak+Shu bi sho d+ha na badzra swAhA/ rgyal rnams kyi ni spyan phye nas/ /sngags 'dis tshogs kyi rdzas rnams dbul/ /oM A:dI bya an+naM sa mA d+hi d+hA na pri Na ne swAhA/ de nas slob ma dang ldan pas/ /khyim pa'ang rab tu byung ba yi/ gos dang phreng ba rgyan la sogs/ /mkho ba'i yo byad kun sogs te/ /shis pa rab tu brjod byas nas/ /lha rnams la ni dbul bar bya/ /oM su pra tiSh+Tha badzra swAhA/ sngags des brtan par byas nas kyang/ /tsA ru'i mchod pas yang dag bya/ /rdo rje slob dpon langs nas kyang/ /tsA ru'i bza' ba lag thogs te/ /shis pa rab tu brjod byas nas/ /de bzhin gshegs pas gsol pa yi/ /lhag ma sdig pa sbyang phyir dang/ /bkra shis rnam pa sna tshogs phyir/ /dga' ba'i sems kyis rab tu zo/ /tshig des yongs su bsgo ba dang/ /longs spyod lha la mchod sogs bya/ /de nas slob dpon sems dge bas/ /'jig rten skyong ba thams cad dang/ /gnod sbyin sde dpon rnams mchod nas/ /bstan pa yun ring gnas bya'i phyir/ /ma lus pha ni rab bsgo zhing/ /gcig la nges par gtad par bya/ /de nas bkra shis nges byas nas/ /rang rang gi ni gzugs su bya/ /de ltar cho ga kun byas nas/ /dge 'dun la sogs mchod par bya/ /slob dpon yongs su mnyes byas nas/ /lha la rgyas pa'i mchod pa bya/ /rab tu gnas pa mdor bsdus pa ste dgu pa'o// //bla ma las thos gzhung mang mthong ba dang/ /gzhan la rnam brtses 'khor lo sdom pa yi/ /las gzhung rab sbyar de las dge ba zhig /thog pa des ni 'gro rnams sangs rgyas shog/ //dpal 'khor lo sdom pa'i cho ga de kho na nyid la 'jug pa zhes bya ba/ slob dpon rigs pa'i brtul zhugs pa dpal dA ri kA pas mdzad pa rdzogs so// // rgya gar gyi mkhan po ku mA ra badzra dang/ lo tsa ba dge slong nyi ma rdo rje dang/ /spyil cog gi tho gar dge mdzes kyis bsgyur cing zhus te gtan la phab pa'o// //'jig rten 'di la brtson 'grus dang ldan pas/ /'khor lo sdom pa'i chos la dad pa rab tu skyes/ /'jig rten 'di dang phyi ma don rtogs nas/ /yang dag rdzogs pa'i byang chub dam pa rtogs par shog/ (//dpal 'khor lo sdom pa'i bstod pa dA ri ka pas mdzad pa bzhugs so// //)