<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N935: dpal 'khor lo sdom pa'i sgrub thabs de kho na nyid bsdus pa zhes bya ba<br><table><tr><td>
<input type="button" onclick="location.href='tcompletep.php?id=N935&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N935&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N935&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">pa'o// //('di'i sngags rnams rgya dpe dang sngags bcu gnyis ka bstun te zhus legs par dag pas yid brtan du dur bar rlom// //*/ /dpal 'khor lo bde mchog gi sgrub thabs dA rig pas mdzad pa bzhugs so//) //*/ /rgya gar skad du/ sh+rI tsakra saM
 ba ra sA d+ha naM tatdwa saM gra hanA ma/ bod skad du/ dpal 'khor lo sdom pa'i sgrub thabs de kho na nyid bsdus pa zhes bya ba/ dpal rdo rje sems dpa' la phyag 'tshal lo/ /gang gi drin gyi bde chen gnas/ /skad cig nyid la thob 'gyur ba/ /bla ma rin chen lta
 bu dang/ /rdo rje can zhabs pad la 'dud/ /rdo rje mkha' 'gro mkha' 'gro ma/ /sa gsum gnas la gus btud de/ /de nyid rin chen kun bsdus pa/ /sku gsum po yi cho ga bshad/ /dang por sngags kyis yongs su sbyangs pa'i rnal 'byor pas/ dben pa'i gnas su
 dgos pa tshang ba tsam gyis gnas te/ byang chub tu sems bskyed de/ sems can thams cad kyi don 'byung ba dang lha dang bla ma la/ dad pa dang bla na med pa'i lam la gnas par dga' bas byang chub chen por nyal bar
 bya'o/ /de nas tho rangs kyi thun la nam mkha' i khams na gnas pa'i dpa' bo dang rnal 'byor ma thams cad kyi mchog gi sgra dang/ Da ma rus bskul ba dang langs te/ oM sarba bI ra yo ga nI nAM kA ya wak+tsi t+ta pra Na me na badzra bandA nAM ka rau mi zhes bya ba'i sngags kyis
 phyag byas te/ lus bde bar gnas pa'i las byas nas/ srid pa gsum po rnam par dag pa'i gnas keng rus kyi dbus su sa bcu'i rang bzhin du bsams te/ gnas la/ rnal 'byor bsrung ba'i don du tshangs pa'i gnas bzhi la snyoms par 'jug
 pa sngon du 'gro bas/ phung po dang dbang po dang/ khams rnams kyi nga rgyal bskyed par bya ste/ de la gzugs kyi phung po ni rnam par snang mdzad do/ /tshor ba'i phung po ni rdo rje nyi ma'o/ /'du shes kyi phung po ni pad+ma gar gyi dbang phyug go /'du byed kyi phung po
 ni rdo rje rgyal po'o/ /rnam par shes pa'i phung po ni rdo rje mi bskyed pa'o/ /de bzhin gshegs pa thams cad kyi rang bzhin ni dpal he ru ka'o/ /mig gnyis la ni gti mug rdo rje'o/ /rna ba gnyis la zhe sdang rdo rje'o/ /sna la ser sna rdo rje'o/ /lce la 'dod
 chags rdo rje'o/ /lus la phrag dog rdo rje'o/ /skye mched kyi bdag po la ni dbang phyug rdo rje'o/ /sa'i khams la ni ltung byed ma'o/ /chu'i khams la ni gsod byed ma'o/ /me'i khams la ni 'gugs byed ma'o/ /rlung gi khams la ni gar gyi dbang phyug ma'o//
 nam mkha' i khams la ni pad+ma'i dra ba can ma'o/ /de dag ni phung po dang dbang po dang khams rnam par dag pa go cha'i lha ste/ bdag bsrung ba'o/ /he ru ka rnam par rgyal ba'i nga rgyal brtan pas/ g.yas pa'i khro bo'i khu tshur snying gar bsgreng ste/ g.yon se gol
 dang bcas pa'i sdigs mdzub phyogs su bskor zhing/ oM sum+b+ha ni sum+b+ha huM huM phaT/ oM grih+na grih+Na huM huM phaT/ oM grih+Na pa ya grih+Na pa ya huM huM phaT/ oM A na ya ho(rgyud 'grel pas bgegs rnams bskrad cing bsreg par rnam par bsams par byas la/ 'od de nyid dang/ oM me di ni badzrI b+ha ba badzra band+ha hUM zhes brjod pas/ 'og rtse gsum pa'i bdag nyid kyi sna tshogs rdo rjer byin gyis brlab par bya'o/ /oM badzra prA ka ra hUM baM hUM/ oM
 badzra pany+dza ra hUM baM hUM/ oM badzra bi da na hUM khaM hUM/ oM badzra sa ra dzA la traM saM traM hUM/ oM badzra dzwa la a na lArka hUM hUM hUM/ zhes bya ba'i sngags rnams kyis rim pa bzhin du rdo rje'i ra ba dang/ gur dang/ bla bre dang/ mda'i dra ba dang/ me ri 'bar ba'i mthar thug par bsams
 te/ las thams cad pa'i khro bo spros nas bgegs kyi dbang po rnams bkug ste/ oM g+ha(rgyud 'grel bya ba'i sngags kyis phur bus gdab bo/ /oM badzra mud+ga ra/ badzra kI la ya a ko Ta ya hUM phaT ces bya bas phur bu rnams brdung ngo/ /de nas rang gi snying gar aM las zla ba'i dkyil 'khor de'i steng du/ hUM sngon po 'od zer sna tshogs 'phro ba bsams te/ de'i
 'od kyis mdun gyi bar snang la bla ma dang sangs rgyas la sogs pa'i tshogs bltas te/ phyag byas nas/ phyi dang gsang ba dang/ de kho na nyid kyis mchod pas yang dag par mchod de/ sdig pa bshags pa la sogs pa bya'o/ /thogs ma med dus 'khor ba na/ /
 chags sogs rtog pa'i rang bzhin gyis/ /sdig bgyis mgon po'i spyan snga ru/ /ma lus so sor bshags par bgyi/ /rgyu dang lam dang 'bras bu yis/ /nyer bsdus 'gro ba thams cad kyi/ /bsod nams tshogs ni ma lus la/ /rtag par bdag ni yi rang ngo/ /
 rdo rje'i ye shes thugs chung nas/ /shing dbang drung na bzhugs gyur ba'i/ /'gro la nyer brtses thub dbang rnams/ /chos kyi 'khor lo bskor du gsol/ /rgyal ba'i mdzad pa rdzogs gyur te/ /mgon po dbyings su gshegs bzhed la/ /
 sems can sdug bsngal bral bar du/ /mya ngan mi 'dar bdag gsol 'debs/ /bdag ni thub dbang ma gyur par/ /sangs rgyas sngags sogs chos rnams dang/ /dpa' bo rnal 'byor ma tshogs bcas/ /dkon mchog gsum la skyabs su mchi/ /rnal 'byor
 lam la gnas bgyi zhing/ /dam tshig thams cad bskyang ba dang/ /sems can thams cad sdug bsngal las/ /grol bar bdag gis bsgrub par gyi/ /brten sogs dge ba de dag gis/ /rnam pa'i mchog rnams kun ldan pa'i/ /sangs rgyas nyid du bdag
 gyur nas/ /'gro ba yongs su grol byed shog /de nas dngos po rnams yongs su gsal bar byas nas/ oM swa b+hA ba shud+d+ha(rgyud 'grel ba At+ma ko haM/ zhes brjod pas byang chub kyi tshogs yongs su rdzogs pa'o/ /de las langs te yaM las rlung gi dkyil 'khor sngon po zla ba bgas pa lta bu ba dan gyis mtshan pa'o/ /de'i steng du raM las me'i dkyil 'khor dmar po g.yung drung gis mtshan pa gru
 gsum pa'o/ /de'i steng du baM las chu'i dkyil 'khor dkar po zlum po bum pas mtshan pa'o/ /de'i steng du laM las sa'i dkyil 'khor ser po gru bzhi pa rdo rje rtse gsum pas mtshan pa'o/ /de'i steng du suM las ri rab chen po rin po che sna bzhi'i rang bzhin las
 grub pa gru bzhi pa rtse mo brgyad kyis nye bar mtshan pa'o/ /de'i steng du hUM las sna tshogs rdo rje dang/ de'i steng du paM las sna tshogs pad+ma ge sar gyi phreng bas mtshan pa'o/ /de'i dbus su A li kA li la dag pa rnams A li kA li'i rnam par bsdus
 la der gyur pa las nyi ma dang zla ba'i gzugs su bsams te/ de'i bar du hUM las rdo rje rtse lnga pa hUM gis mtshan pa rdo rje sems dpa' i rang bzhin can bsams par bya'o/ /de'i 'od kyis dag pa dang ma dag pa rnams bsdus te/ gyur paM las dpal he ru ka dkyil
 'khor gyi 'khor lo dang bcas pas rdzogs par gyur te/ gru bzhi pa sgo bzhi pa rta babs bzhi dang ldan pa/ rdo rje rtse mo can dra ba dang dra ba phyed pas brgyan pa/ ka ba sum cu rtsa gnyis sam brgyad kyis spras ba/ der dang zla ba dang nyi ma dang rnga yab dang/ 'phan
 la sogs pas brgyan ba de'i phyi rol na rdo rje'i sa gzhi la dur khrod brgyad gnas pa ste/ shar phyogs su drag tu gtum par mdung gis phug pa'i ro dang shirSha ta la glang po'i gdong dang/ dbang ba dang/ lha'i dge 'dun gyi tshogs dang/ nor rgyas dang/ sgrogs byed
 rnams gnas pa'o/ /byang phyogs tshang ching rnam par 'khrigs bar byang chub kyi shing la gnod sbyin gyi gdon dang/ ku bai rar gnod sbyin gyi tshogs dang/ sbrul gyis zos pa dang/ 'dzog po dang/ sprin gyi rgyal po ldog byed rnams gnas pa'o/ /nub phyogs
 'ur 'ur 'bar bar mya ngan med pa'i shing la chu srin gyi gdong can dang/ rus pa'i ro dang chu lha dang/ sprin gyi rgyal po dang/ stobs kyi rgyu dang/ 'jigs par byed pa rnams so/ /lho phyogs mthug po'i dur khrod du bsregs pa'i ro dang/ tsU ta'i shing la ma he'i gdong
 dang/ gshin rje dang gshin rje'i tshogs dang/ pad+ma dang 'khor byed rnams so/ /dbang ldan gyi mtshams ha har rgod par 'gegs pa'i ro dang/ n+ya gro d+ha'i shing la rgyu mchog gi gdong dang dbang ldan dang/ yi dags kyi tshogs dang/ pad+ma chen po dang/ gar ba
 rnams kyis mdzes pa'o/ /me'i mtshams nags tshal phun sum tshogs par dum bur gyur pa'i ro dang/ ka raM dza ka'i shing la ra'i gdong can dang/ me lha dang/ drang srong gi tshogs dang/ hu 'ur dang/ 'gegs byed rnams kyi gang ba'o/ /bden bral gyi mtshams su
 kun pa mi bzad par byis pa shi ba'i ro dang/ 'khri shing la yi dags kyi gdong dang/ srin po dang srin po'i tshogs dang rigs ldan dang/ char 'bebs rnams so/ /rlung du ki li ki li sgra sgogs par smyo ba'i ro dang/ u dum bA ra'i
 shing la/ ri dags kyi gdong dang/ rlung lha dang rig pa 'dzin pa'i tshogs dang/ dung skyong dang sbrin stug po rnams so/ /de ltar dur khrod chen po der/ lha brgyad dang gza' brgyad dang/ mkha' 'gro ma chen mo brgyad dang/ 'byung po'i tshogs dang/ ri dang chu dang
 me dang sku bdung chen po brgyad dang/ rnal 'byor pa brgyad dang/ gnod sbyin dang/ srin po dang smyo byed dang/ rjid byed dang/ yi dags dang/ sha za dang/ mkha' 'gro rnams kyis gang zhing khwa dang bya rgod dang/ khra dang 'ug pa dang/ mgrin rings dang wa dang
 spyang ki dang/ ce sbyang 'dus shing sgra 'byin pa'o/ /yongs su rdzogs pa'i gzhal yas khang gi snying po la bcom ldan 'das sku mdog sngon po/ shin tu khros pa dang/ chags pa dang/ zhi ba dang/ mnyam pa'i zhal sngon po dang dmar po dang/ ljang gu dang
 ser po mnga' ba/ zhal re re la yang spyan gsum pa/ rdo rje dang thod pa'i dbu rgyan can ral ba'i thor tshugs kyis mdzes pa/ sna tshogs rdo rje dang/ zla ba phyed pa dang/ mi bskyed pa gnas pa/ phyag rgya drug gis brgyan pa/ brgya phyed pa'i mgo bo dang/ sbrul
 gyi tshangs skud can/ phyag bcu gnyis pa rdo rje phag mo la 'khyud pa'i phyag gnyis kyis rnam par rgyal ba'i phyag gis rdo rje dang dril bu 'dzin pa/ gnyis kyis glang po che'i pags pa bsnams pa/ g.yas pa'i lhag mas Da ma ru dang dgra sta dang gri gug
 dang/ rtse gsum 'dzin pa'o/ /g.yon pa rnams na kha TwAM ga dang thod pa dang rdo rje zhags pa dang/ tshangs pa'i mgo bo 'dzin pa/ zhabs g.yas brkyang bas 'jigs byed dang dus mtshan mnan pa'o/ /rdo rje phag mo ni sku mdog dmar po zhal mche ba
 gtsigs pa/ khrag la dgyes pa gri gug dang thod pa 'dzin pa'i phyag gis 'gyur pa/ lhan cig skyes pa'i bde bas dgyes ba/ phyag rgya lnga dang thod pa'i phreng bas brgyan par gnas pa'o/ /shar du mkha' 'gro ma nag mo dang/ byang du lA ma ljang gu dang/ nub tu dum
 skyes ma dmar mo dang/ lho ru gzugs can ma ser mo dang/ mtshams su dum pa pad+ma'i snod dang ldan pa/ dri chen dang/ dri chu dang/ rang 'byung dang/ glad pa dang/ khu bas gang ba'o/ /de ltar lha lnga'i bdag nyid dam/ thung zhing sgeg pa'i sku rdo rje dang dril bu dang Da
 ma ru dang/ kha TwAM ga dang thod pa bsnams pa'i rang bzhin 'khor lo lnga dang bcas pa 'am/ bsdus pa'i rnal 'byor phyi nang gi 'khor lo gnyis bsgom par bya ste/ khwa gdong nag ma dang/ ljang khu 'ug gdong dang khyi gdong dmar mo dang/ phag gdong ser mo dang/
 gshin rje brtan ma dang/ gshin rje 'joms ma dang/ gshin rje pho nya mo dang/ gshin rje mche ba ma rnams gzugs gnyis ma'i rang bzhin can te/ zhal gcig pa phyag bzhi ma gri gug dang thod pa dang/ Da ma ru dang/ kha TwAM ga bsnams pa/ zhabs g.yas brkyang
 bas ro mnan pa/ phyag rgya lngas brgyan pa/ mi mgo'i do shal can/ sgeg pa'i zhal dang 'jigs su rung bar gnas pa'o/ /de ltar sprul pa'i sku'i sgom pa la gnas te/ longs spyod rdzogs pa'i cho ga rdzogs par bya ba gsungs pa/ he ru ka la sogs pa'i lha/ /
 rtsa yi gzugs kyis yang dag gnas/ /lus kyi dkyil 'khor nyams dga' ba'i/ /rkang pa'i dkyil du bskyod byed rlung/ /gzhu yi dbyibs su yang dag gnas/ /sum mdo'i gnas su me yi dngos/ /gru gsum 'bar bar yang dag gnas/ /lto bar chu ni zlum po ste//
 snying gar sa ni glu bzhi gnas/ /sgal tshigs dbyug pa'i ri rab nyid/ /rang gi yan lag las byung ba'i/ /ka ba brgyad ni nye bar gnas/ /chu zheng kun tu mnyam pa yis/ /gru bzhi bar ni rab tu grags/ /sku gsung thugs kyi ngo bo yis/ /dkyil 'khor gsum
 ni nges par gsungs/ /pu dzA o a go rA de mA/ /kA o tri ko ka la kA hi/ /pre gri sau su na si ma ku/ /mtshogs ma pul+lI ma la yang/ /mi phyed rtsa ni so sen 'bab/ /rab gtum thod pa'i dum bu nyid/ /spyi gtsug dzA land+ha ror ni/ /skra
 spu 'bab pa phrag gzugs ma/ /keng rus gtum pa'i mig can ma/ /a n+yA na rna ba g.yas pa'i stengs/ /pags dang dri ma brtse gam/ /keng rus can dang 'od ldan ma'o/ /ltag pa'i steng na a d+hu ri/ /g.yon pa mar ni sha yi khams/ /'bab pa mche gtsigs
 sna chen ma/ /go dA pa ri rna ba g.yon/ /thung ngu ma ni rgyus pa 'bab/ /lta dgra dang ni dpa' blo can/ /rA me shwa ra smin pa'i dbus/ /ru sbal skyes ma rus pa 'bab/ /'od dpag med dang mi thung ma/ /lha mo'i mkhar ni mig gnyis la/ /sgom pa ma ni mkhas ma
 'bab/ /lang ka'i dbang phyug rdo rje 'od/ /dpung pa'i rtsa bar mA la be/ /snying gi khams 'bab dbang ma ste/ /rdo rje sku dang shing grib ma/ /mkha' spyod nyid de thugs 'khor lo/ /kA ma ru ni mchan khung la/ /mig gi khams 'bab skyon 'byin ma/ /myu gu can
 dang sa srungs ma/ /nu ma gnyis la o dri ste/ /mjug ma mkhris pa 'bab pa nyid/ /ral pa can dang 'jigs byed ma'o/ /tri sha ku ni lte bar te/ /ma mo'i rtsa ni glo ba 'bab/ /dpa' bo che dang rlung shugs ma/ /sna yi rtse mor kau sa la/ /mtshan mo'i rtsa
 ni rgyu ma 'bab/ /rdo rje hUM mdzad chang 'thung ma/ /ka ling+ga ni kha la ste/ /bsil sbyin ma ni gnye ma 'bab/ /rab tu bzang dang sngo bsangs mo/ /mgrin pa'i gnas su lam+ba ka/ /tsha ba ma ni pho ba 'bab/ /rdo rje 'od dang shin tu bzang/ /kAny+tsi snying ga'i gnas su
 ste/ gzhol ma'i drung du dri chen 'bab/ /'jigs byed chen mo rta rnam/ /hi mA la ni chu so ru/ /shin tu gzugs can mtshan ma 'bab/ /mig mi bzang dang bya rgod ma/ /gsung ste sa spyod bdag nyid kyi/ /mkha' 'gro mar ni shes par bya/ /pre ta pu ri
 mtshan ma la/ /rangs ma'i rtsa ni mchil ma 'bab/ /'khor lo'i shugs ma stobs po che/ /gri ha de ba bshang lam la/ /dbyi ma'i rtsa ni rna bar 'bab/ /rin chen rdo rje dum skyes ma/ /sau rA shA ste brla gnyis la/ /rgyu sbyin ma ni khrag 'bab ma/ /rta mgrin dang ni chang
 'thung ma/ /gser gling byin pa gnyis la ste/ /sbyor bral ma ni rdul 'bab byed/ /mkha' snying 'khor lo'i go cha ma/ /rkang pa'i sor mo na ga ra/ /sdug gum ni tshil bu 'bab/ /shin tu dpa' ma he ru ka /sind+hu rkang pa'i bol nying la/ /krung ma'i rtsa ni mchi ma 'bab/ /
 pad+ma gar dbang stobs chen mo/ /ma ro rkang pa'i mthe bo ste/ /'chod ma kha chu 'bab pa nyid/ /rnam snang 'khor lo sgyur ba mo/ /ku lu tA nI pus mo la/ /yid bzangs ma ni snabs skyed byed/ /rdo rje sems dpa' gtso chen mo/ /sku ste sa 'og spyod ma yi/ mkha' 'gro
 dpa' bor shes par bya/ /lte ba 'am snying ga'i rtsa bzhi ni/ /'byung lnga'i rlung dang bdud rtsi 'bab/ /bde chen dgu yi bdag nyid bsam/ /phyag brgyad dam ni sgo brgyad du/ /las kyi rlung dang ma byed bdag gis/ /khwa gdong gshin rje la sogs brgyad/ /me long nang gi
 gzugs bzhin du/ /rang gi cha lugs brgyan pa'i tshul/ /ro yi gdan la legs par dgod/ /'od 'phro 'od kyi dkyil 'khor can/ ma nges shing 'jigs pa'i gzugs can no/ /sku gsung thugs kyi dbye ba yis/ /yi ge gsum gyi ngo bo nyid/ /mtho ris mi
 yul sa 'og tu/ /skad cig gis ni sku nyid gyur/ /skad cig gis ni rnal 'byor bdag /skad cig sngags dang phyag rgyar ldan/ /kun nas kun tu skad cig ste/ /skad cig gis ni gsang sngags ldon/ /oM A:hUM/ oM sarba bI ra yo gi ni ka ya wAny+tsit+ta badzra swa b+hA ba
 At+ma kohaM/ oM badzra shud+d+ha:sarba d+harmA badzra shud+d+hakohaM/ oM A:hUM he yig gis phyag rgya bzhis ni rgyas btab bya/ oM sarba bI ra yo gi nI kA ya pAk+tsit+ta dz+nyA na badzra swa b+hA ba At+ma kohaM/ ye shes las byung 'od tshogs kyis/ /rkang pa nas ni gtsug tor mthar/ /lus kun rab
 tu bsal byas nas/ /khams gsum khyab par rab tu spro/ /mdzub mo mdung byas gung mo sbyang/ /mthe bong rdo rjer brtan byas nas/ /dpral ba'i steng du rab gzhag ste/ /bskor zhing kun tu bskor bar bya/ /rkang pa mnan cing steng du blta/ /
 gyen du laM gyi sgra sgrogs shing/ /phyogs bcu khams na bzhugs pa yi/ /dpa' bo rnal 'byor ma rnams dgug /sngags dang phyag rgyar rab ldan pas/ /dgug sogs dam tshig ro mnyam byas/ /oM yo ga shud+d+ha:sarba d+harmA yo ga shud+d+honyahaM/ de nas sngags
 kyi mtshon cha dgod/ /snying gar oM ha'i rnam pa yis/ /rdo rje sems dpa' yang dag dgod/ /gnyis pa dpal ldan rnam snang mdzad/ /mtshogs mar na ma hi nyid do/ /spyi gtsug swA hA hi nying ni/ /mgon po pad+ma gar dbang rgyal/ /bzhi pa dpal ldan he ru ka/
 phrag pa la ni bau Sha Ta he/ /mig gnyis la ni hUM hUM ho/ /rdo rje nyi ma gzi brjid ldan/ /drug pa rta mchog rgyal po nyid/ /phaT haM tshig kun mtshon pa'o/ /lte bor oM paM phag mo'i bdag /haM yo snying gar gsod byed ma/ /h+rIM moM kha la rmongs byed ma/ /dpral bar h+ro
 h+riM skyong byed nyid/ /hUM hUM spyi gtsug skrag byed ma/ /cho ga mdza' kun la phaT phaT te/ /gtum mo'i bdag nyid rnam par bsam/ /bdud tshogs kun gyi g.yo ba yi/ /go cha rung ba bla na med/ /lus las khams gsum kun bkang ste/ /dpa' bo rnal 'byor ma rnams
 kyis/ /nam mkha' i gtogs ni bkang byas la/ /'dod pa lnga ni mnyes gyur nas/ /mgon po sangs rgyas thams cad kyis/ /dbang bskur ba ni bdag la stsol/ /yid kyis gsol ba legs btab pas/ /ji ltar bltams pa tsam gyis ni/ /de bzhin gshegs kun
 khrus gsol ltar/ /lha yi chu ni dag pa yin/ /de bzhin du ni sku khrus gsol/ /oM sarba ta thA ga ta a b+hi She ka sa ma ya sh+ri ye hUM/ de ltar sngags te brjod nas su/ /pad+ma'i bum pas dbang bskur bsam/ /lha rnams lus la bsdus nas kyang/ /mchod
 spyir kun gyis yang dag mchod/ /sna tshogs pa sprod? pas mngon bstod nas/ /bdud rtsi mchog la longs spyod bya/ /dpa' bos lha rnams gsal dmigs nas/ /chos kyi sku la nges par sbyar/ /dpa' bo lhan cig skyes dga' i dngos/ /dag pa chos kyi sprul pa ni/ /phag
 mo'i gzugs su bstan pa yin/ /me long la sogs ye shes bzhi/ /mkha' 'gro ma bzhi pad+mar gnas/ /lus dran pa nye bar gzhag pa ni mkha' 'gro ma'o/ /tshor ba dran pa nye bar bzhag pa ni lA ma'o/ /chos dran pa nye bar gzhag pa ni dum skyes ma'o/ /sems ldan pa nye
 bar gzhag pa ni gzugs can ma'o/ /'dun pa'i rdzu 'phrul gyi rkang pa ni rab tu gtum ma'o/ /brtson 'grus kyi rdzu 'phrul gyi rkang pa ni gtum pa'i mig go /dpyod pa'i rdzu 'phrul gyi rkang pa ni 'od ldan ma'o/ /sems kyi rdzu 'phrul gyi rkang pa ni sna chen ma'o/ /dad pa'i dbang
 po ni brtan pa'i blo can ma'o/ /brtson 'grus kyi dbang po ni ma thung ma'o/ /dran pa'i dbang po ni lang ka'i dbang phyug ma'o/ /ting nge 'dzin gyi dbang po ni shing grib ma'o/ /shes rab kyi dbang po ni sa srung ma'o/ /dad pa'i stobs ni 'jigs byed chen mo'o/ /brtson 'grus kyi
 stobs ni rlung gi shugs can ma'o/ /dran pa'i stobs ni chang 'thung ma'o/ /ting nge 'dzin gyi stobs ni sngo bsang ma'o/ /shes rab kyi stobs ni shin tu bzang mo'o/ /ting nge 'dzin yang dag byang chub kyi yan lag ni rta rna ma'o/ /brtson 'grus yang dag byang chub kyi yan lag
 ni bya gdong ma'o/ /dga' ba yang dag byang chub kyi yan lag ni 'khor lo'i shugs can ma'o/ /shin tu sbyangs pa yang dag byang chub kyi yan lag ni khaN+Da ro hi'o/ /chos rnam par 'byed pa yang dag byang chub kyi yan lag ni shauN+Di na'o/ /dran pa yang gdag byang chub kyi
 yan lag ni 'khor lo'i go cha ma'o/ /btang snyoms yang dag byang chub kyi yan lag ni shin tu dpa' mo'o/ /yang dag pa'i lta ba ni shin tu stobs chen ma'o/ /yang dag pa'i rtog pa ni 'khor lo sgyur ma'o/ /yang dag pa'i dag? ni brtson 'grus chen po'o/ /yang dag pa'i
 las kyi mdza' ni khra gdong ma'o/ /yang dag pa'i 'tsho ba ni 'ug gdong ma'o/ /yang dag pa'i rtsol ba ni khyi gdong ma'o/ /yang dag pa'i dran pa ni phag gdong ma'o/ /yang dag pa'i ting nge 'dzin ni dpal he ru ka'o/ /dge ba'i chos ma
 skyes pa rnams bskyed pa ni gshin rje brtan ma'o/ /dge ba'i chos skyes pa rnams bsrung ba ni gshin rje pho nya ma'o/ /mi dge ba'i chos ma skyes pa rnams mi bskyed pa ni gshin rje mche ba ma'o/ /mi dge ba'i chos skyes pa rnams spong ba ni gshin rje 'joms
 ma'o/ /de dag ni dpa' bo dang dpa' mo rnams gnyis su med pa rnam par dag pa'o/ /A li kA li mngon bsams nas/ /rnal 'byor chen po ngal bso ste/ /zla ba'i dkyil 'khor rdzogs pa ni/ /lte ba'i rtsa bar gnas par bsgom/ /yi ge rnams kyi mchog gyur pa/
 sku gsung thugs kyi rdo rje can/ /lha yi sku ni bsgom par bya/ /de ni gzugs las 'das pa ste/ /dngos po med pa'i sems nyid yin/ /sems nyid rtog pas mi bslad do/ /bsam gyi mi khyab de bsams na/ /de las gzugs ni thob par 'gyur/ /sh+rI ni
 gnyis med ye shes te/ /he ni rgyu sogs stong pa nyid/ /du ni tshogs dang bral ba ste/ /ka ni gang duAng mi gnas pa'o/ /de ltar sku gsum sbyor ba yis/ /gnas byas dpa' bo de yi ni/ /yon tan thob pa gang yin pa/ /bskal pa bye ba du ma ru/ /kha ni brgya
 stong du ma yis/ /brjod par nus pa ma yin no/ /de na sngags kyi dngos grub phyir/ /sngags kyi bzlas pa rab tu brtsam/ /oM sh+rI badzra he he ru ru kaM hUM hUM phaT DA ki nI dzA la saM ba ri swA hA/ snying po'i sngags so/ /oM h+rI(rgyud 'grel oM badzra bai ro tsa nI ye huM hUM phaT/ snying po'i sngags so/ /oM sarba bud+d+ha DA ki nI ye badzra war+Na nI ye huM hUM phaT swA hA/ nye ba'i snying po'o/ /sdig kun las ni rnam grol zhing/ /'dod pa'i don kun sgrub byed yin/ /oM sum+b+ha ni sum+b+ha badzra DA ki nI huM hUM phaT/ oM
 groh+Na bra h+Na badzra lA me huM hUM phaT/ oM grih+NA pa ya grih+NA pa ya badzra khaN+Da ro he huM hUM phaT/ oM A NA ya ho b+ha gabAn badzra rA dza badzra rU pi NI ye huM hUM phaT/ oM na mo b+ha ga ba te wI? re shA ya badzra kA kA sye huM hUM phaT/ oM mahA kawAgni saM ni b+hA ya badzra u lU? k+Shu? se saM hUM phaT/ oM dza DA ma ku
 Tony+dza? TA ya badzra shba? nA sye huM hUM phaT/ oM daMSh+TA ka rA lo gra b+hI Sha Na mu khA ya badzra sU ka rA sye huM hUM phaT/ oM sa ha sra b+hu dza b+hA su rA ya ya ma hA DhI huM hUM phaT/ oM pa ra shu pA sho dya ha shU la kha TwAM ga d+ha ri Ne badzra ya ma dUM twAM huM hUM phaT/ oM gyA g+hwa dzi nI pa ra d+ha rA ya badzra ya ma
 daMSh+Ti Na huM hUM phaT/ oM mahA d+hU mprand+ha? ka ra wa pu ShA ya badzra yam ma thA ni huM hUM phaT/ rang gi yum dang gnyis su med pa zhal bzhi dang rkang pa brgyad pa'i sngags te bcu cha sbyin sreg dang bcas pas bzlas so/ /gzhan yang rgyas pa'i tshul la yang/ oM ka ra ka ra badzra pra tsaN+De
 badzra khaN+Da ka pA la huM hUM phaT/ ces bya ba la sogs pa rnams oM dang huM hUM phaT kyi bar chud pa/ phreng ba'i sngags dang/ dpa' bo dpa' mo rnams 'brel par bzlas so/ /mda'i 'od dang sgro'i 'od dang/ lu gu rgyud dang/ sum sgril ni cho ga'i khyad par ro/ /thams cad
 du 'am tshes bcu la/ /rang 'dod las la gtor ma sbyin/ /dang po dpa' bo rnal 'byor ma/ /chang sogs longs spyod kyis mchod nas/ /'bar ba'i phyag rgya rab bcings nas/ /skra grol gcer bur gyur pa yis/ /lho yi phyogs su kha bltas la/ /dpal chen khrag 'thung
 nas brtsams nas/ /dur khrod gnas kyi mthar thug par/ /mthon po'i gnas su mchod par bya/ /skye bo dam pa kun 'dus la/ /bde ba thams cad dbul bar bya/ /der ni bza' ba rnams zos la/ /lhag ma snod gnyis gzhag par bya/ /he ru ka dpal rnal 'byor bdag /
 de yis ma mo dga' bar 'gyur/ /de yi lag tu 'ongs pa'i dpal/ /gang gis kyang ni 'phrog mi nus/ /skye bo dang ldan kun gyis mchod/ /he ru ka dpal dgyes gyur nas/ /spyod dang grol ba'i 'bras rab gsol/ /oM a ral+li ho/ dza:hUM baM ho(rgyud 'grel ya stwaM dri sh+ya ho/ lan gsum lnga yi bar du brjod/ /rdo rje thal mo gyen du phye/ /oM kha kha khA hi khA hi/ sarba yak+Sha rak+Sha sa d+hU ta/ dre ta pi shA tsonmad a pa smA ra badzra DA ka DA ki n+ya nga ya/ i maM ba liM grih+Nan+tu/ sa ma ya rak+Shan+tu/ ma ma sarba
 sid+d+hi pra ya ts+tshan+tu/ ya thai baM/ ya the Sh+TaM/ b+hu ny+dza? tha/ dzi g+ha tha pi ba thA/ mA ti kra ma tha ma ma sarba ka rA ya satwa su khaM bi shud+d+ha ye/ sa ha yi kA b+ha ban+tu/ huM hUM phaT swAhA/ oM kha kha khA hi khA ha uts+tshi shTi b+ha k+Sha ka swAhA/ zhes byas pa'i sngags kyis gtor ma phul la/
 lha mo tshod ma dam tshig tshad ma dang/ /des gsungs tshig kyang tshad ma mchog yin te/ /bden pa de dag gis ni lha mo rnams/ /bdag la rjes su 'dzin pa'i rgyur gyur cig /ces brjod la yi ge brgya pas brtan par bya ste/ sku dang gsung dang thugs kyi dga' bas/
 sems can rnams bde ba chen po'i bdag nyid du yang dag par gnas par bya'o/ /bdag don 'gyur dang gzhan la rnam brtse bas/ /dpal ldan 'khor lo sdom pa'i sgrub pa yi/ /thabs dag cung zad bkod la tshul min pa/ /'byung 'gyur nyes pa mkhas
 rnams bzod par mdzod/ /'di yis bsod nams mdza' med sgrub gyur gang yin des/ /mdza' med sems can bde ba'i lam zhugs sangs rgyas shog/ //dpal 'khor lo sdom pa'i sgrub pa'i thabs de kho na nyid bsdus pa zhes bya ba/
 slob dpon chen po rig pa'i brtul zhugs pa dpal dA ri ka bas mdzad pa rdzogs so// //b+had+ga la'i paN+Di ta ku mAr badzra dang/ lo tsa ba dge slong nyi ma rdo rjes bsgyur cing zhus te gtan la phab pa'o// //