<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N921: rgyud kyi rgyal po chen po dpal rdo rje mkha' 'gro shes bya ba'i rnam par bshad pa<br><table><tr><td>
<input type="button" onclick="location.href='tcompletep.php?id=N921&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N921&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N921&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rgya gar skad du/ sh+rI badzra DA ki nA ma mahA tan+t+ra rA dza sya bi brit+ti/ bod skad du/ rgyud kyi rgyal po chen po dpal
 rdo rje mkha' 'gro zhes bya ba'i rnam par bshad pa/ bcom ldan 'das thugs rje chen po 'phags pa spyan ras gzigs dbang
 phyug la phyag 'tshal lo/ /mkha' las shar ba'i zla ba ltar/ /mi shes sel ba'i 'od byed cing/ /dngos grub bdud
 rtsi 'dzag ba yi/ /rdo rje mkha' 'gro'i sku la 'dud/ /gser dang rin chen rang bzhin las/ /bsgrubs pas ri rgyal lhun po ltar
 rgyud 'di'i yan lag las byung ba/ /thams cad snying po 'ba' zhig skus/ /rgyud 'di yi ni don chen
 rnams/ /gang yin gsal ba'i blo gros kyis/ /glog ltar tshim byed ljags bskyod nas/ /skad cig gis ni gsal mdzad
 pa/ /gang yin de 'dir bdag gis ni/ /bla mas ji ltar bstan pa rnams/ /blo yis ji ltar dran pa bzhin/ /gsal bar bya phyir
 brjod par bya/ /rgyud du sbas pa'i don chen rnams/ /man ngag las rnyed ma lus par/ /bdag gis bri bar mi nus kyang/ /cung
 zad tsam zhig bri bar bya/ /'dir brjod par bya ba la sogs pa ma mthong bar rtog pa sngon du gtong ba rnams su yang 'jug par mi 'gyur la/ /de
 dag (kyang dang) por tshig tu brjod pa ma gtogs par mngon du mi 'gyur ba dang/ 'bras bu don du gnyer bas sgrub thabs la 'jug pa rnams kyang sgrub
 pa bo bdag nyid kyi mngon par 'dod pa'i 'bras bu de dang rjes su mthun pa'i thabs kyis bsgrub par bya ba yin te/ gzhan du na gal te de dag bdag
 nyid kyi 'dod pa ma yin pa dang/ nyams su blang bar mi nus pa ni mtho ris 'dod pa rnams ra skyes dkar po la brten nas bsgrub pa sangs rgyas pa
 snying rje can gyi 'dod pa'i thabs ma yin pa dang/ gal te ra skyes dkar po bsad pa'i mchod pas/ mtho ris thob tu zin kyang snying rje can
 gyi mngon par 'dod pa'i 'bras bu ma yin pa la sogs pa de dag la brjod par bya ba la sogs pa'i khyad par tshig tu brjod pa ma gtogs
 par 'jug par mi 'gyur bas gnas phun sum tshogs pa la sogs pa brjod pa'i sgo nas brjod par bya ba la sogs pa bstan par bya ba'i phyir/ gsang ba mchog
 gi zhes bya ba nas/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /ces bya ba ni bar gyi tshig rnams dang por sdud par byed pa rdo rje phag
 mos gsungs te/ de yang bcom ldan 'das gcig bu nyid gar mkhan ltar sems can rnams 'dul ba'i phyir 'chad pa po dang sdud par byed pa dang/ 'khor zhes
 bya ba dkyil 'khor ba dang/ gtso bo zhes bya ba dkyil 'khor nyid dang/ dngos grub dang sgrub thabs la sogs pa'i brjod par bya ba'i rang bzhin 'dzin par mdzad
 de/ 'di ltar bcom ldan 'das nyid 'chad pa po la sogs par gnas mod kyi/ las dang po pa 'jug pa'i phyir bdag nyid bcom ldan 'das ma'i gzugs su tha dad par bstan nas/ gsang ba mchog gi
 dgyes pa zhes bya ba la sogs pa gsungs te/ gsang ba mchog gis dgyes par bzhugs nas/ bcom ldan 'das kyis gsungs zhes bya ba 'og nas 'byung ba dang sbyar ro zhes bya ba ni sngar bstan pa'i brjod
 par bya ba la sogs pa ni bcom ldan 'das kyis tshig gi gzhung rnams gsungs kyi/ bcom ldan 'das ma rdo rje phag mo bdag nyid kyi rang bzo spong bar mdzad cing 'di ltar bcom ldan 'das las
 thos nas rgyud thos so zhes par dgongs so/ /gsang ba zhes bya ba'i sgras ni thams cad la khyab pa'i chos kyi dbyings te/ de las de bzhin gshegs pa thams cad 'khrungs pas gsungs pa ni chos kyi
 'byung gnas so/ /der bzhugs pa ni der rab kyi steng du khang pa brtsegs par gnas pa'o/ /ji lta bur gyur pa'i gsang ba zhe na/ gsungs pa mchog ces pa ste/ ye shes pa'i yul du gyur pas na/
 mchog go /dgyes pa zhes bya ba ni mchog tu bde ba bskyed pa'i yul du gyur pas so/ /thams cad bdag nyid ces bya ba ni de bzhin gshegs pa thams cad kyi bdag nyid du gyur pas thams cad bdag
 nyid de gsang ba'o/ /yang na me long lta bu'i ye shes la sogs pa'i bdag nyid pas thams cad bdag nyid do/ /yang thams cad kyi sgras ni rdo rje 'dzin pa la bya la/ de'i rang bzhin gang yin pa de la de skad
 ces bya ste/ de dag gis ni gnas phun sum tshogs pa bstan to/ /rtag tu bzhugs zhes bya bas ni ston pa phun sum tshogs pa'i khyad par ston par mdzad do/ /sna tshogs de'i rang bzhin gyis thog ma med pa'i dus nas
 gar yang ma bzhud pa'o/ /de yang chos kyi sku la sogs pa'i gzugs kyis rtag tu de ltar byung ba nyid du rang bzhin rgyud rgyun chags par 'dir bzhugs pa zhes bya ba'i don to/ /bcom ldan 'das ji lta bu zhig ce na/
 mkha' 'gro kun dngos zhes bya ba la sogs pa gsungs te/ mkha' 'gro kun gyi sgras ni rab tu gtum mo la sogs pa'i lha mo la bya la de rnams kyi rang bzhin gang la yod pa de mkha' 'gro kun gyi dngos so/ /'dis
 'di skad du bcom ldan 'das kyis mkha' 'gro ma kun gyi 'khor gyis bskor ba la gsungs so zhes bstan par 'gyur ro/ /des ni 'khor phun sum tshogs pa bstan to/ /bcom ldan 'das de nyid sems can gyi don
 la nus pa dang ldan pas na sems dpa' yin la/ mi shes pa'i ri bo bcom pas na rdo rje'o/ /mi shes pa yang 'dir phung po dang khams dang skye mched kyi shes bya rnams la gzung ba la sogs par mngon par zhen pa zhes bya ba'i sgrib pa gang yin pa'o
 des na gnyis su med pa'i ye shes ni rdo rje ste shes rab bo/ /mkha' 'gro zhes bya ba ni sprul pa rnams kyi nam mkha' kun tu khyab par 'gro bas nam mkha' 'gro'o/ /sprul pa yang mkha' 'gro ma'i gzugs kyi dngos po'o/ /de ltar na rdo rje mkha' 'gro zhes bya bas thabs
 dang shes rab kyi bdag nyid du bcom ldan 'das bstan te/ rdo rje yang yin la mkha' 'gro yang yin pas na rdo rje mkha' 'gro ste/ snying rje dang stong pa dbyer med pa'i byang chub kyi sems kyi rang bzhin zhes bya ba'i don to/ /bcom ldan 'das de nyid bde ba'i rang bzhin
 du bstan pa'i phyir bde ba'i mchog ces gsungs te/ bde ba'i zag pa med pa'i bde ba chen po ste/ de yang bsgrub par bya ba'i dam pa zhes bya ba'i bar du'o/ /'dir 'gro ba rigs drug po rnams kyis bsgrub par bya ba ni bde ba nyid yin te/ de yang byis pa rnams
 kyi ni zag pa dang bcas pa yin la/ 'phags pa rnams kyi ni zag pa med pa'o/ /de lta mod kyi bde ba'i don du thabs sna tshogs don du gnyer bas bde ba las gzhan pa'i sgrub par bya ba gzhan yod pa ma yin la/ ji snyed du bde ba de rnyed rang bzhin rnam par dag pa
 yin yang byis pa rnams ji ltar snang bzhin pa la mngon par zhen pas zag pa dang bcas pa zhes bya ste/ bde ba de'i rang bzhin nyid 'di ni zhes bya'o/ /de yang bde pas bde ba bsgrub par bya zhes gsungs so/ /bde bas zhes bya ba ni rdo rje 'dzin pa'o/ /bde ba zhes
 bya ba ni zag pa med par ro/ /de ltar na rtag tu bzhugs zhes bya ba nas/ bde ba'i mchog ces bya ba'i bar 'dis ston pa po'i khyad par bdag dang gzhan gyi don phun sum tshogs pa bstan par 'gyur ro/ /'di ni zhes bya ba ni bdag dang gzhan gyi don phun sum tshogs
 pa nyid de de ci 'dra zhe na/ rab byung zhes gsungs te/ rang zhes pa gdul bya rnams kyi rang bzhin de dang de gdul bar bya ba'i phyir ro/ /byung zhes pa rnam par snang mdzad la sogs pa sprul pa'i gzugs su 'byung zhing gsal bar mdzad pas na rang byung ngo/ /de yang 
 sems can gcig tu de nyid ni rnam pa lnga ru mtshon pa yin zhes gsungs te/ sems zhes bya ba ni rdo rje 'dzin pa chen po'o/ /bcom ldan 'das zhes bya ba ni de nyid skal pa phun sum tshogs pa drug dang ldan pas so/ /lhag pa'i ni lha
 gcig pu nyid ces bya ba la lus lhag par byin gyis rlob pas na lhag pa yin la/ Na'i rang gi rkyen can du byas pas gsal zhing rig pa dang sprul pa rgyas par byed pas na lta ste/ zhal dang phyag la sogs pa'i rnam par byung ba kun rdzob kyi bden par shes
 par bya'o/ /gcig pu nyid ces bya ba ni chos kyi dbyings kyi rang bzhin don dam pa'i bden pas te/ de ltar na kun rdzob dang don dam pa dbyer med pa'i rang bzhin de bzhin gshegs pa thams cad kyi bla mar gyur pas lhag pa'i don nyid du lta bar bya'o/ /yang nam mkha' 
 'gro kun gyi tshig gis rnam par snang mdzad la sogs pa la bya ste/ de nyid kyis na rang byung ngo/ /de yang rang ste rang dang gzhan gyi don phun sum tshogs pa rnam par snang mdzad la sogs pa'i gzugs su byung zhing bden pa gnyis kyi tshul du bcom ldan 'das
 stong par mdzad do/ /lhag ma ni snga ma bzhin no/ /da ni bcom ldan 'das kyi bskyed pa'i rim pa'i tshul bstan par bzhed nas 'gyur gnas sgra tshul zhes bya ba la sogs pa gsungs te/ 'dir dngos po thams cad rnam par phye nas bstan pas na 'byung gnas 
 te stong pa nyid dang snying rje dbye ba med pa'i sems so/ 'byung gnas las zhes bya ba ni rgyu'i don gyi lnga pa ste/ byang chub kyi sems brtan par byas pa las nges 'byung rnams zhes bya bar 'brel to/ /de ci zhig ce na/ sgra tshul zhes bya ba la sogs pa
 gsungs te/ sgra ni sgrar grag pa'i rang bzhin gang dag yin pa rnams te/ a la sogs pa dang/ ka la sogs pa dang/ gzhan yang sngags rnams so/ /dam tshig ni zla ba gnyis so/ /spyod pa ni sa bon no/ /spyod yul ni mtshan ma'o/ /de dag nges par 'byung
 zhes bya bar sbyar te/ rnam pa sna tshogs kyi tshul gyis nges par byung ba ste/ bsgom pa dang bzlas pa zhes bya ba'i bar du'o/ /'dis 'di skad ston par 'gyur te/ sangs rgyas dang bla ma'i mchod pa sngon du 'gro bas 'di ltar/ 'gro kun sems kyi sprul pa ste/ sems las
 gzhan du yong ma yin zhes bya ba 'di'i don yid la byas pas chos thams cad bdag med par bsgoms la/ a nut pan+na sarba d+harmA:pra krit+ta pra b+ha swa ra:sarba d+harmA(rgyud 'grel pra ti bya d+haM ka ro mi zhes bya ba'i sngags brjod par bya'o/ /de nas zla ba'i dkyil 'khor der sangs rgyas thams cad kyi yon tan a la sogs pa'i gzugs kyis zhugs par bsgoms la yang 'od zer gyis bskul te/ de bzhin gshegs pa'i tshogs rnams skar mda'
 'phro ba'i tshul du zhugs par bsgoms nas slar yang zla ba'i dkyil 'khor gnyis pa bsgoms te/ oM bo d+hi tsit+to tpA ta da yA mi zhes pa'i sngags brjod par bya'o/ /de nas der ka la sogs pa yi ge de bzhin bsams la/ de'i steng du bdag nyid sa bon las mtshan ma'i
 gzugs su bsgoms te/ oM tiSh+Tha badzra zhes brjod par bya'o/ /de nas slar yang spro ba dang bsdu ba sngon du 'gro bas/ oM badzra at+ma ko haM zhes bya ba'i nga rgyal bya ste/ zla ba la sogs pa yongs su gyur pa las rang gi lhar bsgoms la/ oM ya thA sarba ta thA ga tasta thA a haM
 zhes brjod pa 'di ni mngon par byang chub pa rnam pa lngas bcom ldan 'das kyi skur bsgrub pa bstan to/ /'jig rten gsum du rnyed dka' ba zhes bya ba la sogs pa la/ rnyed dka' ba zhes bya ba ni de lta bur gyur pa'i bcom ldan 'das so/ /gang nas
 zhe na 'jig rten gsum nas te/ seng ge dang 'phrog byed dang/ dbyig gi snying po zhes bya ba ming gi rnam grangs gzhan 'dod pa la sogs pa dag las/ de yang seng ge 'dod pa zhes bya ste/ 'phrog sems zhes bya bar grags/ tshangs pa grol bar rab tu bshad//
 'di dag 'jig rten gsum zhes brjod/ /ces gsungs so/ /pho'i don la ma ring gi rtags su gsungs pa ni lung ste/ 'dzem pa med pas so/ /yang na bud med chags pa skyes pa sdang/ gnyis ka spangs pa gti mug
 go zhes bya ba'i tshigs su bcad pa phyed po 'di dang sbyar te/ 'di'i don ni/ chags pa rnam dag bud med de/ sdang ba de bzhin skyes pa yin/ gnyis ka spangs pa gti mug go /zhes bya bas bshad la/ de lta bu'i khyad par gyi sems ni 'dod pa yin te/ de yang
 chags sdang gti mug ldan pa yi/ /sems ni 'dod par rab tu bshad ces gsungs la/ de lta bu'i khyad par can gyi sems ni blta bar bya bas na 'jig rten no/ /gnyis pa ni 'dis sems can gyi don la blta zhing dmigs pas na 'jig rten te snying rje'o/ /
 gsum pa ni bcom zhing zhig pas na 'jig rten te chos kyi dbyings so/ /ji ltar na bcom pa yin zhe na/ 'dir chos thams cad gcig dang du ma dang bul bas ngo bo nyid med par gyur pa'o/ /de'i tshe 'jig rten gsum po de dag nyid rnyed par dka' ba'o zhes gong du
 'dud pa'o/ /'dis ni bcom ldan 'das rang rig pa tsam du bstan te/ de yang rtag tu 'dod pa bsten par bya/ /chu yi mchog ni 'thungs nas su/ /chos min pas ni tshes bstan bya/ /skyes pa bud med brtul zhugs yin zhes gsungs so/ /yang na rim pa gzhan du
 bsgyur ba'i bdun pa ste/ phung po dang khams dang skye mched rnams bcom pas na 'jig rten te/ sku rdo rje la sogs pa gsum gyi bdag nyid kyi bcom ldan 'das de nyid 'jig rten no/ /rnyed dka' ba ni sla bar rnyed pa ma yin no/ /'dir smras pa/ gzugs la sogs pa'i
 yul bcom pa ni rnam pa thams cad du spangs pa yin la/ des ji ltar na sku la sogs pa rdo rje lta bu thob par 'gyur zhe na/ smras pa/ 'dir bcom pa ni sbyang ba byas pa yin gyi/ rnam pa thams cad du spangs pa ma yin te/ de bas na dka' ba'i sgras dgag pa
 ma yin pa'i dka' ba nyid la bya bar blta'o/ /thog ma dbus mthar yang dag gnas zhes bya ba la/ thog ma la sogs pa'i sgras skye ba dang gnas pa dang 'gag pa gcig dang/ gnyis dang/ mang po la sogs pa'i mtshan nyid gang du 'jug pa ste/ de dag rang bzhin gyis
 rtag pas na gnas skabs gsum po de dag mthar gtugs shing brtan par gnas pa de la de skad ces bya'o/ /yang dag gnas zhes bya ba ni thog ma la sogs pa de dag yang dag pa ste/ rang bzhin gyis brtan par ston pa'i tshig gi phrad do/ /thams cad du khyad par
 du bya ba'i bcom ldan 'das de nyid dbu ma'i don rtogs pas khyad par gyur pa bstan pa'i phyir 'dod chags ma yin zhes bya ba la sogs pa gsungs te/ de la 'dod chags ni 'khor ba'o/ /chags bral ni mya ngan las 'das pa ste/ de dag mi dmigs so zhes
 bya ba dang sbyor ro/ /dbu ma zhes bya ba ni 'dod chags dang/ chags bral las grol ba yang dngos por dmigs su med do zhes bya ba'i don to/ /de dag gis bcom ldan 'das dbu ma'i lam thugs su chud par bstan te/ de lta bu'i bcom ldan 'das rdo rje 'dzin pa nyid
 brjod par bya'o/ /da ni bcom ldan 'das kyis ji ltar thugs su chud pa'i de kho na nyid kyi shes rab rgyud 'di la gtso bo yin pa dang/ de nyid bud med kyi gzugs kyis khong du chud par bya ba'i phyir bud med kun gyi zhes bya ba la sogs pa gsungs te/ bud med kun
 ni lha mo thams cad do/ /de dag gis sgyu ma ni rang bzhin te/ rang bzhin der sprul pa'o/ /de dag nyid kyi brtan pa dang g.yo ba'i 'gro ba kun la 'debs pas na rgya ste/ rigs kyis na mang po la gcig gi tshig tu byas pa yin no/ /'dzin zhe bya ba ni rab tu grags par zad do/ /de dag gis bcom ldan 'das de nyid bde bas
 bde ba chen po sgrub cing rtogs par bya ba'i phyir bud med kyi gzugs su sprul par ston to/ /bud med kun gyi sgyu ma'i phyag rgya de nyid kun rdzob dang don dam pa'i tshul gyi phyag rgya dbyer med pa ni gnyis med de de nyid phul du byung ba'i ye shes pas na ye shes mchog go /
 rnyed dang bde ba kun mos pas zhes bya ba la rnyed pa la sogs pas 'grub par 'gyur zhes par sbyar te/ ji ltar 'grub par 'gyur zhe na/ kun mos pas zhes bya ba gsungs te/ kun ni phung po'o/ /de rnams de kho na nyid kyi ye shes kyi rang
 bzhin du rnyed pa de ni rnyed pa kun te/ des yid bde bar gyur pa de ni bde ba'o/ /mos pa ni phul du byung ba ste/ shes rab dang thabs kyi snyoms par zhugs pas kun tu bcings pa'i rgyu las gang thob pa'i bla ma'i yang bla mar gyur pa'i bde ba chen pos 'grub par 'gyur ro
 zhes bya bar dgongs so/ /su zhig ce na/ ngan par spyod pa zhes bya ba la smad pas na ngan pa ste nyon mongs pa rnams so/ /re dag bdo ba ngan par spyod pa ste sgrub pa po gang gi rang bzhin nyon mongs pa bdo ba yin kyang de dag la rnal 'byor ma rnams kyis don dam pa'i ye
 shes kyi dngos grub ster bar 'gyur ba'o/ /'ang zhes bya ba'i sgras ni rnal 'byor ma rnams la yang de dag gis don dam pa'i ye shes ster bar 'gyur ro zhes blta bar bya ste/ de ltar lam 'dis skyes pa dang/ bud med dag kyang tshegs med par 'grub par 'gyur
 ro zhes bya bar dgongs so/ /lha mo rnams kyi tha snyad gzhan gyi sgo nas de kho na nyid bstan par bya ba'i phyir nam mkha' kun tu zhes bya ba la sogs pa gsungs te/ de la kun ni dngos grub kyi rdzas thams cad la bya la de rnams kyi skabs 'byed pas na nam mkha' ste/ rnam
 par snang mdzad la sogs pa'i 'khor lo bsgyur ba drug go /rgyu ba ni de rnams dang lhan cig tu spyod pa ste/ de rnams kyis bsgrub par bya ba de la de skad ces bya'o/ /rigs kyis na gcig gi tshig tu blta bar bya ste/ 'di dag nyid grub mthar 'dren pas na dngos grub yin
 la des nam mkha' 'gro ma'o/ /yang nam mkha' 'gro ma zhes bya ba ni gang dag gi rang bzhin stong pa nyid kyis khyab par 'gro ba'i dang tshul can de la de skad ces bya ste/ shes rab kyi pha rol tu phyin pa'i rang bzhin zhes bya ba'i bar du'o/ /de ltar yang/ de ni mkha' 'gro
 ma zhes/ /ba las 'dir ni brtags pa'o zhes gsungs te/ de ni mkha' 'gro ma zhes bya ba ni stong pa nyid kyi bdag nyid du bya ba'o/ /de yang gzung pa la sogs pa'i mngon par zhen pa las bzlog ste/ yang dag par dro la de la de skad ces bya ba ni mkha' 'gro ma zhes grags pa ste/
 rnam par bsgyur ba med pas grags pa'i tshig yin no/ /kha cig ni brda 'di ni tha mal pa'i bud med rnams kyi yin te/ de'i tshe rab tu grags zhes bya ba la rab tu zhes pa ni da lta nyid du grags zhes bya ba thabs dang bcas pas dngos grub tu 'gro ba de la de skad ces bya ste/ des
 na mkha' 'gro ma zhes rab tu grags zhes bya bar dgongs so zhes zer ro/ /sna tshogs kun tu zhes bya ba ni phung po la sogs pa phyogs bcu kun na gnas pa'i chos rnams la phyag rgyas 'debs pas na sna tshogs kun tu phyag rgya ste lha mo rnams so/ /des 'di skad du rab
 tu gtum mo la sogs pa'i lha mo rnams/ 'khor lo sgyur ba drug gi rim gyis blta bar bya'o zhes bstan par 'gyur ro/ /ni zhes bya ba ni spags pa ste/ tha mal pa'i bu mo rnams lha mo'i gzugs kyis khyad par du bya'o zhes bya ba'i don to/ /thabs rnams la/
 gtogs par mkha' 'gro ma rnams kyis 'grub par mi 'gyur ro zhes bstan par bya ba'i phyir sna tshogs kun zhes bya ba la sogs pa gsungs te/ kun gyis zhes bya ba ni cho ga khyad par can rnams kyis rnal 'byor ba 'grub par 'gyur zhes bya ba dang 'brel to/ /
 ji lta bu zhig gis she na/ sna tshogs kyis te/ gzugs nye bar spyod pa sna tshogs kyis rnal 'byor pa lus dang sems bde ba chen por 'grub pa'o/ /ji lta bur gyur nas she na/ mkha' 'gro kun dang zhes bya ba la sogs pa ste/ mkha' 'gro kun ni 'khor
 lo sgyur ba drug gi dkyil 'khor pa'i lha mo rnams so/ /mnyam par sbyor ba ni de rnams dang lhan cig yang dag par sbyor ba ste/ rdo rje mkha' 'gro gang mnyam par sbyor ba yod pa de la de skad ces bya'o/ /rdo rje mkha' 'gro ni nye bar mtshon pa ste/ rdo rje 'dzin pa la
 sogs pa gzhan yang rang rang gi 'khor gyi mkha' 'gro ma'i tshogs dang lhan cig tu 'grub pa ste/ bdag nyid rdzogs par 'gyur ba'o/ /da ni phyi rol tu dmigs pa la sogs pa bya ba'i rgyud kyi tshogs phyag rgya chen po'i dngos grub grub pa med pa bstan pa'i
 phyir/ de nyid med sems zhes bya ba la sogs pa gsungs te/ de kho na nyid ni don dam par stong pa nyid dang snying rje dbyer med pa'i rang bzhin la/ de med pa ni de las bzlog pa ste gzung ba la sogs par mngon par zhen pa'o/ /sems ni gnas te gang la spyod
 yul de mod pa de la de skad ces bya'o/ /rnal 'byor ni ting nge 'dzin te/ sems rtse gcig pa'o/ /de ltar na rnal 'byor pa gang rnams kyis sems la de kho na nyid kyi ting nge 'dzin med pa de la de skad ces bya'o/ /lha ni 'dod pa'i lha ste/ de dmigs pa ni sems kyis
 bkod pa'o/ /byed pa ni der 'dod pa'o/ /kun tu gzugs brnyan zhes bya ba la rang gi gzugs dang 'dra ba gzhan ni gzugs brnyan te/ de'i rang bzhin gyi rnal 'byor zhes bya bar sbyar ro/ /de gang zhe na/ lugs ma la sogs pa ste/ lugs ma dang bris pa dang brdungs ma
 la sogs pa'o/ /skye ba min zhes bya ba ni de dag gis phyag rgya chen po'i dngos grub 'grub par mi 'gyur pa'o/ /'o na gang gis 'grub par gyur zhe na/ byang chub sems zhes bya ba la sogs pa gsungs te/ rang gi lha'i gzugs kyis phyag rgya chen po rdzogs par
 'gyur te/ de nyid gsungs pa byang chub sems zhes bya ba ste/ stong pa nyid dang snying rje dbyer med pa'i sems ni byang chub sems so/ /de nyid lhar sbyor ba'i thabs chen po ste/ 'di ni byang chub sems chen rnal 'byor ro/ /der gtso bor gyur pas na dbang phyug ste gnyis su
 med pa'i ye shes yin la lhag par dbang bas na gtso bo'o/ /ji lta bu ce na/ rang nyid ces bya ba gsungs te/ bdag nyid kho na stong pa nyid dang snying rje dbyer med pa'i byang chub kyi sems kyi rang bzhin gyi lha'i gzugs su rdzogs par bya'o zhes bya ba'i don to/ /de nyid kyi phyir byang
 chub kyi sems sngon du 'gro ba'i lha'i gzugs bsgom par bstan to/ /de nyid gsal bar bstan pa'i phyir byang chub ces bya ba la sogs pa gsungs te/ ye shes lnga'i bdag nyid pas na rdo rje yang yin la/ rnam par snang mdzad la sogs pa sangs rgyas thams cad/
 kyang yin te/ de rnams ni me long lta bu'i ye shes la sogs pa byang chub kyi sems kyi rang bzhin yin pa'i phyir ro/ /'gro ba'i rtsa lag ces bya ba ni rtsa lag ltar brtan pa dang g.yo ba sna tshogs la khyab par sprul pa rnam pa sna tshogs kyis 'gro ba ste/ de nyid mchod
 par bya zhes pa dang 'brel to/ /de'i phyir zhes bya ba ni bcom ldan 'das nyid rnam par snang mdzad la sogs pa'i gzugs de dang des bdag dang gzhan gyi don la nus pa dang ldan pa'i phyir ro/ /'bad pa thams cad kyi zhes bya ba ni yun ring du gus pa dang bcas pas goms pas
 so/ /mchod par bya zhes bya ba ni mngon du bya ba'o/ /de dag gis ni 'di skad du de lta bur gyur pa'i bcom ldan 'das ni brjod par bya ba la yin la brjod par bya ba shes nas mngon sum du byed pa ni dgos pa yin te/ de mngon sum du byas pa las bdag dang gzhan gyi don
 phun sum tshogs pa'i dngos grub ni dgos pa'i yang dgos pa'o zhes bstan par 'gyur ro/ /de nyid gsal bar bstan par bstan par bya ba'i phyir/ bdag nyid ces bya ba la sogs pa gsungs te/ dngos po thams cad rtogs pas na sangs rgyas so/ /phyin ci ma log par grub pas na
 dpa' bo ste/ gang gis ci zhig ce na/ rang gis zhes bya ba la sogs pa ste/ de ltar na bdag nyid kyis bdag nyid bsgrub par bya zhes bya ba'i don to/ /des ni bdag gi don phun sum tshogs pa bstan nas gzhan gyi don gsungs pa 'di yis zhes bya ba la sogs pa agsungs te
 brjod par bya ba la sogs pa mngon sum du byas pa 'di yin zhes bya bar sbyar ro/ /gsang ba zhes bya ba la sogs pa'i don 'di dag gi khyad par gzhan ni bcom ldan 'das nyid kyis le'u bzhi bcu rtsa gnyis pa las gsal bar ston par mdzad la de nyid du bdag
 gis kyang slar bshad par bya'o/ /brjod par bya ba la sogs pa de dag ni bcom ldan 'das nyid mngon par bzhed pa yin par bstan pa'i phyir sdud pa pos zhes bya ba la sogs pa gsungs te/ brjod par bya ba la sogs pa de skad
 ces gsungs so zhes bya ba'i don to/ /rdo rje sems dpa' de bzhin gshegs pa zhes bya ba ni 'dir 'chad pa po phyin ci ma log pa'i ye shes dang ldan pa'i rdo rje 'dzin pa nyid du ston to/ /da ni rgyud kyi brjod par bya ba'i don gyi rab tu dbye ba rab kyi cha bstan par bya
 ba'i phyir/ thams cad ces bya ba la sogs pa gsungs te/ nam mkha' zhes bya ba ni gang gi mtshan nyid rang bzhin med pa'i ngang tshul can de dag la de skad ces bya ste/ gang dag gi zhe na/ thams cad ces bya ba ste phung po la sogs pa'i'o/ /ji ltar nam
 mkha' thogs par byed pa'i rag bya dang bral ba'i mtshan nyid tsam yin pas na mtshan nyid med pa yin te/ ming tsam du kun tu brtags pa ltar blta bar bya'o/ /de yang phung po la sogs pa 'ba' zhig ma yin gyi/ bzhan khams gsum pa ma lus pa
 yang yin te/ chos gang dag ma lus shing lhag ma med pa de dag la de skad ces bya'o/ /'i zhes bya ba ni dang po'i don gyis drug pa'i rkyen can no/ ci ste phung po la sogs pa ngo bo med pa yin na/ ji ltar don byed par 'gyur zhe na/ 'gro kun sgyu ma lta bu yin
 zhes bya ba gsungs te/ ji ltar sgyu ma ngo bo nyid med kyang gzugs su snang zhing don byed par snang ba ltar blta bar bya'o/ /de nyid gsal bar bya ba'i phyir mthong ba dang ni zhes bya ba la sogs pa gsungs te/ mthong ba zhes bya ba ni nyams su myong ba tsam mo/ de ci zhig ce na
 reg pa'i dngos zhes bya ste/ brtan pa dang g.yo ba'i 'gro ba ji ltar grags pa rnams dbang po rnams kyis gzung bar gyur pas na reg pa ste/ de dag gi rnam pa'i dbye ba thams cad snang mod kyi/ gcig dang du ma dang bral ba'i sbyor bas spyad na dmigs su med pa yin te/ ci 'dra zhe na
 sgyu ma ji bzhin no zhes bya ba la/ ji ltar sgyu ma gcig dang du mar snang ba yang de kho na nyid du ma yin pa ltar/ 'gro ba'i dngos po rnams kyang rang bzhin med par dgongs so/ /gang gis zhes bya ba la sogs pa la/ blun po zhes bya ba ni shes bya'i sgrib pa dang ldan pa rnams te/ de dag gang gis
 zhes bya ba ni dngos po'i cha phra mo tsam gyis te/ des 'ching ba ni sdug bsngal gyis 'ching bar 'gyur pa'o/ /nges zhes bya ba ni dngos po'i cha phra mo tsam des zhes bya bar dgongs so/ /mkhas pa zhes bya ba ni shes bya'i sgrib pa dang bral ba ste/ shin tu phra ba'i cha la mngon par zhen
 pa med pa'o/ /bsal ba mang po'i nyid kyis na mang po'i tshig go/ /rnam par rol zhes bya ba ni sems can rnams kyi don gyi phyir de'i rang bzhin yongs su shes bzhin du rnam pa sna tshogs kyi gzugs su sprul te rtse bar mdzad pa'o/ /gang du zhe na/ 'dir te chos kyi dbyings su'o/ /phyag
 rgya'i sbyor ba 'di yis ni zhes bya ba la/ 'di yis zhes bya ba bstan ma thag pa'i stong pa nyid kyi phyag rgya 'dis so/ /phyag dang zhal la sogs pa'i kun rdzob kyi phyag rgya dang mnyam par sbyor ba gang la yod pa de la 'di skad ces bya'o/ /rnal 'byor pa des ci zhig bya zhe na/ sa
 gsum ma lus bza' bar bya zhes bya ba ste/ sku la sogs pa'i tha mal pa'i gzugs bzlog par bya zhes bya ba'i don to/ /stong pa nyid kyi bsam gtan 'ba' zhig gis ji ltar yang byang chub 'grub pa med par bstan pa'i phyir/ gzhan du zhes bya ba la sogs pa gsungs
 te/ gzhan du zhes bya ba ni stong pa nyid 'ba' zhig gis so/ /sbyor ba ma tshang ba zhes bya ba ni snang ba las 'das pa'o/ /'da' zhes bya ba ni bdag gi don tsam yang med par mya ngan las 'da' ba' o/ /ji lta bur zhe na/ mar me lta bur te/ ji ltar mar me mar gyi rgyun gyis nam
 mkha' i ngos su gsal zhing 'bar ba la/ gang gi tshe mar gyi rgyun zad pa de'i che de nyid du zad cing gtugs par gyur pa bdag nyid kyang mi snang bar gzhan snang bar byed pa lta ci smos te/ de bzhin du stong pa nyid 'ba' zhig gi ting nge 'dzin yang blta bar bya'o/ /sgyu ma lta bu'i sbyor ba de
 nyid 'khor los sgyur ba drug gi bye brag gis bstan pa'i phyir gzugs ni zhes bya ba la sogs pa gsungs te/ gzugs ni 'dir dbang po lnga'i don rnams so/ /tshor ba ni bde ba la sogs pa nyams su myong ba'i rang bzhin no/ /rdo rje nyi ma ni rin chen
 'byung ldan no/ /'du shes ni mtshan mar 'dzin pa'i bdag nyid do/ /pad+ma gar dbang ni snang ba mdza' yas so/ /'du byed ni chags pa dang ldan pa dang gti mug gi bdag nyid do/ /rdo rje rgyal po ni don yod grub pa'o/ /rnam shes ni rnam par rig pa yin la rdo rje sems dpa' ni mi
 bskyod pa'o/ /nye bar bsdu ba gsungs pa/ 'di dag ces bya ba la sogs pa ste/ dngos kun zhes bya ba ni phung po lnga po rnams te/ de dag rnam par snang mdzad la sogs pa'i de bzhin gshegs pa lngar byas pa 'di dag rdo rje mkha' 'gro'i rang bzhin du grags pa
 ste rab tu grub pa yin no/ /yang dag chen po zhes bya ba ni phyin ci ma log pa ste/ lhan cig skyes pa zhes bya ba'i don to/ /bde ba thams cad ni kun tu dga' ba la sogs pa'o/ /sgyu ma chen mo'i rang bzhin ni sgyu 'phrul chen mo'i bdag nyid de/ de'i bdag nyid kyis
 nyon mongs pa dang bral pas chags bral yin la/ sems can rnams 'ched cing 'chos pas na chags pa'o/ /ltung byed ma ni snying rje dang sa'i khams kyi rang bzhin gyi lha mo spyan ma ste/ sems can 'dul ba'i phyir ro/ /gsod byed ma ni byams pa dang
 chu'i khams kyi bdag nyid kyi mA ma kI ste/ chos thams cad rang bzhin med par byed pa'i phyir ro/ /'gugs ma ni dga' ba dang me'i khams kyi rang bzhin gos dkar mo ste bde ba chen por 'dren pa'i phyir ro/ /gar dbang ni btang snyoms dang rlung gi khams
 kyis rang bzhin sgrol ma ste 'gugs pa dang nyon mongs pa skems pa'i phrin las mdzad pa'i phyir ro/ /sgyu ma che zhes bya ba ni pad+ma'i dra ba can te/ rang nyid 'gro zhes bya ba rdo rje mkha' 'gro'i sku dang lhan cig tu nam mkha' la 'gro ba'i phyir ro/ /de gnyis kyis na
 sangs rgyas kun dang zhes bya ba la sogs pa gsungs so/ /'byung ba lnga zhes bya ba ni go sla'o/ /rdo rje gtso bor gnas zhes bya ba ni bcom ldan 'das dang lhan cig dbyer med par gnas pa'i phyir ro/ /mig la sogs pa byin gyis brlab pa'i phyir gsungs pa/ mig gnyis
 zhes bya ba la sogs pa la/ kha zhes bya ba ni lce ste lhag ma ni go sla'o/ /skye mched thams cad mnyam sbyor ba zhes bya ba la gang du skye mched thams cad mnyam par sbyor ba de ni skye mched thams cad mnyam par sbyor ba ste yid do/ /bdun pa'i don gyis na dang po'i
 tshig tu bstan pa yin te/ der rdo rje mkha' 'gro blta bar bya'o/ /gzugs 'di thams cad ces bya ba ni phung po la sogs pa rnams so/ /stong pa'i tshul gyi mig gis zhes bya ba ni der dmigs pa'i sems kyis so/ /dogs pa med par ni gnyis su med par ro/ /rnam par
 mi rtog par ni gzung ba la sogs pa'i rtog pa dang bral ba ste/ mig ces bya ba dang sbyar ro/ /nye bar bsdu ba gsungs ba/ nam mkha' i tshul zhes bya ba la sogs pa gsungs te/ der rdo rje mkha' 'gro'i bskyed pa'i rim pas lus bskyed pa der phung po la sogs pa
 stong pa nyid du nyams su myong bas byin gyis brlab ste/ lha'i dkyil 'khor gyi 'khor lo'i rim gyis byang chub sgrub par bya zhes bya bar dgongs so/ /zhes bya ba la sogs pas ni sdud pa po bdag nyid kyi rang bzo spong bar mdzad do/ /da ni bsam gtan gyi go rim
 bstan par bya ba'i phyir/ de nas zhes bya ba la sogs pa gsungs te/ de bzhin gshegs pa thams cad ces bya ba la thams cad ni byang chub sems shing 'dod pa rnams te/ de rnams de bzhin nyid du gshegs shing 'gro ba de la de skad ces bya'o/ /thogs
 pa med pa ni ye shes tsam gyi bdag nyid kyis so/ /gdon mi za ba ni 'bras bu dang bcas pa'i phyir ro/ /dam tshig ni smon lam ste der dmigs pa'i ting nge 'dzin de nyid ma lus pa'i 'gro ba thams cad la bde ba chen po bsgrub pa'i rgyu yin pa'i phyir
 bde ba chen po yin la/ de'i khyad par ni rim pas te/ de la snyoms par zhugs nas 'di skad ces gsungs so/ /zhes bya ba ni smon lam la thugs rtse gcig tu mdzad nas/ 'og nas 'byung ba 'di skad ces gsungs so zhes bya ba'i don to/ /ji
 srid ces bya ba la sogs pa la/ las dang nyon mongs pa'i dbang gis 'gro ba nas 'gro ba gzhan dag tu rgyun tu 'jug pas na 'khor ba ste phung po lnga yin la/ gnas der gnas pa ni sems can rnams kyi don gyi phyir de las gang yang mi 'gro zhing
 der gnas par dam 'cha' ba' o/ /su zhig ce na nam mkha' mchog ste/ byang chub sems dpa' o/ de nyid gsungs pa de ltar zhes bya ba la sogs pa'o/ mi skye zhes bya ba ni phyir mi ldog pa'o/ /brtson 'grus ni byang chub nyams su len pa'o/ /nam mkha' i gnas
 kyi mthar thug/ ces bya ba la nam mkha' nyid gnas pa ste/ de'i gnas gang la yod pa de la de skad ces bya ste phung po lnga yin la de mthar gtugs pa ni ji srid gnas kyi bar du'o/ /ci'i phyir de ltar mdzad ce na/ smon lam zhes bya ba la sogs pa
 gsungs te/ sems can gyi don ni dgos pa'o/ de nyid kyang gang zhe na/ 'dod chags thams cad ces bya ba dang sbyar te/ 'dod chags thams cad rnam par dag pa nyid sems can rnams kyi don de dgos pa yin la de bya'o zhes smon lam
 gdab par bya'o/ /de yang ji ltar bya zhe na/ rtog pa rgyas par sbyin pa dang zhes bya ba la sogs pa ste/ rtog pa 'joms par byed pas na rtog pa ste lam gyi bdag nyid kyi chos yin la rgyas pa ni tshogs te sbyin pa ni de dag bstan pa'i sgo nas so zhes
 bya bar dgongs so/ /ci zhig sbyin par bya zhe na/ thog ma zhes bya ba la sogs pa ste/ thog ma la sogs pa med pa chos kyi lam thams cad de/ de yang bshad pas sbyin par bya'o/ /chos bshad pa'i sngon du byung ba'i gtam rnams gsungs pa/
 'das pa'i dus na zhes bya ba la sogs pa ste/ rdo rje mkha' 'gro skye ba'i lo rgyus so/ /rdo rje sems dpa' chen po ni rdo rje mkha' 'gro yin la bde ba che ni rdo rje sems dpa' o/ lhag ma ni go sla'o/ de las sems can thams cad 'byung bas na sems can thams cad 'byung ba
 ste/ de dag gis ni dkyil 'khor ba'i lha rnams bskyed pa bstan to/ /de nas zhes bya ba la sogs pas ni 'di skad du mchod pa dang sdig pa bshags pa la sogs pa sngon du 'gro bas gzhal yas khang brtsegs pa dang gdan dgod pa'i mthar zla ba dang mtshan ma la
 sogs pa yongs su gyur pa las/ oM ma hA zhes bya ba la sogs pa'i glus bskul bar bsgoms la/ bdag nyid rdo rje mkha' 'gro'am/ rdo rje sems dpa' i gzugs su bsgom par bya'o zhes ston to/ /kha cig na re mngon par byang chub pa lnga las byung ba'i rdo rje sems dpa' 
 zhu ba las bskul nas/ bdag nyid rdo rje mkha' 'gror ldang bar bya'o zhes zer ro/ /dkyil 'khor chen po sbyor ba'i zhes bya ba la/ rdo rje sems dpa' i dkyil 'khor ni dkyil 'khor chen po ste/ dkyil 'khor gyi rim pa du ma dang ldan pa'i phyir ro/ sbyor ba ni de'i rim pa ste
 des bris pa'o/ /de la thog ma kho nar rang gi snying gar dbyangs yig dang po las byung ba'i zla ba'i dkyil 'khor la yi ge hUM bsgoms la/ de'i 'od zer gyi bla ma dang rdo rje sems dpa' mdun du snang bar byas te/ me tog la sogs pas yang dag par mchod nas/
 sdig pa bshags pa la sogs pa sngon du 'gro bas tshangs pa'i gnas pa bzhi yid kyis bsgoms te/ Adya nutpan+na sarbba d+harmA(rgyud 'grel dkyil 'khor gyi rnam par bsgoms nas/ oM tsit+ta pra ti bya d+haM ka ro mi zhes bya ba'i sngags yid kyis brjod par bya'o/ de nas yang der zla ba'i dkyil 'khor gnyis pa bsgoms la/ oM bo d+hi tsit+ta utpal da yA mi zhes bya ba'i sngags brjod par bya ste/ de la zla ba'i dkyil 'khor
 dang por ni de bzhin gshegs pa thams cad kyi yon tan/ a la sogs pa'i gzugs kyis gzhug par bya la/ de bzhin du gnyis par ni ka la sogs par zhugs par bsgoms/ /de nas de'i steng du sa bon hUM
 las byung ba'i rdo rje dkar po nyid kyi lte bar byin gyis brlabs pa bsams la/ oM tiSh+Tha badzra zhes bya ba'i sngags kyis byin gyis brlabs te/ bdag nyid rdo rje'i ngo bo nyid du bsgoms la/ oM badzra At+ma'o/ nyra hAM zhes brjod par bya'o/ /
 de thams cad yongs su gyur pa las bcom ldan 'das bsgom pa ni zla ba'i mdog can 'dzum pa dang bcas shing nyi ma'i dkyil 'khor gyi 'od dang ldan pa sangs rgyas lnga'i dbu rgyan can/ rgyan thams cad pa spyan gsum dang ral pa'i cod paN du ldan
 pa/ rtsa ba dang g.yas pa dang rgyab dang g.yon pa'i zhal dkar po dang/ sngon po dang/ ser po dang/ /dmar po'i mdog can te/ rtsa ba'i zhal zhi ba'i nyams dang ldan pa/ zhal gzhan rnam par 'gyur ba dang ldan pas sum cu rtsa gsum
 pa 'jigs par mdzad pa/ g.yas na rdo rje dang ral gri/ g.yon pa na dril bu dang thod pa ste/ zla ba'i steng gi thod pa la phyed krung bcas pa'i gar gyis bzhugs pa/ 'og nas 'byung ba'i gzhal yas khang na gnas pa'i dkyil 'khor ba'i lha dang
 bcas par bdag nyid rdo rje sems dpa' i gzugs sku skad cig tsam gyis bsgom par bya ste/ der yang sngar bstan pa'i bdag med pa'i rjes su hUM las byung ba nyi ma las gnas pa'i rdo rje'i lte bar des byin gyis brlabs pa bsams la/ de'i
 'od kyis rdo rje ra ba la sogs pa bsgom par bya'o/ /der hUM suM hUM las ri rab de'i steng du chos kyi 'byung gnas/ der sna tshogs pad+ma dang/ rdo rje'i steng du yi ge b+h+ruM yongs su gyur pa las rnam par snang mdzad de las byung ba/ gru bzhi la sogs pa'i yon tan
 dang yang dag par ldan pa/ so so'i thod pa'i gdan gyis mnan par khang pa brtsegs ma bsams ste/ rdo rje sems dpa' i rnal 'byor pas de'i dbus/ pad+ma'i steng gi zla bar gnas pa'i thod pa la zla ba'i dkyil 'khor bltas la/ der a la sogs pa'i
 dbyangs kyi yi ge dang sangs rgyas thams cad bcug nas/ oM tsit+ta pra ti b+hya d+haM ka ro mi zhes bya bas byin gyis brlab par bya'o/ /de nyid du zla ba'i dkyil 'khor gnyis pa bsams la/ oM bo d+hi tsit+totpA da yA mi zhes bya bas byin gyis brlabs te/ der hUM gis
 bon las byung ba'i rdo rje'i lte bar hUM gis byin gyis brlabs pa bsgoms nas/ oM tiSh+Tha badzra zhes byin gyis brlabs te/ bdag nyid rdo rje tsam du mos nas/ oM badzra at+ma ko nyahaM zhes bya bas byin gyis brlabs/ de nas oM ma hA su kha badzro satwa:
 dza(rgyud 'grel brlab bo/ /de ltar mngon par byang chub pa rnam pa lngas rdzogs par bskyed la/ oM ha zhes bya ba 'dis snying gar rdo rje sems dpa' i bsgom mo/ /de bzhin du na ma(rgyud 'grel dbang phyug /pau Sh+Ta he zhes bya bas phrag pa gnyis su he ru ka /hUM hUM ho zhes bya bas mig gnyis su rdo rje nyi ma/ phaT haM zhes bya bas yan lag thams cad la mtshon char rta mchog bsam par bya ste/ de dag gi mdog dang phyag mtshan la
 sogs pa ni 'di nyid kyi dkyil 'khor du bstan par bya'o/ /de bzhin du oM baM zhes bya bas lte bar rdo rje phag mo/ /oM haM oM gis snying gar gshin rje ma/ oM h+rI moM gis khar rmongs byed ma/ oM h+rIM h+rIM gis spyi bor bskyod byed ma/ oM hUM hUM gis spyi
 gtsug tu skrag byed ma/ oM phaT phaT kyis yan lag thams cad la mtshon char gtum mo bsam par bya ste/ de dag gi mdog la sogs pa yang/ le'u gzhan las shes par bya'o/ /de bzhin
 du gzugs kyi phung po ni rnam par snang mdzad/ tshor ba ni rdo rje nyi ma/ 'du shes ni pad+ma gar gyi dbang phyug /'du byed ni rta mchog /rnam par shes pa ni rdo rje sems dpa' / de dag thams cad ni dpal he ru ka /mig la ni gti mug
 rdo rje/ rna ba la zhe sdang rdo rje/ sna la ser sna rdo rje/ lce la 'dod chags rdo rje/ lus la phrag dog rdo rje/ skye mched thams cad la rdo rje sems dpa' / yang na rnam par shes pa ni he ru ka skye mched kun ni rdo rje sems dpar ro/ /sa ni
 spyan ma/ chu ni mA ma kI/ me ni gos dkar mo/ rlung ni sgrol ma/ nam mkha' ni pad+ma'i dra ba can du bsam mo/ /de dag gi mdog la sogs pa yang dkyil 'khor 'di nyid du brjod par bya'o/ /pad+ma'i dra ba can ni mA ma kI bzhin no/ /de ltar
 go cha la sogs pas byin gyis brlabs nas/ rang gi lus kyi 'od las spros pa'i mkha' 'gro ma rnams kyi de bzhin gshegs pa bkug nas/ de dag gi sku las byung ba'i lha ma lag na bum pa thogs pa rnams kyis bdag la dbang bskur bar
 mi bskyod pa la sogs pa'i de bzhin gshegs pa lngas ral pa'i cod pan la brgyan par bya'o/ /de nas shar la sogs pa'i gnas rnams su rnam par snang mdzad la sogs pa'i lha tshogs bsgom par bya ste/ de la shar phyogs kyi thod pa'i
 zla ba'i b+h+ruM las byung ba kha dog dkar zhing zhi ba g.yas la sogs pa'i phyag bzhis 'khor lo dang dril bu dang thod pa dang zhags pa bsnams pa'i rnam par snang mdzad bsgom mo/ /de bzhin du lho phyogs kyi thod pa'i zla bar aM las byung ba'i rin
 chen 'byung ldan/ kha dog ser po/ g.yas pa la sogs pa'i phyag bzhis rin po che dang lcags kyu dang thod pa dang zhags pa bsnams pa'o/ /de bzhin du 'og nas 'byung ba kun la thod pa dang zla ba'i gdan sbyar ro/ /nub tu h+rI(rgyud 'grel gyi dbang phyug kha dog dmar po phyag bzhis mda' dang pad+ma dang gzhu dang thod pa bsnams pa'o/ /byang du khaM las byung ba'i rta mchog kha dog ljang gu phyag bzhis rdo rje dang lcags kyu dang dril bu dang thod pa bsnams pa'o/ /de bzhin gshegs la de dag thams
 cad ral pa'i cod pan can zhal gcig pa'o/ /dbang ldan mtshams su b+huM las byung ba'i spyan ma kha dog dkar mo zhal gcig spyan gsum ma ral pa'i thor tshugs thod pa'i phreng bas brgyan pa/ phyag brgyad kyi 'khor lo dang/ rdo rje dang/ ral gri
 dang/ mda' dang/ thod pa dang/ dril bu dang/ zhags pa dang/ gzhu bsnams pa'o/ /me mtshams su hUM las byung ba'i mA ma kI mdog sngon mo zhal gcig spyan gsum pa cod pan thod pa'i phreng bas brgyan pa/ phyag bcu gnyis kyis mda'
 dang/ ral gri dang/ rdo rje dang/ /'khor lo dang/ rin po che dang/ pad+ma dang/ gzhu dang/ lcags kyu dang/ dril bu dang/ zhags pa dang/ thod pa dang/ kha TwAM ga bsnams pa'o/ /bden bral du h+rI(rgyud 'grel dmar mo zhal la sogs snga ma lta bu las phyag brgyad kyis mda' dang/ pad+ma dang/ ral gri dang/ rdo rje dang/ gzhu dang/ thod pa dang/ zhags pa dang/ dril bu bsnams pa'o/ /rlung mtshams su tAM las byung ba'i sgrol ma kha dog ljang
 gu/ zhal la sogs pa snga ma lta bu las phyag brgyad kyis sutpa la dmar po dang/ ral gri dang/ lcags kyu dang/ mda' dang/ 'khor lo dang/ zhags pa dang/ thod pa dang/ gzhu bsnams pa'o/ /de nas rim pa gnyis pa'i shar du aM las
 byung ba'i rdo rje drag mo phyag bzhis mda' dang/ lcags kyu dang/ gzhu dang/ khu bas gang ba'i thod pa bsnams par bsam mo/ /lho phyogs su AM las byung ba rdo rje gzugs phyag bzhis/ rdo rje dang/ mdung dang/ zhags pa dang/
 khrag gis gang ba'i thod pa bsnams pa'o/ /nub du iM las byung ba'i rdo rje chags ma phyag bzhis rdo rje dang/ ral gri dang/ rdo rje chus gang ba'i thod pa dang dril bu bsnams pa'o/ /byang du a'iM las byung ba'i rdo rje zhi ba dang/ phyag bzhis gtun shing dang ba ngan
 dang/ rdo rje ral gri dang/ rdo rje chus gang ba'i thod pa bsnams pa'o/ /de dag ni rim pa bzhin du dkar po dang/ ser po dang/ dmar po dang/ ljang gu'i mdog can no/ /dbang ldan du uM las byung ba rdo rje gnod sbyin ma/ phyag bzhis rdo rje dang/ utpa
 la dang/ thod pa dang/ rde'u chung bsnams par bsam mo/ /me mtshams su uM las byung ba'i rdo rje mkha' 'gro ma phyag bzhin pad+ma dang/ me long dang/ tshil gyi gang ba'i thod pa dang/ dgra sta bsnams pa'o/ /bden bral du aM las byung ba'i rdo rje
 sgra phyag bzhin/ be con dang/ dung dang/ 'khor lo dang/ khrag gis gang ba'i thod pa rnams pa'o/ /rlung mtshams su AM las byung ba'i rdo rjes/ phyag bzhi na rdo rje'i rdzas kyis bkang ba'i bum pa dang/ mi'i pags pas g.yogs pa'i thod pa dang
 dril bu bsnams pa'o/ /de dag kyang rim pa bzhin du dkar po dang/ ser po dang/ ser po dang/ dmar po dang/ /dmar po dang/ sngon po dang/ sngon po dang/ dkar po ste mdog gnyis gnyis dang ldan pa'o/ /rim pa gsum pa'i shar phyogs
 su riM las gyur ba'i sgeg mo/ /lag pa g.yon ma dkur btsugs shing g.yas pa gar thabs su bskyod pa'o/ /lho phyogs su rIM las byung ba'i phreng ba ma/ phyag gnyis kyis phreng ba bsnams pa'o/ /nub phyogs su liM las byung ba'i glu
 mkhan ma/ mgrin pa glu yis bkang ste/ lag pa gnyis kyis kha 'gebs pa ltar byed pa'o/ /byang du lIM las byung ba'i gar mkhan ma lag pa gnyis kyi gar byed pa'o/ /de dag kyang rim bzhin du rdo rje drag mo la sogs pa'i mdog can no/ /
 de nyid kyi me mtshams la sogs par/ oM aauM eM iM gi sa bon rnams las byung ba gling bu ma dang/ pi waM ma dang/ bdug pa ma dang/ rdza rnga ma'i lha mo dag rim bzhin du phyag gnyis kyis rang gi mtshan ma rnams bsnams pa drug mo la/
 sogs pa'i mdog can no/ /rim pa bzhi pa'i snam bu'i me mtshams la sogs par lA sye la sogs pa bzhi'i sa bon las byung ba me tog ma la sogs pa bzhi rim bzhin du phyag gnyis kyi rang gi ming gi mtshan ma bsnams pa drag mo la sogs
 pa'i mdog can no/ /rdo rje drag mo nas dri chab mi'i mthar thug pa'i lha mo de dag ni ral pa'i cod pan can rgyan thams cad kyis brgyan pa'o/ /rnam par snang mdzad la sogs pa'i lha rnams ni phyed krungs bcas pa'i gar gyis bzhugs/
 shing nyi ma'i 'od dang lha'i na bzas brgyan pa'o/ lho la sogs pa'i sgo bzhi'i thod par rim bzhin du dza(rgyud 'grel nam mkha' i ltar sngo bsangs rtsa ba dang/ g.yas dang/ g.yon gyi zhal gsum sngo bsangs nag po dang/ dkar po'i mdog can phyag drug na lcags kyu dang/ ral gri dang/ 'khor lo dang/ zhags pa dang/
 sdigs mdzub dang/ dril bu bsnams pa'o/ /zhags pa ma ni mdog dkar ser rtsa ba dang/ g.yas dang/ g.yon gyi zhal dkar ser dang/ sngon po dang/ dmar po'i mdog can/ phyag drug na zhags
 pa dang/ rdo rje dang/ ral gri dang/ 'khor lo dang/ dril bu dang sdigs mdzub bo/ /rdo rje lcags sgrog ma ni kha dog dmar mo rtsa ba dang/ g.yas dang/ g.yon gyi zhal dmar po sngon po dkar
 po'i mdog can phyag drug na lcags sgrog dang/ ral gri dang/ rdo rje dang/ 'khor lo dang/ dril bu lcags kyu'o/ /rdo rje dril bu ma ni kha dog ljang gu rtsa ba dang/ g.yas dang g.yon gyi zhal ljang gu dang/ sngon po dang/
 dkar po'i mdog can phyag drug na rdo rje dang ral gri dang/ 'khor lo dang/ dril bu dang/ lcags kyu dang/ zhags pa bsnams pa'o/ /de dag ni skra kham pa gyen du 'bar zhing g.yas brkyang bas bzhugs pa/ nyi ma'i
 dkyil 'khor gyi 'od can/ stag lpags kyi na bza' mnabs pa/ phyag rgya drug gis brgyan pa'o/ /de nas dza:hUM baM ho(rgyud 'grel gzhug pa dang bcing ba dang/ dbang du byas la lha thams cad kyi yan lag la go cha gnyis po bkod cing go cha bzhin du dbang bskur bas thams cad la de bzhin gshegs pa lnga'i dbu brgyan byas nas sngags/
 kyi tshogs kyis bstod par bya ste/ de la aM ma hA su kha badzra satwa dza:hUM baM ho:/ /su ra tastaM zhes bya ba ni rdo rje sems pa'i 'o/ /oM b+h+ruM swAhA zhes pa ni rnam par snang mdzad kyi'o/ /oM aM swAhA zhes pa ni rin chen 'byung ldan gyi'o
 oM h+rI:swAhA zhes pa ni snang ba mdza' yas kyi'o/ /oM khaM swAhA zhes pa ni don yod grub pa yi'o/ /oM hUM swAhA zhes pa ni mi bskyod pa'i 'o/ /oM a laM haM swAhA zhes pa ni spyan ma yi'o/ /oM a gaM haM swAhA zhes pa ni mA ma kI'i 'o/ /
 oM ka Te bi ka Te ni te ka Tangka Te swAhA zhes pa ni gos dkar mo'i 'o/ /oM tA re tut+tA re tu re swAhA zhes pa ni sgrol ma'i 'o/ /oM A:a'aM haM swAhA zhes pa ni rdo rje drag mo'i 'o/ /aau A(rgyud 'grel pa ni rdo rje dri'i'o/ /oM A(rgyud 'grel swAhA zhes pa ni rdo rje sa'i'o/ /oM lA sye raM swAhA zhes pa ni sgeg mo'i 'o/ /oM mA le rI swAhA zhes pa ni phreng ba ma'i 'o/ /oM gA tiM liM swAhA zhes pa ni glu mkhan ma'i 'o/ /oM nri te lIM swAhA zhes pa ni gar mkhan ma'i 'o/ /oM AM ri tAM swAhA zhes
 pa ni me tog ma'i 'o/ /oM A(rgyud 'grel pa ni pi waM ma'i 'o/ /oM A:ae haM swAhA zhes pa ni rnga chen ma'i 'o/ /oM A:a'aM haM swAhA zhes pa ni rdza rnga ma'i 'o/ /oM A:badzra aM ku she dza:haM swAhA zhes pa ni rdo rje lcags kyu ma'i 'o/ /oM badzra pA she hUM haM swAhA zhes pa ni rdo rje zhags pa ma'i 'o/ /
 oM A:badzra shi kha le baM haM swAhA zhes pa ni rdo rje lcags sgrog ma'i 'o/ /oM A:badzra g+haN+Te ho:haM swAhA zhes pa ni rdo rje dril bu ma'i 'o/ /de dag gis dkyil 'khor la bstod nas/ bdud rtsi lngas mchod la gtum mo'i rnal 'byor bsgoms
 nas/ oM mahA su kha zhes bya ba la sogs pa'i sngags bzlas par bya ba 'di ni rdo rje sems dpa' bsgom pa'i mchog go /'od zer dmar po 'khrugs pa las zhes bya ba ni nyi ma'i 'od dang ldan pa'o/ /sangs rgyas phreng bas mdzes pa ni
 zhes bya ba ni mi bskyod pa la sogs pa de bzhin gshegs pa lngas dbu brgyan pa'o/ /lhag pa ni go sla'o/ /lha mo bzhi zhes bya ba ni spyan ma la sogs pa yin la/ sangs rgyas zhes bya ba ni rnam par snang
 mdzad la sogs pa'o/ /g.yas dkar min zhes bya ba ni dkar po las bzlog pa ste nag po'o/ /zhi ba ni zhi ba'i nyams dang ldan pa ste/ lhag ma ni bzhin rnam par 'gyur ba'o/ /de nyid kyis na sum cu rtsa gsum pa
 'jig par mdzad ces gsungs so/ /mkha' 'gro ma'i 'khor lo ni rdo rje drag mo la sogs pa'o/ /skyob pa sna tshogs zhes bya ba ni rang gi lus la sprul pa sna tshogs pa rnams de bzhin gshegs pa nyid du mtshon par bya
 ba dang/ de bzhin gshegs pa dang bdag nyid dbyer med par bsgom par bya'o/ /yang na skad cig tsam gyis ri rab kyi rtse mor rdo rje rin po che brtsegs pa'i khang bur bdag nyid bcom ldan 'das rdo rje sems dpar bskyed
 pa'i rim pas bsgom par bya ba'o/ /ci de yang rang bzhin gyi grub pa zhig gam 'on te ma yin zhe na/ 'di de dag rang gi sems rnam par dag pa nyid kyis snang ba yin pas 'o ma la mar ltar grub pa bsgrub par bya'i chu la
 mar ltar ma grub pa sgrub pa ni 'grub par mi 'gyur ro/ /de yang chu'i rnyog ma nor bus sbyangs pa ltar bskyed pa'i rim pas bdag nyid sngon du sbyangs nas rdzogs par bya ste/ rang bzhin gyis rnam par dag pa'i yin pa'i
 phyir ro/ /gzhan du sbyangs pa ma byas na yang 'khor ba nyid yin pas rnam par dag pa'i 'bras bu sprul par mi nus la rang bzhin gyis ma dag pa'ang chos 'gal ba'i phyir ro/ /rgyu dang 'bras bu'i rjes su mthun
 pa nyid kyis na dag pas rnam par dag pa bsgrub par bya'o zhes man ngag las shes par bya'o/ /rjes su mthun pa yang rjes su byed pa yin te/ rgyu yang 'bras bur 'dod pa dang/ rjes su mthun pa yin na sA lu'i myu gu sA lu'i sa bon ltar
 gdon mi za bar skyed nus kyi/ gzhan du ko Ta ba'i myu gu las sA lu'i sa bon ltar nus pa yod pa ma yin no/ /'bras bu yang rgyur 'dod pa dang rjes su mthun na skye bar 'gyur gyi/ gzhan du de dag ha cang thal ches par 'gyur ro/ /
 de ltar na 'o ma'i yon tan dkar ba ltar rnam par grub pa/ de dag yang dang yang goms pas blo bur ba'i dri ma bzlog ste/ gnyug ma de nyid gsal bar 'gyur bar dgongs so/ /rnal 'byor pas gang de ltar bsgrub ce na/
 mkha' 'gro kun dang zhes bya ba la sogs pa gsungs te/ skad cig tsam gyis ri rab kyi steng du gyur pa'i khang bu brtsegs par gnas pa'i de bzhin gshegs pa spyan ma la sogs pa'i tshogs dang ldan par zhes bya ba'i
 don to/ /bde ba'i mchog ces bya ba ni bde ba dam pa'i rnam pas khyad par du byas pa'o zhes bya ba la sogs pas ni sdud pa po'i rang bzo spong ba'o/ /de bzhin gshegs pa zhes bya ba la/ de bzhin ni phyin ci ma log
 pa yin la de gsungs pas na gshegs pa ste/ des gzung ba'i 'os su ston to/ /da ni gnyis su med pa'i de kho na nyid bstan pa'i phyir/ ma dang srid mo zhes bya ba la sogs pa gsungs te go sla'o/ /ba lang sha dang rta sha sogs zhes
 bya ba la sogs kyis na glang po che dang mi dang khyi'i sha rnams dang/ gzhan rnam par snang mdzad la sogs pa gsungs te/ de dag gi ngag gi dri ma dang bcas nas dam tshig gi rdzas bcu ru 'gyur ro/ /dogs pa med ces bya ba ni yis gnyis
 spangs pa ste/ thugs kyi rdo rje smad mi bya zhes gsungs pa'i phyir ro/ /bza' bar bya zhes bya ba ni 'og nas 'byung ba'i cho ga bzhin du sbyangs te spyad pa'o/ /'jig rten la rtag g.yon la spyod ces bya ba la /
 g.yon gyi kun tu spyod pa gang yin pa de la de skad ces bya ste/ lus kyi bya ba thams cad la g.yon du bzlog par bya ba'o/ /de gang las zhe na/ rgyu dang mi rgyu'i zhes bya ba la sogs pa gsungs te/ g.yon pa ni de bzhin nyid do/ /de las
 byung ba ni 'gro ba ma lus pa rnams de bzhin nyid kyi rang bzhin yin pa'i phyir te/ ji skad du chos kyi dbyings ni ma gtogs par/ 'di ltar chos ni yod ma yin zhes gsungs pa'i phyir ro/ /des na skye bos g.yon du 'gying ba dang
 bcas pas de nyid de nyid bsten par bya'o/ /g.yon gyis bza' zhing g.yon mchod bya zhes bya ba ni lha mo rnams la mchod pa dang/ bdag nyid bza' ba rnams g.yon pas bya'o/ /de kho na nyid kyis g.yon pa bsten pa la dogs pa bzlog
 pa'i phyir pho nya zhes bya ba la sogs pa gsungs te/ pho nya ni sngags la sogs pa dang yang dag par ldan pa'o/ /yang na lhan cig skyes pa dang/ zhing las skyes pa dang/ sngags las skyes pa rnams su gang gsungs pa de dag ma
 gtogs pa ni gzhan tha mal pa ste/ de dag la 'dod pas rmongs pa zhes bya ba la/ 'dod pa la mngon par zhen pas bgrod na de dngos grub tu mi 'gyur ro/ /pho nya mo rtag zhen thar pa zhes bya ba la/ pho nyar gyur pa'i shes rab la rtag tu
 rnam par rtog pa spangs te/ bde ba chen po'i 'dus pas gnas pa ni grol bar 'gyur te 'dod chags nyid kyis rnam par grol zhes gsungs pa'i phyir ro/ /ji lta bu zhig gis zhe na/ sgrub po zhes bya ba gsungs te/ sgrub po ni phyag rgya
 chen po'i sgrub pa'o/ /mchog tu 'bad bya zhes bya ba ni 'gro ba'i don bya ba ste/ 'bad pa ni de'i mthar gtugs pa'o/ /brtul zhugs min spangs zhes bya ba la sogs pa la/ brtul zhugs min ni 'jig rten gyi bya ba rnams te de dag spangs pa'o/ /
 brtul zhugs rdzogs ni 'og nas 'byung ba'i dka' thub yongs su rdzogs pa'o/ /dam tshig ni rnal 'byor ma dang rnal 'byor pha 'dus pa ste/ der de bzhin gshegs pa'i rigs la sogs pa la spod pa ni gang zhig 'dod par gyur pa ste /de
 dang lhan cig tu tsA ru zhes bya ba lhag mar gyur pa dang/ mdzes par gyur pa rnams bza' ba de la de skad du ces bya'o/ /de dag kyang gang zhe na/ rigs lnga zhes bya ba la sogs pa gsungs te/ bram ze dang/ rgyal rigs dang/ rje'u rigs
 dang dmangs rigs dang/ mdza' las skyes pa rnams so/ /kun spyod ni mtshungs par gcig tu byas te spyod pa'o/ /de nyid kyis ni rigs gcig tu brtag par bya zhes gsungs te/ 'dir phung po la sogs pa'i ngo bo nyid la bye
 brag sna tshogs med cing gcig pa nyid de/ rigs zhes bya ba ni ming tsam du dgongs so/ /bdud rtsi lnga'i nges pa bstan pa'i phyir sbrang rtsi zhes bya ba la sogs pa gsungs te/ khu ba nyid du gyur pa dang/ chags pa las byung bas na sbrang
 rtsi khrag ste snang ba mdza' yas so/ /ga bur ni don yod grub pa ste/ de dang lhan cig tu gyur pa'i sbrang rtsi khrag de la de skad ces bya'o/ /tsan dan ni rnam par snang mdzad do/ /dmar po ni rin chen 'byung ldan no/ /rdo rje chu ni mi bskyod pa ste/
 de dag bdud rtsi lngar ni 'gyur zhes bya bar 'brel to/ /dngos grub thams cad ni 'jig rten dang 'jig rten las 'das pa'i dngos grub rnams te/ de dag sgrub par byed pa ni bdud rtsi rnams bsten pas bgegs rnams nye bar zhi ste
 dngos grub nye bar 'grub ba'o/ /mthe bo srin lag ces bya ba ni go sla'o/ /zhi ba'i btung ba bzhin myangs zhes bya ba la/ zhi ba ni zla ba ste byang chub kyi sems so/ /btung ba ni bdag nyid kyis btung ba dang /de
 la yang sbyin pa ste snyoms par zhugs pa'i 'bad pa las byung ba pad+ma'i gnas su longs spyod pa'o/ /de ltar yang gsang ba'i mdzod las/ rnal 'byor pa yis bdag nyid 'di/ /b+ha ga'i dbus su bsgom byas la/ /gang zhig bdud
 rtsi 'jig pa'i rtsa/ /lus kyi dbus nas blta bar bya/ /yang na mi nus bag med pas/ /las kyi phyag rgya khyad par can/ /rang gi lha mor byas nas su/ /'bad pa las byung khu ba ni/ /btung zhing 'thung dug bzhug pa yis/ /gdon mi za bar
 yangs rgyas 'gyur zhes gsungs so/ /'di dag ces bya ba la sogs pa ni go sla'o/ /las rnams kun la zhes bya ba la sogs pas ni yul rnams la nye bar spyod pa'i brtul zhugs bstan pa yin te/ las rnams kun ni drag po
 dang zhi ba rnams so/ /thabs ni sgrub thabs te mngon par sbyang ba'o/ /ji ltar zhe na/ rnam par mi rtog ces bya ba la sogs pa ste/ bya ba thams cad la mi rtog pa'i sems kyis nye bar spyod pa 'di ni sems kyi sgo nas brtul zhugs bstan
 pa'o/ /yang las rnams kun zhes bya ba la sogs pas ni dag gi sgo nas so/ /the tshom med pa'i zhes bya ba la sogs pas ni lus kyi sgo nas bstan pa'o/ /skra zla la sogs zhes bya ba la skra'i tshogs ni skra zla ste/ sogs kyis na sgyu ma la
 sogs pa bzung ngo/ /rjes dngos kyi zhes bya ba la rjes kyi sgra ni 'dra ba ste/ dper na lha byin gis rjes su byed de zhes bya bas 'dra ba bzung ba yin te/ de dang 'dra ba'i dngos po rnams la de skad ces bya'o/ /dper na rab rib kyis nyams par mig
 gis med bzhin du lang nam mkha' la skra shad kyi tshogs mthong ba ltar gzung ba la sogs pa mngon par zhen pa'i bag chags kyis dkrugs pa'i sems yul gyi dngos por snang ngo zhes bya ba'i don to/ /ci ste skra zla la sogs pa de kho na nyid du
 med pas don byed mi nus pa ltar yul rnams kyang snang du zin kyang de kho na nyid du med pa yin na/ ji ltar don byed par 'gyur zhe na/ ma yin te/ 'di ltar rmi lam na skyes pa dang bud med gnyis kyi 'dod pa nye bar spyod pa la gnyis sprod pa med
 bzhin du yang 'di ltar sang pa'i dus na khu ba 'byin pa'i bya ba byed pa yod de de bzhin du 'di ltar yang bag chags kyi dkrugs pa'i dbang gis med bzhin du yang don byed pa la 'gal ba med de/ 'di ltar gcig dang du ma dang bral
 ba'i rigs pas gnod pa'i phyir de tsam gyis don dam par yod pa ni ma yin no/ /de bas na bag chags kyis dkrugs pa'i sems tsam po de nyid don du snang bar 'byung gi phyi rol don yod pa ma yin no/ /de yang slob dpon dbyig
 gnyen gyis gsungs pa/ /'di dag rnam par rig tsam nyid/ /yod pa ma yin don snang phyir/ /dper na rab rib can dag gis/ /skra zla la sogs med mthong bzhin/ /zhes bya ba dang/ bcom ldan 'das kyis kyang kyi rgyal ba'i sras
 dag khams gsum pa 'di dag ni sems tsam mo zhes gsungs so/ /sems dang rnam par rig pa ni rnam grangs te/ ji skad du sems dang yid rnam par shes pa dang rnam par rig pa ni rnam grangs so/ zhes gsungs pa'i phyir ro/ /gal
 te gzugs la sogs pa med na/ ci'i phyir bcom ldan 'das kyis mdo las gsungs zhe na/ de dag don dam par med mod kyi/ skye bo rnams 'dul ba'i phyir gsungs par gzung ste/ ji skad du yang/ gdugs sogs skye
 mched yod par ni/ des 'dul ba yi skye bo la/ dgongs pa'i dbang gis gsungs pa ste/ rdzus te byung ba'i sems can bzhin/ /zhes gsungs pa yin no/ /de lta mod kyi 'dir cung zad cig dpyad par bya ste/ gzugs la sogs pa'i
 yul 'di dag rnam par shes pa las ma gtogs pa'i dngos por yod na de ltar bye brag pa rnams kyis yan lag can gyi ngo bor brtags pa rags pa gcig pu zhig gam/ phra ba du mar 'gyur grang/ de dag ni 'gal ba'i phyir de las gzhan pa'i gsum pa ni mi srid
 do/ /de la yan lag can gcig pu ni yul ma yin te/ yan lag las ma gtogs par yan lag can 'dzin pa ni ma mthong ste/ 'di ltar bum pa dang snam bu la sogs pa thams cad la lto dang mgrin pa la sogs pa dang/ rgyu dang spun gyi snal ma las ma gtogs par
 bum pa dang snam bu la sogs pa'i yan lag can dus thams cad du nyams su myong ba med pa'i phyir ro/ /phra rab du ma yang yul ma yin te/ de yang 'di ltar yul du gyur pa na rdul phra rab rnams phan tshun ma reg par nye ba'i mthu tsam gyis 'dzin pa bye brag
 tu smra ba rnams kyis khas blangs pa lta bu zhig gam/ de dag phan tshun reg ste 'dug pa zhig yul du 'gyur grang/ reg pa dang ma reg pa 'gal bas gsum pa ni mi srid do/ /de la phra mo phrag can rnams kyang yul ma yin te/ tshul rol mthong ba rnams kyis
 de dag mi 'dzin pa'i phyir ro/ /de ltar pha rol po nyid kyis kyang khas blangs te/ 'di ltar rnam par shes pa'i tshogs lnga ni bsags pa la dmigs pa'i phyir ro/ /zhes gang smras pa yin no/ /de dag 'dus pa'ang yul ma yin te/ rdzas su med pa'i phyir ro//
 de ci'i phyir zhe na/ 'di ltar rdul phra rab rdzas su ma grub pa'i phyir te/ gal te rdul phra rab rdzas su grub na ni de dag so so tha dad pa'am/ 'dus pa zhig yul du 'gyur ba srid na de ma grub na dpyad pa de nyid ga la 'jug /de ltar yang/ de ni gcig na'ang
 yul min la/ phra rab rdul du du ma'ang min/ de dag 'dus pa'ang ma yin te/ 'di ltar rdul phran mi 'grub phyir zhes gsungs so/ /de ji ltar mi 'grub ce na/ 'di ltar yul rnams 'dus pa ni phan tshun reg cing sbyar pa'i rnam grangs yin na dbus na gnas
 pa'i rdul la phyogs drug na gnas pa'i rdul rnams kyi sbyor bas na/ phyogs so so tha dad pa nas sbyor ram/ 'on te phyogs gcig nas sbyor/ phyogs tha dad nas so zhe na/ de'i tshe dbus na gnas pa'i rdul sbyor ba po'i bye brag gis sbyor bar bya ba cha drug
 tu 'gyur ro/ /de ci'i phyir zhe na/ gcig gi go gang yin pa der gzhan mi 'byung ba'i phyir te/ 'di ltar dbus na 'dug pa'i rdul phra rab kyi phyogs kyi ngos la sbyar ba'i rdul phra rab gcig gis non pa gang yin pa der rdul phra rab gzhan gyi go skabs
 med pas phyogs gzhan du gnas par bya dgos so/ /des na cha drug tu grub pas rdzas su yod par ga la 'gyur/ /phyogs gnyis pa ltar na yang gong bu thams cad rdul phra rab tsam du 'gyur te/ 'di ltar rdul gcig gi go gang yin pa dang drug po rnams
 'du ba'i phyir te/ go gcig pas gong bu thams cad rdul tsam du 'gyur ro/ /ga las she na phan tshun tha dad pa med pa'i phyir te/ 'di ltar rdul phra rab thams cad tha dad pa med pa'i phyir gong bu ri rab la sogs pa gang yang snang bar mi 'gyur ro/ /de ltar yang
 gsungs pa/ drug gis cig car sbyar ba na/ /phra rab rdul cha drug tu 'gyur/ /drug po dag gi go gcig na/ /gong bu rdul phran tsam du 'gyur/ /zhes gsungs so/ /yan lag can dang yan lag du ma'ang rung/ cig car yul nyid du dgag pa dang/ chos
 thams cad rang bzhin med pa'i lta ba gzhung gzugs pa'i phyir dngos po thams cad kyi rtsa ba rdul phra rab la gtan tshigs kyi rtsa ba gcig dang du ma dang bral ba bsgrub pa'i phyir dbu ma rgyan gyi bstan bcos las gsungs pa 'di ltar cung zad cig brjod
 par bya ste/ de las ji skad du sbyar ba'am ni bskor ba'am/ par med rnam par gnas kyang rung/ /dbus nas rdul phran rdul gcig la/ /bltas pa'i rang bzhin gang yin pa/ /rdul phran gzhan la blta ba yang/ /de nyid gal te yin brjod na//
 de lta yin na ji ltar yang/ /sa chu la sogs rgyas 'gyur ram/ /zhes gsungs so/ /'di'i don ni 'di yin te/ phyogs bcu na rnam par gnas pa'i rdul phra mo rnams kyi dbus na gnas pa'i rdul phra rab gang yin pa de shar phyogs na gnas pa'i rdul phra rab
 la bltas pa'i cha de nyid kyi phyogs lhag ma na gnas pa'i rdul phra rab rnams la bltas pa yang yin na ni de'i tshe cha de la bltas pa yin pa'i phyir shar phyogs na gnas pa'i rdul ltar phyogs lhag ma na gnas pa rnams don ji lta ba bzhin du mi 'gyur ro/ /des
 na cha shas sna tshogs med pa'i phyir sa'i dkyil 'khor la sogs pa ji ltar rgyas par 'gyur/ 'on te gzhan la lta ba'i cha tha dad par 'dod do zhe na/ blta bar bya ba'i grangs bzhin du lta ba po'i cha bcur gyur pa yin no/ /des na gcig nyid med la du ma'ang
 med do zhes bya bar sbyar te/ de ni de la rag las ba'i phyir ro/ /de ltar rdul phra rab rang bzhin med pa nyid kyi phyir yan lag can gyi rdzas la sogs pa phyi rol pas brtags pa dang/ mig dang gzugs la sogs pa thams cad rang bzhin dang bral
 bas tshegs med par grub ste de yang gsungs pa/ rdul phran rang bzhin med grub pa/ /de phyir mig dang rdzas la sogs/ /bdag dang gzhan smras mang po dang/ rang bzhin med par mngon pa yin zhes bya ba ste/ 'di ltar mig dang gzugs la sogs pa
 yul lnga dang/ dbang po lnga po rnams ni rdul phra rab bsags pa yin par brjod la/ de med na de dag kyang mi rung ngo/ /'di ltar mig dang gzugs rnams la brten nas mig gi rnam par shes pa 'byung ngo zhes bya ba la sogs pa de la brten pa/
 dang/ dmigs pa rnam par shes pa'i khams lnga yang de med na ci la dmigs te skye bar 'gyur/ rnam par shes pa'i khams lnga med na de ma thag pa'i rkyen des mngon par bsgrubs pa'i yid kyi rnam par shes pa yang mi 'thad pa nyid do/ /de ltar tshogs drug
 po ma grub na rnam par shes pa de dag 'das ma thag pa'i yid kyang mi 'grub pa ste/ drug po 'das ma thag pa yi/ /rnam shes gang yin de yid do/ /zhes 'byung ba'i phyir ro/ /de ltar sems kyi rang bzhin ma grub na tshor ba la sogs pa'i sems las byung
 ba yang rang bzhin med pa nyid de/ 'di ltar de dang grub pa dang bde ba gcig pas de la dag las pa'i phyir ro/ /de ltar gzugs dang sems las byung ba rnams ma grub na mi ldan pa'i 'du byed rnams kyang rang bzhin med pa nyid de/ de dag ni de dag gi gnas
 skabs yin pa'i phyir ro/ /rnam par rig byed ma yin pa yang 'byung ba chen po rnams la rag las pa'i phyir rang bzhin med par gsal ba yin no/ /de bzhin du rdul gnyis pa la sogs pa'i yan lag can gyi rdzas dang/ gzugs dang sgra la sogs
 pa'i yon tan rnams dang/ 'debs pa dang sdud pa la sogs pa'i las rnams dang/ spyi dang khyad par la sogs pa gzhan gyis brtags pa'i dngos po rnams rang bzhin med par gsal ba nyid de/ de dag ni des dong? dang brgyud de brtsams pa dang/ brten
 pa dang nye bar brten pa la song pas dngos dang brgyud de 'brel ba yin pa'i phyir ro/ /de skad du yang de yi rang bzhin de brtsams dang/ de yi yon tan de la bdag /de yi spyi dang khyad par yang/ /de dag de dang ldan pa can/ /zhes gsungs pa'i phyir ro/ /
 gzhan gyis brtags pa'i nam mkha' dang dus dang phyogs dang yid la sogs pa rnams kyang gcig dang dum dang 'gal ba nyid de/ phyogs tha dad pa can gyi bum pa la sogs pa dang 'brel pa de dag gcig dang 'brel pa'i rang bzhin gang yin pa
 de gzhan dang 'brel pa can yang yin na de gcig pu'i bdag nyid yin pa bzhin du gzhin yang de dang tha dad pa ma yin par 'gyur ro/ /'on te phyogs tha dad na ni rang bzhin de nyid gzhan dang 'brel pa can yang ma yin par yang
 'gyur te/ de'i tshe gzhed? bu du mar 'dug pa'i rgya shug gi 'bras bu ltar gcig nyid ma grub pa'o/ /de skad du yang tha dad phyogs dang 'brel bas na/ khyab rnams gcig pur ga la 'gyur zhes gsungs te/ de ltar gcig nyid med la des na du
 ma nyid dang yang 'gal te/ de ni sngon du 'gro ba'i phyir ro/ /de yang gsungs pa gang la gcig nyid yod min pa/ de la du ma nyid kyang med ces pa'o/ /kha cig gang zag ces bya ba skad cig ma dang skad cig ma ma yin pa gnyis kar bstan
 du med pa'i dngos por khas len pa de dag la yang dngos po gnyis med par sla ba nyid de/ 'di ltar skad cig pa yin na ni snga ma zhig las rang bzhin gzhan dang gzhan skye ba'i phyir du ma nyid yin la/ skad cig pa ma yin na ni snga ma nyid ma
 zhig pa dang/ gzhan mi skye ba'i phyir gcig pa nyid yin no/ /de gnyis kar bstan du med pa ni rang nyid kyis gcig dang du ma dang bral bar smras pa yin no/ /de yang skad cig skad cig ma yin par/ gang zag bstan du mi rung pa/ /gcig dang du
 ma'i rang bzhin dang/ /bral ba nyid du gsal ba yin zhes gsungs so/ /de lta mod kyi rnam pa gzhan du dpyad par bya ste/ 'di ltar dngos po'i mtshan nyid la khyab par byed pa ni don byed nus pa yin la/ pha rol pos khas blangs pa'i rtag pa'i
 dngos po thams cad la de srid de/ yang dag par na rim dang ci car gyis don byed nus pa med pa'i phyir ro/ /'di ltar re zhig rgyu rim can ma yin pas rim gyis don byed par mi 'thad de/ rgyu nus pa thogs pa med par yod pa yang 'bras bu res dga' 
 mi bskyed pa mi srid la rgyu ma tshang ba med pa yang res 'ga' de las mi 'byung ba mi srid pas ji ltar rim gyis don byed par 'gyur te/ yang na ni bskyed par 'dod pa'i dus bzhin du gzhan du yang na ni mi skyed par 'dod pa'i dus bzhin du gzhan du yang mi bskyed par blta
 bar bya ste/ dngos po rtag pa gzhan gyis pogs dbyung du med pa rnams ni de la bltos pa mi 'thad pa'i phyir ro/ /cig car byed pa yang ma yin te/ don byed pa'i rang bzhin de lta bu zhig rtag tu rjes su 'brang na 'bras bu bskyed pa dang mi 'bral ba'i phyir des bskyed par bya ba'i
 'bras bu thams cad dus rtag tu skye ba'i phyir nam mkha' i khams su mi shong bar 'gyur ro/ /ci ste mi 'brang na ni de nyid rtag pa nyid nyams pa yin no/ /de ltar don byed pa nus pa khyab par byed pa log na dngos po'i mtshan nyid khyab par bya ba yang ldog pa kho na te/ gzhan du na des ma
 khyab par thal bar 'gyur ba'i phyir ro/ /tshul de ltar na rtag pa dang mi rtag pa'i dngos po thams cad la gcig pa nyid med pas du ma nyid kyang med pa ste/ de ni de sngon du 'gro ba min pa'i phyir ro/ /de skad du yang dngos po gang gang rnams dpyad na/ de dang de la gcig nyid med/ /gang la
 gcig zhing yod min pa/ /de la du ma nyid kyang med ces gsungs so/ /de gnyis las ma gtogs pa'i rnam pa gsum pa dag kyang mi srid de/ de gnyis phan tshun 'gal ba'i phyir dngos po'i rigs la khyab par byed pa yin no/ /de yang ji skad du gcig dang du ma me gtogs
 par rnam pa gzhan dang ldan pa yi/ /dngos po mi rung 'di gnyis ni/ /phan tshun spangs te gnas phyir ro/ /zhes gang gsungs pa'o/ /de ltar yang dag par gcig dang du ma'i rang bzhin log na/ gzugs brnyan ltar dngos po'i rang bzhin gyi tshogs ldog pa yin te/ de de'i
 rang bzhin yin pa'i phyir ro/ /gzugs brnyan la sogs pa yang dngos por nyid du rung ba ma yin te/ 'di ltar bzhin nyid me long gi nang du zhugs pa'am/ gzugs brnyan gzhan zhig der byung pa'am/ me long la mig gi 'od greng nas bzhin nyid mthong pa 'am/ rnam
 par shes pa nyid yin no zhes bya bar 'gyur grang na/ de la re zhig gzugs gzhan zhig der 'byung ba ni ma yin te/ lus can rnams thogs pa dang bcas pa'i phyir yul gcig pa mi rigs pa'i phyir ro/ /me long la greng pa'i 'od kyis
 bzhin mthong ba yang ma yin te/ 'di ltar bzhin kha shar du bltas pa bzhin du gzugs brnyan nub tu bltas par snang ba dang/ bzhin chen po gzugs brnyan chung ngur snang ba dang/ chu 'gram la sogs pa'i ljon shing gyen du rtse mo bltas par snang ba la sogs pas
 rnam par mi mthun par snang ba'i phyir ro/ /rang gi bzhin nyid zhugs pa yang ma yin te/ gong du thal ba'i skyon thams cad yod pa'i phyir ro/ /gzugs brnyan ma yin par 'gyur ba'i phyir ro/ /shes pa nyid kyang ma yin te/ lus can ma yin pa yul na mi
 gnas pa'i phyir ro/ /'di'i spros pa dang bcas pa'i sbyor ba ni dbu ma'i bstan bcos su blta bar bya'o/ /de ltar ngo bo nyid med de sems kyi snang ba tsam nyid du bstan pa 'dis chos la bdag med pa nyid du 'jug par 'gyur te/ de skad du yang dbyig gnyen gyi zhal
 nas rnam par rig pa tsam nyid gzugs la sogs pa'i chos su snang bar 'byung ste/ gzugs la sogs pa'i mtshan nyid kyi chos gang yang med par rig nas 'jug go /gal te chos rnams thams cad du med na rnam par rig pa tsam du ji ltar
 bzhag ce na/ chos rnam pa thams cad du med pa ma yin gyi/ gang byis pa rnams kyis chos rnams kyi rang bzhin kun brtags pa'i bdag nyid des de dag bdag med kyi/ sangs rgyas rnams kyi yul gang yin pa brjod du med pa'i bdag nyid gyis ni med pa ma yin no/ /don
 'di gsang ba 'dus pa'i rgyud las kyang gsungs te/ dngos po thams cad dang bral ba/ phung po khams dang skye mched kyi/ /gzung dang 'dzin pa rnams spangs pa/ /chos bdag med dang mnyam pa nyid/ /rang sems gdod nas ma skyes pa/ /stong pa nyid kyi rang bzhin no zhes bya ba
 dang/ lang kar gshegs pa las kyang/ ji ltar byis pas rnam brtags ltar/ /phyi rol don du yod ma yin/ /bag chags kyis ni dkrugs pa'i sems/ /don ltar snang bar yang dag 'byung zhes bya ba dang/ tat+ta sang gra las kyang rigs kyi bu rang gi sems de ni rang bzhin
 gyis rnam par dag cing 'od gsal ba yin te/ de la ji lta ji ltar brtags pa de lta de ltar 'gyur te/ dper na snam bu dkar po la tshon gyis kha bsgyur ba bzhin no zhes gsungs so/ /shin tu spros pas chog ste/ da ni gnyug ma nyid brjod par bya'o/ /yul rnams ma
 lus bsten byed pa zhes bya ba ni rnam pa des yul rnams la nye bar longs spyod pa ste/ de nyid gcig tu nges pa'i dka' thub bo/ /'da' dka' ba ni 'dir gcig tu 'da' bar bya ba ma yin pa'o/ /gang yang zhes bya ba la sogs pa la/ las rnams thams cad
 ni lus la sogs pa'i las rnams te/ las de dag la shes rab ces bya ba thos pa dang bsam pa dang bsgom pa las byung bas sbyar ba ste rnam par dpyad de bya ba'o/ /de yang stong pa'i gnas su sbyar zhes bya ba ni rgyu la sogs pa stong pa nyid du sbyar ba ste ye
 shes kyis bsgom par bya'o/ /bdag gzhan zhes bya ba ni bdag dang gzhan gyi don byed pa'i phyir ro/ /rnam par mi rtog ces bya ba la sogs pa la gzugs zhes bya ba ni dngos po rnams so/ /shes rab ni stong pa nyid de mtshungs pa ni gsal ba'i
 yin la/ der rnam par mi rtog pa'i sems kyis sbyar te zhes bya ba snga ma dang 'brel to/ /dog med ni 'jigs pa med pa'o/ /spyod pa ni rnam par bzhag pa'o/ /kun spyod ni dkyil 'khor gyi 'khor lo ste/ bdag med pa'i dkyil 'khor gyi 'khor lo rnam
 par bzhag pa nyid dka' thub bo/ /shes rab thabs ni stong pa nyid dang snying rje'i bdag nyid kyi sems te/ de ma gtogs pa ni rnam pa gzhan du sems g.yo ba'o/ /des pa ni dka' thub ces bya ba deng ster ba zhes bya ba gnyis ka dang sbyar ro/ /byang chub chen
 po ni yang dag par rdzogs pa'i byang chub ste/ mchog tu zag pa med pa'i bde ba'o/ /ster ba ni shes rab dang thabs kyi bdag nyid kyi nges pa'i dka' thub de nges par ster ba'o/ /byang chub de yang brtson 'grus kyis 'thob par bstan
 pa'i phyir/ rnam par mi rtog ces bya ba la sogs pa gsungs te/ rnam par rtog pa dang bral bas rnam par mi rtog pa yin la/ des dngos po rnams kyi rjes su 'gro zhing 'jug pa'i ngang tshul gang la yod pa de la de skad ces bya'o/ /rnal 'byor pa ni
 de lta bur gyur pa'i sgrub pa po ste/ mngon par brtson pa ni byang chub tu 'bad pa'o/ /thams cad ces bya ba ni phung po la sogs pa'o/ /'byung ba ni yang dag pa'i mdza' ste/ don dam pa'i rang bzhin zhes bya ba'i bar du'o/ /ci zhig ce na/ shes rab kyi
 pha rol tu phyin pa yin zhes bya ba la/ shes rab kyi ni stong pa nyid do/ /pha rol ni mdza' ste/ rang bzhin med pa'i mdza' dar phyin pa ni son pa'o/ /yang na pha rol gyi sgras ni snyoms par 'jug par brjod par bya la/ de nyid ni shes rab ces bya ba'i
 don to/ /gang tshe zhes bya ba la sogs pa la/ 'dus byas zhes bya ba ni rgyu dang rkyen gyis byas shing byung bas na 'dus byas te phung po la sogs pa'o/ /tshul ni de'i rnam pa'o/ /rnam par mi rtog sems kyi zhes bya ba ni rtog pa dang bral ba'i sems
 gang rnams kyi yin pa de la de skad ces bya'o/ /me long lta bur rab shes pa zhes bya ba la/ rab shes ni shes rab ste/ me long ni me long can no/ /lta bu ni 'dra ba ste/ 'di ltar 'dus byas kyi tshul rnams shes rab kyis rnam par dpyad na/ gsal
 zhing ro gcig par 'gyur te kun rdzob dang don dam pa'i bden pa dbyer med pa nyid do/ /des 'di skad du shes rab kyi tshul gang gis 'dus byas kyi tshul de dang de gang yin pa blta bar bya zhes bya ba'i don to/ /des ni shes rab bstan pa yin zhes
 bya ba la/ shes rab ni thos pa dang bsam pa dang bsgom pa'i rang bzhin gyi blo'o/ /bstan pa ni 'dus byas kyi tshul rnams sam/ thabs yin par blta bar bya ste/ blo des ji lta ba bzhin du rnam par dpyad na thabs rnams kyis kyang don ji lta ba bzhin
 du rnyed par 'gyur ro zhes bya ba'i don to/ /des na blo dang ldan pa'i sgrub pa po thams cad bsgrub par nus so zhes bya bar dgongs so/ /kun rdzob dang don dam pa dag dbyer med par rtogs pa 'di nyid dpe'i sgo nas bstan par bya ba'i phyir glog dang zhes bya ba la sogs pa gsungs
 pa la/ glog dang chu bur zhes bya ba 'dis ni mi rtag pa nyid bstan pas stong pa nyid la 'jug pa ston pa yin la/ lhag mas ni dngos su ston to/ /smin zhes bya ba ni las dang nyon mongs pa'i bag chags kyi gzhir gyur pa'i kun gzhi rnam par shes pa'o/ /sgyu ma zhes bya ba ni sbyor pa
 las byung mi bskyes dang glang po che dang rta la sogs pa ste/ de dag rnam pa du mar snang yang don dam par yod pa ma yin pa'o/ /mtshungs pa zhes bya ba'i sgra ni thams cad la sbyar bar bya ste/ ci zhig ce na/ 'dus byas kyi tshul rnams so/ /'di dag gi don ni sngar bstan mod kyi/ 'di ltar
 yang rgyu dang 'bras bu dgag par mdzad pa yin te/ 'dus byas kyi tshul rnams don dam par rgyu dang 'bras bu'i dngos po dang bral zhing rgyu dang rkyen la brten te skyes pa'i mtshan nyid med pa zhes bya ba'i bar du'o/ shes rab ces bya ba ni thos pa la sogs pa'i bdag nyid can gyi shes
 rab ste/ rab kyi sgras ni rab tu rnam par 'byed pa'o/ /brten pa ni de la nye bar brten pa'o/ /de ni gtso bo yin par brjod ces bya ba la/ 'gro ba de ltar gang gis mthong ba de ni don ji lta ba bzhin du shes pas bsal bar byas pas nas gtso bo'o/ /da ni zhes bya ba la sogs pa ni nye bar
 bsdu ba gsungs pa yin te/ gang duAng zhes bya ba ni 'dus byas dang 'dus ma byas dag ste/ de dag gang la'ang mngon par zhen pa med cing gnas pa med pa de la de skad ces bya'o/ /ci ste 'di dag rang bzhin med pa yin na/ ji ltar don byed par 'gyur zhe na/ de ltar zhes bya ba la sogs
 ba la yang dag 'byung mod kyi zhes bya ba ni sgyu ma lta bur 'byung ba ste/ mod kyi zhes bya ba ni sgras mi mthun pa'i rkyen don dam par med mod kyi sgyu ma lta bur bya ba byed pa bstan pa yin no/ /longs spyod khyad par skye 'gyur zhes bya ba la las dang nyon
 mongs pa las 'phags pas khyad 'phags te/ de sems can rnams yang dag pa'i spyod pa ni longs spyod do/ /skye 'gyur zhes bya ba'i tshig gi phrad ni/ de 'di'i yin no zhes mthar thug pa'i don to/ /ji ltar skye bar 'gyur zhe na/ bde ba zhes bya ba la sogs pa la/ bde
 ba chen po'i tshul khyad par du 'phags pa'i longs spyod des 'gro ba thams cad mgron du gnyer ba de ni yongs su 'gyur bzhin pa'o/ /ci zhig ce na/ 'bras bu khyad 'phags te/ bde ba chen po'i tshul gyi bdag nyid do/ /de dag gis ni 'di skad du phung po la sogs
 pa 'di dag don dam par snying po med pa las bdag dang gzhan gyi don gyi 'bras bu'i snying po chu shing ltar 'thob par 'gyur ba ci'i phyir na/ 'dod par mi bya ste/ 'dod par bya zhes bya ba'i don to/ /yang na longs spyod khyad 'phags zhes bya ba ni 'dus byas rnams
 so/ /skye 'gyur ba ni rjes su mthun par skye ba ste/ 'bras bu'i khyad par rnams so/ /khyad par ni khyad par du bya ba ste bye brag go /ji ltar zhe na/ bde ba yongs su gyur bzhin zhes bya ba la/ 'di ltar yongs su ma dag pa'i phung po las ni sdug bsngal
 gyi phung po 'byung ste/ 'khor ba sdug bsngal phung po ste zhes gsungs pa'i phyir ro/ /de nyid bdag med pas yongs su sbyangs pa'i lha'i gzugs kyis ni bdag dang gzhan gyis don nus pa'i bde ba chen po'i rang bzhin du skye bar blta ste/ dper na skyur
 rtsi'i shing 'o mas gcu ba la sogs pa byas na 'bras bu mngar po nyid du skye ba ltar/ mngon par 'du bya ba'i khyad par gyis khyad par can gyi 'bras bu bskyed par 'gyur ro zhes bya ba'i don to/ /snying po med pa de nyid bstan pa'i phyir/ brtan g.yo'i
 dngos po zhes bya ba la sogs pa gsungs so/ /sgom pa khyad par can gang zhig ces bya ba la sogs pa la/ 'di snyam du gzung ba la sogs par mngon par zhen pas ni sdug bsngal 'di sgrub la/ de nyid bdag med par sbyangs pas ni khyad par can gyi 'bras bu bde
 ba chen po skye bar 'gyur ba la nyes pa ci zhig yong snyam du dgongs so/ /yid 'ong ni yid kyi bde ba yin la bde ba ni lus kyi bde ba'o/ /rgyu ni yul rnams te/ bsgrubs pa ni bdag med pa'i lha'i rnam pas spyad pa byas pa'o/ /'bras bu ni bla na med pa'i bde ba chen po ste/
 don du gnyer ba ni rgyur nye bar 'gro ba'o/ /lha mo ni bod pa'o/ /de bas zhes bya ba la sogs pas ni nye bar bsdu ba bstan te/ 'gro ba thams cad stong pa dang snying rje dbyer med pa'i shes rab dang thabs kyi bdag nyid gang yin pa rdo rje 'dzin pa chen po'i sku de ni kun tu 'gro ba
 ste/ mchod pa ni 'dod pa'i yon tan lnga'i longs spyod kyis mngon du bya'o/ /des na bde bas bde ba sgrub par 'gyur ro/ /de ma gtogs par bde ba nyid med par bstan pa'i phyir dka' thub ces bya ba la sogs pa gsungs te/ dka' thub ni me lnga bsten pa la sogs
 pa'o/ /sdom pa ni kha zas sdom pa'o/ /mi zad pa ni ri'i kha nas mchod pa la sogs pa'o/ /lus bskams pa ni lus kyis sdug bsngal lo/ /sdug bsngal ni yid kyi sdug bsngal te/ dngos grub gzhan du gyur pa ni yongs su shes par bya ba'i don gyi dngos grub las
 nyams pa'o/ /rjes su 'gro ba'i sgo nas gsungs pa/ lus dang sems ni brtan gyur na zhes bya ba la sogs pa ste/ de bde bas brtan par byas na bde ba'i 'bras bu mngon par 'dod pa brtan pa nyid du 'gyur ro/ /ldog pa gsungs pa/ sdug bsngal gyis ni zhes
 bya ba la sogs pa la/ g.yos pa ni brtsams pa'i don la nyams pa'o/ /de yang ci zhig ce na/ shin tu 'gog pa ste 'gog pa'i 'bras bur 'gyur ro/ /lhag ma ni go sla'o/ /gzhan dus min 'chi ba bzhes bya ba la/ thabs ma yin pas 'bras bu don du gnyer
 pas gang gi tshe ma grub pa de'i tshe dam pa'i chos la brnyas pas du ma yin par srog zad par 'gyur te/ dmyal bar bsreg par 'gyur ro zhes bya ba'i don to/ /des pa ni gdon mi za ba'o/ /mkha' 'gro kun dang zhes bya ba la sogs
 pas ni ston pa pos rim par phye ba yongs su rdzogs par bstan to zhes bya ba'i don to/ /de kho na nyid snang ba zhes bya ba la sogs pa la/ de kho na dam pa ni rjod par byed pa dang/ brjod par bya ba'i bdag nyid chos dang gang zag la bdag med pa'o/ /snang ba ni nges shing
 gtan la phab pa'o/ /yul ni gzugs la sogs pa'i yul rnams te/ der 'jug pa ni rab tu 'jug pa'o/ /de'i ye shes ni rtog pa ste/ rim par phye ba ni brjod par bya ba'i don de dag ston pa'i gzhung gi tshig tshogs yin la de nyid dang po'o/ /rgyud kyi
 rgyal po chen po dpal rdo rje mkha' 'gro zhes bya ba'i rnam par bshad pa las/ le'u dang po'i rnam par bshad pa'o// //de nas zhes bya ba ni de kho na nyid snang ba dam pa'i yul la 'jug pa'i ye shes kyi 'og tu'o/ /btsun mo rnams
 kyis gsol to zhes bya ba la/ shin tu yang ngo mchod pa'i phyir 'byung bar bya ba ma yin pa'i don btsun mo nyid kyis zhu bar bya'i/ gzhan gyis ni ma yin pas so/ /mchod pa ni phyi dang gsang pa'i mchod pas mnyes par byas pa'o/ /phyag bya ba ni de'i
 'og tu sems kyis khyad par can du 'dzin pa dang/ lus kyis langs te yan lag lnga sa la 'dud pa dang/ 'dud do zhes ngag tu brjod pa'i sgo nas so/ /gsol to zhes bya ba ni lan tsha'i sgra la sogs pa ltar don du ma dang 'brel ba'i phyir mang po'i tshig tu
 blta bar bya'o/ /lhag ma ni go sla'o/ /gdug pa rnams zhes bya ba ni lus la sogs pa sun 'byin par byed pas na gdug pa ste/ de rnams so sor 'joms par byed pa'i snying po de ni gdug pa can gyi snying po ste/ he ru ka'i sngags so/ /'dul ba la
 sogs pa'i tshig gsum gyis ni bsgrub par bya ba'i lus la sogs pa gsum 'joms pa dang sbyar ro/ /lhung ba zhes bya ba ni 'dir rang gis gtan la phab ste sbyar zhing btsud pa'o/ /de nas zhes bya ba ni gsol ba btab pa'i 'og tu'o/ /de bzhin gshegs pa thams
 cad kyi sku dang gsung dang thugs rdo rje'i bdag po zhes bya ba ni rnam par bsgyur ba med pa'o/ /glu blangs te zhes bya ba ni glu'i don gyi sngags gzung bar bya'o/ /de la re zhig dang por go cha'i sngags gsungs pa/ dang por rnam par snang mdzad ces bya ba la sogs pa
 la/ rnam pa ba snang mdzad ni yi ge oM mo/ /der ni sde tshan rnams kyi mdza' zhes bya ba la/ der te de'i 'og tu sde tshan rnams te/ yi ge thams cad kyi mdza' te ha gzung bar bya'o/ /ta dang po'i d+ha b+ha'i mdza' zhes bya ba la/ ta'i ste tshan dang po'i sde tshan gyi yi ge
 bzhi pa b+ha dang b+ha'i mdza' ste na dang ma bzung ba'o/ /sa'i mdza' zhes bya ba ni yi ge ha'o/ /dbyangs kyi gsum pa ni yi ge i ste des steng du brgyan pa de la de skad ces bya'o/ /sa'i mdza' zhes bya ba ni sa nyid mdza' ste/ lce rtsa can la sogs pa'i sa'i
 rigs gsum gyi mdza' ma yin pa'i phyir ro/ /la sa'i dbus kyi stan bzhugs pa zhes bya ba la/ sa ni 'dir sha ste rigs gcig pa nyid dang/ a ba b+h+raM shas bstan pa'i phyir ro/ /des na sha dang la'i dbus na gnas pa yi ge wa'o/ /de yang khyad par
 ci 'dra zhe na/ mda' gnyis kyis ni rnam par sbyangs zhes bya ba la/ mda' dang sa ra ni dor thabs kyis rnam grangs yin la/ sa ni sha ste rigs gcig pa dang/ a ba b+h+raM shas bstan pa'i phyir ro/ /de yang wa phyi nas sa ra 'gyur te/ de ltar na dbyangs
 gang yin pa de mda'i sgras bstan to/ /sbyang ba ni de dang sbyar ba'o/ /'dis swA zhes bstan par 'gyur ro/ /a stan gnas pa'i sa mdza' zhes bya bas ni ha gzung bar bya'o/ /slar yang sa mdza' mda' lnga bstan zhes bya ba la/ mda' lnga ni sngar bstan pa'i tshul gyis dbyangs
 kyi lnga pa u la bya'o/ /de dag gis ni hUM zhes bstan par 'gyur ro/ /la sa'i dbus gnas sa bon ni wa'o/ /mda' bcu ni aau'o/ /sbyangs ba ni steng du brgyan pa ste/ des na wau zhes bya bar 'gyur ro/ /sa dang sa dbus gnas la zhes
 bya ba la/ sha'i gnas su sa bstan pa ni sngar bshad pa bzhin du ste des na sha dang sa'i dbu ma Sha'o/ /zhal gsum gyis ni brgyan pa dang zhes bya ba la/ zhal gsum pa ni mdun dang logs dang rgyab ste gsum yin la/ 'dir gsum rgyab kyi zhal
 gyis Ta gzung nga/ /rlung gi phyogs gnas sa bon ni ha ste/ sngags btu ba las rlung gi mtshams su bkod pa'i phyir ro/ /ru tra ni dbyangs yig bcu gcig pa e ste des na he zhes bya bar 'gyur ro/ /hUM hUM ha zhes bya ba ni sgra ji bzhin pa'o/ /dbyangs
 kyi dgu pa ni o ste/ /dgang pa ni des steng du brgyan par bya ba yin la/ des na ho zhes 'gyur ro/ /phaT ces bya ba ni sgra ji bzhin no/ /lhag ma ha'i rkang pa dgang zhes bya ba la/ haM nyid lhag ma ste/ yi ge rnams kyi lhag ma yin pa'i phyir ro/ /
 de nyid rkang pa yang yin la lhag ma yang yin te/ de thig les dgang bar bya'o/ /de rnams kyis lha 'di dag bskyed par bya ste/ oM ha zhes bya bas snying khar rdo rje sems dpa' na ma(rgyud 'grel bas khang pad+ma gar gyi dbang phyug/ bau ShaD he zhes pas phrag pa gnyis su he ru ka /hUM hUM ho zhes pas mig gnyis su rdo rje nyi ma/ phaT haM zhes pas yan lag thams cad kyi mtshon char rta mchog go /de la 'das pa'i dus su ni oM ha na ma(rgyud 'grel swAhA hu/ bau ShaT he hUM hUM ho phaT haM swAhA zhes gdon par bya ste/ swAhA zhes pa ni man ngag las shes par bya'o/ /lnga pa'i dbus gnas de nyid de zhes bya ba'i sde tshan lnga pa'i dbus ma gzung bar bya'o/ /ha dzo zhes pa la/ ha ni mtshon par bya ba nyid
 mtshon par brjod pa'o/ /yo zhes bya ba'i gnas su rdzo zhes pa bstan pa ni sngar bshad pa ltar skad kyi dbyings gcig pa dang/ a ba b+h+raM shas bstan pa'i phyir te/ 'dir don gyis na yo gzung ba yin la/ de yang ha ni ha ra sha ste rangs ba'o/ /gang la zhe na
 de la te/ yo zhes bya ba rlung gi sa bon du gyur pa la'o/ /yang na dzo zhes bya ba man ngag gis na yo zhes mtshon par byed pa'o/ /ra bstan la gnas sa yi mdza' / i zhes bya ba'i mda' sbyar zhes bya bas ni sngar bstan pa ltar bsgrub par bya ste/ h+ri zhes
 bya bar 'gyur ro/ /slar yang b+ha zhes bya ba'i mdza' zhes pa ni ma'o/ /mda' ni sar pas yongs su sbyang zhes bya ba la/ mda' ni sngar bstan pa ltar dbyangs la bya la/ sar pa ni 'dir dgu pa la bya ste/ man ngag gis mi mngon pa'i phyir ro/ /des ni mo zhes
 'gyur ro/ /sa mdza' de ni ra yig zhe na/ e zhes bya ba rna ba'i rgyan zhes pas ni h+re zhes bya bar 'gyur ro/ /i dbyangs zhes bya ba la sogs pas ni h+ri zhes bya bar 'gyur ro/ /slar yang zhes bya ba la sogs pas hUM zhes bya bar 'gyur ro/ /de nyid/
 mgon po zhes bya ba ni yang hUM nyid do/ /rin chen mdza' ma phaT kyis brgyan zhes bya ba la/ gsal par byed pa'i phyir rin po che ste phaT la bya la/ de'i mdza' mar phaT sbyar bar bya'o/ /rnam par snang mdzad ni oM mo/ sna tshogs kyi zhes bya ba ni/
 thig le rjes su 'gro ba'i dpyar ma yin pa'i phyir ro/ /tshig rnams kun la dgang zhes bya ba ni tshig so so kun la oM dang thig les brgyan par bya'o/ /de la oM baM gyis ni lte bar rdo rje phag mo'o/ /oM haM yoM gis ni snying gar gshin rje ma'o/ /oM h+rIM
 moM gis ni khar rmongs byed ma'o/ /oM h+ro hUM gis ni spyi bor bskyod byed ma'o/ /oM hUM hUM gis ni spyi gtsug tu skrag byed ma'o/ /oM phaT phaT kyis ni yan lag thams cad kyi mtshon char gtum mo'o/ /bzlas pa la ni/ oM baM haM moM tiM moM h+reM h+riM hUM hUM phaT
 phaT swAhA zhes gdon par bya'o/ /dpa' bo drug dang zhes bya ba la sogs pa la/ dpa' bo drug dang mnyam par sbyor ba'i mkha' 'gro ma ni phag mo la sogs pa yin la/ de rnams kyi dra ba ni sprul pa ste/ de dag sdom zhing
 sdud pas na/ ston pa po de la de skad ces bya'o/ /de la rdo rje mkha' 'gro'i rnal 'byor la gnas pas ni/ dpa' bo drug gi go cha'i sngags bzlas par byas la/ rnal 'byor ma drug gi go cha'i sngags ni rdo rje phag mo'i rnal 'byor la gnas te/
 bzlas pa bstan pa'i phyir sna tshogs pad+ma zhes bya ba la sogs pa gsungs te/ 'dir rlung dang mo dang chu dang dbang chen gyi dkyil 'khor gyi steng du ri rab de'i steng du sna tshogs pad+ma dang/ sna tshogs rdo rje la rdo rje rab dang dra ba'i nang du chos kyi 'byung
 gnas der sna tshogs pad+ma dang rdo rje'i steng du rnam par snang mdzad las byung ba'i khang par brtsegs par sna tshogs pad+ma'i lte ba la nyi ma'i dkyil 'khor gyi dbus su zla ba'i dkyil 'khor dang/ A li kA li sbyor ba la sogs pas 'og
 nas byung ba ltar bsgrub par bya'o/ /sna tshogs pad+ma'i nyi dkyil la zhes bya ba la sogs pa tshigs su bcad pa gcig gis ni rdo rje ra ba dang dra ba bstan par 'gyur la/ chos kyi 'byung gnas kyi nang du yang sna tshogs pad+ma dang rdo rje bsgom mo
 zhes zur gyis ston to/ /'o zhes bya ba ni nyid ces bya ba'i don to/ /'od zer sna tshogs 'bar ba las/ mkha' 'gro ma yi 'khor spro ba zhes bya ba ni sa bon gyi de nyid las mkha' 'gro ma gzugs sna tshogs spro ba'o/ /zhal gcig phyag
 gnyis zhes bya ba la sogs pas ni khang bu brtsegs pa'i nang du sgrub thabs kyi rim pas rim pa ltar yi ge h+rI:las bskyed pa'i rdo rje phag mo bsgom par bstan te/ 'dis ni oM tsit+ta pra ti bya d+haM ka ro mi/ oM bo d+hi tsit+ta utpa da ya
 mi/ oM tiSh+Tha badzre At+ma ko haM/ oM ya tha sarba ta tha ga ta sta thA a haM/ zhes bya ba'i sngags lnga'i don mngon par byang chub pa lnga ston pa yin no/ /mdung gi dbyibs can zhes bya ba ni phyed krung bcas pas gnas pa'i phyir ro/ /'jigs pa dag kyang
 'jigs par mdzad ces bya ba la/ 'jigs pa ni bde ba la sogs pa yin la/ de dag kyang 'jigs par mdzad pa ste/ phyag na gri dang thod pa bsnams par bsgom mo/ /mkha' 'gro ma zhes bya ba ni man ngag gis na 'og nas 'byung
 pa'i rab tu gtum mo la sogs pa ste/ de dag dpa' bo dang bral bar dkyil 'khor ba'i lhar gzung bar bya'o/ /yan lag la dgod pa la sogs pa cho ga rdzogs pa ni lta 'og tu blta bar bya'o/ /mkha' 'gro kun dang mnyam sbyor
 pa/ /rdo rje mkha' 'gror rab tu grags/ /zhes bya bas ni rdo rje phag mo'i bsgom pa pos rdo rje mkha' 'gro lta bur blta'o zhes bya ba'i don to/ /da ni rdo rje mkha' 'gro'i sngags gsungs pa/ sngon bsags zhes bya ba la sogs pa la/ sngon nyid yi ge ka ste/ mdza' 
 ni de la mthar ro/ /ma gnyis dang ar sbyar ba ni brtsi ba med pas te/ lung gi don to/ /mdza' der ci zhig ce na/ me dang bcas pa zhes pa ste/ me ni ra'o/ /des na ka ra zhes 'gyur ro/ /lan gnyis bzlas zhes bya bas ni 'das ma thag pa'i sngags gnyis su
 bzlas pa'o/ /des ni sngags kyi tshig tu 'gyur ro/ /tha mal pa'i tshig gi don brjod par bya ste/ sngon pas nA las zhes bya ba ni mtshams med pa lnga la sogs pa'i las so/ /de nyid me dang bcas pa ste/ me ltar rnam par smin pa rtsub pa'i phyir ro/ /de mthar
 byed pa ni mthar bya'o/ /lan gnyis zhes bya ba ni bya ba'i tshig yin te/ yang dang yang du'o/ /bzla zhes bya ba ni byos shig byos shig pa ste/ las kyi phyag rgya la sogs pa rdzogs par byas la/ de dang lhan cig tu snyoms par 'jug pa'i las la gnas
 nas sngon gyi las la mthar bya ba byos shig pa ste/ smad par mi bya ba'i don to/ /yang na 'dir byos shig byos shig ces sbyar bar mi bya ste/ sngon bsngags pa'i las de mi mthun pa'i phyogs tsam zhig tu bstan par bya'o/ /ku ru ku ru
 sems dpa' bral zhes bya ba la ku ru ku ru zhes bya ba ni sngags ku ru bzlas pa ste/ sngags kyi tshig de'i don gyis shig pa'o/ /ci zhig ce na/ sems dpa' ste gzung ba la sogs pa'i blo dang bral bar gyis shig pa'o/ /tshig gi don brjod par bya ste/ de
 la sems dpa' ni bod pa'o/ /bral ba ni dbye ba'o/ /ku ru ni byos shig pa ste/ las ngan pa thams cad kyi rtsa ba chags pa dang bral ba byos shig pa'o/ /ral pa gya gyu ban d+ha gsal zhes bya ba la/ ban d+ha zhes bya ba ni sngags kyi tshig ste/ de'i don
 ni bcings pa'o/ /ci zhig ce na/ ral pa gya gyu ste sgra'i tshogs bsam gyis mi khyab pa'i rtse mo li zhing 'byil pa dang/ gsal ba ste mthon por bcings pa gang la yod pa de la de skad ces bya ste/ bstod pa'o/ /yang na rang pa gsal ba ni bod pa'o/ /gya gyu ni
 gya gyu can sdang ba rnams chings shig pa'o/ /slar bzlas pa ni lan gnyis su bzlas pa ste/ des na ban d+ha ban d+ha zhes bya bar 'gyur ro/ /cig shos brjod par bya ste/ ral pa gya gyu ni de bzhin gshegs pa'i rigs kyi tshogs rnams so/ /don dam par rang bzhin
 med bzhin du kun rdzob tu du mar snang bas na gya gyu ste/ bstan par bya'o/ /bcings pa ni gcig tu bya ba ste/ don dam par bdag med pa'i 'khor los de dag bsdus te/ ston pa po nyid bstan pa'o/ /de ltar na ral pa gya gyu bcings zhes bya ba dman pa'i tshig gis
 don thabs kyis bstod pa yin no/ /gsal zhes bya ba ni khyad par du bya ba'i don te/ ji ltar ral pa spyi bo'i steng na gnas pa ltar sangs rgyas rnams gus pa dang bcas pas spyi bos blangs te/ bsten par bya'o zhes bya ba'i don to/ /slar bzlas pa ni yang
 dang yang du goms par bya'o/ /gal te de bzhin gshegs pa rnams phyag dang zhal la sogs pa mtshan ma dang bcas pa'i tshul gyis bsgoms pas ni 'khor ba nyid du 'gyur zhe na/ 'dir gsungs pa/ 'jig rten zhes bya ba la sogs pa la/ gzugs dang
 bral ba zhes bya ba ni gzung ba la sogs pa dang bral bas ngo bo nyid med par bya'o/ /des ci zhig tu 'gyur zhe na/ 'jig rten skrag pa zhes bya ba ste/ dngos por mngon par zhen pa rnams yid la gdung zhing skrag par 'gyur ro/ /de la ci zhig bya zhen brdzun zhes
 bya ba ?? te/ tshang mas dpyad na ngo bo nyid med bzhin du yang 'jig rten skrag pa spang pa'i phyir kun rdzob tu ji ltar snang ba bzhin yod de zhes bstan par bya'o/ /de nyid kyis na dam pa de ni lan gnyis bzla zhes gsungs so/ /sngags kyi tshig gis don
 ???/ ??? ste/ phyugs la bya la phyugs dang 'dra ba'i blun? po skrag par gyis shig pa'o/ /lan gnyis bzla zhes bya bas ni trA sa ya trA sa ya zhes bya bar 'gyur ro/ /ji ltar skrag par bya zhe na/ gzugs dang
 bral ba ste sdang ba dang bral bar bya ba'i bar du'o/ /ka Sha zhes bya ba la sogs pa la/ ka dang Sha ni ka Sha ste k+Sha'o/ /de o dang ldan pas k+Sho zhes bya bar 'gyur ro/ /'dir a ni thams cad kyi khod na gnas par blta'o/ /de yang ci 'dra zhe na/ b+ha ya sbyar zhes
 bya ba ste/ b+ha ya dang sbyar bas k+Sho b+ha ya zhes bya bar 'gyur ro/ /glon gnas zhes bya ba ni k+Sho b+ha ya zhes bya ba'i sgra gnyis pa de'i rtsar bzhag pa ste/ 'dir sdang pa'i phung po la sogs pa k+Sho b+ha ya k+Sho b+ha ya zhes bya bas dkrugs par bstan to/ /tshig gis
 don brjod par bya ste/ ka Sha zhes bya ba ni bdar la bya ste bdar lto lta bu'i kun rdzob kyi bden pa'o/ /de ji lta bu zhig ce na/ don dam pa'i bden pa bdar ba ste/ rnam par dpyad par bya ba'o/ /o zhes bya ba'i sgra dang ldan zhes bya ba la/ ji ltar yi ge o
 cha gnyis yin pa bzhin du shes rab dang thabs kyi cha gnyis yin la/ sgra zhes bya ba ni nyams su myong ba ste/ de nyid dang ldan pa de la de skad ces bya'o/ /de nyid gsal bar bya ba'i phyir gsungs pa/ b+ha ya zhes sbyang ces bya ba la sogs
 pa la/ b+ha ya ni b+ha ga ste shes rab po/ /glo na gnas pa ni mtshungs pa ste kun rdzob kyi bden pa'o/ /'di ltar bdar lta bu'i kun rdzob kyi bden pa la gser lta bu'i don dam pa'i bden pa bdar ba ltar rnam par dpyad na/ rdo la gser gyi ri mo chags pa ltar
 bden pa gnyis mtshungs shing dbyer med par 'gyur ro/ /yang na ka Sha zhes pa bdar ba ni tshad ma la bya ste/ tshad mas rnam par dpyad cing bdar na gsar lta bu'i kun rdzob kyi bden pa ri mo lta bu'i don dam pa'i bden par zad cing mthar gtugs par
 'gyur ro/ /de yang tshad ma 'ba' zhig gis ma yin par bstan pa'i phyir/ o sgra ldan zhes gsungs te/ o zhes bya ba ni dad pas 'jug? pa'o/ /sgra zhes bya ba ni lung ngo/ /ldan pa ni de rigs pas dpyad pa ste/ 'dir lung dang rigs pas dpyad nas blang gi dad
 pa tsam gyis ma yin no zhes pa'o/ /b+ha ya ni b+ha ya ste srid pa yin la gnas pas the'u khri'u zhes bya bas zad par 'dren te/ rigs pas rnam par dpyad cing bdar na gzung ba la sog pa'i srid pa'i zhags pa zad par 'gyur zhes bya ba'i don to/ /sa'i mdza' ni zhes bya ba la sogs pas ni h+rau h+rauM zhes bya bar 'gyur ro/ /'od ces bya ba la sogs pas ni h+ra:h+ra(rgyud 'grel pa yin no/ /de la nyi ma ni rdo rje ste/ ye shes kyi snang ba bskyed pa'i phyir ro/ /de'i stan ni chos kyi 'byung gnas so/ /gnas su gyur pa'i phyir ro/ /sa'i mdza' ni byang chub kyi sems te/ lus thams cad la khyab cing bskyed pa'i phyir ro/ /nges ci zhig bya zhe
 na/ mda' bcu zhes bya ba la sogs pa la/ /bcu ni dbang po rnams dang don rnams so/ /ban ni nags tshal te phung po rnams so/ /dum bu ni rnam par dbye ba ste gcig dang gnyis dang mang po'i bar du'o/ /thig le ni stong pa nyid kyi ri mo ste/ dgang ba ni dbang po dang/ don dang/
 phung po la sogs pa gcig dang gnyis dang mang por phye ba rnams stong pa nyid kyi ri mor bri ba'o/ /'dis ni byang chub kyi sems rdo rje nor bu'i nang du gnas pa'i tshe rnam par rtog pa'i rang bzhin thams cad nub nas lhan cig skyes pa'i rang bzhin du rtogs par
 'gyur ro zhes ston to/ /de ltar thams cad stong par gyur nas/ yang ji lta bur gnas par 'gyur zhe na/ de yang slar ni brjod par bya zhes bya ba la 'dir kyang ni bde ba'o/ /hi nga ni 'jug pa ste/ bde ba nyid kyi lam du 'jug pa de la de skad ces bya'o//
 yang na ka ni ka ma la ste pad+ma'o/ /sa'i ? ni byang chub kyi sems te/ hi da ni bskyod cing phab pa'o/ /des na ci zhig bya zhe na/ 'od ces bya ba la sogs pa la/ 'od byed ni khrag go /sbyangs pa ni de dang bcas pa'o/ /gshegs su gsol ba ni de dang lhan cig /
 pad+mar phab pa'o/ /glo na gnas pa ni ? bas tshim par bya'o/ /nyis 'gyur du bya ba ni yang dang yang du goms par bya ba'o/ /zla gzhon zhes bya ba la sogs pa la phe ni yi ge phe'o/ /gsal ba ni zla tshes dang thig les steng du brgyan pa'o/ /slar bzlas
 pas ni pheM pheM zhes bya bar 'gyur ro/ /don gzhan brjod par bya ste/ pheM zhes bya bas ni 'dzin pa med pa'o/ /de med na dngos po 'di dag gang gi bzung ba yin par 'gyur te/ de ni de la bltos pa'i phyir ro/ /zla gzhon ni zla tshes gnyis pa'o/ /thigs pa ni skar
 ma'o/ /gsal ba ni gsal bar byed pa ste/ gnyis po de dag gis rang nyid gsal bar nus kyi gzhan ni ma yin no/ /'di ltar de dag shar du zin kyang 'gro ba thams cad mun pa dang bcas par mig gis mngon sum du mthong ba'i phyir/ de dag gis mun
 pa gsal bar nus pa ma yin no/ /'o na gang gi zhe na gsal ba ste/ bdag dang gzhan gnyis ka gsal ba'i zla ba nya gang ba lta bu 'ba' zhig shar bas so/ /des 'di skad du stong pa'i ri mo'i bdag med pa zla ba tshes pa lta
 bu 'ba' zhig gis kyang 'gro ba'i don ji lta ba bzhin du nus pa ma yin la/ skar ma lta bu'i kun rdzob kyi bden pa lha'i sku 'ba' zhig gis kyang ma yin te/ gzhan du na bden pa gnyis gnyis su med pa'i sku zla ba nya gang ba lta bu 'ba' zhig gis so zhes ston to/ /
 de yang slar na bzlas par bya zhes bya ba'i don ni ji ltar zla ba nya gang ba dang 'grogs na skar mas kyang mun pa sel ba ltar gnyis su med pa'i sku'i rjes su 'brang ba'i bya ba thams cad de bzhin no zhes bya ba'i don to/ /phaT ces bya ba bsgyings te bsgrags zhes bya ba
 la/ phaT ni mtshon bar bya ba nyid mtshon pa'o/ /bsgyings pa ni khengs pa ste phaT ces bya ba'o/ /bsgrags pa ni slar brjod pa ste/ des na phaT phaT ces bya bar 'gyur ro/ /gzhan brjod par bya ste/ phaT ces bya ba ni bdag med pa'o/ /bsgyings pa ni grub
 pa'i mdza' de nyid kyis nges par gnas pa'o/ /brjod pa ni don de gsal bar byed pa'i sngags brjod pa ste/ swa b+hA ba shud+d+ha(rgyud 'grel 'gro'i sdom zhes bya ba ni bcom ldan 'das ma la bde pa'o/ /lnga sde zhes bya ba la/ lnga sde ni sde tshan lnga pa'o/ /gnyis zhes bya ba ni sde mtshan zhes bya ba dang sbyar te/ des na sde tshan gnyis pa yi ge tsa'i sde'o/ /sde gtso zhes bya ba ni sde tshan de
 dag gi gtso bo ste pa dang ca'o/ /slar bzlas zhes bya bas ni pa tsa pa tsa zhes bya bar 'gyur ro/ /gzhan brjod par bya ste/ lnga sde ni de bzhin gshegs pa lnga'o/ /gnyis ni sku dang gsung ngo/ /sde gtso ni thugs te rdo rje sems dpa' o//
 bzlas pa ni bsgrub pa ste/ de dag bsgrub par bya zhes bya ba'i don to/ /b+hak+Sha zhes bya ba la sogs pa la/ 'di dag ni b+hak+Sha b+hak+Sha ba sa su d+hi rAn+ta mA/ sA pa laM bi ni/ gri h+Na gri h+Na sapta pA tA la ga ta b+hu dzaM gaM/ sarbaM bA tardza ya tardza ya zhes bzlas par bya'o/ bas?
 du d+hi ra zhes bya ba la sogs pas ni lha mo la bstod de bod pa'o/ /b+hak+Sha zhes bya ba ni sems kyi rnam par rtog pa'i bdud bza' ba'o/ /sapta zhes bya ba la sogs pa la/ sa 'og rim pa bdun la sogs pa'i sprul lam lto 'phye ste rnam par rtog pa 'di
 dag tshar bcad cing gzung ngo zhes bya ba'i don to/ /pa zhes bya ba ni bsdu ba'o/ /a dang ka'i yi ge dang zhes bya ba la sogs pa la/ gsum pa ni sde tshan gsum pa'o/ /de'i gsum pa dang bzhi pa ni yi ge Da dang Dha'o/ /rlung la gnas zhes bya ba la rlung gi ya
 ste/ de la de dag gnyis sbyar te gnas pa'o/ /gnyis su bzla zhes bya ba ni bskyar te bzlas pa'o/ /de dag gis ni A ka Da b+hya zhes bya bar 'gyur ro/ /tshig gi don bshad par bya ste/ a ni a kA ra ste rnam pa'i rang bzhin no/ /ka ni mid pa'o/ /war+Na ni sngags pa ste/
 rnam pa dag ro gcig par mid par bya'o/ zhes bya ba'i don to/ /de ci zhig tu zhe na/ gsum pa ni gsum pa la bya ba la gsum pa ni lus dang ngag dang yid do/ /gsum pa ni sems te rnam par shes pa'o/ /de yang sems dang yid dang rnam par shes pa ni rnam
 grangs zhes gsungs pa'i phyir ro/ /gnyis su bzla zhes bya ba la gnyis ni rnam pa dang bcas pa dang rnam pa med pa'o/ bzla ba ni skyon mtshungs par bsdud pa ste/ 'di ltar rnam pa dang bcas pa'i ltar na/ rnam pa rnams dang rnam par shes pa de'i bdag nyid de
 gcig yin pas rnam par shes pa yang rnam pa ltar ? por thal bar 'gyur ro/ /rnam pa med pa'i ltar na yang yul dang shes pa la 'brel ba med pa'i phyir yul rtogs pa med par thal bar 'gyur te/ don dam par na de'i bdag nyid rnam mi
 dad pas shes par rung gi/ gzhan du na ha cang thal ches par 'gyur ro/ /sems de gnyis ka yang ci zhig yin zhe na/ bzhi pa de dag ni zhes bya ba la stong pa nyid dang mtshan ma med pa dang smon pa med pa'i bdag nyid rang
 bzhin gyis 'od gsal ba'o/ /de ji lta bu zhig ce na/ rlung la gnas zhes bya ba la rlung ni 'dir lung dang rigs pa'o/ /gnas pa ni nges pa ste/ de dag gis de gtan la phab pa'o/ /de ni zhes bya ba ni rgyu des na de 'od gsal bar gtan la phab pas nges so/ /
 sbyar zhes bya ba ni bdag med pa'i don dam pa ste/ zhal dang phyag la sogs pa'i rnam pa dang sbyar ba ste/ thabs dang shes rab kyi bdag nyid du 'gyur ro/ /de dag gis ni 'di skad du sems rnam pa dang sbyar bcas kyang rung med kyang rung/ lung dang rigs pas 'od
 gsal ba nyid du gtan la phab ste/ bdag med pa de dang lha'i sku kun rdzob kyi bden pa gnyis su med par bsgom mo zhes bya ba'i don to/ /sa'i mdza' zhes bya ba la sogs pas ni/ h+riM h+riM zhes bya bar 'gyur ro/ /don gzhan brdad par bya ste/ 'di la 'gro ba
 thams cad la khyab par byed pas na sa wa ra ste he ru ka'o/ /nyi mar gnas pa ni nyi ma'i gdan la bzhugs pa'o/ /war+Na ni rigs te rigs pa ni char gyi bdag nyid la'o/ /dgang pa ni bsgrags pa'o/ /zlar bshad pa ni bdag nyid thabs kyi rang bzhin du gyur
 pas shes rab kyi cha dang sbyar ba'o/ /lnga sde mdza' i zhes bya ba la sogs pa la lnga sde mdza' ni ma'o/ /de'i stan la gnas par ka dang Sha gnyis bzhag pa'o/ /gnyis su bzla zhes bya ba ni lan gnyis su brjod pa ste/ k+Sh+maM k+Sh+maM zhes bya bar 'gyur ro/ /gzhan
 brjod par bya ste/ kaM ni bde ba'o/ /sha ni de'i rang bzhin nyams su myong ba ste/ bde ba chen po rang rig pa'i ye shes de la de skad ces bya'o/ /de ji ltar rnyed par 'gyur zhe na/ lnga sde zhes bya ba la sogs pa lnga ni spros pa yin la/ sde ni gzung ba dang
 'dzin pa'o/ /mdza' ni zad pa ste spros pa med pa'i mthar gtugs pa'o/ /de yang ji skad du spros pa spros pa med par bya zhes gsungs pa'i phyir ro/ /de ci zhig la gnas zhe na/ stan zhes bya ba la/ 'di la bde pa yod pas na stan te/ byang chub kyi sems so/ /bzhugs
 pa ni gnas pa ste/ lhan cig skyes pa'i tshul du'o/ /de nyid stan pa'i phyir a dad thig ler ldan zhes bya ba gsungs te/ a ni rnam pa'o/ /thig li ni stong pa nyid do/ /ldan pa ni 'gal ba spangs te ro gcig tu gnas pa'o/ /de ni gnyis su bzla zhes bya ba
 ni yid kyi rnam par rtogs pa tsam gyis kyang bzla ba ste/ 'gro ba 'di thams cad bde ba chen po'i rang bzhin yin na mi shes pa'i dri mas bsgribs pas de kho na nyid ma shes par zad do snyam du dran par bya'o/ /sa mdza' zhes bya ba la sogs pa las mdza' 
 ni ha'o/ /mda' ni dbyangs yig ste/ gnyis pa ni A'o/ /gsum pa ni a'i'o/ /lnga pa ni u'o/ /de kun ni ha'o/ /cod pan ni steng du bzhag pa ste/ gnyis su sgyur ba ni slar bzlas pa'o/ /de dag gis ni hAM hAM hIM hIM hUM hUM zhes bya bar 'gyur ro/ /gzhan brjod par bya
 ste/ sa'i mdza' ni ha'o/ /nA da gnyis kyi tshul can pas na mda' gnyis ldan pa'o/ /de nyid mda' gsum du sbyar te/ ho dang zla tshes dang thig le rnams so/ /des ni haM zhes bya bar 'gyur ro/ /de bzhin zhes bya ba ni/ de la dmigs pas sems so sor
 rtags par 'gyur pa'o/ /mda' lnga ni de bzhin gshegs pa lnga ste de dag gis bdag nyid ha'o/ /yang na sngar thar pa'i thabs dang shes rab gnyis dang gsum gyi ye shes lnga'i bdag nyid yin pa'i phyir ro/ /de kun zhes bya ba ni oM dang hUM ste/
 de'i grogs yin pa'i phyir ro/ /dum bu ni yi ge a'o/ /thig le ni rjes su 'gro pa'i dbyangs so/ /cod pan ni zla ba tshes pa'o/ /de dag gis ni aM zhes bstan par 'gyur te/ 'khor lo bzhi la gnas pa'o/ /ka sa tsa dang d+ha rnams ni zhes bya ba la sogs
 pa la/ i zhes bya ba la sogs pa ni kun la sbyar te/ de ltar na ka i'i sgra ni mchog gi gzungs/ sa si'i i'i sgra ni mchog gi bzungs zhes bya ba la sogs par 'gyur te/ 'dis ni ki si tsi d+hi zhes ston to/ /sa'i? mdza' 
 rer sbyar zhes bya bas ni/ de thams cad kyi mthar li brjod pa'o/ /de dag ni de kun no/ /yang bsgyur ba ni lan gnyis su gdon pa ste/ ki li ki li/ si li si li/ tsi li tsi li/ d+hi li d+hi li/ zhes bya bar 'gyur ro/ /gzhan brjod par bya ste/ kaM ni bde
 sa tsa ni bzlums pa ste gnyis su med pa'o/ /d+hi ni blo'o/ /sgra ni dbyangs te/ ba ra ni mchog go /gzung ba ni rang bzhin te des na gnyis su med pa'i bde ba la sprod pa na/ shin tu rnam par dag pa'i blos sgra'i mchog 'don pa la de skad ces bya'o/ /u sgra
 zhon zhes bya ba la sogs pas ni hUM hUM zhes bya bar 'gyur ro/ /gzhan brjod par bya ste/ u sgra la zhon zhes bya ba ni thabs kyi cha'o/ /dum bu zhes bya ba la sogs pa ni shes rab kyi cha'o/ /phaT ces bya ba la sogs pa ni sgra ji bzhin no/ /bsgrub pa ni swAhA zhes ?
 brjod pa'o/ /cha ni a la sogs pa'o /cha min ni ka la sogs pa'i yi ge'o/ /mang po ni sngags kyi chogs rnams so/ /de ci 'dra zhe na/ me tog tshogs kyi phreng bas zin zhes bya ba la/ ji ltar me tog sna tshogs phreng bas rgyus pa ltar sngags kyi chags du?
 ba ste/ 'di ltar oM ka ra ka ra ku ru ku ru ban d+ha ban d+ha trwA sa ya twA sa ya/ k+Sho b+ha ya k+Sho b+ha ya/ h+rauM h+rauM h+ra:h+ra:pheM pheM phaT phaT da ha da ha ba tsa pa tsa b+hak+Sha b+hak+Sha ba sa ru d+hi rAn+t+ra mA lA ba laM bi no grih+na grih+na sapta bA tA la ga ta b+hu dzi ga sarbaM bA tardza ya ta rdza ya A kaDDhya A kaN+Dhya h+ri h+ri
 dz+nyauM? dz+nyauM k+Sh+mAM k+Sh+mAM haM haM hiM hiM hUM hUM/ ki li ki li si li si li hi li hi li d+hi li d+hi li hUM hUM phaT phaT swAhA/ zhes bya ba ste/ ji skad du thog mar oM ste/ swAhA'i mdza' zhes gsungs pa'i phyir ro/ /de dag ces bya ba la sogs pa la/ lha mo sgyu ma che zhes bya ba ni bod pa'o/ /thams cad ni brtan pa dang
 g.yo ba'i 'gro ba kun no/ /de dag gi dngos grub ni de dag bcing ba la sogs pa'i 'jig rten pa dang sangs rgyas nyid la sogs pa 'jig rten las 'das pa'i dngos grub bo/ /ster ba ni sngags 'dis sgrub pa po rnams la dngos grub de dag sgrub cing bskyed pa'o/ /'di ni zhes bya ba la sogs pas ni
 sngags kyi mthu gsungs te/ 'jig rten khams kun g.yos gyur cir zhes bya ba ni thos pa la sogs pa'i shes rab kyis gzhi pa'o/ /skrag pa ni chos nyid mnan tu byas pa'o/ /byang chub tu ni mngon sangs rgyas zhes pa ni chos kyi de kho na nyid mngon sum du gyur pa'o/ /tshig gi don gyi
 'bras bu'o/ /ri bo thams cad ces bya ba la sogs pas ni sngags kyi 'bras bu bstan te/ btul ba la sogs pa'i tshig gsum ni lus la sogs pa gsum dang sbyar te/ lhag ma ni go sla'o/ /da ni rdo rje mkha' 'gro'i sgrub thabs brjod par bya ste/ snying gar nyi ma la gnas
 pa'i hUM gi 'od zer gyi bla ma rje btsun dang mkha' 'gro ma'i tshogs dang bcas pa'i rdo rje mkha' 'gro blta ste/ de'i 'od las byung ba'i me tog la sogs pa nas/ bdud rtsi lnga'i bar gyis mchod pas yang dag par mchod la/ de dag gi spyan sngar sangs rgyas thams cad bdag
 la dgongs zhes bya ba la sogs pa'i tshigs su bcad pa lan gsum brjod pas sdom pa gzung nas/ oM swa b+ha ba shud+d+ha sarba d+harma:swa b+ha ba shud+d+honyahaM/ zhes brjod la chos thams cad bdag med par mos nas/ oM badzra shud+d+ha:sarba d+harma badzra shud+d+honyahaM/ zhes brjod par bya'o//
 de nas sna tshogs pad+ma'i steng du hUM las byung ba'i sna tshogs rdo rje'i lte bar de nyid kyis byin gyis rlabs pa'i 'od las byung ba'i rdo rje ra ba la sogs pa bsgoms la/ der yaM yongs su gyur pa'i rlung gi dkyil 'khor gyi steng du raM las byung ba'i me'i dkyil 'khor/ de'i steng du
 baM las byung ba'i chu'i dkyil 'khor/ de'i steng du laM las byung ba'i sa'i dkyil 'khor la ri rgyal lhun po bltas la/ der chos kyi 'byung gnas kyi nang du chud par sna tshogs pad+ma dang/ rdo rje'i lte pa la rnam par snang mdzad yongs su gyur pa las byung ba'i khang bu brtsegs pa
 gru bzhi la sogs pa'i mtshan nyid can rdo rje dang pad+ma dang 'khor lo'i phreng bas bskor ba'i pad+ma rim pa gsum la nyi ma'i gdan sum cu rtsa bdun gyis mnan pa bsgoms te/ de'i dbus kyi gdan la rim pa ji lta ba bzhin du a la sogs pa dang/ la
 sogs pa zhugs pa'i zla ba'i dkyil 'khor gnyis la hUM las byung ba'i rdo rje'i lte bar de nyis kyis byin gyis brlabs pa de dag yongs su gyur pa las rdo rje mkha' 'gror bsgom par bya ste/ oM tsit+ta pra ti bya d+haM ka ro mi zhes bya ba la sogs pa mngon par byang chub pa lnga yi sngags
 dang sbyar ro/ /bcom ldan 'das ji lta bu zhig ce na/ sku mdog sngon po mche ba yid tsam gtsigs shing khro ba dang bcas pa sngon po dang/ dkar po dang/ ser po dang/ dmar po'i mdog can gyi rtsa ba dang/ g.yas dang/ rgyab dang/ g.yon gyi zhal shi dang ldan pa 'bar ba'i rdo rje dang
 gshol dang/ mda' dang/ kha TwAM ga dang thod pa dang/ gzhu rnams bsnams pa'i phyag drug gis brgyan cing thod pa'i phreng ba'i dbu rgyan can skra kham pa gyen du 'bar ba spyan gsum pa nyi ma'i dkyil 'khor la bdud bzhi g.yas brkyang gis gnas pas mnan te bzhugs pa
 zhal bzhi'i smin mtshams nas hUM bzhi'i sngags 'gro zhing shes rab sku mdog dmar mo phyag na zangs gri dang thod pa bsnams pa la dga' bas kun tu 'khyud pa'o/ /shar gyi 'dab ma la ltung byed ma mdog sngo ser phyag bzhin thod pa dang/ rdo rje dang dril bu dang/ kha TwAM ga bsnams
 pa'o/ /byang du gsod byed ma mdog ljang ser/ phyag bzhin rde'u chung dang thod pa dang/ kha TwAM ga dang/ zhags pa bsnams pa'o/ /nub tu 'gugs byed ma mdog dmar ser phyag bzhin mda' dang/ sna tshogs pad+ma dang/ gzhu dang thod pa bsnams pa'o/ /lhor gar gyi dbang phyug
 ma mdog dkar ser phyag bzhin ba dan dang/ thod pa dang/ mdung rtse gsum dang/ rin po che bsnams pa'o/ /de dag gi thod par rim bzhin du glang po che dang/ khyi dang mi dang ba lang rnams blta bar bya'o/ /de dag kun kyang zhal gcig spyan gsum pa skra kham pa gyen du
 'bar zhing rgyan thams cad pa nyi ma'i dkyil 'khor la g.yas brkyang gis bzhugs shing nyi ma'i 'od can no/ /dbang ldan la sogs pa'i mtshams kyi 'dab ma rnams su bdud rtsi lnga'i thod par sangs rgyas kyi sku dang ldan pa'o/ /de'i phyi rol pad+ma 'dab ma brgyad rdo rje sngon
 po'i phreng bas bskor ba ni thugs kyi 'khor lo ste/ de'i shar phyogs kyi rtsibs su pul+li ri ma la yar rab tu gtum mo la thod pa'i dum bu can gyis 'khyud pa'o/ /byang du dzA land+har gtum pa'i mig can ma dang ked rus chen po'o/ /nub tu o Di ya na ru 'od ldan ma dang gang
 rus so/ /lhor arbu dar sna chen ma dang mche ba rnam par gtsigs pa'o/ /me mtshams su go dA ba rir dpa' bo'i blo ma dang lha'i dgra'o/ /bden bral du rA me shwa ring mi'u thung ma dang 'od dpag tu med pa'o/ /rlung mtshams su de pi ko Tir lang ka'i dbang phyug ma dang rdo rje'i 'od do//
 dbang ldan du mA la bar shing grib ma dang rdo rje'i lus so/ /de'i phyi rol pad+ma dmar po'i phreng bas bskor ba'i pad+ma dmar po ni gsung gi 'khor lo ste/ de'i shar phyogs kA ma rlung sa srung ma dang myu gu can no/ /byang du o drer 'jigs byed chen po dang rdo rje ral pa can no//
 nub tu tri sha ku ne ra rlung shuD ma dang dpa' bo chen po'o/ /lhor kos lang chang thung ma dang rdo rje hUM mdzad do/ /me mtshams bu ka li gar sngo bsangs lha mo dang shin tu bzang po'o/ /bden bral du lam pA kar shin tu bzang mo dang rdo rje bzang po'o/ /rlung mtshams su tA t+tsi?
 ra rta rnam dang 'jigs byed chen po'o/ /dbang ldan du hi mA la yar bya gdong ma dang mig mi bzang ngo/ /de'i phyi rol 'khor lo dkar po'i phreng bas bskor ba'i pad+ma dkar po ni sku'i 'khor lo ste/ de'i shar du pra ta pu rir 'khor lo'i shugs can ma dang stobs po
 che'o/ /byang du gri ha de ba tA ra dum skyes ma dang rin chen rdo rje'o/ /nub tu sau rASh+Tar glang sna ma dang rta mgrin no/ /lhor gser gling du 'khor lo'i go cham dang nam mkha' i snying po'o/ /me mtshams su na ga rar shin tu dpa' mo dang dpal he ru ka'o/ /bden bral bu sind+hur?
 stobs chen ma dang pad+ma gar gyi dbang phyug go /rlung mtshams su ma ror 'khor lo sgyur ma dang rnam par snang mdzad do/ /dbang ldan du ku lu tA ra btson chen ma dang rdo rje sems dpa' o/ /de ltar thugs dang gsung dang sku'i 'khor lo
 sgyur ba'i lha mo de dag ni zhal gcig pa phyag gnyis kyis thod pa dang zangs gri bsnams shing sdigs mdzub mdzad pa/ spyan gsum pa skra kham pa gyen du 'bar zhing drag pa gcer bu'o/ /thod pa'i dum bu can la sogs pa'i dpa' bo rnams ni zhal
 gcig pa ral pa'i thor tshugs dang dpa' bo'i ngar thod can/ phyag gnyis kyis rdo rje dang dril bu bsnams nas lha mo la 'khyud pa phyag gzhan gnyis kyis rde'u chung dang kha TwAM ga bsnams pa'i gcer bu'o/ /yang de dag thams cad mgul do dang/
 gdu bu dang/ dpung rgyan dang/ rna cha dang/ tshangs pa'i skud pa dang/ mgo bo'i phreng ba dang/ rkang gdub kyis brgyan cing nyi ma'i gdan la g.yas brkyang gis bzhugs pa nyi ma'i 'od can no/ /shar sgor ni gshin rje bstan ma'o/ /byang sgor ni gshin
 rje pho nya ma'o/ /nub sgor ni gshin rje mche ba can no/ /lho sgor ni gshin rje 'joms ma'o/ /me'i mtshams su khwa gdong ma'o/ /bden bral du 'ug gdong ma'o/ /rlung mtshams su khyi gdong ma'o/ /dbang ldan du phag gdong ma ste/ de dag ni spyan gsum
 pa skra kham pa gyen du 'bar ba dang kha dog sngo bsangs la phyag na zangs gri dang thod pa dang kha TwAM ga bsnams shing sprul gyi rgyan can gcer bu zhal mche ba rnam par gtsigs pa thod pa'i phreng bas dbu brgyan pa ste/ rnal 'byor ma ji snyed pa rnams
 ni zhal gcig phyag gnyis pa'o/ /de la lus dang/ tshor ba dang/ chos dang/ sems dran pa nye bar gzhag pa rnams ni rim bzhin du ltung byed ma dang/ gsong byed ma dang/ 'gugs byed ma dang/ gar dbang mo rnams so/ /'dun pa dang/ brtson 'grus dang/
 dpyod pa dang/ sems kyi rdzu 'phrul gyi rkang pa rnams ni rim bzhin du rab tum ma dang/ gtum mig ma dang/ 'od ldan ma dang/ sna chen ma rnams so/ /dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po rnams ni rim bzhin du dpa' 
 bo'i blo ma dang/ mi'u thung ma dang/ lang ka'i dbang phyug ma dang/ shing grib ma dang/ sa srungs ma rnams so/ /dad pa dang/ brtson 'grus dang/ dran pa dang/ ting nge 'dzin dang/ shes rab kyi stobs lnga ni rim bzhin du 'jigs byad chen mo dang/ rlung shugs ma
 dang/ chang 'thung ma dang/ sngo bsangs lha mo dang/ shin tu bzang mo rnams so/ /ting nge 'dzin dang/ brtson 'grus dang/ dga' ba dang/ shin tu sbyangs pa dang/ chos rnam par 'byed pa dang/ dran pa dang/ btang snyoms byang chub kyi yan lag rnams ni rim
 bzhin du rta rnam dang/ bya gdong ma dang/ 'khor lo shugs ma dang/ dum skyes ma dang/ glang sna ma dang/ 'khor lo'i go cha ma dang/ shin tu dpa' mo rnams so/ /yang dag pa'i lta ba dang/ rtog pa dang/ ngag dang/ las kyi mdza' dang/ 'tsho ba dang/
 rtsol ba dang/ dran pa dag ni rim bzhin du stobs chen ma dang/ 'khor lo sgyur ma dang/ brtson chen ma dang/ khwa gdong ma dang/ 'ug gdong ma dang/ khyi gdong ma dang/ phag gdong ma rnams so/ /yang dag pa'i ting nge 'dzin ni dpal he ru ka'o/ /dge
 ba'i chos ma skyes pa rnams bskyed pa dang/ skyes pa rnams bsrung ba dang/ mi dge ba'i chos ma skyes pa rnams mi bskyed pa dang/ skyes pa rnams spong ba dang/ mi skyed pa ni rim bzhin du gshin rje brtan ma dang/ gshin rje pho nya mo dang/ gshin
 rje mche ba ma dang/ gshin rje 'jom ma ste/ de dag ni byang chub kyi phyogs kyi chos sum cu rtsa bdun gyis lha'i rnam par dag pa bstan pa'o/ /pul+lI ri ma la ya ni spyi bo ste/ der rab tu gtum mo'o/ /dzA land+har ste spyi gtsug tu ni gtum gi ma'o//
 o byan te rna ba g.yas par 'ong ldan ma'o/ /ar bu da ste ltag par sna chen mo ste gnas so/ /go dA ba re ste rna ba g.yon par dpa' bo'i blo ma'o/ rA me shwa ri ste smin ma'i dbus su mi'u thung ma'o/ /di bi kaT ste
 mig gnyis su lang ka'i dbang phyug ma'o/ /ma lA ba ste phrag pa gnyis su shing grib ma ste nyi ba'i gnas so/ de dag ni thugs kyi 'khor lo mkha' la rgyu ba'o/ /kA ma ru ste mchan khung du sa srungs ma'o/ /o dre te nu ma gnyis su 'jigs
 byed chen mo ste zhing ngo/ /tri sha ku ne ste lte bar rlung shug ma'o/ /ko sa lar te sna rtser chang 'thung ma ste nye ba'i zhing ngo/ /ka liM ga ste khar sngo bsangs lha mo'o/ laM pA ka ste mgrin par shin tu bzang mo ste rol sa ma'o/ gany+tsi ste snying gar rta
 rna ma'o/ gangs can te chu sor bya gdong ma ste nye ba'i rol sa'o/ /de dag ni gsung gi 'khor lo sa la rgyu ba'o/ pre ta pu ri ste mtshan la 'khor lo shugs ma'o/ /gri ha nge ba ta ste bshang lam du dum skyes ma ste 'dun sa'o/ /sau rASh+Ta ste
 brla gnyis su glang sna ma'o/ /gser gling ste byin pa gnyis su 'khor lo'i go cha ma ste nye ba'i 'dun sa'o/ /na ga ra ste sor mo rnams la shin tu dpa' mo'o/ /sindu ste rkang pa'i bol la stobs chen ma ste dur khrod do/ /ma ru te rkang pa'i
 mthe bong dag la 'khor lo sgyur ma'o/ /ku lu tA ste pus mo dag la brtson chen ma ste/ nye ba'i dur khrod do/ /de dag ni sku'i 'khor lo sa 'og na rgyu ba ste/ 'khor lo gsum gyi rnal 'byor ma 'di dag thabs dang bcas par skad cig
 tsam gyis rtsi rnams su bkod pas lus sbyangs la/ oM A:hUM oM sarba ta thA ga ta yo gaM ni kA ya bA k+tsit+ta swa b+ha ba At+ma ko haM/ oM badzra shud+ha(rgyud 'grel 'khor lo dgug pa dang/ gzhug pa dang/ bcings pa dang/ dbang du bya ba'o/ /de nas ji ltar bstams pa tsam gyis kyang/ de bzhin gshegs kun khrus gsol ba/ /lha yi chu ni dag pa yis/ /de bzhin bdag ni khrus kyi'o/ oM sarba ta thA ga ta ya
 b+hi She ka sa ma ya sh+ri ye hUM zhes bya ba 'dis dbang bskur ba blangs la sangs rgyas lnga'i dbu rgyan byas te/ mchod pa dang/ bstod pa dang/ bdud rtsi myangs la mthar rkang pa brgyad pa la sogs pa'i sngags gong 'dod pa zhig bzlas nas
 bsod nams yongs su bsngos te langs la rdo rje mkha' 'gro'i gzugs kyis rgyu bar bya'o/ /de la gru bzhi zhes bya ba la sogs pa la/ 'od zer dmar chen zhes bya ba ni pad+ma ste/ 'od 'phro ba dang bcas shing 'dab ma brgyan pa'o zhes man ngag
 go phyi rol ri mo zlum pos bskor zhes bya ba ni pad+ma gsum gyi phyi rol rim pa bzhin du rdo rje dang/ pad+ma dang/ 'khor lo'i phreng bas bskor ba'o/ /mche ba cung zad gtsigs zhes bya ba la so'i khyad par gang rtse mo rno la ring ba de ni mche ba ste
 gtsigs pa ni cung zad phyir byung ba'o/ /khro dang bcas shing bzhad pa'i zhal zhes bya ba la/ gang gi rtsa ba'i zhal cung zad khro bas bzhad pa'i zhal yin pa de la de skad ces bya'o/ /rig pa bzhi ni ltung byed ma la sogs pa'o/ /phyag bzhi zhes
 bya ba ni mda' dang gzhu bsnams pa'i phyag gnyis ma gtogs pa ste/ don dam par phyag drug yin no/ /sangs rgyas gzugs kyis nye bar brgyan zhes bya ba ni/ mtshams bzhin gnas pa'i bdud rtsi lngas bkang pa'i thod par bzhugs pa'i sangs rgyas
 kyi skus brgyan pa'o/ /dpa' bo zhes bya ba ni nyon mongs pa'i g.yul las rgyal ba'i phyir ro/ /sems can thams cad kyi 'tsho ba'i rang bzhin yin pas na sems dpa' o/ /rdo rje mkha' 'gro'i rang bzhin spro bas na sngon po 'bar ba'i dngos so/ /'od
 kyi dkyil 'khor dmar po can zhes bya ba ni nyi ma'i 'od de ci 'dra zhe na/ dur khrod ces bya ba la sogs pa la dur khrod kyi mi ni 'jigs pa'i dus kyi me ste/ ji ltar 'jig pa'i dus su brtan pa la sogs pa'i 'gro ba thams cad
 sreg par byed pa'i me lce gcig po gang yin pa de ni 'gro ba thams cad bsreg pas na dur khrod kyi me ste/ de nam mkha' i ngos thams cad dus me lces khyab cing steng du 'bar ba dang bcas pa'i phung po bzhin du bcom ldan 'das kyi 'od kyang blta
 bar bya'o/ /yang na nges 'jigs par byed pas na dur khrod do/ /de nyid glar yang gsungs pa/ me ltar 'bar ba zhes bya ba la sogs pa ste go sla'o/ /rlon pa zhes bya ba ni mgo bo'i phreng ba'o/ /sa phyogs la sogs pa'i nges pa bstan pa'i phyir/
 thams cad du ni zhes bya ba la sogs pa gsungs te/ thams cad ni yid gang du dga' ba rnams so/ /thams cad kyis zhes bya ba ni yul rnams kyis nye bar longs spyod pa dang ldan pas so/ /kun zhes bya ba ni phung po la sogs pa'o/ /bya ba'i
 khyad par gsungs pa/ thams cad ces bya bas te/ gtsang sbra 'am/ gtsang sbra med pa'am/ lhag ma la spyod pa'ang rung ste/ rnam pa kun gyis so/ /kun tu zhes bya ba ni dus kyi nges pa med pas so/ /bdag nyid ces bya ba ni sgrub pa po bdag
 nyid de 'grub par 'gyur zhes bya ba dang 'brel to/ /mkha' 'gro kun zhes bya ba ni go sla'o/ /gang gis 'grub par 'gyur zhe na/ bsam gtan bzlas pa'i sbyor ba yis so/ /dus bzhi zhes bya ba ni sngon du goms par byed pa'i dus
 kyi khyad par ro/ /goms shing khyad par du gyur nas ni dus kyi nges pa med par yang 'grub po zhes sbyar bar bya'o/ /bsam gtan dang bzlas pa de ci 'dra zhe na/ bde mchog bla ma zhes bya ba la lus dang ngag dang yid rnams sdud pas
 ni bde mchog ste thabs dang shes rab gnyis su med pa'i rnal 'byor ro/ /de nyid 'khor ba las sgrol bas na bla ma ste/ de bsgoms nas so/ /rdo rje chen po ni ka ra ka ra la sogs pa'i sngags te de 'bum du bzlas pas so/ /khro bo'i rgyal po mtshungs
 par 'gyur zhes bya ba la khro bo'i rgyal po ni rdo rje mkha' 'gro ste/ de dang mtshungs pa'o/ /ci zhig gis zhe na/ rdo rje zhes bya ba la sogs pa ste/ rdo rje chen po ni gnyis su med pa'i ye shes so/ /'dzin pa ni de dang ldan pa ste/ grub pa de rnams kyi tshe dang
 mtshungs pa'o/ /mdog ni gzugs mdzes shing dang ba'o/ /na so ni lang tsho'o/ /stobs ni lus kyi rtsal lo/ /rtsal ni sems kyis spro ba'o/ /dngos grub chen po ni sa'i 'og tu 'gro ba la sogs pa'i dngos grub bo/ /rdzu 'phrul chen po ni nam mkha' 
 la 'bur ba la sogs pa'i mtshan nyid do/ /mi zad 'gro don zhes bya ba 'gro ba'i don ni 'gro ba'i mngon par 'dod pa'o/ /mi zad pa ni 'jig par mi 'gyur ba ste/ gzhan gyis gzhig par mi nus pa'o/ /byed par ni grub pa'o/ /mthu ni sngar bshad
 pa de dag thams cad do/ /yang na ma bsgrubs par yang zhes bya ba la sogs pa la/ ma bsgrubs par yang las brgya tham pa byed par 'gyur zhes bya ba dang 'brel to/ /ma bsgrubs pa ni 'khrul 'khor la sogs pa'i sbyor ba med par yang ngo//
 lan cig ni stong pa nyid dang snying rje gnyis su med pa'i bdag nyid kyi sngags so/ /bzlas pa ni 'bum du bzlas pa'o/ /'di lta ste zhes bya ba la/ 'di ni las brgya'o/ /lta ste ni ji lta ba bzhin du bstan pa'o/ /nges par gnon pa ni brlag par
 bya ba'o/ /ltung ba ni sa la bsel ba'o/ /bskyod pa ni 'dar ba'o/ /skrag pa ni rngam pa mthon pa'o/ /rgya gdab pa ni yan lag dang nying lag rengs pa'o/ /rmugs pa ni shes bzhin du yang khar mi thon pa'o/ /rengs pa ni mi g.yo ba'o/
 bzlog pa ni sems med pa rnams dran pa thob pa'o/ /rmongs pa ni 'khrul par bya ba'o/ /bcings pa ni mkha' 'gro ma la sogs pas bcings pa'o/ /dags pa ni rma srol gdod pa'o/ /gtor ba ni gnas su mi bya ba'o/ /brlag
 pa ni thur du drang ba'o/ /smyo ba ni bya ba dang bya ba ma yin pa'i 'chol ba'o/ /gtub pa ni yan lag dang nying lag bcad pa'o/ /spyugs pa ni yul nas bskrad pa'o/ /dbye ba ni mdza' bo sdang bar bya'o/ /smeg med pa ni nor dbral ba'o/ /nor dbrog pa ni nor 'gugs
 pa'o/ /bsdu ba ni las gang zhig byas na mchi ma 'dzag par 'gyur ba de la de skad ces bya'o/ /lkugs pa ni brjod pa las nyams pa'o/ /bcing ba ni blo bur du lcags sgrog la sogs pas bcing ba'o/ /bdag nyid brdung ba zhes bya ba la bdag nyid ni yan
 lag go /brdung ba ni bcad pa ste/ blo bur du yan lag bcad pa'o/ /gsod du gzhug pa ni gzhan la bsko ba'o/ /long bar bya ba ni mig dang bral ba'o/ /sa bon bral ba ni 'bras kyi so ba la sogs pa'o/ /rims la sogs pa ni go sla'o/ /sa g.yo
 ba ni sa gas shing rma ba'o/ /dmyal bar btang ba ni dmyal bar bkri ba'o/ /byol song gi mngal spo ba ni mi las byol song du bya'o/ /skyes pa bud med du bya ba ni mtshan bsgyur ba'o/ /mngal na gnas pa 'byung ba la sogs pa ni grags par zad do/ /
 mtshon bcing ba zhes bya ba ni mtshon cha kha bdal ba ste/ 'ching du gzhug pa zhes bya ba dang/ yang sbyar ro/ /byas pa chud gzan pa ni 'bad pa 'bras bu med par bya ba'o/ /gcer bu ni gos med par bya ba'o/ /b+ha ga dang bshad pa'i lcags sgrog
 ces bya ba la/ b+ha ga ni rdo rje dang pad+ma'o/ /bshad pa ni bshad pa'i lam ste/ de dag phan tshun sbyar nas/ dbral dka' ba ni lcags sgrog go /b+ha ga dang bshad pa'i smra ba dang/ rgod du gzhug pa dang/ khrag dang khu ba dbab pa'i nad dang/ gzhom
 pa dang zhes bya ba la/ smra ba dang rgod du gzhug pa ni mtshan ma rdol ba'o/ /khrag dang khu ba dbab pa ni tshabs cher 'dzag pa ste de nyid nad do/ /gzhom pa ni b+ha ga la sogs pa yon por gyur pa'o/ /khrag la sogs pa ni go sla'o/ /mya ngan ni yid kyi gdung ba'o/ /sdug bsngal
 ni lus kyi gdung ba'o/ /btags pa ni dbyug pa la sogs pas gdung ba'o/ /bcing ba ni brtson rang gzhug pa'o/ /dum bur bya ba ni rkang lag breg pa'o/ /lus thams cad phye mar bya ba ni gre mo dang khu tshur gyis btags pa'o/ /gzer ba ni blo bur du rgyal po
 la sogs pa'i chad pas bcad pa'o/ /thams cad chags pa ni skye bo dga' bar bya ba'o/ /dgug pa ni dga' ba'i 'og tu mdun du dgug pa'o/ /gzhugs pa ni bkug pa'i 'og tu dbang du bya ba'o/ /bskyod pa ni gzhan du bkri ba'o/ /gang la sogs pa ni
 grags par zad do/ /mi rnams ni lhag par smra ba dang byol song la sogs pa lan dga' smrar gzhug pa ni mang du smrar gzhug pa'o/ /ltas ngan ni sngon med pa'i mtshan ma'o/ /bstan pa ni snang ba'o/ /thog pa ni rnyed pa ste/ de dag dbang du bya ba'i las la
 sbyar ba de la de skad ces bya'o/ /lha thams cad ces bya ba la sogs pa la/ 'byung po ni yi dags so/ /ma mo ni ma mo bdun no/ /'dul byed ni 'byung po'i gtso bo'o/ /mchog sbyin ni nor sbyin no/ /thams cad mkhyen pa'i las bya ba ni lha la sogs pa de dag
 sna tshogs su sprul pa'o/ /de bzhin gshegs pa thams cad kyi 'dod chags dang bral ba dag pa ni 'khor ba la chags pa dang bral ba dang dbral ba'o/ /byang chub sems dpa' thams cad kyi 'khor ba'i skyo ba gsal ba ni lam shes pa nyid la sbyar ba'o/ /
 'di de zhes bya la/ 'di ni las brgya pa rdzogs pa'o/ /de ni de ltar te rim pa'o/ /sngags kyi rgyal po 'di nyid ces bya ba ni ka ra ka ra la sogs pa'i sngags so zhes bya ba la sogs pa ni sdud pa po'i rang bzo spong ba'o/ /sgyu ma kun dang mnyam sbyor ba/ /mkha' 
 'gro ma zhes rab grags pa/ /zhes bya ba la sgyu ma kun dang mnyam par sbyor ba'i mkha' 'gro ma 'di gang la yod pa de la de skad ces bya ste rdo rje mkha' 'gro'o/ /las thams cad kyi cho ga ni las thams cad kyi bya ba'o/ /de
 nyid sgyu ma chen mos rnam par 'phrul pa ste/ rdo rje mkha' 'gros rnam par spros pa'o/ /sngags kyi cho ga ni de'i don gyis sngags kyi cho ga'o/ /don de gsal bar byed pa'i gzhung gi cho gas ni rim par byed pa ste gnyis pa'o/ /rgyud kyi rgyal po chen po dpal rdo rje mkha' 
 'gro'i rnam par bshad pa las le'u gnyis pa'i rnam par bshad pa'o// //da ni sems can mos pa sna tshogs pa yin pa'i phyir sngags sna tshogs kyi las kyi cho ga gsungs pa/ de nas zhes bya ba la sogs pa la de nas zhes bya
 ba ni ka ra ka ra la sogs pa'i sngags kyi 'og tu'o/ /gsang ba bshad bya ba ni dam bca' ba'o/ /ji ltar zhe na/ mdor bsdus pa ste zhes bya ba la sogs pa'o/ /de yang sngags kyi dbang du byas pa'i gsol ba btab kyi 'og tu gsungs so/ /zhes bya bar
 sbyar ro/ /de la mdor bsdus pa zhes bya ba ni gzhung bsdus pa'o/ /ji ste de lta na ni don kyang bsdus par 'gyur te/ 'di ltar sdong po zhes bya ba tshig gi don yang ljon shing gi dar bas 'ba' zhig ston pa mthong la/ gzhung rgyas pas ni don rgyas par 'gyur te
 dper na 'bras bu dang/ me tog dang/ yal ga dang/ 'dab ma la sogs pa dang ldan pa'i shing zhes bya ba lta bu'o zhe na gsungs pa ste rgyas par min bya ba la ste zhes bya ba ni nges par gzung ba'o/ /rgyas par min zhes bya ba ni don bzhin du gzhung rgyas
 pa ma yin par dgag pa'o/ /yang na gzhung rgyas pa ma yin yang don rgyas pa zhes bya bar sbyar te/ gzhan du gzhung bsdus pa yin na don rgyas par ston par mi nus so/ /zhes bya ba ni lung gi gtsug lag thams cad tshogs che ba nyid du thal bar 'gyur ro//
 de bas na gzhung nyung ba don mang ba yin te/ dper na swe to d+ha ba ti zhes bya ba lta bu'o/ /de yang ji lta bu zhe na/ 'di la swa ni khyi'o/ /i to ni 'dur ba'o/ /d+ha wa ni skyes bu rgyug pa ste/ don mang po yin pa de ltar bcom ldan 'das kyang snyan ngag mkhan chen po yin pas
 gzhung nyung dus don mang po ston pa la 'gal ba ci zhig yong/ sgyu ma kun gyi mnyam sbyor bas zhes bya ba la/ sgyu ma kun ni rnal 'byor ma rnams so/ /de dag dang yang dag par sbyor ba ni sgyu ma kun dang mnyam sbyor ba'o/ /las rnams thams cad rnam 'phrul pa zhes
 bya ba la thams cad ni rang dang gzhan no/ /las rnams rnam par 'phrul pa ni gang gis las rnams yongs su sprul pa ste/ de dag ni las rnams thams cad rnam par 'phrul ba zhes byis gcig tu mtshams sbyar ro/ /sgyu ma kun ni lha la sogs pa sprul
 pa'o/ /dbang phyug ni thabs la khyab pa ste/ gang gi rdzu 'phrul chen po dang/ thams cad la khyab pa'i dbang phyug yin pa des de ltar gyur pa'i rnal 'byor pa grub cing grags pa de la de skad ces bya'o/ /de lta bu'i gsang ba bshad par bya zhes sbyar te/ 'chang
 ba po'i tshig go /da ni sdud pa po'i mtshams sbyar ba gsungs pa/ 'byung po zhes bya ba la sogs pa la/ 'byung po ni srog chags rnams so/ /gdon ni brgya byin la sogs pa'o/ /de rnams kyi rigs pa chen mo ni sngags kyi tshig rnams so/ /gang gis ni sngon gyi
 sangs rgyas rnams kyis so/ /sdud cing spro ba ni bcom ldan 'das ma ste/ spro ba bsdu bar byed pa lta bu'i rigs pa'o/ /de gsungs so zhes bya bar sbyar te/ 'di ltar zhal gyis bzhes nas de'i 'og tu bcom ldan 'das kyis sngags sna tshogs bshad pa la thugs
 rtse gcig tu mdzad nas gsungs so zhes bya bar dgongs so/ /de nyid rim bzhin du gsungs pa/ hi ma wan ta sa/ zhes bya ba la sogs pa ste sngar bshad pa ltar rdo rje mkha' 'gro'i sbyor ba la gnas te sngags thams cad 'bum du bzlas par bya'o/ /sngags
 'di zhes bya ba ni hi ma wan ta sa zhes bya ba la sogs pa'o/ /khang thog tu bzhag na zhes bya ba ni sha za'i shing bu'o/ /'dir sbyor ba ni 'di yin te/ mar ngo'i tshes brgyad dam bcu bzhi'i nub mo ro bsregs pa la sha za'i
 shing bu yis bskul zhing byas te/ de'i rtse mo'i cha sor brgyad tsam gzung nas ba ser skya'i nang du bcug ste/ me de nyid kyi nang du ji srid shing thal bar ma gyur gyi bar du ru bsregs la de blangs nas ming gzung ba sngon du 'gro bas de la lan bdun
 sngags bzlas te/ khang pa'i phyam gdung gi gseb du sbas na ji ltar bstan pa bzhin du 'gyur te/ 'di ni man ngag go /yang snga ma ltar bsregs pa'i ru de nyid kyi nang du sha za'i shing gi tsher mas bkang ste de nyid kyi nyin par khang steng du bzhag na sha
 za'i 'tshe ba dang dran pa med par 'gyur ro/ /ba sa ha to li'i sa ti ya zhes bya ba la sogs ni 'og nas 'byung ba'i khyu mchog gi zhes bya ba la sogs pa dang 'brel to/ /de nyid kyis na ba lang gi gdong zhes bya ste/ glang gi rwas blangs pa'i sa dang sngags
 'dis 'og nas 'byung ba'i sbyor ba bya'o zhes bya bar dgongs so/ /na ma zhes bya ba la sogs pa la/ na ma sa par ni zhes bya ba la sogs pa'i sngags gnyis so/ /sngags 'di zhes bya ba ni gnyis bsdus pa ste des zhing bsrung bar 'gyur ro/ /bka' 
 tsam gyis sprin bzlog par 'gyur ro zhes bya ba la/ gang gi sngags kyi bka' tsam gyis sprin phyir bzlog pa de la de skad ces bya'o/ /'di nyid kyis zhes bya ba ni/ in da sa zhes bya ba la sogs pa'i sngags 'dis kyang sprin bzlog par 'gyur
 ro zhes bya ba'i don to/ /ratna ri ta zhes bya ba la sogs pa la/ ta ti zhes bya ba ni don med pa ste lung tsam mo/ /ratna zhes bya ba ni mthar badzra zhes bya ba gnyis sbyar te/ de nas h+ri phaT ces bya ba brjod la klad du oM zhes bya ba bzhag par bya ste/ des
 na oM ratna badzra badzra h+ri phaT ces bya bar 'gyur ro/ /de ltar yang 'og nas ratna badzra zhes bya ba nas/ de nas oM dang badzra brjod/ h+ri dang phaT ni mthar sbyar ba/ sngags ni dpung ni 'ching byed yin zhes gsungs te/ de la oM ni klad du brjod par bya ste/ de nas zhes bya ba ni badzra
 dang sbyar ro/ /'di'i sbyor ba yang de nyid du brjod par bya'o/ /oM a li zhes bya ba la sogs pa la/ oM a li bi li ba ra cu li zhes pa ni dang po'o/ /tso ra b+ha ga zhes bya ba la sogs pa ni sngags gnyis pa'o/ /sngags 'dis zhes bya ba ni sngags gnyis ka gcig tu  
 byas pas so/ /ba lang gi gdong gi cho ga gsungs pa/ khyu mchog gi rwa zhes bya ba la sogs pa'o/ /ka ra bI ra zhes bya ba la sogs pa la/ tshar bcad pa la sogs par 'dod pa'i rnal 'byor pas/ in da sa zhes bya ba la sogs pa'i sngags cho ga bzhin du bris
 nas sprin la bltas te klad la bskor na ji skad gsungs pa bzhin du 'gyur ro/ /ba lang gi gdong gi cho ga yang 'di nyid do zhes bya ba ni pa sa ha to li'i zhes bya ba la sogs pa'i sngags kyis kyang sbyor ba 'di bya'o/ /oM dzaM b+ho li ye zhes bya ba'i sngags dang po'o//
 dzi bi su thi zhes bya ba la sogs pa ni gnyis pa'o/ /sngags 'di zhes bya ba ni sngags gnyis gcig tu bsdus pa'o/ /lhag ma ni go sla'o/ /na ya mo zhes bya ba la sogs pa ni sngags gsum pa yin te/ de la na mo b+ha ga ba ti zhes bya ba la sogs pa rkang pa brgyad pa dang/
 oM a de zhes bya ba la sogs pa dang/ oM bi ga le zhes bya ba la sogs pa ste gsum mo/ /'di dag ni le'u sum cu gsum par gsal por shes par bya'o/ /zla tshes zhes bya ba la sogs pa la/ yi ge oM zla tshes dang thig les brgyan pa ni oM yin la des rkang
 pa rgyud kyi sngags sngon du brgyan pas mdzes par bya'o/ /mdza' dang mthar ni phaT mchog bya zhes bya ba la/ sngags kyi mthar ni phaT bzhag la de'i mthar yang phaT bya ba ni bzlas pa ste mchog ni bcu ba'o/ /ya na bar ni lan grangs te/ sngags de dang de'i mthar phaT
 gnyis gnyis su sbyar ba'i don to/ /swAhA zhes bya bas brgyan pa zhes bya ba ni phaT kyi mthar swAhA zhes bya bas mdzes par bya'o/ /rkang pa brgyad po zhes bya ba ni nye bar mtshon pa ste/ sngags gsum ga yang mgo zhabs kyi
 rgyan de dag dang sbyar ro/ /sngags kyi rgyal po 'di zhes bya ba la sogs pa la 'di'i zhes bya ba ni sngags gsum gyi'i 'o/ /'di zhes bya ba ni blo la gnas pa'i sbyor ba ste lha'i bsam gtan dang 'khor lo bri ba la sogs pa'i mtshan nyid do/ /de la lha'i bsam
 gtan gsungs pa/ sngags pa bdag nyid ces bya ba la sogs pa la rlung dang me'i dkyil 'khor la gnas pa zhes bya ba ni rang gi dkyil 'khor gyi steng du me'i dkyil 'khor/ de'i steng du ri bo lhun po/ de'i steng du khang bu brtsegs pa ste/ de'i nang du
 'og nas 'byung ba'i sgrub thabs kyi tshul bzhin du sngags pa bdag nyid rdo rje hUM mdzad du bsgom par bya zhes bya ba dang sbyar ro/ /de nyid gsungs pa/ zhal bzhi zhes bya ba la sogs pa ste/ le'u bcu gnyis par bshad pa'i cho gas 'dir bstan pa'i
 mdog la sogs pa dang ldan pa'i rdo rje hUM mdzad du bsgom pa'o/ /yan lag gi cha shas thams cad nas rdo rje mkha' 'gro ma spros zhes bya ba ni rang gi lus kyi sa bon las rdo rje mkha' 'gro ma rnams spro ste/ gnas ji lta ba bzhin du bsgom pa'o//
 'dis ni rang nyid hUM las rdo rje Ni mdzad du bskyed cing hUM gi sa bon de nyid las ltung byed ma la sogs pa mkha' 'gro ma rnams dang/ thod pa rnams bskyed la phyogs dang phyogs mtshams rnams su dgod do/ /zhes bya bar ston to/ /rnal 'byor des
 rig pa bzlas nas 'phrul 'khor la sogs pa bri'o zhes bstan pa'i phyir de rnams zhes bya ba la sogs pa smos te/ de nas zhes bya ba ni rig pa 'bum du bzlas kyi 'og tu'o/ /kham phor zhes bya ba ni char dbab par 'dod pas kham phor rtsa ba nag
 po med pa gnyis bzung bar bya ste/ de la ba bla la sogs pas bri bar bya'o/ /ci zhig ce na/ rlung dang me zhes bya ba la sogs pa la/ kham phor 'og ma la ni rlung gi dkyil 'khor ro/ /steng ma la ni me'i dkyil 'khor te/ des mdzes par byas pa nyid 'bar ba'o//
 rang rang mtshan mas mtshan cing zhes bya ba ni rlung gi dkyil 'khor gzhu lta bu la ba dan gyis mtshan pa dang/ me'i dkyil 'khor gru gsum la rtse mo bdun gyis nye bar mtshan pa'o/ /klu brgyad kyi dkyil 'khor zhes bya ba ni de'i dbus su bri ba ste/ ji
 lta zhe na/ re mig dgu par te/ ri mo zlum po la thig bzhi bris pas re'u mig dgur 'gyur te/ de nyid kyis na dkyil 'khor brgyad do/ /klu rnams dgod pa gsungs pa/ dkyil 'khor gyi dbus su zhes bya ba la sogs pa la/ dbus kyi re'u mig
 tu klu lhag ma can gdangs ka bdun la sogs pa dang ldan par bri ste go sla'o/ /phyi rol gyi dkyil 'khor zhes bya ba ni shar gyi re'u cha la sogs pa la rim bzhin du mdza' yas la sogs pa 'og nas 'byung ba ltar gdengs ka bdun la sogs
 pa can du'o/ /thams cad kyi lag pa g.yas na ral gri thogs pa'o zhes bya ba ni thams cad kyi thun mong du g.yas kyis ral gri bzung la/ g.yon gyis gdengs ka gsum dang ldan pa'i klu mo la 'khyud pa'o/ /'dis dkyil 'khor bskor la zhes
 bya ba 'dis zhes bya ba ni oM h+ri zhes bya ba'i sngags kyis so/ /dkyil 'khor bskor ba ni re'u mig dgu la so sor bskor ba'o/ /sngags 'di zhes bya ba ni a ni a ni la ta ra zhes bya ba la sogs pa ste/ spyan drang ba'o zhes bya ba ni sngags yongs su rdzogs pa'o/ /
 mthe bo kha sbyar te bcings la zhes bya ba ni mthe bo dang mdzub mo rtse sprad pa'o/ /phyi rol ni phyir bstan pa'o/ /lhag ma ni go sla'o/ /dza:zhes bya ba la sogs pa'i yi ge bzhi ni dgug pa la sogs pa'i las bzhi dang rim bzhin du sbyar ro/ /sngags
 kyi mthar zhes bya ba ni a ni la ta ra zhes bya ba'i mthar ro/ /sdong bu zhes bya ba ni shing ar ka'i ras bal pad+ma dkar po'i snal mas dkris te/ bdud rtsi lngas byug pa'o/ /kham phor der zhes bya ba ni lam phor gyi
 steng du'o/ /bsgoms nas zhes bya ba ni de'i steng du ri rab bri bar bya ba dang/ bris nas kyang bsam par bya zhes bya ba'i don to/ /de'i steng du hUM gis khro bo'i dkyil 'khor bsgoms la zhes bya ba ni kham phor kha sbyar pa'i ri rab kyi steng du nyi ma la gnas
 pa'i hUM las byung ba hUM mdzad kyi tshogs 'phro ba dang bcas pa'i rdo rje hUM mdzad bsgoms pa'o/ /rdo rje hUM mdzad kyi sngags zhes bya ba la sogs pa la ka ra ka ra zhes bya ba la sogs pa'i sngags sam/ rkang pa brgyad po la sogs pa'i sngags bzhi po de
 dag las gang yang rung ba zhig gam/ 'on te de dag thams cad spel ba'ang rung brgyad brgya bzlas par bya'o/ /zhi zhes bya ba ni dgar ba'i bdun pa'o/ /gal te sngags gsum po zlos na ni phyag bzhi pa'i rdo rje hUM mdzad kyi sbyor ba byas la/ ka ra ka
 ra la sogs pa'i phyag drug pa'i sbyor bas so zhes bya ba ni bye brag go /cho ga bzhin du bzhag par bya zhes bya ba ni mchod pa la sogs pa sngon du 'gro bas phyi rol gyi gnas mthon por sba ba'o/ /khro bo'i dkyil 'khor zhes bya ba ni nam mkha' 
 thams cad khyab pa'i hUM mdzad kyi dkyil 'khor te/ bsgoms pa zhes bya ba lnga pa dang 'brel to/ /ci zhig ce na/ rdo rje hUM mdzad ces bya ba la sogs pa la/ sogs pa zhes bya ba'i sgras ni gtso bo hUM mdzad las 'phros pa'i 'od kyis hUM mdzad rnams
 gzung ngo/ /lus kyi gzer bu zhes bya ba la sogs pa la/ sngags brgyad brgya bzlas kyi 'og tu lus kyi ho ma gzar rdo rje mkha' 'gro'i mtshan mas mtshan pas rdo rje nyi ma'i dkyil 'khor la zhes bya ba kham phor gyi steng du bsgoms pa'i rdo rje
 mkha' 'gro'i tshogs la mthor bar bsam mo zhes bya ba ni der chu'i sbyin sreg bya'o zhes bya bar dgongs so/ /gal te ji srid 'dod pa'i gnas su char bzlog par 'dod na de'i sbyor ba gsungs pa/ bdag nyid ces bya ba la sogs pa ste/
 bdag nyid ji lta ba bzhin du rdo rje hUM mdzad du bsgoms la/ de nas ci zhig bya zhe na/ rdo rje hUM mdzad kyi phyag rgya bcings pa'i mdzub mo'i rtse mor hUM gnyis bsgoms te zhes bya ba la sogs pa smos te/ 'dir rdo rje hUM mdzad kyi phyag rgya ni snying gar
 rdo rje khu tshur gnyis rgyab sprad de bcings la/ mthe'u chung gnyis sgrogs te mdzub mo gnyis bsgreng pa'o/ /hUM gnyis bsgoms te zhes bya ba la sogs pa la deng bkod pa'i hUM gnyis kyi 'od zer me lce 'bar ba'i tshogs kyi ji srid 'dod pa na
 gnas pa'i sprin gyi tshogs rnams bsregs par bsgom pa'o/ /bsam zhes bya ba ni de ltar bdag nyid rdo rje mkha' 'gror bsgom pa'o/ /bsam gtan 'ba' zhig gis ma yin par bstan pa'i phyir/ dpal rdo rje hUM mdzad kyi sngags
 kyang rung bzla'o/ zhes bya ba gsungs te/ dpal rdo rje hUM mdzad kyi sngags ni rig pa'i rgyal po rkang pa brgyad pa ste/ dpal rdo rje hUM mdzad kyi sbyor bas bzlas pas na dpal rdo rje hUM mdzad kyi sngags so/ /rung zhes bya ba'i sgras ni gzhan ka ra ka ra la sogs
 pa yang bsdu'o/ /sbyor ba gzhan bstan pa'i phyir dkyil 'khor chen po zhes bya ba gsungs te/ dkyil 'khor chen po ni rlung la sogs pa'i dkyil 'khor ro/ /de rnams kyi sbyor ba ni gong nas gong du bzhag pa'o/ /phyi'i dkyil 'khor zhes bya ba la/
 'dis bsten zhing 'dzin pas na phyi ste gzhir gyur pa'o/ /de ltar na phyi yang yin la dkyil 'khor yang yin pas phyi'i dkyil 'khor te las kyi gzhi'o/ /ye shes sa bon zhes bya ba ni yi ge hUM ngo/ /bsgom pa ni nyi ma'i dkyil 'khor gyi steng du
 gnas pa'i yi ge hUM gis rdo rje'i sa gzhi dang/ rab dang dra ba rnams bsgom mo zhes bya ba'i don to/ /dkyil 'khor chen po'i sbyor ba bshad pa'i phyir gsungs pa/ rlung dang zhes bya ba la sogs pa ste go sla'o/ /de'i dbus gyur
 pad+ma ni zhes bya ba ni gzhal yas khang gis nang du pad+ma dkar po 'dab ma brgyad pa bsgom pa'o/ /gsal ba'i dkyil 'khor ni zla ba'i dkyil 'khor ro/ /zla ba rdo rje sbyor ba zhes bya ba ni mngon par byang chub pa lnga bstan pa'o/ /de dag gis ni rlung dang me dang chu dang
 dbang chen gyi dkyil 'khor rnams gong nas gong du bsgoms la/ de'i steng du ri rgyal lhun po der sna tshogs pad+ma dang rdo rje mnan pa'i chos 'byung ba'i phyag rgyar gnas pa'i rnam par snang mdzad yongs su gyur pa las 'og nas 'byung ba'i gru bzhi pa la sgo bzhi pa
 zhes bya ba la sogs pa dang ldan pa'i khang bu brtsegs pa bsgoms te/ de'i dbus su pad+ma dkar po 'dab ma brgyad pa'i lte bar zla ba'i dkyil 'khor la zla ba rdo rje'i sbyor ba zhes bya bas mngon par byang chub pa lnga bsgom par ston to/ /de la mi phyed pas na rdo rje ste/
 h+ri las byung ba'i ral gri'o/ /'dir sa bon ni h+ri yin par blta ste/ 'og nas h+ri las byung bzhes gsungs pa'i phyir ro/ /rdo rje mkha' 'gro ma ni rdo rje mkha' 'gro ma'i dkyil 'khor ba'o/ /de ci 'dra zhe na/ zhal gcig phyag ni bzhi pa ste zhes bya ba la sogs pa go
 sla'o/ /'jigs pa dag kyang 'jigs par mdzad ces bya ba la/ 'jigs pa la brtson pas na 'jigs pa ste bde byad la sogs pa yin la/ de gang gi zil gyis gnon par byed pa de la de skad ces bya'o/ /gru bzhi sgo bzhi la sogs pa'i/ /mkha' 'gro ma yi dkyil
 'khor bsgom zhes bya ba 'di ni rdo rje mkha' 'gro ma rten dang brten pa'i dkyil 'khor de dag gi nye bar bsdu ba yin te 'og nas byung ba'i ri mo'i dkyil 'khor la yang sbyar bar bya'o/ /de ltar bsam gtan gyi dkyil 'khor la gnas nas/ sngags 'bum phrag
 du bzlas te/ char dbab pa'i sgrub thabs gsungs pa/ bla re dam pa zhes bya ba la sogs pa la/ bla re dam pa zhes bya ba nas dkyil 'khor dge ba'i las brtsam sogs zhes bya ba'i bar du ni rdo rje mkha' 'gro ma dang klu rnams kyi dkyil 'khor stan pa'o/ /zhes
 sogs kyis ni bsgom pa dang mchod pa la sogs pa bsdu bar bya'o/ /de nas rdzing bu bya ba ni zhes bya ba la sogs pas ni dkyil 'khor chen po de'i byang shar gyi grwar klu'i gnas rdzing bya bar bstan te/ ci lta ba zhe na/ rba rlabs chu gnyer la sogs pa
 zhes bya ba la sogs pa'i khyad par dang ldan pa'o/ /lha rnams dgod pa gsungs pa/ de nas cho ga 'di yis ni zhes bya ba la sogs pa'o/ /rig pa che zhes bya ba ni rdo rje mkha' 'gro ma'i dkyil 'khor te/ de sngar bshad pa ltar dgod pa'o/ klu brgyad
 dgod ces bya ba ni mdza' yas la sogs pa'i klu'i rgyal po brgyad shar la sogs pa'i phyogs mtshams su dgod pa'o/ /sgo bzhir mgo gnyis bsnol ba la zhes bya ba la sogs pa ni bzang po la sogs pa'i klu phal pa brgyad mdza' 
 yas la sogs pa'i mdog can du ra bar gyur pa'i tshul gyis dgod pa bstan pa ste/ shar la sogs pa'i sgo bzhir mig gnyis gnyis bsnol te sprul la grA bzhir ni mjug ma gnyis gnyis mdud de bsrung ngo zhes bya ba'i don to/ /de yang
 shar sgor ni bzang po dang rgyal ba gnyis kyi gdengs ka mdung de bstod pa'o/ /byang sgor ni dpal ldan dang dga' bo'o/ /nub sgor ni char 'bebs dang yid 'ong ngo/ /lho sgor ni myur ba dang dbyangs can no/ /mjug mas gru bzhir dkri bar bya ba
 la/ rgyal ba dang dpal ldan gyi 'jug mas dbang ldan dkris pa'o/ /de bzhin du dga' bo dang/ char 'bebs pa dang/ yid 'ong dang/ myur ba dang/ dbyangs can dang/ bzang po rnams phan tshun mjug ma mdud par blta bar bya'o/ /shar
 du zhes bya ba la sogs pa ni rdo rje mkha' 'gro ma'i shar gyi 'dab ma la ni mdza' yas so/ /klu mo dang ni bcas par dgod ces bya ba la/ de'i g.yas g.yon gnyis kar klu mo gdengs ka gsum gsum dang ldan par bri'o/
 lhag ma ni go sla'o/ /chog lnga pas bri bar bya zhes bya ba la/ ji ltar mdza' yas gdengs ka bdun dang ldan pa la sogs pa ltar/ nor rgyas la sogs bri bar bya zhes bya ba'i don to/ /lhag ma ni go sla'o/ /sprin gyi dbang phyug rgyal po rnams/ phyogs
 brgyad nas ni drang bar bya zhes bya ba ni shar la sogs pa'i phyogs mtshams brgyad du dgod pa bya ste/ drang ba ni dgod pa'o/ /de la shar sgor ni sgra grag go /byang sgor ni rmugs pa'o/ /nub sgor ni drag po'o/ /lho sgor ni 'gugs byed de/ de dag ni
 mdza' yas nas bzung ste/ stobs kyis rgyu ba'i bar gyis rim bzhin du mdog can no/ /yang dbang ldan du ni gtum po'o/ /me mtshams su ni 'bebs pa'o/ /bden bral du ni gang ba'o/ /rlung mtshams su ni g.yo ba ste/ de dag ni rim pa
 bzhin du dung skyong la sogs pa'i mdog can no/ /de dag kun kyang ro smad sprin gyi dkyil 'khor la ro stod sbrul gyi gdengs kar 'dug pa'o/ /sprin rnams kyi bar du klu phal pa brgyad gsungs pa ni man ngag gis na dkyil 'khor gyi snam bu
 gnyis pa'i sgo bzhi dang grwa bzhir mgo bo gnyis gnyis dang mjug ma gnyis gnyis kyi bar bar du bzhi bzhir bri bar bya'o zhes bstan pa'i phyir ro/ /shar la sogs pa'i sa'i cha rnams kyang de dag gi mdog du shes par bya'o/ /de
 nas sngar gsungs pa'i sngags dang phyag rgyas klu rnams dang sprin rnams dgug pa la sogs pa byas la/ bdag nyid 'thor 'thung dang nye reg byas te/ yo byad thams cad la oM b+hur b+hu ba:swAhA zhes bya bas bsang gtor byas nas me tog
 dang bdug pa la sogs pas mchod cing 'og mas bkang ba'i kham phor brgyad kyis kyang mchod par bya'o/ /de yang dam tshig gi rdo rje mkha' 'gro ma la ye shes kye mkha' 'gro ma dza(rgyud 'grel DA ki ni bar Sha bar Sha ba ya hUM b+hu swAhA/ zhes bzlas brjod bya ste/ 'di ni rdo rje mkha' 'gro ma'i sngags oM oM g+hi li g+hi li zhes bya ba la sogs pa ni sprin rnams la char dbab par bsgo ba'i sngags so/ /de la mchod pa byas kyi 'og tu mdza' yas
 la sogs pa'i klu rnams la phyag rgya bstan par bya ste/ lag pa g.yon pa'i rdo rje khu tshur gyi mthe'u chung dang mthe bo brkyang la mthe bo'i steng du g.yas pa'i gru mo btsugs te/ g.yas pa'i sor mo rnams sbrul mgo ltar byas pa 'di ni klu rnams
 kyi'o/ /lag pa gnyis pad+mar bskor ba byas nas phyogs kun tu bstan pa 'di ni sprin rnams kyi'o/ /oM g+hi li g+hi li bar Sha ba Sha pa ya huM hUM hUM ho ho ho phaT phaT phaT swAhA/ zhes bya ba ni 'di ni gnyis ka'i sngags so/ /yang na phyag rgya med par yang
 sngags 'ba' zhig bzla'o/ /mkha' 'gro kun dang mnyam sbyor ba zhes bya ba la sogs pa ni go sla'o/ /sbyor ba gzhan gsungs pa/ dud med gnyis kyi zhes bya ba la sogs pa la/ ming dang ldan pa zhes bya ba ni bud med kyi thod par nges par
 shes pas na ming ste/ shes pa de dang ldan pa ni thod pa ste rang gi rkyen can no/ /me'i dkyil 'khor zhes bya ba ni gru gsum pa rtse mo bdun par gnyis ka la bri ba'o/ /mtshams rnams su yi ge k+ShuM dang h+ri zhes bya ba la mtshams te/ gru gsum gyi phyi rol du
 ni k+Shu pri kha dkyil 'khor gnyis ka'i yang nang rol phyogs mtshams brgyad du h+ri brgyad dgod do zhes man ngag las shes par bya'o/ /dbus su bsgrub par bya ba'i bu mo'i ming bris te zhes bya ba ni dgug par bya ba ni bu mo'i ming che ge mo A
 kar Sha ya zhes bskul tshig dang bcas par bri'o/ /ri mo gsum gyis bskor nas zhes bya ba nyid mo dza'i sa bon nam zhes bya ba la sogs pas bstan te/ yi ge mo dza 'am re phas dkyil 'khor gnyis ka sum rim du
 bskor ba'o/ /steng 'og gi bye brag shes par byas la zhes bya ba ni go ro tsan dang khrag gis 'di ni steng ngo/ /'di ni 'og go zhes phyi rol tu bri ba'o/ /lhag ma ni go sla'o/ /gnas dben pa zhes bya ba la sogs pa la dben pa ni shin tu yang skye bo med
 pa'o/ /mar nag tsha bas byugs shing khrus chab gsol nas bskams te zhes bya ba ni gnas dben par bdag nyid kyis bsrungs te legs par bskam pa'o/ /sngags bzlas na brgya byin gyis char 'bebs so zhes bya ba ni bdag nyid nga rgyal dang bcas pas
 oM a kA ro mu khaM zhes bya ba la sogs pa'i sngags bzlas na lha'i rgyal po rnams sprin gseb du zhugs nas 'bebs pa'o/ /ji ltar 'das shen sgrub pa'i grogs zhes bya ba la sogs pa la/ sgrub pa ni las kyi rdo rje can no/ /grogs ni sgrub pa po
 dang rjes su mthun par spyod pa ste bshes gnyen can na/ /sgrub pa yang yin la grogs kyang yin pas sgrub pa'i grogs te/ de gang yin pa de la de skad ces bya'o/ /char dbab par dmigs pa ni char 'bebs pa la sems rtse gcig tu byas pa'o/ /kha
 shar stod du bltas pa ni shar pas cung zad me mtshams su bltas pa'o/ /min na zhes bya ba la sogs pa la/ deng char dbab par ma gyur na dpal phyag na rdo rje'i sngags bzla zhes bya ba ste/ dpal phyag na rdo rje nyid sngags yin te/ sngags dang lha dag
 dbyer med pa'i phyir ro/ /yang na phyag na rdo rje rnal 'byor la gnas te/ 'og nas 'byung ba'i sngags bzla ba ste sgra ji bzhin no/ /de la phyag na rdo rje'i rnal 'byor ni yi ge hUM las byung zhing sku mdog sngo ba phyag gnyis na rdo rje dang dril bu bsnams pa la
 sogs pa sngags las gsungs pa dang rjes su mthun pa'i gzugs so/ /sngags ni oM na mo nI lI zhes bya ba la sogs pa'o/ /yang na zhes bya ba la sogs pas ni las gnyis ston pa yin te/ sbrul mgo gnyis pa ni sbrul gyi khyad par gang la mgo gnyis
 yod pa'o/ /nam mkha' la bzhag la zhes bya ba ni ka dam pa la sogs pa'i shing gi me 'bar ba'i sol ba la ma reg par steng du kham bor gnyis bsro ba'o/ /de ci'i phyir zhe na/ char dbab pa la ste ched kyi bdun pa yin no/ /gang gis zhe na/
 sngags bzlas nas te/ rdo rje hUM mdzad kyi sbyor ba dang ldan pas rkang pa brgyad pa la sogs pa'i sngags bzlas na'o/ /rdo rje can la phul ba'i zhes bya ba la sogs pa la/ khang steng du gnas pa ni bya 'dab kyi steng du gnas pa'o/ /sprin la bdug pa
 ni sprin phyogs su bdug pa'o/ /sngags zlas pa ni hUM mdzad kyi sbyor ba dang ldan pas zlos pa'o/ /kham por zhes bya ba la sogs pa la/ dug la sogs pa ni rims dang na ga da ma na'i khu ba la sogs pa'o/ /rlung la sogs pa'i dkyil
 'khor gsum ni rlung dang me dang dbang chen no/ /de'i sa bon ni yi dang raM dang lang ngo/ /chu'i steng du zhes bya ba ni baM las skye pa'i chu'i dkyil 'khor bris pa steng du'o/ /'dab ma brgyad la yang klu brgyad kyi snying po gzir bar bris la zhes
 bya ba ni h+rUM dang sprel ba'i nang du ming bri ba'o/ /stobs po che'i sngags ni oM badzra kro d+ha zhes bya ba la sogs pa ste/ 'og nas 'byung ba'o/ /de pad+ma'i lte ba dang 'dab ma'i sa bon bskor ba'o/ /hUM dgu zhes bya ba ni phyogs gcig gsungs pa ste/ don
 du bco brgyad yin no/ /cho ga bzhin du sngags bzla zhes bya ba la/ cho ga ni le'u bzhi pa las 'byung ba'i stobs po che'i rnal 'byor te/ hUM las byung ba'i mdog sngon po dkar po dmar po'i zhal gsum pa phyag drug las phyag dang po gnyis so/
 rang gi rigs ma la 'khyud pa/ lhag ma rnams kyi mdung rtse gsum dang/ ral gri dang/ pad+ma dang/ nor bu bsnams shing nyi ma'i gdan la g.yas brkyang gis bzhugs pa/ nyi ma'i 'di can spyan gsum pa/
 skra kham pa gyen du 'bar zhing sbrul gyi rgyan can stag gi pags pa'i na bza' bgos pa'i stobs po cher bsgoms la/ kham phor la brgyad brgya bzlas te/ me tog sngon po la sogs pas mchod pa skud pa sngon pos dkris te mtshor spa
 bar bya'o/ /gtum po'i sa bon ni ske tshe'i sa bon no/ /lhag ma ni go sla'o/ /da ni phyag na rdo rje'i sngags gsungs pa/ oM na mo zhes bya ba la sogs pa ste/ 'di'i phan yon ni go sla'o/ /klu thams cad ces bya ba la sogs pa la klu thams
 cad ni gzugs sna tshogs pa'o/ /dgug pa ni de rnams kyi snying 'gugs par byed pa'i sngags dang phyag rgya la sogs pa'i mtshan nyid do/ /don de gsal bar byed pa'i gzhung gi tshogs ni rim par phye ba ste gsum pa'o/ /rgyud kyi rgyal po
 dpal rdo rje mkha' 'gro'i rnam par bshad pa las le'u gsum pa'i rnam par bshad pa'o// //da ni sngar bshad pa'i las kyi cho ga bskang ba dang sngar ma bshad pa'i las rnams bstan par bya ba'i phyir le'u bzhi pa
 gsungs pa/ de nas zhes bya ba la sogs pa ste de nas zhes bya ba ni las kyi tshogs bstan pa'i 'og tu'o/ /bcom ldan 'das la zhes bya ba ni bzhi pa'i don gyis bdun pa yin no/ /slar yang zhes bya ba ni las kyi tshogs sngar bstan pa
 nyid yang gsal par byas pas so/ /'di skad ces bya ba ni 'og nas 'byung ba skad do/ /mchod cing zhes bya ba ni phyi nang gi mchod pas mchod nas so/ /las thams cad kyi tshogs zhes bya ba ni char dbab pa dang gong bu dgug pa la
 sogs pa'i las kyi tshogs so/ /de nas zhes bya ba ni gsol ba btab kyi 'og tu'o/ /rig pa'i rgyal po zhes bya ba ni rdo rje sems dpa' ste/ char 'bebs pa la sogs pa'i rig pa ston cing gsal bar mdzad pa'i phyir ro/ /g+hi li g+hi li zhes
 bya ba la sogs pa ni phal pa'i skad de mtshon par bya ba yin la de ni 'og nas legs par sbyar bas mtshon par bya'o/ /de la ba dza de'i ni ba ri sa ba ri sa ya hUM b+hu swAhA/ zhes bya ba ni dang po'o/ /g+hi li g+hi li zhes bya ba la sogs pa ni
 gnyis pa ste/ tha zhes bya ba gsum ni brda yis phaT ces bya ba yin no/ /sa sa ha ha zhes bya ba gnyis gnyis ni sngags gnyis kyi swAhA gnyis so/ /oM ni zhes bya ba la sogs pas ni oM btu ba bstan te/ taM la ya ni thig le'o/ /
 des ni oM g+hi li g+hi li bar Sha ya bar Sha ya hUM hUM hUM ho ho ho phaT phaT phaT swAhA/ zhes bya bar 'gyur te sprin brgyad kyi sngags so/ /des na gsungs pa de ni chu 'dzin brgyad la gnas zhes bya ba ste/ rtag tu sprin brgyad la 'jug cing gnas
 so zhes bya ba'i don to/ /oM badzra DA gi ni pa ra Sha bar Sha pa ya hUM b+hu swAhA zhes bya ba ni rdo rje mkha' 'gro ma'i char dbab pa dang 'brel ba'i sngags so/ /de nyid kyis nam mkha' 'gro ma'i rig sngags te zhes bya ba la sogs pa gsungs te/ sgyu ma
 chen po'i rang bzhin no zhes bya ba ni mkha' 'gro ma thams cad kyi rang bzhin gyi sngags so/ /de yang phal ba'i skad kyis 'bum phrag gcig bzlas pas 'grub pa legs par sbyar ba'i skad kyis 'bum phrag gnyis bzlas na 'grub par 'gyur ro//
 oM ni gnyis ka dang 'brel bar blta bar bya'o/ /da ni gong bu dgug pa gsungs pa/ na ma zhes bya ba la sogs pa gsungs pa na ma zhes bya ba la sogs pa la mahA kA la a nu tsa ra ya zhes bya ba ni lha chen po ste/ nag po chen po dang
 lhan cig tu rgyu ba'i phyir ro/ /na ma zhes bya ba nas tadya thA zhes bya ba'i bar ni mtshams sbyar ba'i gzhung ste sngags ni ma yin no/ /oM tsa la zhes bya ba la sogs pa ni dgugs pa'i sngags te/ bsnyen pa khri
 zhes bya ba ni rdo rje mkha' 'gro'i sbyor bas so/ /mtshan phyed na zhes bya ba ni nye bar mtshon pa ste dus gsum du'o/ /gong bu dgug pa zhes bya ba la/ gong bu ni lus te rlung gi dkyil 'khor la gnas nas bar snang las cig car 'ong ba ni
 grong bu dgug pa'o/ /de skad du rdo rje mkha' 'gro'i rnal 'byor pas sngar bsnyen pa khri byas te/ lha chen po'i gzugs brnyan byas la/ de'i drung du bdag nyid rdo rje mkha' 'gro mdog dmar por gnas nas sgrub par bya ba mdog dmar po rlung
 gi dkyil 'khor la bskyon te rang gi snying ga nas 'phros pa'i sngags kyi 'od kyis bskor bar bsams la/ oM tsa la pra tsa la la la la la ya de ba ling ga lta byin A na ya swAhA/ zhes spel to/ /nyi ma bdun nam bcu gsum mam
 nyi shu rtsa gcig du dus gsum du bzlas na 'ong bar 'gyur ro zhes ston to/ /yang na mtshan phyed na ji srid 'ong gi bar du bzla'o/ /oM tsa muN+Di zhes bya ba la sogs pa ni lha mo tsa muN+Di'i sngags so/ /rdog pas mnan te zhes bya ba ni ling+ga zhes bya ba
 snga ma dang 'brel te/ khug zhes bya ba ni rkang pas 'ong ba'o/ /dbang du 'gyur ro zhes bya ba bdag la chags pa ste/ nor dang bcas par dbang du 'dus pa'o/ /'dir yang rdo rje mkha' 'gro'i rnal 'byor pas rkang pa g.yon pa'i 'thil la sen
 rtsis ri bo lhun po bris te/ de'i nang du grA bzhir yi ge h+ri bzhi bris la dbus su sngags kyi tshig bsgrub bya'i ming dang spel te bris nas rkang pa de nyid kyis lha chen po'i gzugs brnyan mnan la dus gsum du sngags kyi tshig lhas
 byin bdag gi dbang du gyur cig bya ba dang spel te bzlas na khugs par 'gyur ro/ /da ni mngon spyod gsungs pa/ skyes bu'i zhes bya ba la sogs pa la/ steng gi cha zhes bya ba cha steng ma ste/ 'og gi cha phur pa'i gzugs rtse gcig par bya ba'i
 phyir ro/ /byas la zhes bya ba ni brko ba'o/ /gcong nang chen po ni nad kyis 'tshe ba'o/ /'byung ba ni skye ba ste gnas pa ni yun ring du gnas pa'o/ /'dis kyang sngon du stobs po che'i sngags bsnyen pa khri byas la de'i 'og tu skyes bu'i byin pa g.yon
 pa'i thur ma la steng gi tshar tshogs kyi dbang phyug ji skad bstan pa bzhin du byas te/ ji skad smos pa'i rdzas kyi nang du btsos nas stobs po che'i sngags brgya rtsa brgyad bzlas te/ gang gi khyim sgor sbas pa de la yun ring du nad chen po
 'byung bar 'gyur ro zhes ston to/ /stobs po che'i sngags gsungs pa/ oM badzra zhes bya ba la sogs pa'o/ /char de bab pa gsungs pa/ grogs mkhar gyi sa dang zhes bya ba la sogs pa la/ grog mkhar gyis ni grags par zad do//
 ba'i rnam pa lnga ni ba'i 'o ma dang zho dang mar dang gcin dang lci ba rnams so/ /ka ra bI ra'i lcug ma ni ka ra bI ra' yal ga dang 'dab ma dang bcas pa'o/ /dkar gsum gyi gtor ma ni 'o ma dang zho dang 'bras sa lu'i gtor ma'o/ lhag ma ni
 go sla'o/ /des kyang 'di skad du rdo rje hUM mdzad kyi rnal 'byor pas grog mkhar gyi sa la sogs pa la kU bA su ka mdog ser po ji skad smos pa'i mtshan nyid can byas la ka ra bI ri'i lcug mas bkang ste dkar gsum gyi gtor ma byin la nyin zhag bdun du
 brgyun mi bcad par gu gul gyi bdug pas bdug cing/ ka ra bI ra'i lo mas rkang pa brgyad pa'i sngags zlos shing rgyun mi chad par chu gtor na ji skad smos pa bzhin du 'gyur ro zhes ston to/ /kha cig na de bA su ka'i gzugs kham por gyi steng du
 bzhag la a sho ka'i yal gas btab ste/ dkar gsum gyi gtor ma dus gsum du byin la steng na gnas pa'i bum pa bu ga phra mo las chu rgyun 'jig pas rgyun mi 'chad par bkru zhing skabs su gu gul gyis bdug
 pa dang/ ka ra bI ra'i lcu gams chu gtor bar bya'o/ zhes zer ro/ /hUM bzhi'i sngags de la zlos shing zhes bya ba la/ de la zhes bya ba ni char dbab pa la'o/ /da ni ngag bcing ba gsungs pa/ oM ga ga a ri ga ga swAhA/ zhes bya ba la sogs pa la/ sngags 'dis zhes bya ba
 ni 'das ma thag pa'i sngags kyis so/ /nang par sngar gdong bkrus pa las langs te sngags 'di lan bdun bzlas pa'i chus gdong dang rde'u bkrus la bzla zhes bya ba'i don to/ /gang yang rung ba'i bu ga zhes bya ba ni bra ba la sogs pa'i khung bu'i bu ga'o/ /ji ltar
 gzhug ce na che ge mo'i zhes bya ba la sogs pa ste/ lhas byin gyis kha chings shig ces yid kyis sam dngos su brjod nas so/ /yang na gdong ma bkrus par zhes bya ba ni ma bkrus pa nyid du las 'di bya'o zhes pa'i don to/ /mu kha tiSh+Than+ta zhes bya ba la sogs
 pa la/ glang gi lci ba ni khyu mchog gi lci ba ste/ de la sngags bzla zhes bya ba dang 'brel to/ /'dis ni khyu mchog gi lci bas la me lhung ba la sngags lan bdun bzlas te byi ba'i khung sgo gnam du bltas pa'i nang du bcug na ji slad smos pa bzhin du 'gyur ro/ /kha
 cig ni 'dir rdo rje mkha' 'gro'i rnal 'byor bas sngags 'dis gdong ma bkrus par las bya'o zhes zer ro/ /nga ni le'u gsum pa las gnas dben par zhes bya ba la sogs pa'i sbyor ba bstan pa'i sngags gsungs pa/ a kA ro zhes bya ba la
 sogs pa ste/ ni zhes bya ba ni rtsa ba rkang pa'o/ /lhag ma ni go sla'o/ /des ni oM A kA ro mu khaM sarbba d+harmA NAM A dya nutpan+nA twA ta ces bya bar 'gyur te/ oM zhes bya ba man ngag las shes par bya'o/ /sngon du gsungs pa'i sbyor ba ni go sla'o/ /de yang zhes
 bya ba ni sbyor ba gzhan bstan pa ste/ de yang bla gab dang bral ba'i gnas dben par lha'i rnal 'byor dang ldan pas char dbab pa'i blos sngags 'ba' zhig bzlas na brgya byin gyis char ba 'bebs par 'gyur ro zhes bya ba dang sbyar ro/ blo gros chen mo zhes bya ba ni lha mo
 la bod pa ste/ gang la blo chen po yod pa de ni blo gros chen mo ste bcom ldan 'das ma'o/ /mdun nas te zhes bya ba ni gdong gis bltas pa ste sprin gyi phyogs su gdong pa bltas pa'o/ /mkhar gnas rnams kyis nges par ni/ chu ni rab tu mang po 'bebs
 zhes bya ba ni sprin med par yang nam mkha' nyid las char 'bebs so zhes bya ba'i don to/ /sde tshan gyi zhes bya ba la sogs pa la/ sde tshan gyi mdza' ma ni sde tshan brgyad kyi mdza' ma ste ha'o/ /dbyangs yig bzhi pa ni a'i ste/ de dag gis ni h+ri zhes bya
 bar 'gyur ro/ /nyal ba'i sngas kyi sa gzhi zhes bya ba ni rmag pa la sogs pa gang zhig chags pa'i dbang du byas pa'i skyes pa'am/ bud med nyal ba'i sngas kyi sa gzhi la bri ba'o/ /rang gi khrag ces bya ba ni dbang du bya bar 'dod pa rang gi'o/ /snying
 po la zhes bya ba ni yi ge h+rI'i lto bar ro/ /ci zhig bri zhe na/ ming zhes bya ba ste/ chags par bya ba'i bu mo la sogs pa'o/ /nam zhe na/ nyal ba'i dus su'o/ /me tog dmar po zhes bya ba na e sho ka la sogs pa'i me tog go /bdug pa zhes bya
 ba ni 'og nas 'byung ba'i dbang gis bdug pa ste/ des pa dag nyid la 'dug pa'o/ /'dir bsdus pa'i don ni nyal ba'i sngas kyi sa gzhi la tsan dan gur gum la sogs pa'i dri dmar pos byugs nas/ a sho ka la sogs pa'i smyu gus rang gi khrag
 gis yi ge h+rI bris la de'i ltor che ge mo bdag gi dbang du gyur cig ces bris te me tog dmar po gtor la bdag nyid bdug pas bdug cing tsa muN+Da'i sngags bzlas na bdul dka' ba rnams kyang dbang du 'gyur zhes bya ba yin no/ /sbyor ba? gzhan
 gsungs pa snying gar nyi ma la hUM bsgoms ste/ rang gi lhag pa'i lha khams gsum rnam par rgyal ba la sogs par bsgom mo zhes bya ba la sogs pa ste 'dis ni sngar le'u gsum par rdo rje hUM mdzad la sogs
 pa'i khro bo'i dkyil 'khor pa'i lus kyi gzar bu las byung ba'i chu rdo rje nyi ma'i dkyil 'khor la 'thor bar bsam mo zhes bya ba dang 'brel ba yin te/ 'dir dgos pa ni ma yin no/ /'di'i don 'di yin te/ snying gar nyi ma'i dkyil 'khor gyi steng du
 yi ge hUM bkod de/ khams gsum rnam par rgyal ba la sogs pa'i rang gi lhar byas la rdo rje hUM mdzad la sogs pa rdo rjes mtshan pa'i rang gi lus kyi gzar bus chu gtor bar bya'o zhes bya ba yin no/ /rdo rje so can zhes bya ba la sogs pa la/ rdo
 rje so can gyi khrag gis bris la skud pa dmar pos bkri bar bya'o/ /zhes bya ba dang 'brel to/ /rdo rje sa can zhes bya ba ni mdzub mo ste rdo rje mche ba can zhes zer ba'i phyir ro/ /rlung gi sa bon zhes bya ba ni yi ge yi ngo/ /skul tshig ces bya ba ni 'dis
 bskul bar byed pas na bskul tshig de ming nyid do/ /hUM Tak+ki zhes bya ba'i sa bon gnyis kyi dbus su zhe bya ba ni/ oM Tak+ki dza:hUM zhes bya ba'i sngags gnyis kyi bar gyi go skabs su'o/ /oM zhes bya ba ni man ngag gis shes par bya'o/ /lcags
 kyu zhes bya ba la sogs pa ni go sla'o/ /so phag gi dbus su zhes bya ni so phag kha sbyar ba'i dbus su'o/ /bcug pa ni 'khrul 'khor du bzhug pa'o/ /rlung mtshams zhes bya ba ni bsgrub par bya ba rlung gi dkyil 'khor la bzhag par shes par
 bya'o/ /rkang pas mnan te zhes bya ba ni so phag de rkang pas brdzis pa'o/ /de dag gis ni 'di skad du hUM las byung ba mdog sngon po g.yas pa dang rtsa ba dang/ g.yon pa'i zhal dkar po dang/ sngon po dang/ dmar po'i mdog can/ phyag drug
 la dang po gnyis 'od kyi rig ma la 'khyud pa'o/ /lhag ma'i phyag gis lcags kyu dang/ zhags pa dang/ ral gri dang/ nor bu bsnams shing rol pa'i gzugs can pad+ma'i steng du nyi ma la g.yon brkyang gis bzhugs pa lha'i rgyan can spyan gsum pa
 TIk+ka rA dza re bsgoms la grog 'am ras la mdzub mo'i khrag dang shing dzA ti'i myu gus yi ge yI dbus su oM Tak+ki dza:hUM/ lhas byin A na ya oM Tak+ki dza:hUM zhes bya ba bris la so phag kha sbyar ba'i dbus su bcug ste skud pa dmar pos bkra shis nas
 g.yon brkyang gi stabs kyis g.yas pa mnan la/ bsgrub par bya ba rlung gi dkyil 'khor la bskyon te/ Tak+ki ra dza spros nas mgrin pa zhags pas bcings la snying lcags kyus phug ste/ khugs par bsams la sngags de bzlas par bya'o zhes ston
 to/ /sbyor ba de nyid kyis rdo rje hUM mdzad kyi rnal 'byor la gnas te/ tsa muN+Ta'i sngags kyis kyang dgug par bya'o/ /bton nas zhes bya ba la sogs pa la/ gzhan du ma yin no zhes bya ba ni ji srid 'khrul 'khor ma bton gyi bar du gnas par mi
 'gyur te/ dper na rdza mkhan gyi 'khor lo lan cig bskor ba'i 'phen shugs kyis 'khor ba ltar sbyor ba lan cig bzlas pas rgyun tu ma bzlas kyang yul du slar mi 'khor la sngags ma bsgrubs par 'khrul 'khor tsam gyis kyang bskrad
 par 'gyur ro zhes bya ba'i don to/ /sbyor ba gzhan gsungs pa/ bdag nyid ces bya ba la sogs pa la bdag nyid ni sgrub pa po bdag nyid dang bsgrub par bya ba'i bu mo'o/ /oM dmar po spyi bor yang zhes bya ba la sgrub pa po dang bsgrub par bya ba
 gnyis ka'i spyi bor oM dmar po bsgom pa'o/ /yang zhes bya ba ni bsdu ba ste gnyis ka'i snying gar mi dmar po dgos pa'o/ /bu mo'i kha nas zhes bya ba la/ kha ni sgo ste sna'i bu ga'o/ /nas zhes bya ba ni lnga pa ste/ de'i sna sgo? g.yon pa nas bdug?
 gi sna sgo g.yas par 'jug pa'o/ /phreng ba ni mgal me'i 'khor lo ltar 'gro ba dang 'ong ba'o/ /lhag ma ni go sla'o/ /'di'i bsdus pa'i don ni 'di yin te/ rdo rje hUM mdzad la sogs pa'i sbyor ba dang ldan pas rkang pa brgyad pa'i
 sngags sngon du bsnyen pa byas la/ bdag nyid mi dmar po las yid du 'ong ba'i bu mo'i gzugs su bskyed de/ oM dang mi dmar po'i sa bon spyi bo dang snying kar bkod la/ bsgrub par bya ba yang de bzhin du bskyed nas bdag gi sna sgo g.yon pa nas
 'od zer phyung ste/ de'i sna sgo g.yas par zhugs nas lus dang ngag dang sems kyi 'od gong bur bzung ste/ slar bdag gi sna sgo g.yas pa nas spyi bo dang snying gar zhugs par bya'o/ /de ltar yang dang yang du 'gro ba dang 'ong pa bsam la/ oM maM che ge
 mo ba sha ma na ya zhes bzlas na dbang du 'gyur ro/ /sbyor ba gzhan gsungs pa/ bud med kyi zhes bya ba la sogs pa la/ bud med kyi gci ba'i shul gyis zhes bya ba ni gang dang gang du gci ba byas pa'i sa ste/ de dang rang gi gci ba'i shul gyi sa
 gcig tu byas la/ chos 'byung ba'i gzugs bya ba'o/ /sngags lan bdun bzla zhes bya ba ni tsA muN+Di la sogs pa'i sngags rang gi mtshan ma la lan bdun bzla pa'o/ /dus gsum du sngags brgya rtsa brgyad bzla'o zhes bya ba yang sngags de nyid de/
 'dir yang rdo rje hUM mdzad kyi sbyor bas bya ba'o/ /lhag ma ni go sla'o/ /tshul gzhan gsungs pa skyes pa'i thod pa zhes bya ba la sogs pa la/ ming ni bsgrub par bya ba'i ming ngo/ /spel ba'i sngags zhes bya ba la sngags ni rig pa'i rgyal po zhes
 bya ba dang sbyar te/ tsA muN+Di la sogs pa'i sngags so/ /spel ba ni dgug pa dang dbang du bya ba la che ge mo ba shaM ku ru zhes bskul tshig der spel ba'o/ /lha'i 'jig rten zhes bya ba ni lha'i bu mo rnams so/ /las kyi cho ga de ltar yang zhes bya
 ba la/ yang zhes bya ba ni dgug pa 'ba' zhig ma yin gyi cho ga'i rnam pa des dbang du bya ba yang bya'o zhes bya ba'i don to/ /kha cig na re dug dang ske tshes che ge mo u ca Ta ya zhes bya ba'i bskul tshig nyi ma wan+ta ya zhes bya ba la sogs pa'i sngags dang
 spel te bris la sngags de nyid bzlas na bskrad par 'gyur ro zhes zer te/ yang zhes bya ba ni smos pa bsdu ba yin te/ dgugs pa'i las blo la bsngogs nas yang zhes gsungs pa yin no/ /yang na ma smos pa bsdu ba ste/ de'i tshe thod pa la sogs pa'i
 las kyi cho ga 'dis bskrad pa la sogs pa yang bya ba yin no/ /bskrad pa'i cho ga gsungs pa/ dug can gyi zhes bya ba la sogs pa ste dug can ni sbrul lo/ /gnod sbyin smyon pa ni khyi smyon pa'o/ /sba ba ni bskrad pa'i sngags kyi sngags kyis mngon par
 bzlas te sba ba'o/ /lus kyi dus su zhes bya ba ni bskrad pa'i las kyi dus so/ /khro ba dang bcas pa zhes bya ba ni nag po chen po'i rnal 'byor du bya ba'o/ /sngags zhes bya ba yang de nyid kyi sngags so/ /kha zas ni sder na gnas pa'o/ /gzhug
 pa ni bza' ba dang 'phang ba'o/ /de dag gis ni 'di skad du nag po chen po'i rnal 'byor la gnas te/ sder na gnas pa'i kha zas la de nyid kyi sngags kyis bzlas la/ kha zas de bsgrub par bya ba'i gzugs su bsams nas khro ba dang bcas/
 nas chang bu gcod pa'i tshe che ge mo'i mgo bcang par bsams shing khar 'jug pa'i tshe che ge mo'i mgo za bar bsams nas sos btab ste phyed khar ldad cing phyed bsgrub bya'i phyogs su 'phangs pa'i las 'di nyi ma bdun du byas na ji
 skad smos pa bzhin du 'gyur ro/ /kha cig ni bsang pa'i las yin no zhes zer ro/ /bcing ba gsungs pa/ lci ba zhes bya ba la sogs pa la/ gzugs brnyan zhes bya ba ni mdog la sogs pa de dang 'dra ba'i gzugs 'dzin pa'o/
 ras ma'i dum bu zhes bya ba ni nye bar mtshon pa ste/ tA la'i 'dab ma la sogs pa yang nye bar bzung ngo/ /ming zhes bya ba yang mtshon pa ste/ oM a li b+ha li b+ha ra tsu li che ge mo staM b+ha na ku ru swAhA zhes spel te bri'o/
 gtun shing la sogs lan bdun bzlas te/ zhes bya ba ni rdo rje hUM mdzad kyi rnal 'byor pas sngags bzlas ma thag pa de nyid gtun shing la lan bdun bzlas te lan bdun du gdong btsog par bya ba'i don to/ /yang na le'u drug pa las bstan pa'i oM dzoM
 b+ha ni zhes bya ba la sogs pa'i sngags kyis de ltar byas na yang ji skad smos pa bzhin du 'gyur ro/ /sbyor ba gzhan gsungs pa dpa' bo zhes bya ba la sogs pa la/ dpa' bo g.yul du bsang ba'i ras la bu mo dris na 'ong bar 'gyur ro zhes bya ba dang
 'brel to/ dpa' bo g.yul du bsang ba ni dgra'i phyogs su bltas te shi ba'o/ /ras ni de'i gos te der bri ba'o/ /ci zhig ce na/ gzugs brnyan te yan lag dang nying lag la yongs su rdzogs pa'i gzugs so/ /cis zhe na/ ri mo ste tshon gyis bri pa'o/ /ji ltar
 byas pas zhe na/ ba lang gi rdul dang zhes bya ba la sogs pa la ba la dI rdul ni ba lang gi sdu'o/ /bu pa ta li ni shing bu pa ta li zhes grags pa'o/ /de yang rlan las skyes shing sdong po phra la lcug ma sa la zug cing me tog kha thur du bltas pa
 ste/ de'i rtsa ba'o/ /de dag gis ni 'di skad du hUM mdzad la sogs pa'i rnal 'byor pas mngon par 'dod pa'i bu mo'i gzugs ji lta ba bzhin du gsal por bris la ba lang gi spu dang/ bu pa ta la'i tsa ba la tsa muN+Di'i sngags brgya rtsa brgyad
 sngon du bzlas pa'i bdug pas bdugs na 'ongs nas mdun du gnas par 'gyur ro/ /zhes ston to/ /bcing ba gsungs pa/ ras ma zhes bya ba la sogs pa la/ khro bo gshin rje gshed ni gshin rje'i sgra ste bri ba zhes bya ba dang 'brel to/ /kha
 dog thams cad dang ldan pa zhes bya ba ni kha dog thams cad gcig tu 'dres pa ste/ 'dir man ngag gis na rang gi dbyibs dang kha dog ji lta ba bzhin du pir gyis bri bar bya'o/ /g.yas brkyang pas gnas pa zhes bya ba ni nyi ma la gnas pa'i sna
 tshogs rdo rje'i lte bar rkang pa g.yas pa mtho lnga'i tshad tsam du brkyang ste/ g.yon pa cung zad skul pa'o/ /lag pa g.yas na zhes bya ba la sogs pa ni phyag dang po gnyis te man ngag gis ni phyag drug pa mtho ba dang/ ral gri dang/ zhags pa dang
 sprul gyi zhags pa dang/ gtun shing dang dgra sta bsnams shing gsus pa 'phyang bar shes par bya'o/ /dur khrod kyi sol ba zhes bya ba ni ro bsregs pa'i sol ba ste/ rdo rje hUM mdzod kyi rnal 'byor pas oM ratna badzra badzra h+ri phaT ces brgya rtsa brgyad
 mngon par bzlas pa'i sol bas so/ /sngags spel ba zhes bya ba la/ sngags ni 'das ma thag pa ste/ de dang bcas pa'i ming ngo/ /bzhag na zhes bya ba ni de'i 'og tu me tog ser po la sogs pas mchod de bzhag la yang sngags snga ma nyid ming
 dang spel to/ /lan stong du bzlas na rengs par 'gyur ro/ /tha na yid kyis kyang zhes bya ba ni yid kyis bya ba yang/ med na lus dang ngag gi bya ba lta ci smos zhes bya ba'i don to/ /gal te zhes bya ba ni bag med pa'i dbang gis so/ /lha thams cad
 cis bya ba la/ thams cad ni sems can rnams so/ /de thams cad gsal bar byed pas na lha ste sog go /stong par 'gyur pa ni zad par 'gyur ba'o/ /pha rol gyi dpung gi tshig dang spel na zhes bya ba la/ snga ma ltar bris te pra se na stwaM b+ha
 ni zhes bya ba ni khyad par ro/ /des ni 'di skad du gro ga la sogs pa la snga ma ltar bris te/ rgyal mtshan gyi rtse mo la btags nas sgrub pa po rta la sogs pa la zhon te g.yul du zhugs pa la pha rol gyi dpung gi tshogs kyi steng du sna tshogs rdo rjes
 mtshan pa'i ri rab kyis mnan par bsams la/ sngags de nyid ji lta ba bzhin du bzlas na dpung bcings par 'gyur ro/ /gzhan yang shing lo la zhes bya ba la sogs pa la/ gzhan yang zhes bya ba ni sngags de nyid kyi sbyor
 ba gzhan no/ /shing lo la sogs pa ni gro ga la sogs pa bsdu ba'o/ /phreng gnyis pa'i mthar bsgrub bya'i ming gi yi ge dang spel te zhes bya ba ni oM de ba dat+ta stwaM pa h+ri de ba dat+ta h+ri zhes bya ba la sogs pa 'am/ yang na sngags kyi yi ge re re'i mdza' 
 mar bsgrub bya'i ming gi yi ge re rer spel ba ste/ oM de stwaM b+ha ya ba stwaM b+ha ya zhes bya ba la sogs par sbyar ro/ /gal te yi ge mi mnyam par gyur na de'i tshe thams cad kyi mthar spel bar bya ste/ oM ratna badzra badzra h+ri de ba dat+te stwaM b+ha na phaT ces
 spel bar bya'o/ /bcings la zhes bya ba ni skud pa ser pos bcings pa'o/ /kham phor zhes bya ba ni rtsa ba nag po ri mo med pa'o/ /bshang ba zhes bya ba la sogs pa ni go sla'o/ /de dag gis ni 'di skad du snga ma ltar bris pa'i shing lo la sogs pa
 kham por du bzhag ste/ che ge mo bcing bar bya'o snyam du blos bsams nas de'i steng du bshang ba btang ste/ lci skam gyi thal bas bkang la kham phor gzhan gyis bkab ste/ dbugs phyir mi 'byin par sa 'og tu sbas la sas g.yogs te/
 'thas par brdung bar bya'o zhes ston to/ /gzhan du ma yin no zhes bya ba ni gdon mi za bar 'chi ba'o/ /sngags btu ba gsungs pa/ ratna badzra zhes bya ba la sogs pa la badzra zhes bya ba ni mi phyed pa'o/ /de nas zhes bya ba ni sngon du'o/ /de bas na
 ratna badzra'i sngon du mi phyed pa'i rang bzhin gyi oM brjod par bya'o/ /h+ri dang phaT ni mthar sbyar ba zhes bya ba la/ oM ratna badzra badzra'i mthar ni h+ri yin la/ de'i mthar ni ming dang bskul tshig sbyar zhing de'i mthar phaT gdon no/ /sa nag po zhes bya ba
 la sogs pa la/ kha bcings shing zhes bya ba ni nye bar mtshon pa ste/ lus la sogs pa la yang sbyar ro/ /mchod pa zhes bya ba ni bcing ba'i las la ni mchod pa'i yo byad ser por byas la/ dbang gi las la ni mchod pa'i yo byad dang/ gos la sogs pa dmar
 por bya'o/ /lhag ma ni go sla'o/ /de dag gis ni 'di skad du rang gi lha'i rnal 'byor gyis grogs la sogs pa la go ro tsa nas/ oM na mo b+ha ga ba ti tsa muN+Da su kha mu khi zhes bya ba la sogs pa'i sngags kyi tshig dang che ge mo ba shi ku ru stwaM b+ha ni hi zhes bya ba'i ming dang
 bskul tshig tu spel ba bris te/ tsa muN+Da'i khar bcug la sngags de nyid bzlas na kha bcings shing dbang du 'gyur ro zhes ston to/ /yang dgug pa gsungs pa/ kham por zhes bya ba la sogs pa la/ sngags bzla zhes bya ba ni oM na mo b+ha ga ba ti su kha mu khi zhes
 bya ba la sogs pa'i sngags bzlas te/ 'dir rdo rje hUM mdzad kyi rnal 'byor mas bzla bar bya'o/ /de yang gang dang gang du sngags kyi cho ga la lha'i rnal 'byor ma bstan pa de dang der rdo rje hUM mdzad bsgom par bya'o zhes gsungs pa'i phyir ro/ /bud med dngos kyi zhes
 bya ba ni tha mal ba'i bu mo dngos kyi'o/ /mdzub yugs kyi dus su yang sngags de nyid bzla'o/ /lhag ma ni go sla'o/ /nim pa'i lo ma zhes bya ba la sogs pa la rang gi khrag ces bya ba ni sgrub pa po'i srin lag gi khrag go /rgongs mo tshangs du 'gro kha ma zhes
 bya ba ni phyir mi ldog par chang du 'gro ba'i dus su'o/ /lhag ma ni go sla'o/ /'dis kyang nim pa'i lo ma la dug la sogs pas/ oM mu ni ka si mu ni ba si mu ni ha ta laM ga le hi ba de che ge mo u tsa Ta ya swAhA zhes spel te bris la bag zan la sogs pa'i chang
 bu'i nang du bcug nas sngags de nyid zlos shing/ chang bu brgya rtsa bdun bya rog tshang du 'gro kha ma la sbyin te/ de ltar nyi ma bdun du byas na bskrad par 'gyur bar ston to/ /rtsig ngos zhes bya ba la sogs pa la yi ge tha bri zhes bya ba la sogs pa 'di dag
 ni lugs las bzlog ste bri bar bya'o/ /dbang du 'gyur zhing bcing bas bcings par 'gyur ro zhes bya ba la/ dbang gi las dang bcing ba'i las su 'gyur ba de la de skad ces bya ste/ gang gi zhe na/ bcing bas zhes bya
 ba ste/ rgyu'i don gyis gsum pa yin no/ /ro zhes bya ba ni skabs su rdzogs pa'o/ /lhag ma ni go sla'o/ /'di'i don ni rtsig ngos la sogs pa la ba bla 'am gur gum la sogs pa'i tshon gyis yi ge ka bris la/ de'i nang du wa shaM ku ru stwaM b+ha
 ni hi bya ba dang spel ba'i sgrub bya'i ming bri ba'o/ /de nas ka'i phyi rol tu ha bris te/ ha'i ltar ka bri ba'o/ /ha yang pha'i nang du bri'o/ /ha de'i phyi rol tu dbyangs kyi yi ges 'khor bar bri'o/ /de thams cad kyang tha'i lto chud par bris te ci yang rung bar
 kha bcad la sngags de nyid bskul tshig dang bcas par bzla'o/ /zhes bya ba 'di yin no/ /da ni shi ba gso ba gsungs pa/ lte ba'i pad+ma zhes bya ba la sogs pa la/ 'di'i don ni rnam par snang mdzad dam sangs rgyas spyan gyis rnal 'byor bas ro'i
 snying gar pad+ma 'dab brgyad kyi dbus su de'i ming gi yi ge'am/ yi ge a dmar po bsgoms te/ sangs rgyas spyan gyi sngags kyi phreng bas bskor la/ pad+ma de zhags pas bcings nas sngags de'i 'od kyi bdud rtsi'i chu rgyun gyis bkru bar bsgom zhing spyan
 gyi sngags de nyid bzlas pa'i cho ga 'dis ni bdag gam gzhan 'tsho bar 'gyur ro zhes pa 'di yin no/ /de nyid kyi khyad par gsungs pa a ni zhes bya ba la sogs pa la a nyid srog yin no zhes bya ba dang sbyar ro/ /phyag rgya ni de bsrung ba'i phyag rgya ni
 de rnam par snang mdzad dam sangs rgyas spyan gyi phyag rgya ste/ des bcing bar bya zhes bya ba rang sbyar te/ zhags pa'i tshul du gyur nas srog srung la sogs zhes bya ba la sogs pas ni nad med pa la sogs pa bsdu'o/ /de nyid kyi sbyor ba gzhan gsungs
 pa/ rdo rje'i zhes bya ba la sogs pa ni rdo rje'i lte ba zhes bya ba ni rdo rje'i chang zung ngo/ /kha sbyar ba zhes bya ba ni snying ga zhes bya ba dang sbyar te/ snying gar pad+mar rdo rje gnyis kha sbyar ba'o/ /gangs kyi 'od lta bu ni 'od dkar po ste a de yang gnyis yin no/ /de'i mdza' 
 zhags pas bcings pa ni rdo rje gnyis kyi mdza' zhags pas bcing ba'o/ /'dir yang a dang rdo rje'i 'od kyis lus thams cad bkru zhing snga ma bzhin du sngags brjod par bya'o/ /srung ba ni srog srung ba'o/ /dam pa ni mchog go /sbyor ba gzhan gsungs pa
 snying ga'i pad+ma'i zhes bya ba la 'o ma'i rgyun lta bu'i bdud rtsi'i chu rgyun zhes bya ba ni de gnyis ka las byung ba'o/ /'dir khrus chab gsol ba zhes bya ba ni lus thams cad duAng sbyar ro/ /pad+ma kha sbyor zhes bya ba ni lte 'og gzhan dag tu 'ang sbyar bar bya'o
 snying gar dbang bskur zhing zhes bya ba ni snying gar gnas pa'i sangs rgyas spyan gyi sngags las rnam par snang mdzad dang/ spyan la sogs pa'i tshogs phyung ste bkra shis dang bcas pas dbang bskur ba'o/ /'di'i don ni snying ga'i pad+ma'i steng du zla ba la
 yi ge baM kha thur du bltas pa bkod la pad+ma gzhan dang kha sbyar te bdud rtsi dkar po 'dzag par bsams mo/ /de bzhin du lte ba'i pad+ma'i zla ba la yi ge a nas kyi 'bru tsam bkod la pad+ma gzhan dang kha sbyar te de dag gi bdud rtsi'i 'od kyi bsgrub bya'i
 lus kyi nang thams cad bkang ste/ rnam par snang mdzad la sogs pa'i tshogs kyi dbang bskur bar bsams la/ snga ma ltar sngags bzla ba 'di yin no/ /'chi ba blu ba gsungs nas/ sbyor ba gzhan bstan pa'i phyir shing tA la'i zhes bya ba la
 sogs pa gsungs te/ ga dang oM kha sbyar ba zhes bya ba ni tA lI 'dab ma la tsher mas oM ge mo stwaM b+ha he o ga zhes bri ba'o/ /bum pa ni bum pa kha sbyar ba'o/ /spra tshil la sogs pas ni la cha la sogs pa bsdu'o/ /'dir bsgrub par
 bya ba blo la bzhag ste/ dbugs nang du bsdams nas bcing ba'i sngags gang yang rung ba zlos shing mi gtsang ba'i nang du bcug na ji skad smos pa bzhin du 'gyur ro/ /yang gsungs pa shing zhes bya ba la sogs pa la ar
 ka ni nyi ma'i shing ngo/ /lag pa bzhi dang ldan par bya zhes bya ba la/ phyag mtshan la sogs pa ni mu stegs can gyi gzhung las 'byung ba ltar ro/ /sa bon ni yi ge ga'o/ /'gugs pa ni ye shes sems dpa' bzhugs pa'o/ /dam tshig sbyin
 pa ni arka la sogs pa sbyin pa'o/ /sngon po ni pi pi ling ngo/ /snun pa ni ba ru ra'o/ /chu ni ba li ka'o/ /khyim gyi chu ni rang skyur kany+dzA 'o/ /lhor blta ba ni gshin rje'i phyogs su blta ba'o/ /sngags pa ni 'ching ba'i sngags zlos pa po'o/ /lhag ma
 ni go sla'o/ /stobs po che'i sngags kyis bskrad pa gsungs pa/ dur khrod kyi ras zhes bya ba la sogs pa la/ a ba d+hU tI'i ras ni zla mtshan 'jig pa'i smad dkris so/ /sha pra'i shing ni u dum ba ra 'am/ sa ko ta ka 'am ba ru ta ka'i shing ngo/ /rlung
 mtshams su zhes bya ba la sogs pas ni las kyi bye brag gi phyogs kyi nges pa bstan pa yin te/ bcing ba la ni dbang ldan gyi mtshams su sba bar bya'o/ /de nyid kyis na cho ga 'di nyid kyis zhes bya ba la sogs pa gsungs so/ /lugs su 'byung bar zhes
 bya ba ni rim bzhin du bzla ba ste/ shugs kyis na sngar bzlog ste bzlas par yang blta'o/ /ldong ros zhes bya ba la sogs pa la/ rang gi lag pa g.yon pas ldong ros kyis gro ga la bsgrub bya'i gzugs bris te/ der lhag par mos nas snying gar
 dbang du byed pa'i sngags ming dang spel ba bris la sbra tshil gyi gong bur til mar ram rtsi mar gyi mar me la gzugs brnyan bsro zhing dus gsum du sngags bzlas na dbang du 'gyur ro/ /bskrad pa gsungs pa/ maN+Dal byugs te zhes bya ba la sogs
 ba la sngags ni 'dir k+kha mu khi zhes bya ba la sogs pa'o/ /dgug pa gsungs pa bsgeg nas bsad pa zhes bya ba la sogs pa la/ sngags ni 'dir dgug pa'i dbang du byas pa'i sngags gang yang rung ba ste/ lhag ma ni go sla'o/ /grong khyer brtan par bya ba
 gsungs pa/ yang zhes bya ba la sogs pa la/ brdar rdo ni rdo'i khyad par rnon po'o/ /rdza ma nag po ni sa nag po'i rdza ma'o/ /rgya btab ste zhes bya ba ni de'i steng du 'jim pa nag pos bkab la dbang du bya ba'i sngags bzlas pa'i lag pa rgya gdab pa'o/ /stong ru
 brgyad bzla zhes bya ba ni dbang du bya ba ni dbang du byed pa'i sngags sam gzhan rkang pa brgyad pa'o/ /grong khyer ba bros pa zhes bya ba la sogs pa la/ sngags bzlas na zhes bya ba ni dgug pa'i hUM mdzad kyi sngags sam/ rkang pa brgyad pa 'am/ ka ra ka ra la
 sogs pa'o/ /bu ram la bzlas te zhes bya ba ni/ oM in dre ha zhes bya ba'i sngags sam stobs po che'i sngags la sogs pa'o/ /rdza mkhan gyi lag pa phyis pa'i 'jim pa zhes bya ba ni lag pa la gos pa phyis pa yin gyi lag pas blangs pa tsam
 ni ma yin no/ /ji ste zhes bya ba la sogs pa ni rkang pa brgyad pa'i sngags kyis bya ba ste go sla'o/ /nyi shu'i phyed kyis rdzas zhes bya ba ni rnam par snang mdzad dang rin chen 'byung ldan dang/ snang ba mdza' yas dang/ mi bskyod pa zhes grags pa bzhi po rdo rje'i
 dri ma dang bcas pa lnga dang/ go ku da ha na zhes bya bar grags pa lnga ste bcu'o/ /kha cig ni skyugs pa dang bcu'o zhes zer ro/ /kha cig ni gur kum mo/ /'dir rkang pa brgyad pa'i sngags sam/ dbang du byed pa'i sngags brgya rtsa brgyad bzla bar bya'o//
 sa la ya skyes zhes bya ba ni tsan dan no/ /dmar po zhes bya ba ni yang gur kum mo/ /nad kyi dbang po ni ru rta'o/ /'tshong byed ni yung ba'o/ /lhag ma ni go sla'o/ /rtsa sngags ni ka ra ka ra la sogs pa'i sngags so/ /de ni 'di skad du rtsa ba'i sngags
 'bum du bzlas na sngags gzhan dag gis kyang sngar ma bzlas bzhin du grub bo zhes ston to/ /de 'og las rnams brtsam par bya zhes pa ni ma bzlas bzhin du lar zhes bya ba'i tshig gi lhag ma'o/ /de nyid kyis na gzhan
 du zhes bya ba gsungs te/ gzhan du zhes bya ba ni sngags kyi gtso bo ma bzlas par las rnams brtsams na dngos grub tu mi 'gyur bas dam pa'i chos la brnyas par 'gyur ro zhes bya ba la sogs pas ni bdag nyid ched mar ston te/ gzhan du na
 'chad pa por 'gyur ro/ /las thams cad ni char dbab pa la sogs pa'i sgrubs thabs kyi mtshan nyid do/ /tshogs ni rab tu rgyas pa'o/ /'byung ba ni skye ba ste/ de rnams gang nas 'byung ba de la de skad ces ba'o/ /zhes bya ba ni gsal bar
 byed pa ste/ ci zhig ce na/ cho ga ste las rnams kyi sngags kyi cho gas so/ /rgyas pa ni skad sna tshogs kyi nye bar bzhag pa'i don de ston par byed pa'i gzhung tshig gi tshogs ni rim par phye ba ste bzhi pa'o/ /rgyud kyi rgyal po chen po dpal rdo rje mkha' 'gro'i
 rnam par bshad pa las le'u bzhi pa'i rnam par bshad pa'o// //da ni phyag brgyad pa'i rdo rje mkha' 'gro'i rnal 'byor gyi las rgyas pa bstan par bya ba'i phyir/ le'u lnga pa gsungs pa/ de nas zhes bya ba la sogs pa la de nas
 zhes bya ba ni rnal 'byor ma nges pa'i las rgyas pa bstan pa'i 'og tu'o/ /mkha' dbyings dbus gyur par zhes bya ba ni sngar gsungs pa'i sgrub thabs kyis rim gyis bskyed pa'i khang du brtsegs pa'i nang gi nam mkhar ro/ nyi ma'i dkyil 'khor ni raM gru
 gsum las bskyed pa'o/ /ci 'dra zhe na/ dpag med ces bya ba la sogs pa la rigs kyi klu'i tshogs so/ /gang gi 'od zer klu'i gzugs kyis phyogs mtshams kyi nam mkha' khyab par 'phro ba de la de skad ces bya'o/ /'dis ni yi dags kyi steng du nyi ma'i stan
 la a la sogs pa dang/ ka la sogs pa yongs su gyur pa'i zla ba'i dkyil 'khor gnyis kyi steng du raM las byung ba'i nyi ma sngar bshad pa'i mtshan nyid can blta bar bya'o zhes ston to/ /rang gi sa bon mtshan ma ni zhes bya ba ni der hUM gis bskyed pa'i rdo rje'i lte bar de nyid
 kyis mtshan pa'o/ /ci 'dra zhe na/ nyi ma stong pas zhes bya ba la sogs pa ste/ 'od zer rnon po zhes bya ba ni klu rigs ldan gyis mtshan pa'i rdo rje'i mtshan ma las 'phros pa'i 'od kyi tshogs de klu dang bcas pas na rnon po'o/ /bdud snga ni nyon mongs pa'i bdud dang phung
 po'i bdud la sogs pa'o/ /bsregs nas zhu ba las ni skur bzhengs zhes bya ba dang sbyar te/ ji lta zhe na/ de bsdus gong bu'i sbyor ba yis zhes bya ba la de ni de dag ste zla ba la sogs pa'o/ /bsdus pa ni 'od zer 'phro ba bsdus nas gcig tu byas pa
 ste/ zla ba la sogs pa de dag 'dus shing zhu ba las gyur pa ni gong bu'o/ /de nyid ni sbyor ba ste/ ro gcig tu gyur pa zhes bya ba'i don to/ /ci 'dra zhe na/ sku mdog ces bya ba la sogs pa ston te go sla'o/ /yang ci 'dra zhe na/ lhag ger bzhad chen zhes bya ba la
 sogs pa ste/ lhag ger bzhad pa ni ha har bzhad pa'o/ /bzhad pa'i tshems kyi 'od kyis bla re gyen du 'dags pa'i lha mo'i dkyil 'khor de la de skad ces bya ste/ lha mo de gang dag yin zhe na/ ltung byed ma la sogs pa'o/ /rgyun chags ni lha mo de dag
 gzugs gzhan dang gzhan gyis yun ring du gnas pa'o/ /mdza' ni 'khor lo'i mdza' 'am bla re'i mdza' ste/ der gnas pa'i dang tshul can gyi lha mo de dag la de skad ces bya'o/ /'dis ni bsgom pa la yang ri mo dang 'dra bar dkyil 'khor la bla
 re bri bar shes par bya'o/ /da ni bcom ldan 'das kyi zhal dang mdog la sogs pa'i nges pa gsungs pa/ slar yang 'od ldan phyag bzhi zhes bya ba la sogs pa la/ phyag bzhi der slar yang bzhi zhes bya bar sbyar te/ de ltar na phyag brgyad do/ /de dag kyang
 sgyu ma chen mos gang gis mthong ka mdzes par byas pa de la de skad ces bya ste/ sgyu ma chen mo ni sngar bstan pa'i gzugs can gyi rdo rje mkha' 'gro ma'o/ /yang na slar yang zhes pa'i sgra ni bcom ldan 'das kyi khyad par la bya
 ste/ bcom ldan 'das kyis phyag bzhi bzhis sgyu ma chen mo'i mthong ka mdzes par byas pa'o/ /yang ci 'dra zhe na/ rgyal ba rnam par grol ba'i zhes bya ba la sogs pa la/ rgyal ba rnam par grol ba zhes bya bar sbyar ro/ /'dir rgyal ba ni stag gi pags pa
 dzi nI ba ra d+ha rA ya zhes sngags la zer ba'i phyir ro/ /de nyid dri ma ste de nyid 'gro ba yin pas na dri ma dang chos mthun pa'i phyir ro/ /mu tig ni grol ba ste rnam par grol bas na grol ba'o/ /ha ra ni phogs pa ste de dag ni rnam grangs so/ /de ci 'dra zhe na/ rgyun zhes bya
 ba ste/ chu bo ga d+hA'i rgyun ltar dri ma med cing dang ba'o/ /kha ba mchog gi zer tshogs 'khru zhes bya ba la/ kha ba mchog gi zer tshogs dang 'dra bas na kha ba mchog gi zer tshogs te/ mgo bo'i steng na gnas pa'i zla ba chos pa'o/ /'khru ba ni de'i 'od chu
 ltar bsal bas gsal ba'o/ /nyis 'gyur ni 'od de dang ha har bzhad pa'i tshems kyi 'od 'dud pas gsal ba'o/ /yang na nam mkha' la gnas pa'i zla ba dang skar ma la sogs pa dang/ zla ba de nyid nye bar gyur pas 'od lhag par gsal ba'o/ /yang
 ci 'dra zhe na/ zhabs gnyis ri chen la bzhugs bskyod ces bya ba la sogs pa la/ bcom ldan 'das kyi zhabs gnyis ri bo chen po'i steng du gar mdzad pa ri bo 'khrog cing ldeg la des lha ma yin gyi grong khyer sum brtsigs kyi mdza' ste/ 'og
 bzhi'i bar du kun tu bskyod cing 'khrugs pa'o/ /rnam par rgyal ba zhes bya ba ni grags pa'o/ /rgyur ni gcig nas gcig tu 'jug pa ste/ de ltar bskyod pa des gcig nas gcig tu sa gsum po ma lus par grags pas yongs su gang bar
 gyur pa'o/ /'byung 'jug dbugs ni zhes bya ba la/ bcom ldan 'das gar mdzad pa'i dbugs dbyung ba dang rngub pa'i sgra'i tshogs gsang mthon pos bcom pas sa gsum po rab tu g.yos pa dang/ khyad par des sa gsum gyi skye bo pha rol po rnams
 kyi dpung gi sems rab tu g.yengs pa'o/ /mtshon cha sna tshogs 'phangs pas khyab ces bya ba ni bcom ldan 'das kyi mtshon cha 'phangs pa rnams kyis nam mkha' khyab pa'o/ /yang na mtshon cha ltar bzod par dka' bas na mtshon cha ste/ bcom ldan 'das kyi mthu'o/
 da ni zhal gyi mdog gsungs mun pa'i tshogs kyis gti bas pa bzhin zhes bya ba la sogs pa la/ gtibs pa ni gtsigs shing mthug pa'o/ /bzhin zhes bya ba ni 'dra ba ste/ ci zhig ce na/ lha'i phyogs zhes bya ba dang sbyar te/ shar phyogs kyi zhal lo bcom
 ldan 'das kyi 'od steng du 'phros pa gsungs pa thams cad ces bya ba la sogs pa la/ steng gi nam mkha' la gnas pas nam mkha' na gnas pa'i lha rnams te gnas gtsang ma'i bar du'o/ /'byung po'i bdag po ni bde byed do/ /grib ma'i mdza' ni
 'od kyi nye 'khor ro/ /rkang pa ni lha rnams kyi rkang pa ste/ des 'od kyi nye 'khor der nye bar bzod cing bzod par mi nus pa'i ngang tshul can de la de skad ces bya ste/ rang gi tshig la ta la dang na da'i rkyen can yin no/ /kha cig na re rkang pa ni bcom ldan
 'das kyi rkang pa ste/ de'i 'od mun pa'i tshogs kyis gtibs pa bzhin zhes bya ba dang sbyar ro zhes zer ro/ /bcom ldan 'das kyi 'od gling bzhir 'phros pa gsungs pa/ bgegs kyi tshogs gzhan sgyu can dang zhes bya ba la sogs pa la/ sgyu can ni
 skye bo g.yon can rnams so/ /lha ni lha'i skye gnas su skyes pa rnams so/ /dpag tshad 'bum ni nye bar mtshon pa ste/ dpag tshad 'bum phrag du ma gzung bar bya'o/ /mdza' ni rtse mo ste 'od kyi phyi rol gyi rtse mo'o/ /phyi rol na gnas pa de rnams kyis
 ji ltar mthong zhe na/ rdul lam du ba zhes bya ba la sogs pa la/ 'od kyi dkyil 'khor gyi phyi rol thag ring po na gnas su zin kyang 'od de ni rdul lam du ba'i tshogs ltar blta dka' o/ /bdag nyid kyang cung zad
 'od kyi lus can te/ kha cig tsam cung zad lam du snang ba'o/ /yo med de ni lha'i phyogs zhes bya ba la rang gi lus de rnams ri mor bris pa'i lus ltar cung zad tsam snang bas yod pa yin la/ ring na gnas su zin kyang bcom ldan 'das kyis 'od
 kyis 'jigs skrag nas bya ba rnams la rmongs te bya ba byed mi nus pas na med pa'o/ /lha'i phyogs zhes bya ba la/ lha ni brgya byin la de'i phyogs ni shar phyogs te/ bcom ldan 'das kyi zhal shar du gzigs pa de la yul gyi ming btags
 nas de skad ces bya ste/ mun pa'i tshogs kyis gtibs pa dang zhes bya ba la sogs pa dang 'brel to/ /pad+ma rA ga lta bu zhes bya ba la sogs pa la shin tu dmar bas na pad+ma rA ga lta bu ste/ 'od zer gyi tshogs ni phung po'o/ /ma lus pas ni
 lus pa med pa'i tshig gi phrad do/ /sreg pa snyam sems pa ni bcom ldan 'das kyi 'od kyi dra ba de me ltar blta dka' ba'i phyir ro/ /spungs pa ni mang po gcig tu spungs pa'o/ /rigs gsum ni sa gsum mo/ /byung ba ni skyes pa ste/
 kun nas lhags pa ni 'dus pa'o/ /ngo mtshar du gyur pa ni rmad du gyur pa'o/ /ci'i phyir zhe na 'od gzugs des ni zhes bya ba la sogs pa la/ 'od nyid gzugs de dag la 'jug par byed phyir ro/ /nyi ma stong pas lhag pa ni 'od de
 nyid kyi khyad par ro/ /des sad cing rtogs par byed pa de la de skad ces bya'o/ /phaT sgra chen po zhes bya ba la sogs pa la/ /bcom ldan 'das kyis zhal nas byung ba'i 'od me lce ltar sreg pa gang la phaT dang 'dra ba'i sgra chen
 po bsgyings shing mang por grags pas skrag par byed pa gang la yod pa de la de skad ces bya'o/ /g.yas zhal ni g.yas kyi phyogs kyi zhal lo/ /kha ba'i snying po ni ser ba ste spungs pa ni tshogs so/ /shel dang bai DUrya rdo zhes bya ba ni shel
 rngo ste rnyog pa med pa ni 'od de shin tu gsal ba'i phyir ro/ /gdangs ka'i bar zhes bya ba ni 'og na gnas pa'i klu yul gyi bar du gsal bar byas pa'o/ /de ci 'dra zhe na/ dpe gsungs pa/ rang gi chu rgyun 'bab pa bzhin te/ 'o ma'i tshogs kyi
 chu rgyun ltar dri ma med pa'o/ /de nyid ni rgyal ba ste ma lus pa'i bdud las rgyal ba'i phyir ro/ /rigs ni khro bo'o/ /kun ni tshogs so/ /gsal ba ni 'phro ba'o/ /nub ces bya ba ni zhal du shes par bya'o/ /'dir yang mun pa'i tshogs ni gtings
 pa bzhin zhes bya ba dang sbyar ro/ /gser bcos 'dra zhe zhes bya ba ni shin tu ser bar ston to/ /me 'bar sol ba zhes bya ba ni lcags kyi se'u kha 'tshong par byed pa'i sol ba'i phung po'o/ /nyi ma 'char ka'i 'od 'dra ba zhes bya
 ba la/ 'char ka ni gsar du 'char ba ste/ ji ltar nyi ma gzhon nu 'char ba'i 'od rno zhing shin tu ser ba lta bu'i mdangs yod pa de la de skad ces bya'o/ /gzugs zhes bya ba la gsal zhing bkra bas na gzugs te drag po chen por ston pa'i phyir ro/ /skar 
 mda'i 'od ltar lding zhir 'khrugs ces bya ba ni ji ltar skar mda' thang la babs pa'i 'od mang du 'phro zhing 'tsher ba ltar shin tu 'khrug cing blta dka' o/ /gzung bar dka' ba ni me lce lta bu yin pa'i phyir te/ 'di ltar 'jig pa'i dus me lce gcig tu
 'khyil ba ltar gzugs bzung bar dka' ba'o/ /de lta bu'i zhal bzhi dang ldan pa'i bcom ldan 'das gang na bzhugs she na/ dpag tshad ces bya ba la sogs pa la/ rdo rje'i mda' ni rdo rje'i tshogs so/ /dra ba chen po ni phyir chen po'o/ /bcings pa ni bsko
 ba ste de na bzhugs pa'o/ /'khor lo ni lha'i khyad par te gang zhe na/ khwa gdong ma la sogs pa'o/ /ci 'dra zhe na/ so so'i ba spu re re'i khong nas kyang zhes bya ba la/ de dag re re'i ba spu'i khung nas te/ ba spu'i bu ga dang snying po
 khwa ri rab kyi rdul dang mtshungs pa'i mkha' 'gro ma'i 'khor lo 'phro ba yod pa'o/ /spro ba de ci zhig yin zhe na/ rdo rje gsum gyi rang bzhin rnams te/ de dag gis blo'i bye brag bzhin du chos nyid rtogs par mdzad pa'o/ /de la rdo rje gsum ni sku la sogs pa ste/
 de rnams kyi rang bzhin ni rang bzhin med pa ste/ nam mkha' gsal mdzad ces bya ba ni nam mkha' ltar 'od gsal bar ston to/ /de yang gsungs pa/ sku mi 'gyur ba ma skyes pa/ gsung dang thugs kyang mtshan ma med/ nam mkha' i rdo rje rtog las byung/ log par
 gzung bas zin pa yin zhes so/ /de ltar sngags pas rnam par bya zhes bya ba ni sngags pas chos nyid de lta bu bsams nas 'og nas 'byung ba'i sgrub thabs kyi rim gyis bsgrub par bya ba'i don to/ /mkha' 'gro nyi shu bzhi phyed bskor zhes bya ba ni bcu
 gnyis kyis bskar ba ste/ 'di ltar pad+ma 'dab brgyad kyi dbus su ni bcom ldan 'das so/ /'dab ma rnams la ni ltung byed ma la sogs pa'i rnal 'byor ma rnams so/ /dkyil 'khor gyi shar la sogs pa'i sgo rnams su ni khwa gdong ma la sogs pa'o//
 dbang ldan la sogs pa'i mtshams rnams su ni gshin rje brtan ma la sogs pa ste/ de dag gi mdog dang mtshan ma la sogs pa ni 'og nas ston to/ /shar la sogs pa'i sgo rnams dang dbang ldan la sogs pa'i mtshams rnams su
 mdza' yas la sogs pa klu brgyad sngar bstan pa'i gzugs can rnams khwa gdong ma la sogs pa rnams kyi gdan du blta bar bya'o/ /lhag ma ni go sla'o/ /de ltar bsam gtan sngon du 'gro bas/ ka ra ka ra zhes bya ba la sogs pa'i sngags
 bzlas na ji skad bstan pa bzhin du 'gyur ro/ /yang na zhes bya ba la sogs pas ni sbyor ba gzhan te/ rta bla mo zhes bya ba ni srog chags kyi ka byad par gang dkyus ring zhing mdog dmar ba rkang pa mang ba zhig go /de yang kha na ma tho ba med par rnyed pa de
 'dir gzung ngo/ /ras kyis g.yogs te btags zhes bya ba la/ ras kyis g.yogs pa ni bskam pa'i don de/ ras kyis g.yogs nas bskams la btags pa'o/ /li khri dang bsres zhes bya ba la sogs pa la/ ji ltar rnyed pa'i li khri dang lhan cig
 du byas te klu'i gzugs bya ba'o/ /klu'i gzugs de yang zla ba'i go rim dang rjes su mthun pa'i gzugs byas te de yang gsungs pa/ dbyar zla tha chung stobs kyis rgyu/ /ston zla ra ba dung skyong ste/ ston zla 'bring la 'jog po yin/ /ston zla tha chung nor rgyas bu
 zhes bya ba la sogs pa gzhan yang rim pa bzhin du so sor 'babs par byed pa yin no/ /de'i khang pa ni gnas te tshon sna lngas rta babs med par gru bzhi la sogs par bri ba'o/ /de yang mtshon gyi rnams klu'i mdog dang rjes su mthun par dgye ba'o//
 nya'i gdong pa zhes bya ba ni ro hi ta'i gdong pa'o/ /ras kha dag sna tshogs pas g.yogs zhes bya ba ni dus kyi rjes su 'brang ba'i klu'i kha dog bzhin du gos kyi kha dog tha dad par bya ba'o/ /sngags zhes bya ba ni ka ra ka ra la sogs pa'i sngags so/ /'dod
 pa thams cad pa'i gtor ma zhes bya ba la/ gzugs dang sgra la sogs pa'i 'dod pa thams cad kyis brgyan pa'i gtor ma ste/ de la gar le sogs pa ni gzugs so/ /glu la sogs pa ni sgra'o/ /spos la sogs pa ni dri'o/ /'o ma la sogs
 pa ni ro'o/ /gos dang ba dan la sogs pa ni reg bya ste/ de dag kyang sngags snga ma nyid dam/ oM nAM phaT ces bya bas sbyin no/ /rig pa 'dzin pa zhes bya ba la/ rig pa ni ka ra ka ra la sogs pa dang/ rkang pa brgyad pa'i sngags te/ de mang du zlos pa'i
 sgrub pa po ni rig pa 'dzin pa'o/ /sa phyogs zhes bya ba ni klu'i gnas kyi nye 'khor ro/ /yang na rang gi gnas kyi nye 'khor te/ de rlung la sogs pas bzlog pa'o/ /lhag ma ni go sla'o/ /sbyor ba gzhan gsungs pa /
 ci ste zhes bya ba la sogs pa la dgra thams cad ni nye ba la sogs pa rnams so/ /'gran zla ni srid dam nor gcig la rtog pa rnams so/ /sdang ba'i grogs po ni mdza' bshes la sdang ba rnams so/ /sdang ba'i phyogs byed pa ni dgra bo'i mdza' 
 bshes so/ /lhag ma ni go sla'o/ /rta bla mo de nyid ces bya ba ni grib ma la bskam zhing li khri dang bcas pa de nyid do/ /kha cig na re ni klu'i rta bla mo de nyid do zhes zer ro/ /thal ba dang bsgo zhes bya ba la bsgo ba ni dug dang nim pa'i lo ma'i khu ba la
 sogs pas bsgo ba'o/ /skyes pa 'am bud med kyis zhes bya ba ni gnyis pa'i don gyis drug pa yin no/ /khro bo chen po'i sngags ni ka ra ka ra la sogs pa dang/ rkang pa brgyad pa'i sngags te bsad pa la sogs pa dang/ spel ba ni ji skad smos pa
 bzhin du 'gyur ro/ /rig pa 'dzin pa ni rnal 'byor pa'o/ /brgya rtsa brgyad bzlas pas zhes bya ba ni sngags de nyid do/ /khrag ni rang gi srin lag gi khrag go /lhag ma ni go sla'o zhes bya ba ni rim pa des so/ /klu thams cad dgug zhes bya ba la sogs pa ni
 nye bar mtshon pa ste bsad pa la sogs pa ni yang ngo/ /cho ga rgyas pa ni bya ba spros pa'o/ /don de gsal bar byed pa'i gzhung gi tshogs ni rim par phye bas te lnga pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u lnga pa'i
 rnam par bshad pa'o// //da ni glu'i sngags btu ba la sogs pa bstan pa'i phyir le'u drug pa gsungs pa/ de nas zhes bya ba la sogs pa la glu'i sngags zhes bya ba ni/ glu'i tshul gyis bstan pa'i sngags te/ sngags glur blangs pa'o/ /
 sgra chen pos bshad du stsol zhes sbyar te/ gsal bar bstan du gsol zhes bya ba'i bar du'o/ /gshin rjes mche ba can ma nyid ces bya ba la sogs pa 'di dag ni rkang pa gsum pa'i tshigs su bcad pa'o/ /gshin rje ni gshin rje'i dgra ste de'i nang nas
 mche ba can ma ni so can gyi sa'o/ /ru sbal ni u ste/ de'i stan la bzhugs par sa bzung ste/ bsdus pa na su zhes bya bar 'gyur ro/ /dbu ma yi ni tha ma nyid ces bya ba la/ dbu ma ni pa'i sde tshan no/ /de'i mdza' ma ni ma ste dmigs kyis dgar ba'i
 drug pa yin no/ /bzhi pa ni sde tshan dgu ma'i bzhi po ste yi ge b+ha'o/ /gnas pa ni de'i steng na gnas pa ste yi ge ma'o/ /bsdus pas a b+ha zhes bya bar 'gyur ro/ /gshin rje'i phyogs ni rta'i sde tshan no/ /mthar gnas pa ni de'i mthar gnas pa ste na'o//
 bzang po yi ni steng du brgyan zhes bya ba la/ steng du ni de'i steng du ste/ der bzang po zhes bya ba is brgyan pa'o/ /bsdus pas ni zhes bya bar 'gyur ro/ /gshin rje mche ba can ni sa'o/ /rus sbal zhes bya ba tha mal pa'i skad la ni thung ngu yin la/ legs
 par sbyar bas ni ring po yin te/ bsdus pas su zhes bya bar 'gyur ro/ /am ba zhes brjod tshig dang ldan zhes bya ba la/ a ni mgrin pa'i shugs te don med pa'o/ /brjod pa nyid tshig ste/ de dang yang dag par ldan pa'i sngags so/ /yang na gshin rje'i  mche ba can a pa'i tshig dang ldan pa'i rus sbal gyis brgyan zhes bya bar sbyar te/ 'dir drug pa mi mngon pa yin no/ /de yang ka ga tsa dza pa ba la rkyen ni gsal bar ma yin no zhes mdo las gsungs pa bzhin no/ /dang po ni dang po pa ste yi ge oM la
 bya'o/ /de yang mi mngon pa yin no/ /mgon po ni ha'o/ /ri mo dang rtses brgyan zhes bya ba la/ ri mo ni zla ba tshes pa'i ri mo'o/ /rtse mo ni thig le ste/ de dag gis ha la brgyan pa'o/ /bsdus pas hUM zhes bya bar 'gyur ro/ /lan gnyis bsgyur bar bya zhes
 bya bar lan gnyis su brjod pa'o/ /mgon po zhes bya ba ni sngags te skyes bu mchog gi don byed pa'i phyir ro/ /phan zhes bya ba ni tha mal pa'i skad de/ legs par sbyar phaT ces bya ba yin no/ /tshig gis 'bar zhes
 bya ba ni tshig des gsal bar byas pa'o/ /thams cad bsdus pas oM sum+b+ha ni sum+b+ha hUM hUM phaT phaT ces bya ba ste/ sngags 'di'i phan yon rgyud gzhan las gsungs te/ 'dir yang shin tu bzlas na gsod pa la sogs pa'i las byed par blta'o/ /khwa
 gdong ma yi sngags gsungs pa/ ka gi zhes bya ba la sogs pa la ri si'o zhes bya ba dang/ dza hi zhes bya ba dang/ san thi ya zhes bya ba rnams ma gtogs par lhag ma ni sngags te/ dus gsum du bzlas brjod mang du byas nas bsgrub par bya ba
 la blos dmigs te gtor ma byin na bsad pa dang bskrud pa la sogs par 'gyur ro/ /rdo rje phag mo'i nye ba'i snying po gsungs pa 'bugs pa la ni zhes bya ba la/ 'bugs byed ni o'o/ /sa'i dbang phyug ni thig le'o/ /zla ba'i dum bu ni zla ba tshes pa'o
 'chugs byed la de dag gis brgyan pa de la de skad ces bya ste bsdus pas oM zhes bya'o/ /slar yang dbu ma'i dbu ma gzung zhes bya ba la/ dbu ma'i ba'i sde tshan te de'i dbu ma yi ge ba gzung ngo/ /byang phyogs kyi ni dbu ma zhes bya ba la/ byang phyogs ni
 tsa'i sde tshan de'i dbu ma ni dza'o/ /zhabs kyi pad+ma nyi mar ldan zhes bya ba la/ nyi ma ni ra ste zhabs kyi pad+ma zhes bya ba dza'i 'og gi cha dang sbyar ba de la de skad ces bya'o/ /bsdus pas badzra zhes bya bar 'gyur ro/ /bden bral la ni sme bas brgyan zhes bya
 ba la/ bden bral na gnas pas na bden bral te yi ge wa'o/ /sme ba ni yi ge i ste/ brgyan pa ni mtshan mas mdzes par bya ba'o/ /bsdus pas wai zhes bya bar 'gyur ro/ /'bar ba 'bugs pas rnam par klubs zhes bya ba la 'bar
 ba ni ra'o/ /'bugs pa ni o ste ro zhes bya bar 'gyur ro/ /byang phyogs grags pa'i dang po dang zhes bya ba la/ byang phyogs kyi sde tshan du grags pa ste/ tsa'i sde tshan yin la de'i dang po tsa nyid gzung ngo/ /gshin rje phyogs kyi mthar gnas pa ni yi ge
 na'o/ /khyu mchog ni yi ge i ste/ de na'i steng du bzhag pa de la de skad ces bya'o/ /bsdus pas ni zhes bya bar 'gyur ro/ /rlung ni yugs sa mo yis brgyan zhes bya ba la rlung ni ya'o/ /yugs sa mo ni e ste des brgyan pa'o/ /bsdus pa ye zhes bya
 bar 'gyur ro/ /gshin rje mche ba can ni sa'o/ /bden bral la gnas zhes bya ba la/ 'dir pa mi mngon pa yin te/ bden bral ba'i yi ge ba gzung bar bya'o/ /gnas pa ni sbyar ba'o/ /yang ci 'dra zhe na/ gti mug gis ni rnam par brgyan zhes bya
 ba ste/ gti mug ni dbyangs yig gnyis pa yin la des brgyan cing glugs pa de la de skad ces bya ste/ bsdus pas swA zhes bya bar 'gyur ro/ /gshin rje 'joms ma ni ha'o/ /gti mug ni dbyangs yig gnyis pa ste/ de dang sbyar ba'o/ /thams cad
 bsdus pas oM badzra bai ro tsa nI ye swAhA zhes bya ba'i sngags te/ rnal 'byor ba'i bya ba thams cad byed pa'o/ /glu'i phyag rgya 'di yis ni zhes bya ba la phyag rgya ni rdo rje phag mo yin la/ sngags dang lha dag dbyer med pa'i phyir sngags la yang de skad ces
 bya'o/ /'di zhes bya ba ni 'di bzlas pa tsam gyis mkha' 'gro ma kun dga' mgur gyur pa ste/ tshim zhing rangs par gyur pa'o/ /sgyu ma chen mo bcu drug 'di/ /yi ge re rer kun nas shes zhes bya ba la sgyu ma chen mo ni rnal 'byor ma rnams te/ rnal
 'byor ma bcu drug tu grags pa rnams yi ge'i gzugs kyis kun tu gnas so zhes bya bar dgongs so/ /yi ge bcu drug po de dag kyang gang zhe na/ oM sarba bud+d+ha war+Na nI ye badzra DA ki ni swAhA zhes bya ba ste/ rdo rje phag mo'i snying po yi ge bcu
 drug man ngag gis blta bar bya'o/ /de yang sngags kyi le'u bstan par bya'o/ /kha cig ni dbyangs kyi yi ge bcu drug po las thams cad pa la bya'o zer ro/ /lhag ma'i gtor ma'i sngags gsungs pa dang po
 zhes bya ba la sogs pa la dang po ste/ thog mar rus sbal te u gzung bar bya'o/ /bzang po ni i ste de'i steng du gnas pa'o/ /gang zhe na/ byang gi dang po ste tsa dang de nyid kyi gnyis pa yi ge tshe ldan pa ste 'og tu sbyar ba yin no/ /bsdus pas
 ts+tshi zhes bya bar 'gyur ro/ /gshin rje'i pho nya ma zhes bya ba la/ gshin rje pho nya'i sgras Sha la bya'o/ /chu lha ni chu lha'i phyogs kyi yi ge Tha la bya la/ bzhugs pa ni 'og tu sbyar ba'o/ /bsdus pas Sh+Tha zhes bya bar 'gyur ro/ /ra ni grags par zad
 do/ /gti mug brgyan pa ni de yang sbyar ba ste ra zhes bya bar 'gyur ro/ /slar yang ka Sha zhes bya bar brjod ces bya ba la slar yang ste de'i 'og tu ka dang Sha 'dus pas k+Sha zhes bya bar 'gyur ro/ /gshin rje na mche ba can ni yi ge sa'o/ /
 bzang po ni i ste si zhes bya bar 'gyur ro/ /mche ba can zhes pa ni gshin rje mche ba can no/ /bden bral bzhugs pa ni wa dang sbyar ba'o/ /lhan cig ldan zhes bya ba ni de dang bcas pa ste swA zhes bya bar 'gyur ro/ /der ni zhes bya ba
 ni de'i 'og tu'o/ /sa mdza' zhes bya ba ni ha'o/ /gti mug gis ni lhan cig brgyan zhes bya ba ni sbyar ba ste/ hA zhes bya bar 'gyur ro/ /thams cad bsdus pas uts+tshiSh+Tha rAk+Sha si swAhA zhes bya ba'i sngags so/ /srin mo'i dngos grub 'dod pa
 rnams kyis rdo rje hUM mdzad kyi rnal 'byor la gnas te 'dis bsgrub par bya'o/ /bu mo rnams ni dgug pa'i mchog ces bya ba ni de grub pas bu mo rnams khrid do/ /'ong bar dgongs so/ /rmongs par byed pa'i sngags gsungs pa/ shar
 phyogs zhes bya ba la sogs pa la/ shar phyogs ni ka'i sde tshan yin la brgyad pa ni ka nas gzung ba'i brgyad pa ste dza'o/ /'dir yang ba mi mngon par byas pa yin no/ /dbu ma'i mdza' ma bzhi par ldan zhes bya ba la/ dbu ma ni pha'i sde tshan
 te/ de'i tha ma gang yin pa de'i 'og tu de nyid kyi bzhi pa b+ha sbyar bar bya'o/ /spyi bo ni steng du ste der yugs sa mo zhes bya ba e sbyar bas m+b+he zhes bya bar 'gyur ro/ /slar yang dbu ma'i tha ma gzung zhes bya ba ni yi ge ma nyid do/ /'bugs
 pa'i rang bzhin ldan par bya zhes bya ba la rang bzhin ni dngos po'o/ /ldan pa ni sbyar ba ste mo'o/ /gshin rje 'joms ma ni ha'o/ /yugs sa mo ni e'a/ /rna cha ni glor bzhag pa ste/ he zhes bya bar 'gyur ro/ /mthar ni swAhAs yongs su
 brgyan zhes bya ba de'i 'og tu swAhA zhes 'don pa'o/ /rig byed kyis ni mnyes par bya zhes bya ba la rig byed ni tshangs pa ste/ oM mo/ mnyes pa ni de thams cad kyi klang du sbyin pa'o/ /bsdus pas oM dzam+b+he mo he swAhA zhes bya ba'i sngags su
 'gyur ro/ /thod pa'i dbus gnas rgyal bar 'gyur zhes bya ba la/ thod pa ni mgo'i dbus te dpral ba'o/ /dbus gnas ni der sngags de bri ba'o/ /rgyal 'gyur ni mi mthun pa thams cad las rgyal bar 'gyur ba'o/ /des ni 'di skad du dpral bar
 e bsgom la de'i steng du sngags kyi phreng ba de zlum por yid kyis bris la bltas na gang la bltas pa de rmongs par 'gyur zhing de ltar lce'i dri ma la sogs pa la sngags gong ma de bzlas nas dpral bar thig le byas na yang sngar bstan
 pa bzhin 'gyur la/ man ngag gi tshul de dag nyid kyis g.yul la sogs par zhugs na rgyal bar 'gyur ro zhes ston par 'gyur ro/ /mu oM zhes bya ba la sogs pa'i sngags gnyis le'u sum cu rtsa bzhi pa las dbye bar bya'o// de lta
 mong kyis mdor yang bsdus nas dbye bar bya ste/ oM mu ni ka si mu ni ba sa'i mu ni haM tha lang ga la hi phaT/ che ge mo mu ha ha tha ban d+ha mi swAhA/ zhes byas te bcing ba'o/ /oM ka ka ha khra ka ka rung te kaM bin d+ho pa ha ri Ni che
 ge mo badzra bi tang gris tsa ha gats+tsha ya thA su khaM phaT ne pa ste bskrad pa'i 'o/ /'di dag gi cho ga ni sngar bstan pa'i man ngag gis sbyar bar bya ste/ /'di ltar rtag tu bzlas na de bzhin du 'gyur ro/ /las gnyis po 'di nyid gsungs pa/ glu'i phyag rgya 'di yis
 ni zhes bya ba la sogs pa gsung pa la 'dir phyag rgya ni sngags kyi lha rnams so/ /lha dang dbyer med pa'i bya ba byed pas/ sngags la yang de skad ces bya ste/ glu'i rang bzhin gyi phyag rgya ni glu'i phyag rgya'o/ /nye bar mtshon ba des 'di ltar khwa gdong ma'am gzhan
 gyi rnal 'byor gyis kyang glu'i sngags kyis bzlas pa dang sbyor ba bya'o/ /de la khwa gdong mas ni bcing ba'o/ /'ug gdong mas ni zhi ba'o/ /khyi gdong mas ni rgyas pa'o/ /phag gdong mas ni bskrad pa'o/ /gshin rje brtan mas ni bcing ba'o/ gshin rje
 pho nya mos ni te 'byed do/ /gshin rje mche ba can gyis ni bsad pa'o/ /gshin rje 'joms mas ni bskrad pa ste/ de dag las kyi bye brag gis kha dog la sogs pa bye brag tu bsgyur bas las gzhan dag kyang byed bar 'gyur ro/ /de la zhi ba la ni  
 dkar po'o/ /rgyas pa dang bcing ba la ni ser po'o/ /sdang ba dang spyags? pa dang bsad pa ni nag po'o/ /dbang dang dgug pa la ni dmar po ste/ de ltar yang gsungs pa/ zhi pa la ni spyan gyi tshul/ /rgyas la rdo rje pad+ma can/ /dbab la rnam par snang
 mdzad gnas/ /rdo rje khro bo mngon spyod la'o zhes so/ /bsam pa yang rjes su mthun par gzung ste/ de yang gsungs pa/ zhi ba la ni zhi ba'i sems/ /rgyas la rangs pa'i yid du bya/ /dbang gi las ni chags pa ste/ /drag la khro bas rab tu bsgrub
 ces so/ /oM hi na de zhes bya ba la sogs pa'i klu'i sngags ni dag bcing pa'o/ /oM dzaM Dha ni zhes bya ba la sogs pa la bcing ba rnams kyi thun mong gi'o/ /de ltar rnal 'byor pa rnams kyi zhes bya ba la sogs pa la/ rnal 'byor pa ni 'di las bstan pa'i sbyor ba'am/
 gzhan las gsungs pa'i lha'i sbyor ba dang ldan pas kyang ngo/ /las bstan pa ni 'dir bstan pa dang gzhan du bstan pa dag gi yang ngo/ /ci zhig ce na/ cho ga ste bri ba la sogs pa'i las kyi tshogs so/ /de ltar zhes bya ba ni sngar sbyar ba ste/ shes par
 bya zhes bya ba lhag ma'o/ /oM dzi b+ha ni zhes bya ba la sogs pa'i sngags ni sngags kyi tshig gi don bzhin du yang las blta bar bya'o/ /oM na mo zhes bya ba la sogs pa'i las ni sngar bstan zin to/ /dbang po zhes bya ba la sogs las ni rkang pa brgyad
 pa'i ril bu bsgrub pa gsungs pa yin te/ dpa' bo de phyogs su bltas pa zhes bya ba ni pha rol gyi g.yul phyogs su kha bltas pa'o/ /de'i rkang ba'i phags pa dang rdzas rnams lhan cig du gzung bar bya'o/ /man zhes bya ba ni ljongs ngos so/ /rtan pa
 zhes bya ba ni lig bu mig go /mig sman zhes bya ba ni dri med ces bya ba'i mig sman no/ /rdo zhes bya ba ni mu za'i rdo'o/ /dmar po ni gur gum ste/ de dag cha mnyam par mi'i khrag gis btag par bya'o/ /'di ltar lig bu mig ni de nyid kyang
 gung duAng btag par bya'o/ /slar yang zhes bya ba la sogs pa la/ tsanda dmar ni tsanda dmar po'i chu'o/ /lan mang du sbal ba ni rdzas bdun po dang/ lig bu mig la so sor lan bdun bskam zhing sbal ba'o/ /a ma'i ril bu byas la zhes bya
 ba ni rdzas bdun gyi ril bu tsanda dmar po'i chus rlon par byas pa'o/ /lig bu mig ces bya ba ni 'dir skam por bzung ngo/ /grib ma la bskrams zhes bya ba ni ras kyis g.yogs nas nyi ma la bskams pa ste lag par gnas par bya zhes bya
 ba dang 'brel to/ /ji ltar gyur pa zhen/ nyi ma zhes bya ba la sogs pa la/ nyi ma ni zangs te/ man ca bzhi dang ra ti lnga'o/ /zla ba ni dngul te ra ti gsum dang bcas pa'i man ca gsum mo/ /sreg byed na
 gser te ra ti bdun lhag pa'i man cha bzhi'o/ /dbus su bcug ces bya ba ni de dag gi nang du ril bu bzhugs pa ste/ dang por ni gser gyis dril lo/ /gnyis par ni dngul gyis so/ /gsum par ni zangs kyis so/ /de yang gsungs pa/ gser dang ri bong
 can dang ni/ /'od bla mar 'byed ra ti thub gsum dmar/ /bcas pa'i man cha rigs gsum bzhis/ /ril bu rim bzhin dkri bar bya zhes so/ /rgyal zhes bya ba ni skar ma rgyal lo/ /lhag par gnas pa ni byin gyis brlab pa ste/ dkyil 'khor pa dang
 bcas pa'i rdo rje mkha' 'gro'i rnal 'byor pas ting nge 'dzin nam /rdul tshon nam bris sku'i dkyil 'khor du me tog la sogs pas yang dag par mchod nas/ ci nus kyis rkang pa brgyad pa'i sngags bzla ba'o/ /zhal du bcug la zhes bya ba ni nyi
 ma gzhan la bdag nyid rdo rje mkha' 'gror bsgoms pa'i khar bcug la lag pa g.yon pas bkab ste sngags bzla'o/ /de nyid gsungs pa/ rig pa'i rgyal po zhes bya ba la/ bdag nyid rdo rje mdza' 'gror byas pa'i rig pa bya ste/ phyag rgya dang
 ldan pas rkang pa brgyad pa'i sngags gsal bar bzlas pas na rgyal po'o/ /de yang zla ba drug tu grangs kyi nges pa med par bzlas la/ de'i 'og tu 'bum phrag tu bzlas nas rmi lam gyi mtshan ma bzang po rnyed pa dang khar bcug ste /
 bsgrubs na mtshan gcig gis 'grub par 'gyur ro/ /yang na rig pa byes bya ba ni rdo rje phag mo'i sngags te rgyal po ni des brgyan pa'i rdo rje mkha' 'gro'i sngags kyis ril bu bsgrub na yang skyon med do/ /sbrul gyi rgyal po zhes bya ba la
 sogs pa la ri mo dkar nag dum bu so sor phye zhes bya ba la/ dkar po dang nag po ni dkar nag ste sbrul gyi lus kyi ri mo dkar nag gi cha rnams so sor dbye ba'o/ /dkar nag so sor shes par bya zhes bya ba ni dkar nag so sor phye ba de rnams
 ma 'dres par so sor phung po gnyis su bya'o/ /gang dang lhan cig du phung por bya zhe na/ shang ka pus pa zhes bya ba la sogs pa ste/ dum bu dkar po'i cha dang shaM ka pus par lhan cig bya'o/ /a ka ru nag po dang dum bu nag por ro/ /de la
 shang ka pus pa zhes bya ba ni sman gyi khyad par zhig ste/ me tog gi mdog dung 'dra bas shang ka pus pa zhes skye bo rnams la grags pa ste/ dper na le'u gsum par dbang po lag pa zhes bya ba de yang rtsa ba'i khyad par gang zhig dbang po dang
 nye ba lag sor 'dra bas na dbang po'i lag pa zhes bya ste kha cig ni rta'i dur ba zhes zer ba la/ la la ni dbang po'i mig ces brjod cing gzhan dag la ni mchan khung gi dri ma zhes grags pa bzhin no/ /a ka ru nag po ni grags par
 zad de de dag kyang dum bu dag dang cha snyams te bzung la/ stong phrag nyi shu rtsa bzhir gcig gis ma tshang ba'i sngags bzla zhes bya ba rdo rje phag mo'i snying po'am nye ba'i snying po de'i rnal 'byor gyis bdug pa gnyis la bzlas nas snam bu  
 la bdug go zhes lhag ma yin no/ /de nas ci bya zhe na/ phyis kyang zhes bya ba la sogs pa la/ snga ma ltar bzlas nas bdug pa'i dus su yang brgyad brgya bzlas pa'o/ /snam bu bsgrub pa gsungs pa/ skar ma rgyal gsum la zhes pa
 ste/ skar ma rgyal la ras bal rmal ba dang/ snal ma bkal ba dang shags btag pa dag bya'o/ /de gyon pa'i lus zhes bya ba la/ de zhes bya ba ni rgyal gsum la bsgrubs pa dang/ bdug pa nyid kyis bdug pa dang sngags bzlas pa de la de skad ces
 bya'o/ /gyon pa ni lus la dkris pa'o/ /sngags khri bzlas pa ni sngags snga ma nyid yang khri bzlas pa'o/ /'grub par 'gyur ba ni mi snang bar 'gyur ba dang sbyar ro/ /snam bu yang dkar po dang nag por bya ba'i phyir
 gsungs pa/ dkar po dang nag po'i phyogs la zhes bya ba ste/ snam bu dkar po la yar ngo'i dus su bdug pa dkar po'i chas bdugs shing yar ngo'i dus su gyon la bzla ba dang/ snam bu nag po la yang mar ngo'i dus su bdug pa nag po'i
 chas bdug cing dug de nyid du gyon la bzla'o/ /kha cig ni yar ngo la bsgrubs pa'i snam bu ni dkar po'i phyogs zhes bya la/ de bzhin du nag po la bsgrubs pa ni nag po yin gyi kha dog bsgyur ba ni ma yin no zhes zer ro/ /gang la 'dod
 pa de la 'dod pa spyod par 'gyur ro zhes bya ba ni gal te dam tshig dang sdom pa la sogs pa'i rjes su 'gro ba yin no/ /sgrub pa po bdag nyid kyi 'dod pa'i yul rgyal po'i bu mo la sogs pa la spyod par 'gyur pa'o/ /de'i zhes bya ba ni
 sprul gyi rgyal po de nyid kyi'o/ /du ba med par bsregs la zhes bya ba ni sol bas bsreg pa'o/ /zhib mor btags te zhes bya ba ni kha de nas lig bu mig dal bus blangs la phye mar byas te/ rdo rje phag mo'i snying po la sogs pa'i
 sngags 'bum phrag du bzlas nas mig la byugs na mun nag gi nang du yang thams cad mthong bar 'gyur ro/ /de nyid kyis na khyim gyi me tog mchog ltar zhes bya ba gsungs te/ khyim gyi me tog ni sgron ma'o/ /mchog ni zad pa
 med pa'o/ /gsal ba ni snang ba ste/ de ltar mthong ba'o/ /rang gi lha'i sngags zhes bya ba ni rdo rje phag mo'i sngags te/ rang gi lha'i sgras de'i rnal 'byor bya bar ston to/ /lto 'phye'i rgyal po ni sbrul gyi rgyal pa'o/ /sa bum ni dur khrod kyi bum
 ba'o/ /kham phor ni thod pa'o/ /gter du sba ba ni sa'i 'og tu gzhug pa'o/ /rul zhing zag pa ni sbal de'i lus rul pa'o/ /ji zhig bya zhe na/ gton te zhes bya ba la sogs pa la/ de'i zhes bya ba ni sbrul gyi'o/ /bdar te zhes bya ba ni
 snod kyi bum bu pa de nyid kyi dum bu 'am snod kyi thod pa nyid kyi dum bu dang/ phan tshun sdud pa'o/ /thig le bya ba ni de'i phyi mas dpral bar bskru ba'o/ /des cir 'gyur zhe na/ grib ma'ang zhes bya ba la sogs pa ste/ mi snang bar 'gyur ba'o/ /
 da ni skye ba bdun pa'i dngos grub gsungs pa/ gang gi zhes bya ba la sogs pa ste/ skyes bu gang gi lus las zhes bya ba ni lhag ma'o/ /skra g.yas su 'khyil ba zhes bya ba ni skra'i ri mo g.yas su 'khyil ba dang ldan zhing rtse mo
 'dus pa'o/ /yid du 'ong ba ni mdzes pa'o/ /grib ma bdun ni skye ba bdun gyi lus dang rjes su mthun pa'i grib ma'o/ /dri'u lus zhes bya ba ni dri dang ldan pa'i lus te/ gang ga lus de dag gi lus la dri zhim po dang ldan pa de la de
 skad ces bya'o/ /rma med ces bya ba la rma'i sgra ni nad med pa la bya ste/ nad med pa yin gyi rma srel med pa ni ma yin no/ bden par smra ba ni sems can rnams la phan par smra ba'o/ /lha mo zhes bya ba ni pod pa'o/ /dngos grub byed
 par 'gyur zhes bya ba ni de'i lus kyi sha yin zhes bya ba'i lhag ma ste/ dngos grub ni nam mkhar pur pa la sogs pa'o/ /gzhan yang zhes bya ba ni skye ba bdun pa'i mtshan nyid do/ /skyid pa nges bar gnas pa zhes bya ba ni lus
 la sogs pa'i bde ba dang ldan pa'o/ /byang chub sems dpa' ltar zhes bya ba ni gzhan gyi don gyi tshogs dang ldan pa'i phyir te/ byang chub sems dpa' sprin gyi shugs dang/ gtsug na nor bu dang/ byams pa'i stobs la sogs pa
 ltar lus sbyin par gtong ba'i phyir ro/ /sbyin pa chen po zhes bya ba ni lus kyi sbyin pa ste/ rab tu gtong ba zhes bya ba ni lus 'di sems can thams cad la bdag gis btang gis su ji ltar dga' pa
 bzhin spyod cig ces bya'o/ /ci'i phyir zhe na/ bskyab pa'i phyir te phan pa'i phyir ro/ /sems can rnams la byin gyis brlabs pa ni sngar byin gyis brlabs kyis byin gyis brlabs nas zhes bya ba ste/ phan par byas nas zhes bya ba'i
 bar du'o/ /shAkya thub pa bzhin du zhes bya ba ni ro'i lus 'byung ba las 'gyur ba'i gzugs kyis kyang phan par bya ba'i phyir myur du mya ngan las 'da' ba' o/ /kha cig na re lus kyi sbyin pa 'di las bdag gis bsod nams gang 'byung ba des
 sems can thams cad sangs rgyas par gyur cig ces bsod nams yongs su bsngo ba'i bden pa'i byin gyis brlabs pa de la de skad ces bya'o zhes zer ro/ /mdun du dngar ba dang yang dag par ldan zhes bya ba ni ro de nyid la dga' ldan la sogs
 pa'i lta'i bu rnams ltags nas mdun du dngar te me tog dang bdug pa la sogs pa'i char phab nas mchod cing rgyal bar gyur cig rgyal bar gyur cig ces bya ba'i sgra dang rnga bo che la sogs pa'i sgra rnams kyis yang dag par mchod pa dang/ 'di
 ltar nyi ma gang la shi ba'i nyi ma de la gnas der thog la sogs pa 'bab pa dang ldan pa de la de skad ces bya'o/ /skye pa bdun pa'i mthu gzhan yang gsungs pa lha mo de ni zhes bya ba la sogs pa la de ni ro'o/ /goms par bya bas na yon tan
 te 'byung gnas ni de dag skyed par byed pa'o/ /ces sbyang zhes bya ba la sogs pa ni go sla'o/ /sgrub pa po shin tu mnyam par gzhag pa zhes bya ba ni rnal 'byor pa lus la sogs pa shin tu bsdams pa'o/ /cho ga de ltar shes par byas
 nas zhes bya ba ni de'i lus sems can thams cad la phan par shes nas so/ /rang gi snying po zhes bya ba ni rdo rje mkha' 'gro'i snying po ste yi ge nyi shu gnyis pa'o/ /nye bar mtshon pa 'dis na sngar bstan pa'i rdo rje phag mo'i sngags sam bcom ldan 'das kyi nye
 pa'i snying pos sgrub pa la yang skyon med do/ /las 'dis thams cad las yang sgrub pa po blo dang ldan zhing dad pa can gyis bsgom pa dang bzlas par ldan pas bsgrub par bya'o/ /glu'i sngags thams cad ni sngar bstan pa'i sngags kyi tshogs rnams so/ /rang
 tu sbyor ba ni las kyi cho ga ste/ bsgoms pa dang bzlas pa la sogs pa'o/ /don de gsal bar byed pa'i gzhung gi tshogs ni rim par phye ba drug pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u drug pa'i
 rnam par bshad pa'o// //rnal 'byor pa gnas pa la sogs par bsgrod pa na rnal 'byor ma rnams kyis brda bstan pa'i tshe brda'i lan bstan pas de rnams mnyes par 'gyur bas rnal 'byor ma rnams kyis phyag rgya la sogs
 pa shes par bya ba'i phyir lag pa'i phyag rgya la sogs pa bstan par bya ba'i phyir/ de nas zhes bya ba la sogs pa le'u bdun pa gsungs te/ de nas zhes bya ba ni sngags kyis mthu la sogs pa bstan pa'i 'og tu'o/ /'dis zhes bya ba ni gang gi
 phyir zhes bya ba'i don te/ brda rnams dgongs pa yin pa de'i phyir mtshan nyid bshad par bya zhes bya bar spyar ro/ /ci zhe na/ lag pa'i phyag rgya zhes pa gsungs te/ lag pa bskyod pa'i brda nyid phyag rgya'o/ /spyi gtsug 'phreng ba zhes bya ba ni spyi bo'i
 tsog tsog pa'o/ /skye gnas zhes bya ba ni chos kyi 'byung gnas so/ /gal te skyes pa nang gis ston pa de'i tshe mthe bo dang mdzub mo rnams kyi rtse so sor sprad la sor mo lhag ma cung zad bskum pa'i phyag rgya bstan par bya'o/ /mthil zhes bya ba ni
 rkang ba'i mthil lo/ /nyi ma zhes bya ba ni kha cig na re gzhogs g.yas pa yin no zhes zer ro/ /chu bo zhes bya ba ni lag pas nam mkha' la ri mo gya gyu 'bri ba'o/ /rgya mtsho zhes bya ba ni sor mo rnams brkyang ste sgrub/
 cing nam mkhar bskyod pa'o/ /de nas zhes bya ba ni thun mong gi brda bstan pa'i 'og tu'o/ /'phrog byed ma la sogs pa zhes bya ba ni 'phrog byed ma la sogs pa rnal 'byor ma rnams kyi'o/ /zin dang grol ba zhes bya ba la zin pa ni gzung pa ste de
 rnams kyis gang zhig bstan pa'i brda'o/ /dgrol ba ni slar gshegs su gsol ba ste/ lan bdun bstan pa'i brda'o/ /gzung ba'i rjes la de dgrol ba'i brda bshad par bya zhes bya bar sbyar ro/ /yang na gzung pa dang dgrol ba ni zin pa dang
 grol ba ste/ de dag gi brda bstan pa'o/ /ci'i phyir zhe na/ shi ba gsol ba zhes bya ba la sogs pas 'bras bu bstan te/ shi ba ni brgal ba'o/ /gso ba ni brda bstan pas slar bslang pa'o/ /gson po ni gson po nyid do/ /nad med spel pa
 ni tshe spel ba'o/ /gang zhig ces bya ba la sogs pa ni brda dang lan gyi brda ste/ bstan pa dang rjes su bstan pa'o/ /lhag ma ni go sla'o/ /khrag gi gnas zhes bya ba ni snyim pas khrag 'thung ba ltar byed pa'o/ /gci ba dang bshang ba dang
 yang gci ba dang bshang ba ster ba'i tshul du byed pa'o/ /da ni de dag ni rang bzhin gyis grub pa'i mtshan ma bstan par bya ba'i phyir/ de nas zhes bya ba la sogs pa gsungs te/ mkhur ba zhes bya ba ni 'gram ste/ phag pa'i mche ba'i
 dbyibs lta bu'o/ /sha ka ti ni mtshon sha ka ti ste de'i dbyibs so/ /bzlog cing blta zhes bya ba ni yon por blta ba'o/ /kha cig na re bzlog ste blta ba'o zhes zer ro/ /nu ma mtho zhes bya ba ni nu ma mi mnyam pa'o/ /kha cig ni mkhrad
 ba'o zhes zer ro/ /lte ba las zhes bya ba ni lte ba kha yangs pa'o/ /kha cig ni gting ring ba zhes zer ro/ /rab byed smad ni rnam par 'gyur zhes bya ba la rab byed ni rab tu byed pa ste/ skye bos dben pa'i gnas su rab tu dgod par byed pa'o/ /yang na rab
 byed ni rnam pa ste/ shis pa dang mi shis pa'i las rnam pa du ma byed pa'o/ /smad ni rnam par 'gyur zhes bya ba ni lte ba'i 'og gi cha mi gsal ba yin no/ /ci zhig ce na/ ri mo gsum po yongs su zlum zhes bya ba ste lte ba'i 'og na ri mo gsum
 spas nas yod pa'o/ /kha cig las rab byed 'og ni kun tu 'khyil zhes 'byung ste/ lte ba cung zad 'phyang zhing ri mo gsum du gsal la/ g.yas nas kun tu 'khyil ba ste/ ri mo gsum zlum por 'khyil bas kun tu brgyan pa de la de skad ces bya'o//
 mkha' 'gro ma ni nyer 'gro ba zhes bya ba ni gang gi tshe 'gro ba'i dus su 'og nas 'byung ba'i mtshan nyid 'di dag shes par bya'o/ /mtshan nyid de dag gang zhe na/ song ba'i sa las zhes bya ba la/ gang du song ba'i sa de nas tha mal par slar mi bzlog
 pa'o/ /ldog pa'i rgyu gsungs pa rgyu med par zhes bya ba la sogs pa la rgyu med pa ni rgyu mtshan med pa ste blo bur du'o/ /du ba ni nye bar mtshon pa ste blo bur du skyo ba skyes shing khro ba dang/ bcas par dus shing gnas de nas ldog pa'o/ /lhag ma ni
 go sla'o/ /sgyu ma che dang mnyam sbyor ba zhes bya ba la sgyu ma chen mo ni rdo rje phag mo ste de dang mnyam par sbyor ba ni rdo rje mkha' 'gro ma yin la de las skyes pa'i mkha' 'gro ma de la de skad ces bya'o/ /'bar ba'i mchog ces bya ba ni de'i rigs
 kyi mkha' 'gro ma rnams mi mo'i tshul du gnas pa gang zhig gis mthong ba de mdza' yas pa'i bsod nams thob par gyur pa 'am yang na de lta bur gyur pa des dngos grub thams cad ster bar 'gyur ro zhes bya ba'i don to/ /lag pa'i phyag rgya'i
 sbyor ba ni spyi gtsug tu reg pa'i brda la sogs pa'o/ /'phrog byed ma'i rtags ni sha ka ti la sogs pa'o/ /de rnams nyid mtshon par bya bas na mtshan nyid do/ /don de gsal bar byed pa'i gzhung gi tshogs ni
 rim par phye ba ste bdun pa'o/ //rgyud kyi rgyal po chen po dpal rdo rje mkha' 'gro'i rnam par bshad pa las le'u bdun pa'i rnam par bshad pa'o// //de nas zhes bya ba la sogs pa la/ de nas zhes bya ba ni
 lhan cig skyes pa dang zhing las skyes pa'i rnal 'byor ma rnams kyis brda la sogs pa bstan pa'i 'og tu/ sngags kyi rig pa zhes bya ba ni sngags las skyes pa'i rnal 'byor ma rnams so/ /de dag nyid lha mo ste gzugs sna tshogs su gsal ba'i phyir
 ro/ /mtshan nyid ni mtshon par byed pa ste brda rnams so/ /gang zhig ces bya ba ni gang gi tshe'o/ /phyag 'tshal ba ni 'dud pa'o/ /ltogs pa ni dkres pa'o/ /sor mos sor mo ston pa ni ser mo nang phan tshun du ston pa'o/ /lhag ma ni go sla'o/
 gang zhig khro gnyer la reg pa zhes bya ba ni smin ma'i dbus su lag pa brdebs pa'o/ /mkha' lding ni sna'o/ /kha cig na re pus mo gnyis sa la gtsugs te/ lag pa gnyis kyis nam mkha' la g.yabs pa ltar byed pa ni mkha' lding ngo zhes
 zer ro/ /gtor ma bza' zhes bya ba ni gtor ma longs spyod pa'o/ /ngag gi brda zhes bya ba la ngag ni tshig tu brjod pa'o/ /brda ni mtshon par byed pa ste/ tshig tu brjod pas brdar byas pa'o/ /po tang gi zhes bya ba ni po tang gi
 zhes bya ba tshig tu 'don pa'o/ /pra te po tang gi zhes bya ba la pra ti slar bzlog pa ste lan no/ /ga ge mo zhes bya ba la sogs pa yang tshig tu brjod par blta bar bya'o/ /'ong zhes bya ba ni 'ong bar 'gyur ro zhes bya ba'i don/
 to/ /byin cig pa ni slong ba'o/ /long shig pa ni khyer cig pa ste ster ba'o/ /dpa' bo ni dpa' bo yin pa'o/ /ku ru ba ni shi ba zhes bya ba la 'dir brda ni ku ru ba'o/ /de bzhin du kar ni ka brda yin gyi dril bu ni ma yin no/ /mgo bo ni mgo nyid do//
 skra ni skra zhes bya bar grags pa'o/ /man tha ni bdud rtsi'o zhes bya ba ni bdud rtsi la man tha zhes bya ba'i don no/ /mkha' 'gro ma ni nam mkha' la 'phur ba rnams so/ /dur khrod ni dur khrod ces bya ba'o/ /bram ze ni bram zer grags? ?  /rgyal +
 rigs ni thang mtshams pa rnams so/ /dmangs rigs ni rigs sna tshogs dang ldan pa rnams so/ /phyugs ni phyugs rnams te mang po'i tshig mngon pa yin no/ /'da' ki ni sring mo'o zhes bya ba la ? ?
 don cig go /me ta ka ni blum mo zhes bya ba la blum ni spar ma'o/ /lce ni lce nyid do/ /so ni so nyid do/ /gang nas zhes bya ba ni gnas gang nas zhes pa'o/ /che ge mo nas zhes bya ba ni gnas che ge mo mas 'ongs pa'o/ /lam po dar
 zhes bya ba la dar ni 'jigs pa ste de nyid la lam pa zhes brjod do/ /tshig pa ni tshim pa nyid do/ /chu? ma pri ya ni chu 'dzin no zhes bya ba la chu 'dzin pa ni sprin no/ /sa nu ni ri bo zhes bya ba la ri bo ni ri rnams so/ /sa ri ni chu bo zhes bya ba'i
 sgra ji bzhin no/ /cha shas zhes bya ba ni nying lag go /gdong zhes bya ba ni gdong pa ste mi mngon pa'o/ /phreng ba ni me tog gi phreng ba'o/ /phyugs ni phyugs chen mo'o/ /man nga la ni mnyam pa'o zhes bya ba la man nga la dang mnyam pa
 dang/ ra ra ka ni rnam grangs so/ /phyugs chen po zhes bya ba ni glang po tsha la sogs pa'o/ /a pya ka ni zhes bya ba ni a pya ka'i sgra'o/ /de bzhin du s+tha yang sgrar shes par bya'o/ /lhag ma ni go sla'o/ /mkha' 'gro ma thams cad
 ni sngags las skyes pa rnams so/ /de rnams kyi brda ni de rnams kyi lus dang ngag mtshan ma'o/ /don de gsal bar byed pa'i gzhung gi tshogs ni rim par phye ba ste brgyad pa'o// //
 rgyud kyi rgyal po chen po dpal rdo rje mkha' 'gro'i rnam par bshad pa las le'u brgyad pa'i rnam par bshad pa'o// //da ni rkang pa bzhi pa'i sngags dang 'brel ba'i 'khrul 'khor gyi le'u gsungs pa/ de nas zhes bya ba la
 sogs pa la/ de nas zhes bya ba ni brda bstan pa'i 'og tu'o/ /lha mo thams cad ces bya ba ni rdo rje phag mo la sogs pa'i mkha' 'gro ma rnams so/ /bcom ldan 'das thog ma dang tha ma med pa zhes bya ba la thog ma ni skye ba'o/ /tha ma
 ni 'gag pa'o/ /gang gi rang bzhin yang dag par skye ba dang 'gag pa med pa de ni thog ma dang tha ma med pa ste don dam par ro/ /gnyis par na bcom ldan 'das nyon mongs pa la sogs pa dang bral bas de dag gi dbang gis skye ba dang 'chi ba
 mi mnga' bas thog ma dang tha ma med pa ste kun rdzob tu'o/ /rdo rje rnal 'byor gyi dbang phyug chen po zhes bya ba la/ rdo rje'i ni thabs dang shes rab gnyis su med pa'i mtshan nyid kyi ting nge 'dzin las byung ba'i bde ba dam pa'i 'khor los sems can
 thams cad kyi don mdzad pa ste/ de nyid stong pa nyid la sogs pa 'dus pa'i rang bzhin pas rnal 'byor ro/ /de su la yod pa'i sangs rgyas dang byang chub sems dpa' rnams ni rnal 'byor pa'o/ /de rnams kyi dbang phyug ni bdag po ste/
 de bzhin gshegs pa thams cad bskyed par bya pa'i phyir ro/ /bcom ldan 'das nyid do/ /gsol ba btab pa ni bkur sti sngon du 'gro bas zhus pa'o/ /de nyid gsungs pa bcom ldan 'das zhes bya ba la sogs pa ste/ bcom ldan 'das
 kyis bskyed du gsol zhes bya ba dang 'brel to/ /ci zhig ce na/ de bzhin gshegs pa zhes bya ba la sogs pa la/ de bzhin gshegs pa thams cad kyi gsang chen zhes bya ba ni snying po dam pa'o/ /sdang ba thams cad ni nyon mongs pa rnams
 so/ /'dul ba ni 'joms pa'o/ /'khrul 'khor ni sngags rnams bkod pa'i 'khor lo gnyis gnyis kha sprad pa ste/ le'u ni don ston pa'i gzhung ngo zhes bya ba ni brnag pa yongs su rdzogs pa'i tshig go /bskyed du gsol zhes bya ba ni dngos grub
 bskyed pa 'am bdag cag gi dbang du sgrub pa ste bstan du gsol zhes bya ba ni bar du'o/ /de nas zhes bya ba ni gsol ba btab pa'i 'og tu'o/ /rin chen kha sbyor zhes bya ba la rin chen ni dngos grub rnams so/ /kha sbyor ni snod de dang 'brel ba'o//
 gsungs so zhes bya ba ni sdud pa po'i tshig go /de nyid bstan pa'i phyir/ mdor bsdus nas zhes bya ba la sogs pa gsungs te/ rigs ldan ni klu'i khyad par ro/ /rta ni rta nyid de 'khrul 'khor gang du sngags rnams rigs ldan dang rta'i
 'gros dag gis dgod pa de la de skad ces bya'o/ /gshin rje yi dags de bzhin te zhes bya ba la gshin rje ni 'khrul 'khor gang du sngags gshin rje'i dbyug pa ltar bkod pa'o/ /yi dags ni yi dags kyi tshul tu'o/ /de bzhin du ro
 langs zung ni ro langs zung gi tshul du bris pa'o/ /srin po ni srin po ltar rnam par gtsigs pa'i phyir ro/ /de nas rim dang phyi rol rim zhes bya ba ni phyi rol dang snying po'i ri mo dag go /des 'joms sgo dang stong pa dang zhes bya ba la stong
 pa ni phyi rol pad+ma'i ri mo'o/ /grwa'i mdza' ni rdo rje ldan zhes bya ba ni grwa rnams su rdo rjes mtshan pa'o/ /sngags kyi phreng ba zhes bya ba ni oM ka ra ka ra zhes bya ba la sogs pa'o/ /khyad par byas zhes bya ba la 'khrul 'khor ni gnyis te/ yi
 ge'i gnas dang/ sngags bri ba'i 'khrul 'khor ro/ /de la khyad par ni yi ge'i gnas kyi 'khrul 'khor la sngags kyi phreng ba de bri bas khyad par du byas pa'o/ /'khrul 'khor chen po bcu gnyis ni le'u
 gzhan las gsungs pa'i bcing ba dang/ rmongs pa dang/ rmugs pa dang/ gnod pa dang/ gzhom pa dang/ nyos byed dang/ bskrad pa dang/ bsang pa dang/ zhi ba dang/ rgyas pa dang/ dbang dang/ dgug pa'i mtshan nyid kyi las rnams kyi dbye
 pas de dag sgrub par byed pa'i 'khrul 'khor bcu gnyis yin no/ /nye bar mtshon pa 'dis gzhan dag kyang shes par bya ste/ de nyid kyis na rim pa de bzhin brjod pa yin zhes so/ /yi ge'i gnas kyi 'khrul 'khor gsungs pa/ gru bzhi
 zhes bya ba la sogs pa la tshad ldan zhes bya ba ni yi ge'i grangs kyi tshad dang ldan pa ste lhag chad med pa'o/ /de nyid kyis ni re'u mig bzhi bcu dgur ldan pa zhes bya ba gsungs te/ re mig ni re'u cha'o/ /bzhi bcu dgu ni grangs te lnga bcur gcig
 gis mtshang bar bri ba'o/ /sngags pa zhes bya ba ni rig pa zlos pa po'o/ /mnyam par gzhag pa po ni lha'i rnal 'byor can no/ /dang po ni phreng ba gnyis zhes bya ba ni re'u mig bdun bdun pa'i 'phreng ba dang po gnyis so/ /mchog ni phreng ba gsum pa'i
 re'u mig gnyis so/ /a la sogs pa ni dbyangs kyi yi ge bcu drug go /lhag ma ni go sla'o/ /dbus kyi re mig stong pa la zhes bya ba ni phyogs mtshams kun tu re'u mig gsum gsum bor ba'i dbus ma gang yin pa ni stong pa'i re'u mig ste
 der bri zhes bya ba dang 'brel to/ /ci zhig ce na/ ka sha zhes bya ba de k+Sha'o/ /yang ci zhig ce na/ pa zhes bya ba ste/ k+Sha'i dbus su pa bri'o/ /'khor lo ri mo gnyis bskor la zhes bya ba ni de'i 'og tu phyi rol ri mo gnyis kyis bskor ba'o/ /de'i
 phyi rol du ni pad+ma 'dab ma brgyad pa ste/ de nyid kyis ni phyi rol la zhes bya ba la sogs pa'o/ /de yang phyi rol tu gru bzhi sgo bzhi pa bris te/ de yang 'og nas slar yang phyi rol gru bzhi pa zhes bya ba la gsungs pa'i phyir ro/ /da ni re'u mig bzhi
 bcu rtsa dgu pa'i phyi rol tu yi ge rnams dgod pa gsungs so/ ri mo'i bar du zhes bya ba la sogs pa gsungs pa la/ ri mo gnyis po bskor ba'i bar du'o/ /'phel pa la sogs pa zhes bya ba ni ma ning gi yi ge bzhi ma gtogs pa dbyangs
 kyi yi ge bcu gnyis rim bzhin du bri pa'o/ /dbang por ka zhes bya ba la dbang po'i phyogs ni dbang po ste dbang po'i phyogs na gnas pa'i pad+ma'i 'dab ma la yang de skad ces bya'o/ /ka zhes bya ba ni der ka bri ba'o/ /lus ngan la sogs pa
 la yang de bzhin du sbyar bar bya ste/ des na byang phyogs dang nub phyogs dang lho phyogs rnams kyi 'dab ma la tsa dang Ta dang ta rnams bri pa'o/ /de nyid kyi phyir pa ni dbu ma ste/ ka la sogs pa phyogs bzhin gnas pa'i dbus su gnas
 pa'i phyir ro/ /ka la sogs pa ni nye bar mtshon pa ste/ man ngag gis na sde tshan thams cad bzung bar bya'o/ /de ltar ya ra la lnga dgod ces bya ba la/ de ltar zhes bya ba ni rim pa de dang me dang bdud rtsi ro zhes bya ba la rlung ni ta ste/ phyi
 mtshams su ni ra'o/ /dbang ldan gyi mtshams su ni la'o/ /bden bral du ni wa'o/ /de dag ci zhig ce na/ rlung dang me dang dbang chen chu zhes bya ba ste/ rlung la sogs pa'i dkyil 'khor rnams kyi sa bon du gyur pa'o/ /'di nyid
 kyis na 'byung ba chen po'i khams zhes bya zhes gsungs te/ tshul sa bon ni wa'o/ /me'i ni ra'o/ /rlung gi ni ya'o/ /rlung dang me dang bdud rtsi ro zhes bya ba la rlung ni ta ste/ phyi rol gru bzhi'i rlung mtshams su bri
 bar bya'o/ /me ni sha ste de yang me mtshams su dgod do/ /bdud rtsi ni Sha ste dbang ldan du'o/ /ro ni sa ste bden bral du'o/ /de nyid gsungs pa/ gshin rje 'joms ma la sogs te/ sha Sha sa ha ra bstan pa dgod ces bya
 ba la 'dir rim pa bzhin du ma yin no/ /'o na ci zhe na/ sha ni gshin rje bstan ma'o/ /Sha ni gshin rje pho nya mo'o/ /sa ni gshin rje mche ba can ma'o/ /ha ni gshin rje 'joms ma ste/ dang zhes bya ba ni bsdu ba yin no/ /ci zhig ce na/ rlung dang
 me zhes bya ba la sogs pa'i rnam grangs te/ shar la sogs pa 'di dag gshin rje 'joms ma la sogs pa'i brdas bstan par ma zad kyi/ rlung la sogs pa'i brdas kyang ngo/ /ri rI li lI zhes bya ba ni dbyangs kyi yi ge ma ning gi ming can
 bzhi'o/ /sgo bzhi ru ni dgod par bya zhes bya ba ni shar la sogs pa'i sgo g.yon skor gyis bris ba'o/ /cho ga'i sbyor ba de lta bus zhes bya ba la cho ga ni yi ge'i gnas kyi 'khrul 'khor re'u mig bzhi bcu rtsa dgu nas gru bzhi'i bar gyi cho ga bya'o/ /
 sbyor ba ni der a la sogs pa dang ka la sogs pa'i yi ge bzhi bcu rtsa dgu bkod pa'o/ /de lta bu ni 'dra ba ste sngags kyi 'khrul 'khor gnyis pa yang thams cad de dang 'dra bar bri ba las khyad par du sngags kyi rgyal po dgod pa'o/ /de nyid gsungs
 pa/ 'bugs ba zhes bya ba la sogs pa la/ 'dis ni rnam par snang mdzad rab tu bstan to/ /'bugs pa ni oMO/ /rmi lam ni aM ngo/ /zla tshes ni grags par zad de/ bsdus pas oM zhes bya bar 'gyur ro/ /dang po ni sngags kyi 'khrul
 'khor gyi re'u mig dang po'o/ /gnyis pa yang sngags kyi 'khrul 'khor gyi re'u mig gnyis pa ste/ 'og nas byung ba gzhan dag tu yang 'di ltar blta'o/ /bden bral gyi phyi rol zhes bya ba ni yi ge'i gnas kyi 'khrul 'khor gyi phyi rol gru bzhi
 bden bral gyi phyogs la bya ste/ de yang 'dir yi ge sa yin te/ de de na gnas pa'i phyir ro/ /'di yang 'og nas 'byung ba gzhan dag dag la yang blta bar bya'o/ /ru sbal zhes bya ba ni u'o/ /bsdus pas su zhes bya bar 'gyur ro/ /re'u mig
 gsum pa la gnas pa zhes bya ba ni/ de bzhin du sngags kyi re'u mig gsum pa la gnas pa ste/ ci zhig ce na/ dbu ma'i ni mdza' ma bzung zhes bya ba yi ge ma dang de nyid kyi zhes bya ba dbu ma'i sde tshan te de'i bzhi pa b+ha'o/ /bsdus pas sum+b+ha zhes
 bya bar 'gyur ro/ /re'u mig bzhi par gnas zhes bya ba yang snga ma bzhin no/ /lho mdza' zhes bya ba ni/ ta'i sde pa'i mdza' ma na'o/ /bzang po ni i'o/ /bsdus pas ni zhes bya'o/ /ri'u mig lnga pa zhes bya ba la sogs pas ni yangs su zhes bya
 bar 'gyur ro/ /drug pa zhes bya ba la sogs pas kyang m+b+ha zhes bya bar 'gyur ro/ /bdun pa zhes bya ba la sogs pa ni hUM ngo/ /brgyad pa zhes bya ba la sogs pa ni ya'o/ /re'u mig la gnas zhes bya ba ni re'u mig nyid kyi brda'o/ /dgu pa zhes
 bya ba la sogs pa la/ dang po'i gsum pa ni ga'o/ /ma ning gi dang po ni ri'o/ /stan du bya ba ni de'i 'og tu sbyar ba'o/ /bcu pa zhes bya ba la sogs pa ni h+NA zhes bya'o/ /nyi shu rtsa gcig pa zhes bya ba ni yi ge pa ste/ bcu gcig pa la dgod pa ni bri
 ba'o/ /bcu gnyis pa zhes bya ba la sogs pa ni slar yang ya'o/ /bcu gsum zhes bya ba la sogs pas kyang slar hUM gzung ngo/ /bcu bzhi pa zhes bya ba la sogs pa la/ des zhes bya ba ni hUM nyid kyis so/ /bco lnga pa zhes bya ba la sogs pa ni slar
 yang pa'o/ /bcu drug pa la sogs pa ni ba'o/ bcu bdun pa zhes bya ba la sogs pa ni na'o/ /bco brgyad pa zhes bya ba la sogs pa ni dya'o/ /bcu dgu pa zhes bya ba la sogs pa la me ni ra'o/ /brgyan pa ni mdzes pa ster zhes bya bar 'gyur ro/ /nyi shu
 pa zhes bya ba la sogs pa ni slar yang hUM ngo/ /nyi shu gcig pa zhes bya ba la sogs pa ni pha'o/ /nyi shu gnyis pa zhes bya ba la sogs pa ni ha'o/ /nyi shu gsum pa zhes bya ba la sogs pa ni ga'o/ /nyi shu bzhi pa zhes
 bya ba la sogs pa ni a dang bral ba'i Ta ste/ yi ge phyed yin no/ /nyi shu drug pa zhes bya ba la sogs pa ni dza'o/ /nyi shu bdun pa zhes bya ba la sogs pa ni pha'o/ /nyi shu brgyad pa zhes bya ba la sogs pa ni slar yang Ta ste/ snga ma bzhin no/ /
 nyi shu dgu pa zhes bya ba la sogs pa ni gri'o/ /sum cu pa zhes bya ba la sogs pa ni b+ha'o/ /sum cu gcig pa zhes bya ba la sogs pa ni slar yang pha'o/ /sum cu gnyis pa zhes bya ba la sogs pa ni slar yang hUM ngo/ /de nyid kyis shes
 bya ba ni hUM nyid kyis so/ /sum cu bzhi pa zhes bya ba la sogs pa ni slar yang Ta ste pha'i tha ma yin pas phyed pa'o/ /sum cu lnga pa zhes bya ba la sogs pa ni go sla'o/ /sum cu drug pa zhes bya ba la sogs pa ni oM mo/ /bzhi bcu
 gnyis pa zhes bya ba la sogs pa ni gri'o/ /bzhi bcu gsum pa zhes bya ba la sogs pa ni slar yang Ta'o/ /bzhi bcu bzhi pa zhes bya ba la sogs pa ni slar yang pha'o/ /bzhi bcu lnga pa zhes bya ba la sogs pa ni slar yang hUM ngo/ /bzhi
 bcu drug pa zhes bya ba la sogs pa yang hUM nyid do/ /bzhi bcu bdun pa zhes bya ba la sogs pa ni h+Na'o/ /bzhi bcu brgyad pa zhes bya ba la sogs pa ni gri'o/ /bzhi bcu dgu pa zhes bya ba ni slar yang h+Na ste/ 'di ni klu rigs ldan gyi 'gros
 ltar sngags gya gyur bkod pas rigs ldan gyi 'gros zhes bya ba'i 'khor lo'o/ /dgra rnams thams cad 'chi ba dang zhes bya ba la sogs pa la/ yi ge bzhi bcu rtsa brgyad bkod pa'i dbus kyi re'u mig stong pa la lhas byin baM d+ha me ha ya
 zhes dgong pa'o/ /'khor lo yang 'gro ba la sogs pa la/ las dang rjes su mthun pa'i snag tshas gnyis bris la kha sbyar te rjes su mthun pa'i skud pas bcings nas mud ka la sogs pa dang bcas par dur khrod kyi sa la sogs par gzhag
 la/ las kyi rjes su mthun pa'i mchod pas cho ga bzhin du mchod de/ rdo rje mkha' 'gro'i rnal 'byor pas nga rgyal bsgyings nas sngags de nyid bzlas par bya'o/ /khyad par gyis zhes bya ba ni bsam pa'i khyad par gyis te/ sgrub pa po'i bsam
 pa'i khyad par gyis zhi ba la sogs pa yang bya bar ston to/ /grol ba zhes bya ba ni lcags kyi tho ba ltar 'joms par byed pas so/ /cho ga'i sbyor ba zhes bya ba ni las kyi rab tu sbyor ba'o/ /kha cig na re 'ga' na zhes bya ba ni las mang po'i
 tshogs la bya'o zhes zer ro/ /da ni srin po'i gdong dang gshin rje'i dbyug pa lta bu'i 'khrul 'khor gsungs pa/ slar yang zhes bya ba la sogs pa la/ 'di dag kyang re'u mig bzhi bcu rtsa dgu la bri ba ste/ re'u mig dang po la zhes bya ba la
 sogs pa ni snga ma bzhin no/ /bcu gcig pa la yi ge de zhes bya ba ni/ de ba dat+ta dzam+b+ha ya ba ta ya zhes bya ba la sogs pa 'og nas 'byung ba las rmongs pa dang/ ltung ba la sogs pa'i las kyi bskul ba dang/ spel bar bris te gzhan
 du yang de ltar blta bar bya'o/ /'di ni zhes bya ba la sogs pa la las rnams thams cad ces bya ba ni zhi ba dang sogs pa'o/ /gnon pa ni zhes bya ba ni brlag par byed pa'o/ /dri ma med ces bya ba ni ha ste rang byung ba'o/ /yang na ni ka la zhes
 bya ba cha shes med pa'o/ /lhag ma ni go sla'o/ /bsdus pas hUM zhes bya bar 'gyur ro/ /rdo rje yi ni steng na gnas zhes bya ba la sogs pa la/ de ni spangs nas su zhes bya ba ni yang na hUM dang rdo rje dang hUM bri ba'o/ /'di dag gis ni 'di skad du
 dbus kyi re'u mig stong pa la bsgrub par bya ba'i gzugs brnyan bris la de'i snying gar rdo rje bri'o/ /de'i lte bar ni hUM ngo/ /hUM gi lte bar ni bsgrub par bya ba'i ming bskul tshig dang bcas par bris la/ dpa' bo la
 sogs pa'i thod pa kha sbyar bar 'khrul 'khor kha sbyar ba gzhag la dur khrod la sogs pa'i sa phyogs su ji lta ba bzhin du bzhag ste/ de nyid bsgrub par bya ba'i lus su bsams nas 'khor bo'i rnal 'byor la gnas te/ sngags spel ba dang bcas par
 zlos shing/ rang gi lag pa g.yas par hUM las skyes pa'i rdo rje 'bar bar bsams nas de la yang dang yang du brdeg par bsams na 'chi bar 'gyur ro zhes ston to/ /dpa' bo 'phral gyi bum pa zhes bya ba ni dpa' bo'i thod pa rlon pa'o/ /bram ze'i
 bum pa yang bram ze'i thod pa'o/ /cho ga bzhin du bri zhes bya ba ni der dug dang tsi tra k+Sha'i khu ba la sogs pas bri ba'o/ /'byung po kun gyi gtor ma zhes bya ba ni las thams cad la blta bar bya'o/ /da ni rta'i 'gros kyis dgod pa dang gshin rje'i
 dbyug pa lta bu'i 'khrul 'khor gsungs pa/ slar yang zhes bya ba la sogs pa ste go sla'o/ /lha mo zhes bya ba la sogs pa la rta dang ma he'i bum pa zhes bya ba ni/ de nyid kyi thod pa ste/ der yang spel ba dang bcas pa'i sngags bzla bar bya'o/ /
 da ni yi dags kyi gdong lta bu'i 'khor lo dgod pa gsungs pa/ 'bugs pa zhes bya ba la sogs pa ste/ de dag kyang go sla'o/ /'khor lo 'di ni lha mo che/ /mchog tu rno ste zhes bya ba ni/ yi ge'i gnas kyi 'khor lo yang rno ba ste/ las
 thams cad la 'thebs pa yin no/ /'byung po'i mtshan mo zhes bya ba ni mar ngo'i bcu bzhi la'o/ /lho phyogs su kha bltas pa ni gshin rje'i phyogs su bltas pa'o/ /dug la sogs pa ni drag po'i las kyi snag tsha ste/ zhi ba la sogs pa
 la ni gzhan las 'byung ba ltar gro ga la sogs pa'i gzhi la go ro tsa na dang/ gur kum la sogs pas kyang bri bar bya'o/ /dmar po 'am ni sngon po'i gos zhes bya ba la dbang dang dgug pa'i las la ni gos dmar po bgo bar byas drag
 po'i las la ni sngon po bgo'o/ /khyad par gyi zhes bya ba ni las kyi khyad par gyi ste/ rgyas pa dang bcings pa la ni ser po bgo zhes bya ba la sogs pa dang sbyar bar bya'o/ /drag po'i las la gshin rje la sogs pa'i tshul du bsgoms
 pa bstan pa'i phyir/ bsad la gshin rje'i rgyal po ste zhes bya ba la sogs pa gsungs te go sla'o/ /stong la stong pa'i pad+ma yis zhes bya ba la/ stong pa ni yi ge'i gnas kyi 'khrul 'khor ro/ /stong pa'i pad+ma ni ri mo gnyis kyi phyi rol
 gyi pad+ma'o/ /nges par 'joms pa'i grwa ru ni zhes bya ba la/ nges par 'joms pa ni brlag par byed pa ste/ nye bar mtshon pa 'dis las gzhan dag dang 'brel ba'i 'khrul 'khor yang gzung bar bya ste/ 'khrul 'khor de dag gi
 grwa ste/ phyi rol gyi snam bu la sngags phreng ste/ ka ra ka ra la sogs pa dang/ de bzhin phreng ste/ rdo rje mkha' 'gro'i snying po dang/ nye ba'i snying po la sogs pa bri'o/ /sngags tshig bzhi yis rnam brgyan pa zhes bya ba ni/
 sum+b+ha ni sum+b+ha zhes bya ba la sogs pa'i sngags kyi tshig bzhi'o/ /'khrul 'khor chen po bcu gnyis ni zhes bya ba ni las bcu gnyis dang 'brel ba'i bye brag gis so/ /'di ni zhes bya ba ni sngags 'di ste/ 'jigs byed mi
 bzad yin bya ba dang 'brel to/ /su zhig gi zhe na/ drag po'i las kun gyi zhes bya ba ste/ bla ma dang sangs rgyas la sogs pa la gnod par byed pa'i las rtsub mo can rnams kyi'o/ /de lta mod kyi thams cad du bsad par
 ni mi bya'o/ /'on kyang 'chi ba la thug gi bar du tshar bcad nas slar bzlog par bya'o/ /gtor ma la sogs pa'i las kyi dus su sha rnams la longs spyod pa bstan par bya ba'i phyir/ yang dag cho ga
 gang gis ni zhes bya ba la sogs pa gsungs so/ /srog gcod pa la sogs pa ma gtogs par sha rnams bsgrub pa bstan pa'i phyir/ phyugs rnams zhes bya ba la sogs pa gsungs te/ phyugs rnams dag ni rgyu mtshan med pas gzhom par
 bya zhes bya ba dang 'brel te/ /rgyu mtshan med pa zhes bya ba la rgyu mtshan ni mtshon cha'o/ /med pa ni dgag pa ste kha na ma tho ba dang bcas pa spangs pa'i don to/ /de nyid kyis na sgrub pos sngar bstan rim par bya zhes bya ba la gsungs so/ /bcom zhes bya
 ba ni kha na ma tho ba med par rnyed pa'o/ /gnyis par na don dam pa'i cha bstan pa yin te/ phyugs zhes bya ba la ni don dam par ro/ /rgyu zhes bya ba ni nye bar mtshon pa ste/ rgyu dang 'bras bu dag gzhom pa ste med pa yin no/ /de yang 'di ltar
 tshad ma dang lung gis rnam par dpyad na rgyu dang 'bras bu dag don dam par ma grub par sngar bstan pa yin te rgya cher shes par bya'o/ /de ltar rigs pa dang lung gis rnam par dpyad na rgyu dang 'bras bu la sogs pa rang bzhin med du zin kyang nyams su
 myong ba bzlog dka' bas khams gsum po ma lus pa rang gi sems kyi snang ba tsam du gdon mi za bar shes par bya'o/ /rgyu mtshan zhes bya ba ni byed pa po ste/ nye bar mtshon pa'i don gyis na byed pa dang bya ba gsum bcom nas mi dmigs
 pa nyid du bya ba 'di ni sgrol ba'i cho ga thams cad la blta bar bya'o/ /phyugs rnams dgug pa zhes bya ba la dgug pa ni rang gi grub pa'i mdza' la sbyar ba'o/ /gang gis zhe na/ sgrub pa pos sngar bstan rim pas zhes bya ba ste/ zhi ba dang
 drag po'i las rnams kyis 'og nas 'byung ba'i phyugs rnams pa lnga la sogs pa btul te/ rang gi bstan pa la bzung bar bya'o/ /phyugs rnams dag ni rnam pa lnga zhes bya ba ni bla ma dang sangs rgyas dang chos dang dge 'dun la gnod par byed pa dag
 dang/ dam pa'i chos smod pa rnams so/ lhag ma ni go sla'o/ /zhes bya ba ni 'khrul 'khor bstan pa yongs su rdzogs pa'o/ /'khrul 'khor thams cad ces bya ba ni yi ge'i gnas la sogs pa'i 'khrul 'khor ro/ /'byung ba ni tshogs so/ /
 de ston pa'i gzhung ni rim par phye ba ste dgu pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u dgu pa'i rnam pa bshad pa'o// //da ni rlung gi kho na nyid la sogs pa'i le'u
 bstan par bya ba'i phyir/ tshe dang zhes bya ba la sogs pa gsungs te/ tshe spel ba ni tshe bsring ba'o/ /nad med pa ni nad med pa nyid do/ /tshe dang nad med pa spel ba'i phyir dbugs kyi las la sogs pa'i mtshan nyid bshad kyi nyon cig ces bya bar
 sbyar ro/ /bya dang bya min zhes bya ba ni 'byung ba'i mtshan nyid khyad par can no/ /bya min ni 'jug pa'i mtshan nyid khyad par can no/ /sbyor ba ni rlung la sogs pa'i mtshan nyid de gang la dbye ba yod pa de la de skad ces bya'o/ /dbugs ni 'byung
 ba rang 'jug pa'i rlung ngo/ /de'i las ni 'byung ba dang 'jug pa nyid de mtshan nyid ni de'i rang bzhin no/ /skal chen ma zhes bya ba ni yon tan chen po'i skal ba dang ldan pa'i phyir ro/ /mtshan nyid de gsungs pa nyi khri dang ni zhes bya ba la sogs
 pa la/ khri phrag gnyis dang stong phrag gcig dang/ brgya phrag zdrug ste brgya phrag drug dang bcas pa'i stong phrag nyi shu rtsa gcig go /ci'i grangs she na/ dbugs rnams kyi zhes bya ba dang sbyar te/ dbugs 'byung ba'i 'o/ /ji tsam zhig gi zhe na/
 chu tshod drug cu zhes bya ba ste/ chu tshod drug cu po rnams kyang nyin dang mtshan te/ zhag gcig gi yin no/ /de ltar na dbugs nyi khri chig stong drug brgya brgyu ba nyid la chu tshod drug cu dang nyin mtshan phrugs gcig
 la sogs par brjod pa yin no/ /nyin mtshan phrugs gcig po gcig kho nar ma zad kyi gzhan dag gi yang yin par bstan pa'i phyir/ lo ru zhes bya ba gsungs te/ gnyis pa'i don gyis bdun pa yin no/ /lo ru zhes bya ba ni nye bar
 mtshon pa ste/ bskal ba grangs med pa'i bar du yang nyin mtshan gyi dbugs kyi grangs ni de skad du shes par bya'o/ /'byung ba ni dbugs phyir 'phro ba'o/ /'jug pa ni nang du bsdud pa'o/ /byung ba'i mtshan mas bgrang bar bya zhes bya ba ni phyir
 'gro ba'i dus su yon tan gyis brtsi bar bya'o/ /blo dang ldan pa zhes bya ba ni bshes gnyen can gyis so/ /'jug pa 'byung la thim par bya zhes bya ba ni bag la zha bar bya ba ste/ 'jug pa dang 'byung ba dang/ gcig tu byas nas 'byung ba'i
 mthar bgrang ba'o/ /gnas bcu gnyis zhes bya ba la gnas bcu gnyis ni sa bcu gnyis te/ 'di ltar phan tshun du rim pa bzhin thig gnyis gnyis btab la slar yang grwa bzhir thig re btab pas/ dbus kyi lte ba ma gtogs pa
 re'u mig bcu gnyis su 'gyur ro/ /phyi rol zhes bya ba ni phyi rol gyi rtsibs te/ dbus la sogs pa'i mtshan ma ri mor bris pa'o/ /de la 'phel ba dang chu srin la ni chu tshod gsum gyi'o/ /gti mug dang rus sbal la ni bzhi'o/ /
 bzang po dang khyu mchog la ni lnga'o/ /yugs sa mo dang 'dod pa la'ang lnga'i'o/ /'bugs pa dang 'phyo ba la ni drug gi'o/ /sme ba dang rmi lam la ni bdun gyi ste/ shar phyogs kyi re'u cha la ni gsum mo/ /me mtshams su ni bzhi'o/ /yang me
 mtshams su ni lnga'o/ /lho phyogs su ni lnga'o/ /bden bral du ni bzhi'o/ /yang bden bral du gsum mo/ /nub tu ni lnga'o/ /rlung mtshams su ni bdun no/ /yang rlung mtshams su drug go /byang du yang drug go /dbang ldan du bdun no/ /yang dbang
 ldan du lnga ste/ chu tshod kyi grangs de dag nyid la 'phel ba la sogs par brjod pa yin no/ /chos grangs bye brag ces bya ba ni zla ba'i grangs dang 'phel ba la sogs pa'i tshes grangs kyi dbye ba mthun par brtsi'o/ /dbyangs kyi bye brag ces bya
 ba ni ma ning gi yi ge spangs pa'i a la sogs pa'i dbyangs kyi yi ge bcu gnyis po nyid go rim bzhin 'phel ba la sogs pa ming du brjod pa'o/ /bza' dang skar ma rnams kyi rgyu ba ni de rnams so sor rgyu ba'i rtsis so/ /dug gi dus zhes bya ba
 ni mche ba la sogs pa'i dug gi dus kyi dbye ba bcu gnyis so/ /rim pa 'di zhes bya ba ni de dag rim bzhin du 'phel ba la sogs pas shes par bya ba 'am/ rtsis gzhan dag ci yod pa thams cad kyang rtsis 'dis shes par bya'o/ /dpyid zla 'bring po
 zhes bya ba la sogs pa ni dpyid zla 'bring po nas gzung ba'i zla ba rnams la rim bzhin du ro hi ta la sogs par shes par bya'o/ /nyi ma byang du 'gro ba'i dus zhes bya ba ni zla ba bcu gnyis las drug ste nye bar gzung ba yin te/ dpyid zla tha
 tshungs kyi ya mtshams nas ston zla 'bring po'i bar yin no/ /lhag ma ni go sla'o/ /snga dro zhes bya ba ni tho rangs kyi dus nas brtsi bar bya'o/ /lhag ma ni go sla'o/ /'phel ba'i nyi ma la zhes bya ba ni 'phel ba'i zla ba dang/ 'phel ba'i tshes dang/
 'phel ba'i skad cig dag las ci ste gsum ka 'dzom pa dang/ ma 'dzom na yang 'phel ba'i skad cig bzung bar bya'i/ zla ba dang tshes ni ma yin te/ des na gsum ka 'dzom pa dang/ skad cig de las skyes pa ni ji skad bshad pa'i mtshan
 nyid du 'gyur gyi gzhan ni ma yin no/ /skad cig de yang sngar bstan pa'i chu tshod kyi ri mos shes par bya'o/ /de yang 'di ltar zhag gcig la rnam pa bcu gnyis su 'gyur te/ tho rangs kyi chu tshod gsum ni
 'phel ba'o/ /de nas bzhi ni gti mug go /de'i 'og ma lnga ni bzang po'o/ /khyu mchog gi yang de bzhin no/ /de nas bzhi ni rus sbal lo/ /de'i 'og ma gsum ni chu srin no/ /de'i 'og ma lnga ni yugs sa mo'o/ /de'i 'og ma bdun ni
 sme ba'i 'o/ /de'i 'og ma drug ni 'bugs pa'i 'o/ /'phyo ba ni yang de bzhin no/ /de'i 'og ma bdun ni rmi lam mo/ /de'i 'og ma snga ni sa'i dbang phyug go /de la 'phel ba ni lug go /gti mug ni khyu mchog go /bzang po ni 'khrig pa'o/ /khyu
 mchog ni kAr ti ka'o/ /rus sbal ni seng+ge'o/ /chu srin ni gzhon nu ma'o/ /yugs sa mo ni srang ngo/ /sme ba ni sdig pa'o/ /'bugs pa ni gzhu'o/ /'phyo ba ni chu srin no/ /rmi lam ni bum pa'o/ /sa'i dbang phyug ni nya'o/ /de la lug gi
 chu tshod gsum la/ tha skar dang/ bra nye dang/ smin drug gi bzhi cha gcig ste dgu'o/ /de'i 'og ma khyu mchog gi chu tshod bzhi la smin drug bzhi cha gsum dang/ snar ma dang mgo'i phyed do/ /de'i 'og tu 'khrig pa'i chu tshod lnga la
 mgo'i phyed dang/ lag dang nabs so'i bzhi cha gsum mo/ /de'i 'og tu kar ka Ta'i chu tshod de dang 'dra ba la nabs so'i bzhi cha gcig dang rgyal dang skag go /de'i 'og tu seng+ge'i chu tshod bzhi la mchu dang gre dang dbo'i bzhi cha gcig
 go /de'i 'og tu bu mo'i chu tshod gsum la dbo'i bzhi cha gsum dang me bzhi dang nag pa'i phyed do/ /de'i 'og tu srang gi chu tshod lnga la nag pa phyed do/ /de'i 'og tu srang gi chu tshod lnga la nag pa'i phyed dang sa gdangs ri'i bzhi cha gsum
 mo/ /de'i 'og tu sdig pa'i chu tshod bdun la sa ga'i bzhi cha gcig dang lha mtshams dang snon no/ /de'i 'og tu gzhu'i chu tshod drug la snubs dang chu stod dang/ chu smad kyi bzhi cha gcig go /de'i 'og tu chu srin gyi chu tshod de dang 'dra ba la chu smad
 kyi bzhi cha gsum dang gro zhun dang/ mon gru'i phyed do/ /de'i 'og tu bum pa'i chu tshod bdun la mon gru'i phyed dang man gre dang khrums stod kyi cha gsum mo/ /de nas nya'i chu tshod lnga la khrums stod kyi cha gcig dang khrums smad dang nam
 gru'o/ /de ltar na lugs la sogs pa'i nyi ma rnams ni skar ma gsum gsum la longs spyod par blta bar bya'o/ /shi chad du ma gyur na zhes bya ba la chad pa ni dus ma yin par 'chi ba ste/ nyi ma dang zla ba dang lo dgu'i bar du shi chad du ma
 gyur na'o/ /phyug cing skal ba bzang ba dang ces bya ba la sogs pa'i mtshan nyid bstan pa 'di dag kyang 'phel ba'i chu tshod dang po la ni ma yin gyi/ gnyis pa dang gsum pa yongs su rdzogs pa'i yin par blta bar bya'o/ /de ltar 'og nas
 'byung ba thams cad la sbyar ro/ /lhag ma ni go sla'o/ /sa'i dbang phyug gi nyi ma la 'chi bar 'gyur ro/ /zhes bya ba ni/ lo brgyad cu rtsa gcig 'das nas sa'i dbang phyug gi zla ba dang tshes dang skad cig de la 'chi bar 'gyur te/ thams cad
 la de ltar blta'o/ /sa'i dbang phyug ces bya ba ni 'dod pa'o/ /'dis ni 'phel ba la sogs pa g.yon skor du dgod pa'o/ /yang na g.yon skor du brtsi ba'o/ /lhag ma ni go sla'o/ /chos shes bya ba la/ chos ni mtho ris dang/ byang grol
 gyi rgyu ste bsod nams kyi chos so/ /shes pa ni byed pa po mkhas pa zhes bya ba ni rtog ge rang lung shes pa'o/ /tshangs par spyod cing zhes bya ba ni chang dang bud med la sogs pa spong ba'o/ /bzo shes pa dang zhes bya ba ni glu dang gar dang rol
 mo'i sbyor ba la mkhas pa'o/ /bstan bcos thams cad rgyas par 'gyur ba zhes bya ba la/ bstan bcos thams cad ni sgra'i bstan bcos la sogs pa'o/ /rgyas pa ni de dag gi sbyor ba la mkhas pa'o/ /the
 tshom med pa ni bden pa'o/ /nyi ma bzhi 'am zhes bya ba la sogs pa ni shi chad du ma gyur na zhes bya ba dang 'brel to/ /tshig rtsub smra ba zhes bya ba ni tshig brlang po smra ba ste/ gang gis brlang po smra bar byed pa de la de skad ces bya'o/ /sdig
 pa'i las la nan tan byed pa zhes bya ba ni brnab sems dang gnod sems dang/ log bar lta ba phun sum tshogs pa dang ldan pa'o/ /'phyar ba zhes bya ba ni ma dpyad par byed pa'o/ /seng+ge dang 'dra ba zhes bya ba ni mthon po la brten pa nyid dang/ rang
 gis bsgrubs pa'i yo byad la longs spyod pa'o/ /sdug bsngal mang ba zhes bya ba ni thog ma dbul zhing sdug bsngal ba'o/ /yo byad 'phel zhing zhes bya ba ni de'i tshe smad la phyug por gyur pa ste/ de nyid gsungs pa nor dang phyugs mang la zhes bya
 ba la nor rnams dang phyugs rnams zhes zlas phye nas phyis mang ba zhes gcig tu mtshams sbyar ba 'am/ yang na nor du phyugs mang ba zhes khyad par bsdu bar bya'o/ /cung zad tsam gyis khro ba zhes bya ba ni skad cig gis khro zhing skad cig
 gis zhi ba'o/ /nga rgyal che ba ni khengs sems che ba'o/ /dgra rnams 'jigs la zhes bya ba ni dgra rnams kyis 'jigs pa ste khong sngar ba'o/ /khe sbogs kyis 'tshe ba ni tshong gis 'tsho ba'o/ /rmongs pa dang sdig pa'i bsam pa dang ldan pa
 zhes bya ba ni rmongs pa ni smra mi mkhas pa'o/ /sdig pa'i bsam pa dang ldan pa ni bya ba ngan pa la 'jug pa'i bsam pa can no/ /ngang tshul ngan pa ni spro thung pa'o/ /rang gi rigs stod cing zhes bya ba ni rigs mthon por skye ba'o/ /bstan
 bcos phun sum tshogs pa zhes bya ba ni rgyal khrims la sogs pa'i lugs kyis bstan bcos phun sum tshogs pa'o/ /bzo sna tshogs rig pa ni gar la sogs pa'i bzo sna tshogs la mkhas pa'o/ /g.yo sgyu can zhes bya ba la g.yo dang
 sgyu ni g.yo sgyu ste/ de su la yod pa de la de skad ces bya'o/ /bya ba thams cad yang ba zhes bya ba ni dgongs so cog ge myur du 'grub pa'o/ /bde bar 'tsho zhes bya ba ni cung zad kyis bde ba rnyed pa'o/ /rgyal po'i 'chad pas gcod cing zhes bya ba
 ni rgyal po'i khrims las 'da' zhing chad pa'i gnas su gyur pa'o/ /dor thabs kyi bzo zhes bya ba ni rol mo la sogs pa 'khrul 'khor gyi bzo'o/ /rtag tu sems khral can zhes bya ba ni rtag tu gzhan gyi ched la zhugs pa'o/ /bu dang chung ma
 gsod pa zhes bya ba ni chung ma blangs pa dang bu skyes pa rnams myur du 'chi bar 'gyur zhing ring du mi 'tsho ba'o/ /sems chung ba ni sems srab pa'o/ /bsam pa ngan pa ni rtag tu sems sdug pa'o/ /'phel ba'i nyi ma la zhes bya ba la sogs pas ni
 skad cig gang la nad kyis zin pa'i dge ba dang sdig pa'i mtshan nyid bstan pa ste go sla'o/ /dug bzlog pa bshad par bzhed nas gsungs pa/ gang gi zhes bya ba la sogs pa la/ gang gi mche bas mngon zin na/ 'chi bdag dang ni mnyam par 'grogs
 zhes bya ba ni gsor mi rung ba bstan pa yin te ra can bzhi la zin pa dag 'chi bdag gis sgor gzhol bar 'gyur ro zhes bya ba'i don to/ /de rnams zhes bya ba ni rnal 'byor ba rnams so/ /ji ltar 'grub par 'gyur zhes bya ba ni ji ltar bkra shis par
 'gyur ba ste/ de nyid gsungs pa/ tshe dang nad med ces bya ba la sogs pa la/ tshe ni srog go /spel ba ni yun ring du 'tsho ba'o/ gzhan la zhes bya ba ni gsor rung ba ste brgyad po dag la'o/ /dug bsdu ba'i cho ga ji ltar sbyar zhes bya bar 'brel to/ /
 de la dug bsdu ba ni dug dbrog pa'o/ /sbyar ba ni ting nge 'dzin gyi mtshan nyid do/ /de dag gis ni 'di skad du bkra shis kyi dngos grub tshe dang nad med pa spel ba dang/ dug gis zin par gsor rung ba gzhan dag la dug
 bsdu ba'i cho ga ji ltar bgyi zhes gsol ba btab pa ston to/ /bka' stsal pa zhes bya ba la sogs pa la/ chu'i sbyin sreg ces bya ba ni chur mchod sbyin bya ba ste/ de'i cho ga bya ba zhes bya ba lhag ma yin no/ /de nyid gsungs pa/ sa'i cha ni zhes
 bya ba la sogs pa la/ kha dog dkar po'i dri ni tsan dan dkar po la sogs pa'o/ /byugs pa ni khru bzhi tsam du yangs par gru bzhi par byug pa ste/ gru bzhi shin tu yangs par bya zhes gsungs pa'i phyir ro/ /rtsa ba nag por ri med
 ces bya ba ni zhabs brtan zhing ri mo sngon po dang bral ba ste/ don gyis na bum pa rnams dkar por bya ba yin no/ /sogs kyis na lto che ba dang mchu 'phyang ba la sogs pa bzung ngo/ /bum pa zhes bya ba ni rigs kyis na gcig gi tshig
 tu byas pa yin te/ dngos su na bum pa dgur blta bar bya'o/ /chu yis bkang zhes bya ba la phyogs mtshams kyis bum pa brgyad ni dri zhim po'i chus bkang la dbus kyi bum pa zhi ba'i thab khung gi rnam pa lta bus las byas pa'i
 bum pa ni dri zhim po'i chu dang 'o mar bsres pas dgong ngo/ /chu ni nye bar mtshon pa ste/ shing gi lo mas kha brgyan pa la sogs pa gzung bar bya'o/ /de yang gsungs pa/ dri yi chus ni rab bkang zhing/ /shing los kha ni brgyan pa
 yis/ /bum pa brgyad ni bshams nas su/ /phyogs brgyad dag tu bzhag par bya/ /dri chu 'o mas bsres pa yi/ /bum pa dgu pa dbus su'o zhes so/ /de'i dbus su zhes bya ba ni dbus dang shar la sogs pa'i bum pa rnams
 kyi nang du'o/ /lha mo zhes pa ni ye shes kyi mkha' 'gro ma dang rdo rje mkha' 'gro ma la sogs pa'o/ /pad+ma'i phreng bas mdzes par byas zhes bya ba ni mgrin par pad+ma'i phreng ba'o/ /gangs dang kun de zla 'dra ba zhes bya ba ni lha mo
 rnams kyi kha dog ste bsam par bya zhes pa dang 'brel to/ ` /mkha' 'gro ma'i 'khor lo zhes bya ba ni dkyil 'khor ba'i lha ste/ rdo rje mkha' 'gro ma la sogs pa'o/ /de dag gis ni 'di skad du sgrub thabs kyi
 rim gyis bdag nyid ye shes mkha' 'gro mar byas nas dbus kyi bum pa'i snod la/ oM ka ma la b+he swAhA zhes pa'i sngags brjod cing lag pa g.yas g.yon pad+mar bskor ba'i phyag rgya bstan pas de'i nang du pad+ma'i gdan
 bskyed la der zla ba'i dkyil 'khor gyi steng du hUM gi sa bon las skyes pa'i ye shes mkha' 'gro ma mdog dkar mo/ /phyag gnyis pa rdo rjes mtshan pa'i dbyug pa rnams pa brgyan thams cad kyis brgyan cing
 steng na gdugs dkar po ldir ba rdo rje skyil krung gis bzhugs pa bsgoms la/ ye shes kyi sems dpa' bcug nas lag pa gnyis khu tshur bcings te/ rgyab sprad la mdzub mo gnyis lcags
 sgrog ltar bcings pa'i dam tshig gi phyag rgya bstan cing/ sa ma ya tiSh+Tha hUM phaT ces bya ba'i sngags brjod par bya'o/ ` /shar phyogs kyi bum par ni rdo rje mkha' 'gro ma sa bon sum gis
 bskyed par bya'o/ /byang du ni drag mo ste sa bon k+ShuM gis bskyed do/ /nub tu ni ro langs ma ste sa bon yum gis bskyed do/ /lhor ni gtum mo ste sa bon hUM gis bskyed do/ /dbang ldan du ni seng+ge ste sa 
 bon smryuM gis bskyed do/ /me mtshams su stag mo ste sa bon hmryuM gis bskyed do/ /bden bral du lce spyang mo ste sa bon ymryuM gis bskyed do/ /rlung mtshams su ni 'ug pa mo ste sa bon kshmryuM gis bskyed do/ /de dag thams cad kyang
 snga ma ltar mdog dkar zhing rgyan thams cad kyis brgyan pa la sogs par bsgom mo/ /de nas so sor phyag rgya bstan par bya ste/ lag pa g.yon pa'i khu tshur snying gar gan rkyal du bzhag la/ g.yas pa'i khu tshur de'i steng du bzhag
 pa 'di ni thun mong gi dam tshig gi phyag rgya ste/ oM dzuM hUM swAhA zhes bya ba'i sngags brjod do/ /sngags 'dis ni sngon du 'bum phrag gsum du bsnyen pa byas nas las brtsam par bya'o zhes man ngag las bshad do/ /de nas nye ba'i longs spyod
 kyi gtor ma la sogs pa phul nas sngags de nyid kyis mi tog dkar po'i nang du dur ba sar pa'i rtsa ba gtsugs la sngar bstan pa'i chu snod du bsgoms pa'i ye shes mkha' 'gro ma'i rdo rje'i dbu rgyan gyi rtse mor bsnun pa'i sbyin sreg
 byas na rgyas pa la sogs par 'gyur ro/ /sbyin sreg khri yis ni tshe 'phel bar 'gyur ro/ /nA ga ge sar gyi sbyin sreg khri byas na yul phyogs zhi bar 'gyur ro/ /thab khung der ye shes mkha' 'gro ma de nyid bsgoms nas chu skyor brgya
 rtsa brgyad rgyun du phul na yang rgyas par 'gyur ro/ /da ni dug gzhom pa'i cho ga gsungs pa/ bdud rtsi chu rgyun zhes bya ba la sogs pa la/ sngon du bsgrub par bya ba rdo rje mkha' 'gro mar bsgoms te/ dug gis zin pa'i
 yan lag brgyad la mkha' 'gro ma'i sa bon brgyad dgod par bya'o/ /de la mgo bor ni k+ShuM/ rna ba dang sna dag la ni yuM/ mig gnyis la ni hUM/ lkog mar ni suM/ mgrin par ni
 smryuM/ phrag pa gnyis su ni hmryuM/ snying gar ni ymryuM/ lte bar ni shmryuM bsgoms te/ sa bon de dag kha dog sna tshogs yin du zin kyang dug bsdu ba'i skabs su ni thams cad dkar por bsams pa 'od kyis bdud rtsi'i chu rgyun gyis bsgrub bya'i lus la bkrus te dug sel
 bar bsam mo/ /de nas yang sgrub pa pos dug ni rang gi rtogs pa tsam du bsam nas de snying gar pad+ma dkar po'i steng du yi ge hUM las bdud rtsi'i chu rgyun 'jig par bsgom mo/ /de nas chu dang 'o ma bsres pas bkang ba'i nang du pad+ma dkar po 'dab
 brgyad la zla ba'i dkyil 'khor gyi steng du sa bon suM las rdo rje mkha' 'gro ma mdog dkar mo bdugs dkar po dang rgyan thams cad kyis brgyan pa/ phyag gnyis ni kha TwAM ga dang thod pa bsnoms shing pad+ma'i 'dab ma brgyad la klu chen po brgyad gnas pa'i mgo zla ba'i dkyil 'khor
 gyi gdan 'og tu bcug nas sems pa'i skyil krung gi bzhugs par bsgom mo/ /de la shar du ni nor rgyas kyi bu dkar po'o/ /byang gis ni 'jog po ser po'o/ /nub tu ni stobs kyis rgyu ba dmar po'o/ /lhor ni pad+ma sngon po'o/ /dbang ldan du ni
 pad+ma chen po dkar ser ro/ /me mtshams su ni dung skyong ser nag go /bden bral du ni rigs ldan dmar nag go /rlung mtshams ni hu lunda ser dmar te/ der mchod pa la sogs pa byas la rma bya'i sgro'i chu na bu la/ oM h+ri ta Da na da ra hUM phaT swAhA/ zhes bya
 ba'i sngags 'di mngon par bzlas nas/ bsgrub bya'i mgo nas rkang pa'i bar du bya ba cing bum pa'i chu sprug go /sngags 'dis ni sngon du bsnyen pa sum 'bum byas nas las brtsam mo zhes bshad do/ /de nas dug la byab pa'i che ni ming dang spel
 bar bya ste/ oM bA su ki h+ri ta Da na da ra che ge mo nir ba shaM ku ru hUM hUM hUM phaT phaT phaT swAhA/ zhes bzlas shing byab po/ /de ltar klu gzhan gang dag gi sngags spel pa yang blta bar bya'o/ /de nas ci ste 'o ma nag por
 gyur na/ me tog dkar po dang yungs kar dkar po dang/ tsan dan dkar po la sngags thams cad mngon par bzlas nas snying gar brdeg par bya'o/ /slar yang bdug pas bya zhes bya ba ni de nas dbab pa'i
 phyir yungs kar dkar po la sogs pa bdug pa de dag nyid kyis bdugs na 'dar zhing yan lag bskyod la mig 'byed par gyur pa dang/ de nas hUM zhes bya bas rnam par shes pa bsdams na dug med par 'gyur ro/ /dpyid zla 'bying sogs
 rim bzhin du zhes bya ba la 'phel ba la sogs pa dang/ dpyid zla 'bring po la sogs pa rim bzhin du sbyar ba'o/ /nyi ma byang du 'gro ba'i tshe zhes bya ba ni dpyid zla 'bring po de nyid nas brtsams nas nyi ma byang du 'gro ba yin la de nyid ni lo'i
 dang po dang dus kyi mchog go /ji lta bu'i dus bzhi zhes bya ba ni dpyid dang/ so ka la sogs pa'i dus te/ de dag tu 'phel ba dang bri bar sbyar ba'o/ /mtshan ma ni grangs kyi ri mo'o/ /rim gyis rim gyis zhes pa ni nyi ma nas nyi ma dang zla ba
 nas zla bar chu tshod rim gyis 'phel zhing bri bar ste/ de nyid gsungs pa/ nyin mo ni chu tshod dag ces bya ba la sogs pa la/ zla ba dang po de nyid kyi nyin mo'i chu tshod ni bzhi dang bcu gnyis bsgyur zhes bya ba la/ bcu phrag gnyis dang bzhi
 ste nyi shu rtsa bzhir brtsi'o/ /lhag ma ni go sla'o/ /dbus kyi bi nyi shu gnyis ra sbyar zhes bya ba ni dpyid zla 'bring po zla ba'i mgo la nyin mo dang mtshan mo'i chu tshod mnyam pa'o/ /de bzhin du bi nyi shu gnyis pa yang/ dgun zla 'bring
 po'i dang po la nyin mo dang mtshan mo mnyam pa'o/ /chu tshod gcig gi dbugs kyi grangs kyi nges par bstan pa'i phyir sum rgya drug cu zhes bya ba la sogs pa gsungs te/ dbugs 'byung pa drug cu dang bcas pa'i sum rgya'o/ /dus
 rnams shes bya ba ni chu tshod gcig la ji lta ba bzhin du nyin mtshan gyi chu tshod drug cu po gzhan dag la yang de ltar sbyar ba'i don to/ /chu tshod dbugs ni rdzogs dang po zhes bya ba la/ chu tshod kyi dbugs rdzogs pa ni grangs ji lta ba bzhin du
 yongs su rdzogs pa ste/ de nyid rim gyis 'phel ba yin no/ /dang po ni mchog ste dge ba'i mtshan ma'o/ /rim gyis 'bri ba ni de las bzlog pa ste/ dbugs ji skad smos pa las bri zhing 'chad pa yin no/ /las dang las min zhes bya ba ni/
 srog gnas pa dang 'gag pa'o/ /yang na rim gyis 'phel zhing 'bri zhes bya ba ni ji ltar gnas pa las cig shos bri ba gang yin pa nyid cig shos 'phel ba ste/ des las dang las min zhes bya ba dge ba dang sdig pa'i mtshan mar bya ba'o/ /bye
 brag bzhin zhes pa ni tshes dang zla ba dang lo'i bye brag go /dbugs ni rim gyi gzung bar bya zhes bya ba ni bye brag de dag gi rim pa ji lta ba bzhin du bzung ba ste shes par bya'o/ /'di dag ni 'og nas ston mod kyi 'dir cung zad cig brjod par
 bya ste/ de la phan tshun du thig gnyis gnyis bris pas re'u mig dgur 'gyur la de nas yang mtshams kyi re'u mig bzhi la thig re re bris pas re'u mig bcu gsum du bya'o/ /de nas phyi rol kun tu bskor bas 'khor lo rim pa gsum du byas
 la de las phyi rol gyi rim pa'i re'u mig dang po la grangs lnga'i mtshan ma bri'o/ /gnyis pa la ni bcu'o/ /gsum pa la ni bco lnga'o/ /bzhi pa la ni nyi shu'o/ /lnga pa la ni nyi shu rtsa lnga'o/ /drug pa la nyi shu rtsa drug go /bdun pa la ni nyi
 shu rtsa bdun no/ /brgyad pa la ni nyi shu rtsa brgyad do/ /dgu pa la yang rtsa dgu'o/ /bcu pa la ni sum cu'o/ /bcu gcig pa la sum cu rtsa gcig go /bcu gnyis pa la sum cu rtsa gnyis so/ /dbus su ni sum cu gsum mo/ /rim pa gnyis
 pa'i re'u cha dang po la gsum mo/ /gnyis pa la gnyis so/ /gsum pa la gcig go /bzhi pa la drug go /lnga pa la yang gsum mo/ /drug pa la yang gnyis so/ /bdun pa la yang gcig go /brgyad pa
 la yang bco lnga'o/ /dgu pa la yang bcu'o/ /bcu pa la yang lnga'o/ /bcu gcig pa la yang gsum mo/ /bcu gnyis pa la yang gnyis so/ /dbus su ni gcig de la nyi ma lngar rlung phyin ci log tu rgyu na lo gsum na 'chi'o/ /de bzhin
 du nyi ma bcus ni lo gnyis na 'chi'o/ /nyi ma bco lngas ni lo gcig na 'chi'o/ /nyi ma nyi shus ni zla ba drug na 'chi'o/ /nyi ma nyi shu rtsa lngas ni zla ba gsum gyis 'chi'o/ /nyi ma nyi shu drug gis ni zla ba gnyis kyi 'chi'o/ /nyi ma nyi shu bdun gyis
 ni zla ba gcig na 'chi'o/ /nyi ma nyi shu brgyad kyis ni zla ba phyed kyi 'chi'o/ /nyi ma nyi shu dgu yis ni nyi ma bcu yis 'chi'o/ /nyi ma sum cu ni nyi ma lnga na 'chi'o/ /nyi ma sum cu gcig gis ni nyi ma gsum na 'chi'o/ /nyi ma sum cu gnyis kyis
 ni nyi ma gnyis na 'chi'o/ /nyi ma sum cu gsum gyis ni nyi ma gcig na ste/ 'di dag gi don yang lnga dang zhes bya ba la sogs pas 'og nas bstan pas der shes par bya'o/ /bar bar gyi nyi ma dag kyang de nyid du blta'o/ /da ni lo'i
 dbugs la sogs pa'i grangs kyi nges pa gsungs pa/ mkha' 'gro zhes bya ba la sogs pa la/ kha zhes bya ba ni nyi shu rtsa bzhi'o/ /ga zhes bya ba ni drug phrag gnyis kyis so/ /de nyid gsungs pa/ dus tshigs gnyis
 ye shes bya ba ste/ dus drug po gnyis su bya ba'o/ /de dag ni nyi shu rtsa bzhi dang drug phrag gnyis kyi mtshan ma bya zhes bya ba'i don to/ /bgrod pa gnyis kyis mtshon par bya zhes bya ba ni nyi shu bzhi po dang/ drug grag
 gnyis kyi mtshan ma dag gcig tu bsres te sum cu rtsa drug gi mtshan ma bya ba'o/ /gnyis po zhes bya ba ni de yang slar bco brgyad pa phrag gnyis su bgos te mtshan ma bya ba'o/ /bcu ru bsgyur zhes bya ba ni gnyis po de dag bcu bcur
 bsgyur ba brtsis te/ /brgya brgya bcu pa phrag gnyis su 'gyur ro/ /de la brgya phrag gnyis gcig tu bsres gcig tu bsres te nyis brgya'i mtshan ma bya/ bcu drug phrag brgyad pa gnyis las bcu'i mtshan ma dang drug gi mtshan ma so
 sor byas la bcu drug gi mtshan ma bya'o/ /de'i rtsar thig le gnyis bzhag pas nyi khri chig stong drug brgyar 'gyur te/ lo'i chu tshod kyi grangs kyi mtshan mar 'gyur ro/ /de'i mtshan ma de nyid kyis nyin mtshan gyi dbugs kyi
 grangs kyi mtshan ma yang bstan pa yin te/ stong phrag nyi shu rtsa gcig dang drug brgyar 'gyur ro/ /dag gi dbang phyug kun bzangs nas zhes bya ba la 'dri ba po'i dag gi yi ge'i grangs ji snyed yod pa'i mtshan ma bya ba ste/ drug
 'gyur du ni bzhag nas su zhes bya ba la sogs pa 'og nas 'byung ba dang sbyar ro/ /des ni dag gi yi ge de rnams drug 'gyur du bya ba ston to/ /lnga pa de ni gsum 'gyur bya zhes bya ba ni drug cha lnga po nyid gsum 'gyur du bya ba'o/ /
 sum brgya drug cus bsres nas su zhes bya ba ni grangs de nyid lhag par bsnan pa'o/ /sa gzhi du ni bcas nas su zhes bya ba ni grangs bcu gnyis su bcad pa'o/ /lhag ma gzung ba ni de'i lhag ma'i dbyangs kyi yi ge ste/ de'i mtshan nyid ji
 skad smos pa bzhin 'gyur ro/ /yang na ngag gi dbang phyug de sum 'gyur du bya'i lnga pa ltar drug 'gyur la sogs pa ni mi bya'o/ /lhag ma ni snga ma bzhin no/ /drug 'gyur du bya ba ni bcu gnyis su bcad pa'i kha bkang ba'o/ /sa'i
 dbang phyug kun tu bzhag zhes bya ba las ni re'u mig bcu gnyis so/ /dbang phyug ni a la sogs pa'i dbyangs kyi yi ge bcu gnyis te de bri ba'o/ /de nyid kyis na ma ning gnyis ni spangs nas su/ dbyangs
 kyi mtshan ma mngon par gzhag zhes bya ba ste/ ma ning ni ri rI li lI'o/ /a'i rim pa la bab na zhes bya ba la sogs pa ni go sla'o/ /drug 'gyur zhes bya ba la sogs pa ni bshad zin to/ /sa bzhin du zhes bya ba ni grangs bcu
 gnyis su'o/ /yang na zhes bya ba la sogs pa la/ rang gi lha'i sngags kyis thod le bskor la mngon par bzlas la glang gi gcin rjes lta bu'i ri mo bri tsam 'dod par sems kyis grangs pa/ ri mo de'i 'bur pa rnams 'bur
 pa tha ma'i bar du brtsis te/ dbyangs kyi yi ge'i grangs bzhin du tha ma de'i phan yon du 'gyur ro/ /yang na me tog ces bya ba la sogs pa la 'bri ba po'i lag pas me tog 'dor du bcug ste/ me tog dbyangs yig gi gnas
 su gang lhung ba de'i phan yon bstan par bya'o/ /yang na zhes bya ba ni rnam pa gzhan bstan pa ste/ shin tu mnyam par gzhag pa'i rnal 'byor pas 'phel ba la sogs pa'i dus gang la 'bri ba'i dus de nyid kyis sngar bstan
 pa'i tshul du dge sdig bstan par bya'o/ /gang las zhe na/ rnal 'byor bstan bcos las te sngags kyi tshul rab tu rgyas pa las so/ /snga dro zhes bya ba ni sngar thal ba'i phyi rol gyi mtshams brtsibs pa thams cad snga dro'i chu tshod
 gsum gyi dus su brtsi'o/ /rtsi ba po zhes bya ba ni rtsis mkhan gyis so/ /sems ni bskyed pa'i cho ga bshad ces bya ba la sogs pa la sems bskyed pa ni sems rgyu ba'i bye brag go /de'i cho ga ni gnas bcu gnyis su lag pa
 reg pa'i bye brag gis de'i sems kyi rgyu pa shes par bya ba'o/ /ro hi ta dus zhes bya ba la sogs pas ni/ yang ro hi ta la sogs pa'i dus gang la 'bri ba des snga ma bzhin sems kyi dge sdig shes par bya'o/ /'phel ba nor rgyas kyi bu yin
 te zhes bya ba la sogs pa la/ nor rgyas kyi bu la sogs pa yang 'phel ba la sogs pa'i sgras shes par bya'o/ /lo'i gnas zhes bya ba ni zla ba bcu gnyis te de dag kyang de'i brdas bstan pa'o/ /rten 'brel bcu gnyis zhes bya ba ni ma
 rig pa la sogs pa ste/ de dag kyang de'i rang bzhin gyis shes par bya'o/ /de ltar sa rnams zhes bya ba ni sngar bstan pa ltar sa rnams dang rim bzhin sbyar ba ste/ mos pa spyod pa'i sa ni 'phel ba'o/ /rab tu dga' ba ni gti mug go /dri
 ma med pa ni bzang po'o/ /'od byed pa ni khyu mchog go /'od 'phro ba can ni rus sbal lo/ /shin tu sbyang dka' ba ni chu srin no/ /mngon du gyur pa ni yugs sa mo'o/ /ring du song ba ni sme ba'o/ /mi g.yo ba ni 'bugs pa'o/ /legs pa'i
 blo gros ni khyu mchog go /chos kyi sprin ni rmi lam mo/ /sangs rgyas kyi sa ni 'dod pa'o/ /dge dang mi dge ba brtag par bya zhes bya ba ni de ltar pho nya gnas gang dang gang du reg pa las nor rgyas kyi bu la sogs pa'i dug gis zin pa
 gsor? rung ba dang/ mi rung ba bstan pa la sogs pa'o/ /de nas dus su bgrod pa ni zhes bya ba ni dga' ba la sogs pa'i dus shes pa'o/ /de nyid gsungs pa/ dga' ba zhes bya ba la sogs pa ste/ dga' ba ni cung zad bde ba dga' 
 ba ste/ /mchog tu dga' ba de las lhag /khyad par dga' ba shin tu echags/ /lhag ma lhan cig skyes dga' ba zhes bya ba'i tshigs su bcad pa'i don gyis bla mas bstan pa las shes par bya'o/ /skad cig nyid ces bya ba yang rnam pa
 sna tshogs pa dang rnam par smin pa dang/ rnam par 'joms pa dang/ rnam pa'i mtshan nyid kyi skad cig go /'bras bu zhes bya ba ni rgyu mthun pa dang/ rnam par smin pa dang/ skyes bu byed pa dang bral ba'i
 'bras bu'o/ /yan lag ni rnal 'byor dang/ rjes su rnal 'byor dang/ shin tu rnal 'byor dang/ rnal 'byor chen po rnams dang/ bsnyen pa dang/ nye ba'i bsnyen pa dang/ sgrub pa dang/ sgrub pa chen po rnams so/ /gsum 'gyur zhes
 bya ba ni/ snying stobs dang/ rdul dang mun pa rnams te de thams cad dga' ba la sogs pa gsum po rnams des rnam par bzhag pa'o/ /kun la rkang pa bzhi yis dgang zhes bya ba la/ rkang pa zhes bya ba ni cha shas bzhi pa ste/ lhan
 cig skyes pa'o/ /dgang pa ni rdzogs pa ste/ dga' ba gsum gyis rim gyis 'bras bur gyur pa'i lhan cig skyes pa skye ba'i mthar thug cing rdzogs par 'gyur ba'o/ /mdud pa zhes bya ba ni rlung 'pho ba'i smin ma'i dbus kyi rtsa'o/ /bcad
 pa zhes bya ba ni gsal ba'o/ /'char ba zhes bya ba ni rlung 'pho ba nyid do/ /dus ni de ltar brjod pa yin zhes bya ba la/ dus ni rnam pa sna tshogs pa la sogs pa'i skad cig mas rtsa gsal bar gyur cing rlung 'pho bar gyur pa de'i tshe de ltar
 zhes bya ba dga' ba rnams 'char ba yin no/ /brjod pa yin zhes bya ba ni zhor la 'ongs pa de dag bstan to zhes bya bar blta'o/ /'phel ba la sogs pa'i dus su bya ba'i khyad par bstan pa'i phyir chad pa zhes bya ba la sogs pa gsungs
 te char pa ni rgyal po la sogs pa'i chad pa'i gzir zhing 'dul ba'o/ /bgegs ni tshogs bdag ste gdon gyi bye brag go /gza' ni nyi ma la sogs pa ste/ de rnams kyi gnod pa bzlog pa la 'phel ba la sogs pa'i dge ba dang mi
 dge ba'i mtshan ma bltas nas cho ga sbyar bar bya'o/ /mdung zhes bya ba ni gzir ba'o/ /dgra rnams ltung ba ni sma dbab pa'o/ /khyim sa'i dpyad ni khyim rtsom pa ste/ nye bar mchod pa'i don gyis na gtsug lag khang la sogs pa gzung ngo//
 lto 'phye'i ltor bsko ba ni sa brko ba ste/ rdzing dang khron pa la sogs pa byed pa'o/ /'gro 'ong ni 'gron du 'gro ba'o/ /sbyor ba ni sman sbyor ba'o/ /bye brag ni nor sgrub pa'o/ /tshe dang nad med spel ba ni chu'i sbyin sreg la sogs pa'o/ /sa bon gdab
 pa ni shing dang 'bru la sogs pa'i sa bon gyi tshogs gzugs pa'o/ /phyugs gdul ba ni bla ma dang sangs rgyas la sogs pa la gnod pa byed pa rnams tshor bcad pa'o/ /'bral dang 'du shes bya ba ni song ba slar dgug pa ste/ shi ba
 rnams slar gso zhes bya ba'i don to/ /rgyal srid ni rgyal thabs la dgod pa'o/ /rnyed pa spang ba ni tha mal pa'i rgyu ba dgag pa'o/ /des ci zhig bya zhe na/ yid las byung ba dang/ zhes bya ba la yid kyi 'byung ba ni yid las byung ba ste/ ting
 nge 'dzin to/ /'dir drug pa mi mngon pa dang/ ma ning gi rtags su bya ba ni lung gi don to/ /g.yul 'gyod pa ni grags par zang ngo/ /sdong po'i phung po ni gter brko ba la sogs pa'i sdong bu nyid do/ /dus dang tshod la sogs pa nyid
 ces bya ba la dus ni dus min no/ /tshong ni drod do/ /de dag thams cad ces bya ba ni 'phel ba la sogs pa'i dus kyi bye brag gis bya bar bstan pa'i phyir/ nyin dang nyin gyis dbye bar bya zhes gsungs te/ 'phel ba la sogs pa'i dus
 tshong de dang de la bya zhes bya ba'i don to/ /bcud kyis len dang rtsi rnams gnyis shes bya ba la bcud kyis len ni lus dang tshe 'phel bar byed pa'i sman no/ /rtsi rnam pa gnyis ni rtsi rnam pa gnyis ste bya zhes bya ba dang 'brel to/ /ci'i phyir zhe na
 las ni yongs su smin pa'i phyir te/ thar pa thobs pa'i phyir ro/ /gnyis po de ci zhig ce na/ sems 'phel mnyam par 'jug pa yis zhes bya ba la sems 'phel ba ni nye bar mtshon pa ste/ lus 'phel
 ba'ang gzung bar bya'o/ /'phel ba ni rgyas pa'o/ /mnyam par 'jug pa ni gang du gcig tu 'dres pa'o/ /de la sems 'phel ba ni mya ngan las 'das pa yin la lus 'phel ba ni srid pa yin no/ /blo ldan zhes bya ba ni gnyis su med
 pa'i blo dang ldan pas te/ des rtsi rnam pa gnyis sbyar bar bya zhes bya ba'i don to/ /dbugs brtsi ba zhes bya ba la sogs pa la/ dbugs brtsi ba ni dbugs kyi rgyu ba bgrang ba'o/ /de gzhung gang du 'byung ba 'di ni dbugs brtsi ba
 zhes bya ba'i rim par bye ba ste bcu pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bcu pa'i rnam par bshad pa'o// //phra mo'i rnal 'byor ma gtogs par rags pas
 don mi 'grub pas phra mo'i rnal 'byor bstan par bya ba'i phyir le'u bcu gcig pa gsungs pa de nas zhes bya ba la sogs pa la de nas zhes bya ba ni rags pa'i rnal 'byor bstan pa'i 'og tu'o/ /de'i phyir zhes bya ba ni rgyu'i don te/
 gang gi phyir phra mo ma gtogs par rags pas mi 'grub pa de'i phyir ro/ /yang dag bshad par bya zhes bya ba ni 'khor lo dang sa bon la sogs pa'i gzugs rnams yang dag pa ste so sor phye nas bshad par bya'o/ /dngos grub
 mchog gi rig pa las zhes bya ba la dngos grub mchog ni sangs rgyas kyi go 'phang ngo/ /de nyid rig par bya bas na rig pa ste/ las su sbyar ba'o/ /sgyu ma chen po zhes bya ba zhes pa la rnam par rtog pa'i rgyu 'joms pas na sgyu ma
 ste/ byed pa por sbyar ba yin no/ /chen po yang de nyid de rnam par rtog pa ma lus par 'phrog pa'i phyir ro/ /de ltar na sgyu ma yang yin la chen po yang yin pas na sgyu ma chen po ste rig pa'o zhes bya ba ni gsal bar byas te/ ming de skad 
 ces bya ba'o/ /gsang ba chen po'i dbang phyug ste zhes bya ba la/ gsang ba chen po ni sangs rgyas kyi go 'phang ngo/ /de'i dngos grub ster bas na de'i dbang phyug ste rig pa'o/ /sems can thams cad 'dul mdzad gnyen zhes bya ba la sems
 can thams cad ni seng+ge dang 'phrog byed la sogs pa ste de rnams dul bar mdzad pa de la de skad ces bya'o/ /lus dang ngag dang sems kyi mngon par 'dod pa'i dngos grub nges par ster bas na gnyen no/ /de nyid kyi phyir dbang phyug thams cad
 byed pa po zhes gsungs te/ thams cad ces bya ba lha dang mi la sogs pa'i dbang phyug tu sgrub pa po byed pa'i phyir ro/ /'di ni rig pa chen po'i mchog ces bya ba la 'di ni zhes bya ba ni sgyu ma chen mo ste/ thabs dang shes rab kyi bdag
 nyid can no/ /de nyid chen po sde rdzogs pa'i sangs rgyas nyid nyams su myong ba'i phyir rig pa'o/ /ci 'dra zhe na/ mchog ces bya ba ste de kho na nyid chen po phyin ci ma log pa ste de ngas bshad par bya zhes bya bar sbyar ro/ /de yang gsungs pa/ skye
 po yon tan ldan pa yis/ /yon tan rnams ni shes par bya/ /gsol ba btab gang de nyid tshe/ /phyin ci ma log de nyid gsungs zhes so/ /bdag cag gis shes pa med par bstan pa'i phyir/ ming tsam mchog tu rnyed dka' 
 ba zhes gsungs te/ rig pa 'di'i ming tsam yang mchog tu ste nyan thos la sogs pas rnyed dka' bas na rnyed dka' ba 'am yang na mi rnyed pa yin no/ /des ni 'di skad du/ 'di'i ming tsam yang thos pa yang 'bad pa drug po ma
 gtogs par rnyed par mi 'gyur ro zhes ston to/ /gang du dngos grub mchog gi rig pa ste zhes 'byung ba der ni 'di byed pa po yin par sbyar te/ sgyu ma chen mo la sogs pa'i khyad par dang ldan
 pa'i rig pa yang dag bshad par bya zhes bya ba dang sbyar te zhes bya ba ni gsal bar byed zhes bya ba'i don to/ /lhag ma ni snga ma bzhin no/ /rig pa de 'dir yang sgyu ma chen mo zhes gsungs la/ gzhan du ni gtum mo zhes bstan to//
 de nyid gsungs pa/ dang po zhes bya ba la sogs pa la/ chos kyi 'byung gnas kyi nang du sna tshogs mdung pa'i 'char pa chen por pad+ma'i steng du zla ba la bsgom par bya zhes bya bar 'brel to/ /sna tshogs mdud pa zhes bya ba ni de'i
 dbus te/ rtsa gcig po nyid kyi g.yas dang g.yon gyi cha gnyis su gyes pa las g.yas kyi cha na gnas pa ni g.yon nas bskor nas steng du rgyu zhing de bzhin du 'og tu rgyu ba gnyis kyang phan tshun bskor nas rgyu ba ste/ de ltar kun
 du 'khyil ba'i rtsa'i gnas ni sna tshogs mdud pa'o/ /de nyid 'char pa chen po ste sems can thams cad 'byung bar byed pa'i phyir 'char pa chen po zhes bya ba 'di ni yan lag la ming spyi zer ba'ang 'dug pa brtag nye bar brtags
 pas/ skyes bu dang po'i mtshams sbyar ba ste/ dper na nor bu la zla ba zhes bya ba bzhin no/ /de nas yi ge dgod ces bya ba la yi ge dgod pa ni sa bon gyi yi ge rnams nye bar bzhag pa'o/ /brjod pa ni rnam pa sna tshogs
 kyis 'dzin pa'o/ /dgod pa de nyid gsungs pa/ dbyangs yig dang po zhes bya ba la sogs pa la/ man ngag gis na zla tshes dang bcas pa'i dbyangs yig dang po dang thig le ste 'og nas 'byung ba'i bsgom par bya zhes bya ba
 dang 'brel to/ /gang du zhe na/ pad+ma'i steng du ste 'dab ma drug cu rtsa bzhi pa'i pad+ma kha steng du blta bar ro/ /yang dag gnas zhes bya ba ni der yi ge steng du bltas te gnas pa'o/ /rtag tu dbugs kyi ngo bo ste zhes bya ba ni dbugs steng du
 rgyu ba'i rang bzhin yin pa'i phyir ro/ /'byung ba ru ni byed pa yin zhes bya ba ni de nyid kyis bshad pa ste sgyu ma chen mo de nyid dbyangs yig dang po'i gzugs las me'i rang bzhin du 'bar te/ steng du 'bar zhing dbugs phyir rgyu
 ba'i phyir ro/ /rtag tu zhes bya ba ni ji srid 'tsho'i bar du'o/ /'bar ba'i phreng bas mdzes pa'i mdog ces bya ba la/ 'bar ba'i phreng ba ni thig le las me lce'i tshogs 'bar bas 'ju bar byed pa'o/ /mdzes pa ni rno
 ba'o/ /mdog ni kha dog ste dkar po'o/ /de dag ni dbyangs yig dang po'i mtshan nyid do/ /zla ba'i dbus gnas bsgom par bya zhes bya ba la pad+ma'i steng du zla ba'i dbus su dbyangs yig dang po zla tshes dang thig ler bcas
 pa'o/ /shar la sogs pa'i 'dab ma rnams la ni zla ba la gnas par a ka tsa Ta ta pa ya sha rnams zla tshes dang thig le dang bcas par bsgom mo/ /de ltar bkod pa dang 'og nas 'byung ba dag gis mdor bsdus te/ cir 'gyur
 ba bstan pa'i phyir kun tu 'gro ba thob 'gyur ba zhes bya ba ste/ kun tu 'gro ba ni thams cad mkhyen pa'o/ /'di ni sangs rgyas ltar rnyed dka' zhes bya ba la/ 'di ni zhes bya ba ni bsam gtan 'di'o/ /rnyed dka' ba ni bskal pa mang pos kyang sangs
 rgyas ltar rnyed dka' ba'i phyir ro/ /de nyid spangs pas yi ge med ces bya ba la de nyid ni yi ge rnams te spangs pa ni nyes pa dang bral ba'o/ /ci'i phyir zhe na/ chos kyi dbyings kyi rang bzhin yin pa'i phyir ro/ /de nyid kyis na 'gyur ba med pa ste
 'jigs pa med pa'i phyir ro/ /rnyog pa med ces bya ba ni nyon mongs pa'i bag chags dang bral ba'i phyir ro/ /dung dang zla 'dra zhes bya bas ni de dag gi kha dog bstan to/ /dri ma med ces bya bas ni chos kyi
 dbyings rang bzhin gyis rnam par dag par ston to/ /byang chub sems zhes de la bya'o/ /zhes bya ba la byang chub 'dod pas rtogs par bya ba nas byang chub ni lha ste dngos po'i cha'o/ /de nyid gzung ba la sogs pa dang bral ba'i stong
 pa nyid kyi cha ni sems te byang chub kyang yin la sems kyang yin pas byang chub kyi sems te/ snying rje dang stong pa nyid dbyer med pa'i sems so de yang gsungs pa/ dngos las stong nyid gzhan ma yin te/ de ma gtogs pa'i dngos
 kyang med ces bya ba'o zhes bya ba'i sgra ni ngo bo nyid kyi tshig ste/ de la yi ger bris pa'i gzugs ni dngos po'i cha ste snying rje'o/ /de nyid don dam par gcig dang du ma dang bral ba ni dngos po med pa'i cha ste stong pa nyid do/ /sprul pa'i 'khor
 lo'i 'og tu chos kyi gsungs pa/ rang gi snying ga'i zhes bya ba la sogs pa la/ de'i zhes bya ba ni pad+ma'i ste pad+ma'i steng du zla ba'i dbus su gyur par sa bon zhes bya ba yi ge hUM gangs dang 'dra bar 'jog pa zhes bya ba kha thur du bltas
 na gangs dang shel lta bu'i chu rgyun 'dzag pa'o/ /sa bon btu ba bstan pa'i phyir/ yi ge dgod pas dgod par bya zhes gsungs te/ dgod pa ni rnam par bzhag pa'o/ /ci zhig ce na/ yi ge ste hUM ngo/ /bzhes gsungs pa/ mchog tu zhi ba'i ha
 la ni zhes bya ba la sogs pa la/ mchog ni dam pa'o/ /zhi ba ni dge ba'o/ /dbyangs yig drug pa ni a'u'o/ /thig les steng du brgyan pa ni zla tshes dang bcas pa ste de dag gis hUM bye brag tu bya'o/ /rnal 'byor pa'i dbugs rdub byed ces bya ba ni
 rlung 'jug pa'i lam nas gtum mo'i 'od zer 'og tu zlog par byed pa'i phyir ro/ /dngos dang dngos med rnams spangs pa zhes bya ba ni dngos po dang dngos po med par zhen pa med pa'i phyir ro/ /de dag gis ni 'di skad du snying ga'i pad+ma dkar po'i zla ba'i ?
 su kha thur blta ba'i hUM/ phyogs kyi 'dab ma rnams la ni dbyangs yig dang po dang gsum pa dang/ lnga pa dang bcu gcig pa rnams kha thur du bltas shing thig le dang zla tshes kyis brgyan pa'o/ /dbang ldan la sogs pa'i mtshams kyi 'dab ma la ni ya
 wa ra la rnams rim bzhin snga ma ltar dgod do zhes ston to/ /chos kyi 'og tu longs spyod kyi 'khor lo gsungs pa/ rang gi mgrin dbus zhes bya ba la sogs pa pad+ma dmar po kun 'od mdzes zhes bya ba ni pad+ma mdog dmar po 'dab ma bcu drug pa kha
 steng du bltas pa'o/ /der ni zhes bya ba ni pad+ma'i steng du zla ba la dbyangs yig bcu gsum pa thig le dang zla tshes kyis brgyan pa kha thur du bltas shing gangs kyi snying po ltar 'dzag pa'o/ /phyogs dang mtshams kyi 'dab ma rnams la yang dbyangs yig
 gnyis pa dang bzhi pa dang drug pa dang bcu gnyis pa rnams thig le dang zla tshes su bcas shing kha thur du bltas nas kha ba lta du 'dzag pa dang ya ra la wa rnams dgod do/ /de nyid gsungs pa/ /der ni zhes bya ba la sogs pa ste/ 'dir pad+ma rnams steng
 du blta ba yin gyi yi ge rnams ni ma yin no/ /pu lu ta zhes bya ba ni oM ste sum 'phar du brjod pa'i phyir ro/ /bde ba chen po'i 'khor gsungs pa mgo'i zhes bya ba la sogs pa la/ mgo'i dbus ni smin ma'i dbus so/ /glang ba zhes bya ba ni haM
 ngo/ /de nyid thig le'i gzugs can te mgo med cing thig les brgyan pa'o/ /mi shigs pa zhes bya ba la mi shigs pa ni ma gces pa ste mgo dang bral ba'o/ /de nyid kyis na stong pa nyid ces gsungs so/ /a ta sa'i me tog bzhin zhes skye ba
 la a ta sin ldum bu'i bye brag zhig go /'dra ba ni dbyibs 'dra ba yin gyi kha dog ni ma yin no/ /'khor lo zhes bya ba ni 'dab ma sum cu rtsa gnyis pa'i pad+ma bcu drug gi kha yar bltas la bcu drug ni mar
 bltas pa'i kha dog sna tshogs pa'o/ /dbyangs yig ni khyad par sbyar zhes bya ba ni dbyangs kyi yi ge bcu drug go /ci 'dra zhe na/ rang gi phyag rgyar mngon ldan pa ste thig le dang zla tshes su ldan pa'o/ /de la smin ma'i dbus su 'dab
 ma bcu drug kha thur du bltas pa'i dbus kyi zla ba la ni haM mgo thur du bltas pa'i dbus kyi zla ba la ni haM la thur du bltas pa'o/ /de nas gyen du bltas pa'i bar bar gyi 'dab ma bor ba thur du bltas pa'i 'dab ma rnams la dbyangs yig
 rnams kha thur du bltas shing bdud rtsi 'dzag pa'o/ /sangs rgyas byang chub rab tu ster zhes bya ba ni yi ge thams cad kyis ye shes ster ba'o/ /'di'i don ni lte bar gtum mo 'bar byas pas/ de bzhin gshegs pa lnga bsregs shing/
 sbyar la sogs pa bsreg par bya/ /bsregs pas haM las zla ba 'dzag ces bya ba 'dis bstan te/ de'i don yang aM gyi thig le'i 'od zer gyis hUM bskul zhing hUM gi thig le'i 'od kyis kyang oM gyi thig le bzhu nas slar aM gyi thig le
 la gzhug par bya ste/ yang dang yang du bsgom par bya ba 'di yin no/ /de yang rdo rje mkha' 'gro 'am gzhan du yang rung ste/ rnal 'byor dang rjes su rnal 'byor dang/ shin tu rnal 'byor dang/ rnal 'byor chen po'i cho gas dkyil
 'khor dang bcas pa bskyed la sngon du sngags bzlas te/ rnal 'byor 'di bya'o/ /ji ltar 'dod pa bzhin spyod pa bstan pa'i phyir/ de'i zhes bya ba la sogs pa gsungs te/ rags pa dang phra mo'i rnal 'byor 'dir gus pa'i sgom
 chen gyis brtul zhugs la sogs pa nges pa med pa'o/ /gzung ba ni grangs gzung ba'o/ /gcig nas gcig tu ldog pa ni rim gyis ldog pa'o/ /yang na gzung ba ni bgrang phrang gi sngags bzlas pa'o/ /gzhan dang gzhan zhes bya ba ni phyi rol te
 de ldog pa'o/ /de ci'i phyir zhe na/ gtum mo'i rnal 'byor gyi sgo nas sngags te/ aM la sogs pa nyid du gzung ba ste/ sgom pa phrang ba ste yang dang yang du goms par byed pa'i phyir ro/ /de bzhin du sbyin sreg las kyang gzhan te/ phyi rol
 pa'i ming la sogs pa bsregs pa ldog par 'gyur ro/ /'di ltar rang bzhin gyis grub pa'i gtum mo'i me la rdo rje haM bzhu ba'i mar gyi sbyin sreg byed pa'i phyir ro/ /sgyu ma chen po'i rnal 'byor 'di bye brag gsum du bstan pa'i phyir sngags zhes bya ba
 la sogs pa gsungs te/ sngags ni o la sogs pa'o/ /de nyid kyis dkyil 'khor te/ 'khor lo bzhi'i tshul can bas so/ /dbyibs ni de rnams kyi gnas te pad+ma la sogs pa'i gzugs so/ /'dzin pas na chos te 'od zer gyi 'gro ba
 dang 'ong ba bstan pa'o/ /de lta ba na rnal 'byor gang gis khyad par sngags kyi dkyil 'khor dang dbyibs dang chos yin pa de la de skad ces bya'o/ /'dod pa'i longs spyod thams cad la/ bsten na myur du 'grub par 'gyur/ /shes rab thabs sogs rnams kyis/ dga' dang
 bde bas 'grub par 'gyur zhes bya ba'i don 'dir bstan phyir/ dug med ces bya ba la sogs pa gsungs te/ srid pa'i longs spyod mchog 'dir bstan par bya zhes bya bar 'brel te/ rnal 'byor pas zhes shes par bya'o/ /de la las dang nyon mongs pa'i dbang gis byung
 bas na srid pa ste/ nye bar len pa'i phung po lnga'o/ /de'i mchog ni dam pa ste longs spyod kyi yul rnams so/ /'o na de 'khor ba'i rgyu gyur pa yin na/ ci'i phyir bsten ce na/ bsten bya zhes gsungs te/ bsten bya ba ni bsten par bya ba nyid do/ /mkhas
 pa'i thar pa'i rgyu zhes bya ba'i don to/ /ji ltar bsten ce na/ yul med byas nas zhes gsungs pa ste/ yul ni spyod yul lo/ /med pa ni dgag pa'i tshig ste/ yul rnams rang bzhin gyis ngo bo nyid med pa'o/ /'bad pa ni de
 shes pa'o/ /yang na bi Sha ni dug ste yul de rnams la gzung ba la sogs pa'i mngon par zhen pa nyid dug ste/ des yul rnams dug ltar longs spyod pa'i dus su bde la smin pa'i 'og tu sdug bsngal bar byed pa'i phyir ro/ /de yang gsungs pa/
 gang zhig de nyid mthong med pa'i/ /phyin ci log gi blo nyid dug/ de nyid phyin ci ma log pa'i/ /de kho na mthong blo dug min zhes so/ /ci ste 'dzin pa la sogs pa dug yin na de ji ltar med par bya zhe na/ dug med ces bya ba gsungs te/ 'dzin pa'i
 dug med pa nyid kyis yul gyi dug med par 'gyur ro/ /de yang ji ltar bya na nan tan du zhes bya ba ste/ rang bzhin med pa'i lha'i rnal 'byor gyis so/ /dag 'gyur zhes bya ba ni yul thams cad kyi ?bris dag pa ste/ srid pa'i nyes pas gos mi 'gyur zhes bya ba dang
 'brel te/ srid pa'i longs spyod dug med par byas pas so/ /su zhig ce na/ srid pas srid pa mchog gi bdag ces bya ba la/ srid pa'i dngos po mchog tu zhugs pa'i bdag nyid dam/ mchog gi srid pa la zhugs pa'i rnal 'byor pa'i bdag
 nyid de rnal 'byor pa zhes bya ba bar gyi tshig mi mngon par yin no/ /yang na srid pa'i srid pa ste stong pa nyid la sogs pa'i ye shes can gyi mkhas pa'o/ /de nyid phul du byung bas na mchog gi bdag nyid can no/ /kha cig ni mchog tu zhes bya
 ba'i sgra dngos por sbyar ro zhes zer ro/ /dngos po'i sgra yang skye ba la bya'o/ /des dngos por 'dzin pas srid par skye bar 'gyur ro zhes zer ro/ /de lta na yang srid pa'i nyes pas mi gos pa'i rgyu gsungs pa/ ye shes rnam pa gsum zhes bya ste/
 rnam par thar pa'i sgo gsum gyi ye shes kyis so/ /yang na sngags kyi dkyil 'khor la sogs pa'i ye shes kyis so/ /cung zad tsam gyis g.yeng pa dang bcas pas goms par bya 'am zhe na/ gsungs pa/ rnal 'byor pa yis zhes bya ba la
 sogs pa la rtag tu zhes bya ba ni nyin re zhing ngo/ /rgyun tu zhes bya ba ni de nyid rgyun chags su'o/ /'o na dug ring por goms pas sam zhe na ma yin te/ gsungs pa zla drug tsam gyis zhes bya ba la sogs pa'o/ /da ni dgug pa gsungs pa/
 zla ba'i dkyil 'khor zhes bya ba la sogs pa la/ sgrub thabs kyi rim pa bzhin rang gi sa bon snying gar bsams te/ de'i 'od las byung ba'i mchod pas bla ma la sogs pa yang dag par mchod cing sdig pa bshags pa la sogs byas nas
 stong pa nyid bsgoms te/ ri bo lhun po'i steng du gnas pa'i brum las byung ba khang pa brtsegs ma'i nang du gnas pa'i pad+ma 'dab ma brgyad kyi lte ba la chos kyi 'byung gnas de'i steng du dbyangs yig dang po las gyur pa'i zla ba'i dkyil
 'khor la a la sogs pa dang ka la sogs pa'i dbus su mi las byung ba'i zhags pa bsams te/ de thams cad yongs su gyur pa las bdag nyid sgyu 'phrul chen mor bsgom par bya'o/ /de nyid bstan pa'i phyir/ zla ba'i dkyil
 'khor zhes bya ba la sogs pa gsungs so/ /de'i dbus 'gyur sa bon ni zhes bya ba ni yi ge maM mo/ /sngo zhing cung zad dmar ba'i 'od ces bya ba ni mdog sngo zhing 'od zer cung zad dmar ba'o/ /'od zer sngon po zhes bya ba la sogs pas
 de nyid nges par bstan pa'o/ /'dam skyes sngon po zhes bya ba la sogs pa la mgor skyes kham pa gyen du 'gren ni skra dmar ser gyen du 'khyil ba'o/ /'dir bstan pa dang 'og nas 'byung ba'i lha rnams la g.yon brkyang gis
 bzhugs pa ni man ngag go /pad+ma 'dab ma brgyad rnams la ni lha mo brgyad de/ de dag dbus kyi gtso mo dang bcas par dus gcig tu bskyed par man ngag gis blta bar bya'o/ /de nas cho ga la sogs pa
 thams cad bya ste/ oM aM maM hUM zhes bya ba'i sngags bzlas so/ /de ltar dus ring por gus pa dang bcas pas rgyun tu sngar bsnyen pa byas nas 'og nas 'byung ba ltar bsgrub par bya'o/ /de nyid gsungs pa in+d+ra nI la zhes bya ba la sogs pa lan
 dang po'i yi ge ni phyag 'tshal ba'i yi ge ste/ yi ge de rang gi snying gar chos 'byung ba'i nang du zla ba'i dkyil 'khor la in+d+ra nI la'i mdog ste 'od zer sngon por 'phro zhing cung zad dmar bar bsgom mo/ /de nas 'od zer dmar por rang gis sna
 sgo g.yas nas spros la bsgrub bar bya ba'i sna sgo g.yon par bzhugs te/ de'i rnam par shes pa mdog dmar po nas kyi 'brum bu tsam snying ga na gnas pa dang 'dres nas gzung ste/ de'i sna sgo g.yas pa nas 'ongs pa bdag gi sna sgo
 g.yon pa nas snying gar bcug ste/ rang gi rnam par shes pa dang gcig tu byas la zhal nas sngags zlos shing dus de nyid du bsgrub par bya ba skyes pa yang rung bud med kyang rung rlung gi dkyil 'khor la bskyon la 'ongs par bsgoms
 na gdon mi za bar 'gugs par 'gyur ro/ /de nyid kyi phyir gsungs pa/ gang gi rig pa zhes bya ba la sogs pa la/ gang gi zhes bya ba ni gang dang gang gi phyir ro/ /rig pa zhes bya ba ni rnal 'byor pas bdag nyid sgyu 'phrul chen
 mor bsgom mo/ /rab tu sbyor ba ni sbyor ba'i bye brag ste/ de byas nas de ma thag tu ste de'i mod la ring po mi thogs par 'gugs pa ste/ mnyam par gzhag ma thag tu 'ong bar 'gyur ro/ /dmar po ru ni bsgoms nas su zhes bya ba
 la sogs pa ni sbyor ba de nyid kha bskang pa ste/ yi ge oM mdog cung zad dmar bar bya'o/ /de nas cho ga bzhin du bya zhes bya ba ni sngar bsnyen pa'i dus su bcom ldan 'das ma sngo zhing dmar bar bsgoms la phyis bsgrub pa'i dus su ni dmar
 por bsgom par bya zhes bya ba'i don to/ /dbyangs yig gnyis pa dang ldan par zhes bya ba la dbyangs ni a la sogs pa'o/ /gnyis pa ni A'o/ /ldan pa ni thig le gnyis dang bcas pa ste/ des ni A(rgyud 'grel zhig bya zhe na/ srid pa gsum po bsgom par bya zhes bya ba gsungs te/ snga ma ltar thams cad bsgom la snying gar zla ba la gnas pa'i A(rgyud 'grel 'od zer bsam mo/ /'bad pa bsgrub bya snang byas te zhes bya ba ni snga ma ltar 'od zer 'byung ba dang 'jug pas bsgom zhing sngags bzlas na gdon mi za bar dbang du 'gyur ro/ /de nyid gsungs pa des ni zhes bya ba la sogs pa la kun tu
 zhes bya ba ni thams cad de/ gang dang gang gi lus la sa bon gyi sbyor bas snang bar byas pa de dang de thams cad dbang du 'gyur ro zhes bya ba'i don to/ /de nyid nges par bstan pa'i phyir gsungs pa/ sa gsum ma lus pa zhes bya ba ste/
 sa bla dang sa steng dang sa 'og pa rnams kyi'o/ /de nyid kyi slar yang bshad pa ni/ tshangs pa dang zhes bya ba la sogs pa ste sogs kyis na gshin rje dang mi la sogs pa gzung ngo/ /chung ma dang ni bcas te dgug ces bya ba ni skyes pa 'ba' 
 zhig ma yin gyi 'dis bud med rnams kyang 'gugs pa'o/ /yi ge phan tshun bskul ba yis/ /zhes bya ba la yi ge ni hUM ngo/ /phan tshun ni oM dang A:O/ /bskul ba ni oM dang A(rgyud 'grel ba'i ming du bcas pa spel te sngags bzlas pa'o/ /ci zhig ce na gang gsungs pa/ bcom ldan 'das zhes bya ba la sogs pa la/ de nyid ces bya ba ni yi ge gsum gyi sngags te/ de nyid bcom ldan 'das
 ma'i spyod pa zhes bya ba ni gar zhes bya ba las rgyas pa'i mtshan nyid kyi gtso bo ste/ sgrub pa po la rdzogs par byed par shes par bya zhes pa dang 'brel to/ /de ltar rkang pas dgug pa sngar bstan nas da ni gong bus dgug pa gsungs pa/ de
 nas dbu ma'i mdza' dang ldan zhes bya ba la sogs pa la/ de nas zhes bya ba ni rkang pas dgug pa'i 'og tu ste/ de ni gong bus dgug pa brjod par bya'o zhes shes par bya'o/ /dbu ma'i mdza' ni ma'o/ /ldan pa ni de dang mtshungs par ldan
 pa'o/ /de yang ci 'dra zhe na/ thig le sgra yis yang dag mnan pa ste des ni maM zhes bya bar 'gyur ro/ /de dang ldan pa ci zhig ce na/ gong bu dgug pa'i las kyi cho ga'o/ /de ltar sa bon btu ba bstan nas bya ba gsungs pa/ sku gsung thugs
 la legs gnas par zhes bya ba la sogs pa la/ bdag nyid snga ma ltar sgyu 'phrul chen mor bsgoms la bsgrub par bya ba me'i dkyil 'khor la bzhag la rlung gi dkyil 'khor gyis bskul te/ bkug nas dbang chen gyi dkyil 'khor la
 bzhag ste/ mi g.yo bar byas la chu'i dkyil 'khor gyis bkrus nas mgo bo dang mgrin pa dang snying ga dang nu ma'i 'og rnams rlung dang chu dang me dang dbang chen gyi dkyil 'khor bzhi la sa bon maM bkod de yi ge de dag nyid bzlas na 'gugs
 par 'gyur ro zhes bya ba lhag ma yin no/ /lhag ma ni go sla'o/ /khu ba dgug pa gsungs pa/ b+ha ga'i zhes bya ba la sogs pa la sgrub thabs kyi rim gyis b+ha ga'i dbus su ye shes kyi rgya mtsho bsgoms la/ dpa' bo ste rdo rje mkha' 'gro
 bsgom par bya zhes bya ba dang 'brel to/ /yi ge zhes bya ba ni rdo rje 'dzin pa ste/ 'gyur ba med pa'i phyir ro/ /de'i yi ge ni hUM ste rdzogs pa ni des rdo rje mkha' 'gro bskyed pa'o/ /lhag ma ni go sla'o/ /gshor zhes bya ba ni nya phyis kyi rnam pa lta bu'i
 thod pa'o/ /pad+ma'i phyogs kyi 'dab ma rnams la ni 'dir ltung byed ma la sogs pa'i rnal 'byor ma bzhi thod pa'i stan a gnas par bkod pa'i dbus su bcom ldan 'das te/ de dag mngon par byang chub pa lnga las dus mtshungs par bsgom par
 bya ba 'di ni bsdus pa'i don yin no/ /de nyid kyis ni spro ba'i bdag nyid can gyi spro ba zhes bya ba ste/ rnal 'byor ma'i 'khor lo zhes bya ba ni lhag ma'o/ /dbugs mi g.yo bar bsgom par bya zhes bya ba ni ji srid du dbugs brtan par gyur pa de srid
 kyi bar du bsgom pa'o/ /rlung dang zhes bya ba la sogs pa ni sngar bshad pa bzhin du bsgom pa ste/ khyad par du sku gsung thugs la gnas pa'i maM mdog dkar por bya ba'o/ /'bad de bsgrub bya dmigs nas ni zhes bya ba ni bcom ldan 'das kyi
 phyag mtshan gyi gtso bo rdo rjes bsgrub par bya ba ji lta ba bzhin du dmigs nas smin ma'i dbus su phug la khu ba drangs nas rang gi lag na gnas pa'i thod pa bkang bar bsam zhing yi ge gsum po hUM dang bcas pa bzlas par bya'o/ /chang
 dgug pa gsungs pa/ ci zhes bya ba la sogs pa la ci nyid ye shes te/ rnam par dag pa'i rang bzhin gyi phyir ro/ /las byung ba ni de yongs su gyur pa las rdo rje'i lte bar de nyid kyis mtshan pa yongs su gyur pa las bcom ldan 'das bsgom
 par bya'o zhes bya ba lhag ma yin no/ /sdigs mdzub rdo rje zhags pa zhes bya ba ni rdo rjes mtshan pa'i zhags pas bsdigs pas te/ bcom ldan 'das kyi phyag g.yon du sgom pa'o/ /rta'i zhal zhes bya ba ni bcom ldan 'das gang gi zhal rta'i tshul
 can te/ lhan cig skyes pa'i zhal can zhes bya ba'i don to/ /de dag gis ni de lta bur gyur pa'i zhal dang sku mdog la sogs par bsgom zhing gyur nas chang dgug par bya zhes ston to/ /khrag dgug pa gsungs pa/ ra'i
 zhes bya ba la sogs pa la/ ce spyang gi gdon can te zhes bya ba ni spyang ki'i khyad par ce spyang zhes bya ba nyid kyi gdong pa bya ba'o/ /khrag gi gang ba'i lus can bsgom zhes bya ba ni bdag nyid rdo rje mkha' 'gro mdog dmar por bsgom pa'o//
 mkha' 'gro ma'i 'khor lo spro zhes bya ba ni sgrub pa'i thabs kyi rim gyis A li ngang kA li dang raM las byung ba'i rdo rje ral gris mtshan pa dag yongs su gyur pa las bcom ldan 'das ltung byed ma la sogs pa'i rnal 'byor ma dang thod par
 bcas pa dus mtshungs par spro ste/ bskyed ces bya ba'i don te/ /rdo rje phra mas phug nas su zhes bya ba ni bcom ldan 'das kyi phyag na gnas par gyur pa'i rdo rje'i mtshon cha phra mos bsgrub par bya ba'i rtsa'i gnas kyi snying ga phug pa'o/ /
 'jib pa nyid rab tu bsgom na zhes bya ba ni bsgrub pa'i dus su mkha' 'gro ma rnams kyang ce spyang gi gdong can du bsgoms la sngar rdo rje phra mos phug pa'i rma nas bdag dang mkha' 'gro ma rnams kyi ce spyang gi khas rus pa dang/ pags pa skam
 po tsam lus pa'i bar du 'jib par bsgom zhes bya ba'i don to/ /las de dag thams cad ni gus pas rgyun mi 'chad par yun ring du bsgom pa dang bzlas pas 'grub kyis gzhan du ni ma yin no/ /zhes bya ba ni las yongs su rdzogs pa'o/ /
 sgyu ma kun ni rnal 'byor ma thams cad do/ /rnam par 'phrul pa ni nges rnam par rol cing rtse ba'o/ /man ngag de ston pa'i gzhung ni rim par phye ba ste bcu gcig pa'o/ /rgyud kyi rgyal po chen po dpal rdo rje mkha' 'gro'i rnam par bshad pa
 las le'u bcu gcig pa'i rnam par bshad pa'o// //da ni rdo rje mkha' 'gro'i tshul gzhan gyi sgrub thabs ston pa'i le'u gsungs pa/ rdo rje mkha' 'gro zhes bya ba la sogs pa la nyon zhes bya ba ni sngon du bcom ldan
 'das la gsol ba btab pa gang yin pa de nyon cig ces bya ba'i don to/ /dang por ro ni bsgom bya ste zhes bya ba la mchod pa la sogs pa dang/ byang chub tu sems bskyed pa'i rjes la ri bo lhun po'i steng du khang pa brtsegs ma'i nang du pad+ma'i
 steng na gnas pa ro bsgom pa'o/ /dang po zhes bya ba ni a la sogs pa dang sa bon hUM la sogs pa la bltos pa'i tshig go /mkhas pa zhes bya ba ni de bzhin gshegs pa ste/ chos kyi dbyings kyi de bzhin nyid rtogs pa'i sgrub pa po'o//
 chos kyi dbyings rang bzhin zhes bya ba la chos ni phung po la sogs pa'o/ /dbyings ni rang bzhin te don dam par gzung ba la sogs pa'i rang bzhin dang bral ba'i stong pa nyid do/ /de yang 'di ltar sems 'ba' zhig po nyid thog ma med
 pa'i dus nas spros pa'i bag chags kyis dkrugs pas phyi rol lta bur gnyis su snang ba yin gyi/ dngos po rnams bden par yod pa ma yin par sngar bstan to/ /yang gsungs pa/ nang gi zhes bya ba'i ngo bo ni phyi rol ltar snang gang yin te/
 don yin rnam shes ngo bo'i phyir/ /de rkyen nyid kyang yin phyir ro zhes so/ /de nas thams cad du rnam par shes pa'i snang ba'i yan lag nyid dmigs pa yin gyi brdzun kyang phyi rol nyid du 'ongs pa ni ma yin te/ bems po dang nyams su myong
 ba 'gal ba'i phyir ro/ /des na thams cad du gzung ba la sogs pas stong par legs par grub pa yin no/ /de yang gsungs pa/ ji ltar byis pas rnam brtags pa/ /de ltar phyi rol don yod min/ /bag chags kyis ni dkrugs pa'i
 sems/ /don du snang bar yang dag 'byung zhes so/ /stong pa nyid kyi chos kyi dbyings dang 'dra bas ro yang chos kyi dbyings te/ rtog pa dang bral ba'i phyir ro/ /des ni chos kyi dbyings bsgom pa nyid du ston to/ /rnal 'byor
 pa zhes bya ba ni sngar bstan pa'i mchod pa la sogs pa sbyor ba dang ldan pa'o/ /der gnas zhes bya ba ni ro'i steng du gnas pa ste/ 'dis ni de bzhin nyid la gnas nas spro ba rnams bsgom par ston to/ /go 'phang mchog ni zhes bya ba la 'jig
 rten dang/ 'jig rten las 'das pa'i phun sum tshogs pa'i gzhir gyur pas na go 'phang ste/ rdo rje mkha' 'gro de nyid gnyis su med pas na mchog go /bsgom pa ni der bskyed pa ste 'og nas bshad par bya'o/ /da ni bsgom pa la
 rtsom pa gsungs pa/ rang snying zhes bya ba la sogs pas rnal 'byor pa rang gi snying gar zla ba'i dbus su de nyid thams cad ces bya ba yi ge hUM dgod par bya ste/ ci'i phyir te/ de nyid thams cad yin zhe na/ rdo rje 'dzin pa'i
 rang bzhin yin pa'i phyir ro/ /de'i 'od zer zhes bya ba ni hUM las byung ba'i 'od do/ /mkha' 'gro ma sogs zhes bya ba ni/ mkha' 'gro ma dang mdzes ma dang dum skyes ma dang gzugs can ma rnams so/ /mchod pa ni yid kyis rdo rje bla ma
 la sogs pa la yang dag par mchod pa'o/ /sangs rgyas zhes bya ba la sogs pa la sangs rgyas ni yang dag par rdzogs pa'i sangs rgyas so/ /byang chub ni lha rnams kyi tshogs te/ gang gis de dag rang gi sems yin par
 shes shing gang la de'i rnam pa can gyi sems yod pa'i slob bzhin pa'i sgrub pa po rnams ni byang chub sems dpa' rnams so/ /kun nas zhes bya ba la sogs pa la/ dgongs su gsol zhes bya ba ni rjes su yi rang ba dang bcas
 pas byin gyis rlob cing bdag gir mdzad pa ni dgongs pa'o/ /bdag ming 'di zhes bya ba ni rang gi ming nas smos pa ste/ shin tu khas len pa'i phyir ro/ /dus 'di nas bzung zhes bya ba la dus 'di ni gnas skabs 'di ste/ gzung ba ni nye
 bar brtsams pa'o/ /yang na gzung ba ni sangs rgyas la sogs pas byin gyis brlabs pa nye bar blangs shing rgyur byas pa'o/ /ji srid ces bya ba'i sgra ni dus ji snyed kyi bar du ste/ byang chub tu sems bskyed par bgyi zhes bya ba dang 'brel
 to/ /dus ji snyed cig tu bskyed par bya zhe na/ byang chub snying por mchis kyis bar zhes bya ba la byang chub snying po ni dam pa ste/ mi gnas pa'i mya ngan las 'das pa'o/ /mchis pa ni der gnas pa ste/ mi gnas pa'i mya ngan las 'das pa
 thob kyi bar du'o/ /bya ba gsungs pa/ ji ltar zhes bya ba la sogs pa la/ dus gsum zhes bya ba ni 'das pa dang ma 'ongs pa dang da ltar byung ba'i dus te/ dus de rnams su spyod pa'i gshegs pa dang/ gshegs bzhin pa dang/ byon
 pa'i sangs rgyas rnams so/ /de rnams nyid skyob pas na mgon po'o/ /yang dag byang chub nges mdzad pa zhes bya ba la/ des mdzad ni sbyin pa la sogs pa'i tshogs ma lus pa bsags pa'i bya ba'i mtshan nyid do/ /ci'i phyir zhe na/ yang
 dag byang chub phyir te/ bdag dang gzhan gyi don phun sum tshogs pa'i mtshan nyid can gyi byang chub kyi ched du'o/ /'dir tshad kyi bdun pa mi mngon pa yin no/ /bla med byang chub sems zhes bya ba la byang chub kyi sems ni smon pa'i byang chub
 kyi sems dang/ 'jug pa'i byang chub kyi sems so/ /de la smon pa'i byang chub kyi sems ni bdag rdo rje mkha' 'gror gyur nas sems can thams cad kyang go 'phang de la dgod par bya'o snyam pa'i 'dod pa dang bcas pa'i smon lam mo/ /
 'jug pa byang chub kyi sems ni de'i lam sbyin pa la sogs pa nyams su len pa'i rang bzhin te/ de gnyis ni bla na med pa'i 'bras bu sgrub par byed pas na bla na med pa'o/ /de bzhin bskyed par bgyi zhes bya ba ni ji ltar
 dus gsum gyi sangs rgyas rnams byang chub sems dpa' i gnas skabs na byang chub kyi phyir thugs bskyed pa mdzad pa dang/ bskyed pa dang/ bskyed par 'gyur ba ltar bdag gis kyang bskyed pa'o/ /yang na mgon po ni byang chub sems dpa' 
 ste/ sangs rgyas kyi gnas su gyur pa'i phyir ro/ /de yang gsungs pa/ de ltar byang chub sems bskyed pa/ /gang yin sangs rgyas nyid zhes bya zhes gsungs pa'i phyir ro/ /de rnams kyi sems ni smon pa sngon du 'gro ba'i 'jug pa'i
 sems te/ de nyid sems can thams cad kyi gtso bo yin pa'i phyir bla na med pa'o/ /sangs rgyas rnal 'byor skyes sdom pa zhes pa la sangs rgyas ni rnam par snang mdzad do/ /skyes pa ni de'i rigs kyi sgrub pa po'o/ /sdom pa ni dkon mchog gsum
 la skyabs su 'gro ba la sogs pa'i mtshan nyid can te/ lus la sogs pa bya ba ma yin pa las bzlog cing sdud pa'i phyir sdom pa'o/ /sangs rgyas zhes bya ba la sogs pa la/ de kho na nyid thugs su chud pa dang/ nyon mongs pa dang/
 shes bya'i sgrib pa'i bag chags bsal bas na sangs rgyas te rnam par snang mdzad la sogs pa'o/ /chos ni 'dzin pas na chos te/ lung dang rtogs pa'i rang bzhin no/ /'dus pa na dge 'dun te/ 'jam dpal rdo rje la sogs pa'i
 byang chub sems dpa' o/ /bla na med pa'i dkon mchog gsum zhes bya ba la gsum ni lus dang ngag dang yid de/ de rnams kyi dga' ba dang rgyas par byed pas na dkon mchog go /yang na sangs rgyas la sogs pa nyid dkon pa ste/ gsum
 po de dag nyid dkon pa'i nang na gtso bo yin pas mchog go /de nyid kyi phyir bla na med pa ste/ gzung zhes bya bar 'brel to/ /'dir gzung zhes bya ba ni bskyed par bya ba ste/ dang po skyabs su song nas de'i 'og tu mngon sum du bya'o zhes bya ba'i don to/ /
 bslab zhes bya ba la sogs pa la tshul khrims gsum bya ba ni bslab pa'i tshul khrims la sogs pa de dag nyid de mi dge ba las ldog pa dang/ dge ba la 'jug pa dang/ gzhan gyi don byed pa'i mtshan nyid can no/ /bdag gis so sor
 brtan por gzung zhes bya ba la bdag ni bdag nyid de 'gro ba rnams bsgral ba'i phyir khas blangs shing nga rgyal bya ba'o/ /so sor gzung ba ni yang dang yang du 'jug pa'o/ /brtan por gzung ba ni phyir mi ldog pa ste sangs rgyas la sogs pa la
 brten pa'i smon lam dang 'jug pa de dag las mi shes pa'i dbang gis slar ldog par mi bya'o/ /de ltar 'og nas 'byung ba kun la sbyar bar bya'o/ /rdo rje rigs mtho chen po la zhes bya ba la rdo rje mtho ni mi bskyod pa'o/ /rigs ming dang 'brel ba'i
 sgrub pa po ste de'i sdom pa yin pa 'am yang na sdom pa nyid rdo rje rigs mtho chen po ste mi bskyod pa'i rang bzhin no/ /rdo rje dril bu phyag rgya yang zhes bya ba la phyag rgya ni phyag rgya chen po'o/ /yang dag pa nyid du gzung ba ni yang dang yang du gzung ba'o/ /
 slob dpon ni bla ma ste bla ma slob dpon zhes bya bar mkhas pa rnams kyis yongs su bsgrags zhes zer ba'i phyir ro/ /yang na rdo rje la sogs pa ni rdo rje la sogs pa'i dam tshig go /slob dpon ni slob dpon gyi dbang bskur ba'o/ /rin chen
 zhes bya ba la sogs pa la tshigs su bcad pa phyed lnga ma 'dis ni rigs kyi tha snyad bstan pa yin te/ de la rin chen zhes bya ba ni mnyam pa nyid kyi ye shes te/ de las byung bas na rigs ni rin chen 'byung ldan no/ /rnal 'byor ni de'i
 rigs kyi sgrub pa po ste/ de'i rnam par yang dang yang du sems rtse gcig gis sbyor ba'i phyir ro/ /dam tshig ni 'da' bar mi bya bar nyams su blang ba'o/ /yid du 'ong ba ni sbyin pa la sbyor bas so/ /ci zhig ce na/ nyin re zhes
 bya ba la sogs pa la/ sbyin pa rnam pa bzhi ni zang zing dang chos dang mi 'jigs pa dang byams pa'o/ /yang na nor dang nor gyi snying po dang/ yan lag dang yan lag gi snying po'o/ /de la nor ni gser la sogs pa'o/ /nor gyi dang po ni bu dang bran la
 sogs pa'o/ /yan lag ni rkang pa la sogs pa'o/ /yan lag gi dang po ni mgo la sogs pa'o/ /byang chub chen po zhes bya ba la sogs pa la/ byang chub chen po ni chos thams cad rang bzhin med pa zhes bya ba la sogs pas so sor rtog
 pa'i ye shes yin la 'byung ba ni de las skyes pa'o/ /su zhig ce na/ pad+ma'i rigs chen zhes bya ba la sogs pa ste/ pad+ma chen po dag pa ni snang ba mdza' yas so/ /ci'i phyir zhe na/ gzung ba la sogs par mngon par zhen pa med pa'i phyir
 ro/ /rigs ni de'i bdag nyid can no/ /phyi nang zhes bya ba la sogs pa ni kri ya la sogs pa gsang sngags kyi theg pa'o/ /theg pa gsum zhes bya ba ni nyan thos dang rang sangs rgyas dang bla na med pa'i theg pa ste/ 'dis de'i rigs can gyi
 skye bo rnams 'gro bas na theg pa'o/ /dam chos zhes bya ba ni de dag nyid de dam pa ni sangs rgyas so/ /des bstan pa'i chos ni dam chos so/ /las kyi rigs chen mthon po zhes bya ba ni don yod grub po'i bdag nyid do/ /ci nus bgyi zhes bya ba ni
 rang gi stobs bzhin khas blangs pa'o/ /mchod pa de nyid khyad par du bya ba'i phyir/ sdom pa thams cad ldan par ni zhes bya ba gsungs te/ thams cad ni phyi dang gsang ba'i mchod pa rnams so/ /sems can kun gyi don gyi phyir zhes bya ba la sogs
 pa'i tshig rkang gnyis ni sdom pa lnga'i nye bar bsdu ba'o/ /bla na med pa'i byang chub sems zhes bya ba la sogs pas ni sems bskyed pa gnyis kyi bya ba ston pa yin no/ /ma rgal ba rnams zhes bya ba ni nyan thos la sogs pa ste/ nyon mongs pa dang shes
 bya'i sgrib pa dang ldan pas so/ /ma grol ba ni tshangs pa la sogs pa'o/ /dbugs ma phyin pa ni dmyal ba la sogs par 'gro ba'o/ /kun zhes bya ba ni de dag thams cad do/ /mya ngan las 'das pa ni mi gnas pa'i mya ngan las 'das pa'o/ /de nas
 zhes bya ba ni de ltar dam bcas nas so/ /oM zhes bya ba la sogs pa'i sngags te/ sarbba d+harmmA:zhes bya ba ni phung po la sogs pa rnams so/ /swa b+ha ba shud+d+ha ni de dag ngo bo nyid kyis rnam par dag pa'o/ /a haM ni bdag ste bdag gi rang bzhin de yin no//
 de nas tshig 'di brjod nas zhes bya ba la de nas zhes bya ba ni rang bzhin dag pa'i 'og tu ste/ bcom ldan 'das bsgom par bya zhes bya ba dang 'brel to/ /yang na tshig 'di kun tu brjod ces bya ba la tshig ni gnas te rang bzhin dag cing bdag med pa nyid
 do/ /a ni dgag pa ste brjod du med pa'i rang bzhin de la de skad ces bya'o/ /de nyid bcom ldan rdo rje can/ /zhes bya ba la de nyid ni sangs rgyas zhes bya ba la sogs pa'i smon lam byed pa'i rnal 'byor pa nyid do/ /bcom ldan 'das zhes bya ba ni 'og nas
 'byung ba'i b+ha ga dang sbyar ba'i phyir ro/ /de nyid rdo rje can te de yang 'di ltar rdo rje 'dzin dang dbyer med pa'i phyir te ji skad du byang chub kyi sems dang rdo rje slob dpon ni gnyis su med cing dbyer med do zhes gsungs pa'i phyir ro/ /de nyid ni brtson 'grus brtan pa'i
 phyir rdo rje sems dpa' yin zhing rang bzhin rnam par dag pa thob pas na de bzhin gshegs pa yang yin no/ /des chos thams dcad bdag med par blta zhes bya ba snga ma dang sbyar te/ chos rnams bdag med par blta ba'o/ /yang na chos rnams
 dang bdag med pa lhan cig tu blta ba'o/ /sku mdog sngon po zhes bya ba la sogs pa ni rdo rje mkha' 'gro bsgom pa bstan te/ 'og nas 'byung ba'i pad+ma'i lte bar dgod par bya'o/ /gar dang ldan zhes bya ba ni g.yas brkyang bas bzhugs pa'o//
 ye shes rgya mtsho ni rdo rje mkha' 'gro'o/ /shar ni zhes bya ba la sogs pas ni ltung byed ma la sogs pa'i lha mo bzhis gsungs pa yin te dbus kyi pad+ma'i phyogs kyi 'dab ma bzhi la'o/ /mtshams kyi 'dab ma rnams la ni bdud rtsi lnga'i thod pa rnams so/ /phyi
 rol gyi pad+ma rim pa gsum pa la ni sngar bstan pa bzhin rab tu gtum mo la sogs pa rnams dgod do/ /shar la sogs pa'i sgo bzhir ni khwa gdong ma la sogs pa bzhi dgod do/ /dbang ldan la sogs pa'i mtshams su ni gshin rje bstan ma la sogs
 pa'o/ /lhag ma ni sgrub thabs su blta'o/ /thod pa rnam pa bzhi po zhes bya ba ni bdud rtsi lnga'i thod pa ste dbus kyi pad+ma'i mtshams bzhir dgod pa'o/ /sangs rgyas gzugs kyis rnam brgyan pa zhes bya ba nyid kyis bshad pa ni spyi gtsug ces bya ba la sogs
 pa ste/ spyi gtsug ces bya ba ni thod pa gsal ba zhes bya ba la nam mkha' las 'ongs pas na gsal ba ste de'i steng du gnas pa'i zla mtshan no/ /yang dag ldan pa ni bdud rtsi'o/ /lhag ma rnams te rnam par snang mdzad dang/ snang ba mdza' yas dang/ mi
 bskyod pa dang/ don yod grub pa rnams gzung ngo/ /bdud rtsi lnga sbyang ba gsungs pa/ dang po zhes bya ba la sogs pa la/ dang po'i yi ge ni oM mo/ /de dang ldan pa ni thod pa'o/ /bsgom pa ni thod pa dang bruM la sogs bsgom pa'o/ /des cir 'gyur zhe na/
 gsungs pa/ skad cig de la 'bar zhes bya ba ste 'bar ba'o/ /des kyang cir 'gyur zhe na/ rdzas kyi dngos grub 'bras rab ster/ zhes bya ba ste go sla'o/ /'dir dang por yaM las rlung gi dkyil 'khor gzhu lta bu la raM las byung ba'i me'i dkyil 'khor de'i
 steng du a las byung ba'i thod pa de'i nang du bruM aM dzaM khaM hUM gi sa bon las skyes pa'i rnam par snang mdzad la sogs pa'i rang bzhin gyi bdud rtsi lnga'o/ /de'i steng du ni oM bar snang la hUM gis bskyed pa'i rdo rje de nas rlung gis 'bar ba'i mes bskol nas de'i drod kyis
 rdo rje yang bzhu ste/ de nyid babs nas yi ge gsum gyis byin gyis brlabs te bdud rtsi 'bar bar gyur na dngos grub ster bar 'gyur ro/ /sbyor ba'i dngos grub rig pa che/ /yid ches yang 'jug par 'gyur/ /zhes bya ba la sbyor bar grub pa'i dngos
 grub ni sbyor ba'i dngos grub ste gsum pa'i don gyis drug pa yin no/ /ci zhig gi sbyor ba yin zhe na/ rig pa chen po ste sngags la sogs pa'i rig pa'o/ /yid ches ni yang dag pa'i rtog pa'o/ /'jug pa ni skye ba ste rdo rje mkha' 'gro'i bsam
 gtan gyi bruM la sogs pa dang/ yi ge gsum po sngon du bzlas nas bsgrub na ji skad smos pa bzhin du 'gyur ro/ /'bras bu de gsungs pa mi snang ba dang zhes bya ba la sogs pa ste/ rdo rje mkha' 'gro'i bsam gtan gyi nye bar len pa'i rgyu dang/
 dam tshig gi lhan cig byed pa'i grogs las thun mong gi dngos grub thams cad byung bar shes par bya'o/ /thams cad dang zhes bya ba ni ril bu dang mig sman la sogs pa'o/ /sgrub pa pos skad cig gis mthong 'gyur zhes bya ba ni ril bu
 la sogs pa'i 'bras bu mi snang ba'i bya ba bstan pa yin te/ rgyal po'i btsun mo'i pho brang gi nang du zhugs nas bdag gis thams cad mthong zhing longs spyod pa dang gzhan gyis mi mthong ba dang/ lha mchog la skyes te brgya byin las skyes pa'i bu
 mo rnams blangs nas sangs rgyas kun gyi bu mo ste/ sgyu 'phrul chen mo la sogs par byin gyis brlabs la longs spyod pa ste/ dbang bskur ba la sogs pa bya'o/ /yang na sangs rgyas kun las phrogs shes bya bar sbyar te/ de dag gi yon tan
 dang ldan par byas pas sangs rgyas dang 'dra zhes bya ba'i bar du'o/ /de ltar mi mthong ba dang mthong ba'i 'bras bu bstan nas lha'i mig gi 'bras bu bstan pa'i phyir gang gA'i bye ma snyed
 ces bya ba la sogs pa gsungs te/ rdo rje gsum gyi gnas bzhugs pa zhes bya ba la rdo rje ni mi phyed pa ste dam tshig mchog la gnas pa'o/ /gnas ni phung po'o/ /gsum ni tshogs gsum ste/ gaM gA'i bye ma dang mnyam pa'i sangs rgyas kyi
 tshogs gcig dang gnyis dang gsum gyi bar du'o/ /rdo rje mig gis mthong bar 'gyur zhes bya ba la rdo rje ni gshin tu rno ba ste/ gsal zhing dri ma med pa des mthong ba'o/ /ji ltar zhe na/ lag tu shing rtog bzhag pa bzhin te lag pa'i
 mthil na gnas pa'i sgyu ru ra'i 'bras bu ltar ro/ /yang na rdo rje gsum ni sku la sogs pa ste/ de rnams kyi gnas kyi sangs rgyas kyi zhing ngo/ /lhag ma ni sngar bshad pa bzhin no/ /lus kyi rdzu 'phrul shes pa gsungs pa gang gA'i bye ma snyed ces
 bya ba la sogs pa ste/ nye bar mtshon pa 'dis na bar na gnas pa gsum yang gzung ngo/ /sngags kyi yi ge go bzlog pas zhes bya ba la sngags kyi yi ge ni snying po'i sngags yi ge nyi shu rtsa gnyis pa'o/ /go bzlog pa ni go rim bzlog
 ste bzlas pa'o/ /rgyud ces bya ba ni rdo rje mkha' 'gro'i bsam gtan bsgom pa ste bsam gtan des sngags snga ma nyid kyi dngos grub sna tshogs bsgrub par bya zhes bya ba'i don to/ /yang na rgyud ni rgyud 'dir ro/ /sngags ni sngags thams cad de
 sngags de rnams kyi yi ge bstan pa'i dus su ni lugs byung bar bri la zlos pa'i dus su ni lugs las bzlog ste bzla'o/ /de dag ces bya ba ni rdo rje mkha' 'gros bdud rtsi rnam pa lnga sbyang ba'o/ /bshad pa yin zhes bya ba ni sangs rgyas nyid kyi bshad
 do ba ste/ de nyid kyis na gus par bya ba nyid du ston to/ /da ni phyi rol ri mo'i dkyil 'khor bri ba'i bya ba gsungs pa/ tho rangs zhes bya ba la sogs pa la/ byams pa'i sems ni bskyed nas su zhes bya ba ni nye bar mtshon pa ste/ snying rje la sogs pa dag kyang gzung
 bar bya'o/ /de la byams pa ni sems can thams cad la bu gcig pa ltar brtse ba'o/ /sems ni de las byung ba'i bsam pa'am de'i rnam pa can gyi yid do/ /bskyed pa ni bsgom pa'o/ /de nas zhes bya ba ni de'i 'og tu'o/ /kha cig na re ni mchod pa la sogs pa
 sngon du 'gro ba'i sangs rgyas byang chub sems dpa' rnams zhes bya ba la sogs pa sdom pa gzung ba dang/ sems bskyed pa'i smon lam gyi bar du sngar bstan pa rnams bya ste/ de nas dkyil 'khor bri bar bya zhes zer ro/ /gru bzhi zhes bya ba la sogs pa ni
 go sla'o/ /de'i nang du zhes bya ba ni phyi'i dkyil 'khor gru bzhi'i nang du'o/ /'khor lo phreng bas rnam par brgyan zhes bya ba ni snying po'i dkyil 'khor te/ rdo rje dkar po'i phreng bas kun nas zlum por bskor ba'o/ /de'i dbus 'gyur zhes bya ba ni rdo rje'i phreng
 pa'i nang du ste/ pad+ma dkar po 'dab ma brgyad pa ni sku rdo rje'i rang bzhin gyi phyir ro/ /de'i dbus 'gyur zhes bya ba ni sku'i 'khor lo'i nang du ste/ pad+ma dmar po zhes bya ba ni gsung rdo rje'i rang bzhin gyi phyir pad+ma dmar po 'dab ma brgyad pa rdo rje dmar po'i phreng ba
 dang bcas par bri ba'o/ /de nas zhes bya ba la sogs pas ni/ thugs kyi dkyil 'khor gsungs te/ rdo rje phreng ba kun 'khrigs bri zhes bya ba ni thugs rdo rje'i rang bzhin yin pa'i phyir/ rdo rje yang pad+ma ltar in+d+ra nI lar bri'o/ /'khor lo gsum po kun gyi
 yang rdo rje rnams rtse mo lnga par bya zhing rtse mo lnga lnga la yang thig le lnga lnga dgod par bya'o zhes bstan pa'i phyir/ rdo rje ka ba'i nang logs su/ /dkyil 'khor lngas ni rnam brgyan pa zhes bya ba gsungs te/ 'dir ka ba'i sgra ni rtse mo yin la de la brgyan pas na
 dkyil 'khor te thig le'o/ /ri rab lhun po'i steng du ni zhes bya ba la ri mo'i dkyil 'khor de nyid dngos grub kyi rin po che sna tshogs kyi gnas yin pas na ri rab bo/ /phyir rgol ba rnams kyis mi bskul bas na lhun po ste/ gsang sngags kyi
 theg pa'o/ /steng na de'i bla mar gyur pa ste/ rnal 'byor ma'i rgyad chen po'o/ /sna tshogs pad+ma ni de'i tshul gyis dkyil 'khor te/ 'dod chags la sogs pa'i nyon mongs pa'i dri ma dang bral ba'i sems rnam par dag pa yin pa'i phyir ro/ /yid 'ong ni yid
 'phrog pa'o/ /bsam pa ni bri ba'o/ kha cig ni 'di dag ni sgra ji bzhin yin te/ rdo rje mkha' 'gro'i ting nge 'dzin la rten cing dkyil 'khor bstan pa yin no zhes zer ro/ /lhag ma ni go sla'o/ /rdo rje mkha' 'gro zhes bya ba la sogs pa la 'byung/
 ba ni bskyed pa'o/ /gzhung gang gi rdo rje mkha' 'gro'i 'byung ba ston pa de ni rim par phye ba ste bcu gnyis pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bcu gnyis pa'i rnam par bshad pa'o// //
 rdo rje mkha' 'gro'i bsam gtan gyi sngags mang du bzlas na dpa' bo dang gnyis su med pa'i rnal 'byor ma re re'i sbyor bas kyang las rnams 'grub po zhes bstan pa'i phyir le'u bcu gsum pa gsum pa de nas zhes bya ba la sogs pa ste
 de nas zhes bya ba ni rdo rje mkha' 'gro'i 'byung ba bstan gyi 'og tu'o/ /de las zhes bya ba ni rdo rje mkha' 'gro'i bsam gtan sngon du song ba de las te/ gzhan du na cung zad tsam yang 'grub par mi 'gyur ro zhes bya ba'i don to/ /dngos grub
 thams cad rab bsgrub pa zhes bya ba ni sbyor ba'i khyad par te/ bshad par bya zhes bya ba snga ma dang 'brel to/ /de la dngos grub thams cad ni zhi ba la sogs pa'i las rnams te/ rab sgrub pa ni khyad par du sgrub cing sgrub pa po la bye brag du bskyed
 pa'o/ /ci zhig ce na/ gang zhig shes pa tsam gyis ni zhes bya ba la/ gang gis ni cho ga gang gi ste shes pa ni khong du chud nas phyis goms par byas pa'o/ /ji srid du phyi rol gyi phyag rgya dang snyoms par 'jug pa'i bya ba gsungs pa/ a ni zhes bya ba la
 sogs pa la/ sna'i rtse mo ni bya mchu'i sgo ste/ der zla ba'i dkyil 'khor la a bsgom pa'o/ /de bzhin du yang ling ga'i lte ba ste/ rdo rje nor bu'i zla ba las dgod par bya'o/ /padmo'i lte ba rnams su sbyar zhes bya ba la mang po'i tshig ni chos thams cad
 'byung ba blo la bsdogs nas gsungs pa yin te/ der rnal 'byor ma'i 'khor lo kun sbyar pa ni bskyed par bya ba'i don yin no/ /'khor lo de dag ci 'dra zhe na/ a ba d+hu tI zhes bya ba la sogs pa gsungs te/ sdig pa rnams rmel zhing sems pa na a
 ba d+hu tI ste gnyis su med pa'i sems so/ /gnas ni de'i mtshan ma sbyan gsum pa'o/ /de gang du bzhag tsa na smin ma'i bar du ste smin ma dang nye ba'i dpral ba'i dbus su'o/ /'dis ni spyan g.yas pa ni sku'i rang bzhin yin la g.yon pa ni gsung yin
 zhing dbu ma ni sems kyi mtshan ma ste thams cad kyi steng na gnas pa'o zhes ston to/ /des ni yi ge hUM yang zla ba tshes pa dang thig le dang rnam pa gsum gyi bdag nyid can te/ de las byung ba'i bcom ldan 'das dang/ rnal 'byor ma'i tshogs rnams spyan
 gsum par bya ba yin no/ /dbyangs yig dang po zhes bya ba la sogs pas ni gtum mo'i rnal 'byor la dran pa bskyed pa yin te/ bsgoms na zhes bya ba ni/ rlung gis bskyod pa'i med dkyil 'khor dbyangs yig dang po dang ldan pa bsgom pa ste/ 'dis
 ni gzhan dag kyang gnas pa ji lta ba bzhin du bkod nas bstan par bya ba nyid du ston to/ /des ci 'gyur zhe na/ skad cig de la 'bar zhes bya ba ste/ mnyam par sbyor ba'i skad cig de nyid la dbyangs yig dang po'i thig le las steng du 'bar ngo zhes bya
 pa'i don to/ /des ni rigs pa'i rnal 'byor gyi 'og tu phra mo'i rnal 'byor bya ba'i 'brel ba bstan pa'o/ /da ni rten gyi dkyil 'khor gsungs pa/ de nas zhes bya ba la sogs pa la /
 de nas zhes bya ba ni chos kyi 'byung gnas bsgoms kyi 'og tu'o/ /'bar 'phreng rgya mtsho'i 'khor lo ni khang bu brtsegs pa ste/ nang gi dkyil 'khor kun nas zlum po yin pa'i phyir 'khor lo yin la rgya mtsho dang chos mthun par 'bar ba'i
 phreng bas kun tu khyad pa ste khang bu brtsegs pa'o/ /yang ci 'dra zhe na/ kun nas sgo zhes bya ba ste/ sgo bzhi pa yin pa'i phyir ro/ /des ni gru bzhi la sogs pa thams cad blta bar bstan to/ /lte ba zhes bya ba la sogs pas ni go cha gnyis
 ston pa yin te dpral steng zhes bya ba ni mgo bo/ /spyi gtsug 'khor lo zhes bya ba ni lus thams cad bsdus pas spyir tsug nyid 'khor lo ste de dag tu dgod pa'o/ /dang po zhes bya ba ni rnal 'byor ma drug gi sngags dang por btu ba bstan
 bas na dang po ste/ dpa' bo drug gi sngags kyang blta bar bya'o/ /thabs dang shes rab mnyam par sbyor ba'i dus su byin gyis brlabs pa gsungs pa/ lte ba zhes bya ba la sogs pa la/ lce zhes bya ba ni rkan dang lce gzung ba ste/ kha'i sgol
 bya'o/ /gnyis dpa' bos byin gyis brlabs zhes bya ba la gnyis ni mig gnyis dang phrag pa gnyis so/ /gnas lnga po der dpa' bo ste yi ge hUM gis byin gyis brlab pa ste/ bkod la bsrung bar bya'o/ /ji skad du hUM gis kun tu mkhas pas
 bsrungs zhes gsungs pa'i phyir ro/ /de nyid kyi phyir gsungs pa dpa' bo dang ni rnal 'byor ma/ /gnyis med cho ga ji bzhin du zhe bya ba ste/ nang dang phyi rol gyi shes rab dang mnyam par skyor ba la byin gyis brlab pa nyid du blta bar bya'o/ /
 dpa' bo dang gnyis su med pa'i sbyor bas ci zhig nyams su blang bar bya zhe na/ gsungs pa mgal me'i 'khor lo la gnas pa zhes bya ba la sogs pa ste/ ji ltar mgal me myur du bskor ba 'khor lor snang ba bzhin brdzun pa'i bdag nyid can gyis lus
 rnam pa gzhan du snang ba yin la de la gnas pa ni der dmigs pa'o/ /de gnyis kyis na 'khor zhes bya ba gsungs te/ bcos ma la rnam par 'khrul pa'o/ /de bzhin zhes bya ba ni nye par sbyar ba ste/ bdag gi lus gnyis med par nyams su blang ba de
 bzhin du dkyil 'khor ba'i mkha' 'gro ma rnams kyang brdzun pa'i don gyis don dam par gnyis su med par bsgom pa'o/ /yid shugs chen po'i rig pa che zhes bya ba la yid ni yid tsam ste sems tsam mo shugs ni de'i 'jug pa'o/ /rig pa che
 ni rang rig pa yin pa'i phyir te/ de dag gis ni mkha' 'gro ma de dag gis skye ba dang/ rang rig pa'i sems tsam gyis 'jug pa yin pas khyad par can du ston to/ /glog lta bur ni gsal ba'i 'od zhes bya ba ni mi rtag pa nyid kyi phyir te mkha' 
 'gro ma rnams de ltar bsgom mo zhes bya ba lhag ma'o/ /ci 'dra zhe na/ lha'i zhes bya ba la sogs pa ste/ dus su zhes bya ba la ni lung yin la man ngag gis ni la phyis na sar sbyar ro/ /des ni rnam par 'gyur te lha'i rnam pa'i rnal 'byor du
 sbyar ro/ /ji ltar spro bar bya zhe na/ shin tu phra ba'i zhes bya ba la sogs pa gsungs te/ rdul tshogs zhes bya ba ni dbus kyi rdul la phyogs drug nas rdul gyis bskor ba'o/ /des cir 'gyur zhe na/ shin tu phra ba ste gcig dang du ma dang bral
 pas rang bzhin med par 'gyur ro/ /de yang gsungs pa/ drug gis cig car sbyar bas na/ /phra rab rdul cha drug tu 'gyur/ /drug po dag ni go gcig na/ /gong bu rdul phran tsam du 'gyur zhes bya ba ste rigs pa'o/ /dngos por bsgom zhes
 bya ba la dngos po ni rags pa ste/ phra ba rang bzhin med pa las 'dus pa rags par snang ba ste/ chu zla lta bu'i lus nyams su myong ba tsam du bsgom pa'o/ /de nyid kyis na 'gyur ba med cing snang ba med ces gsungs so /
 des cir 'gyur zhe na/ kun mkhyen 'bras bu ster ba'o/ /zhes bya ba ste/ de ltar bsgom bzhin pas thams cad mkhyen pa'i mtshan nyid can gyi 'bras bur 'gyur ba'o/ /kha cig na re lte ba zhes bya ba la sogs pa la/ lte ba zhes bya ba ni snying ka'i pad+ma'i
 lte ba ste/ der rnal 'byor ma zhes bya ba zla tshes dang thig ler bcas pa dbyangs yig dang po dgod pa'o/ /lce gnyis zhes bya ba ni lce dang lce'i chung ste/ de dag sdig skyob kyi rtsa dang bcas par dpa' bo ste/ bzlas pa'i sngags kyi phreng ba byin gyis brlab
 pa ste/ lam de nas spro bsdu bya zhing des bzlas pa'o/ /dpa' bo dang ni rnal 'byor ma/ /gnyis med cho ga bzhin du bya zhes bya ba ni dbang po gnyis kyi mnyam par sbyor ba las rdo rje'i lam nas sngags kyi phreng ba phyung ste/ lha mo'i snying gar zhugs
 shing de'i kha nas bdag gi khar a ba d+hu tI'i lam nas zhugs te/ yang dang yang du dgod par bya'o/ /de nyid kyis na mgal me 'khor lo la gnas pa zhes bya ba gsungs te/ sngags kyi phreng ba mgal me'i 'khor lo ltar zhi ba la sogs pa'i
 las kyi cho ga bzhin bzlas pa'o/ /mkha' 'gro ma zhes bya ba la sogs pas ni dkyil 'khor bsgom pa bstan te bshad pa ni snga ma bzhin no/ /de yang 'di ltar zhi ba la ni sngags kyi phreng ba'i tham gnyis kar oM dang spel lo/ /rgyas pa ni swAhA/
 drag po la ni hUM ngo/ /yang na lte pa'i snying ga dang ni zhes bya ba la sogs pas 'og nas 'byung ba'i cho ga gnyis kyi rjes la cho ga'i rnam pa gzhan bstan pa yin te/ gnas lnga rnams su go rim bzhin oM sarba bud+d+ha DA ki nI ye badzra war+N+Na nI ye swAhA zhes
 bya ba dang/ oM badzra bai tsa nI ye swAhA zhes bya ba dang/ oM h+rI(rgyud 'grel ste/ dgod pa'o/ /lte ba'i snying ga zhes bya ba la sogs pas ni lha mo'i lus la'ang de ltar dgod pa bstan te/ rnal 'byor ma zhes bya ba ni drug pa'i don gyis dang po yin no/ /lce zhes bya ba ni bdun pa'i don gyis dang po'o/ /gnyis zhes bya ba ni dpral ba dang spyi
 gtsug ste/ 'di yang don ni bdun pa yin no/ /dpa' bo zhes bya ba ni nye bar mtshon pa ste/ dpa' bo dang rnal 'byor ma rnams kyi sngags der dgod pa'o/ /de nyid kyis na dpa' bo dang ni rnal 'byor ma zhes bya ba la sogs pa gsungs te go sla'o/ /me tog
 ces bya ba la sogs pa bdag nyid me tog gi shing rta la gnas pa'i mkha' 'gro mar bsgoms la mkha' 'gro ma phul ba'i me tog la oM DA ki ni huM hUM phaT ces bya ba'i sngags snga ma ltar bzlas te/ gang la byin pa de'i lus la sogs pa rgyas btab
 par 'gyur ro/ /dung dang zhes bya ba la sogs pa ni ltung byed ma'i sbyor ba bstan pa yin te bldad cing bzlas na zhes bya ba ni ltung byed ma'i sbyor bas bsgrub bya kha ru bcug ste bldad par bsam zhing oM pa ta pa ta ni huM hUM phaT ces bya ba snga ma bzhin du bzlas
 na ltung bar 'gyur ro/ /de nas zhes bya ba la sogs pas ni sbyor ba gzhan bstan pa yin te/ mdung tshul nyi ma'i 'od can ni zhes bya ba la bdag nyid gsod byed ma mdung gi dbyibs can du bsgoms nas bsgrub par bya ba'i mgo bo nas lus kyi nang du zhugs
 par bsams la/ hUM ma ra ni de ba dat+ta hUM zhes bya ba'i sngags snga ma bzhin du bzlas nas steng du bltas na zhes bya ba bsgrub bya steng du bltas par bsgoms na 'chi bar 'gyur ro/ /de nas zhes bya ba la sogs pas ni/ yang las gzhan gsungs pa yin te/ spyod
 ba 'di ni hUM de ba dat+ta sye h+ri da ya A ka ra Sha ni hUM zhes zlos shing bya ste go sla'o/ /rlung gi dkyil 'khor la gnas te zhes bya ba ni bdag nyid rlung gi dkyil 'khor la gnas pa'i gar mdzad par bsgom pa'o/ /rlung mdog sgrub bya rlung
 nang bsam/ zhes bya ba ni bsgrub bya rlung ltar mdog sngo zhing rlung la gnas par bsam la/ rlung gi dkyil 'khor sems kyis ni zhes bya ba ni bsgrub bya'i snying gar rlung gi dkyil 'khor gyis sems g.yo ba dang bcas par bsam pa'o/ /sngags zlos shing
 zhes bya ba ni yuM de ba dat+ta dang/ narta pa ya narta pa ya yuM zhes bya ba snga ma ltar bzlas pa'o/ /lhag ma ni go sla'o/ /mchod pa rdo rje rab sbyar gyis/ zhes bya ba la/ mchod pa ni phyi dang gsang ba dang de kho na nyid dang mchod pa chen po ste bzhi'o/ /de la
 phyi'i mchod pa ni me tog la sogs pa'o/ /gsang ba ni lha mo dang bdud rtsi lnga la sogs pa'o/ /de kho na nyid ni shes rab kyi rang bzhin yongs su shes pa'o/ /mchod pa chen po ni pad+ma'i nang nas bdud rtsi len pa'o/ /rdo rje ni rtag tu lha'i gzugs
 kyis yul rnams la nye bar longs spyod pa ste/ dogs pa med pa'i sems kyis nye ba'i longs spyod la ci bder longs spyod pa'o/ /rab tu sbyor ba ni mchod pa'i rab tu dbye ba de dag gis sbyor zhing len pa'o/ /las rnams kun ni 'jig rten dang
 'jig rten las 'das pa'i dngos grub kyi mtshan nyid de/ de dag sbyor ba des bsgrub par bya ba'o/ /dngos grub kyis lhan cig byed pa'i rgyu gzhan bstan pa'i phyir ro/ /snying ga zhes bya ba la sogs pas go cha'i sngags dgong pa bstan te/ snying
 ga la sogs pa bstan pa 'di nyid kyi bshad pa ni lte ba snying ga rnams su ni zhes bya ba 'di yin te/ ni zhes bya ba ni rim pa bzhin du bsgyur ba ste/ yang zhes bya ba yin no/ /de nas dpral ba la sogs pa gzung ngo/ /de dag ming nas gzung
 ste bstan pa'i phyir/ dang po rdo rje sems dpa' ste zhes bya ba la sogs pa gsungs te go sla'o/ /rnal 'byor ma drug gi go cha gsungs pa/ slar yang lte ba zhes bya ba la sogs pa la slar yang zhes bya ba ni dpa' bo'i go cha'i gnas gang yin
 pa de nyid yang rnal 'byor ma rnams kyi yang yin no zhes bya ba'i don to/ /lhag ma ni go sla'o/ /drug po 'di dag ces bya ba ni sngags drug po 'di dag go /rig pa che zhes bya ba ni rnal 'byor ma drug gi rang bzhin no/ /gang las she na gsungs pa/
 pha rol phyin pa rnam pa drug ces bya ba ste/ drug ni sbyin pa la sogs pa'o/ /pha rol ni rnam par dag cing mthar gtugs pa'i mtshan nyid do/ /phyin pa ni son pa ste de bzhin gshegs pa'i bdag nyid do/ /de ltar na pha rol tu phyin pa rnam pa
 'dis rnal 'byor ma drug gi sngags rnam par dag pa bstan te/ ye shes rnyed pa'i ngo bo nyid du ston to/ /de bzhin du dpa' bo'i go cha drug ni nyon mongs pa drug rnam par dag pa yin par shes par yang bya'o/ /dbang bskur ba'i rjes la mchod
 pa bya'o zhes bstan pa'i phyir/ de nas dbang bskur zhes bya ba la sogs pa gsungs te go sla'o/ /smon pa'i sems kyi rjes la 'jug pa'i sems bsgom pa bstan pa'i phyir/ bdag nyid ces bya ba las sogs pa gsungs te/ bdag nyid
 he ru kar byas nas sems can thams cad he ru kar bya'o/ /snyam pa 'di ni smon pa'o/ /dpal ldan he ru ka dran bya zhes bya ba ni 'jug pa'i sems te/ he ru kar bsgom zhes bya ba'i don to/ /dam tshig dang ye shes kyi sems dpa' 
 gcig tu bya ba gsungs pa/ dam tshig ye shes zhes bya ba la sogs pa la dam tshig ni dam tshig gi sems dpa' o/ /ye shes ni ye shes kyi sems dpa' o/ /gcig gyur ni 'dres shing ro gcig tu gyur pa'o/ /des cir gyur zhe na/
 des 'di rdo rje can chen brjod ces bya ba ste des zhes bya ba ni dam tshig dang ye shes 'dres pa nges so/ /rdo rje can chen 'di zhes bya ba ni sems kyis te rang bzhin med par rig pas so/ /brjod pa ni gdon pa ste/ oM
 yo ga shud+d+ha(rgyud 'grel zhes bya ba ni bcom ldan 'das so/ /mchod chen zhes bya ba ni mchod pa rnam pa bzhi'o/ /sngags kyis dgod pa zhe bya ba ni go cha'i sngags la sogs pa dgod pa'o/ /dpa' bo'i mchod pa zhes bya ba ni brda'i mtshan nyid dang/ tshigs kyi mchod
 pa'o/ /lhag ma ni go sla'o/ /phyin ci log tu nges par sbyar zhes bya ba ni rgyud 'di las sngags la sogs pa thams cad phyin ci log tu sbyar ba ste/ man ngag las shes par bya'o/ /las kyi mdog tu rnam par bsgom zhes bya ba ni zhi ba la sogs
 pa'i las dang mthun pa'i mdog tu bsgom pa ste zhi ba la dkar po'o/ /rgyas pa ni ser po zhes bya ba la sogs par blta'o/ /de nyid dbye bas phye nas ni zhes bya ba la de nyid dbye ba ni las kyi dbye ba'o/ /bye ba ni des sngags kyi phreng bas khyad 
 par du bya ba'o/ /rtsa'i lam zhes bya ba na rdo rje dang pad+ma'i lam du'o/ /sbyar bar bya ba ni lam de nas sngar bstan pa'i tshul gyis sbyar bar shes par bya'o/ /sbyor ba'i don kun la zhes bya ba ni las thams cad de bsgrub par bya ba dang 'brel to/ /ces
 shes na/ dga' ba chen po 'dis te 'das ma thag pa'i sbyor ba nges so/ /ci zhig bsgrub par bya zhe na/ lha dang lha min zhes bya ba la sogs pa ste/ thal ba'i lha dang lha min te lha ma yin dang mir bcas te mi dang byol song la sogs pa'o/ /lhag
 ma ni go sla'o/ /dpa' bo'i zhes bya ba la sogs pa la/ gzhung gang las dpa' bo'i gnyis su med pa'i mchod pa dang zhi ba la sogs pa'i las kyi tshogs rab tu 'byung ba ste/ skye bar ston pa de ni rim par phye bas te bcu gsum pa'o/ /rgyud kyi rgyal po
 chen po dpal rdo rje mkha' 'gro'i rnam par bshad pa las le'u bcu gsum pa'i rnam par bshad pa'o// //'khor lo gsum la dbang bsgyur ba'i rnal 'byor ma rnams kyi phyi dang nang gi gnas bstan par bya ba'i phyir
 de nas zhes bya ba la sogs pas le'u bcu bzhi pa gsungs te/ rgyud kyi rgyal po 'dir gsol ba btab pa dngos su ma mthong ba rnams la yang don gyis blta bar bya ste/ gzhan du na de kho na nyid zab mo bstan pa mi srid pa'i phyir ro/ /de la de
 nas zhes bya ba ni dpa' bo'i gnyis su med pa'i mchod pa la sogs pa bstan gyi 'og tu ste/ bshad par bya zhes bya ba dang 'brel to/ ci zhig ce na/ sku gsung thugs kyi zhes bya ba la sogs pa ste sku gsung thugs kyi 'khor lor gnas pa'i
 bye brag ni 'khor lo gsum dang 'brel pa'i gnas rnams kyi khyad par te/ spyi bo la sogs pa'i rab tu dbye ba'o/ /yul gyi dbye ba ni mA la ya la sogs pa'i yul rnams so/ /gnas kyi rab tu dbye ba ni de dag gnas la sogs pa'i
 rang bzhin gyis dbye ba'o/ /de nyid gsungs pa/ mgo ni zhes bya ba la sogs pa ste mgo ni skra'i skye gnas so/ /spyi gtsug ni gtsug phud kyi skye gnas so/ /rgyab tshogs ni sgal tshigs kyi dbyug pa'o/ /mig ces bya ba ni mig gnyis so/ /
 dpung pa zhes bya ba yang gnyis su blta bar bya'o/ /mkha' spyod thugs kyi 'khor lor gnas zhes bya ba la/ kha ni sems rnam par dag pa ste/ dmigs med ye shes nam mkha' yin zhes gsungs pa'i phyir ro/ /spyod pa ni de'i rgyu ba'o/ /yang na kha ni phyi
 rol gyi nam mkha' ste/ de thams cad khyab par rgyu ba ni spyod pa'o/ /thugs kyi 'khor lor gnas zhes bya ba ni mgo la sogs pa dang mA la ya la sogs pa phyi nang gi yul de dag ni thugs kyi rang bzhin du rnam par
 bzhag cing tha snyad du byas pa'o/ /zhes bya ba'i don to/ /ci lta bu zhig tse na/ gnas kyi khyad par tshul gyis te/ mA la ya la sogs pa'i yul rnams la gnas dang nye ba'i gnas su bzhag pas so/ /mchan khung zhes bya ba yang mchan khung
 gnyis so/ /nu ma yang de bzhin no/ /de dag ces bya ba ni yul gnyis po de dag go /chu so zhes bya ba ni sa bon gyi spubs gnyis so/ /sa spyong gsung gi 'khor lor gnas zhes bya ba la sa ni sa'i dkyil 'khor te sa steng ngo/ /spyod pa mi der rgyu ba ste
 de yang tha snyad du btags pa'o/ /gnas kyi khyad par tshul gyis na zhes bya ba ni ye shes kyi khyad par gyis te/ ltag 'og tu sbyar bar bya'o/ /yang na phyi nang gi yul gyi dbye ba ste sngar bshad pa bzhin no/ /mtshan zhes bya ba ni pho mtshan no/ /brla ni
 brla gnyis so/ /sor mo rnams ni rkang pa'i sor mo phal pa brgyad do/ /mthe bo ni rkang pa'i mthe po gnyis so/ /de bzhin du pus mo yang gnyis su blta'o/ /sa 'og ni zhes bya ba la sogs pa yang sngar bshad pa bzhin rnal 'byor ma rnams kyis
 brdar btags par blta bar bya ste/ 'di ltar dzam+bu'i gling nyid kyis yul dang gnas de dag ni rnal 'byor ma rnams bzhugs te/ gling 'di nyid las kyi sa yin par las rnams 'grub par 'gyur gyi gling gzhan na ni de nyid kyi las kyi sa der 'bras bu
 smin par mi 'gyur te/ gzhan gyi 'bras bu yin pa'i phyir de dag tu las mi 'grub pas rnal 'byor ma rnams gling gzhan du mi gshegs so/ /gser gling ni dzam+bu'i gling dang nye ba'i phyir gzung ngo/ /rang lus skyas pa'i yul 'di dag ces bya ba ni
 sems can thams cad kyi so so'i lus kyi gnas mA la ya la sogs pa'i brdar byas pa rnams nang gi dzam+bu'i gling zhes bya ba'i don to/ /phyi dang nang na yang dag gnas zhes bya ba ni ji ltar phyi rol bzhin du nang du shes par bya la nang bzhin du yang phyi rol shes par bya ste/
 phyi nang gi yul gyi dbye ba de rnams sems kyi nye bar gzhag pa las gzhan pa ci yang yod pa ma yin pa'i phyir ro/ /de nyid gsungs pa/ sku gsung zhes bya ba la sogs pa ste/ sku la sogs pas phyi dang nang gi yul thams cad du khyab po zhes bya ba'i don to//
 rtsa rnams kun zhes bya ba ni spyi bo la sogs pa'i rnal 'byor ma'i rang bzhin gyi rtsa'o/ /yul 'di rnams kyi bu mo gang zhes bya ba ni mA la ya la sogs pa'i bu mo rnams te/ nang du ni rtsa'i gzugs su gnas so zhes bya ba dang 'brel te zhes bya ba la sogs pa
 ni sdud pa po'i tshig go /slar yang zhes bya ba la sogs pa ni bcom ldan 'das kyi bka' lung ngo/ /mul+li ra dang zhes bya ba la sogs pa ni rnal 'byor ma rnams kyis bya ba'i sgo nas khyad par bstan pa yin no/ /snying phug ces bya ba ni snying gi pad+ma'o/ /lhag ma ni go
 sla'o/ /snyoms par zhugs pas yang dag gnas zhes bya ba la 'das ma thag pa de dag ni thabs gtso bor byas nas bstan pa yin te/ don gyis shes rab kyang blta bar bya'o/ /des na sngar bstan pa'i thod pa'i dum bu can la sogs pa dang/ rab tu gtum
 mo la sogs pa'i rnal 'byor ma rnams ji skad smos pa'i gdan rnams la snyoms par zhugs pa yin te/ dpa' bo rnams kyi mdog la sogs pa ni 'og nas bshad par bya'o/ /bung bu rnams zhes bya ba ni las kyi bye brag gis mkha' 'gro ma rnams bong
 bu'i cha byad du bya ba'o/ /lha'i dgra zhes bya ba ni he ru ka'o/ /snangs? gzhon nu zhes bya ba ni bad kan du gtogs pa'i sna chu'o/ /sa 'og tu spyod pa zhes bya ba la pA tA zhes bya ba la pA tA ni ltung ba ste/ 'og tu ltung ba'i rdzas so/ /la ni len pa ste de dag bdag
 gir mdzad pa'o/ /des ltung ba'i rdzas lus bdag gir mdzad pa de la de skad ces bya ste/ sku rdo rje'i rang bzhin gyis rgyu ba'o/ /'di dag ni tshogs pa rnyed nas rdzas de dag skye bar 'gyur te/ rdzas sum cu rtsa bdun las so
 dang sen mo la sogs pa rdzas nyi shu rtsa bzhi gtso bor bya ste/ rnal 'byor ma dang bcas pa'i dpa' bo rnams kyis rnam par dag cing sbyar bar bya'i/ dpa' bo 'ba' zhig gis ni ma yin te/ gtso bor bstan pa tsam du zad do/ /dpa' bo'i zhes bya
 ba la sogs pa dang dpa' bo dang rnal 'byor ma rnams gnyis su med pa'i gnas te/ phyi nang gi dzam+bu'i gling yul rnams mtho ris la sogs pa'i sa gsum du bstan pa'o// de ston pa'i gzhung gis tshogs ni rim par phye ba ste bcu bzhi
 pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bcu bzhi pa'i rnam par bshad pa'o// //de nas zhes bya ba la sogs pa la/ de nas zhes bya ba ni phyi nang gi yul la sogs pa
 bstan pa'i 'og tu'o/ /las kyi rab mchog ces bya ba ni bshad do zhes bya ba dang 'brel to/ /sprul pa'i 'khor lo la sogs par gyur pa'i las kyi rab mchog go /sbyar ba kun gyi dam pa zhes bya ba ni lha la sogs pa'i sbyor ba rnams kyis
 nang na dam pa ste gtso bo'o/ /gang yang 'grub par byed pa'i sngags zhes bya ba la sngags gang dag gis grub pa ste/ dngos grub dam pa byed pa ste/ skyed par byed pa de la de skad ces bya'o/ /de'i zhes bya ba ni sngags de rnams kyi'o/ /dbye ba ji
 ltar 'byung ba bzhin bshad ces bya ba ni sngags rnams kyi bye brag sprul pa'i 'khor lo la sogs pas ji ltar skye ba bzhin bshad pa'o/ /yi ge pho nya la sogs sngags zhes bya ba la/ pho nya ni gshin rje pho nya ma la sogs pa'o/ /yi ge ni
 de rnams kyi yi ge ste yi ge nyid sngags so/ /de yang rkang pa brgyad pa la sogs pa yin te/ 'di ltar oM ya ma du tI huM hUM phaT ces bya ba ni gshin rje pho nya mo'i sngags so/ /sogs kyis na de bzhin du oM ya ma dA Dhi huM hUM phaT/ oM ya ma ma thA ni huM hUM phaT
 ces pa ni gshin rje brtan ma la sogs pa rnams kyi'o/ /de bzhin du pra tsaN+Da huM hUM phaT ces bya ba nas/ oM ma hA bIr ye huM hUM phaT ces bya ba'i bar du 'khor lo gsum gyi rnal 'byor ma rnams kyi sngags dang de bzhin du oM kA kA sye huM hUM phaT ces bya ba nas/
 oM su kA rA sye huM hUM phaT ces bya ba'i bar du sgo skyong bzhi'i sngags yin te/ de dag dang gzhan rkang pa brgyad pa la sogs pa rtsa ba dang snying po dang nye ba'i snying po thams cad do/ yang na de dag ni pho nya la sogs pa'i yi ge yin la/ sngags ni oM na mo b+ha
 ga ba te bI re shA ya zhes bya ba la sogs pa rkang pa brgyad dang/ oM ka ra ka ra zhes bya ba la sogs pa rtsa ba'i sngags dang/ oM sh+rI he ru ka zhes bya ba la sogs pa yi ge nyi shu rtsa gnyis pa la sogs pa'i snying po dang nye ba'i snying po'i bar du'o/ /rkang
 pa brgyad pa dang ka ra ka ra la sogs pa sngags rnams kyi rnam par dbye ba mchod pa'i dus su ni go sla'o/ /mda'i shugs kyis yongs su 'khor zhes bya ba ni bzlas pa'i dus kyi rnam par dbye ba ste/ mda' ni sngags yin la yongs su 'khor ba ni bdag
 las shes rab la 'jug cing shes rab las kyang bdag la 'jug pas mgal me'i 'khor lo ltar yang dang yang du 'khor ba'o/ /da ni gang yang 'grub par byed pa'i sngags zhes bya ba la sogs pa 'das ma thag pa de shes par bya ba'i phyir de/
 'byung ba'i gnas bstan pa sprul pa'i sku la sogs pa'i 'khor lo'i gzugs kyis gsungs pa/ sprul pa'i zhes bya ba la sogs pa ste/ de la 'di ltar 'jig rten gyi khams mdza' dag tu 'khor ba ji srid par sems can rnams kyi 'dod
 pa'i don rnam pa sna tshogs pa rnams dus gcig tu shAkya thub pa la sogs pa'i gzugs sna tshogs kyis rgyun mi 'chad par 'gro ba thams cad la mnyam pa nyid du phan mdogs par mdzad pa 'di ni sangs rgyas rnams
 kyi sprul pa'i sku'o/ /de la byang chub kyi phyogs rnams dang/ tshad med pa rnams dang/ rnam par thar pa rnams dang/ mthar gyis gnas pa'i snyoms par 'jug pa dgu dang/ zad par gyi skye mched bcu dang/ zil gyis gnon pa'i skye mched brgyad dang
 nyon mongs pa med pa dang/ smon nas shes pa dang/ mngon par shes pa rnams dang/ so so yang dag par rig pa rnams dang/ rnam pa thams cad du yongs su dag pa bzhi dang/ dbang bcu dang/ stobs bcu dang/ mi 'jigs pa bzhi dang/ srung ba
 med pa gsum dang/ dran pa nye bar gnas pa gsum dang/ bsnyel ba med pa'i chos nyid dang/ bag chags yang dag par btsam pa dang/ thugs rje chen po skyes ba dang/ thub pa rnams kyi chos ma 'dres pa bco brgyad dang/ rnam pa thams cad
 mkhyen pa'i ye shes te/ de dag ni thub pa rnams kyi chos kyi sku zhes brjod do/ /de la lus dran pa nye bar gzhag pa gzung ste/ yang dag pa'i ting nge 'dzin ces bya ba'i bar du dran pa nye bar gzhag pa bzhi dang/ yang dag par spong ba bzhi dang/
 rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun rnams dang/ 'phags pa'i lam yan lag brgyad pa rnams ni byang chub la sogs pa thams cad dang rjes su mthun pa'o/ /tshad med pa rnams ni snying
 rje la sogs pa tshangs pa'i gnas pa bzhi'o/ /de la gzugs can gzugs rnams la blta ba dang/ nang gzugs med par 'du shes pas phyi'i gzugs la blta ba dang/ dag pa'i rnam par thar pa lus kyis mngon sum du byas te
 gnas pa gsum dang/ nam mkha' mdza' yas dang/ rnam shes mdza' yas dang/ ci yang med pa dang/ 'du shes med min skye mched bzhi dang/ 'du shes dang/ tshor ba 'gog pa ste/ brgyad po de dag rnam par thar pa rnams so/ /gzugs kyi khams kyi
 bsam gtan bzhi dang/ gzugs med pa'i snyoms par 'jug pa bzhi dang/ 'du shes dang tshor ba 'gog pa ste/ dgu po de dag ni mthar gyis gnas pa'i snyoms par 'jug pa rnams so/ /sa dang/ chu dang/ me dang/ rlung rnams dang/ sngon po dang/ ser po dang/
 dmar po dang/ dkar po rnams dang/ nam mkha' dang rnam par shes pa rnams su ril bsgom pa ni zad par skye mched bcu'o/ /nang gi gzugs kyi 'du shes rnams so sor yongs su bshig nas phyi rol gyi gzugs rnams la gnas kyi bye brag gis zil gyi
 mnan bzhin du shes shing zil gyis mnan bzhin du mthong ba bzhi dang/ nang gi gzugs med par 'du shes pas phyi rol gyi gzugs sngon po dang/ ser po dang/ dmar po dang dkar po rnams zil gyis mnan bzhin du shes shing mthong ba bzhi ste/ brgyad
 po de dag ni zil gyis gnon pa'i skye mched rnams te/ de dag ni mtho ris kyi lam dang thun mong ba'o/ /rang dang gzhan dag gi rgyud la yod pa'i nyon mongs pa rnams kyi rgyun ting nge 'dzin gang gis spong bar byed pa ni nyon mongs pa med pa'o/ /de rnam pa thams
 cad du mtshan ma dang/ bag chags spangs nas the tshom rnam par gsal te/ 'khor ba ji srid pa'i bar du smon lam rnam par dag pa spel zhing mnyam par gzhag pa la 'jug pa'i gnas skabs 'di ni smon nas shes pa'o/ /lha'i mig la sogs
 pa ni mngon par shes pa rnams so/ /chos so so yang dag par rig pa la sogs pa bzhi ni/ so so yang dag par rig pa rnams te/ rten dang dmigs pa dang/ sems dang ye shes rnams yongs su dag pa bzhir sbyar ro/ /tshe dang sems dang yo byad dang las
 dang/ skye ba dang/ thabs dang/ mos pa dang/ smon lam dang/ rnam par shes pa dang/ chos la dbang ba rnams ni dbang bcu'o/ /gnas dang gnas ma yin pa la sogs pa zag pa zad par mkhyen pa'i bar du bcu ni stobs rnams so/ /chos
 thams cad mngon par rdzogs par byang chub pa la mi 'jigs pa nas phun sum tshogs pa thams cad thob par 'gyur ba nges par 'byung ba'i lam de bzhin du 'gyur ba la mi 'jigs pa'i bar du bzhi ni/ mi 'jigs pa rnams so/ /de bzhin gshegs
 pa'i sku dang gsung dang thugs kyi phrin las kyi spyod pa rnams yongs su dag pa ste/ spyod pa de dag yongs su ma dag pa gzhan gyis shes par gyur na mi rung ngo zhes yongs su sped cing bsrung ba mi mnga' ba ni bsrung ba med pa rnams so/ /chos ston pa la rna ba btud
 de nyan pa dang/ mi nyan pa dang/ gnyis ka'i mtshan nyid can la sems btang snyoms su mdzad pa ni dran pa nye bar gnas pa rnams so/ /sems can gyi don mdzad pa'i dus las mi 'da' ba' i mtshan nyid 'di ni bsnyel ba med pa'i chos nyid do/ /nyon mongs
 pa dang shes bya'i sgrib pa rnams kyi sa bon dang bag la nya byad nas bton pa 'di ni bag chags yang dag par spangs pa'o/ /de bzhin gshegs pa la 'khrul pa med pa zhes bya ba nas/ da ltar gyi dus las ma chags ma thogs pa'i ye shes mthong ba
 la 'jug pa zhes bya ba'i bar du ni ma 'dris pa'i chos rnams so/ /thugs rje chen po zhes bya ba ni grags par zad do/ /skyes bu chen po'i mtshan sum cu rtsa gnyis dang/ dpe byad bzang po brgyad cus brgyan pa'i yongs su dag pa'i sku 'khor lo sgyur
 ba'i cha byad can 'di ni thub pa rnams kyi longs spyod rdzogs pa'i sku ru bzhed de/ sa bcu la bzhugs pa'i byang chub sems dpa' rnams dang lhan cig tu kha na ma tho ba med par theg pa chen po'i chos la longs spyod pas dga' ba dang bde ba'i ro nyams su
 blta ba'o/ /gang zag med pa'i chos rnams ni rnam pa thams cad yongs su dag pa brnyes pa 'di ni thub pa rnams kyi ngo bo nyid kyi sku ste/ gang dran pa nye bar gzhag pa la sogs pa 'jig rten las 'das pa'i chos rnams rang bzhin gyis chos kyi dbyings
 rnam par dag pa'i mtshan nyid de dri ma med pa yin pa las blo bur gyi dri ma dang bral te/ rnam pa thams cad yongs su dag cing bden pa thob pa 'di ni ma bcos pa'i rang bzhin gyi sku yin no/ /de ltar sku rnam pa bzhi po 'khor lo'i tshul gyis lte ba
 la sogs par rim bzhin du rnam par bzhag pa dang/ le'u bcu gnyis par dang por chos kyi 'byung gnas bsam zhes bya ba la sogs pa mdor bstan pa bshad par bya ba'i phyir/ yang sprul pa'i 'khor lo'i dbus su ni zhes bya ba la sogs pa
 gsungs te/ de la dbus su zhes bya ba ni pad+ma 'dab ma drug cu rtsa bzhi pa'i lte ba la'o/ /sde tshan brgyad kyis shin tu bskor zhes bya ba ni yi ge oM ste/ sngar bstan pa'i sde tshan brgyad po rnams kyis kun nas bskor ba'o/ /de la sde tshan brgyad ni dbyangs
 kyi yi ge bcu drug ni dang po'o/ /ka kha ga g+ha nga rnams ni gnyis pa'o/ /tsa tsha dza dzha nya rnams ni gsum pa'o/ /Ta Tha Da Dha Na rnams ni bzhi pa'o/ /ta tha da d+ha na rnams ni lnga pa'o/ /pa pha ga b+ha ma rnams ni drug pa'o/ /ya ra la wa bzhi ni bdun pa'o/ /sha Sha sa ha
 bzhi ni brgyad pa'o/ /k+Sha zhes bya ba ni ka dang Sha nyid las gung na med pa'i phyir yang mi bstan to/ /de ltar sde tshan brgyad po de dag ni rnam par thar pa brgyad rnam par dag pa ste/ pad+ma'i dbus kyi 'dab ma brgyad la kun nas bskor te bri bar bya'o/ /sngags
 rnams thams cad 'byung ba ste/ zhes bya ba la sogs pa la sngags rnams ni de bzhin gshegs pa rnams so/ /'byung ba ni 'khor lo 'di bsgom pa goms pa phul du byung ba las skye par 'gyur te/ gang gi phyir de rnams kyi sprul pa'i sgyu thob
 par byed pa'i phyir ro/ /gzhan yang ci yang rung ba skye zhes bya ba ni brtan pa dang g.yo ba rnams de las skye ba'i phyir ro/ /yang na sde tshan brgyad kyi yi ge 'di dag las sngags kyi de kho na nyid 'byung ba dang
 gzhan yang zhes bya ba sangs rgyas nyid dang thun mong gi dngos grub phra mo gzhan dag kyang skye ba'o/ /chos kyi 'khor lo gsungs pa/ chos kyi zhes bya ba la sogs pa la/ lus can rnams kyi snying dga' byed ces bya ba ni thog ma dang tha ma'i
 dngos grub rnams ster ba'i phyir ro/ /sgra lnga dang ni yang dag ldan zhes bye ba la sgra lnga ni dbyangs yig dang po dang/ gsum pa dang/ lnga pa dang/ bcu gcig pa dang/ dbus na gnas pa'i hUM gi 'og na gnas pa'i dbyangs yig drug pa rnams so//
 yang dag par ldan pa ni chos kyi 'khor lo dang sbyar te/ 'dab ma brgyad kyi lte ba la hUM gnas pa'i chos kyi 'khor lo de nyid ni chos kyi sku thob par byed pa'o/ /ya ra la wa zhes bya ba ni longs spyod rdzogs pa'i 'khor lo dang yang sbyar te/
 sngar bshad zin to/ /longs spyod kyi 'khor lo gsungs pa/ longs spyod ces bya ba la sogs pa la/ ro rnams kyi ni rten rang bzhin zhes bya ba la ro ni nyams su myong ba ste/ rang rig pa'i rang bzhin nyams su myong ba'i rten de 'dzin par byed
 pa'o/ /cha rnams bzhi po dag gis ni zhes bya ba ni dbyangs yig gnyis pa dang/ bzhi pa dang/ drug pa dang/ bcu gnyis pa rnams kyis so/ /kun nas yongs su bskor ba ni 'dab ma bcu drug pa'i lte bar/ oM bkod pa'i phyi rol tu bskor
 ba ste/ longs spyod rdzogs pa'i sku thob par byed pa'o/ /bde ba chen po'i 'khor lo gsungs pa/ bde ba chen po zhes bya ba la sogs pa ste/ byang chub sum cu rtsa gnyis dang ldan zhes bya ba ni byang chub kyi rang bzhin mtshan sum cu rtsa
 gnyis rnam par dag pa'i pad+ma 'dab ma sum cu rtsa gnyis ni byang chub yin la/ de'i dbus kyi lte ba la mgo med pa'i ha dang dbyangs kyi yi ge bcu drug 'dab ma rnams la bkod pa ni ldan pa ste/ zag pa med pa'i bde ba chen po'i ngo bo nyid kyi sku thob par
 byed pa'o/ /zla ba zhes bya ba la sogs pa la zla ba ni g.yon pa'o/ /nyi ma ni g.yas pa'o/ /su'i zhe na dpa' bo mkha' 'gro ma rnams kyi ste/ skyes pa dang bud med rnams kyi'o/ /de dag gis ni skyes pa dang bud med mtshon par byed do/ /'gro ba dang 'ong
 ba nges par brjod ces bya ba la 'gro dang 'ong ba ni g.yas dang g.yon gyi rlung gi 'jug pa dang 'byung ba yin la/ nges par brjod pa ni de dag dgos pa bsgrub pa'o/ /yang na mkha' 'gro ma dang bcas pa'i dpa' bo rnams 'gro dang 'ong ba rgyu zhes
 bya bar brjod par bya ste/ ci zhig ce na/ g.yas g.yon gyi rlung ste/ rlung la zhon nas 'gro 'ong byed pa'i phyir ro/ /de ltar nang duAng bstan pa'i phyir gnyis pa ni mnyam par zhon zhes bya ba la sogs pa gsungs te/ gnas dang 'dra bas na gnas te/
 g.yas g.yon gyi rtsa'o/ /mnyam pa ni der rgyu ba'i rlung ngo/ /zhon pa ni sems te ting nge 'dzin ces bya ba'i bar du'o/ /'og dang steng du yang dag brten zhes bya ba la 'og ni lte ba'o/ /steng ni spyi gtsug go/ brten pa ni rtsa ba dang rtse mo der sbyar ba'o/ /dbyangs
 yig bcu gnyis zhes bya ba la sogs pa la/ sgra yin pas na dbyangs te ma ning spangs pa'i dbyangs yig bcu gnyis so/ /steng bltas zhes bya ba ni rtsa gnyis ka las tshangs pa la sogs pa'i rlung phyir rgyu ba na go rim bzhin sor bzhi dang drug dang
 bcu gnyis dang/ bcu drug gi bar du steng gi nam mkha' la rgyu ba na dbyangs kyi yi ge bcu gnyis kyi skud par brgyu ba'o/ /ka sogs zhes bya ba ni spel zhes bya ba dang sbyar te/ ka la sogs pa dang spel ba'o/ /ji lta zhe na/ rlung phyir rgyu ba ni dbyangs kyi skud pa
 de nyid la de'i rjes su 'jug pa yin pas/ ka la sogs pa'i phreng ba bri'o/ /'og tu bltas pa zhes bya ba ni gang gi tshe sgo gnyis nas rlung nang du 'jug pa'i tshe/ a la sogs pa'i skud pa dang ka la sogs pa'i
 phreng ba kha 'og tu bltas par bri'o/ /des na rlung phyir rgyu ba la ni de dag steng du blta bar shes par bya la/ nang du 'jug pa la ni 'og tu blta bar shes par bya'o/ /de nyid bstan pa'i phyir/ ngos gnyis zhes bya ba gsungs te/ ngos kyi sgra ni mtshungs
 pa yin la gnyis ni 'byung ba dang 'jug pa yin no/ /ni zhes bya ba ni nges par gzung ba'o/ /kha cig na re ni zhes bya ba ni tshig kha bskang ba yin te/ de yang ji skad du/ ni dang ste dang pa la sogs/ kha bskang drug tu mkhas pas bshad ces
 zer ba'i phyir ro/ /de ltar na ngos gnyis ni g.yas g.yon gyi phyogs gnyis so/ /spel ba ni de dang spel ba ste/ A li'i phreng gi g.yas g.yon gnyis su kA li'i phreng ba gnyis gnyis bri ba'o/ /dbus de ni sbyar bar bya zhes bya ba la/
 de ni g.yas g.yon gyi rlung gi 'phreng ba 'jug pa dang 'byung ba de'o/ /dbus su sbyor ba ni 'jug pa dang 'byung ba de re re zhing yang 'das pa dang ma 'ongs pa dang da ltar byung ba'i dus rnam pa gsum gsum gyis bskor ba'o/ /gzhung de nye bar
 bsdu ba'i phyir/ de ltar zhes bya ba la sogs pa gsungs te go sla'o/ /yang na de ltar zhes bya ba la sogs pa rkang pa dang po ni phra mo'i mjug bsdu ba zhes bya ba la rtsa dang sgra'i rang bzhin no zhes bya ba la sogs pas ni rags pa'i rnal 'byor
 bstan pa yin te/ de la rtsa zhes bya ba ni shes rab kyi pha rol tu phyin pa ste/ de yang gnyis su med pa'i ye shes kyi rang bzhin zhes bya ba nyid do/ /sgra zhes bya ba ni chos thams cad rang bzhin gyis 'od gsal ba'i don rjod par byed pa'i
 tshig gi tshogs te/ dngos gang zhe na/ oM pra kri ti pra b+ha sA ra(rgyud 'grel rnam par rtog pa bskyed par bya'o zhes bya ba'i don to/ /de nyid rdo rje mkha' 'gro'i rang bzhin nyid du bstan pa'i phyir gnyis med ces bya ba la sogs pa gsungs ste/ gnyis su med pa'i ye shes nyid rdo rje'o/ /ci'i phyir zhe na/ gnyis kyi rnam par rtog pa'i dri ma
 dang bral bas mi phyed pa'i phyir ro/ /rang bzhin zhes bya ba ni rang bzhin gyi shes rab kyi pha rol tu phyin pa ste/ ji skad du ye shes gnyis med gang yin pa/ rang bzhin shes rab pha rol phyin zhes gsungs pa'i phyir ro/ /mkha' 'gro sgra'i
 rang bzhin no zhes bya ba la sgra'i rang bzhin ni de ston pa'i sgra ste bshad zin to/ /mkha' 'gro zhes bya ba la mkha' ni 'das ma thag pa'i ye shes so/ /'gro ba ni skad kyi byings las rtogs par 'dren pas de rtogs par byed pa'i sgra'o/ /yang
 na rang bzhin ni rjod pa dang brjod par bya ba de dag gnyis su med pa las skyes pa'i dpal he ru ka ste/ ji skad du/ bcom ldan he ru ka rang dngos/ /rdo rje mkha' 'gro de bzhin gshegs/ /zhes zer ba'i phyir ro/ /nges 'byung zhes bya ba ni 'dis sangs rgyas
 thams cad 'dus pa ste/ de nyid kyis na sangs rgyas thams cad ces bya ba la sogs pa gsungs te/ gang du skye ba zhes byar grags zhes bya ba ni/ sangs rgyas thams cad gang du 'dus pa dang/ gang las skye bar grags pa ste/ dngos po thams
 cad phye nas ston pa'o/ /nges 'byung de ci zhig ce na/ shin tu rnam dag ye shes che zhes bya ba ste/ gnyis su med pa'i sems nyid de rdo rje 'dzin pa'o/ /yang de ji ltar blta zhe na/ lha mo kun gyi rang bzhin gang zhes bya ba la sogs pa la/ rdo rje sems
 dpa' zhes bya ba ni ma ning gi rtags su bstan pa'o/ /rang 'byung gi ni gzugs 'di nyid ces bya ba la/ 'di nyid ni 'das ma thag pa'i sems so/ /rang 'byung ni rang dang gzhan gyi don gyi phyir lha'i sku sna tshogs su sprul pa ste/
 'di dag ni sngar bshad zin to/ /spro dang sdud par byed pa po zhes bya ba la/ rang bzhin gyis 'od gsal ba'i ye shes las bskyed pa'i rdo rje sems dpa' nyid spro ba ste/ dkyil 'khor gyi lha bskyed pa dang sdud par byed pa'o/ /yang na rang bzhin gyis
 'od gsal ba'i bdag med pa dang/ lha nyid du mnyam par sbyor ba bstan pa yin te/ spro ba ni skye zhing gnas pa'o/ /sdud pa ni 'jig pa'o/ /byed pa ni rgyu'o/ /a ni dgag pa ste don dam par rgyu la sogs pa dang skye ba la sogs pa med pa de la de
 skad ces bya'o/ /de ltar sngags rnams kyang bstan pa'i phyir/ yi ge pho nya la sogs zhes bya ba smos te/ pho nya ni gshin rje pho nya mo la sogs pa'o/ /sngags ni de rnams kyi yi ge'i sngags so/ /der ni zhes bya ba ni gnas te/ bdag med pa'i
 gnas su sbyar ba'o/ /de nyid kyi phyir cha dang bral ba zhes bya ba la sogs pa la gsungs te/ gang zhes bya ba ni the tshom gyi tshig go /ni zhes bya ba ni nges par gzung ba'o/ /cha zhes bya ba ni rjod pa dang brjod par bya ba'o/ /bral ba ni de dag spang
 ba'o/ /yang na yi ge pho nya la sogs sngags zhes bya ba la sogs pas ni sngar bstan pa'i sngags rnams kyi gnas bstan pa'i tshul gyis sprul pa'i 'khor lo la sogs pa'i khyad par ston pa yin te/ der zhes bya ba ni gnas te/ dngos
 gang zhe na/ sprul pa'i 'khor lo'i lte bar ro/ /cha dang bral ba zhes bya ba ni brjod pa dang bral ba'o/ /gzugs med pa zhes bya ba la/ a zhes bya ba ni a la sogs pa'i yi ge'o/ /gzugs ni tshogs so/ /rtag tu gnas pa zhes bya ba
 ni bde ba chen po'i nyams su myongs pa'i tshul du gnas pa'o/ /yang na gzugs med pa zhes bya ba ni lte ba'i dbus kyi yi ge a de nyid las rkyen gyi bye brag gis yi ge nges pa med par 'byung ba'o/ /smin dbus pad+ma'i zla ba ru zhes bya ba la smin dbus pad+ma ni go bar
 zad do/ /zla ba zhes bya ba ni byang chub kyi sems te/ cha shas bcu drug yongs su rdzogs pa'i phyir ro/ /de nyid gsungs pa/ bcu drug skud pa zhes bya ba la sogs pa la/ skud pa ni sems kyi ri mo phra mo'o/ /bcu drug ni dbyangs kyi yi ge rnams te/ des de
 dag brgyas pa de la de skad ces bya'o/ /skor ba zhes bya ba ni mgo med pa'i haM la kun nas bskor ba'o/ /yang na skud pa dang 'dra bas skud pas te/ dbyangs kyi yi ge bcu drug po nyid do/ /shes rab thabs kyi mnyam sbyor ba zhes bya ba ni steng dang 'og tu bltas
 pas 'khor lo gnyis la sa bon rnams bkod pa'o/ /de nyid kyis na kha sbyar ro/ /lag gnyis zhes bya ba ni sa bon gnyis kyi 'od zer ro/ /'khyud pa ni phrad pa'o/ /de nyid kyis na rdo rje lu gu rgyud bcings brjod ces gsungs te/ ji ltar lcags kyi lu gu
 rgyud phan tshun sbrel bas don byed pa ltar blta bar bya'o/ /bstan pa 'di nyid kyi bshad pa ni slar yang zhes bya ba la sogs pa yin te/ rdo rje pad+ma dbye ba dang zhes bya ba la/ rdo rje nyid sgro'i chun po ste yi ge haM ngo/ /pad+ma ni lte ba'i oM ste dbye bas ni sbrang
 rtsi'i chus gsal bar byas pa'o/ /bskyod pa zhes bya ba ni steng du gtum mo'i 'od kyis bskul ba'o/ /lhag ma ni go sla'o/ /gnyis par na shes rab thabs kyi mnyams sbyor ba zhes bya ba la sogs pa 'di ni phyi rol las kyis phyag rgya dang sbyor ba yin no/ /
 lag gnyis kun tu 'khyud pa zhes bya ba ni nye bar mtshon pa ste/ 'o byed pa la sogs pa thams cad gzung bar bya'o/ /slar yang rnam par grol ba'i lam shes bya ba ni rdo rje dang pad+ma'i sgo'o/ /mchog tu dga' ba zhes bya ba ni bde ba skye ba'o/ /de nyid kyi
 thabs bstan pa'i phyir ro/ /rdo rje pad+ma zhes bya ba la sogs pa gsungs te go sla'o/ /de yang sngon du 'gro ba bstan pa'i phyir/ bskyod pa zhes bya ba la sor mo la yi ge kri bsgoms te/ kha kha mu kha'i sgor brud pa'o/ /de
 nyid ni chags pa'i lcags kyu ste/ des de bzhin gshegs pa thams cad ces bya ba byang chub kyi sems dgug pa'o/ /de nyid kyis na mi 'khrug rdo rjes dkrug pa ste des rtsa ba thams cad dkrug cing bskyod par bya'o/ /de ni zhes bya ba ni de bzhin gshegs
 pa thams cad ces bya ba'i byang chub kyi sems so/ /gsal zhing zhes bya ba la mu sa ni 'joms pa'o/ /la ni len pa'o/ /gang las she na/ de nas zhes bya ba la sogs pa gsungs te/ de nas zhes bya ba ni gang gi phyir zhes bya ba'i don to/ /nyon mongs
 pa'i bag chags ni gzhan dang mtshams sbyor ba'i nus pa'o/ /lhag ma ni go sla'o/ /gsum par na shes rab thabs kyi mnyam sbyor pa zhes bya ba la sogs pa 'dis ni de ltar phyi nang gi phyag rgya gnyis dang mnyam par sbyor ba las skyes pa'i dga' 
 ba'i khyad par ston pa yin te/ de la lag gnyis kun tu 'khyud ces bya ba ni khu ba dang bde ba'i sbyor ba'o/ /rdo rje lu gu rgyud bcings brjod ces bya ba ni rnam pa sna tshogs pa'i skad cig la dang po kun tu dga' ba skye ba'o/ /slar yang rnam par grol ba'i lam
 zhes bya ba la sogs pas ni/ de'i 'og tu rnam par smin pa'i skad cig la mchog tu dga' ba skye bar ston te/ rnam par grol ba'i lam bde ba'o/ /tshogs ni bgrang ba ste/ sems su bgrang ba'i khu ba'o/ /'bab pa ni rgyun te gnas skabs gnyis
 pa'o/ /de nyid gang zhe na/ mchog tu dga' ba ste go sla'o/ /sbyor ba zhes bya ba ni dpa' bo dang rnal 'byor ma sbyor ba'o/ /kha sbyar ba ni thabs dang shes rab kyi tshul du sbyar ba ste/ dpa' bo dang thabs kyi rang bzhin kun tu dga' ba dang/ rnal 'byor
 ma dang/ shes rab kyi rang bzhin mchog tu dga' bar sbyor pa'o/ /de yang gsungs pa dang po kun dga' dpa' bo ste/ mchog tu dga' ba rnal 'byor ma zhes so/ /de ltar na kun tu dga' ba'i gnas skabs kyi khu ba dang bde ba las mchog tu dga' ba'i gnas
 skabs su khu ba dang bde ba lhag par ston to/ /de yang gsungs pa/ cung zad pa de ba kun dga' ste/ mchog tu dga' ba de las lhag ces so/ /rdo rje pad+ma dbye ba dang zhes bya ba la sogs pas ni rnam par 'joms pa'i skad cig la khyad par gyi dga' ba skye ba ston
 te/ /de la rdo rje zhes bya ba ni mchog tu dga' ba ste/ mi phyed pa'i phyir ro/ /pad+ma zhes bya ba ni bde ba ste/ khu ba'i sbrang rtsi 'dzin pa'i phyir ro/ /sgo'i chun po yang de nyid de/ khu ba'i sbrang rtsi skyug pa'i phyir ro/ /dbye ba ni gsal ba ste/ 'das ma thag pa'i mchog tu
 dga' ba rgyur gyur pa'i khu ba dang/ bde ba lhag par gyur pa las khyad par gyi dga' ba gsum pa nyams su myong ba'o/ /bskor ba gang phyir bskyod pa ste/ zhes bya ba la sogs pa rkang pa gnyis kyis ni rnam pa'i mtshan nyid kyi skad cig la lhan cig skyes pa'i
 dga' ba skye ba ston to/ /bskor ba ni yul thams cad bkug pa'o/ /ba skyod pa ni de las lhag par gyur pa'o/ /kun ni phung po la sogs pa'o/ /rig pa ni rang rig pa'i bde ba chen po nyams su myong ba ste/ khyad par gyi dga' ba rgyur gyur pa las khu ba dang
 bde ba khyad par du skye ba'i mthar thug pa gnas skabs bzhi pa bstan pa yin no/ /dga' ba zhes bya ba la sogs pas ni bzhi pa de nyid kyi khyad par bshad pa yin te/ dga' ba ni khu ba'o/ /mchog ni don gyis na bzhugs pa'o/ /lhag ma ni go sla'o/ /shin
 tu rgya cher dmigs pa'i zhes bya ba la dmigs pa ni rdzun no/ /ci zhig ce na/ kun rdzob ste/ de kho na nyid la bsgribs pas na phung po la sogs pa'i dngos po thams cad kun rdzob ste/ de nyid 'khor ba ji snyed pa'i mthar rgyun chags pas na rgya chen no/ /brdung ba
 zhes bya ba la brdung ba ni dpyad pa'o/ /a ni dgag pa ste dpyad pa mi bzod pa'o/ /dngos kun rdo rjes mid par bya zhes bya ba la sogs pa la/ sogs pa zhes bya ba ni lung gzhan las kyang bsgrags par ston te de yang ji
 skad du rdo rjes ming pa nyid ni/ sku sogs dbyer med phyir rdo rje/ /de nyid phyin ci ma log par/ /rtogs pas de bzhin gshegs zhes bya/ /zhes gsungs te/ 'dis ni lhan cig skyes pa ston to/ /phyin ci ma logs pa de nyid bstan pa'i phyir/ ji ltar
 bstan gyur ces bya ba la sogs pa gsungs te/ dngos po rnams kyi gnas skabs dang rang bzhin bstan pa ste rtogs pa'o/ /brjod par bya ba dang brjod pa gnyis su med pas bstan pa yang yin te/ ji ltar gnas pa ltar ston pas de bzhin
 gshegs pa'o/ /yang na mid pa zhes bya ba ni byang chub kyi sems kyi gnas te rdo rje'i nor bu'o/ /rdo rje zhes bya ba ni byang chub kyi sems te/ ji skad du/ /dung dang zla 'dra dri med bzhin/ /sems ni rdo rje zhes byar brjod/ /ces zer ba'i phyir ro/ /
 de nyid de bzhin gshegs pa ste/ ci'i phyir zhe na/ ji ltar bstan gyur zhes bya ste/ ji ltar gnas pa'i lhan cig skyes pa nyid du bstan pa'i phyir ro/ /yang ci 'dra zhe na/ de dbus su zhes bya ba la sogs pa ste/ der zhes bya ba ni rdo rje nor
 bu'i nang du'o/ /rtag stong zhes bya ba ni bde ba ste/ gzung ba la sogs pa dang bral ba'i phyir ro/ /dbus su zhes bya ba ni lhan cig skyes pa'o/ /de ni zhes bya ba ni lhan cig skyes pa'o/ /rang byung zhes bya ba ni/ rang rig pa'i bde ba chen po nyid
 kyis so/ /gang ming zhes bya ba ni gang gi ming ste lhan cig skyes par rgyud gzhan las gsungs pa'o/ /sangs rgyas thams cad ces bya ba ni sangs rgyas thams cad kyi rgyu yin pa'i phyir ro/ /yang na thams cad rtogs pa'i phyir ro/ /sgyu ma zhes
 bya ba grags pa ste zhes bya ba ni rgyud gzhan las sgyu ma'i ye shes zhes bsgrags pa'o/ /yang na sangs rgyas kun gyi rang bzhin zhes bya bar sbyar te/ ji skad du sems dpa' sangs rgyas kun gyi dngos/ rdo rje sems dpa' bde ba'i mchog ces gang gis ming
 bsgrags pa'o/ /gsang ba mchog gi dgyes pa na/ thams cad bdag nyid gang gnas pa zhes bya ba yang gang ming bsgrags pa zhes bya ba dang 'brel to/ /kun tu 'gro ba mi shigs pa zhes bya ba ni byang chub kyi sems kyi gzugs kyis rtsa thams cad du?
 'gro ba'i phyir/ 'di ni zhes bya ba snga ma nyid dang sbyar ro/ /sems 'di nyid las dkyil 'khor gyi 'khor lo'i tshul du bsgom par bstan pa'i phyir pad+ma'i zhes bya ba la sogs pa gsungs te/ pad+ma'i sna'i rtse mor te chos 'byung ba'i nang du mi rgyu ba ste/ khang
 bu brtsegs pa dang rgyu ba ste lha'i dkyil 'khor du bsgom pa'o/ /de nyid nang gi bzlas pa yin par bstan pa'i phyir/ yid kyi zhes bya ba la sogs pa la shes pas na yid de stong pa nyid kyi ye shes te bde ba'o/ /bzlas pa ni de'i bya ba'o/ /yang na skye zhing
 'dzeg pas na bzlas pa ste khu ba'o/ /ldan pa ni lhan cig skyes pa'o/ /yang ni yid kyi bzlas pa ni gtum mo'i rnal 'byor ro/ /de nyid kyi khyad par gsungs pa/ nges pa zhes bya ba la sogs pa la nges pa ni gtan la phab pa ste/ lung dang rig pas
 yid ches pa'o/ /go 'phang ni gnas so/ /su'i zhe na/ rtag tu ste de bzhin gshegs pa'i 'o/ /gnas ni gnas pa ste srog nyid kyang de yin no/ /brtan pa ni brtan pa'i 'bras bu bskyed pa'i phyir ro/ /chos dbyings rang bzhin zhes bya ba ni stong pa nyid
 dang rdo rje dbyer med pa'i phyir ro/ /rtag pa ni dus thams cad pa'o/ /phra ba ni rang bzhin blta dka' ba'i phyir ro/ /rdul dang bral ba zhes bya ba ni las dang nyon mongs pa'i dre ma'am/ /rdul gyis ma gos pa'i phyir ro/ /de nyid kyis na ye shes sku ste/ phung
 po la sogs pa ye shes su bsags pa'i phyir ro/ /dri ma med ces bya ba ni lus la sogs pa'i spyod pa ngan pa dang bral ba'i phyir ro/ /chos zhes bya ba ni chos thams cad de kun rdzob kyi bden pa'o/ /rang bzhin
 ni don dam pa'i bden pa'o/ /shes pa ni rang gi ye shes su dbyer med pa'o/ /gsal ba ni rang bzhin gyi 'od gsal ba ste/ gzhan du na bems por thal bar 'gyur ba'i phyir ro/ /'ba' zhig ces bya ba ni gnyis su med pa 'ba' zhig tu
 bsgom pa'o/ /yang na zhags pa zhes bya ba la sogs pas ni dgug pa bstan pa yin te/ ltung byed ma la sogs pa gang yang rung ba'i lha mo lag na zhags pa dang lcags kyu dang rdo rje dang gsal shing thogs pa spros te sgrub par bya ba'i snying
 ga'i pad+mar bcug la de'i snying rdo rje la sogs pas dkrug cing zhags pas bcings nas lcags kyus gzung ste sna sgo g.yon pas 'ong bar bsgom mo/ /de bzhin gshegs pa thams cad ces bya ba ni snying ngo/ /lhag ma ni go sla'o/ /las kyi rjes su
 mthun par sngags bzla ba bstan pa'i phyir phan tshun zhes bya ba la sogs pa gsungs te/ phan tshun 'dus pa'i gsang sngags zhes bya ba ni drag po'i las la sngags kyi yi ge rnams tha gu'i mdud pa ltar phan tshun reg par bya'o/ /bye brag
 tu ni phye nas su zhes bya ba ni las kyi bye brag gi sngags kyi phreng ba 'jug pa tha dad par bya ste/ 'di ltar zhi ba'i las rnams ni sngags kyi phreng ba dag gi rdo rje'i sgo nas lha mo'i pad+ma'i sgo dang/ lha mo'i kha'i sgo nas bdag gi kha'i sgor 'jug
 pa yin no/ /drag po'i las la ni de las bzlog ste/ bdag gi kha'i sgo nas lha mo'i kha'i sgo dang/ lha mo'i pad+ma'i sgo nas bdag gi rdo rje'i sgor ro/ /sa bon phreng bas de nas bsgom/ hUM gi skud pas brgyu bar bya zhes bya ba ni drag po'i las la
 sngags kyi sa bon gyi phreng ba'i thog ma dang tha mar hUM dang sbel ba'o/ /'gog par gyur na ni zhes bya ba ni ting nge 'dzin goms pa'i dbang du byas pa ste bsgom pa phul du byung ba'i dus su'o/ /goms pa zungs zhes bya ba ni lus dang sems su bcas pa'o/ /kun tu
 'gro ba zhes bya ba ni 'jug par 'gyur ba ste/ a zhes bya ba ni nye bar bsgyur ba yin gyi 'dir dgag pa ni ma yin no/ /'di zhes bya ba la sogs pas ni sngar bstan pa'i gtum mo'i rnal 'byor kha skang ba yin te/ 'di zhes bya ba ni thabs te yi ge hUM
 do/ /lhag ma ni go sla'o/ /dus min 'chi ba las rgyal nyid ces bya ba ni 'chi ba blu ba'o/ /mchod yon zhes bya ba ni bdud rtsi lnga'o/ /lhag ma ni go sla'o/ /de dag gi don du ni ltung byed ma la sogs pa gang yang rung ba'i lha mo phyag na kha TwAM ga dang
 bdud rtsis gang ba'i thod pa bsnams pa bsgoms la ye shes sems dpa' spyan drangs te/ de'i zhal du mchod yon gsol la de dang gcig tu gyur nas ka ra ka ra la sogs pa'i sngags bzlas na dus ma yin par 'chi ba las rgyal bar 'gyur ro//
 sku gsum dang zhes bya ba la sogs pa la sku gsum ni mngon par 'dus byas pa'i dbang du bya ba yin te/ 'dus ma byas kyi sku dang bzhir bzhed pa yin no/ /yang na sku gsum ni sngar bstan pa'i 'das pa la sogs pa'i dus gsum ste rim
 par phye ba gang las sku gsum dang/ sngags dang rgyud dang 'chi ba blu pa 'byung ba la de skad ces bya ste/ rim par phye ba bco lnga pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bco lnga pa'i rnam par bshad
 pa'o// //da ni 'khor lo gsum gyi nges pa la sogs pa gsungs te/ de nas zhes bya ba ni sku gsum la sogs pa bstan pa'i 'og tu'o/ /dngos grub kun gyi gnas zhes bya ba ni 'jig rten dang 'jig rten las 'das pa'i
 dngos grub rnams kyi rten gnas te/ gong nas gong du 'phel bar byed pa'i rten yin no/ /yang na dngos grub kun ni bcom ldan 'das nyid la gnas ni pho brang ngo/ /ci zhig ce na/ gsang ba mchog gi dgyes pa ste khang du brtsegs
 pa'o/ /der bzhugs pa'i bcom ldan 'das la zhus par gyur ces bya ba dang sbyar ro/ /gnas de ci 'dra zhe na/ yid 'ong zhes bya ba la sogs pa gsungs pa la/ yid 'ong ni mngon par 'dod pa'o/ /bcud ni nyams su myong ba'o/ /rten ni thob par byed
 pa ste gang gis thob par byed pa de la de skad ces bya'o/ /lhag ma ni go sla'o/ /'dab stong ldan zhes bya ba ni mang ba tsam du nye bar ston pa'o/ /sbyor ba'i gdan zhes bya ba ni chos 'byung ba'o/ /zhus pa de ci zhig ce na/ 'khor lo kun gyi zhes bya ba la sogs
 pa ste/ 'khor lo kun ni thugs kyi 'khor lo la sogs pa ste/ dbyangs rnams ni oM la sogs pa'i yi ge rnams so/ /bye brag ni dbyangs kyi bye brag gang gnas skabs gang dang 'tsham par gyur pa'o/ /kha dog dbye ba zhes bya ba ni las kyi bye brag gis
 dkar po la sogs pa'i mdog dbye ba'o/ /mi 'tshal te zhes bya ba ni lta 'og tu sbyar bar bya'o/ /'khor lo zhes bya ba ni klu bskyod pa la sogs pa'i 'khor lo'o/ /las ni bya ba'o/ /sna tshogs klu'i sngags zhes bya ba ni sna tshogs klu'i sngags bcu
 ba'o/ /dus zhes bya ba ni skar ma rgyal la sogs pa'i dus su'o/ /yang na mche bas zin pa bslang ba'i dus so/ /de bzhin zhes bya ba ni de dag thams cad dang sbyar te/ ji lta bu zhes bya ba dang 'brel to/ /bstan pa de nyid bshad pa'i phyir 'di dag ces bya ba la
 sogs pa gsungs te/ 'di dag ces bya ba ni 'das ma thag pa thams cad do/ /the tshom ni yid gnyis za ba'o/ /lhag ma ni go sla'o/ /de dag thams cad zhu 'dod pa zhes bya ba la de dag ni the tshom mo/ /thams cad ni lha mo rnams te/ lha mo gzhan
 thams cad kyang zhu bar 'dod pa yin gyi/ khyod gcig pu ni ma yin pa'o/ /yang na thams cad ces bya ba ni lha mo gzhan gyi zhu par 'dod pa thams cad dang/ de dag ste zhus pa de dag legs so zhes gzeng bstod pa'o/ de dag gis ni shin tu zhal gyis
 bzhed pa ston to/ /gzhan zhes bya ba ni skye bo phal pa gzhan no/ /sgyu ma che zhes bya ba ni sgyu 'phrul chen mo'i rang bzhin yod pa'o/ /gang zhig bris pa tsam gyis ni zhes bya ba ni 'og nas 'byung ba'i 'khor lo bris pa tsam gyis so/ /'thob pa ni rnyed pa'o/ /lhag
 ma ni go sla'o/ /gnag dang zhes bya ba la sogs pas ni gtor ma gtong ba bstan pa yin te/ las thams cad kyi sngon du 'gro ba yin pa'i phyir ro/ /de la gnag pa ni mtshan mo'i cha'o/ /rak+ta ni nus pa ste/ mtshan mo'i cha la nus pa ji lta ba bzhin
 du gtor ma sbyin pa'o/ /khyad par du zhes bya ba ni las kyis bye brag gi dbye ba'o/ /g.yon nas bskor zhes bya ba ni g.yon gyi kun tu spyod pa la 'jug pa ste/ 'dis ni mchod pa bya bar ston to/ /da ni 'khor lo gsum gyi nges pa bstan pa'i phyir ro/ /
 de nas zhes bya ba la sogs pa gsungs te/ de nas zhes bya ba ni de'i 'og tu ste/ rdo rje mkha' 'gro bskyed kyi 'og tu'o/ /sa rnams la ni rnam rol pa zhes bya ba ni thugs dang gsung dang/ sku'i 'khor lo la khyab pa'o/ /brtson chen zhes bya ba la sogs   pa ni lugs las bzlog nas gsungs pa ste/ 'dir dang por rab tu gtum mo nas ni brtson chen ma'i mthar thug pa zhes 'og nas 'byung ba'i phyir thugs la sogs pa'i 'khor lo gsum la rab tu gtum mo la sogs pa nas brtsams te rim bzhin
 dgod par blta'o/ /rang ming brjod pa zhes bya ba la sogs pa ni dbyangs kyi bye brag bstan pa yin te/ oM pra tsaN+Te huM hUM phaT ces bya ba la sogs par 'gyur ro/ /oM ni thams cad gsal byed de zhes bya ba la/ thams cad ni sngags rnams so/ /grub
 gsol ni gzhan dang sbyor bas so/ /rnal 'byor dam mchog 'di mthong na zhes bya ba la rdo rje mkha' 'gros sbyar bas na rnal 'byor te mkha' 'gro ma'i tshogs so/ /de nyid ni thun mong ma yin pas na dam pa'o/ /nge spar legs
 pa'i gnas yin pas mchog go /yang na sre ta ni spangs pa ste/ snyan pa dang grags pa la sogs pa spangs pa'o/ /mthong ba ni 'di'i rnal 'byor pa'o/ /gzhan dag ni rnal 'byor gzhan las skyes pa'o/ /snying po med pa'i rtsa ni 'bus zos pa'i rtsa ltar
 bya ba byed mi nus pa'o/ /de nyid kyi phyir gsungs pa'o/ /dpa' bo nyid gyur zhes bya ba la sogs pa ste/ dpal he ru ka'i dkyil 'khor mthong ba nyid dpa' bo ste/ nyon mongs pa dang bral ba yin no/ /de bzhin gshegs pas gsungs zhes bya ba ni the tshom
 bsal ba yin no/ /da ni 'khor lo'i grangs ni ci lta bu zhes bya ba bstan pa'i phyir/ rig pa'i rgyal po zhes bya ba la sogs pa gsungs te/ rig pa'i rgyal po ni ka ra ka ra la sogs pa'i sngags so/ /'khor lo chen po ni le'u gsum par kham
 phor gnyis la bri bar bstan pa gang yin pa'o/ thos pa zhes bya ba ni ming tsam thos kyang ngo/ /sngar yi ge phu(rgyud 'grel bon ni phu:O/ /gdengs ka gsum ldan klu mo ni zhes bya ba sngar bstan pa de bshad pa'i phyir rin chen dang ldan zhes bya ba la sogs pa gsungs te/ gdengs ka rnams rin po che dang ldan par bya ba'o/ /phyogs ni kun tu bsam zhes bya ba ni phyogs dang phyogs
 mtshams kyi 'dab ma la gnas pa'i klu rnams kyi g.yon phyogs kun tu bsam pa'o/ /'dir sgrub pa ni lan cig bzlas pa'i zhes bya ba la sogs pas 'og nyid nas ston te go sla'o/ /da ni 'khor lo la bri ba'i sngags btub bstan pa'i phyir shar du zhes
 bya ba la sogs pa smos te/ 'og nas lag pa g.yon pa la 'khor lo bri zhes bya ba'i gnas dang 'brel to/ /de la lag pa g.yon pa'i mthil du thig bzhir btab pas re'u cha dgur byas la/ rig pa'i rgyal po dgod par bya'o/ /shar du zhes bya ba ni shar
 gyi re'u cha la'o/ /k+Sh+mAM bar du zhes bya ni k+Sh+mAM la thug gi sh+rar du ste/ oM ka ra ka ra ku ru ku ru/ band+ha band+ha/ trA sa ya trA sa ya/ k+Sho b+ha ya k+Sha b+ha ya/ h+rauM h+rauM/ h+ra:h+ra:pheM pheM/ phaT phaT/ da ha da ha pa tsa pa tsa/ b+hak+Sha b+hak+Sha/ ba sa ru d+hi rA n+t+ra mA lA ba laM bi ni/ grih+Na grih+Na/
 sapta pA hA la ga ta b+hu dzaM gaM sarbaM pA ta rdza ya ta rdza ya A kardDa A kaDd+hya hIM hIM k+Sh+mAM zhes bya ba'i bar du pri'o/ /nub tu hi zhes bya ba ni hiM hiM zhes bya'o/ /de bzhin du haM dang hUM yang gnyis gnyis su blta bar bya'o/ /ki li ki li yi dags su zhes bya ba ni dbang ldan gyi re'u chal 'o//
 srin por zhes bya ba ni bden bral du'o/ /tsi li ji snyed zhes bya ba ni/ tsi li tshig gzhan gnyis pa'ang bri ba'o/ /me mtshams d+hi li mdza' dang bcas zhes bya ba la mdza' ni d+hi li swAhA zhes bya ba ste/ d+hi li d+hi li swAhA zhes bya bar 'gyur ro/ /dbus su ni hUM phaT ces bya ba
 bri'o/ /sngags 'di dag ces bya ba ni rig pa'i rgyal po'i sngags te/ rab tu gtum mo la sogs pa'i rnal 'byor ma nyi shu rtsa bzhi dang sbyar ro/ /des ni oM ka ra ka ra huM hUM phaT/ oM ku ru ku ru huM hUM phaT/ oM ban d+ha ban d+ha huM hUM phaT/ oM traM sa ya tra sa ya huM hUM phaT/ oM k+Sho
 b+ha ya k+Sho b+ha ya huM hUM phaT/ oM h+rauM h+rauM huM hUM phaT/ oM h+ra:h+ra(rgyud 'grel dA tA la ga ta b+hu dzaM gaM sarbaM bA ta rdza ya ta rdza ya huM hUM phaT/ oM A kard+d+hya A kard+d+hya huM hUM phaT/ oM h+riM h+riM huM hUM phaT/ oM haM haM huM hUM phaT/ oM hi hiM huM hUM phaT/ oM hUM hUM huM hUM phaT/ oM ki li ki li huM hUM phaT/ oM si li li li huM hUM phaT/ oM tsi li tsi
 li huM hUM phaT/ oM d+hi li d+hi li huM hUM phaT/ ces bya ba ste/ rig pa'i rgyal po de dag thams cad la/ thog ma dang tha mar oM dang huM hUM phaT du sbyar bar bya ste/ ji skad du/ oM ni thams cad gsal byed de/ huM hUM phaT ni mdza' 
 ru sbyar zhes gsungs pa'i phyir ro/ /de ltar rig pa'i rgyal po'i sngags de rnams dang/ rab gtum mo la sogs pa'i rang ming brjod pa'i sngags la ni zhes bya ba la sogs pa sngar bstan pa/ oM pra tsaN+De huM hUM phaT/ ces bya ba la sogs par rim bzhin
 du lhan cig bri ba'am/ yang na dpa' bo thod pa'i dum bu can la sogs pa'i ming dang gsum gsum du bcas par bri'o zhes ston to/ /'khor lo che 'di skal pa dang ldan zhes bya ba la 'khor lo che zhes bya ba ni lag pa g.yon pa'i mthil la
 bris pa'i 'khor lo ste/ mthu chen po dang ldan pa'i phyir ro/ /'di zhes bya ba ni rig pa'i rgyal po'o/ /skal ldan zhes bya ba ni sngon du gus pas yun ring por bsnyen pa byas pas so/ /dgra rnams kyi ni gnad gcod pa zhes bya ba ni dgra rnams
 gsod pa ste/ ka ra bI ra zhes bya ba la sogs pas 'og nas bshad par bya'o/ /hUM phaT ces bya ba spel ba'i zhes bya ba la sogs pas ni lag pa la sogs par bri bar 'khor lo kun gyi dbus su bsgrub bya'i ming dang hUM phaT ces bya ba'i
 sngags dang spel ba ste/ man ngag gis na hUM gnyis su blta'o/ /des ni huM hUM phaT de ba dat+ta na rA bA sha ku ru huM hUM phaT ces bya bar 'gyur ro/ /lhan cig bzlas pa'i gu gul gyi zhes bya ba la sogs pas ni rig pa'i rgyal po lan cig bzlas pa'i bdug
 pa ston pa yin te/ le'u gsum pa'i gdengs ka'i dbang phyug gi 'khrul 'khor gyi cho ga lhag ma yin no/ /lag pa g.yon pa la zhes bya ba la sogs pa ni 'khrul 'khor 'di las bcu gsum ston pa yin te/ sna sgo g.yon pa nas rlung rgyu ba'i
 dus su lag pa g.yon pa'i mthil na tsan dan la sogs pas shing rdza yan+ta'i smyu gus 'khor lo bris la dbus su h+ri:de ba dat+tasya bi Sha a pa ha ra h+rI(rgyud 'grel bas zin pa yang g.yon phyogs su bzhag la mthe bo'i rtse mo'i mdzub mo dang gung mo brkyang ba'i mdzub mo'i ri mo gsum pa dang dug bcug pa ltar byas te/ gung mo'i ri mo bar ba dang gnyis kyi bar du btsir la rig pa lan cig bzlas pa tsam gyis mche
 ba'i dus su zin pa ste/ gsor rung ba'i mche ba brgyad kyis zin cing brgyal ba yang slong bar byed do/ /yang na yid kyis bri bas kyang cho ga de ltar bya ste/ re'u mig dgu pa'i 'khor lo'i sbyor ba dang po'o/ /ka ra bI ra'i zhes bya ba la rig pa can cig bzlas
 pa'i ka ra bI ra'i smyu gus 'khor lo ji lta ba bzhin bris la/ dbus su huM hUM phaT de ba dat+ta ya garb+ha ya dz+nya dat+ta ya saM kra ma ya huM hUM phaT ces bris nas/ yang rig pa lan cig bzlas na mngal 'pho bar 'gyur te/ sbyor ba gnyis pa'o/ /dag dang zhes bya ba
 la sogs pa la/ ka ra bI ra'i 'dab ma'i khu bas bsgrub bya'i gzugs bris la de'i snying gar dug la sogs pas lag pa la 'khrul 'khor snga ma ltar bris te/ 'phro ba dang bcas pas gang la reg pa de 'chi bar 'gyur ro/ /kha cig na re dug la sogs pa
 la mngon par bzlas nas gang la bsnun pa de 'chi bar 'gyur ro/ /zhes zer te sbyor ba gsum pa'o/ /ro bsregs pa'i zhes bya ba la sogs pa la ro bsregs pa'i 'gal ba'i dum bu cung zad tshig pa la d+ha d+hu ra'i khu bas ro bsregs pa'i gnas de nyid du me
 bsad cing shin tu rlon par spangs te/ mgal dum de nyid la tsher mas 'khor lo ji lta ba bzhin du bris la lan cig bzlas nas des gang la bsnun pa de de ma thag tu ltung bar 'gyur ro/ /yang na de nyid kyis zhes bya bar sbyar te/ sol ba rlon pa de nyid la ring
 pa lan cig bzlas nas bskams la des lag mthil dur 'khrul 'khor bris nas gang la reg pa de ji skad smos pa bzhin du 'gyur te sbyor ba bzhi pa'o/ /saM ko ta ka zhes bya ba la sogs pa la sngags pa zhes bya ba ni
 rig pa zlas pa'o/ /cho ga snga ma bzhin zhes bya ba ni ka ra bi ra'i lo ma'i khu ba dang/ dug la sogs pa'i snag tshas lag pa la 'khrul 'khor snga ma bzhin bri ba'o/ /khyad par du ni 'dir saM ko ta'i smyu gus bri'o/ /de nas ci zhig bya zhe na/ thal ba zhes
 bya ba la sogs pa ste go sla'o/ /sbyor ba lnga pa'o/ /dur khrod kyi zhes bya ba la sogs pa la/ 'byung po'i mtshan mo ni mar ngo'i bcu bzhi'i mtshan mo'o/ /gang gi snying gar zhes bya ba ni bsgrub par bya ba'i gzugs bris la/ de'i snying gar 'khrul 'khor bris
 de/ dbus su bsgrub bya'i ming dang spel ba sngar bstan pa ltar bris la sngags bzla'o/ /sbyor ba drug pa'o/ /bsgrub bya'i zhes bya ba la sogs pa la/ bsgrub bya'i gzugs ni rkang rjes kyi rdul las bya'o/ /de'i snying ga ni gzugs brnyan
 gyi snying gar ro/ /'khrul 'khor ni gro ga la sogs pa la gur kum la sogs pas snga ma ltar bris pa ste/ sbyor ba bdun pa'o/ /'khor lo de nyid ces bya ba la sogs pa la/ 'khor lo de nyid ni sngar bstan pa lta bu'o/ /dur khrod kyi ras la sogs pa ni bye brag go /
 pho nya'i mdog tu bri zhes bya ba ni nyi ma'i dkyil 'khor gyi dbus su nyi ma'i 'od kyis 'khor ba dang bcas par bri ba'o/ /las kyi pho nya dang bcas zhes bya ba ni mkha' 'gro ma'i gdon gyis zin pa'o/ /gzung bar bya zhes bya ba ni tshar bcad par bya ba ste/ sbyor ba brgyad
 pa'o/ /ka ra bI ra zhes bya ba la sogs pa la ka ra bI ra'i lcug ma ni nyi ma gzas zin pa'i dus su sngags zlos shing blangs pa'o/ /gang la mngon par phyogs te zhes bya ba ni dgug par bya ba'i skyes pa dang/ bud med gang yang rung ba la yid kyis dmigs nas so/
 sngags bris nas zhes bya ba ni lag pa la 'khrul 'khor bri ba ste/ des bsregs pa dang blang ba la sogs pa thams cad bya'o/ /bskor ba ni rtsa ba nas gzung nas bskor ba ste/ sbyor ba dgu pa'o/ /skyes pa'i zhes bya ba la sogs pa la skyes pa ni ro'i bye brag go /ro'i kham por ni
 dur khrod du ro bsregs pa'i kham por ro/ /lhag ma ni go sla'o/ /'di ni dbugs nang du bsdams nas bris la 'khrul 'khor gos ser pos g.yogs la me tog ser po la sogs pas mchod pa bya ste/ sbyor ba bcu pa'o/ /dur khrod kyi zhes bya ba la sogs pa la/ 'dir
 yang snag tsha ni ba bla dang yung ba'i khu ba'o/ /klu rnams spangs pa zhes bya ba ni lta 'og gi las bcu gnyis kyi 'khrul 'khor te de dag ni klu dang bral ba'o/ /'dir bris la zhes bya ba ni 'khrul 'khor 'dir le'u gsum pa las smos pa ltar klu dang bcas par bri'o/ /e dang spel
 ba zhes bya ba ni chos kyi 'byung gnas kyi nang du yang bri ba'o/ /lus srul po ni yi dags te sbyor ba bcu gcig pa'o/ /'khor lo de nyid ces bya ba la sogs pa la zla bas brgyan pa ni zla ba'i dkyil 'khor la bri ba'o/ /bud med gang gis rtag tu bcangs na zhes bya ba
 ni lus la gdags pa'o/ /rig pa'i rgyal po nyid lhums su 'jug go zhes bya ba ni/ gdon mi za bar bu rnyed par 'gyur ba ste/ sbyor ba bcu gnyis pa'o/ /zhi ba'i 'dus pa zhes bya ba ni sbyor ba las byung/ /ba'i byang chub kyi sems so/ /kun tu spyod pa
 zhes bya ba ni de yang 'khor lor bsgoms nas sngags kyang zlos shing bdag nyid kyis cung zad zos te/ lhag ma de'i khar sbyin par bya'o zhes bya ba ni man ngag go /lhag ma ni go sla'o/ /sbyor ba bcu gsum pa'o/ /rab tu sbyor ba de lta bu'i cho ga dang ldan par zhes
 bya ba la/ rab tu sbyor ba ni re'u mig dgu dang ldan pa'i sbyor ba bcu gsum mo/ /de lta bu'i cho ga zhes bya ba ni sngar smos pa'i tshul gyi cho ga'o/ /rnal 'byor zhes bya ba ni 'di las rnal 'byor pas rnal 'byor te/ sngags kyis gzugs so/ /sbyor ba
 'di dag la brtul zhugs la sogs pa'i nges pa med par bstan pa'i phyir/ bcom ldan 'das zhes bya ba la sogs pa smos te go sla'o/ /cho ga zhi ba mo'i sbyor ba'i tshul 'di nyid kyis zhes bya ba la/ cho ga zhib mo ni
 bstan bcos so/ /sbyor ba ni rgyud las bstan pa'i rdo rje mkha' 'gro'i mtshan nyid do/ /tshul zhes bya ba ni bri ba la sogs pa'i cho ga'o/ /las thams cad ces bya ba ni klu dang ba pa la sogs pa'o/ /ji ltar 'dod pa bzhin zhes bya ba ni the tshom med
 pa'o/ /yang na ji ltar 'dod pa ni ma bstan pa'i las gzhan dag kyang byed pa'o/ /da ni 'khor lo gzhan bstan pa'i phyir gsungs pa/ nam mkha' dbyings kyi zhes bya ba la sogs pa ste/ 'dir gro ga la sogs pa la gi'u wang la sogs bas
 chos kyi 'byung gnas la zla ba'i dkyil 'khor bris la der 'khor lo rnams bri bar bya ste/ 'od zer tshogs ni gsal pa'i mdangs zhes bya ba ni zla ba'i phyi rol tu 'od kyi phreng bas bskor ba'o/ /'khor lo'i phreng bas rnam par klubs zhes bya ba ni
 phyi rol sku'i 'khor lo'i phreng bas bskor ba'o/ /lhag ma yang de ltar lta bar bya'o/ /sku gsung thugs kyi rdo rje yi/ 'khor lo dkyil 'khor lta bu yin zhes bya ba ni nang gi 'khor lo gsum po kun nas zlum por bya ba dang/ zla ba'i phyi rol tu
 gru bzhi dang sgo bzhir ldan par bri ba'o/ /rang gi lus la spro bar bya zhes bya ba ni 'khor lo gsum po so so las rang gi mdog gi 'od spro ba'o/ /'khor lo yang lte ba dang rtsi bas dang mu khyud dang bcas par bri ba'o/ /dkar dang dmar dang sngon po ste
 zhes bya ba ni sku la sogs pa'i 'khor lo gsum gyi rim bzhin du mdog bstan pa ste/ bri ba'i kha dog go /kha dog mchog gi bye brag bya zhes bya ba ni bris pa'i 'og tu bsgoms pa'i kha dog bstan pa ste/ zhi ba la sogs pa'i las kyi
 bye brag gis 'khor lo thams cad kyang dkar po la sogs par bsgom pa'i don to/ /bya ba'i cho ga de yis ni zhes bya ba la/ bya ba'i cho ga ni bri ba la sogs pa'i cho ga'o/ /ni zhes bya ba ni nges par gzung ba'o/ /dpa' bo'i dbang phyug de
 bzhin bri zhes bya ba la/ dpa' bo'i dbang phyug ni thod pa'i dum bu can la sogs pa ste/ de rnams dang dbyer med pas rtsa ba'i rigs pa la yang de skad ces bya'o/ /de la thugs kyi 'khor lo'i shar phyogs kyi rtsibs la/ oM ka ra ka ra huM hUM phaT ces
 bya ba'o/ /byang gi rtsi bas la ni/ oM ku ru ku ru huM hUM phaT/ nub kyi rtsibs la/ oM band+ha band+ha huM hUM phaT/ lho'i rtsibs la ni/ oM trA sa ya trA sa ya huM hUM phaT/ dbang ldan du ni/ oM k+Sho b+ha ya k+Sho b+ha ya huM hUM phaT/ mer ni oM h+roM h+roM huM hUM phaT/ bden bral du
 ni oM h+ra(rgyud 'grel b+hak+Sha huM hUM phaT/ lho'i rtsibs pa'o/ /oM ba sa ru d+hi rAn+tA mA lA ba lang bi ni grih+Na grih+Na huM hUM phaT/ dbang ldan du'o/ /oM sabta pA tA la ga ta b+hu dzaM ga sarba bA ta rdza ya ta rdza ya huM hUM phaT me'i mtshams su'o/ /oM A kaDDhya huM hUM phaT/ bden
 bral du'o/ /oM h+riM h+riM huM hUM phaT/ rlung du'o/ /oM k+Sh+mAM k+Sh+mAM huM hUM phaT/ sku'i 'khor lo'i shar gyi rtsibs la'o/ /oM haM haM huM hUM phaT/ byang gi rtsibs la'o/ /oM hiM hiM huM hUM phaT/ nub kyi rtsibs la'o/ /oM huM hUM huM hUM phaT/ lho'i rtsibs la'o/ /oM ki li ki li
 huM hUM phaT/ dbang ldan du'o/ /oM si li si li huM hUM phaT/ ma'i mtshams su oM tsi li tsi li huM hUM phaT/ bden bral du'o/ /oM d+hi li d+hi li huM hUM phaT/ ces bya ba rlung mtshams su dgod par bya'o/ /dbus su bsgrub par bya ba'i ming/ ji ltar 'dod
 bzhin sbyar bar bya zhes bya ba la dbus su ni 'khor lo gsum gyi lte ba la'o/ /ji ltar 'dod bzhin zhes bya ba ni zhi ba la sogs pa'i las kyi bye brag gis gang 'dod pa'o/ sbyar ba ni srel ba'o/ de ni oM de ba dat+ta sya shAn ti ku ru oM
 zhes bya bar 'gyur ro/ /phyi rol zhes bya ba ni ri mo gru bzhi'i phyi rol te der rdo rje'i phreng ba zlum pos bskor ba'o/ /'od zer 'bar ba'i phreng 'khrugs bri zhes bya ba ni 'khor lo de dag thams cad 'od zer gyi dra bas bskor ba'o/ /'di ni zhes bya ba ni rig
 pa'i rgyal po bris pa gang yin pa'o/ /thams cad bsrung ba zhes bya ba la thams cad ni rgan bu dang gzhon nu dang skyes pa dang rung med rnams te/ de rnams kyi bsrung ba'am yang na rims dang nad la sogs pa thams cad las bsrung ba ste/ 'khor lo 'di bris
 nas dpung pa la sogs par bcangs nas rims la sogs pa rnams grib ma'ang mi 'god na lus lta ci smos zhes bya bar sbyar ro/ /nad ni blo dad dbugs mi bde ba la sogs pa'o/ /mkha' 'gro ma'i 'tshe ba dang zhes bya ba la/ mkha' 'gro ma ni grags par zad
 do/ /'tshe ba ni srin po la sogs pas byas pa'i gnod pa'o/ /zla gzugs lta bu zhes bya ba la sogs pa/ bdag nyid rdo rje mkha' 'gro mdog dkar por byas te/ lag pa g.yon pa'i mthil du 'khor lo bkod la sngags kyi yi ge rnams mdog dkar
 po kha blta bu'i chu rgyun 'dzag par bsams te/ rims la sogs pas/ zin pa la bsten na 'byer ba ste 'thor bar 'gyur ro/ /gang du zhe na/ phyogs bcur te phyogs kun tu'o/ /'khor lo de nyid las kyi bye brag gis kha dog tha dad par bstan pa'i
 phyir dkar po yis ni zhes bya ba la sogs pa gsungs te/ gsod ces bya ba ni nye bar mtshon pa ste/ dbye ba la sogs drag po'i las gzhan dag kyang kha dog nag po dang sbyar ro/ /de nyid kyis ni zhes bya ba ni kha dog dmar po de nyid kyis so/ /lhag
 ma ni go sla'o/ /'dis ni rdo rje mkha' 'gro'i rnal 'byor dang ldan pas lag pa la 'khor lo bris te bstan pa dang sngags bzla ba la sogs pa ji lta ba bzhin du bsgrub par ston to/ /las thams cad 'byung ba zhes bya ba la/ las thams cad ni zhi ba la sogs pa
 'o/ /'byung ba ni 'grub pa ste/ 'khor lo gang gis zhi ba la sogs pa'i las rnams 'grub pa de la de skad ces bya'o/ /srung ba'i 'khor lo zhes bya ba ni lhag par bsrung ba'i dbang du byas pa'i 'khor lo ste/ de yan chad kyis ni gdengs ka'i dbang phyug
 dang/ 'khor lo gnyis ka'i bya ba bstan pa yin no/ /de ltar rtsa ba'i sngags kyi las kyis cho ga bstan nas/ da ni snying po'i sngags kyi 'khor lo bstan pa'i phyir bka' i 'khor lo zhes bya ba la sogs pa la gsungs te/ bka' ni bcom ldan 'das kyi
 snying po'i yi ge nyi shu rtsa gnyis so/ /khyad par ni dam pa ste/ 'khor lo gang gis rnal 'byor bas sems can kun gyis don byed pa zhes bya ba dang 'brel to/ /gang gi zhe na/ las kyi cho ga mthong ba'i ste/ cho ga ni snag tshe dang byang bu la sogs pa'o/ /las
 ni bri ba dang bsgom pa dang bzlas pa la sogs pas so/ /nam mkha' i dbyings zhes bya ba ni chos 'byung ba'i phyag rgya bri ba'o/ /zla ba'i dkyil 'khor lta bu zhes bya ba ni de'i nang du ri mo zlum por bri ba ste/ de nyid kyis na dkyil 'khor 'khor lo lta bu bsam zhes
 gsungs te/ bsam zhes bya ba ni rnal 'byor la dga' ba rnams kyis ni ting nge 'dzin gyis kyang 'di dag thams cad bya'o zhes bya ba'i don to/ /de dbus zhes bya ba ni 'khor lo de'i dbus su'o/ /rdo rje rtse lnga pa yi mchog /'od zer dkar pos shin tu mdzes/ sgrub
 po 'khor lo phyi rol bri/ zhes bya ba la/ sgrub pa ni bsgom pa'i bdag nyid can no/ /'khor lo'i phyi rol ni pad+ma'i phyi rol te/ phyi rol phyogs brgyad du ji skad smos pa'i mtshan nyid can gyi rdo rje bri'o/ /pad+ma'i lte bar swAhA bri zhes bya ba la 'dir phyi rol gyi
 pad+ma'i 'dab ma bcu drug po rnams la ni shar nas brtsams te g.yas bskor du/ oM sh+rI he he ru ru kaM badzra DA ki nI dzA la saM ba zhes bya ba bcu drug dgod do/ /nang gi 'dab ma brgyad pa'i phyogs kyi 'dab ma bzhi la ni ra huM hUM phaT ces bya ba
 ni bzhi dgod do/ /dbang ldan la sogs pa mtshams kyi 'dab ma bzhi la ni yi ge h+rI dang spel ba'i bsgrub bya'i ming bri'o/ /dbus kyi lte ba la ni swAhA bri'o/ /dngos grub thams cad rab ster ba zhes bya ba ni dngos grub ster ba'i nus pa dang ldan pa'o/ /ma
 mo'i khyim zhes bya ba ni ma mo bdun gyi rten gyi gnas su'o/ /tsanda bzang po zhes bya ba ni bdud rtsi lnga'o/ /'bol zhing shin tu 'dam pa'i stan zhes bya ba ni sa gzhi mnyam zhing yid du 'ong ba'o/ /skye gnas phyag rgya bcing zhes bya ba ni rdo rje'i skyil krung du
 gnas pa'o/ /de dag gis ni 'di skad du ma mo rnams kyi gnas su sa gzhi mnyam zhing yid du 'ong ba la bdud rtsi lngas byugs te 'og nas 'byung ba'i snag tshas 'khrul 'khor bris la de nyid kyi steng du rdo rje skyil krung du gnas nas bsgrub bya la kha
 ltas te/ yi ge nyi shu gnyis pa'i sngags spel ba dang bcas par nyin re dus gsum du brgya rtsa brgyad zlas na 'gug par 'gyur ro zhes ston to/ /bri ba'i dus kyi cho ga gsungs pa/ yan lag ces bya ba la sogs pa ste lta 'og tu sbyar bar bya'o/ /sna
 tshogs gsungs pa/ yi dags sen rtsi zhes bya ba la sogs pa la/ khrag ces bya ba ni srin lag gi khrag go /rnam pa gzhan gsungs pa/ yi dags gos sam zhes bya ba la sogs pa la/ ro'i bum pa skam po zhes bya ba ni dur khrod kyi
 sa khum skom po'i gyo mo'o/ /ji ltar 'dod bzhin zhes bya ba ni de bzhin bri zhes bya ba snga ma dang 'brel to/ /'khor lo de'i snying gar gzhug ces bya ba ni bsgrub par bya ba'i rkang rjes kyi rdul la sogs pa las 'og nas 'byung ba ltar gzugs byas
 de'i snying gar 'khrul 'khor gzhug pa'o/ /blo ldan zhes bya ba ni dgug pa'i las la rtse gcig tu dmigs pa'o/ /mthe'u chung bskyod ces bya ba ni lce bskyod de sngags bzlas pa'o/ /bram ze gsod pa zhes bya ba la bram ze ni sangs rgyas la/
 gsod pa ni bram ze gsod pa'o/ /'ang gi sgras ni mtshams med pa gzhan byed pa'ang gzung ngo/ /nyin bdun zhes bya ba la/ nyi ma 'ang yin la bdun kyang yin pas nyi ma bdun zhes gcig tu mtshams sbyar bar bya'o/ /bsgrub bya'i gzugs
 pa nyid gsungs pa/ tsanda dmar po'i rdul las ni zhes bya ba la/ tsanda dmar po dang rkang pa'i rdul las zhes zlas dbye bar bya ste/ bar gyi tshig mi mngon pa yin no/ /de nas ci zhig bya zhe na/ tsha ba gsum gyis zhes bya ba la sogs pa ste
 go sla'o/ /nyin bdun bsre zhes bya ba ni nyi ma bdun du dus gsum du bsro ba'o/ /de dag gis 'di skad du yi dags kyi gos la sogs pa la yi dags kyi sen mo la sogs pas 'khrul 'khor snga ma ltar bris te/ khyad par du nang gi pad+ma'i
 mtshams kyi 'dab ma la h+ri(rgyud 'grel phug? na/ ji lta ba'i me la nyi ma bdun dus gsum gsum du sngags brgya rtsa brgyad zlos shing spra tshil ma zhu'i bar du bsro bar bya'o zhes ston to/ /spra tshil ma zhu zhes bya ba 'og nas 'byung ba ni 'di ltar yang blta'o/ /des cing 'gyur zhe na/
 rgyal? po blon bcas zhes bya ba la/ blon po ni las kyi sna la gtogs pa rnams/ /'dun na 'don ni spyan sngar rtag tu bkra shis kyi smrad 'don pa'o/ /lhag ma ni go sla'o/ /yang na rnam pa gzhan bstan pa'i phyir gro ga yin ni zhes bya ba la sogs 
 pa gsungs te/ 'di yang rkang rjes kyis rdul la sogs pa las bsgrub bya'i gzugs byas pas snying gar gzhug pa snga ma dang sbyar ro/ /mngon par phyogs te zhes bya ba ni bsgrub par bya ba la kha bltas pa'o/ /kha cig na
 re bri ba'i cho ga las bsgrub bya la kha bltas te bri'o zhes zer ro/ /zlos bzhin du zhes bya ba ni brgya rtsa brgyad zlos pa'o/ /sa steng skye bo smos ci dgos zhes bya ba ni mi'i 'jig rten no/ /lhag ma ni go sla'o/ /rnam pa gzhan gsungs pa/ yi dags
 sen rtsi zhes bya ba la sogs pa la/ yi dags sen rtsi la sogs pas gro ga la sogs pa la 'khrul 'khor bris la snying gar 'khrul 'khor bcu gnas ni zhes bya ba 'og nas 'byung ba dang sbyar ro/ /bsgrub par bya ba'i rkang rjes sa
 zhes bya ba ni lta 'og tu sbyar bar bya'o/ /tsanda dmar po zhes bya ba ni tsanda dmar po'i phye ma'o/ /dur khrod zas lhag thal ba rnams zhes bya ba ni thal ba nyid dur khrod kyi zas lhag ma ste/ dur khrod du longs spyod pa'i mdza' yin pa'i phyir ro/ /
 gcig bsdus na zhes bya ba ni rdzas gsum po de gcig tu bsre ba'o/ /sbyin sreg bya zhes bya ba ni bsreg pa'o/ /gang du zhe na/ seng ldeng me ni du med pa la te/ seng ldeng mdag mar lhags pa'i me la'o/ /ji ltar zhe na/ lag pa gnyis kyi ni
 mnyes nas zhes bya ba ste/ rkang rjes la sogs pa'i rdul te lag pa'i thal mo gnyis kyi bar du nyid cing ngo/ /thal ba de ni zhes bya ba ni da ltar bsregs pa dang/ seng ldeng gi mdag mar bcas pa'i thal ba'o/ /bsgrub par bya ba'i gzugs
 byas te/ zhes bya ba ni thal ba de dur khrod kyi bum pa'i chus sprul la bsgrub bya'i cha byad du bya ba'o/ /snying gar 'khrul 'khor bcug nas ni zhes bya ba ni sngar bstan pa'i 'khrul 'khor de'i snying gar gzhug pa de bshad zin to/ /zlos bzhin
 du na mer gdungs na zhes bya ba ni de nas gzugs brnyan spra tshil gyis byugs la dus gsum gsum du sngags de nyid brgya rtsa brgyad zlos shing du ba med pa'i seng ldeng gi me la bsros na bud med 'gugs par 'gyur ro/ /de nyid kyis na gsungs pa/
 brgyal zhing sems dang bral 'gyur la zhes bya ba la sogs pa gsungs te/ sems dang bral ba ni bya ba gzhan mi dran pa'o/ /rmongs pa ni bya ba dang bya ba ma yin pa log par spyod pa'o/ /myos pa ni chags pas lus zhig pa'o/ /cho ga'i bya ba ni pad+ma bri
 ba la sogs pa rnams so/ /yi ge nyi shu gnyis dgong bzhed ces bya ba la yi ge nyi shu gnyis ni snying po'i sngags so/ /dgod pa ni rim pa gnyis kyi pad+ma'i 'dab ma rnams la so sor bri ba ste/ sngar bshad zin to/ /bzhed pa ni sangs rgyas nyid kyis
 gsungs shing dgongs pa'o/ /da ni mkha' 'gro ma rnams kyi nye ba'i snying po'i las bstan pa'i phyir/ de nas zhes bya ba la sogs pa gsungs te/ de nas zhes bya ba ni yi ge nyi shu gnyis pa'i las bstan pa'i 'og du'o/ /de bzhin gshegs pa
 kun gyi yid 'ong zhi ba skyed pa mo zhes bya ba ni rdo rje phag mo'o/ /de'i bka' i 'khor lo ni rdo rje phag mo'i nye ba'i snying po'i sngags kyi 'khor lo'o/ /mkha' dbyings dbus 'gyur zhes bya ba ni chos 'byung ba'i nang du'o/ /zla ba'i dkyil 'khor dam pa ste zhes bya
 ba ni 'khor lo ste zlum por gi ba'o/ /rdo rje rtse gsum kha bzhi pa zhes bya ba ni rtse gsum pa'i rdo rje rgya gram ste/ phyogs bzhir rtse mo gsum gsum po cu gnyis su gyis pa'o/ /der ni zhes bya ba ni 'khor lo'i phyi rol phyogs mtshams brgyad du sna
 tshogs rdo rjes kun tu bskor ba'o/ /de dbus zhes bya ba ni rdo rjes mtshan pa'i zla ba lta bu'i 'khor lo'i dbus su'o/ /bai ro tsa na'i rig pa che zhes bya ba ni mkha' 'gro ma'i nye pa'i snying po'i sngags te/ de la shar phyogs nas brtsams nas 'dab ma
 brgyad la ni oM badzra bai ro tsa nI ye zhes bya ba'i yi ge brgyad bri'o/ /dbus kyi lte ba la ni swAhA zhes bya ba bsgrub bya'i ming dang spel bar bri'o/ /sems can kun bskyed sdug pa mo zhes bya ba la/ sems can kun bskyos
 ni bu 'dod pa ste bu don du gnyer ba'o/ /sdug pa ni chags pa ste dbang du bya ba'o/ /nad thams cad ni rims la sogs pa'o/ /med pa ni bsal bar byas pa ste/ bya ba de dag dang gdon la sogs pa las bsrung ba 'dod na gro ga la sogs pa'i gzhi la
 go ro tsa na la sogs pas bris la mchod de lag pa la gdags par bya'o/ /da ni dpa' bo'i nye ba'i snying po'i las bstan pa'i phyir/ de nas zhes bya ba la sogs pa gsungs te/ kun mkhyen ye shes zhes bya ba ni thams cad mkhyen pa'i 'bras bu
 'thob pa dang/ las thams cad la rmongs pa med pa'i phyir ro/ /mngon par shes pa zhes bya ba ni lha'i mig la sogs pa thob pa'i phyir ro/ /ge sar zhes bya ba la sogs pa ni go sla'o/ /zla ba bzang pos nye bar brgyan zhes bya ba ni chos 'byung
 ba'i nang du zla ba ltar dkar ba'i 'khor lo bri ba ste/ de'i dbus su pad+ma bri bar bya'o/ /rdo rje phreng bas rnam par klubs zhes bya ba ni pad+ma'i phyi rol rdo rje phreng bas bskor ba'o/ /de'i phyi rol 'khor lo ste zhes bya ba la de'i phyi rol ni rdo rje phreng ba'i phyi rol du'o/ /'khor lo 'khor
 lo'i phreng ba'o/ /ston ka'i zla ltar dri ma med ces bya ba ni de dag kun gyi khyad par ro/ /yi ge mchog ni rnam pa bdun zhes bya ba ni nye ba'i snying po dgod pa ston pa yin te shar la sogs pa'i 'dab ma drug la oM h+rIM:ha ha hUM hUM/ zhes bya ba'i
 yi ge drug rim pa bzhin du bri'o/ /lte bar ni phaT ces bya ba'i yi ge las dang rjes su mthun pa bsgrub par bya ba'i ming dang spel bar bri ste/ de dag nyid las rnams la mi 'gyur ba'i phyir yi ge'o/ /gcig ces bya ba ni yi ge phaT
 nyid de de nyid ni phan pa'o/ /tsanda zhes bya ba la sogs pas ni snag tsha dang byang bu bstan pa yin no/ /'khor lo lag pa g.yon par bcang zhes bya ba ni snga ma ltar bris te lag pa g.yon pa'i dpung par gdags pa'o/ /de nas zhes bya ba la sogs pa
 ni rnam pa gzhan bstan pa yin te/ nyi dbus su zhes bya ba ni bsgrub bya nad kyis gdungs pa nyi ma'i dkyil 'khor gyi stan la bzhag ste/ sngon du rig pa stod du bzlas par bya'o/ /yi ge shel gyi rnam pa ltar zhes bya ba la sogs pas ni lag pa
 g.yon pa la 'khor lo dkar po bkod nas/ pha rol la seng+ge'i lta stangs kyis bltas te/ sngags kyi yi ge rnams shel dang zla ba ltar bsams te/ lan stong du bzlas brjod byas la nad kyis gdungs pa la bstan par bya'o/ /nad rnams bdun
 las rnam grol bar/ /'gyur ba nyid du the tshom med ces bya ba 'di nyid kyi bshad pa ni ston ka yi ni zla 'drar 'gyur zhes bya ba ste go sla'o/ /lag pa g.yon par zhes bya ba la sogs pa ni lag pa g.yon pa zla ba'i dkyil 'khor gyi dbus su
 'khor lo las dang mthun pa'i mdog du bsgoms te nad pa la sogs pa la/ bya ba la sogs pa byas na zhi ba la sogs par 'gyur ro/ /de nyid kyi phyir gsungs pa/ 'khor lo 'di ni lha mo che zhes bya ba la sogs pa ste/ 'di zhes bya
 ba ni nye ba'i snying po'i sngags so/ /'khor lo che zhes bya ba ni de nyid kyi khyad par ro/ /las kyi cho ga mthong ba yis zhes bya ba la/ cho ga ni rdo rje mkha' 'gro'i bsgom pa'o/ /las ni 'khor lo bri ba dang bsgoms pa la sogs pa'o/ /mthong
 ba ni shes pa'o/ /las kyi 'od kyis rab brgyan na zhes bya ba ni zhi ba la sogs pa'i las la dkar po la sogs pa'i 'od kyis brgyan pa'o/ /bya ba thams cad ces bya ba ni zhi ba la sogs pa'i las rnams so/ /dur khrod ces bya ba la
 sogs pa la/ arka'i 'dab ma zhes bya ba ni arka'i 'dab ma'i khu ba'o/ /sngar bstan pa'i sol ba zhes bya ba ni dur khrod kyi sol ba'o/ /skyes pa'i khrag gi snag tsha yis zhes bya ba ni skyes pa'i khrag dang arka'i 'dab
 ma'i khu bar bcas pas snag tsha bya ba'o/ /nyi ma'i dbus su gzugs brnyan bya zhes bya ba ni sngar smos pa'i sol ba dang bsgrub bya'i rkang rjes kyi rdul las nyi ma phyed nas gzugs brnyan bya ba'o/ /dbus su de ni bcug nas su zhes bya ba ni dur khrod
 kyi ras la sngar smos pa'i snag tshas mi rus kyi smyu gus nyi ma'i dbus su zhes bya ba nyi ma'i dkyil 'khor la 'khrul 'khor bris te dbus su hUM dang bsgrub bya'i ming du spel ba bris nas snying gar bcug la skye chos byug par bya'o/ /khros sems kyis zhes
 bya ba ni bsro bar bya zhes bya ba dang 'brel to/ /'dir yang nyi ma'i dbus su zhes bya ba dang sbyar ro/ /de dag gis ni gzugs brnyan de dur khrod kyi sol ba'i me la nyi ma'i gung la bsro zhing khros pa bzhin du sngags de nyid spel ba dang bcas par dus
 gsum du yang dang yang du bzlas so zhes ston to/ /sngags kyi rgyal pos bskul ba yis/ /zhes bya ba ni bya ba thams cad byed par 'gyur zhes bya ba la sogs pa 'og nas 'byung ba thams cad dang sbyar ro/ /'di yi nad rnams thams cad ni zhes bya ba
 la/ 'di yi zhes bya ba ni rnal 'byor pa 'am sngags 'di yi'o/ /'phel zhes bya ba ni sna tshogs su'o/ /skyong zhes bya ba ni yun ring du gnas pa'o/ /rims la yi dags snying gar bri zhes bya ba ni rim gyis gzung ba la ro'i snying gar 'khrul
 'khor bri ba'o/ /rlung dang sprin la zhes bya ba ni rlung gis brgyan pa'i sprin gyi dbus su'o/ /mdung ni mdung rtse gsum pa la'o/ /lto phye ni lto 'phye'i mgo la'o/ /gza' ni nyi ma la sogs pa ste mtshan ma ni de rnams kyi mtshan ma la'o/ /mdor bsdus
 nas ni 'khor lo dgod ces bya ba la/ sa mas ni mtshungs pa ste/ mdog la sogs pa mtshungs pa'o/ /rnam pa gzhan gsungs pa/ shel dang zhes bya ba la sogs pa la zla ba'i 'od 'dra ba ni 'khor lo'o/ /shel dang 'dra ba ni sngags kyi yi ge rnams de
 nyid kyis na yi ge bdud rtsi rgyun 'bab pa zhes bya ba la sogs pa gsungs te go sla'o/ /bsam gtan bsams pa tsam zhes bya ba ni sngon du bsgrub par bya ba mche bas zin pa'i snying gar 'khor lo de ltar bsgoms la yi ge'i 'od kyi chu yis bkru bar bsgom 
 mo/ /bstan pa tsam gyis ni zhes bya ba ni de'i 'og tu lag pa g.yon pa'i mthil du 'khor lo'i bris nas mche bas zin pa la bstan par bya'o/ /slong bar byed pa ni sad par byed pa'o/ /rim la sogs pa'ang cho ga de nyid bya ba bstan pa'i phyir/ rims dang zhes bya
 ba la sogs pa gsungs te go sla'o/ /dpung bcing ba bstan par bya ba'i phyir/ zangs ma zhes bya ba la sogs pa gsungs te/ lag pa g.yon par zhes bya ba ni khu tshur bcang nas zhes bya ba 'og nas 'byung ba dang yang sbyar ro/ /bri zhes bya ba ni zangs ba'i byang bu
 la ba bla dang yung bas pha rol gyi dpung gi gtso bo'i ming dang spel te 'khor lo bri ba'o/ /de nas chu'i nang bzhag la zhes bya ba ni byang bu chu la gan rgyal du bzhag pa'o/ /ji ltar 'byung zhes bya ba la sogs pa ni de nas me tog ser po la sogs pas mchod
 la/ nyi ma bdun du nyin re dus gsum du bsam gtan sngon du 'gro bas yi ge bdun gyi sngags bzlas na bcings par 'gyur ro/ /chu'i nang na zhes bya ba la sogs pas ni slar grol ba gsungs pa yin te/ bcing ba grol na chu nas bton la 'o mas bkras
 te klu gnas pa'i mtshor sba bar bya'o/ /g.yul du khu tshur zhes bya ba la sogs pa la/ 'di ni sngar lag pa g.yon par 'khor lo 'di zhes bya ba dang sbyar te/ lag pa g.yon pas 'khor lo bris la khu tshur bcangs te g.yul du 'jug par bya'o/ /de
 la rtag tu zlos byed na zhes bya ba ni yid kyis bzlas pa 'am ngag tu brjod pa'o/ /yid ces bya ba 'di ni bri ba dang yang 'brel te/ bri ba'ang yid kyis bri ba'am/ ba bla la sogs pas dngos su bri bar bya'o/ /thams cad
 ces bya ba ni mtshon cha thams cad do/ /lhag ma ni go sla'o/ /sbyor ba gzhan gsungs pa/ yi ge bdun dang zhes bya ba la sogs pa la/ rnal 'byor ma drug gi yi ge zhes bya ba ni rnal 'byor ma'i go cha'i yi ge drug go /'khor lo drug la gnas
 pa zhes bya ba ni sngar bstan pa'i pad+ma'i 'dab ma drug pa yi ge bdun dang rnal 'byor ma'i go cha'i sngags drug bri ba'o/ lag pa'i dbus su zhes bya ba ni lag pa g.yon pa'i mthil du bri ba'o/ /de'i gzugs gyur gzung nas ni zhes bya ba ni bdag
 nyid rdo rje mkha' 'gro mdog dmar por bsgoms nas khu tshur bcangs pa'i lag pa'i 'khor lo las 'od zer lcags kyu'i dbyibs lta bu spros te bsgrub par bya ba'i snying ga nas drangs par bsgom mo/ /'gugs 'gyur zhes bya ba ni de ltar lag
 pa la 'khor lo bris pa dang/ kha nas sngags bzlas pa dang sems kyi bsgom pa gsum gyis 'ong ba'o/ /tsanda zhes bya ba la sogs pas ni rnam pa gzhan bstan pa yin te/ tsanda la sogs pa btags pa las bsgrub par bya ba'i gzugs
 bya ba'o/ /'dir yang sngar smos pa ltar gro ga la sogs pa la go ro tsa na la sogs pas 'khrul 'khor bris la snying gar gzhug par bya'o/ /rab bsgoms na zhes bya ba ni bsam gtan sngon du 'gro bas so/ /lan brgyar bzlas zhes bya ba ni
 nyi ma bdun du nyin re zhing brgya brgya bzla'o/ /sa bdag ces bya ba ni rgyal po'o/ /dbang du gyur nas ni 'gugs zhes bya ba ni chags pa bzhin du 'gugs pa'o/ /bcing ba gsungs pa/ rdul de nyid ni zhes bya ba rkang rjes kyi rdul lo/ /dur khrod ras
 la gtums nas su zhes bya ba ni rdul de dang lcags phyer bsres la dur khrod kyi ras kyi thum por bya ba'o/ /lan bdun du ni bzlas par bya zhes bya ba ni bsgrub par bya ba'i ming nas gzung ste/ de la lan bdun bzlas pa'o/ /sba ba ni 'khor lo bris pa'i lag
 pas sa'i 'og tu sbas na ji srid 'tsho'i bar du bcings par 'gyur ro/ /slar grol ba gsungs pa/ phye ma de nyid ces bya ba la sogs pa ste go sla'o/ /smyo bar bya ba gsungs pa/ phye ma de nyid ces bya ba la sogs pa la/ smyo byed lnga zhes bya ba ni d+ha d+hu ra'i
 'bras bu la sogs pa'i yan lag lnga'o/ /ro'i gos la bsgrub bya'i ming bri zhes bya ba ni 'khrul 'khor bris pa'i ras la'o/ /lan brgya bzlas te zhes bya ba ni/ smyo byed yan lag lnga pa so sor brgya brgya bzlas na de'i 'og tu gcig tu bsres te
 gtums la sba bar bya zhes bya bar sbyar ro/ /lhag ma ni go sla'o/ /slar grol ba gsungs pa/ phyung nas zhes bya ba la sogs pa smos te/ de yang go sla'o/ /rdo rje sems dpa' zhes bya ba la sogs pa'i tshigs su bcad pa phyed snga ma ni sngar bstan pa
 bzhin du blta bar bya'o/ /da ni dpa' bo drug gi go cha'i sngags kyi 'khor lo bstan pa'i phyir/ de nas zhes bya ba la sogs pa gsungs te/ de bzhin gshegs pa zhes bya ba ni bya ba thams cad phyin ci ma log par mkhyen pa'i phyir ro/ /rdo rje zhes
 bya ba ni rang gi bstan pa mi phyed pa'i phyir ro/ /dpa' bo zhes bya ba ni nyon mongs pa drug gi g.yul las rgyal ba'i phyir te/ rdo rje sems dpa' la sogs pa'o/ /'khor lo gsungs pa ni de dag gi 'khor lo bka' stsal pa'o/ /gang zhe na/ zla ba'i
 dbus 'gyur zhes bya ba la sogs pa ste/ zla ba ni zla ba lta bu'i mu khyud zlum po ste/ ri mo gnyis su bskor ba'o/ /kha drug pa zhes bya ba ni rdo rje de'i lte bar pad+ma 'dab ma drug pa bri ba'o/ /slar yang zla ba zhes bya ba ni de'i dbus su yang zla ba lta bu'i
 ri mo gnyis kyis bskor ba'o/ /slar yang pad+ma zhes bya ba la yang gi sgras ni zla ba gzung bar bya ste/ rdo rje'i phyi rol tu yang zla ba la gnas pa'i pad+ma 'dab ma drug pa bri'o/ /de'i dbus su zhes bya ba ni nad rim gyi pad+ma'i dbus
 su'o/ /lte ba zhes bya ba ni de'i yang pad+ma'i lte bar ro/ /ci zhig ce na/ sa bon te yi ge hUM ngo/ /bsgrub bya'i ming dang spel bar bya zhes bya ba ni mngon par 'dod pa'i bsgrub bya'i ming gi thog ma dang tha mar hUM bri ba'o/ /rdo rje sems sogs zhes bya ba la sogs
 pas ni dbus su lnga pa'i gsang sngags bri zhes bya ba dang 'brel to/ /dbus kyi pad+ma'i shar la sogs pa'i 'dab mar/ oM ha na ma:hi swAhA hu/ wau ShaT he hUM hUM haM phaT hi ces bya ba drug bri ba'o/ /pad+ma'i 'dab mar de bzhin bzhag/ ring po drug na yang
 spangs pa/ /zhes bya ba ni phyi rol gyi pad+ma'i shar la sogs pa'i 'dab ma rnams su ha hi hu he ho haM zhes bya ba'i yi ge drug bri'o/ /rdo rje yi ni lte bar bri zhes bya ba ni rdo rje'i lta ba'i shar la sogs pa rnams su hA hI hU hai hau hAM zhes bya ba'i sngags kyi tshig
 rnams te ring po drug go /lhag ma ni go sla'o/ /gzung bar bya zhes bya ba ni zhi ba'i las la sogs pa thams cad la blta bar bya'o/ /gur kum zhes bya ba la sogs pas ni snag tsha dang byang bu bstan pa yin no/ /lan bdun du ni zhes bya ba la
 sogs pas ni go cha'i sngags 'di sngar grangs mang du bsnyen pa byas nas gos tha ma la lan bdun bzlas te/ gos kyi mdza' ma la mdud pa byas na ji skad smos pa bzhin du byed do/ /bcing pa gsungs pa/ lte ba der ni zhes bya ba la sogs pa
 la der ni zhes bya ba ni 'khor lo snga ma nyid/ thig les bskor ba zhes bya ba ni thig le dang spel te bri ba'o/ /pa ri tsa ta ka zhes bya ba la sogs pas ni snag tsha la sogs pa gsungs pa yin te go sla'o/ /bsgrub bya'i ming dang zhes bya ba la sogs pa la/
 'khrul 'khor bris nas sngags de nyid bsgrub bya'i ming dang spel ba lan stong du bzlas pa'i bsnyen pa byas la de'i 'og tu bsgrub par bya zhes bya ba'i don to/ /sgrub pa gsungs pa/ glang po che zhes bya ba la sogs pa la/ bcing bas bcings te zhes bya ba
 ni gnas gang du 'khor ba'i sgra byung la sgra grags sa'i gnas der skud pa ser pos 'khrul 'khor dril bar bya'o/ /de nas snying gar bzhug pa'i dus su yang ming dang spel ba'i sngags bzla bar bya'o/ /lhag ma ni go sla'o/ /rnal 'byor ma drug gi go cha'i 'khor
 lo gsungs pa/ mkha' 'gro ma'i zhes bya ba la sogs pa ste/ mkha' 'gro ma zhes bya ba ni rnal 'byor ma drug go /nam mkha' i dbyings kyi zhes bya ba la sogs pas ni rdo rje phag mo'i rnal 'byor dang ldan pas las 'di dag bya'o zhes ston to/ /ston ka'i
 zla ltar dri ma med pa zhes bya ba ni zhi ba'i las ston pa yin te/ des ni 'di las thams cad pa nyid du ston to/ /rtsibs de rnams la zhes bya ba ni shar la sogs pa'i 'dab ma rnams la'o/ /yi ge mchog tu phan pa dgod ces bya ba ni/ oM baM haM
 yoM h+riM moM haM h+riM h+riM hUM phaT phaT ces bya ba yi ge bcu gnyis dgod do/ /der lte bar zhes bya ba ni 'khor lo de'i lte bar ro/ /ci zhig dgod ce na/ rig pa chen mo'i yi ge che zhes bya ba ni rig pa chen po yang yin la yi ge chen po yang yin pas rig pa
 chen mo'i yi ge che ste go cha'i sngags thams cad yin la de bsgrub bya'i ming dang spel bar bri zhes bya bar sbyar ro/ /su yis she na/ bsrung ba'i rdo rje'i cho ga rig pa ste/ bsrung ba'i don du rdo rje dra ba la sogs pa bskoms pas so/ /lhag ma ni go sla
 'o/ /mkha' dbyings zhes bya ba la sogs pa sngar smos pa'i tshig rkang gnyis kyi lhag ma rkang pa gnyis bstan pa'i phyir rnam pa'i mchog kun zhes bya ba la sogs pa gsungs te/ de dag gi don ni chos kyi 'byung gnas kyi nang du gzhal yas
 khang brtsegs pa'i nang du sa bon h+ri(rgyud 'grel bstan bzhin zhes bya ba ni sngar tshar bcad pa'i las kyi 'khrul 'khor bstan pa bzhin du'o/ /dngos grub ces bya ba la sogs pas ni de nyid kyi las gzhan bstan pa yin te/ dngos grub thams cad ces bya ba ni dag gi dngos
 grub ste/ rnal 'byor ma rnams kyis ji skad smras pa bzhin 'gyur ba'o/ /las mchog ces bya ba la/ las ni chu dang go ro tsa nas byug pa la sogs pa'o/ /mchog ni grub pas dbang du bya ba'i mtshan nyid de gang gis zhes bya ba
 ni ka ra bI ra'i me tog dmar po'o/ /bsgrubs pa tsam gyis zhes bya ba ni cho ga sngon du 'gro ba'i bzlas pa tsam gyis te/ dngos grub ces bya ba la sogs pa lnga pa dang sbyar ro/ /ka ra bI ra'i me tog dmar pos dbang du bya ba'i cho
 ga'i shes rab gsungs pa/ skye gnyis zhes bya ba la sogs pa ste go sla'o/ /rgyal gyi sbyor ba zhes bya ba ni skar ma rgyal dang rgyal du sbyor ba'o/ /kha cig ni skar ma rgyal dang gza' nyi mar sbyor ba'o zhes zer ro/ /me tog de ni
 zhes bya ba ni me tog de nyid do/ /chur gnas pa zhes bya ba ni sgrub pa po chu bo chen por gnas nas lan brgya ru ni bzlas par bya zhes bya ba ni chu'i khyad par te lan brgya bzlas pa'i chu dang go ro tsa nas me tog la byug pa'o/ /sgrub
 pa shin tu mnyam gzhag pa zhes bya ba ni rdo rje phag mor bsgom pa'o/ /chu bo chen por zhes bya ba ni chur gnas pa zhes bya ba'i bshad pa yin na/ /lag pa thal sbyar zhes bya ba la sogs pas ni slar yang skar ma rgyal gyi nyin
 ra chu bo chen por zhugs te/ thal mo sbyar ba'i dbus su chu cung zad dang bcas pa'i me tog de nyid la go cha'i sngags lan stong du bzlas par bya ste/ 'dir grangs ni bsgrub pa'i grogs mchog gis bgrang 'phreng mdzub mos bgrang bas gzung bar
 ste/ sgrub pa'i grogs kyis kyang sngags bzla bar bya'o/ /yid kyis 'gugs zhes bya ba ni yid la brjod pa tsam gyis so/ /lhag ma ni go sla'o/ /yang 'gugs pa 'ba' zhig gi las gsungs pa ka ra bI ra'i zhes bya ba la sogs pa la/ lcug
 pa'i tsa to la gnas pa nyid la rig pa lan bdun bzlas nas de'i 'og tu gzung nas ni zhes bya ba dang sbyar ro/ /me tog de ni kha sbyar na zhes bya ba ni me tog gi 'dar ma kha sbyar ba'o/ /kha cig ni gcig gi nang du gcig zhugs pa'o zhes zer ro/ /
 gzhan dag ni me tog skye gnas su bcug nas snyoms par 'jug pas kha sbyar ro zhes zer ro/ /bsad pa'i gnas zhes bya ba ni skye gnas zhes bya ba'i bshad pa yin no/ /lhag ma ni go sla'o/ /da ni rdo rje phag mo'i rnal 'byor gyi sbyor ba gzhan
 bstan par gzheng nas gang zhig ces bya ba la sogs pa gsungs te/ gang gis bris pa tsam gyis ni/ /dngos grub mngon sum ster 'gyur ba/ /bshad par bya zhes bya ba dang 'brel to/ /rdo rje sems dpa' brlag 'gyur zhing zhes bya ba ni
 thu'i? bdag nyid ston pa yin no/ /mngon sum zhes bya ba ni sbyor ba las byung ba'o/ /zla ba'i dbus 'gyur rdo rje ste zhes bya ba la sogs pas ni mkha' 'gro ma'i rnal 'byor gsal bar ston pa yin no/ /mkha' 'gro ma'i sa bon dgod ces bya
 ba la sogs pas ni go cha'i snying po dgod pa ston to/ /las kyi bye brag gis bsam pa'i khyad par gsungs pa/ zhi ba zhi ba'i yid kyis bya zhes bya ba ste/ de ltar gzhan dag kyang blta bar bya'o/ /gos chen zhes bya ba ni dur khrod kyi ras la te/
 'di ni bsang ba'i las la sogs pa dang sbyar ro/ /chags pa zhes bya ba ni dbang dang dgug pa'o/ /bcing ba yang ser po dang sbyar ro/ /de bzhin zhes bya bas ni zhi ba la ni dkar po gzung la mngon spyod kyi las la
 ni sngon por gzung bar shes par bya'o/ /de dang der ni bsgom byas nas zhes bya ba ni las ji lta ba bzhin du bsam gtan byas nas so/ /ci rigs par ni sprul par bya zhes bya ba ni snag tsha la sogs pa las dang mthun par nyams su blang pa'o/ /bri ba
 gsungs pa/ bu mo zhes bya ba la sogs pa la bu mo ni lang tsho ma nyams pa ste/ de'i ro'i gos gzung bar bya'o/ /de nyid las byung sol pa yis zhes bya ba ni bu mo de nyid kyi re bsregs pa'i sol bas so/ /sna tshogs rdo rje kha bzhi la/ /sngags
 dang spel bar bris nas ni zhes bya ba ni 'khrul 'khor gyi dbus su bsgrub par bya ba'i ming dang spel ba'i sngags bri ba'o/ /de ni zhes bya ba ni rnam par shes pa'i lus so/ /rnam pa gzhan gsungs pa/ de'i rkang pa'i rkang spubs dang zhes
 bya ba la sogs pa la/ de'i zhes bya ba ni bu ma de nyid kyi'o/ /bum pa la sogs dag kyang dung zhes bya ba la bum pa ni dur khrod kyi bum pa'o/ /rus pa'i phur bu zhes bya ba ni rkang pa'i rkang zhes bya ba'i bshad pa'o/ /'dis ni 'khrul 'khor
 lnga pa nyid bu mo de nyid kyi rkang pa'i bu gu 'am/ de nyid kyi ro'i bug par bcug ste/ gang gi khyim sgor sbas pa de ji skad smos pa bzhin du 'gyur ba yin no/ /las rnams kun la zhes bya ba la sogs pa ni gzhung nye bar bsdu ba bstan pa yin te/
 las rnams kun zhes bya ba ni 'das ma thag pa'i las rnams so/ /cho ga dang ni ldan par bya zhes bya ba la cho ga ni sngar smos pa'i bri ba la sogs pa'o/ /ldan pa ni de dang ldan pa ste/ bla ma las gzung ba'i gsang sngags kyis so/ /rang gis gzung
 ba'i sngags kyis ni zhes bya ba ni slob dpon med par gzung ba'o/ /las 'di zhes bya ba la sogs pas 'di de bstan pa'i sngags rnams kyi che ba bstan pa yin te/ 'di zhes bya ba ni ka ra ka ra la sogs pa'i sngags 'di dag go /lhag ma ni go sla'o/ /gang dang
 gang gis bsam gtan gyi zhes bya ba ni zhi ba la sogs pa dang mthun pa'i ting nge 'dzin gyis so/ /sbyor ba de dang de dag gi zhes bya ba ni/ dkar po la sogs pa'i sbyor bas so/ /de gnyis ka'i dpe gsungs pa/ ji ltar nor bu dag pa ni zhes bya ba la sogs
 pa ste/ nor bu dag pa ni shel sdong dri ma med pa'o/ /rdzas gang la zhes bya ba ni snam bu la sogs pa'i rdzas la'o/ /bstan pa 'di nyid bshad pa'i phyir/ bsam pa gang dang gang gis ni zhes bya ba la sogs pa gsungs te go sla'o/ /da ni rgyud 'di nyid kyi che ba
 bstan cing/ gzhan dag tu de kho na sbas par bstan pa'i phyir/ de nyid bsdus dang zhes bya ba la sogs pa gsungs te/ sogs kyis ni dpal mchog dang po la sogs pa gzung ngo/ /gzhan yang sngon dang tha ma'i zhes bya ba ni gang zhig sngar bshad pa dang/
 phyis 'chad par 'gyur ba'i rgyud thams cad do/ /ci 'dra zhe na/ de nyid ces bya ba smos te/ de nyid ces bya ba ni sngags kyi de kho na nyid do/ /sbyor ba zhes bya ba ni 'khor lo bri ba la sogs pa'o/ /cho ga ni zhi ba la sogs pa'i las so/ /bya ba ni nyams su blang
 ba'i bsgrub thabs te/ de dag dang ldan du zin kyang man ngag shin tu sbas pa'i rgyud de dag gis ni sgrub pa po nyon mongs par 'gyur ro/ /'gro ba zhes bya ba ni sgrub pa po'i skye bo rnams so/ /ji srid du zhe na me'i 'jig gi bar zhes bya ba ste/ ji srid du me'i bskal pas
 'jig rten zhig pa la thug gi bar du bsgrubs kyang mi 'grub pa'o/ /ci'i phyir zhe na/ thams cad du ni sbas pa ste/ de kho na nyid kyi man ngag dang bral ba'i phyir ro/ /pha rol zhes bya ba ni rgyud gzhan dag go /brtson 'grus 'joms pa zhes bya ba ni brtson
 'grus dang ldan pa yang 'brang bu med pa'o/ /yang na brtson 'grus ni rgyud de dag la brtson pa'o/ /pha rol ni phyi rol gyi theg pa la zhugs pa'o/ /gnon pa ni de dag gi bla mar gyur pa ste/ rgyud kyi rgyal po 'di'o/ /ci'i phyir
 zhe na/ rdo rje sems dpa' zhes bya ba la sogs pa gsungs te/ rdo rje sems dpa' mtshungs pa ni yon tan du ma dang ldan pa'o/ /su zhig ce na/ rdo rje slob dpon te rgyud 'di'i rnal 'byor pa chen po'o/ /bdag nyid che zhes bya ba ni mthu chen po'o/ /ci'i phyir zhe na
 dngos grub myur du skye 'gyur ba zhes bya ba ste/ dngos grub dang mthun pa'i man ngag ster ba'i nus pa yod pa'i phyir ro/ /de nyid bshad pa'i phyir/ 'phral du zhes bya ba la sogs pa gsungs te/ 'phral du zhes bya ba ni tshe 'di la'o/ /nyon mi mongs pa zhes
 bya ba ni tshogs med par ro/ /des 'di skad du pha rol tu phyin pa'i theg pa la sogs par shin tu yun ring mor 'bad pa dang bcas pas bsgrubs kyang ma grub pa de 'dir tshe 'di nyid la bde blag tu 'grub par ston to/ /phyag rgya'i sbyor ba zhes bya
 ba ni lha'i rnal 'byor gyis so/ /'on kyang dam tshig dang ldan par bya'o zhes bstan pa'i phyir/ dam tshig mi ldan zhes bya ba la sogs pa gsungs te/ bcom nas zhes bya ba rnal 'byor pa mkha' 'gro ma rnams kyis gsod pa'o/ /ngan 'gro zhes
 bya ba ni mnar med pa la sogs pa'o/ /yang gsungs pa/ g.yon gyi zhes bya ba la sogs pa la g.yon zhes bya ba ni rnal 'byor ma rnams so/ /rgyud ni de'i rnal 'byor te/ dmigs pa ni bsgoms pas
 so/ /yang na g.yon zhes bya ba ni bzlog pa ste/ bya rog dang khyi la sogs pa'o/ /rgyud ni tshogs te dmigs pa ni de rnams kyi sha'i ston mo la longs spyod pa'o/ /skye bo zhes bya ba ni rnal 'byor pa'o/ /thams cad g.yon nas spyod ces bya ba ni
 rdo rje mkha' 'gro'i rnal 'byor bas gza' ba dang nyal ba dang/ mchod rten bskor ba la sogs pa thams cad g.yon nas bya'o/ /thams cad g.yon pas kun tu bya zhes bya ba la/ thams cad g.yon pa ni shes rab kyi pha rol tu phyin pa ste bdag med pa'o/ /kun
 tu zhes bya ba ni bsgom pa'o/ /des cir 'gyur zhe na/ myur du zhes bya ba la sogs pa ste go sla'o/ /dpa' bo thams cad ces bya ba la sogs pa la/ dpa' bo thams cad dang mnyam par sbyor ba ni rig pa thams cad kyi sngags so/ /'khor lo ni de'i 'khrul 'khor
 la'o/ /'byung ba ni bstan pa'o/ /rim par phye ba ni gzhung gi tshogs te bcu drug pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bcu drug pa'i rnam par bshad pa'o// //da ni bcud kyis
 len bstan pa'i le'u gsungs pa/ de nas zhes bya ba la sogs pa la/ de nas zhes bya ba ni dpa' bo thams cad mnyam par sbyor ba'i 'khor lo 'byung ba bstan pa'i 'og tu'o/ /de las zhes bya ba ni gang gi phyir zhes bya ba'i don te gang gi phyir lus rgyas ba ma
 gtogs par rnal 'byor dang rjes su mthun par mi 'gyur bas so/ /snying po thams cad bsdus pa zhes bya ba ni/ sman rnams kyi snying po'i tshogs so/ /sgrub po'i bdud rtsi sbyor ba'i mchog ces bya ba ni rnal 'byor pa'i sbyor ba las byung ba'i bdud rtsi gang yin
 pa'o/ /ga bur zhes bya ba la sogs pa la/ gand+ha zhes bya ba ni dri'i rkang ngo/ /ku su ma zhes bya ba ni ku sum pa'o/ /pa sa ta zhes bya ba ni gla rtsi'o/ /kun du ru zhes bya ba ni grags par zad do/ /ri'i zhag ces bya ba ni dpal gyi sgom pa'o/ /ri skyes zhes bya ba ni
 brag zhun no/ /sbu gu'i zhag ces bya ba ni u ri'i sha'o/ /dri mar ku zhes bya ba ni dza na ta'i mar khu'o/ /so zhes bya ba ni dpyod do/ /lag skyes zhes bya ba ni chu srin gyi sen mo'o/ /rdul zhes bya ba ni de gnyis kyi phye ma'o/ /rgya mtsho las skyes zhes bya ba
 ni rgya mtsho'i dbu ma'o/ /gangs zhes bya ba ni tsanda no/ /nang gi phyogs bshad par bya ste/ ga pur zhes bya ba ni byang chub kyi sems so/ /gur kum zhes bya ba ni pad+ma las byung ba'i rin chen 'byung ldan no/ /dri zhes bya ba
 rnam par snang mdzad do/ /gand+ha pa tra ni mig gi dri ma'o/ /shing tsha ni pags pa'o/ /sug smel ni rna spags so/ /ku su ma ni khrag go /chu ni mi bskyod pa'o/ /pi si ta ni sha'o/ /kun tu ru ni sbyor ba las byung ba'i me tog dang bcas pa'i byang chub
 kyi sems so/ /ri'i zhag ni sgra las byung pa'i mar khu'o/ /ri skyes ni klad pa'o/ /spu gu'i zhag ni rkang pa'o/ /dri'i mar khu ni rnam par snang mdzad las byung ba'i mar khu'o/ /so ni so nyid do/ /lag skyes ni sen mo'o/ /rdul ni de gnyis kyi phye
 ma'o/ /rgya mtsho las skyes ni mi bskyod pa las byung ba'i lan tsha'o/ /gangs chu ni sbu las byung ba'i lan tsha'o/ /snying po ni mchil ma'o/ /yang gand+ha zhes bya ba ni mu zi'o/ /ri skyes zhes bya ba ni kri kar ni kra'i tsa ba'o/ /so zhes bya ba ni ba sla
 ste/ /de yang phyi'i yin no/ /lus can rnams la phan byed pa zhes bya ba ni phan 'dogs pa'o/ /ci zhig ce na/ de dag ste khams de dag go /de ltar zhes bya ba la sogs pa la/ bco brgyad ces bya ba ni grangs te/ rdzas zhes bya ba ni phyi
 nang gi bdag nyid can no/ /bcud kyi lan zhes bya ba la/ bcud ni rlung dang mkhris pa dang bad kan gyi rang bzhin no/ /len pa ni mnyam zhing 'dren par byed pa ste/ khams rnams sbyong zhing rgyas par byed pas zhes bya ba'i don to/ /'di ni
 bstan pa tsam ste bshad pa ni le'u bzhi bcu rtsa bdun pa la sogs pa las ston par 'gyur ro/ /'di rnams sbyang ba'i thabs gsungs pa/ de nas brtag pa'i las dang ni/ /yon tan yan lag cho ga bshad ces bya ba dang/ brtag
 pa zhes bya ba ni spyad pa'o/ /las zhes bya ba ni sbyang ba'o/ /de nyid 'dris par byas na yon tan te/ yan lag ni thabs so/ /ci zhig ce na/ tsam pa la sogs pa'i rdzas te/ des 'di rtogs par byed pa'i phyir ro/ /cho ga ni de'i bya ba ste bshad pa'o/ /de
 nyid gsungs pa/ tsam pa ka dang zhes bya ba la sogs pa la/ sbrang rtsi 'dzag ces bya ba ni me tog dmar po zhes go /pri yang ku zhes bya ba ni sngo bsangs so/ /ku su ma ni ku sum pa'o/ /'dir spri ka yang blta bar bya ste/ ji skad le'u bzhi bcu
 rtsa bdun pa las spri ka dang ni re'u nu ka ni zhes zer ba'i phyir ro/ /de la re'u nu ka ni 'bras bur yang gtogs pa yin no/ /dang zhes bya ba ni ma smas pa btu ba yin te/ gur kum yang gzung bar bya'o/ /de nyid kyis na 'og de nyid nas bcu
 gcig ste zhes bya ba la/ gur kum bsnan nas bcu gcig tu 'gyur ro/ /sh+ri pha la zhes bya ba la sogs pa la sh+ri pa la ni bil ba'i 'bras bu'o/ /bo son cha ni po son cha'i 'bras bu'o/ /la gu rtsa ni du hu'i 'bras bu'o/ /ku ba ni ku ba khan
 de'i 'bras bu'o/ /brta ki ni ba dza ki'o/ /ma ra tsa ni a ba ku rtsi zhes bya ba'o/ /re'u nu ka yang 'bras bu'i sder blta bar bya ste/ 'og nas me tog gi sder bstan mod kyi khyad par du re'u nu ku la dang zhes bya bas bsdu ba bstan pa'i phyir ro/ /'og nas
 'bras bu bcu drug tu bstan mod kyi don gyis na bcu bdun du shes par bya'o/ /de ltar sh+ri pha la nas pi pi ling yan chad ni 'bras bu'i sde'o/ /bca' ba zhes bya ba la sogs pa nas bca' ba nas mtshan mo'i shing zhes bya ba yan chad ni rtsa ba'i
 sde'o/ /bca' ba la sogs pa ni grags par zad do/ /bca' sga zhes bya ba ni rwa can no/ /rlan can gyi dwa ba zhes bya ba ni chu nang du skye ba'i dwa bar grags pa'o/ /na ga pA la zhes bya ba ni ba lang skyong gi 'bras zhes bya'o/ /dkar po zhes bya ba
 ni a ba rA dzi ta dkar po'o/ /rgan po gzhon nur byed pa ni grags par zad do/ /'og nas 'byung ba'i byis pa dang stug po dang mtshan mo'i shing dang gsum yang rtsa ba'i sder gtogs pa yin te/ 'og nas pa li ka dang/
 mtshan mo'i shing bcu gnyis rtsa ba'i sde zhes zer ba'i phyir ro/ /de la byis pa ni grags par zad do/ /stug po ni gla sgang ngo/ /mtshan mo'i shing ni yung pa nag po'o/ /byis pa dang stug po ni chu'i sder yang gtogs pa yin no/ /de bzhin zhes bya ba'i
 sgras ni ral pa la sogs pa ma smos pa yang gzung pa yin no/ /glang chen sgra zhes bya ba nas/ myur 'gro dang zhes bya ba'i bar du ni rtsa ba dang yal ga la sogs pa dang bcas pa ste chu'i sde'o/ /glang chen sgra zhes bya ba ni/ dngul chu gsod pa zhes bya
 ba'o/ /ri mdzes ni 'byung po'i sgra'i/ /'dzag pa ni rtag tu ngu'o/ /ral pa dmar po ni dmar po bskrad pa zhes bya ba'o/ /smyo byed na d+hi d+hu ra'o/ /myur 'gro ni a sha gan d+ha'o/ /ka tam pa zhes bya ba la sogs pa brgyad ni shun pa'i sde'o/ /ga tam pa
 la sogs pa ni grags par zad do/ /shing khru ni so phan dza'o/ /pi la sin pe ta zhes bya bar grags pa'o/ /kun tu ma dza zhes bya ba la sogs pa la ka tu ma dza'i ri zhes bya ba ni ka ma dza re nyid do/ /pa la sha zhes bya ba la sogs pa la/ ba la
 sha ni me tog gi sder blta'o/ /lhag ma gsum ni sdong po'i sde'o/ /bu ram zhes bya ba la sogs pa la/ gur shing ni gur shing las byung ba'i khu ba'o/ /mok+Sha ni pa ra zhes bya ba ste/ thal sman gyi sde'o/ /pus ka ra na pus ka ru mu la Da'i yu ba
 'am pas ka ra'i shing gi chu'o/ /de ltar mo ka mo ka mok+Sha ma gtogs pa lnga'i steng du lo tra'i khu ba bsnan pa drug po de dag ni bcud kyi sde zhes bya'o/ /bsdus pa'i don gsungs pa/ me tog ces bya ba la sogs pa ste/ shing ngo zhes bya ba ni
 sdong po ste/ ngo zhes bya ba ni sde tshan yongs su rdzogs pa'i chog go /khu byug ces bya ba la sogs pa la/ zangs kyi gtsug pud can ni khyim bya'o/ /bya rog ni bya rog chen po'o/ /ka ra ka ra ni bya bye'u'i khyad par zhig go /drang srong bu ni ne tso'o/ /
 stobs 'phel bar byed ces bya ba la bcud kyis len la de dag gis sha khu zos na stobs 'phel bar byed pa zhes bya ba'i don to/ /de dag ni 'dab ma can gyi sde'o/ /phyugs kyi sde gsungs pa/ ra dang ri bong ri dags dang zhes bya ba la sogs
 pa la/ ri dags zhes bya ba ni shwa rigs su gtogs pa rnams so/ /phag ces bya ba ni phag gi khyad par zhig ste/ ba so ya ka zhes bya bar grags par zad pa'o/ /lhag ma ni go sla ste sha'i sde'o/ /me tog ces bya ba la sogs pas ni chang
 gi sde gsungs pa yin te/ me tog ces bya ba la sogs pas ni chang zhes bya ba dang sbyar ro/ /de la me tog gi chang ni tA la'i me tog la sogs pa las byung ba'o/ /'bras bu'i chang ni rgun 'bru'i khu ba la sogs pa'o/ /shun pa'i chang ni shing
 shun dang 'bras can du bsres pa las byung ba ste dzi po'o/ /'bru'i chang ni go bar zad do/ /gzhan yang chang gi bye brag ces bya ba ni bur shing gi khu ba'i chang dang zan chang la sogs pa gzung ngo/ /mdor bsdus nas zhes bya ba ni shin tu
 bsdus pa ste/ rgyas pa ni 'og nas ston to/ /'di dag ces bya ba ni chang rnams so/ /sman zhes bya ba ni nad kyi mthu 'jig pa'i phyir ro/ /de dag ji ltar bsten par bya ba gsungs pa/ bza' ba dang zhes bya ba la sogs pa ste go sla'o/ /drug cu
 rtsa bzhi zhes bya ba ni me tog tsam pa ka nas byi ba'i sha'i bar gyi rdzas rnams so/ /bco brgyad ces bya ba ni ga pur nas stong pa'i bar gyis rdzas rnams so/ /de rnams kyis ji ltar phan gdags she na/ sbom po zhes bya ba la sogs pa
 gsungs te/ sbom po ni mchog go /phra mo ni tha ma'o/ /ci zhig ce na/ skyes pa dang ni bud med kyang ste/ na so dang me drod la sogs pa'i bye brag gis mchog dang tha ma dang don gyis na bar ma dang gsum
 du gzung bar bya ste/ sgrub pa po'i bye brag de ltar gsum du shes par byas nas rdzas kyi tshad che chung rnam pa gsum gyis so sor phan gdags par bya'o/ /de yang 'di lta ste/ tha ma la ni srang gnyis te/ /bar ma la ni de bzhin bzhi/ /mchog
 la srang ni rnam pa drug/ sman mar dag ni bskol bar bya zhes pa lta bu'o/ /de bzhin du nad rnams kyang che 'bring rnam pa gsum du shes par bya ste/ de nyid kyi phyir gsungs pa/ rlung dang zhes bya ba la sogs pa ste go sla'o/ /de ltar na rdzas
 de rnams kyis nang gsal ba 'ba' zhig tu ma zad kyi rnal 'byor ma rnams kyis sgrub pa po'i tha mal pa'i dbye ba sbom po dang bar pa dang/ phra mo rnams la tshe spel ba la sogs pa'i phyir yang ci rigs pa'i sbyor bas phan gdags
 par bya'o/ /sogs kyis na chu ser la sogs pa gzung bar bya ste/ rlung la sogs pa de dag 'phel 'brir gyur pa nyid nad yin no/ /de la gang ba dang/ zhom pa dang/ gzung ba dang/ bskyod pa dang/ 'bud pa rnam pa lnga ni rlung gi
 mtshan nyid do/ /chags pa dang/ drod dang/ gzi brjid dang/ dri ma dang/ me drod skyes par byed pa ni mkhris pa'i mtshan nyid do/ /tshigs sbyar ba dang/ mchil snabs dang snum pa dang/ lci ba dang/ brtan par byed pa ni bad kan gyi mtshan nyid
 do/ /tshim par byed pa ni khrag chu ser ro/ /'tsho bar byed pa ni khrag go /sha ni phyi rol brtan par byed pa'o/ /chil gyis snum pa'o/ /mkhrang zhing 'dzin pa ni rus pa'o/ /spu gu'i nang 'gengs pa ni rkang ngo/ /nyams stobs 'phel zhing
 sreg? pa ni khu ba'o/ /chu so'i gnas gzer bar byed pa ni gci ba'o/ /zhu ba'i gnas na gnas shing me dang/ rlung gzung ste/ tshim par byed pa ni bshang ba'o/ /pags pa brtan par byed pa ni rdul lo/ /kha zas len pa ni snying po'o/ /nu ma mkhrang zhing
 'phyig par byed pa ni nu ma can no/ /lus zungs bcu drug pa phra mos ni me 'bar zhing srog 'dzin pa ste/ de dag ni rlung la sogs pa lus zungs bcu drug gi mtshan nyid do/ /de dag 'bri ba dang/ 'phel ba mi mthun par gnas pa las/ 'bri zhing zad
 pa? bshad par bya ste/ de la rlung bri bas ni smra nyung ba dang/ yan lag nyam chung ba dang/ sems blun zhing rmongs bag tu 'gyur ro/ /mkhris pa bri bas ni phyi'i drod chung ba dang/ nang gi me drod nyams pa dang/ mdangs med par 'gyur ro/ /bad kan bri bas ni khong
 tshab? dang sems 'phyar ba dang/ khong skya ba dang/ rtsa rnams stong par 'gyur ro/ /chu ser bri bas ni lus skem zhing snying 'chu ba dang/ 'dar ba dang kha zas yi gar mi 'ong bar 'gyur ro/ /khrag zad pas ni lus kyi mdangs nyams pa dang pags pa
 skams? pa dang/ rtsa lhod pa dang/ sems bying bar 'gyur ro/ /sha zad pas ni lkub ches dang brla dang/ dku na ba dang skyug bro zhing skyem par 'gyur ro/ /tshil zad pas ni mchi ma 'phel zhing tshigs 'phrog pa dang/ khong skya ba dang/ sha lhod par 'gyur ro//
 rus? pa zad pas ni ru shing na ba dang/ so dang sen mo mdangs med cing 'grub par 'gyur ro/ /rkang zad pas ni khu ba nyung ba dang/ ro rgyab ni zhang rus zhing 'khol ba yin no/ /khu ba zad pas ni chu so dang pho mtshan na zhing 'dod pa spyod mi nus pa dang/
 khu? ba yun ring po zhig nas 'byung ba dang/ khu ba phra zhing khrag tu snang ba'o/ /gci ba zad pas ni chu so gzer ba dang/ gci ba nyung bar snang ngo/ bshang ba zad pas ni snying ga dang rtsibs logs su zug cing dbugs mi bde ba dang/ dku 'byar ba
 yin no/ /rdul zad pas ni ba spu langs pa dang/ pags pa tshor ba chung bar 'gyur ro/ /snying po zad pas ni lto 'phar ba dang lus phra ba dang dku zad par 'gyur ro/ /nu ma can zad pas ni nu ma nyams zhing na bar 'gyur ro/ /lus
 zungs phra mo zad pas ni dbang po mi gsal ba dang/ rlung nyams par 'gyur ro/ /yid gzhungs shing me drod bskyed pa'i phyir/ de ltar rlung la sogs pa lus zungs phra mo'i mthar thug pa de dag gi zad pa'i skye gnas dang/ yid gzhungs shing me drod
 bskyed pa'i phyir de dag skyong bar byed pa'i rdzas bshad par bya ste/ de la gsal ba dang/ skya pa dang/ yang ba dang/ rtsub pa dang/ mkhregs pa'i yon tan dang ldan pa rnams ni/ rlung gi thun mong gi skye gnas te/ de dag kyang ro bska ba dang sbyar
 ro/ /de yang gsil bas ni bsil ba mngon par spel ba'o/ /de bzhin du skya bo las ni skya bor ro/ /yang ba las ni yang bar ro/ /rtsub pa las ni rtsub par ro/ /mkhregs pa las ni mkhregs par ro/ /de la rno ba dang/ skya ba dang/ yang ba dang/
 brtsub pa'i yon tan rnams ni mkhris pa'i thun mongs kyi skye gnas te/ ro ni tsha ba dang sbyar ro/ /de yang rno ba las ni rno bar ro/ /skya ba las ni skya bar ro/ /rtsub pa las ni rtsub bar ro/ /de la mngar bag dang/ snum bag dang/ lci ba dang/
 bsil ba dang/ spyi bag gi yon tan can rnams ni bad kan can gyi skye gnas te/ ro ni mngar ba dang sbyar ro/ /de yang mngar bag gis ni mngar bag can no/ /snum pas ni snum par ro/ /lci ba las ni lci bar ro/ /bsil ba las ni bsil bar
 ro/ /spyi bag las ni spyi bag can du bya'o/ /da ni mi mthun pa'i skye gnas bshad par bya ste/ de la ro tsha ba ni bad kan gyi mi mthun pa ste/ ro tsha bas mngar ba'i ro zil gyis gnon pa'i phyir ro/ /de bzhin du skya ba ni snum pa'i gnyen po'o/ /yang
 ba ni lci ba'o/ /rno ba ni bsil ba'o/ /rtsub pa ni spyi bag gi'o/ /de ltar rlung gi mi mthun pa'i skye gnas ni mngar ba la sogs pa ste/ nges bska ba la sogs pa zil gyis gnon pa'i phyir ro/ /mkhris pa'i mngar ba dang kha ba'o/ /de yang gsungs pa mngar dang
 skyur? ba dang lan tshwa'i ros/ /rlung ni 'joms par byed pa yin/ mkhris pa mngar dang kha dang bskas/ /tsha dang kha bas bad kan no zhes so/ /de la tshim pa dang/ khar chags pa dang/ myug myug po rnams ni mngar ba'i ro'o/ /so brtse ba dang/ 'gram mchu ldang bar byed pa
 ni? sgyur ba'o/ /kha bas yi gar 'ong ba dang/ mchil ma 'dzag pa dang/ 'bugs par byed pa ni lan tshwa'i ro'o/ /lce dang rkan dang/ mig dang sna ba la sogs pa tsha zhing sreg la mchi ma 'dzeg par byed pa ni tsha'o/ /kha rtsub pa dang gre ba skam pa dang/ kha zas
 yi? ger 'ong bar byed pa ni khan te'o/ /lce rtsub pa dang gre bar 'chags pa dang/ snying ga na bar byed pa rnams ni bska ba'i mtshan nyid do/ /de la ro mngar pa ni khrag dang tshil dang/ sha dang rus pa dang/ rkang dang/ khu ba dang/ nu ma rnams 'phel bar byed la
 mig? dang skra'i mdog bzang bar byed de khrag dang rlung 'joms par byed cing byis pa dang rgan po dang/ nyams stobs zad pa la phan te/ sbrang rtsi dang pi pi ling du bsres na yid du 'ong ba dang/ tsha ba dang brgyal ba rnams 'joms par byed cing dbang po
 rnams? dag par byed de/ de yang shin tu bsten grogs pas ni blo dang dbugs mi bde ba dang/ skyug bro ba dang/ skad kyi gsang mi snyan pa dang/ srin bu dang lkog 'bras rnams skye par 'gyur ro/ /skur bas ni 'dzu zhing smin pa dang/ mchil ma sogs la
 sogs pa'i dri ma 'byin pa dang/ rlung lugs su rgyu ba dang/ khong gi tshab phyir 'byin pa dang/ grang pa 'joms shing yid du 'ong ba yin te/ shin tu bstan grags pas ni so na zhing brtse ba dang/ mig rab rib tu 'gyur ba dang/ ba spu brtse ba la sogs
 pa byed par 'gyur ro/ /lan tshwa'i ros ni dri ma khyim pa dang/ 'ju zhing smin pa dang/ tshim pa dang/ khong ltod pa dang/ lus kyi drod bskyed pa dang/ khu ga'i sgo sbyong ba dang/ lus kyi yan lag thams cad du
 khyab pas mnyen par byed de/ shin tu bsten grags pas ni lus g.ya' zhing za ba dang/ kha skog skam pa dang/ skom dang che zhing po dang mo'i dbang po 'joms la rlung dang khrag dang mkhris pa bskyed par byed do/ /ro tsha bas ni mo drod bskyed
 pa dang/ sbyin pa dang/ kha zas yi gar 'ong ba dang/ tsho ches pa dang/ lus ltam ltam por byed pa dang/ srin bu dang/ dug dang/ mdze dang/ za 'bum la sogs pa sel bar byed de/ shin tu bsten grags pas ni/ gre ba dang/ rkan dang
 mchu rnams skam zhing ma'o 'khor bar 'gyur ro/ ro kha bas ni/ me drod bskyed cing yi gar 'ong ba dang/ dri ma spyod pa dang/ gzhan yang za 'brum la sogs pa dang/ skom dang che ba dang/ rmongs pa dang/ rims rnams sel bar byed
 cer lus sbyong la gshang ba dang gci ba dang tshil skems par byed de/ shin tu bsten grags pas ni lus 'khrug pa dang/ mgo 'khor ba dang khong zug pa dang/ yan lag 'bugs pa snyam byed par 'gyur/ /ro bskang sa ni dri ma rnams
 sdud pa dang/ sgo rnams 'gegs pa dang/ sbyong ba dang/ zlog pa dang/ 'ching ba dang/ dri ma phal cher 'byin par byed de/ shin tu bsten grags pas ni snying mi dga' ba dang/ ngal zhing dub pa dang/ mig mi gsal ba dang/ lus thams cad
 ber ber por byed par 'gyur ro/ /da ni de dag gi sde tshan bshad par bya ste/ de la ka lha la sogs pa dang/ 'o ma dang/ mar dang/ zhag dang/ rkang dang/ sa li dang/ nas dang/ gro dang/ mon sran gre'u dang/ sring ga ta ka dang/ ka se ru dang/ ka li ya la dang/
 bus ka ra'i sa bon dang/ gur kum dang sbrang rtsi dang/ rgun 'brum dang/ kha dzur dang/ rgyal pos byin dang/ na ri rkel dang/ gur shing las gyur pa'i bye brag dang/ 'ba' la dang/ a ti bA la dang/ ata ma gu pa ta dang/ rgya shug dang/ 'o ma can dang/
 gzem dang/ khrir mo ta ka dang/ ma du la ga dang/ ku sman ta la sogs pa ni mngar ba'i sde tshan mdor bsdus pa'o/ /bal po'i se'u dang/ skyu ru ra dang/ ma du lung ga dang/ a 'bra dang/ ka bi ta dang/ ka ra ma ta dang/ ba da ra dang ga ra pra tsi dang/ a ma
 la ka dang/ spa'i 'bras bu dang/ ti ni ti ti ka dang/ ka dam pa dang/ stang bu dang/ d+ha dA sha tha dang/ zho dang/ dar ba dang/ chang dang/ tshe dang/ sangs po dang rtsabs la sogs pa ni skyur ba'i sde'o/ lce myang tsha dang/ so rtsi ka dang/ lan tshwa dang/ nas tshig
 'khrus pa'i thal pa dang/ su tsa rtsikra la sogs pa ni lan tshwa'i sde'o/ /pi mi lang dang/ su ngas la sogs pa dang/ sprang rgod dang/ se gru dang la phug dang/ sgog pa dang/ su mu kha dang/ ru rta dang/ da ba rda ru dang/ ha re nu ka dang/ ba la khu tsha'i 'bras
 bu dang/ skye tshe dang/ gu gul dang/ gla sgang la sogs pa ni tsha ba'i sde'o/ /ar ka ba tha dang/ sle tres la sogs pa dang/ ma du ka pa da ri na dang/ spa'i ldum bu dang/ smyig ma'i ldum bu dang/ ser po gnyis dang/ dbang po'i gnas dang/ ba ru
 ra dang/ sa du dang/ ka ru ka dang/ s+tha ta par ni dang/ bri ha ti gnyis dang/ shang gi ni dang/ kar ko taka dang/ ka ra bil ba dang/ ba ta ku dang/ ka ra bI ra dang/ sum na dang/ shang ka pus pa dang/ a pa mar ga dang/ tra sa ma na dang/ bu rtse shel dang/
 bi rtsa yan ti dang/ su par tsa la dang/ bri rtsi ka la dang/ dzo ti sma ti la sogs pa ni khan da'i sde'o/ /na go la sogs pa dang/ a ba tha la sogs pa dang/ pri yang ku la sogs pa dang/ 'bras bu gsum dang/ sa la ki dang/ dzam bu dang//
 a bra dang/ ten tu ka la sogs pa dang/ sa ga'i 'bras bu dang/ pa sha na be ta ka dang/ ba na ya ta'i 'bras bu dang/ pra la sa dang/ ku ru pa ta ka dang/ ko pi da ra dang/ dzi ban ti dang/ zho ma dang/ so ni sha ka la
 sogs pa dang/ ba ra ka dang/ mon sran sde'u la sogs pa ni bska ba'i sde'o/ /de ltar de rnams nye bar bsten pas mi mthun pa'i phyogs kyi nyes pa rnams zhi bar 'gyur ro/ /de yang gsungs pa/ ro drug dag ni bzlog bsten pas/ shin tu stobs
 ldan nad rnams kyis/ /nyes pa ji ltar 'khrugs gyur kyang/ de ni zhi bar nye bar 'gro zhes so/ /lus zungs rnams 'phel ba'i mtshan nyid brjod par bya ste/ rlung 'phel bas ni lud pa dang/ 'dar bu dang/ grang shum dang/ gnyid med pa
 dang/ stobs chung ba dang/ rtug skams pa la sogs par 'gyur ro/ /mkhris pa 'phel bas ni mdog ser por snang ba dang/ tsha zhing grang bar 'dod pa dang/ gnyid chung ba dang/ myos pa dang/ stobs chung ba dang/ bshang gci mdog ser
 bar 'gyur ro/ /bad kan 'phel bas ni mchil snabs mang ba dang/ lus lci ba dang/ ltam ltam por byed pa dang/ skad 'dzer ba dang/ gnyid che bar 'gyur ro/ /chu ser 'phel bas ni snying gzer ba dang/ rdul che bar 'gyur ro/ /khrag 'phel
 bas ni mig dmar por 'gyur ro/ /sha 'phel bas ni rkub tshos dang/ brla dang/ byin pa dang/ dpung pa la sogs pa 'phel zhing lci bar 'gyur ro/ /tshil 'phel bas ni lus snum pa dang/ lto ba dang rtsib logs 'phel zhing lud pa dang/ dbugs
 dri mi zhim pa yin no/ /rus pa 'phel bas ni sen mo mkhreng zhing/ so lhag la sogs pa skye bar 'gyur ro/ /rkang 'phel bas ni lus thams cad dang mig lci bar 'gyur ro/ /khu ba 'phel bas ni khu ba rdo ltar sra ba dang/ chu sor
 rde'u chags par 'gyur ro/ /gci ba 'phel bas ni/ chu rde'u dang/ chu so tsha breng breng por byed cing dbre bsnams par 'gyur ro/ /gshang ba 'phel pas ni/ dgu na ba dang/ kha dri mi zhim pa dang/ kha zas mi len par 'gyur ro/ /rdul 'phel bas ni zas tshag dang/
 lus kyi dri mi zhim par 'gyur ro/ /nu ma can gyi ni nu ma skrang zhing yang yang du phyi sa 'byung ba dang/ lus tsha bar 'gyur ro/ /snying pos ni gsus pa slo zhing rdul 'byung bar 'gyur ro/ /phra mos ni lus thams cad 'khol zhing nyams stobs chung bar
 'gyur ro/ /de ltar zad pa dang 'phel ba dag bya ba'i khyad par gyis bzlog nas lus zungs mnyam par bya ste/ de yang gsungs pa/ gong nas gong du 'phel ba dang/ /de la bzlog ste bri ba dag /nad yin pas na de bzlog nas/ /lus zungs
 snyoms pa mar bya zhes so/ /da ni mkhris pa nas khu ba'i bar du lus zungs rnams shin tu 'phel ba dang 'bri ba bzlog nas lus zungs snyoms par bya ba'i thabs bshad par bya ste/ gza' ba dang gtung ba dang sman la sogs pa'i sbyor ba rnams
 kyis khams snyoms par 'gyur zhing des yun ring du 'tsho bar 'gyur te/ gang gi phyir bza' ba dang/ gtung ba dang/ sman la sogs pa'i sbyor bas ji ltar rigs pas bsten pa 'dis bcud dang mdangs ma lus pa thams cad du khyab  
 par 'jug pas stobs 'phel zhing sogs pa'i phyir shin tu phra zhing ring ba yang ma yin la/ shin tu sbom pa yang ma yin par bar mar 'gyur te/ bya ba thams cad la thog pa med par 'gyur ro/ /de ltar gsungs pa/ sbyor ba ci rigs
 bstan pa yis/ /bcud ni lus la rim gyis 'pho/ /lus zungs snyoms pa bar mar 'gyur/ /bya ba kun la thogs pa med/ /bkres dang skom dang grang dang tsha/ /rlung dang char pa tshad sogs bzod/ /slar yang stobs dang ldan par 'gyur/ /shin
 tu phra ring sdom pa'i mi/ /gnyis pu 'di dag sdang bar bya/ /dam pa'i las la bar ma mchog /gzhan du 'di gnyis mchod gnas yin zhes so/ /da ni rlung la sogs pa'i gnas bshad de/ rlung gi gnas ni chu so dang/
 rgyu zhabs man chad lus kyi smad dang rna ba yin no/ /mkhris pa yis ni zhu ba'i gnas nas snying ga man chad lus kyi bar dang mig dag yin no/ /bad kan gyi ni nam tshoms dang mgrin pa la sogs pa lus kyi stong dang tshigs rnams dang lce yin
 no/ /de dag snyoms par 'jug pas lus 'di brtan par 'dzin pa yin te/ ji skad du chu dang me dang rlung rnams ni/ /gong nas gong du snyoms 'jug pas/ /'gro ba yang dag 'dzin pa ltar/ /rlung mkhris bad kan lus de bzhin zhes gsungs pa yin no/
 da ni de dag gi rgyu mtshan brjod par bya ste/ de la rlung 'khrugs pa'i rgyu mtshan ni stobs 'gyed pa dang/ mang du sna ba dang/ rtsol ba mang ba dang/ yun ring du 'gro bas byas pa dang/ bang dang mchongs pa dang/ g.yang kha mthon por phyin pa dang/
 chu la yun ring du brgal shing rgyal pa dang/ shing rta la sogs pa la zhon pa dang/ kha ba dang/ ska ba dang/ yang ba dang/ rtsub pa dang/ bsil ba dang/ gzhan yang lo ma skam po'i tshod ma dang/ ba ru ra dang/ sha ma dang/ ka ri pa ra
 dang/ sran mud ka dang/ sran chung dang/ sran a da kyi dang/ sran zlum la sogs pa'i kha zas dang/ ser bu yun rings su bstan pa dang/ bshang gci dang/ khu bzang ba dang/ mya ngan dang/ sems la sogs pa dang/ shin tu grang ba
 dag yin no/ /de ltar yang gsungs pa/ shin tu grang dang grang ba'i dus/ /khyad par du yang sos kyi mdza' / /tho rangs dang ni phyi dro'i dus/ /zhu rjes rlung ni 'khrug par 'gyur zhes so/ /mkhris pa 'khrugs pa'i rgyu mtshan ni/ /dka' thab
 dang/ smyung ba dang/ rtsol ba grags pa dang/ 'dod chags la dga' ba dang/ shin tu dro zhing tsha ba bsten pa dang/ kha zas yang ba dang/ rtsub pa dang/ til mar dang/ bi na ka dang/ skran ku la tha dang/ yungs kar dang/ sngo tshod dang/ phag sha dang/ nya
 sha dang/ nya bik sangs dang/ zho dang/ zho kha chu dang/ dar ba dang/ sings po dang/ chang gi bye brag dang/ skyur po dang lan tshwa la sogs pa'i kha zas dang/ mya ngan dang/ gdung ba dang/ khro ba dang/ shin tu dro ba dag yin no/ /de yang gsungs pa/
 shin tu dro dang dro ba'i dus/ /khyad par du yang ser kha dang/ /nyi ma'i gung dang mtshan phyed la/ /'ju ba'i dus su mkhris pa 'khrug ces so/ /bad kan 'khrugs pa'i rgyu mtshan ni/ nyin mo gnyid log pa dang/ le lo dang/ snyoms las che ba dang/ mngar
 bag dang/ lan tshwa dang/ skyur po dang/ snum bag dang/ spyi bag dang/ dza 'a ka dang/ ud ka ta dang/ sran ma sha dang/ ma sha chen po dang/ gro dang til dang/ khur ba rnams dang/ 'o ma dang/ zho dang/ phrum dang/ gur shing las gyur ba'i rdzas rnams dang/
 sha snying pa dang/ zhag dang/ pad+ma'i rtsa ba dang/ pad+ma'i snal ma dang/ ka she ru dang/ sring ga ta ka dang/ sbrang rtsi dang/ 'bras bu mngar po rnams dang/ 'ba' li pha la sogs pa'i kha zas za ba dang/ mun pa yid la byed cing rmongs bag du gnas pa
 dang/ shin tu grang ba dag kyang ngo/ /de ltar yang gsungs pa/ shin tu grang zhing grang ba'i dus/ /khyad par du yang dpyid dang ni/ /srod dang tho rangs dag la ni/ /zos ma thag tu bad kan 'khrug ces so/ /slob dpon nA gA rdzu na'i zhal snga nas kyang/ rlung
 la sogs pa'i las la sogs pa gsungs te/ ji skad du rlung gi las ni rtsub pa dang/ zhum pa dang/ grang sna dang/ bud med dang/ reg pa las rdul 'byung ba dang/ gnyid yod pa dang/ mal du zhugs na grang ba dang/ skabs skabs su tsha ba la sogs pa
 de dag ni rlung gi las su shes par bya'o/ /mkhris pa'i las ni de bzhin du rdul 'dzag pa dang/ gnyid ya ra ba dang/ reg na tsha ba dang/ pags pa bem bem por byed pa dang/ chags pa spyod na dri mi zhim pa 'byung ba
 dang/ mang du smras na brgyal bar 'gyur ba dang/ mdog ser ba dang/ ser por snang ba la sogs pa dag ni mkhris pa'i las dang mtshan mar shes par bya'o/ /rma shu la sogs pa sla zhing 'dzag pa dang/ sha rul pa la sogs pa dri mi zhim pa dang/
 skrangs 'bur dang/ rnag mang ba dang/ yan lag dang nying lag gi tshigs rnams su 'brum pa dmar po myur du 'byung zhing myur du zhi ba dang/ mig glo glor ser ba dang/ skabs skabs su skya rlag tu 'dug pa dang/ mgo 'khor ba dang/ lus lci zhing za ba dang/
 lus rlan pa la sogs pa ni bad kan gyi lus su shes par bya'o/ /de la snum dron mo mgo la bsku ba dang/ lus khrus byas te til mar gyis byug pa dang/ snum gyis dril phyis bya ba dang/ lus mnye ba dang/ lan tshwa dang/ skyur ba dang/ sha dang/ nya sha dang/
 chang dang/ snum bag bza' ba dang/ snum gyi dugs bya ba dang/ rlung med pa'i gnas su nyal ba dang/ bsro ba dang/ drod bsten pa dang/ sems las bskyung ba dang/ bya ba bskyung ba dang/ kha zas bsten pas gnas pa 'di ni rlung 'joms
 par byed pa yin no/ /ser bu grang mo bsten pa dang/ grib ma la 'dug pa dang/ bsil yab kyis byab ba dang/ zla ba'i 'od la nyal ba dang/ chu'i 'khrul 'khor gyis gtor ba dang/ bud med dang reg pa bsten pa dang/ mar sar dang/ 'o ma'i bkru
 sman btang ba dang/ khrag gtar ba dang/ tsan dan la sogs pa'i dris bsgo ba dang/ kha ba dang bska ba la sogs pa dang/ pad+ma la sogs pa'i rlan can gyi kha zas bza' bas gnas pa 'di ni mkhris pa sel bar byed pa yin no/ /'gro las
 dang/ rtsol ba dang/ gnying bskyung ba dang/ sems las dang/ kha zas rtsub pa dang/ bsil ba bsten pa la sogs pa ni bad kan sel bar byed pa'i cho ga ste/ sngar bshad zin to/ /dus rnams sngar bshad mod kyi yang gsungs pa/ dbyar dang dgun stod
 dgun smad rnams/ /rlung gi dus su shes par bya/ /char mdza' ston ni mkhris pa'i dus/ /bad kan me tog rgyas so ka /zhes gsungs so/ /de la sman rnams kyang sngar bshad mod kyi/ 'dir gtso bo'i rlung can gyis ni dgun gyi dus su 'jam rtsi mas btang
 ba la sogs pa la bsten par bya'o/ /mkhris pa can gyis ni ston gyi dus su sprin dangs pa dang/ bkru sman drag po mas btang ba la sogs pa bsten par bya'o/ /bad kan can gyis ni dpyid kyi dus su rlung nye bar zhi ba dang/ skyugs sman btang bar bya ste/
 de yang gsungs pa/ rlung can 'jam rtsi bcud kyis gso bar bya/ /mkhrim pa dkru sman mas btang ba la sogs bsten/ /bad kan tshigs su bab na skyugs sman btang/ /'du 'phrod ldan pa 'dren mas gso bar bya zhes so/ /'di dag thams cad bcom
 ldan 'das kyis 'dir rgyas par ma gsungs mod kyi mar dang mar nag bkru sman sogs zhes bya ba la sogs pa/ mdor bsdus te gsungs pa la brten te bstan pa yin no/ /'on kyang byang chub sems dpa' gzhan gyi don lhur len pa rnams
 kyis sems can rnams kyis bsam pa bzhin du phyi nang gi sman gyi sbyor ba rnams bslab par bya ste/ sbyor ba de dag sman dpyad kyi bstan bcos gzhung rgyas pa gzhan dag las/ 'jam rtsi ma btang ba la sogs pa'i cho ga bshad pa rnams dang/ khyad par
 du yang slob dpon nA gA rdzu na'i zhal snga nas mdzad pa'i sbyor ba brgya pa la goms par bya'o/ /de ltar lus zungs rnams shin tu bri zhing rid pa dang/ shin tu 'phel zhing rgyas pa dag spangs te/ lus zungs snyoms par gsungs par bya'o// //
 de nyid kyi phyir gsungs pa/ re re zhing yang zhes bya ba la sogs pa ste/ nag po dkar po sngo bsangs te zhes bya ba la nag po dang dkar po sngo bsangs rnams ni gsum pa'i gnyis kyi tshig gam drug pa'i mang
 po'i tshig tu sbyar bar bya ste/ de la nag po ni rlung gi rang bzhin gyi bu mo'o/ /dkar mo ni mkhris pa'i rang bzhin gyi bu mo'o/ /sngo bsangs ni pad kan gyi rang bzhin gyi bu mo ste/ lo brgyad nas brtsams te lo nyi shu rtsa lnga'i bar gyi bu mo
 khams snyoms pa'i bcud kyi sman du sbyar bar bya'o/ /de la byang chub sems la sogs pa gang yin pa des 'dzag pa ste/ khams rnams snyoms par gyur pa ni 'dzag pa zhes bya'o/ /ji lta zhe na/ 'pho ba zhes bya ba la/ 'di ltar
 rtsa thams cad yongs su sbyangs na mkhris pa la sogs pa dang/ chu ser la sogs pa'i lus zungs rnams rims kyis 'dren zhing thams cad du khyab par snyoms pa ni 'pho ba'o/ /des byang chub kyi sems la sogs pa goms pas lus
 yun ring du 'tsho zhing brtan la stobs la sogs pa 'phel bar 'gyur ro/ /de ltar rnam par dag pas phyi'i sman rnams kyis kyang phan 'dogs par 'gyur ro/ /de la nag mo ni zla ba mar ngo la zla mtshan 'dzag la ser skya ma dang sngo bsengs ma
 ni zla ba yar ngo la ste/ de dag gi zla mtshan dang byang chub kyi sems la sogs pas bcud rnams 'dzags pa dang 'pho bar 'gyur ro/ /de la yongs su dag pa'i rdul chu ra ti gcig la sogs pa rim gyis 'phel ba sbyar te/ nag mo'i zla
 mtshan ni zla ba mar ngo la sna sgo g.yas pa nas rlung rgyu ba'i dus su sgo de nyid nas rdub par bya la/ ser skya ma dang sngo bsangs ma ni zla ba yar ngo la sna sgo g.yon pa nas rdub par bya'o/ /'di ltar khu ba yang zla ba yar ngo'i tshes gcig la rang
 gi lag pa'i mthil du blug la brtag par bya ste/ gal te de na ri mo nag mo thig le lta bu gcig snang ba yin na ni/ zla ba bcu gnyis na 'chi bar 'gyur ro/ /gnyis kyis na bcu gcig na'o/ /gsum gyis na bcu na'o/ /bzhi yis ni dgu na'o/ /lnga yis
 ni brgyad na'o/ /drug gis ni bdun na'o/ /bdun gyis ni drug na'o/ /brgyad gyis ni lnga na'o/ /dgu yis ni bzhi na'o/ /bcu yis ni gsum na'o/ /bcu gcig gis ni gnyis na'o/ /bcu gnyis kyis ni gcig na'o/ /bcu gsum gyis ni zla ba phyed na'o//
 bcu bzhis ni nyi ma brgyad na'o/ /bco lngas ni nyi ma bzhi na'o/ /bcu drug gis ni nyi ma gnyis na'o/ /bcu bdun gyis ni nyi ma gcig na'o/ /de nas thig le nag po rnams bsal te/ khu ba de dang dngul chu ra ti gcig la sogs pa sna sgo g.yon
 pa nas rdubs na 'chi ba blu bar 'gyur ro/ /spel ba'i dbang du byas pa la yang de ltar sbyar bar bya'o/ /zhes bstan pa'i phyir/ yang nag mo zhes bya ba la sogs pa gsungs so/ /kha cig ni nag mo dang sngo bsangs ni tshe spel ba yin la
 ser skya ni 'dzag pa dang/ 'pho ba la sbyar bar bya'o zhes zer te/ 'di ni bcom ldan 'das kyi bka' dang 'gal lo/ /dgra dang zhes bya ba la sogs pa ni sde tshan zhes bya ba dang sbyar te/ dgra bo'i sde tshan dang mdza' bo'i sde tshan dang/ bar ma'i
 sde tshan rnams te/ de dag gis rab tu sbyor ba'i sbyod yul shes par bya'o/ /ci zhig gi zhe na/ khams kyi ste rdzas rnams kyi sde tshan te rang bzhin no/ /dpa' bo gcig ces bya ba ni rang skyur kany+dzi 'am dpa' po gcig bgreng nyid do/ /skye
 gnyis zhes bya ba ni so'o/ /rtsa ba ni rtsa ba nyid 'bras bu chen po bska ba gsum zhes bya ba ni 'bras bu gsum mo/ /nang gi bshad par bya ste dpa' bo gcig ces bya ba ni khrag go /ci zhe na/ skye gnyis te zla mtshan gyi'o/ /rtsa ba zhes bya ba ni
 snyoms par 'jug pa las byung ba'i byang chub kyi sems so/ /ldang tsher bzhi zhes bya ba ni sngon po la sogs pa'o/ /dngul chu bzhi zhes bya ba ni bcud can la sogs pa bzhi'o/ /de'i don gyi sman te/ dngul chu la
 sogs pa'o/ /rdzas rnams kyis dngul chu gzigs pa'i mtshan nyid gsungs pa/ rma bya yis ni mgrin 'dra dang zhes bya ba la sogs pa ste/ sbal pa dang sbrul dang/ chu 'dzin rnams ni de dag gi 'gros dang 'dra ba'i dbyibs su shes par bya'o//
 sa li lta bur dri zhim dang/ /de bzhin chang dang sbrang rtsi dang zhes bya ba la chad rnon po la sogs pa'i dri nyid sa li las skyes pa ltar dri zhim pa'o/ /cha gnyis zhes bya ba la sogs pa ni bu mo'i rked pa'i khyad par bstan pa yin te/
 gzhan las bltos nas rked pa nyis 'gyur sum 'gyur du phra ba'o/ /mdog nyams zhes bya ba ni snum bag med cing skya ba'o/ /lhag ma ni go sla'o/ /sbrang rtsi lta bu'i dri dang ldan zhes bya ba ni lhan cig skyes pa'i dri'o/ /sgrub po'i dbang po'i yon
 tan byed ces bya ba ni sgrub pa po'i yon tan thob par byed pa'o/ /cis zhe na/ de rnams thabs kyis sbyangs nas zhes bya ba ste/ sngags la sogs pas sbyangs na'o/ /de dang 'khyud la zhes bya ba ni nye bar mtshan pa ste/ sen mo gdab pa la
 sogs pa gsung bar bya'o/ /rnon po dang ni lhang tsher dang/ thun mongs du ni bsten nas su zhes bya ba la/ thun mong du ni mtshungs pa ste gcig tu gyur pa'o/ /gang gi tshe rnon po dang/ lhang tsher dang zha nye rnams gcig tu 'dre bar nus
 pa de'i tshe zha nye tsam gyis kyang me'i nang du btsos na 'ching bar nus pa'o/ /de'i tshe tshan nyid gsungs pa/ ro ni kha dang zhes bya ba la sogs pa ste go sla'o/ /bcos na zhes bya ba ni rang skyur dron mo'i nang du 'am/ lci ba kha sbyar gyi nang du'o/
 sbyar ba gsungs pa/ de nas zhes bya ba la sogs pa la blar yang tsu ta dzA ti ta zhes bya ba ni sa ha dza ga ril bu ba'o/ /tshwa dmar po nyid dam ni zhes bya ba ni ga ra'o/ /piny+dzar ni ka ra ni ka ra'o/ /tsam pa ka ni ban da'o/ /smyo byed ni du ra ka'o/ /cha snyam dngul
 chu rin chen bya ba la/ tshad dmar po la sogs pa de dag gis brdung ba dang mnye ba la sogs pas dngul chu dag pas rig par bya ste/ rnal 'byor pas zhes bya ba'i lhag ma yin no/ /de dang mnyam pa'i sbrang rtsi zhes bya ba ni phag gi khrag la
 sogs pa dang mnyam pa'i sprang rtsi ste/ der mnye ba la sogs pas dag par 'gyur ro/ /nam mkha' char chu zhes bya ba la char chu ni sman gyi khu ba'o/ /nam mkha' ni ltang tsher ro/ /ma he'i rmig par ni btso zhes bya ba dang 'brel to/ /btso zhes bya ba
 ni chu bskams kyi par du bco pa'o/ /zangs kyi phye ma zhes bya ba la sogs pa la 'khar ba zhes bya ba ni brgyad de srang brgyad do/ /ci zhig ce na/ zangs kyi phye ma'o/ /mig sman zhes bya ba ni mig sman dri ma med pa'o/ /sbrang rtsi dang ni btsos nas
 gzhil zhes bya ba la/ zangs phye dang mig sman du bcas par btsos nas dang la sbrang rtsi blugs te/ 'byung po'i skra la sogs pa'i khu bas che ba gzhil zhing blug na bcings par 'gyur ro/ /zhes bya ba'i don to/ /de nas khrag ni cha bdun
 gyis sbyangs nas zhes bya ba ni khrag cha bdun gyis dngul chu dag par bya'o/ /kha cig na re khrag cha bdun gyis gser rngo la sogs pa sbyang bar bya'o zhes zer ro/ /slar yang cha mnyam khrag dang ni zhes bya ba ni sbrang rtsi dang khrag cha mnyam
 par byas la/ dngul chu mnye ba'o/ /snum zhing rtsub 'gyur nyes pa mang zhes bya ba la nyes pa ni skyon te/ de dag gsal bas rtsub pa la sogs par 'gyur ba yin no/ /sen mo zhes bya ba ni sman go sa li ka zhes bya ba'o/ /ma ha ha ha ni
 gser gyi 'bras bu'o/ /mo k+Sha ni gan da ba ra li'o/ /pu ka ri ni kha ra ka ngo/ /lhag ma ni go sla'o/ /de nas ltang tsher dngul phye dang zhes bya ba la dngul phye ni dkar po ste/ lhang tsher dkar po blugs pa'o/ /
 gang du zhe na/ rtsi la ste dngul chu la'o/ /des bcings pas ni dngul gyi bya ba byed par 'gyur ro/ /pan du zhes bya ba ni/ ban du las skyes pa ste sa ha de ba'o/ /skyo mar bcas pa'i nang du brdung zhes bya ba ni/ 'byung po'i skra la sogs pa'i
 sman gyi khu ba blugs pa sngon du 'gro bas lhang tsher dkar po dang/ ha sa bde ba'i skyo ma'i nang du mnyes pas bcing bar ston to/ /lhang tsher dngul chu rnon po'i zhes bya ba ni dngul chu lhang tsher gyis bcing ba ltar rnon pos kyang bcing ba son to/ /
 so sor zhes bya bas ni so sor re re zhing bcing bar bya'o zhes bya ba'i don to/ /cung zhig ngal so bya zhes bya ba ni de'i 'og tu bzhag la cung zhig dbugs dbyung ba'o/ /bzhag pa'i gnas gsungs pa/ bzhag pa zhes bya ba la sogs pa'o//
 dngul chu'i zha nye la sogs pa'i skyon shes par bya ba gsungs pa/ mya ngan dang zhes bya ba la sogs pa ste/ lce myang bas ro kha ba la sogs pa zhes par bya ba'o/ /blta ba ni mig gi gzugs snum pa la sogs pa shes par
 bya'o/ /bdud rtsi yi ni snying po lnga zhes bya ba ni rtsal ru tsha dang nas tshig 'khus pa'i thal ba dang/ thal sman ser rdzi ka dang/ lce myang tsha dang/ kha ru tsha rnams so/ /dus drug ces bya ba ni dpyid la sogs pa'i dus drug po rnams te/ de dag gis
 so so'i rdzas gzung bar bya'o/ /nam zhe na/ de bzhin drug cu ste zhes bya ba dbyug tshod drug cu'o/ /bdun po yal ga 'dab sogs bcas zhes bya ba ni glang chen skra la sogs pa bdun ni 'dab ma la sogs pa dang bcas par gzung ngo
 zhes bya ba'i don to/ /skams dang ni rlan can yul zhes bya ba la/ skams ni chu med pa'o/ /rlan can ni chu dang bcas pa ste/ de la skams las skyes pa'i sman ni mthu che la rlan can ni mthu chung ba'o zhes bya bar sbyar ro/ /mar dang mar nag bkra? sman
 ni zhes bya ba la/ mar dang mar nag ni 'jam rtsi sbyar ba yin te/ de la mar ni phyi rol gyi sha la sogs pa las byung ba'o/ /mar nag ni nang gi ste rkang la sogs pa las byung ba'o/ /rno dang dngul chu zas su sbyin zhes bya ba la/ zas ni
 bza' ba ste/ rnon po dang ni dngul chu'i bza' zhes bya ba'i bar du'o/ /de gal te bcing bar 'gyur na rang sgyur zhes bya ba la sogs pa ste/ rang skyur kany+dzi dang yung ba cha bsnyams pa'i khu ba btung bar byin na rnon po yang rung dngul chu yang rung ste/
 smin cing yon tan dang ldan par 'gyur ro/ /nyi ma'i 'od ces bya ba la sogs pa la nyi ma ni zangs kyi phyi ma'o/ /'od ni a pa rA dzi ta dkar po'o/ /gzer ni rang skyur kany+dzi'o/ /de dag ni nye bar mtshon pa tsam ste/ gzhan gyi khu ba dag dang yar sbyar bas dngul
 chur blugs te brdung ba dang/ dkrug pa dang/ mnye ba la sogs pa bya ba dang yang sbyar ro/ /dron mor sbrang rtsi thigs pa blugs zhes bya ba la/ dron mo ni dngul chu dron mor sbrang rtsi'i thigs pa blugs la/ yang mnye ba la sogs pa byas na rnam par dag
 par 'gyur ro/ /kha cig ni nyi ma'i 'od zer la dngul chu bsros nas sbrang rtsi dron mo'i thigs pa blugs te/ dgug pa la sogs pa bya'o zhes zer ro/ /ro ni bska ba rnams dang yang/ /lhang tsher dkar po skyo ma sbyin zhes bya ba ni 'bras bu gsum gyi khu
 pa dang/ lhang tsher dkar po'i phye mar bcas pa'i skyo mar blugs te mnyes pas sbyang bar bya zhes bya ba'i don to/ /thal sman lan tshwas bu gar bsgrub ces bya ba la sbyangs pa byas nas bcing bar bya ba'i phyir tshwa dang/ tha sman dang/ /tsan dra dang/
 rab la sogs pa'i sman dang/ lto skyes ma rnying rdzas kyi las zhes bya ba'i sha khu dang bcas par 'khrul 'khor gyi bum par blugs nas btsos te slar yang sbu gu zhes bya ba rkang gi sbu gur blugs nas bcing bar bya'o/ /
 de dag ni gzhung gi don bsdus pa tsam ste/ rgyas par ni 'og nyid nas ston par 'gyur ro/ /dngul chu drug char bya zhes bya ba ni dngul chu cha gcig dang sman cha lnga ste drug po de dag gzhug par bya'o/ /lto skyes kyi rdzas kyis bsgrubs pas cir 'gyur zhe na/
 skyed byed don ni dga' ba'ang 'joms zhes bya ba la skyed byed ni pa'o/ /de'i don ni dga' ba 'joms par byed pa de la de skad ces bya ste/ sngar bstan pa ltar sbyangs pa'i bcud zla ba drug pa dang ldan pa zos pas skra dkar dang gnyer ma la sogs pa 'joms
 par 'gyur ro/ /zhes bya ba'i don to/ /cha ni tshad dang ldan pas bcing zhes bya ba ni thal sman srang brgya rtsa brgyad dang bcas par bcing ngo/ /'bras bu bya ba byed par 'gyur zhes bya ba la/ 'bras bu ni 'bras bu las byung ba'i mar nag ste/ bya ba byed pa
 ni des phan btags pa'o/ /sngon du gser shog blugs pa ni zhes bya ba ni gser shog gi phye ma dang lhan cig tu bzhu ba'o/ /skyon 'joms rang gi cho ga yin zhes bya ba la skyon zha nye la sogs pa'i skyon zhugs pa'o/ /'joms pa ni 'gro ba'o//
 rang ni rang gi rang bzhin te ro khan ter 'gyur ba'o/ /dron mo zhes bya ba la sogs pa la/ bcud dron mo zos nas mi bskyod pa dron mo 'thungs na skra dkar la sogs pa skye'o zhes bya ba'i don to/ /sbyang ba'i thabs gsungs pa/ de nas chu'i lan tshwa
 ni zhes bya ba la sogs pa la/ chu ni 'dzag pa'i 'khrul 'khor gyi bum pa'o/ /lan tshwa ni lce myang cha la sogs pa'o/ /thal ba 'am rdul ni blugs par bya zhes pa la/ thal ba ni yang bag sha ra la sogs pa'o/ /rdul ni so phag pa sogs
 pa'i phye ma'o/ /glang chen mgo'i bcud ces bya ba ni/ sman glang sna'i khu ba'o/ /seng ge'i tshad du btso bar bya zhes bya ba ni ji srid du dngul chu khros te khrol khrol gyi sgra 'byin gyi bar du btso ba 'di ni seng ge'i chad du btso ba'o/ /des 'di skad du ston te dngul chu seng
 ge'i tshad du btsos nas/ de'i 'og tu sman glang sna'i khu ba blugs so zhes bya ba'i don to/ /de nas slar yang phyung nas su/ arka'i shing gi khu ba blugs zhes bya ba la/ de ltar bskol gyi 'og tu/ arka'i shing ste dang por byung ba'i khrag dang khu ba ste byang chub
 kyi sems te gnyis po de dag blug go zhes bya ba'i don to/ /kha cig ni shing arka'i 'dab ma'i khu ba blug go zhes zer ro/ /gzhan dag ni lcam pa'i khu ba blug go zhes zer ro/ /btsos pas snying dang mig ni 'joms zhes bya ba ni btsos ma thag gi dron mo
 zos pas snying mi dran pa dang/ mig mi gsal bar 'gyur zhes bya ba'i don to/ /tsan tra zhes bya ba la sogs pa la/ tsan tra ni shes pa la ka'o/ /ra sa na ni sman ba lang lce'o/ /sgog skya ni phan dza na'o/ /ke sa ni 'byung po'i skra'o/ /ad tra ni 'ba' kra se na
 'o/ /de dag gi 'dab ma dang rus pa ste/ rkang dang me tog rnams bzung ngo/ /gzhan yang bya gri dang zhes bya ba la sogs pa la/ bya gri dang/ kun tu ru dang/ sha ri ba ni grags par zad do/ /sen mo zhes bya ba ni sman stag gi sen mo zhes bya'o/ /nor
 bu ni mu men la sogs pa'o/ /zla 'od ni zla she'o/ /ge sar ni bku la'o/ /thigs pa'i rgyun zhes bya ba ni skyu ru ra'i khu ba ste/ rgyun zhes bya ba ni rgyas pa'o/ /thig le zhes bya ba ni skyu ru ra'o/ /shi shu zhes bya ba ni snu ta'o/ /bcas shes bya ba ni sde tshan te/ tsan
 tra nas gzung ste/ 'dzag pa'i bar rnams kyis sbyang bar blta bar bya'o/ /de dag kyang 'og nas rgyas par 'gyur ro/ /byung na sbrul gyi gzugs ltar 'gyur zhes bya ba ni de ltar sbyangs pa'i dngul chu sprul dang 'dra bar 'gyur ro/ /yang gsungs pa/
 khrag dang zhes bya ba la sogs pa la smyo byed ces bya ba ni d+ha d+hu ra'i khu ba'o/ /mtshan mo'i shing zhes bya ba ni yung ba ste/ de'i khu bar shes par bya'o/ /de dag gis kyang sbyangs na sbrul ltar 'gyur zhes bya ba snga ma
 dang sbyar ro/ /des cir 'gyur zhe na/ skra dkar zhes bya ba la sogs pa gsungs te/ de 'ba' zhig gis skra dkar gyi nyes pa 'ching bar byed do/ /thal sman rnon por bcos pa yis/ /rgas dang 'chi nang sel par byed ces bya ba la/ dang ba thal sman
 rnon po dang bcas pa'i dngul chus byugs la de'i 'og tu thal sman gyi chus bkrus na nyes pa gnyis po de 'joms par byed do/ /bkrus shing bskus na gzhang 'brum 'joms bya ba la/ bsku ba dang bkru ba snga ma ltar byas la sman ba lang lce'i khu bas
 dngul chu mnyes la mer bsregs te gzhang 'bruM la byugs na de sel bar 'gyur ro/ /lto skyes ma brnyi dam rdzas kyi las zhes bya ba la/ lto skyes ni zla ba drug dang brgyad lon pa'i byis pa'i ro dang por byung ba'o/ /ma brnya nges pa ni 'bu la sogs pa'i
 skyon dang bral ba'o/ /bcud dang bcud len mar zhag bsngags zhes bya ba la/ bcud ni 'das ma thag ba'i sha khu'o/ /bcud len ni dngul chu 'pho ba ste/ de yang bcud ni dngul chu yin la/ a ya na na 'pho zhing khyab pa'o/ /des na byas pa'i bcud
 kyi dngul chu 'pho ba'i yon tan du 'gyur ro zhes bya ba'i don to/ /mar zhag bsngags zhes bya ba la mar ni mar nag ste/ 'bras bu las byung ba dang/ sha la sogs pa las byung ba'o/ /zhag ni mar dang glad pa la sogs pa las byung ba ste/ de
 gnyis kyang snga ma ltar dngul chu la bsngags shing gnang ba yin no/ /shi ri sha'i rtsas kyang gzag ces bya ba la/ gser shog dang dngul chu me'i nang du btsos te gzags pa la shi'i sha'i rtsa ba'i khu ba sbyin no/ /zhes bya ba'i don to/ /kyang
 zhes bya ba ni lhang tsher la sogs pa'i 'dab ma gzags pa la yang blta bar bya'o/ /de nas ci zhig bya zhe na/ mdog dmar dngul chu rmongs pa gso zhes bya ba la sogs pa ni 'pho zhing khyab pa ste de bya ba'o/ /ci zhe na/ mdog dmar te gser
 bsgyur ba'i las so/ /de yang gser btsag dang/ gser rdo dang/ ldong ros rnams lhan cig tu gzags na 'gyur te/ de nyid rmongs shing 'pho ba yin no/ /dngul chu'i tshad gsungs pa mgor gnas las skyes ldan par bya zhes bya ba la/ ldan
 pa ni shi ri sha'i rtsa ba'i khu ba cha lnga dang dngul chu cha gcig tu byas pa'o/ /mgor gnas zhes bya ba la sogs pa la/ dngul chu bsad pa dang/ slar bso ba dang/ rmongs par bya ba dang/ gzag pa dag la mgor gnas la skyes te/ sman
 ri mdzes dang/ glang chen skra dang/ rtag tu 'dzag la sogs pa dang/ yang de dag gi 'dab ma las skyes pa'i khu ba dag gzung ngo zhes bya ba'i don to/ /'khrugs par gyur na 'bras bu'i lam zhes bya ba la 'khrugs pa ni bshang ba ste/
 bshang ba dang rab tu bshang ba dang/ shin tu bshang ba na 'bras bu'i lam ste bya ba byed par 'gyur ro/ /de la bshang ba ni ba'i nu ma'i dbyibs lta bu'i zhi ga rdzar mar nag gis bkang la bso ba dang/ brdung ba dang/ mnye ba la sogs pa
 byas pa'i dngul chu der blug ste/ zha nye dang ro nye dang gser cung zad blugs nas btsos na bshang bar 'gyur te/ rab tu bshang ba la sogs pa'ang de ltar blta bar bya'o/ /tshad las 'das na dug tu 'gyur zhes bya ba ni sman rnams kyi
 tshad 'dod pa las bzlog na dug dang 'dra bar 'gyur ba'o/ /gzhung kha cig las sman ni cha lnga'i tshad du bya zhes 'byung ste go sla'o/ /de nas zhes bya ba la sogs pa la/ kha dang bska dang mngar ba dang zhes bya ba ni 'bras bu la sogs pa'i sman
 de dag gi ro kha ba la sogs pa rnams mkhris pa dang bad kan dang rlung can gyi mi la rim bzhin du dngul chu dang sbyar ba'o/ /tsha ba dang ni sgyur ba'o/ /tsha ba dang ni skyur ba'i chus zhes bya ba ni bad kan can la ni tsha ba
 btang ngo/ /rlung can la ni skyur po btang ngo/ /mkhris pa can la ni chu 'ba' zhig btang ngo/ /kha med rdzar ni btso bar bya zhes bya ba la sogs pa la/ kha dang bcas pas zhes bya ba ni sa'i 'khrul 'khor zhes bya ste/ me thab kha yel bar
 gnas pa'o/ /der bsregs pa dang/ tshar bcad pa dang/ mnan pa dag bya'o/ /kha med ces bya ba la sogs pa ni btso ba'i zhig rdza bstan pa yin te/ btso gzhi byas kyi 'og tu sman glang sna'i khu ba sbyin par bya'o zhes bya ba dang sbyar ro/ /bcir
 dang zhes bya ba la sogs pa ni dngul chu sbyang ba bstan pa yin te/ de yang gsungs pa/ bso ba ma gtogs rnon po min/ /ma mnyes par yang dri med min/ /ma bsos par yang stobs ldan min/ /ma gzags par yang 'ching mi 'gyur
 zhes so/ /mnyes pas dri ma'i rdul 'thor 'gyur/ /zhes bya ba ni dngul chu mnye ba la sogs pas dri ma med par 'gyur ba'o/ /de'i 'og tu yang btso ba bstan pa rnon po ru ni btso bar bya zhes bya ba ste/ shin tu yang btso ba'o/ /blo gros 'khrul
 pa med pa yis/ /rim gyi rim gyi nye bar bya/ /zhes bya ba ni g.yeng ba med pas tshad la bab kyi bar du 'bad de mnye ba'o/ /cha dang mnyam pas bso ba ni/ /dag na 'gyur gyi gzhan du min/ /zhes bya ba la ni gang gi phyir zhes bya ba'i don
 to/ /gang gi phyir mnye bas dag par gyur ba cha gzhan de rdzas gzhan gso ba ste/ gzhan pa za bar nus kyi gzhan du ni ma yin no/ /de nas cha gzhan bcas pa la zhes bya ba la sogs pa ni de nyid bstan pa yin to/ /go ri kar ni ka'i phye
 ma dang lhan cig tu mnye bas dri ma sbyang ba ma gtogs bar cha gzhan sbyin par mi bya'o zhes bya ba'i don to/ /lugs las bzlog pa'i lam gyis gzugs zhes bya ba la/ lugs las bzlog pa ni dri ma sbyang ba'o/ /lam ni gzag
 pa la sogs pa'i thabs so/ /gzugs pa ni de dag gis bsgrub pa'o/ /ji lta zhe na/ bya ba tshad dang ldan pas btso zhes bya ba la bya ba ni sman rnams te/ tshad ni de rnams kyi nges pa'o/ /zhi ga rdzar bcos shing zags pa dang/ tu ra ka
 la sogs pa sbyin par bya'o zhes bstan pa'i phyir tu ra ka zhes bya ba la sogs pa gsungs te/ go sla'o/ /de dag gi ni rtogs byas la/ /yid la sems dpa' i 'khrul 'khor gyis zhes bya ba la/ de dag gi zhes bya ba ni sngar
 smos pa'i bu mo rnams te/ rtogs par bya ba ni de rnams kyi bsam pa shes pa bya ba'o/ /yid las sems dpa' i 'khrul 'khor ni shing la sogs pa las bo mtshan bya ba ste/ so so'i lus kyi rtsa dang mthun par byas pa'i pho
 mtshan dang sbyar bas drang ba'o/ /de dag gis ni shes rab kyi bya ba bstan pa yin no/ /gcig dang gnyis dang zhes bya ba la sogs pas ni gzag pa la sogs pa'i bsgrub pa'i grangs bstan pa yang yin no/ /lhar tsher dngul chu bcing
 nas ni/ /de tshe shing chen 'bras bur smin/ /zhes bya ba la ltang tsher la sogs pa bcing bar nus pa de'i tshe 'bras bu smin cing bya ba byed pa yin no/ /shing chen zhes bya ba ni dngul chu nyid do/ /bya ba kun gyi lam gyis ni/ zhes bya ba
 ni/ gdul chu spyod pa la sogs pa'i sman sna tshogs kyis bsgrubs shing gsos na de'i tshe byed pa po ste gzhan gyi don byed pa dang/ za ba po ste rang gi don byed par 'gyur ro/ /lha yis rgya mtsho bsrubs pa bzhin zhes bya ba ni lha rnams
 kyis 'o ma can gyi rgya mtsho bsrubs pa las bdud rtsi me tog ma ri dza ta ka dang/ dpal mo la sogs pa'i longs spyod thob pa bzhin du dngul chu'i rgya mtsho gzag pa la sogs pas bsrubs shing bsgrubs pa na
 sum cu gsum pa'i bdag po'i mig snga na gnas pa'i me tog ma ri dza ta ka yang 'phrog par nus so zhes bya ba'i don to/ /stobs ldan gzung ba yis ni gnas zhes bya ba la/ stobs ldan ni yon tan can gyi bu mo'o/ /gzung ba ni bdag
 gir bya ba'o/ /gnas ni yon tan gyi rten no/ /rdzu 'phrul gyi ni cha dang ldan zhes bya ba la rdzu 'phrul ni nam mkhar 'phur ba la sogs pa'o/ /cha ni sogs kyis na lus kyis reg pas lci ba la sogs pa shes par bya'o/ /sgra dang dri zhes bya ba
 ni mchod pa'i dus su brtag pa ste/ dri sbrang rtsi dang 'dra ba la mnam pa la sogs pa mchod pa'i dus su shes par bya'o/ /lhag ma ni go sla'o/ /nyes pa dag ni brgyad ldan pa zhes bya ba ni nye bar mtshon pa ste/ lhar tsher la sogs pa'i nyes pa
 du ma dang ldan pa'i phyir blo gros dang ldan pas nan tan du dpyad de/ gang gi tshe nam mkha' ltar sngo bsangs dang nag por gyur pa de'i tshe bzang bar bya'o zhes bya ba'i don to/ /lhag ma ni go sla ste/ 'di ltar bcom ldan 'das nyid kyis 'og nas
 rgyas par ston par 'gyur ro/ /bcud kyi len zhes bya ba la sogs pa la/ cho ga ni bcud kyis len bcing ba la sogs pa'i bya ba'o/ /don de ston par byed pa'i gzhung gi tshogs ni rim par phye ba ste bcu bdun pa'o/ /rgyud kyi rgyal po chen po
 dpal rdo rje mkha' 'gro'i rnam par bshad pa las le'u bcu bdun pa'i rnam par bshad pa'o/ //nges par 'du ba'i le'u bstan pa'i phyir/ de nas zhes bya ba la sogs pa gsungs te/ de nas zhes bya ba ni bcud kyi
 len gyi cho ga bstan gyi 'og tu'o/ /de las zhes bya ba ni rgyu'i don te/ gang gi phyir rnal 'byor ma mnyes par bya ba'i phyir nges par bshad par bya'o zhes bya bar sbyar ro/ /sbas pa ni gab pa'o/ /gang du zhe na/ rgyud du ste rgyud gzhan du'o/ /yang dag
 bsdus pa ni 'du ba'i gnas te de dang gtor ma'i mchod pa'o/ /ci 'dra zhe na sgrub pa po rnams te mchod pa'i cho ga 'dis mngon par 'dod pa'i don sgrub par byed pas na bsgrub pa po ste gsang ba'i bye brag gis mang po'i tshig yin no/ /bde mchog
 bla ma zhes bya ba la/ rgyud bde mchog gi bla ma ste/ yang dag par sbyor ba dang/ kun tu sbyor ba la sogs pa'o/ /yang na bde mchog gi rgyud nyid bla ma ste/ mang po'i tshig ni zhes sar byas pa yin no/ /de ci zhig ce na/ gnas la sogs pa'i mkha' 'gro
 ma ste sogs kyi na nye ba'i gnas la sogs pa gzung ngo/ /'di ltar gnas la sogs pa de dag tu bde mchog bla ma'i mkha' 'gro ma rnams kyis khyab pa'o/ /rang skye'i gnas zhes bya ba ni de dag bram ze la sogs pa'i skye gnas las byung ba'o/ /khyab
 pa de nyid gsungs pa/ yul dang yul du zhes bya ba ste/ pul+li la sogs pa'i yul du'o/ /su zhig ce na/ rdo rje dkyil 'khor gtso mo ste/ thugs kyi 'khor lo la sogs pa la gnas pa'i rab tu gtum mo la sogs pa'i mkha' 'gro ma rnal 'byor
 ma drug gi rigs las byung ba nyi shu rtsa bzhi po dag yin no/ /sgrub pa pos zhes bya ba ni mkha' 'gro ma mnyes par 'dod pas so/ /brda'i skad du bshad pa yin zhes bya ba ni brdar btags pa'i tshig bstan par bya'o/ /de dag gi dbye ba gsungs pa/
 ku lu lA zhes bya ba la sogs pa la/ ma mo zhes bya ba ni phag mo'i rigs las byung ba'o/ /rigs kyi gtso mo zhes bya ba ni gshin rje ma'i rigs las byung ba'o/ /rigs kyi lha mo zhes bya ba ni rmongs byed ma'i rigs las byung ba'o/ /byis bcas
 mo zhes bya ba ni skyong byed ma'i rigs las byung ba'o/ /lhan cig skyes pa'i bu mo zhes bya ba ni skrag byed ma'i rigs las byung ba'o/ /brtul zhugs 'dzin ma sha chen za zhes bya ba ni gtum mo'i rigs las byung ba'o//
 sbom dbang phyug khaN+Da ro ha zhes bya ba ni yang phag mo'i rigs so/ /tsaN+Da li'i bud med ces bya ba ni yang gshin rje ma'i rigs so/ /bu mo chen mo zhes bya ba ni yang rmongs byed ma'i rigs so/ /bu mo yang 'dod ces bya ba ni yang skyod byed ma'i rigs so//
 mkha' 'gro ma'i dbang phyug mchog ces bya ba ni yang skrag byed ma'i rigs so/ /de bzhin no zhes bya ba ni yang gtum mo'i rigs so/ /de la pany+tsa li'i yul zhes bya ba ni mA la be'o/ /pul+li'i ri zhes bya ba ni pul+li ra dang ma la ya'o/ /lhag ma ni
 go sla'o/ /yang rnam par dbye bar bya ste/ ku lu tA dang/ ma ru dang/ pre ta pu ri dang/ tri sha ku ni rnams kyi bu mo ni phag mo'i rigs so/ /sin b+hu dang/ na ga ra dang/ pul+li'i ri dang/ dzA lan d+ha ra rnams kyi ni gshin rje ma'i rigs so/ /laM pA ka dang/ sau rASh+Ta
 dang/ o TaM dang/ kA ma rU pa rnams kyis ni rmongs byed ma'i rigs so/ /he ma'i sha ri dang/ kany+tsi dang/ de pi ko Ta dang/ rA me shwa ri rnams kyi ni/ skyong byed ma'i rigs so/ /pany+tsa la dang/ gri ha de ka ta dang/ go dA ba ri dang/ ar bu da rnams kyi ni skrag byed
 ma'i rigs so/ /ka ling ga dang/ ko sa la dang/ su bar+Na dwI pa dang/ oM Ti ya na rnams kyi ni gtum mo'i rigs te/ de dag ni rnal 'byor ma'i rigs su 'dus pa yin no/ /yul 'di rnams kyi bu mo gang zhes bya ba ni khyab pa zhes bya ba dang sbyar ro/ /
 de la bu mo zhes bya ba ni de dag gi cha tshang med pa'i phyir ro/ /dpa' bo gnyis med khyab pa zhes bya ba ni rnal 'byor ma nyi shu rtsa bzhi dpa' bo dang bcas par khyab pa ste/ byed pa'i tshig mi mngon pa'i phyir ro/ /de dag gis ni 'khor lo gsum la
 dbang sgyur ma thams cad bcas par bstan cing phag mo la sogs pa'i rnal 'byor ma drug gi rigs su 'dus par ston to/ /yang 'di ltar pul+li ra ma dang/ dzA lan d+ha ra dang/ o Di ya na dang/ ar bu da dang/ go dA ba ri dang/ rA me shwa ri dang/ de pi ko
 ? dang/ mA la pe dang/ kA ma ru ba dang/ o Te dang/ ji sha ku ne dang/ ko sa la dang/ ka ling ga dang/ lam pA ka dang/ kAny+tsi dang/ hi mA la ya dang/ pre ta pu ri dang/ gri ha de ba ta dang/ sau rASh+Ta dang/ su bar+Na dwI pa dang/ na ga ra dang/ sin d+hu dang/
 ma ru dang/ ku lu tA ste/ 'khor lo gsum po de dag gi rigs 'pho ba rim bzhin du slar yang bshad par bya ste/ de la rab tu gtum mo dang/ gtum mig ma ni phag mo'i rigs las byung ba'o/ /'od ldan ma dang/ sna chen mo ni rmongs
 byed ma dang/ gtum mo'i rigs las byung ba'o/ /dpa' bo'i blo ma dang/ mi'u thung ma ni skrag byed ma dang/ skyor byed ma'i rigs las byung ba'o/ /lang ka'i dbang phyug ma dang/ ljon grib ma ni skyong byed ma dang/ skrag byed ma'i rigs so/ /sa srung ma
 dang/ 'jigs byed chen mo ni rmongs byed ma'i rigs so/ /rlung shugs ma dang/ chang 'thung ma ni phag mo dang gtum mo'i rigs so/ /lha mo sngo ba sangs ma dang/ shin tu bzang mo na gtum mo dang rmongs khyed ma'i rigs so/ /rta rnams dang/ bya gdong
 ma ni skyong byed ma'i rigs so/ /'khor lo'i shugs can ma dang/ dum skyes ma ni phag mo dang skrag byed ma'i rigs so/ /glang sna ma dang/ 'khor lo'i go cha ma ni rmongs byed ma dang/ gtum mo'i rigs so/ /shin tu dpa' mo dang stobs chen ma ni gshin
 rje ma'i rigs so/ /'khor lo sgyur ma dang/ brtson chen ma ni phag mo'i rigs te/ 'di ni rab tu gtum mo la sogs pa ni rnams kyi rnal 'byor ma drug gi rigs 'pho ba'o/ /kun kyang 'dod pa'i gzugs can mi zhes bya ba ni ji ltar 'dod pa'i gzugs su
 'dzin pa'o/ /de nyid kyis na yid kyi shugs can te/ gang dag la yid kyi shugs 'gro ba yod pa de la de skad ces bya'o/ /log ma yin zhes bya ba'i 'khor lo las log pa'o/ /lhag ma ni go sla'o/ /de nyid chen po
 mkha' 'gro lnga zhes bya ba la mkha' 'gro lnga ni rdo rje phag mo la sogs pa'i rnal 'byor ma lnga'o/ /de nyid de nyid chen mo ste shin tu rnam par dag pa'i ye shes la sogs pa yin pa'i phyir ro/ /las kun rjes su sgrub byed pa zhes bya ba ni de dag
 gi zhi ba la sogs pa'i las thams cad grub par byed pa'i phyir ro/ /de dag dang ldan pa'i bcom ldan 'das bsgoms nas nag po drag po la sogs pa dang bcas par dgug pa'i phyir sbyor ba'i dkyil 'khor zhes bya ba la sogs pa
 gsungs te/ rgyal chen ma ni rnal 'byor ma rnams so/ /rdo rje dbang phyug ni dpa' bo nyi shu rtsa bzhi ste/ sbyor ba ni de rnams 'joms par 'jug pa yin la de'i gtso bo ni rdo rje mkha' 'gro ste/ de'i dkyil 'khor gyi bdag por byas nas
 gtor ma sbyin no zhes bya ba'i don to/ /de bzhin gshegs pa'i sku chen po ni chos kyi sku'o/ /de nyid rdul med pa ste/ nyon mongs pa'i rdul dang bral ba'i phyir ro/ /de nyid rnal 'byor te gzung ba la sogs pa dang bral ba'i stong pa nyid du
 sbyar ba'i phyir ro/ /de ni dkyil 'khor 'di snying rje dang/ stong pa nyid dbyer med pa byang chub kyi sems kyi rang bzhin du bsgom par bya ba ston to/ /spyan drang ba'i sngags gsungs pa/ oM kak+ka zhes bya ba la sogs pa'o/ /de dag gis
 ni rid skad du lha'i rnal 'byor can gyis tsan dan dmar pos dkyil 'khor gru gsum byas la de'i dbus su 'jig rten skyong ba la sogs pa blta ste/ phyi rol g.yas dang g.yon du bdud rtsi lnga dang ldan pa'i bza' ba la sogs pa thams cad
 kyis bkang ba'i gtor ma gnyis bshams la gtor ma g.yon pa ni rang gi lha'i zhal du dbul bar bya'o/ /gtor ma g.yas pa ni oM b+hak+Sha zhes bya ba la sogs pa'i sngags kyis ru dra nag po la sogs pa la dbul bar bya'o zhes ston
 to/ /de nyid gsungs pa/ bdud rtsi zhes bya ba la sogs pa gsungs pa la/ bdud rtsi zhes bya ba ni bza' ba la sogs pa de dag ha ho:h+rI(rgyud 'grel ba'o/ /lha rnams thams cad tshim par bya zhes bya ba ni phyi nang gi rnal 'byor dang rnal 'byor ma rnams bsgoms te mnyes par bya'o/ /las rnams sbyor ba ji bzhin du/ /gtor ma'i las ni sbyar byas te zhes bya ba ni zhi ba la sogs
 pa'i las thams cad la gtor ma'i cho ga de sbyar ba'o/ /de la dkyil 'khor gyi rim pa ni 'di yin te/ tsan dan gyis dkyil 'khor gru gsum byugs pa'i dbus su zlum por bskor la der thig pa zhes re'u mig dgur bya'o/ /de
 la dbang ldan gyi re'u mig du ni ru dra nag po khyu mchog la zhon pa kha dog dkar po lag pa gnyis na thod pa dang/ mdung rtse gsum pa thogs pa'o/ /shar du ni drag po chen po mdog ser po g.yas na rdo rje thogs shing g.yon pa glang po
 che'i mgor thal mo bzhag pa glang po che la zhon pa'o/ /me mtshams su ni lhas byin mdog ser por skyes la zhon pa/ lag pa g.yas gnyis na ho ma gza' dang dbyug gu gsum thogs pa g.yon gnyis na ba dan dang ril pa spyi
 blugs thogs pa'o/ /lhor ni nag po ste ma he la zhon zhing mdog sngo ba lag pa gnyis na dbyug pa dang mdung thogs pa'o/ /bden bral du ni gtsigs pa snga mi rol zhon zhing mdog sngo nag skra khaM bgyen du brdzes pa ral gri
 dang phub chung thogs pa'o/ /nub tu ni 'jigs byed de chu srin la zhon zhing mdog dkar ba gdengs ka bdun dang ldan pa lag na zhags pa thogs pa'o/ /rlung mtshams su ni rlung lha rga las 'das pa ste rigs
 la zhon zhing mdog nag po lag pa gnyis kyis rlung gi snam bu ba dan 'dzin pa'o/ /lus ngan gyi phyogs su ni log 'dren ste mi la zhon zhing mdog ser ba lag pa gnyis kyis lcags kyu dang rin po che'i dbyug pa 'dzin pa'o/ /de thams cad
 kyang ral pa'i thor tshugs kyis brgyan cing rang dang 'dra ba'i chung ma dang bcas pa lag pa gzhan gnyis kyis thal mo sbyar te bcom ldan 'das la 'dud pa'o/ /de la rgan byang ma la sogs pa ni nag po drag po dang mtshungs pa'o/ /
 rgyal ba ma la sogs pa ni drag po chen po lta bu'o/ /nag po bzang mo la sogs pa ni lhas byin lta bu'o/ /zla ba mo la sogs pa ni nag mo lta bu'o/ /sum cu gsum dbang la sogs pa ni gtsigs pa lta bu'o/ /drag po la sogs
 pa ni 'jigs byed lta bu'o/ /thod 'phreng ma la sogs pa ni rga las 'das pa lta bu'o/ /ral gri can la sogs pa ni log 'dren lta bu ste/ mche ba gtsigs ma dang 'khyud ma dang kha TwAM ma dang ral gri can dang dgra sta can dang/
 rdo rje can dang gzhu can ma rnams ni so so'i ming bzhin du lag pa re res mtshan ma de dag thogs shing lhag ma rnams ni gtso bo dang 'dra ba'i mtshan ma thogs pa yin no/ /kun tu 'khyud ma ni lag pa gnyis kyis 'khyud pa'i
 phyag rgya 'ching ba'o/ /gzhan dag ni rgan 'dab ma la sogs pa 'di dag gi mdog dang mtshan ma gzungs kyi dkyil 'khor lta bur bya'o zhes zer te/ de ni gzungs kyi dkyil 'khor nyid du yin gyi rgyud 'di man ngag las gtor ma'i
 skabs su ni de lta ma yin par shes par bya'o/ /tsa muN Di la sogs pa'i rnal 'byor ma bzhi bzhi zhing ru dra nag po la sogs pa rnams kyis rims bzhin 'khor du blta bar bya'o/ /ye shes lcags kyu'i bye brag gis/ rang 'dod lha ni tshim
 par bya zhes bya ba la/ rang 'dod lha zhes bya ba ni re'u mig dbu mar rdo rje mkha' 'gro'i? rnal 'byor ma dang bcas par bkod pa'o/ /ye shes ni me long lta bu la sogs pa ste/ de lcags kyu lnga zhes bya ba go ku da ha na zhes bya ba dang
 bcas pa'i bdud rtsi lnga ste de dag gis gtor ma'i snod bkang ste rdo rje mkha' 'gro dang du dra nag po la sogs pa 'jig rten dang 'jig rten las 'das pa'i lha rnams tshim par bya zhes bya ba'i don to/ /ro langs kyi sgrub pa gsungs
 pas gang gis zhes bya ba la sogs pa la/ rma med ces bya ba ni mtshon gyis dral zhing phug pa la sogs pa'i rmas ra pa med pa'o/ /mdze dang shu ba la sogs pa spangs zhes bya ba ni phyi rol gyi pags pa la mdze dang shu ba la
 sogs pa'i skyon dang bral ba dang/ gzhan yang za gu la sogs pa'i nad kyis ma nyams pa'o/ /lhag ma ni go sla'o/ /ha ha zhes bya ba la sogs pa'i rgod pa'i sngags ni 'dir bzlas pa'i sngags so/ /me zhes bya ba ni ra'o/ /sa bon
 zhes bya ba ni ha'o/ /rlung gi sa bon zhes bya ba ni ya'o/ /spyi gtsug tu ni sbyar zhes bya ba ni steng du zla tshes dang thig le bri ba ste/ bsdus pas hyaM zhes bya bar 'gyur ro/ /mchod par bya zhes bya ba ni me tog la sogs pa phyi'i mchod
 pas mchod par bya zhes bya ba'i don to/ /rnal 'byor ma'i dbus gnas par zhes bya ba la sogs pas ni bdag nyid lha'i rnal 'byor bya bar ston to/ /skye gnas dbus su zhes bya ba la sogs pas ni ro'i pho nya de chos kyis
 'byung gnas kyi nang du sa bon hyaM las byung ba 'od dang/ bcas pa'i lus su bsgom pa'i don to/ /gnas ni dur khrod la sogs pa dben par bsgrub par bya'o/ /'du ba'i gnas nges pa zhes bya ba ni gnas
 gang du rnal 'byor rnams nges par 'du ba'o/ /sgrub pa'i cho ga ni gtor ma dang ro langs sgrub pa'i cho ga'o/ /de'i gzhung gi tshogs ni rim par phye ba ste/ bco brgyad pa'o/ /rgyud kyi rgyal po chen po dpal rdo rje mkha' 'gro'i rnam par
 bshad pa las le'u bco brgyad pa'i rnam par bshad pa'o// //'du ba'i gnas de dang der gtor ma sbyin pa sngon du 'gro bas de bsgrub par bya'o/ /zhes bstan pa'i phyir de'i sgrub thabs kyi le'u gsungs pa/ de nas
 zhes bya ba la sogs pa la/ de nas zhes bya ba ni gnas la sogs pa bsten pa'i 'og tu'o/ /de las zhes bya ba ni rgyu'i don te/ gang gi phyir gnas rnams su gtor ma gtang ba sngon du 'gro ba'i ma mo'i dkyil 'khor mdun du
 bsgom pa ma gtogs bsgrub par mi nus pas ma mo'i dkyil 'khor dge ba bshad par bya zhes bya bar sbyar ro/ /lha rnams zhes bya ba la sogs pa ni tshangs pa la sogs pa'o/ /pho nya'i khyad par ni 'phrog byed ma la sogs
 pa'o/ /'byung po ni log 'dren la sogs pa'o/ /gza' ni nyi ma la sogs pa ste/ rig pa che ni de rnams bsgrub par byed pa'o/ /lus srul po ni yi dags te/ de rnams sgrub par byed par dkyil 'khor bshad kyis zhes bya
 ba dang sbyar ro/ /sngags kyi phreng ba zhes bya ba ni de rnams kyi sngags kyi phreng ba'o/ /da ni zhes bya ba ni rim gyis don te/ rim gyis bshad kyis nyon cig pa'o/ /dkyil 'khor gsungs pa/ gru bzhi zhes bya ba la sogs pa'i
 ba lang ko ba la sogs pa zhes bya ba la sogs kyis na ra'i pags pa la sogs pa gzung ngo/ /sgrub pa po'i mchog ni dam tshig can no/ /'byung po'i dkyil 'khor zhes bya ba ni 'byung po sgrub par byed pa'i dkyil 'khor te/ 'byung po 'dul byed
 kyi dkyil 'khor ro/ /sgrub pa ni ras ris la sogs pa bya ba'o/ /de nas 'bum phrag gcig bzlas pa zhes bya ba ni oM A:ga hUM swAhA zhes bya ba'i sngags sngon du 'bum phrag gcig bzlas pa bya'o/ /lhag ma ni go sla'o/ /'byung ba las kyang
 zhes bya ba ni bdag med pa'i ting nge 'dzin las so/ /ci zhig ce na/ 'byung ba'i gzugs te 'byung po 'dul byed kyi gzugs su bsgom pa'o/ /dbus su zhes bya ba ni nang gi dkyil 'khor ro/ /ri mo mdzes pas bskor bar bya zhes bya ba ni pad+ma 'dab
 pa brgyad kyi phyi rol tu ri mo zlum por bskor ba'o/ /rdo rje 'bar ba ba dan gsum zhes bya ba la mthe bos mthe chung gi sen mo mnan te/ sor mo lhag ma gsum bsgreng ba 'di ni ba dan gsum pa'i phyag rgya yin la rdo rje 'bar ba dang bcas
 pa'o/ /khrag mchog mdzes pa'i gshor dang bcas zhes bya ba ni gshor lta bu'i thod pa khrag gis bkang ba'o/ /yang na ra tse ni zhes bya ba ni mtshan mo rgyu bas na zla ba la bya la zla ba phyed pa'i dbyibs lta bu'i mtshan ma de la de skad ces bya'o//
 'dir rdul tshan gyi dkyil 'khor la ni mtshan ma rdo rje bri ba'o/ /ras ris la ni yan lag rdzogs pa'i gzugs bri bar bya la/ bsam gtan gyis ni sa bon hUM las bskyed par bya'o/ /shar du zhes bya ba la sogs pa la/ shar gyi
 'dab ma la ni mkha' 'gro ma ste sa bon phruM las bskyed cing mdog dkar ba lag pa gnyis kyi thal mo khar bcug pa'o/ /lhor ni 'phrog byed ma ste sa bon phreM las byung zhing mdog sngo ba lag pa na sdig mdzub dang gtun shing thogs pa'o//
 nub tu 'jib byed ma ste sa bon pheM las byung zhing lag pa gnyis kyis snyim pa khrag gis bkang ste 'thung ba'o/ /byang du ni me 'bar ma ste sa bon pheM las byung zhing mdog ser ba thal mo spyi bor sgyur ba'o/ /
 de dag thams cad kyang skra grol zhing rgyan thams cad kyis brgyan pa ro'i stan la 'dug pa'o/ /de sngar rim pa gnyis pa zhes bya ba ni nad rim gyi pad+ma 'di la bltos pa yin te de yang gru bzhi la sogs pa dang ldan zhing rta babs mod? pa yin
 no/ /de'i shar phyogs kyi sgor ni mdog dang mtshan ma la sogs pa ji skad bstan pa lta bu'i phag mo'o/ /lhor ni zhi ba mo'o/ /nub tu gzhon nu ma'o/ /byang du ni rgan byang ma'o/ /dbang ldan gyi mtshams su ni tshangs ma'o/ /me mtshams su ni
 tshogs kyi dbang mo'o/ /bden bral du ni khyab 'jug ma'o/ /rlung mtshams su ni dbang mo'o/ /yang de nyid kyi rim pa gsum par dbang ldan la sogs pa ste/ dbang ldan zhes bya ba mo'i rtags su byung ba ni rnam par bsgyur ba rnams 'dod rgyal
 gyis 'jug pa'i phyir ro/ /de dag kyang mdog dang mtshan ma la sogs pa ji ltar bstan pa bzhin rang rang gi gnas su dgod pa gzhung las gsal por bshad pa nyid yin no/ /de nyid kyi rim pa bzhi par ni nyi ma la sogs pa ste/ de
 la shar phyogs kyi sgor ni nyi ma rta dkar po la zhon zhing mdog dmar ba lag pa gnyis kyis pad+ma'i steng du nyi ma'i dkyil 'khor thogs pa'o/ /me mtshams su zla ba ste ngang pa la zhon zhing mdog dkar ba lag pa gnyis kyis pad+ma'i steng
 na zla ba'i dkyil 'khor thogs pa'o/ /lhor ni mig dmar ste ra skyes la zhon zhing mdog dmar ba lag pa g.yas kyis gri thogs pa g.yon gyis mi mgo thogs te za ba'o/ /bden bral du ni gza' lhag ste/ pad+ma la gnas shing mdog
 ser ba lag na mda' gzhu thogs pa'o/ /nub phyogs ni phur bu ste/ pad+ma la gnas shing mdog ser skya bgrang phreng dang/ ril pa spyi blugs thogs pa'o/ /rlung mtshams su ni pa ba sangs te/ de yang pad+ma la gnas shing mdog dkar ba bgrang phreng
 dang ril pa spyi blugs thogs pa'o/ /byang du ni spen pa ste rus sbal gyi stan la 'dug cig mdog sngo ba lag pa gnyis kas dbyig pa thogs pa'o/ /dbang ldan du ni sgra gcan 'dzin dang rgyal mtshan te/ de yang sgra gcan 'dzin ni mdog
 dmar zhing nyi ma dang zla ba thogs pa'o/ /rgyal mtshan ni mdog sngo zhing lag na ral gri dang zhags pa thogs pa'o/ /phyi rol gyi shar sgor ni tshangs pa'o/ /lhor ni drag po'o/ /nub tu ni skye mched do/ /byang du ni khyab 'jug go /dbang ldan dang
 me mtshams dang bden bral dang rlung mtshams bzhir ni sa'i lha mo dang me dang chu dang/ rlung rnams rim pa bzhin du/ laM dang raM dang baM dang yaM gyi sa bon las byung ba dbang chen gyi dkyil 'khor la gnas pa dang/ me 'bar ba'i gzugs
 dang sprin dang ba dan g.yo bas mtshan pa'i rlung gi gzugs can dgod par bya'o/ /gzhan yang 'dir gang gi sa bon ma bstan pa de dag gi sa bon ni rang gi ming gi yi ge la thig les brgyan pa yin par blta ste/ rdul tshon du
 bris pa 'am/ ras ris kyi lha'i gzugs kyang rung ste/ bsam gtan gyis so sor re zhing rang rang gi sa bon las bskyed par bya'o/ /gza' dang skar ma thams cad kyang rang rang dam tshig las byung zhing zhes bya ba ni skar ma'i
 tshogs dang bcas pa'i gza' rnams /rang rang gi ming gi sa bon las byung ba'o/ /yang na rang rang gi dam tshig las byung ba ste/ sems can gyi don gyi phyir 'dus pa'o/ /de nyid kyis na rdzu 'phrul dang ldan zhing zhes bya ba la
 sogs pa smos so/ /rang rang stan la gnas par bsam zhes bya ba la nyi ma dang spen pa dang sgra gcan 'dzin dang rgyal mtshan rnams ni khyad par du nyi ma'i dkyil 'khor gyi stan la gnas pa yin la lhag
 ma ni sngar bshad zin to/ /ma mo zhes bya ba la sogs pas ni rnal 'byor ma bzhi'i sgrub pa'i thabs la 'jug pa yin te/ dngos grub thams cad bskyed pa'i phyir ma ma'o/ /yang ci 'dra zhe na/ 'byung po'i rig pa dang ni gzhan zhes bya ba
 la 'byung po ni mi ma yin pa ste/ de tshar gcod par byed pa'i rig pa'o/ /gzhan zhes bya ba ni pho nya zhes bya ba dang sbyar ro/ /ci zhe na/ las rnams kun gyi'o/ /sus sgrub par bya zhe na longs spyod la dga' i sgrub pa po ste/ pha nya'i longs
 spyod don du gnyer bas so/ /zla ba rdo rje zhes bya ba la sogs pas ni rang gi lha'i ting nge 'dzin gyi yan lag ston pa yin te/ zla ba la sogs pa yongs su gyur pa las rdo rje sems dpa' ston to/ /sngags kyi rgyal po zhes bya ba ni
 rigs kyis ni gcig gis tshig tu byas pa yin no/ /thams cad bran bzhin byed par 'gyur zhes bya ba ni pho nya la sogs pa rnams bran ltar bkug ste/ 'khor ba'o/ /dur khrod ces bya ba la sogs pa dang/ shar dang zhes bya
 ba la sogs pas ni ri mo'i dkyil 'khor bri ba'i gnas bstan pa yin te pho nya'i bye brag gis dur khrod la sogs pa'i shar la sogs par bya'o/ /drug drug tu ni dris nas su zhes bya ba la sogs pas ni bdag nyid kyi rnal 'byor
 rtsom pa ston pa yin te/ nyin mo la dus gsum dang mtshan mo la dus gsum du mchod pa'i mchod pa'i dbyed rnam pa drug gis mchod pa'o/ /de yang dri dang zhes bya ba la sogs pas ston par 'gyur ro/ /mchod pa ni nye bar mtshon pa ste
 sdig pa bshags pa dang/ bsod nams kyi rjes su yi rang ba dang/ sngo ba dang/ gsum la skyabs su 'gro ba dang/ lam bsten par dam bca' ba la sogs pa'ang gzung bar bya'o/ /de nas zhes bya ba ni dkyil 'khor bris pa'i 'og go/
 brtsam par bya zhes bya ba ni sgrub pa'i thabs zhes bya ba'i lhag ma'o/ /yang na drug drug ces bya ba la sogs pa dkyil 'khor mchod pa'i bya ba nyid bstan pa yin no/ /dkyil 'khor gyi mtshan ma dgod pa gsungs pa/ gnas
 la sogs pa zhes bya ba ste/ pul+li ra dang mA la ya dang dzA lan d+ha ra la sogs pa rnams su rab tu gtum mo dang/ gtum mig ma la sogs pa'i mtshan ma dgod par bya ste/ 'khor nyi shu rtsa bzhi bstan pa yin no/ /dri dang zhes bya ba
 la sogs pas ni rdul tshon gyi dkyil 'khor bris kyi 'og tu mchod pa bstan pa yin te/ dpa' bo'i ni ston mo bya ba 'og nas 'byung ba dang sbyar ro/ /de yang rdul tshon bris nas bsam gtan gyis dkyil 'khor so sor bsgoms te/  
 sngar bstan pa bzhin du mchod par bya'o/ /dri chu zhes bya ba ni sa gzhi la sogs pa'i gsang gtor bya ba'i chu'o/ /bum pa'i cho ga ni go sla'o/ /nyin mtshan du ni gnas nas su zhes bya ba ni dkyil 'khor la sogs pa bsgrub pa bstan pa
 yin no/ /ji srid du zhe na/ mtshan gcig legs par gnas par bya zhes bya ba ste/ mtshan thog thag bsam gtan la sogs pas 'bad de gnas na pho nya la sogs pa 'grub pa'o/ /de nas bzod pa gsol bar bya zhes
 pa ni dkyil 'khor zin gyi 'og tu'o/ /lhag ma ni go sla'o/ /bsgrub pa'i dkyil 'khor gsungs pa dam tshig ldan pa zhes bya ba la dam tshig ldan pa'i 'bri mkhan gyis bri bar bya zhes bya ba dang 'brel to/ /khrag ces bya
 ba ni nye bar mtshon pa ste/ /brag la sogs pa'i bdud rtsi lnga gzung bar bya'o/ /steng du skyes pa'i nang du gzhag ces bya ba la/ steng du skyes pa ni thod pa ste/ de'i nang du bdud rtsi lnga dang bsres pa'i
 tshon rtsi rnams gzhag pa'o/ /skar ma rgyal la sogs pa ni bris sku brtsam pa'i dus bstan pa yin no/ /yi dags sen rtsi zhes bya ba la sogs pa la ro'i son rtsi dang/ bal gyi sdong bu byas la mar chen zhes bya ba til mar
 chen po'i mar las me sbar bar bya'o/ /dri'i zhes bya ba ni rnam par snang mdzad de des bsgos pa'o/ /'dir gdug pa ni sha chen skam po dang tsong du bcas pa gzung bar bya'o/ /mchod pa'i cho ga de nyid slar gsungs pa/ me tog dmar
 dang zhes bya ba la sogs pa'o/ /nye bar spyod pa'i gtor ma zhes bya ba ni nya rlon dang bcas pa'i phyir ro/ /rdzas lnga zhes bya ba ni bdud rtsi lnga dang ldan pa'i rnam pa lnga la sogs pa'o/ /bdud rtsi lnga zhes bya ba ni dam tshig gi
 arga'i chu sbyin pa'o/ /rnal 'byor ma dang gnyis med par/ /byin gyis rlobs la da bsgrubs shing ces bya ba ni sgrub pa pos smra bar bya ba ste/ kyai khyod dang gnyis su med par gyis zhes pa'i bar du'o/ /zad pa nyid du longs spyod
 bya zhes bya ba ni lhag ma med na ster gyi gzhan du ma yin no/ /drag po'i sa bon ni k+ShuM ste gal te sngon du 'bum phrag du bzlas kyang ma grub pa de'i tshe oM di pe sha ri hUM phu phu k+ShuM zhes bya ba'i sngags 'bum du bzlas pas gzir bar
 bya'o/ /lhag ma ni go sla'o/ /sa la khrag gis byugs nas zhes bya ba ni dur khrod kyi sa gzhi la khrag gis kun tu phyugs nas bsgrub par bya'o/ /rdo rje ma'i sa bon ni yi ge su ngo/ /ro langs ma'i sa bon ni yi ge yuM ngo/ /gzhan
 yang rlung zhes bya ba ni gang dang gang 'dod pa'o/ /kriM zhes bya ba dang gsod pa dang/ zhes bya ba la sogs pa ni yi ge phaT do/ /me sbar ba'i dbus su ni zhes bya ba ni sbyin sreg bya zhes bya ba dang 'brel to/ /ba la ta ka nag po'i shing zhes bya
 ba ni ba la ta ka dang ri ti ka zhes bya ba'i shing ngo/ /yungs kar dang ni bsres nas su zhes bya ba ni pho nya de'i ras ris ral gris dum bu dum bur gtubs pa dang ngo/ /kha cig ni pho nya'i ming nas gzung nas yungs kar 'ba' zhig
 bsreg go zhes zer ro/ /mu sun di zhes bya ba ni phub chung ngo/ /kha cig ni mtshon cha'i bye brag zhig go zhes zer ro/ /sbyor ba'i rim pa de nyid kyi zhes bya ba ni rang gi ming gi yi ge'i sa bon las byung ba'i sbyor ba de nyid kyis gza'
 rnams kyang bsgrub par bya ba'i don to/ /oM zhes bya ba dang po ste/ swAhA'i mdza' can byin gyis brlab ces pa ni sngags thams cad kyi slad du oM zhes bya ba gdon zhing mthar swAhA zhes bya ba bzla'o/ /de dag gis ni 'di skad du gang gang
 gi tshe gza' rnams dus gcig tu bsgrub par 'dod na de'i tshe pad+ma 'dab ma brgyad pa'i 'dab ma rnams la nyi ma la sogs pa rim bzhin bkod la dbus su 'byung po 'dul byed kyi gzugs bsams nas/ oM sarba zhes bya ba la
 sogs bzla bar bya'o/ /gang gi tshe so sor bsgrub par 'dod na ni gang sgrub par bya ba de nyid dbus su bzhag nas rang gi ming dbus su bcug pa'i oM dang swAhA'i sngags bzla bar bya'o/ /gal te de gzas zin pa zhi bar 'dod pa
 yin na ni gza' rnams kyi thun mong gi sngags bsgrub par bya ba'i ming dang spel bar bzla bar bya'o/ /zhes ston par 'gyur ro/ /'byung thams cad ces bya ba ni bde byed la sogs pa'o/ /gdon thams cad ces bya ba ni gza' nyi ma la sogs
 pa'o/ /sgrubs thabs ni de rnams bskyed pa'i cho ga la sogs pa'o/ /'byung ba ni bstan pa'o/ /gzhung gi tshogs ni rim par phye ba ste bcu dgu pa'o/ /rgyud kyi rgyal po chen po dpal rdo rje mkha' 'gro'i rnam
 par bshad pa las le'u bcu dgu pa'i rnam par bshad pa'o// //da ni 'chi ltas kyi le'u gsungs pa/ de nas zhes bya ba la sogs pa la/ de nas zhes bya ba ni gza' la sogs pa la gdul bya'i cho ga bshad
 kyi 'og tu'o/ /de las zhes bya ba ni rgyu'i don te/ gang gi phyir gza' la sogs pa'i nyes pas 'chi bar 'gyur bas de'i mtshan ma shes par bya ste/ gza' la sogs pa'i gdon zhi bar bya ba'i phyir/ bcom ldan 'das la
 lha mo rnams kyis gsol to zhes bya bar sbyar ro/ /ye shes de nyid ces bya ba ni nang gi 'chi ltas las ye shes kyi de kho na nyid de rlung gi rang bzhin gyi 'chi ltas so/ /sgyu ma che zhes bya ba ni bod pa'o/ /rtsa chen po ni sum cu rtsa
 gnyis zhes bya ba ni ji ltar grags pa'i rtsa chen po sum cu rtsa gnyis te/ 'di la mdzes ma dang ro bcud ma dang kun bskyod ma gsum ni bul+li ra dang mA la ya'i ming can gyi mgo bo'i yan lag gi smin ma'i dbus dang
 g.yas g.yon gyi cha la gnas te/ rdul dang snying stobs dang mun pa'i rang bzhin gyis gnas pa yin no/ /sum rim ma dang 'dod pa mo dang/ khyim ma dang gtum mo dang/ bdud 'dul ma ste lnga po 'di dag ni kAny+tsa'i ming
 can gyi snying ga'i pad+mar bsten nas bdud rtsi lnga 'bab pas nye bar gnas pa yin no/ /lhag ma nyi shu rtsa bzhi dgod pa 'dir brjod par bya ste/ mi phyed ma ni yul mA la ya'i ming can gyi mgo'i dpral ba'i cha la gnas pa
 yin no/ /phra mo'i spyi gtsug na'o/ /gsal ba ni rna ba g.yas na'o/ /g.yon pa na ni mgo bo'i rgyab kyi cha la'o/ /'dul byed ma ni rna ba g.yon pa na'o/ /rus sbal skyes ma ni smin ma'i dbus na'o/ /sred pa mo ni mig gnyis na'o/ /dbang sgyur ma ni
 phrag pa gnyis la'o/ /sdang ba mo ni mtshan khung gnyis na'o/ /'jug pa mo ni nuM ma gnyis su'o/ /ma mo ni lte bar ro/ /mtshan mo ni sna rtser ro/ /bsil ster ma ni khar ro/ /drod ma ni mgrin par ro/ /tshad ma ni slar yang snying gar ro/ /mdog sngon po
 ni chu ser ro/ /thun mong ma ni mchan la'o/ /rgyu sbyin ma ni gzhad la'o/ /bral ba mo ni brla gnyis la'o/ /dza mo ni byin pa gnyis la'o/ /grub ma ni sor mo thams cad la'o/ /me mo ni rkang pa'i bol gnyis la'o/ /yid 'ong ma ni rkang pa'i
 mthe bong gnyis la'o/ /gsum pa ma ni pus mo'i lha nga gnyis te/ thams cad bsdoms pas sum cu rtsa gnyis so/ /de dag gzhan las shin tu gtso zhes bya ba ni byang chub sems kyi rtsa gnyis po de dag rtsa gzhan las bltos nas
 gtso bo 'am dam pa zhes bya ba'i don to/ /bcu dang gnyis ni de bzhin du zhes bya ba la/ bcu dang gnyis ni bcu gnyis pa phrag gnyis te nyi shu rtsa bzhi'o/ /de bzhin du zhes bya ba ni de dag gi nang na yang dam par 'gyur ba'o/ /
 ci'i phyir zhe na/ dbyangs rnams 'pho ba'i mtshan nyid de zhes bya ba la dbyangs rnams ni ma ning gi yi ge bzhi spangs pa'i dbyangs kyi yi ge bcu gnyis so/ /'pho ba ni chos kyi bye brag gis rtsa de dang der yi ge de dang de'i gzugs kyis
 'gro ba'o/ /mtshan nyid ni de'i rang bzhin no/ /ji ltar 'gro zhe na yar ngo mar ngo'i bye brag gis te zla ba yar ngo mar ngo'i bye brag gis thabs dang shes rab kyi rang bzhin kha steng du bltas pa dang thur du bltas pa'i rang bzhin gyi
 dbyangs kyi yi ge bcu gnyis su 'pho ba ste/ de la pul+li ra dang mA la ba dang/ dzA lan d+ha ra dang/ o Ti ya na dang/ a bur da dang/ go d+ha ba ri dang/ rA me shwa ra dang/ de bi ko Ti dang/ hi mA la ya dang/ kA ma ru ba dang
 o Te dang/ tri sha ku ne dang/ ko sa la'i yul rnams su yar ngo'i nyi ma bcu gnyis la a la sogs pa'i gzugs kyis gnas pa yin te/ de'i tshe pho nya la sogs pas gnas de dang der reg pa las yi ge dang de'i skyon dang yon tan
 shes par bya'o zhes sngar bshad pa dang sbyar bar bya'o/ /de bzhin du zla ba mar ngo la ka ling ga la sogs pa'i gnas rnams su yi ge bcu gnyis kyi gzugs kyis gnas pa la reg pa'i mtshan ma blta ba yang tshul de ltar shes par bya'o/ /nyi shu rtsa
 bzhir brjod pa yin zhes bya ba ni tshes bcu gsum dang/ bcu bzhi dang bco lnga rnams zla ba'i ngo gnyis ka la yang tshes gsum dang bzhi dang lngar bsdus nas nyi ma nyi shu rtsa bzhir brtsi bar bya'o/ /dus ni gsar dang snying pa dag ces pa la gsar
 pa ni dus myur bar 'chi ba'o/ /rnying pa ni dus ring mo zhig na 'chi ba ste de dag gi mtshan ma'o/ /'chi ba'i dus la bab par gnas bya ba nges par 'chi ba'i dus la bab par ston pa'o/ /dgugs ni rnam par rgod tsam gyis shes bya ba ni dbugs
 tha mal bar gnas pa'i mtshan nyid las phyin ci log tu rgyu ba ste/ 'phel ba dang 'bri bar gnas pa'o/ /rgyas par 'og nas bshad par bya'o/ /lus can drug dang gnyis kyis 'chi zhes bya ba la/ drug dang gnyis ni brgyad de/ gal te nyi ma
 brgyad du rlung phyin ci log tu rgyu bar gyur na lo gnyis dang zla ba bzhi dang nyi ma nyi shu rtsa bzhis 'chi bar 'gyur ba yin te/ de bzhin lo gnyis zla ba ni zhes bya ba la sogs pa 'og nas 'byung ba'i tshigs su bcad pa dang sbyar bar bya'o/ 'chi ba ni
 srog zad par 'gyur ba'o/ /snga dro ro hi ta dus su/ /de'i mtshan ma mtshon par bya zhes bya ba la/ na ma langs nas thun phyed kyi bar du ni ro hi ta'i dus te dus der brtag tu blta ba dang/ de nas gzung ste brtsi bar bya ba'i don to/ /lus kyi mtshan
 ma'i gnas gsungs pa/ snang dang zhes bya ba la sogs pa la brla dang byin pa de bzhin gzhan zhes bya ba ni brla dag dang byin pa dag tu'o/ /dbugs ni chad cing chad gyur pa zhes bya ba ni srog 'chad pa ste 'chi bar 'gyur ba'o/ /'chi ba'i dus ni
 ston par byed ces bya ba ni lus can rnams kyi srog dus ji snyed cig gis 'jig par 'gyur ba'i mtshan ma gsal por ston pa'o/ /nyi ma'i grangs kyi tshad kyis ni zhes bya ba ni nyi ma lnga dang drug la sogs pa'i rlung phyin ci log tu rgyu ba'i
 stobs kyis so/ /'khor los dus kyi bdag nyid brtsi zhes bya ba la dus kyi bdag nyid ni lo dang zla ba la sogs pa ji snyed cig gis 'chi bar 'gyur ba'o/ /gang gi zhe na/ 'khor los te/ dus kyi 'khor lo sngar bshad pa lta bus so/ /sgo
 gcig nas ni nyin drug tu zhes bya ba la sogs pa la/ 'og nas lnga nas nyi shu lnga'i bar 'di dag gi brjod bya ste/ de nas bcu gsum gsum gyi bar du re re spel bar bya/ dgun zla tha chung nyi ma la mtshungs gsum mig zla ba drug /
 gsum zung zla ste zla ltag chos phyogs mda' yan tan thig le/ /zhag grangs yin te de dag 'tsho ba bshad pa yin/ lnga las bcu yi bar dang de bzhin bcu las ni/ /bco lnga'i bar te de nas nyi shu'i bar dang ni/ /de nas nyi shu lnga'i bar
 du yang sbyar bar bya zhes bya ba'i tshigs su bcad pa'i don gyi 'khor lo sngar bshad pa las 'dir ni lnga nas nyi shu rtsa lnga'i bar gyi bar bar gyi nyi ma dag gi dus bstan pa yin no/ /de las lnga dang bcu'i bar gyi dang po brtsi bar bya ste/ ?
 drug drug du sgo gcig nas zhes bya ba g.yas kyi sgo nas rgyu gyur pa zhes bya ba dang sbyar te/ des ji snyed cig gis 'chi bar 'gyur zhe na/ de nyid bstan pa'i phyir yon tan gsum gyi lo dag ni zhes bya ba la
 sogs pa gsungs te/ lo re re zhing zhag drug cu dang bcas pa'i zhag sum brgya sum brgyar gnas pa las sngar bstan pa ltar rlung phyin ci log tu rgyu ba la yon tan gsum gyi lo ste la gsum du 'tsho ba las/ nyi ma drug tu rlung phyin ci
 log tu rgyu ba 'di'i nyi ma la sogs pa'i tshe'i tshad dbri bar bya ste/ de nyid bstan pa'i phyir/ lo gnyis dang ni zhes bya ba la sogs pa gsungs te/ dus kyi grangs zhes bya ba ni zla ba drug go /lhag ma ni go sla'o/ /nyi ma dag ni bdun
 dang mdza' / /gal te rlung ni rgyu gyur na/ /zhes bya ba la/ nyi ma bdun du rlung ste sna sgo'i dbugs phyin ci log tu rgyu bar gyur na'o/ /lo gnyis dang ni de bzhin du/ /zla ba drug tu 'tsho 'gyur zhing zhes bya ba la/ de bzhin zhes bya ba ni nyi ma'i
 grangs bstan pa ste nyi ma bcu'o/ /'tsho zhes bya ba ni dus der gnas pa ste de'i 'og tu 'jig par 'gyur ro/ /de ltar na lo gnyis dang zla ba drug dang nyi ma bcus 'chi bar ston to/ /de bzhin lo gnyis zla ba ni zhes bya ba la sogs
 pa la/ de bzhin zhes bya ba ni/ dbugs ni rnam par rgod gyur na/ /lus can drug dang gnyis kyis 'chi zhes bya ba dang 'brel bar byed pa'i tshig yin no/ /rig byed ces bya ba ni nges brjod kyi rig byed dang mchod sbyin gyi rig byed dang
 snyan tshig gi rig byed dang/ sring srung gi rig byed de/ de'i grangs kyis zla ba'o/ /gal te nyin dgu zhes bya ba la sogs pa la nyi ma'i grangs ni nyi ma bcu gnyis kyi grangs kyis nyin zhag go /lus can rnams kyi sbyor ba yin zhes bya ba la/
 sbyor ba zhes bya ba ni 'tsho zhing gnas pa'o/ /gal te nyin zhag bcu gcig tu zhes bya ba la sogs pa 'di ni rkang pa lnga pa'i tshigs su bcad pa yin te/ sgo gcig ces bya ba ni g.yas kyi sgo 'ba' zhig go /nyin zhag bcu gnyis zhes bya ba la sogs
 pa la/ dbyangs kyi grangs zhes bya ba ni klu'i bye brag ste rnam pa bdun no/ /dus kyi grangs ni drug ste bshad zin to/ /gal te nyi ma bcu gsum du zhes bya ba la sogs pa ni go sla'o/ /gal te bdun phrag gnyis su ni zhes bya ba la sogs pa la bdun
 phrag gnyis ni bcu bzhir ro/ /nyi ma bcu'i phyed dag tu zhes bya ba ni nyi ma lnga'o/ /gang zhig nyi ma lnga gsum du zhes bya ba la sogs pa ni rkang pa gsum pa'i tshigs su bcad pa ste/ lta 'og gzhan dag tu yang ci rigs su sbyar bar bya'o/ /lnga gsum
 zhes bya ba ni bco lnga pa'o/ /gang zhig brgya phrag gnyis su na zhes bya ba la sogs pa la/ brgya phrag gnyis ni bcu drug drug ste/ nyi ma bcu drug tu rlung lugs las bzlog nas rgyu ba'i tshe'i tshang bstan pa yin no/ /lhag ma ni go sla'o/ /gal te
 nyin zhag bcu dgu ru zhes bya ba sogs pa la/ dri'i bzhon pa zhes bya ba ni rlung ste dri thams cad bsdus nas 'dren par byed pa ste rta lta bu'o/ /nyi ma'i lam zhes bya ba ni sna'i sgo g.yas pa ste/ phal cher rlung tshe ba 'jug pa'i phyir ro/ /lhag ma ni
 go sla'o/ /de las gong ma sngar bstan pa'i grangs las mdor bsdu shes par bya zhes bya ba ni nyi ma nyi shu rtsa drug nas sum cu'i bar du ni lnga pa'i tshul gyis shes par bya'o zhes bya ba'i don to/ /yang na de las te sngar bstan pa dag las/ gong
 ma ste lnga nas nyi shu lnga'i bar gyi grangs te 'chi ba'i dus kyi grangs rnams shes par bya ste/ 'og nas ston pas der shes par bya'o/ /bcu dang gnyis kyis zhes bya ba la sogs pa ni gzhung nye bar bsdu ba yin no/ /bcu dang gnyis ni bcu
 gnyis te/ nyi ma lnga nas nyi shu'i bar gyi nyi ma bzhi phrag gsum po dag gi brtsi ba yin no/ /bar zhes bya ba ni nyi shu nas nyi shu rtsa lnga'i bar gyis bzhi phrag tha ma'o/ /gzhung kha cig las ni bcu dang drug
 gi rtsis las ni zhes 'byung ste/ de'i tshe shin tu go sla'o/ /shin tu phra ba ngas bshad la zhes bya ba ni nang gi mtshan ma rlung gi rgyu ba'o/ /khams rnams snyoms pa'i lus la ni zhes bya ba ni kha zas tshod zin pa dang/ rjes su mthun pa'i kha zas za
 ba dang/ nad la sogs pas ma nyams shing mi mthun pa'i rkyen med pa'i tha mal pa'i lus la blta bar bya'i gzhan du ni yid mi ches pa'i rgyur 'gyur ro/ /de dag ces bya ba ni sngar bstan pa'i nyi ma drug la sogs pa'i 'chi ltas de dag go /
 da ni nges par 'chi bar 'gyur ba'i lus kyi mtshan ma bstan par bya ba'i phyir sgo zhes bya ba la sogs pa gsungs te/ 'dir yang khams rnams snyoms pa'i yul la ni zhes bya ba dang sbyar ro/ /steng du bltas pas zhes bya ba ni dus/
 la bab pa na rtsa de steng du bltas pa'o/ /yang na yi ge'i gzugs kyis steng du bltas par gnas pa'o/ /sna'i bar sha zhes bya ba ni sna sgo gnyis kyi bar na gnas pa'i sna zam gyi sha'o/ /chad pa ni de'i dbus na gnas pa'i rtsa chad na
 steng du bltas par 'gyur zhing sna yon por 'gyur te/ de ni yi ge ri'i gzugs kyis gnas pa yin no/ /nyin zhag bdun gyis the tshom med ces bya ba ni de bzhin lo gnyis zla ba ni rig byed kyi grangs dang ni zhes bya ba dang sbyar
 ba'i nyi ma bdun gyis so/ /cha shas dgu ni yang dag gnas zhes bya ba la/ cha shas ni cha ste dbyangs yig dgu pa la bya la der yang dag par gnas pa ni li'i gzugs su gnas pa zhes bya ba'i don to/ /de ci zhig ce na/ mig gi
 ste mig gi rtsa la'o/ /chu ni chad gyur na zhes bya ba ni mig chu dang mchi ma med cing skam por gyur pa'o/ /steng du bltas zhes bya ba ni mig gi rtsa de chad pa'i tshe'i steng du blta ba'o/ /cha shas bcu zhes bya ba ni yi ge li'o/ /rna ba g.yon dang 'gram
 pa'i zhes bya ba ni go dA ba ri'i ming can gyi rna ba g.yon pa'i 'og 'gram pa'i phyi rol gyi sna rtse'i rtsa ste/ de chad na nyin zhag gcig las mi 'tsho/ /sha shas bcu gcig ces bya ba ni yi ge e'o/ /rna ba g.yas par brten pa zhes bya ba ni rna
 ba g.yas kyi 'og 'gram pa'i ngos sna rtse'i rtsa ste/ de chad pa'i tshe 'gram pa'i mtshams 'byed zhing ri mo snang bar 'gyur ro/ /de ltar g.yon pa la yang sbyar bar bya'o/ /nyin zhag bco brgyad dag na 'chad ces bya ba ni gri ltar srog gcod par
 byed pa'i rtsa'o/ /cha shas bcu gnyis zhes bya ba la sogs pa la cha shas bcu gnyis ni yi ge e'o/ /lce'i skud pa gnag mthong na zhes bya ba ni lce la gnas pa'i rtsa 'chad par gyur na lce'i skud pa ste lce'i rtse mo'i steng gi ri mo nag por
 'gyur ba'o/ /dus kyi nyin zhag ces bya ba ni nyi ma drug na'o/ /kha cig ni zhag gnyis na'o zhes zer ro/ /cha shas bcu gsum zhes bya ba la sogs pa la cha shas bcu gsum ni yi ge o'o/ /de bzhin du steng du 'bar ba'i zhes bya ba
 ni sa'i mtshams na gnas pa'i rtsa don 'bar ba'i sgo zhes bya bar grags pa'o/ /'byung ba dag ni ma lus 'dren zhes bya ba ni rtsa de 'byung ba chen po bzhi 'jug pa'i lam yin pa'i phyir ro/ /steng 'og so ni 'thams gyur na/ zhes bya ba ni so'i
 mtshams kyi rtsa de 'chad pa'i tshe steng 'og gi so'i phreng ba gnyis 'thams shing mi phyed par 'gyur ro/ /dus grangs nyi mas 'gro zhes bya bas na nyi ma drug na'o/ /kha cig ni nyin zhag gsum na'o zhes zer ro/ /dbyangs yig bcu bzhi zhes
 bya ba ni yi ge aau ste cha shas bcu bzhi zhes bya bar sbyar ro/ /steng du bltas pa zhes grags pa zhes bya ba ni mgrin pa'i phyi rol bdun gyi blo na gnas pa'i rtsa gnyis po de 'chad pa na steng du blta bar
 'gyur te/ de'i tshe dbugs rtseg par 'gyur ro/ /cha shas bco lnga zhes bya ba la sogs pa la/ cha shas bco lnga ni yi ge aM ngo/ /steng du bltas pa ni bshad zin to/ /brang gi dra ba zhom gyur na zhes bya ba ni brang gi dra ba la
 gnas pa'i rtsa de chad pa na brang gi dra ba dma' zhing zhom par 'gyur ro/ /zla ba phyed na gdon mi za zhes bya ba la/ gdon mi za ba ni nges pa ste 'chi bar 'gyur ba zhes bya ba'i lhag ma yin no/ /cha shas bcu drug ces bya ba ni dbyangs
 yig bcu drug pa a:O/ /rdzogs pa zhes bya ba ni mthar gyur pa'o/ /sen mo'i khrag ni mer gyur na zhes bya ba ni lte ba'i dbus na gnas pa'i rtsa chad par gyur pa'i tshe dbugs mi thon pa dang sen mo khrag med pa ste/ sen mo'i
 mdog med cing skye bor gyur pa zhes bya ba'i bar du'o/ /nyin zhag bcu na yang dag nyal zhes bya ba ni nyi ma bcu'i mthar yang dag nyal ste legs par nyal zhing 'chi bar 'gyur ro zhes bya ba'i don to/ /slar yang zhes bya ba la sogs
 pa la/ cha shas bcu bdun zhes bya ba ni thig le'o/ /brla'i mtshan ma zhes bya ba ni brla la gnas pa'i rtsa de chad pa na dbugs steng du 'gro zhing rgyu ba mi bde par 'gyur ro/ /cha shas bco brgyad ces bya ba ni thig le'i steng na gnas pa'i ri
 mo'o/ /byin pa la ni gnas pa'i rtsa zhes bya ba la sogs pa la/ byin pa la gnas pa'i rtsa chad na byin pa mi theg cing rengs par 'gyur ro/ /cha shas nyi shu zhes bya ba ni bcu dang gnyis te/ 'og nas 'byung ba'i bcu gnyis pa zhes
 bya ba dang mthun par sbyar ro/ /de yang 'dir a gzung bar bya'o/ /chu so de bzhin steng bltas pa zhes bya ba ni chu so la gnas pa'i rtsa chad pa ni chu so'i tshangs pa'i skud pa mi mthong bar 'gyur ro/ /bcu gnyis zhes bya ba ni cha shas bcu drug pa gzung bar
 bya'o/ /lhag ma ni go sla'o/ /re'u mig bcu gnyis brtsis pa la zhes bya ba ni dus kyi 'khor lo bri ba ste sngar bshad zin to/ /bdun cu rtsa gnyis rim pa dang zhes bya ba la lo gcig gi /zla ba bcu gnyis su chad pa la zla ba re re zhing zhag drug drug dbri bar bya ba
 yin te/ 'di ltar zla ba yar ngo la tshes bcu gsum dang/ bcu bzhi dang/ nya'i nyi ma rnams tshes gsum dang/ bzhi dang/ lnga las gung du bgrang bar mi bya ba dang/ de bzhin du/ zla ba ngo gcig gi mar ngo la yang mar do'i bcu gsum dang/ bcu bzhi dang/
 gnam stong gi nyi ma rnams mar do'i tshes gsum dang/ tshes bzhi dang/ tshes lnga las gud du bgrang bar mi bya ste/ de ltar na lo gcig la zhag bdun cu rtsa gnyis dbri ba'i don to/ /da ni lo dang zhag gi dbugs dang chu tshod kyi grangs nges pa slar
 yang bstan pa'i phyir/ sum cu rtsa drug bco brgyad kyi zhes bya ba gsungs te/ 'di ltar sum cu rtsa drug gi mtshan ma dum bu gnyis su bgos pas bco brgyad kyi mtshan ma gnyis su bya'o/ /de la bcu phrag gnyis kyi mtshan ma gcig tu gud du
 byas la/ brgya phrag gnyis bsdoms pa'i mtshan ma yang de'i drung du bri ste/ de'i glor thig le lnga pa gnyis po sbreng ba'i tshul bzhag na nyi khri chig stong drug brgya'i grangs kyi mtshan mar 'gyur ro/ /lhag ma ni go sla'o/ /zhes bya ba ni yongs su
 rdzogs pa'i tshig go /rtsa dang mnyam par sbyor ba zhes bya ba la sogs pa la rtsa'i mnyam par sbyor ba ni rtsa rnams kyi cha ji ltar gnas pa'o/ /dbugs 'byung ba zhes bya ba ni nyi ma drug la sogs pa'i dbugs kyi rgyu ba'o/ /cho ga ni de ston par
 byed pa'i rim par phye ba nyid do/ /gnyis par na rtsa dang mnyam par sbyor ba ni sna la gnas pa'i rtsa la sogs pa chad pas sna yon par 'gyur ba la sogs pa'i mtshan ma ni rtsa dang mnyam
 par sbyor ba'o/ /lhag ma ni snga ma bzhin te/ rim par phye ba nyi shu ba'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u nyi shu pa'i rnam par bshad pa'o// //da ni 'chi ba'i mtshan ma shes su
 zin kyang gang gi tshe ltas ngan bzlog par ma nus pa de'i tshe gong du 'pho zhing rnam par shes pas lus gtang nas gnas khyad par can du skye bar bya ba'i phyir 'chi ltas kyi yan lag dang nying lag thams cad bshad nas/ gong du 'pho ba'i yan
 lag dang nying lag thams cad bstan par bya ba'i phyir/ sgo dgu po'i mtshan nyid dang zhes bya ba la sogs pa gsungs te/ de la sgo dgu zhes bya ba ni lte ba la sogs pa'i sgo dgu'o/ /mtshan nyid ni rang bzhin no/ /rtsa ni mngon par gnas
 pa'i zhes bya ba ni sgo yangs pa'i sgo dgu'i rtsa'o/ /yon tan skyon rnams ji ltar blta zhes bya ba ni sgo de rnams kyis 'gro ba dang 'ong ba'i skyon yin no/ /de rnams zhes bya ba ni sgo yangs ba de rnams kyi'o/ bye brag ni phan tshun gyi khyad par ro//
 ye shes dbang la zhes bya ba ni gong du 'pho ba la sogs pa'i ye shes kyi dbang phyug la te bod pa'o/ /lan gsungs pa gong du 'pho ba zhes bya ba la sogs pa la/ sngon du bdag nyid sbyangs byas la zhes bya ba ni gong du 'pho ba'i dngos
 grub kyi phyir dang po bdag nyid kyi lus gtum mo'i rnal 'byor gyis sbyangs la khams mnyam pa nyid du bya'o/ /phyi nas las ni brtsams par bya ba ni sbyangs kyi 'og tu gong du 'pho ba'i las brtsams par bya ste/ dper na zhi bas legs
 par byi dor byas nas sa bon bzang po btab na nges par 'bras bu smin par 'gyur ba bzhin du blta bar bya'o/ /rnal 'byor de gsungs pa/ gzugs med ces bya ba la sogs pa la/ gzugs med gnas pa zhes bya ba ni bde ba chen po'i 'khor
 lo ste/ lhan cig skyes pa'i dga' ba'i rang bzhin yin pas brjod du med pa'i bdag nyid yin pa'i phyir te/ gzugs ni brjod pa'i ngo bo nyid du 'dod pa'i phyir ro/ /mdog sngo ba'i pad+ma zhes bya ba ni mgo'i nang du bde ba chen po'i 'khor lo
 pad+ma 'dab ma sum cu rtsa gnyis pa sngon po'o/ /zla ba lta bur 'dzag ces bya ba ni de'i dbus su haM dkar po kha thur du bltas te bdud rtsi 'jig pa'o/ /slar yang gzugs su gnas pa ste zhes bya ba la sogs pa ni longs spyod rdzogs pa'i 'khor
 lo bstan pa yin te/ de la gzugs zhes bya ba ni brjod pa'i ngo bo nyid yin te/ longs spyod rdzogs pa'i 'khor lo khyad par gyi dga' ba'i rang bzhin yin pas mgrin par gnas nas sgra brjod par byed pa zhes bya ba'i bar du'o/ /rnam pa
 kun gyis brgyan pa zhes bya ba la/ rnam pa thams cad ni mtshan sum cu rtsa gnyis dang dpe byad bzang po brgyad cu ste longs spyod rdzogs pa'i sku de thob par dgongs so/ /cha sha bzhi zhes bya ba ni A a'i a'u i ste dbyangs kyi yi ge bzhi'o//
 yang dag ldan zhes bya ba ni shar la sogs pa'i phyogs su gnas pa dang nye bar ldan pa'i oM mo/ /kha ni thur du bltas te 'phyang zhes bya ba ni bde ba chen po'i 'khor lo'i khyad par te/ mgo bo'i cha la brten nas kha 'og tu blta ba'o//
 yang na 'phyang ba ni kha dog tu blta ba'o/ /yang na 'phyang ba'i kha dog tu bltas te bdud rtsi 'dzag pa'o/ /'dir longs spyod rdzogs pa'i 'khor lo ni mdog dmar zhing sa bon dkar ba'o/ /go 'phang zhes bya ba la sogs pas ni chos kyi 'khor
 lo ston te chos thams cad khong du chud pa'i rang bzhin yin pas go 'phang ni shes pa'o/ /gnas ni de'i rten te chos kyi 'khor lo'o/ /yang gnas zhes bya ba ni stobs bcu la sogs pa'i yon tan gyi rten no//
 rtag tu zhes bya ba ni 'khor ba ma stongs kyi bar du 'jug pa ste/ khyad par gnyis po de ni lta 'og gzhan du yang sbyar bar bya'o/ /kun da zla 'dra zhes bya ba ni 'khor lo de yang dkar po'i mdog tu ston to/ /rnam shes ye shes bdud rtsi ni/ lha mo chen
 mo 'bab pa'i mchog /ces bya ba la/ rnam shes ni bdud rtsi dang sbyar bas ye shes ni 'bab pa dang sbyar ro/ /de la ye shes 'bab pa ni 'khor lo de dag goms pa las thams cad mkhyen pa'i ye shes 'jug pa'o/ /ji lta bu zhig
 ce na/ rnam shes bdud rtsi ste zhes bya ba la rnam shes ni sems so/ /de nyid ni 'chi ba med pas bdud rtsi'o/ /yang na rnam shes bdud rtsi ni bag yod pa'i rnal 'byor pa rnams ye shes kyis 'tsho zhing 'chi bar mi 'gyur ba'o/ /de yang gsungs
 pa/ bag yod mi 'chi'i gnas yin te/ /bag med 'chi ba'i gnas yin pas/ /bag yod pas ni 'chi mi 'gyur/ /bag med pa ni rtag tu mchi/ /zhes so/ /sprul pa'i 'khor lo gsungs pa/ rten du gyur pa zhes bya ba la sogs
 pa la/ rten du gyur pa zhes bya ba ni lte bar brten pa'i pad+ma ste 'dis skye ba 'dzin par byed pa'i phyir ro/ /zla ba'i 'od kyis rnam par brgyan ces bya ba ni chos kyi 'khor lo'i lte bar gnas pa hUM gi thig le'i 'od zer gyis de'i steng brgyan pa'o
 de ni cha dang cha'i gzugs zhes bya ba la cha ni 'tsho ba'o/ /cha'i gzugs ni bgrang ba'i rang bzhin te/ dbugs kyi grangs bgrang bar gnas pa zhes bya ba'i don to/ /gong bu gnas pa zhes bya ba la gong bu ni sems can gyi tshogs
 bsdu ba'o/ /gnas pa ni nges nye bar gnas pa ste/ 'dis sprul pa'i skus 'gro ba'i don gyi tshogs kyi nye bar gnas pa zhes bya ba'i don to/ /'khor lo gnyis pa de dag kyang mchog tu dga' ba dang kun tu dga' ba'i rang bzhin du shes par bya/ de dag
 gis gtum mo'i rnal 'byor gyis gong du 'pho ba sgom pa'i phyir lus sbyar ba bstan to/ /da ni sbyang ba gzhan gnyis pa sgo sbyang ba bstan pa'i phyir/ de nas zhes bya ba la sogs pa gsungs te/ de nas zhes bya ba ni lus sbyangs kyi 'og tu'o/
 gnas kyi mdza' ni dag par bya zhes bya ba la gnas ni lus te bde ba dang sdug bsngal gyi snod yin pa'i phyir ro/ /mdza' ni nang ste nang gi sgo rnams so/ /kyi zhes bya ba ni 'brel ba'i don gyi drug pa yin no/ /gzhan du na ni zhes bya ba ni sbyang ba
 gnyis ma gtogs par te/ sbyang ba gnyis dang bral na gong du 'pho ba'i 'bras bur mi 'gyur zhes bya ba'i don to/ /sbyang ba gnyis pa de gsungs pa dgang pa zhes bya ba la sogs pa la/ dgang ba sems ni lus bkang na zhes bya ba ni dbugs
 nang du brdubs te/ mgrin pa nas lte ba'i mthar thug pa'i ji srid nus kyi bar du drangs la gang gi tshe ma nus na rim gyis dal bus phyir btang bar bya'o/ /de yang rdo rje skyil krung bcings la/ mthong ka dkyil 'khor ltar yangs par byas nas
 mig sna'i rtse mor phab ste bltas la rlung drangs pas lto thams cad mgrin pa'i bar du gang bar bya ba 'di ni dgang ba'i mtshan nyid yin no/ /des cir 'gyur zhe na/ dug dang rim gyi tsha ba 'phrog ces bya ba ste/ dgang ba'i mtshan nyid grub pa 'dis
 dug la sogs pa'i nyes pa 'joms pa ste 'phral gyi phan yon no/ /gnyis pa gsungs pa/ bum pa can gyi sgo bcings na zhes bya ba la snga ma ltar rlung nang du drangs te bum pa mi g.yo ba ltar dbang po'i sgo thams cad bkag nas/ /ji srid
 nus kyi bar du lus ni nang du rlung bsdam pa 'di ni bum pa can gyi mtshan nyid do/ /des cir 'gyur zhe na/ sgo'i bu ga dag par 'gyur zhes bya ba ste/ bu ga thams cad kyi gnod pa dang bral bar 'gyur
 ba'o/ /gsum pa gsungs pa/ 'thor ba zhes bya ba la sogs pa la/ 'thor ba ni sna sgo'i dbugs kyi phyi rol sor bcu gnyis kyi bar du rim gyis spro ba'o/ /sna tshogs rdul du zhes bya ba ni de lta bur gyur pas dngos po sna tshogs pa
 rnams de'i rang bzhin du byas nas/ rlung zad par phyir spro bar bya bzhin yun ring du btang bar bya'o/ /'di ni 'thor ba'i mtshan nyid de 'thor ba'i mtshan nyid 'dis sgo brgyad po rim gyis 'gag cing steng gi sgo nas bde blag du 'pho bar
 'gyur bar shes par bya'o/ /bzhi pa gsungs pa rab tu zhi bas zhes bya ba la sogs pa la legs par phyir spros pa'i 'og tu spro bar yang mi bya bsdu bar yang mi bya bar mig sna rtse nyid du gtang de/ sgo thams cad bkag nas gnas
 pa 'di ni rab tu zhi ba'i mtshan nyid de zhi bar 'gyur zhes bya ba ni rab tu zhi ba des rlung dbang du 'dus shing rlung bde bar gyur pa ste/ de'i tshe sgo gang nas 'dod pa de nas 'pho ba'i 'bras bu thob par 'gyur ro/ /da ni sngar bshad pa ltar nang
 sbyangs nas/ phyi rol gzhan sbyang bar bya ste/ rnam par shes pa dbrog pa'i cho ga dang/ gzhan du 'gro ba bshad par bya ba'i phyir rnam shes zhes bya ba la sogs pa gsungs te/ cho ga zhes bya ba ni de dag gi bya ba'i man ngag go /phyi rol
 zhes bya ba ni mkhas pa yis ni sbyang bar bya zhes bya ba dang 'brel to/ /gnas gnyis dag tu bsam bya ba zhes bya ba la gnas gnyis ni rten gnas gnyis te/ lte ba dang snying ga'i gnas su'o/ /bsam pa ni sems pa ste lus su sems
 pa dang sems su sems pa'o/ /ji ltar zhe na/ rlung gi dkyil 'khor zhes bya ba la sogs pa la/ lte ba nas sor bzhi bor ba'i 'og tu rlung gi dkyil 'khor bsgoms par bya'o/ /de'i steng du ci zhig bya zhe na/ rlung gi zhes bya ba la sogs pa la/
 dbus zhes bya ba'i sgra ni steng du zhes bya ba'i don to/ /me zhes bya ba ni me'i dkyil 'khor ro/ /yang dang yang du zhes bya ba ni shin tu yang ngo/ /dbye bar bya zhes bya ba ni rlung gi dkyil 'khor gyi me sbar ba'o/ /A li zhes bya ba la sogs
 pa la A la'i sa bon ni aM ngo/ /kA li'i sa bon ni hUM ngo/ /der ni zhes bya ba ni lte ba dang snying ga'i pad+ma dag tu'o/ /sbyar bar bya zhes bya ba ni lte ba dang snying ga'i pad+mar aM dang hUM gi sa bon bkod pa de bsam par bya zhes bya ba lnga pa
 dang sbyar te lus su bsam pa dang sems su bsam pa zhes bya ba'i don to/ /rnal 'byor pa yis zhes bya ba la sogs pa la rnal 'byor pa ni rnam pa de lta bus sems rtse gcig pa'i sgrub pa po'o/ /khyad par ni sa bon gyi khyad
 par gyis so/ /'byung dang 'jug pas bzlas par bya zhes bya ba las 'byung ba ni phyir 'phro ba'o/ /'jug pa ni nang du sdud pa ste de gnyis bzla ba'o/ /des ci ltar bya zhe na/ 'byung ba ye shes sa bon ni zhes bya ba la/ ye shes sa bon ni snying
 ga'i pad+ma'i yi ge hUM ste/ de 'byung ba bas ni bsnun dang ldan par bsam zhes bya ba dang sbyar ro/ /de yang gtum mo'i sa bon 'od zer 'bar ba dang ldan pa rlung dang mes sbar ba'i rang bzhin gyis hUM dang bcas pa'i snying ga'i pad+ma la bsnun
 pas gyen du kha bzlog par yang dang yang du bsam par bya'o/ /yang ci zhig bya zhe na/ 'dug pa dang snying gi rnam shes la zhes bya ba la sogs pa la/ de ltar 'byung bas bsnun nas snying ga'i rnam par shes pa'i sa bon de 'gyur
 ba nyid kyis mgrin pa dang mgo'i gnas kyi bar du 'dren cing 'phul dang bsam la/ slar yang 'jug pas kha thur du bzlog ste snying ga'i bar du 'ongs par bsam mo/ /me tog lta bur bsnun zhes bya ba ni ka shi
 ka'i me tog rlung gis bskyod pa ltar snying ga'i pad+ma de rlung gis yang dang yang du kha gyen du bstan pa dang thung ngu bzlog par bya zhes bya ba'i don to/ /de ltar bzlas pa goms pa'i rnal 'byor pas rang gi rnam par shes pa phyi rol du bya ba bstan
 pa'i phyir/ rnal 'byor pa'i zhes bya ba la sogs pa gsungs te/ 'byung bzlas te zhes bya ba 'byung ba dang 'jug pa'i bzlas te bar gyi tshig mi mngon pa yin no/ /bdag nyid ces bya ba ni rnam par shes pa'o/ /phyi rol tu bya ba'i phyir
 dbyung ba'o/ /gang gis na 'byung dang 'jug pa'i mtshan nyid kyi zhes bya la sogs pa ste/ 'jug pa dang ldan pa'i 'byung ba'i bzlas pas so/ /ji lta bu zhe na/ de kho na nyid mnyam par 'jug ces bya ba ste/ rnal 'byor pas mnyam pa
 nyid du bsgoms pa'o/ /ci zhig ce na/ de kho na nyid de rnam par shes pa dang rlung gi de kho na nyid do/ /'di ltar rnar shes pa'i de kho na nyid rang bzhin gyis 'od gsal ba ltar rlung yang de dang dbyer med par 'od gsal bar bsgom pa'o/ /yang na 'jug pa dang 'byung ba mnyam
 pa ste gcig tu bya ba'o/ /ci lan cig tsam goms pas sam zhe na ma yin te/ mnyam gzhag dngos po bsgoms na ni 'di ltar dngos po ni bsgom par bya'o/ /mnyam gzhag ni yang dang yang du goms pas 'grub par 'gyur ba'o//
 the tshom med pa ni yid gnyis spangs pa ste/ de yang nor bu bsngags dang sman rnams kyi mthu ni bsam gyis mi khyab ste zhes bya ba la sogs pas yid ches par bya'o/ /da ni rnam par shes pa dbrog pa dang nang gi las kyi sbyor ba
 bstan pa'i phyir/ de nas zhes bya ba la sogs pa gsungs te/ de nas zhes bya ba ni gong du 'pho ba'i sbyor ba las sbyar ba dang bzlas pa la sogs pa de ltar byas kyi 'og tu'o/ /phyi rol tu ni zhes bya ba na pha rol gyi ste rnam par shes pa
 dbrog go zhes bya ba lhag ma yin no/ /ni zhes bya ba ni bshad par bya zhes bya ba lnga pa dang sbyar ro/ /sgrub pa bo yis rnam par sprul zhes bya ba ni pha rol gyi rnam par shes pa dbrog pa'i phyir sgrub pa pos dang por snga ma ltar rang gi lus rnam
 par sprul zhing bsgom pa'o/ /dbrog pa de nyid gsungs pa/ nyi ma'i lam nas zhes bya ba la sogs pa la nyi ma'i lam ni sna sgo g.yas pa'o/ /nga zhes bya ba ni thabs kyi cha ste/ kA li'i sa bon no/ /phyung ba ni gdon pa'o/ /ji ltar zhe na/ lha mo zhes
 bya ba la sogs pa lha mo ni shes rab kyi cha ste/ A li'i sa bon no/ /chu shas ni zla chos dang thig le ste/ des brgyan pa'i A li dang kA li'i sa bon sngar bshad pa de lhan cig gdon pa'o/ /bsgrub bya'i snying gar zhugs nas ni zhes bya ba ni de'i rnam shes
 dbrog par ba zhes bya ba dang sbyar ro/ /ji ltar zhe na/ gzung nas su zhes bya ba ste/ nga dang lha mos gzung nas su/ /lus kyi dkyil 'khor du ni gzhug ces bya ba ni rang gi lus la bsdu ba'o/ /de nas ci zhig bya zhe na/ 'og gi 'khor lor sbyar bar bya zhes
 bya ba dang/ lte ba'i dkyil 'khor gyi 'og ni me'i dkyil 'khor la gdung bar bya zhes bya ba'i don to/ /de nyid kyi phyir rlung dang me'i 'bar ba dag /zhes bya ba gsungs so/ /de dag gis ni 'di skad du/ sprul pa'i 'khor lor gnas pa'i gtum mo'i sa
 bon gyi thig le las 'phris pa'i 'od zer dang snying ga'i sa bon gyi 'od gcig tu gyur nas shes rab dang thabs kyis sa bon 'bar ba'i gzugs su rang gi sna sgo g.yas pa nas phyung ste/ bsgrub bya'i sna sgo g.yon par zhugs nas/ snying gar brten pa'i
 rnam par shes pa rin po che 'bar ba'i rnam pa lta bu la khyab ste/ drangs nas de'i sna sgo g.yas nas byung nas rang gi sna sgo g.yon par zhugs te/ lte ba'i rlung dang me'i dkyil 'khor 'bar ba'i steng du bcug ste bsreg par bsgom
 mo zhes ston to/ /'di ni pha rol gyi rnam par shes pa dbrog pa'o/ /ji srid zad par byas par zhes bya ba ni pha rol gyi lus rang gi rnam par shes pas ma bkang gi bar du'o/ /'dis ni gzhan gyi grong du 'jug pa yang bstan te/ 'on kyang rang gi lus
 spangs te 'jug pa'o/ /da ni sngar bstan pa'i skabs kyi dbye ba'i phyir 'chi ba zhes bya ba la sogs pa gsungs te/ sngar bstan pa'i 'chi bltas mthong nas gang gi tshe bzlog par ma nus pa de ni 'chi ba'i dus la bab par gyur pa'o/ /ji ltar shes par
 bya zhe na/ 'chi ba'i mtshan ma ston pa ste 'chi ltas kyis 'chi bar ston pa'i dus so/ /rims la sogs pas ma phog par zhes bya ba ni rims la sogs pa'i nad kyi tshogs kyis ma gzir bar gong du 'pho ba'o/ /gong du 'pho ba mchog yin no zhes
 bya ba ni de'i tshe steng gi sgo nas 'pho ba de bde blag tu 'bras bur smin pa dang/ skye bo rnams gdul bar byed pa'i phyir mchog ste dam pa yin no/ /de nas zhes bya ba la sogs pa ni go sla'o/ /seng+ge rnam rol phyag rgya yis/ /rnal 'byor ma ni bcing
 bar bya zhes bya ba la rnal 'byor ma ni bod pa'o/ /seng+ge rnam rol phyag rgya yis zhes bya ba ni srog dang rtsol ba zhes bya ba dang 'brel to/ /bcing zhes bya ba ni mig dang rna ba dang sna dang kha'i bu ga rnams rang gi sor mo rnams kyis bsdams la/
 steng 'og gi rlung rnams mar nag 'chir ba'i 'khrul 'khor ltar btsir zhing bsdams te/ de'i 'og tu steng nas btang bar bya'o/ /kha cig ni yul rnams la 'bad pa med par longs spyod pa ni seng ge rnam rol gyi phyag rgya yin no zhes zer to//
 de nyid gsungs pa/ khyod kyi zhes bya ba la sogs pa la/ khyod kyi zhes bya ba ni lha mo'i rang bzhin te shes rab kyi cha'o/ /'di ni nye bar mtshon pa ste/ nga zhes bya ba sngar gsungs pa'i thabs kyi cha yang blta bar bya'o/ /gnas zhes bya ba ni thabs dang shes
 rab kyi go 'phang de nyid 'di ltar rlung steng du 'gro ba ni shes rab kyi cha yin la/ 'og tu 'gro ba ni thabs kyi cha yin te/ sbyar ba ni gcig tu bzlums shing btsir ba'o/ /de nas ci zhig bya zhe na/ rang gi lus ni yongs su btang zhes bya ba ste/ rang gi lus
 yongs su btang ba ste bor nas 'gro ba'o/ /ji ltar zhe na/ rim gyis sbyor bas phye nas su zhes bya ba la goms pa dbang du gyur pas tshogs med par rang gi steng gi sgo phyed nas rnam par shes pa gzhan gyis lus la gzhug par bya'o/ /de nyid gsungs
 pa/ sbyor ba'i rim pa de nyid kyis shes bya ba ste/ 'chi ltas snang bar gyur nas phyi nang gi sbyor ba la sogs pa'i rim pa de nyid kyis so/ /rang gi lus su sbyar bar 'dod ces bya ba la rang gi lus su sbyar ba ni gang du gzhug par bya ba ni lus te rang gi rnam
 par shes pa dang bsres nas rang gi lus su bya ba'o/ /'dod ces bya ba ni sgrub pa po nus pa dang ldan pas pha rol gyi lus gzhon pa la sogs pa'i yon tan dang ldan pa gang du gzhug par de'o/ /cho ga 'di'i che ba'i bdag nyid bstan par bya ba'i
 phyir/ cho ga 'di ltar byas pa yis zhes bya ba la sogs pa smos te/ 'gro dang 'ong ba zhes bya ba ni rlung gi 'gro ba dang 'ong ba'o/ /bye brag ces bya ba ni de goms par byas pas phul du byung ba'i gnas thob pa'o/ /mkha' 'gro ma dang sbyor ba'i ma zhes
 bya ba la sbyor ba'i min sbyor ba'i dngos grub dang ldan pa ste/ de ltar na dpa' bo dang mkha' 'gro ma rnams dang sbyor ba'i dngos grub can thams cad kyi mchod pa 'dis ni phan yon tan pa yin no/ /gang gis mi nas thos gyur pa zhes bya ba la sogs
 pas ni mngon par shes ba drug bstan te/ ring nas zhes bya ba ni yul dang dus la sogs pas bskal pa'o/ /bsam pa rjes su shes par bya zhes bya ba la rjes su ni rjes su mthun pa ste/ pha rol gyi sems kyi rnam par byung
 pa'i shes pas shes par bya pa'o/ /'dir yang ring nas zhes bya ba dang sbyar ro/ /de bzhin zhes bya ba ni mngon par shes pa lhag ma bstan pa yin no/ /sus she na mkhas pas so/ /de nyid bstan par bya ba'i phyir bsgom pa dang bzlas pa'i khyad par
 gyis zhes bya ba la sogs pa smos te/ rnal 'byor pa gang gi khyad par bsgom pa dang bzlas pa la goms pa yod pa de la de skad ces bya'o/ /gang gi lam nas bsams nas ni zhes bya ba la/ gang gi zhes bya ba ni rnal 'byor pa'o/ /bsam
 pa ni bsgom pa ste rnal 'byor pa gang gi lam gang dang gang nas bsgoms pa de dang de'i 'bras bu 'grub par 'gyur ba'o/ /de yang goms pa'i stobs ni rdzogs pa yis 'grub par mi 'gyur ci yang med ces gang gsungs pa bzhin no/ /'khor
 lo gang zhig sngar bstan pa zhes bya ba ni gtum mo'i rnal 'byor sngar goms par byas pa'o/ /zhugs te zhes bya ba ni gtum mo'i 'od zer ro/ /'jig rten gsum dang 'dres nas ni zhes bya ba ni 'jig rten gsum na yod pa'i sgra rnams
 bzlums zhing gcig tu 'dres pa'o/ /ci lta bu zhe na/ me stag bzhin du rnam par 'khor zhes bya ba ni me stag 'phro ba'i me'i phung po ltar byung ba'i 'od kyi tshogs so/ /ci'i 'od ce na/ rlung gis bskyod pa'i zhes bya ba la sogs pa gsungs
 te/ rlung dang me'i bskyod pa yis shes rab ces bya ba gtum mo'i 'od dang/ des bskul ba'i snying ga'i pad+mar rten pa yi ge hUM gi 'od rlung gi bskyod pa'i gtum mo'i 'od dang lhan cig tu gyur nas phyir byung ba de dang de 'dres pa'o/ /zhugs
 bsams na zhes bya ba ni 'od de dag dang 'dres pa'i sgra'i tshogs me lce'i phung po lta bu de slar yang rang gi snying gar bsten pa'i pad+ma'i gnas su gzhug par bya zhes bya ba'i don te/ 'di ni yan lag gi don yin no/ /'di dag gis bsdus pa'i don
 ni sngar bstan pa ltar lte ba'i nang du chud pa'i sbrul pa'i 'khor lo bsgoms te/ rlung gi me sbar ba bltas la der gnas pa'i sa bon gyi 'od zer gyis snying ga'i chos kyi 'khor lor chud ba'i hUM las bskul nas de'i 'od dang lhan cig tu gyur
 nas sna sgo g.yas pa nas byung ste/ 'jig rten gsum na gnas pa'i sgra'i tshogs dang 'dres nas ye shes kyi gzi brjid kyi phung por gyur te/ gang 'dod pa'i rna ba'i lam nas bcug la snying ga'i pad+mar thim par bsgom pa 'di yin no/ /bsgom
 pa'i sbyor ba 'di yis ni/ zhes bya ba ni 'das ma thag pa'i sbyor ba de'i ste/ bye brag tu ni gzugs thams cad dang 'dres nas mig gi lam gnas gzhug par bya ba'o/ /skad cig gis shes bya ba ni da ltar gnas pa bzhin du 'am thogs pa med
 par 'gyur ro/ /gsal bar mthong zhes bya ba ni lag mthil na gnas pa'i dngos po ltar mthong ba'o/ de bzhin du gzhan gyi sems shes pa dang/ lus kyi rdzu 'phrul gyi bya ba shes pa de dag kyang cho ga'i sbyor ba de nyid kyi rjes su dpag par bya'o/
 de nyid kyi phyir gsungs pa bstan dang ma bstan gang ci'ang rung zhes bya ba la sogs pa ste/ ma bstan pa ni le'u 'dir ma bstan pa'i mngon par shes pa lhag ma rnams so/ /bstan pa ni de nyid le'u gzhan dang rgyud gzhan dag tu bstan pa'o/ /de kun nga
 yis yang dag bshad ces bya ba ni cho ga'i sbyor ba 'dir bstan pa gnyis la ltos pa'i phyir bstan ba dang 'dra'o snyam du dgongs pa yin no/ /da ni pho ba'i sgo rnams kyi skyon yon gsungs pa/ /nyon cig lha mo sgyu ma che zhes bya ba la sogs pa la sgyu
 ma che ni bod pa'o/ /dge ba'i sgo zhes bya ba la sogs pa ni bshad kyis nyon cig ces bya ba dang sbyar ro/ /thar pa'i dngos grub rab ster ba zhes bya ba ni thar pa dang mthun pa'i lha'i lus te/ gser gyi sgo nas 'gro ba dang
 sbyar ro/ /de nyid kyis na mchog dang zhes bya ba la sogs pa smos te/ mchog ni thar pa dang mthun pa'i rigs 'dzin gyi lus so/ /tha ma ni ngan song gsum gyis lus so/ /don gyis ni par pa yang gzung bar bya ste/ lha dang mi'i lus so/ /de dag gis ni 'gro
 ba'i bye brag gi sgo rab 'bring gsum du bstan pa yin no/ /lte ba la ni 'dod khams lha zhes bya ba ni gang gi rnam par shes pa lte pa'i sgo nas 'gro ba de ni 'dod khams kyi lhar skye bar 'gyur ro zhes bya ba'i don to/ /thig le gzugs can mtho ris te
 zhes bya ba ni smin ma'i dbus kyi sgo nas 'gro ba gang yin pa de gzugs kyi khams kyi lhar skye ba'o/ /steng nas 'gro ba zhes bya ba ni gser gyi sgo nas 'gro ba'o/ /myur du 'gro ba zhes bya ba ni myur ba nyid du 'pho ba ste/ steng gi 'gro ba zhes bya ba thar
 pa'i lam dang mthun pa'i yid las byung ba ni lha'i lus te/ 'gro ba thams cad kyi bla mar gyur ba'i phyir ro/ /yang na myur bar bde 'gro khyad par can thob pa'o/ /srid pa'i sgo zhes bya ba ni kha'o/ /chu zhes bya ba ni gci ba'i lam mo/ /chu min zhes bya ba ni
 bshad pa'i lam mo/ /thar pa'i lam las gzhan du 'gro zhes bya ba ni sgo de dag thar pa dang mi mthun pa'o/ /kha cig na re thar pa'i lam ni gser gyi sgo yin la/ gzhan du 'gro zhes bya ba ni gang du 'dod par 'pho ba'o zhes zer ro/ /gzhan
 dag ni chos thams cad bdag med par rtogs pa'i lha'i ting nge 'dzin gyis ni thar par 'gyur la/ gzhan du ste bdag med pa'i shes rab dang bral na 'gro ba ste 'khor bar 'gyur ro/ /de yang gsungs pa/ yang dag ji bzhin yongs shes nas//
 mthar ni yang srid med par 'gyur zhes bya bar 'dod do/ /gong du 'pho ba nye bar bsdu ba bstan pa'i phyir sngon du zhes bya ba la sogs pa gsungs te/ sngon du bum pa brtsam pa yis zhes bya ba ni sgo sbyang ba'i dus su bum pa can bstan pa ltar 'pho ba'i
 dus su yang bum pa can bya ste/ sgo thams cad du sa bon rnams bkod pas bsdams shing btsir ba la goms par bya'o zhes bya ba'i don to/ /sa bon rnams dgod pa gsum pa/ rgyas pa lnga yis zhes bya ba la sogs pa rgyas pa lnga'i mchod rten
 ni mgo bo'o/ /de'i sgo'i bu ga'i ni gser gyi sgo'o/ /bsgom par bya ba ni der hUM dkar dgod par bya'o/ /yang na rgyas pa lnga'i mchod rten ni yi ge hUM ngo/ /lhag ma ni sngar bzhin no/ /'og gi sgo zhes bya ba ni de'i 'og tu ste mgrin pa'i nang du'o/ /ci zhig
 ce na/ chu'i sa bon dkar po bsam zhes bya ba ste yi ge smryuM ngo/ /de la phrag pa gnyis su ni hmryuM ngo/ /snying gar ni ymryuM ngo/ /lte bar ni k+Sh+myuM ngo/ /chu dang chu min gyi sgo ni bshad zin to/ /me'i sa bon 'bar ba ni sgo de gnyis su yang me'i mdog can gyi k+Sh+mryuM dgod
 pa'o/ /yang na gser gyi sgor sa bon k+ShuM ser po'o/ /mig gnyis su ni hUM sngon po'o/ /rna ba gnyis dang sna gnyis dag tu ni yuM dmar po'o/ /khar ni sa bon ste de dag gis bum pa can du bya nas 'jug pa dang 'byung pa'i bzlas ba la
 goms par bya'o zhes bya ba'i don to/ /de nyid kyi phyir gsungs pa/ de la shin tu mnyam gzhag pas/ /dbugs ni bum pa can du bsgom zhes so/ /de ltar sngon du brtsams nas/ da ni dngos su 'pho pa bstan pa'i phyir/ lus ni zhes bya ba la
 sogs pa gsungs te/ lus ni rlung gi mdog tu ste/ rlung gi dkyil 'khor bsgom par bya ba ni snying gar rlung gi dkyil 'khor bsgoms la de'i dbus su lus ni ste hUM gi lus rlung gi mdog tu ste rlung ltar sngo ba bsgom pa ste bsam par bya'o/ /'dir
 rlung gi dkyil 'khor gyi dbus su zhes bya bar blta ste/ drug pa dang dbus kyi sgra mi mngon pa yin no/ /rlung gi sa bon rtsa bar te zhes bya ba la rlung gi sa bon ni ya'o/ /sa bon de thig le'i sgra dang ldan pa ste bsdus
 pas yaM zhes bya bar 'gyur/ /rtsa ba ni rlung gi rtsa bar te bsgom zhes bya ba dang 'brel te/ /rlung gi mdza' ni rtsa ba can te zhes bya ba la rlung gi mdza' ni rlung gi steng ngo/ /rtsa ba ni rlung gi sa bon yaM ste de dang ldan par bya'o/ /rtsa ba'i sa bon ni sa bon hi dang/
 sa bon ka'o/ /drang ba ni yan man bzlog cing bsnur ba'o/ /de dag gis ni 'di skad du snying gar rlung gi dkyil 'khor gyi dbus su sa bon hUM bsgoms la/ rlung gi steng dang 'og tu yang sa bon yaM gnyis bkod la de gnyis kyi dbus su rtsa ba'i
 sa bon ha kaM bsams la/ gang gi tshe rlung steng du ldang ba'i tshe yaM gi sa bon gyi steng du hi ni 'og tu bsam zhing de bzhin du ka'i sa bon ni steng du bsam zhing yaM gi sa bon ni 'og tu bsam mo/ /gang gi tshe rlung 'og tu 'bab pa'i tshe ni de las
 bzlog par blta bar bya'o/ /'og tu rlung gi dkyil 'khor gyis/ sgra dang sgra yis 'phul bar byed ces bya ba la 'og tu zhes bya ba ni nye bar mtshon pa ste steng dang 'og tu 'o/ /'phul zhes bya ba ni yan man tu rlung gi dkyil 'khor 'dren
 pa'o/ /gang gis zhe na/ sgra dang sgra yis te hi ka'i sngags yang dang yang du bzlas pas yan man du drangs te goms par byas la mthar de nyid kyis 'dod pa'i lam nas btang bar bya'o/ /goms pa de yang nyi shu rtsa gcig tsam du sbyang
 bar bya'o/ /gong du 'pho ba'i dus shes par bya ba bzlas te bstan pa'i phyir dus la bab na zhes bya ba la sogs pa gsungs te/ 'chi ltas kyi 'chi ba'i dus la bab na bya'i gzhan du ni ma yin no/ /gzhan du mnyes pa cir 'gyur zhe mdus
 min lha rnams gsod par 'gyur zhes bya ba ste rang gi phung po la sogs pa'i lus nyid lha rnams kyi rang bzhin te/ de rnams gsod pa por 'gyur ro/ /nges kyang cir 'gyur zhe na/ lha rnams zhes bya ba la sogs pa ste/ go sla'o/ /skra dkar
 bcings pa gsungs pa rnal 'byor pa yis zhes bya ba la sogs pa la sngar bstan pa zhes bya ba ni mgo bar bde ba chen po'i 'khor lo 'dab ma sum cu rtsa gnyis pa bstan to/ /sngo zhes bya ba ni der yi ge haM sngon po bdud rtsi'i chu rgyun 'bab pa ste/
 bsgom zhes bya ba lhag ma yin no/ /bde ba phun sum tshogs zhes bya ba ni rnal 'byor pa la bde ba ster ba'i gnas te/ tshes dang nad med pa la sogs pa'i bde ba ster ba'i phyir ro/ /steng gi rtsa ba bza' bar bya zhes bya ba la steng gi rtsa ba
 ni pad+ma de nyid kyi khyad par te/ rtsa ba steng du zug pa'i phyir ro/ /bza' bar bya ba ni de'i bdud rtsi la longs spyod pa'o/ /rnam pa gzhan gsungs pa/ chu dang skya rengs ldan pa dag ces bya ba la sogs pa la/ chu zhes bya ba ni byang chub kyi sems
 so/ /skya rengs zhes bya ba ni lung pa'o/ /g.yon pa'i bdud rtsi zhes bya ba ni me tog go /sbyar byas la zhes bya ba ni rdzas gsum po de dag cha bsnyams te sbyar nas tho rangs kyi dus su rgyun tu bza' bar bya'o/ /kha cig ni steng gi rtsa ba zhes bya ba
 ni zla ba brgyad pa'i lto skyes kyi sha ste/ de dang me tog la sogs pa'i rdzas su bsres te bza' po zhes zer ro/ /zos na zhi dang rgyas pa ste zhes bya ba ni phyi rol gyi zhi ba la sogs pa'i las 'grub pa'o/ /yang nad la sogs pa zhi ba dang/ tshe dang
 na so la sogs pa 'phel ba'o/ /sbyor ba zhes bya ba ni bcud kyis len to/ /brnyings dang min pa 'joms par byed ces bya ba la/ brnyings pa ni gnyer ma la sogs pa'o/ /smin pa ni skra dkar po/ /nam mkhar 'phur ba'i sgrub pa gsungs pa/
 lha mo zhes bya ba la sogs pa slar yang bzlog pa yis zhes bya ba ni rnam pa gzhan ston par byed pa'i tshig phrad do/ /rlung dang me'i bye brag gis zhes bya ba la rlung ni rlung gi dkyil 'khor ro/ /me ni me'i dkyil 'khor
 te/ dbyibs gzhu lta bu dang/ gru gsum gyi tshul du so sor bsgom pa ni bye brag go /rkang pa'i 'khor lor dran par bya zhes bya ba la/ rkang pa ni rkang pa'i 'og tu'o/ /dran pa ni bsgom pa'o/ /yid kyis rab tu zhi sbyar nas zhes bya ba ni rang gi lus
 'od rtsam gyis lus la bdag med cing mig yor lta bur bsgom par bya'o/ /zhes bya ba'i don to/ /nam mkhar 'phur ba'i 'bras bu gsungs pa/ mkha' 'gro kun gyi zhes bya ba la sogs pa ste go sla'o/ /nang gi ngag gi dngos grub gsungs pa/
 slar yang zhes bya ba la sogs pa la lugs las bzlog pa zhes bya ba ni sngar bshad pa bzhin no/ /kha dag dkar po'i pad+ma bsam zhes bya ba ni bsgrub par bya ba'i snying gar pad+ma dkar po bsam la/ de'i steng du rnam par shes pa'i hUM bkod de
 sngar bshad pa bzhin tsaN+Da li'i sa bon gyi rang gi snying gar yang de bzhin du hUM gi sa bon bkod pa bskul la/ de'i 'od zer gyis bsgrub par bya ba'i rnam par shes pa phrogs nas rang gi snying gar gzhug pa dang rang gi rnam par shes pa
 yang bsgrub bya'i snying gar gzhug par bya'o/ /de'i phyir bsgrub bya'i dbus su sbyar nas ni/ zhes bya ba la sogs pa gsungs so/ /rtag tu ngag gi dngos grub byed ces bya ba ni ngag tsam gyis dngos grub byed pa ste tshegs med par grub pa'i don to
 rlung gi dkyil 'khor 'khrug pa lta zhes bya ba ni rang gi rnam par shes pa bsgrub bya'i snying gar gzhug pa ston pa yin te/ rang gi rnam par shes pa rlung gi dkyil 'khor 'khrug pa la zhon nas rang gi kha nas byung ste bsgrub bya'i khar
 zhugs nas snying ga'i pad+mar thim par bsgom par bya'o/ /bsgrub par bya ba'i rnam shes dgug pa la yang de ltar blta bar bya'o/ /rlung gi lam nas bsgrub bya'i lus thim par gyur pa dang zhes bya ba la sogs pa ni sngar bstan pa'i nang gi bdag nyid kyi
 tshar bcad pa'i nye bar bsdu ba bstan pa yin te go sla'o/ /tshigs dgu las ni zhes bya ba la sogs pas ni gong du 'pho ba nye bar bsdu ba gsungs pa yin te/ steng zhes bya ba ni steng gi sgo nas so/ /mod la zhes bya ba ni 'phral du'o/ /mchog ces bya ba ni
 dam pa'o/ /steng du 'pho ba'i sngags pa lha dang bram ze gsod pa dang zhes bya ba la sogs pa la/ mtshams med pa lnga zhes bya ba ni ma gsod pa dang pha gsod pa dang dgra bcom pa gsod pa dang/ dge 'dun 'byed pa dang/ de bzhin gshegs pa'i sku la ngan
 sems kyi khrag 'byin pa rnams te de dag byed pa'o/ /rku 'phrog 'dod la spyod pa'ang zhes bya ba la rku 'phrog ni ma byin par len pa'o/ /'dod pa la spyod pa ni 'dod pa la log par g.yem pa la spyod pa'o/ /lam 'di'i ni dag 'gyur te zhes bya ba ni gong
 du 'pho ba'i lam 'dis sdig pa chen po byed pa de dag kyang dag cing grol bar 'gyur ro zhes bya ba'i don to/ /kha cig las ni nyin re bram ze gsod pa dang zhes 'byung ste/ rgyun tu bram ze gsod pa'i sdig byed pa'o/ /srid pa'i skyon las ring du 'gro
 zhes bya ba la/ sdang zhing sun 'byin par byed pas na srid pa'i skyon te nyon mongs pa'i sdig dang ngan 'gro'i skye ba'o/ /rnam par dag pa'i dpe gsungs pa/ ji ltar zhes bya ba la sogs pa ste go sla'o/ /lus kyi 'dam las ni zhes bya ba ni las dang nyon
 mongs pa'i sdig las skyes pa'i lus so/ /ye shes sku zhes bya ba ni ye shes kyi rang bzhin gyi sku ste 'jam dpal dang 'dra bar 'gyur pa'o/ /de nyid kyi phyir 'dod bzhin 'gro zhes bya ba gsungs te/ rang gi 'dod pa bzhin rgyu zhing spyod pa'o/ /gong du
 'pho ba zhes bya ba la/ gong du 'pho ba'i bsam gtan ni bdag nyid tshar bcod pa'i ting nge 'dzin gyi bdag go /seng+ge rnam par rol pa'i phyag rgya ni go sla'o/ /sbyor ba ni gzhan gyi rnam par shes par srog pa
 la sogs pa'i ting nge 'dzin no/ /'byung ba ni bstan pa'o/ /de ston pa'i gzhung ni rim par phye ba ste nyi shu gcig pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u nyi shu rtsa gcig pa'i rnam par bshad
 pa'o// //brda ma gtogs par rnal 'byor pa dang rnal 'byor ma rnams kyi nang du tha snyad la 'jug par mi 'gyur bas gong du 'pho ba la sogs pa bstan pa'i 'og tu lag pa'i brda dang ngag gi brda gsungs pa/
 ngag gi phyag rgya'i mtshan nyid ni zhes bya ba la sogs pa la/ ngag ces bya ba ni ngag gi phyag rgya'o/ /'dis rnal 'byor pa dang rnal 'byor mar mtshon par byed pas na mtshan nyid de dag dang phyag rgya'i mtshan nyid do/ /g.yas kyi cha ru
 rnal 'byor pa zhes bya ba ni rnal 'byor pas g.yas kyi cha gtso bor byas nas phyag rgya bstan par bya'o/ /de bzhin du rnal 'byor mas ni g.yon gyi cha gtso bor byas nas bstan pa'o/ /go ku zhes bya ba ni rnal 'byor mas lag pa'i
 phyag rgya bstan pa'i 'og tu rnal 'byor pas go ku zhes bya ba'i ngag gi phyag rgya brjod par bya'o/ /mthe bong 'chir bar byed pa zhes bya ba ni mthe bong chen po gnyis 'jib cing btung bar byed pa'o/ /lag pa rna bar rdebs pa ni zhes bya
 ba ni lag pa g.yon pa rna ba'i rtsar rdebs pa'o/ /blo ldan zhes bya ba ni rnal 'byor pa ste/ des 'phrog byed me'i rtags su shes par bya zhes bya ba lhag ma yin no/ /de Sha zhes bya ba ni lce rtsa can gyi sha ta'i stan la gnas pa yin no//
 sha ba'i mgo ltar ston byed pa zhes bya ba ni sor mo bcu mgor 'jog pa'o/ /rnal 'byor nan tan byed par mtshon zhes bya ba ni rnal 'byor ma rnams kyi rnal 'byor la 'bad par ston pa'o/ /nga'i snying sdug grogs po'i zhes bya ba ni che ge mo yid du
 'ong ba'i mdza' bor ston pa'o/ /bak+Sha ma yo zhes bya ba ni ma'i yo zhes bya ba ni ma'i gnas su yo bris par? ste/ dor thabs kyi brjod pa'o/ /lag pa rtsa la 'ju byed na zhes bya ba ni rtsa'i 'dab ma la sogs pa la reg pa'o/ /khyod kyi khyim du ngas phyin pa
 zhes bya ba ni khyod kyi khyim du bas phyin te slar yang 'ongs pa'o zhes bya ba'i don to/ /med do zhes bya ba ston pa ni ci yang med do zhes bya bar ston pa ste shU n+ya twA zhes brjod par bya'o/ /lag pa brkyang ste zhes bya ba ni gri mo bsrang ste'o/ /phun sum
 ldan par yod ces pa'o zhes bya ba ni ci 'dod pa thams cad bdag go zhes ston pa ste/ der tri ka ha sa zhes brjod par bya'o/ /kha zas za bar 'dod pa'o zhes bya ba ni bkres par ston pa'o/ /zhe gnag gtum la drag po'o zhes bya ba ni da ni shin
 tu zhe gnag la gtum pa'o zhes ston par byed pa'o/ /'dir 'dod pa ni da lta ston pa zhes bya ba ni nga'i 'dod pa ston cig pa ste der a nad g+ha yu ta zhes brjod par bya ste khas len pa'i tshig go /lce dri 'dril bar byed pa ni lce phyir phyung ste bskyod
 pa'o/ /da lta zhes bya ba ni di ring ngo/ /'chi ba ni srog dang 'bral ba'o/ /tshes grangs shes par 'dod pa'o zhes bya ba ni rnal 'byor ma rnams 'tshog pa nyi ma shes par 'dod pa'o/ /mthe bos ri mo bri bar bya zhes bya ba ni mthe bos sor mo bzhi'i
 tshigs gsum gsum bco lnga'i gnas su reg pas tshes grangs bstan pa'o/ /yi ge la sogs pa zhes bya ba ni grangs te yi ge a la sogs pa brjod pas bstan pa sngar bstan zhes bya ba ni sngar bstan pa drangs ba'o/ /nyin phyed dga' bas rol
 pa'o zhes bya ba ni/ nyi ma phyed dang mtshan phyed la sogs te rol par bya'o zhes ston pa'o/ /rgya mtsho lta bur ston byed pa zhes bya ba ni lag pa'i sor mo sbrel nas phyogs kun tu rgya mtsho'i chu rlabs ltar ??
 pa'o/ /da ltar 'grogs la 'dod ces bya ba ni gnas che ge mor da lta lhan cig tu 'dongs shig ces ston pa'o/ /mthe bo yis ni srin lag la reg pa zhes bya ba ni mthe bong dang srin lag gi sen mo la phan tshun reg pa'o/ /'chi bar mi
 'gyur ba zhes bya ba ni bdud rtsi ste chang yod do bar ston pa'o/ /bza' ba la sogs pa zhes bya ba ni bza' ba la sogs pa'i kha zas yod par ston pa'o/ /rnal 'byor pa zhes bya ba la sogs pa la de kho na nyid kyi rnal 'byor dang ldan pa
 ni rnal 'byor pa dang rnal 'byor ma rnams te de rnams rol pa'i phyir dag dang phyag rgya'i brdar byas pa'i cho ga ston par byed pa'i gzhung ni rim par phye ba ste nyi shu rtsa gnyis pa'o/ /rgyud kyi rgyal po chen po dpal rdo rje mkha' 'gro'i rnam
 par bshad pa las le'u nyi shu rtsa gnyis pa'i rnam par bshad pa'o// //da ni de kho na nyid rtogs pa'i glu dang dbyangs la sogs pa rtogs par bya ba'i phyir gsungs pa/ lha mo zhes bya ba la sogs pa ste/ lha
 mos glu 'di yis ni mnyes par byas zhes bya bar sbyar te/ bcom ldan 'das zhes bya ba ni lhag ma yin no/ /ci zhig byas nas she na gar mdzad de zhes bya ba ste/ gar sngon du 'gro ba'i glus mnyes par byas nas gsol ba btab pa
 yin te/ mnyes pa de yang lus dang ngag gi bya bar gyur pa'i gar dang glu'i mchod pas yang dag par mchod pa'o/ /glu de nyid gsungs pa/ e baM zhes bya ba la sogs pa la/ e zhes bya ba ni lte ba'i chos 'byung ba'o/ /baM zhes bya ba ni
 bcing ba ste mdud pa'i gnas zhes bya ba'i don to/ /si ta a nu ra na ni b+ha zhes bya ba la der si ta ni byang chub kyi sems so/ /a nu ra na me tog go /ni b+ha ni rten de gnyis 'byung ba'i lte ba'i dbus kyi rtsa ba'o yang na ni b+ha ni 'od de lte ba'i dkyil
 'khor nas 'byung ba'i me dang bcas pa'i rlung gi 'gro ba'o/ /de nyid gsungs pa/ dza ti ta ma dang ma gam ya ga ma zhes bya ba la/ ma d+ha ma ni lte ba'i dbus te rked pa yin la der rlung gi gzugs kyi 'gro ba dang 'ong bar rol pa de la de skad ces
 bya'o/ /d+ha d+ha sha ri ra zhes bya ba la d+ha zhes bya ba ni 'dzin pa'o/ /ci zhig ce na/ dbyangs kyi yi ge'i lus te sha ri ra'o/ /yang na rnam par 'khor bas na d+ha'o/ /ma ya zhes bya ba ni aM zhes bya ba'i ma'i phyed tshal yin te/ stong pa nyid rtogs par
 byed pa'i thig le de'i steng du bzhag pa'o/ /ni sa zhes bya ba ni rang bzhin med pa'o/ /sa ni zhi ba ste chos thams cad rang bzhin med par zhi ba de la de skad ces bya ste/ 'dir tshig drag mi mngon pa yin no sa sa zhes bya ba ni rang bzhin med pa'i gtum
 mo'i rnal 'byor de nyid kyi rtog pa thams cad drangs nas 'joms par byed pa ste/ des nas gnyis smos pa yin no/ /ni a ga ma sa zhes bya ba la ni 'gro ba ste 'khor ba yin la a ga ma ni/ de las drangs zhing dgug pa'o/ /nges pa'i
 tshig dang ldan pa dang sdig pa'i las thams cad 'dren pa na sa sa'o/ /ri ga b+hu ya de zhes bya ba ni bod pa ste de la ri ga ni bdag med rnal 'byor ma nyid do/ /ma zhes bya ba ni mnyam par gyur pa ste/ su zhig ce na/ b+hu ya ste zhes bya ba rab
 tu dga' ba la sogs pa'i sa'i bdag po ste/ bcom ldan 'das yin la de'i'o/ /ci zhig ce na/ sa ri ra zhes bya ba la sogs pa las ri ra ni lus te ci zhig ce na/ sa zhes bya ba ste rtsa'o/ /sa ri ra zhes bya ba ni de kho na nyid de der chud pa'i
 rnal 'byor ro/ /yang ni ci 'dra zhe na ni sha zhes bya ba la ni ni ma lus pa'o/ /sha ni 'dod pa ste rnal 'byor ma ma lus pa'i 'dod pa'o/ /yang na a'i sha ni dbang phyug ste/ dbang phyug thams cad thob par byed pa'o/ /ma
 d+ha ma a d+ha ma zhes bya ba ni dbus rang 'og tu'o/ /yang na 'bar bar byed pa'o/ /sa sa zhes bya ba la sa ni de ste a'o/ /yang sa zhes bya ba ni bcas pa ste thig le la sogs pa dang bcas par 'jug pa'o/ /sh+ru ta ni sa sa zhes bya ba la sh+ru ta ni
 'dod pa'i don shes pa'o/ /ni ni 'dren pa ste id kyi rnam par shes pa'o/ /sa ni yang dag par 'gro ba ste/ rnam par rtog pa'i rnam par shes pa dang lhan cig tu 'gro ba ste de la de skad ces bya'o/ /ci zhig ce na/ sa sa zhes bya ba la/ lhan cig
 tu 'jug pas nas te yi ge a'o/ /yang sa zhes bya ba ni yig 'bru thams cad kyi mchog go /sa ni sa ri te zhes bya ba la/ sa zhes bya ba ni a de dang lhan cig tu 'jug pa ste thig le'i steng na gnas pa'i sgra'o/ /ni zhes bya ba ni ma lus pa'i
 skye bo thams cad bde bar gshegs pa'i gnas su 'dren pa'o/ /sa ri ta ni gnas te rtsa'o/ /'di dag ni ci byed ce na/ b+ha ge zhes bya ba ste/ de kho na nyid kyi phyin ci ma log par rtogs par byed pa'i phyir skal ba dang ldan par byed pa'o/ /yang
 na b+ha ga ni bcom ldan 'das so/ /ma ni bdag ste bdag dang khyod dbyer med pa zhes bya ba'i bar du'o/ /ma ga ma zhes bya ba ni slar yang rtsa'i khyad par bstan pa yin te/ de la ma zhes bya ba ni lus thams cad la khyab par gnas pas na ma ste rtsa
 rnams so/ /de rnams nas khrag dang chu ser la sogs pa rgyu zhing 'gro bas na a ka ma'o/ /yang ci 'dra zhe na/ a d+ha ma sas zhes bya ba la/ a d+ha ma ni ma lus pa'o/ /d+ha ma ni go skabs 'byed pa ste nam mkha' i rang bzhin yin pa'i phyir ro/ /yang na
 d+ha ma na bdud 'dul ba ste ma lus pa'i bdud 'dul pa'o/ /sa sa zhes bya ba ni bdud rnams 'ching pa pa dang 'joms par byed pa'i phyir gnyis smos so/ /pA pa ma ya pA pa d+ha na ma zhes bya ba la/ pA pa ma ya zhes bya ba ni nad thams cad kyi sdig 'thung bar?
 byed pas na pA pa ma ya ste bcom ldan 'das la bod pa'o/ /yang na rtsa'i khyad par ro/ /a pA la de zhes bya ba la/ /a pA pa ni dkar po'i las so de zhes bya ba ni ster zhing sbyin pa ste dkar po'i las ster ba'o/ /yang ni a ni nye bar bsgyur ba'o/ /pA pa ni rna?
 po'i las so/ /da ni 'dul ba'o/ /na ma ni phyag 'tshal ba'o/ /kye bcom ldan 'das sdig gi rang bzhin sdig med pa stsol ba phyag 'tshal lo zhes bya ba'i don to/ /e paM ma yA sh+ru taM zhes bya ba'i tshig gi don slar yang bshad par bya ste/ de la e baM zhes bya
 ba ni thog ma med pa'i dus nas da ltar gyi bar du rgyun chags par 'dug pa'i 'gro ba rnams so/ /de yang ci 'dra zhe na/ sh+ru taM zhes bya ste rna ba'i rnam par shes pas spyod yul du byas pa'o/ /'di ni nye bar mtshon pa ste mthong ba dang reg pa dang bsnams pa dang
 myong pa dang bsam pa zhes bya ba thams cad so sor sbyar bar bya'o/ /ci zhig ce na/ ma yA zhes bya ba ni bdag gi thos pa la sogs pa rnams bdag ste rang gi sems yin no zhes bya ba'i bar du'o/ /'di ltar ma yA ste sems shel ltar rang bzhin
 rnam par dag pa rang rig pa tsam yin pas/ skad cig la rnam par rtog pa'i tshon gyis kha bsgyur bas de dang der snang du zin kyang gang gis mthong ba dang thos pa la sogs pa'i don rnams 'jig par byed pa de ni dper na me long g.ya' dag pa la
 gzugs brnyan snang ba ltar legs par byas pa dang/ nyes par byas pa dang/ bde ba dang/ sdug bsngal dang/ nyon mongs pa dang nye ba'i nyon mongs pa ni gzung ba dang 'dzin pa'i blo bur gyi dri ma dang bral nas rang gi sems kyi snang ba tsam du rtogs
 par 'gyur ro zhes bya ba'i don to/ /de yang gsungs ba/ chos rnams 'di kun stong pa ste/ rten cing 'brel 'byung ston pa yin zhes gsungs so/ /yang na bdag gis thos pa dang mthong ba la sogs pa 'di dag dang
 dbang po drug ni yul can dang yul can ma yin la/ de dag thams cad ni dri za'i grong khyer ltar brdzun no zhes bya ba'i don te/ /yang na e baM ste de dag thams cad rang gis byas shing bcos pas rang bzhin gyis rnam par dag pa'o/ /de ltar mchod
 pa byas kyi 'og tu gsol ba btab par blta bar bya'o/ /de ltar gsol ba btab kyi 'og tu gzil 'khor lo dang rda? sa'i 'khor lo la spyod pa'i 'khor lo gsungs pa/ shar du me zhes bya ba la sogs pa la/ 'dir yang sngar bstan pa
 bzhin du phan tshun du thig bzhi btab la yang mtshams bzhi dris nas tha ma bskor ba dang ldan pas rtsibs bcu gnyis pa'i 'khor lor 'gyur ro/ /de'i shar phyogs kyi rtsibs su ni yi ge me bri'o/ /gshin rjer ni b+h+re zhes bya ba ni lho'i rtsibs
 la yi ge b+h+re bri ba'o/ /nub du mi zhes bya ba ni nub phyogs su yi ge mi bri ba'o/ /byang du de bzhin du ku zhes bya ba yang de bzhin te/ de dag gis ni lug dang khyu mchog dang 'khrig pa dang ka ra ka Ta zhes bya ba'i rA si bzhi'i ming bstan pa yin te/
 dper na snam bu'i grwa nas snam bu rangs pa 'dren pa ltar ming gi yi ge dang po tsam gyis kyang ming rangs pa bstan par 'gyur ro/ /dA si zhes bya ba ni yi ge rA si bri ba'o/ /de bzhin du ma ga dang/ tu ku dang bi ma rnams kyang shes par bya ste/
 de dag gis kyang gzhu dang/ seng+ge dang/ chu srin dang/ gzhon nu ma dang/ srang dang/ bum pa dang/ sdig pa dang/ nya zhes bya ba rA si brgyad rim bzhin du so sor bstan pa yin no/ /da ni gza' rnam pa lnga dang a la sogs pa dbyangs kyi yi ge
 lnga sbyar ba bstan pa'i phyir a ni sgur po'o zhes bya ste mig dmar ro/ /i ni zla ba las skyes pa'o/ /zhes bya ba las zla skyes ni bza' lhag ste zla ba'i pu zhes grags pa'i phyir ro/ /u ni lha'i bla ma'o zhes bya ba la/ lha'i bla ma ni lha rnams kyi ston pa
 ste/ gza' phur bu'o/ /nyi ma'i bu zhes bya ba ni spen pa'o/ /'o zhes bya ba ni lta 'og kun tu yang shes par bya'o zhes bya ba'i don to/ /zla ba dang nyi ma'i gsungs pa/ gza' rnams kyi ni cho ga la zhes bya ba la/ cho ga zhes bya ba ni bskyed par bya ba
 ste/ gza' rnams kyi nang nas zla ba dang nyi mas bskyed par bya ba'i gza' lhag pa dang spen pa gnyis kyi nang du zla ba dang nyi ma gnyis bsdu bar brjod do/ /da ni rA si bcu gnyis bris pa'i 'khor lo la/ gza' rnams kyi yi ge bris nas so sor sbyar ba
 bstan pa'i phyir/ zla ba kar ka Ta dbang zhes bya ba la sogs pa gsungs te/ kar ka Ta'i re'u mig la zla ba'i yi ge bkod nas des de la longs spyod cing mthun par brtsi bar bya'o zhes bya ba'i don to/ /nyi ma drang srong gdong lnga la zhes bya ba la/ drang srong
 gdong lnga ni seng+ge ste/ seng+ge'i re'u cha la bri'o/ /gza' rnams lhag ma ji snyed pa zhes bya ba ni/ mig dmar la sogs pa'i gza' lhag ma lnga'o/ /rA si gnyis gnyis la ni spyod ces bya ba ni lug la sogs pa'i rA si lhag ma bcu'i re char rim bzhin
 du rA si gnyis gnyis kyi gnas su gza' re re bri ba'o/ /spyod ces bya ba ni skyong zhing gso ba ste/ 'di ltar 'dri ba'i pho nya me tog dor ba dang lag pas reg kyang rung ste/ gza' dang de'i re cha rnams kyi mthun pa rA si las shes par bya'o/ /rA si rnams
 kyang sngar bstan pa'i tshul gyis 'phel ba la sogs pa dang sbyar bar bya ste/ de'i skyon dang yon tan shes par bya'o/ /de bzhin du rA si gang las skyes pa'i mi'i mtshan nyid kyang 'phel ba la sogs pa las shes par bya'o/ /da ni sgang shong gi
 'khor lo zhu ba gsungs pa/ sgang shong 'khor lo zhes bya ba la sogs pa la/ sgang shong zhes bya ba ni rA si rnams so/ /khyod kyis bshad ces bya ba ni sngar gsungs pa'o/ /sngar gsungs mod kyi 'on kyang skar ma dus
 dang zhes bya ba la sogs pas khyad par la rmongs pa ston pa yin te/ skar ma zhes bya ba ni rgyud skar ro/ /dus zhes bya ba ni zla ba'o/ /nyi ma zhes bya ba ni chos grangs te/ gza' rnams kyang gzung bar bya'o/ /bye brag ni de rnams kyi khyad par ro/ /lug
 dang ro hi ta la sogs pa'i sgra ni gnyis kar sbyor te/ lug la sogs pa'i rA si dang/ ro hi ta la sogs pa'i sa'i dbang phyug rnams kyi'o/ /gang gi 'chi ba bshad kyis nyon zhes bya ba gang gi zhes bya ba ni lug la sogs pa rA si gang
 las skyes pa'i mi'i ste de'i 'chi ba nges pa nyon cig pa'o/ /nges pa de yang gsungs pa/ zla ba dang ni zhes bya ba la sogs pa la/ dus shes bya ba ni rkongs mo la sogs pa'o/ /gdon zhes bya ba ni mgul nang la sogs pa'o/ /nad zhes bya
 ba ni smyo ba la sogs pa'o/ /lhag ma ni go sla'o/ /sgang shong zhes bya ba ni sgang shong gi 'khor lo'o/ /tshang zhes bya ba ni nges pa'o/ /gang zhig las ni skyes pa zhes bya ba ni rA si gang las skyes pa'o/ /brjod ces bya ba ni thub pa rnams kyis
 brjod cing gsal bar mdzad pa ste de 'dir bshad kyis nyon zhes bya ba dang sbyar ro/ /da ni rA si gang las skyes pa'i mi 'chi ba'i dus kyi zla ba dang skor ma dang gza' dang dus la sogs pa rim pa bzhin du sbyar te gsungs pa/ b+ha dra yi ni
 nyi ma la zhes bya ba la sogs pa ste/ b+ha dra'i nyi ma ni lug gi nyi ma la skyes pa'i mi'o/ /dgun zla ra ba'i zhes bya ba ni dgun zla ra ba de'i tshes gsum dang sbyor ro/ /dgun zla ra ba de'i gza' mig dmar dang rgyu skar smin drug ldan te 'dzom
 par gyur pa de ni de'i 'chi ba'i dus la bab pa'i yin no/ /lug gi mi 'chi ba'i dus bstan nas/ khyu mchog gi dus bstan pa'i phyir/ khyu mchog ces bya ba gsungs te/ lus kyi mtshan ma la sogs pa zhes bya ba nyis smra zhing mgul ba'i
 nad ces bya ba yin te de la mgul ba'i nad ni lkog 'gags kyi nad de gdon las gyur pa yin la/ de ni lus kyi mtshan ma yin no/ /smyo ba ni sems dran pa med par gyur pa ste/ sems kyi mtshan ma'o/ /de yang da gnyis gcig gis 'chi bar
 shes par bya'o/ /nam zhe na dgun zla 'bring po'i zhes bya ba la sogs pa gsungs te/ dgun zla 'bring po'i tshes bzhi la lag ste gza' lhag dang snar ma 'dzom par gyur na dgongs mo 'chi bar 'gyur ro zhes bya ba'i don to/ /snar ma zhes bya ba
 ni pad+ma las byung ba'i phyir ro/ /'khrig pa las skyes pa'i mi'i dus gsungs pa/ dgun zla tha chungs zhes bya ba la sogs pa la mgo zhes bya ba ni ri dags kyi mgo ste ri dags kyi mgo zhes bya bar grags pa'o/ /'khrig pa'i mi zhes bya ba ni
 'khrig pa las skyes pa'i zhes bya ba ni lhag ma yin no/ /kar ka Ta las skyes pa'i dus gsungs pa/ dpyid zla ra ba zhes bya ba la sogs pa ste/ kar ka Ta zhes bya ba ni kar ka Ta las skyes ba'i mi'o/ /lhag ma ni go sla'o/ /seng ge las
 skyes pa'i dus gsungs pa/ dpyid zla 'bring po'i gnyis lnga la zhes bya ba la sogs pa la gnyis lnga ni bcu ste de'i tshes bcu la 'chi bar 'gyur ro zhes bya ba dang sbyar ro/ /gzhon nu ma la skyes pa'i dus gsungs pa/ dpyid zla tha chung zhes bya
 ba la sogs pa ste/ bcu gnyis zhes bya ba ni tshes bcu gnyis la'o/ /srang las skyes pa'i dus gsungs pa/ dbyar zla ra ba'i zhes bya ba la sogs pa ste/ 'dir yang bcu bzhi zhes bya ba ni chos yin no/ /gzhan dag la yang de ltar sbyar par
 bya'o/ /dbyar zla 'bring po zhes bya ba la sogs pa ni sdig pa las skyes pa'i mi'i dus bstan pa yin no/ /dbyar zla tha chung zhes bya ba la sogs pa ni gzhu las skyes pa'i dus bstan pa yin te/ de dag ni go
 sla'o/ /de dag nges par ldan gyur na zhes bya ba ni zla ba dang gza' dang skar ma rnams te/ de rnams ji skad smos pa bzhin ldan par gyur na'o/ /ston zla ra ba zhes bya ba la sogs pas ni chu srin las skyes pa'i dus bstan to/ /ston zla 'bring po
 zhes bya ba la sogs pas ni bum pa las skyes pa'i dus bstan pa yin te/ de la zad pa zhes bya ba ni zad par byas pa ste gshin rje'o/ /'gro ba ni de'i grong khyer du 'gro ba'o/ /yang na zad pa ni tshe zad pa'o/ /'gro ba ni 'chi ba'i de kho
 na nyid du 'gro ba'o/ /ston zla tha chung zhes bya ba la sogs pas ni nya las skyes pa'i dus bstan pa yin te/ de dag kyang go sla'o/ /sngon du zhes bya ba la sogs pa la/ skye dus zhes bya ba ni lug la sogs pa las skyes pa'o/ /zhi dang drag
 bo'i dpyad par bya zhes bya ba ni sngon du zhes bya ba dang sbyar te/ sngon du gza' la sogs pa 'jam pa dang rtsub pa'i shes par bya'o tshe dang 'chi dus las la sogs pa zhes bya ba ni ji srid cig gnas par 'gyur ba'o/ /de nas zhes bya ba
 ni legs par shes nas so/ /de dag gis ni 'di skad du me tog bor ba la sogs pa'i cho ga tsam gyis kyang 'jam pa dang rtsub pa'i gza' rnams kyi bye brag shes par byas la/ ro hi ta la sogs pa'i byis pa 'dis ni 'di srid
 cig 'tsho bar 'gyur ro/ /zhes rim pa bzhin lung bstan par bya'i gzhan du ni ma yin no zhes bya bar ston to/ /nges par 'chi ba tshar gcad pa'i dbang du byas pa bstan pa'i rim par phye ba zhes bya ba la nges par 'chi ba ni srog
 'dor ba'o/ /tshar bcad pa ni bdag gi dbang du bya ba ste/ thig le dang sgra'i rnal 'byor ro/ /gzhung gang du de lhag par ston pa de ni nges par 'chi bar tshar bcad pa'i dbang du byas pa'i rim par phye ba ste nyi shu gsum pa'o/ /rgyud kyi rgyal po
 chen po dpal rdo rje mkha' 'gro'i rnam par bshad pa las le'u nyi shu rtsa gsum pa'i rnam par bshad pa'o// //da ni ltas la sogs pa'i sgo nas skye bo rnams gzhug par bzhed nas/ rtsis kyi le'u gsungs pa/ ltas kyi mtshan
 nyid ces bya ba la sogs pa ste/ de la a li zhes bya ba la sogs pa ni a la sogs pa'i yi ge'o/ /kA li ni ka la sogs pa'o/ /mnyam byas ni mtshungs par bya ba ste/ ji ltar mtshungs par bya zhe na/ sde tshan du ni sdeb par bya zhes bya ba
 la sde tshan ni sde tshan brgyad do/ /sdeb pa ni sde tshan so so re re zhing dang po dang 'og ma la sogs pa mthun pa dgu dgur sdeb pa'o/ /des ci zhig ce na/ dbyangs dang gsal byed dang po ste zhes bya ba la dbyangs ni a la sogs pa'o/ /
 gsal byed ni ka la sogs pa ste/ de rnams kyi sde tshan lnga po'i yi ge gang dag gi ming gi dang por gnas pa de dag phan tshun du mthun zhing 'phrod par blta bar bya'o zhes bya ba'i don to/ /cha shas ldan la zhes bya ba ni lha dang mi la sogs
 pa'i cha shas la gnas pa rnams so/ /snying stobs stobs can zhes bya ba ni/ 'bad cing brtson 'grus brtsam par bya ba ste mthun pa'i phyir ro/ /de nyid gsungs pa/ de'i rigs su shes par bya zhes bya ba ste/ sems can de dang de'i ming gi
 yi ge mthun pas rigs gcig pa nyid yin pa dang/ de bzhin du lha dang de'i sgrub pa po dag kyang sde tshan rnam par dag cing mthun par bsgrub par bya ba dang/ sgrub pa po nyid du 'os par de'i rigs zhes bya ba 'dis bstan pa yin no/ /sems
 can gyi rigs mthun pa de nyid gsungs pa/ mdza' yas la sogs pa zhes bya ba la sogs pa ste go sla'o/ /de dag ces bya ba ni sde tshan de dag go /yi ge bcu gnyis sgyu ma che zhes bya ba la sogs
 pa ni rA si la sogs pa'i rtsis bstan pa yin te/ yi ge bcu gnyis ni dbyangs kyi yi ge bcu gnyis so/ /'tshe dang dus kyi rang bzhin brjod ces bya ba la 'tsho ba ni srog go /dus ni 'chi ba'o/ /de dag rA si zhes bya ba ste zhes bya
 ba ni/ /yi ge de dag nyid rA si'i gzugs su brtsi ba'o/ /skar ma kun dang yang dag ldan zhes bya ba ni dbyangs de rnams nyid rgyu skar rnams la longs spyod pa nang gi sbyor bas brtsi bar bya'o/ /zla ba nyi ma bye brag gis/ /de bzhin 'og dang
 steng du bltas zhes bya ba la zla ba dang nyi ma'i bye brag ni/ zla ba dang nyi ma rgyu ba'i lhag par byas pa ste/ zla ba yar ngo dang mar ngo/ /'og dang steng du blta ba ni dbyangs dang rA si rnams kyi rgyu ba ste/ yar ngo la ni 'og tu bltas la/ mar
 ngo la ni bzlog ste brtsi bar bya'o/ /nang gi la yang dbugs 'jug pa ni 'og tu blta ba yin la 'byung ba ni steng du blta ba'o/ /brtan pa nyid dang g.yo ba nyid ces bya ba la brtan pa dang g.yo ba ni sems rnam par g.yo ba dang
 brtan pa ste/ brtan pa las ni dge ba'i mtshan ma shes par byas la/ g.yo ba las ni sdig pa'i mtshan mar ro/ /de nyid kyi phyir gsungs pa/ gnyis po gnyis su brjod pa yin zhes so/ /rkang pa dang ni sbyar ba ste zhes bya ba la
 rkang pa ni thung ngo/ /sbyar ba ni ring po ste de nyid ni yang ba dang lci ba zhes kyang bya'o/ /rgyal dang 'pham zhes pa ni/ shis pa dang mi shis pa ste/ thung ngu ni shis la ring po ni mi shis pa'o/ /de dag gis bsdus pa'i don ni a la
 sogs pa'i yi ge bcu gnyis dang ldan pa'i re'u mig bcu gnyis pa'i 'khor lo la me tog la sogs pa bor ba las thung ngu rnams ni shis la ring po rnams ni mi shis pa'o zhes bya ba 'di yin no/ /khyad par rnams ni bshad zin to//
 de nyid kyi phyir gsungs ba/ gnyis po steng gi rgyal ba ste zhes bya ba la sogs pa la steng ni thung ngu'o/ /'og ni ring ba'o/ /'chi ba ni nye bar mtshon pa'o/ /yang rA si la sogs pa rnams nyi ma dang zla ba'i bye brag gis rgya ba'i dbye ba bstan pa'i
 phyir/ nyi ma'i rgyu ba zhes bya ba la sogs pa gsungs te/ nyi ma'i rgyu ba ni nyi ma'i 'gro ba'o/ /nyi ma la ni gnas te 'char zhes bya ba ni nyi ma'i rgyu ba'i dbang du byas pa'o/ /rA si rgyu ba gsum du 'dod ces bya ba la gsum ni gza' dang skar ma
 dang sbyar ba ste/ de dag rgyu ba rA si dbugs kyi rgyu ba dang rim pa bzhin du sbyar ba'o/ /de nyid kyi phyir gsungs pa/ dbugs rgyu ba yang dag ldan zhes bya ba la sogs pa ste/ de la dbugs rgyu ba ni sna sgo'i dbugs phyi nang du gtum ba'o/ /thams
 cad ces bya ba ni gza' dang skar ma dang sbyor ba rnams kyi shugs rgyu ba'o/ /rA si shes bya zhes bya ba ni/ rA si dbugs kyi ngo bor shes par bya'o/ /zla ba'i rgyu ba la rA si rgyu ba gsungs pa/ kar ka Ta zhes bya ba la sogs pa la glang po'i dgra
 zhes bya ba ni seng+ge'o/ /cha shas drug ces bya ba ni zla ba'i cha shas drug go /gza' yis bskul nas 'char bar 'gyur zhes bya ba ni/ gza' zla ba dang yang dag par ldan pa'o/ /chu skyes zhes bya ba ni chu srin no/ /zung du sprod pa zhes bya ba ni
 'khrig pa'o/ /cha shas lnga dang bzhi zhes bya ba yang zla ba yin te/ de ltar na zla ba'i ri mo gsal ba cha shas bco lnga dang/ rA si bcu gnyis kyi rgyu ba sbyar ba yin no/ /de la nyi ma'i rgyu ba ni zla ba mar ngo'o/ /zla ba'i rgyu ba ni yar ngo'o/ /de bzhin
 dbugs phyir rgyu ba ni nyi ma'i rgyu ba'o/ /nang du 'jug pa ni zla ba'i rgyu ba'o/ /de nyid kyi phyir gsungs pa/ snga ma bzhin du 'char bar 'gyur zhes so/ /da ni gza' la sogs pa 'char ba'i bltas brtsi ba gsungs
 pa slar yang zhes bya ba la sogs pa la/ 'bras bu'i ming dang ldan par bya zhes bya ba ni 'bras bu 'am me tog gi ming 'don zhing gzung bar bya ste/ 'bras bu dang me tog gi ming gi yi ge dang/ bsgrub par bya ba dang/ sgrub pa po'i ming gi yi
 ge rnams gal te sde tshan gcig tu gyur na/ de'i tshe mtshan ma dge ba yin la/ gzhan du na de las bzlog par blta bar bya'o/ /yang rnam pa gzhan gsungs pa/ ltas chen 'byung ba mnyan par gyis zhes bya ba la sogs pa ste/ nag mo dang
 zhes bya ba la sogs pa ni go sla'o/ /nyi shu rtsa bzhi zhes bya ba ni sngar bstan pa ltar zla ba gcig la tshes nyi shu rtsa bzhir phye ba'i ming gis lha mo nyi shu rtsa bzhi'i ming gzung zhing brtsi ba'o/ /de nyid kyi phyir gsungs pa/ nyis 'gyur du ni
 byas nas su zhes bya ba la sogs pa ste/ nyis 'gyur ni gnyis su bsgyur te brtsi ba'o/ /ci zhig ce na/ dbang po'i cha ste dbang po drug gnyis su bsgyur bas bcu gnyis yin no/ /de dag gis ni zla ba yar ngo mar ngo la nyi ma bcu gnyis
 bcu gnyis su ston pa yin no/ /ltas ni lhag ma gzung nas su zhes bya ba ni ri mo tha ma ma mo gang gi ming yin pa des brtsi ba ste/ de dag gis don ni 'di ltar thod le kor la rkang pa brgyad pa la sogs pa'i sngags mngon par
 bzlas nas der sngar bstan bstan pa ltar glang gi gcin rjes lta bu'i ri mo ci tsam gyis 'dod par bris la de'i ri mo tha ma nas brtsams te/ ri mo 'bur ba rnams ri mo dang po'i bar du phyogs gcig brtsi bar bya ste/ rtsis kyi tha ma ri mo'i
 dang po rnal 'byor ma gang la 'bab pa de'i skyon dang yon tan du 'gyur ro zhes bya ba 'di yin no/ /lhag ma ni go sla'o/ /lus la gnas pa'i dbugs dang ni zhes bya ba la sogs pa ni nye bar bsdu ba yin no/ /'di dag gis ni me tog dang 'bras bu
 dang dbyangs la sogs pa'i ming gzung ba'i rtsis kyis so so'i 'bras bu rtogs pa bstan pa yin no/ /gza' rnams dang ltas kyi rgyu ba dang ming dang sde tshan gyi cho ga'i rim par phye ba zhes bya ba la/ rA si'i rgyu ba gang gis gza' dang ltas
 rnams rgyu ba de ni gza' dang ltas kyi rgyu ba dang/ ming zhes bya ba ni gsal bar byas pa'o/ /de ci zhig ce na sde tshan gyi cho ga ste/ dgu sde rnam pa lnga byas pa'o/ /de ston pa'i gzhung ni rim par phye ba ste nyi shu rtsa bzhi pa'o/ /rgyud kyi rgyal po chen po dpal
 rdo rje mkha' 'gro'i rnam par bshad pa las le'u nyi shu rtsa bzhi'i rnam par bshad pa'o// //da ni rgyu skar dang gza' rnams 'char ba'i le'u gsungs pa/ da ni zhes bya ba la sogs pa la/ nyi ma rgyu ba zhes bya ba ni gza' nyi
 ma'i rgyu ba'o/ /nyin mo ni zhes bya ba ni tshes rnams la'o/ /thun phyed lnga dang bdun pa la zhes bya ba ni/ nyin mo dang mtshan mo'i thun phyed pa brgyad brgyad du gnas pa las/ thun phyed pa lnga pa dang bdun pa la gza' nyi ma rgyu ba de'i dus su
 bya ba ci yang mi 'grub bo zhes sbyar bar byas te/ bya ba mi 'grub cing 'joms par 'gyur ro zhes bya ba'i don to/ /lnga zhes bya ba ni lnga pa ste/ pa'i sgra mi mngon par byas pa yin no/ /rtsis 'dis kun la bsgre bar bya'o/ /zla ba yi ni bzhi dang
 drug ces bya ba ni thun phyed pa bzhi pa dang drug pa ste/ gza' zla ba'i rgyu ba deng gdon mi za bar 'joms 'gyur zhes bya bar sbyar te/ dus kyi rang bzhin can zhes bya ba'i bar du'o/ /gsum pa dang lnga pa ni mig dmar gyi'o/ /gnyis pa dang
 bzhi pa ni bza' lhag gi'o/ /bla ma zhes bya ba ni phur bu ste/ da'i ni dang po dang gsum pa'o/ /ngan spong zhes bya ba ni ba sangs so/ /de'i ni gnyis pa dang bdun pa ste/ shes par bya zhes bya ba dang 'chi ba nyid
 du zhes bya ba ni lhag ma yin no/ /dang po dang drug pa ni ngal ba'i ste dal pa ni spen pa'o/ /de dag las bzlog pa'i thun byed pa rnams ni bya ba rnams la shis pa yin no/ /kha cig ni skye ba'i dus su gza' de rnams la skyes pa de rnams
 kyi 'chi ba'i dus bstan pa yin no zhes zer ro/ /rigs 'char ba zhes bya ba ni 'chi pa'i dus la bab pa'o/ /de dag gi dus ni yongs su 'chad par bstan zhes bya ba la de dag ni gza' de rnams te de rnams kyi 'char ba'i dus kyi yongs
 su 'chad pa ste/ nges pa bstan pa yin no/ /de dag thun mong mtshan nyid de zhes bya ba ni 'chi ba'i dus la sogs pa sngar bstan pa de dag rnal 'byor pa rnams dang/ so so'i skye bo tha mal pa rnams kyi thun mong ba yin no/ /rnal 'byor
 pa yi gzhan bshad nyon zhes bya ba ni rnal 'byor pa rnams kyi thun mong ma yin pa'i 'chi ba'i dus kyi mtshan ma'o/ /de nyid gsungs pa/ lnga nas nyi shu lnga'i bar 'di dag gi brjod bya ste zhes bya ba la sogs pa la/ lnga nas zhes bya ba
 la sogs pa 'di'i don sngar le'u nyi shu par nyi ma drug la sogs pa'i rlung phyin ci log tu rgyu ba'i dus bstan pa'i lhag mar gyur pa lnga pa dang bcu pa dang bco lnga pa dang nyi shu pa dang nyi shu rtsa lnga'i bar du rnam pa lngar spel ba'i dus
 bshad par bya'o zhes bya ba'i don to/ /lnga zhes bya ba la sogs pa 'di dag kyang/ pa'i sgra mi mngon par byas pa yin no/ /de las bcu gsum gsum gyi bar du re re zhing spel bar bya zhes bya ba la/ de las zhes bya ba ni nyi shu rtsa lnga'i
 las gong du gyur pa'o/ /bcu gsum zhes bya ba ni bcu phrag gsum ste sum cu'o/ /gsum zhes bya ba ni grangs lhag pa gsum mo/ /re re spel zhes bya ba ni nyi ma nyi shu rtsa drug nas sum cu rtsa gsum gyi bar du re re zhing spel bar bya'i/
 snga ma ltar ni ma yin no/ /de ltar nyi ma drug pa dang/ bdun pa dang/ brgyad pa dang/ dgu pa dang/ bcu pa dang/ bcu gcig pa dang/ bcu gnyis pa dang/ bcu gsum pa dang/ bcu bzhi pa dang/ bco lnga pa dang/ bcu drug pa dang/ bcu bdun
 pa dang/ bco brgyad pa dang/ bcu dgu pa dang/ nyi shu rtsa gcig pa dang/ rtsa gnyis pa dang/ rtsa gsum pa dang/ rtsa bzhi pa ste/ bar bar gyi nyi ma rnams ma gtogs pa lnga nas nyi shu rtsa lnga'i bar du lnga lngar spel ba'i tshig rnams dang
 nyi shu rtsa drug la sogs par spel nas brjod par bya zhes bya ba'i don to/ /dgun zla tha chung nyi ma la/ mtshungs gsum mig gi zla ba drug ces bya ba la dgun zla tha chung nyi ma la zhes bya ba ni/ snga dro'i chu tshong gsum la te/ 'phel ba'i cha
 shes zhes bya ba'i don to/ /mtshungs zhes bya ba ni sngar nyi ma drug la sogs pa bor ba la 'phel ba'i dus su brtsi ba ltar 'dir yang brtsi bar bya/ kha cig ni mtshungs zhes bya ba ni rlung phyin ci log tu rgyu ba'i bye brag gis lo la
 sogs pa khri ba ste mthun par spel zhing dbri bar bya'o zhes zer ro/ /mig ces bya ba ni gnyis so/ /zla ba zhes bya ba ni gcig ste/ de ltar na nyi ma lnga dang bcu dang bco lnga'i rlung bzlog ste rgyu ba na lo gsum dang gnyis dang gcig tu 'tsho ba
 yin te zhes bya ba dang sbyar ro/ /gsum zung zla ste lhag tshes phyogs mda' yon tan thig le zhes bya ba la zung ni gnyis so/ /zla ba ni gcig ste ci zhig ce na/ zla ba'i grangs so/ /nges na zhag nyi shu pa dang nyi shu lnga pa dang drug pa dang bdun
 pa'i bar du phyin ci log tu rgyu ba na zla ba drug dang/ gsum dang gnyis dang gcig tu 'tsho ba'o/ /lhag ces pa ni lhag ma ste lhag pa zhag grangs so/ /yang na nyi ma nyi shu brgyad pa la sogs par rlung
 phyin ci log tu rgyu ba ni lhag ma ste de dag gis 'tsho ba'i dus ni tshes la sogs pa'o/ /tshes ni zhag bco lnga'o/ /phyogs ni bcu'o/ /mda' ni lnga'o/ /yon tan ni snying stobs dang rdul dang mun pa ste gsum mo/ /thig le ni nyi ma gnyis
 dang yang gcig go /par bar gyi nyi ma mdo tsam du bstan pa'i phyir lnga las bcu'i bar dang/ de bzhin du bcu las ni zhes bya ba la sogs pa gsungs te/ lnga nas bcu'i bar zhes bya ba ni sbyar bya zhes bya ba dang sbyar te/ sngar
 bshad pa bzhin du zhes bya ba ni lhag ma yin no/ /de la lnga nas bcu'i bar zhes bya ba ni nyi ma drug pa dang bdun pa dang brgyad pa dang dgu pa rnams so/ /bcu nas bco lnga'i bar zhes bya ba ni de bzhin du bcu gcig pa dang bcu gnyis pa
 dang bcu gsum pa dang/ bcu bzhi pa rnams te de ltar lhag ma rnams kyang sbyar bar bya'o/ /zla ba'i gnas skabs gsungs pa/ de nas zhes bya ba la sogs pa ste sgrub pa pos shes par bya ba'i phyir/ bshad par bya zhes bya
 ba dang sbyar ro/ /ci zhig ce na/ gnas skabs su 'gyur ba ste/ zla ba'i zhes bya ba 'og nas 'byung ba dang sbyar ro/ /dang po skar ma bgrang bar bya zhes bya ba ni de'i dus kyi skar ma gang la zla ba gnas pa'i rtsis byas la/ zla
 ba de'i chu tshod dag gi grangs ji snyed pa de snyed kyi ri mo bri ba'o/ /nyi ma yis ni chu tshod dag ces bya ba ni zhag gang la skyes pa'i dus nas gzung ste/ zhag gi dang po'i bar du chu tshod ji snyed pa de snyed kyi mtshan ma bri ba'o/
 zla ba'i gnas skabs rgyu yi phyir zhes bya ba ni zla ba'i gnas skabs kyi mtshan nyid rtogs par bya ba'i phyir ro/ /yang na dang por zhes bya ba ni/ thog ma nyid du ste thog ma nyid du zla ba'i chu tshod bris la/ de'i 'og tu nyi ma ji snyed 'das pa'i chu
 tshod kyi ri mo bri ba'o/ /de ni drug cur bsgyur bar bya zhes bya ba ni mtshan ma gnyis kyi grangs ji snyed pa de drug cu 'gyur du spel ba'o/ /slar yang nyi tshod zla ba bsnan zhes bya ba la nyi tshod dang zla ba ni rtsis byed pa'i dus kyi zla ba chu tshod
 ji snyed yod pa dang de'i nyin mo zhag gi dang po'i bar du chu tshod ji snyed cig 'das pa'i mtshan ma de gnyis bsnan par bya'o/ /drug cu ru ni bsgyur byas la zhes bya ba ni/ de dag thams cad gcig tu bzlums nas slar yang drug cu 'gyur
 du spel pa'o/ /mda' dang sreg byed ro yi na/ /dkar por bcas pas de bzhin bcad ces bya ba ni de'i 'og tu slar dbri bar ston pa yin no/ /de la mda' zhes bya ba ni lnga'o/ /sred byed ni gsum mo/ /ro'i dbang po ni gcig ste/
 de ltar na dang po grangs dgu dgur dbri ba'o/ /bcu gnyis dag gi nang nas ni zhes bya ba ni de'i 'og tu yang bcu gnyis bcu gnyis dbri ba'o/ /lhag ma'i cha shas gzung bar bya zhes bya ba ni de ltar dbri ba las/ gang zhig lhag par
 gyur pa'i cha shas tha ma gcig nas brtsams te/ bcu gnyis kyi bar du lhag ma gang yin pa de gzung la brtag par bya'o/ /nyin dang mtshan gyi sbyor ba zhes bya ba ni nyin mtshan gyi chu tshod ji snyed pa rnams kyi'o/ /dang po zla ba rab gnas pa zhes
 bya ba ni zla ba'i chu tshod de dag las lhag ma'i cha shas gal te grangs gcig lus par gyur pa de ni dang po'i zla ba'o/ /de'i bya ba nyams par 'gyur zhes bya ba ni zla ba'i chu tshod de'i bya ba rnams nyams shing mi 'grub la gnas skabs phan
 par bgrang ba'o/ /gnyis pa bkra shis pa ste/ zhes bya ba la gnyis pa ni lhag mar gyur pa'i cha shas kyi ri mo'o/ /gnyis shig lus pa ste/ de ni sgrub pa po la shis par byed pa'i phyir bkra shis yin no/ /gsum pa
 'chi ste gsod par 'gyur zhes bya ba la/ lhag ma ni cha shas gsum lus pa ni sgrub pa po gsod cing 'chi bar 'gyur ba yin no/ /bzhi pa dgod de tshim par byed ces bya ba la chu tshod bzhi'i ri mo lhag pas ni bzhi pa ston te/ des na dgod pa
 dang bcas shing tshim par 'gyur ro zhes bya ba'i don to/ /yang na rab gnas pa zhes bya ba dang/ bkra shis zhes bya ba dang/ 'chi byed ces bya ba dang/ dgong pa zhes bya ba la sogs pa 'di dag ni zla ba bcu gnyis kyi ming yin te/ zla ba de dag nyid
 chu tshod kyi ri mo gcig dang gnyis dang gsum dang bzhi la sogs pa'i lhag ma lus pa las skyid sdug gi gnas skabs ston pa yin no/ /lug la sogs pa bstan pa yis/ /zla ba rim pa bzhin du rgyu zhes bya ba ni zla ba dag gi chu tshod
 kyi grangs ni lug la sogs pa'i rA si chu tshod kyi grangs kyis shes par bya'o/ /thams cad rgyu ba'i rim par phye ba zhes bya ba la thams cad ni gza' zla ba la sogs pa'o/ /de rnams kyi rgyu ba ni 'byung ba'o/ /gzhung gang las
 thams cad kyi 'byung ba ston pa de ni rim par phye ba ste nyi shu lnga pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u nyi shu rtsa lnga pa'i rnam par bshad pa'o// //de ni dus rnams
 kyi rang bzhin gsal bar bya ba'i phyir/ de nas zhes bya ba la sogs pa gsungs te/ mchod cing zhes bya ba ni gar la sogs pa'i mchod pa'o/ /sgang shong 'khor lo zhes bya ba ni dbus kyi 'khor lo'o/ /de rnams zhes bya ba ni dbugs rnams kyi'o//
 dus kyi grangs ni ji bzhin gsungs zhes bya ba la/ dus ni mig btsums pa la sogs pa'o/ /rgyu ba yi ni khyad par dag ces bya ba ni dus rnams 'char ba'i bye brag go /dus kyi bgrang ba lus med cing zhes bya ba la dus zhes bya ba ni dngos po rnams kyi
 gnas skabs so/ /bgrang ba zhes bya ba ni gnas skabs kyi khyad par te/ skye ba dang gnas pa dang 'chi ba'o/ /lus med pa zhes bya ba ni de dag lus can las gud du mig la sogs pas mi dmigs pa'i phyir ro/ /yang na bgrang ba ni dngos po
 rnams kyi gnas skabs yin la/ dus zhes bya ba ni mi rtag pa nyid yin to 'chi bar 'gyur ba'o/ /de ltar yang gsungs pa/ mda' ni brgya snyed bsnun gyur kyang/ /dus la ma bab 'chi mi 'gyur/ /rtsa rtse reg pa tsam gyis kyang/ /dus la bab na
 'chi bar 'gyur zhes so/ /dus la bab pa de yang gnas pa'i mthun pa'i rkyen zad pa dang/ 'gal ba'i rkyen nye bar gnas pa las so/ /'gal ba'i rkyen nye bar gnas pas kyang mthun pa'i rkyen la gnod par byed pa yin te/ yang dag par na rgyu zad
 pa nyid kyis 'chi bar shes par bya'o/ /de yang gsungs pa/ rgyu zad pa yis shi ba ni/ /zad ces bya bar brjod pa ste/ /rang bzhin gyis ni gang ma zad/ /de yi zad pa ji ltar brjod ces so/ /de la mthun pa'i rgyu ni mthun pa'i kha zas la sogs pa'o//
 mi mthun pa'i rkyen nye bar gnas pa'i rlung dang mkhris pa dang bad kan dang/ 'du ba la sogs pa'i phyi nang gi nad bzhi 'khrugs pa dang/ bdag dang gzhan gyis srog 'joms par byed pa'i rtsol bar byed pa'o/ /de la rang gi rtsol ba ni 'gegs pa dang/
 me dang chur mchong ba dang dug za ba la sogs pa'o/ /gzhan gyi rtsol ba ni stag dang sbrul la sogs pa'i sems can gyi gnod pa dang/ phyi rol gyi mtshon cha la sogs pas bcom pa'o/ /de dag gis 'tsho ba'i nye bar len pa'i rgyu la gnod pa
 byas pa mar zad pa'i mar me bzhin du 'chi bar shes par bya'o/ /de yang 'chi ba zhes bya ba ni srog chags rnams kyi rgyun mi rtag pa mi brtan pa yin te/ gzhan du 'dus byas thams cad la khyab par bstan pa'i phyir/
 thams cad du ni thams cad gnas zhes bya ba la sogs pa gsungs te/ nam mkha' khyab pa thams cad du dus kun tu gnas pa'o/ /dngos po kun la khyab pa ste zhes bya ba ni rdzas thams cad la khyab pa ste/ 'di ltar shing bu dang bum pa
 la sogs pa rnams la ni byung zhing/ byung nas kyang rgyun mi rtag cing 'jig par mngon sum du mthong ba yin la/ nyi ma la sogs pa thog ma dang tha ma mngon sum du mthong ba rnams la yang 'char ba dang nub pa la sogs pa'i gtan tshigs
 kyi khyad par las mi rtag pa nyid du 'gyur bar rjes su dpag par bya'o/ /'o na rdo rje'i sku dang ldan pa rnams kyi ji lta bu zhe na/ de ni 'jig rten na ma grags pa'i phyir chos thams cad ma yin no/ /yang na skad cig ma nyid mi rtag pas rdo rje lta
 bu'i sku la yang khyab pas dngos po thams cad dus las 'da' bar dka' ba yin no/ /des na bcom ldan 'das dus kyi 'dul ba rnams la dngos po thams cad dus las mi 'da' ba ston par mdzad de/ de yang ji skad du/ dus kyi
 'byung ba smin par 'gyur/ /skye dgu dus kyis bsdus pa ste/ /dus kyis gnyid log sad par byed/ /dus ni 'da' bar dka' ba'o zhes so/ /ji ste pha rol pa'i gzhung las 'byung ngo zhe na/ de'i tshe yang nyes pa med de phyi rol pa rnams kyis dus
 can las tha dad pa dang/ rtag pa la sogs pa'i mtshan nyid du gzung bas nyams pa yin gyi/ dus tsam du sma ba ni ma yin no/ /de ltar yang gsungs pa/ dngos la zhon pas 'dzin pa dang/ dag pa yid kyis 'dzin pa dag/ chung ma chags
 pas 'khyud pa dang/ /bu mo byams pas 'khyud pa 'dra zhes so/ /lus la gnas kyang lus mi skye zhes bya ba la/ tshul de ltar lus can rnams la khyab kyang don dam par blo bur nyid yin pa'i phyir lus de ngo bo nyid med pa yin no/ /de nyid kyi phyir
 dus nyid dus ni med pa dang/ /'jig rten nyid ni 'jig rten min zhes bya ba gsungs te/ de la dus ni bstan pa'o/ /'jig rten ni bshad pa ste/ 'jig rten pa ni skye ba la sogs pa mi rtag pa nyid kyi mthar thug pa'o/ /rten pa ni rkyen las bltos pa ste/
 de dag rnam par dpyad na ngo bo nyid med pa'i phyir/ chu'i zla ba ltar gcig tu bden pa dang gcig tu brdzun pa yang ma yin par shes par bya'o/ /lha khyod kyis ni sngar bshad pa'i/ /bsam gyis mi khyab dus mtshan nyid ces bya ba la sogs
 pas ni rnal 'byor pa rnams kyi nang gi dbugs bgrang ba las skad cig la sogs pa'i dus ma lus par shes pa'i mtshan nyid bstan pa yin te/ gang dang gang lha khyod kyis sngar bstan pa'i dbugs bgrang ba'i don dam pa'i dus bstan pa
 de dang de ni lus las 'das shing dri ma med pa yin pa'i phyir rnal 'byor pa nyag gcig gi spyod yul yin zhing shin tu rnyed par dka' ba ste/ skye bo phal ba rnams kyi spyod yul ma yin par gsungs so/ /de'i phyir skye bo kun la sman slad du
 zhes bya ba gsungs te/ 'jig rten phal pa rnams la sman slad du'o/ /dbugs kyi nges pa zhes bya ba ni rnal 'byor pa rnams kyi grangs kyi gtan la phab pa'i skad cig la sogs pa'i dus rnams bshad par gsol ba'o/ /nad med ces
 bya ba la sogs po la/ rlung dang bral ba zhes bya ba ni nad med pa'i khyad par ro/ /khams ni snyoms par gnas pa dang/ zhes bya ba la khams kyi sgra ni dbang po rnams la bya ste/ dbang po rnams nad kyis ma gzir cing ngal ba la sogs bsam
 gdungs pa ni snyoms pa'o/ /ran par za zhing zhes bya ba la sogs pa la/ ran par ni 'tshams par te/ kha zas 'drangs drags pa dang/ ha cang ltogs pa dang/ ha cang skya ba dang/ ha cang snum pa dang/ ha
 cang yang ba dang/ ha cang lci ba rnams spangs te/ rlung lugs rgyu ba dang/ bshang ba snum la mi bsri zhing/ /lto ba bde bar za'o/ /tshul bzhin rgyu zhes bya ba ni shin tu ngal dub dang/ drag shul la sogs pa spangs nas gnas pa ste/ skyes bu
 tha mal pa de'i mig btsums gzung bar bya'o/ /mig btsums drug la yud tsam ni/ /cig ces bya bar brjod pa yin zhes bya ba ni/ skyes bu tha mal pa de'i mig shin tu myur ba dang dal ba ma yin par tha mal par phye ba dang/ btsums
 pa drug la yud tsam cig ces bya bar shes par bya'o/ /dus kyi go rim bya ba 'dis zhes bya ba ni/ de ltar mig btsums pa la sogs pa nas cung zad kyi bar du brtse ba 'dis so/ /sum cu tham par bsgyur ba la zhes bya ba ni cung zad
 sum cu tham par spel ba'o/ /yi ge lci ba'i dus shes brjod ces bya ba ni dus kyi khyad par gang la yi ge lci ba zhes bya ba ming du grags pa ste/ yi ge lci ba'i dus gcig tu brjod par bya'o/ /srog ces bya ba ni dus kyi khyad par
 gang la srog dang 'tsho ba zhes bya bar brjod pa'o/ /de ni zhes bya ba ni srog gi dus de'o/ /bcu gsum bsgyur zhes bya ba ni sum cur sbel ba'o/ /de yang gnyis su bsgyur ba ni zhes bya ba srog gi dus de sum cu pa phag pa gnyis su spel ba ste
 drug cur spel pa'o/ /lhag ma ni go sla'o/ /de brgyad ces bya ba ni chu tshod brgyad la'o/ /de bzhi la zhes bya ba ni thun bzhi la'o/ /de ltar nyin mo'i thun bshad nas mtshan mo'i bstan pa'i phyir mtshan mo'i de dang mnyam par bshad
 ces bya ba gsungs te/ nam zhe na/ nyin mtshan dus ni mnyam pa la ste bi shu'i dus so/ /da ni nyin mtshan 'phel 'grib bstan pa'i phyir/ chu srin nas ni zhes bya ba la sogs pa gsungs te/ dgun zla tha chung gi mjug nas dbyar zla tha chung gi mgo'i bar du
 zla ba drug gi bar du zla ba drug po 'di la ni nyin mo'i chu tshod rnams nyin re zhing srang gsum gsum du spel bar bya la/ de bzhin du mtshan mo ni dbri bar bya'o/ /chu srin las ni 'das nas su zhes bya ba ni chu srin nas sbal pa'i bar gyi zla ba drug po
 de dag 'das nas/ zla ba lhag ma drug la mtshan mo srang gsum gsum de bzhin du spel bar bya'o/ /gzhung kha cig las mtshan mo srang ni gsum gsum dbri zhes 'byung ste/ de'i tshe chu srin las 'das pa zhes bya ba ni dgun zla tha chung gi zla ba
 'das kyi 'og tu'o/ /tshad ma de dag bstan pa'i phyir zhes bya ba ni/ skye bo phal pa rnams la dus kyi tshad de bstan pa'i phyir/ brdung bar bya zhes bya ba dang 'brel te/ ci las ci zhig ji ltar zhe na zangs ma zhes bya ba la/ zangs ma srang bcu gnyis
 ni ji ltar grags pa'i zangs ma srang bcu gnyis te/ de las chu'i snod brdung ba'o/ /ji ltar zhe na/ dpangs su sor brgyad dang rgya ru sor bcu gnyis pa ste/ rngams su sor brgyad yod cing/ kha'i rgyar sor bcu gnyis kun nas yod par brdung
 bar bya'o/ /legs pa zhes bya ba ni mtho dman dang mthug srab la sogs pa snyoms pa'o/ /de nas ci zhig bya zhe na/ gser ni 'ol se sum cu las zhes bya ba la sogs pa gsungs te/ ji ltar grags pa'i man cha gsum gyi gser las
 thur ma bya ba'o/ /ci 'dra zhe na/ sor drug pa'i tshad tsam du zhes bya ba smos te/ ring thung sor drug gi tshad du bya'o/ /legs par bya ba ni sbom phra med par ro/ /de dag gis ni rdzas dang tshad la sogs pa'i khyad par nges pa bstan pa yin no/ /thur
 ma de yi bu ga ni/ /zangs ma'i snod la mkhas pas dbugs ces bya ba la/ mkhas pa ni bzo ba ste/ yo ba dang ral ba la sogs pa med par dbug pa'o/ /chu ni rnyog ma med pa las zhes bya ba ni shin tu dangs pa'i
 chu'i steng du bzhag pa ste/ gzhan du ni myur du gang bar mi 'gyur ba dang/ ma gang bar 'og tu 'byin pa la sogs pa'i skyon du 'gyur ro/ /srang ni drug cu'i tshad du 'gyur zhes bya ba ni/ sngar bstan pa'i srang drug cu'i tshad de de ni chu tshod de
 'gyur ba yin no/ /skye bo rnams la phan phyir bshad ces bya ba ni/ tha mal pa'i skye bo rnams la chu tshod kyi tshad tshegs med pa'i phyir bshad pa'o/ /chu tshod de ni yud tsam pa ste zhes bya ba ni chu tshod nyid yud tsam bshad kyi gzhan du
 ma yin no zhes bya ba'i don to/ /thun phyed ces bya ba ni chu tshod bzhi la'o/ /thun gcig ces bya ba ni go sla'o/ /zla ba gnyis ni dus yin te zhes bya ba ni zla ba gnyis gnyis shing dpyid la sogs pa'i dus drug po re rer bstan pa'o/ /dus
 gsum nyi ma 'gro ldog brjod ces pa ni/ dgun dang dpyid la sogs pa'i dus gsum gsum du nyi ma lho byang du 'gro ba'o/ /yang na yud tsam zhes bya ba ni 'jig rten phal pa kha cig la grags pas bstan pa yang yin te/ de
 dag gi ltar na sngar bstan pa'i mig btsums bco brgyad la ni skad cig gcig go /de sum cu la ni thang cig go /de sum cur bsgyur ba la ni cung zad cig go /cung zad gnyis la ni yud tsam cig ste/ des brtsi bar bya'o
 zhes zer te/ lhag ma ni sngar bshad pa bzhin no/ /dus 'byung ba'i rim par phye ba zhes bya ba la gzhung gang la mig btsums pa la sogs pa'i dus rnams kyi 'byung ba ste/ bstan pa yod pa de la dus 'byung ba'i rim par phye ba
 zhes bya ba ste nyi shu rtsa drug pa'o/ /rgyud kyi rgyal po chen po dpal rdo rje mkha' 'gro ma'i rnam par bshad pa las le'u nyi shu rtsa drug pa'i rnam par bshad pa'o// //da ni rgyu skar rnams kyi rigs nges par shes par bya ba'i phyir/ de
 nas zhes bya ba la sogs pa gsungs te/ de nas zhes bya ba ni dus 'byung ba bstan gyi 'og tu'o/ /skar ma'i rigs gang yin zhes bya ba ni skar ma gang la skyes pa'i thun mong dang khyad par gyi rigs lha la sogs pa dang/ ra la sogs pa gang
 yin pa ste/ de dag bshad par bya ba zhes bya ba dang 'brel to/ /mdor bsdus zhes bya ba ni gzhung nyung ba dang tshegs med par ro/ /tha skar dang ni zhes bya ba la sogs pa la/ skar ma dgu dgu zhing lha la sogs pa'i rigs rnam pa gsum du
 bstan pa 'dis na nye sbyor la sogs pa'i stobs brtsi ba bstan pa yin no/ /smin drug rgyal ni nga yin te zhes bya ba la sogs pa 'dis ni skar ma gnyis gnyis shing rigs re re bstan pa yin te/ khyad par rigs bcu bzhir bstan pa yin
 no/ /stobs 'dod pas ni shes par bya zhes bya ba ni/ khyu mchog gi rigs gang yin pa de stag gi rigs kyi stobs kyis 'joms par byed pas na/ khyu mchog gi mig gi rigs kyi bu mo bag mar mi blang zhing spang bar bya'o zhes
 par dgongs so/ /da ltar lta 'og tu sbyar bar bya'o/ /rang gi skye ba'i skar ma ni/ /shes nas gzung na dpyad mi dgos/ /zhes bya ba la/ gzung na zhes bya ba ni bag mar blangs pa ste/ de la rang gi skye skar stobs che bar shes par bya'o zhes
 pa'i don to/ /skar ma'i cha ni bzlog pa dag /gzung na nges par 'chi bar 'gyur/ /zhes bya ba ni bu mo'i skar ma stobs dang ldan par gzung ste/ bag mar blang na nges par bya ste/ gdon mi za bar 'chi bar 'gyur ro zhes bya ba'i don to/ /de
 nyid kyi phyir/ skar ma mi yi srog yin te/ /gzhan du ngas ni ma bshad do zhes gsungs so/ /lug dang srang dang zhes bya ba la sogs pas kyang rA si bzhi bzhi zhing brtan pa dang g.yo ba'i mtshan nyid re rer bstan
 te/ de dag shes nas bya ba rnams dang sbyar bar bya'o/ /lhag ma ni go sla'o/ /skar ma rnams kyi stobs kyi dbang du byas pa'i cho ga'i rim par phye ba zhes bya ba la cho ga ni bstan pa'o/ /des na gzhung gang gi skar ma'i stobs kyi dbang du byas
 nas bstan pa de ni rim par phye ba ste nyi shu rtsa bdun pa'o/ /rgyud kyi rgyal po chen po dpal rdo rje mkha' 'gro ma'i rnam par bshad pa las le'u nyi shu rtsa bdun pa'i rnam par bshad pa'o// //da ni gza' dang tshes dang rgyu skar rnams
 la 'gron du 'gro ba la sogs pa'i khyad par shis pa dang mi shis pa bstan pa'i phyir/ tshes dang zhes bya ba la sogs pa gsungs te/ tshes dang skar ma gza''char ba zhes bya ba ni tshes la sogs pa de dag gi sbyor la 'char ba ste
 'gron la sogs pa'i bya ba shis pa dang mi shis pa yin no/ /ro hi ta zhes bya ba la sogs pa ni 'dir tshes gcig la sogs pa gzung bar bya'o/ /ro hi ta'i tshes zhes bya ba mgron po lam du 'jug par bzang zhes bya ba ni tshes gcig gi
 nyin bar gang gi tshe rgyu skar smin drug dang gza' mig dmar 'dzom pa de'i tshe lam du zhugs na rnyed pa thob par 'gyur ro zhes bya ba'i don to/ /de bzhin du ma ka ra'i nyi ma la zhes bya ba ni tshes gnyis la'o/ /de ltar lhag ma rnams la yang sbyar bar
 bya'o/ /stobs ldan gyi blon po zhes bya ba ni pa ba sangs so/ /'byung po nyi ma zhes bya ba ni mar ngo'i bcu bzhi'o/ /lhag ma ni shin tu gsal bas ma phye'o/ /me'i mtshams su zhes bya ba la sogs pas ni/ sgra gcan 'dzin rgyu ba'i 'khor lo
 bstan te/ 'dir phan tshun du gnyis gnyis btab la phyi rol bskor bas ri'u mig dgur byas la/ /de me'i mtshams su mi ki ri bris te tshe brgyad do/ /gshin rje'i phyogs su ra d+ha ste tshes bdun no/ /srin por ni kur ma ste tshes bco lnga'o/ /chu'i phyogs su ni khyu
 mchog ste tshes bzhi'o/ /'jig byed ni rlung ste de'i mtshams su ni bya ku la de tshes bcu'o/ /gter ni gnod sbyin te de'i phyogs su sba ba ni ste tshes bcu gcig go /mi gsum ni dbang ldan te/ de'i phyogs su bzang po ste tshes gsum mo/ /yang khyu mchog
 ni tshes bcu bzhi'o/ /zla ba nyi ma'i bye brag gis zhes bya ba ni zla ba yar ngo mar po'i bye brag gis so/ /rgyu ba zhes bya ba ni sgra gcan 'dzin rgyu ba'o/ /b+ha tra nas ni ra 'dar ta zhes bya ba ni dbang ldan gyi phyogs su gnas nas ra 'dar te/ gshin rje'i phyogs su
 rgyu ba'o/ /bya ku li zhes ni lho phyogs nas nub tu rgyu ba'o/ /bre sha pa zhes bya ba ni byang nub nas shar phyogs su rgyu ba ste/ rta'i 'gros kyis rgyu ba'o/ /'di dag nyi ma'i rgyu ba ni/ rigs mchog ma ni khyod la bshad ces bya ba ni zla ba mar ngo'i chos
 rnams dang/ phyogs kyi rgyu ba bshad pa ste/ de dag ni g.yas bskor yin na/ /de la gang gi tshe sgra gcan 'dzin bzang po'i tshes la/ dbang ldan gyi mtshams na gnas pa'i tshe dbang ldan nas lho phyogs su 'gro ba dang/ gang gi tshe sgra gcan 'dzin ra
 d+har 'gro ba'i tshe bzang po nas bya gu li phyogs su 'gro ba dang/ gang gi tshe bya ku li'i phyogs su song ba'i tshe khyu mchog gi phyogs su 'gro ba rnams ni gnod pa med cing skyon med pa yin no/ /de bzhin du khyu mchog gi phyogs su song ba'i tshe rlung gi
 phyogs su 'gro ba yang nyes pa bskyed par mi 'gyur ro/ /khyu mchog dang ni zhes bya ba la sogs pas ni/ zla ba mar ngo'i rgyu ba bshad pa yin te/ yang rang gi gnas dbang ldan gyi gnas su gnas nas/ khyu mchog la sogs pa'i gnas
 rnams su g.yon skor du rta'i 'gros kyis rgyu bar gsungs so/ /gang gi tshe dbang ldan gyi gnas na gnas de'i tshe/ skyes bus khyu mchog gi phyogs su 'gro bar bya'o/ /gang gi tshe khyu mchog tu 'gro ba de'i tshe mi ki ring
 don gnyer na 'grub par 'gyur ro/ /gang gi tshe mi ki rir song ba de'i tshe khyu mchog gi phyogs su don gnyer na 'grub par 'gyur ro/ /de bzhin du gzhan dag kyang rjes su dpag par bya'o/ /nya la me mtshams gnas pa ste/ stong la rlung gi phyogs su
 gnas zhes bya ba la sogs pas ni 'di skad du bstan par 'gyur te/ nya'i nyin par sgra gcan 'dzin me mtshams su gnas nas/ me dang rlung mtshams gnyis blta bas lta ba'i chad pa 'byung ba'i phyir skyes bus phyogs de gnyis su 'gro
 ba spang bar bya'o/ /de bzhin du stong gi nyin par rlung mtshams su gnas te/ rlung dang me mtshams gnyis kar lta bas skyes bu phyogs de gnyis su 'gro ba spang bar bya'o/ /kha cig ni tshes de gnyis ka la dbus su gnas nas/
 mtshams de gnyis gnyis kar blta ba yin te/ gnas pa'i sgras ni lta ba la bya'o zhes zer ro/ /blo ldan 'bad de shes par bya zhes bya ba ni rnal 'byor pa mkhas pa rnams kyis ni tshes rnams kyi chu tshod kyi sgra gcan 'dzin gyi
 gnas su rgyu ba shes par bya'o zhes bya ba'i don to/ /tshes grangs skar ma'i nges pa zhes bya ba la/ gzhung gang du tshes grangs dang skar ma gtan la phab pa de la tshes grangs dang skar ma nges pa rim par phye ba zhes bya ste nyi shu rtsa
 brgyad pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u nyi shu rtsa brgyad pa'i rnam par bshad pa'o// //da ni ye shes kyi de kho na nyid dang/ ye shes kyi mtshan ma'i le'u bstan
 par bzhed nas/ nyon cig ces bya ba la sogs pa gsungs te/ sgyu ma che zhes bya ba ni thabs kyi cha'o/ /sgyu ma kun zhes bya ba ni shes rab kyi cha'o/ /rnam par rol pa zhes bya ba ni thabs dang shes rab de dag gis sems can gyi don gyi
 phyir/ rnam pa sna tshogs su sprul pa'o/ /de dag ni lha mo la bod pa'o/ /lus can thams cad rnam shes te zhes pa bal lus can thams cad ni bzung ba dang 'dzin par snang ba'i tshogs so/ /rnam shes ni rnam par rig pa tsam nyid de rang rig
 pa'i ye shes dang lhan cig skyes pa'i bde ba dang/ 'od gsal ba'i ngo bo nyid ces bya ba'i bar du'o/ /de nyid kyi phyir gsungs pa/ lus las 'das shing dri ma med ces gsungs te/ dri ma med ces pa ni 'dod chags la sogs pa'i
 rnam pa ste/ de dag kyang rang rig pa'i mthar thug pa'o/ /lus dang lus can rnams 'od gsal bar 'gyur ba de nyid gsungs pa/ lhun po dang ni zhes bya ba la sogs pa gsungs te/ 'bigs byed sogs zhes bya ba la sogs kyis
 na gangs can la sogs pa lcags ri'i mthar thug pa gzung ngo/ /de dag gis ni ri rnams bstan to/ /shar gyi lus 'phags zhes bya ba la sogs pa la/ bcas zhes bya ba ni gling phran rnams te/ 'di dag gis ni gling rnams
 bstan no/ /lan tshwa can zhes bya ba la sogs pa la lan tshwa can gyi rgya mtsho zhes bya bar sbyar ro/ /sogs kyis ni ngan skrugs kyi rgya mtsho la sogs pa gzung ngo/ /'og ces bya ba ni sa 'og go /steng zhes bya ba ni mtho ris so/ /khams
 gsum ma lus zad par bya zhes pa ni de ltar ri la sogs pa'i khams gsum por gtogs pa'i dngos po rnams shes rab kyi mtshon chas rdul phra rab tu gtubs shing bshig la zad cing ma snang bar bya'o zhes bya ba'i don to/ /
 de ltar phyi rol gyi dngos po rnams stong pa nyid du bstan nas/ rang gi lus kyang stong pa nyid du bstan pa'i phyir/ gzugs zhes bya ba la sogs pa gsungs te/ sogs kyis ni tshor ba la sogs pa
 gzung ngo/ /skye mched ces bya ba ni gzugs la sogs pa'i yul rnams so/ /khams zhes bya ba ni mig la sogs pa'i khams rnams te/ nang gi skye mched nyid yin no/ /'byung ba zhes bya ba la sogs pas ni nye bar bsdu ba
 bstan pa yin te/ 'jig rten gyi khams kun dang bcas pa yi/ bdag nyid kyang ni mi zad par bsgom par bya zhes bya ba dang sbyar ro/ /stod pa de yang ci 'dra zhe na/ dngos dang dngos med 'dres pa ste zhes bya ba gsungs te/ dngos dang
 dngos po med pa gnyis ka rang bzhin med pa gang du ro gcig cing mnyam par 'dres pa de la de skad ces bya'o/ /da ni ye shes kyi mtshan ma bsten par bya ba'i phyir/ gzugs zhes bya ba la sogs pa gsungs te/ gzugs
 la sogs pa'i rang gzhan rnams stong pa nyid du mnyam par bsams la der ni mtshan ma brtag par bya zhes bya ba dang 'brel to/ /thams cad nam mkhar thim pa yis/ /ba la rmig par grong khyer bsgom/ /zhes bya ba la grong
 khyer te skye mched la sogs pa'i tshogs rnams ba lang rmig pa ste stong pa nyid du bsdu bas bsgom par bya'o/ /ji ltar zhe na/ thams cad nam mkhar thim pa ste bshad zin to/ /sems ni mar me lta bur bsgom zhes bya ba la
 sems ni ste rnam par rig pa tsam nyid mar me lta bu ste 'od gsal bar bsgom pa'o/ /de dbus yid kyis bltas nas su zhes bya ba la de zhes bya ba ni 'gro ba thams cad do/ /dbus zhes bya ba ni stong pa nyid do/ /blta zhes
 bya ba ni dmigs pa'o/ /der ni mtshan ma brtag par bya zhes bya ba la der ni zhes bya ba ni 'od gsal ba der ro/ /mtshan ma zhes bya ba ni bya ba'i ltas so/ /de nyid gsungs pa/ mar me lta bu zhes bya ba la sogs pa la/ gang gi tshe stong
 pa nyid du thams cad thim zhing 'od gsal bas mi g.yo bar gnas pa de'i tshe ting nge 'dzin gyi mthar 'od zer mar me lta bu snang bar gyur na/ de'i tshe zhi ba'i las 'grub par gyur pa de'i mtshan ma yin no/ /chags pa'i la sogs pa zhes bya
 ba ni chags pa dbang du bya ba'o/ /sogs kyis nad dgug pa gzung bar bya ba yin no/ /'od zer zhes bya ba la sogs pa la/ 'od zer dkar po long long pos/ /bkra shis kyi ni lam ston yin/ /zhes bya bar sbyar te/ bkra shis
 kyi lam zhes bya ba ni 'das pa la sogs pa'i dus kyi cha'o/ /de bzhin du sngags kyi dngos grub 'grub ces bya ba yang 'od zer dkar po long long po snang ba dang sbyar bar bya'o/ /cho ga zhes bya ba la sogs pas ni stong pa nyid kyi rnal
 'byor sngon du 'gro bas lha'i ting nge 'dzin bsgom par bya zhes bya bar ston to/ /cho ga 'dis ni zhes bya ba la 'dis ni zhes bya ba ni stong pa nyid du bsgom pa'i cho ga 'dis so/ /ci zhig stong par bya zhe na/ gzhan gsal dang zhes bya ba
 la sogs pa la gzhan zhes bya ba ni ri bo lhun po la sogs pa'o/ /gsal zhes bya ba ni mtho ris kyi 'jig rten no/ /gzhan gyi gzugs zhes bya ba ni gzugs kyi khams la sogs pa'o/ /dbu ma rnams zhes bya ba ni
 par la gnas pa rnams so/ /de 'og rnal 'byor bskyed par bya zhes bya ba ni/ de ltar 'gro ba thams cad stong pa nyid du bsgoms kyi 'og tu lha'i ting nge 'dzin bskyed par bya'o/ /de ltar stong pa nyid bsgom pa la yon tan ci
 yod ce na/ ye shes zhes bya ba la sogs pa smos te/ ye shes la sogs sems kyis ni/ /sems ni myur du thar bar 'gyur zhes bya bar sbyar ro/ /de la ye shes la sogs sems zhes bya ba ni lha'i rnal
 'byor ro/ /gang zhig ces bya ba ni sgrub pa po gang zhig gis so/ /mthar bar 'gyur zhes bya ba ni tha mal pa'i 'ching ba las grol ba ste/ mtho ris dang thar pa'i dngos grub bo/ /de dag gis ni 'di skad du/ rnal 'byor pa gang zhig
 gis stong pa nyid mngon sum du byas na lha'i ting nge 'dzin gyis myur du mtho ris dang thar pa'i dngos grub thob par 'gyur ro zhes bya bar ston to/ /de nyid kyi phyir gsungs pa/ ye shes kyis ni shes bya brtag /shes bya 'gro ba brtag
 par bya zhes bya ba la ye shes ni stong pa nyid kyi ting nge 'dzin to/ /shes bya ni lha'i ting nge 'dzin to/ /brtag pa ni mnyam par sbyar ba'o/ /'gro ba ni dngos grub kyi go 'phang ngo/ /brtag pa ni bskyed pa'o/ /sngar bstan pa'i bsdus
 pa'i don nye bar bsdu ba gsungs pa/ pha dang ma ni bsad bya zhing zhes bya ba la sogs pa la/ pha zhes bya ba la sogs pa ni nga rgyal lo/ /ma ni sred pa'o/ /bram ze gtsang ma gnyis ni 'dod chags dang zhe sdang ngo/ /rgyal po ni ma
 rig pa'o/ /yul 'khor ni lus so/ /bcas pa ni dbang po rnams te/ de dang lhan cig tu 'jug pa'i phyir ro/ /bcom pa ni rnam par rtog pa rnams bshig ste snang ba med par byas pa'o/ /ye shes zhes bya ba ni mtshan ma'i ye
 shes so/ /rang bzhin zhes bya ba ni thabs kyi cha'o/ /su zhig ce na/ kun dang sbyor ba zhes bya ba ste/ mkha' 'gro ma kun dang sbyor ba'i rdo rje mkha' 'gro'o/ /ye shes 'byung ba zhes bya ba la ye shes ni mtshan ma'i ye shes so/ /'byung
 pa ni bstan pa'o/ /rim par phye ba ni gzhung gi tshogs so/ /nyi shu rtsa dgu pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u nyi shu rtsa dgu pa'i rnam par bshad pa'o// //da ni
 'chi ba'i dus kyi blo'i khyad par bzhin du skye ba len par bstan pa'i phyir ye shes zhes bya ba la sogs pa gsungs te ye shes zhes bya ba ni rnam par shes pa'o/ /khyad par ni blo'i khyad par gang dang gang gis 'gro ba khyad par
 can thob par byed pa'i khyad par ro/ /de yang ci 'dra zhe na/ ye shes thun mong byin brlabs pa ni rang grub pa'o zhes zer ro/ /bye brag gzhan ni ji lta bu zhes bya ba ni bye brag ma rtogs par rnam par shes pa bstan par mi nus
 pas bye brag gi khyad par nyid gsol ba btab pa yin no/ /sngar bstan pa bzhin du yang ci'i phyir gsol bar byed ce na/ 'di la sngar ni thos pa tsam du zad kyi/ khyad par nges par ma bzung ngo zhes bya bar dgongs so/ /
 ye shes kyi de kho na nyid kyi bye brag gsungs pa/ lci bar gyur pa sum cu yis zhes bya ba la sogs pa gsungs te/ lci bar gyur pa ni dus kyi khyad par gyi ming ngo/ /ji snyed cig ce na/ sum cu yis te dbugs rgyu ba'i grangs
 sum cu rgyu ba'o/ /dge dang sdig pa'i 'bras 'byung ba/ /zhes bya ba ni mtho ris dang ngan 'gro'i lus so/ /gang gis zhe na/ nga rgyal gyis ni byin brlabs pa'o/ /sems kyis byas pa'i las tshogs kyis zhes bya ba ste/ dge ba dang sdig
 pa'i bdag nyid kyi las kyi tshogs sems kyis byas pa ni dmigs pa'i khyad par ro/ /de ci 'dra zhe na/ nga rgyal gyis ni byin brlabs pa zhes bya ba ste/ blo'i bdag nyid kyis zhes bya ba'i bar du'o/ /de dag gis ni 'di skad du
 gang gi tshe 'chi ba'i dus la bab pa na/ lci ba'i dus su dbugs rgyu ba sum cu snyed tsam du 'og nas 'byung ba'i blo khyad par rtse gcig tu dmigs par 'gyur na/ blo'i khyad par bzhin du lha la sogs pa'i 'gro ba de dang
 dar skye bar 'gyur ro zhes bya bar ston to/ /de nyid kyi phyir gsungs pa/ bsgom par gyur pa'i rang rig pa'o/ /sems ni 'gro ba de ru 'gro zhes bya ba la bsgom par gyur pa zhes bya ba ni/ nyon mongs pa'i rkyen can gyi dmigs pa'i khyad par gyi
 las kyis bsgom pa'o/ /rang rig ces bya ba rang gi bsam pas 'gro ba'o/ /'gro ba de ru zhes bya ba ni lha la sogs pa'i 'gro ba khyad par can du'o/ /gal te rang rig pa'i rang dags 'gro ba yin na/ ngan 'gro'i 'gro ba med pa la sogs
 pa shin tu thal ches par 'gyur ro zhe na/ srid pa'i zhags pas rtag 'jigs pa/ /de yi 'gro ba mi mthong ngo zhes bya ba gsungs te/ srid pa'i zhags pa zhes bya ba ni lcags sgrog lta bu'i rnam pa lci ba'i dus kyi 'og tu nam mkha' las
 'phyang bar snang bar 'gyur ro zhes man ngag las shes par bya'o/ /rtag 'jigs pa zhes bya ba ni des blo dman pa rnams kyi rnam shes dkrug cing brgyal bar gyur pas so/ /de'i 'gro ba mi mthong ngo zhes bya ba ni bde 'gro la sogs pa'i
 dmigs pa mi dran cing mtshams sbyor bar mi nus pa'o/ /yang na man ngag dang bral ba ni mi mthong ba'o/ /de dag gi don ni 'di yin te/ nye ba'i skye ba'i las kyi bag chags kyi mtshams sbyor ba ni 'chi ka ma'i sems kyi khyad par yin la/ de yang srid pa'i
 zhags pa mthong ba sems dkrugs shing myos na/ rang dga' de blo dman pa kha cig la ji ltar skye bar 'gyur/ rang bzhin blo brtan pa kha cig la skyer rung yang bla ma'i gdams ngag dang bral ba yin no/ /'du shes rnam pa lnga zhes bya
 ba ni lha'i lus la sogs par dmigs pa'o/ /lta ba lnga yis pha rol 'gro zhes bya ba la lta ba ni bsod nams la sogs pa'i blo'i khyad par te nga rgyal lo/ /de nyid gsungs pa/ lha ye shes gsang bar ston zhes bya ba la sogs pa ste/ gsang
 ba ni bsod nams kyi blo'o/ /ston pa ni lta ba'o/ /lha ni des lhar skye ba ste/ gang gi 'chi ka'i sems bsod nams kyi rang bzhin gyi blo'i khyad par gnas pa de ltar skye bar 'gyur zhes bya ba'i don to/ /gzhan du yang de ltar blta bar bya'o/ /khro ba
 zhes bya ba ni khro bo'i nga rgyal lo/ /gzhan pa zhes bya ba ni zhum zhing ser sna'i nga rgyal lo/ /'jigs pas gnon zhes bya ba ni khro ba dang skrag pa'i nga rgyal lo/ /blun pa zhes bya ba ni rmongs shing dman pa'i nga rgyal lo/ /sems med pa zhes
 bya ba ni shin tu yang blun pa'o/ /brtan pa zhes bya ba ni g.yos pa ste/ chu dang me la sogs pa'i srog chags shin tu phra zhing gzung du med pas skye ba'o/ /rgyu'i ye shes rnam pa lnga zhes bya ba ni/ brtan pa ma gtogs pa sngar bshad pa rnam
 pa lnga'o/ /da ni de kho na nyid bstan par bya ba'i phyir/ glen dang zhes bya ba la sogs pa gsungs te/ glen pa zhes bya ba ni blo dman pa'o/ /bsgrib pas zhes bya ba ni sman la sogs pas shes pa nyams pa'o/ /lkugs pa ni smra bar mi
 nus pa'o/ /byis pa ni shad ma phye ba'o/ /shes 'dod shes pa can zhes bya ba ni log pa'i ngag can rnams so/ /sems can yongs su ma smin dang zhes bya ba ni bsod nams dang sdig pa'i rang bzhin mi shes pa'o/ /bla ma'i lam ni sun 'byin
 pa zhes bya ba ni/ bde bar gshegs pa'i gsung rab la zhe sdang ba'o/ /yang na thabs dang shes rab kyi lam la smod pa'o/ /de dag kun gyis mi shes te zhes bya ba ni/ de dag ni rmongs pa ste brtan pa ltar yang dag pa'i sems med pa'i
 phyir ro/ /ci zhig mi shes zhe na/ gsang chen sangs rgyas spyod yul te/ nyan thos la sogs pa'i yul las shin tu ring bar song ba'i phyir ro/ /de nyid mi shes nas ye shes zhes bya ba la sogs
 pas zhus pa yin no/ /ye shes de nyid bye brag dag ces bya ba ni lan te/ lhan cig skyes pa'i ye shes te/ de nyid ni dngos po thams cad kyi de kho na nyid do/ /'o na ci'i phyir 'khor zhe na/ las zhes bya ba la sogs pa gsungs
 te/ lhan cig skyes pa yin yang rmongs pa zil gyis mnan nas gnyis su mngon par zhen par byas pa'i las kyis sprul zhing bskyed pa'i phyir ro/ /gang las she na/ ye shes bye brag las te lhan cig skyes pa las so/ /
 dman dang rab dman dman pa can zhes bya ba la sogs pas ni/ las kyi sprul pa'i khyad par te/ dman pa ni yi dags bkren pa'o/ /rab tu dman pa ni 'dre rnams so/ /dman pa can ni ngar snabs za ba la sogs pa'o//
 grub pa po zhes bya ba ni lha rnams so/ /gsang ba zhes bya ba ni mi snang bar rgyu ba'i gnod sbyin gyi khyad par ro/ /yi dags zhes bya ba ni yi dags khyad par can no/ /gsal ba'i gzugs su mngon par brjod pa zhes bya ba ni gzugs
 na spyod pa la sogs pa'o/ /phra mo zhes bya ba ni chu la sogs pa'i skye bo phra mo rnams so/ /sgo nga las byung ba ni sgo nga las skyes pa'o/ /chu dang zhes bya ba nas brag la sogs zhes bya ba'i bar du brtan pa rnams ni chu la
 sogs pa'i rang bzhin gyi skye bo phra mo gzung bar mi nus pa rnams so/ /thabs ye shes byin gyis brlabs zhes bya ba ni gnyis su mngon par zhen pa'i las kyi dbang gis lhan cig skye ba'i ye shes nyid las skyes shing sprul pa'o//
 snang ba thams cad de nyid kyi/ /ye shes med na skye mi 'gyur/ /zhes bya ba ni skye gnas bzhis bsdus pa'i skye bo thams cad rang rang gi rang rig pa'i ye shes myong ba la skyes pa'o/ /yang na brtan pa dang g.yo ba'i 'gro ba thams cad rang gi
 ye shes tsam gyi snang ba yin te/ gzhan du na snang bar mi 'gyur snyam du dgongs pa yin no/ /des ni ye shes kyi de kho na nyid gsal bar mdzad pa yin no/ /de ltar 'khor ba las 'dren par byed pa ni gsang sngags kyi theg pa nyid yin
 par bstan pa'i phyir/ skye ba bye ba zhes bya ba la sogs pa gsungs te/ sangs rgyas kyi ye shes zhes bya ba ni gsang sngags kyi theg pa'i lam mo/ /yang na gsang sngags kyi theg pa la dad pa ni skye ba mang por sangs rgyas kyi byin gyis
 brlabs shing dge ba'i rtsa ba smin pa la skye'i gzhan du ni ma yin no zhes rnyed par dka' bar ston to/ /rnal 'byor bstan bcos mtshan ma yis zhes bya ba ni sngags kyi tshul mos pas so/ /phyi rol bstan bcos skra sun dbyung zhes bya ba
 ni sgra la sogs pa la ltos pa'i phyi rol gyi bstan bcos spang ba'o/ /lhag ma ni go sla'o/ /rdo rje sems dpa' i zhes bya ba la sogs pa la/ rdo rje sems dpa' ni mi phyed pa'i shes pa'o/ /rnam par 'phrul pa ni de las 'gro ba sna tshogs su
 snang ba'o/ /'byung ba ni bstan pa'o/ /rim par phye ba ni don de'i gzhung gi tshogs te sum cu pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u sum cu pa'i rnam par bshad pa'o// //
 da ni gnyis su med pa'i ye shes kyi rang bzhin dang/ shes rab kyi pha rol tu phyin pa'i sgra'i rang bzhin rnam par dag pa'i rdo rje dang dril bu rnal 'byor pas gzung bar bya ba'i phyir de'i tshad dang mtshan nyid ston pa'i le'u gsungs pa/
 de nas zhes bya ba la sogs pa ste/ de nas zhes bya ba ni ye shes kyi de kho na nyid bstan pa'i 'og tu'o/ /rdo rje sems sogs lha rnams su zhes bya ba ni/ rtse mo la sogs pa rdo rje sems dpa' la sogs
 pa lha'i rnam par dag pa so so'i nges pa'o/ /rdo rje dag ni thams cad kyi zhes bya ba ni zhi ba sogs pa'i las rnams dang 'brel pa'i rdo rje'i khyad par rnams so/ /legs par brdung zhes bya ba ni mtshan nyid dang ldan par ro/ /kun gyis
 shin tu brgyan pa zhes bya ba ni chu srin gyi kha la sogs pa'i rgyan thams cad kyis brgyan pa'o/ /yang ni shing la sogs pa las byas pa yin na/ tshon rtsis kha bsgyur ba'o/ /cha gsum du ni bzung nas su zhes bya ba ni rwa gnyis
 dang lte ba'i srid kyi cha gsum mnyam por bya ba'o/ /cha brgyad ske rags kyis ni brgyan zhes bya ba la cha brgyad ni yan lag 'byes pa'o/ /ska rags zhes bya ba ni rtse mo'i 'og na zla ba'i dkyil 'khor gyi steng du ska rags kyis bskor
 bar bya ste kha khyer zhes bya bar grags pa'o/ /yang na cha gsum zhes bya ba ni cha gsum pa ste dbus kyi lte ba'o/ /ska rags ni de la ri mo gnyis kyis bskor ba ste/ 'dir ba'i sgra mi mngon pa yin no/ /phyogs la sogs pa ji
 bzhin du zhes bya ba la shar la sogs pa'i phyogs na gnas pa'i lha rnams kyi rang rang gi phyogs ji lta ba bzhin du'o/ /dbu ma nyid dang sangs rgyas dgu zhes bya ba ni/ dbus kyi rdo rje 'dzin pa dang lha dgu ste/ de rnams kyi so
 sor rtse mo dgu pa la byin gyis brlabs par bya'o zhes bya bar sbyar ro/ /de la shar la sogs pa'i phyogs rnams su/ sa'i snying po dang phyag na rdo rje dang/ nam mkha' i snying po dang/ 'jig rten dbang phyug dang/ sgrib pa rnam par
 sel ba dang/ kun tu bzang po dang/ 'jam dpal dang/ byams pa rnams blta bar bya'o/ /de nyid kyi phyir gsungs pa/ rtse mo dgu ni zhes bya ba la sogs pa gsungs te/ rtse mo dgu lha dgus so sor byin gyis brlabs par
 bya'o zhes bya ba'i don to/ /chu srin las ni 'byung ba yis/ /rtse mo pad+ma zla bar gnas/ /zhes bya ba ni pad+ma 'dab ma brgyad pa'i steng du zla ba'i dkyil 'khor las byung ba'i rtse mo rnams chu srin kha nas 'byung bar bya'o zhes bya ba'i don to/
 rtse dgu zhes bya ba ni ngos re re zhing ngo/ /dbu ma ring po nyid kyis su/ /cha gsum gyi ni chad dag bya/ /zhes bya ba ni/ sngar cha gsum du ni gzung bar bya/ zhes bya ba'i bshad pa yin te/ rdo rje'i rwa dbu ma rwa gzhan pas cung zad ring ba de'i
 tshad kyi cha gsum yin gyi/ rwa gzhan gyis ma yin no zhes bya ba'i don to/ /'di ni thun mong tshad yin no zhes bya ba ni cha mnyam po gsum du bgo ba 'di ni rdo rje thams cad kyi tshad yin gyi/ rtse dgu pa 'ba' zhig gi ma yin
 pa'o/ /yang rdo rje thams cad kyi thun mong gi mtshan nyid gsungs pa/ kun gyi rtse mo dbu ma zlum zhes bya ba la sogs pa la/ rtse dgu pa la sogs pa kun gyi rtse mo ste rwa dbu ma zlum por bya'o/ /tha ma'i rwa rnams ni man ngag las gru
 bzhi par zhes par bya'o/ /phyogs sogs rtse mo 'dus pas gnas zhes bya ba la sogs pa'i rwa rnams kyi rtse mo bkug nas rwa dbu ma la 'dud par bya'o/ /dbus ni zur brgyad dag tu bya zhes bya ba ni rdo rje dbu ma'i cha lte ba gang yin pa de
 ni cha brgyad par bya ba'o/ cha brgyad pa de ci 'dra zhe na/ rin chen ma rak+ta ltar/ de ni cung zad zur brgyad bya/ /zhes bya ba smos te go sla'o/ /kha cig ni tshig rkang tha ma de gnyis kun gyi rtse mo dbu ma zlum zhes bya ba'i bshad pa yin par
 'dod do/ /steng dang 'og dang dbus dag ni/ /so sor cha ni gsum gsum 'dod/ /ces bya ba la/ steng dang 'og dang dbus zhes bya ba ni sngar cha gsum du gzung zhing bshad pa'o/ /so sor cha ni gsum
 gsum 'dod/ /ces bya ba ni de re re zhing yang cha gsum gsum du bgos la/ dbu ma'i dbu ma zur brgyad par bya ba'i cha gnyis po ni ma yin no/ /de nyid kyis na dbus kyi cha'i tshad ldan pa zhes bya ba la sogs pa gsungs/ /de  
 bzhin du rwa gnyis kyi yang so sor dbu ma gnyis cung zad sbom par byas la/ tha ma cha gnyis ni phra bar bya'o zhes bya ba ni lhag ma'o/ /yang na so sor zhes bya ba ni chung ngu la sogs pa'i dbye ba kun la so sor lhag ma ni sngar
 bshad pa bzhin sbyar bar bya'o/ /steng gi pad+ma zla ba ni/ /drug cha kun nas zlum por bya/ /zhes bya ba la drug cha zhes bya ba ni 'og nas bshad par bya'o/ /kun nas zlum por bya zhes bya ba ni/ zla ba'i steng gi kha khyar te de'i tshad drug
 char bya ba'o/ /de dag la ni seng+ge'i sna/ /nas phyed tsam du mthong bar bya/ /zhes bya ba la de dag la zhes bya ba ni zla ba las byung skyes pa'o/ /seng+ge'i sna zhes bya ba chu srin gyi sna'o/ /de nas phyed tsam zhes bya ba ni rdo rje'i rwa las
 phyir 'phags pa'i tshad do/ /da ni sngar thal ba'i drug cha bstan pa'i phyir/ mche ba yis ni mthar gnas pa/ /de'i drug cha zhes byar grags zhes bya ba smos te/ rdo rje'i rwa'i cha gang chu srin gyi kha nas byung ba'i mdza' nang du zhum pa
 de'i drug char shes par bya'o/ /de dag ni thun mong gi tshad dang mtshan nyid do/ /da ni rtse dgu pa'i tshad nye bar bsdu ba bstan pa'i phyir/ cha ni nyi shu rtsa bdun la/ /so so ru ni dgu dgur 'dod/ /ces bya ba gsungs te/ de la cha ni nyi shu rtsa bdun  
 la zhes bya ba ni/ sngar cha dgur bgos pa de re re zhing yang gsum gsum du bya'o/ /zhes bya ba'i don to/ /des ci zhig bya zhe na/ rwa so so'i cha drug drug por brtse mo'i cha gsum gsum po rim gyis phra bar bya'o zhes bya ba ni man ngag go so so ru ni
 dgu dgur 'dod ces bya ba ni/ des gnyis ka'i rtse mo dgu dgu bco brgyad du bya ba'o/ /cha gsum bla ma'i mdza' ma ni zhes bya ba 'di ni yang thun mong gi mtshan nyid ston pa yin te/ rtse mo re re zhing yang cha dgu dgur bgos pa'i rtse mo'i ngos kyi
 cha gsum ni bla ma'i mdza' ma ste/ rim gyis phra bar bya'o zhes bya ba lhag ma yin no/ /de nyid kyi phyir steng gi cha gnyis spangs nas ni zhes bya ba gsungs te/ steng gi rwa rnams so/ /cha gnyis ni lte ba dang 'brel ba'i cha drug go /dbus kyi mdza' yang
 de bzhin no zhes bya ba ni/ rwa dbu ma zlum po'i rtse mo yang de dang 'dra bar blta bar bya'o/ /'dab ma po ni gang gnas pa'i/ /chu srin cha gcig nyid yin te zhes bya ba la/ 'dab ma la ni gang gnas pa zhes bya ba ni/ pad+ma'i steng gi zla ba las byung ba'i
 phyi rol gyi rwa rnams te 'dab ma'i cha la gnas pa'i phyir ro/ /chu srin cha gcig nyid yin te zhes bya ba ni chu srin dpangs rwa de'i rtsa ba'i bzhi char bya'o/ /de'i phyed du ska rags 'dod ces bya ba ni lte ba'i ska rags so/ /rdo rje kun la blo ldan pas/ /chu dang
 zheng ni mnyam por bya zhes bya ba la rdo rje kun ni rdo rje thams cad kyi thun mong du bya'o/ /zheng zhes bya ba ni rwa gnyis kyi cha kun nas bskor ba ste/ de dang chur mnyam por bya ba'o/ /blo ldan ni shes rab dang ldan pa'o/ /de nas zhes bya ba la sogs pa la/
 cha la sogs pa sngon du ni/ /ji ltar bstan bzhin ldan par bya zhes bya ba ni/ rgyud 'di nyid kyi sngar bstan pa dang gzhan dag tu bstan pa yang bsdu bar bya'o/ /de la rdo rje kun gyi tshad ni 'dir gsal por ma gsungs te/ 'og nas dril bu'i tshad sor
 drug nas sor nyi shu'i bar du bstan pa nyid kyis rdo rje'i tshad kyang shes par bya'o/ /kha cig ni ji ltar 'dod pa bzhin du bya'o zhes zer ro/ /dam tshig rdo rje zhes bya ba la dam tshig ni de bzhin gshegs pa lnga'o/ /de
 dang grangs mnyam pa'i rdo rje gang la yod pa de la de skad ces bya'o/ /de nyid kyi phyir gsungs pa/ kun gyi dbus su rnam par snang ste zhes bya ba la sogs pa la/ steng gi cha'i rA rnam pa lnga de bzhin gshegs pa lngas sbyang ba bstan pa yin te go sla'o/
 'og gi cha'i rwa lnga ni 'og nas bshad bar bya'o/ rA dgu pa la yang ye shes lnga rnam par dag pa de bzhin gshegs pa lnga'i rang bzhin du don gyis shes par bya'o/ /pad+ma zhes bya ba la sogs pa la/ sa shes bya ba ni rab tu dga' ba la
 sogs pa'i sa brgyad de/ /gnod sbyin bdag ces bya ba ni phyag na rdo rje'o/ /lhag ma ni go sla'o/ /dbus su zhes bya ba ni lte ba la'o/ /ye shes sems dpa' zhes bya ba ni rdo rje sems dpa' o/ /bcu gsum zhes bya ba ni sum cu pa'i lha rnams
 te/ da dag kyang 'dir thim par bsgom par bya'o/ /gzhan yang 'dab brgyad ces bya ba la sogs pas ni/ 'og gi cha'i pad+ma'i 'dab ma dang rdo rje'i rtse mo rnams sbyar ba ston pa yin te/ de nyid kyi phyir gsungs pa/ rdo rje lcags kyu zhes bya
 ba la sogs pa ste go sla'o/ /rtse mo rnams kyi gsungs pa rtse mo dag ni rnam pa lnga zhes bya ba la sogs pa ste/ de dag gi don yang gsal lo/ /dbus su ye shes mkha' 'gro ma zhes bya ba ni/ rwa dbus ma ye shes mkha' 'gro mas
 byin gyis brlabs pa'o/ /rtse dgu pa'i phyogs la yang 'og gi rwa rnams phung po lnga dag pa'i rang bzhin du sbyar bar bya'o/ /dam tshig rdo rje bsgom par bya zhes bya ba la/ mi 'da' ba' i don gyis na dam tshig ste/ ci zhig ce na/ rdo rje ste
 rdo rje 'dzin pa chen po nyid do/ /bsgom pa ni der lhag par mos par bya'o/ /rnam pa gzhan du gsungs pa/ 'dug pa rdo rje rtse gsum ste/ /zhes bya ba la sogs pa ste go sla'o/ /lhag ma nges par 'dul byed pa/ /zhes bya ba lhag ma zhes bya ba ni yang
 rtse gsum pa'i nges par 'dul ba zhes bya ba ni lha ma yin 'joms pa ste de ni de'i phyir bya ba'o/ /zhi la zhi ba'i lha nyid de zhes bya ba la zhi ba ni drag po'i rdo rje gdengs po las ltos nas kha zum pa'i rdo rje'o/ /zhi ba'i lha nyid ces bya ba ni zhi
 ba'i lha'i bsgrub pa'o/ /rigs kyi rim pa'i cho gas dbye zhes bya ba ni/ zhi ba dang khro ba la sogs pa'i lha'i dbye bas rdo rje'i khyad par gyis so sor bsgrub na/ bya ba thams cad ces bya ba zhi ba la sogs pa'i las byed pa ste/ 'grub
 par 'gyur zhes bya ba'i don to/ /da ni rgyan gyi mtshan nyid kyi rdo rje gsungs pa de nas zhes bya ba la sogs pa la/ cha zhes bya ba ni sor mo'o/ /lhag ma ni go sla bas ma phye'o/ /de ltar rdo rje'i de kho na nyid bstan nas/ de ni dril bu'i mtshan
 gsungs pa/ de nas zhes bya ba la sogs pa la/ dbus kyi khog ba zhes bya ba ni nang gi bu ga ste yangs par bya zhes bya ba ni lhag ma yin no/ /des car 'gyur zhe na/ zab pa zhes bya ba gsungs te/ sgra snyan cing zab la ring bar 'gyur
 ba'o/ /thams cad dga' byed bcud kyis gnas zhes bya ba ni/ thams cad du dga' ba bskyed par bya ba'o/ /gzhung kha cig las thams cad du ni dga' ba'i mchog ces 'byung ste/ de'i don yang 'di nyid yin par blta bar bya'o/ /pad+ma zhes
 bya ba la sogs pas ni rtse mo dgu pa'i dril bu'i mtshan nyid bstan pa yin te/ dril bu'i khog pa'i steng na shes rab kyi zhal gnas pa'i 'og gi nye 'khor du pad+ma 'dab ma brgyad pa byas la/ der lha mo brgyad bsam par bya'o zhes bya ba'i
 don to/ /de'i steng du zhes bya ba ni pad+ma 'dab ma brgyad pa'i steng du'o/ /lha mo zhes bya ba ni bsam par bya ba dang 'brel to/ /ci las she na/ sa bon brgyad las te tam la sogs pa'i sa bon brgyad bkod
 pa las so/ /de nyid kyi phyir gsungs pa/ shar phyogs zhes bya ba la sogs pa la/ mdog mdzes zhes bya ba ni lha mo nor rgyun ma'o/ /sbrang rtsi zhes bya ba ni skul byed ma'o/ /yid 'ong ma zhes bya ba ni khro gnyer ma'o/ /rin chen 'khyil ma
 zhes bya ba ni/ don ji lta ba bzhin gyi ming ngo/ /nam mkha' i phyogs zhes bya ba ni snying po la bya'i/ nam mkha' nyid ni ma yin no/ /gzugs rdzogs bskor bas yang dag gnas zhes bya ba ni ye shes bdud rtsi'i bum pa'i rtsa bar ri mo gsum gyis
 bskor ba'o/ /pad+ma rgyas pa lta bu'i dbyibs zhes bya ba ni khog pa'i dbyibs so/ /gzugs med srid pa'i phyogs su ni zhes bya ba ni pad+ma 'dab ma brgyad dang ri mo gsum gyi steng gi dbyig pa'i rtsa ba'i cha'o/ /de ci 'dra zhe na/ ye shes bdud
 rtsi'i bum pa 'dra zhes bya ba ste/ bdud rtsi'i bum pa'i dbyibs lta bu'o/ /shes rab bdud rtsi'i gnas yin te zhes bya ba la shes rab dang ye shes nyid bdud rtsi ste de'i gnas dang rten du gyur pa'o/ /des na bum pa'i steng du shes rab kyi zhal
 dbyung ngo zhes bya bar ston to/ /de nyid kyi phyir gsungs pa/ de'i dbus kyi bstan la ni zhes bya ba gsungs te/ shes rab kyi zhal bri'o zhes bya ba lhag ma yin no/ /de ni 'og nas ston mod kyi 'dir smos pa ni tshogs med par bya ba'i phyir ro/ /
 dbugs kyi dbyug pa zhes bya ba ni dril bu'i lce dang steng gi dbyug pa gnyis ka gzung bar bya ba'o/ /ye shes te zhes bya ba gnyis su med pa'i ye shes kyi rang bzhin du grags pa'o/ /oM ltar mchog ni stsol bar grub zhes bya ba ni/ de lta bu'i dril bu de
 oM ltar bkra shis par byed pa'i phyir ro/ /ye shes rdo rje zhes bya ba ni rdo rje 'dzin chen po'o/ /de bzhin no zhes bya ba ni rtse dgu pa'i dril bu ni rdo rje 'dzin pa ste/ rdo rje 'dzin ma zhes bya ba'i bar du'o/ /bdud rtsi'i gnas kyi dbus su ni/ /lha mo yi ni zhal
 gcig bri/ /shes rab pha rol phyin ma'o zhes bya ba la/ bdud rtsi'i gnas ni bum pa'o/ /gcig ni gnyis su med pa ste/ 'dis ni chos thams cad shes rab kyi pha rol tu phyin pa'i sgo las byung zhes bya bar ston to/ /gzugs mdzes bskor
 bas yang dag gnas zhes bya ba ni/ snga ma ltar shes rab kyi steng du ska rags kyis bskor bas mdzes par bya'o zhes bya ba'i don to/ /steng gi pad+ma dang rdo rje ni zhes bya ba ni de'i steng du pad+ma dang zla ba dang rdo rje rtse mo rnams snga
 ma ltar bya ba'o/ /snga ma bzhin du bsam par bya zhes bya ba ni de dag lha rnams kyis sbyang ba sngar bstan pa bzhin du bya ba'o/ /dbus kyi ye shes dbyug pa ste/ cha brgyad kyis ni mdzes par bya zhes bya ba ni/ rtse mo dgu par bya ba'o/ /yang na dbus
 kyi rtse mo zlum po cha brgyad du bya ba'o/ /da ni rdo rje mkha' 'gro'i dril bu gsungs te/ de nas dpa' bo zhes bya ba la sogs pa gsungs te go sla'o/ /da ni de bzhin gshegs pa'i dril bu'i mtshan nyid bshad par bya ba ni/ rnam par snang mdzad la sogs pa'i rigs lnga'i bdag nyid can gyi dril bu'o/ /'khar ba las byung zhes bya ba ni thun mong du blta bar bya'o/ /de nyid kyis na kun la 'khar ba 'am yang na lcags ku gsum las byung dril bu ste zhes bya ba smos so/ /da ni dril bu'i tshad du
 gsungs pa sor brgyad ces bya ba la sogs pa ste/ sor lnga man chad spang bar bya ba ni sor drug las chung bar mi bya'o zhes bya ba'i don to/ /kha yang cho ga'i rim pa bzhin zhes bya ba ni/ dkyus dang zhing gi tshad rjes su mthun par bya ba'o/ /de nyid 
 kyis ni rdo rje'i tshad kyang shes par bya'o/ /lhag ma ni go sla bas rnam par phye'o/ /rdo rje dril bu'i mtshan nyid dang zhes bya ba la sogs pa la mtshan nyid ni pad+ma dang zla ba la sogs pa dang ldan pa'o/ /tshad ni cha
 gsum dang sor nyi shu la sogs pa dang ldan pa'o/ /cho ga ni gsal bar byas pa'o/ /rim par phye ba ni gzhung gi tshogs te sum cu rtsa gcig pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u
 sum cu gcig pa'i rnam par bshad pa'o// //de lta bu'i rdo rje dang dril bu rdo rje slob dpon gyis gzung bar bya ba yin pas de'i mtshan nyid ston par byed pa'i le'u gsungs pa/ rdo rje slob dpon mtshan nyid ni zhes
 bya ba la sogs pa la/ rdo rje zhes bya ba ni gnyis su med pa'i ye shes te mi phyed pa'i phyir ro/ /der gnyis su med pa'i ye shes rnam par dag pa'i rdo rje dang dril bus spyod pas na slob dpon no/ /mtshan nyid ni slob dpon du 'os pa'i rang bzhin no/ /
 de gang zhe na/ dul zhing zhes bya ba la sogs pa la dul ba zhes bya ba ni dbang po dul ba'o/ /cha lugs mdzes pa zhes bya ba ni rjes su 'chem pa'i spyod pa dang ldan pa ste/ gnas skabs gang du gang gis dul bar 'gyur ba'i spyod pa rjes su 'jug
 pa'o/ /sems can kun la mi 'jigs sbyin zhes bya ba ni byams pa bsgom par byed pa'o/ /sngags dang rgyud kyi sbyor ba zhes bya ba la sngags ni rkang pa brgyad pa la sogs pa'o/ /rgyud ni sman rnams so/ /sbyor ba ni bya ba'o/ /shes pa ni
 mkhas pa'o/ /rnal 'byor bzo'i cha la mkhas zhes bya ba ni dkyil 'khor 'bri ba la sogs pa'i bya ba la bzo ba'o/ /thams cad du ni 'jam por smra zhes bya ba ni/ dgra dang zun dang bar rnams la 'jam pa ste mnyen par smra ba'o/ /
 sems can kun la bu bzhin blta zhes bya ba ni/ ji ltar bu rnams la pha rim gro byed pa ltar sems can thams cad la rim gro byed pa 'am/ yang na sems can thams cad la bu ltar sdug bar blta ba'o/ /bsam gtan sbyor ba
 la mngon par brtson zhes bya ba ni/ thabs dang shes rab nye bar sbyor ba'i ting nge 'dzin la yang dang yang du nan tan byed pa'o/ /rtag tu mnyam pa'i sems bskyed pa zhes bya ba ni btang snyoms tshad med pa dang ldan par ston pa'o/ /sems can
 rnams kyi mgon skyabs te zhes bya ba ni sdug bsngal las 'dren pa'i lam ston pa'i phyir ro/ /sems can bsam pa'i bye brag mkhas zhes bya ba ni bya ba cung zad tsam gyis so so'i bsam pa'i khyad par rtogs par nus pa de bag rno ba'o//
 mgon med rnams la gnyen ltar brtse zhes bya ba ni sems can dman zhing sdug bsngal gyis gtsos pa rnams la lhag par yang brtse ba'o/ /de ltar gsungs pa/ bu ni nad pa gang yin la/ /mi na lhag par gdung bar 'gyur/ /de bzhin
 sems can dman pa la/ /byang chub sems dpa' lhag par brtse zhes so/ /mdza' sdug gis ni legs par blta zhes bya ba la/ sems can rnams la phan 'dogs pa'i bsam pas mthun zhing 'jam par blta ba de ni mdza' sdug gis
 blta ba ste/ de nyid legs pa ste dge ba yin no/ /sngags kyi tshul la shin tu goms zhes bya ba ni gsang sngags kyi lam gyi man ngag rnams la thogs pa med pa'o/ /dam tshig spyod la rab tu gus zhes bya ba ni sba bar bya ba rnams sped
 pa'o/ /phyag rgya ni mtshan ma'i phyag rgya'o/ /mi phyed gnas zhes bya ba la/ phyed pa ni dman pa'o/ /de las bzlog pa ni mi phyed gnas te dge ba'i lam la mngon par spro ba'o/ /gnyis med ces bya ba ni the tshom dang bral ba'o/ /sngags kyi
 'khor lo spyod la gus zhes bya ba la/ sngags kyi 'khor lo ni lha'i dkyil 'khor gyi 'khor lo'o/ /spyod pa ni sprul pa'o/ /gus pa ni go rims la mkhas pa'o/ /dbang bskur don gyis yon tan
 'byung zhes bya ba la/ dbang bskur ba nyid goms par byas na yon tan te/ don ni de'i don du gnyer zhing len pa'o/ /'byung ba ni gnas te bla ma brgyud pa'i rim gyis dbang bskur ba'o/ /de nyid bcu ni yongs su shes zhes bya ba la/
 de nyid bcu ni dkyil 'khor dang/ ting nge 'dzin dang/ phyag rgya dang/ ka ra na dang/ 'dug stangs dang/ bzlas pa dang/ sbyin sreg dang/ mchod pa dang/ las kyi sbyor ba dang/ nye bar bsdu ba ste bya ba de dag la mkhas pa'o/ /de ltar gyur
 pa'o slob dpon gyi sku la sogs pa la ji ltar blta bar bya ba de bstan pa'i phyir/ gsol pa zhes bya ba la sogs pa smos te sangs rgyas kun zhes bya ba ni rdo rje 'dzin pa'o/ /yan lag byang chub sems dpa' ste zhes bya ba ni mig
 dang lag pa la sogs pa'i yan lag rnams sa'i snying po la sogs par blta'o/ /dgra bcom zhes bya ba ni khams gsum gyi 'dod chags dang bral ba rnams so/ /rigs lnga ni rnam par snang mdzad la sogs pa'o/ /'jig rten pa
 zhes bya ba ni tshangs pa la sogs pa'o/ /slob dpon gyi lus la de ltar yon tan thams cad kyi rang bzhin gyi skur blta bar bya ba'i phyir/ de ltar bya ba la sogs pa gsungs so/ /de ltar mtshan nyid shes par byas la/ ye shes don du gnyer
 ba'i rnal 'byor pas rtag tu bsten par bya'o zhes bstan par bya ba'i phyir/ ji ltar mtshan nyid dang ldan pa'o/ /ye shes can gyi mtshan ma shes nas/ /de lta'i bla ma 'bad de bstan zhes gsungs so/ /bla mar mi rung ba'i mtshan nyid gsungs pa/
 gang yang zhes bya ba la sogs pa la khro ba zhes bya ba ni 'phral du gnod pa byed pa la gnas te sems kyis kun nas mnar sems pa'o/ /sgyu zhes bya ba ni sdig pa mkhyud pa'o/ /dag ni shin tu rtsub dang zhes bya ba ni gzhan la gnod par 'gyur
 ba'i tshig dang ldan pa'o/ /yon tan dag gis cho ga shes pa zhes bya ba ni rigs dang nor la sogs pas dregs nas dman pa'i gnas las yon tan mthong yang mi len pa'o/ /da ni slob ma'i mtshan nyid gsungs pa/ gzhan yang zhes bya ba
 la sogs pa la/ khro dang bcas zhes bya ba ni spro thung ba dang gnod can sems pa ste zhes bya ba drin du mi gzo ba'o/ /rtog ger gus zhes bya ba ni tshad ma'i bstan bcos la gus pa'am/ 'jig rten pa'i bstan bcos don du gnyer ba'o/ /na so
 dag ni yol ba dang zhes bya ba ni lus rnying pa ste khu ba 'byin mi nus pa'o/ /zhan dang chags pas bcings pa la zhes bya ba ni zhan pa ni ser sna che ba'o/ /chags pas bcings pa ni ma ning ste de dag la bstan par mi bya ba'o/ /ci zhig ce
 na/ rin thang med pa'i rin chen te/ /de kho na nyid kyi rin po che gang la rin gyi tshad bzung med pa de la de skad ces bya ste/ gsang ba'i dbang bskur ba la sogs pa mi sbyin no zhes bya ba'i don to/ /'o na su la sbyin par bya zhe na/ snod gsungs
 pa/ gang yang zhes bya ba la sogs pa la/ nga rgyal zhes bya ba ni dregs pa ste/ gang la med pa de ni nga rgyal med pa'o/ /sgyu med pa ni sgyu spangs pa'o/ /bdag tu 'dzin pa ni bdag dang bdag gi sems rlom pa'o/ /gang la med pa de ni bdag tu
 mi 'dzin pa'o/ /de bzhin chos la mngon par dang zhes bya ba la/ chos ni dngos po rnams kyi chos nyid des shes rab kyi pha rol tu phyin pa'o/ /dad pa ni mngon par dga' ba'o/ /yang na chos ni bde bar gshegs pa'i gsungs rab bo/ /de la
 man ngag sbyin par bya zhes bya ba ni khro ba la sogs pa las bzlog cing/ nga rgyal la sogs pa med pa'i yon tan can de dag la gsang ba'i dbang bskur ba la sogs pa'i man ngag sbyin par bya'o zhes bya
 ba'i don to/ /gzhan du na ni ltung bar 'gyur zhes bya ba ni khro ba la sogs pa las bzlog cing/ nga rgyal med pa la sogs pa'i yon tan can la yang ser snas dpe mkhyud byas na ltung ba'i sdig par 'gyur ro zhes bya ba'i don to/ /
 slob dpon smod pa la sogs pa nyes pa chen por bstan pa'i phyir/ slob dpon zhes bya ba la sogs pa gsungs te/ slob dpon gyis gsang ba zhes bya ba ni sku la sogs pa thams cad do/ /dam tshig spyod pa zhes bya ba ni ji ltar
 'dod pa'i dam tshig nyams su len pa'o/ /lhag ma ni go sla'o/ /bla ma'i mal bstan brdzis pa la sogs pa'i skyon bstan pa'i phyir/ slob dpon gyi ni zhes bya ba la sogs pa smos te/ mal bstan zhes bya ba la mal stan te/ stan
 ni khri'u la sogs pa 'dug pa'i gnas so/ /grib ma la 'gom pa ni grib ma la rkang pas brdzi ba'o/ /co 'dri ba ni bzhad gang la sogs pas slong pa'o/ /de ni kun tu gzir 'gyur zhing zhes bya ba'i bshad pa ni don nyams dpal las
 ring du 'gyur zhes bya ba la sogs pa yin te/ don nyams dpal las ring du 'gyur zhes bya ba ni bde ba thob pa dang bral ba dang/ 'dod pa dang mi phrad pa'o/ /grib ma zhes bya ba ni bla ma'i grib ma'o/ /lhag ma ni go sla'o/ /dngos po
 rang bzhin med par ni/ /mthong bar byang chub rim pa ste/ /zhes bya ba la/ dngos po ni phung po la sogs pa'o/ /rang bzhin med pa ni ngo bo nyid med pa ste/ shes rab kyi pha rol tu phyin pa'o/ /byang chub rim pa ni byang chub par byed pa'i
 lam mo/ /rang bzhin dag pa'i chos rnams ni/ /ngo bo med las dngos mthong bas zhes bya ba ni rang gi sems kyi snang ba tsam la gzung ba dang 'dzin par mngon par zhen pa'i blos bslad pa ste/ des cir 'gyur zhe na/ de'i tshe dkar po yis ni dkar
 'gyur la/ /nag pos de bzhin 'bras nag 'byin zhes bya ba dang 'brel to/ /gzhung kha cig las rang bzhin med pa'i rang bzhin can zhes bya ba 'byung ste/ dngos po rang bzhin dang bral zhing 'od gsal ba nyid dngos po rnams kyi yang dag
 pa'i rang bzhin yin zhing/ dkar po'i las kyi lam gyi ngo bo nyid ces bya ba'i don to/ /dkar po yis zhes bya ba ni dge ba'i las kyi lam mo/ /dkar 'gyur la zhes bya ba ni bde 'gro dang byang grol gyi gnas so/ /nag pos de bzhin
 'bras nag 'byin zhes bya ba ni de las bzlog pa'o/ /de na de dag spang bar bya ste/ nag po'i las spang ba'o/ /yang na las dang 'bras bu'i rnam par rtag pa spang pa'o/ /lhag ma ni go sla'o/ /bza' ba la sogs pa'i dam tshig la spyod pa
 dang/ gtor ma la sogs pa bya ba'i dus su legs par bsdams pa bstan pa'i phyir/ dga' ba dag la spyod pa dang zhes bya ba la sogs pa gsungs te/ tshod zin zhes bya ba ni gsang ba bsrung zhing kha na ma tho ba med pas legs par
 bsdams pa'o/ /de ci'i phyir zhe na/ rnal 'byor dngos grub 'dod pa rnams/ /sems can gsang ba dngos grub 'byung/ /zhes gsungs te/ 'dis ni skye bo'i kha na ma tho ba dang bcas pas dngos grub 'grub par mi 'gyur ro zhes bya
 bar ston to/ /sngar bstan pa'i mtshan nyid can gyi slob dpon gyi slob ma gsum la skyabs su 'gro ba la sogs pa gzung ba bstan par bya ba'i phyir/ de la zhes bya ba la sogs pas gsungs te go sla'o/ /dang po bla ma'i dam tshig dang/ 'thob pa rgyu
 dang 'bras bu 'byung zhes bya ba la/ bla ma las dam tshig thob pa ni bla ma'i dam tshig thob pa ste/ 'dir lnga pa mi mngon pa yin no/ /de nyid ni rgyu ste dngos grub kyi 'bras bu 'byung ba'i rgyu'o/ /de nyid gsungs pa
 bstan dang zhes bya ba la sogs pa la/ longs spyod ces bya ba ni longs spyod rdzogs pa'i sku'o/ /mya ngan las 'das pa zhes bya ba ni sgrib pa thams cad nye bar zad pa ste/ de dag ni bstan pa dang nges par bstan pa'i brdas bshad pa'o/
 sngags rnams kyi mi man ngag gis zhes bya ba la sngags ni sngags sbyin pa'o/ /man ngag ni ting nge 'dzin sbyin pa ste/ gnyis po de'i gnas su bya ba la/ ming sogs cho ga bzhin dbang bskur zhes bya ba 'di dang sbyar te/ chu'i dbang
 bskur ba nas ming gi dbang bskur ba'i mthar thug pa bskur nas/ de'i 'og tu slob dpon gyi dbang bskur ba sbyin par bya'o/ /zhes bya bar dgongs so/ /dngos por bsgom nas su zhes bya ba ni lha'i bskur bsgom pa ste longs spyod pa dang sbyar
 ro/ /mya ngan 'das pa bstan par bya zhes bya ba ni de nyid bdag med pa dang sbyor ba ste/ nges par bstan pa dang sbyar ro/ /lhag ma ni go sla'o/ /bdag nyid lus dang gzhan gyi lus/ /bdag nyid bde mchog byang grol te/ /zhes bya ba ni/ bdag gi
 lus dang gzhan gyi lus brje bar ston pa yin te/ bdag ltar gzhan la lta ba dang/ gzhan ltar bdag la lta bas mnyam pa nyid du blta'o/ /bdag nyid bde mchog byang grol te/ /zhes bya ba ni rang gi sems yongs su rtogs pa nyid byang
 grol te byang chub yin no zhes bya ba'i don to/ /de ltar yang gsungs pa/ sems rtogs pa yis 'tshang rgya bas/ /sems nyid rdzogs pa'i byang chub yin zhes so/ /bde ba kho na sgrub par bya ba yin no zhes bstan pa'i phyir bde mchog zhes bya ba
 gsungs te/ phul du byung ba'i ngo bo nyid ces bya ba'i don to/ /bdag gi lus la ma chags shing zhes bya ba ni/ gzugs la sogs pa'i mngon par zhen pa med pa'o/ de nyid kyi phyir gsungs pa/ gzugs brnyan sogs 'dri'i lha ru rtag ces bya
 ba ste/ khyod kyis zhes bya ba nas lta ru brtag ces bya ba 'di ni dbang bskur ba'i dus su slob dpon gyis slob ma la smra bar bya'o/ /bla ma'i zhal zhes bya ba la sogs pa gzhung gang gis bla ma'i bsnyen bkur dang dam tshig sdom pa'i cho ga ston par byed
 pa de ni bla ma'i bsnyen bkur dang dam tshig dang sdom pa ston pa'i cho ga'i rim par phye ba ste sum cu rtsa gnyis pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u sum cu rtsa gnyis pa'i rnam par bshad pa'o// //
 gsang ba'i dbang bskur ba'i 'og tu sngags sbyin pa bstan pa'i phyir sngags kyi le'u gsungs pa/ de nas zhes bya ba la sogs pa ste/ de nas zhes bya ba ni bla ma'i bsnyen bkur byas pa'i 'og tu'o/ /de las zhes bya ba ni gang gi phyir zhes
 bya ba'i don to/ /gang gi phyir sngags ma byin par gsang ba'i dbang bskur yang dgos pa med pa'i phyir ro/ /lhag ma ni go sla'o/ /'di ni bcom ldan lha de nyid ces bya ba ni A li kA li'i sngags te/ de nyid lha rnams kyi rang bzhin zhes bya ba'i don
 to/ /gnas zhes bya ba ni bskyed par byed pa sa bon gyi ngo bo nyid do/ /sngags rnams thams cad skyed byed pa zhes bya ba ni sngags thams cad A li kA li las btus pa'i phyir ro/ /rgyud ces bya ba ni sgra'i bdag nyid kyi rgyur ro/ /sngags zhes bya ba la sogs
 pa la sngags kyi cho ga ni sngags rnams bstan pa'o/ /de ston pa'i gzhung ni rim par phye ba ste sum cu rtsa gsum pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u sum cu rtsa gsum pa'i rnam par bshad
 pa'o// //gsang ba'i dbang bskur ba'i 'og tu shes rab dang bzhi pa sbyin pa'i phyir de ston par byed pa'i le'u gsungs pa/ de nas zhes bya ba la sogs pa la/ de nas zhes bya ba ni sngags kyi tshogs bstan pa'i
 'og tu'o/ /de la zhes bya ba ni/ gang gi phyir zhes bya ba'i don te/ gang gi phyir gsang ba'i dbang bskur ba'i 'og tu shes rab la sogs pa'i dbang bskur bar bya ba yin pa'i phyir ro/ /rgyud du sbas pa nges par bya zhes bya ba la/ nges par bya zhes bya ba
 ni lhan cig skyes pa ste/ ma lus par bsdus nas thob pa'i phyir ro/ /yang na lhan cig skyes pa 'dis bzhi pa gtan la phab pa'i phyir ces par bya ba ste bshad par bya zhes bya ba dang sbyar ro/ /rgyud du sbas zhes bya ba ni rgyud thams cad du grub pa'o/ /de nyid
 gsungs pa de nas zhes bya ba la sogs pa las/ de nas zhes bya ba ni lhan cig skyes pa rtogs kyi 'og tu'o/ /thams cad chos 'byung bar zhes bya ba dang/ bri zhes bya bar 'brel te/ bri zhes bya ba ni myang bar bya zhes bya ba'i don to/ /de la thams cad
 chos zhes bya ba ni a la sogs pa dang/ ka la sogs pa'i yi ge rnams te/ de dag las gang byung ba ni thams cad tshes 'byung ba ste byang chub kyi sems so/ /'dir chos las shes par blta bar bya'o/ /gang du zhe na/ sna tshogs lte bar mi shigs
 dge zhes bya ba la sna tshogs ni gzugs sna tshogs kyi dkyil 'khor ro/ /lte ba ni de'i gnas te/ der lhan cig skyes pa nyams su myong ba'i 'og tu lce yi myang bar bya zhes bya ba'i don to/ /mi shigs dge zhes bya ba la shigs pa na khong du chud pa'o//
 de las bzlog pas na mi shigs pa ste/ so so skye bo'i yul ma yin pa'i phyir ro/ /de nyid bsten pa yin zhing zhi ba'i ngang tshul can yin pa'i phyir dge ba'o/ /bri zhes bya ba ni lces myang bar bya ba de nyid ji ltar bya ba dang/ bzhi pa gsal bar bya
 pa'i phyir/ cho ga bzhin du zhes bya ba la sogs pa gsungs te/ cho ga bzhin du zhes bya ba ni spyad pa'i cho gas so/ /sngags zhes bya ba ni thabs dang shes rab kyi bdag nyid kyi phyir te/ des ni byang chub kyi sems nyid dkyil 'khor dang sngags la sogs
 pa'i rang bzhin du bstan to/ /chos kun gcig tu bsdu bar bya zhes bya ba la/ chos kun ni phung po dang kun nas nyon mongs pa la sogs pa ste/ de dag rnal 'byor pas lhan cig skyes pa'i nyams su myong ba'i dus su ro gcig tu bsdu bar bya zhes bya ba'i
 don to/ /A li kA li mnyam byas nas/ sde tshan la ni thim par bya zhes bya ba la/ A li kA li ni yi ge'i tshogs rnams te/ de dag gi sde tshan rnams mnyam zhing ma lus pa'i khu ba'i gzugs su thim par gyur pa de la de skad ces bya'o/ /de dag
 gis ni lhan cig skyes pa gsal bar bstan to/ /dor gnas pa las dpa' bo ni/ /'dod pa'i don kun sgrub byed btu/ /zhes bya ba la der gnas pa zhes bya ba ni chos kyi 'byung gnas la gnas pa'o/ dpa' bo zhes bya ba ni byang chub kyi sems te/ rnam
 par rtog pa'i dgra las rgyal ba'i phyir ro/ /btu zhes bya ba ni gnas de nas lce nyid kyis blang bar bya yis nya phyis la sogs pas ni ma yin te/ des ni rnal 'byor pa'i 'dod pa'i don thams cad 'grub par 'gyur bas de skad ces bya'o/ /kha cig na re
 'di yang lhan cig skyes pa nyid kyi khyad par yin te/ de la dpa' bo zhes bya ba ni lhan cig skyes pa'o/ /der gnas pa zhes bya ba ni byang chub kyi sems la gnas pa'o/ /'dod pa'i don kun sgrub byed pa zhes bya ba ni rgyud thams cad kyi don to/ /btu ba ni
 rtogs pa'o/ /lhag ma ni snga ma bzhin no zhes zer ro/ /ye shes zhes bya ba ni chos kyi sku'o/ /longs spyod ces bya ba ni longs spyod rdzogs pa'i sku'o/ /sprul pa yang sprul pa'i sku ste/ thob 'gyur gdon mi za zhes bya ba ni bzhi pa'i sbyor ba des sku gsum po
 nges par thob par 'gyur ba'o/ /de nyid kyi phyir gsungs pa/ 'og dang steng grub rtag tu ster zhes bya ba la 'og ni shes rab bo/ /steng ni thabs so/ /de dag gis grub pa ni sangs rgyas kyi mtshan nyid kyi lha'o/ /ster ba ni grub
 pa po/ /shes rab kyi dbang bskur ba gsungs pa/ bdag gi pho nya mo zhes bya ba la sogs pa la/ pho nya zhes bya ba ni shes rab bo/ /kun zhes bya ba ni phyi dang nang gi bdag nyid can te/ de lta bur gyur pa'i pho nya la/ dngos grub thams cad kyi ched du
 blta ba la sogs pa rnams bya'o zhes bya bar shes par bya'o/ /de la nang gi shes rab ni gtum mo'i rang bzhin te/ de de ltar blta ba ni thig le dang zla tshes la sogs pa dang bcas par bsgom pa'o/ /'od zer gyi gzugs kyis chos kyi 'khor lo
 la sogs par 'gro ba ni reg pa'o/ /'od zer gnyis kyi mnyam par sbyor ba'i gnas skabs ni tsum pa na'o/ /bsgom pa phul du byung ba las ro gcig tu gyur pa'i gnas skabs ni 'khyud pa ste/ rtag pa ni dus thams cad du bde ba'o/ /de dag gang du
 bya zhe na/ sbyor ba'i gnas kyi khyad par nyid ces bya ba ste/ chos 'byung bar gnas pa la blta ba la sogs pa bya ste/ ye shes nyams su myong bar bya'o zhes bya ba'i don to/ /nang gi shes rab sbyor ba'i gnas ni lte ba'i dbus te/ der gnas pa'i shes
 rab la blta ba la sogs pa bya'o zhes bya bar sbyar ro/ de ni sngags byin nas de'i lha'i ting nge 'dzin ji ltar sbyin pa bstan pa'i phyir/ ji snyed ces bya ba la sogs pa gsungs te/ thams cad ces bya ba ni sngags dang mthun pa'i lha'i ting nge 'dzin
 thams cad do/ /ji ltar sbyin zhe na/ bde ba thams cad sbyin byas te zhes bya ba la/ bla mas kyang ser sna med pa'i sems kyis man ngag ji lta ba bzhin du lha'i ting nge 'dzin sbyin par bya la/ slob mas kyang de bzhin du bzung na dngos grub byed par
 bshad ces bya ba dang sbyar ro/ /yang na bde ba thams cad ces bya ba ni rnal 'byor ma rnams te/ de rnams ma gtogs par dngos grub tu mi 'gyur bas rnal 'byor ma'i tshogs rnams kyi sbyor ba sbyin no zhes bya ba'i don to/ /sngar bstan pa'i shes
 rab de dag gang dag yin pa bstan pa'i phyir/ ma dang zhes bya ba la sogs pa gsungs so/ /gang zhig ces bya ba la sogs pas ni sngags gang byin pa de dang rjes su mthun pa'i snyoms par 'jug pas sbyor ba bya'o zhes bya bar ston to/ /da ni sngar smos pa'i
 dbu rgyan gyi dbang bskur bstan pa'i phyir/ thod pa'i zhes bya ba la sogs pa gsungs te/ thod pa'i phreng ba zhes bya ba ni sgra ji bzhin pa'o/ /sangs rgyas gtsug gi nor bu zhes bya ba ni/ sangs rgyas thams cad kyi bdag po rdo rje sems dpa' ste/ de nyid
 pad+ma dpal gyi gnas kyi rtsa ba yang yin no/ /sangs rgyas phyag rgya zhes bya ba ni sangs rgyas rnams kyi mtshan ma ste de nyid brda yin no/ /de dag gis ni rdo rje sems dpa' i rang bzhin gyi thod pa'i phreng ba'i mtshan mas dbu rgyan gyi dbang bskur bstan
 to/ /bcom ldan 'das de nyid gzugs sna tshogs su sprul pa bstan pa'i phyir/ dbang po zhes bya ba la sogs pa gsungs te/ mig la sogs pa'i dbang po'i sgo gang dang gang las byung ba'i rdzas de dang de dag rang bzhin 'gro ba ste/ rdo rje 'dzin chen
 po'i rang bzhin yongs su gyur pa yin zhes bya ba'i don to/ /sangs rgyas kun tu rang nyid du gyur zhes bya ba ni/ slar yang rdo rje 'chang chen po nyid thob par 'gyur ba'o/ /gang gis she na/ mchog tu mnyam gzhag sbyor ba ste/ /rang bzhin chos kyi sbyor
 bas so/ /rdo rje zhes bya ba la sogs pa la/ rdo rje'i dbang bskur ba ni rdo rje 'dzin pa'i dbang bskur ba'o/ /brda ni brdar brtags pa'o/ /de ston pa'i gzhung ni rim par bya ba ste sum cu rtsa bzhi pa'o/ /rgyud kyi rgyal po chen po dpal rdo rje mkha' 'gro'i
 rnam par bshad pa las le'u sum cu rtsa bzhi pa'i rnam par bshad pa'o// //bong bu'i cha byad kyi rnal 'byor gyis gzhan mngon par shes pa bsgrub pa'i phyir/ de ston par byed pa'i le'u gsungs
 pa/ de nas zhes bya ba la sogs pa la de nas zhes bya ba ni dbang bskur ba bstan pa'i 'og tu'o/ /mkha' 'gro ma rnams kyi zhes bya ba ni/ ye shes 'byung ba bshad par bya zhes bya ba dang sbyar te/ ye shes 'byung ba zhes bya ba ni bong bu'i
 rnal 'byor ro/ /ci 'dra zhe na/ dngos grub thams cad rab ster ba zhes bya ba ste/ lkog tu gyur pa'i don shes pa la sogs pa 'grub par byed pa'o/ /bong bu'i cha byad rnal 'byor bdag/ yid kyi shugs ni bzlog par byed ces bya ba ni/
 rnal 'byor pas bong bu'i cha byad can gyi ting nge 'dzin bsgom par byas na tha mal pa'i yid kyi rgyu ba 'gags nas/ lkog tu gyur pa'i don shes par 'gyur ro zhes bya ba'i don to/ /de nyid gsungs pa mkha' 'gro ma zhes bya ba la sogs pa la/
 rnal 'byor ma zhes bya ba ni rdo rje phag mo'o/ /de dag gis ni 'di skad du/ sngar bshad pa'i tshul gyis khang bu brtsegs pa'i bar du bsgom la bde ba chen po'i 'khor lo'i dbus su rdo rje phag mo'i sa bon bkod la/ de nyid las lha mo thams
 cad dus mtshungs pa nyid du bskyed par bya ste/ de la bde ba chen po'i 'khor lo la ni rdo rje phag mo dang/ mkha' 'gro ma dang/ mdzes ma dang/ dum skyes ma dang/ gzugs can ma rnams so/ /de bzhin du thugs kyi 'khor lo la sogs pa la ni/
 rab tu gtum la sogs pa'i rnal 'byor ma rnams so/ /sgo la sogs pa rnams su ni kha gdong ma la sogs pa rnams so/ /de dag gi cha byad gsungs pa bsam gtan gyi phyag rgya zhes bya ba la sogs pa'o/ /sbrul gyis dkris pa'i mdud rtse ni//
 gsum pa mkha' 'gro'i lag na thogs zhes bya ba la/ mkha' 'gro ni mkha' 'gro ma rnams so/ /sbrul gyis dkris pa'i mdung rtse gsum pa ni lag pa g.yon gyi dang po na thogs par sbyar ro/ /steng du bstod ces bya ba ni lag pa g.yas pa ste/
 g.yas kyi dang po na kha TwAM ga dang sbyar ro/ /thod pa ni g.yon gyi tha ma na'o/ /phyag na zangs gri bsnams shing rtse zhes bya ba ni/ phyag g.yas kyi tha ma na zangs gri phyar nas gcod par byad pas na rtse ba'o/ /de ltar na thams cad kyang phyag bzhi par
 bya'o/ /lhag ma ni go sla'o/ /kha cig ni bde ba chen po'i 'khor lo'i rnal 'byor ma rnam pa lnga bong bu'i cha byad du byas la/ lhag ma tha mal par bya'o zhes zer ro/ /sna tshogs me tog 'bras ldan pa'i/ /rin chen mthon po'i gnas su bsgom
 zhes bya ba ni ba ri dza ta ka la sogs pa'i me tog dang 'bras bur ldan pa'i ljon shing gis khyab pa'i ri bo lhun po bsgoms la/ de'i steng du khang bu brtsegs pa bsgom par bya'o zhes bya ba'i don to/ /de dag gis ci zhig tu 'gyur na/ tshe thung zhes
 bya ba la sogs pa smos te/ shi ba yang zhes bya ba ni dus nye ba'i 'chi ltas dang bcas pa rnams so/ /tshe thung ba ni ring ba'i 'chi ltas can no/ /yang na shi ba ni sgra ji bzhin pa ste/ gzhan shi ba yang de dag gi sngags kyis slong bar byed pa'o//
 mdor bsdus te gsungs pa/ bong bu zhes bya ba la sogs pa la/ lag mthil gnas pa bzhin du mthong zhes bya ba ni khams gsum pa zhes bya ba lhag ma yin te/ khams gsum na gnas pa lkog tu gyur pa'i dngos po rnams lag
 mthil na gnas pa'i shing to ltar mthong ba'i ye shes so/ /he ru ka'i zhes bya ba la sogs pa la/ he ru ka'i rnam par rol pa ni ye shes kyi phyir sprul pa'o/ /cho ga ni de'i bya ba'o/ /rim par phye ba ni gzhung gi tshogs te sum cu rtsa lnga
 pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u sum cu rtsa lnga pa'i rnam par bshad pa'o// //nyin re la sogs pa'i dus su tshogs kyi dkyil
 'khor sngon du 'gro bas sdom pa gzung ba bstan pa'i phyir/ de ston par byed pa'i le'u gsungs pa/ de nas zhes bya ba la sogs pa la/ de nas zhes bya ba ni bong bu'i rnal 'byor bstan pa'i 'og tu'o/ /des las zhes bya ba ni rgyud kyi don te/ gang
 gi phyir ci nas kyang sdom pa nyams par mi 'gyur ba dang/ 'jig rten dag par bya ba'i phyir ro/ /sgrub po ji bzhin cho ga ste zhes bya ba ni sgrub po rnams kyi ji lta ba bzhin gyis bya ba ste/ bshad par bya zhes bya ba snga ma dang 'brel to/ /'byor
 pa'i bye brag gi nyin re 'am zla re 'am lo rer mchod pa bstan pa'i phyir/ nyin re zhes bya ba la sogs pa gsungs so/ /ji bzhin byin gyis brlabs nas ni zhes bya ba ni dus bstan gyi 'og tu gnas bstan pa yin te/ dud khrod la sogs pa gnas
 khyad par can dag tu pad+ma'i snod la longs spyad par bya bar sbyar ro/ /phyag rgya'i dngos grub 'jug par zhes bya ba la phyag rgya ni lta'o/ /dngos grub ni bdag dang gzhan gyi don phun sum tshogs pa'o/ /'jug pa ni snying rje chen po'i dbang gis
 'jug pa ste su zhig tsa na/ sgrub po zhes bya ba dang sbyar ro/ /sgrub po po'i lag g.yon gyis/ /pad+ma'i snod ni bzung nas su/ /lag pa g.yas pa ba dan ni/ /gsum par byas te de yis bsgom zhes bya ba 'dis ni/ tshogs kyi nang du zhugs pa
 na lag pa g.yas pa ba dan gsum pa'i phyag rgya byas la/ g.yon pa'i mthil du pad+ma la sogs pa'i snod du bdud rtsi lnga blugs te/ myang bar bya'o zhes bya bar ston to/ /de yis zhes bya ba ni sgrub pa po'o/ /bsgom zhes bya ba ni dngos po med pa las
 bdag nyid lha'i bskur bsgom pa ste/ bdud rtsi myang par bya'o zhes bya ba lhag ma yin no/ /khams kyi rang bzhin thams cad dang zhes bya ba ni gser la sogs pa'i rang bzhin no/ /srog ces bya ba ni sob la sogs pa'o/ /rtsa ba zhes bya ba ni shing las byung
 ba'o/ /mngon par 'dus byas legs bris te zhes bya ba ni/ sa la sogs pa las kyang byas la/ tshon gyis kha bsgyur ba'o/ /de dag gis ni sngar bstan pa'i mtshan nyid can gyi rdo rje'i rgyan byas la/ bdag nyid kyi spyi gtsug la sogs par brgyan par
 bya zhes bya bar ston to/ slob dpon kun la sbyin par bya zhes bya ba ni der tshogs pa'i rnal 'byor pa gzhan dag la yang rgyan de dag byin te brgyan par bya'o/ /lha'i rgyan dang yang dag ldan zhes bya ba ni thod pa'i phreng ba la sogs pa'i rgyan gzhan dag
 gis brgyan cing mdzes par bya'o/ /phyag rgya'i mtshan mas rnam par klubs zhes bya ba la/ phyag rgya de ni shes rab bo/ /mtshan ma ni sngar bstan pa'i mtshan nyid de/ klubs pa ni de dang lhan cig spyod pa'o/ /sangs rgyas rnal 'byor sdom skyes pas/
 bskal pa bzang po'i gar chen te/ zhes bya ba la sangs rgyas rnal 'byor ni sangs rgyas kyi ting nge 'dzin te/ des sdom pa zhes bya ba ni lus dang sems 'ching bar byed pas na sdom pa ste/ nyin re la sogs pa'i dus su de lta bu'i mchod pa byas la
 sdom pa bzung bar bya'o/ /de nyid gsungs pa/ bskal pa bzang po'i gar chen te/ shes rab kyi pad+ma la rol pas dga' bar bya zhes bya ba'i don to/ /de 'das pa'i skyon gsungs pa/ pad+ma mchog la zhes bya ba la sogs pa la/ mchog ces bya ba
 ni rdo rje ste/ 'dis bde ba sngon par byed pa'i phyir ro/ /'dis bde ba 'bebs shing 'dren par byed pas pad+ma ste/ rig pa ni phan tshun sdud pas snyoms par 'jug pa'o/ /des ni dam tshig sbyangs nas su/ /slar yang mi bya'i sdom pa blang zhes bya ba ni//
 lag te de ltar nyams na dkyil 'khor gyi nang du sdom pa blang zhing longs spyod la/ phyis sdom pa las nyams par 'gyur ba'i las mi bya ba'i dam bca' ba'o/ /gzhan du sngags dang phyag rgya yi/ /rim pa
 'bras bu med par 'gyur zhes bya ba ni sdom pa las 'das pa'i skyon bstan pa ste go sla'o/ /brda zhes bya ba la sogs pa la/ brda yis rol pa zhes bya ba ni mtshan ma sna tshogs kyis dga' ba la rnam par rol pa'o/ /de nyid bde ba'i mchog bskyed
 pa dang 'da' bar mi bya bas na dam tshig dang sdom pa'o/ /cho ga ni de'i bya ba'o/ /de gang du ston pa'i gzhung ni rim par phye ba ste sum cu rtsa drug pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u sum cu rtsa drug
 pa'i rnam par bshad pa'o// //rnal 'byor pa'i rims la sogs pa zhi bar bya ba dang/ gzhan yang pha rol gyi g.yul la sogs pa btul nas gzhug par bya ba'i phyir mtshon cha'i phyag rgya rtse ba'i shes pa'i le'u
 gsungs pa/ mtshon cha kun gyi zhes bya ba la sogs pa ste/ mtshon cha kun ni mda' la sogs pa rnams so/ /mtshan nyid ni khyad par te/ khyad par rnam pa lnga'o/ /de nyid gsungs pa/ 'khrul 'khor gyis 'phen zhes bya ba gsungs pa la/
 'khrul 'khor gyis 'phen pa ni mda' la sogs pa'o/ /mi 'phen pa ni ral gri la sogs pa'o/ /gzhung kha cig las 'khrul 'khor dang mi ldan dang zhes 'byung ste/ de'i don ni 'das ma thag de nyid yin no/ /lag pas 'phen pa zhes bya ba
 ni 'khor lo dang 'phang mdud la sogs pa'o/ /'phangs nas slar ni bzung ba dang zhes bya ba ni/ ji snyed du 'phangs pa'i gnas nas slar drang zhing gzung ba ste/ zhags pa dang rgyal sogs pa'o/ /lag pas 'gyed pa zhes bya ba ni grags
 par zad do/ /dbyibs dang bde blag sbyor ba dang zhes bya ba la sogs pa ni/ mda'i mtshon cha'i mtshan nyid bshad pa yin te/ de la dbyibs zhes bya ba ni g.yas brkyang ba la sogs pa'i rkang thabs so/ /bde blag zhes bya ba ni sor mo la sogs pa zor yang
 ba'o/ /ltong rgyud sbyor dang zhes bya ba la sogs pa la/ 'dren pa zhes bya ba ni gsor ba'o/ /ltong rgyud sbyor ba ni grags par zad do/ /myur ba ni yang ba'o/ /'gengs pa ni grags par zad do/ /'phen pa ni gtong ba ste gsal ba zhes bya ba ni hUM zhes bya ba'i
 sngags dang sbyar ro/ /grims pa nyid ces bya ba ni yan lag bsrang zhing sems mi g.yeng ba'o/ /mnyen zhes bya ba ni lus khong slong pa'o/ /rgya cher 'gengs pa zhes bya ba ni rna drung gi bar du dgang ba ste zlum por dgang ba'o/ /rnam par dag ces bya
 ba ni drang por 'phen pa'o/ /lus kyi phyag rgya bde blag can zhes bya ba ni lha'i sku'i ting nge 'dzin dang ldan pa'o/ /rims dang zhes bya ba la sogs pa ni phan yon te go sla'o/ /rang gi snying gar 'dren tshul zhes bya ba ni yi ge oM brjod pas dbugs
 kyis snying dgang bar bya bas 'dren pa'o/ /g.yas su rab tu bskor byed cing zhes bya ba ni mnga' g.yas phyogs nas bskor ba'o/ /shar phyogs legs par bsrang nas su/ /zhes bya ba ni lag pa g.yon pa bsrang ba'o/ /nub phyogs cung zad bkug nas
 su/ /zhes bya ba ni g.yas kyi gru mo cung zad dgug pa'o/ /ci rigs par ni legs par bzung/ /zhes bya ba ni drangs nas cha gnyis kyi tshad du gzung ba ste/ a zhes brjod pas gzung ba'o/ /de nyid kyi phyir gsungs pa/ yi ge oM zhes bya ba la sogs
 pa'o/ /ci rigs par ni drangs nas su zhes bya ba ni/ ji ltar bde bar gsor ba'o/ /lhag ma go sla'o/ /gru bzhi pa zhes bya ba la sogs pa la/ gru bzhi pa zhes bya ba ni spu gri lta bu dang nya rnga lta bu'i mde'u'o/ /rnon po zhes bya ba ni lcags mda'o/ /kun nas
 zlum po zhes bya ba ni zla ba'i dkyil 'khor gyi dbyibs lta bu'i mde'u'o/ /kha cig ni med tog ma lo ka lta bu'o zhes zer ro/ /steng dang de bzhin 'og tu ni zhes bya ba ni steng 'og tu 'phangs pa'o/ /yang na steng
 'og gi mchog ma ste/ 'bigs pa bcu'i rgya mchog gi zhes bya ba dang sbyar ro/ /de la 'bigs pa bcu zhes bya ba ni/ rgyud las sor mo bcus lhag pa'i mchog ma byas pa'o/ /rim gyis gnon cing drag tu gnon zhes bya ba ni sra ba dang
 snyi ba ste/ gnyis ka yang khyad par snga ma dang sbyar bar bya'o/ /khams gsum rgyal sring chen po las/ /bde ba rgyal zhing longs spyod 'gyur zhes bya ba ni/ de ltar mtshon cha lngas sa gsum gyi skye bo sma 'bebs par byed cing dbang du
 sdud par byed par 'gyur ro zhes bya ba'i don to/ /mtshon cha thams cad ces bya ba la sogs pa la/ brda ni ji ltar grags pa'i tha snyad do/ /ye shes ni lus kyi dbyibs la sogs pa'i bya ba shes pa'o/ /cho ga ni gsor ba dang ltong rgyud sbyor
 ba la sogs pa'o/ /rim par phye ba ni gzhung gi tshogs te sum cu rtsa bdun pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u sum cu rtsa bdun pa'i rnam par bshad pa'o// //
 pho nya la gus pas mngon par 'dod pa'i dngos grub bsgrub pa'i phyir pho nya gdul ba'i le'u gsungs pa/ pho nya zhes bya ba la sogs pa la/ pho nya zhes bya ba ni dbang bskur ba la sogs pas legs par sbyangs pa'i shes rab bo/ /gdul
 ba ni dga' bar bya ba'o/ /sgrub thabs ni lam ste bshad par bya zhes bya ba dang 'brel to/ /de nas zhes bya ba ni mtshon cha'i ye shes bshad kyi 'og tu ste/ gang gi phyir/ pho nya mgu ba ma gtogs par/ /dngos grub nye bar mi 'gyur bas/ /pho nya
 gdul ba bshad par bya'o zhes bya bar sbyar ro/ /pho nya de gang zhig yin zhe na/ tha mal zhes bya ba la sogs pa smos te/ tha mal zhes bya ba ni blo bur du bcos pa ste/ lhan cig skyes ma'i rnal 'byor ma'o/ /sngags kyi lus can ma zhes bya ba
 ni sngags las skyes ma'o/ /zhing skyes ma ni gang yang rung zhes bya ba la/ zhing las skyes ma ni zhing las skyes ma'o/ /gang yang rung zhes bya ba ni de dag las gang zhig bsgrub par 'dod pa'o/ /phan pa'i mchog gi bde ba sgrub ces bya ba ni/
 de dag skra dbyi pa la sogs pas dga' ba bskyed pa nyid phan pa'i mchog yin gyi gzhan du ni ma yin no/ /de nyid kyi phyir gsungs pa/ 'di dag mnan pas longs spyod kyi/ /bsnyen bkur gyis ni bsten mi bya zhes bya ba la/ gnas pa ni skra nas
 rmug pa dang/ sen mos bral ba dang/ thal mos bsnun pa dang/ btags pa dang dgug pa la sogs pas gdul ba'o/ /bsnyen bkur gyis ni bstan mi bya zhes bya ba ni/ gzhan du bsnyen bkur la sogs pas de dag mgu bar mi 'gyur bas
 de dag des bsnyen par mi bya ste/ de'i tshe bde ba las ring du 'gyur ro/ /yang na bsnyen bkur gyis ni kun tu bsten zhes bya bar sbyar te/ btags pa la sogs pa bsnyen bkur ma yin la/ btags pa la sogs pa bsnyen bkur ma yin
 pa des de dag bsnyen bkur la sogs pas de dag mgu bar mi 'gyur bas/ de dag de nyid de'i bsnyen bkur gyis yin la/ des de dag la bsnyen par bya zhes bya ba'i don to/ /skal bzangs zhes bya ba la sogs pas ni ri mo can gyi
 mtshan nyid gsungs pa yin te/ sra zhes bya ba ni yan lag mkhrang ba'o/ /'o ma 'dzin sgom pad+ma can/ /zhes bya ba ni pad+ma can gyi mtshan nyid do/ /'o ma 'dzin pa ni nu ma'o/ /sbom pa ni shing tA la'i 'bras bu 'am/ sh+rI pha la ltar zlum zhing
 mtho lam brang pa'o/ /lte ba dung 'dra zhes bya ba lte ba dung gi dbyibs ltar 'khyil ba'o/ /lhag ma ni go sla'o/ /'byung ba'i shing zhes bya ba ni shing u dum ba ra'o/ /gan du sha zhes bya ba ni kri ta aM dza li'o//
 lak+Sha Na ni sman lak+Sha Na'i rtsa ba'o/ /pa tha ni rna ma phug pa'o/ /ji ltar 'dod pa bzhin 'gyur ro zhes bya ba ni ji tsam 'dod pa de 'phel bar 'gyur ro/ /ge sar zhes bya ba ni nA ga ge sar ro/ /ling ga don gnyer zhes bya ba ni dga' ba la chags pa ste/ /
 ling gas don du gnyer ba yin pa'i phyir ro/ /b+ha ga dang ni spel bar bye zhes bya ba ni b+ha ga 'dir rdo rje bcug pas mdzes pa ni spel ba'o/ /de nyid kyi phyir gsungs pa/ phyag rgya phyag rgyar sbyor ba yin zhes bya ba la/ phyag rgya ni rdo rje ste b+ha ga la
 'debs pa'i phyir ro/ /yang phyag rgya ni b+ha ga ste sa gsum gyi skye bo mgu bar byed pa'i phyir ro/ /sbyor ba ni snyoms par zhugs pa'o/ /rnam par rol pas ling ga zhes zhes bya ba ni/ 'dis sa gsum gyi skye bo ci bder rol cing brtse bar byed pas na
 ling ga'o/ /'dir ling ga zhes bya ba ni thung ngu yin par sbyar ro/ /rnam par 'byed pas b+ha ga yin zhes bya ba la/ rnam par 'byed pa ni gsal bar byed pa ste chos 'byung ba 'dis bde ba ster bar byed cing/ de kho na nyid gsal bar byed pa zhes bya ba'i don to/ /a yig ba'i yi ge las zhes bya ba
 ni bde ba la sogs pa'i dus su b+ha ga dang ling ga byin gyis brlab pa'i yi ge'o/ /kha cig ni a yig ni A li te/ lte bar sprul pa'i 'khor lo gnas pa'o/ /ba ni kA li te mgo bor bde ba chen po'i 'khor lo la gnas pa'i yi ge haM ngo/ /b+ha ga
 ling ga bskyed nas ni zhes bya ba ni de gnyis kyi snyoms par 'jug pa yin no zhes zer ro/ /bung ba la sogs rim bzhin du zhes bya ba ni bung ba ni bung ba lta bu'i sgra dang/ bung ba ltar ro smad kun tu bskyod pa ste byed pa kun sdom pa'i khyad par ro/ /des
 ci zhig bya zhe na/ mkha' 'gro ma kun bsgrub par bya zhes bya ba ni pho nya dang lhan cig tu sbyar bas mkha' 'gro ma ste/ byang chub kyi sems kyi bde ba la longs spyod pas bya ba'o/ /de yang 'di ltar bskul ba dang pus gtsugs la sogs pa'i byed pa'i khyad
 par gyis bsgrub par bya ste/ de la bskul ba zhes bya ni/ skyes pa'i chu so'i steng du pho nyas gnas nas bung ba la sogs pa sgra 'byin cing/ ro stod dang ro smad la sogs pa rim gyis bskul zhing bskyod la 'khor lo lta bur gcu zhing bskor ba yin te/ de yang
 gsungs pa/ bu mo skyes pa'i chu so yi/ /steng nas mdun rgyab rim gyis bskul/ /rked pa 'khor lo ltar bskyod pa/ /de la zhes ni bya bar bshad/ /skyes pa'i pus mo btsugs nas ni/ /bu mo'i pus mo cung zad bskum/ /thong gshol lta bur blangs te
 bzhag /kur pa na zhes de bshad do/ /zhes bya ba la sogs pa dga' ba'i bstan bcos las shes par bya'o/ /gzhung gang las pho nya gdul ba'i cho ga 'byung ba de ni/ pho nya gdul ba'i cho ga'i rim par phye ba ste sum cu rtsa brgyad pa'o/ /rgyud kyi rgyal po
 chen po dpal rdo rje mkha' 'gro'i rnam par bshad pa las le'u sum cu rtsa brgyad pa'i rnam par bshad pa'o// //da ni sngags bzlas pa la sogs pa mi nus pa'i bsod nams dman pa gang dag dngos grub phra mol
 shin tu dad pa de dag gi las sna tshogs bstan par bya ba'i phyir de nas zhes bya ba la sogs pa gsungs te/ de nas zhes bya ba ni pho nya gdul ba bstan pa'i 'og tu'o/ /bcom ldan 'das la zhes bya ba dang/ gsol to zhes bya bar 'brel to/ /mchod
 pa zhes bya ba ni gar la sogs pa'i mchod pa'o/ /de nyid gsungs pa/ sems can zhes bya ba la sogs pa la/ bsod nams med pa zhes bya ba ni bsam gtan bsgom par mi nus pa'o/ /sngags rnams bsten par mi nus pa zhes bya ba ni sngags
 bzlas par mi nus pa'o/ /yang zhes bya ba ni bsam gtan dang bral ba sdud pa'o/ lha'i sman zhes bya ba ni grub pa'i rang bzhin can rnams so/ /de ni ji ltar bzung bya ba zhes bya ba ni/ sman de rnams ji ltar bcang ba'o/ /lha'i
 ting nge 'dzin dang ldan pas sa bon khrag gis bsgo ba la sogs pas bsgrub pa bstan pa'i phyir bdag nyid ces bya ba la sogs pa gsungs so/ /bya ba sna tshogs zhes bya ba ni/ srung ba la sogs pa'i las sna tshogs pa'o/ gzugs pa ni bskyed
 pa'o/ /ji lta bu'i sa bon la sogs pa lags zhes bya ba la sogs kyis na lcug ma la sogs pa gzung ste/ gang dang gang gi sa bon dang lcug ma dag gzung bar bya zhes bya ba'i don to/ /shing gi zhes bya ba ni shing rnams las byung ba'o/ shing
 de dag kyang gang yin zhe na/ e ran+ta dang zhes bya ba la sogs pa gsungs te/ gser gyi shing ni smyo byed kyi shing ngo/ /sogs kyi pa ta la sogs gzung bar bya'o/ /de ni lcug ma bskyed pa'i cho ga gsungs pa/ mar ngo zhes bya ba la sogs pa
 la zla mtshan zhes bya ba ni zla mtshan gyi khrag go /dbang po zhes bya ba ni tshil chen po'i zhag go /dur khrod kyi thal ba zhes bya ba ni thod pa ste de yang gang gi thod par gzugs pa de'i zhag gis bsgo ba dang/ de'i khrag gis gtor ba dang/ de'i
 sha dang rus pas bdug pa dang/ de'i ro gang dang gang du bsregs pa'i thal ba dang/ sas bkang bar btsugs te gtor ma dang bsrung ba la sogs par bcas pas bskyed par bya'o/ /pa tha ni rnam phug pa'o/ /rgyal ba dang gzhan gyi mi thub
 pa ni grags par zad do/ /tsakra oM ga ni legs mthong ngo/ /rmongs byed ni d+ha d+hu ra'o/ /mtshon cha thams cad zlog par byed ces bya ba ni/ sman lnga pa des mtshon cha lnga zlog par byed pa'i phyir ro/ /de nyid gsungs pa/ tsakra oM gas lag pas
 'phen zhes bya ba la sogs pa la/ tsakra oM ga la skud pa btags pas 'khor lo la sogs pa'i mtshon cha lag pas 'phen pa zlog par byed do/ /pa tha ni sman no/ /'khrul 'khor gyis 'phen pa ni mda' la sogs pa ste/ zlog par byed ces bya ba
 dang 'brel to/ /'phangs nas gzung ba ni zhags pa la sogs pa'o/ /mi 'phen pa ni ral gri la sogs pa'o/ /lhag ma ni go sla'o/ /brda'i tshul zhes bya ba ni so so'i tha snyad ji ltar grags pa ltar ro/ /de dag ji ltar gzung ba bstan par bya ba'i
 phyir/ de dag thams cad ces bya ba la sogs pa smos te/ sman lnga po de dag thams cad kyi rtsa ba so sor g.yon du bsgril ba'i skud pa byas la/ mgrin pa 'am spyi bor bcing bar bya'o zhes bya ba'i don to/ /kha cig sman de dag gi rtsa ba'i
 snal ma las skud pa bya'o zhes zer ro/ /gdol pa'i bu mo mdog sngon gyi/ /pad+ma las ni skyes pa dang zhes bya ba ni/ shan pa'i bu mo mdog sngon mo'i pad+ma las byung ba'i zla mtshan gyi khrag gis rmongs byed la sogs pa'i sman lnga la bsgo ba'o/ /
 bdud rtsi lnga zhes bya ba ni/ de'i 'og tu yang bdud rtsi lngas bsgo ba'o/ khyi nag po'i thod pa zhes bya ba ni sgra ji bzhin pa'o/ /dur khrod sa yis bkang ba ru zhes bya ba ni ro bsregs pa'i sas dgang ba ste/ gnyis pa'i don gyis bdun pa yin no/ /pha mes
 kyi ni gnas su gzugs zhes bya ba ni/ ro bsregs pa'i shul de nyid du bskyed pa'o/ /dur khrod du ni bla ma dang/ he ru ka dpal mchod byas la zhes bya ba ni/ sha chen gyi bdug pa la sogs pas tshogs kyi mchod pa dang gtor ma dag bya'o/ /de nas
 zhes bya ba ni sman te rmongs byed do/ /thod pa ru ni bzhag pa la zhes bya ba ni de'i 'og tu yang bram ze mchog gi thod par bskyed par bya'o/ /gal te bram ze mchog gi thod pa med na/ de'i che gsungs pa bya rog nag po'i thod pa dang zhes bya ba la
 sogs pa gsungs te go sla'o/ /cho ga bzhin du sngon bsngags te zhes bya ba ni gser shing gi sa bon lcags gsum gyis dkris la bkang pa brgyad pa'i sngags la sogs pa bzlas nas mgul bar bcings
 na sped pa ste mi snang bar 'gyur ro/ /mnyam par bzhag ste bcings pa dgrol zhes bya ba ni slar mthong bar 'dod na skye las dgrol bar bya'o/ /de nyid gsungs pa/ bya rog zhes bya ba la sogs pa la/ sbrul nag po'i zhag gis ni zhes bya ba snga ma'i
 sa bon de nyid lan gnyis par bskyed par bya ba la/ sbrul gyi zhag gis yang dang yang du bsgo ba'o/ /kha cig ni mi snang bar 'dod pa la bya rog nag po'i khrag dang/ sbrul nag po'i khrag gis bsgo bar bya la/ gzugs bsgyur bar 'dod pa la ni gang
 gis gzugs su bsgyur ba/ de'i thod par gzugs pa dang/ de'i khrag gis gtor ba dang/ de'i zhag gis byug pa dang/ de dang de'i sha rus kyis bdug pa ste/ de nyid me tog la sogs pa'i mchod pa yin la/ mchod pa de dag gis mnyes
 par bya'o zhes zer ro/ /sa dag dang zhes bya ba la sogs pa ni thun mong gi cho ga ste/ khyad par du dur khrod kyi sas dgang bar bya ste/ gzugs bsgyur ba la ni gang gi gzugs su bsgyur ba'i ro bsregs pa'i sa las bskyed par bya zhing/ ro bsregs
 pa'i gnas de nyid du gzugs par bya'o/ /rgongs mo zhes bya ba ni grags par zad do/ /de ni zhes bya ba lcags gsum gyis dkris pa gzung bar bya'o/ /shing bskyed cho ga rgyas pa las/ 'byung zhing srung ba la sogs bya zhes bya ba ni/ shing
 dang sdong bu la sogs pa bskyed pa'i bstan bcos las 'byung ba'i srud ba la sogs pa'i cho ga ji bzhin bya ba'o/ /gzhan du zhes bya ba ni cho ga nyams pa'i skyon ston pa yin te/ drag po'i gdon zhes bya ba ni sha za ba dang ngar snabs
 za ba la sogs pa'i gdon no/ /de dang de'i gzugs zhes bya ba ni gzugs bsgyur bar 'dod pa la/ ril bu khang bcug ste gang gis gzugs bya bar 'dod pa de'i gzugs su snang bar 'gyur ro/ /khyad par du mi snang ba ni mgul du gdags par bya'o//
 'ug pa la sogs zhes bya ba la sogs kyis ni rig pa grub la sogs pa gzung ngo/ /cha tsam zhes bya ba ni rnal 'byor pa'i grib ma yang ngo/ /gang gis she na/ sa bon ma nyams stobs kyis su zhes bya ba la/ ma nyams pa ni rma med pa dang ma
 tshig pa la sogs pa'o/ /sa bon ni nye bar mtshon pa ste/ gzugs par bya ba'i thong pa la sogs pa yang de ltar blta bar bya'o/ /tshon cha bzlog pa'i rnam pa gzhan gsungs pa/ de nas zhes bya ba la sogs pa la/ nyi ma gzas ni zin dus su
 zhes bya ba ni shing rnams kyi rtsa ba shar phyogs kyi ngos brko bar bya'o zhes bya ba lhag ma yin no/ /byang phyogs rtsa ba brkos nas ni zhes bya ba ni/ zla ba gzas zin pa'i dus su zhes bya ba ni lhag ma yin no/ /sngar bzhin cho ga'i rim pa yis
 zhes bya ba ni gza' nyi ma dang skar ma rgyal la sogs pa nas brtsams nas rtsa ba'i skud pa bsgril ba mgul par gdags pa'i bar du gzung bar bya'o/ /de'i ge sar zhes bya ba ni/ pa tha la sogs ge sar ro/ /aM ko ta ka'i rtsa blangs la
 zhes bya ba ni nyi ma dang zla ba gzas zin pa'i tshe 'am/ gza' nyi ma 'am skar ma rgyal du 'dzom pa'i dus sam/ 'byung po'i nyin zhag la yang dung dus de dag tu blang bar bya'o/ /pe ti zhes bya ba ni grags par zad do/ /yang na zhes bya ba ni
 'byung po'i nyin zhag gzung ba'o/ /lo gcig ces bya ba la sogs pas ni sman gyi nus pa'i dus bstan pa yin te/ sgrub pa po'i sbyor ba brtsams nas lo gcig gi bar du nus pa dang ldan par gzung ngo/ /bra hma dan+ta zhes bya ba ni sman bra hma'i
 rtsa ba'o/ /pad+ma'i 'dam zhes bya ba ni pad+ma'i rtsa ba'i lde gu'o/ /a'i shwa ra zhes bya ba ni 'dam gyi ming ste/ dbang phyug ma'i 'dam zhes bya ba'o/ /mtshan ma gcig gis zhes bya ba ni kha nub tu bltas pa'i ling ga'i
 nye 'khor gyi sa'o/ /sngar bstan cho ga'i rim pa yis zhes bya ba ni/ ji srid lus la gnas kyi bar zhes bya ba snga ma dang sbyar te lus bskul ba'o/ /ku ma ri zhes bya ba ni grags par zad do/ /gzhon nu ma'i rkang rjes rdul zhes bya ba ni bu mo
 gzhon nu ma'i rkang rjes kyi rdul lo/ /de'i zhes bya ba ni bu mo de'i'o/ /ma he'i rwa zhes bya ba ni sgra ji bzhin no/ /sum cu gsum pas mchod ces bya ba ni/ 'dam de lus la bskus pa'i sgrub pa po'o/ /be snu bi zhes bya ba'i sman zhes bya ba ni be sU pi zhes bya
 ba'i ming can gyi 'dam mo/ /nags kyi phreng ba zhes bya ba ni so ma ta la'o/ /bzlog ste 'khor ba'i 'khor lo yi/ /'jim pa 'bad de blangs nas su zhes bya ba ni/ ce kra aM ga'i lde gu'o/ /phag mo zhes bya ba ni ta la mu sha la'o/ /phag gi lus la
 'byung pa'i 'dam zhes bya ba ni phag mo'i lto la gos pa'i 'jim pa'o/ /ma he rwa zhes bya ba ni sgra ji bzhin pa'o dbang po'i shing zhes bya ba ni de ba da ru'o/ /sum cu gsum dbang 'dam zhes bya ba ni sum cu gsum pas mchod pas na sum
 cu dbang 'dam ste 'dam gyi ming ngo/ /tsaN+Da li zhes bya ba ni skye tshe ste/ de'i rtsa ba'i 'dam ni tsa muN+Ta 'am zhes bya'o/ /de'i ltag pa bshags nas su/ lce ni rtsa bar bcas te blang zhes bya ba ni seng ldeng gi phur bus ltag pa'i phyogs nas dral te
 rtsa ba dang bcas par dbyung ba'o/ /ril bu zhes bya ba ni lcags gsum gyis dkris pa'o/ /de'i sha dang zhag dang khrag ces bya ba ni/ zla ba brgyad pa mngal nas byung ba'i 'o/ /lhag ma ni go sla'o/ /byis pa'i ro'i lto bar ni zhes bya ba ni/ zla ba brgyad pa'i
 byis pa nyid kyi ro'o/ /sngar gyi cho ga bzhin blangs te/ zhes bya ba ni nyi ma dang gza' bzang po blang ba la sogs pa'o/ /zla mtshan zhes bya ba ni dang por rked pa dbab pa'i khrag go /sum sgril yang ni sum sgril du zhes bya ba ni/ snal na
 sum sgril du byas la de nyid slar yang sum sgril du bya ba'o/ /rkang pa brgyad pa'i gsang sngags ni/ bzlas shing mdud pa de tsam bya ba ni/ chu srin gyi kha nas byung ba lta bu'i mdud pa brgyad bya ba'o/ /kha cig na ra mdud pa bzhi bya'o zhes zer ro//
 ma mo brgyad ces bya ba ni khwa gdong ma la sogs pa'o/ /btag ces bya ba ni mdud pa rnams de dag tu bsgom mo/ /bu mo yis ni gci ba yis zhes bya ba ni/ gang du ci ba byas pa'i shul gyi sa'o/ /btags te de dang bsre bar bya zhes bya ba ni
 sa rlon pas spags par bya ba'o/ /so so'i zhing ni re re la/ /sngar gyi rim pa'i sbyor ba yis/ /shin tu mnyam par gzhag ste bsgrub/ /ces bya ba ni mdud pa rnams me mo rnams su bsgoms la/ rkang pa brgyad pa'i sngags brgya rtsa brgyad bzlas pa'o//
 myong bar byed pa'i rig pa che zhes bya ba ni rkang pa brgyad pa la sogs pa'i sngags so/ /phan tshun du ni sdud 'gyur na/ /zhes bya ba ni ji srid du ma byung gi bar du sdud par bya ba'o/ /de dag gis ni 'di skad du/ seng ldeng la sogs pa'i shing gnyis
 gzung ste/ dgra bo'i g.yul dngar ba'i rlung phyogs su song la/ dgra bo'i gtso bo gnyis kyi ming nas gzung ste/ rkang pa brgyad pa'i sngags dang spel nas zlos shing g.yul la mngon par blta ste/ shing gnyis du ba 'byung gi bar du sdungs par byas nas/ dgra
 bo nang phan tshun du rmongs nas 'thab par 'gyur ro/ /rdo rje chu zhes bya ba ni gci ba'o/ /lhag ma ni go sla'o/ /stobs bskyed pa zhes bya ba la sogs pa la stobs ni sman rnams kyi nus pa'o/ /cho ga ni de'i dbang du byas pa'i bya ba'o/ /rim par phye ba?
 ni de'i gzhung ste sum cu rtsa dgu pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u sum cu rtsa dgu pa'i rnam par bshad pa'o// //'bras bu bcos ming las
 rgyas pa bshad par bzhed nas/ gang gis zhes bya ba la sogs pa gsungs te/ gang gis sgrub pa po 'grub par bshad par bya zhes bya ba dang sbyar ro/ /de nas zhes bya ba ni he ru ka'i rnal 'byor dang rkang pa brgyad pa'i sngags bzlas pa'i 'og tu'o
 snam ster zhes bya ba ni ras bal gyi sa bon no/ /snye ma'i rtser gnas blang bar bya zhes bya ba la/ snye ma nyid rtse mo ste/ de la ras bal gyi sa bon blang ba 'dis ni sa lam lhung bar blang ba ston to/ /de bzhin snye ma'i rtser gnas zhes bya ba
 'dis thod pa'i nang na gnas pa blang bar yang stan to/ /yi dags kyi zla phyed ces pa'i bshad pa ni 'byung po'i nyi ma zhes bya ba yin no/ /gau ri la sogs mkha' 'gro mar/ bcas pa'i he ru ka bsgoms mchod ces bya ba ni/ gau ri la sogs
 pas bskor ba'i he ru kar bsgom pa mchod pa dang bcas par byas nas las thams cad brtsam par bya'o zhes bya ba'i don to/ /bud med kyi ni me tog gis/ /yang dang yang du bsgo bar bya zhes bya ba la/ ras bal gyis sa bon bu mo'i thod par
 bzhag ste/ me tog ces bya ba zla mtshan gyi khrag gis yang dang yang du bsgo par bya'o/ /bsgegs pa 'am ni mtshon gyis bsang/ /spyang ki la sogs ma zos pa'i/ /bud med thod pa mdzes pa ru/ /cho ga bzhin du bskyed par bya zhes bya ba ni mdor
 bsdus nas bstan pa ste/ spyang ki la sogs ma zos zhes bya ba ni srog chags kyis ma brtses pa'o/ /mdzes pa zhes bya ba ni gas chag la sogs pa'i skyon dang bral ba'o/ /de nyid bshad pa'i phyir gsungs pa/ de yang zhes bya ba la sogs
 pa la/ /de yang rnga mo dag gi ni/ /'khrul 'khor la ni skyon nas su zhes bya ba ni/ bsgegs pa 'am ni mtshon gyis bsang ces bya ba dang 'brel to/ /de'i rtse mo blang bar bya ba ni/ bud med de'i mgo bo'i zhag gzung bar bya ba'o/ /de nyid kyi phyir
 gsungs pa/ bu mor bsgom zhing de bskol ba'i zhes bya ba smos te/ bu mor bsgom zhes bya ba ni ras bal gyi sa bon bud med du bsgom pa'o/ /de bskol ba zhes bya ba ni/ bu mo'i mgo bo'i tshil zhu ba'i zhag go /chu zhes bya ba ni pad+ma'i me
 tog go /gtor ba ni yang dang yang byug pa'o/ /de zhes bya ba ni thod pa mdzes pa'o/ /bgegs dgra dang ni gshin gshed kyi/ /sngags ni mngon par bzlas pa yis/ /zhes bya ba ni thod pa der bskyed par bya zhes bya ba tshig snga ma dang
 sbyar ro/ /zhi ba'i tshigs bcad sngags kyis ni/ /brgya rtsa brgyad du bzlas pa'i chus zhes bya ba yang ci rigs su ni bsrung bar bya zhes bya ba'i tshig snga ma dang sbyar te/ zhi ba'i sngags ru ru phur ru la sogs pa nyid zhi ba'i tshigs bcad do/ /
 smin pa zhes bya ba ni yongs su smin pa'o/ /gzhon nu ma'i khrag ces bya ba ni/ dang por byung ba'i zla mtshan no/ /sngar gyi bu mo zhes bya ba ni/ bsgegs pa 'am mtshan gyis bsang pa'i bu mo'i 'o/ /skra dang bcas pa zhes bya ba ni skra dang ras bal
 du bsres pa'o/ /bu mos bkal zhes bya ba ni/ skyes pa dang ma phrad pa'i bu mos bkal ba'o/ /bkal pa la sogs pa thams cad kyang bud med kyi thod par gzhag ste bya ba'o/ /bsgegs pa'i zhes bya ba la sogs pa la/ gsang pa
 yi ni zhing sa du zhes bya ba ni lam gyi bzhi mdo la sogs pa'i gnas te 'og nas bshad par bya'o/ /tshes brgyad ces bya ba ni mar ngo'i tshes brgyad do/ /bstan pa 'di nyid bshad pa'i phyir/ /lam dang rigs mchog thod pa ni/ /ro bsregs sa
 bkang ro dang bcas/ /nyi ma shis pa dag la gzugs zhes bya ba ste/ lam zhes bya ba ni lam gyi bzhi mdo'o/ /rigs mchog zhes bya ba ni skye gnyis te bram ze'o/ /ro bsregs sa zhes bya ba ni rigs mchog
 gi zhes bya ba'i lhag ma yin no/ /ro dang bcas zhes bya ba ni/ dang por yungs kar mi ro'i khar bcug ste/ nyin zhag gcig tu gzhag la/ de nas phyung ste de nyid kyi khrag dang zhag gis yang dang yang du bsgo bar ston to/ /nyi ma bzang la
 gzugs par bya/ zhes bya ba ni/ mar ngo'i tshes brgyad la sogs pa ste bshad zin to/ /kha cig ni ro bsregs pa'i shul lam lam gyi bzhi mdor ngo'i stan la gnas pa'i sgrub pa po skye gnyis kyi thod par snga ma ltar bsgrub par bya'o
 zhes zer ro/ /ci rigs 'khrul 'khor btsir ba'i mar zhes bya ba la ci rigs zhes bya ba ni/ dang por yungs kar mes khwa btsos bya ba'o/ /blo ldan bsgos na 'dod bzhin byed ces bya ba ni bsgo ba ni mar nag gis byug pa'o/ /'dod pa zhes
 bya ba ni ting nge 'dzin gyi khyad par ro/ /de nyid gsungs pa/ sa mdza' zhes bya ba la sogs pa la/ sa mdza' zhes bya ba ni ha'o/ /de nyid u la sogs pa'i yan lag dang ldan pa de ni lnga pa ste/ ye shes lnga'i bdag nyid kyi phyir ro/ /des ni
 chos kyi 'khor lo la gnas pa'i sa bon hUM bstan par 'gyur ro/ /rlung gi sa bon las byung ba zhes bya ba la rlung gi sa bon ni rlung dang me'i dkyil 'khor ro/ /las byung ni yi ge aM ste/ sprul pa'i 'khor lo'i lte ba la gnas pa'o/
 de dag gis ni 'di skad du ston te/ rlung gis bskyod pa'i gtum mo'i/ 'od kyis hUM las bskul te/ de'i 'od zer gyi phyi rol tu byung ba'i lcags kyus bsgrub par bya ba bkug ste/ rlung gi dkyil 'khor la gnas pa'i mgrin rings kyi
 rgyab tu bskyon la/ /ba lhor blta ste 'gro bar bsgoms na bskrad par 'gyur ro/ /de bzhin du bsad pa la ni me'i dkyil 'khor la bzhag ste/ snga ma ltar hUM gi 'od zer me 'bar ba'i gzugs can phyung la/ des bsgrub par bya ba bskor cing
 bsreg par bsgom mo/ /mnan pa la ni dbang chen gyi dkyil 'khor la bzhag ste/ hUM gi 'od ser pos steng nas dgab par bsgom mo/ /da ni sngar bstan pa'i mar nag de nyid kyi bya ba gzhan bstan pa'i phyir/ bsgegs nas zhes bya ba la
 sogs pa gsungs te/ cho ga'i rim bzhin mchod byas la zhes bya ba ni go ril sogs pa dang bcas pa'i he ru ka'i rdul mtshon gyi dkyil 'khor bris la/ mchod pa sngon du 'gro bas cho ga'i rim bzhin zhes bya bar ro/ /lhag par gnas
 mar bya ba'o/ /he ru ka'i spyod pa yis zhes bya ba ni/ sgrub pa'i grogs dang bcas par brtul zhugs kyi spyod pa blang ba'o/ /sngags ni rkang pa brgyad pa'o/ /sngags pa chen pos zhes bya ba ni mthong nas zhes bya ba dang 'brel to/ /de tshe phyag rgya
 bcing bya ste/ zhes bya ba la/ lag pa gnyis kyi sor mo'i rdo rje bcings la/ mthe bong dang mdzub mo'i rtse so sor sprad pa la bzlog ste dpral ba'i steng du bzhag pa 'di ni skye gnas kyi phyag rgya'o/ /drag po yi ni gzugs kyis su/ /dpa' 
 bo dam tshig ci rigs bstan zhes bya ba ni de'i tshe sngags pas 'jigs pa mi bya bar/ dpal he ru ka'i ting nge 'dzin gyis rkang pa brgyad pa'i sngags zlos shing mtshon cha 'phyar ba la sogs pa dpa' bo'i spyod pa gzhan dag gis kyang
 bgegs bsal bar bya'o/ /de'i lus las 'dzag pa'i mar zhes bya ba ni/ gang gi tshe bgegs nye bar zhi ba de'i tshe/ sngar lus la byugs pa'i mar lus la mi snang zhing 'thung bar gyur pa de slar yang 'dzag par 'gyur ba'o/ /blangs
 te bsku ba la sogs blugs zhes bya ba la/ sogs kyis ni skyed bu'i nya phyis la sogs pa gzung ngo lhag ma ni go sla'o/ /gzhan yang ral gri mig sman dang zhes bya ba la sogs pa la/ gang gi tshe? mar dang
 bral ba de'i tshe/ ro des dpa' bo mchog ni ci 'dod smos zhes brjod par 'gyur zhing/ thun mong gi dngos grub thams cad ster bar 'gyur ro/ /sogs kyis ni rkang byugs la sogs pa gzung ngo/ /rnam pa gzhan gsungs pa/ /brag
 dang zhes bya ba la sogs pa la/ mi'i ro'i khar bcug la zhes bya ba ni/ mi'i ro'i khar zhag gsum bzhag par bya'o/ /khrag nyid dang ni zhag gis ni zhes bya ba ni ro de nyid kyi khrag zhag gis bsgo ba'o/ /srung ba la sogs zhes bya ba ni
 thun mong gi cho ga bya'o/ /snga ma bzhin bskyed ces bya ba ni/ de nyid kyi thod pa sngar bstan pa ltar bskyed pa'o/ /de nas de las byung ba yongs su smin par gzung ste/ gang la bsnun pa de ji skad smos pa bzhin du 'gyur ba'o/ /so bya'i ni
 zhes bya ba la sogs pa la/ so bya ni chu'i bya rog go/ snum ster ni yungs kar ro/ /de'i thod pa zhes bya ba ni so bya'i thod pa'o/ /lhag ma ni go sla'o/ /skyes bu bya'i gzugs su bsgyur zhes bya ba la/ bya ni so bya ste khyad
 par la spyir nye bar btags pa yin no/ /de ltar sa bon gzhan dag kyang bya ba ni/ rmongs byed la sogs pa'i sa bon no/ /dog pa la gnas 'bras bu gzung zhes bya ba ni/ snye ma la gnas pa ste sa la ma lhung ba'o/ /de dang
 'dra ba'i gzugs su bsgyur zhes bya ba ni/ sa bon de dag bya gang gi khrag dang zhag gis byugs shing gang dang gang gi thod par bskyed pa la sogs pa bya ste/ yongs su smin pa khar bcug na bya de dang de'i gzugs su 'gyur ro/ /bya
 rnams kyi ni tshe dang mtshungs zhes bya ba ni/ bya rnams ltar tshe dang nad med pa 'phel ba ste/ bya'i 'bras bu bcos ma'o/ /byol song gzhan gyi yang bstan pa'i phyir/ glang po'i gzugs sogs zhes bya ba la sogs pa smos te/
 cho ga ni sngar bstan pa bzhin du bya'o/ /sems can ma yin pa gzhan dag gi gzugs su bsgyur ba yang bstan pa'i phyir/ bi da ri'i sa bon ni zhes bya ba la sogs pa smos te/ bi da ri'i sa bon ni grags par zad do/ /mar
 ngo'i tshes brgyad dam bcu bzhi'o/ /ma du luM ga yang grags par zad do/ /yar ngo la zhes bya ba ni yar ngo'i skar ma rgyal la sogs pa dang sbyar ro/ /mi ro'i zhag gis byugs nas su zhes bya ba ni/ dpa' bo mtshon gyis
 bsad pa'i khrag dang bcas pa'i zhag gis byug pa'o/ /de'i yan lag mchog tu gzugs zhes bya ba ni thod par bskyed pa'o/ /der cir 'gyur zhe na zin pas de'i gzugs su 'gyur zhes bya ba ni/ zin pa ni khar bcug pa'o/ /de nyid
 bskyed pa'i cho ga gsungs pa/ de'i zhes bya ba la sogs pa la/ de'i dus pa rkang dang ni/ sha la sogs pa bskyed par bya zhes bya ba ni bdug pa bstan pa'o/ /de yi pags pa rus pa yi/ /phyag rgya yan lag brgyan byas
 la zhes bya ba ni/ /he ru ka'i spyod pa bstan pa'o/ /yang na pags pa zhes bya ba ni bdug par sbyar la/ phyag rgya zhes bya ba ni skye gnas kyi phyag rgya ste/ phyag rgya de bcas la bskyed pa'o/ /thal ba gtor zhes bya ba ni ro
 bsregs pa'i sas dgang ba'o/ /lcug ma gsum gyis dkris nas su zhes bya ba ni/ lcags gsum gyis dkri ba'o/ /khar bcug na zhes bya ba la/ /bi da ra'i sa bon ni zla ba mang ngo la khar bcug la/ ma du luM ga'i sa bon ni yar ngo
 la khar gzhug par bya'o/ /sped pa ni mi snang ba'o/ /de nyid kyi phyir gsungs pa/ nyi ma zla ba zhes bya ba la sogs pa'o/ /ma du luM ga gcig pu ni zhes bya ba ni/ lcags gsum dang bral ba'i ma du luM ga'i 'bras bu
 'ba' zhig ste/ de bzhin du bi da ri la yang sbyar bar bya'o/ /'bras bskyed thun mong cho ga'o zhes bya ba ni 'bras bu bcos pa thun mong gi cho ga ste/ sngags dang bcas pa'i chu yis ni/ /zhes bya ba ni sngar smos pa dag go /yang na 'og nas 'byung
 ba dang sbyar te/ 'og nas 'byung ba 'di ni 'bras bu bcos ma thams cad kyi thun mong gi cho ga'o zhes bya ba'i don to/ /de nyid gsungs pa/ de nas zhes bya ba la sogs pa smos so/ /'di dag ces bya ba sangs rgyas spyan la sogs pa bzhi'o
 sa sogs zhes bya ba ni 'byung ba bzhi'i rang bzhin no/ /thams cad ces bya ba ni shing dang rtsa la sogs pa'o/ /de 'dzin pa ni bskyed pa'o/ /gso ba ni skyod pa'o/ /lhag ma ni go sla'o/ /de nas zhes bya ba la sogs pa la/ dgongs mo'i dus su
 zhes bya ba ni yar ngo'i dgongs mo'i dus su'o/ /bzhi mnga' i sa zhes bya ba ni sa mdog dkar po gzung bar bya'o/ /mi'i zhag sogs kyis byugs la zhes bya ba la/ sogs kyis ni nim pa'i khu ba la sogs pa gzung bar bya'o/ /de yis
 dpral bar thig le bya zhes bya ba ni/ de yongs su smin pa'i 'bras bu bdar ba'i thig le'o/ /bza' dang bca' sogs rnam pa lnga zhes bya ba la/ rnam pa lnga ni 'o ma la sogs pa'i bdud rtsi lnga'o/ /lhag ma ni go sla bas ma phye ba'o/ /
 'ol ma se'i sa bon ni zhes bya ba la sogs pa la/ 'ol ma se'i sa bon ni 'ol ma se'i sa bon dkar por gzung ngo/ /bram ze'i thod pa ni bram ze mchog gi thod pa'o/ /skar ma rgyal zhes bya ba ni nye bar mtshon pa ste/ gza' nyi ma
 dang 'byung po'i nyin zhag kyang gzung bar bya'o/ /de nas phyung ste slar yang 'di zhes bya ba ni/ /skyes pa dang bud med dang ma ning gi gzugs bya bar 'dod pa de'i thod par bskyed do zhes bya ba lhag ma yin no/ /tha mal skyes bu'i thod par bskyed
 ces bya ba ni dang po zhes bya ba lhag ma ste thun mong ba'o/ /des na man ngag las dang po tha mal pa'i skyes bu'i thod par bskyed la/ de nas bram ze mchog gi thod par bsgyed do/ /tha mar bud med la sogs pa gang gi gzugs su bya bar
 'dod pa'i thod par bskyed par bya'o zhes bshad do/ /bya'i cho ga bzhin du 'gyur zhes bya ba ni bya'i 'bras bu bcos ma'i cho ga lta bu ste/ lcags gsum gyis dkris na ni mi snang bar 'gyur la/ rkyab par bcug na ni bud med la sogs
 pa'i gzugs su 'gyur ba'o/ /sngags pas zhes bya ba la sogs pa la/ de'i rtsa ba blangs nas su zhes bya ba ni bung ba'i rgyal po'i rtsa ba blang ba ste/ spyi bor bzhag na brgyal bar 'gyur zhes bya ba dang 'brel to/ /srin lag gi ni khrag dang ni//
 zhag dang bcas pa bsre par bya/ /zhes bya ba ni bung ba'i rgyal po'i khu ba dang mi ro'i srin lag gi khrag dang zhag tu bcas pas thig le byas na/ lha la sogs pa dbang du byed/ ces bya ba dang 'brel to/ /ba lang rna ba'i lcug ma ni grags
 par zad do/ /lcug ma zhes bya ba smos pa ni lcug ma gzugs par bya ste/ 'bras bu las mi skye ba'i phyir ro/ /khar bcug na zhes bya ba ni sngar bshad pa ltar bskyed pa'i 'bras bu smin par gzung bar bya'o// shan pa'i bu mo
 sngon mo zhes bya ba ni bu mo'i mdog sngo ba'i zla mtshan dang por byung ba gzung bar bya'o/ /ba lang rna dang rna ba'i ldum zhes bya ba ni/ ba lang rna ba ni grags par zad do/ /ldum bu ni lcug ma'i rna ba ni byi la'i rna ba zhes bya ba ste/ de'i sa bon
 gzung bar bya'o/ /'bras bu chen po ster bar 'gyur zhes bya ba ni/ sman de rnams kyi rtsa ba skar ma bzang po la sogs pa la bton te/ lus la bcangs na 'bras bu chen po ste 'gro ba dbang du byed
 par 'gyur ro zhes bya ba'i don to/ /de la zhes bya ba la sogs pas ni ha sa de ba la sogs pa gzung ngo/ /bsgrub par mi bya ba dang ni zhes bya ba ni rtsa ba dang 'bras bu la sogs pa'i sman gyi tshogs bsgrub par mi bya ba med do zhes bya
 ba'i don to/ /'on kyang man ngag ma gtogs par mi 'grub par bstan pa'i phyir/ man ngag ni zhes bya ba la sogs pa gsungs te/ ka kon ta'i 'bras bu ni pad+ma'i 'bras bu'o/ /sna chen gyi thod pa ni glang po che'i thod pa'o/ /kha
 cig ni dur khrod kyi thod pa'o zhes zer ro/ dur khrod skyes pa'i 'bring gi ni dur khrod skyes pa'i 'bring ga ra tsa 'o/ /yar ngo mar ngo zhes bya ba la pad+ma dkar po'i 'bras bu'i sbyor ba ni yar ngo la bya la/ 'bring gi ra tsa ni mar ngo la bya'o/ /
 lhag ma ni go sla'o/ /aM ba'i zhes bya ba la sogs pa la/ /i ba'i shing gi rus pa zhag dang pa'i rnam pa lngas byugs te/ skyes bu'i thod par ji lta ba bzhin du bskyed nas/ smin pa'i 'bras bu lag pa g.yas pa la khu ba byugs
 te/ zla ba yar ngo la byin na ji skad smos pa bzhin du 'gyur ro/ /bal po se'u zhes bya ba la sogs pa la/ 'dir yang ba'i rnam pa lngas byug pa sbyar bar bya'o/ /khrag gis zhes bya ba ni/ srin lag gi khrag gis lag pa g.yon
 pa la byugs te/ zla ba mar ngo la byin pa'o/ /rgyal la zhes bya ba ni rtag tu yang sbyar bar bya'o/ /sku ba khan de zhes bya ba la sogs pa la/ chags can gyi kham por bskyed ces bya ba ni bud med kyi thod par bskyed pa'o/ /nyin phyed
 ces bya ba ni chang ngo/ /de ni zhes bya ba ni sa bon ni/ sogs kyis ni 'o ma la sogs pa gzung bar bya'o/ /de nas zhes bya ba la sogs pa la bud med ro'i lto bar gzhug ces bya ba ni bud med kyi ro'i dku 'am/ chos 'byung ba'i nang du
 gzhug pa'o/ /de'i zhes bya ba ni bud med kyi ro de'i'o/ /mchin pa ni khrag gi'o/ /bcas pa ni zhag go /bdug pa ni de'i sha la sogs pa'i bdug pa'o/ /bud med kyi ni khrag gis byug ces bya ba ni smin pa'i sa bon la sogs pa
 la yang byug go /lhag ma ni go sla'o/ /'ol se ni 'ol ma se'i lcug ma'o/ /dmar ser ni spre'u'o/ /sgo nga ni chang gi snod bzhag pa'i sgo nga'o/ /'dir man ngag ni 'di yin te/ spre'u yi thod par 'ol ma se'i lcug ma bskyed pa sa
 la ma lhung bzung la/ de las sgo ngar byas te/ der chang snod bzhag la der chang cung zad blugs te dgug par bya ba'i chang gi 'phro las kha bltas te/ rkang pa brgyad pa'i sngags bzlas na chang gi lhag ma ni ji snyed pa thams cad
 la longs spyod par 'gyur ro/ /zhes bya ba 'di yin no/ /chu 'gram zhes bya ba la sogs pa la bskyed pa kun la zhes bya ba ni/ sngar bstan pa'i lcug ma la sogs pa kun la'o/ /lhag ma ni go sla'o/ /gci ba'i shul gyi zhes bya ba la
 sogs pa la/ sngags kyis mngon par byin gyis brlabs zhes bya ba ni chang blugs te 'jim par brdzi ba'o/ /de'i yan lag lnga bzung ste zhes bya ba ni/ d+ha d+hu ra'i 'bras bu la sogs pa'i yan lag lnga'o/ /ril bu dag ni mdzes
 par bya zhes bya ba ni/ ril bu byas la des 'phral ba'i thig le mdzes par bya ba'o/ /las rnams thams cad byed 'gyur te/ zhes bya ba ni rgyal po la sogs pa dbang du gyur nas bsgo ba thams cad byed pa'o/ /yungs kar
 zhes bya ba la sogs pas ni/ sngar bstan pa'i cho ga gsal bar mdzad pa yin no/ /khrag bcas bsgoms na stag sogs 'gyur zhes bya ba ni/ 'bras bu khar bcug cing gdong la stag la sogs pa'i
 khrag gis byugs la/ stag la sogs par bsgoms na stag la sogs pa'i gzugs 'dzin par 'gyur ro/ /sbyor ba'i cho gas zhes bya ba la sogs pa ni go sla'o/ /rdo rje mkha' 'gro'i bsam gtan dang/ rkang pa brgyad pa'i sngags
 bzlas pa la sogs pa la 'grub po zhes bstan pa'i phyir/ rtag tu zhes bya ba la sogs pa gsungs so/ /'bras bu zhes bya ba la sogs pa 'bras bu ni smyo byed la sogs pa'i 'bras bu'o/ /bcos ma ni bsgyur ba'o/ /phyag rgya ni sbyor
 ba'o/ /ye shes ni nyams su blang ba'i cho ga shes pa'o/ /kha cig ni phyag rgya zhes bya ba ni khrag gis bsgos pa la sogs pa'o zhes zer ro/ /rim par phye ba ni gzhung ste bzhi bcu pa'o/ /rgyud kyi rgyal po chen po dpal rdo rje mkha' 'gro'i rnam
 par bshad pa las le'u bzhi bcu pa'i rnam par bshad pa'o// //da ni bsam gtan la gnas rnams kyi A li kA li'i ting nge 'dzin gyis las rgyas pa bstan par bya ba'i phyir/ de nas zhes bya ba la sogs pa
 gsungs te/ de nas zhes bya ba ni sman rnams kyi las kyi tshogs bstan gyi 'og tu'o/ /de las zhes bya ba ni bsam gtan la dga' ba'i rnal 'byor pa rnams kyis 'dis 'bras bu bde blag tu thob pa'i phyir te/ A li kA li gnyis
 kyi cho ga 'di dag ji bzhin nyon zhes bya ba dang 'brel to/ /A li kA li de ci 'dra zhe na/ de nyid las ni zhes bya ba la sogs pa smos te/ kun bskyed cing zhes bya ba la/ sems can thams cad kyi sa bon du gyur pas so/ /spro zhing sdud
 par byed pa po zhes bya ba ni sngags thams cad kyi rtsa bar gyur pa'o/ /tha snyad ces bya ba ni sgra'i tha snyad kyi rang bzhin yin pas so/ /cho ga zhes bya ba ni cho gar byas pas na cho ga ste dbang du bya ba la sogs pa'o/ /sngags kyi mtshan nyid ni bya ba de
 sgrub pa'i phreng ba'i sngags rnams yin la/ thun mong ba zhes bya ba ni de dang 'dra bar bya ba de rnams sgrub pas na thun mong ba ste/ A li kA li'o/ /cho ga ni ting nge 'dzin gyi dgod pa'i bdag nyid do/ /a zhes bya ba la sogs pas ni dang po dbyangs
 yig gi las ston pa yin te/ dbyangs yig gnyis gnyis las thun mong du bstan pa yin no/ /ku su ma zhes bya ba dzha ba ku su ma'o/ /de'i lus ni rang nyid kyi sa bon gyis dkrugs rmongs bsgoms na/ zhes bya ba ni bsgrub par bya ba'i rang gi lus
 la bkod pa'i sa bon gyi 'od kyis kun tu khyab cing g.yeng bar bsgom pa'o/ /skas lta bu zhes bya ba ni lte ba dang snying ga la sogs par rim gyis gzeg cing bsgom pa'o/ /mchog ces bya ba ni gzhan gyi lus la 'jug pa'i phyir ro/ /
 dbang po'i mtshon cha zhes bya ba ni 'ja' tshon te/ de'i kha dog ltar dbus ni sgrub na mdza' ma dmar zhing ser ba'i don to/ /zhags pa lta bu zhes bya ba ni zhags pa ltar 'ching ba'i phyir ro/ /kha cig ni zhags pa'i dbyibs lta bu'o
 zhes zer ro/ /dbyangs yig mchog ces bya ba la/ dbyangs yig kyang yin la mchog kyang yin pas na/ dbyangs yig mchog ste phyugs ltar rmongs par byed pa dang/ gzhan gyi lus la 'byug par byed pa'i phyir ro/ /'ong bar
 'gyur zhes bya ba ni yi ge de gnyis kyis dgug pa'i las byed par yang ston to/ /bdag nyid dang ni nor dang bcas/ /dbang du yang ni 'gyur ba yin/ /zhes bya ba ni dbang gi las kyi 'bras bu ste/ bdag dang nor la sogs pa'o/ / 
 sgrub pa po la ster byed do/ /zhes bya ba'i don to/ /li zhes bya ba ni srid pa sdom zhes bya ba la/ srid pa lus so/ /sdom pa ni 'ching ba'o/ /bya rog gi gshog pa 'dra zhes bya ba ni dbyibs te/ phyogs gnyis bya
 rog gi gshog pa ltar zlum pa'o/ /mar khu phyung ba'i 'ba' cha bzhin zhes bya ba ni/ ji ltar 'ba' cha snam dang bral bltar skye bo kun gyis byams pa'i snum gyis gnas ma yin par ston to/ /mthe bo'i khyon tsam du ni mthong zhes bya
 ba ni/ khams gsum po mthe bo gcig gis gnon cing dbang du sdud pa'o/ /kha nas khar ni mngon phyogs te zhes bya ba ni/ bsgrub bya'i kha na gnas pa'i yi ge bdag gi kha na gnas pa'i yi ge la bsdu ba'o/ /de bzhin du gnas drug po
 gzhan dag gi yang sbyar bar bya'o/ /yang na sgo dang sgo zhes bya bar sbyar te bdag gi sna sgo g.yas nas byung ba'i dbugs kyi ri mos bsgrub bya'i sna sgo g.yon par zhugs te/ yi ge rnams bkug nas slar de las bzlog pa'i lam
 nas zhugs te rang gi lus kyi nang du dgang ba'o/ /yi ge'i cha shas zhes bya ba ni a dang e ste/ de nyid yid du 'ong ba'i phyir na lcug ma'o/ /dam tshig dbang zhes bya ba ni snying gi ming gi rnam grangs so/ /aM zhes bya ba la sogs pas
 ni dbyangs yig bco lnga'i las bstan yin no/ /zla ba gnyis ni cheg drag bcas zhes bya ba la/ zla ba gnyis ni thig le gnyis te de nyid tsheg dag go /'dis ni dbyangs yig bcu drug pa bstan te/ 'di'i las ni 'og nas
 bshad par bya'o/ /'di ni zhes bya ba ni dbyangs yig bco lnga pa'o/ /yi ge'i mchog ces bya ba dang sbyar ro/ /ci 'dra zhe na/ sangs rgyas thams cad kyi zhes bya ba la sogs pa smos te/ sangs rgyas thams cad kyi phyag rgya la
 yang dag gnas zhes bya bar sbyar te/ sangs rgyas kun gyis phyag rgya ni bdud rtsi 'bab pa'i rtsa a ba d+hu tI zhes bya'o/ /sangs rgyas ri mo zhes bya ba la ri mo ni me 'bar ba'i tshul gyis steng du 'gro ba ste oM ngo sangs rgyas ni bdud rtsi'i
 tshul gyis 'og tu 'bab pa ste haM ngo/ /de nyid kyi phyir gsungs pa/ 'di ltar A li kA li zhes bya ba la sogs pa la/ A li kA li zhes bya ba ni sprul pa'i 'khor lor gnas pa'i yi ge aM gis g.yas g.yon gyi rtsa ste /
 thabs dang shes rab kyi rang bzhin can no/ /bcud len zhes bya ba la bcud ni khrag la sogs pa'o/ /len pa ni sgo'o/ /gtso bo zhes bya ba ni a ba d+hU tI'o/ /thim pa ni zhugs pa'o/ /ci zhig ce na/ rdo rje sems sogs zhes bya ba la
 sogs pa smos te/ rdo rje sems sogs ni yi ge haM ngo/ /'og tu ni kha thur du bltas pa'o/ /yi ge thams cad ces bya ba ni byang chub kyi sems kyi chu rgyun no/ /yang na A li kA li zhes bya ba ni yi ge rnams te/ de nyid bcud kyi
 gnas dang rdo rje sems dpa' la sogs pa'i rang bzhin no/ /gtso bo ni sgo zhes bya bar sbyar te/ oM gi thig le'i ri mo'i me lce'i sgor ro/ /skur zhes bya ba ni 'od zer gyis 'gro 'ong mnyam par sbyar ba'o/ /zla ba gnyis dang yang dag ldan/
 zhes bya ba ni zla tshes dang thig le gnyis dang mnyam par sbyar ba'o/ /dbang du byed ces bya ba ni khams gsum lhan cig pa'i ye shes kyi dbang du byed pa'o/ /khyab pa nyid du bsgom par bya zhes bya ba ni bsgrub bya'i lus la bkug nas
 bskor ba'o/ /da ni dbyangs yig bcu drug pa'i las bstan pa'i phyir/ a ni zhes bya ba la sogs pa gsungs te/ a zhes bya ba ni zla tshes dang thig le dang bcas pa'i dbyangs yig bco lnga pa gzung ngo/ /thams cad sdud pa zhes
 bya ba ni yi ge thams cad sdud pa ste/ bshad zin to/ /'tshe ba zlog par byed pa yin zhes bya ba ni ngan 'gro dang srid pa'i 'tsho ba zlog par byed pa'o/ /bcu drug pa'i las ni go sla bas ma phye'o/ /dkar po dmar
 po'i ting nge 'dzin bya/ zhes bya ba ni thabs dang shes rab kyi bdag nyid kyi lha'i ting nge 'dzin bya'o/ /des cir 'gyur zhe na/ a la sogs dang zhes bya ba la sogs pa smos te/ de'i 'og tu A li kA li'i yi ge rnams sngar bstan pa dang/
 'og nas 'byung ba ltar bdag dang gzhan gyi lus la bkod la/ tshegs med par las rnams 'grub po zhes bya ba'i don to/ /'di ni mdor bsdus pa'i cho ga'o/ /da ni las de dag thams cad la yi ge de dag nyid kyi sngon du lus bsrung ba'i cho
 ga bstan pa'i phyir/ de ltar zhes bya ba la sogs pa smos te/ de ltar zhes bya ba ni sngar bstan pa'i las rnams so/ /lhag ma ni go zla'o/ /bdag gi de nyid gsal ba yin/ zhes bya ba ni bdag gi khams bcu drug bsrung ba'i de kho na
 nyid do/ /de ltar dbyangs kyi las rnams bshad nas/ gsal byed kyi las rnams bstan pa'i phyir/ de nas zhes bya ba la sogs pa smos te/ rig pa'i de nyid 'byung zhes bya ba ni/ shes rab dang mnyam par sbyor ba'i lha'i ting nge 'dzin
 las 'byung ba'o/ /yi ge dang po zhes bya ba ni yi ge ka'o/ /ji srid lus la gnas kyi bar zhes bya ba ni/ bsgrub par bya ba de'i lus la yi ge bsam pa de nyid du'o/ /rang gi lus sdom pas sdom pa ste zhes bya ba ni/ dpal he ru ka'i na
 bza' i ngo bo nyid do zhes bya ba'i don to/ /khyim zhes bya ba ni sgrub par byed pa'i lus so/ /thams cad du ni 'bigs par 'gyur zhes bya ba ni/ de 'od zer dmar pos yan lag gi tshogs thams cad du khyab pa'o/ /de la zhes bya ba ni sgrub pa po'i
 la'o/ /da ni yi ge lnga po de'i las kyi sngon du 'gro ba'i cho ga bstan pa'i phyir/ yi ge zhes bya ba la sogs pa smos te/ cho gar zhes bya ba ni phrag pa gnyis su bkod pa'o/ /cho ga de ltar byas nas ni/ /dpyad mi dgos par dngos grub 'gyur zhes bya ba'i
 go cha'i 'bras bu bstan pa yin te/ sde tshan drug po gzhan dag la yang sbyar bar bya'o/ /sde tshan drug gi las gsungs pa/ ci zhes bya ba la sogs pa la rlung gi gnas kyi yi ge ste/ zhes bya ba ni/ bskyod par byed pa'i sa bon yin pa'i phyir ro/ /
 yang na rlung la gnas pa ste rlung gi dkyil 'khor la gnas par bya ba'o/ /de'i tshe bdun pa'i don gyi drug pa yin no/ /cha gnyis pa dang yang dag ldan/ /zhes bya ba ni yi ge tsha ste chog gnyis dang ldan pa'i phyir ro/ /bcud dang phral bar bsam zhes
 bya ba la/ bcud dang 'dra bas na bcud de sems so/ /phral ba ni med pa'o/ /bsam pa ni bsgom pa'o/ /dbo ba ni blugs pa'o/ /dbang po'i mtshon cha lta bu'i mdog ces bya ba ni/ 'ja' tshon lta bu'i mdog go /bdud rtsi'i sgo zhes bya ba ni zla tshes so//
 thig le ni grags par zad do/ /de ni Ti zhes bya bar 'gyur te/ spyi bo'i steng du bsam zhes bya ba ni kha thur du bltas par bsgom pa'o/ /yi ge gnyis pa zhes bya ba ni/ Ta la bltos pa gnyis te pa tha ma'o/ /dbang chen dang ni 'dra bar 'dod
 ces bya ba ni kha dog ser po'o/ /yi ge rgyal po gsum pa ste/ zhes bya ba la/ 'dir gsum pa'i gsum pa zhes bya bar sbyar te/ sde tshan gsum pa'i gsum pa yi ge Da'o/ /rdo rje lta bu'i dbyibs can te zhes bya ba ni/ rdo rje rtse gcig pa'i
 dbyibs lta bu'o/ /bzhi zhes bya ba ni chang gis smyos pa lta bur chags pas myos pa'i phyir bzhi ba'o/ /de'i drung na gnas pa'i zhes bya ba ni/ ta'i 'og na gnas pa ste gnyis pa zhes bya ba'i don to/ /stong pa'i las zhes bya ba ni dran pas stong
 pa'i las so/ /sdong gog dang ni mtshungs par 'gyur zhes bya ba ni/ bcud dang bral ba'i shing ltar rnam par shes pa rgyu ba med pa'o/ /de nyid kyis na phyug zhes bya ba gsungs te/ de zhes bya ba ni bsgrub
 par bya ba'o/ /nyi ma brgyad pa'i cha la ni zhes bya ba ni/ /nyi ma bdun pa 'das kyi 'og tu'o/ /rlung gi gnas zhes bya ba ni rlung gi gnas te/ ba ba na zhes zer ba'i phyir ro/ /yang na 'dis skyod par byed pas na rlung gnas so/ /gru bzhi
 pa zhes bya ba ni zlum po'o/ /zla ba'i 'od can sgrub bya ni/ /dbus su sgrub pos thim par bsam zhes bya ba ni/ ba'i steng du bsgrub par bya ba bzhag pa'o/ /'di ni rtag tu bsgom 'gyur ni/ /zhes bya ba ni bdud rtsi 'dzag pa'i spyi
 bo'i steng du zla ba drug gam lo gcig gi bar du bsgoms na ji skad smos pa bzhin du 'gyur ro/ /zla ba dmar dang bcas pa ru zhes bya ba la/ dmar zhes bya ba ni longs spyod rdzogs pa'i 'khor lo gnas pa'i yi ge oM mo/ /zla ba ni bde ba
 chen po'i 'khor lor gnas pa'i yi ge haM ngo/ /lhan cig tu ni bzlas gyur na zhes bya ba ni/ oM gyi 'od zer mgo bor song bas mi shigs pa'i thig le zhu ba'o/ /rtag tu bdud rtsi'i rgyun 'drar 'gyur/ /zhes bya ba ni de las byung ba'i
 bdud rtsi'i rgyun gyis lus thams cad gang bar bsgom pa'o/ /yang na a ru ra na zhes bya ba ni skya reng ste sprul pa'i 'khor lor gnas pa'i a'o/ /zla bcas zhes bya ba ni zla tshes dang thig les brgyan pa'o/ /lhan cig skyes zhes bya ba ni
 chos kyi 'khor lo'i yi ge hUM ngo/ /bzlas zhes bya ba ni phan tshun gyi 'od kyi bskul ba'o/ /yang na sprul pa dang chos kyi 'khor lo kha sbyor gcig tu bsgom pa'o/ /bdud rtsi'i rgyun zhes bya ba ni bshad zin to/ /dbang po'i mtshon lta bu
 zhes bya ba ni rdo rje'i dbyibs lta bu'o/ /rlung bdun gyi ni gtso bo dang zhes bya ba ni/ rlung bdun ni srog 'dzin pa'i dang/ gyen du rgyu ba dang/ thur du sel ba dang/ me dang mnyam du gnas pa dang/ khyab par gnas pa dang/ lha byin dang/ gzhu las
 rgyal la/ /gnas zhes bya ba ni sa bon no/ /rnam pa bzhir ni rten pa ste/ zhes bya ba ni kha dang sna dang rna ba dang mig dag tu'o/ /rlung gis kun tu bskor ba ni zhes bya ba ni rlung gis bteg pa'o/ /yi ge gnyis zhes bya ba ni yaM dang raM ngo/ /kha
 zhes bya ba sa yin te/ zhes bya ba ni sa'i sa bon no/ /de nyid kyi phyir gsungs pa/ 'dzin pa zhes bya ba ste skyed par byed pa'o/ /dbang po rdo rjes mtshan pa zhes bya ba ni/ dbang chen gyi dkyil 'khor la grwa na rdo rjes mtshan pa'o/ /bzhi pa
 zhes bya ba ni ya nas brtsis pa'i bzhi pa ste wa'o/ /de'i yi ge de gnyis kyis dug bsal ba'i las gsungs pa/ gdengs ka zhes bya ba la sogs pa la lhag ma can zhes bya ba ni/ klu'i rgyal po lhag ma can gyi gzugs/ der
 bdag nyid bsgom pa'o/ /de'i zhes bya ba la sogs pa la/ bdag nyid de ltar bsgom pa'i mig gnyis su yi ge i dkar po bdud rtsi'i rgyun 'bebs pa 'od zer sna lngar 'bar ba bsgoms la/ bsgrub par bya ba yang de ltar
 bsgom te/ steng gnas pa'i chu rgyun dbab cing/ i'i chu rgyun gyis lus kyi nang dgang bar bya'o/ /de ltar bstan pa'i phyir/ dbang po zhes bya ba la sogs pa smos te/ dkyil 'khor nyis 'gyur zhes bya ba ni dbang chen dang chu'i dkyil 'khor
 ro/ /de ltar zhes bya ba ni sngar bshad pa ltar ro/ /bud med dbang phyug ces bya ba ni shes rab kyi pha rol tu phyin pa ste/ de nyid ni g.yon pa'o/ /bskor ba ni de dang lhan cig tu 'jug pa'i lha'i sku'i yang yang ni yang dang yang du bskor
 pa'o/ /gtso mo bzhi ni rnam pa bzhi'i zhes bya ba la/ gtso mo bzhi ni gshin rje brtan ma la sogs pa rnal 'byor ma bzhi'o/ /rnam pa bzhi zhes bya ba ni/ de rnams kyi sa bon sha Sha sa ha rnams so//
 de nyid gsungs pa/ rlung dang zhes bya ba la sogs pa la rlung zhes bya ba ni sha'o/ /me zhes bya ba ni Sha'o/ /bdud rtsi zhes bya ba ni sa'o/ /bcud ces bya ba ni ha'o/ /lus ni me las byung ba ru zhes bya ba ni sha las bskyed pa'o/ /'og dang
 steng du wa yis brgyan zhes bya ba ni/ sha'i mgo bo dang mjug ma wa 'dra ba'i phyir ro/ /brtan ma yis na 'khrul 'khor gyis zhes bya ba la brtan ma'i 'khrul 'khor ni de'i snying gar yi ge sha sbyar ba'o/ /de ltar shing las
 bshad nas/ Sha'i las bstan pa'i phyir/ gshin rje pho nya zhes bya ba la sogs pa smos te go sla'o/ /drod kyi sde pa'i yi ge gsum pa'i las gsungs pa/ gshin rje mche ba zhes bya ba la sogs pa ste/ de dag kyang go sla'o/ /bzhi pa'i
 gsungs pa thig ler bcas shing zhes bya ba la sogs pa la/ ha dang bcas zhes bya ba ni zla ba phyed pa'o/ /des ni h+raM zhes bya bar 'gyur ro/ /gang gis lce'i steng du zhes bya ba ni/ rdo rjer byas pa'i nang du'o/ /bsams na phur bu lta bur
 'gyur zhes bya ba ni gza' phur bu ltar snyan dngags mkhan por 'gyur ro/ /de ltar sa dang sa mdza' i zhes bya ba las ni zla tshes so/ /mdza' i ni ha ste/ thig le dang zla tshes su bcas pa'i ha'i las bstan pa'o/ /cung zad sngo ba 'jigs
 chen mo/ /zhes bya ba ni gshin rje 'joms ma'o/ /ma he dang ni rta dag gi /'khrul 'khor sbyor ba kun la bsam zhes bya ba la/ kun ni dbye ba'i las la ste/ der ma he dang rta la gnas pa'i haM gis 'khrul 'khor sbyar bar bya'o/ /yi
 ge lnga zhes bya ba ni ha ste/ de bzhin gshegs pa lnga'i rang bzhin yin pa'i phyir ro/ /yang na wa nas ha'i mthar thug pa lnga'o/ /mgo dang bral zhing thig les brgyan zhes bya ba ni/ mgo med pa'i haM kha thur du blta ba ste/ bde ba chen po'i
 'khor lo la gnas pa'o/ /khyab bya khyab byed ces bya ba ni/ rtsa thams cad dang khams thams cad du 'gro ba'o/ /stong dang shin tu stong pa dang/ /stong pa chen po zhes bya ba ni khams gsum stong pa nyid kyi rang bzhin du byed pa'i phyir ro/ /
 yang na 'khor lo gsum gyi gnas su dga' ba'i ye shes 'bebs pa'i phyir ro/ /yi ge k+Sha'o las gsungs pa/ mgo dang bral ba zhes bya ba la sogs pa la/ mgo dang bral ba'i yi ge k+Sha zhes bya ba ni/ rkan gyi lam du bsam par bya
 ba dang 'brel te/ rkan gyi lam ni spyi gtsug gi sgo'o/ /thig ler ldan pa'i sbyor ba zhes bya ba ni/ yi ge k+Sha ste me 'bar ba'i gzugs can du sna sgo'i lam ste/ sna'i bu ga gnyis su bsgom par bya'o/ /de nyid gsungs pa/ ri mo dag ni zhugs
 par bar ma zhes bya ba ste/ ri mo de yang ci 'dra zhe na/ ri mo mar me'i rtse lta bu ste/ k+ShaM gi thig le las me 'bar ba'o/ /dkyil 'khor bzhi'i gzi can bsam zhes bya ba ni dbang chen la sogs pa'i sbyor ba bzhi'i 'od 'phro ba'o/ /rtag tu rkan
 ni phug ste gnas zhes bya ba ni/ 'od 'bar ba dang bcas par tshangs pa'i sgo'i bar du 'bar ba'o/ /rtse mo rgyas pa mthong 'gyur te/ /zhes bya ba ni/ rtse mo ni 'das pa la sogs pa'i cha'o/ /rgyas pa ni ma lus pa'o/ /rtse mo rgyas pa mthong 'gyur
 te/ mthong ba ni mngon par shes pa chen po dang ldan pa'o/ /gzhan gyi grong sogs 'dod bzhin 'gro zhes bya ba la/ gzhan gyi grong du 'gro ba ni gzhan gyi lus la 'jug pa'o/ /'dod pa ni rang gi bya ba shes pa zhes bya'o/ /ji ltar yi
 ge k+Sha sbyor ba bzhi dang ldan pas las thams cad pa nyid du bstan pa ltar/ sde tshan gyi yi ge thams cad las thams cad pa nyid du bstan pa'i phyir/ re re yi ni zhes bya ba la sogs pa smos te/ yi ge sde tshan so
 so yi/ /yi ge dag ni so so zhing/ /re re 'ang sbyor ba bzhi bzhi ste zhes bya ba ni/ sde tshan brgyad po thams cad las rnam pa bzhi bzhi dang ldan par bstan pa yin no/ /gcig dang bzhi ru sbyar ba bzhin zhes bya ba ni/ yi ge k+Sha gcig tu sbyor ba bzhin
 bshad pa ji lta ba bzhin du'o/ /A li kA li zhes bya ba la sogs pa la/ A li kA li'i sngags ni kha dog dang dbyibs kyi bdag nyid can gyi gzugs so/ /cho ga ni bya ba ste dbang du bya ba la sogs pa'i las so/ /sgrub thabs 'byung ba ni ting
 nge 'dzin gyi lus la dgong pa'o/ /don de ston par byed pa'i gzhung ni rim par phye ba ste bzhi bcu rtsa gcig pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bzhi bcu rtsa gcig pa'i rnam par bshad pa'o// /
 da ni tsakra sam pa ra dang/ 'di las kyang gsang ba zhes bya ba la sogs pa gsungs pa de bshad par bzhed nas/ de ston par byed pa'i le'u gsungs pa/ de nas zhes bya ba la sogs pa ni bshad zin to/ /khyod kyis bshad pa gsang ba dang//
 thams cad bdag nyid rtag tu bzhugs zhes bya ba ni/ gsungs pa zhes bya ba dang 'brel to/ /de la gsang ba zhes bya ba ni bdun pa'i don gyis dang po yin no/ /de yang gsang ba zhes bya ba dang po dang/ thams cad bdag nyid rtag tu bzhugs
 zhes bya ba'i tshig tha ma 'di gnyis kyi bar na gnas pa'i mchog gi dgyes pa zhes bya ba'ang gzung bar bya ste/ de ltar na sngar bstan pa'i yi ge bcu drug po ma lus pa bzung ba yin no/ /de nyid kyi phyir yi ge bcu drug rig pa che zhes bya ba
 gsungs te/ tshig rkang gnyis pa'i tshigs su bcad pa yin no/ /de la ra la sogs pa'i yi ge 'di dag ni/ yi ge bcu drug kyang yin la/ bcud kyis len gyi rdzas bcu drug brjod par byed pas rig pa chen po yang yin te/ des na yi ge bcu
 drug rig pa che'o/ /bshad pa ni gsungs pa'o/ /ci zhig ce na/ khams rnams dang ni zhes bya ba la sogs pa la/ lus 'tsho bar byed cing 'dzin par byed pas khams rnams te rdzas bcu drug po nyid do/ /'di ni nye bar mtshon pa ste/ mkha' 'gro
 kun dngos sems dpa' ni zhes bya ba la sogs pa la/ gang khyod kyis sngar bstan pa'i don ni ji lta bu zhig lags zhes bya bar yang sbyar bar bya'o/ /de bzhin rtsa zhes bya ba la sogs pa la/ dang zhes bya ba ni bde mchog tu gsungs pa'i
 rnam pa gzhan bsdu ba yin no/ /ji ltar nang du yang dag gnas zhes bya ba ni rtsa la sogs pa thams cad sbyar ro/ /nyon cig ces bya ba la sogs pa la/ ma mo zhes bya ba ni khams bcu drug po 'di dag yin te/ de dag gi lus
 bskyed cing brtan par byed pas ma ltar gso ba'i phyir ma mo'o/ /de dag gi ma mo yang yin la nang gi dkyil 'khor yang yin te/ snying po len pa'i phyir ro/ /kha cig ni nang gi rdzas rnams lha'i dkyil 'khor gyi rnam par dag pa yin
 no zhes zer ro/ /rnal 'byor pa'i bdud rtsi sbyor zhes bya ba ni/ sgrub pa po rnams kyi bcud kyi len gyis sbyor ba ste/ sbyor ba nyid bdud rtsi sbyor ba'o/ /cha ni bsgyur ba ste sbyor ba gzhan gyi nang gi rdzas kyi sbyor bcu drug tu bsgre zhing bsgyur ba'i char yang
 mi phod do zhes bya ba'i don to/ /rdzas rnams yi ge re re zhing so so'i brdas bstan pa'i phyir/ slar yang zhes bya ba la sogs pa gsungs te/ si ra zhes bya ba ni skra las byung ba'i mar nag dang skra las byung ba'i lan tshwa gnyis so/ /so dang
 lag skyes zhes bya ba ni so dang sen mo'i rdul ston pa ste/ de ltar na rdzas bco brgyad sde tshan bcu drug bstan pa yin no/ /byang chub sems las byung ba'i zhes bya ba la sogs pas ni bde ba'i mchog ces bya ba
 'chad par byed pa yin te/ skabs ma yen mod kyi bde blag tu rtogs par bya ba'i phyir ro/ /gzhan du na 'di thams cad brjod pas tshegs che bar 'gyur ro/ /de la byang chub ni lha'o/ /sems ni de bzhin nyid do/ /de dag las byung ba ni kun tu
 bzang po'i rang bzhin no/ /de nyid gsungs pa/ rtag tu zhes bya ba la sogs pa la/ ye shes ni lhan cig skyes pa'o/ /dam pa ni gnyis su med pa'o/ /mchog ni gtso bo ste bde ba mchog ces bya ba'i don to/ /rtsa rnams thams cad yang dag
 'dus/ /zhes bya ba ni rtsa thams cad mnyam par sbyor ba las skyes pa'o/ /yang sngar thal ba'i 'phro gsang ba zhes bya ba la sogs pa rnam pa gzhan bstan pa'i phyir/ gsang sogs zhes bya ba la sogs pa smos te/ lnga zhes bya ba ni bdud
 rtsi lnga nyid do/ /khams kyi sde tshan zhes bya ba ni/ sde tshan gyis bstan pa'i khams bcu drug go /sdud pa zhes bya ba ni bdud rtsi lnga'o/ /de ltar gsang ba la sogs pa bshad nas/ mkha' 'gro kun dngos zhes bya ba la sogs pa bstan pa'i phyir/
 mkha' 'gro zhes bya ba la sogs pa smos te/ 'dis sems can rnams 'tshod cing 'chos pas na chags pa ste/ mkha' 'gro kun dngos so/ /ci zhig ce na/ sems dpa' o/ /de nyid kyang mi shes so zhe na rdo rje las byung ba zhes bya ba
 smos so/ /de la rdo rje ni mi phyed pa ste snyoms par 'jug pa'o/ /byung ba ni skyes pa ste/ byang chub kyi sems zhes bya ba'i don to/ /'dis ni mkha' 'gro kun dngos sems dpa' zhes bya ba'i tshig bshad pa yin no/ /sems dpa' i bsgrub
 pa ni 'og nas bshad par bya'o/ /byang chub kyi sems nyid kun zhes bya ba rnam par snang mdzad la sogs pa 'khor lo sgyur ba drug tu phye ste bstan pa'i phyir pad+ma zhes bya ba smos so/ /steng du 'phro zhes bya ba ni phyis 'gro ba'o/ /rlung ni sna tshogs
 las 'byung ba zhes bya ba la sogs pa rlung ni rta mchog yin zhes bya bar sbyar te/ rta mchog ni don yod par grub pa'o/ /'di ni nye bar mtshon pa ste/ me la sogs pa snang ba mdza' yas su yang sbyar bar bya'o/ /sna tshogs zhes bya ba ni
 'byung ba la sogs pa thams cad do/ /las byung zhes bya ba ni gnyis su med pa ste/ 'dis ni drug pa rdo rje sems dpa' ston to/ /khyad par yod pa rta mchog yin zhes bya ba la/ khyad par ni khyad par gyi dga' ba'o/ /spyod pa zhes bya
 ba'i sgras ni de dang lhan cig tu rgyu ba ste/ lhan cig skyes pa'i dga' ba gzung ngo/ /yang na at+ta zhes bya ba ni 'ching bar ston to/ /des bcings pa'i lhan cig skyes pa'i dga' ba'o/ /dga' gnyis ni don gyis shes par bya'o/ /de ltar
 na kun tu dga' ba ni pad+ma gar gyi dbang phyug go /mchog tu dga' ba ni rdo rje nyi ma'o/ /rnam par snang mdzad ni gnyis ka las skyes pa'o/ /khyad par gyi dga' ba ni don yod grub pa'o/ /lhan cig skyes pa'i dga' ba ni mi bskyod pa ste/ rdo
 rje sems dpa' dga' ba kun gyi rang bzhin no/ /rnam shes ni byang chub kyi sems so/ /rdo rje sems dpa' ni mi bskyod pa'o/ /ci'i phyir byang chub sems mi bskyod pa yin zhes sgra bsgrub pa gsungs pa/ phan tshun gnyis med rang bzhin no//
 zhes bya ba smos te/ dngos po rnams phan tshun ye shes kyis rang bzhin du mi phyed cing ma dkrugs pa'i phyir ro/ /de ltar na pad+ma gar gyi dbang phyug dang/ rdo rje nyi ma ni me'o/ /rnam par snang mdzad ni sa'o/ /don yod grub pa ni rlung ngo/ /mi skyod
 pa ni chu'o/ /thams cad kyi bdag nyid ni rdo rje sems dpa' ste/ de dag thams cad ni byang chub kyi sems kyi rnam par bzhag pa'o/ /yang gsungs pa/ gnas der zhes bya ba la sogs pa la der zhes bya ba ni
 chos 'byung ba dang/ rdo rje'i phyag rgyar ro/ /nub pa zhes bya ba ni bcug pa ste/ rdo rje dang chos 'byung ba'i phyag rgya dang mnyam par sbyor bas zhugs pa'o/ /nyi ma ni byang chub kyi sems te/ ji skad du gsal par byang chub sems la ni/ rdo
 rje nyi ma zhes byar brjod ces zer ba'i phyir ro/ /sprul pa'i sku zhes bya ba ni/ de nyid lha la sogs pa'i lus kyi rnam par byung ba'o/ /bde ba bsdus bya zhes bya ba ni/ der thams cad ro gcig pa'i phyir ro/ /rnyog pa med pa ni zag pa med
 pa'i phyir ro/ /'khor ba'i lam ni gcod pa po zhes bya ba ni/ gzung ba la sogs pas mngon par zhen pa med pa'i phyir ro/ /spros pa thams cad nye bar zhi ba zhes bya ba la sogs pa'i spros pa ni tha dad par gyur pa'o/ /de 'di la med pas
 spros pa nye bar zhi ba'o/ /de nyid thams cad kyi rang bzhin bstan pa'i phyir rdo rje sems dpa' zhes bya ba la sogs pa smos so/ /yang na zhes bya ba la sogs pas ni tshul gzhan bshad pa yin te go sla'o/ /da ni rdo rje mkha' 'gro bde
 ba'i mchog zhes bya ba ni rdo rje zhes bya ba'i tshig gi don bshad par 'dod nas/ mi shes ri bo 'joms pas na/ /ye shes nyid ni rdo rje'o zhes bya ba smos te/ ye shes ni gnyis su med pa'i ye shes yin la/ de'i rang bzhin nyid rdo rje'o/ /
 mkha' 'gro'i sgra ni 'og nas sten par 'gyur ro/ /bde ba'i mchog ni bshad zin to/ /da ni gong du thal ba'i sems dpa' i sgra bsgrub par 'dod nas/ sems dpa' rnam pa gnyis gsungs te zhes bya ba la sogs pa smos so/ /yang na bde
 mchog la sogs pa las/ rdo rje sems dpa' bde ba'i mchog ces zer bas/ 'dir sems dpa' bshad pa yin no/ /snod dang bcud kyi 'jig rten no zhes bya ba la sogs pa ni/ gzugs ni rnam pa bzhi ru gnas zhes bya ba dang 'brel to
 gang zhe na sa dang chu dang me dang rlung gi zhes bya ba smos te/ 'dis ni 'di'i rang bzhin zhes bya ba la sogs pa'i 'brel pa bstan pa yin te/ 'di ni mngon sum gyi tshig ste/ bcom ldan 'das bde ba chen po'i rang rig pa'i ye shes so/ /
 rang byung zhes bya ba ni 'byung ba chen po'i rjes su dpag pa'i rang bzhin gyi phyir ro zhes bya ba ni de ltar gyur pa'i bde ba chen po ye shes su 'byung ba rnams ji ltar 'dus par 'tshal bar bgyi zhes bya ba'i 'dri ba thugs la bzhag nas lan ston
 pa yin no/ /gal te 'byung ba rnams rang rig pa'i ngo bo nyid ma yin na/ ji ltar nyams su myong bar 'gyur te/ nam mkha' lta bu'i ye shes las ji ltar skyo ba snang bar 'gyur zhes bya ba'i don 'di ni rjes su dpag pa yin no/ /nyon mongs
 ba la sogs pa'i bdud 'joms pa zhes bya ba ni nyon mongs la sogs pa'i bdud kyi dri ma rnams blo bur ba nyid yin zhing/ gzhan gyi dbang du gyur pas rang gi de kho na nyid goms pas 'od gsal ba'i rnam par yongs su gyur pas so/ /
 de nyid kyi phyir rang 'byung ngo/ /lha nyid yin zhing zhes bya ba la sogs pa la lha nyid ces bya ba ni/ lus la gnas pa'i phyir ro/ /lhag ma nyid ces bya ba don lhag par 'dzin pa ste/ khams zhes bya ba sdud cing 'dzin pa 'am gsal
 bar khyed pas na don lhag ma 'dzin pa'o/ /lhag ma ci zhig yin zhe na/ gang sngar bstan pa'i zhes bya ba la sogs pa smos te/ khams rnams zhes bya ba ni khrag la sogs pa'o/ /gtso bo zhes bya ba bstan pa'i phyir/ phung po dang zhes bya ba la
 sogs pa smos te/ khams zhes bya ba ni sa la sogs pa'o/ /yang dag par skyed par byed pa zhes bya ba ni/ de dag skyed par byed pa'i sa bon no/ /khu ba dang khrag ces bya ba ni/ rtsa las byung ba zhes bya ba sbyar ro//
 de las zhes bya ba ni rtsa rnams so/ /yang na de las zhes bya ba ni/ yang dag par byung ba'i sems skye ba las so/ /khu ba dang khrag ces bya ba ni nye bar mtshon pa ste/ ji lta ba bzhin du rang rang gi rtsa las phyung ba'i khams rnams bde ba las 'gyur pa'am/ de
 dag las kyang bde ba 'byung ba'o/ /bzhed gzhung gsungs pa zhes bya ba ni rgyud 'dir gsungs pa nyid gzhan du yang bzhed pa'o zhes bya ba'i don to/ /lhag ma ni go sla'o/ /don dam par dbye ba med pas nye bar btags nas zhes bya ba la don de bar dbye ba med bzhes
 bya ba ni/ yul dang yul can tsam gyis 'brel pa ste/ dbang po rnams kyis don rnams nye bar longs spyod pas yul gyi ming yul can la btags pa'o/ /de rnams kyi nye bar rgyu ba zhes bya ba la/ de rnams ni dbang po rnams so/ /nye bar rgyu ba ni yul rnams la
 nye bar longs spyod pa'o/ /byang chub kyi sems thob pa zhes bya ba ni/ yul dang yul can 'dres nas lhan cig skyes pa ro gcig pa'i gnas skabs thob pa ste/ de dag gis ni dam tshig spyod pa'i spyod yul yin zhes bsnyad do/ /de nyid kyi khyad par
 gsungs pa/ 'jig rten gsum du zhes bya ba la sogs pa la/ zag pa dang bcas pa'i dngos po gsum las zhes bya ba'i yul rnams la nye bar longs spyod pa ste/ gzung ba dang 'dzin pa dang 'dzin pa po gsum gyi dmigs pa de ni zag
 pa dang bcas pa'i dngos po gsum mo/ /rnyed par mi 'gyur zhes bya ba ni rnyed dka' ba'i bshad pa'o/ /byang chub sems kyi khu ba dang bde ba'i shes rab kyi rnam pa gnyis su med pa'i ye shes de nyid gsang ba la sogs pa'i tshul gyis
 gzhan du bstan pa'i phyir/ thog ma zhes bya ba la sogs pa smos te go sla'o/ /rnyed pa bde ba kun myos pas/ /ngan par spyod pa 'grub par 'gyur zhes bya ba'i tshig gi don bshad pa'i phyir bcom ldan 'das ma zhes bya ba la sogs pa smos te/ b+ha ga dang
 ldan pa'i phyir/ bcom ldan 'das ma ste bu mo'o/ /lo brgyad pa zhes bya ba ni ngan par spong pa zhes bya ba'i rnam par dbye ba'o/ /bcas pa zhes bya ba ni/ byang chub kyi sems so/ /lha dang mi'i bde ba zhes bya ba ni/ lha dang mi dag gi bde ba'i rgyu yin pa'i phyir ro/ /bsdu
 pa'i zhes bya ba ni khams thams cad kyi bsdu ba ste/ nang gi khams bco brgyad kyis ra sa yA na sbyar ba'o/ /yang na bsdu ba ni rdul chu zag pa ste/ de la lo brgyad pa'i khrag dang bcas pa'i khu ba shes pa'i yin no/ /rdo rje'i rdul gyi ni zhes byang chub kyi sems
 'phros pa'i rdul gyi cha shas so/ /de dang khams rnams lhan cig tu sbyar ba ni mtho ris kyi lha dang mi'i bde ba thob pa'i rgyud nyid yin par sbyar bar bya'o/ /gang las zhe na/ de la zhes bya ba la sogs pa smos te/ bu mo zhes bya ba ni lo brgyad pa'o/ /skud pa
 zhes bya ba ni rtsa bcu drug go /bsgril ba zhes bya ba ni bsgyur ba ste/ de dag gong nas gong du spel ba'o/ /yang na sum 'gyur du bya ba ste/ khrag rdul chu'i sum 'gyur du bya ba'o/ /chags pa chen po zhes bya ba la/ 'dis 'tshong bar byed pa dang/ thun
 mong ma yin pas chags pa chen po ste/ lo brgyad pa las byung ba'i khrag go /'di ni gtso bo brjod pa ste/ gzhan las skyes pa'i rdzas rnams kyang gzung bar bya'o/ /de nyid kyi phyir bdud rtsi lnga'i snying po'i gong bu byas la zhes bya ba gsungs so /
 dang zhes bya ba ni bsdu ba'i don to zhes bya ba ni don de nyid gsal bar byed pa'o/ /yang na bdud rtsi lnga'i snying po zhes bya ba ni khrag dang khu ba'o/ /dang zhes bya ba ni sde tshan gyis rdzas gzhan bsdu ba'o/ /khams rnams bsdus shing zhes bya ba ni sbyor ba
 ston pa yin te/ khrag dang khu ba la sogs par sbyar ba'o/ /de nyid gsungs pa/ gang dang gang zhes bya ba la sogs pa ste/ brlan zhes bya ba ni lo brgyad pa'i me tog go /sa bon zhes bya ba ni khu ba'o/ /bsgril
 te zhes bya ba ni khrag khu ba'i sum 'gyur du bya ba'o/ /brtag pa zhes bya ba ni bcud kyi len du sbyar ba'o/ /yongs su smin pa zhes bya ba ni/ lha rnams kyi bdud rtsi 'thungs pa ltar sgrub pa pos longs spyod pa yongs su zhu zhing smin pa skad cig la lha
 dang mi'i bde ba thob par 'gyur ro/ /bde ba'i gsal bas mtshan pa zhes bya ba ni/ byang chub kyi sems dang bcas pa'i lo brgyad pa'i khrag gis sbyar ba nyid bsdus te ston pa yin no/ /des ni khrag dang khu ba so sor bzung la byis gcig
 tu sbyar bar bya'o/ /zhes ston to/ /lo brgyad pa ji lta ba bzhin du lo dgu nas bcu drug gi bar gyi bu mo rnams kyi khrag sum 'gyur dang/ byang chub kyi sems kyi rdul chu cha rer sbyor ba dag kyang shes par bya'o/ de nyid kyi skud pa bcu drug ces
 bya ba gsungs te/ ji skad du skud pa bcu drug ces bya ba/ bcu drug lon pa'i bu mor bshad/ zhes gsang ba'i mdzod las gsungs pa'i phyir ro/ /da ni lo bcu drug ma dang dam tshig la nye bar spyod pa bstan pa'i phyir/ chos kyi
 dbyings dang mnyam sbyor ba'i/ /sems kyi rdo rje mngon du bya'o zhes bya ba gsungs te/ sems kyi rdo rje zhes bya ba ni lhan cig skyes pa'o/ /lhan cig skyes pa'i bde ba de las byung ba'i phyir/ khu ba nyid bcud kyis len la sbyar bas/ lha
 dang mi'i bde ba ster bar bstan pa'i phyir/ bde ba bsten pa las zhes bya ba smos te/ de dag ni go sla'o/ /de nyid sngags pa bstan pa'i phyir/ de dang mnyam pa zhes bya ba la sogs pa smos te/ rdo rje phra mo'i rang bzhin zhes bya ba ni byang
 chub kyi sems bde ba'i bdag nyid spros pa'o zhes bya bas bstan te/ de dag ni sngar bshad zin to/ /mthu dang ngo bo nyid dag dang/ /rang bzhin gyis ni grub pa ste zhes bya ba la/ mthu ni stobs so/ /ngo bo nyid ni rdzas rnams te/ rdzas rnams kyi mthu rang
 bzhin gyis grub pa ste/ rten cing 'brel bar 'byung ba'i chos nyid zab cing brjod par mi nus pa zhes bya ba'i bar du'o/ /gang zhig phyi rol la dga' zhes bya ba ni phyi rol gyi khams kyi bcud kyis len sbyor ba'o/ /bcu drug cha zhes bya ba ni
 bshad zin to/ /mi phod do zhes bya ba ni/ bcu drug gi cha'i sbyor ba de la bsgrin pa mi nus so zhes bya ba'i don to/ /brda'i tshul gyis gnas gsungs pa yin te/ gsang ba zhes bya ba la sogs pa ni go sla'o/ /chung ngu dang bar ma dang chen
 po'i chen po la sogs pa rnams me long lta bu'i ye shes lnga'i rnam par dag pa bstan pa'i phyir me long lta bu zhes bya ba la sogs pa gsungs so/ /de bzhin gshegs pa lnga'i rnam par dag pas kun rdzob kyi bya ba rnams gnas lnga
 la so sor gnas pa'i phyir dang/ shes rab kyi gnas lnga'i dbye ba bstan pa'i phyir/ dbugs dbyung mchog dang zhes bya ba la sogs pa ste/ dbugs dbyung zhes bya ba ni chung ngu'o/ /mchog ces bya ba ni chen po dang chen po'i chen po la
 sogs pa'o/ /bar ma ni bar ma nyid do/ /dri'i chu dang bcas pas mchod ces bya ba la/ dri ni rnam par snang mdzad do/ /chu ni mi bskyod pa ste/ bcas pa'i sgras rin chen 'byung ldan la sogs pa gzung bar bya'o/ /de nyid kyi phyir gsungs
 pa/ bcas pa zhes bya ba la sogs pa smos te/ khu ba dang bcas pa zhes bya ba la sogs pa ni rin chen 'byung ldan la sogs pa'o/ /de dag gis ni bdud rtsi lnga'i sbyor ba bstan to/ /gnyis par na bcas zhes bya ba ni rdul
 chu gzung ba yin no/ /de'i tshe snga dro'i dus su sna la sogs pa nas longs spyad par bya'o zhes bya ba'i don to/ /gzhan yang zhes bya ba ni rigs kyi bu mo las gzhan pa ste gzhan gyi'o/ /yang na sngags la sogs pa
 dang bral ba'i pho nya dag gis me tog kyang gzung bar bya ste/ de nyid kyis ni lhan cig bsgrub skyes zhes bya ba la sogs pa gsungs te/ lhan cig skyes ma la sogs pa las gzhan pa'o/ /gzhan yang zhes bya ba la sogs pas ni bcom
 ldan 'das nyid kyis dgon pa chen po la sogs pa'i gnas kyi phyogs ston par mdzad pa yin no/ /sna tshogs pad+ma ras kyis g.yogs zhes bya ba la sogs pa la/ sna tshogs ni rnam pa du ma ste zhes bya ba ni/ brtan pa la sogs pa'i
 'jig rten gsum gyi rang bzhin sna tshogs so/ /de nyid bde ba chen po yin pa'i phyir pad+ma'o/ /de nyid yon tan sna tshogs dang ldan pas gzung bar bya bas gzungs so/ /ras zhes bya ba la sogs pa la/ gsal bar mi phyed pa zhes bya ba ni
 sgrib pa'i ngo bo nyid de nyon mongs pa can ma yin pa'i phyir mi shes pa'o/ /de bas na ras ni gsum pa'i sgrar blta bar bya ste/ ras kyis zhes bya ba dang sbyar ro/ /mi mngon par byas pa ni bkab pa ste/ bde ba chen po lhan cig skyes
 pa de la bsgribs pa'o/ /yang na pad+ma ni thabs so/ /gzungs ni shes rab ste/ de gnyis sbyor ba las skyes pa'i gnyis su med pa gang yin pa de ni tshig bla dags so/ /sgrib pa de bsal ba'i nye bar spyod pa bstan pa'i phyir/ stan zhes
 bya ba la sogs pa smos te/ gding zhing kha phye bas na stan te/ shes rab kyi pad+ma'o/ /dag pa dang 'jam pa gnyis ni pad+ma'i khyad par ro/ /pad+ma ni chos kyi 'byung gnas so/ /gos ni nye bar mtshon pa ste/ gos la sogs pas brgyan pa'o
 yang dang yang du 'dod pas mnyes par bya zhes bya bas ni/ mchod pa zhes bya ba'i bshad pa yin pa bde ba'i sgrub pa nyid kyis mchod par bya'i gzhan gyis ni ma yin no/ /sdom pa yi ni bde ba'i mchog ces bya ba ni sgrib pa'i gnyen por
 gyur pa'i sgrub pa de las skyes pa'i sgrib pa dang bral ba'i ye shes te rdzogs pa'i rim pa'o/ /khrag ni pad+ma yin te zhes bya ba ni 'dis chags par byed pas na pad+ma la khrag ces bya'o/ /yang na dmar po zhes bya ba ste chags pa'o/ /de bzhin du
 khrag ni bcud kyis len pa ste zhes bya ba la/ bcud kyi len zhes bya ba ni bde ba chen po'i ye shes so/ /de nyid khrag ste yon tan gyis sems can rnams 'tshos pa'i phyir ro/ /de yang gsungs pa/ sems kyis 'jug pa mnyam shes pa
 bcud kyis len zhes bya bar brjod ces so/ /bshad pa la sogs pa bcud kyis len to zhes bya ba ni/ bdud rtsi lnga po dag kyang pad+ma'i khrag ces bya'o zhes bya bar sbyar ro/ /ra sa yA na bla na med ces bya ba la/ bla med ces bya ba ni
 rkang gi zhag go /dbang po thams cad las byung ba zhes bya ba ni/ mig la sogs pa'i dbang po'i sgo nas byung ba'i dri ma rnams so/ /de nyid ni mang bas na tshogs so/ /thams cad kyi bcud kyis ra sa yA na zhes bya ba ni/ ra sa yA na bla na
 med ces bya ba'i rnam par bshad pa yin no/ /yang na tsanda dmar po zhes bya ba ni khu ba'o/ /sha zhes bya ba ni bde ba'o/ /tshogs zhes bya ba ni 'dus pa'o/ /de nyid kyis na dbang po thams cad ces bya ba la sogs pa gsungs te/ ra sa yA na zhes
 bya ba ni lhan cig skyes pa'o/ /bza' bar bya zhes bya ba ni nyams su myong bar bya ba'o/ /lhag ma ni go sla'o/ /mchod pa bzhi zhes bya ba ni/ rnal 'byor dang rjes su rnal 'byor dang shin tu rnal 'byor dang rnal 'byor chen po ste de nyid ni mchod
 pa'o/ /dus bzhi zhes bya ba la sogs pa ni go sla'o/ /yang na bzhi ni stong pa nyid kyi nga rgyal nas bzung ste mchod par bya'o zhes bya ba'i bar du gsungs pa yin te/ bskyed pa'i rim pa'i ting nge 'dzin to/ /dpa' 
 bo zhes pa nas tshim par bya ba'i bar du rdzogs pa'i rim pa la gnas pa'i bsgom pa po'i ste/ zhes bya ba ni rdzogs pa'i rim pa'i ting nge 'dzin te sgra ji bzhin no/ /de ltar zhes bya ba la sogs pa la/ tha ma mchog dang bar ma ste zhes
 bya ba ni yang na man ngag gi ting nge 'dzin gyi dbye ba rnam pa gsum gsungs pa yin te/ tha ma zhes bya ba la sogs pa nas gzhan gyi de kho na nyid ji lta ba bzhin du bstan pa'o zhes bya ba'i bar du ni ting nge 'dzin dang po ste/ mtshan ma dang
 bcas pa'i lha'i dkyil 'khor ro/ /bar ma zhes bya ba nas rang gi dbus su bsdus la zhes bya ba'i bar du ni gnyis pa ste/ dbus su bsdus la zhes bya ba ni rang gi sems su bsdu ba ste/ rdo rje dang pad+ma mnyam por sbyor ba'i bde ba'i
 ye shes kyi nang du chos thams cad bsdus te/ sangs rgyas dang mnyam pa'i ngo bo nyid bde ba chen po rang rig pa tsam dang stong pa nyid kyi ye shes tsam du bya ba'o/ /rdo rje kun gyi zhes bya ba nas/ mchog go zhes bya ba'i bar du ni ting
 nge 'dzin gsum pa ste/ ye shes kyi de kho na nyid mtshan ma med pa'i lha'i dkyil 'khor bde ba chen po ste/ rdo rje dang pad+ma mnyam par sbyor ba'i dus su 'gro ba thams cad phyag rgya chen po'i nang du chud pa'i byang chub chen po bsgom
 pa'o/ /bud med kyis zhes bya ba la sogs pa la/ sgyu ma'i yon tan te zhes bya ba ni bsgyur du rung bas na yon tan te rgyu rkyen las rag las pa'i phyir/ rang bzhin gyis rnam par dag pa'o/ /de nyid kyis na rang bzhin gyis zhes bya ba
 la sogs pa smos so/ /yon tan gyi rgyud ces bya ba ni goms par byas pas na/ yon tan te de'i don gyis so/ /de nyid ci zhig yin zhe na/ ma lus pa sgyu ma'i don du gsungs so zhes bya ba ste/ lhan cig skyes pa'i gnas skabs nye bar sbyar ba'i phyir
 ma lus pa ste/ 'gro ba thams cad brdzun par gsungs te/ de'i man ngag ni grags par zad do/ /cha ni dngos po bstan pa ste zhes bya ba ni kun rdzob kyi bden pa'o/ /cha med yon tan zhes bya yin zhes bya ba ni/ yon tan bsgyur du rung ba ste/ don
 dam pa'i bden pa rang bzhin gyis rnam par dag pa'o/ /yang na yon tan ni gcig dang du ma dang bral ba'o/ /de nyid cha shas dang sha chas med pa'o/ /bya ba ni gnyis su med pa'o/ /de nyid tshul gzhan gyis bstan pa'i phyir/ yul dang dbang po
 rab tu dge zhes bya ba smos te/ yul ni yon tan te cha med pa'o/ /dbang po ni cig shos so/ /bde ba ni gnyis su med pa'o/ /yang sgyu ma zhes bya ba yon tan dang yon tan can nyid tshul gzhan gyis bstan pa'i phyir/ A li kA li zhes bya
 ba la sogs pa smos te/ A li ni cha shas med pa'o/ /kA li ni thabs so/ /yon tan gsungs pa zhes bya ba ni yon tan gnyis su med par bsgril pa'o/ /gsungs pa ni ye shes so/ /mnyam pa dam tshig spyod yul yin zhes bya ba la/
 mnyam pa ni ro gcig tu gyur pa'o/ /dam tshig ni mi 'da' ba' o/ /de gang gi yul yin pa de ni spyod yul lo/ /yang na A li ni shes rab bo/ /kA li ni thabs so/ /yon tan gsungs pa ni gnyis su med pa'i ye shes so/ /mnyem pa ni
 thabs dang shes rab mnyam par sbyor ba'o/ /dam tshig ni brdar btags pa'o/ /de gang gi yul yin pa de ni spyod yul yin no/ /nga ni phyag rgya ste zhes bya ba ni/ bud med kun zhes bya ba gang yin pa'o/ /mtshan ma bas na phyag rgya ste zhes
 bya ba ni/ rgya zhes bya ba ni rnam par bshad pa ste/ 'dis mtshon par byed pa 'am/ mgu zhing 'debs par byed pas na mtshan ma'o/ /'dis ni zhes bya ba ni 'dzin pa po'i blo la gnas pa'o zhes bya ba ni/ 'di'i zhes
 bya ba'i rnam par bshad pa ste/ sgyu ma'i phyag rgya blo la bsngogs pa 'am/ gnas pa de nyid nye bar bzung nas 'di ni zhes bya ba gsungs so/ /pa ti o lo'i go rim gyis de nyid shes par bya ba'i phyir gsungs pa/ yon tan des zhes bya ba la sogs pa la/
 yon tan des zhes bya ba ni dbyangs yig ring po rnams so/ /yon tan can ni dbyangs yig thung du rnams te/ gnyis su med pa'i tshul ni de dag mnyam par sbyor ba'o/ /de nyid ni mchog ste zhes bya ba la sogs pa ni go sla ste/ de dag gis ni nyid
 med ye shes mchog ces bya ba bshad pa yin no/ /nam mkha' i sgras ni sems la bya ste zhes bya ba ni/ nam mkha' ltar gnyis su med pa'i ye shes la bya ba'o/ /mkha' 'gro ma zhes rab tu grags zhes bya ba ni/ da ni nam mkhar 'gro ba zhes bya
 ba la sogs pa gsungs pa'i tshul gyis khams rnams nyid la bya yis/ byA ka ra Na'i skad kyi dbyings ni ma yin no/ /de nyid kyi phyir b+hu la sogs pa'i khams ni ma yin no zhes gsungs so/ /dam tshig dkyil 'khor zhes bya ba la sogs
 pas ni nang gi sbyor ba ston pa yin no/ /rang gi pad+ma'i lte dbus su zla bar gnas pa hUM yin te zhes bya ba ni snying ga'i pad+mar gnas pa'o/ /thig le bcu drug thig skud kyis zhes bya ba la sogs pa la/ thig le zhes bya ba ni lte ba'i dkyil
 'khor du gnas pa'i aM ngo/ /bcu drug thig skud ces bya ba ni/ kI lis ngos kun tu bskor ba'i dbyangs kyi yi ge bcu drug gi ri mo'i skud pas thig btab pa 'am/ rtsa bcu drug gi ri mos kun tu bskor ba'o/ /tha ma las phyi nas zhes bya ba
 ni mi shigs pa'i yi ge ha'o/ /'og tu yi ge k+Sha ni spangs zhes bya ba la/ 'og tu ni lte ba'i 'og tu ste/ der yi ge k+Sha gshang ba dang gci ba'i rang bzhin du bri bar bya'o/ /spangs zhes bya ba ni gnyis su med par bya ste/ a nas k+Sha'i mthar thug pa
 zhes bya ba dang sbyar gyi/ 'dir dor ba ni ma yin no/ /'dis ni thabs dang shes rab gcig tu bsre ba bstan pa yin no/ /lhag ma ni go sla'o/ /gsang ba zhes bya ba la sogs pa la/ sogs kyis mchog gi dgyes pa na zhes bya ba la sogs
 pa'i tshig gzhan gzung bar bya'o/ /de kho na nyid 'byung ba zhes bya ba ni/ gzhung gang las de dag gi de kho na nyid 'byung zhing ston pa'o/ /de nyid ni rim par phye ba ste bzhi bcu rtsa gnyis pa'o/ /rgyud kyi rgyal po chen po dpal rdo rje mkha' 'gro'i
 rnam par bshad pa las le'u bzhi bcu rtsa gnyis pa'i rnam par bshad pa'o// //da ni snying po'i sngags kyi sbyin sreg la sogs pa las kyi bsgrub pa bstan pa'i phyir/ sbyin sreg las kyi cho ga zhes bya ba la sogs
 pa gsungs so/ /pho nya'i steng du gnas pa ni zhes bya ba ni/ pho nya dang snyoms par zhugs pa'o/ /chang dang 'o mar sbags nas ni/ /zhes bya ba ni las kyi bye brag gi chang dang 'o mas so so sbags pa'o/ /yang na chang nyid 'o ma'o/ /bsgrub par
 bya ba'i gzugs bris te zhes bya ba ni thod pa la bsgrub par bya ba'i gzugs bris nas/ bsgrub bya dam tshig sems dpar bskyed de/ /ye shes kyi sems dpa' dang bsre bar bya'o zhes bya ba'i don to/ /'dab ma rlon pa brgya zhes bya ba ni d+ha
 d+hu ra'i 'phral gyi 'dab ma'o/ /de nas gzhan yang zhes bya ba la sogs pa la/ tsan dan dmar la zhes bya ba ni tsan dan dmar po'i rdul las so/ /ming bri zhes bya ba ni/ 'khor lo dang bcas pa'i ming bris la bsgrub par bya ste/ gzugs 
 brnyan gyi snying gar bcug nas/ sngags bzlas na ji skad smos pa bzhin du 'gyur ro/ /de yi ming dang spel ba yi/ /yi ger ni bri bar bya/ /zhes bya ba ni bsgrub bya'i ming gi ngos gnyis su ra bris pas gzir bar
 bya'o zhes bya ba'i don to/ /las thams cad ces bya ba la sogs pa la/ las thams cad ni zhi ba la sogs pa'o/ /de rnams kyi bsam gtan dang sbyin sreg cho ga gang dang gang du 'byung ba de ni rim par phye ba ste bzhi bcu rtsa gsum pa'o/ /
 rgyud kyi rgyal po chen po dpal rdo rje mkha' 'gro'i rnam par bshad pa las le'u bzhi bcu rtsa gsum pa'i rnam par bshad pa'o// //da ni rdo rje phag mo'i snying po'i sngags kyis ro langs la sogs pa bsgrub pa gsungs pa/
 da ni zhes bya ba la sogs pa la/ gzhan zhes bya ba ni/ ro'i khar bya ba la sogs pa dang nang gi sbyin sreg go /zla mtshan phyis ma'i ras ma ni byi la'i rtug par bcas pa dag /zhi ba du brdungs pas bdug par bya zhes bya ba ni/ man ngag gis na
 rdzas gnyis po de dag bdud rtsi lta ngag dang bcas te/ rdzas bdun gyi bdug pa bya bar sbyar ro/ /nang gi sbyin sreg ces bya ba la sogs pa ni go sla'o/ /ro langs zhes bya ba la sogs pa la/ gzhung gang gi ro langs bsgrub pa dang nang gi
 sbyin sreg gi cho ga ston par byed pa'i gzhung de la ni ro langs bsgrub pa dang/ nang gi sbyin sreg gi cho ga'i rim par phye ba ste bzhi bcu rtsa bzhi pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bzhi
 bcu rtsa bzhi pa'i rnam par bshad pa'o// //bgrang phreng gi le'u gsungs pa bgrang phreng zhes bya ba la sogs pa la/ shel dang nya phyis mu tig zhes bya ba ni shel la sogs pa'i bgrang phreng gis bzlas na/
 mu tig ste thar cing grol bar 'gyur zhes bya ba'i don to/ /khams kun zhes bya ba ni rus pa thams cad do/ /gzhan yang rung zhes bya ba ni rnal 'byor pas gzhan gang yang rung ba gzung bar bya'o/ /mu men zhes bya ba ni rgyal po 'khyil
 pa'o/ /gur kum la sogs pa dri dang ni zhes bya ba ni dpal chen myur du thob par 'gyur zhes bya ba snga ma dang sbyar ro/ /ril bu rnams ni dgra bcom ste zhes bya ba ni/ ril bu rnams sangs rgyas rnams kyi rang bzhin no zhes bya ba'i don to/ /steng
 du mchod rten brtag par bya zhes bya ba la/ steng zhes bya ba ni skud pa gnyis kyi rtse mo mdud pa'i ril bu ste/ mchod rten du brtag ces bya ba mchod rten gyi ngo bo nyid bsgom par bya'o/ /chos kyi dbang po ste zhes bya ba ni bzlas pa'i grangs kyi
 dbang po'o/ /chos kyi dbyings ni dbus su bya zhes bya ba ni der ril bu gzhan brgyus pa gang yin pa de chos kyi dbyings te/ rdo rje sems dpa' i rang bzhin dang gnyis su med par bsgom mo zhes bya ba'i bar du'o/ /bskrad la bya rog spu dang ni//
 bong bu rnga mo'i spu las kyang zhes bya ba ni bskrad pa'i las kyi bzlas pa la bgrang phreng gi skud pa bya rog la sogs pa'i srog chags gsum gyi spu las bya'o zhes bya ba'i don to/ /lhag ma ni go sla'o/ /bzlas pa'i cho ga ni bzlas pa'i bgrang
 phreng gi cho ga'o/ /gzhung ni rim par phye ba ste bzhi bcu rtsa lnga pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bzhi bcu rtsa lnga pa'i rnam par bshad pa'o// //
 dra ni gtsug lag khang brtsig pa la sogs pa la/ yon chab sbyin pa la sogs pa'i cho ga ston par byed pa'i le'u gsungs pa/ de nas zhes bya ba la sogs pa la/ de nas gsol to zhes bya bar sbyar ro/ /de la de nas zhes bya ba ni/
 slob dpon dang slob ma'i mtshan nyid bstan pa dang bgrang phreng gi cho ga bstan gyi 'og tu'o/ /sngar bshad mtshan nyid ldan pa dang zhes bya ba ni/ brtan zhing dul la zhes bya ba la sogs pa slob dpon gyi mtshan
 nyid sngar bshad pa ste de dang ldan pa'o/ /ye shes yongs su rdzogs pa'i lus zhes bya ba ni/ gang gi lus ye shes kyi rdul phra rab las bskyed pa ste/ slob dpon yin la de la gsol ba gdab ces bya ba dang sbyar ro/ /su yis she na/
 sems can don brtson zhes bya ba la sogs pa smos te/ sngar bshad pa'i mtshan nyid can gyi slob ma 'gro ba'i don la brtson pas so/ /brtan pa las ni brtan par te/ /g.yo ba las ni g.yo ba dang/ /'dron ma las ni 'dren mar
 shes zhes bya ba ni/ dge ba dang sdig pa'i mtshan nyid brtag pa'o/ /lte bar ye shes me 'bar ba zhes bya ba ni lte bar rlung dang me'i dkyil 'khor gyi steng du ye shes kyi me'i gzi brjid can gyi yi ge hUM dgod pa'o/ /paM las byung ba'i
 mi sdug gzugs zhes bya ba ni snying gar yi ge paM las byung ba'i sdig pa'i rang bzhin sha za'i gzugs can no/ /sngon du 'bru la sogs pa gzhug zhes bya ba ni/ 'bru rnam pa lnga dang rin po che rnam pa lnga pa'i dbus su bcug pas
 snying po dang ldan par bya'o/ /rang gi snying po brgyad brgyar bzlas zhes bya ba ni yi ge 'bru gsum brgyad brgyar bzlas pa'o/ /de yang gsungs pa/ khang bzang rdo leb ba lang lhas/ /zhabs bcags lha khang mtsho 'gram sogs/ /der ni
 lag bzhag yi ge gsum/ /bzlas kyi brko sogs bya mi dgos zhes so/ /yan lag gi don lhag ma rnams ni go sla'o/ /bsdus pa'i don brjod par bya ste/ de la slob ma'i rkang mthil du zhes bya ba nas/ bsrung ba dag ni dgod
 par bya zhes bya ba'i bar du ni slob ma gzung ba'i cho ga'o/ /dkyil 'khor cho ga ji bzhin du zhes bya ba nas/ rdo rje 'gros kyis kun tu bskor zhes bya ba'i bar du ni/ arg+ha sbyin pa dang sa gzung ba'i cho ga'o/ /bdud rtsi lnga ni kun tu byug ces bya
 ba nas/ me tog la sogs mchod par bya zhes bya ba'i bar du ni/ lha sta gon la gnas pa'i phyir mchod pa bstan to/ /de nas rin chen gser dang dngul zhes bya ba nas/ 'khor lo'i dbus su bzhag par bya zhes bya ba'i bar
 gyis ni/ bum pa sta gon la gnas pa bstan to/ /de nas zhes bya ba nas cho ga bzhin du lan gsum brjod ces bya ba'i bar gyis ni/ lha sta gon la gnas pa bstan to/ /lhag mas ni dkyil 'khor bri ba'i cho ga bstan to/ /
 da ni dkyil 'khor gyi cho ga'i le'u bsdus pa'i don ji lta ba bzhin du cung zad cig brjod par bya ste/ de la slob dpon mtshan nyid thams cad dang ldan pa la gang gi tshe slob mas dkyil 'khor bri ba'i tshe gsol ba btab pa de'i tshe
 slob dpon gyis bdag gis 'jig rten gyi khams thams cad na gnas pa'i 'gro ba rnams bla na med pa'i bde ba chen po'i go 'phang la dgod bar bya'o snyam du blos dmigs nas/ slob ma la 'di skad du/ khyod kyi dkyil 'khor
 gyi yo byad thams cad 'byor ram 'on te ma yin zhes dri bar bya'o/ /slob mas gal te 'di skad du cung zad cig ni 'byor la cung zad cig ni ma yin no zhes zer na/ de'i tshe de'i rkang mthil du gzhu'i dbyibs lta bu'i dkyil 'khor
 bsgom zhing/ lte bar me'i dkyil 'khor bsgoms la/ lte bar me'i dkyil 'khor gyi steng du nyi ma la gnas pa'i hUM bsgoms te/ rlung gis bskyod pa'i hUM gi me lce'i phreng ba snying ga'i bar du 'bar bas/ paM las byung ba'i sdig pa'i rang
 bzhin sha za'i gzugs mdog sngo zhing rnam par 'gyur la/ rlig pa 'phyang ba snying ga nas sna sgo'i lam nas phyung la/ hUM las snying gar phyin nas de las byung ba'i rdo rje gnod sbyin gyi gzugs kha mdog
 sngo zhing gsus pa 'phyang la/ mche ba btsigs shing g.yas brkyang pas bzhugs pa/ g.yon pa mche ba bsnams nas snying gar sdigs mdzub mdzad pa g.yas pa mche ba thogs nas 'phyar ba de bzhin du sna'i lam nas phyung la/
 oM badzra DA ki ni kha kha khA hi khA hi sarba pA paM da ha na b+ha smiM ku ru hUM hUM phaT ces brjod pas/ sdig pa zos par bsams la/ de nas slob ma saM las kun tu bzang por bskyed de/ de'i sems bsrung ba'i phyir khwa gdong la sogs pa'i ma
 mo rnams steng khro bo'i dbyibs can la 'og rdo rje rtse gcig pa'i dbyibs lta bu rnams de'i snying ga nas phyung la de'i sems las gyur pa'i bgegs kyi gtso bo rnams la phur bu des btab la yang phur bu de nyid kyis bgegs kyi
 tshogs lhag ma rnams bsreg par bsam mo/ /de nas slob ma'i snying gar hUM las bskyed pa'i rdo rje bsgoms la/ de'i spyi bo'i steng du yang a las bskyed pa'i zla ba'i dkyil 'khor gyi steng du yi ge haM gis mtshan pa'i rdo rje rgya gram
 bsgom pa de ni slob ma yongs su gzung ba'o/ /de nas rang gis rig pa lan khri 'am 'bum mam bye ba nyid du bzlas la grogs bzang po dang lhan cig tu snga dro'i dus su dkyil 'khor gyi sa brtag par bya ste/ grong khyer la sogs
 pa'i shar ram byang gi cha gzung bar bya'o/ /de ltar yang gsungs pa/ gtsug lag khang dang tshod dus dang/ ldum ra grong ngam grong khyer gyi/ /shar dang byang gi sa yi cha/ /mnyam par bzhag te bzung bar bya/ /zhes so/ /yang
 na nags tshal la sogs pa gzhan yang rung ste/ mdor na gang yid du 'ong ba'i gnas su sman pa la sogs pa'i dngos grub kyi bye brag gis/ pus mo nub pa tsam la sogs pa'i sa brkos la/ phug ma la sogs pa'i skyon rnams
 bsal te/ slar legs par bcags la/ sa'i mtshan nyid brtag pa'i phyir/ mtho gang tsam gyi sa'i dong legs par brkos la chus bkang ste/ shar phyogs su yid mi g.yeng bas goms pa brgyar phyin la slar log ste/ blta bar bya'o//
 ji ste phyed man cad du bskams par gyur na ni mi dge ba'i mtshan ma yin la/ gzhan du ni dge ba'i mtshan ma yin no/ /de nas sa dri zhim zhing bdud rtsi lnga dang dri zhim po dang bcas pas khuM ba bkang la/ oM badzra DA ki ni zhes bya ba
 la sogs pa'i sngags bzlas pa'i chus gtor te mtshan nyid dang ldan par legs par brdung bar bya'o/ /de nas rin po che la sogs pa dang/ 'bru la sogs pa'i sa'i dbus su bcug nas phyogs bzhir rta babs dang/ dril bu dang
 bcas pa'i ba dan btsugs nas/ bdud rtsi lngas byugs te/ sngar bshad pa'i bdug pas bdugs na/ dkyil 'khor gyi sa'i cha gzhal yas khang brtsegs pa'i nang du chud par bsgom par bya'o/ /de nas rdo rje mkha' 'gro'i sbyor ba dang
 ldan pas sdang ba rnams bsal bar bya ba'i phyir g.yas g.yon gyi phyogs kun tu mig gis bltas la/ phyogs bcing ba la sogs pa bya'o/ /de'i 'og tu bdag nyid mi bskyod pa'i rnal 'byor du byas la/ laM las byung ba ji
 skad bshad pa'i mtshan nyid dang ldan pa'i lha mo la/ lag pa sa la reg pa dang/ oM e dze hi zhes bya ba'i sngags kyis bskul la/ dril sogs pa thams cad kyis mchod de/ gsol ba btab nas de nyid du thim par bsgom
 mo/ /khang bzangs la sogs pa la ni brko ba la sogs pa ma byas par yi ge gsum gyi sngags lan brgya rtsa brgyad bzlas pa nyid kyis gzung bar bya'o/ /de nas slob dpon bdag nyid rgyan thams cad kyi brgyan te/
 rdo rje mkha' 'gro'i rnal 'byor du byas la/ dkyil 'khor gyi sa'i cha gzhal yas khang brtsegs pa'i nang du chud par lhag par mos pas sa'i cha dbus kyi stan la 'dug ste/ spro ba dang bcas pas 'di skad ces/ de ring bdag ni 'bras bur
 ldan/ /bdag gsol ba yang 'bras bur yod/ /lha dang dam tshig gis mnyam par/ /gyur pa bdag ni the tshom med/ /byang chub sems dpa' i sems gcig las/ /phyir mi ldog par bdag bgyid do/ /deng bdag de bzhin gshegs pa
 yi/ /rigs su skye bar the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /zhes brjod par bya'o/ /de nas yan lag thams cad
 kyis phyag byas la/ spos kyi reng bu lag tu thogs nas/ sangs rgyas thams cad la snyan gsan dbab par bya ste/ ma lus phyogs na bzhugs pa yi/ /sangs rgyas bdag la dgongs su gsol/ /rdo rje can dag che ge mos/ /dkyil 'khor
 rgyal po bstan par gyi/ /sangs rgyas la sogs 'dir gshegs nas/ /dngos grub 'dir ni stsal du gsol zhes brjod par bya'o/ /de nas oM swa b+hA ba shud+d+ha(rgyud 'grel oM yo ga shud+d+ha(rgyud 'grel gsol ba gdab pa dang/ slob dpon rdo rje dang dril bu 'dzin pas/ sangs rgyas thams cad la phyag byas te/ mig g.yon du Ta las zla ba'i dkyil 'khor/ g.yas su mam las nyi ma'i dkyil 'khor bskyed la/ phyogs kun tu blta zhing rdo rje
 'dzin pa'i nga rgyal bsgyings nas sa'i cha kun tu bskor bar bya'o/ /de nas oM A:hUM laM hUM/ zhes brjod pas dkyil 'khor gyi sa rdo rje'i rang bzhin du sprul la/ oM badzra me di ni badzri b+ha ba hUM zhes brjod par bya'o/ /de nas dkyil 'khor gyi sa'i
 dbus su dkyil 'khor ba'i lha sum cu rtsa drug pa yis bskor ba'i rdo rje mkha' 'gror bsams la/ khwa gdong ma la sogs pa rnams stod khro bo'i gzugs can la/ smad rdo rje rtse gcig pa'i gzugs can du bsgoms te/ dbang po la
 sogs pa bgegs kyi snying gar brdung zhing bral bar bya ste/ sngags 'di brjod par bya'o/ /oM badzra DA ki ni sarbba big+h+na a nu so da ya kI la ya hUM phaT ces so/ /de nas bdag nyid rdo rje 'dzin par nga rgyal byas la/ chos thams cad nam mkha' 
 dang mtshungs par bsgom na bsrung ba'i mchog tu 'gyur ro/ /de nas rdo rje mda'i dra ba la sogs pa bkod la/ rkang mthil du rdo rje rgya gram bsgoms nas/ gar dang bcas pa'i rdo rje 'gros kyis kun tu bskor bar bya'o/ /de nas tsan
 dan la sogs pa'i dris/ de bzhin gshegs pa lnga rnam par dag pa'i rnal 'byor ma'i gnas lnga'i gnas su ni maN+Dal gru bzhi par bya la/ dkyil 'khor pa lhag ma'i gnas su ni/ maN+Dal zlum por byas la/ thams cad du bdud rtsi
 lngas byug par bya'o/ /de nas dkyil 'khor so so'i gnas su rdo rje phag mos 'khyud pa'i rdo rje mkha' 'gro la sogs pa'i lha'i 'khor lo skad cig tsam gyis bsgoms la/ nam mkha' la gnas pa dang gcig tu bsres la/ me tog la 
 sogs pas yang dag par gcig tu mchod par bya'o/ /de'i 'og tu sa 'am rin po che las byas pa'i bum pa lto che ba rtsa ba nag po la sogs pa'i skyon dang bral ba'i lha'i grangs bzhin du gzung ste/
 mgrin par ras sar pas bcings la/ so so'i lha'i mtshan ma bris te dri zhim po dang bcas pa'i chu chen pos bkang la shing los kha brgyan te/ ku sha la sogs pa'i chun po'i steng du bzhag go /rnam par rgyal ba'i bum par sman dang 'bru dang
 rin po che rnam pa lnga nang du blugs la/ bdud rtsi lnga dang bcas pa'i chus bkang ste/ nang du rdo rje mkha' 'gro bsgoms la/ me tog la sogs pas mchod la/ bum pa'i mgrin pa me tog gi phreng bas bcings te/ me tog gi phreng bas
 bcings pa'i rdo rje bum pa'i steng du slob mas gzung la/ me tog gi phreng ba sna gcig slob dpon bdag nyid kyis gzung ste/ hUM zhes bya ba'i sngags brgya rtsa brgyad du bzlas la/ me tog la sogs pas mchod par bya'o/ /de bzhin du
 bum pa gzhan dag la yang/ oM DA ki ni huM hUM phaT zhes bya ba la sogs pa'i sngags so sor bzlas par bya ste/ bum pa lhag par gnas pa'i cho ga'o/ /de nas slob ma gsum la skyabs su 'gro ba la sogs pa'i rim gyis byang chub tu
 sems bskyed pa dang/ sdom pa 'dzin du bcug la lhag par gnas par bya ste/ phyi rol tu byung nas gtor ma byin la/ bgegs bzhom pa'i sbyin sreg bya ste/ slar yang dkyil 'khor gyi nang du zhugs nas/ sngon gyi lha rnams blos dmigs
 nas/ arg+haM la sogs pa'i mchod pa sngon du 'gro ba'i sngags kyis byin gyis brlabs la spos bsregs te/ rang gi lce'i rtse mor hUM las bskyed pa'i rdo rje bsams la/ oM pad+ma sar swa ti sa taM A barta ya sho d+ha ya hUM h+rir h+ri zhes brjod pas
 byin gyis brlabs la/ pus mo sa la btsugs te thal mo gnyis sbyar la/ dkyil 'khor thugs rje'i rang bzhin can zhes bya ba nas/ bka' drin dag ni bdag la gsol zhes bya ba'i bar du lan gsum brjod cing dril bu'i sgra bsgrogs
 pas mchod la/ slar yang sngar ma ltar bya ste/ sangs rgyas 'jig rten mgon po rnams zhes bya ba nas/ kun gyis byin rlobs nye bar bzhugs zhes bya ba'i bar du lan gsum brjod pas 'di ni lha sta gon la gnas pa'i cho ga'o//
 de nas der zhugs pa'i dkyil 'khor pa'i lha la mchod nam mkha' la gshegs su gsol la/ dri zhim po dang bcas pa'i bdud rtsi lnga dang/ yungs kar gyi phye ma dang bcas pa'i mtshon gyis skud pa lnga'i sna so sor bcos la/ rim pa
 bzhin du bruM aM dziM khaM hUM/ zhes bya ba'i sngags kyis so sor bskyed la/ skud pa re re zhing yang de bzhin gshegs pa lnga lnga'i yon tan dang ldan pas/ snal ma lnga lnga nyi shu rtsa lngar byas la/ de bzhin gshegs pa lnga'i thugs
 kha nas byung ba'i 'od zer gyi skud pa dang/ lhan cig tu bsres te/ a n+yo n+ya a nu ga tA:sarba d+harmA:pa ra spa ra/ a nu pra biSh+Ta sarba d+harmA a tyan+ta a nu pra biSh+Ta sarba d+harmA:zhes brjod la bsgril bar bya ste/ yang yi ge gsum gyi sngags
 bzlas par bya'o/ /de la skud pa'i dkyus ni dkyil 'khor nyis 'gyur du bya la/ sboms su ni sgo'i nyi shu char bya'o/ /de nas mig g.yas pa dang g.yon par ma dang Ta las nyi ma dang zla ba'i dkyil 'khor bskyed la/ thig skud rnams
 rim bzhin gser la sogs pa'i snang bdud rtsi lngas byugs pa'i nang du gzhag la/ rdo rje'i lta bas blta zhing me tog la sogs pas mchod nas/ yang yi ge gsum gyi sngags brgya rtsa brgyad bzlas par bya'o/ /de nas dkyil
 'khor gyi sa snga ma bzhin du byugs te/ nam mkha' la gnas pa'i lha rnams mchod la phyag byas nas bdag nyid rdo rje 'dzin par bsgoms la/ g.yog po rnam par snang mdzad du bsgoms te/
 mig gnyis su dza las nyi ma dang zla ba'i dkyil 'khor ser po bskyed la de'i dbus su dza bkod de thig skud yi ge gsum gyis bsngags pa'i dri zhim pos sbangs la/ las thams cad pa'i skud pa'i ri mo'i mtshan ma sngar
 byas pa la/ ye shes kyi skud pa bri bar bya'o/ /de yang rdo rje slob dpon gyis thig skud g.yon pa'i rdo rje khu tshur lte bar gzung la/ oM dza dza dza zhes bya bas thig skud kyi sna slob ma la btang ste/ slob mas kyang de nyid kyis drangs
 la lte bar bzung ste/ shar dang byang du bltas nas thig gnyis nam mkha' la gdab par bya'o/ /de nas phyogs thams cad mnyam par dmigs te sa la yang tshangs pa'i thig gnyis btab la/ slar yang slob dpon me
 mtshams dang rlung mtshams su gnas nas/ gnod sbyin dang yi dags dang dbang po dang klu'i phyogs rnams su thig gdab par bya'o/ /de nas yang me mtshams su gnas te rlung gi mtshams su thig gdab pa dang/ bden bral du
 gnas te dbang ldan gyi bar du srang bu brkyang bar byas la/ yang shar phyogs dang nub phyogs dang byang phyogs dang lho phyogs rnams su so sor thig btab pas dkyil 'khor brgyad par bya ste/ de dag thams cad la yang
 yi ge gsum gyi sngags bzlas pa sngon du 'gro bas/ oM badzra sa ma ya sU traM mA ti kra ma hUM zhes bzlas par bya'o/ /thig skud rdebs pa'i tshig thig skud kyi sgra sems can gyi don lags pas de bzhin gshegs pa
 rnams 'dir gshegs shig ces bya bas bskul bar bya'o/ /slob dpon dang slob ma gnyis kas g.yas bskor du 'gro zhing gru bzhi la sogs pa mtshan nyid thams cad dang ldan pa ji lta ba bzhin du bri la ye shes kyi skud pa
 gshegs su gsol par bya'o/ /thig bri ba'i cho ga'o/ /de nas rdul tshon rnams braM la sogs pa'i sa bon las bskyed de/ de bzhin gshegs pa thams cad kyi rang bzhin du bsgoms te/ hUM zhes mngon par bzlas nas/ dza'i
 'bar ba'i lta bas bltas te/ rdul tshon 'bar bar bsgom par bya'o/ /de nas hUM zhes bya bas dbus kyi phur bu bton la/ de'i khung bu rdul tshon sna lngas bkang ste/ rdo rje mkha' 'gror bsgoms te/ rdo rje dril bu gsil bas bgegs
 gsal la/ chos kyi dbyings rnam par dag par mos par byas nas dkyil 'khor gyi nang du 'dug ste/ dbang ldan gyi mtshams nas brtsams la/ kha shar du bltas la lag pa g.yon pa'i khu tshur gyis tshon g.yas bskor gyis bri
 bar bya'o/ /sngags ni oM badzra tsi tra sa ma ya hUM zhes bya ba 'di yin no/ /de'i 'og tu ci bder gyi bar bya'o/ /de ltar dkyil 'khor bris nas rdo rje mkha' 'gro'i ting nge 'dzin dang ldan pas/ rdo rje mkha' 'gro'i dkyil 'khor gyi lha
 rnams thod pa'i mtshan ma 'am/ so so'i lha'i sku 'am/ so so'i mtshan ma yang bris la/ de'i 'og tu de dag rdo rje mkha' 'gro'i dkyil 'khor gyi lhar sgrub thabs ji lta ba bzhin du bskyed la/ ye shes kyi 'khor lor gzhug par
 sngon du 'gro bas mchod pas mnyes par bya'o/ /de nas slar bdag nyid khro bo gnod mdzes kyi nga rgyal du byas la/ me tog sngon po'i phreng ba bzung ste/ oM sum b+ha ni zhes bya ba'i sngags brjod cing dkyil 'khor gyi ri mo yid
 kyis bteg la nang du zhugs nas/ chos thams cad gnyis su med pa'i rdo rje'i ngo bo nyid du bsgoms nas/ yang yid kyis phyir phyung ste/ dkyil 'khor lan gsum du bskor la lhag pa dang chad pa'i nyes
 pa gsal ba'i phyir/ rdo rje dang dril bu gsil zhing phyogs thams cad du rdo rje'i lta bas blta bar bya'o/ /de nas me tog gi phreng ba bcom ldan 'das la phul la/ gar byed cing slar yang blangs la/ gnod mdzes kyi sngags kyis bdag
 gi mgo la bcing bar bya'o/ /de nas yi ge gsum brjod pas yid kyi sgo rnams phye la/ g.yas brkyang ba la sogs pa gar rnams kyi sgo dang mtshams rnams su rol par bya'o/ /de ltar yang gsungs pa/ nub la sogs pa'i phyogs gnas
 shing/ /shar la sogs pa'i sgo glegs rnams/ /rim pa bzhin du phye nas ni/ /dga' bas g.yas brkyang la sogs rol zhes so/ /de nas bum pa rnams 'od kyi dkyil 'khor la rim bzhin du bkod la/ yid kyis lha rnams kyi spyan
 snga na gnas par lhag par mos par bya'o/ /yang na bum pa gzhan ri mo lnga'i phyi rol du bkod la/ rnam par rgyal ba'i bum pa ni/ shar phyogs kyi sgo'i nang logs su dgod par bya'o/ /las thams cad pa'i bum pa la/ oM kA kA sye huM hUM
 phaT ces bya ba 'di/ brgya rtsa brgyad bzlas la/ shar phyogs kyi sgo'i phyi rol du bzhag ste/ de'i chus slob ma'i bsang gtor la sogs pa bya'o/ /de'i 'og tu arg+haM la sogs pa mchod pa'i yo byad thams cad yi ge hUM gis byin
 gyis brlab par bya zhing/ bdag nyid rang gi lhar mos par byas la/ rdo rje mkha' 'gro'i dkyil 'khor gyi lha rnams mchod pas mnyes pa bya ste/ dkyil 'khor gyi lha rnams kyi sngags dang/ rang gi rig pa mtshan ma rnyed kyi bar du
 bzla bar bya'o/ /de nas sbyin sreg dang gtor mas tshim par bya ste/ slob ma 'jug pa'i cho gas bdag nyid rig pa dang bcas par dkyil 'khor du zhugs la/ bcom ldan 'das la chu'i dbang la sogs pa blangs te/ gnang ba mnos
 nas slob ma gzhug par bya'o/ /de nas slob ma sngar sbyang ba byas shing dam tshig dang sdom pa 'dzin par khas blangs nas/ bla ma la yon dbul bar bya'o/ /de nas slob ma'i snying gar a dmar po bsgoms la/ kA kA sye'i sngags
 bzlas pa'i bla gos bskon la/ khro bo gnod mdzes kyi sngags bzlas pa'i ras dmar pos mig bkab la/ rang gi dbang bskur ba'i rgyal ba byin gyis brlabs pa'i ras dmar po la sogs pas gtsug tor bcings te/
 las thams cad pa'i bum pa'i chus de la bsang gtor byas la/ phyag bzhi 'tshal du bzhug par bya'o/ /de nas slob dpon gyis e baM si ta a ru ni zhes bya ba la sogs pa'i glu blangs la/ slob ma'i snyim pa me tog gis phreng
 bas bkang ste/ yol ba'i phyi rol du bzhag la/ 'dod pas dga' ba khyod su yin zhes dri bar bya'o/ /slob mas kyang bdag ni skal bzangs bde chen mos zhes brjod par bya'o/ /de nas bsang gtor byas te/ A khaM bI ra hUM zhes bya ba
 'di brjod la/ yid kyi dkyil 'khor gyi lha dang gnyis su med par bsgoms te/ dkyil 'khor gyi nye 'khor du gzhug par bya'o/ /de nas slob dpon rang gi lha'i nga rgyal dang ldan pas/ de ring khyod de bzhin gshegs pa thams cad kyi
 rigs su zhugs kyis/ ngas khyod la ye shes gang gis de bzhin gshegs pa thams cad kyi dngos grub kyang 'thob na/ dngos grub gzhan lta smos kyang ci dgos te/ de lta bu'i ye shes bskyed par bya yis/ khyod kyis dkyil 'khor ma
 mthong ba rnams kyi mdun du ma smra zhig /dam tshig nyams par gyur ta re/ oM rdo rje sems dpa' deng khyod kyi/ /snying la de ring yang dag gnas/ /gal te tshul 'di smras na ni/ /de ma thag tu dral te gshegs
 shes bsgrubs nas/ dung chen du ni bdud rtsi lnga/ /sbyang ba dang ni brtags byas la/ /ye shes 'od kyis 'bar bar bya/ /'khor lo gnas pa'i dngos grub bsgrub/ /sgrub pa po yis bzung nas su/ /slob ma la ni blud par bya/ /'di ni khyod
 kyi dmyal ba'i chu/ /dam tshig 'das na bsreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /oM badzra ud da ka Tha zhes bya ba 'am/ yang na Tha'i gnas su hUM brjod par bya ste/ gsang ba'i mdzod las/
 slob ma smin pa'i las rnams la/ /Tha yi gnas su hUM brjod bya/ /zhes so/ /de nas rdo rje dang bcas pas slob ma'i lag nas bzung la/ de ring phan chad khyod kyi phyag na rdo rje da yin gyi/ das gang 'di gyis shig ces bsgo ba rnams
 bu khyod kyis bya dgos te/ nga la brnyas pa'i las ma byed cig /dus ma yin par shi nas dmyal bar lhung bar gyur ta re/ de nas slob mas de bzhin gshegs pa thams cad kyis byin gyis brlabs pa'i rdo rje sems dpa' bdag la
 dbab par gsol zhes smras la/ slob dpon gyis kyang de'i snying ga'i sa bon la me dang rlung gis gces nas ye shes kyi lha chags pa'i tshul du bcug ste/ oM tiSh+Tha badzra dri Dho me b+ha ba/ shA shwa to me b+ha ba/ h+ri da yaM me a d+hi tiSh+Tha/
 sarba sid+d+hiM me pra yats+tsha hUM ha ha ha ha ho(rgyud 'grel gar bdag po bzhag ste/ mig gnyis su oM/ dpral bar raM bsams la/ yi ge lnga brjod pas/ ye shes kyi snang ba las dngos grub rjes su shes par byas la/ oM rdo rje sems dpa' khyod nyid kyis/ /de ring mig 'byed nan tan mdzad/ /rdo rje
 mig ni bla na med/ /thams cad mig ni phye bar 'gyur zhes bya ba'i tshigs su bcad pas gdong yogs bshus la/ /dkyil 'khor bstan te/ kye rdo rje dkyil 'khor 'di la ltos/ /mthong nas dad pa bskyed par gyis/ /de ring sangs rgyas rigs
 su skyes/ /sngags dang phyag rgyas byin gyis brlobs/ /dngos grub thams cad bsgrub pa dang/ /dam tshig mchog la gnas par gyis/ /rdo rje padmo mchog gis rol/ /sngags kyis dbang phyug btson par gyis/ /zhes bya bas spro bar bya la/
 dkyil 'khor gyi de kho na nyid brjod par bya ste/ mi mnyam med par zur bzhi yin/ /dran dang dbang po sgo bzhi ste/ /rta babs bzhi ni bsam gtan yin/ /ting 'dzin kha khyer du ni brjod/ /kha khyer rdo rje rtser rten pa'i/ /lha mo'i mchod pa gzung
 rnams so/ /rgyan rnams kun gyis rnams spras pa/ /bsam pa thams cad rdzogs byed yin/ /sna tshogs rlung gis bskyod pa'i mchog /ba dan dril bu'i sgrar ldan pa/ /rlung gi tshogs kyis bskyod pa yis/ /chos kyis sgra mchog kun 'gro
 yin/ /me led mi rtog rtag ye shes/ /byang chub yan lag me tog phreng/ /dngos grub thams cad mi 'gyur bde/ /bde ba chen po zhes brjod pa/ /nyi zla rin chen bskor ba yis/ /dra ba dra ba phyed pa yin/ /de yi nang gis 'khor lo ni/ /
 rnam par thar pa brgyad kyis 'dir/ /dngos grub thams cad rab ster ba'o/ /bde gshegs kun gyis yongs gang ba'i/ /rdo rje'i skud pas bskor ba ni/ /byang chub sems kyi theg chen dang/ /mdo sde'i 'khor lo bskor ba'o/ /tshon rnams sangs 
 rgyas lnga yi ni/ /ye shes sems can sems 'tshod pa'o/ /don dang dbang po rnam dag pas/ /rang gi mtshan nyid rab tu phye/ /ye shes bdud rtsi mngon gsol ba /rdo rje can gyi rdo rje'o/ /bum pa gang ba snying rjes
 brlan/ /tshogs ni yongs su rdzogs pa yin/ /dkyil 'khor me tog bdug pa dang/ /mar me che dang dri rnams ni/ /byang chub yan lag yid 'ong tshim/ /chos kyi sgron ma grags 'dus yin/ /lha bshos chos kyi bza' ba ste/ /khrel yod ngo tsha'i sdom
 pa'o/ /glu dang gar dang rol mo sogs/ /bde ba chen po rnam par 'phel/ /thar pa mchog gi grong khyer te/ /snying po 'dzin pas dkyil 'khor yin/ /zhes bya ba 'di ni rten gyi dkyil 'khor gyi rnam par dag pa'o/ /brten pa'i dkyil 'khor gyi
 rnam par dag pa ni/ byang chub kyi phyogs kyi chos sum cu rtsa bdun du shes par bya'o/ /ji lta bu'i dkyil 'khor yin zhe na/ gang du zhugs pa tsam gyis ni/ /phyir mi ldog pa'i gtsor 'gyur zhing/ /'dis ni dpa' bo las byung ba'i/ /bde
 ba chen po rab sgrub pa'o/ /de nas bla ma la yon gyi dam pa phul la phyag byas te/ tshigs su bcad pa 'dis dbang nod pa'i phyir gsol ba gdab par bya'o/ /byang chub rdo rje sangs rgyas la/ /mchod chen ji ltar bgyis pa bzhin/ /bdag kyang
 bsnal ba'i don du ni/ /nam mkha' rdo rje deng bdag stsol zhes so/ /de nas shar sgor pad+ma ni/ /'dab brgyad dbus su khri bshams te/ /rang gi bdag po'i rnal 'byor gyis/ /rgyan gyis klubs te bzhag par bya'o/ /lus nang chud pa'i dkyil
 'khor ni/ /cho ga 'di yis bkru bar bya/ /mkha' dbyings sangs rgyas thams cad kyis/ /yongs su gang bar rnam par bsgom/ /rgyal mtshan gdugs dang ba dan dang/ /lha yi gos kyis brgyan pa yi/ /bum pa chus gang bsnams pa dag/ slob
 dbon dbang bskur dus su ni/ /sngon mdzad brtse ba'i shugs kyis ni/ /dgyes pa chen po'i legs byon bsam/ /bum pa'i nang du chud pa'i chu/ /bdag po zhu dang bdud rtsi lnga/ /mgul pa gos kyis mdzes byas la/ /spyan la sogs pas gzung bar bya/ /bkra
 shis glu dang tshigs bcad kyis/ /slob ma'i spyi bo bkru bar bya/ /dbang bskur rdo rje chen po ni/ /khams gsum kun gyi phyag byas pa/ /gsang gsum gnas las byung ba ni/ /sangs rgyas kun gyis byin pa yin/ /de nas sangs rgyas thams cad ni/ /kha spu'i
 bu gar zhugs par bya/ /bdag nyid rnal 'byor brtan byas nas/ /de nas cod pan dbang bskur ni/ /go cha bzhin du byin nas su/ /go rim bzhin du mtshan ma byin/ /sangs rgyas kun gyi rdo rje'i dbang/ /de ring khyod la dbang bskur bya/ /sangs
 rgyas kun tu rab grub phyir/ /rdo rje 'di ni khyod kyis zung/ /oM badzra a d+hi pa ti twaM a b+hi Shiny+tsa mi tiSh+Tha badzra sa ma ya stwaM zhes bya ba dang/ thog mdza' med pa'i sems dpa' ni/ /rdo rje sems dpa' de bzhin gshegs/ /kun tu bzang po kun gyi bdag /rdo
 rje bsnyims po bdag po'i bdag zhes brjod la/ hUM las bskyed pa'i rdo rje lag pa g.yas pas sbyin par bya'o/ /'di ni sangs rgyas thams cad kyis/ /shes rab dbyangs kyi rjes 'gror brjod/ /khyod kyis kyang ni rtag tu gzung/ /byang chub
 mchog tu rgyal ba bzhed ces bya bas/ /a las bskyed pa'i dril bu lag pa g.yon par byin la/ dngos po rang bzhin dag pa'i phyir/ /rang bzhin gyis ni dngos med byas/ /rang bzhin dag pa'i sems dpa' yi/ /dngos po mchog tu
 bya ba'o zhes brjod par bya'o/ /srid pa'i bde ba shin tu chud/ /sdug bsngal chen po zhi byed pa/ /shin tu bde zhing dam pa'i thabs/ /dam tshig rtag tu bskyang bar bya/ /yid kyi lus ni brtan pa'i phyir/ /phyag rgya dam tshig ces byar
 brjod/ /gang gis sngags kyis lus brtan pa/ des ni phyag rgyar rab tu grags/ /dam tshig gsum ni byin nas su/ /ming gis bdag po'i dbang bskur bya/ /oM badzra a d+hi pa ti twaM a b+hi Shiny+tsa mi tiSh+Tha badzra sa ma ya
 stwaM/ zhes bya ba dang/ oM badzra a d+hi pa ti twaM a b+hi Shany+tsa mi badzra nA ma a b+hi She ka twaM/ zhes bya ba dang/ kye dpal che ge mo'i myu gu zhes bya ba 'am/ dpal che ge mo'i rdo rje zhes bya ba dpal gyi sgra dang bcas pa ming gi dbang bskur bar bya'o/ /'di
 nge sangs rgyas thams cad kyis/ /rdo rje sems dpa' i phyag na gnas/ /khyod kyis kyang ni rtag bzung ste/ phyag na rdo rje'i brtul zhugs brtan/ /zhes bya bas rdo rje'i brtul zhugs byin la/ oM sarbba ta thA ga ta sid+d+hi badzra sa ma ya tiSh+Tha i Sha twaM
 d+ha ra yA mi hi hi hi hi hUM zhes bya bas/ slob ma bzung nas me tog la sogs pas mchod de/ de nas blang bar bya'o/ /slob dpon gyis dbang bskur ba'o/ /de nas sngags pas legs bslab pa'i/ /shes rab bla ma dbul bar bya/ /g.yon
 gyi phyogs su bzhag nas su/ /sna tshogs mchod pas mnyes par bya/ /mnyes par gyur nas de'i 'og tu/ /phyag byas nas ni thal sbyar te/ /pus mo btsugs nas gsang ba yi/ /dbang bskur don du gsol ba gdab/ /khyod kyis zhal mnga' i bka' 
 drin gyis/ /bya ba bla med shes par 'tshal/ de ring dbang bskur rin chen gyis/ /mgon pos rje su gzung du gsol/ /ji ltar dpal ldan bde chen pos/ /dpal ldan rdo rje chos la ni/ /de nyid dag par bshad pa yin/ /mgon pos de ring
 bka' drin mdzod/ /sdug bsngal thams cad gcod pa po/ /mgon med rnams la brtse mdzad pa/ /dmyal sogs gnas nas drang ba dang/ sdug bsngal thams cad zad par mdzod/ /khyod zhabs pad+ma spangs nas su/ /gtso bo gzhan
 la skyabs ma mchis/ /'gro ba'i dpa' bo bde chen pos/ /de bas sangs rgyas mchog mnyes mdzod/ /gsol ba btab kyi 'og tu ni/ /sdom pa nyams bzhug par bya ste/ /gsang las shin tu gsang gyur pa'i/ /sdom pa bzang po nyan par gyis/ /bu yis
 srog chags bsad pa dang/ /brdzun du yang ni smra bar bya/ /ma byin par yang khyod kyis blang/ /gzhan gyis chung ma 'ang bsten par bya/ /sdom pa bzhi ni bla na med/ /bzang po khyod kyis bskyang bar bya/ /bshang gci sha dang khrag rnams dang/ /lnga pa sems las
 byung ba ste/ khyi dang rta dang glang chen sogs/ /sha ni spyang tshogs cho ga yis/ /rtag tu khyod kyis gza' bar bya/ /dam tshig 'di ni rmad po che/ /zhes so/ /de nas slob dpon shes rab dang snyoms par zhugs pa'i byang chub kyi sems bde ba rdo rje'i nor bu'i
 nang du/ mthe bong dang srin lag gis bzung la /slob ma'i kha'i pad+mar tshigs su bcad pa 'dis dbab par bya'o/ /'di ni rdo rje thams cad kyis/ /dbang bskur go 'phang dam pa ste/ sngags kyi dngos grub thams cad dang/ /las mchog rgyas pa sgrub
 byed pa'o/ /des kyang bde ba chen por bsams nas 'thungs te/ a ho su kha zhes brjod par bya'o/ /gsang ba'i dbang bskur ba'o/ /de nas slob dpon rang gi dam tshig la gnas pas slob ma rdo rje sems su lhag par byas la/ yon tan thams
 cad dang ldan zhing legs par bslobs pa'i shes rab ma gzhan byin gyis brlabs la/ lag par lag pa byin te/ de bzhin gshegs pa tham cad dbang por gsol la/ deng nas brtsams te ngas byin pa'i/ /bu mo 'di dang sgrub pa pos/ /de
 bzhin gshegs pas mkhyen pa yi/ /byang chub chen po bsgrub par gyis zhes bya ba dang/ 'di ni gzung ma yid dga' ma/ /de ring khyod kyis bsgrub bya ba/ zhes bya bas byin la/ rnam par snang mdzad la sogs pa'i de bzhin gshegs pa rnams bdag
 gi ba spu'i bu gar bcug la/ slar phyung nas slob ma'i ba spu'i bu gar bcug la zhu bar gyur pas/ slob ma'i lus tshim par bya zhing nyon mongs pa'i dri ma bkrus par bsgom pa 'di ni shes rab kyi dbang bskur ba'o/ /de
 nas slob dpon gyi kha nas kun tu dga' ba la sogs pa'i dbye bas lhan cig skyes pa bstan par bya ste/ slob ma rang gi nyams su myong ba 'di ni dbang bskur ba bzhi pa rin po che'o/ /slar yang pad+ma la gnas pa'i me tog dang bcas pa'o/ /
 khu ba blangs te nges mchod pa'i phyir rig ma'i khar sbyin par bya'o/ /de nas bla ma'i lag pa ni/ slob ma'i mgo bor bzhag nas ni/ thabs gzhan gyis ni sangs mi rgya/ /de bas des ni rig pa'i mchog/ chos rnams thams cad gnyis med
 par/ /dngos po gnyis kyis mtshon pa yin/ /de bas rtag tu 'khor ba ru/ /khyod kyis bral bar mi bya'o/ /'di ni sangs rgyas thams cad kyis/ /rig pa'i brtul zhugs bla na med ces bya ba 'dis/ /rig pa'i brtul zhugs byin la/ rjes su
 gnang ba sbyin par bya ste/ 'jig rten khams 'di thams cad du/ /sems can kun la phan pa'i phyir/ /ji ltar sna tshogs 'dul 'gyur ba'i/ /chos kyi 'khor lo rab tu bskor zhing bya ba dang/ de bzhin du nor bu dang/ /pad+ma dang las kyi
 rdo rje'i 'khor lo rab tu bskor zhes pa/ tshigs su bcad pa lngas rjes su gnang ba byin la/ rim pa 'dis lung bstan par bya ste/ bdag nyid sangs rgyas thams cad kyi rang bzhin du byas la/ lag pa g.yon pa'i khu tshur gyis snying gar de bzhin
 gshegs pa chos gos 'dzin pa'i tshul du byas te/ lag pa g.yas pa mchog sbyin brkyang la/ /ming gis dbang bskur bas lung bstan par bya ste/ oM 'di ni khyod la ngas lung bstan/ rdo rje sems dpa' de bzhin gshegs /srid dang ngan
 'gro las gton nas/ /shin tu srid pa grub par gyis/ /he badzra nA ma ta thA ga ta sid+d+hi sa ma ya stwaM b+hurb+hu ba swa hA zhes so/ /de nas slob ma dad pa spel ba slob dpon gyis 'di skad du/ gang la tshul 'di phyag rgya chen po mchog tu gsang ba'i cho ga 'dis
 lung bstan par byas pa de la de bzhin gshegs pa thams cad dang/ byang chub sems dpa' 'khor gyi dkyil 'khor dang bcas pa'i rdo rje 'dzin pas/ de bzhin gshegs pa thams cad kyi rang gi dam tshig la spyod pas/ mgrin gcig tu
 yang dag par rdzogs pa'i byang chub tu lung ston par mdzad do/ /zhes brjod par bya'o/ /de nas gsang ba brjod par bya ste/ 'dod chags bral ba lta bu yi/ /khams gsum na ni sdig med pas/ /de bas 'dod la chags bral ba/ khyod kyis
 nam yang mi bya'o/ /mahA sa ma ya ha na phaT zhes so/ /de'i rjes la lag pa g.yon pas slob ma'i gtso bo'i lag pa g.yas kyi mthe bo nas gzung ste/ mar gyi dgang blugs brgya bsregs nas/ yang sbrang rtsi dang 'bras yos dang/ zho dang
 bcas pa'i til gyis sregs blugs brgya byin la/ gsang gtor bya ste/ lag pa snying gar byugs la/ rang gi rigs kyi rigs pa 'am/ bdud rtsi 'khyil ba'i sngags yongs su bzlas pa'i lag pa gdub slob ma'i lag par btags la
 slob mas gdugs spyi bor bzung ste/ dkyil 'khor bskor ba byas la/ gdugs dang bcas par thal mo sbyar nas/ dkyil 'khor gyi sgo nas phyag 'tshal du bcug ste/ rgyud ni yongs su 'dzin pa yi/ /slob ma 'di ni phul ba lags zhes
 brjod nas de blang ste slob dpon gyis gdugs la gzung la 'di skad ches brjod par bya'o/ /de ring dkyil 'khor slob dpon 'gyur/ /sngags dang rgyud ni 'dzin par 'gyur/ /sangs rgyas byang chub sems rnams dang/ lha rnams kun gyis
 mthun bar gsungs/ sems can kun la rjes brtse'i phyir/ khyod kyi dkyil 'khor cho ga bzhin/ /nan tan bskyed de bri bar bya/ /sgrub pa po yang rgyud la sbyor/ /de nas ji lta ba bzhin du man ngag sbyin zhing drang ba'i
 don la sogs pa sbas pa rnams gsal bar byas la/ dbugs dbyung bar byas te/ mchog tu gsang ba'i dkyil 'khor du/ /bcug pa dang ni mthong ba yis/ /sdig pa kun las rnam par grol/ /de ring khyod ni shin tu gnas//
 bde chen theg pa 'di la ni/ /phyin bcad 'chi bar mi 'gyur te/ /gnod pa med ba kun rtogs pas/ /cis kyang ma 'jigs dga' bar gyis/ /zhes bya ba brjod la/ yang 'di skad ces brjod par bya ste/ gang zhig bskyed pa tsam gyis ni/ /sangs rgyas
 nyid du dogs med pa'i/ /rdo rje phyag rgya gang yin dang/ /byang chub sems ni smad mi bya/ /dam pa'i chos kyang mi smad cing/ /nams kyang dor bar mi bya'o/ /mi shes pa'i ma rmongs pa la/ /tshul chen bstan par mi bya zhing/ /rang dga' yongs su btang nas ni/ /
 dka' thub kyis na gdung mi bya/ /ji ltar bde ba de gzung na/ 'di ni ma lus rdzogs sangs rgyas/ /rdo rje dril bu phyag rgya dang/ /nam yang btang bar mi bya ste/ /sangs rgyas kun dang mtshungs pas na/ /slob dpon bsnyad par mi bya'o/ /sangs rgyas kun
 mtshungs blo chen pa/ /smad par byed pa gang yin des/ /sangs rgyas thams cad smad gyur pas/ /de ni rtag tu sdug bsngal 'thob/ /gang phyir shin tu 'dir gnas pas/ /de ring khyod gson 'bras bu yod/ /lha dang dam tshig gis mnyam par/ /
 gyur par khyod ni the tshom med/ /rab tu dad pa'i yid kyis ni/ /zad med bde bskyed dam tshig la/ /rgyun tu gus pas bsnyen par bya/ /'gro rnams yul du der dgod pa/ /rdo rje sems dpa' dang mnyam pa'i/ /rtag tu khyod rnams 'gro bar 'gyur/ /de
 nas slob mas bla ma'i zhabs la spyi bos gtugs nas 'dzum pa dang bcas pas/ gtso bo ji ltar bka' stsal ba/ /de dag thams cad bgyid par 'tshal/ /zhes khas blang bar bya'o/ /de ltar slob mas khas blangs nas/ 'og nas 'byung ba'i cho ga 'dis/ /
 zhi ba'i don du sbyin sreg bya ste/ slob ma re re zhing lag pa g.yas pa'i mthe bo ma'i lag pa g.yon pas gzung zhing bsdams la/ mar gyis dgang gzar bkang ste/ blugs gzar kha sbyar la slob ma la bskor zhing lan bdun bdun sbyin sreg bya'o//
 de nas bla mas slob ma rnams la yon blang bar bya ste/ gser dang dngul dang rin chen dang/ /rta dang glang pos gzhir bcas/ /slob mas thams cad phul nas su/ /cho ga bzhin du sngags sbyin bya/ /de nas snyoms zhugs bde spyod tshe/ /gsang sngags
 sbyin pa bdag sems btung/ /dkyil 'khor yang dag mchod gnas su/ /slob ma la ni 'di skad brjod/ /thams cad kyis ni ci nus bar/ /de bzhin gshegs pa kun mchod cig ces so/ /de nas kyang myang ba dang gzhi ba dang btung ba dang bza' ba dang sogs
 ci 'byor pas/ tshogs kyi nang du sangs rgyas thams cad mchod la/ slar yang rdo rje brtul zhugs byin te/ de dang bcas par mtshan thog thag rol pas dga' bar bya zhing/ dpal bde ba chen po'i ting nge 'dzin gyis glu la sogs pa spyod cing /
 sngags bzlas par bya'o/ /de nas yi ge gsum gyi mthar mu(rgyud 'grel chung ste/ zhi ba'i sbyin sreg byas la/ ci bder rgyu bar bya'o/ /rab gnas la sogs pa ni rang nyid kyis shes par bya ba'o/ /sa gzung ba zhes bya ba la sogs pa la/ gzhung gang gis sa gzung ba dang/ sta gon la gnas pa dang/ thig bri ba'i cho ga ston bar 
 byed pa de ni sa gzung ba dang/ sta gon la gnas pa dang/ thig bri ba'i cho ga'i rim par phye ba ste bzhi bcu rtsa drug pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bzhi bcu rtsa drug
 pa'i rnam par bshad pa'o// //da ni le'u bcu bdun par rnam par bshad pa'i nye bar bstan pa gsungs pa/ de nas zhes bya ba la sogs pa ste/ de nas gsol to zhes bya bar sbyar ro/ /khams zhes bya bar sbyar ro//
 khams zhes bya ba ni khams bco brgyad de/ phyi dang nang zhes bya ba dang sbyar ro/ /lhag ma thams cad ni sgra ji bzhin par gzung bar bya ste/ le'u bcu bdun pa nyid du bshad zin pas 'dir bdag gis ma phye'o/ /bcud kyi len gyi rdzas ni sde tshan
 rnams so/ /dbang du byas pa ni de gtso bor byas pa'i cho ga'o/ /rim par phye ba ni gzhung ste bzhi bcu rtsa bdun pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bzhi bcu rtsa bdun pa'i rnam par bshad pa'o// //
 sbyin sreg gi me thab tshad la sogs pa bstan pa'i phyir gsungs pa/ de nas zhes bya ba la sogs pa la/ le'u 'di'i don ni las gang gi thab khung ji lta bu yin pa dang/ thab khung gi tshad dang/ 'dug stangs dang/ yam shing la sogs pa'i tshad
 bstan pa yin te/ go sla bas rnam par ma phye'o/ /las thams cad ces bya ba la sogs pa la/ las thams cad ni zhi ba la sogs pa'o/ /gsang chen ni gsang ba'i yul du gyur pa ste rdzas rnams so/ /sbyin sreg gi cho ga ni thab khung la
 sogs pa'i mtshan nyid do/ /de ston par byed pa'i gzhung gi tshogs ni rim par phye ba ste bzhi bcu rtsa brgyad pa'o/ /rgyud kyi rgyal po chen po dpal rdo rje mkha' 'gro'i rnam par bshad pa las le'u bzhi bcu rtsa brgyad pa'i rnam par bshad pa'o// //
 da ni bcud kyi len gyi rjes su bstan pa bshad par bzhed nas/ slar yang zhes bya ba la sogs pa gsungs te/ slar yang zhes bya ba ni le'u bcu bdun pa dang bzhi bcu rtsa bdun par gang gsungs pa'i bstan pa dang nye bar bstan pa gnyis la ltos pa'o//
 de nas de rnams zhes bya ba ni rdzas rnams kyi'o/ /khams kyi rang bzhin sna tshogs pa zhes bya ba la/ khams kyi rang bzhin ni rlan can dang/ skam sa la sogs pa'i skye gnas sna tshogs kyi bye brag gis so/ /rdzas kyi mtshan nyid ces bya ba ni sman rnams
 te/ sems can rnams phan 'dogs shing nye bar 'jug pas na rdzas so/ /chung ngu la sogs zhes bya ba ni/ skyes pa dang bud med kyi sems kyi dbye ba'i dbang du byas pa'o/ /yon tan ldan pa'i rdzas mtshan nyid ces bya ba la/ rdzas gang la mtshan nyid
 kyi yon tan yod pa'o/ /rnam pa bzhir dbye bar bya'o zhes bya ba ni/ dbye ba bzhir byas la so sor rdzas rnams sbyor bar bya'o zhes bya ba dang sbyar ro/ /rlung dang zhes bya ba la sogs pa ni go sla'o/ /shing dang zhes bya ba ni nye bar mtshan pa ste/ gser
 la sogs pa las byung ba'i lnga blta bar bya'o/ /gru ni rgya mtsho sgrol ba'i gru'o/ /kun gab ces bya bas ni'o byed pa la sogs pa yang gzung bar bya'o/ /srog chags ne'u le ltar zhes bya ba ni grags par zad do/ /yang na rjes su mi mthun pa
 med pa zhes bya bar sbyar te/ gang la gang gis rjes su mthun pa'i 'khyud pa'o/ /de dag gis ni bya ba rnam pa brgyad ston pa yin te/ de yang gsungs pa/ kun tu 'khyud dang 'o byed dang/ /sen mos 'dri dang sos 'debs dang/ yang dag 'jug dang srid
 ces zer/ /skyes pa ltar byed nyid pa ste/ brgyad po brgyad ces dbye ba yis/ /drug cu rtsa bzhir gyur pa yin zhes so/ /de la a laM ka na brgyad bshad par bya ste/ de la phan tshun gdong bltas te/ 'gro ba na/ lus kyi cha tsam reg pas ni spre'u ta
 ka zhes bya ba'i a li ka ste/ de yang gsungs pa/ gdong bltas te 'gro ba na mdog cing 'dzer bar byed pa dang/ rdzas gzhan len ba ltar byed cing lus kyi cha tsam reg pa ni spre'u ta ka zhes bya'o zhes so/ /skyes
 bu thang la 'dug pa'i dus su/ nu ma'i rtse mo lus la gtod par byed cing reg byed la skyes bus kyang nu ma gzung ba 'di ni b+hi d+ha ka zhes bya'o/ /de yang gsungs pa/ gnas dben par skyes bu 'dug kyang rung ba la/ 'o ma 'dzin pa reg par
 byed cing 'bugs pa ltar byed pa dang/ des kyang de gzung ba 'di'i ming b+hi d+ha kaM zhes pa'o/ /phan tshun du lus rig nas kyang drud pa 'di ni u pa grista kaM zhes pa'o/ /de yang gsungs pa/ de gnyis skye bo mang po 'dus pa'i nang du yang rung
 dben par yang rung ste/ phan tshun mthun pa'i gtam zer zhing yun mi ring bar lus reg nas cung zad drud pa 'di'i ming ni u ba gris te kaM zhes bya'o zhes pa'o/ /de nyid shing dang rtsig pa la sogs pa'i dngos po la 'khyud cing/ so 'debs pa
 la ni pilI ta ka zhes bya'o/ /de yang gsungs pa/ de nyid kyi rtsig pa dang/ ka ba la sogs pa la 'khyud cing/ lag pas 'tshir ba dang sos 'debs pa 'di'i ming ni pilngi ta ka zhes bya'o zhes pa'o/ /la ta bi ti sta ga ta ka la sogs
 pa bzhi bshad par bya ste/ de la shing la lcug ma ltar lag pa gcig gis skyes pa la kun tu 'khyud cing lag pa gcig gis 'o bya ba'i phyir mgul pa nas 'gugs shing srid ces bya ba'i sgra dang bcas pa ni la ta be sti ka zhes
 bya'o/ /de yang gsungs pa/ shing sA la lcug ma 'khril ba ltar bsgril nas gtso bo'i mgrin pa cung zad bkug pa ste/ cung zad sid kyi sgra 'byin cing/ 'o byed pas 'dzin pa 'di ni la ta pa sti ka zhes bya'o zhes pa'o/ /rkang pa gcig gis
 skyes bu'i rkang pa gcig mnan nas/ rkang pa gcig skyes bu'i brla steng du bzhag ste/ sid ces zer zhing lag pa gcig snga ma ltar rgyab nas dkris te/ gnyis pa yang snga ma ltar bya'o/ /zhes bya ba'i phyir mgo bo nas kun tu 'gugs pa ni shing
 tog len pa dang 'dra bar brik+Sha a ti ru ta ka zhes bya'o/ /de yang gsungs pa/ rkang pa gcig gis gcig gi bol mnan nas gcig brla steng du btsugs te lag pas 'khyud nas yang gcig gis bkug ste/ cung zad dbugs grang mo
 gtong zhing sid ces bya ba'i sgra sgrogs pas 'o byed pa 'di'i ming ni brik+Sha a ti ru ta ka zhes bya'o zhes pa'o/ /mal du thang las sbyar nas nyal ba ni ti la tan to la zhes bya'o/ /de yang gsungs pa/ mal du nyal te lto dang brla la sogs
 pa legs par sbyar te/ rgyab nas 'khyud nas longs spyod pa 'di'i ming 'di ni ti la tan du la zhes bya'o zhes pa'o/ /de bzhin du nyal ba na gcig gis 'doms su gcig zhugs te mdza' sbyar nas phan tshun chags pas myos pa ni khri ra dza la zhes
 bya'o/ /de yang gsungs pa/ phan tshun chags pa'i mun pas 'khrugs shing mal du zhugs nas phan tshun gcig la gcig 'doms su zhugs nas/ kun nas 'khyud pa 'di'i ming ni khri ra dza la zhes bya'o zhes pa'o/ /kun 'gab kyis rnam par dbye ba
 gzhan dag ni gzhung mangs kyis dogs pa'i 'jigs pas ma bris te/ gzhan du na kun tu 'khyud pa'i bye brag ma lus pa ni skyes bu rnams kyis kyang yun ring mor rdzogs par mi nus so/ /gnyis pa bstan pa'i phyir/ phug ron ltar 'o byed
 cing ma mchu gzung ste 'jib pa dang skra nas gzung ba dang/ zhes bya ba smos te de la phug ron ltar zhes bya ba ni/ ji ltar phug ron 'o byed pa skad cig skad cig byed cing mgrin pa'i nang du ngur sgras bkang nas byed pa ltar 'o byed par shes par
 bya'o mchu gzung ste 'jib pa zhes bya ba ni/ mchu gzung ba dang rdo rje dang pad+ma'i sna rtse 'jib pa dang/ zhes bya bar sbyar bar bya'o/ /skra nas gzung ba dang zhes bya ba ni/ skra nas rmug par bya'o/ /gsum pa gsungs pa/
 sen mos 'debs shing bsnun pa dang zhes bya ba ni chags pa spel ba'i phyir/ sen mo'i ri mo 'bri ba ste/ de yang khyad par du dang por phrad pa la sogs pa'i dus bya'o/ /de yang gsungs pa/ chags pa spel bar bya ba dang/ yid dga' 
 bar bya ba'i phyir/ dang por phrad pa'i dus dang/ 'gron du 'gro ba dang/ slar log pa dang/ khros pa dang/ dga' ches pa dang/ bzhi ba rnams kyi dus su sen mo'i ri mos 'debs shing sbyor zhes so/ /de ni dga' ba la shugs drag par
 gyur te/ bdag gi dbang du 'gyur pa'o/ /de bzhin du so 'debs pa'i 'bras bu yang de nyid do/ /de yang tsu ri ta ka la sogs pa rnam pa brgyad du 'gyur te/ tsu ri ta ka dang/ arb+ha tsan dra dang/ man d+ha la dang/ dI ra g+ha re khA dang/ bya kra na
 kha kang dang/ ma yu ra ba da ka dang/ sha sha pu lu ta dang/ utpal tra kang zhes bya ba rnams so/ /de la rna rtsa dang/ nu ma dang/ mchu rnams su sor mo'i zon spang bar bya ste/ ba spu ldangs bya ba'i phyir/ /bu mo gzhon nu ma rnams la/ /sor
 mo lnga char gyis sen mo'i ri mo 'bras kyi gzegs ma'i rjes tsam du 'debs pa'i sbyor ba 'di ni tsu ri ta ka zhes bya'o/ /gang de'i 'og tu g.ya' zhing za bar byed pa dang/ 'ching ba lhod bar bya ba dang/ sems g.yos par bya ba'i
 phyir/ de'i mgrin pa dang/ nu ma dang/ rgyab rnams su sen mo'i ri mo yon por 'dri ba 'di ni ard+ha tsan+d+ra zhes bya'o/ /de nyid phan tshun thad kar sen mos bris pa ni/ ma d+ha la zhes bya'o/ /lte ba'i rtsa dang dbyi steng dang nas tshong gi
 gnas thams cad du sen mo'i ri mo ring por bri ba 'di ni dIr g+ha re khA zhes bya'o/ /de nyid yon por bris pa ni bya kra na kha kang zhes bya'o/ /nu ma dang rgyab dang/ ko sko'i 'og tu sen mo'i ri mo rgya gram du bris pa 'di ni ma yu ra ba da kang zhes
 bya'o/ /sbyor ba de nyid las nu ma dang ko sko rnams la sen mo'i ri mo lnga ri bong gis mchongs pa'i rjes ltar bri ba 'di ni/ sha sha pu lu ta ka zhes bya'o/ /nu ma dang rgyab dang ske so rnams su sen mo'i ri mo utpa la'i 'dab ma'i rtse mo ltar 'bri
 ba 'di ni utpal pa tra kang zhes bya ste/ nu ma dang rgyab tu sen mo'i ri mo gsum mam bzhi tshabs tshor bri ba 'dis ni dran par byed pa yin no/ /sen mo rnams kyi ri mo'i khyad par gyi dgos pa ni 'di yin te/ bu mo rnams kyi nu ma la
 gnas pa'i ri mo rgyang ring po nas mthong yang skyes bu gzhan chags par 'gyur la/ skyes pa'i lus la gnas pa'i sen mo btab pa dang/ sos slad pa'i ri mo mthong na/ sems brtan pa'i bud med rnams kyang chags pa g.yo bar 'gyur ba
 yin no/ /bzhi pa brtan pa'i phyir so 'debs shing bral ba dang zhes bya ba smos te/ de yang bral ba ni nye bar mtshon pa ste/ mu la ka la zhes bya ba la sogs thams cad gzung bar bya'o/ /de yang gsungs pa/ mu la ka dang/ ud tsu ma kang dang/
 pra ba la ma ni dang/ ma ni ma la dang/ bin du dang/ bin du ma la dang/ khan d+ha a pra ka dang/ bAr ha tsa ra tsi ta ka zhes bya ba'i so 'debs pa rnams brtag par bya'o zhes pa'o/ /de la chags pa tsam gyis shin tu dmar par 'debs pa 'di ni mu la ka
 zhes bya'o/ /de nyid mchu'i dbus su so'i rjes yod par cung zad btsir te 'debs pa 'di ni ud tsu na kang zhes bya'o/ /pra ba la ma ni zhes bya ba ni mchu dang so ste/ de gnyis kha sbyar bar 'gram pa'i ngos la so 'debs pa 'di ni pra ba la ma ni
 zhes bya bar grags so/ /phyogs de nyid du so'i phreng ba gnyis kyis cung zad 'debs pa 'di ni ma ni ma la zhes bya'o/ /mche ba gnyis kyi rjes tsam yod par 'debs pa 'di ni bin du zhes bya'o/ /so thams cad kyi
 rjes yod par mgrin pa dang/ nam chong dang/ rked pa la sogs pa 'og nas bshad pa'i gnas rnams dang/ dpral ba'i stengs su 'debs pa 'di ni bin du ma la zhes bya'o/ /nu ma dang rgyab rnams su sprin gyi dkyil 'khor dbyibs ltar sos
 'tshol bar 'debs pa 'di ni/ ban d+ha a pra ka zhes bya'o/ /mchan khung dag tu sen mos btab pa'i rjes la sos ring du 'debs pa 'di ni/ bA ra ha tsar tsi ta ka zhes bya'o/ /so dang sen mo gdab pa'i phal cher gyi gnas gsungs pa/ mchan
 khung dang zhes bya ba la sogs pa smos te go sla'o/ /sid ces bya ba'i sgra dang bcas par zhes bya ba ni sgra'i khyad par brgyad de 'og nas bshad par bya'o/ /yang na bya ba phal cher la sngon du sid ces bya ba 'ba' zhig sbyar bar bya'o/ /gzhan
 yang nu ma mnye ba zhes bya ba la sogs pa ni pa ri sta ka zhes bya ste/ de yang 'og nas bshad par bya'o/ /de'i sems rnam par 'dul ba'i bya ba zhes bya ba ni gang zhig gang gis dga' bar 'gyur ba'i bya ba'o/ /so sor byed pa'i tshul rnam pa brgyad
 ces bya ba la/ byed pa'i tshul rnam pa brgyad po rnams re re zhing yang brgyad brgyad du dbye ba'o/ /de yang gsungs pa kun tu 'khyud dang 'o byed dang/ /sen mos 'dri dang so 'debs dang/ /yang dag 'jug dang srid ces zer/ /skyes pa ltar byed nyid
 pa ste/ /brgyad po brgyad brgyad dbye ba yi/ /drug cu rtsa bzhir gyur ba yin/ /zhes bya ba gang yin pa ste/ 'dir gzhung mangs kyis dogs nas char gcig tu ma bris mod kyi/ don gyis ni shes par bya'o/ /de la sen mo dang po'i gnas ni ya
 mchu dang mig ma gtogs par ji nyid sen mos gdab pa'i gnas thams cad sos gdab pa'i gnas kyang yin te/ de yang gsungs pa/ ya mchu mig gnyis ma gtogs par/ so dang sen mos bskul bar bya zhes pa'o/ /des na 'dir mchan khung
 sogs pa smos pa ni/ ji srid du bltos pa dang bcas pa'i dbang du byas pa yin te/ gzhan du na thog ma dang tha ma med pa yin no/ /de yang gsungs pa/ 'o bya ba dang so dang sen mos gdab cing dral pa'i gnas lngar smos pa rnams ni/ bltos pa dang
 bcas pa rnams la gtso bor bstan pa yin gyi/ gzhan du na chags pa'i 'khor lor zhugs shing bltos pa med pa rnams la ni/ bsnun pa dang sid ces bya ba'i sgra sgrogs pa dang/ so dang sen mo la sogs pa'i gnas kyis thog ma dang tha ma
 yod pa ma yin no zhes pad ma ya na las gang 'byung ba bzhin no/ /de ltar na sems rnam par 'dul ba'i bya ba la byed pa'i tshul rnam pa brgyad pa dag kyang phal chen ni tha mal pa'i yul chos bzhin du sbyar bar bya ste/ 'dir ni gzhung mangs
 kyis ngogs nas ma bris so/ /lhag ma ni 'og nas bshad par bya'o/ /sen mo 'debs pa de yang zhes bya ba la sogs pa la/ yang zhes bya ba ni 'o bya ba dang bcas pa rnam pa brgyad bsdu ba'o/ /'jam zhes bya ba ni chung zhing mnyen pa gdab pa'o/ /lcags
 kyu'i tshul zhes bya ba ni nye bar mtshon pa ste/ zhags pa dang 'dra bar yang blta'o/ /b+ha ga'i steng dang zhes bya ba ni bya ba de dag la b+ha ga'i dkyil 'khor gyi nang du rtsa lnga dang 'byung ba lngas brgyan pa'i mtshan nyid la mig mi 'gyur bar blta ba'o
 lhag ma ni go sla'o/ /gang zhig chags pa sra ba rnams la ni zhes bya ba la sogs pa la/ sprul gyi mgo bo lta bu'i sor mo gsum zhes bya ba ni nye bar mtshon pa ste/ yid la sems pa'i 'khrul 'khor zhes bya ba sngar smos pas na ?
 la sogs pa las brdungs pa'i rdo rjes kyang bsgrub par bya'o/ /de dag kyang chags pa'i bstan bcos las sngags pa'i ka ra na ban d+ha'i bye brag gis bsgrub par bya'o zhes bstan pa'i phyir rol dang kun phan
 dang zhes bya ba la sogs pa smos so/ /ji snyed bstan bcos thams cad las byung ba zhes bya ba ni/ chags pa'i bstan bcos las 'byung ba'i ka ra na band+ha thams cad do/ /de dag kun kyang rdo rje sems dpa' i phyag rgyar brjod do zhes bya ba na ka
 ra Na band+ha thams cad rdo rje sems dpa' i gzugs kyis sbyar bar bya'o zhes bya ba'i don to/ /de yang gsungs pa/ mchog tu phye dang dal ba dang/ dbang mo zhes bya rnam gsum mnyen zhes bya ba'o/ /de la mnyen zhes bya ba ni/ yan lag mnyen
 pa ste/ de la rab tu sbyor ba gsum po de dag kyang bya'o/ /de las bu mo'i byin pa skyes bu'i 'tshogs mar bzhag ste/ steng du phul ba 'di ni mchog tu phye ba zhes bya ba'o/ /byin pa de nyid shod du phab ste bu mo rang gi rje dar gyi nam tshor nas
 yar brkyang ste skyes bus steng nas mnan pa 'di ni rnam par bdal ba zhes bya'o/ /bu mo'i bus mo legs par bskum ste/ brla dang dkur sbyar nas skyes pas yun ring du mnan pa 'di ni dbang me zhes bya ste/ de dag ni gnyug ma ma yin
 pa dang/ mchog tu goms pas gzung bar bya'o/ /kha sbyor la sogs pa gsum pa 'di dag ni/ chags pa'i rol ba gnyug ma nyid de/ gang zhe na/ kha sbyor dang/ 'tshir ba dang/ rgod ma can zhes bya ba ste yan lag gyong ba dang yang
 sbyar bar bya'o/ /de la gnyi ga'i rkang pa gzhibs nas brkyang ste sbyar ba 'di ni kha sbyor zhes bya ste/ de yang 'og tu gnas pa'i dang glor gnas pa'i bye brag gis rnam pa gnyis so/ /kha sbyor gyi de nyid las thams cad las bud med
 g.yas su bzhag ste/ brla cung zad phye nas bcug ste/ mnan pa 'di ni btsir ba zhes bya'o/ /sbyor ba de nyid las yan lag kun nas 'khyud de phan tshun ku tse dang ga sha'i sgra rtsod pa'i tshig smra ba dang ldan 'di ni rgod ma can zhes bya'o/ /sbyor ba de
 dag la bsdu zhing mnye ba'i bya ba dang sbyar ba ni dbugs grang mo gtong zhing chags pa dang ldan pas rgyab dang nu ma dang brla dang byin pa la sogs pa rnams su lag pa phyin phyogs su gru mo gzugs pa dang/ khu tshur dang thal mo dang skyor mo'i bye brag
 gis rnam pa bzhir shes par bya'o/ /de nyid kyang rnam pa brgyad du dbye bar bya'o/ /da ni sid ces bya ba rnam pa brgyad bshad par bya ste/ ru ti dang zhes bya ba dang/ phut kri ta zhes bya ba dang/ bdud kri ta zhes bya ba dang/ swa sa ti zhes bya ba dang/ a
 brta zhes bya ba dang/ ba ra na a b+ha zhes bya ba dang/ mok+Sha arba zhes bya ba dang/ a la ma artha zhes bya ste/ de dag kyang phug ron dang/ khu byug dang/ ha ri ta dang/ ngang nag dang/ bur ba dang/ dang skya dang/ the bya dang/ la ba ka ste/ srog chags de rnams
 kye skad dang rim bzhin du sbyar te/ de yang khong na gnas pa'i sgra lkugs pa dang/ khar gsal por byung ba'i skad gnyis su bsdu bar bya'o/ /de ltar skyes pas sid kyi sgra bsgrags pa dang/ rgyab tu khu tshur bsnun pa la sogs pa'i bya ba dag la chags
 pa dang ldan zhing bstan bcos la byang ba'i bu mos slar bsnun pa la sogs pa ni lan te/ de dag byas nas yang dag par bzhugs pa'i bye grag rnam pa brgyad kyis bsgrub par bya'o/ /de yang chags pa srab rnams ni dang po 'khrul 'khor gyis
 bsgrub par bya'o/ /de dag kyang gang zhe na/ u pa sre ta kang dang/ man+ta nang dang/ hu la dang/ a ba ma ta na dang/ pi li ta ki dang/ na dI ta dang/ ba ra ha ga ta dang/ pre sha ga ta dang/ tsa ta ka bi la si ta zhes bya ba ste/ kha sbyor gyi khyad par yin na/ de
 la phan tshun lto sprad nas padmor rdo rje yon por bcug cing gsegs la drung pa 'di ni u pa sre sta ka zhes bya'o/ /lag pas ling ga'i rtsa bzung ste/ phyogs kun tu bskor ba 'di man ta nang zhes bya'o/ /bu mo
 rkang pa brkyang ste gan rkyal du nyal ba la skyes pas steng du phur thabs su gzugs pa 'di ni hu la zhes bya'o/ /de nyid bzlog ste dga' dang bcas pas bskyod pa 'di ni a ba marta na zhes bya'o/ /ling ga bcug nas yun ring du bsdams
 te gnas pa 'di ni pi li ta kang zhes bya'o/ /ling ga ring du phyir phyung ste drag shul du 'jug cing brdebs pa 'di ni ga ta zhes bya'o de nyid las gnyis kas brdebs pa 'di ni bre sha ga ta zhes bya'o/ /gyen du 'gyen zhing dal bus 'jug cing
 brdebs pa 'di ni bA ra ha ga ta zhes bya'o/ /lan cig bcug nas de ma thag tu lan gsum mam bzhir brdabs nas yang lan gsum mam bzhir 'byung 'jug byed pa 'di ni/ ci ta ka bi la si ta zhes bya ste/ de dag ni chags
 pa'i gnas la ka ra na saM pu ta zhes bya'o/ /skyes pa ltar byed pa zhes bya ba ni skyes bu nyams chung zhing mi nus pa dang/ bud med shin tu chags pa che ba rnams kyis skyes bu'i bya ba byed pa ste/ de yang rnam pa brgyad du chags pa'i
 bstan bcos las gsungs pas der shes par bya'o/ /de'i nang nas san da sha zhes bya ba dang/ bra ma ra ka zhes bya ba dang/ pra de kha li ta ka zhes bya ba gsum ni gtso bo yin te/ de la rgod ma can gyi tshul du gzung ste/ yun ring du
 sdud pa dang/ 'chir ba 'di ni san da sha zhes bya'o/ /'khrul 'khor dang bcas pas 'khor lo ltar kun tu bskor ba 'di ni bra ma ra ka zhes bya'o/ /de nyid las byin pa phan tshun du bsnol te kun tu bskor ba 'di ni preng ke li
 ta zhes bya'o/ /de ltar spyad pas gal te skyes bu ngal bar gyur na/ 'phral bar 'phral ba gtad de ngal bso nas slar yang de ltar 'jug par bya ba dang/ de'i 'og tu bu mos go bzlog ste skyes bu'i bya ba byas pas skyes bu 'gebs pa'i phyir
 dang/ skyes bu'i steng du spyod pa'i phyir phur bu sha'i to zhes bya'o/ /de dag kyang bud med sra ba dang 'dzag pa'i bye brag gi mtshan nyid dang por shes par byas la/ ci rigs par spyad par bya'o/ /bya ba de dag spang ba ni bud med sems khral
 che ba dang/ bu btsas pa dang sbrum ma dang bya ba mang dang/ shin tu gzhon zhing rgan pa rnams la spang bar bya'o/ /rgyas par ni dga' ba'i bstan bcos las shes par bya'o/ /dga' ba'i 'khor lor zhugs pa zhes bya ba la sogs pa la
 chags pa'i sde 'am chags pa'i tshogs kyi nang du zhugs pa ni dga' ba'i 'khor lor zhugs pa ste/ chags pas shin tu myos par gyur pa rnams la rnal 'byor ma'i bstan bcos las bsgrags pa'i 'o bya ba'i rim pa
 rnams nges pa ga la yod/ de nyid kyi phyir gsungs pa/ dga' ba'i 'khor lor zhugs pa la/ /gnas sogs nges pa yod ma yin zhes so/ /lhag ma ni sngar bshad zin to/ /rdzu 'phrul ldan pa'i cha zhes bya ba la sogs pa la/
 cha ni cha shas te/ skyon gyi tshogs yin la zhes bya ba ni/ sman la sogs pa'i zhes bya ba'i lhag ma yin no/ /dbral ba zhes bya ba ni chu'i 'khrul 'khor la sogs pa'i bya ba dpral ba ste/ sngar bstan pa'i 'jim pa las byas
 pa'i smyug ma'i sbu gu lta bu la sogs pa'i 'khrul 'khor gyi nang du gzhag cing g.yas g.yon chu'i dgang ba la sogs pa'i bya ba'i khyad par rnams kyis so/ /sngar rdul chu bcing ba skabs su glang chen mgo'i bcud ces bya ba la sogs
 pa gang gsungs pa/ de ni glang po che'i sna'i rnam pa lta bu'i sman gyi khu ba ste/ seng ger btso ba dang zhes bya ba dang sbyar ro/ /rdul chu bzhi zhes bya ba ni grub pa'i rdul chu'i dbye ba rnam pa bzhi zhes bya ba'i don
 to/ /lhag ma ni go sla'o/ /sngon bzhin zhes bya ba ni gnas skabs snga ma bzhin no/ /rdo dang bcas zhes bya ba ni rdo dang 'dres pa dang rdo dang sa'i bar du 'dug pa'o/ /skyon zhes bya ba ni snga ma bzhin du 'gyur ba zhes bya ba 'am yang na
 dman zhing spang bar bya ba zhes bya ba'i don to/ /ser skya zhes bya ba ni kha dog ste/ skyon zhes bya ba dang sbyar ro/ /mu tig gi yang ser skya ste/ snying po med pa zhes bya ba ni dor bar bya'o zhes bya ba'i don to/ /snum bag med pa zhes bya ba
 ni skya zhing sob pa'o/ /gser rdo zhes bya ba ni bcag nas ser po phye phye bor 'gyur ba'o/ /gser med pa'o zhes bya ba ni snum bag med cing 'tsher bag med pa'o/ /phug pa zhes bya ba ni rang bzhin gyi grub pa dang/ lcu ba 'dra ba dang bu ga
 seng seng por yod pa'o/ /bcos ma'i ltad do zhes bya ba ni rdul la sogs pa'i ltad do/ /'gags pa dang sra ba ces bya ba ni/ gyong ba tshel tshel bor 'dug pa'o/ /sbrul ltar ring ba zhes bya ba ni/ sbrul lta bu'i ri mo yod pa'o/ /
 skya bo zhes bya ba ni ha cang dkar chem pa dang/ ha cang ser ba dang 'od med pa'o/ /skyon de dag thams cad kyis kyang snga ma bzhin no zhes bya ba ni/ rdul chu gzag pa la sogs pa la/ snga ma kho na bzhin du nyes pa dang bcas par 'gyur
 ro/ /cho ga zhes bya ba ni gzag pa la sogs pa ste/ bzung bar 'gyur ro zhes bya ba lhag ma yin no/ /'o zhes bya ba ni rin po che brtag pa yongs su rdzogs pa'o/ /srog chags zhes bya ba ni sa li dza la sogs pa'o/ /rtsa ba zhes bya
 ba ni 'bal ka la sogs pa'o/ /so sta'i 'dab ma'i yang ser skya'o zhes bya ba ni bstan pa ste/ de nyid kyi bshad pa ni kha da se'i rlig pa zhes bya ba 'di yin no/ /sa li dza zhes bya ba yin no/ /'dab ma zhes bya ba ni pags pa'o/ /sen mo zhes
 bya ba ni chu srin sder mo'o/ /phag pa'i rna ba lta bu zhes bya ba ni/ dbyibs phag pa'i rna ba lta bu'o/ /nya dang thal sman la sogs pa'i dri lta bu dang zhes bya ba ni nya'i dri dang thal ba'i dri bro ba'o/ /mes bsregs na myur du thal bar 'gyur zhes bya ba
 ni/ mes reg na myur du tshig pa ste/ thal bar lhogs pa'o/ /ri dags kyi skyon chen po zhes bya ba la/ ri dags ni gla ba'o/ /de'i skyon te nyes pa'o/ /las thams cad la spang bar bya'o zhes bya ba ni/ las so cog la phan mi 'dogs
 so zhes bya ba'i bar du'o/ /mdog med pa zhes bya ba ni mdog sna tshogs pa'o/ /rgya mtsho'i sbu ba lta bu zhes bya ba skya zhing sob pa'o/ /nyes pa gsum zhes bya ba ni rlung dang khris pa dang bad kan no/ /chu'i steng na 'phyo ba zhes bya ba ni chur
 bzhag na gting du mi 'bying pa'o/ /pri yang ku'i ni ljang gu ste 'gal lo zhes bya ba la/ ljang gu ni ljang ser ro/ /'gal ba ni phan mi 'dogs pa'o/ /gur kum gyi zhes bya ba la sogs pa la/ blo dang ldan pa zhes bya ba ni she
 par bya'o/ /zhes bya ba dang sbyar ro/ /ci zhig ces na phra ba dang zhes bya ba ste go sla'o/ /rlan las skyes pa zhes bya ba ni/ 'dam la sogs pa las skyes pa'o/ /ljang gu ni ljang nag go /rtsa ba med pa ni rtsa ba'i rdog po med pa'o/ /phra ba
 zhes bya ba la rtsa ba shin tu phra ba ste/ spang bar bya zhes bya ba dang 'brel to/ /la ba na ni tsam pa ka'o/ /kha cher bye ba ni kha mang du gas shing bkas pa ste/ 'gal lo zhes bya ba dang 'brel to/ /kha cig ni kha cher bye ba zhes bya ba ni//
 dus ma yin par skyes pa la bya ste/ dus su skyes pa gzung bar bya'o zhes zer ro/ /bu mang ba zhes bya ba ni nang gi ge sar mang ba ste/ spang bar bya zhes bya ba dang 'brel to/ /nyon cig ces bya ba la sogs pas
 ni/ rtsi la sogs pa'i skye gnas bstan te/ rtsi dang rdzas rnams zhes bya ba ni rtsi dang sman gyi rdzas kyi tshogs rnams kyi'o/ /yul zhes bya ba skye gnas so/ /kha ba can zhes bya ba la sogs pa la/ kha ba can yang yin la ri'i rtse mo
 yang yin pas ri kha ba can gyi rtse mo'o/ /ri bo dbang chen dang 'bigs byed kyi brag ces bya ba la/ brag gi sgra ni gnyis ka dang sbyar te/ nags kyi nang na rdo rje'i tshogs yod pa ni brag go /gzhan yang zhes bya ba ni/ gnas de dag
 rtsi 'ba' zhig tu ma zad kyi/ sman gzhan dag gi yang skye gnas su gyur pa'o/ /yang na gzhan yang zhes bya ba ni skye gnas gzhan ston pa'i tshig gi phrad do/ /mig sman lta bu zhes bya ba ni/ chu zhes bya ba dang/ brag ces bya ba ni
 gnyis ka dang sbyar ro/ /gang dag gis rtsi byin gyis rlob pa'i gnas zhes bya ba la/ rtsi byin gyis rlob pa ni sman gyi tshogs so/ /rtsi dang sman byin gyis rlob pa ni rtsi byin gyis rlob pa ste/ gcig lus pa'i sbyor ba yin no/ /mkha' las
 sna tshogs sangs rgyas sgra'i gsal byed pa/ zhes bya ba ni sa phyogs gang gi steng gi cha na drang srong la sogs pa'i mi dang mi ma yin pa'i sgra yid tshim par byed pa'i sgra sgrogs pa'o/ /yang na rtag tu 'brug gi sgra sgrogs pa'o/ /ri shod
 chu 'bab pa zhes bya ba ni rlabs dang bcas pa'i yid du 'ong ba brag gi rtse mo na 'bab pa'o/ /nor bu rnams kyi skye gnas bstan pa'i phyir de la brag dkar po las ni zhes bya ba la sogs smos te/ shel dang chu shel la sogs pa'i nor
 bu zhes bya ba la nor bu'i sgra ni gnyis ka dang sbyar bar bya ste/ shel ni grags par zad do/ /chu shel ni nor bu zla 'od ces bya ba gang yin pa'o/ /brag ser po zhes bya ba la sogs pa la/ chu ser po 'bab pa zhes bya ba ni/ brag ser po gang chu
 ser po'i chu rlabs dang 'thab pa yod pa ste/ de ltar 'thabs pa'i srub las ni byu ru 'byung ba yin la/ brag ser po dngos las ni btsag ste gser btsag go/ brgya byin gyis zhes bya ba la sogs pa la/ brgya byin gzhu lta bu'i nor bu dang/ nor
 bu dzi ban ti zhes bya ba ni/ nor bu dzi ban zhes bya bar grags pa dang/ 'ja' tshon ltar kha dog sna tshogs pa'i nor bu ste/ de gnyis ri dmar po dag las skye bar 'gyur ro/ /zhes bya ba ni brag kha dog sngo dmar du 'dug pa las skye ba'o/ /ri'i
 ljongs zhes bya ba ni ris rab ltar bskor ba'i gshong ngo/ /dro ba dang bcas pa zhes bya ba ni/ chu tsha mo 'bab cing sa phyogs dro ba'o/ /khar pa zhes bya ba ni khar ba'i gser rdo'o/ /gzhan dag ces bya ba la sogs pa ni zangs rdo la sogs pa'o/ /
 lcags khab len gyi rigs rnam pa bzhi zhes bya ba ni/ 'byar byed dang g.yo byed dang 'dren byed dang zhu byed ces bya'o/ /de ltar yang gsungs pa/ 'byar byed dang ni g.yo bar byed/ /'dren par byed dang zhu byed pa/ /khab len rigs ni rnam bzhi la//
 bzang po 'di bzhir bshad pa yin zhes so/ /byi ma la zhes bya ba ni byi ma la a badzra dzA na'o/ /stam pa na zhes bya ba ni rdo'i khyad par ro/ khrag kha dog sngo dmar du 'dug pa dang/ sna tshogs su 'dug pa las zhes bya ba ni/ ri'i khyad par gzhan
 sna tshogs las so? brag sum zhing zhes bya ba la sogs pa la/ sum pa ni bye ma la sogs pa dang bcas pa'o/ /srog chags dang bcas pa zhes bya ba la sogs pa ni/ sdig pa dang sbrul la sogs pa'i srog chags phra mo mang po yod pa'o/ /tshal?
 la sogs pa zhes bya ba la sogs kyis na so rtsi ka la sogs pa gzung ngo/ /de dag blang ba yang zhes bya ba la sogs pas ni/ blang ba'i cho ga ston te/ gtor ma byin la zhes bya ba ni/ thun mong gi cho ga'o//
 lci rlon gyi sbyor bas sgrub pa zhes bya ba ni/ dngul chu bsgrub pa'i khyad par gyi cho ga ste/ mtshal la sogs pa'i phye ma 'og nas mes btsos shing lci rlon gyis gzung nas bsgrubs la ku ba'i snod du blang bar bya'o zhes bya ba dang sbyar ro/ /
 rig pa de dag ces bya ba ni dngul chu'o/ /tshangs pa brgya byin la sogs 'grub na zhes bya ba ni/ tshangs pa la sogs pa'i go 'phang yang dngul chus 'thob pa ste/ 'dis ni phan tshun yon bstan pa'i/ /dngul chu skye ba'i lo rgyus bstan pa'i phyir/
 'das pa'i dus na zhes bya ba smos te/ bskal pa dang po zhes bya ba ni 'jig rten chags nas ring po ma lon pa'i dus so/ /lhag pa'i lha ni lhan cig bzhugs zhes bya ba ni/ de'i dus su skye bo rnams 'dul bar gzigs nas/ bcom ldan
 'das rdo rje sems dpa' nyid lha'i lha chen nyid du sprul nas mdzad pa'o/ /lha min grub sogs mthong ste zhes bya ba la/ grub ni grub pa'i skye gnas las byung ba'o/ /lha'i tshogs ni lha'i sde rnams te/ de dag dang bcas pas mthong na
 skrag par 'gyur ba ni 'od dang bcas par 'bar ba'i phyir ro/ /ci zhig ce na/ thig ler zhu ba ste btsun mo dang 'dus pa'i 'dod chags kyi me 'bar ba'i thig le'i gzugs su zhu ba'o/ /sangs rgyas thams cad 'dus nas ni zhes bya ba ni
 gcig tu tshogs par gyur pa'o/ /skul bar byed ces bya ba ni glu'i dbyangs kyis sad par byed pa'o/ /ci'i phyir zhe na/ bdud kyis zhes bya ba la sogs pa smos te/ bdud kyis kun tu gtor ba ni gzigs nas myur du nga la skul
 bar byed ces bya ba dang sbyar te/ skye bo rnams kyi bsod nams dman pas bdud kyi gnas thams cad du gtor ba gzigs nas bskul ba'o/ /thams cad rmongs par byed pa'i zhes bya ba ni/ bud med thams cad chags par byed pa'o dngul
 chu zhes ni bya bar grags zhes bya ba ni/ bdud kyis gtor ba'i thig pa de dag /ding sang 'jig rten na dngul chu zhes bya bar grags pa ste/ des na tshe dang nad med pa la sogs pa 'phel ba yin no/ /da ni dri'i yon tan gsungs pa/ da ni zhes bya
 ba la sogs pa la/ mchog dang dman dang bar ma yin zhes bya ba ni/ gla rtsi zhes bya ba dang sbyar te/ de la dkar po ni dman pa'o/ /dmar po ni bar ma'o/ /ser po ni mchog go /ke ta ke ltar dri zhim zhing zhes bya ba ni/ mnyes na me tog
 ke ta ke ltar dri zhim pa'o/ /yang ba ni srang la gzhal bas shes par bya'o/ /de dag kyang gsungs pa/ gang zhig mnyes na ke ta yi/ /dri lta bu yi dad ldang zhing/ /kha dog dag ni shin tu ser/ /myangs na kha dang tsha ba'i ro/ /mnyes na snum zhing gzhal
 na yang/ /bsregs na thal bar mi 'gyur zhing/ /pags pa lang long dri dang ldan/ /ri dags mchog gi lus las byung/ /lha rdzas 'di ni mi mchog gi /longs spyod yin par nga yis bshad ces so/ /de la chu'i nang du blugs na myur du chu
 dmar po'am ser por 'gyur ba ni bcas ma yin par shes par bya ste/ de yang gsungs pa/ ri dags lus las byung ba'i dri/ /mkhas pa yis ni rtag byas te/ /lag pa'i mthil du chu blugs nas/ /de yi nang du bzhag par bya/ /
 skad cig gis ni dmar po 'am/ /chu yi kha dog ser mthong na/ /de ni bcos mar shes byas te/ /rin thang bskyed par mi bya'o/ /kha ta si ni srog chags tsa ra mang ngo/ /rgya mtsho zhes bya ba ni len tshwa can gyi chu las byung ba'o/ /gnyis
 gnyis zhes bya ba ni sen mo rta'i rmig pa lta bu dang/ glang po che'i sna lta bu gnyis dang/ bA ta li utpa li'i 'dab ma lta bu dang/ shing lo lta bu dang/ 'di dag las dri sbyar bar 'os pa yin no/ /zhes bya ba'i
 don to/ /bya rog mchu 'dra zhes bya ba ni bcag na bya rog gi mchu ltar gnag pa'o/ /rtsa ba sor mo'i dbyibs 'dra ba zhes bya ba ni/ mthe'u chung gi tshad tsam la mdud pa dam du bcas pa'o/ /mu ra zhes bya ba ni go sla'o/ /nad kyi dbang po
 zhes bya ba ni mdze ste ru rta'o/ /yung ba ku ta tsa ltar ser zhes bya ba la ku ta tsa ni gu kum ste/ de'i mdog dang 'dra ba'o/ /ra na zhes bya ba ni re nu ka'o/ /'bring po yin zhes bya ba ni sbyar du rung bar ston pa yin te/ spang bar bya ba'i mtshan
 nyid ni sngar bshad zin to/ /kye bar ni gla sgang zhes bya ba ni ku ta na ha zhes bya ba'o/ /'bri zhes bya ba ni blang du rung ba ston pa yin no/ /lhag ma ni go bas rnam par ma phye'o/ /da ni tshim par bya ba'i gtso bo chang gi yon tan bstan
 par bya ba'i phyir/ da ni zhes bya ba la sogs pa smos te tshim pa zhes bya ba ni sngar thal ba'i dri dang yang sbyar ro/ /ma te zhes bya ba nas dza ga la zhes bya ba'i bar du rnam pa bzhi ni/ mdor bsdus pa'i dbye ba'o/ /ma ti rnam pa lngar
 bshad de zhes bya ba nas/ de bzhin dza la ga ni gsum zhes bya ba'i bar du ni rgyas par phye ba ste/ nyi shu rtsa gsum du 'gyur ro/ /sbrang rtsi las byung dang po ste/ /zhes bya ba la sogs pa ni ma ti'i dbye ba lnga ste go sla'o/ /rab tu dang
 zhes bya ba la sogs pa la/ mdor bsdus nas zhes bya ba ni shin tu rgyas par ma yin par ro/ /i k+Shu las byung ba dang po ste/ zhes bya ba la sogs pa ni/ 'og ti dbye ba rnam pa bdun no/ /'bras bu zhes bya ba la sogs pa ni/
 dza ga li'i dbye ba rnam pa gsum ste/ 'bras kyi khu ba zhes bya ba ni/ rgun 'bru la sogs pa'i khu ba ste/ 'bru chang dang sbyar ba'o/ /me tog ces bya ba ni me tog las byung ba ste/ snga ma bzhin 'bru dang sbyar bar bya'o/ /gzhan zhes bya ba ni
 'bru 'ba' zhig las byung ba'o/ /da ni ma ti'i chang gi sbyor ba bstan pa'i phyir/ nya bu can gyi zhes bya ba la sogs pa gsungs te/ nya bu can gyi 'bras bu zhes bya ba ni/ 'bras bu'i khyad par gang nya bu can zhes grags pa'o/ /tsakra
 ang ga ni legs mthong ngo/ /nyi ma'i 'ong la btso bar bya zhes bya ba ni chu bskams kyi bar du nyi ma la bskrad par bya'o/ /de nas ci zhig bya zhe na/ sa ha ra zhes bya ba la sogs pa smos te/ sa ha ra ni tsu ti'i khu ba'o/ /'u su ni 'u
 su'i me tog ste/ de nyid kyi bshad pa ni sha lta puShpa'o/ /ma la ya zhes bya ba ni/ ri ma la ya las skyes pa ste tsan dan no/ /gzhon nu ma zhes bya ba ni pri yang ku ste/ ri las skyes pa zhes bya ba ni brag gi ser ga las skyes pa'o/ /dzA ti ni dzA ti
 pha la'o/ /chu ni de'i bzhir 'gyur bcas zhes bya ba ni nyi ma'i 'od las btso bar bya zhes bya ba 'og nas 'byung ba dang sbyar ro/ /de nas yang ci zhig bya zhe na/ sngon po zhes bya ba la sogs pa smos te/ sngon po zhes bya ba ni pi pi ling
 ngo/ /ta ma la zhes bya ba ni pri yang ku'o/ /lhag ma ni go sla ste/ /de dag ni cha re re bya zhes bya ba dang sbyar ro/ /bu ram zhes bya ba ni bur shing gi khu ba'o/ /nyi ma'i 'od la btso bar bya zhes bya ba ni go sla'o/ /de nas yang ci zhig bya zhe na/
 de nas zhes bya ba la sogs pa smos te/ de mnyam dang zhes bya ba ni de thams cad dang cha mnyam pa'o/ /bdug spos kyis ni bdug par bya zhes bya ba ni/ 'og nas ga pur dang ni gla rtsis bdug ces bya bas bstan to/ /thog ma tha ma mnyam
 pa ste zhes bya ba la thog ma ni sngar gyi chad do/ /tha ma ni dza bu ka'i shing ste/ slar yang 'dzam bu'i shing dang mnyam por sbyar ro zhes bya ba'i don to/ /bar ma zhes bya ba ni sbrang rtsi ste/ de gnyis ka bsdongs
 pa'i bzhi 'gyur du sbrang rtsi blugs pa'o/ /du hig phur gla rtsis bdug zhes bya ba la/ du hi ni tsan dan ti dang por tsan dan ga gur dang gis bdugs la de'i 'og tu gla rtsis bdug par bya'o/ /de ni sgeg mo zhes bya ba yin zhes bya
 ba ni chang de ni sgeg mo zhes bya ba yin te/ dri zhim pos bdug pa'i phyir ro/ /de yang 'og nas dri zhim dang bcas sgeg mor bshang ces gang gsungs pa'o/ /rab tu myos pa'i sbyor ba gsungs pa/ ti'i me tog ces bya ba
 la sogs pa la bu ram khu ba zhes bya ba ni bur shing gi khu bas spel ba'o/ /rab tu myos byed ces bya ba ni/ dzA ti puShpa la sogs pa'i me tog gis bsgos pa'i phyir te/ 'og nas me tog gis bsgo rab myos yin zhes
 gang gsungs pa'o/ /rnam pa gzhan gsungs pa/ chu shing zhes bya ba la sogs pa la chu shing gi 'bras bu'o/ /de bzhin zhes bya ba'i sgras ni bud shing gi khu ba bzung bar bya'o/ /phur mo zhes bya ba ni phur mo'i snyi ma'o/ /de
 dag gi ni 'di skad du bud shing gi khu pa srang brgyad dang/ sgeg mo srang brgyad kyi nang du phur mo'i phye ma srang gcig blugs te/ skye mar byas pa'i nang du chu shing 'bras bu smin pa rdog ma brgyad bco zhes bya bar ston to/ /yang rnam pa
 gzhan gsungs pa/ 'bras bu gsum dang zhes bya ba la sogs pa la/ shir shing zhes bya ba ni rgya spos so/ /lhag ma ni go sla'o/ /mi ta'i cho ga 'di yis ni/ /pes+thi la sogs pa'i cho ga yang shes par bya'o/ /da ni pes+thi'i phabs
 bcos pa'i cho ga bstan pa'i phyir/ rgun 'bru'i zhes bya ba la sogs pa smos te/ shing dbang phyug zhes bya ba ni shing tA la'o/ /spa'i rtsa ba rnam pa gnyis zhes bya ba ni spa dkar nag gi rtsa ba'i ldum bu'i rtsa ba gnyis so/ /pa ta me tog la
 sogs bcas zhes bya ba ni rtsa ba dang 'dab ma la sogs pa dang bcas pa'o/ /gzhung kha cig las ni nags kyi me tog bcas pa yis zhes zer te/ de'i tshe nags kyi me tog rnam pa lnga gzung ngo/ /sbyangs pa dag ni rnam pa brgya zhes bya
 ba la/ sbyangs pa ni rdzas de 'bras kyi zan la sogs pa dang sbyar ba'o/ /rnam pa brgya zhes bya ba ni phabs bcos pa'i bye brag ste/ de'i man ngag ni rtog pa'i phreng ba las shes par bya'o/ /pes+thi las phyung myos byed de zhes bya ba la/ phabs
 de dag las byung ba'i chang ni pis+thi ste/ ma ti la sogs pa'i phabs kyang de nyid kyis shes par bya'o/ /myos byed de zhes bya ba la sogs pas ni chang gi dbye ba rnams gzhan dang gzhan dag ston pa/ yin te 'das ma thag pa'i pi s+thi ni
 ming myos byed ces bya bar 'gyur ro/ /zan las byung ba chu tshan mchog ces bya ba la/ zan ni 'bras bcos pa'i thug pa dang phye'i zan la sogs pa'o/ /de las byung ba'i chang de ni chu tshan zhes bya bar brjod do/ /lhag ma ni go sla'o/ /sbyor bas bcud
 len ra'i mchog ces bya ba ni chang de dag gi sbyor ba'i bye brag gis ni khams thams cad bcud len dang 'dra bar 'gyur ro zhes bya ba'i don to/ /phabs bcos pa'i rnam pa gzhan gsungs pa/ tsakra aM ka zhes bya ba la sogs pa la/ tsakra
 aM ka ni legs mthong ngo/ /tsakra ka a dang/ tsu tA dang kum pa la sogs gzhan dag kyang zhes bya ba ni chang de dag gi sbyor bar bya'o/ /di ni rdzas sbyar nis btso ba'i cho ga gsungs pa gla sgang dang zhes bya ba la sogs pa la/ ku tsi ni ba ku tsa'o/ /
 lo ma lnga pa zhes bya ba shing 'dzam bu dang/ tsu ta dang ka pi tha dang/ ma du lung ga dang/ shi ba la zhes bya bar grags pa rnams kyi yan lag las byung ba'o/ /de dag gis ni 'di skad du/ gla sgang dang ku tsa drung pa
 dang/ sgog skya rnams dang po sings po'i nang du zhag gsum sbangs te/ de'i 'og tu 'bras phye dang bu ram bsres pa'i nang du gcug la/ yang shing kru'i khu ba dang/ ra gcin gyis bkrus nas tha mar lo ma lnga pa'i khu ba'i nang du bskor bar bya'o zhes bya bar ston to//
 dang por thal bas phyi la zhes bya ba ni/ lci ba'i thal ba dron mos byugs la sbu dbyi bar bya'o/ /lo ma lnga pa zhes bya ba ni bshad zin to/ /kha btsos bya zhes bya ba ni rlangs pa la btso ba'o/ /ke ta ka'i nad bcug la zhes bya ba ni/ ke ta
 ke'i me tog kha sbyar ba'i nang du gzhug pa'o/ /rdo rje'i 'o ma zhes bya ba ni snu ha'i 'o ma'o/ /dag 'gyur zhes bya ba bcos par gyur pa ste/ thams cad du de ltar sbyar bar bya'o/ /'dabs ma gtums te zhes bya ba ni/ e ran+ta ri lo mer
 gtums pa'o/ /'bras bu zhes bya ba ni sh+ri ri pha la'i 'bras bu'o/ /ta kra zhes bya ba ni dar ba'o/ /mu zi mar khus dag 'gyur te zhes bya ba ni mar khu bskol ba'i nang du mu zi sbyar bar bya'o/ /bya kri zhes bya ba ni chu srin gyi sen ma'o/ /sihla bu
 ma'i khrag gis 'dag zhes bya ba ni/ sbrang rtsi dang bcas pa'i khrag gis 'dag par 'gyur ba'o/ /de nas zhes bya ba la sogs pa la/ gnas zhes bya ba ni bsgrub par bya ba'i khams dang nad kyi bye brag gis so/ /sngar bshad pa zhes bya ba ni
 rtsi dang sman gyi tshogs rnams so/ /sde tshan zhes bya ba ni dbyangs dang gsal byed kyi ye ge'i sde tshan rnams so/ /'brel pa zhes bya ba ni yi ge de dag gis bstan pa'i sman gyi tshogs rnams phan tshun sbyar ba ste/ a i u A ste dang po'o/
 zhes bya ba la sogs pa'o/ /dgos pa dag ni ci zhig lags bya ba ni gser gyi mdog ni bzang por 'gyur zhes bya ba la sogs pa'o/ /yul dang 'brel pa'i ting nge 'dzin zhes bya ba la/ yul ni pul+li ra ma la ya la sogs pa'i gnas
 rnams so/ /de dang 'brel pa ni dpa' bo rnams te/ dpal he ru ka'i ting nge 'dzin dang sbyar ro/ /khams ni bco brgyad bstan pa yis/ /phan tshun bsdus pa ji lta bu zhes bya ba la phan tshun ni phyi dang nang gis khams rnams so/ /bsdu ba ni sbyor ba'o/ /'khrul
 'khor bye brag bshad pa dag /phyi dang nang gi ji ltar lags zhes bya ba la/ ji ltar lags zhes bya ba ni bye brag ces bya ba dang yang sbyar te/ de la bye brag ces bya ba na ka ran+ta dang rgod ma'i kha la sogs pa dang sbyar ro/ /phyi dang nang dang zhes
 bya ba ni kha che ba phyir phyung la chung ba nang du gzhug par bya'o/ /nad rnams sna tshogs 'byung ba dag /ji ltar smin pas 'bras bur 'gyur/ /zhes bya ba ni nad sna tshogs gso ba'i cho ga zhu ba ste/ sbrang rtsi dang ni bcas pa la/ /sgrub pos phra mo zla
 drug bza' zhes bya ba la sogs pa'i lan dang sbyar bar bya'o/ /sbom pa'i bye brag du zhig mchis/ phra mo'i ni khyad par ci zhes bya ba ni nang gi dbang du byas pa'i phra mo dang sbom po ste/ byang chub kyi sems gnyis kyi lan dang sbyar bar bya'o/ /
 dus kyi khyad par ji lta bu zhes bya ba ni/ sbyor ba'i cho ga'i dus kyi khyad par dang sbyar bar bya ste/ zhag gsum du sbyar ba dang/ nyi ma bdun du btso bo dang zhes bya ba dang sbyar ro/ /gzhan dag ni bstan pa'i dus kyi khyad par la bya ste/ nyi ma bdun dang zla
 drug la sogs par bsten par bya'o zhes bya ba dang sbyar ro zhes zer ro/ /lhag ma ni go sla'o/ /dpa' bo rnal 'byor gnyis med pa/ /nyi shu rtsa bzhi cher mchod nas zhes bya ba ni/ dpal rdo rje mkha' 'gro'i dkyil 'khor gyi ting nge 'dzin la
 gnas zhes bya ba'i don to/ /sngags zhes bya ba ni rkang pa brgyad pa'i sngags la sogs pa'o/ /sngar bshad rig pa zhes bya ba ni le'u bzhi bcu rtsa bdun pa la sogs par bstan pa'i bu mo'o/ /stong dang stong yin sogs
 spangs pa'i/ /ro ni mi mchog gis brtag bya zhes bya ba ni/ spros pa dang bral ba'i bde ba chen po'i ye shes kyi ro longs spyod par bya ba ste/ de nyid ni nang gi bcud kyi len dang pra sbom gyi rdzas bstan pa'o/ /de nyid kyi phyir gsungs pa/ sgo dgu las ni
 byung ba'i rdzas zhes bya ba la sogs pa la sgo dgu ni dbang po'i sgo dgu ste de las byung ba'i rdzas ni khu ba dang khrag go /'ju bar byed pa zhes bya ba ni 'chos par byed pa ste/ bskyed cing pa na 'dogs par byed pa zhes bya ba'i par du'o/ /bdud? kyi
 rdul de lhag ma yin zhes bya ba la/ lhag ma ni zla mtshan 'bab pa'i lhag mar gyur pa'i khrag gi thigs par gyur pa ste/ de nyid ni rdul zhes bya ba'o/ /snying stobs zhes bya ba ni khu ba'i thigs pa ste/ de nyid ni sems can rnams kyi
 srog brtan par byed pas na len pa yang yin no/ /phra mo gsungs pa/ mun pa phra mo zhes bya ste zhes bya ba la sogs pa la/ phra mo nam mkha' i khams mtshan nyid ces bya ba ni don dam pa'i byang chub kyi sems te/ dga' ba'i ngo bo
 nyid ces bya ba'i don to/ /de nyid kyi phyir gsungs pa/ nga'i ye shes kyis bskul yin zhes bya ba ste/ ye shes kyi bdag nyid yin zhes bya ba'i bar du'o/ /gso ba dag ces bya ba ni bsang nas slar yang gso pa'o/ /yongs su smin pa'i
 mchog gis ni zhes bya ba ni/ dpyad de dgag ces bya ba dang 'brel te/ mchog ces bya ba ni dang por ro/ /yongs su smin pa zhes bya ba ni sbyang bar bya ba'o/ /'khrul 'khor zhes bya ba la sogs pa la/ /'khrul 'khor ni sa las byas pa'i
 bco rdza'o/ /ka ran+ta dang rgod ma'i kha zhes bya ba la/ kha'i sgra ni gnyis ka dang sbyar bar bya ste/ ka ran+ta Shi kha lta bu dang rgod ma'i kha lta bu gnyis ni kha che ba zhes bya ba'i 'khrul 'khor bzhin du bong bu'i kha lta bu dang rnga mo'i kha lta bu gnyis ni rdza rnga zhes bya
 par bsdu ste/ de ltar na rnam pa bzhi yin no/ /da ni phyi dang nang gi sbyor ba bstan pa'i phyir/ rgod ma'i kha ni zhes bya ba la sogs pa smos te/ sngar smos pa'i 'khrul 'khor bzhi ni kha yangs pa'i phyir phyi yin la/ 'od ma'i sbu gu lta bu la sogs
 pa bzhi ni kha dog pa'i phyir nang yin te/ nang du bcug la chu lta bur sbyar bar bya'o/ /zhes bya ba'i don to/ /da ni 'khrul 'khor bzhi la btso ba rnam pa bzhi bya'o/ zhes bstan pa'i phyir/ tshor bcad pa ni spal pa ste zhes bya ba la sogs pa smos
 te/ dang po sbal pa'i dbyibs lta bur tshar bcad la/ de nas btso ba rnam pa bzhi bya'o zhes bya ba'i don to/ /kha cig ni go bzlog par bya'o zhes zer ro/ /rdo leb 'bar zhing 'od dang bcas zhes bya ba ni thams cad du sbyar bar bya'o/ /rdzas ni
 drug cha sbyin par bya zhes bya ba ni/ dngul chu cha gcig dang sman cha lngar bya ba'o/ /'khrul 'khor zhes bya ba ni rkang gi sbu gu'o/ /sngar bshad nas zhes bya ba ni chu'i gnas la sogs pa ste go bar zad do/ /phyogs kyi cha zhes bya ba ni bcu'o/ /dbang
 po'i cha zhes bya ba ni drug go /da ni khams kyi rdzas rnams kyi 'bras bu bstan pa'i phyir/ gser gyi mdog ni bzang por 'gyur zhes bya ba la sogs pa smos te/ sna tshogs dbang phyug ces bya ba ni mu zil sogs pa'o/ /mdze nad 'joms
 zhes bya ba ni bsku byug gis zhes bya ba tshig gi lhag ma yin no/ /lhag ma ni go sla'o/ /gi ri ke sas gso ba ste zhes bya ba la sogs pa ni/ dngul chu gso ba dang bsad pa la sogs pa sman gyi sde tshan gyi gtso bo tsam zhig bstan pa yin
 te/ sde tshan rgyas pa ni sngar bshad zin to/ /d+ha d+hu ra yi khu ba yis/ /rang gis yon tan ma lus byed ces bya ba la/ rang gi yon tan ni rang gi mthu'o ma lus pa ni sman ma lus pa ste/ de dag gi bya ba byed
 par 'gyur ba'o/ /des ni 'di skad du ra'i khu ba 'ba' zhig gis kyang dngul chu gsod par 'gyur ro zhes ston to/ /da ni mar nag btso ba'i cho ga bstan pa'i phyir/ de nas zhes bya ba la sogs pa smos te/ 'bras bu chen po gsum
 zhes bya ba ni a ru ra la sogs pa'o/ /rdul la sogs pa'i skyon bral ba zhes bya ba ni/ shing phye dang tsher ma la sogs pa'i skyon dang bral ba'o/ /bskyed ces bya ba la bskyed pa'i cho ga ni 'bras bu bskyed pa'i bstan bcos
 sngar smos pa las phal cher shes par bya'o/ /skye la sogs pa'i skyon spangs gnag zhes bya ba la/ gnag ces bya ba ni til nag pa'o/ /skya zhes bya ba ni ma smin pa'o/ /bdug ces bya ba ni khwa tshos bya ba'o/ /nA ga puShpa zhes bya ba la
 na ga ni nA ga ge sar ro/ /puShpa ni dzA ti puShpa'o/ /rol pa dang ni sa li la zhes bya ba la rol pa ni brag spos so/ /sa li la ni ba li ka'o/ /de dag phye mar byas pa ni/ til las byung ba'i nang du blugs zhes bya ba ni phye mar byas pa'i
 skyo mar byas pa'o/ /til las byung ba ni mar nag go /tshang bstan pa'i phyir/ chu ni mar khu'i bzhir gyur pa zhes bya ba smos te/ a ka ru srang phyed ces bya ba ni/ a ka ru 'ba' zhig srang phyed gzung bar bya'o/ /sman gyi bzhi 'gyur
 byas nas su zhes bya ba ni sman ji snyed pa'i bzhi 'gyur gyi mar nag go /mar nag btso ba'i rnam pa gzhan bstan pa'i phyir slar yang zhes bya ba sbyor ba gzhan ston pa'i tshig phrad do/ /sngar bshad ces bya ba ni/ sbyor ba snga
 ma dang sbyar bar bya'o/ /de nyid bya ba gzhan bstan pa'i phyir/ slar yang zhes bya ba la sogs pa smos te/ slar yang zhes bya ba ni de'i 'og tu'o/ /dkar min zhes bya ba ni sman gyi khyad par zhig ste/ gang gi ming o la pu ya zhes bya bar grags
 lha mo zhes bya ba ni sbri ka'o/ /dza zhes bya ba ni ba lika'o/ /thams cad bsres pa srad gcig btang zhes bya ba ni/ sman de dag cha mnyam pa'i phye ma srad gcig chu skyo byas te blugs pa'o/ /tshangs pa'i mar khu ni bshad ba'i mar khu'o//
 tsa la zhes bya ba ni sa li ka'o/ /so sor cha bzhi cha drug bdun/ cha ni bcu gnyis dag dang bcas zhes bya ba la/ dza la la sogs pa'i sman bzhi ni cha bzhir byas la/ de bzhin du lnga pa ni cha drug du'o/ /drug pa ni bdun du'o/ /bdun pa ni bcu gnyis su
 bya'o zhes bya ba'i don to/ /sngar bshad pa'i tshad dang bcas zhes bya ba ni/ mar nag bzhi 'gyur du bya ba'o/ /de nas zhes bya ba la sogs pa ni sha chen las byung pa'i zhag go /ti tra tsa'i 'bras bu ni a ka ru la sogs pa'o/ /
 rnam pa gzhan gsungs pa/ de nas zhes bya ba la sogs pa ste/ tshangs par spyod la rtag gnas nas/ khu ba dag ni dgag par bya zhes bya ba ni/ gtum mo'i rnal 'byor la gnas nas khu ba dgag pa'o/ /nye bar mtshon pa 'dis ni rlung gi
 dkyil 'khor dang rtsa'i 'khrul 'khor bsdams pa dang/ sman gyi sbyar ba la sogs pas kyang dgag par bya ste/ bcud kyis len gyi sbyor ba phal cher la yang de ltar sbyar bar bya'o/ /da ni nang gso ba la sogs pa'i cho ga zhib mo sna
 tshogs bstan pa'i phyir/ sbrang rtsi zhes bya ba la sogs pa smos te/ phra mo zhes bya ba ni khu ba'o/ /kha cig ni zla ba brgyad po zhes zer ro/ /tsha gsum tse ra'i phye ma ni zhes bya ba la/ tso ra ni rgan po gzhon nur byed pa'o zhes bya ba'o/ /'byin ni
 byed ni bshad ba ste tshangs pa'i brdas brjod par bya'o/ /de bzhin 'byung po'i gtso bo ste zhes bya ba la/ 'byung po'i gtso bo ni go ro tsa na'o/ /rig byed grangs dang mnyam pa'i srang zhes bya ba ni srang bzhi'o/ /dpyed
 kyi dus su cung zad bskyed ces bya ba la/ dpyed kyi dus su ra ti gnyis gnyis bskyed par bya'o/ /dus dang rlung dang zhes bya ba la sogs pa la/ dus ni 'khrig pa'i bya ba'o/ /rlung ni dgun de'i kha ba dang/ gci bar bcas pa sna sman sbyin zhes bya
 ba la rdzas gnyis po de dag cha bsnyams pa'i sna sman byin nas bad kan drang bar bya ba'o/ /kha cig ni gtung bar sbyin no zhes zer ro/ /pad+ma'i dri ma zhes bya ba ni lce'i dri ma'o/ /ma rka ta'i rtsa ba zhes bya ba ni dbang po'i lag pa'o/ /so dang
 sen mo zhes bya ba ni/ sman so zhes bya ba dang chu srin sen mo bya ba'o/ /kha cig ni mi las byung ba'o zhes zer ro/ /sug smel ni rna lpags so/ /rig ri kar ni ka na a ba rA dzi ta dkar po'o/ /'bras bu gsum gyi khu bas sbyang zhes bya ba
 ni/ sman byugs nas de'i 'og tu 'bras bu gsum gyi khu bas bkru bar bya'o/ /ma ha ha ta ka ni pu na ka'o/ /dngul chu bcing ba dag la phan zhes bya ba ni/ dngul chu gza' ba' i sbyor ba la bsngags pa yin no/ /shing tsa cha mnyam
 phyed dang ni zhes bya ba la/ shing tsha la sogs pa bzhi po de dag cha phyed phyed de/ cha bzhir bya ba yin no/ /brag spos dag ni nyis 'gyur bcas zhes bya ba ni de thams cad dang mnyam par bya ba'o/ /mar dang bcas zhes bya ba
 ni/ sha de nyid kyi zhag dang bcas pa'o/ /kha'i snying po zhes bya ba ni/ gci ba'i lan tshwa'o/ /pad+ma can zhes bya ba ni mdzes ma'o/ /kha cig ni yon tan dang ldan pa pad+ma can nyid do zhes zer ro/ /pad+ma'i snying po zhes bya ba ni rdo rje
 nyi mas kha ma phye ba'o/ /sems kyi dbang phyug ces bya ba ni rang gi khu bya'o/ /de dag ni nyi ma dang zla ba'i sbyor ba ste/ bla ma'i man ngag las shes par bya'o/ /lce dang dkar po bcas pa la zhes bya ba la/ dkar po ni khu ba'o/ /mi mo'i 'o ma
 zhes bya ba ni khye'u dang bcas pa'i 'o ma'o/ /rdo rje'i 'o ma zhes bya ba ni ra'i 'o ma'o/ /pa tha zhes bya ba ni bdud rtsi zhes bya ba'i don to/ /de ci zhig ce na/ sngar bshad mtshan nyid ldan par ni zhes bya ba smos te/ sngar bshad pa'i mtshan nyid ni/
 mkhrang ma zhes bya chen po'i chen zhes bya ba smos pa'i bu mo'i khyad par te/ de'i gci ba'i lan tshwa la sogs pas cha bsnyams pa'i srang brgya rtsa brgyad bzung bar bya'o/ /khyim gyi me tog ces bya ba ni pad+ma las byung ba'i khrag go /
 dkar po zhes bya ba ni khu ba'o/ /ring po zhes bya ba ni gung mo'o/ /'byung po'i bdag po zhes bya ba ni bshad zin to/ /dri'i chu zhes bya ba ni bdud rtsi lnga gzung bar bya'o/ /pad+ma las byung ma rnyed na/ ro'i lag pa las byung gzung
 zhes bya ba la ro ni bsad pa ste/ zla mtshan gyi gos las byung ba'o/ /kha cig ni sgra ji bzhin no zhes zer ro/ /rnal 'byor don gnyer dbul po yis zhes bya ba ni/ ro langs byung ba 'ang ma 'byor na/ /lag pa'i mchod pas yid
 'dod bya/ zhes bya ba rang gi sor mo lnga'i khrag dang bdud rtsi lnga las rnam pa lnga bya'o zhes bya ba'i don to/ /de nyid kyi phyir gsungs pa/ dbang bskur lag tu dgod nas ni zhes bya ba ste/ lag pa'i sor mo rnams kyi khrag gis
 ni/ las lnga po thams cad dbang bar 'gyur ro zhes bya ba'i don to/ /mkhas pas rgyab tu gshegs su gsol zhes bya ba ni/ rgyab las byung ba'i khrag gis ni bskrad pa 'ba' zhig tu 'gyur zhes bya ba'i don to/ /gnyis
 pa rnal 'byor don gnyer zhes bya ba ni gsang ba'i dbang la sogs pa don du gnyer ba'o/ /dbul po zhes bya ba ni las kyi phyag rgya ma 'byor pa'o/ /lag tu bskor nas zhes bya ba la/ lag pa'i sor mo rnams ni phyag rgya
 lnga'i rang bzhin no/ /dgod pa ni rnal 'byor ma drug dang dpa' bo drug de yod? pa'o/ /mkhas pas rgyab tu gshegs su gsol zhes bya ba la/ de dang mnyam par sbyor ba'i byang chub kyi sems rgyab tu ste/ phyi rol tu phyung mkhas pas slob
 ma'i kha ru dbab par bya zhes bya ba dang sbyar ro/ /mdzes ma kun du ru'i sa bon zhes bya ba ni/ mdzes ma dang sbyor ba las byung ba'i sa bon no dkar po zhes bya ba'i brdas ni byang chub kyi sems bstan pa ste/ ji ltar ba'i sgras rnam par
 snang mdzad la bya ba bzhin no/ /gzhan yang khu ba dmar dang/ dngul chu sngar ni bshad bzhin gzung zhes bya ba'i tshad bstan pa'i phyir/ nam mkha' i me ni mnyes byed la/ su sir yi tshad dang mnyam zhes bya ba smos te/ su sa ra ying tshang
 dang mnyam zhes bya ba ni/ dngul chu ra ti gcig gzung bar bya'o zhes ston to/ /nam mkha' zhes bya bas ni khu bar ti gnyis kyi tshad du ston to/ /me ni mnyes pa zhes bya ba ni dmar po zhes bya ba de'i khrag nyis 'gyur du bya ba ston to/ /rtsi
 bsad ces bya ba ni klang pa dang zhag go /bkra shis zhes bya ba ni lce'o/ /lhag pa lha'i sems dpa' zhes bya ba ni rang gi khu ba'o/ /mi rgyal zhes bya ba ni phung po'i rgyal po'o/ /de dag ji snyed par de snying ces bya ba ni ma'i
 rgyal po la sogs pa'i sman gyi cha las bzhi 'gyur nas bdun 'gyur chun chod du bya ba'o/ /mar khu gnyis zhes bya ba zhag cha gnyis so/ /dbang po gsung zhes bya ba glang pa cha gsum mo/ /drug cu rtsa bzhi zhes bya ba la? sogs pa
 dang rgyal po la sogs pa ni bshad zin to/ /dbyangs tshang cho ga shes pa yis/ /de dag thams cad shes par bya zhes bya ba la/ dbyangs ni ya la sogs pa'o/ /tshad ni bzhir chad pa'o/ /cho ga ni brdar btags pa'o/ /de dag thams cad ni
 rgyal po la sogs pa'i sman rnams so/ /de nyid kyi phyir gsungs pa/ a ni sa'i bdag po ste zhes bya ba la sogs pa'o/ /de bzhin du ka la sogs pa'i brda yang shes par bya'o/ /phan du'i blon po ni ha sa te ba'o/ /pu tra arta ni pu tan rtsa'i'o/
 bcud kyis len gyi sbyor ba dang zhes bya ba la sogs pa la/ bcud kyis len gyi sbyor ba ni/ bcud kyis len bcing ba'o/ /sdom pa ni de rnam par gzung ba'o/ /cho ga ni bya pa'o/ /rims par phye ba ni gzhung ste bzhi bcu rtsa dgu pa'o/ /rgyud kyi rgyal po
 chen po dpal rdo rje mkha' 'gro'i rnam par bshad pa las le'u bzhi bcu rtsa dgu pa'i rnam par bshad pa'o// //da ni tshon cha lnga la sogs pa'i sngags ston par byed pa'i le'u gsungs pa/ gsang pa zhes bya ba la sogs
 pa ste de dag ni go sla'o/ /khro bo'i gzugs su bsgoms nas su zhes bya ba ni/ rdo rje mkha' 'gro dang/ rdo rje hUM mdzad la sogs pa bsgom pa'o/ /lha'i dbang po zhes bya ba ni 'ja' tshon no/ /pa su ka zhes bya ba ni chu'o/ /kha cig ni sgra ji bzhin no zhes
 zer ro/ /sgro ni rlung zhes bya ste zhes bya ba ni/ rlung gi shugs nyid sgro ltar skyod par byed pas na sgro'o/ /rnam pa lnga zhes bya ba ni/ lha'i dbang po nas rlung gi bar du'o/ /yang na mda' rnam pa lnga ste/ rlung rnam pa lnga'o/ /de dag gis ni 'di skad du/ rims
 la sogs pa sdig pa'i gzugs can la/ sgrub pa po rdo rje mkha' 'gro la sogs pa'i rnal 'byor dang ldan pas hUM gi sgra brjod pas rlung gis sprin dang/ mda' las glog dang 'ja' tshon la sogs pas brgyan te/ thog babs pa'i mde'u'i
 rtses phye mar brlag par bya'o zhes bya bar ston to/ /brda yis bshad pa brjod par bya zhes bya ba ni/ sngar gru bzhi pa la sogs pa'i mde'u'i khyad par gyi brdas bshad pa'i don brjod par bya'o/ zhes bya ba'i
 don to/ /de nyid gsungs pa/ la yig dbang chen dkyil 'khor ro zhes bya ba la sogs pa ste go sla'o/ /rdo rje chags par bdag bsgoms na/ zhes bya ba ni snying rje dang shes rab kyi sems can dang de kho na nyid la chags pa dang/ rdo rje
 'dzin pa chen po'i ting nge 'dzin gyis lha mo'i yul thams cad la rnam par rol pa'o/ /rgyal srid thams cad longs spyod 'gyur zhes bya ba ni/ mthong ba'i tshe 'di nyid la yon tan gyi dbang phyug brgyad la sogs pa la longs spyod pa'o//
 slar yang e ni gzhur bya ste/ zhes bya ba ni chos 'byung ba'i phyag rgya'o/ /ba zhes bya ba mnga' yin no/ /zhes bya ba ni rdo rje nor bu'o/ /sngar spyad ces bya ba ni bla mas longs spyad pa'i bde ba ste/ lhan cig skyes pa'i 'den no/ /gnas par
 bya ba ni des mtshon par bya ba ste/ 'dis ni pa ti o li'i rim pa ston to/ /phyag rgyar bcug ste bslang nas thal bar bya zhes bya ba ni/ bsgrub par bya ba'i lus rlung dang ma'i phyag rgya'i steng du bzhag ste/ rlung gi bskyod pa'i me spar
 bas bsregs te/ thal bar bya'o zhes bya ba'i don slar yang gsang ba'i zhes bya ba la sogs pa'i yi ges rang nyid kun nas bslang ste zhes bya ba ni/ thal ba'i phung po de las pad+ma dang chu'i dkyil 'khor dang zla ba'i dkyil 'khor gyi
 steng du khams bcu drug gi sa bon/ ra la sogs pa'i yi ge bcu drug bdag nyid thig le bcu drug tu bsgom par bya'o zhes bya ba'i don to/ /rdo rje lcags kyu la sogs pas nam mkha' i ngos thams cad khyab pa'i du ba lta
 bu'i ye shes der bkug cing gsos te dam bca' o zhes bya ba ni yid la brnag par byas nas/ 'od zer gyi lcags kyu phyung ste/ nam mkha' la gnas pa'i lha rnams kyi ye shes rnam pa du ma 'am rdul lta bu drangs te/ der bcug pa
 'di ni shi ba gso ba'i cho ga'o/ /pad+ma gar dbang bsgyur nas su zhes bya ba ni/ bde ba chen po'i rnam pa zhes bya ba'i don to/ /bu mo'i gnas la 'dug par bsam zhes bya ba ni/ gzung ba la sogs pa dang ldan pa'i myos pa dang lhan cig
 tu kha sbyor ba bsgom par bya zhes bya ba'i don to/ /e zhes bya ba dang baM zhes bya ba dang/ la zhes bya ba gsum pa ste/ sgrub pos 'dir ni yi ge bsam/ /me mar gyi rtse ltar bya zhes bya ba la/ e zhes pa zhes bya ba'i bsgrub par bya ba la/
 yi ge es rlung gi 'khor lo dang bcas pa'i shes rab kyi 'khor lo bsgom par bya zhes bya ba'i don to/ /de nyid ni e me'i rtse mo ste zhes bya ba dang sbyar ro/ /baM zhes bya ba dang la zhes bya ba la zhes bya ba ni/ 'bar ba de'i rtse mo'i steng bsgrub par bya ba'i mgrin pa dang/ snying gar ba dang la las chu'i dkyil 'khor dang/ dbang chen gyi dkyil 'khor bsgom par bya zhes bya ba'i don to/ /nges mar sar bum par btsos pa ltar thams cad du zhu bar bya'o zhes bya ba ni
 me'i rtse mo des glang pa'i rtse me'i bar thams cad bzhu ste/ dmar ser du gzag par bsgom mo zhes bya ba'i don to/ /le'u 'di'i don lhag ma rnams ni kha cig ni go sla ba nyid dang/ kha cig ni man ngag gi rjes su 'brangs te/ shes
 par bya ba nyid kyis na bla ma'i kha las shes par bya ba yin pas bdag gis rnam par ma phye'o/ /rdo rje sems dpa' zhes bya ba la sogs pa la/ rdo rje sems dpa' i rang bzhin gyis sems can rnams dbugs dbyung ba'i nges pa
 gzhung gang du bstan pa de ni/ rdo rje sems dpa' i dbugs dbyung ba'i rang bzhin nges pa bstan pa'i rim par phye ba ste lha bcu ba rdzogs so// //rdzogs so zhes bya ba'i sgra ni rim par phye ba
 thams cad la spyar bar bya'o/ /dper na rgya mtsho'i nang na klu dang rus sbal dang/ chu srin nya ming gnas kyi de phyogs 'ga' zhig na srog chags rnam mang na de nas 'ga' zhig stes he nas/ rin chen rnyed nas gzhan la phan par byed pa ltar
 'khor ba'i rgya mtshor bya ba byas ba'i lha gnas kyang/ /byol sor yi dags dmyal ba la sogs srog chags nas/ /legs byas 'ga' yis bdag gi rgyud rgyal rin chen rnyed/ /rim bzhin cung zad phye bas rjes mthun bsod nams bgos
 dpal ldan 'dus pa shin tu dri med ston ka'i mkhar/ /shar ba'i zla gsal blo yi ku mu ta rnams phya/ /rgyud rgyal tshig don sgrib g.yogs mun pa gsal nas ni/ /'gro ba rnams la nyi ltar de ring don gsal byas/ /me tog 'dab las
 sbrang rtsi blangs pa ltar/ /rgyud rgyal nang nas legs byas gang yin pa/ /des ni 'gro ba ma lus pa rnams kyi/ /nyes pa gsum po dag ni 'joms par shog /rgyud kyi rgyal po chen po dpal rdo rje mkha' 'gro'i rnam par bshad pa/ slob
 dpon mkhas pa chen po b+ha ba b+ha Ta'i zhal snga nas mdzad pa rdzogs so// //rgya gar gyi mkhan po paN+Di ta chen po ga ya d+ha ra dang/ bod kyi lo tsa ba chen po 'gos lha btsas kyis bsgyur te gtan la phab
 pa'o/ //rgya gar skad du/ sh+rI badzra DA ki han+twa sya ha t+twa sus+thi ra nA ma pany+dzi kA/ bod skad du/ dpal rdo rje mkha' 'gro rgyud kyi de kho na nyid rab tu brtan par byed pa zhes bya ba'i dka' 'grel/ dpal rdo rje mkha' 'gro