<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N912: dpal 'khor lo sdom pa rtsa ba'i rgyud kyi dka' 'grel<br><table><tr><td>
<input type="button" onclick="location.href='tcompletep.php?id=N912&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N912&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N912&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">la phab pa'o// //*/ /(bde mchog rtsa rgyud kyi bka' 'brel slob dpon lam ka rgyal ba bzang pos mdzad pa shlo ka bdun brgyab bzhugs so// //) */ /rgya gar skad du/ sh+rI tsa kra saM ba ra mU la tan+ta pany+tsi kA/ bod skad du/ dpal
 'khor lo sdom pa rtsa ba'i rgyud kyi dka' 'grel/ bcom ldan 'das 'jam pa'i rdo rje la phyag 'tshal lo/ /bcom ldan 'das dpal rdo rje mkha' 'gro la phyag 'tshal lo/ /dngos po kun gyi rang bzhin mchog /dngos kun
 'jig pa 'jigs mdzad pa/ /dngos po kun ni mi snang zhing/ /dngos po kun ni gril gnon pa/ mkha' mtshangs don dang dri med mkha' / /dpal chen de la phyag 'tshal te/ /bde mchog 'khor lo'i rgyud kyi ni/ /dka' 'grel bdag gis bri bar bya/ /
 rgyud 'di dang po 'di skad bdag gis thos pa zhes bya ba la sogs pa sdud pa pos gleng ba bslang pa yin zhes dang por brgal ba la/ de'i lan gdab pa'i phyir 'di skad du/ bcom ldan 'das ni mi gnas pa'i mya ngan las 'das pa yin par rab chu bstan pa yin no/ /
 zhes zer te/ nge nyid kyi phyir thams cad bdag nyid rtag tu bzhugs/ zhes smos pa yin no/ /gzhan dag ni nam mkha' dang mnyam pa'i rtsa ba'i rgyud stong phrag brgya pa las btus pa yin pas rtsa ba'i rgyud las 'di skad ces bya ba la sogs pa dang por
 smos pa yin la/ /'di ni de'i rgyur phyi ma yin pas ma smos pa yin no/ /de ni rgyud gzhan dang 'dres par 'gyur ba'i don gyi bye brag 'byed pa'i phyir bla ma yin no/ /zhes gsungs pa yin no/ /gzhan dag ni bstan du med pa'i chos nyid kyis bstan par bya ba dang ston
 pa po gcig tu bstan pa yin te/ /rgyud 'di la ni sangs rgyas bcom ldan 'das yin no zhes gsungs pa'i phyir ro/ /de la dang 'por re zhig brjod pa dang/ brjod par bya ba dang/ 'brel pa dang/ dgos pa dang/ dgos pa'i dgos pa yod par mthod nas chos kyi
 rjes su 'brang zhing rtog pa sngon du gtod pa rnams kyang 'jug par 'gyur te/ /de bas na de nyid ni de nas zhes bya ba la sogs pa nas brtsams te/ dpal he ru ka mdon par brjod pa zhes bya ba la sogs pa'i bar gyis gzhung bkod pas bshad pa yin te/ de la brjod
 par byed pa ni 'khor lo bde mchog cas bya ba'o/ /des gang brjod par bya ba dpal he ru ka dang/ rdo rje phag mo la sogs pa'i rgyud kyi lus ni brjod par bya ba yin la/ brjod par bya ba dang rjod par byed nga'i mtshan nyid ni 'brel pa yin no/ /zhes la la dag 'dong la
 gzhan dag ni thabs dang thabs las byung ba'i dngos po'i mtshan nyid ni 'brel ba yin no zhes zer ro/ /bcom ldan 'das la gdul bya'i skye bo 'jug par mdzad pa'i phyir dkyil 'khor du 'jug pa la sogs pa nas gsang ba'i dbang bskur ba'i bar ni dgos pa
 yin la/ de'i 'og tu dus phyis des 'bras bu thob pa ni dgos pa'i dgos pa yin no/ /de nas zhes bya ba la sogs pa'i tshig gi phrad kyi tshogs kyis rgyud phyi ma nyid du nges par byed pa yin no/ /de yang de nas zhes bya bas ni de ma thag ba ste/ nam mkha' dang
 mnyam pa'i rgyud kyi rjes thogs nyid la'o gnas bshad pa 'di bshad par bya'o zhes bya ba dang sbyar ro/ /de'i phyir zhes bya ba ni rim pa dang rgyu'i don te/ de'i 'og tu zhes gsal ba nyid du smras pa'o/ /de nas kyi sgra smos pa ni bkra shis pa'i don te/ bkra shis pa la
 sogs pa bstan bcos kyi dang por tshig tu brjod pa ni nyan pa po rnams kyi bgegs bsal bar bya ba yin pa'am/ dbar du byed pa'i don yin no/ /de bas na snga ma'i rang bzhin la bltos nas/ /bkra shis pa'am dbang byed yin/ /smras yin de nas nge phyir sgro/ /
 bstan bcos go rim rgyu yin no zhes so/ /'o na bshad pa de ci zhig yin zhe na/ gsang ba zhes bya ba gsungs te/ gsang ba ni sba bar bya ba ste/ nyan thos la sogs pa gzhan dag la bstan par bya ba ma yin pa'i phyir ro/ /yang na thabs dang shes rab gcig tu byas
 pas bsgrubs par bya ba gang yin pa de ni gsang ba'o/ /yang na rdo rje dang pad+ma dang byang chub kyi sems nge gsum po 'di dag ni gsang ba ste/ ra ni rdo rje zhes byar bshar/ /yi ge nya ni pad+mar bshad/ /de dag gnyis kyi sa bon ni/ /sya zhes bya bar bshad pa yin zhes
 gsungs pa yin te/ yi ger ni rdo rje rtse mo 'dra ba'i phyir ro/ /ha ni 'dab chags kyi mchu 'dra ba'i phyir ro/ /sa dang ya kun tu sbyor ba ni gnyi ga'i sa bon gyi gzugs can yin pa'i phyir ro/ /de yang syan? du sra ba na zhes bya ba'i yi ge'i tha ma gzung ba'i phyir te/
 de ni don dam pa'o/ /ji ltar bshad par bya ba gsal bar bstan pa ni mngon bsdus pa ste zhes gsungs pa yin te/ nam mkha' dang mnyam pa'i rgyud las ni shin tu rgyas par smos pa yin no zhes bya ba de dgongs so/ /don de nyid gsam par bstan pa ni rgyas pa min
 zhes bya ba gsungs pa yin no/ /yang na mdor bsdus pa ma yin gyi rgyas pa zhes bya bar sbyar ro/ /'dir dgos pa ni 'di yin te/ nam mkha' dang mnyam pa'i rgyud ni gzhung rgyas pa yin la/ 'dir ni don rgyas pa yin na zhes bya ba ste/ khams gsum pa'i
 bdag nyid du 'khor lo gsum bshad par bya ba yin no/ /da ni tshig bzhis gsang ba nyid kyi/ byang par bsdan par bya o nyid kyi chen po i mched pa'i tshig go /he ru ka zhes bya ba ni rgyud 'dir bcom ldan 'das bag pho'i mtshan te/ dpral gtso/
 bor gyur pa'i he ru ka ni dpal he ru ka'o/ /de'i yang dag sbyor ba ni bcom ldan 'das yum rdo rje phag mo dang lhan cig ro gcig pa'i tshul gyis kun tu 'khyud pa'i/ /khams gsum pa'i bdag nyid du bcom ldan 'das he ru ka zhes bya ba yi ge gsum gyis ston pa nyid yin no
 chos thams cad ni rgyu dang bral ba'o/ /chos thams cad na rtog pa dang bral ba'o/ /chos thams cad ni gang na yang mi gnas pa'o/ /zhes pa ni mi dmigs pa'i yi ge gsum gyi bdag nyid yin no/ /yang na dpal he ru zhes bya ba ni khyad par du bya ba'i tshig yin la/ gsang
 bzhes bya ba ni khyad par du byed pa'i tshig yin te/ de nyid kyis ni 'dod pa'i don kun sgrub par byed pa yin no zhes bcom ldan 'das kyis khyad par du gsungs pa yin te/ thams cad kyi 'dod ni 'dod pa kun te de nyid ni don de dgos pa'o/ /de'i sgrub par byed pa ni bcom
 ldan 'das te de bsan de'o/ /yang na 'dod pa yin pa kun yang yin pas 'dod pa kun no zhes bye brag tu mtshams sbyar bar bya'o/ /phyi ma las kyang phyi ma ste/ zhes bya ba la bstan par bya ba dang ston pa po khyad par med pa yin pas rgyud phyi ma 'dus pa la sogs pa yin
 gyi/ de las kyang gong mar gyur pa ste/ mkha' 'gor ma yin dra ba'i sdom zhes bya ba la/ mkha' 'gro ma ni 'khor lo gsum la gnas pa rnams so/ /de'i dra ba zhes bya ba ni tshogs so/ /de'i sdom pa ni bsgribs shing sbas pa zhes bya ba'i don to/ /mkha' 
 a'i yon tan dang ldan pas na sems dpa' o/a''gro zhing rgyu pa zhes bya ba'i don to/ /yang nam mkha' 'gro ma rnams ni nam mkha' la rgyu ba'i ngang tshul can yin pa'i ma phyi rol tu 'gro ba las bzlog pas dra ba ltar 'dir sdom pa yin pas mkha' 'gro ma'i dra pa'i
 sdom pa zhes bya ba yin no/ /de bas na de brjod byar sbyar ro/ /da ni bcom ldan 'das dpal he ru ka bdag po nyid kyi chen po yin par bstan cing dang por 'di'i gnas bstan pa ni gsang ba zhes bya ba yin te/ gsang ba'i sgra ni 'dir 'khor lo gsum la gnas pa'i mkhas
 'gro ma thams cad yin par bstan pa ste/ gsang zhing bzang ba'i gsung ba der ro gcig cing tshul gcig pa nyid kyis nam mkha' i khams thams cad khyab pa ste/ bcom ldan 'das dpal he ru ka rdo rje phag mo la sogs pa dang yang dag par ldan pa'i bzhugs gnas
 so/ de ji lta bu zhe na/ mchog gi zhes bya ba gsungs pa yin te/ mchog ni dam pa ste/ 'jig rten dang 'jig rten las 'das pa'i ye shes kyi gzhi yin pas na gtso bo dang/ bla ma dang/ bla na med pa yin no/ /gzhan yang ji ltar zhe na/ 'gyes pa zhes bya ba gsungs bt?
 ?? bla na med pa'i mchod pa'i rol pa'i bya ba la nyams dga' ba bnyid yin pa'i phyir dgyes pa'o/ /da ni 'khor phun sum tshogs pa gzhan ma yn par gsungs pa ni thams cad bdag nyid rtag tu bzhugs zhes bya ba ni gsungs pa yin te/ khams gsum pa thams
 cad kyi chad gnyis can 'khor lo gsum du bzhugs pa'i bdag nyid kyi sku 'am rang bzhin gyi ngo bo'o/ /der rtag tu zhes bya ba gang du nam lang ma bral ba'i ngo bo nyid du ston to/ /bzhugs zhes bya ba ni khams gsum gcig pa nyid kyis mi 'jigs pa'i rang bzhin
 nyid du bstan pa yin no/ /da ni sngon pa phun sum tshogs pa nyid bstan pa'i phyir/ mkha' 'gro kun dngos sems dpa' ni zhes bya ba gsungs pa yin te/ mkha' 'gro'i sgra ni nye bar mtshon ba tsam yin te/ mkha' 'gro dang mkha' 'gro ma thams cad kyi dngos po
 yin par shes par bya ste/ rang bzhin nam rgyud kyi ngo bo nyid du gyur pa ste/ gcig tu 'dres par gyur pa zhes ya ba'i don no/ /sems can thams cad kyi don mdzad par spyod pas na sems dpa' yin pa'am/ mchog tu brtan pa'i yon tan dang ldan pas na sems dpa' o
 mi phyed pas na rdo rje ste/ rdo rje ye shes kyis sems can thams cad kyi don mdzad pas na rdo rje sems dpa' zhes bya ba 'am/ lha chen po dang/ khyab 'jug dang tshangs pa la sogs pas mi bskyod pa gang yin pa de ni rdo rje sems dpa' o/ /yang na
 thabs dang shes rab kyi ngo bo yin pa'i phyir ram/ bdag dang gzhan gyi don phun sum tshogs pa thabs dang ldan pa nyid kyis khyad par 'phags pa'o/ /bla na med pa'i mchod par 'os shing mchog tu bde ba'i bde ba ni yid bde ba'i ngo bo yin pas na mchog tu bde ba ni
 bcom ldan 'das nyid de/ bde ba'i sgrar brjod do/ /bdag dang gzhan gyi don phun sum tshogs pa gsungs pa ci 'di dag lha dang gzhan gyi khyad par yin nam zhes rtog par byed pa la/ de gsal bar bya ba'i phyir/ 'di ni zhes bya ba la sogs pa gsungs pa yin te/
 ni zhes bya ba ni nges par gzung ba'o/ /rang nyid 'khrungs pas na rang byung ste/ gzhan las byung ba ma yin zhes bya ba'i don to/ /de yang sems can kun gyi sems gang ni/ /bstan pa'i phyir na sems dpar bshad/ /mnyam par bzhag pas ting 'dzin te/ nges pa las
 ni rdo rjer gyur/ /sems dpar byin rlabs sbyor ba yis/ /slar yang rdo rje sems dpa' 'gyur/ zhes ji skad gsungs pa lta bu ste/ /de yang gang gis kyang ma byas pas na rang byung zhes bshad do/ /skal pa phun sum tshogs pas na bcom ldan no/ /yang na bdud bzhi
 la sogs pa bcom pas na bcom ldan zhes bya ba 'am/ 'dod chags la sogs pa nyon mongs pa bcom pas na bcom ldan no/ /yang na dbang phyug la sogs pa'i yon tan drug dang ldan pas na bcom ldan te/ de yang dbang phyug dang ni gzugs bzang dang/ dpal
 dang grags dang ye shes dang/ brtson 'grus phun sum tshogs pa ste/ /drug po de la ldan zhes bya/ zhes smos pa yin no/ /dpa' bo zhes bya ba ni dpa' bo 'di zhes sbyar te/ dpa' bo nyid la sbyar ba gzhan dang ldan pa rnam par bcad pa'i don yin te/ dper na srid
 sgrub nyid gzhu 'dzin pa yin gyi/ gzhan ni ma yin no zhes bya ba lta bu'o/ /yang na dpa' bo nyi shu rtsa bzhi'i bdag nyid can yin pas na gzhan ma yin pa nyid du gsungs te/ de nyid kyis nam mkha' 'gro dra ba'i sdom pa yin zhes bya ste/ bcom ldan 'das so/ /da ni 'khor
 lo mnyam pa'i bcom ldan 'das de'i bskyed pa'i rim pa bstan par bya ba'i phyir/ /sgra yi tshul la nges 'byung zhing zhes bya ba nas/ rgyud las gsungs pa mnyan par gyis/ zhes bya ba'i bar du gsungs pa yin te/ de yang bla ma'i man ngag las mdor bsdus nas bstan par
 bya ste/ de'i rim pa ni 'di yin no/ /dang por re zhig yid dang rjes su mthun pa'i gnas su 'dug la bdud rtsi lnga'i dril bu khar bcug ste/ sngags pa lho phyogs su mngon par ltas te/ shin tu 'jigs su rung ba'i dur khrod chen po'i sa gzhi sprul la/ sems can thams
 cad la phan pa dang bde bar bya ba'i phyir dpal he ru kar gyur par bya'o/ /zhes lan gsum brjod la/ skad cig gis yi ge hUM las bskyed pa 'chad par 'gyur ba'i rang gi lha mo dang yang dag par ldan pa'i phyag rgya chen po'i gzugs su sprul te/ A li dang kA li lan
 gsum brjod la he ru ka zhes bya ba'i yi ge gsum/ spyi bo dang/ lkog ma dang/ snying gar rim pa bzhin bkod de/ chos thams cad ni rgyu dang bral ba'o zhes bya ba dang/ chos thams cad ni rtog pa dang bral ba'o zhes bya ba dang/ chos thams cad ni gang na yang mi gnas so zhes
 bya par rang gi bdag nyid dang/ de bzhin du phyi rol gyi brtan pa dang g.yo ba'i dngos po rnams mi snang bar bya'o/ /de nas sngon gyi smon lam gyi dbang gis oM A(rgyud 'grel yongs su gyur pa las rdo rje/ rdo rje de'i lte bar hUM gnas pa las byung ba'i yi ge'i 'od zer de lta bus khor yug gi mthar thug pa'i bar gyi nam mkha' i khams thams cad khyab ste/ sems can thams cad kyi don byed pa la 'jug pa'i lcags kyu'i rnam pa can
 'od zer rnams kyis slang yang yi ge gsum po der zhugs la/ oM yang A(rgyud 'grel la'o/ /mgo bo yang zla ba byed pa'i rnam pa la'o/ /de yang thig ler ro/ /thig le yang sgra la'o/ /sgra yang sgra tsam la zhugs la/ sgra tsam gyi dmigs pa yang spangs par bzhag la/ snod kyi 'jig rten rnam par dag par bya ba'i phyir/ ya ra ba la las rlung dang
 me dang/ chu dang/ gser gyi dkyil 'khor la sogs pa bskyed la/ de'i steng du yi ge ka las rus spal lam thod pa'o/ /de'i steng du a las sna tshogs rdo rje/ de'i steng du paM las pad+ma 'dab ma brgyad pa/ de'i steng du suM las ri rab zur bzhi pa/ rin po che bzhi'i rang
 bzhin can/ de'i steng du yang pad+ma'i lte ba la A li dang kA li yongs su gyur pa zla ba dang nyi ma'i dkyil 'khor bsams la/ nam mkha' i phyogs su gnas pa'i sgra tsam las yi ge hUM rim bzhin du zla ba'i dkyil 'khor la bsams la/ de yongs su gyur pa las
 bcom ldan 'das rdo rje phag mo dang yang dag par ldan pa/ phyag bcu gnyis pa/ dang po'i phyag gnyis na rdo rje dang dril bu dang ldan pas lha mo la yang dag par 'khyud pa/ phyag gnyis kyis glang po'i pags pa khrag 'dzag pa'i gos rgyab tu 'dzin
 par mdzad pa g.yas kyi gsum pa dang/ bzhi pa dang/ lnga pa dang/ drug pa na rtse gsum pa dang/ sgra sta dang/ gri gug dang/ DA ma ru bsnams pa/ g.yon gyi bzhin kha TwaM ga dang/ thod pa dang/ zhags pa dang/ tshangs pa'i mgo bo bsnams pa phyag rgya drug dang
 ldan pa/ ral pa'i cod pan gyi brgyan pa/ spyi bor sna tshogs rdo rjes mtshan pa/ g.yon phyogs su zla ba phyed pa'i bye brag dang ldan pa/ thod pa lngas mchog tu mdzes pa/ rdo rje'i phreng ba can/ spyan gsum pa/ zhal dang po dang/ sku mdog thams cad
 char sprin gyi mdog can/ zhal g.yon ljang gu zhal rgyab dmar po/ zhal g.yas pa ser po/ A li dang kA li yongs su gyur pa mi mgo'i phreng ba'i mchod phyir thogs mnga' ba/ stag gi pags pa 'phral du bshus pa'i sham thabs bsnabs pa/ g.yas rkyang
 bas 'byung po'i bdag po mnan pa/ pad+ma'i lte ba la bzhugs pa'o/ /'dab ma la gnas pa'i lha mo bzhis yongs su bskor zhing 'khor lo gsum gyi dbus na bzhugs pa/ rdo rje phag mo ni thal ba med pa/ phyag rgya lnga dang ldan pa ste/ rus pa'i ska rags la sogs
 pas brgyan pa gcer bu skra grol ba'o/ /rdo rje thogs pa'i phyag g.yas pa gyen du brkyang bas mgul nas 'khyud pa/ mi'i khrag gis gang ba'i rgyu ma 'chang ba/ zhal gnyis pa phyag g.yon pa na ka pA la bsnams pa/ g.yon brkyang par bzhugs pa'o/ /khyad par
 gzhan dag ni rgya cher gzhan dag las shes par bya'o/ /ngas 'byung ba zhes bya ba ni/ sgra'i tshul las byung pa dang gzhi mthun pas lnga pa'i tshig gis bstan pas dbang gnyis kyis sbyor ba las byung zhes bya ba'i don to/ /de bas na nam mkha' i phyogs la gnas pa'i sgra
 las gang gi phyir ngas 'byung zhing zhes bya ba'i tshig mang po smos pa ni sgra gcig las 'khor lo gsum dang ldan pa'i dpa' bo dang mkha' 'gro ma thams cad 'byung ba yin no zhes shes par bya ba yin pa'i phyir ro/ /ji lta bu zhe na/ dam tshig spyod pa'i spyod yul
 yin zhes gsungs te/ dam tshig ni rnam pa gnyis te/ bsrung bar bya ba dang/ bza' bar bya ba'o/ /de dag gis spyod pa ni kun tu spyod par 'jug pa'o/ /de nyid ni spyod yul te/ yul du gyur ba gang yin pa de la de skad ces bya'o/ /yang na dme tshig ni lha mo rnams te de
 rnams kyi spyod pa yin la/ de'i yul ni spyod yul te dpa' bo rnams so/ /gang gi phyir de nyid kyis na/ sbyor nyid tshe ga'i ye shes ni/ rgyud las gsungs ba mnyan par gyis/ zhes bya bar sbyar ro/ /'jig rten gsum du rnyed dka' ba zhes bya ba ni don
 ji bzhin nyid de/ mtho ris dang/ mi yul dang/ sa 'og rnams su zhes bya ba'i bar du'o/ /yang na 'jig rten gsum po dag na dpa' bo la sogs pa'i 'jig rten gang yin pa de rnams kyi ye shes zhes bya bar sbyar ro/ /thog ma dbus mthar yang dag
 gnas zhes bya ba ni/ thugs dang gsung dang/ sku la rnam par gnas pa'am/ yang na lha thams cad ro gcig pa nyid kyis cho ga'i ye shes gsungs pa yin no/ /shes rab thabs kyi kun sbyor ba zhes bya ba la/ shes rab ni rdo rje phag mo la sogs pa mkha' 'gro ma
 thams cad do/ /thabs ni bcom ldan 'das la sogs pa'i dpa' bo thams cad de/ de dang lhan cig tu kun tu sbyor ba'i cho ga'i ye shes gang yin pa de la de skad ces bya'o/ /ji bzhin zhes bya ba la ji ltar sngags bzlas pa dang bsam gtan la sogs pa dang
 ldan pa de bzhin du'o/ /sbyor nyid ces bya ba ni de lta bu'i cho ga'i ye shes 'ba' zhig tu ma zad kyi rnal 'byor pa yang ston te/ ji ltar nam mkha' dang mnyam pa'i rgyud las gsungs pa de thams cad rgyud 'dir mnyan par gyis zhes sbyar ro/ /de nyid kyis na
 rnyed par dka' zhes gsungs pa yin no/ /sogs pa'i sgras ni dkyil 'khor dang sbyin sreg dang/ phyi rol gyi sman la sogs pa'i yo byang rnams bsdu'o/ /sbyor ba'i sgras ni dbang du bya ba la sogs pa'i dbang du byas mas so so'i sbyor ba gsungs pa de yin
 par bshad do/ /mnyan par gyis zhes bya ba ni la la dag bcom ldan 'das nyid kyis yum rjes btsun ma la gsungs pa yin no zhes 'dod do/ /gzhan dag ni gnyi ga gsung gcig tu 'di ltar gcig pa nyid yin no zhes zer ro/ /gzhan dag ni bcom ldan
 'das ma lum ni bcom ldan 'das la ston par mdzad pa yin te/ de nyid kyis na mchod pa bzhi pos bcom ldan dpa' bo chen po zhes bos pa yin no/ /da ni srub pa dang bsrub pa'i rim pa'i mthar thug pa 'byin pa'i gnas skabs su bla na med
 pa'i mchod pa'i chog bstan pa'i phyir/ dbugs 'byin zhes bya ba la sogs pa smos te/ bar ma zhes bya ba ni pad+ma la bya la/ dbug 'byin pa'i mchog ni ro 'dzin 'jog pa'o/ /de ji lta bu zhe na/ dri chu dang bcas pas kyang zhes bya ste/ byang chub kyi sems dang bcas pas
 sam zhes bya ba'i don to/ /dus su zhes bya ba ni 'byung ba'i gnas skabs kyi dus so/ /khyad par du zhes bya ba ni rdo rje dang pad+ma 'dus pa'i khyad par 'di zhes bya ba'i bar du'o/ /rigs ldan zhes bya ba ni rgyud kyi dam tshig gi skad de/ rdo rje phag mo'i rang bzhin can gyi phyi'i lha mo la
 mchod pa bya ste/ ji ltar yang dag par mgu ba bskyed par 'gyur ba de ltar bya'o zhes bya ba'i don to/ /yang zhes bya ba ni gang gi phyir gyi don te/ pho nyar lhan cig skyes dngos grub/ /mchog dang 'bring dang tha ma ste/ /de bas yid nang chud pa yis/ /'dod pa'i dngos grub
 sgrub pa bya zhes bya ba yin no/ /de'i dgongs pa ni 'di yin te/ spyi'i lha mo 'khor lo gsum mngon sum du gnas pa la thams cad kyis kun tu dga' ba'i yid du byas pa yin no/ /rang rdzas thig le zhes bya ba nas/ bsam gtan gyis kyang 'grub par 'gyur zhes bya ba'i
 bar du don sgra ji bzhin pa nyid yin pas go slab kho na yin no/ /shin tu mnyam gzhag sgrub pa pos zhes bya ba ni rnam pa thams cad du sgrub pa pos rnal 'byor la yid goms par bya'o zhes bya ba'i don to/ /dam tshig ni lha mo ste/ rtag tu bskyang bar bya ba ni 'tsho ba med pas
 na dus thams cad du zhes bya ba'i don to/ /dam tshig nyams pas dkyil 'khor du/ /dbang bskur dngos grub thob mi 'gyur zhes bya ba la/ dam tshig gi sgra ni bsrung bar bya ba dang/ bza' bar bya ba ste nyams pas so/ /dam tshig gi lha mo rnams dang/ de'i rjes su
 'gro ba'i rnal 'byor ma rnams te nyams pas so/ /dbang bskur ba ni nye bar mtshon pa tsam mo/ /lhag ma rnams ni go sla'o/ /da ni sbrang rtsi zhes bya ba la sogs pas bdud rtsi lnga gsungs pa yin te/ sbrang rtsi ni sa bon no/ /mtshal ni khrag go /ga bur bcas ni cha chan
 dang bcas pa'o/ /yang dmar zhes smos pa ni gci ba'o/ /tsan dan ni bshad pa ste/ yang tsan dan dmar po zhes zlas dbye ba'o/ /de dag dang sbyar ba zhes mtshams sbyar ba'o/ /tshogs kyi nang du zhes bya ba ni 'khor lo gsum gyi dbus su laM?/ /
 yang na sbyor ba gcig 'dzin pa'i dbus su'o/ /bzhugs pa ni nyams su zhen pa zhes bya ba'i don to ni zhes bya ba ni sbyor ba gzhan rnam par bcas pa'o/ /thams cad kyang yin la rdo rje yang yin pas thams cad rdo rje ste/ sangs rgyas bcom ldan 'das so/ /de rnams kyi mtshan min
 mtshan mar gyur pa'i dam tshig go /mtshan ma'i sgra ni pad+ma'i snod de dung chen po zhes bya ba'i bar ro/ /de 'dzin pas na thams cad rdo rje'i mtshan ma 'dzin zhes bya'o/ /'di dag ni bdud rtsi lnga'i khyad par ro/ /spom po mdza' dag rtse sbyar bas zhes bya ba ni mthe bo dang srin lag ngag
 gis myang bar bya ba'o/ zhes sbyar ro/ /rnal 'byor rig pa zhes bya ba ni lha'i rnal 'byor dang ldan pa'i sngags pas zhes bya ba'i don to/ /zhi ba'i btung ba zhes bya ba ni zhi ba'i btung ba las 'di dman pa ma yin te/ de ltar mod kyi ji ltar bram ze dag mchod sbyin gyi dus su
 shin tu dag byed du btung ba de la len par byed de/ rnal 'byor rig pa zhes bya bar dgongs te/ de lta bu'i sngags pas dngos grub thob par 'gyur ro/ /rtag pa zhes bya ba ni go sla ba nyid do/ /mchod pa bzhi zhes bya ba ni/ phyi dang gsang ba dang/ yid dang nang gi bdag
 nyid can gyi mchod pa'o/ /yang na phyag rgya chen po dang/ dam tshig gi phyag rgya dang/ chos kyi phyag rgya dang/ las kyi phyag rgya ste/ bzhi bo de dag gis mchod pa ni mchod pa bzhi'o/ /de bzhin du dbang gnyis snyom par 'jug pa yi/ zhes bya ba ni mnyam pa nyid du gyur pa'o/ /
 dpa' bo zhes bya ba ni bcom ldan 'das la bod pa'o/ /de nyid 'dzin zhes bya ba ni rnal 'byor spyod pa'o/ /yang na de kho na nyid ni gzhan ma yin pa nyid do/ /de nas 'khor lo gsum 'dzin pa thams cad kyis lhan cig tu ro gcig pa 'dzin pas ltang ba'i? bde
 ba gcig tu bsdu ba byas pas so/ /rdo rje ni bcom ldan 'das te/ de 'dzin par mdzad pas na rdo 'dzin rnal 'byor spyod pa'o/ /bcu drug char yang mi 'phod do/ /zhes bya ba de lta bu'i rnal 'byor pa rnams kyi bde ba'i cha gcig kyang rnal 'byor gzhan 'dzin pa dag gis char yang yi?
 phod cing thob par mi 'gyur ro zhes bya ba'i don to/ /le'u dang po'o// //da ni dkyil 'khor bri ba'i gnas bstan pa'i phyir/ de la lci ba ma lhung bas zhes bya ba la sogs pa gsungs pa yin te/ dur khrod du ni kun spyod cing zhes bya ba ni gang du dkyil
 'khor 'dri bder dur khrod chen po lta bur bsgom par bya'o/ /ro bsregs sol ba zhes bya ba la sogs pas ni tshon gyi bya ba gsungs pa yin no/ /mtshan nyid thams cad ldan zhes bya ba ni slob dpon gyi mtshan nyid dang ldan zhes bya ba'i don to/ /yang dag shes shing
 zhes bya ba ni so sor snang ba skyes bar gyur pa'o/ /rgyud ces bya ba ni rgyud kyi don mdza' dag la mkhas pa'o/ /yang na rdo rje dang pad+ma 'dus par ldan pa'i gsang ba'i dbang bskur ba'i dus dang ldan pa'o/ /dpal ldan khrag 'thung gsang sngags shes zhes bya ba ni sngon du
 bsnyen pa byas pa dang/ khro ba med ba zhes bya ba la sogs pa'i slob dpon gyi mtshan nyid bshad pa dang ldan pa'o/ /thod pa'i zhes bya ba la sogs pas ni yan lag tu bya ba'i rtags ni spyi'i khyad par du 'gyur ro zhes bya ba'i tshul gyis ni phyag rgya drug dang ldan pa'i phyag rgya
 chen bor ston to/ /dum gcig spyi bor brgyan pa dang zhes bya ba 'dis ni thod pa'i phreng ba yod bar ston to/ /'di nyid kyis na dum bu gcig pa'i thod pa mchog nyid du bshad do/ /rgyud thams cad du phyag rgya chen po'i mtshan nyid la sogs pa 'khrug pa'i tshul gyis
 ston la/ de ni bla ma'i man ngag gis go rims ji lta ba bzhin du yongs su rdzogs par spyad par bya'o/ /de nyid kyis na blo dang ldan pa bdag nyid dpal he ru kar byas nas gsungs pa yin la de'i 'og tu ni dpal ldan he ru ka dran bya zhes bya ba ni dkyil 'khor rnams par
 dgod pa kun tu spyad bar bya'o zhes bya ba'i don to/ /de nyid kyis na 'khor lo 'di ni snying gar dgod ces gsungs pa yin no/ /de ltar bdag nyid go bgos nas zhes bya ba ni rang gi lus la 'di ltar go bgo'o/ /ra ba rnams ni phyogs su gang
 ces bya ba ni/ A li kA li'i dam tshig brjod pa'i rjes thogs la/ zhe sdang gi ra ba dang/ 'dod chags kyi ra pa dang/ gti mug gi ra ba rnams dgod par bya'o/ /phyis khang pa brtsegs pa la sogs pa rdzogs pa'i dus ni rdo rje'i rab dang/ pad+ma'i ra ba dang/ 'khor
 lo'i rab dgod par bya'o zhes bya bar dgongs so/ /de ltar go bgos par gyur nas/ /'og tu 'ang mtshon cha dgod par bya zhes bya ba la/ sa 'og gi mthar thug gis bar du sa bzhi rdo rje rang bzhin du brtan par bya'o/ /'khor lo'i bdag nyid mtshon cha mnyam zhes
 bya ba ni 'khor lor gnas pa dang/ de bzhin du bdag nyid mtshon cha'i dra bas go bgo bar bya'o/ /steng du mda'i dra ba zhes bya ba la/ mnga' i dra ba ni rdo rje'i steng du ste/ de lta bu'i mda'i dra ba steng du dgod par bya'o/ /yang bdag nyid ces bya ba ni ye shes sems
 dpa' bzhugs pa'i 'og tu gzhal yas khad nang du bzhag la dra ba la sogs gnye bar bstan par bya'o zhes bya bar dgongs so// //de ltar zhes bya ba la sogs pas ni dkyil 'khor bri ba la sngags pa 'jigs pa med pa nyid du ston
 to/ /sngags dang phyag rgyas rnam brgyan nas zhes bya ba ni/ legs par bslabs shing mkhas pa'i phyi'i lha mo dang/ lhan cig ces bya ba'i don to/ /dngos grub bces bya ba la sogs pa ni go sla'o/ /de nas zhes bya ba la sogs ni dkyil 'khor gyi thig gdab
 pa la spyad par bya'o zhes bya bar dgongs so/ /mkha' 'gro ma yi dra ba mchog ces bya ba ni 'khor lo gsum la gnas pa thams cad ces bya ba'i don to/ /mchod ces bya ba ni mchod pa bya ba 'am sbyin par bya'o/ /de'i dbus su zhes bya ba la sogs pa ni don ji ltar ba
 nyid yin no/ /mdangs dang ldan zhing zhes bya ba la sogs pas ni phyag rgya chen po'i mtshan nyid rgyas par bstan te/ mdangs dang ldan zhes bya ba ni gzi brjid dang bcas shing shin tu 'bar ba zhes bya ba'i don to/ /lhag ma ni don ji lta ba nyid do/ /smin ma bzad po rdo rje
 dbyes zhes bya ba la/ smin ma bzang zhing mnyam pa ni smin ma bzang po ste/ de rdo rje ltar dbyes pa gang la mda' ba de la de skad ces bya'o zhes bya bar sbyar ro/ /yang na dpral pa'i rdo rje phreng ba'i mthar thug pa'i bar du smin ma dbyes shing gyes pa mnga' ba zhes bya ba'i don to/ /
 brgya phreng bas rnam par brgyan zhes pa ni mi'i thod pa khrag 'dzag pa lnga bcu'i phreng bas brgyan pa zhes bya ba'i don to/ /de'i mdun nas zhes bya ba la sogs pas ni rdo rje phag mo gsal bar bstan pa yin no/ /rab 'jigs 'jigs byed che la phyogs zhes bya ba ni
 dbang phyug chen po la mngon par phyogs par bya'o zhes la la dag 'dod mod kyi/ de ni mi rigs pa nyid yin te/ de'i skabs ma yin pa'i phyir dang rdo rje phag mo'i phyag rgya chen po'i gnas skabs yin pa'i phyir ro/ /debs na don ni 'di yin te/ 'jigs byed
 chen po ni bcom ldan 'das te/ de la mngon par phyogs pa'i sku dang/ gsung dang/ thugs kun tu 'khyud par mdzad pa'o/ /lhag ma rnams ni go sla'o/ /phyogs dang phyogs kyi mtshams rnams ni zhes bya ba ni khwa gdong ma la sogs pa yang mchod par bya'o zhes bya ba'i
 bar du'o/ /de nas bum pa la zhes bya ba la sogs pa ni bum pa gzung ba'i mtshan nyid phyogs gcig nye bar mtshon btsam zhig ston pa yin te/ rtsa ba nag bo med cing lto ba che ba/ mchu 'byung pa/ ske ring ba la sogs pa'i mtshan nyid dang ldan pa'o/ /mu tig ces bya ba la
 sogs pa ni rin po che sna lnga ston pa yin no/ /zangs ma ste zhes bya ba ni bum pa'i khyad par ro/ /lhag ma ni go sla'o/ /bum pa ma rnyed na ni dgur bya la/ rnyed na ni bum pa gsum cu rtsa bdun bya ste/ lA ma la sogs pa'i bum pa bzhi dang/ khwa gdong ma la sogs pa'i buM
 pa brgyad dang/ las thams cad pa dang/ rnam par rgyal pa'i bum pa ste lha thams cad la re re bas sum cu rtsa dgur 'gyur ro/ /gser dang zhes bya ba la sogs pas ci rnyed pa'i rin po che la sogs pas dkyil 'khor ci mdzes su bya ba'i don
 to/ /grong mchog yid 'ong mchod na ni/ /'grub pa nyid du the tshom med/ ces bya ba la sogs pa ni shin tu go sla'o/ /bdag nyid kun nas sgo'i zhal la ni zhes bya ba ni bdag nyid kyi khyad par te/ dpal he ru ka'i rang gi bdag nyid du bya ba ni bcom ldan 'das ni zhal bzhi pa
 yin pa'i phyir ro/ /dri chu yis ni legs par gang ba ces bya ba ni sngags kyis dag cing dri dang bcas pa'i rdo rje'i chus bdag nyid la legs par gtor bar bya'o zhes bya ba'i don to/ /mar me brgya ni dbul bar bya ni sgra ji bzhin pa nyid dam/ yang na rnam pa sna tshogs pa'i
 dpa' bo'i khyad par bya la ste/ gzhan dag las mar me lnga zhes bya ba dpa' bo lnga la bya ba'i phyir ro/ /nam mkha' i mkha' 'gro ma rnams ni/ /yid kyis thams cad steng du dgong zhes bya ba ni thugs kyi 'khor lo la gnas pa zhes bya ba'i don te/ sems ni nam mkha' la
 'gro ba'i ngo bo nyid yin pa'i phyir ro/ /sa steng mkha' 'gro ma gang yin/ /dkyil 'khor kun tu dgod par bya zhes bya ba nis steng ni sa'i dkyil 'khor te/ de la spyod pa rnams dkyil 'khor kun tu zhes bya ba rnams thams cad du gsung gi 'khor lo gang yin pa dgong
 bar bya'o/ /gsung gi 'khor lo ni bar na gnas pa'i phyir ro/ /yang sa'i 'og na gnas pa rnams ni don gyi dbang gis sku'i dkyil 'khor la dgod par bya'o zhes shes par bya'o/ /ma mo thams cad phyogs dang ni/ zhes bya ba ni sgo bzhi po dag tu/ khwa gdod ma dang/ 'ug
 gdong ma dang/ /byi gdong ma dang/ phag gdong ma ste/ bzhi po phyogs su rim pa bzhin dgod pa dang/ mtshams rnams su gshin rje sreg ma dang/ gshin rje pho nya ma dang/ gshin rje mche ba ma dang/ gshin rje 'joms ma ste/ bzhi po rim pa bzhin
 du dgod do/ /gal te dngos grub ces bya ba la sogs pas ni mchod pa rnam pa lnga ston te/ mar me brgya yang dbul bya zhing zhes bya ba ni snga ma bzhin du bshad la/ dri dang me tog ces bya ba ni mchod pa rnam pa lnga kha bskang ba'i don du gsungs pa yin no/ /dpal
 ldan zhes bya ba la sogs pa ni ji lta ba nyid yin pa'i phyir rnam par ma phye'o/ /rab mnyam bzhag ste zhes bya ba ni mchod pa'i cho ga thams cad la rnam par dag par shes pa'i bar du'o/ /le'u gnyis pa'o// /de nas zhes bya ba la sogs
 pa la/ slob dpon zhes bya ba ni dkyil 'khor dang nye ba gang dag yin pa de thams cad slob dpon zhes bya ba'i don to/ /ci nus pas ni zhes bya ba la sogs pa ni bla ma la mchod pa ston to/ /dril bu la sogs pas zhes bya bas ni gtso bo las gzhan pa'i slob dpon rnams
 kyis bya ba'i las gsungs pa yin no/ /rnga brdung zhes bya ba la sogs pas ni mchod pa'i cho ga nyi shu gsungs pa yin no/ /de'i rigs ni bstan par bya zhes bya ba'i bar du go sla'o/ /de'i rjes thogs las rgyud gzhan las rab tu grags pa'i tshogs dbang
 bskur ba thams cad rdzogs par byas na/ de ni gsang ba'i dbang bskur ba'i cho ga gtso bo nyid yin pa'i phyir mchod pa bya dgos pas de nas slob dpon zhes bya ba la sogs pas gsang ba'i dbang bskur ba ston pa yin no/ /rab mnyam gzhag ces bya ba ni
 bdag nyid dpal he ru ka'i rnal 'byor brtan par bya ba dang/ de yang rdo rje phag mo'i sbyor bar bskyed la go cha chen po la sogs pa go pa go ba dang/ slob ma yang de bzhin du byas la/ nyi ma gnyis pa la slar yang dkyil 'khor legs par mchod de/ byin gyis brlab
 pa la sogs pa legs par byas nas/ dkyil 'khor gyi dbus sam dkyil 'khor la nye bar khri la sogs pa 'am stan bde ba la gnas la gsang ba'i dbang bskur brtsam par bya'o/ /phyag rgya mchog ces bya ba ni phyi rol gyi bud med sngags kyi rgyud legs
 par bslabs pa/ bza' bar bya ba dang/ bsrung bar bya ba la sogs pa'i dam tshig dang ldan pa/ lha'i ting nge 'dzin la legs par gnas shing sbyor ba gcig pa la bya'i/ gzhan dag la ni ma yin no/ /mchab? chen ?? gsum bzlas pa
 yis/ de la thig le bya ba yin zhes bya ba ni sngar bshad pa'i mtshan nyid dang ldan pa'i phyi'i lha mo me tog dang ldan pa de dang lhan cig bang sya ma na la sogs pa'i rim gyis ji ltar dga' ba bskyed par gyur bde ltar rdo rje dang pad+mar 'dus pa'i rim gyis 'byung
 ba'i gnas skabs su slob ma gdong g.yogs pa la/ snying bo dang nye ba'i snying po dang phrad pa'i sngags brjod par byas la/ spyi bo dang/ dpral ba dang/ mig gnyis dang/ kha dang/ lkog ma dang/ snying gar gnas pa'i rdo rje dang pad+mas dbang bskur bar bya zhing/
 slob mas kyang bdud rtsi bzhin du longs spyad par bya'o/ /de nas de'i 'og tu gdod g.yogs phye la dkyil 'khor bstan par bya'o/ /de nas gang gi lha'i gnas gang yin pa zhes bya ba ni gsang ba'i dbang bskur ba'i gnas so/ /der de bstan par bya zhes
 bya ba ni dbang bskur bar rab tu nus pa'i phyi'i lha mo bstan par bya'o/ /yang dag ces bya ba ni rnam par mi rtog pa'i yid kyis so/ /de nas slob mas de bzhin du brtsam par bya ba yin pa'i phyir ro/ /de nas slob ma rab mnyam gzhag/ rab tu btud par
 byas nas ni/ /g.yon nas brtsams pa'i rim pa yis/ /de nas skor ba rab tu bya/ /dkyil 'khor dang ni bla ma la/ /ji bzhin chogs bya'o zhes bya ba yin te/ ji ltar bla mas slob ma la gsang ba'i dbang bskur byin pa de 'dra ba'i cho gas slob mas bla
 ma'i phyir de nyid bsgrub par bya'o zhes dgongs so/ /de nas zhes bya ba la sogs pa ni don ji lta ba yin pa'i phyir go sla'o/ /de kun dpal ldan khrag 'thung gnas shes bya ba ni dpal he ru ka'i sbyor ba 'dzin pa'i rnal 'byor pa la zhes bya ba'i don to/ /
 le'u gsum pa'o// //de nas rnal 'byor ma rnams ni/ /sa la rnam par rol pa ste/ zhes bya ba ni 'khor lo gsum la gnas pa'i mkha' 'gro ma rnams kyi so so'i mtshan bstan pa'i phyir gsungs pa ni brtson chen zhes bya ba la sogs pas rim pa las bzlog
 ste gsungs pa yin no/ /de bzhin du thams cad la rang gi ming brjod pa'i sngags zhes bya ba la sogs pas mkha' 'gro ma dang dpa' o nyi shu rtsa bzhi dang mkha' 'gro ma bzhi dang khwa gdong mo la soT pa brgyad kyi rang rang gi mtshan brjod pa la tha mar hUM hUM phaT ces sbyar na sngags drug cur 'gyur ro/ /
 yi ge oM ni thams cad gsal bar byed pa yin par bstan pa'i phyir ro/ /rnal 'byor mchog ni 'di mthong na/ /gzhan dag snying po med rtswar mtshungs zhes bya ba ni sh+rI badzra he ru ka'i rnal 'byor 'di mthong na gzhan ni rtswa'i khyad par lta bu ste/ srin bus zos pa'i rtswa snying
 po med pa dang 'dra'o zhes bya ba'i don to/ /grub ces bya ba la sogs pa ni da ltar rdzogs pa'i rnal 'byor pa'i mthu rnams ston pa yin no/ /grub pa nyid kyis na 'dod pa thams cad byed pa yin zhes bya ba yin te/ mngon par 'dod pa ni don rdzogs par byed pa'i
 nus pa dang ldan par 'gyur ba'o/ /dpa' bo nyid 'gyur zhes bya ba ni 'khor lo gsum gyi dbus su chud pa'i dpa' bo ste/ pha rol gnon par gyur pa yin la/ /grub pa ni khyim du dkyil 'khor mthong ba yin zhes bya ba ni dkyil 'khor gyi khang pa bris pa'i
 dkyil 'khor mthong ba ste/ dbang bskur ba'i cho ga rdzogs pa tsam gyis ji skad bstan pa'i yon tan 'grub par 'gyur na/ bzlas pa dang bsgom pa la sogs pa la rtag tu goms par byed pa'i dbang gis lta smos kyang ci dgos/ de'i che ba nyid bstan pa'i phyir gsungs pa ni
 de shes rtag tu bsgom pa ni zhes bya ba yin no/ /dngos grub ces bya ba ni de'i 'gras bu gsungs pa yin no/ /de bzhin gshegs pas gsungs zhes bya ba ni sangs rgyas bcom ldan 'das ni phyin ci ma log pa gsung ba yin pas 'dir tshad ma nyid du gsungs pa yin no/ /
 le'u bzhi pa'o// //da ni 'dir sngags kyi tshig ni 'di yin te/ zhes bya ba 'dis ni bcom ldan 'das dpal he ru ka'i rtsa ba'i sngags btu ba'i cho ga bstan pa yin no/ /A li kA lis mnyam sbyar nas zhes bya bas ni dbyangs kyi yi ge ste/
 sde tshan rnams kyang mi mnyam pa med cing mtshang ba med par bri bar bya'o zhes bya ba'i don to/ /sde tshan la ni bsgyur bar bya zhes bya ba ni dang bor re zhig sngags kyi gsal byed kyi yi ge rnam btu bar bya'o zhes bya ba'i don to/ /bzhi bzhi ru ni shes bya la zhes bya ba ni sngags kyi tshig rkang
 pa brgyad du 'gyur ba'o/ /thub pa mchog gi re mig las/ /der gnas dpa' bo btu bar bya/ /zhes bya ba ni ston pa po dang bstan pa'i tshul gcig pas dpa' bo'i sgras ni sngags la bya bar bshad do/ /'dod don thams cad sgrub byed pa ni sngags kyi mthu bstan par yin no/ /
 bzhi pa'i lhal? gang yin dang zhes bya ba ni yi ge na la bya'o/ /lnga pa yi ni lnga pa dang/ zhes bya ba ni ma'o/ /lnga pa yi ni bzhi pa dang zhes bya ba ni b+ha'o/ /dang po'i gsum pa gang yin dang zhes bya ba ni ga'o/ /de bzhin nyi shu rtsa dgu pa zhes bya ba ni wa'o/ /bzhi pa'i dang po gang
 yin pa zhes bya ba ni ta'o/ /mthar gnas pa yi bzhi pa dang zhes bya ba ni wa nyid do/ /de nyid kyi ni gnyis pa ni ra'o/ /sum cu pa ni sha'o/ /nyi shu rtsa drug ba ni ya'o/ /brgya phyed phyed pa ni ma'o/ /sum cu rtsa gsum pa ni ha'o/ /dang po'i dang po ni ka'o/ /mthar gnas pa yi
 gsum pa ni la'o/ /dang po'i gsum pa ni ga'o/ /sum cu rtsa gnyis pa ni sa'o/ /bzhi pa'i lnga pa ni na'o/ /lnga pa'i bzhi pa ni b+ha'o/ /mthar gnas pa yi dang po gang zhes bya ba ni ya'o/ /gnyis pa'i gsum pa ni dza'o/ /gsum pa'i dang po ni Ta'o/ /lnga pa'i lnga
 ba ni ma'o/ /dang po'i dang po ni ka'o/ /de bzhin bcu gcig pa nyid dang zhes bya ba ni Ta'o/ /bcu drug pa dang zhes bya ba ni ta'o/ /gsum pa'i dang po niT nyid do/ /nyi shu rtsa drug ba ni ya'o/ /bzhi pa'i gsum pa ni da'o/ /uSh+ma'i gnyis pa ni kha'o/ /dang po'i dang po ni ka'o
 nyi shu rtsa bdun pa ni ra'o/ /nyi shu rtsa brgyad pa nil ro/ /dang po'i gsum pa ni ga'o/ /lnga pa'i bzhi pa ni b+ha'o/ /sum cu rtsa gcig pa ni kha'o/ /bco lnga pa ni Na'o/ /nyi shu rtsa lnga pa ni ma'o/ /dang po'i gnyis pa ni kha'o/ /nyi shu rtsa drug pa ni ya'o/ /sum cu rtsa gnyis pa
 ni sa'o/ /ushma'i tha ma ni ha'o/ /sum cu rtsa gnyis pa nyid ni yang sa nyid do/ /lnga pa'i bzhi pa ni b+ha nyid do/ /gnyis pa'i gsum pa ni dza'o/ /lnga pa'i bzhi pa ni b+ha'o/ /ushma'i gsum pha ni sa'o/ /nyi shu rtsa bdun pa ni ra'o/ /an+ta s+tha'i dang po ni ya'o/ /nyi shu
 rtsa gcig pa ni pa'o/ /an+ta s+tha'i gnyis pa ni ra'o/ /sum cu pa ni sha'o/ /lnga pa'i dang po ni pa'o/ /ushma'i dang po ni sha'o/ /de bzhin yi ge dyA nyid dang zhes bya ba ni rang gi gzugs nyid bstan pas bcom ldan 'das ma'i chos kyi phyag rgya'i sa bon gsungs
 pa yin no/ /bzhi pa'i dang po ni ta'o/ /ushma'i dang po ni sha'o/ /nyi shu rtsa brgyad pa ni la'o/ /dang po'i gnyis pa ni kha'o/ /gsum pa'i dang po'i ni Ta'o/ /dang po'i gsum pa ni ga'o/ /bzhi pa'i bzhi pa ni d+ha'o/ /an+ta s+tha'i gnyis bar 'o/ /gsum pa'i lnga ba
 ni na'o/ /yi ge byA rang gi gzugs su brjod pa ni bcom ldan 'das kyi chos kyi phyag rgya'i sa bon du bstan to/ /dang po'i bzhi pa ni g+ha'o/ /yi ge brgyad pa ni dza'o/ /bzhi pa'i lnga pa ni na'o/ /lnga pa'i lnga pa ni ma'o/ /nyi shu rtsa bdun pa ni ra'o/ /bzhi
 pa'i bzhi pa ni d+ha'o/ /nyi shu rtsa bdun pa ni pha'o/ /nyi shu rtsa drug pa ni ya'o/ /nyi shu rtsa lnga pa ni ma'o/ /sum rtsa gsum pa ni ha'o/ /bzhi pa'i bzhi pa ni d+ha'o/ /lnga ba'i lnga pa ni ma'o/ /bzhi pa'i lnga ba ni na'o/ /dngo po'i dang pon ki lo/ nyi shu rtsa bdun pa ni ra'o/ /an+ta
 s+tha'i/ /bzhi pa ni wa'o/ /nyi shu rtsa gcig pa ni pa'o/ /u shma'i gnyis pa ni kha'o/ /de bzhin nyi shu rtsa drug pa zhes bya ba ni yi ge ya'o/ /rig pa'i rgyal po zhes bya ba la rin pa ni 'khor lo gsum la gnas pa'i mkha' 'gro ma rnams te/ de rnams kyi rgyal
 po yin pas na rigs pa'i rgyal po ste/ de'i gsang sngags zhes bya ba'i don to/ /sgrub pa thams cad spang ba'o/ /zhes bya ba ni bklags pa tsam gyis 'grub par 'gyur ro zhes bya ba'i don to/ /lhag ma ni go bar zang do/ /le'u lnga
 pa'o// //'tshogs brgyad pa'i sa bon dang zhes bya ba la sogs pa ni go char gyur pa'i dpa' bo drug gi snying po btu ba yin te/ ya'i tshogs las brgyad pa'i sa bon ni ha'o/ /gug kyed bcu gnyis zhes bya ba ni mnid bton pa'i gug kyed bcu
 gnyis rnam par mdzes par byas pa'i sa bon ha dgod pa'o/ /ha hA hi hI hu hU he hai ho hau/ haM ha(rgyud 'grel lag drug ni he ru ka zhes bya ba ste/ he ru ka yan lag drug pa zhes bya ba'i don te/ rtan dang brten pa po dbyer med pa'i tshul gyis sam/ /don dam pa nyid du'o/ /dpa' bo drug dang mnyam sbyor ba zhes bya ba ni dpa' bo drug dang mnyam par sbyor ba ni yi ge oM la sogs
 pa'o/ /yi ge gcig tu yang dag gnas zhes bya ba ni yi ge ha'i gong du yi ge oM bzheg go zhas bya ba'i don to/ /sngags de dag kyang gang zhe na/ de'i phyir gsungs pa ni/ oM na ma(rgyud 'grel bya zhes bya ba yin te/ /sgrub pa pos de ltar shes par bya zhes bya ba'i don to/ /dang po'i snying gnyid du ste zhes bya ba ni/ oM ta zhes bya ba ni rdo rje sems dpa' ste snying ga'o/ /gnyis pa spyi bor shes par bya zhes bya ba ni na ma(rgyud 'grel spyi bor ro /gsum pa spya gtsug dag tu sbyar zhes bya ba ni swA hA hu zhes bya ba'i 'di ni pad+ma gar gyi dbang phyug ste spyi gtsug tu'o/ /bzhi pa go char gyur pa yin zhes bya ba ni/ bau ShaT he zhes bya ba ni phrag pa gnyis dpal he ru ste go cha'i tshul yin par shes par
 bya'o/ /lnga pa mi gtu gyur pa yin zhes bya ba ni hUM hUM ho zhes bya ba ni rdo rje nyi ma ste mig gnyis la'o/ /drug pa mtshon cha zhes byar 'dod ces bya ba ni phaT haM zhes bya ba 'di ni rta mgrin te/ yan lag thams cad la mtshon char bya'o/ /le'u drug pa'o// //
 bcu gsum pa ni yi ge o dang sbyar ba'o/ /dbyangs yig bcu gcig yang dag ldan/ yi ge drug pa brgyan par bya zhes bya ba ni sngags kyi yi ge drug pa e dang sbyar bar bya'o/ /dbyangs kyi bzhi ba nyid dang ni/ /yi ge bdun pa nyid du sbyar zhes bya ba ni sngags
 kyi yi ge bdun pa i dang sbyar bar bya'o/ /dbyangs yig bcu gcig pa nyid ni/ /mkhas pa yis ni brgyad par sbyar zhes bya ba ni sngags kyi yi ge brgyad pa e dang sbyar bar bya'o zhes bya ba'i don to/ /dbyangs yig gnyis pa dang ldan par/ /yi ge dgu
 pa brgyan par bya zhes bya ba ni sngags kyi yi ge dgu pa A dang sbyar zhes bya ba'i don to/ /dbyangs kyi yi ge gnyis pa nyid/ /yi ge bcu gnyis pa dang sbyar zhes bya ba ni yi ge bcu gnyis pa ha dang sbyar bar bya'o zhes bya ba'i don to/ /dbyangs yig gnyis pa ldan pa
 ni/ yi ge nyi shu gcig pa gzung/ /yi ge bcu bzhi pa zhes bya ba ni yi ge bcu bzhi pa yi ge la dang sbyar la/ yi ge de nyid a dang sbyar bar bya'o zhes bya ba'i don to/ /yi ge nyi shu pa blangs pa dbyangs kyi yi ge las gsum pa dang ldan pa'o/ /yi ge
 bco lnga pa na dang sbyar na/ yi ge gsum pa dbyangs dang sbyar bar bya'o zhes bya ba'i don to/ /dbyangs yig bco lngar yang dag ldan/ /bcu drug bzhes bya ba ni yi ge bcu drug pa dang aM du sbyar bar bya'o zhes bya ba'i don to/ /dbyangs yig gsuM
 pa ldan pa yi/ /yi ge bcu bdun pa ru 'dod ces bya ba ni yi ge bcu bdun pa ni yi ge gsum pa i dang sbyar bar bya'o zhes bya ba'i don to/ /dbyangs yig gnyis pa nyid dang ni/ /yi ge bco brgyad pa ru sbyar zhes bya ba ni go slab nyid yin no/ /
 dbyangs yig gi ni gnyis pa nyid/ /yi ge nyi shu gcig par sbyar/ /lnga pa'i lnga pa nyid dang ni/ /yi ge nyi shu gsum par sbyar/ /dbyangs yig bcu gsum pa nyid ni/ /yi ge nyi shu bzhi par sbyar zhes bya ba 'di dag thams cad ni go sla'o/ /sngo
 tshan dang po blangs nas ni/ /yi ge nyi shu lnga par sbyar zhes bya ba la/ /yi ge nyi shu lnga pa'i rtsa bar ?? sbyar bar bya'o zhes bya ba'i don to/ /dbyangs yig gnyis pa dang ldan par/ /yi ge nyi shu rtsa drug 'gyur zhes bya ba ni dbyangs kyi yi ge gnyis pa dang sbyar bar bya'o
 zhes bya ba'i don to/ /nyi shu brgyad pa nyid dag ni/ /yi ge bcwo lnga pa dang sbyar zhes bya ba ni yi ge dang ngar sbyar bar bya'o zhes bya ba'i don to/ /gsum pa dang por yang dag ldan/ /'og gi cha ni med dang bcas zhes bya ba ni yi ge Ta'i 'og tu ra btags pa sbyar bar
 bya'o/ /de bzhin dbyangs yig gnyis par sbyar zhes bya ba ni Ta de yi ge A dang sbyar bar bya'o/ /yi ge nyi shu rtsa dgu pa zhes bya ba ni Sha'i 'og tu sbyar bar bya'o zhes bya ba'i don to/ /lhag ma ni go sla ba nyid yin no/ /nyi ma zhes bya ba ni ra'i ming nyid yin no/ /
 lhag ma ni de nyid du go sla'o/ /mkha' 'gro'i snying ni 'joms pa yin zhes bya ba ni sngags 'di bzlas pa tsam gyis thams cad 'jigs par byed cing mkha' 'gro ma la sogs pa skrag par byed pa yin no/ /oM ni dang po sbyar bar bya/ /hUM hUM phaT ni mthar
 sbyar ba zhes bya ba ni go sla ba nyid do/ /le'u bdun pa'o// //de nas rang gi bdag nyid kyi/ /dbang po thams cad mnyam sbyar ba/ /mkha' 'gro ma yi dra ba'i sdom/ /'khor lo bde mchog yin par 'dod ces bya ba ni dpal he
 ru ka nyid can gyi sngags 'khor lo gsum du rnam par gnas pa'i mkha' 'gro ma thams cad kyi ngo bo nyid yin no zhes bya ba'i don to/ /ha zhes bya ba la sogs pa ni snying po'i sngags yi ge nyi shu rtsa gnyis pa'i go rim bzlog pa'i tshul du nye bar gnas pa
 yin te/ oM sh+rI badzra he he ru ru kaM hUM hUM phaT DA kinI dzA la saM ba ra swAhA/ zhes bya bas shes bar bya'o/ /de bzhin du rnal 'byor ma gang dag yin pa'i snying po yang go bzlog pa'i tshul gyis gsungs pa yin te/ de bas na oM ham h+riM h+riM hUM phaT ces bya bar yin
 par shes par bya'o/ /yi ge baM zhes bya ba la sogs pa'i don 'di yin te/ baM gyi dang por ni oM sbyar bar bya la/ yoM gi dang por ni yi ge haM ngo/ /moM gyi dang por ni yi ge h+riM do/ /h+riM gi dang por ni h+reM ngo/ /hUM gi dang po ni hUM do/ /phaT kyi dang bor
 ni yi ge phaT sbyar bar bya'o zhes bya ba'i don do/ /oM baM ni rdo rje phag mo ste lte ba'o/ /haM yoM ni ya mi ni ste snying gar ro/ /h+riM moM ni rmongs byed ma ste khar ro/ /h+reM h+riM ni g.yo byed ma ste mgo bor ro/ /huM hUM ni skra byed ma ste spyi gtsug tu'o/ /phaT phaT ni gtum mo ste/ yan
 lag thams cad la mtshan cha'i tshul te rnal 'byor rnal 'byor ma drug gi snying po'o/ /oM badzra bai ro tsa nI ye swA hA/ /bcom ldan 'das yum gyi nye ba'i snying po'o/ /mkha' 'gro ma yi rig pa che/ ma byung 'byung bar mi 'gyur ro zhes bya ba ni sngags
 kyi bdag nyid kyi che ba gsungs pa yin no/ /sa steng na ni rin chen bzhi/ /phreng ba'i sngags ni dam pa yin/ /mkha' 'gro ma yi rig pa che/ /rig pa'i rgyal po he ru ka zhes bya ba las ni dkyil 'khor te/ /rang dang gzhan gyis bshad pa'i
 rgyud kyi sngags so/ /rin chen bzhi ni sngags bzhi nyid rin chen no/ /bcom ldan 'das dang bcos ma'i phred ba'i sngags dang snying po dang nye ba'i snying po dang go cha'i sngags so/ /rgyud du thams cad rmongs par bya ba'i don du ji ltar yang rung bar byas so/ /de
 don gyis dbang gis shes par bya'o/ /yang na snying po dang nye ba'i snying po dag go /yang na gzhan nyid kyi don te/ bcom ldan 'das kyi rtsa ba'i sngags smos pa ni gnyug ma nyid de/ mkhas pas ni byang zhing gsal ba ste/ nus pa dang ldan zhes bya ba'i
 bar du'o/ /rnal 'byor mar bstan pa de thams cad byed pa'o/ /de nyid kyis na rin chen te/ rin po che lta bur gyur pa'i sngags kyi phreng ba ni ji ltar yid bzhin gyi nor bu rin po che ni mngon par 'dod pa ster bar byed pa
 ltar bcom ldan 'das dang/ yum gyi sngags kyi phreng ba yang de dang 'dra'o zhes bya bar sbyar bar bya'o/ /de nyid kyis nam mkha' 'gro ma zhes bya ba la sogs pas de'i nus mthu gsungs pa yin no/ /rig pa'i rgyal po zhes bya ba ni phreng ba'i
 sngags kyi ming ste rtsa ba'i sngags la bya'o/ /le'u brgyad pa'o// //de nas rtsa ba'i sngags kyi ni/ /las mchog go rim ji bzhin du zhes bya ba ni dang por bstan pa'i sngags gang yin pa de'i las kyi sbyor ba de ni bshad par bya'o zhes
 bya bar sbyar ro/ /'jig rten gsum zhes bya ba la sogs pa ni go sla'o/ /lha thams cad kyi skye gnas zhes bya ba ni dngos gsal bar bya ba'i phyir yang smos pa yin gyi/ rgyud thams cad la tshig zlos pa'i nyes pa yod pa ma yin no/ /sprin rnams
 'thor bar byed pa dang zhes bya ba la sogs pa la/ dang por sgra ji bzhin par gzung bar bya'o/ de'i 'og tu 'di yin te/ rdo rje dang pad+ma yang dag par 'dus pa'i skabs su sprin rnam par mthor bar byed pa ni mkha' 'gro rnams dbang du byed pa'o/ /char
 'bebs par byed do zhes bya ba ni byang chub kyi sems kyi rgyun gyis so/ /zlog par byed do zhes bya ba ni 'jig par byed pa ste phyag rgya dang lhan cig gnas pa'o/ /rgya mtsho skems par byed do/ /zhes bya ba ni ngal ba'i gnas su byed pa'o/ /chu
 bo rgyun phyogs su bzlog ste 'bab par ston to zhes bya ba ni cung zad 'byung ba 'jog par byed pa'o/ /dbang po bzlog par byed do zhes bya ba ni khros na gzhan gyi dbang po mi sdod par byed do/ /sa g.yo bar byed pa ni thams cad chos 'byung ba'i
 nga rgyal du bya bas bskyod pa'o/ /shing la 'dzegs te gang du 'dod pa der 'gro bar byed do zhes bya ba ni rig pa dang lhan cig tu nam mkha' la 'gro bar byed pa'o/ /sngags thams cad 'phrog par byed pa dang zhes bya ba ni khams gsum na gang cung zad rang gi
 khyim na gsang ba bshad pa de thams cad 'khrul 'khor la gnas bzhin du thos so/ /dngos grub thams cad 'phrog par byed do zhes bya ba la/ dngos grub thams cad ni rig pa 'dzin pa dang 'brel pa ste/ de rnams 'phrog nas bsdud par byed pa'o/ /khrag
 'dren par byed pa dang zhes bya ba ni srung ba dpag tu med pa dang ldan pa'i rgyal po yang 'gugs par byed do/ /slar yang gtod par byed do zhes bya ba ni/ slar yang rang gi gnas su 'jog par byed do/ /gzugs brgya stong phrag du ma byed do zhes bya ba ni sems can
 ma lus pa'i don bya ba'i phyir rang gi lus thabs dang shes rab dang ldan pa las rnam pa de lta bus nam mkha' ma lus par khyab par byed pa 'byin par byed do/ /'dod na snang bar byed cing 'dod na mi snang bar byed do zhes bya ba la/ lha mo rnams kyi 'dod pas
 zhes bya ba'i don to/ /khang bzang dang shing gi rtse mo la sogs pa phye mar byed do zhes bya ba la/ /khang bzang ni pad+ma ste sangs rgyas thams cad kyi gnas yin pa'i phyir ro/ /shing ni rdo rje ste skyes bu'i tshul chen po yin pa'i phyir ro/ /rtse mo rnams ni
 pad+ma'i sna rtse ste/ /chung ngu dang bar ma dang chen po tsam gyis rdo rje pad+ma 'dus pa nyid du byed ces bya ba'i don to/ /dug bdud rtsir byed do zhes bya ba ni dug bdud rtsi ltar ston par byed do/ /bdud rtsi yang dug tu byed do zhes bya ba ni bdud rtsi dang 'dra
 ba'i yul rnams la yang dug dang 'dra bar byed pa ste/ tha mal pa'i gzugs kyis spyod cing chags par mi byed zhes bya ba'i don to/ /zla ba chur byed pa dang zhes bya ba ni byang chub kyi sems 'o ma ltar 'thung ba'o/ /chu zla bar byed do zhes bya ba
 ni chu byang chub kyi sems su byas pa'i phyir zhi ba'i btung ba bzhin myang bar byed ces bya ba'i don to/ /dri thams cad 'phrog par byed ces bya ba ni/ bdud rtsi lnga po de'i dri rnams 'phrog par byed pa'o/ /gang du 'dod pa der 'pho
 bar byed do zhes bya ba ni dri de gzhan dag tu bram ze la sogs pa'i zas la 'pho bar byed do/ /da ni sngar gyi don nyid gsal bar bya ba'i phyir/ /nam mkha' lding gi gdong dang zhes bya ba la sogs pa gsungs te/ gdong gis nam mkha' lding gi rgyal po 'dra bar
 'gro zhing song ba'o/ /'byin par byed cing zhes bya ba ni nam mkha' lding 'gro bar byed pa ni gshog pa gnyis skyong bar byed la/ de bzhin du zhi ba'i 'dus pas lha mo dang kun tu spyod pa ste/ khas byang chub kyi sems blangs nas lha mo'i khar sbyin par bya'o zhes
 bya ba'i don to/ /mi mchog ces bya ba ni mi mchog gang 'di ltar spyod pa de ni 'jig rten gsum na mchog tu 'gyur ro zhes bya ba'i don to/ /lag mthil na yod pa'i dpal gang gis kyang 'phrog par mi 'gyur ro/ /zhes bya ba ni de lta bu'i rnal 'byor
 pa la bzheng pa tsam la rag las ba'i rgyal ba thams cad kyis kyang gzhom par mi nus so zhes bya ba'i don to/ /rnam pa de lta bu ni zhes bya ba la sogs pa'i don ji lta bra nyid de/ /rab kyi mthar thug pa kho na yin pa'i phyir ro/ /dur khrod kyi sol bral
 zhes bya ba la/ 'dir man ngag brjod par bya ste/ ba ru ra'i shing gi 'og su btogs pa'i yal ga sme sha can gyi sta ri la sogs pas bcad la mar gyi do'i bcu bzhi ya mtshan ma bsregs te/ bung bu'i gcin gyis bsang la sol ba de dag gi thal ba
 blangs nye legs par bzhag nas de'i 'og tu sngags gong ma'i cho ga bzhin du byas na de'i 'bras bu mi bzlog pa nyid du 'gyur ro/ /a ti mug ta'i lcug ma la zhes bya ba la 'dir man ngag 'di yin te/ zla ba gzas zin pa'i tshe sngags 'byung ba zlas
 pa'i sngags pas a ti mu ka ta ka'i steng du 'dug la bsrung ba la sogs pa byas te/ bu mo gtsang mas bka' ba' i srad bu dmar po bya ste/ nub phyogs su btogs pa'i yal ga srang bu de yis dkris la phyogs gcig tu sngags pa gcer bu skra grol
 bas zla ba gzas zin pa nas brtsams te/ btang ba'i bar du yan lag de lag pa g.yon pas bzung la sngags rgyun mi 'chad pa bzla bar bya'o/ /de'i 'og tu mtshon gyis bcad la ji skad du bshad pa'i cho ga bya'o/ /rtse mo dang rtsa ba shes par
 byas na gang rtse mo de ni 'ong bar 'gyur la/ rtsa ba ni ldog par 'gyur ro/ /lhag ma ni don ji lta ba nyid do/ /zas dang skom zhes bya ba la sogs pas ni sgrub pa pos rnyed pa sla ba nyid thams cad du gsungs pa'o/ /le'u dgu pa'o// //
 de nas zhes bya ba la sogs pas ni sgrub pa po'i sku gsum la gnas pa nyid bshad do/ /de la man ngag ni 'di yin te/ hUM gcig pu las bskyed pa'i 'khor lo gsum la gnas pa'i skabs ni chos kyi sku'o/ /thams cad sku gcig pu la gnas pa nye bar bsdus
 te/ go cha chen po'i go bgos nas bzlas pa'i gnas skabs ni longs spyod rdzogs pa'i sku'o/ /de'i 'og tu snying ga'i pad+ma'i zla ba la A li kA li'i spro ba dang bsdu ba la sogs pa'i gnas skabs ni sprul pa'i sku'o/ /ye shes longs spyod thob bar 'gyur
 zhes bya ba la/ /ye shes kyi longs spyod ni nye bar longs spyod pa ste/ de thob par 'gyur ba'o/ /de yang dpal he ru ka dang 'dra bar 'gyur ba'i bar du'o/ /lhag ma rnams ni go sla'o/ /gsang sngags 'di zhes bya ba la sogs pas ni snying po'i
 sbyor ba ston to/ /de la snying po ni gces pa la bya'o/ /lhag ma rnams ni don ji lta ba nyid do/ /le'u bcu pa'o// //skyes bu gang zhig ces bya ba la sogs pas ni phyugs kyi mtshen nyid ston pa yin no/ /bden par smra ba dang mig mi
 'dzum pa zhes bya ba ni gzhan dag gi khu ba myur du 'byung bar mi 'gyur ro zhes zer ro/ /mig yun ring por gdangs pa ni myur du mig 'dzum par mi 'gyur ro zhes zer ro/ /gzhan ni go sla'o/ /le'u bcu gcig pa'o// //
 mi ro'i rkang mthil gyi zhes bya ba la sogs pa ni mi snang ba'i sbyor ba'i dus su ril bu bya ba ston pa yin no/ /lcags gsum zhes bya ba ni/ gser dang/ dngul dang/ zangs la sogs pa'o/ /mdzub mo'i rtse mo dang zhes bya ba la sogs pas ni khrag
 'dren pa gsungs pa yin no/ /de'i rim pa ni 'di yin te mi'i thod pa blangs la sngags pas sngon du bsnyen pa byas la skang cig gis rdo rje drag po'i sbyor bas yi ge hUM zlos pa nyid dang/ rang gi sna bug g.yas pa nas khaN+Da ro ha lag na mtshon thogs pa phyung
 la/ /des gang gi ming gis rmongs pa'i gnas lnga'i rtsa sbubs su bcug pa de'i khrag gi rgyun gyis thod pa yongs su gang bar bsgom mo/ /yang gso zhing 'tsho bar bya ba'i phyir g.yon pa'i mdzub mo de nyid 'jam zhing zhi ba'i gzugs kyis bsgrub par bya ba de
 nyid yongs su gang bar bsgoms na bde bar gnas par 'gyur ro/ /mngon par bzlas te zhes bya ba la sogs pas ni klad gzer du bya ba nyid de gsal ba nyid do thod pa'o mas bkang na zhes bya ba ni gnas skabs te'o ma 'am chad gis bkang ba'o/ /gi wang ni gtso
 che smos dag ste/ sbyor ba'i phreng ba'i khyad par thams cad don ji lta ba bzhin no/ /'di dag ni rnal 'byor pas nus pa thob par gyur pa yin no/ /gang gi nus pa thob par ma gyur pa de'i tshe shin tu mnyam par bzhag pas yi ge re re zhing bzlas brjod 'bum
 byas shing chog dang rjes su mthun par khaN+Da ro ha der bzhag la yid kyi mnyam par bzhag pa byas la cho ga thams cad bya'o/ /le'u gcu gnyis pa'o/ /rang gi khrag la lan gsum bzlas nas khar bcug la phyir phyung ste
 thig le byas na khrag 'dren par byed do/ /le'u bcu gsum pa'o// //rnal 'byor ma ni ma ma'i gzugs zhes bya ba la sogs pa ni mngon par 'dod pa'i sbyor ba la dmigs pas phyugs la blta ba yin mod kyi 'on kyang thung bu'i sbyor ba'i?
 rnal 'byor lhag par gsungs pa yin no/ /de la man ngag gi rim pa ni 'di yin te/ ji ltar dbang bskur ba'i don du dkyil 'khor rab zlum por bskor ba de ltar blang bar bya'o/ /de la pad+ma 'dab ma brgyad pa'i lte ba'i dbus su A li kA li yongs su
 gyur pa'i yi ge hUM dang phyogs kyi 'dab ma bzhi la snying po dang nye ba'i snying po gnyis ka dang/ mtshams kyi 'dab ma bzhi la khrag gis thod pa yongs su gang ba dang rtsibs nyi shu bzhi la khaN+Da ka pA la la soD pI sngags bzhi bcu rtsa brgyad dang/ rtsa ba'i thig gi nang du
 khwa gdong ma la sogs pa brgyad kyi sngags dang/ rtsa ba'i thig gi steng sgo bzhi'i gnas su gnod mdzes kyi chig bzhi po rim bzhin bya ba dang/ ra ba'i phyogs gnyis su rtsa ba'i sngags so/ /ra ba'i phyi rol dang sgo'i steng dang/ phyi rol gyi sgo khyud la
 mtshams brgyad du go cha'i sngags gnyis po dang/ ra ba zlum po la bcom ldan 'das yum gyi rtsa ba'i sngags dang/ de'i phyi rol dang 'od zer lta bu pu l+li ra ma la ya la sogs pa go cha chen po'i sa bon gyis bskor la/ 'khor lo de'i dbus su
 'bras phye la byas pa'i bong bu'i gzugs brnyan byas pa bzhag ste/ til mang dang rgya skyegs kyi khu bas byugs la/ kha nas khrag 'dzag pa'i bong bu'i sbyor ba rgyud las bshad ba'i rim gyis dmigs la mtshams bzhir mar me sbar te/ 'di
 las bshad pa'i mngon par 'dod pa'i sngags kyis sngon du bsnyen pa byas nas sngags rgyun mi 'chad par zlos shing gzugs brnyan la bltas na der snang bar 'gyur te 'di ni man ngag go /de'i rim pa'i gtor ma byas zhes bya ba la/ bza' bar bya zhes
 bya ba'i don to/ /le'u bcu gzhi pa'o// //da ni de nas sdom pa thams cad la/ zhes bya ba la sogs pas yi ge'i brda ston pa yin te/ de ni don ji lta ba bzhin no/ /de lags dang Di zhes bya ba ni
 skabs kyis rjod byed yin par shes par bya'o/ /lA ma yin zhes bya ba ni/ nga ni lA ma'i rigs las byung ba yin zhes bya bar dgongs so/ /byin pa zhes bya ba ni khyed dang lhan cig yang dag par sbyor bar 'dod do zhes pa'o/ /le'u bco
 lnga pa'o// //dam tshig mchog ni dam tshig dam pa'o/ /yid ni rab tu dga' byed pa/ /dam pa rnams la sbyin par bya zhes bya ba ni rang gi dam tshig dang gzhan gyi dam tshig brtags la/ lha mo rnams kyi 'dod pa'i rjes su 'jug par
 bya'o/ zhes dgongs so/ /de nas zhes bya ba la sogs pas ni lha mo rnams kyi rang gi dam tshig dang/ gzhan gyi dam tshig gi mtshan nyid ston te/ 'di dag thams cad ni go sla'o/ /de'i rigs las byung ba zhes bya ba ni bde bar gshegs pa'i bstan pa la
 zhugs pa zhes bya ba'i don no/ /dpa' bo'i bzang rjes 'gro zhes bya ba ni dpal he ru ka'i rigs las byung ba zhes bya ba'i don to/ /dpa' bo'i blo ni lha grangs dang yang dag par sbyar ba'o/ /de ni rdo rje'i rigs byung yin zhes bya ba ni rdo rje phag mo'i rigs
 las byung ba'o/ /de bzhin gshegs rigs rjes 'gro yin zhes bya ba ni rnam par snang mdzad kyi rigs las byung ba'o/ /de ltar bdun po ngas bshad pas zhes bya ba la sogs pas ni 'di dag dang ldan pa'i sgrub pa po la 'os pa nyid du gsungs
 pa yin no/ /rigs kyi rigs pa'i yi ge yang/ rigs ni drug tu gyur pa yin zhes bya ba ni rig de sgrub pa po'i rig ma zhes bya ba ste/ lha mo grogs su gyur pa de nyid ni yi ge nyid du brtags pa yin te/ mi 'jigs pa'i ngo bo yin pa'i phyir ro/ /de ngag rigs su gyur ba ni?
 zhes bya ba ni kha dog drug 'byung ba yin zhes bya ba la rnam pa drug tu 'gyur ba yin no zhes bya ba'i don to/ /rang gi phyag rgya zhes bya ba la sogs pa ni rigs drug gi mtshan nyid yin te/ go sla ba nyid yin no/ /le'u bcu drug pa'o// //
 de nas rnyed dka' rnal 'byor ma/ /de bzhin mkha' 'gro ma rnams kyi zhes bya ba ni rnal 'byor ma rnams dang mkha' 'gro ma rnams kyi rnyed par dka' ba'o/ /bdud rtsi lnga rnams yang dag byung zhes bya ba ni bdud rtsi lnga la goms pas rnyed par sla bar
 'gyur ro zhes dgongs so/ /ya mi ni la sogs pa bdun dang/ gzugs can ma la sogs pa bdun gyi sku la sogs pa'i mtshan nyid spyi dang khyad par bshad pa yin te/ gang gis shes pa tsam gyis de sgrub pa po'i bsgrub par bya bar 'gyur ba'o/ /
 'di dag gi rigs kyi phyag rgya ni thod pa la sogs pa lnga'i ni re re ma yin zhing ji ltar 'dod pa nyid do/ /'khor lo ni so le'o/ /rdo rje ni skrag byed ma'o/ /le'u bcu bdun pa'o// //de nas zhes bya ba la sogs pas ni mtshan nyid kyi khyad
 par gzhan dag ston te de dag ldan pa'i rnal 'byor ma ni sgrub pa po'i bsgrub par bya bar 'gyur ro/ /le'u bco brgyad pa'o// //de nas gzhan yang bshang bya ba/ sgrub pa po yi lA ma ni/ zhes bya ba la sogs pa ni/ lAm 'ba' 
 zhig gi mtshan nyid ston pa yin no/ /le'u bcu dgu pa'o// //da ni yan lag gi brda bstan pa'i phyir/ de nas zhes bya ba la sogs pa ston te/ nam mkha' lding ston pa ni zhes bya ba gshog pa lta bur kyog por byas la/ lag
 dar gnyis bteg nas so/ /bskyod pa ni g.yo ba zhes bya ba'i don to/ /dkyil 'khor zhes bya ba ni dam tshig can 'dug pa zhes bya ba'i don to/ /le'u nyi shu pa'o// //der sa zhes bya ba la sogs pas ni phyag rgya dag phyag rgya'i
 lan ston par shes par bya'o/ /le'u nyi shu gcig pa'o// //gung mo zhes bya ba ni gung mo'i sor tshigs so/ /pa ti sa ni dpral ba'i steng du pa tis lta bu'o/ /mdung zhes bya ba ni mthar bcur mtho??
 bos mnan la sor mo lhag ma rnams mdung rtse lta bur bstan pa'o/ /mtshams ni mgo ba'i dbus kyi cha'o/ /gsang ba ni rnal 'byor ma'o/ /le'u nyi shu gnyis pa'o// /da ni de nas la sogs pas mkha' 'gro ma rnams kyi
 dka' ba'i brda ston pa yin te/ dam tshig can gang rjes chags pa zhes bya ba ni sgrub pa po gang ral gris phyi rol gyi yan lag gi dngos po'i lha mo la thams cad du brtse bas na gzhan gyi dbang du ma gyur cing skyes bu gzhan mi shes pa ni dpa' bo de'i
 rnal 'byor ma yin no/ /sa ni sa bzhi ste/ de'i longs spyod ma lus par 'gyur zhing rgyal po la sogs pa gzhan dag ni ma yin no/ /gzhi ni sa gzhir byas nas su/ /rnal 'byor ma yi sdom pa bchod ces bya ba la/ sa ni rang gi rgyud dang
 sngags legs par bslab shing bya ba la sogs pa'i ston dang ldan pa'i lha mo bzhir byas la rnal 'byor ma'i sdom pa phyag rgya chen po'i sbyor bas mchod par bya'o zhes par ston/ rgyal mtshan la zhen rtag tu 'gyur zhes bya ba ni rgyal mtshan gyi mtshan ma ste/ de'i
 nus pa gang yin pa'i zhes bya bar sbyar ro/ /me long yin la shes par bya zhes bya ba ni rgyun mi 'chad par me long brtags pas de'i rgyal mtshan gyi nus pa shes par bya zhing khong du chud par bya'o zhes bya ba'i ton to/ /le'u nyi shu gsum pa'o/ /da ni
 de nas zhes bya ba la sogs pas gro tang bis tshogs? pa'i yi ge du ma'i brda ston te/ sde tshan bzhi'i mtshan nyid ces bya ba ni rnal 'byor ma dang/ lwa ma dang/ brda'i mtshan nyid bstan pa'o/ /le'u nyi shu bzhi pa'o// //rtsa ba'i sngags kyi gsang
 ba'i cho ga bstan pa ni de nas zhes pa la sogs pa'o/ /le'u nyi shu lnga pa'o// //rim dang rim min las bzlog pa'i/ /pho nya rnams ni yang dag gnas zhes bya ba ni sngar brtson chen ma la sogs pa go bzlog ste bstan pa'i go rim
 bzhin du rnam par bkod do zhes bya ba'i don to/ /de nyid kyis na 'og dang steng grub rtag tu ster zhes bya ba la sogs pa gsungs pa yin te/ 'og tu gnas pa rnams steng du rnam par bkod pa de'i tshe dngos grub ster bar 'gyur ro zhes bya ba'i don to/ /
 pho nya de mo grub kun ster zhes bya ba ni pho nya de mthong ba dang thos pa las kyang dngos grub stsol bar 'gyur na/ bsgrubs na lha mos kyang ci dgos zhes bya ba'i bar du'o/ /mthong dang de bzhin reg pa dang/ btsum pa na dang rtag tu 'khyud/ /rnal 'byor gnas
 ni khyad par nyid/ /ji srid rnal 'byor tshogs rnams ni/ /thams cad dngos grub byed par bshad/ /'di yi don ni 'di yin te/ /ji srid zhing dang nye ba'i zhing la sogs pa rnal 'byor gyis gnas de na gnas pa'i pho nya mo rnams la tsum pa na dang/ /rtags
 par pa khyud pa'i rnam pa gnyis kyis zhes bya ba'i don to/ /bden can kun zhes bya ba la sogs pas ni rnal 'byor ma dam tshig dang ldan pa mthong nas bza' ba dang/ bca' ba dang/ lha bshes la sogs pa'i brda rnams bstan par bya'o/ /ma dang zhes
 bya ba la sogs pa la/ gang tshe sngags dang rgyud legs par yobs pa snod du rung bar mthong nas legs par rtog par bya'o/ /de'i tshe ma lobs pa la gnyen gyi 'du shes bzlog par bya'o/ /gang zhig ces bya ba la sogs pa la/ gang la sngags byin pa
 de snod dang ldan par 'gyur ba yin gyi/ gzhan dag ni ma yin no zhes bya ba'i don to/ /de nas zhes bya ba la sogs pas ni rnal 'byor pas gang zhig spyod pa bya ba ston to/ /skyes pa'am zhes bya ba la sogs pa'am/ skyes pa'am bud med rnal 'byor
 ma mthong nas g.yon pa'i cha yis dbang du byas te 'gro bar bya'o/ /khyim dang zhes bya ba la sogs pa la/ khyim mam zhing du gnas pa shin tu ring po na gnas pa yang shes par byas la g.yon nas spyad par ?? zhes bya
 pa'i don to/ /he ru ka las sbyor gzhan med ces bya ba ni he ru ka'i rnal 'byor las mchog tu gyur pa'i rnal 'byor gzhan dag med do zhes bya ba'i don te/ /de nyid kyis na slob dpon rnal 'byor ma nyid yin zhes bya ba ste/ rnal 'byor de 'dzin pa'i
 slob dpon ni thams cad du 'gro ba'i ma mo gnas su gyur ba yin no zhes bya ba'i don to/ /rgyud 'di ru ni sgrub pa po/ /legs par gyur pa nyid yin te/ /zhes bya ba ni rgyud 'dir dbang bskur ba'i rnal 'byor pa rnams brnyas par mi bya ba'o zhes
 bya ba la sogs par sbyar ro/ /pho nya mo brgyad ces bya ba la sogs pa la/ mos dang dad pa 'phel byed pa zhes bya ba yin no/ /dngos grub rnams kyi rgyur 'gyur ro zhes bya ba'i don to/ /de ji lta bu zhen/ sngar bshad pa'i g.yon nas sbyod pa la
 sogs pa'i dam tshig bsrung ba ni dad bo'o/ /lha mo gzhan dang sbyor ba yi/ /'dod pa rnam par rmongs 'gyur bzhes bya ba ni gang 'dod pa la chags shing rnam par rtog pa dang ldan pa'i 'dod pas lha mo gzhan dang kun tu sbyor bar byed pa de
 ni 'dod pa la chags shing rmongs pa ste/ de bas na gzhan dang sbyor ba spangs pa ni gnyis pa yin no/ /bdag dang gzhan gyi char 'byed pa med pa de ni gsum pa'o/ /thogs pa med pa ni bzhi ba'o/ /dam tshig spyod pa spyad pa dang zhes bya ba ni dam
 tshig ni lha mo rnams so/ /de kun tu spyod pa ni 'dod pa rnams so/ /de spyad pa ni bya ba ste/ de dag gang yin pa de ni dam tshig spyod pa spyad pa dang zhes bya ba ste lnga pa'o/ bud med dbang phyug kun tu sbyor zhes bya ba ni gnyis su med pa shin tu sbyor
 bas rdo rje dang pad+ma shin tu 'dus pa'i dus su dbang phyug ma nyid yin zhing/ dbang phyug ma dang bral bar mi bya'i/ 'on kyang dbang phyug nyid du bya'o zhes bya ba'i don de drug pa'o/ /tshangs par spyod pa de bzhin bzhi zhes bya ba ni bzhi po byang chub kyi
 sems 'dzag pa'i dus su tshangs par spyod pa spyad pa zhes bya ba ste bdun pa'o/ /khro med rgyun gyis kun tu spyang ces bya ba ni byang chub kyi sems len pa'i dus su sdang bar mi byed pa ste/ de ltar na dam tshig brgyad de/ 'di dag sgrub pa pos mchog dang
 gtso bor shes par bya'o zhes sbyar ro/ /rgyud kun gyi ni thun mong ste zhes bya ba ni gsang ba'i rgyud 'di ni rgyud thams cad kyi thun mong pa ste/ de nyid kyis na gsang ba yin pas dgongs pa rgyud gzhan du mi bshad do/ /de bas na rgyu yis gzhom par mi bya'o
 zhes bya ba yin te/ rgyu zhes bya ba ni mngon sum la sogs pa'i tshad ma rnams kyis gzhom mi bya ba ste zhes bya ba smad par mi bya zhes bya ba'i don to/ /yang ci zhig bya zhe na/ dad pa nyid kyis blang bya yin zhes bya ba yin no/ /mig dang zhes bya ba ni don
 de nyid ston to/ /mthe'u chung gis bskyod ces bya ba ni dus su lha mo'i mchod pa'i dus su lha mo'i sbyor ba dang ldan/ zhes bya ba'i don to/ /yang na sngags dang phyag rgya legs par bslabs pa ma rnyed na ni cig shos tha ma pa ma yin par byas la mchod par
 bya'o/ /pho nya mo rnams yang dag gnas zhes bya ba ni/ /de ltar dus de'i tshe blo dang ldan pa zhes bya ba pho nya mo thams cad dga' bar 'gyur ro zhes bya ba'i don to/ /mnyes byed rnam par dag pa dang/ /gsal byed yon tan ldan pa'i mi'o zhes bya ba
 ni yon tan dang ldan pa'i mi ste rnal 'byor ma'i khyad par gsum du 'gyur te/ mnyes byed ces bya ba ni spobs pa bskyed pa'o/ /rnam par dag pa zhes bya ba ni nus pa skyes pa'o/ /gsal byed ces bya ba ni 'phral du gsal bar byed cing cung zad nus pa
 pa skyes pa la rang dang gzhan gsal bar byed pa'o/ /sbobs pa skyes pas bstan bcos dang mi 'gal ba'o/ /yang na mnyes byed ni sngags kyi sbyor bal goms pas lha rnams mnyes par byed pa'o/ /yon tan dang ldan
 pa ni bstan bcos kyi don shes pa'o/ /gsal byed ni sgron ma ltar sems can thams cad kyi don gyi bya ba byed nus pa'o/ /le'u nyi shu drug pa'o// //yul dang yul de rab song ba/ /pho nya'i gzugs su mtshon pa yin zhes
 bya ba la rnal 'byor pa gsum po de dag kyang gzugs dang mtshan nyid phun sum chogs pa'i pho nya yul dag tu sdang? ba yin zhes bya ba'i don to/ /pho nya ral gri'i so 'dra zhing zhes bya ba ni pho nya mo ral gri'i so ltar rtag tu mnyes par dka' ba yin no
 zhes bya ba'i don to/ /dag byed ces bya ba la sogs pa la/ sgrub pa po yis dngos grub thob ces bya ba ni de rnams sgrub pa pos thob nas mngon par 'dod pa'i dngos grub thob par 'gyur ba'o/ /gzhan dag ni go sla'o/ /sgrub pa po'i pho
 nya gnyis zhes bya ba ni 'jig rten dang 'jig rten las 'das pa'i dngos grub 'grub pa zhes bya ba'i don to/ /dngos grub cho ga las spyod tshe/ /pho nya gcig pu kho na yin zhes bya ba ni dpal he ru ka'i sbyor ba gcig pa nyid yin no zhes lhag
 par bstan pa yin no/ /yang na dngos grub la spyod pas na la la zhig gi de nyid gcig bu rnal 'byor gyi mchog yin te/ de'i tshe pho nya mo rnal 'byor ma rab tu bskul ba yin zhing dngos grub sgrub pa dang nye bar 'gyur zhes sbyar ro/ /bla ma
 brgyud rim gyis thob pa'i/ /dbang bskur ba ni sngags legs ldan/ /pho nya rnams su yang dag bshad ces bya ba ni slob dpon brgyud pa'i rim pa las dbang bskur ba thob pa las sngags dang legs par ldan par gang gi tshe sgrub pa
 de'i tshe pho nya mo rnams su yang dag par bshad par 'gyur ro zhes bya ba'i don to/ /phyag rgya legs sbyor dang tshul dang/ zhes bya ba ni phyi'i rnal 'byor ma dang yang dag par sbyor ba'i dang tshul can zhes bya ba'i don to/ /yang dag rdzogs zhes bya ba
 ni de tshe yongs su rdzogs par 'gyur ba'o/ /ye shes rgyu skyes zhes bya ba ni bcom ldan 'das kyi rab kyi mthar thug pa'i rgyu dang byed pa can yin te/ dpal he ru ka ni de las byung ba yin no zhes bya ba'i don to/ /sems kyi bdag nyid nang par langs
 zhes bya la/ sems kyi bdag nyid ni phyag rgya chen po'i sbyor ba dang ldan pa mchen mo'i mthar mal nas langs pa'o/ /gzugs kyi bya ba kun byas te zhes bya ba ni lus la dpa' bo drug gi go cha la sogs pa go bskon pa'o/ /lus la shin tu
 mtshon cha ni/ /lus la gnas pas kun tu spyad ces bya ba ni lus thams cad la mtshon cha'i dra bas g.yog par bya'o zhes bya ba'i don to/ /dag byed byas pa'i lus la ni/ rtag? tu sngags 'di brjod par bya/ zhes bya ba ni de ltar rtag tu srung
 ba'i cho ga byas pa'i sngags pas sngags bzlas par bya'o/ /rnal 'byor gnas rnams res ston cing zhes bya ba ni rnal 'byor ni ting nge 'dzin to/ /gnas ni bud med de/ de bstan cing de ltar go cha bgos par bya'o/ /zhes bya ba'i don to/ /mtshon
 cha rnams ni 'gom mi bya zhes bya ba ni de ltar ji skad bshad pa'i mtshon cha la sogs pa las 'da' bar mi bya'o/ /yang na mtshon cha ltar mtshon du gyur pa'i pho nya mo yin te/ de bgom par mi bya'o/ /yang na mtshon ni rang dang gzhan gyi mtshon cha
 rnams so/ /dam tshig can la khro mi bya zhes bya ba ni/ /rnam pa thams cad du khro bar mi bya'o zhes bya ba'i don to/ /mngon pa brtson pas 'da' mi bya zhes bya ba ni rgyud 'dir ram gzhan dag tu mngon par brtson pa de las 'da' bar mi
 bya'o zhes bya ba'i don to/ /de dang lhan cig tsA ru bya zhes bya ba ni dam tshig can rnams dang lhan cig tu longs spyod gcig tu bya'o zhes bya ba'i don to/ /yang na sgo ni thabs te/ phyag rgya chen po 'grub pa'i thabs
 bya'o zhes bya ba'i don to/ /bde bzhes bya ba ni gzhung gzhan no/ /bdag gi don du thun bzhi zhes bya ba ni rtag tu rnal 'byor dang ldan yang nyin dang mtshan du thun bzhid bya'o zhes bya ba'i don to/ /dam tshig spyod pa zhes bya ba la/ dam tshig ni lha mo
 ste de dang kun tu spyod pa'o/ /yang na dam tshig ni bsrung bar bya ba dang/ bza' bar bya ba ste spyad pa'o/ /des 'khor ci dgar grol bar 'gyur zhes bya ba ni nges par 'di ltar 'khor ba'i rnal 'byor ba ni yul dang zhing du 'khor zhing
 bsgom pa'i rnal 'byor pa de ci dgar grol bar gyur te/ ci dgar 'dod pas grol bar 'gyur ro zhes bya ba'i don to/ /gnag la dga' bar rtag tu bya/ zhes bya ba ni mtshan mo spyad par bya'o zhes bya ba'i don to/ /srog chags yan
 lag las byung gyon zhes bya ba ni pags pa'i gos bgos zhes bya ba'i don to/ /bde ba 'dod pas bde thob 'gyur zhes bya ba la/ bde ba 'dod pa ste thar pa 'dod pas bde ba thob par 'gyur ba ste bskyod pas bde bar bya ba'o/ /
 mchod phyir thogs ni yongs spangs gtsang zhes bya ba ni mchod phyir thogs la sogs pa rig byed dang chos kyi bstan bcos las? byung ba'i gtsang spra yongs su spang ba'o/ /sh+rI he ru ka byin gyis brlab ces bya ba ni dpal he ru kas byin gyis brlabs
 pas 'jig rten dang 'jig rten las 'das pa'i gtsang sbral? spyad par bya'o/ /phyag rgya lnga ni mgul rgyan dang gdu bu dang spyi po'i nor bu dang/ rna brgyan dang/ mchod phyir thogs te lnga'o/ /dus kun tu zhes bya ba ni de dang mi 'bral bar bya'o/ /
 rigs dang rigs min dor mi blta/ /spyi gtsug la sogs bcing ba spang zhes bya ba ni rigs dang rigs ma yin pa'i ngo bo la rnam par dpyad par mi bya zhing/ yang dang yang spyi gtsug bcing bste/ ral pa bcing pa la sogs pa mi bya ba dang/
 sogs pa'i sgras ni 'jig rten pa'i spyod pa gzhan dag yongs su spang bar ston to/ /po nya zhes bya ba la sogs pa ni go sla'o/ /le'u nyi shu bdun pa'o// //de nas mchod pa rnam dag bdag ces bya ba ni sngar bshad pa dang
 lhan cig gnas shing yang dag par mchod pa ste/ bla na med pa'i mchod pa'i mchog gi don byed pa'i phyir rnam par dag pa'o/ /mya ngan 'das par des 'gro nyid ces bya ba ni mchog tu dga' ba'i shin tu bde pa'i gnas skabs kyi rjes thogs la
 dpa' bo nyid mchod par bya'o zhes bya ba'i don to/ /spun dang sdug pa mchod pa dang zhes bya ba ni dkyil 'khor gcig la sogs par zhugs pa'i rnal 'byor pa lhan cig spyod pa rnams te/ de dag dang yang lhan cig zhi ba 'dus pas
 gnas par bya'o/ /spyan dang bu dang lhan cig tu/ /bde dang sdug bsngal kun 'byung min zhes bya ba ni/ 'jig rten pa'i spun dang bu la sogs pa dang lhan cig tu ye shes dad phyag rgya chen po la sogs pa dang/ sngags dang phyag rgya
 dag kyang bstan par mi bya'o zhes bya ba'i don to/ /dag byed zas la spyod pa ni/ /rtag tu dam tshig spyod byar 'gyur zhes bya ba ni zas la spyod pas dam tshig spyod pa byas par 'gyur te/ des yis dag par 'gyur ro zhes bya ba'i don to/ /
 gsang sngags su la'ang sbyin mi bya zhes bya ba ni sgra? ji bzhin pa nyid yin no/ /pho nya mo zhen rtag thar pa zhes bya ba ni rab tu dga' ba'i gnas skabs su phyi rol gyi rnal 'byor pa la go cha chen po la sogs pas go bskon par bya'o zhes bya ba'i don
 to/ /'da' ba yis kyang longs spyod bya ba zhes bya ba ni gal te shin tu legs par bslabs pa med na skal pa bzang por gyur pa de legs par sbyangs la longs spyad par bya'o/ /skye gnas dman la dga' 
 gnas pa/ /bsnyen bkur nyid ni bya ba min zhes bya ba la skye gnas ni bram ze la sogs pa'i rigs te de gzung bar me bya'o/ /de ci'i phyir zhe na/ sbyor ba mchog gi snod ma yin pas 'u la rigs te de la gus par mi bya'o zhes bya ba'i don
 to/ /ma dang zhes bya ba la sogs pa la /gang yang dag pa'i sbyor bas rjes su mthun par bya'o/ /gzhan du de dag dka' thub zad par 'gyur ro zhes bya ba'i don to/ /mchog dang tha ma lhan cig 'guT zhes bya ba? zhi ba'i 'guT pas zas la
 spyod na daM tshig gi spyod pa byas pa 'gyur zhing de las dag par 'gyur zhes bya ba'i don to/ /the tshom mi bya'o/ /de ltar rdzas ni rnam nges yin zhes bya ba ni don dam pa nyid kyis nges pa yin zhes bya ba'i don to/ /'jig rten zhes
 bya ba la sogs pa don /ji lta ba nyid do/ /lhan cig zas la spyod par byed ces bya ba ni dam tshig spyod pa rnams dang/ zas lhan cig sbyong na sngags pas dngos grub thob par 'gyur ro zhes bya ba'i don to/ /lhag
 ma ni don ji lta ba nyid do/ /ba lang sha dang zhes bya ba la sogs pa ni bstan pa la shin tu gnod par byed pa gzhan dag rnam par gzhig pa ston to/ /de'i rim pa ni 'di yin te/ sbyin sreg gi thal ba las byung ba'i thal bas me thab gru gsum
 pa byas la/ drag po'i sbyin sreg gi yo byad kyi rdzas dang/ de las bshad pa'i cho ga yung mar tsha ba la sogs pa dang sbyar nas khaN+Da ro ha g.yas pa'i sna bug nas zhugs te bshad ba nas byung bar bsams la/ rdo rje lcags kyu dang gri
 gug lag na thogs pas bsgrub par bya ba gcer bu rnam par myos par gyur pa bkug pa de nyid dum bur dum bur gtubs par bsams la/ ba lang sha la sogs pa ji ltar brjod pa ji ltar rnyed pa'i sha bsgrub par bya ba de'i sha yin par bsams la/ /
 khro bo chen po dang ldan pa'i nga rgyal gyis che ge mo mA ra ya zhes bya ba dang spel ba'i rtsa ba'i sngags kyis sbyin sreg bya'o/ /sna tshogs pa zhes bya ba ni rma bya 'am/ khyim bya la sogs pa gzung ngo/ /de bzhin dpa' bo rnams kyi zas/ /sngags dang phyag rgyar
 ldan zhes bya ba ni sngags dang phyag rgya'i rang bzhin gyi sngags dang/ rgyud legs par bslabs pas phyi rol gyi bud med dang yang dag par ldan zhing bcas pa'i zas de ni dpa' bo rnams kyi rab tu bsngags par 'gyur ro zhes dgongs so/ /sprul pa
 zhes bya ba ni byang chub kyi sems nyid kyi gnas skabs so/ /gzhan dag ni go sla'o/ /de'i pho nya ni lha mo'o/ /bzang po ni mchog go/ brtson pa ni le lo med pa'o/ /lhan cig ldan pa ni gzhan du mi 'gro ba'o/ /de lta bu ni dngos grub kyi skal
 ba can du 'gyur ro/ /ma chags dga' ba'i longs spyod rdzogs zhes bya ba ni tha mal pa'i gzugs kyis dga' ba'i kun tu sbyor ba'i nyon mongs par dmigs par mi bya'o zhes bya ba'i don to/ /rnal 'byor rdzas kyi rnam 'byed nyid ces bya ba la/
 rnal 'byor ni ting nge 'dzin to/ /rdzas ni bsrung bar bya ba'o/ /de'i rnam par 'byed pa ni bye brag 'byed pa'o/ /yang na rnal 'byor ni 'brel pa'o/ /rdzas ni 'brel pa can te/ de'i rnam par dbye ba nyid do/ /ma yin zhes bya ba ni tshig gi
 lhag ma'o/ /bla ma'i man ngag la dga' zhing zhes bya ba ni bla ma las brgyud pa'i rim pa ma nyams pas so/ /de'i don ni mchog tu mtshungs zhes bya ba ni de ltar ji skad gsungs pa'i don la spyod pa ni dpal he ru ka dang mtshungs par 'gyur ba'o/ /
 le'u nyi shu brgyad pa'o// //spun ni dpa' bo rnams so/ /pa ni sh+rI he ru ka'o/ /bdag po nyid du skad cig mthong zhes bya ba ni bdag po kho nar skad cig gis mthong ngo zhes bya ba'i don to/ /lce sgom
 zhes bya ba ni mtshan nyid dang ldan pa'i dngos grub thams cad kyi spyi thun mong du 'gyur ro zhes bya ba'i don to/ /dran pa dang ni yang dag ldan zhes bya ba ni bdud rtsi lnga'i mtshan nyid dang ldan pa'o/ /pho nya la sogs gnas dang bcas zhes bya ba ni
 rgyun mi 'chad par bslabs pas pho nya dang ldan pa'o/ /sogs pa'i sgras ni srung bar bya ba dang/ bza' bar bya ba bsdu ba'o/ /gnas dang bcas pa ni sngags de'i sngags pa dang bcas pa'o/ /mkha' 'gro ma mchog nyi shu bzhi/ /spyod
 dang grol ba'i 'bras rab ster zhes bya ba ni mkha' 'gro ma'i gtso bo nyi shu rtsa bzhi na spyod pa dang grol ba'i 'bras bu rab tu ster bar 'gyur ro/ /lhag ma rnams ni go sla'o/ /ji srid dro ba zhes bya ba la soT
 pa ni mtshon pa ste/ ting nge 'dzin la rnam pa thams cad du shin tu dmigs pa'i sbyor bas mtshan nyid ji lta ba bzhin du drod dang/ rtse mo dang/ bzod pa dang/ 'jig rten pa'i chos kyi mchog ji lta ba bzhin du 'byung bar rtogs par bya ste/
 dro bar bya zhes bya ba ni rnal 'byor gyi stobs kyis so/ /'dod ba ba'i don kun zhes bya ba la sogs pa ni go sla'o/ /le'u nyi shu dgu pa'o// //de nas zhes bya ba la sogs pas ni gnod mdzes kyi sngags btu ba ston te/ de nas rje
 rnga'i bcing bya ste/ zhes bya bas rdza rnga lnga bu'i dbyibs las re'u mig bzhi bcu rtsa dgur bya'o zhes bya ba'i don to/ /re'u mig gsum pa ni nang gi re'u mig bzhi la bltos nas de skad smras pa yin no/ /de la u Sh+ma'i ni gsum pa yi ge sa'o
 de bas na rim bzhin 'byung dang rim min pas/ /dbyangs dang yi ge sgrub pa pos/ zhes bya ba smos so/ /re'u mig lnga pa yis zhes bya ba ni yi ge u'o/ /nyi shu rtsa lnga pa zhes bya ba ni ka nas brtsams te nyi shu lnga pa'o/ /nyi shu rtsa bzhi pa zhes
 bya ba yang de bzhin no/ /sum cu rtsa drug pa zhes bya ba ni a nas brtsams te bgrang ba'o/ /re'u mig gsum pa zhes bya ba yang de bzhin no/ /de bzhin du sum cu rtsa gnyis pa zhes bya ba ni ka nas brtsams pa'o/ /re'u mig lnga pa zhes bya ba
 ni yi ge u'o/ /nyi shu lnga pa zhes bya ba ni ka nas brtsam pa'o/ nyi shu bzhi pa zhes bya ba yang de bzhin no/ /sum cu rtsa gsum pa zhes bya ba ni ka nas brtsams pa'o/ /bco lnga pa zhes bya ba ni a nas brtsams pa'o/ /lnga pa zhes bya ba ni
 dbyangs kyi yi ge lnga pa'o/ /nyi shu rtsa gnyis pa ni ka nas brtsams pa'o/ /nyi shu rtsa bdun pa zhes bya ba ni a nas brtsams pa ste/ sngags 'di dag ni tshig dang po yin no/ /a nas brtsams pa'i yi geg ni bcu dgu pa yin no
 me'i bu ni yi ge ra'o/ /re'u mig gsum pa ni yi ge i'o/ /ya tshan zhes bya ba la sogs pa ni go sla'o/ /sum cu rtsa drug pa zhes bya ba ni snga ma bzhin te yi ge na'o/ /slar yang zhes bya ba ni yi ge gnyis po dag nyid de dang sbyar
 ba'o/ /rang byung zhes bya ba ni yi ge nya'o/ /re'u mig lnga ba zhes bya ba ni dbyangs kyi re'u mig lnga pa'o/ /bin du zhes bya ba ni thig le'o/ /lhag ma ni snga ma bzhin te tshig gnyis pa'o/ /bcu dgu pa ni snga ma bzhin te ga'o/ /
 nyi shu rtsa bdun pa ni ka nas brtsams pa'o/ /gsum pa ni dbyangs yig gi yi ge gsum pa'o/ /sum cu rtsa gsum pa'i snga ma ni yi ge ha'o/ /re'u mig gnyis pa ni yi ger sla'o/ /nyi shu pa ni ka nas brtsams pa ste na nyid de/
 de nyid ni ra dang ha'i dbang gis na de Nar 'gyur to gri ha'i sgra'i 'og tu gnas pa'i na ni Nar 'gyur ro/ /nyi shu rtsa gcig pa ni ka nas brtsams pa ste pa'o/ /nyi shu rtsa drug pa ni ka nas brtsams pa ste ya'o/ /lan
 gnyis bzlas pa zhes bya ba ni lan gnyis zlos shing goms par bya ba ste snga ma bzhin no/ /re'u mig lugs las bzlog pa'i tshul gyi dang por yi ge ha'o/ /bzhu pa ni i ste/ /de'i mdza' ni u'o/ /lhag ma ni snga ma bzhin no/ /da ni dang/
 tshig bzhi pa btu ba gsungs pa ni re'u mig gnyis pa zhes bya ba la sogs pa yin to/ /dbyangs kyi yi ge dang po'i re'u mig nas brtsams pa a'o/ /sum cu rtsa drug pa ni a nas brtsams pa'o/ /nyi shu rtsa drug po ni ka nas brtsams pa'o/ /
 sum cu gsum pa zhes bya ba ni ka nas brtsams pa'o/ /de bzhin du bcu gsum pa ni dbyangs kyi yi ge bcu gsum pa'o/ /re'u mig bcu pa ni ha la sogs pa nas go bzlog pa'i tshul gyis brtsis pa'i yi ge b+ha ni re'u mig bcu pa'o/ /
 bcu dgu pa ni a nas brtsams pa'o/ /gnyis pa zhes bya ba ni re'u mig gnyis las dbyangs kyi yi ge'i re'u mig gnyis pa'o/ /thig le zhes bya ba ni steng nas a nu swa ra dang ldan pa'o/ /chu zhes bya ba ni yi ge b+ha'o/ /brgyad
 pa ni yi ge je'o/ /me'i bu yis khyad par dbye zhes bya ba ni yi ge ras bye brag 'byed pa'o/ /lhag ma ni go sla'o/ /de dag ni rtsa ba'i sngags so/ /bro bo bzhi dang yang dag ldan zhes bya ba ni sngags kyi tshig b+ha zhis mtshan ma smos pa'i khro
 po bzhi bshad pa yin no/ /sku brgyad dang ni bcas pa ru zhes bya ba ni sa la sogs pa gzugs brgyad kyi tshul du sngags 'di gnas pa'i phyir ro/ /'di ni rnyed pa tsam gyis kyang zhes bya ba ni sngags des tshar bced pa de 'ching bar 'gyur
 pa'o/ /le'u sum cu pa'o// //sha chen zhes bya ba ni sngar bzhin du sbyin sreg bya'o/ /zangs ma'i gtsug pud can zhes bya ba ni khyim bya'o/ /dpa' bo thong ba'i phreng ba can/ /zla ba phyed pas rgyan du byas zhes bya ba ni bcom ldan
 'das kyi sku'i cha byang sngar ma bshad pa ni bshad pa yin no/ /brda ni lnga po bstan pa dag ces bya ba 'dir brnga'i sgra na rdo rje phag mo la sogs pa lha mo lnga la bya ba yin te/ ral pa dang cod pan brgyan pa'i thod pa chen po lnga lha mo lngar bstan
 cing bsgom par bya'o zhes bya ba'i don no/ /sgrub pa po yi lag g.yon gyis zhes bya ba ni bza' ba dang bca' ba gang ci yang rung ba de thams cad kyang dam tshig can la ster ba na bsgrub pa pos lag pa g.yon pas sbyin par bya'o zhes bya ba'i don
 to/ /lhag ma ni go sla'o/ /rdo rje sems dpa' zhes bya ba la sogs pas ni lag pa'i mchod pa ston to/ /rdo rje sems dpa' mthe bor bzhugs zhes bya ba la/ bzhugs zhes bya ba thams cad la sbyar ro/ /tal ni mdzub mo ste rnam par
 snang mdzad do/ /gur be zhes bya ba ni gung mo'o/ /pad+ma gar zhes bya ba ni pad+ma gar gyi dbang phyug go zhes bya ba ni srin lag go/ /dpa' bo zhes bya ba ni dpal he ru ka'o/ /ta nu zhes bya ba ni mthe'u chung ngo/ /mi zad ces bya ba ni de'i khyad par ro/ /nam mkha' i snying po
 zhes bya ba ni rdo rje nyi ma'o/ /sen mo zhes bya ba ni sor mo thams cad kyi sen mo'i bar na gnas pa'i rta mgrin no/ /g.yon pa las byung rgyu yin no zhes bya ba ni 'di dag ni lag pa g.yon par bstan cing lha gnas pa'i rgyu yin no/ /lag mthil zhes bya ba las lag
 pa'i thil du pad+ma 'dab ma lnga pa bsams la/ pad+ma'i ge sar la pho nya mo rnams las rdo rje phag mo'o/ /mdun du ya mi ni/ g.yon du mo ha ni/ rgyab tu sa ny+tsa rin g.yas su skrag byed ma'o/ /tsaN+Di ka ni snyoms par 'jug pa la spro ba ste/ rang
 bdag nyid bsam pa gcig pa'o/ /rgyab tu shin tu nges byas te/ zhes bya ba ni/ lag pa'i mthil du sngags kyi sa bon gyi rdo rje sems dpa' la sogs pa dang/ rdo rje phag mo la sogs pa lha mo rnams dgong
 par bstan mod kyi/ 'on kyang lag pa'i rgyab tu me long gi nang du gzugs brnyan snang ba ltar nges par bsam par bya'o zhes bya ba'i don to/ /de nyid kyis nam mkhas pas rgyab tu bskyed byed bshad pa yin no/ /sgrub pa pos brda
 rnam pa lnga bstan par bya ba las/ lnga zhes bya ba smos pa ni 'dir lag pa'i mchod pa'i skabs su brda lnga zhes bya ba ni dri chen dang dri chu la sogs pa'o/ /spyan la sogs pa smos pa ni mkha' 'gro ma la sogs pa bzhil bya'o/ /stong pa ni
 nam mkha' i dbyings so/ /dbus su zhes bya ba la yang de nyid do/ /de ltar brnga yis dpa' bo rnams zhes bya ba ni lag pa'i mchod pa la dung chen po la gnas pa'i rdzas kyis dpa' bo 'khor lo sdom pa brnga yis mchod par bya'o/ /de nas zas la
 spyad par bya'o/ 'di ltar byas pas dpa' bo thams cad dang mnyam par sbyor ba mkha' 'gro dra ba'i bde mchog tu 'gyur ro/ /le'u sum cu gcig pa'o// //phyugs dgug pa ni sgrub pa pos sngar gyi chogs byed de/
 phyugs zhes bya ba la sogs pa gsungs pa la/ sen mo lnga rnams ni khyi dang/ byi la ngang/ ri bong la sogs pa rnams te/ sen mo lnga'i rigs so/ /rigs rnams kyis zhes bya ba la/ rgyal rigs la sogs pa'i rigs bzhi rnams
 kyi nang nas bsngags pha ni phyugs so/ /dpa' bo ni mang po rnams gang gis bsad ba de ni byugs dpa' bo'o/ /he ru kas byas pa mthong ba yang ngo/ /dud 'gro rnams las dud 'gro mngal du skyes pa rnams dud 'gro 'gro ba'i phyugs te/
 sprul dzin po che dang lnga na pha li phyugs so/ /phyugs 'di ni lha rnams kyi bde ba sgrub par 'gyur ro/ /khwa la sogs bces sbyang la thug pa rnams dang/ bya'i bye brag rnams sbyin sreg dang gtor na la sbyar bar bya'o/ /sbyin sreg ni nang gi bdag nyid
 kyi sbyin sreg nyid do/ /de ni ro langs sgrub pa bshad pa smos pa yin te/ nag po zhes bya ba la sogs pa ? dang po kho na gnod mdzes kyi sngaD kyi ???bsnyen pa bya la/ mtshan ma thob pa'i sngags ngas dur khrod du ro ma rmas shing nyams
 pa med pa btsal la/ nam phyed a sha na nag po dang/ mA NA nag po dang/ 'bras nag po dang ldan pa'i sbyin sreg byas la/ de yang 'dzem pa med par ro'i khor zhes bya ba la/ sngags bas rang gi rnal 'byor mngon sum du byas su zin yang
 pa gsum dang po cha chen po la sogs pas bsrung bdag kyang byas la/ /'jigs shing bag tsha ba'i 'dzom pa mi bya'o zhes bya ba'i don to/ /yi dags chen pos 'jigs pa'i bdag nyid can mi sdug po mthong na 'jigs par mi bya'o/ /
 zhes bya ba'i don to/ /ltag ma ni go sla'o/ /spyi ba'i thabs pa ni thal ba'i khyad par ro/ /mgo bo skam zhes bya ba ni grags pa ste/ chag grugs med pa blangs la dung chen po bya ba ?? yang na thong pa rus spal gyi thod pa las bya'o/ /
 phyag bzhi ba la sogs pa ni bcom ldan 'das he ru ka'i phyag rgya chen po ston te/ de dag thams cad ni sgrub pa'i thabs su rgya cher bstan pa yin no/ /de'i sku mdog mtshon chang zhes bya ba ni bcom ldan 'das de'i sku mdog dang phyag
 mtshan 'dzin par phyed pa de la de skad ces bya'o/ /sku mdog sngo la phyag mtshan rdo rje 'dzin pa zhes bya ba'i don to/ /'dis phyag mtshan zhes bya ba spyi'i tshig smos su zin kyang phyag mtshan gyi gtso bor gyur ba yin pas rdo rje kho na la bya'o/
 de yang bcom ldan 'das mtshon cha du ma bsnams su zin kyang/ rdo rje 'dzin zhes mtshan gsol ba yin no/ /phyag rgya yis ni sku la brgyan zhes bya ba ni phyag rgya lngas brgyan pa la bya'o/ /yi dags chen po gdan du
 byas zhes bya ba ni yi dags kyi bdag po mnan nas bzhugs pa'o/ /de bas rtag tu sgrub pa pos/ /sngags kyi lha ni shes par bsgom zhes pa ni rnal 'byor chen po la dmigs pa med par sngags bzlos pa mi bya'o zhes bya ba'i don to/ /
 lhag ma ni go sla'o/ /le'u sum cu gnyis ba'o// /med bar gyur kyang bza' ba ni/ /lnga po nyid du bya ba yin zhes bya ba ni gang gi tshe rjes su mthun pa'i bdud rtsi lnga med par gyur na de'i tshe bza' ba gang dag yin jpa bdud
 rtsa lngar bsam par bya'o zhes bya ba'i don to/ /lhag ma ni go sla'o/ /dpa' bo rnams kyi stan dang / phyag rgya ni lhag ma'o/ /shin tu mnyam gzhag ces bya ba ni tha mal ba'i nga rgyal spangs pa'o/ /de yi 'og tu dpa' bo yi/ /dpa' bo
 gsum pa'o/ //de nas zhes bya ba la sogs pas ni 'khor lo gsum gyi bdag nyid bya ba'am/ /'khor lo gsum mchod par bya zhes bya ba'i don to/ /cha'i rtsibs zhes bya ba ni cha'i yan lag ste/ de de ? yang yin la
 rtsibs kyang yin pas cha yi yan lag ste/ de ni dpa' bo ste rigs la bltos nas gcig gi tshig gis bstan to/ /pad+ma'i lte ba zhes bya ba mang po'i tshig ni de blang bar bya ba'i gnas yin pas de la nges par sbyar bar bya'o/ /a ba
 ??tI gnas de bzhin/ /smin ma'i bar du nges par bzhag ces bya ba ni dpral ba'i rdo rje pheng ba'i 'od zer rnams kyis a ba d+hU tI ye shes bya ba rdzogs pa'i gnas su bya ba ste/ de ni mi zad pa'i spyan te/ de smin mI bar du zhes bya ba ni dpral ba'i
 dbus su bzhag par bya'o zhes bya ba'i don to/ /dpa' bo 'tshol ba zhes bya ba la soD pas ni las thams cad pa'i sbyin sreg ston te/ dpa' bo he ru ka'i 'dod chags dang bzhe sdang 'chol par byas shing khro bor bsgyur ba'i gnas skabs kyis
 'og nas smos pa di ltar rnyed pa'i sha yis sbyin sreg bya ba'am/ yang na bdag nyid khro bo'i nga rgyal dang cas pas ji snyed pa'i sha sbyor bas tshim par byas la/ de'i 'og tu las dang rjes su mthun po'i go mI sa dang khrag gis
 sbyin sreg lnga nyid du bya'o zhes bya ba'i don to/ /'bad pas zhes bya ba ni lha'i nga rgyal gyi ma yengs par de nas sbyin sreg dgu bya ba'o/ /'bar ba'i gle la zhes bya ba ni shin tu 'bar ba'i me la yam shing la sogs pa ji ltar las
 mthun pas 'bul ba'i/ /de ltar me lha'i zhal du sbyin sreg bul nas/ 'khor lo gsum dang ldan pa'i lha rnams la sbyin sreg dbul ba'i cho ga gsungs pa ni/ de nas zhes bya ba la sos pa yin te/ kun nas 'khor lo bsam
 zhes bya ba ni thab kyi dbus su 'khor lo gsum po de gzhal yas khang ra ba dang bcas pa dang/ rang gi sku mdog dang phyag mtshan dang bcas pa bsam par bya'o/ /de'i phyogs gcig tu bsrungs ba ni dpa' bo zhes bya ba la sogs pa yin
 no/ /khaN+Da ro ha zhes bya ba ni rgyab kyi ngos la gnas pa'i khaN+Da ro ha de bzhin du gzhan la las dang rjes su mthun par rang gi lus la phyud ste/ khaN+Da to ha gzhan gyi phyir la du ba zhag las thams cad 'grub par bya'o zhes bya ba'i don to/ /rde
 nyid kyi phyir rang gi gzugs su mngon zhen pa/ /'khor lo'i dbus su gnas par bya zhes bya ba yin no/ /'khor lo 'ji dag stan pa ni/ /rim pa ji bzhin bya ba yin zhes bya ba ni thab 'di dag tu 'khor lo gsum
 gyi rim pas bya ste/ de yang zhi ba la sos pa'i cho ga'i rim pa dang mi 'gal bar bya'o/ /rig pa'i rgya mcho zhes bya ba ni rgyud chen po der kye dpa' bo zhes mdor bsdus te ji skad du bstan pa de'i dar gsal bar bya ba yin no/ /yang
 na rig pa'i rgya mtsho ni zhi ba'i sbyin sreg la sos pa'i rgyas par bstan pa yin la/ 'dir ni mdor bsdus te bstan pa yin no/ /lhag ma ni go sla'o/ /le'u sum cu bzhi pa'o// //da ni de nas zhes bya ba la sogs pas
 las dang rjes su mthun par bsngags brjod pa dang/ bsam gtan gyi cho ga bstan pa yin te/ phan tshun sbyar ba'i gsang sngags ni zhes bya ba ni gang gis tshe gdug pa tshar bcad pa'i cho ga rtsom pa de'i tshe srad bu legs pa
 bsgril ba lta bur sngags kyi yi ge phan tshun cig la gcig sbyar te/ gnyis ka'i zhal nas cig car phyung ba ni bchun gyi bum pa 'khor blta bur bsams par bya'o/ /dpa' bo zhes bya ba ni sngags kyi yi ge?/ /'jug pa yi
 ni dbye ba nyid ces bya ba ni zhi ba'i cho ga'o/ /rang gi kha nas nang du zhugs pa'i sngags kyi yi ge lu gu rgyud kyi phreng ba lta bu'i tshul can rdo rje'i lam nas phyung ste/ slar yang pad+ma'i lam nas lha mo'i zhal du chud par byas te/ lha mo'i
 kha nas rang gi khar zhugs pa'i rim pa dang/ gdug pa 'dul ba'i las la ni/ /rang gi kha nas lha mo'i khar 'jug pa'i tshul gyis bya ba ste/ khyad par ni de tsam mo/ /zhi ba la ni lhong ba ste/ /drag cing gtum pa ma yin sa'o/ /
 sa bon phreng bas de nas zin zhes bya ba ni yi ge'i phreng bas phan tshun gcig la gcig sbrel ba'o/ /hUM gi mdza' ru gnas pa yin zhes bya ba ni gdug pa can tshar bcad pa'i las la yi ge hUM gis thog ma dang/ dbus dang/ /tha mar sbyar bar
 gyur ba'o/ /de nyid kyi phyir bsgrub bya 'gog par gyur na ni/ /gom pa cig kyang mi 'gro'o lo zhes bya ba gsungs pa yin te/ /de ni go sla'o/ /kha sbyar sbyar bar gyur pa dang zhes bya ba ni sngags sgra la sogs par bshad pa'i tshul gyis
 te/ yi ge oM dang po dang/ yi ge oM tha mar kha sbyar du sbyar ba'i tshul gyis te/ oM lha byin swA hA/ oM zhes bya ba lta bu'o/ /rdo rje lu gu rgyud bcings pas/ /rdo rje dbye ba nyid dang ni zhes bya ba ni kha sbyar ni las thams cad pa yin pa'i
 phyir gang gi tshe gdug pa can tshar bcad pa'i las dang ldan pa de'i tshe rdo rje zhes bya ba hUM de nyid kyi dbye zhing gzhig par bya'o zhes bya ba'i don to/ /de bzhin sgro yi chun po bskor zhes bya'i sgro'i chun po bskor ba na bar mtshams mi
 snang ba de bzhin du bar mtshams med pa kho nar bsgom par bya'o zhes bya ba'i don to/ /lcags kyu nyid kyis dgug pa dang zhes bya ba ni gang gi tshe 'gugs par 'dod pa'i rje'i tshe/ lo ma'i tshul du sngags spel la/ khaN+Da ro ha phyag na lcags
 kyu yod pas dgug par bya'o zhes bya ba'i don to/ /gtun shing gis ni dgug pa dang zhes bya ba ni gang gi tshe brgya byin la sogs pa 'gugs shing bskyod par 'dod pa de'i tshe khaN+Da ro ha phyag na gtun gshing bsnams pas dlung pa la sogs
 pa thams cad bkug par bya'o/ /rdo rje yis ni bza' bar bya zhes bya ba ni bza' bar bya ba la khaN+Da ro ha rdo rje thogs pas che ge mo zo zhig ces dug pa'i tshogs bza' bar bya'o/ /dbug mnga' yis sbyar bar bya zhes bya ba ni dbug cing
 'dar ba la ni khaN+Da ro ha phya na mda' bsnams par sbyar bar bya'o/ /dus min 'chi ba las rgyal nyid ces bya ba ni dus ma yin par 'chi ba la ni mtshon cha 'dzin pa dang 'dra bar g.yon phyogs su kha DwAM ga 'dzin pa'i
 lag pas so/ /mchod pa'i khyad par 'di dag thams cad kyis khaN+Da ro ha khyad par du phye ba yin no/ /thod pa'i mchod yon snod du ni/ /zhal du mchod yon nges par sbyar zhes bya ba ni bdud rtsi lngas yongs su gang bas khaN+Da ro ha'i zhal du a???
 phul la mtshon cha dang sbyar bar bya ste/ /sngags kyi yi ge phreng ba dang 'dra ba bstan par bya'o zhes bya ba'i don to/ /le'u sum cu lnga pa'o// //phyag rgya rengs pa'i las kyis ni zhes bya ba ni gzhan gyi phyag rgya rengs pa la zas dang
 'dra ba ste/ bza' ba'i khyad par dang 'dra ba las brtsam par bya'o/ /bsrung bsam mkha' 'gro ma sbyor la/ /snying po rnams kyis de bzhin bya zhes bya ba ni mkha' 'gro ma rnams kyi snying po'i sngags kyis kyang cho ga de bzhin du bya'o/ /
 dpa' o mchod pa'i cho ga zhes/ /las ni 'bad pa nyid kyis bya zhes bya ba ni 'dir bshad pa'i cho ga dang pos mchod pa'i chog byas la/ phyis las rnams brtsam par bya'o/ ram dbye rang dags sngags pas ni/ /phyin ci
 log tu nges par sbyar zhes bya ba ni de las kyi rjes su mthun par rnam par phye zhing so sor byas la sngags pas las phyin ci log tu des par sbyar ro zhes bya ba'i don to/ /don de nyid bstan par bya ba'i phyir gsungs pa ni/ tshar gcod pa dang
 zhes bya ba la sogs pa yin te/ de nyid dbye bas phye nas ni/ /rtsa yi lam du sbyar bar bya zhes bya ba ni las kyi tshogs kho na nyid kyi dbye bas phye zhing tha dad par bya ba'i sngags de tse'i lam zhes bya ba la rdo rje dang pad+ma'i lam du nges par
 sbyar zhing bstan par bya'o zhes sbyar bar bya'o /sbyor ba yin ni don rnams la/ /'di yis rab tu sgrub byed de/ /lha dang lha min rnams dang ni/ /mi dang bcas pas myur 'brug bya zhes bya ba ni sbyor ba'i don zhes bya ba phyag rgya
 chen po bsgrub par bya ba'i phyir gang zhig rab tu bsgrub cing legs par bstan pa'i tshul gyis bsgrub par byas na de lha dang lha ma yin dang mi rnams kyang tshar bcod pa dang/ phan gdags pa'i tshul gyis myur du bsgrub par bya ba yin na/ /gzhan
 dag lha ci smos te zhes bya bar dgongs so/ /de'u sum cu drug pa'o// //da ni de nas zhes bya ba la sogs pa sa dbang du bya ba la sogs pa'i sbyor bston te/ gzugs ni lus te de gnon pa ni bud me de la sogs pa skye bo
 ste/ de'i cho ga ni dbang du bya ba yin la/ de bshad par bya'o zhes bya bar sbyar ro/ /phan tshun sbyar ba'i gsang sngags dang zhes bya ba ni gnyi ga'i rtsa ba'i sngags gcig tu bya ba'o/ /mkha' 'gro ma dang gcig tu sbyar zhes bya ba ni
 don de nyid gsal bar bya ba yin no/ /de la don ni 'di yin te/ zos pa gang yin pa de sgron te/ legs par bgrus la yan lag lnga'i dri ma dang bcas pas ga bur mchos pa dang bsres te/ gnyis ka'i rtsa ba'i sngags zhag bdun
 gyi bar du thun bzhir byes la/ /de'i 'og tu bza' ba dang btung ba la sogs pas sbyar na ji skad bshad pa bzhin du dbang du 'gyur bar gdon mi za'o/ /ser skya zhes bya ba ni kha dog ser skyar 'dug pa'o/ /lhag ma ni go sla'o/ /tel nag
 ces bya ba la sogs pa yang go bar zad ba/ /ba lang zhes bya ba la sogs pa la dbang du bya ba'i thabs las thams cad pa'i thab khung du bang gi ming nas smos te/ ji skad bshad pa'i sbyin bsreg byas na dpa' bo la sogs pa'i lha rnams dbang tu
 'gyur la/ de ltar ma yin na ji skad bshad bzhin du 'gyur ro/ /de'i mdun du zhes bya ba ni dpal hi ru ka'i spyan sngar ro/ /'am zhes bya ba ni sgros ro'i khar ro/ /lhag ma ni go sla'o/ /le'u sum cu bdun pa'o// //
 dpa' bo'i yan lag dbye ba ni sku mdog dang/ phyag dang/ zhal dang/ phyag mtshan la sogs pa'o/ /dpa' bo'i dbang phyugs bri'o zhes bya ba ni dam tshig las 'da' bar byed pa la bcom ldan 'das mi gzigs so zhes bya ba'i
 don to/ /yang dag rab sbyin rig par 'gyur zhes bya ba ni khams gsum gyi bde ba gang yin pa de myong bar 'gyur ro zhes bya ba'i don to/ /le'u sum cu brgyad pa'o// //gzhan yang rnam pa bzhi yis dgod ces bya ba ni
 dpa' bo'i rtsa ba'i sngags rnam pa bzhi ste/ ki li ki li/ si li si li/ hi li hi li/ d+hi li d+hi li/ zhes bya ba dang/ mkha' 'gro ma'i rtsa ba'i sngags ni ha hA he hai/ /ho hau huM tUM zhes bya ba 'o/ /le'u sum cu dgu pa'o// //
 de nas da ni zhes bya ba la sogs pa ni spyir rgyal po la sogs pa dbang du bya ba yin no/ /sgron ma ni nya dang sha la sogs pa ste/ sha dang por yod pa smos pa yin no/ /'di zhes bya ba ni sbyin sreg go /sbyin sreg kyang rnam pa gnyis te/ /
 phyi'i sbyin sreg dang/ lus kyi sbyin sreg go /de nyid kyis na nya'i sha dang ldan zhes bya ba la sogs pa smos pa yin no/ /gnas skabs thams cad du zhes bya ba ni dga' ba dang khro ba'i gnas skabs su yang ngo/ /dpa' bo'i dbang po
 ni dpal he ru ka ste/ de sgrub pa po la dngos grub rgya chen po stsol bar 'gyur ro zhes bya bar sbyar ro/ /mtshan mo sbyin sreg byed la gzhol zhes bya ba ni lus kyi sbyin sreg ni nges par mtshan mo bya dgos pa'i phyir ro/ /brgya dang zhes bya ba la
 sogs pa ni go sla'o/ /le'u bzhi bcu pa'o// //de nas las kyi zhes bya ba la sogs pa ni 'dir rdzogs pa'i rnal 'byor pas dngos grub thams cad 'grub par ston pa yin no/ /bcu gnyis zhes bya ba ni dbang du bya ba
 dang/ dgug pa gnyis gcig tu bya ba dang/ bsad pa dang bskrad pa gnyis gcig tu bya ba la bltos te gsungs pa yin no/ /rab mchog ces bya ba la sogs pa ni mkha' 'gro ma nyi shu rtsa bzhi'i gnas gsal bar byas pa yin no/ /
 thaMs? cad? rdo rje dkyil 'khor ni dpal he ru ka'i dkyil 'khor ro/ /der gtso bo ni bdag po'o/ /dgon pa ni ma ru bu'i 'o/ /a ra na ni rA me shwa ra'o/ /pul+ling dang mA la ya bstan pa ni gnas thams cad kyi gtso bo yin pa'i phyir ram/ man
 dag las khong du chud par bya'o/ /pul+li rasA 'das la sogs pa'i gnas thams cad kyang go bzlog pa'i tshul gyis phyogs dang mtshams su gzung ngo/ /rdo rje phag mo nas sme sha can gyi bar rnal 'byor ma drug ni rdo rje phag mo la sogs pa tsaN+Di ka'i
 mthar ro/ /ma mo ni kA kA sa ya la sogs pa'o/ /lA ma nyid ces bya ba ni lA ma'i rigs su gtogs pa rnal 'byor ma drag mo'o/ /rigs kyi gtso mo ni mkha' 'gro ma la sogs pa bzhi po'o/ /nag po chen po ni 'jigs byed chen po'o
 mkha' 'gro rnams kyis zhes bya ba ni lhan cig pa'i don la gsum pa ste/ ji lta bur gyur pa rnams dang/ lhan cig gzugs can ma rnams dang ngo/ /gzugs can ma zhes bya ba ni rU pi Ni gzhan ngag ste/ tsum bi ka dang ba li
 ka la sogs pa ste/ tha dad bar gyur ba rU pi Ni dang lhan cig par blta bar bya'o/ /paM tsa la zhes bya ba ni gnas dang nye ba'i gnas las gzhan pa'i grub pa'i gnas so/ /de la sogs pa nye bar mtshon pa tsam du gsungs pa ste/ rgya cher
 ni grub pa'i rnal 'byor ma stong phrag nyi shu rtsa gcig yin te/ de dag kyang 'khrugs pa'i tshul gyis 'gro ba yin no/ /'khor lo gsum la gnas pa'i slar yang bul+li ra mA la ya la sogs pa go bzlog pa'i
 tshul gyis sbyar bar bya'o/ /lha mo lhag ma gzhan dag kyang dpal he ru ka'i rnal 'byor ma yin no/ /sh+rI he ru ka sbyor ba che zhes bya ba ni dpal he ru ka'i bsrub pa'i sbyor pa chen po dang 'tsham pa'o/ /de'i zhes bya ba ni nges par gzung
 pa'i tshul gyis drug par byas pa'o/ /dkyil 'khor gtso mo yin zhes bya ba ni 'khor lo gsum gyi mkha' 'gro ma nyi shu rtsa bzhi ste/ de dag gi lhan cig tu khyab pa'o zhes bya bar sbyar ro/ /rgyu dang mi rgyu zhes bya ba ni rgyu ba
 dang mi rgyu ba dang bcas pa'i sa gzhi rnams su khyab cing gnas pa'o/ /ji lta bu zhe na/ tha mal pa ma yin pa'i gzugs kyis bsgrub pa dang bsrung ba'i sbyor bas phyir rol gyi phyag rgya ma ste/ de yang ji lta bu zhe na/ bsags
 pa med pa ste/ gzhan dag gis las ngan ba bsags par gyur pa gang yin pa de med par 'gyur ro/ /dang po'i don la gsum par shes par bya'o/ /de dang lhan cig sgren mo rtag tu nub mo spyad ces bya bar 'dre la to/ /lhag ma ni go
 bar zad do/ /le'u bzhi bcu gcig pa'o// //me tog chu ni dus su 'byung ba dang lhan cig skyes pa'o/ /sngags 'di zhes bya ba ni rtsa ba'i sngags yi ge bdun pa'o/ /de bzhin sbyin zhes bya ba ni 'khor lo
 gsum po rnams la sbyin pa'o/ /nag mo chen mo ni rdo rje phag mo'o/ /bden pas tshangs par spyod pa zhes bya ba ni tshangs par spyod pa dang ldan pa'o/ /thog mdza' zhes bya ba ni dbus med na thog ma dang tha ma med pa nyid kyis na thog
 ma dang dbus dang tha mar bdag nyid dbang du gyur pa'o/ /bzhad pa nyid phyag rgya yin pas na rol cing rgod pa gtso bor gyur pas dga' bar byed pa ste/ phyag rgya des so/ /lha ba'i bsnyems pa yang dag par ston cing bsnyems pas mthong ba ni
 bsnyems pa'o/ /'di lta bu'i khyad par dang ldan pa'i lha mo ni grags pa dang ldan par 'gyur ro/ /'dis zhes bya bas ni ma rtogs su shes bar bya'o/ /bzhad pa ni nye bar mtshon pa tsam ste/ rab tu dga' ba'i bde ba thams cad kyang mtshan mo
 'am nyin mo bya'o zhes bya bar sbyar ro/ /gzugs dang las kyi zhes bya ba le sogs pa ni sgrub pa pos mthong ba dang grub pa'i lha mo rnams sngon ma byung ba'i gzugs dang bya ba dag ston par byed de/ de'i las dang las kyi lan bstan pa ni gar
 dang zhes bya ba la sogs pa yin te lha mo'i bya ba'o/ /rdo rje la ni zhes bya ba la sogs pa na sgrub pa po'i bya ba'o/ /dbug 'byin zhes bya ba ni rgyu ba med pa yin no zhes bya ba'i don to/ /sgeg dang zhes bya ba ni gar gyi khyad par ro/ /sna tshogs
 zhes bya ba ni sna tshogs kyi bdag mo'o/ /dam bor zhes bya ba ni sgrub pa'i las so/ /ha ha zhes bya ba ni gzhan gyi las te/ sngar bshad pa'i rim pa de nyid kyis bya ba'o/ /lhag ma ni go sla'o/ /le'u bzhi bcu gnyis pa'o// //
 bzhi po zhes bya ba ni gnod mdzes kyi sngags kyis so/ /gis zhes bya ba la sogs pas ni mchod pa 'di rnams shin tu gsang ba yin par bstan to/ /snyim pa zhes bya ba la sogs pas ni sgrub pa po'i nus pa thams cad kyi mtshan ma ston pa yin he/
 gang gis che gsang sngags mngon par bzlas nas me tog nam mkha' la gtor la de las me tog gcig kyang sa la mi ltung na de'i las thams cad kyang byed par nus so zhes bya ba rgyas par sbyar ro/ /lha dang mi yis mthong mi 'gyur zhes bya ba ni
 lha dang mi rnams kyis kyang phyed par mi 'gyur ba'o/ /shing zhes bya ba la sogs pas ni yi ge bdun pa'i sngags kyi sngon du bsnyen pa byas pas cho ga du ma dag bstan pa yin te/ dus min 'chi dang bcom dang nyams
 zhes bya ba las dus ma yin par 'chi ba sel bar 'gyur zhing tshe 'phel bar byed pa'o/ /de bzhin zhes bya ba la sogs pas ni pra se na'i cho ga ston to/ /yang na zhes bya ba la sogs pas ni nad zhi ba'i cho ga ston te/ yi ge bdun pa'i
 sngags bsgom pa 'am lan brgya bzlas pa'o/ /nyi ma'i dbus su mngon sum par bsam par byas te/ de la nad kyis gzir ba'i nad pa bzhag la yang lan stong gi bar du bzlas la/ /de'i lus shel ltar dri ma med par bsams na ji
 skad bshad pa bzhin du 'gyur ro/ /yang 'dra ba zhes smos pas bsgrub par bya ba de nyid kyi snying khar mthe bo tsam gyi chang la shel ltar dang pa'i 'od zer 'bar ba dang bcas pa'i rnam par shes pa'i rang bzhin bsams na nad med par
 'gyur ro/ /ston ka'i zhes bya ba la sogs pas ni dug bsal ba'i cho ga ston to/ /gzhan ni go sla'o/ /gzugs lnga zhes bya ba la/ /zla ba'i dkyil 'khor re'u mig lngar byas ba la re'u mig dgu ru 'gyur te de la 'di ltar bkod na 'dis rgyu ba dang mi
 rgyu ba'i dug gis zin pa'i mgor bzhag la/ de nas bdud rtsi'i rgyun babs pas lus thams cad du dug med par bsams na nad med par 'gyur ro/ /de bzhin du rims la sogs pa'i nad rnams kyang bsal bar bya zhing rang nyid kyis
 bza' ba dang bca' pa la sogs pa yang spyad par bya'o zhes bya ba ni man ngag go /gzhan dag ni go sla'o/ /'khor lo 'di nyid lag pa'i mthil du bsams la bsgrub par bya ba'i mgo la bzhag na yang snga ma bzhin du 'gyur ro/ /le'u
 bzhi bcu gsum pa'o// //gtsang ma'i 'o na zhes bya ba ni ba'i 'o ma'o/ /le'u bzhi bcu bzhi pa'o// //rta gsong ba ni ka ra bI ra'o/ /skye gnas rgya bcings pa zhes bya ba ni phyi'i lha mo dang kha sbyor gyi sbyor ba bya ba'o/ /
 spra chil gyis kyang rab tu byug ces bya ba ni/ 'dir spra tshil la gzugs brnyan byas la/ tsan dan dmar po'i phye ma dang/ tsha ba gsum gyi lde gus byug ces bya bar sbyar ro/ /le'u bzhi bcu lnga pa'o// //yi ge ha ni
 lnga po dang/ /lag pa kun tu mnyes nas ni zhes bya ba ni gang zhig gi rkang rjes kyi rdul khrag dang/ dug dang/ ske tshes lag pa gnyis kyis mthil bskus la/ de'i steng du ba bla'i snag tsha dang bya rog gi sgro'i smyu gus yi ge lnga/ heM
 he hai ho hau bris la bsam gtan gyis kyang de ltar bsams la seng ldeng gi me mdag gam/ ro bsregs pa'i me bdag la lag pa gnyis nyed cing sbyin sreg byas na dgra bo'i kha nas khrag 'dzag cing mod la 'chi bar 'gyur ro/ /thod
 pa la sogs pa la yang spyod pa de bzhin du bya'o/ /phyi la sogs pa'i sha kha na ma tho ba med pas rnyed pa ni mkha' gro ma dgyes par bya ba yin no/ /zhes bstan pa'i phyir phyi la zhes bya ba la sogs pa gsungs pa yin no/ /yang yi ge
 bdun pa'i yi ge re re zhing bzlas brjod 'bum gyi grangs tshang mar mngon par bzla bar bya zhing dang por sregs blug gsum byas la phyis stong rtsa brgyad bya'o zhes bya bar sbyar ro/ /le'u bzhi bcu drug pa'o// //rab
 tu rtogs pa ni mi shi ba'o/ /gnam lcags ni lcags kyi gzegs ma'o/ /ka ka an+ti ka'i 'bras bu ni/ shing gando pa la'i 'bras bu'o/ /ne'u le'i spyi bor zhes bya ba ni srog gcod pa'i kha na ma thob med par rnyed pa'i thod pa'i nas du
 lcags skyag dang gur kum dang lhan cig la phye mar byas la ji ltar ji skad du bshad pa bzhin du cho ga bya'o/ /gser gyi 'bras bu ni d+ha tu ra'i 'bras bu'o/ /bya chen po'i gnas ni 'ug pa'i tshang ngo/ /rgyus pa ni chu rgyus
 so/ /'bru ni 'bras sam 'u su'i 'bras bu'o/ /le'u bzhi bcu bdun pa'o// //de nas zhes bya ba la sogs pas ni bcom ldan 'das kyi yum gyi snying po'i sngags ston pa'o/ /ri bo bzang po bri bya zhing zhes bya ba ni rlung dang/
 me dang/ chu dang/ dbang chen gyi dkyil 'khor dang/ rus spal dang/ sna tshogs rdo rje dang/ sna tshogs pad+ma'i steng du gser gyi bdun gyis yongs su bskor ba'i ri'i rgyal po ri rab bsam te/ de'i steng du 'khor lo gsum
 la sogs pa rdzogs par bya ba'i rim pa ston te/ ha ha he he zhes bya ba ni lha'i nga rgyal gyi sngags bden pa'i bshad pa ston to/ /de nas dpa' bo nyi shu rtsa bzhi'i mtshan go bzlog pa'i tshul gyis ston to/ /'jigs byed ni 'jigs byed
 chen po'o/ /bI rin ni su ra bI ri na'o/ /ka ta zhes bya ba ni mahA kaM ka la'o/ /bya ba kun la sgrub pa pos zhes bya ba ni zhi ba dang rgyas pa la sogs pa'i bya ba thams cad la las dang rjes su mthun pa'i 'khor lo gsum dang ldan pa'i sngaD
 bas bsgrub par bya'o zhes dgongs so/ /de nyid kyi phyir 'khor lor bzhugs pa zhes bya ba la sogs pa gsungs pa yin no/ /'khor lo chen po zhes bya ba ni gang la 'khor lo chen po'i tshogs
 mnga' ba de la de skad ces bya ste/ bcom ldan 'das so/ /yang na chen po'i 'khor lo gsum gang la mnga' ba'o/ /yang na chen po yang yin la 'khor lo yang yin pas 'khor lo chen po ste 'khor lo gsum po nyid do/ /
 le'u bzhi bcu brgyad pa'o// //da ni de nas zhes pa la sogs pas sngar bshad pa'i phyugs sdub? pa de'i kha bkang ba ston pa yin te/ de ni 'dir bcom ldan 'das dpal he ru ka nyid du bskyed pa gsal bar byas pa yin no/ /
 le'u bzhi bcu dgu pa'o// //go mAM sa la sogs pas dbang du bya ba la sogs pa'i go cha ni sngar bshad pa'i cho ga bzhin du bya'o/ /kha chu ni bad kan no/ /so shing ni de nyid do/ /rang gi lus zhes bya ba ni 'gro 'am 'dug
 pa 'am gnyid log pa 'am ma log pa la sogs pa'i gnas skabs thams cad du yang sngags pas gsang sngags bzla bar bya ba'i don te/ dus kyi nges pa med pa'o/ /sbyin sreg brgya rtsa brgyad kyi bar zhes bya ba ni arka'i yam
 shing dang rgyas pa'i cho gas zla ba gcig gi bar du sbyin sreg brgya rtsa brgyad rtag par byas na dbul ba thams cad 'jig par byed do zhes ston to/ /gzhan dag ni go sla'o/ /mkha' la spyod pa nyid thob 'gyur zhes bya ba na so sor snang ba thob par
 gyur pa'i sngags pas thun gnyis kyi bar du mnyam par bzhag la sbyin sreg byas na lha thams cad kyi dam tshig thab par bya'o zhes bya bar dgongs so/ /go ma yu zhes bya ba la/ wa'i sha kha na mtho ba med pa rnyed pa dang/ myos bye ces bya
 ba chang gi sbyin sreg dang/ gtor ma la sogs pa byas shing bzlas brjod byas na mtshan mo khyad par 'gyur ro/ /zhes 'dir sbyar par bya'o/ /gtor ma dang las dang sngags zlos pas byas nas gang gi nub mo ce spyang gi sha ji ltar
 rnyed pa bza' 'o/ /bil ba zhes bya ba la sogs pa ni snga ma bzhin rgyas pa'i cho ga bya bar shes par bya'o/ /go mAM sa zhes bya ba la sogs pa ni go sla'o/ gos yu zhes bya ba wa'i sha'i sbyin sreg yang dang yang du smos pa ni sbyin sreg 'di nyid 'bras
 bu lhag par che bar ston to/ /brtul zhugs gtsang sbra med na yang/ /bstan pa'i dngos grub thob par 'gyur zhes bya ba la/ phyi'i brtul zhugs la spyod pa yang med la phyi'i gcang sbra med du zin kyang tshul
 'di bzhin du spyod pa'i rnal 'byor pa la lha rnams kyis bstan pa'i dngos grub thab bar 'gyur ro zhes dgongs so/ /lhag pa'i tshe 'gyur ba ni tshe dpag tu med par 'gyur ba'o/ /kun smaN DaM zhes bya ba bum sha'i sa pan dang/ mon sran sde'u
 dang/ mon sran gre'u dang tsa na ka dang spra tshil te sbrang rtsi'i tshig ma dang/ ska tshe dang/ ta ma la'i lo ma cha mnyam par byas te/ gang gi don du bya ba'i ming nas smos te/ sngags kyis bskul la de'i khang pa'i phyogs gcig
 tu bskus na ji skad bshad pa bzhin du 'gyur ro/ /le'u lnga bcu pa'o// //bla ma'i man ngag dag gis rang blo phye/ /'dir bdag mdo tsam brtsam pa'i blo skyes 'gyur/ /gal te ngan na 'phags pas dag par
 mdzod/ /sems 'khrul pas 'di rnam par 'khor bar 'gyur/ /gang 'dir phyugs zhes sgrub pa la sogs pa/ /bshad pa de ni tshul bzhin mi shes shing/ /de bzhin sa steng skye bo dman pa dag /sdang byed dman
 zhing sbrul nag lta bu yin/ /bsod nams 'di yis 'khor lo gsum dag pa'o/ /mnyam par byed pa rnams su bdag gyur cig /de bzhin 'di yis 'gro ba ma lus pa/ /rtag tu sdig pa kun las nges grol shog
 'dir ni 'di brtsom byed pa dpal ldan ni/ /lang kar skyes par gyur pa gang yin pa/ /rgyal ba bzang po zhes bya de la ni/ /dpa' bo rnal 'byor ma rnams bzod par mdzod/ /bde bar gshegs pa'i gnas gyur pa
 mchod rten las chog dag gi rten/ cho 'phrul rgyun mi 'chad pa yi/ /dpal ldan ma hA bim par bshad/ /byang chub mchog tu blo mchog mkhas pa'i grags pa'i rgyu/ /sgrol ma'i gtsug lag khang mchog dag tu gnas bcas te/ gzhung 'di dang
 ni bstod dang sgrub pa'i thabs dang ni/ /de yi dkyil 'khor cho ga rab rgyas brtsams pa yin/ /dpal 'khor lo sdom pa'i dka' 'grel/ slob dpon rgyal ba bzang pos mdzad pa rdzogs so// //gzhung tshad shlo
 ka bdun brgya yang do// // */ /bde mchog rtsa rgyud kyi 'grel ba 'khor lo sdom pa'i sgrub thabs gnas pa'i man ngag thams cad rgya cher 'grel pa zhes bya ba dngos grub rnyes pa'i slob dpon lha sbas kyis mdzad pa bzhugs so// //