བོད་ཡིག

e-texts based on the ACIP/ALL Input

? dgu bskor rdzogs sho?// // */ /'brel ba gsung so// // */ /rnal 'byor rigs pa'i me tog 'phrul gyi me long la dang? zhabs su bsdus ba'i don bzhi ste/ /phyag 'tsha mchod pa'i lung dang/ dam bca' ? sdom ba'i lung dang/ /gzhung? lugs rtsa ba'i lung dang/ /? tshoD kyi lung dang bzhi'o/ /kun mkhyen nyid la phyag 'tshal nas/ /shes pa gang gis gang ltar phyag btsal ba'o/ /rnal 'byor lta ba'i spyi 'grel brdeg /ces pa/ lta ba'i rim pa spyi'i shan dbye ba'i phyir 'grel ba ste/ /the tshom gtar dka' gnad du brdeg par dam bca' pa'o/ /lung bsnga ba bstan pa la gnyis te/ /dris pa'i lung dang lan no/ /dris pa ni dgu ste/ log rtog byang chub yul snang ba'i/ /chos kun sems su gcig mi gcig /ces pa/ 'khor ba dang mya ngan 'das pa'i spyod yul byang chub sems su gcig mi gcig dris pa dang po'o/ /lhun gyis sgrub ba gang la bgyi dris pa gnyis pa'o/ /de nyid snang ba yod dam med/ /ces pa/ lhun grub snang stong gang yin dris pa gsum pa'o/ /ye nas sangs rgyas yin nam min/ zhes pa/ chos kun gzhi yi sangs rgyas pa yin nam/ ma? rgyas pa yin dris pa bzhi pa'o/ /khams gsum sems can ji ltar 'khrul/ /ces pa lnga pa'o/ /'khrul pa nyid don ci lags/ sheS ba 'khrul pa'i grub mdza' dris pa drug pa'o/ /rnal 'byor lta ba'i ngo bo gang/ zhes pa bdun pa'o/ /de dag dgos ba'i the tshom gang/ zhes pa/ skyon dris pa brgyad pa'o/ /de rnams khyad par ji ltar che/ /bdun po theg pa gzhan las gang spags dris pa dgu pa'o/ /'phrul gyi me long dgu bskor bzhin/ zhes pa/ mtshon pa'i dgus mtshon du btub pa'o/ gsal byed 'phrul tshig dgu yis ston/ zhes pa/ don dris pa lan zung dgu yi tshig gis gsal bar ston pa'o/ /lan dang po bstan pa'i phyir/ /sgyu ma rnam gnyis spyod yul ni/ /sems kyi chos nyid dang du gcig /ces pa/ log rtog sgyu ma'i sems can dang/ ye sheS sgyu ma'i sangs rgyas kyi dbyor yul 'khrul lam ma 'khrul gnyis sems kyi de kho na nyid chos kyi dbyings kyi ye shes su gcig par lan gdab po/ /de'i dpe ni/ de'i de nyid ji lta ba'o/ /mkha' dang gzha' snang ji bzhin du/ zhes pa/ gzha' tshon snang ba dang rang bzhin stong pa dbyer med pa bzhin// gtan tshigs ni/ log rtog sems rgyud tha dad kyang/ rigs rgyud med phyir dbye ba dka' / zhes pa/ log rtog gi rgyud so sor rtog pa dang/ 'du shes tha dad pas/ tshor ba dang/ 'du byed da lta ba dang/ rgyal ba'i thugs gsal ba rtaD kyis tha dad pa las mi mthun pa ni rgyal ba dang 'gro ba la rigs brgyud rtag pa dngang? pa med pa'i phyir/ gcig ces dgos ches gnyis kyi phyir brjod kyis ngo bo gcig dang tha dad las grol ba'i dang du dbyer med pa la de skad brjod pa'o/ /gnyis pa ni/ sems nyid nor bu rin po che/ zhes pa/ lhun grub kyi dpe'o/ /ji ltar dmigs shing bsams par snang/ zhes pa/ lhun gyi ma grub pa dang ma grub pa'i chos thams cad du sems so sor snang ba'o/ /'gro la sems rgyud gnyis mi 'chang/ zhes pa/ sems kun gyi sems kyi chos nyid kyi gzhi 'am dngos po zhes pa skad gcig ma ni bsam pa 'am blo zhes rtog pa dang mi rtog pa'i sems rgyud gnyis pa 'gro ba gcig la med de/ skabs kyis mi brjod pa'o/ /de ni dngos med kun gyi gzhi/ zhes pa/ sems can gyi sems gcig pa de ni dngos po brtag dka' ste/ dgos 'dod bsked pa'i nor bu lta bu gcig la gcig ma grub pa dang/ lhun grub kyi ngo bo la ni phyogs gcig pa'i lhun grub tu khas blangs pa'o/ /lan gsum pa ni/ log rtog mun pa'i yul snang kun/ zhes pa/ 'gro ba so so'i ma rig pa'i snang ba tha dad pa bsdu'o/ /sems phyir mdza' la brtsod pa med/ ces pa/ snang ba yod med kun bdag nyid chen po'i gtan tshigs kyis dbyer med pa la yod med sgro bskur tu brtsong pa byis pa'i blo/ /dpe ni/ gang lnga? yod med med pa ltar/ ces pa/ dngos po gang la phan pa 'ba' zhig yod zhe 'am/ gnod pa'i mthu 'ba' zhig yod ces phyir ni mi btub ste/ brtags na mi dmigs par/ bsam na phan gnod so sor snang yang dbyer med pa ltar/ rtog pa'i smra bsam yul las 'das/ shes pa/ 'khrul pa'i snang bar do med dbyer med pa ni thun mong chen po'i smra bsams las 'das pa ste/ don dam dngos po 'am gzhi la med/ kun rdzob blo 'am bsam pa la yod ces smra ba dag mi mkhas pa'i shes pas/ 'di skad du/ sems 'di yod do med do zhes/ byis pa rnams ni brtsod par byed/ zhes ba la sogs chags lo/ /lan? bzhi pha ni/ de ni de phyir rkyal 'gro zhes/ ris su bcang pa med pa la/ sems snang stong dbyer med pa'i lhun grub de ni/ tshig snga ma gtan tshigs su gyur pas ye sangs rgyas pas rgyal ba zhe 'am/ 'gro ba 'khor ba yin zhes gsungs pa'i tshig gnyis kar/ sems 'khor ba dang mya ngan las 'das pa dbyer med la mi bsam mi brjod do/ /gtsang dang mi gtsang dngos gcig bzhin/ zhes pa/ gnyis su med pa'i dpe ste/ la la'i gtsang ba la la la'i mi gtsang bar snang bas gtsang mi gtsang dngos po gcig ste/ gzhi la nges pa bzhin de kho na ji snyed pa'i ji bzhin pa sems kyi chos nyid sangs rgyas sems can dbye ba med pa la/ phyogs su bltas na nor ba'i blo/ zhes pa/ gzhi 'khrul 'khor med pa'o/ /rnam dag phyogs gcig tu bltas te/ gzhi med pa la bsam blos blo bur du blta ba dag ni/ kun nas nyon mongs pa dag dang/ tha snyad la skur ba 'debs pa'i lta ba ste/ gnyis med dang la gsal ba 'dus par brjod pa nyid kyis mkha' i lta ba khas blangs pa'o/ /'dir gnyis su yod med nyid kyang dbyer med pas thun mongs ma yin pa'i gnyis su med pa ste/ 'di skad du/ gnyis med gnyis su med min zhing/ zhes pa/ dgos byed gnyis kyi phyir brjod pa tsam mo/ /lan lnga pa ni/ ji snyed 'jig rten 'khrul pa'i sems/ /shes pa lo rtog tha dad pa'i sems bsam yas pa'o/ /me long g.ya' dang mkha' sbrin bzhin/ zhes pa/ ma rig pa dang sems ye shes gnyis su med pa'i dpe'o/ /rig dang ma rig gnyis med pas/ shes pa/ lhan cig skyes pa'i ma rig pa med pa min pa'i phyir/ ye shes dang ma rig pa dbyer med kyang/ /phyogs gcig rkyen gyis dus gsum 'khrul/ zhes pa/ phyogs gcig nas ltos pas 'khor ba'i/ de'i rgyu ma rig pas rkyen las dang nyon mongs pas dus gsum thog mdza' med par rgyun chags su 'khrul pa ni/ thag sbrul tho mi sab rtas mtshon nas gzhi med pa las 'byung bar smra ba lta bu ma yin te/ sgro bkur dang bral ba'i dang las 'khrul ba'o/ /lan drug pa/ 'jig rten brtan g.yo la sogs pa/ snang ba nyid na rang bzhin med/ ces pa/ brtan g.yo blo brtags kyi rang bzhin bsam pa la yod la gzhi la med par smra ba ni rang bzhin la bkur ba ste/ 'dir 'khrul pa snang ba do ba'i dus nyid na mkha' sprin ltar rnam pa'i mchog dang ldan pa'i stong pa chen po la rang bzhin yod med dbyer med la dgos ched kyis brjod pa'o/ /rang byung phyin nad med snang phyir/ zhes pa/ bdag nyid chen po'i gtan tshigs kyis kyang chu nyid rlabs lta bur 'gro 'ong med par snang ba'o/ /de dus rang bzhin nyams pa med/ zhes pa/ 'khrul pa de snang ba'i dus na rang bzhin stong pas ji bzhin nyid las ma nyams rang bzhin thun mongs ma yin pa'i 'khrul pa ste/ 'di skad du/ 'khor ba nyid na bde gnas so/ /shes pa dang/ rang bzhin nyid las nyams pa med/ ces gsungs so/ /lan bdun pa ni/ 'jug pa'i rnam shes de lta ba/ shes rab thun mongs spyan yin na/ zhes pa/ lta ba'i ngo bo 'og ma bdag yid kyi rnam par shes pa de bzhin nyid la dmigs pa'i phyir/ 'du byed kyi shes rab dang mtshungs par thun mong gi lta ba lam du rigs pa'i shes pa la lta ba zhes brjod do/ /'dir rang byung ye shes tshogs kun bdag / shes rab spyan gyi mchog yin no/ /zhes pa/ tshogs brgyad rigs rgyud gzugs mtshan gnas kyis tha dad med par 'od gsal ba'o/ /rkyen dang rgyu med par ma 'gags par ye rang gsal bar rang byung ye shes te/ bltas ba med par de kho na nyid du gsal ba lta ba'i phul lo/ /lta ba'i ngo bo des ji ltar mthong snyam pa la/ rdo rje yid ni dbang samchog phyir/ zhes pa/ yid ye shes rdo rje ni shes rab kyi dbang po mchog ste gtan tshigs/ /lta ba med pa rang spya'i chos/ dbyer med phyogs lta'i 'dod bral ba/ zhes pa/ yul du lta ba med de rang rig phyi nang med phyir ro/ /rang dang spya'i mtshan nyid kyi chos su snang ba yang shes pa dang rnam ba tsam du dbyer med pas/ nang phyogs nas phyi ru bltas pa 'am/ phyi nas nang du blta ba'i 'dod chags dang bral bas de kho na nyid yul med par rig ba rang gsal ba'i gdeng brnyed pas thams cad mkhyen pa la/ zhes bas/ zhe 'dod du med pas/ ma nor rang gi mtshan nyid rtogs/ /shes gsungs so/ /de la g.yo theb brtan mthar phyin pa'i lam du gyur ba'o/ /lan brgyad pa ni/ gsum gnyis gcig gi the tshom spangs/ zhes pa/ dris lan bdun pa'i tshom dris pa rjes su bsam pa'i phyir/ dang po dngos dang gsal ba/ zhes pa/ tshig lngas gtar ka gnyis kyi gags bsal pa la/ snga ma sangs rgyas sems can dag /so so sems rgyud tha dad pa/ gcig na bdun la snga rtog skye ? zhes pa/ spyir sangs rgyas dang sems can rnams phyogs gcig pa'i gcig pa yin na bka' lung la mi snang ba dang/ don dang 'gal ba dang/ gtan tshigs kyis mi rgyas pa dang /rigs pas mi 'thang ba dang/ chos brtags ba skyi? dang 'gal pa bdun po kun la 'byung mod kyang/ skabs gnyis kyis gsang sngags ni spyi dang 'thun bar rigs pas mi 'thang pa'i skyon brjod do/ /sangs rgyas kyi thugs dang sems can gyi sems phyogs gcig pa'i ldog pa dang bcas pa yin zhe na/ rgyal ba bzhin du 'gro bas kyang thams cad mkhyen par 'gyur ba dang/ rtog pa med par 'gyur ba dang/ nyon mongs pa'i sdug bsngal mi 'byung bar 'gyur ba dang/ lam gyi chos la rag las mi dgos pa dang/ rgyal ba yang 'gro ba bzhin thams cad mi mkhyen pa dang/ rtog pa can du 'gyur ba dang/ nyon mongs pa sdug bsngal myong ba dang/ skyon bdun 'byung do/ /'gro ba drug gi sems can tha dad gcig na yang/ de bzhin sems rgyud brgyad la za/ zhes pa/ chos tha ma'i skyon 'byung ste/ 'gro ba drug po kun sems rang byung gi ye shes su gcig na yang/ 'gro ba gcig sangs rgyas na kun sangs rgyas bar riD pa dang /gcig ba ltung na kun bltung bar rigs pa dang/ gtsig shes ba chen kun che/ gcig shes pa chung na kun chung/ /gcig 'du shes rgya che na kun che/ /gcig 'du shes chung na kun chung /gcig rno na kun rno/ /gcig brtul na kun brtul/ gcig dog na kun deg /gcig yangs na kun yangs /gcig tshor ba gsal na kun gsal/ gcig mi gsal na kun mi gsal/ gcig dran pa gsal na kun gsal/ gcig mi gsal na kun mi gsal/ brgyad po de ltar the tshom za ba/ tha dad zhe na bdun gyis 'gal/ ces pa/ sangs rgyas kyi thugs dang 'gro ba'i sems tha dad na yang/ sangs rgyas sems can gnyis rang bzhin tha dad du 'gyur/ ngo bo tha dad du 'gyur bas 'brel pa med pas don byar mi btub/ 'gro ba sangs rgyar mi btub/ nyon mongs pa spang zhing sgrib ba byang du mi btub/ rgyal ba bstan pa la dgos pa med/ so sor rtag pa'i mthar 'gyur ba dang bdun no/ /sems can kun gyi rang gi ye shes tha dad na yang/ rang byung gi ye shes so so na yod ba'i phyir/ gcig gis gcig rig na gzhan 'byung du 'gyur ba dang/ des tshig med/ gcig gi gcig ma rig na/ ye shes su mi 'gyur ro/ /yul med par rig na dam bca' nyams/ shes pa'i rnam pa ye shes gzhan du snang ngo zhe na/ bdag gzhan gyi phyogs nas rnam pa cha gnyis yod pas bzung 'dzin du 'gyur ro/ /ye shes la rigs brgyud la sogs pa tha dad pa bdun 'ong bas du ma'i mthar 'gyur ro/ /de gsal ba ni/ de bas dgag dang sgrub med pa'i/ gcig dang du mar bral ba'o/ /zhes pa/ sangs rgyas dang sems can gcig dang du ma'i mdza' ma bkag la bral ba sgrub du med pa ni rig pa rang byung gi ye shes nyid gcig dang du ma dang bral ba dang ma bral pa kun yin pas/ bral ma bral dbyer med pa la shugs snang la dgag bsgrub ltar snang yang/ zhes 'dod la lhag ba'i dgag bsgrub med pas skyon de dag mi 'byung de/ /gsum pa 'khrul snang gzhi la yod med ston pa'i phyir/ gsum pa'i snga ma rtog skyon dgu /zhes pa/ 'khrul snang gzhi la yod na gzhi 'khor ba rang rgyud rtag pa'i skyon gyis sgrib pa mi 'byang/ 'ching bu dbes sangs mi rgya/ rgyal ba dang/ 'gro ba rigs rgyud tha dad 'byung/ bstan pa gsungs pa la dgos ched med/ mya ngan 'das pa'i snang ba 'gag /'khor ba mthar 'gyur/ 'grel pa med pas don byar mi tub/ gzhi'i chos dri ma can du 'gyur ba'o/ /phyi ma med pa'i the tshom dag skyon gyi dngos po bcu gnyis bzhi'o/ /zhes pa/ gzhi la 'khrul pa med pa yin na'ang/ lhan gcig skyes pa'i ma rig pa med pa'i skyon dang/ rang bzhin chad ba'i skyon dang/ mya ngan las 'das pa mthar 'gyur/ 'khrul snang 'gag /gzhi med pa la 'khor ba snang na/ 'khor ba la thog ma 'byung /rgyud dag ba yang 'khor sgrib pa sbyang mi dgos/ bstan pa le dgos ched med/ ye nas gzhi la med ba las snang na/ mu stegs chad pa'i snang bar 'gyur/ snga na med pa'i skyon dang/ gcig la gcig med pa'i skyon dang/ ye nas med pa dang bcu gnyis 'byung do// gzhi ni 'khrul snang yod med gnyis su med pa'i don dang 'gal/ bka' lung las mi snang ba/ gtan tshigs kyis ma rgyas pa/ de ltar rigs bas mi thad ba'o/ /zhor la shes ba'i khyad par bstan pa ni/ mi mkhas mkhas pa'i bsam pa ni/ zhes pa/ dbye na/ mi mkhas shin tu mi mkhas pa/ zhes pa/ mi mkhas pa'i bsam pa la gnyis te/ gang zhe na/ shin tu mi mkhas mthar lta ba'o/ /zhes pa/ mu stegs pa dang skye bo dag go /mi mkhas yod med brtsod byed cing dgag dang/ bsgrub pa gang byed pa/ de de de la chags sdang skye/ zhes pa/ ltos ba'i mi mkhas pa dag ni/ tshad ma tshul yod la brtsod/ sems tsam pa rnam pa yod med la brtsod/ dbu ma snang pa yod med la rtsod pa byed cing/ riD pa ma yin pa'i shes pa'i yul ched du 'gegs/ rigs pa'i shes pa'i yul sgrub par byed pa de ni/ sgrub pa'i don la blo chags/ dgag bya la zhe sdang bskyed pas/ blang dor med pa'i don ma mthong ba'i phyir mi mkhas pa'o 'o na mkhas pa gang zhe na/ mkhas dang shin tu mkhas pa ni/ zhes pa/ mkhas pa'i bsam pa dbye ba nye bar bstan pa'o/ /mkhas pa phal pa dgag bsgrub can/ sgrub pa'i don la brten par byed/ ces ba/ theg pa chen po dbu dang sems tsam pa'o/ /de yang gsang sngags la ltos na 'khrul pa'i phyir/ byas ba'i bzung 'dzin dpar gyur pa'i/ ma nor lam dang bral ba yin/ zhes pa'o/ /ched du dgag sgrub byed ba'i des pa 'jog pa'i rtog? ba skyes bas/ gsang sngags kyi lta ba dang bral ba'o/ /gsang sngags mi shin tu mkhas pa thams cad la/ /sems phyir dgag dang sgrub med/ zhes pa/ gsang sngags pa ni shin tu mkhas pa'i bsam pa ste/ bdag nyid chen po'i gtan tshigs kyis dgag sgrub ched du mi byed pa yang rtogs byed kyi thabs dam pa ste/ zhor la dgag sgrub can gyi lta ba 'gegs pa dang/ dgag sgrub med pa'i don sgrub pa yod mod kyang/ dgag sgrub med pa'i phyogs gcig pur khas mi len te/ don ni de dang rang rig rang snang phyir/ dgag sgrub med pa'i yid mi rten/ zhes pa/ dgag sgrub yod mod kyi chos thams cad rang rig pa yin pas/ dgag sgrub med pa'i don ched du dmigs pa yul du mi byed do/ /dgag sgrub gtan la 'bebs pa'i dus dang/ mnyam pa la bzhag pa'i dus gnyis ka ched du byed pa 'khrul pa'i phyir/ de phyir so so dgag bsgrub can/ bsgrub ba'i phyogs la zhen pa'i phyir/ de de med pa ga la mthong/ de bas rang gi brtags mthong yin/ zhes gsungs so/ /lan dgu pa zhar la bstan pa'i phyir/ de de skas gdang ji lta ba/ khyad par grangs dang dor ba med/ zhes pa/ rgyu'i theg pa de dang 'bras bu de skas gdan ltar khyad yod pa'i grangs mi 'dor bas/ bdun po'i skyon rgyu'i theg ba la grangs ji ltar brjed? pa ltar 'byung gi /'bras bu'i theg pa la skyon mi 'byung bar smos pa'o/ /dgos ched ni/ cha yod dug la mi rtub bzhin/ log lta gnyis su ga la 'gyur /zhes pa/ des de bzhin du rang bzhin log pa dang/ ltos pa'i log pa ltar gsang sngags mi 'gro ba'o/ /gnyis ba the tshom gsal ba'i phyir/ gnyis pa de ltar nyid la/ zhes ba/ grangs kyi gnyis pa de lta bur lhun grub dris pa/ grub pa'i tha snyad de ltar mtshon/ zhes ba/ lhun gyis grub pa phyogs gcig pa 'am/ phyogs med pa gang yin dris ba'o/ /ma grub grub na des tshig med /ces pa/ phyogs med na grub pa'i dang la rta la glang ma grub pa la sogs pa yang grub las/ grub pa gcig bu'i nges tshig med bar 'gyur ro/ /de ma grub na de bzhin no/ /zhes pa/ ma grub par brags pa'i chos lhun gyis ma grub na'ang/ ma grub ba'i chos ma rdzogs pas nges tshig med do/ /gzhan yang ma grub pa phyogs gcig par 'gyur bas yod mthar lta ba dang /bden pa mthong ba yang 'khor ba dang/ zhen bas 'tshang rgya ba dang/ dge sdig 'bras bu bsnol mar 'gyur ba yang grub dgos pa'i skyon du 'gyur ro/ /de gsal ba'i thabs ni/ de bas srid dang mi srid kun/ lhun grub phyogs su grub ba med/ zhes pa/ lhun grub kyi gtan tshigs kyis dge bas mtho ris su srid pa la sogs ba dang/ dge bas ngan song du mi srid ba kun yod med grub ma grub dbyed med ba la dgos? tshad kyis lhun grub du brjod kyis/ don grub grub por brjod pa med pas/ lhag pa'i lhun grub la skyon de dag mi 'gyud/ bzhi pa'i snga ma skyon drug gnyis/ shes pa/ ye sangs rgyas pa phyogs gcig pa cig rin chen gling dang/ nyi mas mtshon pa sgra ji bzhin du brtags na/ mya ngan las 'das pa mthar 'gyur/ sangs rgyas rigs brgyud can du 'gyur/ sgrib ba sbyang mi dgos/ tul? bas don byang med/ sgrub pa'i gang zag med pas lam mi dgos/ bstan pa gsungs pa la dgos tshad med/ 'khor ba'i snang ba 'gag/ gal te na brgyud pa yang 'khor/ 'khor ba la thog ma 'gyur/ gzhi la 'khor ba med la blo la yod na blo dang gzhi tha dad pa'i skyon 'ong/ tha mi dad na blo la yod pa bzhin du gzhi la yang yod par 'gyur/ de nyid dang gzhan du brjod du med pa yin zhe na/ de nyid ma yin pas gzhi la med kyang/ gzhan du brjod du med pa'i tshul gyis gzhi la yod par 'gyur/ sgrub sngags gnyis pa des ye nas sangs rgyas pa'i phyogs kyang min no/ /de bzhin phyi ma rjes su 'thun/ zhes pa/ gzhi sangs rgyas ma yin par 'khor ba yin zhe na/ skyon grangs phyi ma'ang snga ma'i rjes mthun te/ gzhi 'khor ba'i mthar 'gyur/ gzhi dri ma can du 'gyur/ 'gro ba rang rgyud par 'gyur/ don byed pa po med par 'gyur/ mya ngan 'das pa 'gag/ gal te mya ngan 'das pa la thog ma 'byung/ 'khor ba mdza' ma 'byung ste/ mdza' stod par 'gyur/ sgrib pa mi 'byongs par 'gyur/ 'khor ba rtags pa'i skyon dang/ 'brel ba med pas don byar med pa dang/ bstan pa gsungs pa la dgos ched med/ gzhi la 'khor ba yod na/ zhen blo dang khyad mi 'byung bar 'gyur ba dang bcu gnyis so/ /gnyis med zhe na dus gsum la/ zhes pa/ ye sangs rgyas pa yin men gnyis ka ma yin na'ang/ thung po gsum pa dang/ lung du ma bstan pa dang/ 'gal ba 'dus pa 'byung ngo zhe na/ de gsal ba ni gnyis med dang/ zhes pa/ rang rig la ni sangs rgyas dang sems can dbyer med na'ang/ 'di skad du/ bcings med rnam par grol med pa'i/ ye nas lhun rdzogs sangs rgyas chos/ shes gsungs pa'i don la/ dpe/ sman nyid sman gnod bdag gnas ltar/ ces pa/ sman cig kyang phan gnod gnyis ka'i ngo por gnas pa ltar/ ngo bo tha dad 'gyur ba med/ ces pa/ sems rgyal 'gro gang gi phyogs su ma gyur pas/ yin min lung du ma bstan pa'i skyon mi 'byung ngo/ /lam sa 'khrul gzhi yod med pa'i/ zhes pa/ chos nyid dang la 'khor gzhi yod med gnyis/ gnyis med dang gsum la gsum pa mtshon pa sgo? so sor bstan kyang/ don la gcig par ma shes pa dag yod pa rang rgyud pa dang/ med pa rnam dag phyogs gcig pa dang/ phyogs kyi gnyis med la 'khrul par smra na/ skyon ni gsum pa ji ltar grangs/ shes pa/ 'khrul snang yang med skabs su bshad pa dang mthun par bgrang ngo/ /de gsal ba ni/ mig yar gsum la dngos med 'dra'i/ chos yod bzhin pas/ shes pa/ 'khrul tu btub pa'i dpe ni/ tho yor dang sam mo dang thag pa la/ yang dag pa'i rta sbrul gyi sha khrag med kyang/ mi rta sprul dang 'dra ba'i chos yod pas 'khrul tu btub pa'i rkyen gzhis btub pa bzhin/ rang sems la/ de dngos med kyang rgyu rkyen drug/ rang bzhin lhun grub dpag bsam bzhin/ so sor snang ba/ zhes pa/ sems la 'khor ba rang rgyud med kyang me long gi g.ya' bzhin 'khor ba'i rgyu gnyis rkyen gzhis gnas pas snang du btub la/ dpag bsam shing la bsod nams che chung gis so sor snang ba ltar/ dag dang ma dag pa'i spyod yul du snang ngo/ /gzhi ma rig pa yang dag par rang snang ba dang/ lhan gcig skyes pa'i ma rig mtshungs par yod pa dang/ yod med dbyer med pas 'khrul gzhi med do yod do gnyis su med do/ /zhes pa bstan pa don gcig go /dus gsum du rgyun du 'khrul pa lhun grub pas/ shes pa/ dus dang 'khrul gzhi'o/ /'gro 'ong 'byung 'jug med snang ba/ gzhi yod med dang dbyer med mtshungs/ shes pa/ chu rlabs kyi tshul du 'gro 'ong med par 'khor bar snang ba'i gzhi yod med dbyer med du gcig pa la skyon med do/ /drug pa de ltar de bden na/ de la skyon du bya ba bdun/ zhes pa/ gong du 'khrul tshul bstan pa ltar bden to/ /yid med phyogs can las 'khrul tu btub na/ tho yor la rta ru 'khrul/ sam mo la mir 'khrul/ thag pa la rtar 'khrul par rigs/ mi srid pa'i chos gzhi 'byung bar rigs te/ dpe skyon bdun no/ /de bas 'khrul pa'i rang? bzhin 'khrul pa nyid du rtag na'ang/ 'khor ba gzhi la grub nas/ 'khrul pa'i rgyu rkyen gnyis la rag yi lus pa'i skyon gnyis/ 'khrul pa mi sangs pa'i skyon/ gang zag dgos pa rtsan du 'khor ba la mdza' mi 'ongs?/ bden pa mthong du mi btug chos nyid du ma 'dus shing ma khyab pa'i skyon 'byung ngo/ /de gsal pa'i thabs/ thams cad 'ching 'grol dbyer med la/ zhes pa/ gzhi la 'khrul ma 'khrul yod med kyi bsgro bskur med pa'o/ /gnyis mthong 'khrul bar blta ba'o/ /'khrul /zhes pa/ /rang bzhin ma nyams par blta ba'o/ 'khrul pa'o/ /de bas blang dang dor ma byed/ /bde sdug gnas su rig ma blta /zhes pa/ don gnyis med la lta spyod kyi gang ma dag ngag go? /bdun pa rang rig spyan yin na/ de la skyon bcu 'byung bar 'gyur/ zhes pa/ rang byung ye shes lta pa'i ngo bo yin na/ rang byung ye shes gcig pas gcig gis rtogs na kun gyis skyon 'byung/ skye mi 'byung/ rgyal ba dang 'gro ba khyad par med par 'gyur/ lam chad/ da lta nyid nas thams cad mkhyen par thal/ gzhir thal/ sgom mi dgos/ tshig dang yi ge la la dgos pa med/ gton la dbab mi dgos/ mngon shes ma bsgom par 'char bar 'gyur ba dang bcu'o/ /de gsal ba/ de bzhin nyid kyi ye shes 'di/ mi lnga bdag po kun gyi sems/ shes pa/ de bzhin nyid dang/ chos kyi dbyings dang/ mi gnas pa dang/ rang byung dang/ lhun gyis rdzogs pa'i ye shes dang lnga'o/ /ngo bo 'gro ba kun gyis sems so/ /rang spyi ji snyed ji lta ba/ rang yul med par nges gsal ba/ zhes pa/ lta ba'i don no/ /dpe ni/ nam mkha' i sprin mthongs 'od bzhin du/ zhes pa/ sbrin gang dag pa na/ nyi ma'i 'od dang nam mkha' gsal ba ltar/ rab ribs gang dag shes rab snang/ zhes pa/ log rtog tha dad pa'i bsam rgyud gang dag pa la rim par rang byung ye shes snang bas/ stobs rdzogs ma rdzogs kyi skyon med do/ /brgyad pa des mthong sgrib ba'i grangs/ /brgyad pa bsnyad pa yan? lag bcas/ shes pa/ don mthong ba la sgrib pa'i the tshom ste /de'i rtsa ba bdun la skyon gyi grangs brjod zin pa de bsdu na/ phyag rgya bzhi pa'i gzhir gyur pa/ nges par dos zin bya bar bsnyad/ ces pa/ 'di skad du /bka' don/ gtan tshigs/ rigs pa gzhi/ snang dang/ mi 'gal/ rgyas/ 'thad sbyar zhes pas don ngos gzung ngo/ la zla ba ni/ ma rig pa nyid ye shes gsal/ the tshom nyid kyang nges pa'i spyan/ log rtog nyid kyang ma nor yam/ de la mi mthun shes dang bral/ zhes pa/ gsum po rim pa rang snang phyir/ de dag gnyis su med par bstan pa la 'gal ba 'dus par brtag tu med pa'o/ /dgu pa 'jig rten 'das dang 'jig rten pa'i/ theg ba'i lta ba gral bgod? nga/ skas gdad lta bur bstan pa dag go /kun dang bdag dang bral ba'i phyir/ 'jig rten shes 'phags ci smos te/ zhes pa/ nyan thos yan cad kun 'jig rten pa'i bdag nyid med par 'phags mod kyang/ de dag nyid ni dgag dang sgrub/ zhes pa/ theg pa che chung nad pa gol ba man chog la yod pas khyad par ni/ rim par yod med khyad par dang/ ltos pas phye ba khyad par ni/ zhes pa/ 'jig rten las 'das pa'i theg pa rnams lta ba gtan la 'bebs pa'i tshe/ 'di skad du/ bdag spong bdag med bsgrub pa dang/ gzugs spang phyi stong bsgrub pa dang/ don 'gog sems tsam bsgrub pa dang/ mdza' spong mdza' bral bsgrub ba dang/ dri spong dag pa bsgrub pa dang/ mtshan 'gag mtshan med bsgrub pa dang/ blang dor 'gag med bsgrub pa dang/ rtsol spong rtsol bral bsgrub pa dang/ de dag kun kyang yod med bdag phyir/ dgag bsgrub rang gis mi byed pa'o/ /rim par phye ba'i khyad par ston/ mthong ba dag dang ma dag pa'i/ rim pas don gcig khyad par snang/ zhes pa/ lta ba ma dag pa'i byis pa gnyis so/ /ltos pa'i ma dag pa'i rjes su rnal 'byor man cad do/ /'o na dag pa chen po gang zhe na/ mthong ba dag pa kun mthong ba 'di/ zhes pa/ thams cad mkhyen pa'i lta ba'o/ /de yang 'di skad du/ sna tshogs theg pa'i lta ba dang/ ji snyed bsdom pa'i bya ba rnams/ spyad par bya ba ma yin yang/ ma 'dres yongs su rdzogs par gsal/ zhes 'byung bas/ ngo bo rang byung thams cad mkhyen pa dang/ rang bzhin lta ba thams cad dang/ mtshan nyid lta ba gang dang yang ma 'dres pa dang/ rtsal lta ba'i sgrib pa kun bcom pa dang/ byin rlabs lta ba kun 'byung ba dang/ yon tan lhag pa'i lha dang/ sangs rgyas thob pas/ go 'phang bla na med ba'o/ /bsngo ba tshogs kyi lung ni/ kun shes bzhin 'dra rab rib dri ma nyid/ zhes pa/ 'gro ba kun gyi shes rab kyis rang gi bzhin rang gis ma mthong ba ltar/ ma rig pas sgrib pa ni/ bstan pa'i me long mthong bsgom rang dag par/ 'gyur bas ma 'ongs de can ched bgyid pa'i dge rtsas bdag dang mdza' yas grol bar bsngo/ zhes pa/ bzhin la me long bstan pas/ dri ma mthong nas 'dag par byas pa bzhin/ 'phrul gyi tshig dgus bstan pa'i tshig gi sgron mas/ lta ba rtogs pa la bsgoms pas sgrib 'dag par 'gyur bas/ ma 'ongs pa bdag pas blo dman pa'i don du/ 'phrul gyi me long brtsams pa'i dags kyi sbyin pa'i dge rtsas/ mdza' yas pa theg pa chen por grol bar dmigs pa'o// //'phrul gyi me long dgu bskor la/ /rig pa'i me tog gis 'grel pa'o/ /slob dpon chen po bi ma las mdzad pa rdzogs so// // * //thugs kyi sgron ma bzhugs so// //