བོད་ཡིག

e-texts based on the ACIP/ALL Input

'jog dgos dang/ skad dod ma rnyed pa rnams sor bzhag ste/ bsgyur ba'i zhus te dag par bgyis pa'o// // !/ /dus kyi 'khor lo'i rtsis kyi man ngag bzhugs so// //rgya gar skad du/ kA la tsakra ga Ni ta mu kha de sha/ bod skad du/ dus kyi 'khor lo'i rtsis kyi man ngag /sangs rgyas la phyag 'tshal lo/ /sha ka'i lo 1091 kla klo'i lo 596? dag pa'i lo 369? ma dag pa'i zla ba'i tshogs 126 dag pa'i zla ba'i tshogs 4502 mi mkha' rgya mtsho 103 la legs pa gdengs can zla ba'i phri ba'i lhag ma'i lo 221 yang drug bcus phri ba'i lhag ma'i lo 41 dang por lo drug cu'i nang nas lo bcu dgu ma 'das par byas so zhes pa ni phyogs gcig gi rnam par rtog pa ste dang po'i lo'i d+h+ru ba ka 41 de bzhin gshegs pa'i dus nas lo drug brgya na 'jam dpal gyi dus so/ /de nas lo brgyad brgya na kla klo'i dus so/ /kla klo'i dus de las mkha' mkha' chu gter zla ba'i lo las brgya brgyad cu rtsa gnyis kyis dman pa las zla ba dang d+hU ba ka la sogs pa bya'o zhes pa man ngag go/ lo bcu dgu yang de la zhugs pa'i phyir tha dad du ma byas zhes so/ /dpal dus kyi 'khor lo la phyag 'tshal lo/ dus 'khor zhes bya gnyis med ba/ /dus kyi bdag nyid phyag byas nas/ /gti mug mun pa gzhig pa'i phyis/ /de yi sgro na mi rab gsal bya/ /'dir b+h+ru ba ka'i rang bzhin lo lnga brgya dang nyi shu rtsa gsum rnams ni rtag par mi 'gyur te/ /rab byung la sogs pa'i lo drug cu rdzogs pa na d+h+ru ba ka gzhan gsungs pa'i phyir ro/ /de bzhin du lnga brgya brgyad cu rtsa gsum du 'gyur ro/ /de ltar lo drug cu rdzogs pa na drug cu drug cu 'jug pa'i phyir nges pa 'di ni mi rtag go zhes shes par bya'o/ /de la yang lnga brgya dang nyi shu rtsa gsum gyi bdag nyid la da ltar gyi lo'i d+h+ru ba ka'i don du rab byung la sogs pa'i lo gzhug par bya'o/ /de la yang lnga brgya dang nyi shu rtsa gsum gyi bdag nyid la da ltar gyi lo'i d+h+ru ba ka'i don du rab byung la sogs pa'i lo gzhug par bya'o/ /rab byung la sogs pa'i lo drug cu rnams 'di ltar bsgrub par bya ste/ de skad du sha ka dbang po'i 'das lo rnams drag pos bsgyur zhing yang bzhis sgyur/ dgu brgyad zhi dang ldan byas nas/ /stong pa mnga' ri 'dod pas bgo /rnyed pa sha ka'i lo bcas pa/ /drug cus dag byas rab byung sogs/ /zhes pa 'di'i don ni 'di yin nam brtag 'di yin te/ sha ka zhes bya ba'i rgyal po 'das pa'i lo rnams bcu gcig gis bsgyur nas slar yang bzhis bsgyur bar bya'o/ /dgu brgyad bzhi dang ldan byas nas/ /zhes pa bzhi brgya dang brgyad cu rtsa dgu ldan par bya'o/ /stong pa mda' ri 'bod pas bgo /zhes pa khri sum stong bdun brgya lnga bcus bgos pa'i lhag ma phyis te rnyed pa dang lhan cig pa'i sha ka'i lo drug bcus bgos pa'i lhag ma ni/ rab byung la sogs pa'i lor 'gyur ro/ / rnyed pa ni rab byung la sogs pa'i lo drug cu rdzogs pa'i mtshan nyid yin pas mi gzung ngo/ /rab byung la sogs pa dang kla klo la sogs pa'i rim bas drug cu'i mthar thug pa'i rang rang gi ming ni rab tu grags pa dang gzhung mangs pa'i 'jigs par ma bris so/ /des na rab byung la sogs pa dang lhan cig lnga brgya dang nyi shu rtsa gsum ni kla klo'i lo ru rab tu grags so/ /de la brgya brgyad cu rtsa gnyis kyis dman pa'i lhag ma ni zla ba'i don du bcu gnyis kyis bsgyur bar bya'o/ /da ltar gyi zla ba'i don du nag ba la sogs pa'i zla ba ldan par bya ste de'i rim pa ni 'di yin no/ /sa ga'i zla ba nas brtsams te gcig la sogs pa bcu gcig gi mthar thug ba gzhug par bya'o/ /nag pa'i zla ba la ni lo ril po longs pas lo gcig bcug nas rtsi bar bya'o/ /zla ba'i tshogs 'di rnams kyang zla ba'i shol gzung ba'i phyir steng dang 'og gi ngo bos gnas gnyis su bya'o/ /'dir nyi ma rgyu ba'i dbang gis zla ba phyed bcas sum cu rtsa gnyis rdzogs pa na shol gyi zla ba gcig 'byung bas na zla ba phyed bcas sum cu rtsa gnyis po bzhis bsgyur bas brgya sum cur gyur la/ yang na gnyis kyis bsgyur bas drug cu rtsa lngar 'gyur ro// zla ba'i shol bde blag tu bzung ba'i phyir bzhi 'am gnyis kyis bsgyur ba'i rgyu mtshan gyis rgyu mtshan can bgo bya zla ba'i tshogs kyang bzhi 'am gnyis kyi bsgyur bas dag par rtogs par bya'o/ /rgyud dang 'grel pa ni mthun par bzhis bsgyur ba kho na'o zhes shes par bya'o/ /de'i phyir zla ba'i tshogs la brgya sum cu kho nas sngar bshad pa'i rim pas sam yang na drug cu rtsa lngas bgos pas thob pa ni shol gyis zla ba'i bdag nyid de steng du zla ba'i tshogs la bcug ste/ steng du zla ba'i tshogs zla ba dag pa'i bdag nyid bya'o/ /lhag ma ni ma rdzogs pa'i phyir mi bzung ngo/ /gang gis tshe lhag ma cung zad kyang ma lus pa de'i tshe zla ba gnyis pa 'phel te zla ba re re'i 'phel ba/ zla ba ril po dang ldan pa zla ba gnyis 'phel ba la slar yang shol gyi zla ba gcig 'byung ngo zhes nges par bya'o/ /de'i tshe zla ba gzhan zhig bcug ste /zla ba gnas gsum gyur pa zhes pa la sogs pa'i d+h+ru pa ka gsum la sogs pa bsgrub par bya'o/ /yang na 'das pa'i zla ba dang yang dag par 'brel ba'i d+h+ru ba ka gsum la rim pa ji lta ba bzhin gza' la gza' gcig dang/ /gza'i chu tshod sum cu rtsa gnyis dang/ ril po gnyis dang/ /ril po'i cha shas la gcig dang/ /skar ma la skar ma gnyis dang/ /chu tshod la chu tshod bcu gcig bcug ste/ shol gyi zla ba dang yang dag par 'brel ba'i d+h+ru ba ka gsum rtogs par bya'o/ zla ba gnyis 'phel ba'i zla ba ril po ni ma 'ongs pa'i zla ba dang yang dag par 'brel bar rtogs bar bya'o/ /dag pa'i zla ba'i tshogs so/ /da ni gza'i d+h+ru ba ka brjod par bya ste/ dag pa'i zla ba steng dang 'og gi ngo bos gnas gsum du bya ste/ steng ma gza'i bdag nyid dag gnas 'og mchu tshod kyi bdag nyid dang/ gnas bar ma zla ba so so'i gza'i chu tshod kyi don te/ de rnams sum cu rtsa gnyis kyis bsgyur nas 'og ma'i phung po lo drug gis bgos pas thob pa bu lon gyi bdag nyid yin pas chu tshod kyi dngos po las dbyi bar bya'o/ bgos pa'i lhag ma drug cus bsgyur nas drug gis thob pa chu sang gi bdag nyid yin pas sngar gyi thob pa'i 'og tu bri bar bya'o/ /lhag ma drug gis bsgyur nas drug gis bgos pas thob pa dbugs kyi bdag nyid yin pas de'i 'og tu bzhag par bya'o/ /chu srad? gcig ni dbugs drug gi bdag nyid kyi phyir sbyang bar bya'o/ /de nas steng dang 'og gi ngo bos gnas bzhir byas nas gza'i gnas kyi gza' ni chu tshod drug cu'i bdag nyid do/ /chu tshod kyi gnas ni chu srang drug cu'i bdag nyid dang/ chu srad gi gnas ni dbug drug gi bdag nyid du gnas so// des na dbugs drug tshad ba ni chu srang gcig gi bdag nyid du 'gyur ro/ /chu srang drug cu tshang? ba ni chu tshod gcig gi bdag nyid du 'gyur ro/ /chu tshod drug cu tshad ba ni gza' gcig gi bdag nyid du 'gyur te/ de ltar thams cad du rtog par bya'o/ nges pa 'di ni nub par byed pa la 'ongs pa ste/ nyi ma la sogs pa 'char bar byed pa'i don du steng gi phung por gza' gnyis nor dang/ 'og gi phur bor chu tshod sum cu nor du 'gyur ro/ /chu tshod kyi phung po drug cu'i cha thob ba steng gi phung bor 'gres nas steng phung po'o? bdun gyis bgos pa'i lhag ma ni gza' du 'gyur ro/ /lhag ma gcig la sogs pa ni nyi ma la sogs pa rab tu grags pa rnams so/ /rnyed pa ni gza''khor ba'i mtshan nyid yin bas mi gzung ngo/ /da ni gza'i bdag nyid kyi ril po'i d+h+ru ba ka brjod par bya ste/ ngag ba'i zla ba la brgya dang bcu gnyis bsres nas steng dang 'og gi ngo bos gnas gnyis su byas te/ gnas 'og ma brgya dang nyi shu rtsa drug gis bgos ba'i rnyed pa la lnga bsres te/ steng gi phung po gnyis kyis bsgyur ba la nor du sbyin par bya'o/ /gang gi phyir 'dir zla ba rgyu ba'i dbang gis zla ba brgya nyi shu rtsa drug na ril po gcig tu 'gyur bas ril po'i gnas su gcig lhag par 'gyur ro/ /gnas steng ma nyi shu rtsa brgyad kyis bgos ba'i lhag ma ni ril por 'gyur ro rnyed pa ni gza''khor ba'i ngo bo yin pas mi bzung ngo/ /brgya nyi shu rtsa drug gis bgos ba'i lhag ma ni ril po'i cha shas yin pas ril po'i 'og tu bzhag bar bya'o/ /da ni nyi ma'i d+h+ru ba ka brjod par bya ste/ dag pa'i zla ba steng dang 'og gi ngo bos gnas ba rnams/ /steng ma rgyu skar kyi bdag nyid dang 'og ma chu tshod kyi rang bzhin no/ /gnas par ma bcu gcig gis bsgyur te/ gnas 'og ma la sum cu rtsa dgus bgos pas thob par gnyis bsres rte gzhag pa ni chu tshod kyi rang bzhin no/ /lhag ma drug bcus bsgyur nas des bgos pas thob pa ni chu srang gi bdag nyid de /de'i 'og tu bri bar bya'o/ /lhag ma drug gis bsgyur te nges bgos pas thob pa ni dbugs kyi bdag nyid de/ de'i 'og tu bzhag par bya'o/ /chu srang dang dbugs kyi bdag nyid kyi rnyed pa dag la yang gnyis sred ba snga ma bzhin bya'o/ /sngar gyi chu tshod dbus ma'i chu tshod kyi gnas la sbyangs te/ chu srang dang dbugs ril po ni 'og tu phab la sbyar bar bya'o/ /zhes pa ni thams cad du spyi'i rigs pa'o/ /de nas dbus ma'i phung po chu tshod kyi bdag nyid las drug cu'i chas thob pa ni steng gi phung po gnyis kyis bsgyur ba la nor du 'gyur/ /de las nyi shu rtsa bdun du bgos pa'i lhag ma ni rgyu skar du 'gyur to/ /rnyed pa ni rgya skar gyi 'khor lo yongs su 'khor ba'i mtshan nyid yin pas mi bzung ngo/ /gnas 'og ma ni snga ma bzhin chu tshod kyi bdag nyid du 'gyur te/ dag pa'i zla ba'i d+h+ru ba ka'o/ /gang gi tshe rtsis la le lor gyur ba de'i tshe gza' la gza' gcig dang/ gza'i chu tshod la chu tshod sum cu rtsa gnyis dang/ ril po la ril po gnyis dang ril po'i cha shas la ril po'i cha shas gcig dang/ skar ma la skar ma gnyis dang skar ma'i chu tshod pa cu gcig rnams zla ba re re la sbyin par bya ste/ ma dag pa'i gza' la sogs pa'i d+h+ru ba ka'o/ /da lta ba'i gza' la sogs pa dag pa bya ste/ dkar po'i chos gcig nas brtsams nas ji srid gnam stong gi mthar thug pa nyi ma sum cu zla ba'i rkang pa la sogs pa'i rim pas gza' ro 'phel bas gza' la gza' ris po sbyin zhing/ gza'i chu tshod la chu tshod kyi rang bzhin rnams dgri'o/ /gal te 'bri zhing sbyangs? pa'i rang bzhin la gza'i chu tshod ma langs pa de'i tshe/ gza' gcig chu tshod drag cur byas te 'og tu phob nas sbyang bar bya'o/ /zhes pa thams cad du rig par bya'o/ /gang gi tshe yang phab pa'i gza' zla ba'i rkang pa dang nyi ma'i rkang pa? ? sogs pas nor dang bu lon du byas pa la phab par gyur pa chu tshod drug cur ma longs pa de'i tshe tshos da ltar ba de chang ngo zhes rig par bya'o/ /de'i tshe chos de der nas ma 'ongs pa'i chos byin nas bya ba thams cad bya'o/ /gang gi tshe yang rtsis kyi dbang gi chu tshod drug tu lhag par gyur pa de'i tshe de lhag go zhes rig par bya'o/ /de'i tshe yang chu tshod drug nu ni da ltar ba'i gza''khri bar bya'o/ /chu tshod lhag pa ni ma 'ongs pa'i gza' la bri bar bya'o/ /ji srid chu tshod lhag pa nas chad pa'i bar du'o/ /chu tshod lhag pa dang chad pa rnams ni mthun mong gi rigs pas mnyam pa kho nar 'gyur ro/ /tshogs kyi cha la bcu bzhis bgos pa'i rnyed pa mnyam na nor dang mi mnyam na bu lon du rtog par bya'o/ /de la gcig ngang gsum ni cha ni mi mnyam pa lta bu lon no/ gnyis dang bzhi'i cha ni mnyam pa ste nor du rtogs par bya'o/ /rnyed pa med na'ang mnyam pa ste gza' dang chu tshod rnams su nor dang bu lon gyi 'phel 'grig rtogs par bya'o/ /'dir yang lnga la sogs pa'i rnyed pa ni med de/ gang gi phyir ril po la nyi shu rtsa brgyad kyis bgos pa na/ nyi shu rtsa bdun las lhag pa'i lhag ma med la/ de la tshes sum cu sbyin yang lnga bcu rtsa bdun las lhag pa yod pa ma yin zhing/ /ro la bcu bzhis bcad pa'i rnyed pa bzhi kho nar 'gyur ro/ /bcu gnyis bgos pa'i rnyed pa ni rkang pa so so la nor dang bu lon du 'gyur bas mi gzung ngo/ /bgos pa'i lhag ma ni zla ba'i rkang pa so so rtogs par byed ste/ gcig la sogs pa bcu gsum gyi mthar thug par rtog par bya'o/ /zla ba'i rkang pa rtogs par byed pa lhag ma gcig la sogs pa bcu gsum gyi mthar thug pa byis nas rim pa ji lta ba bzhin du zla ba'i rkang pa'i gnas rnams rtogs par bya'o/ /de la bcu bzhis bgos pa'i lhag ma gcig gam bcu gsum la zla ba'i rkang pa lngar shes par bya'o/ /de bzhin du gnyis sam bcu gnyis la bcu'o/ /gsum dang bcu gcig la bcwo lnga'o bzhi dang bcu la bcu dgu'o/ /lnga dang dgu la nyi shu rtsa gnyis so/ /drug dang brgyad la nyi shu rtsa bzhi'o/ /bdun la nyi shu rtsa lnga'o/ /de la yang nyi ma'i rkang pa las byung ba'i sbyin pa'i dor ba ni nyi ma (bzhin te/ gal te ni ma la) sbyin na ni 'di la yang sbyin no/ /gal te nyi ma la dor na ni 'di la yang 'dor ro/ /da ni sngar bshad pa'i zla ba'i rkang ba 'char ba rnams kyis bsgyur ba'i bya ba bde blag tu yongs su shes par bya ba'i phyir so sor brjod par bya ste/ de la ril bo la bcu bzhis bgos pa'i lhag ma stong pa la ni sbyin pa'i dor ba ci yang med do/ /'on kyang ril po'i cha shas gza'i rkang pa dang po'i mtshan ma lngas bsgyur nas brgya nyi shu rtsa drug gis bgos pa'i rnyed ba zla ba'i gza'i rkang pa dang lhan cig bas bar bya'o/ /lhag ma ni drug cus bsgyur te bgos pas rnyed pa chu srang gi bdag nyid yin pas gza'i rkang pa'i 'og tu bri bar bya'o/ /lhag ma drug gis bsgyur te nges bgos pas thob pa ni dbugs kyi tshogs te/ de'i yang 'og tu bzhag par bya'o/ /'chad par 'gyur ba rnams la yang bkod pa de ltar shes par bya'o/ /lhag ma gcig lus pa na rkang pa'i mtshon byed phyis nas de'i gnas 'og ma rgyu ba'i rkang pas rgyu par bya ste /sngar bshad pa'i rig pas so/ /lhag ma gnyis lus na gnyis po phyis nas gza'i rkang pa snga ma dang lhan cig shes par bya'o/ /ril po'i cha shas ni sngar bshad pa'i rigs pas de'i gnas 'og ma lngas bsgyur bar bya'o/ /bcu bzhis bgos pa'i lhag ma gsum la ni gza'i rkang pa snga ma bcu dang lhan cig bcwo lnga'o/ /ril po'i cha shas ni snga ma bzhin de'i gnas 'og ma bzhis bsgyur bar bya'o/ /lhag ma bzhi la ni snga ma gsum dang lhan cig bcu dgu ste/ /ril po'i cha shas ni snga ma bzhin de'i gnas 'og ma gsum gyis skyur? bar bya'o/ /lhag ma lnga la ni snga ma bzhi dang lhan cig nyi shu rtsa gnyis te/ ril po'i cha shas ni snga ma bzhin gnyis kyis bsgyur bar bya'o/ /lhag ma drug la ni snga ma lnga dang lhan cig nyi shu rtsa bzhi ste/ ril po cha shas ni snga ma bzhin gcig gis bsgyur bar bya'o/ lhag ma /bdun la ni snga ma drug dang lhan cig nyi shu rtsa lnga ste ril po'i/ cha shas ni de'i gnas 'og ma gcig gis bsgyur nas brgya nyi shu rtsa drug gis tho pa chu srang la sogs par byas nas gza'i rkang pa nyi shu rtsa lnga las bu lon dbrog par bya'o/ /lhag ma brgyad la ni thams cad du rkang pa'i mtshon byed kyi mtshan ma phyis nas spyang zin pa'i rkang pa rnam dor te /ma spyang pa'i rkang pa'i gnas drug la gnas pa nyi shu rtsa bzhi po rnams gza'i rkang pa la bre par bya'o/ /thams cad du bar gyi ri mo rgal nas rim min la ni 'das shing spyad zin pa'i gza'i rkang pa rnams dor te /ma spyad pa rnams bsdoms nas dgod par bya zhing/ rim pa la ni dbus kyi ri mo'i bar sbyang zin pa'i rkang ba'i gnas rnams gza'i rkang pa la bsres nas dgod bar bya'o/ /khyad par ni ril po'i cha shas rim pas bgrod pa la spyad zin pa'i gza'i rkang pa'i gnas las 'og gi gza'i rkang pas bsgyur bar 'dod la/ de la brgya nyi shu rtsa drug gis thob ba gza'i rkang pa dang ji ltar rigs par bsre bar bya'o/ /rim min du bgrod pa la ril bo'i cha shas ni spyad zin pa'i de ma thag pa'i steng na gnas pas bsgyur te/ de brgya nyi shu rtsa drug gis bgos pas thob ba gza'i rkang ba ji ltar rigs par bu lon dbrog par bya'o/ /lhag ma bcu gcig la ni ma spyad pa'i gnas gsum la gnas pa bco lnga'o/ /lhag ma bcu gnyis la ni ma spyad pa'i gnas gnyis la gnas pa bcu'o/ /lhag ma bcu gsum la ni ma spyad pa'i gnas gcig la gnas pa lnga'o/ /bcu bzhis bgos pas gza'i rkang pa stong pa la gnas na sngar bshad pa nyid rigs so/ /nyi ma'i rkang pa las byung ba ni phyogs 'di la yang mthun mong du sbyin ba dang dor ba nyid de/ /de dag gza'i rkang pa dang 'dra bar sngar bshad pa'i rig bas mnyam pa dang mi mnyam ba'i bgrod pa la gza' dang chu tshod rnams su sbyin pa dang dor ba rtogs par bya 'o/ /gza'i rkang pa 'di rnams byis pa'i skye bo rnams kyis mthong bar bya ba'i phyir bris te/ gza' dang tshes dang skar ma dag pa'o/ /da ni nyi ma so so'i nyi ma dag pa brjod par bya ste/ skar ma'i d+hU ba ka la dkar po'i tshes gcig nas brtsams te nyi ma sum cu rnams su re re 'phel bas tshes de/ bzhis bsgyur zhing de la gsum cho de'i gyis cha chu srang nyi shu dag gis bsres te/ tshes dang po la chu tshod bzhi dang chu srang nyi shu 'byung 'dir chu srang gcig chad pas cung ma dad pa de d+hu bka' i skabs su gnas dbus ma bcu gcig gis bsgyur bas sogs te dag par 'gyur bas chad ba'i skyon med do/ /da dung dbugs lnga dang 'dod cha brgyad kyis ma dag ba'i cha yod do/ /ba de yang skar ma'i d+h+ru ba ka la bcug ste/ nyi ma re re la 'phel ba de bzhin bya'o/ /yang na chu tshod bzhi dang chu srang nyi shu rtsa gnyis bcug ste 'di nyid dag go zhes bstan to/ /yang na grub pa'i mdza' i rigs pas chu tshod bzhi dang chu srang nyi shu rtsa drug dang dbugs gnyis te de yang ma dag pa'i nyi ma'i longs spyod kyi bdag nyid kyi d+h+ru ba ka'o/ /snga ma dang phyi ma'i ngo bos gnas gsum du bzhag 'di gza' lnga la mkho ba'i nyin zhag gi nyi dag bsgrub tshul lo/ /nas gcig la khyim gsum gyi bdag nyid rgyu skar drug dang chu tshod bzhi bcu rtsa lnga dbyi bar bya'o/ /de ltar na lug la sogs pa'i khyim gsum sbyangs ba'i phyir nyi ma skyes pa'i khyim karka Tar 'gyur ro/ /bya ba lhag ma ni gza' bkra shes kyi ji lta ba bzhin du nyi ma la yang shes par bya'o/ /'on kyang bkra shis dang gza'i rkang pa rnams tha dad te nyi ma'i gza'i rkang pa rnams ni drug dang bzhi dang gcig ste dang po karka Ta la drug go/ gnyis pa seng ge la bzhi'o/ /gsum pa bu mo la gcig go/ de nas lugs las bzlog pas bzhi pa srang la gcig go/ lnga pa sdig pa la bzhi'o/ /drug pa gzhu la drug go/ chu srin la sogs pa la yang de lta bu nyid du rtogs par bya'o/ /de la rkang pa'i gnas su shar ba gang yin pa de'i rkang pa'i gnas kyi de ma thag pas lhag ma rnams bsgyur te/ chu tshod kyi gnas la sogs par nor dang bu lon du bya ste/ brgya sum cu rtsa lngas bgos pa'i rnyed pa gcig la sogs pa ni nyi ma'i longs spyod kyi bya ba bgrod pa 'gro ba'i dbang las rkang pa'i gnas drug la sogs pa la nor ram bu lon du 'gyur te/ de yang chu srin la sogs pa la nor dang karka Ta la sogs pa la bu lon no zhes pa mdor bsdus pa ste/ rgyas par ni u sang+ga lar 'chad do/ /zhes po 'di ni nyi ma so so'i nyi ma dag pa'o/ /byed ba la brjod pa'i tshogs ni dag pa med do/ /byed pa la brjod pa'i tshig yang 'di yin to/ /karka TA'i phyogs dang po la chu tshod gsum bu lon no/ /karka Ta'i phyogs gnyis pa la drug go/ /de bzhin dug seng ge la/ phyogs dang po la brgyad dang bcu'o/ /phyi ma la bu mo la dang po la bcu 1 dang phyi ma la bcu gcig go /srang gi dang po la bcu gcig dang bcu'o/ /phyi ma la sdig pa dang po la la brgya phyi ma dang drug go /gzhu la gsum dang stong pa phyi ma ste bgrod pa'i mthar ro/ /de bzhin du chu srin la sogs pa la nor te byed pa la grub pa'i mdza' i dgongs pa'o/ /de lta bu ni zla ba drug gi phyogs la nyin mor byed pa rgyu ba'i zla ba 'pho ba'i dbye ba rnams so/ /da ni zla ba dag pa dang po brjod par bya ste/ rgyu skar gyi d+hu ba ka la tshes gcig la sogs pa nas gnam stong gi mthar thug pa tshes gsum cu pa rnams rgyu skar gyi gnas su nyi ma so sor rgyu skar re re 'phel bas rgyu skar 'phel ba'i don du ches de sbyin par bya'o/ /tshes de rnams gnas gzhan du byas te chu tshod kyi bya ba la drug gis bsgyur te sngar gyi chu tshod kyi rang bzhin de rnams gza'i chu tshod dag pa dang ldan par bya'o/ /slar yang de ltar gyur pa rnams kyis rgyu skar gyi d+h+ru ba ka'i chu tshod la sogs pa gnas ji lta ba bzhin du dman par bya'o/ /de ltar na zla ba'i longs spyod kyi chu tshod la sogs pa de rnams dag par 'gyur ro/ /rgyu skar gyi d+h+ru ba ka'i steng du gnas pa nyi ma so sor re re 'phel ba bcug ste/ nyin mor byed pa'i rgyu skar ril po dang zla bas longs spyad pa'i rgyu skar ril por 'gyur ro/ /rkang pa ni rgyu skar gyi d+h+ru ba ka'i chu tshod la sogs pa rnams kyis dman par bya ba'i phyir de rnams dman par bya'o/ /chu tshod la sogs pa ma longs pa na bu lon gyi chu tshod la sogs pa de ltar lhag par 'gyur ro/ /de'i tshos rtsis kyi dbang gis chu tshod sbyang bar bya ba na de la chu tshod? drug cu byin nas sngar bshad pa'i bu lon sbyang bar bya'o/ /rgyu skar gyi d+h+ra ba ka la yang rgyu skar gcig phyin te/ rim pa ji lta ba bzhin du ma 'ongs pa'i rgyu skar chad du zhes rig par bya'o// de nas yang rim pa ji lta ba bzhin du bsgrod de/ 'das pa'i rgyu skar dor nas ma 'ongs pa'i rgyu skar bri bar bya'o/ /de nas gzhan gyi bu lon sbyangs te lhag ma'i chu tshod la sogs pa bri bar bya'o/ /gang gi tshe yang rtsis kyi dbang gis sbyangs pa'i lhag ma'i chu tshod drug cu lhag par gyur pa de'i tshe rgyu skar gyi chu tshod 'phel lo zhes rtogs par bya'o/ /de'i tshe yang 'das pa'i rgyu skar las gzhan pa'i chu tshod drug cu bri bar bya'o/ /lhag pa'i chu tshod ni ma 'ongs pa'i rgyu skar las gzhan du bri bar bya'o/ /ji srid rtsis kyi dbang gi lhag pa dang chad pa'i bar du'o/ /chad na ni de'i rim pa ji lta ba kho na'o/ /gang gi tshe lhag pa dang bcas pas chu tshod de drug cu'i mthar thug par 'phel ba de'i tshe rgyu skar gcig 'phel lo zhes rig par bya ste/ de'i tshe yang ma 'ongs pa'i rgyu skar la chu tshod drug cu dri par bya'o/ /ji srid rim pa yongs su dman pas chad pa de dang de la go rim ji lta ba nyid do/ /da ni sel ba la sogs pa sbyor ba nyi shu rtsa bdun gsal bar bya ste/ rgyu skar gyi d+h+ru ba ka la gnas pa'i rgyu skar rnams kyi mtshan ma dang zla bas spyad pa'i rgyu skar rnams bsras par gyur pa la nyi shu rtsa bdun gyis spangs pa'i lhag ma ni sel ba la sogs pa rnams so/ /da ni gdab pa la sogs pa'i byed pa bdun brjod par bya ste/ dkar po'i chos gcig la sogs pa gnam stong gi mthar thug pa chos sum cu po re re bzhin 'phel ba gnyis kyis bsgyur te/ gcig dang bral ba la bdun gyis bgos pa'i lhag ma ni gdab pa la sogs par 'gyur ro/ /bdun gyis bgor ma btub pa la mtshan ma gcig dang bral ba yang gdab pa la sogs pa nyid du 'gyur ro/ /de ltar na gza' dang tshes dang skar ma dang/ sbyor ba dang byed ma yan lag lnga pa rnams te/ gza' ni nyi ma la sogs pa rab tu grags pa bdun no/ /tshes ni dkar pa dang nag po'i phyogs bco lnga bco lnga rab tu grags pa rnams so/ /rgyu skar ni tha skar la sogs pa nyi shu rtsa bdun rab tu grags pa rnams so/ /sbyor ba yang sel ba la sogs pa nyi shu rtsa bdun nyid do/ /byed pa ni gdab pa la sogs pa bdun te/ dkar po'i tshes gcig gi phyed phyi ma la gdab pa'o/ /gnyis kyi phyed snga ma la byis pa can no/ /phyang phyi ma la rigs can no/ /gsum gyi phyed snga ma la til brdung ngo/ /phyed phyi ma la khyim skyes so/ /bzhi'i phyed snga ma la tshong pa'o/ /phyed phyi ma la bi Sh+Ti'o/ /de bzhin du nag po'i bcu bzhi'i phyed snga ma la biSh+Ta'o/ /phyed phyi ma la bkra shis so/ /gnam stong gi phyed snga ma la rkang bzhi'o/ /phyed phyi ma la klu'o/ /dkar po'i tshes gcig gi phyed snga ma la mi sdug pa'o/ /phyed phyi ma la slar yang gdab pa'o/ /de ltar na byed pa bcu gcig ste yan lag lnga'i rim pa'o/ /skar ma tha skar la sogs pa'i rkang pa dgu dgu ni lug la sogs pa'i khyim rab tu grags pa bcu gnyis po rnams so/ /'di rnams lnga rim pa bzhin du mig dmar dang lug /pa sangs dang/ klad? gza''khrig pa/ lhag dang/ zla ba dang/ /karka Ta nyi ma dang/ seng ge gza' bu mo lhag dang/ pa ba sangs dang/ srang/ 'ug dang sdig pa'i yig dmar zhim glang dang srang ni bsangs zhing/ 'khrig ba bu mo gza' lhag zhing/ zla ba'i zhing ni karka Ta/ nyi ma'i zhing ni seng ge'i khyim zur? bu'i? zhing ni gzhu dang rda? chu srin bus pa'i zhing bdag sde rA? de ltar gza' bdun khyim la dbang mig dmar rig? pa dang/ phu ra bu dang/ gzhu/ spen pa chu srin dang/ spen pa bum pa dang/ phur bu rnams ni zhing can no/ /da ni lo 'pho ba'i d+h+ru ba ka brjod par bya ste/ dag pa'i lo la brgyad bsres te bzhi brgyas bsgyur nas brgyad bses pa'i byed pa'i los dman par byas pa sum brgya bcu bdun gyis bgos pa'i lhag ma ni gzar 'gyur ro/ /bgos pa'i lhag ma chu tshod? kyi don du drug cus sgyur te sngar bshad pa sum brgya bcu bdun nyid kyis bgos pas thob pa ni chu tshod du 'gyur ro/ /de la bkra shis la sogs pa'i nges pa nyi ma la sogs pas byed pa'i don du gza'i gnas su gnyis dang chu tshod kyi gnas su sum cu sbyin par bya'o/ /drug cus bgos pas thob pa ni gzar 'gyur ro/ /bdun gyis bgos pa'i lhag ma ni gza'i gnas su gza' ste lo 'pho ba'i zla ba la 'gyur ro zhes pa rig par bya'o/ /da ni lug la sogs pa'i 'pho bar snon ba la snon byed bcu gnyis kyi lo'i d+h+ru ba ka brjod par bya ste/ lug dang glang dang 'khrig pa dang karka Ta dang seng ge dang bu mo rnams la gza'i rim pas 'gyur ba las thong mar lug la gnas su gcig dang chu tshod kyi gnas su lnga bcu rtsa bdun no/ /de la gza'i gnas su lo'i d+h+ru ba ka dang lhan cig bsnan pas gzar 'gyur ro/ /gza' des lug gi 'pho ba'o/ /srang dang sdig pa dang gzhu dang chu srin dang bum pa dang nya rnams la rim pas 'gyur ba las mthar? nyal? gza'i gnas su nam mkha' dang chu tshod kyi gnas su chu tshod de lnga bcu rtsa gnyis rnams kyis chu tshod do zhes pa thams cad du rig par bya'o/ /gza' la bzhi dang chu tshod du lnga bcu rtsa gsum ni glang la'o/ /'khrig pa la gza' gcig dang chu tshod bcu bdun no// karka Ta la gza' bzhi dang chu tshod lnga bcu rtsa gsum mo/ /sang ge la gza' gcig dang chu tshod nyi shu rtsa gnyis so/ /bu mo la gza' bzhi dang chu tshod nyi shu rtsa bzhi'o/ /srang la gza' drug dang chu tshod lnga bcu rtsa gcig go /sdig pa la gza' gcig dang chu tshod bzhi bcu rtsa bdun no/ /gzhu la gza' gsum dang chu tshod bcu drug go /chu srin la gza' bzhi dang chu tshod sum cu rtsa bdun no/ /bum pa la gza' drug dang chu tshod bzhi bcu'o/ nyal gza' stong pa dang chu tshod lnga bcu rtsa gnyis te 'pho ba'i tshul gyi byed pa shes par bya'o/ grub pa'i mdza' la yang 'di 'pho ba'i longs spyod du mi 'gyur te/ 'on kyang sngar bshad pa'i tshogs chu tshod bzhi dang chu srang nyi shu rtsa gnyis nyi ma so sor gcig la sogs pa 'phel ba skar ma'i d+h+ru ba ka la sbyin nas nyi ma'i sha/ nas su 'pho ba dag pa yod do/ /zhes nges par bya'o/ /zhes bya ba 'di ni rig pa'o/ /lo'i d+h+ru ba ka gcig pu 'di nag pa la sogs pa nas brtsams te lo gzhan la yang lo gzhan gcig bcug ste d+h+ru ba ka gzhan gang yin pa de yis 'pho ba nges pa'o/ /yang na byang du bgrod pa'i zla ba dang po la nyi ma bcu'i bar du brtag par bya ste/ phur bu'i grib ma gang las phur bu'i grib ma 'jug pa nas brtsams ste nyi ma byang du 'pho ba'i nyin mo'i nyi ma de'i gza' dang/ de'i tshes dang de'i sbyor ba dang de'i byed pas so/ /de la nyin mo'i nyi ma'i longs spyod la rgyu skar gyi gnas su nyi shu dang chu tshod kyi gnas su bco lnga'o zhes rtsa ba'i d+h+ru ba ka'o/ /d+h+ru ba ka de la nyin re bzhin nyi ma'i dkyil 'khor nyin bzhag gis thob pa bcug ste de nas sngar bshad pa'i tshogs nyi ma'i rkang pa rnams sbyang bar bya'o/ /nga ni nyin zhag gi dkyil 'khor bgrod pa'i tshad brjod par bya ste/ sum brgya dang drug cu gnas gnyis su byas nas gnas 'og ma gnyis kyis bsgyur nas drug cu rtsa lngas thob pa steng du gzhug par bya'o/ /lhag ma drug cus bsgyur nas de yis bgos pas thob pa chu tshod de steng gi phung po'i 'og tu bri bar bya'o/ /yang lhag ma drug cus bsgyur nas de yis bgos pas thob pa chu srang ste/ de'i yang 'og tu'o/ /lhag ma drug gis bsgyur nas de yis bgos pas thob pa dbugs te de'i yang 'og tu'o// de ltar bsgrubs pa'i nyin zhag la sogs pa rnams dbugs kyi phung por byas pa gnas gsum du gzhag ste/ bdun brgya dang bdun gyis bgos pa'i rnyed pa rnams dbus ma'i phung po la nor du 'gyur ro/ /dbus ma'i phung po la drug cu rtsa bzhis bgos pas thob pa ni stong gi phung po la bu lon du bya'o/ /lhag ma rnams ni rim pa ji lta ba bzhin du nyin zhag la sogs par shes par bya ste/ nyi ma'i dkyil 'khor gyi nyin zhag dag pa'o/ /da ni nyi ma'i nyir/ zhag gi rnam par dbye ba brjod par bya ste/ rgyu skar gyi 'khor lo drug cus bsgyur ba las dkyil 'khor gyi nyin zhag gis thob pa chu tshod la sogs par 'gyur ro/ /de bzhin du gzhan rnams la yang rang rang gi dkyil 'khor gyi nyin zhag gis gnas ji lta ba bzhin tu bgos pas thob pa ni nyin zhag la spyod par rig par bya'o/ /zla ba'i nyin zhag la spyod pa'i 'khor lo'i chu tshod gzhan no/ /nyi ma'i zla ba brgya dang sum cu rtsa gsum gyi bdag nyid kyi spyad pa bsres pa rnams la nyin zhag sum cus bgos pas thob pa'i bdag nyid ni chu tshod dang chu srang dang dbugs nyin zhag gi dkyil 'khor ji srid pa de nyin zhag la spyod pa rnams kyis bsgyur bas rgyu skar gyi 'khor lo longs pa de rnams dkyil 'khor gyi nyin zhag tu rig par bya'o/ /nyin zhag dang chu tshod dang chu srang rnams so/ /bkra shis kyi nyin zhag gi dkyil 'khor ni drug brgya brgyad cu rtsa bdun dang chu tshod gcig chu srang bzhi bcu rtsa bzhi'o/ /gza' lhag gi dbyug gu dang chu srang gi nyin zhag gi dkyil 'khor ni brgyad stong bdun brgya dgu bcu rtsa bdun no/ /bla ma'i nyin zhag gi dkyil 'khor ni bzhi stong sum brgya sum bcu rtsa gnyis so/ /pa sangs kyi nyin zhag gi dkyil 'khor ni nyis stong nyis brgya bzhi bcu rtsa bdun no/ /spen pa'i nyin zhag gi dkyil 'khor ni/ khri bdun brgya drug cu rtsa drug go /sgra gcan gyi nyin zhag gi dkyil 'khor ni drug stong dgu brgya'o/ /mjug rings ni nyi ma dang lhan cig rgyu ba'i phyir nyi ma'i dkyil 'khor gyi nyin zhag rnams kho na'o/ /nyin zhag la spyad pa rnams ni rang rang gi nyin zhag gi dkyil 'khor rnams kyis rgyu skar gyi 'khor lo las sngar bshad pa'i rigs pas thob pa rnams so/ /bkra shis kyi dbyu gu dang/ chu srang dbugs dang/ gza' lhag gi chu srang dang/ bla ma'i chu srang dang/ dbugs dang pa sangs kyi chu srang dang/ dbugs dang spen pa'i chu srang dang sgra gcan gyi dbyug gu dang dbyugs phyed dang mjug rings kyi nyi mas spyad pa nyid do/ /da ni nyin mo dang mtshan 'dir nyin mtshan 'phe ba 'grib kyi tshad brjod par dam bcas nas sgra gcan gyi rtsis bshad snang ba rgya de'i yi ge chad par snang mo dag gi lho dang byang du bgrod pa'i phel 'grib brjod par bya ste/ byed pa'i zla ba la brgya dang nyi shu rtsa gnyis bsres te phyogs kyi phung po'i don du gnyis kyis bsgyur nas nya'i longs spyod kyi don du phyogs kyi rang bzhin gcig bsre zhing gnam stong gi longs spyod kyi don du phyogs kyi rang bzhin gnyis bsres pa la/ sgra gcan gyi phyogs kyi rang bzhin bzhi brgya dang drug cus bgos pa'i rnyed pa rnams dor nas lhag ma rnams rgyu skar gyi don du nyi shu rtsa bdun gyis bsgyur nas bzhi brgya drug cus bgos pas thob pa ni skar mar 'gyur ro/ /snga ma bzhin du drug cu la sogs pa rnams kyis bsgyur nas 'di nyid kyis bgos pa ni chu tshod la sogs par 'gyur ro/ /nyin zhag gi rgyu skar 'dis 'khor lo la lhag mar byas pa ni sgra gcan gyi gdong du 'gyur te/ /tha skar la sogs pa'i rgyu skar la longs spyod par 'gyur ro/ /'khor lo phyed bsras pa ni sgra gcan gyi mjug mar 'gyur ro/ /da ni bkra shis la sogs pa rnams rgyu skar la longs spyod pa'i don du nyin zhag gi rtsis brjod par bya ste/ byed pa'i zla ba rnams nyin zhag gi rtsis kyi phyir du sum cus bsgyur nas nyin zhag tu 'gyur ro/ /de rnams da ltar ba'i don du sngon ma'i nyi ma gcig la sogs pa dang bcas pa gnas gsum du byas te/ 'og gi phung po la bdun brgya dang bdun gyis thob pa dbus ma'i phung po la nor du sbyin no/ /dbus ma'i phung po la yang drug cu rtsa bzhis bgos pas thob pa gang yin pa nga yis steng gi phung po la dman par byas pa ni mi gsal ba'i nyin zhag gi tshogs 'gyur ro// phung po gnyis ka'i bgos pa'i lhag ma ni mi bzung ngo/ /mi gsal ba'i nyin zhag nyid la res 'ga' gza' lhag pa dang chad par 'gyur bas gsal ba'i don du gcig dman pa'aM lhag par byas pas gsal ba'i nyi mar 'gyur ro/ /da ni bkra shis brjod par bya ste/ gsal ba'i nyin zhag gi tshogs la brgya dang drug cu rtsa bdun bsres te/ bkra shis kyi dkyil 'khor gyi nyin zhag drug brgya dang nyi shu rtsa bdun gyis bgos pas thob pa ni rgyu skar gyi 'khor lo 'khor pa'i mtshan nyid yin pas mi bzung ngo/ /lhag ma rgyu skar gyi 'khor los bsgyur te dkyil 'khor gyi nyin zhag gis bgos pas thob pa ni skar mar 'gyur ro/ /chu tshod la sogs pa snga ma bzhin no/ /da ni bkra shis dag ba brjod par bya ste/ 'dir bkra shis kyi 'gyur la sogs pa'i longs spyod snga ma dang phyi ma'i ngo bos so sor bya ste/ longs spyod gcig la skye ba'i khyim bzung ba'i don du rgyu skar phyed dang bcas pa'i dgu sbyang bar bya ste/ 'di'i skye ba'i khyim ni seng ger 'gyur te/ tha skar la sogs pa'i rgyu skar gyi longs spyod la gal te bu lon lhag par 'gyur na spyang bar bya'o/ /phung po dman par gyur pa de'i tshe 'khor lo bcu gcig nas bya'o/ /gal te sbyangs pa'i lhag ma la 'khor lo phyed lhag pa'i 'khor lo phyed yongs su rdzogs pa de'i tshe 'khor lo phyed dor nas bkra shis kyi longs spyod kyi phung po gnyis pa'i chu tshod la sogs pa la nor du rtogs par bya'o/ /gang gi cha rgyu skar dgu la sogs pa sbyangs pas 'khor lo phyed ma longs pa de'i tshe bu lon te/ de ltar thams cad la yang rtogs par bya'o/ /gal te sbyangs pa'i lhag ma rgyu skar gcig kyang mi gnas pa de'i tshe rgyu ba'i rkang pa dang pos chu tshod la sogs pa bsgyur nas khyim gcig gi chu tshod kyi bdag nyid brgya dang sum cu rtsa lngas thob pa chu tshod la sogs pa ji skad bshad pa'i rigs pas nor dang bu lon te longs spyod kyi phung po gzhan la yang shes par bya'o/ /sbyangs pa'i lhag ma'i rgyu skar gnas pa de'i tshe skar ma de drug cus bsgyur nas 'og tu gnas pa'i chu tshod kyi tshogs dang lhan cig tu byas te/ chu tshod kyi tshogs la brgya sum cu rtsa lngas bgos pas thob pa gcig la sogs pa rkang pa'i gnas kyi mtshon byed kyi mtshan ma ste/ de'i phyis nas rkang pa'i gnas rnams su gcig la sogs pa'i mtshan ma rim pas bri bar bya'o/ /de la snga ma phyed ma zos pa sdoms nas gcig tu byas te/ de'i gnas kyi lhag ma chu tshod la sogs pas bsgyur te lnga la sogs pas bgos pa'i rnyed pa steng du bcug nas longs spyod kyi phung po gzhan la nor sbyin pa dang bu lon dbrog par shes par bya'o/ /gang gi tshe phyed phyi ma la gnas pas rkang pa'i gnas dang pos bsgyur te der bshad pa'i rkang pa'i gnas dang gcig tu byas nas phyed phyi ma'i rkang pa dang pos bsgyur te/ lhag ma chu tshod la sogs pa'i gnas la lnga ma sogs pa thob pa dang gcig tu byas nas spyang pa'i rkang pa'i gnas dang po la dman par bya ste/ spyad pa'i rkang pa'i gnas sdoms pa de yis nor dang bu lon rtogs par bya'o/ /gang gi tshe rtsa pa'i ri mo brgal nas rkang pa'i gnas mtshon byed kyi mtshan ma rtags su gyur pa de'i tshe phyed phyi ma la spyad pa'i rkang ba rnams ngos nas ma spyad pa'i rkang pa'i gnas rnams bsdoms te/ ma spyad pa'i rkang pa'i gnas dang po lnga la sogs pas thob pa lhag ma chu tshod la sogs pa rnams bsgyur te/ bsgyur ba da la slar yang lnga la sogs pas thob pa ma spyad pa'i rkang pa'i tshogs la gnas pa ji lta ba bzhin du dman par byas te/ dman par byas pa'i lhag ma nyid nor dang bu lon du shes par bya'o/ /gang gi tshe phyed phyi ma la rkang pa'i gnas kyi mtshan ma bgrod zin pa de'i tshe de yongs su dor nas snga la sogs pa thob pa'i lhag ma khyed snga ma'i rkang pa'i gnas dang pos bsgyur nas de la lnga la sogs pa thob ba sbyin pa'am dor bar bya ste/ de bzhin du 'chad par 'gyur ba thams cad la yang tshul 'di thun mong du rtogs par bya'o/ /rkang pa'i gnas dang po la nyi shu rtsa lnga'o/ /gnyis pa la bco brgyad do/ /gsum pa la bdun te phyed snga ma la'o/ /de nas bar du ri mo byas te phyed phyi ma'i phung po gsum lugs ldog tu rtogs par bya'o/ /de ltar thams cad du ste/ de'i phyir bzhi pa la bdun no/ /lnga pa la bco brgyad do/ /drug pa la nyi shu rtsa lnga'o/ /zhes pa bkra shis kyi dal ba'i las dag pa'o/ /nga ni myur ba'i las kyi cho ga brjod par bya ste/ bkra shis kyi dal ba'i las dag pa dang phur bu'i dang spen pa rnams kyis nyi rkang las byung ba dang bral ba'i nyi ma la sbyang bar bya'o/ /pa sangs kyi longs spyod dang gza' lhag gi longs spyod kyi don du pa sangs kyi longs spyod dang gza' lhag gi/ longs spyod dag la ni 'di'i nyi ma ni nyin zhag gi nyid ga yin par bu ston chos rje bzhed de mkhas pa dga' byed na gsal la lo// nyi mas sbyangs te 'dis myur ba la dal bas sbyang bar bya'o zhes pa gza' lhag dang pa sangs kyi nyi ma las myur ba la lhag ma dal ba zhes bya'o/ /gza' lhag dang pa sangs dag la nyi mas sbyangs pa'i lhag ma ni sla chos su'o/ /'dir myur ba'i las la rim pas nor dang rim min gyis bu lon ni thams cad du shes par bya'o/ /thams cad du 'khor lo dor na bu lon dang ma dor na nor ro/ /de la 'khor lo phyed ma dor ba'am gcig la sogs pa bcu gsum gyi mthar thugs lhag mar gyur pa de'i tshe gcig la sogs pa rkang pa'i gnas kyi mtshan ma'i rtags lhag mar gyur pa phyis nas gnas bcu gsum gyi mthar thugs bri bar bya'o/ /phyed snga ma la spyad pa las 'og tu gnas pa'i rkang ba'i gnas dang phyed phyi ma lam spyad pa'i dang po la sngon du gnas pa'i chu tshod la sogs pas bsgyur nas drug cus bgos pas phyed snga ma la des bgos pas thob pa dang lhan cig pas bkra shis kyi longs spyod gzhan la nor dang bu lon du bya'o/ /phyed phyi ma la thob pas dman par byas te ma spyad pa'i gnas bsdoms nas 'dir yang nor dang bu lon shes par byas te lhag ma snga ma bzhin no/ gza'i rkang pa rnams ni dang po nyi shu rtsa bzhi'o/ /de nas nyi shu rtsa gsum ma/ /de nas nyer gcig pa rnams gnyis so/ /de nas bco brgyad dang bco lnga dang bcu gcig dang gsum mo/ de nas rtsa ba'i ri mo'o/ /de nas bcu gcig dang sum cu rtsa brgyad dang brgya cu dang lnga bcu rtsa gsum mo/ /da ni gza' lhag dag pa brjod par bya ste/ nyin zhag ge tshogs de nyid brgyas bsgyur nas bdun stong brgya nyi shu rtsa gsum gyis dman par byas te/ de nas nyin zhag gi dkyil 'khor brgyad stong bdun brgya dgu bcu rtsa bdun gyis bsgyur te lhag ma snga ma bzhin no/ /de nas nyi ma'i d+h+ru ba ka snga ma dang phyi ma'i ngo 'os gnas gnyis su bzhag ste/ gcig la rgyu skar phyed dang bcas pa'i bcu drug sbyang ngo/ /de nas sdig pa la skyes par 'gyur ro/ /gzhan ni mig dmar bzhin te 'on kyang gza'i rkang ba ni tha dad do/ /dang po la sogs pa la bcu dang bdun dang gsum mo/ /de nas rtsa ba'i ri mo'o/ /de nas gsum dang bdun dang bcu'o/ /myur ba'i gza'i rkang pa rnams ni bcu drug rnams gnyis dang bco lnga dang bcu bzhi dang bcu gsum dang bcu gcig dang bdun dang lnga dang stong pa dang rtsa ba'i ri mo'o/ /de nas bzhi dang bcu gcig dang nyi shu dang nyi shu rtsa brgyad dang sum cu rtsa bzhi'o/ /da ni phur bu dag ba brjod par bya ste/ nyin zhag gi tshogs la nyis brgya phrag nyi shu rtsa drug ces pa sgra bsgyur yin stong drug brgyad dman par byas te nyin zhag gi dkyil 'khor bzhi stong sum brgya sum bcu rtsa gnyis kyis bgos pa'i lhag ma bkra shis bzhin no/ /phur bu'i longs spyod snga ma bzhin byas pa gcig la rgyu skar bcu gnyis sbyangs pa'i lhag ma'i bya ba mig dmar bzhin no// 'phrog byed dang dgu dang gsum dang/ rtsa bar gsum dang/ bcu gcig dang/ gza'i myur ba'i rkang pa rnams so/ /da ni pa sangs dag pa brjod par bya ste/ nyin zhag gi tshogs bcu yis bsgyur nas brgyad cu rtsa bzhis dman par byas te dkyil 'khor gyi nyin zhag gi rang bzhin nyis stong nyis brgya bzhi bcu rtsa bdun gyis bgos pa'i lhag ma'i bya ba bkra shis bzhin no/ /gza' lhag bzhin du nyi ma'i d+h+ru ba ka tha dad du byas pa gcig la rgyu skar drug sbyang bar bya'o/ /dal ba'i las rkang bzhin du rtsa bdun lhag pa'i brgya phrag nyi shu rtsa gnyis zhes sgra bsgyur na 'ong/ pa rnams ni lnga dang bzhi dang/ gcig dang/ rtsa bar gcig dang/ bzhi dang lnga rnams dang/ myur ba'i gza'i rkang pa rnams so/ /da ni spen ba dag pa brjod par bya ste/ nyin zhig gi tshogs la bzhi stong brgyad brgya nyi shus dman par byas te/ dkyil 'khor gyi drug cu rtsa drug lhag pa'i brgya phrag bdun dang stong phrag cu ces pa sgra bsgyur ro/ /nyin zhag khri bdun brgya drug cu rtsa drug gis bgos pa'i lhag ma'i bya ba bkra shis bzhin no/ /spen pa'i longs spyod snga ma bzhin tha dad du byas nas gcig la rgyu skar bco brgyad sbyang bar bya'o/ /de ltar na gzhu'i khyim du skyes par 'gyur ro/ /dal ba'i gza'i rkang pa rnams ni nyi shu rtsa gnyis dang bco lnga dang drug dang/ rtsa ba drug dang bco lnga dang nyi shu rtsa gnyis su 'byung te/ thams cad du lugs las bzlog pa nyid du rtogs par bya'o/ /myur ba'i gza'i rkang pa rnams ni drug dang lnga dang lnga dang bzhi dang/ bzhi dang gnyis dang/ gnyis dang stong pa dang rtsi ba'i ri mo las pha rol tu gnyis dang bzhi dang lnga dang drug dang brgyad dang gsum rnams so/ /de ltar na bkra shis la sogs pa gza' lnga po rnams kyi dag pa bshad zin to/ /bkra shis la sogs pa'i gza' lnga po rnams kyis dal pa dang myur pa'i las kho nas don thams cad dag bsam gnyis ka ji ltar dag pa bshad zin to/ /nga ni rgyu ba'i mtshan nyid brjod par bya ste/ 'dir gza' lnga po rnams dang gza' gnyis po'i dal ba dang myur ba la yang nyi ma'i dkyil 'khor las 'tshar ba lnga po rnams rim pas bgrod pa myur bar rgyu ba zhes brjod par bya'o/ /rkang pa'i gnas kyi longs spyod ni rtsa ba'i ri mo mthar thug pa'o/ /dal bar rgyu ba ni 'khyog por bgrod pa la/ kha nub tu phyogs te bgrod par byed de/ /gza'i rkang pa ni rtsa ba'i ri mo brgal nas bgrod de/ /de nyid kyi phyir rim pa la nor dang/ 'khor lo khyed dor pa rim min la bu lon no/ /des na rim pas bgrod pa la myur ba'i gza' zhes brjod par bya'o/ /rim min la ni dal ba'i gza' ste/ 'khyog po'i gza' zhes brjod par bya'o/ /gang mig dmad chur bu ba las kyi gza' lhag pa mjug rings g.yon gyi gza'/ gi tshe nyi ma'i g.yas su bgrod pa de'i tshe g.yas kyi gza' dang g.yon du ni g.yon gyi gza' zhes brjod par bya ste/ nyi ma'i 'od dang nye bar gyur pas mi snang ba de'i tshe nub pa zhes brjod par bya ste/ gza' lhag dang phur bu ni myur ba'i gza' la stobs dang ldan par 'gyur ro/ /sa skyes dang mjug ring ni 'khyog po la stobs dang ldan no/ /dal ba la pas sa ni 'khyog pa'i gza' nyid do/ /myur ba la gza' thams cad gdong sher du blta'o/ /'khyog po la nub tu lta'o/ /da ni mjug rings dag pa brjod par bya ste/ mjug rings kyi rgyu ba zla ba sum cu rtsa drug dang chu tshed bzhi cu rtsa lnga ste/ nyin zhag so sor chu srang gnyis dang dbugs gsum mo/ /'on kyang zla ba phyed nyi ma'i mdun du rgyu ba na rim pas rgyu ba dang zla ba phyed nyi ma'i rgyab tu ni 'khyog po'i gza'o/ /zla ba gcig du ba med la/ /de nas mthar zla ba phyed du ba dang bcas pa'o/ /zla ba phye dang gnyis su 'char ba de'i tshe/ zla ba sum cu rtsa bdun gnyis kyis bsgyur bas/ shar dang nub la sogs pa'i dbye bas 'char sta zla ba sum cu rtsa bdun na shar du 'chang ngo/ /sum cu rtsa bdun na nub tu 'char ro/ /de nas nyi ma'i dkyil 'khor la zhugs te gnas so/ /de'i tshe yang nyi ma dang mnyam par 'jug pas de'i rkang pa rnams tha dad par ma bshad de/ /nyi ma'i rkang pa'i gnas rnams kho na de'i yin no/ /dpal dus kyi 'khor lo'i rtsis kyi gzhung 'grel nyung ngu 'di/ dpal sag lung thang gi gtsug lag khang du/ chos kyi rje rin po che thams cad mkhyen pa dpal dag gi dbang phyug grags pa dpal bzang po'i zhal snga nas kyi phyag dpe las chos rje rin po che bi dza ya kIrti sh+rI b+h+ra dra'i zhal snga nas bsgyur shig ces bka' stsal pa bzhin legs par sbyar ba'i skad kyis brda' sprod pa'i bstan bcos dag gi cha shas tsam rig pa zha lu lo tsa ba dge slong chos skyong bzang pas rang lo zhe lnga pa zil gnon gyi la dgun zla 'bring po'i tshes nyer gcig la rdzogs par bsgyur ba'o// //gzhung 'di bsgyur las thob mgon dam pa 'di nyid kyi zhabs rdul spyi bor len pa shAkya'i bend+he A na nA lak+ShlA sri rtsis kyi gtsug lag phyogs tsam rig pa la brten rang gi lag bris su bgyis pa'i dge bas kun mkhyen thob par shog/ pa'i legs spyad kyis/ dbyig 'dzin gzhil ltar bcas skye dgu la gtsug rgyan dam pa shAkya'i bstan pa rnams dar zhing rgyas la yun ring gnas gyur cig/ // */ /gtor ma'i phreng ba zhes bya ba bzhugs so// //