<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4664: snang ba'i phreng ba zhes bya ba'i rab tu byed pa<br><table><tr><td>
<input type="button" onclick="location.href='tcompletep.php?id=N4664&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4664&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4664&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">steng khyab par gnas/ /'dus byas dang 'dus ma byas rnam par nges pa zhes bya ba/ shAkya'i dge slong paN+Ti ta gnas brtan chen po stobs bcu dpal bshes gnyen gyis mdzad pa// //
 snang ba'i phreng ba zhes bya ba'i rab tu byed pa bzhugs/ /rgya gar skad du/ A lo ka mA la pra ka ra Na nA ma/ bod skad du/ snang ba'i phreng ba zhes bya ba'i rab tu byed pa/ /mi shes gsum ni spang ba'i phyir/ /rang bzhin gsum ni bsgoms pa yid
 gang gis sems tsam du gsungs pa/ /thub dbang de la phyag 'tshal lo/ /sred gsum mdza' du byor pas spros gsungs pa/ /bsdus nas sems kyi rnam par rtogs pa tsam/ /gal te de dag sems las ma lus spangs/ /yang srid 'ching ba'i
 skye ba yod ma yin/ /srid dang thar pa yongs shes pas/ /de spangs thob pa'i 'bras bu 'byung/ /blo gros bzang po thams cad ni/ /nang sems pa la brtson pa yin/ /'dod chags la sogs drid bcas sems/ /'khor yin de las dben pa
 nyid/ /sgrib pa spangs pa'i rgyal ba yis/ /bsdus nas thar ba yin par gsungs/ /'dod chags zhe sdang gti mug ni/ /lus can rang sems rtog pa yin/ /gang zhig chos ni gzhan dag kyang/ /byis pas brtags pa rdzun bdag nyid/ /dam pa'i
 don gyi rtog pa la'ang/ /mkhas pa de yis gnas mi bya/ /dge ba 'am mi dge ba yi yang/ /rtog la bye brag ci zhig yod/ /rten gyi dbye ba la brten pa'i/ /me sreg nyid du bye brag med/ /tsan dan gyi ni me 'dis kyang/ /reg pa tsam gyis sreg pa
 nyid/ /rnam par rtog pa chung du yang/ /thams cad nyid du spangs par bya/ /'khrul ba'i ngo bo rnam rtog gis/ /sems ni mngon par bslad pa yin/ /'khrul pa yang ni ma dag phyir/ /mig 'phrul gyi ni rnam 'phrul yin/ /mig 'phrul yang ni
 shes bya ste/ /sems kyi yang rni rnam 'phrul yin/ /de phyir sems kyi de dang de/ /'khrul par gnyis su med par blta/ /dbu ma'i lam ni de nyid de/ /de nyid chos kyi bdag med pa/ /yang dag mdza' yang de yin te/ /de nyid de bzhin nyid stong nyid/ /mnyam
 nyid de nyid de grol nyid/ /de nyid rnam par rig tsam nyid/ /chos kun nang du chud pa'i phyir/ /ring ba ma yin nye ba'ang min/ /de nyid rtogs par dka' bas na/ /'di yi ngo bo dpyad mi nus/ /rang rig de yang phra ba'i phyir/ /sangs rgyas rnams kyis phra ba
 gzigs/ /rang la gnas kyang bdag 'dra bas/ /rtsing ba'i phyir ni mthong ba med/ /nam yang rnal 'byor rig pa yin/ /thar pa ring snyam mi bsam ste/ /brtags pa'i ngo bos stong pa nyid/ /rang dngos mthong bas mya ngan 'das/ /nyi chu rab rib rmi lam dang//
 dri za'i grong khyer la sogs pa/ /'khrul pa yis kyang dgos byed de/ /'khrul pa gzhan dag bzlog phyir ro/ /yul du kun brtag de dang des/ /sad pa 'khrul pa'i bdag nyid kyi/ /rmi lam bstan pa'ang de yi shugs/ /mi zad pha yi bag chags dug /e ma
 rdzun pa'i rnam rtog gi /rgyun ni shin tu mthun pa ste/ /rmi lam las kyang rmi lam gzhan/ /chu bur steng du chu bur bzhin/ /yang dag ma yin don snang bas/ /yang dag don ni bsgribs nas gnas/ /ma rig pa yis bskyed pa nyid/ /mig ser nad kyis
 btab pa bzhin/ /tha dad min pa'ang tha dad dang/ /phyi rol min pa'ang phyi rol tu/ /yul gyi rnam pa'i rnyog pa yis/ /sems ni rnam pa du mar snang/ /nyi ma zla ba nam mkha' dang/ /skar ma'i tshogs dang sa rnams dang/ /chu bo'i rgya mtsho phyogs dang ri/ /'di
 dag sems kyi sprul pa'o/ /srid pa'i rtse mos yongs bcad pa/ /khams gsum po ni 'di dag par/ /ji ltar snang ba 'di thams cad/ /rnam shes dug gi thig le yin/ /gal te snang na ji ltar med/ /snang ba ji ltar med dngos yin/ /snang phyir yod pa/
 snang ma yin/ /cig rmi lam mi snang dam/ /lhag pa'i dri ma skyes pa yis/ /rang gi ngo bo nges rtogs bsgribs/ /gzhan gyi ngo bo snang ba sde/ /blo rnams shel dang 'dra ba yin/ /rang bzhin nyid ni mi snang ba'ang/ /dus kyis
 bsags pa thob pa yis/ /'du byed bag chags kyis bsgoms pas/ /rnam par rtogs pa snang bar 'gyur/ /sems ni rnam par bslang pa'i phyir/ /gcig nyid gnyis su snang ba yin/ /gzung dang 'dzin pa'i dbye ba la/ /shin tu mkhas pa cis ma
 yin/ /gzung ba'i rnam pa mi g.yo'i phyir/ /phyi rol lta bu nyid du gnas/ /'dzin pa'ang srog dang bcas pa'i phyir/ /nang ni g.yo ba lta bu nyid/ /'dir ni phyi nang cung zad med/ /phan tshun dag ni grub pa'i phyir/ /bar na ma yin med min te/ /sems
 tsam du ni gnas phyir ro/ /dbang po'i grong du 'dod chags med/ /don rnams la min sems la min/ /bdag la gnas min gzhan gnas min/ /de ni yod min med pa'ang min/ /ma brtags 'brel ba'i rgyu yis ni/ /sems ni 'khrul par gyur
 las yin/ /gal yi yang sbrin nang nas/ /gnam lcags 'bab par 'gyur ba bzhin/ /de bzhin zhe sdang gti mug dang/ /nyon mongs rigs gzhan gang yin pa'ang/ /khams gsum du ni khyab byed pa/ /rtog pa'i dug las kun tu byung//
 rtog pa yang ni gzhi med pa/ /yang dag nyid du yod ma yin/ /'ga' yis me lci 'bar ba ni/ /nam mkha' la mched mthong dam ci/ /mi sdug la sogs gnyen po'i phyogs/ /thub pa'i dbang pos gsungs pa ni/ /dug zin dogs pa zhi ba'i
 phyir/ /mkhas pas rdzun gyi sngags bzhin no/ /kunda zla ba bad? sogs med/ /bshad sogs med cing dngos yod min/ /sang ba'i skabs kyis bud med lus/ /rmi lam gyi ni skabs bzhin no/ /'dod chags dang ni chags bral nyid/ /de ltar
 shes na gnyi ga rdzun/ /'ga' zhig 'chang ba phye ba la/ /chags pa ma yin dags med min/ /gang zhig chags dang bral ba nges/ /slar yang chags skye the tshom med/ /de phyir 'dod spong don gnyer bas/ /chags bral la yang brten mi bya/ /e ma'o 'jig
 rten las 'das pa'i/ /lam 'di rnam par dben pa nyid/ /gang zhig gzhan gyi tshig bden na/ /de nyid kho nas tshig 'di brdzun/ /gnod pa byed la bden pa yang/ /gang zhig smra bar brdzun pa nyid/ /bden dang brdzun par ci zhig dngos/ /
 gang zhig gzhan don byed de bden/ /bden pa bden ba'i ye shes ni/ /mkhas pas bden par gsungs pa yin/ /bden pa brdzun par mthong ba yis/ /bden pa la na gnas mi bya/ /byis pa'i 'jig rten rnams kyis tshig/ bden pa las ni brdzun
 ba mchog/ thob blo de nyid min pa'i phyir/ /thams cad mthar ni de'i bdag nyid/ /dngos po gang gang rnam brtags pa/ /de dag thams cad brdzun pa yin/ /de bden de ni yang dag mdza' / /gang zhig ma brtags de nyid yin/ /e ma'o skyes
 bu ma dul ba/ /de nyid phyir ni gnas med pas/ /sgrub pa dang ni sun 'byin pas/ /ji ltar mos ba'i don du 'jog/ theg pa chen po mi shes pas/ /blun pa nyid ni legs pa yin/ /lam nor ba las 'phye'o nyid/ /mgyogs pa ma
 yin ring phyin brlag /gang dag theg pa che la gus/ /de ni bde bar gshegs pa pa/ /rab sde gzhan dag sman la gzhol/ /lam min g.yang ser 'khor phyir ro/ /sems ni yang dag 'jug pa yi/ /rnam par dpyod la mi 'jug gi/
 'khor pa rab tu spang ba'i phyir/ /thams cad blo ni mtshungs pa yin/ /rgyun mi 'chad par 'jug pa de/ /thog mdza' med ba'i bdag nyid can/ /'khor ba'i rang bzhin 'di ci zhes/ /shes rab can ni yongs su tshol/ /sna tshog 'di dag yang?
 las 'byung/ /gang duAng ni 'gag par 'gyur/ /rang gi bag chags sa bon gyi/ /kun/ rnam par shes pa las/ /gnyid log brgyal dang mi dran dang/ /rnam par shes pa 'gags pa las/ /snyoms par 'jug
 las ldang bas na/ /sa bon thams cad pa des grub/ /dbang don las byung thams cad ni/ /'jug pa'i rnam par shes shes bya/ /kun rnams shes dang tha dang min/ /phyer yang de ru 'gag par 'gyur/ chu g.yos pa las de dang der/ /rlabs ni tha dang
 dngos 'byung bzhin/ /skad cig la ni snang ba nyid/ /phyir yang mi g.yo gnyid log bzhin no/ /de ni gnyis snang gang yin pa/ /rigs pa'i spyod yal de ma yin/ /skad cig la ni brjod pa yin/ sgra dang sgra brnyan ji bzhin no/ /sgyu ma mkhan gyi
 skad cig la/ /rnam pa sna tshogs ston pa na/ /'ga' zhig gsang ba'i gnas shes la/ /rang bzhin rnam par gnas pa bzhin/ /gyis pa rnams la gzhan du snang/ /mkhas pa dngos po gzhan yin te/ /sdo dang dmar bor des snang
 ba'i/ /gtsang sbra yi ni bdag nyid bzhin/ /'di yi rang bzhin dri med 'dod/ /rnam pa med cing brjod du med/ /sangs rgyas min bas nam yang ni/ /de yi ngo bo shes mi nus/ /tha mal skye bo 'di dag bzhin/ /de bzhin sangs rgyas kyis
 mkhyen min/ /rab tu grags pa de nyid de/ /de nyid kho na de mkhyen no/ /lung dang bstan bcos la dris nas/ /bdag cag smra ba 'ba' zhig tsam/ /mig dang ldan ba'i spyod yul kyi/ /gzugs ni dmus long rnams kyis bzhin/ ye
 shes mig sman khyad par gyis/ /gnas skabs de ru ma 'ongs 'gyur/ /gang phyir thub pa'i dbang po bzhin/ /bdag cad de nyid bden mthong 'gyur/ /byis ba rnams kyis yang dang yang/ /'dir ni gang dang gang bsgoms pa/ /de dang de la
 mdun na snang/ /bsgoms pa'i stobs las byung ba yi/ /gos rnams bgos kyang ma goms pas/ /yan lag la ni gnod pa yi/ /shin tu grang ba'i ba mos kyang/ /mig la ma yin ngos tshar che/ /goms pa'i stobs dang 'brel pa'i phyir/ /lag pas
 kyang na nyid byed ba'i/ /mnyed mkhan la ni pags pa yi/ /dri ngas shin tu gnod pa med/ /lus dang ldan pas thog ma ru/ /dug zos pas ni 'chi ba nyid/ /de nyid goms pa'i sbyor ba yis/ /mthar ni bcud kyi len du 'gyur/ /'byung ba rnams kyang ga
 las byung/ /las las she na mi rigs te/ /'byung rnams de dang 'brel med de/ /las kyi bag chags sems gnas phyir/ /legs byas rgyu yis rnam rig ni/ /de phyir zhi ba'i rnam pa yin/ /stag dang seng ge dom dang sgrul/ /gsod cing shin tu
 'jigs pa yin/ /gal te shes pa'i dngos nyid la/ /'byung bar brtags pa ma yin na/ /rkang pa lag pa'i g.yob la sogs/ /ji ltar gzhan las byas par 'gyur/ /rlung las shan rlung gang las/ /'bad pa yis na da gang las/ /gal te 'dod
 yin te nyid ni/ /khyod ni lam du nges par zhugs/ /pha ma'i khu ba khrag dag las/ /mgo dang rkang sogs ngo bo dang/ /shing rnams dngos po sa bon las/ /ji ltar skye zhing 'phel bar 'gyur/ /kha las sgra ni ci phyir dang/ /rdza rnga la ni yang 'byung ba/ /
 tha dad pa yis rgyu 'di las/ /dngos dang dngos po med par snang/ /bya rnams nam mkha' la lding zhing/ /mun pa'i nang du dngos mthong dang/ /khung du byi ba la sogs dang/ /nya rnams kyis ni chu nang du/ /sgrul rnams kyi ni mig gnyis kyis/ /thos pa
 dang ni mthong ba yin/ /'gal ba gzhan dang gzhan rnams ni/ /de bzhin du ma 'khor ba bsten/ /gnas dang gnas pa ma mthong ba'i/ /goms pas dgra la phog pa yi/ /shes pa'i rtogs pa ma rtogs par/ /'ben la mi 'chor ji ltar 'phog /chu
 yi rgyun ni ci bzhin du/ /gal te rnam shes rgyu min na/ /dang po gzung pa goms med shor/ /phyi nas gzung 'di dgos ma yin/ /ri bo rnams ni mtho gyur dang/ /rgya mtsho chen po gting dpag dka' / /phra rab rnams ni 'dus
 pa yis/ /bya ba med na su yis bya/ /nus dang ldan pas byas na ni/ /de nyid smyon pa bzhin du yang/ /bdag gis 'bad pa zhes bya bas/ /'jig pa'i dus la ji ltar 'jig/ khab long gi ni rdo sogs kyis/ /lcags la sogs pa 'dren phyir dang/ /
 sman dang sngags la sogs pa yi/ /cus pa su zhig gis ni sprul/ /de phyir ma rig sna tshogs pas/ /lcog chung sgra snyan rgya chen bzhin/ /ji ltar snang ba 'di thams cad/ /de dag sems kyis nye bar sprul/ /brag par bsgams pa'i rnal 'byor bas/
 ji lta bur ni yang dag 'grub/ /bstan pa'i rang bzhin dngos po rnams/ /gzhan dang gzhan du ji ltar bzhag/ des na 'khrul par rig pa yin/ /rnam pa du ma'i shel bzhin du/ /'di dag sems kyis khyab pa ste/ /bag chags chul til mar bzhin/ /'jig
 rten pa yis ngo mtshan rnams/ /'gal la'ang ngo mtshar gyur ma yin/ /sa bon thams cad sa la ni/ /'di dag ma lus yod ces bsam/ /ji ltar phyi rol gnas snang ba/ /re zhig dngos 'di yod yin na/ /de dag yod pa nyid du yang/ /khyed kyis
 ji ltar nges par gzung/ /e ma sems yin zhe na rigs/ /rgyu med par ni ci phyir spang/ /gang yin de ni rnam pa ni/ /bag chags 'bras bu mi 'dod dam/ /rnam par shes pa phyir byung nas/ /phyi yi yul rnams 'dzin nas ci/ /thog nas de ci
 yod dam med/ /gal te yod na yul ci dgos/ /lung gi don ni des yin na/ /mngon sum don la lung ci dgos/ /mi snang 'jig rten pha rol sogs/ /lung las gsungs pa'i rjes 'brang rtogs/ /drang ba'i don yin phyir na yang/ /lung gis
 yong? bar 'grub ma yin/ /gzugs la sogs pa'i skye mched kyang/ /bstan pa sems kyi spyod yul lo/ /rang gi sa bon la skye bas/ /dbang po rnams kyang sems nyid yin/ /yul gyi rnam pa skye ba la'ang/ /de nyid la ni yul du brjod/ /'di dag
 ? yi cha yin par/ /mkhas pa yis ni yongs su rtogs/ /cha shas med pa'i sems 'di la/ /'jig rten kun rdzob bden par yod/ /'di la mig med gzugs kyang med/ /snang ba med cing yid byed med/ /rmi lam lta bu'i 'khrul pa'i sems/ /thams
 cad yod min med pa'ang min/ /bzang dang ran pa'i grogs bsten las/ /rgyud ni gang yin khyad par 'gyur/ /gzhan gyi sems kyis dbang gis ni/ /de yang 'byung pos gzung sogs bzhin/ /nye ba'i rim pas gzhan bsang na/ /skad cig
 mar yang 'dod ma yin/ /'on kyang tshul 'dis gang du yang/ /bsad bya med cing gsong byed med/ /mi 'dod pa yi las kyis mthus/ /drag shul sbyod pa'i rnam rig ni/ /'jigs pa'i don du 'di skyes te/ /dam? ba rnams kyi 'ba' zhig
 bzhin/ /ji ltar snang ba de bzhin du/ /chos kyi rang bzhin gal te yin/ /yang dag don mi mthong ba'i phyir/ /'gro ba thams cad cis mi grol/ /de nyid kyi phyir 'khrul pa yin/ /'gro ba 'di la rang byung rnams/ /thugs rjes 'khrul pa spang phyir
 yin/ /bdag nyid bde la don med 'gyur/ /gog dang 'brug dang char dag ni/ /sprin dang rlung dang gnam lcags ni/ /sems tsam yin las ma gtogs par/ /nam mkha' i dkyil du 'grub ma yin/ /gal te dngos po yod yi can/ /? yang
 bdag nyid kyis grub na/ /'dod pa'i dbye bas nges phye ba'i/ /'di dag du mar mthong mi 'gyur/ /'ga' zhig gzhon nu la chags shing/ /gzhan dag bud med par ma la/ /kha cig tshe la gzhan dag ni/ /skam dang kha cig sdo ba? la/ /gang
 tshe bud med rnam pa ni/ /sems nyid las skyes de yi tshe/ /ngo tsha dang bcas 'dod chen gyi/ /bdag nyid bdag la su zhig chags/ /'di dag thams cad blo ldan gyis/ /thams cad ni rang dngos yin/ /yul gyis nye bar
 longs spyod phyir/ /byis pa lta bu 'jug mi rigs/ /rang gi rmi lam gyis 'khrul phyir/ /lag pa yis ni lag gzung nas/ /bdag gis rkun ma 'di zin ces/ /smra ba gzhan gyis spong bar byed/ /dud 'gro rtswa skam bza' bar sems/ /mi
 rnams bza' bar sems ma yin/ /rnam rtog 'jug par ngo mtshar che/ /rnal 'byor bas kyang bsam mi khyab/ /ri dwags me mngag mi za zhing/ /dug gis byi ba dug gis ni/ /srog ni mdza' ru byed pas kyang/ /de ni 'chi bar 'gyur ma yin/ /
 ma dran pa yi rgyud dang ni/ /rag dang gnyid dar rlung rnams kyis/ /nya dang bya dang khyi dang sbrul/ /sems can gzhan rnams 'tsho ba yin/ /sna tshogs las kyis dban pa yis/ /bla k+Sha mthong na sbyin mo dang/ /gnod sbyin 'khor gyi skye tshogs
 kyis/ /ra'i ga khyim dang 'dra bar ro/ /yi dags? kyis chu rnag 'brub cing/ /bshad gcig? rnyog pa dang ldan snang/ /mi yi chu bo dri med par/ /mthong ba dang ni 'thungs pa 'ang yin/ /dge min dag pa'i 'bras rnam pa/ /las kyis bag chags
 kyis bsgos pas/ /rnam rig de dang de nyid ni/ /stong pa nyid kyi don la 'jug /e ma'o yul ni sna tshogs pa/ /dus gcig la ni du ma ru/ /rtog pa'i rjes su 'gro ba yin/ /rol mo'i tshogs kyis sgra bzhin no/ /gal te don yon don byed
 min/ /med na 'dod ru mi 'gyur ro/ /gzhan gyis sgyur ldan se'u zos pas/ /gzhan gyis kha nas chu 'dzag 'gyur/ /mtshan mo brus ni za ba la/ /gzhan 'ga' zhig gis dris pa na/ /gal te se'u za zhes smras na/ /thos bas 'gyur ba min
 nam ci/ /rnaM lam mdzes ma dang phring pa'i/ /bde ba thob la rgyu yod min/ /don med pa las khu ba ni/ /shor zhing 'byung ba min nam mi /rmi lam mthong ba 'di yod na/ /gal te goms pa'i stobs kyis 'dzin/ /gzhon nu ma sbrum bu skyes pa/ /mthong ba 'di
 ni rigs ldan min/ /khang ba'i nang na yun ring dang/ /lam dang ri dang yul rnams ni/ /rnam pa tha dang mthong ba'i phyir/ /rmi lam mthong la don med do/ /rnam par rig pa'ang rnam rig gis/ /don min gal te mi 'dod na/ /de tsher yi grub ba'i mdza' //
 nges par rags pa'i gnas thob 'gyur/ /gzhan gyi sems la sogs pa'i yul/ /rnal 'byor pa yis gang shes pa'ang/ /de yang shes pa kho ma min/ /bdag nyid sems kyis mos pa bzhin/ /kun rdzob ldan shes thams cad la/ /mkhas pa dang
 ni gzhan dag gis/ /gzung ba dang ni ston pa ni/ /mtshungs pa kho nar rab tu 'jug /stong nyid mthong ba'i dang po ru/ /snang ba kho nar 'bras chen yid/ /gang phyir 'jigs med thob pa ni/ /'jig rten gzhan bzhin 'jigs pa med/ /'chi ba dang ni skye ba nyid
 sprul pa 'dra ba nyid du bzhed/ /bdag nyid gang yin de yis ni/ /ji ltar 'jigs pa zhes byar 'gyur/ /'di dag las kyis sprul nyid du/ /sa ni gsum pa shes pa yang/ /gal te phyir yang 'jigs 'gyur na/ /kye ma bdag 'dra'i skye bo nyams/ /yan
 lag mchog ni gnyis pa dang/ /de bzhin mig ni gsum pa ste/ /bcad dang phyad bar dogs pa ni/ /de gnyis med na gang las 'gyur/ /de ltas blo dang ldan pas yul 'di rnam par nges/ /lhag pa'i dri ma dang 'dres rnam par bsgoms pas
 ?/ /dag pa'i phyir na nam yang dri ma ldan ma yin/ /sprin dum ma dag pa yis dri med nam mkha' bzhin/ /'dir ni mang smras ci zhig bya/ /gal te 'ga' zhig gis bsgoms na/ /byi dang ri bong rta ? skyes/ /rwa dang mthong bar snang ba yin//
 sbal pa ral ba'i thod bcings shing/ /kha dog gsal ba'i thal bas byugs/ /tshangs pa'i skur ba dkar pos thogs/ /phrag pa la ni spyi blugs bzhag/ khang pa mun pa dang bcas ? /'jigs pa'i dang de btags
 pas/ /rang sems nges par snang ba ni/ /byis pas gdon mthong min nam ci/ /shin tu 'jigs pa'i gnor sbyin gzugs/ /rang gis bris nas bltas pa yis/ /dben pa du ni gcig pu yang/ /ri mos lan 'jigs min nam ?/ /sdong dam la
 ni min rkun ma dang/ /thag pa la ni sbrul btags pas/ /skye bo du ma glo bur du/ /'jigs pa thob pa ma yin nam/ /rang gi rtog pas bzo byas pa/ /bden nyid min pa'i yul rnams kyis/ /byis pa thams cad rnam bcom ste/ bdag nyid kyi ni skyon
 las so/ /nyin mtshan mtshungs pa'i long ba la'ang/ /nam langs shes bya'i sgra thos na/ /sngon gyi rdzas rnams mthong ba ni/ /snang bar bcas bzhin skye bar 'gyur/ /yul dus la sogs dngos po rnams/ /rmi lam 'khrul pa'i rnam shes la/ /
 lam ni thung du dag la yang/ /ring bor snang bas dub par 'gyur/ /de bzhin gang phyir 'dod ldan gyis/ /skyes bu 'dod ma dang bral na/ /chu tshod grangs mtshungs nyin mo yang/ /lo brgya dag dang mtshungs par 'gyur/ /de nyid gzigs pa de rnams
 gyis/ /de lta'i tshol du dar brtags nas/ /tha snyad du ni mjad na yang/ /bden no snyam du mi sems so/ /de ltar bstan pas sna chags 'di/ /rtog pa'i tshan gyi rgyu las ni/ /thams cad ri mo 'drar mthong ste/ /ngo bo nyid kyis mthong ma yin/ /e ma
 bden min kun tu rtog pas thog ma med pa'i 'khor ba ru/ /sa gsum po 'di bsdus pa bzhin du sems kyis nam mkha' dag khyab bar/ /byis pa'i mnyam dad? mi mnyam mtho dman 'gro ba ngo mtshar las ngo mtshar/ /bden don lta bur 'khrul
 pas rig par yang ni blo yis gzung bar bya/ /gal te dngos po dang gyur na/ /slar yang dngos med 'gyur ba ci/ /de bzhin nyid bstan rang bzhin phyir/ /nam gzhan nyid du mi 'thad de/ /ming dang rigs sogs yon tan gyis/ /gang gis chos rnams mthong
 gyur pa/ /phyin ci log gis bcom pa yi/ /mkha' khongs ri mo de byed do/ /de phyir sems kyi rang bzhin gyi/ /chos rnams rang bzhin med pa nyid/ /gang zhig rnam pa gzhan du rigs/ /de ni don dam rigs pa min/ /gal te rtog pa yod min la/ /gal te stong
 nyid yod na yang/ /gsal ba dang ni mi gsal ba/ /rang nyid 'bad pa med par 'gyur/ /mi shes na ni rtog mi mnyam/ /rtog pa nyams pa ma gtogs par/ /sgrib byed brtan pa'i rang bzhin can/ /stong pa nyid ? gsal mi 'gyur/ /'di dag ? ba cung zad
 med/ /rtog pa med par 'gyur zhe na/ /gzhan dbang nyid kyis stong ba nyid/ /yang dag par ni mthong bar 'gyur/ /ji ltar 'di la yang dag zhugs/ /ngo bo nyid gsum mthong ba'i phyir/ /de mthong ba la chos kun la/ /ril bar 'dzin pa ldog par 'gyur/ /
 gcig bu mthong min tha dang pa/ /gsum gyi tshul du gsal bar mthong/ /bag chags kyis bsgribs nus pa las/ /de la brtags pa gsal bar 'gyur/ /brtags pa'i don gyis dman pa las/ /gzhan gyi dbang ni rab tu gsal/ /dang po las
 nir ba g.yos bzhin/ /rang bzhin ma mthong tshul gyis so/ /rim gyis de yi snang ba dang/ /bral na slar yang stong ba nyid/ /de nyid brtan por byad pa bzhen/ /snying la gsal snang skyes par 'gyur/ /de yang glog bzhin mi brtan pa'i/ /skad cig la ni
 'od bzhi 'gro /rnam kun thog ma med dus kyis/ /gnyis kyis de nyid bslad phyir ro/ /slar yang ji srid de dbus su/ /g.yo med ma gyur de srid du/ /gnyis dang gnyis min go 'phang dag/ 'char zhing nub pa nyid yin no/ /g.yo med gyur nas phyir yang ni/ /'od pa
 zer stong ba shar ba bzhin/ /'gal phyir mun pa 'jug pa yi/ /gnas skabs 'thob par mi 'gyur ro/ /gnas skabs de yang 'di 'dri bar/ /shes min stong ba nyid du brjod mong/ /'jig rten la grags med pa ba'i/ /don gyi rjes su
 ltung ba min/ /med pa nyid dang gzugs nyid de/ /'di ni tha snyad don du yod/ /dngos po med pa'i chos rnams la/ /yod dam med pa su yi yin/ /khyod kyis dran bar mi bya zhes/ /smras na bkag pa 'di dran pa/ /ji lta de ltar yod min pa'i/ /sgra las gzhan
 ni rtog par 'gyur/ /rnam par rtog las don rnam shes/ /don gyi blo las rnam rtog kyang/ /gnyi ga rnam rtog chos yin phyir/ /yod pa yang yin med gang yin/ /rten ni gang zhig bsgoms pa yis/ /med pa yang ni yod par 'gyur/ /gal te de bzhin
 du 'dod pa/ /de bzhin yod pa nyid kyang thob/ /de bzhin yod dang med pa dang/ /bde sdug la sogs med par bzhed/ /ltos bas grub pa de thams cad/ /ring thung la sogs bye brag bzhin/ /skyes bu'i sdug bsngal zhi pa la/ /bde ba zhes byar rab
 tu brtags/ /bde ba nyams pa sdug bsngal yin/ /gnyis po 'di ni bltos bas yin/ /bltos pa nyis las kun 'byung bar/ /'di dag thams cad shes par bya/ /gcig nyid la ni ma bltos par/ /gzhan dag khong du chud ma yin/ /gzhan
 sel ba yi rnam shes ni/ /spyod yul rnam par ma spyad par/ /bstan pa la sogs sgrub pa yis/ /kha cig 'khrul pa yang dag bskyed/ /yi ge tshig dang dag dang ni/ /rtags rnams dang ni tshig dang ni/ /bya ba byed ba'i 'brel ba dang//
 rdzun phyir byed bar byed ma yin/ /tshigs bcad tshigs rkang lnga ba'am/ /gsum pa ru ni cis mi 'dod/ /brjod byed brjod bya la bltos nas/ /mkha' 'gro'i dam tshig bzhin du 'gyur/ /chos rnams gzung bar bya ba yin/ /sngon
 gyis mkhas par rang 'dod pas/ /sgra rnams sbyar bas nyon mongs la/ /'jig rten pa dag ci phyir btsung/ /'di ni sna zhes brjod pa na/ /mgo bo bskor bar gyur ba yi/ /lag dar bkug pa'i lag pa yis/ /dris la su zhig ston par byed/ /
 sgra yis bdag nyid 'jig rten pa/ /bdag nyid gus par 'gyur ma yin/ /sgra 'don pa yi sbal tshogs dang/ /brag gi dkyil gyi bag tshi bzhin/ /gzhan gyis gzhan ni rigs pa ru/ /'brel ba med phyir mi rigs so/ /ral gri gzhan la brgyab pa
 yis/ /gzhan dag gcod par byed dam ci/ /ma byas ba yis dngos po ni/ /'ga' yis gang yang mthong ba med/ /dngos po med pa'i ngo bo yis/ /dngos po rab tu bskyed pa yin/ /dngos po dngos po'i rang bzhin min/ /dngos po'i dus na dngos med
 phyir/ /de nyid phyir na 'das ba'i dngos/ /'byung ba zhes ni brjod pa yin/ /de nyid phyir na skyob pa yis/ /'byung ba zhes ni rab tu gsungs/ /'byung ba kun kyi 'byung mchog phyir/ /des pa'i tshig la mkhas pa yin/ /gcig la brgya yi blo skye min/ /de
 bzhin brgya yi bar la'ang med/ /de bzhin du yang brgya brjod pa/ /sems ni 'khrul bar gyur ba yin/ /mtho ris sogs sam bum pa 'am/ /mthong ba 'am ni ma mthong ba/ /de yi bdag nyid rtogs 'gyur na/ /tshig tu ston pas ci zhig bya/ /
 glang po dang ni sa srung glang/ /bud med dang ni lta'i bud med/ /de las snga med blo med/ /mthong ba las ni mchog tu skye/ /mthong ba gzhan yin smra ba'ang gzhan/ /thos pa gzhan yin rtogs pa'ang gzhan/ /de ltar 'jig rten smyon pa bzhin/ /bdag
 nyid khong du chud ma yin/ /bdag nyid smyon pa yin zhes pa/ /de ni ji ltar smyon yin 'gyur/ /yang dag rang shes smyon pa min/ /rnam par 'khrul ba smyon par brjod/ /yul sogs nges pa'i rnam par ni/ /'gro ba gsum po gang snang ba/ /de
 phyir de ni 'khrul ma yin/ /rnam par rig yin de yi phyir/ /glang po'i don dang de'i rnam pa/ /de nyid dngos med mkhas pa yin/ /kun brtags la sogs rang bzhin rnams/ /rim pa bzhin du shes par bya/ /sgyu ma mkhan
 gyis sprul ba yi/ /glang po gcig bu kho na la/ /don stong don du snang ba dang/ /gzung ba'i dngos po rdzun don yin/ /de ltar yang dag mthong ba sngar/ /don du 'dzin pa ldog par 'gyur/ /gzhan dbang de yi rnam pa ni/ /de yi sems las byung ba
 yin/ /rnam pa de yi rnyog pa yang/ /don gyis dngos po med mthong bas/ /bag chags spangs pa'i phyi nas ni/ /sa brgyad pa la ldog pa 'gyur/ /sems kyi 'khor lo des log na/ /phyir yang 'khor bas 'khor mi 'gyur/ /yongs su grub pa'i
 chos yin phyir/ /'on kyang yang dag skye ba 'byung/ /ri mor bris bzhin g.yo ba med/ /rtog pa med cing 'dod pa med/ /de ni gnyis med spyod yul phyir/ /len dang 'dor ba cung zad med smon lam rnams kyi mthu yis ni/ /thog mdza' med pa'i
 srid gsum du/ /rtog pa med par 'jig rten gyi/ /mun ba sel byed nyi ma bzhin/ /de phyir byed pa po rnams dang/ /skyes bu'i las 'bras gang yin pa/ de yi dge dang mi dge ba// skyob pas rtog pa'i ngo bor gsungs/ /chos dang chos min dka' 
 thub stong/ /bsdams dang des bsdams dul ba dang/ /dung 'gro dmyal ba yi dwags dang/ /lha dang bcas pa'i mi rnams dang/ /'byung dang 'byung 'gyur phung po dang/ /khams dang thub pa'i bstan pa dang/ /ston pa dang ni nyan thos te/ /
 thams cad kun rdzob yin par bstan/ /dang po'i las can 'jig rten pa/ /dam pa'i don la bzhugs pa'i phyir/ /thabs 'di rdzogs pa'i sangs rgyas kyis/ /skas kyi thag pa lta bur gsungs/ /de ltar byis pas brjod pa rnams/ /mthar ni
 thams cad 'jig pa yin/ /brjod par bya min dpyad du med/ /cung zad gzhan yang bsal ba yin/ /de la nam mkha' gsal ba 'dis/ /stong pa nyid ni gsal bar byed/ /bdag nyid dang ni stong pa nyid/ /cung zad gnas pa'i gnas pa med/ /ji skad bstan
 pa'i lam 'di ni/ /cung zad kyang ni mthong ba med/ /nyams shing zhi ba spangs pa yis/ /'jig rten ma lus bzhad gang bzhin/ /bdag nyid kyi ni sron gyi rabs/ /de gzung ba yi ro gcig dngos/ /gang zhig sems par byed na yang/ /gdon mi za bar ngo
 mtshar 'gyur/ /gal te 'di kun stong nyid yin/ /dge ba'i rtsom ba don med 'gyur/ /gang gis stong nyid don byas pa/ /bden te don la don med yin/ /de tshe sdig pa'i rtsom pa yang/ /de yis shin tu mi rigs so/ /gang tshe stong mthor rnal 'byor pas/ /chad
 pa stong bzhin 'ching ba med/ /rtog pa'i nang du lhung ba la/ /de dag thams cad gzhan nyid 'gyur/ /rgyu dang 'bras bu'i dngos po yi/ /'khor ba'i 'bras nges thob phyir ro/ /rmi lam na byas las rnams la/ /dge dang mi dge ci zhig yod/ /ma sang par yang 'bras
 mi myong/ /ma lus rmi lam nyid na yang/ /sad na med par shes pa'i phyir/ /rmi lam 'drug ba'i 'bras bu med/ /de phyir ye shes skyes bas na/ /thams cad kyi 'bras mdza' ru rdzun/ /rmi lam 'gal ? mig 'phrul ni/ /skye dang 'gag la tha dang med//
 rgyu dang 'bras bu'i dngos po ni/ /gang gis thams cad yang dag mthong/ /nyi ma gzhan la yul myong dang/ /gang zhig rmi lam des sang dang/ /rang bzhin nyams su myong ba na/ /de dag bye phrag gang yin smos/ /gang dang gang ni rten cing 'byung/ /de dang de yi rang
 bzhin zhi/ /sgyu ma'i yan lag tshogs pa yis/ /sgyu ma mkhan gyi ston pa bzhin/ /rnam pa du ma tha dad pa/ /gos 'dra ba yi dngos pho rnams/ /stong nyid ma yis bsregs pa na/ /thal par bye brag 'ga' yang med/ /snod dang sems can zhes bya ba'i
 'jig rten gnyis ka bsregs nas ni/ /bdag nyid de yang de nyid du/ /me lce bzhin du bsregs pa yin/ /stong nyid me yis des bsregs par/ /de ltar 'gro ba gsum mthong bas/ /'khor ba ru ni gnas pa na/ /'ga' la'ang chagS
 min rnal 'byor ba/ /gang tshe stong nyid la gnas pas/ /rab tu dpyod smin dpyod pa'ang min/ /dbyod pa ma yin spyod yul min/ /de tshe de la phra mor 'byung/ /stong nyid la gnas phyin chad ni/ /bud shing bzhin du thams cad spong/ /me bzhin yongs su
 mya ngan 'das/ /de ni lhag ma med par 'gyur/ /de ltar gyur ba thogs pa med/ /gos med chags pa yod ma yin/ /phyir yang du ba 'byung ba med/ /rnal 'byor rig pas yong 'bar med/ /'bar ba med pa ni ba thong/ /zhi bas kyang ni nyer zhi nyid
 nye bar zhi? bas rab zhi nyid/ /rab tu zhibs yang bsil nyid/ /bsil bar gyur bas gdung med nyid/ /gdung ba med pas rim med brjod/ /rim med pa yis rdul med dag/ gnyis med gnod pa med pa yin/ /bdag gis med pas rang 'dzin
 med/ /srid pa'i rgya mtsho yang dag brgal/ /phyir yang skye ba lan mi byed/ /skye med de la 'chi ba 'ang med/ /skye dang 'chi ba spangs pa yis/ /bdud rtsi'i go 'phang nyams su myong/ /tshul de thob nas phyir yang ni/ /'thob par bya ba dmigs pa med/ /
 'khor bar skye ba'i sdug bsngal dang/ /sdug bsngal gyis rgyu bde bas yang/ /'dod chags zhe sdang 'chang ma yin/ /thams cad ni btang snyoms spyod/ /bltos dang bcas pa thams cad 'jig/ bltos med rtag tu 'jig pa med/ /'jig pa
 med pas mi 'gyur thob/ /'jig med 'gyur ba med bar zhugs/ /'jigs pa med pa'i gnas thob pa/ /gang la'ang gnas pa ma yin no/ /mya ngan 'das pa'am 'khor ba la/ /dbang thob khyab bdag dbang sgyur phyir/ /de dbang de thub de
 ston yin/ /bya ba byas te de bzhin gshegs/ /bde bar gshegs de'ang? gang yin pa/ /ye shes dbang phyug rnam 'phrul ba'o/ /yul la shin tu chags pa ni/ /byis pa'i sems ni ma sbyangs pas/ /stong nyid bstan pa thob pa yis/ /snying ni gnyis
 su 'gas par 'gyur/ /rgya che ba yis chos thos dang/ /bshes gnyen bzang po bsten pa dang/ /rigs ldan 'bar bar byad pa ni/ /'di la 'jug par 'gyur ba yin/ /rtag tu brtson dang sbyor ldan pa/ /lam 'di la ni rjes zhugs par?/ /ring por mi
 thogs chos rnams kun/ /bdag med pa ni rtogs par 'gyur/ /chos 'di yongs su ma bsgoms pas/ /chos nyid thob par mi 'gyur te/ chu ni thos dang mthong ba yis/ /ma 'thungs skom pa ji ltar bzlog/ tshul gnas thos dang shes rab ldan//
 bsod nams tshogs ni yang dag bsags/ /yul rnams la ni dug bzhin blta/ /lus dang srog la chags pa med/ /khyim ma ma yang na nags su ni/ /byang chub sems dpa' mnyam bzhag ste/ /dang por bdag med lam gyis ni/ /sangs rgyas go 'phangs
 la 'jug pas/ /'jig rten don ni gtso bor byas/ /rang don zhar mdzad thugs rje bdag/ 'jig rten nyid dang chos rnams ni/ /rang bzhin gsum gyi ngo bo nyid/ /skad cig tsam yang skabs ldan na/ /khyim par gyur pa yin yang bsgom/ bskyil mo
 krung ni bcas nas su/ /sna rtser g.yo ba'i yid bsdus la/ /longs spyod nyid ni nyer gnas pa/ /rdzun dang slu bar byed pa yin/ /ji ltar snang ba'i rang gi sems/ /dmigs pa mdun du byas nas ni/ /'dod chags gnas la chags mi bya/ /nyes
 dang ldan la sngar mi bya/ /gti mug bcas pas rmongs mi bya/ /myos? bas bas dmigs par mi bya'o/ /chags pa'i gnas la chags byed dang/ /zhe sdang can la sdang bas gnod/ /nyon mongs shin tu 'phel ba'i phyir/ /rmongs pa gtir mug gis?
 ni nyams/ /ting nge 'dzin ni me brtan phyir/ /rnam par rtog pas nyams byas nas/ /nyams ba'i sgo ni de dang nges/ /gzhan dag nyid ni rab tu rtog/ /rmongs pa 'di 'du shes rmongs ba'i phyir/ /rmongs ba'i dngos po sems pa yin/ /shin
 tu mun nag dmag tu lhung/ /'khrul pa yis ni long ba bzhin/ /mkhas pas dmigs pa'i gnas la ni/ /bzlog pa ru ni yid la bya/ /nyon mongs cung zad goms pa yi/ /me la snum gyis bzhin du 'phel/ /de nas sbyor ba byas pa yis//
 g.yul do ru ni dpa' bo bzhin/ /'dod chags la sogs pa yi gnas/ /dpa' ba' i dgra la bsnun bar bya/ /ma lus pa ni gzigs pa yis/ /nyon mongs de nyid sgrib par gsungs/ /de phyir 'bad pa thams cad kyis so/ /de dag nyid ni spang
 bar bya/ /rtags sogs bdag nyid ma lus pa/ /de dag gsum du dmigs par bya/ /don 'dzin don du ngos snang dang/ /don rnams stong pa nyid bstan pa/ /bsams pa yis ni shes rab kyis/ /dbye ba med pa yang bsam bya/ /shes
 rab pha rol phyin pa'i tshul/ /bsam gyis mi khyab bsam bar bya/ /gang snang de na de nyid min/ /gang zhig ma mthong de de bzhin/ /dngos por rtog pa nyid kyis long/ /rab rib kyis ni 'khrul pa bzhin/ /bdag gis cung zad mthong
 bdan min/ /kun tu brtags pa 'khrul pa tsam/ /rgyu mtshan med pa'i mtshan mar yang/ /yun ring gnas ni mtshan mas bcom/ /kye ma 'jig rten pa yi mig/ brdzun ba'i dbang gis 'khrul pa yin/ /ri yi rtse mo'i? skra mthong zhings
 rags pa'i ri bo mthong ba yin/ /ska nyag mu tig la phog pa/ /'gro na 'phongs rkyen gang yin pa/ /mtshan ma la phol khyad 'phags par/ /rkyen te gnyis po rkyen ma yin/ /don du lta la thams cad kun brtags kho na'i ? ni
 shin tu gsal bar snang/ /rlung gis bskyong bas gar mkhan lta bu'i wa tshogs 'dra ba'i ri dwags chu bzhin no/ /rdzing bu la sogs chu ni nye bar de bzhin bden par rigs min snyam/ /yang dag ma yin brtags par lhung bzhin 'bar med pa la cher yang dag
 'dzin ma yin/ /sems kyis med pa 'di sems pa/ /rgyu mtshan rmi lam 'jug pa bzhin/ /kun brtags med pas gzhan gyis dbang/ /de na sems kyis thob pa yin/ /nyon mongs med pa'i rang bzhin snang/ /yongs su rdzogs ba'i sa dang nye/ /yongs su rdzogs
 pa gang thob pa/ /rnam par mi rtog pa la gnas/ /yang de mthong ba'i blo ldan gyis/ /gzhan gyi dngos la 'jug ma yin/ /kun brtags bdag nyid med pa'i phyir/ /de nyid shin tu bsgoms ma yin/ /rdzun par bdag nyid mthong bas yang/ /gal te 'dir de
 dag nyid/ /bdag nyid myur du mthong na ni/ /de tshe rmi lam bzhin du bsam/ /rmi lam lta bur des shes na/ /phyi nas rdzun pa'i bdag nyid ni/ /skad cig gcig la snang ma yin/ /gnyen po yis ni bkag phyir ro/ /snying po da lta bu 'dzin pa/ /med pa'i
 mdza' la gal te reg/ de bzhin nyid la shin tu dmigs/ /gal te de nyid dmigs gyur na/ /de ni spang ba'i don phyir yang/ /stong nyid shin tu dmigs par bya/ /sna tshogs lta kun spang ba'i phyir/ /spong ba'i stong nyid bstan pa yin/ /rdo rje byin gyis
 byugs pa yi/ /khang ba'i sgo la lha min bzhin/ /rnam rig la 'jug rnal 'byor pas/ /phyogs gnyis yang dag reg ma yin/ /de gnyis dbus su bag med pas/ /gzhan 'ga' zhig gis reg gyur na/ /rdo rje 'byin gyis gzung nas ni/ /de yi lus
 ni bsreg par 'gyur/ /snang ba thob ba'i rnal 'byor ba/ /de yi rtags kyang shes bya ste/ /dngos grub med ni mi 'byung ste/ /du ba sol ma dngos po bzhin/ /kun tu brtags pa spang ba de/ /mi gsal ba yi'i mo bzhin/ /bsam gtan las ni sang
 pa yis/ /'gro ba thams cad mi gsal snang/ /zad dang rnings? pa lta bu dang/ /kun tu zhib pa lta bu dang/ /grong stong lta bur? dben pa dang/ /dka' ba med cing rten med pa/ /shin tu skyo skye 'gro ba la/ /ci ri sgra 'don pa la bzhin/ /bdag
 dang bdag gis med pa dang/ /ming tsam 'ba' zhig kho na'o/ /gzhan dbang zhes bya mthong bas kyang/ /rang bzhin 'di lta bu du snang/ /rang sems shing rta la zhen dang/ /bdag gi snang du zhugs lta bur/ /mig 'phrul 'byung ba lta bu ste/ /de nyid kho rgal? phrul?
 pa tsam/ /ma lus mun pas khyab pa bzhin/ /de la kun brtags snang ma yin/ /bag chags lhag ma'i rim yis/ /thams cad bris pa lta bu ru/ /nyon mongs nyid kyis khyab pa dang/ /'khor lo lta bur 'khor ba dang/ /rmi lam gsal sad shes pa
 dang/ /mtshan dang mtshan nyid med par snang/ /mthong nas mi snang dang mtshungs par/ /ci zhig lta bur snang ba yin/ /yongs su grub pa shes pa na/ /thams cad ro gcig bdag nyid de/ /cha shas med cing thog mdza' med/ /rnam pa med cing gzung du med//
 skyo med 'tshe ba yang ma yin/ /ring po ma yin zlum por min/ /nyi mas mun pa bsal ba yi/ /nam mkha' lta bur dri ma med/ /mnyam pa nyid chos ni rtogs pa'i phyir/ /thams cad mi mnyam pa dang mnyam/ /kun rdzob tu ni chos 'di snang/ /dam pa'i
 don du snang ma yin/ /rnam par rtog pa gzhan gyi rgyu'i/ /rnam rtog kun rdzob ces byar brjod/ /rnam par rtog pa bzlog pa ni/ /de nyid kho na dam ba'i don/ /ji ltar ming gi bstan de yang/ /kun rdzob nyid du gnas pa yin/ /dam pa'i don ni de bzhin te//
 de bzhin tshig gis da yul min/ /rig la gnas pa ma yin pas/ /de phyir de 'jigs thub pa yis/ /stong nyid bdag nyid gsungs shing gsungs/ /tha dad pa yi chos rnams bstan/ /yun rings 'phel ba'i rnam rtogs la/ /byis pa rnams
 ni dga' ba nyid/ /spros la sems ni chags pas na/ /de lta na ni 'dri 'phel lo/ /mtshan mo 'god pa'i don la ni/ /sems 'di yang ni mkhas pa yin/ /rnam rtog bye brag zhi ma yin/ /mi 'gyur ba ni gang duAng med/ /bdag med pa la sems dmigs pa/ /btang
 snyoms 'dra ba thob ba dang/ /gnyid log lta bur 'dod pa med/ /dub pa ltas pa lta bu dang/ /stong nyid stong bar mthong ba yis/ /mig mi 'dzum par byed ma yin/ /mgo 'phangs mthen po ma yin dang/ /sems dang sems byung 'gag par 'gyur/ /rtags ni 'di
 dag mthong nas byang/ /bdag gis don byas 'di nyid mthong/ /dpa' pos sgom pa 'dod ma yin/ /mchog las kyang ni mchog yod phyir/ /de yang 'di zhes 'ga' yis kyang/ /de nyid bstan par nus ma yin/ /'di ni goms byas rnal 'byor pas/ /bdag nyid
 kyis ni rtogs par 'gyur/ /rnam par rigs tsam nyid mthong na/ /de ni mdza' gnyis dbus la gnas/ /'gro ba ma lus 'di dag la/ /de nyid phun sum tshogs pa ston/ /de nyid phun sum tshogs nas phyir/ /snying rje ldan pa bde gshegs sras/ /srog gis kyang
 ni sems can don/ /byed la btang snyoms 'jog ma yin/ /yul rnams 'ga' yang sems pa med/ /rmi lam 'jug pa bzhin du brten/ /bu dang bu mo la sogs pa'i/ /gzhan gyis nye bar longs spyod kyang/ /bag med gnas ni rgya che bas/ /sems ni rnam
 par 'gyur ma yin/ /'byor pa dang mi rgud pa la/ /thams cad du na sems mnyam nyid/ /dus ma yin pa'i sprin bzhin yod/ /gal ?  mkha' las sprin ldad pa/ /bdag nyid kyis ni de dang de/ /ngo mtshar rnam par 'phrul pa ston/ /dus rnams shes par dus
 gcig la/ /'bar ba dang ni char 'bab byed/ /sa la yang ni chu bzhin du/ /byi 'jul du ni byed pa'ang yin/ /ri la sogs pa g.yo ba dang/ /'byed dang sdud pa de bzhin no/ /bdag nyid nam mkha' la 'gro zhing/ /chul dang ba'i rgyal pa bzhin/ /sprul pa yis kyang ring
 po nas/ /mthong dang thos byed de bzhin no/ /theg chen tshul la thams cad du/ /rigs gyi 'di ni gzhan la min/ /de las gzhan pa'i phyi rol pa/ /gang zhig cung zad mthong ba ni/ /rang gi ro las 'ongs pa ste/ /de nyid kyi ni lam
 'di la/ /cung zad cig kyang mthong ba med/ /thams cad mkhyen pas thams cad gzigs/ /rnam pa tha dad brtags pa'ang/ /de nyid phyir na dngos gcig nyid/ /stong nyid don gcig mthong ba yis/ /'gro kun don ni gcig tu
 mthong/ /phyogs gcig gis ni chu 'thungs pas/ /rgya mtsho ma lus shes par 'gyur/ /dus gcig la ni tha dad pa/ /yul la sogs pa tha dad la/ /stong par mthong pa ma gtogs par/ /skyob pa'i ye shes 'khrung ma yin//
 rang sems kyis ni kun brtags bris/ /phyi rol gsal ba'i dbyings su gnas/ /skye ba du ma goms pas gsal/ /srid gsum ri mo'i bye brag bzhin/ /kun brtags de yi spros mkhyen pa'i/ /skyob pas 'di dag thams cad
 gzigs/ /dngos med mtshan med zad pa med/ /kun tu brtags pa 'ba' zhig go/ 'di bsgoms tshul gyis 'dod chags thul/ /rim gyis bde spyod 'dod pa med/ /thub dbang 'dod pa ma spangs pas/ /gnas mchog gzhan gyis
 don ldan thob/ /bde gshegs kyis gsungs dbye ba rab grags pa/ /don chen rnam gsal tshig gis rab sbyar bas/ /log pa'i lam zhugs mi shes mun sel ba/ /snang ba'i phrang ba 'di ni bdag gis sbyar/ /dngos por 'dzin
 pa spong byed yul gyis thob pa'i zhan pa gcod/ /sems la snang ba 'phel byed sgron ma chen po gsal 'bar bzhin/ /ye shes snang ba skyes pas de nyid yang mtha? rang gi lag na gnas pa bzhin/ /shes rab pha rol phyin 'di
 rgyud nas kun tu yid bzhi nor/ /kun rdzob sgro btags gsungs la phyi rol pa/ /nges pa'i don du zhen la bde gshegs nyid/ /gang zhig phyi rol don 'dod de mdun du/ /slob dpon chang ba bde gshegs phyed mi mdzad/ /gang tshe 'jig pa med par byang
 chub mngon thob pas/ /khyod kyis kyang ni yi ges yi ge gsungs mi mnga' / /de che yun rings nas nyams lcags kyu med pa yi/ /phyin ci log la ji ltar mngon par brtson par byed/ /sangs rgyas pa dang phyi rol rnam par 'byed byed pa/ /
 gal te stong nyid gcig pu 'di ni ma bstan par/ /zhib mo'i blo yis rnam par dpyad// byas na/ /grub mdza' thams cad mtshungs par 'gyur ba yin/ /gal te stong min rtag cing mnyam nyid ma yin no/ /tha dad bdag nyid rgyu mtshan skad cig ma
 dag tu/ /thams cad mkhyen pas dngos po yongs dpyad pas/ /gang gi rgyu yis ston par grub pa gyur/ /gang zhig rnal 'byor ba yi dngos grub khyad 'phags rgyu/ /gzhan sems spyod yul shes pa'i nga rgyal yin/ /de dag mun pa'i dri
 ma lhag pa yin par 'dod/ /'ching ba'i bdag nyid byis la ji ltar gnas pa bzhin/ /gang zhig kun tu dmus long dad ni rab rib can/ /gnyis po dag las snga ma bzhin du mchog yin te/ /bdag ni long ba yin zhes nga rgyal gyis stong gi/
 rab rib kyis mthong 'bras bu mang la nga rgyal min/ /gang zhig rang skyon skyon gyis ngo bar mi shes pa/ /de bzhin yon tan kun las yon tan du ma yin/ /dge ba'i bshes gnyen rnams la gus par byed ma yin/ /de dag da nyid ro ni ji ltar
 'thung bar 'gyur/ /nam mkha' i dkyil la ri mo 'byed pa la mkhas pa/ /dngos po'i bye brag ston pa'i brtson 'grus can/ /kye ma thog mar spros pa thob pa'o 'chad pa pos/ /skye bo gzhan la sna tshogs bstan pas spros pa bskyed/ /?
 nang sbrul zhugs rjes ni mthong ba dang/ /nam mkha' i me tog phreng bas rab tu rgyan byed dang/ /rgyu spun med pa'i snam bu 'thag par byed pa ni/ /'jig rten rnams la ji ltar ngo tsha mi shes 'gyur/ /sun 'byin 'dod par kyang
 ni dag gcig 'dzin byed pa/ /thub pa'i dbang po'i gsung la de gus min mod kyi/ /shin tu mngar ba myangs nas kha ba'i rigs bzhin du/ /gzhan gyis smras pa'i tshig la rjes su chags ma yin/ /khyad par 'phags pa'i bud med 'dod pa
 dang/ /gsal ba'i rigs rgyud dbang phyug khyim 'dod pas/ /glang po'i khyu yi gtso bo spangs nas ni/ /dmar pa'i gzhon pa bong bus su zhig 'gro/ snang ba'i phreng ba zhes bya ba/ /slob dpon ka ma la'i zhal snga? nas mdzad pa rdzogs so// //
 rgya gar gyi mkhan po ku mA ra ka la sha dang/ lots+tsha ba dge slong shAkya 'od kyis bsgyur cing zhus pa'o/ /rgya gar skad du/ su ga ta ma ho bi b+haM ? kA ri kA/ bod skad du/ bde bar gshegs pa'i gzhung rnam par 'byed pa'i