བོད་ཡིག

e-texts based on the ACIP/ALL Input

pas de mthong shog/ zhi gnas la 'jug pa'i thabs cung zad bris pa rdzogs so// //dngos dang dngos med rab mkhyen te/ /sku mchog mkha' 'dra brnyes 'gyur kyang/ /thugs rje'i dbang gis ji srid par/ /'gro drug sems can mun 'thom la/ chos kyi sgron ma spor mdzad pa/ /de la gus pas phyag 'tshal te/ /tha dad las las byung bas na/ /'di la mos pa'i skye bo 'ga' / /yod srid de don bdag gis ni/ /bsam gtan la 'jug ci nus bsdu/ /sdom ni/ tshogs dang dmigs dang nyes pa dang/ spang bya go rims rtags 'bras bu/ /de la tshor ni rnam pa gnyis te/ /phyi dang nang gi'o/ /de la phyi'i mdor bsdu na yid du 'ong ba'i sa phyogs so/ /nang gi yang mdor bsdu na gnyis te/ ma chags pa dang tshul khrims rnam par dag pa'o/ /'jig rten ma chags pa med la mngon dgos 'grub/ /ces kyang gsungs la/ sdom pa'i tshul khrims kyi sems gnas pa'i bya ba byed ces kyang gsungs te/ /de la dmigs pa gang zhe na/ 'dir skye ba med pa'o/ /de yang mdo sde las chos 'di dag thams cad ni sems la gnas pa/ sems las byung ba/ sems sngon du 'gro ba ste/ sems shin tu bcil/ shin tu brtul/ shin tu khong du chud par byas na/ chos de dag thams cad kyang/ shin tu bcil pa dang/ shin tu brtul ba dang/ shin tu khong du chud par 'gyur te/ des chos rnams de ltar mthong bas rgyu de dang rkyen de dang/ gzhi des sems zhi bar bya ba'i phyir nan tan byed de/ sems nyid la sems nyid 'dogs so/ /sems nyid kyis sems zhi bar byed do/ /sems nyid la sems rab tu gzhog go /de ltar zhi ba la brtson pas sems rtse gcig tu 'gyur te/ rtse gcig tu gyur nas mnyam par 'jog go/ sams mnyam par bzhag pa la dben pa las skyes pa'i dga' ba mngon du 'gyur te/ de yid dga' bar gyur nas 'dod pa dag las dben pa sdig pa mi dge ba'i chos rnams las dben pa/ rnam par rtog pa dang bcas pa/ dpyod pa dang bcas pa/ dben pa las skyes pa'i dga' ba dang/ bde ba can bsam gtan dang por rdzogs par bya ste gnas so zhes bya ba la sogs pa gsungs so/ /de la sems ni skad cig ma'i mtshan nyid yin pa la de yang blos gzhigs na mi gnas te/ 'das pa dang ma 'ongs pa ni 'gags pa dang/ ma skyes pa'i phyir ma grub na/ /da ltar gyi yang skye ba'i cha dang/ /gnas pa'i cha dang/ 'gag pa'i chos gcig tu mi 'grub po/ /gang gi ngo bo gcig tu ma grub pa des du ma yang spangs te/ de bas na sems ni gcig dang du ma dang bral ba/ gzung du med pa dang/ bstan du med pa dang/ gzugs can ma yin pa ste/ skad cig thog ma mdza' yod pa/ 'jig rten skad cig la mi gnas zhes kyang gsungs so/ /de ltar sems ma bskyes par rtogs pa de nyid kho na la goms par bya'o/ /nyes pa ni lnga ste/ de spang ba'i ched du 'du byed brgyad bsgom par gsungs so/ /mdor na dmigs pa brjed pa'i gnyen po dran pa ma shor na shes su bzhin gnas te/ de'i skabs su mi brtsal bar lus dang sems la mi gnod tsam du bsgom zhing 'dug par bya'o/ /spang bar bya ba ni 'dod pa'i spong? ba dang/ sdig pa mi dge ba'i chos rnams te/ de yang ji skad du 'dod pa ni nyon mongs pa'i 'dod pa dang/ dngos po'i 'dod pa ste/ mtshungs bar ldan pa las dben pa dang/ dmigs pa las dben pa'o/ /sdig pa mi dge ba'i chos ni gang dag nyon mongs pa'i rgyud las byung ba lus dang/ ngag dang/ yid kyis nyes pas spyod par gtogs pa chad pas gcod pa dang/ mtshon chas 'debs pa dang/ 'thab pa dang/ rtsod pa dang/ 'gyes pa dang/ g.yo'i tshig dang/ gnod ba dang/ rdzun zer ba la sogs pa las dben pa'o zhes gsungs so/ /go rims ni rnam pa bdun du gsungs te/ de la mtshan nyid rab tu rig pas ni/ spang bar bya ba dang/ 'thob par bya ba logs bar yongs su shes na spang ba dang/ thob par bya ba'o phyir sems 'jog go/ don thos pa dang sems pa dang 'dres par rig par bya'o/ /de'i 'og tu thos pa dang sems pa las 'das nas gcig tu bsgom pa'i rnam pas de'i rags ba zhi ba'i mtshan nyid kyis mtshan ma la dmigs pa'i zhi gnas dang lhag mthong bsgom zhing yang ji ltar yongs su btsol bar rags pa zhi ba nyid du mos te/ de ni mos pas yid la byed pa zhes bya'o/ /de goms pas thog ma kho nar spong ba'i las dang ldan pa'i yid la byed pa'i rab tu dben pa'i yid la byed pa zhes bya'o/ /des kun nas nyon mongs pa chen po rnams rab tu spong ngo/ /de dag kyang gang na/ ye shes sgron ma'i mdo las/ de la 'dod chag chen po gang zhe na/ gang lus thams cad du khyab ste/ sems kun nas gzung zhing gnas pa dang/ gang zhig de la gzhol zhing 'dod chags dang bral ba'i sems mi 'thob pa ste/ de la gzhol ba de la ngo tsha ba dang/ 'jam pa thams cad kyi thams cad du med par 'gyur te/ ji ltar na ngo tsha ba dang 'dzem pa thams cad kyis thams cad du med pa yin zhe na/ de gcig tu lkog du song ste/ de nyid rjes su rnam par rtog cing de nyid legs par shin tu smon pa dang/ de nyid la yang yon tan du lta ba yin te/ de ltar na de la ngo tsha med pa yin na/ ji ltar na 'dzem pa med pa yin zhe na/ de rgyu de dang rkyen de dang/ gzhi nges pha ma'am bla ma lta bu gzhan bdag dang rtsod cig phyir zlog pa dang/ rgol bar byed cing des ngo mi tsha la de la yon tan du lte ba yin te/ de ltar na 'dzem ba med pa yin te/ rgyu de dang rkyen de dang/ gzhi des na ngan song rnams su skye bar 'gyur te/ de ni 'dod chags chen po zhes bya'o/ /zhe sdang chen po gang zhe/ zhe sdang gi rnam pa gang gis zhe sdang zhe sdang zhing rngam 'khrugs gtum bar gyur nas/ mtshams med pa sde las gang yang rung la byed pa'am/ dam pa'i chos spong ba gang byas pa la mtshams med pa lnga bsdoms kyang grang su yang nye bar mi 'gro/ cha dang/ ba grang ba dang/ dpe dang rgyur yang nye bar mi 'gyur ba de ltar bur byed de/ de rgyud dang rkyen de dang/ bzhi des lus zhi gnas sems can dmyal ba chen po dag tu skye zhing/ gal te ba rgyal mir skyes na yang gan/ cing mig dmar la gtum zhing gnod sems mang bar 'gyur te/ de rgyu de dang rkyen de dang/ gzhi des yang sems can dmyal ba dag tu skye bar 'gyur te/ de ni zhe sdang chen po zhes bya'o/ /gti mug chen po gang zhe na/ gang ji skad du smos ba'i gnas de dag la nyes kyang dga' zhing mya ngan du mi byed/ smre sngags mi 'don?/ 'gyod pa med pa yin te/ de ni gti mug chen po zhes bya'o/ /zhes gsungs so/ /rnal 'byor pa de de'i 'og tu spong ba la dga' bar 'gyur zhing spong ba la phan yon tu lta ste/ rab tu dben pa'i dga' ba dang bde ba chung dus rig nas dus dus su dad bar 'gyur ba'i yid la byed pas ji tsam du du rmugs pa dang gnyid dang rgod pa dang bral bar bya ba'i phyir rab tu dga' bar byed pa 'di ni dga' ba sdud pa zhes bya'o/ /des nyon mongs pa'i rnam pa 'bring rab tu spong ngo/ /de yang gang zhe na/ de nyid las 'dod chags spang? ba gang zhe na/ gang gis 'dod pa rnams la brten par gyur na bya ba grub kyi bar du bsten cing bya ba grub nas 'dod chags dang bral ba'i sems 'thob pa dang/ 'gyod pa 'thob pa dang/ sems la mi cha ba 'thob pa ste/ de ni 'dod chags 'bring po zhes bya ba'o zhe sdang 'bring pa gang zhe na/ gang gis zhe sdang bar 'gyur te/ sdig pa mi dge ba'i las byas na myur ba myur bar skyen pa skyen par la ro la gor du 'gyod cing de'i gnyen po la yang brten pa ste/ de ni zhe sdang 'bring po zhes bya'o/ /gti mug 'bring po gang zhe na/ gang gis mi dge ba'i las la la byas kyang la gor la gor du 'gyed cing tshangs pa mtshungs par spyad pa rnams kyi drung du 'chags shing mi 'chi ba la de yon tan du yang mi lta ba yin te/ de ni gti mug 'bring po zhes bya'o/ /de ltar legs par zhus ba de dge ba'i phyogs la sbyor bas brtan pa'i phyir 'dod pa na spyod pa'i nyon mongs pa'i kun nas dkris pa kun tu mi 'byung bas de spangs sam ma spangs ba khong du chud par bya ba'i phyir de 'byung ba dang mthun pa sdul ba'i mtshan ma yid la byed pas so sor rtog pa ni dpyod pa yid la byed pa'o/ /des thob pa mngon pa'i brgya la med pa la sems 'jog bar byed de/ des de ltar dpyad nas gnyen po bsgom pas dus des ji srid gcig pa'i tshul gyis 'dod pa na spyod pa'i nyon mongs pa thams cad dang bral bar bya ba'i phyir bsam gtan dad pa la sbyor ba'i mthar thug pa'i gnyen po yid la byed pa ni sbyor ba'i mdza' o/ /de la nyon mongs pa'i rnam pa chung ngu rab tu spong ngo/ /de nyid la 'dod chags chung ngu gang zhe na/ gang gis 'dod pa rnams bsten par gyur kyang mnam pa dang byugs ba dang/ lus kyis reg pa tsam mam/ tshig tu smras pa tsam gyis tshim par 'gyur ba de ni 'dod chags chung ngu zhes bya'o/ /'dor na 'tshe ba'i yo byad thams cad la/ chags pa'i sems su gyur pa ste/ de ni 'dod chags zhes bya'o/ /zhe sdang chung ngu gang zhe na/ gang gis zhe sdang bar gyur nas/ tshig tsam dang/ mi snyan pa dang/ don du brdang ba tsam gyis mi dge ba'i las sogs pa ste/ byung na yang skad cig de nyid dang/ yud tsam de nyid dang/ thang cig de nyid la gnyen po bsten pa ste/ de ni zhe sdang chung ngu zhes bya'o/ /gti mug chung ngu gang zhe na/ gang gi rang bzhin gyi kha na ma tho ba ma yin pa bcas pa'i kha na ma tho ba thob pa slab pa kun spangs ba'i lan gnyis gsum las 'da' ba ste/ de ni gti mug chung ngu zhes bya'o/ /zhes gsungs so/ /rtags ni lus g.yo ba snyam byed pa dang/ lus byar ba rtsub pos drung ba snyam byed pa dang/ lus thams cad la 'o mas gtor ba snyam byed pa dang/ lus drod 'byung ba dang/ snying gnas mar ma lta bu/ 'byung ba dang/ smin mtshams nas nyi zer gyi 'od 'byung ba dang/ spyi bo nas 'od zer sna 'byung ba la sogs pa gsungs so/ /'bras bu yang de nyid de bsam gtan mang po zhes bya'o/ /dang bas ni bsde bas bsod nams kyi/ /'gro kun srid pa yong spong zhing/ /bsam gtan bde ba brten byed de/ /rtag tu gzhan don mos bar shog /bsam gtan la 'jug pa bsdus pa rdzogs so// //sems kyi nyams cung zad