བོད་ཡིག

e-texts based on the ACIP/ALL Input

gshegs bka' ni bdud rtsi lta bu sman chen las/ /bdag 'dra rmongs pas slob phyir bsdem? par mi 'os kyang/ /ci zhig ltar des bdag la mos pa de don byas/ /bsod nams 'di yis skye med ye shes thob gyur cig /zhi gnas sku la bsgom thabs chung ngu rdzogs so// //gang gis zhi gnas lhag mthong mthar phyin pas/ /'gro ba'i mi shes rab rib sel mdzad pa/ /thams cad mkhyen pa de la phyag 'tshal te/ /zhi gnas 'jug pa'i thabs tshul cung zad bris/ /sdom ni/ tshogs dang shes bya sngon 'gro dang/ /bsgom dang nyes spang tshod gzung dang/ /ngal so skye lugs gnas? pa'i tshad/ /bcu ba brtan thabs ngos? gzung gcig/ de la zhi gnas kyi tshogs gang zhe na/ /'phags pa blo gros mi zad bas bstan pa las/ /zhi gnas kyi tshogs kyi dbang du byas nas/ /de la zhi gnas mi zad pa gang zhe na/ gang sems zhi ba dang/ rab tu zhi ba dang/ nye bar zhi ba dang/ rnam par mi g.yeng ba dang/ dbang po legs par bsdams pa dang/ mi rgod pa dang mi 'byang ba dang/ mu gcor? mi smra ba dang/ yab bo yab po ma? yin pa dang/ mi 'gyur ba dang/ zhi nges pa dang/ bsrungs pa dang/ cang shes pa dang/ las su rung ba dang/ rtse gcig pa dang/ gcig pur dga' ba dang/ 'du 'dzi yongs su spang ba dang/ dpen par dga' ba dang/ lus dpen pa dang/ sems bslad pa dang/ dgon pa sngon du phyogs pa yid la byed pa dang/ 'dod pa nyung ba dang/ 'dod pa med pa dang/ 'dod tshan med pa dang/ chog shes pa dang/ 'tsho ba yongs su dag pa dang/ cho ga phun sum tshogs pa dang/ spyod lam bsrungs ba dang/ shes pa dang/ tshod shes pa dang/ dus min shes pa dang/ slan drod shes pa dang/ dgang sla ba dang/ gso sla ba dang/ so sor rtog pa'i stobs kyis mi thod mi dma' ba dang/ ngan du brjod pa dang/ ngan du smras pa'i tshig gi lam dang du len pa dang/ rnal 'byor la mngon du phyogs pa'i sems bskyed pa dang/ nang du yang dag 'jog la mngon par dga' ba dang/ /bsam gtan gyi yang dag yid la byed pa dang/ byams pa bskyed pa dang/ snying rje mngon par sgrub pa dang/ dga' ba la gzhog pa dang/ btang snyoms bsgom pa'o/ /zhes gsungs so/ /gzhan yang dkon mchog sprin las rnal 'byor spyod pa'i skabs su skyon la mkhas pa yin bya ba las brtsams te/ skyon de dag gang zhe na/ 'di lta ste/ sangs rgyas la rim gro mi byed pa dang/ chos dang/ dge 'dun dang/ bslab pa dang/ 'phags pa rnams dang/ tshangs par spyod pa rgan rabs dang/ bar ma dang gsar bu rnams la rim gro mi byed pa ni skyon no/ /bdag la rim gro byed pa dang/ gzhan la brnyas pa dang/ yul la mngon du phyogs pa dang/ mya ngan las 'das pa la rgyab kyis phyogs pa dang/ bdag tu lta ba dang/ sems can du lta ba dang/ gang zag tu lta ba dang/ chad bar lta ba dang/ rtag par lta ba dang/ stong pa nyid du 'dzin pa dang/ rtag par 'dzin pa dang/ mi rtag par 'dzin pa dang/ 'phags pa rnams la mnyes par mi byed pa dang/ byis pa'i skye bo dang brten pa dang/ tshul khrims dang ldan pa yongs su spong ba dang/ sems can tshul khrims 'tshal ba la bsnyen bkur byed pa dang/ sdig pa'i grogs la brten pa dang/ dge ba'i gshegs gnyen yongs su spongs ba dang/ mdo sde zab mo spong ba dang/ mdo sde zab mos skrag pa dang/ snyom las dad le lo byed pa dang/ bdag la brnyas ba dang/ gzi brjid byang chub ba dang/ spobs pa med pa dang/ gnas ma yin pa la 'gyod pa dang/ mi 'gyod pa la 'gyod pa dang/ 'gyod pa la mi 'gyod pa dang/ sgrim pa kun nas ldan? bas grags pa dang/ g.yo rgyus bcings pa dang/ rmugs shing gnyid kyis non pa dang/ rnyed pa dang bkur sti 'dod pa dang/ rus pa la 'dod chags pa dang/ rigs la 'dod chags pa dang/ lta ba la 'dod chags pa dang/ yul la 'dod chags pa dang/ 'khor la 'dod chags pa dang/ 'jig rten rgyang phan pa'i gsang tshig la rten pa dang/ dam pa'i chos la 'byod pa dang/ yid ma 'dor ba dang/ mi dge ba dang ldan pa dag la rtsol ba dang/ rab tu byung ba dang sdeb pa dang/ skyes pa dang sdeb pa dang/ bud med dang sdeb pa dang/ kye'u dang sdeb pa dang/? bu mo dang sdeb pa dang/ mu stegs can dang sdeb pa dang/ dgon pa la mngon par mi dga' ba dang/ zas kyi tshod mi shes pa dang/ bla ma'i drun? du mi 'gro ba dang/ kha don gyi dus mi shes pa dang/ sbyod yul gyi gnas mi shes pa dang/ bslad pa phra ma dgal? gus par mi byed pa dang/ sdig pa chung ngu rnams la 'jigs par mi lta ba dang/ dbang po gti mug gi sgribs pa dang/ ldan pa dang/ g.yeng ba dang ldan ba la dang po grims pa dang/ rgod par spyod pa dang/ bcos dka' ba dang/ dka' blo mi bde ba dang/ yid du 'ong ba dang/ yid du mi 'ong ba'i gzugs dag la mtshan ma dang mngon rtogs su 'dzin pa dang/ khrog? rnams la sems mi byams pa dang/ sdug bsngal ba rnams las snying mi rtse ba dang/ na bas skyo bar mi byed pa dang/ shi bar mi skrag pa dang/ kun tu 'bar ba las mi 'byung ba dang/ lus so sor mi rtog pa dang/ tshul khrims la so sor mi rtog pa dang/ ci byas ci byed ci bya zhes so sor mi rtog pa dang/ mi bsam pa la sems pa dang/ mi rtag pa la rtog pa dang/ mi smon ba la smon pa dang/ mi 'byung ba la 'byung bar 'du shes pa dang/ mi dge ba la dge bar 'du shes pa dang lam yin pa lam du 'du shes pa dang/ mthob pa la thob par 'du shes pa dang/ 'phral gyi bya bas chags pa dang khyed pa ngan? pa g.yengs pa dang/ dge ba'i phyogs rgya chen po rnam par spod ba dang/ theg pa chen po la mi bsngags pa brjod pa dang/ nyan thos kyi theg pa la bsngags pa brjod pa dang/ theg pa chen po la mngon par dang pa'i gang zag rnams la mi bsngags pa brjod pa dang/ nyan thos kyi theg pa la mngon par dad pa'i gang zag rnams la bsngags pa brjod pa dang/ rtsod pa lhur byed pa dang/ 'thab pa'i dang tshul can dang/ brlang ba dang/ rtsub pa dang/ pho theg can dang/ spyi bltos chel? ba dang/ gtum pa dang/ gdug pa dang? pa dag mi bsnyan? pa dang/ mu cor smra ba dang/ mi gtsigs par smra ba dang/ ngag tu smra ba dang/ brdzun zer ba dang/ spros pa la mngon par dga' ba dang/ spros pa la gzhol ba ni skyon no zhes gsungs so/ /de nyid las yang gsungs pa/ de 'du ba thams cad du yongs su spang ngo/ /'du 'ji thams cad du yongs su spang ngo/ /smra ba la dga' ba dang/ 'dod pa'i rnam par rtog pa dang/ gnod sems kyi rnam par rtog pa dang/ 'tsho ba'i rnam par rtog pa dang/ lta ba la rnam par rtog pa thams cad kyi thams cad du yongs su spong ngo/ /shes kyi khe 'dod pa dang/ grags pa 'dod pa dang/ rnyed pa 'dod pa thams cad kyi thams cad du yongs su spong ste/ de lus dang sems rab tu dben pas sems la mkhas pa yin te/ de la sems la 'di snyam? du bdag gi sems 'di ci dag pa la spyod pa'am/ 'on te mi dge ba'am/ 'on te lung du ma bstan pa'am/ chos gang la spyod ces rnam par dpyod do/ /gal te dge ba la spyod na de la sems dga' ba dang/ rangs pa dbang mgu ba bskyed do/ /dge ba'i chos de dag kyang gang zhe na/ 'di lta ste/ byang chub kyi phyogs kyi chos sum cu rtsa bdun no/ /'on te mi dge ba la spyod na de la skyo ba mang ba dang/ rtog pa mang pa yin te/ mi dge ba'i chos de dag spang ba la brtson pa yin/ mi dge ba'i chos de dag kyang gang zhe na/ 'di lta ste/ 'dod chags dang/ zhe sdang dang/ gti mug go/ de la 'dod chags rnam pa gsum du rig par bya ste/ chen po dang/ 'bring po dang/ chung ngu'o/ /de la 'dod chags chen po gang zhe na/ gang lus thams cad du khyab ste/ sems kun nas gzung zhing gnas pa dang/ gang gi de la gzhol zhing 'dod chags dang bral ba'i sems mi 'thob pa ste/ de la gzhol ba de la ngo tsha ba dang/ 'jom? pa thams cad kyi thams cad du med par 'gyur te/ ji ltar na ngo tsha ba dang 'dzem pa thams cad du med pa yin zhe na/ de la gcig pu lkog tu song ste/ sems kun nas bzung zhing gnas pa dang/ de nyid rjes su rnam par rtog cing de nying la legs par shin tu smon pa dang/ de nyid la yang yon tan du lta ba yin te/ de ltar na de la ngo tsha ba med pa yin no/ /ji ltar na 'dzom pa med pa yin zhe na/ de rgyu de dang rkyen de dang/ gzhi nges pha ma 'am/ bla ma lta bu gzhan dag la rtsod cing phyir zlog pa dang/ rgol bar byed cing de ngo mi tsha la de la yon tan du lta ba yin te/ de ltar na de la 'dzom pa dang/ ngo tsha med pa yin te/ de la rgyu de dang rkyen de dang/ gzhi des ngan song rnams su skye bar 'gyur te/ da ni 'dod chags chen po zhes bya'o/ /de la 'dod chags 'bring po gang zhe na/ gang gi 'dod pa rnams la/ brten par gyur na bya ba grub kyi bar du sten gyi bya ba grub nas 'dod chags dang bral ba'i sems thob pa dang/ 'gyod pa 'thob pa dang/ sems la mi 'chab pa 'thob pa ste/ de ni 'dod chags 'bring po zhes bya ba'o/ /nad de la 'dod chags chung ngu zhes bya ba dang zhe na/ gang gis 'dod pa rnams bstan par gyur kyang mnams? pa dang/ byugs pa dang/ lus kyi reg pa tsam mam/ tshig tu smras pa tsam mam/ mthong ba tsam gyis tshim par 'gyur ba de ni 'dod chags chung ngu zhes bya'o/ /mdor na 'tsho ba'i yo byad thams cad la chags pa'i sems su gyur pa ste de ni 'dod chags zhes bya'o/ /de la zhe sdang gang zhe na/ zhe sdang yang rnam pa gsum rig par bya ste/ chen po dang 'bring dang chung ngu'o/ /de la zhe sdang chen po gang zhe na/ zhe sdang gi rnam pa gang gis zhes sdang zhing rngam 'khrugs gtum par gyur nas mtshams med pa lnga las gang yang rung ba la byed pa'am/ dam pa'i chos spong ba la gang byas pa la mtshams med pa lnga bsdom pa bas kyang grangs su yang nye bar mi 'gro/ cha dang 'grang pa dang dpe dang/ rgyur yang nye bar mi 'gro bde lta bu byed de/ de rgyu de dang rkyen de dang gzhi nges lus zhig nas sems can dmyal ba chen po ngag tu skye zhing/ gal te brgyal mir skye ba na yang/ gnag cing dmar la/ gtum zhing gnod sems mang bar 'gyur te/ de rgyu de dang rkyen de dang gzhi nges yang sems can dmyal ba dag tu skye bar 'gyur ba de ni zhe sdang chen po zhes bya'o/ /de la zhe sdang 'bring po gang zhe na/ gang gi zhe sdang bar gyur te/ sdig pa mi dge ba'i las bya na myur ba myur bas skyed na bskyen bar la gong la thong? la brkyod? cing de'i gnyen po la yang bstan pa ste/ de ni zhe sdang 'bring po zhes bya'o/ /de la zhe sdang chung ngu gang zhe na/ gang gi zhe sdang bar gyur nas tshig tsam dang/ mi snyan pa tsam dang/ ngan du brjod pa tsam gyis mi dge ba'i las gsog pa ste/ de yang brgyal bar 'ga' zhig 'byung ste/ byung na yang skad cig de nyid dang/ yul tsam de nyid dang 'thad cig de nyid dang nyen po bsten pa ste/ de ni zhe sdang chung ngu zhes bya'o/ /de la gti mug gang zhe na/ gti mug kyang rnam pa gsum du rig par bya ste/ chen po dang 'bring dang chung ngu'o/ /de la gti mug chen po gang zhe na/ gang ji skad du smos pa'i gnas de dag las nyes kyang dga' zhing mya ngan du mi byed/ smra sngags mi 'don/ 'gyod par mi byed pa yin te/ de ni gti mug chen po zhes bya'o/ /de la gti mug 'bring po gang zhe na/ gang gis mi dge ba'i las byas kyang/ la gor la gor du 'gyod cing/ tshangs pa mtshungs par spyod pa rnams kyi drung du 'chags shing mi 'chab la/ de la yon tan du yang mi lta ba yin te/ 'di ni gti mug 'bring po zhes bya'o/ /de la gti mug chung ngu gang zhe na/ gang gis rang bzhin gyis kha na ma tho ba ma yin pa bcas pa'i kha na ma tho ba bslab pa kun spyod pa'i lam gnyis gsum las 'da' ba ste/ de ni gti mug chung ngu zhes bya'o/ /de la yang byang chub sems dpa' sems phyir zlog pa la mkhas pa yin te/ de de ltar sems la mkhas pa la gang 'dod pa rnams la dga' ba dang/ 'dod pa rnams la 'dun pa dang/ 'dod pa rnams la lhag par chags pa de lta bu med pa yin te/ de ci'i phyir zhe na/ de ltar sems la mkhas pa'i phyir ro/ /'on te lung du ma bstan pa la spyod na/ de la dran pa dang ldan zhing nan tan byed la/ de brtag pa la brtson pa yin te/ de lhas ji ltar lung du ma bstan pa la spyod pa yin zhe na/ gang gi tshe sems phyi rol tu yang mi rgyu nang du yang mi rgyu/ dge ba la yang mi spyod/ mi dge ba la yang mi spyod/ lhag mthong ba la yang mi spyod/ zhi gnas kyang mi 'dzin cing zhu ma la gnyid kyis non par gnas te/ 'di lta ste/ dper na skyes bu nyal nyal ba las sad pa mig gnyid kyi bsgribs pa'i sems mi gsal ba de bzhin du de'i tshe sems de mi gsal bar rgyu ba ste/ de la byang chub sems dpa' sems yang dag par gzeng bstod pa dang/ yang dag par rab tu dga' bar bya ba dang/ yang dag par bzhag pa la mkhas pa yin te/ de ltar na byang chub sems dpa' sems la mkhas pa yin no/ /de de ltar sems la mkhas pas chos 'di dge ni sgyu ma lta bu'o/ chos 'di dag ni rmi lam lta bu'o/ /chos 'di dag ni dge ba'o/ /chos 'di dag ni mi dge ba'o/ /chos 'di dag ni 'byung ba'o/ /chos 'di dag ni mi 'byung ba'o/ /zhes chos rnams la yongs su rtog ste/ 'dis sum du chos 'di dag thams cad ni sems la gnas pa/ sems las byung ba/ sems sngon du 'gro ba ste/ sems shin tu brtul ba dang/ shin tu khong du chud par byas na chos de dag thams cad shin tu bcil ba dang/ shin tu brtul ba dang/ shin tu khong du chud par 'gyur ro zhes gsungs so/ /'phags pa dran pa nye bar bzhag pa las kyang/ 'du 'dzi'i gtam nyan? pa dang/ ri mo 'dri ba dang/ snyen dang gos sbyor ba dang/ /gna'i tshogs dang/ rgyu skar sems pa dang/ zas rnyed pa bdag gir byed pa dang/ sha za mo lta bur nor bsgrub par sems pa dang/ /rgyal po la brten pa dang/ mkhas pa rnams la gdam ngag rnams mi nod pa dang/ bde ba la mgron du bod pa dang/ 'dri zhing gnas pa'o zhes gsungs so/ /bsgom pa'i rim pa bar du mdzad pa las kyang/ zhi gnas kyi tshogs gang zhe na/ mthun pa'i yul na gnas pa dang/ 'dod pa chung ba dang/ chog shes pa dang/ bya ba mang po yongs su spangs pa dang/ tshul khrims rnam par dag pa dang/ 'dod pa la sogs pa'i rnam par rtog pa spangs pa'o/ /de la yon tan lnga dag dang ldan pa ni/ mthun pa'i yul yin te/ skye bo mi slun pa dang/ dgra la sogs pha med pa'i phyir legs par ldan pa dang/ gos dang zas la sogs pa tshigs med pa rnyed pa'i phyir rnyed sla ba dang/ nang nyung ba'i sa phyogs yin pa'i phyir skye ba zad pa dang/ grogs tshul khrims rnam par dag pa dang/ lta ba mthun pas grogs bzang ba dang/ nyin mo skye bo mang pos ma gang ba dang/ mtshan mo sgra chung ba'i gnas bzang ba'o/ /'dod pa chung ba gang zhe na/ chos gos la sogs pa bzang ba'am/ mang po la lhag par ma chags pa'i chog shes pa gang zhe na/ chos gos la sogs pa ngan don tsam rnyed pas rtag tu chog shes pa'o/ /bya ba mang po yongs su spangs pa gang zhe na/ nyo tshong la sogs pa'i las ngan pa yongs su spangs pa dang/ khyim pa dang/ rab tu 'byung ba dag dang/ ha cang smos 'dris byed pa dag dang/ sman byed pa dang/ sar ma brtsi ba la sogs gang yin pa yongs su spangs pa'o/ /tshul khrims rnam par dag pa gang zhe na/ sdom pa gnyi ga la yang rang bzhin dang bcas pa'i kha na ma tho ba dang bcas pa mi 'dral ba dang/ bag med pas ral yang skyen pa skyen par 'gyod cing chos bzhin du byed pa'o/ /zhes bya ba la sogs pa gsungs so/ /'dod pa'i rnam par rtog pa la sogs pa spangs pa gang zhe na/ 'dod pa rnams la tshe 'di dang phyi ma'i nyes dmigs rnams rnam pa mang por yod par bsams la/ de dag la rnam par rtog pa spang bar bya'o/ /yang 'khor ba'i dngos po sdug po 'am/ mi sdug pa yang rung ste/ de dag thams cad dang bdag ring por mi thogs par bral na bdag ci zhig la chags par 'gyur snyam du bsam la rnam par rtog pa spang par bya'o// zhes gsungs so/ /zhi gnas kyi tshogs de dag ni mdor bsdu na gnyis te/ kha cig ni dgag pa'i sgo nas ston to/ /kha cig ni sgrub pa'i sgo nas gsungs so/ /yang zhi gnas kyi tshogs gnyis te/ phyi'i dang/ nang gi'o/ /phyi'i ni yid du 'ong ba'i sa phyogs so// mthun pa'i yul na gnas pa zhes kyang gsungs so/ /nang gi ni ma chags pa dang/ tshul khrims rnam par dag pa'o/ /'jig rten chags pa med la mngon dags 'jug ces gsungs la/ sdom pa'i tshul khrims kyis sems gnas pa'i bya byed ces kyang gsungs so/ /lhag pa'i tshul khrims la brten nas lhag pa'i sems skye zhes gsungs pa dang/ tshul khrims la ni gnas nas ting nge 'dzin 'thob po/ /zhes gsungs so/ /tshul khrims ni ting nge 'dzin gyi rgyu yin no zhes kyang gsungs pa dang/ nyon mongs med pa'i ting nge 'dzin myur thob ste/ de ni tshul khrims rnam dag phan yon yin zhes gsungs so/ /tshul khrims la g.yel nas phyis 'gyod par 'byung zhing/ 'gyod pas ni sems 'phro par byed de/ de bas na 'bras bu ting nge 'dzin 'dod pas rgyu tshul khrims gus par bsrung ngo/ /dmigs pa'i mtshan nyid shes par bya ba gang zhe na/ 'dir de bzhin gshegs pa la sogs pa'i sku gzugs kyi mtshan nyid shes par bya ba ste/ 'di yang 'dod chags dang/ zhe sdang dang/ gti mug dang/ nga rgyal dang/ rnam par rtog pa shas che ba dang/ cha mnyam pa dang/ nyon mongs pa chung ngu las tha ma gnyis la legs sam snyam du bsam pa'o/ /mang du thos pa'am/ gdams ngag gis zin nas kun gyis kyang/ re zhig dmigs kyang legs so snyam du bsams so/ /rnam par rtog pa la sogs pa de dag gi rtags dang/ de dpag pa'i thabs dang/ dmigs pa dang/ bsgom pa'i thabs nyan thos kyis las gsal lo/ /dmigs pa de ga las gsungs snyam pa la/ 'phags pa ting nge 'dzin gyi rgyal po las/ gser gyi kha dog lta bu'i sku lus kyis/ 'jig rten mgon po kun nas rab tu mdzes/ dmigs pa de la gang gi sems 'jog pa/ byang chub sems dpa' de mnyam gzhag ces bya/ zhes gsungs pa dang/ da ltar gyi sangs rgyas mngon sum du bzhugs pa'i ting nge 'dzin las kyang de bzhin gshegs pa 'od dpag tu med pa'i sku mdog dang/ phyag mtshan dang/ gdan dang/ che ba'i yon tan la sogs pa thos nas dang ba'i sems kyis nub phyogs su bltas te/ bsgoms na gsal par snang bar 'gyur te/ de yang thog mar rmi lam du snang ste/ dper na smad 'tshong mdog shin tu sdug pa zhig /yod la/ tshong dpon gyi bu zhig gis thos pa dang/ de'i nub mo mthong ba'am 'phrad par rmis pa bzhin no/ /zhes gsungs so/ /la la dag de bzhin gshegs pa mngon sum du bzhugs pa la dmigs na snang bar 'gyur srid kyi mya ngan las 'das pa la ni ma yin no snyam na/ 'phags pa ting nge 'dzin gyi rgyal po las/ /de bzhin gshegs pa mya ngan 'das pa dag /ji ltar yid la byas bzhin gzugs brnyan snang zhes gsungs so/ /yang bris sku la sogs pa la dmigs pa med dam snyam na/ mdo sde las de bzhin gshegs pa'i sku gzugs ri mo bris pa yongs su rdzogs pa zhig la tshong dpon gyi bu zhig gis gzugs brnyan yang 'di dran rang gi ngo bo mthong ba lta ci smos snyam du bsam te/ de ma thag tu sa phyogs byi dor ma byas pa zhig du 'dug nas dad ba'i sems kyis mig ma 'dzum par blta zhing bsgoms pas bsam gtan dang po dang bzhi pa'i bar du thob pa la sogs pa gsungs so/ /gzhan dag na re zhig gnas kyi dmigs pa la nges pa med ces 'byung bas bum pa la sogs pa gang yang rung ba la dmigs pas chog zer te/ de lta yin mod kyi 'on kyang yud tsam re re la yang phan yon chen po yod pa'i phyir dang/ dad ba skye bas de bzhin gshegs pa la sogs pa'i sku gzugs la dmigs pa legs so snyam du bsams so/ /de la phan yon ni 'phags pa dad pa'i stobs bskyed pa'i phyag rgya'i mdo las/ stong gsum gyi stong chen po'i 'jig rten gyi rdul phra rab thams cad nyan thos dang rang sangs rgyas su gyur la/ gang la la zhig bsod nams 'dod pas de dag chos gos dang/ mal stan dang/ na ba'i bsos sman la sogs pas bskal ba gang+ga'i klung gi bye ma snyed du mchod cing bsnyen bkur byas pa bas/ gang la la zhig gi yang dag par rdzogs pa'i sangs rgyas kyi sku gzugs ri mor bris pa zhig mthong na de de bas tshes bsod nams che na/ me tog tor ba la sogs pa lta ci smos zhes gsungs so/ /'phags pa ting nge 'dzin mchog dam pa las/ gang la la zhig gis rin po che sna bdun las byas pa'i gtsug lag khang gi 'dzam+bu'i gling thams cad bkang ste/ de dag gi nang du tsan dan sprul gyi snying po las/ byas pa'i de bzhin gshegs pa'i sku gzugs kyis bkang ste/ de dag la bskal pa gang+gA'i klung gi bye ma snyed du las gzhan mi byed pas nyin gcig bzhin du lha'i me tog dang spos la sogs pas mchod pa byas pa bas gang la la zhig gis yang dag par rdzogs pa'i sangs rgyas kyi sku la yud tsam zhig sems nang du bsdus nas brtags na de ni de bas bsod nams ches grangs med pa bskyed do/ /zhes gsungs so// 'phags pa ting nge 'dzin gyi rgyal po las kyang/ ji lta ji ltar mang du mi btags na/ de la gnas pa'i rnam par rtog pa des/ da lta de ltar de las sems gzhal 'gyur/ de bzhin rgyal ba yi ni sku byad dang/ ye shes dpag tu med par thub dbang dran/ rtag par rjes su dran par sgom byed na/ de yi mdun na ston pa rtag tu bzhugs zhes gsungs so/ /yang de nyid las/ nam zhig de ni nam zhig mi bde ste/ shi la thug pa'i sdug bsngal tshor byung ka na/ sdug bsngal tshor bar phrogs par yod mi 'gyur zhes bya ba la sogs pa gsungs so/ /'phags pa ka ta ya nas bran mo zhig la dbul 'tshong ngam zhes gsungs su ba dang bran mos smras pa/ dbul gang zhig nyo ba mchis zhes zhus pa dang/ dbul 'tshod pa'i thabs yod de/ de bzhin gshegs pa'i sku yid la gyis ? shig ces gsungs pa dang/ de de'i mtshan mo tho rangs rtsa gting ba'i steng du 'dug ste/ de bzhin gshegs pa'i sku yid la byas pa dang/ de nyid du tshe'i dus byas kyang sum cu rtsa gsum gyi lha'i nang du skyes pa la sogs pa gsungs so/ /da ltar gyi sangs rgyas mngon sum du bzhugs pa'i ting nge 'dzin las kyang/ nam zhig de bzhin gshegs pa mngon sum du mthong ba dang/ des gsungs pa'i chos kyi sgra thos par 'gyur ba la sogs pa'i phan yon gsungs so/ /'phags pa yul 'khor skyong gis zhus pa las/ sangs rgyas rjes su dran pa yang yin par gsungs so/ /de ltar mdo de dang de dag tu de bzhin gshegs pa'i sku la bsgoms na phan yon che bar gsungs so/ /dmigs pa la dang ba'am dad ba skye ci dgos she na/ nyes pa lnga spong ba'i 'du byed brgyad kyi dang po mngon par yid ches pa'i dad pa yin par gsungs pa dang/ dad pa sngon 'dren ma ltar bskyed pa ste/ lag pa bzhin du dge sdud rtsa ba yin/ zhes gsungs pas dad pa skyed pa'i yul gal che'o/ /de bas na phan yon che ba dang/ dad pa skye ba'i yul yin pa'i phyir de bzhin gshegs pa'i sku'i gzugs brnyan gang la mos pa tsam gcig la khar ba dang ra gnal sogs pa'i 'du shes mi bskyed par bsod nams dang/ ye shes kyi tshogs mdza' dag bsags pa las 'bras bu khyad par can ye shes dang bcas pa'i sku 'di lta bu bskyed pa yin snyam du bsams la dbyibs kyi bye brag bzhugs thabs sam/ sku stong dang/ sku smad dang/ dbu dang phyag dang/ zhabs dang/ rgyab yol dang/ gdan khri dang/ phyag mtshan dang/ rgyan la sogs par ltar gnas pa dang/ kha dog gi bye brag ser po 'am/ dmar po la sogs pa kha dog gcig pa 'am/ mi gcig pa la legs par blta zhing nyi ma gnyis gsum du skabs skabs su bskyed cing blta/ bdud cing brtag bye brag tu chung ngu yan chad sems la gzung shes par bya ste de ltar dmigs pa'i mtshan nyid shes par bya'o/ /sngon du 'gro ba gang zhe na/ dang por bya ba thams cad yongs su rdzogs par bya ste/ yid du 'ong ba'i sa phyogs su phyag 'tshal ba la sogs pa sngon du song bas stan bde ba'i steng du bdag ste/ lus pags kyis glod la drang por bsrang/ skyil mo krung dal bus bca' / lus la skyo ba bskyed de 'dug par bya'o/ /de nas 'di snyam du bsam par bya ste/ 'gro ba mdza' dag skye ba dang/ rga ba dang na ba dang/ 'chi ba'i me rab tu 'bar bas srag cing gzung ste/ 'khor zhing rab tu sdug bsngal lo snyam du bsam mo/ /de skad du/ 'phags pa rgya cher rol pa las/ srid gsum rga dang nad kyi sdug bsngal 'bar/ /'chi med rab 'bar 'di ni mgon med pa/ /srid las 'byung ba la 'gro ba rtag tu rmongs/ /bum par chung pa'i bung pa 'khor ba bzhin zhes gsungs so/ /de lta bas na srid pa gsum gyi sems can thams cad srid pa las 'byung pa'i thabs ni mi shes shing 'jug par dka' la 'khor pa'i rgyu la ni rang gis ngang gis 'jug go /de bas na bdag gis thams cad mkhyen pa'i ye shes thob par bya la/ 'gro ba mdza' dag byang chub chen po la dgod do snyam du bas mo thams cad mkhyen pa'i ye shes de yang zhi gnas dang/ lhag mthong goms pa las 'thob po zhes 'phags pa dgongs pa nges par 'grel pa las gsungs so/ /de yang sngon du zhi gnas goms par bya dgos te/ de skad du/ ting nge 'dzin rnams thob nas shes rab shin tu bsgom/ shes rab kyis ni ye shes rnam par dag pa 'thob/ ces gsungs so/ /'phags pa sa bcu pa las kyang/ thams cad mkhyen pa'i ye shes ni ting nge 'dzin la brten nas skye'o/ /zhes gsungs so/ /bslab pa kun las btus pa las kyang/ sreg la sogs pa'i sdug bsngal mdza' yas mi zad pa/ sems yid ma zhi khyed kyis yang dang yang myong 'gyur ces gsungs so/ /spyod pa la 'jug pa las kyang/ yid ni rnam par g.yengs gyur na/ nyon mongs mche ba'i phrag na gnas zhes gsungs so/ /de lta bas na bdag gi thog mar zhi gnas sgrub po snyam du bsam mo/ /de ni sngon du 'gro ba'o/ /sems ji ltar gtad pa gang zhe na/ gong du lags par brtags pa'i sku de dag gi mdun legs su khru gang gi pha mdza' tsam na sngar brtags pa bas kyang dbyibs legs bsam kha dog gsal lam snyam du rdzogs pa mtshan nyid du ci gsal tu shes pa rab tu bsgrims la gtan no/ /de ltar gtad tsam ni ye shes snang ba yang rdzogs pa kho nar bsam mo/ /bye brag cung zad tsam snang na yang rab tu bsgrims la bzung ngo/ /yang mi snang na rdzogs pa kho nar bzhugs par bsam mo/ /de bas rdzogs par ci gsal du bsgom zhing rdzogs par mi snang na bye brag cung zad snang yang de la gtad/ de ni snang ma thag tu yang rdzogs pa'i mtshan nyid du sems rab tu bsgrims la gtad do/ /de bas na gtso cher spyi la bsgom zhing bye brag la gnas kyis bar du bye brag la bzhag go/ gzhan dag na re shes pa bsgrims cing gos tha mal par bzhag pas chog mod zer te/ las dang po bas ni de ltar mi bya ste/ slob dpon thogs med kyi zhal snga nas bsam gtan rnams la yid la byed pa bdun gyis 'jug pa ni bzhis bsdus te/ bsgrims te/ 'jug pa dang skabs su 'chad cing 'jug pa dang/ skabs su 'chad pa med par 'jug pa dang/ lhun gyis grub par 'jug pa'o zhes gsungs te/ de bas na las dang po pas shes pa rab tu bsgrims la dmigs pa gzung ngo/ /de ni sems ji ltar gtad pa'i thabs so/ /nyes pa spang ba gang zhe na/ nyes pa ni skabs 'dir bying rgod gnyis la bya ba ste/ gong ma bzhin du gtad pa'i skabs su sems bying ngam bying du dogs par mthong na dang ba skye ba'i yul yid la byas la shes pa gsal bar 'gyur ma thag tu gong ma bzhin du gtad do/ /bying ba'i rgyu ni kha zas kyi bye brag dang/ ngal du ba dang/ mun pa yid la byas pa la sogs pas dmigs pa gsal bar 'dzin mi nus so/ /rgod pa ni gong ma bzhin du gtad tsam na dmigs pa de las gzhan gang dran yang rgod pa yin te/ dran ma thag tu skyo ba skyed cing dmigs pa gang yin pa la myur du gtad do/ /rgod pa'i rgyu ni phal cher chags pa las 'byung ste/ de bas na mi rtag par bsam zhing skyo ba skye bas yul las ldog go/ sgom pa yun thung ba'i dbang gis bying ba ni shas chung ste/ rgod pa las blan pa ma? rab tu 'bad do/ /sems gnas nas phyis skyod 'don tsam na ni bsgom pa'i rim par gsungs pa bzhin du bya'o/ /mdor na bying na gsal bar bya/ rgod na blan/ mnyam par zhugs na yid glod de/ de ltar nyes pa spang ngo/ /khams kyi chod gzung ba gang zhe na/ khams rab kyi nyid gyi bzhi cha mtshan gyi bzhi cha nyin bzhi cha la thun bzhi 'am lnga /mtshan gyi bzhi cha ni nam gyi cha stong dang/ cha smad la thun bzhi 'am lngar bsgom mo/ /'bring gis nyin gyi bzhi cha la thun lnga 'am drug tu sgom mo/ /tha mas nyin gyi lnga cha 'am/ drug cha tsam la thun drug gam bdun tsam du bsgom mo/ /khams zhan cing thun mang ba ni thung bas bye brag tu byas pa yin no/ /rab kyis ni zan re bza' ran tsam/ 'bring dang tha mas ni gom pa tha mal pas mda' rgyang gcig gam gsum mam gnyis sam phyed du phyin pa'i bar tsam du bsgom mo/ /de ni spyir btang ba'o/ /de kun gyis kyang yun thung bar bsgom zhing/ de'i phyir de nyin par gnyis/ de bzhin du zhag bcu'i bar du nyin re thun re bsnan cing bsgoms na/ snga dro phyi red gang bde ba dang/ khams rab 'bring gi chod zhar la shes par 'ong ngo/ /mi bde ba phran tshegs tsam yang tshor bar bya zhing zhi bar bya'o/ /de ltar na khams kyi tshod gzung ngo/ /ngal gso ba'am/ mi bsgom pa'i skabs su ji ltar bya zhe na/ bsam pa phun sum tshogs pa dang/ 'tsho ba phun sum tshogs pa dang/ spyod lam phun sum tshogs par bya'o/ /de la bsam pa phun sum tshogs pa ni bdag 'dul ba la mngon par rtson par bya ba'i bsam pa dang/ gang zag gzhan gyi skyon la mi brtag pa dang/ 'jigs pa la sogs pa byung ba la ji ltar bya ba'i bsam ba dang/ zhi gnas kyi tshogs spyir bsam pa'o/ /de la bdag dul ba la mngon par brtson par bya ba'i bsam ba ni sa phags pa drag shul can las/ bdag ci'i phyir dgon par 'ongs dgon pa na gnas pa 'ba' zhig ni dge sbyong? dang bram ze ma yin te/ 'di na ma zhi ba/ ma byang ba/ ma sbas pa/ mi brtson pa/ mi 'grus pa/ 'di lta ste ri dags dang/ spre'u dang/ bya mang po dang/ chom rkun dang/ gdol pa dag kyang mang du gnas te/ de dag ni dge sbyong gi yon tan dang ldan pa ma yin te/ bdag gang gi phyir dgon pa na gnas nas dge sbyong gi don de/ thob par bya'o/ /snyam du sems bskyed do zhes gsungs so/ /gzhan yang bdag ni lam ring po nas 'dir 'ongs shing gcig pu gnyis su med pa ste/ legs par byas pa dang/ nyes bar byas pa la bskul ba'i grogs gang yang med de/ lha dang/ klu dang/ gnod sbyin dang/ dri za dang/ sangs rgyas bcom ldan 'das gang dag gzhan gyis sems shes pa yod de/ bdag dgon pa na gnas pa bas mi dge ba'i sems kyi dbang du song na de de dag gi dbang du 'gyur ro/ /bdag lam ring po nas 'ongs shing gcig pu gnyis su med la nga yi pa med pa yongs su 'dzin pa med pa yin la/ gal te 'dod pa la rnam par rtog pa 'am/ gnod sems kyi rnam par rtog pa'am/ tshe ba'i rnam par rtog pa la sogs pa mi dge ba'i sems kyi dbang du gyur na/ 'du 'dzi la gnas pa'i sems can rnams dang/ bye brag med par 'gyur la/ lha dang klu dang gnod sbyin dang dri za rnams kyang bslus bar 'gyur zhing/ sangs rgyas bcom ldan 'das rnams kyang mi mnyes par byas par 'gyur gyi/ de bas na bdag ci nas lha rnams 'phyi bar mi 'gyur ba dang/ sangs rgyas bcom ldan 'das rnams mi dgyes par mi 'gyur ba de ltar sems bskyed par bya'o zhes gsungs so/ gzhan gyi skyon la mi brtag ba ni 'di skad du mdo las/ /yon tan 'dod pa nags na gnas pa dag/ pha rol dag gi skyon la brtag mi bya/ bdag ni khyad par 'phags shing bdag mchog ces/ /de snyam du ni sems bskyed mi bya'o/ /rgyags ni bag med kun gyi rtsa ba ste/ /dge sbyong dman la brnyas ba ma byed cig/ bskal pa gcig gi byang chub thob mi 'gyur/ 'di ni bstan ba 'di la go rims yin/ zhes gsungs so/ /'phags pa dkon mchog sprin las kyang/ pha rol gyi skyon la rtog pa ni dgon pa la gnas pa'i tshul bzhin ma yin pa yid la byed pa'o zhes gsungs so/ /mi ma yin pa'i 'jigs pa la sogs pa byung na snying rje chen po bskyed do/ /des zhi bar 'gyur bar mdo sde las gsungs so/ /zhi gnas kyi tshogs spyir bsam ba ni gong du smos pa rnams skabs skabs su bsam bar bya'o/ /'tsho ba phun sum tshogs pa ni rab tu byung ba yin na/ mthar tshogs kyi bsod snyoms dang/ rnyed bas chog pa'i bsod snyoms ba gang yang rung bas dang por 'dul ba'am mdo sde las 'byung ba bzhin du blang ba'am/ sbyin bdag la gsol ba gdab pa byas la phyis 'tsho ba shin tu ngan kyang 'gyod par mi bya ste/ bdag gi 'tsho ba gzhan la rag las pa yin no snyam du bsam zhing nga rgyal bskyungs te/ lhad zan zhag bdun pa yang rung ste/ zas kyi ro la chags pa ni bcom ldan 'das kyis rnam grangs du mar smad de/ zas la brten nas nyon mongs pa ma skyes pa 'di ni? 'tsho ba phun sum tshogs pa yin no snyam du bsam mo/ /dge bsnyen yin na yang/ kha na ma tho ba med cing khams dang 'phrod ba dang po tshags byas nas phyi 'dod ba 'am/ phul bskyed pa'am/ tshol ba'i bsam pa mi bya bar chog shes par bya ste/ 'di ltar za gcig bas kyang ma thob pa thob pa bya ba 'grub na/ bdag cag dus dang dus ma yin pa thams cad du za bas lhad zan las med kyang khams ci'i phyi mi brta/ de bas zan gyi don du sdig pa bsag cing dge ba'i bar chad mi byed pa ni 'tsho ba yongs su dag pa yin no snyam du bsam mo/ /spyod lam phun sum tshogs pa ni sems mi gnas kyi bar du kha ton dang/ phyag mang po mi bya/ yid dam du bcad pa yang du bsu bcad cing nyin par phar 'gro tshur? 'gro bya zhing zhar la sgra ha cang mi che bar gdon/ lus kyi spyod lam so sor ngal bar bya/ gen thur gzung po la mi 'gro/ sa gcig tu yun ha cang ring bar mi 'dug/ nyin par glo phab la gnyid mi log/ stobs bskyed pa'am/ drag shul chen po mi bya/ spyod lam kun byang chub kyi sems kyis zin par bya ste/ 'phags pa dkon mchog sprin las byung ba'am/ spyod yul yongs su dag pa las 'byung ba bzhin du dran par bya'o/ /de bas na dge ba la ni lus dang sems 'jug par bya ste/ mi nus na btang snyom dang lung du ma bstan pas ngal gso'o/ /mi dge ba'i sems cung zad kyang mi btang ste/ 'dus shing kha stobs 'gyed pa dang/ rgyal po dang bud med la sogs pa'i gtam ngan pa smra ba'am/ ngan pa'i rtog pa cung zad kyang mi bskyed do/ /gong du bstan pa bzhin du sngon du 'gro ba dang/ smon lam ci rigs par cung zad la gdab ba ni las dang po pas nyin re la thun re tsam bya ste/ sgom res kyi mi bya'o/ /de dag ni mi bsgom pa'i dus kyi bya'o/ /bsgom pas sems kyi skyed lugs ni rnam pa/ gnyis te/ cig car dang rim gyis pa'o/ /gong ma la gnyis te/ thun gcig nas zhag bdun tshun chad kyis gcig car rtsol ba drag zhan gnyis ka la rdzogs par snang ba la sogs bsal gyis snang nas bstan pa dang/ thun cig tsam snang nas zhag kha cig mi snang ste/ phyis yang cig car du rdzogs par snang nas brtan pa'o/ /rim gyis pa la bzhi ste/ dang po rtsol ba drag kyang rung zhan kyang rung dmigs pa cung zad kyang mi snang ba'i nyams dang/ de dang rtsol ba drag tu bsgom na snang la/ skabs skabs su drag zhan gnyis ka la mi snang ba'i nyams dang/ drag tu bsgoms na ni/ snang la gzhan du bsgoms na skabs kha cig tu mi snang ba dang/ rtsol ba drag zhan gnyis ka la rdzogs pa'i mtshan nyid du snang ba la sogs pa gtad du 'dod pa'i mtshan nyid dang ldan pa'o/ /yang kha cig la 'di ltar skye ste/ thog ma nyid la rtsol ba drag zhan gnyis ka la mi snang ba mi srid de/ phyogs re tsam snang ste rdzogs par snang ste mi 'dod do/ /gang gsal ba la gtad cing dmigs la tsam na rangs ba gtad de/ yang phyogs gcig gsal na de la gtad/ /de mi gsal na yang snga ma bzhin du byas pas gsal tsha bas je che je che brtan bskyed byung na rtsol ba drag zhan gnyis ka la rdzogs par snang ba la sogs pa gtad du 'dod pa'i mtshan nyid dang ldan pa'o/ /yang kha cig la thog ma nyid la rtsol ba drag zhan gnyis ka la res 'ga' snang/ res 'ga' mi snang ba'i nyams dang/ cung zad skyed byung nas rtsol ba drag zhan gnyis ka la phal cher snang ba la gnas skabs kha cig tu mi snang ba'i nyams dang rtsol ba drag zhan gnyis ka la yang snang ste brtsol ba zhan tu bsgoms nas kha cig tu mi snang ba'i nyams dang/ rtsol ba drag zhan gnyis ka la rdzogs par snang ba la sogs pa gtad du 'dod pa'i mtshan nyid dang ldan pa'o/ /yang kha cig la sems kyi skye lugs 'das ma thag pa dang 'dra ba las skye ba'i rim pa gsum pa rtsol ba drag zhan gnyis ka la snang/ skabs kha cig tu zhan tu bsgoms na ni snang bar 'gyur ba'i skabs der ma nges pa lnga snang ba byung ste/ dbyibs ma nges pa dang/ kha dog ma nges pa dang/ kha dog 'ba' zhig dang/ grangs dang/ che chung ma nges pa'o/ /de la dbyibs ma nges ba ni/ bde bar gshegs pa'i sku gzugs snang bar 'dod pa la/ sku mi snang bar mchod rten nam/ gzhan zlum po la sogs par snang ba'o/ /kha dog ma nges pa ni ser por snang bar 'dod pa la sngon po 'am dmar po la sogs pa gzhan snang ba'o/ /kha dog 'ba' zhig ba ni dbyibs dang kha dog tu bcas par 'dod pa las dbyibs kyi tha snyad ni gdags par ci dka' / ser po la sogs pa 'od du snang ba'o/ /grangs ma nges pa ni gcig bsgoms na gnyis yan chad snang ba'o/ /che chung ma nges pa ni chen po bsgoms pa ni chung snang ba la sogs pa'o/ /ma nges ba de dag las thun gcig la yang gnyis snang ba dang/ gsum dang bzhi gang zag gcig la snang ba srid kyi/ lnga kho na thun gcig la snang ba ni mi srid do/ /kha dog 'ba' zhig pa dang 'gal ba'i phyir ro/ /kha dog 'ba' zhig la yang sngar gyi sku'i kha dog dang mthun pa dang/ mi mthun pa yang 'byung ngo/ /thams cad la nag por snang ba ni khams mi bde ba yin no/ /ci'i phyir ma nges pa zhes bya zhe na/ skye ba'i rim pa gsum pa'i skabs su de dag gang ma nges pa na ma nges pa zhes bya'o/ /skabs der de dag gi rjes su 'brang bar mi bya ste/ sngar brtags pa'i sku nyid la bsgom mo/ /gzhan ni gsal ba 'dra yang gtad du 'dod pa'i mtshan nyid dang mi ldan pas rjes su mi 'brang ste/ khams la gnod pa'i phyir ro/ /rjes su ma 'brangs pas skyed byung ste/ rtsol ba drag zhan gnyis ka la rdzogs par snang ba la sogs pa gtad du 'dod pa'i mtshan nyid dang ldan pa'o/ /gtad du 'dod pa'i mtshan nyid dang ldan pa ni ma nges la yang brtan pa'i thabs bya'o/ phyis gdams? pa la sgyur du 'dod do/ /ci gcar? ba dang rim gyis pa de dag gi gnas pa'i tshad ni mtshan nyid bzhi yin la/ gsal ba'i bye brag ni rab 'bring gsum mo/ /de la mtshan nyid bzhi ni rtsol ba drag zhan gnyis ka la rdzogs par snang ba dang/ thun ring por gnas nus pa dang/ bying rgod gnyis dang bral ba dang/ lus kyi bde ba yang ba dang/ 'jam pa cung zad dang/ sems la dga' ba rgod 'tshor ba tsam dang/ sems rtse gcig ba'i phyogs dang mthun pa yod do/ /gsal ba'i bye brag gsum ni rab rib mig gis mthor? ba bas gsal zhing 'jam pa 'am snyam pa dang/ 'bring mngon sum du mthong pa dang/ 'dra snyam pa dang/ tha ma rdzogs bar gsal bar mi snang ba ste/ de rnams gang byung yang rung chog shes par bya ste/ re zhig de brtan par bya'o/ /phyis ni skyed dbyung ste/ mi gsal ba gsal bar bya ba dang/ gsal ba yun ring ba la sogs pa'i thabs bya'o/ /la la na re brtan pa'i thabs mi dgos zer te/ de lta ma yin te/ brtan pa'i thabs ni bsgoms pa dang ngal gso ba gnyis ka yin te/ de bas na khams kyi bye brag la dpag dgos pas shin tu gces so/ /khams kyi bye brag las ji ltar shes par bya zhe na/ khams rab cig yin na khams mi bde ba med pa'i skabs sems gnas pa rnyed na/ nyi ma gsum mtshan mo gsum srod tho rangs dang/ nyin bar gsal ba'i rtsol ba mi bya bar sngar ji tsam snang ba de ma shor bar nus thang gis bsgom mo/ /cung zad mi bde ba'i skabs su sems gnas par gyur na/ nyi ma gnyis dang/ mtshan mo gnyis su srod dang tho rangs dang nyin par snga ma bzhin du bsgom mo/ /khams 'bring gi mi bde ba med pa'i skabs su sems gnas par gyur na/ nyi ma gnyis dang mtshan mo gnyis su srod dang tho rangs nyin par nus thad du/ sgom mo/ /cung zad mi bde ba'i dus su sems gnas par gyur na/ nyi ma gcig dang mtshan mo gcig srod tho rangs nyin par snga ma bzhin du bsgom mo/ /khams tha mas mi bde ba med pa'i dus su sems gnas par gyur na/ nyi ma gcig dang mtshan mo gcig tu snga ma bzhin du bsgom mo/ /cung zad sems mi bde ba'i dus su sems gnas par gyur na/ thun gyi tshod na dang po slob pa tsam du bya ste/ shes pa ni mi bsgrim par nyin mtshan gnyis tsam du bsgom mo/ /de ni spyir btang ba ste/ gsum gas? kyang nam lus ngal ba dang/ shugs 'byung ba dang/ sdang ba dang/ mgo bags kyis lci ba dang/ yang yang byed ste/ 'gro ba 'am nus pa chung ma thag tu 'phro gcad/ gsum gas kyang khams cher mi bde ba dang/ sems gnas pa dus mtshungs par gyur na/ ye mi bsgom par ngal gso'o/ /khams sor ma chud kyi bar du yud tsam lta ba las thun du bcad pa bsgom par bya'o/ /de ltar brtan pa'i thabs kyis brtan par byas pa'i dmigs pa de ngos bzung ba ni yid la byed pa dang mthun pa yin te/ de skad du/ 'phags pa dgongs pa nges par 'grel pa las/ lus shin tu sbyangs pa dang/ sems shin tu sbyangs pa de ma thob pa de'i bar du yid la bskyed pa de la ci zhes bgyi/ byams pa zhi gnas dang mthun pa'i mos pa dang ldan pa yin te/ zhi gnas ni ma yin no zhes gsungs so/ /gang zhig dri ma gsum gyis bsgribs pas na/ /dmul long gyur pas sprul sku ma mthong la/ 'di rtog gong nas gong du gyur pa yis/ /de mthong bya phyir bgyis pas de mthong shog/ zhi gnas la 'jug pa'i thabs cung zad bris pa rdzogs so// //dngos dang dngos med rab mkhyen te/ /sku mchog mkha' 'dra brnyes 'gyur kyang/ /thugs rje'i dbang gis ji srid par/ /'gro drug sems can mun 'thom la/