བོད་ཡིག

e-texts based on the ACIP/ALL Input

sems gnas par bya ba'i thabs cung zad bris pa rdzogs so// //'dzam bu chu bo'i gser 'dras kha dog bskus/ /bde gshegs 'gro ba'i gnyen gcig rab mdzes la/ yon tan dran pa'i dang ba sngon 'gro bas/ /phyag 'tshal zhi gnas la 'jug cung zad bri/ /stong gsum gyi ni stong chen po'o/ /rdul phran ma lus ji snyed pa/ /nyan thos rang rgyal gzugs gyur la/ /bsod nams 'dod pas rtag mchod pas/ /gab gis yang dag rdzogs pa'i sku/ /rim mo bris sogs mthong ba 'phags/ /dad pa'i stobs bskyed la 'jug pa'i/ /phyag rgya'i mdo las bder gshegs gsungs/ /rin chen sna bdun gzhal yas khang/ /'dzam bu'i gling rnams bkang nang du/ /tsan dang ma chog la bder gshegs gzugs/ /byas gang rtag tu mchong pa bas// //gang gis yid rab nang btung nas/ /yud tsam bsgom pa khyad 'phags zhes/ /ting nge 'dzin mchog dam pa yi/ /mdo las sangs rgyas de skad gsungs/ /phan yon bstan pa'o/ /bdag dang longs spyod mdza' bshes la/ /chags par 'gyur ba spang bar bya/ /tshul khrims rnam dag la gnas nas/ /rab tu dbyen pa'i gnas 'dun te/ /ma chags tshul khrims rnam dag cing/ /zhe sdang zug rdu'i? sems spangs na/ /ting nge 'dzin 'grub par 'gyur ro zhes/ /'od srungs zhus pa'i mdo las gsungs/ /tshogs bstan pa'o/ /'jam pa'i stan la skyil krung bcas/ /'gro la snying brtse'i sems btang nas/ /de don byang chub thob bya bsam/ /yid ni rnam par g.yengs gyur na/ /nyon mongs mche ba'i 'phrag la gnas/ /thams cad mkhyen pa'i ye shes de/ /ting nge 'dzin las skye'o zhes/ /sa bcu'i mdo las bde gshegs gsungs/ /sngon 'gro ba'o/ /bdag gi mdun du bder gshegs sku/ /dbyibs legs kha dog gsal bar bsam/ /rab tu bsgrims pa'i dran pa yis/ /yang dang yang du gsal bar bsgom/ /gal te dangs pa mi gsal na/ /ji tsam snang bde la gtad/ /de med gyur na rangs pa bsam/ /de ltar yang dang yang du bsgom/ /sems ji ltar gtad pa'o/ /de yi sems kyi skye lugs ni/ /rim pa bzhir ni 'byung srid de/ /rtsol ba drag zhan gnyi ga la/ /cung zad mi snang dang po'i sems/ /drag tu bsgoms nas cung zad snang/ /zhan na mi snang gnyis pa yin/ drag tu bsgom na rtag tu snang/ /zhan na mi snang gsum pa yin/ /rtsol ba drag zhan gnyis ka la/ /bying rdod? gnyis bral rdzogs par snang/ /lus bde sems dga' rtse gcig pa/ /bzhi ba zhi gnas phyogs mthun thob/ /sems kyi skye ba'i rim pa'o/ /mig gi mthong bas gsal ba'i/ /nga rgyal skye ba rab chad yin/ /mig gis mthong ba 'dra ba yin/ /nga rgyal skye ba 'bring tshad yin/ /yan lag kun tshang rim be tsam/ /snang ba de ni tha ma'i tshad/ /gsum ga yid kyi yul yin yang/ /gsal mi gsal gyis phye ba yin/ /gsal byed brag gi tshad bstan pa'o/ /dang po'i nyin par thun gcig tsam/ /de nas nyi ma bdun gyi bar/ /thun re thun rer rnan par bya/ /de nas drug drug bdun bdun tsam/ /skyes bu gom pa tha mal pas/ /mda' rkyang phyed dang phyin tshad tsam/ /yun gyi tshad ni de tsam ste/ /grangs ni gong du bstan pa'o/ /khams kyi tshod gzung ba'o/ /bya ba sna tshogs sems kyis spang/ /'khor ba'i chos la skyo ba bskyed/ /khon du 'dzin pa yongs spangs nas/ /'gro ba kun la sems snyoms bya/ /'gron du 'bod dang 'du 'dzin ni/ /thams cad du ni spang bar bya/ /snyan dang mi snyan gtam snyan dang/ /smra ba rtag tu spang bar bya/ /kha na ma tho chung ba'i zas/ /khams dang mthun pa'i chad ldan bza' / /nyin par gnyid ni mi log cing/ /spyod lam rnam bzhi yang yang spo/ /lus kyi spyod pa dal ba dang/ /dge? dang? lung du ma bstan sems/ /bdag nyid gcig tu grogs med par/ /nyin mtshan rtag tu gnas par bya/ /nyin dang mtshan mo lan gsum du/ /mchod dang bshags sogs dge ba gang/ /sgyu ma lta bu'i sems bskyed de/ /thams cad byang chub chen por bsngo/ /nga la gso ba'i dus kyi bslab pa'o/ /phan yon tshogs dang sngon 'gro bsgom/ /skyed rim gnas tshang khams dang bslab/ /brgyad po dag gi zhi gnas kyi/ /phyogs mthun bya thabs bsdus pa yin/ /bde gshegs bka' ni bdud rtsi lta bu sman chen las/ /bdag 'dra rmongs pas slob phyir bsdem? par mi 'os kyang/ /ci zhig ltar des bdag la mos pa de don byas/ /bsod nams 'di yis skye med ye shes thob gyur cig /zhi gnas sku la bsgom