བོད་ཡིག

e-texts based on the ACIP/ALL Input

ba'i thabs cung zad bris pa rdzogs so// //gang gis nga rgyal ri bo gtan spangs nas/ skye bo khengs pa'i don du khams dbye ba'i/ /bdud rtsi gsum pa de la phyag 'tshal te/ nga rgyal shas che'i don du des gsungs bshad/ /sdom ni/ rtags dang phan yin shes bya dang/ tshogs dang bsgom dang tshod bzung dang/ skye rim gnas tshad brtan pa'i thabs/ /lhag mthong bskyed dang bcu yin no/ /de la rtags ni gang zag nga rgyal shas che ba'i rtags bzung ste/ de la gang zag nga rgyal spyad pa'i rtags rnams gang zhe na/ 'di na gang zag nga rgyal spyad pa ni/ /khengs par 'gyur ba dang mthun pa'i dngos po chung ngu dag la yang nga rgyal gyi kun nas dkris pa stug po dang mang po skyed par byed na 'bring dang chen po dag la lta smos kyang ci dgos te/ nga rgyal kun nas dkris pa de yang yun ring du sems kyi rgyud la gnas par byed cing/ nga rgyal gyi kun nas dkris pa de yang yun ring du rjes su 'brel par 'gyur ba dang/ de khengs par 'gyur ba dang mthun pa'i chos rnams zil gyis non par 'gyur zhing/ khengs par 'gyur ba dang/ mthun pa'i chos rnams zil gyis non par mi nus pa dang/ dbang rgod pa dang/ dbang po 'dam pa ltar mtho ba dang/ dbang po khengs pa dang/ lus cher brgyan pa la sbyor ba'i rjes su brtson pa dang/ brtsan dag du smra zhing mi 'dud pa dang/ pha ma dang nye du dang bla ma lta bu dag la dus dus su rkyen du bab pa'i mchod par mi byed pa dang khengs pa dang/ lus mi 'dud ba dang/ gsod por smra ba dang/ phyag 'tshal ba dang/ mngon du ldang ba dang/ thal mo sbyar ba dang/ 'dud par byed pa'i ngang tshul can ma yin pa dang/ bdag nyid kun tu 'dzin pa dang/ bdag la bstod pa dang/ gzhan la smod pa dang/ rnyed pa 'dod pa dang/ bkur sti 'dod pa dang/ grags pa'i sgra'i tshogs 'dod pa dang/ thal thom gyi snod du gyur pa dang/ dpral bar dka' ba dang/ yid dbyung bar dka' ba dang/ rgya chen po la mos pa dang/ snying rje chung ba dang/ bdag dang sems can dang/ srog dang gso ba dang/ gang zag du lta bu'i shas che ba dang/ khro gtum che ba dang/ 'khrug pa dang ldan pa yin te/ de lta bu dang mthun pa dag ni gang zag nga rgyal spyad pa'i rtag rnams yin par rig par bya'o/ /zhes gsungs so/ /de la phan yon ni nga rgyal spong ba la zhugs na rigs dang lus phun sum tshogs pa dang/ bla ma rnams kyi gdams ngag kyang tshogs med par 'thob ste/ des na tshogs rnams myur du rdzogs nas thams cad mkhyen pa'i ye shes kyang myur du thob par 'gyur ro/ /de skad du/ 'phags pa blo gos rgya mtshos zhus pa'i mdo las/ de'i lus yongs su dag pa yin te/ lus mtshan gyis legs par brgyan pa dang/ lag pa dang rkang pa 'jam zhing mnyen pa dang/ bsod nams kyi rgyu mthun pa'i lus shin tu rnam par che ba dang/ dbang po ma tshang ba med pa dang/ yan lag dang nying lag thams cad shin tu rdzogs pa yin yang gzugs kyi rgyags shig dregs pa med pa yin te/ lus che ba'i tshul dang ldan pa yin no/ /de chos 'dzin pa nye bar gzung nas sems can ji tsam du dman pa/ gzugs mchod pa rnams la yang 'dud do/ /rab tu 'dud do zhes 'byung ngo/ /yang gsungs pa/ bcom ldan 'das 'di lta ste/ dper na gang gi tshe rgya mtsho chen po mchis par gyur pa de'i tshe gzhol ba'i phyogs na mchis par 'gyur ro/ /de gzhol ba'i slad du chu klung thams cad dang chab mig dang/ 'bab chu thams cad tshogs chung ngu deng 'bab po/ /bcom ldan 'das de bzhin du byang chub sems dpa' nga rgyal ma mchis par bla ma dang/ sbyin gnas la gus pa la yang tshogs chung ngus chos zab mo'i sgo rnams rna ba'i dbang po la grags par 'gyur ro/ /de dran pa la yang gnas par 'gyur ro zhes gsungs so/ /de la shes par bya ba ni mdor bsdu na gnyis te grangs dang/ ngo bo'i/ /de la grangs ni drug ste/ sa'i khams dang/ chu'i khams dang/ me'i khams dang/ rlung gi khams dang nam mkha' i khams dang/ rnam par shes pa'i khams so/ nang gi sa'i khams gang zhe na/ gang ci yang rung ste/ lus 'di la nang gi khong na sra ba dang/ mkhrang ba'i rnam pa dang/ nye bar gyur pa dang zin pa'o/ de yang gang zhe na/ 'di lta ste/ sgra dang sdu dang sen mo dang zhes bya pa la sogs pa'o/ /nang gi chu'i khams gang zhe na gang ci yang rung ste/ lus 'di la nang gi khong na chu dang chu'i rnams pa dang/ chu nyid dang/ brlan pa dang/ brlan pa'i rnam pa dang/ brlan pa nyid dang/ gsher ba nyid dang/ nye bar gyur pa dang zin pa'o/ /de yang gang zhe na/ 'di lta ste/ mchi ma dang rdul dang/ mchil ma dang/ snabs dang chu seng dang/ tshil dang mkhris pa dang/ dar snabs dang/ rnag dang/ khrag dang/ 'o ma dang gcin dang/ gzhan yang gang lus 'di la nang gi khong nang chu dang/ chu'i rnam pa dang/ chu nyid dang/ brlan pa dang/ brlan po'i rnam pa dang/ brlan pa nyid dang/ gsher ba nyid dang/ nye bar gyur pa dang/ zin pa 'di ni/ nang gi chu'i khams zhes bya'o/ /nang gi me'i khams gang zhe na/ gang ci yang rung ste/ lus 'di la me dang me'i rnam pa dang/ me nyid dang dro ba dang/ dro ba'i rnam pa dang/ /nye bar 'gyur pa dang zin pa'o/ /de yang gang zhe na/ gang gi lus 'di la gdung ba dang ba kun tu gdung ba dang/ yongs su gdung ba dang/ gang gis zos pa dang/ 'thungs pa dang/ chos pa dang myangs pa rnams bde zhing legs par zhu bar 'gyur ba dang/ ngag gi shas chen rims so rims so zhes bya ba'i grangs su 'gro ba dang zhes bya ba la sogs pa'o/ /de la nang gi rlung gi khams gang zhe na/ gang lus 'di la rlung dang/ rlung gi rnam pa dang yang ba nyid dang/ g.yo ba nyid dang/ nye bar gyur ba dang/ zin pa'o/ /de yang gang zhe na 'di lta ste/ gyen du 'gro ba'i rlung dang/ thung ngu 'gro ba dang/ thad kar 'gro ba dang/ rgyab tu 'gro ba dang/ rgyab na gnas pa dang/ lton gnas pa dang/ 'chad par byed pa dang/ 'gags par byed pa dang/ gzeng ba dang/ 'dar bu dang/ sna skad dang rlung sran dang/ dbugs 'byung ba dang/ rdub pa dang ldan pa dang/ yan lag dang nying lag la gnas pa'i rlung dag la zhes bya ba la sogs pa'o/ /nang gi nam mkha' gang zhe na/ gang ci yang rung ste/ lus 'di la nang gi khong na nye bar gyur pa dang/ zin pa dang/ nam mkha' dang/ nam mkha' i rnam pa nang zhes bya ba'i grangs su 'gro ba 'am/ gang pags pa dang sha dang/ khrag gis dgang bar bya ba ma yin pa'o/ /de dag gang zhe na/ lus 'di la mig gi nang zhe 'am/ rna ba 'am/ sna'i nang zhe 'am/ kha zhe'am kha'i nang zhe'am/ kha'i sgo zhe'am/ mid pa zhe'am/ gang nas ming? pa dang/ gang du gnas pa dang/ gang gis zod pa dang/ 'thungs pa dang/ 'chos pa dang/ myangs pa rnams thung ngu rgyu bar byed pa dang/ gzhan yang lus 'di la nang khang na nye bar gyur pa dang/ zin pa 'am/ phung por gyur pa 'am/ khams su gyur pa 'am/ skye mched du gyur pa dag gi nam mkha' dang/ nam mkha' i rnam pa dang/ ma gang pa dang/ dpag pa dang/ sha dang khrag gis dgang bar bya ba yin pa nang gi grangs su 'gro ba khong stong dang bu ga zhes bya ba dag ste/ de dag ni nang gi nam mkha' zhes bya'o/ /rnam par shes pa'i khams gang zhe na/ mig gi dbang po ni bdag po/ gzugs ni/ dmigs pa/ gzugs so sor rnam par rig pa ste/ sngon po rnam par rig pa'am/ ser po dang/ dmar po dang/ khra bo rnam par rig pa 'am/ ring po dang/ thung ngu dang/ sbom po dang/ phra mo rnam par rig pa ste/ gang ci yang rung/ kha dog dang dbyibs rnam par rig pa 'di ni mig gi rnam par shes pa'i khams zhes bya'o/ /de bzhin du gang ci yang rung/ rna ba'i dbang po ni bdag po nas yid kyi dbang po ni bdag po/ /chos ni dmigs pa ste/ sgra rnam par rig pa'am/ dri rnam par rig pa 'am/ ro rnam par rig pa 'am/ reg bya rnam par rig pa 'am/ chos rnam par rig pa 'di ni rna ba'i rnam par shes pa'i khams nas yid kyi rnam par shes pa'i bar gyi khams te/ de ltar dbang po drug mi bdag po/ /yul drug ni dmigs pa yin la yul rnam par rig pa 'di ni rnam par shes pa'i khams zhes bya'o/ /zhes gsungs so/ /de la tshogs ni tshul khrims rnam par dag pa la sogs pa gzhan du blta'o/ /'dir bye brag cung zad tsam zhig bsam par bya'o 'di snyam du 'phags pa'i lam gyis gegs su 'gyur pa'i nga rgyal 'di ma spangs na rtag tu ngan song dang mi khom par skye zhing/ brgya la mir skyes na yang rigs dma' ba dang/ long ba dang/ mdog ngan cing/ mthu chung ba'i 'gro ba 'dzin na rla na med pa'i byang chub lta ga la 'thob/ de skad du/ 'phags pa yul 'khor skyong gi zhus pa'i mdo las/ rmongs nas nga rgyal dbang gi ngan song so?/ mi khom 'gro ba rnams dang dbul po dang/ /dma' ba' i rigs su skye dang long ba dang/ /mdog ngan pa dang mthu chung de dag 'dzin/ ces gsungs/ /de bas na bdag gis ci nas kyang khengs pa 'di dus thams cad du spangs par bya'o/ /snyam du bsam par bya'o/ /de la bsgom la gang zhe na/ thog mar bya ba thams cad yongs su rdzogs par bya ba la/ stan bde ba'i steng du skyil mo krung bcas la lus drang por bsrangs la yud tsam zhig bsdad do/ /de nas phyi rol gyi khams snga po dag mtshan ma bzung nas nang gi khams lngar rtogs pa la mos par byed do/ /thog pa dang bsam pa la brten nas rnam par shes pa'i khams la mos par byed do/ /'di ltar mig gi khams 'di na 'byung ba chen po ba ni dang ba ste/ sra ba dang/ gsher ba dang/ tsha ba dang/ yang zhing g.yo ba'o zhes shes pa rab tu bsgrims la bzhing ci gsal tu brtag go /de ltar gzugs can gyi dngos po dbang po lnga la so sor phyi zhing brtag go /khong stong dang spabs dang/ ma gang ba la ni nam mkha' i khams su brtag go /thos pa dang bsam pa la brten nas rnam par shes pa'i khams la 'di ltar dbang po dang/ yul dang yid la byed pa la sogs pa la brten nas rnam par shes pa'i khams drug skye ste/ rnam pa sna tshogs la dmigs so/ /snyam du de dag so sor phye ba la dmigs/ /de la khams gyi tshod gzung ba gang zhe na/ spyir khams rab 'bring dang tha ma gsum yod kyang dge sbyong gzhan la rab tu 'jug par snang la sgom pa na ha cang mi nus pa yang snang bas khams rab kyis kyang thun thung ngu nas bslab par bya'o/ /de bas na gsum gas kyang re zhig slob lugs gcig par bya ste/ mtshan mo btang snyoms su bzhag la gnyid ji tsam log pa de tsam log pa de tsam gyi khams brtas la de tsam log la gda' o nyin par zhar la chod gzung zhing bsgom mo/ /'di ltar dang po nyin par snga dro thun gcig gom pa tha mal pas mda' rgyang phyed du phyin pa'i yul tsam zhig bsgom mo/ /phyi dro thun cig la yang de bzhin du bsgom mo/ /de nas nyi ma bcu'i bar du thun re re bstan zhing bsgom mo/ na tsha phran tshigs byung na zhar la zhi bar bya ste/ sran bskyed la mi bsgom mo/ /da lta bas na khams kyi ched zhar la shes par 'gyur ro/ /de la sems kyi skye ba'i rim pa ni bzhi ste/ dang po ni so sor phye ba mi gsal zhing go rims kyang 'khrugs te 'gro ba yin no// gnyis pa ni so sor phye ba'i skabs su gsal zhing go rims mi khrugs pa yin no/ /gsum pa ni so sor phye ba gsal la go rims kyang mi 'khrug ste/ 'on kyang yun thung ngu las mi thub cing lus kyi bde ba dang sems kyi dga' ba med la 'jug par bag 'dod pa tsam dub so/ /bzhi pa ni rtsol pa drag zhan gnyis ka la so sor phye ba gsal zhing gang la gtad pa las gzhan du 'phor mi 'dod la/ /lus kyi bde ba dang sems kyi dga' ba dang bcas par yun ring du gnas par nus pa yin no// de la gnas pa'i tshad ni 'di ltar rnal 'byor ba de khams rab tu dbye ba'i sbyor ba kun tu brten cing goms par byas lan mang du byas pa'i rgyus na rgyu yang rung gnas kyang rung khams sna tshogs dang/ khams du ma'i lus la ril pa 'am rab tu 'byed pa'i 'du shes chos mang du snang la/ ril po'i 'du shes pa dang/ nga rgyal gyi kun nas dkris pa dang mthun pa'i chos la sems mi 'jug pa yin no/ /de la brten pa'i thabs ni sems gnas par shes nas sngar bsgom pa bas thun gyi gangs nyung par bya ste/ yun cung zad ring bar bsgom mo/ /srod dang tho rangs la yang bsgom mo/ /sngar ji tsam gsal ba de tsam las lhag par rtsol ba mi bya ste/ bag glod la bsgom mo/ /ji srid du lus ngal ba 'am/ sems dub pa'am/ sgom tsam ma sdang ba 'am/ shags 'byung ba 'am/ mgo bags kyi lci ba'am/ yam yom byed pa'am/ /'dar ba'am/ nub mo gnyid srab pa 'am/ zas mi zhim pa'am/ ngag gi 'khrul pa mang du 'byung ba la sogs pa khams mi bde ba'i mtshan ma cung zad byung gi bar du bsgom mo/ /de nas byung na ngal gso ste/ lus la sku mnye bya/ chos dang mthun pa'i zas skom gyis lus kyi nus pa brtas su gzhug go /khams sor ma chud kyi bar du nyin mtshan gnyis la bsgom snying 'dod pa'i dus su thun chung re re tsam bsgom ste/ de yang lta brtsam mo/ nus pa brtas nas srod dang tho rangs thun re nyin bar thun gsum tsam bsgom zhing snying rje sngon du 'gro ba dang/ smon lam btab pa la sogs pa yang bya'o/ /de la lhag mthong bskyed ba gang zhe na/ dmigs pa 'di la brten gcig dang du ma dang bral pa'i rtags grub shin tu sla bar 'gyur te/ 'di ltar khams gzugs can de dag ni shin tu phra yang cha shas dang bcas par snang ste/ de la btsal na cha shas med pa ni dmigs par mi 'gyur ro/ /rnam par shes pa'i khams sems las byung ba dang bcas pa yang skad cig ma cha shas med pa na dmigs su med do/ /nam mkha' i khams kyang cha shas tsam dang 'brel pa yin pa'i phyir ba cig pa ga la yod de skad du/ 'phags pa yab dang sras mjal ba las kyang / rgyal po chen po chos thams cad ni re re nas btsal na mi dmigs so/ /zhes gsungs so/ /de lta bas na gcig ma grub na du ma mi 'grub ste/ /de ni de la bltos pa'i phyir ro/ /de la rab tu gsal na rtags rjes su dpag pa'i sgo nas grub ba yin no/ /de bas na gcig dang du ma dang bral ba'i phyir don dam par rang bzhin med de/ dper na gzugs brnyan bzhin no zhes gsungs pa'i/ /gdams ngag gi rjes su 'brang bar bya'o/ /las tshul bsam gyis mi khyab kyang/ /bdag las blo zhen mi srid de/ /'on kyang don du mi gnyer bas/ /mkhas pa'i gdams ngag ma thos la/ /phan srid bsams nas bris pa lags/ /rab rib can gyi gzugs bltas nas/ /gzhan la 'di zhes ston 'dra bas/ /mkhas pa rnams la bzang bar gsol/ /khams rab tu dbye ba'i sgo nas/ /sems gnas par bya ba'i thabs cung zad bris ba rdzogs so// //gang gis rlung 'di dbang gyur pas/ /mi rtog ye shes skyes gyur