<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4650: don rnam par gdon mi za ba'i 'grel pa<br><table><tr><td>
<input type="button" onclick="location.href='tcompletep.php?id=N4650&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4650&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4650&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">don rnam par gdon mi za ba'i 'grel pa/ 'phags pa 'jam dpal la phyag 'tshal lo/ /de la phyag 'tshal
 mdo 'di yi/ /don ni bdag gis gsal bar bshad/ /de la mdo sde 'chad 'dod pas/ /dang por dgos pa dang/
 'brel pa dang/ gleng gzhi dang/ gleng bslang ba dang/ bsdus pa'i don dang/ tshig gi don ston te/ don rnam pa
 drug rnams bstan dgos so/ /de la slob ma rnams mnyan pa dang/ bsam pa dang/ gzung ba la sogs pa
 shes rab rnam gsum gyis/ mdo'i don rnam par nges pa ma mthong bar ni blo sngon du gtong ba'i shes rab can dag bya rog
 gi so brtag pa bzhin du don med do zhes/ gang la yang 'jug par mi 'gyur ro/ /de bas na dang por dgos pa bshad ces gsungs te/
 ci dgos she na/ chos kyi mtshan nyid rnam par 'byed pa la mkhas par bya ba'i phyir gsungs nas/ mnyan pa dang gzung ba la sogs pa la/
 nyan pa gus par byed pas na/ de bas dang por dgos pa bshad ces gsungs so/ /don rnam par gdon mi za ba'i chos kyi rnam grangs
 'di'i mgo 'jug gi don dang mtshan nyid kyi bye brag rnam par 'byed pa legs par bya ba'i phyir bshad de/ de ni dgos pa'o/ /gal te chos kyi mtshan nyid rnam
 par 'byed pa la mkhas pa ni thabs gzhan gyis kyang 'gyur ro zhe na/ /de ltar na ma yin te/ thabs gzhan gyis ni chos 'di'i mgo 'jug gi mtshan nyid rnam
 par 'byed pa la mkhas par mi nus te/ de bas na chos kyi mtshan nyid rnam par 'byed pa la mkhas par bya ba'i phyir/ bcom ldan 'das kyis mdo'i don
 ston to /de ltar mnyan pa dang/ bsam pa dang/ gzung ba la sogs pa'i chos kyi mtshan nyid rnam par phye zhing shes par bya ba'i 'bras bu bstan par bya
 ba'i phyir/ dgos pa'i yang dgos pa bshad ces gsungs so/ /de ltar bstan cing bshad pa de yang/ ci dgos she na/ chos kyi mtshan nyid rnam par
 'byed pa la mkhas na/ blang bar bya ba dang/ dor bar bya ba shes pas phan pa len pa dang/ gnod pa spong ba'i sgo nas nyon mongs pa rnams spong bar
 'gyur ro/ /nyon mongs pa rnams spang bar gyur na/ mya ngan las 'das pa'i gnas thob par 'gyur te/ 'di ni dgos pa'i dgos pa'o/ /de la 'brel pa ma brjod na se'u
 lnga dang khur ba drug lta bur gang dang cir yang ma 'brel pa'o/ /snyam pa'am/ klu'i rgyal po 'jog po'i mgo la/ rims nad thams cad sel ba'i nor bu rin po che
 yod kyang/ de blang bar bya ba'i thabs med pa lta bu yin no/ /snyam nas/ rtog pa sngon du gtong ba rnams 'jug du mi btub pa bsal ba'i phyir 'brel pa bshad de/
 de yang tshig dang don du 'brel pa dang/ don dang bsgrub par 'brel pa dang/ bsgrub pa dang 'bras bur 'brel pa'o/ /de la tshig dang don du 'brel pa ni/ phung po lnga gang
 zhe na zhes bya ba la sogs pa'i tshig gis gong du mdo sde'i lung don nyi shu rtsa drug gis chos thams cad bsdus nas bshad pa de khong du chud par 'gyur ba'i phyir ro/ don dang bsgrub par 'brel
 pa ni/ mdo sde'i don bzang po mchog tu gyur pa mthong nas/ slob ma rnams dga' ba'i khyad par skye ste/ 'di ni bsgrub pa bya ba'i gtso byin no zhes/ de la de bzhin du bsgrub pa'i phyir ro/ /
 bsgrub pa dang 'bras bur 'brel pa ni/ de ltar don ji ltar khong du chud pa bzhin du bsgrubs na/ nyon mongs pa thams cad spangs pa'i mtshan nyid mya ngan las 'das pa'i 'bras bu thob pa'i phyir
 ro/ /de la gleng gzhi ni mdo sde 'byung ba'i rgyu ste/ de la yang 'di skad bdag gis thos pa'i dus gcig na zhes bya ba nas brtsams te/ dge slong brgya phrag phyed dang bcu gsum dang thabs cig tu
 bzhugs zhes bya ba yan chad kyis bstan to/ /gleng bslang ba ni mdo sde bshad pa'i phyir/ skabs dang sbyar te smras pa'am/ skabs su bab par smra ba ste/ skabs su ma bab par smras na/ smyon pa'i tshig
 lta bur gyur pas/ rang gi rig par bya ba'i don du skabs dang sbyar te smra ba ni gleng bslang ba'o/ /de yang de na bcom ldan 'das zhes bya ba nas brtsams te/ dge slong de rnams bcom ldan 'das la slar
 nyan pa dang/ bcom ldan 'das kyis de dag la 'di skad ces bka' stsal to zhes bya ba yan chad kyis bstan to/ /bsdus pa'i don kyang slob ma rnams kyis don dang tshig bde bar khong du chud par
 bya ba dang/ gzung sma bar bya ba'i phyir bshad de/ de yang dge slong dag don rnam par gdon mi za ba zhes bya ba'i chos kyi rnam grangs gang zhe na zhes bya ba nas brtsams te/ dge slong dag 'di ni don rnam par gdon mi za
 ba'i chos kyi rnam grangs kyi lung zhes bya ba yan chad kyis bstan to/ /tshig gi don ni bsdus pa'i don dang tshig so so'i don rgyas bar 'grel ba ste/ de yang de la dge slong dag phung po lnga gang zhe na/ zhes bya ba nas brtsams
 te/ mdo rdzogs kyi bar du'o/ /da ni gleng bzhi'i tshig dbye ba'i dbang du byas nas bshad par bya'o/ /gleng gzhi de yang rnam pa bzhi ste/ dus phun sum tshogs pa dang/ ston pa phun sum tshogs pa dang/ gnas phun
 sum tshogs pa dang/ 'khor phun sum tshogs pa'o/ /de la 'di skad ces bya ba'i tshig 'di ni don mang po 'jug ste/ dpe dang lung 'bog pa dang/ dris pas rnam par nges pa dang/ khas len pa dang/ tshig gi lan
 to/ /de la dper 'dren pa ni/ dper na ngal gso ba lta bu phyug pa dang/ seng ge lta bu dpa' pa dang/ rdo rje lta bu sra ba zhes bya ba lta bu'o/ /lung 'bog par 'dren pa ni 'di skad lhogs shig ces bya ba lta bu'o/ /dris pa
 la rnam par nges par 'dren pa ni/ ji skad thos zhes dris pa dang/ 'di skad bdag gis thos te/ de bzhin du bshad do zhes bya ba lta bu'o/ /khas len pa ni 'di ltar gyis shig ces gsol ba btab pa dang/ de bzhin du bya'o zhes bya ba lta bu'o/ /tshig gi lan
 ni 'di skad bdag gis thos pa yin nam zhes smras pa la/ de de lta'o zhes bya ba lta bu ste/ 'di'i skabs su rab tu 'byed pa'i dbang gis khas len par 'dren pa nyid du rig par bya'o/ /ci lta zhe na 'phags pa 'od srungs la sogs pa dgra bcom pa lnga brgyas/
 mdo yang dag par bsdu ba la zhugs pa na/ 'phags pa dga' bo la dgra bcom pa gzhan dag gis khyod kyis ji skad du thos pa de bzhin du bshad du gsol zhes gsol ba btab pa dang/ /'di skad ces smra ste/ bdag gi bcom ldan 'das las 'di skad du
 thos te/ ji skad du thos pa de bzhin du bshad par bya'o zhes khas blangs pa'i phyir ro/ /bdag gis zhes bya bas gzhan bcad nas mngon sum du thos pa ston te/ mdo 'di bcom ldan 'das las mngon sum du thos kyi/ /thos pa gcig nas gcig
 tu brgyud pa'i ma yin no zhes bya ba'i don to/ /thos zhes bya ba ni rna ba'i dbang po rnam par dag pa dang ldan pa'i/ rna ba'i rnam par shes pas don dang tshig ma nor bar gzung zhes bya ba'i don te/ de ni khong du chud ba med par ston to/ /ci'i phyir zhe na gang gi tshe
 bcom ldan 'das las/ 'phags pa dga' bos mdo 'di mngon sum du thos pa de'i tshe/ 'phags pa dga' bos bden pa rtogs pa med de bcom ldan 'das mya ngan las 'das pa'i 'og tu bden pa mthong ba'i phyir ro/ /dus gcig na zhes bya ba'i dus gcig
 gi sgra dus dang phreng ba ste/ don rnam pa gnyis su 'dren to/ /de la dus su 'dren ba ni bdag gis thos pa'i zhes bya ba'i tshig dang yang sbyar te/ de ni mdo sde 'di thos par dka' ba las lan gcig gam dus gcig na thos so zhes bya ba'i don to/ /phrad par
 'dren pa ni/ dus gcig na'i tshig/ bcom ldan 'das dang 'og mar sbyar te/ sbal mgrin dang gnya' shing bzhin du mi las dang khom brnyed dka' ba las rnyed pa dang/ sangs rgyas 'byung brnyed par dka' ba las phrad de/
 mnyan du yod pa la sogs par/ chos 'di thos so zhes bya ba'i don te/ /yang na mdo sde 'di lan gcig dus gcig na thos te/ dus gzhan na mdo sde gzhan yang thos so zhes 'phags pa dga' bo nyid thos pa mang bar ston to/ /dus 'di na ni
 bcom ldan 'das gnas 'di na bzhugs te/ chos 'di bshad kyi/ dus gzhan gyi tshe na ni gzhan na bzhugs shing chos gzhan yang bshad do zhes/ bcom ldan 'das nyid sems can gyi don dpag tu med pa rgyun tu mdzad par ston to/ /des ni
 dus phun sum tshogs pa bstan to/ /de la bcom ldan 'das zhes bya ba'i tshig 'di don rnam pa gsum du 'dren te/ bcom ldan du 'dren pa dang/ dpal ldan du 'dren pa dang skal ldan du 'dren pa'o/ /de la bcom ldan du 'dren pa ni/ bdud bzhi
 bcom pa'i phyir te/ bdud bzhi ni lha'i bu'i bdud dang/ nyon mongs pa'i bdud dang/ 'chi bdag gi bdud dang/ phung po'i bdud do/ /de la lha'i bu'i bdud ni mngon par sangs rgyas nas/ rdo rje'i gdan la bzhugs pa'i tshe/ bcom ste 'dod pa'i
 khams kyi lha'i bu'i bdud mang po'i mtshon cha dang ri la sogs pa'i gnod pa'i tshul mang pos brgal ba las byams pa dang/ snying rje dang/ stong pa la ba sogs pa'i byin chen pos/ mtshon cha la sogs pa yang me tog tu bsgyur te/ btul
 nas thams cad mkhyen pa gang zag zla med pa'o zhes grags pa chen por mdzad pa na bcom mo/ /nyon mongs pa'i bdud ni de ltar thun snga ma la/ lha'i bu'i bdud bcom nas/ de'i 'og tu thun phyi ma la/ mthong ba'i lam gyis spang bar bya
 pa'i nyon mongs pa dang/ bsgom pa'i lam gyis spang bar bya ba'i nyon mongs pa gnyis las/ chen po dang 'bring po dang/ chung ngu ste/ rnam pa dgur gzhag pa la/ rdo rje lta bu'i ye shes skyes nas/ nyon mongs pa chung ngu'i yang chung ngu/ ye shes chen
 po'i yang chen pos brtsal bas na bcom mo/ /de bas na bdud gnyis ni/ rdo rje lta bu'i gdan la bzhugs pa'i tshe/ bcom par bshad do/ /'chi bdag gi bdud ni rtswa mchog gi go grong khyer du bcom ste/ sangs rgyas rnams mi'i tshe las chos
 nyid kyis lnga cha cig 'bri ste/ shAkya thub ba yang lo brgyad cu zhig 'jig rten na bzhugs nas/ mya ngan 'da' ba' i rigs pa las/ sems can sangs rgyas kyi 'dul ba'i skal pa dang ldan pa gzhan ni sngar thabs mang pos grol bar mdzad/
 bram ze su bar te zhes bya ba mya ngan las 'da' ba bstan khar gzigs na/ 'dul ba'i skab bcan las sngar ma btul ba las/ zla ba gsum bshol te/ zla ba gsum dus las nur nas/ 'phral du mya ngan la ma 'das pa lta bu'o/ /de la phung po'i
 bdud kyang rtsa mchog gi grong khyer nyid du bcom ste/ gzugs la sogs pa'i phung po lnga rnams ma lus par spangs pa'i tshe bcom mo/ /de bas na bdud gnyis ni/ rtswa mchog gi grong khyer du bcom par bshad do/ /bcom ldan gyi sgra dpal ldan du
 'dren pa ni/ yon tan drug dang ldan pa'i phyir dpal ldan te/ yon tan drug ni/ byug pa phun sum tshogs pa dang/ gzugs dang grags pa dang dpal/ de bzhin ye shes 'bad ba ste/ /drug po rnams la bcom zhes bshad/ ces gsungs
 pa lta bu'o/ /de la phyug pa phun sum tshogs pa ni 'jig rten dang/ 'jig rten las 'das pa'i 'byor ba phun sum tshogs pa dang ldan pa'i phyir ro/ /gzugs phun sum tshogs pa ni skyes bu'i mtshan sum cu rtsa gnyis dang/ dpe byad bzang po brgyad cu
 sku la mnga' ba'i phyir ro/ /grags pa phun sum tshogs pa ni/ yon tan phun sum tshogs pa dang ldan par 'jig rten gyi khams thams cad du grags pa'i phyir ro/ /dpal phun sum tshogs pa'i dpag bsam gyi shing dang/
 yid bzhin gyi nor bu ltar sems can thams cad kyi bsam pa yongs su 'gengs par mdzad pa'i phyir ro/ /ye shes phun sum tshogs pa ni/ chos thams cad la thogs pa med pa dang/ chags pa med par mkhyen pa'i ye shes mnga' ba'i phyir
 ro/ /'bad pa phun sum tshogs pa ni sems can thams cad la phan pa dang bde ba'i brtson 'grus chen po nam du yang mi gtong bar rtsom pa'i phyir ro/ /bcom ldan 'das kyis sgra skal ldan du 'dren pa ni/ byang chub kyi phyogs sum cu rtsa bdun la
 dran pa nye bar gzhag pa bzhi dang/ yang dag pa'i spong ba bzhi lta bur/ bzhi bzhir mnyam pa dang/ dbang po lnga dang stobs lta bur lnga lngar chos mnyam pa/ chos thams cad dang ldan pa'i phyir te/ des ni ston pa phun sum tshogs par bstan to/ /
 mnyan du yod pa zhes bya ba ni/ shA basti zhes bya ba'i drang srong gi gnas su 'gro ba rnams kyis gnas bcas pa'i phyir ro/ /grong khyer de'i ming yang mnyan du yod pa zhes bya la/ grong khyer des mtshon pa'i yul gyi khyad par gzhan la yang mnyan
 du yod pa zhes bya'o/ /yang na grong khyer 'di yang bsod nams dang ye shes kyi tshogs kyis bskyed pa'i sems can yon tan mang po dang ldan pa sha stag gi gnas yin pas/ legs pa dang 'byor ba phun sum tshogs pa'i grong khyer te/ rna bas
 mnyan du yod cing thos pa thams cad yod par grags pas na/ grong khyer gyi ming yang mnyan du yod par grags so/ /de yang ci mngon zhe na/ de ltar thams cad yod grags pa las/ mi gcig cig gis de ltar mi'i mig 'tshod pa yod
 dam med ces grong khyer du zhugs pa las grong khyer na gnas pa'i lhas rang gi lus mi lta bur bsgyur nas/ mi'i mig gsar du phyung ba khar gzhong gang 'gul ba de'i mdun du 'tshod du 'ongs so zhes 'byung ba lta bu'o/ /mnyan du yod pa'i grong khyer
 yang shin tu rgya che bas de'i yang phyogs gang na bzhugs pa mi shes te/ de bas na shar gyi kun dga' zhes bya ba smos so/ /kun dga' zhes bya ba ni ldum ra'i sa phyogs la bya ste/ de dag kyang sa gzhi mnyam zhing snyoms pa dang/ me tog la
 sogs pa sdug gu mang pos brgyan pa dang/ phyogs bzang zhing spyi mdzes pas/ 'gro ba rnams der sems can kun dga' ba'i phyir kun dga' ste/ kun dga' de mnyan du yod pa'i grong khyer gyi shar gyi cha na gnas pas na/ shar gyi kun
 dga' zhes bya'o/ /mnyan du yod pa'i grong khyer gyi shar gyi phyogs na yang/ kun dga' mang du yod pas/ gang na bzhugs pa mi shes te/ de bas na khyad par du ri dwags ma'i khang pa na zhes gsungs so/ /de la ri dwags ma zhes bya ba ni/
 dge bsnyen ma bden pa mthong ba/ rgyun tu zhugs pa'i lam la zhugs pa'i ming ste/ des byas pa'i khang pa'o/ /de la khang pa'i sgra'i don ni/ de mthong bas 'gro ba sems dang bar byed pas na/ khang pa ste/ nges pa'i tshig gi tshul gyis
 so/ /de la mnyan du yod pa'i shar gyi kun dga' bo dang/ ri dwags ma'i gnas gnyis smos pa ni/ rab tu byung ba dang/ khyim na gnas pa'i phyogs gnyis la phan gdags pa'i phyir te/ kun dga' smos pas ni rab tu byung ba la phan
 gdags pa'i phyir ro/ /mnyan du yod pa ri dwags ma'i gnas smos pas ni/ khyim na gnas pa'i phyogs la phan gdags pa'i phyir ro/ /'dis ni gnas phun sum tshogs pa bstan to/ /ci bcom ldan 'das nyag gcig bzhugs sam snyam
 pa la ma yin par bstan pa'i phyir/ dge slong gi dge 'dun chen po zhes bya ba la sogs pa gsungs so/ /tshig de dag gis khyad par rnam pa lnga bstan te/ so sor thar pa'i sgom pa mtshungs pa dang/ bdud la sogs pas mi
 byed pa dang/ yon tan gyi khyad par dang ldan pa dang/ nyon mongs pa bcom pa dang/ grangs med pa'o/ /de la so sor thar pa'i sdom pa mtshungs pas na/ dge slong zhes bya ba'i tshig dang po smos te/ gsol ba dang zhu ba'i las kyis bsnyen
 bar rdzogs pa dang/ so sor thar pa'i sdom pa la gnas pa sha stag pas dge slong ngo/ /dge 'dun zhes bya bas bdud la sogs mi phyed par bstan te/ de dag lta ba dang/ tshul khrims la sogs pa gzhan gyis bsgyur bar mi nus
 pas na dge 'dun no/ /chen po zhes bya bas/ yon tan khyad par dang bar bstan te/ de yang bya ba byas pa dang/ byed pa byas pa dang/ khur bor ba dang/ cang shes pa dang/ rang gi don rjes su thob pa'i yon tan lnga dang mngon par shes pa
 drug la sogs pa'i yon tan dang ldan pa'i phyir ro/ /dge slong zhes bya ba'i tshig phyi mas nyon mongs pa spang bar bstan te/ gang gi phyir 'dod chags la sogs pa'i nyon mongs pa bcom ste/ spang bas na de'i phyir don dam pa'i dge slong/
 brgya phrag phyed dang bcu gsum zhes bya bas grangs med bar bstan te/ don rnam par gdon mi za ba'i mdo 'di bshad pa'i tshe na ni 'khor gyi dge slong 'di snyed cig yod do zhes bstan pa'o/ /grangs der chad par smras pa yang/ de bzhin gshegs
 pas ltong? rgyas 'od srungs 'khor lnga brgya dang bcas te/ rab tu phyung de nas ga ya 'od srungs 'khor nyis brgya la bcu dang/ de'i 'og tu chu bo 'od srungs 'khor nyis brgya lnga bcu dang/ de nas shA ri'i bu dang mong+gal gyi bu gnyis/ 'khor nyis brgya
 lnga bcu rnams dang btul te/ rab tu phyung nas rtag tu bcom ldan 'das kyi 'khor du gyur pa'i phyir/ grangs chad par smos so/ /bzhugs te zhes bya ba la bzhugs pa rnam pa gsum ste/ spyod lam gyis bzhugs pa dang/ chos 'chad cing bzhugs pa
 dang/ nang du yang dag 'jog la bzhugs pa'o/ /de la spyod lam gyis bzhugs pa ni/ bzhugs pa dang bzhengs pa dang/ mnal ba dang 'chags pa'o/ /chos 'chad cing bzhugs pa ni/ 'khor gyi nang du gsung rab kyi don sgrogs par mdzad pa'o/ /
 nang du yang dag 'jog la bzhugs pa ni/ byams pa dang snying rje la sogs pa tshad med pa bzhi la snyoms par zhugs pa 'am/ stong pa nyid dang/ mtshan ma med pa dang/ smon pa med pa la sogs pa la snyoms par zhugs pa'o/ /de la spyod
 lam gyis bzhugs pa ni/ sku'i phrin las so/ /chos 'chad cing bzhugs pa ni/ gsung gi 'phrin las so/ /nang du yang dag 'jog la bzhugs pa ni thugs kyi phrin las te/ 'di'i skabs su ni chos 'chad cing bzhugs par blta'o/ /gleng
 gzhi phun sum tshogs pa rdzogs so// //gleng bslang ba'i dbang du byas nas/ de nas bcom ldan 'das kyis zhes bya ba la sogs pa gsungs so/ /de na zhes bya ba ni mnyan du yod pa/ shar gyi kun dga' ri dwags ma'i
 gnas na'o/ /yang na de na zhes bya ba ni tshig gi mgo drang ba'am/ tshig dgod pa'o/ /bcom ldan 'das zhes bya ba'i don ni/ snga ma bzhin no/ /bcom ldan 'das ni 'chad pa po yin la/ dge slong rnams ni nyan par byed pa yin pas/ bcom
 ldan 'das kyis dge slong rnams la bka' stsal pa zhes bya bar sbyar ro/ /gsung gang gis bka' stsal pa na/ de'i phyir tshangs pa'i gsung sprin ltar zab mo snyan pa rgya chen pos zhes bya ba gsungs te/ bya ka la ping ka'i sgra ltar shin tu snyan
 cing 'jam pas 'dul ba'i 'gro ba rnams dga' bar byed pa'i phyir tshangs pa'i gsung ngo/ /gang gi phyir gsung de ring du 'gro zhing 'khor kun la khyab par byed pas na/ sprin ltar zab mo zhes bya'o/ /'di ltar gsung de tshangs
 pa'i gsung yin pas/ nyan pa'i dus na 'gro ba rnams kyi bsam pa tshim par byed cing yid 'dren pas na snyan pa'o/ /gang gi phyir gsung de sprin ltar 'khor kun la khyab ste/ nye ring 'dra bar thos par byed pas na/ de'i phyir rgya chen po
 zhes bya ste/ yon tan gyi khyad par de lta bu dang ldan pa'i gsung gis/ dge slong rnams la bka' stsal to/ /dge slong khyed rnams la zhes bya ba ni/ nyan pa'i gdul bar gyur pa/ khyed rnams la zhes bya ba'i don to/ /chos bstan par bya ste
 zhes bya ba la/ chos ni mdo sde la sogs pa gsung rab yan lag bcu gnyis te/ ci'i phyir de dag la chos zhes brjod na/ de dag gis rigs ston pa'i phyir chos zhes bya'o/ /bstan par bya ste zhes bya ba ni bshad par bya ste/ zhes bya
 ba'i don to/ /ming ji skad ces bya ba'i chos bstan par mdzad snyam pa la/ de'i phyir 'di ltar don rnam par gdon mi za ba zhes bya ba'i chos kyi rnam grangs zhes smras te/ 'di ltar zhes bya ba ni/ 'di lta ste zhes bya ba'i don to/ /chos 'di'i
 nang nas shes par bya ba dang/ spang bar bya ba dang/ bsgom par bya ba dang thob par bya ba'i chos kyi don rnam par nges pa dang gtan la bab pa ston la/ sems can rnams kyi 'di thos na yang/ don de dag gtan la bab pa kho nar shes par
 'gyur bas na/ de'i phyir na mdo sde 'di don rnam par gdon mi za ba'i chos kyi rnam grangs zhes bya'o/ /chos kyi rnam grangs zhes bya ba ni/ chos kyi phung po'i chos kyi tshogs/ /chos mang po zhes bya ba'i don to/ /de la chos la yang rnam pa
 gnyis te/ bshad par bya ba'i chos dang/ khong du chud par bya ba'i chos te/ chos de gnyis ka 'di'i nang nas bshad par ston to/ /bshad par bya ba'i chos kyi khyad par dang/ yon tan bstan bar bya ba'i phyir/ thog mar dge bar du dge tha mar dge zhes
 gsungs te/ de la lhag pa'i tshul khrims kyi bslab pa ston pas na/ thog mar dge ba zhes bya ste/ lhag pa'i tshul khrims kyi bslab pa ni/ ji ltar mdo dag las/ 'di ltar tshul khrims dang ldan pa yin te/ so sor thar pa'i sdom pas bsdams
 pa dang/ spyod pa dang spyod yul phun sum tshogs pa dang/ kha na ma tho ba chung ngu la yang 'jigs par lta zhing/ yang dag par blangs nas bslab pa'i gnas la slob po zhes gsungs pa'o/ /lhag pa'i sems kyi bslab pa ston pa'i phyir/
 bar du dge ba ste lhag pa'i sems kyi bslab pa yang/ ji ltar mdo dag las bsam gtan bzhi gang zhe na/ 'dod pa las dben pa/ sdig pa mi dge ba'i chos rnams las dben pa rtog pa dang bcas dpyod pa dang bcas pa/ dben pa las
 skyes pa dga' ba dang/ bde bar ldan pas/ bsam gtan dang po la nye bar zhugs nas gnas so/ /rtog pa dang dpyod pa nye bar zhi bas/ nang dang zhing sems rtse gcig tu gyur te/ rtog pa med pa dpyod pa med pa/ ting nge 'dzin las
 skyes pa'i dga' ba dang/ bde ba dang ldan pa bsam gtan gnyis pa la nye bar zhugs nas gnas so/ /dga' ba'i 'dod chags dang bral nas btang snyoms la gnas te/ dran pa dang shes bzhin dang bcas pas/ bde ba so sor lus kyis
 myong ste/ gang de la 'phags pa rnams btang snyoms pa dran pa dang bcas shing/ bde ba la gnas pa'o zhes gsungs pa/ bsam gtan gsum pa la nye bar zhugs nas gnas so/ /bde ba yang spangs sdug obsngal yang spangs nas/
 yid? bde ba dang yid mi bde ba gnyis thog ma nyid du nub par gyur te/ bde ba yang ma yin sdug bsngal yang ma yin pa'i btang snyoms dran pa yongs su dag pa bsam gtan bzhi pa la nye bar zhugs nas gnas so
 zhes bshad pa'o/ /lhag pa'i shes rab kyi bslab pa bstan pa'i phyir tha mar dge ba zhes bya ste/ lhag pa'i shes rab kyi bslab pa yang mdo las 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu shes
 so/ /'di ni sdug bsngal kun 'byung gi 'phags pa'i bden pa'o/ /'di ni sdug bsngal 'gog pa'i 'phags pa'i bden pa'o/ /'di ni sdug bsngal 'gog par 'go bar byed pa'i lam 'phags pa'i bden pa'o zhes yang dag pa ji lta ba
 bzhin du rab tu shes so/ /des de ltar mthong ban 'dod pa'i zag pa las sems rnam par grol ba dang srid pa'i zag pa dang/ ma rig pa'i zag pa las sems rnam par grol lo/ /des rnam par grol ba rnam par grol ba nyid du ye shes mthong
 bar 'gyur ro zhes bshad pa'o/ /de ltar dus gsum du dge ba'i chos de yang ci 'dra ba zhig ce na/ de'i phyir don bzang po tshig 'bru bzang po zhes bya ba gsungs te/ brjod bar bya ba'i don phyin ci ma log cing mchog tu gyur pa don phun sum
 tshogs pa'i phyir don bzang po'o/ /'bru ni a dang ka la sogs pa rjod par byed pa'i tshig la bya ste/ tshig gsal zhing don myur du go bar byed pas na tshig 'bru bzang po'o/ /'di yan chad kyis bshad pa'i chos kyi mtshan nyid bzang por
 bstan to/ /rnam pa de lta bur gyur pa'i chos nges kyang ci zhig bsgrub cing ston par byed ce na/ de'i phyir tshangs par spyod pa yang dag par bstan ces bya ba gsungs so/ /phung po'i lhag ma dang bcas pa'i mya ngan las 'das pa dang/ lhag
 mi/ lus pa'i mya ngan las 'das pa la tshangs pa zhes bya'o/ /mya ngan las 'das pa la tshangs ba zhes bya bar yang ci mngon zhe na/ mdo dag las kyang mya ngan las 'das pa'i dbang du mdzad nas zhi ba'o/ /zhi bar gyur pa'o/ /tshangs pa'i tshangs par gyur pa'o/ /
 bsil ba'o bsil bar gyur ba'o zhes gsungs pa'i phyir ro/ /de lta bu'i mya ngan las 'das pa thob par byed pa'i 'phags pa'i lam rtogs par bya ba'i mtshan nyid kyi chos la tshangs par spyod pa'o zhes bya ba ste/ 'phags pa'i lam de lta bu 'dus
 byas kyi chos rnams kyi mchog tu gyur pa'i phyir 'dis ni rtogs par bya ba don dam pa'i mtshan nyid kyi chos bstan to/ /don dam pa'i mtshan nyid kyi chos de yang ci 'dra ba zhig ce na de'i yon tan gyi khyad par bstan pa'i phyir/ 'ba' zhig
 ba zhes bya ba la sogs pa gsungs so/ /'phags pa'i lam rtogs par bya ba'i chos de mu stegs la sogs pa gzhan gyi gzhung la med de/ gzhan dang thun mongs ma yin zhing chos 'di la 'ba' zhig la yod bsam 'ba' zhig pa zhes bya'o/ /
 'phags pa'i lam nges 'dod pa dang/ gzugs dang gzugs med pa'i khams thams cad kyi nyon mongs pa'i gnyen por gyur pa'i phyir/ yongs su rdzogs pa zhes bya ste/ 'jig rten pa'i lam gyis ni srid pa'i rtse mo'i nyon
 mongs pa'i gnyen po mi byed na yongs su rdzogs pa zhes mi brjod do/ /'phags pa'i lam de rang bzhin gyis grol bas rnam par grol te/ rang bzhin gyis nyon mongs pa mang pa'i bdag nyid yin pa'i phyir/ yongs su dag pa
 zhes bya'o/ /'phags pa'i lam de zag pa zad pa rnams kyi sems kyi rgyud las skyes te/ rgyud kyi rnam par dag pas rnam par dag pa'i phyir/ kun tu dkar ba zhes bya'o/ /yang na nyan pa'i tshe dad pa chen po skyed par byed pas na
 thog mar dge ba'o/ /sems pa'i tshe dga' ba chen po skyed par byed pas na/ bar du dge ba'o/ /sgom pa'i tshe blo chen po skyed par byed pas na tha mar dge ba'o/ /mtho ris dang mya ngan las 'das pa'i don 'byung bas na don bzang
 po'o/ /de 'chad par byed pa'i tshig rnams gsal zhing zur phyin cing phyin ci ma log pa'i phyir chig 'bru bzang po'o/ /yang na mu stegs la sogs pa phyi rol du gyur pa'i chos kyi gnyen por sangs rgyas ba'i chos kyi bdag nyid chen po bstan pa'i phyir thog
 mar dge ba zhes bya ba la sogs pa gsungs so/ /'di ltar mu stegs la sogs pa'i chos ni snga phyir bshad pa 'gal ba 'byung bas na/ de dag gi chos thog ma dang bar dang tha mar dge ba ma yin no/ /ji ltar snga phyi bshad pa 'gal zhe na/ de dag 'di skad du
 'chad de mi 'tshe ba ni chos kyi mchog gces bshad la/ sbyin sreg dang mchod sbyin gyi phyir ni phyugs bsod kyang nyes pa med de zhes zer ba dang/ brdzun du smra ba las sdig che ba med ces zer la rtser mo dang bud med dang mi tshangs par spyod pa'i dus dang/ bab? ma
 len pa dang/ nod phrogs pa dang/ srog la bab pa'i che rdzun smras kyang nyes pa med do zhes zer bas/ snga phyir 'gal lo/ /don bzang ba ma yin te/ bdag dang byed pa po dang/ sems can yod bar 'chad pa'i phyir ro/ /'bru bzang bo ma yin te yi ge
 ma 'brel cing mi gsal ba dang cal col du 'byung ba'i phyir ro/ /'ba' zhig pa yang ma yin te/ mu stegs pa rnams kyi tshul khrims dang/ bdag du lha ba la sogs pa'i lta ba rnams mi'i thod can dang gcor? bu la sogs pa phan tshun thun mong
 du gyur pa'i phyir ro/ /yongs su rdzogs pa yang ma yin te/ de dag gi lam ni sa 'og ma'i nyon mongs pa'i gnyen po tsam byed par zad kyi/ sa thams cad kyi nyon mongs pa kun gyi gnyen po mi byed pa'i phyir ro/ /yongs su dag pa ma yin te/ rang
 gang la gnas pa'i sa'i nyon mongs pa thams cad rgyu zhing 'byung ba'i gnas su gyur pa'i phyir te/ gang gi phyir gal te 'dod pa'i khams na gnas na/ 'dod pa na sbyong pa'i nyon mongs pa kun 'byung ba'i gnas su gyur pa'i phyir ro/ /kun tu dkar ba ma
 yin te/ sa gzhan nyon mongs pa bag la nyal dang yang? rjes su 'brel pa'i phyir ro/ /tshangs par sbyong pa yang ma yin te/ lam de dag gis mya ngan las 'das pa thob par mi byed pa'i phyir ro/ /yang na don bzang ba'i phyir thog mar dge ba'o/ /'bru bzang ba'i phyir
 par du dge ba'o/ /'ba' zhig pa dang yongs su rdzogs pa dang/ yongs su dag pa dang/ kun tu dkar ba dang/ tshangs par sbyong pa'i phyir tha mar dge ba'o/ /yang dag par rab tu bstan gyis zhes bya ba na bshad par bya ba dang/ rtogs par bya ba'i chos phyin?
 ci ma log par bshad kyis zhes bya ba'i tha tshig go/ de shin tu legs par nyon la zhes bya ba la sogs pas/ nyan pa'i 'dul ba rnams rna ba mi g.yeng bar nyon cig ces mi g.yeng ba'i sbyor bar mdzad do/ /de zhes bya ba ni don rnam par gdon mi za ba'i
 chos kyi rnam grangs la bya bar snyegs so/ /shin tu legs par nyon la zhes bya ba ni/ phyin ci ma log par nyon cig ces bya ba'i don to/ /yid la zung zhig ces bya ba ni/ don ma lus par zung la ma brjed par gyis shig ces bya ba'i don to/ /yang na mdo
 las tshig rnam pa gsum 'byung ste/ shin tu nyon la zhes bya ba dang/ legs par nyan la zhes pa dang/ yid la zung zhig ces bya ba gsum ste/ des rim bzhin du snod kyi nyes pa rnam pa gsum spongs shig ces par bka' stsal pa'o/ /nyes pa rnam
 pa gsum ni snod kha phub? pa lta bu'i nyes pa dang/ snod mi gtsang bas gang ba lta bu'i nyes pa dang/ snod rdol ba lta bu'i nyes pa'o/ /de la snod kha phub pa lta bu ni/ dper na snod khas phub na nam mkha' las char bab kyang chu nang du ma 'dus pas/ tshar ba
 pa don med pa dang 'dra bar gsung rab 'chad pa'i tshe na g.yengs pa dang rmugs pas non nas/ chos kyi char phab pa don med par gyur pa'i nyes pa de spang ba'i phyir shin tu nyon la zhes bka' stsal te/ g.yengs pa dang rmugs pa spongs
 la/ don khong du chud par gyis shig ces bya ba'i don to/ /snod mi gtsang bas gang ba lta bu ni dper na snod mi gtsang bar char bab na/ char ba'i chu mi gtsang bar gyur pas char bab pa don med par gyur de bzhin du/ chos kyi chang bab pa'i dus na/ rang gi rnam
 par rtog pa phyin ci log gis gsung rab kyi don phyin ci log tu bzung na yang chos kyi char bab pa don med par 'gyur bas/ de spang bar bya ba'i phyir legs par nyon la zhes bka' stsal te/ phyin ci ma log par nyon cig ces bya ba'i don to/ /snod rdol pa lta bu
 ni/ dper na snod rdol ba la nam mkha' i char nang du zhugs kyang/ de ma thag tu phyir brags bas bab pa don med par gyur pa de bzhin du/ dam pa'i chos kyi char bab na/ don dang chig la sogs pa sngar brda phrad kyang phyis brjod par byas na/ chos kyi char
 bab pa don med par 'gyur bas/ de'i gnyen por yid la zung zhig ces bka' stsal te/ ji ltar tshig dang don rnams bzung ba/ de bzhin du ma brjed par gyis shig ces bya ba'i don to/ /bshad do zhes bya ba ni/ gal te de ltar byas na ni bshad kyi/
 gzhan du na chos kyi char phab pa don med par 'gyur bas mi bshad do zhes bya bar dgongs so/ /yang na de bzhin gshegs pa'i bstan pa la rab tu byung ba'i slob ma nad pa rnam pa gsum dang 'dra ba yod de/ de'i gnyen por shin tu legs par zhes bya ba la
 sogs pa gsungs so/ /de la nad pa dang po ni skyes bu 'ga' zhig nad kyis btab pa las/ de la phan par 'dod pa'i pha dang mas/ phan par gyur pa'i sman dang kha zas byin na/ zar mi btub ste/ des kyang de la phan par 'dod pa'i pha ma la gnod par byed do/?
 de bzhin du de bzhin gshegs pa'i gsung rab la rab tu byung ba'i gang zag la nyon mongs pa'i nad kyis btab pa de la/ nyon mongs pa'i nad la phan pa'i sman/ chos thog mar dge ba la sogs pa nyon cig ces bsgo na/ nyan du mi btub ste/ des kyang de la
 phan bar dgongs pa chos kyi yang de bzhin gshegs pa la gnod par byed pa'o/ /de'i gnyen por shin tu nyon la zhes bka' stsal te/ de bzhin gshegs pa'i gsung rab nyon cig ces bya ba'i don to/ /nad pa gnyis pa ni de la phan par 'dod pa'i pha mas
 phan par 'gyur ba'i sman dang kha zas sbyin na gang phan pa mi za'i mi phan pa za bar byed de/ des kyang de la phan par sems pa'i pha ma la gnod par byed do/ /de bzhin du de bzhin gshegs pa'i gsung rab la rab tu byung ba'i gang zag kha cig/ dam pa'i chos
 bstan na/ phyin ci ma log par ma gzung gi phyin ci log tu 'dzin te/ des kyang de la phan par dgongs pa'i/ chos kyi yab de bzhin gshegs pa la gnod par byed do/ /de'i gnyen por legs par nyon la zhes bka' stsal te/ phyin ci ma log par nyon
 cig ces bya ba'i don to/ /nad pa gsum pa ni de la phan par sems pa'i pha mas/ phan par 'gyur ba'i sman dang kha zas byin na/ byin pa zos la phyis skyug par byed de/ des kyang de la phan par sems pa'i pha ma la gnod par byed do/ /de bzhin gshegs
 pa'i bstan pa la rab tu byung ba'i gang zag kha cig/ ji skad bsgo ba bzhin du dam pa'i chos nyan la tshig dang don khong du chud kyang phyis brjed bar byed pa ste/ des kyang de la phan par dgong pa'i chos kyi yab de bzhin gshegs pa la gnod par byed pa yin no//
 de'i gnyen por yid la zung zhig ces bka' stsal te/ ji ltar don dang tshig sngar bzung ba rnams ma brjed par gyis shig ces bya ba'i don to/ /bshad do zhes bya ba ni nga ni 'chad pa por zad kyi/ nan tan du ni khyed kyis sgrubs shig par bka' stsal pa'o/ /
 bcom ldan 'das kyis dge slong de dag gnas dam pa la bkod pas/ dge slong rnams kyis kyang/ bcom ldan 'das la legs so zhes bya ba gsol to/ /sngar bcom ldan 'das kyi skyon rnam pa gsum spongs la/ nyon cig ces bka' 
 stsal pa bzhin du/ skyon spangs nas/ nyan pa la zhugs pa bstan pa'i phyir/ dge slong de rnams bcom ldan 'das la slar nyan pa zhes bya ba smos te/ slar nyan pa zhes bya ba ni/ bcom ldan 'das kyis bka' stsal pa bzhin du nyan to zhes bya ba'i don to/ /'di
 skad bka' stsal ces bya ba ni/ 'og nas 'byung ba skad du bka' stsal pa ste/ gleng bslang bshad zin to// //de'i 'og tu bsdus pa'i don bshad par bya ba'i phyir/ dge slong dge don rnam par gdon mi za ba zhes bya ba'i chos kyi rnam grangs gang zhe na zhes
 bya ba la sogs pa gsungs so/ /shes par bya ba dang spang bar bya ba dang/ bsgom par bya ba dang/ thob par bya ba'i chos rnams 'dir gtan la bab par ston pas na/ don rnam par gdon mi za ba zhes bya ste/ gang zhe na zhes bya ba ni de gang yin zhes dris pa'o/ /de
 bstan par bya ba'i phyir 'di lta ste zhes bya ba la sogs pa gsungs te/ 'di lta ste zhes bya ba ni de bzhin ni 'di dag yin no zhes bya pa'i tha tshig go /phung po lnga nas brtsams te/ dpe byad bzang po brgyad cu'i bar gyi don nyi shu rtsa drug po rnams kyis/ mdo'i don
 mdza' dag ma lus par rdzogs so zhes bstan pa'i phyir/ dge slong dag 'di ni don rnam par gdon mi za ba'i chos rnams kyi lung ngo zhes bka' stsal to/ /de la phung po lnga nas/ dbang po nyi shu rtsa gnyis kyi bar gyis ni shes par bya ba dang/ spang bar bya ba dang/
 bsgom par bya ba gsum bstan te/ chos de dag las gang lung du ma bstan pa'i mtshan nyid rnams ni shes par bya ba'o/ gang mi dge ba'i mtshan nyid de dag ni spang bar bya ba'o/ /gang dge ba'i mtshan nyid de dag ni bsgom par bya ba'o/ /de la bsam gtan
 bzhi nas brtsams te/ rgyun tu zhugs pa'i yan lag dag zhes bya ba yan chad kyis ni bsgom par bya ba'i chos bstan to/ /de bzhin gshegs pa'i stobs bcu zhes bya ba nas/ dpe byad bzang po brgyad cu zhes bya ba yan chad kyis ni thob par bya ba'i chos
 bstan to/ /bsdus pa'i don bstan pa yang ci dgos she na/ mdo 'dir don nyi shu rtsa drug las mang du yang mi 'chad nyung du mi 'chad do zhes bskyed pa dang/ skur pa spangs pa'i phyir ro/ /yang na slob ma rnams tshig dang don bde bar khong du chud cing gzung sla bar
 bya ba'i phyir/ bsdus pa'i don smos te/ dper na rta dang por kyus sa bstan pa/ phyis thogs pa med par rgyug pa bzhin du thog mar bsdus pa'i don khong du chud na/ phyis slob ma rnam yan lag gi don bde bar khong du chud par 'gyur bas so/ /yang na slob
 ma rnams pa gnyis te/ mdo tsam du bstan pas 'dul ba dang/ rgyas par bshad pas 'dul bar bya'o/ /de la mdo tsam du bstan pas 'dul ba'i ched du mdzad nas/ sngar bsdus pa'i don bka' stsal to/ /rgyas par bshad pas 'dul ba'i ched du mdzad nas
 'di lta ste/ gzugs kyi phung po dang zhes bya ba la sogs pa/ tshig gi don rgyas par bshad do/ /bsdus pa'i don gyis mjug bsdu ba'i phyir/ dge slong dag 'di ni zhes bya ba la sogs pa gsungs so// //da ni tshig gi don bstan par bya ste/
 de bas na de la dge slong ces bya ba la sogs pa gsungs so/ /phung po lnga gang zhe na/ zhes bya ba ni/ dris pa'o/ /dris pa bzhin du bstan par bya ba'i phyir/ 'di lta ste zhes bya ba la sogs pa gsungs te/ 'di lta ste zhes bya pa'i sgra dpe'i tshig tu yang ston mod
 kyi/ 'di'i skabs su 'di lta ste zhes bya ba'i sgra/ gzugs la sogs pa'i phung po nye bar bstan par bya ba'i phyir don du 'gro ste/ de bas na 'di lta ste zhes bya ba ni phung po lnga 'di yin te zhes bya ba'i tha tshig go/ gzugs kyi phung po dang/ tshor ba'i phung po dang zhes bya
 ba 'dis ni/ zag ba med pa'i phung po bstan pa yin te/ de ltar na phung po gnyis te/ zag pa med pa'i phung po dang/ zag pa dang bcas pa'i phung po'o/ /'dir ni phung po zhes spyir smos na/ zag pa med pa'i phung po yin par ci mngon
 zhe na yang/ de ni mngon te 'og nas/ de la dge slong dag len pa'i phung po lnga gang zhe zag pa can gyi phung po ming gis gsal bar smos pa na sngar smos pa'i phung po lnga ni zag pa med pa'i phung po la bya bar mngon no/ /de lta ma yin te gnyis ka zag pa
 can gyi phung po la bya bar gyur na ni/ zag pa can gyi phung po? de nyid lan gnyis su zlos pa'i skyon du 'gyur ro/ /'o na zag pa med pa'i phung po bstan pa 'dir ci dgos she na/ sdug bsngal thams cad dang bral ba'i gnas/ zag pa med pa'i phung po yod
 par mthong nas/ zag pa can gyi phung po la skyo ba skye'o/ /skyo ba skyes na zag pa can gyi phung po 'dor bar bya ba la brtson pa skyed do/ /brtson ba skyes na/ sdug bsngal gyi phung po 'dor bar 'gyur ro/ /sdug bsngal gyi phung po bor na bde ba'i mchog mya ngan
 las 'das pa thob ste/ zag pa med pa'i phung po bstan pa ni/ der dgos so/ /de la zag pa med pa'i gzugs kyi phung po gang zhe na/ rnal 'byor pa 'phags pa'i lam gyi yan lag brgyad la snyoms par 'jug pa'i tshe/ gang zag pa med pa'i
 mtshan nyid rnam par rig byed ma yin pa'i gzugs ni gzugs kyi phung po'o/ /gang de'i tshe tshogs gnyis la zag pa med pa'i tshor ba byung ba ni tshor ba'i phung po'o/ /gang de'i tshogs nyid la 'du shes yod pa ni 'du shes kyi phung po'o/ /yang na rnal
 'byor pa rnams kyi 'du shes rnam pa bcu ni 'du shes kyi phung po ste/ 'du shes bcu la/ mi rtag pa'i 'du shes dang/ sdug bsngal gyi 'du shes dang/ bdag med pa'i 'du shes dang/ mi gtsang ba'i 'du shes dang/ kha zas la rjes su mi mthun
 pa'i 'du shes dang/ 'jig rten thams cad la mngon par mi dga' ba'i 'du shes dang/ 'chi ba'i 'du shes dang/ rab tu spong ba'i 'du shes dang/ 'dod chags bral ba'i 'du shes dang/ 'gog pa'i 'du shes so/ /de la rgyu dang rkyen la rag lus pas
 mi gnas par sems pa ni mi rtag pa'i 'du shes so/ /lus dang sems la gnod par byed pa sems pa ni sdug bsngal bar 'du shes so/ /bdag la rang dbang med de gzhan gyi dbang du gyur bar sems pa ni/ bdag med pa'i 'du shes so/ /lus
 kyi rang bzhin khrag dang rnag la sogs pa'i mtshan nyid du shes pa ni mi gtsang ba'i 'du shes so/ /kha zas rnams khar bcug pa na yang mchil ma dang snabs la sogs pa dang 'dres nas khong du zhugs la/ khong du yang bshad pa dang gci par 'gyur
 ro zhes/ sems pa ni kha zas la rjes su mi mthun pa'i 'du shes so/ /sems can thams cad ni 'dod chags la sogs pa nyon mongs pa'i mes sregs la/ skye ba rga ba'i gnod pas mnar ba'o zhes sems pa ni/ 'jig rten rnams la mngon par
 mi dga' ba'i 'du shes so/ /bum pa zhabs rdol ba'i chu bzhin du/ skad cig /ma re re la yang 'tsho ba'i dbang po zad do zhes sems pa ni 'chi ba'i 'du shes so/ /dang por rgyun tu zhugs pa'i 'bras bu'i dus kyi de ma thag pa'i lam gyi tshe na ni/ rab
 tu spong ba'i 'du shes so/ /phyir mi 'ong ba'i dus kyi de ma thag pa'i lam gyi tshe na ni/ 'dod chags dang bral ba'i 'du shes so/ /dgra bcom pa'i dus kyi de ma thag pa'i lam gyi tshe na ni/ 'gog pa'i 'du shes so/ /gang de nyid kyi tshogs na dad pa dang/
 brtson 'grus dang/ sems pa la sogs pa 'du byed sems dang ldan pa rnams dang/ skye ba dang rga ba la sogs pa dang ming gi tshogs dang tshig gi tshogs la sogs pa 'du byed sems dang mi ldan pa rnams ni/ 'du byed kyi phung po'o/ /gang de nyid kyi tshegs?
 na zag pa dang bcas pa'i phung po dang/ 'dod pa lnga'i yon tan la dga' ba med pa'i rnam par shes pa ni/ rnam par shes pa'i phung po'o/ /zag pa med pa'i phung po lnga bshad zin par bstan pa'i phyir/ 'di ni dge slong dag phung po
 lnga rnams so zhes bya ba gsungs te/ zag pa med pa'i phung po lnga rnams rdzogs so zhes bya ba'i don to/ /de la phung po lnga zhes smos pas chog mod/ gzugs dang tshor ba'i mtshan nyid gzung ba ci dgos she na/ gzugs dang tshor ba'i mtshan nyid gzung
 ba ni/ tshul khrims la sogs pa zag pa med pa'i phung po gzhan yang yod pas de dag dgag par bya ba'i phyir ro// //phung po lnga'i 'og tu len pa'i phung po lnga bstan pas ji ltar bstan pa de bzhin bshad pa'i phyir ro/ /de la dge slong dag len
 pa'i phung po lnga gang zhe na zhes bya ba la sogs pa gsungs so/ /len pa'i phung po lnga bshad pa yang ci dgos she na/ len pa'i phung po lnga bshad na bden pa bzhi shes par gyur pas na/ de kho na shes pa'i ye shes skye bar 'gyur ro/ /ye shes skyes na
 yid la gnas pa'i nyes pa rnams spangs par 'gyur ro/ /nyes pa spangs na las mngon par 'du mi byed do/ /las mngon par 'dus ma byas na/ sdug bsngal dang bral zhing bde ba thob par 'gyur te der dgos pa'o/ /yang na phung po bstan pas rtag pa ma
 yin pa dang/ bde ba ma yin pa dang/ bdag med pa dang/ snying po med pa dang/ skyabs med pa dang/ mgon med pa dang/ rang dbang med cing rga ba dang/ na ba dang 'chi ba la sogs pa sdug bsngal mdza' med pa rnams kyis gnod par gyur pa'i phung po la dbu
 ba dang chu bur dang smig rgyu dang chu skyes pa'i sdong bu dang sgyu ma lta bur yang dag pa ji lta ba bzhin du shes par 'gyur ro/ /yang dag pa ji lta ba bzhin du shes na/ 'phags pa nyan thos rnams sems la yod pa'i ma rig pa'i mun pa sel bar byed do/ /
 mun pa gsal na mu stegs pa'i srin bu me khyer dang 'dra ba'i shes pa'i gzi rnams nyi mas zil gyis gnon pa bzhin du zil gyis gnon pa dang/ log pa'i lta ba dang de las skyes pa'i nyes pa skye ba dang/ rga ba la sogs pa spangs nas/ mya ngan las 'das
 pa'i yon tan thob par 'gyur te der dgos so/ /de la zhes bya ba'i sgra ni chos gzhan las bkar ste/ bstan par 'dod pa 'am/ tshig gi 'go 'dren par byed pa'o/ /dge slong dag ces bya ba ni bos pa'o/ /len pa zhes bya ba la nyon mongs pa'i tshogs/
 'dis ma 'ongs pa'i srid pa len pas 'dod chags la sogs pa'i nyon mongs pa len pa zhes bya ste/ len pa de las byung ba'i phung po ni len pa'i phung po ste/ tshig bar ma spas pas rtswa dang phub ma'i me bzhin no/ /dper na rtswa las byung ba'i me la rtsa'i me dang
 phung ma las byung ba'i me la phub ma'i me zhes tshig par ma spas pa dang 'dra'o/ /kha cig tshig par ma spas par drug pa'i bsdu bas bsgrub ste len pa zhes bya ba la nyon mongs pa dang 'brel ba'i phung po la len pa'i phung po zhes bya ste/ dper na rtswa dang phub ma'i
 me la rtswa'i me phung ma'i me zhes bya ba bzhin no/ /smras pa gang sems can gyi grangs su gtogs pa rnams ni len pa'i phung po zhes bya bar rigs te/ nyon mongs pas brlan pa'i las kyi rgyu las skyes pa'i phyir ro/ /phyi'i dngos po sems can gyi grangs su
 gtogs pa rnams la/ ji ltar na len pa'i phung po zhes bya zhe na/ smras pa de dag kyang len pa las byung ba la len pa'i phung po zhes bya bar rigs te/ 'jig rten sna tshogs las las byung ngo zhes gsungs pa'i phyir te/ yang na len pa dang/ rjes
 su mthun par byed pa'i phung po la len pa'i phung po zhes bya ste/ rgyal po'i skyes bu bzhin no/ /dper na rgyal po'i dka' dang rjes su mthun par byed pa'i skyes bu la rgyal po'i skyes bu zhes bya ba bzhin du/ nyon mongs pa dang rjes su mthun par byed pa'i
 phung po ni len pa'i phung po ste/ de'i dbang gis dmigs pa dang/ 'gro ba gzhan du 'jug pa'i phyir ro/ /yang na phung po rnams la nyon mongs pa 'byung ba'i phung po la len pa'i phung po zhes bya ste/ me tog dang 'bras bu'i shing bzhin no//
 dper na me tog dang 'bras bu 'byung ba'i shing la me tog gi shing 'bras bu'i shing zhes bya ba bzhin du/ phung po las nyon mongs pa 'byung na len pa'i phung po zhes gdags so/ /lnga zhes smos pas ni lhag chad dgag pa'i phyir te/ kha cig ni so
 sor brtags te 'gag pa dang/ ma brtags par 'gag pa dang/ nam mkha' yang phung por 'dod pa yod do/ /phung po smas pas ni gzugs dang sgra la sogs pa'i yul lnga dgag pa'i phyir ro/ gzugs len pa'i phung po dang zhes bya ba la
 gzugs rnams gnyis te/ 'byung ba chen po bzhi dang/ 'byung ba chen po bzhi las gyur pa'i gzugs so/ /'byung ba chen po bzhi gang zhe na/ sa'i khams dang/ chu'i khams dang/ me'i khams dang/ rlung gi khams dang/ yang sa'i khams
 kyi rang bzhin ni sra ba dang rtsub pa'o/ /chu'i khams kyi rang bzhin ni rlan pa dang gsher ba'o/ /me'i khams kyi rang bzhin ni tsha ba dang dro ba'o/ /rlung gi khams kyi rang bzhin ni yang ba dang g.yo ba'o/ /yang na sa'i khams kyi rang bzhin ni dri dang
 ldan pa'o/ /chu'i khams ni ro dang ldan pa'i rang bzhin no/ /me'i khams ni gzugs dang ldan pa'i rang bzhin no/ rlung gi khams ni sgra dang reg bya'i rang bzhin no/ /yang na brtan pa dang lci ba dang mkhrang ba dang/ 'jam pa dang rtsub pa ni sa'i khams
 kyi mtshan nyid do/ /gsher ba dang lce ba dang 'jam pa dang grang ba dang snum pa ni chu'i khams kyi mtshan nyid do/ /dro ba dang yang ba dang smin pa dang che ba ni me'i khams kyi mtshan nyid do/ /mgyogs pa dang yang ba dang rtsub pa dang g.yo ba ni rlung
 gi khams kyi mtshan nyid do/ /'byung ba chen po 'di dag las ci byed ce na/ sa'i khams ni brten pa'i las byed do/ /chu'i khams ni sdud pa'i las byed do/ /me'i khams ni smin pa'i las byed do/ /rlung gi khams ni skye zhing 'phel ba'i las byed do/ /ci'i
 phyir 'byung ba chen po bzhi kho nar bshad la lnga dang drug la sogs par ma yin zhe na/ myu gu skyed pa'i rkyen du bzhi kho nar dgos par zad pas na lnga dang drug la sogs par ma bshad do/ /de la sa ni sa bon gyi rten byed do/ chu na sa bon rlan par byed do/ /me
 ni sa bon smin par byed do/ /rlung ni sa bon 'phel zhing rgyas par byed do/ /yang na sa'i khams ni lci ba'i rang bzhin yin pas gang de'i shas che ba de dag ni lus lci ba dang gnyid che ba yin te/ ma bslang na nad du 'gyur ro/ /chu'i khams ni gsher ba'i rang
 bzhin yin pas de'i shas che ba rnams ni bad kan du 'gyur te bkru sman dang skyug sman la sogs pa ma byas na/ nad du 'gyur ro/ /me'i khams ni tsha ba'i rang bzhin yin pas de'i shas cher mkhris par 'gyur te/ bkros pa'i tshe dus su kha zas la sogs pas
 ma gsos na nang du 'gyur ro/ /rlung gi khams ni g.yo ba yin pas de'i shas che ba rnams ni rlung can de snum gyis la skus te mnye ba la sogs pa ma byas na nad du 'gyur te/ de'i phyir yang 'byung ba chen po bzhi nyid du 'gyur ro zhes slob dpon kha cig gis
 bshad do/ /'o na ci'i phyir nam mkha' dang tshor ba la sogs pa 'byung ba chen po zhes mi bya zhe na/ smras pa 'byung ba zhes bya ba ni skye ba'i don la/ chen po zhes bya ba ni khyab pa'i don to/ /tshor ba la sogs pa 'byung ba yin yang khyab pa ma yin pas na chen po
 ma yin pa dang/ nam mkha' khyab pa yin yang skye ba med pas na 'byung ba chen po zhes mi bya'o/ /de bas na 'byung ba'i don ni sems can rnams kyi las skyes pa'i don yin la chen po'i don ni khyab pa'i don yin pa'i phyir 'byung ba chen po zhes bya'o//
 'o na ji ltar chen po yin zhe na/ ji skad du mdo las 'di ltar dga' bos chen po 'di ni chu la gnas so/ /chu ni rlung la gnas so zhes gsungs pa dang/ yang na me'i khams bdo na tshangs pa'i 'jig rten man chad sreg
 go/ chu'i khams bdo na 'od snang ris man chad 'jig par byed do/ /rlung gi khams bdo na dge rgyas man chad 'jig par byed do zhes gsungs so/ /yang na sa'i khams bdo na chu'i bu ga kun 'gag go /bu ga 'gags na rlung mi 'byung
 ngo/ /rlung ma byung na de'i shol bskams so/ /shol bskams na nam mkha' la me 'byung ste/ tshig par byed do zhes gsungs pas na/ de dag chen po zhes bya'o/ /smras pa gang na yod pa der 'byung ba gzhan dag kyang yod dam/ slob
 dpon kha cig gis smras pa yod do zhe'o/ /ji lta zhe na bzhi po de dag rtag tu mi 'bral bar gnas pa'i phyir ro/ /gal te sa'i khams la chu'i khams med na thal pa gtor ba bzhin du sa'i khams de dag so sor zhig par 'gyur ro/ /gal
 te chu'i khams la sa'i khams med na/ bu ram shing gi khu ba la sogs pa brtsos kyang sra bar mi 'gyur ro/ /gal te me'i khams la sa'i khams dang chu'i khams med na me lce rnams so sor gyes pa dang 'dab ma la sogs pa me
 lce 'degs mi nus par 'gyur ro/ /gal te rlung gi khams la sa'i khams dang me'i khams la sogs pa med na/ rlung gis rtswa dang 'dab ma khyer mi nus la rlung che ba dang rlung grang ba zhes bya ba yang med par 'gyur ro/ /gzhan yang
 sa las chu 'byung ste/ chu shel las chu mngon par 'grub pa dang/ de bzhin du sa las me 'byung ste me shel las me mngon par 'grub pa dang/ sa las rlung 'byung ste/ thal mos brdabs pa 'am/ ta la'i 'dab ma g.yos
 pa las rlung ldang ba'i phyir ro/ /chu las rlung yod de 'dab ma la sogs pa 'debs par byed pa dang/ me yod de 'dab ma dang rtswa la sogs pa dang 'drul bar byed pa dang/ rlung yod de g.yo zhing thur du 'bab pa'i phyir ro/ /me las yod de me lce gcig
 gis gcig 'dzin cing 'dab ma la sogs pa 'dzin pa dang/ chu yod de me lce mi 'gyes pa dang/ rlung yod de g.yo zhing 'gul bar byed pa'i phyir ro/ /rlung la sa yod de 'dab ma la sogs pa 'degs par byed pa dang/ me yod de ras
 rlon pa la sogs pa bskams par byed pa dang/ chu yod de phan tshun mi 'gyes par gcig tu g.yo zhing 'byung ba'i phyir ro/ /'byung ba las gyur pa'i gzugs bcu gcig ste/ dbang po lnga dang/ yul lnga dang/ rnam par rig byed
 ma yin pa'i gzugs so/ /de la dbang po lnga la/ mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang po dang/ yul lnga la gzugs dang/ sgra dang dri dang ro dang reg bya'o/ /de la mig
 gi dbang po gang zhe na/ mig gi rnam par shes pa'i rten du gyur pa/ gzugs dang po'o/ /rna ba'i dbang po gang zhe na/ rna ba'i rnam par shes pa'i rten du gyur pa gzugs dang po'o/ /sna'i dbang po gang zhe na/ sna'i rnam par  
 shes pa'i rten du gyur pa gzugs dang po'o/ /lce'i dbang po gang zhe na/ lce'i rnam par shes pa'i rten du gyur pa gzugs dang po'o/ /lus kyi dbang po gang zhe na/ lus kyi rnam par shes pa'i rten du gyur pa gzugs dang po'o/ /
 gzugs gang zhe na/ rnam pa gnyis te/ kha dog gis bdag nyid dang dbyibs kyi bdag nyid do/ /de la kha dog gi bdag nyid ni sngon po dang ser po dang dmar po dang dkar po'o/ /dbyibs kyi bdag nyid ni ring ba dang thung ba dang/
 zlum pa dang/ kun tu dkyil 'khor dang phra ba dang/ sbom pa dang/ mnyam pa dang/ mi mnyam pa'o/ /sgra gang zhe na/ rnam pa gsum ste/ zin pa'i 'byung ba chen po'i rgyu las byung ba dang ma zin pa'i
 'byung ba chen po'i rgyu las byung ba dang/ gnyi ga'i rgyu las byung ba'o/ /de la zin pa 'byung ba chen po'i rgyu las byung ba ni sems can gyi sgra'o/ /ma zin pa 'byung ba chen po'i rgyu las byung ba ni nags tshal dang chu bo'i sgra'o/ /gnyi
 ga'i rgyu las byung ba ni rdza rnga dang pi wang la sogs pa'i sgra'o/ /dri rnams gsum ste/ dri zhim pa dang/ mi zhim pa dang/ dri mnyam pa'o/ /de la dri zhim pa ni tsan dan la sogs pa'i dri'o/ /dri mi zhim pa ni mi gtsang ba la
 sogs pa'i dri'o/ /dri mnyam pa ni dung dang/ nya phyis la sogs pa'i dri'o/ /ro gang zhe na rnam pa drug ste/ mngar ba dang/ skyur ba dang/ kha ba dang/ tsha ba dang/ bro ba dang/ bska ba'o/ /de la mngar ba ni ka ra la sogs
 pa'i ro'o/ /skyur ba ni skyu ru ra la sogs pa'i ro'o/ /kha ba ni mkhris pa dang/ tig ta la sogs pa'i ro'o/ /tsha ba ni sme'o gshed la sogs pa'i ro'o/ /bro ba ni lan tshwa'i ro'o/ /bska ba ni a ru ra la sogs pa'i ro'o/
 de la reg bya gang zhe na/ de yang rnam pa bcu gcig ste/ 'byung ba chen po bzhi dang/ 'jam pa dang/ rtsub pa dang/ yang ba dang/ grang ba dang/ bkres pa dang/ skam pa'o/ /de la rnam par rig byed ma yin pa'i
 gzugs gang zhe na/ de la yang rnam pa gsum ste/ dge ba dang mi dge ba dang/ de gnyis ka'i mtshan nyid do/ /dge ba'i rnam par rig byed kyang rnam pa gsum ste/ so sor thar pa'i sdom pa las byung ba dang/ ting nge
 'dzin las byung ba dang/ zag pa med pa'i bsam gtan las byung ba'o/ /so sor thar pa'i sdom pa las byung ba ni/ gang dge slong pha dang/ dge slong ma dang/ dge bsnyen pha dang/ dge bsnyen ma dang/ dus khrims pa'o/ /bsam gtan las
 byung ba ni/ gang gzugs kyi khams kyi bsam gtan bzhi'i rgyu las byung ba'o/ /zag pa med pa'i sdom pa ni gang 'phags pa'i lam gyi yan lag brgyad bsgoms pa'i rgyu las byung ba'o/ /mi dge ba'i rnam par rig byed ma yin pa ni/ bya ba
 dang/ nya ba dang/ bshan pa la sogs pa'i sdig pa mi dge ba'i sems rnams so/ /de gnyi ga'i mtshan nyid ni dkyil 'khor ma byas par zan mi bza' o zhe 'am/ sems can 'ga' zhig ma brdogs ma bsad par zan mi bza' zhes
 dam 'cha' ba' o/ /de la gzugs kyi phung po de/ ji ltar shes par bya zhe na/ ci rigs par so sor rnam pa bcu gcig tu shes par bya ste/ mi gtsang bar shes par bya ba dang/ de las byung bar shes par bya ba dang/ der gnas par
 shes par bya ba dang/ de za bar shes par bya ba dang/ de la dga' bar shes par bya ba dang/ de 'byung bar shes par bya ba dang/ snying po med par shes par bya ba dang/ mi rtag par shes par bya ba dang/ sdug bsngal bar shes par bya ba
 dang/ stong par shes par bya ba dang/ bdag med par shes par bya ba'o/ /de la mi gtsang bar shes par bya ba ni/ lus 'di glang pa'i rgyas nas rkang pa'i mthil gyi bar du rnag dang khrag dang chu ser la sogs pa'i bdag nyid du
 shes par bya'o/ /de las byung bar shes par bya ba ni/ lus 'di dang po yang ma'i khrag dang pha'i khu ba las gyur par shes par bya'o/ /der gnas par shes par bya ba ni/ ma'i mngal na gnas pa'i tshe yang zhu ba'i gnas dang
 ma zhu ba'i bar gnyis kyi bar na/ mi gtsang ba rnam pa sna tshogs kyis bskor nas 'dug par shes par bya'o/ /de za bar shes par bya ba ni/ mas kha zas dang btung ba la sogs pa zos shing 'thungs pa'i
 mchil ma dang chu ser la sogs par gyur pa de za bar byed do zhes shes par bya'o/ /de la dga' bar shes par bya ba ni/ pha dang ma gnyis mi tshangs par spyod pa'i dus na de'i khrag dang khu ba dang dri nga ba byung ba la dga' bar byed par shes par
 bya'o/ /de la 'byung bar shes par bya ba'i lus 'di las mi gtsang ba rnam pa sna tshogs 'byung ngo/ /zhes shes par bya'o/ /snying po med par shes par bya ba ni/ glang po che la sogs pa'i mgon mu tig tsam gyi snying po yang yod na
 lus 'di la ni dam par bya ba sdug bsngal tsam yang med do zhes shes par bya'o/ /mi rtag par shes par bya ba ni/ skad cig ma re re la 'jig pa'i dad? can no zhes shes par byed pa'o/ /sdug bsngal bar shes par bya ba ni lus
 'di rga ba dang 'chi ba la sogs pas rtag tu gzir ba'o zhes shes par bya'o/ /stong par shes par bya ba ni/ lus 'di'i nang na mu stegs kyis brtags pa'i bdag brtag pa med par shes par bya'o/ /bdag med par shes par bya ba ni/
 lus 'di nyid mu stegs kyis brtags pa'i bdag rtag pa'i rang bzhin ma yin no zhes shes par bya'o// //tshor ba'i phung po zhes bya ba la tshor ba rnam pa gsum ste/ bde ba dang/ sdug bsngal ba dang/
 bde ba yang ma yin/ sdug bsngal yang ma yin pa'i tshor ba'o/ /de la gang lus dang sems la sim zhing phan par byed pa ni bde ba'i tshor ba'o/ /gang lus dang sems la sim pa ma yin pa dang/ gnod par byed pa ni sdug
 bsngal gyi tshor ba'o/ /gang lus dang sems la sim par mi byed gnod par yang mi byed pa ni bde ba yang ma yin sdug bsngal yang ma yin pa'i tshor ba'o/ /yang na las dge ba'i rnam par smin par myong ba ni bde ba'i tshor ba'o/ /
 las mi dge ba'i rnam par smin pa myong ba ni sdug bsngal gyi tshor ba'o/ /las lung du ma bstan pa'i rnam par smin pa myong ba ni bde ba yang ma yin sdug bsngal yang ma yin pa'i tshor ba'o/ /de la tshor ba'i
 phung po yang ji ltar shes par bya zhe na/ rnam pa bdun lta bur shes par bya ste/ slu par byed pa shes par bya ba dang/ gnyen po las gyur par shes par bya ba dang/ g.yogs par shes par bya ba dang/ brtags pa las byung bar shes par bya ba dang/
 rlag pa'i gzhir shes par bya ba dang/ ngoms pa med par shes par bya ba dang/ mi rtag par shes par bya'o/ /de la slu bar byed pa shes par bya ba ni/ gang tshor ba thams cad sdug bsngal bar 'phags pa rnams kyis gzigs na de byis pa rnams la
 bde ba lta bur snang ngo zhes shes par bya'o/ /gnyen po las gyur par shes par bya ba ni rma la sman bsil bas bskus na thang cig sdug bsngal zhi ba nyid la bde bar sems pa bzhin du sdug bsngal gyi gnyen pos sdug bsngal bcil ba tsam la bde ba'i
 'du shes skye'o zhes shes par bya'o/ /g.yogs par shes par bya ba ni sdug bsngal gyi rang bzhin la gos dang rgyan la sogs pa dang spyod lam bcos pa tsam gyis bde ba'i 'du shes skye'o/ /zhes shes par bya'o/ /brtags pa las byung bar shes
 par bya ba ni/ sdug bsngal ba'i rang bzhin la bde'o snyam du sems pa 'di nyid phyin ci log gi rtog pa las byung ba yin no zhes shes par bya'o/ /rlag pa'i gzhir gyur par shes par bya ba ni/ tshogs pa'i bde ba la tshogs pa las ngan song gsum gyi rgyur
 'gyur ro zhes shes par bya'o/ /ngoms pa med par shes par bya ba ni/ lan tsha'i chu 'thung ba bzhin du tshor ba 'di la bskal pa'i mthar spyad kyang chog par 'gyur ba med par shes par bya'o/ /mi rtag par shes par bya ba
 ni/ tshor ba thams cad skad cig ma'i rang bzhin yin par shes par bya ba'o/ /'du shes kyi phung po zhes bya ba la/ sngon po dang/ ser po dang/ ring po dang/ thung ngu la sogs pa'i yul mtshan mar 'dzin cing yongs su gcod pa ni 'du shes
 te/ de yang chung ngu dang/ chen po dang/ tshad med pa'o/ /de la 'dod pa'i khams kyi 'du shes ni chung ngu zhes bya ste/ 'dod pa lnga'i yon tan tsam gyi dngos po ngan pa la 'dzin pa'i phyir ro/ /gzugs kyi khams kyi 'du shes ni/ chen po
 zhes bya ste bsam gtan gyi ro'i mtshan ma la 'dzin pa'i phyir ro/ /gzugs med pa'i khams kyi 'du shes ni tshad med pa zhes bya ste/ nam mkha' ni mdza' yas so zhes bya ba la sogs par dmigs pa'i phyir ro/ /'du shes kyi phung po ji ltar
 shes par bya zhe na/ rnam pa 'di lta bur shes par bya ste/ byis pa'i 'gro ba rmongs par byed pa dang/ slu bar byed pa dang/ mi rtag pa'i mtshan nyid dang/ 'du shes phyin ci log las don med pa gzhan 'byung bar shes par bya ba'o/ /byis
 pa'i 'gro ba rmongs par shes par bya ba ni/ ji ltar smig rgyu chur snang bas byis pa dag slu bar byed pa bzhin du/ 'du shes kyis ser po dang/ sngon po la sogs par yul la mtshan mar 'dzin pa'i sgo nas byis pa rnams rmongs par byed
 do zhes shes par bya'o/ /slu bar shes par bya ba ni/ 'du shes phyin ci log gis rtag skyid gcang ba la sogs par 'dzin pa'i zhes shes par bya ba'o/ /mi rtag par shes par bya ba ni/ skad cig ma re re la yang 'jig pa'i mtshan nyid
 do zhes shes par bya ba'o/ /'du shes phyin ci log nas don med gzhan 'byung bar shes par bya ba ni 'du shes phyin ci log gi rgyus ngan song gsum du skye bar 'gyur ro zhes shes par bya ba'o// //'du byed kyi phung po zhes bya ba la/
 las dge ba dang mi dge ba dang/ lung du ma bstan pa'i mtshan nyid byed pa ni 'du byed de/ de yang 'du byed sems dang ldan pa dang sems dang mi ldan pa ste rnam pa gnyis so/ /de la 'du byed sems dang ldan pa ni yid la byed pa dang reg pa dang 'dod pa
 dang/ mos pa dang/ dran pa dang/ ting nge 'dzin dang/ shes rab dang/ dad pa dang/ ngo tsha shes pa dang/ khrel yod pa dang/ 'dod ma chags pa dang/ zhe mi sdang ba dang/ gti mi mug pa dang/ brtson 'grus dang/ bag yod pa dang/ btang snyoms
 dang/ me 'tshe ba dang/ 'dod chags dang/ khong khro ba dang/ nga rgyal dang/ ma rig pa dang/ the tshom dang/ 'jig tshogs kyi lta ba dang/ mthar 'dzin pa'i lta ba dang/ lta ba snyoms pa dang/ tshul khrims dang/ brtul zhugs
 snyems pa dang/ log pa'i lta ba dang/ khro ba dang/ khon du 'dzin pa dang/ 'chab pa dang/ 'tshig pa dang/ phrag dog dang/ ser sna dang/ g.yo dang/ sgyu dang/ 'tshe ba dang/ khrel med pa dang/ ngo tsha mi shes pa
 dang/ rmugs pa dang/ rgod pa dang/ ma dad pa dang/ le lo dang/ bag med pa dang/ dran pa nyams pa dang/ shes bzhin ma yin pa dang/ g.yangs pa dang/ gnyid dang 'gyod pa dang/ rtog pa dang/
 dpyod pa'o/ /'du byed sems dang mi ldan pa gang zhe na rnyed pa dang/ 'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa dang 'tsho ba'i dbang po dang/ ? ris
 mthun pa dang/ skye ba dang/ rga ba dang/ gnas pa dang mi rtag pa dang/ ming gi tshogs dang/ tshig gi tshogs dang yi ge'i tshogs la sogs pa'o/ /'du byed kyi phung po ji ltar shes par bya zhe na/ rnam pa
 drug tu shes par bya ste/ snying po med pa dang/ yongs su ma grub pa dang/ mi rtag pa dang/ bdag med pa dang/ sdug bsngal ba dang/ stong pa'o/ /de la snying po med par shes par bya ba ni/ ji ltar chu shing gi sdong po 'dab ma so
 sor gsal na snying po med pa bzhin du 'du byed kyi tshogs 'di dag la yang brtags na snying po gang yang med pa'i phyir ro/ /yongs su ma grub pa ni ji ltar dri za'i grong khyer snang yang grong khyer du ma grub pa bzhin du/ 'du byed kyi phung po 'di dag
 kyang de bzhin ma grub pa'i phyir ro/ /mi rtag pa ni skad cig ma re re la yang 'jig pa yin pa'i phyir ro/ /sdug bsngal ba ni skye ba dang rga ba la sogs pa'i chos dang ldan pa'i phyir ro/ /stong pa ni 'du byed de dag la mu stegs kyis brtags pa'i
 bdag med pa'i phyir ro/ /bdag med pa ni de dag nyid mu stegs kyis brtags pa'i bdag gi rang bzhin ma yin pa'i phyir ro/ /rnam par shes pa'i phung po zhes bya ba la rnam par shes pa'i tshogs drug ste/ mig gi rnam par shes pa
 nas yid kyi rnam par shes pa'i bar du'o/ /de la mig gi rnam par shes pa ni mig la brten gzugs la dmigs nas gzugs kyi mtshan nyid shes pa'o/ /rna ba'i rnam par shes pa ni rna ba la brten sgra la dmigs nas sgra'i mtshan
 nyid shes pa'o/ /sna'i rnam par shes pa ni sna la brten dri la dmigs nas dri'i mtshan nyid shes pa'o/ /lce'i rnam par shes pa ni lce la brten ro la dmigs nas ngo'i mtshan nyid shes pa'o/ /lus kyi rnam par shes pa ni/ lus la
 brten reg bya la dmigs nas reg bya'i mtshan nyid shes pa'o/ /yid kyi rnam par shes pa gang zhe na/ yid la brten chos la migs nas/ chos kyi mtshan nyid shes pa'o/ /de la ji ltar na rnam par shes pa'i phung po shes bya zhe na/
 rnam pa bcu gcig tu shes par bya ste/ g.yo ba med pa dang/ rang dbang med pa dang/ rkyen du ma las byung ba dang/ 'bras bu gcig tu zad pa dang/ rang bzhin gyis stong pa dang/ skad cig ma dang/ mi sdod par myur du 'gro ba dang/ yul
 la g.yo ba dang/ mi gtsang ba'i yul la yon tan du lta ba dang mi dge ba'i sbrang bul sogs pa'i rten du gyur pa dang/ ye shes kyi me dang rtag tu bral ba'o/ /dper na myu gu dang sa bon la sogs pa ltar gcig cig skyes pa po dang/
 bskyed par bya ba ma yin zhing bskyed par bya'o snyam du mi sems pa ni g.yo ba med pa'o/ /dper na 'khrul 'khor gyi me rlung gis dbang gis g.yo ba bzhin du/ rnam par shes pa 'di yang las dang nyon mongs pa'i dbang gis g.yo bas na rang
 dbang med pa'o/ /dbang po dang yul dang las dang nyon mongs pa la sogs pa rgyu rkyen du ma las byung bas na/ rkyen du ma las byung ba'o/ /de ltar rkyen du mas bskyed kyang/ 'bras bu rnam par shes pa gcig las mi skye bas na/ 'bras bu
 gcig tu zad pa'o/ /rus sbal gyi spu ltar bdag lta bu'i rang bzhin med pas na/ rang bzhin gyis stong pa'o/ /mar ma'i me lce bzhin du skad cig ma re re la 'jig pas na mi rtag pa'o/ /ri gzar po'i chu bzhin du skad cig kyang mi gnas
 par 'gro bas na mi sdod par myur du 'gro ba'o/ /spre'u bzhin du rtag tu yul la chags shing rgod pa'i mtshan nyid yin pas na yul la g.yo ba'o/ /phag bzhin du mi gtsang ba'i yul la dam par 'dzin pas na mi gtsang ba'i yul la yon tan du lta bu'o//
 rnam par shes pa'i rgyu las mi dge ba thams cad skye bas na/ mi dge ba'i sbrang bu la sngon po'i steng du gyur pa'o/ /ji srid du rnam par shes pa dang 'grogs pa de srid du/ 'phags pa'i bden pa bzhi'i ye shes mi 'gyur
 ba'i phyir/ ye shes kyi me dang bral ba'o/ /'o na ci'i phyir phung po lnga'i rim pa de lta bur bkod de/ dang po gzugs/ de'i 'og tu tshor ba/ de'i 'og tu 'du shes la sogs pa bkod ce na/ rnam pa gsum gyi phyir te/ ji ltar rags pa dang/
 ji ltar kun nas nyon mongs pa 'byung ba dang/ snod la sogs pa'i don gyi phyir ro/ /de la thogs pa dang bcas shing rnam par shes pa rnams kyi rten du gyur pas/ tshor ba la sogs pa bas/ gzugs rags te de bas na dang por bshad do/ /gzugs
 med pa'i phung po gzhan pas tshor ba rags te/ 'di ltar lag pa na bar tshor ro/ /rkang pa na bar tshor ro zhes ston pa'i phyir/ lhag ma gsum las kyang tshor ba sngar bshad do/ /'du byed kyi phung po dang/ rnam par shes pa'i phung po bas/
 'du shes kyi phung po rags te/ 'di ni skyes pa 'di ni bud med do zhes 'dzin pa'i phyir/ gnyis las kyang 'du shes sngar bshad do/ /rnam par shes pa bas 'du byed kyi phung po rags te/ las dge ba dang mi dge ba mngon par 'du
 byed pa'i mtshan nyid yin pa'i phyir te/ thams cad pas rnam par shes pa cha phra mo'i phyir mjug tu bshad do/ /yang na kun nas nyon mongs pa 'byung ba'i rim pas rim par bkod de/ 'di ltar 'khor ba thog ma med pa'i dus nas/ bud
 med dang skyes pa gnyis gcig la gcig gzugs la chags te/ de bas na gzugs dang por bshad do/ /gzugs la chags pa yang tshor ba bde ba la zhen pa'i phyir te/ de bas na de'i 'og tu tshor ba'o/ /de la zhen pa yang mi bzang
 ba la bzang par 'du shes phyin ci log las gyur te/ de bas na de'i 'og tu 'du shes so/ /'du shes phyin ci log kyang 'du byed kyi tshogs kun nas nyon mongs pa'i mtshan nyid las byung ste/ de bas na de'i 'og tu 'du byed do/ /de rnams kyis sems kun
 nas nyon mongs par byed pas na/ mjug tu rnam par shes pa'i phung po bshad do/ /yang na snod la sogs pa'i rim gyis kyang rim pa bzhin no/ /snod lta bur gyur pa ni gzugs kyi phung po ste/ tshor ba la sogs pa'i rten yin pa'i phyir ro/ /zas
 lta bur gyur pa ni tshor ba'i phung po ste/ tshor ba bde ba dang/ sdug bsngal nyid myong zhing bza' bar bya ba yin pas so/ /tshod ma dang tsha spong tshag tsheg lta bur gyur pa ni 'du shes kyi phung po ste/ mi bde ba la bde bar 'du shes phyin ci log gi rgyu las/ tshor ba
 'du shes la chags par 'gyur ba'i phyir ro/ /byed pa por gyur pa ni 'du byed kyi phung po ste/ las dge ba dang/ mi dge ba'i rnam par smin pas mngon par bsgrubs nas/ rnam par shes pa la stobs byed pa'i phyir ro/ /kun nas longs spyod par byed pa
 ni/ rnam par shes pa'i phung po ste/ bde ba dang sdug bsngal la sogs pa'i rnam par smin pa/ mjug tu des myong bar byed pa'i phyir ro/ /yang na zhing dang sa bon lta bur gyur pas/ rnam par shes pa'i phung po mjug tu bshad de/ 'dod pa'i
 khams kyi rnam par shes pa gzugs kyi phung po la brten to/ /gzugs kyi khams kyi bsam gtan bzhin ni/ rnam par shes pa tshor ba'i phung po la brten to/ /nam mkha' mdza' yas skye mched dang/ rnam shes mdza' yas skye mched
 dang/ cung zad med pa'i skye mched na ni/ rnam par shes pa 'du shes kyi phung po la brten to/ /cung zad med cung zad med min skye mched de srid pa'i rtse mo na ni/ rnam par shes pa'i 'du byed sems dang mi ldan pa dang/ sems
 dang ldan pa'i tshogs la brtan to/ /'o na phung po'i don ci zhe na spungs pa'i don ni phung po'i don te/ gang cung zad gzugs 'das pa dang/ ma 'ongs pa dang/ da ltar gyi dang phyi dang nang gi dang phra ba dang rags pa dang/ bzang
 po dang/ ngan pa dang/ ring pa dang thung ba yang rung ste/ /de dag thams cad gcig tu bsdus nas/ spungs pa la phung po zhes bya'o// //phung po'i 'og tu khams rnams bshad pa'i skabs yin pas/ de'i dbang
 du byas nas/ de la dge slong dag khams bco brgyad gang zhe na zhes bya ba gsungs so/ /'o na khams bco brgyad bstan pa 'dir ci dgos she na/ smras pa bdag dang bdag gi dang byed pa po dang tshor ba por mngon par zhen pa rnams la/
 mig dang gzugs la brten nas/ mig gi rnam par shes pas gzugs shes pa tsam du zad kyi/ lta ba po la sogs pa med do zhes bstan pa'i phyir/ khams bco brgyad gsungs so/ /yang na mi shes pa dang the tshom gyi shes pa
 dang/ log par shes pa'i mun pa bsal bar bya ba'i phyir/ khams bco brgyad gsungs te/ khams bco brgyad shes pa'i ye shes kyi snang ba byung na ma rig pa'i mun pa med par 'gyur ba'i phyir ro/ /yang na 'khor ba na byang
 chub kyi phyogs kyi chos rnams dang bral te/ dbul bar gyur pa rnams la/ byang chub kyi chos rin po che'i gter bstan par bya ba'i phyir/ khams bco brgyad bshad de khams tsam rjes su dran par byas na/ dran pa byang chub kyi yan
 lag la sogs pa byang chub kyi phyogs rnams sgom pa rdzogs par 'gyur ro/ /de la khams bco brgyad gang zhe na zhes bya ba ni dris pa'o/ /de bstan par bya ba'i phyir/ 'di lta ste zhes bya ba gsungs te/ mig gi dbang po dang mig gi khams dang/ mig gi
 skye mched dag ni/ ming tha dad par zad kyi don gcig par rig par bya'o/ /de la mig gi khams gang zhe na/ mig gi rnam par shes pa'i rten du gyur pa/ de'i rdul phra mo ni nag po dang sre nag yul la mngon du ltas pa/ shel bzhin du bsal ba/ gzugs
 'dzin nus pa'o/ /kha cig na re snod chus gang ba'i steng du phye btab pa bzhin du/ de'i rdul phran nang du mi 'bying zhing kha na snang ba dang/ bsal bar 'dug ces kyang 'chad kha cig na re go snyod kyi me tog kha 'bus pa dang 'dra bar kha dog bsal bar gnas
 te/ 'byung ba chen po rnams kyis bskor bas na so sor mi 'gyes so zhes kyang 'chad/ la la na re gong du zlum po bzhin du ya thog ma thog dang dbus dang gsum gyi char 'dug ste/ shin tu gsal bas/ cha gsum po gcig gis gcig mi
 sgrib pa ni/ dper na ston gyi chu ma rnyogs pas na 'dus pa bzhin zhes kyang 'chad do/ /gzugs kyi khams gang zhe na/ mig gi khams kyi yul du gyur pa ste/ sngon po dang dmar po dang ser po dang/ dkar po dang/ ring thung dang/ zlum po dang/
 kun tu dkyil 'khor dang/ phra mo dang/ sbom po dang/ mnyam pa dang/ mi mnyam pa dang/ mtho ba dang/ dma' pa dang/ grib ma dang/ nyi ma dang/ snang ba dang/ mun pa dang/ sbrin dang/ du ba dang/ rdul dang/ khug rna dang/
 bla gab med pa dang/ rnam par rig byed do/ /mig gi rnam par shes pa'i khams gang zhe na/ gang mig gi khams la ni brten/ gzugs la dmigs nas gzugs kyi rnam pa ci 'dre ba de bzhin du shes par gyur pa ste/ gal te gzugs
 sngon po zhig na yang sngon po'i rnam par skye zhing sngon por shes par byed pa'o/ /rna ba'i khams gang zhe na/ rna ba'i rnam Fpar shes pa'i rten du gyur pa de'i rdul phra mo ni shes bzhin du gsal la/ sgra rnams 'dzin nus pa gro ga bcus pa 'dra
 bar rna ba'i nad na gnas saM/ /sgra'i khams gang zhe na/ rna ba'i khams kyi yul du gyur pa ste/ de yang snyan pa dang/ mi snyan pa dang/ de gnyi ga ma yin pa dang/ zin pa'i 'byung ba chen po'i rgyu las byung ba dang/ ma zin
 pa'i 'byung ba chen po'i rgyu las byung ba dang/ de gnyi ga'i rgyu las byung ba dang/ 'jig rten du grags pa dang/ grub pa las byung ba dang/ kun tu brtags pa dang/ 'phags pa'i tha snyad dang/ 'phags pa ma yin pa'i tha snyad do/ /de la rna ba'i
 dbang po dang/ rnam par shes pa la phan pa dang/ sim par byed pa ni snyan pa zhes bya'o/ /gang rna ba'i dbang po dang rnam par shes pa la gnod pa dang/ gdung bar byed pa ni mi snyan pa zhes bya'o/ /dbang po dang rnam par shes pa la gnyi ga mi
 byed pa ni/ snyan pa yang ma yin mi snyan pa yang ma yin zhes bya'o/ /zin pa'i 'byung ba chen po bzhi pas/ byung ba la sogs pa gsum ni sngar bshad pa bzhin no/ /'jig rten du grags pa ni gang 'jig rten gyi skad dang 'brel pa'o/ /grub pa
 las byung ba ni gang 'phags pa rnams kyis bshad pa'o/ /kun tu brtags bzhi gang mu stegs pa rnams kyis bshad pa'o/ /gang mthong ba la sogs pa la/ mthong ngo ba dang/ thos so pa dang/ shes so bar drang por smra ba ni/
 'phags pa'i tha snyad do/ /de las bzlog na 'phags pa ma yin pa'i tha snyad ces bya'o/ /rna ba'i rnam par shes pa'i khams gang zhe na/ rna ba'i khams la brten sgra'i khams la dmigs nas/ sgra'i mtshan nyid gang yin pa shes par
 gyur pa'o/ /rna ba'i khams gang zhe na/ sna'i rnam par shes pa'i rten du gyur pa/ de'i rdul phra mo ni/ shel ltar gsal zhing dri rnams 'dzin nus pa sran ma kha bye ba ltar mtshul pa'i steng na gnas so kha cig na re thur ma ltar mtshul
 ba'i gong thog thag nas dug go zhes 'chad do/ /dri'i khams gang zhe na/ sna'i khams kyi yul du gyur pa ste/ de yang dri zhim pa dang/ mi zhim pa dang/ dri mnyam pa dang/ lhan cig skyes pa dang/ sbyar ba dang/ yongs su gyur pa'o/ /de yang dri zhim pa la sogs pa ni sngar
 bshad pa bzhin no/ /lhan cig skyes pa ni tsan dan la sogs pa'o/ /sbyar ba ni sihla? la sogs pa rdzas mang po las gyur pa/ bdug spos kyi dri rnams so/ /yongs su gyur pa ni 'bras bu yongs su smin pa'i dri la sogs pa'o/ /sna'i rnam par shes pa'i
 khams gang zhe na/ sna'i khams la brten nas/ dri la dmigs te/ dri'i rang bzhin gang yin bshes par gyur pa'o/ /lce'i khams gang zhe na/ lce'i rnam par shes pa'i rten du gyur pa ste/ de'i rdul phra mo ni shel ltar gsal ba/ ro myang nus shing
 zla ba phyed kyi shes ltar gnas te/ lce'i dbus su skra'i rtse mo tsam khyon zhig ma khyab kyi gzhan ni kun tu khyab pa'o/ /gal te de yang khyab par gyur na ni/ glang rgyas rtag tu zag pa myong bas snying ste/ yi ga yang rtag tu 'chus par
 'gyur ro/ /ro'i khams gang zhe na/ de rnam pa drug ste/ de dag gi mtshan nyid ni sngar bshad pa bzhin no/ /lce'i rnam par shes pa'i khams gang zhe na/ lce'i khams la brten ro la dmigs nas/ gang ro skyur ba dang
 mngar ba la sogs pa shes par gyur pa'o/ /lus kyi khams gang zhe na/ lus kyi rnam par shes pa'i rten du gyur pa ste/ de'i rdul phra mo ni shel ltar dangs pa dang/ phags pa bzhin du lus la thams cad du khyab par gnas shing reg bya 'dzin
 nus pa'o/ /reg bya'i khams gang zhe na/ de yang rnam pa bcu gcig ste/ 'byung ba chen po bzhi dang/ 'jam pa dang rtsub pa dang/ yang ba dang lci ba dang/ grang ba dang/ bkres pa dang/ skom pa'o/ /de la 'byung ba chen po bzhi'i mtshan nyid
 ni sngar bshad par zad do/ /me dang chu'i khams shas che ba ni 'jam pa'o/ /sa dang rlung gi shas che ba ni rtsub pa'o/ /sa dang chu'i shas che ba ni lci ba'o/ /rlung gi shas che ba ni yang ba'o/ /me dang chu'i shas che ba ni gnyen pa'o/ /rlung dang chu'i shas che ba ni
 grang ba'o/ /me dang rlung gi shas che ba las/ pho ba kha 'byar bar gyur na bkres pa dang skom pa skye'o/ /lus kyi rnam par shes pa'i khams ni/ lus kyi khams la brten/ reg bya la dmigs nas/ reg bya'i mtshan nyid shes par gyur pa'o/ /yid kyi khams gang zhe na/ yid
 kyi rnam par shes pa'i rten du gyur pa/ rnam par shes pa drug rnams snga ma 'gar ba la ni yid kyi khams zhes bya ste de ni rdul phra mo'i rang bzhin ma yin no/ /chos kyi khams gang zhe na de yang rdzas rnam pa bdun te/ tshor ba dang 'du shes dang/ 'du byed kyi phung po dang/ /so sor
 brtags te 'gag pa dang/ ma brtags de 'gag pa dang/ nam mkha' dang/ rnam par gi byed ma yin pa'i gzugs so/ /de la gzhan ni sngar bshad par zad do/ /so sor brtags te 'gag pa ni/ bden pa bzhi la 'di ni sdug bsngal/ 'di ni kun 'byung/ 'di ni 'gog pa/
 'di ni lam gyi bden pa'o/ zhes shes rab kyis brtags nas/ sems dang sems las byung ba rnams kyi skye ba dang/ 'gag par gyur pa ni so sor brtags te 'gag pa zhes bya'o/ /so sor ma brtags par 'gag pa gang zhe na/ gang mig la sogs pa'i rnam pa
 shes pa rnams rkyen gyi mthu las skye ba yin pa las/ rnam par shes pa yul gcig la zhen pa ni/ rnam par shes pa gzhan gyi yul rnams ni 'gag gi /rnam par shes pa ni rkyen dang ma phrad pas ma skyes te/ ma 'ongs pa'i dus su lus pa ni/ so sor ma brtags par
 'gag pa zhes bya'o/ /dper na mig gi rnam par shes pa gzugs la zhan pa'i cha/ sgra la sogs pa'i yul ni byung nas 'gags kyi/ rna ba'i rnam par shes pa'i yul med pas ma skyes par 'gags pa nyid so sor ma brtags to/ 'gag pa zhes bya'o/ /de la nam mkha' 
 gang zhe na/ gang thogs la med cing gzugs skye ba la go 'byed par byed pa'o/ /yid kyi rnam par shes pa'i khams gang zhe na/ yid kyi khams la brten chos la dmigs nas/ 'di ni ser po nyid yin gyi sngon po ma yin no zhe 'am/ 'di ni pi wang gi sgra yin gi gzhan ma yin zhes
 yongs su gcod par byed pa'o/ /slob dpon kha cig gis bshad pa/ khams bco brgyad las/ mig gi khams ni me'i shas che ste/ me'i shas che ba nas gzugs 'dzin par nus so/ /rna ba ni nam mkha' i bdag nyid de/ thogs pa med pas na/ sgra thos par nus so zhes zer mod kyi/
 rna ba'i dbang po la phan pa dang/ gnod pa 'byung ba yin la/ nam mkha' la phan gnod med pas na mi rung ngo/ /de bas na rna ba'i khams ni rlung gi shas che ba'i bdag nyid rlung gi shas che bas sgra 'dzin par nus so/ /sna'i khams ni sa'i shas che ba'i bdag nyid de/ gang gi phyir sa yang
 dri'i shas che bas na/ gang shas cher yod pa de nyid kyis de 'dzin par nus so/ /lce'i khams ni chu'i shas che ba'i bdag nyid de/ gang gi phyir der gshegs pa'i shas che bas na/ ro 'dzin pa nus kyi/ gzhan du rdo skam po gnyis reg pa bzhin du/ ci yang myong bar mi 'gyur ro/ /lus
 kyi khams ni 'byung ba chen po thams cad kyi bdag nyid do/ /khams bco brgyad ji ltar bshad pa rnams bsdus ste bstan par bya ba'i phyir/ dge slong dag 'di ni khams bco brgyad ces bya'o zhes gsungs so/ /'o na ci'i phyir khams bco brgyad du bshad do/ mang du yang ma yin
 nyung du ma yin zhe na/ 'di ltar bcom ldan 'das kyis/ rten dang brten par byed pa dang/ dmigs pa rnam pa drug tu phye bas khams bco brgyad nyid du gsungs te/ rten drug mig gi khams nas/ yid kyi khams kyi bar du'o/ /brten pa drug ni mig gi rnam par shes pa
 nas/ yid kyi rnam par shes pa'i bar du'o/ /dmigs pa drug ni gzugs kyi khams nas chos kyi khams kyi bar du'o/ /yang kha zas drug can gyi snod lta bu dang/ dug dang ldan pa'i kha zas lta bu dang/ de la za ba lta bu'i nyes pa shes par bya ba'i phyir ro/ /khams 
 bco brgyad du bshad do/ /de la kha zas dug can gyi snod lta bu ni/ mig gi khams la sogs pa dbang po drug go /dug dang ldan pa'i kha zas lta bu ni gzugs la sogs pa yul drug go /de la za ba po lta bu ni mig gi rnam par shes pa'i khams la sogs pa
 rnam par shes pa drug go /khams bco brgyad kyi rim pa bshad par bya ste/ mig gi khams la sogs pa rim pa bstan pa nyid kyis/ de'i yul dang rnam par shes pa'i khams kyi rim pa bstan par grub po/ /yid kyi rnam par shes pa'i khams pas mig la sogs
 pa'i khams lnga sngar bstan pa ni/ de dag gi yul da lta yin pa'i phyir dang yid kyi khams ni ma nges te/ da ltar yang de'i yul yin la/ /dus gsum dang zad pa med pa la sogs pa/ dus gsum ma yin pa'i chos kyang de'i yul yin pa'i phyir ro/ /lus kyi khams
 pas mig la sogs pa'i khams bzhi sngar bstan pa ni/ mig la sogs pa'i khams bzhi rnams kyi yul ni/ /'byung ba las gyur pa yin no la/ lus kyi yul ni/ ma nges pa ste/ bar 'ga' ni sa dang chu la sogs pa 'byung ba yang dmigs/ bar 'ga' ni lci ba dang
 yang ba la sogs pa/ 'byung bar 'gyur bar yang dmigs/ bar 'ga' ni gnyi ga la dmigs pa'i phyir ro/ /lce dang sna gnyis pas mig dang rna ba'i khams sngar bshad pa ni/ yul ring po la 'jug pa'i phyir te/ thag ring po ni gnas pa'i gzugs mthong zhing/
 rgyad nas bos pa'i sgra yang thos pa'i phyir/ sna dang lce gnyis ni phrad pa yul du gyur pa'i phyir te/ yul dang ma phrad kyi bar du 'dzin par mi nus par ring du 'jug pa med do/ /rna bas kyang mig ring thung 'jug ste/ thag ring po ni 'bab pa'i chu mthong na yang de'i sgra
 rnams mi thos pa'i phyir/ rnams kyang mig sngar bstan to/ /lce bas kyang sna sngar bstan te 'di ltar lces bza' ba ma reg par yang de'i dri sngar snas tshor bas ni myur du 'jug pa'i phyir ro/ /yang na lus 'di la mig gi khams gang na gnas/ /de'i 'og tu rna
 ba'o/ /de'i 'og tu sna'o/ /de'i 'og tu lce'o/ /de'i 'og tu phal cher lus la gnas te/ yid kyis de dag nyid la rten cing yul na mi gnas phyogs na mi gnas pas na 'jug tu bshad do/ /'o na rigs gyi don ni khams kyi don te/ dper na ri gcig la gser dang dung?
 la sogs pa rigs mang du yod pa de la khams shes bya ba de bzhin du/ lus 'di gcig la rigs bco brgya la yod pas na/ khams btso brgyad ces bya'o/ /yang na 'byung khung kyi don ni khams kyi don te dper na gnas gang nas rin po che la sogs pa 'byung pa'i
 gnas la khams zhes bya ba de bzhin du/ sems dang sems las byung ba mang po 'byung ba'i gnas yin pas na khams zhes bya'o// //khams kyi 'og tu skye mched bshad pa'i skabs yin pas/ de'i phyir de la dge slong dag skye mched bcu gnyis
 gang zhe na zhes bya ba la sogs pa gsungs so/ /skye mched bcu gnyis bstan pa yang ci dgos she na/ bdag la chags pa dang/ yol byad la chags pa'i dngos po shes par bya ba'i phyir bstan to/ /de la yongs su shes na chags pa gtong bar byed do/ /chags pa
 btang na khams gsum du mngon par mi skye ste/ de bstan pa'i dgos pa ni de yin no/ /yang na lta ba dang nyan pa dang/ myong ba dang/ snom pa dang/ reg par byed pa dang/ yid kyi rnam par shes pas chos rnams la mngon par zhen par bya'o zhes bdag tu mngon par
 chags pa spang bar bya ba'i phyir/ skye mched bcu gnyis bstan to/ /de la mig gi skye mched nas lus kyi skye mched kyi bar du lnga dang/ gzugs kyi skye mched nas reg bya'i skye mched kyi bar du lnga ste bcu'i don ni khams kyi skabs su bshad pa dang mthun no//
 rnam par shes pa'i khams drug gi steng du yid kyi khams kyis bstan te/ chos bdun la yid kyi skye mched ces bya'o/ /chos kyi khams kyi skabs su rdzas bdun bshad pa nyid la chos kyi skye mched ces bya'o/ /de la mig nang gi skye mched do zhes pa la brgal?
 ba/ gal te bdag yod na ni nang ngam/ phyi rol ces byang yang rung ste/ gang bdag gis byin rlabs pa de dag ni nang zhes bya ba na sangs rgyas pa rnams ni chos thams cad bdag med par 'dod/ bdag med na ji ltar mig nang gi skye mched
 ces bya/ /smras pa 'gal ba med de nga rgyal gyi gzhir gyur pa'i sems nyid la bdag ces brtags nas/ gang sems nga rgyal can gyi rgyu dang rkyen du gyur pa la nang gi skye mched ces bya'o/ /'o na ci'i phyir skye mched kyi rim pa de ltar bkod
 ce na/ 'jig rten gyi tha snyad dang rjes su mthun par bya ba'i phyir skye mched kyi rim pa de ltar bkod de/ 'jig rten pa'i tha snyad ni dang por phrad nas phan tshun gcig la gcig lta bas mig gi skye mched thogs mar bshad do/ /de'i 'og tu phrad nas smra
 bar byed pas na rna ba'i skyed do/ /de nas khrus dang/ dri dang phreng ba la sogs pa'i longs spyod byed pas na/ sna'i skye ched do/ /de nas kha zas dang/ btung ba'i longs spyod byed pas na lce'i skye mched do/ /de nas mal stan dang bud med la sogs pa'i longs
 spyod byed pas na lus kyi skye mched do/ /yid kyi skye mched ni de dag kun la khyab par gnas pas na mjug tu bshad do/ /'o na ci'i phyir skye mched bcu gnyis nges par bstan ce na/ rnam par shes pa drug gi bdag po dang/ dmigs pa drug nye bar
 bstan par bya ba'i phyir skye mched bcu gnyis kho nar bshad de/ /de la mig nas yid kyi skye mched kyi bar du ni rnam par shes pa'i bdag po'i rkyen to/ /gzugs nas chos kyi bar du ni rnam par shes pa'i dmigs pa'i rkyen to/ /skye mched kyi
 don ci skye ba'i sgo'i don ni skye mched kyi don to/ /sems dang sems las byung ba rnams ba skyed zhing 'phel ba'i rgyu byed pas na skye mched ces bya'o/ /de la brgal ba khams kyi skabs su ni rtan dang yul gyi sgo nas bco brgyad du bshad na/
 skye mched kyi skabs su ni rten dang yul du bshad na brten pa ci'i phyir ma bshad ce na/ smras pa bcom ldan 'das chos ston pa ni 'dul ba'i ched du ston pas skye mched bcu gnyis su bstan pas 'dul ba'i ched du rnam par shes pa rnams yid kyi skye mched
 bsdus nas bcu gnyis su gsungs so/ /ji ltar gang phung po'i skabs su bshad pa'i chos de dag nyid khams su yang bshad de/ phung po lnga la gzugs kyi phung por 'byung ba las gyur pa'i gzugs bcu gcig gshad pa las yul lnga dang dbang po lnga
 rnams mig gi khams nas gzugs kyi khams dang/ gzugs kyi khams nas reg bya'i khams kyi bar du khams bcur bshad la/ phung po lnga'i skabs su tshor ba'i phung po dang/ 'du shes kyi phung po dang/ 'du byed kyi phung po dang rnam par
 rig byed ma yin pa'i gzugs ni khams kyi skabs su chos kyi khams su bstan la/ rnam par shes pa'i phung po ni khams kyi skabs su mig gi rnam par shes pa'i khams nas/ yid kyi rnam par shes pa'i khams so zhes bstan la/ phung po'i khams su
 yid kyi dbang po'i khams kyi skabs su yid kyi khams su bshad pa dang/ gang khams su bshad pa'i chos de dag nyid skye mched kyi tshe yid de bshad de/ ci lta zhe na gang khams su yid kyi khams la sogs pa'i khams lnga dang/ gzugs kyi khams la
 sogs pa lnga ste/ bcu ni skye mched kyi skabs su mig gi skye mched nas gzugs kyi skye mched do/ /zhes skye mched bcu bshad la/ gang khams kyi skabs su tshor ba la sogs pa'i rdzas bdun chos kyi khams su bstan pa de nyid skye mched kyi
 skabs su chos kyi skye mched du bstan pa dang/ khams kyi skabs su mig gi rnam par shes pa'i khams la sogs pa drug dang/ yid kyi khams kyi bdun bshad pa skye mched kyi skabs su/ yid kyi skye mched du bstan ce na/ ji ltar rmongs la rnam
 pa gsum yod de de bsal bar bya ba'i phyir chos de dag nyid kyi ming gzhan du btags nas bzlas te bstan to/ /de la rmongs pa rnam pa gsum ni sems la gcig tu rmongs pa dang/ sems dang gzugs la gcig tu rmongs
 pa dang/ gzugs la gcig tu rmongs pa'o/ /de la sems la gcig tu rmongs pa bsal bar bya ba'i phyir phung po lnga bstan to/ /phung po lnga'i skabs su ni tshor ba dang/ 'du shes dang/ 'du byed dang rnam par shes pa'i phung po'i phung por sems
 mang du phye ste gsungs so/ /sems dang gzugs la gcig tu rmongs pa bsal bar bya ba'i phyir khams bco brgyad bshad de/ mig dang gzugs la sogs pa yul bcur phye ste/ bstan pa dang/ mig gi rnam par shes pa'i khams dang/ yid
 kyi khams su sems mang du phye ste bstan pa'i phyir ro/ /gzugs la gcig tu rmongs pa bsal ba'i phyir/ skye mched bcu gnyis bshad de/ skye mched kyi skabs su mig gi skye mched dang/ gzugs kyi skye mched la sogs pa'i gzugs bcur
 phye ste/ bshad pa'i phyir ro/ /yang na 'dod pa rnam pa gsum de/ mdo tsa du bstan pa dang/ bar du bstan pa dang/ rgyas par bshad par 'dod pa'o/ /de la mdo tsam du bstan par 'dod pa'i don du phung po lnga bshad/ bar du bstan par
 'dod pa'i dbang du skye mched bcu gnyis bshad/ rgyas par bshad par 'dod pa'i dbang du khams bco brgyad bshad do/ /yang na dang po rnon po dang dbang po 'bring dang/ dbang po rtul po'i dbang du byas nas phung po la sogs pa bstan te/ dbang
 po rnon po'i don du ni phung po lnga bshad/ dbang po 'bring gi don du ni skye mched bcu gnyis bshad/ dbang po rtul po'i don du khams bco brgyad bshad do/ /skye mched kyi 'og tu ni rten cing 'brel te 'byung ba bstan pa'i skabs yin
 bas de'i dbang du byas nas/ dge slong dag rten cing 'brel par 'byung ba'i yan lag bcu gnyis gang zhe na/ zhes bya ba la sogs pa gsungs so/ /rten cing 'brel te/ 'byung ba bstan pa yang ci dgos she na/ rten cing 'brel te 'byung ba khong du ma chud
 pas?/ 'gro ba rnams 'khor ba'i btson ran 'khyam zhing nyon mongs pa'i bcing ba dam pos bcing ba dang/ skye ba dang rga ba la sogs pa'i sdug bsngal rnam pa sna tshogs kyis rtag tu gnod par 'gyur ba la/ de khong du chud na ma rig pa'i mun pa
 spangs nas khams gsum gyi btson ra nas 'byung ba dang/ sdug bsngal rnam pa sna tshogs las thar par 'gyur bas na/ rten cing 'brel te 'byung ba gsungs so/ /yang na 'gro ba 'di dag rgyu med pa dang/ mi mthun pa'i rgyu las byung ba ni ma
 yin gyi/ ma rig pa'i rgyu las byung ba yin no zhes bstan par bya ba'i phyir/ /rten cing 'brel par 'byung ba gsungs so/ /yang na gang gis 'khor bar skye ba'i rgyu dang ji ltar na 'khor ba las ldog par 'gyur ba bstan par bya ba'i phyir rten cing
 'brel te 'byung ba lugs bzhin dang lugs las bzlog pa'i mchan nyid gnyis gsungs te/ gang gis 'khor bar skye ba'i rgyu khong du chud par bya ba'i phyir ni/ ma rig pa'i rkyen gyis 'du byed la sogs pa lugs bzhin du 'byung ba gsungs pa dang
 gang gis 'khor ba las ldog par 'gyur ba shes par bya ba'i phyir/ ma rig pa 'gags na/ 'du byed 'gags pa la sogs pa lugs las bzlog pa'i mtshan nyid gsungs so/ /de la rten cing 'brel te 'byung ba'i don ci/ rten pa'i don ni
 phrad pa'i don to/ /'byung ba'i don ni skye ba'i don te/ rgyu dang rkyen phrad nas 'bras bu skye ba la/ rten cing 'brel bar 'byung ba zhes bya'o/ /yan lag bcu gnyis zhes bya ba ni/ cha bcu gnyis zhes bya ba'i don to/ /yang na rten cing zhes bya ba dang/ 'brel
 pa zhes bya ba dang/ 'byung ba zhes bya ba'i tshig gsum gyis/ lta ba log par smra ba rnam pa gsum 'gog par byed de/ rgyu med pa las chos rnams skye'o zhes smra ba dgag par bya ba'i phyir/ rten pa'i tshig smos te/
 rgyu med pa las chos rnams mi 'byung go /rgyu rkyen la brten nas 'byung ngo zhes bya ba'i don to/ /dbang phyug dang bdag la sogs pa byed pa po las chos rnams skye'o zhes/ mi mthun pa'i rgyur smra ba dgag par bya ba'i phyir/ 'brel
 pa'i sgra smos te/ mthun pa'i rgyu las 'byung gi dbang phyug la sogs pa mi mthun pa'i rgyu las ni/ chos rnams mi 'byung ngo zhes bya ba'i don to/ /chad par smra ba dgag par bya ba'i phyir/ 'byung ba'i tshig smos te/ 'jig rten 'di nas
 phyi mar mi skye ba ma yin gyi/ las dang nyon mongs pa'i rgyun ma chad pa'i bar du skye bo zhes bya ba'i don to/ /yang na rten pa'i sgras/ ther zug gi lta ba 'gog par byed de/ chos rnams ther zug yin na ni/ rgyu rkyen la brten ma dgos na
 rgyu rkyen la brten pa las na/ ther zug ma yin no zhes bya ba'i don to/ /'brel pa'i sgra ma byas par 'byung ba'i lta ba 'gog par byed do/ /gang gis las byas pa der myong gi las gzhan gyis byas la 'bras bu gzhan gyis myong bar na mi 'gyur ro zhes
 bya ba'i don to/ /'byung ba'i sgras chad par lta ba chad par 'gog par byed do/ /rten cing 'brel te 'byung ba'i don ji ltar khong du chud par bya zhe na rnam pa bcu gcig tu khong du chud par bya ste/ mtshan nyid dang/ yan lag bsdu ba dang/ yan lag
 gi rkyen rnam par bzhag pa dang/ yan lag gi las rnam par bzhag pa dang/ yan lag kun nas nyon mongs pa bsdu ba dang/ dod dang zab pa dang/ rab tu dbye ba dang/ lugs bzhin pa dang/ lugs las bzlog pa bdag yan lag rgyas
 par bshad pa'o/ /de la mtshan nyid ni rten cing 'brel te 'byung ba'i mtshan nyid rnam pa gsum du khong du chud par bya ste/ g.yo ba med pa'i rkyen las byung ba dang/ mi rtag pa'i rkyen las byung ba dang/ nus pa'i rkyen las byung ba'o/ /de
 la g.yo ba med pa'i rkyen las byung ba ni rkyen yod pa tsam gyis 'bras bu 'byung bar zad kyi/ 'di la byed po 'am/ rkyen nyid kyang bdag gis 'di dag bskyed do snyam du mi sems pa'i phyir ro/ /mi rtag pa'i rkyen las byung ba ni/ gang gi phyir rgyu
 las 'bras bu 'byung bas na/ chos 'di dag mi rtag ste/ gal te rtag pa zhig yin na ni/ gang las kyang ci yang 'byung bar mi 'gyur ro/ /nus pa'i rkyen las byung ba ni/ ma rig pa las 'du byed bskyed par nus pa las/ skye ba las kyang rga shing skye bar
 nus pa'i phyir ro/ /de la yan lag rab tu bsdu ba ni/ rten cing 'brel te 'byung ba'i yan lag bcu gnyis yan lag lngar bsdus te/ 'phel? bar byed pa'i yan lag dang/ 'phangs pa'i yan lag dang/ mngon par sgrub pa'i yan lag dang/ mngon par
 grub pa'i yan lag dang/ nyes dmigs kyi yan lag go /de la rgyu'i dus na ni gang gis 'phangs pa dang/ gang 'phangs pa ste gnyis su bzhag /'bras bu'i dus na ni/ gang gis mngon par bsgrubs pa dang/ gang mngon par sgrub pa ste/ gnyis su bzhag go /de la
 gang gis 'phangs she na/ ma rig pa dang/ 'du byed dang/ rnam par shes pa gsum gyis 'phangs te/ ma rig pa'i dbang gis las dge ba dang/ mi dge ba byas pa'i bag la nyal yid kyi rnam par shes pa la bsgom pas/ tshe rabs gzhan du rnam par
 smin pa'i phung po 'phen par byed do/ /gang 'phangs she na ming dang gzugs dang rkye mched drug dang reg pa dang/ thor ba rnams 'phangs te/ gong ma gsum gyi rgyus/ ming dang gzugs la sogs pa snga ma snga ma la brten nas/ phyi ma phyi ma rnams 'byung
 ba'i phyir ro/ /mngon par sgrub par byed pa'i yan lag ni/ sred pa dang/ len pa dang/ srid pa gsum ste/ 'dod pa'i yon tan la sred pa ma spangs pa'i rgyus khams gsum la chags par gyur na las kyi bag la nyal ba tas pas
 'chi ba'i dus na yang 'bras bu smin nus par 'gyur ba'i phyir ro/ /mngon par grub pa'i yan lag ni skye ba'o/ /rga shi ni nyes dmigs kyi yan lag go /ji ltar na yan lag gi rkyen du rnam par bzhag ce na/ rkyen rnam pa bzhis yan lag gi rkyen
 du rnam par bzhag ste/ rgyu'i rkyen dang/ de ma thag pa'i rkyen dang/ dmigs pa'i rkyen dang/ bdag po'i rkyen to/ /de la rgyu'i rkyen ni ma rigs pa'i bag la nyal/ yid kyi rnam par shes pa la bzhag pa nyid 'du byed kyi rgyur 'gyur te/ de'i dbang
 gis 'du byed mngon par 'grub pa'i phyir ro/ /de ma thag pa'i rkyen ni ma rig pa'i skad cig ma sngar 'gags na/ 'du byed 'byung gi ma rig pa ma 'gags par 'du byed mi 'byung ba'o/ /dmigs pa'i rkyen ni dngos po la kun tu rmongs
 pa'i rgyus/ rtag pa dang bde ba la sogs pa yid la byas pas/ mngon par 'du byed pa'i phyir ro/ /bdag po'i rkyen ni dper na mig gi dbang po'i rkyen gyis mig gi rnam par shes pa skye ba bzhin du ma rig pa'i dbang gis 'du byed 'byung
 ba'i phyir te/ yan lag lhag ma rnams la yang de bzhin du sbyar ro/ /ji ltar na yan lag gi las rnam par bzhag ce na/ ma rig pa las rnam pa gnyis byed de/ dngos po la mi rtag pa la rtags par 'dzin du 'jug pas na sems can
 rnams rmongs par byed pa dang/ 'du byed kyi rkyen du 'gyur ba'o/ /de la sems can rmongs par byed pa ni ma rig pas bsgribs pas sngon dang phyi ma dang/ da ltar gyi dus rnams mi shes par gyur nas ci bdag sngon gyi dus na byung ba zhig yin nam? byung ba zhig
 yin zhes pa dang/ ci ma 'ongs pa'i dus na 'byung bar 'gyur ram/ mi 'gyur ba zhig yin zhes the tshom za ba'i phyir ro/ /'du byed kyi rkyen du 'byung ba ni ma rigs pa yod na de'i dbang gis yang srid pa'i las mngon par 'du byed pa'i phyir ro/ /'du byed kyang las
 rnam pa gnyis byed de 'gro ba rnams su sems can sbyor bar byed pa dang/ rnam par shes pa'i rkyen du 'gyur ba'o/ /de la 'gro ba rnams su sems can sbyor bar byed pa ni/ las yod na de'i dbang gis tshe rabs gzhan du 'gro ba lngar sems can skye bar 'gyur
 gyi/ las med na ni nyon mongs pa yod kyang grogs med pas skye bar mi nus so/ /rnam par shes pa'i rkyen du 'gyur ba ni las kyi bag la nyal yid kyi rnam par shes pa la bsgos pa'i dbang gis/ yid kyi rnam par shes pa ma 'ongs pa na/ ma'i
 mngal du 'jug pa'i phyir ro/ /rnam par shes pa yang las rnam pa gnyis byed de sems can rnams kyi las kyi rten byed pa dang ming dang gzugs kyi rkyen du 'gyur ba'o/ /de la sems can rnams kyi las kyi rten du 'gyur ba ni las mngon par
 'dus byas pa rnams kyi sa bon rnam pas 'dzin pa'i phyir ro/ /ming dang gzugs kyi rkyen du 'gyur ba ni/ ma'i mngal du rnam par shes pa 'phos na ming dang gzugs 'phel ba dang rgyas par 'gyur ba'i phyir ro/ /ming dang gzugs kyang las rnam pa
 gnyis byed de/ sems can rnams kyi lus yongs su 'dzin par byed pa dang/ skye mched kyi rkyen du 'gyur ba'o/ /sems can rnams kyi lus yongs su 'dzin par byed pa ni de'i dbang gis rkang lag dbang po la sogs par rim gyis dod pas ris 'thun
 pa'i ris dang 'dra bar skyed pa byed pa'i phyir ro/ /skye mched drug gi rkyen du 'gyur ba ni ming dang gzugs kyi yan lag snga ma la brten nas de 'phel ba las mig la sogs pa skye mched drug gi yan lag phyi ma 'byung ba'i phyir ro/ /skye mched drug kyang
 las rnam pa gnyis byed de/ sems can rnams kyi lus yongs su rdzogs par 'dzin par byed pa dang/ reg pa'i rkyen du 'gyur ba'o/ /sems can rnams kyi lus yongs su rdzogs pa 'dzin par byed pa ni skye mched drug ma nyams
 pa nyid sems can gyi lus yongs su rdzogs pa zhes bya'o/ /reg pa'i rkyen du 'gyur ba ni mig la sogs pa'i skye mched yod na/ mig dang gzugs dang rnam par shes pa gsum phrad pa las reg pa zhes bya ba gdags pa'i phyir ro/ /reg
 pa yang las rnam pa gnyis byed de sems can rnams longs spyod ma rungs pa la sbyor bar byed pa dang/ tshor ba'i rkyen du 'gyur ba'o/ /sems can rnams longs spyod ma rungs pa la sbyor bar byed pa ni de dag yod na kha zas dug dang
 'dres ba dang 'dra ba'i tshor ba bde ba dang sdug bsngal dang bde ba yang ma yin sdug bsngal yang ma yin pa rnams myong bar 'gyur ro/ /reg pa'i tshor ba rkyen du 'gyur ba ni/ reg pa yod na yul mdzes pa zhig dang phrad na ni tshor ba bde ba skye/ yul
 ngan pa zhig dang phrad na ni/ tshor ba sdug bsngal skye/ yul gnyis ka ma yin pa dang phrad na ni tshor ba bde ba yang ma yin pa sdug bsngal ba yang ma yin pa skye ba'i phyir ro/ /tshor ba yang las rnam pa gnyis byed ste/ tshe'i kun tu longs spyod la sems can
 'god par byed pa dang sred pa'i rkyen du 'gyur ba'o/ /tshe'i kun tu longs spyod la sems can 'god par byed pa ni tshor ba'i dbang gis las byas pa'i rgyus tshe rabs gzhan du rnam par smin pa yid du 'ong ba dang mi 'ong ba la sogs pa myong
 par 'gyur ba'i phyir ro/ /sred pa'i rkyen du 'gyur ba ni tshor ba'i dbang gis/ tshor ba dang mi 'brel bar chags pa dang/ tshor ba sdug bsngal ba dang bral bar chags pa 'byung ba'i phyir ro/ /sred pa yang las rnam pa gnyis byed de/ sems can
 rnams kyi tshe rgyun mi gcod par byed pa dang/ len pa'i rkyen du 'gyur ba'o/ /sems can rnams kyi tshe rgyun mi gcod par byed pa ni sred pa'i dbang gis tshe rabs gzhan gyi tshor ba'i rgyun chad par 'gyur ba'i phyir ro/ /len pa'i rkyen du gyur pa ni srid
 pa yod na gzugs la sogs pa 'dod pa lnga'i yon tan rnams 'dod pa'i 'dod chags skye zhing de mi gtong bar byed pa'i phyir ro/ /len pa yang las rnam pa gnyis byed de/ /sems can rnams kyis yang srid pa sbyin pa la/ rnam par shes pa
 rgyud dang bcas par byed pa dang/ srid pa'i rkyen du 'gyur pa'o/ /sems can rnams kyi yang srid pa sbyin pa la/ rnam par shes pa rgyu dang bcas par byed pa ni nyon mongs pa'i mtshan nyid len pa yod na dmyal ba la sogs pa'i 'gro bar rnam par
 shes pa skye bar nges par 'gyur ba'i phyir/ /srid pa'i rkyen du 'gyur ba'i len pa'i dbang gis las mngon par 'dus byas nas/ yid kyi rnam par shes pa la bag la nyal 'jog par byed pa'i phyir ro/ /srid pa yang las rnam pa gnyis byed de//
 yang srid pa la sems can rnams mngon du lta bar byed pa dang/ skye ba'i rkyen du 'gyur ba'o/ /yang srid pa las sems can rnams mngon du lta bar byed pa ni las kyi mtshan nyid kyi srid pa byas na de ma thag tu 'gro ba gzhan du sems can 'gro bar
 'gyur ba'i phyir ro/ /skye ba'i rkyen du 'gyur ba ni srid pa'i dbang gis ris mthun pa'i lus gzhan len par byed pas so/ /skye ba yang las rnam pa gnyis byed de/ ming dang gzugs dang skye mched drug dang reg pa dang/ tshor ba la sogs pa'i rim par sems
 can skye bar byed pa dang/ rga shi'i rkyen du 'gyur pa'o/ /de la ming dang gzugs dang skye mched drug dang reg pa dang tshor ba la sogs pa'i rim par sems can skye bar byed pa ni/ ma'i mngal du rnam par shes pa skyes par gyur na de'i 'og tu ming dang gzugs
 'byung ba dang/ ming dang gzugs kyi 'og tu skye mched drug dang/ de'i 'og tu reg pa la sogs pa rim gyis 'byung bar 'gyur bas so/ /rga shi'i rkyen du 'gyur pa ni phung po gzhan du 'gyur ba'i mtshan nyid/ rga ba dang phung po
 'jig pa'i mtshan nyid 'chi ba nges par 'byung ba'i phyir ro/ /rga shi las ci byed ce na de gnyis ni las re re byed de rga bas ni dar la bab pa 'gyur bar byed pa dang/ shi bas ni tshe'i dbang po 'gyur bar byed do/ /de la dar la bab pa 'gyur bar
 byed pa ni gzhon nu'i dus kyi rtsal dang dbang po gsal ba nyams nas/ lus lci ba dang dbang po mi gsal bar byed pa'i phyir ro/ /tshe'i dbang po 'gyur bar byed pa ni ris mthun pa'i tshe'i dbang po rgyun chad nas/ ris mthun pa gzhan gyi tshe'i
 dbang po 'byung ba'i phyir ro/ /ji ltar na yan lag rnams kun nas nyon mongs par bsdu zhe na/ kun nas nyon mongs pa rnam pa gsum ste/ nyon mongs pa'i kun nas nyon mongs pa dang/ las kyi kun nas nyon mongs pa dang/ tshe'i kun nas nyon
 mongs pa'o/ /de la ma rig pa dang/ srid pa dang/ len pa gsum ni nyon mongs pa'i kun nas nyon mongs par bsdu ba'o/ /'du byed dang sred pa gnyis ni las kyi kun nas nyon mongs par bsdu ba'o/ /rnam par shes pa la sogs pa lhag
 ma bdun ni tshe'i kun nas nyon mongs par bsdu ba'o/ /de ltar na yan lag 'di dag dum bu gsum du rnam par bzhag ste/ tshe rabs snga ma'i dum bur gtogs pa'i yan lag dang/ tshe 'di'i dum bur gtogs pa'i yan lag dang/ tshe
 rabs phyi ma'i dum bur gtogs pa'i yan lag go /de la tshe rabs snga ma'i dum bur gtogs pa'i yan lag gnyis te ma rig pa dang 'du byed do/ /tshe 'di'i dum bur gtogs pa'i yan lag ni brgyad de/ rnam par shes pa dang/ ming dang gzugs dang/
 skye mched drug dang/ reg pa dang/ tshor ba dang/ sred pa dang/ len pa dang/ srid pa rnams te/ tshe rabs snga mar ma rig pa'i dbang gi las rnam par 'du byas pas/ tshe 'di'i rnam par shes pa la sogs pa'i chos brgyad skyes pa'i phyir ro/ /yang skye ba dang
 rga shi gnyis ni tshe phyi ma'i dum bur gtogs pa'i yan lag ste/ tshe 'di srid pa dang len pa'i nyon mongs pa can gyi dbang gis las kyi mtshan nyid srid pa byas pas tshe rabs gzhan du skye ba dang rga shi 'byung ba'i phyir ro/ /yang na rten cing 'brel te/
 'byung ba'i yan lag bcu gnyis 'di dug gi shing lta bu'i dpes nyon mongs pa dang/ sdug bsngal ba'i rang bzhin yin par rig par bya ste/ dper na dug gi shing mi gtsang pa'i rang ba'i rang bzhin lus kyis g.yogs la/ sa bon gyi rten gyi
 zhing du btab ste/ myu gu dang sdong bu la sogs pa'i rim pas sdang po chen por gyur na/ gsod pa la sogs pa'i gnod pa rnam pa sna tshogs byed pa de bzhin du/ yan lag bcu gnyis 'di yang ma rig pa'i lus kyis g.yogs la/ las mngon
 par 'du byed pa'i zhing du zag pa dang bcas pa'i rnam par shes pa'i sa bon bzhag na/ ming dang gzugs kyi myu gu las skye mched drug gi 'dab ma dang sdong bu 'byung ngo/ /skye mched drug gi 'dab ma dang/ sdong bu las reg pa'i mtshan nyid kyi me
 tog rgyas pa 'byung ngo/ /reg pa'i mtshan nyid kyi me tog la/ tshor ba'i mtshan nyid kyis 'bras bu 'grub po/ /de nas tshor ba la mngon par chags pa'i sred pas zin pa'i dbang gis len pa'i chus yongs su brlan cing/ srid pa'i mtshan nyid kyi zhing
 la gnas pa'i rnam par shes pa las ma 'ongs pa na/ tshe'i shing sdong mngon pa 'grub ste/ de las rga ba dang/ 'chi ba dang/ mya ngan dang/ smre sngags 'don pa rang/ yid mi bde pa dang/ 'khrug pa la sogs pa sdug bsngal dpag tu med pa 'byung ba'i
 ba'i phyir ro/ /sdug bsngal gyi phung po 'ba' zhig 'byung ba zhes bya'o/ /yang na yan lag bcu gnyis dum bu rnam pa bzhir bzhag ste/ ma rig pa dang/ 'du byed ni rgyu'i dus su gtogs te tshas? ma'i yan lag go /rnam par
 shes pa dang/ ming dang/ gzugs dang/ skye mched drug dang/ reg pa dang/ tshor ba ni 'bras bu'i dus te tshe snga mas bskyed pas tshe 'di'i yan lag go /srid pa dang len pa dang/ srid pa ni rgyu'i dus te/ tshe 'di'i yan lag la tshe phyi ma'i rgyur
 'gyur pa'o/ /skye ba dang rga shi ni 'bras bu'i dus te/ tshe phyi ma'i yan lag la tshe 'di'i rgyur bskyed pa'o/ /yang na yan lag bcu gnyis sdug bsngal rnam pa lnga'i gnas su gyur pa ste/ sdug bsngal rnam pa lnga ni/ 'du byed kyi dus kyi
 sdug bsngal gyi gnas dang/ mngal gyi dus kyi sdug bsngal gyi gnas dang/ yul la 'jug pa'i dus kyi sdug bsngal gyi gnas dang/ sdug bsngal rab tu 'byung ba'i dus kyi sdug bsngal gyi gnas dang/ sdug bsngal rgyun mi 'chad
 par 'byung ba'i sdug bsngal gyis gnas so/ /de la ma rig pa dang/ 'du byed gnyis ni byed pa'i dus kyi sdug bsngal gyi gnas zhes bya ste/ ma rigs pa'i dbang gis las mngon par 'du byed pa na yang bsad pa dang/ gcad
 pa dang grang ba dang tsha ba la sogs pa'i sdug bsngal rnam pa sna tshogs 'byung ba'i phyir ro/ /rnam par shes pa dang/ ming dang/ gzugs gnyis ni mngal gyi dus kyi sdug bsngal gyi gnas zhes bya ste/ rnam par shes pa ma'i mngal
 du 'phos nas ming dang gzugs kyi mtshan nyid du gnas pa'i tshe na yang zhu ba dang ma zhu ba'i gnas kyi bar ris btsir ba dang/ 'du ba'i sdug bsngal la sogs pa rgyun tu 'byung ba'i phyir ro/ /skye mched drug dang/ reg pa dang/ tshor pa gsum ni
 yul la 'jug pa'i dus kyi sdug bsngal gyi gnas zhes bya ste/ de'i dus na yang mi mdzer ba dang phrad pa dang mdza' ba dang bral ba dang/ 'dod pa mi rnyed pa la sogs pa'i sdug bsngal rtag tu myong ba'i phyir ro/ /sred pa dang/ len pa dang/ srid pa gsum
 ni sdug bsngal rab tu 'byung ba'i dus kyi sdug bsngal gyi gnas zhes bya ste/ sred pa'i dbang gis 'dod pa kun tu tshol pa na yang nor zas? la sogs pa mi rnyed pa'i sdug bsngal dang/ rnyed na bsrung dka' ba'i sdug bsngal dang bsrungs te stong
 bar gyur na/ mya ngan gyi sdug bsngal la sogs pa rgyun tu myong zhing skye ba dang/ rga ba la sogs pa'i sdug bsngal gzhan gyi rgyu yang byed pa'i phyir ro/ /skye ba dang/ rga shi gnyis ni sdug bsngal gyi rgyun mi 'chad par 'byung ba'i dus kyi sdug bsngal gyi gnas zhes bya ste/
 skye ba nas 'chi ba'i bar du na ba dang/ bgres pa dang/ skom pa la sogs pa nas phung po rnyings pa dang/ tshe'i 'du byed rgyun chad pa'i sdug bsngal rteg tu 'byung ba'i phyir ro/ /ji ltar don gyis she na/ byed po med pa'i don ni rten cing 'brel te 'byung ba'i don
 dang/ rgyu dang bcas pa'i don dang/ sems can gyi dbang gi don dang/ gzhan gyi dbang gi don dang/ g.yo ba med pa'i don dang/ mi rtag pa'i don dang/ skad cig ma'i don dang/ rgyu dang 'bras bu rgyun mi 'chad pa'i don dang rgyu dang 'bras bu rjes su mthun
 par yongs su 'dzin pa'i don dang/ rgyu dang 'bras bu sna tshogs kyi don dang/ rgyu dang 'bras bu so sor nges pa'i don ni rten cing 'brel te 'byung ba'i don to/ /de la byed pa med pa'i don ni chos thams cad la dbang phyug la sogs pa'i skyed pa po med cing byed pa pos
 ma byas pa'i phyir ro/ /rgyu dang bcas pa'i don ni ma rig pa'i rgyu las 'du byed 'byung bas na skye ba'i rgyu las rga shi 'byung ba'i phyir ro/ /sems can med pa'i don ma rig pa la sogs pa yang mu stegs kyi brtags pa'i bdag gi rang bzhin ma yin pa'i phyir
 gzhan gyi dbang gi don ni ma rig pa la sogs pa rang nyid skye mi nus kyi/ rgyu rkyen gyi mthu las 'byung ba'i phyir ro/ /g.yo ba med pa'i don ni ma rig pa yang 'di ltar bdag gis 'du byed bskyed do snyam du mi sems la/ 'du byed kyang
 'di ltar bdag ni ma rig pa las skyes snyam du mi sems pa'i phyir ro/ /mi rtag pa'i don ni ma rig pa la sogs pa ther zug gi chos ma yin pa'i phyir ro/ /skad cig ma'i don ni skyes nas skad cig ma gnyis su mi sdong par 'jig pa'i phyir ro/ /rgyu dang 'bras
 bu rgyun mi 'chad pa'i don ni srad mde'i? mthon dman bzhin du rgyu'i skad cig ma 'gags pa dang mgo mnyam du 'bras bu'i skad cig ma 'byung ba'i phyir ro/ /rgyu dang 'bras bu rjes su mthun pa'i don ni thams cad mi 'byung ste/ dper na nas kyi sa bon las nas
 kyi myu gu 'byung gi /gro la sogs pa'i myu gu mi 'byung ba dang/ sbyin pa las longs spyod chen por 'gyur gyi/ gzhan du ma yin pa la sogs pa lta bu'o/ /rgyu dang 'bras bu sna tshogs pa'i don ni rgyu mang po las 'bras bu yang rnam pa mang po 'byung ste/
 dper na nas las nas dang/ gro las gro dang/ sbyin pa las longs spyod dang/ tshul khrims las mtho ris 'byung ngo zhes bya ba lta bu'o/ /rgyu dang 'bras bu so sor nges pa'i don ni/ mi dge ba las kyang 'bras bu rnam par smin pa mi bde ba 'byung ba dang/ dge ba
 las kyang 'bras bu rnam par smin pa bde ba 'byung bar nges pa'o/ /ji ltar na rten cing 'brel par 'byung ba zab ce na/ rgyu zab pa dang/ mtshan nyid zab pa dang/ skye ba zab pa dang/ gnas zab pa dang/ 'jug pa zab pas rten cing 'brel te 'byung ba zab par
 rig par bya'o/ /de la rgyu zab pa ni mi mthun pa'i rgyu med par smra ba'i gnyen po rnam pa gnyis kyis bstan te/ byed pa po med pa'i don dang/ rgyu dang bcas pa'i don gyis so/ /de la dbang phyug la sogs pa mi mthun pa'i rgyu las skye par smra
 ba'i gnyen por byed pa po med pa'i don bstan to/ /rgyu med pa las skye bar smra ba'i gnyen por rgyu dang bcas pa'i don bstan to/ /mtshan nyid zab pa'i rten cing 'brel par 'byung ba thams cad bdag med pa'i phyir te/ de yang sems can med pa zhes
 bya ba'i don gcig gis bstan to/ /skye ba zab pa ni rten cing 'brel par 'byung ba'i chos de dag rkyen las skye la 'on kyang rgyu ni 'bras bu'i byed pa po ma yin pa'i phyir te/ de yang sems kyi dbang gis don dang g.yo ba mod pa'i don gnyis kyis bstan
 to/ /de la rkyen rnams kyi dbang las 'bras bu skye pas na gzhan gyi dbang gi don to/ /'on kyang rkyen rnams byed pa po ma yin zhing bdag gis skyed par byed snyam du sems pa med pa'i phyir te/ g.yo ba med pa'i don to/ /gnas zab pa ni mi gnas pa'i
 chos rnams kyang gnas par snang ba'i phyir te/ de yang mi rtag pa'i don dang skad cig ma'i don gyis bstan te/ ther zug ma yin zhing skad cig ma re re la 'jig kyang gnas pa 'dra bar snang ba'i phyir ro/ /'jug pa zab pa ni rgyu dang 'bras
 bu rgyun mi 'chad par 'byung ba shes par dka' ba'i phyir ro/ /de yang rgyu dang 'bras bu rgyun mi 'chad pa'i don dang/ rgyu dang 'bras bu mthun pa yongs su 'dzin pa'i don dang/ rgyu dang 'bras bu sna tshogs kyi don dang/ rgyu dang 'bras bu so sor nges pa'i
 don to/ /rnam pa bzhis bstan to/ /rab tu dbye ba ni rnam pa bcur rig par bya ste/ rnam par shes pa'i skye ba rab tu dbye ba dang/ skye ba dang 'chi ba rab tu dbye ba dang/ phyi'i 'bru la sogs pa skyes rab tu dbye ba dang/ 'byung ba dang/ 'jig pa rab
 tu dbye ba dang/ kha zas kyi bstan pa rab tu dbye ba dang/ yid du 'ong ba dang/ mi 'ong pa'i 'gro ba rab tu dbye ba dang/ rnam par dag pa rab tu dbye ba dang/ mthu rab tu dbye ba'o/ /de la rnam par shes pa skye ba rab tu dbye ba ni mig dang/ gzugs
 la brten nas mig gi rnam par shes pa 'byung ngo zhes bya ba la sogs pa'o/ /skye ba dang 'chi ba rab tu dbye ba ni sems can gyi 'jig rten gyi dbang du byas nas ma rig pa'i rkyen gyis 'du byed ces bya ba nas skye pa'i rkyen gyis rga
 shi zhes bya ba'i bar du dgo /phyi'i 'brul sogs pa skye ba rab tu dbye ba ni sa bon gyi rkyen gyis myu gu zhes bya ba nas me tog gi rkyen gyis 'bras bu zhes bya ba'i bar dgo /'byung ba dang/ 'jig pa rab tu dbye ba ni sems can gyi las thun mong gi
 dbang la brten nas/ rlung gi dkyil 'khor gyi steng du chu'i dkyil 'khor dang/ de'i steng du gser gyi dkyil 'khor dang zhes bya ba la sogs pa'o/ /kha zas kyi bstan pas rab tu dbye ba ni zas rnam pa bzhi la brten nas khams gsum gyi sems
 can rnams gnas par gyur pa ste/ zas bzhi ni kham gyi bza' ba'i zas dang/ reg pa'i zas dang yid la byed pa'i zas dang/ bsam gtan gyi zas so/ /de la 'dod pa'i khams na mi dang byol song dang yi dags la sogs pa phal cher kham gyi
 zas la brten to/ /byol song bya la sogs pa'i sgo nga dang bye'u phrug gi dus na pha ma'i drod kyis reg pa'i zas la brten to/ /yid la byed pa'i zas ni sems can las kha cig zas yid la byed pa dang ma bral gyi bar du mi 'chi ba yod do/ /dper
 na sngon lo nyes chen po zhig byung ba'i dus na pha mas bu'i mdun du thal ba'i phur ma cig gnas la btags nas 'di na phye yod kyis slar 'ongs nas sbyin no zhes bya ste song ba las/ zla ba drug gi bar du ma shi ste/ phyis bkrol nas bltas pa na thal
 bar gyur pa mthong nas shi bar gyur pa lta bu'o/ /bsam gtan gyi zas ni gzugs dang gzugs med pa'i khams kyi sems can rnams kha zas la brten pa med kyang/ bsam gtan gyi ro'i mthus bskal pa du mar gnas pa'o/ /yid 'ong ba dang mi
 'ong ba'i 'gro ba rab tu dbye ba ni las legs pa byas pa la brten nas bde 'gror skye ba dang/ las nyes pa byas pa la brten nas/ ngan 'gror skye ba'o/ /rnam par dag pa rab tu dbye ba ni gzhan gyis bshad pa'i sgra la brten nas tshul bzhin yid la byed pa
 'byung ba dang/ tshul bzhin yid la byed pa la brten nas thar pa'i char gtogs pa'i dge ba'i rtsa ba 'byung ba dang/ thar pa'i char gtogs pa'i dge ba'i rtsa ba las nges par 'byed pa'i phyogs bzhi skye ba dang/ de la brten nas mthong ba'i lam 'byung
 ba dang des brten nas bsgom pa'i lam dang/ bsgom pa'i lam las dgra bcom pa'i 'bras bu 'thob pa'o/ /mthu rab tu dbye ba ni 'phags pa'i bden pa rtogs pa dang/ ting nge 'dzin la brten nas mngon par shes pa drug la sogs pa 'byung ba dang/
 mdza' dag skye mched la sogs pa 'byung ba'o/ /ji ltar na lugs bzhin dang lugs las bzlog par blta zhe na/ de la lugs bzhin pa ni kun nas nyon mongs pa'i phyogs te/ de yang ma rig pa'i rkyen gyis 'du byed ces bya ba nas/ skye ba'i rkyen gyis
 rga shi zhes bya ba la sogs pa'o/ /de la 'phags pa'i bden pa bzhi yang dag pa ji lta ba bzhin mi shes pa ni ma rig pa'o/ /yang na mi rtags pa dang/ sdug bsngal ba dang/ mi gtsang ba dang bdag med par yod pa'i dngos po ni mi mthong gi /rtag
 pa dang/ bde ba dang gcang ba dang/ bdag ces bya ba med pa'i dngos po yod par mthong bas de ni ma rig pa zhes bya'o/ /ma rig pa'i rkyen gyis 'du byed ces bya ba la 'du byed rnam pa gsum ste/ bsod nams ma yin par nye bar 'gro ba'i 'du byed dang/
 bsod nams su nye bar 'gro ba'i 'du byed dang/ mi g.yo bar nye bar 'gro ba'i 'du byed do/ /de la tshe 'dir bde bar bya'o zhes tshe 'di'i 'dod pa lnga'i yon tan la mngon par chags pas/ tshe rabs gzhan gyi las kyi 'bras bu la rmongs nas 'dod pa'i
 khams su ngan song gsum du skye bar byed pa'i las srog gcod pa dang ma byin par len pa la sogs pa'i mi dge ba bcu ni bsod nams ma yin par 'gro ba'i 'du byed ces bya'o/ /tshe rabs gzhan du lha dang mi'i bde ba la
 mngon par chags nas dge ba bcu'i las kyi lha dang mir skye'o zhes khong du chud de/ /'dod pa'i khams kyi lhar skye bar byed pa'i las srog mi gcod pa dang/ ma byin par mi len pa la sogs pa dge ba bcu'i las kyi lam ni bsod nams su nye
 bar 'gro ba'i 'du byed ces bya'o/ /tshe rabs gzhan du ting nge 'dzin dang snyoms par 'jug pa'i rol chags pas sems rtse gcig pa'i mtshan nyid kyi ting nge 'dzin ma 'ongs pa na gzugs dang gzugs med pa'i khams su skye bar byed pa
 ni mi g.yo bar 'gro ba'i du byed ces bya'o/ /de la las rnam pa gsum ni 'bras bu rnam pa bzhis spong ste/ 'bras bu bzhi la rgyun tu zhugs pa'i 'bras bu dang/ lan cig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom
 pa'i 'bras bu'o/ /rgyun tu zhugs pa'i 'bras bus ni bsod nams ma yin pa nye bar 'gro ba'i 'du byed spong ste/ rgyun tu zhugs pa'i 'bras bu thob na ngan song gsum du skye ba'i skal pa med pa'i phyir ro/ /lan cig phyir 'ong ba dang/ phyir mi 'ong pa'i
 'bras bus ni bsod nams su nye bar 'gro ba'i 'du byed spong bar byed de/ /lan cig phyir 'ong bas ni 'dod pa'i khams kyi lha dang mir skye bar byed pa'i las spong bar byed la/ phyir mi 'ong bas ni 'dod pa'i khams su skye ba'i las spangs nas slar 'dod
 pa'i khams su mi skye ba'i phyir/ phyir mi 'ong ba zhes bya'o/ /dgra bcom pa'i 'bras bu ni mi g.yo bar nye bar 'gro ba'i 'du byed spong bar byed/ srid pa'i rtse mo man chad kyi bsam gtan la chags pa'i las kyi bag la nyal spangs nas dgra bcom
 pa'i 'bras bu 'thob pa'i phyir ro/ /de la ma rig pa yod na las rnam pa gsum mngon par 'du byed pas ma rig pa'i rkyen gyis 'du byed ces bya'o/ /ma rigs pa yang rgyu'i rkyen dang de ma thag pa'i rkyen dang bdag po'i rkyen gyis 'du byed kyi rkyen
 du 'gyur te/ yan lag lhag ma rnams la yang snga ma'i rnams rkyen bzhis phyi ma'i rkyen byed par shes par byed de/ rkyen bzhis ji ltar rkyen du 'gyur ba ni sngar bshad pa bzhin du lta'o/ /de ltar las rnam pa gsum mngon par 'dus byas na/
 ma'i mngal la sogs pa'i skye gnas su yid kyi rnam par shes pa dang po zhugs nas brgyal pa ni/ 'du byed kyi rkyen gyis rnam par shes pa zhes bya'o/ /de ltar skad cig ma dang po la yid kyi rnam par shes pa ma'i mngal du brgyal nas/ skad
 cig ma gnyis pa phan chad pha ma'i khrag dang khu ba la sogs pa 'dres te nur nur po dang mer mer po'i dus na ni ming dang gzugs zhes bya'o/ /des tshor ba dang 'du shes pa dang/ 'du byed dang rnam par shes pa ste/ gzugs med pa'i
 phung po bzhin ma nges so/ /nur nur po dang mer mer po'i dus na ni gzugs so/ /de nas nur nur po dang mer mer po las 'das nas ma'i mngal na ming dang/ rna ba la sogs pa'i dbang po dong nas dbang po drug so sor dong par gyur pa ni/ ming dang
 gzugs kyi rkyen gyis drug gi skye mched ces bya'o/ /de nas dbang po dong nas dbang po dang yul dang rnam par shes pa dus gcig tu phrad par gyur na ni/ skye mche drug gi rkyen gyis reg pa zhes bya'o/ /de nas yul yid du 'ong pa dang phrad lus dang
 sems sim par gyur pa'i tshor ba bde ba dang/ yul yid du mi 'ong ba dang phrad de lus dang sems gdung bar gyur pa'i tshor ba sdug bsngal ba dang/ yul yid du 'ong ba yang ma yin yid du mi 'ong ba yang ma yin pa dang/ phrad de lus sems sim
 pa yang med gdung ba yang med pa'i tshor ba bde ba yang ma yin sdug bsngal yang ma yin pa skyed pa ni reg pa'i rkyen gyi tshor ba zhes bya'o/ /de ltar tshor bar gyur nas tshor ba bde ba dang ni phrad par chags/ sdug bsngal ba dang ni
 bral bar chags pa skye ste/ de ni tshor ba'i rkyen gyis srid pa zhes bya'o/ /de ltar sred pa yod pa las tshor ba bde ba'i yo byad du gyur pa rnams ni len par byed de de ni/ srid pa'i rkyen gyis len pa zhes bya'o/ /de ltar nyon mongs pa'i tshogs sred pa
 dang/ len pa la sogs pa yod na las dge ba dang mi dge ba mngon par 'du byed de/ de ni len pa'i rkyen gyis sred par zhes bya'o/ /de lar las dang nyon mongs pa yod na skye gnas de dang de dag tu yid kyi rnam par shes pa 'phos shing phung po dang
 khams dang/ skye mched la sogs pa 'byung bar gyur pa ni/ srid pa'i rkyen gyis skye ba zhes bya'o/ /de ltar skyes par gyur na shing skyes pa mes tshig pa dang chus khyer ba bzhin du phung po rnying pa'i mtshan nyid rga ba dang tshe'i 'du byed rgyun chad pa'i mtshan
 nyid shi ba 'byung ste/ de ni skye ba'i rkyen gyis rga shi zhes bya'o/ /mya ngan dang smre sngags 'don ba la sogs pa ni rga shi'i yan lag du bsdu bas/ ma rigs pa'i rkyen gyis 'du byed nas skye ba'i rkyen gyis rga shi'i bar du rten cing 'brel te 'byung ba
 yan lag bcu gnyis su zad do/ /de la rga ba rnam pa gnyis te/ rten nyams pa dang/ brten pa nyams pa'o/ /rten nyams pa ni gzugs kyi phung por gtogs pa'i 'byung ba chen po bzhi nyams pas gnyer ma dang skra dkar la sogs pa 'byung ba dang
 ldang ba dang 'dug pa la lus lci bar gyur pa'o/ /brten pa nyams pa ni de ltar dbang po rnams nyams pas de la brten pa'i rnam par shes pa rnams kyang gzugs dang sgra la sogs pa mi gsal bar mthong zhing thos pa dang sngon byas shing
 smras pa rnams brjed par gyur pa'o/ /'chi ba la rnam pa gnyis te dus su shi ba dang/ dus ma yin par shi ba'o/ /de la dus su shi ba ni tshe 'dir gnas pa'i tshe 'du byed las kyi shugs zad par gyur nas/ drod dang rnam par shes pa dang/ tshes lus
 btang bar bar gyur ba'o/ /dus ma yin par shi ba ni/ /gzhan gyi mtshon dang/ dbyig pa la sogs pas phog nas glo bur du shi ba 'am/ sdig pa'i chos la brkam pas lham yin la sogs pas byin gyis brlabs nas glo bur du bsad pa ni dus ma
 yin par 'chi ba'o/ /mdza' ba dang bral ba dang mi mdza' dang phrad pa las skyes pa'i sems kyis gdung ba ni mya ngan no/ /mya ngan gyi rgyu las skyes pa'i tshig tu smra ba ni smre sngags 'don pa'o/ /'byung ba chen po rnams 'khrugs nas lus la
 gnod par gyur ba ni sdug bsngal ba'o/ /gang de'i sems la gnod pa 'byung ba yin slong pa'o/ /dgra la sogs pa gnod pa byas pa dran nas gnod pa'i lan ma glen ni snyam te/ lus dang sems la gnod par gyur pa ni 'khrug pa zhes bya'o//
 de ltar sdug bsngal gyi phung po chen po 'di 'ba' zhig kun 'byung bar 'gyur ro zhes bya ba ni gong du bshad pa ltar na ma rig pa nas rga shi'i bar du sdug bsngal gyi tshogs chen po tsam du zad do/ /bdag la sogs pa mod pa na/ 'ba' zhig kun 'byung
 par 'gyur ro zhes gsungs so/ /brgal ba ma rig pa'i rgyu ma bstan pas 'khor ba thog ma yod par 'gyur ba dang/ rga shi'i 'bras bu ma bsten pas/ 'khor ba la tha ma yod par 'gyur ro/ /yang na yan lag gzhan bshad par bya dgos te/
 de'i yang gzhan de'i yang gzhan brjod dgos pas thugs med pa'i rkyen du 'gyur pa'i phyir yan lag bcu gnyis su brjod du yang mi rung ngo/ /smras pa 'di ltar bcom ldan 'das kyis rten cing 'brel te 'byung pa 'di nyid du thog ma dang tha ma med
 pa'i don bstan zin te/ ji ltar zhe na nyon mongs pa las nyon mongs pa 'byung ste/ sred pa'i rkyen gyis len pa 'byung ba dang nyon mongs pa las 'byung ste/ ma rigs pa'i rkyen gyis 'du byed 'byung ba dang/ len pa'i rkyen gyis
 srid pa 'byung ba dang/ las las sdug bsngal 'byung ste/ 'du byed kyi rkyen gyi rnam par shes pa 'byung ba dang/ srid pa'i rkyen gyis skye ba 'byung ba'i phyir ro/ /sdug bsngal las sdug bsngal 'byung ste/ rnam par shes pa las ming dang gzugs
 'byung ba dang/ skye mched drug las reg pa 'byung ba'i phyir ro/ /dngos po las kyang nyon mongs pa 'byung ste/ tshor ba las sred pa skye ba'i phyir ro/ /gang gi phyir srid pa'i yan lag gi tshul de lta bur bcom ldan 'das kyis gsungs
 pas na/ de'i phyir ma rig pa yang nyon mongs pa 'am dngos po gzhan las 'byung ba'i phyir skye ba la thog ma med do/ /rga shi'i dngos po las kyang nyon mongs pa 'am dngos po 'byung bas na tha ma yang med pa yan lag gzhan yang
 brjod mi dgos par grub pa'o/ /yod sde kha cig las tshul bzhin ma yin pa yid la byed pa ni ma rig pa'i rgyu las ma rig pa yang tshul bzhin ma yin pa'i rgyu'o zhes bshad pa yang gong du nyon mongs pa las nyon mongs pa 'byung ba dang las las
 nyon mongs pa 'byung ba la sogs par bstan pa'i tshul gyi nang du 'dus zin pas logs shin tu ma bshad do/ /yang na chos mngon pa'i gtsug lag las rten cing 'brel te 'byung ba gang zhe na/ 'dus byas kyi chos thams cad do zhes rten cing 'brel te
 'byung ba sems can du ston pa dang/ sems can ma yin par ston pa ste rnam pa gnyis su bshad pa/ mdo 'di las ci'i phyir sems can du ston pa 'ba' zhig bshad/ de bzhin ru dz+nyA na pra sta na'i gtsug lag las rten cing 'brel te 'byung ba gnyis
 su bstan te/ rgyun gyi mtshan nyid dang skad cig ma'i mtshan nyid/ /de la rgyun gyi mtshan nyid ni ma rig pa'i rkyen gyis 'du byed ces bya ba la sogs pa gong du bshad pa nyid do/ /skad cig ma'i mtshan nyid ni skad cig ma gcig la brten cing 'brel ba
 'byung ba yan lag bcu gnyis 'byung ste/ ji ltar zhe na 'di ltar chags pa'i dbang gis srog chags rnams kyi 'tsho ba 'gog pa na gang las dang las kyi rnam par smin pa la rmongs pa de ni ma rig pa'o/ /de'i tshe sems las byung ba'i tshogs gang yin
 pa de ni 'du byed do/ /de'i tshe na dngos po la so sor dmigs pa mig la sogs pa'i rnam par shes pa drug ni rnam par shes pa'o/ /rnam par shes pa dang lhan cig 'byung ba'i phung po tshor ba la sogs pa bzhi dang 'byung ba chen po bzhi dang/ 'byung ba
 las gyur pa'i gzugs rnams ni ming dang gzugs rnams ni ming dang gzugs so/ /ming dang gzugs la brten pa'i mig la sogs pa'i dbang po drug ni skye mched drug go /skye mched drug gis yul mthong ba ni reg pa'o/ /reg pa'i tshe bde ba 'am sdug
 bsngal myong ba ni tshor ba'o/ /de'i tshe sha dang pags pa la chags pa ni sred pa'o/ /de dang lhan cig tu 'grogs pa'i nyon mongs kun nas dkris pa gzhan rnams ni len pa'o/ /de'i tshe len pas bskyed pa yid kyi las ni srid pa'o/ /lag pa g.yo ba la
 sogs pa'i chos de rnams 'byung ba ni skye ba'o/ /de las mtshan nyid gzhan du gyur te smin pa ni rga ba'o/ /chos de zhigs pas ni shi ba'o/ /lan du mdo 'di bshad pa ni/ dgongs pa can yin pas/ rten cing 'brel te/ 'byung ba sems can du mi ston pa
 ma bshad kyang nyes pa med de/ 'dul ba kha cig 'khor bar 'jug pa dang/ ldog pa la rmongs pa bsal bar bya ba'i phyir/ ma rig pa'i rkyen gyis 'du byed la sogs pa rgyu dang 'bras bu gcig gis gcig bskyed pa sems can du ston pa nyid 'dir
 gsungs so/ /rten cing 'brel te 'byung ba yan lag bcu gnyis skad cig ma'i mtshan nyid 'dir bshad pa ni/ las dang po ba rnams kyi skad cig ma gcig la yan lag bcu gnyis yod par thos na/ khong du chud par mi nus te/ de
 bas na de dag gi don du bcom ldan 'das kyis rgyun gyis rten 'brel nyid bshad do/ /yang yid mi bde ba dang ldan pa'i rtogs pa ni mya ngan to/ /'chi ba'i dus na e ma'o pha'o/ /e ma'o ma'o/ /zhes bya ba la sogs pa tshig tu smra ba ni smre sngags 'don
 pa'o/ /rnam par shes pa lnga'i tshogs dang 'brel ba'i mi bde ba ni sdug bsngal lo/ /yid kyi rnam par shes pa la mi bde ba ni yid glong pa'o/ /mya ngan dang smre sngags 'don pa sngon du byung ba las lus dang sems ngal zhing chad par gyur pa ni 'khrug pa zhes
 bya'o/ /de ltar zhes bya ba ni gong du bshad pa'i tshul ltar ro/ /'khor ba thog ma med pa'i dus nas sdug bsngal brgyud pa mdza' med pa dang/ sdug bsngal gyi tshogs yin pa'i phyir sdug bsngal gyi phung po chen po zhes bya'o/ /bdag dang bdag gi med pa
 na 'ba' zhig pa'o/ /kun 'byung bar 'gyur zhes bya ba ni de lta bu kun skye zhes bya ba'i don to/ /lugs las bzlog pa ni rnam par byang ba'i mtshan nyid de de bstan pa'i phyir/ ma rig pa 'gags pas 'du byed 'gag ces bya ba la sogs
 pa gsungs so/ /de la lugs bzhin dang lugs las bzlog pa gnyis bstan pa yang la la ngag srid pa kun 'byung ba ma mthong bas chad par mngon par zhen te/ de spang bar bya ba'i phyir lugs bzhin gsungs so/ /kha cig zer zug du
 mngon par chags te srid pa 'gags pa'i mtshan nyid ma mthong ba bsal ba'i phyir lugs las bzlog pa gsungs te/ de ltar kun nas nyon mongs pa dang/ rnam par byad ba'i lam gnyis kyis bcings/ grol bar bstan pa yin no/ /de la mar me byung
 na mun pa med par gyur pa bzhin du/ phyi dang nang gi chos rnams mi rtag pa dang/ sdug bsngal ba dang mi gtsang ba dang bdag med par mthong ba'i rig pa skyes na ma rig pa 'gags par 'gyur ro/ /dper na me med na dud pa mi 'byung ba bzhin du ma rig pa 'gags na
 las ma byas pa rnams ni mngon par 'du mngon par 'du mi byed bya ba rtsom pa rnams ni grogs med pas byed par mi nus pa'i phyir/ ma rig pa 'gags pa 'du byed 'gags ces bya ste/ dper na grogs med par gcig pus sdong po chen po 'dren par mi nus
 pa bzhin no/ /dper na zhing med na sa bon gyi rten med pas sa bon ci la yang mi gnas pa de bzhin du 'du byed med na rnam par shes pa'i rten med pas rnam par shes pa yang med par 'gyur ba'i phyir/ 'du byed 'gags pas rnam par shes pa 'gags
 pa zhes bya'o/ /dper na sa bon bsregs nas myu gu mi skye ba de bzhin du/ rnam par shes pa'i ye shes kyis sems bsregs te med par byas na ming dang gzugs kyi myu gu mi 'byung ba'i phyir/ rnam par shes pa 'gags pas ming dang gzugs 'gags zhes
 bya'o/ /yang na shing gsum rtse sbrang par gnas shing gcig med na shing gnyis gnas par mi nus pa bzhin du rnam par shes pa yang ming dang gzugs kyi rten yin pas/ rnam par shes pa nyid la ming dang gzugs gnas par mi nus pa'i phyir rnam par shes
 pa 'gags pas ming dang gzugs 'gag ces bya'o/ /dper na me long med na de'i gsal ba mi 'byung ba bzhin du ming dang gzugs med na ming dang gzugs kyi gsal ba mig gi skye mched gzugs dang ba la sogs pa mi 'byung bas na/ ming dang
 gzugs 'gags pas skye mched drug 'gag pa zhes bya'o/ /dper na rtsig pa med na ri mo 'jig pa bzhin du rten du gyur pa skye mched drug med na de la brten par byed pa'i reg pa med par 'gyur pas/ skye mched drug 'gags pas reg pa 'gag pa
 zhes bya'o/ /dper na zangs la sogs pa'i 'byung khungs zad de med na 'byung bar bya ba'i rdzas rnams kyang mi 'byung ba de bzhin du tshor ba'i 'byung khungs reg pa med na tshor ba mi 'byung ste/ de bas na reg pa 'gags
 pas tshor ba 'gag ces bya'o/ /dper na mar me med na snang ba mi 'byung ba bzhin du/ tshor ba med na chags pa mi skye ste/ de'i phyir tshor ba 'gag pas sred pa 'gag pa zhes bya'o/ /bu dang po ma skyes na phyi ma gzhon nu dang dar la bab pa
 la sogs par cher 'gyur zhing 'phel ba mi 'byung ba bzhin du sred pa med par gyur na/ de'i 'phel ba dang cher 'gyur ba len pa mi 'byung ba na/ sred pa 'gags pas len pa 'gag pa zhes bya'o/ /dper na shing med na me'i rgyu
 med pas me mi 'byung ba bzhin du/ las kyi rgyu nyon mongs pa med na las mngon par 'du mi byed pa'i phyir/ len pa 'gags pas srid pa 'gag pa zhes bya'o/ /dper na nad kyi rgyu med par byas na nad med par 'gyur ba bzhin du/ skye ba'i
 rgyu las dang nyon mongs pa med par byas na skye bar mi 'gyur te/ de bas na srid pa 'gags pas skye ba 'gags pa zhes bya'o/ /dper na bum pa ma byas na bsregs pa dang chag pa la sogs pa mi 'byung ba dang/ shing ma skyes na nags
 mos tshig pa dang/ tshal chus khyer bar mi 'gyur ba bzhin du skye ba med na rga ba dang shi ba la sogs pa'i sdug bsngal mi 'byung bas de'i phyir/ skye ba 'gags pas zhes bya ba nas/ sdug bsngal gyi phung po chen po 'ba' zhig
 'gags par 'gyur ro zhes gsungs so// /yan lag rgyas par bshad pa'i dbang du byas na/ de la ma rig pa gang zhe na/ zhes bya ba la sogs pa gsungs so/ /de la ma rig pa zhes bya ba 'gog pa'i tshig
 'di don rnam pa bzhir 'gro ste/ chung ba dang smad pa dang mi mthun pa dang med pa'o/ /de la chung ba'i don du 'gro ba ni/ dper na bu mo rked pa phra mo la rked pa med pa zhes bya ba lta bu'o/ /smad pa'i don du 'gro ba ni dper na bu ngan pa la bu med pa zhes
 bya ba lta bu'o/ /med pa'i don du 'gro ba ni dper na zas med chu med ces bya ba lta bu'o/ /'gal ba'i don du 'gro ba ni dper na 'grogs pa dang mi mthun pa la grogs ma yin zhes bya ba lta bu'o/ /'di ni 'gal ba'i don du 'gro bar lta ste/
 rig pa dang mi mthun pa'i phyogs su gyur pa la ma rigs pa zhes bya'o/ /de nyid kyi mtshan nyid zhib du bstan pa'i phyir/ sngon gyi mdza' mi shes pa zhes bya ba la sogs pa gsungs so/ /de la sngon gyi mdza' ni tshe rabs snga ma ste/ tshe rabs snga
 ma yod par mi shes pa ni/ sngon gyi mdza' mi shes pa'o/ /yang na ci bdag 'das pa'i dus na byung ba zhig gam/ 'on te bdag 'das pa'i dus na ma byung ba zhig ces 'das pa'i dus kyi 'du byed rnams la tshul bzhin ma yin par yid la byed
 pa ni sngon gyi mdza' mi shes pa'o/ /phyi ma'i mdza' mi shes pa zhes bya ba la/ phyi ma'i mdza' ni tshe rabs phyi ma la 'ongs pa'i dus la bya ste/ tshe rabs phyi ma yod par mi shes pa'o/ /yang na ci bdag ma 'ongs pa na 'byung bar 'gyur ram/
 'on te bdag ma 'das pa ma 'byung bar mi 'gyur/ ma 'ongs pa na su zhig 'byung bar 'gyur/ ji ltar 'byung bar 'gyur zhes ma 'ongs pa'i 'du byed rnams la tshul bzhin ma yin par rtog pa ni phyi ma'i mdza' mi shes pa'o/ /sngon dang phyi
 ma'i mdza' mi shes na zhes pa la sngon dang phyi ma'i mdza' ni da ltar gyi tshe 'di la bya ste/ tshe 'dir nang dang phyi rol gyi chos rnams kyi mtshan nyid ji lta bur mi shes pa ni sngon dang phyi ma'i mdza' mi shes pa zhes bya'o/ /yang na 'das
 pa dang ma 'ongs pa dang da ltar gyi dus su sum du brgyud de 'byung ba mi shes pa ni sngon dang phyi ma'i mdza' mi shes pa zhes bya ste/ tshe rabs snga ma'i las dang/ nyon mongs pa las tshe 'dir skyes/ tshe 'di'i las dang
 nyon mongs pa las tshe phyi ma 'byung ba mi shes pa'o/ /yang na sems can gzhan rnams la 'di la ci zhig yod/ 'di ci zhig yin /sems can 'di dag gang nas 'dir 'ongs 'di nas shi 'phos nas gang du skye bar 'gyur zhes tshul bzhin ma
 yin par rtog cing/ the tsom du gyur pa ni sngon dang/ phyi ma'i mdza' mi shes pa zhes bya'o/ /nang mi shes pa zhes bya ba nang ni bdag gi lus te de yang phung po lnga'i bdag nyid yin par mi shes pa ni nang mi shes pa zhes bya'o/ /yang
 na bdag nyid kyi nang gi skye mched du gtogs pa rnams la bdag yin no zhes tshul bzhin ma yin par rtog pa ni nang mi shes pa zhes bya'o/ /phyi mi shes pa zhes bya ba la phyi ni gzugs dang sgra la sogs pa ste/ de dag rdul phra mo'i rang
 bzhin yin par mi shes pa'o/ /yang na phyi rol gyi chos sems can gyi grangs su ma gtogs pa rnams la bdag bdag gi bar kun tu rtogs pa ni phyi mi shes pa zhes bya'o/ /phyi nang mi shes pa zhes bya ba la phyi nang ni gzhan gyi rgyud du gtogs
 pa'i 'du byed rnams la bya ste/ de dag la mdza' ba dang/ dgra dang bar mar tshul ma yin par rtog pa ni/ phyi nang mi shes pa'o/ /bsod nams dang/ bsod nams ma yin pa dang mi g.yo ba'i 'du byed kyi mtshan nyid mi shes pa ni las mi shes
 pa zhes bya'o/ /yang na las la byed pa po yod par tshul bzhin ma yin par rtog pa ni las mi shes pa zhes bya'o/ /rnam par smin pa mi shes pa zhes bya ba ni/ las de dag gi 'bras bu ni ngan song gsum dang lha dang mi la sogs pa'i rang
 bzhin mi shes pa ni/ rnam par smin pa mi shes pa zhes bya'o/ /las kyi rnam par smin pa mi shes pa zhes bya ba ni las 'di byas na rnam par smin pa 'di smin ces mi shes pa ste/ las mi dge ba byas na ngan song gsum du rnam par smin pa dang/ las dge ba byas
 ni lha dang mi la sogs par rnam par smin pa mi shes pa'o/ /yang na rnam par smin pa'i 'bras bu rnams bdag gam tshor ba pos myong bar 'gyur ro zhes tshul bzhin ma yin par rtog pa ni rnam par smin par mi shes pa zhes bya'o/ /las dang las
 kyi 'bras bu log par yid la byed pa ni las kyi rnam par smin pa mi shes pa zhes bya ste/ dper na srog gcod na mtho ris su skye'o zhes bya ba la sogs pa'o/ /srog mi gcod pa dang ma byin par mi len pa la sogs pa dge ba yin par mi
 shes pa ni las legs par byas pa mi shes pa'o/ /srog gcod pa dang/ ma byin par len pa la sogs pa byas pa mi dge ba yin par mi shes pa ni las nyes pa byas pa mi shes pa'o/ /ma byin par blangs nas gzhan la byin pa ni las 'dren
 ma yin te/ las dge ba yang ma yin mi dge ba yang mi yin par mi shes pa ni las legs pa dang nyes pa byas pa mi shes pa zhes bya'o/ /rgyu mi shes pa zhes bya ba la/ rgyu rnam pa drug ste/ cha 'dra ba'i rgyu dang/ kun tu 'gro ba'i rgyu dang/
 lhan cig byed pa'i rgyu dang/ ldan pa'i rgyu dang/ byed pa'i rgyu dang/ rnam par smin pa'i rgyu ste/ de drug mi shes pa ni rgyu mi shes pa zhes bya'o/ /de la cha 'dra ba'i rgyu ni 'dod pa na spyod pa'i sdug bsngal mthong bas spang bar bya ba'i chos sngar skyes
 pa rnams 'dod pa na spyod pa'i sdug bsngal mthong bas spang bar bya ba'i chos phyis skyes pa dang/ skye bar 'gyur ba'i cha 'dra ba'i rgyu'o/ /gzhan yang sngon dge ba'i rtsa ba cung zad yod pa'i gzhi las dge ba'i rtsa ba phyi ma 'phel na ?
 skye ba la yang cha 'dra ba'i rgyu zhes bya ste/ de yang dper na sdug bsngal mthong ba'i dge ba'i rtsa ba las sdug bsngal mthong ba'i ye shes skye ba dang de bzhin du lam mthong ba'i dge ba'i rtsa ba las lam mthong ba'i ye shes
 skye ste/ gzugs dang gzugs med pa'i khams kyi bden pa bzhi yang so sor sbyar ro/ /kun tu 'gro ba'i rgyu gang zhe na/ de ni nyon mongs pa'i chos 'ba' zhig dang sbyar te/ sngar skyes pa'i nyon mongs pa'i chos rnams phyis skye ba dang skye bar
 'gyur ba'i rang gi sa pa'i nyon mongs pa rnams kyi kun tu 'gro ba'i rgyu ste/ dper na 'dod pa'i khams kyis log par lta ba dang ldan pa sngar skyes pa ni phyis skye pa dang skye bar 'gyur ba log pa'i rtog pa dang/ log pa'i las kyi
 mdza' dang/ log pa'i 'tsho ba rnams kyi kun tu 'gro ba'i rgyu byed do/ /de la lhan cig byed pa'i rgyu gang zhe na/ 'di lta ste 'byung ba chen po rnams skye ba'i dus na gcig la gcig rten/ phan tshun gcig gis gcig skyed par byed
 pa dang/ sems dang sems las byung ba rnams skye ba'i tshe na yang phan tshun gcig la gcig rten nas skye ba ni lhan cig byed pa'i rgyu'o/ /ldan pa'i rgyu gang zhe na/ dge ba dang mi dge ba dang lung mi ston pa'i sems dang sems
 las byung ba rnams phan tshun ldan pa'i rgyu ste/ dge ba'i sems dang dge ba'i sems las byung bar ldan gyi/ mi dge ba'i sems las byung bar ldan pa ma yin pa de bzhin du/ mi dge ba'i dang lung du ma bstan pa'i yang sems dang sems las byung ba
 so sor ldan pa'o/ /de la byed pa'i rgyu ni gang yod na de 'byung ba dang gang med na de mi 'byung ba ste/ sa bon yod na myu gu 'byung gi sa bon med na myu gu mi 'byung ba'o/ /yang na kha cig na re rang ma gtogs par mi sgrib par byed pa'i chos gzhan
 byed pa'i rgyu ste/ dper na mig dang yul dang phrad nas rnam par shes pa skye ba na gang mi sgrib cing bgegs mi byed pa'i chos thams cad byed pa'i rgyu zhes 'chad do/ /de la rnam par smin pa'i rgyu gang zhe na/ mi dge ba'i chos dang dge ba zag pa can ni ngan
 song la sogs par rnam par smin pa 'phen par byed pas na rnam par smin pa'i rgyu zhes bya'o/ /lung du ma bstan pa'i chos ni rgyu mthun pa tsam skye bar byed kyang sa bon rul pa bzhin du nyams chung bas rnam par smin pa 'phen par mi nus pa'i phyir
 rnam par smin pa'i rgyu zhes mi bya'o/ /yang na rgyu mod par rtog pa'am dbang phyug dang rang bzhin dang skyes bu la sogs pa'i rgyur rtog pa ni rgyu mi shes pa zhes bya'o/ /'bras bu mi shes pa zhes bya ba la 'bras bu rnam pa lnga ste/ skyes bu byed pa'i 'bras bu dang/ rgyu
 mthun pa'i 'bras bu dang/ rnam par smin pa'i 'bras bu dang/ dbang gi 'bras bu dang/ bral ba'i 'bras bu ste/ de snga mi shes pa ni/ 'bras bu mi shes pa zhes bya'o/ /de la skyes bu byed pa'i 'bras bu rgyu gang gi mthu las 'bras bu gang 'byur ba ste/
 dper na zhing pa rnams kyi rang gi zho sha'i mthu las 'bru la sogs pa'i 'bras bu 'byung ba ni skyes bu byed pa'i 'bras bu zhes bya'o/ rgyu mthun pa'i 'bras bu ni dge ba dang mi dge ba'i las rgyus lha dang mi dang sems can dmyal ba la sogs par
 phung po rnams smin pa'o/ /dbang gi 'bras bu ni dper na mig gi dbang po'i mthus mig gi rnam par shes pa thogs pa med par skye ba'o/ /bral ba'i 'bras bu ni 'phags pa'i lam bsgoms pa'i mthus nyon mongs pa spangs nas mya ngan las 'das
 pa thob pa'o/ /rgyu dang 'bras bu mi shes pa zhes bya ba la rgyu 'di byas na 'bras bu 'di 'byung zhes rgyu dang 'bras bu 'brel par mi shes pa ni/ rgyu dang 'bras bu mi shes pa'o/ /rgyu las skyes pa'i chos rnams mi shes pa zhes bya ba la phung po lnga dang khams
 bco brgyad dang skye mched bcu gnyis la sogs pa ni rgyu las skyes pa'i chos yin gyi so sor brtags te 'gags pa dang ma brtags par 'gags pa dang nam mkha' ni rgyu las skyes pa'i chos ma yin no zhes mi shes pa 'am/ phyi'i chos myu gu
 dang 'dab ma la sogs pa sa bon las skyes pa'i chos yin pa dang/ nang gi chos sems can du gtogs pa rnams kyang ma rigs pa'i rgyu las 'du byed 'byung ba'i chos can yin gyi/ dbang phyug dang byed pa po la skyes pa ma yin no zhes mi shes pa'i
 rgyu la skyes pa'i chos rnams mi shes pa zhes bya'o/ /rten cing 'brel par 'byung ba mi shes pa zhes bya ba ni/ ma rig pa'i rkyen gyis 'du byed nas skye ba'i rkyen gyis rga shi la sogs pa nang gi rten cing 'brel te 'byung ba'i yan lag bcu gnyis tshe rabs gcig
 nas gcig tu ji ltar 'byung ba mi shes pa'o/ /rten cing 'brel par 'byung ba'i chos rnams mi shes pa zhes bya ba ni sa bon nas myu gu me tog nas 'bras bu'i bar du phyi'i rten cing 'brel te 'byung ba rnams sa bon dang 'byung ba chen po bzhi dang dus la
 sogs par bskyed par mi shes pa'o/ /sangs rgyas mi shes pa zhes bya ba la 'phags pa'i lam gyi chos gang gis sangs rgyas su byed pa'i chos de mi shes pa 'am/ /yang na 'di ltar sangs rgyas bcom ldan 'das ni dgra bcom pa yang dag par rdzogs
 pa'i sangs rgyas rig pa dang zhabs su ldan pa zhes bya ba la sogs par de lta bu'i tshul du mi shes shing de lta bu yin nam ma yin zhes the tshom za ba ni sangs rgyas mi shes pa'o/ /chos mi shes pa zhes bya ba la chos rnam pa gsum ste bshad par bya ba'i
 chos dang bsgrub par bya ba'i chos dang 'bras bu'i chos so/ /de la bshad par bya ba'i chos ni gsung rab yan lag bcu gnyis so/ /bsgrub par bya ba'i chos ni byang chub kyi phyogs sum cu rtsa bdun rnams so/ /'bras bu'i chos ni mya ngan las 'das pa rnams te de
 gsum mi shes pa 'am/ de dag la the tshom za ba ni chos mi shes pa zhes bya'o/ /dge 'dun mi shes pa zhes bya ba la dge 'dun rnam pa gnyis te slob pa'i gang zag gi 'phags pa dang mi slob pa'i gang zag gi 'phags pa'o/ /de la slob pa'i gang zag gi 'phags
 pa ni rgyun tu zhugs pa nas dgra bcom pa la 'jug pa'i bar du bdun no/ /mi slob pa'i gang zag gi 'phags pa ni dgra bcom pa'i 'bras bu thob pa ste/ de dag la yang bcom ldan 'das kyi nyan thos kyi dge 'dun ni dad pa phun sum tshogs pa dang/ tshul
 khrims phun tshogs pa dang/ thos pa phun sum tshogs pa dang zhes bya ba la sogs pa 'og nas 'byung ba'i tshul du mi shes shing de dag the tshom za ba ni dge 'dun mi shes pa'o/ /sdug bsngal mi shes pa zhes bya ba ni zag pa dang bcas pa'i phung
 po lnga skye ba dang/ rga ba la sogs pa'i sdug bsngal dang ldan pa mi shes pa'o/ /kun 'byung mi shes pa ni las dang nyon mongs pa rnams phung po skyed par byed pa'i rgyu yin par mi shes pa zhes bya'o/ /'gog pa mi shes pa zhes bya ba ni mya ngan las 'das pa zhi
 ba dang gya nom pa dang bde ba yin par ma shes pa'o/ /lam mi shes pa ni 'phags pa'i lam yan lag brgyad mi shes pa'o/ /dge ba dang mi dge ba'i chos rnams mi shes pa zhes bya ba ni smad pa'i chos las ring du 'ong ba'i phyir/ dge ba'am kun ni shes
 rab la bya la/ la ni len pa la bya ste/ shes rab kyi rgyu len pas na dge ba'o/ /de las bzlog pa ni mi dge ba ste/ dge ba dang mi dge ba'i chos kyi rgyu mi shes pa ni dge ba dang mi dge ba'i chos rnams mi shes pa zhes bya'o/ /yang na dge ba ni kha na ma tho ba
 med pa'i phyir ro/ /mi dge ba ni kho na ma tho ba dang bcas pa'i phyir te/ de dag la de lta bur mi shes pa ni dge ba dang mi dge ba'i chos rnams mi shes pa'o/ /kha na ma tho ba dang bcas pa dang/ kha na ma tho ba med pa zhes bya ba la smad pa'i dngos po ni kha na ma tho ba dang
 bcas pa ste/ sdig pa dang bcas pa zhes bya ba'i don to/ /smad ba'i dngos po spangs pa na kha na ma tho ba med pa ste legs pa dang bcas zhes bya ba'i don to/ /yang na kha na ma tho ba dang bcas pa ni nag po'i phyogs su gtogs pa'i phyir ro//
 kha na ma tho ba med pa ni dkar po'i phyogs su gtogs pa'i phyir de dag mi shes pa ni kha na ma tho ba dang bcas pa dang kha na ma tho ba med pa mi shes pa zhes bya'o/ /bsten par bya ba dang/ bsten par mi bya ba'i chos i shes pa zhes bya ba la gang phan par
 'gyur ba ni bsten par bya ba ste/ zag pa med pa'i dge ba 'dus ma byas rnams so/ de la bsten nas rnam par grol ba thob par 'gyur ba'i phyir/ de ni bsten par bya ba'i chos so/ /gan gnod par 'gyur ba'i chos ni bsten par mi bya ba'i chos te/ mi dge
 ba ngan song gsum du gzhol bar byed pa'i las rnams so/ /chos de dag mi shes pa ni bsten par bya ba dang bsten par mi bya ba'i chos mi shes pa zhes bya'o/ /reg pa'i skye mched drug ces bya ba la sogs pa la mig dang gzugs la brten nas
 mig gi rnam par shes pa skye ba dang/ yid dang chos la brten nas yid kyi rnam par shes pa 'byung bar zad kyi/ 'di ltar byed pa'i bdag med pa la bdag la sogs pa yod par mngon par chags shing nga rgyal byed pa ni/ reg pa'i skye mched drug
 la yang dag par ji lta ba bzhin du mi shes pa zhes bya'o/ /ma mthong ba dang mngon par ma rtogs pa la sogs pa ni mi shes pa nyid kyi tshig gi rnam grangs sam 'og mas gong ma shes par rig par bya'o/ /tshig nyi shu rtsa brgyad po des mdor na
 rmongs pa rnams bdun bstan te/ /dus la rmongs pa dang/ dngos po la rmongs pa dang/ 'pho ba la rmongs pa dang/ mchog la rmongs pa dang/ de kho na la rmongs pa dang/ kun nas nyon mongs pa dang/ rnam par byang ba la rmongs pa dang/ mngon pa'i nga
 rgyal gyis rmongs pa'o/ /de la sngon gyi mdza' mi shes pa nas sngon dang phyi ma'i mdza' mi shes pa'i tshig gi sum gyis dus la rmongs pa bstan to/ /nang mi shes pa nas phyi dang nang mi shes pa gsum gyis dngos po la rmongs pa bstan to/ /las
 mi shes pa nas rten cing 'brel par 'byung ba'i chos rnams mi shes pa zhes bya ba yan chad kyis 'pho ba la rmongs pa bstan to/ /sangs rgyas mi shes pa nas dge 'dun mi shes pa'i tshig gsum gyis mchog la rmongs pa bstan to/ /sdug
 bsngal mi shes pa nas lam mi shes pa'i bar gyi tshig bzhis de kho na la rmongs pa bstan to/ /dge ba dang mi dge ba'i chos rnams mi shes pa nas bsten par mi bya ba'i chos rnams mi shes pa zhes bya ba nas kun nas nyon mongs pa dang/ rnam par
 byang ba'i chos la rmongs pa bstan to/ /reg pa'i skye mched drug mi shes pa zhes bya bas mngon pa'i nga rgyal gyis rmongs pa bstan to/ /de ltar rmongs pa rnam pa bdun yod pas na/ mi shes pa la sogs pa lam rig pa'i ming gi rnam grangs
 kyang bdun rmongs te/ dus la rmongs pa ni mi shes pa zhes bya'o/ /dngos po ni ma mthong ba zhes bya'o/ /'pho ba la rmongs pa ni mngon par ma rtogs pa zhes bya'o/ /mchog la rmongs pa ni mun pa zhes bya'o/ /de kho na rmongs pa
 ni gti mug ces bya'o/ /kun nas nyon mongs pa dang/ rnam par byang ba la rmongs pa ni/ ma rig pa zhes bya'o/ /mngon pa'i nga rgyal gyis rmongs pa ni mu nag ces bya'o/ /yang na shes rab rnam gsum ste/ mnyan pa'i shes rab dang/ sems pa'i shes
 rab dang/ bsgom pa'i shes rab bo/ /de la yang dag pa ji lta ba bzhin mi shes pa zhes bya bas ma rig pa'i rang bzhin bstan nas/ ma rig pa de nyan pa'i shes rab kyis mi mthun pa'i phyogs yin pas na ma mthong ba'o/ /sems pa'i shes rab
 kyi mi mthun pa'i phyogs yin pas na/ mngon par ma rtogs pa'o/ /bsgom pa'i shes rab kyi mi mthun pa'i phyogs yin pas na mun pa'o/ /shes rab rnams gsum gyi mi mthun pa'i ma rig pa de yang chung ngu dang 'bring dang chen
 po ste rnam pa gsum mo/ /de la ma rig pa chung ngu la ni gti mug ces bya'o/ /ma rig pa 'bring po la ni ma rig pa zhes bya'o/ /ma rig pa chen po la ni mun nag ces bya ste/ ma rig pa'i yan lag bshad zin to// //de la 'du byed kyi
 yan lag bshad pa'i skabs yin pas na ma rig pa'i rkyen gyis 'du byed gang zhe na/ drings pa la sogs pa'o/ /de nyid bstan pa smras pa 'du byed gsum ste/ lus kyi 'du byed dang/ zhes bya ba la sogs pa'o/ /de ni mdor na 'di skad du ston to/ /bsod nams
 dang bsod nams ma yin pa dang mi g.yo ba'i mtshan nyid kyi sems kyi bskyed pa'i lus kyi las dang/ ngag gi las dang/ yid kyi las ni 'du byed ces bya'o/ /de la bsod nams ma yin pa'i 'du byed ni lus dang ngag dang yid kyi las kha na ma
 tho ba dang bcas pa tshe 'di dang tshe rabs gzhan du bdag dang gzhan gnyi ga la gnod par byed pa tshor ba sdug bsngal myong bar 'gyur ba ni bsod nams ma yin pa'i 'du byed do/ /lus dang ngag dang yid kyi las kha na ma tho ba med pa'i tshe 'di dang
 tshe rabs gzhan du bdag dang gzhan gnyi ga la gnod par mi byed pa'i tshor ba bde ba myong bar byed pa ni bsod nams kyi 'du byed do/ /rnal 'byor pa rnams kyi las kha na ma tho ba med pa'i tshe 'di dang tshe rabs gzhan du bdag dang gzhan gnyi
 ga la gnod pa mi byed pa tshor ba bde ba yang ma yin sdug bsngal ba yang ma yin pa myong bar byed pa ni mi g.yo ba'i 'du byed do/ /'du byed gsum mdo tsam du smos pa rgyas par bstan pa'i phyir/ de lus kyi 'du byed gang zhe na/ zhes bya ba la sogs
 pa gsungs so/ /dbugs 'byung ba ni rlung phyir 'byung ba ste gang rlung phyi rol tu rgyu ba'o/ /rdub pa ni dbugs nang du rgyu ba ste gang rlung nang du 'jug pa'o/ /lus kyi chos nyid ces bya ba ni dbugs 'byung ba dang rdub pa dang rkang lag g.yo ba dang/ 'gul po
 ni lugs kyi las kyi rang bzhin yin pas lus kyi chos nyid ces bya'o/ /dper na mig gi rnam par shes pa mig gi dbang po la gnas te/ skye ba bzhin du dbugs 'byung ba dang/ rdub pa yang lus la gnas pas na/ lus la brten pa zhes
 bya'o/ /dper na lus byung na grib ma 'byung ste/ lus dang grib ma gnyis 'brel pa bzhin du lus yod na yang dbugs 'byung ba dang rdub pa skye ste/ de gnyis phan tshun 'brel pas na lus dang 'brel ba zhes bya'o/ /dper na lus med na grib ma
 'jig pa bzhin du/ lus 'di med na yang dbugs 'byung ba dang rdub med par 'gyur bas na/ lus la gnas nas rab tu 'byung ba zhes bya'o/ /dbugs 'byung ba dang rdub pa lus kyi 'du byed du bshad pa ni nye bar mtshon pa tsam du zad kyi/ dge
 ba la sogs pa'i sems pas bskyed pa'i dge ba'i lus kyi las la sogs pa yang/ lus kyi las yin par bstan te/ gzhan du na dge ba'i lus kyi las dang/ mi dge ba'i lus kyi lus kyi 'du byed du mi 'gyur ro/ /'dir rgyu la
 'bras bu btags te bstan pa yin par bsdu ba'i phyir/ de bas na dbugs 'byung ba dang zhes bya ba la sogs pa gsungs te/ dbugs 'byung ba dang rdub pa'i rgyu ni lus yin no/ /gang lus kyi g.yos pa de la lus kyi las zhes bya ba las
 dbugs 'byung ba dang rdub la yang lus las byung bas na/ rgyu lus kyi ming 'bras bu dbugs 'byung ba dang rdub pa la btags nas/ /de bas na dbugs 'byung ba dang rdub pa la lus kyi 'du byed ces bya'o/ /nga gi 'du byed bstan
 pa'i phyir/ ngag gi 'du byed gang zhe na/ zhes bya ba la sogs pa smos te/ rnam par brtags shes bya lta rtsing ge mar sems pa ni/ rnam par brtags zhes bya'o/ /zhib tu sems pa ni rnam par dpyod pa ste/ bsams nas
 tshig tu smra bas na tshig 'byung ba'i rgyu rnam par brtags pa dang/ rnam par dpyad pa la ngag gi 'du byed ces bya'o/ /rnam par ma brtags pa dang zhes bya ba ni rtsing ge mar bsams zhib tu sems pa med par tshig tu mi smra'o zhes bya ba'i
 don to/ /smras pa dag gi 'byung ba chen po bzhi'i rang bzhin te/ rlung las skyes pa yin la rtog pa dang dpyod pa ni sems las byung ba'i chos yin na/ ji ltar rtog pa dang dpyod pa la dag gi 'du byed ces bya/ lan du 'dir yang rgyu la 'bras bu btags
 te/ 'dir yang dge ba la sogs pa'i rnam par rtog pa dang rnam par dpyod pa gnyis ni dag bskyed par byed pa'i rgyu ste/ de bas na rgyu rtog pa dang dpyod pa la 'bras bu dag btags nas rnam par rtog pa dang dpyod pa yang dag gi 'du
 byed bshad do/ /de lta bur yang 'jig rten dang gsung rab las kyang mthong ste/ dper na 'jig rten na mi bde'o zhes bya ba dang/ gsung rab las kyang sangs rgyas 'byung ba bde zhes bya/ me ni tshig pa'i rang bzhin yin pas bde ba ma yin
 yang/ me de'i 'bras bu dro ba bde ba skye pa'i phyir me bde zhes bya ba dang/ skye ba thams cad ni sdug bsngal yin par bshad pas sangs rgyas 'byung ba la bde ba med mod kyi/ sangs rgyas 'byung ba'i rgyu las sems can mya ngan las 'da' 
 ba dang/ mtho ris bde ba thob pa'i 'bras bu 'byung ba'i phyir sangs rgyas 'byung ba bde zhes bya ba lta bu'o/ /yid kyi 'du byed bstan par smras pa/ yid kyi 'du byed gang zhe na zhes bya ba la sogs pa'o/ /gang chags pa'i sems kyis? bya ba
 lus dang longs spyod la zhen pa ni chags pa'i sems so/ /sems can dang sems can ma yin pa la khong khro ba ni/ zhe sdang ba'i sems so las dang las kyi 'bras bu la sogs pa mi shes pa ni/ gti mug pa'i sems so/ /srog chags gang 'dod chags pa'i sems kyis 'dod
 chags pa'o/ de bzhin du gang zhe sdang dang bcas pa'i sems kyis zhe sdang dang bcas pa dang/ rmongs pa dang bcas pa'i sems kyis gti mug dang ldan pa'i sems de ni yid kyi 'du byed ces bya'o/ /sems las byung ba'i chos 'di zhes bya ba ni chags
 pa dang zhe sdang ba dang gti mug pa'i sems gsum sems kyi chos ma yin gyi sems las byung ba'i chos yin pas na sems las byung ba'i chos 'di zhes gsungs so/ /de'i bshad pa ni sems la brten pa zhes bya'o/ /de'i bshad pa
 yang sems kyi rgyu zhes bya'o/ /de'i bshad pa yang sems dang 'brel pa zhes bya'o/ /de'i bshad pa yang sems la gnas nas rab tu 'byung ste zhes bya'o/ /yang na sems 'di sems las byung ba'i chos rnams la rnam pa lnga lta
 bus rgyu byed de/ skyed pa dang rten pa dang gnas pa dang bstan pa dang spel ba'o/ /sems las byung ba'i chos zhes bya bas bskyed pa bstan ste/ sems med na sems las byung ba'i chos kyang mi skye la/ sems skyes na sems las byung ba'i chos
 rnams kyang skye ba'i phyir ro/ /sems la brtan ces bya bas brten pa bstan te/ sems nyams na sems las byung ba yang nyams par 'gyur bas so/ /sems kyi rgyud ces bya bas gnas pa bstan te/ ji srid du sems de yod kyi bar du de'i rgyu sems las byung
 ba yang gnas pa'i phyir ro/ /sems dang 'brel ces bya bas bstan pa bstan te/ sems kyis rtag tu sems las byung ba la bstangs shing grogs byas pa'i phyir ro/ /sems la gnas nas rab tu byung zhes bya bas/ spel ba bstan te/ sems brtas par gyur na/
 sems las byung ba yang brtas par 'gyur ba'i phyir ro/ /de la 'dod pa dang gzugs kyi khams na ni/ lus dang ngag dang yid kyi 'du byed gsum car yod do/ /gzugs med pa'i khams na ni/ yid kyi 'du byed 'ba' zhig yod
 par zad do/ /brgal pa/ mdo gzhan dag las/ bcom ldan 'das kyis 'das pa'i dus na/ gang las dge ba la sogs pa spyod pa de ni/ 'du byed du bshad na/ 'dir spyir 'das pa dang ma 'ongs pa dang/ da ltar gyi las la 'du byed ces bshad pas 'gal lo//
 lan du 'dir spyir smos kyang bshad pa'i dbang gis khyad par rig par 'gyur te/ gang 'das pa'i dus na las dge ba la sogs pa byas pa de nyid 'du byed ces rig par bya ste/ gzhan na gsungs rab gzhan dang 'gal bar mi 'gyur ro// //
 'du byed bshad nas rnam par shes pa'i yan lag bstan pa'i phyir/ /'du byed kyi rkyen gyis rnam par shes pa zhes bya ba la sogs pa gsungs so/ /de la mig gi dbang po la brten gzugs la dmigs nas gzugs kyi mtshan nyid rig pa ni
 mig gi rnam par shes pa ste/ rnam par shes pa lhag ma rnams la yang de bzhin du sbyar ro/ /'di spyir smos mod kyi rnam par shes pa thams cad la/ 'du byed kyi rkyen cis mi bya'o/ /bag la nyal bsags pa dang ldan pas dang por yid kyi rnam par shes
 pa ma'i mngal du mtshams sbyar ba de nyid 'du byed kyis rkyen gyis rnam par shes pa yin par dgongs pa'o/ /de lta ma yin gyi rnam par shes pa spyi la bya bar gyur na/ bcom ldan 'das kyis mdo gzhan dag las/ ma'i mngal du mtshams sbyor ba'i skad
 cig man?/ yid kyi rnam par shes pa brgyal ba de rnam par shes pa'i yan lag tu bshad pa dang 'gal lo/ /der yang ci mngon zhe na/ mdo las dga' bo rnam par shes pa ma zhugs par/ mer mer po la sogs pa ming dang gzugs 'byung ba yod dam/
 gsol ba ma lags so zhes bya ba lta bu ste/ der yid kyi rnam par shes pa la bya bar dgongs pa'o/ /de la 'dod pa'i khams na ni/ rnam par shes pa drug cad yod do/ /gzugs kyi khams na ni zas khams kyis za ba'i 'dod chags dang bral bas/ sna dang lce'i rnam par shes pa med
 kyi mig dang rna ba dang lus dang yid kyi rnam par shes pa bzhi yod do/ /gzugs med pa'i khams na ni/ gzugs kyi 'dod chags dang bral bas dbang po lnga med pa'i phyir/ mig la sogs pa'i rnam par shes pa lnga med kyi/ yid kyi rnam par shes pa 'ba' 
 zhig rnam par shes pa bshad nas ming dang gzugs kyi yan lag bstan pa'i phyir/ rnam par shes pa'i rkyen gyis ming dang gzugs zhes bya ba la sogs pa gsungs so/ /de 'gro ba gzhan du gzhol bar byed pas na ming ste/ skye gnas gzhan du 'gro bar byed ces
 bya ba'i don to/ /yang na gzugs la sogs pa'i don la/ dmigs par byed pa'i phyir ming ste/ dmigs pa rnams len par byed ces bya ba'i don to/ /thogs pa dang bcas shing gnod par byar rung ba'i phyir gzugs te/ de gnyis gcig tu bsdoms na/ ming dang gzugs zhes bya'o ming dang
 gzugs mdor bstan pa de nyid rgyas par bshad pa'i phyir/ ming ni gzugs med pa'i phung po bzhi ste/ zhes bya ba la sogs pa gsungs so/ /las dge ba dang mi dge ba'i 'bras bu myong bar byed pa ni tshor ba'o/ /yul la mtshan mar 'dzin pa ni 'du shes so/ /sems la mngon
 par 'du byed pa ni 'du byed do/ /yul rnams so sor rig par byed pa ni rnam par shes pa ste/ gzugs med pa'i phung po bzhi po 'di la ming zhes bya'o/ /gong du gzugs zhes smos pa de la/ gzugs gang yin pa dang/ grangs su yod pa mi shes pas the tshom du gyur
 nas de'i phyir gzugs gang zhe na zhes bya ba la sogs pa smos so/ /gang cung zad gzugs de thams cad 'byung ba chen po bzhi dang zhes bya ba la sogs pa smos te/ gang cung zad gzugs zhes bya ba ni/ 'das pa'i gzugs dang/ ma 'ongs pa'i gzugs dang/ da ltar
 kyi gzugs dang/ nang gi gzugs dang/ phyi'i gzugs zhes bya ba la sogs pa de dag thams cad rnams pa gnyis su 'dus te 'byung ba chen po bzhi'i gzugs dang/ 'byung ba chen po bzhi las gyur pa'i gzugs su 'du'o/ /'dis rgyu'i gzugs dang
 'bras bu'i gzugs gnyis smras pa yin te/ 'byung ba chen po bzhi ni rgyu'i gzugs so/ /'byung ba chen po bzhi las gyur pa'i gzugs ni 'bras bu'i gzugs so/ /de la 'byung ba chen po bzhi las gyur pa'i gzugs rnams ni rnam pa bcu cig go zhes gang gong du bshad pa'o/ /gyur
 pa'i sgra ni rgyu la bya ste/ rgyu rnam pa lngas 'byung ba chen po rnams 'byung ba las gyur pa'i gzugs kyi rgyu byed de/ /dper na shing la brten nas me 'byung zhes bshad na/ shing gi rgyu las me skye zhes bya ba'i don dang 'dra'o/ /rgyu lnga ni skyed pa dang/ gzhi dang brten pa dang/ 'phel bar byed pa'o
 de la skyong pa ni 'byung ba med par 'byung ba las gyur pa'i gzugs mi skyed pa'i phyir ro/ /gzhi ni 'byung ba la ma gtogs par 'byung ba las gyur pa'i gzugs rnams yul gzhan du gnas shing rten pa'i mthu med pa'i phyir ro/ /rten pa ni 'byung ba nyams te gyur
 na de la brten pa'i 'byung ba las gyur pa'i gzugs kyang gzhan du gyur pa'i phyir ro/ rten pa ni 'byung ba dang 'byung ba las gyur pa'i gzugs 'dra bar skye ba'i tshe na/ 'byung bas 'byung ba las gyur pa'i gzugs kyi rgyud rgyun mi 'chad par 'dzin pa'i phyir ro//
 'phel ba ni 'byung ba 'phel ba'i dus na yang na 'byung ba las gyur pa'i gzugs kyang 'phel zhing brtas par 'gyur ba'i phyir ro/ /'byung ba chen po bzhi dag gong zhe na/ de'i phyir 'di lta ste/ sa'i khams dang zhes bya ba la sogs pa smos so/ /khams kyi sgra
 ni 'dzin pa la bya ste/ rang gi mtshan nyid 'dzin pa dang 'byung ba las gyur pa'i gzugs 'dzin pa'i phyir/ khams zhes bya'o/ /rang gi mtshan nyid 'dzin pa ni sra ba'i khams sra ba'i mtshan nyid 'dzin pa dang/ chu'i khams gsher ba'i mtshan nyid 'dzin pa
 dang/ me'i khams dro ba'i mtshan nyid 'dzin pa dang/ rlung gi khams g.yo ba'i mtshan nyid 'dzin pa'o/ /'byung ba las gyur pa'i gzugs 'dzin pa ni rgyu'i ngo bor 'dzin te/ de dag gi rgyu byed pa'i phyir ro/ /'byung ba chen po yang bzhi nyid de don med pa dang/ mi nus pa'i phyir/
 khri'i rkang pa bzhin pas lnga dang gsum du ma yin no/ /'byung ba chen po rnams kyi rang bzhin ma shes nas de bstan par bya ba'i phyir/ sa'i khams gang zhe na zhes bya ba la sogs pa smos so/ /gang lci ba dang sra ba'o zhes bya ba la/ srang gi mgo dma' zhing mjug mtho
 bar gyur pa ni lci ba'o/ /de la lci ba ni lci ba dang yang ba zhes bya ba 'byung ba las gyur pa'i gzugs kyang yod do/ de dgar bar bya ba'i phyir/ sra ba zhes bya ba smos so/ /sra ba smos pa ni 'byung ba las gyur pa'i gzugs dgar ba yin te/ rtsub pa dang
 mkhrang ba zhes bya ba'i don to/ /'byung ba las gyur pa'i gzugs lci ba yin yang sra ba dang mkhrang ba'i rang bzhin ma yin no/ /chu'i khams gang zhe na gang gsher ba dang/ rlon pa'o zhes bya ba la/ bdag rang sri mtshan nyid ni gshed pa'o/ /gzhan la
 yang gsher bar byed pas na rlan pa'o/ /me'i khams gang zhe na gang dro ba dang smin par byed pa'o/ /zhes bya ba la/ rang nyid tsha ba'i rang bzhin yin pas ngo bo'o/ /rdzas gzhan la yang dro ba dang smin par byed pas na smin pa'o/ /rlung gi khams gang zhe na gang bskum
 pa dang/ smyang ba dang yang zhing g.yo ba'o zhes bya ba la/ lus kyi rkang lag la sogs pa nang du bskum zhing phyir smyang ba dang/ phyi'i 'dab ma la sogs pa g.yo zhing khyer bar byed pa ni rlung gi khams so/ /yang ba ni 'byung ba las gyur pa'i gzugs kyang yod
 de de dang 'khrul par mi 'gyur par bya ba'i phyir/ g.yo ba zhes bya ba'i rnam grangs smos so/ /de la yang ba ni rlung gi khams kyi rang bzhin no/ /g.yo ba ni rlung gi khams kyi las te/ g.yo ba zhes bya ba las bstan pa'i sgo nas/ yang ba zhes bya ba'i rang bzhin
 bsal bar 'gyur te/ gang g.yo ba'i bdag nyid du yang ba ni/ rlung gi khams so/ /gang g.yo ba med pa la yang ba 'ba' zhig yod pa de ni 'byung ba las gyur pa'i gzugs yin no/ /de las zhes bya ba smos pas chog mod/
 khams zhes smos ci dgos she na/ sa 'ga' zhig smos na ni 'byung ba las gyur pa dkar po dang dmar po la yang 'jig rten nas zhes bya ste/ de dang nor bar 'gyur ba dgag pa'i phyir khams kyi sgra smos so/ /gang gong du bshad pa rnams bsdus te/
 bstan pa'i phyir/ gang gzugs 'di dang zhes bya ba la sogs pa smos te/ gang 'byung ba chen po bzhi'i mtshan nyid kyis gzugs 'di dang/ gong du bshad pa'i gzugs med pa'i ming gi phung po bzhi gcig tu bsdus na/ ming dang gzugs
 zhes bya'o/ /mngon pa'i chos las ni gzugs rnams gsum ste/ bltar snang la thogs pa dang bcas pa dang/ bltar mi snang la thogs pa dang bcas pa dang/ ltar yang mi snang la thogs pa yang med pa'o/ /ming yang gsum ste rnam par shes
 pa'i phung po ma gtogs par tshor ba dang/ 'du shes dang 'du byed de/ gzugs gsum dang ming gsum gcig tu bsdus na ming dang gzugs zhes bya'o/ /de la bltar snang la thogs pa dang bcas pa'i gzugs ni/ gang mig gi dbang po'i
 yul du gyur pa gzugs zhes rnam par bzhag pa'o/ bltar mi snang la thogs pa dang bcas pa'i gzugs ni/ rdzas dgu ste mig la sogs pa'i dbang po lnga dang/ sgra dang dri dang ro dang reg ste yul bzhi'o/ /bltar yang ma snang la thogs pa
 yang med pa'i gzugs ni rnam par rig byed ma yin pa'i gzugs so// //skye mched drug bstan pa'i phyir/ ming gang gzugs kyi rkyen gyis drug gi skye mched ces bya ba la sogs pa smos te/ skye mched ni drug dag tu zong?
 skye mched drug ming tsam smos pa/ rab tu dbye ba bstan pa'i phyir/ mig gi skye mched dang zhes bya ba la sogs pa smos so/ /de la 'byung ba chen po bzhi'i gzugs kyi rgyu las ni/ mig gi skye mched nas lus kyi skye mched kyi bar du 'byung ngo/ /ming gi phung po
 bzhi'i rgyu las ni/ yid kyi skye mched 'byung bar 'gyur ro/ /yang na 'byung ba chen po bzhi dang ba dang gsal bar gyur na/ mig gi skye mched nas lus kyi skye mched kyi bar du 'gyur ro/ /ming gi phung po bzhi gsal bar gyur na/ yid kyi skye mched du
 'gyur ro/ /de la gzugs spyod yul du gyur pa lta ba'i bdag nyid can gzugs dang zhing bsal ba ni mig gi skye mched do/ /sgra spyod yul du gyur pa nyan pa'i bdag nyid can gzugs dang zhing gsal ba ni rna ba'i skye mched do?/ /de spyod yul du gyur pa snom
 pa'i bdag nyid can gzugs dang zhing gsal ba ni sna'i skye mched do/ /ro'i spyod yul du gyur pa myong ba'i bdag nyid can gzugs dang zhing gsal ba ni lce'i skye mched do/ /reg bya'i spyod yul du gyur pa 'jam rtsub la sogs pa tshor ba'i bdag
 nyid can gzugs dang zhing gsal ba ni lus kyi skye mched de/ chos spyod yul du gyur pa shes shing reg pa'i bdag nyid can ni yid kyi skye mched/ 'dod pa'i khams na ni skye mched drug car yod do/ /gzugs kyi khams na ni sna dang lce gnyis
 ma gtogs pa lhag ma bzhi'o/ /gzugs med pa'i khams na ni yid kyi skye mched 'ba' zhig yod par zad do/ /reg pa bstan par bya ba'i phyir/ drug gi skye mched kyi rkyen gyi reg pa zhes bya ba la sogs pa rnam grangs smos so/ /grangs smos pa'i bar
 du dbye ba bstan pa'i phyir/ mig gis kun reg pa dang zhes bya ba la sogs pa smos pa ste/ mig dang gzugs la brten nas/ mig gi rnam par shes pa skye ste/ de bas na yul dang dbang po dang rnam par shes pa gsum dus gcig tu tshogs pa 
 la reg pa zhes bya'o/ /de bzhin du rna ba dang sgra dang/ rna ba'i rnam par shes pa gsum dus gcig tu tshogs pa ni rna bas kun tu reg pa zhes bya ste/ dbang po lhag ma rnams la yang de bzhin du sbyar/ /de la mig gis kun
 tu reg pa nas/ lus kyi kun tu reg pa'i bar du lnga ni/ thogs pa dang bcas pa'i reg pa zhes bya ste/ mig la sogs pa'i dbang po thogs pa dang bcas pa ma brten pa'i phyir ro/ /yin gyis kun tu reg pa mi lhag par yul la 'jug pa'i
 reg pa zhes bya ste/ mig la sogs pas gzugs kyi dbang du byas te/ mthong ba rnams kyi rjes la/ yid kyi gcod par byed pas na lhag par yul la 'jug pa'i reg pa zhes bya'o/ /tshor ba bshad par bya ba'i phyir/ reg pa'i rkyen gyi tshor
 ba zhes bya ba la sogs pa gsungs te/ tshor ba'i tshogs drug ces bya bas/ grangs bstan to/ /grangs bstan pa nyid kyis dbye ba bstan pa'i phyir/ /mig gis kun tu reg pa las skyes pa'i tshor ba zhes bya ba smos te/ mig dang yul dang
 rnam par shes pa gsum tshogs pa las gang skyes pa'i tshor ba ni/ mig gis kun tu reg pa las skyes pa'i tshor ba zhes bya'o/ /de yang yul yid du 'ong ba dang/ yul yid du mi 'ong ba dang/ yul gnyi ga ma yin pa phrad pa'i rgyu las/ tshor
 ba rnam pa gsum du 'gyur te/ bde ba'i tshor ba dang/ sdug bsngal gyi tshor ba dang/ bde ba yang ma yin/ sdug bsngal yang ma yin pa'i tshor ba skye'o/ /de la yul yid du 'ong ba dang phrad na ni bde ba'i tshor ba skye'o/ /yul yid du mi 'ong ba dang
 phrad na ni sdug bsngal gyi tshor ba skye'o/ /yul yid du 'ong ba yang ma yin mi 'ong ba yang ma yin pa dang phrad na ni bde ba yang ma yin sdug bsngal yang ma yin pa'i tshor ba skye ste/ de bzhin du sgra snyan pa dang/ mi snyan pa dang/ gnyi ga ma yin
 pa dang phreng ba'i sgo nas/ rna bas kun tu reg pa las kyang tshor ba rnam pa gsum skye ste/ dbang po lhag ma rnams la yang de dang 'dra bar sbyar ro/ /de la sim par byed pa ni bde ba'i tshor ba ste/ dbang po dang 'byung ba chen po bzhi la phan 'dogs pa dbyed?
 ces bya ba'i don to/ /gdung bar byed pa ni sdug bsngal gyi tshor ba ste/ dbang po dang 'byung ba chen po bzhi la gnod par byed ces bya ba'i don to/ /sim par yang mi byed gdung bar yang mi byed pa ni bde ba yang ma yin sdug bsngal yang ma yin pa'i tshor ba
 zhes bya ste/ dbang po dang 'byung ba chen po bzhi la phan par yang mi byed gnod par yang mi byed ces bya ba'i don to/ /yang na lus dang dbang po dang yid la rjes su 'dzin cing phan 'dogs pa'i tshor ba gang skyes na/ skyes ba'i tshe dang gnas pa'i tshe 
 na bdag bde'o snyam du sems la/ de dang phrad na bdag sdug bsngal lo snyam du sems pa ni/ bde ba'i tshor ba zhes bya'o/ /lus dang dbang po dang rnam par shes pa la gnod par byed pas/ gang skyes ba dang gnas pa'i che na/ bdag sdug bsngal lo
 snyam du sems la/ de dang bral na bdag bde'o snyam du sems pa ni/ sdug bsngal ba'i tshor ba zhes bya'o/ /lus dang dbang po dang rnam par shes pa la/ phan par yang mi byed gnod par yang mi byed pas/ gang skyes pa dang gnas pa'i tshe na/ bde'o
 snyam du yang mi sems/ sdug bsngal lo snyam du yang mi sems pa ni bde ba yang ma yin sdug bsngal yang ma yin pa'i tshor ba zhes bya'o/ /de la yid kyis kun tu reg pa'i tshor ba bde ba zhes bya ba la sogs pa la/ mig gis kun tu reg pa
 dang/ lus kyis kun tu reg pa'i bar dag gis sim pa la ni/ bde'i tshor ba zhes bya/ gdung ba la ni sdug bsngal gyi tshor ba zhes bya'o/ /yid kun tu reg pa'i tshor ba sim pa la ni/ ming du bde'i tshor ba zhes bya'i/ yid bde ba'i tshor ba zhes bya ba dang/ gdung ba la sdug
 bsngal gyi tshor ba zhes mi bya'i/ yid mi bde ba'i tshor ba zhes bya'o/ /de la mig gis kun tu reg pa nas/ lus kyi kun tu reg pa las skyes pa'i tshor ba ni/ dbang po gzugs can la brten pas lus
 kyi tshor ba zhes bya'o/ /yid kyi kun nas reg pa las skyes pa'i tshor ba ni/ sems can la brten pa'i phyir/ sems kyis tshor ba zhes bya'o/ /brgal ba bde ba dang sdug bsngal gyi tshor ba la ma gtogs pa'i bde ba yang ma yin sdug bsngal
 yang ma yin pa zhes bya ba'i tshor ba gsum po yod par ci mngon/ smras pa lung dang rigs pas mngon te/ lung las bde ba dang/ sdug bsngal dang bde ba yang ma yin sdug bsngal yang ma yin no zhes gsungs pa dang/ yang bde ba yang spangs sdug bsngal yang
 spangs nas/ bde ba yang ma yin sdug bsngal yang ma yin pa dran pa dang ldan pa zhes bya ba la sogs pa gsungs pa'i phyir ro/ /rigs pa yang yod de tshor ba dang bral ba'i sems skye ba mi srid pas/ bde ba dang sdug bsngal gyi tshor ba ma myong ba'i dus na
 bde ba yang ma yin sdug bsngal yang ma yin pa'i rang bzhin tshor ba kun la rang gis rig pa yod pa'i phyir ro/ /de la 'dod pa'i khams na/ tshor ba gsum char dang ldan no/ /gzugs kyi khams kyi bsam gtan dang po dang gnyis pa na ni tshor ba bde ba
 dang btang snyoms gnyis ka dang ldan no/ /gzugs kyi khams kyi bsam gtan gsum pa yan chad nas/ srid pa'i rtse mo man chad ni/ tshor ba btang snyoms 'ba' zhig dang ldan no/ /sred pa bstan par bya ba'i phyir/ tshor ba'i rkyen gyis sred pa zhes  
 bya ba gsungs te/ sred pa zhes bya ba ni/ chags pa dang zhen pa dang 'dod chags dang/ rab tu chags pa zhes bya ba rnam grangs su gtogs so/ /gzugs la sogs pa'i yul drug la chags pa ni srid pa zhes bya ste/ sred pa dang srid pa'i longs
 spyod la/ tshwa chu 'thung ba bzhin du rgyun tu spyod kyang ngoms mi myong ba ni sred pa'o/ /phye ma leb brlag pa'i gnas me'i gzugs la chags pa de bzhin du/ mi gtsang ba'i rang bzhin brlag pa'i gnas bud med dang/ skyes pa gnyis gcig gi gzugs
 la gcig chags pa ni/ gzugs la srang? ba zhes bya'o/ /brlag pa'i gnas ni ri dags glu la chags pa bzhin du sgra rnam pa sna tshogs la chags pa ni sgra la sred pa zhes bya'o/ /mi gtsang ba'i sbrang bu mi gtsang ba'i dri la dam par 'dzin cing chags pa de
 bzhin du dri rnam pa sna tshogs la chags pa ni dri la sred pa zhes bya'o/ /phag mi gtsang ba'i ro rnam pa sna tshogs la chags pa bzhin du ro rnam pa sna tshogs la zhen pa ni ro la sred pa zhes bya'o/ /yungs ma mar gyi sbrang bu yungs mar gyi snod kyi reg pa la
 chags pa de bzhin du/ 'jam pa dang rtsub pa la sogs pa'i reg pa la chags pa ni/ reg pa la sred pa zhes bya'o/ /'dod pa lnga'i yon tan de dag sngon spyad de/ 'das pa la phrad pa smon pa dang/ ma 'ongs pa dang yang myur du 'grogs par smon pa dang/ 'jig rten
 gyi bsam gtan gyi rol chags pa dang/ lta ba phyin ci log rnam pa sna tshogs la chags pa ni/ chos la sred pa zhes bya'o/ /de yang bsdus na phyi'i dngos po la chags pa dang/ nang gi dngos po la chags pa dang/ lta ba la chags pa'o/ /de la phyi'i dngos po la
 chags pa ni/ 'dod pa lnga'i yon tan la chags pa'o/ /nang gi dngos po la chags pa ni/ nye bar len pa'i phung po lnga la chags pa'o/ /lta ba la chags pa ni rtag par mngon par chags pa dang/ chad par mngon par chags pa la sogs pa'o// //
 len pa bstan pa'i phyir srid pa'i rkyen gyis len pa zhes bya ba/ len pa gang zhe na zhes bya ba smos te/ bzhi bzhi zhes bya bas grangs bstan to/ yang srid pa nye bar len par byed pas len pa'o/ /'dod pa dang ldan pa la sogs pa'i sems kyi rgyun mi gtor
 zhing 'dzin par byed pas na len pa zhes bya'o/ /yang na shing gi don ni len pa'i don te/ las kyi me 'bar ba'i phyir len pa zhes bya'o/ /dper na bud shing gi rgyus me 'bar ba de bzhin du/ nyon mongs pa'i bud shing gi rgyus skyes bus
 las kyis me 'bar bar 'gyur pa'i don ni/ len pa zhes bya'o/ /yang na len pa'i don ni khri ba'i don te/ dar gyi srin bus rang gi lus dkris pa bzhin du/ nyon mongs pa'i bcing bas bdag nyid bcings nas thar ba'i gegs byed pa ni len pa'o/ /rab tu dbye
 ba bstan par bya ba'i phyir/ 'dod pa'i len pa dang zhes bya ba la sogs pa smos te/ gang 'dod pa'i khams kyis 'dod pa'i yon tan lnga la chags nas de mi gtong ba ni 'dod pa'i len pa'o/ /lta ba len pa dang zhes bya ba la/ rtag par lta ba
 dang/ chad par lta ba dang/ lta ba bsnyems pa la sogs pa la chags shing/ de mi gtong ba ni lta ba len pa'o/ /tshul khrims dang brtul zhugs bsnyems pa zhes bya ba la/ mi 'am lha 'am brgya byin nam tshangs par gyur cig ces smon lam
 log pa'i rgyud de 'dod pa'i phyir/ tshul khrims dang brtul zhugs mchog tu 'dzin pa ni tshul khrims dang brtul zhugs bsnyems pa len pa'o/ /bdag tu smra ba len pa zhes bya ba la 'jig tshogs su lta ba la mngon par chags shing mi gtong ba ni/ bdag
 tu smra ba len pa zhes bya ba ste 'dod pa len pas 'dod pa'i khams kyi sdug bsngal nyid skyed par byed do/ /len pa gsum gyis ni khams gsum gyi sdug bsngal skyed bar byed do/ /yang na gang 'dod pa'i khams kyi sdug bsngal mthong bas spangs par bya ba nas/ bsgom pas
 spang bar bya ba'i bar du/ 'dod chags dang nga rgyal dang khong khro dang ma rig pa ste/ rdzas nyi shu'o/ /ji lta zhe na/ 'dod pa'i khams kyis sdug bsngal mthong bas spang bar bya ba nas/ kun 'byung dang lam dang/ 'gog pa dang/ lam dang bsgom spas spang bar
 bya ba'i bar du 'dod chags lnga dang sdug bsngal mthong bas spang bar bya ba nas/ bsgom pas spang bar bya ba'i bar du nga rgyal lnga dang/ sdug bsngal mthong bas spang bar bya ba nas/ bsgom pas spang bar bya ba'i bar du khong du khong khro ba lnga dang/ sdug bsngal mthong bas spang
 bar bya ba nas/ bsgom pas spang bar bya ba'i bar du ma rig pa lnga ste/ spyir lnga bzhi nyi shu'o/ /the tshom dang bcas pas sgom mi srid pa'i phyir bsgom pa'i lam la ni the tshom med de/ 'dod pa'i khams kyi sdug bsngal mthong bas spang bar bya ba nas lam mthong bas spang bar
 bya ba'i the tshom bzhi dang/ de'i steng du ngo tsha med pa dang/ phrag dog dang 'jungs pa dang/ zhum pa dang/ the tshom dang/ gnyid dang/ khro ba dang/ chags pa dang/ 'chab pa ste/ rdzas bcus bstan nas rdzas sum bcu rtsa bzhi po 'di ni 'dod pa len pa zhes bya'o/ /lta ba len pa
 zhes bya pa gsum gyi sdug bsngal mthong bas spang bar bya ba nas/ bsgom pas spang bar bya ba'i bar du tshul khrims dang brtul zhugs bsnyems pa bzhag nas khams gcig cing yang lta ba'i rdzas bcu ste/ sum cu ni lta ba len pa zhes bya'o/ /ji lta zhe na/
 'dod pa'i khams na sdug bsngal mthong bas spang bar bya ba nas lam mthong bas spang bar bya ba'i bar du log par lta ba bzhi lta ba bsnyems pa bzhi ste/ brgyad kyi steng du 'dod pa'i khams kyi sdug bsngal mthong bas spang bar bya ba? 'jig tshogs kyi blta ba dang/ mthar 'dzin
 par lta ba bsnan te bcu'o/ /de bzhin du gzugs kyi khams na yang bcu/ gzugs med pa'i khams na yang bcu ste rdza sum cur 'gyur ro/ /khams gsum gyi tshul khrims dang brtul zhugs bsnyems pa spyir rdzas drug ni tshul khrims dang brtul zhugs bsnyems pa len
 pa zhes bya'o/ /ji lta zhen 'dod pa'i khams kyi sdug bsngal mthong bas spang bar bya ba'i tshul khrims dang brtul zhugs bsnyems pa dang lam mthong bas spang bar bya ba'i tshul khrims dang brtul zhugs bsnyems pa ste gnyis pa dang/ de bzhin du gzugs
 kyi khams na yang gnyis gzugs med pa'i khams ni yang gnyis gnyis te rdzas drug tu 'gyur ro/ /de la tshul khrims dang brtul zhugs snyems pa la srog gcod pa la sogs pa'i tshul khrims ngan pa spangs pa ni tshul khrims so/ /lus
 dang ngag gi tshul dang las su bya ba rnams la nges par 'jug pa ni brtul zhugs te/ skra 'drag pa dang dus su rkang lag bkru ba la sogs pa'i las nges par byed pa 'am/ bde ba spangs nas me lnga dang khyi'i dka' thub la sogs pa'i tshul 'dzin pa ni/ brtul
 zhugs so/ /smad pa'i lta ba la nges par yon tan du gzung nas dbang phyug la sogs pa dang 'jig tshogs la lta ba la sogs pa sngon du btang ste/ tshul khrims dang brtul zhugs 'dzin pa ni dag pa'i rgyu dang/ lam ma yin na de dag la dag pa dpal?
 gyi rnams lta bur 'dzin te/ gang phyin ci log gi rnam par zhugs pa ni/ tshul khrims dang brtul zhugs snyems pa la len pa zhes bya'o/ /de'i phyir bshad pa'i rgyu ma yin pa la rgyur mngon par chags te/ dbang phyug dang gtso bo la sogs pa ni 'jig rten
 rnams kyi skyed pa'i rgyu ma yin na/ de la rgyur mngon par chags pas na phyin ci log go /lam ma yin pa la lam du mngon par zhes pa ni grangs pa'i ye shes kyi sbyor ba la sogs pa grol ba'i lam mi yin na mngon pa bzhed te/ phyin ci log tu gyur pas nga?
 sngon tu byas pa'i tshul khrims dang brtul zhugs ni tshul khrims dang brtul zhugs snyams pa len pa zhes bya'o/ /ci'i phyir na 'o na tshul khrims dang brtul zhugs snyems pa de lta ba las bkar ta logs shig tu bshad/ lam du lam gyi mi mthun pa'i phyogs su
 gyur pa'i phyir te/ 'di ltar grangs pa'i rnam 'byor gyi ye shes la sogs pa grol ba'i lam ma yin yang thar pa'i lam du lta ba'i phyir ro/ /yang na khyim na gnas pa dang rab tu byung ba'i phyogs la slu bar byed/ khyim la gnas pa'i phyogs la ni? kha zas
 gcod pa dang mer 'chong ba la sogs pa mtho ris kyi lam ma yin yang lam du shes pas slu bar byed pa dang/ rab tu byung ba'i phyogs la yang 'dod pa'i yul gyi bde ba spangs pas dag par yid ches shing me lnga'i dka' thub dang skra 'bal ba dang/ kha zas
 rtsub po za zhing tshed ma'i steng na nyal ba la sogs pa lam ma yin pa la lam du 'du shes pas slu bar byed do/ /bdag tu smra ba len pa bya ba la/ gzugs dang gzugs med pa na spyod pa'i 'dod chags dang nga rgyal dang ma rig pa dang/ sdug bsngal mthong ba spang bar bya ba
 nas/ bsgom pas spang ba'i bar du bcu bcu ste/ sum cu'i steng du/ gzugs dang gzugs med pa'i khams kyi the tshom bzhi bzhi brgyad de/ sum cu rtsa brgyad ni/ bdag tu smra ba lan pa zhes bya'o/ /ji lta zhe na gzugs kyi khams kyi sdug bsngal mthong bas spang bar bya ba nas//
 bsgom pa spang bar bya ba'i bar du 'dod chags lnga dang/ de bzhin du gzugs med pa'i khams na yang lnga ste bcu'o/ /gzugs kyi khams mi sdug bsngal mthong bas spang bar bya ba nas/ bsgom pas spang bar bya ba'i bar du nga rgyal lnga dang/ gzugs med pa'i khams na
 yang de bzhin du lnga ste bcu'o/ /gzugs kyi khams kyi sdug bsngal mthong bas spong bar bya ba nas/ bsgom pas spang bar bya ba'i bar dus cig po lnga dang/ de bzhin du gzugs med pa'i khams na yang lnga ste bcu'o/ /gzugs kyi khams kyi sdug bsngal mthong
 bas spang bar bya ba nas/ lam mthong bas spang bar bya ba'i bar du the tshom bzhi dang/ gzugs med pa'i khams ni the tshom bzhi ste/ the tshom brgyad do/ /de ltar na rdzas sum cu rtsa brgyad du 'gyur ro/ /brgal ba nyon mongs par 'dra ba las/ 'dod pa'i khams kyi nyon
 mongs pa rnams ni/ 'dod pa'i len par bshad la/ gzugs dang gzugs med pa'i khams kyi nyon mongs pa la gzugs dang gzugs med pa'i lan pa zhes mi bya/ ci'i phyir na bdag tu smra ba'i len pa zhes bya lan du gzugs dang gzugs med
 pa'i khams nyon mongs pa dang/ sems ni kha nang du lta ba yin pas/ nyon mongs pa de dag la bdag tu lta ste/ de bas na de dag bdag yod pa ma yin gyi/ nyon mongs pa la bdag du lta zhing smra bar zad do zhes bstan pa'i phyir
 bdag tu smra ba len pa zhes bshad do/ /yang na khyim na gnas pa'i phyogs rnams ni bu smad la sogs pa 'dod pa la chags pa na/ 'dod pa len par byed do/ /rab tu byung ba rnams ni lta ba sna tshogs la chags pas na lta ba len par byed do/ /gang khyim
 pa'i phyogs la dus khrims dang zas gcod pa la sogs pa'i dka' thub byed pas/ mtho rim dang thar pa'i lam du chags pa dang/ rab tu byung ba yang tshul de nyid kyis/ thar par sems pas na/ phyogs gnyis ka ni tshul khrims dang brtul zhugs snyems
 pa len to/ /mu stegs pa bdag tu smra ba rnams ni bdag tu smra ba len to/ /de la spang ba'i rim pas dgod na/ sa rnam pa gsum ste/ mthong ba'i lam gyi sa dang/ 'dod chags dang bral ba'i sa dang/ byas pa rig pa'i sa'o/ /de la rgyun tu zhugs pa rnams ni/ mthong
 ba'i lam gyi sa la gnas pa zhes bya ste/ de'i tshe lta ba phyin ci log sna tshogs dang/ tshul khrims dang/ brtul zhugs kyis thar pa'i lam du 'dzin pa'i phyin ci log med pas na mthong ba'i lam gyi sa la ni/ lta ba len pa dang/ tshul khrims dang/
 brtul zhugs snyems pa'i len pa spangs so/ /lan cig phyir 'ong ba ni 'dod pa'i khams kyi/ 'dod chags spang bar bya ba la 'jug pa yin la/ phyir mi 'ong bas ni 'dod pa'i khams kyi 'dod chag spangs pas na/ de gnyis ni 'dod chags dang bral ba'i sa
 la gnas pa zhes bya ste/ de'i tshe 'dod pa'i khams kyi nyon mongs pa kun spangs pas na 'dod pa len pa spangs pa yin no/ /dgra bcom pa'i dus na ni/ bya ba ni byas/ khur ni bor ba zhes bya ba la sogs pa khong du chud pas/ byas pa rig pa'i sa la gnas
 pa zhes bya ste/ dgra bcom pa'i dus na/ gzugs dang gzugs med pa'i khams kyi nyon mongs pa ma lus par spangs pa'i phyir/ bdag tu smra ba len pa spang pa zhes bya'o/ /srid pa bstan pa'i phyir len pa'i rkyen gyis srid pa zhes bya ba/ srid pa gang zhe na zhes bya ba la sogs pa smos te/ len pa'i
 dbang gis las dge ba dang mi dge ba byed pa la yang srid pa zhes bya/ las dang nyon mongs pa'i dbang gis gnas gang du skye ba'i gnas de la yang srid pa zhes bya'o/ srid pa gsum ste zhes bya bas grangs smras pa'i bar du dbye ba bstan pa'i phyir 'di lta ste/ 'dod pa'i
 srid pa dang/ zhes bya ba la sogs pa spos so/ /gzugs dang sgra la sogs pa 'dod pa'i yon tan lnga la/ gtsor byed pa'i khams mi 'dod pa'i srid pa'o/ /'dod pa'i yon tan la chags pa ni spangs kyi/ bsam gtan bsgom zhing gzugs gtsor byed
 cing gzugs la brten pa'i khams ni gzugs kyi srid pa'o/ /gzugs la chags pa spangs nas/ dbang po lnga la sogs pa'i gzugs dang bral ba ni/ gzugs med pa'i srid pa'o/ /de dag nyid gang yin pa bstan pa'i phyir bde ba la 'dod pa'i
 srid pa zhes bya ba la sogs pa smos te/ 'dod pa'i srid pa ni sems can dmyal ba yan chad gzhan 'phrul dbang byed kyi lha man chad la bya'o/ /de la tsha ba'i sems can dmyal ba ni brgyad de bstir med pa dang/ rab tu tsha ba dang/ tsha ba dang/ 'o dod cher 'o dod pa dang
 'o dod pa dang/ 'dzam pa dang/ thig nag dang yang so so/ /bstir med pa'i sems can dmyal ba ni/ 'dzam bu'i gling 'di'i 'og dpag tshad stong phrag nyi shu na 'dug ste/ bstir med pa'i sems can dmyal ba de'i gnas kyi 'phang yang dpag tshad stong phrag
 nyi shu/ dkyil yang stong phrag nyi shu ste/ spyir de dag gi gnas dpag tshad stong phrag bzhi bcur 'gyur ro/ /bskabs cung zad kyang med de bstir med pas na bstir med pa zhes bya'o/ /yang na sdug bsngal nyid sna tshogs pa bar chad med par 'byung bas na bstan
 med pa ste/ 'di ltar dmyal ba de la ni phyogs cu nas me 'bar ba chen pos 'byung zhing me shin tu 'bar bas sems can gyi lus bsregs pa dang/ lcags kyi mdun rtse thogs pa'i dmyal ba'i srung ma rnams kyi
 mdung gi rtse la blangs shing zangs po cher rgyun tu 'tshed par byed pas na/ bstir med pa zhes bya'o/ /bstir med pa'i sems can dmyal ba'i tshe'i tshad ni bskal pa gcig tu gnas te/ dus byed do/ /de la rab tu tsha ba la sogs pa'i sems can dmyal bdun ni bstir med
 pa'i sems can dmyal ba de'i gong na rim bzhin du rtsegs mar gnas te/ bsting med pa'i gong na rab tu cha ba'o/ /rab tu tsha ba'i gong na tsha ba'o/ /tsha ba'i gong non cher dod cher 'bad pa'o/ /'o dod cher 'bod pa'i gong na 'o dod 'bod pa'o/ /'o dod 'bod pa'i gang na
 'jom pa'o/ /'joms pa'i gong na thig nag go /thig nag gong na yang so so/ /kha cig ni sems can dmyal ba dun po de dag bstir med pa'i dmyal ba'i ngos na gnas so zhes 'chad do/ /cha ba'i sems can dmyal ba la bltos nas de bas kyang ches tsha bas lus dang sems shin tu gdungs
 pas na rab tu tsha ba'o/ rab tu tsha ba'i sems can dmyal ba de'i tshe'i tshed ni bskal pa bar ma phyed du gnas nas dus byed do/ /me lce 'bar ba chen pos lus bskor cing bsregs pas kun tu tsha zhing gsungs pa ni/ tsha ba'i sems can dmyal ba
 zhes bya ste/ de'i tshe'i tshad ni gzhan 'phrul dbang byed kyi che'i tshad ji tsam pa nyin zhag gcig tu brtsi ba'i tshe lo stong phrag bcu drug gnas dus byed do/ /'o dod cher 'bod pa ni gang tsha ba cher mi bzad pa mang pos mnar bas 'o dod 'bod pas kyang mi
 bzad do/ /sdug bsngal lo zhes 'o dod cher 'bod de/ /de'i tshe'i tshad ni 'phrul dga' i lha rnams kyi tshe'i tshad tsam pa nyin zhag gcig tu brtsis pa'i tshe lo stong phrag brgyad thub po/ /'o 'dod 'bod pa'i gtub pa'i sems can dang mi bzad pa'i las kyi
 rnam par smin pas bcos pas sdug bsngal zhing nyam thag nas 'o dod 'bod pa ste/ de'i tshe'i tshad ni dga' ldan gyi lha rnams kyi tshe tshad ji tsam pa nyin zhag gcig tu brtsis pa'i lo stong phrag bzhi'o/ /de la 'joms pa ni lug dang 'dra ba'i ri dang/ pha 'ong la sogs pa mang
 por phan tshun 'dus shing btsir nas bsod pa ste/ de'i tshe'i tshad ni zung ma gnam gyi lha'i tshe tshad ci tsam pa nyin zhag gcig tu brtsis pa'i tshe lo nyis brgya gnas nas dus byed do/ /thig nag po ni ji ltar shing la shing mkhan gyis thig gis btab nas so les shing dgra pa
 bzhin du thig nag pos btab nas mgo 'am mdoms nas sog les 'gra zhing gshegs par byed pa'i ste/ de'i tshe'i tshad ni sum cu rtsa gsum gnam gyi lha rnams kyi tshe'i tshad ji tsam pa nyin zhag gcig tu brtsis pa'i lo stong gnas nas dus byed do/ /yang so so ni der skyes
 pa'i sems can gcig la gtub cing gshegs pa'i gnod par byed pa ste brgyal bar gnas pa las rlung grang mos bus shing nam mkha' las kyang sems can khyad cag yang sos zhes bya ba'i sgra byung ba dang/ yang sos par gyur nas gcig la gcig gnod par byed pa ste/
 de'i tshe'i tshad ni rgyal chen bzhi'i ris kyi lha rnams kyi tshe'i tshad ji tsam pa nyin zhag /gcig tu brtsis pa'i lo lnga brgya'i bar du gnas nas dus byed do/ /sems can dmyal ba chen po de brgyad la sgo bzhi yod de/ /sgo gcig cing lhag pa'i sems can dmyal ba bzhi bzhi ste/ sems can dmyal
 ba bcu drug/ lhag pa'i sems can dmyal ba bzhi ni me ma nur dmyal ba bzhi ni me ma nur dang mi gtsang ba'i rdza ba dang spu gri la sogs pa'i mtshon gyi lam dang ba tshwa'i chu bo'o/ /de la me ma mur ni dpus mo nub tsam ste/ der sems can dag gi rkang pa bcug ma thag tu sha khrag dang pags pa ma lus par
 bsnyil bar byed do/ /mi gtsang ba'i rdzab ni rab tu dri mi zhim pa'i ngan skyugs kyi 'dam gyis gang ba ste/ de'i srin bu nang kun tu zhes bya ba lus thal ka la mgo gnag cing/ mchu khab bzhin du gnas pa rnams kyis der zhugs pa'i sems can rnams kyis rul pa yang
 thal bar 'bigs so/ /spu gri ses gtams pa'i lam po che ni sems can rnams der 'jug pa na spu gri gshig pa'i lam gyis rkang pa bzhag ma thag tu sha khrag dang pags pa ma lus par rlog par byed pa dang/ ral gri mang ba mir?
 tshal yod do sems can de dag ral gri rnon po'i sa nges yan lag dang nying lag rnams kyang dum bur gtub cing/ khyi ser mo stag ris can rnams 'dus shing za/ bya rog lcags kyi mchu can gyi mig kyang 'byin par byed/ lcags kyi sdong po tsher ma sor bcu
 drug yod pas sems can rnams yar 'dzeg na ni/ tsher ma'i kha thur du lngas par gyur cing sems can gyi lus 'bigs/ slar 'bab na yang ba gyen du ltas te lus 'bigs par byed do/ /tshwa chu'i chu bo ni de dag gi 'gram na sems can dmyal
 ba'i srung ma mtshon ral gyi dang shag ti dang mdung lag na thogs pa rnams kyis phyir 'byung ba dag kyang slar 'dor zhing nang du bor ba rnams zangs chen por 'bras dang til la sogs pa bskol ba bzhin du btso zhing skol bar byed do// //grang ba'i sems can
 dmyal ba brgyad yod de/ 'di lta ste chu bur dang rab tu chu bur dang/ so sgra tham tham dang/ a la la dang/ pa hu hu dang/ ud pa la dang/ padmo dang/ padmo chen po'o/ /sems can de dag ha cang yang grang ches pas mnar med pa'i lus chu bur gyur pa dang/ gas pa
 las ni chu bur dang rab tu chu bur dang ud pa la dang padmo dang padmo chen por gdags so/ /grang bas nyen pa'i sgra rnam par 'gyur pa'i tshul las ni so sgra tham tham dang/ a la la dang hu hu bar gdags so/ /dmyal ba brgyad po de dag gi tshe tshad ni/ bcom ldan 'das
 kyis dpe tsam du bka' stsal pa/ 'di lta ste dge slong dag da ltar kha re lnga bre nyi shu la dbus pa'i til gyis 'ba' ha yin te/ glang stebs po che bzhi bcu'i khal gyi snod la bya/ de'i til gyis byu bur sgyur la/ de nas mi zhig gis lo brgya lon zhing til
 de 'bru re re bor te/ kha re nyi shu li dbus pa'i til gyi 'ba' har bzhag pa de'i rim gyis zad cing thug par gyur pa ni bla'o/ /chu bur du skyes pa'i sems can rnams kyi tshe'i tshad ni zad par mi 'gyur bar nga smra'o zhes gsungs pa de ni chu bur gyi tshe'i tshad do/ /chu bur nyi shu la rab
 tu chu bur gyi tshe'i tshad do/ /rab tu chu bur nyi shu la so sgra tham tham mo/ /so sgra tham tham nyi shu la a la la'o/ /a la la nyi shu la hu hu ba'o/ /hu hu ba nyi shu la uta pa la'o/ /ud pa li nyi shu la padmo'o/ /padmo nyi shu la padmo chen po'i tshe'i tshad do/ /grang ba'i sems can dmyal ba brgyad po de dag kyang
 'dzam bu'i gling 'di nyid kyi 'og dmyal ba chen po rnams kyi thad ka na gnas so/ /'dzam bu'i gling nyid kyi chu zheng de snyed du med na bstir med pa la sogs pa de snyed gnas pa'i skabs ga la yod/ lan du 'bras kyi phung po bzhin du 'dzam bu'i gling de yang zhabs yang la spyi
 phra bas na de'i phyir de dag de na gnas so/ /de la sems can dmyal ba zhes bya ba la/ rgya gar skad du na ra ka zhes 'byung ste/ na ni khrid pa 'am 'gro ba'i don pas sdug bsngal gyi las kyi gnas der bsod nams ma yin pa'i las kyis sems can rnams khrid cing 'gro bas na
 dmyal ba'o/ /yang na na ra ka'i don ni chags pa med pa'i don te/ der skyes pa rnams rtag tu sdug bsngal gyis nyen pas chags pa dang dga' ba'i bsam pa mi 'byung bas dmyal ba'o/ /yang na sems can rnams der dmyal ba dang gtub pa la sogs pa'i sdug bsngal
 rnam pa sna tshogs byed pas na dmyal ba'o// //yi dags zhes bya ba la yi dags kyi sgra ni shin tu song ba la bya ste/ ser sna la sogs pa'i las kyi dbang gis mi'i gnas 'di nas dus ring mo zhig tu phyir mi ldog par song bas na yi dags te/ yi dags
 su skyes pa rnams ni lhag pas yang tshe ring par grags pa'i phyir ro/ /yang na bkres pa dang skom pa la sogs pas rtag tu nyen pa'i phyir yi dags zhes bya ste/ de dag gi gnas kyang phal cher gcod rong dang/ mya? ngam? na gnas la mthu ni gcig tu ma chad de/ de la
 yi dags mthu bo che kha cig ni lha dang 'dra bar longs spyod spyod la/ kha cig ni mi gtsang ba la sogs pa bza' ba yang mi rnyed pa yod do/ /de la yi dags kyi rgyal po sgra gcan 'dzin ni gshin rje dang 'dra bar mthu che ste/ de yang 'dzam bu'i gling
 'di nyid kyi 'og na/ dpag tshad stong phrag lngas bcad pa na gnas so/ /yang na kha cig na re gshin rje nyid yi dags kyi rgyal po yin te/ de'i gnas ni sgra gcan 'dzin gyi gnas su bshad pa dang 'dra bar gnas so/ /yi dags kyi tshe'i tshad ni/ mi rnams kyi zla ba gcig
 la yi dags rnams kyi nyin zhag gcig tu brtsis pa'i tshe lo lnga brgya gnas nas dus byed do/ /byol song zhes bya ba la/ mi nas byol nas gzhan du skyes pa 'am/ bzur cing 'gro bas na byol song ste/ de dag gi gnas ni rgya mtsho chen po yin par nges mod
 kyi/ 'on kyang rnam pa gsum du bzhag ste/ chu la spyod pa dang/ skam la spyod pa dang nam mkha' la spyod pa'o/ /de la chu la spyod pa ni klu'i rgyal po dang chu srin la sogs pa'o/ /skam la spyod pa ni phyugs la sogs pa'o/ /nam mkha' la spyod pa ni bya la sogs pa
 ste/ byol song rnams kyi tshe dang mthu ni gcig tu ma chad do/ /dper na k+Shu'i rgyal po sa 'dzin dang dga' o dang nye dga' lta bu'i tshe'i chad bskal pa bar mar gnas shing/ ri rab 'dzin nus pa'i mthu dang ldan pa yang yod do// //lha ma yin zhes bya ba la/
 nga rgyal lam zhe sdang gis dge ba byas pa'i las kyi rgyu las skyes pa ste/ de dag gi gnas kyang sa chen po 'di'i steng na gnas la/ tshe'i tshad ni 'dod pa'i khams kyi lha dag dang mnyam par grags so/ /de la mi ni gang gling bzhin gnas pa dag ste/ bsod nams
 dang bsod nams ma yin pa'i yid las skyes pas na/ mi'i zhes gsung rab kyi nang nas bshad pa'i don to/ /yang na drang srong ma nu las skyes shing btsas pas ni/ shed bu las skyes pa ma na tsa zhes kyang bya ste shed bdag/ mu stegs dag skye dgu'i ni
 bdag po zhes bya/ mi'o zhes 'jig rten pa dag smra'o/ /de la gling bzhi ni shar gyi lus 'phags dang/ nub kyi ba glang spyod dang/ byang gi sgra mi snyan dang/ lho 'dzam bu'i gling ngo/ /de la shar gyi lus 'phags gling ni zla ba phyed pa ltar 'dug ste/ de khor yug gi ngos gsum
 la/ dpag tshad nyid stong yod do/ /ngos bzhi la ni dpag tshad sum brgya lnga bcu'o/ /de na grong khyer lus 'phags zhes bya ba zhig yod pa las/ dras te gling gi ming du yang shar gyi lus 'phags zhes bya bar btags so/ /nub kyi ba lang spyod ni dbyibs zla ba gang ba lta bu ste
 ril gyi khor yug du dpag tshad stong phrag phyed dang brgyad yod do/ /de na nyo tshong gi zang ba lang gis byed pas na/ de la dras te gling gi ming yang nub kyi ba lang spyod ces bya bar btags so/ /byang gi sgra mi snyan gyi gling ni/ khre'u bzhi du gru bzhi ste/ nges gcig cing yang dpag
 tshad nyi stong nyi stong yod pa spyir na dpag tshad stong phrag brgyad do/ /de yang 'chi khar sgra drag po byung nas dus byed pa'i phyir/ gling gi ming yang byang gi sgra mi snyan ces btags so/ /'dzam bu'i gling gi dbyibs ni sogs khar 'dug ste/ stong che la smad phra'o/ /ngos gsum
 re re zhing yang dpag tshad stong phrag gnyis gnyis yod/ /ngos phra mo la ni dpag tshad phyed dang bzhi ste/ gling de na shing 'dzam bu zhes bya ba las dras nas/ gling gi ming yang 'dzam bu'i gling du btags so/ /shar gyi lus 'phags kyi mi rnams kyi tshe'i tshad ni lo nyis brgya
 lnga bcur gnas la/ lus kyi tshad ni khru brgyad do/ /nub kyi ba lang spyod kyi mi rnams kyi che'i tshad ni lo lnga brgya la lus kyi tshad ni 'dom bzhi'o/ /yang na khru bcu drug go /byang gi sgra mi snyan gyi mi rnams kyi tshe'i tshad ni lo stong la lus kyi tshad ni 'dom brgyad do/ /yang
 na khru sum cu rtsa gnyis so/ /lho'i 'dzam bu gling gi mi rnams kyi tshe'i tshad ni/ tshad pa med la/ lus kyi tshad ni 'dom gang du grags mod kyi/ re bas kyang ring ba dang/ thur ba yang skye bas rgcig tu ma nges so// //'dod pa na spyod pa'i lta drug ces bya ba la/ 'dod pa'i
 khams kyi ris su gtogs pa'i lha ris drug ste/ rgyal chen bzhi'i rigs nas gzhan 'phrul dbang byed kyi lha man chad do/ /de la mtho ris su skyes shing byung bas na lha 'am/ lus dang longs spyod dam pa dang ldan pas na lha'o/ /rgyal chen bzhi'i rigs kyi
 gnam zhes bya ba la/ 'jig rten skyong ba bzhi ni rgya chen bzhi ste/ 'phags skyes po dang mig mi bzang dang/ ngal gsos po dang/ gnas srung ba'o/ /der skyes pa'am/ de'i 'khor du gtogs pa'i lha rnams la/ rgyal chen bzhi'i ris zhes bya'o/ /de dag gi tshil
 chad ni mi rnams kyi lo lnga bcu la nyin zhag gcig tu brtsis pa'i lo lnga brgyar gnas te/ dus byed do/ /lus kyi tshad ni rgyang grags kyi bzhi cha gcig go /sum cu rtsa gsum gnam zhes bya ba la/ dge ba'i las lhan cig tu mthun par byas pas/ der skyes pa rnams
 la/ sum cu rtsa gsum zhes bya ste/ brgya byin lha'i dbang po'i 'khor sum cu rtsa gnyis kyi steng du/ brgya byin gyis bsnan nas sum cu rtsa gsum mo/ /de la blon po sum cu rtsa gnyis ni bsu brgya dang/ nyi ma zhes bya ba lha'i bu bcu gnyis dang/ ru dra drag po zhes bya
 ba lha'i bu bcu dang/ nabs so dang/ tha skar skyes zhes bya ba gnyis te/ sum cu rtsa gnyis so/ /der gtogs pa'i lha gzhan dag la yang sum cu rtsa gsum pa zhes bya ste/ lha de dag gi tshe'i tshad ni mi rnams kyi nyi zhag brgya la/ lha'i nyin zhag gcig tu brtsi ba'i
 lo stong du gnas nas dus byed do/ /lus kyi tshad ni rgyang grags phyed do/ /zung ma gnas zhes bya ba la/ rgya gar du ya ma zhes 'byung ste/ lha ma yin dang rtsod pa'i sdug bsngal dang bral bas na/ rtsod bral zhes bya'o/ /yang na sgra'i don ya ma ni 'gro ba'i don te/
 der bsod nams kyi 'gro bas na yang zung ma zhes bya'o/ /yang na me la tshe thun thun la ? ma'o bde ba e ma'o bde ba zhes sgrog par byed bas thun spyor mas zhes kyang bya'o/ /de dag gi tshe'i tshad ni mi'i nyin zhag gnyis brgya la lha'i nyin zhag gcig tu
 brtsis pa'i tshe lo nyi stong du gnas nas dus byed do/ /lus kyi tshad ni 'dom sum brgya'o/ /dga' ldan gnam zhes bya ba la/ rtag tu dga' ba dang 'grogs shing rim pa 'og ma rnams kyi lha la bstos nas/ longs spyod kyi bde ba dang ldan bas na/ dga' 
 ldan te/ de dag gi tshe'i tshad ni/ mi'i nyin zhag bzhi brgya la/ nyin zhag tu brtsis pa'i tshe lo bzhi stong du gnas nas dus byed do/ /lus kyi tshad ni 'dom lnga brgya'o/ /yang na rgyang grags bzhi cha gsum mo/ /'phrul dga' gnam zhes bya ba la/ rang rang gi sprul pa'i 'dod pa'i longs spyod
 rnams la dga' bar byed pas na 'phrul dga' ste/ de'i tshe'i tshad ni mi'i nyin zhag brgyad brgya la/ lha'i nyin zhag gcig tu brtsis pa'i lo brgyad stong du gnas nas dus byed do/ /lus kyi tshad ni 'dom drug brgya'o/ /yang na rgyang grags lnga cha bzhi'o/ /gzhan 'phrul
 dbang byed ces bya ba la gzhan gyis sprul pa'i 'dod pa'i longs spyod la dbang sgyur bar byed pas na/ gzhan 'phrul dbang byed do/ /de dag gi tshe'i tshad ni/ mi'i nyin zhag stong phrag drug brgya la/ lha'i nyin zhag gcig tu brtsis pa'i lo khri drug stong du gnas nas dus byed do/
 lus kyi tshad ni 'dom bdun brgya lnga bcu'o/ /yang na rgyang grags phye dang gnyis/ /mngon pa'i chos las mi 'dod pa'i khams kyi lha rnams kyi tshe'i tshad ni ji tsam pa/ lus kyi tshad kyi 'dom grangs kyang tshe'i tshad dang mnyam mo zhes 'chad do/ /de la 'dod pa'i khams kyis
 lha rnams las/ rgyal chen bzhi dang/ sum cu rtsa gsum pa'i lha/ ga mi dang 'dra bar zung du 'khril pas 'khrig pa spyod de/ de yang khu ba med pa'i phyir/ /de dag ni rlung btang ba tsam gyis bdo ba 'jil ste/ longs spyod gzhan ni mi dang mtshungs so/ /zung ma rnams ni 'khyud pas
 'khrig pa spyod do/ /'khyud pa tsam gyis bde ba 'jil lo/ /dga' ldan gnam gyi lha rnams ni/ log pa sbrel bas 'khrig pa spyod do/ /lag pa sprel ba tsam gyis bde ba 'jil bar byed do/ /'khrul dga' gnam gyi lha rnams ni 'dzum pa tsam gyis 'khrig pa spyod do/ /pho mo gnyis
 phan tshun nas rgod pa tsam gyis bdo ba 'jil lo/ /gzhan 'phral dbang byed gnam gyi lha rnams ni bltas pa tsam gyis 'khrig pa spyod do/ /phan tshun mig zur 'dres pa tsam gyi bdo ba 'jil bar 'gyur ro/ /'dod pa'i khams kyi lha drug po de dag gi lha'i bu
 mo dang/ bu mo dag pha ma'i pang du rgyal chen bzhi'i gnas kyi lha rnams ni/ gos dang rgyan du bcas pa'i phyis pa lo lnga'i na tshod tsam pa byung ngo/ /sum cu rtsa gsum pa rnams kyi drug ni na tshod tsam/ zung ma'i ni lo bdun gyi na tshod tsam mo/ /dga' ldan gyi ni lo brgyad kyi
 na tshod tsam mo/ /'phrul dga' i ni lo dgu'i na tshod tsam mo/ /gzhan 'phrul dbang byed kyi ni lo bcu'i na tshod tsam mo// //de la gzugs kyi srid pa pa bstan pa'i phyir/ gzugs kyi srid pa gang zhe na zhes bya ba la sogs pa smos so/ /gzugs kyi srid pa gnas ni bcu bdun
 bsam gtan ni bzhi yod/ bsam gtan dang po la gsum mo/ /gnyis pa la gsum/ gsum pa la gsum/ bzhi pa la brgyad de bcu bdun no/ /bsam gtan dang po'i sa gsum ni/ tshangs ris gnam dang/ tshangs pa nye phan gnam mo/ /tshangs chen gnam mo/ /gnyis pa'i
 sa gsum ni 'od chung gnam dang tshad med 'od gnam dang 'od snang ngo/ /gsum pa'i sa gsum ni dge chung dang tshad med dge dang dge rgyas so/ /bzhi pa'i gnas brgyad ni sprin med gnam dang 'og min gnam man chad de/ de yang sprin med dang bsod nams 'phel
 dang/ 'bras bu che gsum ni so so'i skye bo'i sa'o/ /de yan chad lnga ni 'phags pa'i sa'o/ tshangs ris gnam zhes bya ba la dge ba'i rtsa brgya chen po las skyes pas na tshangs pa zhes bya ste/ tshangs pa gzhan de'i ris su skyes pa 'am de'i g.yog 'khor du
 gyur pa rnams la tshangs ris zhes bya'o/ /kha cig na re tshangs pa chen po'i 'khor du gtogs pas na tshangs ris zhes bya'o zhes 'chad do/ /de dag gi tshe'i tshad ni bskal pa phyed du gnas nas dus byed do/ /lus kyi tshad ni dpag tshad phyed do/ /tshangs lha nye phan gnam
 zhes bya ba la/ tshangs pa tshan po blon po ltar zhing ris der skyes pas na changs pa gzhan pas nang 'khor ltar gnas shing bsam gtan las langs pa na mdun du 'gro ba dang mi gro byed pas tshangs lha nye phan zhes bya ba 'am tshangs pa chen po yi mdun du thal mo sbyar
 nas smyang 'don pas na tshangs pa'i mdun na 'don ces bya ste/ de dag gi tshe'i tshad ni bskal pa gcig tu gnas nas dus byed do/ /lus kyi tshad ni khrom dgongs gcig go/ tshangs chen gnam zhes bya ba la/ tshangs pa gnyis la bltos nas che dang kha dog dang mthu
 khyad zhugs pas tshangs chen zhes bya'o/ /yang na gzhan las 'phags pa'i dge ba'i rtsa ba chen po las skyes shing mchog tu gyur pas na tshangs chen zhes bya ste/ phal pas lhag par bsam gtan gyi khyad par thob ste kun pas sngon du skye la/ thu mar 'chi
 bas na tshangs chen no/ /de'i tshe'i tshad ni bskal ba phyed dang gnyis su gnas nas dus byed do/ /lus kyi tshad ni khrom dgongs phyed dang gnyis so/ /'on chung zhes bya ba la rang gis gong ma gnyis la bltos nas de dag gi lus kyi gzi dang 'od kyi snang ba chung ba na 'od
 chung ste/ tshe'i tshad ni bskal pa gnyis su gnas nas dus byed do/ /lus kyi tshad ni khrom dgongs gnyis so/ /tshad med 'od ces bya ba la de dag gi 'od dang/ gzi 'di tsam zhes tshad kyis gzhal zhing bcad par mi nus pas na tshad med 'od de tshe'i tshad bskal pa bzhir
 gnas nas dus byed do/ /lus kyi tshad ni khrom dgongs bzhi'o/ /'od sna zhes bya ba la bdag gi sar ma gtogs pa'i gnas gzhan du yang gzi brjid dang 'od kyis snang bar byed pas na 'od snang ste/ de dag gi tshe'i tshad ni bskal pa brgyad du gnas nas dus
 byed do/ /lus kyi tshad ni khrom dgongs brgyad do/ /dge chung zhes bya ba la dge ba yang 'di'i skabs su bsam gtan las skyes pa'i yid kyi sa'i bde ba dge ba zhes bya ste/ bdag gi sar gtogs pa las gong ma la bltos nas yid kyi bde ba chung bas na dge chung ngo/ /tshe'i
 tshad ni bskal pa bcu drug du gnas nas dus byed do/ /lus kyi tshad ni khrom dgongs bcu'o/ /tshad med dge zhes bya ba la/ de'i dge ba yang tshad kyis gzhal du med pas na tshad med dge zhes pa 'am yid kyi bde ba tshad med pa dang ldan pas
 na tshad med dge ba ste/ de dag gi tshad med ni bskal pa sum cu gnyis su gnas nas dus byed do/ /lus kyi tshad kyang khrom dgongs sum cu gnyis so/ /ma lus dge gnas zhes bya ba la de dag ma lus dge ba ste/ yid kyi dge ba ma lus par rdzogs par gong ba'am de dag dam par
 gyur pa'i bde ba gzhan med pa'i phyir ma lus dge ba'o/ /de dag gi tshe'i tshad ni bskal pa drug cu rtsa bzhir gnas nas dus byed do/ /lus kyi tshad kyang khrom dgongs drug cu rtsa bzhi'o/ /sprin med gnam zhes bya ba la ji ltar yul gyi steng du sprin gyis chod
 pa med pa de bzhin du sa de'i gong du sa gzhan gyi bsgribs pa med pas na/ sprin med dam sprin bzhin du de dag sa dang 'brel ba med pas na sprin med de/ lha de dag gi gzhal med khang nam mkha' la gnam la gzhal med khang dang lhan cig tu skye zhing dus
 gcig tu 'jig pa'i phyir ro/ /de dag gi tshe'i tshad ni bskal pa brgya nyi shu rtsa lngar gnas nas dus byed do/ /lus kyi tshad kyang khrom dgongs brgya nyi shu rtsa lnga'o/ /bsod nams 'phel gnam zhes bya ba la/ so so'i skye bo'i bsod nams su gtogs pa'i mchog
 thob pa'i gnas yin pas na bsod nams 'phel gnam ste/ de dag gi tshe'i tshad bskal pa nyis brgya lnga bcur gnas nas dus byed do/ /lus kyi tshad kyang khrom dgongs nyis brgya lnga bcu'o/ /'bras bu che gnam zhes bya ba la gnas gzhan bas shas
 cher dge ba'i 'bras bu bsags pas/ der skyes pa'i las ngan pas ni ma yin te/ 'bras bu'i mchog thob pas na 'bras bu che gnam mo/ /yang na sa 'og ma so so'i skye bo'i sa las 'bras bu khyad zhugs pa thob par bya ba'i phyir 'bras bu che gnam ste/ che'i
 tshad ni bskal pa lnga brgyar gnas nas dus byed do/ /lus kyi tshad kyang khrom dgongs lnga brgya'o/ /mi tshe gnam zhes bya ba la/ gnas gtsang ma'i nang na de'i mchog ma yin te/ gnas gtsang ma'i sa gong ma pas bsod nams chung bas mi che ba'o/ /de dag gi tshe'i tshad ni
 bskal pa stong du gnas nas dus byed do/ /lus kyi tshad kyang khrom dgongs stong ngo// //mi gdung gnam zhes bya ba la/ bsam pa dge ba'i phyir/ der skyes pa rnams kyi mthu dang lhag pa'i bsam gtan gyi 'bras bu dang tshe dang yon tan lhag par yod
 kyang sa 'og 'og ma rnams la mi gnod zil gyis mi gnon pas na mi gdung ba'o/ /yang na bsam gtan khyad par can thob pas nyon mongs pa rnams kyis gdung bar mi nus pas na mi gdung ba ste/ tshe'i tshad ni bskal pa nyis stong du gnas nas dus byed do/ /lus
 tshe'i tshad kyang khrom dgongs nyi stong ngo/ /shin tu mthong gnas zhes bya ba la/ gzhan gyis sa de'i lha rab tu zhi ba'i khyad par dang ldan te/ bde ba dang ldan pas ma thob pas na/ shin tu mthong ba 'am lta ba rnam par dag ste/ zag pa med par mthong bas na shin tu mthong
 gnam mo/ /de dag gi tshe'i tshad ni bskal pa bzhi stong gu gnas nas dus byed do/ lus kyi tshad kyang khrom dgongs bzhi stong ngo/ /gya nom snang gnas zhes bya ba la/ zag pa dang bcas pa dang zag pa med pa'i bsam gtan la ci dgar 'dren mar bsgom yang
 'dres pa dang 'khrib med par byed pa'i mthu dang ldan pas na sgrib pa chen po ma lus pa dag par mthong bas gya nom snang gnam mam/ bzang po dang legs par mthong ste bdag med pa dang mi rtag pa la sogs par mthong bas na gya nom snang gnam mo/ /de dag
 gi tshe tshad ni bskal pa brgyad stong du gnas nas dus byed do/ /lus kyi tshad kyang khrom dgongs brgya stong ngo/ /'og min gnam zhes bya ba la/ gnam 'og ma ma yin te/ gzugs kyi khams de'i gong na gzugs can gyi khams gzhan med pas na 'og min
 nam/ de las mchog tu gyur pa'i gnas gzhan med de gzhan pas chung ngu dang ngan par ma 'gyur ba'i phyir 'og min no/ /yang na rdul bsags pa'i lus A g+ha zhes bya ste/ bsags pa'i gzugs kyi mthar phyin pas A g+ha ni shtha zhes
 bya'o/ /yang na A g+ha zhes bya ba ni sdig pa la bya ste/ sdig pa mthar phyin te zag pa rnams skye ba'i gnas yin pa'i phyir A g+ha ni shA'o/ /de dag gi tshe'i tshad ni bskal pa khri drug stong du gnas nas dus byed do/ /lus kyi tshad kyang khrom dgongs pa?
 drug stong/ /mi che ba nas 'og mi gyi gnas man chad gnas gtsang ma'i ris zhes bya ste/ 'phags pa lam gyi chus nyon mongs pa'i dri ma bkrus pa'i sems kyi rgyud dag pa 'ba' zhig skye bas na gnas gtsang ma 'am/ yang na bu lon brtsangs pa
 bzhin du 'khor ba'i bu lon mthar phyung ste bsangs pa rnams skyes pas na gnas gtsang ma'o/ /yang na so so'i skye bo dang ma 'dres bar 'phags pa phyir mi 'ong ba rnams nyi tshe gnas pas na gnas gtsang mgo/ gzugs med pa'i srid pa bstan pa'i phyir/ gzugs
 med pa'i srid pa gang zhe na/ zhes bya ba la sogs pa smos te/ snang bar byar rung bas na gzugs yin la/ snang bar byar rung ba med pas na gzugs med pa'o/ /'di lta ste/ nam mkha' mdza' yas skye mched ces bya ba la sogs pa la ting nge 'dzin la
 dang po sbyor ba'i dus na nam mkha' ni mdza' yas so nam mkha' ni mdza' yas so zhes dmigs par byed de de nyid der skye ba'i rgyu dang rkyen yin pas na nam mkha' mdza' yas skye mched ces bya'o/ /de dag gi dang por sbyor ba'i sems kyang mdo gzhan dag las
 gzugs kyi 'du shes ni yang dag par 'das thogs pa dang bcas pa'i 'du shes ni nub par gyur sna tshogs kyi 'du shes ni yin la mi byed de/ nam mkha' ni mdza' yas so/ /nam mkha' ni mdza' yas so zhes nam mkha' mdza' yas skye mched la snyoms par
 zhugs te gnas so zhes gsungs/ /de'i don kyang 'di dag ni nam mkha' tsam ste/ gang dbyibs dang kha dog sngo ba dang ser ba dang dmar ba dang dkar ba dang yang dag par ldan pa'i rgyu las byung ba'i bde ba dang mi bde ba 'dod chags dang bral te kha dog de dag
 la 'du shes mi 'jug pas na de'i phyir gzugs ni yang dag par 'das zhes gsungs te/ de ltar gzugs kyi 'du shes yang dag par 'das pas snang ba med par song ba'i rgyus kha dog rnam pa sna tshogs par byed pa'i rgyu rdul bsags pa thogs pa
 can gyi dngos po la sgrib pa dang thos pa'i 'du shes dang bral bar gyur te/ de bas na thogs pa dang bcas pa'i 'du shes ni nub par gyur ces gsungs so/ /'du shes dang bral ba'i rgyud gang de la ma gtogs pa'i bsags pa'i lhag ma bza' ba dang/
 btung ba dang/ bzhon pa dang/ gos dang rgyan dang/ khyim dang skyed mos tshal dang/ dmag gi tshogs dang/ ri la sog pa la 'du shes 'jug pa rnams/ /thams cad nas thams cad du 'jug par mi 'gyur te/ de bas na sna tshogs kyi 'du shes rnams yid la
 mi byed ces gsungs so/ /des de ltar thogs pa dang bcas pa dang/ sna tshogs kyi 'du shes bshig nas nye bar gyur pa'i ting nge 'dzin las 'das te/ sbyor ba'i ting nge 'dzin gyis nam mkha' la mdza' yas pa'i rnam par mos par byed/ de bas na nam mkha' ni
 mdza' yas so nam mkha' ni mdza' yas so zhes gsungs so/ /de nas sbyor ba'i ting nge 'dzin mthar thug par yid la byas pa'i 'og tu sbyor bas mthar thug pa'i 'bras bu /rtsa ba'i ting nge 'dzin la snyoms par 'jog ste/ de bas na nam mkha' mdza' yas
 skye mched la snyam par zhugs nas gnas so zhes gsungs so/ /de ji srid rtsa ba'i ting nge 'dzin la snyoms par zhugs pa de srid du nam mkha' la dmigs te gnas so/ rtsa ba'i ting nge 'dzin la snyoms par zhugs nas ni/ rang? gis sa'i phung po bzhi la dmigs
 shing gnas par zad do/ /nye ba'i ting 'dzin gyi dus na ni/ sa 'og ma rnams kyi phung po dang/ kha dog rnam pa sna tshogs la med pa'i mtshan nyid du yid la byed do/ /rnam shes mdza' yas skye mched ces bya ba la/
 nam mkha' mdza' yas pa'i rnam par dmigs pa'i rnam par shes pa de yang nam mkha' bzhin du mdza' yas so zhes sbyor ba'i ting nge 'dzin gyi tshe dmigs pa ni rnam shes mdza' yas te/ de nyid gnas der skye ba'i rgyu dang rkyen yin pas
 na rnam shes mdza' yas skye mched ces bya'o/ /de'i don nam mkha' mdza' yas skye mched kyi dus na/ /rnam par shes pas nam mkha' la mdza' yas pa'i rnam par mos te/ de bas na rnam par shes pa de nyid mdza' yas pa'i rnam pa
 yin no/ /nam mkha' mdza' yas ba'i rnam par mos pa'i rnam shes mdza' yas la snyoms par 'jug par 'dod pas/ nam mkha' mdza' yas skye mched gyi nyer bsdogs pa dang/ rtsa ba'i 'du shes las bzlog nas/ rnam par shes
 pa de nyid la mdza' yas pa'i rnam par mos par byed de/ /de bas na mdo gzhan las/ rnam pa thams cad/ nam mkha' mdza' yas skye mched las yang dag par 'das nas rnam shes mdza' yas skye mched las 'jug zhes gsungs so//
 de dag ni rnam pa shes mdza' yas skye mched kyi nyer bsdogs kyi ting nge 'dzin dang/ sbyor ba'i ting nge 'dzin to/ /des rnam shes mdza' yas kyi nyer bsdogs kyi ting nge 'dzin dang sbyor ba mthar thug pa'i yid la byed pa'i ting nge 'dzin/ las
 langs nas/ sbyor bar mthar thug pa'i 'bras bu rtsa ba'i ting nge 'dzin la snyoms par 'jug ste/ de bas na mdo gzhan las rnam shes mdza' yas skye mched la snyoms par zhugs nas gnas so/ /zhes gsungs so/ /cung zad med pa'i skye
 mched ces bya ba la/ sbyor ba'i ting nge 'dzin gyi dus na/ cung zad kyang yod pa ma yin no zhes bya ba'i rnam par snyoms bar 'jug pas/ cung zad med pa zhes bya ste/ de nyid gnas der skye ba'i rgyu dang/ rkyen yin pas na/ cung zad med pa'i skye mched do/ /de'i
 don kyang de rnam shes mdza' yas kyi skye mched las bskyod nas/ rnam par shes pa las/ pha rol na dmigs ci yod ces btsal na/ gzugs can nam gzugs med pa'i chos cung zad kyang ma mthong ngo/ /des de ltar dmigs pa mthong bas/
 rnam shes mdza' yas skye mched la nyer bsdogs pa dang/ rtsa ba'i ting nge 'dzin las langs nas/ cung zad kyang med do zhes bya ba'i dmigs pa gzhan la mos par byed de/ de ni cung zad med pa'i 'du shes kyi rnam pa la mos pa nyid du gnas pa
 yin te/ de ltar gnas pa de cung zad med kyi skye mched kyi nye bar bsdogs pa'i ting nge 'dzin dang/ sbyor ba mthar thug pa'i yid la byed pa'i ting nge 'dzin ces bya'o/ /des 'du shes de la mos pa mngon du byas pas cung zad med pa'i skye
 mched kyi nye bar bsdogs pa dang/ sbyor ba mthar thug pa'i yid la byed pa'i ting nge 'dzin las 'das nas/ sbyor ba mthar thug pa'i 'bras bu rtsa ba'i ting nge 'dzin la snyoms par 'jug ste/ de bas na mdo gzhan las des rnam pa thams cad du/
 rnam shes mdza' yas skye mched las 'di'i yang dag par 'das nas/ cung zad kyang med do zhes cung zad med pa'i skye mched la snyoms par zhugs te gnas so zhes gsungs so/ /de yang dbye na cung zad med pa'i skye mched kyi nye bar
 bsdogs pa'i ting nge 'dzin gyi dus na ni rnam pa thams cad du rnam shes mdza' yas/ 'du shes med 'du shes ming min skye mched ces bya ba la/ 'du shes ni shu ba'o/ /'du shes ni zug rdu'o/ /'du shes med pa yang rmongs pa ste zhes
 'du shes phra ba la gnas pa ni 'du shes med 'du shes med min zhes bya ste/ de nyid der skye ba'i rgyu dang rkyen yin pas na 'du shes med min skye mched ces bya'o/ /de'i don kyang 'du shes med min skye mched kyi dus na cung zad med kyi skye mched las
 bskyed do/ /de yang ji lta zhe na cung zad med min skye mched kyi 'du shes la chags pa dang na ba dang shu ba la sogs pa bzhin du nyes dmigs dang bcas par yid la byed pa'o/ /cung zad med cung zad med min gyi sbyor ba mthar thug pa yid la byed pa'i ting
 'dzin gyi dus na ni/ 'du shes dang ces pa yang zug rdu dang 'dra bar mi bde ba yin/ 'du shes thams cad nas thams cad du spangs pa yang rmongs ba yin no zhes rab tu phra ba'i 'du shes la gnas te/ cung zad med pa'i skye mched kyi 'du shes la bzlog
 pas na/ de'i phyir mdo gzhan las cung zad med cung zad med pa'i skye mched la gnas so zhes gsungs so/ /des cung zad med cung zad med min gyi skye mched kyis nye bar bsdogs pa'i ting nge 'dzin/ sbyor ba mthar thug pa'i yid la byed pa'i ting nge 'dzin las
 'das nas sbyor ba mthar thug pa'i 'bras bu rtsa ba'i ting nge 'dzin la snyoms par 'jug ste/ de bas mdo las de rnam pa thams cad du cung zad med kyi skye mched las yang dag par 'das te/ cung zad med cung zad med min skye mched la snyoms par zhugs
 nas gnas zhes gsungs/ /gzugs med pa'i khams na ni gzugs kyi mtshan ma med pas sems tsam la brten nas sgom ste/ de bas na mdo las sems tsam la bsam gtan pa zhes gsungs so/ /de dag kyang 'dod pa'i khams dang gzugs kyi khams
 bzhin du gnas kyi rim pa ni med kyi/ snyoms par 'jug pa'i bye brag dang/ tshe ring thung ngu skye ba'i bye brag tsam gyis dbye bar zad de de bas na mdo las gzugs med pa'i lho rnams kyi skye ba rnams pa bzhi po 'di ni zhes bya ba gsungs te/ gang gong du gzugs med pa'i lha
 rnams kyi skye ba rnam pa bzhi bshad pa de ni/ gzugs med pa'i srid pa zhes bya'o/ /de la nam mkha' mdza' yas su skyes ba'i lha rnams kyi tshe'i tshad ni bskal pa stong phrag nyi shu gnas nas dus byed do/ /rnam shes mdza' yas ni bskal pa stong phrag bzhi
 bcu'o/ cung zad med pa ni stong phrag drug cu'o/ /tha ma ni stong pha brgyad cu gnas so/ /gzugs med pa'i lha rnams kyang gnas gang du snyoms par 'jug pa'i gnas de nyid du shi 'phos nas de nyid du skye bar zad kyi gzhan du skye ba med do/ /brgal ba 'dod
 pa'i khams dang/ gzugs kyi khams na ni sems gzugs la brten na/ gzugs med pa'i khams na ming gi phung po bzhi rnams ci la brten/ smras pa mdung gsum rtse sbrang ba'i shing gcig la gcig brten bzhin du/ ming gi phung po bzhi nyid gcig
 la gcig brten pa 'am/ mig gi phung po bzhi rnams 'tsho ba'i dbang po dang ris mthun pa'i chos la brten to/ /gzugs med pa'i snyoms par 'jug pa thob tu byed pa'i ltas ni/ nam mkha' las lus ltung ba snyam yid la byed pa skye'o/ /brgal ba mdo
 gzhan dag las ni ma 'ongs ba na khams gsum gyi 'bras bu len bar byed pa'i las gang yin pa de la srid pa'i sgrar brjod na/ 'dir ni 'dod pa dang gzugs dang gzugs med pa'i khams nyid la srid bar brjod pas mdo gzhan dang 'gal lo/ /smras
 pa 'di ni nyes pa med de yang ni srid pa zhes bya ba/ las la bya mod kyi/ las de ni ma 'ongs pa'i srid pa bskyed pa'i rgyu yin la srid ba gsum ni las kyi 'bras bu yin te/ 'dir rgyu'i ming 'bras bu la btags nas rgyu de/ khams
 gsum du skyed bar byed pa'i phyir khams gsum la srid pa zhes brtags te nyes pa med do// //skye ba bsten pa'i phyir/ srid pa'i rkye gyis skye ba zhes bya ba la sogs pa smos te/ srid ba'i rgyu las skye ba 'byung ba zhes bya ba'i don to/ /gang
 sems can de dang de rnams zhes bya ba ni/ lha dang mi dang byol song la sogs pa'i sems can de dang de dag go/ sems can gyi ris de dang de dag tu zhes bya ba ni lha dang mi la sogs pa'i ris mthun pa'i gnas tshe phyi ma dang de dag tu zhes bya ba'i don to/ /de la
 mngal gyi gnas dang sgo de'i gnas su dang po nyid du rnam par shes pa mngon par byung ba ni skye ba zhes bya'o/ /der rnam par shes pa zhugs nas ma byung gi bar du yan lag dang nying lag rdzogs par gyur pa ni kun tu skye ba zhes bya'o/ /mngal du yan lag
 la sogs pa rdzogs nas mngal nas phyir 'byung ba ni 'pho ba zhes bya'o/ /gang drod gshor las skyes pa dang/ rdzus te skye ba rnams dus gcig tu rang gi lus rdzogs par gyur pa ni mngon par 'byung ba zhes bya'o/ /de ltar 'byung ba las de dag gi
 phung po lnga po nyid kha zas la sogs pas brtas shing 'phel bar byas pa ni phung po rnams 'byung ba zhes bya'o/ /kha zas la sogs pa ma gtogs pa'i mar gyi bsku zhing gnye ba dang bkru ba la sogs pa rkyen gzhan gyis grogs byas
 pa ni skye mched rnams rab tu rnyed pa zhes bya'o/ /de dag gi phung po nyid sngon gyi las dang nyon mongs pa'i rgyu de la brten pa ni khams rab tu rnyed pa zhes bya'o/ /de dag gi phung po de dag nyid tshe'i mdza' i bar du gnas pa nyid ni 'tsho ba'i dbang po 'byung ba
 zhes bya'o/ /lha dang mi la sogs pa'i ris su skyes pa'i ris mthun pa dang ma bral ba ni ris su skal pa mthun pa dang ldan pa zhes bya'o/ /des na mdo rnam pa bzhi bstan te/ /gang skye ba dang skyes nas gang gis bstan pa dang/ gang gis grogs byas
 pa dang/ skye ba'i rang bzhin gang yin pa'o/ /de la skye ba dang zhes bya ba nas mngon par 'byung ba zhes bya bas gang skye ba bstan to/ /phung po rnams 'byung ba zhes bya bas nye bar brten pa bstan to/ /skye mched rnams rab tu rnyed pa dang khams rnams
 rab tu rnyed pa zhes bya bas/ gang gis grogs byas pa bstan to/ /'tsho ba'i dbang po 'byung ba dang/ ris su skul pa mthun pa dang/ ldan pa zhes bya bas skye ba'i rang bzhin gang yin pa bstan to/ /yang na gang sems can de dang de rnams zhes bya ba ni 'chi ba'i char
 gtogs pa'i sems can la bsnyegs te/ shi bar gyur pa'i sems can de dang de rnams zhes bya ba'i don to/ /sems can gyi ris de dang de dag tu zhes bya ba ni char gtogs pa la bsnyegs te/ skye bar bya ba'i sems can gyi gnas de dang de dag tu/ zhes bya
 ba'i don to/ /gang gi las dge ba la sogs pa byas pa'i shugs dang ldan pas ma 'ongs pa la mtshams sbyor bar bya ba'i gnas su rnam par shes pa skyes shing brgyal ba ni skye ba zhes bya'o/ /kun tu skye ba zhes bya ba'i tshig lhag ma rnams na de nyid kyis bshad
 pa ste/ phyi mas snga ma bshad par blta ba'o/ /yang na mngal du skye ba rnams mngal gyi gnas su rnam par shes pa dang po zhugs pa ni skye ba'o/ /sgo ngar skyes pa'i rnams sgo nga'i gnas su rnam par shes pa dang po zhugs pa ni kun skye ba'o/ /drod gsher las skyes
 pa'i rnams drod gsher gyi gnas su rnam par shes pa dang po skye ba ni 'pho ba'o/ /brdzus te skyes pa'i rnams dus gcig tu phung po cig car 'byung ba ni mngon par 'byung ba'o/ /de la mngal du skye ba'i sems can ni mi dang byol song gi skye gnas bzhi ka nas kyang skye
 mod kyi/ phal cher mngal nas skye ste/ mngal nas skye ba ni byol song la yang glang po dang rta dang ba lang dang ma he dang phag pa la sogs pa ste/ de dag kyang pho mo gnyis kyi khrag dang khu ba 'dres pa las 'gyur ro/ /mi las sgo nga las skyes pa ni/ shel dang
 utpal dang/ pan tsa la'i rgyal po'i bu lnga brgya dang/ ri dags dgra'i 'am/ sa ga'i bu sum cu lta bu'o/ mi la drod gsher las skyes pa ni/ man d+ha ta lta bu'i spyi bo las skyes pa dang/ mdzes pa dang nye mdzes dang/ shing tog A mra las skyes pa'i bu mo amra
 skyong li tsa bI'i gtso bo rnams kyi chung ma lta bu'o/ /mi las brdzus te skye ba ni bskal pa dang por pa'i mi rnams lha'i gnas nas gling bzhir skye ba lta bu'o/ /byol song skye gnas bzhi ka nas skye ba yang ji ltar 'jig rten bzhag pa
 las gsungs pa sgo nga las skyes pa'i nam mkha' lding gis sgo nga las skye ba'i klu 'dren cing za ba dang/ de bzhin mngal nas skyes pas mngal nas skye ba 'dren cing za ba dang/ de bzhin drod gsher dang brdzu ba las skyes pas kyang skyes gnas pa so sor
 'dren cing za ba zhes gsungs pa lta bu'o/ /sgo nga las skyes pa ni bya las phal cher te/ ngang ngur dang khrung khrung dang rma bya dang ne tso la sogs pa lta bu'o/ /drod gsher las skye pa ni grog sbur dang phye ma leb dang/ sbrang bu dang sro shig las phal
 cher skye'o zer ro/ /brdzus te skye ba'i sems gang dbang po nyams pa med cing ma tshang ba med pa dang/ yan lag dang nyid lag thams cad dang ldan par cig car du skye ba ste/ de yang lha dang dmyal ba dang srid pa bar ma lta bu'o/ /yi dags dag ni mngal
 dang/ brdzus te skye ba gnyi ga yod de/ mngal nas skye ba ni dper na tshe dang ldan pa maung+gal gyi bu la yi dags smre ba mtshan mo bdag gis bu lnga bskyed/ nyin par de bzhin gzhan dag kyang/ bskyed de zos par 'gyur mod kyi/ /'on kyang mos par bdag
 ma gyur/ /ces smras pa lta bu'o/ /dris pa nam mkha' lding gi skye gnas mthun mthun gyi klu 'dren cing za ba ni rung gi /brdzus pa ni thams cad kyang 'tsho ba 'gags ma thag du phung po mi snang bar gyur nas/ ji ltar za/ smras pa de ni mi snang bar 'gro ba
 mi shes nas za ba'i phyir 'dren pa po yod do zhes kha cig gis bshad do/ /drangs nas srog dang ma bral gyi bar du zar yang rung ngo zhes slob dpon gzhan dag gis bshad do/ /phung po'i dbang du byas na skye gnas de dag tu phung po rnams 'byung ba zhes bya ste/
 mtshams sbyor ba'i skad cig ma dang po la yid kyi rnam par shes pa brgyal ba ni/ rnam par shes pa'i phung po'o/ /rnam par shes pa lnga dang ldan pa 'du shes nyon mongs pa dang bcas pa ni 'du shes kyi phung po'o/ /de'i dus na tshor ba myong ba ni tshor ba'i phung po'o/ /khrag dang khu
 ba 'dres pa'i mtshan nyid mer mer po ni gzugs kyi phung po ste/ de bas na phung po rnams 'byung ba zhes bya'o/ /skye mched kyi dbang du byas na /de'i tshe skye mched rnams rab tu rnyed pa zhes bya ste/ mtshams sbyor ba'i tshe nyid na/ khrag dang khu ba na lus
 kyi skye mched do/ /de na yid kyi rnam par shes pa yod pa ni/ yid kyi skye mched do/ /de'i dus kyi tshor ba la sogs pa ni chos kyi skye mched do/ /skye mched gsum po de nyid la skye mched rnams rab tu rnyed pa zhes bya ste/ mig la sogs pa'i skye mched ni/ de'i
 dus na med pas de dag la ni mi bya'o/ /khams kyi dbang du byas na/ de'i tshe khams rnams rab tu rnyed pa zhes bya ste/ gang de na khrag dang khu ba'i mtshan nyid ni lus kyi khams so/ /de'i tshe yid kyi rnam par shes pa ni yid kyi khams so/ /de na tshor ba la sogs
 pa yod pa ni chos kyi khams te/ de gsum la khams rnams rab tu rnyed pa zhes bya'i/ khams gzhan de'i dus na med pas na/ gzhan la ni mi bya'o/ /tshor ba'i dbang po 'byung ba dang zhes bya ba ni/ tshe 'di 'du byed dang po nyid du der thob pa'i phyir te/
 de ni lus kyi dbang po yang der smin par lta'o/ /ci'i phyir zhe na/ 'dod pa dang gzugs kyi khams ni/ gzugs med pa'i 'tsho ba'i dbang po mi gnas te/ 'tsho ba'i dbang po ni gzugs la brten nas 'jug pa'i phyir ro/ /gang gi mngal du 'phos pa'i
 sems can de dang de phan chad de dang de rigs gcig par gyur pas na/ rigs su skal ba mthun pa dang ldan pa zhes bya'o// //rga ba bstan par bya ba'i phyir skye ba'i rkyen gyis rga ba zhes bya ba la sogs pa smos te/ skye ba'i rgyu las rga ba 'byung ngo zhes bya ba'i
 don to/ /gang spyi red dang zhes bya ba la 'byung ba chen po rnams kyi drod dang mthu nyams par gyur pas skra byi ba 'am lus mthu chad pas yan lag 'dar bar gyur pa'o/ /skra dkar ni gang skra kha dog gzhan du gyur pa'o/ /gnyer
 ma mang bar gyur pa ni/ pags pa rnams rnyis shing zhum par gyur pa'o/ /'khogs pa ni gang 'dod pa la kun longs spyod pa la kun longs spyod pa nus pa med pa 'am/ mdangs dang gzi nyams pa'o/ /zhom pa ni gang las su bya ba'i rnams la mthu chung zhing
 bzhin gyis nang dang/ bcas pa'o/ /shing sgu bo ltar 'khyor ba ni gang 'gro ba'i spyod lam gyi dus na/ lus kyi dbyibs g.yas g.yon du 'gyur zhing 'khyor ba'o/ /lung la ngar ngar ba'i lus ni gang smra ba'i dus na bad kan/ la sogs pas 'gags pas/
 dbugs phyi nang du 'byung ba rnams dka' bzhin du 'byung ba'o/ /sgur ba ni gang tshigs pa la gnas pa'i 'byung ba chen po rnams nyams pas lus drang por srong mi nus shing mdun du sgu ba'o/ /khabs nag pos khams pa'i lus ni gdong dang yan
 lag tu kha dog nag po phal cher byung ba'o/ /mdun du dgu pa'i lus ni gang 'dug pa'i spyod lam gyi dus na yang lus mdun du dud cing drang por gnas par mi nus pa'o/ /khar bo la 'ju ba ni gnas pa'i spyod lam las ldang ba'i dus na/
 khar ba la ma brten par ldang mi nus pa'o/ /dbang po kun smin pa ni rang bzhin gyis nyam chung bas gzugs dang sgra la sogs pa mi gsal bar mthong zhing thos pa'o/ /nyams pa ni gang las su bya ba rnams la brtson 'grus med de/ yan
 lag zhigs pas rtag tu le lo dang bcas pa'o/ /'du byed rnams rnyings par gyur pa ni/ phung po lnga'i tha mar gyur te/ phung po nyid kyang tsha ba'i cha'i dus dang nye bar gyur pa'o/ /zhigs par gyur pa ni gang gzugs dang sgra la sogs pa'i
 yul rnams la/ sngon bzhin du blta ba dang mnyan par 'dod pa mi skye ba'o/ /rmongs pa ni dran pa'i blo nyams pas/ sngon byas pa dang smas pa rnams brjed cing mi ngan pa'o/ /zhan pa ni gnyid kyis log pa las/ /gnyid stag cing rgyun ring du gnyid la
 gnas pa'o/ /bri ba ni da ltar gnyid kyis log par las gang myur du ldang mi nus pa'i/ /kun dri? ba ni sngon gyi las kyis 'phangs pa'i tshe'i 'du byed kyang mjug bsdus pas 'chi ba'i dus la mngon du bltas pa'o/ /gong du bshad pa de dag bsdus na/ don rnam pa bcu
 gcig ston te/ /bcu gcig ni rten rnam par gyur pa dang/ skra rnam par gyur pa dang/ rtas rnam par gyur pa dang/ gzi dang stobs rnam par gyur pa dang/ nad med pa rnam par gyur pa dang/ kha dog rnam par gyur pa dang/ spyod lam rnam par gyur pa dang/ gzugs can
 na yin pa'i dbang po rnam par gyur pa dang/ gzugs can gyi dbang po rnam par gyur pa dang/ mthar thug pa dang/ tshe'i 'du byed zad pa'o/ /de la spyi cer zhes bya bas rten rnam par gyur pa bstan to/ /skra dkar zhes bya bas skra rnam par gyur pa bstan to/ /gnyer
 ma mar zhes bya bas brtas pa rnam par gyur pa bstan to/ 'khogs pa zhes bya bas gzi dang/ stobs rnam par gyur pa bstan to/ /zhom pa zhes bya bas nad med pa rnam par gyur pa bstan to/ khangs nag pos lus khebs zhes bya bas kha dog ming gyur pa
 bstan to/ /sgu pa rang shing sgu po ltar 'khyor pa dang lung pa dar ba'i lus dang/ mdun du sgu ba'i lus dang khar ba la 'ju ba rnams kyis spyod lam gzhan du gyur pa bstan to/ /mongs pa zhes bya bas gzugs can ma yin pa'i dbang po gzhan du gyur pa bstan
 to/ /dbang po kun smin pa dang nyams pa dang zhigs par gyur pa dang zhan pa dang bri ba rnams kyis gzugs can gyi dbang po gzhan du gyur pa bstan to/ /'du byed rnams rnyings par mthar thug pa bstan to/ /kun bri bas tshe zad pa bstan to// //
 'chi ba bstan pa'i phyir/ 'chi ba bstan pa gang zhe na zhes bya ba la sogs pa gsungs te/ gang sems can de dang de rnams zhes bya ba ni/ lha dang mi dang byol song dang sems can dmyal ba la sogs pa'i sems can de dang de dag go? /sems can gyi
 ris dang de las zhes pas ni lha dang mi la sogs pa'i ris mthun pa'i gnas de dang de dag las so/ /de la 'chi ba'i mtshan nyid ni nam dro dang tshe dang rnam par shes pas bor ba de ni shi ba zhes bya'o/ /de bas na mdo gzhan dag las kyang/ tshe dang dro dang rnam shes kyis/ gang
 tshe lus 'di bor ba na/ /dper na sems mang shing bzhin du/ /sa la 'gyel nas nyal par 'gyur/ /zhes gsungs pa lta bu'o/ /de la sems can gang dag gnad du sdug bsngal myong ba med par dus byas pa ni shi 'phos pa'o/ /gang sems can gnad du sdug bsngal myong
 ba dang bcas pas dus byas pa ni shi 'phos par gyur pa'o/ /rnam par shes pas lus btang ste/ lus dang rnam par shes pa bye bar gyur pa ni bral ba zhes bya'o/ /mig la sogs pa gzugs can gyi dbang po 'gags pa ni/ mi snang ba zhes bya'o/ /gang dus ma yin
 par shi ba rnams ni 'chi ba'o/ /bsod nams dang ldan pa rnams gnod pa 'am sdug bsngal dang ring du mi 'grogs par myur du 'chi ba'i dus byed pa'o/ /gang 'chi ba'i tshe dbugs rgyu zhing skyigs bu 'byin pa'i dus la ni tshe zad pa zhes bya'o/ /gang dus su shi ba rnams
 ni/ 'tsho ba'i dbang po 'gags pa dang phung po rnams 'dor ba dang/ skye mched kun 'jig pa zhes bya'o/ /yang na tshe'i 'du byed zad pa ni tshe'i dbang po 'gog pa'o/ /sngon gyi phung po dang bral ba ni phung po rnams 'dor ba'o/ /phung po snga ma'i mig la sogs pa'i
 skye mched kyis lta ba la sogs pa'i bya ba mi byed pa ni skye mched kun 'jig pa'o/ /rten cing 'brel te 'byung ba'i yan lag bcu gnyis rgyas par bshad pa'i rnams mjug bsdu bar bya ba'i phyir/ dge slong dag 'di ni zhes bya ba la sogs pa gsungs so//
 'o na ci'i phyir ma rig pa la sogs pa yan lag bcu gnyis rnams rim pa 'di ltar bkod/ smras pa dang po nyid du shes bya la rmongs pa 'byung ste/ de bas na ma rigs pa sngar bshad do/ /rmongs par gyur na de nyid la phyin ci log gi las mngon par 'du byed pas
 de'i 'og tu 'du byed do/ /phyin ci log gi las mngon par 'dus byas na de'i rgyus sems kyang phyin ci log tu 'gyur te/ de bas na de'i 'og tu rnam par shes pa'o/ /sems phyin ci log tu gyur na de las mtshams sbyor bar byed de de'i 'og tu ming dang gzugs so/ /ming dang
 gzugs las dbang po yongs su rdzogs par 'byung ste de bas na de'i 'og tu skye mched drug go /dbang po yongs su rdzogs na yul la dbang po kun longs spyod par byed/ de bas na de'i 'og tu reg pa'o/ /yul la longs spyod pas bde ba'i tshor ba la chags pa dang/ sdug
 bsngal gyi tshor ba 'dod bar 'dod pa 'byung ste/ de'i phyir de'i 'og tu tshor ba'o/ /chags pa las tshor ba bde ba dang rgyun tu 'grogs par smon pa skye ste/ de bas na de'i 'og tu sred pa'o/ /smon pa las de tshol ba las rtson pa 'byung ste/ de bas na de'i 'og tu len?
 pa ro/ /len pa'i dus na nyon mongs pa 'phel la/ nyon mongs pa 'phel ba la yang srid pa'i las byed de/ de bas na de'i 'og tu srid pa'o/ /las dang nyon mongs pa 'du byas na lam rgyud lngar 'byung bar 'gyur te/ de bas na de'i 'og tu skye ba'o/ /skyes na sdug bsngal
 rnam pa sna tshogs 'byung bas na de'i 'og tu rga shi ste/ de'i phyir na rim pa da ltar bkod do/ /rten cing 'brel te 'byung ba bstan pa'i 'og tu/ 'phags pa'i bden pa bzhi smos pas/ ji ltar smos pa bzhin bshad par 'dod nas dris pa/ de la 'phags pa'i bden pa
 bzhi gang zhen zhes bya ba la sogs pa'o/ /de la zhes bya ba ni dgar ba'i tshig ste/ dbang po nyi shu rtsa gnyis la sogs pa las kyang/ bden pa bzhis ji dgar te bstan te zhes bya ba'i don to/ /bcom ldan 'das kyis ci'i phyir 'phags pa'i bden pa bzhi gsungs
 she na/ 'di ltar ston par khas 'ches pa kun tu rgyu dang/ gcer bu pa dang/ mi'i thod pa can dang/ gzhung med pa la sogs pa/ rang rang kyi chos kyi khyad par sgrogs shing ston pa nas/ bdag gi chos ni yang dag pa bden pa phyin
 ci ma log pa yin gyi gzhan dag gi ni ma yin no zhes phyin ci log la mngon pa'i nga rgyal byed par gzigs nas/ bden pa la rmongs pa de dag la don dam pa bstan par bya ba'i phyir 'phags pa'i bden pa bzhi gang zhe na/ zhes bya ba la sogs pa
 gsungs so/ /yang na gsung rab 'dir zhugs nas khyim na gnas pa'i mtshan ma ni yongs su btang/ dge sbyong gi mtshan ma bzung/ dgon par gnas pas ni sbyong ngo zhes/ tshul khrims kyi yon tan ni yang dag par 'dzin/ yo byad bsnyungs pa la ni
 gnas/ ngo tsha dang khrel yod pas ni bsdams/ dbang po rnams yul la 'jug pa'i sgo ni bkag kyang thos pa'i shes rab dang mi ldan pas/ bdag ni dge sbyong ngo zhes nges pa skyes pa rnams kyi mngon pa'i nga rgyal spang zhing don dam pa'i dge sbyong
 bstan par bya ba'i phyir/ 'phags pa'i bden pa bzhi gang zhe na zhes bya ba la sogs pa gsungs te/ /gsung rab 'di las bden pa khong du chud pa nyid don dam pa'i dge sbyong yin par dgongs pa'o/ /yang na mi khom pa brgyad yongs su spangs pa dang/
 sngon gyi de bzhin gshegs pa rnams la bsnyen bkur byas pa'i dge ba'i rtsa ba'i me tog gi dris rgyud yongs su bsgos pas/ 'bras bu thob pa'i tshogs yang dag par bsags shing bsam pa dang sbyor ba rab tu dag pas 'phags pa'i bden pa khong du
 chud par 'gyur ba'i skal pa chen rnams kyi don du/ bcom ldan 'das kyis 'phags pa'i bden pa bzhi gang zhe na zhes bya ba'i mdo 'di gsungs so/ /yang na ngan song rnams kyi sdug bsngal mi bzad pa thos pas/ yid skrag par gyur pa rnams la/ der mi
 'gro bar rgyu bstan par bya ba'i phyir/ bden pa bzhi gsungs te/ ci'i phyir zhe na/ 'di ltar mnar med pa dang/ rab tu 'jom pa dang/ 'o dod 'bod pa dang/ 'o dod cher 'bod pa dang/ tsha ba dang/ rab tu tsha ba la sogs pa'i sems can dmyal bar skyes pa rnams/ dbang med
 par lcags kyi skam pas kha phye nas/ lcags kyi gong bu dang/ lcags kyi khu ba blud pa'i dus na sna dang spyi bo la sogs par me lce rab tu 'bar ba'i sdug bsngal myong ba dang/ gzhan yang yi dags su skyes ba rnams skom pa dang/ bkres pa'i sdug bsngal gyis/
 non pas rgyun mi 'chad par zos shing 'thungs kyang/ chog pa'i dus med na bzlog pa lta ci zhig smos te/ de dag sngon gyi las kyi rnam par smin pas mnar ba'i phyir/ chu 'dod pa'i don song ba las kyang chu rnams bskams par 'gyur ba 'am/ rnag dang
 chu ser la sogs pa mi gtsang ba rab tu dri mi zhim pa rnams kyis gang bar 'gyur ba dang/ me tog shing rnams kyang/ me tog med par 'gyur ba dang/ 'bras bu'i shing rnams kyang 'bras bu med par 'gyur ba la sogs pa sdug bsngal dpag tu med pa
 myong bar 'gyur ba dang/ gang dag byol song du skyes pa rnams bcing ba dang/ gsad pa dang gcig la gcig phan tshun za ba la sogs pa'i sdug bsngal 'byung bar dgos pas rtag tu yid mi bde bar gnas la/ ngan song gsum du mi 'gro ba'i rgyu bstan par
 bya ba'i phyir/ 'phags pa'i bden pa bzhi gsungs te/ bden pa bzhi yang dag pa ji lta ba bzhin du khong du chud na/ de dag thams cad ngan song gi sdug bsngal las thar bar 'gyur ro/ /de la 'phags pa'i bden pa'i dron gang zhe na/ 'phags pa zhes bya ba ni/ gang bdag
 la dbang du gyur pa la bya ste/ 'di ltar sangs rgyas dang/ 'phags pa nyan thos chen po la sogs pa ni sems la dbang thob pas 'phags pa zhes bya ba la/ so so'i skye bo rnams ni/ nyon mongs pa'i dbang du gyur pas/ 'phags pa ma yin pa zhes bya'o/ /bden pa
 ni phyin ci ma log pa 'am/ ma nor pa 'am/ yang dag pa'i don te/ 'phags par 'gyur ba'i bden pa ni 'phags pa'i bden pa'o/ /yang na 'phags pa rnams kyis bshad pa'i bden pa ni 'phags pa'i bden pa'o/ /'o na
 so so'i skye bo rnams kyis bshad pa/ 'phags pa'i bden par mi 'gyur ram zhe na/ lan du de dag thams cad kyang 'phags pa de bzhin gshegs pa la sogs pa'i byin gyi rlabs kyis 'chad pa dang/ 'phags par 'gyur ba'i rgyu ston
 pas na 'phags pa'i bden pa zhes bya'o/ /yang na 'di dag 'phags pa rnams la bden pas na/ 'phags pa'i bden pa zhes bya'o/ /brgal pa/ so so'i skye bo rnams la 'di dag brdzun pa yin nam zhe na/ smras pa 'di dag 'phags
 pa yang rung/ byis pa yang rung ste/ thams cad la sdug bsngal ba la sogs pa'i mtshan nyid du phyin ci ma log pas/ kun la yang 'phags pa'i bden pa zhes bya'o/ /de ste kun la yang bden na/ ci'i phyir/ 'phags pa rnams kyi bden
 pa zhes brjod ce na/ smras pa 'phags pa rnams kyis sdug bsngal la sogs pa yin par yang dag pa ji lta ba bzhin du gzigs kyi/ so so'i skye bo rnams kyis ni/ yang dag par ji lta ba bzhin du mi mthong bas/ 'phags pa rnams la bden pa
 zhes bya'o/ /de bas na mdo dag las bshad pa/ 'phags pa bde bar gang gsungs pa/ sdug cing bsngal bar gzhan gyis rig /gzhan gyis bde bar gang smras pa/ sdug cing bsngal bar 'phags pas rigs/ ces gsungs pa lta bu'o/ /yang
 spu li nyag ma ji ltar lag pa'i mthil 'dug mi tshong mi/ de nyid mig tu song bar gyur na mi dga' gnod pa skye/ lag pa'i mthil 'dra byis pas 'du byed sdug bsngal nyag mi tshor/ mig dang mtshungs pa'i mkhas pa de nyid kyis na yid
 'byung zab ces gsungs te/ de ltar na nye bar len pa'i phung po lnga la sogs pa sdug bsngal ba yin par 'phags pa rnams kyis gzigs kyi/ so so'i skye bo rnams kyis ni de ltar mi mthong ngo/ /'o na ci'i phyir 'phags pa'i bden pa bzhi kho nar nges she
 na/ lta ba phyin ci log bzhi yod pa'i phyir/ de'i gnyen por bden pa yang bzhi kho nar bshad de/ /lta ba phyin ci log bzhi ni/ 'jig tshogs su lta bu dang/ chad par lta ba dang/ ther zug du lta ba dang/ bya ba med par lta ba'o/ /de la phung po lnga rnams la
 bdag tu lta ba ste/ 'jig tshogs su lta ba'i gnyen por sdug bsngal gyi bden pa zhes bshad de/ 'dir phung po zhig nas/ tshe rabs gzhan du skye bar mi 'gyur ro zhes chad par lta ba'i gnyen por/ kun 'byung gi bden pa bshad de/ ji srid du las dang
 nyon mongs pa yod kyi bar du/ phung po'i rgyun mi 'chad par ston pa'o/ /phung po lnga rtag par ther zug du gnas so zhes lta ba'i gnyen por 'gog pa'i bden pa bshad do/ /las dang nyon mongs pa spangs nas phung po skye ba rgyun yang chad pas/ ther
 zug ma yin no zhes bya bar bstan to/ /dge ba gzhan gyis byas kyang/ 'bras bu gzhan gyis myong bar 'gyur ro zhes ma byas par/ lta ba'i gnyen por lam gyi bden pa bshad de/ gang gis lam bsgoms pa de nyid rnam par thar par 'gyur gyi/
 gzhan gyis lam bsgom la/ gzhan thar par ni mi 'gyur te/ gal te de ltar 'gyur na ni/ lhas byin gyis las byas pa rnams kyi 'bras bu mchod sbyin gyis myang ba'i skyon du 'gyur ro/ /yang na phyin ci log tu khong du chud pa rnam pa bzhi'i gnyen
 por/ bden pa bzhi kho nar bshad de/ phyin ci log rnam pa bzhi ni 'bras bu phyin ci log tu khong du chud pa dang/ rgyu phyin ci log tu khong du chud pa dang/ thar pa phyin ci log tu khong du chud ba dang/ de'i thabs phyin ci log tu khong du chud pa'o/ /de la 'bras bu phyin
 ci log tu khong du chud pa zhes bya ba ni/ sred pa dang nga rgyal dang/ las kyi 'bras bur gyur pa'i phung po dang/ khams dang skye mched rnams mi gtsang ba'i snod ltar/ mi gtsang ba rnam pa sna tshogs kyi rang bzhin can/ sdug bsngal gyi
 sdug bsngal dang/ 'gyur pa'i sdug bsngal dang/ 'du byed kyi sdug bsngal gyis mes rtag tu bsregs pa/ mi rtags pa'i rdo? rjes? rgyun du bcom pa/ bdag dang bdag gi dang byed pa po dang/ tshor ba po la sogs pa la/ bral ba la/ gcang ba dang
 bde ba dang rtag pa dang bdag tu 'dzin pa ste/ de bzlog par bya ba'i phyir/ sdug bsngal 'phags pa'i bden pa gsungs so/ /rgyu phyin ci log tu khong du chud pa zhes bya ba ni/ phyi dang nang gi dngos po 'di dag thams cad tshangs pa dang/ dbang phyug dang/
 skyes bu dang/ rang bzhin dang/ dus dang rgyu med pa la sogs pa las skye'o zhes mi mthun pa'i rgyu dang rgyu med par smra ba bzlog par bya ba'i phyir/ kun 'byung gi bden pa gsungs so/ /thar pa phyin ci log tu khong du chud pa zhes bya ba ni/
 gtogs 'dod kyi lugs dang bdag dang/ rdul dang mun pa dang/ sems can gsum cha mnyam na gtso bo zhes bya ba mthong bar gyur pa 'am/ dbang phyug chen po mnyes par byas na/ thar pa dang mtho ris 'thob po zhes smra ba ste/ de
 bzlog par bya ba'i phyir 'gog pa'i bden pa gsungs so/ /de'i thabs phyin ci log tu khong du chud pa zhes bya ba ni gang dag me tog dang 'bras bu dang/ rtsa ba dang sdong bu la sogs pa kha zas rtsub mo za zhing/ rtswa dang 'dab ma dang/ shing
 leb dang tsher ma dang thal ba la sogs par nyal bar gnas bcas pas thar par 'gyur ro zhes smra ba dang/ me lnga'i dga' thub dang/ zas bcad pa dang/ brag kha nas mchod pa la sogs pas thar par 'gyur ro zhes smra ba ste/ de bzlog par
 bya ba'i phyir/ lam gyi bden pa bshad do/ /yang na kun nas nyon mongs pa dang/ rnam par byang ba'i 'bras bu dang/ rgyu phyin ci ma log par bstan pa'i phyir 'phags pa'i bden pa bzhi kho nar bshad de/ kun nas nyon mongs pa'i 'bras bu phyin ci ma log par bston pa
 ni sdug bsngal gyi bden pa ste/ de ni ji snyed du kun nas nyon mongs pa'i chos thams cad kyi 'bras bu ni sdug bsngal yin pa'i phyir ro/ /kun nas nyon mongs pa'i chos rnams kyi rgyu phyin ci ma log par bstan pa'i phyir/ kun 'byung gi bden pa bshad de/ las dang nyon mongs
 pa ni kun nas nyon mongs pa'i chos rnams kyi rgyu yin pa'i phyir ro/ /rnam par byang ba'i chos rnams kyi 'bras bu phyin ci ma log par bstan par bya ba'i phyir/ 'gog pa'i bden pa bshad de/ mya ngan 'das pa ni byang chub kyi phyogs kyi chos rnams kyi 'bras bu yin pa'i 
 phyir ro/ /rnam par byang ba'i chos rnams kyi rgyu phyin ci ma log par bstan par bya ba'i phyir/ lam gyi bden pa bshad de/ 'phags pa'i lam yan lag brgyad ni mya ngan las 'das pa'i rgyu yin pa'i phyir ro/ /yang na mngon pa'i chos las 'khor ba la nyes pa dang
 bcas par mthong ba dang/ mya ngan las 'das pa la rjes su bsngags pa dang bcas par mthong ba rnams/ 'khor ba las yang dag par 'byung bar bya ba'i phyir brtson 'grus brtsom mo zhes bshad de/ de la 'khor ba la nyes pa dang bcas pa mthong ba 'grub par byed
 pa ni/ sdug bsngal gyi bden pa mthong ba ste/ khams gsum pa rnams sdug bsngal rnam pa brgyad dang ldan par mthong na 'khor ba'i chos rnams la nyes pa dang bcas par blta'o/ /'khor ba'i nyes pa rnams skyed par byed pa'i rgyu ni/ srid pa'i mtshan
 nyid kun 'byung ste/ srid pa'i dbang gis 'khor ba'i sdug bsngal rnams skye ba'i phyir ro/ /mya ngan las 'das pa'i rjes su bsngags pa dang bcas par mthong ba 'grub par byed pa ni/ 'gog pa'i bden pa mthong ba ste/ 'gog pa la zhi ba dang/ gya nom pa la sogs
 par mthong nas mya ngan las 'das pa la yon tan du lta'o/ /mya ngan las 'das pa de thob par byed pa'i rgyu ni lam gyi bden pa ste/ lam bsgom pa'i mthus mya ngan las 'das pa mngon du 'gyur pas so/ /yang na 'jig rten dang/ 'jig
 rten las 'das pa'i 'bras bu dang/ rgyu rnam par bzhig pa'i phyir bden pa bzhi nyid du bshad do/ /de la 'jig rten pa'i chos kyi 'bras bu ni/ sdug bsngal gyi bden pa'o/ /de'i rgyu ni kun 'byung gi bden pa'o/ /'jig rten las 'das pa'i chos kyi 'bras bu ni/
 'gog pa'i bden pa'o/ /de'i rgyu ni lam gyi bden pa'o/ /yang na mngon par chud pa'i dbang du byas na yang/ mdo las bden pa bzhi kho nar bshad de/ ji lta zhe na/ phung po rnams la mi rtags pa la sogs par yang dag par reg pas reg par byed pa ni/ sred
 pa ma skyes pa rnams ni mi bskyed la/ skyed pa rnams ni spong ngo zhes gsungs pa la phung po ni sdug bsngal gyi bden pa'o/ /sred pa ni kun 'byung gi bden pa'o/ /ma skyes pa ni mi bskyed pa dang/ skyes pa spong ba ni 'gog pa'i bden pa'o/ /mi rtag pa la sogs par
 yang dag par rig par byed pa ni lam gyi bden pa'o/ /yang na kun nas sbyor bar byed pa'i chos rnams la/ nyes pa dang bcas par rjes su lta ba rnams sred pa ma lus par 'gog go zhes gsungs te/ de la nyon mongs pa'i tshogs kun nas sbyor ba'i
 chos rnams ni sdug bsngal gyi bden pa'o/ /sred pa ni kun 'byung gi bden pa'o/ /sred pa ma lus par 'gags pa ni/ 'gog pa'i bden pa'o/ /nyes pa dang bcas par rjes su lta ba ni lam gyi bden pa'o/ /yang na shes par bya ba dang/ spang bar bya ba dang
 mngon du bya ba dang/ bsgom par bya ba'i chos rnams bstan par bya ba'i phyir/ bden pa bzhi nyid du bshad do/ /de la sdug bsngal gyi bden pa ni shes par bya ba'o/ /kun 'byung gi bden pa ni spang bar bya ba'o/ /'gog pa'i bden pa ni mngon du bya ba'o/ /lam gyi
 bden pa ni bsgom par bya ba'o/ /yang na nye bar len pa'i phung po'i rang bzhin mngon par shes pa dang/ kun tu shes pa na chags pa gtong par byed de zhes gsungs te/ de la nye bar len pa'i phung po ni sdug bsngal gyi bden pa'o/ /chags pa ni kun 'byung gi bden pa'o
 chags pa gtong pa ni 'gog pa'i bden pa'o/ /mngon par shes pa mthong ba ni lam gyis phung po mi rtag pa la sogs pa shes pa'o/ /kun tu shes pa ni bsgom pa'i lam gyis mi rtag pa la sogs par shes pa ste/ de ni lam gyi bden pa'o/ /'o na ci'i phyir/
 'phags pa'i bden pa 'di rnams dang por sdug bsngal 'phags pa'i bden pa bshad la/ de'i 'og tu kun 'byung gi bden pa/ de nas 'gog pa'i bden pa/ /de nas lam ste/ rim pa 'di ltar ci'i phyir bkod ce na/ lan du sgom ba dang rags pa'i rim pas rim par
 bkod de/ phung po lnga ni sdug bsngal rnam pa sna tshogs kyi gnas su gyur par/ kun la yang mngon sum ste/ gsal bas na dang por sdug bsngal gyi bden pa bshad do/ /de ltar sdug bsngal bar mthong na/ de nas de'i rgyu gang zhes rtogs pas na/ de'i 'og tu kun
 'byung gi bden pa'o/ /de ltar na sdug bsngal gyi phung po de gang du 'gag par 'gyur zhes rtog pa la mya ngan las 'das na/ sdug bsngal 'gag par 'gyur ro zhes bstan pa'i phyir/ de'i 'og tu 'gog pa'i bden pa'o/ /'gog pa de ji ltar thob par
 'gyur zhes rtog pa bsal ba'i phyir/ /de'i 'og tu lam gyi bden pa bshad do/ /yang na 'khor ba thog ma med pa nas/ skye ba dang rga ba la sogs pa don med pa'i tshogs ni sdug bsngal gyi bden pa'o/ /don med pa'i tshogs kyi rtsa ba ni kun 'byung gi bden
 pa'o/ /don med pa'i tshogs bcom pa ni/ 'gog pa'i bden pa'o/ /don med pa'i tshogs kyi rtsa ba 'joms pa ni/ lam gyi bden pa'o/ /yang na phur lnga bu ni sdug bsngal gyi bden pa'o/ /khur len pa ni kun 'byung gi bden pa'o/ /khur por ba ni 'gog pa'i
 bden pa'o/ /khur len pa bor ba ni lam gyi bden pa'o/ /yang na kun tu sbyor bar byed pa'i chos phung po rnams ni sdug bsngal gyi bden pa'o/ /'dod chags la sogs pa kun tu sbyor bar byed pa ni/ kun 'byung gi bden
 pa'o/ /kun tu sbyor ba zad par byed pa ni 'gog pa'i bden pa'o/ /phung po la nyes dmigs su mthong ba ni lam gyi bden pa'o/ /yang na 'gro ba lnga rnams ni sdug bsngal gyi bden pa'o/ /las dang nyon mongs pa ni kun 'byung gi
 bden pa'o/ /'gro ba med pa ni 'gog pa'i bden pa'o/ /'gro ba'i rgyu las dang nyon mongs pa 'joms pa ni lam gyi bden pa'o/ /yang na 'brog dgon par zhugs pa bzhin du 'khor ba'i 'brog dgon pa na ngan song gsum la sogs pa'i
 'jig pa ni sdug bsngal gyi bden pa'o/ /'jigs pa sna tshogs kyi rgyu bdag gi lus la chags pa ni kun 'byung gi bden pa'o/ /'jigs pa med pa'i grong khyer mya ngan las 'das pa ni 'gog pa'i bden pa'o/ /mya ngan las 'das
 pa'i grong khyer du phyin par byed pa'i rgyu ni lam gyi bden pa'o/ /yang na 'bras bu'i chos thams cad ni/ sdug bsngal gyi bden pa'o/ /rgyu'i chos thams cad ni kun 'byung gi bden pa'o/ /'bras bu'i chos bcom pa ni 'gog pa'i bden pa'o//
 rgyu'i chos 'joms par byed pa ni lam gyi bden pa'o/ /yod na myu gu lta bu ni sdug bsngal gyi bden pa'o/ /sa bon lta bu ni kun 'byung gi bden pa'o/ /myu gu'i chos dang bral ba'i gnas ni 'gogs pa'i bden pa'o/ /sa bon gyi chos 'jig
 par byed pa ni lam gyi bden pa'o/ /sang na nad lta bu ni sdug bsngal gyi bden pa'o/ /bad kan dang mkhris pa la sogs pa nad kyi rgyu lta bu ni kun 'byung gi bden pa'o/ /nad med pa lta bu ni 'gog pa'i bden pa'o/ /sman lta bu ni lam gyi  
 bden pa'o/ /yang na me bzhin du sdug bsngal gyi gdung ba sna tshogs dang ldan pa ni sdug bsngal gyi bden pa'o/ /me skyed pa'i rgyu shing lta bu ni kun 'byung gi bden pa'o/ /me zhi bar gyur pa lta bu ni 'gog pa'i bden pa'o/ /me zhi bar byed pa'i rgyu chu lta bu
 ni lam gyi bden pa'o/ /yang na sdug bsngal gyi bden pa ni 'dis dgra bzhin du sdug bsngal rnam pa sna tshogs skyed par byed pas dgra lta bu ni sdug bsngal gyi bden pa'o/ /sngon gyi kho na lta bur gyur pa ni kun 'byung gi bden pa'o/ /khams gsum gyi
 gnod pa kun bral bas/ /dgra'i gnod pa dang bral ba lta bu ni 'gog pa'i bden pa'o/ /kho na sbyangs pa lta bu ni lam gyi bden pa'o/ /yang na nyes pa kun gyi gzhir gyur pas ras lta bu ni sdug bsngal gyi bden pa'o/ dri ma lta bu ni kun 'byung gi bden pa'o
 dri ma dag par gyur pa lta bu na 'gog pa'i bden pa'o/ /dri ma dag par byed pa'i rgyu chu dang khrus rtsi lta bu ni lam gyi bden pa'o/ /yang na bu lon chags pa'i sdug bsngal dang ldan pa lta bu ni sdug bsngal gyi bden pa'o/ /dbul ba lta bu ni kun 'byung gi
 bden pa'o/ /bu lon sbyangs pa lta bu ni 'gog pa'i bden pa'o/ /gter rnyed pa lta bu ni lam gyi bden pa'o/ /yang na tsha ba'i gdung bas phongs pa lta bu ni sdug bsngal gyi bden pa'o/ /tsha ba'i gdung ba skyed par byed pa'i rgyu me lta bu ni kun 'byung gi bden pa'o
 gdung ba dang bral ba lta bu ni 'gog pa'i bden pa'o/ /gdung ba sel bar byed pa'i sman tsan dan dang ga bur la sogs par lta bu ni lam gyi bden pa'o/ /yang na dug zos pa'i skyes bu dug g.yos pa'i sdug bsngal myong ba lta bu ni sdug bsngal
 gyi bden pa'o/ /dug lta bu ni kun 'byung gi bden pa'o/ /dug bcom pa lta bu ni 'gog pa'i bden pa'o/ /dug sman lta bu ni lam gyi bden pa'o/ /yang na sdug bsngal rnam pa gnyis te/ mi mdza' ba dang phrad pa dang/ mdza' ba dang bral ba'o/ /des kyang gnas
 gnyis la gnod par byed de/ lus kyi gnas dang sems kyi gnas so/ /kun 'byung gi bden pa yang rnam pa gsum ste/ sred pa dang lta ba dang las so/ /de la sred pa dang lta bas ni khams gsum du skye ba'i rgyu byed do/ /las dge ba
 dang mi dge bas ni der bde ba dang sdug bsngal bar 'gyur ba'i rgyu byed do/ /'gog pa yang rnam pa gsum ste/ lta ba la gnas pa rnams kyi bdag tu lta ba la sogs pa'i rgyu las byung ba ni nyon mongs pa spangs pa'i 'gog pa dang/ 'dod pa la
 gnas pa rnams kyi 'dod pa'i khams kyi 'dod pa'i yon tan lnga la chags pa spangs pa'i mtshan nyid kyi 'gog pa dang/ srid pa'i 'dod chags la gnas pa rnams kyi gzugs dang gzugs med pa'i khams kyi nyon mongs pa spangs pa'i
 mtshan nyid kyi 'gog pa'o/ /lam rnam pa bzhi ste/ sbyor ba'i lam dang mthong ba'i lam dang/ bsgom pa'i lam dang/ byas pa rig pa'i lam mo/ /de la sbyor ba'i lam ni/ so so'i skye bo'i dus na tshul khrims la gnas pa dang/ yo byad bsnyungs
 pa dang/ kha zas la tshod rig pa dang/ nyan pa dang/ bsam pa la sogs pa la brtson pa'i cho gas sbyor ba dang/ drod dang rtse mo dang/ bzod pa dang/ 'jig rten gyi chos kyi mchog ste/ nges par 'byed pa'i chos bzhi po 'di dag ni/
 sbyor ba'i lam mo/ /rgyun tu zhugs pa'i 'bras bu thob pa'i dus na 'phags pa'i bden pa bzhi phyin ci ma log par mthong ba ni mthong ba'i lam mo/ /lan cig phyir 'ong ba dang/ phyir mi 'ong ba'i 'bras bu'i dus na bden pa mthong ba de nyid la goms
 par byed pa ni/ bsgom pa'i lam mo/ /dgra bcom pa 'bras bu'i dus na ngas bya ba ni byas khur ni bor skye ba zad/ srid pa ni 'di las gzhan mi shes so zhes khong du chud pa ni byas pa rig pa'i lam mo/ /yang na 'phags pa'i bden par mi pa 'di ltar
 bkod pa yang rnal 'byor pa rnams kyis 'phags pa'i bden pa ji ltar rtogs pa'i rim pas bcom ldan 'das kyis kyang rim pa 'di ltar bshad de/ /bden pa gang la dang por rtogs pa de nyid thog mar bshad do/ /de la rnal 'byor pas dang por las dang
 nyon mongs pa'i 'bras bur gyur pa sdug bsngal rnam pa sna tshogs kyi gzhi sdug bsngal gyi bden pa la rtog ste/ rtog pa'i tshul yang sdug bsngal gang la chags pa dang/ gang gis sdug bsngal ba dang/ sdug bsngal gang las thar bar smon pa skye ste/
 gang sdug bsngal zhe na/ phung po lnga sdug bsngal lo/ /gang mgis sdug bsngal zhe na/ phung po lnga nyid kyis gnod cing sdug bsngal ba'o/ /gang las thar par 'dod ce na/ sdug bsngal nyid las thar par 'dod de/ de'i phyir dang po sdug bsngal gyi bden
 pa bshad do/ /sdug bsngal de gang las byung zhes brtags na/ las dang nyon mongs pa'i rgyu las byung bar mthong ste/ de bas na de'i 'og tu kun 'byung gi bden pa bshad do/ /de ltar sdug bsngal de gang du 'gags par 'gyur zhes brtags na/ nam
 mya ngan las 'das pa'i gnas thob pa'i tshe 'gags par mthong ste/ de bas na de'i 'og tu 'gog pa'i bden pa bshad do/ /de bas na 'gog pa de rgyu gang gis 'thob ces brtags na/ 'phags pa'i lam yan lag brgyad bsgrubs pas 'thob
 par mthong ste/ de bas de'i 'og du lam gyi bden pa gsungs so/ /de yang dper na sman pas nad pa'i nad sbyong ba la zhugs pa na/ nad dang nad kyi gleng gzhi dang nad med pa dang sman gang yin tshol ba dang 'dra'o/ /sman pa dang por nad sbyong bar zhugs
 pa na/ nad nyid gang yin pa la rtog go /de'i 'og tu kha zas la sogs pa nad kyi rgyu gang las byung ba'i nad kyi gzhi la rtog go /de nas nad gsor rung mi rung zhes nad med pa la rtog go /de'i 'og tu nad de'i sman gang yin zhes sman la rtog go /de bzhin du mdo 
 sde 'di las kyang bden pa rnams kyi rim pa de dang sbyar nas bshad de/ ji lta zhe na dper na yan lag bzhi dang ldan pa'i sman pa ni zug rngu thams cad 'byin pa'i rgyal po la 'os pa/ rgyal po'i rkyen du gyur pa/ sman pa'i
 rgyal po zhes bya ba'i grangs su 'gro ba ste/ yan lag bzhi gang zhe na/ gnod pa la mkhas pa yin/ gnod pa'i rgyu la mkhas pa yin/ gnod pa spong ba la mkhas pa yin/ gnod pa spangs pa yang phyis mi skye ba la mkhas pa yin no/ /de ltar de bzhin du
 yan lag bzhi dang ldan pa'i de bzhin gshegs pa dgra bcom pa yang dag par rdzogs pa'i sangs rgyas kyang sman pa bla na med pa/ zug rngu thams cad 'byin pa zhes bya ste/ yan lag bzhi po gang zhe na/ 'di la dge slong dag de bzhin gshegs
 pa dgra bcom pa yang dag par rdzogs pa'i sangs rgyas te/ 'di ni sdug bsngal gyi bden pa'o/ /zhes yang dag pa ji lta ba bzhin du rab tu mkhyen to/ 'di ni sdug bsngal kun 'byung gi bden pa'o/ /'di ni sdug bsngal 'gog pa'i bden
 pa'o/ /'di ni sdug bsngal 'gog par 'gro ba'i lam gyi bden pa zhes yang dag pa ji lta ba bzhin du rab tu mkhyen to zhes gsungs pa lta bu'o/ /de ltar bden pa bzhi mdo tsam du bstan pa nyid rgyas par bshad par bya ba'i phyir/ sdug bsngal
 'phags pa'i bden pa gang zhe na zhes bya ba la sogs pa gsungs so/ /de la smras pa ci'i phyir mdo tsam du bstan nas rgyas par bshad ce na/ slob ma rnam pa gnyis te/ mdo tsam du bstan pa la dga' ba dang/ rgyas par bshad pa la dga' ba'o
 de la 'phags pa shA ri'i sras po lta bu mdo tsam du bstan pa la dga' ba rnams kyi ched du 'phags pa'i bden pa bzhi gang zhe na zhes bya ba nas/ sdug bsngal 'gog par 'gro ba'i lam gyi 'phags pa'i bden pa'o zhes bya ba'i bar du
 mdor bsdus nas/ bka' stsal to/ /gang 'phags pa dga' ba can la sogs pa lta bu rgyas par bshad pa la dga' ba rnams kyi don du sdug bsngal 'phags pa'i bden pa gang zhe na zhes bya ba la sogs pa spros te gsungs so/ /yang na 'dul
 ba rnam pa gnyis te/ rgyu'i stobs can dang rkyen gyi stobs can no de la rgyu'i stobs can ni 'phags pa 'od srungs lta bu ste/ tshe rabs snga ma la dge ba'i rtsa ba phal cher bsags pa rgyud yongs su smin par gyur pas te/ de dag la ming tsam smos
 pas kyang don rgya cher khong du chud par 'gyur pas na/ de'i rgyu'i stobs can rnams kyi ched du mdo tsam bstan to/ /rkyen gyi stobs can ni dge ba'i bshes gnyen gyis bstan dgos pa ste/ de dag la rgya cher bshad pa med na khong du chud par mi nus pa'i phyir
 spros te bshad do/ /yang na dbang po rnam pa gnyis te/ dbang po rnam po dang rtul pa 'o/ /de la dbang po rnon po rnams kyi/ don du mdo tsam du bstan to/ dbang po rtul po rnams kyi don du spros te bshad do/ /yang nyan thos rnams pa gnyis te/ thos pa mang po dang thos
 pa nyung ngu'o/ thos pa mang po rnams la ni mdo tsam du bstan to/ /thos pa nyung ngu rnams la ni spros te bshad do/ /rten dang 'brel te 'byung ba la sogs pa'i don bsdus te bstan pa dang/ spros te bshad pa'i skabs su yang lan 'dis blan no/ /sdug bsngal
 'phags pa'i bden pa zhes bya ba la/ sdug bsngal bar 'phags pa rnams kyi thugs su chud pas sdug bsngal 'phags pa'i bden pa 'am/ sdug bsngal 'khor bar khong du chud na 'phags par 'gyur bas sdug bsngal 'phags pa'i bden pa ste/ bden
 pa ni sdug bsngal bar mi? nor/ sdug bsngal bar yang dag pa'i phyir sdug bsngal 'phags pa'i bden pa'o/ /de yang sdug bsngal skye ba la sogs pas sdug bsngal brgyad las/ skye ba ci'i phyir dang por bshad ce na/ ji ltar tshul khrims ni 'jig rten dang
 'jig rten las 'das pa'i yon tan thams cad kyi dang po skye ba'i gzhi byed pa bzhin du/ skye ba yang rga ba dang na ba la sogs pa sdug bsngal lhag ma rnams kyi dang po skye ba'i gzhi byed pas ma thog mar bshad do/ yang na sdug
 bsngal rnam pa gnyis te/ rtsa ba'i sdug bsngal dang yal ga la sogs pa lta bur gyur pa'i sdug bsngal lo/ /de la rtsa ba'i sdug bsngal ni/ skye ba ste rga ba la sogs pa sdug bsngal lhag ma rnams kyi rtsa bar gyur pa'i phyir ro/ /yal ga la sogs pa lta bur
 gyur pa'i sdug bsngal ni/ rga ba'i sdug bsngal la sogs pa lhag ma rnams te/ de dag ni skye ba'i rgyu las byung ba'i phyir ro/ /de la skye ba gang zhe na/ gang gong du rten cing 'brel te 'byung ba'i skabs su yang sems can de dang de rnams/ /sems can gyi ris de dang de
 dag du skye ba dang/ kun skye ba dang zhes bya ba la sogs pa gsungs pa ni skye ba yin no/ /yang na las dge ba dang mi dge ba la sogs pa'i khyad par sad pa la sogs pa'i nyon mongs pa'i bag chags dang/ 'grogs pa nying mtshams sbyor ba'i rgyur gyur pa'i shugs kyis
 sems can gyi ris de dang de dag du phung po dang khams dang skye mched rab tu rnyed pa ni skye ba zhes bya'o/ /yang na skye ba rnams pa lnga ste/ 'phags pa'i chos khong du cung ba las skyes pa dang/ mngal gyi gnas su skyes pa dang/ rigs phun sum tshogs par skyes pa dang/ ris mthun
 pa'i mtshan nyid du skyes pa dang/ rab tu byung ba'i mtshan nyid du skyes pa'o/ /de la 'phags pa'i chos khong du chud pa las skyes pa ni/ de bzhin gshegs pa'i gsungs rab kyi don rtogs pa las/ sangs rgyas kyi sras su skyes pa ste/ mdo ngag las thugs las skyes pa/ zhal
 nas skyes pa 'phags pa'i chos 'dul ba las skyes pa'o zhes gsungs pa lta bu'o/ /mngal gyi gnas su skyes pa ni yid kyi rnam par shes pa dang po nyid du mngal du zhugs nas/ mngal nas phyir ma byung gi bar/ mer mer po las nur nur po byung ba dang/ nur nur po
 las ltar ltar po gyur pa la sogs pa'o/ /rigs phun sum tshogs par skyes pa ni/ nor bu rin po che'i rigs an+d+ri nI lar gyur pa dang/ an+d+ri nI la chen por gyur zhes bya ba lta bu'o/ /sems can gyi ris mthun par skyes pa ni/ gang gi lus kyi yan lag 'dra bar gyur
 pa ste/ ba lang yang ba lang du ris mthun/ rta yang rtar rigs mthun par gyur pa lta bu'o/ /rab tu byung bar skyes pa ni/ ma'i mngal nas byung nas phung po dang/ khams dang skye mched la sogs par so sor rdzogs par gyur pa ste/ skye ba lnga las 'dir mngal gyi gnas su skyes
 pa dang/ rab tu byung bar byed pa gnyis su blta'o/ /ci'i phyir na skye ba sdug bsngal ba zhes bya zhe na/ smras pa khams gsum gyi skye ba thams cad la/ sdug bsngal rnam pa gsum gyis rtag tu bsregs pas na/ skye ba sdug bsngal pa zhes bya'o/ /ji lta zhe na bsod nams ma
 yin pa'i rgyu las byung ba ngan song gsum la sogs pa'i ris su skyes pa rnams la ni/ bsregs pa dang bcad pa la sogs pa sdug bsngal gyi yang sdug bsngal gyis mes rtag tu sreg par byed do/ /bsod nams dang bsod nams su nye bar 'gro ba'i 'du byed
 kyi rgyu las byung ba 'dod pa'i khams kyi mi dang lha la sogs par ris mthun par skyes pa rnams la ni/ 'gyur ba'i sdug bsngal gyis mes rtag tu sreg par byed do/ /bsod nams dang bsod nams ma yin par nye bar 'gro ba'i 'du byed las gzhan pa
 bsam gtan gyi mtshan nyid mi g.yo ba'i 'du byed kyi rgyu las byung ba dang gzugs dang gzugs med pa'i lha rnams kyi ris su skyes pa rnams la ni/ 'du byed kyi sdug bsngal gyis mes rtag tu sreg par byed do/ /de dag kyang mi rtag pa'i chos dang ldan pa'i phyir ro//
 yang na shing skyes pa dang nags mes tshig cing tshal chus khyer pa la sogs pa byung bar 'gyur gyi/ /shing ma skyes na ma yin pa bzhin du/ skye ba yod par gyur na/ bcad pa dang gshegs pa dang bcing ba dang bsad pa dang/ bkres pa dang skom pa la sogs
 pa'i sdug bsngal 'byung bar 'gyur gyi/ skye ba med na de dag mi 'byung ste/ de'i phyir yang skye ba sdug bsngal ba zhes bya'o/ /yang na skye ba zhes bya ba ni sdug bsngal mang po'i 'byung khungs/ mya ngan sna tshogs kyi 'byung gnas/ don med pa rnams
 kyi rtsa ba/ dga' ba'i rgyu 'ching ba'i gleng gzhi/ nad sna tshogs kyi skye mched/ nyes pa du ma'i gter chen po/ nyams par dang brlag par 'gyur pa'i gzhi/ lus dang sems la sha thang zhing me bde ba skyed par byed pa'i zhing/ nyon mongs pa sna tshogs kyi rgyu
 mthun par gyur pa/ 'phags pa rnams kyis smad pa/ byis pa rnams kyis rjes su bsngags pa/ srid pa la mngon par dga' ba rnams mngon par dag par byed pa'i gnas/ de bzhin gshegs pa rnams kyi thugs brtse bar bya ba'i yul yin pas na/ de'i phyir
 yang skye ba sdug bsngal ba'o/ /yang na mngal gyi gnas nas brtsams te/ 'chi ba'i rgya mtsho la thug gi bar du sdug bsngal rnam pa sna tshogs dang/ rgyun tu 'grogs pa'i phyir yang skye ba sdug bsngal zhes bya'o/ /de yang ji ltar zhe na/ dang po pha dang ma mi
 tshangs par kun tu spyod pa'i rgyu la/ khrag dang khu ba'i mi gtsang ba 'dres pa'i nang du rnam par shes pa zhugs nas brgyal ba'i tshe/ g.yang sa chen po nas lhung ste/ mun nag gi nang du zhugs pa bzhin du sdug bsngal ba dang/ pha ma'i khrag dang khu ba las mer
 mer po dang/ nur nur po dang/ ltar ltar po la sogs pa rim gyis 'gyur zhing smin pa na yang/ 'bras ba smin pa bzhin du/ sdug bsngal dang ldan pa dang/ skabs las yan lag dang nyid lag so sor dong pa'i tshe yang phan tshun nas rkang lag brgyangs pa
 bzhin du sdug bsngal skyes pa/ mngal gyi gnas na zhu ba dang/ ma zhu ba'i bar na gnas pa'i tshe na yang ri gnyis kyi bar bar bcug pa bzhin du sdug bsngal ba dang/ nam ma kha zas drod bag za ba dang/ grang ba la sogs pa za ba dang/ rgyug pa dang/ mchod
 ba dang rkang lag brkyang ba dang bskum pa la sogs pa'i g.yo ba byed pa'i dus na yang sdug bsngal rnam pa sna tshogs myong ste/ ma kha zas tsha ba zos na ni/ mes bskor ba dang 'dra bar sdug bsngal/ gang ba za ba'i dus na ni gangs kyi ltongs su bor ba dang 'dra bar sdug
 bsngal/ mchod pa'i dus na ni skyes bu stobs po ches bteg nas sa la drag tu bsdabs pa dang 'dra bar sdug bsngal ba dang/ nam ma'i mngal nas phyir byung ba'i tshe na yang 'khrul 'khor gyi bar nas drangs pa bzhin du/ shin tu bcir nas phyir 'byin pas rab
 tu sdug bsngal che zhing phyir 'byung ba na yang/ shin tu gzhon pa'i lus khrag dang/ snabs la sogs pa'i nang du 'jam por btsa' btsa' ba/ lag pa dang chu la sogs pas reg pa'i che/ rma'i gseg tu tshwe chu blugs pa dang 'dra bar mi bzang ba skye
 pa'i phyir/ skye ba sdug bsngal ba'o/ /rga ba'i sdug bsngal dang zhes bya ba la/ rga ba gang zhe na/ gang gong du spyi cer dang/ skra dkar zhes bya ba la sogs pa gsungs pa de ni rga ba'o/ /yang na rga ba zhes bya ba ni/ lang tsho med par gyur pa dang/ gzhon nu'i
 mthu rtsal nyams pa dang 'byung ba chen po rnams bri ba dang/ 'du byed rnams brnyings par gyur pa dang/ yan lag dang nying lag zhigs pa dang/ kha dog dang/ dbyibs mi mdzes par byas pa dang/ dbang po rnams nyam chung ba dang/ dran pa dang blo bri ba dang
 'chi ba la mngon du lta ba ni rga ba'o/ /yang na rga ba zhes pa'i chos kyis non na/ dngos po thams cad gzhan du 'gyur bar byed de/ des kha gdong la non na ni/ gnyer ma mang ba dang/ khabs nag pos khebs par byed do/ /des skra la non na ni skra dkar dang/
 spyi cir gyur bar byed do/ /'byung ba chen po rnams la nan na ni/ /yan lag rnams lci ba dang zhigs par byed do/ /skye mched rnams la non na ni/ dbang po rnams nyam chung bar byed do/ /mi gsal bar mthong ba dang thos par 'gyur ro/ /lus la non na ni
 lus 'dar ba dang ldem por byed do/ /sems la non na ni dran pa dang blo gros med par byed de/ sngon smas pa dang? byas pa rnams kyang brjod par 'gyur ro/ /rgyab kyi tshigs su zhugs na ni des lus sgur bar 'gyur ro/ /rkang lag gi tshigs zhugs
 na ni shing khyor po bzhin du ldem ldem por byed do/ /lang tsho'i lus gzhon nu dang bral bas 'du byed rnams rnying bar yang ston par byed do/ de ni rga ba'o/ yang na rga ba rnam pa gnyis te/ rten nyams pa'i mtshan nyid dang/ brten pa nyams pa'i mtshan nyid do/ /de la
 rten nyams pa'i mtshan nyid ni 'byung ba chen po bzhi las gyur pa'i sha dang khrag dang tshil dang/ rus pa dang rkang la sogs pa bri bas de'i rgyu las rgyug pa dang/ mchod pa dang brkyang ba dang/ bskum pa dang/ 'ong ba dang/ 'gro ba la sogs pa'i
 bya ba mi nus shing/ lus kyi brtson 'grus dang/ stobs med par gyur pa'o/ /brten pa nyams pa ni mig la sogs pa'i dbang po nyams pas/ mi gsal bar mthong ba dang thos pa dang/ snom pa dang/ myong bar 'gyur la/ de'i rgyu las dran pa dang blo gros
 bri ba'i phyir/ sngon smras pa dang byas pa rnams kyang brjed cing sems kyi brtson 'grus dang mthu med par byed pa'o/ /ci'i phyir rga ba sdug bsngal ba zhes bya/ smras pa rga ba 'dis zin par gyur na/ lus kyi yan lag la mi mdzes pa skyed par byed cing
 mdzes pa dang stobs dang/ brtson 'grus dang/ dpa' ba dang/ brtan pa dang/ blo dang shes rab nyams par byas nas/ 'chi ba'i gnas su khrid bar byed do/ /dper na gshed po rnams kyis gsang par bya ba'i skyes bu kha sna tshogs pa bcang cing dral nas/ gzugs
 la mi mdzes pa skyed de/ gsang? pa'i gnas su khrid par byed pa bzhin pas na/ rga ba sdug bsngal ba zhes bya'o/ /yang na sngon lang tsho'i dus kyi tshe/ nye du gnyen bshes la sogs pa'i yid dga' bar byed pa 'gro ba bzang mo'i sems dang yid kyi rjes su
 mthun par byed cing/ de dag gi yid 'phrog pa 'gro ba mang po'i yid du 'ong ba kha dog dang dbyibs mdzes pa shin tu gzhon nu'i gzugs/ padmo ltar gyur pa de rga ba'i ser ba dang/ sad kyis phog na zhum pa dang/ 'khums pa dang/ zhigs pa dang/ mi mdzes par gyur pas
 nye du gnyen bshes rnams kyang mi dga' bar gyur cing/ 'gro ba bzang mo rnams kyis kyang gtong bar byed pas na/ de'i phyir yang rga ba sdug bsngal ba'o/ /yang na rga ba 'di ni kha dog dang dbyibs mdzes pa med par byed pa/ ngar la bab pa dang/ nad me
 pa 'joms par byed pa/ stobs dang brtson 'grus dang mthu 'phrog pa/ dran pa dang blo gros dang thos pa dang/ ye shes rnams nyams par byed pa'i rgyu dbang po rnams nyam chung ba skyed par byed pa yin pa'i phyir yang rga ba sdug bsngal ba zhes bya'o/ /nad
 kyi sdug bsngal dang zhes bya ba la/ na ba gang zhe na/ sa la sogs pa'i khams mi mthun bzhin shas che chung ngu gyur pa na/ na ba zhes bya ba ste/ nam sa la sogs pa'i khams mnyam na/ nad med pa'o/ /yang na na ba rnam pa gnyis te/ lus kyi nad dang sems kyi
 nad do/ /de la lus kyi nang? kyang rnam pa gnyis te/ nang gi rkyen las byung ba rang phyi'i rkyen las byung ba'o/ /de la nang gi rkyen las byung ba ni/ lus kyi sa la sogs pa'i 'byung ba chen po rnams 'khrugs pas gang gnod par gyur pa'o/ /phyi'i rkyen las
 byung ba ni dbyig pa dang/ rdo ba la sogs pas phog nas gang gnod par byed pa'o/ /lus kyi nad de yang ming dang rgyu rkyen las tha dad pa'i sgo nas rnam pa du mar bzhag ste/ de la ming ni shu ba dang rkom po dang mdze? dang/ 'brum bu dang/ 'bras dang/ rims dang
 skyigs bu la sogs pa nad kyi ming rnam pa du mar btags pa'o/ /rgyun bad kan las byung ba dang/ mkhris pa las byung ba dang/ rlung las byung ba'o zhes bya ba la sogs pa'o/ /rten ni glang pa na ba dang/ rkang pa na ba dang/ mig na ba dang/ mgrin pa na ba zhes
 bya ba la sogs pa ste/ 'di ni lus kyi nad do/ /de la rgyas par dbyen nad kyi rnam grangs bzhi brgya rtsa bzhi'o zhes 'byung ba'o/ /yid kyi nad kyi rnam par rtogs pa rnam pa sna tshogs las skyes pa'i sems la gnod pa ste/
 de yang nang gi dngos po la dmigs pa las byung ba/ phyi'i dngos po la dmigs pa las byung ba ste/ rnam pa gnyis so/ /de la nang gi dngos po la dmigs pa las byung ba ni/ gang bdag gi lus nyid la dmigs pa las/ sems mi bde ba dang/ nyon
 mongs pa skyes par gyur pa'o/ /phyi'i dngos po la dmigs pa las byung ba ni/ nye du bshes gnyen dang/ 'dod pa'i yon tan la rtog rtog pa las sems mi bde ba dang/ nyon mongs pa skyes par gyur pa'o/ /de yang ming dang rgyu dang rten gyi sgo nas rnam par
 du mang bzhag ste/ ming ni 'dod chags dang zhe sdang dang gti mug dang khong khro ba dang phrag dog dang/ khon du 'dzin pa zhes bya ba la sogs pa'o/ /rgyu ni mdzes pa'i rgyu las byung ba dang/ khong khro ba'i rgyu las byung ba dang de gnyi ga ma yin pa'i rgyu
 las byung ba'o/ /rten ni gzugs la chags pa dang/ sgra la chags pa dang khri la chags pa dang/ ro la chags pa zhes bya ba la sogs pa ste/ 'di ni lus kyi nad la bya bar dgongs pa yin no/ /ci'i phyir na sdug bsngal zhes bya/ 'di ltar
 nad 'dis zin na/ bdag gi lus la rnam pa du mar mi bde bskyed par byed pa dang/ tshe'i dbang po'i bar chad du 'gyur ba dang/ gnad du gnod pas nyen bar byed pas na/ me dang dug dang mtshon lta bu yin pa'i phyir na sdug bsngal zhes bya'o/ /
 yang na nags me tshig pa'i nang du chud pa'i mi dang dbang po la sogs pa mi lce'i sdug bsngal rnam pa sna tshogs kyis phog pa na/ mi bzod pas/ phan tshun du 'khyam zhing skad cher phyung nas du bzhin du na ba zhes bya ba sdug bsngal gyi
 sdug bsngal gyis phog pa na/ skye ba rnams kyis mi bzod cing skad cher 'byin pa dang/ du bar byed pa'i phyir na yang sdug bsngal ba'o/ /'chi bar sdug bsngal zhes bya ba la/ /'chi ba gang zhe na/ gang gong du sems can de dang de rnams/ /sems can gyi ris de dang der?
 las shi 'phos pa dang/ shi 'phos par gyur ba'o zhes gang gsungs pa na 'chi ba'o/ /yang na tshe'i dbang po dang dod? dang rnam par shes pas lus btang ste/ tshe'i dbang po rgyun chad pa ni/ 'chi ba zhes bya'o/ /yang nas la sogs pa'i 'byung ba chen po
 'khrugs pas mig la sogs pa'i dbang po nyams par 'gyur ba'o/ /dbang po nyams na de la brten pa'i sems dang sems las byung ba rnams mi 'byung ngo/ /sems dang sems las byung ba ma byung na shi ba zhes bya'o/ /yang na 'chi ba rnam pa
 gnyis te/ tshe zad nas shi ba dang/ las zad nas shi ba'o/ /de la tshe zad nas shi ba ni/ tshe rabs gzhan na tshe'i 'du byed ji srid gnas par 'gyur ba'i las byas pa'i shugs zad nas shi ba'o/ /las zad nas shi ba ni sbyin pa la sogs
 pa bsod nams kyi las ma byas pas/ tshe 'dir bza' ba dang btung ba la sogs pa'i yo byad mi ldan pas shi bar gyur pa'o/ /yang na 'chi ba rnam pa gsum ste/ skad cig ma re re la 'chi ba dang/ rgyu zad nas 'chi ba dang/ nye bar bcom nas shi
 ba'o/ /de la skad cig ma re re la 'chi ba ni/ dang po mngal du zhugs pa nas brtsams te/ ris mthun pa'i tshe'i 'du byed rgyun ma chad kyi bar du/ skad cig ma snga ma 'gags nas phyi ma skye ba'i mtshan nyid do/ /rgyu zad nas shi ba ni tshe'i 'du byed zad pas ris mthun
 pa'i phung po rnams kyi rgyun chad par gyur pa'o/ /nye bar bcom nas shi ba ni/ dug dang me dang mtshon la sogs pa'i rkyen dang phrad nas shi bar gyur pa'o/ /ci'i phyir 'chi ba sdug bsngal ba zhes bya ba 'di ltar la la zhig 'bru dang gter rin po che
 dang/ yo byad dang nyen bshes pa la sogs pa phun sum tshogs pa dang ldan pa las/ rgyal po la sogs pa dbang yod pa rnams kyis phrogs nas ci yang med par byas pa bzhin du/ 'chi ba'i dus kyi tshe/ nye du gnyen
 bshes bral bar dka' ba rnams kyi mdza' bskor nas mig mchi mas gang zhing dud mos skad 'gags par gyur pa dang/ nor dang gter la sogs pa'i yo byad thams cad por nas gcig bu mi dga' ba ma mos bzhin du dbang med par 'gro dgos?
 pa'i phyir yang 'chi ba sdug bsngal pa'o/ /yang na bsod nams ma yin pa byas pa rnams mig la sogs pa'i dbang po lnga 'gags pa'i sdug bsngal mi bzad pa myong la/ gshin rje'i srin po dang/ yi dags la sogs pas mdza' 
 bskor te/ tshe'i dbang po ma chad par yang/ bcing ba dang/ bsdigs pa la sogs pa'i sdug bsngal skyed par byed cing/ 'tsho ba'i dbang po chad nas kyang dbang med par sems can dmyal ba'i gnas su khrid par byed pa'i phyir yang 'chi ba sdug bsngal ba'o//
 yang na 'chi ba zhes bya ba 'di ri rab bzhin du rlung gis kyang mi skyod pa/ me bzhin du thams cad zad par byed pa/ zhe sdang can gyi skyes bu bzhin du rtag tu 'gro ba rnams la gnod pas gdung bar byed pa/ rgya 'tsho'i rlabs bzhin du dus las mi 'da' 
 ba/ rdo rje bzhin du/ phung po'i ri bo 'joms par byed pa/ rlung lta bur spungs pa rnams snyil bar byed pa/ ser ba bzhin du tshe'i 'du byed 'jig par byed dang/ sdig can bzhin du snying rje med pa/ glang po che bzhin du rgyal bar dka' ba/ dpa' bo bzhin du gzhan
 'joms pa dus bzhin du gdon mi za bar 'byung ba ste/ de'i phyir 'chi ba sdug bsngal ba'o/ /mdo gzhan dag las skye ba'i rkyen gyis 'chi ba dang/ bag med pa'i 'chi ba dang/ tshul khrims ngan pa'i 'chi ba zhes gsungs pa de dag la khyad par ci yod
 ce na/ smras ba shes rab kyi dbang po 'chal bas na/ bag med pas 'chi ba'o/ /tshul khrims rnam par dag pa dang bral ba'i phyir tshul khrims ngan pas shi ba'o/ /tshe'i dbang po rgyun chad pas na/ skye ba'i rkyen gyis shi ba'o/ /yang na dam pa'i chos nyan pa dang/ bsams pa dang
 bsgoms pa mi byed pa'i phyir/ bag med pas shi ba'o/ /dge slong gi dngos po dang bral ba'i phyir tshul khrims ngan pas shi ba'o/ /ris mthun ba dang skal ba gcig pa dang bral ba'i phyir/ skye ba'i rkyen gyis shi ba'o/ /mdza' ba dang bral ba'i sdug bsngal dang zhes bya
 ba la/ gang sems can gyi grangs sam sems can ma yin pa'i grangs su gtogs pa'i yul 'ong ba rnams dang bral bar gyur ba ni mdza' ba dang bral ba zhes bya'o/ yang na bdag nyid kyi lang tsho dang/ nad med pa dang tshe ring ba dang/ rigs dang/ gzugs bzang ba dang
 phyug pa dang longs spyod dang bral bar gyur pa dang/ nye du gnyen bshes rnams dang khyer bar gyur pa ni mdza' ba dang khral bar gyur pa zhes bya'o/ /yang na tshul khrims can rnams dge ba'i las yongs su nyams par gyur pa ni mdza' ba dang bral ba'o/ yang na tshor ba rnam pa gsum las bde
 ba'i tshor ba dang khral bar gyur ba ni mdza' ba dang bral ba'o/ /yang na lha dang mi la sogs pa'i bde 'gro'i gnas las nyams nas/ ngan song du ltung bar gyur ba ni mdza' ba dang bral ba'o/ /ci'i phyir/ mdza' ba dang bral ba sdug bsngal ba zhes bya zhe na/ 'di ltar mdza' ba dang
 bral ba'i rgyus srog chags rnams nags mes bsregs pa bzhin du rtags tu mya ngan chen po'i mes/ yid sreg par byed cing skad med 'byin cing du bas na/ mdza' ba dang bral sdug bsngal ba'o/ /yang na mtho ris la sogs pa bde ba'i gnas nas 'phos te/ dmyal ba la
 sogs pa ngan song gi gnas su skyes pas na/ sdug bsngal sna tshogs myong bar 'gyur ba'i phyir mdza' ba dang bral ba'i sdug bsngal ba'o/ /yang na mdza' ba dang bral bar dogs pa 'am/ thos pa 'am/ mthong ba 'am/ rjes su dran na yang mya ngan dang/ smre sngags 'don pa dang sdug
 bsngal ba dang/ yid mi bde ba dang/ 'khrug pa la sogs pa 'byung ba'i phyir yang mdza' ba dang bral ba'i sdug bsngal ba'o/ /yang na pha dang phu nu la sogs pa nye du dang bral ba'i rgyu las byung ba'i gdon gyis non pa bzhin du tshig rnam pa sna tshogs bla
 ba dang brgyal ba bzhin du dran pa med par gyur pa dang/ bdog pa thams cad phrogs pa bzhin du/ sems rnam pa thams cad du 'khrugs par gyur zhing bya ba dang mi dran pas lus sa la bla bas tsam du zad pa'i phyir yang mdza' ba dang bral ba'i sdug bsngal ba'o/ /mi mdza' 
 ba dang phrad pa'i sdug bsngal dang zhes bya ba la mi dge ba'i las kyis rgyu mthun pa'i 'bras bu /sems can dmyal ba la sogs pa dang phrad par gyur pa ni mi mdza' ba dang phrad pa'o/ /sems can thams cad bde ba 'dod la sdug bsngal dang bral bar mos pa las sdug
 bsngal gyi tshor ba skyed par byed pa'i yo byad nye bar gyur pa'i rgyus tshor ba sdug bsngal ba myong ba ni mdza' ba dang phrad pa'o/ /yang na 'gro ba mi bgrungs pa dang 'grogs par gyur pa ni mi mdza' ba dang phrad pa'o/ /yang na tshul khrims dang ldan ba rnams la/ ngan pa'i
 ngang tshul byung bar gyur pa ni mi mdza' ba dang phrad pa ste/ kha na ma tho ba phra mo la yang 'jigs par lta ba rnams nyes pa des sems gsung bar byed pa'i phyir ro/ /ci'i phyir mi mdza' ba dang phrad ba sdug bsngal zhes bya'o/ /'di khyim tshes ma bgrungs pa bzhin du/
 rtag tu gnod pa skyed pa dang/ 'gro ba mi bsrun pa bzhin du zhe sdang skye ba'i gnas su gyur pa dang/ sems la mi dga' ba'i rnam par rtog pa skyed pa'i rgyu byed pa'i phyir mi mdza' ba dang phrad pa sdug bsngal ba'o/ /yang na mi mdza' ba dang phrad pa'i rgyu las nags
 mes tshig pa bzhin du/ zhe sdang gi mes sems tshig par byed cing de dang bral bar smon pa mang du skye ste/ gang smon pa mang du skyed pa de nyid sdug bsngal ba yin bas/ de bas na mi mdza' ba dang phrad pa sdug bsngal pa'o/ gang 'dod pa btsal nas ma rnyed pa
 de yang sdug bsngal ba'o zhes bya ba la/ gang 'dod pa ni sdug bsngal pa dang bral zhing slar mi phrad pa dang/ bde ba dang phrad cing slar mi 'bral bar 'dod pa de de ltar ma gyur pa nyid gang 'dod pa btsal nas ma rnyed pa'o/ /yang na skye ba dang/ rga ba dang/ na ba dang/ 'chi ba la sogs
 pa dang mi phrad par 'dod de/ 'dod pa de dang mi ldan par gyur pa ni gang 'dod pa btsal nas ma rnyed pa zhes bya'o/ /yang na mi mdza' ba dang mi phrad pa dang/ mdza' ba dang mi bral bar 'dod de de ltar ma grub pa ni gang 'dod btsal nas ma rnyed pa zhes bya'o/ /yang na dge ba byed pa
 rnams 'phel bar ni 'dod la/ mi dge ba 'grib par 'dod pa las dge ba 'grib pa dang/ mi dge ba 'phel bar gyur pa ni/ gang 'dod pa btsal nas ma rnyed pa zhes bya'o/ /yang na ngan song gsum du mi skye ba dang/ mtho ris su skye bar 'dod pa las/ ngan song gsum du ltung
 bar gyur la/ mtho ris su ma skyes par gyur pa ni/ gang dod pa btsal nas ma rnyed pa zhes bya'o/ /ci'i phyir gang 'dod pa de btsal nas ma rnyed pa de sdug bsngal zhes bya zhe na/ e ma'o 'di ltar 'dod pa'i dngos po de sngon yang rnyed par ma gyur to/ /da ltar yang
 ma rnyed do/ /phyis kyang rnyed par mi 'gyur ro zhes dus gsum du yang gnod pa skyed pa'i phyir /gang 'dod pa btsal nas ma rnyed pa de sdug bsngal ba yin no/ /yang na yid la bsams pa 'joms par byed pa dang/ yid 'byung ba'i rten du gyur pa dang/ de'i rgyus sems rtag tu
 gdung bar byed pas na yang gang 'dod pa btsal nas ma rnyed pa de sdug bsngal ba'o/ /mdor na len pa'i phung po lnga rnams ni sdug bsngal pa ste zhes bya ba len pa'i phung po lnga ni/ gzugs len pa'i phung po nas/ rnam par shes pa len pa'i phung po len pa'i bar du'o/
 mdor na zhes bya ba'i don phung po lnga por sdug bsngal thams cad/ /bsdus bar ston pa ste/ sdug bsngal thams cad ni dang po'i sdug bsngal dang/ dbus kyi sdug bsngal dang/ mdza' i sdug bsngal lo/ /de la dang po'i sdug bsngal ni skye ba'o/ /khar gyi sdug bsngal ni rga ba dang
 na ba dang/ mdza' ba dang bral ba dang mi mdza' ba dang phrad ba dang/ gang 'dod pa btsal nas ma rnyed pa rnams so/ /tha ma'i sdug bsngal ni 'chi ba ste/ sdug bsngal de gsum phung po lngar 'dus bas na/ mdor na len pa'i phung po lnga rnams ni sdug bsngal
 ba zhes bya'o/ /yang na rab tu gnas pa dang/ rjes su 'brel ba'i sdug bsngal rnams su phung po lnga 'dus pas na/ mdor na len pa'i phung po lnga po rnams ni sdug bsngal ba zhes bya ste/ rab tu gnas pa'i sdug bsngal ni rga ba dang/ na ba dang/ 'chi ba dang/ mdza' ba dang bral
 ba dang/ mi mdza' ba dang phrad pa dang/ gang 'dod pa btsal nas ma rnyed pa'o/ /rjes su 'brel ba'i sdug bsngal ba'i sdug bsngal ni skye ba ste/ tshe rabs gcig nas cig tu srid pa'i yan lag/ mtshams sbyor ba rnams dang 'brel ba'i phyir ro/ /yang na sdug
 bsngal gyi khyad par ni tshad med pa bskal ba'i mdza' brjod kyang zad par ma nus te/ de bas na mtshan nyid tha dad pa'i sdug bsngal mdza' med pa rnams spyi'i mtshan nyid du bsdu bar bya ba'i don du mdor na len pa'i phung lnga rnams ni sdug bsngal ba
 zhes bya ba gsungs so/ /yang ma me lta bur gyur pa ni skye ba la sogs pa'i sdug bsngal rnams so/ /skye ba la sogs pa'i sdug bsngal skyed par byed pa'i rgyu zhing lta bur gyur ba ni len pa'i phung po'i lnga yin te/ sdug bsngal thams cad kyi rgyu byed pa'i phyir
 na yang mdor na len pa'i phung po lnga rnams ni sdug bsngal zhes gsungs so/ /yang na skye ba la sogs pa ni sa bon gyi dngos po lta bu la len pa'i phung po lnga ni zhing lta bu yin par gyur pas de'i phyir yang mdor na len pa'i phung po lnga zhes bya ba la
 sogs pa gsungs so/ /ji lta zhe na phung po 'byung ba'i sdug bsngal ni skye ba'o/ /phung po yongs su smin pa'i sdug bsngal ni rga ba'o/ /phung po la gnod pa'i sdug bsngal ni na ba'o/ /phung po zhig pa'i sdug bsngal ni shi ba'o/ /yid du mi 'ong ba'i
 phung po dang phrad pa'i sdug bsngal ni mi mdza' ba dang phrad pa'o/ /yid du 'ong ba'i phung po dang bye ba'i sdug bsngal ni mdza' ba dang bral ba'o/ /'dod pa'i phung po dang ma phrad pa'i sdug bsngal ni gang 'dod pa btsal nas ma rnyed pa'o/ /ci'i phyir na len pa'i phung po lnga sdug
 bsngal ba zhes bya/ /smras pa ji srid du las dang nyon mongs pas skyed pa'i phung po lnga yod kyi bar du/ skye ba dang/ rga ba dang na ba dang 'chi ba dang/ 'dza' ba dang bral ba dang/ mi mdza' ba dang phrad pa dang/ gang 'dod pa btsal nas ma rnyed pa dang/ mya ngan dang/ smre sngags
 'don pa dang/ yid mi bde ba dang/ 'khrugs pa la sogs pa 'byung ba'i phyir/ len pa'i phung po lnga rnams sdug bsngal ba zhes bya'o/ /brgal ba bcom ldan 'das kyis/ tshor ba rnam pa gsum du bshad de/ bde ba'i tshor ba dang/ sdug bsngal gyi tshor ba
 dang/ bde ba yang ma yin sdug bsngal ba yang ma yin pa'i tshor ba gsungs te/ bde ba'i tshor ba dang/ bde ba yang ma yin sdug bsngal ba yang ma yin pa'i tshor ba'i phung po rnams sdug bsngal ba'i rang bzhin ma yin na/ ci'i phyir 'dir mdor na len pa'i
 phung po lnga rnams sdug bsngal zhes gsungs/ lan du sdug bsngal rnam pa gsum gyis 'dus byas thams cad la khyab pas na/ len pa'i phung po thams cad sdug bsngal bar bshad do/ /tshor ba sdug bsngal dang ldan pa'i phung po rnams la ni sdug
 bsngal gyi sdug bsngal gyis khyab pa'o/ /tshor ba bde ba dang ldan pa'i phung po rnams la ni/ 'gyur ba'i sdug bsngal gyis khyab bo/ /tshor ba bde ba yang ma yin mi bde ba yang ma yin pa'i phung po rnams la ni rgyu rkyen gyis bskyed cing/ mi rtag pa'i mtshan nyid
 'du byed sdug bsngal gyis khyab pa'i phyir ro/ /yang na dper na sran ma sha'i phung po'i nang na mud dag cung zad kyang yod kyang/ sran ma sha zhes bya ba bzhin du phung po 'di dag la bde ba cung zad yod kyang/ sdug bsngal mang po'i phyir phung po thams cad
 sdug bsngal ba zhes bya'o/ /gzhan yang mkhas pa su zhig 'bras byung ba'i sdug bsngal chen po yungs mar gyi bsku ba dang phrugs pa tsam gyis bde bas 'bras bde zhes pa rtsi ste/ de dang 'dra bar phung po lnga sdug bsngal gyis
 phung po la? bde ba cung zad kyang yod pas mkhas pa su zhigs? pa de bar lta/ mdo gzhan dag las sdug bsngal rnam pa gsum du bshad la/ 'dir sdug bsngal rnam pa brgyad du gsungs na/ ci gsum gyis brgyad bsdu par blta 'pha? brgyad
 kyis gsum bsdu bar blta/ smras pa gsum gyis brgyad bsdu bar blta ste/ gang skye ba sdug bsngal ba dang/ rga ba sdug bsngal ba dang/ na ba sdug bsngal ba dang/ rga ba sdug bsngal ba dang/ na ba sdug bsngal ba dang/ 'chi ba sdug bsngal ba dang/ mi mdza' ba dang phrad ba sdug bsngal ba rnams
 ni sdug bsngal gyi sdug bsngal bar bsdul/ gang mdzad ba dang bral ba dang/ 'dod po btsal te ma rnyed pa gnyis ni 'gyur ba'i sdug bsngal du bsdu'o/ /mdod? na nye bar len pa'i phung po lnga ni sdug bsngal ba'o zhes bya bas/ 'du byed kyi sdug
 bsngal bstan to// //kun 'byung gi bden pa bstan par bya ba'i phyir/ sdug bsngal kun 'byung 'phags po'i bden pa gang zhe na zhes bya ba la sogs pa gsungs so/ /ci'i phyir na sdug bsngal gyi bden pa'i rjes la kun 'byung gi
 bden pa bshad ce na/ 'khor ba'i 'bras bu'i chos khong du ma chud pa rnams la sdug bsngal gyi bden pa bstan nas/ rgyu khong du ma chud pa rnams la rgyu bstan par bya ba'i phyir/ sdug bsngal gyi 'og tu kun 'byung gi bden pa bshad do/ /yang
 na 'jig rten pa 'di dag ni sred pa'i bcing bar ma pos ngam du bcings pa dang/ 'khor ba'i 'don bar las thar par ma gyur po ste/ 'khor ba'i btson ra'i rgyu bstan pa'i phyir/ sdug bsngal gyi 'og tu kun 'byung gi bden pa gsungs so/ /srid ba'i
 phung po gang las sdug bsngal gyi phung po kun 'byung zhing skye bar 'gyur ba'i rgyu 'dod chags kyi mtshan nyid sred pa la sdug bsngal kun 'byung ba zhes bya ste/ sdug bsngal gyi rgyu zhes bya ba'i don to/ /sred pa de sdug bsngal gyi rgyu yin bar 'phags pa rnams
 kyi thugs su chud pa'am/ sred ba sdug bsngal gyi rgyu yin no zhes khong du chud na 'phags pa 'gyur la/ sred par yang sdug bsngal gyi rgyu yin par ma nor par phyin ci ma log pa'i phyir sdug bsngal kun 'byung ba 'phags pa'i bden pa zhes bya'o//
 sred pa de yang gang zhe na/ de'i phyir/ gang yang 'byung ba can gyi sred pa dga' ba'i 'dod chags dang ldan pa de yang der mngon par dga' ba zhes gsungs so/ /dper na skyes bu la la zhig dpyid kyi dus kyi nyi ma phyed pa'i tshe na rab tu skom pas gdungs te/
 chu 'dod pa nges chwe? chul rgyan tu 'thungs kyang ngoms pa med pa bzhin du/ 'dod pa'i 'dod chags can rnams lus dang longs spyod yon tan du lta bas srid pa dang srid pa'i yod byad la rgyun tu spyod kyang ngoms pa med pa ni srid pa'o/ /yang 'byung bcan dang
 dga' ba'i 'dod chags dang ldan pa dang de dang der mngon par dga' ba'i tshig rnams ni srad ba/ de'i khyad par ram sred pa'i ming li rnam grangs so/ /de la yang 'byung ba ni ma 'ongs pa'i tshe rabs la bya ste/ ma 'ongs pa'i tshe rabs sgrub pa'i dang
 tshul can na ma/ de skyed par byed pa'i rang bzhin nam rgyar gyur pa la yang 'byung ba zhes bya'o/ /dga' ba'i 'dod chags dang ldan ba zhes bya ba ni/ ma 'ongs pa'i lus dang longs spyod pa chags shing /zhen pa'i rang bzhin bya ba'i don to/ /de dang?
 der mngon par dga' ba zhes bya ba ni ma 'das pa'i sems can gyi gnas rnam pa mang po la bdag ltar gyur cig mir gyur cig tshang par gyur cig ces bya ba la sogs pa'i smon lam 'debs pa'o/ /yang na ma rnyed pa'i yul chos pa dang sogs
 pa'i rgyur gyur pa'i sred pa ni yang 'byung ba can gyi sred pa zhes bya'o/ /rnyed cing phrad pa'i yul la lhag par dmigs shing mi 'bral par 'dod pa'i phyir bsrung ba la sogs pa'i bya ba byed pa nam/ dga' ba'i 'dod chags dang
 ldan pa zhes bya'o/ /phrad pa'i yul rnams dang bral bas sdug bsngal ba rgyur cing smon lam 'debs pa ni de dang der mngon par dga' ba zhes bya'o/ /yang na bde ba'i tshor ba dang phrad cing mi 'bral bar chags pa ni yang 'byung ba can gyi sred
 pa zhes bya'o/ /sdug bsngal gyi tshor ba dang mi phrad cing 'bral bar 'dod pa ni dga' ba'i 'dod chags dang ldan pa zhes bya'o/ /bsam gtan gyi tshor ba btang snyoms bde ba yang ma yin sdug bsngal ba yang ma yin pa la chags pa ni
 de dang der mngon par dga' ba zhes bya'o/ /yang na ma rnyed pa'i dngos po rnams dang phrad par smon lam 'debs pa ni yang 'byung ba can gyi sred pa zhes bya'o/ /smon lam btab pa'i dngos po rnams la tshol bar zhugs pa ni dga' 
 ba'i 'dod chags dang ldan ba zhes bya'o/ /bcol ba rnams ni 'phel ba bya ba'i phyir zhugs pa ni de dang der mngon par dga' ba zhes bya'o/ /yang na rnyed pa dang ma rnyed pa'i bdag gi yul dang dbang du byas nas sred pa rnams bshir
 gsungs te/ de la bdag gi lus rnyed pa rnams dang bral bar mi 'dod pa ni sred pa'o /bdag gi lus ma rnyed pa rnams dang phrad cing ldan bar 'dod pa ni yang 'byung ba can no/ /gzugs la sogs pa'i yul rnyed pa rnams dang/ rtag
 tu 'grogs pa 'dod ba ni dga' ba'i 'dod chags dang ldan pa'o/ /gzugs la sogs pa'i yul ma rnyed pa rnams dang phrad par 'dod pa ni de dang der mngon par dga' ba zhes bya'o/ /brgal pa/ mngon pa'i chos las rgyur
 'das pa'i dus kyi lus dang long spyod rnams ni srid par 'dod pa'i srid pa skye ba dang/ ma 'ongs pa'i lus dang long spyod la ni mngon par smon pa'i sred pa skye ba dang/ da ltar gyi lus dang longs spyod dang ni rtag tu 'grogs par sred pa skye pa'i phyir ro/ /khams thams cad du khyab pa ni khams gsum
 gyi dngos po la zhen par byed pa'i phyir te/ 'dod pa'i khams na ni sred? pa'i dbang gi 'dod ba'i yon tan lnga la chags par byed pa dang/ gzugs kyi khams ni na sred pa'i dbang gis bsam gtan gyis ro la chags par byed pa dang/ gzugs med pa'i khams na ni/
 sred pa'i gang gis gzugs med pa'i snyoms par 'jug pa la chags par byed pa'i phyir ro// //'gog pa'i bden pa bstan par bya ba'i phyir/ sdug bsngal 'gog pa 'phags pa'i bden pa gang zhe na zhes bya ba la sogs pa gsungs te/ skye ba
 la sogs pa'i sdug bsngal brgyad bral zhing de dang mi ldan bar gyur pa ni sdug bsngal 'gog pa ste/ de ltar khong du chud pa 'phags par 'gyur pa 'am/ 'phags pa rnams kyis de ltar thugs su chud pa'i phyir sdug bsngal 'gogs pa 'phags pa'i bden
 pa zhes bya ba la/ mya ngan las 'das pa la ni sdug bsngal thams cad spangs ba yin par phyin ci ma log cing ma nor ba'i phyir sdug bsngal 'gog pa 'phags pa'i bden pa zhes bya'o/ /'gog pa de yang rnam pa gnyis te/ so sor ma brtags te 'gog pa dang/
 so sor brtags te 'gog pa'o/ /de la so sor ma rtags te 'gog pa ni rdo rje gnam du 'phangs pa thur du lta ba dang 'dra bar skad cig ma re re la skye zhing gang gis kyang ma bcom par rang gis 'jig pa'o/ /so sor brtabs? te 'gog pa ni 'phags pa'i bden pa rtogs
 ba'i shes rab kyi mes nyon mongs pa'i shes bsregs nas/ khams gsum du mi skye bar gyur pa ste/ 'dir ni so sor brtags te 'gog pa la bya bar dgongs pa'o/ /'gog pa'i bden pa yang don bcu gcig gis bstan te/ mtshan nyid zab pa dang/ tha snyad
 ba'i rnam par shes ba zhes bya'o/ /gzugs kyi khams kyi bsam gtan bzhi ni rnam par shes pa bde ba'i tshor ba la brtan pas na/ tshor ba nye bar song ba'i rnam par shes pa zhes bya'o/ /gzugs med pa'i khams nam mkha' mdza' yas skye mche
 dang/ rnam shes mdza' yas skye mche dang/ cung zad med skye mched ni rnam par shes pa nam mkha' mdza' yas so zhes bya ba la sogs pa dmigs pa'i 'du shes la brten pas 'du shes su nye bar song ba'i rnam par shes pa zhes bya'o/ /srid pa'i rtse mo'i du shes med
 'du shes med min skye mched na ni/ rnam par shes pa 'du byed sems dang ldan pa dang/ sems dang ldan mi ldan ba la brten bas na/ 'du byed du nye bar song ba'i rnam par shes pa zhes bya'o/ /sa bon gyi rigs lnga dang/ /sa bon gyi sa bon dang rtsa ba'i
 sa bon dang/ sdong bu'i sa bon dang/ mgo thogs kyi sa bon dang/ sa bon no/ /lan du smras pa dang/ mdo 'di las kun 'byung gi sred pa 'ba' zhig la kun 'byung gi bden par bshad pa ni/ zag pa dang bcas pa'i chos thams cad kyi rgyu'i gtso bo'i dbang du byas nas gsungs
 pa yin te/ /rgyu'o gtso bo ni sred ba yin no/ /ji ltar gtso bo yin zhe na/ sred pa 'di gnas thams cad du khyab pa dang/ dus thams cad du khyab pa dang/ khams thams cad la khyab pa'i phyir ro/ /gnas thams cad la khyab pa ni/ rtag tu tshor ba rnam gsum gyi rjes su 'brang
 pa ste/ ji lta zhe na sdug bsngal gyi tshor ba dang phrad pa'i dus na ni/ de dang 'bral bar 'dod ba'i sred pa skye zhing ma phrad pa'i dus na ni yang mi phrad bar 'dod pa'i sred pa skye ba dang/ bde ba'i tshor ba dang/ phrad pa'i dus na ni yang de dang mi 'bral bar 'dod pa'i sred pa skye ba dang/
 de dang bral ba'i dus na ni yang phrad par 'dod pa'i sred pa skye ba dang/ bde ba yang ma yin sdug bsngal yang ma yin pa'i tshor ba'i dus na ni/ kun tu gti mug skye ba'i phyir ro/ dus thams cad la khyab pa'i sred pa ni/ dus gsum gyi rjes su 'brang bar byed pa'i phyir te/
 lam gyis nyon mongs pa rtsa ba nas bcom ste/ gang lan cig bcom pa de phyir mi skye bas na don dam pa'i 'gog pa zhes bya'o/ /ji ltar yongs su ma rdzogs pa zhen/ rgyun tu zhugs pa'i 'bras bu thob pa dang/ lan cig phyir 'ong ba'i 'bras bu thob pa dang/ phyir mi 'ong ba'i 'bras bu
 thob ste/ gang zag slob pa rnams kyis nyon mongs pa spang pa na/ nyon mongs pa ma lus par spangs pa yin pas/ yongs su ma rdzogs pa'i 'gog pa zhes bya'o/ /ji ltar yongs su rdzogs pa yin zhe na/ mi slob pa'i gang zag dgra bcom pa'i 'bras bu thob pa
 rnams kyis te/ des nyon mongs pa thams cad spangs pas na/ yongs su rdzogs pa'i 'gog pa zhes bya'o/ /ji ltar na rgyan med pa yin zhe na/ shes rab rnam par grol ba'i dgra bcom pa rnams kyi 'gog pa ni/ mngon par shes pa drug gi khyed par bye
 brag med pas/ rgyan med pa'i 'gog pa'o/ /ji ltar rgyan dang bcas pa yin zhe na bsam gtan dang shes rab kyi cha gnyi ga las/ rnam par grol pa'i dgra bcom pa rnams kyi 'gog pa ste/ de dag rigs pa gsum dang/ mngon par shes pa drug la
 sogs pa'i yon tan dang ldan pas na/ rgyan dang bcas pa'i 'gog pa zhes bya'o/ /ji ltar lhag ma dang bcas pa zhen/ rung ba'o lhag ma ma sbangs pa mya ngan las 'das ba ste/ phung po lnga'i? lhag ma med pa gang zhen/ da dung med pa'i phyir ro/ /ji ltar lhag ma med pa zhe na/ phung po lhag ma ma lus par mya ngan
 las 'das pa ste/ phung po tsam yang spangs pa'i phyir ro/ /ji ltar rnam grangs kyis she na/ de'i phyir mdo las gang de'i yang 'byung ba can gyi sred pa zhes bya ba la sogs pa gsungs so/ /gang de'i zhes bya ba ni nyon mongs pa ma lus par spangs pa'i 'phags
 pa dgra bcom pa de'i ste/ de'i yang 'byung ba can gyi sred pa la sogs pa ma lus par spangs pa de ni/ 'gog pa'i bden pa yin no zhes bya bar sbyar ro/ /smras pa/ ma lus par spangs pa la sogs pa'i tshig 'di dag la khyad par ci yod/ smras pa
 dang/ don dam pa dang/ yongs su ma rdzogs pa dang/ yongs su rdzogs pa dang/ rgyan med pa dang/ rgyan dang bcas pa dang/ lhag ma yod pa dang/ lhag ma med pa dang/ rnam grangs so/ /ji ltar mtshan nyid she na/ de bzhin nying dang/ las dang nyon
 mongs pa mi skye ba ni 'gog pa'i mtshan nyid de/ de bzhin nyid ni gang zag la bdag med pa'o/ /lam ni 'phags pa'i lam yan lag brgyad do/ /nyon mongs pa mi skye ba ni 'dod chags la sogs pa'i nyon mong lhag cig spangs nas phyis mi 'byung ba ste/ des gang
 du 'gags pa dang/ gang gis 'gags ba dang/ gang 'gags pa mi 'gog pa'i mtshan nyid yin par bshad do/ /de la gang du 'gags pa ni gang zag la bdag med par khong du chud pas mya ngan las 'das pa'i gnas su 'gog go /gang gis 'gags pa ni
 lam gyi bden pas 'gags so/ /gang 'gags pa ni nyon mongs pa'i tshogs 'gags so/ /de bas na 'gog pa'i dbang du mdzad nas/ /bcom ldan 'das kyis mig dang rnam? ba de bzhin sna/ /lce dang lus yid de bzhin de/ /gang du ming dang gzugs la sogs/
 ma lus par ni 'gag gyur ba'o/ /zhes gsungs so/ /ji ltar zab pa yin zhe na/ 'du byed de dag 'gags pa las 'gog pa de gzhan zhes kyang brjod du mi rung/ gzhan ma yin zhes kyang brjod du mi rung ba'i phyir ro/ ji lta zhe na/ gal te 'du byed rnams
 las 'gog pa gzhan du gyur na ni/ 'du byed 'gags pa'i chos 'gog pa ma yin par 'gyur ro/ /gal te 'du byed rnams las 'gog pa gzhan ma yin na yang/ 'gog pa de kun nas nyon mongs pa'i mtshan nyid du 'gyur te/ de bas na gnyis
 ma yin zhes brjod do/ /ji ltar tha snyad kyis she na/ gang 'jig rten pa'i lam gyis nyon mongs pa bkag pa rnams thang cig 'gags kyang phyis skye bas na/ de ni tha snyad kyi 'gog pa zhes bya'o/ ji ltar don dam par zhe na/ 'jig rten las 'das pa'i
 gyur pa'i phung po lnga la kun 'byung gi dben ba zhes bshad pa'am/ las dang nyon mongs pa la kun 'byung gi bden pa zhes bshad de/ der yang ci mngon zhe na/ mdo las sdug bsngal dang kun 'byung dang/ 'jig rten dang/ lta ba'i gnas dang/ srid ba
 zhes bya ba ni ming gi rnam grangs so zhes gsungs pa'i phyir te/ 'di'i don khyad 'bras bur gyur pa'i phung po lnga ni sdug bsngal lo/ /rgyur gyur pa'i phung po lnga ni kun 'byung ngo/ /phung po lnga ni 'jig pa'i rang bzhin yin pas 'jig rten no/ /sems can rnams phung
 po lnga la bdag tu lta bas na lta ba'i gnas so/ /tshe gcig nas gcig tu 'pho zhing skye bar byed pas na srid pa'o/ /yang gsungs pa las dang sred pa ni ma rig pa/ 'du byed ma 'ongs pa'i rgyu zhes bshad pa la mdo 'di las srid pa nyi tshe la kun 'byung du
 bshad pas/ mang gzhan dang 'gal/ yang mdo de nyid las bshad pa/ dge slong dge sa bon gyi rigs lnga po 'di dag ma grabs pa dang/ ma zhigs? pa dang/ ma rul ba dang/ rlung la sogs pas nyams par ma gyur pa dang/ legs par btab pa yang yin
 la/ sa'i khams kyang yod pa de bzhin du/ chu dang me dang rlung gi khams kyang yod na/ de lta na ni sa bon de dag 'phel ba dang rab tu 'phel ba dang/ rgya chen por 'gyur ro/ /de dang 'dra bar dge slong dag don 'di khong du chud par bya ba'i phyir 'di ni? ? zhes
 pa ste/ sa bon gyi rigs lnga zhes bya ba'i don nye bar len pa'i phung po lnga zhes bya ba'i tshig bla dags so/ /sa'i khams zhes bya ba la sogs pa'i rnam par shes pa'i gnas bzhi'i chig bla dags te/ rnam par shes pa'i gnas bzhi'i gzugs yang nye bar
 song ba'i rnam par shes pa dang/ tshor bar nye bar song ba'i rnam par shes pa dang/ 'du shes su nye bar song ba'i rnam par shes pa dang/ 'du byed du nye bar song ba'i rnam par shes pa'o/ /de la 'dod pa'i khams ni rnam par shes pa gzugs la rten nas gzugs su nye bar song
 'di ni mya ngan las 'das pa'i ming gi rnam grangs yin te/ khyad par med kyang 'dul ba'i snod kyi dbang gis ming de dang de dag tu btags so/ /ma lus par spangs pa ni/ 'phags pa'i lam gyis sred pa spangs nas de dang bral ba thog
 pa ste/ de bas na bcom ldan 'das kyis kyang/ gang 'phags pa'i lam gyis spangs pa ni/ yang dag par spangs pa yin no/ /zhes gsungs pa lta bu'o/ /'jig rten pa'i lam gyis spangs pa ni/ bral ba'i rnyed pa thob pa med pas na/ phyis skye ba'i
 phyir ma lus pa spangs pa yin no/ /so sor spangs pa ni nyon mongs pa'i thams cad med par byas pa ste/ nyon mongs pa'i bag la nyal spangs zhes bya ba'i don to/ /'jig par gyur pa ni nyon mongs pa'i thob pa spangs pas/ 'khor ba mthar
 phyin pa ste/ 'khor ba'i chos dang mi ldan par gyur pa'o/ /zad pa ni 'dod chags la ma gtogs pa'i nyon mongs pa/ khong khro ba dang nga rgyal dang/ ma rigs pa la sogs pa spangs pa'o/ /'dod chags dang bral ba ni 'dod chags ma lus dang
 spangs pa ste/ med par byas pa'o/ /'gog pa ni nye bar len pa'i phung po lnga zag pa dang bcas pa'i mtshan nyid spangs nas med par byas pa'o/ /nye bar zhi ba ni skye ba dang/ rga ba la sogs pa'i sdug bsngal thams cad med par byas pa'o/ /nub
 pa ni tshe rabs gcig nas gcig tu mtshams sbyor ba'i rgyun bcad pa ste/ de ltar gyur pa de sdug bsngal 'gog pa 'phags pa'i bden pa zhes bya'o/ /yang na 'dod pa'i khams kyi nyon mongs pa'i bag la nyal thams cad spangs pas/ ma lus
 par spangs pa zhes bya'o/ /gzugs kyi khams kyi nyon mongs pa'i bag la nyal thams cad spangs pas/ so sor spangs pa zhes bya'o/ /gzugs med pa'i khams kyi nyon mongs pa'i bag la nyal ma lus par spangs pas 'jig par gyur pa
 zhes bya'o/ /nyon mongs pa gang spangs pa rnams phyis skye ba med pas zad pa zhes bya'o/ /slar yang khams gsum gyi dngos po la chags shing zhen pa mi 'byung bas/ 'dod chags dang bral ba zhes bya'o/ /da ltar gyi nye bar len pa'i phung po rnams kyang
 'dor bar 'gyur bas 'gog pa zhes bya'o/ /nye bar lan pa'i phung po rnams por bas nye bar zhi bar zhes bya'o/ /ma 'ongs pa'i phung po skye ba med pas nub pa zhes bya'o/ /yang na ma lus par spangs pa zhes bya ba ni mod tsam du bzhag pa ste so sor spangs pa la
 sogs pa'i tshig lhag ma de'i bshad pa'o/ /sred pa'i bag la nyal spangs pas so sor spangs pa'o/ /bag la nyal spangs pa'i phyir nyon mongs pa mngon du 'byung ba la spyod pa med pas 'jig par gyur pa ste/ de bas na zad pa zhes bya'o/ /nyon mongs pa'i
 dngos po thams cad la skyon du lta bas/ 'dod chags dang bral ba'o/ /nyon mongs pa rgyun du 'byung ba'i rgyun chad pas 'gog pa'o/ /thar pa'i mtshan nyid thob pas nye bar zhi ba'o/ /bdag tu 'dzin pa dang bral bas nub pa'o/ /yang na ma lus par spangs
 pa ni 'dor bzhag pa ste/ lhag ma rnams kyang de'i bshad pa'o/ /ji ltar ma lus par spangs pa yin zhe na/ so sor spangs pa la sogs pa'i phyir ma lus par spangs pa'o/ /nyon mongs pa kun nas bkris pa mngon du spyod pa rnams mi 'byung zhing/ byung ba
 yang spong bar byed pas na/ so sor spangs pa'o/ /nyon mongs pa'i bag la nyal rtsa nas phyung ste/ cung zad kyang med par byas pas na/ 'jig par gyur pa'o/ /de yang mthong ba'i lam dang bsgom pa'i lam ste/ gnyen po rnam pa gnyis kyi sgo nas zad pa dang
 'dod chags dang bral ba zhes rnam pa gnyis su bzhag go /mthong ba'i lam gyis mthong bas spang bar bya ba'i nyon mongs pa spangs pa ni zad pa zhes bya'o/ /bsgom pa'i lam gyis bsgom par bya ba'i nyon mongs pa rnams spangs nas/ khams gsum gyi
 chags pa thams cad dang bral ba ni/ 'dod chags dang bral ba zhes bya'o/ /de ltar mthong ba dang/ bsgom pa'i nyon mongs pa spangs pas/ ma 'ongs pa na phung po lnga skye ba'i rgyun med par byas pas na/ 'gog pa zhes bya'o/
 mthong ba'i chos nyid la yang yid mi bde ba la sogs pa/ sems la gnod pa thams cad mi 'byung bas nye bar zhi bar zhes bya'o/ /tshe rabs snga ma'i shugs kyis 'phangs pa'i phung po sdug bsngal sna tshogs kyi bzhir gyur pa 'di
 yang med par 'gyur bas nub pa zhes bya'o/ /lam gyi bden pa bstan par bya ba'i phyir/ sdug bsngal la 'gog par 'gro ba'i lam gyi 'phags pa'i bden pa gang zhe na/ zhes bya ba la sogs pa gsungs so/ /de la gong du bshad pa'i sdug
 bsngal brgyad rnams 'gags pa sdug bsngal 'gogs pa ste/ mya ngan las 'das pa'o/ /de thob par byed pa'am der phyin par byed pa'i lam la/ sdug bsngal 'gog pa'i lam zhes bya ste/ de yang 'og nas yang dag pa'i lta ba
 la sogs pa/ 'phags pa'i lam gyi yan lag brgyad yin par bshad do/ /lam de dge ba'i rang bzhin yin pas na/ 'phags pa zhes bya ba 'am/ lam de nyon mongs pa'i gnyen por gyur pas na 'phags pa zhes bya ba 'am/ 'phags
 pa rnams kyi bshad pa'i lam yin pa'i phyir/ 'phags pa zhes bya ba 'am/ lam de la gnas na 'phags par 'gyur ba'i phyir/ 'phags pa'i lam ste/ lam des nyon mongs pa spongs pa dang/ mya ngan las 'das pa thob
 par byed pa ma nor cing phyin ci ma log pa'i phyir/ sdug bsngal 'gog par 'gro ba'i lam gyi 'phags pa'i bden pa zhes bya'o/ /lam gyi don ni tshol ba la yang bya ste/ lam 'dis rnal 'byor pa rnams/ mya ngan las 'das pa dang/
 dge sbyong gi 'bras bu tshol pa'i phyir lam zhes bya'o/ /yang na lam gyi don ni 'gro pa'i don la bya ste/ dper na 'jig rten na lam 'dis mtho ris kyi grong khyer du 'gro'o zhes bya ba bzhin du/ 'phags pa'i lam gyi yan lag brgyad 'dis kyang mya ngan 'das
 pa'i grong khyer du phyin cing 'gro bar byed pas na lam zhes bya'o/ /de dngos gang yin pa bstan par bya ba'i phyir/ yang dag pa'i lta ba la sogs pa 'phags pa'i lam gyi yan lag 'di nyid do zhes bya ba gsungs te/ yang dag pa'i lta ba ni/ 'jig
 rten gyi yang dag pa'i lta ba dang/ 'jig rten las 'das pa'i yang dag pa'i lta ba gnyis las/ 'dir 'phags pa zhes bya ba'i tshig smos pa na/ zag pa med pa la bya ba'i phyir/ 'jig rten gyi yang dag pa'i lta ba la ni mi bya'o/ 'jig rten las 'das
 pa'i yang dag pa'i lta ba la bya ste/ sogs pa'i sgras ni/ yang dag pa'i rtog pa dang/ dag la sogs pa yang bsdu'o/ /yan lag ces bya ba ni cha la bya ba'am grogs su gyur pa la bya ste/ cha brgyad dam mya ngan las 'das pa thob par byed pa'i
 rgyu dang/ grogs brgyad ces bya ba'i don to/ /'di nyid do zhes bya ba ni 'phags pa'i lam gyi yan lag brgyad 'og nas snyegs so/ /brgal ba 'gog pa'i bden pa bstan pa'i skabs su/ sred pa ma lus par bkag pa/ 'gog pa yin par bshad
 la/ 'dir li? gyi bden pa bstan pa'i skabs su/ sdug bsngal 'gog pa'i bden pa yin par bshad pas/ snga phyir 'gal lo zhes zer ba'i lan du smras pa/ 'di ltar me bas ? na du pa mi 'byung ba bzhin du/ sred pa'i mtshan nyid kyi rgya bkag?/
 'bras bu'i mtshan nyid kyi sdug bsngal pa 'gag par 'gyur bas/ mya ngan las 'das pa'i tshe/ sdug bsngal yang med par 'gyur ba'i phyir/ sdug bsngal 'gog pa zhes bya ba bshad pa de nyes pa med do/ /brgal ba yan lag gi
 gtso bo yod na/ 'dod yan lag ces brjod par bya ste/ 'phags pa'i li gyi yan lag brgyad la yan lag gi gtso bo gang yin no/ /'di dag la yan lag ces brjod/ smras pa/ yang dag pa'i lta ba ni/ lam gyi yan lag gi gtso yang yin la/ yan lag kyang
 yin pas na/ yan lag gi gtso bo dang/ yan lag rnam pa gnyis su bzhag go /yang dag pa'i rtog pa la sogs pa lhag ma bdun ni/ de'i grogs su gyur pas/ yan lag 'ba' zhig tu rnam par bzhag go /'phags pa'i lam gyi yan lag brgyad
 kyi don gsal bar bya ba'i phyir/ dpe smras pa/ 'di ltar skyes bu la la zhig ces bya ba la sogs pa'o/ /skyes bu la la cig ces bya ba ni/ skyes bu gang yang rung ba 'ba' zhig go /rims kyis btab nas zhes bya ba ni/ cha ba'i nad kyis btab pa'o//
 sman pa mkhas par bsngags pa zhes bya ba ni/ sman dpyad kyi gtsug lag kun la mkhas par 'jig rten du grags pa'o/ /blo dang ldan pa zhes bya ba ni/ sman dpyad kyi gtsug lag gi man ngag yod pa'o/ /las mthong ba zhes bya ba ni/ sngon chad
 sman byas pa rnams phan par gyur sman phan tshun sbyor ba la yang mkhas shing sman sbyor ba dang gtong ba'i las kyang phal cher byas pa'o/ /gtsug lag thos pa ni sman dpyad bya ba'i gtsug lag kun ma lus par thos pa'o/ /drung du song ba ni de'i
 thang du song ba'o/ /nad pa de la sman pas nad kyi gzhi brtag par bya ba'i phyir/ sman pa nges kyang de la thog mar zhes bya ba la sogs pa smos so/ /nad pas kyang sman pa la nad gzhi smras pa bdag gis zho dang ga? gon zos zhes bya ba la sogs pa'o/ /sman
 pas nad kyi gzhi glengs nas/ sman bstan par smras pa sman pa des dmigs kyis phye ste sman ston to/ /zhes gsungs pa'o/ /dmigs kyis phye ste/ sman ston ces bya ba ni khyod kyis zho 'thung ste/ ga gon zos la skom du dar ba 'thungs pas/ bad kan
 rgyas pa'i phyir tsha bar gyur pa yin te/ de bas na bad kan rgyas pa zhi bar bya ba dgos pa'i phyir/ di ring zan ma za cig ces bsgo nas/ de'i thog tu bsil ba'i sman ston par byed pa'o/ /dpe smras nas don nyid bstan par bya ba'i phyir/ de bzhin du bden pa la sogs pa'i rims chen bos
 gdungs pa zhes bya ba la sogs pa gsungs te/ bden pa ni sdug bsngal dang/ kun byung dang/ 'gog pa dang/ lam gyi bden pa bzhi'i? khong du ma chud par bya bar 'dod pa nyid/ bden pa la sogs pa'i rims chen pos gdung pa zhes bya'o/ /dge ba rnams zhes bya ba ni/ gang
 zag bden pa bzhi rtogs par 'dod pa de dag tshe rabs gzhan du dge ba'i bshes gnyen la brten pa dang/ tshul khrims dang/ nyan pa la sogs pa'i bsod nams bsags pa dang/ tshe 'dir yang 'dod chags la sogs nyon mongs pa zhi bar bya ba'i phyir/ 'phags pa'i
 bden pa 'dri bar byed pa'i na dge ba'o/ /de bzhin gshegs pa zhes bya ba la/ 'phags pa'i bden pa bzhi ji ltar gnas pa de bzhin du thugs su chud pas/ de bzhin gshegs pa 'am/ sngon gyi de bzhin gshegs pas nyon mongs pa thams cad spangs nas/ mya ngan las 'das pa'i grong khyer
 du gshegs? pa bzhin du/ de bzhin gshegs pa gzhan dag gis kyang/ nyon mongs pa thams cad spangs nas mya ngan las 'das pa'i gong khyer du gshegs pas na de bzhin gshegs pa'o/ /sems can gyi sman pa chen po zhes bya ba la/ 'dod chags dang zhe sdang la sogs pa'i nyon mongs
 pa dang ldan pa sems dang sems las byung ba dang bcas pa rnams la/ sems can zhes bya ste/ sems can de dag la/ 'dod chags dang/ zhe sdang dang gti mug la sogs pa'i nyon mongs pa'i nad zhi bar bya ba'i phyir/ mi gtsang ba dang byams pa dang/ rten cing 'brel te 'byung ba dang/
 byang chub kyi phyogs gsum bcu rtsa bdun gyis sman 'chad par mdzad pas na/ sman pa chen po'o/ /ci'i phyir sems can la/ nyon mongs pa'i sman gtong zhe na/ de'i phyir thugs rje chen po zhes gsungs te/ de bzhin gshegs pa rnams/ thugs rje chen po dang ldan pa'i phyir/
 de bas na nyon mongs pa'i sman gtong ngo zhes bya bar sbyar ro/ /snying rje dang snying chen po gnyis la khyad par ci yod/ smras pa/ rnam pa bdun gyis snying rjes las snying rje chen po khyad zhugs te/ rnam pa bdun ni rang bzhin dang/ rnam pa dang/ dmigs pa
 dang/ sa dang/ rgyu dang/ 'dod chags dang bral ba thob pa dang/ skyob bo dang/ ma skyob par byed pa'o/ /de la rang bzhin ni sems can thams cad la zhe mi sdang ba dang/ gti mug pa'i rang bzhin yin pa'i phyir ro/ /rnam pa ni sdug bsngal gcig dang gnyis dang gsum dang/ sdug
 bsngal brgya stong grangs med pa rnams la brtse ba'i rnam pa yin pa'i phyir ro/ /dmigs pa ni khams gcig dang/ gnyis dang/ gsum nas 'jig rten gyi khams thams cad kyi sems can la dmigs pa'i phyir ro/ /sa ni snying rje chen po de bsam gtan bzhi pa'i sar
 gtogs pa'i phyir ro/ /rgyud ni snying rje nyan thos dang/ rang sangs rgyas kyi rgyud la gnas kyi snying rje chen po ni de bzhin gshegs pa'i rgyud la gnas pa'i phyir ro/ /'dod chags dang bral ba ni nyan thos dang rang sangs rgyas kyi snying rjes/ 'dod pa'i khams kyi 'dod
 chags dang bral bar zad kyi/ de bzhin gshegs pa rnams kyi thugs rjes chen pos ni/ khams gsum gyi 'dod chags thams cad dang bral ba'i phyir ro/ /skyob pa dang mi skyob pa ni nyan thos kyi snying rjes sems can 'ga' tsam skyob par zad kyi/ sems
 can ma lus pa la mi skyob la/ de bzhin gshegs pa rnams kyi thugs rje chen pos ni/ sems can ma lus pa skyob par mdzad pa'i phyir ro/ /sdug bsngal gyi rim pa spangs pa'i chos 'dri ste zhes bya ba la/ sdug bsngal brgyad po nyid/ lus dang sems
 la gnod par byed pas/ rims dang 'dra ba'i phyir/ sdug bsngal gyi rims te/ de spang bar bya ba'i phyir/ 'phags pa'i bden pa bzhi la sogs pa'i chos 'dri ba'o/ /de rnams la bzhi kun 'byung ba gsungs par bstan nas zhes bya ba ni sdug bsngal
 gyi rims spang bar 'dod pa'i phyir/ chos 'dri ba'i gang zag dge ba de dag la/ sdug bsngal skyed par byed pa'i rgyu/ las dang nyon mongs pa'i mtshan nyid/ kun 'byung gi bden pa yin par gang mdo sde gzhan las gsungs pa'i las dang nyon mongs pa nyid gang
 yin ba dmigs kyi phye nas bstan pa'o/ /de'i sman gang yin zhe na/ de'i phyir 'phags pa'i lam yan lag brgyad kyi lam zhes bya ba la sogs pa gsungs te/ 'phags pa'i lam gyi yan lag brgyad nyid las nyon mongs pa spong bar byed pa'i sman no//
 lam des nyon mongs pa spong bar byed pas na/ zhi bar byed pa'o/ /sdug bsngal gyi phung po spong bar byed pas na/ mya ngan las 'das pa'o/ /zhi ba'i mchog rnyed zhes bya ba ni las dang nyon mongs pa thams cad spangs pa/ skye ba dang/ rga ba la sogs pa'i
 sdug bsngal kun dang bral ba/ 'jig rten gyi bde ba thams cad la dam par gyur pa/ thob pa'i phyir zhi ba'i mchog rnyed pa zhes bya'o/ /'phag pa'i bden pa bzhi gong du bshad pa rnams kyi mjug bsdu ba'i phyir/ dge slong dag 'di ni 'phags pa'i
 bden pa bzhi zhes bya'o zhes gsungs so// //'phags pa'i lam gyi yan lag brgyad do zhes grangs tsam smos pa de dag gang yin pa bstan par bya ba'i phyir/ de la 'phags pa'i lam yan lag brgyad gang zhe na zhes bya ba gsungs so/ /ci'i phyir 'phags
 pa'i lam yan lag brgyad kho nar bshad la/ dgu dang bdun la sogs ma yin zhe na/ lan du phung po gsum du gyur pa'i phyir 'phags pa'i lam yan lag brgyad nyid de mi mang mi nyung ngo/ /de la phung po gsum ni/ tshul khrims kyi phung po dang/ ting nge
 'dzin gyi phung po dang/ shes rab kyi phung po'o/ /de la yang dag pa'i dag dang/ yang dag pa'i las kyi mdza' dang/ yang dag pa'i 'tsho ba gsum ni/ tshul khrims kyi rang bzhin yin pas tshul khrims kyi phung por bsdu'o/ /yang dag pa'i dran pa dang/ yang
 dag pa'i ting nge 'dzin gnyis ni ting nge 'dzin gyi phung por bsdus te/ dran pa dngos su ting nge 'dzin gyi ngo bo ma yin yang/ dran pa g.yengs pa rnams la/ sems rtse gcig tu gnas pa med pas/ ting nge 'dzin dang rjes su mthun par byed pa'i
 phyir/ ting nge 'dzin gyi phung por gtogs so/ /yang dag pa'i lta ba dang/ yang dag pa'i rtog pa dang/ yang dag pa'i rtsol ba gsum ni/ shes rab kyi phung por bsdu ste/ yang dag pa'i rtogs pa dang/ rtsol ba gnyis rnam par rtog pa dang/ brtson 'grus kyi rang bzhin
 yin pas/ dngos su shes rab kyi rang bzhin ma yin mod kyi phyin ci ma log par rtog pa dang/ dge ba bsgrub pa'i brtson 'grus kyi rgyu las shes rab 'byung bas na de'i grogs su gyur pa'i phyir/ shes rab kyi phung por gtogs so/ /yang na 'phags pa'i
 lam gyi yan lag brgyad 'dis/ yon tan brgyad sgyed par byed pa'i phyir/ lam gyi yan lag brgyad kyang brgyad nyid de mi mang mi nyung ngo/ /yon tan brgyad la sems kun tu dag pa dang/ rnam par dkar ba dang/ skyon med pa dang/ nyon mongs pa dang
 bral ba dang/ 'jam pa dang/ las su rung ba dang/ gnas pa dang/ mi g.yo ba thob pa'o/ /de la chos gos la sogs pa rnyed pa la chags pa dang bral ba ni/ sems kun tu dag pa'o/ /phyag 'tshal ba la sogs pa bsnyen bkur la chags
 pa dang/ bral ba ni rnam par dkar ba'o/ /sdod pa la chags shing/ kha gsag med pa ni skyon med pa'o/ /srang pa spangs pa ni nyon mongs pa dang bral ba'o/ /lta ba spangs pa ni 'jam por gyur pa'o/ /the tshom spangs pa ni las su rung ba'o/ /phyis nyams pa
 med pa ni gnas pa'o/ /bsam gtan bzhi mi g.yo ba thob pa'o/ /de la yang dag pa'i lta ba dang ldan pas/ sems shin tu dag par 'gyur ro/ /yang dag pa'i rtog pa dang ldan pas/ rnam par dka' bar 'gyur te/ bkur sti la sogs pa la mi rtog pa'i
 phyir ro/ /yang dag pa'i dag dang ldan pas skyon med par 'gyur te/ kha? gsag la sogs pa dang bral ba'i phyir ro/ /yang dag pa'i las kyi mdza' dang ldan pas/ nyon mongs pa dang bral bar 'gyur te/ dge ba bsgrub cing nyon mongs pa spong bar brtson pa'i phyir ro/ /yang dag
 pa'i 'tsho ba dang ldan pas 'jam por 'gyur te/ yang dag pa'i lta ba la gnas shing phyin ci log gi 'tsho ba spong ba'i phyir ro/ /yang dag pa'i rtsol bas las su rung bar byed de/ mngon pa'i nga rgyal spangs nas sems skyon med par byad pa'i phyir ro/ /yang dag pa'i
 dran pa dang ldan pas gnas par byed de/ the tshom spangs nas mi g.yo bar 'jog pa'i phyir ro/ /yang dag pa'i ting nge 'dzin dang ldan pas mi g.yo ba thob par byed do/ /ting nge 'dzin gyi dbang gis gzugs kyi khams kyi bsam gtan bzhi'i sa mngon sum du lan
 par byed pa'i phyir/ 'o na ci'i phyir 'phags pa'i lam gyi yan lag brgyad po 'di dag rim pas 'di ltar bkod/ smras pa/ dang por mi rtag pa la sogs par yang dag par mthong nas/ de ni 'di dang 'di lta bu'o zhes de yi 'og tu yang dag par rtog go /
 yang dag par brtags pa'i chos? rnams gzhan la yang 'di 'dra'o zhes tshig tu 'byin to/ /de ltar yang dag par tshig tu byung nas/ ji ltar tshig tu smras pa rnams de bzhin du sgrub par byed do/ /yang dag pa'i las bsgrub pa rnams la log pa'i 'tsho ba med
 pas de'i 'og tu yang dag par 'tsho ba'o/ /yang dag par 'tsho ba rnams la mi dge ba spong ba dang dge ba bsgrub pa'i las 'ba' zhig 'byung bas yang dag pa'i rtsol ba'o/ /yang dag pa'i rtsol ba la gnas pa rnams la nyon mongs pas phrogs pa'i dran pa
 mi 'byung bas/ yang dag pa'i dran pa'o/ /nyon mongs pa'i dbang du ma gyur te/ dran pa ma nyams na rtag tu sems rtse gcig tu gnas par 'gyur bas 'jug tu yang dag pa'i ting nge 'dzin te/ de'i phyir rim pa da ltar bkod do/ /de la thag pa chen po'i
 tshul gyis ni 'phags pa'i lam gyi yan lag brgyad bsgom pa'i lam du bshad la/ nyan thos b+he'i b+ha shi ka ba'i lta bas ni 'phags pa'i lam gyi yan lag brgyad po 'di dag mthong ba'i lam gyi ngo bor 'dod do/ /de ltar na 'phags pa'i lam gyi yan
 lag brgyad po 'di dag mthong ba'i lam gyi ngo bo yin pa'i phyir/ chos kyi 'khor lo zhes bya ste/ ci'i phyir zhe na/ 'khor lo rin po che dang dpe 'dra ba'i phyir chos kyi 'khor lo zhes bya'o/ /ji ltar 'khor lo rin po che dang dpe 'dra zhe na/ 'di ltar mgyogs par 'gro ba dang/
 gtong zhing 'jug pa dang/ ma rgyal ba rgyal bar byed pa dang/ rgyal bar gnas 'cha' ba dang/ yar? 'bar zhing mar ltung bas so/ /dper na 'khor los bsgyur ba'i 'khor lo rin po che mgyogs pa 'gro ba de bzhin du/ mthong ba'i lam gyi sems kyi skad cig ma bco lnga la
 bden pa bzhi rtogs pas na mgyogs par 'gro ba'o/ /skad cig ma bco lnga ni sdug bsngal la chos shes pa'i bzod pa dang/ sdug bsngal la chos shes pa'i ye shes dang sdug bsngal la rjes su shes pa'i bzod pa dang/ sdug bsngal la rjes su shes pa'i ye shes dang/ kun
 'byung la chos shes pa'i bzod pa dang/ kun 'byung la chos shes pa'i ye shes dang/ kun 'byung la rjes su shes pa'i bzod pa dang/ kun 'byung la rjes su shes pa'i ye shes dang/ 'gog pa la chos shes pa'i bzod pa dang/ 'gog pa la chos shes pa'i ye shes dang/
 'gog pa la rjes su shes pa'i bzod pa dang/ 'gog pa la rjes su chos shes pa'i ye shes dang/ lam la chos shes pa'i bzod pa dang/ lam la chos shes pa'i ye shes dang/ lam la rjes su shes pa'i bzod pa ste/ de ltar bco lnga'o/ /lam la rjes su shes pa'i ye shes kyi
 skad cig ma bcu drug pa ni bsgom pa'i lam du gtogs pas/ mthong ba'i lam du mi bzhag go /de la 'dod pa'i khams kyi sdug bsngal gyi bden pa la mi rtag pa dang/ sdug bsngal ba dang/ stong pa dang bdag med par mthong ba ni/ sdug bsngal la chos shes pa'i bzod
 pa zhes bya ste/ de ltar mthong ba'i tshe 'dod pa'i khams kyi sdug bsngal mthong bas spang bar bya ba'i nyon mongs pa rnam pa bcu spong ste/ 'jig tshogs su lta ba dang/ mthar 'dzin par lta ba dang/ lta ba log pa dang/ lta ba snyems pa dang/ tshul khrims dang brtul zhugs mchog tu 'dzin
 pa snyems pa dang/ the tshom dang/ 'dod chags dang/ khong khro ba dang/ nga rgyal dang/ ma rig pa'o/ /de'i 'og tu nyon mongs pa spangs par shes pa dang/ phyis rgyud la nyon mongs pa mi skye bar byed pa ni sdug bsngal la chos shes pa'i ye shes zhes bya ste/ dper na mi gnyis kyis
 cig gis khyim nas rkun po bzung ste phyung la gcig gis sgo gcad pa dang 'dra'o/ /de yang gcig rkun po bzung nas rkun po dang bcas te sgor phyung ba bzhin du/ sdug bsngal la chos shes pa'i bzod pas kyang nyon mongs pa bcu bzung nas kyang nyon mongs pa dang bcas te
 'gag go /de nas phyis mi gnyis pos phyis rkun ma mi 'jug par sgo bcad pa bzhin du/ sdug bsngal la chos shes pa'i ye shes kyis ni phyis sems kyi rgyud la nyon mongs pa mi skye bar byed do/ /de la bzod pa ni bar chad med pa'i lam zhes bya'o/ /ye shes la ni rnam par grol ba'i
 lam zhes bya ste/ dper na mi gnyis kyi rkun po skrod pa'i tshul 'di ni/ sdug bsngal la rjes su shes pa'i bzod pa la yang sbyar ro/ /de la mi rtag pa la sogs pa rnam pa bzhir bkod pa yang log pa'i rnal 'byor pa rnam pa bzhi'i gnyen po ste/ bzhi ni 'dod chags la spyod pa rnam pa
 gnyis dang/ lta ba la spyod pa rnam pa gnyis so/ /'dod chags la spyod pa rnam pa gnyis ni 'o zhes pa'i nga rgyal gyi non pa dang le lo la chags pa'o/ /lta ba la spyod pa rnam pa gnyis ni bdag tu 'dzin pa dang/ bdag gir lta ba la mngon par chags pa'o/ /da la nga'o zhes
 pa'i nga rgyal gyis non pa ni mi rtag go /zhes snyems shing spyod pa ste/ de'i gnyen por sdug bsngal gyi bden pa la mi rtag par bshad de/ phung po lnga ni skad cig ma'i rang bzhin yin pa'i phyir ro/ /de la bden par 'dzin cing chags pa de spang pa'i phyir/ dge ba mi byed pa'i
 phyir gnyen por sdug bsngal gyi bden pa la sdug bsngal du bshad de 'du byed thams cad sdug bsngal rnam pa gsum dang ldan pa'i phyir ro/ de la bdag tu 'dzin pa'i gnyen por bdag med par bshad de/ phung po lnga la mu stegs
 kyis rtag pa'i bdag mi dmigs pa'i phyir ro/ /bdag gir 'dzin pa'i gnyen por stong pa nyid du bshad de/ bdag ma grub na bdag gis yang mi 'grub pa'i phyir ro/ /gzugs dang gzugs med pa'i khams kyi sdug bsngal gyi bden pa la/ mi rtag pa la sogs pa'i
 rnam pa bzhir mthong na/ sdug bsngal la rjes su shes pa'i bzod pa ste/ de'i tshe yang gzugs dang/ gzugs med pa'i khams kyi nyon mongs pa sdug bsngal mthong bas spang bar bya ba gzugs kyi khams na khong khro ba spang te/ 'jig tshogs la sogs pa
 dgu dang/ gzugs med pa'i khams na khong khro ba spangs te/ 'jig tshogs la sogs pa dgu ste/ spyir bsdoms na nyon mongs pa bco brgyad spong ngo/ /khams gnyis na zhe sdang med pa ni ting nge 'dzin gyi sems kyi rgyud shin tu brlan pa dang/ las mi dge
 ba'i 'bras bu lus dang sems la gnod pa med pa'i phyir ro/ /de'i 'og tu nyon mongs pa spangs par shes shing/ phyis sems kyi rgyud la nyon mongs pa mi skye bar byed pa ni/ sdug bsngal la rjes su shes pa'i ye shes so/ /de la 'dod pa'i khams kyi kun 'byung gi
 bden pa la rgyu dang kun tu 'byung ba dang/ rab tu 'byung ba dang/ rkyen de rnam pa bzhi mthong na kun 'byung la chos shes pa'i bzod pa zhes bya ste/ de'i tshe 'dod pa'i khams kyi kun 'byung gi bden pa mthong bas spang bar bya ba'i nyon mongs pa 'jig
 tshogs la lta ba dang/ mthar 'dzin par lta ba dang/ tshul khrims dang brtul zhugs snyems pa gsum bkol te/ /log pa'i lta ba dang/ lta ba snyems pa dang/ the tshom dang/ 'dod chags dang/ khong khro ba dang/ nga rgyal dang/ ma
 rig pa ste bdun spong ngo/ /de nas nyon mongs spangs par shes pa dang/ phyis sems kyis rgyud la nyon mongs pa mi skye bar byed pa ni/ /kun 'byung la chos shes pa'i ye shes so/ /gzugs dang gzugs med pa'i khams kyi kun 'byung gi bden pa la/ rgyu la sogs pa rnam pa bzhir
 mthong na/ kun 'byung la rjes su shes pa'i bzod pa zhes bya ste/ de'i tshe gzugs kyi khams kyi kun 'byung gi bden pa mthong bas spang bar bya ba'i nyon mongs pa log pa'i lta ba dang lta ba snyems pa dang/ the tshom dang 'dod chags dang/ nga rgyal dang ma rig pa
 ste drug dang/ gzugs med pa'i khams na yang de bzhin du drug ste/ nyon mongs pa bcu gnyis spang ngo/ /de'i rjes su nyon mongs pa spangs par shes pa dang/ phyis sems kyi rgyud la nyon mongs pa mi skye bar byed pa ni/ kun 'byung la rjes su shes pa'i ye shes zhes bya'o/ /sa bon
 gyi chos byed pas na rgyu'o/ /ma 'ongs pa'i sred pa 'phel bar byed pas na kun 'byung ba'o/ /bar chad med par srid pa'i rgyun/ rgyun ma chad par 'byung bar byed pas na/ rab tu 'byung ba'o/ /chu dang skud pa dang 'khor lo dang/ 'jim pa rnams kyis rdzas sgrub pa bzhin du/
 'bras bu sgrub par byed pas na rkyen to/ 'dod pa'i khams kyi 'gog pa'i bden pa la/ 'gog pa dang zhi ba dang/ gya nom pa dang/ 'byung ba lta bur mthong na/ 'gog pa la chos shes pa'i bzod pa zhes bya ste/ de'i tshe 'ang 'dod pa'i khams kyi 'gog pa'i bden pa mthong bas
 spang bar bya ba'i nyon mongs pa log pa'i lta ba dang/ lta ba snyems pa dang/ the tshom dang/ 'dod chags dang/ khong khro ba dang/ nga rgyal dang ma rig pa ste bdun spong ngo/ /de'i 'og tu nyon mongs pa spangs par shes pa dang/ phyis sems kyi rgyud la nyon mongs pa mi skye bar byed pa
 na/ 'gog pa la chos shes pa'i ye shes so/ gzugs dang gzugs med pa'i khams kyi 'gog pa'i bden pa la/ 'gog pa la sogs pa rnam pa bzhi lta bur mthong na/ 'gog pa la rjes su shes pa'i bzod pa zhes bya ste/ de'i tshe 'ang khams gnyis kyi 'gog pa mthong bas spang bar bya ba'i nyon
 mongs pa gzugs kyi khams na log pa'i lta ba dang lta ba snyems pa dang the tshom dang 'dod chags dang/ nga rgyal dang ma rig pa ste drug /gzugs med pa'i khams na yang drug ste/ nyon mongs pa bcu gnyis spong ngo/ /de'i 'og tu nyon mongs pa spangs par
 shes pa dang/ phyis sems kyi rgyud la nyon mongs pa mi skye bar byed pa ni/ 'gog pa la rjes su shes pa'i ye shes zhes bya'o/ /de la phung po skye bar byed pa'i rgyu'i nyon mongs pa dang bral bas 'gog pa'o/ /sdug bsngal rnam pa brgyad dang bral ba'i phyir zhi ba'o/ /dge ba dang bde ba'i
 gnas su phyin pa'i phyir gya nom pa'o/ /rtag pa dang mnyams pa med pa'i phyir 'byung ba'o/ /'dod pa'i khams kyi lam gyi bden pa la/ lam rang rigs pa dang sgrub pa dang nges par 'byin pa ste/ rnam pa bzhir mthong na/ lam la chos su shes pa'i bzod pa zhes bya'o/ /de'i tshe 'dod pa'i
 khams kyi lam mthong bas spang bar bya ba'i nyon mongs pa la log pa'i lta ba dang/ lta ba snyems pa dang/ tshul khrims dang/ brtul zhugs snyems pa dang/ the tshom dang/ 'dod chags dang/ khong khro ba dang nga rgyal dang ma rig pa ste/ brgyad spong ngo/ /de nas nyon mongs pa spangs
 par shes pa dang/ phyis sems kyi rgyud la nyon mongs pa mi skye bar byed pa ni/ lam la chos su shes pa'i ye shes zhes bya'o/ /gzugs dang gzugs med pa'i khams kyi lam gyi bden pa la lam la sogs pa rnam pa bzhir mthong na lam la rjes su shes pa'i bzod pa
 zhes bya ste/ de'i tshe gzugs kyi khams la lam gyi bden pa mthong bas spang bar bya ba'i nyon mongs pa/ log pa'i lta ba dang lta ba snyems pa dang/ tshul khrims dang brtul zhugs snyems pa dang/ the tshom dang/ 'dod chags dang/ nga rgyal dang/ ma rig pa ste bdun dang/
 de bzhin du gzugs med pa'i khams na yang bdun te/ nyon mongs pa bcu bzhi spong ngo/ /de'i 'og tu nyon mongs pa spangs par shes pa dang/ phyis sems kyi rgyud la nyon mongs pa mi skye bar byed pa ni lam la rjes su shes pa'i ye shes zhes bya ste/ de ni bsgom pa'i lam du bzhag go /
 'phags pa'i bden pa bzhi tshol bar byed pas na lam mo/ /nyon mongs pa'i gnyen por gyur pas na rigs pa'o/ /mi rtag par 'dzin pa la sogs pa'i phyin ci log med par byed pas na sgrub pa'o// //khams gsum gyi sdug bsngal las thar par byed pas na nges par
 'byin pa'o/ /de'i 'dod pa'i khams kyi bsgom pa'i lam gyis ni 'dod chags dang/ khong khro ba dang/ nga rgyal dang ma rig pa ste/ nyon mongs pa bzhi spong ngo/ /gzugs kyi khams kyi bsgom pa'i lam gyis ni 'dod chags dang/ nga rgyal dang ma rig pa gsum dang/ gzugs
 med pa'i khams kyi bsgom pa'i lam gyis kyang gsum ste drug spong ngo/ dper na 'khor lo rin po che yul gzhan spong zhing/ yul gzhan du 'jug cing 'gro'o/ /de bzhin du mthong ba'i lam na yang/ sdug bsngal la chos shes pa'i bzod pa ste/ de ma thag pa'i lam
 ni gtong la/ sdug bsngal la chos shes pa'i ye shes te/ rnam par grol ba'i lam ni mngon sum du byed cing len to/ /de bzhin du gzugs dang gzugs med pa'i khams kyi rjes su shes pa'i bzod pa dang/ ye shes la yang gtong zhing len par sbyar ro/ /yang na 'dod pa'i khams
 kyi sdug bsngal gyi bden pa mthong nas bor pa la/ gzugs dang gzugs med pa'i khams kyi sdug bsngal gyi bden pa mngon du byed pas na 'gro ba'o/ /dper na 'khor lo rin po ches sa phyogs ma rgyal ba'i grong dang grong khyer las ni rgyal bar byed/ rgyal ba rnams su ni
 gnas 'cha' bar byed do/ /de bzhin du mthong ba'i lam gyis kyang/ de ma thag pa'i lam gyis 'jig tshogs la lta ba la sogs pa'i nyon mongs pa las/ ma rgyal ba rnams ni rgyal bar byed cing nyon mongs pa'i rnyed pa yongs su gcod pa'i phyir ro/ /rgyal ba rnams su yang gnas 'cha' bar
 byed de/ rnam par grol ba'i lam gyis nyon mongs pa dang bral ba'i mtshan nyid bskyed nas/ mya ngan las 'das pa'i gnas la gnas par byed pa'i phyir ro/ /dper na 'khor lo rin po che gnas kha cig tu yang 'bar la/ gnas kha cig tu mar thur du yang ltung ngo/ /de bzhin du de ma thag pa'i lam
 la yang nas yang du dmigs pa na/ 'dod pa'i khams kyi de ma thag pa'i lam la dmigs pa'i tshe ni/ mar babs pa yin la/ rnam par grol ba'i lam la gnas pa'i tshe na yar 'phar ba yin no/ /de bzhin du gzugs dang gzugs med pa'i khams
 kyi de ma thag pa'i lam mngon du byed pa na mar 'bab pa yin la/ rnam par grol ba'i lam la gnas pa'i tshe na yar 'phar ba ste/ kun 'byung gi bden pa la sogs pa la yang de bzhin du sbyar ro/ /yang na 'dod pa'i khams kyi sdug bsngal gyi bden pa la
 dmigs pa na ni mar 'bab pa'o/ /gzugs dang gzugs med pa'i khams kyi sdug bsngal gyi bden pa la dmigs pa na ni/ yar 'phar ba ste/ bden pa lhags ma rnams la yang ci rigs par de bzhin du sbyar ro/ /brgal ba/ mthong ba'i lam la ci'i phyir na
 chos kyi 'khor lo zhes bya/ 'khor lo yin par ci mngon zhe na/ de la yang lung las gsungs pas na mngon te/ lung las 'phags pa kun shes kau di n+yas bden pa mthong ngo/ /de nas bcom ldan 'das kyis bka' stsal pa kau di n+ya khyod kyis bden ba mthong ngam/ gsol
 pa bcom ldan 'das mthong ngo/ /kau di n+ya khyod kyis bden pa rtogs ma/ gsol pa/ bcom ldan 'das rtogs so/ /de bas na 'dis bden pa kun shes pas na/ kun shes kau di n+ya zhes grags so/ /nam 'phags pa kau di n+yis bden pa mthong bas na/ chos kyi 'khor lo bskor to zhes gsungs
 pa'i phyir/ mthong ba'i lam la chos kyi 'khor lo zhes bya'o/ /gzhan yang btsun pa kun shes kau di n+ya yang 'di skad du 'chad de/ 'phags pa'i lam gyi yan lag mthong ba'i lam gyi ngo bo 'di/ lte ba dang rtsibs dang mu khyud kyi dpe dang 'dra bar tshes kyi 'khor lo zhes
 bya'o/ /de la yang dag pa'i dag dang/ las kyi mdza' dang/ 'tsho ba gsum ni tshul khrims kyi phung po yin par lte ba'i tshul lta bu ste/ ji ltar 'khor lo lte ba'i rtsabs kyi gzugs byed pa bzhin du/ yang dag pa'i lta ba la sogs pa'i yon tan gzhan yang
 tshul khrims la brten cing de dag gi gzung tshul khrims byed pa'i phyir ro/ /yang dag pa'i ting nge 'dzin ni mu khyung kyi tshul lta bu ste/ ji ltar 'khor lo mu khyung kyi rtsibs rnams mi gyes par sdud pa bzhin du/ yang dag pa'i ting nge 'dzin gyis kyang sems kyi 'phro ba thams
 cad sdud par byed pa'i phyir ro/ /yang dag pa'i lta ba dang/ rtog pa dang/ dran pa dang/ rtsol ba bzhin ni/ 'phro ba'i rang bzhin bas rtsibs lta bu'o/ /de ltar 'phags pa kau di n+yas mthong ba'i lam skyes pa'i phyir chos kyi 'khor lo bskor to zhes gsungs pas na/
 mthong ba'i lam la chos kyi 'khor lo zhes bya bar mngon no/ /de la yang dag pa'i dag dang las kyi mthal dang 'tsho ba gsum/ tshul khrims kyi phung por gtogs pas zhe sdang mi dge ba'i rtsa ba gcod par byed do/ /yang dag pa'i ting nge 'dzin dang/ rtog pa dang rtsol ba
 gsum ting nge 'dzin gyi phung por gtogs pas 'dod chags mi dge ba'i rtsa ba gcod par byed do/ /yang dag pa'i lta ba dang dran pa shes rab kyi phung por gtogs pas gti mug mi dge ba'i rtsa ba gcod par byed do/ /zhes kyang slob dpon kha cig gis bshad do//
 'phags pa'i lam yan lag brgyad kyi don rgyas par ni mdo nyid las 'og nas 'chad pas mdo tsam zhig bstan par bya'o/ /yang dag pa'i lta ba zhes bya ba la/ yang dag pa zhes bya ba ni phyin ci ma log pa'i don to/ /lta ba ni mthong ba'i don te/ nang dang phyi'i
 dngos po mi rtag pa la sogs pa phyin ci ma log par mthong ba ni/ yang dag pa'i lta ba'o/ /yang na yang dag par zhes bya ba ni de kho na la bya la/ lta ba zhes bya ba ni/ rtogs pa la bya ste/ bden pa bzhi'i de kho na la rtogs pa ni yang dag pa'i lta ba'o/ /yang na
 yang dag pa ni bkra shis pa 'am/ bsngags pa 'am dge ba la bya la/ lta ba ni gsal bar byed pa la bya ste/ bkra shis pa 'am dge ba gsal par byed pa ni yang dag pa'i lta ba'o/ /yang dag pa'i rtog pa zhes bya ba la/ yang dag pa zhes bya ba ni sngon ma
 byung ba byung ba la bya/ rtog pa dag ni 'di dag 'di mi dge zhes 'jig pa la bya ste/ de lta bu 'jig pa sngon ma byung ba ni yang dag pa'i rtog pa'o/ /yang na yang dag pa ni mnyam pa 'am mthun par byed pa la rtog pa ni/ de'i rjes su sems pa ste/ yang
 dag pa'i lta bas ji ltar mthong ba bzhin du/ phyis de dang mthun par sems pa ni yang dag pa'i rtog pa'o/ /yang dag pa'i dag ces bya ba la dang por tshul khrims kyi sdom pa la sogs pa yang dag par blangs nas sdig pa mi dge ba'i chos mi bya bar khas blangs pa bzhin du yi
 dam 'dral bar mi byed pa na/ yang dag pa'i dag go /yang dag pa'i dag rnam pa gnyis te/ rnam pa rig byed ma yin pa dang/ rnam par rig byed do/ /de la rnam par rig byed ma yin pa ni brdzun dang tshig rtsub po la sogs pa'i smra ba las log pa'o/ /rnam par gi byed ni dus su smra/ yang dag
 par smra/ bden par smra zhes bya'o/ /yang dag pa'i las kyi mdza' zhes bya ba la/ gang lus kyi las ma nyams pa zhig ste/ srog gcod pa dang/ ma byin par len pa la sogs pa la nges par lta zhing de la mi 'jug pa'o/ /yang dag pa'i 'tsho ba zhes bya ba la chos bzhin du 'tsho ba
 ni yang dag pa'i 'tsho ba ste/ de yang khyim na gnas pa rnams kyi 'tsho ba bdag pa dang/ rab tu byung ba rnams kyi 'tsho ba dag pa ste/ rnam pa gnyis so/ /khyim na gnas pa rnams kyi 'tsho ba dag pa ni/ me dang mtshon dang/ dug dang chang la sogs pa las slar log pa'o/ /rab tu byang
 ba rnams kyi tsho ba dag pa ni yo byad bsnyungs pa dang/ chog shes shing 'dod pa nyung ba dang tshul 'chos pa la sogs pa las slar log pa'o/ /yang dag pa'i rtsol ba zhes bya ba la/ sdig pa mi dge ba'i chos ma skyes pa mi skyed pa dang/ skyes pa spong ba dang/ dge ba'i
 chos ma skyes pa bskyed pa dang/ skyes pa 'phel bar byed pa'i lus dang sems kyi brtson 'grus ni yang dag pa'i rtsol ba'o/ /yang dag pa'i dran pa zhes bya ba la sngon mnyan cing bsams te/ myong ba'i dngos po sems la mi brjed par byed pa ni yang dag pa'i dran pa ste/ da
 yang rgyu rnam pa gsum las dran pa 'byung ngo/ /rgyu rnam pa gsum ni goms pa dang/ mtshan ma mthong ba dang/ yid dang ba'o/ /de la goms pa ni gzugs la sogs pa'i dngos po la yang nas yang du lta ba la sogs pa byas pa dang/ gzugs la sogs pa'i dngos po med kyang phyis
 sems la dran pa 'byung ste/ dper na nyin mo goms pa'i rmi lam du mthong ba bzhin no/ /mtshan mar mthong ba ni chos 'dra ba dang mi 'dra ba mthong ba las dran pa 'byung ste/ dper na bu dang 'dra ba mthong nas bu bran ba dang/ lhags pas nyen nas mi dran pa'o/ /yid dang bar ni tshugs la
 bar bzhin gyis gzugs brnyan snang ba dang 'dra bar/ sems gsal te sgrib pa'i shes chur na sngon ci byas pa rnams dran no/ /yang dag pa'i ting nge 'dzin ces bya ba la/ yang dag pa ni drang po la bya ba la/ ting 'dzin na gyur pa 'am 'dzin pa la bya ste/ dper na sprul smyug ma'i
 sgrubs su bcug na drang por 'gyur ba bzhin du/ sems rmugs pa dang rgod pa la sogs pa las bzlog nas drang por 'dzin pa ni yang dag par ting nge 'dzin to/ /yang na yang dag pa ni mnyam pa la bya la/ ting nge 'dzin ni 'jog pa la bya ste/ sems mnyam par 'jog
 pa yang dag pa'i ting nge 'dzin to/ /de la lam gyi yan lag ni mdo tsam du gsungs pa rgyas par bshad par bya ba'i phyir ro/ /dge slong dag yang dag pa'i lta ba gang zhe na zhes bya ba la sogs pa bka' stsal to/ /ci'i phyir mdo tsam du bshad nas/ rgyas par bka' stsal
 ce na/ 'dul ba rnam pa gnyis te/ glengs pas shes pa dang/ spros pas shes pa'o/ /de la glengs pas shes pa rnams kyi ched du ni 'di lta ste/ yang dag pa'i lta ba dang zhes bya ba la sogs pa mdo tsam du gsungs nas spros pas shes pa rnams la/ rgya cher ma
 bshad na don rtogs par mi nus pa'i phyir/ de bzhin gshegs pa chos la slob dpon 'chab pa mi mnga' zhing/ thugs rje chen po dang ldan pas de la dge slong dag yang dag pa'i lta ba gang zhen zhes bya ba la sogs pa rgyas par bka' stsal to/ /de la yang
 dag pa'i lta ba rnam pa gsum ste/ slob pa'i yang dag pa'i lta ba dang/ mi slob pa'i yang dag pa'i lta ba dang/ 'jig rten gyi yang dag pa'i lta ba'o/ /de slob pa dang mi slob pa'i gang zag rnams la snyoms par 'jug pa na lta ba gang yin pa ni slob
 pa dang mi slob pa'i yang dag pa'i lta ba zhes bya'o/ /ting nge 'dzin las langs nas lta ba ni rtog pa dang bcas pa yin pas/ 'jig rten gyi yang dag pa'i lta ba zhes bya'o/ /yang na gang zag dge ba rnams tshe rabs yod par lta zhing/ las dang las kyi 'bras bu
 la skur pa mi 'debs pa ni/ 'jig rten gyi yang dag pa'i lta ba ste/ 'dir ni 'jig rten gyi yang dag pa'i lta ba ston par rig par bya'o/ /de la chos drug yod par lta ba ni yang dag pa'i lta ba ste/ 'jug pa'i rten yod par lta ba dang/ de'i rkyen gyis sa
 bon dang/ gzhi yod par lta ba dang/ sbyin pa'i yon tan yod par lta ba dang/ sbyin pa dang tshul khrims dang gnyen po bsgom pa'i dang/ mi mthun pa'i phyogs yod par lta ba dang/ de gsum mi mthun pa'i phyogs dang/ gnyen po'i 'bras bu yod par lta ba dang/
 'jug pa las rnam par log par lta ba dang drug go /de la 'jig rten 'di yod 'jig rten pha rol yod ces bya bas 'jug pa'i rten yod par lta ba bstan te/ tshe gcig tu 'jug pa'i rten ni 'di dang 'jig rten pha rol yin la/ tshe 'di yang las dang nyon mongs pa
 dang bcas pa'i phung po lngar yod par 'dod cing tshe 'di'i las dang nyon mongs pa'i rgyus tshe rabs gzhan du yang phung po len par 'dod pa ni 'jig rten 'di yod pa dang 'jig rten pha rol yod par lta ba zhes bya'o/ ma yod pa dang pha yod pa dang zhes bya
 bas de'i rkyen gyis sa bon dang gzhi yod par bstan te/ phung po lnga skye ba'i sa bon 'jog pa ni pha yin no/ /sa bon gyi rten byed pa ni ma yin te/ de gnyis kyang yod par lta ba ni ma yod pa dang/ pha yod pa zhes bya'o/ /sbyin pa yod pa dang/ sbyin sreg yod pa
 zhes bya bas sbyin pa dang/ lha la mchod pa yod par lta ba bstan te/ yo byad rnams byin na de len par byed pa'i sems can yod par lta ba dang/ sbyin sreg byas na de na sbyin sreg len pa'i lha yod par lta ba ni sbyin pa yod pa dang/ sbyin sreg yod par lta ba zhes bya'o/
 'dod pa dang mi 'dod pa zhes bya bas/ sbyin pa dang tshul khrims dang bsgom pa'i ni mthun pa'i phyogs yod par lta ba bstan te/ sbyin pa dang tshul khrims dang bsgom pa'i mtshan nyid dge ba'i phyogs gnyen por gyur pa la ni 'dod pa zhes bya'o/ /de'i mi mthun pa'i phyogs ser sna
 dang ngang tshul ngan pa dang/ sems g.yengs pa mi dge ba'i phyogs su gyur pa ni mi 'dod pa zhes bya'o/ /yang na bsod nams dang mi g.yo ba'i mtshan nyid kyi las dge ba ni 'dod pa'o/ /bsod nams ma yin pa'i mtshan nyid kyi las mi dge ba ni mi 'dod pa ste/ de dag yod par lta
 ba ni/ 'dod pa dang mi 'dod pa yod par lta ba zhes bya'o/ /legs par byas pa dang nyes par byas pa'i las kyi 'bras bu rnam par smin pa yod pa dang zhes bya bas de gsum gyi mi mthun pa'i phyogs dang gnyen po'i 'bras bu yod par lta ba bstan te/ sbyin pa byas na longs spyod chen por 'gyur ba dang
 tshul khrims bsrungs na mtho ris su skye ba dang/ tshad med pa bsgoms na mya ngan las 'das par 'gyur bar lta ba dang/ ser sna byas na dbul por 'gyur ba dang/ tshul khrims bral na ngan song du skye ba dang/ tshad med pa ma bsgoms na thar par mi 'gyur ro zhes lta ba 'am/ bsod nams dang/
 mi g.yo ba'i las byas na bde 'gror skye ba dang/ bsod nams ma yin pa'i las byas na ngan song gsum du skye bar lta ba ni/ las legs par byas pa dang/ nyes par byas pa'i 'bras bu rnam par smin pa yod par lta ba zhes bya'o/ /'jig rten na yang dag par song ba dang/ yang dag par zhugs pa?
 yod ces bya bas 'jug pa las rnam par log par yid par lta ba bstan te/ 'jug pa ni 'khor bar skye ba'o/ /'khor bar skye ba las log pa ni 'phags pa rgyun tu zhugs pa la sogs pa dang/ de bzhin gshegs pa rnams te de dag yod par lta ba ni 'jig rten na yang dag par song ba dang/
 yang dag par zhugs pa yod par lta ba zhes bya'o/ /de la rgyun du zhugs pa la sogs pa'i 'phags pa ni yang dag par song ba'o/ /de la bzlog pa 'di log pa'i lta ba'o/ /zhes bya ba la yang dag pa'i lta ba las bzlog pa ni log pa'i lta ba ste/
 'jig rten 'di med 'jig rten pha rol med ces bya ba la sogs par lta ba'o// //yang dag pa'i rtog pa bshad par bya ba'i phyir/ yang dag pa'i rtog pa gang zhe na/ sbyin pa dang tshul khrims sangs rgyas su 'gyur ba la sogs par bsngo ste/ 'khor los bsgyur ba la sogs pa
 ma bsngos pa 'di yang dag pa'i rtog pa'i zhes/ gsungs so/ /don du na mi dge ba la sogs par rtog pa'i gnyen por sems dge bar rtogs pa ni/ yang dag par rtog pa'o/ /de la sbyin pa gang kha na ma tho ba med pa/ sems kyi rgyan dang sems kyi yo byad dang/ rnal 'byor gyi tshogs
 dang/ don gyi mchog thob par bya ba'i phyir dngos po gtong ba ni sbyin ba'o/ /de yang gang gis sbyin pa dang gang du sbyin pa dang/ ci sbyin pa dang/ cis sbyin pa dang/ ji ltar sbyin pa dang/ ci'i phyir sbyin pa ste/ rnam pa drug tu blta'o/ /de la gang gis sbyin zhe na/ sbyin pa po dang/ sbyin pa'i
 bdag pos sbyin te/ gang rang gis lag nas dngos po gtong ba ni sbyin pa po'o/ /gang gzhan du sbyin du 'jug pa ni sbyin pa'i bdag po'o/ /gang la sbyin zhe na/ zhing rnam pa bzhi la sbyin te/ sdug bsngal gyi zhing dang/ phan btags pa'i zhing dang/ yid du 'ong ba'i zhing dang/ khyad zhugs
 pa'i zhing ngo/ /de la sdug bsngal gyi zhing 'dron po 'am/ bkren pa'i ma lte 'am/ long ba'am 'on pa 'am mgon med pa'am skyabs med pa 'am/ gang nad kyis gzir ba la sogs pa'o/ /de la phan btags pa'i zhing ni pha'am ma 'am/ gzhan yang gnod pa'i sdug bsngal las
 bdag bsgral ba byas pa'am/ lo nyes ma rgyal po gzhan gyi 'jigs pa 'am/ bcings pa'i nad kyis btabs pa las grogs byas pa 'am/ las su bya ba rnams kyi grogs byas pa 'am/ nor dang gnyen bshes la sogs pa dang bral ba'i mya ngan las bsangs pa 'am/
 phan pa dang bde bar 'gyur ba'i man ngag byin pa'o/ /yid du 'ong ba'i zhing ni/ gang grogs po mdza' ba dang bshes pa phan tshun 'dris pa dang/ sems mthun par gyur pa'am/ nye du gnyen bshes la sogs pa gzhan yang ngo/ /khyad zhugs pa'i zhing ni bram ze'am dge slong gang dge ba'i rang bzhin
 can 'dod chags dang/ zhe sdang dang gti mug spang bar bya ba'i phyir zhugs pa'o/ /de la ci sbyin zhe na/ don du dngos po rnam pa gnyis sbyin ste/ sems can gyi grangs su gtogs pa dang/ sems can gyi grangs su ma gtogs pa'i dngos po'o/ /de la sems can gyi grangs su gtogs pa'i dngos po yang rnam pa
 gnyis te/ phyi dang nang gi'o/ /de la phyi'i dngos po ni bu dang chung ma dang khram pho mo dang/ rta dang glang po dang/ ra lug la sogs pa sbyin pa'o/ /nang gi dngos po ni bdag nyid kyi lus kyi rkang ba dang/ lag pa dang mgo dang sha khrag la sogs pa sbyin pa'o/ /sems can gyi grangs su ma gtogs
 pa'i dngos po yang rnam pa gsum ste/ 'bru'i dngos po dang/ gter gyi dngos po dang/ yul gyi dngos po'o/ /de la 'bru'i dngos po ni 'di lta ste/ nas dang gro dang 'bras dang til la sogs pa'o/ /gter gyi dngos po ni 'di lta ste/ gser dang dngul dang mu tig dang baiDUrya la sogs pa'o//
 yul gyi dngos po ni 'di lta ste/ zhing gi dngos po dang/ khyim gyi dngos po dang/ tshong khang dang/ bsod nams kyi don du brtsigs pa'i khang ba la sogs pa'o/ /cis sbyin zhe na/ 'dod ma chags pa dang/ zhe mi sdang ba dang/ ldan pa'i rgyus bskyed pa'i lus kyi las dang/ ngag gi las
 kyis sbyin no/ /ji ltar sbyin zhe na/ dad pa'i sems kyis tshe phyi ma dang 'bras bu yod par lta zhing/ gus pa dang 'dud pa'i sems kyis rang gis lag nas gus par byas te dus su sbyin no/ /ci'i phyir sbyin zhe na sdug bsngal gyi zhing la ni snying rje bas sbyin no/ /phan btags pa'i zhing la ni byas
 pa gzo pa'i sems kyis sbyin no/ /yid du 'ong ba'i zhing la ni mdza' bar gyur pas sbyin no/ /khyad zhugs pa'i zhing la ni 'jig rten kun las khyad par du 'phags pa de las 'bras bu dam pa 'byung ba'i phyir sbyin te 'di ni sbyin pa zhes bya'o/ /tshul khrims zhes bya ba la/ tshul khrims
 ni yan lag drug dang ldan pa'i tshul khrims la bya ste/ yan lag drug dang ldan pa'i tshul khrims gang zhe na/ tshul khrims dang ldan pa yin zhing/ so sor thar pa'i sdom pas sdams pa/ spyod pa dang spyod yul phun sum tshogs pa kha na ma tho ba dus ci
 la yang 'jigs par lta zhing/ yang dag par blangs pa'i gnas rnams slob bo zhes gang gsungs pa'o/ /de ltar tshul khrims dang ldan pa ni ji ltar bslab pa yang dag par blangs pa'i gnas dang/ lus kyis las kyis zhig par ma byas pa dang/ ngag gi las kyis zhig
 par ma byas pa'o/ /ji ltar so sor thar pa'i sdom pas bsdams she na/ sde bdun pa'i tshul khrims pa ni sor thar pa'i sdom pa ste/ de dang ldan pa'o/ /de la sde bdun ni dge slong pha dang dge slong ma dang/ dge bsnyen pha dang/ bsnyen ma dang/ dge sbyong pha dang/ dge sbyong ma dang/
 dge slob ma'o/ /de la spyod pa phun sum tshogs pa ni/ spyod lam bzhi 'am lus bya ba 'am/ dge ba'i phyogs la sbyor ba rnams kyang 'jig rten gyi rjes su 'jug cing/ 'jig rten dang mthun par byed pa pa dang/ 'dul ba'i rjes su 'jug cing 'dul ba dang mthun par
 byed pa ste/ don du na las su bya ba thams cad la 'jig rten pa rnams kyi mig mi 'gag pa 'am/ 'dul ba dang mi 'gal bar byed pa'o/ /ji ltar spyod yul phun sum tshogs pa yin zhe na/ spyod yul rnam pa lngar/ 'jug tu ma gnang ba rnams su mi 'jug pa ste/ spyod
 yul rnam pa lnga ni/ bshad pa'i gnas dang/ smad 'tshong ma'i gnas dang/ chang gi gnas dang/ rgyal po'i pho brang dang/ gdol ba'i gnas so/ /ji ltar kha na ma tho ba phra ba la 'jigs par lta zhe na/ kha na ma tho ba phra ba zhes bya ba ni/ gang bslab tshig phran tshegs su gyur
 pa nyams na yang bslang bar sla ba ste/ dper na dug chung ngus kyang skyes bu chen po gsod pa bzhin du/ kha na ma tho ba phra mo 'di dang/ byung na yang dgra bcom pa'i 'bras bu thob pa'i skal ba med cing ngan song du ltung bar 'gyur ro zhes de dag la yang bag byed ces 'jigs
 yang dag pa'i dag bstan par bya ba'i phyir/ /yang dag pa'i ngag gang zhe na zhes bya ba la sogs pa gsungs so/ /rdzun tu smra ba zhes bya ba la gang smra bar bya ba'i don de 'du shes gzhan du bzhag nas gzhan du smra ba ste/ gang la smra bar bya ba'i mi des don go bar byas na rdzun
 de bas na mngon pa'i chos mdzod las 'du shes gzhan du bsgyur ba'i tshig /don shes pa la smras na rdzun zhes gsungs so/ /ngag rtsub po zhes bya ba la zhe sdang dang bcas pa'i sems kyi pha rol po mi dga' bar bya ba'i phyir rigs dang rus la sogs pa skyon smos
 ba'i tshig smras nas gzhan gyis go bar gyur na tshig rtsub po/ /phra ma zhes bya ba la 'dod chags dang zhe sdang dang bcas pa'i sems nyon mongs pas pha rol dbye bar bya ba'i phyir phan tshun bskyal ba las don go bar gyur na phra ma'o/ /de bas na mngon pa'i chos
 mdzod las kyang/ phra ma nyon mongs pa can gyi sems dang tshig ste dbye bar bya ba'i phyir zhes gsungs so/ /dkyal bar smra ba zhes bya ba la 'dod chags la sogs pa'i nyon mongs pa dang bcas pa'i sems kyis/ kha gsag dang glu dang mu stegs kyi gtsug
 lag bshad nas gzhan gyis don go bar gyur na tshig bkyal ba ste/ de bas chos mngon pa'i mdzod las kyang/ kha bsag glu dang glu tshig bzhin/ /gtsug lag ngan pa bzhin du yang/ zhes gsungs so/ /don ngag gi skyon rnam bzhi spangs nas/ 'jam pa dang
 don dang bcas pa'i dam pa'i chos ston pa ni/ yang dag pa'i dag ces bya ste/ de dag gi mtshan nyid zhib tu yang dag pa'i las kyi mdza' i skabs su bshad do// //yang dag pa'i las kyi mdza' bstan par bya ba'i phyir/ yang dag pa'i las kyi mdza' gang
 zhe na/ lus dang ngag dang yid kyis zhes bya ba la sogs pa gsungs te/ mdor na lus dang ngag dang yid kyi mi dge ba bcu spangs nas lus dang ngag dang yid kyi dge ba bcu'i las kyi lam bsgrubs pa ni yang dag pa'i las kyi mdza' zhes bya'o// //
 bsgyur bar gyur cig ce 'am/ sogs pa'i sgras brgya byin dang tshangs par gyur cig ces mi bsngo pa 'di ni yang dag pa'i rtog pa'o/ /nyon mongs pa'i sgrib pa rnams spangs nas skyes bu gnyid las sang pa bzhin du/ ma rig pa'i gnyis las sang par
 byas shing phung po dang khams la sogs pa'i chos rnams mngon du gyur/ padmo kha? phye ba lta bur gyur pa ni sangs rgyas/ /'khor los sgyur ba zhes bya ba la 'khor lo ni rin po che'i mthus 'gro ba rnams la dbang byed cing rgyal srid 'dzin pa ni 'khor los sgyur ba
 zhes bya'o/ /'khor los sgyur ba'ang rnam pa bzhi yod de/ gser gyi 'khor lo can dang/ dngul gyi 'khor lo can dang/ zangs kyi 'khor lo can dang/ lcags kyi 'khor lo can dang/ de la gser gyi 'khor lo can ni mchog go /dngul gyi 'khor lo can ni mchog dang nye ba'o//
 zangs kyi 'khor lo can ni bar ma'o/ /lcags kyi 'khor lo can ni tha ma'o/ /de yang rims bzhin du gser gyi 'khor lo ni gling bzhi la dbang sgyur ro/ /dngul gyi 'khor lo can ni gling gsum la'o/ /zangs kyi 'khor lo can ni gling gnyis la'o/ /lcags kyi 'khor
 lo can ni gling gcig la'o/ /de la dbang sgyur ba'i tshul yang gser gyi 'khor lo yod pa rnams la ni mkhar gyi rgyal phran rnams bdag cag nyid bsu zhing mthun du 'ongs nas 'di skad du/ kye lha skye dgu 'di dag ni phyug cing 'byor la/ skye bo mang pos kyang
 rgyas pa lags te/ bdag cag kyang lha'i lags pas bdag cag la lhas lung stsal du gsol zhes zer ro/ /gang dngul gyi 'khor lo can de dag nyid rkang gis bcugs tshe song ba'i 'og tu rgyal phran rnams 'dud par byed do/ /gang zangs kyi
 'khor lo can de dag ni mkha' gyi rgyal phran rnams kyi drung du song nas/ tshig gis thabs dang 'dud par 'gyur ro/ /lcags kyi 'khor lo can gyis ni drung du song nas gcig la gcig mtshon gzas pa dang de'i 'og tu 'dud par byed do// //
 srog gcad pa ni ma yin no/ de ni mdor na 'di skad bstan pa yin te/ gang bsad par bsams pa de nyid bsad kyi nor te gzhan ma bsad ces bya ba'i don to/ /yan lag gsum pa bstan pa'i phyir/ gsad sems kyang skyes zhes bya ba smos te gsad snyoms pa'i sems kyis bsad sems skyes nas
 bsad na ni srog bcad pa yin gyi/ gsad ba'i bsam pa med de nyon mongs pa med pa'i sems kyi bsad na srog bcad pa ma yin no zhes bya ba'i don to/ /yan lag bzhi pa bstan pa'i phyir gnod par yang byas zhes bya ba smos te/ gsad sems yod kyang gal te mtshon la sogs pas ma
 bsnun na srog bcad pa ma yin gyi/ bsad par bsam pas mtshon cha la sogs pas kyang bsnun ces bya ba'i don to/ /yan lag lnga pa bstan pa'i phyir/ de yang shi na zhes bya ba gsungs te/ gang gsad par bya ba de yang srog gi dbang po'i rgyun chad de shi na yan lag lnga tshang bas
 srog gcad pa rdzogs pa yin no/ /srog bcad ces bya ba la 'tsho ba'i dbang po ni srog te/ de'i rgyun gnod bar byed pa'am 'gog par ni srog gcod pa'o/ /tha na chung ngu na tshe kun zang 'gags zin nas 'tsho ba'i dbang po skad cig ma gcig skye bar 'gyur ba'i bar chad
 byas na yang srog bcad pa'i kha na ma tho ba dang ldan par 'gyur na gzhan lta ci smos/ bag byas pa dang ma mthong ba ma gtogs te zhes bya ba la bag byas bzhin pa las shi ba dang sdong po la bsnun no snyam pa las mi la phog ste shi ba dang mi yod par ma mthong
 ste/ rdo 'phangs pa la sogs pas shi bar gyur pa ni srog gcod pa la ma yin no zhes bya ba'i don to/ /ma byin par len pa bstan par bya ba'i phyir de la ma byin par len pa gang zhe na zhes bya ba la sogs pa gsungs so/ /mthuAm sgyu 'am 'jab bus gzhan gyi nor blangs pa ni ma byin par len
 pa'o/ /de yang yan lag lnga dang ldan na ma byin par len pa rdzogs par 'gyur te/ brkus par 'gyur ro/ /yan lag dang po bstan pa'i phyir/ rku sems kyis zhes bya ba gsungs te/ gsal te/ gnas 'dir rdzas bzhag na stor bar 'gyur bas gzhan du bzhag go snyam pa'i
 mi dge ba bcu dang dge ba bcu gang yin pa bstan pa'i phyir/ de la lus kyi rnam pa gsum ste zhes bya ba la sogs pa gsungs te/ lus kyi las srog gcod pa dang ma byin par len pa dang/ 'dod pas log par spyod pa ni lus kyi mi
 dge ba gsum zhes bya ba la/ de gsum spangs pa ni lus kyi dge ba gsum zhes bya'o/ /ngag gi bzhi ste zhes bya ba la/ rdzun du smra ba dang/ ngag rtsub po dang/ phra ma dang/ dkyal bar smra ba ni ngag gi mi dge ba bzhi la de bzhi spangs pa ni ngag gi dge ba bzhi'o
 yid kyi rnam pa gsum ste zhes bya ba la/ chags pa dang gnod sems dang log par lta ba ni/ yid kyi mi dge ba gsum la/ de gsum spangs pa ni yid kyi dge ba gsum ste/ lus kyi mi dge ba gsum dang ngag gi mi dge bar zhi dang/ yid kyi mi dge ba gsum bsgoms na mi dge ba bcu'o/ /lus kyi dge ba gsum dang
 ngag gi dge ba bzhi dang/ yid kyi dge ba gsum ste/ bsdoms na dge ba bcu'o/ /lus kyi lam bcu po 'di dag rnam pa brgyad kyis rnam par bzhag ste/ yan lag yongs su rdzogs pa dang/ rab tu dbye ba dang/ rgyu dang gnas dang sgo dang las kyi lam che chung
 dang 'bras bu dang rnam grangs so/ /de la yan lag yongs su rdzogs pa'i dbang du byas nas/ de la srog gcod pa gang zhe na zhes bya ba la sogs pa gsungs so/ /yan lag lnga dang ldan na srog gcod pa'i srog gcad pa rdzogs par 'gyur te/ de las 'ga' zhig
 ma tshang na ni/ srog gcad pa ma yin no/ /yan lag dang po bstan pa'i phyir ro/ /srog chags kyang yin zhes bya ba smos te/ gang gsad par bya ba de yang dag par na sems can nam srog chags yin gyi/ mtho'am sdong bu la sogs pa ma yin no/ /yan lag gnyis
 pa bstan pa'i phyir/ srog chags su 'du shes kyang gyur ces bya ba smos te/ gal te gang bsang bar bsams pa de yang srog chags yin par shes shing/ srog bcad pa yin te/ sdong dum la sogs pa yin no ba'i 'du shes kyis srog chags la bsnun nas/ srog
 pa'o/ /ji ltar yang dag par blangs pa'i gnas la slob ces na/ dang por so sor thar pa'i sdom pa yang dag par len pa'i dus na gsol ba dang zhu ba'i las bzhis bsnyen par rdzogs pa'i tshe bslab pa'i gnas kyi lus las du zhig thos nas gzhan ni zla ba phyed phyed cing so sor
 thar pa'i mdo 'don pa las shes par gyis shig ces bsgo ste/ phyis des tshangs pa mtshungs par spyod pa rnams las tshul khrims kyi dngos po du yang ba rgyas par nyan cing ji ltar mnyan pa rnams mi nyams par yang byed la/ nyams pa rnams kyang
 chos bzhin du gso bar byed pa'o/ /don du na tshul khrims kyi mtshan nyid rnam pa gsum ste/ mtshan nyid gsum ni ma yin pa'i mtshan nyid dang/ rang bzhin gyi mtshan nyid dang/ gzhan dang bdag la bltos nas yon tan gyi mtshan nyid do/ /de la tshul khrims dang ldan pa
 yin zhes bya bas ma zhig pa'i mtshan nyid bstan to/ /so sor thar pa'i sdoms pas bsdams zhes bya bas rang bzhin gyi mtshan nyid bstan to/ /spyod pa dang spyod yul phun sum tshogs pa zhes bya bas gzhan la bltos nas yon tan gyi mtshan nyid bstan te/ spyod lam
 mdzas shing 'gro bar bya ba ma yin pa'i gnas su mi 'gro na/ gzhan dag sems ma dad pa ni dad par 'gyur/ /dang ba rnams ni dad pa char 'phel bar 'gyur zhing/ phyogs phyogs su mi snyan pa'i tshig mi sgrogs pa'i phyir/ gang kha na ma tho ba rdul tsam la yang 'jigs
 par lta ba dang/ yang dag par blangs pa'i gnas la slob la gnyis kyis ni bdag las bltos nas tshul khrims kyi yon tan bstan te/ bslab pa phra mo rnams kyang ma nyams na/ dgra bcom pa'i 'bras bu ma thob pa dang/ mngon du ma byas pa'i rnams thob pa dang/ mngon du
 bya ba'i skal pa can du 'gyur ba'i phyir ro/ /sangs rgyas su 'gyur bar bsngos te zhes bya ba ni/ sbyin pa dang/ tshul khrims kyi sgo nas dge ba byas pa de dag gi rgyu sangs rgyas su gyur cig ce'am/ sogs pa'i sgras dgra bcom pa'am/ rgyun tu zhugs par gyur ces bsngo'o/ /'khor los
 dge ba'i sems kyis blangs pa ni ma yin gyis gzhan gyi nor la chags pas de rku'o snyam sems pa'o/ /yan lag gnyis pa bstan pa'i phyir/ pha rol gyis zhes bya ba smos te/ bdag gi nor ni ma yin gyi sems can gzhan gyi nor zhes bya ba'i don to//
 yan lag gsum pa bstan par bya ba'i phyir/ nor zhes bya ba smos te/ sems can gzhan gyis bdag gir byas pa'i 'bru dang gter? la sogs pa'i rdzas so/ /yan lag bzhi pa bstan pa ni sbyor bar byed pa ste/ rang gi gnas nas 'phags pa dang/ lam du zhugs pa dang/ khang?
 khyim 'bugs? pa nas nor rdzas lag gis reg pa'i bar du'o/ /yan lag lnga pa bstan par bya ba'i phyir/ bdag gir byed pa zhes bya ba gsungs te/ gzhan gyi nor rdzas gnas nas spags nas bdag kho na'i nor du byas na yan lag rdzogs pa na ma byin par blangs par 'gyur ro//
 de lta na bcom ldan 'das kyis rgyan brkus pa bdag po med na su las brkus pa yin/ smras pa/ de sangs rgyas las bkrus pa yin te/ de dag thams cad kyang bcom ldan 'das kyis mya ngan las 'das pa'i tshe/ yongs su gzung zhing bzhes pas so/ /dge slong shi ba'i nor bdag po med pa brkus na su las brkus
 par 'gyur ro/ /smras pa gsol ba dang zhu ba'i las byas na ni mchis su? gtogs pa'i sangs rgyas kyi sras rnams las brkus par 'gyur ro/ /las ma byas na ni sangs rgyas kyi sras thams cad las brkus pa yin no/ /mchod rten las brkus pa gang las brkus par 'gyur/ de yang de
 bzhin gshegs pa nyid las brkus par 'gyur ro/ /bdag po med pa'i gter byin na su la brkus pa yin/ yul gyi bdag po ste/ rgyal po las brkus pa yin no/ /ma dang pha zhes bya ba la sogs pa ni pha ma la sogs pa'i nor yid gtsugs pa blangs kyang mi dga' bar
 mi 'gyur ba'i nor blangs pa ni ma byin par blangs pa ma yin no/ /de dag la yang stod g.yogs dang smad g.yogs la sogs pa lus la gyon bzhin pa len pa dang/ kha zas za ba bzhin 'phrog pa ni de dag mi dga' bar 'gyur bas na ma byin par blangs pa yin no/ /'dod
 pas log par spyod pa bstan pa'i phyir 'dod pa log par spyod pa gang zhe na zhes bya ba la sogs pa gsungs te/ gzhan gyi bud med la g.yem ba dang zhes bya bar sbyar ro/ /mdor na gzhan gyis bdag gir byas pa'i bud med rnams la mthu 'am/ /rkun bur spyod pa ni
 'dod pas log par spyod pa zhes bya ste/ de yang rnam pa lngar bzhag go /lnga gang zhe na/ 'gro ba ma yin par 'gro ba dang yan lag ma yin par 'gro ba dang/ mi rigs par 'gro ba dang/ gnas ma yin par 'gro ba dang/ dus ma yin par 'gro ba'o/ /'gro ba ma yin par
 'gro ba yang rnam pa lnga ste/ khyos bsrungs pa dang/ rgyal pos bsrungs pa dang/ pha mas bsrungs pa dang/ chos kyis bsrungs pa dang/ 'gro bas bsrungs pa'o/ /de la khyos bsrungs pa ni gang gi bag mar blangs nas bdag gi chung mar byas pa'o/ /rgyas pos bsrungs
 pa ni gang khyo shi bar gyur pa ni bud med yug sa'am/ mgon med pa rgyal po'i bka' khrims kyis khrims su bcas te/ spyod du ma gnang bar byas pa'o/ /pha mas bsrungs pa ni bu mo de gzhan la ma byin gyi gzhan dang 'khrir mi gzhug pa'i phyir pha ma'i go na
 gnas pa'o/ /chos kyis bsrungs pa ni dge slong ma 'am khrims mnos pa thams cad do/ /'gro bas bsrungs pa ni/ 'gro ba mang pos khrims su bcas te/ 'dod chags spyod du mi ster ba'o/ /de la khyos bsrungs pa la spyad na khyo las 'dod pas log par spyad pa yin no/ /rgyal
 pos bsrungs pa la spyad na/ rgyal po las phrogs shing mi tshangs par spyad pa yin te/ des de la mi bzod par bya ba'i phyir ro/ /rgyal po de nyid de la spyod na/ gang las mi tshangs par spyod pa yin zhe na/ dper na rgyal po'i btsun pos khrims mnos pa'i tshe spyad na
 rgyal po nyid mi tshangs par spyod pa'i kha na ma tho ba dang ldan pa bzhin du don 'di yang 'dra bar blta'o/ /chos kyi bsrungs pa dge slong ma la mi tshangs par spyad na/ gang las mi tshangs par spyad pa yin zhe na/ rgyal po las rkus shing mi tshangs par spyad pa yin te/ des de
 la mi bzod par byas pa yin pas so/ /rgyal po nyid de la spyod na/ /gang las mi tshangs par spyod pa yin zhe na/ dper na rgyal po'i btsun mo dus khrims mnos pa la spyad pa dang 'dra bar/ kha na ma tho ba thob par 'gyur ro/ /'gro bas bsrungs pa la
 spyad na/ gang las mi tshangs par spyad pa yin zhe na/ 'gro ba mang po las brkus shing mi tshangs par spyod par 'gyur ro/ /yan lag ma yin par 'gro ba ni/ /rang gi kha dang mi gtsang ba'i lam dang/ bdag gi chung ma la yang/ kha rkub la sogs pa spyad par bya ba ma yin
 ba'i gnas su spyod pa'o/ /mi ri par 'gro ba ni ma dang sring mo la sogs pa'i rigs kyi rgyu dang? 'brel ba rnam 'gro ba'o/ /gnas ma yin par 'gro ba ni/ g.yel ba kun gyis mthong ba'i/ gnas ma/ mchod rten dang/ gtsug lag
 khang la sogs pa'i gnas su spyod pa'o/ /dus ma yin par 'gro ba ni/ nyin bar bdag gi chu 'am khrag 'dzag pa la lto snum ba 'am/ byi ba chung ngu nu ma mnun pa'i tshe spyod pa ste sbrum pa'i tshe spyad na ni/ mngal na gnas pa la gnod pa dang
 byi ba chung ngu 'o ma 'thung ba'i tshe spyad na ni/ 'o ma myur du zad par 'gyur la/ 'o ma 'thungs kyang de la lus brtas pa dang rgyas par mi 'gyur ba'i phyir spyad du mi rung ngo/ /lus kyi mi dge ba gsum rgyas par bshad pa sdu ba'i phyir/ /'di ni lus kyi
 rnam pa gsum mo zhes bya ba gsungs so/ /'dod pas log par spyod ces bya ba'i tshig gi don bstan pa'i phyir/ /'dod pa 'dod pa zhes bya ba la sogs pa gsungs te/ 'dod pa 'dod pa zhes bya ba'i tshig 'di ni ngan pa 'phags pa rnams kyi smad pa yin pas/
 de phyir 'dod pas log par g.yem ba zhes bya'o/ /de yang yan lag lnga rdzogs pa na/ 'dod pas log par spyod pa yin te/ yan lag lnga ni bud med kyang yin/ sgo gsum yang ma nyams chags sems kyang yod sgo gsum du yang bcug dga' bar
 bar yang tshor ba'o/ /rdzun du smra ba bstan pa'i phyir/ /rdzun gang zhes na zhes bya ba la sogs pa gsungs te/ bden pa ma yin pa'i tshig ni rdzun no/ /de yang 'jig rten gyi phyir dang/ 'jig rten las 'das pa'i phyir te/ rnam pa gnyis su bzhag go /de la 'jig rten gyi dbang du
 byas nas/ dbang dris na yang dag pa ji lta ba las log par smra ba zhes gsungs te/ mi gnyis shig shags la zhugs pa na dge ba'i mi rnams kyis la la zhig la dbang du bskos te/ mi 'di gnyis kyi phyir smras pa rnams ji ltar thos pa dang/ mthong bzhin du
 smros shig ces bsgo ba dang/ bdag gi don nam gzhan bslu bar bya ba'i phyir dbang po de dris pa'i dus na thos pa dang mthong ba la sogs pa yang dag pa ji lta bzhin du drang por mi smra mi smra'i/ gzhan du smra ba ni rdzun zhes bya'o/ /rdzun du smra ba'i mi des kyang
 don shes pa'i mdun du smra ba/ go bar 'gyur na rdzun du 'gyur gyi gzhan du ni ma yin no/ de bas na rdzun gyi mtshan nyid gzhan du 'du shes pa'i ngag don shes pa'i mdun du smras na rdzun 'gyur ro zhes bshad do/ /'jig rten las 'das pa'i dbang du byas nas/ dgra
 bcom pa la dgra bcom pa'o zhes bya ba gsungs te/ dgra ni 'dod chags la sogs pa'i nyon mongs pa'o/ de bcom pa ni dgra bcom pa 'am/ bsod nams kyi zhing dam bar gyur pas 'gro ba kun gyis mchod par 'os pa ni dgra bcom pa zhes bya ste/ khe dang bkur
 sti la chags pa'i rgyus dgra bcom pa ma yin par dgra bcom pa yin no/ zhes smras na/ rdzun zhes bya ste bzhad gang gyi phyir byas pa ni rdzun ma yin no/ zhes bya ba'i don to/ /smras pa don gang gis go bar bya ba de lus kyis go bar byas na/ rdzun du 'gyur pa/
 smras pa de yang 'gyur te de'i phyir bshad pa 'di ltar tshig mi byin na rdzun gyi kho na ma tho bas reg pa yod dam/ yod de lus kyi gal te go bar byed na'o zhes dper na gso sbyin gyis tshe bshad pa'o/ /yan lag bzhi dang ldan na rdzun byas par 'gyur te/ khe
 dang bkur sti la chags pas bdag gi phyir dang/ rdzun smra bar bsams pa dang/ gzhan gyis go bar gyur pa'o/ /phra ma bstan par bya ba'i phyir/ phra ma gang zhe na zhes bya ba la sogs pa gsungs so/ /mdza' ba dbye bar bya ba'i
 phyir bsam mas? phan tshun tshig skyel ba ni phra ma ste/ de yang yang dag pa'i tshig skyel ba dang/ yang dag pa ma yin pa'i tshig skyel ba ste rnam par gnyis/ /de la bden pa zhes bya bas yang dag pa'i tshig skyel ba bstan te/ gzhan gyis gzhan
 dag la mi dga' ba'i tshig smras pa yang bden la/ de nyid sgro ma btags par phan tshun skyel ba'o/ yang dag pa ma yin pa ni gzhan gyis gzhan dag la tshig mi snyan pa ma smras kyang/ sgro btags nas phan tshun tshig skyel ba ste/ de lta
 bu'i sgo nas mdza' ba 'byed par byed pa'i tshig smras zhing bye bar gyur na phra ma'o/ /yan lag bzhi dang ldan na phra ma byas pa yin te/ phra ma bya bar yang bsams phra ma'i tshig kyang smras/ /gzhan gyis kyang don go bar yang gyur pa'o//
 tshig rtsub po bstan pa'i phyir/ de la ngag rtsub po gang zhes bya ba la sogs pa gsungs so/ /de la gzhan gyis zher 'debs pa'i tshig ni tshig rtsub pa'o/ /de nyid bstan par bya ba'i phyir ro/ /'di ni sdug bsngal bar gyur cig ces bya ba la
 sogs pa gsungs te zhe sdang gi sems kyis gzhan gyi sems la sdug bsngal bar 'dod de/ gang gzhan gyi yid du mi 'ong zhing mi dga' bar gyur pa'i tshig rigs dang rus dang skyon la sogs pa smra ba ni tshig rtsub po zhes bya'o//
 yan lag bzhi dang ldan pa'i tshig rtsub po smras pa yin te/ zhe sdang ba'i sems dang tshig rtsub po smra bar bsim? pa dang/ smras pa dang/ de'i rgyus gzhan yang sems la sdug bsngal bar 'gyur ba'o/ /tshig bkyal pa bstan par bya ba'i
 phyir bkyal bar smra ba gang zhe na zhes bya ba la sogs pa gsungs te/ mdor na rnam par byad ba thob pa dang/ nyon mongs pa 'joms par byed pa'i don dang/ chos kyi gtam ma yin pa 'dod chags la sogs pa'i nyon mongs ba skye bar 'gyur ba'i tshig smra ba ni dkyal
 par smra ba zhes bya'o/ /de nyid gang yin pa rgyas par bstan pa ni/ rgyal po'i gtam zhes bya ba la sogs pa'o/ /sngon rgyal po sh+rI ha ri sha zhes bya ba byung ste/ de'i 'khor dang blon po dang pho brang la sogs pa 'di 'dra'o zhes smra ba ni rgyal po'i gtam mo/ /rkun
 po 'ga' 'am sder chas pa che ge mo zhig gis gzhan gyi gnas bcom nas rdzas la sogs pa 'di ltar ro zhes smras pa ni rkun po'i gtam/ /rgyal po sde gnyis las dmag gis 'thabs pa na dpa' bo ni 'di snyed/ glang po ni 'di snyed/ rta ni 'di snyed
 dpung bu chung ni 'di snyed cig ste/ mdza' 'di ltar 'gyur ro zhes smra ba ni dmag gi gtam mo/ /bdag gi pha ma nye du gnyen bshes sam mdza' bo rnams dang dus 'di'i tshe/ bza' ba 'di lta bu dang/ btung ba 'di lta bu dag /spyod spyod de 'di ltar dga' par gnas
 shes 'am/ phyis kyang bza' ba dang/ btung ba 'di lta bu dag bya'o zhes smra ba ni/ chang gi gtam mo/ /rgyan po 'di gnyis rgyan bkye ba las 'di pham/ 'di rgyal zhes 'am/ bdag cag kyang rus 'di/ rgyan po 'di ltar brgya 'o zhes smra ba ni/ rgyan
 po'i gtam mo/ /sngon nam/ da ltar 'gro ba bzang mo 'di lta bu dag byung ste/ skyes bu 'di dag dang rtag tu 'grogs/ bdag kyang 'gro ba bzang mo 'di lta bu 'di snyed cig dang 'grogs te spyod pa 'di 'dra zhes smra ba ni bud med kyi gtam mo/ /sngon gyi
 rgyal po dang blon po dang bram ze dang khyim bdag la sogs pa shes pa dang/ dpa' ba' i gtam gyi rgyud gleng ba ni srung gtam mo/ /gzhan yang glu len pa dang mu steg kyi gtsug lag khang la sogs pa 'chad pa yang tshig bkyal pa zhes
 bya'o/ /kho na 'khor los sgyur ba'i rgyal po'i dus na/ glu len pa de yang bkyal pa yin nam ma yin te/ 'khor ba las byung ba dang/ mya ngan las 'das pa thob par 'gyur ba'i tshig dag glu dang sbyar te/ len la grong ma'i tshig lta bur ma rigs pas
 bsdus pa med pas na nyes med do/ /yan lag bzhi dang ldan na tshig bkyal bar smra ba yin te/ yan lag bzhi ni chags pa'i bsam pa dang ldan pa dang/ tshig bkyal bar smra ba bsam pa dang/ tshig bkyal bar smras pa dang/ gzhan dag gis kyang thos te
 chags pa skyes pa'o/ /ngag gi las rgyas par bshad pa bsdu ba'i phyir 'di ni ngag gi rnam pa bzhi 'o zhes bya ba gsungs so/ /chags sems bstan pa'i phyir/ /de la chags pa gang zhe na zhes bya ba la sogs pa gsungs so/ /gang gzhan gyi nor de rnams
 'dag gir gyur cig ces bya ba la/ gang sems can gzhan gyi nor 'bru'i dngos po dang/ gter gyi dngos po dang/ yul gyi dngos po rnams la chags pas de dag ji ltar bdag gir gyur par bya zhes bsams te/ gzhan gyi nor la mthu dang 'jag bu la sogs
 bas brkus nas bdag gir byed par 'dod pa ni chags pa zhes bya'o/ /yan lag gsum dang ldan na chags sems su 'gyur te/ chags pa'i bsam pa yang yod/ nor la brku bar yang sems/ brku bar bya ba'i sbyong ba yang rtsom pa'o/ /gnod
 sems bstan par bya ba'i phyir/ de la gnod sems gang zhe na zhes bya ba la sogs pa gsungs so/ /zhe sdang gi sems kyi gzhan gyi 'tsho ba dang bral bar bya ba 'am/ lus la gnod par bya ba sems pa ni gnod sems so/ /de nyid kyi don bstan par bya ba'i phyir
 pha rol 'tsho ba dang dbral bar zhes bya ba gsungs te/ 'tsho ba dang dbral ba sems pa ni gzhan dag gsang par sems pa'o/ /bcad ba ni mtshon cha la sogs pas yan lag gtub pas sems pa'am/ nor la sogs pa dang dbral bar sems pa'o/ /gzir ba ni bcing ba
 dang brdeg pa la sogs par sems pa'o/ /yan lag gsum dang ldan na gnod sems su 'gyur te zhe sdang dang ldan pa dang/ gnod par bya bar sems pa dang/ gnod par bya ba'i phyir sbyor ba la rtsom pa'o/ /log pa'i lta ba bstan par bya ba'i phyir/ /de la log pa'i lta ba gang zhe na/
 zhes bya ba la sogs pa gsungs so/ /yang dag pa'i lta ba las bzlog pa ni log pa'i lta ba ste/ de yang 'jig rten 'di med/ 'jig rten pha rol med ces bya ba la sogs pa gong ma las bzlog pa'o/ /log pa'i lta bas tshes lnga la skur pa 'debs te/ 'jig rten pha rol du 'gro
 ba la skur ba 'debs pa dang/ sa bon 'jog pa dang gzhi la skur pa 'debs pa dang/ rgyu la skur pa 'debs pa dang/ 'bras bu la skur pa 'debs pa dang/ dam pa'i dngos po chud za bar byed pa'o/ /de la 'jig rten 'di med 'jig rten pha rol med ces bya ba ni/ 'jig rten pha rol du  
 'gro ba dang mi 'gro ba la skur ba 'debs pa'o/ /ma med pha med ces bya ba ni sa bon dang bzhi'i bya ba la skur pa 'debs pa'o/ /sbyin pa med sbyin sreg med/ 'dod pa dang mi 'dod pa med ces bya ba ni rgyu la skur 'debs pa'o/ /legs par byas pa dang nyes par byas pa'i 'bras bu rnam par smin
 pa med ces bya ba ni 'bras bu la skur pa 'debs pa'o/ /'jig rten na yang dag par song ba dang/ yang dag zhugs pa med ces bya ba ni dam pa'i dngos po chud za bar byed pa'o/ /yan lag gsum dang ldan na log pa'i lta ba yin te/ gti mug dang ldan pa dang/ 'jig rten
 pha rol med do/ /zhes bya ba la sogs par sems yid ches pa dang/ de bzhin du tshig tu yang 'byin pa'o/ /rab tu dbye ba ni/ mi dge ba'i las kyi lam bcu po 'di dag rnam pa bzhir bzhag ste/ dngos po dang bsam pa dang sbyor ba dang/ mthar thug pa'o/ /de la mi dge ba bcu'i
 las kyi lam gyi dngos po ni dngos po gang la brten nas srog gcod pa la sogs pa 'byung ba ste/ de yang sems can gyi grangs su gtogs pa dang/ /sems can ma yin pa'i grangs su gtogs pa ste/ rnam pa gnyis/ /bsam? pa ni dngos po de yin par shes pa dang/ de'i las bya bar 'dod pa'i
 sems skyes pa'o/ /sbyor ba ni de'i las bya ba'i phyir bdag gam gzhan gyi lus dang ngag dang yid kyi sgo nas rtsom pa 'jug pa'o/ /yongs su rdzogs pa ni sbyor ba de dang de las de dag de'i dus na mthar phyin par byas pa 'am/ phyis mthar phyin par
 byas pa'o/ /de la sog bcod pa'i dngos po ni mi dge ba dang phyugs la sogs pa sems can gyi grangs su gtogs pa'o/ /bsam pa ni sems can yin par yang shes la/ de gsad par yang bsams pa'o/ /sbyor ba ni de la 'ga' zhig phyugs bsad
 par 'dod nas/ khri las ldang rin blangs lam du zhugs/ sna nas khrid bran khyim du bcug /mtshon gyis bsnun te/ tshon gcig gnyis la sogs pa ji srid du 'tsho ba dang bral bar ma gyur gyis las byed pa ni sbyor ba'o/ /yongs su rdzogs pa ni srog chags
 de sbyor ba ngas/ de'i tshe shi 'am phyis shi bar gyur pa'o/ /ma byin par len pa'i dngos po ni mi dang phyugs la sogs pa'i sems can gyi dngos po 'am/ 'bru dang gter la sogs pa sems can ma yin pa'i dngos po'o/ /bsam pa 'di ni dngos por
 kun yin par shes la/ gzhan gyis yongs su bzung ba'i dngos po bdag gir bya bar 'dod pa'o/ /sbyor ba ni khri las ldang ngo lam du 'jug go /khyim 'bigs pa la sogs pa byed pa nas/ ji srid du dngos po ma blangs kyi bar gyi las byed pa'o/ yongs su
 rdzogs pa ni mthu 'am 'jab bus dngos po de dag bdag gir byas pa'o/ /'dod pas lag par spyod pa'i dngos po ni 'gro bar bya ba ma yin pa la sogs pa sems can gyi grangs su gtogs pa nyid do/ /bsam pa ni bud med la sogs pa yin par yang
 shes la/ de la kun tu spyad par bya bar 'dod pa skyes pa'o/ /sbyor ba ni kun tu spyad par bya ba'i phyir stan las langs nas/ bud med kyi gnas su phyin te/ mgo dang rkang lag la sogs pa la 'dzin pa'i bar gyi las byed pa'o/ /yongs su rdzogs pa ni gnyis
 kyis gnyis sprad pa'o/ /rdzun du smra ba'i dngos po ni mi la sogs la sems can gyi grangs su gtogs pa dang 'bru la sogs pa sems can gyi grangs su ma gtogs pa dang/ mthong ba dang thos pa dang rigs pa dang shes pa dang ma mthong ba dang ma thos pa dang ma rigs pa dang
 ma shes pa'o/ /bsam pa ni shes bzhin du gzhan du 'du shes/ gzhan du smra bar 'dod pa'o/ /sbyor ba ni de'i phyir khri las ldang ba dang lam du 'jug pa dang/ smra bar rtsom pa'i bar du'o/ /yongs su rdzogs pa ni dbang gi 'khor tshogs pa'i dbus su rdzun gyi tshig smras pa'o/ /phra ma'i
 dngos po ni dum pa'i sems can dang ma dum pa'i sems can te/ phyogs gnyis so/ /de la dum pa ni snga nas mdza' ba'o ma dum pa ni bye ba gyur pa'o/ /bsam pa ni de nyid dbye bar bya bar 'dod pa'i sems te/ de yang 'dum bal ma dga' ba dang/ mi 'dum ba la dga' 
 ba ste/ rnam pa gnyis so/ /sbyor ba ni de dag dbye bar bya ba'i phyir stan las langs pa la sogs pa'i las rtsom pa'o/ /yongs su rdzogs pa ni tshu rol nas blangs te pha rol tu bsnyad pa dang/ pha rol nas bslang ste tshu rol du bsnyad nas phyogs gnyis su bye bar gyur pa'o/
 de la mdza' ba rnams la ni mi mdza' bar bya ba'i phyir dbye ba'i tshig smra ba'o/ /mi 'dza' ba rnams la phyis kyang mdza' bar mi 'gyur ba'i phyir tshig gis snon pa'o/ /ngag rtsub po'i dngos po ni zhe sdang gi rgyur gyur ba'i sems can no/ /bsam pa ni de la gnod
 pa'i sems skyes pa ste/ de yang 'dis sngon bdag la gnod par byas/ da ltar gnod par byed/ ma 'ongs pa na gnod pa byed par 'gyur te/ 'dis bdag gi mnga' bo la sngon gnod pa byas/ da ltar gnod par byed do/ /phyis gnod pa byed par 'gyur/ 'dis sngon
 bdag gi dgra la phan btags/ da ltar phan 'dogs phyis phan 'dogs par 'gyur zhes sems shing nga la gnod ba bya bar 'dod pa'o/ /sbyor ba ni de la gnod pa bya ba'i phyir stan las ldang ba la sogs pa'i las rtsom pa'o/ /yongs su rdzogs pa ni de'i rgyu
 las rigs dang rus dang skyon la sogs pa smos te/ gzhan gyi sems sdug bsngal bar 'gyur ba'i tshig rtsub mo 'byin pa'o/ /tshig bkyal ba'i dngos po ni/ rgyal po dang rkun po la sogs pa'i don med pas yongs su bsdus pa'i
 gtam rgyud do/ /bsam ba ni gtam de bya bar sems shing 'dod ba skyes pa'o/ /sbyor ba ni gtam bya ba'i phyir rang gi stan las ldang ba la sogs pa'i las rtsom pa'o/ /yongs su rdzogs pa ni 'khor 'dus pa'i nang du gtam smras ba'o/ /chags sems
 kyi dngos po rnam pa gnyis te/ bdag gir bya ba'i dngos po dang yongs su mi gtong ba'i dngos po'o/ /de la mi gtong ba'i dngos po nor 'bru la sogs pa'i rdzas so/ /yongs su mi gtong pa'i dngos po ni lhag par chags par 'gyur ba'i yul te/ bu
 dang chud ma la sogs pa'o/ /bsam pa ni dngos po de yin bar shes shing de la 'dod pa skye ba ste/ 'dod pa skye ba yang bslang ba'i sgo dang 'thob par smon pa'i sgo dang/ brku ba'i sgo dang rnam pa gsum mo/ de la bslang ba'i sgo ni dngos po de la chags
 pas bslang ste thob bar bya'o snyam du sems pa'o/ /thob par smon pa'i sgo ni ci nas kyang dngos po 'di bdag gis thob par gyur ces smon lam 'debs pa'o/ /brku ba'i sgo ni thabs 'dis bdag gis dngos po 'di 'thob pa 'am brku bar bya
 bar sems pa'o/ /sbyor ba ni bdag gir bya ba'i phyir ji ltar bdag gir 'gyur ba'i thabs rnam pa sna tshogs tshor ba'o/ /yongs su rdzogs pa ni de dang bdag gir mi bya mi gtong ngo zhes sems nges par 'gyur ba'o/ /gnod sems kyi dngos po ni zhe
 sdang skye ba'i rgyur 'gyur ba'i sems can no/ /bsam pa ni de la gnod par bya'o/ /snyam pa'i sems skyes pa'o/ /sbyor ba ni stan las ldang ba la sogs pa'i las rtsom pa'o/ /yongs su rdzogs pa ni mi bsad mi brdeg tu mi gtong ngo zhes sems
 la nges par byas pa'o/ /log par lta ba'i dngos po ni 'jig rten 'di dang 'jig rten pha rol dang las dang las kyi 'bras bu la sogs pa'o/ /bsam ba ni las dang las kyi 'bras bu la sogs pa med snyam sems shing de ltar mos pa'o/ /spyod pa ni de
 skad du smra pa'i gtsug lag nyan pa dang 'chad pa rnams dang 'grogs pa'o/ /yongs su rdzogs pa ni med par yid ches nas med do zhes tshig tu yang 'byin bya'o/ /rgyu dang zhes bya ba la mi dge ba bcu'i las kyi lam 'di dag mi dge ba'i rtsa ba gsum gyi rgyu
 las skyes te/ mi dge ba'i rtsa ba gsum ni 'dod chags mi dge ba'i rtsa ba dang/ zhe sdang mi dge ba'i rtsa ba dang/ gti mug mi dge ba'i rtsa ba'o/ /de la srog gcod pa la yang chags pas srog gcod pa dang/ zhe sdang bas gcod pa dang/ gti mug
 pas gcod pa ste/ rnam pa gsum mo/ /de la chags pas srog gcod pa ni/ sha dang pags pa dang khrag la sogs pa 'dod pa'i phyir srog gcod pa dang/ rtsed mo'i phyir srog gcod pa dang/ bdag dang mdza' shes la sogs bskyab pa'i phyir srog
 gcod pa'o/ /zhe sdang gis srog bcod pa ni mi mdza' ba dang shar gnyer ba'i phyir dgra gsod pa'o/ /gti mug gis srog gcod pa ni dper na mchod sbyin byed pa rnams srog gcod de sbyin sreg byas nas mtho ris su skye'o zhes chos kyi bsam pas srog gcod
 pa'o/ /rgyal po dag kyang chos las 'byung ba tshad mar byas nas gsod de mi bgrungs pa rnams bsad pa la sogs pa'i nan thur byas na bsod nams kyi shes su 'gyur ro zhes zer ba dang/ bar rig la sogs pa 'di ltar pha ma rgas te yor zhugs pa nad
 tshabs po ches nyen pa gsad par bya'o/ zhes zer ba la sogs pa'o/ /yang kha cig 'di skad du sbrul dang sdig pa dang/ tre ma bu ga la sogs pa mi la gnod par byed pa yin pas gsad pa dang ri dags dang phyugs dang bya dang ma he la sogs pa mi'i longs spyod
 kyi rkyen yin bas bsad kyang sdig du mi 'gyur ro zhes zer ba la sogs pa'o/ /ma byin par len pa yang chags pa dang gti mug gsum las skyes te/ chags pa las skye ba ni dngos po gang 'dod pa de 'phrog par byed pa'am/
 khe dang bkur sti la chags pa'i phyir rkuAm/ bdag dang mdza' bshes bskyab ba'i phyir nor 'phrog par byed pa'o/ /zhe sdang gis rku ba ni dgra shar gnyer ba'i phyir dgra las 'phrog cing rku ba'o/ /gti mug las byung ba ni ji ltar rgyal po'i chos
 las 'byung ba tshad mar byas nas mi bgrungs pa rnams tshar bcad pa'i phyir de dag gi phrogs na bsod nams kyi shas 'thob bo zhes smras ba dang/ ji ltar bram ze rnams smra ba/ 'di dag la thams cad tshangs pas bram ze la byin te/ bram zes
 dmas pa na dmangs rigs kyi longs spyod rnams kun tu spyad par bya'o/ /de bas na blangs kyang bram ze bdag gi len bdag gis spyod bdag gi la gnas shing bdag gi gtong du zad kyi bram zes lta dbrog par bya'o/ /de ltar byas kyang 'di
 la gzhan gyi yin par 'du shes cha med do zhes 'byung ba'o/ /'dod pa la sogs par spyod pa yang 'dod pa las skye ba dang/ zhe sdang las skye ba dang/ gti mug las skye ba ste rnam pa gsum mo/ /de la 'dod pa las skye ba ni gzhan gyi bud med la chags
 pa'i phyir spyod pa dang bud med kha cig las spyad na 'thob pa dang bkur sti 'byung ngo zhes kha dang bkur sti'i phyir spyod pa dang/ bud med kha cig la spyad na bdag dang mdza' bshes la bskyabs 'byung ngo zhes bdag dang gzhan la bskyab pa'i phyir spyod pa'o
 gti mug las byung ba ni dper na phyugs kyis rjed pa'i mchod sbyin las pha mos nye du bshes gnyen du gyur ba thams cad bsdus nas khang pa gcig tu btsud de/ sgren mor phyung nas phyugs thabs su dgus su bcug la chu 'thung rtswa za/ bab bab du spyod cig
 dang mtho ris su 'gro'o zhes zer ba dang/ yang kha cig bud med rnams ni gtun dang me tog dang 'bras bu dang kha zas dwod la bab pa dang stegs dang lam lta bu ste/ kun gyi spyad kyang nyes pa med zhes zer ba dang/ par sig la sogs pa la spyad par bya'o/ zhes
 zer ba lta bu'o/ /zhe sdang las skye ba ni dgra la shar gnyer ba'i phyir te/ chung ma kun du spyad cing kha 'dren par byed pa'o/ /brdzun yang 'dod chags dang zhe sdang dang gti mug las skye ba ste/ rnam pa gsum mo/ /de la 'dod chags las skye ba ni nor 'dod
 pa dang bdag dang mdza' bshes bskyab pa'i phyir rdzun du smra ba'o/ /zhe sdang las skye ba ni dag la shar gnyer ba'i phyir rdzun smra ba'o/ /gti mug las skye ba ni dper na bram ze'i gzhung las/ rgyal po bzhad gad gtogs pa rdzun ma yin/ bud med dang
 ni gnyen du 'tham pa'i tshe/ /srog gi phyir dang nor kun stong ba'i phyir/ rdzun lnga sdig med ces par smra ba yin/ /zhes 'chad pa lta bu'o/ /phra ma yang chags pa dang zhe sdang gti mug las skye ba ste/ rnam pa gsum mo/ /chags pa las skye ba ni nor
 rdzas la chags pa'am/ bdag dang mdza' bshes bskyab pa'i phyir phra ma smra ba'o/ /zhe sdang las skye ba ni dgra la shar gnyer ba'i phyir phra ma smra ba'o/ /dgra dang bshas pa rnams la phra ma skyel ba'o/ /gti mug las skyes pa ni mu stegs pa'i gzhung
 kha cig las phra ma smras kyang nyes pa med do zhes 'chad pa lta bu'o/ /tshig rtsub po yang chags pa las skyes ba dang/ zhe sdang las skyes pa dang/ gti mug las skyes pa ste gsum mo/ /chags pa las skye ba ni gzhan gyi nor 'dod pa'i phyir tshig rtsub
 pos bsdigs par byed pa dang/ bdag dang mdza' bshes bskyab pa'i phyir tshig rtsub mo smra ba'o/ /zhe sdang las skye ba ni dgra la shar gnyer ba'i phyir tshig rtsub po smra ba'o/ /gti mug las skyes pa ni tshig rtsub po smras kyang nyes pa med do zhes
 'chad pa lta bu'o/ /tshig dkyal ba yang chags pa dang zhe sdang dang gti mug las skye ba ste/ rnam pa gsum mo/ /chags pa las skye ba ni nor la chags pa'am mdza' bshes bskyab pa'i phyir glu lan pa dang sngon gyi gtam rgyud smra bar byed pa'o/ /
 zhe sdang las skyes pa ni dgra la shar gnyer ba'i phyir tshig dkyal par de'i mdza' bshes rnams bsdus nas bdag gi dbang du byed pa'o/ /gti mug las skyes pa ni glu dang gar gyi gtsug lag dang gtam rgyud kyi gtsug lag gzhan la bshad na bsod nams su
 'gyur ro zhes zer ba'o/ /chags sems kyang chags pa dang zhe sdang dang gti mug las skye ba ste/ rnam pa gsum mo/ /chags pa las skye ba ni gzhan gyi nor la chags pa'am bdag dang mdza' bshes bskyab pa'i don du pha rol gyi nor rdzas blang bar sems pa'o/ /zhe
 sdang las skye ba ni dag la shar gnyer ba'i phyir dgra'i nor 'phrog pa dang rku/ bar sems pa'o/ /gti mug las skyes pa ni brkus kyang nyes pa med par sems pa'o/ /gnod sems kyang 'dod pa dang zhe sdang gti mug las skyes pa ste/ rnam pa gsum mo/ /de la 'dod pa las
 skye ba ni gzhan gyi nor rdzas la chags pa 'am/ bdag dang mdza' bshes bskyab pa'i phyir gzhan dag la gnod sems skye ba'o/ /zhe sdang las skye ba ni shar gnyer ba'i don du dgra la gnod sems skye ba'o/ /log pa'i lta ba yang chags pa dang zhe sdang gti mug
 las skye ba ste/ rnam pa gsum mo/ /de las chags pa las skyes pa ni lta ba phyin ci log nyid la dga' ba'i rgyus lta ba de 'dzin pa'o/ /zhe sdang las skye ba ni dgra la shar gnyer ba'i phyir lta ba log pa'i phyogs 'dzin par byed pa'o/ /gti mug las
 skyes pa ni lta ba log par gzung yang nyes par mi 'gyur ba 'dzin pa'o/ /de la srog gcod pa dang gnod sems dang/ tshig rtsub po gsum/ skyed pa'i rgyu mi dge ba'i rtsa ba gsum yin du zin kyang mjug tu zhe sdang gis mthar phyin cing rdzogs par byed do//
 ma byin par len pa dang 'dod pas log par spyod pa dang chags sems gsum yang skyed pa'i rgyu/ mi dge ba'i rtsa gsum yin mod kyi/ mjug tu 'dod chags kyis mthar phyin cing rdzogs par byed do/ /log pa'i lta ba ni rtsa ba gsum las byung yang mjug tu
 gti mug gi mthar phyin cing rdzogs par byed do/ /rdzun smra ba dang/ tshig bkyal ba dang/ phra ma gsum ni kha cig 'dod chags kyis mthar phyin pa yod/ /kha cig zhe sdang gis mthar phyin pa yod/ kha cig gti mug gis mthar phyin pa yod pa dang/ rdzogs par byed pa
 yod do/ /gnas shes bya ba la mi dge ba'i las kyi lam bcu po 'di dag rnam pa lnga rig par bya ste/ chung ba'i gnas dang 'bring gi gnas dang/ chen po'i gnas dang/ skye ba'i gnas dang bag la nyal ba'i gnas so/ /de la chud ba'i gnas ni 'dod chags zhe sdang
 gti mug shas chung bas mi dge ba'i las bcu po las gang yang rung bar byas pa'o/ /'bring gi gnas ni de gsum shas che ba yang ma yin chung ba yang ma yin pa'i 'bring gi las kyi las kyi lam gang yang rung ba byas pa'o/ /che ba'i gnas ni 'dod chags dang zhe sdang
 dang gti mug shin tu bdo ba'i las kyi lam gang yang rung ba byas pa'o/ /skyes pa'i gnas ni nyon mongs pa gsum gyis las kyi lam bskyed nas 'gags pa'o/ /bag la nyal ba'i gnas ni nyon mongs pa dang las kyi lam rnams bag chags su gnas pa
 ste gang skyes kyang ma skyes 'gags kyang ma 'gags pa'o/ /sgo zhes bya ba la lus dang dge dang yid gsum gyi sgo nas mi dge ba'i las kyi lam bcu po spyod pa la/ kha cig mthong ba'i chos la 'bras bu rnam par smin pa yod/ /kha cig tshe phyi mar 'bras bu rnam par
 smin pa yang yod/ /kha cig tshe rabs gzhan du 'bras bu rnam par smin pa yang yod/ kha cig 'bras bu rnam par smin pa nges pa yang yod/ kha cig 'bras bu rnam par smin par nges pa yang yod/ /de la mthong ba'i chos la
 'bras bu rnam par smin pa ni tshe gang la byas pa'i tshe de nyid la 'bras bu rnam par smin pa ste/ de yang zhing dang bsam pa'i bye brag las rnam pa gnyis su bzhag go/ de la zhing gi bye brag ni sngon dge slong gnyis shig rtsod
 par gyur pa las/ dge 'dun gyi 'dul ba bzhin du bcad nas gcig pham par gyur pa dang/ pham pa'i dge slong gi dge 'dun la bud med ces smras pas 'phral du mtshan yongs su gyur ces grags pa lta bu'o/ /bsam pa'i bye brag
 kyang sngon ma ning zhig gi snying rje ba'i sems kyis glang rmo zhing sha bcad par byas pa bslus nas btang ba las 'phral du ma ning nyid phor red pa lta bu'o/ /gzhan yang pha ma dang dkon mchog gsum la rab tu dang ba'i bsam pas phan btags
 pa dang/ zhe sdang gi sems kyis gnod pa byas pa la sogs pa yang mthong ba'i chos la 'bras bu rnam par smin par 'gyur ro/ /tshe phyi mar 'bras bu rnam par smin par 'gyur ba ni tshe rabs rjes mthag tu 'bras bu myong bar
 gyur pa'o/ /tshe rabs gzhan du rnam par smin pa myong ba ni tshe rabs gnyis sam gsum dag gis chod de myong ba'am/ bcu 'am rgya stong dag gis chod de myong ba'o/ /de la 'bras bu rnam par smin pa nges pa ni nyon mongs pa 'am/
 dad pa drag pos gang byas pa 'am/ rtag par byas pa'am/ phan btags pa'am/ yon tan gyi zhing la gnod pa'am/ phan par byas pa ni 'bras bu gdon mi za bar myong bar rig par bya'o/ /de la nyon mongs pa dang/ dad pa
 drag pos byas pa ni gang gong du dge 'dun la kha byas pa dang/ ma ning gis glang btang ba lta bu'o/ /rtag par byas pa ni las de yang dang yang du goms par byas na 'bras bu nges par myong bar 'gyur ro/ /phan btags pa
 ni pha dang ma lta bu ste/ de dag bsad na ji ltar bsad kyang rung 'bras bu nges par myong bar 'gyur te/ /de dag la phan btags na yang 'bras bu myong bar nges so/ /yon tan gyi zhing ni dkon mchog gsum mam/ tshul
 khrims dang ldan pa'i gang zag la la ste/ de dag la phan pa dang gnod pa byas pa yang 'bras bu nges par smin par 'gyur ro/ /rnam par smin pa ma nges pa ni gong du bshad pa las gzhan pa'i las gal te 'bras bu rnam par smin par
 'gyur/ /gal te na 'bras bu rnam par smin par mi 'gyur ba'o/ /las kyi lam che chung ni rnam pa drug tu bzhag ste/ mngon par 'du byed pa dang/ goms pa dang rang bzhin dang/ dngos po dang/ mi mthun pa'i phyogs
 su nges pa dang/ gnyen pos bcom pa'o/ /de la mngon par 'du byed pa ni/ 'dod chags dang/ de spang dag pos las kyi lam rnams zhes bya ba ni lci ba zhes bya'o/ /'dod chags dang zhe sdang dang/ gti mug 'bring
 gis byas pa'i las kyi lam rnams la ni 'bring zhes bya'o/ /'dod chags dang/ zhe sdang dang gti mug chung ngus byas pa'i las kyi lam rnams la ni yang ba zhes bya'o/ /de la goms pa ni dge ba dang/ mi dge ba'i las gang
 yang rung dus ring por rgyun tu byas pa ni lci ba'o/ /dus thag gi zad cig byas pa ni 'bring ngo/ /chen po goms par ma byas pa ni yang ba'o/ /rang bzhin ni 'dod pas log par spyod pa bas/ ma byin par blangs pa kha na ma tho ba che'o
 ma byin par len pa bas/ srog gcod pa kha na ma tho ba che'o/ /srog gcod pas tshig bkyal ba kha na ma tho ba che'o/ /tshig bkyal ba pas tshig rtsub po kha na ma tho ba che'o/ /tshig rtsub po las phra ma kha na ma tho ba
 bas rdzun mkhan ma tho ba che'o/ /chags sems bas gnod sems kha na ma tho ba che'o/ /gnod sems las log sems kha na ma tho ba che'o/ /sbyin pa bas tshul khrims kha na ma tho ba med pa'o/ /tshul khrims pas bsgom pa kha na ma tho ba med pa'o//
 dngos po ni pha ma dang/ dkon mchog gsum la gnod pa dang/ phan pa byas pa'i las de dag ba dang/ mi dge ba yang lci bar rnam par gzhag go /mi mthun ba'i phyogs su gcig du nges pa ni 'di las su yang rung bas tshe gcig tu mi dge ba sha stag spyad kyi/ dge ba
 ma spyad na las nyid kyi lci bar rnam par bzhag go/ gnyen pos bcom pa ni mi dge ba'i las kyi gnyen par gyur pa dge ba la goms par byas na/ dge ba'i las de yang lci bar rnam par bzhag go /'bras bu zhes bya ba la mi dge ba'i las kyi lam bcu
 po 'di dag spyad pas 'bras bu rnam pa gsum smin par 'gyur te/ rnam par smin pa'i 'bras bu dang/ rgyu mthun ba'i 'bras bu dang/ bdag po'i 'bras bu'o/ /de la rnam par smin pa'i 'bras bu ni mi dge ba bcu las shes cher spyad na/
 sems can dmyal bar skye'o/ /'bring du spyad na yid gsum skye'o/ /chung ngu spyad na byol song gi skye gnas su skye'o/ /shas che chung ni nyon mongs pa drag dal gyi dbye'o/ /yang na las byed pa la sbyor ba dang/ rtsa ba dang/ rgyab
 ste/ rnam pa gsum mo/ /de la sbyor ba ni sog bcod pa la sogs pa mi dge ba'i las byed par rtsom pa'o/ /rtsa ba ni srog gcod pa la sogs pa mi dge ba'i las byas pa'o/ /rgyab ni de dag byed pa la rjes su yi rang phyis kyang de bzhin du
 rgyan du byed pa ste/ de gsum gyis byas na shas che bas sems can dmyal bar skye'o/ /rgyu gnyis kyis ni yid gsum skye'o/ /gcig gis ni byol song du skye'o/ /rgyu 'dra ba'i 'bras bu ni ngan song gsum las thar te brgya la mir skyes
 na yang mi dge ba gcig cing rnam par smin pa gnyis myong bar 'gyur ro/ /de la srog gcod ba'i 'bras bu'i rgyu mthun pa gnyis te/ tshe thung ba dang/ nang mang ba'o/ /tshe thung ba ni sngon sems can gzhan gyi tshe'i rgyun bcad pas mir skyes na mngal
 du 'chi ba'am skyes nas ring por ma lon par 'chi bar 'gyur ro nad mang ba ni sngon sems gzhan gsod pa na yang dbyig pa dang/ mtshon cha la sogs pas sdug bsngal bskyed pa'i phyir/ mir skyes pa na yang mdze dang/ 'brum bu la
 sogs pa nang sna tshogs kyis rgyun tu sdug bsngal bar 'gyur ro/ /ma byin par len pa'i 'bras bu rgyu mthun pa yang rnam pa gnyis te/ longs spyod chung ba dang thun mong gi longs spyod du 'gyur ro/ /longs spyod chung ba ni sngon gzhan dag gi
 longs spyod phrogs nas phongs par byas pa'i tshe 'dir yang rtag tu yo byad kyis brel phongs par 'gyur ro/ /thun mong gi longs spyod du 'gyur ba ni/ phrogs pa de yang brgya la phrogs nas gzhan la byin pa'i 'bras bus longs spyod ci
 bdog na yang rtag tu kun gyis 'phrog cing bdag cig pu skyed du med la/ kun dang thun mong du spyod par 'gyur ro/ /'dod pas log par spyod pa'i rgyu mthun pa yang gnyis te/ g.yog 'khor brtan du mi rung ba dang ltos pa dang bcas pa'i
 chung mar 'gyur ro/ /g.yog 'khor brten du mi rung ba ni bdag gi 'khor rnams kyang snying bstan du mi rung ba ste/ phan tshun gcig yid mi ches par 'gyur ba'o/ /ltos pa dang bcas pa'i chung mar 'gyur ba ni bdag gi chung ma la kur re zhing
 kun gyis mi tshangs par spyod par 'gyur ro/ /rdzun du smra ba'i rgyu mthun pa'i 'bras bu yang gnyis te/ skur ba med pa dang gzhan gyis bslu bar 'gyur ro/ /skur ba med pa ni mnyes kyang nyes zhes gzhan gyis skur ba 'debs par 'gyur ro//
 gzhan gyis bslu ba ni 'di lta bu zhig bya zhes 'am sbyin zhes khas blangs nas mi sbyin zhing slu bar 'gyur ro/ /phra ma'i rgyu mthun pa'i 'bras bu yang gnyis te/ g.yog 'khor mi 'dum ba dang g.yog 'khor ngan par 'gyur ro//
 g.yog 'khor mi 'dum pa ni bdag gi 'khor rnams kyang rtag tu rtsod cing 'thab bar 'gyur ro/ /g.yog 'khor ngan pa ni g.yog 'khor zhig bdog na yang lus kyi byed lag mi mdzes pa dang mthu dang zho sha chung bar 'gyur ro/ /tshig rtsub po smra ba'i
 rgyu mthun pa'i 'bras bu yang gnyis te/ yid du mi 'ong ba thos ba dang 'thab mo'i tshig tu 'gyur ba'o/ /yid du mi 'ong ba'i tshig thos pa ni rtag tu sems 'khrug pa'i gtam sha stag thos pa dang bdag gis tshig smras pa thams cad
 gzhan gyi rnam par mi 'ong ba'o/ 'thab mo tshig tu gyur ba ni bdag gis tshig nyes par ma smras na yang/ gzhan dang 'thab cing rtsod par 'gyur ba'o/ /tshig bkyal ba'i rgyu mthun pa'i 'bras bu yang rnam pa gnyis te/ gzung bar 'os pa'i tshigs
 yin pa dang 'dres pa'i spobs par 'gyur ba'o/ /gzung bar 'os ba'i tshig ma yin pa ni tshig smras pa rnams mi btsun zhing bdag gi tshigs sus kyang mi nyan par 'gyur ba'o/ /ma nges pa'i spobs par 'gyur ba ni/ gzhan gi zhig smras
 pa rnams thog tu mi phebs par 'gyur ba'o/ /chags sems kyi rgyu mthun pa'i 'bras bu yang rnam pa gnyis te/ chog mi shes pa dang 'dod pa che ba'o/ /chog mi shes pa ni bdag gi bdog pas mi chog pa'o/ /'dod ba che ba ni gzhan gyi longs
 spyod la ye brdam byed pa'o/ /gnod sems kyi rgyu mthun pa'i 'bras bu yang gnyis te/ phan pa mi tshol ba dang gzhan gyis gnod par byed pa'o/ /phan pa mi tshol ba ni gzhan thams cad la bdag gnod par 'gyur bar dga' zhing gnod pa byed par sems
 pa'o/ /gzhan gyis gnod par byed pa ni dus thams cad du gzhan gyis bdag la rdeg brtsog la sogs pa mi bde ba byed pa'o/ /log par lta ba'i rgyu mthun pa'i 'bras bu rnam pa gnyis te/ gar skyes kyang mu stegs la sogs pa'i gnas su skye zhing log pa'i lta ba la bya'o?
 par 'gyur ba dang/ rtag tu drang po dang bral te g.yo sgyu'i las sha stag la 'jug par 'gyur ro/ /mi dge ba'i las bcu po de dag gi bdag po'i 'bras bu ni phyi'i dngos po rnams nyams par 'gyur ba ste/ srog bcod pas 'bras bu la sogs pa'i dgos
 po mthu chung zhing gzi chung las 'gyur ro/ /ma byin par blangs pas than pa dang/ ser bas bcom bar 'gyur ba'o/ /'dod bas log par spyod pas sa gzhi rdul gyis khyab par 'gyur ro/ /rdzun du smra bas 'bras bu la sogs pa dri mi zhim par 'gyur ro//
 phra mas yul las thag thug che bar 'gyur ro/ /tshig rtsub pos skams dang ba tshwa can du 'gyur ro/ /tshig bkyal bas dus 'gyur zhing char la sogs pas dus ma yin par 'bab par 'gyur ro/ /chags sems kyis 'bras bu la sogs pa phra bar
 'gyur ro/ /gnod sems kyis tshwa ba dang kha bar 'gyur ro/ /log pa'i lta bas 'bras bu nyung zhing 'bras bu med par 'gyur ro/ /dge ba bcu'i las kyi lam rnams kyi 'bras bu ni de las bzlog par rig par bya'o/ /rnam grangs zhes bya ba
 la mdo dag las/ las kyi lam bcu po nyid kyi dbang du mdzad nas/ lus kyi yo ba dang ngag gi yo ba dang yid kyi yo ba zhes gsungs pa dang/ lus kyi rnyog pa dang ngag gi rnyog pa dang yid kyi rnyog pa zhes gsungs pa dang/ lus
 kyi nyes pa dang ngag gi nyes pa dang yid kyi nyes pa zhes gsungs pa dang/ yang las dkar po rnam par smin pa yang dkar po/ /las nag po rnam par smin pa yang nag po dang/ las 'dren ma rnam par smin pa yang 'dren ma dang/
 las dkar po yang ma yin nag po yang ma yin la/ las dkar nag gi rnam par smin pa bzung ngo zhes gsungs pa ni rnam grangs te de la rgyu'i sems las skyes ba'i lus dang ngag gi las ni yo ba'o/ /'dod chags kyis skyes
 pa'i lus dang ngag la sogs pa'i las ni rnyog ba/ zhe sdang gi sems? kyi rgyu las skyes ba'i lus dang ngag la sogs pa'i las ni nyes ba'o/ /ngan song gsum du skye bar byed pa mi dge ba bcu'i las ni las kyang gnag/ rnam par smin pa yang gnag
 ba'o/ /gzugs kyi khams su skye ba ni las kyang dkar rnam par smin a yang dkar ba'o/ /'dod ba'i khams kyi mi la sogs pa skye bar byed pa'i dge ba ni las kyang dkar nag 'dren ma/ rnam par smin pa yang dkar nag 'dren ma zhes bya'o/ /de ma
 theg pa'i lam dang rnam par grol ba'i lam gnyis ni las dkar nag kyang ma yin la/ rnam par smin pa dkar nag zad bar byed pa lam zhes bya'o// //yang dag pa'i 'tsho ba bstab bar bya ba'i phyir/ log pa'i 'tsho ba gang zhe na
 zhes bya ba smos te/ log ba'i 'tsho ba bstan nas/ de las bzlog na yang dag pa'i 'tsho bar 'gyur bas/ log pa'i 'tsho ba je la 'chad do/ /de yang dge slong gi log pa'i 'tsho ba dang/ dge bsnyen gyi log pa'i 'tsho ba ste rnam pa gnyis su bzhag
 go /de la dge slong gi log pa'i 'tsho ba bstan par bya ba'i phyir/ dge slong dag tshul 'chos pa dang zhes bya ba la sogs pa gsungs te/ tshul 'chos pa dang kha bsag dang gzhogs slongs dang gzhogs ba sdig dang rnyed pas rnyed pa
 'dod ba ni/ dge slong gi log ba'i 'tsho ste/ dge bsnyen gyi log pa'i 'tsho ba ni phyir 'chad do/ /tshul 'chos pa bstan pa'i phyir/ de la tshul 'chos pa zhe na zhes bya ba la sogs pa gsungs te/ tshul 'chos pa yang rnam pa gsum ste/ spyod lam rnam par 'jog
 pa dang/ dben ba'i gnas su gnas shing yo byad bsnyungs bar ston pa dang/ ngan pa dang/ bsod ba sten pa dang mi sten pa'o/ /de la spyod lam rnam par 'jog pa ni rnyed pa dang bkur sti la chags pa'i rgyus gzhan dag gi yon tan yod par dpag pa'i
 sems kyi ting nge 'dzin gyi spyod lam 'dzin pa'o/ /dben pa'i gnas su gnas shing yo byad bsnyungs par ston pa ni khe dang bkur sti la chags pa'i sems kyis dur khrod dam dgon pa'i gnas su gnas 'cha' zhing lhung bzed la sogs pa yo
 byad mang po mi 'dzin pa'o/ /ngan pa dang bsod ba sten pa dang mi sten pa ni/ kha zas ngan ba dang chos gos la sogs pa ngan pa sten par ston cing kha zas bsod pa dang chos gos la sogs pa bzang po mi ston par ston pa ste/ 'dir yang khe dang bkur sti
 la sogs ba la chags pa la chags ba zhes sbyar ro/ /de ltar tshul 'chos ba rnam pa gsum las/ mdo 'dir spod lam rnam par 'jog pa'i tshul 'chos ba dang/ dben pa'i gnas su gnas shing yo byad snyungs pa'i tshul bstan pa'i dbang du mdzad nas
 gsungs ba yin par bstan pa'i phyir/ dge slong dag sbyin pa'i bdag po mthong na zhes gsungs te rnyed pa dang bkur sti la chags ba'i dbang gis/ rnyed pa dang bkur sti bdag la grub par gyur cig ces bsams nas/ dge slong gi
 sbyin pa'i bdag po mthong ba dang/ lam mam grong stong par skyil mo krung bcas shing 'dug la/ sbyin pa'i bdag po rnams kyis kyang/ dge slong 'di ni bsam gtan ba dgra bcom pa ste/ rnyed ba dang bskur sti bya ba'i 'os so snyam
 ba'i sems kyis spyod lam 'chos ba ni tshul 'chos pa zhes bya'o/ /skyil mo krung bcas zhes bya ba ni/ song ba'i spyod lam gyis gnas zhes bya ba'i tha tshig go/ /rnyed ba ni snyung bzed dang chos gos la sogs pa'o/ /
 bkur sti ni thal mo sbyar ba dang phyag 'tshal ba la sogs pa'i las byed pa'o/ /bdag la shog cig ces bya ba ni/ bdag la grub bar gyur ces sems ba'o/ /sogs pa'i sgras ni ngan pa dang bsod ba
 la sten pa dang mi sten ba'i tshul 'chos pa yang bsdu'o/ /kho gsag bstan par bya ba'i phyir/ /de la kha gsag gang zhe na zhes bya ba gsungs te/ de yang khe dang bkur sti la bsam bas de dag dga' ba'i tshig smra ba dang/ bdag
 nyid kyi yon tan smra ba dang chos smra ba'o/ /khe dang bkur sti'i bsam bas de dga' ba'i tshig smra ba ni khi dang bkur sti la chags pa'i rgyus/ khyed kyi ni pho yin khyod ni ma yin zhes bya ba'i tshig smra ba'o/ /bdag nyid kyi yon
 tan smra ba ni/ bdag ni dad pa dang ldan pa thos pa dang ldan pa/ tshul khrims dang ldan pa'o/ /zhes bya ba la sogs pa smra ba'o/ /chos smra ba dang khe dang bkur sti la chags pas gzhan dag gi thad du de bzhin gshegs pa'i gsungs rab 'chad
 ba ste/ 'dir ni dag dga' ba'i tshig smra ba'i dbang du mdzad bar bstan pa'i phyir/ khyod ni de'i pha khyod ni de'i ma zhes bya ba la sogs pa gsungs so// //de bzhin gzhan yang tshig snyan pa zhes bya ba ni khyod ni nga'i thob bo/ /khyod ni nga'i
 mkhan po/ khyod ni nga'i slob dpon zhes bya ba la sogs pa'o/ /de la sogs zhes bya ba la sogs pa'i sgras ni bdag nyid kyi yon tan smra ba dang/ chos smra ba yang bsdu'o/ /gzhogs slong bstan pa'i phyir/ de la gzhogs slongs gang
 zhe na zhes bya ba la sogs pa gsungs te/ de yang rnyed pa'i bsam bas lus la gnod ba'i dngos ba sten pa dang/ bdos pa'i dngos po ston pa dang/ tshig gis 'dod pa'i dngos po brjod pa'o/ /lus kyi gdod pa'i dngos po
 ston pa ni chos gos dang bza' ba la sogs pa rnyed pa la chags pa'i sems kyis bdag gi lus nyid la rma dang shu ba la sogs pas nyen par ston pa dang grang ba dang cha bas nyes par ston pa'o/ /phongs pa'i dngos por ston pa ni chos gos dang lhung bzed
 la sogs pa mi bdog pa dang/ med pa 'dra bar sto pa'o/ /chog gis 'dod ba'i dngos po brjod pa ni/ bdag la dngos po 'di lta bu zhig kho na mi bdog ces chos gos la sogs pa 'di lta bu ni khyim bdag dam pa 'di dag khyim nas rnyed kyi
 gzhan dag gi de nas ma rnyed do zhes smra ba ste/ mdo 'dir tshig gis dngos po 'dod pa'i dbang du bshad pa'i phyir/ /dge slong dag bsod snyoms zos nas zhes bya ba la sogs pa gsungs so/ /bsod snyoms zos pa ni khyim bdag dad pa
 can dag gi khyim ste/ bsod snyoms zos nas yang rnyed pa la yang chags pa'i dbang gis yang nas yang du dge bsnyen khyod kyi khyim nas rnyed pa gzhan dag nas mi rnyed do zhes smra ba ni gzhogs slongs so/ /khe dang bkur sti la chags pa med par dang
 por smra ba ni nyes med de/ gzhogs slongs ba ma yin no/ /gzhogs bsdigs bstan pa'i phyir de la bzhogs bsdigs gang zhe na zhes bya ba la sogs pa gsungs so/ /gzhogs bsdigs kyang rnam pa gsum ste/ rnyed pa'i bsam bas sbyin pa'i yon bdag la smod bar byed pa dang/ gzhan dang 'brel
 pa la slong ba dang/ yongs su mi gtong ba la smod par byed pa'o/ /rnyed pa'i bsam pas sbyin ba'i yon bdag la smod par byed ba ni khe dang bkur sti la chags pas gang gi tshe sbyin pa'i yon bdag gis chos gas la sogs
 ba'i rnyed pa ma byin na de ni dbul bor 'gyur ro/ /gzhan yang mi bden pa rnam pa sna tshogs 'du'o zhes smra'o/ /gzhan yang 'brel ba la slong ba ni yon bdag gis skabs su ma byin na yon bdag khyod gcig bur ma zad kyi/ 
 gzhan dag kyang yod do zhes smra zhing gzhan la slong bar bsdigs pa'o/ /yongs su mi gtong ba la smos pa ni/ gang sbyin pa mi byed pa dag ni gdon mi zar ngan song du ltung ba khyod kyang sbyin pa mi byed pas
 nges par ngan song du ltung ngo zhes bsdigs pa ste/ 'dir yongs su mi gtong ba la smod pa'i dbang du mdzad nas bshad par bstan pa'i phyir/ dge slong dag khyim gang nas bsod snyoms ma rnyed de zhes bya ba la sogs pa gsungs//
 mdo'i tshig dngos gsal bar ma bshad na/ gzhog pa bsdigs rnam gnyis kyang 'dir bsdu bar blta'o/ /rnyed pas rnyed pa 'dod pa bstan pa'i phyir/ de la rnyed pas rnyed pa 'dod pa gang zhe na zhes bya ba la sogs pa
 gsungs so/ /de yang rnam pa gsum ste/ rnyed pa'i bsam bas gzhan las rgya chen po rnyed par ston pa dang/ sbyin pa'i yon bdag rgya chen por ston pa dang/ zang zing rnyed par ston pa'o/ /rnyed pa'i bsam pas
 gzhan la rgya chen po rnyed par ston pa ni chos gos la sogs pa rnyed pa la chags pa'i rgyus bdag nyid kyi nor gyis chos gos la sogs pa bzang po nyos nas bdag gi yon bdag la chos gos 'di lta bu'i yon bdag gzhan dag
 las rnyed do zhes smra ba'i sgo nas rnyed pa sgrub pa'o/ /yon bdag rgya chen por ston pa ni yon bdag che ge mo zhig mang du gtong/ gtong ba rgya chen po la dga' ba/ yon tan gzhan dag de lta bu ma yin no/ /zhes
 smra ba'o/ /zang zing rnyed pa ston pa ni sbyin bdag gang gi khyim du song nas/ kha zas dang chos gos la sogs pa sbyin na sbyin bdag gzhan rnams kyi khyim du yang zang zing ci sbyin pa smra ba ste/ 'dir rnyed pas rnyed pa sgrub pa
 rnam pa gsum las rnyed pa'i bsam bas gzhan rgya chen por rnyed par ston pa'i dbang du mdzad nas bshad pa'i phyir/ /dge slong dag bdag gis nor gyis las bya ba la sogs pa gsungs te/ de ltar mdor na bdag nyid kyi ? gyi chos gos
 la sogs pa nyos nas sbyin pa'i bdag po dge snyen gyi mdun du 'dug ste/ sbyin pa'i yon bdag gzhan gyis bdag la chos gos la sogs pa 'di 'dra ba byin no zhes smras pa dang/ de yang ngo tsha bas chos gos la sogs pa sbyin par byed pa ste/
 rnyed pas rnyed pa bsgrub pa rnam pa gnyis kyang 'dir bsdu bar blta'o/ /dge slong gi log par 'tsho ba rnam pa lnga po de yang rnam pa gsum du bzhag ste/ lus kyi las dang ngag gi las dang/ lus dang ngag gnyi ga'i las so/ /de la
 tshul 'chos pa ni lus kyi las yin no/ /kha gsag ni dag gis las so/ /gzhogs slongs dang/ gzhogs bsdigs dang/ rnyed pas rnyed pa bsgrub pa ni lus dang ngag gnyi ga'i las dang ldan pa yod do/ /de la log pa'i mtsho ba rnam
 ba lnga spangs nas dge slong rnams kyi yang dag pa'i tsho bar 'gyur ro/ /dge bsnyen gyi log pa'i 'tsho ba gang yin pa bstan par bya ba'i phyir/ dge bsnyen gyi log pa'i 'tsho ba gang zhe na zhes bya ba la sogs gsungs te/ dge bsnyen zhes
 smos pa ni mtshon pa tsam du zad kyi dge bsnyen ma dang dus khrims pa yang bsdu'o/ /gong du dge slong gi skabs yang/ dge ni mtshon pa tsam du zad kyi dge slong ma dang/ dge sbyong pa dang dge sbyong ma dge tshul ma rnams kyang ba spu
 sems can 'tshong ba zhes bya ba ni mi 'tshong ba ste/ dge bsnyen ma rnams la de ni dgag pa yin te/ rta la sogs pa sems can 'tshong du mi gnang ba ni ma yin no/ /ma brtags par 'bru dang yungs kar 'ching ba zhes
 bya ba ni dus ring por lon pa'i 'bru dang yungs kar la srin 'jug pas ma brtags par til dang yung kar la sogs pa btsir na srog la gnod pa'i phyir log pa'i 'tsho bar bzhag ste/ brtags
 te btsir ba ni log pa'i 'tsho ba ma yin no zhes dgongs pa'o/ /de yang rnam gnyis su bzhag ste/ sems can gyi grangs su gtogs pa'i log pa'i 'tsho ba dang/ sems can gyi brang su ma gtogs pa las byung ba'i
 log ba'i 'tsho ba'o/ /dug 'tshong ba dang mtshon cha 'tshong ba chang 'tshong ba ni sems can gyi grangs su ma gtogs pa las byung ba'i log pa'i 'tsho ba'o// //yang dag pa'i rtsol ba bstan par bya ba'i
 phyir/ yang dag pa'i rtsol ba gang zhe na zhes bya ba la sogs pa gsungs so/ /gsor bor smra ba dang zhes bya ba ni khyim na gnas pa'i phyogs kyi dbang du byas nas gus pa'i tshul ston pa ste/ pha dang ma dang rigs kyi rgan ba rnams
 dang phrang ni lus kyis 'dus pa dang tshig gis bsu ste 'jam por smra ba'o/ /phyag 'tshal ba zhes bya ba rab tu byung ba'i phyogs kyi dbang du mdzad nas/ mkhan po dang slob dpon la sogs pa dang phrad na yan lag btud de
 phyag byed pa'i las byed pa'o/ /ldang ba zhes bya bas bla ma la sogs pa gzhan nas 'ong ba'i dbang du byas nas gus pa'i tshul ston pa ste/ gang zag yon tan can bla ma gzhan dag gus nas 'ongs pa rnams la yang stan las langs nas su ste/
 stan la 'jog cing stobs pa'o/ /thal mo sbyar ba'i las byed ces bya bas gnas gcig na 'khor pa'i gang zag yon tan can rnams la gus pa'i tshul ston pa ste/ gnas gcig na gnas pa'i gangs grwa? tshangs pa mtshungs par spyod pa
 rnams dang phrad na yang lus 'dud pa dang thel mo sbyar pa'i las byed pa ste/ 'di ni yang dag pa'i rtsol ba'o/ /mdor na mi mthun pa'i phyogs spang ba dang/ gnyen po sgom pa la brtson pa ni yang dag pa'i rtsol ba'o// //yang dag pa'i dran
 pa bstan pa'i phyir/ yang dag pa'i dran pa gang zhe na/ 'di la dge slong dag ces bya ba gsungs so/ /de la sems can rnam pa gsum ste/ 'dod chags kyi rang bzhin can dang/ zhe sdang gi rang bzhin can dang/ gti mug gi rang bzhin can no//
 gsum po de dag gi mtshan ma brtags par bya ste/ 'dod chags kyi rang bzhin can gyi mtshan ma ni rang bzhin gyis g.yo zhing g.yeng ba'i dang tshul can glu dang gar la sogs pa la dga' ba/ dran pa nyams pa la rtag par sems dang
 gis 'jam pa phrag dog che ba ngo tsha ba mang ba la gnas pa/ 'dod chags spang bar dka' ba kha na ma tho ba chung ba'o/ /zhe sdang gi rang bzhin can gyi mtshan ma ni ci la yang gleng ba dang smra bar byed pa 'thab mo la dga' ba bzhin khro gnyer
 can/ mgu dkar ba/ sems dang rtsub po rno ba sdig la dga' ba/ sems can sems rtsub cing gnod par byed pa la mos pa/ nyon mongs pa spyad par slu ba ste/ kha na ma tho ba chen po'o/ /gti mug gi rang bzhin can gyi mtshan ma ni yid
 gnyis can las su bya ba la spros pa med pa/ gnyi dang rmugs pa mar ba rtog pa dang sems lcigs can gyi rang bzhin can yin pa/ shing bal dang srin bal lta bu'i sems rmongs pa mang ba/ le lo che ba su la yang yid mi rton ba skye bo de nyid
 kyang yid brtan du mi rung ba/ 'gro ba dge ba rnams zhe sdang skye ba/ byas ba mi gzo ba/ nyon mongs pa spang par dka' ba kha na ma tho ba che ba'o de dag la yang zhib du ji ltar rtogs par bya zhe na/ 'dod chags kyi spyod pa ni 'dod pa'i yon tan
 la dga' ba gzhan dag gi yon tan phal cher tshol gyi nyes pa'i glags mi lta'o/ /zhe sdang can gyi spyod pa ni gang la yang chags pa/ mi tshe ba gzhan dag gi skyon dang nyes pa phal cher tshol bar byed pa'o//
 gti mug can gyi spyod pa ni gang du yang mi gnas pa 'jog pa dang rtog pa'i rang bzhin can ma yin pa'o/ /sngon gyi spyod pa'i sgo nas brtag na/ 'dod chags can ni sngon dge ba'i las phal cher byas pas bde ba'i 'bras bu la gnas pa'i phyir mtho ris
 kyis gnas nas shi 'phos te/ 'dir skyes par blta'o/ zhe sdang can ni sngon gsad pa ba dang bcad pa dang brdag pa la sogs pa'i las phal cher byas pas sems can dmyal ba'am/ klu'i skye gnas sam mi'i skye gnas na yang rtag tu sdug bsngal
 ba gnas pa las shi 'phos nas/ 'dir skyes te/ sngon yang rtag tu sdug bsngal gyi sems dkrugs pas gar skyes pa der yang sems 'khrugs pa dang zhe sdang che bar blta'o/ /gti mug can gyi spyod pa ni sngon gyi rgyu sngon chad mang du 'thungs
 pa'am mnyan pa dang 'dra'i bal sogs pa'i las ma byas pa dang/ byol song gi skye gnas nas shi 'phos nas 'dir skye bar blta'o/ /khams kyi rgyus rtag na sa dang chu dang me dang rlung ste/ 'byung ba chen po bzhi shes mnyam na ni 'dod chags
 kyi shas che bar 'gyur ro/ /me'i khams dang rlung gi khams shas che na ni zhe sdang che bar 'gyur ro/ /sa dang chu'i shas che na ni gti mug che bar 'gyur ro/ /nyes pa'i gleng gzhis brtag na rlung gar shas che ba rnams ni 'dod chags spyod pa gnas
 pa'o/ /mkhris pa'i shas che ba rnams ni zhe sdang che ba gnas pa'o/ /bad kan gyi shas che ba rnams ni gti mug che ba rnams so/ /yang rnam pa bdun gyi sgo nas/ rnam pa gsum gyi spyod pa brtag ste/ rnam pa bdun ni dmigs pa dang/ nyon mongs
 pa dang 'gro ba dang chos gos bgo ba dang/ kha zas za ba dang/ las byed pa dang nyal ba'o/ /dmigs pas ji ltar brtag ce na/ 'dod chags kyi shas che ba rnams ni gzugs 'ga' zhig mthong na/ ngo mtshar du gyur par lta zhing/ yun
 ring du lta ba la nyes pa zhig byung na yang nyes par mi lta yon tan cung zad tsam yang mtshar du yid gcugs par byed la/ gang mthong ba de dang 'bral bar mi dga' zhing bral na yang slar 'phrad par 'dod pa dang bcas te 'gro ba'o/ /zhe sdang gi
 shas che ba gzugs 'ga' zhig mthong na mtshar du bya ba med kyi bral ba dang chad pa'i tshul du lta zhing/ yun ring du mi lta la gzhan ngag la yang nyes pa dang skyon tshol ba med pa/ smod pa la dga' ba yon tan dang legs pa cher byas na yid
 mi rton pa/ /gang mthong ba dang bral bar 'dod la/ mi dga' ba'i tshul bstan nas 'gro bar byed pa'o/ /gti mug gi shas tshe ba ni gzugs 'ga' zhig mthong nas de nyes pa yon tan gyi ngo mi zin pa/ gzhan dag gis smad na yang
 rjes su smos la/ gzhan dag gis bstod na yang rjes su stod par byed de/ bdag nyid kyi legs nyes kyi ngo mi shes pa'o/ /ji ltar nyon mongs pa'i sgo nas brtag ce na 'dod chags kyi shes che ba rnams ni nyon mongs pa lnga la rtag tu spyod
 de/ phrag dog dang ser sna dang g.yo dang sgyu dang chags pa dang lnga'o/ /zhe sdang gi shas che ba rnams kyang nyon mongs pa lnga la rtag tu spyod de/ lnga ni khro ba dang/ khon du 'dzin pa dang/ 'chab pa dang/ 'tshig pa dang/ khong khro ba'o//
 gti mug gi shas che ba ni nyon mongs pa lnga la rgyun du spyod de/ lnga ni le lo dang gnyid dang 'gyod pa dang lnga'o/ /ji ltar 'gro ba'i sgo nas brtag ce na 'dod chags la spyod pa 'gro ba na rkang pa mnyam du 'dor zhing de'i bus 'gro bgoms
 pa mdzes par 'dor zhing 'gro'o/ /zhe sdang la spyod pa 'gro ba na/ rang bzhin gyis gom pa gya tshom du 'dor la rkang pas la gnon pa 'dra bar byas shing ga las phyogs kyi 'gro'o/ /gti mug la spyod pa 'gro ba na/ rang bzhin gyis
 rkang pa sa la 'jog pa na/ thig bag tu 'jog la 'gro ba'i tshe rkang pa gnyis la 'tsha'o ba dang rkang ba gnyis cig la cig 'drung cing 'gro'o/ /ji lta chos gos gyon pa'i sgo nas brtag ce na/ 'dod chags la spyod pa ni rang bzhin gyi gos ha cang dog pa yang ma yin yangs pa yang
 ma yin bal dga' ba dang/ ska rags dam du yang mi 'tshing la lhod par lang mi 'ching ba dang gos yid kyis ring ba la dga' ba ste/ sdug gu dang mdzes par byas nas gyon na/ /zhe sdang la spyod pa ni rang bzhin gyis gos dog pa la dga' zhing/
 ska rags dam du 'ching ba dang gos thung du gyon zhig gcig tu mdzes pa kho nar blta zhing gyon pa med pa'o/ /gti mug la spyod pa ni rang bzhin gyis gos yangs pa la dga' zhing skar gas lhod par 'ching ba dang gos cas cos su mi mdzes
 par byas nas gyon pa'o/ /ji ltar kha zas za ba'i sgo nas brtag ce na/ 'dod chags spyod pa ni rang bzhin gyis snum pa dang/ mngar ba'i kha zas la dga' o/ /zhe sdang la spyod pa ni rtsub pa dang sgyur pa'i kha zas la dga' ba'o//
 gti mug la spyod pa ni gang du yang gcig tu nges pa med do/ /'dod chags la spyod pa kha zas la za ba na kham ran pa dang mdzes par byas nas chags bzhin du ngal bus za la/ ro zhim po 'ga' zhig myong na lhag par yid dga' 
 bar skye ba'o/ /zhe sdang la spyod pa kha zas la za ba na kham cher byas nas kha gang bar mi chags par myur du za la/ kha zas zhim po 'ga' zhig myong na yang lhag par yang yid mi bde bar skye ba'o/ /gti mug
 la spyod pa kha zas za ba na kham chung ngu byas la kha zas kyi kham yang mi mdzes par byas nas/ lag pa dang kha la sogs pa kha zas kyi bskus te gang la yang chen por mi rtog par za'o/ /ji ltar las kyi sgo nas brtag ce na/ 'dod chags
 la spyod pa ni phyags ma thogs nas ngal bus phyag dar rnams dag par byas te/ gcig kyang ma lus par phyags par byed do/ /zhe sdang la spyod pa ni phyags ma blangs nas rings pa'i tshul du phyogs gnyis dar phyag dar 'dor zhing sgra dang bcas par
 drug tu phyag par byed do/ /gti mug la spyod pa ni phyags ma thogs nas snyoms pa'i tshul du byed la phyag dar rnams kyang ma dag pa dang/ mi mdzes par dal bus phyag par byed do/ /de bzhin du las gzhan la yang brtag ste/
 'dod chags la spyod pa ni las gang la yang mdzes pa dang gus par byed do/ /zhe sdang la spyod pa ni las gang la yang drag tu bsgrub pa brtan por byed do/ /gti mug la spyod pa ni las gang la yang 'khrugs par byed la gcig tu mi byar
 mi rung bar chad pa med pa'o/ /ji ltar nyal ba'i sgo nas brtag can/ 'dod chags la spyod pa ni/ mal stan dal bus bcas la mdzes par byas nas nyal ba na yang lus bskum ste nyal lo/ /nad par lang ba yang
 myur du ldang zhing 'dod pa'am skam pa dang bcas pa dang 'dra bar tshig ngal bus 'byin to/ /zhe sdang la spyod pa ni mal stan 'cha' na yang myur du bcas nas gang ji ltar rung bar yang byas te/ rkang lag brkyang nas khro gnyer
 dang bcas par nyal lo/ /nang par ldang na yang myur du langs la khres pa bzhin du tshig drag tu 'byin te/ /gti mug la dpyod pa ni mal stan la des long der bcas la nyal ba na yang kha spub tu byas
 shing nyal lo/ /nang bar ldang na yang tshig ci yin gtol med pa ni mi gsal bar 'byin cing dus tha gi zad cig lon nas gdod mal nas ldang ngo/ /de ltar spyod pa rnams gsum
 la spyod pa gang la chos gos ci 'dra ba dang bsod snyoms ji lta bu dang mal stan ci 'dra ba dang spyod yul gyi grong khyer gang bzhag pa bstan dgos te/ de bas na 'dod chags la spyod pa rnams la mi gtsang ba bsgom pa'i chos
 rnams la dgod dgos pas dge slong dag dge slong bud med mthong nas zhes bya ba la sogs pa gsungs so/ /zhe sdang la spyod pa rnams la ni byams pa bsgom pa la dgod de/ de ni 'og mas tshad med pa bzhi bstan pa'i skabs
 nas 'chad do/ /gti mug la spyod pa rnams la ni rten cing 'brel te/ 'byung pa gzhan te/ de'i tshul ji lta bu ni gong du rten cing 'brel te 'byung ba'i yan lag bcu gnyis bstan pa'i skabs su bshad zin to/ /
 de la 'dod chags la spyod pa rnams la ni chos gos thung ba dang rtsub pa sbyin no/ /zhe sdang la spyod pa rnams la ni chos gos gtsang ma dang kha dog bzang ba dang ring ba dang mdzes pa sbyin no/ /gti mug la spyod pa pa rnams
 la ni gang yang rung ba'o/ /'dod chags la spyod pa rnams la ni bsod snyoms rtsub pa dang mi zhim pa dang nyung ngu sbyin no/ /zhe sdang la spyod pa rnams la ni bsod snyoms 'jam pa dang btsad pa dang zhim pa dang tshim par gyur gyi bar
 du sbyin no/ /gti mug la spyod pa rnams la ni gang yang rung ba'o/ /'dod chags la spyod pa rnams kyi mal stan ni dur khrod dang dur khrod la nye ba 'am/ gtsug lag khang la sogs pa yang las su rung ba ma byas pa/ gding ba dgab pa phun sum
 tshogs pa med par bzhag go /zhe sdang la spyod pa rnams kyi mal bstan ni shing dang chu phun sum tshogs pa sa gzhi mnyam zhing mdzes pa 'am gtsug lag khang mdzes par byas pa gding ba dang mal stan phun sum tshogs par bzhag go /gti mug la
 spyod pa ni gang du yang rung ngo/ /'dod chags la spyod pa rnams kyi spyod yul gyi grong ni kha zas rtsub pa mang du za zhing grong khyer rnams mi mdzes pa la 'gro ba phos gang bar bzhag go /zhe sdang la spyod pa rnams kyi spyod yul gyi grong khyer ni kha zas phun
 sum tshogs pa dang grong khyer mdzes pa dang 'gro ba dad ba bsgrungs pa mang bar bzhag go /gti mug gi spyod yul gyi grong khyer ni gang du yang rung la 'gro ba mkhas pa phal cher yod pa'i gnas su bzhag go/ de la 'dod chags la spyod pa rnam
 pa bzhi ste/ reg pa la chags pa dang/ rang bzhin la chags pa dang/ kha dog la chags pa dang/ nye bar spyod pa la chags pa'o/ /de la reg pa la chags pa ni reg bya 'jam ba la chags pa ste/ ngas rus
 pa dkar po bsgom par bya'o/ /rang bzhin la chags pa ni/ bud med la sogs pa'i lus kyi ngo bo ma nyams pa la chags pa ste/ des bam pa dang/ spos pa la sogs pa bsgom par bya'o/ /kha dog la chags pa rnams kyis
 ni rnam par bsngos pa la sogs pa bsgoms par bya'o/ /nye bar spyod pa la chags pa rnams kyis ni bud med la sogs pa'i lus dur khrod du por ba sems med de shing bzhin du gnas pa la sgom pa'o/ /bdag dang bud med kyi phyi nang gis lus la rnam
 par 'jig pa ni 'dod chags rnam pa bzhi char gyi gnyen por 'gyur bas/ mdo 'di las de nyid las gtso bor mdzad de gsungs so/ /de la bud med kyi lus ni phyi'i lus so/ /bdag nyid kyi lus ni nang gi lus so/ /yang na skra dang spu dang sen mo dang/
 so dang rdul dang dri ma dang pags pa ni phyi'i lus so/ /sha dang rus pa nas bshad ba dang gci ba'i bar du gsungs pa ni nang gi lus so/ /de la mgo la skyes pa ni skra'o/ /mtshan khung dang kha la sogs pa lus la skyes
 pa ni spu ste/ bdag dang gzhan gyi lus de ltar brtags na/ ji ltar brtags pa la sogs par byas na 'dod chags 'jil bar 'gyur te/ 'di ni yang dag pa'i dran pa zhes bya'o// //yang dag pa'i ting nge 'dzin bstan par bya ba'i
 phyir yang dag pa'i ting nge 'dzin gang zhe na/ zhes bya ba la sogs pa gsungs te/ 'di ltar dge ba'i chos la sems rtse gcig pa ni yang dag pa'i ting nge 'dzin yin la/ gzugs kyi khams kyi bsam gtan bzhi yang dge ba'i chos la sems
 rtse gcig pa'i mtshan nyid yin pas yang dag pa'i ting nge 'dzin ces bya'o/ /de la bsam gtan dang po ni yan lag lnga dang ldan pa ste/ yan lag lnga la rtog pa dang dpyod pa dang dga' ba dang ba dang bde ba dang sems rtse gcig pa'o/ /bsam
 gtan gnyis pa ni yan lag bzhi dang ldan pa ste/ yan lag bzhi la nang rab tu dang ba dang bde ba dang sems rtse gcig pa'o/ /bsam gtan gsum pa ni yan lag lnga dang ldan pa ste/ yan lag lnga la btang snyoms dang dran pa dang shes
 bzhin dang bde ba dang sems rtse gcig pa'o/ /bsam gtan bzhi pa ni yan lag bzhi dang ldan pa ste/ yan lag bzhi la btang snyoms rab tu dga' ba dang dran pa dang rab tu dga' ba dang bde ba yang ma yin sdug bsngal yang ma min
 pa'i tshor ba dang sems rtse gcig pa'o/ /de lta bas na bsam gtan bzhi po 'di dag la yan lag bco brgyad du 'gyur te/ yan lag bco brgyad ni bsam gtan dang po la yan lag lnga/ bsam gtan gsum pa yan lag lnga
 ste bcu dang/ bsam gtan gnyis pa la yang yan lag bzhi/ bsam gtan bzhi pa la yang yan lag bzhi ste brgyad de ltar na bco brgyad du 'gyur ro/ /bsam gtan bzhi po 'di dag zhib tu 'chad pa ni phyis bsam gtan gyi skabs su 'chad pas/ 'dir bshad
 na dgos pa chung la bya ba che ba'i phyir ni ma bshad do// //'phags pa'i bden pa bshad pa'i 'og tu/ dbang po nyi shu rtsa gnyis bstan pas ji ltar bstan pa bzhin du bshad par bzhed nas/ dbang po nyi shu rtsa gnyis gang zhe na zhes bya ba
 la sogs pa gsungs so/ /dbang po rnams bstan pa ci dgos she na/ smras pa/ dbang po bstan pas/ 'jig rten dang 'jig rten las 'das pa dang/ zag pa dang bcas pa dang/ zag pa med pa dang/ 'byung bar byed pa dang/ 'byung bar byed pa ma yin pa dang/ thun
 mong dang/ thun mong ma yin pa'i chos khong du chud par bya ba'i phyir ro/ /chos de dag khong du chud na bdag dang bdag gir mngon par chags pa spong bar 'gyur ro/ /mngon par chags pa spangs nas 'khor ba'i sdug bsngal med par 'gyur ro/ /'khor ba'i
 sdug bsngal med na mya ngan las 'das pa'i bde ba thob par 'gyur te/ /de ltar sdug bsngal spang ba dang/ bde ba 'thob par bya ba'i phyir dbang po bstan to/ /de la mig gi dbang po'i rdul phran ni mig gi sprin gyi nang na go snyod kyi ma rtog kha 'bus pa
 'dra bar gnas so/ /rna ba'i dbang po'i rdul phran ni gro ba bcus pa'i mdud pa 'dra bar rna ba'i nang na gnas so/ /sna'i dbang po'i rdul phran ni lcags kyi thur ma ltar mtshul ba'i nang thog thag gnas so/ lce'i dbang po'i rdul phran ni zla ba kham pa
 'dra por gnas so/ /lus kyi dbang po'i rdul phran ni lus bzhin du thog thag tu khyab par gnas so/ /yid kyi dbang po ni rdul phran bsags pa'i mtshan nyid ma yin pas chos thams cad shes pa'i mtshan nyid do/ /bud med kyi dbang po'i rdul phran ni rnga'i?
 kha bzhin nam shing bar btsal pa 'dra bar gsang ba'i phyogs na gnas so/ /skyes pa'i dbang po'i rdul phra mo khyung dkor gyi phyogs na mdzub mo ltar gnas so/ /'tsho ba'i dbang po ni ris mthun pa'i phung po gnas pa dang mi 'jig
 par 'dzin par byed pa'o/ /kha cig na re phung po'i rgyun 'brel bar gnas pa ni 'tsho ba'i dbang po'o/ /zhes 'chad do/ /la la na re drod dang rnam par shes pa dang ldan pa'i 'byung ba chen po gnas pa la dbang byed pa ni 'tsho ba'i dbang po zhes zer ro//
 sdug bsngal gyi dbang po nas btang snyoms kyi dbang pa'i bar du ci'i phyir dbang po lngar bshad ce na/ dbang po lnga po de dag bsam gtan dang snyoms par 'jug pa'i mi mthun pa'i phyogs su gyur pa ste/ mi mthun pa'i phyogs rnam pa lnga
 yod pas na sdug bsngal gyi dbang po la sogs pa lnga nyid du bshad do/ /de la bsam? gtan dang pos yid mi bde ba'i dbang po 'joms par byed do/ /bsam gtan gnyis pas ni sdug bsngal gyi dbang po 'joms par byed do/ /bsam gtan gsum
 pas ni bde pa'i dbang po 'joms par byed do/ /bsam gtan bzhi pas ni/ yid bde ba'i dbang po bcom nas/ btang snyoms kyi dbang po rnam par dag pa la gnas so/ /de la 'dod pa'i khams na rnam par shes pa lnga dang/ bsam gtan dang po'i
 mig dang rna ba dang lus kyi rnam par shes pa ste/ rnam par shes pa'i tshogs de dag gi sim pa'i tshor ba gang yin pa de ni bde ba'i dbang po zhes bya'o/ /bsam gtan gsum pa na yid kyi sim pa gang yin pa la yang bde ba'i dbang po zhes
 bya'o/ /rnam par shes pa lnga'i tshogs kyi sim pa ma yin pa ni/ sdug bsngal gyi dbang po ste/ de yang 'dod pa'i khams nyid na yod kyi/ khams gzhan na med do/ /de ci'i phyir zhe na/ gzugs dang gzugs med pa'i khams na ni las mi
 dge ba'i las rnam par smin pa med pa'i phyir ro/ /yid la sim pa'i tshor ba gang yin pa de ni/ yid bde ba'i dbang po ste/ de yang 'dod pa'i khams dang/ bsam gtan dang po dang/ gnyis pa na yod do/ /btang snyoms kyi dbang po ni 'dod pa dang gzugs
 dang gzugs med pa'i khams te/ sa thams cad na yod do/ /yang na bde ba dang sdug bsngal ba dang/ bde ba yang ma yin/ sdug bsngal yang ma yin pa'i tshor ba rnam pa gsum lus dang sems kyi rten tha dad pa'i sgo nas dbang po rnam pa lngar bzhag ste bde
 ba'i tshor ba yang lus las byung zhing lus dang 'brel pa'i dus na ni bde ba'i dbang po zhes bya la/ bde ba'i tshor ba de nyid sems dang 'brel pa'i dus na ni yid bde ba'i dbang po zhes bya'o/ /sdug bsngal gyi tshor ba yang lus dang 'brel cing lus las byung
 ba'i dus na ni/ sdug bsngal gyi dbang po zhes bya la/ sdug bsngal gyi tshor ba de nyid sems dang 'brel ba'i dus na ni/ yid mi bde ba'i dbang po zhes bya'o/ /lus dang sems gnyi ga dang 'brel pa/ bde ba dang sdug bsngal gnyi gar mi rtog pa ni btang
 snyoms kyi dbang po'o/ /yang na dbang po lnga'i gzhi la rten nas yid du mi 'ong ba'i yul la dmigs te/ rnam par rtog pa med par shes pa lnga'i tshogs dang yang dag par ldan pa ni sdug bsngal gyi dbang po'o/ /yid kyi dbang po la brton gnas
 yul yid du mi 'ong ba la dmigs shing rtog pa dang bcas pa'i yid kyi rnam par shes pa dang yang dag par ldan pa ni yid mi bde ba'i dbang po'o/ /dbang po lnga la brten nas/ yul yid du 'ong ba la dmigs shing rnam par shes pa lnga'i tshogs
 dang yang dag par ldan pa ni bde ba'i dbang po'o/ /yid kyi dbang po la brten nas yul yid du 'ong ba la dmigs shing rnam par rtog pa dang bcas pa'i yid kyi rnam par shes pa dang yang dag par ldan pa ni yid bde ba'i dbang po'o/ /dbang po
 drug la brten nas yul yid du 'ong ba yang ma yin yid du mi 'ong ba yang ma yin pa la dmigs shing rtog pa med pa dang rtog pa dang bcas pa'i rnam par shes pa drug dang yang dag par ldan pa ni btang snyoms kyi dbang po zhes bya'o//
 yang na bsod nams ma yin pa'i 'du byed kyi 'bras bu rnam par smin pa myong ba ni sdug bsngal gyi dbang po dang yid mi bde ba'i dbang po'o/ /bsod nams kyi 'du byed kyi 'bras bu rnam par smin pa myong ba ni bde ba'i dbang po dang yid bde ba'i dbang
 po'o/ /mi g.yo pa'i 'du byed kyi 'bras bu rnam par smin pa myong ba ni btang snyoms kyi dbang po'o/ /yang na lus dang dbang po dang yid dang blo la gnod par byed pa'i bdag nyid skyes pa na yang sdug bsngal gnas pa na yang sdug bsngal la/ yongs su
 'gyur ba na bde bar byed pa ni sdug bsngal gyi dbang po dang yid mi bde ba'i dbang po'o/ /lus dang dbang po dang blo dang yid la rjes su phan par byed pa'i bdag nyid skyes pa na yang bde/ gnas pa na yang bde/ yongs su 'gyur ba na sdug bsngal ba ni
 bde ba'i dbang po zhes bya'o/ /lus dang dbang po dang blo dang yid la gnod par yang mi byed phan par yang mi byed cing shes pa ma skyes pa na ni sdug bsngal la/ ye shes skye na ni bde ba ste de lta bu med pa ni btang snyoms kyi dbang po'o/ /yang na
 sdug bsngal gyi sdug bsngal dang/ rjes su 'brel pa ni sdug bsngal gyi dbang po dang yid mi bde ba'i dbang po zhes bya'o/ /'gyur ba'i sdug bsngal dang rjes su 'brel ba ni bde ba'i dbang po dang yid bde ba'i dbang po zhes bya'o/ /'du byed kyi sdug bsngal
 gyi rjes su 'brel pa ni btang snyoms kyi dbang po'o/ /yang na sdug bsngal gyi dbang po dang yid mi bde ba'i dbang pos ni phrad par mi 'dod pa'i sred pa dang/ bral bar 'dod pa'i sred pa skyed par byed do/ /bde ba'i dbang po dang yid bde ba'i dbang pos ni
 'dod pa'i sred pa dang phrad par 'dod pa'i sred pa skyed par byed do/ /btang snyoms kyi dbang po ni kun tu gti mug pa'i sred pa skyed par byed do/ /yang na gnod pa dang bcas pa'i lus kyi tshor ba ni sdug bsngal gyi dbang po'o/ /gnod pa dang bcas pa'i yid kyi tshor
 ba ni yid mi bde ba'i dbang po'o/ /gnod pa med pa'i lus kyi tshor ba ni bde ba'i dbang po'o/ /gnod pa med pa'i yid kyi tshor ba ni yid bde ba'i dbang po'o/ /gnyi ga las bzlog pa'i btang snyoms kyi dbang po'o/ /yang na khams 'khrug pa las skyes pa
 'am bdag gam gzhan gyis gnod par byas pa las byung ba 'am/ /'chi ba'i dus na sdug bsngal myong ba 'am spyod lam mi bde bar gnas pa ste/ bde ba'i ro dang bral ba'i lus kyi tshor ba ni sdug bsngal gyi dbang po'o/ /mi mdza' ba dang phrad pa dang
 mdza' ba dang bral ba dang/ skyo ba dang nga rgyal dang/ 'jigs pa dang smad pa dang/ chad pas gcang ba la sogs pa'i rnam par rtog pa las skyes pa'i bde ba dang bral ba'i yid kyi tshor ba ni/ yid mi bde ba'i dbang po'o/ /khams mnyam par gyur
 pa las skyes pa 'am/ sdug bsngal gyi gnyen pos sdug bsngal bcom pa'am/ spyod lam bde bar gnas pa 'am/ lus bag yangs kyis/ bskyed pa ro dang bcas pa'i lus kyi tshor ba ni yid bde ba'i tshor ba'o/ /yul yid du 'ong ba dang phrad par
 gyur la/ yul yid du mi 'ong pa dang/ thag ring par gyur ba'am/ grags pa dang bsngags pa la sogs pa'i yon tan la rnam par rtog pa las byung ba'i ro dang bcas pa'i yid kyi tshor ba ni yid bde pa'i dbang po'o/ /lus dang yid la
 phan pa dang gnod par yang mi byed pa'i lus dang sems kyi tshor ba bde ba yang ma yin sdug bsngal ba yang ma yin pa ni gcig tu ma nges pas btang snyoms kyi dbang po'o/ /ci'i phyir dang pa la sogs pa'i dbang po lnga nyid du bshad pa drug dang
 bzhi la sogs par ma yin/ smras pa/ stobs kyi mi mthun pa'i phyogs lnga yod pas na dad ba la sogs pa lnga nyid du bshad de/ drug dang bzhi la sogs par ma yin no/ /stobs kyi mi mthun pa'i phyogs lnga ni ma dad pa dang/
 le lo dang mi dran pa dang g.yeng ba dang shes pa med pa'o/ /de la ma dad ba'i gnyen po ni dad ba'i dbang po'o/ /le lo'i gnyen po ni brtson 'grus kyi dbang ba'o/ /mi dran pa'i gnyen po ni dran pa'i dbang pa'o/ /g.yengs pa'i gnyen po ni ting nge
 'dzin gyi dbang po'o/ /mi shes pa'i gnyen po ni shes rab kyi dbang po'o/ /yang na mos pa rnam pa lnga'i phyir dbang po lngar bshad de/ mos pa rnam pa lnga ni kha cig dad pa'i sgo la mos te/ dper na 'phags pa bar ka la bzhin no/ /kha cig brtson
 'grus kyi sgo la mos te dper na 'phags pa nyan thos rnam pa bzhin no/ /kha cig dran ba'i sgo la mos te/ dper na 'phags pa ming chen bzhin no/ /kha cig zhi gnas kyi sgo la mos te/ dper na 'phags pa re ba ti bzhin no/ /kha cig
 shes rab kyi sgo la mos te/ dper na 'phags pa shA ri'i bu'i sras po bzhin no/ /de la gang dad pa'i sgo la mos pa rnams ni dad ba'i dbang po la brten nas khams gsum las 'byung bar byed do/ de dag rgyun tu zhugs pa'i yan lag gis
 'og nas 'byung ba rnams la brtan to/ /brtson 'grus kyi dbang po la mos pa rnams kyi yang dag pa'i spong ba bzhi la brten nas brtson 'grus kyis khams gsum nas 'byung bar byed do/ /dran ba'i dbang po la mos pa rnams ni
 dran pa nye bar gzhag pa bzhi la brten nas dran pa'i dbang pos khams gsum nas 'byung bar byed do/ /de'i phyir na ting nge 'dzin gyi dbang po la mos pa rnams ni bsam gtan bzhi la brten nas ting nge 'dzin gyi dbang pos khams
 gsum nas 'byung bar byed do/ /shes rab kyi dbang po la mos pa rnams ni/ 'phags pa'i bden pa bzhi shes pa la brten nas shes rab kyi khams gsum nas 'byung bar byed do/ /de'i phyir ni yang dbang po lnga nyid du bshad do/ /ci'i phyir dbang po lnga rnams rim
 pa de ltar bkod ce na/ smras pa/ byang chub kyi phyogs kyi sum cu rtsa bdun gyi chos rnams kyi sa bon du gyur ba ni dad pa'i dbang po ste/ de bas na dad pa'i dbang po dang por bzhag go/ 'di lta ste/ khron ba brkos nas chu 'byung bar dad pa rnams khron ba brko bar
 bya ba'i phyir las rtsom pa bzhin du 'khor ba'i nyes pa mthong zhing mya ngan las 'das pa'i yon tan la dad na mya ngan las 'das pa khong du chud par bya ba'i phyir brtson 'grus rtsom ste/ de bas na de'i 'og tu brtson 'grus kyi dbang po bstan to/ /brtson
 'grus brtsams ba rnams la dran pa nyams pa mi srid de/ de bas na de'i 'og tu dran pa'i dbang po'o/ /dran pa ma nyams na rtag tu sems rtse gcig tu 'gyur te/ de bas na de'i 'og tu ting nge 'dzin gyi dbang po bstan to/ /sems ma yengs shing
 sems rtse gcig tu gyur na mya ngan las 'das pa rtogs par 'gyur bas tha mar shes rab kyi dbang por bshad do/ /yang na 'phags pa'i bden pa bzhi la dad pa ni dad pa'i dbang po'o/ /dad pa rnams bden pa khong du chud par bya ba'i phyir sbyor
 ba'i rtsom pa ni brtson 'grus kyi dbang po'o/ /brtson 'grus dang ldan pa dag bden pa bzhi'i mtshan nyid mi rjed par byed pa ni dran pa'i dbang po'o/ /bden pa bzhi la sems rtse gcig tu sgom pa ni ting nge 'dzin gyi dbang po'o/ /bden pa bzhi shes
 par gyur pa ni shes rab kyi dbang po'o/ /yang na yon tan rnam pa lnga dang ldan pa'i rgyal po ni rgyal po'i sde gzhan 'joms par byed do/ /yon tan rnam pa lnga 'di lta ste/ blon pa 'dzangs? pa dang/ gnas dang sa bzhi btsan pa dang/ go cha dang/ mngon
 cha rno ba dang/ g.yog 'khor mi byed pa'o/ /de dang 'dra bar yon tan lnga dang ldan pa'i rnal 'byor ba ni nyon mongs pa'i sde rnams 'joms par byed de/ des shes rab kyi dbang po blon po lta bur gyur pa dang ldan pa dang ting nge 'dzin gyi gnas
 dang/ sa gzhi la brten pa dang/ dran pa mi byed pa'i go cha dang ldan pa dang/ brtson 'grus bstan pa'i mtshon cha rno ba dang/ dad pa mi bskyod pa'i g.yog 'khor dang ldan pa'o/ /de la mi shes pa la shes so zhes bya ba'i dbang po dang shes pa'i
 dbang po dang/ shes pa dang ma bral ba'i dbang po gsum bstan par bya ste/ gang mthong ba'i lam na yid dang/ yid bde ba dang btang snyoms dang/ dad pa dang/ brtson 'grus dang/ dran pa dang/ ting nge 'dzin dang/ shes rab ste rdzas dgu la ni mi shes
 pa la shes so zhes bya ba'i dbang por bzhag ste/ ci'i phyir zhe na/ mthong ba'i lam la bden pa bzhi sngon kun tu ma shes pa rdzas dgu po rnams kyis shes pa dang rig pa dang khong du chud pa dang/ rtogs bar bya ba'i phyir rtsom bas na/ gang zag de'i dbang
 po ni mi shes pa la shes so zhes bya ba'i dbang por bzhag go/ rdzas dgu po de dag nyid bsgom pa'i lam gyi dus na ni shes pa'i dbang po zhes rnam par bzhag ste/ ci'i phyir zhe na bsgom pa'i lam na bden pa bzhi sngon kun tu ma shes pa rdzas
 dgu po rnams kyis shes pa dang/ rig pa dang/ khong du chud pa dang/ rtogs par bya ba'i phyir rtsom bas na/ gang zag de'i dbang po ni mi shes pa la shes so zhes bya ba'i dbang por gzhag go/ rdzas dgu po de dag nyid bsgom pa'i lam gyi dus na ni/ shes
 pa'i dbang po zhes rnam par bzhag ste/ ci'i phyir zhe na/ bsgom pa'i lam na ni sngon ma mthong ba mthong bar bya ba med kyi/ bsgom bas spang bar bya ba'i bag la nyal ma lus pa spangs par bya ba'i phyir/ mthong ba'i lam na 'phags pa'i bden pa
 bzhi shes par de nyid yang nas yang yang du sgom zhing shes par byed pas na/ sgom pa'i lam gyi gang zag gi dbang po dgu po rnams la ni shes pa'i dbang po zhes rnam par bzhag go /rdzas dgu po de nyid mi slob pa'i lam gyi dus na ni/ shes pa dang ma bral
 ba'i dbang po zhes bya ste/ ci'i phyir zhe na/ mi slob pa'i lam gyi tshe ngas bden pa bzhi kun shes so zhes khong du chud pa dang/ rig pa'i ye shes dang ldan pa'i phyir shes pa dang ma bral ba'i dbang po zhes bya'o/ /yang na kun shes pa'i chos yongs su srung ba dang
 skyong bar byed pa'i ngang tshul can bas shes pa dang ma bral ba'i dbang po ste/ de ci'i phyir zhe na/ mi slob pa'i lam gyi tshe zad pa dang mi skye ba'i ye shes thob pas bdag gi sdug bsngal shes par byas pas yang shes par byar med/ kun 'byung spang bas yang
 spang du med/ 'gog pa mngon du byas pas yang mngon du byar med do/ lam bsgoms bas yang bsgom du med ces bya ba'i chos dang ldan pa'i phyir ro/ /de ni 'di skad du mthong ba dang bsgom ba dang mi slob pa'i lam na rim bzhin du rdzas dgu po de dag nyid phan tshun
 du bltos nas ming gzhan dang gzhan du brtags pa'o zhes bstan pa yin no/ /rdzas dgu po de dag lam gsum po'i tshe ldan no zhes smos pa yang tshogs gzhan la bltos nas smras pa yin gyi/ skad cig ma gcig gam dus gcig tu ni rdzas dgu po cig car mi
 'byung ngo/ /de ci'i phyir zhe na bde ba dang yid bde ba dang btang snyoms kyi tshor ba las gang yang rung ba zhig 'byung gi gsum car dus gcig car 'byung mi srid do/ /ji lta zhe na gal te lam mi thob tu mi rung ba dang bsam gtan gyi bar dang/ bsam
 gtan bzhi pa dang/ nam mkha' dang/ rnam shes dang/ cung zad med pa'i skye mched kyi sar gtogs pa yin na ni de na btang snyoms kyi tshor ba nyid yod kyi/ bde ba dang yid bde ba'i dbang po med do/ /gal te bsam gtan dang po dang gnyis pa'i bar
 yin na ni de na yid bde ba'i dbang po nyid yod kyi/ bde ba dang btang snyoms kyi dbang po med do/ /gal te bsam gtan gsum pa'i sa pa yin na ni de na bde ba'i dbang po nyid yod kyi/ yid bde ba dang btang snyoms kyi dbang po med do/ /
 de la 'dod pa'i khams na ni mi shes pa la shes pa'i dbang po dang/ shes pa'i dbang po dang/ shes pa dang ma bral ba'i dbang po gsum ma gtogs pa'i dbang po gzhan thams cad yod do/ /gzugs kyi khams na ni skyes pa dang bud med kyi dbang
 po dang/ sna'i dbang po dang lce'i dbang po med do/ /'dod pa'i 'dod chags dang/ kha zas kham gyis za ba dang chags pa bral ba'i phyir de bzhin du sdug bsngal gyi dbang po yang med de/ /lus shin tu dang bas phyi'i yul gyi gnod pa med pa dang/
 mi dge ba'i rnam par smin pa med pa'i phyir yid mi bde ba'i dbang po yang med de/ zhi gnas kyi sems kyi rgyud rtag tu dad ba dang gnyen par bya ba'i phyir ro/ /gzugs med pa'i khams na ni dad pa la sogs pa'i dbang po lnga dang/ yid dang
 btang snyoms kyi dbang po dang/ 'chi ba'i dbang po dang brgyad yod kyi gzhad med do/ /yang na rigs kyi sa la gnas pa'i tshe 'phags pa'i bden pa bzhi ma rtogs pa rtogs par bya ba'i phyir/ zhugs pa'i dad pa la sogs pa'i dbang po lnga ni
 mi shes ba la shes so zhes bya ba'i dbang po ste/ ci'i phyir zhe na bden pa ma shes pa rnams shes par bya'o zhes sbyor ba'i phyir ro/ /slob pa'i sa la bden pa bzhi khong du chud par 'gyur ba'i dad pa la sogs pa'i dbang po lnga la ni shes pa'i dbang po
 zhes bya ste/ shes bya shes par gyur pa'i phyir ro/ /mi slob pa'i sa na mthong ba'i chos la bde bar gnas par bya ba'i phyir/ de'i tshe dad pa la sogs pa'i dbang po lnga ni shes pa dang ma bral ba'i dbang po zhes bya ba ste/ shes bya ma lus par
 shes pa dang ldan pa'i phyir ro/ /yang na dad pa'i rjes su 'brang ba'i gang zag rnams kyi dbang po ni mi shes pa shes par bya ba'i 'jug pa ni mi shes pa la shes so zhes bya ba'i dbang por bzhag go/ rgyun tu 'jug pa nas dgra bcom pa la 'jug pa'i bar gyi gang
 zag rnams kyi dbang po ni bden pa shes par gyur pas shes pa'i dbang por bzhag go/ dgra bcom pa'i 'bras bu thob ste/ mi slob pa'i sa la gnas pa gang zag rnams kyi dbang po ni kun shes pa mi nyams pa'i chos dang ldan pas shes pa dang ma bral ba'i
 dbang po zhes bya'o/ /dbang po 'di gsum ci'i phyir rim pa 'di ltar bkod ce na/ 'di ni sdug bsngal/ 'di ni kun 'byung/ 'di ni 'gog pa/ 'di ni lam zhes chos kyi 'khor lo dang por rnam pa bzhir bskor ba na dbang po dang po ste/ mi shes pa la shes pa'i
 dbang po'o/ /sdug bsngal shes par bya/ kun 'byung spang bar bya/ 'gog pa mngon du bya/ lam bsgom par bya zhes chos kyi 'khor lo rnam pa bzhi lan gnyis pa bskor ba'i tshe na ni dbang po gnyis te/ shes pa'i dbang po'o/ /sdug bsngal shes
 par byas pas da shes par bya mi dgos/ kun 'byung spang bar byas pas da spang mi dgos/ 'gog pa mngon du byas pas da mngon du bya mi dgos/ lam bsgoms pas de bsgom mi dgos zhes chos kyi 'khor lo rnam pa bzhi lan gsum du bskor
 ba'i tshe na ni dbang po gsum rnam par bzhag ste/ shes pa dang bral ba'i dbang po'o/ /de la mi shes pa la shes so zhes bya ba'i dbang po'i dus na ni thog mar dge ba'o/ /shes pa'i dbang po'i dus na ni bar du dge ba'o/ /shes pa dang ma bral ba'i
 dus na ni tha mar dge ba ste/ de'i phyir yang rim pa 'di ltar bkod do/ /tshul khrims kyi phung po dang/ ting nge 'dzin gyi phung po dang/ shes rab kyi phung po las gnas pa'i tshe ni mi shes pa shes so zhes bya ba'i dbang po'o/ /rnam par grol ba'i
 phung po la gnas pa'i tshe na ni shes ba'i dbang po'o/ /rnam par gro ba'i ye shes mthong ba'i phung po la gnas pa'i tshe na ni/ shes pa dang ma bral ba'i dbang po'o/ /de la dbang po'i don ci zhes smras pa/ dbang po'i don
 ni rgya gar skad du in+d+ra yA zhes 'byung ste/ in+d+ra ya'i don ni phyug pa'am/ dbang byed pa ste/ gzugs la sogs pa yul la dbang byed pa'i don ni dbang po'i don to/ /'o na dbang po gang dag yul gang la dbang byed ce na/ mig gi
 dbang po nas lus kyi dbang po'i bar du lnga ni don rnam pa bzhi la dbang byed pas dbang po'o/ /de la thang cig mig dang rna ba gnyis don rnam pa bzhi la dbang byed de/ don rnam pa bzhi ni rang gi ngo bo mdzes par bya ba dang/ rang gi
 ngo bo bsrung ba dang/ rnam par shes pa ldan pa dang bcas pa bskyed pa dang/ thun mong ma yin pa'i rgyu la dbang byed do/ /rang gi ngo bo mdzes pa la dbang byed pa ni mig dang rna ba'i dbang po med na long ba dang 'on ba la sogs pa'i
 gzugs shin tu mi mdzes ba'i phyir ro/ /rang gi ngo bo bsrung ba la dbang byed pa ni nyam nga'i gnas dag mig gis mthong zhing rna bas kyang thos nas yongs su spong bar byed pa'i phyir ro/ /rnam par shes pa ldan pa dang
 bcas ba skyed pa la dbang byed pa ni/ mig dang rna ba'i dbang po'i mthus/ mig gi rnam par shes pa dang/ rna ba'i rnam par shes pa sems la byung ba dang ldan pa bskyed pa'i phyir ro/ /thun mong ma yin pa'i rgyu la
 dbang byed pa ni/ gzugs kyang mig gi dbang po nyid kyis mthong gi dbang po gzhan gyis ma yin pa dang/ sgra yang rna ba'i dbang po thos kyis dbang po gzhan gyis mi thos pa'i phyir/ sna dang lce dang lus kyi dbang po yang
 don rnam pa bzhi la dbang byed de/ rang gi ngo bo mdzes pa la dbang byed pa ni/ sna'i dbang po dang lce'i dbang po dang/ lus kyi dbang po dang mi ldan pa rnams gzugs rab tu mi mdzes pa'i phyir ro/ /rang gi ngo bo srung ba la dbang byed pa ni/ kham kyis za
 ba'i kha zas dang dri dang reg bya'i khyad par gyis lus rtas par byed pa'i phyir ro/ /rnam par shes pa dang ldan ba dang bcas pa bskyed ba la dbang byed pa ni sna dang/ lce la sogs pa dbang po'i mthus sna la sogs pa'i rnam par shes pa sems las byung
 ba dang bcas pa skyed bar byed pa'i phyir ro/ /thun mong ma yin pa'i rgyu la dbang byed pa ni dri sna'i dbang po nyid kyis tshor ba dang/ ro lce'i dbang po nyid kyis myong ba dang/ reg bya lus kyis tshor te/ dbang po gzhan gyis byed par mi nus pa'i
 phyir ro/ /yid kyi dbang po dang/ bud med kyi dbang po dang/ skyes pa'i dbang po dang/ tshor ba'i dbang po bzhi ni/ so sor don rnam pa gnyis la dbang byed pas dbang po'o/ /de la thar cig skyes pa dang/ bud med kyi dbang po ni kun nas nyon mongs pa
 dang/ rnam par byang ba la dbang byed de/ ji ltar skyes pa dang bud med kyi dbang po dang mi ldan pa ma ning dang za ma la sogs pa sdom pa ma yin pa dang/ mtshams med pa byed pa dang/ dge ba'i rtsa ba chad pa yang med pa dang/ sdom pa dang/ 'bras bu
 thob pa dang/ 'dod chags dang bral ba rnams su mi 'gyur bas na'o/ /'tsho ba'i dbang po yang don rnam pa gnyis la dbang byed de/ ris gcig pa'i sems can rigs so sor skal ba mnyam pa rgyun tu 'brel ba la dbang byed pa dang/ de mi
 nyams par 'dzin pa la dbang byed de/ ji srid du 'tsho ba'i dbang rpo yod kyi bar du ris gcig pa'i skal ba mnyams pa'i skad cig ma'i breng mthun par gnas la/ tshe'i 'du byed kyang mi 'jigs par 'dzin pa'i phyir ro/ /yid kyi dbang po yang
 don rnam pa gnyis la dbang byed de yang srid pa 'brel pa dang dbang du gyur pa'o/ /yang srid pa 'brel pa ni 'dod chags dang bcas pa'i yid dam/ zhe sdang gdang bcas pa'i yid kyis skye ba'i mtshams sbyor ba'i
 phyir ro/ /dbang du gyur pa ni 'jig rten 'di dag sems kyis khrid do zhes 'byung ba'i phyir ro/ /gang sdug bsngal gyi dbang po la sogs pa lnga dang/ cad? pa'i dbang po nas shes pa dang ma bral pa'i dbang po rnams ni kun nas nyon mongs
 ba dang rnam par byang ba'i chos gnyis la dbang byed de ji ltar zhen sdug bsngal gyi dbang po la sogs pa lnga las bde ba dang/ yid bde ba'i dbang po gnyis kyis 'dod chags bag la nyal ba byed do/ /sdug bsngal dang yid mi
 bde ba'i dbang po gnyis kyis zhe sdang bag la nyal bar byed do/ btang snyoms kyi dbang pos ni gti mug bag la nyal byed do/ /yang na mig gi dbang po na sa lus kyi dbang po'i bar du lnga po dag ni/ gzugs la sogs pa rang rang
 gi yul la dbang byed pa'i phyir dbang po'o/ /yid kyi dbang po ni chos thams cad la dmigs pa'i sgo nas chos kun la dbang byed pas na dbang po'o/ /bud med kyi dbang po ni bud med kyi ngo bo la dbang byed de bud med kyi ngo bo ni byang
 lag dang/ nga ro dang/ bsam pa dang sbyong pa ste/ de dag la bud med kyi dbang pos dbang byed do/ /de la byad lag ni stong phra smad sbo? la nu ma dang bcas pa'o/ /nga ro ni 'jam zhing mnyan pa'o/ /bsam pa ni bud med thams cad kyang
 skyes pa la sems gtong ba'o/ /spyod pa ni bud med thams cad kyang spyod pa mi gtsang ba'o/ /skyes pa'i dbang po ni skyes pa'i ngo bo la dbang byed pa ste/ de la skyes pa'i ngo bo yang byad lag dang bsam pa dang sbyong pa ste/ de la skyes
 ba'i dbang po dbang byed do/ /de la byad lag ni stong sbom pa'o/ /nga ro ni sgra che la zab pa'o/ /bsam pa ni skyes ba kun kyang bud med la sems 'jug pa'o/ /sbyong ba ni skyes ba kun kyang spyod pa gtsang ba'o/ /'tsho ba'i dbang po ni gcig pa'i skal ba mnyam
 bar gnas par bya ba la dbang byed do/ /sdug bsngal gyi dbang po la sogs pa lnga ni kun nas nyon mongs pa la dbang byed de/ ji ltar kun nas nyon mongs pa la dbang byed pa ni sngar bshad pa bzhin no/ /kha cig na re lnga po de dag rnam par byang ba la dbang
 byed do zhes 'chad do/ /'di ltar sdug bsngal ba'i rgyu la dad pa skye'o/ /bde ba las sems rtse gcig par 'gyur ro/ /yid bde ba dang mi bde ba'i dbang po yang mya ngan las 'das pa'i lam la dmigs pa las 'byung bar byed do/ /'di ltar lam la
 dmigs na ni bde ba skye'o/ /lam la dmigs par ma byas na ni bdag gis ma byas so zhes yid mi bde ba skye'o/ /nam kun nas nyon mongs pa spangs te/ lam lhun gyis grub pa ni bde ba dang yid bde ba dang mi bde ba gnyis ka mi dmigs so/ /dad pa
 la sogs pa la dbang po lnga ni rnam par bya ba'i phyogs la dbang byed de/ ji ltar 'jig rten pa'i lam du gtogs pa'i dad pa la sogs pa lngas ni nyon mongs pa 'jil bar byed do/ /des par 'byed pa'i phyogs bzhir gtogs pa'i dad pa la
 sogs pa lnga ni lam la 'jug par byed de/ de ma thag tu mthong ba'i lam skye ba'i phyir ro/ /mi shes pa la shes so bya ba'i dbang po shes pa'i dbang po la byed de'i rjes la shes pa'i dbang po 'byung ba'i phyir ro/ /zhes pa'i dbang po ni shes pa dang
 ma bral ba dbang byed de/ shes pa'i dbang po'i 'og tu shes pa dang ma bral ba'i dbang po skye ba'i phyir ro/ /shes pa dang ma bral ba'i dbang po ni mya ngan las 'das pa la dbang byed de sems rnam par ma grol bar mya ngan las 'das pa mi 'thob
 ba'i phyir ro/ /yang na mthong bas spang bar bya ba'i nyon mongs pa spang ba la mi shes pa la shes so zhes bya ba'i dbang po la dbang byed do de'i dbang gis mthong ba'i smad par bya ba'i nyon mongs pa spong ba'i phyir ro/ /bsgom pas spang bar bya ba'i nyon
 mongs pa spang ba la shes pa'i dbang po dbang byed de/ de'i mthus bsgom pas spang par bya ba'i nyon mongs ba med par 'gyur pa'i phyir ro/ /mthong ba'i chos la bde bar gnas par bya ba la shes pa dang ma bral ba'i dbang po la dbang byed de/ dgra bcom
 ba'i dus na rnam par grol ba'i bde ba so sor myong ba las bya ba gzhan mod ba'i phyir ro/ /ci'i phyir dbang po nyi shu rtsa gnyis nyid du gsungs la mang du yang ma yin nyung du yang ma yin zhe na/ smras pa sems kyi rten dang der rnam par rtag pa dang gnas
 pa dang kun nas nyon mongs pa dang/ rnam par byang ba'i chos kyi phyir dbang po nyi shu rtsa gnyis kho nar bshad do/ /de la sems kyi rten na mig gi dbang po nas yid kyi dbang po'i bar du drug gi/ der rnam par rtog pa ni bud med dang skyes ba'i dbang
 po gnyis te/ gnyis kyi dbang po'i sgo nas 'di ni skyes ba 'di ni bud med ces rtog pa'i phyir ro/ /'tsho pa'i dbang pos ni gnas par byad do/ /tshor ba la sogs la lngas ni kun nas nyon mongs par byed do/ /dad pa la sogs pa lngas ni
 rnam par byang ba'i tshogs sogs/ /mi shes pa la shes so zhes bya ba la sogs pa'i dbang po gsum ni rnam par byang ba'i ngo bo'o/ /yang na 'jug pa'i rten dang skye ba dang gnas pa dang kun tu longs spyod pa dang/ ldog pa'i rten dang/
 skye ba dang/ gnas pa dang kun tu longs spyod pa'i phyir dbang po nyi shu rtsa gnyis kho na las mang du yang ma bshad nyung du yang ma bshad do/ /de la 'khor bar 'jug pa 'am yul la 'jug pa'i rten ni mig gi dbang po nas yid gyi
 dbang po'i bar du drug go/ skye bar byed pa ni skyes pa dang bud med kyi dbang po gnyis te/ de gnyis las sems can skye ba'i phyir ro/ /gnas pa ni 'tsho pa'i dbang po ste de'i mthus gnas par byed pas so/ /kun tu longs sbyor ba ni sdug bsngal la sogs
 pa lnga ste/ sdug bsngal dang yid mi bde ba'i dbang pos ni tshor ba'i sdug bsngal myong bar byed do/ /bde ba dang yid bde ba'i dbang pos ni tshor ba bde ba myong bar byed do/ /btang snyoms kyi dbang pos ni/ tshor ba bde ba yang ma yin/ sdug bsngal yang
 ma yin pa myong bar byed do/ /'khor ba las ldog pa'i rgyu ni dang pa la sogs pa dbang po lnga'o/ /ldog pa'i skye ba'i rgyu ni mi shes so zhes pa'i dbang po ste/ de'i mthus khams gsum las ldog pa'i phyir ro/ /gnas pa ni shes pa'i dbang po ste/ de'i
 tshe 'khor ba las ldog pa'i mtshan nyid bsgom ba'i lam la gnas pa'i phyir ro/ /kun nas longs spyod pa ni shes pa dang ma bral ba'i dbang po ste/ de'i dus na rnam par grol ba'i bde ba so sor myong ba'i phyir ro/ /dbang po nyi shu rtsa gnyis
 bshad zin to// //dbang po nyi shu rtsa gnyis bstan pa'i 'og tu bsam gtan de/ de bas na ji ltar bsam gtan de bzhin du bshad par 'dod pas/ bsam gtan bzhi gang zhe na/ /zhes bya ba la sogs pa bris so//
 bsam gtan zhes bya ba'i don ci/ 'dis bsgom zhing bsam gtan byed bas na/ bsam gtan te rab tu shes par byed ces bya ba'i don to/ /de yang don du na sems mnyam par bzhag cing rtse gcig tu bzhag pa ni bsam gtan
 te/ de la mnyam par bzhag pa la rab tu shes pa zhes bya bar ci mngon zhe na/ 'di ltar sems mnyam par bzhag pa las yang dag par ji lta ba bzhin du shes so zhes 'byung ba'i phyir ro/ /de la bsam gtan gyi sgra'i don sems la bya
 mod kyi/ sems nyid 'dir shes rab la bya bar rig par bya ste/ sangs rgyas kyi grub pa'i mdza' i tshul gyis de yin pa'i phyir ro/ /de ni 'di skad du bstan pa yin te/ dge pa'i chos la sems rtse gcig pa ni bsam
 gtan no zhes bya ba'i don to/ /bsam gtan dang po bstan pa'i phyir/ /'di la dge slong dag ces bya ba la sogs pa gsungs te/ 'di la zhes bya ba ni 'dir zhes bya ba'i don/ /'dod pa'i khams 'dir gnas pa'i gang zag ces bya ba'i don to/ /dge slong
 dag ces bya ba ni bos te bka' stsal pa/ dge slong zhes bya ba ni bsam gtan dang po la snyoms par 'jug pa'i dge slong zhes bya ba'i don to/ /de la bsam gtan dang po de yang 'dod pa'i khams kyi 'dod chags dang bral ba'i ngo bo yin bas
 'dod pa'i 'dod chags dang bral pa'i rgyu nyid las skye'o/ gzhan las ma yin pa bstan pa'i phyir/ 'dod pa las dben pa zhes bya ba gsungs te/ /'dod pa'i khams kyi 'dod pa 'am yon tan lnga la chags pa spang ba zhes bya ba'i don to/ /
 'dir khong khro ba ma gtogs par gong 'dod pa'i khams kyi 'dod chags pa'i nyon mongs pa la 'dod ba zhes bya ba'i sgrar brjod de/ de spangs na 'dod pa la dben pa'o/ /sdig pa mi dge ba'i chos las dben pa zhes bya ba khong khro
 ba la sogs pa'i mtshan nyid zhe sdang gi cha rnams dang/ de'i rgyu las skyes ba'i sems can la sdeg ba dang/ gsod pa la sogs pa spangs pa'o/ /de la mi dge ba 'ba' zhig smos kyi/ sdig pa'i tshig ma smos na ni mi dge ba'i tshig
 'dod pa'i khams kyi nyon mongs pa gzhan la yang bya ba yin pas lan gnyis su smos par 'gyur ro/ /de pas na sdig pa zhes bya ba'i tshig smos te/ bdag dang gzhan gyi rgyud ma rungs bar byed pas/ zhe sdang kha na ma tho ba che ba'i phyi
 sdig ba zhes bya'o/ /rnam par rtog pa dang bcas dpyod pa dang bcas zhes bya ba la rtog pa dpyod pa ces bya ba'i don to/ 'dod pa'i khams kyi chos rnams la skyon dang nyes bar lta ba'i rtog pa dang dpyod par ldan zhes bya ba'i tha tshig go/ rtsing pa dang rigs?
 bar rtogs ba ni rtog pa'o/ /zhib tu 'dzin cing rtog pa ni dpyod pa'o/ /dben pa las skyes pa'i dga' ba dang bde ba zhes bya ba las dben pa'i sgras ni/ 'dod pa'i 'dod chags spangs pa dang/ sdig pa mi dge ba'i chos spangs pa la bya ste de las
 skyes pa'i dga' ba dang bde ba dang ldan zhing bsam gtan dang po la snyoms par zhugs te gnas so zhes sbyar ro/ /dben pa las skyes pa'i sgras dag? pa dang zag pa med pa'i bsam gtan la bya bar ston te/ dge ba ni 'jig rten pa'i bsam
 gtan gong ma la grol bar 'du shes la 'og ma la zug rngur 'du shes pa ste/ bsam gtan gyi rol chags ba dang/ nga rgyal med pa'i mtshan nyid do/ zag pa med pa ni 'phags pa'i bden pa bzhi'i sgo nas zhugs pa las thob pa
 'jig rten las 'das pa'i mtshan nyid do/ /dga' ba'i sgras ni yid bde ba la bya'o/ /bde ba'i sgras ni bag? yangs kyi bde ba la bya ste/ 'di ltar sems la su rung ba'i ting nge 'dzin dang/ rjes su mthun pa'i bag yangs kyi bde ba la bde ba zhes bya'o/ tshor ba bde ba la ni mi bya'o/ /smras
 pa/ 'o na ci'i phyir 'dir tshor ba 'di la bya'o/ /zhes dmigs kyis phye ba med pa bde ba zhes spyi tsam tu smos/ lan du gal te tshod ba'i bde ba yin par 'dod na/ lus kyi tshor ba'i bde ba 'am/ sems kyi tshor pa'i bde ba yin gang? ma
 'di ltar snyoms par 'jug pa'i dus na/ lus kyi bde ba ni yod par mi rigs te mnyam par bzhag pa'i tshe rnam par shes pa lnga'i tshogs med pa'i phyir ro/ /sems kyi bde ba yang mi bya ste/ dga' ba zhes bya ba tshig smos pa'i phyir dga' ?
 ba ni 'dir yid kyi bde ba la bya bas na/ yid kyi bde ba dngos su yod pas na/ sems kyi bde ba la bya bar 'dod na ni tshig zlos par 'gyur ro/ /gal te na de'i tshe bde ba dang yid bde ba gnyis ka yod de zhe na ni/ da ltar na
 rdzas? mnyam par nyams par 'gyur te/ skad cig ma gcig la sems las byung ba'i rdzas gnyis 'byung paM srid pas/ /de ltar skad cig ma gcig la rdzas gnyis mi 'byung yang/ snyoms par 'jug pa ni skad cig ma mang po'i rang bzhin
 yin bas dang po la dga' ba phyis bde ba 'byung ngo zhe na/ 'o na ni bsam gtan dang po'i skad cig ma gcig la yan lag lngar bshad pa med par 'gyur bas mi rigs so/ /de bas na dga' ba'i sgras ni yid bde ba la bya la/ bde ba'i sgras ni
 bag? yangs kyis bde ba la bya'o/ /bsam gtan dang po la snyoms pa zhugs te gnas zhes bya ba ni/ bsam gtan dang po la sems rtse gcig tu mnyam bar bzhag ste gnas zhes bya ba'i don to// //bsam gtan
 gnyis pa bstan pa'i phyir/ de rnam par rtog pa dang/ rnam par dpyod pa nye bar zhi nas zhes bya ba la sogs pa gsungs te/ de zhes bya ba'i sgras rnal 'byor pa la bya ste/ rnal 'byor ba zhes bya ba'i don to/ /rnam par rtog pa dang
 rnam par dbyed pa nye bar zhi zhes bya ba ni de gnyis dang bral ba zhes bya ba'i tha tshig /bsam gtan gnyis pa la snyoms par zhugs na rtog pa dpyod pa'i 'khrug pa dang bral bas na/ nang rab tu dang ba'i sems kyis gcig tu gyur pa
 zhes bya ste/ nang zhes bya ba'i sgra ni de dag phyi rol gyi yul la dmigs pa med kyi sems nang du ltas pa'i phyir ro dang zhes bya ba ni bsam gtan dang po na yod pa'i rtog dpyod kyi 'khrug pa'i dri ma dang thal zhes bya ba'i don to/ /yang na
 dang zhes bya ba'i don ni dang po? la bya ste/ gang gi phyir bsam gtan gnyis pa'i rnal 'byor ba de bsam gtan gnyis thob pa yang bsam gtan dang po'i mnyam par bzhag pa'i sa la brten nas 'byung bar yid ches pa skye ste/ de'i phyir na nad dang
 ba zhes bya'o/ /gcig tu gyur pa dang zhes bya ba dang sems zhes bya bar sbyar te/ sems rtse gcig tu gyur ba 'am/ sems dmigs pa gcig la 'dus bar gyur ces bya ba'i tha tshig go /gang gi phyir bsam gtan gnyis pa yan chad srid pa'i
 rtse mo man chad kyi bsam gtan thams cad rtog pa dang dpyod pa dang bral bar 'dod de/ de bas rnam par mi rtog rnam par mi dpyod ces bya ba gsungs so/ /dga' ba dang bde ba zhes bya ba la dga' ba mi yid bde ba la bya'o/ /bde ba ni bag yangs kyi
 bde ba la bya ste/ sngar bshad pa bzhin no/ bsam gtan gnyis pa la snyoms par thugs te gnas zhes bya ba ni bsam gtan gnyis pa la sems mnyam par bzhag nas gnas zhes bya ba'i don to/ /bsam gtan gsum pa bstan pa'i
 phyir/ /de dga' ba'i 'dod chags dang bral zhes bya ba la sogs pa smos te/ bsam gtan gnyis kha las 'das nas bsam gtan gsum pa la snyoms par 'jug pa'i gang zag de zhes bya ba'i tha tshig go/ gang gi phyir bsam gtan
 gnyis pa'i yid bde ba'i 'dod chags dang bral bas bsam gtan gsum pa'i snyoms par 'jug ste/ de'i phyir dga' ba'i 'dod chags dang bral zhes gsungs te/ bsam gtan gnyis pa'i yid bde ba'i 'dod chags dang bral
 zhes bya ba'i tha tshig go/ btang snyoms la gnas te zhes bya ba la btang snyoms gsum ste/ tshor ba btang snyoms dang/ tshad med pa'i btang snyoms dang/ 'du byed kyi btang snyoms so/ /de la tshor ba btang snyoms ni bde ba yang ma yin sdu
 bsngal yang ma yin pa'i tshor ba'o/ /tshad med pa'i btang snyoms ni sems can la chags pa yang mi skye/ khong khro yang mi skye ba'i mtshan nyid do/ /'du byed kyi btang snyoms ni dmigs par bya ba'i yul la brtsal ba dang/
 'bad pa med pa'i lhun gyis grub par spyod pa'i mtshan nyid de/ 'dir ni 'du byed kyi btang snyoms la bya bar 'dod do/ /ji lta zhe na bsam gtan gsum dmigs par bya ba'i yul la brtsal ba dang 'bad pa med par lhun gyis grub pa nyid du
 spyod pa dang ldan pas na/ btang snyoms la gnas te zhes bya'o/ /dran pa dang ldan zhing shes bzhin du lus kyi bde ba so sor tshor de zhes bya ba la btang snyoms dang ldan pa'i mtshan ma ma brjod pa na dran pa'o/ /shes bzhin ni shes rab la bya ste/
 dran pa la sogs pa bsam gtan gsum pa'i yan lag tu gtogs pa rnams mtshan nyid so sor ma nor bar shes pa'o/ /lus kyi bde ba so sor tshor de zhes bya ba la lus kyi sgras ni 'dir yid kyi lus la bya bar dgongs te/ de dag
 na rnam par shes pa lnga'i tshogs med pas/ bsam gtan gsum pa'i bde ba la sems kyi so sor tshor zhes bya ba'i don to/ /bsam gtan gsum pa ni bde ba'i sems kyis so sor tshor ba dpe bstan pa'i phyir/ gang de 'phags pa
 btang snyoms pa dran pa dang ldan zhing bde ba la gnas pa'o/ /zhes gsungs pa zhes bya ba la sogs pa smos te/ nyon mongs pa'i tshogs sam/ sdig pa mi dge ba'i chos spyod pa las ring du song bas na 'phags pa ste/ de bzhin gshegs
 pa dang nyan thos la sogs pa'o/ /'phags pa de dag gis kyang btang snyoms pa dran pa dang ldan zhing bde ba la gnas pa'o zhes gsungs pa ni bsam gtan gsum pa 'di nyid yin no zhes gsungs pa'i bsam gtan gsum pa de la
 sems rtse gcig tu bzhag nas gnas so zhes bya bar sbyar ro// //bsam gtan bzhi pa bstan par bya ba'i phyir/ de bde ba yangs spang sdug bsngal yangs spangs zhes bya ba la sogs pa gsungs te/ bde ba ni lus kyi tshim
 pa'i mtshan nyid do/ /sdug bsngal yang lus nyid la gdung bar byed pa'i mtshan nyid de/ bsam gtan bzhi ma de gnyis med pas na spangs zhes bya'o/ /sngon yid bde ba dang mi bde ba la nub nas shes pa la bsam gtan dang po thob pa yid
 nas yid ni sim pa dang gdung ba gnyis spangs pas snga nas yid bde ba dang mi bde ba nub pa zhes bya'o/ /de la bsam gtan gnyis pa thob pa na bde ba spangs so/ /bsam gtan gsum pa thob pa na yid mi bde ba spangs so/ /bsam gtan bzhi
 pa thob pa na yid bde ba tshor ba yang med do/ /sdug bsngal yang med de zhes bya ba la bde ba yang ma yin sdug bsngal yang ma yin pa'i tshor ba dang ldan zhes bya bar gzung ste/ gang gi phyir bsam gtan bzhi pa thob pa na bde ba dang sdug bsngal
 la sogs pa'i tshor ba yang med pa'i phyir ro/ /'di ltar tshor ba med pa'i snyoms par 'jug pa yang mi srid pas na de bas na btang snyoms dang ldan no zhes bya bar rigs par bya'o/ /dag pa'i sgra mjug tu smos pa gnyi ga dang sbyar te/ btang
 snyoms dag pa dran pa dag pa'o/ /btang snyoms kyi sgra yang 'di yi skabs su 'du byed kyi btang snyoms la bya'o/ /dran pa'i sgra yang bsam gtan bzhi pa'i yan lag du gtogs pa'i rnams pa ma brjed pa la bya'o/ /sa 'og ma'i
 nyes pa'i dri brgyad dang bral bas na btang snyoms dag pa dran pa dag pa zhes bya ste/ dri ma brgyad ni/ /rtog pa dang dpyod pa dang/ dbugs dbyung ba dang/ rdub pa dang/ bde ba dang/ sdug bsngal ba dang/ yid bde ba dang mi bde ba ste brgyad do//
 bsam gtan bzhi la snyoms par zhugs/ te gnas so zhes bya ba ni bsam gtan bzhi la sems rtse gcig tu bzhag nas gnas zhes bya ba'i tha tshig go /brgal ba bsam gtan bzhi po 'di dag na dad pa dang brtson
 'grus la sogs pa gzhan yang yang na/ de dag bsam gtan gyi yan lag du ma bshad kyi/ rtog pa dang dpyod pa la sogs pa ci'i phyir yan lag tu bshad ce na/ smras pa 'di rnams tsam nyid kyis gnyen po dang yon tan dang/ de gnyis kyis  
 gzhi'i yan lag yongs su rdzogs par khong du chud pas/ rtog dpyod la sogs nyid yan lag tu bshad kyi gzhan yod kyang yan lag tu ma gzhag go /de la bsam gtan dang po na rtogs pa dang/ dpyod pa ni gnyen po'i yan lag ste/ 'dod pa'i
 khams kyi chos rnams la zug rngu dang shu ba la sogs par rtog cing dpyod pas 'dod pa dang gnod sems dang khong khro ba'i gnyen por gyur cing de dag sel bar byed pa'i phyir ro/ /dben pa las skyes pa'i dga' ba dang bde ba zhes bya bas rjes su
 bsngags pa'i yan lag bstan te/ rtog pa dang dpyod pa gnyis kyis/ 'dod pa dang khong khro ba la sogs pa spangs pa las skyes pa'i dga' ba dang/ bde ba so sor myong bar 'gyur ba'i phyir ro/ /bsam gtan dang po la snyoms par zhugs te gnas
 zhes bya bas de gnyi ga'i yan lag bstan te/ sems rtse gcig pa la gnas pa'i mthus 'dod pa sun 'byin pa'i rtog dpyod 'jug cing de las dbye na pa'i dga' ba dang/ bde ba so sor myong ba'i phyir ro/ /bsam gtan gnyis pa la nang rab
 tu dang ba'i sems kyis gcig tu gyur pa ni gnyen po'i yan lag ste nang rab tu dang ba dang/ sems rtse gcig tu gyur pas bsam gtan dang po la yod pa'i rtog pa dang dpyod pa bsam gtan gnyis pa'i mi mthun pa'i phyogs su gyur pa
 sel bar byed pa'i phyir ro/ de ltar bsal bas na bsam gtan gnyis pa la rtog dpyod med pa'i phyir/ /rnam par mi rtog rnam par mi dpyod pa zhes bya'o/ ting nge 'dzin las skyes pa'i dga' ba dang bde ba ni rjes su bsngags pa'i yan lag de/ nang dad pa?
 dang rtse gcig tu gyur pas rtogs pa dang dpyod pa bsal na/ rtog dpyod dang bral ba'i ting nge 'dzin las dga' ba dang bde ba so sor myong ba'i phyir ro/ bsam gtan gnyis pa la snyoms par zhugs te gnas zhes bya bas/ de gnyi ga'i gzhi'i yan lag
 bstan te/ sems rtse gcig pa la brten nas/ nang dang zhing gcig tu gyur pa dang/ ting nge 'dzin las skyes pa'i dga' ba dang/ bde ba so sor myong ba'i phyir ro/ bsam gtan gsum pa la btang snyoms la gnas pa dang/ dran pa dang shes bzhin
 gsum ni gnyen po'i yan lag ste/ de dag gis bsam gtan gnyis pa'i dga' ba dang bde ba sel bar byed pa'i phyir ro/ /lus kyi bde ba so sor tshor ba ni rjes su bsngags pa'i yan lag ste/ de na yid kyi bde ba yod par dpes bstan pa ni gang de
 'phags pas zhes bya ba la sogs pa'o/ bsam gtan gsum pa la snyoms par zhugs te/ gnas zhes bya bas de gnyi ga'i gzhi yi yan lag bstan te/ sems rtse gcig pa la bzhag nas/ btang snyoms dang dran pa dang shes bzhin du 'jug
 cing lus kyi bde ba so sor myong ba'i phyir ro/ bsam gtan bzhi pa la btang snyoms dag pa dang/ dran pa dag pa ni gnyen po'i yan lag yin te/ nges bde ba dang sdug bsngal ba la sogs pa sel bar byed pa'i phyir ro/ /bde ba yang ma yin sdug
 bsngal yang ma yin pa'i tshor ba ni rjes su bsngags pa'i yan lag yin no/ /bsam gtan bzhi la snyoms par zhugs te gnas pa ni de gnyi ga'i gzhi'i yan lag yin te/ sems rtse gcig pa'i mthus btang snyoms dang dran pa dag cing bde ba
 yang ma yin sdug bsngal yang ma yin pa'i tshor ba myong bar 'gyur ba'i phyir ro/ /de la bsam gtan dang po nas 'du shes med min skye mched man chad yid la byed pa rnam pa bdun bsgom ste/ yid la byed pa rnam pa bdun gang zhe na/
 mtshan nyid rnam par rigs pa'i yid la byed pa dang/ lhag par mos pa yid la byed pa dang/ rab tu dben pa yid la byed pa dang/ dga' ba yang dag par sdus pa yid la byed pa dang/ 'jig pa yid la byed pa dang/ sbyor ba mthar thug pa yid la
 byed pa dang/ sbyor ba mthar thug pa'i 'bras bu yid la byed pa dang/ de la bsam gtan dang po la snyoms par 'jug pa'i tshe/ yang rnal 'byor pa yid la byed pa rnam pa bdun gyis 'dod pa'i 'dod chags dang bral ba rjes su thob par byed do//
 yid la byed pa bdun ni mtshan nyid rnam par rig pa'i yid la byed la sogs pa'o/ /mtshan nyid rnam par rig pa'i yid la byed pa ni/ des 'dod pa'i khams kyi 'dod pa rnams la rags pa'i mtshan nyid du rnam par rig par byed la/ bsam
 gtan dang po la zhi ba'i mtshan nyid du rig par byed do/ /de la rigs pa'i mtshan nyid ji ltar rig par byed ce na/ 'dod pa'i khams kyi 'dod pa rnams dngos po drug tu rtog cing tshol bar byed de/ dngos po drug ni don dang/ dngos po dang/
 mtshan nyid dang/ phyogs dang/ dus dang rig pa'o/ /de la rigs pa'i don du je tshol zhing rtog ste/ ji lta zhe na/ 'dod pa 'di dag ni nyes pa'i dmigs dang bcas pa/ gnod pa mang ba nad mang ba mi bde ba mang ba ste zhes de ltar tshol bar
 byed pa ni rigs pa'i don du tshol ba'o/ /de la dngos po tshol bar byed pa ni 'dod pa'i dngos po rnam pa gnyis te nang dang phyi'i 'o/ /de la nang gi 'dod pa'i dngos po tshol bar byed pa ni/ bdag gi lus la chags pa dang 'dod pa'i 'dod chags
 kyi sems skyes pa na/ lus la chags pa dang/ 'dod pa'i 'dod chags kyi sems skyes so zhes rtog par byed pa'o/ /phyi rol dngos po tshol bar byed na ni/ gzugs dang sgra la sogs pa 'dod pa'i yon tan rnams la sems zhugs pa na sems de dag la 'bros? so
 zhes tshol bar byed pa'o/ /mtshan nyid kyang rnam pa gnyis te rang gi mtshan nyid tshol ba dang/ spyi'i mtshan nyid tshol ba'o/ /rang gi mtshan nyid tshol ba yang 'dod pa'i rang gi mtshan nyid gnyis te/ nyon mongs pa'i mtshan nyid kyi 'dod pa dang/ dngos
 po'i mtshan nyid kyi 'dod pa'o/ /nyon mongs pa'i mtshan nyid kyi 'dod pa ni 'dod chags kyi sems skyes pa'o/ /dngos po'i mtshan nyid kyi 'dod pa ni bud med la sogs pa phyi'i yul rnams so/ /'dod pa de gnyis kyang tshor ba bde ba'i gnas su 'gyur ba
 dang/ bde ba yang ma yin sdug bsngal yang ma yin pa'i gnas su gyur pa'o/ /tshor ba bde ba'i gnas su 'gyur ba'i dus na ni/ 'dod chags skyes pa'i rten du 'gyur zhing mi bde ba las bde snyam du 'du shes phyin ci log tu 'dzin pa 'byung ba'i
 rten tu 'gyur ro/ /tshor ba sdug bsngal gyi gnas su gyur pa'i dus na ni zhe sdang skye pa'i gnas su gyur pa dang/ khro ba dang 'khrugs pa 'byung ba'i gnas su 'gyur ro/ /tshor ba bde ba yang ma yin sdug bsngal yang ma yin pa'i skye ba'i rten du 'gyur
 na ni/ rmongs pa g.yo dang sgyu dang/ ngo tsha mi shes pa dang/ khrel med pa skye ba'i gnas su gyur pa ste/ 'dod pa 'di dag las rtag tu nyon mongs pa rjes su 'brang ngo zhes tshol ba ni rang gi mtshan nyid tshol ba'o/ ji ltar spyi'i mtshan nyid tshol zhe na/
 'dod pa 'di dag thams cad kyang skye ba'i sdug bsngal dang/ rga ba'i sdug bsngal dang/ na ba'i sdug bsngal nas/ 'dod pa mi rnyed pa'i bar gyi sdug bsngal dag dang rtag tu 'grogs shing 'bral ba yin la/ gang dag 'dod pa'i longs spyod la
 gnas shing 'dod pa phun sum tshogs pa dang ldan pa de dag kyang skye ba la sogs pa'i chos nyid dang mi 'bral la/ thar cig 'grogs pa tsam du zad do zhes tshol ba ni spyi'i mtshan nyid tshol ba'o/ /ji ltar phyogs tshol zhe na/
 phyogs rnam pa gnyis te/ dkar po'i phyogs dang nag po'i phyogs las 'dod pa'i tshogs 'di dag ni nag po'i phyogs su gtogs pa me mdag dang 'dra ba dug rab tu gdug pa dang mtshungs pa rmi lam lta bu thad cig brnyes pa'i rgyan dang
 'dra ba shing gi 'bras bu smin pa dang mtshungs pa ste/ 'dod pa de dag tshol ba'i dus na yang sems can rnams tshor ba'i sdug bsngal so sor myong zhing/ rnyed na yang srung ba'i sdug bsngal dang/ bral ba'i sdug bsngal dang/ dbang med pa'i sdug
 bsngal la sogs pa so sor myong bar 'gyur ro/ /de bzhin du 'dod pa 'di dag brten na nyes pa'i dmigs rnam pa lnga yod par/ bcom ldan 'das kyis gsungs te/ 'dod pa 'di dag bde ba'i ro? chung ba sdug bsngal mang ba/ nyes pa'i
 dmigs pa mang po dang ldan pa ste/ de bsten na'ang tshim pa 'am chog pa'i mdza' med do zhes gsungs ste/ rnam grangs des na sangs rgyas dang sangs rgyas kyi nyan thos yang dag par zhugs pa skyes bu dam pa rnams kyis rnam pa du mas smad
 pa'o/ /ji ltar dus tshol zhe na/ 'dod pa'i 'dod chags 'di dag ni 'das pa dang/ ma 'ongs pa dang da ltar gyi dus su rtag pa rtag par ther zug ther zug tu yang 'dod pa 'di dag ni 'tshe ba mang pa sdug bsngal mang ba/ gnod pa mang ngo zhes
 de ltar tshol ba ni dus tshol ba'o/ /ji ltar rigs pas tshol zhe na/ 'dod pa 'di dag btsal ba chen po dang/ 'bad pa chen po dang ngal ba dang chad pa rnam pa du ma dang bzo'i gnas rnam pa sna tshogs kyis bsgrub dgos te/ de lta
 bsags shing btsal ba yang bdag gi lus/ gzugs can 'byung ba chen po bzhi las gyur pa rigs pa rtag tu mnye ba dang bkru ba dang gso dgos shing 'jig pa dang bcas pa dang rnam par 'thor ba'i chos can las sdug bsngal tsam bsal ba'i
 gnyen por 'gyur te/ bkras pa'i sdug bsngal bsal ba'i phyir? ni kha zas so/ /grang ba dang dro ba'i sdug bsngal dang/ 'jom pa dang/ ngo tsha ba'i sdug bsngal bsal ba'i phyir ni bgo ba'o/ /gnyid dang chad pa'i sdug bsngal bsal ba'i phyir ni mal
 ston te/ /'chags pa dang 'gro ba'i sdug bsngal bsal ba'i phyir ni bzhon pa'o/ /na ba'i sdug bsngal bsal ba'i phyir ni na ba'i rkyen gyi sman te/ 'dod pa'i chos 'di dag kyang sdug bsngal gyi gnyen po byed pa tsam du zad pas de dag la chags pa dang
 zhen par mi bya'o/ /gzhan du na nad kyis nyen pa'i nad pa rnams nad zhi bar bya ba'i phyir sman la brten pa 'dra ba'i tshul du bya'o zhes tshal ba ni rags pas tshol ba ste/ de ltar na 'dod pa'i chos de dag la dngos po rnam pa drug tshol bas rags pa'i
 mtshan nyid du rigs par byed la/ bsam gtan dang po la ni zhi ba'i mtshan nyid du rnam par rig par byed do/ /yid la byed pa de ni mnyan pa dang bsam pa'i shes rab dang 'dres pa'i yin par shes par bya'o/ /de'i 'og tu mnyan pa dang bsam pa'i shes
 rab las 'das nas/ gcig tu bsgom pa'i rnam par 'dod pa'i khams kyi 'dod pa la rag pa dang/ bsam gtan dang po la zhi ba'i mtshan nyid du dmigs pa'i zhi gnas dang/ lhag mthong bsgom pa na yang nas yang du ji ltar btsal ba'i rags
 pa dang zhi ba la mos par byed do/ /de ni mngon par mos pa can yid la byed pa zhes bya'o/ /de la rgyun tu goms pas dang po nyid du spong ba'i lam dang ldan pa'i yid la byed pa skye ste/ des nyon mongs pa chen po'i rnam pa spong bar byed pas rab tu
 dben pa yid la byed pa zhes bya'o/ /de'i mi mthun pa'i phyogs su gyur pa'i phyogs su gyur pa'i nyon mongs pa dang bral nas rnal 'byor ba de de'i 'og tu spong ba la dga' ba dang/ spong ba la rjes su bsngags pa'i bsam pa skye zhing dben pa las
 skyes pa'i dga' ba dang bde ba shas chung ngu dang ldan la dus dus su bsam gtan gyi 'bras bu 'am de bzhin gshegs pa'i yon tan la sogs pa gang yang rung ba sems dang bar 'gyur ba'i yid la byed pas gzengs bstod cing sems spro
 bskyed par byed de/ de yang rmugs pa dang rgod pa'i sgrib pa bsal ba'i phyir ro/ /'di ni dga' ba yang dag par sdud pa'i yid la byed pa zhes bya'o/ /des de ltar yang dag par zhugs pa na dge ba'i rtsa bas yang dag par brtan pas 'dod pa'i
 khams kyi nyon mongs pa kun nas dkris pa rnams 'gro ba 'am gnas pa na yang dag par mi 'byung ste/ de de'i tshe 'di snyam du ci bdag 'dod pa'i 'dod chags la chags pa yod pa 'am mi 'byung zhing 'byung bar tshor ram 'on te med pa las
 mi 'byung zhing 'byung bar mtshor zhes rtog cing gzhan yang rab tu dad par 'gyur pa/ dge ba'i mtshan ma dag pa yid la byed pa zhes bya'o/ /de ni 'jig pa yid la byed pa zhes bya'o/ /des de ltar gnyen po'i phyogs so sor 'jig cing btsal
 nas bsgom pa na dus ji srid cig gi bar du 'dod pa'i khams kyi nyon mongs pa thams cad dang bral ba dang/ bsam gtan dang po'i sbyor ba mthar thug pa'i gnyen po yid la byed pa 'byung ste/ de ni sbyor ba mthar thug pa'i yid la byed pa zhes
 bya'o/ /de'i 'og tu rtsa ba'i bsam gtan dang po thob par 'gyur te/ de'i sbyor ba mthar thug pa'i 'bras bu yid la byed pa'o/ /de la mtshan nyid yang dag par rig pa yid la byed pas ni/ gang spang bar bya ba dang thob par bya ba de dag yang
 dag par shes nas/ spang bar bya ba dang/ thob par bya ba'i phyir sems rab tu 'dzin to/ /lhag par mos pa yid la byed pas ni de'i 'og tu yang dag pa'i sbyor ba la rtson par byed do/ /rab tu dben pa yid la byed pas ni nyon mongs pa chen po'i rnam pa spong
 bar byed do/ /dga' ba yang dag par sdud pa'i yid la byed pas ni nyon mongs pa 'bring gi rnam par spong bar byed do/ /'jig pa yid la byed pas ni/ thobs yid la byed pa yang sems nga rgyal med par 'jog par byed do/ /sbyor ba mthar thug pa
 yid la byed pas ni/ nyon mongs pa chung ngu'i rnam pa spong bar byed do/ /sbyor ba mthar thug pa'i 'bras bu yid la byed pas ni legs par bsgom pa'i 'bras bu so sor myong bar byed do/ /ji ltar bsam gtan dang po la yid la byed pa bdun yod
 pa bzhin du cung zad med min skye mched kyi bar du yang yid la byed pa bdun dang ldan par ci rigs par sbyar te/ rgyas par bshad na yi ge bzhung mangs pas zhib tu ni ma bshad do/ /de la rnam pa gnyis kyis sa 'og ma thams cad rags pa yin
 te/ rnam pa gnyis ni ma zhi ba'i mtshan nyid du gnas pa dang tshe'i 'du byed thung ba'o// //bsam gtan gyi 'og tu chad pa'i gnas bzhi bstan pas ji ltar bstan pa bzhin du bshad par bzhed nas/ tshangs pa'i gnas pa ni
 gang zhe na zhes bya ba la sogs pa gsungs so/ /'di la zhes bya ba ni 'dod pa'i khams 'dir zhes bya ba'i don to/ /dge slong dag ces bya ba ni bos nas bka' stsal te snga ma bzhin no/ /dge slong zhes bya ba ni tshad med pa bzhi bsgom pa'i rnal 'byor
 pa'i dge slong ngo/ /de la tshangs pa ni mya ngan las 'das pa ste/ de thob par byed pa ni tshangs pa'i gnas so/ /yang na tshangs pa ni sdig pa thams cad la mi 'jug cing spong bar byed pa ste/ sdig pa mi 'jug pa'i chos bzhi ni tshangs pa'i
 gnas bzhi'o/ /byams pa dang ldan pa'i sems zhes bya ba la ting nge 'dzin ma smos kyang byams pa'i ting nge 'dzin ces bya ba'i don te/ byams pa'i ting nge 'dzin dang ldan pa'i sems zhes bya ba'i tha tshig go /de yang ci 'dra ba
 zhig ce na/ de'i khyad par bstan pa ni/ dgra med pa zhes bya ba la sogs pa gsungs so/ /mdza' ba dang dgrar dbyer med par sems can thams cad la phan pa dang bde ba'i sems pa'i sems dang ldan pas na dgra med pa'o/ /sems can rnams
 dge ba'i phyogs la dgod cing 'phags pa'i lam bsgom du bcug pa ni phan pa'i sems te/ de lta bu'i bsam pa dang ldan pas na mi mthun pa med pa'o/ /don du na sems can kun la phan par sems kyi/ bud med che chung bzhin gcig la
 gcig 'gran zla med ces bya ba'i tha tshig go /sems can rnams lha dang mi'i bde 'gro dang mya ngan las 'das par dgod par sems pa ni bde ba'i bsam pa ste bsam pa de dang ldan pas na gnod pa med pa'o/ yang na dgra la yang gnod
 par bya ba'i sems med pas na gnod pa med pa'o/ /las dang po pa'i dus na phyogs gcig tu dza byams pa khyab par byed pas na yangs pa'o/ /byams pa grub pa'i dus na ni phyogs bcu kun tu khyab par byed pas na cher gyur pa'o/ /kun
 la sems mnyam ste grogs la byams pa dang/ dgra la zhe sdang med pas na gnyis su med pa'o/ /'dod pa'i khams kyi sems can tshad med pa la dmigs pas na tshad med pa'o/ /byams pa'i mi mthun pa'i phyogs zhe sdang spangs te
 byams pa de zhe sdang dang ma 'dres par bsgom pas na/ shin tu sgom pa'o/ /phyogs gcig tu mos shing khyab par byas pa la phyogs gcig ni dang po nyid du shar ram nub bam phyogs gang yang rung gcig tu dmigs pa ste 'dir ri
 tshig pa bzhin du snod kyi sgo nas snod la chags pa'i sems can la dmigs par byed pa bstan to/ /mos zhes bya ba mos pa yid la byed pa ste/ 'dod pa'i khams kyi sems can la dmigs pa'i phyir khams gsum sems can thams cad sdug bsngal
 gyis khyab pa'o zhes dmigs pa med pas na de kha na yid la byed pa ni ma yin no/ /khyab par byas zhes bya ba ni phyogs gcig tu byams pas rgyas par byas zhes bya ba'i don to/ /bsgrubs nas gnas zhes bya ba ni byams pa'i sems 'grub par byas
 nas gnas pa'o/ /ji ltar phyogs gcig la gnas pa bzhin phyogs gnyis po la sogs pa la yang dmigs par bstan pa'i phyir/ de bzhin du gnyis dang zhes bya ba la sogs pa gsungs so/ /steng ni 'dod pa'i khams kyi lha la sogs pa'i gnas so//
 'og ni sems can dmyal la sogs pa'o/ /mtshams ni phyogs bzhi'i mtshams nas gnas pa'i sems can no/ /ji ltar byams pa'i ngo bo dang bsgom pa'i mtshan nyid bstan pa bzhin du snying rje la sogs pa la yang tshul de dang 'dra bar bstan pa'i
 phyir ro/ /de bzhin du snying rje dang ldan pa dang zhes bya ba la sogs pa gsungs te/ de dag gi don kyang sngar bshad pa bzhin du blta'o/ /mdo kha gcig las tshad med pa bzhi zhes 'byung ste/ de'i don kyang tshad med pa'i sems can la dmigs pas
 na tshad med pa zhes bya'o/ /'o na ci'i phyir tshangs pa'i gnas lnga dang gsum la sogs par ma bshad la/ bzhi kho nar bshad smras pa nyon mongs pa dang nye ba'i nyon mongs pa rnam pa bzhi'i gnyen por gyur pas bzhi kho nar bshad de/ nyon mongs
 pa dang/ nye ba'i nyon mongs pa rnam pa bzhi ni/ gnod pa dang 'tsho ba dang 'dod chags dang/ gnod sems so/ /de la gnod sems med pa'i sems can rnams de spangs pa'i phyir byams pa gnyen por 'gyur ro/ /brdeg
 'tshogs pa la sogs pa'i 'tsho ba mang ba rnams spangs pa'i phyid snying rje gnyen por 'gyur ro/ /mi dga' ba mang ba rnams de spangs pa'i phyir dga' ba gnyen por 'gyur ro/ /'dod chags dang gnod sems mang ba rnams
 de spang bar bya ba'i phyir btang snyoms gnyen por 'gyur ro/ /'o na mi gtsang ba bsgoms pa yang 'dod chags kyi gnyen po yin na mi gtsang ba dang btang snyoms gnyis gnyen por gyur pa la khyad par ci yod/ smras pa/ mi tshangs par spyod
 pa'i 'dod chags kyi gnyen por mi gtsang ba bsgoms pa'o/ /pha dang ma dang gnyen po chags pa'i 'dod chags kyi gnyen po ni btang snyoms de khyad par de yod do/ /de byams pa la sogs pa'i mtshan nyid bstan te/ kyi hud
 sems can 'di dag bde ba dang ldan par gyur cig ces yid la byed pa ni byams pa'o// //e ma'o sems can 'di dag sdug bsngal ba ste/ sdug bsngal dang bral bar gyur ces yid la byed pa ni snying rje'o/ /sems can
 bde ba dang ldan pa rnams rtag tu bde ba dang dga' bar gyur cig ces yid la byed pa ni dga' ba'o/ /grogs la byams pa yang mi skyed dgra la zhe sdang yang mi skyed te/ sems mnyam ba tsam du 'dzin pa ni btang snyoms so/ /'o na las
 dang po ba rnams thogs ma nyid du byams pa la sogs pa la ji ltar bsgoms/ de ltar bdag nyid bde ba dang/ ldan pa'am bdag bde ba med kyang/ sangs rgyas dang byang chub sems dpa' dang nyan thos rnams bde ba thob par
 mtho dang ma thos na sems can rnams kyang bde ba dang ldan par gyur cig ces mos par byed do/ /gal te gang zag de nyon mongs pa'i mthu che bas/ sems can kun la bdag dang sangs rgyas kyi bde ba dang ldan par mos par
 mi nus te/ dgra la lhag par zhe sdang yod la/ grogs la lhag par byams pa yod na/ des grogs kyi phyogs la yang rab dang 'bring dang tha ma ste rnam pa gsum du dbye'o/ /de ltar phye ba las je grogs po rab la bde ba de dag dang ldan pa
 gyur cig ces mos par bya'o/ /de nas de grub na grogs po 'bring la'o/ /de nas de grub na grogs po tha ma la'o/ /de nas grogs po'i phyogs gsum mnyam pa kho nar dmigs pa phrab ma tha mal pa'i mi rnams spyir dmigs par bya'o//
 de nas de grub pa dang dgra tha ma dang 'bring dang rab rnam pa gsum du phye ste/ dang por tha mal bde ba dang ldan par gyur cig ces mos par bya'o/ /de nas dgra 'bring la'o/ /de nas dgra rab la'o/ /de nas gang grogs kyi mchog dang/ /dag rab
 gnyis kyis phyogs gnyis la bde bar gyur cig ces byams pas mnyam par gyur na/ de nas rim gyis bdag ya rigs tsam gyi 'khor la dmigs so/ /de nas grong khyer la'o/ /de nas rgyal po'i pho brang 'khor du'o/ /de nas khang kyi je che je che
 nas phyogs bcu kun tu byams pas khyab par bya'o/ /gang kun tu yon tan dang bcas pa'i gang zag gzhan dag la yon tan cung zad yod pa yang khyad du mi gsod cing/ yon tan dang ldan par 'dzin pa des ni myur bar byams pa'i ting nge 'dzin
 thob par 'gyur ro/ /bzlog te smas pa/ yon tan gzung bar bya ba na ni/ /dge ba'i rtsa ba chad pa la yang yon tan gzung bar nus te/ da ltar dge ba'i rtsa ba chad pa la gnas kyang sngon gyi bsod nams kyi 'bras bu mthong nas/ khyod kyis bsod
 nams kyis las byas par gyur pas gang gi phyir khyod da ltar gzugs bzang por gyur te zhes gzung ba lta bu'o/ /yon tan phan la yang nyes pa gzung bar nus te/ dper na rang sangs rgyas lta bu sgo gsum nas nyes ba cung zad kyang
 mi 'byung mod kyi/ sngon gyi bsod nams ma yin pa'i 'bras bu mthong nas/ sngon chad gang gi phyir bsod nams ma yin pa'i las cung zad byas par gyur pas/ da ltar gzugs mi mdzes pa dang ldan par gyur
 ces gsungs pa lta bu'o/ /snying rje la sogs pa la yang de bzhin du sbyar te/ sems can 'di dag ni chags pa mang po'i 'dam du nub pa sdug bsngal rnam pa sna tshogs dang ldan pa yin te/ sdug bsngal dang bral bar gyur cig ces
 mos par byed pa'o/ /kha cig na ro bsod nams kyi tshogs chen po dang ldan par byed pa'i gnas yin pas tshangs pa'i gnas te/ de ltar byas na bsod nams 'phel bar 'gyur ba'i phyir ro/ /yang na sems can rnams la phan
 ba'i sems dang bde ba'i sems yod pas na/ byams pa dang ldan pa'i sems zhes bya'o/ /byams pa de yang nyon mongs pa rnam pa gsum gyi gnyen po yin pa'i phyir dgra med pas na mi mthun pa med pa zhes bya'o/ /nyon mongs pa
 gsum ni sems can bdag dang rigs dang yon tan la sogs pa mnyam pa 'am/ khyad zhugs pa gnod pa byed pa la zhe sdang ba dang gnod par mi byed pa la phrag dog pa dang/ dman pa de gnyi ga la zhe sdang ba'o/ /de la sems
 can bdag pas rigs dang yon tan la sogs pa mnyam pa'am khyad par can gnod par byed pa zhe sdang gi gnyen por gyur pas na dgra mang pa zhes bya'o/ /sems can rigs dang yon tan la sogs pas mnyam pa 'am khyad
 par mi byed pa la phrag dog pa'i gnyen por gyur pas na mi mthun pa med pa'o/ /sems can rigs dang yon tan la sogs pa bdag pas dman pa la gnod par byed pa dang/ gnod par mi byed pa gnyi ga la zhe sdang ba'i
 gnyen por gyur pas na/ gnod pa med pa'o/ /byams pa de bsgoms na de'i 'bras bu chen po 'thob par 'gyur ba'i phyir yangs pa'o/ /byams pa'i sems de yang gzugs kyi khams kyi bsam gtan thob pa'i sar gtogs la/ gzugs
 kyis khams thob pa'i sems kyi rgyud la 'byung bas na tshor gyur pa'o/ /kha cig ni gzugs med pa'i khams kyi sar gtogs pas na cher gyur pa zhes 'chad do/ /dgra dang mdza' bar dbyer med pas na gnyis su med pa'o/ /'dod pa'i
 khams kyi sems can tshad med pa la dmigs pas na tshad med pa'o/ /mi mthun pa'i phyogs las shin tu rgyal ba'i phyir/ shin tu bsgoms pa ste/ byams pa'i mi mthun pa'i phyogs ni zhe sdang ba'o/ /de ltar na tshig de dag gi gnyen
 po dang 'bras bu dang sa dang dmigs pa dang/ rna ba yang dag pa'i sems yongs su bstan pa yin te/ dgra med dang mi mthun pa med pa dang/ gnod pa med pa'i tshig gsum gyis ni gnyen po dang bcas par bstan pa yin no/ /yengs pa zhes
 bya bas 'bras bu bstan pa yin no/ /cher gyur pa zhes bya bas sa bstan pa yin no/ /gnyis su med pa dang tshad med pa zhes bya bas dmigs pa bstan pa yin no/ /shin tu bsgom pa zhes bya bas rnam par dag pa bstan pa yin no/ /phyogs gcig
 tu mos shing khyab par byas te bsgrubs nas gnas so zhes bya ba la sogs pa la/ dper na ri la gnas pa'i rtsa dang shing tshig na ri tshig ces gnas kyis gnas pa ston pa bzhin du/ 'di la phyogs gcig gi gnas pa'i sems can
 dmigs par byed pa ston to/ /mos zhes bya bas mos pa yid la byed pa bstan gyi/ de kho na yid la byad pa ma yin pa ni snga ma bzhin no/ /khyab par bya ste zhes bya bas dus gcig tu dmigs par bya ba'i sems can thams cad la
 khyab par dmigs zhes bya ba'i don to/ /bsgrubs nas zhes bya bas rtsa ba'i ting nge 'dzin bzhi mngon du byas pa'am/ byams pa la sogs pa'i ting nge 'dzin nyam da mngon du byas nas zhes bya ba'i don to/ /
 gnas so zhes bya ba'i tshig gis skad gcig ma gcig la gnas pa ma yin gyi/ de'i rjes su rgyun tu 'brang zhes bya ba'i don to/ /yang na tshangs pa'i gnas bzhi ni rim bzhin du bde ba yang dag par sgrub par byed pa'i mtshan nyid dang
 sdug bsngal sel bar byed pa la 'jug pa'i mtshan nyid dang/ bde ba dang mi 'bral bar rjes su mos pa'i mtshan nyid dang gsum char la btang snyoms pa'o/ /de la bde ba yang dag par bsgrub pa'i mtshan nyid ni byams pa'o/
 sdug bsngal sel ba la 'jug par byed pa'i mtshan nyid ni snying rje'o/ /bde ba dang mi 'bral bar rjes su myong ba'i mtshan nyid ni dga' ba'o/ /rnam pa gsum char ltar mi 'jug pa'i mtshan nyid ni btang snyoms so/ /tshad med
 bzhi las kyang je byams pa bstan pa'i phyir/ 'di la dge slong dag/ dge slong byams pa dang ldan pa'i sems zhes bya ba la sogs pa gsungs so/ /de la byams pa de sems can la phan 'dogs pa'i rnam par gnas pa yin
 pas na byams pa dang ldan pa'i sems zhes bya'o/ /phan 'dogs pa'i mtshan nyid kyang rnam pa gnyis te/ phan ba sgrub pa dang bde ba sgrub pa ste/ /de'i don kyang sngar bshad pa bzhin no/ /sems kyi nyes pa dang bral ba'i phyir na dgra
 med pa'o/ /sus kyang gnod par mi byed la bdag kyang su la yang gnod par mi gnas pas na mi mthun pa med pa'o/ /gnod par bya ba'i las mi byed pas na gnod ba med pa'o/ /dmigs par bya ba'i yul rgya che bas yangs
 ba'o/ /phan pa dang bde ba gtsor bsgrubs pas na rgya che bar gyur ba ste/ cher gyur ba'i don ni gtsor sgrub pa'i don to/ /chags ba dang zhe sdang med pas na gnyis su med pa'o/ /de'i 'bras bu dpag tu med pa 'byung bas tshad med pa'o/ /mi mthun
 pa'i phyogs las rab tu rgyal bas na shin tu bsgoms pa'o/ /phyogs gcig tu mos shing khyab par byas te zhes bya ba la zhe sdang med la sems can la phan pa dang/ bde ba'i bsam pa'i mos pas phyogs gcig tu khyab par bya zhes bya ba'i
 don te/ /bsgrubs nas gnas zhes bya bas ni byams pa dag par byas ba 'am/ rdzogs bar byas nas gnas zhes bya ba'i don to/ /lhag ma rnams sngar bshad pa bzhin du blta'o// //tshangs pa'i gnas kyis 'og tu lam
 bzhi bstan pas/ ji ltar bstan pa bzhin du bshad par bzhed nas 'dri ba'i tshul du 'go drangs te bka' stsal pa/ lam bzhi gang zhe na zhes bya ba la sogs pa'o/ /mya ngan las 'das pa thob par byed pa'i phyir lam ste /mya ngan las
 'das pa'i gnas bsgrubs pa'i don to/ /de la sdug bsngal gyi lam rmongs pa mngon par shes pa yang yod ces bya ba ni lam dang po'o/ /sdug bsngal gyi lam myur du shes pa yang yod ces bya ba ni lam gnyis ba'o/ /bde ba'i lam
 rmongs pa mngon par shes pa yang yod ces bya ba ni lam gsum pa'o/ /bde ba'i lam myur du mngon par shes pa yang yod ces bya ba ni lam bzhi pa'o/ /de la thob tu mi rung ba dang bsam gtan gyi bar dang/ gzugs med pa dag ni rim
 bzhin du zhi gnas dang lhag mthong shes chung bas sdug bsngal gyi lam mngon par shes pa dang sdug bsngal gyi lam myur du shes pa rnam par bzhag ste/ na ma dbang po rtul po rnams mi thob tu ma rung ba dang/ bsam gtan
 gyi bar dang/ gzugs med pa la snyoms par 'jug pa na sdug bsngal gyi lam rmongs pa mngon par shes pa zhes bya'o/ /na ma dbang po rnon po rnams mi thob tu mi rung pa dang/ bsam gtan gyi bar dang/ gzugs
 med pa'i snyoms par 'jug pa na ni/ sdug bsngal gyi lam myur du mi mngon par shes pa zhes bya'o/ /gzugs kyi khams kyi bsam gtan bzhi la snyoms par 'jug pa rnams ni bde ba'i lam rmongs ba mngon par shes ba dang/ bde
 ba'i lam myur du mngon par shes par rnam par bzhag ste/ na ma gang zag dbang po rtul po rnams gzugs kyi khams kyi bsam gtan bzhi la snyoms par 'jug pa na ni bde ba'i lam rmongs pa mngon par shes pa zhes bya'o/ /nam
 dbang po rnon po'i gang zag rnams gzugs kyi khams kyi bsam gtan bzhi la snyoms par 'jug pa ni bde ba'i lam myur du mngon par shes pa zhes bya'o/ /lam dang po rgyas par bstan pa'i phyir/ de la sdug bsngal gyi lam rmongs
 pa mngon par shes pa gang zhe na/ zhes bya ba la sogs pa gsungs so/ /'di la zhes bya ba ni 'dod pa'i khams 'dir zhes bya ba'i tha tshig go/ 'ga' zhig ces bya ba ni skyes bu la la zhig gam/ gang zag la la zhes bya ba'i don to/ /
 rang bzhin gyis zhes bya ba ni ngo bo nyid kyis zhes ba'i don to/ 'dod chags bdo ba dang zhes bya ba las/ bdo ba'i sgra ni 'dod chags shas che ba la bya ste/ 'dod pa'i dngos po chung ngu la yang lhag par chags pa dang/ yang nas
 yang du 'dod chags kyi sems mngon du byed pa ni 'dod chags bdo ba'o/ /zhe sdang bdo ba yang zhe sdang shas che ba ste/ gnod ba dang nyes par byas pa'i dmigs chung yang 'khrugs pa dang/ gnod sems cher ldang zhing zhe sdang
 gi sems yang nas yang du rgyun tu sems la 'byung ba ni zhe sdang bdo pa'o/ /gti mug bdo ba yang gti mug gi shas che ba ste/ gang gi phyir gti mug shas che bas don bstan pas chung ste/ mi rtogs pa'i gnas ma yin yang rtogs par mi nus
 pa ni gti mug bdo ba'o/ /de zhes bya ba ni nyon mongs pa gsum gyi shas che ba'i gang zag de'o/ /phyir zhing 'dod chags bdo bas zhes bya ba ni 'dod chags kyi shas che ba'i chags pa yang nas yang na 'byung bas zhes bya ba'i don to/ /'dod chags
 skyes ba'i sdug bsngal ba dang yid mi bde ba so sor myong ba zhes bya ba ni 'dod chags shes che ba'i rgyu las skyes ba'i lus sdug bsngal ba so sor myong ba dang/ sems mi bde ba so sor myong bar 'gyur ro/ /zhe sdang dang gti mug la yang de bzhin
 du sbyar ro/ /de 'jig rten las 'das pa'i dbang po lnga la rmongs pa yin te zhes bya ba ni 'dod chags dang zhe sdang dang gti mug gi shas che bas shas che ba'i gang zag de 'phags pa'i dbang po zag pa med pa dad pa la sogs pa lnga la
 rmongs pa yin te/ dbang po de lnga ste mthu chung ba dang stobs chung ba dang nyams chung ba yin zhes bya ba'i don to// //'jig rten las 'das pa'i dbang po zhes bya ba ni zag pa med pa'i dbang po zhes bya ba'i tha tshig go/ gang thob
 par bya ba la mthu chung zhe na/ de'i phyir zag pa zad pa'i phyir zhes bya ba smos te/ gang zag pa zad pa thob par bya ba'i phyir/ de dag mthu chung ba zhes bya ba'i don to/ /mthu chung ba'i don bstan bar bya ba'i phyir gzhan pa dang myur du mi thob bo
 zhes bya ba gsungs te/ dang po nyid du 'jug pa'i dus na yang myur du 'jug par ma nus pas na zhen pa'o/ /bsgom pa'i dus na yang 'bras bu 'thob par mi nus pas na myur du mi 'thob pa'o/ /'jig rten las 'das pa'i dbang po lnga gang
 yin pa bstan pa'i phyir 'di ltar dad pa'i dbang po dang zhes bya ba la sogs pa gsungs te/ dbang po lnga'i mtshan nyid ni/ byang chub kyi phyogs sum cu rtsa bdun gyi skabs su zhib tu bstan to/ de 'jig rten las 'das
 pa'i dbang po de la zhan pa dang zhes bya ba ni nyon mongs pa gsum shas che ba'i gang zag de 'jig rten las 'das pa'i dbang po lnga mthu chung bas nyon mongs pa zag pa dang bcas pa'i chos rnams zad par bya ba'i phyir/ nyon mongs pa spong
 ba'i lam de ma thag pa'i ting nge 'dzin la snyoms par 'jug ste/ ting nge 'dzin la myur du 'jug par mi nus ba ni sdug bsngal gyi lam rmongs ba mngon par shes pa zhes bya'o/ /don du na nyon mongs pa gsum gyi shas che ba 'jig rten
 la 'das pa'i dbang po lnga mthu chung zhing dbang po rtul lo/ /dbang po de dag gis mi thob tu mi rung ba dang/ bsam gtan gyi bar dang/ gzugs med pa'i snyoms par 'jug pa na/ mnyam par 'jog pa na sdug bsngal gyi lam
 rmongs pa mngon par shes pa ste/ de ci'i phyir zhe na/ mi thob tu mi rung ba dang bsam gtan gyi bar na ni yan lag bsdu ba med pa dang/ zhi gnas dang lhag mthong shas chung bas bsgrims te/ bsgrub dgos pa dang gzugs
 med pa'i khams na yang yan lag tu bsdu ba med pa dang/ lhag mthong shas chung bas na bsgrims te bsgrub dgos pa'i phyir sdug bsngal ba'o/ /gang zag dbang po rtul bas 'bras bu myur du thob par mi nus pa'i phyir
 rmongs pa'o/ /don du na de'i lam mngon par shes pa rmongs pa chung bas na rmongs pa'i lam ste/ shes rab chung zhes bya ba'i don te/ 'dod chags dang zhe sdang ni phan tshun mi mthun pa'i chos yin bas lhan cig 'byung
 ba med pa'i phyir gyud kyi dbye bas de gnyis 'gyud bar rig bar bya ste/ bar dga' 'dod chags 'byung/ bar 'ga' zhe sdang 'byung/ bar 'ga' gti mug 'byung/ de la sdug bsngal gyi lam myur du mngon bar shes pa gang zhe na zhes bya la
 sogs pa gsungs te/ don gzhan ni sngar bshad pa dang 'dra'o/ /myur du mngon par shes pa zhes bya ba ni gang gi de ma thag pa'i ting nge 'dzin myur du shes par byed pa ni/ /myur du mngon par shes par byed pa ste/ shes rab rno zhes bya ba'i don
 to/ /shes rab rno ba'i don nyid bstan pa'i phyir/ shas che ba dang rno ba dang myur du thob pa yin no zhes gsungs/ /rno ba'i phyir na shas che ba'i/ /myur du thob pa'i phyir na rno ba ste/ phyi mos snga ma bshad bar blta'o/ /yang na lam rnam pa
 gsum ste/ des par 'byed pa'i lam dang/ mthong ba'i lam dang/ bsgoms pa'i lam mo/ /nges par byed pa'i lam la dbang po lnga myur du 'jug par byed pas na shes che ba'o/ /mthong ba'i lam la myur du 'jug par byed pa'i na rno ba'o//
 bsgom pa'i lam la myur du 'jug par byed bas na myur du 'thob pa'o/ /don du na nyon mongs pa gsum shas che ba'i gang zag dbang po rnon po mi thob tu mi rung ba dang/ bsam gtan gyi bar dang/ gzugs med pa'i snyoms par 'jug
 pa la mnyam par 'jog pa na/ sdug bsngal gyi lam myur du mngon par zhes ba zhes bya ste/ sa de dag na yang lag tu bsdu ba med pa dang/ zhi gnas dang lhag mthong shas chung ba'i phyir bsgrims te/ bsgrub dgos pas na sdug bsngal
 bsngal gyi lam mo/ /gang zag shes rab rno bas de ma/ thag ba'i ting nge 'dzin myur du thob par byed pa'i phyir myur du mngon par shes pa'o/ /lam gsum pa bsten par bya ba'i phyir/ de la bde ba'i lam rmongs pa mngon par shes
 pa gang zhe na/ zhes bya ba la sogs pa gsungs te/ 'dod chags chung ba la sogs pa yang 'dod chags tshe la sogs pa las bzlog pa'i don du rig par bya'o/ /don du nyon mongs pa gsum chas chung
 pa'i gang zag 'jig rten las 'das pa'i dbang po lnga rtul zhing mthu chung bas/ gzugs kyi khams kyi bsam gtan dang po dang gnyis pa dang gsum pa dang bzhi ba la sgom pa ni/ bde ba'i lam rmongs pa mngon par shes pa
 zhes bya ste/ de ci'i phyir zhe na/ gzugs kyi khams kyi bsam gtan de dag na yan lag bsdu ba yod pa dang/ zhi gnas dang lhag mthong mgo mnyam du 'jug pas/ bsgrims te bsgrubs mi dgos pas na bde ba'i lam mo//
 gang zag dbang po rtul pos de ma thag pa'i ting nge 'dzin la myur du 'jug mi nus pa'i phyir rmongs pa mngon par shes pa zhes bya'o/ /lam bzhi pa bstan pa'i phyir/ de la bde ba'i lam myur du mngon par shes pa gang
 zhes bya ba la sogs pa gsungs te/ tshig gi don gzhan yang sngar bshad pa bzhin du blta'o/ /de yang don du na 'di skad ston te/ gang zag nyon mongs pa gsum gyi shas chung zhing 'jig rten las 'das pa'i dbang po lnga
 mthu che la/ rno bas des gzugs kyi khams kyi bsam gtan bzhi bsgoms pa na bde ba'i lam myur du mngon par shes pa zhes bya ste/ ci'i phyir zhe na de dag na yan lag bsdu ba yod pa dang/ zhi gnas dang lhag mthong mgo
 mnyam du 'jug pas sgrims te bsgrub mi dgos pa'i phyir bde ba'i lam mo/ /gang zag dbang po sno bas de ma thag pa'i ting nge 'dzin myur du mngon du byed pa'i phyir myur du mngon par shes pa'o// //
 lam gyi 'og tu ting nge 'dzin bsgom pa bzhi bstan bas/ ji ltar bstan pa bzhin du bshad par bzhed nas/ de la dge slong dag ting nge 'dzin bsgom pa bzhi gang zhe na zhes bya ba la sogs pa gsungs so/ /sems rtse gcig pa ni ting nge 'dzin te/
 de la yang nas yang du goms par byed pa ni ting nge 'dzin bsgom pa'o/ /de yang rnam pa gsum ste/ bstan pa bsgom pa dang/ bsnyen pa bsgom pa dang/ mang du byas pa'o/ /'thob pa'i bsgom pa ni bsten pa zhes bya ste/ ting nge 'dzin mngon du
 ma gyur gyi/ de mngon du 'gyur ba'i rnyed pa tsam skye ba'am rgyu tsam skyes pa'o/ /mngon du gyur par bsgom pa ni gnyen po bsgom pa ste ting nge 'dzin nyid mngon sum du byas ba'o/ /mi mthun pa'i chos ring du spangs ni mang du byas pa'i
 yang na sbyor ba'i lam ste/ mos pa spyod ba'i dus na ni bsten pa bsgom pa'o/ /de ma thag pa'i lam mam/ spong ba'i lam gyi dus na ni bsnyen pa bsgom pa'o/ /rnam par grol ba'i lam gyi dus na ni mang du byas pa'o/ /yang na bstan pa dang/ bsnyen
 ba dang/ bsgoms pa dang/ mang du byas pa zhes tshig bzhir bzhag go/ de nyon mongs pa spong ba'i gnyen po yang bzhi ste/ sun 'byin pa'i gnyen po dang/ rab tu spong ba'i gnyen po dang/ rten gyi gnyen po dang/ ring du byas pa'i gnyen po'o/ /
 de sun 'byin ba'i gnyen po ni/ 'dod pa'am 'du byed rnams la nang dang 'bral la sogs pa'i rnam par sun 'byin pa ste/ dang por 'du byed la sun 'byin pa ni bsten pa'o/ /rab tu spong ba'i gnyen po ni sbyor ba dang de ma thag pa'i lam ste/
 des nyon mongs pa rab tu spong bar byed pa'i phyir ro/ /lam de gnyis kyi che na ni bsnyen pa zhes bya'o/ /rten gyi gnyen po ni rnam par grol ba'i lam ste/ de'i tshe na ni bsgoms pa las bya'o/ ring du byas pa'i gnyen po ni de phan chad kyi
 lam nyon mongs pa snga ma ni spangs/ phyi ma ni nams kyang rgyud la mi skye ba ste/ de'i tshe na ni mang du byas pa'o/ /yang na so so skye bo'i tshe na ni bsten pa'o/ /mos pas spyod pa'i lam ni bsnyen pa'o/ /mthong ba'i lam ni
 bsgoms pa'o/ /bsgom pa'i lam ni mngon du byas pa'o/ /ci'i phyir bsgoms she na/ 'dod pa'i 'dod chags spong bar 'gyur ba zhes bya ba gsungs te/ 'dod pa'i khams kyi 'dod chags spang par bya ba'i don du bsgom pa yang yod
 ces bya ba'i tha tshig ste/ de ni ting nge 'dzin bsgom pa dang po'o/ /lta ba'i chos la bde bar gnas par 'gyur ba yang yod ces pa la lta ba'i sgra mngon sum la bya la/ chos kyi sgra ni tshe la bya ste/ don du na mngon sum gyi tshe
 na'am tshe 'di la zhes bya ba'i don to/ /bde bar gnas pa ni tshe 'di la 'khrug pa med pa dang/ zhi bar gnas pa ste lta ba'i chos la bde bar gnas pa'i phyir sgom gyi/ 'dod pa'i 'dod chags spang pa'i phyir sgom pa ni ma
 yin pa ste/ de ni ting nge 'dzin sgom pa gnyis pa'o/ /ye shes mthong ba rab tu thob par 'gyur ba yod ces bya ba la/ ye shes mthong ba rab tu thob par 'gyur pa dang/ mthong ba rab tu 'thob par 'gyur ba'o/ /de la ye shes ni
 yid kyi rnam par shes pa dang 'brel pa'i shes rab la bya ste/ de yang sems can 'di ni lus kyi nyes par spyod pa dang ldan/ sems can 'di ni ngag gi nyes par spyod pa dang ldan zhes bya ba la sogs pa dang/ sems can
 'di ni lus kyis legs par spyod pa dang ldan zhes bya ba la sogs pa rtog pa can gyi shes rab bo/ /mthong ba ni mig gi rnam par shes pa dang ldan pa'i shes rab mi rtog pa la bya ste/ gang gis gzugs rnam pa sna
 tshogs dang sems can gyi spyod pa rnam pa mang po mthong ba dang ldan pa 'phrul gyi mig la bya'o/ /de thob par bya ba'i phyir sgom ba ni ting nge 'dzin sgom pa gsum pa'o/ /shes rab rab tu thob par 'gyur ba yang yod ces bya ba la/ shes rab kyi
 khyad par thob par bya ba ni/ shes rab rab tu thob par 'gyur ba ste/ 'phags pa'i bden pa bzhi shes pa'i shes rab bam/ chos rnams kyi rang dang spyi'i mtshan nyid shes pa'i shes rab thob par 'gyur ba'o/ /de thob par bya ba'i sgom pa ni
 ting nge 'dzin gyi sgom pa bzhi pa'o/ /ting nge 'dzin sgom pa dang po'i dbang du byas nas/ 'di la dge slong dag ces bya ba la sogs pa gsungs te/ 'dod pa'i 'dod chags ji ltar spong ba sgom zhe na/ de'i phyir lus 'di la rkang pa'i
 mthil nas gyen du skra dang zhes bya ba la sogs pa gsungs te/ lus 'di la ni bdag gam gzhan gyi lus la ste/ shes rab kyis yang dag pa ji lta ba bzhin du rtog go zhes sbyar ro/ /ji ltar rtog ce na/ rkang pa'i mthil nas brtsams
 te/ gyen du skra dang mgo'i bar du rtog pa 'am skra dang mgo nas brtsams te/ thur du rkang pa'i mthil gyi bar du rtog pa'o/ /pags pa yan chad ces bya ba ni phyi'i skra dang pags pa nas brtsams te/ nang gi khrag dang sha dang rus
 ba'i bar du rtog go /ji ltar gnas pa dang zhes bya ba ni lus 'dir ltar gyi dus na yang mi gtsang ba rnam pa sna tshogs kyis gang ba'i mtshan nyid du gnas par rtog pa'o/ /ji ltar smon pa zhes bya ba ni lus 'di sngon yang
 las dge ba dang/ mi dge bas ji ltar 'phangs pa dang mngal du zhugs nas kyang pha ma'i mi gtsang ba las ji ltar gyur pa rtog pa'o/ /don de nyid gsal bar bstan pa'i phyir/ mi gtsang ba rnam pa sna tshogs kyis gang bar
 zhes bya ba la sogs pa gsungs te/ lus 'di da ltar yang mgo nas rkang pa'i mthil gyi bar du khrag dang chu ser la sogs pa'i mi gtsang ba rnam pa sna tshogs kyis gang gnas pa dang/ sngon yang pha ma'i
 khrag dang khu ba las byung bar rtog pa'o/ /yang dag pa'i shes rab kyis zhes bya ba ni/ zag pa med pa rtog pa dang rjes su mthun pa'i shes rab kyis zhes bya ba'i don te/ de ltar rtogs pa can nyid ni zag pa can no/ /yang dag pa ji lta ba
 bzhin du rab tu rtog go zhes bya ba ni mi gtsang ba yin par phyin ci ma log cing ma nor ba kho nar rtog go zhes bya ba'i tha tshig go /lus mi gtsang ba dang rnam par 'jig pa bsgom pa mdo tsam du bstan pa nyid rgyas par bshad pa'i phyir 'di ltar lus
 'di ni zhes bya ba la sogs pa gsungs so/ /mthar gyis kun 'byung ba zhes bya ba ni lus 'di dang po nur nur po 'byung ngo/ /de nas mer mer po 'byung ngo/ /de nas ltar ltar po 'byung bas na gzhon nu dang dar la bab pa dang ras? pa la sogs pa
 'byung ngo/ /mthar gyis 'jig ces bya ba ni nur nur po la sogs pa rim gyis 'jig pa ste/ nur nur po zhig nas mer mer po 'jig go /mer mer po zhig nas dar la bab pa 'jig pa dang/ rka pa 'jig pa'i bar du'o/ rdul shin tu
 phrag mo bsags pa zhes bya ba ni/ sa dang chu dang me dang rlung gi rdul phran 'dus pa las gyur pa'o/ /ya ma brla zhes bya ba ni kha zas kyi gso dgos shing sgyu ma'i gzugs dang 'dra bar gyi na snang ba tsam du zad pa'o/ /mthon dman
 can zhes bya ba ni dbugs phyir 'byin pa na lus de mtho ba'o/ /dbugs rdubs pa na lus zhums pas dma' ba' o/ /yang na kha zas kyi gso dgos pas mtho dman can te kha zas dang ldan na ni brtas par gyur pas mtho ba/
 kha zas dang bral na nyam chung par 'gyur bas dma' ba' o/ /rma'i spo dgu dang spu'i khong bu 'dzag pa zhes bya ba rma'i sgo dgu ni mig dang sna'i bug gnyis te drug dang/ kha dang bshad khung dang gcin khung gis bsnan nas dgu'o/ /de dag nas rtag tu
 snabs dang mchil ma dang dar snabs la sogs pa 'dzag cing ba spu'i bu ga re re nas rtag tu rdul 'dzag pa'i phyir ro/ /sa brun ltar sprul gdug pa'i gnas zhes pa ni ji ltar grog mkhar sa brun gyi gnas na sprul gdug pa gnas pa bzhin du lnga
 phung gi sa brun gyi gnas na sprul gdug pa gnas pa'i phyir ro/ /sprul gdug pa ltar drin mi shes pa zhes bya ba ni/ ji ltar sprul gdug pa cung du na kha zas kyi gsos nas bskyed pa cung zad tsam zhig nyes pa 'am/ ma nyes kyang slar gsod pa
 bzhin du/ phung po 'di yang bkru ba dang mnye ba la sogs pa legs par byas nas 'ga' bkru ba dang mnye ba la sogs pa ma byas na/ slar gnod pa byed pas na drin mi shes pa'o/ /ma skyes dgra dang spre'u grogs la 'khu ba zhes bya ba la/
 dper na rgyal po ma skyes dgra drin btags pa'i mchog pa gsod par byed pa dang/ ji ltar spre'u bsten cing rim gro byas pa de ltar rgyags shing gnod pa byed pa de bzhin du/ phung po 'di yang pha mas bskyed na pha ma la snying ring ba dang/ legs
 pas rim gro byas na/ nyon mongs pa bdo ste slar gnod pa byed pas na 'khu ba'o/ /grogs po ngan pa lta bur slu bar byed pa zhes bya ba ni/ grogs po ngan pa'i phyi'i tshul dang tshig tu 'jang ba dang 'jam pa skang smra ba yang khong du gnod par
 sems pa de bzhin du/ phung po 'di yang thang cig 'grogs pa na phan pa dang 'dra yang/ 'di bsten pa la yun rings na/ phyir gnod pa 'byung ba'i slu bar byed pa'o/ /dbu ba'i phung po ltar rang bzhin gyis mthu chung ba zhes bya ba ni ji ltar dbu ba'i
 gong bu rang bzhin gyis mthu chud ste/ gzu dang zhing bcang du mi bzod pa bzhin du/ gzugs kyi phung po 'di yang shes rab kyis brtags na snying por gzung zhing bcang du mi bzod pas/ rang bzhin gyis mthu chung ba'o//
 chu'i chu bur lta bur skye zhing 'jig pa zhes bya ba ni/ dper na chu'i chu bur skad cig ma gcig la skyes nas de pa thag du 'jig par 'gyur ba de bzhin du/ phung po 'di dag kyang skyes ma thag tu 'jig pas na skye zhing 'jig pa can no//
 smig rgyu ba lta bur rjod par byed pa zhes bya ba ni/ dper na smig gi rgyu ba chu ma yin yang chu 'dra bar snang bas chu 'dod pa'i mi dag de'i drung du 'ongs na chu med par gyur pas gzhan slu bar byed pa bzhin du/ phung po 'di dag kyang bde ba dang
 gtsang ba ma yin yang bde ba dang/ gtsang ba lta bur snang bas sems can slu bar byed pa'i phyir brtod par byed pa zhes bya'o/ /chu skyes kyi shing ltar bshig na snying po med pa zhes bya ba ni/ dper na chu shing gi ldum bu pags pa phyi
 shun re re nas bshig na shun tsam las gzhan snying po med pa de bzhin du/ phung po 'di dag kyang re re nas bshig ste bsal na/ dam pa'am snying po gang yang med pa'i phyir ro/ /sgyu ma lta bur slu bar byed pa zhes bya ba ni/ dper
 na sgyu ma'i glang po dang li'i blang po dang mi ma yin pa'i glang po dang mi 'dra bar snad bas sems can slu bar byed pa de bzhin du/ phung po lnga po dag la yang bdag gam sems can zhes bya ba med na/ bdag dang sems can lta bur snang bas sems
 can slu bar byed do/ /rgyal po ltar bka' mang ba zhes bya ba ni/ dper na rgyal po bka' mang bas de'i bya ba mang du bsgrub dgos pa de bzhin du/ lus 'di yang de'i phyir bya ba mang po bsgrub dgos na/ rgyal po bka' mang po
 bzhin no/ /dgra ltar glags lta ba zhes bya ba ni/ dper na dgra bdag gsad pa dang/ ma rung par bya ba'i phyir/ glags tshol ba bzhin du lus 'di yang dus thams cad du/ dge ba'i rtsa ba med par bya ba'i phyir glags tshol ba'i phyir ro/ /rkun? po
 ltar yid mi brtan pa zhes pa ni dper na kun po 'di mi rku zhes de la yid brtan du mi rung ba bzhin du/ lus 'di yang 'di dang rtag par 'grogs so zhes yid brtan du mi rung ste/ gdon mi za bar skabs su 'jigs par byed pa'i phyir ro/ /mi
 'dza' ba ltar gnod par sems pa zhes bya ba ni/ mi mdza' ba ni grogs po ma yin pa ste/ gang yid kyis sems mi mthun par gyur pa'o/ /ji ltar mi mdza' bar bdag la phan par bya bar mi sems pa de bzhin du/ lus 'di yang bdag la
 phan par bya bar mi sems pa'i phyir ro/ /gshed ma ltar shes rab kyis 'tsho ba'i bar chad byed pa zhes bya ba ni ji ltar sems can gsod pa'i gshed po dag sems can gyi srog gi bar chad byed pa bzhin du/ lus 'dis kyang mnyan
 pa dang bsam pa dang/ bsgom pa'i shes rab kyi srog gi bar chad byed pa'i phyir ro/ /grong stong pa ltar bcud med pa zhes bya ba ni/ dper na grong stong pa na mi dang phyug dang rdzas kyi bcud med pa bzhin du/ phung po lnga'i nang na yang bsod
 nams dang ye shes kyi tshogs kyi mtshan nyid kyi bcung phung po gang la yang med pa'i phyir ro/ /rdza mkhan gyi snod ltar 'jig pa la thug pa zhes bya ba ni/ dper na rdza mkhan gyi snod kham phor dang bum pa mthar chags pa dang/ 'jig
 pa 'byung ba bzhin du/ phung po skye ba 'di mdza' yang mjug tu gnas pa med kyi/ 'jig pa 'byung ba'i phyir ro/ /bang ba ltar mi gtsang pa sna tshogs kyis gang ba zhes pa ni/ dper na mi gtsang ba'i snod dang gnas gcig skyug la
 sogs pa mi gtsang ba mang pos gang ba bzhin du lus 'di la yang mi gtsang ba la sogs pa sna tshogs kyis gang ba'i phyir ro/ /glum snod ltar mi gtsang ba 'dzag pa dang zhes pa ni/ ji ltar glum snod la glum
 gyi khu ba 'dzag pa bzhin du/ lus 'di las kyang snabs dang mchil ma la sogs pa'i mi gtsang ba 'dzag pa'i phyir ro/ /sprul dang mi dang khyi dang ro ltar dri mi zhim pa zhes bya ba ni/ dper na sbrul gyi ro dang mi ro dang khyi ro
 rul ba dri mi zhim pa bzhin du lus 'di las kyang dri mi zhim pa rgyun du ldang ba'i phyir ro/ /phyi sa khung ltar mi gtsang ba'i 'byung khungs zhes pa ni/ dper na snabs kyi sa la sogs pa mi gtsang ba rnam pa sna tshogs 'byung ba
 bzhin du/ lus 'di las kyang mi gtsang ba rnam pa sna tshogs 'byung ba'i 'byung khung byed pa'i phyir ro/ /rma ltar mi bskyod pa mi bzod pa zhes bya ba ni/ dper na rma kha 'bye ba yang gzung ba dang mnye ba la sogs pas bskyod na
 na ba bzhin du/ lus 'di yang dbyug pa la sogs pa cung zad kyis phog na yang gnod par 'gyur ro/ /zug rngu ltar gnod par byed pa zhes bya ba ni/ dper na zug rngus zug na ji srid du zug rngu de ma phyung ste/ 'grogs kyi
 bar du rtag tu gnod pa bzhin du/ lus 'di yang ji srid 'grogs kyi bar du yang gnod par byed pa'i phyir ro/ /rje bo mi srun pa ltar rim gro bya dka' ba zhes bya ba ni/ dper na rje bo mi bgrung ba ji ltar rim gro byas kyang mgu
 bar dka' ba bzhin du/ phung po 'di yang dngos po gang gis bsten cing rim gro byas kyang mgu zhing chog pa med pa'i phyir ro/ /khyim zhig pa ltar bcos dka' ba dang zhes pa ni/ dper na khyim rnying pa zhig na slar gso zhing
 bcos dka' la phyogs gar bcos kyang/ phyogs gzhan du 'jigs pa bzhin du/ lus 'di yang rtag tu kha zas dang skom gyis gso dka' zhing bar 'ga' gsos kyang mi mthun pa'i kha zas dang phrad na dus gzhan du 'jig par 'gyur pa'i
 phyir ro/ /rdza ma bcos pa ltar dka' ba zhes pa ni/ ji ltar rdza mkhan gyi snod so ma btang ba bsrung dka' ste cung zad cig skyod na 'chag pa de bzhin du/ lus 'di yang cung zad cig gis rkyen gyis 'jig pas na bsrung dka' ba'o/ /grogs
 mi srun pa ltar rtag par bsrung dgos pa zhes pa ni/ grogs po mi bgrung ba rtag tu bsrung dgos te/ rtag tu yid ma bsrung na/ cung zad cig gis kyang mi dga' bar 'gyur zhing ring du 'phang ba de bzhin du/ phung po 'di yang rtag tu ma bsrung na
 'tsho ba'i bar chad du 'gyur ba 'am/ lus dang bral bar 'gyur ba'i phyir ro/ /chu 'gram gyi shing ltar g.yo zhing 'gul ba zhes pa ni/ dper na chu 'gram gyi shing g.yo zhing mi bstan pa ste/ nam zhig ltung bar 'gyur zhing/ chus khyer bar
 'gyur ba bzhin du/ phung po 'di yang 'jig pa la gnas pas mi brtan pa ste/ mthar mi rtag pa'i chu bos khyer bar 'gyur ba'i phyir ro/ /'bab chu chen po'i rgyun ltar 'chi ba'i rgya mtsho la thug pa zhes pa ni/ dpa' na 'bab chu'i rgyun mjug
 tu rgya mtsho chen por thug pa bzhin du/ phung po'i skad cig mi'i chu bo'i rgyun 'di la yang mthar 'chi ba'i rgya mtsho la thug pa'i phyir ro/ /bla thabs su 'ongs pa'i khyim ltar sdug bsngal thams cad kyi gnas zhes pa ni/ dper na blo bur khyim
 du byas pa de na mal sten dang kha zas med pas/ sdug bsngal gyi gnas yin pa bzhin du/ phung po 'di la yang bde ba med kyi/ skye rga na 'chi dang ldan pas sdug bsngal kun gyi gnas so/ /skyabs med pa'i gnas ltar kun ma bzung ba
 zhes pa ni/ dper na bdag pos ma gzung ba'i lam srang ngam bzhi mdo dag tu 'dron po'i don tu brtsig pa'i khang khyim mchos pa'i bdag po med pa de bzhin du/ lus 'di la yang phan par byed pa'i grogs po dang skyabs
 byed pa'i bdag po med pa'i phyir ro/ /btson srungs ltar gsug chud pa zhes pa ni/ dper na btson srungs gsug gi mgu na btson gtong bar byed pa de bzhin du/ lus 'di yang 'dod par yon tan lnga la bsten pa ste/ mgu na dge ba'i
 rtsa ba gtong bar byed pa'i phyir ro/ /yang na btson srung gsug cung zad kyis mgu bar dka' ba bzhin du/ lus 'di yang bde ba cung zad tsam gyis mgu bar dka' ba'i phyir ro/ /mdza' 'khob kyi grong ltar rtag par gtses pa zhes pa ni/ dper
 na yul mdza' 'khob kyi grong 'jom pa dang/ 'phrog pa'i dgra mang ba bzhin du/ lus 'di yang nang gi gnod pa nad la sogs pa dang/ phyi'i gnod pa grang ba dang tsha ba la sogs pa'i 'tsho ba mang ba'i phyir ro/ /phye ma'i grong khyer 'jig
 pa zhes bya ba ni/ dper na bye ma'i khyim mi brtan zhing 'jigs pa'i rang bzhin yin pa bzhin du phung po 'di yang skad cig mas 'jig cing mi brtan pa'i rang bzhin yin pa'i phyir ro/ /me ltar cho ge mi shes pa zhes pa ni/ dper na
 me bsreg pa'i dngos po ci bcug kyang chog pa med de kun sreg par byed pa de bzhin du/ lus 'di la yang tshwa chu 'thungs pa bzhin du/ 'dod pa'i yon tan lnga spyad pa la chog pa med pa'i phyir ro/ /rgya mtsho ltar rgal dka' ba zhes pa
 ni/ dper na rgya mtsho chen po chu srin la sogs pa'i gnod pa mang bas mthar phyin par dka' pa bzhin du/ lus 'di la yang nyon mong ba'i gdug pa mang po dang ldan pas spang ba dka' ba'i phyir ro/ /sprul gyi snod ltar nan tan
 du spang par bya ba zhes pa ni/ dper na sprul gdug pa'i 'jig pa la 'dzem pa rnams kyis/ de'i gnod pa dang mi phrad par bya ba'i phyir sprul gdug pa'i snod ring du spang par bya ba bzhin du/ skye rga na 'chi'i sdug bsngal gyis 'jig pa rnams kyis
 phung po 'di ring du spang ba bya ba yin pa'i phyir/ /byis pa gzhon nu ltar rtag par bsrung dgos pa zhes pa ni/ dper na byis pa chung ngu rtag par ma bsrung na mar 'jug pa 'am/ g.yang du ltung ba'am/ mtshon gyis zug? par 'gyur pas
 rtag tu srung dgos pa bzhin du/ lus 'di yang dbang po'i sgo rnams yul la mi 'jug pa'i tshul du ma bsrung na nyon mongs pa'i mtshon la sogs pa zug? par 'gyur pa'i phyir ro/ /snod chag pa ltar rtag par spangs pa zhes pa ni/ dper na
 snod chag pa'i nang du rtag tu chu mi gnas pa de bzhin du/ lnga phung 'dir yang rtag du dge ba mi gnas shing 'jig par byed pa'i phyir ro/ /yang na dper na snod chag pa rtag tu yang phyir 'dor pa bzhin du/ phung po lnga dag kyang 'phags
 pa mkhas pa rnams kyis rtag tu 'dor par byed pa'i phyir ro/ /yul ngan pa ltar rtag par gtses pa zhes pa ni/ dper na yul ngan pa dpon po dang bdag po med pa la 'tsho ba byed pa bzhin du/ lus 'di la nad kyi dgras 'tsho ba
 mang ba'i phyir ro/ /yang na yul ngan pa bza' ba dang bgo ba la sogs pa'i yo byad du mi ldan pas rtag tu yang gnod pa dang/ phongs pas gtses pa bzhin du lus 'di la yang 'dod pa mi rnyed pa dang/ mi mdza' ba dang? spang? pa dang
 mdza' ba dang bral ba la sogs pa'i sdug bsngal gyis rtag tu gtses pa'i phyir ro/ /kha zas dug can ltar spang par bya ba zhes pa ni/ dper na dug dang bcas pa'i kha zas zos na lus la gnod pa sna tshogs 'byung bas spang
 bar bya ba bzhin du/ lus 'di yang mkhas pa rnams kyis spang bar bya ba yin pa'i phyir ro/ /snod brnyan po ltar skad cig gcig la dgos pa'i phyir zhes bya ba ni/ dper na snod bzhan las brnyan pa skad cig
 yod par zad kyi/ dus thams cad du phan pa med pa bzhin du/ lus 'di chos byed pa na dgos pa tsam du zad kyi/ de la ma gtogs pa'i dus thams cad du dgos pa med pa'i phyir ro/ /de lta mod kyi lus 'di thams cad kyi thams cad du spang ba
 ma yin te/ dper na shing las shing rta byas shing so sor dgos pa med kyang shing ltar byas na/ khal dgal bar dgos pa bzhin du lus 'di la gong du brtag pa'i tshul du so sor bshig na/ dgos pa med kyang/ chos spyad pa'i khal dgal
 ba'i phyir/ de'i don du btang bar bya ba yang ma yin no/ /de bas na chos kyi sems 'ba' zhig tu gzung bar bya zhes gsungs te/ de bas na lus 'di chos spyad par dgos pa'i sems kyis de tsam gyi don 'ba' zhig tu gzung bar zad do
 zhes bya ba'i don to/ /'dod pa'i 'dod chags spang bar bsgom pa rnam grangs gzhan yang bstan par bzhes nas/ gzhan yang dge slong dag ces bya ba la sogs pa gsungs so/ /de'i don ni lus dang po'i rgyu dang tha ma'i rgyu brtag pa'i sgo nas
 nan tan gyis shig nas/ 'dod pa'i 'dod chags spong bar 'gyur ro zhes bya ba'i don to/ /'di lus tsam du zhes bya ba ni/ lus 'di snga phyi gnyis kyang mi gtsang ba las gyur pa tsam mam/ /mi gtsang ba'i rang bzhin tsam du rtag par bya ba'i
 tha tshig go /ji ltar rtag ce na/ de'i phyir snga ma dang phyi ma'i rgyu rtag ste zhes bya ba gsungs te/ lus 'di rgyu snga ma gang yin pa dang/ phyi ma'i rgyu gang yin bdag kyang mi gtsang ba nyid las gyur pas brtag pa'i don to/ /lus kyi snga ma'i rgyu bstan
 pa'i phyir/ pha ma'i khu ba dang zhes bya ba la sogs pa gsungs te/ lus 'di snga ma'i rgyu ni pha'i khu ba dang ma'i khrag yin te/ dang por yang mi gtsang ba'i rgyu las gyur par brtag pa'o/ /phyi ma'i rgyu bstan pa'i phyir kha zas 'ju ba la sogs pa ni zhes bya ba la
 sogs pa gsungs te/ lus 'di skyed pa'i rgyu phyi ma'i kha zas zos pa zhu ba ste/ sogs pa'i sgras ni kha zas rnams zhu nas gnas gcig nas gcig tu ji ltar rgyu ba/ mdo las ji skad du gsungs pa rnams bsdu'o/ /bsdu ba'i don bshad pa'i phyir zas
 kham gyis za ba zos ma thag tu zhes bya ba la sogs pa gsungs te/ kha zas kham gyis zos pa de/ zos ma thag tu de dang por je bad kan gyi gnas su 'gro'o/ /bad kan gyi gnas su song ba dang bad kan gyis slar byas nas/ gzhan du na bad kan dang
 'dres pa'i mtshan nyid kyis zhu bar gyur pa mi gtsang ba'i rang bzhin du 'gyur ro/ /bad kan gyi gnas su zhu ba dang de nas mkhris pa'i gnas su 'gro'o/ /de nas mkhris pa'i gnas su phyin pa dang/ de dag smin cing chos nas 'ju zhing skyur por 'gyur ro//
 skyur por gyur pa dang/ rlung gi gnas su 'gro'o/ /bad kan gyi gnas nas zhu nas rlung gi gnas su phyin pa dang/ rlung gis de rnams tha dad par 'byed de/ snyigs ma logs shig tu/ /bu ba logs shig tu 'byed do/ /de la snyigs ma logs tu phye ba
 las ni gcin skyag la sogs dri mar 'gyur/ /bu ba dang snying po las ni khrag tu 'gyur ro/ /khrag las shar 'gyur ro/ /sha las tshil du 'gyur/ tshil las rus par 'gyur/ /rus pa las rkang du 'gyur/ rkang las slar khu chu la sogs pa'i
 mi gtsang bar 'gyur te/ de ltar lus 'di dang po dang mjug tu yang rgyu mi gtsang ba las gyur pa yin pas nas/ lus 'di mi gtsang bar lta zhing bsam mo zhes dge slong dag la bka' stsal to/ /gzhan yang mi gtsang ba'i tshogs kyis brtan pa
 tsam du bstan pa'i phyir/ lus 'di ni rus pa dgu brgya rtsa drug gis zhes bya ba la sogs pa gsungs te/ ji ltar khang pa ka bas brtan zhing bteg pa de bzhin du/ lus 'di yang rus pa dgu brgya rtsa drug gis brtan zhing
 bsten pa'o/ /shing ngan pa'i khyim ltar zhes bya ba'i don ni/ dper na shing ngan pa las byas pa'i khang pa mthung ma sprel ba'i mtshams mang ba bzhin du/ lus 'di yang rus pa mang po sprel ba'i mtshams mang ba'i phyir ro/ /rtsa mang pos zhes bya
 ba'i don ni/ /dper na khang pa la dral bu mang pa bres pa dang ldan pa bzhin du/ lus 'di yang rtsa mang po bzhi brgyas so sor dral bu bzhin du bres pa'i don to/ /sha'i nya lnga brgyas rab tu g.yogs zhes bya ba'i don ni/ dper na khang pa
 'jim pas g.yogs pa bzhin du/ sha'i nya lnga brgya'i gong bus thog thag tu bskus shing g.yogs pa'o/ /sdom rtsa drug gis dkris pa zhes bya ba ni dper na khang pa'i dral bu la sogs pa gdung ma la brten pa bzhin du/ rtsa chen po drug
 la rtsa bran gzhan rnams brten pa'o/ /rtsa bran bdun brgyas bres pa zhes bya ba ni/ gong du brtan pa dang don gcig ste/ rtsa bran bdun ba rgyas dral bu ltar bres pa'o/ /chu ba dgu ba rgyas sprel ba zhes bya ba ni/ chu ba dgu brgyas tshigs dang 
 rus pa la sogs pa mi 'gyes pa'i gzungs byas zhes bya ba'i don to/ /rtsas skar khung byas pa zhes bya ba ni/ /khang pa'i skar khung bzhin du/ /rtsa'i sul rnams lus la skar khung ltar gnas zhes bya ba'i don to/ /snod rdol ba ltar gnas
 zhes bya ba'i don ni/ dper na snod rdol ba bu ga sang seng gi gsengs pa bzhin du/ lus 'di la yang gnang bdun brgyas/ gnod par gyur pa'i mtshan nyid du rtag tu gsengs pa'o/ /spu bye ba zhes pa la sogs pa'i don ni/ khyim ngan pa'i
 phyi rol rtsas g.yogs pa bzhin du lus 'di la yang spu bye ba brgya stong phrag brgyad cu rtsa bzhis phyi rol nas g.yogs pa'i don to/ /dbang po lnga'i bu ga dang rtsog pa mi gtsang bas gang ba zhes bya ba ni/ mig dang rna ba dang sna dang lce dang lus kyi dbang po
 nas mi gtsang ba 'dzag la lus kyi gnas thog thag kyang mi gtsang bas gang ba'i phyir/ blang pa snyim pa gang zhes bya ba la sogs pa gsungs so/ /ngang? ba ltar de rnams kyis mnyam pa so sor bkang ba zhes bya ba ni/ dper na bang ba rnams so sor 'brus
 bkang ba bzhin du/ mi gtsang ba'i snod rnams kyang so sor mi gtsang bas bgang ba'o/ /ro drug gis gsos pa ni/ mngar ba dang/ skyur ba bang kha ba dang tsha ba dang lan tshwa dang/ bska ba rnams kyis rtag tu gsos shing brtas pa'o/ /lus kyi
 mes mi gtsang ba zhes bya ba la sogs pa'i don ni/ dper na sbyin sreg gi mes sbyin sreg gi rdzas sreg par byed pa bzhin du/ 'byung ba chen po la yod pa'i me'i khams kyis kyang mi gtsang ba rnams rtag tu sbyin sreg bzhin du sreg par
 byed pa'o/ /ring pa dang nyam chung ba dang rga ba dang 'khogs par gyur pas/ rtag tu myags pa la thug pa'o/ /lus kyis yan lag so sor gtags na thams cad kyang brtag mi bzod pas/ lus kyi yan lag thams cad blta mi sdug
 pa'o/ /kha sna dang mi gtsang ba'i khung nas dri nga ba rtag tu ldang la/ lus kyi nang na yang mi gtsang ba gnas pas dri mi zhim pa rul ba'i rang bzhin zhes bya ste/ de bas na lus ngan pa 'di la gya nom pa dang bzang bar nga rgyal bya ba'i gnas
 med pa'i phyir/ nga rgyal mi bskyod do zhes bya ba'i don to/ /gong du bshad pa'i don bsdus te tshigs su bcad de bka' stsal pa/ de ltar lus la mi gtsang phung por brtag /ces bya ba la sogs pa gsungs so/ /de ltar zhes bya ba ni gong du
 bshad pa ltar te/ gong du bshad pa ltar na/ lus 'di mi gtsang ba rnam pa sna tshogs kyis gang ba'i phung por brtag ste/ de ltar mi gtsang ba'i phung po yin pas na/ 'di la rung ba dang/ bzang por nga rgyal ba mi rigs so zhes bya
 ba'i don to/ /gang gi gzugs la nga rgyal rlom sems pa zhes bya ba la sogs pa'i don te/ de ltar mi gtsang ba yin par shes bzhin du/ mi gtsang ba'i lus 'di la bzang ngo snyam pa'i nga rgyal byed cing lus 'di la chags shing mi gtong
 ba'i byis pa rnams ni/ dper na blun po mi gtsang ba'i snod khur du khyer la/ de la bzang por 'dzin cing chags par byed pa dang 'dra'o/ /sna nas rnag lta bu dag zag pa dang zhes bya ba'i don ni/ lus 'di la rtag tu sna nas snabs rnag lta
 bu 'dzag pa dang/ rtag par kha nas mi ro rul pa'i dri dang 'dra ba'i dri mi zhim pa 'byung ba dang/ mig nas kyang mig gi rdul rnag srin bu lta bu 'byung bas na/ de la 'dod chags bya zhing nga rgyal bya ba ga la rigs te/ mi rigs so zhes
 bya ba'i don to/ /mkhas pa rnams kyis mi gtsang ba'i tshul du gong du bshad par brtag pa tsam du yang ma zad kyi/ rang gi shes rab kyis gzhan yang mi gtsang ba ci yod pa brtag par gyis shig ces dgongs nas bka' stsal pa/
 de la sogs par brtag ste zhes bya ba la sogs pa gsungs te/ sogs pa'i sgras ni rang gi shes rab kyis gzhan yang brtag par gyis shig ces bka' stsal pa'o/ /de'i dpe bstan pa'i phyir gsungs pa/ 'di ltar dge slong dag
 bang ba sgo gnyis gtong pa zhes bya ba la sogs pa gsungs so/ /bong ba sgo gnyis pa ni 'bru yod pa'i sgo gtong pa dang/ rin po che yod pa'i sgo gtong pa ste/ sgo gnyis so sor gtong pa'o/ /yang na sgo gnyis gtong ba ni mtshon
 pa tsam du zad kyi/ bang? ba so sor sgo mang por gtong bar blta ste/ skyes bu mig dang ldan pa la la zhig bang? ba so sor sgo mang por gtod pa'i nang du phyin na/ bang ba 'di ni 'bru gra ma can gyis gang ba/ bang ba 'di ni 'bras bu'i 'brus gang ba'o
 zhes shes pa bzhin du mkhas pa shes rab can gyis kyang lus 'di nyid la da ltar yang lus 'di mi gtsang ba rnam pa sna tshogs kyis gang bar gnas/ sngon yang mi gtsang ba'i rgyu las byung ngo zhes so sor rtog par byed do/ /ting nge 'dzin dang po bstan
 nas 'jug bsdu ba'i phyir/ 'dir ni dge slong dag ces bya ba la sogs pa gsungs so/ /brgal ba 'di ltar mdo gzhan dag la ni bsam gtan bzhi pas bsdus pa rdo rje lta bu'i ting nge 'dzin gyis zag pa thams cad spong bar byed pas zhes bshad
 la/ 'dir ni mi gtsang ba bsgom zhing lus sun 'byin pas/ 'dod pa'i 'dod chags spong bar bshad na/ gzhan dang mi 'gal/ smras pa mdog gzhan las zag pa thams cad spong bar bshad pa yang lus sun ba byin pas brtsams te/ bsam
 gtan bzhi pas bsdus pa'i rdo rje lta bu'i ting nge 'dzin gyis spong bar bya ba la dgongs nas gsungs/ 'di ni 'dod chags bde ba rnams 'dod chags spang bar bya ba'i phyir mi gtsang ba bsgom zhing sun 'byin pa 'dod pa'i 'dod chags
 spong pa'i gnyen por 'gyur ba gsungs te/ bdag dang gzhan gyi lus la bzang bar 'dzin pa'i 'gro ba'i don du bshad pas na 'gal ba med do// //ting nge 'dzin gnyis pa bstan pa'i phyir/ de la dge slong dag ting nge
 'dzin pa sgom pa dang/ bsten pa zhes bya ba la sogs pa gsungs so/ /de yang ting nge 'dzin kyang dben pa rnam pa gnyis las 'grub ste/ lus dben pa dang/ sems dben pa'o/ /de bas na lus dben par bya dgos pa'i phyir/ 'di la dge slong?
 dag dge slong dgon pa pa'am/ shing drung zhes bya ba la sogs pa smos te/ dgon pa dang shing drung la sogs pa'i gnas na ni byis pa dang bud med la sogs pa 'du 'dzi med pa yin pas lus dben par gnas so/ /sems dben pa
 bstan pa'i phyir/ rang gis lus 'di dag ces bya ba la sogs pa gsungs te/ rang gi nang gi lus ni yid kyi lus la bya'o/ /dben pa las skyes pa zhes bya ba ni/ ting nge 'dzin las skyes pa'i don te/ 'dod pa dang sdig pa mi dge ba'i chos la
 rnam par rtog pa spangs pa las skyes pa'o/ /ci zhig skyes zhe na/ de ci'i phyir dga' ba dang bde ba zhes gsungs te/ dga' ba ni yid bde ba'o/ /bde ba ni bag yangs kyi bde ba ste/ rim bzhin du sbyar ro/ /brlan pa ni/ ting nge 'dzin las skyes
 pa'i yid bde ba dang/ bag yangs kyi bde ba gnyis kyis lus dang sems la 'khrug pa med cing zhi bar byas pa'o/ /bde ba des phyogs gcig tu zhi bar byas pa ma yin gyi/ des lus dang sems kyi phyogs kun tu zhi bar byas so/ /zhes bstan
 pa'i phyir/ kun rdzogs pa dang kun tshim pa dang/ kun khyab par byed ces gsungs so/ /tshig de dag ni don gcig go/ de la rang gi nang gi lus 'di la dben pa las skyes pa'i dga' ba dang/ bde bas bslan ces bya bas/ bsam gtan dang po
 dang/ bsam gtan gnyis pa dang/ bsam gtan gsum pa la sogs pa las skyes pa'i dga' ba dang/ bde bas khyab par ston pa'o/ /yang na dga' bas ni brlan par byed pa'o/ /bde bas ni kun rdzogs par byed pa'o/ /sbyor ba mthar
 thug pa'i yid la byed pas ni/ kun tshim par byed pa'o/ /sbyor ba mthar thug pa'i 'bras bu yid la byed pas ni/ kun tu khyab par byed pas na'o/ /de ltar sbyor ba mthar thug pa'i yid la byed pa dang/ sbyor ba mthar thug pa'i 'bras bu
 yid la byed pa'i tshe/ bsam gtan gyi dga' ba dang bde ba yongs su rdzogs te/ de bas na sbyor ba mthar thug pa'i yid la byed pas ni/ ma khyab pa med do/ /sbyor ba mthar thug pa'i 'bras bu yid la byed pas ni/ kun tu ma khyab par gyur pa med pa zhes
 bya'o/ /don de nyid bsgrub pa'i phyir dpe bka' stsal pa/ 'di lta ste/ dper na dge slong dag ces bya ba la sogs pa gsungs te/ dper na chu las skyes pa'i me tog rnams chu'i bsil kun tu khyab pa bzhin du/ de dag kyang bsam gtan gyi bde
 bas lus dang sems kun tu khyab pa zhes bya ba'i don to/ /brgal ba/ bsam gtan dang po dang/ gnyis pa dang/ gsum pa la sogs pa las skyes pa'i bde ba la/ ma 'ongs pa na bde ba la gnas shes ci'i phyir mi bya/ smras pa ting nge 'dzin
 de dag las nyams na ni/ 'dod pa'i khams su skyes pa dang/ de'i bde ba myong ba med la/ sa gong ma gong mar 'phar na ni ting nge 'dzin gzhan gyi bde ba thob pas de'i bde ba med pa dang/ mya ngan las 'das na yang ting nge 'dzin gyi bde ba
 myong ba med pas/ tshe phyi ma la bde ba zhes mi bya'i/ lta ba'i chos la bde bar gnas par 'gyur ba zhes bya'o/ /bsgom pa gnyis pa bstan pa'i mjug bsdu ba'i phyir/ 'di ni ting nge 'dzin bsgom pa bstan pa zhes bya ba la sogs pa gsungs so
 ting nge 'dzin bsgom pa gsum pa bstan pa'i dbang du mdzad nas de la dge slong dag ting nge 'dzin bsgom pa dang bsten pa dang bsnyen pa zhes bya ba la sogs pa gsungs te/ snang ba'i 'du shes zhes bya ba la/ 'du shes bsgom pa ni/
 'phrul gyi mig gis 'thob pa'i rgyu yin no/ /de la snang ba'i 'du shes bsgom pa yang rnam pa gsum ste/ mun pa'i gnyen por gyur pa dang/ chos kyi snang ba dang/ lus kyi snang ba'o/ /de la mun pa'i gnyen por gyur pa ni/ mtshan po'i
 dus na zla ba dang skar ma la sogs pa'i 'ong ngo/ /nyin par gyi dus na ni nyi ma'i 'od do/ /de gnyi ga'i dus ni me dang/ nor bu la sogs pa'i 'od do/ /chos kyi snang ba yar gang zag gang gis sangs rgyas rjes su dran pa la
 sogs pa'i chos kyi snang grangs yid la gsal bar dran pa'o/ /lus kyi snang ba ni gar lhag la sogs pa rang gi lus kyi 'od dang ldan pa'o/ /snang ba dang po'i mi mthun pa'i phyogs kyi mun pa yang rnam pa gsum ste/ phyogs kyi mun
 pa dang/ sprin gyi mun pa dang/ g.yogs pa'i mun pa'o/ /phyogs kyi mun pa ni thams cad du khyab pa ste mtshan ma'o/ /sprin gyi mun pa ni nyin phar la sogs pa na yang sprin stug pos khyab pas phyogs gnag par gyur pa'o/ /g.yog pa'i
 mun pa ni khang pa la sogs pa thog g.yogs shing skar khung la sogs pa med pas mi gsal bar gyur pa'o/ /snang ba rnam pa gsum las/ 'dir mun pa'i gnyen por gyur pa'i snang ba yid la byas na/ 'phrul gyi mig thob par dgongs
 pa'o/ /de yang ji srid du gzhan las bsgom pa'i man ngag ma mnos pa de srid du bsgom pa 'grub pa med de/ de'i phyir mngon par shes pa bsgom pa ni man ngag mnos shing bzungs rnams ji ltar mi brjod par 'gyur pa de/ bcom ldan 'das
 kyis bstan pa'i phyir/ snang ba'i 'du shes shin tu legs par rab tu gzung ba zhes bya ba la sogs pa'o/ /snang ba'i 'du shes ni phyogs thams cad du mun pa med cing snang bas khyab par bsams te/ de bsgom pa'i man ngag gzung ba
 de ma nyams ma brjed pa ni/ shin tu legs par rab tu bzung ba zhes bya'o/ /de'i khyad par bstan pa ni/ /shin tu yid la byas pa dang/ zhes bya ba la sogs pa ste/ snang ba'i 'du shes sngar bsgoms pa las bsam pa'i khyad par
 skyes par gyur pa dang ldan pas na/ shin tu yid la byas pa dang shin tu bsnyen pa zhes bya'o/ /ting nge 'dzin grub pa dang ldan pa na rab tu khong du chud pa zhes bya ba ste/ 'phrul gyi mig mngon du gyur ces bya ba'i don to/ /yang na shin tu legs par rab tu
 gzung ba ni man ngag mnyan pa'i dus na gzung ba'o/ /shin tu yid la byas pa ni bsam pa'i dus na legs par bsam pa'o/ /shin tu brnyen pa ni bsgom pa'i dus na yang nas yang du goms par byas pa'o/ /rab tu khong du chud pa ni ting nge 'dzin gyi
 'bras bu mngon du byas pa'o/ /yang na shin tu bsnyen pa ni 'jig rten pa'i lam gyis 'phrul gyi mig grub pa rnams te/ de dag la phyis nyams pa yod pas so/ /rab tu khong du chud pa ni/ 'jig rten las 'das pa'i lam gyis 'phrul gyi mig thob pa ste/
 de'i phyis nyams pa med pa'i phyir ro/ /de ci zhig mngon du bya zhe na/ de'i phyir nyin bar du 'du shes bzhag pa yin te zhes bya ba gsungs te/ nyin bar gyi 'du shes zhes bya ba ni/ snang ba dang bcas pa'i 'du shes yid la bya ba yin te zhes bya ba'i don to//
 de'i don de nyid bstan pa'i phyir/ de'i 'od dang bcas pa'i sems su bsgom mo zhes gsungs te/ de ni 'phrul gyi mig thob par 'dod pa'i rnal 'byor ba de'i 'o/ /rnal 'byor pa des nyin par gyi dus na yang kun tu 'od kyis gang zhig mun pa med par bsgom mo
 snang ba'i 'du shes de nyin mtshan mtshungs par bsgom par bya bar bstan pa'i phyir/ ji ltar nyin bar de bzhin mtshan mo zhes bya ba la sogs pa gsungs te/ ji ltar nyin par snang bas khyab par bsgom pa de bzhin du mtshan mo yang snang bas kun tu
 khyab par bsgoms te/ snang pas khyab pa'i mtshan nyid du nyin mtshan 'dra bar bsgom par ston te/ tshig des ni dus thams cad du snang ba'i ting nge 'dzin bsgom par bstan to/ /ji ltar dus thams cad du bsgom pa de bzhin du/ snang ba'i 'du shes
 phyogs thams cad du yang khyab par bsgom par bstan pa'i phyir/ ji ltar sdun pa de bzhin rgyab ces bya ba la sogs te/ ji ltar mdun na snang bas khyab par mngon par mthong ba de bzhin du rgyab kyi phyogs su yang snang bas khyab par
 bsgom ste/ mdun gyi phyogs dang snang bas khyab pa'i mtshan nyid du mnyam par bsgom pa bstan to/ /yang na sdun zhes bya ba ni ril sogs pas mchod pa mngon sum du gyur pa kun snang bas khyab par bsgom pa'o/ /de bzhin rgyab ces bya ba ni ri la sogs
 pas tshod pa'i gnas su yang ri dang rtsig pa la sogs pas chod pa med par thog thag du snang bas gsal bar bsgom pa'o/ /steng ni nam mkha' i nyi ma 'char ba'i phyogs so/ /'og ni sa chen po'i 'og thog thag ste/ ji ltar steng gi phyogs nyi mas
 gsal ba'i 'du shes kyi rgyas par byas pa bzhin du/ 'og gi phyogs thams cad kyang snang ba'i 'du shes kyis khyab par bsgom par ston to/ /snang ba'i 'du shes sgom pa'i don bsdus te bstan pa'i phyir/ de ltar sems gsal ba kun tu
 thogs pa med pas zhes bya ba la sogs pa gsungs te/ de ltar ni gong du bshad pa ltar ro/ /snang ba'i 'du shes grub pa'i ting nge 'dzin ni sems gsal ba ste/ snang ba'i 'du shes grub pa'i sems gsal ba de phyogs dang dus thams
 cad du thogs pa med par nyin par nyi ma shar ba dang/ 'dra ba'i 'du shes bzhag nas 'od dang bcas pa'i 'du shes kyi thog thag tu snang bas khyab par bsgom par bya'o zhes ston to/ /snang ba'i 'du shes kyis khyab par bsgom par bya ba'i
 don dpes gsal bar bstan pa'i phyir/ /'di lta ste dper na zhes bya ba la sogs pa gsungs so/ /spyid kyi zla ba tha ma zhes bya ba la/ dus rnam pa gsum du bzhag ste/ dpyid dang dbyar dang dgun no/ /de la dpyid kyang zla ba bzhi/ dbyar kyang zla ba
 bzhi/ dgun kyang zla ba bzhi'o/ /de la dbyar zla ra ba nya nas 'bring po nya'i bar du ni dpyid kyi zla ba tha ma zhes bya ste/ dus de dag gi tshe nyi ma'i 'od lhag par gsal ba'o/ /dpe bstan pa yang don du sbyar te/ bshad pa'i phyir de bzhin du dge slong dag
 ces bya ba la sogs pa gsungs te/ don de dag ni gong du bshad par zad do/ /ting nge 'dzin bsgom pa gsum po bstan pa'i mjug bsdu ba'i phyir/ 'di ni ting nge 'dzin bsgom pa zhes bya ba la sogs pa gsungs so// //
 'dor na mod 'dir 'phrul gyi mig gi mngon par shes pa thob par bya ba'i phyir/ snang ba'i 'du shes yid la byed pa bsgom ste/ gang gi phyir snang ba'i 'du shes yid la byed pa bsgoms na/ 'phrul gyi mig mngon par shes pa thob par 'gyur
 ba'o// //ting nge 'dzin bzhi pa bstan pa'i dpang du mdzad nas/ de la dge slong dag ces bya ba la sogs pa gsungs so/ shes rab kyang bsam gtan bzhi bsgoms pa las byung ba/ bsam gtan bzhi yang lus dben pa dang
 sems dben pa la thob par 'gyur te/ de bas na lus dben par bya dgos pa'i phyir/ dgon pa 'am shing drung ngam zhes bya ba la sogs pa gsungs so/ /sems dben bar bya dgos pas/ bde ba yang spangs sdug bsngal yang spangs zhes bya ba
 la sogs pa gsungs te/ de dag gi don ni gong du bshad par zad do/ /mdor na dri ma rnams brgyad pa dang bral ba'i bsam gtan bzhi pa bsgoms pa las ni dge ba zag pa can dang zag pa med pa la sogs pa yon tan phun sum tshogs
 pa skye ba'i rgyu byed de/ de bas na de bsgoms pa las shes rab kyang rab tu rnyed par 'gyur pa'i phyir bsam gtan bzhi bsgom pa ni/ shes rab so sor rab tu rnyed par 'gyur ba zhes bya'o/ /de dran pa nye bar gzhag pa bzhi las brtsams te
 lam gyi yan lag brgyad kyi bar du byang chub kyi phyogs sum cu rtsa bdun rim gyis bstan pa'i phyir/ dge slong dag dran pa nye bar bzhag pa bzhi gang zhe na/ zhes bya ba la sogs pa gsungs so/ /de la byang chub kyi phyogs
 sum cu rtsa bdun bstan pa yin te/ dngos po yongs su brtag pa'i lam dang/ 'bad pa dang bcas pa'i lam dang/ ting nge 'dzin las su rung bar byas pa'i lam dang/ mngon par rtogs pa la rab tu sbyor ba'i lam dang/ mngon par rtogs pa dang
 'dres pa'i lam dang/ mngon par rtogs pa'i lam dang/ rnam par dag pa nges par 'byung ba'i lam mo/ /de la dngos po yongs su brtags pa'i lam ni dran pa nye bar bzhag pa bzhi rnams te/ dang po nyid du de dag gi lus dang tshor ba dang chos
 dang/ sems la mi gtsang ba dang/ sdug bsngal ba dang/ mi rtag pa dang/ bdag med pa'i dngos por rtog pa'i phyir ro/ /'bad pa dang bcas pa'i lam ni/ yang dag par spong ba bzhi rnams te/ des de ltar dngos po thams cad brtags nas
 de'i 'og tu sgrib pa spang bar bya ba'i phyir brtson 'grus rtsom mo/ /ting nge 'dzin las su rung bar byed pa'i lam ni rdzu 'phrul gyi rkang pa bzhi rnams te/ des sgrib pa yongs su sbyangs nas/ mos pa dang brtson 'grus dang sems dang/ dpyod pa'i
 sgo nas sems dang ting nge 'dzin las su rung bar bya ba'i phyir ro/ /mngon par rtogs pa la rab tu sbyor ba'i lam ni/ dbang po lnga rnams te/ des ting nge 'dzin las su rung bar byas nas nges 'phags pa'i bden pa bzhi mthong bar gyur pa'i
 rten du gyur la/ bro dang spyi'i la rab tu sbyor bar byed pa'i phyir ro/ /mngon par rtogs pa dang 'dres pa'i lam ni/ stobs lnga rnams te/ de ltar dbang po'i dus na/ bden pa mthong ba'i dbang po thob nas/ de'i 'og tu bden pa rtogs par bya ba'i
 mi mthun pa'i phyogs su gyur pa/ ma dad pa dang le lo dang/ dran pa nyams pa dang/ yengs pa dang/ shes rab 'chal ba rnams zil gyi gnon te/ bzod pa dang/ 'jig rten gyi chos mchog la sbyor bar byed pa'i phyir ro/ /mngon par rtogs pa'i lam ni/
 byang chub kyi yan lag rnams te/ de'i dus na dang po nyid du 'phags pa'i bden pa mngon sum du byas pa'i phyir ro/ /rnam pa dag pa nges par 'byung ba'i lam ni/ 'phags pa'i lam gyi yan lag brgyad rnams te/ de'i 'og tu 'phags pa'i lam yan
 lag brgyad kyis bsgom pas spang bar bya ba'i nyon mongs pa spangs te dag par byas nas/ 'khor ba las 'byung ba'i phyir te/ don de dag gi phyir na byang chub kyi phyogs sum cu rtsa bdun gyi rim pa yang de ltar bkod do/ /yang na so so'i skye bo'i
 dus na ni dran pa nye bar gzhag pa bzhi la bsgom mo/ /drod kyi dus na ni yang dag par spong ba bzhi la sgom mo/ /spyi bo'i dus na ni/ rdzu 'phrul gyi rkang pa bzhi la sgom mo/ /bzod pa'i dus na ni dbang po lnga la sgom mo/ /'jig rten gyi chos kyi mchog
 gi dus na ni stobs lnga la bsgom mo/ /mthong ba'i lam gyi dus na ni/ byang chub gyi yan lag bdun la bsgom mo/ /bsgom pa'i lam gyi dus na ni/ 'phags pa'i lam yan lag brgyad la sgom ste/ de'i phyir na yang rim pa de ltar bkod do/ /dge slong dag
 dran pa nye bar bzhag pa bzhi gang zhe na zhes bya ba ni dris pa'o/ /'di la zhes bya ba ni/ 'dod pa'i khams 'dir zhes pa'i don to/ /dge slong zhes bya ba ni dran pa nye bar gzhag pa bzhi bsgom pa'i rnal 'byor pa'i dge slong ngo/ /de yang lus
 dran pa nye ba zhag pa dang por bshad de/ de la lus ni gang/ lus la lus kyi rjes su lta ba ni ci zhig/ dran pa ni gang/ dran pa nye bar gzhag pa'i don yang ci zhig ce na/ lus gang yin pa je smra bar bya'o/ /de la lus ni sum su rtsa lnga ste/
 gang zhe na/ nang gi dang/ phyi'i dang/ dbang pos yongs su bzung ba dang/ dbang pos yongs su ma bzung ba dang/ sems can gyi grangs su gtogs pa dang/ sems can gyi grangs su ma gtogs pa dang/ gnas ngan len dang bcas
 pa dang/ bag yangs dang bcas pa dang/ 'byung ba'i lus dang/ 'byung ba las gyur pa'i lus dang/ ming gi lus dang/ gzugs kyi lus dang/ dmyal ba pa'i dang/ byol song gi dang/ yi dags kyi dang/ mi'i dang/ lha dang/ rnam par shes pa dang
 bcas pa dang/ rnam par shes pa med pa dang/ nang gi lus dang/ phyi'i lus dang/ rnam par shes pa gyur pa dang/ rnam par shes pa ma gyur pa dang/ bud med kyi lus dang/ skyes pa'i lus dang/ ma ning gi lus dang/ grogs kyi lus dang/ grogs
 ma yin pa'i lus dang/ tha mal pa'i lus dang/ lus ngan pa dang/ lus 'bring dang/ lus dam pa dang/ grogs po'i lus dang/ lang tsho'i lus dang/ dga' ba'i lus te/ 'di dag ni thang cig lus kyi rab tu dbye ba'o/ /de la nang gi ni bdag nyid
 kyi lus so/ /phyi ni gzhan gyi lus so/ /dbang pos yongs su gzung ba ni mig la sogs pa'i dbang po dang/ bcas pa'i lus so/ /dbang pos yongs su ma gzung ba ni/ gang mig la sogs pa'i dbang po med pa ste/ ka ba dang rtsig pa la sogs
 pa'o/ /sems can gyi grangs su gtogs pa ni/ gang sems dang sems las byung bas yongs su gzung pa'o/ /sems can gyi grangs su gtogs pa ni/ gang sems dang sems las byung bas yongs su ma zin pa'o/ /gnas ngan len
 dang bcas pa ni/ gang nyon mongs pa ma spangs pa'i sems can rnams kyi'o/ /bag yangs dang bcas pa ni/ gang nyon mongs pa 'phags pa rnams kyi'o/ /'byung ba'i lus ni gang sa dang chu dang/ me dang rlung rnams so/ /'byung ba las
 gyur ba'i lus ni gang dbang po lnga dang yul lnga ste bcu'o// //ming gi lus ni rnam par rig byed ma yin pa'i gzugs sam/ tshor ba dang 'du shes dang 'du byed dang/ rnam par shes pa'i gzugs rnams so/ /gzugs kyi lus ni gang gzugs
 kyi phung po nyid de/ dmyal ba'i lus ni gang sems can dmyal ba pa rnams kyi gzugs so/ /byol song gi gang rta dang ba lang la sogs pa yi'o/ /yi dags kyi yul ni gang yid dags rnams kyi gzugs so/ /mi'i ni gang gling bzhin gnas pa'i
 mi rnams kyi gzugs so/ /lha'i ni gang 'dod pa dang gzugs dang gzugs med pa'i lha rnams kyi gzugs so/ /rnam par shes pa dang bcas pa ni/ gang mig la sogs pa'i rnam par shes pa dang ldan pa'i gzugs dag go /rnam par shes pa
 med pa ni gang mig la sogs pa'i rnam par shes pa dang mi ldan pa ste/ 'du shes med pa dang 'gog pa'i snyoms par 'jug pa la sogs pa'i gzugs so/ /nang gi ni gang sha dang khrag la sogs pas zin pa'i gzugs so/ /phyi'i ni gang sha
 dang khrag la sogs pas yongs su ma zin pa'i gzugs so/ /rnam par gyur pa ni gang shi nas sngos pa dang/ bam bar gyur pa'i gzugs so/ /rnam par ma gyur pa ni gang ma shi la/ sngos pa dang bam par ma gyur pa'i gzugs so/ /bud med kyi
 lus ni gang bud med kyi dbang po dang ldan pa'i gzugs so/ /skyes pa'i lus ni gang skyes pa'i dbang po dang ldan pa'i gzugs so/ /ma ning gi lus ni gang ma ming gi mtshan ma ldan pa'i gzugs so/ /grogs kyi lus ni/ gang bdag dang
 mdza' zhing bshes par gyur pa'i skye bo rnams kyi gzugs so/ /de las bzlog na grogs ma yin pa'i lus te/ dgra rnams kyi gzugs so/ /tha mal pa'i lus ni/ gang bdag dang bshes pa yang ma yin dgra yang ma yin pa'i skye bo rnams
 kyi gzugs so/ /lus ngan pa ni gang kha dog dang dbyibs mi mdzes pa'i lus so/ /lus par ma ni gang kha dog dang dbyibs mdzes pa yang ma yin/ mi mdzes pa yang ma yin pa'i gzugs so/ /lus dam pa ni gang kha dog dang
 dbyibs mdzes pa'o/ /rogs pa'i lus ni gang byis ba'i dus kyi lus so/ lang tsho'i lus ni dar la bab pa'i gzugs so/ /rgas pa'i gzugs ni/ gang dbang po dang 'byung ba chen po rnams lus zhum zhing rnyis par gyur pa'i lus so/ /lus
 de dag kyang bsdus na rnam pa gsum du 'gyur te/ nang gi lus dang phyi'i lus dang phyi nang gnyi ga'i lus so/ /de la nang gi lus ni bdag rang nyid kyis lus te/ sems can gyi grangs su gtogs pa'o/ /phyi'i lus ni gzugs la sogs
 pa ste/ sems can gyi grangs su ma gtogs pa'o/ /phyi nang gnyi ga'i lus ni sems can gzhan dag gi lus sems can gyi grangs su gtogs pa ste/ bdag la bltos nas gzhan du gyur pas phyi zhes bya'o/ /sems can gyi grangs su
 gtogs pas na nang zhes bya'o/ /yang na dbang pos yongs su zin pa'i gzugs ni nang gi lus so/ /dbang pos yongs su ma zin pa'i gzugs ni phyi'i lus so/ /gzhan dag gi rgyud du gtogs pa dbang pos yongs su zin pa'i gzugs ni
 phyi nang gnyis kyi lus so/ /yang na gang mnyam par bzhag pa'i sa pa bag yangs dang bcas pa'i gzugs ni nang gi lus so/ /gang bdag gi lus mnyam par ma bzhag pa'i sa pa gnas ngan len pa dang bcas pa ni phyi'i lus so//
 gzhan gyi lus gnas ngan len dang bcas pa 'am/ bag yangs dang bcas pa'i gzugs ni phyi nang gnyi ga'i lus so/ /yang na rnam par shes pa dang bcas pa'i lus ni nang gi lus so/ /rnam par shes pa med pa'i gzugs
 sems can gyi grangs su gtogs pa rnam par sngos pa dang/ rnam par bam pa la sogs pa'i dus na ni phyi'i lus so/ /rnam par shes pa med pa'i gzugs kyang/ 'das pa'i dus na rnam par shes pa dang bcas pa dang/ rnam par shes pa dang bcas
 pa'i gzugs kyang ma 'ong ba'i dus na/ rnam par shes pa med par gyur pa ni/ nang dang phyi'i lus so/ /yang na skra dang spu dang sen mo dang/ khrag la sogs par ldan pa ni nang gi lus so/ /gzhan gyi skra dang spu dang/ /sen mo dang khrag la sogs pa dang
 bcas pa'i ni phyi'i lus so/ /bdag nyid kyi lus rnam par bam pa dang/ rnam par sngos pa la sogs pa'i dus na ni/ phyi'i lus te/ 'di ni lus kyi rab tu dbye ba'i don bsdus pa'o/ /de la lus la lus kyi rjes su lta ba ji lta bu zhe na/ de ni shes
 rang rnam pa gsum ste/ mnyan pa las byung ba'i shes rab dang/ bsam pa las byung ba'i shes rab dang/ bsgom pa las byung ba'i shes rab ste/ shes rab gang gis lus kyi rang bzhin rnam pa thams cad du khong du chud cing rtogs
 par byed pa'o/ /de la dran pa gang zhe na/ gang gi lus kyi dbang du byas nas bstan pa'i chos de dag nye bar gzung zhing chos gang nye bar bzung ba'i don rnams kyis bsam pa dang/ bsgom pas mngon sum du byas pa'i yi ge dang
 don rnams la ma brjod pa'o/ /dran pa nye bar bzhag pa'i don ci zhe na/ de yang rnam pa gsum ste/ dran pa srung bar byed pa dang/ yul las kun nas nyon mongs pa med par byed pa dang/ dmigs pa la nye bar 'dogs par
 byed pa'o/ /de la dran pa srung bar byed pa ni/ dang po nas dbang po dang sems rnams yul la mi 'jug par sdom pa dang/ yul las kun nas nyon mongs pa med par byed pa ni yul la zhugs na yang/ gzugs la sogs
 ba mtshan mar mi 'dzin bzang por mi 'dzin pa'o/ /dmigs pa la sems nye bar 'dogs par byed pa ni/ bsgom par bya ba'i yul la sems rtse gcig du 'jog pa'o/ /nang gi lus la lus kyi rjes su lta zhing zhes bya ba la nam
 bdag nyid kyi lus sems can gyi grangs su gtogs pa'i gzugs la rang dang spyi'i mtshan nyid du shes rab kyi mthong bar byed pa ni/ nang gi lus la lus kyi rjes su lta ba zhes bya ba ste/ lus kyi rang gi mtshan nyid ni/ rdul phra mo du ma gsags pa las gyur
 pa snabs dang/ mchil ma dang khrag dang chu ser la sogs pa mi gtsang ba rnam pa sna tshogs kyis gang ba'o/ /de ltar bsgom pa na yang gnyen pos gsal bar mthong bar bya ba dang/ mi mthun pa'i phyogs spangs nas gnas par bya ste/ rnam pa gnyis so//
 de la gnyen po yang shes rab kyi lus kyi rang gi mtshan nyid mthong ba dang/ shes rab kyi lus kyi spyi'i mtshan nyid mthong ba dang/ de ltar shes rab kyi mthong ba'i chos de la zhi gnas rtse gcig tu 'jog pa'o/ /mi mthun pa'i phyogs kyang gnyis te
 lus dang gzugs la sogs pa'i yul la chags pa dang/ de dag nyid la khong khro ba'i lus kyi rang gi mtshan nyid shes rab kyis mi gtsang ba la sogs par phyin ci log par mthong ba ni gsal ba'o/ /lus kyi spyi'i mtshan nyid shes rab kyis
 phyin ci ma log par mthong ba ni/ yang dag par rab tu shes pa'o/ /shes rab kyi lus kyi rang dang spyi'i mtshan nyid mthong ba de nyid kyi don ma brjed cing de la rtag tu zhi gnas kyi sems rtse gcig tu 'jog pa ni dran pa dang ldan pa'o/ /lus
 dran pa nye bar gzhag pa'i bar du gcod pa'i par mi mthun pa'i phyogs su gyur pa lus dang gzugs la sogs pa la chags pa spangs pa ni/ 'jig rten gyi chags pa dang bral ba'o/ /de'i bar du gcod pa zhe sdang spangs pa ni/ yid mi bde ba
 spangs pa zhes bya'o/ /gnas pa'i gong du bshad pa ltar bsgom pa'o/ /nam phyi'i lus gzugs la sogs pa sems can gyi grangs su ma gtogs pa rnams kyi rang dang spyi'i mtshan nyid rtogs par byed pa ni/ phyi'i lus la lus kyi rjes su lta zhing gnas pa zhes bya
 ste/ rang gi mtshan nyid na rdul phra rab bsags pa'i ngo bo'o/ /spyi'i mtshan nyid ni mi rtag pa dang sdug bsngal ba dang stong pa dang bdag med pa ste/ gsal ba yang dag pa rab tu shes pa yang de'i slad du sbyar zhing/ de dag gi don yang sngar bstan pa bzhin du
 blta'o/ /sems can gzhan dag gi lus sems can gyi grangs su gtogs pa'i rang dang spyi'i mtshan nyid rtog par byed pa ni/ nang dang phyi'i lus la lus kyi rjes su lta ba zhes bya ste/ rang dang spyi'i mtshan nyid kyang gong du bshad pa bzhin du blta'o/ /nang gi tshor
 ba dang phyi'i tshor ba dang zhes bya ba la sogs pa de la tshor ba gang zhe na/ 'di lta ste bde ba dang/ sdug bsngal dang/ bde ba yang ma yin sdug bsngal yang ma yin pa'i tshor ba'o/ /bde pa dang sdug bsngal dang/ bde ba yang ma yin sdug bsngal yang ma yin pa'i
 tshor ba la yang lus dang ldan pa dang/ de bzhin du sems dang ldan pa'o/ /tshor ba la sogs pa bde ba yang zang zing dang bcas pa dang/ zang zing med pa dang/ chags pa la bsten pa dang/ 'byung ba la sten pa ste 'di dag ni tshor ba'i rab tu dbye ba'o/ /de la
 lus dang sems la sim pa phan par byed pa ni bde ba'i tshor ba'o/ /lus dang sems la gnad pa dang gdung bar byed pa ni sdug bsngal gyi tshor ba'o/ /lus dang sems la phan pa yang mi byed gdung bar yang mi byed pa ni/ bde ba yang ma yin/ sdug bsngal
 yang ma yin pa'i tshor ba'o/ /tshor ba de gsum yang/ nam mig gi rnam par shes pa nas lus kyi rnam par shes pa lnga dang 'brel pa'i dus na ni lus dang ldan pa'o/ /tshor ba de gsum yid kyi rnam par shes pa dang 'brel ba'i dus na ni/ sems dang
 ldan pa'o/ /tshor ba gsum mya ngan las 'das pa dang/ rjes su mthun par gyur na ni/ zang zing med pa'o/ /khams gsum du gtogs pa'i tshor ba thams cad ni zang zing dang bcas pa'o/ /nam 'phags pa'i lam dang
 rjes su mthun par gyur pa ni/ 'byung ba la brten pa'o/ /'dod pa'i yon tan lnga la zhen pa ni zhen pa la brtan pa zhes bya'o/ /de la rjes su lta ba dang dran pa dang dran pa nye bar gzhag pa gang yin pa'i don rnams ni/ lus dran pa nye bar
 gzhag pa'i skabs su bshad pa bzhin du blta'o/ /de la bdag nyid kyi lus sems can gyi grangs su gtogs pa la dmigs pa las/ tshor ba bde ba la sogs pa skyes pa ni/ nang dang phyi'i tshor ba zhes bya ste/ tshor ba rnam pa gsum
 yang sdug bsngal dang 'bral bar mthong ba ni/ tshor ba la tshor ba'i rjes su lta ba'i dran pa nye bar gzhag pa'o/ /sdug bsngal gsum la/ sdug bsngal gyi sdug bsngal dang/ 'gyur ba'i sdug bsngal dang/ 'du byed kyi sdug bsngal lo/ /de la
 sdug bsngal gyi tshor ba ni/ sdug bsngal gyi sdug bsngal dang 'brel ba'i tshor ba ni thong cig bder zin kyang/ phyis sdug bsngal gyi rgyur 'gyur pas na 'gyur ba'i sdug bsngal dang 'brel/ bde ba yang ma yin sdug bsngal yang ma yin
 ba'i tshor ba ni mi rtag pa'i chos dang ldan pas na 'du byed kyi sdug bsngal dang 'brel te/ gsal ba la sogs pa'i don ni gong du bshad pa bzhin du blta'o/ /nang gi sems dang zhes bya ba la sogs pa la sems phye na rnam pa nyi shu ste/
 'dod chags dang bcas pa'i sems dang/ 'dod chags dang bral ba'i sems dang/ zhe sdang dang bcas pa'i sems dang/ zhe sdang dang bral ba'i sems dang/ gti mug dang bcas pa'i sems dang/ gti mug dang bral ba'i sems dang/
 'dus pa'i sems dang/ rnam par g.yengs pa'i sems dang/ zhum pa'i sems dang/ gzegs mtho ba'i sems dang/ rgod pa'i sems dang/ rgod pa med pa'i sems dang/ zhi ba'i sems dang/ ma zhi ba'i sems dang/ shin tu mnyam par bzhag pa'i
 sems dang/ shin tu mnyam par ma gzhag pa'i sems dang/ shin tu mnyam par bzhag pa ma yin pa'i sems dang/ lam shin tu bsgoms pa'i sems dang/ lam shin tu bsgoms pa ma yin pa'i sems dang/ shin tu bsgoms pa las grol
 pa'i sems dang/ shin tu bsgoms pa las gral ba ma yin pa'i sems so/ /de la gang chags par bya ba'i dngos po la 'dod chags kyi kun nas dkris pa mngon sum spyod pa ni/ 'dod chags dang bcas pa'i sems zhes bya'o/ /'dod chags
 kyis kun nas dkris pa bag la nyal tsam du zad kyi/ /dngos su spyod pa med pa ni/ 'dod chags dang bral ba'i sems zhes bya'o/ /zhe sdang ba'i dngos po la zhe sdang gi kun nas dkris pa mngon sum du spyod pa ni zhe sdang dang bcas pa'i sems zhes
 bya'o/ /zhe sdang bag la nyal tsam du zad kyi/ dngos su byung ba med pa ni/ zhe sdang dang bral ba'i sems zhes bya'o/ /kun tu gti mug par gyur pa'i dngos po la rmongs pa kun tu 'byung ba ni/ gti mug dang bcas pa'i sems zhes bya'o/ /gti mug
 bag la nyal tsam du gnas pa ni/ gti mug dang bral ba'i sems zhes bya'o/ /sems drug po de dag ni kun tu spyod pa'i dus na 'byung ba las gzhag par mi rigs par bya'o/ /de la gsum ni/ kun nas nyon mongs pa'i phyogs so/ /gsum ni
 de dag gi gnyen po'i phyogs so/ /de la zhi gnas kyi rnam par sems nang du gnas par gyur pa 'dus pa'i sems so/ /'dod pa'i yon tan lnga'i rjes su 'brangs pa g.yengs pa'i sems so/ /gnyed dang rmugs pa dang ldan pa ni zhum pa'i
 sems so/ /gnyid dang rmugs ba sel bar byed pa'i chos rab tu dang bar byed pa 'ga' zhig la dmigs nas sems dga' bar byas pa ni gzangs mthos pa'i sems so/ /sems gzangs bstod pa las
 slar g.yengs par gyur ba ni/ rgod pa'i sems so/ /zhum rgod spangs nas sems btang snyoms su gyur pa ni/ rgod pa med pa'i sems so/ /gnyid dar rmugs pa dang 'gyod pa dang the tshom la sogs pa sgrib pa dad khral ba ni zhi ba'i sems
 so/ /sgrib pa de dag dang ma bral ba ni ma zhi ba'i sems so/ /rtsa ba'i bsam gtan bzhi la zhugs pa ni shin tu mnyam bar bzhag pa'i sems so/ rtsa ba'i bsam gtan bzhi la ma zhugs pa ni shin tu mnyam par ma bzhag pa'i sems so/ /
 rtsa ba'i bsam gtan de dag nyid la shin tu bsgoms pa dang/ dus ring du bsgoms pas ci dgar dbang du gyur pa ni lam shin tu bsgoms pa'i sems so/ /rtsa ba'i bsam gtan thob kyang shin tu ma bsgoms la/ dus ring du ma
 bsgoms pas ci dgar dbang thob par ma gyur pa ni/ lam shin tu bsgoms pa ma yin pa'i sems so/ /lam shin tu bsgoms pa las nyon mongs pa thams cad byad? ba dang/ shin tu byad? pa ni shin tu bsgoms pas grol ba'i
 sems so/ /nyon mongs pa thams cad shin tu byang ba ma yin pa'i nyon mongs pa kha cig byad? ba ni shin tu bsgoms pas gro ba ma yin pa'i goms te/ sems pa bcu drug bo de dag ni gnas pa'i dus kyi dbang du byas nas
 bshad par rig par bya'o/ /sems nyi shu bo de dag kyang mdor bsdus na rnam pa gsum ste/ nang gi sems dang/ phyi'i sems dang/ phyi nang gi sems so/ /de la bdag gi gi lus sems can gyi grangs su gtogs pa la dmigs pa la/
 sems nyi shu po byung ba ni nang gi sems zhes bya'o/ /gzugs la sogs pa sems can gyi grangs su ma gtogs pa la/ dmigs pa las sems nyi shu po de dag byung ba ni phyi'i sems zhes bya'o/ /sems can gzhan gyi gzugs sems
 can gzhan gyi grangs su gtogs pa la sems dmigs pa la sems ni shu po de dag byung ba ni nang dang phyi'i sems zhes bya ste/ sems la yang skad cig tu 'dod chags dang bcas pa dang/ skad cig tu 'dod chags dang bral ba la sogs
 par 'gyur te/ skad cig kyang mi gnas pa rang bzhin gzhan dang gzhan du 'gyur bar rtogs par byed pa ni/ sems la sems kyi rjes su lta ba zhes bya ste/ gsal ba la sogs pa'i don gzhan ni gong du bshad par zad do/ /nang gi chos dang zhe
 bya ba la sogs pa la chos ni nag po'i phyogs dang/ dkar po'i phyogs rnam pa gnyis las phye na/ rnam pa nyi shur rig par bya'o/ /nyi shu po de dag gang zhe na/ 'dod chags dang 'dod chags 'dul ba dang/ zhe sdang dang zhe sdang 'dul ba dang
 gti mug dang gti mug 'dul ba dang/ 'dus ba dang/ rnam par g.yengs pa dang/ zhum pa dang/ gzengs mtho ba dang/ rgod pa dang/ rgod pa med pa dang/ zhi ba dang/ ma zhi ba dang/ shin tu mnyam par bzhag pa dang/ shin tu mnyam bar/
 bzhag pa ma yin ba dang/ lam shin tu bsgoms pa dang/ lam shin tu bsgoms pa ma yin pa dang/ shin tu bsgoms pas grol ba dang/ shin tu bsgoms pas grol ba ma yin ba ste/ 'dod chags dang zhe sdang dang gti mug dang
 g.yangs pa dang/ zhum pa dang/ rgod pa dang ma zhi ba dang/ mnyam par ma bzhag pa dang/ lam legs par ma bsgom pa dang/ legs par bsgoms pas grol ba med pa ste/ bcu ni nag po'i phyogs so/ /'dod chags 'dul ba dang zhe sdang
 'dul ba dang/ gti mug 'dul ba dang/ 'dus pa dang/ gzengs mi mtho pa dang/ mi rgod pa dang/ bzhi pa dang/ mnyam par bzhag pa dang/ lam legs par bsgoms ba dang/ legs par bsgoms pas grol pa ste/ bcu? ni
 dkar po'i phyogs so/ /de la gzugs dang 'dod pa'i yon tan la chags pa ni 'dod chags/ mi gtsang ba bsgom pa ni 'dod chags 'dul ba'o/ /dgra la sogs pa la khong khro ba ni zhe sdang ngo/ /byams pa ni zhe sdang 'dul ba'i?//
 las dang las kyi 'bras bu mi shes pa ni gti mug go/ chos rnams kyi rang dang spyi'i mtshan nyid shes pa'i shes rab ni gti mug 'dul ba'o/ /sems nang du rtse gcig tu gnas pa ni 'dus pa'o/ /sems 'dod pa'i yon tan la zhugs
 pa ni g.yengs pa'o/ /sems gnyid dang rmugs pas non pa ni zhum pa'o/ /bsam gtan gyi 'bras bu 'am/ de bzhin gshegs pa'i yon tan bsams nas gnyid dang rmugs pa bsal ba ni gzengs mtho ba'o/ /sems gzengs
 bstod pa las slar sems 'phros par gyur pa ni rgod pa'o/ /zhum rgod gnyis spangs te sems mnyam par gyur pa ni rgod pa med pa'o/ /gnyid dang rmugs pa la sogs pa'i sgrib pa dang bral ba ni zhi pa'o/ /sgribs pa dang ma bral
 ba ni ma zhi ba'o/ /bsam gtan dang po dang gnyis pa dang gsum pa dang bzhi pa ste/ rtsa ba'i bsam gtan la zhug pa ni/ shin tu mnyam par bzhag pa'o/ /rtsa ba'i bsam gtan la ma zhugs pa ni mnyam par bzhag pa ma
 yin pa'o/ /de la 'phags pa'i lam bsgom pa thob pa ni/ lam shin tu bsgoms pa'o/ /'phags pa'i lam bsgom pa ma thob pa ni/ lam shin tu bsgoms pa ma yin ba'o/ /khams gsum gyi nyon mongs pa thams cad
 spangs nas phyis mi skye ba ni shin tu bsgoms pas grol ba'o/ /nyon mongs pa ma lus par spangs pa ba yin ba ni shin tu bsgoms pas grol ba ma yin pa'o/ /chos de dag kyang rnam pa gsum du bzhag ste/ nang gi chos dang/ phyi'i chos dang
 nang dang phyi'i chos so/ /de la bdag rang nyid kyi lus sems can gyi grangs su gtogs ba las nag po'am dkar po'i chos byung ba ni nang gi chos/ /gzugs la sogs pa sems can grangs su gtogs pa la dmigs pa las/ dkar po 'am
 nag po'i chos byung ba ni/ phyi'i chos so/ /sems can gzhan gyi lus sems can gyi grangs su grogs pa la dmigs pa las dkar po'am nag po'i chos byung ba ni/ nang dang phyi'i chos zhes bya ste/ nag po'i chos kyis ni kun nas nyon mongs
 par 'gyur/ dkar po'i chos kyis ni rnam par byang bar 'gyur ba tsam du zad kyi/ 'di na kun nas nyon mongs par byed pa'i bdag gam/ rnam par byang bar byed pa'i bdag med do zhes lta ba ni/ chos la chos kyi rjes su lta ba zhes bya ba ste/
 gsal ba la sogs pa'i don ni gong du bshad pa bzhin no/ /de la dran pa nye bar gzhag ba bzhi yang rnam pa ldang rnam par bzhag ste/ rnam pa lnga ni dmigs pa dag rang bzhin dang/ grogs dang/ sgom pa dang/ bsgoms pa'i 'bras bu'o/ /ji
 ltar na dran? pa nye? bar gzhag pa bzhi la rnam pa lngar rnam par bzhag pa bzhin du/ byang chub kyi phyogs lhag ma rnams la yang/ rnam pa lnga ldar? bzhag go/ dran pa nye bar bzhag pa'i dmigs pa gang zhe na/ de yang bzhi ste/ lus dang sems dang
 tshor ba dang chos so/ /yang na bdag gi rten gyi dngos po dang/ bdag kun nas longs spyod pa'i dngos po dang/ bdag nyid kyi dngos po dang/ bdag kun nas nyon mongs pa dang/ rnam par byang bar byed pa'i dngos po ste/ de bzhi ni dran pa? nye
 bar gzhag pa'i dmigs par bya'o/ /de la bdag gi dngos po ni lus so/ /bdag kun nas longs spyod par byed pa'i dngos po ni tshor ba'o/ /bdag nyid kyi dngos po ni sems so/ /bdag kun nas nyon mongs pa dang rnam par byad? dang?
 byed pa'i dngos po ni chos so/ /de la yang ji ltar dmigs pa zhe na/ blo phyin ci log tu gyur pa'i byis pa dag phal cher dbang po dang bcas pa'i lus la dag rten cing bde ba la sogs pa kun du longs spyod par byed la/ de ltar kun tu longs spyod bar
 byed ba'i bdag de yang sems nyid yin te/ bdag de 'dod chags la sogs pas ni/ kun nas nyon mongs bar 'gyur la/ dad pa la sogs pas ni rnam par byang bar 'gyur te zhes rtogs par bya ba'i phyir lus la sogs pa bsgoms pa bzhi
 rnam par bzhag go /rang bzhin gang zhe na/ shes rab dang zhi gnas te/ lus la rdzas su lta zhes smras pas/ shes rab smras pa yin/ dran ba dang ldan ba dang/ gnas pa zhes smras pas zhi gnas bstan pa yin no/ /grogs po ni de dang ldan pa'i
 sems dang sems las byung ba rnams te/ shes rab dang zhi gnas gnyis kyang brtson 'grus la sogs pa'i sems las byung ba gzhan dang mi ldan ba 'ba' zhig 'byung mi srid pa'i phyir ro/ /bsgom pa ni phyi dang nang dang phyi nang gnyis dus
 kyis lus kyi rang dang spyi'i mtshan nyid goms bar bya'o/ /bsgoms pa'i 'bras bu ni phyin ci log bzhi spang ba dang/ bden ba bzhi la 'jug pa dang/ lus la sogs pa dang bral bar 'gyur ba'o/ de la phyin ci log bzhi ni gtsang bar bya'o/
 rtag la dang bdag tu 'dzin pa'o/ /mi gtsang ba la gtsang bar phyin ci log tu 'dzin pa spong ba'i phyir lus dran pa nye bar gzhag pa bsgoms te/ lus la ni gtso bor mi gtsang ba'i mtshan nyid du sgom par bcom ldan 'das kyis gsungs so
 sdug bsngal la bde bar 'dzin pa'i phyin ci log tu 'dzin pa spang pa'i phyir/ tshor ba dran pa nye bar gzhag pa sgoms te/ ji srid du tshor ba thams cad kyang sdug bsngal rnam pa gsum dang 'brel to zhes/ bcom ldan 'das kyis gsungs pa'i phyir ro//
 mi rtag pa la rtag par phyin ci log tu 'dzin pa'i gnyen bor/ /sems dran ba nye ba gzhag pa bsgoms te/ sems 'di yang skad cig ma de de la 'dod chags dang bcas pa dang/ 'dod chags med pa la sogs pa rnam pa gzhan dang gzhan
 du 'gyur ba'i phyir ro/ /bdag med pa la bdag tu 'dzin pa'i phyin ci log spang ba'i phyir/ chos dran ba nye bar gzhag pa bsgom ste/ 'dod chags la sogs pas ni kun nas nyon mongs par 'gyur/ dang pa la sogs pas ni rnam par byad bar gyur
 bar zad kyi/ 'di ni kun nas nyon mongs par byed pa dang/ rnam par byang bar byed pa'i byed pa po dang/ bdag med pa khong du chud na/ bdag tu 'dzin pa'i phyin ci log dang bral bar 'gyur ro/ /bden ba bzhi la 'jug pa ni lus dran pa nye bar bzhag
 pa bsgoms pas sdug bsngal gyi bden ba la 'jug ste/ lus kyi rang bzhin mthong na/ skye rga na 'chi pa la sogs pa'i sdug bsngal rnam pa sna tshogs dang ldan par rtog par 'gyur ba'i phyir ro/ /tshor ba dran pa nye bar gzhag pa bsgoms pas kun
 tu 'byung gi bden pa la 'jug ste/ tshor ba bde ba la brten nas ni srid pa skye/ tshong ba sdug bsngal ba'i rgyus ni zhe sdang skye ba/ tshong ba bde ba yang ma yin/ sdug bsngal yang ma yin pa'i rgyus ni gti mug skye la/ 'dod chags dang zhe sdang
 dang/ gti mug gi rgyus tsho rabs gzhan gyi phung po 'byung bar 'gyur ro zhes rtog pa'i phyir ro/ /sems dran pa nye bar gzhag pa bsgoms pas ni 'gog pa'i bden pa la 'jug ste/ sems skad cig ma re re la 'jig pa'i rang bzhin
 bdag med ba'i mtshan nyid mthong na mya ngan las 'das pa la bdag chad par 'gyur ro zhes 'jigs pa mi 'gyur ba'i phyir ro/ /chos dran pa nye bar bzhag pa bsgoms pas lam gyi bden pa la 'jug ste/ kun nas nyon
 mongs pa dang/ rnam par byang ba'i phyogs gnyis mthong nas kun nas nyon mongs pa spang ba'i phyir/ rnam par byad? ba'i chos la brten par byed pas so/ /bral ba ni lus la sogs pa bsgoms pas/ gnas ngan len thams cad dang bral
 bar 'gyur ba'i phyir ro/ /rnam grangs gzhan du 'jig rten bdag ni phal cher phung po lnga la phung po tsam mam chos tsam du yang dag ba ji lta ba bzhin du khong du ma chud pas 'di lta ste/ bdag de lus la gnas shing tshor ba bde ba dang sdug
 bsngal ba kun myong bar byed pa dang/ chos dang chos ma yin bas rnam par byang ba dang/ kun nas nyon mongs par 'gyur ro zhes 'dzin pa bzlog pa'i phyir/ dran pa nye bar gzhag pa bzhi gsungs te/ de la lus ni bdag gi rten gyi dngos
 po'i zhes rmongs pa bsal ba'i phyir lus dran pa nye bar gzhag pa bstan te/ lus 'di mi gtsang ba dang sdug bsngal ba'i gnas kyi dngos po yin gyi/ bdag gi dngos po ni ma yin zhes bya ba'i don to/ /tshor ba ni bdag nges kun tu myong bar
 bya ba'i dngos po yin no zhes rmongs pa bsal ba'i phyir tshar ba dran pa nye bar gzhag pa bshad/ tshar ba thams cad ni sdug bsngal ba yin gyi bdag nges kun tu myong bar bya ba ma yin no zhes bya ba'i don to/ /sems dang yid dang rnam par
 shes pa la bdag gi dngos por 'dzin pa gsal ba'i phyir/ /sems dran pa nye bar bzhag pa bsgom pa bstan te/ sems ni skad cig ma'i rang bzhin yin gyi/ bdag gi rang bzhin ni ma yin no zhes bya ba'i don to/ /chos kyis ni bdag
 de nyid kun nas nyon mongs pa dang/ rnam bar byad ba byed do zhes rmongs pa'i phyir chos dran pa nye bar gzhag pa bsgoms pa bshad de/ 'dod chags la sogs pas kun nas nyon mongs par byed cing/ dad pa la sogs pas sems rnam par byang bar byad bar
 zad kyi/ bdag gi med pa'i rang bzhin yin pas/ de la ni kun nas nyon mongs pa dang/ rnam par byad? bar 'gyur ba mi srid do/ /zhes bya ba'i tha tshig go /dran pa nye bar gzhag pa bstan pa'i 'og tu/ yang dag par spong ba bzhi bstan pas/ ji ltar bstan pa
 bzhin du bshad par bzhed nas bka' stsal pa/ de la dge slong gi yang dag par spong ba bzhi gang zhe na zhes bya ba la sogs pa'o/ /yang dag par spong ba bzhi ni sdig pa'i chos ma skyes pa mi bskyed pa dang/ sdig pa'i chos skyes pa spong ba dang/
 dge ba'i chos ma skyes pa bskyed pa dang/ dge ba'i chos skyes pa gnas par bya'o/ /brgal ba/ sdig ba mi dge ba'i chos ma skyes pa mi bskyed pa dang/ skyas ba spong ba ni de gnyis dor bar bya ba'i chos yin pas/ yang dag par spong ba zhes
 bya bar 'os na/ dge ba'i chos ma skyes pa bskyed pa dang/ skyes pa gnas par bya ba ni bsgrub par bya ba'i chos yin no/ /de la ji ltar yang dag par spong ba zhes gdags/ lan du gnyis la gdags pa mi rigs pa 'dra mod kyi/ dge ba bskyed
 pa dang gnas par bya ba mi mthun pa'i phyogs spong ba dang/ dge ba'i chos skye zhing gnas par 'gyur ba'i phyir mi mthun pa'i phyogs spong ba la yang dag pa'i spong ba zhes bya bas nyes pa med do/ /yang dag par slong ba dang po bstan pa'i
 phyir /de la dge slong dag dge slong sdig pa mi dge ba'i chos ma skyes pa rnams mi skye ba'i phyir zhes bya ba la sogs pa gsungs te/ de la sdig pa mi dge ba'i chos ni/ 'dod pa'i khams kyi lus dang ngag dang yid kyi las ngan pa
 spyor pa/ lus kyi sgo nas srog gcod pa dang/ ma byin par len pa dang/ mi tshangs par spyod pa dang/ ngag gi sgo nas rdzun dang tshig rtsub mo dang phra ma dang/ tshig bkyal bar smra ba dang/ yid kyi sgo nas chags sems dang/ gnod
 sems dang/ log par lta ba ste/ mi dge ba bcu dang/ de skyed par byed pa'i rgyu 'dod chags dang zhe sdang dang/ gti mug la sogs pa nyon mongs pa ni sdig pa mi dge ba'i chos te/ 'phags pa rnams kyis smad par yin pas sdig pa'o/ /
 rnam par smin pa mi bde bar myong bar 'gyur bas ni mi dge ba'o/ /yang na bdag dang gzhan la gnod pa'i rgyu byed pas na sdig pa'o/ /dge ba'i chos dang 'gal ba yin pas na mi dge ba ste/ mi dge ba'i chos de dag mngon du ma gyur cing/ de dag
 dang phrad cing spyod par ma gyur pa ni ma skyes pa zhes bya ba ste/ bag chags su gnas pa'o/ /yang na lhag pa'i tshul khrims kyi bslab pa dang/ lhag pa'i sems kyi bslab pa dang/ lhag pa'i shes rab kyi bslab pa nyams shing/ bslab pa
 gsum nyams par byed pa'i rgyu'i chos la ni/ sdig pa mi dge ba'i chos zhes bya'o/ /de la lhag pa'i tshul khrims kyi bslab pa nyams pa ni yan lag drug gi tshul khrims nyams pa'o/ /tshul khrims nyams par byed pa'i rgyu yang
 bcu ste/ dang po nas len par ma blangs pa dang/ lhong par byed pa dang/ log pa 'dzin pa dang/ bag med pa dang/ le los yongs su zin pa dang/ log par smon pa dang/ spyod lam nyams par gyur pa dang/ 'tsho ba nyams par gyur pa dang/
 mdza' gnyis su ltung ba dang/ 'byung bar mi byed pa dang/ yi dam blangs pa nyams pa'o/ /de la ji ltar na dang po nas legs par ma blangs she na/ 'di ltar rgyal pos 'jig pas sam/ rkun pos 'jig pas sam/ 'tsho ba med pas sam/
 de la sogs pa'i rkyen gzhan gyi phyir blangs pa ste/ de ltar yang phyis nyams par 'gyur ro/ /ji ltar ltong par byed ce na/ 'di ltar kha cig tshul khrims blangs nas ngo tsha med pa dang/ khrel med pa dang/ 'gyod pa chung bas bslab pa'i gnas rnams pa
 dam du mi srung gi nyams bzhin du spyod pa ste/ lhong par byed pas des? kyang? tshul khrims nyams par 'gyur pas so/ /ji ltar log par 'dzin ce na/ kha cig log par 'dzin pa dang ldan pa yin te/ gnas ma yin pa la 'gyod par 'gyur cing/
 'gyod pa des dge ba'i bar du gcod par byed pa'i phyir yang tshul khrims nyams par 'gyur bas so/ /ji ltar bag med pa dang le los yongs su zin pa yin zhe na/ la la dag dang po nas nyes pa mi 'byung bar dam bca' ba ser? cing nyes pa byung na yang slar
 chos bzhin du gso bar mi byed la/ nyal ba dang 'phros pa dang gnyid kyi bde ba rnams lhur len? pa'i sgo nas kyang tshul khrims nyams par 'gyur ro/ /ji ltar log par smon pa yin zhe na/ kha cig tshul khrims sam/ brtul zhugs sam/ dka' 
 thub 'dis lha 'am lha las gzhan ba 'am rnyed pa 'am/ bkur stir lhog par gyur cig ces log par smon pas rnam par grol ba'i rgyur ma gyur pas kyang tshul khrims nyams pa'o/ /ji ltar na spyod lam nyams par gyur pa yin zhe na/ de la kha
 cig 'chag pa dang 'dug pa la sogs pa'i spyod lam dang/ grong la sogs pa'i spyod yul la bab? bag tu 'dug cing/ 'phral gyi bya ba dang/ dge ba la sbyor ba rnams 'jig rten dang mi mthun zhing 'jig rten dang 'gal ba dang/ 'dul ba
 dang mi mthun zhing 'dul ba dang 'gal bas kyang tshul khrims nyams par 'gyur ro/ /ji ltar na 'tsho ba nyams par 'gyur zhe na/ 'di la kha cig chog mi shes pa 'dod pa mang po gso dka' ba dag? dang? dka' ba ste/ chos ma yin pas lhung
 bzed dang chos gos la sogs pa tshol bas kyang tshul khrims nyams par 'gyur ro/ /ji ltar na mdza' gnyis su lhung zhe na/ 'di ltar kha cig 'dod pa'i bde ba la lhag par zhen na/ 'dod pa'i chos rnams la bag med par
 spyod pa dang/ la la tsher ma la gnas 'cha' ba 'am/ thal ba'i nang na gnas 'cha' ba la sogs pa dka' thub mi bzang ba/ chos 'dul ba las byed du ma gnang ba rnams spyod pas kyang tshul khrims nyams par 'gyur ro/ /ji ltar 'byung bar
 mi byad? ba zhe na/ la la dag tshul khrims sam/ brtul zhugs sam/ lta ba bsnyems te tshul khrims de nyid dam/ brtul zhugs de nyid kyis thar pa dang/ grol bar 'gyur ro zhes log par gzung bas thar pa dang/ grol ba'i rgyur ma gyur
 pa'i phyir yang tshul khrims nyams pa'o/ /ji ltar yir ma blangs pa nyams par 'gyur zhe na/ la la dag thams cad du ngo tsha med cing sdig pa mi dge ba'i chos byed pa la mi 'dzem pa/ tshul khrims nyams pa sdig pa'i chos can khong
 rul ba bong bu'i rjes su 'jug pa/ dge sbyong ma yin pa la dge sbyong du dam 'cha' pa'o/ /de la lhag pa'i sems nyams pa ni bsam gtan dang po dang/ gnyis pa la sogs pa nyams pa'o/ /de nyams pa'i rgyu ni chos gos dang lhung
 bzed la sogs pa yo byad la tshigs pa mang ba dang/ lus la nad mang ba dang/ kha zas la brgam pa dang/ 'du 'dza mang po'i nang na gnas par dga' ba dang/ 'jig rten gyi las kyi bya ba mang po la dga' ba dang/ smra ba mang po la mo
 ba dang/ nyal ba dang 'phres pa la sogs pa la dga' ba'o/ /lhag pa'i shes rab nyams pa ni lta ba phyin ci log tu gyur pa ste/ mi rtag pa la rtag par 'dzin pa la sogs pa'o/ /de nyams pa'i rgyu ni/ mi dge ba'i bshes gnyen la
 brten pa dang/ dam pa ma yin pa'i chos nyam pa dang/ bdag dang byed pa po la sogs pa yod par tshul bzhin du ma yin pa yid la byed pa ste/ chos de dag mngon du ma spyad pa ni ma skyes pa'o/ /mi dge ba'i chos ma skyes pa thams cad nas thams cad du
 sems la skye bar mi bya'o zhes dam 'cha' zhing thog ma nas bsgrim pa ni mos pa skyed pa zhes bya'o/ /'bad cing brtson 'grus rtsom pa la sogs pa ni/ yang dag pa'i spong ba gnyis po don sbyar dgos pas phyis bshad par bya'o/ /yang dag pa'i spong
 ba gnyis pa bstan pa'i phyir/ sdig pa mi dge ba'i chos skyes pa rnams spang ba'i phyir zhes bya ba la sogs pa gsungs te/ sdig pa mi dge ba'i chos ni gang gong du bshad pa'i khams kyi lus dang ngag dang yid kyi mi dge ba bcu 'am/ bslab pa
 gsum nyams par byed pa'i chos/ /chos de dag sems la mngon du gyur cing/ sems la kun du spyod par gyur pa ni mi dge ba'i chos skyes pa'o/ /gang sdig pa mi dge ba'i chos sems la skyes pa de dag kyang thams cad nas thams cad du sems la
 gnas par mi bya sems la gzhan par mi bya zhing/ rnam pa thams cad du dor bar bya'o/ /zhes 'dod pa skyed pa ni mos pa skyed pa zhes bya'o/ /sdig pa mi dge ba'i chos de dag kyang/ 'das pa'i dngos po la dmigs pa dang/ ma 'ongs pa'i dngos po la
 dmigs pa dang/ da ltar gyi yul la dmigs nas skye/ de bas na de dag mdor na lkog tu gyur pa'i yul la dmigs nas skye ba dang/ mngon du gyur pa'i yul la dmigs nas skye ba ste/ rnam pa gnyis gsu bzhag go /de la gang 'das pa'i dngos po la dmigs
 pa dang ma 'ongs pa'i dngos po la dmigs nas skye ba ni/ lkog tu gyur pa'i yul la dmigs nas skye ba'o/ /gang de ltar gyi yul la dmigs nas skye ba ni mngon du gyur pa'i yul la dmigs pa'o/ /de la yang dag pa'i spong ba gnyis
 bsdoms nas don bsdus te bstan pa/ gang lkog tu gyur pa'i yul la dmigs pa'i sdig pa mi dge ba'i chos ma skyes pa rnams ma skyed pa dang/ skyes pa rnams spang pa'i phyir brtson 'grus rtsom pa ni 'bad pa zhes bya'o//
 gang mngon du gyur pa'i yul la dmigs nas skye ba'i sdig pa mi dge ba'i chos ma skyes pa rnams mi skyed pa dang/ skyes pa rnams spang ba'i phyir 'bad pa ni brtson 'grus rtsom pa zhes bya'o/ /yang na sdig pa mi dge ba'i chos kha cig rnam par rtog pa'i
 skabs kyis skye ba yin la/ yul gyi stobs kyi skye ba yang yod/ /sdig pa mi dge ba'i chos kha cig rnam par rtog pa'i stobs kyis skyed pa yang yod do/ /de la rnam par rtog pa'i stobs kyis skye ba ni gnas pa'i tshe na ste/ yul dang ma phrad kyang
 'das pa dang ma 'das pa la dmigs nas skye ba'o/ /de la rnam par rtog pa'i stobs dang/ yul gyi stobs kyis skye ba yang yod/ gnas pa'i tshe na ste/ yul dang ma phrad kyang/ 'das pa dang ma 'ongs pa'i dngos po la dmigs nas skye ba'o//
 de la rnam par rtog pa'i stobs dang yul gyi stobs las skye ba ni/ kun tu spyod pa'i dus na ste/ da ltar byung ba'i dngos po la dmigs shing de na yang tshul bzhin ma yin pa yid la byed pa 'byung ba'i stobs kyis skye ba'o/ /de la rnam par
 rtog pa'i stobs kyis skye ba ni/ sdig pa mi dge ba'i chos ma skyes pa rnams ni mi bskyed pa dang/ skyes pa rnams ni spang bar bya ba'i phyir sgrims pa ni 'bad pa zhes bya'o/ /gang rnam par rtog pa'i stobs dang/ yul gyi stobs kyis skye ba
 ni sdig pa mi dge ba'i chos ma skyes pa rnams mi skyed pa dang/ skyes pa rnams spang pa'i phyir 'bad pa ni brtson 'grus rtsom pa zhes bya'o/ /yang na nyon mongs pa rnam pa gsum ste/ chung ngu dang chen po dang 'bring po'o de la nyon mongs pa chung ngu
 dang 'bring po ma skyes pa rnams mi bskyed pa dang/ skyes pa rnams spong ba ni 'bad pa zhes bya'o/ /nyon mongs pa chen po ma skyes pa rnams mi bskyed pa dang/ skyes pa rnams spong ba ni/ brtson 'grus rtsom pa zhes bya'o/ /de la sdig pa mi dge ba'i chos ma
 skyes pa mi bskyed pa dang/ skyes pa rnams spong bar bya bar zhugs pa ni sems g.yangs par gyur pa mthong ste/ de'i tshe zhi gnas bsgom zhing sems rtse gcig tu sbyar bar byed pa ni/ sems rab tu 'dzin pa zhes bya'o/ /sdig pa mi dge ba'i chos ma skyes
 pa ma bskyed pa dang/ skyes pa spang bar bya ba'i phyir zhugs pa'i tshe/ sems gnyid dang rmugs pas non cing nang du 'dus par mthong ba 'am/ zhum pa skye bar dogs pa skye ba'i tshe/ sems bzangs mtho bar gyur pa'i chos de bzhin gshegs pa'i yon
 tan nam/ bsam gtan gyi 'bras bu yid la byed pa'am lhag mthong bsgom zhing gnyid dang rmugs pa sel bar byed pa ni yang dag par smon pa zhes bya'o/ /yang dag pa'i spong ba gsum pa bstan pa'i phyir dge ba'i chos ma skyes pa rnams bskyed
 pa zhes bya ba la sogs pa smos te/ de la dge ba'i chos ni srog gcod pa las phyir log pa la sogs pa dge ba bcu 'am/ tshul khrims la sogs pa'i bslab pa gsum mam/ bslab pa gsum skye bar byed pa'i rgyu'i chos rnams so/ /bslab
 pa gsum gyi rgyu ni bslab pa gsum nyams par 'gyur ba'i rgyu las slar bzlog na/ de dag skye bar 'gyur ba'i rgyur rig par bya'o/ /ma skyes pa ni chos de dang/ mngon du ma gyur pa 'am/ sems ma byung ba'o/ /bskyed pa ni chos de dag mngon du
 sems la byung bar bya'o/ /de la gang dge ba'i chos ma thob pa dang mngon du ma gyur pa de dag myur du bdag gis thob pa dang/ mngon du gyur par bya'o zhes 'dod pa cher skyes pa ni mos pa skyed ces bya'o/ /'bad cing brtson 'grus rtsom pa
 la sogs pa ni yang dag pa'i spong ba bzhi po'i don dang sbyar zhing bstan dgos pas phyis bshad par bya'o// //yang dge ba'i spong ba bzhi pa bstan pa'i phyir/ dge ba'i chos? ma skyes pa rnams zhes
 bya ba la sogs pa gsungs te/ dge ba'i chos ni gang yang dag pa'i spong ba gsum pa'i skabs su bshad pa rnams so/ /dge ba'i chos thob pa rnams mngon du byed pa ni gnas pa zhes bya'o/ /mngon du bya ba rmongs par ma gyur cing sems
 la gsal bar byed pa ni mi rjed pa dang zhes bya'o/ /mi brjed pa rnams mi mthun pa'i phyogs kyis ma phrogs pa ni mi nyams pa zhes bya'o/ /de ltar dge ba'i chos thob pa dang mngon du gyur pa rnams bsgom pa dang/ bsten pa dang mang du byas
 pa yongs su rdzogs shing/ mthar phyin par byed pa ni/ bsgom pa dang rgya che ba dang/ yongs su rdzogs par byed pa zhes bya'o/ /dge ba'i chos skyes pa 'di dag gnas pa nas yongs su rdzogs par bya ba'i 'dod pa cher skyes pa mos pa skyed
 pa'o/ /de la dge ba'i chos rnyed pa rnams mngon du bya ba'i phyir brtson 'grus rtsom pa ni 'bad pa zhes bya'o/ /dge ba'i chos ma rnyed pa rnams rnyed par bya ba'i phyir 'dod pa ni brtson 'grus rtsom pa zhes bya'o/ /dge ba'i chos skyes pa rnams
 gnas pa dang/ mi brjed pa dang/ mi nyams par byed pa ni 'bad pa'o/ /dge ba'i chos de nyid sgom pa dang/ rgya cher byed pa dang/ yongs su rdzogs par byed pa ni brtson 'grus rtsom pa'o/ /yang na dge ba rnam pa gsum ste/ chung ngu dang
 'bring po dang chen po'o/ /de la dge ba'i chos chung ngu dang 'bring po ma skyes pa rnams skyed pa dang/ skyes pa rnams gnas pa dang/ mi brjed pa dang mi nyams par byed pa ni 'bad ba zhes bya'o/ /dge ba'i chos chen po rnams ma skyes pa
 rnams skyed par byed la/ skyes pa rnams sgom pa dang rgyas pa dang/ yongs su rdzogs par byed pa ni brtson 'grus rtsom pa zhes bya'o/ /dge ba'i chos de dag sgom pa'i tshe sems g.yengs par gyur pa na zhi gnas sgom zhing sems rtse gcig tu 'jog par
 byed pa ni/ sems rab tu 'dzin pa zhes bya'o/ /de'i tshe rmugs pa dang gnyid kyis non te/ sems zhum par gyur pa de na de bzhin gshegs pa'i yon tan nam bsam gtan gyi 'bras bu yid la byas nas sems gzengs bstod pa 'am/ lhag mthong
 bsgoms pa la rmugs pa dang gnyid sel bar byed pa ni/ yang dag par spong ba zhes bya'o/ /de la yang dag par spong ba bzhis mdor na chos nyid bstan te/ nag po'i phyogs dang dkar po'i phyogs so/ /de la sdig pa mi dge ba'i chos ma skyes pa mi
 bskyed pa dang/ skyes pa rnams spong ba ni nag po'i phyogs so/ /dge ba'i chos ma skyes pa bskyed pa dang/ skyes pa rnams gnas par byed pa ni dkar po'i phyogs so/ /de lta yin pa las spong pa rnam pa bzhi'i tshul gyis na/ bzhi tshar yang dag par
 spong bar 'gyur te/ spong ba rnam pa bzhi ni/ yang dag par bsdams pas rab tu spang ba dang/ spang ba rab tu spang ba dang/ sgom pa rab tu spong ba dang/ rjes su bsrungs pas rab tu spang ba'o/ /de la sdig pa mi dge ba'i chos ma skyes pa rnams skyed
 pa zhes bya ba la sogs pa ni spongs pas rab tu spangs pa bstan te/ sdig pa mi dge ba'i chos sems la mngon du byung ba de med pa yin pa spangs pa ste/ de mngon du mi 'gyur bar bya ba'i phyir/ 'bad pa byed pa ni phyis mi skye bar spangs pa
 rab tu spangs pa'o/ /sdig pa mi dge ba'i chos skyes pa rnams spangs pa'i phyir zhes bya ba la sogs pas ni/ yang dag par bsdams pas rab tu spangs pa ste/ gang sdig pa mi dge ba'i chos skyes pa de dag phyis ci nas kyang rgyud la mi 
 'byung par bsdams pa'i sgo nas spang bar bya ba'i phyir ro/ /dge ba'i chos ma skyes pa bskyed pa ces bya ba la sogs pas ni/ yang dag par bsdams pas rab tu spang bar bstan te/ gang sdig pa mi dge ba'i chos skyes
 pa de dag phyis ci nas kyang rgyud la mi 'byung bar bsdams pa'i sgo nas spang ba'i phyir ro/ /dge ba'i chos ma skyes pa bskyed ces bya ba la sogs pa bsgom pas rab tu spang ba bstan te/ 'di ltar dge ba'i chos skyes pa rnams brten
 pa'i sgo nas skyes par bya ba dang/ skyes pa rnams sgom pa'i sgo nas thob par bya ba dang/ thob pa rnams mngon du byas na/ de'i mi mthun pa'i phyogs med par 'gyur pa'i phyir ro/ /dge ba'i chos skyes pa rnams gnas pa zhes bya ba
 la sogs pas rjes su bsrung pas spang ba bstan te/ gang dge ba'i chos skyes pa rnams ni de'i mi mthun pa'i phyogs la bag med pa spang ba dang/ de'i grogs su gyur pa bag yod pa la brten nas gnas pa dang/ rdzogs pa
 la sogs par byas na/ de la sgrib pa rnams med par 'gyur ba'i phyir ro/ /mdor na btang bar bya ba'i dngos po dang/ blang bar bya ba'i dngos po btang ba dang/ blang ba'i bsam pa phun sum tshogs pa dang/ sbyor ba phun sum
 tshogs pa bstan pa yin te/ de la yang dag pa'i spong ba snga ma gnyis ni btang bar bya ba'i dngos po'o/ /yang dag pa'i spong bar phyi ma rnams ni blang bar bya ba'i dngos po'o/ /mos pa bskyed ces bya bas bsam pa phun sum
 tshogs pa bstan te/ 'bad cing brtson 'grus rtsom te/ sems rab tu 'dzin cing yang dag par smon par byed ces pa dang zhes bya ba la sogs pa ni sbyor ba phun sum tshogs pa bstan to/ /yang dag pa'i spong ba bzhi la
 yang dmigs pa dang/ rang bzhin dang/ grogs dang/ sgom pa dang/ bsgoms pa'i 'bras bu'o/ /de la yang dag pa'i spong ba rnams kyi dmigs pa gang zhe na/ mi mthun pa'i phyogs dang gnyen po skyes pa dang/ ma skyes pa'o/ /de la yang dag pa'i spong ba dang
 po ni mi mthun pa'i phyogs ma skyes pa la dmigs so/ /yang dag pa'i spong ba gnyis pa ni mi mthun pa'i phyogs skyes pa la dmigs so/ /yang dag pa'i spong ba gsum pa ni gnyen po ma skyes pa la dmigs so/ /yang dag pa'i spong ba bzhi pa
 ni gnyen po skyes pa la dmigs so/ /yang dag pa'i spong pa'i rang bzhin ni brtson 'grus kyi rang bzhin yin par rig par bya'o/ /grogs ni brtson 'grus dang lhan cig ldan pa'i sems las byung ba'i mos pa dang dad pa dang shes
 rab dang ting nge 'dzin la sogs pa'o/ /de la bsgom pa ni mos pa bskyed pa 'bad cing brtson 'grus rtsom ste/ sems rab tu 'dzin cing yang dag par smon pa'o/ /zhes gsungs pa'o/ /tshig de dag gis rten dang bcas par brtson 'grus  
 rtsom ste/ bsgom pa bstan de de la mos pa ni mos pa brtson 'grus kyi rten no/ /de ci'i phyir zhe na/ 'dod pa dang/ mos pa yod na/ de'i rgyu las brtson 'grus 'byung ba'i phyir ro/ /de la zhi gnas dang lhag mthong ba'i mtshan ma sems rgod
 par gyur na 'khor ba'i skyon yid la byas shing sems gdul ba dang/ sems rmugs par gyur na de bzhin gshegs pa'i yon tan yid la bya ste/ sems gzengs bstod par bya ba'i mtshan ma yid la bya ba med par zhi gnas dang
 lhag mthong 'ba' zhig bsgom pa ni 'bad pa'o/ /nam sems rgod pa dang rmugs par gyur pa na de bsal bar bya ba'i phyir/ rgod pa dang zhum pa'i gnyen por gyur pa zhi gnas kyi mtshan ma dang/ lhag mthong gi mtshan ma yid
 la byed pa ni brtson 'grus rtsom pa zhes bya'o/ /de yang phye ste sems g.yengs par gyur pa'i tshe/ zhi gnas yid la byas nas 'jil bar byed pa ni sems rab tu 'dzin pa'o/ /sems zhum par gyur pa'i lhag?
 mthong yod la byas nas sems gzengs bstod par byed pa ni yang dag par smon pa'o/ /bsgom pa'i 'bras bu mi mthun pa'i phyogs thams cad nyams par bya ba dang/ gnyen po'i chos thob par bya zhing 'phel bar bya'o/ /de la yang
 dag pa'i spong ba gong ma gnyis kyis ni mi mthun pa'i phyogs nyams par byed pa bstan to/ /yang dag pa'i spong ba gsum pas ni gnyen po'i phyogs thob par byed pa bstan to/ /yang dag pa'i spong ba bzhi pas ni gnyen po'i
 phyogs 'phel bar byed pa bstan to// //yang dag par spong ba bzhi bstan pa'i 'og tu/ rdzu 'phrul gyi rkang pa bzhi bstan te/ de bas na de bshad pa'i skabs yin pa'i phyir/ rdzu 'phrul gyi rkang pa bzhi gang zhe na zhes
 bya ba la sogs pa gsungs so/ /de la rdzu 'phrul zhes bya ba ni mig la sogs pa'i mngon par shes pa'i 'byor pa rnams la bya ba ste/ mos pa la sogs pa'i ting nge 'dzin bzhi ni mngon par shes pa rnams skye ba'i rgyu dang rkyen
 byed pa'i phyir/ rdzu 'phrul gyi rkang pa zhes bya'o/ /yang na skyes bu gang la rkang pa yod pa de ni 'gro ba dang 'ong ba la sogs pa la mthu yod pa bzhin du gang la ting nge 'dzin bzhi yod pa des kyang 'jig rten las 'das pa'i
 'byor ba thob pa dang/ mngon du bya ba'i mthu yod pas na/ rdzu 'phrul gyi rkang pa zhes bya'o/ /rdzu 'phrul gyi rkang pa dang po bstan pa'i phyir/ dge slong dag mos pa'i ting nge 'dzin spong ba'i 'du byed dang ldan pa'i rdzu 'phrul gyi
 rkang pa zhes bya ba la sogs pa gsungs te/ gang gis sdug bsngal dang stong pa dang bdag med pa la sogs pa la mos shing yid ches pa gtsor byas nas brtson 'grus la gus pa skyed de bsgrims nas zhugs pa las sems rtse cig pa la res?  
 par gyur pa ni/ mos pa'i ting nge 'dzin ces bya'o/ /yang na mi dge ba'i chos ma skyes pa mi bskyed pa dang/ mi dge ba'i chos skyes pa spang ba dang/ dge ba'i chos ma skyes pa bskyed par bya ba dang/ dge ba'i chos skyes pa gnas par bya ba'i phyir/ /mos
 pa dang dad pa cher skyes pa las sems rtse gcig tu gyur pa ni mos pa'i ting nge 'dzin ces bya'o/ /mos pa'i ting nge 'dzin sgom pa de la nyes pa rnam pa lnga yod de/ nyes pa lnga spang pa'i phyir gnyen po spong pa'i 'du byed brgyad bsgom par bya'o//
 nyes pa rnam pa lnga ni/ le lo dang/ gdams ngag nyams pa dang/ zhum rgod dang/ 'du mi byed pa dang 'du byed pa dang lnga'o/ /de la zhum rgod gnyis ni nyes pa gcig du bsdu'o/ /de la le lo ni mi dge ba spong ba dang dge ba bsgrub pa la mi 'jug
 pa ni le lo ste/ des dang po nyid du dge ba la mi sbyor ba'i dus la bsgrib pa ni nyes pa'o/ /gdams ngag mi rjed pa ni ji skad du bstan pa'i bsam gtan gyi man ngag tshig dang don du brjod par gyur pa ste/ de'i bsam gtan sbyor ba la zhugs
 pa na/ bsam gtan gyi don brjed pas ni sgribs par gyur pa'i phyir nyes pa'o/ /sems ni bsam gtan gyi sbyor ba la zhugs nas sems rtse gcig tu gyur pa'i tshe ni zhum pa dang/ rgod pa bar du gcod pa na nyes pa ste/ de gnyis byung na
 sems las su rung ba med par 'gyur ro/ /zhum pa dang rgod pa byung ba'i dus na de sel bar 'gyur ba'i mtshan ma yin la mi byed pa ni nyes pa ste/ de gnyis ma bsal na sems ma zhi bar 'gyur ba'i phyir ro/ /nam zhum pa dang rgod pa
 dang/ bral nas sems mnyam pa nyid du gyur pa'i tshe mngon par 'du byed pa nyes pa ste/ mnyam pa nyid las bskyod na/ sems g.yengs par 'gyur ba'i phyir ro/ /nyes pa rnam pa lnga spang ba'i phyir ro/ /spong ba'i 'du byed brgyad ni
 mos pa dang/ brtson 'grus dang dad pa dang bag yangs dran pa dang/ shes bzhin dang sems pa dang btang snyoms so/ /de la mos pa ni bdag gi ting nge 'dzin gang gi dus na yongs su rdzogs par bya/ bag la nyal ba rnams kyang ji ltar spang bar bya/ sdig pa mi dge
 ba'i chos kyang ji ltar dor bar bya zhes 'dod pa skye ba'o/ /brtson 'grus ni ji srid du gnyen po bsgom pa la rgyun mi 'chad par 'jug par byed pa'o/ /dad pa ni rgyun mi 'chad par zhugs shing gnas pa las/ yon tan gong ma rnams thob par bya bar dad pa skye
 zhing yid chas pa 'byung ba'o/ /de la bag yangs ni gang dad pa sngon du byung bas rgyu byas nas sems dga' ba skye'o/ /sems dga' ba las lus bde bar 'gyur ro/ /lus bde ba las yid bde bar 'gyur ro/ /yid bde bar gyur na sems las su
 rung bar gyur pa des sdig pa mi dge ba'i chos gnas ngan len gyi phyogs bsal ba ni bag yangs so/ /de la dran pa ni zhi gnas kyi phyogs su gtogs pa sems gnas pa rnam pa dgu ste/ rnam pa dgu ni nang du sems 'jog par byed pa dang
 yang dag par 'jog pa dang/ kun du 'jog pa dang/ nye bar 'jog pa dang/ dul bar byed pa dang/ zhi bar byed pa dang/ nye bar zhi bar byed pa dang/ gcig tu byed pa dang/ mnyam par 'jog pa'o/ /de la phyi'i dmigs pa las sems bsdus
 nas nang du mi g.yengs pa'i tshul du sems dang po nyid du bsdus pa ni 'jog pa'o/ /sems dang po nyid bsdus pa las phyi'i dmigs pa rnams la sems g.yo la/ rags pa 'byung ste/ rags pa'i sems de phrar nang du bsdud pa ni yang dag
 par 'jog pa'o/ /de ltar bzhag pa las dran pa nyams pa'i phyir/ sems g.yengs par gyur pa slar yang sdud pa ni kun tu 'jog pa'o/ /de nas dang po nyid du sems phyi rol du mi g.yengs pa'i mtshan nyid thob pa ni nye bar 'jog pa'o/ /thog ma nyid nas
 g.yeng bar 'gyur pa'i rgyu gzugs la sogs pa'i yul la skyon dang bcas par mthong ba'i 'du shes kyi dbang du byas nas sems 'phro ba'i sbyin par mi byed pa ni dul bar byed pa'o/ /sems khrugs par gyur pa'i rgyu rnam par rtogs pa'i
 nye ba'i nyon mongs pa la skyon dang bcas par mthong nas/ sems 'phror mi ster ba ni zhi bar byed pa'o/ /dran pa nyams pa las rnam par smin pa kun tu skyes par gyur na yang de gnas par mi byed pa ni nye bar zhi bar byed pa'o/ /'bad pa dang
 bcas pa ni skabs dang bar chad med par ting nge 'dzin gyi rgyun la rtag tu gnas pa ni gcig tu byed pa'o/ /ting nge 'dzin legs par bsgoms pas/ mngon par 'du bya ba med cing lhun gyis grub pa nyid du ting nge 'dzin gyi rgyun la rgyun tu
 gnas pa ni sems mnyam par bzhag pa'o/ /de la shes bzhin ni gang lhag mthong gi phyogs su gyur pa'i shes rab ste/ de yang chos rnams rnam par 'jig pa dang/ rab tu 'jog pa dang/ kun tu rtog pa dang/ kun tu tshol ba ste/ rnam
 pa bzhi pa'o/ /phung po dang khams la sogs pa'i chos ji snyed pa yod pa shes par byed pa ni rnam par 'jig pa'o/ /chos de dag kyang mi rtag pa dang sdug bsngal ba la sogs pa ji ltar gnas pa bzhin du shes par byed pa ni
 rab tu 'jog pa'o/ /rnam par rtog pa dang bcas pa'i shes rab kyi dang po chos rnams kyi mtshan nyid tshol ba ni kun tu rtog pa'o/ /de'i 'og tu zhib du rtog pa ni kun tu tshol ba zhes bya'o/ /sems pa ni sems mngon par 'du byed pa
 ste/ sgrib pa skyes sam ma skyes pa dang/ spangs sam ma spangs pa brtags nas de spong ba la 'jug pa ste/ zhi gnas dang lhag mthong dang rjes su mthun pa'i sems kyis las so/ /btang snyoms ni sems mnyam par
 gyur pa las mi g.yo ba nyid kyi mtshan nyid du gnas pa'o/ /de la le lo spang ba'i phyir spong ba'i 'du byed rnam pa bzhi sgom ste/ mos pa dang/ brtson 'grus dang/ dad pa dang bag yangs so/ /de la mos pa ni 'dod pa'i mtshan nyid do/ /brtson
 'grus ni 'bad pa'i mtshan nyid do/ /dad pa ni yid ches pa'i mtshan nyid do/ /bag yangs ni las su rung ba'i mtshan nyid do/ /bzhi po de dag ji ltar na le lo'i gnyen por 'gyur zhe na/ des brtson 'grus kyi gnas dang/ rten dang mtshan  
 ma dang/ 'bras bu bstan pa'i sgo nas 'gyur ro/ /de la brtson 'grus kyi gnas ni mos pa'o/ /de la brten pa ni brtson 'grus nyid de/ 'dod pa yod na brtson 'grus rtsom par byed pa'i phyir ro/ /'dod pa'i mtshan ma dang rgyu ni dad pa ste/ yid ches pa
 yod na 'dod pa dang mos pa skye ba'i phyir ro/ /brtson 'grus kyi 'bras bu ni bag yangs te/ brtson 'grus brtsams na lus las su rung bas sems las su rung ba'i mtshan nyid bag yangs skye bar 'gyur ro/ /bag yangs skyes nas le lo med par 'gyur
 ba'i phyir ro/ /lhag ma nyes pa bzhi'i gnyen por ni srod pa'i 'du byed bzhi rnams rim bzhin du sbyar te/ gdams ngag brjes pa'i gnyen por ni dran pa'o/ /zhum pa dang rgod pa'i gnyen por ni shes bzhin te/ nam sems zhum pa dang rgod pa byung na/
 shes bzhin gyis de rtog par byed pa'o/ /mngon par 'du byed pa'i gnyen po ni sems pa ste/ gang gis zhum pa dang rgod pa sel bar byed pa'o/ /mngon par 'du byed pa'i gnyen po ni btang snyoms te/ nam g.yo bar 'dod pa na mi g.yo bar?
 bzhag pa'o/ /de ltar nges pa lta spang ba'i phyir rgod pa'i 'du byed brgyad dang bcas par bsgom pa mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa zhes bya'o/ /mos pa'i ting nge 'dzin de yang 'phags pa'i bden bzhi dang ldan par bsgom
 pa yin par bstan pa'i phyir ro/ dben pa la gnas pa dang/ 'dod chags dang bral ba la gnas pa dang/ zhes bya ba la sogs pa gsungs so/ /de la sdug bsngal gyi bden pa la sdug bsngal gyi yul mthong ba na de dang 'bral bar 'dod pas/ sdug bsngal gyi bden pa
 la gnas pa'i dus na ni dben pa la gnas pa zhes bya'o/ /kun 'byung gi bden pa ni 'dod chags sred pa'i mtshan nyid de/ de ni spang bar bya ba yin pas/ de la dmigs pa'i cha ni 'dod chags dang bral ba la gnas pa zhes bya'o/ /'gog pa ni sdug bsngal thams
 cad spangs pa yin pas bde ba ste/ de la dmigs pa'i dus na ni bgog pa la gnas pa zhes bya'o/ /lam gyi bden pa ni/ 'gog pa'i bden pa mngon sum du byed la/ sdug bsngal thams cad kyang spong bar byed pa yin te/ de la dmigs na ni rnam par spong par bsngos
 pa zhes bya'o/ /bsgom pa de yang mos pa la sogs pa'i mthun pa'i phyogs su gyur pa sems 'dus ma dang g.yengs pa'i rgyu dang/ bcas pa yongs su spang bar bya ba'i rnam par bsgom par bstan par bya ba'i phyir/ bdag gi mos pa rab tu zhan pa dang/ rab tu 'dzin
 pa ma gyur cig ces sgom par byed pa dang zhes bya ba gsungs so/ /de la sems nang du 'du ba'i rgyu ni lhag mthong dang bral bas gnyid dang rmugs pa dang le lo'i dbang du sems nang du 'dus shing zhum par 'gyur ba'o/ /de yang spang dgos pa'i phyir bdag gi mos pa
 rab tu zhen par ma gyur cig ces bya ba gsungs so/ /sems g.yangs? pa'i rgyun mi gtsang ba'i 'du shes dang bral bas bcad ba la sogs par mtshan mar 'dzin pa'i sgo nas yul la sems 'phrogs pa ste/ de yang spang dags pa'i phyir rab tu 'dzin par
 ma gyur cig ces bya ba gsungs so/ /de gnyis kyi gnyan po yang sems zhum pa dang zhan pa spang ba'i phyir lhag mthong bsgom pa'o/ /sems g.yengs pa dang rab tu 'dzin pa spang ba'i phyir ni zhi gnas sam lus la mi gtsang bar brtags pa
 sgom mo/ /rdzu 'phrul gyi rkang pa bstan pa'i phyir/ brtson 'grus kyi ting nge 'dzin spong ba'i 'du byed dang zhes bya ba gsungs te/ gang gi tshe sdig pa mi dge ba'i chos ma skyes pa mi bskyed pa dang/ skyes pa spang ba dang dge ba'i chos ma skyes pa bskyed
 pa dang/ skyes pa 'phel bar bya ba'i phyir/ brtson 'grus rgyun du mi 'chad pa dang/ rtag tu brtsams pa la sems rtse gcig pa la reg par gyur ba ni/ brtson 'grus kyi ting nge 'dzin ces bya ste/ spong ba'i 'du byed ldan pa la sogs pa ni sngar bshad ba
 bzhin no// rdzu 'phrul gyi rkang pa gsum pa bstan pa'i phyir/ sems kyi ting nge 'dzin spong ba'i 'du byed dang ldan pa zhes bya ba la sogs pa gsungs te/ gang tshong bas gzhan du ting nge 'dzin bsgom pa'i sa bon la brten nas tshe 'dir
 ting nge 'dzin bsgom ba dang/ 'dir bsgoms pa las yang snga ma snga ma'i mthus phyi ma phyi ma'i mthu che zhing ting nge 'dzin gyi sa bon brtan pa la brten nas 'bad mi dgos pa sems rtse gcig pa la reg par gyur pa ni/ sems kyi ting nge 'dzin ces bya
 ste/ gzhan gong du bshad pa bzhin du blta'o/ /rdzu 'phrul gyi rkang pa bzhi pa bstan pa'i phyir/ dpyod pa'i ting nge 'dzin spong ba'i 'du byed dang ldan pa zhes bya ba la sogs pa gsungs te/ gang gzhan dag gis chos bstan pa'i chos rnams kyi mtshan nyid
 rab tu 'byad? pa la the tshom dang bral nas sems rtse gcig tu gyur pa ni/ dpyad pa'i ting nge 'dzin ces bya'o/ /yang na bsgom par bya ba'i yul gyi don bshig cing bcal ba las rnyed par gyur nas de nyid la sems rtse gcig tu gnas pa ni dpyod pa'i ting nge
 'dzin ces bya'o/ /gzhan yang gong du bshad pa bzhin du blta'o/ /'dir yang rnam pa lngar bzhag ste/ dmigs pa dang/ rang bzhin dang/ grogs dang bsgom pa dang bsgoms pa'i 'bras bu'o/ /de la rdzu 'phrul gyi rkang pa rnams kyi dmigs pa ni ting nge 'dzin gyi yul
 lam/ ting nge 'dzin yongs su rdzogs pas gang las su bya ba'i rdzu 'phrul gyi mig dang rna ba la sogs pa'i 'phrul lo/ /rang bzhin gang zhe na mos pa dang/ brtson 'grus dang/ sems pa dang/ spyod pa'i mtshan nyid do/ /grogs gang zhe na/ ting nge 'dzin de bzhi dang
 ldan pa'i sems dang sems las byung ba/ 'dod pa dang 'dod ma chags pa dang/ zhom sdang ba la sogs pa'o/ /bsgom pa gang zhe na/ spong pa'i 'du byed brgyad la goms par byed pa'o/ /bsgoms pa'i 'bras bu gang zhe na/ gang 'dod pa de thob pa'o/ /
 rdzu 'phrul gyi rkang pa bzhi bstan pa'i mjug bsdu ba'i phyir ro/ /dge slong dag 'di ni rdzu 'phrul gyi rkang pa bzhi'o zhes bya ba gsungs so/ /rdzu 'phrul gyi rkang pa bstan pa'i 'og tu dbang po lnga bstan te/ ji ltar bstan pa bzhin bshad par bzhed nas/ de la
 dge slong dag dbang po lnga gang zhen zhes bya ba la sogs pa gsungs so/ /dbang po lnga zhes grangs mos pa'i ming so sor phye ste bstan pa'i phyir/ dad pa'i dbang po zhes bya ba nas/ shes rab kyi dbang po zhes bya ba'i bar du gsungs so/ /de la yod pa dang yon tan
 can dang nus pa'i dbang po la rims bzhin du yid ches pa dang/ rab tu dang ba dang/ mngon par 'dod pa ni/ dad pa'i dbang po'o/ /mtshan nyid de yod pa la ni yid ches so/ /yon tan la ni sems dang ba'o/ /nub pa la 'dod pa skye ba ste/ de ba sna 'dod
 pa dang mos pa gnyis don gcig pas dang pa'i dbang po ni mos pa'i dbang po'i ting nge 'dzin la dbang byed do/ /dge ba bsgrub pa dang mi dge ba spong ba la brtson pa ni brtson 'grus kyi dbang po ste/ de bas na brtson 'grus kyi dbang pos ni brtson
 'grus kyi ting nge 'dzin gyi dbang po la dbang byed do/ /ting nge 'dzin bsgom bar bya ba'i yul sems kyi gsal bar mthong zhing ma brjod pa ni dran pa'i dbang po ste/ de bas na dran pa'i dbang pos ni sems kyi ting nge 'dzin la dbang byed do/
 sems rtse gcig tu gnas shing phyi rol tu ma yengs pa ni ting nge 'dzin gyi dbang po ste/ des kyang sems kyi ting nge 'dzin nyid la dbang byed do/ /chos kyi mtshan nyid rab tu 'byed ba ni shes rab kyi dbang po ste/ de bas na shes rab kyi dbang bas ni dpyod
 ba'i ting nge 'dzin la dbang byed do/ /yang na 'khor ba nyes pa dang bcas pa dang/ mya ngan las 'das pa yon tan dang bcas par dad par yid ches na/ 'khor ba las 'byung bar bya ba'i phyir/ brtson 'grus rtsom ste gang yid ches ba ni dang pa'i dbang
 po'o/ /brtson 'grus rtsom pa ni brtson 'grus kyi dbang po'o/ /brtson 'grus brtsams na lhag pa'i tshul khrims dang/ lhag pa'i shes rab rnams 'byung ste/ de la bya ba dang me bya ba mtshan nyid dran pa ni dran pa pa'i dbang po'o/ /lhag pa'i sems kyi
 bslab pa ni ting nge 'dzin gyi dbang po'o/ /lhag pa'i shes rab kyi bslab pa ni shes rab kyi dbang po'o/ /yang na mdo 'di nyid kyi gnas rgyun tu zhugs pa'i yan lag bshad de/ kun tu rig pa'i dad pa bzhi la gnas pa ni dad pa'i dbang po'o/ /yang dag
 par spong ba bzhi la/ gnas ba ni brtson 'grus kyi dbang po'o/ /lhag pa'i shes rab kyi bslab pa ni shes rab kyi dbang po'o/ /yang na mdo 'di nyid kyi gnas rgyun tu zhugs pa'i yan lag bzhi bshad de/ kun tu rigs pa'i dad pa bzhi
 la gnas pa nyid dad pa'i dbang po'o/ /yang dag pa'i spong ba bzhi la gnas pa ni brtson 'grus kyi dbang po'o/ /dran pa nye bar gzhag pa bzhi la gnas pa ni drin pa'i dbang po'o/ /bsam gtan bzhi la gnas pa ni ting nge 'dzin gyi dbang
 po'o/ /'phags pa'i bden pa bzhi shes pa ni shes rab kyi dbang po'o/ /dbang po'i don ni dbang byed pa'i don te/ ci la dbang byed ce na/ dad pa ni 'jig rten las 'das pa'i chos skye ba'i rgyur gyur pa dad pa dang/ brtson 'grus kyang dran pa dang ting nge 'dzin
 dang shes rab gsum la dbang byas de/ dran pa yang shes rab dang ting nge 'dzin gnyis la dbang byed do/ /ting nge 'dzin kyang shes rab la dbang byed do/ /shes rab ni 'jig rten las 'das pa'i chos mngon du bya ba la dbang byed de/ mig la sogs pa'i dbang
 po'i mthus rnam par shes pa skye ba bzhin du/ chos de dag kyang cig gi rig skyed par byed pas na/ dbang po zhes bya'o/ /yang na dang pa zhes bya ba ni dkon mchog gsum la blo gnyis med par mos shing dad pa'o/ /yang na yon tan dang yon tan gyi
 gnas la dga' ba sngon du byas pa las sems dang ba skye ba ni dang pa'o/ /yang na las dge ba dang mi dge ba las 'bras bu bde ba dang/ sdug bsngal myong bar yid ches pa ni dad pa'o/ /lus dang sems la phangs pa med par mi dge ba'i chos
 spang ba dang/ dge ba'i chos mngon du bya bar sems spro ba ni brtson 'grus so/ /yang na las ngam pa la brtson pa'i lus dang ngag gi las la brtson 'grus zhes bya ste/ de ltar sdig pa mi dge ba'i chos byed ba la brtson pa ni la lo nyid kyi
 brtson 'grus ni ma yin no/ /sngon myong ba'i dngos po ma brjod pa ni dran pa'o/ /yang na dmigs pa'i dngos po sems la gsal ba ni dran pa'o/ /yang na mtshan ma yid la bzung ba ma nyams par byed ba dang/ nyams na yang slar mngon du byed
 pa ni dran pa'o/ /yang na dran pa rnam pa bzhi ste/ yi ge mi brjed pa'i dran pa dang/ yi ge gzung ba las don mi brjed par 'dzin pa'i dran pa dang/ don gzung ba las rgyun tu yid la byed pa mi gtong ba'i dran pa dang/ rgyun tu yid la byed pa
 las don mngon sum du gsal bar byed par mthong bar byed pa ni dran pa'o/ /sems gnas pa'i rnam pa dgu ni ting nge 'dzin to/ /yang na khang pa rlung med pa'i mar me mi g.yo ba bzhin du nyon mongs pa'i rlung rnams kyis
 mi skyong par sems kyi ngang rgyud gcig tu 'byung ba ni ting nge 'dzin te/ /bden pa bzhi yang dag ba ji lta ba bzhin du khong du chud par ni shes rab bo/ /yang na shes rab la rgya gar skad du pradz+nya zhes 'byung ste/ bron? rab kyi don la/ dz+nyA ni shes pa'i don
 te/ sdug bsngal rab tu shes pa dang/ kun 'byung rab tu spangs pa dang/ 'gog ba mngon du byas pa dang/ lam rab tu bsgoms pa ni shes rab bo/ /de la shes rab kyi dbang po ni/ lhag mthong gi phyogs te/ dran pa dang ldan pa rnams la shes
 rab 'byung bas dran pa'i dbang po ni de'i rgyu'o/ /ting nge 'dzin gyi dbang po ni zhi gnas kyi phyogs su te/ brtson 'grus rgyun tu brtsams pa rnams ni sems rtse gcig tu gyur pas/ brtson 'grus kyi dbang po ni de'i rgyu'o/ /dad pa'i rgyu las
 thams cad skye ba'i phyir/ /dad pa ni zhi gnas dang lhag mthong gnyi ga'i rgyu'o/ /yang na dad pas tshul khrims kyi phung po smos pa yin te/ dad pa dang ldan pa rnams ni tshul khrims srung bar byed pas so/ /brtson 'grus dang ting nge 'dzin
 gyi dbang po gnyis kyis ting nge 'dzin gyi phung po rgyu dang bcas pa bstan pa yin te/ brtson 'grus ni ting nge 'dzin gyi rgyu yin pa'i phyir ro/ /dran pa dang shes rab kyi phung po rgyu dang bcas pa bstan pa yin te/ dran pa ni shes rab kyi phung
 po'i rgyu yin pa'i phyir ro/ /de la dbang po lnga rnams kyi yul ni lnga ste/ byang chub dang spyod pa dang thos pa'i chos dang/ zhi gnas dang lhag mthong dang/ dad pa'i dbang po'i yul ni byang chub ste/ dad pas zad la mi skye ba'i ye shes la gtso cher
 dang bskyed pa'i phyir ro/ /brtson 'grus kyi dbang po'i yul ni spyod pa ste/ brtson 'grus kyi bslab pa gsum bsgrub pa'i phyir ro/ /dran pa'i dbang pos ni thos pa'i chos rnams la dmigs te/ dran pas chos kyi don mi brjod pa'i phyir ro/ /ting nge 'dzin gyi dbang po ni zhi gnas pa
 dmigs te/ rtag tu sems rtse gcig tu 'gyur ba 'ba' zhig tu sbyor ba'i phyir ro/ /shes rab kyi dbang pos ni lhag mthong la dmigs te/ chos rnams kyi rang dang spyi'i mtshan nyid shes par bya ba'i don la gtso tshar lhur len pa'i phyir ro/ /ci'i phyir dbang po'i rim
 pa de ltar bkod tsa na/ mya ngan las 'das pa'i 'bras bu la dad pa skyes na brtson 'grus rtsom pas dad pa'i 'og tu brtson 'grus so/ /brtson 'grus brtsams pa rnams ni dran pa nyams mi srid pas/ brtson 'grus kyi 'og tu dran pa'o/ /dran pa ma nyams na sems
 rtse gcig tu 'gyur bas/ dran pa'i 'og tu ting nge 'dzin gyi dbang po'o/ /sems rtse gcig tu gyur na yang dag pa ji lta ba bzhin du ye shes skyes pa'i phyir/ ting nge 'dzin gyi 'og tu shes rab bshad de/ /dbang po lnga rnams kyi don ni rim pa nyid mdo las gsal bar
 bstan ba'i phyir/ de la dad pa'i dbang po gang zhe na zhes bya ba la sogs pa gsungs so/ /de la chos bzhi la dad cing yid ches pa ni dad pa ste/ chos bzhi pa gang zhe na/ 'khor ba na spyod pa'i 'jig rten pa'i yang dag pa'i lta ba la dad pa ni dang po'o/ /de las
 kyi rnam par smin pa la brten pas zhes bya ba ni gnyis pa'o/ /las gang dag byed par 'gyur ba'i las de dang de'i rnam par smin pa so sor myong bar 'gyur ba'i ni gsum pa'o/ /de srog gi phyir yang sdig pa'i las mi byed pa ni gzhi pa'o/ /'khor ba na spyod pa'i
 'khor ba na yod pa 'am/ 'khor bar gtogs pa'i chos de 'jig rten 'di yod 'jig rten pha rol yod ces lta ba ni/ 'khor ba ni spyod pa'i 'jig rten pa'i yang dag pa'i lta ba zhes bya ste/ gang gi tshe 'di yod tshe phyi ma yod par lta ba'i 'khor ba na spyod pa'i 'jig
 rten pa'i lta ba dad pa zhes bya'o/ /de zhes bya ba ni dad pa dang ldan pa'i gang zag de'i 'o/ /las kyi rnam par smin pa la brten ces bya ba ni/ las dge ba dang mi dge ba'i rngam? par smin pa yod par 'dod pa'o/ /las gang dang gang byed par 'gyur
 ba'i zhes bya ba gang zag gang dang gang gi las dge ba pa dang mi dge ba la sogs pa gang dang gang byas pa'o/ /las de dang de'i rnam par smin pa so sor myong bar 'gyur zhes bya ba ni/ gang zag gis las dge ba byas na/ de'i rnam par smin pa? bde?
 ba myong bar 'gyur ba dang/ gang zag gang gis las mi dge ba byas na de'i rnam par smin pa sdug bsngal myong bar 'gyur ba dang/ las gang gis byas pa de nyid kyi myong bar 'gyur gyi rnam par smin pa gzhan gyis myong bar mi 'gyur bar yid ches
 pa'o/ /de srog gi phyir yang sdig pa'i las mi byed ces bya ba ni tshe 'di dang phyi ma yod par mthong pa dang/ las dang las kyi rnam par smin pa yod par mthong ba dang /las gang gi rnam par smin pa yang des myong bar 'gyur ba'i gang zag
 de la bya ba'i don to/ /sdig pa mi dge ba'i chos byas nas 'bras bu sdug bsngal myong bar 'gyur bar yid ches pas srog gi phyir yang ma byin par len pa la sogs pa'i sdig pa mi byed pa ni/ dad pa'i dbang po zhes bya'o/ /brtson 'grus kyi
 dbang po bstan pa'i phyir/ de la brtson 'grus kyi dbang po gang zhe na zhes bya ba la sogs pa gsungs so/ /chos gang la dad pa'i dbang por gyur pa'i chos de la zhes bya ba ni dad pa'i dbang pos gang dad par gyur pa'i chos bzhi po la'o
 zhes bya ba'i tha tshig go/ brtson 'grus kyi dbang pos yang dag par 'grub par byed ces bya ba ni/ dad ba'i dbang pos dad par gyur pa'i chos de la brtson 'grus kyi dbang pos mi dge ba'i phyogs ni spong bar byed/ dge ba'i phyogs ni grub
 bar byed de/ de ni brtson 'grus kyi dbang po'o/ /dran pa'i dbang po bstan pa'i phyir/ de la dran pa'i dbang po gang zhe na zhes bya ba la sogs pa gsungs so/ /chos gang la brtson 'grus kyi dbang po yang dag par grub par byed pa'i chos de la zhes bya ba la brtson 'grus
 kyi dbang bos ni mi dge ba'i chos spangs nas/ dge ba'i chos sgrub ste/ bzhag pa'i dge ba'i chos de la dran pa'i dbang pos ni/ dge ba'i chos de sems la mi gsal ba dang/ brjod bar ma gyur par byed ba ni/ dran pa'i dbang po zhes bya'o/ /ting nge 'dzin gyi dbang
 po bstan pa'i phyir/ de la ting nge 'dzin gyi dbang po gang zhe na zhes bya ba la sogs pa gsungs so/ /chos gang dran pa'i dbang pos chud mi gzon pa zhes bya ba ni dge ba'i chos gang dran pa'i dbang bos ma brjod par byas pa'o/ /chos de la ting nge 'dzin gyi dbang
 pos rtse gcig tu byed ces bya ba ni dran pa'i dbang pos ma brjod par byas pa'i chos la ting nge 'dzin kyi dbang pos g.yeng ba spangs nas rgyun tu rtse gcig par dmigs par byed ces bya ba'i don to/ /shes rab kyi dbang po bstan pa'i phyir/ de la shes
 rab kyi dbang po gang zhen zhes bya ba la sogs pa gsungs so/ /chos gang la ting nge 'dzin gyi dbang po rtse gcig tu byas ba zhes bya ba ni dran pa'i dbang pos ma brjed par dge ba'i chos la ting nge 'dzin gyi dbang pos rgyun tu rtse gcig tu bzhag pa'o//
 shes rab kyi dbang pos chos de dag gi so so rang gi mtshan nyid mthong ba ni/ so sor khong du chud pa'o/ /spyi'i mtshan nyid mthong ba ni/ chos de dang de rnams la mngon sum du shes pa zhes bya'o/ /dbang po lnga yang dmigs pa dang/ rang bzhin dang/
 grogs dang/ sgom pa dang/ bsgom pa'i 'bras bu ste/ rnam pa lngar bzhag go/ dbang po lnga rnams kyi dmigs pa ni 'phags pa'i gden? pa bzhi ste/ dbang po'i dus na yang de bzhi la dmig pa'i phyir ro/ /rang bzhin ni dad pa dang/ brtson 'grus dang/
 dran pa dang/ ting nge 'dzin dang/ shes rab kyi ngo bo'o/ /grogs ni chos de dang ldan pa'i sems dang sems las byung ba gzhan rnams so/ /bsgom pa ni dad pa'i dbang pos bden pa bzhi la mngon par yid ches pa'i rnam par
 bsgom mo/ /brtson 'grus kyi dbang pos ni bden pa la ldog pa'i spong pa'i rnam par bsgom mo/ /dran pas ni bden pa la mi rjed par rnam par bsgom mo/ /ting nge 'dzin gyis ni bden pa la mi g.yeng ba'i rnam par bsgom mo/ /shes rab kyis
 ni rang dang spyi'i mtshan nyid rtogs pa rnam par bsgom mo/ /'bras bu ni bden pa bzhi rtogs par byed pa'o/ /stobs kyi skabs su dmigs pa la sogs pas gang bden pa yang gcig ste/ mi mthun pa'i phyogs kyis zil gyis mi non pa tsam gyi
 bye brag tu dbye bar zad do/ /dbang po lnga bstan pa'i mjug bsdu ba'i phyir 'di ni dge slong ngag dbang po rnams so zhes gsungs so/ /dbang po lnga'i 'og tu stobs lnga bstan te/ ji ltar bstan pa bzhin du bshad par bzheng nas de la dge slong dag/
 stobs lnga gang zhe na zhes bya ba la sogs pa gsungs so/ /dbang po lnga po nyid mi rjed pa dang/ mi tshugs par gyur pas na stobs lngar bzhag ste/ dad ba'i stobs kyang dad pa mi rdzi par gyur pa rnams ni 'jig rten 'dir lha'i bdud dam/ tshangs
 pa'am gzhan yang 'jig rten na chos dang mthun par gyur pa'am/ nyon mongs pa'i kun nas bkris pa rnams kyis dad pa bzlog par mi nus pas na dad pa'i stobs so/ /dad pa'i stobs sngon du byas pa'i rgyu las 'byung ba'i brtson 'grus
 la sogs pa'i chos bzhi yang stobs zhes bya ste/ stobs dang ldan zhing bdud kyi grogs su gyur pa'i bdud rnam pa bzhi'i stobs bcom nas/ zag pa zad pa mngon du byed pas na stobs zhes bya'o/ /yang na dbang po'i dus na ni dbang po
 lnga'i mi mthun pa'i phyogs ma dad pa dang/ le lo dang dran pa nyams pa dang/ g.yengs pa dang/ shes bzhin med pa rnams skabs su 'dre zhing 'byung ba las/ nam mi mthun pa'i phyogs rnams skabs skabs su 'dre zhing 'byung ba las/ nam mi mthun pa'i phyogs rnams
 skabs skabs su 'byung bar mi byed de/ gnyen po 'ba' zhig gi phyogs gcig tu skyes pa'i stobs zhes bya'o/ /de la dkon mchog gsum la bsam pa mi phyed bar gyur pa ni dad pa'i stobs so/ /byang chub kyi phyogs rnams rgyun tu bsgom pa ni/ brtson 'grus
 kyi stobs so/ /gang mnyan cing bsams pa'i chos nam du yang mi brjed pa ni dran pa'i stobs so/ /zhum pa dang rgod ba'i dbang du mi 'gyur ba ni ting nge 'dzin gyi stobs so/ /chos gang la yang the tshom med par shes pa ni shes rab kyi stobs so/ /de la dad pa'i
 stobs kyis ni mthong ba'i lam thob par bya ba la bar du gcod pa'i bdag gi lus la chags pa spong bar byed do/ /brtson 'grus kyi stobs kyis ni/ bdag gi yo byad la chags pa spong bar byed do/ /dran pa'i stobs kyis ni sngon byas pa dang smras pa'i
 lam la rtog pa'i sems spong bar byed do/ /ting nge 'dzin gyi stobs kyis ni/ zhum pa dang rgod pa la sogs pa nyon mongs pa che long du byung ba zil gyis gnon to/ /shes rab kyi stobs kyis ni bag chags thams cad rtsad nas 'don to/ /stobs lnga bstan
 pa'i 'og tu byang chub kyi yan lag bdun bstan te/ ji ltar bstan pa bzhin du bshad par bzhed nas/ de la dge slong dag byang chub kyi yan lag bdun gang zhe na zhes bya ba la sogs pa gsungs so/ /de la byang chub ni bden pa bzhi khong du chud nas/
 zad la mi skye ba'i ye shes thob ste/ byang chub de yang gang zag gi khyad par gyis na nyan thos kyi byang chub dang/ yang dag par rdzogs pa'i byang chub ste rnam pa gsum du bzhag go /byang chub thob par byed pa'i grogs su gyur pa 'am/ de'i rten du gyur
 pa'i chos ni byang chub kyi yan lag ste/ dper na lus kyi grogs su gyur pa 'am/ rten du gyur pa dang rkang pa dang lag pa la sogs pa'i lus kyis yan lag ces bya ba bzhin no/ /'dir yan lag gi gtso bo gang yin na bdun po 'di dag
 byang chub kyi yan lag tu bzhag go /smras pa chos rab tu 'byed pa ni de kho na mngon par rtogs pa'i bdag nyid yin pas yan lag gtso bo dang yan lag gnyi gar bzhag go /dran pa la sogs pa drug ni de dang rjes su mthun par byed pa ni grogs yin
 pas/ yan lag bdun du bzhag go /de la byang chub kyi phyogs sum cu rtsa bdun gyi chos sgom zhig mngon sum du byas pa rnams chud mi gzon cing mi brjed par byed pa ni dran pa yang dag byang chub kyi yan lag ces bya ste/ dben pa la gnas pa la sogs
 pa'i don ni sngar bshad pa bzhin du blta'o/ /chos rnam par 'byed pa byang chub kyi yan lag ni lhag mthong gi tshogs dang zung du 'brel ba ste/ dang mthong ba'i lam gyi kun nas nyon mongs pa'i phyogs dang rnam par byang ba'i phyogs rnams kyi mtshan nyid
 ma 'dres par shes pa'o/ /brtson 'grus byang chub kyi yan lag ni/ yon tan gong ma khyad par can rnams len par byed cing yon tan la sgrib pa'i nyes pa rnams spong bar byed pa'i mtshan nyid do/ /dga' ba byang chub kyi yan lag ni de kho na'i
 mtshan nyid gang zag la bdag med pa dang po mthong nas lus dang sems la sim pa thob pa'o/ /shin tu sbyangs pa byang chub kyi yan lag ni lus las su rung ba dang/ sems las su rung bar gyur pa ste/ gnas ngan len thams cad dang bral ba'i
 lus dang sems las gzhan du gyur pas rang gi bya ba la skyed pa spang pa dang/ sems gnas gzhan du gyur pa'i dmigs pa'i yul thogs pa med par 'jug pa'o/ /ting nge 'dzin byang chub kyi yan lag ni de bzhin nyid la dmigs
 pa'i sems rtse gcig pa rtag tu ma nyams par gnas pa'o/ /btang snyoms byang chub kyi yan lag ni/ zhum rgod la sogs pa'i nyes pa thams cad spangs pas rtag tu bya ba med pa dang/ nyon mongs pa med par gnas pa'o/ /byang chub kyi yan lag bdun rnams yan
 lag lngar bzhag ste/ rten gyi yan lag dang/ rang bzhin gyi yan lag dang/ nges par 'byung ba'i yan lag dang/ rjes su bsngags pa'i yan lag dang/ kun nas nyon mongs pa med pa'i yan lag go /de la dran pa byang chub kyi yan lag ni/ rten gyi yan lag
 ste/ dran pa'i dbang gis gang la dmigs pa'i dmigs pa de nas gzhan du mi g.yeng bar byed pa'i phyir ro/ /chos rnam par byed pa byang chub kyi yan lag ni/ rang bzhin gyi yan lag ste/ byang chub kyi chos rnams kyi rab dang spyi'i mtshan nyid shes pa'i
 ye shes kyi rang bzhin yin pa'i phyir ro/ /brtson 'grus byang chub kyi yan lag ni nges par 'byung bar byed pa'i yan lag ste/ brtson 'grus kyi mthus so so'i skye bo'i sa las yang dag par 'da' bar byed pa'i phyir ro/ /dga' ba byang chub kyi yan
 lag ni rjes su bsngags pa'i yan lag ste/ des lus dang sems la phan 'dogs par byed pa'i phyir ro/ /dgra yangs dang ting nge 'dzin dang/ btang snyoms byang chub kyi yan lag gsum ni/ kun nas nyon mongs pa med pa'i yan lag ste/ nga gsum
 gyi nyon mongs pa 'joms pa'i gnyen po byed pa'i phyir ro/ /de yang kun nas nyon mongs pa med pa'i gleng gzhi dang rten dang rang bzhin rnam pa gsum du bzhag go /de la kun nas nyon mongs pa med pa'i gleng gzhi ni shin tu byang ba byang chub kyi yan lag
 ste/ shin tu byang bas ni gnas ngan len pa dang/ de'i rgyur gyur pa'i nyon mongs pa rnams 'joms par byed pa'i rgyu byed pa'i phyir ro/ /de yang ji lta zhe na/ 'di ltar lus dang sems las su mi rung ba ni gnas ngan len te/ de yod na sems rtse
 gcig pa mi 'byung bas sems g.yengs bar 'gyur ro/ /sems g.yengs na 'dod chags la sogs pa'i nyon mongs pa skye ste/ de bas na gnas ngan len ni/ kun nas nyon mongs pa'i rgyu'o/ /shin tu byang ba ni lus dang sems
 las su rung ba yin pas/ des gnas ngan len sel bar byed pa'i phyir ro/ /kun nas nyon mongs pa med pa'i gleng gzhir bzhag go /kun nas nyon mongs pa med pa'i rten ni ting nge 'dzin byang chub kyi yan lag ste/ de ltar lus par dang sems las su
 rung ba na sems mnyam par 'jog par 'gyur ro/ /sems mnyam par bzhag na yang dag pa ji lta ba bzhin du shes pa skyes na/ kun nas nyon mongs pa spong ste/ de bas na ting nge 'dzin ni kun nas nyon mongs pa med pa'i gzhi'o/ /kun nas nyon mongs
 pa med pa'i rang bzhin btang snyoms byang chub kyi yan lag ste/ btang snyoms kyi nyon mongs pa spong bar byed la/ rtag tuAng nyon mongs pa med pa dang/ rjes su mthun par gnas pa'i phyir ro/ /yan lag bdun pa 'di yang rnam pa gsum du  
 bsdu ste/ zhi gnas kyi phyogs dang lhag mthong gi phyogs dang gnyis ka'i phyogs so/ /de la chos rnam par 'byed pa dang/ brtson 'grus dang/ dga' ba gsum lhag mthong gi phyogs so/ /de la gang shin tu byang ba dang/ gang ting nge 'dzin dang/ btang
 snyoms byang chub kyi yan lag gsum ni zhi gnas kyi phyogs so/ /dran pa ni gnyi ga'i phyogs te/ thams cad du 'gro ba zhes bya'o/ /byang chub kyi yan lag rnams kyang dmigs pa dang/ rang bzhin dang/ grogs dang/ sgom pa dang/ bsgom
 pa'i 'bras bu ste/ rnam pa lngar bzhag go /de la byang chub kyi yan lag rnams kyi dmigs pa ni 'phags pa'i bden pa bzhi ste/ mthong ba'i lam na bden pa bzhi yang dag pa ji lta ba bzhin du shes shing dmigs pa'i phyir ro/ /rang bzhin ni
 dran pa dang/ chos rab tu 'byed pa dang/ brtson 'grus dang/ dga' ba dang/ shin tu sbyangs pa dang/ btang snyoms so/ /grogs ni byang chub kyi yan lag de dag dang ldan pa'i sems dang sems las byung ba dang pa la sogs pa gzhan rnams so/ /bsgom
 pa ni dran pa byang chub kyi yan lag bsgom pa ste/ dben pa la gnas pa 'dod chags dang bral ba la gnas pa/ 'gog pa la gnas bas? rnam par spong bar bsdos pa/ sgom par byed de zhes bya ba la sogs pa bden pa bzhi nyid bsgom par
 gsungs so/ /bsgom pa'i 'bras bu ni mthong bar spang bar bya ba'i nyon mongs pa spong bar byed pa'o/ /byang chub kyi yan lag bdun bstan pa'i 'og tu/ lam gyi yan lag brgyad pa stan te/ de bas na ji ltar bstan pa bzhin du bshad par bzhed nas/
 de la dge slong dag 'phags pa'i lam gyi yan lag brgyad gang zhe na zhes bya ba la sogs pa gsungs so/ /de la 'phags pa ni rgyun du zhugs pa'i 'bras bu la sogs pa slob pa'i gang zag rnams la bya ste/ de dag bsgom pas spang bar bya ba'i
 nyon mongs pa ma lus par spang ba dang/ rnam par grol ba mngon du bya ba'i phyir yan lag brgyad dang ldan zhing/ yan lag brgyad kyis bsdus pa'i lam yin pa'i phyir/ 'phags pa'i lam gyi yan lag brgyad pa'i lam zhes bya'o/ /'di lta ste
 yang dag par lta ba zhes bya ba la/ gang byang chub kyi yan lag bdun gyi skabs su 'phags pa'i bden pa bzhi khong du chud pa thob ste/ de nyid la dmigs pa ni/ yang dag pa'i lta ba'o/ /yang dag pa'i lta ba de nyid gtsor byas nas/ 'byung bar
 'gyur ba'i chos rnams la yang dag par rtogs cing 'dod pa dang gnod sems dang 'tsho ba'i rtog pa spangs nas 'dod pa med pa dang/ gnod sems med pa dang/ 'tsho ba med pa la rtog pa ni/ yang dag pa'i rtog pa zhes bya ste/ gal te rtog pa
 ni sems 'jug par 'dod na yang rnam pa de lta bu'i chos la rtog go /nga rgyal smra ba zhig la sems 'jug par 'dod nas yang dag pa'i lta ba nyid mngon du byas nas/ dge ba'i chos la rnam par rtag pa'i chos de nyid gzhan la gtam
 du smra ste/ de ni yang dag pa'i ngag ces bya'o/ /gal te chos gos dang bsod snyoms dang mal cha dang stan dang na ba'i rkyen sman la sogs pa yo byad rnams dgos par gyur na/ de yang tshol ba'i dus na 'gro ba dang slar 'ong ba'i tshe shes bzhin du spyod
 pa dang/ lta ba dang/ rnam par lta ba dang/ smyang ba dang/ bskum pa dang/ chos gos dang lhung zed 'dzin pa dang/ bza' ba dang/ btung ba la sogs pa dang/ 'chag pa dang 'dug pa dang/ nyal ba la sogs pa'i tshe shes bzhin du spyod de/ de ni yang
 dag pa'i las kyi mdza' zhes bya'o/ /bar chos gos dang na ba'i rkyen sman la sogs pa tshol ba yang g.yo dang sgyus tshol ba spangs nas chos bzhin du tshol ba ste/ de ni yang dag pa'i 'tsho ba zhes bya'o/ /yang dag pa'i lta ba dang/ yang dag pa'i
 rtog pa dang/ yang dag pa'i ngag dang yang dag pa'i las kyi mdza' dang/ yang dag pa'i 'tsho ba la brten nas bsgom pa la zhugs nas dang bas mos pa dang brtson 'grus dang 'bad pa la sogs pa'i brtson 'grus rgyun mi gtsang cing/ bsgom
 pas spang bar bya ba'i nyon mongs pa la 'jug pa ni/ yang dag pa'i rtsol ba'o/ /dran pa nye bar gzhag pa bzhi la brten nas phyin ci ma log pas bsdu ba'i dran pa gsal ba'i mtshan nyid ni yang dag pa'i dran pa zhes bya'o/ /sems
 gnas pa rnam pa dgu ni yang dag pa'i ting nge 'dzin ces bya'o/ /'phags pa'i lam gyi yan lag brgyad po de dag kyang mdor rnam pa gnyis su bzhag ste/ spyod pa'i tshe gang bya ba dang/ gnas pa'i tshe gang bya ba'o/ /spyod pa'i che ting nge
 'dzin bsgom pa la ma gtogs pa gzhan 'chag? pa dang 'dug pa la sogs pa spyod lam na gnas pa'i dus na te/ de'i tshe na ni yang dag pa'i ngag dang/ las kyi mdza' dang 'tsho ba la gnas par bya'o/ /gnas pa'i tshe zhes bya ba ni ting nge 'dzin du
 snyoms par zhugs pa'i dus na te/ de na yang zhi gnas sgom pa dang/ lhag mthong sgom pa rnam pa gnyis bya'o/ /de la yang dag pa'i lta ba dang/ yang dag pa'i rtog pa dang/ yang dag pa'i rtsol ba gsum ni lhag mthong gi phyogs 'khor dang bcas
 pa ste/ yang dag pa'i lta ba ni lhag mthong nyid do/ /yang dag pa'i rtsol ba dang rtog pa nyid ni de'i phyogs so/ /yang dag pa'i dran pa dang/ yang dag pa'i ting nge 'dzin ni zhi gnas kyi phyogs 'khor dang bcas pa ste/ yang dag pa'i ting nge 'dzin ni zhi gnas
 kyi sgo nyid do/ /dran pa ni de'i phyogs su gtogs pa'o/ /de ltar bsgom pas spang par bya ba'i bag la nyal ma lus par spang bar bya ba dang/ dgra bcom pa'i 'bras bu dam pa mngon sum du bya ba'i phyir/ yang dag pa'i ngag dang las kyi mdza' dang
 'tsho ba rnam par dag pa la brten nas slob pa'i gang zag dag dus dus su zhi gnas dang ldan pa mthong la sgom par byed do/ /yang na ma shes pa dang the tshom gyi shes pa dang log pa'i shes pa med pa ni yang dag par lta ba'o/ /de la mi shes pa ni
 'phags pa'i bden pa bzhi'i mtshan nyid khong du ma chud pa'o/ /the tshom gyi shes pa ni 'phags pa'i bden pa bzhi yin nam ma yin snyam du the tshom za ba'o/ /log pa'i shes pa ni mi rtag pa la rtag pa la sogs par phyin ci log tu
 'dzin pa'o/ /yang dag pa'i rtog pa zhes bya ba la/ rgya gar skad y+du/ sa mya ka sang kal pa zhes 'byung ste/ sa mya ka ni phyin ci ma log pa'i don to/ /sa ma ni mnyam pa'i don to/ /kal pa ni rjes su rtog pa'i don to/ /yang dag pa'i lta bas
 mthong ba'i chos la phyin ci ma log par chos rnams kyi rang bzhin stong pa dang mi rtag pa la sogs par mthun par rjes su rtog pa ni yang dag pa'i rtog pa'o/ /rdzun la sogs pa'i nyes par zhi spangs pa ni yang dag pa'i dag? po//
 srog gcod pa la sogs pa lus kyi las ngan pa gsum las leg pa ni yang dag pa'i las kyi mdza' o/ /sdig pa mi dge bas 'tsho ba med pa ni yang dag pa'i 'tsho ba ste/ dge bsnyen la sogs pa'i khyim na gnas pa yang dug dang
 mtshon cha la sogs pa las slar log pa'o/ /rab tu byung ba la yang kha gsag dang tshul 'chos bal sogs pa las slar log pa'o/ /sdig pa ma dge ba'i chos spang ba dang/ dge ba'i chos sgrub pa la brtson 'grus ha cang drag pa yang
 ma yin ngal ba yang ma yin te/ mnyam du rtsol ba ni yang dag pa'i rtsol ba'o/ /yid gsal bar gyur pas dmigs par bya ba'i yul la ma rmongs pa ni yang dag par dran pa ste/ rgyu drug gis dran pa skye ba'o/ /rgyu drug ni dran pa
 mthong pa dang/ mi 'dra ba goms pa dang/ gcig gis don du gtogs pa dang/ zhi gnas kyi stobs dang rgyu'i stobs so/ /de la 'dra ba mthong ba las dran pa bskyed de/ bu dang 'dra ba la la mthong ba na bu dran pa lta bu'o/ /mi mthun pa
 las kyang dran pa skye ste/ tsha ba dang grang ba dran pa lta bu'o/ /goms pa las kyang dran pa skye ste/ klag pa la sogs pa la goms par byas pa las goms pa de nyid phyis kyang dran pa skye ste/ gcig gi don du rtogs pa las dran pa
 'byung ste/ a mra'i 'bras bu mthong ba las skyur bar dran pa'o/ /zhi gnas kyi stobs kyang dran pa 'byung ste/ mngon gyi gnas rjes su dran pa dang/ 'chi 'pho shes pa dang/ zag pa zad pa shes pa'i rnal 'byor pa rnams tshor? bas
 snga ma'i gnas rnams rjes su dran pa skye pa'o/ /rgyu'i stobs las kyang dran pa skye ste/ bsod nams dang ldan pa rnams tshor bas gzhan dran pa 'byung ba'i phyir ro/ /g.yeng rgod thams cad spangs nas/ sems drang po 'am mnyam par gnas na ni yang dag pa'i ting nge 'dzin
 te/ /ci'i phyir 'phags pa'i lam yan lag brgyad po rim pa de ltar bshad ce na/ mya ngan las 'das pa thob pa'i rnal 'byor pa rnams thog mar 'phags pa'i bden pa bzhi la bltos te/ de'i phyir dang po yang dag pa'i lta ba bstan te/ ji ltar mthong ba bzhin du/ phyis de nyid lan?
 nam ma yin rtog pa 'byung ste/ de bas na de'i 'og tu yang dag pa'i rtog pa'o/ /ji ltar brtogs pa bzhin du tshig 'byin te/ de bas na de'i 'og tu yang dag pa'i dag go /ji ltar smras pa de bzhin du phyis las byed de/ de bas na yang dag pa'i dag gi 'og tu
 yang dag pa'i las kyi mdza' o/ /yang dag pa'i las byas pa rnams 'tsho ba rnam par dag par 'gyur te/ de'i phyir yang dag pa'i las kyi mdza' 'og tu yang dag pa'i 'tsho ba'o/ /tshul khrims dang ldan pa rnams ni dge ba'i phyogs la brtson 'grus rtsom
 zhing brtson 'grus 'phal? te/ de bas na yang dag pa'i 'tsho ba'i 'og tu yang dag pa'i rtsol ba'o/ /brtson 'grus dang ldan pa rnams pa dran pa nyams pa 'byung mi srid pas/ de'i 'og tu yang dag pa'i dran pa'o/ /dran pa dang ldan pa rnams ni sems rtsa
 gcig tu 'gyur bas ni mjug du yang dag pa'i ting nge 'dzin bshad do/ /ci'i phyir 'phags pa'i lam yan lag brgyad du bshad/ 'jig rten pa'i log pa'i lta ba nas log pa'i ting nge 'dzin rnam pa brgyad yod de/ de'i gnyen pa'i phyir yang dag pa'i
 lta ba nas/ yang dag pa'i ting nge 'dzin gyi bar du bar ? bshad do/ /yang na yang dag pa'i lta ba dang dran pa ni lhag mthong gi phyogs yin te/ de'i 'bras bu ni ma rig pa dang bral na shes rab rnam par grol/ /yan lag lhag ma rnams ni zhi gnas kyi
 phyogs te/ de'i 'bras bu ni 'dod chags dang bral nas sems rnam par grol lo/ /yang na yang dag pa'i dag dang las kyi mdza' dang/ 'tsho ba gsum ni tshul khrims kyi phung po ste/ des ni gtsor zhe sdang mi dge ba'i rtsa ba gcod par byed do//
 yang dag pa'i dran pa ni ting nge 'dzin gyi phung po ste/ des ni gtsor 'dod chags mi dge ba'i rtsa ba gcad do/ /yang dag pa'i rtog pa dang rtsol ba dang lta ba gsum ni shes rab kyi phung po ste/ de pa ni gti mug mi dge ba'i rtsa ba gcod do/ /de la 'phags pa'i lam yan
 lag brgyad po 'di dag yan lag drug tu bzhag ste/ yan lag drug ni yongs su gcod pa'i yan lag dang/ gzhan thob par byed pa'i yan lag dang/ gzhan yid chos par byed pa'i yan lag dang/ nyon mongs pa'i sgrib pa dang rnam par spyod pa'i yan
 lag dang/ nye ba'i nyon mongs pa'i sgrib pa rnam par spyod pa'i yan lag dang/ yon tan khyad par can mthong ba la sgrib pa yongs su spyod pa'i yan lag go /de la yang dag pa'i lta ba ni yongs su gcod pa'i yan lag ste/ mthong ba'i lam na bdag dang sems
 can dang srog la sogs pa med par khong du chud pa de nyid la bdag gis de dag rnam pa 'di lta bu khong du chud ba zhes mthong ba'i lam gyi chos nyid la gcod par byed pa'i phyir ro/ /yang dag pa'i rtog pa ni gzhan la thob par byed pa'i yan lag ste/
 ma brtags ma dpyad pas tshig mi 'byin pas yang dag pa'i lta bas ji ltar mthong ba'i chos rnam par brtags nas de nyid gzhan la 'chad par byed pa'i phyir ro/ /yang dag pa'i dag dang/ yang dag pa'i las kyi mdza' dang/ 'tsho ba gsum ni
 gzhan yid ches par byed pa'i yan lag ste/ rim bzhin du lta ba dang/ tshul khrims dang/ 'tsho ba dag par yid ches pa'i phyir ro/ /de la yang dag pa'i dag gis ni lta ba rnam par dag pa yid ches pa 'byung ste/ ji lta zhe na yang dag pa'i dag
 gi ji ltar chud pa'i chos rnams gzhan la lung ston pa ni/ gzhan gyi brgal ba'i lan gdab? ba dang/ bshad pa la gsal zhing phyin ci ma log par bstan pas gzhan dag 'di dag ni chos kyi don gtan la bab pa dang/ 'gal ba med pa dang/ gsal bar ston
 ba dang/ sbyar na de khong du chud do zhes yid ches bar 'gyur ro/ yang dag pa'i las kyi mdza' ni tshul khrims rnam par dag par yid ches par 'byung ste/ 'dir srog gcod pa la sogs pa ngan par spyod pa rnams srog gi phyir yang mi byed pa dang sbyar na
 'phags par gyes pa'i tshul khrims dang ltar na zhes yid ches par 'gyur ro/ /yang dag pa'i 'tsho ba rnams par dag pa'i yid ches par 'gyur te/ ji lta zhe na chos gos la sogs pa yid chos bzhin du tshol gyi g.yo dang sgyus mi tshol la/ yo byad
 mang po 'jim pa spangs pas 'tsho ba rnam par bzhag go zhes gzhan dag yid ches par 'gyur ro/ /de la yang dag par lta bas ni mngon par rtog pa dang ldan pa yin te/ mthong ba'i lam gyi che rtogs pa'i chos nyid phyin ci ma log par shes pa'i phyir ro/
 yang dag pa'i rtogs pas ni seng ge'i sgra sgrogs pa yin te/ ji ltar rtogs pa'i chos thogs pa med pas gzhan la 'chad pa'i phyir ro/ /yang dag pa'i ngag dang las kyi mdza' dang 'tsho ba gsum ni/ rang bzhin rtogs par dang dam bcas pa
 gsal bar ston par byed pa'i/ /yang dag pa'i rtsol ba ni nyon mongs pa'i sgrib pa rnam par sbyangs bar yan lag ste/ bsgom pas spang bar bya ba'i nyon mongs pa thams cad des spong bar byed pa'i phyir ro/ /yang dag pa'i dran pa ni nye ba'i nyon
 mongs pa rnam par spyod pa'i yan lag ste/ /zhum pa dang rgod pa rnams sems la byung bar tshor nas phyis de dag skye pa'i skabs sbyin par byed pa'i phyir ro/ /yang dag pa'i ting nge 'dzin ni yon tan khyad par can thob pa la sgrib pa yongs su
 sbyong ba'i yan lag ste/ 'phrul gyi mig la sogs pa mngon par shes pa lnga thob par byed pa la sgrib pa rnams ting nge 'dzin gyis sbyangs nas/ yon tan de dag thob par byed pa'i phyir ro/ /'phags pa'i lam gyi yan lag
 brgyad po de dag kyang rnam pa lngar bzhag ste/ dmigs pa dang/ rang bzhin dang/ grogs dang/ sgom pa dang/ sgom pa'i 'bras bu'o/ /de la lam rnams kyi dmigs pa ni mthong ba'i lam skyes pa'i 'og tu mthong ba'i lam gyi tshe/ bden? pa mthong ba de 'di
 nyid yang dag pa'i ji lta ba bzhin du dmigs so/ /rang bzhin ni yan lag brgyad de/ yang dag pa'i lta ba nas ting nge 'dzin gyi bar du brgyad do/ /grogs ni gang de dag dang ldan pa'i sems dang sems las byung ba dad pa dang/ 'dod ma chags pa la
 sogs pa'o/ /sgoms pa ni yang dag pa'i lta ba bsgom ste/ dben pa la gnas pa 'dod chags dang bral ba la gnas pa dang/ 'gog pa la gnas pa/ rnam par spong bar bsngos pa zhes bya ba la sogs pa'o/ bsgom pa'i 'bras bu ni yongs su bcod
 pa dang/ gzhan thob par byed pa dang/ gzhan yid ches pa dang/ nyon mongs pa'i sgrib pa rnam par sbyong ba dang/ nye ba'i nyon mongs pa'i sgrib pa rnam par sbyong ba dang/ yon tan khyad par can thob par sgrib pa rnam par sbyong ba dang/ 'phags pa'i lam
 yan lag brgyad po 'di nyan thos rnam par smra ba rnams kyis ni/ mthong ba'i lam du bsgom par 'dod de/ de nyan thos mdo sde ba'i tshul gyis na ba sgom pa'i lam yin par 'dod pas bsgom pa'i lam kho na yin par gzung ngo/ /'phags
 pa'i lam yan lag brgyad bstan pa'i 'og tu/ dbugs 'byung ba dang rdub pa dran pa bcu drug bstan pas/ ji ltar bstan pa bzhin du bshad par bzhed nas/ de la dbugs 'byung ba dang rdub pa dran pa bcu drug gang zhe na zhes bya ba la sogs
 pa gsungs so/ /de la rlung phyir rgyu ba ni dbugs 'byung ba'o/ /nang du rgyu ba ni rdub pa ste/ dbugs phyir 'byung ba dang/ nang du rdub pa la dmigs pa'i dran pa ni dbugs 'byung ba dang rdub pa dran pa zhes bya ste/ de yang dran pas yongs su zin pa'i shes rab kyi rang bzhin no/
 dran pa yang 'dir dran pa mthu can du gyur pa dran pa'i stobs la bya ste/ dran pa'i stobs kyis yongs su zin pa'i shes rab kyi rlung phyir 'byung ba dang nang du 'jug pa la dmigs par byed pa'o/ /de la dbugs 'byung ba yang rnam pa gnyis te/ gnyis po gang
 zhe na/ dbugs 'byung ba dang bar gyi dbugs so/ /dbugs rdub pa yang rnam pa gnyis te/ dbugs rdub pa dang/ bar gyi dbugs so/ /rdub pa ni gang dbugs phyir byung ma thag tu/ lte ba'i bar du rlung nang du 'jug go /bar gyi dbugs ni dbugs rdub pa ste/ lte?
 ba'i bar du zhugs nas chad pa las dus cung zhig gi bar du dbugs mi 'byung zhing ngal gso ba ring po mi thogs par dbugs shin tu yang phra bzhig skye bar gyur pa'o/ /dbugs 'byung ba dang bar gyi dbugs 'byung ba la yang de bzhin du brjod par
 bya ste/ de la khyad par ni 'di yod de/ dbugs 'byung ba ni rlung phyir 'byung ba ste/ lte ba'i phyogs gnas brtsoms nas/ kha sna'i bar du 'byung ba dang/ de las kyang phyir mtho gang dang khru gang ba sogs par 'byung ba'o/ /bar gyi dbugs ni dbugs phyir byung
 ba de chad pa nas/ dus ji srid gcig tu dbugs drag tu 'byung ba med cing/ de la gso ba'i tshul du skad gcig gcig rlung phre'u zhig 'byung pa'o/ /dbugs 'byung ba dang rdub pa'o gling gzhi yang/ rnam pa gnyis te/ de 'phen par byed pa'i
 las dang/ lte ba'i phyogs nas sul la gnas pa'o/ /de las gong du yang lus kyi sul la yod pa'o/ dbugs 'byung ba dang rdub pa'i rten yang rnam pa gnyis te/ lus dang sems so/ /de ci'i phyir zhe na/ dbugs 'byung ba dang/ rdub pa ni
 lus la brten pa dang/ sems la brten nas 'byung ba'i phyir ro/ /gal te lus 'ba' zhig la brten cing 'byung na ni/ 'du shes med pa la snyoms par 'jug pa dang/ 'gog pa la snyoms par 'jug pa dang/
 'du shes med pa'i lha rnams kyi nang du skyes pa dag la yang dbugs 'byung ba dang rdub pa yod pa'i skyon du 'gyur te/ de dag la mi 'byung bas na/ lus 'ba' zhig la brten pa ma yin no/ /gal te sems 'ba' zhig la rten cing 'byung na ni/ gzugs med pa'i
 snyoms par zhugs pa dang/ gzugs med par skyes pa'i sems can rnams la yang/ dbugs 'byung ba dang rdub pa 'byung ba'i skyon du 'gyur te/ de dag la dbugs 'byung ba dang/ rdub pa med pas sems 'ba' zhig la brten pa ma yin no/ /skabs kha? cig
 tu lus la brten pa dang/ sems la brten nas 'jug par yang mi rung ste/ lus la brten pa dang/ sems la brten nas 'jug par nges na ni/ bsam gtan bzhi la snyoms par zhugs pa'i sems can rnams dang/ nur nur po'i dus na mer mer po dus
 kyi tshe sems can rnams la yang dbugs 'byung ba dang/ rdub pa yod pa'i skyon du 'gyur te/ de dag la yod pa ma yin pas so/ /de bas na dbugs 'byung ba dang/ rdub pa ni dus de dag la ma gtogs pa'i tshe/ lus la brten pa dang/ sems la brten
 nas 'jug go zhes ci rigs par bzhag go /dbugs 'byung ba dang rdub pa'i 'gro ma yang rnam pa gnyis gnyis te/ gnyis po gang zhe na/ 'byung ba ni gyen du 'gro ba'o/ /dbugs rdub pa ni mthur du 'gro ba'o/ /'byung ba dang/ rdub pa'i sa yang rnam
 pa gnyis te/ sul dang bu ga rags pa dang/ sul dang bu ga phra ba'o/ /de la sul dang bu ga rags pa ni lte ba'i phyogs nas brtsams nas/ gyen du kha dang sna la sogs pa'i sgor 'byung ba dang/ kha sna'i sgo nas brtsams nas/ thur du lte ba'i
 phyogs kyi bar du sul gyi phyogs su rgyu ba'o/ /sul dang bu ga phra ba ni lus su gtogs pa'i ba spu'i bu ga thams cad do/ /dbugs 'byung ba dang/ rdub pa'i ming gi rnam grangs kyang bzhi ste/ rlung dang lus kyi 'du byed dang/ dbugs 'byung ba dang rdub pa dang/ dbugs phyir
 rgyu ba dang nang du rgyu ba'o/ /de la rlung zhes bya ba'i ming gi rnam grangs kyi mu stags dang/ 'jig rten pa la sogs pa kun dang thun mong ngo/ /lhag ma gsum ni thun mong ma yin pa ste/ bstan pa 'di 'ba' zhig la ming gi rnam grangs de dag grags pa'i phyir ro/ /dbugs
 'byung ba dang rdub pa la zhugs pa'i dri ma yang rnam pa gnyis te/ ha cang lhod par rab tu sbyor ba dang/ ha cang bsgrims te rab tu sbyor ba'o/ /de la ha cang lhod pas rab tu sbyor ba ni/ le lo skyes pas gnyid dang/ rmugs pas sems non par gyur pa'am/ sems
 phyis g.yengs par 'gyur ba'o/ /ha cang bsgrims te rab tu sbyor bas kyang/ lus mi mnyam pa dang/ sems mi mnyam pa skye bar 'gyur ro/ /de la ji ltar lus mi mnyam pa skye zhe na/ stobs kyis bsgrims nas dbugs 'byung ba dang/ rdub pa la dam du
 ?? yigs pa na/ lus la rlung mi bzang ba rnams 'byung bar 'gyur te/ rlung gis shas cher g.yo bar 'gyur ro/ /gang gi phyir rlung gi shas che bar g.yo bar gyur pas/ yan lag dang nying lag rnams g.yengs pa skye ste/ de'i phyir lus rgad pa zhes bya'o/ /
 'di ltar lus g.yengs par gyur pa'i rlung de 'phel na/ yan lag dang nying lag de dag du lus kyi nad du 'gyur te/ 'di ni lus mi mnyam pa'o/ /ji ltar sems mi mnyam pa skye zhen/ bsgrims te dmigs pa las sems g.yengs par 'gyur ro/ /sems g.yengs pa
 'phel pa las/ yid mi bde ba dang 'khrug pas bel gyis gnon par 'gyur te/ de ni sems mi mnyam pa skye ba zhes bya'o/ /de la dbugs 'byung ba dang rdub pa 'di la 'dris par bya ba rnam pa lnga yod par rig par bya ste/ bgrang pas rab tu 'dris par bya ba dang/ phung po
 la mkhas pa rab tu 'dris par bya ba dang/ rten cing 'brel te 'byung ba la 'jug pa rab tu 'dris par bya ba dang/ bden pa la 'jug pa rab tu 'dris par bya ba dang/ rnam pa bcu drug tu rab tu 'dris par bya ba dang/ de'i gang bsangs tu
 'dris bar bya ba gang zhe na/ de mngar na rnam pa bzhi ste/ re re nas bgrang ba dang/ gnyis gcig tu bgrang ba dang/ lugs bzhin du bgrang ba dang/ lugs las bzlog ste bgrang ba dang/ de la re re nas bgrang ba gang zhe na/ gang gi tshe dbugs nang du zhugs par gyur
 pa de na/ dbugs 'byung ba dang rdub pa la dmigs pa'i dran pas gcig ces bgrang bar byed do/ /gang gi tshe dbugs rdub pa 'gags nas/ dbugs 'byung ba skye ste med par gyur pa na/ de'i tshe gnyis zhes bgrang bar byed do/ /bgrang ba'i tshul de lta bus rnam pa
 bcu'i bar du bgrangs te/ 'di ni gnyis gcig tu bgrang ba'o/ /lugs bzhin du bgrang ba gang zhe na/ gang gong du bshad pa'i re re nas bgrang ba dang/ gnyis gcig tu bgrang bar yang rung/ rjes bzhin du bgrang ba'i bar du bgrang bar byed pa ste/ 'di ni lugs
 bzhin du bgrang ba'o/ /lugs las zlog ste/ bgrang ba gang zhe na/ bcur phyin pa dang/ gcig ces bgrang ngo/ /dgu la gnyis zhes bgrang ngo/ /brgyad la gsum zhes bgrang ba nas gcig la bcu zhes bya ba'i rab tu bgrang ste/ 'di ni lugs las bzlog pa ste/ bgrang ba'o/ /gang gi tshe
 rnal 'byor ba des re re nas bgrang ba'am/ gnyis gcig tu bgrang ba'am/ lugs bzhin du bgrang ba 'am/ lugs las bzlog ste/ bgrang ba la rab tu goms par byas pas/ de'i bska su sems ma g.yeng zhing/ mi g.yang ba kho nar bgrang nus na de'i gong du
 bgrang ba'i khyad par gzhan bgrang bar bya ste/ bgrang ba'i khyad par gzhan gang zhe na/ re re nas 'brang ba 'am/ gnyis gcig tu bgrang ba bsdoms nas gcig ga zhes bgrang bar byed de/ de nyid gcig tu bgrang bas ni dbugs 'byung ba dang rdzu ma gnyis
 bzhi las gcig tu 'gro'o/ /re re des bgrang bas ni dbugs 'byung ba dang rdub pa re re nas bgrang bar byed de/ de gnyis gcig tu bsdoms te/ bgrang ba'i tshul bcu'i bar du bgrang bar byed do/ /de la yang goms par byed na bcu yang cig tu byas nas/ bgrang ba
 la spel te/ bcu'i bar du bgrang ba nas/ brgyad gcig tu byas te/ bcu'i bar du bgrang bar byed do/ /gang gi tshe bgrang ba la zhugs pa'i rnal 'byor pas bcu gcig tu byas nas/ bgrang ba'i tshul bcu'i bar du rdzogs par byed nus la/ bar du sems ma g.yeng na
 de tsam gyis bgrang ba'i tshul la goms pas byas pa yin na/ /de ltar ba byang ba la zhugs pa las gal te sems 'khrugs sam g.yengs par gyur na/ slar mgo nas bzlog ste/ grang ba brtsam par bya'o/ /phung po la 'jug pa'i bar du goms par bya ba gang
 zhe na/ rnal 'byor ba sbyong ba de la rten pa mang ba dang/ sgam pa mang ba dang/ mang du bya ba dang/ ldan pas lus shin tu bya ba dang/ sems shin tu byang ba skye bar 'gyur ro/ /de lus shin tu byang ba dang/ sems shin tu byang ba skyes pas/ sems rtse gcig pa? la?
 rag cing dmigs pa la rtag tu sems gnas par dga' bar 'gyur ro/ /de lta ba shin tu goms par byas pa de yul dang dbang ba dang yul rnams kyi dngos po yid la byed pa'i tshul gyis/ phung po la 'jug ste/ ji ltar 'jug ce na/ 'di ltar dbugs 'byung
 ba dang/ rdub pa 'di'i rten ni lus yin te/ de lus la rten te zhes yid la byed pas na/ /phugs kyi phung po la zhugs shing rtogs pa yin no/ /gang dbugs 'byung ba dang rdub pa de dag la dmigs pa'i dran pas/ de nyid kyis mtshan nyid mdzad par gzang
 shing myong ba ni/ tshor ba'i phung po la zhugs pa yin no/ /de na gang kun tu shes pa yod pa de'i 'du shes kyi phung po ste zhes 'du shes kyi phung po la 'jug go /gang de'i tshe dran pa yod pa dang/ ting nge 'dzin yod pa dang/ sems pa yod pa dang/ shes rab yod pa na
 'du byed kyi phung po'o zhes 'du byed kyi phung po la 'jug go /gang de'i tshe sems dang yid dang rnam par shes pa ni rnam par shes pa'i phung po'o zhes rnam par shes pa'i phung la 'jug ste/ de lta bzhugs pa ni phung po la rab tu
 goms pa zhes bya'o/ /gang gi tshe rnal 'byor ba des phung po tsam du mthong zhing rab tu shes pa dang/ 'du byed tsam dang/ dngos po tsam du mthong zhing rab tu shes pa de'i tshe na/ phung po de dag nyid la rten cing 'brel te/ 'byung ba'i mtshan nyid rab tu 'jug ste/
 ji ltar 'jug ce na/ rnal 'byor pa de 'di ltar yongs su chol bar byed do/ /'di ltar dbugs 'byung ba dang/ rdub pa 'di ci la rten/ ci'i rkyen las byung zhes brtags na/ des 'di ltar khong du chud par 'gyur te/ dbugs 'byung ba dang/ rdub pa
 'di ni lus la brten pa/ lus kyi rkyen las byung ba/ sems la brten pa/ sems kyi rkyen las byung ba'o zhes rtogs so/ /lus dang sems kyang ci'i rkyen gyis gnas zhes brtags na/ de yang da ltar 'tsho ba'i dbang po'i rten gyis gnas
 zhes rtogs so/ /'tsho ba'i dbang po de yang ci'i rkyen gyis 'byung zhes brtags na/ de yang tshe rabs gzhan gyi las dge ba dang/ mi dge ba'i 'du byed kyis rkyen gyis byung bar rtogs so/ /sngon gyi 'du byed ci'i rkyen gyi byung zhes brtags na/
 de yang ma rig pa'i rkyen gyis byung bar rtogs te/ de ltar na ma rig pa'i rkyen gyis ni/ sngon du 'du byed rnams spyod do/ /sngon gyis 'du byed kyi rkyen gyis ni/ tshe'i dbang po/ /tshe'i dbang po'i rkyen las ni lus dang rnam par shes pa'o/ /lus dang 
 sems kyi rkyen las ni dbugs 'byung ba dang rdub pa skye'o/ /de lam rig pa 'gags na 'du byed 'gag go /'du byed 'gags nas tshe'i dbang po 'gag go /tshe'i dbang po 'gags na lus dang sems 'gag go/ lus dang sems 'gags
 na dbugs 'byung ba dang rdub pa 'gags te/ de ltar na rten cing 'drel bar 'byung ba la zhugs par 'gyur ro/ /ji ltar na bden pa la zhugs pa kun tu 'dis par byed ce na/ des de ltar rten cing 'brel te 'byung ba la 'dris pa mang du byas pas/ 'dus byas
 kyi chos de dag ni rten cing 'brel te 'byung ba ste mi rtag pa'o zhes khong du chud do/ /'di dag mi rtag pa yin pas na/ med pa las skye la skyes nas kyang med par 'gyur te/ de ltar gyur pa de ni/ skye ba'i chos can dang/ rga ba'i chos can dang/ na ba'i chos can no//
 gang skye ba dang rga ba dang na ba dang 'chi ba'i chos can de dag ni sdug bsngal ba'o/ /gang sdug bsngal ba de ni bdag med pa/ rang dbang med pa bdag po med pa ste/ de ltar des mi rtag pa dang/ sdug bsngal ba dang/ stong ba dang bdag med pa'i rnam par sdug bsngal
 gyi bden pa la zhugs par 'gyur ro/ /de yang 'di'i snyam du sems te/ sdug bsngal gyi 'du byed sdug bsngal bar gyur pa dang/ nang du gyur pa dang/ 'bras bur gyur pa ste skyed par byed pa'i rkyen ni srang ba'o zhes kun 'byung gi bden pa la 'jug go/
 ba sdug bsngal skyed par byed pa'i spang pa de ni ma lus par spangs pa ni/ zhi ba gya nom pa ste zhes 'gog pa'i bden pa la 'jug go /gang de ltar shes de ltar mthong/ da ltar khong du chung ba ni/ lam gyi gdan pa yin te zhes lam gyi bden
 pa la yang 'jug ste/ de ltar na des bden pa bzhi la zhugs pa yin no/ /rnal 'byor pa de la bden pa bzhi la 'dris par byas pas/ mthong bas spang par bya ba'i nyon mongs pa ma lus par spangs nas/ de bsgom pas spang bar bya ba'i
 nyon mongs pa spang bar bya ba'i phyir/ rnam pa bcu drug pa rab tu 'dris par byed de/ rnam pa bcu drug gang zhe na/ dran bzhin du dbugs 'byung ba la dran bzhin du dbugs 'byung ba'o zhes yang dag pa ji lta ba bzhin du shes
 zhes bya ba nas brtsams te/ so sor spong bar lta ba bzhin du dbugs rdub pa la yang/ so sor spong bar lta ba bzhin du/ dbugs rdub pa'o zhes yang dag pa ji lta ba bzhin du shes pa 'di ni/ dge slong dag dbugs 'byung ba
 dang rdub pa dran pa bcu drug go zhes gang mdo las gsungs pa'o/ /tshig bcu drug po dang ba/ ji ltar rab tu dbye zhe na/ gong du bden pa bzhi la goms par byas pa'i skabs su bden pa bzhi mthong ba'i slob pa'i gang zag dran pa nye bar gzhag pa
 ba i la dmigs pa thob pa des/ bsgom pas spang bar bya ba'i kun nas sbyor ba ltag ma spang ba'i phyir dbugs 'byung ba dang rdub pa yid la byed pa rtsom par byed de/ nam dbugs 'byung ba'i dus na/ sems ma rmongs pas ji ltar 'byung
 ba'i mtshan nyid dran pa bzhin du 'byung bar shes pa ni/ dran bzhin du dbugs 'byung ba la dran bzhin du dbugs 'byung ba'o zhes yang dag pa ji lta ba bzhin du shes pa zhes bya'o// //dbugs nang du rdub pa'i dus la g.yeng
 ba med par dran pas/ de nyid la dran bzhin du dmigs so zhes shes pa na ni/ dran bzhin du dbugs rdub pa la yang/ dran bzhin du dbugs rdub pa'o zhes yang dag pa ji lta ba bzhin du shes pa zhes bya ste/ bcu drug las 'di ni dang po'o
 gang gi tshe dbugs 'byung ba dang rdub pa la dmigs par byed pa de'i tshe na ni/ dbugs 'byung ba ring po la dbugs 'byung ba ring po'o zhes yang dag pa ji lta ba bzhin du shes pa dang/ dbugs ring du shes pa dang/ dbugs ring du rdub
 pa la yang dbugs ring du rdub pa'o zhes yang dag pa ji lta ba bzhin du rab tu shes pa zhes bya ste/ 'di ni gnyis pa'o/ /gang gi tshe dbugs 'byung ba'i bar dang rdub pa'i bar yid la byed pa ni/ dbugs 'byung ba thung ngu zhes bya ba nas/
 dbugs rdub pa thung ngu zhes yang dag pa ji lta ba bzhin du rab tu shes pa zhes bya ste/ 'di ni gsum pa'o/ /yang na rnal 'byor pa dbugs 'byung ba la dmigs pa na/ lte ba'i phyogs nas brtsams te dbugs byung nas kha sna'i sgo nas/ phyir mtho gang dang khru gang dang
 'dom gang la sogs pa ji srid du 'byung ba la dmigs pa ni/ dbugs 'byung ba ring po la dbugs 'byung ba ring po'o zhes yang dag pa ji lta ba bzhin du tu shes pa zhes bya'o/ nam rnal 'byor pas dbugs rdub pa la dmigs pa'i tshe/ kha sna'i sgo nas
 brtsams te/ lte ba'i bar du dbugs ji ltar thung ngu song ba dmigs pa na ni/ dbugs ring du rdub pa yang dbugs ring du rdub pa'o zhes yang dag pa ji lta ba bzhin du rab tu shes pa zhes bya'o/ /nam rnal 'byor pas dbugs phyir 'byung ba lte ba nas
 brtsams te/ brang gi bar du byung nas chad pa la dmigs ba na ni/ dbugs 'byung ba thung ngu la dbugs 'byung ba thung ngu zhes yang dag pa ji lta ba bzhin du rab tu shes pa zhes bya'o/ /nam rnal 'byor pas dbugs rdub pa na yang kha sna'i sgo nas mgrin
 pa la sogs pa'i bar du chad pa la dmigs pa na ni/ dbugs 'byung ba thung ngu la dmigs pa zhes bya'o/ /rnal 'byor pas sul dang bu ga rags pa'i dbugs 'byung ba la dmigs pa'i tshe na ni/ lus so sor shes bzhin du dbugs 'byung ba la/
 lus so sor shes bzhin du dbugs 'byung ba'o zhes yang dag pa ji lta ba bzhin du rab tu shes pa zhes bya'o/ /nam rnal 'byor pa dbugs rdub pa'i sul dang bu ga rags pa las dbugs rdub pa la dmigs pa'i tshe na ni/ lus so sor
 shes bzhin du dbugs rdub pa las lus so sor shes bzhin du dbugs rdub pa'o zhes yang dag pa ji lta ba bzhin du rab tu shes pa zhes pa zhes bru'o/ /don du na lte ba nas brtsams te/ rgyu ma dang long ga dang pho ba la sogs pa nas dbugs phyir
 ji ltar 'byung ba la dmigs pa ni/ lus so sor shes bzhin du dbugs 'byung ba yang dag pa ji lta ba bzhin du rab tu shes pa zhes bya'o/ /nam kha sna'i sgo nas gra ba la sogs par thung ngu rgyu zhing ?
 ma dang/ long ga la sogs par ji ltar zhugs pa la dmigs pa na ni/ lus so sor shes bzhin du dbugs rdub pa yang dag pa ji lta ba bzhin grub tu shes pa zhes bya'o/ /'di ni bzhi pa zhes bya'o/ /nam rnal 'byor pas dbugs
 'byung ba 'di yang lus kyi 'du byed de/ lus la brten lus la gnas par shes nas/ dbugs 'byung ba lus la brten/ ji ltar 'byung ba la dmigs pa'i dus na ma ni/ lus kyi 'du shes so sor shes bzhin dbugs 'byung ba
 la/ lus kyi 'du shes so sor shes bzhin yang dag pa ji lta ba bzhin shes pa zhes bya'o/ /nam rnal 'byor pas dbugs rdub pa 'di yang/ lus kyi 'du byed lus la rten/ lus la brten nas rdub par shes te/ lus la rten nas
 dbugs ji ltar dub pa la dmigs pa'i dus na ni/ lus kyi 'du byed so sor shes bzhin dbugs rdub pa las/ lus kyi 'du byed so sor shes bzhin dbugs rdub pa'o zhes yang dag pa ji lta ba bzhin du rab tu shes pa
 zhes bya'o/ /'di ni lnga pa'o// //nam rnal 'byor pa spu dang ba spu khung bu la sogs pa sul dang bug pra mo nas dbugs ji ltar 'byung ba la dmigs pa'i dus ni/ lus thams cad so sor shes
 bzhin du dbugs 'byung ba la/ lus thams cad la so sor shes bzhin du dbugs 'byung ba'o zhes yang dag pa ji lta ba bzhin du rab tu shes pa'o// //nam rnal 'byor pas ba spu la sogs
 pa'i bu dang sul phra mo nas dbugs ji ltar nang du 'jug pa la dmigs pa'i dus na ni/ lus thams cad so sor shes bzhin du dbugs rdub pa la/ lus thams cad la so sor shes bzhin du dbugs rdub pa'o zhes yang dag pa ji lta bu bzhin du rab tu shes
 pa zhes bya'o/ /'di ni drug pa'o// //rnal 'byor dbugs 'byung ba yang 'gags/ bar gyi dbugs kyang 'gags te/ dbugs 'byung ba dang rdub pa gzhan ma bskyed pa'i gnas stong pa la dmigs shing/ de khong du chud
 par gyur pa'i dus na ni/ bdag gi lus kyi 'du byed shin tu byang bar dbugs 'byung ba'o/ bdag gis lus kyi 'du byed shin tu byang bar dbugs 'byung ba'o zhes yang dag pa ji lta ba bzhin du rab tu shes pa zhes bya ste/ shin tu byang bar
 ni dbugs 'byung ba dang bral ba'i gnas dang dus la bya'o/ /nam rnal 'byor pa dbugs rdub pa yang 'gags/ bar gyi dbugs kyang 'gags nas/ dbugs 'byung ba dang rdub pa gzhan ma skyes pa'i dus stong par gyur pa la dmigs pa ni/ bdag
 gi lus kyi 'du byed shin tu byang par dbugs rdub la bdag gi lus kyi 'du byed shin tu byang ba'o/ /zhes yang dag pa ji lta ba bzhin du rab tu shes pa zhes bya ste/ 'di ni bdun pa'o/ /yang na shin tu byang ba'i don ni/ dbugs 'byin pa dang/
 rdub pa la dmigs pas lus dang sems las su rung bar byas pas shes pa'o/ /yang na des gong du bshad pa'i dbugs 'byung ba dang rdub pa de dag la dmigs pa brten pa mang ba dang/ sgom pa mang ba dang/ mang du byas pa dang ldan pas/
 sngon 'dris bar ma byas pa'i tshe/ dbugs 'byung ba dang/ rdub pa las dmigs pa'i tshe/ sems sha thang ba dang/ sdug bsngal bzhin du dmigs pa dang/ dbugs 'byung ba dang/ rdub pa yang rags pa dang/ spom por byung ba 'gags nas/ de dang
 bral te de goms par bya ba'i mthus/ dbugs kyang phrad rgyu zhing/ de la dmigs pa'i sems kyang sha thang ba med par bde ba'i reg pa dang ldan bzhin du/ dmigs pa 'byung ba ste/ de bas na bdag gi lus kyi
 'du byed shin tu byang bar dbugs 'byung ba dang zhes bya ba la sogs pa gsungs so/ /rnal 'byor pa des de ltar dbugs 'byung ba dang/ rdub pa'i dran pa'i sbyor ba rab tu sbyar ba'i stobs kyi/ gal te bsam gtan dang po 'am/ bsam gtan
 gnyis pa thob par gyur pa de na/ dpugs 'byung ba dang/ rdub pa la dmigs pa'i rgyus ji ltar bsam gtan dang po dang gnyis pa 'thob par shes pa ni/ 'ga' ba so sor shes bzhin du dbugs 'byung ba la zhes bya ba nas/ dga' ba
 so sor shes bzhin du dbugs rdub ba'o zhes yang dag pa ji lta ba bzhin du rab tu shes pa zhes bya'o/ /'di ni brgyad pa'o// //gal te des dga' ba dang bral ba bsam gtan gsum pa'i bde ba myong bar gyur pa
 de'i tshe na ni/ bde ba so sor shes bzhin dbugs 'byung ba la zhes bya ba nas bde ba so sor shes bzhin du dbugs rdub pa'o zhes yang dag pa ji lta ba bzhin du rab tu shes pa zhes bya ste/ 'di ni dgu pa'o// //
 bsam gtan bzhi yan chad nyes pa brgyad dang bral ba yin pas/ bsam gtan bzhi yan chad ni dbugs 'byung ba dang rdub ba dran pa la sbyor ba med do/ /gal te rnal 'byor pa des rtsa ba'i bsam gtan dang po 'am gnyis pa 'am
 gsum pa thob par gyur na/ des gdon mi za bar mi thob tu mi rung ba dang/ bsam gtan dang po'i nyer bsdogs kyi ting nge 'dzin thob par 'gyur ro/ /de la ting nge 'dzin de dag la brten nas/ rang gis sems ci dang ci byung ba
 dang/ ji lta ji ltar skyes pa la rab tu rtog par byed de/ 'dod chags dang bcas pa 'am/ 'dod chags dang bral ba 'am/ zhe sdang dang bcas pa 'am/ zhe sdang dang bral ba 'am/ gti mug dang bcas pa 'am/ gti mug dang bral pa 'am/ bsdus pa 'am/
 g.yangs pa 'am/ zhum pa 'am/ gzengs mthos pa 'am/ rgod pa 'am/ mi rgod pa 'am/ zhi ba 'am/ ma zhi ba 'am/ mnyam par bzhag pa 'am/ mnyam par ma bzhag pa 'am/ legs par bsgom pa 'am/ legs par ma bsgom pa 'am/ rnam
 par grol ba 'am/ rnam par ma grol ba zhes yang dag pa ji lta ba bzhin du rab tu khong du chud cing shes pa byung ste/ dbugs 'byung ba dang rdub pa la dmigs pa'i tshe/ sems kyi ngo bo ci 'dra ba 'byung bar shes pa ni/ sems so sor shes bzhin du
 dbugs 'byung ba'o zhes bya ba nas/ sems so sor shes bzhin du dbugs rdub pa'o zhes yang dag pa ji lta ba bzhin du rab tu shes pa'o zhes bya ste/ 'di ni bcu pa'o// //rnal 'byor pa sems la brten nas dbugs 'byung
 bar 'gyur pa las sems la brten nas/ dbugs ji ltar 'byung ba la dmigs pa'i tshe na ni/ sems kyi 'du byed so sor shes bzhin dbugs 'byung ba la/ sems kyi 'du byed so sor shes bzhin du dbugs 'byung ba'o zhes yang dag pa ji lta
 ba bzhin rab tu shes pa zhes bya'o/ /dbugs rdub ba yang sems la brten nas dbugs rdub pa ste/ sems la brten nas dbugs ji ltar rdub pa ste/ sems la brten nas dbugs ji ltar rdub pa la dmigs pa'i dus na ni/ sems kyi 'du byed so sor
 yang dag par shes bzhin dbugs rdub pa la/ /sems kyi 'du byed so sor yang dag par shes bzhin dbugs rdub pa'o/ /yang dag pa ji lta ba bzhin rab tu shes pa zhes bya ste/ 'di ni bcu gcig pa'o/ /de la des dga' ba so sor myong
 bar gyur pa'am/ bde ba so sor myong bar gyur pas/ gal te brgya la zhig dran pa rmongs pa'i dus rgyus bdag ce'am/ bdag ni bdag gi zhe 'am/ bdag gi 'byung bar 'gyur zhe'am 'byung bar mi 'gyur zhe'am/ gzugs can du 'gyur zhe'am/
 gzugs med par 'gyur zhe'am/ 'du shes can nam/ 'du shes med par 'am/ 'du shes med min du 'gyur zhes rmongs pa'i 'du shes kyis sems g.yo ba byung na/ myur du myur bar shes rab kyis rtogs par byas nas/ dbugs 'byung ba dang rdub
 pa gnyis la dmigs te/ rtogs pa tha dad gnas par mi byed cing rab tu spong ba la sel bar byed de de ni bdag gi sems kyi 'du byed shin tu byang bar dbugs 'byung ba zhes bya ba nas/ bdag gi sems kyi 'du byed shin tu byed par dbugs rdub pa
 zhes yang dag pa ji lta ba bzhin shes pa zhes bya ste/ 'di ni bcu gnyis pa'o// //de ltar sgoms pa las/ gal te gnyid dang rmongs pa'i sgrib pas sems non par gyur te/ sems mi gsal bar gyur pa na/ sems dag pa dang /
 gsal bar gyur pa'i dmigs pa 'ga' zhig la dmigs nas/ sems gzengs bstod pa dang/ dga' bar bya ste/ yang dmigs pa phyi nang du rgyu ba dmigs pa'i tshe na ni/ bdag gi mngon par dga' ste/ dbugs rdub ba'o zhes yang dag pa ji
 lta ba bzhin rab tu shes pa zhes bya ste/ 'di ni bcu gsum pa'o// //de ltar dmigs pa de la bsten pa mang ba dang/ sgom pa dang/ dbugs phyi nang du rgyu ba la dmigs pa nyid la mang du bya ba mang bas/ rmugs dang rgod pa la sogs
 pa'i sgrib pa mngon du rgyu ba rnams ring du byas bar gyur te bdag gi sgrib pa rnams bsal ces pa ni/ bdag gi sems rnam par grol te dbugs 'byung ba zhes bya ba nas/ bdag gi sems rnam par grol te dbugs rdub pa'o zhes
 yang dag pa ji lta ba bzhin du shes pa zhes bya ste/ 'di ni bcu bzhi pa'o// //gal te de ltar bsgom pa'i tshe rgod pa'i sgrib pa dang/ the tshom gyi sgrib pas bsgribs par gyur pa mthong na dbugs 'byung ba dang rdub pa gnyis las dmigs nag/ sems
 mngon par bsdus te nang du 'jog par byed cing zhi bar byed/ sems rtse gcig tu 'jog pa'i dus na ni/ bdag gi sems mnyam par bzhag ste dbugs 'byung ba la/ zhes bya ba nas/ bdag gi sems mnyam par bzhag ste/ dbugs rdub pa'o zhes yang
 dag pa ji lta ba bzhin du rab tu shes pa zhes bya ste/ 'di ni bco lnga pa'o// //de sgrib pa rnams la sems rnam par grol bar gyur pa dang/ lhag ma las bsgom pa'i bar du gcod par byed pa'i bag la nyal lhag ma lus par gyur te/ de dag spang
 bar bya ba'i phyir bden pa bzhi bsgom pa'i lam mngon du byed do/ /de yang 'di ltar byed de/ 'du byed rnams mi rtag pa'i chos so zhes sdug bsngal gyi dang por rtog ste/ de bas na/ de bzhin du mi rtag par lta ba dang/ zhes gsungs so/ /rnal 'byor pa nges sngar
 bsam gtan dang po dang gnyis pa dang gsum pa la brten pa dang/ mi thob tu mi rung ba la brten nas/ zhi gnas la goms par byas so/ /de ni mi rtag pa dang rjes su mthong bas na/ lhag mthong goms par byed pa yin no/ /de ltar de'i sems ni/ zhi gnas
 dang lhag mthong la goms par byas pas/ de'i 'og tu khams gsum la mos par byed do/ /khams gsum ni 'dod chags dang bral ba'i khams dang/ 'gog pa'i khams dang/ so sor spong ba'i khams so/ /de la sgom pas spong bar bya ba'i 'du byed
 thams cad spangs pa la mos pa ni/ 'dod chags dang bral bar lta ba'o/ /phung po thams cad spangs pa la mos pa ni/ 'gog pa la lta ba'o/ /mthong bas spang bar bya ba'i 'du byed thams cad spang ba la mos pa ni/ so sor spong bar lta ba zhes
 bya ba ste/ dbugs 'byung ba dang rdub ba'i tshe de ltar rmongs pa skyes pa ni/ dbugs 'byung pa'o zhes yang dag pa ji lta ba bzhin shes par byas nas/ so sor spong bar lta ba bzhin du dbugs rdub pa'o zhes yang dag
 pa ji lta ba bzhin du rab tu shes pa zhes bya'o/ /yang na sdug bsngal gyi phung po la 'jig pa'i chos can du lta ba ni mi rtag par lta ba'o/ /kun 'byung ba la spang bar bya ba'i chos can du lta ba ni/ 'dod chags dang bral bar lta ba'o/ /'gog pa
 la mngon du bya ba'i chos can du lta ba ni/ 'gog par lta ba'o/ /lam gyi bden pa ni nyon mongs pa spong bar byed pa'o zhes lta ba ni/ so sor spong bar lta ba zhes bya'o/ /dbugs phyi nang du rgyu ba bcu drug bsgom pa bstan pa'i mjug bsdu
 ba'i phyir/ dge slong dag dbugs 'byung ba dang rdub pa dran pa bcu drug go zhes bya ba gsungs so// //dbugs phyi nang du rgyu ba bcu drug bsten pa'i 'og tu/ rgyun tu zhugs pa'i yan lag bzhi bstan te/ ji ltar bstan pa bzhin
 du bshad par bzhed nas/ de la rgyun tu zhugs pa'i yan lag bzhi gang zhe na/ zhes bya ba la sogs pa gsungs so/ /de la rgyun ces bya ba ni 'phags pa'i lam la bya ste/ chu boa'i rgyun rgy mtshor 'jug pa bzhin du/ lam nges kyang mya ngan
 las 'das pa'i grong khyer du 'jug pas na/ lam ni rgyun to/ /lam der zhugs pa 'am/ lam de thob pa ni rgyun tu zhugs pa ste/ lam gyi grogs su gyur pa'i chos bzhi la ni/ rgyun tu zhugs pa'i yan lag bzhi zhes bya ste/ 'phags pa
 rnams kyis kun tu rig pa'i dad pa bzhi zhes kyang bya'o/ /de la 'phags pa'i nyan thos bcom ldan 'das de yang zhes bya ba nas/ sangs rgyas la rjes su shes nas/ dad pa dang ldan pa yin no/ /zhes bya ba'i bar du ni/ rgyun tu zhugs pa'i
 yan lag dang po'o/ /bcom ldan 'das kyis dam pa'i chos legs par gsungs pa/ zhes bya ba nas/ dam pa'i chos la dad pa dang ldan pa yin no/ /zhes bya ba yan chad ni/ rgyun tu zhugs pa'i yan lag gnyis pa'o/ /bcom ldan 'das kyis nyan thos kyi dge
 'dun zhes bya ba nas/ skyes bu gang zag brgyad rnams so zhes bya ba yan chad yan lag gsum pa'o/ /de ltar bcom ldan 'das kyi nyan thos kyi dge 'dun dang dad pa phun sum tshogs pa dang/ zhes bya ba nas/ mkhas pas ma smad pa'i 'phags pa 'dod pa'i
 tshul khrims dang ldan pa yin te/ zhes bya ba yan chad yan lag bzhi pa'o/ /'phags pa nyan thos zhes bya ba la 'dod chags spang ba dang/ zhe sdang spang ba dang/ gti mug spang ba la zhugs pa'i rgyun tu zhugs pa la sogs pa la/ slob pa'i gang zag ri rnams
 dang/ 'dod chags dang/ zhe sdang dang/ gti mug spangs pa dang/ dgra bcom pa mi slob pa'i 'bras bu la gnas pa de dag ni/ 'phags pa'i nyan thos te/ nyan thos kyi don ni bden pa mthong bar bya ba gzhan gyi lung dang man ngag mnyam pa la ngag lus pas nyan thos so
 de dag tshos bzhi la dad pa mi phyed pa skye'o zhes bya bar sbyar ro/ /rgyun tu zhugs pa'i yan lag dang po bstan pa'i phyir/ bcom ldan 'das de yang zhes bya ba la sogs pa gsungs te/ yan lag dang pos mdor bsdus na/ rnam pa drug bstan te bgegs bcom
 pa dang/ ston pa phun sum tshogs pa dang/ gang gis de thob pa dang/ ji ltar gshegs pa dang/ ston pa'i las dang/ gang dag gis yongs su bzung ba bstan to/ /bcom ldan 'das zhes bya ba ni/ bgegs bcom pa bstan te/ de la dgags ni/ bla na med
 pa'i byang chub thob par byed pa'i bar chad byed pa bdud sdig can dang/ mngon par rdzogs par sangs rgyas pa'i dus na/ bdud sdig can dang/ de'i 'khor du gtogs pa 'dod pa'i khams kyi lha'i bu 'khor dang bcas pa rnams bcom pas na/ bcom
 ldan 'das so/ /de bzhin gshegs pa dgra bcom pa yang dag par rdzogs pa'i sangs rgyas zhes bya ba nas/ ston pa phun sum tshogs par bstan te/ de yang ji lta ba bzhin du smra ba dang/ yang dag par sgrub par byed pa ste/ rnam pa
 gnyis gyis ston pa phun sum tshogs pa bstan to/ /de la de bzhin gshegs pa zhes bya bas/ ji lta ba bzhin du smra ba bstan te/ de bzhin gshegs pa zhes bya ba ni ma nor pa'o/ /de bzhin gshegs pa zhes bya ba ni/ ston pa 'am/ smra ba
 'am/ gsung pa ste/ dngos po rnams kyi don 'phags pa'i bden pa bzhi ji ltar gnas pa de bzhin du/ gsung zhing 'chad pas na de bzhin gshegs pa'o/ /yang dag par sgrub par byed pa yang rnam pa gnyis te/ spangs pa phun sum tshogs par
 bsgrub pa dang/ ye shes phun sum tshogs par bsgrub pa'o/ /de la dgra bcom pa zhes bya bas spangs pa phun sum tshogs pa bsgrub pa bstan te/ 'dod chags la sogs pa nyon mongs pa mthong ba dang/ bsgom pas spang bar bya ba'i chos
 rnams spangs pas na dgra bcom pa'o/ /yang dag par rdzogs pa'i sangs rgyas zhes bya bas ye shes phun sum tshogs pa bsgrub pa bstan te/ yang dag par ni ma nor par ram phyin ci ma log par ro/ /rdzogs par ni ma lus par ro/ /sangs
 rgyas ni mkhyen pa ste/ yang dag par sangs rgyas pa dang/ rdzogs par sangs rgyas zhes sbyar ro/ /don du bsdus na ji snyed mkhyen par bya ba'i yul phung po dang/ khams la sogs pa ma lus par mkhyen cing/ de yang mi rtag pa dang/ sdug
 bsngal ba dang/ stong pa dang bdag med par phyin ci ma log par mkhyen pa'i me shes dang ldan pas yang dag par rdzogs pa'i sangs rgyas zhes bya'o/ /yang na rnam pa gsum gyis ston pa phun sum tshogs par ston te/ rnam pa gsum
 ni phyin ci ma log par smra ba dang/ nyon mongs pa med pa dang/ shes bya brjod par bya ba ji snyed yod pa thugs su chud pa'o/ /de la de bzhin gshegs pa zhes bya bas/ phyin ci ma log par smra ba bstan te/ shes bya'i dngos po ji ltar gnas pa de bzhin du gsung
 pa'i phyir de bzhin gshegs pa'o/ /dgra bcom pa zhes bya bas nyon mongs pa med pa bstan te/ nyon mongs pa dang/ nye ba'i nyon mongs pa dgra lta bur gyur pa spangs pa'i phyir/ yang dag par rdzogs pa'i sangs rgyas zhes bya bas/ shes bya brjod par bya ba ji
 snyed yod pa thugs su chud pa bstan te/ ji snyed du shes par bya ba yod pa'i dngos po thams cad ma lus pa dang/ phyin ci ma log par thugs su chud pa'i phyir ro/ /rig pa dang rkang par ldan zhes bya bas/ gang gis gshegs pa bstan te/ don du yang dag
 pa'i lta ba la sogs pa 'phags pa'i lam yan lag brgyad kyis mya ngan las 'das pa'i gnas su gshegs so zhes bya ba'i don to/ /'phags pa'i lam gyi yan lag brgyad la/ yang dag pa'i lta ba la rig pa zhes bya ste/ yang dag pa'i lta bas
 'phags pa'i bden pa bzhi yang dag pa ji lta ba bzhin du/ shes pa yin pa'i phyir ro/ /yang dag pa'i rtog pa la sogs pa yan lag lhag ma bdun rnams la ni rkang pa zhes bya ste/ don du na 'phags pa'i lam gyi yan lag brgyad kyis mya ngan las
 'das pa'i gnas su song ngo zhes bya ba'i don to/ /'phags pa'i lam gyi yan lag brgyad las yang dag pa'i lta ba ni rig par bshad la/ yan lag lhag ma rnams ci'i phyir rkang par bshad ce na/ dper na mig med de ma mthong ba dang/ rkang pa
 med de 'go mi nus pas gang yang mi phyin gyi mig gis mthong la rkang pa yod na/ gdong 'gro nus pa bzhin du/ yang dag pa'i lta bas bden pa bzhi mthong la/ ji ltar mthong ba bzhin du/ yan lag lhag ma rnams kyis bsgrubs na/ gdong mya
 ngan las 'das par phyin par byed pa'i phyir ro/ /yang na bslab pa gsum ste/ lhag pa'i tshul khrims kyi bslab pa dang/ lhag pa'i sems kyi bslab pa dang/ lhag pa'i shes rab kyi bslab pa'o/ /de la lhag
 pa'i shes rab kyis bslab pa la ni/ rig pa zhes bya'o/ /lhag pa'i sems kyi dang/ lhag pa'i tshul khrims kyi bslab pa la ni/ rkang pa zhes bya ba do/ de ltar bslab pa gsum gyis mya ngan las 'das pa'i grong khyer du song ngo zhes
 bstan pa yin no/ /brgal ba dang/ gsung rab gzhan las ni tshul khrims la brten nas/ ting nge 'dzin 'grub/ ting nge 'dzin la brten nas shes rab 'grub ste/ de bas na tshul khrims dang por smos/ de'i 'og tu ting nge 'dzin/ de'i
 'og tu shes rab bstan na/ 'dir ci'i phyir shes rab dang por smos/ smras pa/ shes rab kyis yongs su zin na ni/ tshul khrims dang ting nge 'dzin yongs su dag par 'gyur gyi/ shes rab med pa'i tshul khrims dang/ ting nge 'dzin
 dag par mi 'gyur bas shes rab sngar smos so/ /dper na mig gis bltas nas rkang pas 'gro ba bzhin du/ shes rab mig dang 'dra bas brtags nas/ tshul khrims dang ting nge 'dzin rkang ba lta bur gyur pas/ 'gro bar byed
 pas na/ bslab pa gsum la rig pa dang rkang par ldan pa zhes bya'o/ /yang na mi slob pa'i rig pa gsum la rig pa zhes bya ba ste/ rig pa gsum ni sngon gyi gnas shes ba'i rig pa zhes bya ba dang/ 'chi 'pho shes pa'i rig
 pa dang/ zag pa zad pa shes pa'i rig pa'o/ /zhabs ni tshul khrims dang ting nge 'dzin dang/ mngon par shes pa dang lhag ma rnam pa gsum ste/ sems kyi rnam grangs shes pa dang/ 'phrul gyi mig dang/ 'phrul gyi rnam ste/
 chos lnga la zhabs zhes bya'o/ /de ltar rig pa gsum la sogs pa ston pa phun sum tshogs pa brnyes so/ /zhes bstan pa yin no/ /'di yan chad du bcom ldan 'das bdag gi don phun sum tshogs pa dang rgyu dang bcas pa bstan pa yin te/ bcom ldan 'das zhes
 bya ba nas/ rdzogs pa'i sangs rgyas zhes bya bas bdag gi don phun sum tshogs pa bstan to/ /rig pa dang rkang par ldan pas de'i rgyu bstan to/ /bde bar gshegs pa zhes bya bas ji ltar gshegs pa bstan to/ de la rims nad shin tu byang ba slar
 mi ldog pa bzhin du/ slar 'khor bar ldog pa med par shin tu gshegs pas na bde bar gshegs pa'o/ /yang na mar gyis gang ba'i bum pa bzhin du shes bya ji snyed thugs su chud par bya ba ma lus par thugs su chud la/ sgrib pa ji
 snyed spang bar bya ba kun ma lus par spangs te/ ji srid du phyin par bya ba legs par gshegs pas na/ bde bar gshegs pa zhes bya'o/ /bshad pa gnyis kyis mdor na/ bcom ldan 'das phyi rol pa'i don dang 'dod chags dang
 bral ba rnams dang/ de las gzhan dgra bcom pa rnams las khyad par du gyur par stan to/ /de la rims nad byang ba bzhin du slar mi ldog par gshegs pas ni/ phyi rol pa'i 'dod chags dang bral ba rnams las khyad zhugs par
 ston te/ mu stegs la sogs pa'i phyi rol gyi 'dod chags dang bral ba rnams 'dod chags dang thang cig bral yang slar khams gsum du ldog pas mi ldog pa ma yin pa'i phyir ro/ /bum pa gang ba bzhin du legs par gshegs pas
 dgra bcom pa las khyad par du gyur par ston te/ dgra bcom pa la sogs pa phyir mi ldog pa yin yang/ shes bya thams cad ma rtogs shing/ bag chags kun kyang ma lus par ma spangs pas legs par gshegs pa ma yin
 pa'i phyir ro/ /'jig rten rig pa zhes bya ba la sogs pa ston pa'i las bstan te/ ston pa'i las kyang rnam pa gnyis so/ /rnam pa gnyis ni skal ba yod pa dang/ skal ba med pa'i 'jig rten la gzigs pa dang/
 'dul bar bya ba la 'dul bar byed pa'o/ /'jig rten rig pa zhes bya bas/ skal ba yod pa dang skal ba med pa'i 'jig rten la gzigs par bstan te/ nyin? lan gsum mtshan lan gsum snying rje chen po dang ye shes kyis
 'jig rten rnams la brtags nas/ /sems can 'di ni grol ba'i skal pa yod la/ 'di ni grol ba'i skal ba med pa'o zhes mkhyen pa'i phyir/ 'jig rten rig pa zhes bya'o/ /bla na med pa skyes bu 'dul ba'i kha lo sgyur ba
 zhes bya bas/ skal ba yod par 'dul bar byed pa ston to/ /de ltar mkhyen nas sems can skal ba yod pa rnams 'phags pa'i lam la bkod de/ 'dul bar byed pas na/ skyes bu 'dul ba'i/ /de la gdul bar
 'os pa 'am/ gdul bar nus pa ni 'dul ba'o/ /kha lo sgyur ba dang 'dra bas kha lo sgyur ba ste/ dper na rta 'dul ba'i kha lo sgyur ba/ rta'i g.yo skyon rnams med par byas nas/ btul te/ lam bde ba la 'dzud par byed pa
 bzhin du/ 'dis kyang sems can rnams kyi nyon mongs pa btul nas/ yang dag pa'i lam la bkod pas/ kha lo sgyur ba'o/ /de la yang gdul dka' pa lteng rgyas 'od srungs la sogs pa dang/ 'ga' bo dang sor phrang
 la sogs pa gti mug dang 'dod chags dang zhe sdang gi shas che ste/ gdul ba dka' ba rnams btul nas gnas kyi mchog mya ngan las 'das par 'jig par byed pas na/ bla na med pa skyes bu 'dul pa zhes bya'i/ /de la
 lteng rgyas 'ong srungs la sogs pa ni gti mug gi shas che ba'o/ /dga' bo ni 'dod chags kyi shas che ba'o/ /sor phreng ni zhe sdang gi shas che ba'o/ /lha dang mi rnams kyi ston pa zhes bya ba gang gis yongs su gzung ba bstan te/ de bzhin gshegs
 pa'i bstan pa gang gis yongs su gzung zhe na/ lha dang mis gzung ste/ byol song la sogs pa yang chos 'chad pa'i sgra thos pas mtho ris la sogs par 'jog mod kyi/ 'phags pa'i bden pa khong du chud pa dang/ dge sbyong gi 'bras bu
 thob pa'i snod du ni lha dang mi rnams gyur pas na/ de'i phyir glha dang mi rnams kyi ston pa zhes bya'o/ /gong du bshad pa'i yon tan de dag dang ldan pa de/ dngos su su zhig yin zhe na/ de'i phyir/ sangs rgyas bcom ldan 'das zhes bya bar
 gsungs te/ gong du nga yang zhes bya ba'i sgra 'dir sbyar ba/ bcom ldan 'das de bzhin gshegs pa dgra bcom pa la sogs pa'i yon tan smos pa de yang sangs rgyas bcom ldan 'das yin no zhes bya ba'i don to/ /de la ma rig pa'i
 gnyid las sad cing/ shes bya thams cad thugs su chud pas na/ sangs rgyas so/ /yon tan drug dang ldan pa'i phyir/ bcom ldan 'das te/ yon tan drug ni ji skad du/ phyug pa phun sum tshogs pa dang/ gzugs bzang ba dang/ grags
 pa dang/ dpal dang ye shes dang ni 'bad pa ste/ drug po rnams la ldan zhes bshad ces gsungs so/ /sangs rgyas su shes nas dad pa dang ldan pa yin zhes bya ba la/ de bzhin gshegs pa gong du bshad pa'i yon tan dang ldan par shes nas/ de bzhin du
 de la dad ba dang yid ched pa dang ldan pa'o zhes bya ba'i don to/ /rgyun tu zhugs pa'i yan lag gnyis ba bstan pa'i phyir/ bcom ldan 'das kyis dam pa'i chos legs par gsungs pa zhes bya ba la sogs pa gsungs te/ dam pa
 rnams kyis gsungs pa'i chos ni dam pa'i chos te/ sangs rgyas bcom ldan 'das rnams kyis bshad pa'i phyir/ sdug bsngal ba'i mdza' dang bde ba la kun tu chags pa'i mdza' spangs pa mdza' gnyis dang bral ba ston pa dang/
 mi slu ba dang/ mi 'khrul ba dang/ thog ma dang bar dang/ tha mar dge ba'i chos sha stag gsung ba'i phyir ro/ /bcom ldan 'das kyis chos legs par gsungs pa zhes bya'o/ /yang na rnam pa bcus na bcom ldan 'das kyis chos legs par gsungs pa
 zhes bya ste/ rnam pa bzhi ni yang dag pas skyed pa dang/ dbang du byas pa dang/ rab tu 'jug pa dang/ rab tu bsgrags pa dang/ rab tu phye ba dang/ brten pa dang/ rnam par rig pa dang/ rab tu btags pa dang/ dus dang yon tan yongs su 'dzin pa'o de la yang
 dag pas bskyed pa ni nyon mongs pa thams cad ma lus par spangs nas/ shes bya mdza' dag thus su chud de/ mngon par byang chub nas bshad pa'i phyir ro/ /dbang du byas pa ni sems can thams cad kyi don du mdzad nas gsungs pa'i phyir ro/ /rab
 tu 'jug pa ni par 'ga' bar 'ga' tsam bshad pa ma yin gyi/ rgyun ma chad par bshad pa'i phyir ro/ /rab tu bsgrags pa ni kha cig mi 'chad pa dang/ kha cig la 'chad kha cig la mi 'chad pa lta bu ma yin gyi/ slob dpon 'chab par med par
 kun la 'chad pa'i phyir ro/ /rab tu phye ba ni sems can so so'i bsam pa dang sbyar nas/ de dang mthun mthun du chos ston pa'i phyir te/ 'dod chags can la mi gtsang ba/ zhe sdang can la byams pa ston pa la sogs pa'o/ /brten pa ni yan
 lag lha dang ldan pa'i gsungs la yang dag par brtan nas/ 'chad pa'i phyir ro/ /rnam par rig pa ni gsung gcig gis 'jig rten gyi khams tshad med par go zhing rig par mdzad pa dang/ nye ring med par 'bar gyi dkyil 'khor ji snyed
 rnams la shes shing rnam par rig par mdzad pa'i phyir ro/ /btags pa ni mdza' gnyis dang bral ba'i lam stan pa'i phyir te/ mdza' gnyis ni mu stegs kyi dka' thub pa la sogs pa sdug bsngal gyi mdza' dang/ 'dod pa'i 'dod chags la zhen pa la sogs pa
 bde ba'i mdza' la zhen pa spangs pa'o/ /dus ni yongs su smin pa'i 'bul ba rnams kyis dus dang sbyar nas ston par mdzad pa'i phyir ro/ /yon tan yongs su 'dzin pa ni chos 'chad pa'i gsung yan lag drug cu dang ldan pa'i gsung gis 'chad par mdzad pa'i phyir
 ro/ /lta ba'i chos la 'byung ba zhes bya ba ni/ de bzhin gshegs pa'i gsung rab kyi chos 'di mngon sum du bya ba'i don yin te/ tshad mas thog tu bab pa yin gyi/ mu stegs kyi chos bzhin du rung yang rung ma rung yang ma rung dad pa tsam gyis gzung bar bya ba
 ma yin pas lta ba'i chos la 'byung ba zhes bya'o/ /nyon mongs pa dang nye ba'i nyon mongs pa bag chags de spong ba'i gnyen por gyur pas na nad med pa'o/ spangs nas nyams pa'i dus med pa ste/ 'jig rten pa'i lam gyis nyon mongs pa spangs pa ni/ dus phyis ji srid
 gcig lon nas nyams par 'gyur gyi/ 'jig rten las 'das pa'i lam gyi nyon mongs pa spangs pa ni/ lan cig spangs na phyis nams kyang nyams pa'i dus med pa'i phyir dus med pa'o/ /yang na yang dag pa'i sbyor ba la zhugs pa rnams dus ring po mi thogs par
 khyad par myur du thob par 'gyur ba'i phyir dus med pa ste/ de'i phyir mdo gzhan dag las dge slong dag tshul bzhin yid la byed pa la sbyor ba ni/ 'dod pa'i zag pa skyes pa mi skye skyes pa rnams myur du spong bar 'gyur ro zhes gsungs so/ /nye bar 'dren pa zhes bya ba
 la 'khor ba'i sdug bsngal ma lus pa las 'byung ba 'thob pa 'am/ mya ngan las 'das pa 'thob par byed cing gnas der 'dren par byed pas ni/ nye bar 'dren pa ste/ de la goms par byed na rim gyis 'khor ba'i sdug bsngal las thar nas mya ngan
 las 'das pa'i gnas su phyin par byed pa'i phyir ro/ /'di la mthong zhes bya ba na/ chos 'di lta bu 'di las phyi rol du gyur ba mu stegs pa la sogs pa la med de/ gzhan dang thun mong ma yin pas na/ 'di las mthong ba zhes bya
 ste/ chos de lta bu ni sangs rgyas pa'i chos 'di 'ba' zhig la yod par mthong gis/ mu stegs la sogs pa'i lta ba gzhan la med pa'i phyir ro/ /mkhas pa rang gis rig pa zhes bya ba ni chos de rtogs pa rnams kyi spyod yul ma yin zhing/ rtag pa
 rnams kyis rtags par mi 'gyur zhing/ mkhas pa rnams nang gi rang nyid kyi ye shes kyis mthong zhing shes par 'gyur ba yin pas na mkhas pa rang gis rig pa zhes bya'o/ /yon tan gzhan yang bstan pa'i phyir/ rgyags pa med par byed pa zhes bya ba
 la sogs pa gsungs te/ rigs mtho ba dang gzugs bzang ba dang/ nad med pa dang/ tshe ring ba la chags shing snyams bsel bar byed pas na/ rgyugs pa med par byed pa'o/ /'dod pa med par byed pa zhes bya ba ni 'dod pa'i yon tan la chags
 pa spong bar byed pa'i phyir ro/ /gnas kun 'jams pa zhes bya ba ni sdug bsngal dang nyon mongs pa'i rten gyi phung po lnga 'dor pa'i thabs su gyur pa'i phyir ro/ /yang na nyon mongs pa'i bag la nyal ba kun spong bar byed bas na/ gnas kun 'joms
 par byed pa'o/ /lam rgyud lngar skye ba 'am/ tshe rabs cig nas cig tu rgyun mi 'chad par skye ba'i che'i rgyun gcad par byed pas na/ lam gcad pa'o/ /bdag gi dngos po med par stong pas na stong pa nyid do/ /bdag ces bya ba yang mi 'grub par
 ston pas na mi dmigs pa'o/ /tshe rabs gzhan gyi lus dang longs spyod la chags la spong ba'i rgyur gyur pas na sred pa zad pa'o/ /tshe 'di'i lus dang longs spyod la chags pa yang spong bar byed pas na/ 'dod chags dang bral ba'o/ /
 nyon mongs par dang sdug bsngal gyi phung po thams cad spangs pa'i mya ngan las 'das pa thob par byed pa'i lam yin bas na/ 'gog pa dang mya ngan las 'das pa zhes bya'o/ /yod na chos rnam pa gsum ste/ bshad pa'i chos dang/ bsgrub pa'i chos dang/ 'bras bu'i chos so//
 de yang dam pa'i chos legs par gsungs pa zhes bya ba nas/ mkhas pa rang gi rig pa zhes bya ba yan chad kyis bshad pa'i chos kyi yon tan bstan te/ /'di ltar rgyags pa med par byed pa zhes bya ba nas/ 'dod chags dang bral ba zhes bya bas bsgrub pa'i chos kyi yon
 tan bstan to/ /'gag pa mya ngan las 'das pa zhes bya bas 'bras bu'i chos bstan to/ /chos rnams la yon tan de dag dang ldan par dad pa brtan zhing yid ces par gyur ba ni/ dam pa'i chos la dad pa dang ldan zhes bya ba'o/ de na sangs rgyas kyi chos 'di mu
 stegs la sogs pa'i chos las khyad par du gyur ba ston te/ ji ltar zhe na/ de dag gi chos ni phyin ci log tu bshad bas na/ legs par bshad pa ma yin pa'o/ /dad pa'i rjes su 'brang ba tsam du zad kyi/ tshad mas brtag tu mi bzod pas na lta ba'i chos la
 'byung ba ma yin pa'o/ /nyon mongs pa dang nye ba'i nyon mongs pa'i gnyan po ma yin pas na nad mang ba ma yin pa'o/ /phyis nyams par 'gyur bas na dus med ba ma yin pa'o/ /mya ngan las 'das pa'i gnas thob par mi byed pas na/ nye bar 'dren pa ma yin no/ /mu
 stegs pa rnams kyi chos ni phan tshun nyon mong du gyur pas na 'di la mthong ba ma yin no/ /de dag gi chos rtog ge'i spyod yul du gyur pa yin pas/ mkhas pa rang gis rig pa ma yin pa'o/ /rigs dang gzugs la sogs pa la chags pa mi sel bas na
 rgyags pa med pa ma yin no/ /'dod par yon tan la chags pa sal bar mi byed pas na 'dod pa med par byed pa ma yin no/ /phung po lnga spong bar mi byed pas na gnas 'joms pa ma yin na/ /lam rgyud lnga dang tshe'i rgyun gcod bar mi byed pas na/
 lam gcod pa ma yin no/ /bdag gi yod par ston pas na stong pa nyid ma yin no/ /bdag yod par ston pas na mi dmigs par ston pa ma yin no/ /ma 'ongs pa'i lus dang longs spyod la chags pa'i gnyen po mi byed
 pas na/ sred pa zad pa ma yin no/ /da ltar gyi phung po yo byad la chags pa spong bar mi byed pas 'dod chags dang bral ba ma yin no/ /mya ngan las 'das pa thob pa'i lam ma yin pas 'gog pa mya ngan las 'das pa zhes mi bya'o/ /yang na gzhan
 sngar bshad par zad kyi sangs rgyas kyi chos 'di dus gang gi bsgrubs kyang bsgrub par rung ste/ bsgrub pa'i dus med pas na dus med pa'o/ /bsgrub sla zhing bsgrub tu rung bar yang ji ltar dge bsnyen mgon med zas sbyin gyi bshad pa sangs
 rgyas kyi chos ni 'gro ba na yang sla/ 'dug pa na yang sla/ nyal ba na yang sla/ 'chag pa na yang bsgrub sla ba zhes bya ba lta bu'o/ /de la mu stegs kyis bshad pa'i chos ni rgyal rigs dang/ bram ze la bshad kyi dmangs rigs la
 bshad par mi bya'o zhes kun la mi 'chad pa'i phyir 'chab pa yod kyi/ dam pa'i chos ni rigs bzhi char la yang 'chab pa med par skabs su phye ste bstan pas 'di la mthong ngo zhes bya ste/ bde re ltos shes slob dpon 'chab pa med par
 bsten? pa'i phyir ro/ /rgyun tu zhugs pa'i yan lag gsum pa bstan pa'i phyir/ bcom ldan 'das kyi nyan thos kyi dge 'dun shin tu rab tu zhugs pa zhes bya ba la sogs pa gsungs so/ /'di dag ni bcom ldan 'das kyi dge 'dun gyi
 yon tan te/ shin tu rab tu zhugs pa zhes bya ba ni/ mdo tsam du dran pa'o/ /rigs pa la rab tu zhugs pa la sogs pa ni ji ltar shin tu rab tu zhugs pa'i bshad pa'o/ /de yang don rnam pa bzhir blta ste/ dge sbyong gi phyir
 zhugs pa dang/ dge sbyong du zhugs pa dang/ dge sbyong la dge sbyong gi dngos por zhugs pa dang/ dge sbyong gi nye bar bstan pa la zhugs pa la brtsams nas bshad par rig par bya'o/ /de la rigs pa la rab tu zhugs pa zhes bya bas dge sbyong gi phyir zhugs
 pa bstan te/ dge sbyong gi phyir ni dge sbyong gi don du bya ba ste/ de yang mya ngan las 'das pa'o/ /mya ngan las 'das pa la zhugs pas na rig pa la zhugs pa zhes bya'o/ /mya ngan las 'das pa la rigs pa zhes bya bar ci mngon zhe na/ mdo gzhan
 dag las rig pa'i chos ni bla na med kyis/ kye des mnyes par bya ba yin no zhes gsungs pa'i phyir ro/ /drang po la zhugs pa zhes bya bas dge sbyong la zhugs pa bstan te/ de la dge sbyong ni 'phags pa'i lam gyi yan lag brgyad pa bya ste/
 nyon mongs pa rab tu spong ba dang sbyor ba'i gnyen por gyur pa'i phyir ro/ /de la zhugs pa ni drang po la zhugs pa'o/ /'phags pa'i lam gyi yan lag brgyad pa yang drang po zhes par ci mngon zhe na/ mdo gzhan las bdud rtsi'i sgo ni rnam par
 phye/ drang po'i lam ni shin tu bsgrags/ zhes gsungs pa dang/ yang gzhan dag las/ drang po gang yin pa 'phags pa'i lam mo/ /yon po gang yin sdig pa can gyi lta ba'o zhes bya'o/ /de la mtshungs par zhugs pa zhes bya ba ni dge sbyong
 gi dngos por zhugs pa zhes bya bas bstan te/ ci zhig mtshungs she na byams pa'i lus kyi las dang ldan pa dang/ byams pa'i ngag gi las dang ldan pa dang/ byams pa'i yid kyi las dang ldan pas mtshungs pa dang/ longs spyod dang
 tshul khrims dang dpal? ba mthun pa'i phyir mtshungs par zhugs pa'o/ /chos dang gnyer ba'i chos la rab tu zhugs pa gnyer ba'i chos la spong ba zhes bya bas dge sbyong gi nye bar bstan pa la zhugs pa bstan te/ dge sbyong gi nye bar bstan
 pa ni dge sbyong gi don du bstan pa'i chos de/ de yang 'dul ba dang/ mdo sde dang/ mngon pa'i chos rnams so/ /de la bshad par bya ba'i gsung rab rnams ni chos so/ /bsgrub par bya ba'i gsung rab rnams
 gnyer ba'i chos te/ bshad par bya ba'i gsung rab kyi nang nas/ ji skad du gsungs pa bzhin du rjes su spyod bar byed pas na/ chos la rab tu zhugs pa'o/ /bsgrub par bya ba'i chos rnams de bzhin du sgrub par byed
 bas na/ gnyer ba'i chos la spyod pa zhes bya'o/ /dge 'dun du 'du shes nas dad pa dang ldan te zhes bya ba ni 'phags pa'i bden pa rtogs pa'i mthus 'phags pa'i dge 'dun la yon tan gong du bshad pa dang/ ldan par
 yid ches shing dang ba ni dge 'dun du shes nas dad pa dang ldan pa'o/ /yang na don gyi mchog sgrub pa dang/ phyin ci ma log par sgrub pa dang/ tha dad pa med par sgrub pa dang/ ji ltar bstan pa bzhin du bsgrubs pa la
 brtsams nas/ rig pa la rab tu zhugs pa zhes bya ba la sogs pa gsungs so/ /de la rigs pa la zhugs zhes bya bas don gyi mchog bsgrub pa bstan te/ don gyi mchog ni mya ngan las 'das pa ste/ de sgrub par
 byed pa'i phyir rigs pa la zhugs pa'o/ /drang po la zhes bya ba phyin ci ma log par bsgrub pa bstan te/ phyin ci ma log pa'i lam sgrub par byed pas na drang po la zhugs pa'o/ /mtshungs par zhugs pa zhes bya bas
 tha dad pa med par sgrub pa bstan te/ 'phags pa dgra bcom pa gzhan dag sgrub par bzhin du sgrub pas mtshungs par zhugs pa'o/ /chos dang gnyer ba'i chos zhugs zhes bya bas ji ltar bstan pa bzhin du bsgrub pa
 bstan te/ bcom ldan 'das kyi lung las ji skad 'byung ba bzhin du sgrub par byed pas na chos dang gnyer ba'i chos la rab tu zhugs pa dang/ gnyer ba'i chos la spyod pa zhes bya'o/ /yon tan de lta bu dang ldan pa de dag kyang gang zag dngos po gang
 yin pa bstan pa'i phyir/ rgyun tu zhugs pa'i 'bras bu mngon du bya ba'i phyir rab tu zhugs pa'i dge 'dun yang yod ces bya ba la sogs pa gsungs te/ de la rgyun tu ni 'phags pa'i lam mo/ /de la zhugs pa ni rgyun tu zhugs pa'o/ /rgyun
 tu zhugs pa'i 'bras bu ni lam la rjes su shes pa'i ye shes te/ skad cig ma bcu drug la gnas pa'o/ /mngon du bya ba'i phyir zhugs pa ni lam la rjes su shes pa'i bzod pa ste/ sems kyi skad cig ma bco lnga la gnas pa'o/
 rab tu zhugs pa'i dge 'dun yang yod ces bya ba ni/ sems kyi skad cig ma bcu drug lam la rjes su shes pa'i ye shes la gnas pa nyid de/ des khams gsum gyi mthong bas spang bar bya ba'i nyon mongs pa ma lus par spangs so//
 lan cig phyir 'ong ba'i 'bras bu mngon du bya ba'i phyir zhugs pa ni/ 'dod pa'i khams kyis bsgom pas spang bar bya ba'i nyon mongs pa chen po'i chen po dang/ chen po'i 'bring po dang/ chen po'i chung ngu dang/ 'bring po'i chen po dang/ 'bring po'i 'bring
 po dang/ 'bring po'i chung ngu dang/ chung ngu'i chen po dang/ chung ngu'i 'bring po dang/ chung ngu'i chung ngu ste/ dgu las/ nyon mongs pa 'bring po'i bar nyon mongs pa rnam pa lngas spangs pa'i lam la gnas pa'o/ /lan cig phyir 'ong ba'i dge 'dun ni 'dod pa'i khams
 kyi bsgom pas spong bar bya ba'i nyon mongs pa chung ngu'i chen po dang/ chung ngu'i 'bring po ste/ rnam pa brgyad spangs pa'i lam la gnas pa'o/ /phyir mi 'ong ba'i 'bras bu mngon du bya ba'i phyir rab tu zhugs pa ni/ 'dod pa'i khams kyi
 bsgom pas spang bar bya ba'i nyon mongs pa chung ngu'i chen po dang/ chung ngu'i 'bring po gnyis spangs pa'i lam la gnas pa'o/ /phyir mi 'ong ba'i dge 'dun ni 'dod pa'i khams kyis bsgom pas spang bar bya ba'i phyir nyon
 mongs pa chung ngu'i chung ngu ste/ rnam pa dgu spangs pa'i lam la gnas pa'o/ /de ltar 'dod pa'i khams 'dir 'ong ba med par mya ngan las 'da' bas na/ lan cig phyir mi 'ong ba'o/ /dgra bcom pa'i 'bras bu mngon du bya ba'i phyir rab tu zhugs
 pa ni/ gzugs kyi khams kyi re re zhing nyon mongs pa dgu dgur phye/ gzugs med pa'i khams kyi snyoms par 'jug pa bzhi la yang nyon mongs pa dgu dgur phye ba las/ srid pa'i rtse mo'i nyon mongs pa chung ngu'i 'bring po ste/ rnam pa brgyad kyi bar
 spangs ba'i lam la gnas pa'o/ /dgra bcom pa ni srid pa'i rtse mo'i nyon mongs pa dgu spangs pa lam la gnas pa ste/ nyon mongs pa dgra dang 'dra ba rnams der ma lus par bcom pa ste/ med pas na/ dgra bcom pa zhes bya'o/ /yang na 'jig rten
 thams cad kyi mchod cing bkur bar 'os pa'i phyir/ dgra bcom pa zhes bya ste/ de bas na mdo gzhan las kyang dbang po dang nye dbang pos mchad pa dang/ bkur stir bya bar 'os so zhes gsungs so/ /skyes bu zung bzhi zhes bya ba ni 'jug pa bzhi dang/
 'bras bu thob pa bzhi ste/ de ltar na gang zag brgyad do/ /de ltar zhes bya ba ni gong du bshad pa ltar na zhes bya ba'i don to/ /dad pa phun sum tshogs pa zhes bya ba la las dang 'bras bu dang/ bden pa rnams la zlog pa med pa'i yid ches pa dang/
 ldan pas na/ dad pa phun sum tshogs pa'o/ /yang na rgyun tu zhugs pa'i yan lag bzhi dang ldan pa'i phyir dad pa phun sum tshogs pa'o/ /yan lag drug pa'i tshul khrims sam zag pa med pa'i tshul khrims dang ldan pa'i phyir/ tshul khrims phun sum
 tshogs pa'o/ /thogs mar yang dge bar du dge zhes bya ba la sogs pa mdo phal cher thos shing phyin ci ma log par thos pas na/ thos pa phun sum tshogs pa'o/ /gang zag la bdag med par dmigs pa'i mtshan nyid zag pa med pa'i ting nge 'dzin dang ldan bas na/ ting nge
 'dzin phun sum tshogs pa'o/ /'phags pa'i bden pa bzhi ma nor bar khong du chud pa'i shes rab dang ldan pas na/ shes rab phun sum tshogs pa'o/ /mthong bas spang bar bya ba dang/ bsgom bas spang bar bya ba'i nyon mongs pa dang ldan pas na/ rnam par grol pa phun
 sum tshogs pa'o/ /de'i 'og tu nyon mongs pa spangs par shes pa dang/ bya ba byas par shes pa dang/ phyis sems kyi rgyud la nyon mongs pa mi 'byung bar shes pa dang ldan pas na/ rnam par grol ba'i ston pa phun sum tshogs pa zhes bya'o/ /lha'i dbang po brgya
 byin dang tshangs pa la sogs pa/ mi'i rgyal po dang blon po la sogs pas sbyin par bya zhing mchod par bya ba'i gnas su gyur pas na/ sbyin par 'os ba zhes bya'o/ /dngos po dam pa dang bzang po dang/ mang pos mchod par 'os pas na/ rab tu sbyin par 'os
 pa'o/ /skabs skabs su lus kyis btud cing thal mo sbyar ba'i gnas yin pas na/ thal mo sbyar bar rung ba zhes bya ba dang sbyar ro/ /lus smad lngas la gtugs te sri zhu'i gnas yin pas na/ phyag bya bar 'os pa'o/ /bla na med pa'i bsod nams kyi zhing zhes
 bya ba la/ gang du sbyin pa la sogs pa dge ba'i rtsa ba bskyungs na/ nyon mongs pa thams cad spangs pa dang/ rnam par thar ba'i mtshan nyid thob par byed pa'i zhing du 'gyur te/ de las zhing dam par gyur pa gzhan med pas na/ bla na med pa'i
 bsod nams kyi zhing ngo/ /de la sbyin pa la sogs pa'i yon phul lam/ 'tsho ba sbyar tam?/ chos gos la sogs pa'i yo byad sbyar na/ skad cig ma re re nyin re bzhin rgyun tu 'bral? bar 'gyur bas na/ 'jig rten gyi sbyin gnas su rung ba
 zhes bya'o/ /'phags pa bzhed pa'i tshul khrims dang/ tshul khrims kyi yon tan dang ldan pa'i phyir/ gang yang de dag tshul khrims ma bzhig pa dang zhes bya ba la sogs pa gsungs so/ /gang yang zhes bya ba ni 'phags
 pa'i dge 'dun de dag yon tan gong du bshad pa dang ldan par ma zad kyi/ tshul khrims ma zhig pa la sogs pa'i yon tan 'og nas 'byung ba rnams par? yang ldan no/ /zhes bya ba'i don to/ /de la tshul khrims ni rnam pa gsum ste/ tshul khrims
 kyi yan lag dang/ brtul zhugs kyi yan lag dang/ bag yod ba'i yan lag go /de gsum char las nyams par ma gyur pas na/ tshul khrims ma zhig pa'o/ /de la rang bzhin gyi sdig pa phas pham pa rnams mi byed pa ni tshul
 khrims kyi yan lag go /skra 'breg pa dang gos ngur smig byon? pa ni brtul zhugs kyi yan lag go /chad mi btung ba ni bag yod pa'i yan lag ces bya'o/ /skabs skabs su srung skabs skabs su 'bul zhing gtod ba med pas
 ma ral ba'o/ /ngang tshul ngan pa'i dri ma dang ma 'dres pa'i phyir ma nyams pa'o/ /tshul khrims nyams par 'gyur ba'i rgyur 'dod pa la rtag pa dang zhe sdang la rtog pa mi 'byung bas na ma 'dres pa'o/ /gcig tu dkar po'i phyogs 'ba' zhig
 'byung zhing/ mya ngan las 'das pa'i rgyu byed pas na/ dri ma med pa'o/ /tshul khrims nyams par 'gyur ba'i gnyen po ldan zhing/ yongs su 'dzin pas na rang dbang yod pa'o/ /tshul khrims nyams pa'i gnyen po ni/ shes
 rab kyi mthu bsgom pa'i mthu ste/ de gnyis la yang nas yang du goms par byas pas sdig pa mi dge ba'i chos kyi dbang du mi 'gyur zhing mi dge ba'i bshes gnyen rnams kyis gzhan du bkri bar mi nus pas na/ rang dbang
 yod pa zhes bya'o/ /lta ba ngan pa dang smon lam ngan pa'i dri ma dang ma 'dres pas mam? god pa ste/ mngon par 'byung ba 'ba' zhig tu bsngos pa'i phyir ro/ /lta ba ngan pa dang ma 'dres pa ni/ 'jig tshogs la lta ba la sogs pa'i
 dri ma dang ma 'dres pa'i phyir ro/ /smon lam ngan pa dang ma 'dres pa ni tshul khrims 'dis lhar gyur cig ces bya ba la sogs par smon pa dang ma 'dres pa'o/ /shin tu rdzogs pa zhes bya ba ni rab tu rdzogs/ mthar phyin pa ste/
 ji ltar mthar phyin ce na/ ma zhig pa dang ma ral pa dang ma nyams pa'i phyir mthar phyin te/ /shin tu brtsams zhes bya ba ni/ legs par bsgrubs zhes bya ba'i don to/ ji ltar legs par sgrubs she na/ ma 'dres pa
 dang/ dri ma med pa dang/ rang dbang yod pa dang ma god pa'i phyir legs par bsgrubs pa'o/ /mkhas pas rab tu bsngags pa zhes bya ba ni/ tshul khrims te de bzhin gshegs pa dang/ 'phags pa dgra
 bcom pa la sogs pas yon tan can du bsgrags pa'i phyir/ mkhas pas ma smad pa zhes bya ba ni tshul khrims de la nyes pa dang skyon yod par mkhas pas ma gsungs pa'i phyir te/ zag pa med pa'i phyir ro/ /
 'phags pa 'dod pa'i tshul khrims dang ldan pa yin zhes bya ba ni/ 'phags pa rnams bzhad pa'i tshul khrims yin pas na 'dod pa'i tshul khrims te/ tshul khrims de dge ba gang zag pa med pa'i mtshan nyid
 yin pas na mya ngan las 'das pa'i don du de la yang nas yang du mngon sum du mdzad pas na/ de'i phyir 'phags pa bzhed pa'i tshul khrims so/ /don du na 'di dag gis sman pa dang/ sman dang/ nye g.yog dang yo byad du
 gyur pa rnams bstan pa yin te/ de la de bzhin gshegs pa ni nyon mongs pa sel ba'i sman pa'o/ /chos ni nyon mongs pa sel ba'i sman to/ /dge 'dun ni nyon mongs pa sel ba'i nye
 g.yog go /'phags pa dgyes pa'i tshul khrims ni nyon mongs pa spang bar bya ba'i yo byad du gyur pa'o/ /rgyun tu zhugs pa'i yan lag bzhi bstan pa'i mjug bsdu ba'i phyir/ /'di ni rgyun tu zhugs pa'i yan lag
 bzhi rnams so zhes gsungs so// //rgyun tu zhugs pa'i yan lag bzhi bstan pa'i 'og tu/ stobs bcu bstan te/ ji ltar bstan pa bzhin du bshad par gsungs pa/ dge slong
 dag de bzhin gshegs pa'i stobs bcu gang zhe na/ zhes bya ba la sogs pa gsungs so/ /gang cung zad 'dis bshad cing gsungs pa rnams de bzhin du/ phyin ci ma log cing ma nor ba'i phyir de bzhin gshegs pa
 zhes bya'o/ /nyon mongs pa dang 'dud thams cad zil gyis gnon pa'i mthu dang ldan pa'i phyir stobs so/ /stobs dang po bstan pa'i phyir/ dge slong dag de bzhin gshegs pa gnas la gnas/ gnas ma yin
 pa la gnas ma yin par yang dag pa ji lta ba bzhin du rab tu shes zhes bya ba gsungs te/ de la gnas ni rgyu la bya'o/ /gnas ma yin pa ni rgyu ma yin pa la bya'o/ /de la las dge ba dang mi dge ba ni 'bras bu
 bde ba dang/ sdug bsngal bskyed pa'i rgyu yin no zhes mkhyen pa ni gnas la yang dag pa ji lta ba bzhin du shes pa zhes bya'o/ /byed pa po dang bdag la sogs pa ni chos kyi rgyu ma yin te/ de ltar mkhyen pa ni gnas ma
 yin pa la gnas ma yin pa yang dag pa ji lta ba bzhin du shes pa zhes bya'o/ /yang na gnas zhes bya ba ni srid pa la bya la/ gnas ma yin pa zhes bya ba ni mi srid pa la bya ste/ sbyin pas longs spyod chen por 'gyur pa ni srid la/ sbyin
 pas dbul bar 'gyur ba mi srid pa dang/ tshul khrims kyis mtho ris su skye ba ni srid la/ tshul khrims kyis ngan song du skye ba ni mi srid pa dang/ slar bzlog ste/ sdig pa byas pas mtho ris su skye ba mi srid la/ sdig pa mi
 dge ba byas pas ngan song du skye pa ni srid pa dang/ dge ba byas pas mtho ris su skye ba ni srid la/ dge bas ngan song du 'gro ba mi srid pa dang/ skyes pa mngon par sangs rgyas shing 'khor lo skor ba'i rgyal por 'gyur ba dang/ rang sangs rgyas su
 'gyur pa ni srid la/ bud med kyis de ltar mi 'gyur bar thugs su chud pa ni/ gnas la gnas dang gnas ma yin pa yang dag pa ji lta ba bzhin du rab tu shes pa zhes bya'o/ /de la thams cad shes pa dang thogs pa med par shes pa dang/
 dag par shes pa ni/ yang dag pa ji lta ba bzhin shes pa zhes bya'o// //stobs gnyis pa bstan pa'i phyir/ 'das pa dang ma 'ongs pa dang da ltar byung ba las zhes bya ba la sogs pa smos te/ gang las byas shing bsags
 nas/ 'gag par gyur pa de dag ni 'das pa'i las so/ /las gang byas pa yang ma yin/ 'gags pa yang ma yin/ byed pa yang ma yin gyi/ ma 'ongs pa na byed par 'gyur ba ni ma 'ongs pa'i las so/ /las gang byas zin pa dang/
 'gags pa yang ma yin/ da ltar byed pa la zhugs pa ni/ da ltar byung ba'i las zhes bya'o/ /de yang lus kyi las dang ngag gi las dang yid kyi las kyi sgo nas rnam pa gsum du bsdu ba nas las yang dag par gsungs so/ /las de dag las
 'bras bu bde ba dang sdug bsngal smin pa ni/ rnam par smin pa zhes bya'o/ /de la yang rnam pa bzhi lta bur mkhyen pa ni/ yang dag pa ji lta ba bzhin du rab tu shes pa zhes bya ste/ las kha cig da ltar bde la/ ma 'ongs
 ba na sdug bsngal bar rnam par smin par 'gyur pa dang/ las kha cig da ltar sdug bsngal la/ ma 'ongs pa na bde bar rnam par smin pa dang/ las kha cig da ltar yang sdug bsngal ba/ ma 'ongs pa na yang sdug bsngal bar rnam par smin pa dang/
 las kha cig de ltar yang bde la/ ma 'ongs pa ni yang bde bar smin par 'gyur ba rnams de bzhin du thugs su chud pa'o/ /de la tshe rabs gzhan na yang las mi dge ba spyad pa la goms pas tshe 'dir yang mi dge ba'i las la dga' ba bzhin
 las kha cig da ltar yang bde la/ ma 'ongs pa ni yang bde bar smin par 'gyur ba rnams de bzhin du thugs su chud pa'o/ /de la tshe rabs gzhan na yang las mi dge ba spyad pa la goms pas tshe 'dir yang mi dge ba'i las la dga' ba bzhin
 du 'jug pa de dag de'i rkyen gyis ma 'ongs pa ni ngan song gsum du rnam par smin par 'gyur bas de ni las da ltar bde la/ ma 'ongs par sdug bsngal rnam par smin pa zhes bya'o/ /la la dag tshe rabs snga ma na dge ba la goms pa chen por mi
 byas pa tshe 'dir tshul khrims bsrung ba la sogs pa'i dge ba la mi bde bzhin du 'jug pa/ de'i rgyus tshe rabs gzhan du bde 'gror rnam par smin pa ni 'dir mi bde la tshe rabs gzhan du bde bar smin pa zhes bya'o/ /sems can kha
 cig tshe rabs gzhan du sdig pa'i las la goms par ma byas pas tshe 'dir mi 'dod bzhin du mi dge ba'i bshes gnyen gyi rkyen gyis sdig pa'i las byed du bcug pa de dag ni ma 'ongs pa na ngan song gsum du rnam par smin par 'gyur
 pas/ de dag ni tshe 'di dag la yang mi bde la/ ma 'ongs pa na yang sdug bsngal bar rnam par smin pa zhes bya'o/ /la la bdag tshe rabs snga ma na dge ba la goms pa chen por ma byas pas tshe 'dir tshul khrims bsrung pa la sogs pa'i
 dge ba la mi bde bzhin du 'jug pa/ de'i rgyus tshe rabs gzhan du bde 'gro ba rnam par smin pa ni 'dir mi bde la tshe rabs gzhan du bde bar smin pa zhes bya'o/ /sems can kha cig tshe rabs gzhan du sdig pa'i las la goms par ma byas pas tshe 'dir
 mi 'dod bzhin du mi dge ba'i bshes gnyen gyi rkyen gyis sdig pa'i las byed du bcug pa de dag ni ma 'ongs pa na ngan song gsum du rnam par smin par 'gyur bas/ de dag ni tshe 'di la yang mi bde la/ ma 'ongs pa na yang sdug bsngal bar rnam par
 smin pa zhes bya'o/ /kha cig tshe rabs snga ma la dge ba'i las byed pa la sogs pas tshe 'dir yang de bzhin du dge ba'i las byed pa dang/ tshe 'dir gzugs kyi khams kyi bsam gtan bzhi thob pa dag ma 'ongs pa na yang mtho ris su rnam par smin par
 'gyur ba'i phyir de dag ni tshe 'dir yang bde la/ tshe rabs gzhan du yang rnam par smin pa bde ba zhes bya'o/ /stobs gsum pa bstan pa'i phyir/ sems can pha rol po rnams kyi mos pa du ma dang mos pa sna tshogs rnams yang dag pa ji lta ba bzhin rab tu
 shes pa zhes bya ba gsungs te/ sems can rnams kyi mos pa du ma ni mos pa chung ba dang/ mos pa 'bring po dang/ mos pa chen po ste/ gang nyan thos kyi theg pa la mos pa ni mos pa chung ngu'o?/ /rang sangs rgyas kyi theg pa la mos pa 'bring ngo/ /theg pa
 chen po la mos pa chen po'o/ /sems can kha cig gzugs la mos pa yang na sgra la ma yin/ kha cig sgra la mos la/ gzugs la ma yin/ kha cig dri la mos la/ gzugs la ma yin pa la sogs pa mos pa'i rnam pa tshad med par yod pa
 rnams ni mos pa sna tshogs zhes bya ste/ sems can rnams gang ci la mos pa de bzhin du phyin ci ma log par mkhyen pas na/ mos pa du ma dang mos pa sna tshogs rnams yang dag pa ji lta ba bzhin rab tu mkhyen pa'o/ /stobs bzhi
 pa bstan pa'i phyir/ 'jig rten gyi khams du ma dang/ 'jig rten gyi khams sna tshogs yang dag pa ji lta ba bzhin du rab tu shes zhes bya ba gsungs te/ khams kyi don ni 'dir sems can rnams kyi rigs sam rang bzhin
 nam sa bon la bya ste/ nyan thos kyi rigs dang/ rang sangs rgyas kyi rigs dang/ theg pa chen po rigs can rnams kyi 'jig rten gyi khams du ma zhes bya'o/ /sems can gyi spyod pa brgyad khri bzhi stong dag ni 'jig rten gyi khams sna
 tshogs zhes bya ste/ sems can rigs dang ldan pa dang/ sems can gang spyod pa gang dang ldan pa de de bzhin du phyin ci ma log par thugs su chud pas na/ yang dag pa ji lta ba bzhin du shes pa zhes bya'o// //
 stobs lnga pa bstan pa'i phyir/ sems can gzhan rnams kyi dbang po mchog dang mchog ma yin pa yang dag pa ji lta ba bzhin du rab tu shes pa zhes bya ba gsungs te/ de la dbang po rnon po dang/ rtul po dang 'bring po ste/
 rnam pa gsum mo/ /'di ni dad pa la sogs pa'i dbang po lnga rna ba dang ldan/ 'di ni dad pa la sogs pa'i dbang po rtul ba dang ldan no zhes phyin ci ma log par rab tu mkhyen pa ni dbang po mchog dang mchog ma yin pa yang dag
 pa ji lta ba bzhin du rab tu mkhyen pa zhes bya'o// //stobs drug pa bstan pa'i phyir/ thams cad du 'gro ba'i lam yang dag pa ji lta ba bzhin du rab tu mkhyen pa zhes gsungs te/ sems can rnams kyi rigs dang
 spyod pa dang dbang po rno rtul mkhyen nas sems can gang la lam dang chos gang bstan par 'os pa de bzhin du/ phyin ci ma log par mkhyen pa ni thams cad du 'gro ba'i lam yang dag pa ji lta ba bzhin du shes pa zhes
 bya'o/ /dper na 'dod chags can la mi gtsang ba bstan pa dang/ zhe sdang can la byams pa bstan pa dang zhes bya ba la sogs pa mkhyen pa'o/ /yang na las rgyud lnga gzigs shing mkhyen pa ni/ thams cad du 'gro ba'i lam yang dag pa ji lta ba bzhin du shes pa zhes bya'o//
 yang na so so'i phyogs la brten pa'i lam dge sbyong dang bram ze la sogs pa so sor lta ba sna tshogs la chags shing lam yin par 'du shes pa las gang tshe 'di dang tshe rabs gzhan du yang kha na ma tho ba med pa'i lam thams cad du bde ba 'ba' zhig
 skyed par byed pa ni thams cad du 'gro ba'i lam zhes bya ste/ /de phyin ci ma log par mkhyen pas na yang dag pa ji lta ba bzhin shes pa zhes bya'o/ /stobs bdun pa bstan pa'i phyir/ sems can pha rol po rnams kyi dbang po dang zhes bya ba
 la sogs pa gsungs te/ dbang po ni dad pa'i dbang po la sogs pa'i dbang po lnga'o/ /stobs ni dad pa la sogs pa'i stobs lnga'o/ /byang chub kyi yan lag dran pa la sogs pa byang chub kyi yan lag bdun no/ /bsam gtan ni gzugs
 kyi khams kyi bsam gtan bzhi'o/ /rnam par thar pa ni gzugs can gzugs la lta ba la sogs pa brgyad do/ /ting nge 'dzin ni mtshan ma med pa dang/ smon pa med pa dang stong pa nyid la sogs pa gsum mo/ /snyoms par 'jug pa ni gzugs
 med pa'i khams kyi snyoms par 'jug pa bzhi dang/ 'gog pa'i snyoms par 'jug pa'o/ /yang na sems la dbang thob pa rnams gang 'dod pa'i don sgrub pa'i phyir de dang rjes su mthun pa'i ting nge 'dzin la zhugs pa ni snyoms
 par 'jug pa ni zhes bya'o/ /kun nas nyon mongs pa dang zhes bya ba la/ mdor na bsam gtan la sogs pa thob par bya ba la/ bar du spyod pa'i kun nas nyon mongs pa gnyis te/ ma thob pa rnams la ni/ thabs ma yin pa'i
 sbyor ba la 'jug pa dang/ rmugs pa dang/ rgol ba'i kun nas nyon mongs pa 'byung ba dang/ thob pa rnams la ni de'i sa'i kun nas nyon mongs pa mngon du spyod pa 'am/ bsam gtan ?? bde?
 pa la ro myong bar byed pa ste/ de ni kun nas nyon mongs pa zhes bya'o/ /kun nas nyon mongs pa rnam pa gnyis dang bral ba nyid rnam par byed pa'o/ /bsam gtan tshad med pa rnams la bsam gtan gang gi ming gang yin pa ni/
 rnam par bzhag pa zhes bya ste/ dbang po la sogs pa'i chos rnams dang/ de dag gi kun nas nyon mongs pa dang/ rnam par byang ba dang/ ming gang yin pa phyin ci ma log par thugs su chud pa ni/ yang dag pa ji lta ba bzhin du
 rab tu shes pa zhes bya'o/ /stobs brgyad pa bstan pa'i phyir/ sngon gyi gnas rnam pa du ma zhes bya ba la sogs pa gsungs te/ sems can gyi gnas rnam pa sna tshogs de dang de dag 'di lta ste/ shar dang nub dang byang dang
 lho la sogs pa/ gnas sna tshogs pa dang ming la sogs pa tha dad pa tha snyad kyi dngos po brgyad rjes su 'brangs pa'i bdag dang gzhan gyi lus 'brangs pa rnams la mdor na spyod pa drug rjes su dran pa ni/ sngon gyi gnas rnam
 pa du ma rnam pa dang bcas/ yul dang bcas/ mtshan ma dang bcas par yang dag par rjes su dran pa zhes bya'o/ /tha snyad kyi dngos po brgyad ni ming gang yin pa dang/ rigs gang yin pa dang/ rus gang yin pa dang/
 tha snyad ci dag spyod pa dang/ bde ba dang/ sdug bsngal ci myong ba dang/ tshe ring thung ji tsam pa dang/ dus ci srid cig gnas pa dang/ tshe'i mdza' ji tsam pa'o/ /spyod pa rnam pa drug ni/ 'bod pa'i phyir tha snyad dang/
 rgyal rigs la sogs pa'i rigs dang/ pha ma gang yin pa dang/ bza' ba btung ba'i yo byad dang/ dar ba dang/ rgud pa dang/ tshe'i 'du byed rnam pa sna tshogs so/ /'di ltar 'jig rten dag tha snyad ni dngos po brgyad la brten nas spyod pa
 rnam pa drug gis bdag dang pha rol dag la smra zhing glang bar byed do/ /de la mi gang yin pa ni bdag tshe rabs de dang/ de dag nas mi gang dang gang yin pa'o/ /rigs ni rgyal rigs sam bram ze 'am/ rje'u rigs sam/ dmang
 rigs la sogs pa gang dang gang du skyes pa'o/ /pha dang ma ni sems can so so'i tshe rabs de dang de dag na ma gang yin pa dang/ pha gang yin pa'o/ /bza' ba dang btung ba'i yo byad ni/ tshe rabs de dang de dag na khre dang 'bras bu
 sogs pa'i kha zas ci dang ci zos pa'o/ /dar ba dang rgud pa ni tshe rabs de dang de dag na nyon mongs pa ci myong ba dang bde ba ci myong ba'o/ /tshe'i 'du byed sna tshogs ni tshe rabs de dang de dag na lo grangs brgya 'am stong ngam/ bcu la
 sogs pa'i tshe'i tshang ji tsam dang/ de dag na byis pa'i dus dang/ dar la bab pa'i dus dang/ rgas pa'i dus kyi rnam pa dang/ tshe'i 'du byed ji tsam lon nas/ ji tsam na shi bar gyur pa ste/ de dag dang gzhan gyi tha snyad de dag
 thams cad phyin ci ma log par thugs su chud pas na/ sngon gyi gnas rnam pa du ma rnam pa dang bcas pa/ yul rang bcas pa/ mtshan ma dang bcas pa yang dag par rjes su dran pa zhes bya'o/ /de la rnam pa dang bcas pa
 zhes bya ba la/ /rnam pa ni rnam pa dran pa dang/ ngan rtags dran pa dang/ mtshan ma dran pa'o/ /de la rnam pa dran pa ni/ bdag dang gzhan gyi tshe gcig nas brtsams nas bskal pa bye ba khrag khrig brgya stong du ma'i pha rol na ni
 dang ci byed pa dran pa'o/ /don rtags dran pa ni tshe rabs de dang de dag thams cad na tshe re re'i so so'i ming rnams kyang dran pa ste/ tshe 'di'i tshe na ni ming 'di zhes bya ba/ tshe 'di'i tshe na ni ming 'di zhes bya
 ba dran pa'o/ /mtshan ma dran pa ni tshe rabs de dang de dag na rus dang rigs gang yin pa dang/ dar ba dang rgud pa ci myong ba rnams dran pa'o/ /yul dang bcas pa zhes bya ba ni tshe rabs de dang de dag na rus dang rigs gang yin pa dang/
 yul gang dang gang na gnas pa dang/ de dag nas shi 'phos nas gang du skyes pa dran pa'o/ /mtshan ma dang bcas pa zhes bya ba ni tshe rabs de dang de dag na pha ma gang yin dran pa dang/ tshe'i 'du byed dus ji srid cig tu gnas pa dran
 pa'o/ /yang na tshe rabs de dang de dag du skyes pa na pha ma'i dus gang yin pa dang/ pha ma gang yin pa dang/ bde sdug ci myong ba dang/ kha zas ci zos pa dang/ dus ring thung ji srid du gnas pa dran pa ni/ rnam pa dang bcas
 pa'i dran pa zhes bya'o/ /tshe rabs de dang de dag na/ yul gang dang gang du skyes pa dang/ tshe rabs gcig nas gcig tu brgyud/ de ji ltar skyes pa dran pa ni yul dang bcas pa'o/ /tshe rabs de dang de dag ni ming ci dang ci brtags
 pa dran pa ni mtshan ma dang bcas pa yang dag par dran pa zhes bya'o/ /de yang mdor bsdus na/ don rnam pa gsum ston te/ gang gis dran pa dang/ gang dran pa dang/ ji ltar dran pa'o/ /de la gang gis dran pa ni
 sngon gnas pa'i rjes su dran pa'i ye shes nyid kyis rjes su dran pa'o/ /gang dran pa ni tshe rabs gcig kyang dran pa nas bskal pa bye ba khrag khrig brgya stong du ma'i bar du dran pa'o/ /ji ltar dran pa ni rnam pa dang bcas
 yul dang bcas/ mtshan ma dang bcas par dran pa'o/ /stobs dgu pa bstan pa'i phyir/ de mi las shin tu 'das pa'i 'phrul gyi mig rnam par dag pas zhes bya ba la sogs pa gsungs te/ de la 'phrul ni bsam gtan dang po dang gnyis pa la sogs
 pa'o/ /'phrul gyi mig de yang bsam gtan de de tsam dag lo brten pa dang/ de'i 'bras bur gyur pa bar/ des yongs su zin pa'i phyir 'phrul gyi mig ces bya'o/ /bsam gtan yongs su rdzogs pa dang/ rnam par thar pa'i 'bras bu yin pa'i phyir/
 rnam par thar pa zhes bya'o/ /'phrul gyi mig de'i ming tsam yang mi la med pa'i phyir/ las shin tu 'das pa zhes bya'o/ /'di ltar 'dod pa'i khams su skyes pa'i lha rnams la ni/ skyes nas thob pa'i 'phrul gyi mig ces bya yang/ mi rnams la
 de tsam yang med pa'i phyir/ mi las shin tu 'das pa'o/ /sems can rnams lus dang yid kyi dge ba spyad pa zhes bya ba ni/ srog gcod pa las ldog pa la sogs pa'i dge ba bcu lus dang ngag dang yid gsum gyis sbyor bar bya'o/ /mi dge
 pa spyad pa ni srog gcod pa la sogs pa mi dge ba bcu lus dang ngag dang yid gsum gyi sgo nas spyod pa'o/ /dge ba bcu spyad pas lha dang mi'i nang du skye ba ni/ bde 'gror skye ba'o/ /mi dge ba bcu spyad pas ngan song gsum du ltung ba ni/
 ngan par 'gro ba skye ba zhes bya'o/ /sems can gang srog gi dbang po bor ba ni 'chi ba'o/ /srid pa bar mar skye ba ni 'pho ba'o/ /lha dang mi la sogs pa'i rigs su byung ba'i skye bar gyur ba zhes bya ste/ 'phrul gyi mig gis sems can
 tshe rabs gzhan du gang nas gang du ji ltar skye bar mthong ba ni/ tshe rabs gzhan rjes su dran pa'i stobs shes so /stobs bcu pa bstan pa'i phyir/ zag pa med pa'i shes rab kyis zag pa med pa'i phyir sems rnam par grol ba
 yang dag pa ji lta ba bzhin du shes so zhes bya ba gsungs te/ bsgom pa dang mthong ba'i lam gyis bag la nyal ma lus par spangs nas/ zag pa med pa'i tshul khrims dang/ ting nge 'dzin dang/ shes rab dang/ rnam par
 grol ba thob pa ni zag pa zad pa'o/ /de nas zag pa zad nas bdag gi rgyud la zag bzang? de nyon mongs pa ni spangs/ srid pa gzhan du mi skye zhes rnam par grol ba'i ye shes thob pa na/ shes rab kyi zag pa med pa'i rnam par grol ba yang dag pa ji lta
 ba bzhin du shes pa zhes bya'o/ /ji ltar bdag gi rgyud la zag pa zad pa shes bzhin du sems can gzhan gyi rgyud kyi zag pa rnams kyang zad par bya bar mkhyen pa ni zag pa zad pa'i stobs zhes bya'o/ /de la stobs bcu 'di dag gi rang
 bzhin rab tu dbye ba dang/ ma 'dres pa dang/ mnyam pa dang las byed pa dang/ go rims dang/ khyad par rnams bstan par bya'o/ /de la stobs bcu rnams kyi rang bzhin gang zhe na/ 'di dag gi rang bzhin ni zag pa med pa'i dad pa la sogs
 pa'i dbang po lnga'i rang bzhin yin par rig par bya'o/ /yang na de dag gi nang na shes rab gtso bo yin pas shes rab kyi rang bzhin yin par rig par bya'o/ /rab tu dbye ba ni stobs bcu 'di dag rnam pa gsum du rab tu phye nas/
 tshad med pa'i ngo bo nyid yin par rig par bya ste/ rnam pa gsum ni dus rab tu dbye ba dang/ rnam pa rab tu dbye ba dang/ rgyud rab tu dbye ba dang/ de la dus rab tu dbye ba ni 'das pa dang/ ma 'ongs pa dang/ da ltar gyi dus su
 gtogs pas shes par bya ba'i dngos po thams cad thugs su chud pa'i phyir ro/ /rnam pa rab tu dbye ba ni 'dus byas kyi dngos po gcig la yang rang gi mtshan nyid dang/ spyi'i mtshan nyid dang/ gzugs can dang/ gzugs med pa
 la sogs pa'i rnam pa ji snyed yod pa thugs su chud pa'i phyir ro/ /rgyud rab tu dbye ba ni phyogs bcu'i 'jig rten gyi khams tshad med pa na 'dug pa'i sems can so so'i rgyud ci 'dra ba ma lus par thugs su chud pa'i phyir ro/ /de lta na rnam par
 dbye ba gsum thugs su chud pas stobs bcu 'di dag tshad med pa'i rang bzhin yin par rig par bya'o/ /de la ma 'dres pa'i stobs bcu po 'di dag de bzhin gshegs pa nyag gcig la mnga' bar zad kyi/ nyan thos dang rang sangs rgyas la sogs
 pa gzhan la med pa'i phyir ro/ /mnyam pa ni de bzhin gshegs pa thams cad stobs bcu po 'di brnyes par 'dra ste/ che chung khyad par med pa'i phyir ro/ /de bas na de bzhin gshegs pa thams cad mnyam pa nyid la gnas pa zhes bya ste/
 sems can gyi don dang sbyar nas/ skabs kha cig tu don/ la la mngon sum du byed/ skabs kha cig tu la la mngon sum du mi byed pa tsam gyis khyad yod do/ /las ni stobs bcu po 'di dag stobs gang gis las gang byed ce na/
 de la gnas dang gnas ma yin pa shes pa'i stobs kyis ni rgyu la yang rgyu dang/ 'bras bu la yang 'bras bur gnas yang dag pa ji lta ba bzhin rab tu mkhyen cing/ rgyu med pa dang mi mthun pa rgyur smra ba'i dge sbyong dang/ bram ze rnams
 tshar gcod do/ /rang gi las shes pa'i ye shes kyi stobs kyis ni rang gi las byas pa rnams rang nyid kyi 'bras bu rnam par smin pa myong ba yang dag pa ji lta ba bzhin du mkhyen cing sbyin pa la sogs pa'i bsod nams/ 'pho bar sla
 ba'i dge sbyong dang bram ze rnams tshar gcod do/ /bsam gtan dang/ rnam par thar pa dang/ ting nge 'dzin dang/ snyoms par 'jug pa mkhyen pa'i stobs kyis ni bstan pa'i cho 'phrul dang/ gdams pa'i cho 'phrul dang/
 rdzu 'phrul gyi cho 'phrul gyi sems can rnams btul nas/ yang dag pa'i gdams pa'i gdams ngag ston par mdzad cing lta ba so sor mi mthun pa dang 'gal bar smra zhing/ phyir rgol ba'i bram ze dang/ dge sbyong
 rnams tshar gcod do/ /dbang po mchog dang mchog ma yin pa mkhyen pa'i stobs kyis sems rnams kyi dbang po rnon po dang/ 'bring dang tha ma la sogs pa yang dag pa ji lta ba bzhin du shes shing de dag la ci rigs par so sor dam pa'i chos
 ston par byed do/ /mos pa sna tshogs mkhyen pa'i stobs kyis ni/ dge ba dang mi dge ba'i chos la mos pa chen po dang/ 'bring dang/ mos pa chung ngu rnams yang dag pa ji lta ba bzhin du mkhyen cing dge ba la mos pa rnams kyis dge ba 'phel
 par mdzad pa dang/ mi dge ba la mos pa rnams kyi mi dge ba spong du 'dzud pa mdzad do/ /khams sna tshogs mkhyen pa'i stobs kyis ni/ rigs chung ngu dang 'bring dang/ rigs chen po rnams yang dag pa ji lta ba bzhin du mkhyen cing dbang po
 ji lta ba bzhin pa dang bsam pa ji lta ba bzhin pa dang/ bag la nyal ji lta ba bzhin du/ bsgral bar bya ba'i sgo de dang de dag la ci rigs par sbyong bar mdzad do/ /thams cad du 'gro ba'i lam mkhyen pa'i ye shes kyis ni sdug bsngal thams cad
 las yang dag par 'byung bar byed pa'i lam yang dag pa ji lta ba bzhin du thugs su chud/ sdug bsngal thams cad las 'byung bar mi byed pa'i lam yang dag pa ji lta ba bzhin du thugs su chud nas/ 'byung bar mi byed pa'i lam spangs te/ 'byung
 bar byed pa'i lam la yang dag par 'god par mdzad do/ /sngon gyi gnas rjes su dran pa'i stobs kyis ni sems can rnams sngon gyi mthar ji ltar skyes pa dang/ 'byung ba rnams dran pa dang/ shes par mdzad nas skye ba dang/ dad pa bskyed de
 chos 'chad par mdzad cing ther zug du smra ba'i dge sbyor dang bram ze rnams tshar gcod do/ /'chi 'pho mkhyen pa'i ye shes kyis ni/ de bzhin gshegs pas 'das pa dang ma 'ongs pa'i nyan thos ji ltar dus 'das pa dang/ phyis ji ltar skye ba lung
 ston par 'gyur zhing chad bar smra ba'i dge sbyong dang bram ze tshar gcod do/ /zag pa zad pa mkhyen pa'i stobs kyis ni nyid kyi rnam par grol ba la the tshom mi mnga' / yid gnyis mi mnga' zhing dgra bcom pa thob par mngon pa'i nga rgyal can gyis
 dge sbyong dang bram ze rnams tshar gcod do/ /'di ni de bzhin gshegs pa'i stobs bcu rnams kyi las so/ /de la stobs bcu po de dag gi rim pa ji ltar khong du chud par bya zhe na/ de bzhin gshegs pa rnams bla na med pa'i byang chub mngon
 par sangs rgyas pa na/ stobs bcu po 'di dag dus gcig tu thams cad 'thob ste/ dus cig tu thob nas thams cad mngon sum du mdzad do/ /de la mngon par rdzogs par sangs rgyas ma thag tu de bzhin gshegs pa rnams chos
 kyi rgyu dang 'bras bu rnam par bzhag pa gang yin pa dang po nyid du gnas pa dang/ gnas ma yin pa mkhyen pa'i ye shes kyis gzigs par mdzad do/ /de ltar gzigs nas 'dod pa'i khams kyi sems can 'bras bu yid du 'ong
 ba/ thob par 'dod pa rnams la rang gi las mkhyen pa'i ye shes kyi stobs kyis mi dge ba'i las spangs par bya ba dang/ dge ba'i las bsgrub par bya ba'i thabs ston to/ /de la yang gang 'jig rten pa'i lam gyi 'dod
 chags spang bar 'dod pa'i sems can rnams la bsam gtan dang/ rnam par thar pa dang/ ting nge 'dzin dang/ snyoms 'jug pa mkhyen pa'i stobs kyis 'jig rten gyi 'dod chags dang bral ba'i phyir/ 'jig rten pa'i lam
 thob par bya ba'i don du/ gdams ngag yang dag pa ji lta ba bzhin du ston par mdzad do/ /'jig rten las 'das pa'i lam gyi 'dod chags dang bral bar 'dod pa rnams la ni stobs lhag ma bdun gyi 'jig rten las
 'das pa'i 'dod chags dang bral ba thob par bya ba'i phyir chos ston par mdzad do/ /ji ltar zhe na dang por dbang po mchog dang mchog ma yin pa mkhyen pa'i stobs kyis/ 'jig rten las 'das pa'i 'dod chags dang bral ba thob par 'dod pa rnams
 kyis dbang po gzigs par mdzad do/ /de nas de'i 'og tu dbang po brtags nas/ mos pa sna tshogs ba mkhyen pa'i stobs kyis/ bsam pa la rnam par gzigs par mdzad do/ /de nas khams sna tshogs mkhyen pa'i stobs kyi de'i
 'og tu bag la nyal rnam par gzigs par mdzad do/ /de ltar dbang po dang bsam pa dang bag la nyal ba mkhyen nas/ thams cad du 'gro ba'i lam mkhyen pa'i stobs kyis ci rigs par dmigs pa dang/ bsgrub par bya ba'i sgo la sgrol bar
 mdzad do/ /de nas sngon gyi gnas rjes su dran pa'i stobs kyis de'i 'og tu dmigs pa dang bsgral ba'i sgo la rab tu sbyar bas sems gnas par bya ba dang/ spyod pa yongs su dag par byas nas 'jig tshogs la lta ba'i rtsa ba las byung ba dang/
 thar thug dang chad par lta ba'i mdza' gnyis spangs pa dbu ma'i lam yang dag par ston pa mdzad do/ /de nas de'i 'og tu zag pa zad pa mkhyen pa'i stobs kyis de ltar yang dag par zhugs shing zhi gnas kyis brtan par 'gyur la/ nyon mongs
 pa'i bag la nyal ma spangs te/ mngon du rgyu ba tsam dang bral ba la bya ba ma byas kyang bya ba byas pas mngon pa'i nga rgyal skye ba rnams kyis mngon pa'i nga rgyal spong bar mdzad de/ 'di yang thang cig stobs kyis rim? rnams? pa
 gcig go /de nas gnas dang gnas ma yin pa mkhyen pa'i stobs dang/ rang gi las mkhyen pa'i stobs la khyad par ci yod/ smras pa gnas yang gnas ma yin pa mkhyen pa'i stobs kyis ni las dge ba dang/ mi dge ba rnams las? 'bras bu
 yid du 'ong ba dang/ yid du mi 'ong ba 'byung bar thugs su chud la/ rang gi las mkhyen pa'i stobs kyis na/ gang gi las dge ba dang mi dge ba byas pa de nyid kyi/ 'bras bu yid du 'ong ba dang yid du mi 'ong ba 'byung bar thugs su chud de khyad
 par ni yod do/ /de la rang gi las mkhyen pa'i stobs kyis bsam gtan dang/ rnam par thar pa dang/ ting nge 'dzin dang gang snyoms par 'jug pa de nyid kyis de thob bo zhes thugs su chud la/ bsam gtan dang/ rnam par thar pa dang/
 ting nge 'dzin la snyoms par 'jug pa'i stobs kyis ni/ bsam gtan la sogs pa'i de dag nyid la brten nas/ 'dul ba rnams la/ cho 'phrul rnam pa gsum gyis ni ston par mdzad do/ /de la bsam gtan dang/ rnam par thar pa
 dang/ ting nge 'dzin la snyoms par 'jug pa'i stobs kyis dad pa la sogs pa dang bcas pa'i sems spyi tsam mkhyen la/ dbang po mchog dang mchog ma yin pa mkhyen pa'i stobs kyis ni dad pa la sogs pa de nyid chung ngu dang 'bring
 dang chen po'i rang bzhin so sor 'byed par mdzad do/ /de la dbang po mchog dang mchog ma yin pa mkhyen pa'i stobs kyis dad pa la sogs pa de dag nyid kyang tshe rabs snga man chos gang dang gang dag la bsam pa ji ltar zhugs pa'i
 bsam pa mkhyen la/ mos pa sna tshogs mkhyen pa'i stobs kyis ni bsam pa de dag nyid la yang 'di ni/ 'dod chags kyis bsam pa dang bcas pa 'di ni/ zhe sdang gi bsam pa dang bcas pa zhes bsam pa de nyid la rnam pa sna tshogs
 su 'byed pa mkhyen to/ /bsam pa de yang mdor bsdus na rnam par dbye ba drug ste/ 'byung ba ma yin pa'i bsam pa dang/ 'byung ba'i bsam pa dang/ rnam par dag pa thag ring ba'i bsam pa dang/ rnam par dag?
 pa dang/ nye ba'i bsam pa dang/ mthong ba'i chos nyid la mya ngan las 'das pa thob par 'dod pa'i bsam pa dang/ ma 'ongs pa na mya ngan las 'das pa 'thob par 'dod pa'i bsam pa'o/ /de la 'byung ba ma yin pa'i bsam pa ni/ mthu che
 ba dang tshangs pa la sogs pa'i bstan pa la mos pa rnams kyis bsam pa'o/ /'byung ba'i bsam pa ni thag pa gsum la mos pa rnams kyi bsam pa'o/ /rnam par dag pa thag ring ba'i bsam pa ni dge ba'i rtsa ba chung ngu dang 'bring du sbyin
 pa la gnas pa rnams so/ /rnam par dag ba thag nye ba'i bsam pa ni gang dge ba'i rtsa ba smin pa chen po la gnas pa rnams so/ /mthong ba'i chos la mya ngan las 'das pa thob par 'dod pa'i bsam pa ni 'phags pa nyan thos la sogs
 pa rnams so/ /ma 'ongs pa na mya ngan las 'das pa 'thob par 'dod pa'i bsam pa ni 'phags pa nyan thos la sogs pa rnams so/ /ma 'ongs pa na mya ngan las 'das pa 'thob par 'dod pa'i bsam pa ni/ gang de bzhin gshegs pa
 rnams so/ /de la mos pa sna tshogs mkhyen pa'i ye shes kyis ni mos pa'i rgyu las 'byung ba'i sa bon tsam du thugs su chud do/ /khams sna tshogs mkhyen pa'i ye shes kyis ni rgyu las 'byung ba'i sa bon tsam thugs su chud do/ /khams
 sna tshogs mkhyen pa'i ye shes kyis ni sa bon de nyid rnam par phye nas rnam pa du mar mkhyen to/ /khams de phye na mdor rnam pa bzhi ste/ rang bzhin la gnas pa'i sa bon dang/ goms pa las byung ba'i sa bon dang/ dag par
 'gyur ba'i sa bon dang/ dag par mi 'byung ba'i sa bon no/ /de la rang bzhin la gnas pa'i sa bon ni/ 'khor ba thog ma med pa nas theg pa gsum gyi rigs rang bzhin gyis yod pa'o/ /goms pa las byung ba'i sa bon ni dge ba'i rtsa ba la goms par
 byas pa las/ rigs su smin pa'i sa bon rtas par bsags pa'o/ /rnam par dag par 'gyur ba'i sa bon ni yongs su mya ngan las 'das par 'gyur ba'i chos rnams so/ /rnam par dag par ma 'gyur ba'i sa bon ni yongs su mya ngan las
 mi 'da' ba rnams so/ /de la khams sna tshogs mkhyen pa'i stobs kyis ni sa bon dang rjes su mthun pa'i lam la 'dzud pas mkhyen to/ /thams cad du 'gro ba'i lam mkhyen pa'i stobs kyis ni lam 'di kun nas nyon mongs pa
 can 'di ni rnam par byang ba dang ldan ba 'di ni shin tu byang bar 'gyur ba/ 'di ni thang cig rnam par byang bar 'gyur ba'o zhes ji snyed du lam gyi rnam par dbye ba yod pa thams cad ma lus par mkhyen to/ /de la kun tu 'gro ba'i lam mkhyen
 pa'i stobs kyis ni sngon gyi mdza' dang sngon gyi mdza' i lam rgyud lnga'i rgyu dang bcas pa mkhyen la/ sngon gyi gnas rjes su dran pa'i stobs kyis ni/ sngon gyi mdza' yang tha snyed pa brgyad dang/ 'brel ba'i spyod pa rnam pa drug rab tu phye
 nas de la sngon gyi gnas rjes su dran pa'i stobs kyis ni sngon gyi mdza' las brtsams nas sems can rnams kyi 'chi 'pho mkhyen la/ 'chi ba bo shes pa'i stobs kyis ni/ sems can rnams kyi phyi ma'i mdza' ji ltar skye
 ba dang/ 'chi ba mkhyen to/ /de la 'chi 'pho mkhyen pa'i stobs kyis ni rang gi don mthar thug par ma byas pa rnams ma 'ongs pa na yang skye ba'i mtshams sbyor ro zhes mkhyen to/ /zag pa zad pa mkhyen pa'i stobs kyis ni/
 gang rang gi bya ba mthar thug cing/ sems rnam par grol ba rnams mthong ba'i chos nyid la mya ngan las 'das pa thob par mkhyen to/ /de ltar ni stobs bcu po de dag phan tshun khyad med pa dang khyad yod par
 rig par bya'o// //stobs bcu pa bstan pa'i 'og tu mi 'jigs pa bzhi bstan pas ji ltar bstan pa bzhin du bshad par bzhed nas/ de bzhin gshegs pa'i mi 'jigs pa bzhi gang zhe na
 zhes bya ba la sogs pa gsungs so/ /de la mi 'jigs pa zhes bya ba ni bag tsha ba med pa dang/ spa gong ba med pa ste/ de yang nyan thos dang thun mong du ma gyur ba'i shes bya'i sgrib pa las rnam par grol ba dang/ rnam pa thams cad du
 chos thams cad mngon par sangs rgyas par 'khor gyi nang du dam bca' ba dang/ nyan thos dang thun mong du gyur pa nyon mongs pa'i sgrib pa las rnam par grol ba 'khor gyi nang du dam bca' ba/ rnam par grol bar 'dod pa'i sems
 can rnams sdug bsngal las 'da' bar bya ba'i phyir/ 'byung ba'i lam bstan par dam bcas pa dang/ lam de nyid 'thob pa'i bgegs su gyur pa rnams spang bar bya'o/ /zhes rnam pa bzhi dam bcas ba la dam pa dang dam
 par ma gyur ba'i lha dang/ mi la sogs pas brgal kyang tshungs par 'gyur ba'i skabs dang mtshan ma mthong nas bag tsha ba med par gnas la ni de bzhin gshegs pa'i mi 'jigs pa bzhi zhes bya'o/ /de la bcom ldan 'das
 yang dag par mngon par rdzogs pas sangs rgyas so zhes bya ba nas/ 'jig rten du dge sbyong dang bram ze chos mthun pa sus kyang ma bskor ba'i tshangs pa'i 'khor lo bskor bar zhes bya ba yan chad kyis nyan thos dang/ thun mong du
 ma gyur pa'i shes bya'i sgrib pa las rnam par grol ba dang/ rnam pa thams cad du chos mngon par sangs rgyas par dam bcas pa la mi 'jigs pa bstan te/ 'di ni mi 'jigs pa dang po'o/ /gang yang de bzhin gshegs pas
 bar chad kyi chos su gsungs pa zhes bya ba nas/ ci ltar 'gyur zhes pa 'di la de gang gis zhes snga ma bzhin pa dang zhes bya ba yan chad kyis lam de nyid 'thob pa'i bgegs su 'gyur ba spang bar dam bcas pa ste/ 'di ni mi 'jigs pa
 gnyis pa'o/ /gang yang des 'phags pa 'byung bar 'gyur bar zhes bya ba nas/ snga ma bzhin zhes bya ba yan chad kyis rnam par thar pa 'dod pa'i sems can rnams sdug bsngal las yang dag par 'da' bar bya ba'i phyir/ lam
 bstan par dam bcas par bstan pa ste/ /'di ni 'jigs pa gsum pa'o/ /zag pa zad pa'o zhes bya ba nas tshangs pa'i 'khor lo bskor ba 'di ni zhes bya ba yan chad kyis nyan thos dang thun mong du gyur pa nyon mongs pa'i
 sgrib pa las rnam par grol bar dam bcas pa ste/ 'di ni mi 'jigs pa bzhi pa'o/ /'di bcom ldan 'das yang dag par mngon par sangs rgyas so zhes bdag rab tu shes te/ zhes bya ba ni shes bya'i sgrib pa thams cad
 spangs bas phung po dang khams dang skye mched la sogs pa'i chos kyi rnam pa rnams ye shes kyis mngon sum du mdzad par rang nyid kyis thugs su chud pa ni yang dag par mngon par sangs rgyas so zhes bdag rab tu shes pa
 zhes bya'o/ /khyod kyis chos 'di mngon par sangs rgyas so zhes 'di la de lha dang bcas pa'i 'jig rten dang bdud du bcas pa'i dang zhes bya ba la sogs pa la/ chos mngon bar rdzogs par sangs rgyas pa de sangs rgyas so
 zhes dam pa dang dam pa ma yin pa'i lha dang mi rnams kyis brgal kyang/ sangs rgyas pa'i mtshan ma mthong zhing tshugs par mi 'gyur ba mthong nas/ 'jigs pa thams cad dang bral te/ rtogs pa
 med par 'khor gyi nang du seng ge'i sgra sgrogs zhes bya bar sbyar ro/ /de la lha dang bcas pa'i 'jig rten zhes bya ba ni/ dam pa dang dam pa ma yin pa'i lha dang mi spyi la bya bar ston to/ /lha dam pa ni 'dod pa'i khams kyi lha'i
 dbang phyug bdud dang/ rnal 'byor gyi dbang phyug tshangs pa'o/ /mi dam pa ni dge sbyong dang bram ze rnams te/ de dag shes pa dang ldan la rgyal pos kyang mchod par bya ba'i gnas yin pa'i phyir ro/ /lha dang mi dam pa ma yin
 pa ni de las gzhan pa'i lha dang mi la sogs pa ste/ de dag gis mngon par rdzogs par sangs ma rgyas par brtsad cing brgal kyang chos rnams mdza' mthong ba'i mtshan ma yod par ma gzigs la gtan tshigs kyis tshugs
 par ma gzigs pas na/ rtsod par byed pa'i mtshan ma mthong ste zhes bya'o/ /mtshan ma ma mthong bas zhes bya bas ni/ gtan tshigs kyis chugs pa'i rgyu ma mthong bas zhes bya ba'i don to/ /lus kyi spu ldang ba dang
 tshig 'dar ba mi mnga' ba brnyes pas/ de bzhin gshegs pa bde ba rnyed pa zhes bya'o/ /sems sba ba gang ba med pa rnyed pas/ 'jigs pa med pa rnyed pa la gnas te zhes bya'o/ /mya ngan las 'das pa ni gnas bla na med pa yin la
 de yang 'phags pa'i lam bsgoms pas 'thob cing de thob nas kyang 'tshe ba dang 'jigs pa thams cad dang bral ba yin pas/ mya ngan las 'das pa ni khyu mchog gi gnas te/ mya ngan las 'das pa de mngon sum du mdzod pas na/ khyu mchog
 gnas rab tu mkhyen pa zhes bya'o/ /ston pa bla na med par dam bcas pa phun sum tshogs par bdag nyid khas len cing bstan pa na/ de las gzhan ba'i ston pa rnams tshar gcod ba dang/ las kyi rgol ba thams cad skrag par mdzad cing 'khor gyi
 sba bkod ba med par gsung rgya chen po sgrogs pa'i phyir/ 'khor gyi nang du gshegs na yang dag pa'i seng ge'i sgra sgrogs pa zhes bya'o/ /ji ltar nyid kyis mya ngan las 'das pa'i gnas mngon sum du mdzad pa de nyid thugs brtse bas/ gzhan 'thob par bya ba'i phyir
 'chad pas na/ 'jig rten du dge sbyong ngam bram ze chos mthun pa sus kyang ma bskor ba'i 'khor lo bskor ba zhes bya'o/ /mdor tshig de dag gis don rnam pa gnyis bstan te/ bdag gi don phun sum tshogs par rnyes pa dang/ gzhan gyi don dang
 phun sum tshogs par mdzad pa'o/ /de la khyu mchog gi gnas rab tu mkhyen pa zhes bya bas bdag gi don phun sum tshogs pa brnyes pa bstan to/ /'khor gyi nang du gshegs na yang dag pa'i seng ge'i sgra sgrogs pa dang/ tshangs pa'i 'khor
 lo bskor ba zhes bya bas gzhan gyi don phun sum tshogs par mdzad pa bstan to/ /yang na nyon mongs pa'i nad thams cad zhi ba'i phyir/ khyu mchog gi gnas thams cad rab tu mkhyen pa zhes bya'o/ /sman pa ngan pa nad pa nyon mongs pa'i nad
 kyi sman mi shes par yang dag pa'i sman yin par khas len bar tshar gcod cing rang nyid yang dag pa'i sman par khas len pas na yang dag pa'i seng ge'i sgra sgrogs pa zhes bya'o/ /nyon mongs pa'i nad zhi bar bya ba'i thabs ston pa'i phyir tshangs pas
 'khor lo bskor ba zhes bya'o/ /gang de bzhin gshegs pas bar chad kyi chos su gsungs pa zhes bya ba gang 'phags pa'i lam bsgom pa la bar du gcod par byed pa'i chos de 'dod pa lnga'i yon tan la brten pa la sogs pa'o/ /bar chad
 kyi chos su mi 'gyur zhes bya ba ni 'dod pa lnga'i yon tan la brten kyang/ rnam par grol ba'i bgegs su mi 'gyur bar smra ba'o/ /'di la gang gis rgyas pa dang zhes bya ba ni chos de dag bar du gcod pa yin par
 bshad pa las bar chad du mi 'gyur ro zhes 'di la lha dang bcas pa'i 'jig rten zhes bya ba nas/ tshangs pa'i 'khor lo bskor ba zhes bya ba yan chad rgyas par sbyar ba'o/ /gang yang des 'phags pa 'byung bar 'gyur ba'i lam du
 gsungs pa dang/ zhes bya ba la des ni de bzhin gshegs pas so/ /'phags pa 'byung bar 'gyur ba'i las ni/ lam gang la brten nas 'phags pa rnams rnam par grol ba'i lam thob cing 'khor ba'i sdug bsngal
 las 'byung bar 'gyur ba'i lam ste/ 'phags pa'i lam gyi yan lag brgyad pa la sogs pa'o/ /lam du gsungs pa ni mya ngan las 'das pa 'thob pa'i rgyur gsungs pa'o/ /rten kyang 'byung bar mi 'gyur ba zhes bya ba ni lam
 de la bsgoms kyang khams gsum nas 'byung bar mi 'gyur la/ skye rga la sogs pa'i sdug bsngal med par lta gal 'gyur zhes bya ba'i don te/ 'di ltar lha dang bcas pa'i 'jig rten zhes bya ba la sogs pa ni snga ma bzhin
 du sbyar ro/ /zag pa zad pa'o zhes bdag nyid rab tu shes te zhes bya ba la/ zag pa ni mthong ba dang/ sgom pas spang bar bya ba'i nyon mongs pa'i tshigs te de dag ma lus par spangs pa bdag nyid kyis mngon sum du
 byas par mkhyen pa'o/ /bshad pa gzhan ni snga ma bzhin du don blta'o/ /de la mi 'jigs pa bzhi po 'di dag mdor bsdus nas bdag dang gzhan gyi don gyi dbang du mdzad nas/ de phun sum tshogs par ? par
 blta ste/ de la bdag gi don la yang rnam pa gnyis so/ /rnam pa gnyis ni ye shes kyi khyad par dang spangs pa'i khyad par ro/ /gzhan gyi don yang rnam pa gnyis te mi mthun pa'i phyogs spang ba dang/ gnyen po la brten pa'o/ /de la
 rnam pa thams cad du chos rnams yang dag par sangs rgyas zhes bya bas shes kyang thams cad thugs su chud pa'i ye shes kyi khyad par dang ldan par ston to/ /zag pa zad pa'o zhes bdag nyid rab tu shes te zhes bya bas spangs pa'i
 khyad par dang ldan par ston te/ /bar chad kyis chos gsungs ba zhes bya bas mi mthun pa'i phyogs spangs pa bstan to/ /'byung bar 'gyur ba'i lam du gsungs pa zhes bya bas gnyen po la brten pa bstan to// //mi 'jigs
 pa bzhi bstan pa'i 'og tu/ so so yang dag par rig pa bzhi bstan te/ de'i phyir gsungs pa/ de bzhin gshegs pa'i so so yang dag par rig pa bzhi gang zhe na zhes bya ba la sogs pa gsungs so/ /de la chos rnams kyi stong pa nyid dang
 mtshan ma med pa dang/ smon pa med par mkhyen pa ni/ don so so yang dag par rig pa'i/ /yang na sdug bsngal ba dang/ mi rtag pa dang stong pa dang bdag med par mkhyen pa ni don so so yang dag par rig pa shes pa
 zhes bya'o/ /chos rnams kyi rab tu dbye ba mkhyen pa ni/ chos so so yang dag par rig pa ste/ de yang dge ba dang mi dge ba dang/ kha na ma tho ba dang bcas pa dang/ kha na ma tho ba med pa dang/ 'dus byas
 bar 'dus ma byas pa dang/ zag pa dang bcas pa dang/ zag pa med pa dang/ 'jig rten pa dang/ 'jig rten las 'das pa dang/ bzang po dang/ ngan pa dang/ kun nas nyon mongs pa dang/ rnam par byang ba dang/ gzugs
 can dang/ gzugs med pa zhes bya ba la sogs pa chos rnams kyi rab tu dbye ba tshad med pa rnams mkhyen pa ni/ chos so so yang dag par rig pa'o/ /sems can gyi spyod pa brgyad bri bzhi stong dang/ de'i gnyen po chos kyi phung po brgyad
 khri bzhi stong rnams mkhyen pa ni chos so so yang dag par rig pa'o/ /lha dang klu dang/ gnod sbyin dang dri za dang lha ma yin dang mi 'am ci la sogs pa ji snyed sems can gyi grangs su gtogs pa'i skad ji snyed pa rnams mkhyen pa dang/ skad dang
 sgra'i gtsug lag tu bya ba ji snyed yod pa mkhyen pa ni/ nges pa'i tshig so so yang dag par rig pa mkhyen pa'o/ /gsung gcig gis 'gro ba mdza' dag la go bar mdzad cing dngos po gcig gis rab tu dbye ba bskal pa'i mthar brjod kyang thug
 pa med par mkhyen pa ni spobs pa so so yang dag par rig pa'o/ /don du na gang bstan par bya ba dang/ gang gis bstan par bya ba rnam pa gnyis mthar thug pa med cing thogs pa med par mkhyen pa ni so so yang dag par rig pa zhes bya'o/ /de la gang bstan
 par bya ba yang rnam pa gnyis te gnas dang gnas pa'o/ /de la gnas ni chos so/ /gnas pa ni don to/ /gang gis bstan par bya ba rnam pa gnyis te/ tshig thogs pa med pa dang/ ye shes thogs pa med pas so/ /de la nges pa'i tshig so so yang
 dag par rig pa ni ye shes thogs pa med pa ste/ de gnyis kyis bstan to zhes bya ba'i don to// //so so yang dag par rig pa bzhi bstan pa'i 'og tu/ sangs rgyas kyi chos ma 'dres pa bco brgyad bstan te ji ltar bstan pa
 bzhin bshad par bzhed nas/ sangs rgyas kyi chos ma 'dres pa bco brgyad gang zhe na zhes bya ba la sogs pa gsungs so/ /chos bco brgyad po de dag de bzhin gshegs pa nyid kyi rgyud la mnga' i/ nyan thos dang rang sangs rgyas la sogs pa
 gzhan la med pas thun mong du ma gyur pa'i phyir/ sangs rgyas kyi chos ma 'dres pa bco brgyad ces bya'o/ /bco brgyad po de dag gi don rnam par bzhag pa ni 'di lta ste/ dgra bcom pa'i dge slong zag pa zad pa bsod snyoms kyi phyir grong
 du 'jug pa na/ bar 'ga' ni grang po gtum po dang lhan cig 'grogs shing 'gro ba dang/ bar 'ga' ni rta dang glang po dang ba lang tum po dang khyi gtum po dang 'grogs shing 'gro ba dang/ bar 'ga' ni tsher ma stug por rkang pa 'dor/ bar 'ga' 
 sbrul gdug pa gnas par rkang pa 'dor ba dang/ 'jug par bya ba ma yin pa'i gnas bud med la sogs pa yod par zhugs nas rigs pa ma yin pa smra bas bsdu bar byed pa dang dgon pa'i gnas su song ba las lam bor nas lam log par
 'gro ba dang/ rkun po 'am seng ge 'am stag gam don la sogs pa dang lhan cig 'gre ba ste/ rnam pa de lta bu dag ni 'phags pa dgra bcom pa'i 'khrul ba zhes bya'o/ /de bzhin gshegs pa la thams cad nas thams cad du de 'dra ba mi mnga' 
 ba'i phyir/ de bzhin gshegs pa la 'khrul pa med pa zhes bya'o/ /gzhan yang 'phags pa dgra bcom pa dgon pa'i gnas kyi lam btsal ba las lam ma mthong ba 'am/ khang pa stong par zhugs nas 'di ci zhig ces sgra 'byin cing skad cher
 'bod la/ dud mo cher 'bebs pa 'am/ bag chags kyi nyes pa'i rgyus gang mo rta gad 'byin pa ni/ 'phags pa dgra bcom pa rnams kyi ca co ste/ rnam pa de lta bu de bzhin gshegs pa la thams cad nas thams cad du mi mnga' ba'i phyir/
 ca co med do zhes bya'o/ /de bzhin gshegs pa la dran pa rmongs pa mi mnga' ste/ byas te ring du lon pa dang/ smras nas ring du lon pa rnams kyang mi bsnyel bas na/ dran pa nyams pa med pa zhes bya'o/ /yang 'phags pa dgra bcom pa ting nge 'dzin
 du zhugs pa ni mnyam par bzhag pa dang/ ting nge 'dzin du ma zhugs pa na ni mnyam par bzhag pa ma yin te/ de bzhin gshegs pa rnams ni rtag du sems mnyam par bzhag pas rnam pa de lta bu thams cad nas thams cad du mi mnga' 
 ba'i phyir/ mnyam par ma bzhag pa'i sems med pa zhes bya'o/ /de bas na mdo dag las gsungs pa glang po spyod na'ang mnyam du 'jog /bzhengs na'ang glang po mnyam 'jog la/ glang po gzims kyang mnyam 'jog ste/ bzhugs par gyur kyang
 mnyam du 'jog /ces gsungs pa'i phyir ro/ /gzhan yang 'phags pa dgra bcom pa gcig pu phung po la yid 'byung ba ni 'du shes skye ba dang/ lhag ma ma lus par spangs pa'i mya ngan las 'das pa la zhi ba'i 'du shes skye ste/ de bzhin gshegs
 pa'i rnams ni phung po dang mya ngan las 'das pa gnyis la tha dad pa'i 'du shes mi mnga' bas na/ sna tshogs kyi 'du shes med pa zhes bya ste/ mchog tu btang snyoms kyi mtshan nyid la gnas pa'i phyir ro/ /gzhan yang 'phags pa dgra bcom pa sems
 can skal pa yod dam/ med par so sor ma brtags par yang sems can gyi don la btang snyoms su 'jog ste/ de bzhin gshegs pa rnams ni skal ba yod dam med ces brtags nas skal ba med pa rnams btang snyoms su 'jog gi ma brtags
 par btang snyoms su 'jog pa rnam pa thams cad mi mnga' bas na/ so sor ma brtags pa'i btang snyoms med pa zhes bya'o/ /gzhan yang 'phags pa dgra bcom pa shes bya'i sgrib pa spang bar bya ba las brtsams nas shes bya'i sgrib pa
 dag pa'i ye shes ma thob par yongs su mnyam pas/ mos pa nyams pa dang/ brtson 'grus nyams pa dang/ dran pa nyams pa dang/ shes rab nyams pa dang/ rnam par grol ba nyams pa dang/ rnam par grol ba'i ye shes nyams te dang drug
 car med la nyams pa rnam pa drug po de de bzhin gshegs pa la nyams pa mi mnga' ste/ shes bya'i sgrib pa spang bar bya ba la mos pa nyams pa nas rnam par grol ba'i ye shes ston pa'i bar du mnyams pas na/ mos pa bri ba med pa nas rnam par grol ba'i
 ye shes ston pa bri ba med pa zhes bya'o/ /gzhan yang 'phags pa dgra bcom pa rnams dus gsum gyi shes par bya ba'i dngos po la 'bad pa tsam gyis khong du chud pa med de gang gi ye shes ni chags pa med pa zhes bya'o/ /thams cad khong du chud pa med pa
 de dag ni phyir de dag gi ye shes ni thogs pa med pa zhes bya'o/ /de de bzhin gshegs pa rnams kyis ni 'bad pa med par dus gsum gyi dngos po khong du chud pas ma chags pa dang/ thams cad khong du chud pas ma thogs pa ste/ de bas na 'das pa'i dus
 la ma chags ma thogs pa'i ye shes mthong ba dang zhes bya ba nas da ltar byung ba'i dus la ma chags ma thogs pa'i ye shes mthong ba zhes bya'o/ /gzhan yang 'phags pa dgra bcom pa lus dang ngag dang yid kyi las 'jug pa la ye shes sngon du gtong ba med
 pas bar 'ga' ni dge ba'i lus kyi lam la 'jug /bar 'ga' ni lung du ma bstan pa la 'jug /de bzhin du ngag gi las dang yid kyi las la yang gong ma ltar 'jug ste/ las 'dren ma la 'jug pa ste/ de bzhin gshegs pa rnams las rnam pa gsum
 char la yang/ ye shes sngon du 'gro zhing ye shes kyi rjes su 'brang bas/ dge ba'i las 'ba' zhig 'byung bar zad kyi lung du mi ston pa'i las la mi 'byung ba nas lus kyi las thams cad kyi sngon du ye shes 'gro ste zhes bya ba nas/ yid kyi las
 thams cad kyi sngon du ye shes 'gro ste/ ye shes kyis rjes su 'brang ba zhes bya'o/ /de la ye shes kyi bskyod pas na/ sngon du ye shes 'gro ba zhes bya'o/ /ye shes dus gcig tu 'byung bas na/ ye shes kyis rjes su 'brangs pa zhes bya'o/ /tha
 'dres pa bco brgyad de dag gi don du lus dang ngag dang yid kyi las rnam par dag pa thun mong ma yin pa phun sum tshogs pa dang/ de bzhin gshegs pa'i dbang po'i rten 'bras bu dang bcas pa ma thob par yongs su nyams pa mi
 mnga' ba phun sum tshogs pa dang/ thun mong ma yin pa'i ye shes la gnas pa phun sum tshogs pa dang/ thun mong ma yin pa'i las la 'jug pa/ phun sum tshogs pa bstan pa yin no/ /de la 'khrul ba med ces bya bas lus kyi las rnam par
 dag pa bstan to/ /ca co med ces bya bas dag gi las rnam par dag pa bstan to/ /dran pa nyams pa med pa dang/ mnyam par ma gzhag pa'i sems med pa dang/ sna tshogs kyi 'du shes med pa dang/ so sor ma brtags pa'i btang snyoms med
 pa bzhis yid kyi las rnam par dag pa bstan to/ /mos pa 'bri ba med pa nas rnam par grol ba'i ye shes ston pa'i bar du bri ba med pa zhes bya ba drug gis de bzhin gshegs pa'i dbang po rten dang 'bras bur bcas pa la ma thob
 par yongs su nyams pa med par bstan to/ /de la dbang po'i rten ni mos pa'o/ /'bras bu ni rnam par grol ba dang/ rnam par grol ba'i ye shes ston pa'o/ /dbang po nyid ni brtson 'grus dang/ dran pa dang
 shes rab ste/ rnam pa gsum mo/ /'das pa'i dus la ma chags ma thogs pa zhes bya ba nas da ltar byung ba'i dus la ma chags ma thogs pa zhes bya ba'i tshig gsum gyis thun mong ma yin pa'i ye shes
 la gnas pa phun sum tshogs pa bstan to/ /lus kyi las thams cad kyi ye shes sngon du 'gro ste zhes bya ba nas yid kyi las thams cad kyi sngon du ye shes 'gro ste/ ye shes kyi rjes su 'brang ba zhes
 bya ba'i tshig gsum gyis thun mgon ma yin pa'i las kun tu spyod pa phun sum tshogs pa bstan to/ /ma 'dres pa bco brgyad bstan pa'i 'og tu/ skyes bu chen po'i mtshan sum cu rtsa gnyis smos pas de bshad
 pa'i phyir/ de la de bzhin gshegs pa'i mtshan sum cu rtsa gnyis gang zhes bya ba la sogs pas gsungs so/ /mtshan de dag dang ldan na 'di ni skyes bu chen po yin no zhes khong du chud par
 'gyur pas na/ skyes bu chen po'i mtshan te de yang sum cu rtsa gnyis yod la/ dpe byad brgyad cu ni de'i 'khor du gtogs pa'o/ /zhabs shin tu brtan zhes bya ba ni
 zhabs gnyis kyi mthil shes gang lam sa'i steng du mnyam du 'dor zhing/ 'khyor ba dang 'bur ba la sogs pa med pa'o/ /zhabs kyi mthil gnyis kyi 'og na 'khor lo'i mtshan gyi zhabs kyi mthil la
 zhes bya ba ni/ zhabs gnyis kyi mthil na 'khor lo rtsibs stong yod pa/ lte ba dang bcas pa rnam pa thams cad yongs su rdzogs pa dang ldan pa'i phyir ro/ /rting pa che zhing zhabs mtho ba zhes bya ba ni
 rting ba yangs shing spom la zhabs kyi gang mtho ba'o/ /zhabs dang phyag dra ba can ni/ zhabs gnyis dang phyag gnyis kyi sor mo'i bar srab mo dra ba dang 'dra bas 'brel ba'o/ /phyag dang zhabs 'jam zhing mnyam pa na phyag dang
 zhabs kyi pags pa 'jam la thag thug can du mkhrad pa yin no/ /sku bdun mtho ba zhes bya ba ni phyag gi thal gong gnyis mtho ba dang zhabs kyi mthil dang gong mtho ba dang dpung mgo gnyis ma'o ba dang/ mgur gyi
 thon kor shas gang ba ste bdun no/ /rje dar ri dags e Ni ya lta bu dang zhes bya ba ni sku brlan pa brtsams te nam chad khad kyi phra bar gnas pa'o/ /mtshan gsang ba nang du nub pa ni mtshan gsang ba
 pags pa'i nang du nub ste mi snang bar gyur pa'o/ /sku ro stod seng ge lta bu ni ro stod 'phel rka che la rked pa phra ba'o/ /sgrog rus kyi bar rgyas pa ni/ sgrog rus kyi bar shes gang ba'o/ /dpung ba brkyang ba rab tu ring ba ni phyag brkyang nas pus
 mo 'das pa'o/ /sku rnam par dag pa ni sku la dri ma mi 'chags pa'o/ /ming ba dung lta bu ni mgul khrom gnyer can du gnas pa'o/ /'gram pa seng ge lta bu ni 'gram pa'i lha nga che ba'o/ /so bzhi bcu mnyam pa ni ya so dang ma so nyi shu nyi shur
 grangs mnyam pa'o/ /so bar ma bye zhing mnyam pa ni tshams thags 'brel cing chems che chung med pa'o/ /lce che ba ni ljags brkyang na zhal khyab par 'gyur ba'o/ /ro bo ba'i mchog ni ljags kyi steng du nas rul ba bab kyang lha'i zhal zas ro
 mchog tu myong bar 'gyur ba'o/ /tshangs pa'i dbyangs ka la bid ka'i sgra skad ni gsung 'jam zhing mnyen po 'dul ba rnams kyi sems can 'phrog par byed pa'o/ /spyan kun sngo ba ni spyan gyi sprin dkar po'i gong na kha dog mthon mthing
 du gnas pa'o/ /spyan ba'i rdzi ma 'dra ba ni spyan gyi rdzi ma lta bu sru mnyam zhing srab la gnag pa'o/ /dbu'i gtsug tor ni dbu'i dbus na sha'i thor tshugs tshangs pa'i 'jig rten nas kyang bltar mi snang ba mnga' o/ /shing n+ya gro d+ha ltar zlum zhing
 mdzes pa'i sku chu zhing gab la yan lag rnams kyang sku'i rkyen du bab la/ che chung med pa mnga' ba'o/ /skyes bu chen po'i mtshan sum cu rtsa gnyis kyi mtshan nyid bstan nas gang dag mtshan thob par mos pas de rgyu sgrub pa la nan tan
 byed par 'dod pa'i 'gro ba rnams kyi don du mtshan gyi rgyu bstan pa'i phyir gsungs pa/ zhabs gnyis rab tu bstan pa de bzhin gshegs pa skyes bu chen po'i mtshan 'di ni sngon yi dam la rab tu brtan pas grub pa'o zhes bya ba la sogs pa gsungs so/ /yang na
 mtshan rnams ni rnam par smin pa'i 'bras bu'i rang bzhin te/ 'bras bu la rgyu med mi srid pas de'i rgyu ston par mdzad do/ /sngon yi dam la rab tu bstan pas grub ces bya ba ni sngon byang chub sems dpa' i spyad pa spyod pa'i tshe dag pa la sogs pa bya bar khas
 blangs pa'i yi dam ma dral cing nan tan du gus par bya ba las zhabs brtan pa grub pa bzhin no/ /sngon sems can pha rol rnams spa ma bkod pas grub po zhes bya ba ni sems can mthu chung shing nyam chung ba rnams la skrag pa dang/ 'jigs pa
 ma byas pas grub pa'o/ /chos kyi srung ba dang skyabs byas zhes bya ba ni/ sngon srog ma bcad pa la sogs pa/ mi dge ba'i las mi byed par srung ba las grub pa'o/ /yang na chos kyi srung ba dang/ skyab pa dang sba ba zhes bya ba ni gang zag chos spyod pa
 rnams la 'jigs pa dang/ mi bde ba'i grogs mnyan pa dang bsam pa dang bsgoms pa la sogs pa'i dus na phan 'dogs par byed pa las grub pa'o/ /de la mnyan pa'i dus na grogs byed pa ni bsrung pa'o/ /bsam pa'i dus na grogs byed
 pa ni bskyab ba'o/ /bsgom pa'i dus na grogs byas pa na spa bar byas pa'o/ /sngon 'khor ma phye bas grub pa zhes bya ba ni gzhan gyi g.yog 'khor kha ma drangs pa las grub pa'o/ /sngon bgo ba sna tshogs byin pas grub po zhes bya ba ni
 chos dang mal stan la sogs pa byin pas grub pa'o/ /sngon sangs rgyas kyi chos kun gzung bas grub po zhes bya ba ni sngar dam pa'i chos rnams mnyan pa de nas bsam/ de nas bsgom pa las grub pa'o/ /sngon gsang thub par bsrungs
 ba dang/ 'khrig pa'i chos spangs pas grub ces bya ba snod ma yin pa la bstan du mi rung ba rnams snod ma yin pa la ma bstan te/ srung ba dang gzhan gyi gsang ba rnams gzhan dag la ma bsgrags par bsrung ba dang/ mi tshangs par
 spyod pa'i chos rnams spangs pa las grub po/ /sngon dge ba'i chos spyad pa las grub pa zhes bya ba ni tshul khrims dang ting nge 'dzin dang shes par spyad pa las grub pa'o/ /pha rol po rnams mi 'jigs par dbugs phyung ba byin pas grub ces
 bya bas ni/ rgyal po dang rkun po la sogs pa'i 'jigs pas nyan pa'i sems rnams 'jigs pa de las bskyabs pa las grub pa'o/ /sngon gzhan gyi bya ba spro bar byed pas grub pa las byed pa po la spro ba bskyed cing grogs byas pa las
 grub pa'o/ /sngon dge ba'i rtsa ba la sbyor ba kun tu rdzogs pas grub po zhes bya ba ni/ dge ba gang brtsams pa rnams mthar phyin par byas pa las grub pa'o/ /sngon sems can dbugs phyung ba sbyar ba las grub ces
 bya ba ni sems can ngan song du skyes pa rnams skyabs pa las grub pa'o/ /sngon lus dang ngag dang yid kyi las bsrung ba las grub ces bya ba ni/ lus dang ngag yid gsum sdig pa mi dge ba'i chos la mi 'jug pa bsrungs pa las
 grub pa'o/ /sngon bsod nams kyi phung po tshad med pa la bdag rten pa zhes bya ba ni sbyin pa dang tshul khrims la sogs pa bsod nams dpag tu med par bsags pa las byung ba'o/ /sngon bsam pas ma bcos par grub pa zhes bya ba ni sems
 la g.yo med par byas pa las grub pa'o/ /chos yang dag par spyod pa na sems las su rung bar grub pa zhes bya ba ni chos rnams kyi rang dang spyi'i mtshan nyid dpyod pa na gnyid dang rmugs pa dang rtogs pa dang dpyod pa bsal te/ sems
 las grub pa'o/ /sngon 'du 'dzi spangs pa las grub pa ni sngon 'gro ba mang po'i nang na gnas pa spangs pa las grub pa'o/ /sngon bsgrags par rigs pa rnams kyi grags pa brjod pa las grub pa ni yon tan bsgrags par 'os pa rnams kyis yon tan
 grags par byas pa las grub pa'o/ /mthu bo che kun tu mdzes pa zhes bya ba la mthu bo che ni stobs kyi tshad de/ de'i stobs kyi tshad ni ji tsam zhe na tha mal pa'i ba lang bcu'i stobs spos kyi glang po cig la yod do/ /spos kyi glang po bcu'i stobs ma he na ga
 na gcig la yod do/ /de bcu'i stobs pra ka na ta gcig la yod do/ /bra kan da bcu'i stobs pa rang ga gcig la yod do/ /pa rang ga bcu'i stobs/ ca nu ra ga gcig la yod do/ /tsa nu ra ga bcu'i stobs/ mthu'o cig la yod/ bcom ldan 'das kyi sku'i
 tshigs re re la yang mthu bo che'i stobs yod pas na/ mthu bo che kun tu mdzes pa zhes bya'o/ /de bas na lhas byin gyis bsad pa'i glang po che/ bcom ldan 'das kyi zhabs kyi mthe bos rab bdun bsgral te/ btang ba'i phyir mthu bo
 che dang 'dra ba zhes bya'o// //mtshan gyi 'og tu dpe byad brgyad cu bstan pas de bshad par bzhed nas dpe byad bzang po brgyad cu gang zhe na/ zhes bya ba la sogs
 pa gsungs so/ /sen mo yid dmar ba ni zangs kyi mdog lta bu'o/ /sen mo snum pa ni phyi rol 'tsher ba'o/ /sen mo mtho ba ni sen mo'i dbus thog thag mthon por gnas pa'o/ /sen mo zlum pa ni leb leb po ma yin pa'o/ /sen mo rgyas
 pa ni bar sang seng med pa'o/ /sen mo bags kyi phra ba ni lhun gyi mgo phra mo'o/ /long bu nub pa ni long bu'i sha nang du nub pa'o/ /zhabs mnyam pa ni zhabs gnyis che chung du ma gyur pa'o/ /seng ge'i stabs ni 'jigs pa dang bag tsha ba med par
 gshegs pa'o/ /khru mchog gi stabs ni sa chen po gnon pa lta bur gshegs pa'o/ /glang po'i stabs ni brjid par gshegs pa'o/ /dang pa'i stabs ni gom pa g.yas g.yon 'dor ba'i bar rtag tu mnyam
 pa'o/ /g.yas kyis gshegs pa ni zhabs g.yas sngar 'dor ba'o/ /bzang por gshegs pa ni stabs mdzes pa'o/ /mi 'khyor bar gshegs pa ni sku 'khyor ba med par zhabs 'dor ba'o/ /sku zlum pa mdzes pa dang ldan pa'o/ /sku 'tshor ba ni  
 sku'i pags pa bzhin gyi gzugs brnyan snang ba'o/ /sku rims su phebs pa ni gang du che ba'i gnas su che la/ chung ba'i gnas su chung ba'o/ /chu zheng gab pa ni chu zheng du ldan pa'o/ /dpe byad kun mdzes pa ni mtshan dang dpe byed du bya ba rnams dum
 bu dang ma tshang pa med pa mnga' ba'o/ /mnyam par gshegs pa ni mdun du sgur ba dang rgyab du dgye ba med pa'o/ /sku gtsang ba ni mi gtsang ba la sogs pa mi 'byung ba'o/ /sku rnam par dag pa ni dri ma mi mnga' ba'o/ /sku ma zhum pa ni zhum por mi gnas
 pa'o/ /bdun mtho ba ni gzhan las 'phags pa'am nu mjid ba la sogs pa mtho ba'o/ /yan lag dang nying lag rab tu rnam par phye ba ni phyag dang zhabs so sor ma 'dres shing 'brel pa med par mdzes par gnas pa'o/ /rab rib med cing dag par
 snang ba ni/ spyan gyi ling thog la sogs pa dang bral zhing gsal bar gzigs pa'o/ /lto zlum pa ni phyal phyang nge ba ma yin no/ /lto 'jam pa ni pags pa 'jam pa'o/ /lto ma zhom pa ni gong du sbom la bar na phra ba yin pa'o/ /lte ma bri ba ni khong du
 ma song ba'o/ /lte ba zab pa ni sku'i nang du nub pa'o/ /kun tu mdzes pa ni 'od 'dom gang gis kun nas bskor te mdzes par byas pa'o/ /sprod pa gtsang ba ni phyag g.yas pa mi gtsang ba'i nang du nam du yang mi rig pa'o/ /phyag gi ri mo zab p
 pa ni ri mo nang du song ba'o/ /phyag gi ri mo ring ba ni rgyun ma chad pa'o/ /zhal rab tu mi ring ba ni zhal ma chu rings su mi 'dug pa'o/ /gzugs dang gzugs brnyan snang ba dang/ zhal gyi ya mchu ma mchu che chung du ma gyur pa 'am/ sku la
 gzugs brnyan du snang ba'o/ /ba lang dang sprin ltar sgrogs pa'i dbyangs ni dbyangs ring du 'dug pa'o/ /mche ba mnyam pa ni mche ba bzhi che chung med pa'o/ /mche ba bags kyis phra ba ni rtse phra'o/ /sna gcad pa ni snabs mi 'dzag
 pa'o/ /spyan spangs pa ni zheng du yang che ba'o/ /spyan ring ba ni dkyus su yang ring ba'o/ /ud pa la'i 'dab ma rangs pa lta bu ni bags kyis sngo la thog thag tu ring por gnas pa'o/ /ring la stug pa ni srab mo ma yin pa'o/ /smin ma ring ba ni smin ma'i
 par ma chad par dkyus ring ba'o/ /smin ma'i spu mnyam pa ni spu ring thung med pa'o/ /rna ba gang zhing ring ba ni snyan rkang rkong ma yin na snyan che ba'o/ /rna ba mnyam pa ni snyan g.yas g.yon gnyis la che chung med pa'o/ /rna ba'i dbang po ma nyams
 pa ni rkyen gang gis kyang 'on bar bya bar mi nus pa'o/ /phral rgyas pa ni rkang rkong med cing shes rgyas pa'o/ /yan lag gi dam pa kun tu rgyas pa ni sku thams cad kyang mdzes pa'o/ /skra ma 'dzings pa ni phan tshun 'dres
 nas long long por ma gyur pa'o/ /don rnam par gdon mi za pa gong du bshad pa ma lus par bstan zin te zhes dgongs nas dge slong rnams la zhes bya ba nas ngas bstan zin to zhes bya ba'i bar du gsungs so/ /ji ltar bstan pa'i chos la yang
 tshig tsam du gzung ba ma yin gyi/ nan tan gyis bsgrub dgos so zhes bka' stsal pa/ dge slong dag dgon pa'i gnas dang zhes bya ba nas/ nga'i bstan pa'i zhes bya ba'i bar du gsungs so/ /dge slong dag bag yod par byos la
 zhes bya ba ni mi dge ba'i chos la 'jug par ma byed cig ces bya ba'i don te/ /da ltar zhugs par gyur na 'chi kar yang sems la gdung ba dang/ phyis kyang gnod par gyur te re zhes dgongs nas bka' stsal pa/ /khyad? par
 ma gyur cig ces so/ /'di ni nga'i bstan pa'o zhes bya ba la de bzhin gshegs pa'i cho 'phrul gsum ste/ kun rjod pa'i cho 'phrul dang/ rjes su bstan pa'i cho 'phrul dang/ rdzu 'phrul gyi cho 'phrul lo/ /de la kun rjod pa'i cho 'phrul
 ni 'di ltar sgoms shig pa'o/ /rjes su bstan pa'i cho 'phrul ni khyod kyis bsam pa da ltar 'di dang 'di'i sems zhes bshad pa'o/ /rdzu 'phrul gyi cho 'phrul ni nam mkha' la 'phur ba la sogs pa ston te/ 'dir ni bstan pa cho
 'phrul bshad pa'i phyir 'di ni nga'i bstan pa'o zhes gsungs te/ cho 'phrul de ni cho 'phrul gnyis las dam par gyur phyir ro/ /mdo sde bshad pa'i phyir/ chos kyi rnam grangs 'di bshad pa na/ dge slong
 lnga brgya len pa med cing zag pa las sems rnam par grol lo zhes gsungs so/ mdo sde thos pa'i phung po gcig tu 'tshams sbyar ba spangs pa dang/ /mthong ba dang/ bsgom pas spang ba
 nyon mongs pa dang bral ba'i 'bras bu'o/ /de la tshe gcig nas gcig tu sbyor ba spangs pas na len pa med pa zhes bya'o/ /mthong ba dang bsgom pas spang bar bya ba'i nyon mongs pa dang bral bas na sems rnam par
 grol ba zhes bya'o/ /don rnam par gdon mi za ba'i TI ka rdzogs so/ /lhag mthong bskyed pa'i thabs bzhugs so/ /dngos 'dzin rnam rtog tshang tshing lta bu shes rab mtshon gyis